J311

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J311</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J311&coll=lithang">see text in Tibetan script</a></table>79.295a<br><font size=+1>

//'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u bcu gnyis pa ste/ byang chub sems dpa'i sde snod bstan pa/ bam po dang po/ rgya gar skad du/ Ar+ya bo d+hi sa twa pi Ta ka nA ma ma hA yA na sU tra/ bod skad du/ 'phags pa byang chub sems dpa'i sde snod ces bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na dbyar gnas su gnas nas zla ba gsum 'das te dgag dbye mdzad nas/ chos gos mdzad de/ chos gos zin nas dge slong stong nyis brgya lnga bcu'i dge slong gi dge 'dun chen po dang thabs gcig tu ljongs rgyu zhing gshegs te/ bcom ldan 'das la dge slong dang / dge slong ma dang / dge bsnyen dang / dge bsnyen ma dang / rgyal po dang / blon po dang / mu stegs can sna tshogs dang / dge sbyong dang / bram ze dang / khyim bdag rnams dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyis bla mar byas/ bkur stir byas/ ri mor byas/ mchod par byas so/ /bcom ldan 'das kyis chos gos dang / zhal zas dang / mal stan dang / na ba'i gsos sman dang / yo byad bzang po</font><hr>79.295b<br><font size=+1>

mang po yang brnyes so/ /'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das yin te/ des lhar bcas pa dang / bdud du bcas pa dang / tshangs par bcas pa dang / dge sbyong dang / bram zer bcas pa'i skye dgu'i 'jig rten 'di dang / lha dang mi dang lha ma yin du bcas pa'i 'jig rten rnams zil gyis mnan te/ rang gi mngon par shes pas mngon du byas nas bsgrubs te/ bzhugs shing de chos ston pa ni tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba rab tu ston to zhes bcom ldan 'das kyi dge bar grags pa'i sgra tshigs su bcad pa rgya chen po yang mngon par byung ngo / /de nas bcom ldan 'das yul ma ga d+hA'i ljongs rgyu zhing mthar kyis rgyal po'i khab kyi grong khyer chen po gang na yod pa der gshegs te byon nas rgyal po'i khab kyi grong khyer chen po'i bya rgod phung po'i ri la bzhugs so/ /de'i tshe rgyal po'i khab kyi grong khyer chen po na khyim bdag tshong dpon bzang skyong zhes bya ba/ sngon dge ba'i rtsa ba bskyed pa/ sngon gyi sangs rgyas la bya ba byas pa/ phyug cing nor mang ba/ longs spyod che ba/ bdag dbang ba mang ba/ nor dang / yo byad mang ba/ gser dngul mang ba/ nor dang 'brus yongs su gang ba'i mdzod dang / bang ba mang ba/ nor bu dang / mu tig dang / bai dUr+ya dang / dung dang / man shel dang / byi ru mang ba/ glang po che dang / rta dang / ba lang dang / lug mang ba/ bran pho dang / bran mo dang / las byed pa dang / zho shas 'tsho ba mang pa zhig gnas te/ </font><hr>79.296a<br><font size=+1>

dge sbyong gau ta ma shAkya'i rigs las mngon par byung nas/ /dge slong stong nyis brgya lnga bcu'i dge slong gi dge 'dun chen po dang thabs gcig tu yul ma ga d+hA'i ljongs rgyu zhing gshegs te/ rgyal po'i khab kyi grong khyer chen por byon nas de rgyal po'i khab kyi grong khyer chen po na bya rgod phung po'i ri la bzhugs te/ 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das yin te/ de chos ston pa ni tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshigs 'bru bzang po/ ma 'dres pa yongs su rdzogs pa/ yongs su dag pa/ yongs su byang ba rab tu ston to zhes dge sbyong gau ta ma de'i dge bar grags pa'i sgra tshigs su bcad pa rgya chen po de lta bu yang mngon par byung ba khyim bdag bzang skyong gis thos nas de 'di snyam du sems te/ de bzhin gshegs pa dgra bcom pa yang dag par rdzogs pa'i sangs rgyas de lta bu dag mthong na legs par 'gyur gyis bdag dge sbyong gau ta ma de blta ba'i phyir 'gro'o snyam mo/ /de nas khyim bdag tshong dpon bzang skyong khyim bdag lnga brgya tsam dang lhan cig tu bcom ldan 'das la blta ba'i phyir rgyal po'i khab kyi grong khyer chen po nas byung ngo / /bcom ldan 'das kyang snga dro'i dus kyi tshe/ sham thabs mnabs/ chos gos dang / lhung bzed bsnams nas dge slong gi dge 'dun gyis bskor cing dge slong gi dge 'dun gyis mdun du bdar te/ spyod lam mdzes pa dang / mngon du gshegs pa dang / phyir ldog pa mdzes pa dang / gzigs pas rnam par gzigs pa mdzes pa dang / snyad ba dang / bskum pa mdzes</font><hr>79.296b<br><font size=+1>

pa dang / chos gos snam sbyar dang / na bza' dang / lhung bzed bsnams pa mdzes pa dang / kun nas mdzes pa bsod snyoms kyi phyir rgyal po'i khab kyi grong khyer chen por gshegs so khyim bdag tshong dpon bzang skyong dang / khyim bdag lnga brgya tsam po de dag gis bcom ldan 'das mdzes shing dga' bar 'gyur ba/ dbang po zhi ba/ yid zhi ba/ dul ba dang / zhi gnas dam pa brnyes pa/ glang po ltar dbang po thul ba/ mtsho ltar dang zhing gsal pa/ rnyog pa med pa/ lha du mas mchod pa/ gnod spyin du mas mchod pa/ mi du mas mchod pa/ gser gyi kha dog gi sku skyes bu chen po'i mtshan sum bcu rtsa gnyis dang ldan pa/ dpe byad bzang po brgyad bcus brgyan ba/ me tog gi char rab tu 'bebs shing / me tog gi chu bo chen po rab tu 'bebs bzhin du rin po che sna bdun gyi pad ma 'dab ma bye ba brgya phrag stong yod pa la zhabs 'dor zhing gshegs pa rgyang ring po nas mthong ste/ spyod lam brgya stong mang pos gshegs pa rgyang ring po nas mthong nas bcom ldan 'das la sems dad par gyur to/ /de dag sems dad par gyur nas/ bcom ldan 'das ga la der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das kyi spyan sngar phyogs gcig tu 'khod do/ /phyogs gcig tu 'khod nas bcom ldan 'das la khyim bdag bzang skyong dang / khyim bdag lnga brgya tsam po de dag gis 'di skad ces gsol to/ /bcom ldan 'das gau ta ma dpal gyis 'khor 'di zil gyis gnon par mdzad do/ /bcom ldan 'das gau ta ma gzi brjid kyis 'khor 'di zil gyis gnon par mdzad do/ /bcom ldan 'das gau ta ma 'od kyis 'khor 'di zil gyis gnon par mdzad do/ /bcom ldan 'das gau ta ma gzugs kyis 'khor 'di zil gyis mnon par mdzad do/ /</font><hr>79.297a<br><font size=+1>

bcom ldan 'das gau ta ma ni sku'i kha dog gser lta bu'o/ /bcom ldan 'das gau ta ma ni sku lus can bde ba myong bar mdzad pa'o/ /bcom ldan 'das gau ta ma ni dngos po thams cad kyis mi mnyam pa dang mnyam pa'o/ /bcom ldan 'das gau ta ma ni 'jig rten thams cad kyis ngo mtshar rmad tu byung ba'i chos dang ldan pa lags na/ bcom ldan 'das gau ta ma bdag 'di snyam du sems te/ bcom ldan 'das gau ta ma ci zhig gzigs na khab nas khab ma mchis par rab tu byung snyam sems so/ /de nas bcom ldan 'das la khyim bdag tshong dpon bzang skyong gis tshigs su bcad pa dag gis mngon par bstod do/ /rgyal po'i dpal dang grags dang gzugs dag ni/ /sngon chad bdag gis ji skad thos pa bas/ /de bas lhag par gser gyi gzugs bzhin du/ /mdzes dang ldan par lham med rab tu gda'/ /gzugs ni shin du mdzes shing blta na sdug /sku yi kha dog gser gyi mdog 'dra bas/ /skar mang dag gi dbus na zla ba ltar/ /dge slong mang po'i dbus na mdzes par mdzad/ /mi mchog gi ni spyi bo bltar mi gda'/ /ri rab bzhin du mngon par 'phags par gda'/ /gtsug gi spyi bo lha yi gdugs bzhin du/ /kun nas byin gyis gzhol bar gyur pa lags/ /dbu yi skra ni 'jam zhing rab mnyen la/ /an da rnyil dang stang zil kha dog 'dra/ /g.yas su 'khyil la shin du 'jam pa ste/ /rma bya'i mgrin pa ji bzhin nyid tu gda'/ /smra ba mchog gi dpral ba shin du mnyam/ /khyod kyi smin tshugs 'ja' khugs lta bu ste/ /'od gsal ba ni skar ma'i rgyal po ltar/ /rdul bral sman</font><hr>79.297b<br><font size=+1>

mtshams spu ni shin du mdzes/ /spyan bzang khyod kyi spyan ni dgar 'gyur ba/ /'gro ba rnams la mdzes shig mthong na dga'/ /bdag ni lta bas ngoms par mi 'gyur te/ /mgon po rnam dag spyan la bdag phyag 'tshal/ /skyes bu dam pa'i shangs ni byin gyis mnyam/ /ji ltar gser gyi ri ltar rab tu gda'/ /khyod kyi sgros ni bim pa byi ru bzhin/ /dag cing rnam dag nor bu rin chen 'dra/ /dul la dgyes pa'i tshems ni mdzes pa ste/ /snang bar byed pa rab tu dkar ba'i tshems/ /pad ma'i rtsa ba ba zho chu skyar 'dra/ /sra zhing dam la thags bzangs shin du dag /tshems dang tshems kyi bar ni shin du 'byor/ /rgyal ba'i mche ba mdzes shing rdul mi mnga'/ /ngang pa'i khyu na ngang pa'i rgyal po ni/ /rnam dag dkar zhing rab tu dkar ba bzhin/ /bde bar gshegs pa'i ljags kyis zhal khebs te/ /srab la dmar po rnam dag zangs kyi mdog / nyi ma 'char tshe nor bu dag mdog bzhin/ /srab la ring zhing skyon med shin du yangs/ /gau ta ma'i snyan ni rab tu legs/ /seng ge'i 'gram pa seng ge'i 'jigs med bzhin/ /tshangs bcas 'jig rten lha dang mi la yang / /bdag gis gang yang ma thos ma mthong ngo / /bde gshegs mthu yis mgur na mthong ba ni/ /mgur gyi ming pa gtsang la 'od gsal te/ /drang po dbus su 'gro ba yon po bsal/ /ro yi ro mchog mi dang lha yi lha/ /dpung mgo rab tu zlum zhing thal gong rgyas/ /bdun po mtho ba 'jig rten kun du grags/ /mgon po mi dbang snying po dpal gyis kyang / /ri yi rtse la nyi ma 'char ba bzhin/ /mtho ba gnyis ni zhabs kyi mthil nas skyes/ /phyag las gnyis skyes thal gong gnyis skyes te/ /mtho ba gcig ni ltag pa nyid na gcig /dge zhing dag ste 'od gsal rab tu rgyas/ /bcom ldan gau ta ma yi phyag ring ba/ /ji ltar glang po rgyal po'i sna bzhin te/ /phyag gnyis po ni 'dud</font><hr>79.298a<br><font size=+1>

pa ma bgyis par/ /pus mo gnyis su phyag gis rab tu reg /sku yi ro stod seng ge bzhin du 'phags/ /sku ni sred med bu ltar rab tu brtan/ /n+ya gro d+ha bzhin chu zheng gab pa'i sku/ /bzod pa'i stobs dang ldan pa stobs po che/ /sku yi spu rnams g.yas 'khyil gyen du phyogs/ /re rer skyes shing shin du 'jam pa ste/ /ji ltar pad ma chu dang 'dam mi gos/ /de bzhin rdul dang du bas mi gos so/ /rta mchog dul ba yi ni ji lta bar/ /'doms kyi sba ba sbubs su nub ces gda'/ /brla ni rab zlum smyig ma'i snying po bzhin/ /khyod kyi rje ngar byin gyis rim bzhin mchis/ /zhabs gong dud ltar mtho zhing rting pa che/ /khyod kyi phyag dang zhabs ni dra bas 'brel/ /sor mo ring zhing sor mo nyi shu mnyam/ /sen mo zangs 'dra sor sen me tog can/ /khyod kyi zhabs mthil 'khor lo rab kyi mtshan/ /rtsib ma stong ldan rab tu 'od gsal ba/ /long bus long bu 'thab par mi 'gyur zhing / /gom pas gom pa sa la yod mi 'dor/ /sa la kun du sor bzhis mi reg par/ /'jig rten rnams kyi gtso bo rab gshegs te/ /khyod ni gang du gom pa bor ba yang / /rin chen pad ma skyes pa ngo mtshar to/ /rgod par ma gyur dal zhing brtan par gshegs/ /stag dang lha dbang 'gros kyis gzhan gnon cing / /bag tsha med par stabs ni bsgying te gshegs/ /dpa' bo khyod kyi 'gros 'dra su la'ang med/ /mi ma lags pa rnams kyis bar snang la/ /lha yi me tog char ni rab 'bebs shing / /glu dbyangs sgras ni khyod la mchod par bgyid/ /cho 'phrul 'di 'dra 'di dag rmad tu byung / /khyod kyi gzugs ni rnam thos bu bas lhag /gzi brjid dag ni nyi ma brgya bas 'phags/ /tshangs bcas lha mir bcas pa'i 'jig rten na/ /khyod 'dra'ang med na lhag pa ga la mchis/ /bdag gis khyod kyi cho 'phrul mchog mthong nas/ /yon tan lhag pa gang dag gzigs gyur na/ /de bzhed pas na mi dbang rab byung snyam/ /bdag ni de la the tshom 'tshal bar gyur/ /de nas bcom ldan 'das kyis khyim bdag tshong dpon bzang skyong la 'di skad ces bka' stsal to/ /kye ma'o</font><hr>79.298b<br><font size=+1>

khyim bdag 'jig rten gnas pa 'di gtse pa bcus gtses par mthong ste/ bcu gang zhe na/ 'di lta ste/ skye bas gtse ba dang / rga bas gtse ba dang / na bas gtse ba dang / 'chi bas gtse ba dang / mya ngan gyis gtse ba dang / smre sngags 'don pas gtse ba dang / sdug bsngal gyis gtse ba dang / yid mi bde bas gtse ba dang / 'khrug pas gtse ba dang / 'khor ba'i gtse ba dang bcu ste/ khyim bdag 'jig rten gnas pa gtse ba 'di bcus gtses par mthong nas/ bla na med pa yang dag par rdzogs pa'i byang chub thob par bya'o zhes dad pas khyim nas khyim med par rab tu byung ngo / /de nas bcom ldan 'das kyis de'i tshe tshigs su bcad pa 'di dag gsungs so/ /'khor ba'i sgrom du chud pa yi/ /byis pa so so'i skye bo kun/ /skye bas nye bar gtse ba dang / nad dang rga bas rab du gzir/ /mya ngan byed cing smre sngags 'don/ /'chi ba'i dbang du song mthong nas/ /srid pa'i sgrom las thar bya zhes/ /bskyab pa'i phyir ni mngon par byung / /kye ma'o khyim bdag gi 'jig rten gnas pa 'di ni zhe sdang zhing kun nas mnar sems kyi dngos po bcus gcig la gcig mnar sems su byed par mthong ste/ bcu gang zhe na/ 'di lta ste/ bdag nyid la gnod pa byas shes sems la kun nas mnar sems skye ba dang / gnod pa byed do zhes sems la kun nas mnar sems skye ba dang / gnod pa byed par 'gyur ro zhes sems la kun nas mnar sems skye ba dang / bdag gi mdza' bo la gnod pa byas so zhes sems la kun nas mnar sems skye ba dang / bdag gi mdza' bo la gnod pa byed do zhes sems la kun mnar sems skye ba dang bdag gi mdza' bo la gnod</font><hr>79.299a<br><font size=+1>

pa byed par 'gyur ro zhes sems la kun nas mnar sems skye ba dang / bdag dang mi mdza' ba'i don byas so zhes sems la kun nas mnar sems skye ba dang / bdag dang mi mdza' ba'i don byed do zhes sems la kun nas mnar sems skye ba dang / bdag dang mi mdza' ba'i don byed par 'gyur ro zhes sems la kun nas mnar sems skye ba dang / gnod pa'i rab tu sdang ba nyid dang bcu'o/ /khyim bdag kun nas mnar sems kyi dngos po bcu ni de dag yin te/ kun nas mnar sems thams cad sel ba bla na med pa yang dag par rdzogs pa'i byang chub thob par bya'o/ /zhes dad pas khyim nas khyim med par rab tu byung ngo / /de nas bcom ldan 'das kyis don de nyid rab tu bstan pa'i phyir de'i tshe tshigs su bcad pa 'di dag gsungs so/ //kye ma'o sems can zhe sdang ste/ /gcig la gcig ni phan tshun du/ /kun nas mnar sems dngos po bcus/ /kun la kun nas mnar sems gyur/ /bdag dang bdag gi nye du la/ /gnod pa byas dang byed pa dang / /gnod pa byed par 'gyur ro zhes/ /de yi kun nas mnar sems skye/ /gang rnams bdag dang mi mdza' ba/ /de dag gi ni don byas dang / /byed do byed par 'gyur ro zhes/ /de yi kun nas mnar sems skye/ /gnod pa'i sdang dang bcu yin te/ /gang gis mnar sems 'phel 'gyur ba/ /de mthong kun nas mnar sems rnams/ /mi 'dod pas na rab tu byung / /kye ma'o khyim bdag 'jig rten gnas pa 'di ni lta bar byas pa lta ba ngan pa thibs po bcus lta bar byas pa sna tshogs dang / lta ba ngan pa thibs po dag gis</font><hr>79.299b<br><font size=+1>

non par mthong ste/ bcu gang zhe na/ 'di lta ste/ /bdag tu lta bar gyur pa lta ba ngan pa thibs po dang / sems can du lta bar gyur pa lta ba ngan pa thibs po dang / srog tu lta bar gyur pa lta ba ngan pa thibs po dang / gang zag tu lta bar gyur pa lta ba ngan pa thibs po dang / chad par lta bar gyur pa lta ba ngan pa thibs po dang / rtag par lta bar gyur pa lta ba ngan pa thibs po dang / bya ba med par lta bar gyur pa lta ba ngan pa thibs po dang / rgyu med par lta bar gyur pa lta ba ngan pa thibs po dang / mi mthun pa'i rgyur lta bar gyur pa lta ba ngan pa thibs po dang / log par lta bar gyur pa lta ba ngan pa'i thibs po dang bcu'o/ /khyim bdag lta bar gyur pa lta ba ngan pa'i thibs po de dag yin te/ lta ba thams cad gzhig pa'i phyir bla na med pa yang dag par rdzogs pa'i byang chub thob par bya'o/ /zhes dad pas khyim nas khyim med par rab tu byung ngo / //de nas bcom ldan 'das kyi don de nyid rgya cher bstan pa'i phyir de'i tshe tshigs su bcad pa 'di dag gsungs so/ /byis pa so so'i skye bo kun/ /bdag tu lta dang sems can lta/ /srog tu lta ba rnams kyi yang / /lta ba thibs pos rab tu g.yogs/ /rtag dang chad par lta ba dang / /bya med lta la gnas pa dag /yang dag lta bar dgod do zhes/ /de phyir nga ni rab tu byung / /kye ma'o khyim bdag 'jig rten gnas pa 'di ni zug rngu chen po bcus bskal pa grangs med pa bye ba khrag khrig brgya stong du zug rngus zug par mthong ste/ bcu gang zhe na/ 'di lta ste/ srid pa'i zug rngu dang / ma rig pa'i zug rngu dang / 'dod pa'i zug rngu dang / /</font><hr>79.300a<br><font size=+1>

'dod chags kyi zug rngu dang / zhe sdang gi zug rngu dang / gti mug gis zug rngu dang / nga rgyal gyi zug rngu dang / lta ba'i zug rngu dang / 'byung ba'i zug rngu dang / 'jigs pa'i zug rngu dang bcu'o/ /khyim bdag zug rngu chen po bcu po ni de dag yin te/ zug rngu thams cad bsal ba'i phyir/ bla na med pa yang dag par rdzogs pa'i byang chub thob par bya'o zhes dad pas khyim nas khyim med par rab tu byung ngo / /de nas bcom ldan 'das kyis de'i tshe tshigs su bcad pa 'di dag gsungs so/ /srid pa'i zug rngus zug pa rnams/ /thog ma'i mtha' ni mi shes te/ /ma rig pa yis ldongs byas nas/ /mun pa nas ni mun par 'gro/ /sred pa'i zug rngus zug pa dang / /'dod chags zug rngus rgyus pa dang / /zhe sdang zug rngus brgyal bas na/ /phung po dag ni len par byed/ /gti mug gi ni zug rngus dkris/ /nga rgyal dag gi zug rngus snyems/ /'byung ba dang ni 'jig pa na/ /lta ba'i zug rngus me 'phrod 'gyur/ /byis pa so so'i skye bo kun/ /phan tshun tshig gi mtshon cha yis/ /'di ni brdzun gyis 'di bden zhes/ /phan tshun du ni rtsod par byed/ /zug rngus zug pa'i sems can gyi/ /skyabs dang dpung gnyen 'gyur ba yi/ /zug rngu 'byin pa de bzhin gshegs/ /'jig rten 'dir ni 'byung bar 'gyur/ /gzhan yang kye ma'o khyim bdag 'jig rten gnas pa 'di ni/ sred pa'i rtsa ba las byung ba'i chos bcu po dag gis rtsa ba'i gnas la rab tu gnas par mthong ste/ bcu gang zhe na/ 'di lta ste/ sred pa la brten nas kun du 'tshol ba dang / kun tu tshol ba la brten nas rnyed pa dang / rnyed pa la brten nas nga yir 'dzin pa</font><hr>79.300b<br><font size=+1>

dang / nga yir 'dzin pa la brten nas rnam par nges pa dang / rnam par gdon mi za ba la brten nas 'dun pa'i 'dod chags dang / 'dun pa'i 'dod chags la brten nas lhag par chags pa dang / lhag par chags pa la brten nas ser sna dang / ser sna la brten nas yongs su 'dzin pa dang / yongs su 'dzin pa la brten nas yongs su srung ba dang / yongs su srung ba la brten nas sdug bsngal ba ste/ yongs su srung ba'i gzhi las dbyig pa thogs pa dang / mtshon cha thogs pa dang / 'thab pa dang / 'tshang 'dru ba dang / 'gyed pa dang / brtsod pa rnams 'byung ngo / /de'i phyir phra ma la sogs pa sdig pa mi dge ba'i chos rnam pa mang po 'byung bar 'gyur te/ khyim bdag sred pa'i rtsa ba las byung ba'i chos bcu po de dag gis 'jig rten gnas pa rab tu gnas par mthong nas rtsa ba med pa gnas med pa'i bla na med pa yang dag par rdzogs pa'i byang chub thob par bya'o zhes dad pas khyim nas khyim med par rab tu byung ngo / /'di la chos nyid ni 'di yin te/ de la 'di skad ces bya'o/ /sred pas ming pa'i sems can rnams/ /'di nas 'di ni kun du tshol/ /rnyed pa rnyed nas nga yir 'dzin/ /de las rnam par nges par 'gyur/ /bya ba 'di dag bya'o zhes/ /'dun pa'i 'dod chags rab tu 'phel/ /'dun pa'i 'dod chags 'phel bas na/ /lhag par chags phyir ser sna 'gyur/ /ser sna'i nyes pas 'jig rten na/ /kun tu 'dzin pa sra bar 'gyur/ /yongs su 'dzin pas kun srung ba/ /rgyun mi 'chad par 'byung bar 'gyur/ byis pa kun du bsrung ba'i phyir/ /dbyig pa dang ni mtshon 'debs shing / /sdig pa thams cad byed pas na/ /de las sdug bsngal 'phel bar 'gyur/ /srid pa'i gzhi las sdug bsngal kun/ shin du 'byung bar mthong</font><hr>79.301a<br><font size=+1>

bas na/ /rtsa ba med cing gnas med pa'i/ /byang chub dam pa rtogs par 'dod/ /gzhan yang kye ma'o khyim bdag 'jig rten gnas pa 'di ni log pa'i chos bcus log pa nyid du nges par mthong ste/ bcu gang zhe na/ /'di lta ste/ log pa'i lta ba dang / log pa'i rtog pa dang / log pa'i ngag dang / log pa'i las kyi mtha' dang / log pa'i 'tsho ba dang / log pa'i rtsol ba dang / log pa'i dran pa dang / log pa'i ting nge 'dzin dang / log pa'i rnam par grol ba dang / log pa'i shes pa dang bcu ste/ khyim bdag 'jig rten gnas pa 'di ni log pa'i chos bcu po de dag gis log par nges par mthong nas/ log pa thams cad las yang dag par bzla ba'i phyir bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes dad pas khyim nas khyim med par rab tu byung ngo / /de nas bcom ldan 'das kyis don 'di nyid rgya cher bstan pa'i phyir de'i tshe tshigs su bcad pa 'di dag gsungs so/ /gang dag log pa'i lta chags dang / /log par rtog pa'i spyod yul dang / /log pa'i tshig tu smra ba dang / /log pa'i las mtha' spyod pa dang / /log pa'i 'tsho dang log pa'i rtsol/ /log pa'i dran dang mnyam par 'jog /log pa'i rnam grol rdzogs pa dang / /log pa'i shes la gzhol ba yi/ /log par nges pa'i phung po ni/ /byis pa de la gnas pa dag /yang dag nyid la dgong ngo zhes/ /de phyir nga ni rab tu byung / /gzhan yang kye ma'o khyim bdag 'jig rten gnas pa 'di ni lam ngan par zhugs shing / mi dge ba bcu'i las kyi lam rnams kyis phal cher ngan song du gzhol ba/ ngan song du 'bab pa/ ngan song du 'bab par mthong ste/ bcu gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma zer ba dang / ngag rtsub po dang / tshig kyal ba dang / brnab sems dang gnod</font><hr>79.301b<br><font size=+1>

sems dang / log par lta ba dang bcu ste/ khyim bdag mi dge ba bcu'i las kyi lam rnams kyis 'jig rten gnas pa 'di lam ngan par zhugs shing phal cher ngan song du gzhol ba/ ngan song du 'bab pa/ ngan song du bab par mthong nas ngan song thams cad las yang dag par zla ba'i phyir bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes dad pas khyim nas khyim med par rab tu byung ngo / /de nas bcom ldan 'das kyis don de nyid rgya cher bstan pa'i phyir de'i tshe tshigs su bcad pa 'di dag gsungs so/ /srog gcod pa'i sems can dang / /gzhan gyi nor la 'phrog pa dang / /'dod pa log par g.yem pa dag /sems can dmyal bar myur du 'gro/ /dbyen byed pa dang tshig rtsub dang / /brdzun du smra zhing mi sdom pa/ /byis pa kyal ba smra ba rnams/ /so so skye bo slu bas bcings/ /gzhan gyi spyod la brnab sems dang / /gnod sems dag ni mang ba dang / /mi mang lta ba log zhugs pa/ /ngan 'gro dag tu 'gro bar 'gyur/ /lus kyis sdig pa rnams gsum dang / /ngag gis sdig pa rnam bzhi dang / /yid kyis sdig pa rnams gsum ni/ /sdig byed pa dag rab tu byed/ /sdig pa'i las rnams byas pas na/ /de phyir ngan 'gror 'gro bar 'gyur/ /ci nas ngan 'gror mi gtang bar/ /bskyab pa'i phyir na rab tu byung / /gzhan yang kye ma'o khyim bdag 'jig rten gnas pa 'di ni kun nas nyon mongs pa bcu dag gis nyon mongs pa dang / nye ba'i nyon mongs pa dang / kun nas nyon mongs pa'i dri ma dang ldan par mthong ste/ bcu gang zhe na/ 'di lta ste/ ser sna'i dri ma kun nas nyon mongs pa dang / 'chal ba'i tshul khrims kyi dri ma kun nas nyon mongs pa dang / gnod sems kyi dri ma kun nas nyon mongs pa dang / le lo'i dri ma kun nas nyon mongs pa dang / g.yeng ba'i dri ma kun nas nyon mongs pa dang / 'chal ba'i shes rab kyi dri ma kun nas nyon mongs pa dang / sri zhu med pa'i dri ma kun nas nyon mongs pa dang / the tshom gyi dri ma kun nas nyon mongs pa dang / ma mos pa'i dri ma kun nas nyon mongs pa dang / </font><hr>79.302a<br><font size=+1>

ma gus pa'i dri ma kun nas nyon mongs pa dang bcu ste/ khyim bdag 'jig rten gnas pa 'di ni kun nas nyon mongs pa bcu po de dag gis kun nas nyon mongs par mthong nas kun nas nyon mongs pa med pa'i bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes dad pas khyim nas khyim med par rab tu byung ngo / /'di la chos nyid ni 'di yin te/ /de la 'di skad ces bya'o/ /'jig rten 'di dag phal cher ni/ /kun nas nyon mongs bcu yis gzer/ /'dus byas kun nas nyon mongs dga'/ /nam yang skyo bar byed mi 'gyur/ /byis pa so so'i skye bo kun/ /ser sna'i dri mas nyon mongs te/ /bslab pa yang dag bzung nas kyang / /sdom pa med cing nyams par spyod/ /byis pa bzod la rgyab kyis phyogs/ /brtson 'grus chung ba le lo can/ /sems kyang gnas pa ma yin pa/ /shes rab 'chal ba blun zhing rmongs/ /pha dang ma dang bu mo dang / /bla ma la ni sri zhum spangs/ /'jig rten snang mdzad sangs rgyas dag /mthong nas blo ngan nem nur byed/ /zab mo rgyal bas gsungs pa yi/ /dam pa'i chos ni spong bar byed/ /mun pa'i phung pos rab tu khebs/ /'phags pa'i chos la gus mi byed/ /kun nas nyon mongs 'di gzigs nas/ /'dus byas gang la 'ang mi dga' ste/ /nyon mongs med pa 'dus ma byas/ /mya ngan 'das pa thob par bya/ /gzhan yang kye ma'o khyim bdag 'jig rten gnas pa 'di ni 'di lta ste/ phrag dog dang ser sna'i kun du sbyor ba dang ldan par shes/ kye ma'o khyim bdag 'jig rten gnas pa 'di ni 'di lta ste/ ma rig pa'i ling tog gis khebs par mthong / kye ma'o khyim bdag 'jig rten gnas pa 'di ni 'di lta ste/ gti mug gi</font><hr>79.302b<br><font size=+1>

'obs su nub par mthong / kye ma'o khyim bdag 'jig rten gnas pa 'di ni 'di lta ste/ 'dod pa'i klung gis ded par mthong / kye ma'o khyim bdag 'jig rten gnas pa 'di ni 'di lta ste/ 'dod pa'i zug rngus gshis su zug par mthong / kye ma'o khyim bdag 'jig rten gnas pa 'di ni 'di lta ste/ khro ba dang 'khon du 'dzin pa'i du bas shin du bdugs par mthong / kye ma'o khyim bdag 'jig rten gnas pa 'di ni 'di lta ste/ 'dod chags kyi mes kun du 'bar bar mthong / kye ma'o khyim bdag 'jig rten gnas pa 'di ni 'di lta ste/ zhe sdang gi dug gis kun du khebs par mthong / kye ma'o khyim bdag 'jig rten gnas pa 'di ni 'di lta ste/ sgrib pa'i tsher mas bskor bar mthong / kye ma'o khyim bdag 'jig rten gnas pa 'di ni 'di lta ste/ 'khor ba'i 'brog dgon pas brtson 'grus nyams par mthong ste/ khyim bdag 'jig rten gnas pa'i yongs su 'khri ba bcu po de dag gis yongs su bkris par mthong nas dad pa'i khyim nas khyim med par rab tu byung ngo / /de nas bcom ldan 'das kyis don de nyid rgya cher bstan pa'i phyir de'i tshe tshigs su bcad pa 'di dag gsungs so/ /rga bas skyes bu rnams kyi gzhon pa 'jom/ /gzugs kyang rnam par 'jig cing gzugs ngan byed/ /dran dang blo dang dga' ba med par byed/ /'gro ba rnams ni 'chi ba'i sgo mor khrid/ /nad ni stobs dang drag shul rab tu 'jom/ /mthu dang pha rol gnod pa thams cad 'phrog /dbang po'i grong rnams mtha' dag 'jom par byed/ /mgon med shin du brtul ba zhan par 'gyur/ /'chi ba srin mo lta bur mi bzad de/ /rtag tu skye dgu rnams kyi phyi bzhin 'brang / /stobs kyis rab tu mnan nas 'gro ba yi/ /phangs pa'i tshe ni ma lus zad par 'thung / /</font><hr>79.303a<br><font size=+1>

rga ba dang ni 'chi bas skyo gyur te/ /'jig rten dag ni nad kyis gtses rig nas/ /mi rga mi 'chi zhi zhing bde ba yis/ /chos rnams tshol phyir nga ni rab tu byung / /me gsum gyis ni 'jig rten rab tshig pa/ /'gro ba dag la skyabs gzhan ma mthong nas/ /nga ni skyabs dang dpung gnyen gyur byas te/ /bdud rtsi'i char phab me rnams zhi bar bya/ /skye dgu dag ni lam rnams rab stor cing / /mig med ldongs pa rmongs par gyur par mthong / /nga ni 'jig rten dag la mig sbyin cing / /lam rnams bstan phyir nga ni rab tu byung / /sgrib pa dag gis sgribs shing kun sgribs nas/ /the tshom kun nas langs pa'i sems can dag /the tshom rab tu bsal bar 'gyur ba dang / /chos rnams bstan phyir nga ni rab tu byung / /sems can 'di dag phan tshun mi mthun te/ /glags dang skabs tshol gnod pa'i nyes pa can/ /'gras pa dag gi sdums ni bya ba dang / /'gro la phan 'dod phyir ni nga rab byung / /pha dang ma dang sdug pa'i mchog rnams la/ /nga rgyal rgyal mtshan rab tu bsnyal ba'i phyir/ /khyim bdag de phyir nga ni rab tu byung / /chags pa yis ni sgribs pa'i sems can rnams/ /rdzas phyir ltung bar byed pa mthong ba dang / /nor bdun rgya cher rab tu rnyed gyur te/ /nges ni sems can dbul ba med par bya/ /sems can 'di dag phan tshun gsod byed cing / /lus ni gdon mi za bar dor dgos kyang / /byis pa don med bdag lus gso mthong nas/ /srid pa gsum las nga ni rnam par log /ji ltar khyod ni don mi shes pa bzhin/ /de 'dra bas ni 'jig rten gsum po gang / /'jig rten dag la don rnams bstan pa'i phyir/ /phan par 'dod pas nga ni rab tu byung / /sems can dmyal bar ltung ba'i sems can dag /mi bzad rnam pa sna tshogs mtha' yas kyi/ /sdug bsngal drag po byed par mthong bas na/ /de dag thar bar bya phyir nga rab byung / /gcig la gcig ni gnod byed sems can rnams/ /</font><hr>79.303b<br><font size=+1>

byol song 'gro bar rnam par spyod mthong nas/ /skye dgu mgon med mgon ni bya ba'i phyir/ /snying rje'i bsam pas nga ni rab tu byung / /gshen rje yis ni gtses pa'i sems can rnams/ /bkres skom mi bzad sdug bsngal gzer mthong ste/ /byang chub dam pa thob nas de dag la/ /bdud rtsi'i ro mchog kha zas sbyin par bya/ /mi yi kun du tshol ba'i sdug bsngal dang / /lha rnams 'chi 'pho sdug bsngal rig nas ni/ /'jig rten gsum kun sdug bsngal sdug bsngal gyis/ /nyen par mthong nas nga ni rab tu byung / /khrel ba dang ni ngo tsha med pa dag /'dod pas rab tu brgyal ba'i sems can rnams/ /ma dang sring mo bla ma'i chung ma la/ /nyal ba khyi dang phag rnams ji bzhin no/ /'dod pa'i dga' ba yis ni 'di dag ming / /sems can bud med dbang song 'di mthong nas/ /tshong dpon bud med dag ni mi 'dod pas/ /khyim yang spangs nas nga ni rab tu byung / /byis pa rnams ni 'dod pa'i dga' la gnas/ /thams cad sdig pa rtsod pa'i dbang du song / /bdud rnams thams cad la ni dbang byas te/ /byang chub rim par 'tshang rgyar nga rab byung / /khyim na gnas pa dag ni nyes pa stong / 'di 'dra ba yi gnod pa 'di mthong nas/ /sa rnams thams cad rnam par spangs nas ni/ /skye ba zad par bya phyir nga rab byung / /de nas khyim bdag lnga brgya tsam po de dag kye ma'o 'di ni sangs rgyas yin no zhes ngo mtshar thob par gyur te/ de dag gis sangs rgyas so sangs rgyas so snyam du rig nas sgra skad mgrin gcig tu bcom ldan 'das la tshigs su bcad pa 'di dag gsol to/ /tshong dpon 'dus pa lnga brgya tsam po dag /rga bas 'jigs skrag rgyal ba'i drung du mchis/ /'di la chos mchog dam pa rgya che ba/ /rga shis mthar 'byin rab tu bshad du gsol/ /srid pa'i</font><hr>79.304a<br><font size=+1>

'gro ba yongs dag bsam pa dag /bcom ldan srid bral 'jigs las rnam par grol/ /'byung ba 'jig par mdzad pa skyabs mdzod de/ /srid pa'i khyim zhugs 'gro ba thar bar mdzod/ /dpa' bo 'dod chags bral zhing rnam par grol/ /rdul bral dri ma mi mnga' rnam dag sems/ /'dul la mkhas pa kha lo sgyur ba'i mchog /bdud rtsi dam pa chos kyi rgyun phye shig /skyes bu dam pa gzugs rab mchog 'dzin pa/ /khyod 'dra sa dang lha yul gang na'ang med/ /mi mnyam mnyam pa dam pa 'jig rten gtso/ /bde bar gshegs pa rab mchog chos gsungs shig /dri gsum dri ma spangs shing skyon mi mnga'/ /mun pa rab rib mi mnga' rnam dag spyan/ /mun dang bral zhing gti mug dra ba bsal/ /rdul mi mnga' ba mtshungs med chos rnams gsungs/ /'gro ba mgon med sdug bsngal gyur pa rnams/ /srid pa'i mtshor lhung skyabs med thams cad la/ /thugs rje brtse ba bskyed de byams pa'i thugs/ /rgyal ba myur drongs pha rol dgod par mdzod/ /nga rgyal gti mug rgyags pas rgal bka' zhing / /nad dang rtsod mang dba' klong srid pa'i chur/ /'gro ba lhung nas khyer ba skyabs med la/ /thugs brtse skyed la srid pa'i rgyun las sgrol/ /gser gyi ri ltar rnam par dag pa'i sku/ /gzi brjid nyi ma bye ba brgya bas lhag /'jam zhing snyan pa tshangs dbyangs mchog mnga' ba/ /chos mchog brjod pa mdzes pa rab tu gsungs/ /chos 'di kun ni rang bzhin rnam par dag /rang bzhin 'od gsal ye nas rtsa ba dag /ma byas byed dang tshor ba po dang bral/ /gzhan las ma gsan rnam dag thams cad gzigs/ /spyad pa rab spyad grags pa mtha' yas pa/ /rab byung stobs bcu mnga' zhing 'jigs med pa/ /mtha' yas ye shes nam mkha' mtshungs pa'i thugs/ /rab sbyin dge sbyong mchog gi chos bshad gsol/ /de nas</font><hr>79.304b<br><font size=+1>

bcom ldan 'das 'di snyam du gyur te/ e ma'o khyim bdag lnga brgya tsam po 'di dag dge ba'i rtsa ba yongs su smin gyis ci nas sa phyogs 'di nyid du khyim pa'i mtshan ma spangs te rab tu byung ba thob nas thams cad zag pa zad pa'i mthar byed pa de lta de lta bur ngas chos bstan to/ /snyam du dgongs so/ /de nas bcom ldan 'das de'i tshe steng gi bar snang la skyil mo dkrung bcas te bzhugs so/ /de nas khyim bdag lnga brgya tsam po de dag bcom ldan 'das la lhag par dga' ba dang / dad pa dang / ri mo dang / gus pa nye bar gzhog go/ /de nas bcom ldan 'das kyis khyim bdag lnga brgya tsam po de dag la bka' bstsal pa/ khyim bdag khyed rnams gtse ba bcu las thar bar 'dod dam/ bcu gang zhe na/ 'di lta ste/ skye bas gtse ba dang / rga bas gtse ba dang / na bas gtse ba dang / 'chi bas gtse ba dang / mya ngan gyis gtse ba dang / smre sngags 'don pas gtse ba dang / sdug bsngal gyis gtse ba dang / yid mi bde bas gtse ba dang / 'khrug pas gtse ba dang / 'khor bas gtse ba ste/ khyim bdag khyed rnams gtse ba bcu po 'di dag las thar bar 'dod dam/ gzhan yang khyim bdag khyed rnams kun nas mnar sems kyi dngos po bcu las thar bar 'dod dam/ bcu gang zhe na/ 'di lta ste/ bdag nyid la gnod pa byas shes sems la kun nas mnar sems skye ba dang / gnod pa byed do zhes sems la kun nas mnar sems skye ba dang / gnod pa byed par 'gyur ro zhes sems la kun nas mnar sems skye ba dang / bdag gi mdza' bo la gnod pa byas shes sems la kun nas mnar sems skye ba dang / bdag gi mdza' bo la gnod pa byed do zhes sems la kun nas mnar sems skye ba dang / bdag gi mdza' bo la gnod pa byed par 'gyur ro zhes sems la kun nas mnar sems skye ba dang / bdag dang mi mdza' ba'i don byas</font><hr>79.305a<br><font size=+1>

shes sems la kun nas mnar sems skye ba dang / bdag dang mi mdza' ba'i don byed do zhes sems la kun nas mnar sems skye ba dang / bdag dang mi mdza' ba'i don byed par 'gyur ro zhes sems la kun nas mnar sems skye ba dang / gnod pa'i rab tu sdang ba nyid dang bcu ste/ khyim bdag khyed rnams kun nas mnar sems kyi dngos po bcu po 'di dag las thar bar 'dod dam/ gzhan yang khyim bdag khyed rnams lta ba sna tshogs su gyur pa/ lta ba ngan pa'i thibs po bcu las thar bar 'dod dam/ bcu gang zhe na/ 'di lta ste/ bdag tu lta bar gyur pa lta ba ngan pa thibs po dang / sems can du lta bar gyur pa lta ba ngan pa thibs po dang / srog tu lta bar gyur pa lta ba ngan pa thibs po dang / gang zag tu lta bar gyur pa lta ba ngan pa thibs po dang / chad par lta bar gyur pa lta ba ngan pa thibs po dang / rtag par lta bar gyur pa lta ba ngan pa thibs po dang / bya ba med par lta bar gyur pa lta ba ngan pa thibs po dang / rgyu med par lta bar gyur pa lta ba ngan pa thibs po dang / mi mthun pa'i rgyur lta bar gyur pa lta ba ngan pa thibs po dang / logs par lta bar gyur pa lta ba ngan pa thibs po ste/ khyim bdag khyed rnams lta bar gyur pa lta ba ngan pa thibs po bcu po 'di dag las thar bar 'dod dam/ gzhan yang khyim bdag khyed rnams zug rngu bcu las thar bar 'dod dam/ bcu gang zhe na/ 'di lta ste/ srid pa'i zug rngu dang / ma rig pa'i zug rngu dang / 'dod pa'i zug rngu dang / 'dod chags kyi zug rngu dang / zhe sdang gi zug rngu dang / gti mug gi zug rngu dang / nga rgyal gyi zug rngu dang / lta ba'i zug rngu dang / 'byung ba'i zug rngu dang / 'jig pa'i zug rngu dang bcu ste/ khyim bdag khyed rnams zug rngu bcu po dag las thar bar 'dod dam/ gzhan yang khyim bdag khyed rnams sred pa'i rtsa ba las byung ba'i chos bcu po 'di dag las</font><hr>79.305b<br><font size=+1>

thar bar 'dod dam/ bcu gang zhe na/ 'di lta ste/ sred pa la brten nas kun du tshol ba dang / kun du tshol ba la brten nas rnyed pa dang / rnyed pa la brten nas nga yir 'dzin pa dang / nga yir 'dzin pa la brten nas rnam par nges pa dang / rnam par nges pa la brten nas 'dun pa'i 'dod chags dang / 'dun pa'i 'dod chags la brten nas lhag par chags pa dang / lhag par chags pa la brten nas ser sna dang / ser sna la brten nas yongs su 'dzin pa dang / yongs su 'dzin pa la brten nas yongs su srung ba dang / yongs su srung ba la brten nas sdug bsngal ba dang bcu ste/ yongs su srung ba'i gzhi las dbyug pa thogs pa dang / mtshon cha thogs pa dang / 'thab pa dang 'tshang 'dru ba dang / 'gyed pa dang rtsod pa rnams 'byung ngo / /de'i phyir phra ma la sogs pa sdig pa mi dge ba'i chos rnam pa mang po 'byung bar 'gyur te/ khyim bdag khyed rnams sred pa'i rtsa ba las byung ba'i chos bcu po 'di dag las thar bar 'dod dam/ gzhan yang khyim bdag khyed rnams log pa nyid bcu las thar bar 'dod dam/ bcu gang zhe na 'di lta ste/ log pa'i lta ba dang / log pa'i rtog pa dang / log pa'i ngag dang / log pa'i las kyi mtha' dang / log pa'i 'tsho ba dang / log pa'i rtsol ba dang / log pa'i dran pa dang / log pa'i ting nge 'dzin dang / log pa'i rnam par grol ba dang / log pa'i shes pa dang bcu ste/ khyim bdag khyed rnams log pa nyid bcu po 'di dag las thar bar 'dod dam/ gzhan yang khyim bdag khyed rnams mi dge ba'i las kyi lam bcu las thar bar 'dod dam/ bcu gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / ngag rtsub po dang / tshig khyal ba dang / brnab sems dang / gnod sems dang / log par lta ba ste/ </font><hr>79.306a<br><font size=+1>

khyim bdag khyed rnams mi dge ba'i las kyi lam bcu po 'di dag las thar bar 'dod dam/ gzhan yang khyim bdag khyed rnams kun nas nyon mongs pa bcu las thar bar 'dod dam/ bcu gang zhe na/ 'di lta ste/ ser sna'i dri ma kun nas nyon mongs pa dang / 'chal ba'i tshul khrims kyi dri ma kun nas nyon mongs pa dang / gnod sems kyi dri ma kun nas nyon mongs pa dang / le lo'i dri ma kun nas nyon mongs pa dang / g.yeng ba'i dri ma kun nas nyon mongs pa dang / 'chal ba'i shes rab kyi dri ma kun nas nyon mongs pa dang / sri zhu med pa'i dri ma kun nas nyon mongs pa dang / the tshom gyi dri ma kun nas nyon mongs pa dang / ma mos pa'i dri ma kun nas nyon mongs pa dang / ma gus pa'i dri ma kun nas nyon mongs pa ste/ khyim bdag khyed rnams kun nas nyon mongs pa bcu po 'di dag las thar bar 'dod dam/ gzhan yang khyim bdag khyed rnams 'khor ba'i 'jigs pa bcu las thar bar 'dod dam/ bcu gang zhe na/ 'di lta ste/ phrag dog dang / ser sna'i kun du sbyor ba las thar bar 'dod dam/ 'di lta ste/ khyim bdag khyed rnams ma rig pa'i ling tog las thar bar 'dod dam/ 'di lta ste/ khyim bdag khyed rnams gti mug gi 'obs las thar bar 'dod dam/ 'di lta ste/ khyim bdag khyed rnams 'dod pa'i chu bo las thar bar 'dod dam/ 'di lta ste/ khyim bdag khyed rnams log pa'i zug rngu las thar bar 'dod dam/ 'di lta ste/ khyim bdag khyed rnams khro ba dang 'khon du 'dzin pa las thar bar 'dod dam/ 'di lta ste/ khyim bdag khyed rnams 'dod chags kyi me las thar bar 'dod dam/ 'di lta ste/ khyim bdag khyed rnams zhe sdang gi dug las thar bar 'dod dam/ 'di lta ste/ khyim bdag</font><hr>79.306b<br><font size=+1>

khyed rnams sgribs pa'i tsher ma las thar bar 'dod dam/ 'di lta ste/ khyim bdag khyed rnams 'khor ba'i 'brog dgon pa las thar bar 'dod dam/ khyim bdag khyed rnams 'khor ba'i 'jigs pa bcu po 'di dag las thar bar 'dod dam/ de nas bcom ldan 'das la khyim bdag lnga brgya tsam po de dag gis sgra skad mgrin gcig tu 'di skad ces gsol to/ /bcom ldan 'das bdag cag gtse ba bcu las thar bar 'tshal te/ bcu gang zhe na/ 'di lta ste/ skye bas gtse ba dang / rga bas gtse ba dang / na bas gtse ba dang / 'chi bas gtse ba dang / mya ngan gyis gtse ba dang / smre sngags 'don pas gtse ba dang / sdug bsngal gyis gtse ba dang / yid mi bde bas gtse ba dang / 'phrugs pas gtse ba dang / 'khor ba'i gtse ba las bcom ldan 'das bdag cag thar bar 'tshal lo/ /de bzhin du 'khor ba'i 'brog dgon pa'i bar du chos bcu po 'di dag las thams cad rgyas par bya'o/ /de nas bcom ldan 'das kyis khyim bdag lnga brgya tsam po de dag la bka' stsal pa/ khyim bdag rnams mig ni thar bar mi 'dod do/ /de ci'i phyir zhe na/ mig ni byed pa med pa g.yo ba med pa ste/ mig ni mi sems shing rnam par mi rig go /de bas na khyim bdag rnams mig la bdag med do zhes gnas par bya'o/ /khyim bdag rnams rna ba dang / sna dang / lce dang / lus dang yid ni thar bar mi 'dod do/ /de ci'i phyir zhe na/ yid ni byed pa med pa g.yo ba med pa ste/ yid ni mi sems shing rnam par mi rig go /de bas na khyim bdag rnams yid la yang bdag med do zhes gnas par bya'o/ /khyim bdag rnams gzugs ni thar bar 'dod do/ /de ci'i phyir zhe na/ gzugs ni byed pa med pa g.yo ba med pa ste/ gzugs ni mi sems shing rnam par mi rig go /de bas na khyim bdag rnams gzugs la yang bdag med do zhes gnas par bya'o/ /</font><hr>79.307a<br><font size=+1>

khyim bdag rnams sgra dang / dri dang / ro dang / reg bya dang chos ni thar bar mi 'dod do/ /de ci'i phyir zhe na/ chos kyi bar du byed pa med pa g.yo ba med pa ste/ chos ni mi sems shing rnam par mi rig go /de bas na khyim bdag rnams chos kyi bar du yang bdag med do zhes gnas par bya'o/ /khyim bdag rnams gzugs kyi phung po ni thar bar mi 'dod do/ /de ci'i phyir zhe na/ gzugs kyi phung po ni byed pa med pa g.yo ba med pa ste/ gzugs kyi phung po ni mi sems shing rnam par mi rig go /de bas na khyim bdag rnams gzugs kyi phung po la yang bdag med do zhes gnas par bya'o/ /khyim bdag rnams tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po ni thar bar mi 'dod do/ /de ci'i phyir zhe na/ rnam par shes pa'i phung po ni byed pa med pa g.yo ba med pa ste/ rnam par shes pa'i phung po ni mi sems shing rnam par mi rig go /de bas na khyim bdag rnams rnam par shes pa'i phung po la yang bdag med do zhes gnas par bya'o/ /khyim bdag rnams sa'i khams ni thar bar mi 'dod do/ /de ci'i phyir zhe na/ sa'i khams ni byed pa med pa g.yo ba med pa ste/ sa'i khams ni mi sems shing rnam par mi rig go /de bas na khyim bdag rnams sa'i khams la yang bdag med do zhes gnas par bya'o/ /khyim bdag rnams chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni thar bar mi 'dod do/ /de ci'i phyir zhe na/ rnam par shes pa'i khams ni byed pa med pa g.yo ba med pa ste/ rnam par shes pa'i khams ni mi sems shing rnam par mi rig go /de bas na khyim bdag rnams rnam par shes pa'i khams la yang bdag med do zhes gnas par bya'o/ /</font><hr>79.307b<br><font size=+1>

de ltar khyim bdag rnams chos thams cad ni yang dag pa ma yin pa yongs su rtog pa las byung ste/ rkyen la rag las pa stobs med pa/ nyams chung ba/ rkyen rnams las byung ba/ rkyen rnams yod na chos rnams gdags par 'gyur gyi/ rkyen med na chos rnams gdags par mi 'gyur ro/ /khyim bdag rnams chos thams cad ni btags pa tsam ste/ 'di la lam chad pa mya ngan las 'das pa ma gtogs par skye ba 'am/ rga ba 'am/ 'chi ba 'am/ 'pho ba 'am/ 'byung ba gang yang med do/ /de ltar khyim bdag rnams khyed rnam grangs 'dis chos thams cad ni yang dag pa ma yin pa/ kun brtags pa las byung ba/ rkyen la rag las pa/ stobs med pa/ nyam chung ba/ rkyen rnams las byung ba ste/ rkyen rnams yod na chos rnams bdags par 'gyur gyi rkyen med na chos rnams bdags par mi 'gyur ro/ /chos thams cad ni btags pa tsam ste/ 'di la lam chad pa/ mya ngan las 'das pa ma gtogs par skye ba 'am/ rga ba 'am/ 'chi ba 'am/ 'pho ba 'am/ 'byung ba gang yang med par rig par bya'o/ /de ltar na khyim bdag rnams yang dag pa ma yin par kun rtog pa yod na/ tshul bzhin ma yin pa yid la byed pa gdags par 'gyur gyi/ yang dag pa ma yin pa kun rtog pa med na tshul bzhin ma yin pa yid la byed pa gdags par mi 'gyur ro/ /tshul bzhin ma yin pa yid la byed pa yod na ma rig pa gdags par 'gyur gyi/ tshul bzhin ma yin pa yid la byed pa med na ma rig pa gdags par mi 'gyur ro/ /ma rig pa yod na 'du byed rnams gdags par 'gyur gyi/ ma rig pa med na 'du byed rnams su gdags par mi 'gyur ro/ /'du byed yod na rnam par shes pa gdags par 'gyur gyi/ 'du byed med na rnam par shes pa gdags par mi 'gyur ro/ /</font><hr>79.308a<br><font size=+1>

rnam par shes pa yod na ming dang gzugs gdags par 'gyur gyi/ rnam par shes pa med na ming dang gzugs su gdags par mi 'gyur ro/ /ming dang gzugs yod na skye mched drug gdags par 'gyur gyi/ ming dang gzugs med na skye mched drug tu gdags par mi 'gyur ro/ /skye mched drug yod na reg pa gdags par 'gyur gyi/ skye mched drug med na reg pa gdags par mi 'gyur ro/ /reg pa yod na tshor ba gdags par 'gyur gyi/ reg pa med na tshor ba gdags par mi 'gyur ro/ /tshor ba yod na sred pa gdags par 'gyur gyi/ tshor ba med na sred par gdags par mi 'gyur ro/ /sred pa yod na len pa gdags par 'gyur gyi/ sred pa med na len par gdags par mi 'gyur ro/ /len pa yod na srid pa gdags par 'gyur gyi/ len pa med na srid par gdags par mi 'gyur ro/ /srid pa yod na skye ba gdags par 'gyur gyi/ srid pa med na skye bar gdags par mi 'gyur ro/ /skye ba yod na rga shi gdags par 'gyur gyi/ skye ba med na rga shi gdags par mi 'gyur ro/ /rga ba zhes bya ba gang zhe na rgas pa dang / gtugs pa dang / spyi ther ba dang / skra skya ba dang gnyer ma mang ba dang / tshe nyams pa dang / dbang po yongs su smin pa dang / 'du byed rnams kyi dngos po rnyings pa ste/ de ni rga ba zhes bya'o/ /'chi ba zhes bya ba gang zhe na/ 'di lta ste/ 'chi ba dang / 'pho ba dang / 'chi ba'i dus byed pa dang / phung po rnams zhig pa dang / lus bor ba dang ris mthun pa'i skal pa mnyam pa dang bral ba ste/ 'di ni 'chi ba zhes bya'o/ /de la rga ba 'di dang / 'chi ba 'di la rga shi zhes bya'o/ /de ltar skye ba yod na rga shi gdags par 'gyur gyi/ skye ba med na rga shi gdags par mi 'gyur te/ skye ba zhes bya ba gang zhe na/ skye ba dang / rdzogs par skye ba dang / 'jug pa dang / </font><hr>79.308b<br><font size=+1>

mngon par 'grub pa dang / phung po rnams 'byung ba dang / skye mched rnams rab tu thob pa dang / ris mthun pa dang phrad pa ste/ de ni skye ba zhes bya'o/ /srid pa yod na skye ba gdags par 'gyur gyi/ srid pa med na skye bar gdags par mi 'gyur te/ srid pa zhes bya ba gang zhe na/ 'di lta ste/ 'dod pa'i srid pa dang / gzugs kyi srid pa dang / gzugs med pa'i srid pa ste/ de ni srid pa zhes bya'o/ /len pa yod na srid pa gdags par 'gyur gyi/ len pa med na srid par gdags par mi 'gyur te/ len pa zhes bya ba gang zhe na/ 'dod pa'i len pa dang / lta ba'i len pa dang / tshul khrims dang / brtul zhugs kyi len pa dang / bdag tu smra ba'i len pa ste/ de ni len pa zhes bya'o/ /sred pa yod na len pa gdags par 'gyur gyi/ sred pa med na len par gdags par mi 'gyur te/ sred pa zhes bya ba gang zhe na 'di lta ste/ gzugs la sred pa dang / sgra la sred pa dang / dri la sred pa dang / ro la sred pa dang reg bya la sred pa dang / chos la sred pa ste/ de ni sred pa zhes bya'o/ /tshor ba yod na sred pa gdags par 'gyur gyi/ tshor ba med na srid par gdags par mi 'gyur te/ tshor ba zhes bya ba gang zhe na/ 'di lta ste/ mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba ste/ de ni tshor ba zhes bya'o/ /reg pa yod na tshor ba gdags par 'gyur gyi/ reg pa med na tshor bar gdags par mi 'gyur te/ reg pa zhes bya ba gang zhe na/ 'di lta ste/ mig gi 'dus te reg pa dang / rna ba dang sna dang lce dang lus dang yid kyi 'dus</font><hr>79.309a<br><font size=+1>

te reg pa ste/ de ni reg pa zhes bya'o/ /skye mched drug yod na reg pa gdags par 'gyur gyi/ skye mched drug med na reg pa gdags par mi 'gyur te/ skye mched drug ces bya ba gang zhe na/ 'di lta ste/ mig gi skye mched dang / rna ba'i skye mched dang / sna'i skye mched dang / lce'i skye mched dang / lus kyi skye mched de/ yid kyi skye mched de/ de ni skye mched drug ces bya'o/ /ming dang gzugs yod na skye mched drug gdags par 'gyur gyi/ ming dang gzugs med na skye mched drug tu gdags par mi 'gyur te/ ming dang gzugs shes bya ba gang zhe na/ 'di lta ste/ tshor ba dang 'du shes dang / sems dang reg pa dang / yid la byed pa dang / 'byung ba chen po bzhi dang / 'byung ba chen po bzhi la gnas pa'i mi dang gzugs te/ de ni ming dang gzugs shes bya'o/ /rnam par shes pa yod na ming dang gzugs gdags par 'gyur gyi/ rnam par shes pa med na ming dang gzugs su gdags par mi 'gyur te/ rnam par shes pa zhes bya ba gang zhe na/ 'di lta ste/ mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ste/ de ni rnam par shes pa zhes bya'o/ /'du byed rnams yod na rnam par shes par gdags par 'gyur gyi/ 'du byed rnams med na rnam par shes par gdags par mi 'gyur te/ 'du byed rnams shes bya ba gang zhe na/ 'di lta ste/ gzugs la kun sems pa dang / sgra la kun sems pa dang / dri la kun sems pa dang / ro la kun sems pa dang / reg bya la kun sems pa dang / chos la kun sems pa ste/ de dag ni 'du byed rnams shes bya'o/ /ma rig pa</font><hr>79.309b<br><font size=+1>

yod na 'du byed rnams gdags par 'gyur te/ ma rig pa med na 'du byed rnams su gdags par mi 'gyur te/ ma rig pa zhes bya ba gang zhe na/ 'di lta ste/ sngon gyi mtha' mi shes pa dang / phyi ma'i mtha' mi shes pa dang / nang mi shes pa dang / phyi mi shes pa dang / nang dang phyi mi shes pa dang / sdug bsngal mi shes pa dang / kun 'byung mi shes pa dang / 'gog pa mi shes pa dang / lam mi shes pa ste/ de ltar rkyen mi shes pa dang / rten cing 'brel bar 'byung ba mi shes pa dang / rten cing 'brel bar 'byung ba'i chos rnams mi shes pa dang / nag po dang / dkar po dang / rkyen dang rkyen ma yin pa dang / snang ba dang / mi snang ba dang / kha na ma tho ba dang bcas pa dang / kha na ma tho ba med pa dang / bsten par bya ba dang / bsten par bya ba ma yin pa'i chos rnams gang mi shes pa dang / mi mthong ba dang / mngon par mi rtogs pa dang / khong du mi chud pa de ni ma rig pa zhes bya'o/ /tshul bzhin ma yin pa yid la byed pa yod na ma rig pa gdags par 'gyur gyi/ tshul bzhin ma yin pa yid la byed pa med na ma rig par gdags par mi 'gyur te/ tshul bzhin ma yin pa yid la byed pa zhes bya ba gang zhe na/ 'di lta ste/ bdag 'das pa'i dus na byung ba zhig gam/ bdag 'das pa'i dus na ma byung ba zhig gam/ ci bdag 'das pa'i dus na byung ba zhig na/ bdag 'das pa'i dus na gang du byung ba zhig /bdag 'das pa'i dus na cir gyur pa zhig /bdag ma 'ongs pa'i dus na 'byung bar 'gyur ram/ bdag ma 'ongs pa'i dus na 'byung bar mi 'gyur ram/ ci bdag ma 'ongs pa'i dus na 'byung ba zhig na/ bdag ma 'ongs pa'i dus na gang du 'byung bar 'gyur/ bdag ma 'ongs pa'i dus na ci 'dra bar 'gyur zhes nang du bdag ci/ bdag su zhig ci yod dam ci med dam</font><hr>79.310a<br><font size=+1>

ci byung ngam ma byung ngam/ cir gyur gang du byung / bdag cir gyur/ gang du byung ba zhig /ci bdag byung ba zhig na/ bdag gang du byung ba zhig /bdag da re byung ba zhig gam zhes the tshom za zhing yid gnyis su 'gyur te/ de de ltar tshul bzhin ma yin pa yid la byas pas lta bar gyur pa drug las lta ba gang yang rung bas gcig 'byung bar 'gyur te/ bdag yod ces lta bar 'gyur ba dang / bdag med ces lta bar 'gyur ba dang / bdag la bdag yang dag par rjes su mthong zhes lta bar 'gyur ba dang / bdag la bdag yang dag par rjes su mi mthong zhes lta bar 'gyur ba dang / de ni bdag ste de 'jig rten no zhes lta bar 'gyur ba dang / gal te rkyen la brten te 'byung ba ni rtag pa/ brtan pa/ ther zug pa/ mi 'gyur ba'i chos can/ ther zug pa yang dag par 'dug pa 'am/ 'dug par 'gyur ba zhes lta bar 'gyur ba de ni tshul bzhin ma yin pa yid la byed pa zhes bya'o/ /yang dag pa ma yin pa kun du rtog pa yod na tshul bzhin ma yin pa yid la byed pa gdags par 'gyur gyi/ yang dag pa ma yin pa kun du rtog pa med na tshul bzhin ma yin pa yid la byed par gdags par mi 'gyur te/ yang dag pa ma yin pa kun du rtog pa gang zhe na/ 'di lta ste/ bdag dang sems can dang srog dang / skyes bu dang gang zag dang / skye ba po dang shed las skyes dang / shed bu dang byed pa po dang / tshor ba po ste/ de ni yang dag pa ma yin pa zhes bya'o/ /so so'i skye bo thos pa dang / mi ldan pa rnams bdag ces rtog cing yongs su rtog pa dang / sems can dang srog dang / skyes bu dang shed las skyes dang / shed bu dang byed pa po dang / tshor ba po zhes rtog cing yongs su rtog pa de ni yang dag pa ma yin pa kun du rtog pa zhes bya'o/ /de ltar yang dag pa ma yin pa kun du rtog pa yod na tshul bzhin ma yin pa yid la byed pa gdags par 'gyur gyi/ yang dag pa ma yin pa kun du rtog pa med na tshul bzhin</font><hr>79.310b<br><font size=+1>

ma yin pa yid la byed pa gdags par mi 'gyur te/ tshul bzhin ma yin pa yid la byed pa yod na/ ma rig pa gdags par 'gyur gyi/ tshul bzhin ma yin pa yid la byed pa med na/ ma rig par gdags par mi 'gyur ro/ /ma rig pa yod na 'du byed rnams gdags par 'gyur gyi/ ma rig pa med na 'du byed rnams su gdags par mi 'gyur ba nas/ skye ba yod na rga shi gdags par 'gyur gyi/ skye ba med na rga shi gdags par mi 'gyur ba'i bar du gong ma bzhin du sbyar ro// // bam po gnyis pa/ de ltar na khyim bdag rnams chos thams cad ni yang dag pa ma yin pa kun du rtog pa las byung ba/ rkyen la rag las pa/ stobs med pa/ rkyen rnams las byung ba yin te/ rkyen med na chos rnams gdags par mi 'gyur ro/ /khyim bdag rnams chos thams cad ni btags pa tsam ste/ 'di la lam chad pa mya ngan las 'das pa ma gtogs par skye ba 'am/ rga ba 'am/ 'chi ba 'am/ 'pho ba 'am/ 'byung ba gang yang med do/ /khyim bdag rnams 'di lta ste dper na chu'i mtsho chen po la nya gnas par gyur pa khyim bdag rnams de ci snyam du sems/ nya de dag ci zhig gi mthu/ de dag gis gsol pa/ bcom ldan 'das chab kyi mthu'o/ /bde bar gshegs pa chab kyi mthu'o/ /de la khyim bdag rnams ci chu de sems sam/ de dag gis gsol pa/ bcom ldan 'das de lta ma lags so/ /bde bar gshegs pa de lta ma lags so/ /bka' stsal pa/ khyim bdag rnams de ltar chu sems pa med pa la ci'i stobs shig yod/ bcom ldan 'das stobs ma mchis so/ /bde bar gshegs pa stobs chung ngo / /bka' stsal pa/ khyim bdag rnams de bzhin du chos thams cad ni yang dag pa ma yin pa/ kun rtog pa las byung ba/ stobs med pa/ nyam chung ba/ rkyen rnams las 'byung ba ste/ rkyen rnams yod</font><hr>79.311a<br><font size=+1>

na chos rnams gdags par 'gyur ro/ /khyim bdag rnams chos thams cad ni btags pa tsam ste/ 'di la lam chad pa mya ngan las 'das pa ma gtogs par skye ba 'am/ rga ba 'am/ 'chi ba 'am/ 'pho ba 'am/ 'byung ba gang yang med do/ /khyim bdag khyed rnams de bas na rkyen de dag la tshul bzhin so sor rtogs la de'i tshe yid brtan du mi rung ba dang / yid brtan pa ma yin pas skrag par gyis shig skrag par gyur pa de na 'bros par gyis shig /chos gang las 'bros pa'i chos de gang zhes tshul bzhin du so sor rtogs shig /tshul bzhin so sor rtog pa de na chos gang chos de las 'bros pa'i chos de rtogs par gyis shig de ci'i phyir zhe na/ khyim bdag rnams rnam pa thams cad tu mi dmigs pa'i phyir chos thams cad ni dmigs su med pa'o/ /khyim bdag rnams rdul dang bral ba'i phyir chos thams cad ni bdag med pa'o/ /khyim bdag rnams bdag dang bral ba'i phyir chos thams cad ni sems can med pa'o/ /khyim bdag rnams skye ba dang / rga ba dang / na pa dang / 'chi ba dang mya ngan dang smre sngags 'don pa dang sdug bsngal ba dang / yid mi bde ba dang 'khrug pa las shin du 'das pa'i phyir chos thams cad ni srog med pa'o/ /khyim bdag rnams dus gsum yang dag par chad pa'i phyir chos thams cad ni gang zag med pa'o/ /khyim bdag rnams sgra dang / skad dang dbyangs dang / tshig gi lam nas brjod du med pa'i phyir chos thams cad ni yi ge med pa'o/ /khyim bdag rnams dmigs pa med pa'i phyir chos thams cad ni chags pa med pa'o/ /khyim bdag rnams nye bar zhi ba'i mtshan nyid kyi phyir chos thams cad ni zhi ba'o/ /khyim bdag rnams nam mkha'i rang bzhin gyi phyir chos thams cad ni kun du song ba'o/ /khyim bdag rnams nges par 'byung ba ma yin pa'i phyir</font><hr>79.311b<br><font size=+1>

chos thams cad ni stong pa nyid la yang dag par gnas pa'o/ /khyim bdag rnams gnas pa med pa'i phyir chos thams cad ni ma g.yos pa'o/ /khyim bdag rnams mi gnas shing g.yo ba med pa dang ldan pa'i phyir chos thams cad ni yang dag pa'i mtha' la gnas pa'o/ /khyim bdag rnams rba klong dang bral ba'i phyir chos thams cad ni brjod du med pa'o/ /khyim bdag rnams mtshan ma med dbyibs med pa la snang ba rgyu ba dang bral ba'i phyir chos thams cad ni kha dog med pa'o/ /khyim bdag rnams nga yir 'dzin pa dang bral ba'i phyir chos thams cad ni nga'i ba med pa'o/ /khyim bdag rnams sems dang yid dang rnam par shes pa dang bral ba'i phyir chos thams cad ni shes par bya ba ma yin pa'o/ /khyim bdag rnams mig gi lam las shin du 'das pa dang / rna ba dang sna dang lce dang lus dang / yid kyi lam las shin du 'das pa'i phyir/ chos thams cad ni kun gzhi med pa'o/ /khyim bdag rnams skye ba dang / 'jig pa dang gnas pa dang bral ba'i phyir chos thams cad ni dor ba med cing bsnan pa med pa'o/ /khyim bdag rnams sems dang yid dang rnam par shes pa dang bral ba'i phyir chos thams cad ni byed pa med pa g.yo ba med pa'o/ /khyim bdag rnams rang bzhin gyis nyams chung ba'i phyir chos thams cad ni rkyen la rag las pa'o/ /khyim bdag rnams mig ni 'byung ba chen po bzhi las gyur pa/ mi rtag pa/ mi brtan pa/ ther zug ma yin pa/ snying po med pa/ nyam chung ba/ zhigs pa/ yun thung ba/ yid brtan du mi rung ba/ sdug bsngal ba/ nad mang ba/ gtse ba mang ba yin te/ khyim bdag khyed rnams kyis mig de la gnas par mi bya'o/ /khyim bdag rnams rna ba dang / sna dang lce dang lus dang yid ni 'byung ba chen</font><hr>79.312a<br><font size=+1>

po bzhi las gyur pa/ mi rtag pa/ mi brtan pa/ ther zug ma yin pa/ yid brtan du mi rung ba/ snying po med pa/ zhigs pa/ nad can/ sdug bsngal ba/ nad mang ba/ gtse ba mang ba yin te/ khyim bdag khyed rnams kyis yid de la gnas par mi bya'o/ /yang khyim bdag rnams 'di ltar bslab par bya ste/ mig 'di ni mnyer mi bzod de dbu ba rdos pa lta bu'o/ /mig 'di ni ring du mi gnas te chu'i chu bur lta bu'o/ /mig 'di ni las dang nyon mongs pa dang / sred pa las byung ba ste smig rgyu lta bu'o/ /mig 'di ni rang bzhin gyis snying po med de chu shing lta bu'o/ /mig 'di ni phyin ci log las byung ba ste/ sgyu ma lta bu'o/ /mig 'di ni log pa dang / yang dag pa ma yin pa mthong ba ste rmi lam lta bu'o/ /mig 'di ni rkyen la rag las pa ste brag cha lta bu'o/ /mig 'di ni las kyi mig g.yor gyis kun du snang ba ste mig g.yor lta bu'o/ /mig 'di ni sems 'khrug pa med par 'gyur ba'i mtshan nyid de sprin lta bu'o/ /mig 'di ni skad cig tu 'jig pa dang ldan pa ste/ glog lta bu'o/ /mig 'di ni bdag po med de/ sa dang mtshungs so/ /mig 'di ni bdag med de chu dang mtshungs so/ /mig 'di ni sems can med de me dang mtshungs so/ /mig 'di ni srog med de rlung dang mtshungs so/ /mig 'di ni gang zag med de nam mkha' dang mtshungs so/ /mig 'di ni 'byung pa chen po'i kun bzhi ste yang dag pa ma yin pa'o/ /mig 'di ni bdag dang bdag gi dang bral ba ste stong pa'o/ /mig 'di ni rtswa dang brtsig pa dang / shing dang rdo dang / mig yor lta bu ste bems po'o/ /mig 'di ni rlung gi 'khrul 'khor dang ldan par 'byung ste/ byed pa med pa'o/ /mig 'di ni gsog ste mi gtsang ba dang / rnag bsags pa'o/ /mig 'di ni gsob ste g.yog pa kun du mnye ba gzhig pa rnam par 'thor 'jig pa'i chos can no/ /</font><hr>79.312b<br><font size=+1>

mig 'di ni rtag tu rga ba'i zil gyis non pa ste khron pa rnying pa dang mtshungs so/ /mig 'di ni mthar 'chi ba ste mthar mi gnas pa'o/ /khyim bdag rnams mig ji lta ba de bzhin du rna ba dang sna dang lce dang lus dang yid kyang rig par bya'o/ /gong ma bzhin du sbyar te chos thams cad kyi bar du rig par bya'o/ /khyim bdag rnams gzhan yang 'di lta ste/ mig 'di dang 'di lta ste/ rna ba dang sna dang lce dang lus 'di ni byis pa so so skye bo thams cad kyi 'dod pa tsam mo/ /'di lta ste/ yid 'di ni byis pa so so skye bo thams cad kyi 'dod pa tsam mo/ /'di lta ste/ gzugs 'di dang 'di lta ste/ sgra dang dri dang ro dang reg bya dang / chos 'di ni byis pa so so skye bo thams cad kyi 'dod pa tsam mo/ /'di lta ste/ khyim bdag rnams gzugs kyi phung po 'di ni byis pa so so skye bo thams cad kyi 'dod pa tsam mo/ /'di lta ste/ khyim bdag rnams tshor ba'i phung po 'di ni byis pa so so skye bo thams cad kyi 'dod pa tsam mo/ /'di lta ste/ khyim bdag rnams 'du shes kyi phung po 'di ni byis pa so so skye bo thams cad kyi 'dod pa tsam mo/ /'di lta ste/ khyim bdag rnams 'du byed kyi phung po 'di ni byis pa so so skye bo thams cad kyi 'dod pa tsam mo/ /'di lta ste/ khyim bdag rnams rnam par shes pa'i phung po 'di ni byis pa so so skye bo thams cad kyi 'dod pa tsam mo/ /'di lta ste/ khyim bdag rnams sa'i khams 'di ni byis pa so so skye bo thams cad kyi 'dod pa tsam mo/ /'di lta ste/ khyim bdag rnams chu'i khams dang / me'i khams dang rlung gi khams 'di ni byis pa so so skye bo thams cad kyi 'dod pa tsam mo/ /'di lta ste/ khyim bdag rnams 'dus byas dang / 'dus ma byas kyi khams shes bya ba'i chos 'di ni byis pa so so skye bo thams cad kyi 'dod pa tsam mo/ /</font><hr>79.313a<br><font size=+1>

de bas na khyim bdag khyed rnams mi 'dod par gyis shig /mi 'dod par gyur nas bu dang chung ma rnams nye bar ma len cig /nor rnams ma len cig /de dag mi len par gyur nas dad pas khyim nas khyim med par rab tu 'byung bar gyis shig /dad pas khyim nas khyim med par rab tu byung nas mi 'dod par gyis shig /khyim bdag rnams rab tu byung ba'i mi 'dod pa gang zhe na/ gang so sor thar pa'i sdom pas bsdams shing cho ga dang / spyod yul phun tshogs pa/ kha na ma tho ba rdul tsam la yang 'jigs par lta zhing bslab pa'i gzhi yang dag par bzung nas slob ste/ tshul khrims dang ldan par gnas pa'o/ /tshul khrims kyi phung po dang ldan pa ni mig mi len/ rna ba dang sna dang / lce dang lus dang yid mi len/ gzugs mi len/ sgra dang dri dang ro dang / reg bya dang chos mi len/ gzugs dang / tshor ba dang 'du shes dang / 'du byed dang rnam par shes pa'i phung po mi len/ sa'i khams mi len chu'i khams mi len/ me'i khams dang / rlung gi khams dang nam mkha'i khams dang / rnam par shes pa'i khams mi len te/ khyim bdag rnams 'di ni rab tu byung ba'i mi 'dod pa'o/ /mi 'dod nas mig gi khams mi len to/ /gong ma bzhin du sbyar te/ yid kyi khams kyi bar du mi len te/ gong ma bzhin du sbyar te/ gang mi len pa de yongs su mi spong ngo / /ci yongs su mi spong zhe na/ mig yongs su mi spong / rna ba dang sna dang lce dang / lus dang yid yongs su mi spong / gzugs yongs su mi spong / sgra dang dri dang ro dang reg bya dang / chos yongs su mi spong / gzugs kyi phung po yongs su mi spong / tshor ba'i phung po yongs su mi spong / 'du shes kyi phung po yongs su mi spong / 'du byed kyi phung po yongs su mi spong / rnam par shes</font><hr>79.313b<br><font size=+1>

pa'i phung po yongs su mi spong / sa'i khams yongs su mi spong / chu'i khams yongs su mi spong / me'i khams dang / rlung gi khams dang / nam mkha'i khams dang / rnam par shes pa'i khams kyi bar du yongs su mi spang ngo / /de nam mi spong ba de na de kun nas nyon mongs par mi 'gyur/ kun nas nyon mongs pa med na yang bar 'gyur ro/ /de nam yang bar gyur pa de de mi snang bar 'gyur ro/ /de nam mi snang ba de na gang la yang khong khro bar mi byed do/ /de nam khong khro bar mi byed pa de na bdag la gnod par mi sems/ gzhan la gnod par mi sems/ gnyis ga la gnod par mi sems te/ de gnod par mi sems pas phung po'i lhag ma med pa'i mya ngan las 'das pa'i dbyings su yongs su mya ngan las 'da'o/ /khyim bdag rnams de la gang yongs su mya ngan las 'da' zhe na/ de la mig yongs su mya ngan las mi 'da'/ rna ba dang sna dang lce dang lus dang / yid yongs su mya ngan las mi 'da' mod kyi/ khyim bdag rnams gang mig la brten nas nga zhe 'am/ nga'i zhes yang dag pa ma yin pa 'dzin pa de dang bral ba ni yongs su mya ngan las 'da' ba'o/ /gang dang bral ba yongs su mya ngan las 'das pa yin zhe na/ 'dod chags dang bral ba ni yongs su mya ngan las 'das pa'o/ /zhe sdang dang bral ba ni yongs su mya ngan las 'das pa'o/ /gti mug dang bral ba ni yongs su mya ngan las 'das pa'o/ /mi shes pa dang bral ba ni yongs su mya ngan las 'das pa ste/ yang khyim bdag rnams mi shes pa ni 'das pa la med par ma gyur/ da ltar byung ba dang ma 'ongs pa la med par ma gyur mod kyi/ mi shes pa dang bral nas shes pa skyes so/ /khyim bdag rnams de la shes pa gang zhe na/ 'di lta ste/ zad pa shes pa'o/ /de la zad pa shes pa gang zhe na/ zad pa shes pa ni 'das pa ma yin/ </font><hr>79.314a<br><font size=+1>

zad pa shes pa ni ma 'ongs pa ma yin/ zad pa shes pa ni da ltar byung ba ma yin mod kyi/ khyim bdag rnams gang la brten te mi shes pa dang bral nas shes pa skyes par gyur pa de ni mi shes pa dang bral ba'i shes pa'o/ /mig la brten nas mi shes pa dang bral zhing shes pa skyes kyang mig ni nga'i ba ma yin no/ /gang nga'i ba ma yin pa de yongs su ma bzung ba'o/ /gang yongs su ma bzung ba de spangs pa'o/ /gang spangs pa de grol ba'o/ /gang las grol zhe na/ bdag tu 'dzin pa las grol/ sems can du 'dzin pa las grol/ srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa las grol/ 'dzin pa thams cad las grol/ yongs su rtog pa las grol te/ de yongs su mi rtog go /yongs su mi rtog pas mi rtog rnam par mi rtog go /ci la mi rtog ce na/ nga dang nga'i zhes mi rtog ste/ de mi sogs shing sogs par mi byed la spong zhing mi len to/ /spangs pas yongs su mya ngan las 'das so/ /grol lo byung ngo / /rab tu rnam par grol lo/ /bral lo gang las byung zhe na/ sdug bsngal thams cad las byung ngo / /khyim bdag khyed rnams 'byung bar 'dod na/ chos gang yang blang bar mi bya'o/ /de ci'i phyir zhe na/ khyim bdag rnams len pas ni srid par 'gyur ro/ /mi len pas ni srid pa med do/ /de la khyim bdag rnams mig yongs su mya ngan las 'das pa ma yin no/ /gong ma bzhin du sbyar te/ rna ba dang sna dang lce dang lus dang yid kyi bar du yongs su mya ngan las 'das pa ma yin pa nas/ rnam par shes pa'i khams kyi bar du yongs su mya ngan las 'das pa ma yin mod kyi/ khyim bdag rnams gang rnam par shes pa la brten te/ nga dang nga'i zhes yang dag pa ma yin par 'dzin pa de dang bral ba de ni yongs su mya ngan</font><hr>79.314b<br><font size=+1>

las 'das pa'o/ /gang dang bral na yongs su mya ngan las 'das pa yin zhe na/ 'dod chags dang bral ba ni yongs su mya ngan las 'das pa'o/ /zhe sdang dang bral ba ni yongs su mya ngan las 'das pa'o/ /gti mug dang bral ba ni yongs su mya ngan las 'das pa'o/ /mi shes pa dang bral ba ni yongs su mya ngan las 'das pa ste/ yang khyim bdag rnams mi shes pa ni 'das pa dang / da ltar dang / ma 'ongs pa la med par gyur pa ma yin mod kyi/ mi shes pa dang bral nas shes pa skyes so/ /khyim bdag rnams de la shes pa gang zhe na/ 'di lta ste/ zad pa shes pa'o/ /de la zad pa shes pa gang zhe na/ zad pa shes pa ni 'das pa ma yin/ zad pa shes pa ni ma 'ongs pa ma yin/ zad pa shes pa ni da ltar byung ba ma yin mod kyi/ khyim bdag rnams mig la brten te/ mi shes pa dang bral nas shes pa skyes par gyur pa de ni mi shes pa dang bral ba'i shes pa'o/ /mig la brten te mi shes pa dang bral nas shes pa skyes kyang shes pa'i dbyings ni nga'i ba ma yin no/ /gang nga'i ba ma yin pa de yongs su ma bzung ba'o/ /gang yongs su ma bzung ba de spangs pa'o/ /gang spangs pa de grol ba'o/ /gang las grol zhe na/ bdag tu 'dzin pa las grol/ sems can du 'dzin pa dang / srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa las grol/ yongs su rtog pa las grol te/ de yongs su mi rtog go yongs su mi rtog pas mi rtog rnam par mi rtog ga / ci la mi rtog ce na/ nga zhes mi rtog  /nga'i zhes mi rtog ste/ de mi sogs shing sogs pa med de/ len pa med cing spangs pas yongs su mya ngan las 'das so/ /grol lo/ /byung ngo / /rab tu rnam par grol lo/ /bral lo/ /gang</font><hr>79.315a<br><font size=+1>

las byung zhe na/ sdug bsngal thams cad las byung ngo / /khyim bdag khyed rnams 'byung bar 'dod na chos gang yang blang bar mi bya'o/ /de ci'i phyir zhe na/ khyim bdag rnams len pas ni srid par 'gyur gyi/ mi len pas ni ma yin no/ /de nas bcom ldan 'das kyi don 'di nyid rgya cher bstan pa'i phyir de'i tshe tshigs su bcad pa 'di dag gsungs so/ /len pa las ni 'jigs skye ste/ /de phyir ngan 'gror 'gro bar 'gyur/ /'jigs bcas gnas ni 'di mthong nas/ /mkhas pas de ni mi len to/ /lam gang nyid la bsgom bya ba/ /shes rab kyis ni de blta ste/ /shes rab kyis ni mthong 'gyur bas/ /rnam pa gzhan du mi 'gyur ro/ /skye mched thams cad stong pa ste/ /snying po med pa g.yo zhing gsog /skye dgu rnams ni sred pas bslus/ /de la chags par mi bya'o/ /chos rnams stong par ngas mkhyen te/ /chos rnams snying po med par mkhyen/ /bde brnyes mya ngan mi mdzad de/ /ngas ni mi g.yo bde ba brnyes/ /gang gis 'di ltar chos rnams kun/ /stong pa nyid du shes pa de/ /sdug bsngal dag ni kun las thar/ /de la brtsod pa med pa yin/ /'dod pa 'di ni yongs su 'dzin kun dang / /gtse ba thams cad kyi yang skyed pa yin/ /yongs su 'dzin pa dag las len par gsungs/ /len pa dag las srid pa 'byung bar 'gyur/ /srid pa las ni rdzogs skye skye ba ste/ /de ni 'jug pa dag dang 'grub par 'gyur/ /skyes nas nad dang rga dang 'chi ba dang / /mi 'dod sdug bsngal chen po gzhan dag gnod/ /'dod pa med na len pa yod ma yin/ /len pa med na srid par mi 'gyur te/ /srid pa mngon par 'grub las 'das pa ni/ /skye rga na dang 'chi bar mi 'gyur ro/ /de phyir khyed kun gcig tu 'dus gyur nas/ /yongs su 'dzin pa rnam par</font><hr>79.315b<br><font size=+1>

spang byos la/ /bu dang chung ma dag la dga' spongs te/ /dge slong tshul 'di myur du blang bar byos/ /shes kyi khe 'dod rnyed pa 'dod ma byed/ /ngan ngon tsam dag gis ni chog byos la/ /gdol pa dag dang 'dra ba'i dma' sems kyis/ /gzhan gyi grong du nye bar 'gro bar bya/ /nga ni tshul khrims ldan zhes bdag gam snyems/ /'di ni tshul khrims ngan zhes gzhan ma brnyas/ /tshul khrims tsam gyis gzhan la gang brnyas pa/ /snyems phyir de ni tshul khrims 'chal ces bya/ /ji ltar ri dgas dag ni rgyas zin pa/ /de dag nyid du de zin gsod pa ltar/ /de bzhin bdud kyi zhags pas zin pa de/ /snyems pa de nyid kyis ni de bcom mo/ /'phya ba'i bsam pa can gyi gang zag dag /gzhan la brnyas pas bdag nyid nyams par byed/ /de bas tshul khrims 'chal la 'ang mi brnyas na/ /khrims ldan tshangs par spyod la smos cing gos/ /drang srong nges pa'i rjes su slob pa dag /rnam par grol ba zhi ba 'di tshol zhing / /lus dang srog rnams la yang mi lta bar/ /rtag tu dben pa dgon par gnas par bya/ /gnod pa'i rtsa ba gcir bu'i gsung tshig dang / /'jig rten rgyang pan gsang tshig rnams spongs la/ /stong pa nyid dang ldan par gang gsungs pa/ /zab mo'i chos la dga' ba bskyed par byos/ /nang dang phyi rol dag gi skye mched ni/ /bcu gnyis po ste sems kyi rtsa bar bshad/ /de dag kun kyang las kyi rgyu las byung / /las kyang yun ring sems pas bzhag pa'o/ /mig dang gzugs gnyis la ni brten byas nas/ /rkyen rnams las kyang rnam par shes pa skye/ /'du ba ma tshang bas ni nub gyur te/ /ji ltar shing med me ni mi 'bar bzhin/ /de ltar chos 'di thams cad rab skyes pa/ /phun tshun 'dus pa las ni</font><hr>79.316a<br><font size=+1>

'byung bar 'gyur/ /byed pa po dag tshor ba mi dmigs te/ /bya ba dag ni sgyu ma lta bur snang / /ngas ni nang dang phyi rol chos rnams kun/ /stong pa nyid de sgyu ma 'dra bar mkhyen/ /byis pa mi shes log par 'dzin pa dag /nga dang nga yi zhes kyang rnam par rtog /mig ni nang na cung zad yod ma yin/ /phyi rol gang du 'ang sems can mi dmigs te/ /mig ni bdag med byed med srog med de/ /chos rnams kun kyang de ltar shes par byos/ /mig ni sems shing grol bar 'dod ma yin/ /de bzhin rna ba dang ni sna dang lce/ /lus dang yid dang gzugs kyang byed med de/ /chos rnams thams cad de dang 'dra bar ltos/ /ji ltar rgya mtsho dag gi chu las ni/ /dbu ba rdos pa chen po mang byung ba/ /de la mig ldan tshul bzhin des brtags na/ /dbu ba rdos pa nyam chung snying po med/ /de bzhin phung po lnga yi ngo bo nyid/ /dbu ba lta bur nyam chung gang shes pa/ /gtse ba thams cad dag ni skye ba dang / /rga dang mya ngan gtse las grol bar 'gyur/ /gang dang nga yi bstan la rab byung nas/ /chos kun sgyu ma lta bur shes pa de/ /yul gyi bsod snyoms 'bras bu yod par za/ /de ni phyogs bcu'i sangs rgyas mchod par byed/ /de nas khyim bdag lnga brgya tsam po sa phyogs de nyid na gnas pa de dag chos rnams la chos kyi mig rdul med cing dri ma dang bral ba rnam par dag go /'di lta ste dper na/ gos dag pa nag po dang bral ba tshon du bcug na myur du tshon 'dzin pa de bzhin du khyim bdag lnga brgya tsam po sa phyogs de nyid na gnas pa de dag chos rnams la chos kyi mig rdul med cing dri ma dang bral ba rnam par dag go /de nas bcom ldan 'das kyis khyim bdag lnga brgya tsam po de dag la chos kyi gtam gyis yang dag par bstan/ yang dag par gzeng stod/ yang dag par rab tu dga' bar byas so/ /</font><hr>79.316b<br><font size=+1>

de las bcom ldan 'das kyi gtam ni 'di yin te/ khyim bdag rnams mig kun du 'bar te/ cis kun du 'bar zhe na/ 'dod chags kyi me dang zhes sdang gi me dang / gti mug gi mes kun du 'bar ro/ /skye ba dang / rga ba dang / na pa dang / 'chi ba dang mya ngan dang smre sngags 'don pa dang / sdug bsngal ba dang / yid mi bde ba dang / 'khrug pas kun du 'bar te/ bdag gir bya ba sdug bsngal lo zhes bshad do/ /khyim bdag rnams rna ba dang sna dang lce dang lus dang / yid kyi bar du kun du 'bar te/ cis kun du 'bar zhe na/ 'dod chags kyi me dang / zhe sdang gi me dang / gti mug gi me dang / skye ba dang rga ba dang na pa dang 'chi ba dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrug pas kun du 'bar te/ bdag gir bya ba sdug bsngal lo zhes bshad do/ /khyim bdag rnams gzugs kun du 'bar te/ cis kun du 'bar zhe na/ 'dod chags kyi me dang / zhe sdang gi me dang / gti mug gi mes kun du 'bar ro/ /de ltar sgra dang dri dang ro dang reg bya dang / chos rnams kyang gong ma bzhin du sbyar ro/ /khyim bdag rnams gzugs kyi phung po kun du 'bar te/ cis kun du 'bar zhe na/ 'dod chags kyi me dang / zhe sdang gi me dang / gti mug gi mes kun du 'bar ro/ /tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po yang de bzhin no/ /khyim bdag rnams sa'i khams kun du 'bar te/ cis kun du 'bar zhe na/ 'dod chags kyi me dang / zhe sdang gi me dang / gti mug gi mes kun du 'bar ro/ /khyim bdag rnams chu'i khams dang / me'i khams dang rlung gi khams dang nam mkha'i khams kun du 'bar te/ cis kun du 'bar zhe na/ 'dod chags kyi me dang / zhe sdang gi me dang / gti mug gi mes kun du 'bar ro/ /skye ba dang rga ba dang na pa dang 'chi ba dang mya ngan dang / smre sngags 'don dang / sdug bsngal ba dang / yid</font><hr>79.317a<br><font size=+1>

mi bde ba dang 'khrug pas kun du 'bar te/ bdag gir bya ba sdug bsngal lo zhes bshad do/ /de bas na khyim bdag rnams mig blang bar mi bya'o zhes khyim bdag rnams de ltar bslabs par bya'o/ /de bzhin du khyim bdag rnams rna ba dang sna dang lce dang lus dang yid blang bar mi bya'o zhes de ltar bslab par bya'o/ /de bas na khyim bdag rnams gzugs blang bar mi bya/ sgra dang dri dang ro dang reg bya dang / chos blang bar mi bya'o zhes de ltar bslab par bya'o/ /khyim bdag rnams gzugs kyi phung po blang bar mi bya/ tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po blang bar mi bya'o zhes de ltar bslab par bya'o/ /de bas na khyim bdag rnams sa'i khams blang bar mi bya/ chu'i khams dang / me'i khams dang / rlung gi khams dang / nam mkha'i khams blang bar mi bya'o zhes de ltar bslab par bya'o/ /de bas na khyim bdag rnams rnam par shes pa'i khams blang bar mi bya'o zhes de ltar bslab par bya'o/ /de bas na khyim bdag rnams 'jig rten 'di blang bar mi bya/ 'jig rten pha rol blang bar mi bya'o zhes khyim bdag rnams de ltar bslab par bya'o/ /khyim bdag khyed rnams nam mig mi len cing / rna ba dang sna dang lce dang lus dang yid mi len pa de na khyed rnams mi gnas yid kyi bar la mi gnas par 'gyur ro/ /khyim bdag khyed rnams nam gzugs mi len cing / sgra dang dri dang ro dang reg bya dang / chos rnams mi len pa de na khyed rnams chos thams cad la mi gnas par 'gyur ro/ /khyim bdag khyed rnams nam gzugs kyi phung po mi len cing tshor ba'i phung po dang 'du shes kyi phung po dang / 'du byed kyi phung po mi len pa de na khyed rnams phung po rnams la mi gnas par 'gyur ro/ /khyim bdag khyed rnams rnam par shes pa'i phung po mi len pa de na khyed rnams rnam par shes pa'i phung po la mi gnas par 'gyur ro/ /khyim bdag khyed</font><hr>79.317b<br><font size=+1>

rnams nam sa'i khams mi len cing chu'i khams dang / me'i khams dang / rlung gi khams dang / nam mkha'i khams mi len pa de na khyed rnams khams rnams la mi gnas par 'gyur ro/ /khyim bdag khyed rnams nam rnam par shes pa'i khams mi len pa de na khyed rnams rnam par shes pa'i khams la mi gnas par 'gyur ro/ /khyim bdag khyed rnams nam 'jig rten 'di mi len cing 'jig rten pha rol mi len pa de na khyed rnams 'jig rten thams cad la mi gnas par 'gyur ro/ /khyim bdag khyed rnams nam chos thams cad mi len pa de na khyed rnams chos thams cad la mi gnas par 'gyur ro/ /khyim bdag khyed rnams nam chos thams cad la mi gnas pa de na khyed rnams mi 'byung mi 'jig go/   khyed rnams nam mi 'byung mi 'jig pa de na khyed rnams skye ba dang rga ba dang na pa dang 'chi ba dang mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su thar par 'gyur te/ sdug bsngal las yongs su thar bar 'gyur ro/ /zhes bshad do/ /de nas bcom ldan 'das kyis don de nyid rgya cher bstan pa'i phyir de'i tshe tshigs su bcad pa 'di dag gsungs so/ /skye ba dang ni 'chi ba yis/ /'jig rten 'di kun kun nas 'bar/ /byis pa skyabs med gtse ba ste/ /de dag 'phags pa'i lam las nyams/ /brgya lam 'jig rten snang mdzad pa/ /de bzhin gshegs pa 'byung bar 'gyur/ /ngal ba chud zos ma byed par/ /brtson 'grus brtan pa rtsom byos shig /gang la gnas te rnam sgom pa/ /shes rab kyis ni de yang ltos/ /shes rab kyis ni de mthong ste/ /rnam par gzhan du mi 'gyur ro/ /gang la gnas te sems sgom pa/ /thams cad stong par shes par bya/ /chos rnams stong par rig nas ni/ /byang chub nyid kyang stong pa yin/ /'dod chags zhe sdang de bzhin gti mug dang / /me gsum de dag shin du mi bzad pa/ /des ni 'jig rten 'di kun rab 'bar yang / /byis pa ring nas gnyid log khong mi chud/ skye dang rga dang na dang 'chi ba dang / /smre sngags 'don dang sdug bsngal yid mi bdes/ /'jig rten 'di dag gtses par</font><hr>79.318a<br><font size=+1>

rig nas ni/ /chos rnams kun la gnas par ma byed cig /de nas bcom ldan 'das khyim bdag lnga brgya tsam po de dag gis 'di skad ces gsol to/ /bcom ldan 'das bdag cag rnams kyis bcom ldan 'das las rab tu byung ba rnyed par gyur cig bdag cag rnams kyis bde bar gshegs pa las bsnyen par rdzogs pa dge slong gi dngos po rnyed par gyur cig /bcom ldan 'das kyis dge slong dag tshur shog ces gsungs pa dang / de nyid kyis tshe dang ldan pa de dag rab tu byung bar gyur te/ de nyid kyis bsnyen par rdzogs pa dang / de nyid kyis dge slong gi dngos por gyur to/ /'di la chos nyid ni 'di yin te/ de la skad ces bya'o/ /de dag gis ni ngur smrig bgos/ /de dag gis ni skra yang bregs/ /kun kyang lhung bzed thogs gyur nas/ /de nyid tu ni dgra bcom gyur/ /ston pas dgra bcom rab mkhyen nas/ /dge slong gi ni dge 'dun dang / /lha rnams mdun du mngon sum du/ /ched du rjod pa ched tu brjod/ /'jig rten gyi ni mgon po la/ /sngon chad sbyin pa byin pas na/ /gang na bde ba mang ba der/ /shin du dga' zhing 'ongs bar gyur/ /de dag gis ni nga mthong nas/ /dad pas rab tu skyed par gyur/ /de dag sems ni dad pa la/ /chos rnams kyi ni mchog bstan to/ /dgra bcom gyi ni gsungs thos na/ /bdag tu lta ba rnam par bshig /stong nyid mngon du byas nas ni/ /de dag skye ba kun las grol/ /khyim bdag gi le'u zhes bya ste/ /dang po'o// // de nas bcom ldan 'das kyis lam gyi bar du khyim bdag lnga brgya po mi g.yo ba'i gnas la bkod nas kun nas mdzes pas rgyal po'i khab kyi grong khyer chen por gshegs so/ /de nas rgyal po'i khab kyi grong khyer gyi lha rnams dang / gnod sbyin ci 'jigs 'di snyam du sems te/ bdag cag gis 'di lta bu sbyin gnas 'jig rten shin du dkon pa'i bcom ldan 'das la bsod snyoms dbul lo snyam mo/ /de nas gnod sbyin ci 'jigs kyis bsod snyoms kha dog phun sum tshogs pa/ dri phun sum tshogs pa/ ro phun sum tshogs pa/ reg phun sum tshogs pa/ bcom ldan 'das la phul nas gnod sbyin ci 'jigs la thugs brtse ba'i slad tu bcom ldan 'das kyis bsod snyoms de bzhes so/ /bcom ldan</font><hr>79.318b<br><font size=+1>

'das la gnod sbyin ci 'jigs kyi bsod snyoms phul ma thag tu de nas de'i tshe steng gi bar snang las ci 'jigs kyi 'khor mang po gnod sbyin drug khri brgyad stong gis legs so zhes bya ba byin te/ rjes su yi rang ba'i sgra phyung ngo / /de nas de'i phyir gnod sbyin ci 'jigs kyis rang gi 'khor rnams la bos te/ bdag gis ni bzod de bzhin gshegs pa la bsod snyoms phul gyis/ /khyed kyis ni dge slong gi dge 'dun rnams la phul cig /de ni khyed rnams kyi yun ring po'i don dang / phan pa dang bde bar 'gyur ro/ /gnod sbyin rnams kyis dge slong gi dge 'dun la bsod snyoms phul nas gnod sbyin de dag la snying brtse ba'i phyir dge slong gi dge 'dun gyis kyang bsod snyoms blangs so/ /de nas bcom ldan 'das rgyal po'i khab kyi grong khyer chen por gshegs pa las des bsod snyoms blangs par mkhyen nas phyogs de nas slar log go/ /de ltar de'i tshe lha stong phrag du ma dang /  klu stong phrag du ma dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po stong phrag du ma dang / mi dang mi ma yin pa stong phrag du ma dang / srog chags bye ba khrag khrig brgya stong phrag du ma rnams bcom ldan 'das gshegs pa'i zhabs 'bring du dod do/ /de nas bcom ldan 'das sa phyogs yangs shing rgya che ba zhig tu gshegs te/ byon nas gang na bshams pa la bzhugs so/ /de nas gnod sbyin ci 'jigs 'khor dang bcas pas lha'i me tog man dA ra dang / ud pa la dang / pad ma dang / ku mu da dang / pad ma dkar po dang / lha'i tsan dan gyi phye ma blangs te/ bcom ldan 'das la mchod pa bya ba'i phyir/ bcom ldan 'das la gtor mngon par gtor/ mngon par rab tu gtor to/ /gtor mngon par gtor/ /mngon par rab tu gtor nas thal mo sbyar te phyag 'tshal nas bcom ldan 'das kyi spyan sngar 'dug go/ /de nas bcom ldan 'das kyis gnod sbyin ci 'jigs kyi bsam pa yang mkhyen/ de'i 'khor gnod sbyin mang po'i bsam pa yang mkhyen nas 'dzum pa mdzad do/ /chos</font><hr>79.319a<br><font size=+1>

nyid ni 'di yin te/ nam sangs rgyas bcom ldan 'das rnams 'dzum pa mdzad pa de na zhal gyi sgo nas 'od zer kha dog du ma kha dog sna tshogs 'di lta ste/ sngon po dang / ser po dang / dmar po dang / dkar po dang / leb rgan dang / shel dang / dngul gyi kha dog lta bur byung ste/ des 'jig rten gyi khams mtha' yas mu med pa snang bas khyab par byas nas nyi ma dang zla ba'i gzi brjid med par byas te/ sems can dmyal ba pa'i sems can nas tshangs pa'i 'jig rten gyi bar du mngon par 'phags te/ slar log nas bcom ldan 'das la lan bdun bskor ba byas te/ kha cig ni bcom ldan 'das kyis dbu'i gtsug tu nub po/ /kha cig ni phrag par nub po/ /kha cig ni pus mor nub po/ /chos nyid ni 'di yin te/ nam sangs rgyas bcom ldan 'das rnams sems can dmyal ba pa'i sems can rnams la lung ston pa de na 'od zer zhabs gnyis kyi 'og tu nub par 'gyur ro/ /nam dud 'gro'i skye gnas pa'i sems can rnams la lung ston pa de na 'od zer snam logs su nub par 'gyur ro/ /nam gshin rje'i 'jig rten pa'i sems can rnams la lung ston pa de na 'od zer mdun du nub par 'gyur ro/ /nam mi rnams la lung ston pa de na 'od zer g.yon du nub par 'gyur ro/ /nam lha rnams la lung ston pa de na 'od zer g.yas su nub par 'gyur ro/ /nam nyan thos rnams la lung ston pa de na 'od zer pus mor nub par 'gyur ro/ /nam rang sangs rgyas rnams la lung ston pa de na 'od zer phrag pa nub par 'gyur ro/ /nam sangs rgyas bcom ldan 'das rnams kyis byang chub sems dpa' bla na med pa yang dag</font><hr>79.319b<br><font size=+1>

par rdzogs pa'i byang chub tu lung ston pa de na 'od zer steng gi dbu'i gtsug gi mtshams su nub par 'gyur ro/ /tshe dang ldan pa kun dga' bos bcom ldan 'das 'dzum pa mdzad pa mthong ste/ mthong nas chos gos phrag pa gcig tu bgos te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad pa 'di dag gsol to/ /ci rgyus 'jig rten snang mdzad pa/ /'jig rten kun la sman pa'i slad/ /'jig rten mgon po 'od mdzad pa/ /ci zhig slad du 'dzum pa bstan/ /sangs rgyas kyi ni byang chub phyir/ /de ring su yis sa bon btab/ /de ring su la lung yang ston/ /gang zhig thar phyir rab tu zhugs/ /dpa' bo rnam par 'dren pa rnams/ /rgyu ma mchis par 'dzum mi mdzad/ /thub pa ci slad 'dzum pa bstan/ /'od zer don ni bshad du gsol/ /de nas bcom ldan 'das kyis tshe dang ldan pa kun dga' bo la tshigs su bcad pa 'di dag gis slar gsungs pa/ 'jig rten mgon po skyob pa la/ /ci 'jigs rab tu dang sems kyis/ /bsod snyoms dag ni phul bas na/ /de ltar de phyir 'dzum pa mdzad/ /gnod sbyin 'di nas shi 'phos nas/ /sum bcu rtsa gsum 'gro bar 'gyur/ /sum bcu gsum nas shi 'phos nas/ /'thab bral du yang 'gro bar 'gyur/ /'thab bral nas ni dga' ldan 'gro/ /'dod la 'dod pas dgar byas nas/ /mi yi nang du skye 'gyur te/ /rgyal po rdzu 'phrul ldan par 'gyur/ /'khor los sgyur ba mi yi dbang / /gling bzhi dag gi dbang po ste/ /mi yi 'jig rten shi 'phos nas/ /tshangs pa'i 'jig rten 'gro bar</font><hr>79.320a<br><font size=+1>

'gyur/ /bskal pa bye ba nyi shur ni/ /rtag tu sti stang byas par 'gyur/ /lha yi nang dang mi nang du/ /yang dang yang ni kun tu 'gro/ /phyis de rgyal srid bor nas ni/ /khyim med par yang rab tu 'byung / /rkyen gyis byang chub thob 'gyur te/ /der ni mtha' yang thug par 'gyur/ /gnod sbyin dag ni sum khri rnams/ /gnod sbyin skye gnas 'phos gyur nas/ /sum bcu rtsa gsum skye bar 'gyur/ /sangs rgyas la ni gus byas nas/ /sangs rgyas byams pa mthong gyur cing / /de na mthar ni thug 'gyur te/ /dgra bcom pa yang thob 'gyur na/ /ston pa la ni su mi mchod/ /gnod sbyin stong du tshangs pa rnams/ /byang chub mchog la rab zhugs pas/ /de dag dge ba'i rtsa ba des/ /nam du'ang ngan 'gror 'gro mi 'gyur/ /kha cig srog chags kun phan phyir/ /byang chub dam pa rab tshol zhing / /sangs rgyas 'dren pa stong rnams la/ /bkur sti dag ni byed par 'gyur/ /kha cig sangs rgyas byang chub phyir/ /stong phrag gnyis dang gsum dag kyang / /me tog phreng ba dri rnams kyis/ /mchod pa dag ni byed par 'gyur/ /dag pa bsgoms pa'i bdag nyid can/ /'dren pa bye ba phrag stong la/ /kha cig bkur sti byed 'gyur te/ /'di dag phyis ni byang chub reg /de na ci 'jig de yi bu/ /ri bo zhes bya rdzu 'phrul che/ /'jig rten sangs rgyas bdag 'gyur ces/ /des kyang sems ni bskyed par gyur/ /des ni sangs rgyas sti stang byas/ /thams cad du yang smon lam btab/ /nga mthong nas ni mchod byas te/ /byang chub phyir ni sems btud do/ /de ni dge ba'i rtsa ba des/ /ngan 'gro thams cad spangs gyur nas/ /sangs rgyas byams pa mthong nas ni/ /gdugs rnams bye ba 'bul bar 'gyur/ /gdugs rnams</font><hr>79.320b<br><font size=+1>

bye ba phul nas ni/ /na bza' bye ba 'bul bar 'gyur/ /na bza' bye ba phul nas ni/ /de nyid tu yang rab tu 'byung / /srog chags kun la phan pa'i phyir/ /byang chub dam pa rab tshol zhing / /lo yang lnga brgya tshang bar ni/ /tshangs par spyad pa spyod par 'gyur/ /'di lta bu yi rnam grangs kyis/ /sbyin dang tshul khrims yang dag spyod/ /gang gA'i bye ma ji snyed pa/ /de snyed bskal par spyod par 'gyur/ /dper gsungs pa ni de snyed du/ /de dag khyed kyis shes par gyis/ /de dag dper yang shes nas ni/ /de bas lhag par spyad par gyis/ /sdar ni dpe rnams gang brjod pa/ /gang gA ye ni bye snyed kyi/ /de snyed sangs rgyas mthong gyur nas/ /de dag kun la sti stang byed/ /e ma'o ye shes e ma shes/ /e ma'o bla na med pa'i sems/ /sems can kun gyi 'dren pa ni/ /de ltar zhum par mi 'gyur ro/ /de phyis sems can kun gyi mchog /sangs rgyas su yang de 'gyur te/ /de na de yi mtshan btags pa/ /sman pa'i rgyal por rnam par grags/ /lo ni bye ba bdun bcur yang / /srog chags rnams la chos bstan te/ /phyis gdod rkang gnyis gtso bo ni/ /de na mya ngan 'das par 'gyur/ /rab tu dul ba'i sems rnams kyi/ /'dus pa dag ni nyi shur 'gyur/ /de la tha ma gcig po ni/ /dge slong bye ba nyi shur 'gyur/ /'dus pa rnams ni gang brjod pa'i/ /nyan thos dpag tu med pa ste/ /de yi nyan thos ji snyed pa/ /byang chub zhugs pa 'ang de snyed do/ /sems can rnams kyi don mdzad nas/ /de bzhin gshegs pa mya ngan 'das/ /lo ni brgya phrag stong dag du/ /de yi dam chos gnas par 'gyur/ /bskal pa lnga brgya tshang bar ni/ /sangs rgyas mang por 'byung bar 'gyur/ /bskal pa cig la 'ang 'byung ba ni/ /de na stong rnams 'byung bar 'gyur/ /mi</font><hr>79.321a<br><font size=+1>

rnams mkhas pa gang dag ni/ /sangs rgyas chos rnams bsnyen 'dod pa/ /tshul bzhin mang du thos pa dang / /rab tu 'dun pa nyid du bya/ /tshul bzhin ma yin rnam par spongs/ /tshul bzhin la ni rtag tu sgoms/ /mang du thos pa rab tu bya/ /des ni shes rab rnam par 'phel/ /byang chub sems dpa' skyob pa yi/ /rtsa ba'i don ni chos bzhi ste/ /sbyin dang tshul khrims thos dang gtong / /byang chub kyi ni lam la bzang / /bla na med pa'i theg pa mchog /byang chub kyi ni lam yang bstan/ /the tshom gcod pa bzang po yis/ /nyan thos kyis ni lam bstan to/ /sems can gang dag 'di 'dod pa/ /de la ngas ni skabs dbye 'o/ /chos rnams kyi ni mchog ston pa/ /'jig rten snang mdzad rnyed par dka'/ /de nas gnod sbyin ci 'jigs kyi bu ri bo 'di snyam du sems par gyur te/ bcom ldan 'das 'di nas ri'i rgyal po bya rgod kyi phung po'i ri la gshegs shes grag gis/ bdag gis bcom ldan 'das la dge ba'i rtsa ba rgya chen po zhig bskyed do snyam mo/ /de nas gnod sbyin ci 'jigs kyi bu ri bos rang gi 'khor la smras pa/ grogs po dag shes par gyis shig /bcom ldan 'das rgyal po'i khab kyi grong khyer chen po nas ri'i rgyal po bya rgod kyi phung po'i ri la gshegs kyis/ de la grogs po dag mthu ci yod pa dang / ci nus kyis bcom ldan 'das la mchod pa'i las la spro ba skyed cig /de nas gnod sbyin ci 'jigs kyi bu ri bo g.yogs dang bcas pas rgyal po'i khab kyi grong khyer chen po nas gzung ste/ ri'i rgyal po bya rgod kyi phung po'i bar gyi lam de thams cad gseg ma dang / gyo mo dang / sdong dum dang / tsher ma rnams med par byas so/ /me long gi dkyil 'khor ltar dag</font><hr>79.321b<br><font size=+1>

par byas so/ /lam de dag thams cad bsal nas spos kyi chus kun du chag chag btab bo/ /lam der gos ni mtshams med par bting ngo / /lam der mi gang tsam du me tog gis chal par bkram mo/ /lam de dag gdugs dang / rgyal mtshan dang / ba dan gyis shin du brgyan to/ /lam de bdug spos dam pa'i snying po rab kyi snod nas bdugs so/ /steng gi bar snang las dar gyi lda ldir spyangs te/ shin tu brgyan to/ /lam der sil snyan sna tshogs kyi sgra 'khrol bar byas so/ /lam de nas mda' rgyang gang tshun chad tsam me tog ud pa la dang / ku mu ta dang / pad ma dkar pos khebs shing dur pa sgra 'byin par byas so/ /lam de gser glebs pas rab tu g.yogs so/ /lam de gser gyi dra ba dang / rin po che sna bdun gyi dra bas rab tu g.yogs so/ /de nas gnod sbyin ci 'jigs kyi bu de lta bu'i bkod pa byas nas lus chen po mngon par sprul te/ 'khor dang bcas pa dga' mgu rangs rab tu dga' ste/ mos shing yid bde ba skyes nas/ /dga' ba'i sems dang / bde ba'i sems dang / mnyen pa'i sems dang / rnam par dang ba'i sems dang / sgrib pa med pa'i sems dang / rab tu sim pa'i sems dang / sangs rgyas la gzhol ba'i sems dang / chos la gzhol ba'i sems dang / dge 'dun la gzhol ba'i sems dang / byang chub las mi g.yo ba'i sems dang / mi bskyod pa'i sems dang / mi mnyam pa dang mnyam pa'i sems dang / 'jig rten gsum po thams cad las khyad par du 'phags pa'i sems dang / sems can thams cad la byams pa'i sems dang / snying rje'i sems dang / dga' ba'i sems dang / btang snyoms kyi sems dang / sangs rgyas kyi chos thams cad</font><hr>79.322a<br><font size=+1>

kyi snod tu gyur pa'i sems dang / snying po'i sems dang / brtan pa'i sems dang / mi phyed pa'i sems dang / ma zhigs pa'i sems dang / nyan thos dang / rang sangs rgyas kyi sar mi ltung ba'i sems dang / byang chub sems dpa'i sa thams cad bsgrub pa'i sems kyis bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug go /phyogs gcig tu 'dug nas gnod sbyin ci 'jigs kyi bu ri bos thal mo sbyar te/ bcom ldan 'das la tshigs su bcad pa 'di dag gsol to/ /sangs rgyas 'jig rten rnams kyi mchog /chos rnams kyi ni dam pa ston/ /'jig rten mgon la bdag gis ni/ /bla na ma mchis mchod pa bgyis/ /'dren pa ji ltar mdzad pa bzhin/ /stobs bcu dang ni rab ldan te/ /mi 'jigs pa la rab gnas nas/ /sems can don rnams bgyid par shog /sum bcu rtsa gnyis mtshan rnams dang / /dpe byad bzang po brgyad bcur ldan/ /'jig rten mgon po 'od byed pa/ /'jig rten snang bar byed par shog /srog chags kun la phan pa'i phyir/ /snyan pa'i chos ni rab ston cing / /rnam pa bcu gnyis dam pa yi/ /chos kyi 'khor lo bskor bar shog /rgyal ba ji ltar de bzhin du/ /chos 'phrul rnams ni rab ston cing / /srog chags bye ba du ma yi/ /sems can rnams kyi don bgyid shog /dpa' chen gang rnams ma byon pa/ /'jig rten mgon po 'od mdzad ltar/ /byang chub dam pa rab rtogs nas/ /lam de rab tu ston par shog /sems can ldongs pa kun gyi phyir/ /mig dang ldan pa nyid gyur te/ /gnas</font><hr>79.322b<br><font size=+1>

dang rten dang skyabs dag dang / /de bzhin dpung gnyen 'gyur bar shog /ji ltar 'dren pa grol mdzad bzhin/ /'gro ba lngar ni skyes pa yi/ /srog chags rnams kyi mgon du shog /bdag gis sdug bsngal kun las dgrol/ /'jig rten na ni mtshungs pa yod med pa/ /lha dbang lha ma yin dang klus mchod pa/ /gzi brjid dag ni mtha' yas 'od mdzad pa/ /rkang gnyis mchog la bdag gis mchod pa bgyis/ /bdag ni las mchog dam pa 'di dag gis/ /mi dbang sa steng mchog tu gyur pa bzhin/ /bsod nams rab mchog sum bcu gnyis mtshan ldan/ /chos kyi bdag po de dang 'dra bar shog /de nas bcom ldan 'das kyis gnod sbyin ci 'jigs kyi bu ri bo la tshigs su bcad pa dag gis gsungs pa/ chos kyi dam pa rnams kyi phyir/ /ston pa'i rim gro gang byed pa/ sems can rnams kyi mchog yin te/ /de dag byang chub rnyed mi dka'/ /'jig rten mgon po 'od mdzad pa/ /'jig rten snang mdzad mchog la ni/ /lha dang klu dang mi rnams kyis/ /mchod par bya bar 'os par 'gyur/ /byang chub mchog tu sangs rgyas nas/ /shing mchog drung du rab 'dug ste/ /sdig can bdud las rgyal nas su/ /srog chags rnams la chos ston to/ /de nas bcom ldan 'das lha stong phrag du ma dang / gnod sbyin dang / srin po stong phrag du ma dang / dri za dang / mi 'am ci dang / lto 'phye chen po stong phrag du ma dang / mi dang mi ma yin pa stong phrag du ma dang / srog chags bye ba khrag khrig brgya stong phrag du mas bskor cing mdun du bdar nas sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi cho 'phrul chen po dang / sangs rgyas kyi rnam par 'phrul ba chen po dang / sangs rgyas kyi gzi brjid chen</font><hr>79.323a<br><font size=+1>

pos/ 'od zer ni rab tu 'gye/ zhing ni rab tu g.yo bar byas/ me tog gi char ni rab tu 'bebs/ sil snyan bye ba khrag khrig ni rab tu 'khrol bar byas te/ gnod sbyin ci 'jigs kyi bu ri bos lam du bkod pa ji ltar mngon par byas pa bzhin du shing rta'i 'phang lo tsam gyi pad ma la zhabs bzhag ste/ ri'i rgyal po bya rgod kyi phung po ga la ba der gshegs te byon nas/ tshe dang ldan pa kun dga' bo la kun dga' bo khyod kyis de bzhin gshegs pa'i gdan mchog chos kyi gdan/ gdan dam pa/ gdan bzang po/ 'jig rten gsum po kun las khyad par du 'phags pa'i gdan/ sangs rgyas kyi gdan shoms shig /de bzhin gshegs pa gdan de la bzhugs te/ skye bo mang po la phan pa dang / skye bo mang po la bde ba dang / 'jig rten rnams la snying brtse ba dang / lha dang mi rnams kyi don dang / phan pa'i phyir byang chub sems dpa'i sde snod ces bya ba'i mdo sde sems can thams cad la phan par rab tu bsngags pa/ byang chub sems dpa'i spyod pa'i rgyu 'thun pa 'chad par 'gyur te/ de yang sems can thams cad the tshom du gyur pa la rab tu ston pa/ sems can thams cad kyi the tshom gcod pa/ sems can thams cad kyi the tshom skye ba gcod pa/ de bzhin gshegs pa'i mdo sde 'di 'chad par 'gyur ro/ /zhes bka' stsal pa dang / tshe dang ldan pa kun dga' bos bcom ldan 'das kyi gdan bshams te/ de na lha bye ba drug bcu rtsa brgyad kyis ras bcos ma re re de bzhin gshegs pa la phul te/ de dag kyang der gdan du bting bar gyur nas bcom ldan 'das gdan bshams pa de la bzhugs so/ /bzhugs nas bcom ldan 'das kyis lha'i bu de rnams la tshigs su bcad pa dag gis gsungs pa/ </font><hr>79.323b<br><font size=+1>

'jig rten mgon gyi gdan du ni/ /lha yi gos rab dam pa mchog /lha yis rab tu bting ba la/ /de la rnam par 'dren pa bzhugs/ /thams cad chos kyi pha rol phyin/ /sangs rgyas bzhugs par gyur ma thag /'jig rten rnam pa drug g.yos shing / /skye bo rab tu dga' bar gyur/ /sangs rgyas zhing ni ri dang bcas/ /de na rab tu snang bar gyur/ /de na chos 'dod rnams la ni/ /skyob pa sangs rgyas rdzu 'phrul ston/ /lha dang klu dang mi rnams dang / /grul bum yi dgas srul po rnams/ /de dag gcig gis gcig mthong ste/ /sgrib pa dag ni med par gyur/ /lha rnams bye ba phrag stong dang / khrag khrig phrag ni brgya rnams dag /rnyed dga' yi ni tshig gsung pa/ /sangs rgyas la ni dga' bas lta/ /rgyal po gzugs can snying po yang / de tshe blon pos yongs bskor cing / /'jig rten gyi ni mgon po mchog /sangs rgyas drung du 'ongs par gyur/ /ston pas lha dang klu rnams dang / /mi rnams 'dus par mkhyen pa dang / srog chags kun la phan pa'i phyir/ /phyogs bzhi dag tu rab gzigs nas/ /'jig rten the tshom gang yod pa/ /rkang gnyis mchog la dris shig dang / /the tshom dag ni dris pa rnams/ /rnam par 'dren pa ngas bcad do/ /de ltar de'i tshe stong gsum gyi stong chen po'i 'jig rten gyi khams kyi sems can ji snyed 'dus nas/ chos nyan pa de dag thams cad kyis dal bar shes nas/ sems can thams cad kyis bsams te/ phyag 'tshal nas chos mnyan pa'i phyir rna ba blags te 'dug par gyur to/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu chen po dge slong ma 'dus pa rnams la soms la ma lhags pa rnams kyang tshol te/ rgyang ring po na</font><hr>79.324a<br><font size=+1>

gnas pa rnams kyang sdus shig //de'i tshe tshe dang ldan pa 'od srung chen po ri'i rgyal po kha ba can gyi lho phyogs kyi ngos la gnas so/ /de nas tshe dang ldan pa maud gal gyi bu chen pos bsams te/ bsams nas rdzu 'phrul gyi stobs kyi tshe dang ldan pa 'od srung chen po ga la ba der song ste phyin nas/ tshe dang ldan pa 'od srung chen po la 'di skad ces smras so/ /btsun pa 'od srung chen po longs shig bcom ldan 'das 'di lhar bcas pa'i 'jig rten dang / bdud tu bcas pa dang / tshangs par bcas pa dang / dge sbyong dang bram zer bcas pa'i skye dgu rnams dang / lha dang mi dang lha ma yin du bcas pa'i 'khor gyi mdun du chos ston te/ ston pas bka' stsal gyis/ btsun pa 'od srung bdag cag gnyis kyi chos kyi bar chad tu 'gyur du 'ong gis 'dod do/ /de skad ces smras pa dang / tshe dang ldan pa 'od srung chen pos tshe dang ldan pa maud gal gyi bu chen po la 'di skad ces smras so/ /tshe dang ldan pa maud gal gyi bu chen po khyod song shig dang / kho bo yang khyod song ba'i rjes bzhin du 'ong ngo / /de nas tshe dang ldan pa 'od srung chen pos stan de la 'phrul pa sprul te/ rdzu 'phrul gyi stobs kyis rgyal po'i khab kyi grong khyer chen por bzhugs so/ /de nas tshe dang ldan pa 'od srung chen po 'khor bzhis bskor cing mdun du bdar nas ri'i rgyal po bya rgod gyi phung po ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das kyi spyan sngar 'khor gyi nang du ha cang yang mi ring ba zhig tu phyogs gcig tu gdug go/ /de nas tshe dang ldan pa maud gal gyi bu chen pos sprul pa de mthong nas rdzu 'phrul gyi stobs kyis bcom ldan 'das ga la ba der song ngo / /tshe</font><hr>79.324b<br><font size=+1>

dang ldan pa maung gal gyi bu chen pos/ tshe dang ldan pa 'od srung chen po bcom ldan 'das kyi spyan sngar ha cang yang mi ring ba zhig tu 'khor gyi nang na phyogs gcig tu 'dug par mthong ste/ mthong nas 'di skad ces smras so/ /btsun pa 'od srung khyod stan ga la ba de nas sprul te/ sprul nas mgyogs par bcom ldan 'das kyi drung du phyin te/ spyan sngar ha cang yang mi ring bzhin tu 'khor kyi nang na phyogs gcig tu 'dug pa ni myur ba la sten pa'i rdzu 'phrul dang ldan no/ /de skad ces smras pa dang / tshe dang ldan pa 'od srung chen pos tshe dang ldan pa maud gal gyi bu chen po la 'di skad ces smras so/ /tshe dang ldan pa maung gal gyi bu chen po ni/ bcom ldan 'das kyis rdzu 'phrul dang ldan pa'i mchog tu gsungs na 'di la kho bo'i rdzu 'phrul rnam par sprul pa lta ci zhig tu 'gyur/ gnod sbyin ci 'jigs kyi le'u ste/ gnyis pa'o// // bam po gsum pa/ /de nas tshe dang ldan pa shA ri'i bu stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad tu bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / dris pa de dang de'i lung</font><hr>79.325a<br><font size=+1>

bstan pas ngas khyod kyi sems rangs par bya'o/ /de skad ces bka' stsal nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das chos du dang ldan na byang chub sems dpa' rnams lus kyi las kha na ma tho ba ma mchis pa dag lags/ ngag gi las kha na ma tho ba ma mchis pa dang / yid kyi las kha na ma tho ba ma mchis pa dang / lus kyi las yongs su dag pa dang / ngag gi las yongs su dag pa dang / yid kyi las yongs su dag pa dang / lus kyi las ma g.yos pa dang / ngag gi las ma g.yos pa dang / yid kyi las ma g.yos pa rnams lags/ thams cad mkhyen pa'i sems bskyed pa de las bdud dang / bdud kyi ris kyi lha rnams kyis bskyod mi nus pa rnams lags/ sa nas sar 'phar ba la mkhas pa rnams lags/ sems can thams cad kyi 'dren par gyur pa dang / rnam par 'dren par gyur pa dang / yongs su 'dren par gyur pa dang / sgron mar gyur pa dang / mu stegs su gyur pa dang / zam par gyur pa dang / grur gyur pa dang / sgrol ba po dang / pha rol du 'gro bar gyur pa dang / gnas dang mgon dang skyabs dang / dpung gnyen du gyur pa dang / thams cad mkhyen pa'i sems bskyed pa de las bzlog par mi nus pa rnams lags/ de nas bcom ldan 'das la tshe dang ldan pa shA ri'i bus tshigs su bcad pa'i dbyangs kyis don de nyid kun zhus pa/ gang gis byang chub rab zhugs pa/ /dpa' bo de yi don ci lags/ /gang gis dam pa 'tshang rgya ba/ /yon tan chos rnams brjod du gsol/ /srog chags kun la sman slad du/ /dpa' bo de dag ji ltar spyod/ /ji lta bu yi chos bsgoms pas/ /mi yi dam pa sangs rgyas 'gyur/ /byang chub snying por rab gnas nas/ /</font><hr>79.325b<br><font size=+1>

sdig can dag ni ji ltar 'dul/ /bye ba dag gi zhing bskyod nas/ /ji ltar byang chub mchog 'tshang rgya/ /byang chub sems dpa' gang gi don/ /'di 'dra'i tshig ni ci zhig lags/ /sangs rgyas chos kyi mchog rnams dang / /byang chub dag ni 'dir brjod gsol/ /srog chags kun las sman slad du/ /pad ma bzhin du ma chags shing / /sems can bye ba grol mdzad par/ /'jig rten 'di ni ji ltar spyod/ /mkhas pa lha dang klu dag dang / /mi dang mi ma lags rnams kyis/ /ji lta bur ni mchod 'gyur ba/ /zhus pa de dag bshad du gsol/ /de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu byang chub sems dpa' chos gcig dang ldan na sangs rgyas kyi chos 'di dag dang gzhan yang dpag tu med pa dag yongs su 'dzin to/ /chos gcig po gang zhe na/ 'di lta ste/ bsam pa phun sum tshogs pa'i byang chub kyi sems te/ shA ri'i bu byang chub sems dpa' chos gcig po de dang ldan na sangs rgyas kyi chos 'di dag dang / gzhan yang dpag tu med pa dag yongs su 'dzin to/ /de nas bcom ldan 'das la tshe dang ldan pa shA ri'i bu la 'di skad ces gsol to/ /bcom ldan 'das bsam pa ji lta bu/ byang chub kyi sems ji lta bu/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu bsam pa zhes bya ba ni mi phyed pa'i phyir snying po'o/ /brtan pa'i phyir mi phyed pa'o/ /mi g.yo ba'i phyir brtan pa'o/ /ma 'khrul ba'i phyir mi g.yo ba'o/ /shin du gnas pa'i phyir ma 'khrul pa'o/ /mi zlogs pa'i phyir shin tu gnas</font><hr>79.326a<br><font size=+1>

pa'o/ /sems can la lta ba'i phyir mi zlogs pa'o/ /snying rje chen po'i rtsa ba las byung ba'i phyir sems can la lta ba'o/ /yongs su mi skyo ba'i phyir snying rje chen po'i rtsa ba'o/ /sems can yongs su smin par bya ba'i cho ga shes pa'i phyir yongs su mi skyo ba'o/ /bdag la bde ba ma yin pa'i phyir sems can yongs su smin par bya ba'i cho ga shes pa'o/ /lan du phan 'dogs par re ba med pa'i phyir bdag bde ba ma yin pa'o/ /zang zing med pa'i phyir/ lan du phan 'dogs par re ba med pa'o/ /sems can gyi phyir 'brang pas zang zing med pa'o/ /mthu chung ba'i sems can la lta ba'i phyir sems can gyi phyir 'brang ba'o/ /mgon du gyur pa'i phyir mthu chung ba'i sems can la lta ba'o/ /skyabs dang dpung gnyen gyi phyir mgon du gyur pa'o/ /ma 'khrugs pa'i phyir skyabs dang dpung gnyen no/ /shin tu yang dag par brtags pa'i phyir ma 'khrugs pa'o/ /rtsod pa med pa'i phyir shin tu yang dag par brtags pa'o/ /bsam pa dge ba'i phyir rtsod pa med pa'o/ /ci yang med pa'i phyir bsam pa dge ba'o/ /shin du yongs su dag pa'i phyir ci yang med pa'o/ /rab tu byung bar byas pa'i phyir shin tu yongs su dag pa'o/ /nang dri ma med pa'i phyir rab tu byang bar byas pa'o/ /phyi shin du yongs su dag pa'i phyir nang dri ma med pa'o/ /de ltar shA ri'i bu mi phyed pas snying po zhes bya ba nas phyi shin du yongs su dag pa'i phyir nang dri ma med pa'i bar du ste/ bsam pa ni de lta bu'o/ /byang chub kyi sems ji lta bu zhe na/ sems de ni nyon mongs pa thams cad kyis mi rdzi ba'o/ /sems de ni theg pa gzhan mi 'dod pa'i phyir 'brel ba med pa'o/ /sems de ni pha rol rgol ba thams cad kyis mi 'phrogs pa'i phyir brtan pa'o/ /sems de ni bdud thams cad kyis mi phyed</font><hr>79.326b<br><font size=+1>

pa'o/ /sems de ni dge ba'i rtsa ba'i tshogs bsags pa'i phyir rtag pa'o/ /sems de ni sangs rgyas kyi chos la mos pa'i phyir mi g.yo ba'o/ /sems de ni byang chub sems dpa'i sa la rab tu gnas pa'o/ /sems de ni gnyen po med pa'i phyir bla na med pa'o/ /sems de ni sangs rgyas thams cad kyi chos thams cad nges par phigs pa'i phyir rdo rje lta bu'o/ /sems de ni sems can thams cad kyi bsam pa la mi mnyam pa med pa'i phyir mnyam pa'o/ /sems de ni rang bzhin gyis kun nas nyon mongs pa med pa'i phyir rnam par dag pa'o/ /sems de ni shes rab kyis snang bar byed pa'i phyir dri ma med pa'o/ /sems de ni sems can thams cad la bskabs 'byed pa'i phyir rgya che ba'o/ /sems de ni nam mkha' dang mtshungs pa'i phyir yangs pa'o/ /sems de ni thams cad mkhyen pa'i ye shes la btang ba'i phyir sgrib pa med pa'o/ /sems de ni snying rje chen po ma bcad pa'i phyir thams cad kyi rjes su song ba'o/ /sems de ni mkhas pas bsngags pa'i phyir mngon du 'gro bar bya'o/ /sems de ni sangs rgyas kyi chos thams cad kyi sa bon du gyur pa'o/ /sems de ni bde ba'i dngos po thams cad kyi gnas so/ /sems de ni tshul khrims kyis smon lam las byung pa'o/ /sems de ni bzod pas bsnyen par dka' ba'o/ /sems de ni brtson 'grus kyis thul bar dka' ba'o/ /sems de ni bsam gtan dag gis nye bar zhi ba'o/ /sems de ni shes rab kyi tshogs kyis gnod pa med pa'o/ /yang sems de ni de bzhin gshegs pa'i tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po'i rtsa ba'o/ sems de ni de bzhin gshegs pa'i rnam par grol</font><hr>79.327a<br><font size=+1>

ba'i ye shes gzigs pa'i phung po'i rtsa ba'o/ /sems de ni de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bcwa brgyad rnams kyi rtsa ba'o/ /yang shA ri'i bu sems de ni byang chub kyi rang bzhin te/ de'i phyir byang chub kyi sems shes bya'o/ /shA ri'i bu byang chub sems dpa' bsam pa dang / byang chub kyi sems de lta bu dang ldan pa ni byang chub sems dpa' zhes bya'o/ /sems can rgya chen po sems can mchog rab ces bya'o/ /'jig rten gsum po thams cad las khyad par du gyur pa'i sems can zhes bya'o/ /lus kyi las kha na ma tho ba med pa yin/ ngag gi las kha na ma tho ba med pa yin/ yid kyi las kha na ma tho ba med pa yin/ lus kyi las yongs su dag pa yin/ ngag gi las yongs su dag pa yin/ yid kyi las yongs su dag pa yin/ lus kyi las ma g.yos pa yin/ ngag gi las ma g.yos pa yin/ yid kyi las ma g.yos pa yin te/ thams cad mkhyen pa'i sems bskyed pa de las bdud dang bdud kyi ris kyi lha rnams kyis bskyod mi nus pa yin/ sa nas sar 'phar ba la mkhas pa yin/ 'jig rten gyi chos thams cad kyis ma gos pa yin/ sems can thams cad kyi 'dren par gyur pa yin/ rnam par 'dren par gyur pa dang / yongs su 'dren par gyur pa dang / sgron mar gyur pa dang / mu stegs su gyur pa dang / zam par gyur pa dang / grur gyur pa dang / sgrol bar gyur pa dang pha rol tu 'gro ba dang / gnas dang mgon dang / skyabs dang dpung gnyen yin no/ /thams cad mkhyen pa'i sems bskyed pa de las bdud dang bdud kyi ris kyi lha rnams kyis</font><hr>79.327b<br><font size=+1>

bskyod par mi nus pa yin no/ /de ltar na shA ri'i bu byang chub sems dpa' bsam pa thag pa nas bla na med pa yang dag par rdzogs pa'i byang chub tu sems bskyed nas dad pa yin no/ /dad pa mang ba dang / 'phags pa rnams mthong bar 'dod pa dang / chos nyan par 'dod pa yin/ ser sna med cing lhug par gtong ba dang / lag brkyang zhing rnam par gtong ba la dga' ba dang / sbyin pa bged pa la dga' ba yin/ sems can thams cad la khong khro ba med pa'i sems yin/ rnyog pa med pa'i sems dang / 'khrugs pa med pa'i sems dang / ma 'dres pa'i sems dang / de las dang las kyi rnam par smin pa la mngon par dad pa dang / rab tu rtog cing yid ches pa dang / the tshom med cing som nyi med pa yin no/ /de nag po dang / dkar po'i chos rnams kyi 'bras bu mi stor bar shes pas srog gis phyir yang sdig pa'i las mi byed pa yin te/ de srog gcod pa spong ba yin/ ma byin par len pa dang / 'dod pa la log par g.yem pa dang / brdzun tu smra ba dang / phra ma dang / ngag rtsub po dang / tshil kyal ba dang / brnab sems dang / gnod sems dang / log par lta ba spong ba yin te/ mi dge ba bcu'i las kyi lam 'di dag spangs nas / dge ba bcu'i las kyi lam rnams yang dag par len cing spyod do/ /de dad pa dang ldan pas gang dge sbyong dang / bram ze dag yang dag par song ba dang / yang dag par zhugs pa dang / tshul khrims dang ldan pa dang / dge ba'i chos can dang / mang du thos pa dang / thos pa la brtson pa dang / tshul bzhin yid la byed pa dang ldan pa dang dul ba dang / zhi ba dang nye bar zhi ba dang / rtsod pa'i smra ba med pa dang / mi snyan par smra ba med pa dang / </font><hr>79.328a<br><font size=+1>

bsam pa dge zhing mi dge ba'i bsam pa med pa dang / dge ba la yang dag par sbyor ba dang / mi dge ba'i chos thams cad yongs su spangs pa dang / rgod pa med pa dang / khengs pa ma yin pa dang / yab yab po med pa dang / mu cor mi smra ba dang / tshig ma 'dres pa dang / dran pa nye bar gnas pa dang / sems shin du mnyam par bzhag pa de dag dang / ji ltar srid par 'dren pa bcad pa dang / zug rngu phyung ba dang / khur bor ba dang / the tshom las rgal ba dang / som nyi las rgal ba dang / yang srid pa zad pa'i sangs rgyas bcom ldan 'das dang / byang chub sems dpa' sems dpa' chen po dag dang / de lta bu'i dge sbyong dang / bram ze dge ba'i bshes gnyen du rig nas de dag la bsnyen cing bsten te/ bsnyen bkur byed cing mgu bar byed kyi/ yid byung bar mi byed do/ /dga' bar byed kyi/ mi dga' bar mi byed de/ des dge ba'i bshes gnyen mgu bar byas pas de la chos kyis phan 'dogs par byed de/ chos kyi gtam gyis yang dag par ston par byed/ yang dag par 'dzin du 'jug /yang dag par gzeng stod/ yang dag par rab tu dga' bar byed de/ sbyin pas longs spyod chen po 'gyur ba dang / tshul khrims kyis mtho ris su skye ba dang / thos pas shes rab chen por 'gyur ba dang / sgom pas 'bral bar 'gyur ro zhes yang dag par rab tu ston to/ /'di ni sbyin pa/ 'di ni sbyin pa'i 'bras bu dang / 'di ni ser sna/ 'di ni ser sna'i 'bras bu/ 'di ni tshul khrims/ 'di ni tshul khrims kyi rnam par smin pa/ 'di ni 'chal ba'i tshul khrims/ 'di ni 'chal ba'i tshul khrims kyi rnam par smin pa/ 'di ni bzod pa/ 'di ni bzod pa'i rnam par smin pa/ </font><hr>79.328b<br><font size=+1>

'di ni gnod sems/ 'di ni gnod sems kyi rnam par smin pa/ 'di ni brtson 'grus/ 'di ni brtson 'grus kyi rnam par smin pa/ 'di ni le lo/ /'di ni le lo'i rnam par smin pa/ 'di ni bsam gtan/ 'di ni bsam gtan rnams kyi rnam par smin pa/ 'di ni sems g.yeng ba/ 'di ni sems g.yeng ba'i rnam par smin pa/ 'di ni shes rab/ 'di ni shes rab kyi rnam par smin pa/ 'di ni 'chal ba'i shes rab/ 'di ni 'chal ba'i shes rab kyi rnam par smin pa/ 'di ni lus kyi legs par spyod pa/ 'di ni lus kyis legs par spyod pa'i rnam par smin pa/ 'di ni lus kyis nyes par spyod pa/ 'di ni lus kyis nyes par spyod pa'i rnam par smin pa/ 'di ni ngag gis legs par spyod pa/ 'di ni ngag gis legs par spyod pa'i rnam par smin pa/ 'di ni ngag gis nyes par spyod pa/ 'di ni ngag gis nyes par spyod pa'i rnam par smin pa/ 'di ni yid kyis legs par spyod pa/ 'di ni yid kyis legs par spyod pa'i rnam par smin pa/ 'di ni yid kyis nyes par spyod pa/ 'di ni yid kyis nyes par spyod pa'i rnam par smin pa/ 'di ni dge ba/ 'di ni mi dge ba/ 'di ni bya ba/ 'di ni mi bya ba/ 'di byas na yun ring po'i don dang / phan pa dang / bde bar 'gyur/ 'di ni byas na yun ring por gnod pa dang / mi phan pa dang / mi bde bar 'gyur ro zhes de ltar de la dge ba'i bshes gnyen de dag gis chos kyi gtam gyis yang dag par ston te/ yang dag par 'dzin du 'jug /yang dag par gzeng stod/ yang dag par rab tu dga' bar byed de/ snod tu gyur par yang shes nas zab mo'i gtam yang dag par 'dzin du 'jug ste/ 'di lta ste/ stong pa nyid kyi gtam dang / mtshan ma med pa'i gtam dang / smon pa med pa'i gtam dang / </font><hr>79.329a<br><font size=+1>

mngon par 'du mi byed pa'i gtam dang / ma skyes pa'i gtam dang / ma byung ba'i gtam dang / bdag med pa'i gtam dang / sems can med pa'i gtam dang / srog med pa'i gtam dang / gang zag med pa'i gtam dang / rten cing 'brel bar 'byung ba zab mo'i gtam rab tu ston to/ /'di lta ste/ 'di yod pas 'di 'byung / 'di skyes pa'i phyir 'di skye ba ste/ 'di ltar ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa len pa rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams 'byung bar 'gyur te/ de ltar sdug bsngal gyi phung po 'di 'ba' shig 'byung bar 'gyur ro/ /'di lta ste/ 'di yod na 'di 'byung / 'di 'gags pas 'di 'gag ste/ 'di lta ste/ ma rig pa 'gags pas 'du byed 'gag pa nas/ de ltar sdug bsngal gyi phung po chen po 'di 'ba' shig 'gag par 'gyur ro zhes bya ba'i bar du ste/ 'di la ni chos gang yang skye ba 'am/ 'gag pa med do/ /de ci'i phyir zhe na/ chos thams cad ni rten cing 'brel bar 'byung ba ste/ bdag po med pa/ byed pa po med pa/ tshor ba po med pa/ rgyu dang rkyen las byung ba ste/ 'di la chos gang yang 'grub pa med/ ldog pa med/ rjes su 'jug pa med de/ yang dag pa ma yin pa'i rmongs pas khams gsum 'dogs par 'gyur ro/ /nyon mongs pa'i</font><hr>79.329b<br><font size=+1>

lam dang / sdug bsngal gyi lam 'dogs par 'gyur ro/ /yang dag pa ma yin pa'i rmongs pa yang dag pa ji lta ba bzhin du brtags nas chos gang yang chos gang gi byed pa po ma yin no/ /gang la byed pa po med pa de la don dam pa bya ba yang mi dmigs te/ de la chos gang yang 'byung ba med/ 'jig pa med do zhes brjod do/ /des de lta bu'i chos zab mo thos nas the tshom mi za/ som nyi mi byed cing chos thams cad la chags pa med par 'jug ste/ de gzugs la mi chags/ tshor ba dang / 'du shes dang / 'du byed dang / rnam par shes pa la mi chags/ mig dang gzugs dang / mig gi rnam par shes pa la mi chags/ rna ba dang sna dang lce dang lus dang yid dang / chos dang yid kyi rnam par shes pa la mi chags te/ 'di ltar chos thams cad ni rang bzhin gyis stong pa'o zhes dad ngo / /shA ri'i bu de ltar dad pa la gnas pa'i byang chub sems dpa' ni sangs rgyas la lta ba las yongs su mi nyams/ chos nyan pa las yongs su mi nyams/ dge 'dun la bsnyen bkur byed pa las yongs su mi nyams so/ /de gang dang gang du skye ba de dang de dag tu sangs rgyas la lta ba dang bral bar mi 'gyur/ chos nyan pa dang bral bar mi 'gyur/ dge 'dun la bsnyen bkur byed pa dang bral bar mi 'gyur/ sangs rgyas bcom ldan 'das rnams kyi spyan sngar skye bar 'gyur te/ de dang de dag tu skyes nas kyang brtson 'grus rtsom zhing dge ba'i chos yongs su tshol ba la brtson par 'gyur ro/ /de brtson 'grus brtsams pas khyim gyi gnas mi 'dod par 'gyur/ bu pho dang / bu mo 'dod par mi 'gyur/ bran pho dang / bran mo dang / las byed pa dang / zho shas 'tsho ba dag mi 'dod par 'gyur/ yongs su gzung ba thams cad kyi ngor lta ba mi 'dod</font><hr>79.330a<br><font size=+1>

par 'gyur te/ de skyes nas 'dod pa la ma rtses par na tshod gzhon nur sangs rgyas bcom ldan 'das rnams kyi bstan pa la dad pas khyim nas khyim med par myur du rab tu 'byung ngo / /de dad pas rab tu byung nas dge ba'i bshes gnyen mchog dang ldan zhing dge ba'i bshes gnyen dang 'grogs dge ba'i bshes gnyen la rtog pas dge ba'i bsam pa rnyed par 'gyur ro/ /de dge ba'i bsam pa dang ldan pas dge ba'i chos rnams nyan cing sgrub pa snying por byed par 'gyur te/ tshig lhur byed pa'i blo dang ldan par mi 'gyur/ /mang du thos pa yongs su tshol bas ngoms par mi 'gyur ji ltar thos pa'i chos rnams gzhan la yang rgya chen yang dag par rab tu ston te/ zang zing med pa'i sems kyis rnyed pa dang / bkur sti dang / tshigs su bcad pa la mi re zhing rang gi tshig yongs su mi spong bar gzhan la chos ston te/ ji ltar thos pa dang ji ltar gnas pa de bzhin du gzhan la chos ston to/ /chos nyan pa rnams la byams pa chen po rnyed par 'gyur/ sems can thams la snying rje chen po 'jug par 'gyur ro/ /de mang du thos pas lus dang srog la mi lta bar 'gyur/ 'dod pa nyung zhing chogs shes par 'gyur/ rab tu dben pa dang / nges par 'gyur/ gso sla ba dang / dgang sla ba dang / dgon pa la dga' ba dang / ji ltar thos pa'i chos rnams kyi don la nye bar rtog pa dang don la rton gyi yi ge la mi rton pa yin/ lha dang mi dang lha ma yin du bcas pa'i 'jig rten gyi rten du 'gyur/ bdag 'ba' shig gi phyir zhugs pa ma yin gyi/ sems can thams cad kyi phyir 'di lta ste/ theg pa chen po bla na med pa sangs rgyas kyi ye shes mi mnyam pa dang / mnyam pa'i</font><hr>79.330b<br><font size=+1>

ye shes 'jig rten gsum po thams cad las khyad par du 'phags pa'i ye shes yongs su tshol lo/ /bag yod pa lhur byed par 'gyur te/ de la bag yod pa gang zhe na/ 'di lta ste/ dbang po yang dag par sdom pa'o/ /de la dbang po yang dag par sdom pa gang zhe na/ gang mig gis gzugs mthong nas mtshan mar mi 'dzin/ mngon rtags su mi 'dzin/ gzugs la chags pa dang / nyes dmigs dang / 'byung ba yang yang dag pa ji lta ba bzhin du rab tu shes so/ /de bzhin du rna bas sgra dang / snas dri dang / lces ro dang / lus kyis rig bya dang / yid kyis chos shes nas mtshan mar mi 'dzin/ mngon rtags su mi 'dzin/ chos rnams la chags pa dang / nyes dmigs kyang yang dag pa ji lta ba bzhin du rab tu shes pa 'di ni bag yod pa zhes bya'o/ /gzhan yang shA ri'i bu bag yod pa zhes bya ba ni gang bdag gi sems 'dul ba dang / gzhan gyi sems bsrung ba dang / nyon mongs pa la dga' ba spong ba dang / chos la dga' ba'i rjes su 'gro ba dang / 'dod pa la rnam par rtog pa dang / gnod sems kyi rnam par rtog pa rnams mi 'byung ba dang / rnam par 'tshe ba'i rnam par rtog pa rnams mi 'byung ba dang / chags pa'i mi dge ba'i rtsa ba rnams mi 'byung ba dang / zhe sdang gi mi dge ba'i rtsa ba rnams mi 'byung ba dang / gti mug gi mi dge ba'i rtsa ba rnams mi 'byung ba dang / lus kyis nyes par spyod pa dang / ngag gi nyes par spyod pa dang / yid kyi nyes par spyod pa mi 'byung ba dang / tshul bzhin ma yin pa yid la byed pa mi 'byung ba dang / sdig pa mi dge ba'i chos thams cad mi 'byung ba de ni bag yod pa zhes bya'o/ /de ltar shA ri'i bu bag yod pa'i byang chub sems dpa' tshul bzhin yid la byed pa la rab tu sbyor ba ni gang yod pa de yang yod</font><hr>79.331a<br><font size=+1>

par rab tu shes/ gang med pa de yang med par rab tu shes so/ /de la ci yod ci med ce na/ yang dag pa la rab tu sbyor ba la ni 'phags pa'i rnam par grol ba yod do/ /log pa la rab tu sbyor ba la ni 'phags pa'i rnam par grol ba med do/ /las kyi rnam par smin pa ni yod do/ /gang gi las rnam par smin pa de ni med do/ /gzhan yang mig ni yod do/ /gang gi mig de ni med do/ /rna ba dang sna dang lce dang lus dang yid ni yod do/ /gang gi yid de ni med do/ /gzhan yang gzugs mi rtag pa dang / sdug bsngal ba dang 'gyur ba'i chos can de ni yod do/ /gzugs rtag pa dang / brtan pa dang / mi 'gyur ba'i chos can dang / ther zug pa dang / de bzhin du gnas so zhes bya ba de ni med do/ /tshor ba dang / 'du shes dang / 'du byed rnams dang / rnam par shes pa mi rtag pa dang / sdug bsngal ba dang / 'gyur ba'i chos can de ni yod do/ /tshor ba dang / 'du shes dang / 'du byed rnams dang / rnam par shes pa rtag pa dang / brtan pa dang / ther zug pa dang / mi 'gyur ba'i chos can dang / yang dag par de bzhin du gnas so zhes bya ba de ni med do/ /gzhan yang ma rig pa'i rkyen gyis 'du byed rnams yod kyi/ ma rig pa med na/ 'du byed med pa nas skye ba'i rkyen gyis rga shi'i bar du yod kyi/ skye ba med na rga shi med do/ /gzhan yang sbyin pas longs spyod chen por 'gyur ba ni yod do/ /sbyin pas dbul por 'gyur ba ni med do/ /tshul khrims kyis mtho ris su skye ba ni yod do/ /'chal ba'i tshul khrims kyis mtho ris su skye ba ni med do/ /thos pas shes rab chen por 'gyur ba ni yod do/ /'chal ba'i shes rab kyis shes rab chen por 'gyur ba ni med do/ /sgom pas 'bral bar 'gyur ba ni yod do/ /sgom pas 'bral bar mi 'gyur</font><hr>79.331b<br><font size=+1>

ba ni med do/ /tshul bzhin ma yin pa yid la byed pas kun tu sbyor ba ni yod do/ /tshul bzhin ma yin pa yid la byed pas 'bral ba ni med do/ /brtson 'grus brtsams pa'i byang chub sems dpa' la ni byang chub yod do/ /le lo can la ni byang chub med do/ /nga rgyal med pa la ni rab tu byung bar lung bstan pa yod do/ /nga rgyal can la ni mya ngan las 'da' ba med do/ /gzhan yang thams cad tu song ba'i stong pa nyid ni yod do/ /le lo la ni bdag dang / sems can dang / srog dang / skyes bu dang / gang zag go zhes bya ba de ni med do/ /de ltar shA ri'i bu bag yod pa'i byang chub sems dpa' tshul bzhin yid la byed pa dang ldan pa ni gang yod par 'jig rten gyi mkhas pa rnams kyis kun shes pa de la ni yod do zhes 'dogs so/ /gang med par 'jig rten na mkhas pa rnams kyis kun shes pa de la ni med do zhes 'dogs so/ /de yod ces tha snyad du 'dogs pa la yang yang dag par shes par mi byed/ med ces tha snyad tu 'dogs pa la yang yang dag par shes par mi byed do/ /sangs rgyas bcom ldan 'das thams cad kyis gsungs pa'i yang dag pa'i don kyang khong du chud de/ chos thams cad ni de bzhin gshegs pas bsdus te chos kyi mdo bzhir 'dus par byas so/ /bzhi gang zhe na/ 'di lta ste/ 'du byed thams cad mi rtag pa dang / 'du byed thams cad sdug bsngal ba dang / chos thams cad bdag med pa dang mya ngan las 'das pa zhi ba'o/ /'du byed thams cad mi rtag pa zhes bya ba ni rtag par 'du shes pa'i sems can rnams kyi rtag par 'du shes pa spang ba'i phyir de bzhin gshegs pas bshad do/ /'du byed thams cad sdug bsngal ba zhes bya ba ni bde bar 'du shes pa'i sems can rnams kyi bde bar 'du shes pa spang ba'i phyir/ de bzhin gshegs pas bshad</font><hr>79.332a<br><font size=+1>

do/ /chos thams cad bdag med pa zhes bya ba ni bdag tu 'du shes pa'i sems can rnams kyi bdag tu 'du shes pa spong ba'i phyir de bzhin gshegs pas bshad do/ /mya ngan las 'das pa zhi ba zhes bya ba ni dmigs pas phyin ci log tu gyur pa'i sems can rnams kyi dmigs pa'i phyin ci log tu gyur pa spang ba'i phyir de bzhin gshegs pas bshad do/ /de 'du byed thams cad mi rtag go zhes thos nas shin tu mi rtag pa nyid la 'jug go/ /'du byed thams cad sdug bsngal ba'o zhes thos nas smon lam dang bral ba skyed do/ /chos thams cad bdag med pa'o zhes thos nas stong pa nyid kyi ting nge 'dzin dang / rnam par thar pa'i sgo la sgom mo/ /mya ngan las 'das pa zhi ba zhes thos nas mtshan ma med pa yongs su 'dris par byed do/ /dus ma yin par ni yang dag pa'i mtha' mngon sum du mi byed do/ /de ltar shA ri'i bu de lta bu'i chos la brtson pa'i byang chub sems dpa' ni dge ba'i chos las yongs su mi nyams te/ myur du sangs rgyas kyi chos thams cad yongs su rdzogs par byed do/ /byang chub sems dpa' brtag pa zhes bya ba'i le'u ste/ gsum pa'o// // gzhan yang shA ri'i bu de ltar dad pa la gnas pa'i byang chub sems dpa' ni/ de bzhin gshegs pa dgra bcom pa yang dag par rdzogs pa'i sangs rgyas kyi bsam gyis mi khyab pa'i chos bcu la mngon par dang / yid ches rab tu rtog /the tshom mi za/ rgya cher dga' mgu ste/ rangs pa rnyed nas ngo mtshar dang rmad tu 'du shes skyed do/ /bcu gang zhe na/ 'di lta ste/ de bzhin gshegs pa rnams kyi de bzhin gshegs pa'i sku bsam gyis mi khyab pa la mngon par dang / yid ches rab tu rtog /the tshom mi za/ rgya cher dga' mgu ste/ </font><hr>79.332b<br><font size=+1>

rangs pa rnyed nas/ ngo mtshar dang rmad tu 'du shes skyed do/ /'di lta ste/ de bzhin gshegs pa rnams kyi de bzhin gshegs pa'i dbyangs bsam gyis mi khyab pa la mngon par dad pa nas ngo mtshar dang / rmad du 'du shes skyed pa'i bar du'o/ /'di lta ste/ de bzhin gshegs pa rnams kyi de bzhin gshegs pa'i ye shes bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i 'od bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i tshul khrims dang / ting nge 'dzin bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i rdzu 'phrul bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i stobs bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i mi 'jigs pa bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i snying rje chen po bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i sangs rgyas kyi chos ma 'dres pa bsam gyis mi khyab pa la mngon par dang / yid ches rab tu rtog /the tshom mi za/ rgya cher dga' mgu ste/ rangs pa rnyed nas ngo mtshar dang / rmad du 'du shes skyed pa'o/ /de bzhin gshegs pa'i ngo mtshar dang / rmad kyi chos bcu po 'di rnams kyi phyir brtson 'grus tshar rtsom zhing mi zham mi 'gong mi skyo ste/ de bzhin gshegs pa'i bsam gyis mi khyab pa/ ngo mtshar dang rmad kyi chos bcu po ma thob kyi bar du lus kyi lpags pa dang / rgyus pa dang / bri dang / dbugs dang / rus pa dag zhig la/ lus kyi sha dang / khrag</font><hr>79.333a<br><font size=+1>

skams kyang sla'i/ brtson 'grus nyams par mi bya'o/ /snyam du de ltar sems skyed do/ /shA ri'i bu de ltar dad pas mos pa'i byang chub sems dpa' ni de bzhin gshegs pa'i bsam gyis mi khyab pa ngo mtshar dang rmad kyi chos bcu po 'di rnams la mngon par dang / yid ches rab tu rtog /the tshom mi za/ rgya cher dga' mgu ste rangs pa rnyed do/ /de nas bcom ldan 'das kyi don 'di nyid rgya cher rab tu bstan pa'i phyir de'i tshe tshigs su bcad pa 'di dag gsungs so/ /sangs rgyas sku ni bsam mi khyab/ /chos kyi sku yis rab tu phye/ /mtshan ma med cing snang med la/ /rgyal ba'i thugs sras dad par byed/ /'gro ba tha dad ji snyed kyi/ /sgra skad bsam gyis mi khyab pa/ /thams cad tu ni chos sgrogs te/ /sangs rgyas kyi ni spyod yul dang / /ji rtsam sems can thams cad kyi/ /dus gsum dag gi dbang po kun/ /sangs rgyas kyis ni rab mkhyen te/ /bsam mi khyab la rab tu dang / /sangs rgyas rnams kyi 'od mtha' yas/ /'od zer dra bas bsam mi khyab/ /zhing rnams rgya mtsho mtha' yas pa/ /thams cad kyi ni phyogs su khyab/ /thub pa'i tshul khrims 'jig rten 'das/ /'jig rten chos la mi gnas te/ /rdzu 'phrul rkang pa bsam yas la/ /byang chub sems dpa' rab tu dad/ /sangs rgyas rtag tu mnyam par gzhag /rnam par thar pa bsam mi khyab/ /sangs rgyas rnams kyi spyod yul ni/ /sems can kun gyis shes mi nus/ /chos kyi dbyings ni dbyer med la/ /gang gi stobs kyis shes 'gyur ba/ /drang srong chen po'i ye shes stobs/ /nam mkha' bzhin du mtha' yas pa/ /sems can gcig gi don phyir yang / /bskal</font><hr>79.333b<br><font size=+1>

pa rgya mtsho mtha' yas par/ /'dul ba'i don phyir bzhugs pas na/ /de dag snying rje de 'dra'o/ /sems can thams cad gzhan dang gzhan/ /dri ba rgya mtsho 'dri byed kyang / /dris lan gcig gi tshin byed de/ /mi 'jigs pa ni bsam mi khyab/ /rnam pa thams cad mchog ldan pa/ /chos rnams thams cad thugs su chud/ /sangs rgyas chos rnams ma 'dres pa/ /thams cad tu ni ye shes gzigs/ /dad pa la ni rab gnas pas/ /sangs rgyas kun chos chos nyid rnams/ /bsam gyis mi khyab 'di dag la/ /de dag thams cad dad par byed/ /shA ri'i bu ji ltar byang chub sems dpa' de bzhin gshegs pa rnams kyi de bzhin gshegs pa'i sku bsam gyis mi khyab pa la mngon par dang / yid ches/ rab tu rtog /the tshom mi za/ rgya cher dga' mgu ste/ rangs pa rnyed nas ngo mtshar dang rmad tu 'du shes skye ce na/ 'di lta ste/ de bzhin gshegs pa'i sku ni mi dge ba'i chos thams cad spangs pa/ dge ba'i chos thams cad dang ldan pa'o/ /'di lta ste/ mi gtsang ba dang / mchil ma dang / ngar snabs dang / snabs dang / rnag dang / khrag dang / bshang ba dang / gci ba dang bral ba/ rus pa dang / sha dang / khrag dang / rgyus pa las rnam par grol ba'o/ /'di lta ste/ de bzhin gshegs pa'i sku ni rang bzhin gyis 'od gsal ba/ yongs su dag pa/ nyon mongs pa thams cad kyi dri ma dang bral ba'o/ /'di lta ste/ de bzhin gshegs pa'i sku ni 'jig rten las 'das pa ste/ 'jig rten gyi chos thams cad kyi ma gos pa'o/ /'di lta ste/ de bzhin gshegs pa'i sku ni yon tan dpag tu med pa dang / bsod nams dang / ye shes kyi tshogs bsags pas sems can thams cad kyi 'tsho ba'o/ /'di lta ste/ de bzhin gshegs pa'i sku ni tshul khrims dpag tu med pa yongs su bsgoms pa dang / ting nge 'dzin dang / shes rab dang / rnam par grol ba dang / rnam</font><hr>79.334a<br><font size=+1>

par grol ba'i ye shes gzigs pa dpag tu med pa/ yongs su bsgoms pas yon tan thams cad rab tu rgyas pa'o/ /'di lta ste/ de bzhin gshegs pa'i sku ni yongs su dag pa'i me long gi dkyil 'khor gyi gzugs brnyan lta bu dang / chu la zla ba snang ba lta bu'o/ /'di lta ste/ de bzhin gshegs pa'i sku ni nam mkha'i dbyings su yang dag par 'du zhing chos kyi dbyings kyis klas pas bsam gyis mi khyab pa'o/ /'di lta ste/ de bzhin gshegs pa'i sku ni zag pa thams cad las log pas zag pa med pa'o/ /'di lta ste/ de bzhin gshegs pa'i sku ni 'dus byas thams cad dang bral bas 'dus ma byas pa'o/ /nam mkha'i lta bu'i sku'o/ /mnyam pa med pa'i sku'o/ /'jig rten gsum po thams cad las khyad par du 'phags pa'i sku'o/ /de bzhin gshegs pa'i sku ni dpe med pa/ zla med pa/ mtshungs pa med pa'i sku ste/ dag pa/ dri ma med pa/ kun nas nyon mongs pa med pa/ rang bzhin gyi 'od gsal ba'o/ /de ni sngon gyi mthas rab tu phye ba ma yin/ phyi ma'i mthas rab tu phye ba ma yin/ da ltar byung bas rab tu phye ba ma yin/ skye ba dang / rus dang / rigs kyis rab tu phye ba ma yin/ gzugs kyi rab tu phye ba ma yin/ mtshan gyis rab tu phye ba ma yin/ dpe byad bzang pos rab tu phye ba ma yin/ sems kyis rab tu phye ba ma yin/ yid kyis rab tu phye ba ma yin/ rnam par shes pas rab tu phye ba ma yin/ lta bas rab tu phye ba ma yin/ thos pas rab tu phye ba ma yin/ dran pas rab tu phye ba ma yin/ rnam par rig pas rig pas rab tu phye ba ma yin/ phung pos rab tu phye ba ma yin/ khams kyis rab tu phye ba ma yin/ skye mched kyis rab tu phye ba ma yin/ skye bas rab tu phye ba ma yin/ gnas pas rab tu phye ba ma yin/ 'jig</font><hr>79.334b<br><font size=+1>

pas rab tu phye ba ma yin/ 'dzin pas rab tu phye ba ma yin/ 'dor bas rab tu phye ba ma yin/ nges par 'byung bas rab tu phye ba ma yin/ spyod pas rab tu phye ba ma yin/ kha dog gis rab tu phye ba ma yin/ rtags kyis rab tu phye ba ma yin/ dbyibs kyis rab tu phye ba ma yin/ 'ong bas rab tu phye ba ma yin/ 'gro bas rab tu phye ba ma yin/ tshul khrims yid la byed pas rab tu phye ba ma yin/ ting nge 'dzin gyis rab tu phye ba ma yin/ shes rab kyis rab tu phye ba ma yin/ rnam par grol bas rab tu phye ba ma yin/ rnam par grol ba'i ye shes mthong ba yid la byed pas rab tu phye ba ma yin/ mtshan nyid kyis rab tu phye ba ma yin/ mtshan nyid mi 'thun pas rab tu phye ba ma yin/ chos kyi mtshan nyid kyis rab tu phye ba ma yin/ stobs su sgro btags pas rab tu phye ba ma yin/ mi 'jigs pas rab tu phye ba ma yin/ so so yang dag par rig pas rab tu phye ba ma yin/ rdzu 'phrul gyis rab tu phye ba ma yin/ snying rje chen pos rab tu phye ba ma yin/ sangs rgyas kyi chos ma 'dres par sgro btags pas rab tu phye ba ma yin/ sgyu ma dang / smig rgyu dang / chu zla dang / rmi lam gyi rang bzhin lta bur skye ba'i sku'o/ /stong pa nyid dang / mtshan ma med pa dang / smon pa med pa las byung ba'i sku'o/ /mi 'gyur ba'i sku'o/ /mi 'khrugs pa'i sku'o/ /rnam par mi rtog pa'i sku'o/ /mi gnas pa'i sku'o/ /mi snyems pa'i sku'o/ /gnas pa dang / rab tu gnas pa dang / mi g.yo ba thob pa'i sku'o/ /gzugs med pa gzugs kyi rang bzhin ma yin pa'i sku'o/ /tshor ba ma yin/ 'du shes ma yin/ 'du byed ma yin/ rnam par shes pa ma yin/ rnam par shes pa'i rang bzhin ma yin pa'i sku'o/ /byung ba ma yin/ kun du byung ba ma yin/ ma byung ba ma yin pa'i sku'o/ </font><hr>79.335a<br><font size=+1>

rmad tu byung ba rmad tu byung ba'i chos kyi sku'o/ /mig las byung ba ma yin/ gzugs su gtogs pa ma yin/ phyi rol ma yin/ rna ba la gnas pa ma yin/ sgrar gtogs pa ma yin/ phyi rol ma yin/ snas rnam par shes par bya ba ma yin/ drir gtogs pa ma yin/ phyir rol ma yin/ lces bskyed pa ma yin/ ror gtogs pa ma yin/ phyi rol ma yin/ lus dang ldan pa ma yin/ reg byar gtogs pa ma yin/ phyi rol ma yin/ sems la 'jug pa ma yin/ yid la 'jug pa ma yin/ rnam par shes pa la 'jug pa ma yin/ ldog pa ma yin/ rjes su 'jug pa ma yin/ gnas pa dang / mi g.yo ba thob pa/ chos kyi dbyings kyis klas pa/ nam mkha'i khams kyi mtha' gtugs pa/ nam mkha' dang mnyam pa'i sku ste/ shA ri'i bu 'di ni de bzhin gshegs pa rnams kyi de bzhin gshegs pa'i sku bsam gyis mi khyab pa ste/ de la byang chub sems dpa' mngon par dang / yid ches/ rab tu rtog /the tshom mi za/ rgya cher dga' mgu ste/ rangs pa rnyed nas ngo mtshar dang / rmad tu 'du shes skyed do/ /bcom ldan 'das kyis de skad ces bka' stsal te/ bde bar gshegs pas de skad gsungs nas ston pa yang 'di skad gsung ngo / /bskal pa bye ba khrag khrig dpag med par/ /byang chub sems dpa'i spyod pa rnams spyad cing / /las rnams gsum ni shin tu yongs dag par/ /mtshungs med bde bar gshegs pa'i sku tshol lo/ /phyogs bcu 'gro ba kun la byams pa dang / /snying rje rgya cher bskyed nas sbyin pa byin/ /'dod la log par g.yem pa brtag spong zhing / /nam mkha' lta bu mchog gi sku tshol lo/ /gser ltar dag cing mdzes pa'i gos rnams ni/ /dpag tu med pa gang gA'i byed ma snyed/ /sbyin pa'i pha rol phyin pa rab sbyor cing / /rgyal ba'i sras kyis 'jig rten mchog la phul/ </font><hr>79.335b<br><font size=+1>

g.yag gi rnga ma bzhin du tshul khrims srung / /yan lag nying lag bcad kyang dgra la bzod/ /brtson 'grus kyi ni pha rol phyin spyod cing / /sangs rgyas sku la smon pas yongs mi skyo/ /shes rab thabs dga' rgya chen bsam gtan pa/ /bsam gtan spyod yul dga' rgyal rnam pa lta/ /chos dbyings dam pa bde bar gshegs pa'i sku/ /de 'drar bdag gyur ces ni de la smon/ /srid par 'gro ba dag tu dge byed cing / /mi mchog gis ni byang chub mtshungs med thob/ /dag pa dri med gtsang zhing rdul grol ba/ /nam mkha' 'dra ba yangs pa'i sku thob bo/ /rang bzhin stong pa dag dang sems can bral/ /mtshan ma med cing sgra dang bral ba thob/ /mig gi yul kun las ni rab 'das pa/ /de 'dra'i sku ni thub pas yang dag thob/ /gzod ma nas stong ma byas ma byung ba/ /gzugs dang sgra bral yid kyang rnam dag pa/ /de bzhin gshegs sku mi g.yo gang mthong ba/ /des ni phyogs bcu'i bde bar gshegs pa mthong / /ji ltar sgyu ma sprul pa sna tshogs lus/ /rta dang glang po bud med skyes pa'i gzugs/ /byis pa slu ba brdzun zhing phyin ci log /de bzhin stobs bcu rnams la blta bar byos/ /gang dag 'das pa'i bde gshegs dpag med dang / /ma byon rgyal ba de bzhin gang snang dag /chos nyid gcig gyur mnyam pa med pa'i sku/ /chos kyi dbyings kyis klas shing nam mkha' 'dra/ /de ltar byang chub sems dpa' de bzhin gshegs pa rnams kyi de bzhin gshegs pa'i sku bsam gyis mi khyab pa la mngon par dang / yid ches rab tu rtog /the tshom mi za/ rgya cher dga' mgu ste/ rangs pa rnyed nas ngo mtshar dang / rmad tu 'du shes skyed do/ /shA ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i dbyangs bsam gyis mi khyab pa la mngon par dang / yid ches/ rab tu rtog pa nas ngo mtshar dang rmad tu 'du shes kyi bar du 'du shes skyed ce na/ 'di ltar shA ri'i bu de bzhin gshegs pa ni 'dul ba'i dbang gi phyir 'khor ji lta ba de bzhin du</font><hr>79.336a<br><font size=+1>

sgra 'byung ste/ sems can thams cad rab tu dga' bar bya ba'i phyir phyogs bcu'i 'jig rten gyi khams thams cad tu khyab par byed mod kyi/ shA ri'i bu de bzhin gshegs pa 'di snyam du ngas dge slong gi 'khor la ni 'di bshad/ dge slong ma'i 'khor la ni 'di/ dge bsnyen gyi 'khor la ni 'di/ dge bsnyen ma'i 'khor la ni 'di/ bram ze'i 'khor la ni 'di/ rgyal rigs kyi 'khor la ni 'di/ khyim bdag gi 'khor la ni 'di/ lha'i 'khor la ni 'di/ tshangs pa'i 'khor la ni 'di ste/ 'di lta ste/ mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched tu brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / shin du rgyas pa'i sde dang / rmad du byung ba'i chos kyi sde dang / gtan la dbab par bstan pa'i sde rnams bshad par bya'o snyam du mi dgongs mod kyi/ 'on kyang shA ri'i bu 'khor ji lta bu 'dus par gyur pa/ tshangs pa'i 'khor gyi bar du 'dus par gyur pa/ de dag gi dbang po'i rim pa ci 'dra ba dang / sems can de dag la chos kyi mdo ji lta bu thos par bya dgos par 'gyur ba de lta bu'i chos kyi mdo thos par bya ba de bzhin gshegs pa'i zhal gyi sgo nas 'byung bar yang dag par shes kyang chos bstan pa de gcig nges pa'i tshig gnod par gyur pa yang med de/ thams cad kyang rang rang gi chos rnam par rig par kun shes so/ /de bzhin gshegs pa'i dbyangs ni de bzhin gshegs pa'i sngon gyi bsod nams kyi 'bras bu rnam par smin pa las mngon par grub pa bden pa'i rjes su 'brang bas 'jug go/ /yang shA ri'i bu de bzhin gshegs pa'i dbyangs de ni 'jam par 'byung / yid tu 'ong ba dang / yid dga' ba dang / dag pa dang / dri ma med pa dang / snyan pa dang / mnyan par 'os pa dang / shes par bya bar 'os pa dang / mi rtsub pa dang / mi brlang ba dang / lus sim par byed pa dang / sems tshim par byed pa dang / snying dga' bar byed pa dang / dga' ba dang bde ba skyed pa</font><hr>79.336b<br><font size=+1>

dang / kun shes par byed pa dang / gsal zhing 'thad pa dang / mngon par dga' bar 'gyur ba dang / yid du 'ong ba dang / se ge'i skad kyi drag shul gyi nga ro'i sgra dang / sprin gyi sgra dbyangs dang / rgya mtsho'i sgra bsgrags pa'i dbyangs dang / mi 'am ci'i glu'i dbyangs dang / ka la ping ka'i nga ro'i sgra dbyangs dang / tshangs pa'i nga ro'i sgra dbyangs dang / rnga'i sgra dbyangs dang / dpal dang ldan pa dang / mnyen pa dang / zur phyin pa dang / bsgrags pa dang / sems can thams cad kyi dbang po mgu bar byed pa dang / 'khor thams cad tu grags pa dang / rnam pa thams cad kyi mchog dang ldan pa dang / de dag dang gzhan yon tan dpag tu med pa dang ldan pa'i de bzhin gshegs pa'i gsung gi dbyangs 'byung ste/ shA ri'i bu 'di ni de bzhin gshegs pa rnams kyi de bzhin gshegs pa'i dbyangs bsam gyis mi khyab pa ste/ de la byang chub sems dpa' mngon par dang / yid ches/ rab tu rtog /the tshom mi za/ rgya cher dga' mgu ste/ rangs pa rnyed nas ngo mtshar dang rmad tu 'du shes skyed do/ /'di la chos nyid ni 'di yin te/ /de la 'di skad ces bya'o/ /tshangs pa yi ni sgra dbyangs su/ /'dren pa gsung sgra rab 'byin te/ /tshangs pa rnams ni tshim par byed/ /'di 'dra'i chos ni phun sum tshogs/ /de yi dbyangs ni byams dang ldan/ /snying rje las ni yang dag 'byung / /btang snyoms dang ni dga' ldan pa/ /thub pa'i dbyangs ni rab tu 'byung / /srog chags kun gyi 'dod chags me/ /zhe sdang dug ni zhi byed cing / /gti mug mun pa sel ba ste/ /phun sum tshogs dbyangs 'di 'dra'o/ /'dzam bu'i gling gi sna tshogs phyogs rnams na/ /mir gyur pa yi skad ni mtha' yas pa/ /kun na de yi sgra rnams sna tshogs pa/ /dbyangs 'di thos na rjes su rtogs par 'gyur/ /sa bla dang ni de bzhin bar snang lha/ /de dag ci 'dra'i skad la 'jug pa ltar/ /de phyir thub dbang dbyangs ni rab zhugs te/ /rnam par des thos mya ngan 'das reg 'gyur/ /rkang gnyis dag dang rkang bzhi rnams dang ni/ /rkang mdas dag dang rkang pa med pa rnams/ /thams cad la ni de yi sgra dbyangs 'jug /bskul nas rab tu 'chos shing tshar gcod byed/ /stong gsum 'di yi sgra rnams ji snyed pa/ /tha ma dang ni</font><hr>79.337a<br><font size=+1>

'bring dang de bzhin rab/ /de dag rjes su 'jug dbyangs de sgrog ste/ /'dul ba'i sems can thar pa reg par byed/ /rtog pa med cing rnam par mi rtog ste/ /gzung ba dang ni bcings las byung ma yin/ /mnyam par bzhag pas 'phags pa'i bden pa 'chang / /sems can thos na nyon mongs zhi bar byed/ /sangs rgyas chos dang de bzhin dge 'dun sgra/ /sbyin thos tshul khrims de bzhin bzod pa dag /mtha' yas sgra ni sems can thos byed de/ /de bzhin gshegs pa'i dbyangs ni de 'dra'o/ /dbyangs kyang mtha' yas ye shes mtha' yas pa/ /de yi dbyangs kyi tshad ni yod med de/ /de la byang chub sems dpa' mkhas dad cing / /de bzhin gshegs pa'i dbyangs la the tshom med/ /shA ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i ye shes bsam gyis mi khyab pa la mngon par dad/ yid ches/ rab tu rtog /the tshom mi za/ thos na rgya cher dga' mgu ste/ /rangs pa rnyed nas ngo mtshar dang / rmad tu 'du shes skyed ces na/ 'di ltar shA ri'i bu chos thams cad la de bzhin gshegs pa'i chags pa med pa'i ye shes gzigs pa 'jug ste/ de la byang chub sems dpa' mngon par dad/ yid ches/ rab tu rtog pa nas/ dad pas ngo mtshar dang / rmad kyi bar du 'du shes skyed do/ /de bzhin gshegs pa'i ye shes kyi pha rol tu phyin pa la brtsams te khyod la dpe bstan par bya'o/ /shA ri'i bu yongs su brtag pa bzung ste/ gang gA'i klung gis bye ma snyed kyi 'jig rten gyi khams kyi rtswa dang / shing dang / yal ga dang / lo ma dang / 'dab ma dang / chung ngu na sor bzhi'i tshad tsam yan chad ji snyed yod pa skyes bu la la zhig gis de dag gcig tu spungs te/ gcig tu spungs nas mes bsregs te tshig par</font><hr>79.337b<br><font size=+1>

gyur nas thal bar byas so/ /thal bar byas nas 'jig rten gyi khams gang gA'i klung gi bye ma snyed kyi rgya mtsho chen po gang na yod pa de dag tu blugs te/ lo stong du dkrugs kyang shA ri'i bu de bzhin gshegs pa rnams kyi de bzhin gshegs pa'i ye shes 'di lta bu yod de/ de bzhin gshegs pa ye shes de dang ldan pas rgya mtsho chen po dang / de dag nas thal ba de dag blangs te/ 'jig rten gyi khams de dang de dag tu 'di ni 'jig rten gyi khams che ge mo zhig gi shing 'di 'dra ba zhig gi thal ba'o/ /'di ni 'jig rten gyi khams che ge mo zhig gi shing che ge mo zhig gi rtsa ba dang / che ge mo zhing gi sdong po dang / che ge mo zhig gi yal ga dang / che ge mo zhig gi lo ma dang / che ge mo zhig gi 'bras bu'i thal ba'o/ /'di ni phyogs che ge mo zhig gi 'dab ma 'di 'dra ba zhig gi thal ba'o/ /zhes rab tu 'byed do/ /de ci'i phyir zhe na/ 'di ltar sha ri'i bu de bzhin gshegs pas chos kyi dbyings rab tu rtogs te/ de rab tu rtogs nas/ de bzhin gshegs pas 'di ltar 'di ni 'jig rten gyi khams che ge mo zhig gi thal ba'o/ /zhes rab tu mkhyen pa nas rgyas par byas te/ de ltar shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni de ltar rdzu 'phrul che'o/ /de ltar mthu che'o/ /'di ltar dbang che bar grags pa ste/ shA ri'i bu rigs kyi bu 'am/ rigs kyi bu mo gang la la de bzhin gshegs pa'i ye shes 'di la dad/ yid ches/ rab tu rtog cing de bzhin gshegs pa byams pas yid la byed pa dag thams cad ni/ dge ba'i rtsa ba 'di'i mtha' ma thob par sdug bsngal mthar 'byin to/ /de ci'i phyir zhe na/ 'di ltar shA ri'i bu/ de bzhin gshegs pas chos kyi dbyangs shin du rtogs te/ de shin du rtogs</font><hr>79.338a<br><font size=+1>

pas/ de bzhin gshegs pa rnams las sems bskyed pa cig kyang chud mi za'o/ /shA ri'i bu khyod la dper bya ste/ 'di la skyes bu mkhas pa kha cig dpes bshad pa'i don rnams kun shes te/ 'di lta ste/ dper na shA ri'i bu skyes bu la la tshe lo brgya pa lo brgyar 'tsho ba zhig gis skra'i rtse mo bye ba brgyar btsal bas chu'i thigs pa blangs te/ nga gang na ba der 'ongs nas phyin pa dang / 'di skad ces kye gau ta ma bdag gis chu'i thigs pa 'di khyod la gdams kyis nams bdag la dgos par gyur pa de na slar byin cig ces zer ba dang / de bzhin gshegs pas de blangs te rgya mtsho chen por bor nas de chu'i rgyun gyis bdas te 'dres nas lhan cig tu mthar gyis rgya mtsho chen por zhugs so/ /de nas skyes bu tshe lo brgya pa de lo brgya lon pa dang nga ga la ba der 'ongs te/ phyin nas 'di skad ces gau ta ma bdag gi chu'i thigs pa de dgos kyis bdag la byin cig ces zer na/ shA ri'i bu de bzhin gshegs pa rnams kyi de bzhin gshegs pa'i ye shes yod de/ ye shes de dang ldan pas/ de bzhin gshegs pa dgra bcom pa yang dag par rdzogs pa'i sangs rgyas kyis skra'i rtse mo bye ba brgyar btsal bas chu'i thigs pa de rgya mtsho chen po de nas chu gzhan dang ma 'dres par blangs te skyes bu de la slar byin no/ /shA ri'i bu 'di ltar don shes par bya ba'i phyir khyod la dper bstan te/ de gang gi don du blta zhe na/ 'di lta ste/ shA ri'i bu skyes bu'i chu'i thigs pa de bzhin gshegs pa'i lag tu bzhag pa yun ring mo zhig lon yang chud mi za ba de bzhin du shA ri'i bu/ rigs kyi bu 'am rigs kyi bu mo gang la la de bzhin gshegs pa'i ye shes 'di lta bu la dad/ </font><hr>79.338b<br><font size=+1>

yid ches/ rab tu rtog cing de bzhin gshegs pa byams pas yid la byed pa dang / de bzhin gshegs pa nyid la dmigs nas de'i phyir nam mkha' la me tog 'thor ba de dag thams cad dge ba'i rtsa ba 'di mtha' ma thob par sdug bsngal mthar 'byin par 'gyur ro/ /de ci'i phyir zhe na/ 'di ltar shA ri'i bu de bzhin gshegs pas chos kyi dbyings rab tu rtogs te/ de rab tu rtogs pas de bzhin gshegs pa rnams las sems gcig bskyed pa yang chud mi za'o/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das de bzhin gshegs pa rnams kyi de bzhin gshegs pa'i ye shes gang rnam par shes pa ma mchis par 'jug pa mchis sam/ bka' stsal pa/ shA ri'i bu de ni ma yin no/ /bcom ldan 'das ye shes ni gang lags/ rnam par shes pa ni gang lags/ shA ri'i bu 'di bzhi ni rnam par shes pa'i gnas te/ rnam par shes pa de la gnas so/ /'di lta ste/ rnam par shes pa'i gzugs la nye bar song zhing gnas/ gzugs la dmigs/ gzugs la gnas/ dga' ba la bsten pas skye zhing 'phel te rgyas par 'gyur ba dang / rnam par shes pa tshor ba la nye bar song zhing gnas/ tshor ba la dmigs/ tshor ba la gnas/ dga' ba la bstan pas skye zhing 'phel te rgyas par 'gyur ba dang / rnam par shes pa 'du shes la nye bar song zhing gnas/ 'du shes la dmigs/ 'du shes la gnas/ dga' ba la bsten pas/ skye zhing 'phel te rgyas par 'gyur ba dang / rnam par shes pa 'du byed la nye bar song</font><hr>79.339a<br><font size=+1>

zhing gnas/ 'du byed la dmigs/ 'du byed la gnas/ dga' ba la bsten pas skye zhing 'phel nas rgyas par 'gyur ba ste/ shA ri'i bu 'di ni rnam par shes pa zhes bya'o/ /gang len pa'i phung po lnga la mi gnas par/ rnam par shes pa'i phung po yongs su shes pa de ni ye shes zhes bya'o/ /gzhan yang rnam par shes pa zhes bya ba ni sa'i khams rnam par shes pa dang / chu'i khams dang / me'i khams dang / rlung gi khams dang / nam mkha'i khams rnam par shes pa ste/ 'di ni rnam par shes pa zhes bya'o/ /gang khams bzhi la mi gnas par rnam par shes pa'i chos kyi kham kun du dbye ba shes pa 'di ni ye shes zhes bya'o/ /gzhan yang shA ri'i bu rnam par shes pa zhes bya ba ni gang mig gis shes par bya ba'i gzugs rnam par rig pa dang / rna bas shes par bya ba'i sgra rnam par rig pa dang / snas shes par bya ba'i dri rnam par rig pa dang / lces shes par bya ba'i ro rnam par rig pa dang / lus kyis shes par bya ba'i reg bya rnam par rig pa dang / yid kyis shes par bya ba'i chos rnam par rig pa ste/ 'di ni rnam par shes pa zhes bya'o/ /gang nang nye bar zhi zhing phyi rol du mi rgyu ste/ ye shes kyi phyir 'brang zhing chos gang la yang mi rtog /rnam par mi rtog pa de ni ye shes shes bya'o/ /rnam par shes pa ni dmigs pa las skye'o/ /rnam par shes pa ni yid las byed pa las skye'o/ /rnam par shes pa ni yongs su rtog pa las skye ste/ de ni rnam par shes pa zhes bya'o/ /gang 'dzin pa med pas snyems pa dang / dmigs pa med/ rnam par rig pa med cing mi rtog pa de ni ye shes shes bya'o/ /gzhan yang 'dus byas la spyod</font><hr>79.339b<br><font size=+1>

pa'i chos la rnam par shes pa la gnas shing gang 'dus byas la spyod pa'i chos rnam par shes pa de ni rnam par shes pa zhes bya'o/ /'dus ma byas la ni rnam par shes pa rgyu ba med de/ gang 'dus ma byas shes pa de ni ye shes zhes bya'o/ /gzhan yang gang skye ba dang / 'jig pa la rab tu gnas pa de ni rnam par shes pa'o/ /gang skye ba med pa dang / 'gag pa med pa la gnas pa de ni ye shes zhes bya'o/ /de ltar shA ri'i bu 'di ni rnam par shes pa/ 'di ni ye shes te/ byang chub sems dpa' de bzhin gshegs pa rnams kyi de bzhin gshegs pa'i ye shes bsam gyis mi khyab pa de la mngon par dang / yid ches/ rab tu rtog /the tshom mi za/ rgya cher dga' mgu ste/ rangs pa rnyed nas ngo mtshar dang / rmad tu 'dus shes skyed do/ /de nas bcom ldan 'das kyis don de nyid rgya cher bstan pa'i phyir/ de'i tshe tshigs su bcad pa 'di dag gsungs so/ /ji ltar gang gA'i klung gi bye ma dpag med pa/ /de bzhin phyogs bcu'i 'jig rten khams kyi rtswa rnams ni/ /de dag skyes bu la las mer bsregs thal bar byas/ /lo ni brgya stong dag tu rgya mtshor dkrugs pa rnams/ /de 'dra ba yi stobs bcu ye shes phra mnga' bas/ /thal ba blangs nas 'gro ba dag la lung ston pa/ /zhing rnams rab 'byams dag gi shing rigs 'di/ /de tshig thal ba 'di zhes rnam pa thams cad mkhyen/ /'di ltar phyogs bcu dag gi 'jig rten khams kyi rdul/ /thams cad rdul du byas nas rgyal ba rnams ston te/ /de dag thams cad 'grang yang chags med the tshom med/ /de ltar bde bar gshegs kyi ye shes nam mkha'</font><hr>79.340a<br><font size=+1>

bzhin/ /ji snyed phyogs bcu'i 'gro ba rnams kyi sems kyi rgyud/ /gang dag 'dod chags spyod dang zhe sdang gti mug ldan/ /spyod pa kun gyi tshul shes bsam pa rnams dang ni/ /gang gis blo nyams gang gis thar bar 'gyur ba mkhyen/ /'jig rten kun mchog stobs bcu rnams kyi ye shes ni/ /ji snyed phyogs bcu'i chos kyi dbyings su rab zhugs kyang / /'dren pa rnams la rtog dang rnam par rtog mi 'byung / /bde gshegs sras po dad pa rgyal la dad par byed//                //              //               //                  // #</font><hr>80.1a<br><font size=+1>

(ga) @#/ ! /'phags pa dkon mchog brtsegs pa bzhugs so/ /[(黃) 大寶積經第三部]</font><hr>80.1b<br><font size=+1>

'phags pa byang chub sems dpa'i sde snod ces bya ba theg pa chen po'i mdo/ bam po bzhi pa/ shA ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i 'od bsam gyis mi khyab pa la mngon par dad/ yid ches/ rab tu rtog /the tshom mi za/ rgya cher dga' mgu ste/ rangs pa rnyed cing ngo mtshar dang rmad du 'du shes skyed ce na/ 'di la shA ri'i bu de bzhin gshegs pas chos kyi dbyings rab tu rtogs te/ de rab tu rtogs pas de bzhin gshegs pa stong gsum gyi stong chen po'i 'jig rten gyi khams 'dir mngon par gshegs nas lam me/ lhan ne/  lhang nger mdzad do/ /de 'di lta ste dper na sprin med pa'i nam mkha' la nyi ma mngon par shar nas lam me lhan ne/ lhang nge ba de bzhin du shA ri'i bu de bzhin gshegs pa dgra bcom pa yang dag</font><hr>80.2a<br><font size=+1>

par rdzogs pa'i sangs rgyas kyang stong gsum gyi stong chen po'i 'jig rten gyi khams 'dir mngon par gshegs nas lam me/ lhan ne/ lhang nger mdzad do/ /shA ri'i bu srin bu me khyer gyi 'od de bas ni gang 'bru mar gyi mar me'i 'od 'di shin tu 'phags/ shin du mchog /shin du kha dog dang ldan/ shin du 'od gsal/ shin du rgya che'o/ /'bru mar gyi mar me'i 'od de bas ni brtsig pa chen po'i 'od shin du 'phags/ shin du mchog pa nas shin du rgya che ba'i bar du'o/ /gang brtsig pa chen po'i 'od de bas ni me'i phung po chen po'i 'od gang yin pa dang / sman dang skar ma'i 'od gang yin pa'i bar du rgyas par bya ste/ zla ba'i 'od dang / nyi ma'i 'od dang / rgyal chen bzhi'i ris kyi lha rnams kyi 'od dang / gzhal med khang dang / lus kyi rgyan rnams dang / de bzhin du sum bcu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams kyi ra ba dang / gzhal med khang dang / lus kyi rgyan rnams dang / gang tshangs pa rnams dang / tshangs ris pa rnams dang / tshangs pa'i mdun na 'don pa rnams dang / tshangs 'khor ba rnams dang / tshangs chen gyi lha rnams kyi ra ba dang / gzhal med khang dang / lus kyi rgyan rnams kyi 'od 'di shin du 'phags/ shin du bzang / shin du mchog / shin du kha dog dang ldan/ shin du 'od gsal/ shin du rgya che'o/ /gang tshangs pa rnams dang / tshangs ris pa rnams dang / tshangs pa'i mdun na 'don pa rnams dang / tshangs 'khor ba rnams dang / tshangs chen gyi lha rnams kyi 'od kyang rgyas par bya ste/ 'od chen dang / 'od chung dang / tshad med 'od dang / 'od gsal nas/ dge rgyas kyi bar dang / 'bras bu che dang / </font><hr>80.2b<br><font size=+1>

'du shes can dang / 'du shes med pa dang / 'du shes med 'du shes med min dang / mi che ba dang / mi gdung ba dang / gya nom snang dang / shin du mthong gi ra ba dang / gzhal med khang dang / lus kyi 'od dang / gang 'og min gyi lha rnams kyi ra ba dang / gzhal med khang rnams dang / lus kyi 'od 'di shin du 'phags/ shin du bzang / shin du mchog /shin du kha dog dang ldan shin du 'od gsal/ shin du rgya che'o/ /gang 'og min gyi lha rnams kyi ra ba dang / gzhal med khang rnams dang / lus kyi 'od bas ni gang de bzhin gshegs pa dgra bcom pa yang dag par rdzogs pa'i sangs rgyas kyi 'od 'di shin du 'phags/ shin du bzang / shin du mchog /shin du kha dog dang ldan/ shin du 'od gsal/ shin du rgya che'o/ /de ci'i phyir zhe na/ shA ri'i bu de bzhin gshegs pa tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par grol ba'i ye shes mthong ba dpag tu med pa'i phyir ro/ /de ltar shA ri'i bu ji tsam stong gsum gyi stong chen po'i 'jig rten gyi khams na 'od tu gtags pa gdags pas gtags pa de thams cad ni de bzhin gshegs pa'i 'od kyi brgya yi char yang nye bar mi 'gro ba nas/ /rgyu'i bar du yang nye bar mi 'gro'o/ /de 'di lta ste dper na/ shA ri'i bu 'dzam bu chu bo'i gser gyi nang du gser tha mal pa gzhag na snag tsha'i gar bu bzhin du 'gyur</font><hr>80.3a<br><font size=+1>

te lam mer mi 'gyur/ lhan ner mi 'gyur/ lhang nger mi 'gyur ro/ /de bzhin du shA ri'i bu stong gsum gyi stong chen po'i 'jig rten gyi khams 'di na 'od tu gdags pas btags pa ji snyed yod pa de thams cad de bzhin gshegs pa'i 'od kyi mdun na lam mer mi 'gyur/ lhan ner mi 'gyur/ lhang nger mi 'gyur ro/ /'od gsal bar mi 'gyur te/ de bzhin gshegs pa'i 'od ni de dag gi nang na mchog ces bya/ dam pa zhes bya/ bla na med pa zhes bya'o/ /shA ri'i bu gang de bzhin gshegs pa'i nyi tshe ba'i las kyis rnam par smin pa las mngon par grub pa'i 'od des kyang stong gsum gyi stong chen po'i 'jig rten gyi khams snang bas shin du khyab par 'gyur te/  shA ri'i bu zla ba dang / nyi ma'i 'od kyis snang ba yang mi 'byung / nyin mor yang mi shes/ mtshan mor yang mi shes/ zla ba phyed dang / zla ba gcig par yang mi shes/ dus dang lor yang mi shes mod kyi/ 'di lta ste/ de bzhin gshegs pas sems can la thugs brtse ba'i phyir 'od 'dom gang tsam du byin gyis rlob ste/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas bzhed na 'jig rten gyi khams grangs med pa 'od kyis khyab par mdzad do/ /de ci'i phyir zhe na/ shA ri'i bu de bzhin gshegs pa ni shes rab kyi pha rol du phyin pa'i dam pa'i pha rol tu phyin pa brnyes pa ste/ shA ri'i bu don de nyid rab tu rtogs par bya ba'i phyir khyod</font><hr>80.3b<br><font size=+1>

la dpe bstan to/ /shA ri'i bu skyes bu la la zhig gis stong gsum gyi stong chen po'i 'jig rten gyi khams kyi rdul ji snyed pa thams cad rdul phra rab tu byas nas rdul de dag thu bar blugs te/ shar phyogs su song nas rdul phra mo de ji snyed pa de snyed kyi 'jig rten gyi khams 'das nas/ rdul phra rab gnyis pa bor zhing shar phyogs su song na/ shA ri'i bu rdul phra rab de thams cad ni zad par 'gyur gyis/ shA ri'i bu shar phyogs kyi 'jig rten gyi khams ni zad pa med do/ /de bzhin du lho dang / nub dang / byang nas phyogs bcu kun gyi bar du'o/ /shA ri'i bu de ji snyam du sems/ 'jig rten gyi khams de dag gi mtha' dang / mu gzung bar nus sam/ gsol pa/ bcom ldan 'das de mi nus so/ /bde bar gshegs pa de mi nus so/ /bka' stsal pa/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas bzhed na 'jig rten gyi khams de thams cad 'od kyis khyab par mdzad de/ 'jig rten gyi khams de dag na ji tsam 'od tu btags pa gdags pas btags pa de thams cad ni de bzhin gshegs pa'i 'od kyi mdun na brgya'i char yang nye bar mi 'gro ba nas/ rgyu'i bar du yang mi bzod de/ de ltar shA ri'i bu de bzhin gshegs pa dgra bcom pa yang dag par rdzogs pa'i sangs rgyas shes rab kyi pha rol du phyin pa'i dam pa'i pho rol du phyin pa'o/ /yang shA ri'i bu de bzhin</font><hr>80.4a<br><font size=+1>

gshegs pa'i 'od la ni brtsig pa 'am/ shing ngam/ ljon pa 'am/ khor yug gi ri 'am/ khor yug chen po 'am/ ri spos kyi ngad ldang ngam/ ri btang bzung ngam/ ri btang bzung chen po 'am/ gangs ri 'am/ ri gnya' shing 'dzin tam/ de ma yin pa gzhan ri nag po 'am/ ri'i rgyal po ri rab dang / gang gis kyang sgrib par mi nus te/ de dag thams cad las thal nas stong gsum gyi stong chen po'i 'jig rten gyi khams 'di khyab par byas kyang dman pa la mos pa'i sems can rnams mos par mi 'gyur te/ de la sems can la las ni de bzhin gshegs pa'i 'od 'dom gang tsam du mthong ngo / /gang de bas rgya che ba de dag gis ni 'od 'dom do tsam du mthong ngo / /gang de bas shin du rgya che ba de dag gis ni 'od rgyang grags tsam du mthong ba nas gang de bas kyang shin du rgya chen pos ni 'od stong gsum gyi stong chen po tsam gyi bar du mthong ste/ de ltar na shA ri'i bu stong phrag brgya pa'i tshangs pas ni 'jig rten gyi khams stong phrag brgya'i bar du 'od kyis khyab par mthong ste rgyas par bya'o/ /sa thob pa'i byang chub sems dpa' ni de bzhin gshegs pa'i 'od kyis 'jig rten gyi khams mu med pa'i bar du khyab par mthong ngo / /de ltar shA ri'i bu nam mkha'i khams ji tsam pa sems can gyi khams kyang de tsam ste/ de bzhin gshegs pa sems can la thugs brtse ba'i phyir de tsam du 'od kyis khyab par mdzad do/ /de byang chub sems dpa' thos nas the tshom mang / som nyi mi za/ mngon par dad/ yid ches/ rab tu rtog /rgya cher dga' mgu ste/ rangs pa rnyed nas ngo mtshar dang rmad tu 'du shes skyed do/ /'di</font><hr>80.4b<br><font size=+1>

la chos nyid ni 'di yin te de la 'di skad ces bya'o/ /nyi ma zla ba'i 'od gang dang / /brgya byin tshangs 'od gang yod dang / /'og min bar gyi 'od rnams kyis/ /bcu drug char yang mi phod do/ /'og min gyi ni 'od rnams dang / /gang rnams stong gsum khyab gyur pas/ /sangs rgyas spu'i 'od zer gyi/ /bcu drug char yang mi phod do/ /nam mkha' dag ni ji tsam bar/ /de tsam 'od kyis khyab byed pa/ /blo gros rgya chen sems can gyi/ /de 'dra bar ni 'od mthong ngo / /sangs rgyas 'od ni mtha' yas te/ /nam mkha' dag ni mtshungs mnyam pa/ /ji ltar 'dul bar 'gyur rnams kyis/ /de 'dra bar ni 'od mthong ngo / /ji ltar skyes bu dmus long gis/ /nyi ma'i 'od ni de 'dra bar/ /ma mthong bas nas 'od de la/ /'od ni yod pa min zhes smra/ /de bzhin sems can dman pa gang / /rgyal ba'i 'od ni mi mthong ste/ /ma mthong bas na rgyal ba yi/ /'od ni yod pa min zhes zer/ /la las 'dom do tsam du mthong / /la las rgyang grags dpag tshad dang / la las stong gsum thams cad du/ /'od kyis khyab par gyur pa mthong / /sa brgyad pa dang dgu pa dang / /bcu pa la ni gang gnas pa/ /byang chub sems dpa' shes rab che/ /sa chen la ni gang gnas pa/ /de dag sangs rgyas rnams kyi 'od/ /mtha' yas dkyil 'khor 'jug byed cing / /bsam yas sangs rgyas zhing rnams su/ /sangs rgyas dag gi bya ba byed/ /de ltar sangs rgyas bsam yas te/ /sangs rgyas 'od zer bsam mi khyab/ /bsam mi khyab la dad byas na/ /bsod nams phung po bsam mi khyab/ /yang shA ri'i bu ji ltar na de bzhin gshegs pa rnams kyi de bzhin gshegs pa'i tshul khrims bsam gyis mi khyab pa la mngon par dad/ </font><hr>80.5a<br><font size=+1>

yid ches rab tu rtog /the tshom mi za/ rgya cher dga' mgu ste/ rangs pa rnyed nas ngo mtshar dang / rmad du 'du shes skyed pa dang / de bzhin gshegs pa rnams kyi de bzhin gshegs pa'i ting nge 'dzin bsam gyis mi khyab pa la mngon par dad/ yid ches/ rab tu rtog pa nas ngo mtshar dang rmad kyi bar du 'du shes skyed ce na/ shA ri'i bu 'di ltar yang dag par smra bas smra ba tshul khrims yongs su dag pa'i sems can 'jig rten du byung ste/ lus kyi las yongs su dag pa dang ldan pa/ ngag gi las yongs su dag pa dang ldan pa/ yid kyi las yongs su dag pa dang ldan pa 'jig rten du byung zhing skyes nas 'jig rten gyi chos kyis ma gos pa/ bram ze sdig pa spangs pa/ dge sbyong zhi ba/ bsam gtan pa'i mchog /ting nge 'dzin dam pa'i pha rol du son pa'i sems can 'jig rten du byung ba de ni de bzhin gshegs pa yin par yang dag par smra bas smra'o/ /de ci'i phyir zhe na/ shA ri'i bu lhar bcas pa'i 'jig rten dang / tshangs par bcas pa dang / bdud dang bcas pa dang / dge sbyong du bcas pa dang / bram zer bcas pa'i skye dgu dang / lha dang / mi dang / lha ma yin du bcas pa'i 'jig rten na ji ltar de bzhin gshegs pa dgra bcom pa yang dag par rdzogs pa'i sangs rgyas ltar tshul khrims dang / ting nge 'dzin gyi phung po yongs su dag pa/ tshad med pa de lta bu ngas ma mthong ngo / /de ci'i phyir zhe na/ shA ri'i bu de bzhin gshegs pa ni tshul khrims dang / ting nge 'dzin gyi pha rol du phyin pa'i dam pa'i pha rol tu son pa'o/ /shA ri'i bu khyod de bzhin gshegs pa'i tshul khrims dang / ting nge 'dzin tshad med pa'i dpe tsam nyan par 'dod dam/ gsol pa/ bcom ldan 'das 'di ltar dge slong dag la de bzhin gshegs pa'i tshul khrims dang / ting nge 'dzin gyi pha rol du phyin</font><hr>80.5b<br><font size=+1>

pa la brtsams te/ dpe tsam bshad na bcom ldan 'das las ji ltar thos pa de bzhin du 'dzin par 'gyur te/ bcom ldan 'das de'i dus ni 'di lags so/ /bde bar gshegs pa de'i dus ni 'di lags so/ /bcom ldan 'das kyis bka' stsal pa/ shA ri'i bu de ji snyam du sems/ sems can gyi khams dang sa'i khams gang mang / gsol pa/ ji ltar bcom ldan 'das kyis gsungs pa'i don bdag gis 'tshal ba ltar na bcom ldan 'das sems can gyi khams ni rab tu mang gi sa'i khams ni ma lags so/ /bka' stsal pa/ de de bzhin no/ /shA ri'i bu de de bzhin te/ shA ri'i bu sems can gyi khams rab tu mang gi sa'i khams ni ma yin no/ /shA ri'i bu stong gsum gyi stong chen po'i 'jig rten gyi khams na sems can ji snyed sgo nga las skyes pa 'am/ mngal nas skyes pa 'am/ drod gsher las skyes pa 'am/ rdzus te skyes pa 'am/ gzugs can nam/ gzugs med pa 'am/ 'du shes can nam/ 'du shes med pa 'am/ 'du shes med 'du shes med min gyi sems can rnams ji tsam du sems can du gdags pas btags pa de thams cad yongs su brtag pa bzung ste/ skad cig thang cig yid tsam cig gis snga phyi med par mi yi lus thob par gyur la/ shA ri'i bu mir gyur pa'i sems can de dag thams cad skad cig thang cig yud tsam cig gis snga phyi med par bla na med pa yang dag par rdzogs pa'i byang chub mngon par rdzogs par sangs rgyas par gyur cing yongs su brtag pa bzung ste/ de bzhin gshegs pa re res kyang de bzhin gshegs pa de dag ji snyed pa de snyed kyi de bzhin gshegs pa mngon par sprul te/ de bzhin gshegs pa re re la yang dbu stong stong du gyur/ dbu re re la yang zhal stong stong</font><hr>80.6a<br><font size=+1>

du gyur/ zhal re re la yang ljags stong stong du gyur la/ /de bzhin gshegs pa de dag thams cad stobs bcu dang ldan par gyur/ mi 'jigs pa bzhi dang / de bzhin gshegs pa'i so so yang dag par rig pa bzhi dang / /chags pa med pa sgrib pa med pa'i sangs rgyas kyi spobs pa dang ldan par gyur la/ /shA ri'i bu de lta bu'i de bzhin gshegs pas de bzhin gshegs pa gcig gi tshul khrims kyi pha rol du phyin pa la brtsams te/ /bskal pa bye ba khrag khrig brgya stong du bsngags pa brjod kyang de bzhin gshegs pa'i tshul khrims kyi phung po ni de 'dra ste/ /shA ri'i bu de bzhin gshegs pa'i tshul khrims kyi phung po yang mi zad/ /de bzhin gshegs pa de dag gi shes rab dang / /spobs pa bla na med pa yang mi zad de/ /de bzhin gshegs pa de dag thams cad de'i bar du yongs su mya ngan las 'da' bar 'gyur ro/ /de ci'i phyir zhe na/ /'di lta ste/ /de bzhin gshegs pa'i tshul khrims kyi phung po dang / /de bzhin gshegs pa de dag gi shes rab dang / /spobs pa bla na med pa dang de gnyis ni tshad med grangs med/ /bsam gyis mi khyab/ /nam mkha' dang mnyam zhing mtshungs so/ /shA ri'i bu stong gsum gyi stong chen po'i 'jig rten gyi khams kyi sems can lta zhog la/ /shA ri'i bu shar phyogs kyi 'jig rten gyi khams gang gA'i klung gi bye ma snyed na sems can ji snyed pa dang / /de bzhin du lho dang / /nub dang / byang dang / /'og dang / /steng gi phyogs dang / /de bzhin du phyogs mtshams dang / /phyogs bcu kun gyi 'jig rten gyi khams gang gA'i klung gi bye ma snyed kyi sems can de dag thams cad skad cig thang cig yud tsam cig gis mi'i lus thob par gyur pa</font><hr>80.6b<br><font size=+1>

nas/ bla na med pa yang dag par rdzogs pa'i byang chub mngon par rdzogs par sangs rgyas par gyur pa'i bar du gong ma bzhin du rgyas par bya ste/ 'di lta ste/ /de bzhin gshegs pa'i tshul khrims kyi phung po dang / /sangs rgyas bcom ldan 'das de dag gi shes rab dang / /spobs pa bla na med pa dang / /de gnyis tshad med grangs med/ /bsam gyis mi khyab nam mkha' dang mnyam zhing mtshungs te/ de ltar shA ri'i bu de bzhin gshegs pa ni tshul khrims kyi pha rol tu phyin pa'i dam pa'i pha rol du son pa'o/ /shA ri'i bu khyod de bzhin gshegs pa'i ting nge 'dzin gyi pha rol du phyin pa'i dpe tsam du bya ba nyan par 'dod dam/ /gsol pa/ /'di ltar dge slong rnams bcom ldan 'das las thos nas de bzhin du 'dzin par 'gyur te/ /bcom ldan 'das de'i dus 'di lags so/ /bde bar gshegs pa de'i tshod 'di lags so/ /bcom ldan 'das kyis bka' stsal pa/ /shA ri'i bu de'i dus de'i tshod 'byung ste/ /nyi ma bdun 'jig rten du byung bar gyur nas stong gsum gyi stong chen po'i 'jig rten gyi khams 'di 'bar/ /kun du 'bar/ /kun du rab tu mched cing 'bar te/ /'bar ba gcig tu gyur par 'gyur ro/ /shA ri'i bu 'jig rten gyi khams 'bar ba gcig tu gyur pa de'i sa phyogs gang na de bzhin gshegs pa 'chag gam/ /bzhengs sam/ /bzhugs sam/ /mnal ba'i sa phyogs de ngo mtshar dang rmad kyi chos bcu dang ldan par 'gyur ro/ /bcu gang zhe na/ /sa phyogs de lag mthil ltar mnyam par 'gyur te/ /sa phyogs de ngo mtshar dang rmad kyi chos dang po 'di dang ldan par 'gyur ro/ /gzhan yang shA ri'i bu 'jig rten gyi khams 'bar/ /kun du 'bar/ /kun du rab tu mched</font><hr>80.7a<br><font size=+1>

cing 'bar te/ 'bar ba gcig tu gyur pa der sa phyogs gang na de bzhin gshegs pa 'chag gam bzhengs sam/ bzhugs sam/ mnal ba'i sa phyogs de gseg ma dang / gyo mo med cing mtho bar gyur pa'i gzugs su 'gyur te/ sa phyogs de ngo mtshar dang rmad kyi chos gnyis pa 'di dang ldan par 'gyur ro/ /gzhan yang shA ri'i bu 'jig rten gyi khams 'bar/ kun du 'bar/ kun du rab tu mched cing 'bar te/ 'bar ba gcig tu gyur nas 'tshig pa der sa phyogs gang na de bzhin gshegs pa 'chag gam/ bzhengs sam/ bzhugs sam/ mnal ba'i sa phyogs de de bzhin gshegs pa yongs su longs spyod pa'i phyir yangs shing mnyam par 'gyur te/ shA ri'i bu sa phyogs de ngo mtshar dang rmad kyi chos gsum po 'di dang ldan par 'gyur ro/ /gzhan yang shA ri'i bu 'jig rten gyi khams 'bar/ kun du 'bar/ kun du rab tu mched cing 'bar te/ 'bar ba gcig tu gyur nas 'tshig pa der sa phyogs gang na de bzhin gshegs pa 'chag gam/ bzhengs sam/ bzhugs sam/ mnal ba'i sa phyogs der rtswa sngo ba/ 'khyil pa/ 'jam pa/ g.yas phyogs su 'khyil pa/ ka tsa lin di ka ltar reg na bde ba/ dri rab tu zhim pa skye bar 'gyur te/ shA ri'i bu sa phyogs de ngo mtshar dang rmad kyi chos bzhi pa 'di dang ldan par 'gyur ro/ /gzhan yang shA ri'i bu 'jig rten gyi khams 'bar/ kun du 'bar/ kun du rab tu mched cing 'bar te/ 'bar ba gcig tu gyur nas 'tshig pa der sa phyogs gang na de bzhin gshegs pa 'chag gam/ bzhengs sam/ bzhugs sam/ mnal ba'i sa phyogs der yan lag brgyad dang ldan pa'i chu grang ba/ yang pa/ 'jam pa/ dang ba/ rnyog pa med pa/ rab tu dang ba/ 'thung 'dod pa/ mang du</font><hr>80.7b<br><font size=+1>

'thungs kyang nad du mi 'gyur ba yan lag brgyad dang ldan pa'i chu 'byung bar 'gyur te/ shA ri'i bu sa phyogs de ngo mtshar dang rmad kyi chos lnga pa 'di dang ldan par 'gyur ro/ /gzhan yang shA ri'i bu 'jig rten gyi khams 'bar/ kun du 'bar/ kun du rab tu mched cing 'bar te/ 'bar ba gcig tu gyur nas 'tshig pa der sa phyogs gang na de bzhin gshegs pa 'chag gam/ bzhengs sam/ bzhugs sam/ mnal ba'i sa phyogs der/ de bzhin gshegs pa'i sngon gyi las kyi rnam par smin pas rab tu bsil ba'i rlung ldang ba de 'di lta ste dper na/ shA ri'i bu sos ka'i tha ma'i zla ba tsha bas gdungs pa'i dus na/ skyes bu la la zhig gang gA'i klung du zhugs nas/ lus bsil bar byas te/ rim dang snyom pa thams cad zhi bar byas nas gang gA'i klung byung zhing slar byung nas 'chag cing 'gro ba las ha cang yang mi ring ba zhig na nags stug po yal ga dang / lo ma dang / 'dab ma grib ma stug po dang ldan pa zhig mthong nas de nags stug po gang na yod pa der song ste phyin pa dang / nags stug po'i dbus na khri'i steng du phyar bu bting ba/ be'u ras kyis g.yogs pa/ ka tsa lin di ka'i gding ba bting ba/ de'i steng du dar gyis g.yogs pa/ ya tog ma tog tu sngas dmar po bshams pa zhig mthongs nas de de la 'dug go/ /de de la 'dug ste/ 'greng zhing phyogs bzhi kun nas bsil ba'i rlung ldang bar 'gyur ba de bzhin du/ shA ri'i bu sa phyogs der bsil ba'i rlung ldang bar 'gyur te/ shA ri'i bu sa phyogs de ngo mtshar dang rmad kyi chos drug pa 'di dang ldan par 'gyur ro/ /gzhan yang shA ri'i bu 'jig rten gyi khams 'bar/ kun du 'bar/ kun du rab tu mched cing 'bar te/ 'bar ba gcig tu gyur nas 'tshig pa der sa phyogs gang na</font><hr>80.8a<br><font size=+1>

de bzhin gshegs pa 'chag gam/ bzhengs sam/ bzhugs sam/ mnal ba'i sa phyogs der chu las skye ba'i me tog ud pa la dang / pad ma dang / ku mu da dang / pad ma dkar po skye bar 'gyur te/ shA ri'i bu sa phyogs de ngo mtshar dang rmad kyi chos bdun pa 'di dang ldan par 'gyur ro/ /gzhan yang shA ri'i bu 'jig rten gyi khams 'bar/ kun du 'bar/ kun du rab tu mched cing 'bar te/ 'bar ba gcig tu gyur nas/ 'tshig pa der sa phyogs gang na de bzhin gshegs pa 'chag gam/ bzhengs sam/ bzhugs sam/ mnal ba'i sa phyogs der thang las skye ba'i me tog 'di lta ste/ a ti mug ta ka dang / tsam pa ka dang / sna ma'i me tog dang / pa ri sha ka dang / mya ngan 'tshang dang / skya snar dang / dong ka'i me tog dang / ta ra ni dang / go ta ra ni la sogs pa thang las skye ba'i me tog sna tshogs kha dog dang ldan pa/ dri dang ldan pa 'byung bar 'gyur te/ shA ri'i bu sa phyogs de ngo mtshar dang rmad kyi chos brgyad pa 'di dang ldan par 'gyur ro/ /gzhan yang shA ri'i bu 'jig rten gyi khams 'bar/ kun du 'bar/ kun du rab tu mched cing 'bar te/ 'bar ba gcig tu gyur nas 'tshig pa der sa phyogs gang na de bzhin gshegs pa 'chag gam/ bzhengs sam/ bzhugs sam/ mnal ba'i sa phyogs de sra zhing mi shigs pa/ sa gzhi rdo rjer 'gyur te/ shA ri'-i bu sa phyogs de ni ngo mtshar dang rmad kyi chos dgu pa 'di dang ldan par 'gyur ro/ /gzhan yang shA ri'i bu stong gsum gyi stong chen po'i 'jig rten gyi khams lam me/ rab tu lam me/ kun tu rab tu lam me/ kun du 'bar kun du rab tu mched cing 'bar te/ 'bar ba gcig tu gyur nas/ 'tshig pa der sa phyogs</font><hr>80.8b<br><font size=+1>

gang na de bzhin gshegs pa dgra bcom pa yang dag par rdzogs pa'i sangs rgyas 'chag gam/ bzhengs sam/ bzhugs sam/ mnal ba'i sa phyogs de lhar bcas pa'i 'jig rten dang / bdud tu bcas pa dang / dge sbyong dang bram zer bcas pa'i skye dgu dang / lha dang mi dang lha ma yin du bcas pa'i 'jig rten gyi mchod rten du 'gyur te/ shA ri'i bu sa phyogs de ngo mtshar dang / rmad kyi chos bcu pa 'di dang ldan par 'gyur te/ shA ri'i bu sa phyogs de ni ngo mtshar dang / rmad kyi chos bcu po de dag dang ldan par 'gyur ro/ /yang shA ri'i bu de bzhin gshegs pas chos kyi dbyings shin du rtogs te/ de rtogs pas de bzhin gshegs pa dgra bcom pa yang dag par rdzogs pa'i sangs rgyas ji ltar mnyam par bzhag pa'i sems la gcig tu bde bar so sor yang dag par myong bar 'gyur ba de lta bu'i ting nge 'dzin la snyoms par zhugs nas/ bskal pa gang gA'i klung gi bye ma snyed tu bzhugs kyang de bzhin gshegs pa'i ting nge 'dzin yongs su 'bri ba med par ngas bshad do/ /shA ri'i bu de bzhin gshegs pa bsod snyoms gcig gis bskal bar gnas sam/ bskal pa brgya 'am/  bskal pa stong ngam/ bskal pa stong phrag brgya 'am/ bskal pa bye ba 'am/ bskal pa bye ba brgya 'am/ bskal pa bye ba stong ngam/ bskal pa bye ba stong phrag brgya 'am/ bskal pa bye ba khrag khrig brgya stong ngam/ de las lhag par yang bzhugs so/ /de ci'i phyir zhe na/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni pha rol du phyin pa'i mchog gi dam pa'i pha rol du son pa ste/ shA ri'i bu de bzhin gshegs pa ni de ltar rdzu 'phrul che/ de ltar mthu che/ de ltar dbang che bar grags pa'o/ /'di lta ste/ dper na shA ri'i bu</font><hr>80.9a<br><font size=+1>

'du shes med 'du shes med min gyi skye mched kyi lha'i nang du lha'i bu skyes pa de dmigs pa gcig la gnas pa'i rnam par shes pas bskal pa brgyad khri bzhi stong du 'dug ste/ bsam gtan gyis tshe'i mtha' 'chi ba'i dus ma byas kyi bar du rnam par shes pa de las rnam par shes pa gzhan du mi 'gyur ro/ /de bzhin du shA ri'i bu gang gi nub mo de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas pa dang / gang gi nub mo phung po'i lhag ma med pa'i mya ngan las 'das pa'i dbyings su yongs su mya ngan las 'das pa de'i bar du de bzhin gshegs pa ting nge 'dzin las nyams pa med/ sems 'gyur ba med/ sems rgyu ba med/ sems rnam par rgyu ba med/ sems rab tu rgyu ba med/ sems rgyas pa med/ sems kyi 'dren pa med/ sems g.yeng ba med/ sems mtho ba med/ sems kun du srung ba med/ sems sbed pa med/ sems tshim pa med/ sems mi 'thun pa med/ sems 'dud pa med/ sems g.yo ba med/ sems rab tu dga' bar byed pa med/ sems zhum pa med/ sems rtog pa med/ sems rnam par rtog pa med/ sems yongs su rtog pa med/ sems kyi rjes su 'brang ba'i rnam par shes pa med/ sems mig la gnas pa med/ rna ba dang / sna dang / lce dang / lus dang / yid la gnas pa med/ sems gzugs la gnas pa med/ sems sgra dang dri dang ro dang reg bya dang / chos la gnas pa med/ sems chos la 'jug pa med/ sems rnam par shes pa la 'jug pa med/ sems 'das pa la yang mi lta/ sems ma 'ongs pa la yang mi lta/ sems da ltar byung ba la yang mi lta ste/ de ltar na shA ri'i bu de bzhin gshegs pa dgra bcom pa yang dag par rdzogs pa'i sangs rgyas ting</font><hr>80.9b<br><font size=+1>

nge 'dzin la gnas nas/ sems la chos gang yang bsal ba med mod kyi/ lhun gyi grub pa'i tshul gyis chos thams cad la thogs pa med pa'i ye shes mthong ba 'jug go/ /'di ltar shA ri'i bu de bzhin gshegs pa'i ting nge 'dzin ni sems dang / yid dang / rnam par shes pa dang bral mod kyi gnas kyang mi 'dor te/ lhun gyis grub pa'i tshul gyis sangs rgyas kyi bya ba thams cad mdzad do/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pa yang 'di skad gsung ngo / /bskal pa brgya stong dpag tu med cing gzhal yas par/ /sngon gyi srid pa'i 'gro bar byang chub spyod spyad tshe/ /tshul khrims dang ni thos dang ting 'dzin bag yod dang / /bzod pa dag kyang byang chub mchog phyir 'dren pas bsgoms/ /rgyal ba'i rtogs dang 'bras bu dge ba'i 'dra bas/ tshul khrims shin du yongs dag 'jig rten kun gyi mchog //ji ltar nam mkha' dri med rnam par spros med ltar/ /stobs bcu'i tshul khrims dri ma med pa nam mkha' bzhin/ /gang gi nub mo rgyal bas dang po byang chub rtogs/ gang gi nub mo tha mar mya ngan 'das gshegs tshe/ /stobs bcu rnams la sems rgyu rab tu rgyu ba med/ /de bzhin bsam gtan ting 'dzin nyams pa nam yang med/ /stobs bcu rnams kyi tshul khrims phung po nyams med do/ /rdzu 'phrul stobs dang rnam par nyams pa'i char 'gyur med/ /bskal pa brgya phrag stong du sems ni gcig gis gnas/ /'dren pa la ni rtog dang rnam par rtog pa med/ /'dren pa rnams kyi rnam rtog spyod yul nam mkha' 'dra/ /dus gsum dag la sangs rgyas ye shes thog med 'jug //stobs bcu rnams la sems yid rnam par rgyu ba dang / /rtog dang stong pa med par sangs rgyas sras rnams dang / /de ltar shA ri'i bu byang chub sems dpa' rnams de bzhin</font><hr>80.10a<br><font size=+1>

gshegs pa rnams kyi de bzhin gshegs pa'i tshul khrims dang / ting nge 'dzin bsam gyis mi khyab pa la mngon par dad/ yid ches/ rab tu rtog /som nyi med/ the tshom mi za/ rgya cher dga' mgu ste/ rangs pa rnyed nas ngo mtshar dang / rmad du 'du shes skyed do/ /shA ri'i bu ji ltar na byang chub sems dpa' de bzhin gshegs pa'i rdzu 'phrul gyi stobs bsam gyis mi khyab pa la mngon par dad/ yid ches/ rab tu rtog /som nyi med/ the tshom mi za/ rgya cher dga' mgu ste/ rangs pa rnyed nas/ ngo mtshar dang rmad du 'du shes skyed ce na/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas kyis 'di skad du gnas brtan maud gal gyi bu chen po 'di ni nga'i nyan thos rdzu 'phrul che ba'i nang na mchog go zhes gsungs te/ byang chub sems dpa' nyan thos kyi rdzu 'phrul de la 'jal zhing yongs su dpyod/ byang chub sems dpa'i rdzu 'phrul la yang 'jal zhing yongs su dpyod do/ /gzhal te yongs su dpyad nas byang chub sems dpa'i rdzu 'phrul dang mtshungs shing mnyam par ma mthong ngo / /byang chub sems dpa'i rdzu 'phrul la 'jal la gzhal cing yongs su dpyad nas de bzhin gshegs pa'i rdzu 'phrul la 'jal zhing yongs su dpyod do/ /gal te yongs su dpyad nas de bzhin gshegs pa'i rdzu 'phrul dang mtshungs shing mnyam par ma mthong nas de 'di snyam du sems te/ de bzhin gshegs pa rnams kyi de bzhin gshegs pa'i rdzu 'phrul ni bsam gyi mi khyab po snyam nas de bzhin gshegs pa'i rdzu 'phrul yongs su grub par bya ba'i phyir rgya cher brtson 'grus rtsom mo/ /shA ri'i bu de bzhin gshegs pa'i rdzu 'phrul la brtsams te dpe tsam du bya ba de bzhin gshegs pa las khyod nyan par 'dod dam/ bcom ldan 'das de'i dus 'di lags so/ /bde bar gshegs pa de'i tshod</font><hr>80.10b<br><font size=+1>

lags so/ /'di ltar bcom 'das kyis dge slong rnams la de bzhin gshegs pa'i rdzu 'phrul las brtsams te dpe bshad na/ dge slong rnams bcom ldan 'das las de thos nas de bzhin du 'dzin par 'gyur ro/ /bcom ldan 'das kyis bka' stsal pa/ de'i phyir shA ri'i bu legs par rab tu nyon la yid la zung shig dang bshad do/ /bcom ldan 'das de bzhin no zhes gsol nas/ tshe dang ldan pa shA ri'i bu bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /shA ri'i bu de ji snyam du sems/ gnas brtan maud gal gyi bu chen po rdzu 'phrul che ba yin nam gsol pa/ dge slong nyan thos rdzu 'phrul che ba'i nang na 'di ltar gnas brtan maud gal gyi bu chen po 'di ni mchog go zhes bdag gis bcom ldan 'das las mngon sum du thos te mngon sum du bzung ngo / /bka' stsal pa/ shA ri'i bu gal te stong gsum gyi stong chen po'i 'jig rten gyi khams 'di nyan thos rdzu 'phrul chen po maud gal gyi bu lta bus 'di lta ste dper na/ bu ram shing stug po 'am/ 'dam bu stug po 'am/ 'od ma stug po 'am/ til gyi zhing ngam/ 'bras kyi zhing bzhin du gang bar gyur la/ de ltar gcig tu 'dus pa'i nyan thos kyi tshogs de lta bus mthu dang brtson 'grus thams cad dang / rdzu 'phrul dang / cho 'phrul gyi stobs thams cad bstan kyang de bzhin gshegs pa'i cho 'phrul gyi brgya'i char yang nye bar mi 'gro/ stong gi char yang / brgya stong gi char yang / bye ba'i char yang / bye ba brgya'i char yang / bye ba stong gi char yang / bye ba brgya stong gi char yang / grangs su yang / char yang / bgrang bar yang / dper yang / rgyur yang nye bar mi 'gro'o/ /de ci'i phyir zhe na/ shA ri'i bu de bzhin gshegs</font><hr>80.11a<br><font size=+1>

pa dgra bcom pa yang dag par rdzogs pa'i sangs rgyas ni rdzu 'phrul dang / cho 'phrul gyi dam pa'i pha rol tu son pa'o/ /shA ri'i bu gal te de bzhin gshegs pas sa 'di la yung dkar gyi 'bru gcig bzhag na/ de bzhin gshegs pas yungs dkar gyi 'bru bzhag pa de yang de lta bu'i nyan thos kyi tshogs kyi mthu dang / stobs dang / brtson 'grus dang / drags shul thams cad dang / rdzu 'phrul dang / cho 'phrul gyi stobs thams cad bstan kyang de bzhin gshegs pas bzhag pa'i yungs dkar gyi 'bru skra'i rtse mo gcig tsam yang bskyod par mi nus so/ /de ci'i phyir zhe na/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni rdzu 'phrul gyi pha rol du phyin pa'i dam pa'i pha rol du son pa'o/ /shA ri'i bu stong gsum gyi stong chen po'i 'jig rten gyi khams 'di lta zhog la/ shA ri'i bu shar phyogs kyi 'jig rten gyi khams gang gA'i klung gi bye ma snyed na sems can ji snyed yod pa dang / de bzhin du lho dang / nub dang / byang dang / 'og dang / steng dang / phyogs mtshams dang / phyogs bcu kun gyi 'jig rten gyi khams gang gA'i klung gi bye ma snyed na sems can ji tsam sgo nga las skyes pa 'am mngal nas skyes pa nas 'du shes med 'du shes med min gyi bar gyi sems can de dag thams cad yongs su brtag pa bzung ste/ nyan thos rdzu 'phrul chen po 'di lta ste dper na/ maud gal gyi bu chen po lta bur gyur la/ shA ri'i bu de lta bu'i nyan thos kyi tshogs thams cad kyis stobs dang / mthu dang / drag shul thams cad dang / rdzu 'phrul dang / cho 'phrul gyi stobs thams cad bstan kyang yungs 'bru yang gdeg par mi nus te/ tha na skra'i rtse mo'i cha tsam yang bskyod par mi nus so//</font><hr>80.11b<br><font size=+1>

de ci'i phyir na/ shA ri'i bu de bzhin gshegs pa ni rdzu 'phrul gyi pha rol du phyin pa'i dam pa'i pha rol du son pa ste/ shA ri'i bu de bzhin gshegs pa ni de ltar rdzu 'phrul che/ de ltar mthu che/ de ltar dbang che bar grags pa'o/ /de nas yang bcom ldan 'das kyis tshe dang ldan pa shA ri'i bu la bka' stsal pa/ shA ri'i bu khyod kyis nam 'jig pa'i bskal pa'i dus kyi tsher gyur pa de na kun du 'jom pa zhes bya'i rlung ldang ste/ rlung de langs pas stong gsum gyi stong chen po'i 'jig rten gyi khams 'di yi ri'i rgyal po ri rab dang / khor yug gi ri dang / khor yug gi ri chen po dang / gling chen po bzhi dang / gling brgyad khri dang / ri chen po dang / rgya mtsho chen po yang dpag tshad srid du mngon par 'phen cing rab tu 'thor bar 'gyur ba khyod kyis thos sam/ gsol pa/ bdag gis bcom ldan 'das las mngon sum du thos te mngon sum du bzung ngo / /bka' stsal pa/ shA ri'i bu nam 'jig pa'i rlung 'byung ba de ni kun du 'jom pa chen po zhes bya'i rlung ldang ste/ stong gsum gyi stong chen po'i 'jig rten gyi khams 'di ri rab dang bcas/ khor yug dang bcas/ ri dang bcas/ rgya mtsho dang bcas/ dpag tshad brgyar mngon par 'phen cing rab tu mthong / dpag tshad nyis brgya dang / dpag tshad sum brgya dang / dpag tshad bzhi brgya dang / dpag tshad lnga brgya dang / dpag tshad stong dang / dpag tshad nyis stong dang / sum stong dang / bzhi stong dang / lnga stong du mngon par 'phen cing rab tu 'thor/ dpag tshad brgya phrag mang po dang / dpag tshad brgya stong phrag mang por mngon par 'phen cing rab tu 'thor te/ de dag gi rdul yang mi snang na ri dang rdo rnams lta ci smos/ 'thab bral gyi lha rnams kyi gzhal med khang rnams kyang dkrugs bcom/ </font><hr>80.12a<br><font size=+1>

rab tu gtor te/ de dag gi rdul yang mi snang na gzhal med khang nas lta ci smos/ dga' ldan pa rnams dang / 'phrul dga' rnams dang / gzhan 'phrul dbang byed kyi bdud kyi ris rnams dang / tshangs pa rnams dang / 'od gsal ba rnams dang / dge rgyas kyi lha rnams kyi gzhal me khang gi bar du de bzhin du rgyas par bya'o/ /ji ltar 'thab bral gyi dkrugs bcom rab tu gtor te/ dkrugs bcom rab tu gtor ba de dag gi rdul yang mi snang na gzhal med khang dang ra ba rnams lta ci smos/ shA ri'i bu gal te de lta bu'i rlung langs kyang des de bzhin gshegs pa'i chos gos kyi mtha' ma'i rtse mo tsam yang g.yos par mi nus na/ chos gos sam/ chos gos kyi grwa lta ci smos/ de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas ni bsam gyis mi khyab pa'i rdzu 'phrul dang / bsam gyis mi khyab pa'i spyod lam dang / bsam gyis mi khyab pa'i lam dang / bsam gyis mi khyab pa'i snying rje chen po dang ldan no/ /shA ri'i bu gal te 'di lta bu'i rlung gi dkyil 'khor shar phyogs dang / lho dang / nub dang / byang dang / 'og dang / steng dang / phyogs 'tshams dang / phyogs bcu kun gyi 'jig rten gyi khams gang gA'i klung gi bye ma snyed du rlung mngon par ldang yang / shA ri'i bu 'jig rten gyi khams 'jig par byed pa'i rlung gi dkyil 'khor de de bzhin gshegs pa'i sor mo'-i rtse mos zlog kyang de bzhin gshegs pa'i rdzu 'phrul dang / cho 'phrul gyi stobs bri ba yang med do/ /de ci'i phyir zhe na/ shA ri'i bu de bzhin gshegs pa rnams kyi de bzhin gshegs pa'i rdzu 'phrul bsam gyis mi khyab ste/ de la byang chub</font><hr>80.12b<br><font size=+1>

sems dpa' mngon par dang / yid ches/ som nyi med/ the tshom mi za/ rgya cher dga' mgu ste/ rangs pa rnyed nas ngo mtshar dang / rmad tu 'du shes skyed do/ /de nas bcom ldan 'das kyis don 'di nyid rgya cher rab tu bstan pa'i phyir de'i tshe tshigs su bcad pa 'di dag gsungs ngo / /khams gsum sems can ji snyed pa/ /gnas brtan maud gal bu bzhin du/ /rdzu 'phrul pha rol phyin pa yi/ /nyan thos mkhas par kun gyur pas/ /rdzu 'phrul thams cad rab brtan kyang / /de bzhin gshegs pas sa 'di la/ /yungs dkar gyi ni 'bru bzhag pa/ /g.yo bar bya bar mi nus so/ /gang rnams phyogs bcu'i 'jig rten khams/ /gang gA yi ni bye ma snyed/ /rnam 'thor rlung dang kun 'jom pa/ /rlung rnams phyogs bcur langs par gyur/ /de lta bu yi rlung chen des/ /thams cad gzigs pa'i chos gos kyi/ /mtha' ma skra'i rtse tsam yang / /g.yo bar bya bar mi nus so/ /thub pa chen po'i spu gcig gis/ /rlung de rab tu zlog par mdzad/ sangs rgyas rdzu 'phrul 'di 'dra ba/ /mtha' yas pa ni nam mkha' bzhin/ /de ltar shA ri'i bu byang chub sems dpa' de bzhin gshegs pa rnams kyi de bzhin gshegs pa'i rdzu 'phrul bsam gyis mi khyab pa la mngon par dad/ yid ches pa nas ngo mtshar dang rmad kyi bar du 'du shes skyed do/ /yang shA ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i stobs bsam gyis mi khyab pa la mngon par dad/ yid ches/ rab tu rtog /som nyi med/ the tshom mi za/ rgya cher dga' mgu ste/ rangs pa rnyed nas</font><hr>80.13a<br><font size=+1>

ngo mtshar dang rmad tu 'du shes skyed ce na/ shA ri'i bu de bzhin gshegs pa rnams kyi de bzhin gshegs pa'i stobs ni bcu po 'di dag ste/ stobs de dag dang ldan pas de bzhin gshegs pa khyu mchog gi gnas su dam 'cha' zhing dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten 'dir chos dang 'thun par ma bskor ba'i tshangs pa'i 'khor lo rab tu bskor to/ /bcu gang zhe na/ 'di lta ste/ gnas dang gnas ma yin pa mkhyen pa'i stobs dang / las dang rnam par smin pa mkhyen pa'i stobs dang / mos pa du ma dang / mos pa sna tshogs mkhyen pa'i stobs dang / khams du ma dang / khams sna tshogs mkhyen pa'i stobs dang / dbang po dang / brtson 'grus kyi rim pa mkhyen pa'i stobs dang / thams cad tu 'gro ba'i lam mkhyen pa'i stobs dang / bsam gtan dang rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba mkhyen pa'i stobs dang / sngon gyi gnas rjes su dran pa mngon sum du byed pa mkhyen pa'i stobs dang / 'chi 'pho dang / skye ba mngon sum du byed pa mkhyen pa'i stobs dang / zag pa zad pa mngon sum du byed pa mkhyen pa'i stobs so/ /shA ri'i bu de bzhin gshegs pa'i stobs bcu po de dag ste/ stobs de dag dang ldan pas de bzhin gshegs pa 'khor gyi nang du yang dag par seng ge'i sgra sgrog cing khyu mchog gi gnas su zhal gyi mche ba nas/ sus kyang 'jig rten du chos dang mthun par ma bskor ba tshangs pa'i 'khor lo rab tu skor ba'i bar du 'o/ /de bzhin gshegs pa'i gnas dang / gnas ma yin pa mkhyen pa'i stobs gang zhe na/ </font><hr>80.13b<br><font size=+1>

'di la shA ri'i bu de bzhin gshegs pas bla na med pa'i de bzhin gshegs pa'i ye shes kyi stobs kyis gnas kyang gnas su/ gnas ma yin pa'ang gnas ma yin par yang dag pa ji lta ba bzhin du rab tu mkhyen to/ /de la gnas gang / gnas ma yin pa gang zhe na/ shA ri'i bu gang lus kyis nyes par spyod pa'i rnam par smin pa 'dod pa dang / sdug pa dang / dga' ba dang / yid du 'ong ba mngon par 'grub pa de ni gnas ma yin te/ skabs med do/ /gang lus kyis nyes par spyad pa dang / ngag gis nyes par spyad pa dang / yid kyis nyes par spyad pa'i rnam par smin pa mi 'dod pa dang / mi sdug pa dang / mi dga' ba dang / yid tu mi 'ong ba mngon par 'grub pa de ni gnas yin te skabs yod do/ /gang lus kyis legs par spyad pa dang / ngag gis legs par spyad pa dang / yid kyis legs par spyad pa'i rnam par smin pa mi 'dod pa dang / mi sdug pa dang / mi dga' ba dang / yid du mi 'ong ba mngon par 'grub pa de ni gnas ma yin te/ skabs med do/ /gang lus kyis legs par spyad pa dang / ngag gis legs par spyad pa dang / yid kyis legs par spyad pa'i rnam par smin pa/ 'dod pa dang / sdug pa dang / dga' ba dang / yid du 'ong ba mngon par 'grub pa de ni gnas yin te/ skabs yod do/ /shA ri'i bu 'di ni gnas ma yin zhing skabs med de/ gang ser snas longs spyod chen po mngon par 'grub pa de ni gnas ma yin no/ /gang ser snas dbul por 'gyur ba de ni gnas yin te skabs yod do/ /'di ni gnas ma yin zhing skabs med de/ gang sbyin pas dbul por 'gyur ba de ni gnas ma yin no/ /gang sbyin pas longs spyod chen po mngon par 'grub pa de ni gnas yin te</font><hr>80.14a<br><font size=+1>

skabs yod do/ /shA ri'i bu 'di ni gnas ma yin zhing skabs med de/ gang 'chal pa'i tshul khrims kyis lha dang mir skye ba rnyed pa de ni gnas ma yin no/ /gang 'chal pa'i tshul khrims kyis sems can dmyal ba dang / dud 'gro'i skye gnas dang / gshin rje'i 'jig rten du skye ba de ni gnas yin te/ skabs yod do/ /shA ri'i bu 'di ni gnas ma yin zhing skabs med de/ gang tshul khrims kyis sems can dmyal ba dang / dud 'gro'i skye gnas dang / gshin rje'i 'jig rten du skye ba de ni gnas ma yin no/ /gang tshul khrims kyis lha dang mir skye ba thob pa na de ni gnas yin te skabs yod do/ /shA ri'i bu gnas ma yin zhing skabs med de/ gang gnod sems kyis gzugs mdzes par mngon par 'grub pa de ni gnas ma yin no/ /gang gnod sems kyis gzugs mi sdug pa mngon par 'grub pa de ni gnas yin te skabs yod do/ /shA ri'i bu gnas ma yin zhing skabs med de/ gang bzod pas gzugs mi sdug pa mngon par 'grub pa de ni gnas ma yin no/ /gang bzod pas gzugs mdzes pa mngon par 'grub pa de ni gnas yin te skabs yod do/ /shA ri'i bu gnas ma yin zhing skabs med de/ gang le los 'thob pa dang / mngon par rtogs par 'gyur ba de ni gnas ma yin no/ /gang le los 'thob pa dang / mngon par rtogs par mi 'gyur ba de ni gnas yin te skabs yod do/ /shA ri'i bu gnas ma yin zhing skabs med de/ gang brtson 'grus kyis 'thob pa dang / mngon par rtogs par mi 'gyur ba de ni gnas ma yin no/ /gang brtson 'grus kyis 'thob pa dang / mngon par rtogs par 'gyur ba de ni gnas</font><hr>80.14b<br><font size=+1>

yin te skabs yod do/ /shA ri'i bu gnas ma yin zhing skabs med de/ gang sems g.yengs pas nges par gyur pa la 'jug par 'gyur ba de ni gnas ma yin no/ /gang sems g.yengs pas nges rnams la mi 'jug pa de ni gnas ma yin te skabs yod do/ /shA ri'i bu gnas ma yin zhing skabs med de/ gang sems rtse gcig pa nges par gyur pa la 'jug par mi 'gyur ba de ni gnas ma yin no/ /gang sems rtse gcig nges par gyur pa la 'jug par 'gyur ba de ni gnas yin te skabs yod do/ /shA ri'i bu gnas ma yin zhing skabs med de/ gang 'chal ba'i shes rab kyis bag chags kyi mtshams sbyor ba thams cad yang dag par 'jom pa de ni gnas ma yin no/ /gang 'chal pa'i shes rab kyis bag chags kyi mtshams sbyor ba thams cad yang dag par 'jom par mi 'gyur ba de ni gnas yin te skabs yod do/ /shA ri'i bu gnas ma yin zhing skabs med de/ gang shes rab kyis bag chags kyi mtshams sbyor ba thams cad yang dag par 'jom par mi 'gyur ba de ni gnas ma yin no/ /gang shes rab kyis bag chags kyi mtshams sbyor ba thams cad yang dag par 'jom pa de ni gnas yin te skabs yod do/ /shA ri'i bu gnas ma yin zhing skabs med de/ gang srog gcod pa'i skyes bu gang zag srog gcod pa'i rgyur tshe ring por 'gyur ba de ni gnas ma yin no/ /yang shA ri'i bu de srog gcod pa'i skyes bu gang zag tshe thung bar 'gyur ba de ni gnas yin te skabs yod do/ /shA ri'i bu gnas ma yin zhing skabs med de/ gang srog gcod pa spangs pa'i skyes bu gang zag tshe thung bar 'gyur ba de ni gnas ma yin no/ /yang shA ri'i bu gang srog gcod pa spangs pa'i skyes bu gang zag</font><hr>80.15a<br><font size=+1>

tshe ring por 'gyur ba de ni gnas yin te skabs yod do/ /shA ri'i bu gnas ma yin zhing skabs med de/ gang ma byin par len pa'i skyes bu gang zag longs spyod chen po rnyed pa de ni gnas ma yin no/ /yang shA ri'i bu ma byin par len pa'i skyes bu gang zag dbul por 'gyur ba de ni gnas yin te skabs yod do/ /yang shA ri'i bu gnas ma yin zhing skabs med de/ gang ma byin par len pa spangs pa'i skyes bu gang zag dbul por 'gyur ba de ni gnas ma yin no/ /gang ma byin par len pa spangs pa'i skyes bu gang zag longs spyod chen por 'gyur ba de ni gnas yin te skabs yod do/ /shA ri'i bu gnas ma yin zhing skabs med de/ gang 'dod pa la log par g.yem pa'i skyes bu gang zag chung ma 'gran zla med pa rnyed pa de ni gnas ma yin no/ /yang shA ri'i bu gang 'dod pa la log par g.yem pa'i skyes bu gang zag chung ma 'gran zla yod pa rnyed pa de ni gnas yin te skabs yod do/ /shA ri'i bu gnas ma yin zhing skabs med de/ gang 'dod pa la log par g.yem pa spangs pa'i skyes bu gang zag chung ma 'gran zla dang bcas pa rnyed pa de ni gnas ma yin no/ /yang shA ri'i bu 'dod pa la log par g.yem pa spangs pa'i skyes bu gang zag chung ma 'gran zla med pa rnyed pa de ni gnas yin te skabs yod do/ /gong ma bzhin du sbyar te/ dge ba dang mi dge ba'i las kyi lam gsum po de dag bstan pa de bzhin du mi dge ba bcu'i las kyi lam thams cad la'ang bya'o/ /gang brdzun du smra ba des skur pa thob par mi 'gyur ba de ni gnas ma yin no/ /gang thob par 'gyur ba de ni gnas so/ /gang</font><hr>80.15b<br><font size=+1>

brdzun du smra ba spangs pas skur pa thob par 'gyur pa de ni gnas ma yin no/ /gang thob par mi 'gyur ba de ni gnas so/ /gang phra ma zer bas mi phyed pa'i g.yog rnyed pa de ni gnas ma yin no/ /gang rnyed par mi 'gyur ba de ni gnas so/ /gang phra ma spangs pa'i g.yog phyed par 'gyur ba de ni gnas ma yin no/ /gang g.yog mi phyed pa rnyed pa de ni gnas so/ /gang tshig rtsub po smra bas rtag par yid du 'ong ba thos par 'gyur ba de ni gnas ma yin no/ /gang yid du mi 'ong ba thos par 'gyur ba de ni gnas so/ /gang tshig rtsub po spangs pas yid du mi 'ong ba thos par 'gyur ba de ni gnas ma yin no/ /gang yid du 'ong ba thos par 'gyur ba de ni gnas so/ /gang tshig kyal ba smra bas shin du gdon mi za ba'i spobs par 'gyur ba ni gnas ma yin no/ /gang mi 'gyur ba de ni gnas so/ /gang kyal par smra ba spangs pas shin du gdon mi za ba'i spobs par mi 'gyur ba ni gnas ma yin no/ /gang shin du gdon mi za ba'i spobs par 'gyur ba ni gnas so/ /gang brnab sems can longs spyod rab tu nyams par mi 'gyur ba ni gnas ma yin no/ /gang 'gyur ba ni gnas so/ /gang brnab sems spangs pa longs spyod rab tu nyams par 'gyur ba ni gnas ma yin no/ /gang mi 'gyur ba ni gnas so/ /gang gnod sems can sems can dmyal bar mi 'gro ba ni gnas ma yin no/ /gang 'gro ba ni gnas so/ /gang gnod sems spangs pa bde 'gro mtho ris kyi 'jig rten du mi 'gro ba de ni gnas ma yin no/ /gang 'gro ba ni gnas so/ /shA ri'i bu gnas ma yin zhing skabs med de/ gang log par lta ba'i skyes bu gang zag</font><hr>80.16a<br><font size=+1>

log par lta ba bzung ba'i rgyur lam rnyed par 'gyur ba de ni gnas ma yin no/ /yang shA ri'i bu gang log par lta ba'i skyes bu gang zag log par lta ba bzung ba'i rgyus lam mi rnyed pa ni gnas yin te skabs yod do/ /shA ri'i bu gang yang dag par lta ba'i skyes bu gang zag yang dag par lta ba bzung ba'i rgyus 'phags pa'i lam mi rnyed pa de ni gnas ma yin te skabs med do/ /yang shA ri'i bu yang dag par lta ba'i skyes bu gang zag yang dag par lta ba bzung ba'i rgyus 'phags pa'i lam rnyed pa de ni gnas yin te skabs yod do/ /gang mtshams med pa byed pa'i sems gnas par 'gyur ba ni gnas ma yin no/ /gang mi 'gyur ba ni gnas so/ /gang tshul khrims yongs su dag pa'i sems gnas par mi 'gyur ba ni gnas ma yin no/ /gang 'gyur ba ni gnas so/ /gang dmigs par lta ba'i rjes su mthun pa'i bzod pa 'thob pa de ni gnas ma yin no/ /gang 'thob par 'gyur ba ni gnas so/ /gang stong pa nyid la mos pas rjes su 'thun pa'i bzod pa mi 'thob pa ni gnas ma yin no/ /gang thob par 'gyur ba ni gnas so/ /gang 'gyod pa la gnas pa'i sems shin du byang ba rjes su 'thob par 'gyur ba ni gnas ma yin no/ /gang mi 'thob pa ni gnas so/ /gang kun du dkris te 'dug pa'i sems las sems shin du byang bar 'gyur ba ni gnas ma yin no/ /gang 'gyur ba ni gnas so/ /gang bud med 'khor los sgyur ba'i rgyal por 'gyur ba ni gnas ma yin no/ /gang skyes bu 'gyur ba ni gnas so/ /gang bud med lha'i dbang po brgya byin du 'gyur ba ni gnas ma yin no/ /gang skyes bu 'gyur ba ni</font><hr>80.16b<br><font size=+1>

gnas so/ /gang bud med tshangs pa dbang byed du 'gyur ba ni gnas ma yin no/ /gang skyes bu 'gyur ba ni gnas so/ /gang bud med sangs rgyas su 'jig rten du 'byung ba ni gnas ma yin no/ /gang bud med kyi lus bsgyur nas sangs rgyas su 'jig rten du 'byung ba ni gnas so/ /gang skyes bu gang zag brgyad pa 'bras bu ma thob par ldang ba ni gnas ma yin no/ /gang 'bras bu thob nas ldang ba ni gnas so/ /gang rgyun du zhugs pa srid pa brgyad pa mngon par sgrub pa ni gnas ma yin no/ /gang phung po de nyid kyis yongs su mya ngan las 'da' ba ni gnas so/ /gang lan cig phyir 'ong ba srid pa gsum pa mngon par sgrub pa ni gnas ma yin no/ /gang phung po de nyid kyis yongs su mya ngan las 'da' ba ni gnas so/ /gang phyir mi 'ong ba 'jig rten 'dir 'ong ba ni gnas ma yin no/ /gang de nyid du yongs su mya ngan las 'da' ba ni gnas so/ /gang dgra bcom pa 'tshams sbyor ba'i gnas su 'gyur ba ni gnas ma yin no/ /gang mi 'gyur ba ni gnas so/ /gang 'phags pa'i gang zag ston pa gzhan tshol ba 'am/ rgyal mtshan gzhan gzung nas spyod pa ni gnas ma yin no/ /lha gzhan med par 'gyur ba ni gnas so/ /gang mi skye ba la bzod pa thob pa'i byang chub sems dpa' phyir ldog pa ni gnas ma yin no/ /gang byang chub rjes su thob par 'gyur ba ni gnas so/ /gnas ma yin zhing skabs med de/ gang byang chub kyi snying po la 'dug nas byang chub mngon par rdzogs par sangs ma rgyas par ldang ba de ni gnas ma yin no/ /gang byang chub sems dpa' byang chub kyi snying po la 'dug nas bla na med pa yang dag par rdzogs pa'i byang chub mngon par rdzogs par sangs rgyas </font><hr>80.17a<br><font size=+1>

nas ldang ba de ni gnas yin te skabs yod do/ /shA ri'i bu gnas ma yin zhing skabs med de/ gang de bzhin gshegs pa la bag chags kyi mtshams sbyor ba snang ba de ni gnas ma yin no/ /gang yang sangs rgyas bcom ldan 'das kyis bag chags kyi mtshams sbyor ba thams cad yang dag par bcom pa ni gnas yin te skabs yod do/ /shA ri'i bu gang de bzhin gshegs pa'i ye shes thogs par 'gyur ba de ni gnas ma yin te skabs med do/ /gang sangs rgyas bcom ldan 'das rnams kyi ye shes thogs pa med pa ni gnas yin te skabs yod do/ /shA ri'i bu gnas ma yin zhing skabs med de/ gang de bzhin gshegs pa'i gtsug tor la las bltar mthong ba de ni gnas ma yin no/ /gang sangs rgyas bcom ldan 'das rnams kyi gtsug tor bltar mi mthong ba ni gnas yin te skabs yod do/ /shA ri'i bu gnas ma yin zhing skabs med de de bzhin gshegs pa'i sems dang spyod pa snang ba ni gnas ma yin no/ /yang shA ri'i bu sangs rgyas bcom ldan 'das rnams kyi sems dang spyod pa mi snang ba ni gnas yin te skabs yod do/ /shA ri'i bu gnas ma yin zhing skabs med de/ gang de bzhin gshegs pa la mnyam par ma bzhag pa'i sems dmigs par 'gyur ba de ni gnas ma yin no/ /yang shA ri'i bu gang sangs rgyas bcom ldan 'das rnams mnyam par bzhag pa ni gnas yin te skabs yod do/ /shA ri'i bu gnas ma yin zhing skabs med de/ gang de bzhin gshegs pa la mi bden pa'i tshig 'byung ba de ni gnas ma yin no/ /gang sangs rgyas bcom ldan 'das rnams log par mi gsung zhing gzhan ma yin par gsung ba ni gnas yin te skabs yod do/ /shA ri'i bu gnas ma yin zhing skabs med de/ gang sangs rgyas bcom ldan</font><hr>80.17b<br><font size=+1>

'das rnams la 'khrul pa dmigs par 'gyur ba de ni gnas ma yin no/ /sangs rgyas bcom ldan 'das rnams la 'khrul pa med de/ sangs rgyas bcom ldan 'das rnams tshig mi 'khrul pa ni gnas yin te skabs yod do/ /de bzhin du mi 'jigs pa bzhi dang sangs rgyas kyi chos ma 'dres pa bcwa brgyad rnams rgyas par bya ste shA ri'i bu gnas ma yin zhing skabs med de/ gang de bzhin gshegs pa da ltar byung ba'i dus la chags pa dang / sgrib par bcas pa'i ye shes gzigs pa 'jug pa'i bar du de ni gnas ma yin no/ /sangs rgyas bcom ldan 'das rnams da ltar gyi dus la chags pa med cing sgrib pa med pa'i ye shes mthong ba 'jug pa ni gnas yin te skabs yod do/ /de ltar shA ri'i bu de bzhin gshegs pa'i gnas dang gnas ma yin pa mkhyen pa'i stobs mtha' yas mu med do/ /'di ltar shA ri'i bu de bas de bzhin gshegs pa'i gnas dang / gnas ma yin pa mkhyen pa'i stobs mtha' yas mu med de/ shA ri'i bu gang nam mkha'i mtha' 'dod pa de ni de bzhin gshegs pa dgra bcom pa yang dag par rdzogs pa'i sangs rgyas kyi gnas dang / gnas ma yin pa mkhyen pa'i stobs kyi mtha' 'dod do/ /byang chub sems dpa' de bzhin gshegs pa'i gnas dang gnas ma yin pa mkhyen pa'i stobs bsam gyis mi khyab pa de thos nas mngon par dad/ yid ches/ rab tu rtog /som nyi med/ the tshom mi za/ rgya cher dga' mgu ste/ rangs pa rnyed nas ngo mtshar dang / rmad du 'du shes skyed do/ /bcom ldan 'das kyis de skad ces bka' stsal te/ bde bar gshegs pas de skad gsungs nas ston pa yang 'di skad gsung ngo / /ji ltar phyogs bcu'i nam mkha' tshad med mtha' yas pa/ /de bzhin rgyal ba'i gnas dang gnas min mkhyen mtha' yas/ /</font><hr>80.18a<br><font size=+1>

'gro ba'i gnas dang gnas min de bzhin rab mkhyen nas/ /ston pa chos mchog rgya chen yang dag rab tu 'chad/ /mi gang thar pa dag gi lam gyi snod gyur pa/ /ston pas de dag spyod pa mkhyen nas chos kyang 'chad/ /sems can gang dag snod du gyur pa ma yin pa/ /gnas dang gnas min rig nas de dag btang snyoms 'jog /nam mkha' 'di g.yos sa la 'bras bu 'byung yang ni/ /bde bar gshegs pa'i gnas dang gnas min gzhan mi 'gyur/ /'jig rten pa las 'jig rten 'das pa stobs bcu ldan/ /yon tan mchog 'chad rnams kyi ye shes bsam mi khyab/ /shA ri'i bu 'di ni de bzhin gshegs pa rnams kyi de bzhin gshegs pa'i stobs dang po ste/ /stobs de dang ldan pas de bzhin gshegs pa dgra bcom pa yang dag par rdzogs pa'i sangs rgyas 'khor gyi nang du seng ge'i sgra yang dag par sgrog ste/ khyu mchog gi gnas su zhal gyis 'che zhing tshangs pa 'am/ /brgya byin nas/ /sus kyang 'jig rten du chos dang mthun par ma bskor ba'i chos kyi 'khor lo rab tu skor ba'i bar du'o/ /de la de bzhin gshegs pa'i las kyi rnam par smin pa mkhyen pa'i stobs gang zhe na/ 'di la shA ri'i bu de bzhin gshegs pa bla na med pa'i de bzhin gshegs pa'i ye shes kyi stobs kyis 'das pa dang / ma 'ongs pa dang / da ltar byung ba'i las len pa rnams kyi rnam par smin pa gnas dang / rgyu yang dag pa ji lta ba bzhin du rab tu mkhyen to/ /ji ltar rab tu mkhyen ce na/ 'di la shA ri'i bu de bzhin gshegs pa dgra bcom pa yang dag par rdzogs pa'i sangs rgyas kyis gang 'das pa'i las len pa dge ba'i rgyu las byung ba/ mi dge ba dang bral ba/ gang ma 'ongs pa'i dus na dge ba'i rgyu 'byin pa</font><hr>80.18b<br><font size=+1>

de yang de bzhin gshegs pas rab tu mkhyen to/ /las len pa gang mi dge ba'i rgyu las byung ba/ dge ba dang bral ba gang ma 'ongs pa'i dus na mi dge ba'i rgyu 'byin pa de yang de bzhin gshegs pas rab tu mkhyen to/ /las len pa gang ma 'ongs pa'i dus na dman pa la sten par 'gyur ba de yang de bzhin gshegs pas rab tu mkhyen to/ /las len pa gang da ltar gyi dus na khyad par la sten par 'gyur ba de yang de bzhin gshegs pas rab tu mkhyen to/ /las len pa gang da ltar gyi dus na khyad par du sten la ma 'ongs pa'i dus na dman pa la sten par 'gyur ba de yang de bzhin gshegs pas rab tu mkhyen to/ /las len pa gang da ltar gyi dus na dman pa la sten la ma 'ongs pa'i dus na khyad par du sten par 'gyur ba de yang de bzhin gshegs pas rab tu mkhyen to/ /las len pa gang da ltar gyi dus na yang dman pa la sten la ma 'ongs pa'i dus na yang dman pa la sten par 'gyur ba de yang de bzhin gshegs pas rab tu mkhyen to/ /las len pa gang da ltar gyi dus na yang khyad par du sten la ma 'ongs pa'i dus na yang khyad par du sten par 'gyur ba de yang de bzhin gshegs pas rab tu mkhyen to/ /las len pa gang 'das pa'i dus na sbyor ba dman la ma 'ongs pa'i dus na sbyor ba rgya chen por 'gyur ba de yang de bzhin gshegs pas rab tu mkhyen to/ /las len pa gang rtsom pa chung la khyad par chen por 'gyur ba de yang de bzhin gshegs pas rab tu mkhyen to/ /las len pa gang rtsom pa che la khyad par chung ngur 'gyur ba de yang de bzhin gshegs pas rab tu mkhyen to/ /las len pa gang nyan thos su 'gyur ba'i rgyu 'byin pa de yang de bzhin gshegs pas rab tu mkhyen to/ /las len pa gang rang sangs rgyas kyi rgyu 'byin</font><hr>80.19a<br><font size=+1>

pa de yang de bzhin gshegs pas rab tu mkhyen to/ /las len pa gang sangs rgyas su 'gyur ba'i rgyu 'byin pa de yang de bzhin gshegs pas rab tu mkhyen to/ /las len pa gang da ltar sdug bsngal la ma 'ongs pa'i dus na rnam par smin pa bde ba de yang de bzhin gshegs pas rab tu mkhyen to/ /las len pa gang da ltar bde la ma 'ongs pa na rnam par smin pa sdug bsngal ba de yang de bzhin gshegs pas rab tu mkhyen to/ /las len pa gang da ltar yang sdug bsngal la ma 'ongs pa na yang rnam par smin pa sdug bsngal ba de yang de bzhin gshegs pas rab tu mkhyen to/ /las len pa gang da ltar yang bde la/ ma 'ongs pa na yang rnam par smin pa bde ba de yang de bzhin gshegs pas rab tu mkhyen to/ /'di ltar shA ri'i bu 'das pa dang / ma 'ongs pa dang / da ltar gyi dus na sems can thams cad kyi las gang dang / rgyu gang dang / rnam par smin pa gang de bzhin dang / de bzhin nyid dang / gzhan ma yin pa dang / gzhan ma yin par sten pa de yang de bzhin gshegs pas rab tu mkhyen to/ /mkhyen nas kyang de bzhin du de bzhin gshegs pa chos ston to/ /de ltar na shA ri'i bu de bzhin gshegs pa dgra bcom pa yang dag par rdzogs pa'i sangs rgyas kyi 'das pa dang / ma 'ongs pa dang / da ltar gyi las len pa'i rgyu gang yin pa dang / gnas gang yin pa dang / rnam par smin pa mkhyen pa gang yin pa de ni mtha' yas mu med do/ /'di lta ste dper na shA ri'i bu nam mkha' mtha' yas mu med pa de bzhin du shA ri'i bu de bzhin</font><hr>80.19b<br><font size=+1>

gshegs pa'i las kyi rnam par smin pa mkhyen pa'i stobs de yang mtha' yas mu med do/ /shA ri'i bu gang de bzhin gshegs pa dgra bcom pa yang dag par rdzogs pa'i sangs rgyas kyi las kyi rnam par smin pa mkhyen pa'i stobs gyi mtha' 'dod pa de ni nam mkha'i mtha' 'dod do/ /byang chub sems dpa' de bzhin gshegs pa'i las kyi rnam par smin pa mkhyen pa'i stobs bsam gyis mi khyab pa de thos nas/ mngon par dad/ yid ches/ rab tu rtog /som nyi med/ the tshom mi za/ rgya cher dga' mgu ste/ rangs pa rnyed nas nam mkha' lta bur bsam gyis mi khyab pa'i phyir ngo mtshar dang rmad du 'du shes skyed do/ /'di la chos nyid ni 'di yin te de la 'di skad ces bya'o/ /de bzhin gshegs pa rgyu dang smin la mkhas/ /spyan ldan las rnams kun gyi sgrub pa mkhyen/ /dus gsum la ni rgyal ba chags pa med/ /sems can kun gyi spyod pa rab tu mkhyen/ /'gro ba lnga yi sems can thams cad kyi/ /bde dang sdug bsngal rgyur ni gang 'gyur dang / /'jug pa gang dag sdug bsngal rgyur 'gyur ba/ /de dag de bzhin bde gshegs rab tu mkhyen/ /dkar nag las rnams kyi ni rnam smin dang / /rgyu dang rnam smin ji ltar 'gyur ba yang / /de dag de bzhin bde gshegs rab mkhyen te/ /phyag gi mthil na yid bzhin nor bu bzhin/ /las gang rnam smin chung ngu'i rgyu dag las/ 'bras bu dag ni tshad med 'byin pa dang / /tshad med gang dag chung ngu'i rgyur 'gyur ba/ /de dag de bzhin bde gshegs rab tu mkhyen/ /nyan thos nyid du 'bras bu smin 'gyur dang / rang rgyal byang</font><hr>80.20a<br><font size=+1>

chub rgyur ni gang 'gyur dang / /bla med ye shes stobs ni sbyin 'gyur ba/ /de dag ma lus bde gshegs rab tu mkhyen/ /las kyi rgyu gang sdug bsngal smin byed pa/ /de yang bde ba'i 'bras bu smin byed dang / /las kyi rgyu gang bde ba smin byed pa/ /sdug bsngal 'bras bu bya ba thams cad mkhyen/ /sdug bsngal rgyus ni sdug bsngal nyid gnas dang / /bde ba'i rgyus kyang bde ba nyid gnas dang / /las kyi rang bzhin rang bzhin ma yin pa/ /rgyu ldan bde bar gshegs pas rab tu mkhyen/ /'gro ba lnga yi sems can thams cad kyi/ /dus gsum sdug bsngal bgrod pa gang 'jug pa/ /nyams med de nyid de bzhin gzhan min par/ /sangs rgyas mkhyen pas rgyal ba rab tu mkhyen/ /shA ri'i bu 'di ni de bzhin gshegs pa rnams kyi de bzhin gshegs pa'i stobs gnyis pa ste/ /stobs de dang ldan pas de bzhin gshegs pa 'khor gyi nang du seng ge'i sgra yang dag par sgrog cing / /dge sbyong ngam/ /bram ze 'am/ /lha 'am/ bdud dam/ tshangs pa gang gis kyang 'jig rten 'dir chos dang 'thun par ma bskor ba tshangs pa'i 'khor lo rab tu bskor to// // bam po lnga pa/ /gzhan yang shA ri'i bu de bzhin gshegs pas mos pa du ma dang / mos pa sna tshogs mkhyen pa'i stobs kyis sems can gzhan rnams dang / /gang zag gzhan dag gis mos pa du ma dang / /mos pa sna tshogs rnams yang dag pa ji lta ba bzhin rab tu mkhyen to/ /skyes bu gang zag gang 'dod chags la gnas shing zhe sdang la mos pa 'ang rgyas par bya ste/ /gti mug la gnas shing zhe sdang la mos pa de dag kyang de bzhin gshegs pas</font><hr>80.20b<br><font size=+1>

rab tu mkhyen to/ /gang zag gang mi dge ba la gnas shing mi dge ba la mos pa de dag kyang de bzhin gshegs pas rab tu mkhyen to/ /gang zag gang dge ba la gnas shing dge ba la mos pa de dag kyang de bzhin gshegs pas yang dag pa ji lta ba bzhin rab tu mkhyen to/ /gang zag gang sbyor ba dman zhing rgya chen po la mos pa de dag kyang de bzhin gshegs pas yang dag pa ji lta ba bzhin rab tu mkhyen to/ /gang zag gang sbyor ba rgya che zhing dman pa la mos pa de dag kyang de bzhin gshegs pas yang dag pa ji lta ba bzhin rab tu mkhyen to/ /gang zag gang sbyor ba dman zhing khyad par la gnas par 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis khyad par la spyor ba dman pa la gnas par 'gyur ba de dag kyang de bzhin gshegs pas yang dag pa ji lta bzhin rab tu mkhyen to/ /mos pa gang gis log pa nyid du nges pa'i khams thob par 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis yang dag pa nyid du nges pa'i khams thob par 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis yang dag pa nyid tu nges pa'i rnam par grol ba thob par 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis 'dod pa'i khams su 'gro bar 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis gzugs kyi khams su 'gro bar 'gyur ba de dag kyang de bzhin gshegs pas yang dag pa ji lta ba bzhin</font><hr>80.21a<br><font size=+1>

rab tu mkhyen to/ /mos pa gang gis gzugs med pa'i khams su 'gro bar 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis khams gsum du 'gro bar 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis dman pa la sten cing dman pa nyid gnon pa dang / khyad par la sten cing khyad par la gnon pa de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis khyad par du song nas dman pa la gnas par 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis skye ba tha dad pa dang / /kha dog tha dad pa dang / /yongs su longs spyod pa tha dad pa rab tu 'dzin par 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis rtse mo las nyams par 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mos pa gang gis rnam par grol ba thob par 'gyur ba de dag kyang de bzhin gshegs pas yang dag pa ji lta ba bzhin rab tu mkhyen to/ /mkhyen nas kyang de bzhin du chos ston to/ /de ltar na shA ri'i bu de bzhin gshegs pa'i mos pa sna tshogs mkhyen pa'i stobs gang yin pa de ni mtha' yas mu med de/ /nam mkha' dang mtshungs shing mnyam mo/ /byang chub sems dpa' de bzhin gshegs pa'i mos pa sna tshogs mkhyen pa'i stobs de thos nas mngon par dad/ /yid ches/ rab tu rtog /som nyi med/ /the tshom mi za/ /rgya cher dga' mgu ste rangs pa rnyed nas nam mkha' lta bur bsam</font><hr>80.21b<br><font size=+1>

gyis mi khyab pa'i phyir ngo mtshar dang rmad tu 'du shes skyed do/ /de nas bcom ldan 'das kyis don 'di nyid rgya cher bstan pa'i phyir de'i tshe tshigs su bcad pa 'di dag gsungs so/ /'jig rten 'di mos sna tshogs dang / /de bzhin blo gros tshad med pa/ /de dag gi ni mos pa'i sems/ /thams cad 'dren pas rab tu mkhyen/ /gang dag 'dod chags mos pa la/ /zhe sdang la ni gnas 'gyur dang / /zhe sdang gnas shing gti mug la/ /gang dag mos pa rab tu mkhyen/ /gti mug gnas shing 'dod chags kyi/ /sems rgyud bsam gyis mi khyab pa/ /bar bar du ni 'jug pa dag /de dag 'dren pas rab tu mkhyen/ /gang dag sbyor ba dman 'gyur la/ /rgya chen la ni mos pa dang / sbyor ba dam pa de dag gi/ /dman par 'gyur ba 'dren pas mkhyen/ /log pa'i rjes su song ba dang / /'gro ba med par byung ba dang / /khams gsum las ni rnam grol ba'i/ /mos pa dag kyang rab tu mkhyen/ /skye dang kha dog tha dad dang / /nye bar spyod pa'i khyad par dang / /gang dag spyi bo las nyams pa/ /rkang gnyis gtso bos rab tu mkhyen/ /mos pa sna tshogs rab mkhyen nas/ /'dren pa chos rnams ston pa mdzad/ /sangs rgyas kyi ni stobs gsum la/ /rgyal ba'i thugs sras rab tu mos/ /shA ri'i bu 'di ni de bzhin gshegs pa rnams kyi de bzhin gshegs pa'i stobs gsum pa ste/ /de bzhin gshegs pa'i stobs de dang ldan pas de bzhin gshegs pa dgra bcom pa yang dag par rdzogs pa'i sangs rgyas khyu mchog gi gnas su zhal gyis 'che zhing 'khor gyi nang du seng ge'i sgra yang dag par sgrog ste/ /dge sbyong ngam/ /bram ze 'am/ /lha 'am/ /bdud dam/ tshangs pa 'am/ /sus kyang 'jig rten du chos dang 'thun par</font><hr>80.22a<br><font size=+1>

ma bskor ba tshangs pa'i 'khor lo rab tu bskor to/ /gzhan yang shA ri'i bu de bzhin gshegs pas khams du ma dang / /khams sna tshogs mkhyen pa'i stobs kyis 'jig rten rnams yang dag pa ji lta ba bzhin rab tu mkhyen to/ /khams gang gis 'jig rten bsod nams kyi 'du byed sogs pa de yang de bzhin gshegs pas yang dag pa ji lta ba bzhin rab tu mkhyen to/ /khams gang gis bsod nams ma yin pa'i 'du byed sogs pa de yang de bzhin gshegs pas yang dag pa ji lta ba bzhin rab tu mkhyen to/ /khams gang gis mi g.yo ba'i 'du byed sogs pa de yang de bzhin gshegs pas yang dag pa ji lta ba bzhin rab tu mkhyen to/ /khams gang gis 'byung ba'i khams su 'jog par 'gyur ba de yang de bzhin gshegs pas rab tu mkhyen to/ /gzhan yang shA ri'i bu de bzhin gshegs pas mig gi khams dang / gzugs kyi khams dang / /mig gi rnam par shes pa'i khams kyang rab tu mkhyen to/ /ji ltar rab tu mkhyen ce na/ /nang stong pa nyid dang / phyi stong pa nyid dang / /phyi nang stong pa nyid du rab tu mkhyen to/ /yid kyi khams dang / /chos kyi khams dang / /yid kyi rnam par shes pa'i khams kyi bar du yang rab tu mkhyen to/ /ji ltar rab tu mkhyen ce na/ nang stong pa nyid dang / /phyi stong pa nyid dang / /phyi nang stong pa nyid du rab tu mkhyen to/ /sa'i khams dang / /chu'i khams dang / /me'i khams dang / /rlung gi khams rab tu mkhyen to/ /ji ltar rab tu mkhyen ce na/ /nam mkha'i khams ji lta ba de bzhin rab tu mkhyen to/ /'dod pa'i khams dang / /gzugs kyi khams dang / /gzugs med pa'i khams rab tu mkhyen to/ /ji ltar rab tu mkhyen ce na/ /kun tu rtog pa la </font><hr>80.22b<br><font size=+1>

byung bar rab tu mkhyen to/ /'dus byas kyi khams mngon par 'du byed pa'i mtshan nyid rab tu mkhyen to/ /'dus ma byas kyi khams ni mngon par 'du mi byed pa'i mtshan nyid du rab tu mkhyen to/ /kun nas nyon mongs pa'i khams ni phyis 'byung ba'i nyon mongs pa'i mtshan nyid du rab tu mkhyen to/ /rnam par byang ba'i khams ni rang bzhin gyis 'od gsal ba'i mtshan nyid du rab tu mkhyen to/ /'du byed kyi khams ni tshul bzhin ma yin pa ma rig pa'i mtshan nyid du rab tu mkhyen to/ /mya ngan las 'das pa'i dbyings ni tshul bzhin rig pa'i mtshan nyid du rab tu mkhyen to/ /'di ltar 'jig rten gnas pa'i khams gang yin pa dang / /'jig rten gnas pa khams gang la gnas pa dang / /khams gang la rjes su chags pa dang / khams gang la gnas pa dang / /khams gang la sbyor ba dang / /khams gang gi bsam pa dang / /khams gang la nges par sems pa dang / /khams gang la rten pa de yang de bzhin gshegs pas yang dag pa ji lta ba bzhin rab tu mkhyen to/ /mkhyen nas kyang chos ston to/ /de ltar shA ri'i bu de bzhin gshegs pa'i khams du ma dang / /khams sna tshogs mkhyen pa'i stobs mtha' yas mu med de nam mkha' dang mtshungs shing mnyam mo/ /byang chub sems dpa' de bzhin gshegs pa'i khams du ma dang / /khams sna tshogs mkhyen pa'i stobs la mngon par dad/ /yid ches/ /rab tu rtog /som nyi med/ /the tshom mi za/ /rgya cher dga' mgu ste/ /rangs pa rnyed nas nam mkha' lta bur bsam gyis mi khyab pa'i phyir ngo mtshar dang / /rmad tu 'du shes skyed do/ /'di la chos nyid ni 'di yin te/ /de la 'di skad ces bya'o 'jig rten kun na sems can gang / </font><hr>80.23a<br><font size=+1>

sna tshogs khams la gnas pa dag /khams gang 'jug pa ci 'dra ba/ /sangs rgyas kyis ni rab tu mkhyen/ /bsod nams bsod nams min mi g.yo/ /'byung bar 'gyur ba'ang de bzhin te/ /khams rnams gang la gnas nas su/ /mya ngan 'das pa zhi la reg /mig gi khams dang gzugs kyi khams/ /mig gi rnam par shes nyid dang / /rna ba sna dang lce dang lus/ /yid kyi khams kyang rab tu mkhyen/ /chos kyi khams dang yid kyi ni/ /rnam par shes pa nyid kyang mkhyen/ /nang gi khams ni stong pa dang / /phyi rol dag kyang stong par mkhyen/ /sa dang chu dang me dag dang / /rlung gi khams kyang de bzhin te/ /khams rnams bzhi po de dag ni/ /nam mkha' mtshungs par rab tu mkhyen/ /'dod pa'i khams dang gzugs kyi khams/ /gzugs med pa yi khams nyid kyang / /kun du rtog las byung bar ni/ /de ltar sangs rgyas rab tu mkhyen/ /ji ltar nam mkha' mtha' yas pa/ /de bzhin khams rnams mu med de/ /thams cad sangs rgyas rab mkhyen kyang / /mkhyen to snyam du rlom sems med/ /khams ni skye ba ma yin zhing / /rnam pa kun du 'gag med de/ /khams 'di mya ngan 'das par ni/ /skyes bu dam pas rab tu mkhyen/ /ji ltar nam mkha' mtha' yas pa/ /sangs rgyas ye shes de 'dra ste/ /mos pa sna tshogs rab sprul pa/ /ye shes des ni rab tu mkhyen/ /mos pa sna tshogs mkhyen nas su/ /sems can bye ba rnam par 'dul/ /sangs rgyas stobs ni bzhi pa la/ /rgyal ba'i thugs sras dad par byed/ /shA ri'i bu 'di ni de bzhin gshegs pa rnams kyi de bzhin gshegs pa'i</font><hr>80.23b<br><font size=+1>

stobs bzhi pa ste/ sus kyang 'jig rten 'dir chos dang 'thun pa zhes bya ba'i bar du rgyas par bya'o/ /gzhan yang shA ri'i bu de bzhin gshegs pa'i dbang po dang / brtson 'grus kyi rim pa mkhyen pa'i stobs kyis sems can gzhan dang / gang zag gzhan rnams kyi dbang po dang / brtson 'grus kyi rim pa yang dag pa ji lta ba bzhin rab tu mkhyen to/ /ji ltar rab tu mkhyen ce na/ dbang po rtul ba 'ang rab tu mkhyen to/ /dbang po bar ma 'ang rab tu mkhyen to/ /dbang po rno ba 'ang rab tu mkhyen to/ /dbang po khyad par du 'phags pa yang rab tu mkhyen to/ /dbang po dman ba 'ang rab tu mkhyen to/ /yongs su rtog pa'i dbang po ji lta bus mthar phyin pa'i 'dod chags skye ba dang / mthar phyin pa'i zhe sdang skye ba dang / mthar phyin pa'i gti mug skye ba de yang de bzhin gshegs pas yang dag pa ji lta ba bzhin rab tu mkhyen to/ /yongs su rtog pa'i dbang po ji lta bus 'dod chags dang / zhe sdang dang / gti mug brtan pa skye ba de yang de bzhin gshegs pas yang dag pa ji lta ba bzhin rab tu mkhyen to/ /yongs su rtog pa'i dbang po ji lta bus 'dod chags dang / zhe sdang dang / gti mug yang skye ba de yang de bzhin gshegs pas yang dag pa ji lta ba bzhin rab tu mkhyen to/ /yongs su rtog pa'i dbang po ji lta bus snrel zhi'i 'dod chags dang / zhe sdang dang / gti mug skye ba de yang de bzhin gshegs pas yang dag pa ji lta ba bzhin rab tu mkhyen to/ /yongs su rtog pa'i dbang po ji lta bus tshar bcad cing 'dod chags dang / zhe sdang dang / gti mug skye ba de yang de bzhin gshegs pas yang dag pa ji lta ba bzhin rab tu mkhyen to/ /dbang po</font><hr>80.24a<br><font size=+1>

gang dag mi dge ba'i rgyu las byung ba dang / /dbang po gang dag dge ba'i rgyu las byung ba dang / dbang po gang dag mi g.yo ba'i rgyu las byung ba dang / /dbang po gang dag 'byung ba'i rgyu las byung ba de dag kyang de bzhin gshegs pas yang dag pa ji lta ba bzhin rab tu mkhyen to/ /gzhan yang shA ri'i bu de bzhin gshegs pas mig gi dbang po yang dag pa ji lta ba bzhin rab tu mkhyen pa nas/ gong ma bzhin du sbyar te/ rna ba dang / sna dang / lce dang / lus dang yid kyi dbang po yang dag pa ji lta ba bzhin rab tu mkhyen to/ /pho'i dbang po dang / mo'i dbang po dang / srog gi dbang po dang / bde ba'i dbang po dang / sdug bsngal gyi dbang po dang / yid mi bde ba'i dbang po dang / yid bde ba'i dbang po dang / btang snyoms kyi dbang po yang yang dag pa ji lta ba bzhin rab tu mkhyen to/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po yang yang dag pa ji lta ba bzhin bar tu mkhyen to/ /mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po yang yang dag pa ji lta ba bzhin rab tu mkhyen to/ /dbang po gang mig gi dbang po'i rgyu las byung la rna ba'i dbang po la gnas par 'gyur te/ sna la ma yin/ lce la ma yin/ lus kyi dbang po la ma yin pa de yang de bzhin gshegs pas yang dag pa ji lta ba bzhin rab tu mkhyen to/ /gang rna ba'i dbang po'i rgyu las byung la sna'i dbang po la gnas par 'gyur ba dang / /gang sna'i dbang po'i rgyu las byung la lce'i dbang po la gnas par 'gyur ba dang / </font><hr>80.24b<br><font size=+1>

gang lce'i dbang po'i rgyu las byung la lus kyi dbang po la gnas par 'gyur ba de yang de bzhin gshegs pas yang dag pa ji lta ba bzhin rab tu mkhyen to/ /sems can gang sbyin pa'i dbang po can yin la de yang tshul khrims la sbyor ba de la de bzhin gshegs pas dbang po'i mchog dang / mchog ma yin pa mkhyen pas de la sbyin pa'i gtam ston to/ /gang zag gang tshul khrims kyi dbang po can yin la de yang sbyin pa la sbyor ba de la de bzhin gshegs pas dbang po mchog dang / mchog ma yin pa mkhyen pas tshul khrims kyi gtam ston to/ /sems can gang bzod pa'i dbang po can yin la de yang brtson 'grus la sbyor ba de la de bzhin gshegs pas dbang po mchog dang / mchog ma yin pa mkhyen pas bzod pa'i gtam ston to/ /sems can gang brtson 'grus kyi dbang po can yin la de yang bzod pa la sbyor ba de la de bzhin gshegs pas dbang po mchog dang / mchog ma yin pa mkhyen pas brtson 'grus kyi gtam ston to/ /sems can gang bsam gtan gyi dbang po can yin la de yang shes rab la sbyor ba de la de bzhin gshegs pas dbang po mchog dang / mchog ma yin pa mkhyen pas bsam gtan gyi gtam ston to/ /sems can gang shes rab kyi dbang po can yin la de yang shes rab la sbyor ba de la de bzhin gshegs pas dbang po mchog dang / mchog ma yin pa mkhyen pas shes rab kyi gtam ston to/ /gong ma bzhin du sbyar te/ byang chub kyi phyogs kyi chos thams cad la yang bya'o/ /sems can gang nyan thos kyi theg pa'i dbang po can yin la/ de yang rang sangs rgyas kyi theg pa la sbyor ba de la de bzhin gshegs pas dbang po mchog dang / mchog ma yin pa</font><hr>80.25a<br><font size=+1>

mkhyen pas nyan thos kyi theg pa'i gtam ston to/ /sems can gang rang sangs rgyas kyi theg pa'i dbang po can yin la de yang nyan thos kyi theg pa la sbyor pa de la de bzhin gshegs pas dbang po mchog dang / /mchog ma yin pa mkhyen pas rang sangs rgyas kyi theg pa'i gtam ston to/ /sems can gang theg pa chen po'i dbang po can yin la/ /de yang rang sangs rgyas kyi theg pa la sbyor ba de la de bzhin gshegs pas dbang po mchog dang / /mchog ma yin pa mkhyen pas theg pa chen po'i gtam ston to/ /sems can gang tha ma'i dbang po can yin la/ /de yang theg pa chen po la sbyor ba de la de bzhin gshegs pas dbang po mchog dang / /mchog ma yin pa mkhyen pas dbang po tha ma pa'i gtam ston to/ /sems can skal pa med pa'i dbang po can skal pa med par snang ba de dag de bzhin gshegs pas skal pa med cing snod ma yin par rig nas btang snyoms su 'jog go/ /sems can skal pa yod pa'i dbang po can skal pa yod par snang ba dag la de bzhin gshegs pas skal pa yod cing snod tu rig nas ri mor byas shing chos ston te/ de ltar shA ri'i bu de bzhin gshegs pas sems can thams cad kyi dbang po yongs su smin pa rnams kyang rab tu mkhyen/ /dbang po yongs su ma smin pa rnams kyang rab tu mkhyen/ /'byung ba'i dbang po rnams kyang rab tu mkhyen/ /'byung ba ma yin pa'i dbang po rnams kyang rab tu mkhyen to/ /sems can gyi dbang po'i rnam pa gang yin pa dang / /sbyor ba gang yin pa dang / /bsam pa gang yin pa dang / /gang gi rgyu las byung ba dang / /rkyen gang yin pa dang / /dmigs pa gang yin pa dang / </font><hr>80.25b<br><font size=+1>

rgyu 'thun pa gang yin pa dang / /sems can gyi dbang po'i mtha' gang yin pa de dag thams cad de bzhin gshegs pas yang dag pa ji lta ba bzhin rab tu mkhyen to/ /bcom ldan 'das kyis de skad gsungs te/ bde bar gshegs pas de skad bka' stsal nas ston pa yang 'di skad gsung ngo / /'gro ba'i dbang po de ni dbang po'i pha rol song / /sems can rnams kyi spyod dang bsam pa'i cho ga mkhyen/ /'gro ba gang dag gi ni dbang po ci 'dra ba/ /de 'drar mi yi seng ge de la chos 'chad do/ /dbang po dag ni rab 'bring tha mar gyur pa rnams/ /de la bde gshegs ye shes rmad tu byung ba 'jug /sems can bsam pa thar ba'i snod tu gyur mkhyen nas/ /spyod pa mkhyen cing mkhas pa mchog gi chos ston to/ /gang dag mthar phyin skye zhing nyon mongs brtan pa dang / /mi gang rnams kyi dbang po yang bar gyur pa dang / /skyes bu gang gi dbang po snel zhir gyur pa yi/ /spyod pa mkhyen nas de ltar 'thun pa'i chos ston to/ /skyes bu gang gi dge ba'i dbang po gyur pa dang / /mi dge'i dbang po gyur pa rnams kyang de bzhin mkhyen/ /mig nas bzung ste yid kyi bar gyi dbang po dang / /yid mi bde dang sdug bsngal dbang mkhyen chos kyang ston/ /dad brtson dran dang ting 'dzin de bzhin shes rab dag /skyes bu gang la dbang po 'di dag yod pa ni/ /de la dad pa'i gtam ston de bzhin brtson 'grus dang / /bsam gtan shes rab dag kyang dam pa'i don du ston/ /mi yi dbang po'i rnam pa spyod pa'i bye brag gang / /mi gang bsam pa ci 'jug de yi dbang po yang / /chos mchog rtogs pas de dag gi ni spyod mkhyen nas/ /sdug bsngal kun las thar par byed pa'i chos 'chad do/ /</font><hr>80.26a<br><font size=+1>

gang gi dbang po sangs rgyas byang chub phyir des la/ /nyan thos shes pa'i rjes 'jug cho ga mi shes pa/ /de la byang chub reg 'gyur rgya chen gtam rab ston/ /bde gshegs stobs ni mtha' yas thul dka' lnga pa'o/ /'di ni de bzhin gshegs pa rnams kyi de bzhin gshegs pa'i stobs lnga pa ste/ sus kyang 'jig rten 'dir chos dang 'thun par zhes bya ba'i bar du'o/ /de la de bzhin gshegs pa'i thams cad du 'gro ba'i lam mkhyen pa'i stobs gang zhe na/ 'di la shA ri'i bu de bzhin gshegs pas thams cad tu 'gro ba'i lam yang dag pa ji lta ba bzhin rab tu mkhyen to/ /ji ltar rab tu mkhyen ce na/ yang dag par nges pa'i sems can gyi khams rab tu mkhyen/ yang dag par ma nges pa'i sems can gyi khams rab tu mkhyen/ log par nges pa'i sems can gyi khams rab tu mkhyen/ ma nges pa'i sems can gyi khams kyang de bzhin du rab tu mkhyen to/ /rgyu'i stobs can sngon gyi sbyor ba phun sum tshogs pa zur tsam gyis go ba dbang po rno ba'i sems can de dag la de bzhin gshegs pas chos bstan kyang rung / /ma bstan kyang rung / /de rnam par grol ba'i skal ba'i yod pa de dag de bzhin gshegs pas sngon gyi rgyu'i stobs mkhyen nas de bzhin du 'thun par chos ston to/ /ma nges pa'i sems can gyi khams rkyen gyi stobs can yongs su smin par bya ba'i mtshan nyid can/ gal te 'thun par 'doms shing rjes su ston pa dang phrad na rnam par grol bar 'gyur gyi/ rjes su ston pa dang ma phrad na rnam par grol bar mi 'gyur ba de dag la yang</font><hr>80.26b<br><font size=+1>

de bzhin gshegs pa de ltar rgyu dang rkyen dang ldan pa'i gtam yang dag par gsungs te/ /'di ltar de bzhin gshegs pa las chos de thos nas tshul bzhin rab tu sbyor pas 'bras bu thob par 'gyur te/ de dag gi don du sangs rgyas bcom ldan 'das rnams 'jig rten du 'byung ngo / /log par nges pa'i sems can gyi khams yongs su sbyang bar ma byas pa/ kho re chung ba blun pa snod du ma gyur pa'i sems can de dag la de bzhin gshegs pas chos bstan kyang rung / /ma bstan kyang rung ste/ /rnam par grol ba'i skal pa med pa de dag kyang de bzhin gshegs pas snod ma yin par rig nas btang snyoms su 'jog ste/ /de dag gi phyir byang chub sems dpa' rnams go gyon to/ /gzhan yang shA ri'i bu de bzhin gshegs pas 'dod chags kyi lam rnam pa gsum rab tu mkhyen te/ /'dod chags kyi lam sdug pa'i rnam pa las skye ba yang yod/ /'dod chags kyi lam rjes su chags pa'i rnam pa las skye ba yang yod/ /'dod chags kyi lam sngon gyi rgyu las skye ba yang yod do/ /zhe sdang gi lam rnam pa gsum yang rab tu mkhyen te/ /zhe sdang gi lam khong khro ba'i mtshan ma las skye ba yang yod/ /bsam pa yongs su rdzogs pa las skye ba yang yod/ /sngon gyi bag la nyal las skye ba yang yod do/ /gti mug gi lam rnam pa gsum yang rab tu mkhyen te/ /gti mug gi lam ma rig pa'i rgyu las skye ba yang yod/ /gti mug gi lam 'jig tshogs la lta ba'i rgyu las skye ba yang yod/ /gti mug gi lam the tshom gyi rgyu las skye ba yang yod de/ /de dag kyang de bzhin gshegs pas yang dag pa ji lta ba bzhin rab tu mkhyen to/ /gzhan yang</font><hr>80.27a<br><font size=+1>

shA ri'i bu dbang po rno ba'i phyir mngon par shes pa myur la sla ba'i lam yang de bzhin gshegs pas rab tu mkhyen to/ /dbang po rtul ba'i phyir mngon par shes pa bul la dka' ba'i lam yang rab tu mkhyen to/ /dbang po rno ba'i phyir mngon par shes pa myur la sla ba'i lam yang rab tu mkhyen to/ /dbang po rtul ba'i phyir mngon par shes pa bul la sla ba'i lam yang rab tu mkhyen to/ /dmigs pa bor ba'i phyir mngon par shes pa bul la bul ba'i lam yang rab tu mkhyen to/ /lam gyi rgyun ma bcad pa'i phyir mngon par shes pa myur la bul ba'i lam yang rab tu mkhyen to/ /yongs su thug pa med par dbugs 'byin pa'i phyir mngon par shes pa bul la myur ba'i lam yang rab tu mkhyen to/ /de la ma chags pa'i phyir mngon par shes pa myur la bul ba'i lam yang rab mkhyen to/ /so sor rtog pa'i stobs yongs su rdzogs par byed la sgom pa'i stobs la ma yin pa'i lam yang yod/ /sgom pa'i stobs yongs su rdzogs par byed la/ /so sor rtog pa'i stobs la ma yin pa'i lam yang yod/ /sgom pa'i stobs dang / /so sor rtog pa'i stobs yongs su rdzogs par byed pa'i lam yang yod/ /so sor rtog pa'i stobs dang / /sgom pa'i stobs yongs su rdzogs par mi byed pa'i lam yang yod de de dag kyang de bzhin gshegs pas yang dag pa ji lta ba bzhin rab tu mkhyen to/ /bsam pa phun sum tshogs la sbyor ba phun sum tshogs pa ma yin pa'i lam yang yod/ /sbyor ba phun sum tshogs la bsam pa phun sum tshogs pa ma yin pa'i lam yang yod/ /bsam pa yang phun sum tshogs pa ma</font><hr>80.27b<br><font size=+1>

yin la sbyor ba'ang phun sum tshogs pa ma yin pa'i lam yang yod/ /bsam pa yang phun sum tshogs la sbyor ba'ang phun sum tshogs pa'i lam yang yod de/ /de yang de bzhin gshegs pas yang dag pa ji lta ba bzhin rab tu mkhyen to/ /lus sbyong la ngag la ma yin/ /sems la ma yin pa'i lam yang yod/ ngag sbyong la lus la ma yin/ /sems la ma yin pa'i lam yang yod/ /sems sbyong la lus la ma yin/ /ngag la ma yin pa'i lam yang yod/ /lus la ma yin/ /ngag la ma yin la sems kyang mi spyong ba'i lam yang yod/ /lus dang / /ngag dang / /sems spyong ba'i lam yang yod de/ /de dag kyang de bzhin gshegs pas yang dag pa ji lta ba bzhin rab tu mkhyen to/ /de ltar shA ri'i bu sems can thams cad kyi 'jug pa'i rgyu dang / ldog pa'i rgyu'i lam ji snyed pa thams cad tu de bzhin gshegs pa'i ye shes thogs pa med pa 'jug go/ /de ltar shA ri'i bu de bzhin gshegs pa'i kun du 'gro ba'i lam mkhyen pa'i stobs de ni mtha' yas mu med de nam mkha' dang mtshungs shing mnyam mo/ /byang chub sems dpa' de thos nas mngon par dad/ /yid ches/ /rab tu rtog /som nyi med/ /the tshom mi za/ /rgya cher dga' mgu ste/ /rangs pa rnyed cing nam mkha' lta bur bsam gyis mi khyab pa'i phyir ngo mtshar dang rmad tu 'du shes skyed do/ /de nas bcom ldan 'das kyis don de nyid rgya cher bstan pa'i phyir de'i tshe tshigs su bcad pa 'di dag gsungs so/ /thams cad lam ni bde gshegs rab tu mkhyen/ /sems can khams ni des rgyu bcas pa mkhyen/ yongs su smin pa'i mtshan nyid ma nges dang / /de bzhin dbang po rgyu dang ldan pa mkhyen/ /'dod chags lam</font><hr>80.28a<br><font size=+1>

ni rnam pa gsum ldan dang / /zhe sdang lam gsum de bzhin gti mug ldan/ /rnam gsum rgya chen mtha' yas nyon mongs ldan/ /lam la rkyen dang rgyu ni ston pas mkhyen/ /dka' ba'i lam la rno bar 'gyur ba dang / /de bzhin dbang po rtul zhing bul ba dang / /sla ba'i lam la rno bar 'gyur ba dang / /de bzhin bul ba'ang 'jig rten mgon pos mkhyen/ /bul ba'i lam la spyong ba bul ba yod/ /de bzhin bul ba yin la sbyong ba rno/ /myur ba'i lam la bul bar 'gyur ba dang / /de bzhin de la ma chags myur ba'ang yod/ /lam ni so sor rtog pa skyed byed la/ /yang dag sgom pa skyed pa ma yin dang / /sgom pa dag ni skye bar byed pa dang / /gnyis ga khyad par sbyor ldan skyed pa yod/ /lam ni bsam pa yongs su sbyong byed la/ /sbyor ba dag ni sbyong bar mi byed yod/ /res 'ga' gnyis ga sbyong bar byed pa'ang yod/ /de dag sangs rgyas thams cad gzigs pas mkhyen/ /lus la rnam par sbyong la ngag mi sbyong / /sems kyang rnam par sbyong ba ma yin dang / /ngag rnams dang ni lus kyang rab sbyong la/ /sems ni res 'ga' mi sbyong ba yang yod/ /sems ni rab sbyong dag la ma yin te/ /lus kyang rnam par sbyong ba ma yin dang / /ngag dang de bzhin sems kyang rab sbyong la/ /res 'ga' lus ni sbyong bar mi 'gyur yod/ /lus dang de bzhin ngag sems sbyong lam dang / /ji ltar ldog dang 'jug par 'gyur ba rnams/ /sangs rgyas thams cad gzigs pas rab mkhyen te/ /'di ni de bzhin gshegs pa'i stobs drug pa/ /shA ri'i bu 'di ni de bzhin gshegs pa'i stobs drug pa ste/ /stobs de dang ldan pas de bzhin gshegs pa khyu mchog gis gnas su zhal gyi 'che ba nas sus kyang 'jig rten du chos dang</font><hr>80.28b<br><font size=+1>

'thun par zhes bya ba'i bar du'o/ /de la de bzhin gshegs pa'i bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba mkhyen pa'i stobs gang zhe na/ 'di la shA ri'i bu de bzhin gshegs pa bdag dang pha rol gyi bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba yang dag pa ji lta ba bzhin rab tu mkhyen to/ /ji ltar rab tu mkhyen ce na/ sems can rnams kyi kun nas nyon mongs pa'i rgyu gang yin pa dang / rkyen gang yin pa de yang de bzhin gshegs pas yang dag pa ji lta ba bzhin rab tu mkhyen to/ /sems can rnams kyi rnam par dag pa'i rgyu gang yin pa dang / rkyen gang yin pa de yang de bzhin gshegs pas yang dag pa ji lta ba bzhin rab tu mkhyen to/ /de la rgyu gang / rkyen gang zhe na/ sems can thams cad kyi kun nas nyon mongs pa'i rgyu ni tshul bzhin ma yin pa yid la byed pa'o/ /sems can thams cad kyi kun nas nyon mongs pa'i rkyen ni ma rig pa'o/ /ma rig pa ni rgyu'o/ /'du byed ni rkyen to/ /'du byed ni rgyu'o/ /rnam par shes pa ni rkyen to/ /rnam par shes pa ni rgyu'o/ /ming dang gzugs ni rkyen to/ /ming dang gzugs ni rgyu'o/ /skye mched drug ni rkyen to/ /skye mched drug ni rgyu'o/ /reg pa ni rkyen to/ /reg pa ni rgyu'o/ /tshor ba ni rkyen to/ /tshor ba ni rgyu'o/ /sred pa ni rkyen to/ /sred pa ni rgyu'o/ /len pa ni rkyen to/ /len pa ni rgyu'o/ /srid pa ni rkyen to/ /srid pa ni rgyu'o/ /skye ba ni rkyen to/ /skye ba ni rgyu'o/ /rga shi ni rkyen to/ /nyon mongs pa ni rgyu'o/ /las ni rkyen to/ /</font><hr>80.29a<br><font size=+1>

lta ba ni rgyu'o/ /sred pa ni rkyen to/ /bag la nyal ni rgyu'o/ /kun nas ldang ba ni rkyen to/ /sems can rnams kyi kun nas nyon mongs par 'gyur ba'i rgyu ni 'di rkyen 'di yin te de dag kyang de bzhin gshegs pas yang dag pa ji lta ba bzhin rab tu mkhyen to/ /de la sems can rnams kyi rnam par dag par 'gyur ba'i rgyu gang / /rkyen gang zhe na/ /sems can rnams kyi rnam par dag par 'gyur ba'i rgyu gnyis rkyen gnyis te/ /gzhan las rjes su 'thun pa'i sgra dang / /so so bdag nyid tshul bzhin yid la byed pa'o/ /'di lta ste/ /zhi gnas la rtse gcig pa dang / /lhag mthong la mkhas pa'o/ /gzhan yang rgyu gnyis dang / /rkyen gnyis te/ /'gro ba med par shes pa dang / 'ong ba med par shes pa'o/ /gzhan yang rgyu gnyis dang / /rkyen gnyis te/ /skye ba med par rab tu rtogs pa dang / /nges par gyur pa la mi reg pa'o/ /gzhan yang rgyu gnyis dang / /rkyen gnyis te/ /rkang par ldan pa dang / /rig pas rnam par grol ba mngon sum du byed pa'o/ /gzhan yang rgyu gnyis dang / /rkyen gnyis te/ /rnam par thar pa'i sgo la sgom pa dang / /rang bzhin gyis rnam par grol bar shes pa'o/ /gzhan yang rgyu gnyis dang / /rkyen gnyis te/ /zad pa shes pa dang / /mi skye ba shes pa'o/ /gzhan yang rgyu gnyis dang / /rkyen gnyis te/ /bden pa rjes su rtogs pa dang / /bden pa rjes su thob ba'o/ /rgyu de dang rkyen de dag ni sems can rnams rnam par dag par 'gyur ba ste de dag kyang de bzhin gshegs pas yang dag pa ji lta ba bzhin rab tu mkhyen to/ /gzhan yang shA ri'i bu sems can rnams kyi kun nas nyon mongs pa la dmigs pa yang tshad med/ /rnam par dag par dmigs pa yang tshad med de/ /yang</font><hr>80.29b<br><font size=+1>

dag pa ji lta ba bzhin du so sor rtog pas kun nas nyon mongs pa la dmigs pa/ /rnam par dag pa'i dmigs pa la 'jog pa yang yod do/ /yang dag pa ji lta ba bzhin du so sor rtog pas rnam par dag pa la dmigs pa yang kun nas nyon mongs par dmigs pa la 'jog pa yang yod mngon pa'i nga rgyal gyi 'dzin pas kun nas nyon mongs par dmigs pa la 'jog pa dang / /rnam par dag pa'i dmigs pa la 'jog pa'ang yod de/ /de la snrel zhi'i rnam grangs kyis de bzhin gshegs pa'i ye shes 'jug go/ /shA ri'i bu de bzhin gshegs pa ni ye shes 'di lta bu dang ldan pas 'dod pa dag las dben pa/ /sdig pa mi dge ba'i chos rnams las dben pa/ /rtog pa dang bcas pa dpyod pa dang bcas pa/ /dben pa las skyes pa'i dga' ba dang / /bde ba can bsam gtan dang po rdzogs par byas te gnas so/ /bsam gtan dang po rdzogs par byas te gnas nas 'gog pa las ldang ba dang / /'gog pa la snyoms par zhugs nas bsam gtan dang po las ldang ba'i bar du'o/ /rnam par thar pa brgyad la rjes su 'thun par snyoms par 'jug go/ /mi 'thun par yang snyoms par 'jug go/ /rjes su 'thun pa dang mi 'thun par snyoms par 'jug ste/ /brgyad gang zhe na/ /'di lta ste/ /gzugs can gzugs rnams la lta ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug pa'i rnam par thar pa sdug pa nyid du mos par 'gyur ba de ni rnam par thar pa gsum pa'o/ /nam mkha' mtha' yas skye mched la snyoms par 'jug pa de ni rnam par thar pa bzhi pa'o/ /rnam shes mtha' yas skye mched la snyoms par 'jug pa de ni rnam par thar pa lnga</font><hr>80.30a<br><font size=+1>

pa'o/ ci yang med pa'i skye mched la snyoms par 'jug pa de ni rnam par thar pa drug pa'o/ /'du shes med 'du shes med min skye mched la snyoms par 'jug pa de ni rnam par thar pa bdun pa'o/ /'du shes dang tshor ba 'gog pa de ni rnam par thar pa brgyad pa ste/ /rnam par thar pa brgyad po 'di dag la rjes su 'thun pa dang / /mi mthun par yang snyoms par 'jug pa snrel zhir yang snyoms par 'jug go/ /ting nge 'dzin la yang ting nge 'dzin ston la snyoms par 'jug pas rtogs par ston kyang de bzhin gshegs pa'i ting nge 'dzin la tha dad par 'gyur pa gang yang med/ /de bzhin gshegs pa ni ting nge 'dzin la dmigs pa las ting nge 'dzin la mnyam par bzhag par bya ba med/ /de bzhin gshegs pa ni ting nge 'dzin gcig gis ting nge 'dzin thams cad 'grub po/ /de bzhin gshegs pa ni ting nge 'dzin las ma bzhengs par ting nge 'dzin thams cad la snyoms par 'jug kyang de bzhin gshegs pa ni sems gcig nas gcig tu 'jug pa med do/ /de bzhin gshegs pa la sems mnyam par ma bzhag pa mi dmigs so/ /de bzhin gshegs pa'i ting nge 'dzin ni sus kyang blta mi nus te/ /nyan thos kyi ting nge 'dzin ni rang sangs rgyas kyi ting nge 'dzin gyis zil gyis non to/ /rang sangs rgyas kyi ting nge 'dzin ni byang chub sems dpa'i ting nge 'dzin gyis zil gyis non to/ /byang chub sems dpa'i ting nge 'dzin ni sangs rgyas kyi ting nge 'dzin gyis zil gyis non to/ /de bzhin gshegs pa'i ting nge 'dzin ni zil gyis ma non pa ste/ /de bzhin gshegs pa'i ye shes ni zil gyis ma non par 'jug go/ /gdams pa gang dang rjes su bstan pa gang gis nyan thos rnams kyi ting nge 'dzin skyed pa de yang de bzhin gshegs pas rab tu mkhyen to/ /de</font><hr>80.30b<br><font size=+1>

bzhin du rang sangs rgyas kyi dang / /de bzhin du byang chub sems dpa'i de dag kyang de bzhin gshegs pas rab tu mkhyen to/ /mkhyen nas kyang de bzhin du 'doms shing de bzhin du rjes su ston to/ /de ltar shA ri'i bu de bzhin gshegs pa'i bsam gtan dang / /rnam par thar pa dang / /ting nge 'dzin dang / /snyoms par 'jug pa'i kun nas nyon mongs pa dang / /rnam par byang ba dang / /ldang ba mkhyen pa'i stobs de ni mtha' yas mu med de nam mkha' dang mtshungs shing mnyam mo/ /byang chub sems dpa' de thos nas mngon par dad/ /yid ches/ /rab tu rtog /som nyi med/ /the tshom mi za/ /rgya cher dga' mgu ste/ /rangs pa rnyed cing nam mkha' lta bur bsam gyis mi khyab pa'i phyir ngo mtshar dang / /rmad tu 'du shes skyed do/ /'di la chos nyid ni 'di yin de/ /de la 'di skad ces bya'o/ /gang gis sems can nyon mongs shing / /gang gis sems can rnam dag 'gyur/ /de yang dpa' bo chen pos mkhyen/ /mkhyen nas gtam rnams ston par mdzad/ /gang du ma rig skye 'gyur ba/ /nyon mongs rgyu ni tshul bzhin min/ /de yi rkyen ni 'du byed de/ /sdug bsngal rab tu skye bar 'gyur/ /srid pa'i yan lag skyed pa yi/ /thams cad rtsa ba tshul bzhin min/ /de nyid sangs rgyas rab mkhyen nas/ /de bzhin du yang ston par mdzad/ /las kyi rtsa ba nyon mongs pa/ /mi mkhas mngon par 'du byed de/ /sdug bsngal 'byung bar 'gyur ba'i bar/ /de yi rkyen ni rnam par shes/ /gang gis sems can dag 'gyur pa/ /rgyu gnyis dang ni rkyen gnyis te/ /gzhan las rjes su 'thun sgra dang / /mang du tshul bzhin lta ba'o/ /tshul bzhin rgyu ni zhi gnas te/ /lhag</font><hr>80.31a<br><font size=+1>

mthong yang ni rkyen yin no/ /sems can gang gis 'grol 'gyur ba/ /de yang 'dren pas rab tu mkhyen/ /tshul khrims la ni rnal 'byor gnas/ /chos rnams stong par rab tu rtog /thar pa'i lam ni bsgoms pas na/ /srid pa dog las thar par 'gyur/ /de dag sangs rgyas rab mkhyen nas/ /rnam sbyong skyes pa bud med la/ /stong pa nyid dang mtshan med dang / /rnam par thar pa rab tu ston/ bsam gtan la ni snyoms zhugs pa/ /rang rgyal dang ni nyan thos rnams/ /de dag rnams kyang dog par bshad/ /de ni 'gran zla yod par gsungs/ /sangs rgyas bsam gtan rnam thar la/ /dgra dang bcas med dog pa med/ /sangs rgyas kyi ni stobs bdun pa/ /pha rol rgol bas thul bar dka'/ /shA ri'i bu 'di ni de bzhin gshegs pa rnams kyi de bzhin gshegs pa'i stobs bdun pa ste stobs de dang ldan pas de bzhin gshegs pa khyu mchog gi gnas su zhal gyis 'che ba nas sus kyang 'jig rten 'dir chos dang 'thun par zhes bya ba'i bar du'o/ /de la de bzhin gshegs pa'i sngon gyi gnas rjes su dran pa mngon sum du byed pa mkhyen pa'i stobs gang zhe na/ /'di la shA ri'i bu de bzhin gshegs pas bla na med pa'i ye shes kyis bdag dang sems can gzhan rnams dang / /gang zag gzhan dag gi sngon gyi gnas rnam par du ma rjes su dran no/ /'di lta ste/ /skye ba gcig gam/ /gnyis sam/ /gsum 'am/ /bzhi 'am/ /lnga 'am/ bcu 'am/ /nyi shu 'am/ sum bcu 'am/ bzhi bcu 'am/ lnga bcu 'am/ skye ba brgya 'am/ skye ba stong ngam/ /skye ba brgya stong nas skye ba bye ba khrag khrig stong gi bar du rjes su dran no/ /'jig pa'i bskal</font><hr>80.31b<br><font size=+1>

pa 'am/ /'chags pa'i bskal pa 'am/ /'jigs pa dang / /'chags pa'i bskal pa 'am/ /'jig pa'i bskal pa du ma 'am/ /'chags pa'i bskal pa du ma 'am/ /'jig pa dang / 'chags pa'i bskal pa du ma zhig na nga sngon che ge mo zhig tu byung ste/ /ming ni 'di zhes bya/ /rus ni 'di zhes bya/ /rigs ni 'di zhes bya/ /zas ni 'di lta bu zhig za za/ /kha dog ni 'di lta bu/ /mtshan ma ni 'di lta bu/ /dbyibs ni 'di lta bu/ /tshe ni 'di tsam zhig thub/ /yun ni 'di srid cig gnas gnas/ /bde ba dang sdug bsngal ni 'di lta bu zhig myong ste/ /bdag de nas shi 'phos nas che ge mo zhig tu skyes so/ /bdag de nas shi 'phos nas 'dir skyes so zhes 'di lta bu'i rnam pa dang bcas/ /yul phyogs dang bcas/ /gzhi ci las gyur pa dang bcas par bdag dang gzhan gyi sngon gyi gnas du ma rjes su dran no/ /sems can gang gi sngon gyi rgyu ji lta bu dang / /rgyu gang gis sems can du gyur pa'i rgyu de yang de bzhin gshegs pas rab tu mkhyen te/ /mkhyen nas kyang de bzhin du chos ston to/ /'das pa'i sems can thams cad kyi 'das pa'i sems can gyi rgyud kyang rab tu mkhyen to/ /sems gang gi 'og tu gang la dmigs pa'i sems skyes pa dang / /dmigs pa gang ma tshang bas 'gags pa de thams cad kyang de bzhin gshegs pas rab tu mkhyen to/ /de ltar shA ri'i bu gang sems can gcig gis sems gcig nas gcig tu sems 'di lta bu zhig gi 'og tu sems 'di lta bu zhig byung ngo zhes bya ba de ni bskal pa gang gA'i klung gi bye ma snyed tu yang tshig gis bshad pas ston mi nus te/ /de bzhin du sems can thams cad kyi yang thams cad de bzhin du de bzhin gshegs pas</font><hr>80.32a<br><font size=+1>

rab tu mkhyen to/ /tha ma'i mtha'i bar gyi bskal par de bzhin gshegs pas sems can dag gi sems rnams bshad kyang de bzhin gshegs pa'i ye shes mthar thug par mi 'gyur ro/ /de ltar shA ri'i bu de bzhin gshegs pa'i sngon gyi gnas rjes su dran pa mngon sum du byed pa mkhyen pa'i stobs ni bsam gyis mi khyab/ /mtshungs pa med/ /tshad med/ grangs med/ /brjod du med de de'i mtha'i gnas ni bde bar bstan mi nus so/ /sangs rgyas kyi khyu mchog tu gyur pas de bzhin gshegs pa sems can de dag la kye sems can rnams dge ba'i rtsa ba de dang de sangs rgyas la bskyed pa 'am/ /nyan thos la bskyed pa 'am/ /rang sangs rgyas la bskyed pa 'am/ /chos la bskyed pa de dag dran par gyis shig ces dran par mdzad do/ /'di lta ste/ de dag kyang sangs rgyas kyi mthus dran par 'gyur ro/ /de bzhin gshegs pas de dag la dge ba'i rtsa ba la dmigs pa de las chos 'di lta 'di lta bur ston te/ /ci nas sems can de dag bla na med pa yang dag par rdzogs pa'i byang chub las phyir mi ldog par 'gyur zhing mos pa ji lta ba bzhin du la la ni nyan thos kyi theg pas/ /la la ni rang sangs rgyas kyi theg pas 'byung bar 'gyur ro/ /la la ni bla na med pa yang dag par rdzogs pa'i byang chub tu sems skyed do/ /de ltar shA ri'i bu de bzhin gshegs pa'i sngon gyi gnas rjes su dran pa mngon sum du byed pa shes pa'i stobs ni mtha' yas mu med de nam mkha' dang mtshungs shing mnyam mo/ /byang chub sems dpa' de thos nas/ /mngon par dad/ /yid ches/ /rab tu rtog som nyi med/ /the tshom mi za ba nas/ /nam</font><hr>80.32b<br><font size=+1>

mkha' lta bur bsam gyis mi khyab pa'i bar du'o/ /bcom ldan 'das kyis de skad gsungs te/ /bde bar gshegs pas de skad bka' stsal nas ston pa yang 'di skad gsung ngo / /bdag gi dang ni de bzhin gzhan dag gi/ /'jig rten sgron mas sngon gyi dran pa ni/ /bskal pa bye ba khrag khrig mtha' yas pa/ /skyu ru ra lnga lag mthil bzhag pa bzhin/ /ming rus de bzhin kha dog rnam par rtog /tshe dang gnas dang 'chi 'pho 'gro ba dang / /gang gi rgyu la sems can brtson ldan pa/ /dus mkhyen pa ni de la chos kyang 'chad/ /'gro ba rnams kyi sems dang sems byung chos/ /gang dag 'das pa mtha' yas mu med pa/ /gang gi 'og tu sems gang byung ba kun/ /rgyal ba ye shes chen po mnga' bas mkhyen/ /sems can gcig gi sems rgyu sngon 'das pa/ /bde bar gshegs pas rab tu mkhyen pa ni/ /bskal pa gang gA'i klung gi bye snyed du/ /bshad kyang de yi mtha' mar phyin mi 'gyur/ /sngon gyi spyod pa ji snyed de dag ni/ /phyi ma'i mtha' yi bar du ngas bshad kyang / /mtshungs pa med pa'i ye shes mi zad de/ /bcom ldan ye shes rgya mtsho 'di 'dra'o/ /sngon gyi rgyal la sti stang gang byas shing / /sems can gang dag dge ba'i bsam gyur pa/ /sangs rgyas rdzu 'phrul stobs kyi shugs la gnas/ /sngon dag dge ba byas pa rnams kyang dran/ /sngon ni bsod nams ci 'dra byas pa rnams/ /de dag rnams kyang ston pa'i mthus dran te/ /de dag dran nas gnas ni gsum la 'khod/ /thar pa'i gnas las phyir yang mi ldog 'gyur/ /bde gshegs sngon gyi sbyor ba mtha' yas te/ /</font><hr>80.33a<br><font size=+1>

sems can thams cad kyis ni bsam mi nus/ /mtha' yas grags pa'i stobs ni brgyad pa la/ /rgyal sras bdag nyid chen po dad par 'gyur/ /shA ri'i bu 'di ni de bzhin gshegs pa rnams kyi de bzhin gshegs pa'i stobs brgyad pa ste/ /stobs de dang ldan pas zhes bya ba nas chos dang 'byung bar zhes bya ba'i bar du'o/ /de la de bzhin gshegs pa'i lha'i mig rjes su dran pa mngon sum du byed pa mkhyen pa'i stobs gang zhe na/ /'di la shA ri'i bu de bzhin gshegs pas bla na med pa'i ye shes dang / /mi'i las shin du 'das pa'i lha'i mig rnam par dag pas sems can rnams 'chi 'pho ba dang / /skye ba dang / /bzang po dang / /ngan pa dang / /kha dog mdzes pa dang / /kha dog mi sdug pa dang / /bde 'gror 'gro ba dang / /ngan 'gror 'gro ba rnams gzigs so/ /sems can 'di dag ni lus kyis nyes par spyod pa dang ldan/ /ngag gis nyes par spyod pa dang ldan/ /yid kyis nyes par spyod pa dang ldan pa/ /'phags pa la skur pa 'debs pa/ /log par lta ba dag ste/ /de dag log par lta ba'i las yang dag par blangs pa'i rgyus lus zhig ste/ /shi ba'i 'og tu ngan song ngan 'gro log par ltung ba sems can dmyal bar skye 'o/ /dud 'gro'i skye gnas dang / /shin rje'i 'jig rten du'ang de bzhin no/ /yang sems can 'di dag ni lus kyis legs par spyod pa dang ldan/ /ngag gis legs par spyod pa dang ldan/ /yid kyis legs par spyod pa dang ldan te/ /'phags pa rnams la skur pa mi 'debs pa yang dag par lta ba ste/ /de dag yang dag par lta ba yang dag par blangs pa'i rgyus lus zhig</font><hr>80.33b<br><font size=+1>

nas bde 'gro mtho ris kyi 'jig rten du lhar skye'o/ /zhes sems can rnams kyi las ji ltar bsags pa rnams rab tu mkhyen to/ /de la de bzhin gshegs pa'i lha'i mig de ni phyogs bcu'i sangs rgyas kyi zhing nam mkha'i mtha' chos kyi dbyings tshad med pa/ /brjod du med pa/ /gang gA'i klung gi bye ma las kyang shin du 'das pa thams cad na sangs rgyas kyi zhing gang ji snyed snang bar gyur pa de dag thams cad ni 'tshig pa dang / /'jig pa dang / /'chags par gzigs so/ /sems can gang dag kha cig snang bar gyur pa de dag thams cad ni 'chi 'pho ba dang skye bar gzigs so/ /byang chub sems dpa' gang dag kha cig snang bar gyur pa de dag thams cad ni dga' ldan gnas nas 'chi 'pho ba dang / /ma'i rum du 'jug pa dang / btswa ba dang / gom pa bdun 'dor ba dang / /btsun mo'i 'khor gyi nang du 'jug pa dang / /mngon par 'byung bar gzigs so/ /sangs rgyas bcom ldan 'das gang dag kha cig snang bar gyur ba de dag thams cad ni byang chub mngon par rdzogs par 'tshang rgya bar gzigs so/ /chos kyi 'khor lo rab tu bskor ba dang / /tshe'i 'du byed 'dor ba dang / /yongs su mya ngan las 'da' bar yang gzigs so/ /nyan thos gang dag kha cig snang bar gyur pa de dag thams cad ni shin du yongs su mya ngan las 'das pas yongs su mya ngan las 'da' bar gzigs so/ /rang sangs rgyas gang dag kha cig snang bar gyur pa de dag thams cad ni rdzu 'phrul ston cing yon sbyong bar gzigs so/ /sems can gang dag snang bar ma gyur pa phyir rol gyi drang srong mngon par shes pa lnga dang</font><hr>80.34a<br><font size=+1>

ldan pa rnams kyi mig gi lam du mi 'gro ba dang / /nyan thos dang / /rang sangs rgyas dang / /byang chub sems dpa' rnams kyis kyang mthong bar mi 'gyur ba de dag de bzhin gshegs pa'i lha'i mig gis gzigs so/ /yang de bzhin gshegs pas shing rta'i 'phang lo'i tshad tsam la snang bar ma gyur pa'i sems can rnams gzigs pa de dag ni shin du mang gi/ stong gsum gyi stong chen po'i 'jig rten gyi khams kyi lha dang / /mi rnams ni de lta ma yin te/ /de ltar mi snang bar gyur pa'i sems can gyi khams kyang tshad med do/ /'di ltar shA ri'i bu de bzhin gshegs pa ni lha'i mig gis sangs rgyas kyi zhing na sems can gang sangs rgyas kyis 'dul bar 'gyur zhes sems can gyi khams la gzigs te/ /sems can ji tsam sangs rgyas kyis 'dul bar 'gyur ba de dag gi mdun na de bzhin gshegs pa bzhugs shing sems can de dag 'dul yang sems can gzhan gyis mi shes so/ /de ltar shA ri'i bu de bzhin gshegs pa'i lha'i mig rjes su dran pa mngon sum du byed pa mkhyen pa'i stobs ni mtha' yas mu med de/ /nam mkha' dang mtshungs shing mnyam mo/ /byang chub sems dpa' de thos nas mngon par dad pa nas/ /nam mkha' lta bur bsam gyis mi khyab pa'i phyir zhes bya ba'i bar du 'o/ /de nas bcom ldan 'das kyis don 'di nyid rgya cher bstan pa'i phyir de'i tshe tshigs su bcad pa 'di dag gsungs so/ /bde bar gshegs pa'i lha mig dri med de/ /bskal pa bye bar dge ba'i las kyis sbyangs/ /des ni rgyal bas phyogs bcu sangs rgyas zhing / /rgya chen bsam gyis mi</font><hr>80.34b<br><font size=+1>

khyab rnams kyang gzigs/ /'byung ba dang ni 'jig pa ji snyed pa/ /kha cig me yis 'khor cing sems can gnas/ /kha cig sangs rgyas ldan zhing kha cig stong / thams cad rang byung gi ni spyan gyis gzigs/ /sems can khams ni rgya chen bsam mi khyab/ /gzugs can gzugs med gang dag ji snyed dang / /gang dag ngan 'gror ltung dang bder 'gro ba/ /thams cad rang byung gi ni spyan gyis gzigs/ /sangs rgyas bye ba mang po gang bzhugs dang / /rang byung 'dren pa mya ngan gang 'das dang / /rang rgyal gang dang nyan thos gang yod pa/ /thams cad rang byung gi ni spyan gyis gzigs/ /byang chub sems dpa' srog chags phan 'dod ba/ /gang dag byang chub spyod pa mchog spyod cing / /la la gzhi med gnas ni rtogs gyur pa/ /thams cad rang 'byung 'dren pa dag gis gzigs/ /gang gis srog chags shin du phra mthong ba/ /bde gshegs mig ni 'di 'dra dri ma med/ /mig stobs bsam gyis mi khyab dgu pa ste/ /rgyal sras des pa rnams ni mngon par dang / /shA ri'i bu 'di ni de bzhin gshegs pa rnams kyi de bzhin gshegs pa'i stobs dgu pa ste/ /stobs de dang ldan pas khyu mchog gi gnas su zhal gyis 'che zhing 'khor gyi nang du seng ge'i sgra yang dag par sgrog pa nas/ /sus kyang 'jig rten 'dir chos dang 'thun pa zhes bya ba'i bar du'o/ /de la de bzhin gshegs pa'i zag pa zad pa mngon sum du byed pa mkhyen pa'i stobs gang zhe na/ /'di la shA ri'i bu de bzhin gshegs pa bla na med pa'i de bzhin gshegs pa'i ye shes kyi stobs kyis zag pa thams cad</font><hr>80.35a<br><font size=+1>

zad pas bdag skye ba ni zad/ /tshangs par spyod pa la ni bsten/ /bya ba ni byas te/ /'di las srid pa gzhan mi shes so zhes zag pa med pa/ /sems can rnam par grol ba/ /rang gi mngon par shes pas mngon sum du byas nas rdzogs par byas te gnas so/ /de la de bzhin gshegs pa'i zag pa zad pa mkhyen pa'i stobs de ni bag chags kyi mtshams sbyor ba thams cad yang dag par bcom pa'o/ /nyan thos kyi theg pa pa'i zag pa zad pa ni tshad tu byas pa'i bag chags yang dag par bcom pa'o/ /rang sangs rgyas kyi theg pa zag pa zad pa ni tshad yod pa ste/ /snying rje chen po dang bral ba/ /spobs pa dang bral ba'o/ /de bzhin gshegs pa'i zag pa zad pa ni rnam pa thams cad kyi mchog dang ldan pa bag chags kyi mtshams sbyor ba thams cad yang dag par bcom pa/ /snying rje chen pos kun du bzung ba/ /mi 'jigs pa dang / /spobs pa la lta ba 'jig rten thams cad kyis zil gyis mi non pa ste/ /skad cig gcig dang ldan pa'o/ /de ci'i phyir zhe na/ /de bzhin gshegs pa la las kyi bag chags med/ /nyon mongs pa'i bag chags med/ /spyod lam 'khrul pa'i bag chags med do/ /'di lta ste/ /shA ri'i bu nam mkha' yongs su dag pas rdul dang du ba'i 'khrug pa dang lhan cig tu mi gnas pa de bzhin du shA ri'i bu de bzhin gshegs pa'i zag pa zad pa mkhyen pa'i stobs kyang nyon mongs pa'i bag chags thams cad dang lhan cig tu mi gnas so/ /de zag pa zad par mkhyen pa de lta bu la rab tu gnas nas zag pa dang bcas pa len pa dang bcas pa'i sems can rnams la zag pa</font><hr>80.35b<br><font size=+1>

zad par bya ba'i phyir chos ston to/ /len pa spang ba'i phyir chos ston te/ /kye ma sems can rnams ni yang dag pa ma yin pa kun rtog pa las byung ste/ /zag pa dang / /len pa rnams mi bskyed pa'i phyir yang dag pa ji lta ba bzhin du khyed kyis rab tu rtogs shig ces/ /de dag la de bzhin gshegs pas dpe dang tshul gyis ci nas kyang zag pa rnams yang dag pa ma yin pa'o zhes yang dag pa ji lta ba bzhin rab tu shes par 'gyur zhing shes nas kyang chos gang yang mi len te/ /len pa med par yongs su mya ngan las 'da' bar 'gyur ba de lta bu chos ston to/ /de ltar shA ri'i bu de bzhin gshegs pas sems can thams cad kyi zag pa rnams rab tu mkhyen to/ /zag pa kun 'byung ba dang / /zag pa 'gag pa dang / /zag pa 'gag par 'gyur ba'i lam yang yang dag pa ji lta ba bzhin rab tu mkhyen te mkhyen nas kyang de bzhin du chos ston to/ /byang chub sems dpa' de bzhin gshegs pa'i zag pa zad pa mngon sum du byed pa mkhyen pa'i stobs de thos nas mngon par dad/ /yid ches/ rab tu rtog /som nyi med cing the tshom mi za ba nas ngo mtshar dang rmad kyi bar du 'du shes skyed do/ /'di la chos nyid ni 'di yin te/ /de la 'di skad ces bya'o/ /'dren pa'i zag pa med pa'i ye shes ni/ /rgya chen sgrib med dag pa tshad med de/ /stobs bcu'i stobs ni de dang ldan pas na/ /zhi ba'i byang chub mchog 'di rab tu gsung / /nyan thos rnams kyi zag zad ye shes ni/ /bag chags ma bcom tshad dang ldan pa yin/ /mi yi dam pa 'dren pa mchog rab kyi/ /bag chags bcom zhing tshad dang ldan ma yin/ /</font><hr>80.36a<br><font size=+1>

de bzhin rang rgyal byang chub gang reg pa/ /de la snying rje che dang spobs pa med/ /bcom ldan 'das ni zag pa yongs zad pa/ /snying rje che dang spobs pa tshad med do/ /sangs rgyas zag zad mkhyen la gnas nas ni/ /'gro ba'i zag pa yang dag ma yin zhing / /rigs pa'i gnas kyi tshul 'di ma shes pas/ /chos 'di thams cad log par zhugs mkhyen te/ /de la rgyal ba snying rje cher bskyed nas/ /chos 'di mi rtag stong pa bdag med chos/ /dngos med gsog ste mchog tu zhi ba yi/ /sa la rtogs shing ltos shes rab tu ston/ /'di la skyes bu srog dang gang zag dang / /shed skyes shed bu byed pa po yang med/ /chos 'di thams cad log par chags pas na/ /ston pa snying rje bskyed nas thar ston kyang / /bde bar gshegs la skyo ba yong med de/ /yang dag ye shes nams kyang nyams pa med/ /de'i phyir rgyal ba rtag tu rnal 'byor spyod/ /'gro la phan phyir chos rnams rab tu ston/ /'di ni pha rol smra ba 'jom pa'i stobs/ /mtha' yas nam mkha' 'dra ba bcu pa ste/ /mgon po stobs bcu de la gnas gyur nas/ /mtshungs med 'khor lo dam pa rab tu skor/ /shA ri bu 'di ni de bzhin gshegs pa rnams kyi de bzhin gshegs pa'i stobs bcu pa ste/ /stobs de dang ldan pas de bzhin gshegs pa khyu mchog gi gnas su zhal gyis 'che zhing 'khor gyi nang du seng ge'i sgra yang dag par sgrog ste/ /'jig rten 'dir dge spyod bram ze'i bar du sus kyang chos dang 'thun par rab tu ma bskor ba/ /tshangs pa'i 'khor lo rab tu skor to/ /de</font><hr>80.36b<br><font size=+1>

ltar shA ri'i bu byang chub sems dpa' de bzhin gshegs pa'i yon tan bsam gyis mi khyab pa'i phyir de bzhin gshegs pa'i stobs rnams la mngon par dad/ /yid ches/ /rab tu rtog pa nas ngo mtshar dang / /rmad kyi bar du 'du shes skyed do// // bam po drug pa/ yang shA ri bu ji ltar na byang chub sems dpa' de bzhin gshegs pa rnams kyi de bzhin gshegs pa'i mi 'jigs pa bsam gyis mi khyab pa la mngon par dad/ /yid ches/ /rab tu rtog som nyi mi byed/ /the tshom mi za ba nas/ /ngo mtshar dang / /rmad kyi rab du 'du shes skyed ce na/ /de bzhin gshegs pa rnams kyi de bzhin gshegs pa'i mi 'jigs pa ni bzhi po 'di dag ste/ /mi 'jigs pa de dag dang ldan pas de bzhin gshegs pa 'khor gyi nang du seng ge'i sgra yang dag par sgrog cing khyu mchog gi gnas su zhal gyis 'che ste/ /dge sbyong ngam/ /bram ze 'am/ /lha 'am/ /bdud dam/ /sus kyang 'jig rten du chos dang 'thun par ma bskor ba tshangs pa'i 'khor lo rab tu skor to/ /bzhi gang zhe na/ /'di la shA ri'i bu de bzhin gshegs pa bla na med pa'i de bzhin gshegs pa'i ye shes dang ldan pas 'khor gyi nang dung yang dag par rdzogs pa'i sangs rgyas so zhes zhal gyis 'che ba de la lha dang bcas pa'i 'jig rten gyis de bzhin gshegs pa la khyod kyis chos 'di mngon par rdzogs par sangs ma rgyas so zhes chos dang 'thun par rgol bar byed mi nus so/ /de la ji ltar na de bzhin gshegs pa dgra bcom pa yang dag par rdzogs pa'i sangs rgyas zhes bya zhe na/ /de bzhin gshegs pas chos thams cad mi mnyam pa med par yang dag par mngon par sangs rgyas te/ /so so'i</font><hr>80.37a<br><font size=+1>

skye bo'i chos rnams gang yin pa dang / /'phags pa'i chos rnams gang yin pa dang / /sangs rgyas kyi chos rnams gang yin pa dang / /slob pa'i chos rnams gang yin pa dang / /mi slob pa'i chos rnams gang yin pa dang / /rang sangs rgyas kyi chos rnams gang yin pa dang / /byang chub sems dpa'i chos rnams mnyam pa nyid kyis mnyam pa gang yin pa dang / /'jig rten gyi chos rnams gang yin pa dang / /'jig rten las 'das pa'i chos rnams gang yin pa dang / /kha na ma tho ba dang bcas pa dang / /kha na ma tho ba med pa dang / /zag pa dang bcas pa dang / /zag pa med pa dang 'dus byas dang / /'dus ma byas de dag thams cad mnyam pa nyid kyis mnyam par de bzhin gshegs pas mngon par rdzogs par sangs rgyas te/ /de'i phyir de bzhin gshegs pa yang dag par rdzogs pa'i sangs rgyas shes bya'o/ /de la mnyam pa nyid gang zhe na/ /lta ba'i ngo bo nyid kyis stong pa nyid tu mnyam mo/ /mtshan ma'i ngo bo nyid kyis mtshan ma med par mnyam mo/ /khams gsum pa'i ngo bo nyid kyis smon pa med par mnyam mo/ /skye ba'i ngo bo nyid kyis mi skye bar mnyam mo/ /mngon par 'du byed pa'i ngo bo nyid kyis mngon par 'du mi byed par mnyam mo/ /'byung ba'i ngo bo nyid kyis mi 'byung bar mnyam mo/ /kun gzhi'i ngo bo nyid kyis kun gzhi med par mnyam mo/ /dus gsum gyi ngo bo nyid kyis ji lta ba bzhin du mnyam mo/ /ma rig pa dang / /srid pa dang / /sred pa'i ngo bo nyid kyis rig pa dang / /rnam par grol bar mnyam mo/ /'khor ba'i ngo bo nyid kyis mya ngan las 'das par mnyam mo/ /de ltar shA ri'i bu</font><hr>80.37b<br><font size=+1>

de bzhin gshegs pas chos thams cad mnyam par mngon par rdzogs par sangs rgyas te/ /de'i phyir de bzhin gshegs pa yang dag par rdzogs pa'i sangs rgyas shes bya'o/ /de bzhin gshegs pa'i mi 'jigs pa de yang 'khor thams cad shes par byed pa/ 'khor thams cad mgu bar byed pa/ 'khor thams cad kyi lus sim par byed pa/ 'khor thams cad kyi sems tshim pa skyed pa/ 'khor thams cad dga' ba dang / rab tu dga' ba dang dad pa skyed pa/ snying rje chen pos sbyor ba/ de bzhin nyid kyis mnyam pa/ de kho na nyid/ de bzhin nyid/ gzhan ma yin pa nyid/ mi 'gyur ba nyid/ mi 'khrugs pa nyid/ 'byung ba med pa nyid/ 'jig pa med pa nyid/ rtsod pa med pa nyid de de bzhin gshegs pa'i mi 'jigs pa la rtsod pa gang yang med do/ /de bzhin gshegs pa'i mi 'jigs pa ni rtsod pa med pa 'thab pa med pa'o/ /de bzhin nyid kyis mnyam zhing chos kyi dbyings ngos mnyam pa/ phyogs bcu'i 'jig rten gyi khams rab 'byam ma lus pa thams cad la thogs pa med pa'o/ /ji ltar de bzhin gshegs pas 'di lta bu'i chos zab mo phra ba/ shes par dka' ba de dag mngon par rdzogs par sangs rgyas pa de bzhin du snying rje chen po la gnas nas bstan pa sna tshogs dang / rnam grangs sna tshogs kyi sems can gzhan rnams dang / gang zag gzhan dag la chos thams cad yang dag par rab tu ston te/ de'i chos de yang de byed pa'i sdug bsngal yang dag par zad pa'i phyir 'byung ngo / /gang ston pa ma yin la ston pa'o zhes khas 'che ba yang dag par rdzogs pa'i sangs rgyas</font><hr>80.38a<br><font size=+1>

ma yin la/ yang dag par rdzogs pa'i sangs rgyas so zhes khas 'che ba de dag de bzhin gshegs pa'i mi 'jigs pas zil gyis non nas de dag rgyags pa chad de phan tshun du 'bros so/ /'di ltar shA ri'i bu de bzhin gshegs pa'i mi 'jigs pa mtha' yas mu med de/ 'di lta ste/ nam mkha' mtha' yas mu med pa de bzhin du shA ri'i bu de bzhin gshegs pa'i mi 'jigs pa yang mtha' yas mu med do/ /shA ri'i bu gang de bzhin gshegs pa'i mi 'jigs pa'i mtha' 'dod pa ni nam mkha'i mtha' 'dod do/ /byang chub sems dpas de bzhin gshegs pa'i mi 'jigs pa'i bsam gyis mi khyab pa de thos nas mngon par dad/ yid ches/ rab tu rtog pa nas ngo mtshar dang / rmad kyi bar du 'du shes skyed de 'di ni mi 'jigs pa dang po'o/ /gzhan yang shA ri'i bu de bzhin gshegs pa bla na med pa'i de bzhin gshegs pa'i ye shes dang ldan pas 'khor gyi nang du gshegs nas nga'i zag pa zad do zhal gyis 'che ste/ de la khyod kyi zag pa 'di dag ma zad do zhes de bzhin gshegs pa la lha dang bcas pa'i 'jig rten gyis chos dang 'thun pas rtsod par byed pa med do/ /de bzhin gshegs pa'i zag pa zad pa ni 'di dag ste/ de bzhin gshegs pa'i 'dod pa'i zag pa las sems rnam par grol bas 'dod chags la spyod pa'i bag chags thams cad bcom mo/ /srid pa'i zag pa las sems rnam par grol bas zhe sdang la spyod pa'i bag chags thams cad bcom mo/ /ma rig pa'i zag pa las sems rnam par grol bas gti mug la spyod pa'i bag chags thams cad bcom mo</font><hr>80.38b<br><font size=+1>

lta ba'i zag pa las sems rnam par grol bas nyon mongs pa spyod pa'i bag chags thams cad bcom ste/ de'i phyir 'jig rten gyi kun rdzob bzung ste/ de bzhin gshegs pa zag pa zad pa'o zhes bya'o/ /don dam par na 'phags pa'i shes rab dang / ye shes kyi mdun na chos gang yongs su shes pa 'am/ spang ba 'am/ bsgom pa 'am/ mngon du bya bar 'gyur ba'i chos gang yang mi 'dug go/ /de ci'i phyir zhe na/ gang zad pa zhes bya ba de ni nam du yang mi zad pa ma yin no/ /de ni shin du zad pa nyid yin gyi/ gnyen po zad pa zhes mi bya ste/ de ni ji lta ba bzhin du zad pa'o/ /gang ji lta ba bzhin du zad pa de la zad pa gang yang med do/ /gang la zad pa gang yang med pa de 'dus ma byas pa'o/ /de la skye ba med pa/ 'jig pa med pa/ gnas pa med de/ de'i phyir de bzhin gshegs pa byung yang rung / ma byung yang rung ste/ chos nyid chos kyi dbyings ni gnas pa nyid de/ de bzhin du de la ye shes zhugs so/ /gang la 'jug pa med cing mi 'jug pa yang med pa yang de ltar zhugs te/ de lta bu'i chos kyi tshul gyi zag pa dang zad pa spong ba mi dmigs te/ de bzhin gshegs pa ni snying rje chen po la gnas zag pa spang ba'i phyir chos ston to/ /de bzhin gshegs pa'i mi 'jigs pa de ni 'khor thams cad shes par byed pa/ 'khor thams cad mgu bar byed pa/ 'khor thams cad kyi lus sim par byed pa/ 'khor thams cad kyi sems tshim pa skyed pa/ 'khor thams cad dga' ba dang / rab tu dga' ba dang / dad pa skyed pa/ snying rje chen pos sbyor ba/ de bzhin nyid kyis mnyam pa/ de kho na nyid/ </font><hr>80.39a<br><font size=+1>

de bzhin nyid/ /gzhan ma yin pa nyid/ /mi 'gyur ba nyid/ /mi 'khrugs pa nyid/ /'byung ba med pa nyid/ /'jig pa med pa nyid/ /rtsod pa med pa nyid de/ /de bzhin gshegs pa'i mi 'jigs pa la rtsod pa gang yang med do/ /de bzhin gshegs pa'i mi 'jigs pa ni rtsod pa med pa 'thab pa med pa'o/ /de bzhin nyid kyis mnyam zhing chos kyi dbyings ngos mnyam pa/ /'jig rten gyi khams rab 'byam ma lus pa thams cad la thogs pa med do/ /de ltar de bzhin gshegs pa tshad med/ bsam gyis mi khyab/ /grangs med/ dpag tu med pa'i chos dang ldan zhing snying rje chen pos yang dag par zin pa'i sems kyis zag pa spang pa'i phyir sems can rnams la chos ston to/ /de ltar shA ri'i bu de bzhin gshegs pa rnams kyi de bzhin gshegs pa'i mi 'jigs pa mtha' yas pa nas/ /gang de bzhin gshegs pa'i mi 'jigs pa'i mtha' 'dod pa de nam mkha'i mtha' 'dod do zhes bya ba'i bar du ste byang chub sems dpa' de bzhin gshegs pa'i mi 'jigs pa bsam gyis mi khyab pa de thos nas mngon par dad/ /yid ches/ /rab tu rtog pa nas/ /ngo mtshar dang rmad kyi bar gyi 'du shes skyed do/ /shA ri'i bu 'di ni de bzhin gshegs pa'i mi 'jigs pa gnyis pa ste de bzhin gshegs pa'i mi 'jigs pa de dang ldan zhes bya ba nas/ /'jig rten 'dir chos dang 'thun par zhes bya ba'i bar du'o/ /gzhan yang shA ri'i bu de bzhin gshegs pa bla na med pa'i de bzhin gshegs pa'i ye shes dang ldan pas/ /'khor gyi nang du gshegs nas bar du gcod pa'i chos rnams la bar du gcod do zhes zhal</font><hr>80.39b<br><font size=+1>

gyis 'che ba de la gong ma bzhin du sbyar te/ /de bzhin gshegs pa la lhar bcas pa'i 'jig rten gyis 'di ni bar du gcod pa'i chos ma yin no zhes rgol bar byed pa med pa'i bar du'o/ /de la bar du gcod pa'i chos gang zhe na/ /'di lta ste/ /bar tu gcod par 'gyur ba'i chos gcig ste/ /gcig gang zhe na/ /'di lta ste/ /bag med pa'i sems so/ /bar du gcod par 'gyur ba'i chos gnyis te/ /gnyis gang zhe na/ /'di lta ste/ /ngo tsha mi shes pa dang / khrel med pa'o/ /bar du gcod par 'gyur ba'i/ chos gsum ste/ /gsum gang zhe na/ /'di lta ste/ /lus kyis nyes par spyad pa dang / /ngag gis nyes par spyad pa dang / /yid kyis nyes par spyad pa'o/ /bar du gcod par 'gyur ba'i chos bzhi ste/ /bzhi gang zhe na/ /'di lta ste/ 'gro ba ma yin par 'gro ba bzhi la 'dun pas 'gro ba ma yin par 'gro ba dang / /zhe sdang dang / /gti mug dang / /'jigs pas 'gro ba ma yin par 'gro ba'o/ /bar du gcod par 'gyur ba'i chos lnga ste/ /lnga gang zhe na/ /'di lta ste/ /srog gcod pa dang / /ma byin par len pa dang / /'dod pa la log par g.yem pa dang / /brdzun du smra ba dang / /chang 'thung ba'o/ /bar du gcod par 'gyur ba'i chos drug ste/ /drug gang zhe na/ /'di lta ste/ /sangs rgyas la ma gus pa dang / chos dang / /dge 'dun dang / /bslab pa dang / /ting nge 'dzin dang / /gding ba la ma gus pa'o/ /bar du gcod par 'gyur ba'i chos bdun ste/ /bdun gang zhe na/ /'di lta ste/ /nga rgyal dang / /che ba'i nga rgyal dang / nga rgyal las kyang nga rgyal dang / </font><hr>80.40a<br><font size=+1>

nga'o snyam pa'i nga rgyal dang / /log pa'i nga rgyal dang / /mngon pa'i nga rgyal dang / /chung zad snyam pa'i nga rgyal lo/ /bar du gcod par 'gyur ba'i chos brgyad de/ /brgyad gang zhe na/ /'di lta ste/ /log pa'i lta ba dang / /log pa'i rtog pa dang / /log pa'i ngag dang / /log pa'i las kyi mtha' dang / /log pa'i 'tsho ba dang / /log pa'i rtsol ba dang / /log pa'i dran pa dang / /log pa'i ting nge 'dzin to/ /bar du gcod par 'gyur ba'i chos dgu ste/ /dgu gang zhe na/ /'di lta ste/ /bdag la gnod pa byas so zhes kun nas mnar sems skyed pa dang / /gnod pa byed do zhes kun nas mnar sems skyed pa dang / /gnod pa byed par 'gyur ro zhes kun nas mnar sems skyed pa dang / /bdag gi mdza' bo la gnod pa byas so/ /byed do/ /byed par 'gyur ro zhes sems la kun nas mnar sems skyed pa bdag dang mi mdza' ba'i don byas so/ /byed do/ /byed pa 'gyur ro zhes kun nas mnar sems skyed pa'o/ /bar du gcod par 'gyur ba'i chos bcu ste/ /bcu gang zhe na/ /'di lta ste/ /mi dge ba bcu'i las kyi lam rnams yin te/ /'di lta ste/ /srog gcod pa dang / /ma byin par len pa dang / /'dod pa la log par g.yem pa dang / /brdzun du smra ba dang / phra ma dang / /ngag rtsub mo dang / /tshig kyal ba dang / /brnab sems dang / /gnod sems dang / /log par lta ba'o/ /de ltar shA ri'i bu tshul bzhin ma yin pa yid la byed pa dang ldan pa'i kun du sbyor ba ji snyed pa'i chos de dag gis ro myang ba la rjes su lta zhing gnas pa dang / /phyin ci log pa dang ldan pa dang / /'byung ba la kun</font><hr>80.40b<br><font size=+1>

nas ldang ba dang / /sred pa dang / /lta ba la mngon par zhen pa'i zang zing dang bcas/ /phung po dang bcas pa'i lus kyi las dang / /ngag gi las dang / /yid kyi las de dag thams cad de bzhin gshegs pas bar du gcod par mkhyen te/ /bar du gcod par mkhyen nas kyang yang dag pa ji lta ba bzhin du ston to/ /chos bcu po de dag ni bar du gcod par 'gyur ba ste/ /de dag zhi bar bya ba dang / /nye bar zhi bar bya ba dang / /spang ba'i phyir de bzhin gshegs pa chos ston to/ /de bzhin gshegs pa'i mi 'jigs pa de yang 'khor thams cad shes par byed pa/ /'khor thams cad mgu bar byed pa/ /'khor thams cad kyi lus sim par byed pa/ /'khor thams cad kyi sems tshim pa skyed pa/ /'khor thams cad dga' ba dang / /rab tu dga' ba dang / /dad pa skyed pa dang / /snying rje chen pos sbyor ba/ /de bzhin nyid kyis mnyam pa/ /de kho na nyid/ /gzhan ma yin pa de bzhin nyid/ /mi 'gyur ba nyid/ /mi 'khrugs pa nyid/ /'byung ba med pa nyid/ /'jig pa med pa nyid/ /rtsod pa med pa nyid de de bzhin gshegs pa'i mi 'jigs pa la rtsod pa gang yang med do/ /de bzhin gshegs pa'i mi 'jigs pa ni rtsod pa med pa 'thab pa med pa'o/ /de bzhin nyid dang mnyam zhing chos kyi dbyings ngos mnyam pa/ 'jig rten gyi khams rab 'byam ma lus pa thams cad la thogs pa med do/ /de ltar de bzhin gshegs pa tshad med/ /grangs med/ /bsam gyis mi khyab/ /gzhal du med/ /brjod tu med pa'i chos dang ldan zhing snying rje chen pos yang dag par zin pa'i sems kyis bar du gcod</font><hr>80.41a<br><font size=+1>

pa'i chos rnams zhi bar bya ba dang / /spang bar bya ba'i phyir chos ston to/ /de ltar shA ri'i bu de bzhin gshegs pa'i mi 'jigs pa mtha' yas mu med pa nas gang de bzhin gshegs pa'i mi 'jigs pa'i mtha' 'dod pa de nam mkha'i mtha' 'dod pa zhes bya ba'i bar du ste/ /byang chub sems dpa' de bzhin gshegs pa'i mi 'jigs pa bsam gyis mi khyab pa de thos nas mngon par dad/ /yid ches/ /rab tu rtog /som nyi med/ /the tshom mi za ba nas/ /ngo mtshar dang rmad kyi bar du 'du shes skyed do/ /shA ri'i bu 'di ni de bzhin gshegs pa'i mi 'jigs pa gsum pa ste/ /mi 'jigs pa de dang ldan pas de bzhin gshegs pa 'khor gyi nang du gshegs na zhes bya ba nas/ /sus kyang 'jig rten du chos dang 'thun par zhes bya ba'i bar du'o/ /gzhan yang shA ri'i bu de bzhin gshegs pa bla na med pa'i ye shes de bzhin gshegs pa'i ye shes dang ldan pas sems can rnams gang la bsten pas nges par 'byung bar 'gyur ba 'phags pa'i nges par 'byung ba de byed pa'i sdug bsngal yang dag par zad par 'gyur ba'i lam rab tu mkhyen te/ de la 'di ni nges par 'byung ba'i lam ma yin no zhes de bzhin gshegs pa la lha dang bcas pa'i 'jig rten gyis chos dang 'thun par rgol bar byed mi nus so/ /nges par 'byung ba'i lam gcig ste gcig gang zhe na/ /'di lta ste/ bgrod pa gcig pu'i lam ste/ /gang sems can rnams rnam par dag par 'gyur ba'o/ /nges par 'byung ba'i chos gnyis te gnyis</font><hr>80.41b<br><font size=+1>

gang zhe na/ 'di lta ste/ zhi gnas dang / lhag mthong ngo / /nges par 'byung ba'i chos gsum ste/ gsum gang zhe na/ 'di lta ste/ stong pa nyid dang / mtshan ma med pa dang / smon pa med pa'o/ /nges par 'byung ba'i chos bzhi ste/ bzhi gang zhe na/ 'di lta ste/ lus su gtogs pa'i dran pa dang / tshor bar gtogs pa'i dran pa dang / sems su gtogs pa'i dran pa dang / chos su gtogs pa'i dran pa ste/ 'di ni nges par 'byung ba'i chos bzhi'o/ /nges par 'byung ba'i chos lnga ste/ lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ 'di ni nges par 'byung ba'i chos lnga'o/ /nges par 'byung ba'i chos drug ste/ drug gang zhe na/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa ste/ 'di ni nges par 'byung pa'i chos drug go/ /nges par 'byung ba'i chos bdun te/ bdun gang zhe na/ 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ 'di bdun yang gong ma bzhin no/ /nges par 'byung ba'i chos brgyad de/ brgyad gang zhe na/ 'di lta ste/ 'phags pa'i lam yan lag brgyad pa'o/ /'di</font><hr>80.42a<br><font size=+1>

lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te 'di brgyad kyang gong ma bzhin no/ /mchog tu dge ba'i rtsa ba las skyes pa'i chos dgu ste/ dgu gang zhe na/ 'di lta ste/ mchog tu dga' ba dang / dga' ba dang / shin du sbyangs pa dang / bde ba dang / ting nge 'dzin dang / yang dag pa ji lta ba bzhin du ye shes mthong ba dang / mya ngan las 'das pa dang / 'dod chags dang bral ba dang / rnam par grol ba ste/ 'di dgu yang gong ma bzhin no/ /nges par 'byung ba'i chos bcu ste/ bcu gang zhe na/ 'di lta ste/ dge ba bcu'i las kyi lam mo/ /'di lta ste/ srog gcod pa spangs pa dang / ma byin par len pa spangs pa dang / 'dod pa la log par g.yem pa spangs pa dang / brdzun du smra ba spangs pa dang / phra ma spangs pa dang / ngag rtsub po spangs pa dang / tshig kyal ba spangs pa dang / brnab sems med pa dang / gnod sems med pa dang / yang dag par lta ba ste/ 'di yang gong ma bzhin te/ lam 'di ni nges par 'byung bar 'gyur ba'o/ /'di ltar shA ri'i bu byang chub kyi phyogs kyi chos kyi dge ba ji snyed pa tshul khrims kyi phung po dang ldan pa'am/ ting nge 'dzin gyi phung po dang ldan pa 'am/ shes rab kyi phung po dang ldan pa 'am/ rnam par grol ba'i phung po dang ldan pa 'am/ rnam par grol ba'i ye shes mthong ba'i phung po dang ldan pa 'am/ 'phags pa'i bden pa dang ldan pa de dag kyang nges par 'byung ba'i lam</font><hr>80.42b<br><font size=+1>

zhes bya'o/ /gzhan yang nges par 'byung ba zhes bya ba ni yang dag par sgrub pa gang yin pa ste/ gang yang dag par sgrub pa de la ni chos gang yang sogs pa 'am/ 'bri ba'am/ blang ba 'am/ dor ba 'am/ gzung ba 'am/ spangs pa med do/ /de ci'i phyir zhe na/ yang dag par sgrub pa la zhugs pa ni gnyis la blo mi 'jug ste/ chos thams cad gnyis su med par yang dag pa ji lta ba bzhin du ye shes mthong ba ni nges par 'byung ba'i lam ste/ de bzhin gshegs pa sems can rnams la nges par 'byung ba'i lam yang dag par rab tu ston to/ /de bzhin gshegs pa'i mi 'jigs pa de yang 'khor thams cad shes par med do 'khor thams cad mgu bar byed pa/ 'khor thams cad kyi lus sim par byed pa/ 'khor thams cad kyi sems tshim pa skyed pa/ 'khor thams cad dga' ba dang / rab tu dga' ba dang / dad pa skyed pa/ snying rje chen pos sbyor ba/ de bzhin nyid kyi mnyam pa de kho na nyid/ de bzhin nyid/ gzhan ma yin pa nyid/ mi 'gyur ba nyid/ mi 'khrugs pa nyid/ 'byung ba med pa nyid/ 'jig pa med pa nyid/ rtsod pa med pa nyid de de bzhin gshegs pa'i mi 'jigs pa la rtsod pa gang yang med do/ /de bzhin gshegs pa'i mi 'jigs pa ni rtsod pa med pa/ 'thab pa med pa'o/ /de bzhin nyid dang mnyam zhing chos kyi dbyings ngos mnyam pa 'jig rten gyi khams rab 'byam ma lus pa thams cad la thogs pa med pa'o/ /de ltar de bzhin gshegs pa tshad med/ grangs med/ bsam gyis mi khyab/ gzhal du med/ dpag tu med/ brjod tu med pa'i chos dang ldan zhing snying rje</font><hr>80.43a<br><font size=+1>

chen pos zin pa'i sems kyis sems can rnams la nges par 'byung ba'i lam yang dag par rab tu ston te/ de so sor rtog pas sems can der 'jug pa rnams de byed pa'i sdug bsngal yang dag par zad cing nges par 'byung bar 'gyur ro/ /shA ri'i bu 'di ni de bzhin gshegs pa rnams kyi de bzhin gshegs pa'i mi 'jigs pa bzhi pa ste/ mi 'jigs pa de dang ldan pas de bzhin gshegs pa 'khor gyi nang du seng ge'i sgra yang dag pa sgrog cing khyu mchog gi gnas su zhal gyis 'che ste/ dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten 'dir chos dang 'thun par ma bskor ba tshangs pa'i 'khor lo rab tu skor to/ /de ltar shA ri'i bu de bzhin gshegs pa'i mi 'jigs pa bzhi la mtha' yas mu med do/ /'di lta ste/ /dper na shA ri'i bu nam mkha' mtha' yas mu med pa de bzhin du de bzhin gshegs pa'i mi 'jigs pa bzhi yang mtha' yas mu med de/ sems can thams cad kyis zad par mi 'gyur ro/ /shA ri'i bu gang de bzhin gshegs pa'i mi 'jigs pa'i mtha' 'dod pa de ni nam mkha'i mtha' 'dod do/ /byang chub sems dpa' de bzhin gshegs pa rnams kyi de bzhin gshegs pa'i mi 'jigs pa bsam gyis mi khyab pa thos nas/ /mngon par dad/ yid ches/ rab tu rtog /som nyi med/ the tshom mi za/ rgya cher dga' mgu ste rangs pa rnyed nas nam mkha' lta bur bsam gyis mi khyab pa'i phyir/ ngo mtshar dang / rmad tu 'du shes skyed do/ /de</font><hr>80.43b<br><font size=+1>

nas bcom ldan 'das kyis de'i tshe tshigs su bcad pa 'di dag gsungs so/ /chos kun mnyam pa nyid mnyam par/ /rang byung bas ni rjes su rtogs/ /de phyir yang dag mngon sangs rgyas/ /de bzhin gshegs pa mnyam pa gzigs/ /so so'i skye bo'i chos gang yin/ /de dag sangs rgyas chos dang mnyam/ /slob dang mi slob chos rnams dang / /rang rgyal gyi ni chos nyid dang / /gang dag 'jig rten chos rnams dang / /gang dag 'jig rten 'das chos dang / /dag \u0f7a dang mi dge mi g.yo rnams/ /mya ngan 'das pa'i lam dang 'dra/ /stong pa nyid dang mtshan ma med/ /smon lam dag ni rnam par spangs/ /ma skyes mngon par 'du mi byed/ /'di ni mnyam pa nyid tu bstan/ /'di dag mnyam pa nyid rtogs nas/ /thub pa chen po mi 'jigs pa/ /gang gis sems can 'grol 'gyur ba/ /de bzhin du yang rab tu ston/ /'jig rten gsum las rnam par grol/ /rnam par thar pa rab tu ston/ /mi dbang gi ni mi 'jigs pa/ /gnyis pa yang dag rab tu bstan/ /rgyal bas gang chos rjes su sangs rgyas pa/ /ma bsten par ni rnam par grol mi 'thob/ /bag med pa dang khrel ba med gyur dang / /gang la ngo tsha ci yang med pa dang / /lus dang ngag rnams dang ni yid kyis su/ /gang dag sdom pa nam yang yod min dang / /'dun dang zhe sdang gti mug 'jigs pa dang / /srog gcod pa dang gzhan la 'tshe ba dang / /gzhan gyi chung ma de bzhin brdzun dang chang / nga rgyal mi gus de ni bdun pa'o/ /gang dag log par smra ba brgyad pa ste/ /thams cad rnam par grol ba'i lam rgyun gcod/ /gang dag mnar sems</font><hr>80.44a<br><font size=+1>

dgu dang nyes mang dang / /mi dge bcu yi las kyi lam rnams dang / /gang dag tshul min zhi ba mi shes pa/ /de dag la ni nam yang thar pa med/ /phyin ci log la zhugs par rig gyur nas/ /bag med yang dag ma yin smra la chags/ /rgyal ba rnams kyi mi 'jigs gsum pa ste/ /chos nyid 'di dag la ni bsnyen par bya/ /gang dag rnam sbyong sgo ni tshad med la/ /mi gang stan pa byang chub reg par 'gyur/ /rgyal ba nyid kyis ma thos thams cad rig /shes nas mi 'chir 'gro ba'i chos 'chad do/ /ji tsam dge ba'i chos ni mang yod pa/ /byang chub phyogs dge rgyal bas bsngags pa la/ /sten pa rnam par thar pa mi 'thob pa/ /gnas med par ni stobs bcu rnams kyis bshad/ /tshul bzhin gyis ni nyon mongs mang po zhi/ /yang dag chos dge mnyam pa med ldan zhing / /chos dang chos ma yin la de mi chags/ /zhi ba mya ngan med pa rnam grol reg /gsog gsob nam mkha' 'dra zhing ya ma rla/ /sgyu ma'i gzugs 'dra nam mkha' lta bu dang / /dge chos rnam pa gang gis rab shes pa/ /de ni srid pa'i mtsho las thar par 'gyur/ /thub pa stobs bcu rnams kyi chos 'di ni/ /'gro ba gang mos srid par 'gro ba la/ /snying rje snying brtse byas nas thar byed de/ /mi 'jigs bzhi pa nam mkha' 'dra ba'o/ /de ltar shA ri'i bu byang chub sems dpa' de bzhin gshegs pa'i mi 'jigs pa bsam gyis mi khyab pa la mngon pa dad/ /yid ches/ /rab tu rtog /som nyi med/ the tshom mi za ba nas/ nam mkha' lta bur bsam gyis mi khyab pa'i phyir/ ngo mtshar dang / rmad kyi</font><hr>80.44b<br><font size=+1>

bar du 'du shes skyed do/ /shA ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i snying rje chen po bsam gyis mi khyab pa la mngon par dad/ /yid ches/ /rab tu rtog /som nyi med/ the tshom mi za ba nas/ ngo mtshar dang / rmad kyi bar du 'du shes skyed ce na/ 'di la shA ri'i bu de bzhin gshegs pa rnams kyi snying rje chen po ni sems can thams cad rjes su mi gtong zhing rtag tu 'jug pa/ sems can yongs su smin par 'gyur ba ste/ /mi ldog par rig par bya'o/ /de bzhin gshegs pa'i snying rje chen po de yang ji ltar ngag gi las kyis kyang khong du chud par bya ba bla ba ma yin pa de ltar tshad med/ de ltar bsam gyis mi khyab/ de ltar mtshungs pa med/ de ltar dpag tu med/ de ltar brjod du med/ de ltar mi zad cing khong du chud par dka'o de ci'i phyir zhe na/ ji ltar de bzhin gshegs pas byang chub thob pa de ltar sems can la de bzhin gshegs pa'i snying rje chen po 'jug ste/ byang chub ci 'dra ba snying rje chen po yang de 'dra 'o/ /de bzhin gshegs pas byang chub ji ltar thob ce na/ de bzhin gshegs pas rtsa ba med pa/ gnas med pa'i byang chub thob bo/ /de la rtsa ba gang / gnas gang zhe na/ 'jig tshogs ni rtsa ba'o/ /yang dag pa ma yin pa kun rtog pa ni gnas so/ /de bzhin gshegs pas byang chub mnyam pa nyid kyi phyir de dag mnyam par mkhyen to/ /de'i phyir de bzhin gshegs pa rtsa ba med pa/ gnas med pa'i byang chub mngon par rdzogs par sangs rgyas shes bya ste/ sems can 'di dag ni rtsa ba med</font><hr>80.45a<br><font size=+1>

pa gnas med par mi shes pas de dag shes par bya'o zhes sems can rnams la de bzhin gshegs pa'i snying rje chen po 'jug go/ /gzhan yang shA ri'i bu byang chub ni zhi ba dang / nye bar zhi ba'o/ /de ji ltar zhi/ ji ltar nye bar zhi zhe na/ nang zhi ba'o/ /phyi rol nye bar zhi ba'o/ /de ci'i phyir zhe na/ mig ni bdag dang bdag gis stong ste/ de'i rang bzhin 'di yin bas na de'i phyir zhi ba zhes bya'o/ /de bzhin du rna ba dang / sna dang / lce dang / lus dang / yid ni bdag dang bdag gis stong ste/ de'i rang bzhin 'di yin pas na/ de'i phyir zhi ba zhes bya'o/ /de'i mig stong par yongs su shes nas/ gzugs la mi rgyug ste/ de'i phyir nye bar zhi ba zhes bya'o/ /yid kyi bar du yang stong par yongs su shes nas chos la mi rgyug ste/ de'i phyir nye bar zhi ba zhes bya na/ sems can 'di dag ni zhi ba dang nye bar zhi ba 'di mi shes te/ de dag shes par bya'o zhes sems can rnams la de bzhin gshegs pa'i snying rje chen po 'jug go/ /gzhan yang shA ri'i bu ngas ni rang bzhin gyis 'od gsal bar byang chub mngon par rdzogs par sangs rgyas so/ /ji ltar 'od gsal zhe na/ rang bzhin gang yin pa de ni kun nas nyon mongs pa med pa ste/ nam mkha' lta bu'o/ /nam mkha'i rang bzhin no/ /nam mkha'i rjes su 'brang ba'o/ /nam mkha' dang mnyam pa nyid kyis mnyam pa ste/ de ni rang bzhin gyis shin tu 'od gsal ba na rang bzhin gyis 'od gsal ba 'di</font><hr>80.45b<br><font size=+1>

khong du ma chud pas byis pa so so'i skye bo rnams blo bur gyi nyon mongs pas kun nas nyon mongs te/ /sems can rnams rang bzhin gyis 'od gsal ba 'di mi shes pas de dag rang bzhin gyis 'od gsal ba khong du chud par bya'o zhes sems can rnams la de bzhin gshegs pa'i snying rje chen po 'jug go/ /gzhan yang shA ri'i bu ngas ni blang ba med pa dang / dor ba med par byang chub mngon par rdzogs par sangs rgyas so/ /de la blang ba med pa gang dor ba med pa gang zhe na/ /blang ba med pa zhes bya ba ni chos thams cad mi 'dzin pa'o/ /dor ba med pa zhes bya ba ni chos thams cad rab tu 'dzin pa med pa'o/ /de la de bzhin gshegs pas blang ba med pa dang / dor ba med pa'i ngo bo nyid mnyam pa nyid tu gzigs te/ ji ltar de bzhin gshegs pas tshu rol med pa dang / pha rol med par gzigs pa de ltar chos thams cad tshu rol dang / pha rol dang bral bar de bzhin gshegs pas mngon par rdzogs par sangs rgyas te de'i phyir de bzhin gshegs pa zhes bya'o/ /blang ba med pa dang / dor ba med pa 'di sems can rnams kyis khong du ma chud pas de khong du chud par bya'o zhes sems can rnams la de bzhin gshegs pa'i snying rje chen po 'jug go/ /gzhan yang shA ri'i bu ngas mtshan ma med pa dang / dmigs pa med par byang chub mngon par rdzogs par sangs rgyas so/ /de la mtshan ma med pa gang / /dmigs pa med pa gang zhe na/ mig gi rnam par shes pa mi dmigs pa</font><hr>80.46a<br><font size=+1>

ni mtshan ma med pa'o/ /gzugs yang dag par rjes su mi mthong ba dmigs pa'o/ /yid kyi rnam par shes pa'i bar du mi dmigs pa ni mtshan ma med pa'o/ /chos yang dag par rjes su mi mthong ba ni dmigs pa med pa'o/ /de ltar shA ri'i bu mtshan ma med pa dang / dmigs pa med pa ni 'phags pa rnams kyi spyod yul lo/ /'phags pa rnams kyi spyod yul gang zhe na/ khams gsum pa ni 'phags pa rnams kyi spyod yul te/ gang 'phags pa rnams kyi spyod yul de ni byis pa so so'i skye bo thams cad kyi spyod yul ma yin pas de khong du chud par bya'o zhes sems can rnams la de bzhin gshegs pa'i snying rje chen po 'jug go/ /shA ri'i bu byang chub ni 'das pa ma yin/ ma 'ongs pa ma yin/ da ltar byung ba ma yin te/ dus gsum mnyam pa nyid 'khor gsum yongs su chad pa'o/ /de la 'khor gsum yongs su chad pa gang zhe na/ gang 'das pa la sems mi 'jug pa dang / ma 'ongs pa la rnams par shes pa rjes su mi rgyug pa dang / da ltar byung ba la yid la byed pa mi 'jug pa ste/ de sems dang / yid dang / rnam par shes pa la mi gnas pas 'das pa la mi rtog /ma 'ongs pa la rlom sems su mi byed/ da ltar byung ba la spros par mi byed pa 'di ni dus gsum mnyam pa nyid 'khor gsum yongs su dag pa yin na sems can rnams kyis khong du ma chud pas de khong du chud par bya'o zhes</font><hr>80.46b<br><font size=+1>

sems can rnams la de bzhin gshegs pa'i snying rje chen po 'jug go/ /shA ri'i bu ngas byang chub ni lus med pa mngon par 'dus ma byas par mngon par rdzogs par sangs rgyas te/ de ni mig gi rnam par shes pas rnam par shes pa bya ba ma yin pa nas/ yid kyi rnam par shes pa'i bar gyis rnam par shes par bya ba ma yin no/ /'dus ma byas shes bya ba ni gang ma skyes pa/ mi 'jigs pa/ mi gnas pa de ni 'khor gsum dang bral ba/ 'dus ma byas shes bya'o/ /'dus ma byas ji lta bar 'dus byas kyang de ltar khong du chud par bya'o/ /de ci'i phyir zhe na/ gang chos thams cad kyi rang bzhin de ni dngos po med pa'o/ /gang dngos po med pa de la gnyis med de/ lus med pa/ mngon par 'dus ma byas pa de sems can rnams kyis khong du ma chud pas de khong du chud par bya'o zhes sems can rnams la de bzhin gshegs pa'i snying rje chen po 'jug go/ /shA ri'i bu ngas byang chub ni dbyer med pa dang / gnas su mngon par rdzogs par sangs rgyas so/ /de la dbyer med pa gang / gnas gang zhe na/ de la de bzhin nyid ni gnas so/ /gnas med pa ni dbyer med pa'o/ /chos kyi dbyings ni gnas so/ /tha dad pa med pa ni dbyer med pa'o/ /yang dag pa'i mtha' ni gnas so/ /g.yo ba med pa ni dbyer med pa'o/ /stong pa nyid ni gnas so/ /dmigs su med pa ni dbyer</font><hr>80.47a<br><font size=+1>

med pa'o/ /mtshan ma med pa ni gnas so/ /rnam par mi rtog pa ni dbyer med pa'o/ /smon pa med pa ni gnas so/ /'jug pa med pa ni dbyer med pa'o/ /sems can med pa ni gnas so/ /sems can med pa'i rang bzhin ni dbyer med pa'o/ /nam mkha' ni gnas so/ /mi dmigs pa ni dbyer med pa'o/ /mi skye ba ni gnas so/ /mi 'gag pa ni dbyer med pa'o/ /'dus ma byas ni gnas so/ /rgyu ba med pa ni dbyer med pa'o/ /byang chub ni gnas so/ /nye bar zhi ba ni dbyer med pa'o/ /mya ngan las 'das pa ni gnas so/ /mngon par mi 'grub pa ni dbyer med pa'o/ /de ltar shA ri'i bu dbyer med pa'i gnas 'di sems can rnams kyis khong du ma chud pas de khong du chud par bya'o zhes sems can rnams la de bzhin gshegs pa'i snying rje chen po 'jug go/ /shA ri'i bu byang chub ni lus kyis mngon par rdzogs par sangs ma rgyas te sems kyis kyang ma yin no/ /de ci'i phyir zhe na/ lus ni bems po g.yo ba med pa/ byed pa med pa/ rtswa dang / rtsig pa dang / shing dang / rdo dang / mig yor lta bu'o/ /sems ni rgyu ma dang / smig rgyu dang / chu zla lta bu ste/ gang gis lus dang / sems de ltar khong du chud pa de ni byang chub ces bya'o/ /byang chub ni tha snyad tsam du bzung ba ste/ byang chub ni lus sam/ sems sam/ chos sam/ chos ma yin pa 'am/ yang dag pa 'am/ yang dag pa ma yin pa 'am/ bden pa 'am/ brdzun pa gang gis kyang brjod par bya ba ma yin no/ /de ci'i phyir zhe na/ byang chub ni chos thams cad kyis brjod par bya ba ma yin</font><hr>80.47b<br><font size=+1>

te/ byang chub la ni gang gis kyang tshig gi tha snyad tu 'gyur ba'i gnas cung zad kyang med do/ /ji ltar nam mkha' gnas med cing tshig med pa de bzhin du byang chub kyang gnas med pa/ /brjod par bya ba ma yin pa'o/ /de ltar shA ri'i bu yang dag pa ji lta ba bzhin du tshol ba na chos thams cad tshig med pa ste/ chos la tshig med/ tshig la yang chos med do/ /de lta bu'i chos kyi tshul mi shes shing khong du ma chud pas de khong du chud par bya'o zhes sems can rnams la de bzhin gshegs pa'i snying rje chen po 'jug go/ /shA ri'i bu byang chub ni gzung ba med pa/ kun gzhi med pa'o/ /de la gzung ba med pa gang / kun gzhi med pa gang zhe na/ 'di lta ste/ /mig yongs su shes pa ni gzung ba med pa'o/ /gzugs yang dag par rjes su mi mthong ba ni kun gzhi med pa'o/ /yid kyi bar du yongs su shes pa ni gzung ba med pa'o/ /chos mi dmigs pa ni kun gzhi med pa ste/ de ltar shA ri'i bu de bzhin gshegs pas gzung ba med pa/ kun gzhi med par byang chub mngon par rdzogs par sangs rgyas so/ /mngon par rdzogs par sangs rgyas nas mig mi 'dzin pa dang / /gzugs kun gzhi med pas rnam par shes pa mi gnas so/ /yid kyi bar du mi 'dzin cing chos kun gzhi med pas rnam par shes pa mi gnas so/ /de rnam par shes pa mi gnas pas sems can thams cad kyi sems kyi gnas shes so/ /ji ltar shes she na/ sems can rnams kyi</font><hr>80.48a<br><font size=+1>

sems kyi gnas ni bzhi ste/ bzhi gang zhe na/ 'di lta ste/ /gzugs ni sems kyi gnas so/ /tshor ba dang / /'du shes dang / 'du byed ni sems can rnams kyi sems kyi gnas te/ /'di bzhi ni sems can rnams kyi sems kyi gnas so/ /gnas de yang gnas med par de bzhin gshegs pas mkhyen te/ gnas med pa'i mtha' 'di sems can rnams kyis khong du ma chud pas de khong du chud par bya'o zhes sems can rnams la de bzhin gshegs pa'i snying rje chen po 'jug go/ /shA ri'i bu byang chub ces bya ba ni stong pa nyid kyi tshig bla dgas so/ /stong pa nyid gang gis byang chub stong pa stong pa nyid des chos thams cad stong ste/ /de dag stong pa ji lta ba bzhin du de ltar de bzhin gshegs pas chos thams cad mngon par rdzogs par sangs rgyas mod kyi stong pa nyid kyis stong pa nyid mngon par rdzogs par sangs rgyas pa ni ma yin pas stong pa nyid dam/ /byang chub ces bya ba 'di ni tshul gcig pa'i ye shes so/ /de la gnyis po gang gis stong pa nyid dang / byang chub tu gnyis su dbye ba'i gnyis gang yang med do/ /chos de ni gnyis su med cing gnyis su dbyer med de ming med pa/ mtshan ma med pa/ 'jug pa med pa/ rab tu rgyu ba med pa/ /spyod pa med pa'o/ /gang stong pa zhes bya ba ni mngon par chags pa dang / /'dzin pa dang bral ba'o/ /don dam par chos gang yang mi dmigs pas stong pa nyid gang yin pa de stong pa zhes bya'o/ /ji ltar nam mkha' nam mkha' zhes</font><hr>80.48b<br><font size=+1>

kyang bya la nam mkha' ni brjod par bya ba 'ang ma yin no/ /de bzhin du stong pa stong pa zhes kyang bya la stong pa nyid brjod par bya ba ma yin no/ /'di lta ste/ ming tsam du tha snyad 'dogs pa 'di ni chos thams cad la 'jug pa ste/ ming de yang yul na mi gnas/ phyogs na mi gnas so/ /ji ltar ming yul na mi gnas/ /phyogs na mi gnas pa de bzhin du chos kyi ming gis tha snyad tu 'dogs pa'i chos de yang yul na mi gnas/ /phyogs na mi gnas te/ /de ltar de bzhin gshegs pas chos thams cad mkhyen to/ /thog ma nas ma skyes ma byung bar de ltar mkhyen pas de ltar rnam par grol te bcings pa yang med/ /grol ba yang med na de byis pa so so'i skye bo rnams kyis khong du ma chud pas khong du chud par bya'o zhes sems can rnams la de bzhin gshegs pa'i snying rje chen po 'jug go/ /shA ri'i bu byang chub ni nam mkha' dang mnyam ste/ /nam mkha' ni mnyam pa yang ma yin/ mi mnyam pa 'ang ma yin no/ /byang chub kyang mnyam pa 'ang ma yin/ /mi mnyam pa 'ang ma yin te/ /ji ltar chos rnams yang dag par yongs su grub pa med pa de mnyam pa 'am mi mnyam pa zhes brjod pa ma yin no/ /de ltar shA ri'i bu de bzhin gshegs pas chos thams cad mnyam pa 'ang ma yin/ /mi mnyam par yang ma yin par mngon par rdzogs par sangs rgyas so/ /ji ltar chos rdul tsam yang mnyam par byas pa yang ma yin/ /mi mnyam par byas pa yang ma yin pa de ltar</font><hr>80.49a<br><font size=+1>

mngon par rdzogs par sangs rgyas so/ /chos ji snyed pa de dag yang dag pa'i ye shes kyis shes so/ /yang dag pa'i ye shes gang zhe na/ /chos ma byung ba rnams 'byung ba dang / /byung nas 'jig par 'gyur ba de dag ni bdag po med par 'byung / /bdag po med par 'jig ste/ /rkyen gyis 'byung ba dang / /'jig par 'gyur zhing 'di la 'jug pa 'am/ /ldog pa gang yang med de/ /lam gcad pa'i phyir de bzhin gshegs pa chos ston to/ /lam gcad pa 'di sems can rnams kyis khong du ma chud pas khong du chud par bya'o zhes sems can rnams la de bzhin gshegs pa'i snying rje chen po 'jug go/ /shA ri'i bu byang chub de ni ji lta ba bzhin gyi gnas so/ /byang chub ji lta bar gzugs kyang de bzhin te de bzhin nyid kyis mi 'byung ngo / /byang chub ji lta ba bzhin du tshor ba dang / /'du shes dang / /'du byed dang / /rnam par shes pa 'ang de bzhin te/ /de bzhin nyid kyis mi 'byung ngo / /byang chub ji lta ba bzhin du sa'i khams dang / /chu'i khams dang / /me'i khams dang / /rlung gi khams kyang de bzhin te/ /de bzhin nyid kyis mi 'byung ngo / /byang chub ji lta ba bzhin du mig gi khams dang / /gzugs kyi khams dang / /mig gi rnam par shes pa'i khams nas/ /yid kyi khams dang / /chos kyi khams dang / /yid kyi rnam par shes pa'i khams kyi bar du'o/ /chos rnams kyi btags pa ni 'di tsam du zad de de ni phung po dang / /khams dang / /skye mched</font><hr>80.49b<br><font size=+1>

rnams su btags pa ste/ /de dag kyang de bzhin gshegs pas ji lta ba bzhin du mngon par rdzogs par sangs rgyas so/ /phyin ci ma log par mngon par rdzogs par sangs rgyas pas na sngon ji lta bar phyis kyang de bzhin/ /bar du yang de bzhin te/ /sngon gyi mtha' nas ma skyes/ /phyi ma'i mthar mi 'pho'o/ /bar du yang dben pa ste/ /de ltar de dag ni ji lta ba bzhin gyi gnas yin no/ /gcig ji lta bar thams cad kyang de bzhin no/ /thams cad ji lta bar gcig kyang de bzhin te/ /ji lta ba bzhin ni gcig gam mang por mi 'gyur ro/ /ji lta ba bzhin gyi gnas de sems can rnams kyis khong du ma chud pas de khong du chud par bya'o/ /zhes sems can rnams la de bzhin gshegs pa'i snying rje chen po 'jug go/ /shA ri'i bu byang chub ni rnam pa la 'jug pa rnam pa med pa la zhugs pa'o/ /de la rnam pa gang / /rnam pa med pa gang zhe na/ /shA ri'i bu rnam pa zhes bya ba ni dge ba'i chos rnams rtsom pa'o/ /rnam pa med pa zhes bya ba ni chos thams cad mi dmigs pa'o/ /rnam pa zhes bya ba ni mi gnas pa'i sems kyi gnas so/ /rnam pa med pa zhes bya ba ni rnam par thar pa'i sgo mtshan ma med pa'i ting nge 'dzin to/ /rnam pa zhes bya ba ni sems gzhal ba dang / /bgrang ba dang / /so sor rtog pa'o/ /rnam pa med pa zhes bya ba ni gzhal ba las yang dag par 'das pa'o/ /gzhal ba las yang dag par 'das pa gang zhe na/ /gang na rnam par shes pa'i las med pa'o/ /rnam pa</font><hr>80.50a<br><font size=+1>

zhes bya ba ni gang na 'dus byas la so sor rtog pa'o/ /rnam pa med pa ni 'dus ma byas mngon sum du byed pa ste/ rnam pa dang rnam pa med pa la 'jug pa 'di byis pa so so'i skye bo rnams kyis khong du ma chud pas khong du chud par bya'o zhes sems can rnams la de bzhin gshegs pa'i snying rje chen po 'jug go/ /shA ri'i bu byang chub ni zag pa med pa/ len pa med pa'o/ /de la zag pa med pa gang / len pa med pa gang zhe na/ zag pa med pa zhes bya ba ni zag pa bzhi dang bral ba ste/ 'dod pa'i zag pa dang bral ba dang / srid pa'i zag pa dang bral ba dang / ma rig pa'i zag pa dang bral ba dang / lta ba'i zag pa dang bral ba'o/ /nye bar len pa med pa zhes bya ba ni len pa bzhi dang bral ba ste/ 'dod pa'i len pa dang bral ba dang / srid pa'i len pa dang bral ba dang / lta ba'i len pa dang bral ba dang / tshul khrims dang brtul zhugs kyi len pa dang bral ba'o/ /de la nye bar len pa bzhi po de dag thams cad ni ma rig pas ldongs par byas pa dang / sred pa'i chus g.yogs pa dang bdag tu mngon par chags pas phung po dang / khams dang / skye mched len to/ /de la de bzhin gshegs pas bdag nye bar len pa'i rtsa ba yongs su mkhyen pa'i phyir bdag rnam par dag pas sems can rnam par dag par mkhyen to/ /bdag rnam par dag pa gang yin pa de la yongs su rtog pa gang gis tshul bzhin ma yin pa yid la byed par 'gyur ba'i yongs su rtog pa gang yang med de/ de ni</font><hr>80.50b<br><font size=+1>

tshul bzhin yid la byed pa dang ldan pas ma rig pa kun nas mi slong ngo / /ma rig pa kun nas mi slong bas srid pa'i yan lag bcu gnyis kun nas mi ldang ba de ni skye ba med pa'o/ /gang skye ba med pa de ni nges par gyur pa'o/ /gang nges par gyur pa de ni nges pa'i don to/ /gang nges pa'i don de ni don dam pa'o/ /gang don dam pa de gang zag med pa'i don to/ /gang gang zag med pa'i don de brjod du med pa'i don to/ /gang brjod tu med pa'i don de rten cing 'brel bar 'byung ba'i don to/ /gang rten cing 'brel bar 'byung ba'i don de chos kyi don to/ /gang chos kyi don de de bzhin gshegs pa'i don te de'i phyir sus rten cing 'brel bar 'byung ba mthong ba des chos mthong ngo / /sus chos mthong ba des de bzhin gshegs pa mthong ste/ 'di ltar de bzhin nyid tu btsal na ci yang mi mthong ba de ltar mthong / /de la ci yang zhes bya ba gang zhe na/ 'di lta ste/ mtshan ma med pa dang / dmigs pa med pa'o/ /gang gis mtshan ma med pa dang / dmigs pa med pa mthong ba des yang dag par mthong ste/ de ltar de bzhin gshegs pas chos thams cad mnyam pa nyid tu mnyam par mngon par rdzogs par sangs rgyas so/ /zag pa med pa dang / len pa med pa 'di byis pa so so'i skye bo rnams kyis khong du ma chud pas de khong du chud par bya'o zhes sems can rnams la de bzhin gshegs pa'i snying rje chen po 'jug go/ /shA ri'i bu byang chub ni dag pa/ dri ma med pa/ nyon mongs pa med pa'o/ /de la dag pa gang / </font><hr>80.51a<br><font size=+1>

dri ma med pa gang / nyon mongs pa med pa gang zhe na/ stong pa nyid ni dag pa'o/ /mtshan ma med pa ni dri ma med pa'o/ /smon pa med pa ni nyon mongs pa med pa'o/ /skye ba med pa ni dag pa'o/ /mngon par 'du mi byed pa ni dri ma med pa'o/ /nye bar len pa med pa ni nyon mongs pa med pa'o/ /rang bzhin ni dag pa'o/ /yongs su dag pa ni dri ma med pa'o/ /'od gsal ba ni nyon mongs pa med pa'o/ /spros pa med pa ni dag pa'o/ /ma spros pa ni dri ma med pa'o/ /spros pa nye bar zhi ba ni nyon mongs pa med pa'o/ /de bzhin nyid ni dag pa'o/ /chos kyi dbyings ni dri ma med pa'o/ /yang dag pa'i mtha' ni nyon mongs pa med pa'o/ /go 'byed pa ni dag pa'o/ /nam mkha' ni dri ma med pa'o/ /nam mkha' ni nyon mongs pa med pa'o/ /nang yongs su shes pa ni dag pa'o/ /phyi rol du mi rgyug pa ni dri ma med pa'o/ /phyi dang nang mi dmigs pa ni nyon mongs pa med pa'o/ /phung po yongs su shes pa ni dag pa'o/ /khams kyi rang bzhin ni dri ma med pa'o/ /skye mched spong ba ni nyon mongs pa med pa'o/ /'das pa la zad pa shes pa ni dag pa'o/ /ma 'ongs pa la mi skye ba shes pa ni dri ma med pa'o/ /da ltar byung ba la chos kyi dbyings la gnas pa'i ye shes ni nyon mongs pa med pa ste/ de ltar dag pa dang dri ma med pa dang / nyon mongs pa med pa gnas gcig tu 'jug par 'gyur ba ni 'di lta ste/ zhi ba'i gnas so/ /gang zhi ba de ni rab tu zhi ba/ de ni nye bar zhi ba ste/ thub pa zhes bya'o/ /</font><hr>80.51b<br><font size=+1>

de lta bas nam mkha' ji lta bar byang chub kyang de bzhin no/ /byang chub ji lta bar chos kyang de bzhin no/ /chos ji lta bar sems can yang de bzhin no/ /sems can ji lta bar zhing yang de bzhin no/ /zhing ji lta bar mya ngan las 'das pa yang de bzhin no/ /de bas na chos thams cad ni mya ngan las 'das pa dang mnyam pa zhes bya ste/ /mthar thug pa'i rnam pas gnyen po med do/ /gnyen po med pa'i rnam pas thog ma nas rnam par dag pa'o/ /thog ma nas dri ma med pa'o/ /thog ma nas nyon mongs pa med pa'o/ /de la de bzhin gshegs pas 'di ltar gzugs can dang / /gzugs med pa'i chos thams cad mngon par rdzogs par sangs rgyas nas sems can gyi khams la rnam par gzigs shing sems can rnams la dag pa dang / /dri ma med pa/ /nyon mongs pa med pas rnam par rol pa zhes bya ba'i snying rje chen po 'jug go/ /de ltar shA ri'i bu de bzhin gshegs pa'i snying rje chen po dag pa dang / /dri ma med pa dang / /nyon mongs pa med par lhun gyis grub pas rtag tu 'jug ste/ phyis btang bar bya ba med cing phyogs bcu'i 'jig rten gyi khams rab 'byam ma lus par thogs pa med do/ /de ltar shA ri'i bu de bzhin gshegs pa'i snying rje chen po ni mtha' yas mu med de/ /gang de bzhin gshegs pas snying rje chen po'i mtha' 'dod pa de ni nam mkha'i mtha' 'dod do/ /byang chub sems dpas de bzhin gshegs pa'i snying rje chen po bsam gyis mi khyab pa de thos nas/ mngon par dad/ /yid ches/ /rab tu rtog som nyi med/ /the tshom mi za ba nas nam mkha' lta bur</font><hr>80.52a<br><font size=+1>

bsam gyis mi khyab pa'i phyir ngo mtshar dang / /rmad kyi bar du 'du shes skyed do/ /de nas bcom ldan 'das kyis don 'di nyid rgya cher bstan pa'i phyir de'i tshe tshigs su bcad pa 'di dag gsungs so/ /rtsa ba med cing gnas med pa/ /sangs rgyas kyis ni byang chub reg /ji ltar rtogs pa de bzhin du/ /srog chags rnams ni kun la sten/ /nang gi mig ni stong pa ste/ /phyi rol gzugs kyang stong pa'o/ /zhi dang nye bar zhi ba yi/ /sangs rgyas kyis ni byang chub reg /zhi dang nye bar zhi ba de/ /sems can khong du ma chud pas/ /tshig don rtogs nas sems can la/ /de dag la ni snying rje 'jug /byang chub rang bzhin 'od gsal zhing / /rnam dag nam mkha' 'dra ba de/ /sems can rnams kyis mi shes pas/ /de dag la yang snying rje 'jug /chos rnams kun la 'dzin pa dang / /rab tu 'dzin pa yod ma yin/ /blang med dor ba med pa yi/ /sangs rgyas kyis ni byang chub reg /sems can 'di dag mi shes pas/ /de dag la ni snying rje 'jug /mtshan ma med cing dmigs pa med/ /'phags pa rnams kyi spyod yul 'di/ /byis pa'i spyod yul ma yin pa/ /sangs rgyas kyis ni byang chub reg /gang dag mi mkhas bcings pa yi/ /so so'i skye bos mi shes pas/ /de bzhin gshegs pa sems can la/ /snying rje chen po rab tu 'jug /rang bzhin gyis ni 'dus ma byas/ /skye ba med cing 'jig pa med/ /de la gnas pa yod min te/ /mtshan nyid gsum las rnam par grol/ /'dus byas rnams kyi rang bzhin ni/ /byis pas khong du mi chud pas/ /de dag la yang snying</font><hr>80.52b<br><font size=+1>

rje 'jug /tshul 'di gang gis sangs rgyas pa/ /byang chub lus kyis myi rtogs te/ /sems kyis kyang ni 'tshang myi rgya/ /lus ni bems po'i rang bzhin te/ /sems kyang sgyu ma lta bu'o/ /lus dang sems kyis rang bzhin te/ /byis pas khong du ma chud pas/ /tshul 'di khong du chud gyur nas/ /de dag la ni snying rje 'jug /rang byung ba ni byang chub dam pa rgya chen mchog dge ste/ /shing mchog drung du bzhugs nas sems can khams la rnam par gzigs/ /'khor ba'i 'khor lor zhugs shing 'gro rgyud sna tshogs 'khyam gyur pa/ /de dag gzigs nas sangs rgyas kyi ni snying rje mi zad 'jug / nga dang rgyags pa dag la chags shing lta ba'i dra bas gzings/ /sdug bsngal bde dang mi rtag rtag dang sdug par 'du shes shing / /bdag dang sems can dang ni srog tu lta bar chags pa rnams/ /gzigs nas de dag la ni sangs rgyas snying rje mi zad 'jug /sems can khams ni gti mug ling tog khebs shing bsgribs pa kun/ /nyi ma sprin khebs bzhin du snang med lam mer mi 'gyur ba/ /de dag gzigs nas ye shes snang ba dri med 'od bya zhes/ /de dag la yang sangs rgyas kyi ni snying rje mi zad 'jug /ngan tshogs 'gro bar zhugs shing lam stor rab tu 'khyams pa rnams/ /sems can sems can dmyal dang dud 'gro yi dgas rgyud lhung ba/ /de dag gzigs nas sngon gyi rgyal bas bsnyen pa'i lam bstan ces/ /de dag la yang sangs rgyas kyi ni snying rje mi zad 'jug /de bzhin nyid ltar de bzhin nyid du chos rnams thams cad ni/ /nam mkha' mtshungs 'dra de dag ma bcings ma grol rab mkhyen te/ /'gro ba dag cing bzang ba'i</font><hr>80.53a<br><font size=+1>

chos rnams mi shes gzigs nas su/ /de dag la yang sangs rgyas kyi ni snying rje mi zad 'jug /de ltar shA ri'i bu byang chub sems dpa' de bzhin gshegs pa'i snying rje chen po bsam gyis mi khyab pa la mngon par dad/ /yid ches/ rab tu rtog /som nyi med/ the tshom mi za/ rgya cher dga' mgu ste rangs pa rnyed nas nam mkha' lta bur bsam gyis mi khyab pa'i phyir ngo mtshar dang rmad tu 'du shes skyed do// // bam po bdun pa/ yang shA ri'i bu ji ltar na byang chub sems dpa' de bzhin gshegs pa'i sangs rgyas kyi chos ma 'dres pa la mngon par dad/ /yid ches/ /rab tu rtog pa nas/ /ngo mtshar dang / /rmad kyi bar du 'du shes skyed ce na/ /shA ri'i bu de bzhin gshegs pa'i sangs rgyas kyi chos ma 'dres pa ni bcwa brgyad po 'di dag ste/ /chos de dag dang ldan pas de bzhin gshegs pa 'khor gyi nang du seng ge'i sgra yang dag par sgrog cing khyu mchog gi gnas su zhal gyis 'che ste/ /dge sbyong ngam/ /bram ze 'am/ /lha 'am/ /bdud dam/ sus kyang 'jig rten du chos dang 'thun par ma bskor ba tshangs pa'i 'khor lo rab tu skor to/ /sangs rgyas kyi chos ma 'dres pa bcwa brgyad gang zhe na/ /'di la shA ri'i bu gang gi phyir lus kyi 'khrul pa gang las byas pa 'am/ /mkhas pa chos dang 'thun pas rgol bar byed pa'i lus kyi 'khrul pa de bzhin gshegs pa la med do/ /de ci'i phyir zhe na/ /sangs rgyas bcom ldan 'das rnams ni lus kyi las 'khrul pa med pa ste/ /de bzhin gshegs pa'i spyod lam mdzes pas kun du gzigs pa dang / /rnam par gzigs pa dang / /bskum pa dang / snyad</font><hr>80.53b<br><font size=+1>

pa dang / /chos gos snam sbyar dang / /chos gos dang / /lhung bzed bsnams pa dang / /mngon du gshegs pa dang / /slar gshegs pa dang / /byon pa dang / /bzhud pa dang / /bzhengs pa dang bzhugs pa dang / /mnal ba dang / /grong dang grong khyer du 'jug pa dang 'byung ba na zhabs kyi mthil sa la mi reg ste/ /'khor lo rtsibs stong pa sa las 'byung zhing dri yid tu 'ong ba'i pad ma mngon par 'byung ste/ /de la de bzhin gshegs pa'i zhabs 'jog go/ /de la gang dud 'gro'i skye gnas su song ba'i sems can dag gis de bzhin gshegs pa'i zhabs la reg na de dag zhag bdun du rab tu bde ba dang ldan par 'gyur/ /shi 'phos nas kyang bde 'gro'i mtho ris kyi 'jig rten du skye bar 'gyur ro/ /de bzhin gshegs pa'i sku la chos gos sor bzhi tsam gyis mi reg mod kyi/ /rnam par 'thor rlung gis kyang bzlog par mi nus so/ /sku'i 'od kyis mnar med pa'i bar gyi sems can bde ba'i tshor ba myong bar 'gyur te/ /de'i phyir de bzhin gshegs pa'i sku la 'khrul pa med ces bya'o/ /yang shA ri'i bu gang gi phyir ngag 'khrul pa gang las byis pa 'am/ /mkhas pa chos dang 'thun pas rgol bar byed pa'i ngag gi 'khrul pa de bzhin gshegs pa la med do/ /de ci'i phyir zhe na/ /shA ri'i bu de bzhin gshegs pa ni dus su smra ba/ /yang dag par smra ba/ /bden pa smra ba/ /tshigs su smra ba/ /ji skad smra ba de bzhin du byed pa'o/ /shin du nges pa'i tshig go/ /sems can thams cad tshim par byed pa'i tshig go/ /mi zlos pa'i tshig go/ /don dang yi ges shin du brgyan pa'i tshig go/ /skad cig brjod pas sems can</font><hr>80.54a<br><font size=+1>

thams cad kyi bsam pa tshim par byed pa ste/ /de'i phyir sangs rgyas bcom ldan 'das rnams kyi ngag gi las 'khrul pa med ces bya'o/ /shA ri'i bu sems 'khrul pa gang las byis pa 'am/ /mkhas pa chos dang 'thun pas rgol bar byed pa'i sems kyi 'khrul pa de bzhin gshegs pa la med do/ /de ci'i phyir zhe na/ /'di la shA ri'i bu de bzhin gshegs pa ni mnyam par bzhag pa'i dngos po mi 'dor zhing sangs rgyas kyi bya ba thams cad byed kyang sems der mi gtong zhing chos thams cad la de'i chags pa med pa'i ye shes mthong ba 'jug ste/ /de'i phyir de bzhin gshegs pa la sems 'khrul pa med ces bya'o/ /ji ltar de'i sems 'khrul pa med pa de ltar sems can rnams kyi sems 'khrul pa spang ba'i phyir chos ston te 'di ni sangs rgyas kyi chos ma 'dres pa dang po'o/ /gzhan yang shA ri'i bu ca co gang las bdud dam/ /bdud kyi ris kyi lha'i bu 'am/ /gzhan mu stegs can gyis glags rnyed par 'gyur ba'i ca co de bzhin gshegs pa la med do/ /yang shA ri'i bu de bzhin gshegs pa la ca co 'am/ rjes su ca co 'byin pa med de/ de bzhin gshegs pa ni rjes su chags pa dang / /khu+ong khro ba dang bral ba ste/ /de sems can thams cad kyis bkur sti byas kyang thos par mi sems/ /sems can thams cad kyis bkur sti ma byas kyang 'khrug pa med do/ /de gang las 'gyod pa 'am/ /rjes su ca co 'byin par 'gyur ba'i bya ba mchog gam/ /mthar phyin pa ci yang de bzhin gshegs pa la med de/ /de bzhin gshegs pa ni 'jig rten dang</font><hr>80.54b<br><font size=+1>

mi rtsod pas de'i phyir de bzhin gshegs pa la ca co med do/ /de bzhin gshegs pa ni nyon mongs pa med par gnas pa ste/ /nga'i ba med/ /'dzin pa med/ /len pa med/ /mdud pa thams cad dang bral ba ste/ /de'i phyir de bzhin gshegs pa la ca co med do/ /ji ltar de la ca co med pa de ltar sems can thams cad kyi ca co thams cad spang ba'i phyir chos ston te 'di ni sangs rgyas kyi chos ma 'dres pa gnyis pa'o/ /gzhan yang shA ri'i bu bsnyel ba gang las chos gang la yang rmongs par 'gyur ba'i bsnyel ba de bzhin gshegs pa la med de/ /bsam gtan dang / rnam par thar pa dang / ting nge 'dzin dang / snyoms par 'jug pa la thogs pa med cing sems can thams daca kyi sems kyi spyod pa dang / g.yo ba la rnam par lta ba'i phyir de bzhin gshegs pa la rmongs pa med do/ /so sor ci rigs par chos ston pa'i phyir kun du nyams pa med do/ /'das pa dang / ma 'ongs pa dang / da ltar la thogs pa med pa'i ye shes mthong ba'i phyir don dang / chos dang / nges pa'i tshig dang / /spobs pa so so yang dag par rig pa la kun du nyams pa med do/ /ji ltar bdag kun du nyams pa med cing 'das pa dang / /ma 'ongs pa dang / /da ltar la thogs pa med pa'i ye shes mthong ba de ltar sems can thams cad brjed nges par mi 'gyur bar bya ba'i phyir chos ston te/ /'di ni sangs rgyas kyi chos ma 'dres pa gsum pa'o/ /gzhan yang shA ri'i bu de bzhin gshegs pa la mnyam par ma bzhag pa'i sems mi dmigs te/ de bzhin gshegs pa ni 'chag gam/ bzhengs sam/ bzhugs sam/ mnal tam/ </font><hr>80.55a<br><font size=+1>

bshos gsol lam/ gsung ngam/ cang mi gsung par gyur kyang rung ste/ rtag tu mnyam par bzhag cing ting nge 'dzin zab mo dam pa'i mthar phyin pa/ sgrib pa med pa'i bsam gtan la bsam gtan byed pa ste/ de bzhin gshegs pa'i byin gyi brlabs ma gtogs par sems can gyi ris na sems can gang mnyam par bzhag kyang rung / mnyam par ma bzhag kyang rung ste/ su yang de bzhin gshegs pa'i sems la lta bar nus pa med do/ /ji ltar de bzhin gshegs pa rtag tu mnyam par bzhag pa de ltar ting nge 'dzin la lta bas sems can rnams la chos ston te/ 'di ni de bzhin gshegs pa'i sangs rgyas kyi chos ma 'dres pa bzhi pa'o/ /gzhan yang shA ri'i bu de tha dad pa'i 'du shes gang las sems mi mnyam par gnas par 'gyur ba'i tha dad pa'i 'du shes de bzhin gshegs pa la med de/ de ci'i phyir zhe na/ nam mkha' bzhin du zhing mi zad pa'i phyir de bzhin gshegs pa la zhing tha dad pa'i 'du shes med do/ /rang bzhin gyis tha dad pa med pa'i phyir de bzhin gshegs pa la sems can tha dad pa'i 'du shes med do/ /chos kyi dbyings dbyer med cing / mnyam pa nyid kyi ye shes kyi phyir de bzhin gshegs pa la sangs rgyas kyi zhing tha dad pa'i 'du shes med do/ /'dod chags dang bral ba'i chos nyid kyi phyir de bzhin gshegs pa la chos tha dad pa'i 'du shes med do/ /de bzhin gshegs pa ni tshul khrims dang ldan pa'i sems can la yang rjes su chags pa med/ tshul khrims 'chal pa la yang khong khro ba med/ phan par gyur pa la yang lan du phan</font><hr>80.55b<br><font size=+1>

'dogs pa med/ gnod par gyur pa la yang gnod par byed pa med/ 'dul bar 'os pa la yang mnyam pa nyid du ma yin/ log par nges pa'i sems can la yang dmod pa ma yin gyi /de bzhin gshegs pa ni chos thams cad la mnyam par gnas te/ de'i phyir de bzhin gshegs pa la tha dad pa'i 'du shes med ces bya'o/ /ji ltar de bzhin gshegs pa la tha dad pa'i 'du shes med pa de ltar sems can thams cad kyi tha dad pa'i 'du shes spang ba'i phyir chos ston te/ 'di ni de bzhin gshegs pa'i sangs rgyas kyi chos ma 'dres pa lnga pa'o/ /gzhan yang shA ri'i bu de bzhin gshegs pa la so sor ma brtags pa'i btang snyoms med do/ /de ci'i phyir zhe na/ de bzhin gshegs pa'i btang snyoms ni lam bsgoms pa'i yin te/ lam ma bsgom pa'i ma yin no/ /de bzhin gshegs pa'i btang snyoms ni sems bsgoms pa dang / tshul khrims bsgoms pa dang / shes rab bsgoms pa'i yin te/ shes rab ma bsgoms pa'i ma yin no/ /de bzhin gshegs pa'i btang snyoms ni ye shes dang ldan pa'i yin te/ gti mug dang ldan pa'i ma yin no/ /de bzhin gshegs pa'i btang snyoms ni 'jig rten las 'das pa yin gyi 'jig rten pa'i rnam par lhung ba ma yin no/ /de bzhin gshegs pa'i btang snyoms ni 'phags pa'i nges par 'byung ba yin la 'phags pa ma yin pa nges par mi 'byung ba ma yin no/ /de bzhin gshegs pa'i btang snyoms ni tshangs pa'i 'khor lo bskor ba ste/ sems can la snying rje dang bral ba ni ma yin no/ /de bzhin gshegs pa'i btang snyoms ni rang gi ngang gis grub pa ste/ gnyen po'i rjes su song ba ni ma</font><hr>80.56a<br><font size=+1>

yin no/ /yang shA ri'i bu de bzhin gshegs pa'i btang snyoms de ni mtho ba yang ma yin/ dma' ba yang ma yin te/ mtho dma' med par gnas pa mi g.yo bar gyur pa/ gnyis dang bral ba/ rtog pa dang sel ba las shin du 'das pa dus la lta ba dus las ma yol ba/ mi g.yo ba/ rlom sems med pa/ ma brtags pa/ rnam par ma brtags pa/ ma bsgoms pa/ brtan du med pa/ yang dag pa/ de kho na/ de bzhin nyid/ ma nor ba de bzhin nyid/ gzhan ma yin pa de bzhin nyid de/ shA ri'i bu de bzhin gshegs pa ni de lta bu'i btang snyoms phun sum tshogs pas sems can thams cad btang snyoms yongs su rdzogs par bya ba'i phyir chos ston te/ shA ri'i bu 'di ni sangs rgyas kyi chos ma 'dres pa drug pa'o/ /gzhan yang shA ri'i bu de bzhin gshegs pa la 'dun pa nyams pa med do/ /de la 'dun pa gang zhe na/ 'di lta ste/ dge ba'i chos la 'dun pa'o/ /de yang gang zhe na/ de bzhin gshegs pa byams pa la 'dun pa nyams pa med do/ /snying rje chen po la 'dun pa nyams pa med do/ /chos ston pa la 'dun pa nyams pa med do/ /sems can 'dul ba la 'dun pa nyams pa med do/ /rab tu dben pa la 'dun pa nyams pa med do/ /byang chub sems dpar yang dag par 'dzud pa la 'dun pa nyams pa med do/ /dkon mchog gsum rgyun mi gcod pa la 'dun pa nyams pa med do/ /de bzhin gshegs pa ni 'dun pas 'gro ba ma yin gyi/ ye shes sngon du 'gro ba ste/ 'di ni de bzhin gshegs pa'i 'dun pa'o/ /sems can thams cad bla na med pa'i thams cad mkhyen par 'dun pa</font><hr>80.56b<br><font size=+1>

yongs su rdzogs par bya ba'i phyir chos ston te/ 'di ni sangs rgyas kyi chos ma 'dres pa bdun pa'o/ /gzhan yang shA ri'i bu de bzhin gshegs pa'i brtson 'grus nyams pa med do/ /de la de bzhin gshegs pa'i brtson 'grus ni 'di lta ste/ 'dul ba'i sems can yal bar mi 'dor ba'i brtson 'grus dang / chos nyan pa la brnyas pa med pa'i brtson 'grus so/ /gal te de bzhin gshegs pas chos kyi snod chos nyan pa gang bskal par nyan kyang skyo bar mi 'gyur ba de lta bu brnyes na/ de bzhin gshegs pa yang chos ston cing zhal zas dang bral ba'i rgyud kyis bskal par yang mi bzhengs so/ /de bzhin gshegs pa sems can la lta bas tha na gang na sangs rgyas kyis 'dul ba'i sems can gcig gi phyir yang sangs rgyas kyi zhing gang gA'i klung gi bye ma snyed 'da' zhing bzhud de/ de bzhin gshegs pa la lus ngal ba 'am/ ngag ngal ba 'am/ sems ngal ba med do/ /de bzhin gshegs pa ni lus dang sems shin du sbyangs pa'o/ /brtson 'grus brtsams pa'o/ /brtson 'grus kyi bsngags pa gsung ba ste/ brtson 'grus kyis yang dag par rab tu sbyong ba gang gis sems can 'phags pa'i rnam par grol ba thob par 'gyur ba'i brtson 'grus de sems can rnams la bsngags par mdzad de/ /shA ri'i bu 'di ni de bzhin gshegs pa'i sangs rgyas kyi chos ma 'dres pa brgyad pa'o/ /gzhan yang shA ri'i bu de bzhin gshegs pa ni thams cad kyi thams cad rnam pa thams cad kyi thams cad tu dran pa nyams pa med cing de bzhin gshegs pa'i dran pa ni</font><hr>80.57a<br><font size=+1>

bsnyel ba med do/ /de ci'i phyir zhe na/ gang de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas ma thag tu 'das pa dang / ma 'ongs pa dang / da ltar gyi sems can gyi sems kyi rgyud rnam par bltas kyang de la de bzhin gshegs pa la phyis shin du dran pa bsnyel ba med do/ /sems can gyi spyod pa ji lta ba bzhin du shes kyang de la de bzhin gshegs pa'i ye shes phyis btang bar bya ba med do/ /phung po gsum du rnam par gzhag pa dang / sems can gyi bsam par 'jug pa la sems can gyi spyod pa rnam par lta bas de bzhin gshegs pa'i dran pa la yongs su nyams pa med do/ /de bzhin gshegs pa'i dran pa ni dran par bya ba dang / bsam par bya ba dang / brtag par bya ba med kyang sems can rnams la chos ston pa 'bri bar mi 'gyur ro/ /de ci'i phyir ce na/ 'di ltar de'i dran pa la nyams pa med do/ /de ji ltar dran pas bdag dran zhing mi brjed pa de bzhin du sems can rnams la chos ston te/ 'di ni de bzhin gshegs pa'i sangs rgyas kyi chos ma 'dres pa dgu pa'o/ /gzhan yang shA ri'i bu de bzhin gshegs pa'i ting nge 'dzin nyams pa med do/ /gang de bzhin gshegs pa'i ting nge 'dzin de ni chos thams cad mnyam pa nyid de/ chos thams cad mi mnyam pa ma yin no/ /chos thams cad ni ji lta ba bzhin pa'o/ /ci'i phyir de bzhin gshegs pa ting nge 'dzin las mi nyams she na/ de bzhin nyid gang dang mnyam pa ting nge 'dzin kyang de dang mnyam mo/ /ting nge 'dzin gang dang mnyam pa de bzhin nyid kyang de dang mnyam ste/ /mnyam pa nyid de la</font><hr>80.57b<br><font size=+1>

zhugs pas de'i phyir mnyam pa zhes bya'o/ /'dod chags kyi mtha' gang dang mnyam pa 'dod chags med pa'i mtha' yang de dang mnyam mo/ /zhe sdang gi mtha' gang dang mnyam pa zhe sdang med pa'i mtha' yang de dang mnyam mo/ /gti mug gi mtha' gang dang mnyam pa gti mug med pa'i mtha' yang de dang mnyam mo/ /'dus byas kyi mtha' gang dang mnyam pa 'dus ma byas kyi mtha' yang de dang mnyam mo/ /'khor ba'i mtha' gang dang mnyam pa mya ngan las 'das pa'i mtha' yang de dang mnyam mo/ mnyam pa nyid de la snyoms par zhugs pas de'i phyir de bzhin gshegs pa'i ting nge 'dzin nyams pa med ces bya'o/ /de ci'i phyir zhe na/ mnyam pa nyid mi nyams/ /yongs su mi nyams so/ /de bzhin gshegs pa'i ting nge 'dzin de yang mig dang ldan pa ma yin/ rna ba dang / sna dang / lce dang / lus dang / yid dang ldan pa ma yin mod kyi/ de bzhin gshegs pa dbang po ma tshang ba yang ma yin no/ /ting nge 'dzin sa'i khams la mi gnas/ chu dang / me dang / rlung gi khams la mi gnas/ 'dod pa dang / gzugs dang / gzugs med pa'i khams la mi gnas 'jig rten pha rol la mi gnas te/ mi gnas pas na nyams pa med do/ /de'i phyir de bzhin gshegs pa'i ting nge 'dzin nyams pa med de/ sems can thams cad kyang de bzhin gshegs pa'i ting nge 'dzin rnyed par bya ba'i phyir chos ston to/ /shA ri'i bu 'di ni de bzhin gshegs pa'i sangs rgyas kyi chos ma 'dres pa bcu pa'o/ /gzhan yang shA ri'i bu de bzhin gshegs pa'i shes rab nyams pa med do/ /de bzhin gshegs pa'i shes rab gang</font><hr>80.58a<br><font size=+1>

zhe na/ gang chos thams rab tu shes pa ste/ gzhan gyi dring mi 'jog pa'i shes pa'o/ /sems can gzhan rnams dang / gang zag gzhan dag la chos go bar byed pa'i shes pa'o/ /so so yang dag par rig pa mi zad pa la mkhas pa'i shes pa'o/ /tshig thams cad rab tu dbye ba shes pa'o/ /tshig gcig la 'jug pas bskal pa brgya stong du mi chad par ston pa shes pa'o/ /ji ltar ci 'dra zhes dris pa ji lta ba bzhin du the tshom bcod pa'i shes pa'o/ /thams cad tu thogs pa med pa'i shes pa'o/ /theg pa gsum rnam par dgod pa bstan pa shes pa'o/ /sems can gyi sems kyi spyod pa brgyad khri bzhi stong yongs su shes pa'i shes pa'o/ /chos kyi phung po brgyad khri bzhi stong ci rigs par yang dag par rab tu ston pa shes pa'o/ /'di ni shes rab mi zad pa bstan pa'i phyir de bzhin gshegs pa'i shes rab mtha' yas mu med zad mi shes pa'o/ /gang gi phyir de bzhin gshegs pa'i shes rab nyams pa med pa de bzhin du sems can rnams kyi shes rab kyang mi zad par bya ba'i phyir chos ston te/ shA ri'i bu de ni de bzhin gshegs pa'i sangs rgyas kyi chos ma 'dres pa bcu gcig pa'o/ /gzhan yang shA ri'i bu de bzhin gshegs pa'i rnam par grol ba nyams pa med do/ /de bzhin gshegs pa'i rnam par grol ba gang zhe na/ nyan thos rnams kyi rnam par grol ba ni sgra'i rjes su 'gro ba'o/ /rang sangs rgyas rnams kyi rnam par grol ba ni rkyen khong du chud pa'o/ /sangs rgyas bcom ldan 'das rnams kyi rnam par grol ba ni chags pa dang / gnyis su 'dzin pa thams cad dang bral bas rnam par grol ba zhes bya ste/ sngon gyi mthar yang ma bcings/ phyi ma'i mthar yang mi 'pho/ da ltar byung ba la yang mi gnas te/ ming dang gzugs la gnyis</font><hr>80.58b<br><font size=+1>

su 'dzin pa las rnam par grol ba'o/ /de bzhin du rna ba dang / sgra dang / sna dang / dri dang / lce dang / ro dang / lus dang / reg bya la gnyis su 'dzin pa las rnam par grol ba ste/ mi 'dzin/ mngon par mi chags par gnas pa'i rnam par grol ba'o/ /sems rang bzhin gyis 'od gsal ba de bzhin du shes pas de de'i phyir sems kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par sangs rgyas shes bya'o/ /ji ltar mngon par rdzogs par sangs rgyas pa de ltar de bzhin gshegs pa sems can rnams la chos ston te/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu gnyis pa'o/ /gzhan yang shA ri'i bu de bzhin gshegs pa'i lus kyi las thams cad ye shes sngon du 'gro zhing ye shes kyi rjes su 'brang ngo / /lus kyi las de dang ldan pas de bzhin gshegs pas gzigs pas kyang sems can 'dul/ gsung bas kyang sems can 'dul cang mi gsungs bas kyang sems can 'dul/ bshos gsol bas kyang sems can 'dul/ spyod lam gyis kyang sems can 'dul/ mtshan gyis kyang sems can 'dul/ dpe byad bzang pos kyang sems can 'dul/ gtsug tor bltar mi snang ba dang / bltas pa tsam dang / 'od gtong ba dang / gom pa 'dor ba dang / 'jog pa dang / grong khyer du 'jug pa dang / 'byung bas kyang sems can 'dul te/ sangs rgyas bcom ldan 'das kyi spyod lam gang gis kyang sems can 'dul bar mi 'gyur ba med do/ /de'i phyir de bzhin gshegs pa'i lus kyi las thams cad ye shes sngon du 'gro zhing ye shes kyi rjes su 'brang ba zhes bya ste/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu gsum pa'o/ /gzhan yang shA ri'i bu de bzhin gshegs pa'i ngag</font><hr>80.59a<br><font size=+1>

gi las thams cad ye shes sngon du 'gro zhing ye shes kyi rjes su 'brang ngo / /de ci'i phyir zhe na/ sangs rgyas bcom ldan 'das ni 'bras bu yod pa'i chos ston pa'o/ /phyad par lung ston po'o/ /shin du nges pa'i tshig smra ba'o/ /de bzhin gshegs pa'i ngag de yang kun shes par byed pa/ rnam par shes par byed pa/ mi mtho ba/ mi dma' ba/ ma yo ba/ 'dar 'dar po ma yin pa/ gya gyu med pa/ mi brlang ba/ mi rtsub pa/ gzing gzing ba ma yin pa/ mnyen pa/ yid du 'ong ba/ ma 'chal pa/ lag log med pa/ mi 'tshe ba/ mi myur ba/ rab tu myur ba ma yin pa/ shin du rnam par phye ba/ shin du nges pa'i tshig /rab tu mnyen pa/ shin du snyan pa/ dbyangs/ snyan pa/ rab tu gsal ba/ bsgrags pa/ nges pa/ 'jam pa/ phan pa dang bcas pa/ dga' bar 'gyur ba/ mchod par 'gyur ba/ mdzes pa/ rdul med pa rdul dang bral ba/ tha ba med pa/ dri ma med pa/ ma rmongs pa/ gsal ba/ thogs pa med pa/ yang dag par sbyor ba/ 'od gsal ba/ drang ba/ 'jungs pa ma yin pa dum bu ma yin/ dig dig po ma yin pa/ bde ba skyed pa/ lus sim par byed pa/ sems tshim par byed pa/ 'dod chags zhi bar byed pa/ zhe sdang zhi bar byed pa/ gti mug sel ba/ bdud 'jom pa/ sdig pa sel ba/ rgol ba 'dul ba/ go bar byed pa/ rnga'i sgra/ mkhas pa/ dga' bar byed pa/ ka la ping ka'i sgra dbyangs dbang po'i sgra/ tshangs pa'i sgra/ rgya mtsho'i rlabs kyi sgra/ sprin gyi sgra/ sa'i sgra dbyangs/ khrung khrung gi sgra/ rma bya'i sgra skad/ khu byug gi sgra/ shang shang te'u yi sgra/ ngang pa'i sgra skad/ ri dgas kyi rgyal po'i sgra/ khong hu dang / pi bang dang / khar rnga dang / dung dang / sil snyan rab tu bsgrags pa'i sgra/ kun shes par 'gyur ba/ rnam par shes par 'gyur ba/ zur phyin pa/ yid tu 'ong ba/ mnyan par 'os pa/ </font><hr>80.59b<br><font size=+1>

zab pa/ lkugs shing dig pa ma yin pa/ bde ba/ dge ba'i rtsa ba skyed pa/ tshig dang yi ge ma nyams pa/ shin du nges par smra ba/ tshig 'bru dang / don gyi tshig dang ldan pa/ chos kyi tshig dang ldan pa/ dus dang ldan pa/ tshod dang ldan pa/ dus las mi 'da' ba/ dbang po mchog dang mchog ma yin pa shes pas bstan pa/ sbyin pas brgyan pa/ tshul khrims kyis sbyangs pa/ bzod pas bsgrubs pa/ brtson 'grus kyi 'bar bar byas pa/ bsam gtan gyis yid du 'ong bar byas pa/ shes rab kyis nges par brtags pa/ byams pas shin tu bsags pa/ snying rje myi skyo ba/ dga' bas 'od gsal ba/ btang snyoms kyis nges par brtags pa/ theg pa gsum rnam par 'jog pa/ dkon mchog gsum gyi rigs mi gcod pa/ phung po gsum 'jog pa/ rnam par thar pa gsum spyod pa bden pa yongs su bsgoms pa ye shes yongs su bsgoms pa/ mkhas pas ma smad pa/ 'phags pas bstod pa/ nam mkha' tshad med pa'i rjes su song ba/ rnam pa'i mchog thams cad dang ldan pa'o/ /shA ri'i bu de bzhin gshegs pa'i ngag ni de 'dra ste/ de lta bu de bzhin gshegs pa'i ngag gi las thams cad ye shes sngon du 'gro zhing ye shes kyi rjes su 'brang ba zhes bya ste/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu bzhi pa'o/ /gzhan yang shA ri'i bu de bzhin gshegs pa'i yid kyi las thams cad ye shes sngon du 'gro zhing ye shes kyi rjes su 'brang ba'o/ /de ci'i phyir zhe na/ de bzhin gshegs pa ni sems kyis brjod pa ma yin/ yid kyis ma yin/ rnam par shes pas ma yin gyi/ de bzhin gshegs pa ni ye shes kyis rab tu phye ba ste/ ye shes kyi bar du gyur pa'o/ /gang de bzhin gshegs pa'i ye shes de yang sems can thams cad kyi sems kyi rjes su song ba'o/ /sems can thams cad kyi rnam</font><hr>80.60a<br><font size=+1>

par shes pa las rab tu dben pa'o/ /chos thams cad la nges par sems pa'o/ /ting nge 'dzin thams cad la gzhan gyi dring mi 'jog pa'o/ /dmigs pa las shin du 'das pa'o/ /rkyen las skye ba dang bral ba'o/ /srid pa gsum gyi 'gro ba sel pa'o/ /nga rgyal gyi rnam pa thams cad las shin du 'das pa'o/ /bdud kyi las thams cad las nges par 'gro ba'o/ /sgyu dang g.yo thams cad dang bral ba'o/ /ngar 'dzin pa dang / nga yir 'dzin pa spangs pa'o/ /ma rig pa dang gti mug gi mun pa dang / ling tog med pa'o/ /lam gyi yan lag shin du bsgoms pa'o/ /nam mkha' dang mtshungs shing rnam par mi rtog pa'o/ /chos kyi dbyings dang dbyer med pa ste/ shA ri'i bu de lta bu ni de bzhin gshegs pa'i ye shes sngon du 'gro ba'i yid kyi las so/ /shA ri'i bu 'di ni de bzhin gshegs pa'i sangs rgyas kyi chos ma 'dres pa bcwa lnga pa'o/ /gzhan yang shA ri'i bu 'das pa'i dus la de bzhin gshegs pa'i ma chags ma thogs pa'i ye shes mthong ba 'jug go/ /ji ltar 'jug ce na/ 'di la shA ri'i bu 'das pa'i sangs rgyas kyi zhing byung ba dang / ma byung ba ji snyed pa de dag thams cad bgrang ba'i tshul gyis de bzhin gshegs pas yang dag par mkhyen to/ /sangs rgyas kyi zhing ji snyed pa de'i rtswa dang / shing gel ba dang / sman dang / nags tshal byung ba de dag thams cad rab tu mkhyen to/ /sangs rgyas kyi zhing ji snyed pa de'i sems can gyi tshogs sems can tu gtogs pa byung ba de dag thams cad rab tu mkhyen to/ /de dag na sems can sna tshogs byung ba ji snyed pa gzugs tha dad pa la sogs pa rgyas par bya ste/ sangs rgyas byung ba ji snyed pa dang / de bzhin gshegs pa re res chos bstan cing brjod pa yang gong ma bzhin du sbyar ro/ /sems can ji snyed cig nyan thos kyi theg pas btul ba dang / ji snyed cig rang sangs rgyas kyi theg pas btul ba yang gong ma bzhin du sbyar</font><hr>80.60b<br><font size=+1>

te/ sangs rgyas kyi zhing rnam par phye ba yang rab tu mkhyen to/ /dge slong gi dge 'dun rnam par phye ba dang / tshe'i tshad rnam par phye ba yang rab tu mkhyen to/ /chos gnas pa rnam par phye ba yang rab tu mkhyen to/ /dbugs phyi nang du rgyu ba yang rab tu mkhyen to/ /zas kyi mchog gi longs spyod kyang rab tu mkhyen to/ /sems can thams cad kyi 'das pa'i rnam pa dang / shi 'pho dang / skye ba yang de bzhin gshegs pas rab tu mkhyen to/ /dbang po tha dad pa dang / spyod pa tha dad pa dang / bsam pa tha dad pa'ang rab tu mkhyen to/ /sems kyi rgyud kyang rab tu mkhyen to/ /sems gang gi 'og tu sems gang 'byung ba de dag thams cad kyang bgrang ba'i tshul gyis mngon sum du ye shes dang / rjes su 'gro ba'i ye shes kyis rab tu mkhyen te/ de bzhin gshegs pa la 'das par gtong ba'i sems kyi rgyud kyang mi dmigs te/ de bzhin gshegs pa ni de lta bu'i ye shes dang ldan pas sems can gyi bsam pa la nyams pa med par chos ston te/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu drug pa'o/ /gzhan yang shA ri'i bu ma 'ongs pa'i dus la de bzhin gshegs pa'i ma chags ma thogs pa'i ye shes mthong ba 'jug go/ /ma 'ongs pa'i dus na de bzhin gshegs pa gang dag 'byung ba dang / 'gog pa dang / 'byung bar 'gyur ba dang / 'byung bar mi 'gyur ba de dag kyang rab tu mkhyen to/ /bskal pa mes tshig par 'gyur ba ji snyed pa dang / chus sdud par 'gyur ba ji snyed pa dang / rlung gis sdud par 'gyur ba ji snyed pa dang / sangs rgyas kyi zhing gnas par 'gyur ba ji snyed pa dang / sangs rgyas kyi zhing de nas sa'i khams ji snyed pa dang / rdul phra rab ji snyed pa dang / rtswa dang / shing gel ba dang / sman dang / nags tshal ji snyed 'byung bar 'gyur ba dang / skar ma'i gzugs ji snyed 'byung bar 'gyur ba dang / sangs rgyas kyi zhing rab 'byam re re na sangs rgyas bcom ldan 'das ji snyed</font><hr>80.61a<br><font size=+1>

'byung bar 'gyur ba dang / rang sangs rgyas ji snyed 'byung bar 'gyur ba dang nyan thos ji snyed 'byung bar 'gyur ba dang / byang chub sems dpa' ji snyed 'byung bar 'gyur ba dang / zas kyi longs spyod dang / dbugs phyi nang du rgyu ba dang / 'chag pa dang / 'dug pa dang / spyod lam ji snyed 'byung bar 'gyur ba dang / de bzhin gshegs pa rab 'byam re re las sems can ji snyed nyan thos kyi theg pa dang / rang sangs rgyas kyi theg pas rnam par thar par 'gyur ba dang / sems can ji snyed theg pa chen pos rnam par thar pa 'gyur ba de dag thams cad kyang de bzhin gshegs pas rab tu mkhyen to/ /sangs rgyas kyi zhing rab 'byam re re na sems can skye ba'i gnas ji snyed 'byung bar 'gyur ba dang / sems dang sems las byung ba skye ba dang / skye bar 'gyur ba ji snyed pa de dag thams cad kyang de bzhin gshegs pas rab tu mkhyen to/ /de ltar de bzhin gshegs pas rab tu mkhyen kyang de bzhin gshegs pa ma 'ongs pa'i sems kyi rgyud bskal par 'gyur ba ma yin te/ de bzhin gshegs pa'i ma 'ongs pa la gzigs pas sems can rnams la chos ston te/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu bdun pa'o/ /gzhan yang shA ri'i bu da ltar gyi dus la de bzhin gshegs pa'i ma chags ma thogs pa'i ye shes mthong ba 'jug go/ /ji ltar 'jug ce na/ 'di la shA ri'i bu de bzhin gshegs pa da ltar gyi phyogs bcu'i sangs rgyas kyi zhing thams cad bgrang ba'i tshul rnam pa gsum gyis rab tu mkhyen to/ /da ltar gyi chos thams cad kyang rab tu mkhyen to/ /da ltar gyi byang chub sems dpa' thams cad dang / de bzhin du da ltar gyi</font><hr>80.61b<br><font size=+1>

nyan thos dang / rang sangs rgyas rnams kyang rab tu mkhyen to/ /da ltar gyi skar ma'i gzugs thams cad kyang rab tu mkhyen to/ /da ltar gyi rtswa dang / shing gel ba dang / sman dang / nags tshal thams cad kyang rab tu mkhyen to/ /da ltar gyi phyogs bcu'i sa'i khams rdul phra rab kyi rdul gyi char brlags pa thams cad kyang bgrang ba'i tshul gyis rab tu mkhyen to/ /phyogs bcu'i chu'i khams skra'i rtse mos blangs pa'i thigs pa thams cad kyang bgrang ba'i tshul gyis rab tu mkhyen to/ /phyogs bcu'i me'i khams kyi 'od 'phro ba/ skyes pa dang / 'gags pa thams cad kyang bgrang ba'i tshul gyis rab tu mkhyen to/ /phyogs bcu'i rlung gi khams thams cad kyang gzugs kyi khams sgrub pa bgrang ba'i tshul gyis rab tu mkhyen to/ /phyogs bcu'i nam mkha'i khams thams cad skra'i rtse mo'i cha shas kyis bgrang ba'i tshul gyis rab tu mkhyen to/ /da ltar gyi sems can gyi khams rnam pa gsum yang rab tu mkhyen to/ /da ltar gyi sems can dmyal ba pa'i sems can gyi khams kyang rab tu mkhyen to/ /de'i skye ba'i rgyu yang rab tu mkhyen to/ /ldang ba'i rgyu yang rab tu mkhyen to/ /da ltar gyi dud 'gro'i skye gnas su song ba'i sems can gyi khams kyang rab tu mkhyen to/ /de'i skye ba'i rgyu yang rab tu mkhyen to/ /ldang ba'i rgyu yang rab tu mkhyen to/ /da ltar gyi gshin rje'i 'jig rten pa'i sems can gyi khams kyang rab tu mkhyen to/ /de'i skye ba'i rgyu yang rab tu mkhyen to/ /ldang ba'i rgyu yang rab tu mkhyen to/ /da ltar gyi mi'i sems can gyi khams kyang rab tu mkhyen to/ /de'i skye ba'i rgyu yang rab tu mkhyen to/ /da ltar gyi lha'i sems can gyi khams kyang rab tu mkhyen to/ /</font><hr>80.62a<br><font size=+1>

de'i skye ba'i rgyu yang rab tu mkhyen to/ /da ltar gyi sems can thams cad kyi sems kyi rgyud kyang rab tu mkhyen to/ /de dag gi nyon mongs pa dang bcas pa 'ang rab tu mkhyen to/ /nyon mongs pa dang bral ba yang rab tu mkhyen to/ /da ltar gyi sems can thams cad kyi 'dul ba'i dbang po yang rab tu mkhyen to/ /'dul ba ma yin pa'i dbang po yang rab tu mkhyen to/ /de ltar de bzhin gshegs pas rab tu mkhyen kyang / /de bzhin gshegs pa la gnyis kyi rjes su 'brang ba'i rnam par shes pa med de/ gnyis su med pa la bzhugs pa'i phyir/ sems can rnams la chos ston te/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcwa brgyad pa'o/ /shA ri'i bu sangs rgyas kyi chos ma 'dres pa bcwa brgyad po de dag dang ldan pas/ /de bzhin gshegs pa phyogs bcu'i 'jig rten gyi khams rab 'byam ma lus pa thams cad du 'khor gyi nang du gzi brjid dang / grags pa dang / dpal dang / ngo mtshar dang / rmad du byung ba'i chos nyid kyis 'khor rnams zil gyis mnan nas/ lam me/ lhan ne/ lhang nge'o/ /de ltar shA ri'i bu de bzhin gshegs pa'i sangs rgyas kyi chos ma 'dres pa bcwa brgyad mtha' yas mu med do/ /'di lta ste/ shA ri'i bu nam mkha' mtha' yas mu med pa de bzhin du/ de bzhin gshegs pa'i sangs rgyas kyi chos ma 'dres pa yang mtha' yas mu med do/ /gang de bzhin gshegs pa'i sangs rgyas kyi chos ma 'dres pa rnams kyi mtha' 'dod pa de ni nam mkha'i mtha' 'dod do/ /byang chub sems dpa'</font><hr>80.62b<br><font size=+1>

sems dpa' chen po de bzhin gshegs pa'i sangs rgyas kyi chos ma 'dres pa de dag thos nas mngon par dad/ yid ches/ rab tu rtog /som nyi med/ the tshom mi za/ rgya cher dga' mgu ste/ rangs pa rnyed cing nam mkha' lta bur bsam gyis mi khyab pa'i phyir ngo mtshar dang rmad tu 'du shes skyed do/ /de nas bcom ldan 'das bde bar gshegs pas don 'di bka' stsal nas/ ston pa yang 'di skad gsung ngo / /'dren pa la ni 'khrul pa yong med de/ /lus dang ngag rnams dang ni sems mi g.yo/ /de bzhin srog chags rnams la chos ston te/ /de ni rgyal ba rnams kyi ma 'dres chos/ /khengs par mi 'gyur 'dud par mi 'gyur te/ /khong khro rjes su chags las mngon par 'das/ /nyon mongs med la gnas shing nyon mongs grol/ /de ni rgyal ba rnams kyi ma 'dres chos/ /'dren pa la ni dran pa bsnyel ba med/ /rnam par spyod yul chos ni mngon par mkhyen/ /so so yang dag rig pa bsnyel med de/ /de ni rgyal ba rnams kyi ma 'dres chos/ /mnyam par bzhag pas bzhugs shing bshos kyang gsol/ /'chag dang mnal ba na yang mnyam par bzhag /g.yeng ba med cing sems can 'du shes med/ /de ni rgyal ba rnams kyi ma 'dres chos/ /rgyal ba dang ni zhing dang sems can la/ /tha dad 'du shes bde bar gshegs la med/ /bsam pa chen po mnyam pa nyid la gnas/ /de ni rgyal ba rnams kyi ma 'dres chos/ /de dag la ni ma brtags btang snyoms med/ /shin du nges pa'i lam ni rab bsgoms pas/ /de la rtog dang rnam par rtog med de/ /de ni rgyal ba rnams kyi ma 'dres chos/ /dge ba la ni 'dun pa nyams pa med/ /ston pa rtag tu snying rje rab sbyor zhing / /sems can rgya chen dpag tu med pa 'dul/ /</font><hr>80.63a<br><font size=+1>

de ni rgyal ba rnams kyi ma 'dres chos/ nam yang brtson 'grus la ni nyams pa med/ /'dul ba mtha' dang pha rol med mthong nas/ /lus dang ngag rnams dang ni yid kyis 'dul/ /de ni rgyal ba rnams kyi ma 'dres chos/ /byang chub snying por sangs rgyas byang chub par/ /de yis dran pa rnam par chud mi za/ /gang chos rtogs pa de ni rtogs bya min/ /de ni rgyal ba rnams kyi ma 'dres chos/ /rtog pa med cing rnam par rtog med par/ /rang byung ting nge 'dzin la mnyam gnas te/ /chos rnams kun la mi gnas bsam gtan byed/ /de ni rgyal ba rnams kyi ma 'dres chos/ /'dren pa'i shes rab kyis ni rab ston cing / /sems can kun gyi spyod pa rab mkhyen te/ /de dag la ni bsam bzhin chos kyang 'chad/ /de ni rgyal ba rnams kyis ma 'dres chos/ /nyan thos rnams kyi rnam grol sgra phyir 'gro/ /rang rgyal gyi ni rkyen gyi 'du shes te/ /sangs rgyas rnams kyi btang snyoms bsam mi khyab/ /chags las rab 'das dri med nam mkha' bzhin/ /sems kyi rgyud 'di rang bzhin rnam grol te/ /sems ni sngon nas bcings par gyur pa med/ /ji ltar rnam grol de ltar chos ston te/ /de ni rgyal ba rnams kyi ma 'dres chos/ /gshegs dang bzhugs dang grong khyer 'jug pa dang / /spyod lam dag ni mthong na mig kyang 'phrog /sangs rgyas rnams kyi dpe byad bzang po dang / /mtshan dang 'od rnams thams cad 'dul bar zhugs/ /sems can snying po nam zhig 'di gtod tshe/ srog chags bye ba mang por bder 'gyur te/ /'od kyis reg pa dag ni 'dul bar 'gyur/ /de ni rgyal ba rnams kyi ma 'dres chos/ /rang byung ba ni gsung gcig brjod pas na/ /sems can bsam pa bzhin du gsung thos te/ /brag cha lta bu de'i gsung yang thos/ /de ni rgyal ba rnams kyi ma 'dres chos/ /ye shes kyis ni 'dren pa'i las byas te/ /bde bar gshegs la sems las cung zad med/ /sems can bsam la ye shes rjes su zhugs/ /de ni rgyal ba</font><hr>80.63b<br><font size=+1>

rnams kyi ma 'dres chos/ /ting 'dzin bsam gtan dang ni rab ldan te/ /spros pa thams cad kyi yang rgyu ba med/ /nam mkha' lta bur mnyam pa nyid du gnas/ /de ni rgyal ba rnams kyi ma 'dres chos/ /'das pa'i dus la de yi ye shes zhugs/ /'gro ba sna tshogs rnam 'byed shes pa yi/ /chos rnams kun la sgrib pa med par 'jug /de ni rgyal ba rnams kyi ma 'dres chos/ /ma 'ongs dus na gang dag 'jig rten du/ /'byung bar 'gyur dang 'byung bar mi 'gyur dang / /sems can zhing dang rgyal ba bshad pa dang / /de dag thams cad sangs rgyas ma lus mkhyen/ /ma 'ongs de la rjes su rab lta zhing / /de bzhin sems can rnams kyi chos kyang mkhyen/ /de'i sems ni g.yeng bar mi 'gyur te/ /de ni rgyal ba rnams kyi ma 'dres chos/ /da ltar lam gang 'jug par 'gyur ba dag /thams cad rgyal bas chags med rab tu mkhyen/ /'dren pa'i spyod yul nam mkha' lta bu ste/ /de ni rgyal ba rnams kyi ma 'dres chos/ /de bzhin gshegs pa'i chos ni ma 'dres pa/ /bcwa brgyad gsungs pa bsam gyi mi khyab ste/ /de bzhin gshegs pa nam mkha' 'dra bar ni/ /dad mkhas byang chub sems dpa' dad par byed/ /shA ri'i bu 'di dag ni sangs rgyas kyi chos ma 'dres pa bcwa brgyad de/ sangs rgyas kyi chos ma 'dres pa de dag dang ldan pas de bzhin gshegs pa dgra bcom pa yang dag par rdzogs pa'i sangs rgyas 'khor gyi nang du gshegs na seng ge'i sgra yang dag par sgrog cing khyu mchog gi gnas su zhal gyis 'che ste/ dge sbyong ngam/ bram ze 'am/ lha 'am/ bdud dam/ sus kyang 'jig rten du chos dang 'thun par ma bskor ba'i tshangs pa'i 'khor lo rab tu bskor to/ /shA ri'i bu de ltar dad pa la gnas pa'i byang chub sems dpa' ni bsam gyis mi khyab pa 'di bcus de bzhin gshegs pa la mngon par dad/ yid ches/ rab tu rtog /som nyi mi byed/ the tshom mi za/ rgya cher dga' mgu ste/ rangs pa snyed cing / </font><hr>80.64a<br><font size=+1>

ngo mtshar dang / rmad tu 'du shes skyed do/ /de bzhin gshegs pa'i bsam gyis mi khyab pa'i le'u ste/ /bzhi pa'o// // bam po brgyad pa/ gzhan yang shA ri'i bu de ltar dad pa la rab tu gnas pa'i byang chub sems dpa' ni sangs rgyas bcom ldan 'das rnams kyi snod tu rig /byang chub sems dpa'i sde snod kyi chos kyi rnam grangs kyi snod tu rig /sangs rgyas kyi chos rnams kyi snod du rig nas/ /de'i drung du gshegs te byang chub sems dpa'i lam yang yang dag par rab tu ston to/ /de lta bas na shA ri'i bu rnam grangs 'dis kyang / de ltar dad pa la rab tu gnas pa'i byang chub sems dpa' ni sangs rgyas bcom ldan 'das rnams kyis snod tu rig /byang chub sems dpa'i sde snod kyi chos kyi rnam grangs kyi snod tu rig /sangs rgyas kyi chos rnams kyi snod tu rig gnas/ de'i drung du gshegs te/ byang chub kyi lam yang dag par rab tu ston pa de ltar rig par bya'o/ /shA ri'i bu sngon byung ba 'das pa'i dus na bskal pa grangs med pa bas kyang ches grangs med pa/ yangs pa tshad med pa/ bsam gyis mi khyab pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas phung po chen po zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ gang 'di lhar bcas pa'i 'jig rten dang / bdud tu bcas pa dang / tshangs par bcas pa dang / dge sbyong dang / bram ze bcas pa'i skye dgu dang / lha dang / mi dang / lha ma yin du bcas pa'i 'jig rten rang gi mngon par shes pa mngon sum du byas te bsgrubs nas gnas so/ /de chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ </font><hr>80.64b<br><font size=+1>

yongs su dag pa/ yongs su byang ba yang dag par ston to/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas phung po chen po'i nyan thos khrag khrig phrag bdun bcu rtsa gnyis kyi nyan thos kyi tshogs chen po byung ste/ thams cad kyang dgra bcom pa/ zag pa zad pa/ nyon mongs pa med pa/ sems thams cad kyi dam pa'i pha rol du son pa sha stag go/ /shA ri'i bu de'i dus na rgyal po tshe rnam par rgyal ba zhes bya ba chos can chos kyi rgyal po zhig byung ngo / /yang shA ri'i bu rgyal po tshe rnam par rgyal ba'i grong khyer rnam par rgyal ba'i rgyal mtshan zhes bya ba/ rgyal po'i gnas 'byor pa/ mod pa/ bde ba/ lo legs pa/ dga' ba/ 'gro ba mang ba dang / mis gang ba zhig yod de/ yang shA ri'i bu rgyal po tshe rnam par rgyal ba'i khye'u gzhon nu brtson 'grus spyod pa zhes bya ba sngon dge ba'i rtsa ba bskrun pa/ sngon gyi sangs rgyas la bya ba byas pa/ sngon gyi sangs rgyas bye ba khrag khrig brgya stong la bsnyen bkur byas pa/ /gzugs bzang ba/ mdzes pa/ blta na sdug pa/ mdog bzang zhing rgyas pa'i mchog dang ldan pa zhig byung ste/ yang shA ri'i bu de'i dus na gzhon nu brtson 'grus spyod btsun mo'i 'khor dang lhan cig tu bskyed mos tshal gyis sar byung bar gyur to/ /de nas de bzhin gshegs pa dgra bcom pa yang dag par rdzogs pa'i sangs rgyas phung po chen pos e ma'o gzhon nu 'di ni byang chub sems dpa'i sde snod kyi chos kyi rnam grangs kyi snod do/ /e ma'o gzhon nu brtson 'grus spyod 'di ni sangs rgyas kyi chos rnams kyi snod do zhes de ltar rig nas bskyed mos tshal gyi sa ga la ba dang / gzhon nu brtson 'grus spyod ga la ba der song ste phyin nas steng gi nam mkha' la bzhugs te/ gzhon nu brtson 'grus spyod la byang chub kyi lam yang dag par rab tu ston to/ /de la byang chub kyi lam gang zhe na/ 'di lta ste/ sems can thams cad la byams pa dang / pha rol</font><hr>80.65a<br><font size=+1>

du phyin pa rnams la brtson pa dang / bsdu ba'i dngos po rnams kyi rjes su 'jug pa ste/ de ni byang chub kyi lam zhes bya'o/ /de la sems can thams cad la byams pa gang zhe na/ 'di la gzhon nu byang chub sems dpa' ni sems can gyi khams ji tsam de tsam du byams pas khyab par byed do/ /sems can gyi khams ji tsam zhe na/ nam mkha'i khams ji tsam pa sems can gyi khams kyang de tsam mo/ /gzhon nu 'di lta ste/ dper na nam mkha'i khams 'dis khyab par ma gyur pa gang yang med do/ /gzhon nu de bzhin du byang chub sems dpa'i byams pa 'dis sems can gyi ris na gang khyab par ma gyur ba'i sems can de gang yang med do/ /'di lta ste gzhon nu sems can gyi khams dpag tu med pa de bzhin du gzhon nu byang chub sems dpa'i byams pa bsgom pa yang dpag tu med do/ /gzhon nu de ltar nam mkha' mtha' yas pas sems can mtha' yas sems can mtha' yas pas byams pa mtha' yas so/ /gzhon nu yang sems can gyi khams ni ches mang gi sa'i khams dang / chu'i khams dang / me'i khams dang / rlung gi khams ni de lta ma yin mod kyi/ 'on kyang gzhon nu sems can gyi khams tshad med pa ji tsam pa de'i don shes par bya ba'i phyir dpe bstan to/ /gzhon nu 'di lta ste/ dper na shar phyogs su 'jig rten gyi khams gang gA'i klung gi bye ma snyed dang / lho dang / nub dang / byang dang / de bzhin du phyogs mtshams dang / phyogs bcu kun du 'jig rten gyi khams gang gA'i klung gi bye ma snyed dang mnyam pa de dag thams cad chus yongs su gang ba'i rgya mtshor gyur pa'i rgya mtsho chen po gcig tu gyur pa la yongs su brtag pa bzung ste/ de la sems can gang gA'i klung gi bye ma snyed 'dus nas brgyar btsal ba'i skra'i rtse mos chu'i thigs pa gcig blangs gzhan yang sems can gang gA'i klung gi bye ma snyed 'dus nas brgyar btsal ba'i skra'i rtse mo chu'i thigs pa gnyis blangs/ gzhan yang sems can gang gA'i klung gi bye ma snyed 'dus nas/ brgyar btsal ba'i skra'i rtse mos chu'i thigs pa gsum blangs nas</font><hr>80.65b<br><font size=+1>

gzhon nu yongs su brtag pa bzung ste/ de lta bu'i thabs kyis chu'i phung po chen po de zad par gyur kyang sems can gyi khams ni tshad dang mtha' med de/ gzhon nu sems can gyi khams de ltar dpag tu med cing mtha' yas pa de thams cad la byang chub sems pa'i byams pas khyab par byed do/ /gzhon nu de ji snyam du sems/ gang de ltar dpag tu med pa byams pa sgom pa'i dge ba'i rtsa ba de'i tshad bzung bar nus sam/ gsol pa bcom ldan 'das de ni ma lags so/ /bde bar gshegs pa de ni ma lags so/ /gzhon nu de ltar byang chub sems dpa' sems dpa' chen po rnams kyi byams pa chen po sgom pa'i dge ba'i rtsa ba ni dpag tu med pa yin te/ gzhon nu de'i byams pa ni bdag srung ba yin/ gzhan la phan par gnas pa yin/ mchog tu gnod sems med pa khro ba dang / gnod sems kyi tha ba dang bral ba/ nyes pa 'jom pa rjes su chags pa'i kun nas ldang ba dang bral ba/ dad pa kun du ston pa 'khrul pa thams cad la nyes par lta ba/ yongs su gdung ba med pa/ lus dang / ngag dang / sems bde ba skyed pa/ gzhan gyi gnod par bya ba thams cad tu ma lhung ba/ 'jigs pa thams cad dang bral ba 'phags pa'i lam dang 'thun pa gshe ba dang / khros pa la dang ba skyed pa/ g.yul thams cad las sgrol ba/ dbyig pa dang mtshon cha mi thogs pa/ sems can rab tu thar par bya ba la dga' ba/ khong khro ba thams cad dang bral ba/ tshul 'chos pa dang / kha gsag dang / 'drid pa dang / gzhog pa thams cad dang bral ba/ rang gi rnyed pa dang / bkur sti dang / tshigs su bcad pas nye bar 'tsho ba/ brgya byin dang / tshangs pas phyag byas pa/ rang gi gzi brjid kyi brgyan pa/ mkhas pas bstod pa/ byis pa thams cad rjes su srung ba/ tshangs pa'i lam dang 'thun pa/ 'dod pa'i khams dang ma 'dres pa/ thar pa'i lam gyi gtso bor gyur pa/ theg pa thams cad kyis yang dag par bzung ba/ zang zing med pa'i bsod nams kyi tshogs bsags pa/ rdzas las byung ba'i bsod nams bya ba'i dngos po thams cad kyis zil gyis mi non pa/ mtshan sum bcu rtsa gnyis dang / </font><hr>80.66a<br><font size=+1>

dpe byad bzang pos yang dag par brgyan pa/ dbang po nyams shing ma tshang ba thams cad spangs pa/ bde 'gro dang / mya ngan las 'da' ba'i lam thams cad tu 'gro ba/ ngan song thams cad dang / mi khom pa brgyad las zlog pa/ chos kyi kun dga' la dga' zhing mos pa/ 'dod pa'i longs spyod thams cad dang / dbang po dang / rgyal srid la mngon par mi dga' ba dang / sems can thams cad la mnyam pa'i sems kyis/ sbyin pa rab tu sbyor ba/ tha dad pa'i 'du shes dang bral ba tshul khrims dang bslab pa thams cad kyi sgo dang lam/ tshul khrims 'chal pa thams cad kyi skyabs/ bzod pa'i stobs kun du ston pa/ nga rgyal dang / rgyags pa dang / dregs pa thams cad dang bral ba/ mi 'khrugs pa'i brtson 'grus rtsom pa/ yang dag par sbyor ba'i bya ba sgrol ba/ bsam gtan dang / rnam par thar pa dang / ting nge 'dzin dang / snyoms par 'jug pa'i rtsa ba/ nyon mongs pa las byung ba/ sems nges par rtog pa/ thos pa 'dzin pa/ shes rab kyi rgyu skyed pa'i byams pa/ bdag gi phyogs dang gzhan gyi phyogs 'jom pa/ bdud dang nyon mongs pa'i phyogs sel ba/ 'grogs na bde ba/ ldang ba dang / slong ba dang / 'dug pa dang / nyal ba'i spyod lam srung bar byed pa/ rgod pa'i yid la byed pa thams cad sel ba/ dri zhim po'i byug pa khrel yod pa dang / ngo tsha shes pas byugs pa/ mi khom pa dang / nyon mongs pa dang / ngan 'gro thams cad sel ba'i byams pa/ 'gro ba thams cad skyob pa'i byams pa chen po/ /bdag gi bde ba btang ba dang / sems can thams cad la bde ba rab tu sbyin pa ste/ gzhon nu nyan thos rnams kyi byams pa ni bdag skyob pa'o/ /byang chub sems dpa' rnams kyi byams pa ni sems can</font><hr>80.66b<br><font size=+1>

thams cad la skyob pa'o/ /yang gzhon nu byang chub sems dpa' sems dang po bskyed pa rnams kyi byams pa ni sems can la dmigs pa'o/ /byang chub sems dpa' spyod pa la zhugs pa rnams kyi byams pa ni chos la dmigs pa'o/ /byang chub sems dpa' bzod pa rab tu thob pa rnams kyi byams pa ni dmigs pa med pa'o/ /gzhon nu 'di ni byang chub sems dpa' sems dpa' chen po rnams kyi byams pa zhes bya ste/ byang chub sems dpa' byams pa de la rab tu gnas pas sems can thams cad la byams pas khyab par byed do/ /de la gzhon nu byang chub sems dpa'i snying rje chen po gang zhe na/ gzhon nu 'di la byang chub sems dpa' bla na med pa yang dag par rdzogs pa'i byang chub 'dod pa'i sngon du 'gro ba ni snying rje chen po'o/ /'di lta ste/ dper na gzhon nu skyes bu'i srog gi dbang po'i sngon du 'gro ba ni dbugs 'byung ba dang rngub pa'o/ /gzhon nu de bzhin du theg pa chen po yang dag par sgrub pa'i byang chub sems dpa'i sngon du 'gro ba ni snying rje chen po'o/ /'di lta ste/ dper na gzhon nu 'khor los sgyur ba'i rgyal po'i rin po che thams cad kyi sngon du 'gro ba ni 'khor lo rin po che yin no/ /gzhon nu de bzhin du byang chub sems dpa' sems dpa' chen po'i sangs rgyas kyi chos thams cad kyi sngon du 'gro ba ni snying rje chen po yin te/ snying rje chen po de yang sems can thams cad rjes su mi gtong ba'o/ /gzhon nu byang chub sems dpa'i snying rje chen po sems can thams cad la ji ltar 'jug ce na/ gzhon nu 'di ltar byang chub sems dpa' 'jig tshogs la lta bas bcings shing lta bar gyur ba rnam pa mang po chags pa'i sems can mthong na/ de dag gi 'jig tshogs la lta bas bcings pa spang ba'i phyir chos bstan to/ /zhes sems can rnams la</font><hr>80.67a<br><font size=+1>

byang chub sems dpa'i snying rje chen po 'jug go/ /gzhan yang gzhon nu byang chub sems dpas sems can yang dag pa ma yin pa phyin ci log gi gnas la gnas te/ mi rtag pa la rtag par 'du shes pa dang / sdug bsngal ba la bde bar 'du shes pa dang / bdag med pa la bdag tu 'du shes pa dang / mi sdug pa la sdug par 'du shes pa mthong na/ de dag gis yang dag pa ma yin pa'i phyin ci log spang ba'i phyir chos bstan to zhes sems can rnams la byang chub sems dpa'i snying rje chen po 'jug go/ /yan zhag byang chub sems dpa' phyin ci log gi 'dod pa la sred pa'i sems can de dag ma la yang g.yem pa dang / sring mo la yang g.yeng ba mthong na/ byang chub sems dpa' 'di snyam du sems te/ kye ma'o 'jig rten gnas pa 'di dag ni 'phags pa ma yin pa 'dus pa ste/ mu cor smra bas yongs su gang zhing ngo tsha mi shes pas yongs su gang ngo / /'di ltar ma'i rum mngal gyi mal na 'dug 'dug ste/ de nyid kyi mngal gyi sgo nas byung la de nyid dang yang lhan cig tu 'dod pa sten par byed pa lta ga la srid/ mngal gcig tu 'dug 'dug pa'i sring mo dang 'du zhing 'khrig pa byed pa lta ga la srid de/ kye ma'o sems can 'di dag ni brlag go/ /rnam par brlag go/ /rab tu brlag go/ /'dod chags kyis g.yen spyo'o/ /zhe sdang kyis g.yen spyo'o/ /gti mug gis g.yen spyo'o/ /mi shes pas g.yen spyo'o/ /chos las nyams shing chos ma yin pa la gnas so/ /mi mthun pa'i chos la rab tu spyod do/ /</font><hr>80.67b<br><font size=+1>

sems can dmyal ba'i spyod yul pa'o/ /dud 'gro'i skye gnas kyi spyod yul pa'o/ /gshin rje'i 'jig rten gyi spyod yul pa'o/ /log pa'i lam la spyod yul pa'o snyom mo/ /gzhon nu 'di lta ste dper na wa dur khrod kyi mthar g.yang sa chen po dang nye ba zhig na mtshan mo khyis gtses nas g.yang sa chen po nas lhung ba de bzhin du gzhon nu sems can 'di dag kyang wa dang 'dra'o/ /gzhon nu 'di lta ste/ dper na dmus long khyis gtses nas g.yang sa chen po dang nye bar gyur pa de bzhin du/ kye ma'o gzhon nu sems can 'di dag kyang dmus long dang 'dra'o/ /gzhon nu 'di lta ste/ dper na phag ni mi gtsang ba za zhing mi gtsang ba spyod yul pa ste/ gzhon nu kye ma'o de bzhin du sems can 'di dag kyang phag dang 'dra ste/ de nyid ma yin/ de nyid sring mo yin na/ de chung mar bya ba lta ga la srid snyam ste/ sems can nyon mongs pas g.yen spyo ba dang / bdud kyi phyogs kyi spyod yul ba dang / bdud kyi zhags pas bcings pa dang / 'dod pa'i 'dam du bying ba de dag gi 'dod pa thams cad spang ba'i phyir chos bstan to/ /zhes sems can rnams la byang chub sems dpa'i snying rje chen po 'jug go/ /gzhon nu gzhan yang byang chub sems dpas sgrib pa lngas sgribs pa'i sems can 'dod pa'i zug rngus zug pa mthong na/ skye mched drug la chags shing zhen pa/ mig gis gzugs mthong na/ mtshan mar 'dzin par 'gyur zhing mngon rtags su 'dzin pa dang / rna bas sgra/ snas dri/ lces ro/ lus kyis reg pa la reg na mtshan mar 'dzin cing mngon rtags su 'dzin par 'gyur te/ kye ma'o sems can 'di dag</font><hr>80.68a<br><font size=+1>

ni khong khro ba mang zhing phan tshun mi mdza' ste/ de dag don rnyed pa'i phyir ni mdza' bor yang mi shes/ gnod par 'gyur ba'i phyir ni gcig la gcig gsod do/ /kye ma'o sems can 'di dag ni gnyid dang rmugs pa mang ba ste/ zhen cing spong ba mi shes pa'i ling tog gi khebs shing mi dge ba'o/ /kye ma'o sems can 'di dag ni 'gyod pas kun nas bskor ba ste/ blo bur gyi nyon mongs pas sems kun nas nyon mongs pa'o/ /kye ma'o sems can 'di dag ni the tshom gyis yongs su dkris pa chos zab mo la nges par ma gyur pa ste/ de dag gi sgrib pa thams cad spang ba'i phyir chos bstan to zhes sems can rnams la byang chub sems dpa'i snying rje chen po 'jug go/ /gzhon nu gzhan yang byang chub sems dpa' sems can nga rgyal gyis non pa/ che ba'i nga rgyal gyis non pa/ nga rgyal las kyang nga rgyal gyis non pa/ nga'o snyam pa'i nga rgyal gyis non pa/ mngon pa'i nga rgyal gis non pa/ cung zad snyam pa'i nga rgyal gyis non pa/ log pa'i nga rgyal gyis non pa/ dma' ba bas bdag mtho bar sems pa/ mtshungs pa bas kyang bdag ches lhag par lta ba de dag gzugs la bdag ces khas len pa nas/ rnam par shes pa'i bar la bdag ces khas len pa/ khong du ma chud par khong du chud snyam du shes pa/ gus par smra bar 'os pa la gus par mi smra ba/ phyag bya bar 'os pa la phyag mi 'tshal pa/ rgan pa dang / gzhon pa la mi 'dud pa/ bla ma la rim gro mi byed pa/ mkhas pa la dge ba gang / mi dge ba gang / bsten par bya ba gang / bsten par mi bya ba gang / </font><hr>80.68b<br><font size=+1>

bya ba gang / mi bya ba gang / kha na ma tho ba dang bcas pa gang / kha na ma tho ba med pa gang / lam gang / ting nge 'dzin gang / rnam par grol ba gang zhes mi 'dri ba dang / bdag nyid la bdag ni gtso bo'o/ /bdag ni mchog go snyam du rlom sems su byed pa mthong na 'di ltar nga rgyal gyi rnam pa thams cad spang ba'i phyir chos bstan to zhes sems can rnams la byang chub sems dpa'i snying rje chen po 'jug go/ /gzhon nu gzhan yang byang chub sems dpas sred pa'i bcing pas bcings pa/ sred pas 'khol ba/ chung ma dang / bu pho dang / bu mos zin pa/ gnod pas zin pa/ don med pas zin pa/ 'khor ba'i gtan zin pa/ sems can dmyal ba dang / dud 'gro'i skye gnas dang / gshin rje'i 'jig rten gyi lam gyis zin pa/ srid pa'i bcing bas zin pa/ rang nyam med pa/ rang dbang med pa'i sems can mthong na/ de dag rang nyam dang / rang dbang dang / gang du dga' bar 'gro ba dang / mya ngan las 'da' bar 'gro bar bya ba'i phyir chos bstan to zhes sems can rnams la byang chub sems dpa'i snying rje chen po 'jug go/ /gzhon nu gzhan yang byang chub sems dpas dge ba'i bshes gnyen dang bral ba/ sdig pa'i grogs pos 'khol ba de dag sdig pa'i grogs pos non pas mi dge ba'i las la chags pa 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun smra ba dang / phra ma dang / ngag rtsub po dang / tshig kyal ba dang / brnab sems dang / gnod sems dang / log par lta ba'i sems can mthong na 'di ltar dge ba'i bshes gnyen bsdu ba dang / mi dge ba'i las las bzlog pa dang / dge ba bcu'i las kyi lam yang dag par bzung ste/ spyod par bya ba'i phyir chos bstan to zhes sems can rnams la</font><hr>80.69a<br><font size=+1>

byang chub sems dpa'i snying rje chen po 'jug go/ /gzhon nu gzhan yang byang chub sems dpas gti mug gis bsgribs pa/ ma rig pa'i mun pa mun nag gi ling tog gis kun tu bsgribs pa/ bdag dang / sems can dang / srog dang / skye ba po dang / shed las skyes pa dang / shed bu dang / skyes bu dang / gang zag dang / byed pa po dang / tshor ba po dang / ngar 'dzin pa/ nga yir 'dzin pa la mngon par chags pa'i sems can mthong na de dag 'phags pa'i shes rab kyi mig rnam par sbyangs zhing lta bar gyur pa thams cad spang ba'i phyir chos bstan to zhes sems can rnams la byang chub sems dpa'i snying rje chen po 'jug go/ /gzhon nu gzhan yang byang chub sems dpas 'khor ba la mngon par dga' ba'i sems can mthong na de dag phung po lnga'i gshed ma las rab tu thar par bya ba dang / 'khor ba'i 'brog dgon pa las rab tu bzla ba dang / khams gsum thams cad las gdon pa'i phyir chos bstan to zhes sems can rnams la byang chub sems dpa'i snying rje chen po 'jug go/ /gzhon nu gzhan yang byang chub sems dpas sems can 'khrugs par gyur pa/ rtswa mun dza dang / bal ba dza lta bu mi drang ba drang ba ltar 'chos pa/ 'jig rten 'di nas 'jig rten pha rol du/ 'jig rten pha rol nas 'jig rten 'dir kun du rgyug cing 'khor ba/ 'gro ba lngar 'gro ba la phyogs pa/ mya ngan las 'das par 'gro ba la phyir bltas pa mthong na de dag gi mya ngan las 'da' ba'i sgo dbye ba'i phyir chos bstan to zhes sems can rnams la</font><hr>80.69b<br><font size=+1>

byang chub sems dpa'i snying rje chen po 'jug go/ /gzhon nu de ltar byang chub sems dpas sems can gyi khams mthong na rnam pa bcu po 'di dag gis snying rje chen po 'jug go/ /bsam pa las byung ba'i phyir de'i snying rje chen po de yang g.yo ba med par 'jug go/ /lhag pa'i bsam pa las shin du byung ba'i phyir de'i snying rje chen po de yang mnyam par 'jug go/ /lam las byung ba'i phyir de'i snying rje chen po de yang drang po bcos ma ma yin par 'jug go/ /sems gya gyu med pa'i sems las shin du gnas pa las byung ba'i phyir de'i snying rje chen po de yang gya gyu med par 'jug go/ /'di lta ste/ sems can thams cad la 'dud pa dang / phyag 'tshal ba las shin du byung ba'i phyir de'i snying rje chen po de yang bdag gi bde ba gtong bar 'jug go/ /'di lta ste/ bdag gi sems yongs su dag pa las byung ba'i phyir de'i snying rje chen po de yang pha rol rjes su srung bar 'jug go/ /'di lta ste/ g.yo zhing 'gul ba'i sems dang bral ba rab tu gnas pa'i sems las byung ba'i phyir de'i snying rje chen po de yang shes rab brtan par 'jug go/ /'di lta ste/ pha rol la bde ba sbyin pa las rab tu byung ba'i phyir de'i snying rje chen po de yang bdag gi bde ba gtong bar 'jug go/ /brtson 'grus brtan pa las byung ba'i phyir de'i snying rje chen po de yang sems can thams cad kyi khur khyer bar 'jug go/ /gzhon nu</font><hr>80.70a<br><font size=+1>

'di ltar byang chub sems dpa'i snying rje chen po ni rnam pa 'di dag dang gzhan yang rnam pa bcus 'jug go/ /gzhon nu 'di ltar gang la la theg pa chen pos nges par 'byung bar 'gyur ba de dag thams cad kyang snying rje chen pos 'byung ste/ de'i phyir snying rje chen po zhes bya'o/ /sbyin pa byed pa dang / tshul khrims byed pa dang / bzod pa byed pa dang / brtson 'grus byed pa dang / bsam gtan byed pa dang / shes rab byed pa ni snying rje chen po zhes bya ste/ de'i phyir snying rje chen po zhes bya'o/ /dran pa nye bar gzhag pa byed pa dang / yang dag par spong bar byed pas snying rje chen po'o/ /dbang po dang / stobs dang / /byang chub kyi yan lag dang / lam dang / mchog tu dga' ba'i rtsa ba'i las dang / mthar gyis snyoms par 'jug pa dang / dge ba bcu'i las kyi lam dang / tshig de dag thams cad kyang rgyas par bya'o/ /snying rje chen po ni rang byung gi ye shes sgrub par byed pas na de'i phyir snying rje chen po zhes bya'o/ /rang gi bya ba dang / legs par byed pa'i bya ba dang / mi 'gyur ba'i bya ba dang / sems can thams cad la bya ba ci yod snyam pa ste/ de'i snying rje chen po de yang sems can rnams kyi bsam pa ji lta ba bzhin du yongs su rdzogs par byed pas 'di ni byang chub sems dpa' chen po'i snying rje chen po zhes bya ste/ byang chub sems dpa' sems dpa' chen po snying rje de dang ldan pas sems can 'di 'dra ba'i gnas</font><hr>80.70b<br><font size=+1>

thob pa mthong na de dag la snying brtse ba dang snying rje'i sems bskyed do/ /de la byang chub sems dpa'i dga' ba gang zhe na/ gang dge ba'i chos rnams dran pa dang / rjes su dran pa dang / dga' ba dang / dad pa dang / rab tu dga' ba dang / dge ba'i chos la mi zhum pa dang / mi 'god pa dang / yongs su mi skyo ba dang / mi dga' ba thams cad spong ba dang / chos thams cad la dga' bar gnas pa dang / sems rab tu dga' ba dang / lus rab tu sim pa dang / blo rab tu dga' ba dang / yid rab tu mgu ba dang / de bzhin gshegs pa'i sku la mngon par dga' zhing mos pa dang / mtshan dang / dpe byad bzang po'i rgyan kun du tshol ba la dga' ba dang / chos nyan pas yongs su mi skyo zhing dga' ba dang / chos kyi phyir 'brang ba'i nan tan la rab tu dga' ba dang / rab tu dga' ba'i chos la mgu ba dang / sems can rnams la khong khro ba med pa dang / byang chub la dga' ba dang / chos rgya chen po la mos pa dang / nyi tshe ba'i theg pa sel bar sems bskyed pa dang / ser sna tshar gcod pa dang / slong ba la dga' ba dang / gtong ba la rab tu dga' ba dang / tshul khrims 'chal ba dag sdud cing byams pa dang / tshul khrims dang ldan pa la rtag tu dad pa dang / bdag gi tshul khrims yongs su dag pas ngan 'gro dang / 'jigs pa thams cad las rab tu 'da' bar dbugs 'byin pa la rab tu dga' ba dang / pha rol ngan du zer ba dang / ngan par brjod pa'i tshig gi lam bzod cing rab tu dga' ba dang / </font><hr>80.71a<br><font size=+1>

lag pa dang / rkang pa dang / mig dang mgo bcad kyang bzod par nus te/ sems mi nyams shing rab tu dga' ba dang / rgan rabs la 'dud cing zhe sa byed pa la dga' ba dang / rtag tu bzhin 'dzum pa la dga' ba dang / khro gnyer med cing gsong por smra ba la dga' ba dang / tshul 'chos pa dang / kha gsag dang / gzhog slongs med pa la rab tu dga' ba dang / snying po dang ldan pa'i chos la 'jug par rab tu dga' ba dang / byang chub sems dpa' la ston pa bzhin du phangs pa dang / chos la bdag bzhin du phangs pa dang / de bzhin gshegs pa la srog bzhin du phangs pa dang bla ma la pha ma bzhi du phangs pa dang / sems can thams cad la bu bzhin du phangs pa dang / slob dpon la mig bzhin du phangs pa dang / nan tan la yan lag gi dam pa mgo bzhin du phangs pa dang / pha rol du phyin pa la lag pa dang / rkang pa bzhin du phangs pa dang / chos smra ba la rin po che thams cad bzhin du phangs pa dang / chos yongs su tshol ba la sman bzhin du phangs pa dang / skul zhing dran par byed pa la sman pa bzhin du phangs par sems pa'o/ gzhon nu 'di ni dga' ba zhes bya ste/ byang chub sems dpa' sems dpa' chen po dga' ba de la rab tu gnas nas rtag tu chos tshol ba la dga' bar 'gyur te/ byang chub sems dpa'i spyad pa spyod pa la mi skyo 'o/ de la byang chub sems dpa' rnams kyi btang snyoms gang zhe na/ btang snyoms rnam pa gsum ste/ rnam pa gsum gang zhe na/ 'di lta ste/ nyon mongs pa la btang snyoms pa dang / </font><hr>80.71b<br><font size=+1>

bdag dang gzhan rjes su bsrung ba'i btang snyoms pa dang / dus dang dus ma yin par btang snyoms pa'o/ /de la nyon mongs pa'i btang snyoms pa gang zhe na/ gang bkur sti byas kyang mthor mi sems pa dang / bkur sti ma byas kyang dma' bar mi sems pa dang / rnyed pas snyems pa med pa dang / ma rnyed pas yi mi 'chad pa dang / tshul khrims dang ldan pa dang / tshul khrims 'chal pa la blo mnyam pa dang / grags pa la dga' ba med pa dang / ma grags pa la zhum pa med pa dang / smad pa la yid mi gsod pa dang / bstod pa la chos nyid du shin tu gnas pa dang / sdug bsngal so sor rtog pa'i stobs dang / bde ba la mi rtag par rtog pa'i stobs dang / rjes su chags pa 'dor ba dang / khong khro ba spong ba dang / mdza' ba dang mi mdza' ba la sems mnyam pa dang / legs par byas pa dang / nyes par byas pa la gnyis su mi 'byed pa dang / sdug pa dang mi sdug pa la mi lta ba dang / bsnyen bkur byed pa dang / bsnyen bkur mi byed pa la dga' ba bya ba med pa dang / snyan par smra ba dang / mi snyan par smra ba la rjes su chags pa dang / khong khro ba med pa dang / kun myang ba'i nyes pa la mtshungs par yongs su 'jal ba dang / bdag dang sems can gzhan la bsam pa mnyam pa dang / lus dang srog la mi lta ba dang / sems can rab 'bring tha ma la 'od zer mnyam pa dang / bsngags pa dang ma bsngags pa la chos nyid mnyam pa dang / bden pa dang / mi bden pa la bdag gi bden</font><hr>80.72a<br><font size=+1>

pa yongs su dag pa ste/ gzhon nu 'di ltar gang bdag la gnod par byed pa de la byang chub sems dpa' btang snyoms pa yin no/ /de la bdag dang gzhan rjes su srung ba'i btang snyoms gang zhe na/ gang yan lag dang nying lag gi sha bcad kyang btang snyoms pa yin no/ /yan lag dang nying lag gi sha bcad kyang / 'dod pa med cing tshol ba med de btang snyoms pa yin no/ /lus kyang mi 'gyur/ ngag kyang mi 'gyur te/ gnyis ga bzod pas de'i phyir btang snyoms shes bya'o/ /mig gi rnam pas ma yin/ gzugs kyi rnam pas ma yin te/ gnyis gas kyang rma mi phyin pa nas/ yid kyi rnam pa dang / chos kyi rnam pa'i bar gyis rma mi phyin pas de'i phyir btang snyoms shes bya'o/ /rma mi phyin cing snang ba med pas de'i phyir btang snyoms shes bya'o/ /rma phyung ba la rma mi 'byin pas de'i 'byin pas de'i phyir btang snyoms shes bya'o/ /bdag dang pha rol gnyis ga las bzod pas de'i phyir btang snyoms shes bya'o/ /phan par byed pa dang / phan par mi byed pa la mnyam par sbyor bas de'i phyir btang snyoms shes bya'o/ /btang snyoms ni rtsod pa med pa lhur byed pa'o/ /btang snyoms ni rang gi sems nges par rtog pa'o/ /btang snyoms ni bdag la so sor rtog pa'o/ /btang snyoms ni gzhan la gnod pa med pa'o/ /byang chub sems dpa' rnams kyi btang snyoms ni mnyam par bzhag pa'i dngos po ste/ sangs rgyas bcom ldan 'das rnams ni</font><hr>80.72b<br><font size=+1>

byang chub sems dpa' sems dpa' chen po la btang snyoms pa gnang bar mi mdzad do/ /de ci'i phyir zhe na/ byang chub sems dpas rtag tu 'bad par bya'o/ /rtag par rgyun mi 'chad par dge ba yongs su btsal ba la brtson par bya ste/ dus dus su btang snyoms bsgom par bya'o/ /de la dus dus su btang snyoms bsgom pa gang zhe na/ 'di lta ste/ snod ma yin pa'i sems can la btang snyoms pa dang / bsnyen bkur mi byed pa la btang snyoms pa dang / ma rnyed pa dang / smad pa dang / ma grags pa dang / sdug bsngal ba la btang snyoms pa dang / nyan thos kyi theg par nges par 'gyur ba la zhugs pa rnams la btang snyoms dang / sbyin pa'i dus na tshul khrims nye bar btang snyoms pa dang / tshul khrims kyi dus na sbyin pa nye bar sgrub pa btang snyoms pa dang / bzod pa'i dus na sbyin pa dang / tshul khrims dang / brtson 'grus nye bar sgrub pa btang snyoms pa dang / brtson 'grus kyi dus na tshul khrims kyi rjes su 'jug pa btang snyoms pa dang / bsam gtan gyi dus na sbyin pa'i pha rol tu phyin pa nye bar sgrub pa btang snyoms pa dang / shes rab kyi dus na pha rol tu phyin pa lnga la dmigs pa nye bar sgrub pa btang snyoms pa ste/ 'di ni dus dus su btang snyoms pa zhes bya'o/ /de ltar gang mi bya ba'i chos mi byed pa 'di ni btang snyoms shes bya ste/ de la gnas pa'i byang chub sems dpa' ni mi dge ba'i phyogs thams cad la btang snyoms su byed do/ /gzhon nu 'di ni byang chub sems dpa' sems dpa' chen po'i sems can</font><hr>80.73a<br><font size=+1>

thams cad la byams pa dang / snying rje dang / dga' ba dang / btang snyoms shes bya'o/ /de ltar shA ri'i bu bcom ldan 'das de bzhin gshegs pa phung po chen po des bzhon nu brtson 'grus spyod la byams pa dang / snying rje dang / dga' ba dang / /btang snyoms mdor bstan pa dang bcas/ /rgyas par bstan pa dang bcas te/ rgya tshar yang dag par bstan to/ /gzhon nu brtson 'grus spyod des de thos nas pha rol du phyin pa la brtson 'grus brtsams par gyur to/ /byams pa dang / snying rje dang / dga' ba dang / btang snyoms kyi le'u ste/ lnga pa'o// // de la shA ri'i bu pha rol tu phyin pa rnams la brtson pa gang zhe na/ /shA ri'i bu pha rol tu phyin pa drug po 'di dag nyid yin te/ /gang pha rol du phyin pa drug po 'di dag la brtson pa'i byang chub sems dpa' ni byang chub sems dpa'i spyad pa spyod do/ /drug gang zhe na/ /'di lta ste/ /sbyin pa'i pha rol du phyin pa dang / /tshul khrims kyi pha rol du phyin pa dang / /bzod pa'i pha rol du phyin pa dang / /brtson 'grus kyi pha rol du phyin pa dang / /bsam gtan gyi pha rol du phyin pa dang / /shes rab kyi pha rol du phyin pa ste/ /de dag ni pha rol du phyin pa drug rnams so/ /de la sbyin pa'i pha rol du phyin pa gang zhe na/ shA ri'i bu 'di la byang chub sems dpa' ni dge sbyong dang / /bram ze dang / phongs pa rnams kyi sbyin bdag yin te/ 'di lta ste/ /zas kyis phongs pa la zas/ /skom gyis phongs pa la skom</font><hr>80.73b<br><font size=+1>

bzhon pa dang / /gos dang / /spos dang / phreng ba dang / /byug pa dang / /gnas dang / /yo byad dang / /na ba'i gsos sman dang / /mar me dang / /sil snyan dang / bran pho dang / /bran mo dang / gser dang / nor bu dang / /mu tig dang / /bai dUr+ya dang / /dung dang / /man shel dang / byi ru dang / /rin po che thams cad dang / /rta dang / glang po che dang / /shing rta dang / /bskyed mos tshal dang / /dka' thub kyi nags tshal dang / bu dang / bu mo dang / /chung ma dang / /nor dang / /'bru dang / mdzod dang / /bang ba dang / /gling bzhi'i rgyal po'i longs spyod kyi bde ba thams cad dang / /rtse ba dang / /dga' ba thams cad dang / /lag pa dang / /rkang pa dang / rna ba dang / sna dang / mig dang / mgo dang / /sha dang / khrag dang / /rkang dang / /rus pa dang / /'jig rten gyi yo byad gang yang slong ba la yongs su mi gtong ba med do/ /sbyin pa de rnam pa bcus yongs su dag par sbyin par byed de/ /bcu gang zhe na/ /byang chub sems dpa' rnams la mi mthun pa'i longs spyod yongs su tshol zhing sbyin pa med/ /byang chub sems dpa' rnams la sems can la gnod pa'i sbyin pa med/ /byang chub sems dpa' rnams la 'jigs shing skrag nas sbyin pa med/ /byang chub sems dpa' rnams la yongs su ma btang ba la 'gron du gnyer ba'i sbyin pa med/ /byang chub sems dpa' rnams la gdong du lta zhing sbyin pa med/ /byang chub sems dpa' rnams la sems can</font><hr>80.74a<br><font size=+1>

la tha dad par sbyin pa med/ /byang chub sems dpa' rnams la mdza' bas sbyin pa med/ /byang chub sems dpa' rnams la sdang bas sbyin pa med/ byang chub sems dpa' rnams la zhing tshol zhing sbyin pa med/ byang chub sems dpa' rnams la sems can thams cad la sbyin gnas ma yin zhes brnyas shing sbyin pa med de/ /shA ri'i bu byang chub sems dpa' sbyin pa de rnam pa de bcus yongs su dag par sbyin par byed do/ /gzhan yang shA ri'i bu byang chub sems dpa' sbyin pa de gzhan rnam pa bcus yongs su dag par sbyin pa byed de/ bcu gang zhe na/ /byang chub sems dpa' rnams la las kyi rnam par smin pa 'dod cing sbyin pa med/ byang chub sems dpa' rnams la bsam pa log par sbyin pa med/ byang chub sems dpa' rnams la yongs su skyo ba'i sbyin pa med/ byang chub sems dpa' rnams la nye bar bstan nas sbyin pa med/ byang chub sems dpa' rnams la rjes su mi dga' ba'i sbyin pa med/ byang chub sems dpa' rnams la 'gyod pa'i sbyin pa med/ byang chub sems dpa' rnams la tshul khrims dang ldan pa la bkur sti sbyin pa med/ tshul khrims 'chal ba la brnyas te sbyin pa med/ byang chub sems dpa' rnams la rnam par smin pa re ba'i sbyin pa med de/ shA ri'i bu byang chub sems dpa' sbyin pa de bcus yongs su dag par sbyin par byed do/ /gzhan yang shA ri'i bu byang chub sems dpa' sbyin pa de gzhan rnam pa bcus</font><hr>80.74b<br><font size=+1>

yongs su dag par sbyin pa byed de/ bcu gang zhe na/ byang chub sems dpa' rnams la smad nas sbyin pa med/ /byang chub sems dpa' rnams la gzhan du phyogs nas sbyin pa med/ byang chub sems dpa' rnams la nyon mongs shing sbyin pa med/ khro ba dang / phrag dog dang / gnod sems ston cing sbyin pa med/ ri mor mi byed par sbyin pa med/ rang gi lag nas ma yin pa med/ ci tsam dpags pa las dbri zhing sbyin pa med/ /byang chub sems dpa' rnams la skye ba 'dod cing sbyin pa med de/ shA ri'i bu byang chub sems dpa' sbyin pa de rnam pa de bcus yongs su dag par sbyin par byed do/ /gzhan yang shA ri'i bu byang chub sems dpa' sbyin pa de gzhan rnam pa bcus yongs su dag par byed de/ bcu gang zhe na/ /byang chub sems dpa' rnams la mi brtan par sbyin pa med/ byang chub sems dpa' rnams la tshod 'dzin cing sbyin pa med/ yongs su chad par sbyin pa med/ gzhan gyi dring 'jog ste sbyin pa med/ nyung zhes cung zad tsam sbyin pa med/ gzugs dang / longs spyod dang / dbang phyug la mngon par dga' ba'i sbyin pa med/ byang chub sems dpa' rnams la brgya byin dang / tshangs pa dang / 'jig rten skyong ba dang / lhar skye ba thams cad 'dod pa'i sbyin pa med/ byang chub sems dpa' rnams la nyan thos dang / rang sangs rgyas kyi sar bsngo zhing sbyin pa med/ byang chub sems dpa' rnams la mkhas pas smad pa'i sbyin pa med/ byang chub sems dpa' rnams la thams cad mkhyen par ma sngos</font><hr>80.75a<br><font size=+1>

pa'i sbyin pa med de/ shA ri'i bu byang chub sems dpa' sbyin pa de rnam pa de bcus yongs su dag par sbyin pa byed do/ /gzhan yang shA ri'i bu byang chub sems dpa' sbyin pa de gzhan rnam pa bcus yongs su dag par sbyin par byed de/ bcu gang zhe na/ ji tsam 'dus byas las nges par 'byung ba dang / 'dus ma byas thob par bya ba'i phyir de ltar sbyin pa byin na/ shA ri'i bu byang chub sems dpa'i sbyin pa'i phan yon bcu 'thob par 'gyur ro/ /bcu gang zhe na/ bza' ba byin pas tshe dang / spobs pa dang / bde ba dang / stobs dang / kha dog phun sum tshogs pa rab tu 'thob bo/ /btung ba byin pas nyon mongs pa dang / sred pa thams cad bsal ba phun sum tshogs pa rab tu 'thob bo/ /gzhon pa byin pas bde ba thams cad kyi dngos po phun sum tshogs pa rab tu 'thob bo/ /bgo ba byin pas khrel yod pa dang / ngo tsha shes pa dang / gser ltar kha dog yongs su dag pa phun sum tshogs pa rab tu 'thob bo/ /spos dang phreng ba byin pas tshul khrims dang / thos pa dang / ting nge 'dzin gyi dri dang / byug pa phun sum tshogs pa rab tu 'thob bo/ /dri rab tu zhim pa'i spos dang / phye ma dang / byug pa byin pas lus kyi nan tan gyi dri zhim po phun sum tshogs pa rab tu 'thob bo/ /ro byin pas ro bro ba'i nang na mchog gi ro bro ba'i skyes bu chen po'i mtshan phun sum tshogs pa rab tu 'thob bo/ /gnas byin pas sems can thams cad kyi gnas dang / rten dang / </font><hr>80.75b<br><font size=+1>

gling dang / skyabs dang / dpung gnyen phun sum tshogs pa rab tu 'thob bo/ /nad pa la sman byin pas mi rga mi 'chi shi ba med pa'i bde ba yongs su rdzogs pa phun sum tshogs pa rab tu 'thob bo/ /yo byad sna tshogs byin pas byang chub kyi phyogs kyi chos kyi yo byad yongs su rdzogs pa rab tu 'thob bo/ /shA ri'i bu byang chub sems dpa' byang chub 'dod pa'i de ltar sbyin pa byin na sbyin pa'i phan yon bcu po de dag yongs su bzung bar 'gyur ro/ /gzhan yang shA ri'i bu byang chub sems dpa' phan yon gzhan bcu rab tu 'thob bo/ /bcu gang zhe na/ 'di lta ste/ mar me byin pas de bzhin gshegs pa'i spyan lnga yongs su dag pa phun tshogs pa rab tu 'thob bo/ /sil snyan byin pas lha'i rna ba yongs su dag pa phun sum tshogs pa rab tu 'thob bo/ /gser dang / nor bu dang / mu tig dang / bai dUr+ya dang / dung dang / man shel dang / byi ru dang / rin po che thams cad byin pas skyes bu chen po'i mtshan sum bcu rtsa gnyis yongs su rdzogs pa phun sum tshogs pa rab tu 'thob bo/ /rin po che tha dad pa sna tshogs dang / me tog sna tshogs byin pas dpe byad bzang po brgyad bcu yongs su rdzogs pa phun sum tshogs pa rab tu 'thob bo/ /rta dang / glang po che dang / shing rta byin pas rgyas pa dang / yangs pa dang / che ba phun sum tshogs pa rab tu 'thob bo/ /bskyed mos tshal dang / dka' thub kyi nags tshal byin pas bsam gtan dang / rnam par thar pa dang / ting nge 'dzin dang / snyoms</font><hr>80.76a<br><font size=+1>

par 'jug pa yongs su rdzogs pa phun sum tshogs pa rab tu 'thob bo/ /nor dang / 'bru dang / mdzod dang / bang ba byin pas chos rin po che thams cad kyi mdzod yongs su rdzogs pa phun sum tshogs pa rab tu 'thob bo/ /bran pho dang / bran mo dang / las byed pa'i mi byin pas rang nyam dang / rang dbang dang / /rang byung gi ye shes yongs su rdzogs pa phun sum tshogs pa rab tu 'thob bo/ /bu pho dang / bu mo byin pa sa mdza' ba dang / sdug pa dang / 'dod pa'i bla na med pa yang dag par rdzogs pa'i byang chub yongs su rdzogs pa phun sum tshogs pa rab tu 'thob bo/ /gling bzhi'i rgyal po'i longs spyod thams cad byin pas byang chub sems dpa' rnam pa'i mchog thams cad dang ldan pa'i thams cad mkhyen pa'i ye shes phun sum tshogs pa rab tu 'thob bo/ /shA ri'i bu phan yon bcu po de dag yongs su bzung bar 'gyur ro/ shA ri'i bu byang chub sems dpa' byang chub 'dod pas de ltar sbyin pa byin na phan yon gzhan yang bcu 'thob bo/ /bcu gang zhe na/ 'dod pa'i yon tan lnga byin pas tshul khrims dang / ting nge 'dzin dang / shes rab dang / rnam par grol ba dang rnam par grol ba'i ye shes mthong ba'i phung po yongs su dag pa phun sum tshogs pa rab tu 'thob bo/ /dga' ba'i rtsad mo thams cad yongs su gtong ba'i sbyin pas dam pa'i chos kyi dga' ba dang / rtse ba yongs su dag pa phun sum tshogs pa rab tu 'thob bo/ /rkang pa byin pas chos kyi don gyi rkang pa byang chub kyi snying por 'gro ba yongs su rdzogs pa phun sum tshogs pa rab tu 'thob bo/ /lag pa byin pas sems can thams cad la chos kyi lag par rab tu sbyin pa yongs su rdzogs pa phun sum tshogs pa rab tu 'thob bo/ /rna ba dang / sna byin pas dbang po ma tshang ba med cing yongs su rdzogs pa phun sum tshogs pa rab tu 'thob bo/ /yan lag dang nying</font><hr>80.76b<br><font size=+1>

lag byin pas kha na ma tho ba med cing mdzes pa'i yan lag sangs rgyas kyi sku yongs su rdzogs pa phun sum tshogs pa rab tu 'thob bo/ /mig byin pas sems can thams cad la chos kyi mig mi sgrib pa yongs su dag pa phun sum tshogs pa rab tu 'thob bo/ /sha dang khrag byin pas sems can thams cad kyi lus dang srog snying po med pa las snying po len pas nye bar 'tsho ba la mkhas pa phun sum tshogs par rab tu 'thob bo/ /rkang byin pas rdo rje ltar mi shigs pa'i lus 'thob pa phun sum tshogs pa rab tu 'thob bo/ /yan lag gi dam pa mgo byin pas byang chub sems dpa' sems dpa' chen po 'jig rten gsum gyi mchog bla na med cing ltag na med pa'i thams cad mkhyen pa'i ye shes khong du chud pa yongs su rdzogs pa phun sum tshogs pa rab tu 'thob ste/ shA ri'i bu byang chub sems dpa' byang chub 'dod pas de ltar sbyin pa byin na 'di lta bu'i sangs rgyas kyi chos yongs su rdzogs pa'i phan yon de dag yongs su bzung bar 'gyur ro/ /shA ri'i bu byang chub sems dpa' mkhas pa zab pa shes rab kyi snang ba ni 'jig rten gyi zang zing gis bla na med pa yang dag par rdzogs pa'i byang chub 'dod/ bdud rtsi 'dod/ snying po 'dod/ byang chub 'dod de/ yang shA ri'i bu mya ngan las 'das pa 'dod pa ni bla na med pa yang dag par rdzogs pa'i byang chub la gnas te/ 'jig rten gyi zang zing sbyin pa na 'jig rten gyi bde ba thams cad yongs su mi gtong ba gang yang med do/ /'di lta ste/ shA ri'i bu khyim bdag chun pa zhing skam sa la gnas nas ba lang dang / gnam sdong ma yin pa'i zhing gi rmo brko rdzogs par byas te/ sa bon btab nas rnam grangs 'dis gshol gyis 'tsho bas gser dang / dngul yang 'grub bo/ /dngos po sna tshogs gzhan yang</font><hr>80.77a<br><font size=+1>

'grub bo/ /de ci'i phyir zhe na/ shA ri'i bu 'bru dang mtshungs pa'i nor med do/ /shA ri'i bu de bzhin du byang chub sems dpa' 'di ltar 'jig rten gyi zang zing la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i dus dang tshod yod do/ /'di lta ste/ shA ri'i bu bas rtswa skam po dang / gsher ba zos pa dang / chu grang mo dang / dron mo 'thungs pa de las 'o ma 'grub ste/ zho dang / mar sar pa dang / mar gyi snying po yang 'grub bo/ /shA ri'i bu de bzhin du byang chub sems dpa' sems dpa' chen po bla na med pa yang dag par rdzogs pa'i byang chub la gnas te/ 'jig rten gyi zang zing sbyin pa na/ de mi 'dod kyang 'khor los sgyur ba'i rgyal po yang yongs su 'grub bo/ /brgya byin dang / tshangs pa yang 'grub bo/ /gnas de gsum yongs su grub nas byang chub sems dpa'i sa bcu yongs su 'grub bo/ /de bzhin gshegs pa'i stobs bcu dang / mi 'jigs pa bzhi yang yongs su 'grub bo/ /las stong gis grub pa'i sangs rgyas kyi chos ma 'dres pa bcwa brgyad rnams kyang yongs su 'grub bo/ /las stong gis 'grub pa'i rnam pa drug bcu dang ldan pa'i dbyangs phun sum tshogs pa yang yongs su 'grub bo/ /las brgyas 'grub pa'i skyes bu chen po'am mtshan gcig yongs su 'grub bo/ /las nyis brgyas 'grub pa'i gtsug tor spyi bor 'grub bo/ /rnam</font><hr>80.77b<br><font size=+1>

pa dang yon tan brgyas yongs su rdzogs pa'i de bzhin gshegs pa'i chos kyi dung chen po yang 'grub bo/ /rnam pa bye ba dang / yon tan brgya phrag stong dang ldan pa'i tshegs kyi phreng ba thags bzang ba/ phrag med pa snyoms shing dkar ba yang yongs su 'grub ste/ da ltar shA ri'i bu de bzhin gshegs pa rnams de bzhin gshegs pa'i las gyi 'bras bu rnam par smin pas mngon par 'grub bo/ /yang shA ri'i bu gang byams pa'i sems skyed ni slong ba la sbyin pa byin pa de ni gang gA'i klung gi bye ma snyed tu sems bskyed pas sangs rgyas kyi ting nge 'dzin rgyun mi 'chad pa gcig 'grub ste/ ting nge 'dzin la gnas nas de bzhin gshegs pa dgra bcom pa yang dag par rdzogs pa'i sangs rgyas ba spu'i bu ga re re nas ting nge 'dzin brgya gang gA'i rgyun ltar mngon par sprul pa mdzad de/ /shA ri'i bu de bzhin gshegs pa ni rdzu 'phrul gyi bya ba thams cad la dbang thob pa'o/ /shA ri'i bu gang 'di lta bu'i sangs rgyas kyi chos de dag ni de bzhin gshegs pa sngon byang chub sems dpa'i spyad pa spyod pa na 'jig rten gyi zang zing gi sbyin pas yongs su bzung ba yin no/ /shA ri'i bu byang chub sems dpa' mi 'chi ba 'dod pa dang / byang chub 'dod pa dang / /mya ngan las 'das pa 'dod pa ni 'jig rten gyi zang zing sbyin par byed do/ /shA ri'i bu rnam grangs des na khyod kyis byang chub sems dpa' 'jig rten gyi zang zing la gnas nas bla na med</font><hr>80.78a<br><font size=+1>

pa yang dag par rdzogs pa'i byang chub mngon par rdzogs par 'tshang rgya bar rig par gyis shig /shA ri'i bu sngon byung ba 'das pa'i dus kyi bskal pa grangs med pa shin du grangs med pa/ tshad med pa/ bsam gyis mi khyab pa gang byung ba de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas chos mos zhes bya ba/ rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ngo / /yang shA ri'i bu bcom ldan 'das de bzhin gshegs pa chos mos kyi tshe'i tshad ni lo stong phrag bcur gyur to/ /yang shA ri'i bu de bzhin gshegs pa chos mos de'i dge slong stong phrag brgya ni dgra bcom pa/ nyon mongs pa med pa/ dbang dang ldan par gyur pa nas/ sems kyi dbang thams cad kyi dam pa'i pha rol du son pa'i bar du ste/ dgra bcom pa sha stag gi 'dus pa chen po byung ngo / /shA ri'i bu de'i tshe tha ga pa zhes bya ba thags 'thag pa/ gzugs bzang ba/ mdzes pa/ blta na sdug pa/ mdog bzang zhing rgyas pa'i mchog dang ldan pa zhig byung ste/ de de bzhin gshegs pa chos mos gang na bzhugs pa'i sa phyogs de nas ha cang yang mi ring ba'i sa phyogs zhig na rang gi las byed do/ /de nyin par las byas nas nub kar khyim du 'gro ba'i tshe rtag tu dus thams cad tu bcom ldan 'das de bzhin gshegs pa chos mos</font><hr>80.78b<br><font size=+1>

de'i drung du 'ongs nas ras kyi kha tshar gcig 'bul cing 'di skad ces gsol to/ /bcom ldan 'das bsdu ba'i gnas kyis bdag bcom ldan 'das la ras kyi kha tshar phul ba'i dge ba'i rtsa ba des bdag ma 'ongs pa'i dus na bsdu ba thams cad dang ldan pa'i de bzhin gshegs pa dgra bcom pa yang dag par rdzogs pa'i sangs rgyas su gyur cig ces des rim gyis ras kyi kha tshar stong lnga brgya phul te/ des bskal pa bye ba phrag bcwa lngar ngan 'gro log par ltung bar ma song ngo / /dge ba'i rtsa ba de nyid kyis 'khor los sgyur ba'i rgyal po bye ba phrag stong myong ngo / /de dge ba'i rtsa ba de nyid kyis brgya byin gyis bdag po bye ba phrag stong myong ngo / /dge ba'i rtsa ba 'jam pa yid du 'ong ba dang po pa'i las de nyid kyis sangs rgyas bye ba phrag stong mnyes par byas te/ des thams cad la me tog dang / bdug pa dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang / zhal zas dang / mal cha dang / na ba'i gsos sman dang / yo byad kyis sti stang byas/ bla mar byas/ ri mor byas nas mchod do/ /de phyis bskal pa grangs med pa zhig na bla na med pa yang dag par rdzogs par sangs rgyas nas/ rab tu bsdus pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas 'jig rten du byung ba nas/ sangs rgyas bcom ldan 'das zhes bya ba'i bar du ste/ de lo bye ba phrag nyi shu'i bar du gnas so/ /de'i dgra bcom pa bye ba khrag khrig phrag nyi shu zag pa zad pa/ nyon mongs pa med pa/ dbang dang ldan par gyur pa nas/ sems kyi dbang thams cad kyi dam pa'i pha rol du son pa'i bar gyi nyan thos 'dus pa chen po byung ngo / /</font><hr>80.79a<br><font size=+1>

byang chub sems dpa' bye ba phrag lnga yang bla na med pa yang dag par rdzogs pa'i byang chub la bkod do/ /des chos bstan te sems can grangs med dpag tu med pa'i don byas nas yongs su mya ngan las 'das so/ /der bcom ldan 'das de yongs su mya ngan las 'das nas/ lo stong gi bar du dam pa'i chos gnas so/ /de'i sku gdung yang rgyas par gyur te/ 'di lta ste/ dper na shA ri'i bu nga da yongs su mya ngan las 'da' bar 'gyur ba'i bzhin no/ /shA ri'i bu ras kyi kha tshar phul ba dang / sems bskyed pas kyang mthar gyis sangs rgyas kyis chos yongs su rdzogs pa la ltos/ shA ri'i bu sems ni rgya che'i sbyin pa ni ma yin no/ /shA ri'i bu gal te sbyin pa rgya che la sems kyis ma yin na ni sbyin bdag rtsub mo zhes bya ba ltar 'gyur te/ des sbyin pa de snyed byin yang sems yongs su ma sbyangs so/ /shA ri'i bu 'jig rten gyi zang zing la gnas te/ thams cad yongs su thob par gyur pa la ltos/ shA ri'i bu byang chub sems dpa' mkhas pa ni sbyin pa nyung ngu yang mang por byed do/ ye shes kyis stobs kyis lhag par byed do/ /shes rab kyi stobs kyis rgyas par byed do/ /bsngo ba'i stobs kyis dpag tu med par byed do/ /de nas bcom ldan 'das kyi don de nyid rgya cher rab tu bstan pa'i phyir de'i tshe tshigs su bcad pa 'di dag gsungs so/ /gzugs 'dod phyir ni sbyin pa sbyin mi byed/ longs spyod mtho ris 'dod phyir ma yin gyi/ bla na med pa'i sangs rgyas mchog 'dod phyir/ de phyir sbyin pa chung yang du mar 'gyur/ grags dang brjod pa dag dang sgra dag dang / g.yog dang bde ba nam yang mi 'dod cing / 'chi 'pho</font><hr>80.79b<br><font size=+1>

skye ba kun kyang mi 'dod de/ de phyir sbyin nyung 'bras bu chen por 'gyur/ zas dang skom dang chos gos gang sbyin pa/ srid pa'i 'gro ba 'dod phyir ma yin te/ sbyin pas 'chi bar med pa'i sgo btsal phyir/ de ni skra rtse tsam yang sbyin pa sbyin/ 'phyar ba med cing khengs pa med par 'gyur/ g.yo dang ser sna dag ni thams cad spong / de dag le lo nam yang yod min te/ de ltar de dag 'jig rten phan phyir spro/ rgyal po'i srid dang nor dang 'bru srog gtong / de dag sems ni gzhan du mi 'gyur te/ byin nas dga' ba chen po rnyed par 'gyur/ sbyin zhing gtong la byang chub rnyed mi dka'/ pha dang ma dang bu ni sdug par ltar/ slong dang 'jig rten kun la de bzhin te/ gang gis byang chub spyod mchog spyad pa rnams/ sbyin tshe rtag tu phrag dog med par 'gyur/ de dag mthong na mi khro ste/ ji ltar sngon gyi bzhin du smra/ mi mdza' dag dang rtag mdza' zhing / skrag pa rnams la 'jigs med sbyin/ de la dngos po gang yod pa/ slong ba la ni sri ba med/ chos 'dod par ni rtag 'gyur te/ rgyal srid 'dod par mi 'gyur ro/ /'byung bar rtag tu smra byed cing / chos kyi sbyin pa 'ang sbyin par byed/ 'dod la rkam pa ma gtogs par/ su zhig rgyal srid 'dod par 'gyur/ 'dod pa'i rgyal srid mi 'dod cing / mtho ris bde ba 'dod ma yin/ sangs rgyas byang chub yongs tshol zhing / grags pa chen po sbyin pa sbyin/ bdag dang nor rdzas gzhan dag kyang / mang po myur du gtong ba ni/ de dag byang chub dam pa'i mchog /nam yang gtong bar mi 'gyur ro/ /mkhas pa gzugs ni mi 'dod do/ /longs spyod dag kyang 'dod ma yin/ mtho ris dag kyang de mi 'dod/ mya ngan 'da' ba 'ang 'dod ma yin/ lam shes lam la mkhas pa dag /gang dag bshes par gyur pa la/ brten pa dag tu</font><hr>80.80a<br><font size=+1>

mi byed de/ srid pa med pa 'dod par 'gyur/ shA ri'i bu 'di ni byang chub sems dpa' sems dpa' chen po rnams kyi sbyin pa'i pha rol tu phyin pa ste/ de la brtson pa'i byang chub sems dpa' dag byang chub kyi spyad pa spyod do/ /sbyin pa'i pha rol tu phyin pa'i le'u ste/ drug pa'o// // bam po dgu pa/ /de la gang la brtson pas byang chub sems dpa' byang chub kyi spyad pa spyod par 'gyur ba'i byang chub sems dpa' sems dpa' chen po'i tshul khrims kyi pha rol tu phyin pa gang zhe na/ shA ri'i bu 'di gsum ni/ byang chub sems dpa' rnams kyi legs par spyod pa ste/ gsum gang zhe na/ lus kyis legs par spyod pa dang / ngag gis legs par spyod pa dang / yid kyis legs par spyod pa'o/ /de la lus kyis legs par spyod pa gang zhe na/ 'di la shA ri'i bu byang chub sems dpa' ni/ srog gcod pa spangs pa yin/ ma byin par len pa spangs pa yin/ 'dod pa la log par g.yem pa spangs pa yin te/ 'di ni lus kyis legs par spyod pa zhes bya'o/ /gzhan yang shA ri'i bu byang chub sems dpa' ni/ brdzun du sma ba spangs pa yin/ phra ma dang ngag rtsub po dang / tshig kyal pa spangs pa yin te/ 'di ni ngag gis legs par spyod pa zhes bya'o/ /gzhan yang shA ri'i bu byang chub sems dpa' ni/ brnab sems med/ gnod sems med cing / yang dag par lta ba yin te/ 'di ni yid kyis legs par spyod pa zhes bya'o/ /de 'di snyam du sems te/ lus kyis legs par spyod pa gang / ngag gis legs par spyod pa gang / yid kyis legs par spyod pa gang / gang yin snyam mo/ /de yang 'di snyam du sems te/ lus kyi las gang / srog gcod pa dang / ma byin pa len pa dang / 'dod pa la log par g.yem pa ma byas pa de ni/ lus kyis legs par spyod pa zhes bya'o/ /snyam mo/ /de la ngag gis legs par spyod pa</font><hr>80.80b<br><font size=+1>

gang zhe na/ de 'di snyam du sems te/ ngag gis las gang brdzun du smra ba dang / phra ma dang / ngag rtsub po dang tshigs kyal pa ma smras pa de ni/ ngag gis legs par spyod pa zhes bya'o/ /snyam mo de la yid kyis legs par spyod pa gang zhe na/ de 'di snyam du sems te/ yid kyis las gang / brnab sems dang / gnod sems dang / log par lta ba ma byas pa de ni yid kyis legs par spyod pa zhes bya'o/ /snyam mo/ /de 'di ltar tshul bzhin du so sor rtog ste/ las gang lus kyis ma byas pa dang / las gang ngag dang / yid kyis ma byas pa de ci gdags par nus sam/ de 'di ltar tshul bzhin gyis/ rtog pa na 'di snyam du sems te/ las gang lus kyis ma byas pa dang / las gang ngag dang yid kyis ma byas pa de sngon po 'am/ ser po 'am/ dmar po 'am/ dkar po 'am/ leb rgan nam/ shel gyi kha dog tu gdags par mi nus te/ mig gis shes par bya ba ma yin/ rna bas shes par bya ba ma yin/ snas shes par bya ba ma yin/ lces shes par bya ba ma yin/ lus kyis shes par bya ba ma yin/ yid kyis shes par bya ba ma yin/ de ci'i phyir zhe na/ 'di ltar de ni skyes pa ma yin/ bskyed pa ma yin/ byung ba ma yin/ zin pa ma yin te/ de ni las gang gis kyang shes par bya ba ma yin no/ /de 'di snyam du sems te/ tshul khrims de ni/ gang mngon par 'dus ma byas pa'o/ /gang mngon par 'dus mi byed pa de la gdags pa yang med do/ /gang gdags pa med pa/ de la bdag mngon par chags par mi bya'o/ /snyam nas/ de 'di ltar legs par spyad pa'i tshul khrims kyang yang dag par rjes su mi mthong / gang gi tshul khrims de dang / tshul khrims de gang du bsngo ba/ de yang yang dag par rdzes su mi mthong ngo / /de de ltar mthong bas/ 'jigs tshogs la lta ba gang gis/ tshul khrims sam/ </font><hr>80.81a<br><font size=+1>

'chal pa'i tshul khrims la/ so sor rtog par 'gyur ba'i 'jigs tshogs la lta ba mi slong ngo / de de ltar mthong bas sdoms pa dang / cho ga dang / spyod pa dang / spyod yul shes bzhin du spyod par 'gyur te/ shes bzhin du spyod pas tshul khrims dang ldan pa zhes bya'o/ /de bdag tu dmigs shing mi spyod/ pha rol tu dmigs shing mi spyod de/ de tshul khrims ma nyams pa dang / tshul khrims mchog tu mi 'dzin pa yin no/ /bdag tu dmigs na tshul khrims su dmigs par 'gyur gyi/ gang bdag tu mi dmigs pa de ni tshul khrims su mi dmigs so/ /gang tshul khrims su mi dmigs pa de ni bslab pa nyams par mi byed do/ /gang slab pa nyams par mi byed pa de tshul khrims nyams par mi byed de/ tshul khrims mchog tu mi 'dzin to/ /ci'i phyir mchog tu mi 'dzin ce na/ des gzhan las chos thams cad shes so/ /gzhan gang yin pa de la bdag med do/ /gang bdag med pa de la ci zhig yongs su gzung bar bya/ de nas bcom ldan 'das kyis de'i tshe/ tshigs su bcad pa 'di dag gsungs so/ /lus kyis dag cing ngag gis dag pa dang / yid kyis dag cing rtag tu spyod pa dag /dag pa'i brtul zhugs la ni rtag gnas pa/ de ni byang chub sems dpa' tshul khrims ldan/ shin du bzang po'i las lam bcu po 'di/ gang dag srung ba byang chub sems dpa' mkhas/ lus dang ngag dang yid kyis gang ma byas/ de ni mkhas pa tshul khrims ldan zhes bya/ gang dag ma byas ma skyed mi len pa/ de la kha dog med cing dbyibs kyang med/ gang la kha dog med cing dbyibs med pa/ de la gdags pa nam yang mi dmigs so/ /rtag tu tshul khrims ma byas 'dus ma byas/ de ni mig gis blta bar mi nus te/ rna ba sna dang lce yid shes ma yin/ lus dang yid kyis shes par bya ma yin/ gang de dbang pos shes par mi nus pa/ de la snying rje 'jug pa nus ma</font><hr>80.81b<br><font size=+1>

yin/ de ltar tshul khrims yongs dag mthong ba de/ nam yang tshul khrims dmigs par mi gnas so/ /tshul khrims ldan zhes yid kyis mi snyems shing / bdag tu 'dzin pa'i tshul khrims mi srung ste/ tshul khrims srung yang tshul khrims 'du shes med/ de ni khrims ldan byang chub spyad spyod pa/ 'jig tshogs la ni lta ba gang sel ba/ de ni lta bar nam du 'ang mi 'gyur ro/ /gang la lta med de la gnas med de/ tshul khrims 'chal dang tshul khrims de mi snyems/ chos kyi tshul la 'jug pa kun srung ba/ de yi cho ga bsam du med par 'gyur/ rab tu 'byung zhing rab tu bsrungs pa ni/ tshul khrims ldan te gzhan la rtsod mi byed/ bdag med 'du shes tshul khrims mi dmigs te/ bdag med de la tshul khrims dmigs pa 'ang med/ bdag dang de bzhin tshul khrims gang snyems pa/ rtag tu 'jig pa'i mtha' zhes ngas bshad do/ /bdag med smra ba tshul khrims mi sems te/ bdag med smra ba tshul khrims gnas ma yin/ bdag med smra ba tshul khrims mi sems te/ bdag med smra ba tshul khrims rtog ma yin/ tshul khrims ma nyams tshul khrims skyon med pa/ bdag ni tshul khrims ldan zhes mi slad do/ bdag la bdag med med tshul khrims 'du shes med/ shes rab zab mo byang chub spyad pa spyod/ 'jigs med gang dag tshul khrims 'di 'dra ba/ nam yang tshul khrims 'chal bar de mi 'gyur/ thams cad chos ni gang dag mi dmigs pa/ de yi tshul khrims de ni 'phags pas bsngags/ byis pa gang dag bdag tu lta gnas te/ bdag ni tshul khrims ldan zhes khrims srung zhing / bsrungs nas tshul khrims 'bras bu myong ba de/ ngan 'gro gsum po kun las mi thar to/ /gang dag bdag tu lta ba kun spangs pa/ de ni nga dang nga zhes</font><hr>80.82a<br><font size=+1>

bya mi 'byung / tshul khrims ldan pa de la lta med de/ de ni phyir yang log ltung mi 'jigs so/ /'di 'dra ba yi tshul khrims gang shes pa/ de la 'chal pa'i tshul khrims blta mi nus/ srid pa gsum na de bdag mi mthong na/ khrims dang tshul 'chal mthong 'gyur smos ci dgos/ shA ri'i bu de ltar tshul khrims spyod pa'i byang chub sems dpa'i bsam pa'i chos bcu 'dus par 'gyur ro/ /bcu gang zhe na/ dad pa'i bsam pa 'dus par 'gyur ba dang / brtson 'grus kyi bsam pa 'dus par 'gyur ba dang / rab tu 'dun pa dang / las kyi rnam par smin pa rgya chen po la dad pa dang / 'phags pa la ldang ba byed pa dang / bla ma la rim gro byed pa dang / slob dpon la bsnyen bkur byed pa dang / chos tshol ba la 'jug par byed pa dang / byang chub yongs su tshul zhing lus dang srog la mi lta bar byed pa ste/ shA ri'i bu de ltar tshul khrims spyod pa'i byang chub sems dpa'i bsam pa chos bcu po de dag 'dus par 'gyur ro/ /de chos bcu po de dag la rab tu gnas nas dge ba'i chos rnams yang dag par sgrub bo/ /dge ba'i chos gang zhe na/ 'di lta ste/ legs par spyod pa gsum po 'di dag nyid de lus dang ngag dang yid kyis legs par spyod pa'o/ /legs par spyod pa gsum po de dag la rab tu gnas pa'i byang chub sems dpa' sems dpa' chen po de ni de'i byang chub gang dang 'brel pa'i byang chub sems dpa'i sde snod kyi chos kyi rnam grangs yongs su tshol lo/ /'di la de'i chos nyid ni 'di yin te/  de la 'di skad ces bya'o/ /sangs rgyas dag gis</font><hr>80.82b<br><font size=+1>

bsngags pa yi/ dge ba'i las rnams lus kyis byed/ gang las thos pa rnyed 'gyur ba'i/ slob dpon la yang rim gro byed/ sems can thams cad don gyi phyir/ byams pa'i sems ldan phrag dog med/ chos las brtsams te gang zag la/ ri mo dag ni rab tu byed/ ngag ni shin du sdom gyur te/ de ni mi snyan tshig mi smra/ 'di ni 'dun dang ldan pa'i mtshan/ nam du'ang ngag rtsub mi smra'o/ /yid ni dge ba'i yid du 'gyur/ nam du'ang sdig pa mi 'dod do/ /byams sems gus dang bcas pa yi/ bsam pa nyid kyis rtag tu lta/ rgyal bas bstan pa thos gyur nas/ chos 'di la ni gus dang bcas/ chos la gus par byas pas na/ myur du byang chub rnam 'tshang rgya/ chos bcu po de dag la rab tu gnas pa'i byang chub sems dpa' ni byang chub sems dpa'i sde snod kyi chos yongs su tshol bas slob dpon la rim gro dang bsnyen bkur byed de/ tha na chu rdza gang tsam yang 'bul lo/ /gzhan yang shA ri'i bu byang chub sems dpa' sems bskyed pa bcu bskyed de/ bcu gang zhe na/ kye ma'o lus 'di ni na ba ste/ khams ni sbrul gdug pa bzhin du rtag par phan tshun mi 'phrod pa'o/ /sdug bsngal mang pa'o// nyes pa mang ba'o/ ///                                //                                //                                //                                //</font><hr>80.83a<br><font size=+1>

smyo ba dang / 'bras dang / phol mig dang / me dpa la dang / g.yan pa dang / rlung dang / mkhris pa dang / bad kan gyis gang ste/ nad dang 'dra/ phol mig dang 'dra/ zug rngu dang 'dra/ chu bo dang 'dra/ gnod pa dang 'dra/ g.yo ba/ 'jig pa/ snying po med pa/ nyam chung ba/ shig shig po/ yun thung ba/ skad cig pa/ dur khrod du 'jig pa ste/ snying po med pas lus las snying po blang ngo snyam du sems bskyed pa dang po de bskyed nas/ byang chub sems dpa' byang chub sems dpa'i sde snod yongs su tshol bas slob dpon la rim gro dang / bsnyen bkur byed de/ tha na chu phor gang tsam yang 'bul lo/ /bcol ldan 'das kyis de skad gsungs te/ bde bar gshegs pas de skad bka' stsal nas ston pa yang 'di skad gsung ngo / /khams ni sbrul gdug ma rung ba/ /bzhi po gcig la gcig brten te/ /re re yang ni 'khrugs pa las/ /nad po che ni 'byung bar 'gyur/ /mig nad dang ni rna nad dang / /sna nad dang ni de bzhin du/ /so nad dang ni mchu nad rnams/ /gzhan yang lus las 'byung bar 'gyur/ /smyo dang 'bras dang phol mig dang / /me dbal g.yan pa rnams dang ni/ /nad gzhan rnam pa mang po dag /lus las su ni 'byung bar 'gyur/ /lus 'di nad dang mtshungs pa ste/ //lus ni 'brum bu 'dra ba'o/ /lus 'di gnod pa 'dra ba ste/ /yun thung skad cig 'dus pa'o/ /dur khrod du ni 'gro zhing 'jig /mi rtag mi brtan g.yo ba ste/ rab tu 'jig cing na ba dang / /lus 'di rnag gis gang ba ste/ /shig shig po dang yun thung ba/ /rnag gis gang ba'i lus 'di yis/ /sangs rgyas kyi ni sku yi phyir/ /dge ba'i las rnams bsgrub par bya/ /thams cad tu ni rab zag pa/ /rnag gis gang ba'i lus 'di yis/ /chos sku bsam gyis mi khyab pa/ /sangs rgyas kyi ni sku 'grub bo/ /gang na gzhan gyis thob med pa/ de 'dra'i lus ni thob par bya/ /tsha ba dag kyang gang sgrib dang / /bsil ba dag kyang rab</font><hr>80.83b<br><font size=+1>

srung ba/ /lus 'di yang ni dga' ba dang / /'chi ba dag gis gzhom par 'gyur/ /gang dag grang dang tsha bzod pa/ /lus kyis su ni thams cad tu/ /skyes bu'i bya ba byed pa yi/ /mchog gi lus ni thob par 'gyur/ /'jig rten grags pa'i bla ma la/ /rim gro dag ni rab bya ste/ /snying po med pa'i lus las su/ /snying po dag ni blangs bar 'gyur/ /shA ri'i bu sems bskyed pa dang po 'di bskyed nas byang chub sems dpa' byang chub sems dpa'i sde snod kyi chos kyi rnam grangs yongs su tshol bas slob dpon la rim gro dang / bsnyen bkur byed de/ tha na chu rdza gang tsam yang 'bul lo/ /gzhan yang shA ri'i bu byang chub sems dpa' 'di ltar sems bskyed de/ kye ma'o lus 'di ni snying po med pa ste/ rtag tu dril ba dang / bkru ba dang / mnye ba dang / 'jig pa dang / 'gyes pa dang / 'bral ba'i chos can no/ /shA ri'i bu 'di lta ste/ dper na ji tsam du rdza mkhan gyis bum chung tshad dang / che tshad byas pa thams cad kyang mthar 'jig go/ /de bzhin du kye ma'o lus 'di yang snying po med pa so ma btang ba'i snod bzhin te/ mthar 'jig pa'o/ /shA ri'i bu 'di lta ste/ dper na shing gi yal ga'i 'dab ma dang / me tog dang / 'bras bu ji snyed pa de thams cad kyang mthar ltung bar 'gyur ro/ /shA ri'i bu de bzhin du kye ma'o lus 'di ni snying po med de/ 'bras bu smin pa bzhin du ltung ba'i chos can no/ /shA ri'i bu 'di lta ste/ dper na rtswa'i rtse mo'i zil ba'i thigs pa ji snyed pa de thams cad kyang nyi mas phog na ring por mi gnas so/ /shA ri'i bu de bzhin du kye ma'o lus 'di ni snying po med pa ste/ zil pa'i thig pa bzhin du ring por mi gnas pa'o/ /shA ri'i bu 'di lta ste/ dper na rgya mtsho chen po dang / 'bab chu dang / 'bab chu'i rgyun la dbu ba rdos pa yod pa ji snyed pa de dag thams cad kyang snying po med de rang bzhin gyis nyam chung ba'o/ /shA ri'i bu de bzhin du kye ma'o lus 'di ni snying po med pa ste/ dbu ba rdos pa ltar rang bzhin gyis nyam chung</font><hr>80.84a<br><font size=+1>

ba'o/ /shA ri'i bu 'di lta ste/ dper na char bab pa'i chu'i chu bur gzhan skye zhing gzhan 'gag go/ /shA ri'i bu de bzhin du kye ma'o lus ni snying po med pa ste/ chu'i chu bur lhar rang bzhin gyi nyam chung ba'o/ /de ltar snying po med pa'i lus las snying po blang ngo snyam du sems bskyed pa gnyis pa de bskyed nas byang chub sems dpa' byang chub sems dpa'i sde snod kyi chos kyi rnam grangs yongs su tshol bas slob dpon la rim gro dang bsnyen bkur byed do/ /de nas bcom ldan 'das kyis don de nyid rgya cher rab tu bstan pa'i phyir/ de tshe tshigs su bcad pa 'di dag gsungs so/ /ji ltar rdza ma'i mkhan po yis/ /sa la snod rnams byas pa dag /de dag thams cad mthar 'jig ste/ /sems can srog kyang de dang 'dra/ /ji ltar shing gi yal ga yi/ /lo ma me tog 'bras bu rnams/ /thams cad ltung ba'i chos can te/ /mi yi srog kyang de bzhin no/ /rtswa mchog dag gi zil pa'i thigs/ /nyi mas yongs su bab pa na/ /yid tsam gyis ni med 'gyur te/ /mi yi srog kyang de bzhin no/ /ji ltar 'bab chu'i rgyun rnams kyi/ /dbu ba rdos pa nyam chung ltar/ /de ltar lus ni nyam chung ste/ /snying po med pa dbu ba 'dra/ /ji ltar char pa bab pa yi/ /chu'i chu bur skyes pa yang / /skad cig gi ni de 'jig 'gyur/ /de bzhin lus kyang snying po med/ /snying po ma yin snying por shes/ /snying po snying po ma yin 'dzin/ /de dag log rtog spyod yul te/ /snying po khong du chud ma yin/ /snying po med la snying med pa/ /snying po snying por shes pa ni/ /de dag yang dag rtog pa'i yul/ /snying po khong du chud pa yin/ /snying po 'du shes byas gyur te/ rdza gang tsam gyi chu 'bul ba/ /snying po med pa'i lus las ni/ snying po dag ni len par 'gyur/ /shA ri'i bu sems bskyed pa gnyis pa 'di bskyed nas byang chub sems dpa'</font><hr>80.84b<br><font size=+1>

byang chub sems dpa'i sde snod kyi chos kyi rnam grangs yongs su tshol ba'i slob dpon la rim gro dang / bsnyen bkur byed de/ tha na chu phor gang tsam yang 'bul lo/ /gzhan yang shA ri'i bu byang chub sems dpa' 'di ltar sems bskyed de/ /bdag yun ring por dge ba'i bshes gnyen dang bral zhing mi dge ba'i bshes gnyen gyi dbang du song ste/ le lo can/ brtson 'grus nyams pa/ snyom las can/ blun pa/ log par lta ba ste/ mchod sbyin yang med/ sbyin sreg kyang med/ legs byas dang / nyes byas kyi las rnams byas pa'i 'bras bu rnam par smin pa bsags pa yang med par lta ba dang / 'dod pa'i zil gyis non te/ bdag gis mi dge ba'i las mang po mngon par 'dus byas te/ mi dge ba'i las kyi rnam par smin pa des 'di lta ste/ yi dgas kyis yul du sbyin gnas thams cad gso ba ma yin pa 'jigs su rung ba'i lus thob ste/ 'di lta bu'i sbyin gnas mnyes par ma byas pas de ni bdag yi dgas su gyur te/ lo mang po/ lo stong phrag mang po/ lo brgya stong phrag mang por me mur za zhing chu'i sgra yang mi thos na/ lus kyis lta ga la zhig reg ste/ bdag gis ni da ltar mnyes par byas pas bdag dge ba'i lus thob kyis sbyin gnas thams cad kyi nye bar 'tsho bar bya zhing / /lus dang srog la mi lta bar byang chub sems dpa'i sde snod kyi chos kyi rnam grangs yongs su btsal ba'i phyir slob dpon la rim gro bya'o snyam du sems bskyed pa gsum pa 'di bskyed nas/ byang chub sems dpa' slob dpon la rim gro dang / /tha na chu rdza gang tsam yang 'bul lo/ /de nas bcom ldan 'das kyis tshigs su bcad pa 'di dag gsungs so/ /</font><hr>80.85a<br><font size=+1>

ji ltar grogs po bstan pa dang / /ji ltar nye bar bsten pa ltar/ /de dag yang dang yang bsnyen pas/ /de yang de dang 'dra bar 'gyur/ /sdig pa'i grogs po'i dbang song nas/ /dge ba'i bshes gnyen rnam par spangs/ /le lo che zhing brtson 'grus nyams/ /g.yo dang phrag dog ser sna can/ /byin pa yod par gang lta ba/ /thams cad tu ni rnam spangs pas/ /bdag ni yi dgas skye gnas su/ /'jigs su rung ba'i lus thob bo/ /yun ring dus su 'khor ba yi/ /mun nag phung po 'jigs pas na/ /bkres pa dang ni skom pas gzir/ /sdug bsngal mang po rjes su myong / /sbyin gnas rnams ni ma mthong zhing / /bdag gis 'di 'dra dal ma thob/ /lo ni mang po stong rnams su/ /chu yi sgra yang yongs ma thos/ /da ltar bdag gis 'jig rten na/ /shin du dkon pa rab rnyed de/ /bdag gis slob dpon mnyes byas pas/ /dal ba 'byor pa bdag gis thob/ /sdig pa'i grogs po rnam spangs pas/ /bdag gis dge ba'i bshes gnyen rnyed/ /byang chub thob par bya ba'i phyir/ /lus dang srog la mi blta'o/ /sangs rgyas kyi ni byang chub phyir/ /slob dpon bla ma mchod gnas la/ /rnam par dang ba'i sems kyis su/ /sti stang gus par rab tu bya/ /shA ri'i bu sems skyed pa gsum pa 'di bskyed nas byang chub sems dpa' byang chub sems dpa'i sde snod kyi chos kyi rnam grangs yongs su tshol bas slob dpon la rim gro dang / /bsnyen bkur byed de/ tha na chu phor gang tsam yang 'bul lo/ /gzhan yang shA ri'i bu byang chub sems dpa' 'di ltar sems skyed de/ bdag yun ring por dge ba'i bshes gnyen dang bral zhing sdig pa'i grogs pos zin pas le lo can/ brtson 'grus nyams pa/ snyom las can/ blun pas sems can la khu tshur dang / thal mos brdegs shing gtses nas bsdus shing cho nge bton te/ de'i gzhi las sdig pa yang med/ de'i gzhi las sdig pa 'byung ba yang med do/ /zhes de ltar lta ba dang / de ltar mos shing zhe sdang gi zil gyis non pas mi dge ba'i las rnams mngon par 'dus byas te/ </font><hr>80.85b<br><font size=+1>

mi dge ba'i las kyi rnam par smin pa des 'di lta ste dud 'gro'i skye gnas su/ sbyin gnas thams cad nye bar 'tsho ba ma yin pa/ 'jigs su rung ba'i lus thob ste/ 'di ltar sbyin gnas mgu bar ma byas pas/ des na bdag rnga mo dang / ba lang dang / bong bur gyur te/ rtswa za zhing dbyig pas bsdigs/ 'jigs pas bsdigs nas/ mi 'dod bzhin du khal bkal to/ /bdag gis ni da ltar mnyes par byas te/ dge ba'i lus thob kyis lus dang srog la mi blta bar slob dpon la ni rim gro dang / bsnyen bkur bya'o zhes/ shA ri'i bu sems bskyed pa bzhi pa de bskyed nas byang chub sems dpa' slob dpon la rim gro dang bsnyen bkur byed de/ tha na chu bum pa gang tsam yang 'bul lo/ /'di la chos nyid ni 'di yin te/ de la 'di skad ces bya'o/ /yun ring por ni 'phags pa'i lam/ /ma rig par ni gnas pas na/ /rnga mo dag dang bong bur gyur/ /sdug bsngal mang po rjes su myong / /mir gyur pa yang bdag gis rnyed/ /gang gis byang chub reg 'gyur ba'i/ /bzang po yi ni las bya ste/ /de ni mkhas pa'i mtshan nyid do/ /sangs rgyas chos la rab gnas shing / /gus pa dang ni ldan par bya/ /byang chub phyir ni slob dpon la/ /rim gro dang ni sti stang bya/ /'das pa'i dus kyi bskal pa bsam med nas/ /'khor ba'i 'khor lor yongs su 'khyam pa na/ /skye mched dag ni don med 'das gyur te/ /sbyin gnas dag ni nye bar 'tsho ba min/ /dge ba'i bshes gnyen yongs su spangs gyur nas/ /rtag tu sdig pa'i grogs po rab bsten te/ /de dag gi ni bstan pa'i rjes 'jug cing / /rgyun mi 'chad par ngan song sa la gnas/ /gtse ba dang ni bcing zhing brdeg pa rnams/ /byed tu bcug cing gzhan la spyos byas nas/ /de yi 'bras bu ngan song skye gnas 'gro/ /sdig pa'i las kyis sdug bsngal rjes su myong / /dge ba'i bshes gnyen rnams ni ma bsten pas/ /rnga mo ba lang de bzhin bong bu yi/ /ngan pa'i mtshams kyi skye mched bzung gyur nas/ /</font><hr>80.86a<br><font size=+1>

dbyug pa dag gis brdegs shing khal kyang bkal/ /mir 'gyur ba ni shin du rnyed dka' dang / /'thun pa'i yul dang dge ba'i bshes gnyen rnyed/ /shin du yun ring dal ba rnyed gyur te/ /dka' ba'i las kyi bu gar chud pa bzhin/ /lus dang ngag ni shin du bsdams gyur nas/ /zhan pa med pa'i sems kyis brtson 'grus brtsam/ /dge ba'i bshes gnyen dag la g.yo med pas/ /bdag gi lus ni nye bar 'tsho bar bya/ /bdag gi slob dpon bla ma gang dag dang / /gang dag bdag gi byang chub sems bskyed pa/ /byang chub dam pa mchog gi lam ston pa/ /ston pa bzhin du dga' bas bsnyen bkur bya/ /rnam pa sna tshogs dag gi byug pa dang / dri dang phye ma rnam pa sna tshogs dang / /gos dang me tog dag gi chun po yis/ /rkang gnyis dam pa la ni mchod par bya/ /phyogs bcu dag na sangs rgyas gang bzhugs pa/ /sems can don la brtson zhing don dam gzigs/ /gser gyi kha dog lta bu'i 'od mdzes pa/ /kha dog mtha' yas pa la mchod par bya/ /sangs rgyas mi yi kha lo sgyur rnams la/ /'jig rten spyod dang mchod pa cher byas pas/ /gang gis byang chub snying por bdag 'gro ba'i/ /byang chub lam ni shin du sbyangs par 'gyur/ /shA ri'i bu sems bskyed pa bzhi pa 'di bskyed nas/ /byang chub sems dpa' byang chub sems dpa'i sde snod kyi chos kyi rnam grangs yongs su tshol bas slob dpon la rim gro dang / bsnyen bkur byed de/ tha na chu bum pa gang tsam yang 'bul lo/ /gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhing sdig pa'i grogs pos zin pas/ le lo can brtson 'grus nyams pa/ snyom las can/ blun pas/ 'di lta bu'i</font><hr>80.86b<br><font size=+1>

lta ba dang / 'di lta bu'i 'dod pas sems can thams cad dang / srog chags thams cad kyi sha gcig tu spungs shing sha gcig tu bcer te/ bsod nams ma yin pa'i las byed kyang / de'i gzhi las sdig pa med/ de'i gzhi las sdig pa'i rnam pa med do/ /rgya mtsho'i tshu rol gyi sems can ji snyed pa de dag thams cad sbyin pas tshim par byas kyang / de'i gzhi las bsod nams med/ de'i gzhi las bsod nams kyi rnam pa med do/ /rgya mtsho'i pha rol gyi sems can ji snyed pa de dag thams cad bsad cing gtub kyang de'i gzhi las sdig pa med/ de'i gzhi las sdig pa'i rnam pa med do/ /snyam pas de ltar byas kyang bsod nams dang sdig pa yongs su shes par ma nus te sdig pa'i lta ba bsnyen pa dang / gti mug gi zil gyis non pas bdag gis sdig pa mi dge ba'i las mang po mngon par 'dus byas te/ mi dge ba'i las de'i rnam par smin pas 'di lta ste/ sems can dmyal bar dman pa 'jigs su rung ba'i lus thob ste/ de la 'di lta bu'i sbyin gnas mnyes par ma byas pas de na bdag ni sems can dmyal bar gyur pas lcag kyi thu lum bsregs pa za zhing gcig tu sdug bsngal ba rtsub pa/ mi bzad pa 'tshogs pa/ 'chi ba'i mthar khrid pa myong zhing lo stong phrag mang po'i bar du bde ba'i sgra yang mi thos na/ lus kyis lta ga la zhig reg ste/ bdag gis ni da ltar mnyes par byas pas/ dge ba'i lus thob kyis/ sbyin gnas rnams kyi nye bar 'tsho bar bya zhing lus dang srog la mi lta bar slob dpon la rim gro dang bsnyen bkur bya'o zhes/ shA ri'i bu sems bskyed pa lnga pa de bskyed nas byang chub sems dpa' byang chub sems dpa'i sde snod kyi chos kyi rnam grangs yongs su tshol bas slob dpon la rim gro dang / </font><hr>80.87a<br><font size=+1>

bsnyen bkur byed de/ tha na chu bum pa gang tsam yang 'bul lo/ /de nas bcom ldan 'das kyis de'i tshe tshigs su bcad pa 'di dag gsungs so/ /sdig pa'i grogs po bsnyen pa dang / /sdig pa'i sems kyis bslus pas na/ /sdig par lta la bsten gyur te/ /bdag gis sdig pa'i las byas so/ /rgya mtsho yi ni tshu rol na/ /sems can gnas pa ji snyed pa/ /zas dang skom gyis tshim byas kyang / /bsod nams dag gi 'byung gnas med/ /rgya mtsho yi ni pha rol na/ /sems can gnas pa ji snyed pa/ /thams cad bsad cing bcom gyur kyang / /sdig pa'i 'byung gnas med do zhes/ /sdig par lta ba 'di lta bu/ /yang dang yang du bsten pas na/ /gcig tu mi bzad ma rungs pa'i/ /sems can dmyal bar ring du dengs/ /rdzogs pa'i sangs rgyas 'jig rten gyi/ /yongs su 'dren pa ma mthong bas/ /bdag gi lus ni stong rnams kyang / ngan 'gro dag ni gsum du dengs/ /'di ni 'jig rten dge ba ste/ /de yi sgra ni thos gyur nas/ /bdag gis mi yi dngos thob kyis/ /bzang po yi ni las bya'o/ /mir 'gyur ba ni dka' ba ste/ /mi srog thob pa 'ang dka' ba yin/ dam pa'i chos thos dka' ba ste/ /sangs rgyas 'byung ba 'ang dka' ba yin/ /bdag gis mir skye dka' ba yi/ /tshe thob pa ni g.yo zhing 'gyur/ /bdag gis sangs rgyas 'byung ba dang / /rgyal ba kun mkhyen bstan pa rnyed/ /lus kyi las dang ngag gi las/ yid kyi las kyang sdig pa can/ /mi 'dod mi zad 'bras bur 'gyur/ /phyin cad spyad par mi bya'o/ /bsam pa rnam par dag pa yi/ /lus dang ngag dang yid rnams kyis/ /'jig rten rab tu dka' spyod pa/ /bzang po dag gi las bya'o/ /sangs rgyas kyi ni byang chub phyir/ /bdag gi bla mar gang grags pa'i/ /bka' las 'da' bar mi bya ste/ /bsnyen bkur</font><hr>80.87b<br><font size=+1>

dag ni rab tu bya/ /lam ni drang po zhes bya ba/ /g.yo med pas ni rab bstan te/ /sangs rgyas kyi ni byang chub phyir/ /sgyu mar 'gyur bar mi bya'o/ /thabs dang shes rab ldan pa yi/ /byang chub sems dpa' mi 'jigs pa/ /de lta bur ni sems bskyed nas/ /snod gang tsam gyi chu yang 'bul/ /shA ri'i bu sems bskyed pa lnga pa 'di bskyed nas byang chub sems dpa' byang chub sems dpa'i sde snod kyi chos kyi rnam grangs yongs su tshol bas slob dpon la rim gro dang / bsnyen bkur byed/ tha na chu bum pa gang tsam yang 'bul lo/ /gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhing sdig pa'i grogs pos zin pas 'dud pa dang / rab tu 'dud pa dang / gus par smra ba dang / phyag bya ba dang / ldang ba dang / thal mo sbyar ba'i las kyi rnam par smin pa med do/ /zhes de ltar mos pa'i bar gyis nga rgyal gyi zil gyis non pas sdig pa mi dge ba'i las mang po mngon 'dus byas te/ mi dge ba'i las de'i rnam par smin pas/ 'di lta ste/ mi'i nang du sbyin gnas thams cad nye bar 'tsho ba ma yin pa smad pa'i lus thob ste/ 'di lta bu'i sbyin gnas mnyes par ma byas pas na der bdag mir gyur pa na/ mi bkren pa dang / mi dbul po dang / bran du gyur pa dang / gzhan gyi dbang du song ba dang / 'dod pa la zhen pa'i sems can rnams dang / 'dod pa la chags pa rnams dang / mi rigs pa'i spyod pa la gnas pa rnams dang / log par lta ba rnams dang / tshul khrims log par zhugs pa rnams dang / lta ba log par zhugs pa rnams dang / mi dge ba'i rtsa ba gsum la rab tu gnas pa rnams dang / 'gro bar bya ba ma yin pa'i 'gro ba bzhi la 'gro bar zhugs pa rnams dang / sgrib pa lngas bsgribs pa rnams dang / bla ma drug la gus</font><hr>80.88a<br><font size=+1>

par mi gnas pa rnams dang / dam pa'i chos ma yin pa bdun la 'jug pa rnams dang / log pa brgyad la log par nges pa rnams dang / gnod pa dgu'i dngos pos gnod par gyur pa rnams dang / mi dge ba bcu'i las kyi lam la lam ngan par zhugs pa rnams dang / sems can dmyal ba'i lam la mngon par phyogs pa rnams dang / mtho ris kyi lam la ma phyogs pa rnams dang / dge ba'i bshes gnyen dang bral ba rnams dang / sdig pa'i grogs po'i lag tu song ba rnams dang / bdud kyi dbang du song ba rnams dang / dge ba'i chos yongs su spangs pa rnams dang / mi dge ba'i chos la spyod pa rnams kyi dbyug pas bsdigs/ 'jigs pas bsdigs nas mi 'dod bzhin du byed cing rim gro dang / bsnyen bkur byed par gyur te/ bdag gis ni da ltar de dag mnyes par byas pas dge ba'i lus thob kyis sbyin gnas thams cad nye bar 'tsho bar bya'o/ /lus dang srog la mi blta bar slob dpon la rim gro dang / bsnyen bkur bya'o zhes/ shA ri'i bu sems bskyed pa drug pa de bskyed nas byang chub sems dpa' slob dpon la rim gro dang / bsnyen bkur byed de/ tha na chu bum pa gang tsam yang 'bul lo/ /de nas bcom ldan 'das kyis don de nyid rgya cher rab tu rtog tu gzhug pa'i phyir/ de'i tshe tshigs su bcad pa 'di dag gsungs so/ /sdig pa'i grogs ni nga rgyal rgyags 'phel ba/ /bskal pa mang po rgya mtshor bstan pas na/ /mi yi nang du skyes kyang bran du 'gyur/ /'khor ba'i rgyun du yun ring dus su 'khor/ /mi lus rab tu rnyed par dka' ba yang / /de ni bdag gis dka' bas thob gyur te/ /gnas pa'i yul ni 'thun pa bzang po dang / /sangs rgyas 'byung dang dal 'byor de bzhin no/ /</font><hr>80.88b<br><font size=+1>

grogs po gang dag mchog tu rab bzang ba/ /byang chub sems dpa'i spyod dang lam ston cing / /byang chub sems ni rin chen 'phel byed pa/ /de dag bskal pa bye ba mang pos rnyed/ /lus ni nyams chung mi rtag mi brten te/ /dbu ba rdo' dang chu yi chu bur 'dra/ /gyu ma lta bu gar la lta dang mtshungs/ /rmi lam mthong dang 'drid par smra ba bzhin/ /srog ni yun thung tshe yang zad par 'gyur/ /ji ltar sprin dang glog ni mi gnas ltar/ /skad cig tu ni de bzhin srog kyang 'gyur/ /snying po med las snying po len par byed/ /gang gis 'das pa'i dus kyi bskal pa yang / /rgya mtsho brgya phrag bsam yas bslus gyur pa/ /nga rgyal ri bo man dang gzhom pa yi/ /dus dang tshod dang man ni nyer gnas kyis/ /lus la sdug pa thams cad rab spangs nas/ /srog la chags pa med pa'i yid kyis ni/ /nga dang rgyags dang dregs pa spangs gyur nas/ /yon tan ldan la gus bcas rim gro bya/ /nga dang rgyags dang dregs pa spangs gyur nas/ /pha dang ma dang bu pho rnams dang ni/ /'jig rten bla ma mchog tu gang grags pa/ /gus dang bcas shing mchog gi rim gro bya/ /byang chub sems dpa' byang chub mchog zhugs pa/ /gang dag bdag dang byang chub 'thun spyod la/ /dga' dang gus pa brtan pa bskyed bya ste/ /rim gro bya ba'i phyir ni brtson par bya/ /skye dgu nga rgyal ldan pa nga rgyal spangs/ /mi mkhas nga rgyal gcad cing gdul ba'i phyir/ ye shes rdo rje dag gis bcom byas nas/ /rgyags dang nga rgyal ri ni bsnyil bar bya/ /byang chub spyod pa yongs su rdzogs byas te/ /byang chub snying po mchog la gnas gyur nas/ /bdud kyi dkyil 'khor rtsod pa rnams btul te/ /chu bo bzhi las srog chags bsgral bar bya/ /phyogs bcu dag na mi gang na ba rnams/ rang gi mi gtsang bar ltung</font><hr>80.89a<br><font size=+1>

smad pa la/ /byams pa dang ni snying rje'i yid kyis su/ /mgon dang skyabs dang dpung gnyen 'gyur bar bya/ /sbyin pa'i pha rol phyin pa'i dus la bab/ /sangs rgyas yon tan bslab pa bslab nus shes/ /bzod pa bsgom par bya ba phun sum tshogs/ /mdud pa med pa'i brtson 'grus brtsam par bya/ /bsam gtan pha rol phyin thob phun sum tshogs/ /sems gdul ba yi dus ni nye bar gnas/ /thabs dang shes rab mkhas la gnas gyur te/ /bla ma thams cad la ni bskor ba bya/ /de ltar bsod nams stobs dang gzi brjid spel/ /shes rab ye shes mkhas pa bsam mi khyab/ /rang dbang dam pa dag gis mngon 'phags te/ byur bur yongs su bkang ba'i snod byin no/ /shA ri'i bu byang chub sems dpa'i sems bskyed pa drug pa 'di bskyed nas byang chub sems dpa' byang chub sems dpa'i sde snod yongs su tshol bas slob dpon la rim gro dang / bsnyen bkur byed de/ tha na chu bum pa gang tsam yang 'bul lo/ /gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhing sdig pa'i grogs po dang phrad pas le lo can/ brtson 'grus nyams pa/ snyom las can/ blun pa/ lkug par gyur te/ las nag po \u0f7c dang / nag po'i rnam par smin pa'ang med/ las dkar po dang / dkar po'i rnam par smin pa 'ang med/ las dkar gnag dang / dkar gnag gi rnam par smin pa 'ang med/ mi gnag cing dkar ba'i las dang / mi gnag cing dkar ba'i rnam par smin pa yang med do/ /zhes de ltar lta/ de ltar bzod/ de ltar mos pas/ dge sbyong dang / bram ze la/ btsun pa dag dge ba gang / mi dge ba gang / kha na ma tho ba dang</font><hr>80.89b<br><font size=+1>

bcas pa gang / kha na ma tho ba med pa gang / bsten par bya ba gang / bsten par mi bya ba gang / bya ba'i rigs pa gang / bya ba'i mi rigs pa gang / ci byas na yun ring por gnod pa dang / mi phan pa dang / sdug bsngal bar 'gyur/ ci byas na don dang / phan pa dang / bde bar 'gyur/ zhes mi 'dri ba dang / nga rgyal gyis zil gyis non pas sdig pa mi dge ba'i las mngon par 'dus byas te/ mi dge ba'i las de'i rnam par smin pas 'di lta ste/ sbyin gnas thams cad nye bar 'tsho ba ma yin pa/ dbang po ma tshang ba'i mir gyur nas 'di lta bu'i sbyin gnas mnyes par ma byas pas/ bdag mir gyur pa na yang long ba/ lkug pa/ blun pa/ rku ba/ dig pa/ rmongs pa/ 'on par gyur te/ legs par bshad pa dang / nyes par bshad pa'i don shes par mi nus so/ /bdag gis ni da ltar mnyes par byas pas 'di lta ste/ dbang po tshang ba dge ba'i lus thob kyis/ sbyin gnas thams cad kyi nye bar 'tsho bar bya/ lus dang srog la mi blta bar bya/ legs par bshad pa dang / nyes par bshad pa'i don kun shes pa'i mthu yod par bya/ slob dpon la btsun pa dge ba gang / mi dge ba gang / kha na ma tho ba dang bcas pa gang / kha na ma tho ba med pa gang / bsten pa gang / mi bsten pa gang / bya ba gang / mi bya ba gang / ci byas na nyan thos dang / rang sangs rgyas kyi chos mngon du 'gyur/ ci byas na byang chub sems dpa'i chos mngon du 'gyur zhes 'dri zhing byang chub sems dpa' byang chub sems dpa'i sde snod kyi don gyi phyir slob dpon la rim gro dang / bsnyen bkur byed de/ 'di ltar snying po med pa'i lus las snying po blang ngo snyam nas/ tha na chu bum pa gang tsam yang 'bul lo/ /bcom ldan 'das kyis de skad</font><hr>80.90a<br><font size=+1>

gsungs te/ bde bar gshegs pas de skad bka' stsal nas/ ston pa yang 'di skad gsung ngo / /phan pa 'dod phyir bskal pa brgya mang por/ /dge ba'i bshes gnyen yongs su spangs gyur nas/ /dge dang mi dge kha na ma tho dang / /kha na ma tho med byas 'bras mi 'dri/ /lhag pa'i nga rgyal dbang du song ba ni/ /sems dmyal dud 'gro gshin rje'i dbang du song / /sdig sems grogs po bsten par byas pas na/ /bskal pa brgya mang gis ni ngan 'gror 'phos/ /mi yi 'jig rten dbang po ma tshang gyur/ /bskal pa stong phrag mang por 'khyams pa'i lus/ /dge dang mi dge kha na ma tho dang / /kha na ma tho med byas 'bras mi shes/ /ru sbal mgrin pa shing mig chud 'dra bar/ /mi yi lus ni shin du dka' bar thob/ /dbang po dag ni tshang zhing skye mched dge/ /mi dal yongs su spangs nas dal ba rnyed/ /'jig rten sgron ma mdzad pa mnyes byas nas/ /rgyal bas bstan chos 'dod chags bral ba thob/ /dge dang mi dge bya ba'i 'bras bu dag /'jig rten gtso la bdag dri dus la bab/ /'gro bar ser sna'i mir 'gyur ji lta bu/ /ji ltar sbyin bdag ser sna med par 'gyur/ /ji ltar g.yo ngan brkam pa tshul khrims 'chal/ /tshul khrims nor kun srung ba ji lta bu/ /mi ni khro dang 'khrug par ji ltar 'gyur/ /khro med bzod pa'i stobs su ji ltar 'gyur/ /ji ltar le lo can dang g.yeng yid 'gyur/ /brtson 'phags bsam gtan dga' ba ji lta bu/ /ji ltar 'chal ba'i shes rab blun lkug 'gyur/ /ji ltar shes rab ldan zhing bden gtam dga'/ /ji ltar byang chub spyod pa gcig sems pas/ /spyod pa bzang po thams cad tshol bar 'gyur/ /ji ltar 'gro ba kun la byams pa bgyid/ /ji ltar ngan song song ba'i sems can 'dren/ /</font><hr>80.90b<br><font size=+1>

ji ltar chos kyi dga' bas mi ngoms yid/ /byang chub spyod pa sde snod yongs su tshol/ /phyogs dang phyogs mtshams rab 'byam zhing rnams na/ /'jig rten bla ma bzhugs par ji ltar 'gro/ /phyag 'tshal bsod nams byed pa ji lta bu/ /kun du bzang po spyod pa ci 'dra 'dri/ /slob dpon bla ma dag la bdag 'dri ba/ /de yi dus ni di ring nyer gnas te/ /bla ma'i gnas su gnas las nyan dga' ste/ /slob dpon yid mgu byed pa ji lta bu/ /sangs rgyas sras kyi sems ni bskyed gyur nas/ /stobs dang bsod nams yangs pa'i blo gros can/ /nges par mchog gi ye shes stobs ldan pas/ /dga' ba'i yid kyis snod gang chu yang 'bul/ /shA ri'i bu sems bskyed pa bdun pa 'di bskyed nas/ /byang chub sems dpa' byang chub sems dpa'i sde snod kyi don gyi phyir slob dpon la ni rim gro dang / bsnyen bkur byed de/ tha na chu bum pa gang tsam yang 'bul lo/ /gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhig sdig pa'i grogs pos zin pas le lo can/ brtson 'grus nyams pa/ snyoms las can/ lkug pas gang tshig dang / yi ge dang / don dang / tshig tu ldan pa dang / chos dang tshig tu ldan pa dang / mya ngan las 'das pa dang ldan pa dang / 'dod chags dang bral ba ldan pa dang / 'gog pa dang / zhi ba dang / rdzogs pa'i byang chub dang / dge sbyong dang / bram ze dang / mya ngan las 'das pa dang ldan pa dang / thams cad la bya ste/ de dag spangs nas don dang tshig tu mi ldan pa dang / chos kyi tshig dang mi ldan pa nas/ mya ngan las 'das pa dang mi ldan pa'i bar gyis tshig dang / yi ge de dag 'dzin pa dang / len pa dang / klog pa dang / kun chub par byed pa ni 'di lta ste/ stobs med/ </font><hr>80.91a<br><font size=+1>

brtson 'grus med/ skyes bu'i stobs med/ skyes bu'i mthu med/ skyes bu'i brtul ba med/ spyod pa med/ rtul ba med/ spyod pa la mthu med/ rgyu med/ rkyen med de/ sems can kun nas nyon mongs pa yang rgyu med rkyen med par sems can kun nas nyon mongs par gyur te/ rgyu med do/ /rkyen med do/ /sems can rnams rnam par dag pa yang rgyu med/ rkyen med par sems can rnam par dag go/ /zhes 'di ltar rgyu med par lta ba la gnas nas/ bdag gis mi dge ba'i las mang po mngon par 'dus byas te/ las de'i rnam par smin pas 'di lta ste/ mi'i nang du sbyin gnas thams cad nye bar 'tsho ba ma yin pa/ dbang po ma tshang ba'i mi'i lus thob ste/ de na bdag glen pa/ g.yeng ba/ dig pa/ lkug pa/ rmongs pa/ blun pa/ long ba/ 'on par gyur pas/ gang tshig dang / yi ge dang / don du ldan pa nas/ mya ngan las 'das pa dang ldan pa'i bar du de dag 'dzin pa dang / len pa dang / klog pa dang / kun chub par byed pa'i mthu med pas 'di lta bu'i sbyin gnas mnyes par ma byas so/ /bdag gis ni da ltar sbyin gnas mnyes par byas kyis/ lus dang srog la mi lta ba'i bar du byas te/ gang tshig dang / yi ge dang / don du ldan pa nas mya ngan las 'das pa dang ldan pa'i bar du 'di lta ste/ byang chub sems dpa'i sde snod kyi chos kyi rnam grangs 'di nyid gzung ba nas/ kun chub par bya ba'i bar du nus kyis/ 'on bdag gis brtson 'grus brtsams te/ 'di lta ste/ byang chub sems dpa'i sde snod kyi chos kyi rnam grangs 'di nyid blang ba'i phyir lus kyi slob dpon la rim gro dang / bsnyen bkur bya'o/ /'dzin pa dang / klog pa dang / kha ton dang / bsnyen bkur byas</font><hr>80.91b<br><font size=+1>

te/ snying po med pa'i lus las snying po blangs par 'gyur/ bsod nams dang ye shes kyi stobs kyis nye bar brten par byas par 'gyur te/ bsod nams dang / ye shes kyi stobs des nye bar brtan pas byang chub sems dpa'i sde snod 'di dang nye bar 'gyur ro snyam nas ched du bsams te/ slob dpon la rim gro dang / bsnyen bkur byed de/ tha na chu bum pa gang tsam yang 'bul lo/ /'di la de'i chos nyid ni 'di yin te/ de la 'di skad ces bya'o/ /chos gang don dang ldan pa dang / lam gyi yan lag lam sgom dang / 'gog pa mngon du byed pa dang / mya ngan 'das lam snying po can/ /chos de dag ni yongs spangs nas/ /gang chos phan pa med pa dang / /don dang tshig tu mi ldan pa/ /chos de dag ni bdag gis bsnyen/ /brtson 'grus dang ni stobs med de/ /skyes bu yi ni mthu yang med/ /shin du rtul ba mchog rnams dang / de dag thams cad mi dmigs so/ /sangs rgyas dang ni chos kyang med/ /pha ma med pa de bzhin du/ /dkar po dang ni nag po'i las/ /rnam par smin pa kun med ces/ /'di 'dra'i sdig par lta ba dag /yang dang yang du bsten pas na/ /gcig tu mi bzad ma rungs pa/ /sems can dmyal bar yun ring gnas/ /de bzhin dud 'gro'i skye gnas dang / /gshin rje'i 'jig rten sdig can te/ /nam tshe 'ang mir ni skyes gyur kyang / /blun zhing lce ni med par 'gyur/ /g.yeng ba dang ni 'on par 'gyur/ /dig pa lkug pa rmongs par 'gyur/ /yun ring sems dmyal ma rungs par/ /mi shis pas ni rab tu ltung / /dbang po thams cad phun tshogs shing / /bdag gi lus 'di rab mdzes pa/ /yun ring dus na bdag gis thob/ /'di ni bdag gis brtson bya'i/ /chos gang don dang ldan pa dang / /mya ngan 'da' ba'i grogs byed pa/ /</font><hr>80.92a<br><font size=+1>

byang chub lam dang byang chub la/ /bdag ni 'bad par bya ba'i dus/ /byang chub sems dpa'i sde snod ni/ /zab mo'i don dang ldan pa ste/ /bskal pa stong phrag bye bar yang / /de ni shin du thos par dka'/ /sangs rgyas kyi ni byang chub phyir/ /sangs rgyas chos mang 'di dang ni/ /gzhan yang bsam gyis mi khyab la/ /rab tu 'jug cing gzung bar bya/ /slob dpon la ni gus bcas shing / /bsnyen bkur dag ni byas pa na/ /sangs rgyas byang chub sems dpa' rnams/ /thos pa de ni rnyed par 'gyur/ /byang chub sems dpa' mi 'jigs pa/ /thabs dang shes rab ldan pa yi/ /'di lta bur ni sems bskyed nas/ /rdza gang tsam gyi chu yang 'bul/ /shA ri'i bu sems bskyed pa brgyad pa 'di bskyed nas byang chub sems dpa'i sde snod kyi phyir slob dpon la rim gro dang / bsnyen bkur byed de/ tha na chu rdza gang tsam yang 'bul lo/ /gzhan yang shA ri'i bu byang chub sems dpa' 'di ltar sems bskyed de/ kye ma'o sems can 'di dag ni don med pas yongs su bskor ba/ lus dang srog la lta ba'o/ /don gyis yongs su bskor ba ni lus dang srog la mi lta'o/ /don med pas yongs su bskor ba gang zhe na/ 'di lta ste/ lus dang srog la lta'i/ byang chub kyi phyogs kyi chos rnams la mi lta zhing nga yir 'dzin pa sngon du 'gro bas bdag sba ba dang / dril ba dang / mnye ba dang / bkru ba dang / brdzi bas yongs su bskor ba de ni don med pas yongs su bskor ba zhes bya'o/ /gzhan yang don med pas yongs su bskor ba ni 'di lta ste/ lus dang srog la lta zhing nga yir 'dzin pa sngon du 'gro bas chung ma dang / bu pho dang / bu mo dang / mdza' bo dang / nye du dang / </font><hr>80.92b<br><font size=+1>

snag gi gnyen mtshams sbed pa dang / dril ba nas yo byad dang / longs spyod thams cad kyi bar gyis yongs su bskor ba de ni don med pas yongs su bskor ba zhes bya'o/ /gzhan yang nga yir 'dzin pa sngon du 'gro ba nas/ bran pho dang / bran mo dang / las byed pa'i mi sbed pa dang / mngag pa dang / kun du srung ba de ni don med pas yongs su bskor ba zhes bya'o/ /de la don gyis yongs su bskor ba gang zhe na/ 'di lta ste/ lus dang srog la mi lta yi/ byang chub kyi phyogs kyi chos la lta zhing byang chub kyi sems sngon du 'gro ba'i lus kyi las dang / ngag gi las dang / yid kyi las yongs su bskor ba de ni don gyis yongs su bskor ba zhes bya'o/ /gzhan yang don gyis yongs su bskor ba ni/ 'di lta ste/ lus dang srog la mi lta yi/ byang chub kyi phyogs kyi chos la lta zhing byang chub kyi sems sngon du 'gro ba'i sbyin pa'i pha rol du phyin pa bsgrubs pa nas/ shes rab kyi pha rol tu phyin pa'i bsgrub pa'i bar gyis yongs su bskor ba de ni don gyis yongs su bskor ba zhes bya'o/ /gzhan yang don gyis yongs su bskor ba ni lus dang srog la mi lta yi byang chub kyi phyogs kyi chos la lta zhing byang chub kyi sems sngon du 'gro ba'i sbyin pa dang / snyan par smra ba dang / don bya ba dang / don 'thun pas sems can thams cad sdud pas sems su bskor ba de ni don gyis yongs su bskor ba zhes bya'o/ /gzhan yang don gyis yongs su bskor ba ni 'di lta ste/ lus dang srog la mi lta yi/ byang chub kyi phyogs kyi chos la lta zhing byang chub kyi sems sngon du 'gro ba'i dran pa nye bar bzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam bsgom pas yongs su bskor ba de ni don gyis yongs</font><hr>80.93a<br><font size=+1>

su bskor ba zhes bya'o/ /gzhan yang don gyis yongs su bskor ba ni 'di lta ste/ lus dang srog la mi lta'i/ byang chub kyi phyogs kyi chos la lta zhing / byang chub kyi sems sngon du 'gro ba'i pha ma dang / slob dpon la rim gro byed cing bla ma'i gnas la bsnyen bkur byed pa dang / 'dud pa dang / rab tu 'dud pa dang / gus par smra ba dang / phyag 'tshal ba dang / ldang ba dang / thal mo sbyor ba'i las kyis yongs su bskor ba de ni don gyis yongs su bskor ba zhes bya'o/ /gzhan yang don gyis yongs su bskor ba ni 'di lta ste/ lus dang srog la mi lta yi/ byang chub kyi phyogs kyi chos la lta zhing byang chub kyi sems sngon du 'gro ba'i dkon mchog gyi zhal ta byas pas yongs su bskor ba'o/ /de ltar kye ma'o sems can 'di dag ni don med pas yongs su bskor ba/ lus dang srog la lta ba'o/ /kye ma'o bdag ni don gyis yongs su bskor bas yongs su bskor gyi bdag gang brtson 'grus brtsams la slob dpon la lus kyi rim gro dang / bsnyen bkur bya ste/ de ltar na snying po med pa'i lus las snying po blangs pa dang / bsod nams dang / ye shes kyi stobs kyis nye bar brtan par byas par 'gyur te/ bsod nams dang ye shes kyi stobs des nye bar brtan pas byang chub kyi snying po dang nye bar 'gyur ro/ /snyam pa de ni shA ri'i bu sems bskyed pa dgu pa 'di bskyed nas slob dpon la rim gro dang bsnyen bkur byed de/ tha na chu rdza gang yang 'bul lo/ /de nas bcom ldan 'das kyis don de nyid rgya cher bstan pa'i phyir de'i tshe tshigs su bcad pa 'di dag gsungaso/ /byis pa so so'i skye bo kun/ /lus dang srog la lta ldan zhing / /byang chub phyogs la mi lta ste/ rnam pa sna tshogs las</font><hr>80.93b<br><font size=+1>

kyang byed/ /so so'i skye bo de dag ni/ /bdag gi don dang chung ma'i don/ /bu pho dang ni bu mo'i phyir/ /don med pa la chags par 'gyur/ /bran dang las byed mngag pa bdag /mi mkhas pas ni kun du mngags/ /rkang bzhi pa dag gos byed de/ de dag don med chags par 'gyur/ /nor dang 'bru rnams rab sogs shing / /sbyin pa mi byed mi spyod de/ /don med chags pa de dag ni/ /gdeng gyi srungs mar brjod pa yin/ /'di ni don med chags pa ste/ /so so'i skye bo de la chags/ /byang chub sems dpa' blo ldan ni/ /don la chags shing brtson par byed/ /lus dang srog la mi lta yi/ /byang chub phyogs la lta byed cing / /rnam pa sna tshogs las byed pa/ /don la yongs su chags shes bya/ /sbyin dang tshul khrims brtson 'grus bzod/ /bsam gtan shes rab de bzhin du/ /thabs dang rab tu ldan pa ni/ /don la yongs su chags shes bya/ /pha dang ma la bsnyen bkur byed/ /bla ma rgan rabs rjes su bskyangs/ /dkon mchog gsum gyi zhal ta byed/ /don la yongs su chags shes bya/ /chos kun yang dag bsdus pa yi/ /byang chub sems dpa'i sde snod 'di/ /klog cing rab tu ston pa ni/ /don la yongs su chags shes bya/ /don la chags pa de dag ni/ /sangs rgyas kun gyis bsngags pa ste/ /de la brtson dang ldan pa ni/ /rgyal sras 'jigs pa med pa'o/ /de lta bu yi sems bskyed nas/ /rab tu dang ba'i sems kyis ni/ /bla ma rnams la bsnyen bkur byed/ /snod gang tsam gyi chu yang 'bul/ /shA ri'i bu sems bskyed pa dgu pa 'di bskyed nas byang chub sems dpa' byang chub sems dpa'i sde snod kyi phyir slob dpon la rim gro dang / bsnyen bkur byed de/ tha na chu bum pa gang tsam yang 'bul lo/ /gzhan yang sha ri'i bu byang chub sems dpa' 'di ltar sems bskyed de/ kye ma'o sems can 'di dag ni bka' blo mi bde ba ste/ slob dpon gyi rjes su bstan pa dang mi mthun par 'dzin pas de dag khong du mi chud do ci khong du mi chud ce na 'di lta ste/ slob dpon gyi nor khong du mi chud do/ /slob dpon gyi nor gang zhe na/ 'di lta ste/ dad pa'i nor dang / tshul khrims kyi nor dang / thos pa'i nor dang / khrel yod pa'i nor dang / gtong ba'i nor dang / </font><hr>80.94a<br><font size=+1>

shes rab kyi nor te/ de dag ni slob dpon nor zhes bya ste/ de dag khong du ma chud pas na rab tu dbul ba zhes bya'o/ /bdag ni bka' blo bde zhing slob dpon gyi rjes su bstan pa dang mthun par bya'o/ /de ci'i phyir zhe na/ byang chub sems dpa' ni shin du bka' blo bde ba ste/ slob dpon gyi rjes su bstan pa dang 'thun par 'dzin cing khong du chud par byed do/ /ci khong du chud ce na/ 'di lta ste/ slob dpon gyi nor ro/ /byang chub sems dpa'i slob dpon gyi nor gang zhe na/ 'di lta ste/ byang chub sems dpa'i sde snod kyi chos kyi rnam grangs so/ /slob dpon gyis byang chub sems dpa' rnam pa thams cad tu bka' blo bde bar rig nas byang chub sems dpa'i sde snod kyi chos kyi rnam grangs rgya cher ston to/ /rab tu ston to/ /rab tu 'chad do/ /rab tu gzhog go/ /rnam par 'grel to/ /rnam par 'byed do/ /gsal por go bar byed do/ /yang dag par rab tu ston to/ /byang chub sems dpa'i sde snod la rab tu gnas pa'i byang chub sems dpa' ni dbul ba yongs su chad pa khong du chud par 'gyur te/ 'di lta ste/ bla na med pa yang dag par rdzogs pa'i byang chub bo/ /de de ltar sems bskyed de bka' blo bde zhing slob dpon gyi bstan pa dang 'thun par 'dzin pa ni snying po med pa'i lus las snying po blangs par 'gyur ro snyam nas slob dpon la rim gro dang / bsnyen bkur byed de tha na chu rdza gang tsam yang 'bul lo/ /shA ri'i bu sems bskyed pa bcu pa 'di bskyed nas byang chub sems dpa' byang chub sems dpa'i sde snod yongs su tshol bas slob dpon la bsnyen bkur dang rim gro byed de/ tha na chu rdza gang tsam yang 'bul lo/ /bcom ldan 'das kyis de skad gsungs te/ bde bar gshegs pas de skad bka' stsal nas ston pa yang 'di skad gsung / bka' blo mi bde sems can gang / /mi drang sgyu dang g.yo ngan cing / /bla ma rnams dang mi mthun pa/ /tshig bzhin du ni byed mi 'gyur/ /bstan pa dang ni mi mthun zhing / /bka' blo mi bde shes gyur nas/ /drang srong nor ni gang yin pa/ /de ni de la mi ston to/ /dad pa'i nor</font><hr>80.94b<br><font size=+1>

dang tshul khrims nor/ /khrel yod ngo tsha shes pa'i nor/ /thos pa'i nor dang gtong nor dang / /shes rab nyid ni nor bdun pa/ /nor gyi rnam pa 'di dag ni/ /mi zad pa yi gter bdun te/ /snod ma yin par rig nas ni/ /de ni de la mi ston to/ /sems can gang dag rnam pa kun/ /sangs rgyas chos kyi snod gyur cing / /g.yo med tshig 'jam sgyu med la/ /bka' blo bde zhing rab 'thun pa/ /sangs rgyas kyi ni byang chub phyir/ /lus dang srog la mi lta bar/ /gus dang bcas pa'i chos 'dod cing / /brtson 'grus rtsom pa rab tu sems/ /tshul 'di 'dzin par 'gyur ba yi/ /snod tu rung bar rig gyur nas/ /chos kyi dbyings ni dbyer med pa/ /'dren pas yang dag rab tu ston/ /gang la byang chub gnas pa yi/ /sangs rgyas rnams kyi snying po'i nor/ /byang chub sems dpa'i sde snod ni/ /rgyas par rab tu ston par byed/ /chos rnams thams cad bdag med de/ /mtshan med stong pa'i mtshan nyid can/ /srog kyang med cing 'gyur ba med/ /spros pa med de kun gzhi med/ /chos rnams thams cad rang bzhin gyis/ /ma skyes shing ni mtshan nyid med/ /byung ba med cing grub pa med/ /mtshan ma med pas phye ba ste/ /mi gang bka' blo bde zhing mi 'gal ba/ /bstan pa la ni rjes su 'thun 'dzin pa/ /de dag la yang rgyal ba rang 'byung rnams/ /thar sgo slebs shes rang gi spyod yul ston/ /dad nor tshul khrims nor dang khrel yod dang / /ngo tsha shes dang thos gtong shes rab dang / /de la nor 'di rnams ni kun 'ged cing / /bdun po mi zad chos kyi mdzod kyang 'bying / mi 'ga' bka' blo bde zhing rjes su 'thun/ /dge ba'i bshes gnyen snyam du rtag bsams nas/ /bla na med pa'i byang chub tshol ba'i phyir/ bla ma dag la bdag gis rim gro bya/ de lta bu yi sems ni bskyed byas la/ snying rje dga' ba rgya cher rab bskyed de/ kham snod dang ba'i chu yis bkang ba yang / /skom pa dag la nye bar sbyin par bya/ /shA ri'i bu sems bskyed pa bcu</font><hr>80.95a<br><font size=+1>

pa 'di bskyed nas byang chub sems dpa'i sde snod yongs su tshol bas slob dpon la lus kyis bsnyen bkur dang rim 'gro byed de/ tha na chu rdza gang tsam yang 'bul lo/ /de dge ba'i rtsa ba des chos bzhi thob par 'gyur te/ bzhi gang zhe na/ myur du dge ba'i chos la 'jug pa dang / slob dpon gyi bsngags pa brjod par 'gyur ba dang / nan tan gyis sgrub kyi log pa'i nan tan gyis ma yin pa dang / chos kyi phyir sdug bsngal gyi gzhan du phyogs bar mi 'gyur ba ste/ shA ri'i bu byang chub sems dpa' mi gyur ba na chos bzhi po de dag thob par 'gyur ro/ /gzhan yang chos bzhi thob par 'gyur te/ bzhi gang zhe na/ skye bo mang po'i rjes su bslabs nas dkar po'i chos la gnas pa dang / sbas shing bzhag pa'i gnas skye bo mang po mgu ba dang / rab tu dga' bar byed pa myur du 'thob pa dang / sems dga' bzhin du nyin mtshan zad par 'gyur ba dang / kun nas ldang ba med par 'chi ba'i dus byas nas bde 'gro mtho ris su skye bar 'gyur ba ste/ shA ri'i bu byang chub sems dpa' chos bzhi po de dag thob par 'gyur ro/ /de ltar gyur ba na chos bzhi po thob par 'gyur te/ bzhi gang zhe na/ lha'i 'khor gyi stan mchog rnyed par 'gyur ba dang / lha'i 'khor thams cad de'i gdong du lta zhing ci bshad pa de dag thos nas shes par bya'o snyam du sems par 'gyur ba dang / lha'i dbang po brgya byin dang de bzhin du lha'i bu gzhan yang de'i drung du 'ong gis/ de lha'i bu gzhan gyi drung du the tshom yongs su 'dri zhing gcad pa'i phyir 'gro ba ma yin pa dang / de'i longs spyod kyi phyir gzhal med khang chen por 'byung ba ste/ shA ri'i bu byang chub sems dpa' chos bzhi po de dag thob par 'gyur te/ lhar gyur pa dang / mir gyur pa na chos kyi sgo brgya stong phrag dpag tu med pa 'thob par 'gyur ro/ /de nas bcom ldan 'das kyis de'i tshe tshigs su bcad pa 'di dag gsungs so/ /de yi stan ni mthon por 'gyur/ /lha yis mngon par phyag byas nas/ /gang dag chos 'di 'chad pa la/ /lha rnams de la lta bar 'gyur/ /mkhas pa ser sna bral ba la/ /kun gyi sti stang byas par 'gyur/ /brgya byin de gan 'dir 'ong zhing / /</font><hr>80.95b<br><font size=+1>

gzhal med khang yang yid 'ong bzang / /lha'i 'jig rten gnas 'phos te/ /mi yi srid par 'ongs gyur nas/ /'khor los bsgyur ba ser sna med/ /rgyal po rdzu 'phrul chen por 'gyur/ /mi yi 'jig rten 'phos nas kyang / /lha'i nang du yang 'gro ste/ /bla ma dag la gus byas pas/ /nam yang sdug bsngal mi 'gyur ro/ /zhum pa med pa'i sems kyis su/ /bla ma dag la gus byas pas/ /gnas bzhi po ni de dag rnams/ /rgya cher rtag tu rnyed par 'gyur/ /dga' ba dang ni gus pa yis/ /snod gang tsam gyi chu byin na/ /lha dang mi dang klu rnams kyis/ /mchod pa dag tu 'os pa yin// // bam po bcu pa/ de ltar gyur na gzhan yang chos bzhi 'thob par 'gyur te/ chos bzhi gang zhe na/ sngon gyi las mngon par 'dus byas pa'i dge ba'i rtsa ba gang gis skyes pa rab tu shes pa dang / de na dge ba'i chos rnams yongs su 'dri ba yang rab tu shes pa dang / de nas shi 'phos nas gang du skye bar 'gyur ba de yang rab tu shes pa dang / lha'i 'khor la chos kyi gtam yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas lha'i 'jig rten nas 'chi 'pho bar 'gyur ba ste/ shA ri'i bu byang chub sems dpa' chos bzhi po de dag 'thob par 'gyur ro/ /gzhan yang shA ri'i bu byang chub sems dpa' chos bzhi 'thob par 'gyur te/ bzhi gang zhe na/ de lha'i gnas nas/ shi 'phos nas mi rnams dang skal pa mnyam par skye ba dang / de mir gyur na btsun par byed pa lnga 'thob par 'gyur ro/ /lnga gang zhe na/ 'di lta ste/ de rig btsun par skye bar 'gyur ba dang / gzugs btsun par 'gyur ba dang / tshul khrims btsun par 'gyur ba dang / de'i 'khor btsun par 'gyur ba dang / de'i sems</font><hr>80.96a<br><font size=+1>

can btsun pa rnams la byams pa sgom par 'gyur ba ste/ shA ri'i bu btsun par byed pa'i chos lnga po de dag 'thob par 'gyur ro/ /gzhan yang mi phyed par byed pa'i chos lnga 'thob par 'gyur te/ lnga gang zhe na/ 'di lta ste/ de'i mdza' bo mi phyed pa dang / lus myur du 'jig par mi 'gyur ba dang / de'i longs spyod yongs su nyams par mi 'gyur ba dang / byang chub kyi sems dang 'bral bar mi nus pa dang / chos kyi mu ge 'byung ba na de la chos kyi lo legs par 'gyur te/ shA ri'i bu mi phyed par byed pa'i chos lnga po de dag 'thob par 'gyur ro/ /gzhan yang ngo mtshar yongs su rdzogs pa'i chos lnga 'thob par 'gyur te/ lnga gang zhe na/ 'di lta ste/ gang snod stong pa gsog bzhag par gyur pa rnams su de'i lag pa gang du bcug pa de dag thams cad rin po ches yongs su gang bar 'gyur te/ ngo mtshar yongs su rdzogs pa dang po 'di 'thob par 'gyur ro/ /de sgom par gyur na yan lag brgyad dang ldan pa'i chu'i rdzing bu 'byung ste/ ngo mtshar yongs su rdzogs pa gnyis pa 'di 'thob par 'gyur ro/ /gzhan yang de'i lus la gzhan gyis gnod par bya bar mi 'gyur te/ 'di lta ste/ dug dang / mtshon dang / me dang / chu dang / mdangs 'phrog pa'i gnod sbyin gyis gtse ba med pa ste/ ngo mtshar yongs su rdzogs pa gsum pa 'di 'thob par 'gyur ro/ /gzhan yang mtshon gyi bskal pa bar ma byung ba 'am/ nad kyi bskal pa bar ma byung ba 'am/ mu ge'i bskal pa bar ma byung ba 'am/ </font><hr>80.96b<br><font size=+1>

me'i bskal pa bar ma byung ba 'am/ chu'i bskal pa bar ma byung ba 'am/ rlung gis bskal pa bar ma byung ba 'am/ skom pa'i bskal pa bar ma 'am/ kun du gdung ba'i bskal pa bar ma 'am/ gnod sbyin gyi bskal pa bar ma byung ba na 'dzam bu'i gling du skye bar mi 'gyur gyi/ de bde ba dang / mthu dang ldan par 'gyur zhing bde ba dang / mthu mang bar 'gyur te/ ngo mtshar yongs su rdzogs pa bzhi po 'di 'thob par 'gyur ro/ /gzhan yang shA ri'i bu byang chub sems dpa' dge ba'i rtsa ba de nyid gyis mi dal bar mi skye/ ngan 'gror mi skye/ sems la 'gyod pas kun du dkri bar mi nus shing nges par 'byung ba myur du mthong bar 'gyur te/ ngo mtshar yongs su rdzogs pa lnga pa 'di 'thob par 'gyur ro/ /shA ri'i bu byang chub sems dpa'i ngo mtshar yongs su rdzogs pa lnga po 'di dag 'thob par 'gyur ro/ /gzhan yang shA ri'i bu byang chub sems dpa' dge ba'i rtsa ba de nyid kyis chos bzhi dang mi 'bral bar 'gyur te/ bzhi gang zhe na/ byang chub sems dpa'i sdug bsngal ba'i sems can rnams mthong ma thag tu snying rje chen po 'thob pa dang / de la de'i bu dang bu mo gus pa dang bcas shing zhe sa byed par 'gyur ba dang / rga bas bcom yang brnyas par mi 'gyur ba dang / de las kyi mtha' gang byed pa de dag kyang nyis 'gyur sum 'gyur du 'thob par 'gyur ba ste/ chos bzhi po de dag dang rtag tu rgyun mi 'chad par mi 'bral bar 'gyur ro/ /gzhan yang shA ri'i bu byang chub sems dpa' dge ba'i rtsa ba de nyid dang ldan pas chos gsum gyis</font><hr>80.97a<br><font size=+1>

mi 'phrogs te/ gsum gang zhe na/ chags pas mi 'phrogs pa dang / zhe sdang dang / gti mug gis mi 'phrog pa ste/ chos gsum po de dag gis mi 'phrogs so/ /gzhan yang shA ri'i bu byang chub sems dpa' dge ba'i rtsa ba de nyid dang ldan pas nad med par byed pa'i chos bzhi 'thob par 'gyur te/ bzhi gang zhe na/ nad rgyun ring po med pa dang / yan lag skam par mi 'gyur ba dang / longs spyod nyams par mi 'gyur ba dang / rgyal po 'am/ rkun po 'am/ de ma yin pa'i sems can 'tshe bar byed pa gzhan gyis sdug bsngal ba dang gnod par bya bar mi 'gyur te/ shA ri'i bu byang chub sems dpa' nad med par byed pa'i chos bzhi po de dag 'thob par 'gyur ro/ /gzhan yang shA ri'i bu byang chub sems dpa' dge ba'i rtsa ba de nyid dang ldan pas bla ma'i gnas bzhi 'thob par 'gyur te/ bzhi gang zhe na/ 'khor los sgyur ba'i rgyal po mtha' bzhir rnam par rgyal zhing chos can chos kyi rgyal po rin po che sna bdun dang ldan par 'gyur te/ de'i rin che sna bdun ni 'di rnams yin no/ /'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che ste/ bdun po de dag go/ /de'i bu dpa' ba/ rtul phod pa/ yan lag mchog gi gzugs can/ pha rol gyi sde rab tu 'joms pa stong tham par 'gyur ro/ /gling bzhi pa yang de'i rjes su 'brang bar 'gyur/ de la gus par byed par 'gyur/ skar mkhan dang / blon po chen po dang / sgo ba dang / 'khor dang / grong rdal gyi mi dang / </font><hr>80.97b<br><font size=+1>

ljongs kyi mi dag dang / khams kyi rgyal po thams cad kyis kyang gus par byed par 'gyur te/ bla ma'i gnas dang po 'di 'thob par 'gyur ro/ /gzhan yang shA ri 'i bu byang chub sems dpa' 'dod pa'i yon tan lnga la chags par mi 'gyur te/ lnga gang zhe na/ 'di lta ste/ mig gis shes par bya ba'i gzugs dang / rna bas shes par bya ba'i sgra dang / snas shes par ba'i dri dang / lces shes par bya ba'i ro dang / lus kyis shes par bya ba'i reg rnams te/ de ltar 'dod pa'i yon tan lnga po la chags par mi 'gyur gyi /dad pas khyim nas khyim med par rab tu byung ste/ myur du mngon par shes pa lnga 'thob par 'gyur zhing / de la mi dang mi ma yin pa rnams gus par byed par 'gyur te/ bla ma'i gnas gnyis pa 'di rjes su 'thob par 'gyur ro/ /gzhan yang shA ri'i bu byang chub sems dpa' gang dang gang du skyes pa thams cad tu blos mchog tu 'gyur/ shes rab kyis mchog tu 'gyur/ spobs pas mchog tu 'gyur/ de rgyal por grags par 'gyur ro/ /'di lta ste/ 'das pa'i dus na sman chen po zhes bya ba zhig byung ba de bzhin du de rgyal po'i pho brang gi stan mchog 'thob ste/ de la rgyal po dang / gang de ma yin pa gzhan skar mkhan dang / blon po chen po dang / sgo ba dang / 'khor dang / grong rdal gyi mi dang / yul gyi mi rnams gus pa byed par 'gyur te/ bla ma'i gnas gsum pa 'di rjes su 'thob par 'gyur ro/ /gzhan yang shA ri'i bu byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas pa</font><hr>80.98a<br><font size=+1>

na/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / sems can thams cad kyi mchog tu 'gyur/ mngon par 'phags par 'gyur/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas mngon par 'phags par 'gyur/ tshul khrims rnam par 'phel bas mngon par 'phags par 'gyur/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba rnam par 'phel bas mngon par 'phags par 'gyur te/ bla ma'i gnas bzhi pa de 'thob par 'gyur te/ bla ma'i gnas bzhi po de dag 'thob par 'gyur ro/ /shA ri'i bu byang chub sems dpas 'di lta ste/ chos 'dod pa'i phyir mkhan po dang / slob dpon la chu bum pa gang tsam phul na de lta bu'i yon tan gyi chos tshad med pa len par 'gyur ro/ /tshul shog ces byas na yang 'ong zhing ji ltar smras pa las 'gal bar mi byed pa'i dge ba'i rtsa ba de nyid kyis de yo byad bzhi thob pa 'gyur te/ bzhi gang zhe na/ skye bo ma rabs kyi yo byad ma yin gyi rgyal po'i yo byad 'thob par 'gyur/ drang srong gi yo byad 'thob par 'gyur te/ 'dod pa spong ba la 'dzud pa 'di lta ste/ dad pas khyim nas khyim med par rab tu 'byung ba de ni chos kyi yo byad ces bya'o/ /gzhan yang shA ri'i bu byang chub sems dpa' skye ba gang dang gang du skyes pa na skye ba thams cad tu skye ba dran par 'gyur te/ de skye ba dran pas skye ba de dang de</font><hr>80.98b<br><font size=+1>

dag tu byang chub kyi sems brjed par mi 'gyur ba de ni dran pa'i yo byad ces bya'o/ /gzhan yang shA ri'i bu byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas nas 'khor bzhis bskor cing / mdun du bdar bar 'gyur/ lha dang / klu dang / gnod sbyin dang / dri za dang / lha ma yin dang / namakha' lding dang mi 'am ci dang / lto 'phye chen po dang / mi dang mi ma yin pas kun nas bskor cing mdun du bdar bar 'gyur te/ yo byad bzhi po de dag 'thob par 'gyur ro/ /gzhan yang shA ri'i bu byang chub sems dpa' slob dpon gang dang gang las tshig bzhi pa'i tshigs su bcad pa rnyed cing 'dzin par 'gyur te/ de tshur shog ces bsgo na yang de 'ong / song shig ces bsgo na yang de 'gro ba dang / 'di ni dge ba/ 'di ni mi dge ba/ 'di ni kha na ma tho ba dang bcas pa 'di ni kha na ma tho ba med pa/ 'di ni bsten pa bya ba/ 'di ni bsten par bya ba ma yin pa zhes bya ba nas gong ma bzhin du sbyar te bya ba 'di ni gnod pa/ phan pa med pa/ sdug bsngal bar 'gyur ro/ /'di byas na yun ring po'i don dang phan pa dang bde bar 'gyur ro/ /zhes ji ltar bsgo ba bzhin du mi dge ba mi byed cing dge ba la sten te/ slar mi zlog cing mi mthon par mi byed pa de dge ba'i rtsa ba de dang ldan pas mthon por byed pa'i chos bzhi 'thob par 'gyur te/ bzhi gang zhe na/ tshul khrims mthon por byed pa'i chos 'thob par 'gyur/ lus mthon por byed pa'i chos 'thob par 'gyur te/ de'i lus ring zhing lus thams cad rgyas par</font><hr>80.99a<br><font size=+1>

'gyur/ shes rab che bar 'gyur te/ shes rab mtho ba/ shes rab rgya che ba/ shes rab yangs pa/ shes rab mgyogs pa/ shes rab rno ba/ shes rab myur ba/ shes rab zab pa/ shes rab nges par rtogs par 'gyur/ lus zhig nas bde 'gro mtho ris kyi 'jig rten du skye bar 'gyur te/ mthon por byed pa'i chos bzhi po de dag 'thob par 'gyur ro/ /gzhan yang shA ri'i bu byang chub sems dpa' dge ba'i rtsa ba de nyid ldan pas bltar mi snang bar byed pa'i chos bzhi 'thob par 'gyur te/ bzhi gang zhe na/ 'doms kyi sba ba sbubs su nub pa 'thob ste/ 'di ni bltar mi snang bar byed pa'i chos 'thob par 'gyur ba dang po'o/ /gzhan yang shA ri'i bu byang chub sems dpa' dge ba'i rtsa ba de nyid dang ldan pa'i byang chub sems dpa' skyes nas pha dang ma dang / gzhan nye du rnams dang / lha dang / klu dang / dri za dang / gnod sbyin dang / srin po dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams kyis dad pa'i sems kyis kyang rung / ma dad pa'i sems kyis kyang rung ste/ sems can gang gis kyang byang chub sems dpa'i spyi gtsug mthong bar mi nus te/ 'di ni bltar mi snang bar byed pa'i chos 'thob par 'gyur ba gnyis pa'o/ /gzhan yang shA ri'i bu byang chub sems dpa' dge ba'i rtsa ba de nyid dang ldan pas skyes pa nas rgyas par byas te/ pha ma nas mi dang mi ma yin pa'i bar gyis dad pa'i sems kyis kyang rung / ma dad pa'i sems kyis kyang rung ste/ gang gis kyang byang chub sems dpa'i kha'i byi dor</font><hr>80.99b<br><font size=+1>

byed mi nus to/ de kha'i byi dor bya 'o snyam pa dang / rkang pa gnyis la kha'i sgo 'byung ngo / de ci'i phyir zhe na/ shA ri'i bu skyes bu dam pa de dag 'di lta bu'i ngo mtshar dang rmad kyi chos dang ldan zhing skyes bu dam pa'i ngag mchog dang ldan par 'gyur te/ 'di bltar mi snang bar byed pa'i chos gsum pa'o/ /gzhan yang shA ri'i bu byang chub sems dpa'/ /dge ba'i rtsa ba de nyid dang ldan pas byang chub sems dpa' skyes ma thag tu gzhan gyis ma bzung bar sa la 'dug nas phyogs bzhir rnam par lta ste/ de ye shes 'bar ba rnyed do/ /de ci'i phyir zhe na/ 'di ltar byang chub sems dpa' des sngon g.yo med par thos pa btsal bas g.yo med pa'i mig thob ste/ byang chub sems dpa' g.yo med pa'i mig de dang ldan pas stong gsum gyi stong chen po'i 'jig rten gyi khams kyi sems can ji snyed pa de dag thams cad lha'i mig rnam par dag par mi'i las 'das pas mthong ngo / de ltar byang chub sems dpa' myur ba'i cha dang ldan pa'i ye shes chen po 'thob ste/ byang chub sems dpa' ye shes chen po de dang ldan pas sems can thams cad kyi dus gsum gyi sems kyi tshul rab tu shes so/ /de ci'i phyir zhe na/ 'di ltar byang chub sems dpa' des sngon don du gnyer bar byas/ yid la byas/ sems thams cad kyis bsam shing ri mor byas nas chos la sman du 'du shes pa dang / rin po cher 'du shes pa dang / dkon par 'du shes pa dang / ji lta ba bzhin du 'du shes bskyed de thos pa yongs su bzung ngo / de bas na byang chub sems dpa'</font><hr>80.100a<br><font size=+1>

myur du rab tu rnam par 'byed pa'i ye shes rnyed do/ /rab tu rnam par 'byed pa'i ye shes de dang ldan pa'i byang chub sems dpa' sems can thams cad kyi tshul khrims la yongs su 'jal ba nas thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i bar la yongs su 'jal lo/ /tshul khrims kyi spyir yongs su 'jal ba nas/ thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i bar gyi spyir yongs su 'jal lo/ /sems can thams cad kyi tshul khrims kyi rgyu 'thun pa la yongs su 'jal ba nas thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i rgyu 'thun pa'i bar la yongs su 'jal lo/ /gang sems can thams cad kyi tshul khrims kyi rgyu 'thun pa las shin du lhag par yongs su 'jal ba nas thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i rgyu 'thun pa'i bar la yongs su 'jal lo/ /gang sems can thams cad kyi tshul khrims kyi rgyu 'thun pa las shin du lhag par yongs su 'jal ba nas thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i rgyu 'thun pa las shin du lhag pa'i bar la yongs su 'jal lo/ /sems can thams kyi spyod lam dang / spyod pa dang / nan tan dang / rtul pa la yongs su 'jal lo/ /sems can thams cad phan tshun brtsal na gang sems can thams cad kyi tshul khrims dang thos pa nas/ rnam par grol ba'i ye shes mthong ba'i bar dang / sems can thams cad kyi spyi'i tshul khrims nas/ spyi'i thos pa dang / ting nge 'dzin dang / shes rab dang / rnam par grol</font><hr>80.100b<br><font size=+1>

ba dang / rnam par grol ba'i ye shes mthong ba'i bar dang / gang sems can thams cad kyi tshul khrims kyi rgyu 'thun pa las shin du lhag pa nas/ thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i bar gyi rgyu 'dra ba dang / gang sems can thams cad kyi tshul khrims kyi rgyu 'thun pa las shin du lhag pa nas thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i rgyu 'thun pa las shin du lhag pa'i bar dang / gang sems can thams cad kyi spyod lam dang / spyod pa dang / rtul pa de dag thams cad dang / bdag gis bsod nams dang bsgrun cing yongs su btsal na bdag dang mtshungs shing mnyam pa yang dag par rjes su mi mthong ngo / /de yang sems can thams cad kyi rtsa ba la lhag par gnas pa yongs su tshol te/ des thams cad yongs su btsal na bdag dang mtshungs shing mnyam pa yang dag par rjes su mi mthong ngo / /de ltar shA ri'i bu byang chub sems dpa' myur du de'i skad cig nyid la las kyi rnam par smin pas grub pa'i ye shes skye ste/ des se gol gtogs pa srid kyis sems can thams cad kyi sems kyi rnam pa stong rab tu shes te/ des thams cad yongs su btsal na bdag dang mtshungs shing mnyam pa yang dag par rjes su mi mthong ngo / /bdag bla ma'i gnas la gnas par shes shing ma bzung bar seng ge dang / glang po che'i 'gros lta bus sa la gom pa bdun bor te/ de byang chub kyi snying po gang na pa der las kyi rnam par smin pa bdun du byas nas gnas te/ bdag ni 'jig rten gyi gtso bo/ bdag ni 'jig rten gyi mchog ste/ skye ba dang / rga ba dang / na pa dang / 'chi ba</font><hr>80.101a<br><font size=+1>

mthar bya'o/ /sems can skye ba dang / rga ba dang / na pa dang / 'chi bas gzir ba rnams thar bar bya'o/ /chos bzang po bstan par bya'o zhes smras te/ shA ri'i byang chub sems dpas tshig de smras ma thag tu stong gsum gyi stong chen po'i 'jig rten gyi khams 'di dbyangs kyis go bar byas par 'gyur/ sa g.yo bas 'jigs shing spu zing zhes byed pa yang 'jig rten du 'byung bar 'gyur ro/ /lha'i rnga yang rgyun mi 'chad par rdung ngo / /sa phyogs gang na byang chub sems dpa' gnas par 'gyur ba'i sa phyogs der 'khor lo tsam zhig mi g.yo'o/ /chu'i phung po gang la gnas pa'i chu'i phung po de rlung gis bskyod par mi 'gyur ro/ /des thams cad tu bltas na bdag snang bar gyur cing gnas par mthong ngo / /de bla na med pa yang dag par rdzogs pa'i byang chub mngon par sangs rgyas na de la sems can thams cad kyi lta bar mi nus so/ /'di ni bltar mi snang bar byed pa'i chos 'thob par byed pa bzhi pa ste/ shA ri'i bu bltar mi snang bar byed pa'i chos bzhi po de dag 'thob par 'gyur ro/ /de ci'i phyir zhe na/ ji ltar slob dpon gyis tshur shog shig ces byas na yang 'ong / song shig ces byas na yang 'gro ba'i phyir ro/ /de dge ba'i rtsa ba de nyid dang ldan pas yang ba bzhi 'thob par 'gyur te/ bzhi gang zhe na/ 'di lta ste/ sangs rgyas bcom ldan 'das rnams kyis bstan pa mtshan nyid ma tshang ba med cing sangs rgyas bcom ldan 'das rnams kyi chos bstan pa 'bras bu yod pa yang ba dang po 'di thob bo/ /dge ba'i rtsa ba de nyid dang ldan pas de bzhin gshegs pa la dge slong tshur shog ces gsung bar 'gyur te/ dge slong tshur shog ces byas na skra bregs par 'gyur/ ngur smrig gyon cing lhung bzed thogs par 'gyur te/ yang ba gnyis pa 'di 'thob bo/ /</font><hr>80.101b<br><font size=+1>

dge ba'i rtsa ba de nyid dang ldan pas de bzhin gshegs pas sems can thams cad kyi dus gsum gyi sems rab tu mkhyen te/ yang ba gsum pa 'di 'thob bo/ /dge ba'i rtsa ba de nyid dang ldan pas de bzhin gshegs pa sems can thams cad kyi sman ji lta ba bzhin du rab tu mkhyen te/ yang ba bzhi pa 'di 'thob bo/ /de dag ni yang ba bzhi ste/ de ci'i phyir zhe na/ de ltar de legs par zhugs pas slob dpon dang mkhan po la tha na chu bum pa gang tsam yang 'bul ba'i phyir ro/ /gzhan yang shA ri'i bu byang chub sems dpa' dge ba'i rtsa ba de nyid dang ldan pas gzhan gyis mi tshugs pa'i chos bzhi 'thob par 'gyur te/ bzhi gang zhe na/ shA ri'i bu de bzhin gshegs pa'i sku la me dang / mtshon dang / dug gis tshugs pa ni gnas ma yin zhing skabs med pa dang / pha rol gyis gnod pa byas pas 'chi ba'i dus byed par 'gyur ba de lta bu'i gnas med do/ /pha rol gyis mi tshugs pa'i chos bzhi po de dag 'thob par 'gyur ro/ /de yang pha rol gyis mi tshugs pa'i chos bzhi 'thob par 'gyur te/ bzhi gang zhe na/ shA ri'i bu sems can thams cad kyis de bzhin gshegs pas ma gsan pa'i chos tha na chos kyi tshig gcig tsam yang thos par byed nus pa gnas ma yin zhing skabs med de/ de lta bu'i gnas med do/ /sems can thams cad kyis tha na sems bskyed pa gcig tsam yang mnyam par ma bzhag pa'i sems rnyed par 'gyur ba'i bar du de lta bu'i gnas med do/ /gzhan yang shA ri'i bu de bzhin gshegs pa ni rtag tu mnyam par bzhag pa ste/ de bzhin gshegs pa ni byams pa la gnas/ snying rje la gnas/ dga' ba la gnas/ btang snyoms la gnas so/ /shA ri'i bu sems can thams cad kyis de bzhin gshegs pa'i lus sam/ </font><hr>80.102a<br><font size=+1>

gzugs la mtshan mar 'dzin nus pa ni gnas ma yin zhing skabs med/ de lta bu'i gnas med de/ gzhan gyis mi tshugs par byed pa'i chos bzhi po de dag 'thob par 'gyur ro/ /shA ri'i bu 'di lnga ni de bzhin gshegs pa'i tshad med par byed pa'i chos so/ /lnga gang zhe na/ shA ri'i bu de bzhin gshegs pa'i tshul khrims tshad med pa dang / shA ri'i bu de bzhin gshegs pa'i thos pa tshad med pa dang / de bzhin gshegs pa'i ting nge 'dzin dang / shes rab kyis rnam par grol ba dang / rnam par grol ba'i ye shes mthong ba tshad med pa ste/ shA ri'i bu lnga po de dag ni de bzhin gshegs pa'i tshad med par byed pa'i chos so/ /tshur shog ces byas na yang 'ong ba'i dge ba'i rtsa ba de nyid dang ldan pas thogs pa med pa'i ye shes bzhi 'thob par 'gyur te/ bzhi gang zhe na/ sangs rgyas bcom ldan 'das rnams 'das pa'i dus la ma chags ma thogs pa'i ye shes mthong ba 'jug pa dang / sangs rgyas bcom ldan 'das rnams ma 'ongs pa'i dus la ma chags ma thogs pa'i ye shes mthong ba 'jug pa dang / sangs rgyas bcom ldan 'das rnams da ltar byung ba'i dus la ma chags ma thogs pa'i ye shes mthong ba 'jug pa dang / de bzhin gshegs pa'i sems mnyam par bsgrub pa ste/ sems mnyam par bsgrub pa des de bzhin gshegs pa'i dus gsum mnyam pa nyid kyi ye shes dang / yang dag pa'i ye shes dang ldan no/ /yang dag pa'i ye shes des gzhan la rag ma las/ gzhan gyi khar ma las par chos thams cad shes te/ de bzhin gshegs pa'i ye shes bsam gyis mi khyab bo/ /bsam gyis mi khyab pa'i ye shes de dang ldan pas rlung dang / char rab tu mkhyen te/ rjes su 'thun pa zhes bya ba'i</font><hr>80.102b<br><font size=+1>

rlung ldang ste/ sems can ji snyed pas cung zad so sor rjes su myong bar 'gyur te/ rlung de'i 'phang du rgyang grags gsum mo/ /de'i steng gi bar snang la rlung sprin ces bya ba'i rlung ldang ste/ de'i 'phang du rgyang grags lnga'o/ /de'i steng gi bar snang la 'jom pa zhes bya ba'i rlung ldang ste/ rlung de'i dkyil 'khor gyi 'phang du dpag tshad bcu'o/ /de'i steng gi bar snang la skye bral zhes bya ba'i rlung ldang ste/ rlung gi dkyil 'khor de'i 'phang du dpag tshad sum bcu'o/ /de'i steng gi bar snang la de bzhin gshegs pa zhes bya ba'i rlung ldang ste/ rlung gi dkyil 'khor de'i 'phang du dpag tshad bzhi bcu'o/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni shes rab la ston pa ste/ rlung gi dkyil 'khor bye ba stong phrag drug bcu rtsa brgyad rab tu mkhyen te/ de la tha ma'i rlung gi dkyil 'khor kun tu khyab ces bya ste/ gang la sa chen po gnas pa'i chu'i phung po 'phang du dpag tshad stong phrag drug bcu rtsa brgyad yod de/ sa chen po'i 'phang du yang dpag tshad stong phrag drug bcu rtsa brgyad do/ /de ltar shA ri'i bu grangs dang / bgrang ba bstan pas stong gsum gyi stong chen po'i 'jig rten gyi khams te/ de na phung po chen po zhes bya ba'i de bzhin gshegs pa dgra bcom pa yang dag par rdzogs pa'i sangs rgyas da ltar bzhugs te 'tsho zhing bzhes so/ /de'i tshe'i tshad ni lo bye ba phrag sum bcu'o/ /de'i 'khor nyan thos ni bye ba khrag khrig phrag sum bcu ste/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ </font><hr>80.103a<br><font size=+1>

sems kyi dbang thams cad kyi dam pa'i pha rol tu son pa'i bar tu ste/ nyan thos chen po rnams kyi nyan thos 'dus pa chen po yod do/ /de'i byang chub sems dpa' sems dpa' chen po bye ba phrag brgya byang chub sems dpa'i sde snod thob pa don la shin du rnam par nges pa/ thos pa rgya mtsho chos smra ba/ stong pa nyid la gnas pa/ mtshan ma med pa la gnas pa/ smon pa med pa la gnas pa chen po sha stag 'dus pa yod do/ /de yongs su mya ngan las 'das nas dam pa'i chos lo stong du gnas par 'gyur shing yongs su mya ngan las 'das nas lo stong na de yongs su mya ngan las 'da' bar 'gyur te/ de'i ring bsrel yang rgyas par 'gyur ro/ /'di lta ste/ dper na/ nga da ltar yongs su mya ngan las 'das pa'i ring bsrel rab tu rgyas par 'gyur ba bzhin no/ /shA ri'i bu de bzhin gshegs pa ni ye shes thog pa med pa ste/ de bas kyang lhag par de bzhin gshegs pa'i ye shes dpag tu med do/ /rlung gi dkyil 'khor yongs su khyab pas sangs rgyas kyi zhing yongs su khyab bo/ /shA ri'i bu steng gi phyogs kyi 'jig rten gyi khams na da ltar de bzhin gshegs pa med pa yang yod do/ /de na rang sangs rgyas brgya phrag stong yod de/ de dag la sems can rnams dge ba'i rtsa ba skyed do/ /shA ri'i bu de bzhin gshegs pa ni ye shes la rton pa ste/ /de'i yang steng gi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma dang mnyam pa da ltar byung ba rnams rab tu mkhyen to/ /de bzhin du phyogs bcu kun tu tshad med grangs med gzhal du med dpag tu med pa'i de bzhin gshegs pa dgra bcom pa yang dag par rdzogs pa'i sangs rgyas da ltar byung ba de dag rab tu mkhyen/ sangs rgyas kyi zhing tshig pa de snyed kyang rab tu mkhyen to/ /de skad ces bka' stsal nas/ bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das dge ba'i rtsa ba gang dang ldan pas de bzhin gshegs pa dgra bcom pa yang dag par rdzogs pa'i sangs rgyas 'di lta bur/ </font><hr>80.103b<br><font size=+1>

sgrib pa med pa'i ye shes dang ldan/ bcom ldan 'das kyis bka' stsal pa/ shA ri'i bu dang la rab tu gnas te/ chos la gus pa 'du shes pa dang / ri mor byas te sman du 'du shes pa dang / rin po cher 'du shes pa dang / dkon par 'du shes pa dang / dge ba'i rtsa bar 'du shes pa dang / ji lta ba bzhin tu 'du shes bskyed nas gus pa'i 'du shes dang / chos su 'du shes yongs su bzung ba la gnas te/ shA ri'i bu de ltar de bzhin gshegs pa'i ye shes 'bar bas/ shA ri'i bu de bzhin gshegs pas shin tu mang po dang de bas kyang lhag par sangs rgyas bcom ldan 'das rnams kyi ye shes rgyun mi 'chad/ dpag tu med/ grangs med/ gzhal tu med/ brjod tu med par rab tu mkhyen to/ /tshur shog ces byas na yang 'ong ba'i dbang des se gol gtogs pa srid kyis de bzhin gshegs pa sangs rgyas kyi zhing gang gA'i klung gi bye ma dang mnyam par 'chag cing slar yang 'ong ngo / /shA ri'i bu des mos pas thos pa bzung bas de nyid kyis/ myur du rnam par grol ba thob ste/ rnam par grol ba des shin tu rnam par grol lo/ /ci las rnam par grol zhe na/ sdug bsngal thams cad las shin du rnam par grol lo/ /shA ri'i bu gang la las gus pa'i gnas bzhi thob pa tsam gyis dad pa thob nas ji ltar sangs rgyas kyi chos dang 'brel bar mi 'gyur ba de ltar gnas/ de bzhin du gnas de lta bu'i tshul du gnas par bya'o/ /snyam du sems bskyed na yang 'di lta bu'i mdo sde'i chos kyi rnam grangs kyi tshig dang yi ge mi 'dzin kyang de dge ba'i rtsa de nyid kyis shes rab byed pa'i chos bzhi 'thob par 'gyur te/ bzhi gang zhe na/ shes rab can shes rab chen po dang ldan par 'gyur ba dang / shes rab can sangs rgyas mthong zhing phrad nas mnyes par byed pa dang / shes rab can dad pas khyim nas khyim med par rab tu 'byung ba dang / shes rab can bla na med pa yang dag rdzogs pa'i byang chub</font><hr>80.104a<br><font size=+1>

mngon par 'tshang rgya ba ste/ shes rab byed pa'i chos bzhi po de dag 'thob par 'gyur ro/ /de mang por byed pa'i chos bzhi thob par 'gyur te/ bzhi gang zhe na/ mir 'gyur ba mang po rnyed pa dang / sangs rgyas 'byung ba mnyes par byed pa mang po dang / dad pas khyim nas khyim med par rab tu 'byung ba mang po dang / bla na med pa yang dag par rdzogs pa'i byang chub mngon par rdzogs par 'tshang rgya ba mang po ste/ mang por byed pa'i chos bzhi po de dag 'thob par 'gyur ro/ /de yan lag bzhi rjes su 'thob par 'gyur te/ bzhi gang zhe na/ 'khor los sgyur ba'i yan lag rjes su 'thob ste/ 'khor los sgyur ba'i rgyal por 'gyur ba dang / tshangs pa'i 'jig rten du 'tshangs par 'gyur ba dang / lha'i dbang po brgya byin du 'gyur ba dang / bla na med pa yang dag par rdzogs pa'i byang chub mngon par rdzogs par sangs rgyas nas/ chos thams cad yongs su rdzogs pa rjes su 'thob/ stobs bsngags pa rjes su 'thob/ sems can yongs su rtogs pa'i ye shes rjes su 'thob/ rdzu 'phrul gyi spyod yul yang rab tu mkhyen cing lhar bcas pa'i 'jig rten gyi mig tu 'gyur ro/ /de nas bcom ldan 'das kyis don de nyid rgya cher rab tu bstan pa'i phyir/ de'i tshe tshigs su bcad pa 'di dag gsungs so/ /'jig rten gyi ni skyabs dang mig /sems can kun gyi dam pa ste/ gang reg mya ngan 'da' 'gyur ba'i/ /gso ba thams cad rab tu shes/ /tshur shog ces byas 'ong gyur pa'i/ /rnam par smin pa 'di 'dra ste/ /nam yang sdug bsngal mi 'gyur zhing / /bka' blo mi bder yong mi 'gyur/ /</font><hr>80.104b<br><font size=+1>

lha yi nang du myur 'gro zhing / /mi yi nang du 'ang myur du 'gro/ /sangs rgyas dag kyang myur mthong zhing / /mi khom rnam par spong bar 'gyur/ /'byor cing nor yang chen por 'gyur/ /gter gyi rnams ni mang mthong zhing / /gang du lag pa bcug pa rnams/ /thams cad rin chen gang bar 'gyur/ /yan lag brgyad kyi chus gang ba'i/ /rdzing bu rab tu bsags par 'gyur/ /nam yang mya ngan mi myong ste/ /bka' blo bde ba'i 'bras bu 'di/ /thing po zha bor mi 'gyur zhing / /rkang pa 'khums dang 'bub pa dang / /yan lag skam par mi 'gyur zhing / /yan lag nyams par mi 'gro'o/ /sor mo dgu par mi 'gyur zhing / /sgur po zhar bar mi 'gyur ro/ /glang po'i mgo ltar mi 'gyur te/ /bka' blo bde ba'i 'bras bu 'di/ /de'i yan lag rgyas shing dkar/ /lcags kyi dngos po 'dra bar 'gyur/ /rab tu mdzes shing blta na sdug /kha dog ldan zhing mdzes par gnas/ /lha yis mngon par mchod par 'gyur/ /mi rnams shin du sti stang byed/ /klu rnams kyis ni mngon mchod 'gyur/ /bka' blo bde ba'i 'bras bu 'di/ /ngan 'gro thams cad spangs nas ni/ /mi de mtho ris 'gro bar 'gyur/ /myur du byang chub 'tshang rgya ste/ /bka' blo bde ba'i 'bras bu 'di/ /mi des sems can thams cad kyi/ /sems rnams thams cad rab tu shes/ /gom pa dag ni bdun por nas/ /</font><hr>80.105a<br><font size=+1>

'jig rten dbyangs kyis go bar byed/ /de yi ye shes mchog 'gyur zhing / /shes rab dag kyang mchog tu 'gyur/ /rnam par grol ba mchog 'gyur te/ /sems can rnams ni kun gyi mchog /shes rab kyis ni shes rab spyod/ /shes rab ye shes gnas pa ste/ /shes rab ye shes rnam par grol/ /sangs rgyas kun gyi brnyes pa yin/ /shes rab kyis ni rang bzhin shes/ /ye shes kyis ni shes bya shes/ /gang dag shes rab ye shes dag /thams cad de la dkon mi 'gyur/ /'di 'dra'i dge ba 'di dag gi/ /don ni khyod la ngas bshad do/ /de ni mos pa chung ba yi/ /sems can rnams kyi don ma yin/ /gti mug gis ni rmongs pa dang / /sdigs pas mngon par gtses pa rnams/ /zhe sdang khro ba bskyed byas nas/ /chos la gus par mi 'gyur ro/ /nam zhig sems can mos chung tshe/ /'di 'dra ba yi chos 'byung ste/ /de na phyir zhing gcig la gcig /gus pa byed par mi 'gyur te/ /gang tshe sems can mi gus shing / /khro ba'i nyes la yid dga' ste/ /kun nas nyon mongs sems kyis kyang / /de dag bdag cag dgra bcom 'dzer/ /gnas brtan gang dag rgas pa dang / /rgas shing 'khogs pa gtugs pa dag /de dag 'chi ba'i dus byed tshe/ /srid pa'i tha mar gyur ces zer/ /gnas brtan gang dag rgas pa dang / /rgas shing 'khogs pa gtugs pa dag /</font><hr>80.105b<br><font size=+1>

dgra bcom bsod snyoms zos gyur nas/ /sems can dmyal bar myur du 'gro/ /de dag tshul khrims rab dkon na/ /dgra bcom par lta ga la 'gyur/ /dad pas mchod rten byed 'gyur te/ /de dag ngan 'gro rnams su 'gro/ /shA ri'i bu de ltar tshul khrims spyod pa'i byang chub sems dpa' byang chub sems dpa'i sde snod kyi don gyi phyir slob dpon la bsnyen bkur dang / /rim gro byed pa ni 'di 'dra ba'i phan yon de dag dang / /de bas kyang lhag pa dpag tu med/ /bsam gyis mi khyab/ /tshad med pa 'thob par 'gyur ro/ /de ltar shA ri'i bu byang chub sems dpa'i sde snod la rab tu gnas pa'i byang chub sems dpa' rab tu dpang du gyur pa/ /tshul khrims yongs su dag pa/ /byang chub sems dpa'i spyad pa spyod do/ /de la tshul khrims yongs su dag pa gang zhe na/ /shA ri'i bu rnam pa bcus byang chub sems dpa'i tshul khrims yongs su dag par rig par bya'o/ /bcu gang zhe na/ /sems can thams cad la mi 'tshe ba yin/ /gzhan gyis rdzas la mi rku ba yin/ /gzhan gyis chung ma spangs pa yin/ /sems can thams cad la mi slu ba yin/ /gzhan gyi g.yog 'thun pa la phra ma mi zer ba yin/ /tshig drag po bzod pa'i phyir ngag mi rtsub pa yin/ /tshig bsdams pas tshig 'khyal pa spangs pa yin/ /gzhan gyi longs spyod la nga yir mi 'dzin pas brnab sems med pa yin/ /tshig ngan par smras pa bzod pas gnod sems spangs pa yin/ lha gzhan mi 'dod pas log par lta ba spangs pa yin te shA ri'i bu rnam pa bcu po de dag gis byang chub sems dpa'i tshul</font><hr>80.106a<br><font size=+1>

khrims yongs su dag par rig par bya'o/ /shA ri'i bu gzhan yang rnam pa bcus byang chub sems dpa'i tshul khrims yongs su dag par rig par bya ste/ bcu gang zhe na/ mi shes pa mi 'dod pas ma nyams pa'i tshul khrims yin/ ngan par skye ba yongs su spangs pas skyon med pa'i tshul khrims yin/ nyon mongs pa thams cad dang ma 'dres pas 'dren ma ma yin pa'i tshul khrims yin/ gcig tu dkar po'i chos rnam par spel bas sra sre med pa'i tshul khrims yin/ ji ltar 'dod pa bzhin du 'gro bas rang dbang gi tshul khrims yin/ mkhas pas ma smad pas bsngags pa'i tshul khrims yin/ nyes pa thams cad mi sgrub pas ma smad pa'i tshul khrims yin/ dbang po bsrungs pas shin du sbas pa'i tshul khrims yin/ dran pa dang / shes bzhin gyi phyir shin du bsrungs pa'i tshul khrims yin te/ shA ri'i bu rnam pa bcu po de dag gis byang chub sems dpa'i tshul khrims yongs su dag par rig par bya'o/ /shA ri'i bu gzhan yang rnam pa bcus byang chub sems dpa'i tshul khrims yongs su dag par rig par bya ste/ bcu gang zhe na/ rung ba'i tshod shes pas 'dod pa nyung ba'i tshul khrims yin/ 'dod pa spong bas chog shes pa'i tshul khrims yin/ lus dang sems rab tu dben pas nan tan gyi tshul khrims yin/ 'du 'dzi la smod pas dgon par gnas pa'i tshul khrims yin/ bdag gi khar las pa'i dge ba'i rtsa ba sgrub ba'i phyir sbyangs pa'i yon tan dang yo byad bsnyungs pa'i tshul khrims yin/ pha rol gyi gdong du mi lta bas 'phags pa'i rigs la dga' ba'i tshul khrims yin/ lha dang mi rnams la mi slu bas ji ltar smras pa de ltar byed pa'i tshul khrims yin/ rang gi sems nges par rtog pas bdag gi 'khrul pa la so sor rtog pa'i tshul khrims yin/ pha rol gyi sems srung bas gzhan gyi 'khrul pa la nyes par mi lta ba'i tshul khrims yin/ bsdu ba'i dngos po rjes su mi gtong bas sems can yongs su smin</font><hr>80.106b<br><font size=+1>

par byed pa'i tshul khrims yin te/ shA ri'i bu rnam pa bcu po de dag gis byang chub sems dpa'i tshul khrims yongs su dag par rig par bya'o/ /shA ri'i bu gzhan yang rnam pa bcus byang chub sems dpa'i tshul khrims yongs su dag par rig par bya ste/ bcu gang zhe na/ 'di lta ste/ tha ba'i sems med pas sangs rgyas la dad pa'i tshul khrims yin/ dam pa'i chos srung bas chos la dad pa'i tshul khrims yin/ 'phags pa 'dus pa la gus pas dge 'dun la dad pa'i tshul khrims yin/ sangs rgyas dang byang chub sems dpa' yid la byed pa dang ma bral bas 'dud pa'i tshul khrims yin/ byang chub kyi yan lag gi tshogs bsags pas dge ba'i bshes gnyen la bsten pa'i tshul khrims yin/ mi dge ba'i chos thams cad yongs su spangs pas sdig pa'i grogs po yongs su spong ba'i tshul khrims yin/ sems can thams cad yongs su smin par byed pas byams pa'i tshul khrims yin/ nyam thag par gyur pa'i sems can yongs su smin par byed pas snying rje'i tshul khrims yin/ chos la dga' zhing rab tu mos pas dga' ba'i tshul khrims yin/ rjes su chags pa dang / khong khro ba spangs pas btang snyoms kyi tshul khrims yin te/ shA ri'i bu rnam pa bcu po de dag gis byang chub sems dpa'i tshul khrims yongs su dag par rig par bya'o/ /shA ri'i bu gzhan yang rnam pa bcus byang chub sems dpa'i tshul khrims yongs su dag par rig par bya ste/ bcu gang zhe na/ sems can yongs su smin par byed pas sbyin pa'i tshul khrims yin/ sems kun du srung bas bzod pa'i tshul khrims yin/ mi zlogs pas brtson 'grus kyi tshul khrims yin/ bsam gtan gyi tshogs yang dag par rdzogs par byed pas bsam gtan gyi tshul khrims yin/ thos pa dang tshul khrims kyis mi ngoms pas shes rab kyi tshul khrims yin/ byang chub sems dpa'i sde snod yongs su tshol bas thos pa yongs su tshol ba'i tshul khrims yin/ mi rtag pa'i 'du shes so sor rtog pas lus la mi lta ba'i</font><hr>80.107a<br><font size=+1>

tshul khrims yin/ sems la sgyu ma lta bur so sor rtog pas srog la yid mi rton pa'i tshul khrims yin/ thog ma nas tshul khrims yongs su dag pas bsam pa thams cad yongs su rdzogs par byed pa'i tshul khrims yin/ tshul khrims thams cad yongs su bsngo bas de bzhin gshegs pa dang phrad pa'i tshul khrims yin te/ shA ri'i bu rnam pa bcu po de dag gis byang chub sems dpa'i tshul khrims yongs su dag par rig par bya'o/ /shA ri'i bu de ltar tshul khrims shin du yongs su dag pa'i byang chub sems dpa' lha dang mi'i dpal phun sum tshogs pa myong bar mi 'gyur ba gang yang med do/ /'jig rten gyi bzo'i gnas dang / las kyi gnas mi shes pa gang yang med do/ /des sems can thams cad longs spyod dang / nye bar spyod pa thob par mi byed pa gang yang med do/ /so so'i skye bo phan tshun mi mdza' bar mi 'gyur ba de gang yang med de/ de la byang chub sems dpa' khong khro ba med do/ /gang la byang chub sems dpa' ma dad par 'gyur ba'i brdzun du smra ba de gang yang med do/ /de sems can gang la yang mar 'du shes mi skyed pa med do/ /de sems can gyi ris na sems can gang la yang phar 'du shes mi skyed pa med do/ /de sems can gang la yang yid rton pa'i 'du shes mi skyed pa med do/ /de 'dus byas kyi chos gang la yang mi rtag par 'du shes mi skyed pa med do/ /de thams cad 'du byed du gtogs par shes nas lus dang srog la mi lta ste/ tshul khrims yongs su dag pa'i byang chub sems dpa' byang chub sems dpa'i spyad pa spyod do/ /bcom ldan 'das kyis de skad gsungs te/ bde bar gshegs pas de skad bka' stsal nas ston pa yang 'di skad gsung ngo / /tshul khrims 'di la gang gnas pa skyob pa yi ni chos sku dang / dbyangs dang kha dog gzugs rnams ni/ de dag la ni rnyed mi dka'/ ldongs shing dmus long mi 'gyur la/ zhar sgur zha bar mi 'gyur ro/ /'byung ba rnam par dag 'gyur zhing / de yi lus ni mdzes par 'gyur/ /</font><hr>80.107b<br><font size=+1>

stobs che zhing ni mthu che ste/ gzi che zhing ni gzi brjid rab/ shes rab dang ni brtson 'grus kyis/ /sdig can bdud ni skrag par byed/ /rgyal po yis ni mngon mchod cing / /lha klu rnams kyis bkur sti byas/ the tshom thams cad chad par 'gyur/ /de dag byams pa shin du bsgoms/ tshul khrims phung po rab gnas nas/ gsod par byed kyang 'jigs pa med/ grags pa chen po chos spyod pa/ ngan 'gro dag tu mi 'gro 'o/ /sems can thams cad gnyid log kyang / snyos pa med cing mi nyal te/ phyogs bzhi dag ni kun du yang / legs par bshad pa yongs su tshol/ tshul khrims phung por gnas pa dag /rin chen mchog dang chung ma dang / bdag gi sha yang rab gtong zhing / byang chub lam ni kun du tshol/ sangs rgyas chos ni bla med pa/ mchog gi chos rnams yongs su tshol/ 'jig rten dag gi mgon 'gyur zhing / mchod rten dang ni sbyin par 'os/ gshe zhing yongs su spyo ba dang / nyes pa byas pa thams cad bzod/ bzod pa nyid la rab gnas shing / bzod pa yi ni bsngags pa brjod/ mi bden par ni mi smra ste/ ji ltar smras pa de bzhin byed/ byang chub snying por 'dug nas ni/ sa 'di dag kyang g.yo bar byed/ sangs rgyas chos la nem nur med/ /lha gzhan dag ni rab tu spong / /rtag tu sangs rgyas bcom ldan las/ lha gzhan yod par mi 'gyur ro/ /mtshon dag dang ni dug rnams kyis/ phan tshun gnod pa byed pa yi/ sdums ni byed par 'gyur ba dag /de ni mkhas pa'i mtshan nyid do/ sems can sdug bsngal rnams mthong na/ bskal pa bye ba mang por yang / bdag gi don ni med 'gyur kyang / yal bar 'dor bar mi 'gyur ro/ /don rnyed na ni mdza' bo zhes/ phan tshun du ni rab tu smra/ don ni byed par ma 'gyur na/ gcig la gcig ni gsod par byed/ 'dzam bu yi ni gling 'di dang / sangs rgyas kyi ni zhing kun du/ rin chen bkang ste sbyin byas nas/ rtag tu bdag gi grogs su 'gyur/ /gang dag mtshon rnams rnon po yis/ yan lag nying lag gcod pa yi/ /sems can</font><hr>80.108a<br><font size=+1>

dag ni thams cad la/ /sems ni mnyam par rab tu 'jug /sangs rgyas dag gi chos rnams phyir/ /byis pa rnams kyi chos spong ste/ /chos la shin du gnas gyur pas/ /tshul khrims rtag tu dag par 'gyur/ /chos kyi rjes 'thun chos zhugs nas/ /byang chub kyi ni spyad pa spyod/ /sangs rgyas kyi ni byang chub phyir/ /rigs gsum bdud rtsi rab tu sbyin/ /tshul khrims phung po gnas byas nas/ /chos rnams thams cad mngon par bslabs/ mkhas pa lha dang bcas pa yi/ /'jig rten na ni mchod par 'os/ /chos rnams kun la the tshom med/ /bzo kun la yang rab tu mkhas/ /sems can bsam pa shes gyur nas/ /snyan pa'i tshig ni ston par byed/ /tshul khrims phung po rnams sbyangs nas/ byang chub dam pa sangs rgyas te/ /shing mchog drung du 'dug byas nas/ /sdig can bdud ni skrag par byed/ /nyi zla dag ni snang bar ltar/ /gzi brjid drag po'i 'od byed pa/ /de ltar sems can mchog 'gyur zhing / /shes rab kyi ni mig las byung / /sems can rnams la lag byin te/ /dris pa la ni lam rnams ston/ /rtag tu gsong por smra 'gyur te/ /de dag la ni phrag dog med/ /bdag dang rin chen gzhan dag kyang / /mang po rnams ni myur du gtong / /de ni brgya lam byang chub mchog /gtong bar 'gyur ba ma yin no/ /dad dang tshul khrims phun sum tshogs/ /bden pa'i tshig la rab tu gnas/ /tshul khrims phung po rab gnas pas/ /de dag la ni rgyu med do/ /brdzun zer ba dag 'ongs gyur nas/ /sbyin zhing bya zhes zer yang na/ /bden pa'i tshig la gnas pas na/ /dad pas de la dad par 'gyur/ /phan tshun gcig la gcig smra ba/ /chos gos dang ni bsod snyoms rnams/ /'di sbyin smras te ma byin yang / /de la yid ni 'khrugs pa med/ /gzhan yang shA ri'i bu de ltar tshul khrims yongs su dag pa'i byang chub sems dpa' ni 'du byed thams cad la mngon par mi dga' ba'i 'du shes skyed do/ /sems can thams cad la pha mar 'du shes skyed do/ /tshor ba dang / rnam par rig pa la rnam par rig pa med par 'du</font><hr>80.108b<br><font size=+1>

shes skyed do/ /de mnyam pa dang / mi mnyam par yang sems kyi mngon par mi sgrub bo/ /de ci'i phyir zhe na/ gal te sems kyis mnyam par byed na mya ngan las 'das pa sems las 'das par 'gyur ro/ /sems kyis mi mnyam par byed na ni chags pa'i sems su gyur bas ches mi mnyam par 'gyur ro/ /mig dang gzugs la brten nas mig gi rnam par shes pa skye ste/ /chags pa'i sems bskyed nas 'gags pa de'i bag la nyal gyi sems de'i rang bzhin du skye ste/ /mi bden pa'i dmigs pa la mi bden pa'i sems sdug go zhes rtog ste/ de ni tshul bzhin ma yin pa'o/ /mi sdug pa'o zhes mos par byed pa ni rnam par grol ba'o/ /rnam par grol ba gang na pa de na zad pa'o/ /ci zad ce na/ gang zad pa de ni 'dod chags zad pa/ zhe sdang zad pa/ gti mug zad pa'o/ /de ci'i phyir zhe na/ 'dod chags skad cig gis zad par 'gyur te/ 'dod chags kyang gzhan la zad pa yang gzhan zhig yin du zin na 'dod chags yang dag par nyid du 'gyur ro/ /de ltar 'dod chags yang dag pa ma yin pas zad par 'gyur yang shA ri'i bu 'dod chags ni tshul bzhin ma yin par yid la byed pa las byung ba/ kun du rtog pas phye ba ste/ gang kun mi rtog pa de ni mi rtog go/ /rtog pa spangs pa ni yang dag pa ma yin pa ste/ de la 'dod chags byed pa 'di ni yang dag pa ma yin no/ /gang yang dag pa ma yin pa de la sdug bsngal med/ yongs su gdung ba med do/ /gang yongs su gdung ba med pa de ni yang dag pa ma yin pa'o/ /gang yang dag pa ma yin pa de la gdung ba med de/ de ni bsil bar gyur pa mya ngan las 'das pa yin pas de la 'dod chags med do/ /de ci'i phyir zhe na/ mya ngan las 'das pa ni sems dang ldan pa ma yin te/ 'di ltar 'dod chags zad par 'gyur ro/ /mya ngan las 'das pa ni 'dod chags zad pa ste/ de ltar 'dod chags kyang gzhan/ mya ngan las 'das pa yang gzhan te/ gang gzhan pa de ni pha rol bas kyang pha rol lo/ /pha rol bas kyang pha rol gang yin pa de ni mkhas pa rnams</font><hr>80.109a<br><font size=+1>

yongs su tshol te yongs su tshol ba na snying po mi dmigs so/ /gang snying po med pa ni gsog go/ /gsog gang yin pa de ni gsob bo/ /gsob gang yin pa de ni stong pa'o/ /cis stong zhe na/ bdag dang bdag gi dang / rtag pa dang / brtan pa dang / ther zug dang / mi 'gyur ba'i chos kyis stong ste/ gang sems can med pa de ni srog med pa ste/ de las 'dod chags mi skye zhe sdang mi skye ste/ gti mug mi skye'o/ /ci yod pas nga zhes bya ba 'am/ nga'i zhes bya ba 'am/ 'di ni nga / 'di ni nga'i 'o zhes ngar 'dzin pa dang / nga yir 'dzin pa log pa 'di 'byung zhe na/ nga yir 'dzin pa las mngon par 'du byed pa 'byung ste/ de la mngon par 'du byed pa ni bzhi'o/ /bzhi gang zhe na lus kyis mngon par 'du byed do/ /ngag gis mngon par 'du byed do/ /yid kyis brtags nas ngag rtsub po smras te/ de nas phyis lus kyis gnod par byed do/ /de ltar bdag dang gzhan du 'du shes pa la 'du shes 'dzin par 'gyur ro/ /yang shA ri'i bu byis pa so so'i skye bo thams cad ni 'du shes kyis mdud pa yin te/ shA ri'i bu de la byang chub sems dpas phyin ci log gi 'du shes 'di lta bu rig nas su yang sten par mi byed do/ /de ci'i phyir zhe na/ sten pa las de'i 'jigs pa byung ste/ bdag ni 'jigs pa mi 'dod do zhes shA ri'i bu de'i phyir byang chub sems dpa' sems can thams cad la yid mi rton pa yin no/ /shA ri'i bu ji ltar na byang chub sems dpa' sems can thams cad la pha mar 'du shes skyed ce na/ shA ri'i bu 'di la yun ring po'i dus na mar ma gyur pa dang / phar ma gyur pa'i sems can gang yang rnyed par sla ba ma yin te/ sems can thams cad kyang pha mar gyur to/ /de dag la 'dod chags kyi sems skyes na mar 'du shes pa spang ngo / /zhe sdang gi sems skyes na phar 'du shes pas spong ste/ shA ri'i bu rnam grangs 'dis ci nas sems can thams cad byang chub sems dpa'i gnyen yin par de ltar rig par bya'o/ /shA ri'i bu sngon byung ba 'das pa'i dus na bskal pa grangs med pa bas kyang ches grangs</font><hr>80.109b<br><font size=+1>

med pa yangs pa/ tshad med pa/ bsam gyi mi khyab pa'i de'i dus de'i tshe na/ mchog gi tshogs can zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ de lo bye ba phrag dgu bcu'i bar du bzhugs so/ /de'i nyan thos bye ba khrag khrig phrag dgu bcu'i 'dus pa chen po byung ngo / /yang de'i tshe byang chub sems dpa' dran pa rnyed ces bya ba zhig rgyal po'i rigs su skyes te/ gzugs bzang zhing mdzes la blta na sdug ste/ kha dog bzang po rgyas pa'i mchog dang ldan pa zhig byung ste/ de btsas ma thag tu mas bu mo brgyad khri bzhi stong byin/ phas bu mo brgyad khri bzhi stong byin/ mdza' bo dang / nye du dang / snag gi gnyen mtshams kyis bu mo brgyad khri bzhi stong byin/ pha ma'i gnyen bshes kyis kyang bu mo brgyad khri bzhi stong gnyen gyi g.yog tu byin no/ /shA ri'i bu byang chub sems dpa'i phas khang pa gsum byed du bcug pa 'di lta ste/ dpyid sa dang / dbyar sa dang / dgun sa byas so/ /byang chub sems dpa' dus bzhin du khang pa'i steng na 'dug ste/ gang na 'dug pa 'dir sil snyan thogs pa brgya stong du ma 'ongs nas/ bsnyen bkur dang / rim gro byed de/ rol mo'i sgra phyung ma thag tu byang chub sems dpa' de skye ba dang / 'jig pa'i 'du shes skyes so/ /sgra 'gags ma thag tu sgra 'di ga las byung / gang du byung / gang nas 'gags/ gang du 'gags shes yongs su tshol te/ de mtshan mo'i 'du shes kyang mi skye/ nyin mo'i 'du shes kyang mi skye zhing / gzhan du na mi rtag par 'du shes skye ste/ de mngon par mi dga' ba'i 'du shes skye'o/ /shA ri'i bu de ltar byang chub sems dpa' dran pa thob pa de lo stong phrag bzhi bcur nam yang yid rol mo la chags par ma gyur to/ /lo stong phrag bzhi bcur nam yang 'dod pa la ma spyad do/ /de nyid na de khyim na gnas bzhin du bsam</font><hr>80.110a<br><font size=+1>

gtan bzhi rnams la bsam gtan byed de/ mngon par shes pa lnga bsgrubs nas de khyim de nas rdzu 'phrul gyis steng gi bar snang las bcom ldan 'das mchog gi tshogs can de bzhin gshegs pa dgra bcom pa yang dag par rdzogs pa'i sangs rgyas ga la ba der song ste bcom ldan 'das mchog gi tshogs can de bzhin gshegs pa la dge ba'i rtsa ba'i dngos po cung zad cig zhu'o snyam pa dang / shA ri'i bu bcom ldan 'das mchog gi tshogs can de bzhin gshegs pa de nyid kyi nyin par yongs su mya ngan las 'das te/ de yongs su mya ngan las 'das pa'i drung du phyin nas dge slong dag de bzhin gshegs pa la bsnyen bkur bgyi'o zhes dris na/ de la dge slong de dag na re rigs kyi bu de bzhin gshegs pa yongs su mya ngan las 'das so zhes zer ro/ /nga yongs su mya ngan las 'das shes thos nas sa phyogs de nyid du ngu zhing brgyal nas/ kha bub tu sa'i steng du 'gyel nas de'i tshe tshigs su bcad pa 'di dag smras so/ /'jig rten sgron mdzad 'di lta bu/ chos rnams kun gyi pha rol phyin/ bag med gnas su bdag song bas/ bdag nyid yongs su bslus par gyur/ /bskal pa bye ba phrag stong gis/ de bzhin gshegs pa 'byung 'gyur na/ mgon po bdag gis mnyes ma byas/ bdag gis skyabs gyur su zhig yod/ bdag la sangs rgyas ma brjod pa/ ma ni bdag gi dgra yin snyam/ skyes ma thag tu de yi tshe/ /de bzhin gshegs pa blta ba zhig /gang gis 'dod la bdag sbyar ba/ /pha ni bdag gi dgrar sems te/ /de dag dbang du gyur pas na/ 'jig rten mgon po ma mnyes byas/ /'di ltar sangs rgyas gsung sgra ni/ yan lag drug bcu bdag ma thos/ bdag gis sangs rgyas ma mnyes byas/ /bdag la nyams pa chen po byung / /'jig rten phan mdzad thugs brtse de lta bu/ /chos rnams kun gyi pha rol phyin pa ni/ bag med pa yis de ring dus 'das te/ /rkang gnyis gtso bo bdag gis ma mnyes byas/ /bskal pa khrag khrig bye ba phrag brgyar yang / /sangs rgyas brgya lam mthong ba rnyed par dka'/ </font><hr>80.110b<br><font size=+1>

bde gshegs mya ngan 'das nas phyin pa ni/ /rgyal ba deng 'dir bdag gis ma mnyes byas/ /skyes ma thag tu sangs rgyas ma brjod pa/ /pha dang ma ni de ring dgra yin snyam/ /gal te rgyal ba bzhugs pa mthong gyur na/ /chos rnams nyan cing mchod pa bya ba zhig /bde gshegs mya ngan 'das nas 'dong 'ongs pas/ /de bzhin gshegs pa'i yan lag drug bcu po/ /de dag kun dang ldan pa'i dbyangs byung ba/ rgyal ba'i de dag bdag gis deng ma thos/ mya ngan 'das nas 'dir ni bdag phyin pa/ /de ring bdag la nyams pa chen po byung / sngon gyi sangs rgyas dag gis rtag bstan pa/ /gya nom chos rnams bdag la mi ston to/ /de nas shA ri'i bu byang chub sems dpa' de sa phyogs de nas myur du langs te/ bcom ldan 'das mchog gi tshogs can de bzhin gshegs pa dgra bcom pa yang dag par rdzogs pa'i sangs rgyas ga la ba der song ste phyin nas de bzhin gshegs pa'i khri la ngu zhing lan brgya stong du ma bskor ba byas nas sa phyogs gcig tu 'dug ste/ tshigs su bcad pa 'di dag gsol to/ /sems can mchog ni yang dag ste/ /yang dag chos rnams bstan pa mdzad/ /byang chub dam pa mchog gi phyir/ /bdag gi sems ni yang dag skye/ /shes rab chen po yang dag gsung / /de bzhin gshegs pa mi mthong ste/ /rgyal ba khyod kyi ci 'dra ba/ /bdag gi shes pa 'ang 'di 'drar gyur/ /bdag sngon stobs kyang chung ba ste/ /shes rab zhan pa bdud kyi phyogs/ /khyim gyi gnas na mchis pas na/ /mi yi gtso bo ma mnyes bgyis/ /sngon bgyis bsod nams mchis pas ni/ /de bzhin gshegs pa bdag gis mthong / /chos rnams bdag la mi ston pas/ /de phyir shin du sdug bsngal lo/ /lha dang klu yi mdun du ni/ /bden pa'i tshig rnams bdag gis brjod/ /ji ste bdag ni yang dag tu/ /ji skad smras pa bzhin gyur te/ /ma 'ongs pa yi dus kyi tshe/ /glang po chen po don gzigs pa/ /yang dag nyid kyi chos</font><hr>80.111a<br><font size=+1>

ston pa/ /mi mchog sangs rgyas 'gyur bar bgyi/ mi khom par ni mi skye zhing / /skyes nas 'dod pa bsten mi bgyid/ /bud med dngos por mi 'gyur zhing / /bdud kyi bcings pa bcad par bgyi /mngon sum du ni chos ston pa/ /sangs rgyas rnams ni rtag tu blta/ /mthong nas rab tu dad par bgyi/ /dad nas sti stang rim gro bgyi /bdag gis gang smras tshig 'di ni/ yang dag bden par 'gyur zhe na/ /bden pa des ni sangs rgyas 'di/ /byang chub bzhin du bzhugs par shog /tshig 'di rnams ni smras pa dang / /de bzhin gshegs pa cog ger bzhugs/ /lha rnams bye ba stong phrag gis/ /de tshe rab tu gos rab gtor/ /de ni rab tu yid dga' nas/ /bar snang la ni 'dug gyur te/ /bar snang la ni 'dug nas su/ /rgyal ba de la tshigs bcad bstod/ /snang bar gyur phan pa'i thugs/ /rdzu 'phrul chen po dam pa gsung / /mchog gi chos rnams ston mdzad pa/ /sangs rgyas smra ba mgon po dran/ /des tshigs su bcad pa de dag smras nas 'khor rnams rgya cher tshim par bya ba'i phyir de'i tshe tshigs su bcad pa 'di dag smras so/ /bdag ni mi gtsos lung bstan te/ /'jig rten du yang sangs rgyas 'gyur/ /bdag gis rjes su slob gyis la/ /de bzhin gshegs la rim gro gyis/ /bdag la rjes su thugs brtse'i phyir/ /mya ngan 'das pa 'ang bzhengs gyur na/ /'jig rten mgon po bsam mi khyab/ /su zhig sangs rgyas dad mi byed/ /de bzhin gshegs pa la des dge ba'i rtsa ba bskyed de mchod pa dang / /rim gror cher byas nas dge ba'i rtsa ba de nyid kyis de nas shi 'phos pa dang / bde 'gro mtho ris su skyes te/ de bskal pa bye ba phrag nyi shur ngan 'gro log par ltung bar ma song ngo / /bskal pa bye ba phrag nyi shur 'dod pa la nam yang yongs su ma spyad do/ /bla na med pa yang dag par rdzogs pa'i byang chub rab tu 'dod pa'i phyir de dag thams cad la yang mchod pa dang / rim gro cher byas te thams cad tu yang tshangs par spyod pa spyad nas/ de bskal pa tha ma dus tha ma la lus tha ma bdag gi dngos po tha ma thob pa'i tshe rang gi dge ba'i rtsa bas bskul nas sa la'i rgyal po zhes bya ba de bzhin gshegs pa dgra bcom pa yang dag par rdzogs pa'i</font><hr>80.111b<br><font size=+1>

sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ shA ri'i bu bcom ldan 'das sa la'i rgyal po'i tshe'i tshad ni bskal pa bye ba phrag nyi shur gyur to/ /shA ri'i bu de bzhin gshegs pa sa la'i rgyal po'i nyan thos 'dus pa ni gnyis byung ste/ nyan thos 'dus pa gcig la ni dge slong bye ba phrag nyi shu yod do/ /nyan thos 'dus pa gnyis pa la ni dge slong stong phrag bzhi bcu yod do/ /thams cad kyang dgra bcom pa/ zag pa zad pa/ nyon mongs med pa/ dbang dang ldan par gyur ba nas/ sems kyi dbang thams cad kyi dam pa'i pha rol tu son pa'i bar du'o/ /yongs su mya ngan las 'das pa'i ring bsrel yang rgyas par gyur to/ /shA ri'i bu de bzhin gshegs pa sa la'i rgyal po yongs su mya ngan las 'das pa'i dam pa'i chos lo stong phrag bcur gnas so/ /de nas bcom ldan 'das kyis de'i tshe tshigs su bcad pa 'di dag gsungs so/ /bskal pa bye ba nyi shur ni/ /ngan 'gror nam yang ma song ste/ /bskal pa bye ba nyi shur yang / /'dod pa dag la yong ma sten/ /de yi bar du sangs rgyas ni/ /stong phrag bdun rnams mya ngan 'das/ /der ni tshangs par spyod spyad de/ /chos 'dod par yang rtag tu gyur/ /de phyir byang chub sangs rgyas nas/ /rgyal ba'i sA la'i dbang por gyur/ /bye ba stong phrag sum bcu rnams/ /byang chub mchog la rab tu bkod/ /srog chags kun la phan pa'i phyir/ /byang chub dam pa sangs rgyas nas/ /bskal pa bye ba nyi shur ni/ /srog chags rnams la chos ston to/ /stong phrag dag ni bzhi bcu dang / /gzhan yang bye ba nyi shu rnyed/ /thams cad zag zad drang srong gi/ /dge 'dun de tshe de yi byung / /ston pa mya ngan 'das nas kyang / /ring bsrel shin tu rgyas par gyur/ /mchod rten stong phrag drug bcu dang / /bye ba dag kyang</font><hr>80.112a<br><font size=+1>

der byung ngo / /mya ngan 'das ni dam pa'i chos/ /lo ni stong phrag bcur gnas te/ /rgyal ba'i bstan pa thos nas ni/ /su zhig de la dad mi byed/ /sangs rgyas kyis ni chos thos nas/ /mkhas pa su dag nem nur byed/ /de dag ngan 'gror mi 'gro ste/ /myur du mya ngan 'das par reg /shA ri'i bu de ltar tshul khrims yongs su dag pa'i byang chub sems dpa' sems can thams cad la ma dang phar 'du shes skyed de/ /'dod chags kyis sems skyes pa ni mar 'du shes pas spong ngo / /zhe sdang gis sems skyes pa ni phar 'du shes pas spong ngo // // bam po bcu gcig pa/ shA ri'i bu gzhan yang tshul khrims yongs su dag pa'i byang chub sems dpa' bdag nyid la mi mthun pa mang du gnas pa yin te/ de 'dod chags kyi phyir tshul bzhin yid la byed pas 'dod pa la yang dag par mi mthun pa skyed do/ /de 'dod pa dang / /'dod pa'i mi mthun pa yang rab tu shes so/ /de la 'dod pa gang / /'dod pa'i mi mthun pa gang zhe na/ /'dod pa zhes bya ba ni gang mig gis shes par bya ba'i gzugs la mngon par chags pa de ni 'dod pa zhes bya'o/ /gzhan yang 'dod pa zhes bya ba ni gang rna bas shes par bya ba'i sgra la mngon par chags pa'o/ /de bzhin du sbyar te/ /gang snas shes par bya ba'i dri dang / lces shes par bya ba'i ro dang / lus kyis shes par bya ba'i reg bya la mngon par chags pa de ni 'dod pa zhes bya'o/ /de la gang mngon par chags pa de ni lhag par zhen pa'o/ /gang lhag par zhen pa de ni kun du sbyor ba'o/ /gang kun du sbyor ba de ni mngon par 'grub pa'o/ /gang mngon par 'grub pa de ni 'ching ba ste/ /de yang dag pa ma yin pa 'drid pa'o/ /de ltar kye ma'o sems can 'di dag ni yang dag pa ma yin pa 'drid pa'i 'ching bas bcing pa ste/ /bcings pa/ nges par bcings pa/ </font><hr>80.112b<br><font size=+1>

shin du nges par bcings pa'o/ /cis bcings she na/ gzugs kyis bcing bas bcings pa ni bcings shes bya ba nas sgra dang / dri dang / ro dang / reg gi bar gyi 'ching pas bcings pa ni bcings shes bya 'o/ gzugs kyis bcings pa gang zhe na/ 'di lta ste/ lus thob pa'i gzugs de la gang bdag tu 'du shes pa dang / srog tu 'du shes pa dang / gang zag tu 'du shes pa dang / rtag par 'du shes pa dang / brtan par 'du shes pa dang / ther zug tu 'du shes pa dang / rdzas su 'du shes pa dang / ril por 'du shes pa dang / gong bur 'du shes pa de ni gzugs kyis bcings pa zhes bya'o/ /yang gzugs kyi 'ching ba gang zhe na/ /'di lta ste/ lus mngon par grub pa de la rim gro bya'o snyam nas/ de bdag la byams pas chung ma la mngon par chags par byed de/ gzugs kyis 'ching bas bcings nas/ 'dod pa'i longs spyod thob pas mi dge ba'i las mngon par 'du byed de/ 'dod pa'i nyes pa mi shes so/ /de la 'dod pa'i nyes pa gang zhe na/ nyes pa dag la 'dod pa dang / nyes pa la 'dod pa med mod kyis/ gang ngan song gzhol ba'i 'dod pa'i nyes pa de dag bstan par bya'o snyam mo/ /de la ngan song gzhol ba'i 'dod pa'i nyes pa gang zhe na/ shA ri'i bu 'dod pa bsten pa ni sdig pa mi byed pa cung zad kyang med de/ de'i rnam par smin pas sdug bsngal yongs su bzung bar ma gyur pa gang yang med ces bshad do/ /de ltar shA ri'i bu stong gi 'jig rten gyi khams su rab tu brtags na/ ji ltar bdag gi chung ma lta bur dgrar gyur pa ni gzhan gang yang med do/ /de ci'i phyir zhe na/ shA ri'i bu de bzhin gshegs pa ni ye shes dang ldan no/ /sems can thams cad ni mi shes pa ste/ gang ye shes dang ldan pas med pa de ni rab tu yang dag pa'o/ /gang mi shes pas yongs su zin pa de ni/ </font><hr>80.113a<br><font size=+1>

yang dag pa ma yin pa'o/ /mi shes pas gang yongs su bzung zhe na/ /'dus byas yongs su bzung ngo / /bu dang / bu mo dang / /chung ma yongs su bzung ngo / /des de ltar yongs su bzung / phan tshun du de ltar yongs su bzung / /'phags pa'i lam gyis kun du ma bzung ste/ /bu pho dang / bu mo dang / chung mas kun tu bskor cing / sred pa nye bar len pa ni rab tu 'byung ba'i bar du gcod do/ /tshul khrims kyi bar du gcod/ /bsam gtan gyi bar du gcod/ /mtho ris kyi bar du gcod/ /mya ngan las 'das pa'i bar du gcod pa'o/ /bran pho dang / bran mo yongs su 'dzin pa dang / bu pho dang / bu mo dang / chung ma yongs su 'dzin pa ni dge ba'i chos thams cad kyi bar du gcod pa'o/ /gong ma bzhin du sbyar te/ /bu pho dang / bu mo dang / chung ma yongs su 'dzin pa ni dgrar gyur pa yongs su 'dzin pa'o/ /sems can dmyal ba dang / dud 'gro'i skye gnas dang / gshin rje'i 'jig rten yongs su 'dzin pa'o/ /mdor na mi dge ba thams cad yongs su 'dzin pa ste/ tha na zas bzang po'i yang bar du gcod pa'o/ /sangs rgyas mthong ba'i bar du gcod pa'o/ /gong ma bzhin du sbyar te/ chos mnyan pa dang / dge 'dun la bsnyen bkur bya ba dang / /sangs rgyas blta bar dad pa rnyed pa dang / chos nyan par dad pa rnyed pa dang / dge 'dun la bsnyen bkur bya bar dad pa rnyed pa dang / dal ba 'byor ba rnyed pa'i bar du gcod pa'o/ /gong ma bzhin du sbyar te/ dad pa'i nor dang / tshul khrims kyi nor dang / thos pa'i nor dang / shes rab kyi nor dang / gtong ba'i nor dang / khrel yod pa'i nor dang / ngo tsha shes pa'i nor rnyed pa'i bar du gcod pa'o/ /chung ma dang / bu dang / bu mo dang yongs su 'dzin pa ni ma dad pa yongs su 'dzin pa'o/ /chung ma dang / bu dang / bu mo yongs su 'dzin pa ni 'chal ba'i tshul khrims dang / ser sna dang / 'chal ba'i shes rab dang / </font><hr>80.113b<br><font size=+1>

khrel med pa dang / ngo tsha mi shes pa yongs su 'dzin pa'o/ /chung ma dang / bu dang / bu mo yongs su 'dzin pa ni nad dang / 'bras dang / zug rngu yongs su 'dzin pa'o/ /me'i phung po yongs su 'dzin pa'o/ /sbrul gdug pa yongs su 'dzin pa'o/ /khyim gyi gnas ni dur khrod kyi gnas so/ /dur khrod dang / khyim ni mya ngam dgon pa smre ba'i sa med pa ste/ chos dkar po thams cad rgud pa'o zhes ngas bshad do/ bu dang / bu mo dang / chung ma la chags pa ni rdo'i ser ba 'bab pa la chags pa'o/ /ral gri'i so la chags pa'o/ /lcags kyi khri bsregs pa la chags pa'o/ /de'i me tog dang / spos dang / phreng ba dang / byug pa la chags pa ni lcags kyi khri dang / lcags kyi thu lum gyi phreng ba dang / bshang gcis byugs pa la chags pa'o/ /khyim yongs su 'dzin pa ni lcags zangs yongs su 'dzin pa'o/ /bran pho dang / bran mo dang / las byed pa'i mi yongs su 'dzin pa ni sems can dmyal ba'i srungs ma yongs su 'dzin pa'o/ /glang po che dang / /rta dang / rnga mo dang / ba lang dang / bong bu dang / lug dang / khyim bya dang / /phag yongs su 'dzin pa ni srog chags sre bo dang / khra bo dpag tshad brgya pa yongs su 'dzin pa'o/ /chung ma dang / /bu dang / bu mo yongs su 'dzin pa ni sdug bsngal dang / yid mi bde ba dang / 'khrug pa thams cad yongs su 'dzin pa'o/ /shA ri'i bu lcags kyi khri dpag tshad stong pa rab tu tsha ba/ kun tu rab tu 'bar ba/ me dang 'dra bar gyur pa dang mthang sbyar kyang bla'i/ pha dang mas byin pa'i chung ma la rgyang ring po nas kun du chags pa'i sems kyis lta ba yang de lta ma yin na mthang sbyar ba lta ci smos/ de ci'i phyir zhe na/ chung ma ni sdug bsngal gyi rtsa ba'o/ /chung ma ni sdig pa'i rtsa ba'o/ /chung ma ni kun nas mnar sems kyi rtsa ba'o/ /chung ma ni 'ching ba'i rtsa ba'o/ /chung ma ni mya ngan gyi rtsa ba'o/ /chung ma ni dgra'i rtsa ba'o/ / </font><hr>80.114a<br><font size=+1>

chung ma ni dmus long gi rtsa ba'o/ /chung ma ni shes rab kyi mig dang mi mthun pa'i rtsa ba'o/ /chung ma ni lcags dang rdo bsregs pa bkram pa'i sa'o/ /chung ma ni pha rol gnod par byed pa dang 'dra ba'o/ /chung ma ni log pa'i las kyis rab tu gzir ba'o/ /ci'i phyir chung ma zhes bya zhe na/ /khur skur ba dang / khur khyer ba dang / khur rab tu len pa dang / khur thogs pa dang / khur yongs su thogs pa dang / khur gyis nyon mongs pa dang / khur gyis nyen pa dang / khur gyis bsrabs pas na de'i phyir chung ma zhes bya'o/ /sems can dag de la gso bar byed pa zhes kyang bya ste/ sred pas 'khol bas chung ma la gzhol zhing chung mas yongs su zin/ chung mas pham par byas/ chung mas yongs su bsdus/ chung mas dbang byas/ chung mas 'khol/ chung ma'i rjes su 'brang ste/ de'i phyir chung ma zhes bya'o/ /chung ma'i phyir khur chen po mi 'dor ro/ /khur gang mi 'dor zhe na/ 'di lta ste/ phung po lnga'o/ /phung po lnga gang zhe na/ gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po ste/ phung po lnga po de dag gi khur mi 'dor bas de'i phyir chung ma zhes bya'o/ /ci'i phyir gong rnying gnyis pa zhes bya zhe na/ 'di ltar shA ri'i bu tshul khrims nyams pa gnyis pa'o/ /chos nyams pa gnyis pa'o/ /yang dag pa'i lta ba nyams pa gnyis pa'o/ /bza' ba dang / btung ba gnyis pa'o/ /sems can dmyal ba dang / dud 'gro'i skyes gnas dang / gshin rje'i 'jig rten du 'gro ba gnyis pa'o/ /'phags pa'i shes rab kyi bar chad byed pa'o/ /mya ngan las 'da' ba'i bde ba la mi mthun pa'i phyogs byed pa'o/ /sdug bsngal thams cad yang dag par sdud pa gnyis pa ste/ de'i phyir gong rnying gnyis pa zhes bya'o/ /ci'i phyir bud med ces bya zhe na/ </font><hr>80.114b<br><font size=+1>

nyes pa mang zhing sgyu mtha' yas pas de'i phyir 'di ni sgyu ma ste bud med ces bya'o/ /gang bud med kyi lag tu song ba de dag bdud kyi lag tu song ba'o/ /gang bdud kyi lag tu song ba de dag sdig can gyi dbang du song ba ste/ bud med ni nyes pa mang ba/ sgyu mtha' yas pa/ sems yang ba/ sems 'gyur ba/ sems mi brtan pa/ sems rab tu g.yo zhing mi brtan pa/ spre'u yi sems/ spre'u dang mtshungs pa/ sgyu ma ston pa la mkhas pa ste/ de'i phyir bud med ces bya'o/ /shA ri'i bu bud med ni sgyu ma'i grong khyer/ sgyu ma'i rgyal po'i pho brang 'khor/ sgyu ma'i grong rdal/ sgyu ma'i rgyal po'i yul 'khor/ sgyu ma'i rgyal srid/ sgyu ma'i yul/ sgyu ma'i 'jig rten/ sgyu ma'i 'jig rten gyi khams/ sgyu ma mthas yas pa/ sgyu ma'i rgyas pa/ sgyu ma dpag tu med pa/ sgyu ma bsam gyi mi khyab pa ste/ de'i phyir bud med ces bya'o/ /shA ri'i bu de ltar 'dod pa'i nyes pa de dag ni ngan song du 'gro ba'o/ /zhes bya'o 'di lta ste/ shA ri'i bu sgyu ma byed pa shin tu bslabs pa zhig ltad mo pa'i nang du song nas sgyu ma rnam pa sna tshogs nye bar ston pa de bzhin du/ shA ri'i bu bud med bud med kyi sgyu ma shin du bslabs pa yang mthong bas kyang skyes bu 'ching bar byed/ thos pas kyang skyes bu 'ching bar byed/ rig pas kyang skyes bu 'ching zhing dbang du byed/ glu lon pas kyang skyes bu la dbang du byed/ gar byed pas kyang skyes bu la dbang du byed/ rgod pas kyang skyes bu la dbang du byed pa nas ngu ba dang / 'gro ba dang / 'ong ba dang / 'greng ba dang / 'dug pa dang / nyal ba dang / rnam pa thams cad kyis kyang skyes bu la 'ching zhing dbang du byed do/ /'di lta ste/ shA ri'i bu 'bras sA lu'i zhing phun sum tshogs pa smin pa la ser ba chen po bab na brlag pa de bzhin du/ shA ri'i bu bud med kyi ser ba yang de dang 'dra ste/ </font><hr>80.115a<br><font size=+1>

skyes bu'i zhing la bab na chos dkar po thams cad rnam par 'jig par 'gyur ro/ /shA ri'i bu de dag ni ngan song du gzhol ba'i 'dod pa'i nyes pa yin na/ gang byis pa so so'i skye bo thams cad kyis mi shes pas chung ma yongs su 'dzin to/ /de la shA ri'i bu byang chub sems dpa' mkhas pas ni 'dod pa'i nyes pa 'di dag rig nas 'du shes gnyis skyed de/ gnyis gang zhe na/ byis pa so so'i skye bo thams cad la skyes bu ngan par 'du shes skyed pa dang / 'phags pa'i sems can thams cad la skyes bu dam par 'du shes skyed pa'o/ /de 'du shes 'di gnyis bskyed nas/ 'di snyam du sems te/ bdag ni skyes bu dam pa'i 'gros su 'gro bar bya yi skyes bu ngan pa'i 'gros su ni ma yin no/ /bdag sems can dmyal ba'i 'gros su su 'gro bar mi bya/ dud 'gro'i skye gnas kyi 'gros su ma yin/ gshin rje'i 'jig rten gyi 'gros su 'gro bar mi bya/ bdag 'chal ba'i tshul khrims kyi 'gros su 'gro bar mi bya/ bdag tshul khrims 'chal pa dang 'grogs shing 'gro bar mi bya yi/ mchog /dam pa/ gtso bo/ chos thams cad sgrib pa med par rtog pa sangs rgyas kyi ye shes kyi 'gros su 'gro bar bya'o/ bdag rgyun las bzlog pa spyod par bya'i/ rgyun gyi rjes su spyod par mi bya ba dag seng ge'i sgra sgrogs par bya'i wa'i sgra bsgrog par mi bya/ bdag nam mkha' lding gi mthu ston par bya'i/ srog chags phra mo ltar mi bya/ bdag mi cang shes su 'gyur bar bya yi/ mi ma rungs par 'gyur bar mi bya/ bdag cang shes kyi zas dang / zas ngan pa ma yin pa bza' bar bya ste/ bdag cang shes ma yin pa'i zas dang / zas ngan pa bza' bar mi bya'o/ /bdag bsam gtan bzang po dang / bsam gtan mchog dang / bsam gtan rab dang / ting nge 'dzin dam pa</font><hr>80.115b<br><font size=+1>

thob par 'gyur pa de'i rang bzhin gyi bsam gtan dag la bsam gtan du bya ste/ de'i rang bzhin ma yin pa'i bsam gtan dang / dman pa'i bsam gtan la bsam gtan mi bya'o/ /bdag sangs rgyas kyi bsam gtan gyis rtse bar bya yi/ nyan thos dang / rang sangs rgyas dang / byis pa so so'i skye bo thams cad kyi bsam gtan gyis ni ma yin no/ /bdag mi gnas par bsam gtan bya ste/ gzugs la mi gnas/ tshor ba dang / 'du shes dang / 'du byed dang / rnam par shes pa la mi gnas/ sa'i khams la mi gnas par bsam gtan bya'o/ /chu'i khams dang / me'i khams dang / rlung gi khams la mi gnas par bsam gtan bya'o/ /'dod pa'i khams la mi gnas/ gzugs kyi khams la mi gnas/ gzugs med pa'i khams la mi gnas/ 'jig rten 'di la mi gnas/ 'jig rten pha rol la mi gnas/ gang mthong ba dang / thos pa dang / dran pa dang / rnam par shes pa dang / thob pa dang / reg pa dang / mngon sum du byas pa de dag la yang mi gnas par bsam gtan bya'o/ /bsam gtan byed na ji ltar bdag la gnod par mi 'gyur ba dang / gzhan la gnod par mi 'gyur ba dang / gnyis ga la gnod par mi 'gyur bar bya'o/ /bdag sangs rgyas kyi ye shes yongs su grub pa kun du tshol gyi/ bdag la 'dod pa tshol bas ni chog go/ de la shA ri'i bu byang chub sems dpa' mkhas pas ni ldog pa bzhi skyed de/ bzhi gang zhe na/ 'dod pa las ldog pa dang / sred pa las ldog pa dang / byas pa mi gzo ba'i sems las ldog pa dang / 'du byed tu gtogs pa'i sdug sngal thams cad las ldog pa ste/ ldog pa bzhi po de dag bskyed do/ /shA ri'i bu byang chub sems dpa' ngan song na gnas pas kyang kha dog rgyas pa'i bud med mthong na 'du shes bzhi skyed de/ bzhi gang zhe na/ </font><hr>80.116a<br><font size=+1>

nyams par 'du shes pa dang / g.yang sar 'du shes pa dang / phyi sa khung du 'du shes pa dang / rnag tu blos nye bar dpyod cing 'du shes pa'o/ /shA ri'i bu byang chub sems dpa' ngan song na gnas pa na yang kha dog rgyas pa'i bud med mthong na 'du shes 'di bzhi skyed na/ mir gyur pa na lta ci smos theg pa chen po la zhugs pa'i rigs kyi bus kha dog rgyas pa'i bud med mthong na 'du shes 'di bzhi skyed de/ nyams par 'du shes pa dang / g.yang sar 'du shes pa dang / phyi sa khung du 'du shes pa dang / rnag tu blos nye bar dpyod cing 'du shes pa'o/ /gal te de ltar brtags kyang 'dod chags kyi sems skye ba lta na/ des 'du shes gsum bskyed par bya'o/ /gsum gang zhe na/ ma 'dra ba la mar 'du shes pa dang / sring mo 'dra ba la sring mor 'du shes pa dang / bu mo 'dra ba la bu mor 'du shes pa ste/ 'du shes 'di gsum bskyed par bya'o zhes de ltar shA ri'i bu byang chub sems dpa' des legs par bshad pa khong du chud nas mdo sde dang 'thun par bya'o/ /yun ring po nas bdag gi mar ma gyur pa 'am/ phar ma gyur pa'i sems can de lta bu rnyed par sla ba ma yin te/ sems can thams cad bdag gi ma dang / phar gyur pas ma nyid chung mar bya ba'i mi rigs so zhes de ltar bslab par bya'o/ /byis pa so so'i skye bo thams cad ni mi mthun pa la gnas kyis/ bdag ni mi mthun pa la gnas par mi bya'o/ /de ltar spyad kyang 'dod chags kyi sems de nyid kyi rjes su 'brang ba lta na/ des tshul bzhin du so sor brtags par bya'o/ /'di lta ste/ 'dod chags kyi sems skyes na de ci mthong ba las skyes/ 'on te 'dod chags de mig las gyur na des 'di ltar tshul bzhin du so sor brtags par bya'o/ /bdag mig la chags na ci mig</font><hr>80.116b<br><font size=+1>

gis mig mthong ngam/ de ci rang bzhin gyis rang bzhin mthong ngam/ de ci'i phyir zhe na/ de yang mig /'di yang mig go/ /de yang 'byung ba chen po las gyur pa ste/ de yang 'byung ba chen po las byung ba'o/ /'di yang 'byung ba chen po las byung ba ste/ rang bzhin gyis rang bzhin la mi chags/ bdag gis bdag rang la 'ang ma yin no/ /de ci'i phyir zhe na/ de ji tsam pa 'di yang de tsam ste/ de la chags pa dang / 'di la chags pa de dag ni khyad par med de byis pa so so'i skye bo thams cad ni khyad par med par gnas so/ /bdag ni khyad par can du 'dod do/ /de cir phyir zhe na/ 'di lta ste/ 'dod pa la rnam par rtog pa de lta bu ni yon tan ma yin no/ /de nas bcom ldan 'das kyis de'i tshe tshigs su bcad pa 'di dag gsungs so/ /phan tshun dag ni don gcig ste/ de la khyad par yod med pa/ de ni tshul bzhin ma yin 'dzin/ 'dod chags sems ni kun nas langs/ 'di ni 'byung las gyur pa ste/ 'byung ba che la ji ltar chags/ chos 'di rnams ni shing 'dra ste/ de la chags gyur gang yang med/ 'di ni bdag gis brtags pa ste/ yang dag min gyis kun nas langs/ med pa las ni 'dod chags skye/ 'dod chags nyid kyang yod ma yin/ phyogs bcu rnams su yod ma yin/ 'dod chags yod pa ma yin te/ yang dag ma yin yongs brtags pas/ 'dod chags sems ni kun nas langs/ gal te de ltar so sor brtags kyang 'dod chags kyi sems de nyid rjes su 'brang ba lta na des dam pa rgya cher legs par bshad pa khong du chud cing mdo sde la mkhas pas rab tu mdo sde dang rjes su 'thun par bya'o/ /mig 'di ni dbu ba dang 'dra ste/ mnyer mi bzod do/ /dbu ba la yang bdag med/ sems can med/ srog med/ gang zag med/ skyes bu med shid las skyes med</font><hr>80.117a<br><font size=+1>

shed bu med/ byed pa po med/ tshor ba po med/ de ltar byed pa med pa'i chos la su zhig chags par 'gyur/ mig 'di ni chu'i chu bur dang 'dra ste/ rang bzhin gyis snying po med pa'o/ /chu'i chu bur la yang bdag med/ sems can med/ srog med/ gang zag med/ skyes bu med/ shed las skyes pa med/ shed bu med/ byed pa po med/ tshor ba po med de/ de ltar byed pa med pa/ g.yo ba med pa'i chos la su zhig chags par 'gyur/ mig 'di ni smig sgyu dang 'dra ste/ las dang / nyon mongs pa dang / sred pa las byung ba'o/ /smig sgyu la yang bdag med/ sems med/ srog med/ gang zag med/ skyes bu med/ shed las skyes med/ shed bu med/ byed pa po med/ tshor ba po med de/ de ltar byed pa med pa/ g.yo ba med pa'i chos la su zhig chags par 'gyur/ mig 'di ni chu shing 'dra ste/ rang bzhin gyis snying po med pa'o/ /chu shing la yang bdag med/ sems can med pa nas su zhig chags par 'gyur ba'i bar du'o/ /mig 'di ni sgyu ma dang 'dra ste/ phyin ci log las 'byung ba'o/ /sgyu ma la yang bdag med/ sems can med pa nas/ su zhig chags par 'gyur ba'i bar du'o/ /mig 'di ni rmi lam dang 'dra ste/ mi bden pa yang dag pa ma yin pa mthong ba'o/ /rmi lam la yang bdag med/ sems can med pa nas/ su zhig chags par 'gyur/ gang du chags par 'gyur ba'i bar du'o/ /mig 'di ni brag cha dang 'dra ste/ rkyen gyi kha na lus pa'o/ /brag cha la yang bdag med/ sems can med pa nas/ su zhig chags par 'gyur/ gang du chags par 'gyur ba'i bar du'o/ /mig 'di ni gzugs brnyan dang 'dra ste/ las kyi gzugs brnyan gyis kun du snang ba'o/ /</font><hr>80.117b<br><font size=+1>

gzugs brnyan la yang bdag med/ sems can med pa nas su zhig chags par 'gyur/ gang du chags par 'gyur ba'i bar du'o/ /mig 'di ni sprin dang 'dra ste/ gsal ba 'khrug pa dang bral ba'i mtshan nyid do/ /sprin la yang bdag med/ sems can med pa nas/ su zhig chags par 'gyur/ gang du chags par 'gyur ba'i bar du'o/ /mig 'di ni glog dang 'dra ste/ skad cig gis 'jigs pa dang ldan pa'o/ /glog la yang bdag med/ sems can med pa nas/ su zhig chags par 'gyur/ gang du chags par 'gyur ba'i bar du'o/ /mig 'di ni stong pa dang 'dra ste/ bdag dang bdag gi dang bral ba'o/ /de ltar chos rnams stong pa ste/ bdag med sems can med pa nas/ su zhig chags par 'gyur/ gang du chags par 'gyur ba'i bar du'o/ /mig 'di ni bems po lta bu ste/ rtswa dang / shing dang / rtsig pa dang / rdo ba dang / mig yor lta bu'o/ /de ltar chos thams cad bems po ste/ bdag med/ sems can med pa nas su zhig chags par 'gyur/ gang du chags par 'gyur ba'i bar du'o/ /mig 'di ni g.yo ba med pa ste/ rlung gis 'khrul 'khor dang ldan pas 'jug pa'o/ /de ltar chos thams cad byed pa med de/ bdag med/ sems can med pa nas/ su zhig chags par 'gyur/ gang du chags par 'gyur ba'i bar du'o/ /mig 'di ni gsob ste/ mi gtsang ba dang / rnag gi tshogs so/ /de ltar chos thams cad gsob ste/ bdag med/ sems can med pa nas/ su zhig chags par 'gyur/ gang du chags par 'gyur ba'i bar du'o/ /mig 'di ni gsog ste/ 'jig pa dang / 'gyes pa dang / 'bye ba dang / 'thor ba dang / </font><hr>80.118a<br><font size=+1>

'joms pa'i chos can no/ /de ltar chos thams cad gsog ste/ bdag med/ sems can med pa nas/ su zhig chags par 'gyur/ gang du chags par 'gyur ba'i bar du'o/ /mig 'di ni khron pa rnying pa dang 'dra ste/ rtag tu rga ba'i zil gyis non to/ /de ltar chos thams cad khron pa rnying pa dang 'dra ste/ bdag med/ sems can med pa nas/ su zhig chags par 'gyur/ gang du chags par 'gyur ba'i bar du'o/ /mig 'di ni tha mar mi gnas pa ste/ tha mar 'chi ba'o/ /de ltar chos thams cad ni mthar mi gnas pa ste/ bdag med/ sems can med/ srog med/ gang zag med/ skyes bu med/ shed las skyes med/ shed bu med/ byed pa po med/ tshor ba po med de/ de ltar byed pa med cing rkyen 'dus pa las byung ba de la su zhig chags par 'gyur/ gang du chags par 'gyur de bzhin du nang dang / phyi'i skye mched thams cad la yang rgyas par sbyar bar bya'o/ /shA ri'i bu de ltar tshul bzhin du rab tu sbyor ba'i byang chub sems dpa' 'dod chags kyis mi 'phrogs te/ de lta bu'i gnas med do/ /de chos thams cad la 'dod chags dang bral ba yin no/ /shA ri'i bu 'di ni byang chub sems dpa' sems dpa' chen po'i tshul khrims yongs su dag pa'o/ /shA ri'i bu de ltar tshul khrims yongs su dag pa'i byang chub sems dpa' sems dpa' chen po ni rnam pa thams cad tu srog chags la gsod par mi byed de/ srog chags su gyur pa thams cad la gnod pa ma yin no/ /srog gi phyir yang rnam pa thams cad tu ma byin par mi len te/ gzhan gyi longs spyod la mi rku ba yin no/ /srog gi phyir yang rnam pa thams cad tu 'dod pas log par g.yem pa mi sten te/ </font><hr>80.118b<br><font size=+1>

gzhan gyi chung ma la snying chags par mi byed do/ /srog gi phyir yang brdzun gyi tshig mi smra ste/ sems can thams cad la mi bslu ba yin no/ /bdag gi g.yog gis chog pas phra ma'i tshig mi zer ba yin no/ /srog gi phyir yang phra ma'i tshig med pa yin/ tshig gzhan mi smra bas tshig tshod bzung ba yin/ srog gi phyir gzhan gyi longs spyod la brnab sems mi skyed pas gzhan gyi longs spyod la brnab sems med pa yin/ srog gi phyir yang ngan du smra ba dang / ngan du rjod pa'i tshig dang du len pas mi khro zhing bzod pa yin/ sangs rgyas la skyabs su song bas srog gi phyir log par lta ba mi spyod de lha gzhan med pa yin/ de ye shes gzhan la re ba med pas ma nyams pa'i tshul khrims yin/ ngan par skye ba yongs su spangs pas skyon med pa'i tshul khrims yin/ 'gro ba ngan pa nyon mongs pa rnams dang ma 'dres pas 'dren ma ma yin pa'i tshul khrims yin/ chos dkar po gcig tu rnam par 'phel bas sra sre med pa'i tshul khrims yin/ ji ltar 'dod pa bzhin du 'gro bas rang dbang gi tshul khrims yin/ 'gro ba mkhas pas ma smad pas bsngags pa'i tshul khrims yin/ dran pa dang shes bzhin dang ldan pas shin du bsrungs pa'i tshul khrims yin/ nyes pa thams cad tu mi skye bas ma smad pa'i tshul khrims yin/ dbang po'i sgo bsdams pas shin du sbas pa'i tshul khrims yin/ sangs rgyas thams cad kyis dgongs pas rnam par bsgrags pa'i tshul khrims yin/ rung ba la chog shes pas 'dod pa nyung ba'i tshul khrims yin/ spong ba la dga' ba'i chog shes pa'i tshul khrims yin/ lus dang sems rab tu dben pas nan tan</font><hr>80.119a<br><font size=+1>

gyi tshul khrims yin/ 'du ba la mi dga' bas dgon pa la gnas pa'i tshul khrims yin/ gzhan gyi gdong du mi lta bas 'phags pa'i rigs la dga' ba'i tshul khrims yin/ bdag gi kha na las pa'i dge ba'i rtsa ba skyed pas sbyangs pa'i yon tan gyi tshul khrims yin/ lha dang mi rnams mi slu bas ji ltar smras pa de ltar byed pa'i tshul khrims yin/ sems can thams cad la mi 'tshe bas byams pa'i tshul khrims yin/ sdug bsngal thams cad dang du len pas snying rje'i tshul khrims yin/ chos la dga' zhing zhum pa med pas dga' ba'i tshul khrims yin/ rjes su chags pa dang / khong khro ba spongs bas btang snyoms kyi tshul khrims yin/ rang gi sems nges par rtogs pas bdag gis 'khrul pa la so sor rtog pa'i tshul khrims yin/ gzhan gyi sems rjes su srung bas gzhan gyi 'khrul pa la nyes par mi lta ba'i tshul khrims yin/ sbyin pa'i pha rol du phyin pas sems can yongs su sbyin par byed pa'i tshul khrims yin/ tshul khrims kyi pha rol du phyin pas shin du bsrungs pa'i tshul khrims yin/ bzod pa'i pha rol du phyin pas khong khro med pa'i tshul khrims yin/ brtson 'grus kyi pha rol du phyin pas dge ba'i chos mi zlogs pa'i tshul khrims yin/ bsam gtan gyi pha rol du phyin pas bsam gtan gyi yan lag yongs su rdzogs pa'i tshul khrims yin/ shes rab kyi pha rol du phyin pas thos pa rab kyi tshul khrims yin/ byang chub kyi yan lag gi tshogs bsags pas dge ba'i bshes gnyen la sten pa'i tshul khrims yin/ lam ngan pa yongs su spong bas sdig pa'i grogs po yongs su spong ba'i tshul khrims yin/ mi rtag pa'i 'du shes so sor rtog pas</font><hr>80.119b<br><font size=+1>

lus la mi lta ba'i tshul khrims yin/ yid mi rton pas srog la mi lta ba'i tshul khrims yin/ bsam pa shin du yongs su dag pas mi 'gyod pa'i tshul khrims yin/ rab tu sbyor ba shin du yongs su dag pas bcos ma ma yin pa'i tshul khrims yin/ lhag pa'i bsam pa shin du yongs su dag pas yongs su gdung ba med pa'i tshul khrims yin/ 'dod chags dang bral bas mi rgod pa'i tshul khrims yin/ sgrub pas mi snyems pa'i tshul khrims yin/ cang shes pas mu cor mi smra ba'i tshul khrims yin/ khro ba med pas dul ba'i tshul khrims yin/ nye bar zhi ba'i tshul khrims yin/ ji ltar bsgo ba bzhin las 'gal bar mi byed pas bka' blo bde ba'i tshul khrims yin/ bsdu ba'i dngos po rjes su mi gtong bas sems can yongs su smin par byed pa'i tshul khrims yin/ rang gi nor rab tu mi 'jigs pas chos rjes su srung ba'i tshul khrims yin no/ /shA ri'i bu byang chub sems dpa' mkhas pa ni 'di lta bu'i tshul khrims kyi phung po dang ldan pas byang chub sems dpa'i spyad pa spyod do/ /shA ri'i bu 'di ni byang chub sems dpa' sems dpa' chen po rnams kyi tshul khrims kyi pha rol du phyin pa ste/ byang chub sems dpa' de la brtson pa byang chub sems dpa'i spyad pa spyod pa rnams bdud dang / bdud kyi ris kyi lha'i bus mi thub pa yin/ phas kyi rgol ba gzhan dag gis kyang mi thub pa yin no/ /tshul khrims kyi pha rol du phyin pa'i le'u ste/ bdun pa'o// // shA ri'i bu de la byang chub sems dpa' gang la brtson zhing byang chub sems dpa'i spyad pa spyod pa'i byang chub sems dpa'i bzod pa'i pha rol du phyin pa gang zhe na/ 'di ltar shA ri'i bu byang chub sems dpa' ni bzod pa dang ldan zhing</font><hr>80.120a<br><font size=+1>

dang du len pa'i ngang tshul can yin pas/ grang ba dang / tsha ba dang / bkres pa dang / skom pa dang / rlung dang / nyi ma dang / sbrang bu dang / sha sbrang dang / sdig sbrul gyis reg pa dang / ngan du smra ba dang / ngan du brjod pa'i tshig gi lam la bzod pa dang ldan pa yin no/ /lus las tshor ba byung zhing skyes pa sdug bsngal ba shin du drag po dang / rtsub pa dang / tsha ba dang / srog 'phrog pa dang / 'chi ba la thug pa'i tshor ba rnams bzod pa dang ldan zhing dang du len pa'i ngang tshul can yin no/ /shA ri'i bu mngon par rdzogs par sangs ma rgyas pa na byang chub sems dpa'i spyad pa spyod pa'i tshe/ yun ring por bzod pa bsgoms so/ /bcom ldan 'das byang chub sems dpa' ji ltar bzod pa bsgom par bgyid/ bcom ldan 'das kyis bka' stsal pa/ shA ri'i bu ngas mngon par shes pas 'das pa'i dus na byang chub sems dpa' gyur te/ byang chub sems dpa'i spyad pa spyod pa na sems can dag 'ongs nas gshe rgya zhing tshig ngan pa dang / ngag rtsub po'i tshig smra ba de la shA ri'i bu nga khro ba dang / zhe sdang ba dang / gti mug dang / ser snas yongs su gdung ba ma skyes so/ /de ltar 'khor bar zhugs pa na 'di lta ste/ gshe ba dang / mi snyan par zer ba ltar rnyed par sla ba gang yang med mod kyi/ de la bdag gis btang snyoms su bya/ de la snying rje bskyed par bya'o/ /de ci'i phyir zhe na/ ji ltar gshe ba dang / mi snyan par zer ba la phal cher rab tu gnas pa de dag las de 'dra ba'i rnam par smin pa mngon par 'grub ste/ gshe ba dang / mi snyan par zer ba rnyed par 'gyur ro/ /gang dang gang du skyes pa thams cad tu gzugs ngan pa dang / mi sdug pa'i lus rab tu 'thob bo/ /nga ni gzugs ngan par mi 'dod/ </font><hr>80.120b<br><font size=+1>

gshe ba dang / mi snyan par zer ba mi 'dod do/ /de ci'i phyir zhe na/ 'di lta ste/ gshe ba dang / mi snyan pa zer ba de dag ni mi rigs pa'o/ /de dag ni mi rigs pa'i las so/ /de dag ni byis pa'i las so/ /de dag ni dman pa'i las so/ /de dag ni skyes bu dam pa ma yin pa'i las so/ /de dag ni mi bgrungs pa'i las so/ 'di lta ste/ gshe ba dang / mi snyan par zer ba'i chos de lta bu de dag ni sems can dmyal bar ltung ba'o/ /'di lta ste/ gshe ba dang / mi snyan par zer ba'i chos de lta bu de dag ni gshin rje'i 'jig rten du ltung ba'o/ /'di lta ste/ gshe ba dang / mi snyan par zer ba'i chos de lta bu de dag ni sems can dmyal ba'i g.yog byed pa'o/ /'di lta ste/ gshe ba dang / mi snyan par zer ba'i chos de lta bu de dag ni gnod sbyin dbul por byed pa'o/ /'di lta ste/ gshe ba dang / mi snyan pa zer ba'i chos de lta bu de dag ni gnod sbyin dbul por byed pa'i rtsa ba'o/ /'di lta ste/ gshe ba dang / mi snyan par zer ba'i chos de lta bu de dag ni yi dgas dbul por byed pa dang / yi dgas dbul por byed pa'i rtsa ba'o/ /'di lta ste/ gshe ba dang / mi snyan par zer ba'i chos de lta bu de dag ni mi dbul por byed pa dang / mi dbul por byed pa'i rtsa ba'o/ /'di lta ste/ gshe ba dang / mi snyan par zer ba'i chos de lta bu de dag ni dman pa'i 'gro bar byed pa dang / dman pa'i 'gro bar byed pa'i rtsa ba ste/ nga ni dman pa'i 'gro ba mi 'dod do/ /de ci'i phyir zhe na/ de dag rigs pa dang / de dag mi rigs par yang khyad par ci zhig yod/ bye brag ci zhig yod par 'gyur/ shA ri'i bu de bas byang chub sems dpa' sems dpa' chen pos nga'i rjes su slob pa'i rang bzhin can du 'gyur ba'o/ /de ci'i phyir zhe na/ shA ri'i bu gang gi tshe byang chub sems dpa' la gzhan gshe ba</font><hr>80.121a<br><font size=+1>

'am/ mi snyan pa zer na/ 'di lta bu'i chos yid la byas na bzod par 'gyur te/ gang gling chen po bzhi pa'i 'jig rten gyi khams 'di mgron bu dang / gser dang / nor bu dang / mu tig dang / bai dUr+ya dang / dung dang / man shel dang / byi ru dang / gser dang / dngul gyis yongs su bkang ste byin pa bas bzod pas bsgrubs pa'i dge ba'i rtsa ba ches mang du yongs su 'dzin par 'gyur ro/ /de ci'i phyir zhe na/ shA ri'i bu skyes bu dam pas nan tan gyis sgrub par byed/ bzod pas stobs shes par byed do/ /shA ri'i bu sems can phal cher ni gshe ba dang / mi snyan par zer ba'i dbang du song bas 'khor ba las mi ldog go/ /shA ri'i bu gzhan yang byang chub sems dpa' ci bdag la pha rol gshe ba 'am/ mi snyan par zer nas sangs rgyas dang / byang chub dang / chos dang / dge 'dun yid la byed dam zhes bdag gi mthu shes par bya ste/ gal te yid la byed na legs/ yid la mi byed par gyur na des rnam grangs du mar sangs rgyas sam/ byang chub bam/ chos sam/ dge 'dun yid la bya'o/ /yid la mi byed na de dag kyang gnod sems dang ldan pa/ sangs rgyas dang / byang chub dang / chos dang / dge 'dun yid la mi byed/ bdag kyang yid la mi byed na/ bdag dang / sems can de dag tu khyad par ci zhig yod/ tha dad pa ci zhig yod/ dka' ba spyod pa ci zhig yod kyis de dag dang bdag cag gnod sems kyi dus na btang snyoms su bya ba dang / sangs rgyas dang / byang chub dang / chos dang / dge 'dun yid la bya ba dang / bzod pa'i stobs kyang go bar bya ba'i rigs so zhes bdag la bskul bar bya'o/ /de ci'i phyir zhe na/ bdag ni sems can gcig gzung la sems can thams cad gtang pa ma yin gyi/ </font><hr>80.121b<br><font size=+1>

bdag gis bla na med pa yang dag par rdzogs pa'i byang chub mngon par rdzogs par sangs rgyas te/ sems can thams cad la chos bstan par bya'o zhes de lta bu'i tshig smras te/ sangs rgyas bcom ldan 'das rnams kyis kyang bdag la rigs kyi bu 'di bla na med pa yang dag par rdzogs pa'i byang chub tu zhugs te/ sems can thams cad la chos ston par mkhyen to/ /sangs rgyas bcom ldan 'das rnams kyi ye shes gzigs pa/ chags pa med pa dang / thogs pa med pas/ sangs rgyas bcom ldan 'das rnams kyis bdag mkhyen te/ gal te bdag gnod sems kyi dus na btang snyoms su ma gyur cing gang sangs rgyas dang / byang chub dang / chos dang dge 'dun yid la mi byed na de ni bdag gi mi cha'o/ /shar phyogs kyi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma dang mnyam pa gang da ltar bzhugs te/ 'tsho zhing gzhes pa'i sangs rgyas bcom ldan 'das de dag gis kyang rigs kyi bu des 'di ltar sems skyed de/ bdag bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad la chos bstan par bya'o snyam du bdag gi sems bskyed pa mkhyen to/ /yang lho phyogs dang / nub phyogs dang / byang phyogs dang / shar lho dang / lho nub dang / nub byang dang / byang shar dang / de bzhin du steng dang / 'og gi phyogs dang / de ltar phyogs dang / phyogs mtshams dang / de bzhin du phyogs bcu'i de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma dang mnyam pa gang da ltar bzhugs te/ 'tsho zhing gzhes pa de dag gis kyang rigs</font><hr>80.122a<br><font size=+1>

kyi bu 'di bla na med pa yang dag par rdzogs pa'i byang chub tu zhugs so zhes bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can thams cad la chos ston cing bzod pa'i bsngags pa brjod par bya'o zhes sems bskyed pa de mkhyen gyis de bas na seng ge'i sgra bsgrags la bdag wa'i sgra sgrog par ni mi bya'o/ /kye ma'o 'di lta ste/ seng ge'i sgra de ni bzod pa'i stobs shes par byed pa'o/ /kye ma'o 'di lta ste/ wa'i sgra de ni gshe ba dang / mi snyan par zer ba'o/ /sems can 'di dag ni sems can gang don byed na sems can de yang de'i don byed do/ /bdag kyang sems can gang gis don byas pa'i de'i phyir de'i don byed par gyur na de la khyad par ci zhig yod/ tha dad pa ci zhig yod/ dka' ba spyod pa ci zhig yod/ sems can 'di dag ni sems can gang gnod par byed na de la sems can de yang gnod par byed do/ /bdag gis kyang sems can gang gnod par byed na/ bdag kyang de la gnod par byed de/ gnod pa'i phyir/ gnod par byed na/ de la khyad par ci zhig yod/ tha dad pa ci zhig yod/ dka' ba spyod pa ci zhig yod par 'gyur/ shA ri'i bu gzhan yang byang chub sems dpa' 'di ltar slob ste/ sems can 'di dag thams cad ni phan tshun du mi mdza' ba ste/ de dag nor thob na ni mdza' bar shes/ gnod par byas na ni gcig la gcig gsod par byed do/ /bdag ni sems can gyi don la tsham tshom med de/ bdag la gnod par gyur kyang bdag sems can gyi don bya'o snyam mo/ /de nas bcom ldan 'das kyis de'i tshe tshigs su bcad pa 'di dag gsungs so/ /bskal pa bye ba mang por brgyar/ </font><hr>80.122b<br><font size=+1>

bdag la gnod par gyur kyang ni/ sems can sdug bsngal rnams mthong na/ yal bar bor zhing mi 'dug go/ /don rnyed na ni mdza' bo shes/ phan tshun gcig la gcig smra yi/ don rnams byed par phar mi 'gyur na/ phan tshun du ni gnod par byed/  nga dang rtag tu mdza' bya zhes/ 'dza' bu'i gling 'di thams cad dang / sangs rgyas zhing rnams rin po che/ 'ba' shig bkang ste sbyin byed dang / gang dag mtshon ni rnon po yis/ yan lag nying lag gcod pa yi/ sems can rnams ni thams cad la/ mnyam pa yi ni sems su bya/ gshe dang mi snyan zer ba dang /  ngan du byas pa thams cad bzod/ bzod pa la ni rab gnas nas/ bzod pa dag gi bsngags pa brjod/ dug ldud mtshon gyis 'debs pa yi/ gcig la gcig ni gnod byed pa/ sems can de dag bsdum par bya/ de ni mkhas pa'i mtshan nyid do/ /byis pa spyod pa 'ang de bzhin no/ /gang gis mya ngan 'da' ba'ang gzhan/ bdag ni khyad par tshol bas na/ byis pa dag ni bdag mi slob/ yang shA ri'i bu byang chub sems dpa' 'di ltar bslab par bya ste/ gal te bskal pa bye ba khrag khrig brgya phrag stong du rdo dbyug dang mtshon 'debs shing 'phen pas yud tsam yang 'tshor mi ster na/ /des kye ma'o ngo mtshar to zhes bya ba nas sems can 'di dag ni 'phags pa ste/ bdag gi srog ma bcad do snyam pa'i bar du de ltar bdag go bar bya zhing yang 'di ltar bslab po/ /yongs su brtag pa bzung ste/ brgya la bdag gom pa bdun bor ba tsam gyi yun la gang gA'i klung gi bye ma rnyed kyi mgo bcad par gyur kyang bdag khro ba dang / gshe bar bsgom par mi bya'o/ /de ci'i phyir zhe na/ </font><hr>80.123a<br><font size=+1>

khong khro ba khong khro ba zhes bya ba ni bskal pa brgya stong du bsgrubs pa'i dge ba'i rtsa ba 'jom pa ste/ yang phyir bdag gis bskal pa brgya stong du dge ba'i rtsa ba bsgrub par bya dgos so/ /de ltar bla na med pa yang dag par rdzogs pa'i byang chub 'di ni bsgrub dka' ba yin te/ de ltar chos de 'byung bar dka' ba'o/ /de bas na bdag bzod pa'i stobs kyi go cha bgo bar bya'o/ /de ltar shA ri'i bu theg pa chen po la zhugs pa sems sdang bar gyur pa la bdud kyis glags rnyed do/ /glags rnyed na bla na med pa yang dag par rdzogs pa'i byang chub kyi bar du gcod par 'gyur ro/ /sems sdang bas byang chub tu bya ba la g.yeng bar 'gyur ro/ /sems g.yengs pa la ni bdud sdig can bdud kyi las kyis skul bar byed do/ /de la bdud kyi las gang zhe na/ 'di lta ste/ lhung bzed la zhugs pa'i sems ni bdud kyi las so/ /chos gos la zhugs pa'i sems ni bdud kyi las so/ grong du slong ba la zhugs pa'i sems ni bdud kyi las so/ /rnyed pa dang / bkur sti dang / tshigs su bcad pa la zhugs pa'i sems ni bdud kyi las so/ /rab tu 'byung ba las 'dun pa zlog pa ni bdud kyi las so/ /chos dkar po mang po las 'dun pa zlog pa ni bdud kyi las so/ /dgon par gnas pa las mos pa zlog pa ni bdud kyi las so/ /bla na med pa yang dag par rdzogs pa'i byang chub las 'dun pa zlog pa ni bdud kyi las so/ /ye shes gzhan 'dod pa ni bdud kyi las so/ /mkhan po dang slob dpon la sri zhu mi byed pa ni bdud kyi las so/ /de ltar shA ri'i bu sems sdang ba la ni byang chub tu bya ba la g.yeng bar 'gyur ro/ /sems g.yeng ba ni bdud sdig can bdud kyi las 'di dag</font><hr>80.123b<br><font size=+1>

la 'dzud do/ /shA ri'i bu bdud sdig can yun ring po nas glags tshol te/ 'di lta ste/ khro ba dang / gnod sems tshol mod kyi/ shA ri'i bu des mngon par shes pa'i 'das pa'i dus na nga spyod pa'i spyod yul zhes bya ba'i drang srong du gyur te/ de na nga la bdud sdig can gyis skyes bu lnga brgya gshe ba la dpa' ba mngon par sprul nas de dag lo lnga brgya'i bar du rtag tu rgyun mi 'chad par nga'i phyi bzhin thog thag tu 'brang zhing de dag mtshan yang gshe/ nyin yang gshe/ 'gro yang gshe/ 'ong yang gshe/ 'greng yang gshe/ 'dug kyang gshe/ nyal ba dang / 'chag pa dang / 'dug pa dang / grong du 'gro ba dang / srang na 'greng ba dang / khyim na 'greng ba dang / srang na 'dug pa dang / khyim na 'dug pa dang / dgon par song ba dang / dgon par 'greng ba dang / gshe zhing mi snyan pa zer te/ ngan du smra tshig rtsub po smra zhing thabs de lta bur gnas te/ de dag lo lnga brgya'i bar du phyi bzhin thog thag tu 'brangs par gyur te/ 'on kyang shA ri'i bu lo lnga brgyar gshe ba la dpa' ba'i skyes bu de dag la byams pa nye bar sbyor bas lta ba las gzhan tha ba'i nyes pa skyed pa'i sems bskyed pa gcig tsam yang mi shes so/ /de'i tshe nga 'di snyam du sems te/ gang rigs kyi bu de dag ni tshul khrims dang ldan pa/ dge ba'i chos can/ rang bzhin gyis 'dod chags chung ba/ zhe sdang chung ba/ gti mug chung ba ste/ bdag ni de dag nyi tshe'i don du dka' ba spyod pa ma yin/ de dag nyi tshe'i don du bla na med pa yang dag par rdzogs pa'i byang chub sgrub pa ma yin gyi/ sems can dmu rgod gdul dka' ba/ tshul khrims 'chal ba/ sdig pa'i chos can/ rang bzhin gyis 'dod chags mang ba/ zhe sdang mang ba/ gti mug mang ba/ </font><hr>80.124a<br><font size=+1>

de dag gi don du bdag dka' ba spyad pa spyod/ de dag gi don du bla na med pa yang dag par rdzogs pa'i byang chub sgrub ste/ de dag nyid bdag gi thog mar mya ngan las bzla bar bya'o/ /shA ri'i bu sems sdang ba med pa la dran pa 'di skyes so/ /de ltar shA ri'i bu de bzhin gshegs pa ni phan pa'i dngos po phun sum tshogs pa ste/ sngon gyi mtha' nas byang chub sems dpa'i spyad pa spyod cing 'ongs pa'o/ /shA ri'i bu byang chub sems dpa' gang la la bla na med pa yang dag par rdzogs pa'i byang chub mngon par 'dod pa de dag gis bzod pa dang ldan zhing dang du len pa'i rang bzhin can du bya'o/ /grang ba dang / tsha ba dang / bkres pa dang / skom pa dang / rlung dang / nyi ma dang / sbrang bu dang / sha sbrang dang / sdig sbrul gyis rig pa dang / pha rol gyis ngan du smra ba dang / ngan du brjod pa'i tshig gi lam rnams la bzod pa dang ldan zhing dang du len pa'i rang bzhin can du bya'o/ /lus las skyes shing byung ba'i tshor ba sdug bsngal ba/ mi bzad pa/ rtsub pa/ srog 'phrog pa/ 'chi ba la thug pa'i tshor ba rnams la bzod pa dang ldan zhing dang du len pa'i rang bzhin can du bya'o/ /de ltar shA ri'i bu bzod pa de lta bu la gnas pa'i byang chub sems dpa' byang chub sems dpa'i bzod pa thob par 'gyur ro/ /de la byang chub sems dpa'i bzod pa gang zhe na/ gnod sems med pa ni byang chub sems dpa'i bzod par blta'o/ /mi khro ba ni byang chub sems dpa'i bzod par blta'o/ /mi 'tshe ba ni byang chub sems dpa'i bzod par blta'o/ /rtsod pa med pa ni byang chub sems dpa'i bzod par blta'o/ /gnod par bya ba med pa ni byang chub sems</font><hr>80.124b<br><font size=+1>

dpa'i bzod par blta'o/ /bdag rjes su srung ba ni byang chub sems dpa'i bzod par blta'o/ /gzhan rjes su srung ba ni byang chub sems dpa'i bzod par blta'o/ /lus rjes su srung ba ni byang chub sems dpa'i bzod par blta'o/ /ngag rjes su srung ba ni byang chub sems dpa'i bzod par blta'o/ /sems can rjes su srung ba ni byang chub sems dpa'i bzod par blta'o/ /tshul bzhin gyis so sor rtog pa ni byang chub sems dpa'i bzod par blta'o/ /mya ngan las 'das pa 'dod chags dang bral ba ni byang chub sems dpa'i bzod par blta'o/ /las kyi rnam par smin pa la rton pa ni byang chub sems dpa'i bzod par blta'o/ /lus yongs su dag pa ni byang chub sems dpa'i bzod par blta'o/ /ngag yongs su dag pa ni byang chub sems dpa'i bzod par blta'o/ /sems yongs su dag pa ni byang chub sems dpa'i bzod par blta'o/ /lha dang mi'i phun sum tshogs pa rjes su myong ba ni byang chub sems dpa'i bzod par blta'o/ /byang chub sems dpa' de bzhin gshegs pa'i mtshan dang dpe byad bzang po yongs su rdzogs pa ni byang chub sems dpa'i bzod par blta'o/ /de bzhin gshegs pa'i gsung tshangs pa'i sgra dbyangs bsgrags pa 'thob pa ni byang chub sems dpa'i bzod par blta'o/ /byang chub sems dpa'i spyod pa dang / dge ba'i rtsa ba thams cad chud mi gson pa ni byang chub sems dpa'i bzod par blta'o/ /phas kyi gnod par byed pa thams cad las 'das pa ni byang chub sems dpa'i bzod par blta'o/ /phyir rgol ba thams cad bcom pa ni byang chub sems dpa'i bzod par blta'o/ /</font><hr>80.125a<br><font size=+1>

mdor na de bzhin gshegs pa'i stobs dang / mi 'jigs pa dang / ma 'dres pa dang / snying rje chen po dang / byams pa chen po dang / dga' ba chen po dang / btang snyoms chen po dang / sangs rgyas kyi chos thams cad yongs su rdzogs pa ni byang chub sems dpa'i bzod par blta'o/ /yang shA ri'i bu byang chub sems dpa'i bzod pa zhes bya ba ni 'di ltar brag cha'i sgra dang mtshungs par rab tu shes pas spyos kyang slar mi gshe'o/ /lus gzugs rnyan du shes pas brdegs kyang sle mi rdeg /sems sgyu ma lta bur rab tu rtogs pas khros kyang slar mi khro/ rang gi yon tan yongs su rdzogs pas de ma bsngags pa la khong khro ba med/ bsngags pa la rjes su chags par mi byed do/ /dul zhing zhi ba'i phyir rnyed pas dga' bar mi 'gyur/ ma rnyed pas zhum par mi 'gyur/ rab tu brtags pa'i blo rgya che ba'i phyir grags pas ngo mtshar du mi 'dzin/ ma grags pas 'khrul par mi 'gyur/ mi g.yo bar rab tu gnas pa'i phyir dmad pas 'dud par mi 'gyur/ bstod pas khengs par mi 'gyur/ sems can la lta ba'i phyir sdug bsngal gyis yongs su mi skyo/ 'dus byas kyi bde ba mi rtag pa'i phyir/ bde ba la dga' ba med/ srid pa'i 'gro bar skye ba thams cad la mi gnas pas 'jig rten gyi chos kyis mi gos pha rol la mi gnod pas bdag la gnod pa bzod/ byang chub kyi yan lag gi tshogs yongs su rdzogs pas yan lag dang / nying lag dang / mgo bcad kyang bzod/ sangs rgyas kyi sku 'dod pas lus gtubs kyang bzod//</font><hr>80.125b<br><font size=+1>

legs par byas pa'i las kyi stobs bskyed pas ngan du byas pa thams cad bzod de/ shA ri'i bu de ni byang chub sems dpa'i bzod pa zhes bya'o/ /shA ri'i bu gzhan yang byang chub sems dpa'i bzod pa zhes bya ba ni/ 'di lta ste/ rab tu bzod pa'o/ /de ci'i phyir zhe na/ gshe ba ni su/ gshe bar bya ba ni gang zhes bzod na de gnyis ga dmigs pa'i bzod pa ste/ /de rab tu bzod pa ma yin no/ /yang 'di la gshe ba gang zhes bzod na de chos bgrang ba'i bzod pa ste/ de rab tu bzod pa ma yin no/ /ci mig gis mig la gshe 'am zhes bzod na de skye mched la so sor rtog pa'i bzod pa ste/ de rab tu bzod pa ma yin no/ /'di ni yi ge yin no zhes bzod na/ de brag cha'i sgra'i bzod pa ste/ de rab tu bzod pa ma yin no/ /'di yang mi rtag /bdag kyang mi rtag ces bzod na de mi rtag pa la 'jug pa'i bzod pa ste/ de rab tu bzod pa ma yin no/ /'di ni phyin ci log /bdag ni phyin ci log ma yin zhes bzod na de mtho dman gyi bzod pa ste/ de rab tu bzod pa ma yin no/ /bdag ni rigs/ 'di ni mi rigs so zhes bzod na de rigs pa ma yin pa'i bzod pa ste/ de rab tu bzod pa ma yin no/ /bdag ni lam la gnas/ 'di ni lam ngan pa la gnas shes bzod na de gnyis kyi bzod pa skye ste/ de rab tu bzod pa ma yin no/ /bdag stong pa nyid bzod kyi/ bdag lta bar song ba mi bzod/ bdag mtshan ma med pa bzod kyi/ bdag rnam par rtog pa mi bzod/ bdag smon pa med pa bzod kyi/ bdag smon pa mi bzod/ bdag mngon par 'du mi byed pa bzod kyi/ bdag mngon par 'du byed pa mi bzod/ </font><hr>80.126a<br><font size=+1>

bdag nyon mongs pa zad pa bzod kyi/ bdag nyon mongs pa mi bzod/ bdag dge ba bzod/ bdag mi dge ba mi bzod/ bdag kha na ma tho ba med pa bzod kyi/ bdag kha na ma tho ba mi bzod/ bdag zag pa zad pa bzod kyi/ bdag zag pa dang bcas pa mi bzod/ bdag 'jig rten las 'das pa bzod kyi/ bdag 'jig rten pa mi bzod/ bdag rnam par byang ba bzod kyi/ bdag kun nas nyon mongs pa mi bzod/ bdag mya ngan las 'das pa bzod kyi/ bdag 'khor ba mi bzod na de gnyen pos spong ba'i bzod pa ste/ rab tu bzod pa ma yin no/ /de la rab tu bzod pa gang zhe na/ gang stong pa nyid khong du chud pa de la lta ba bsal pa yang med/ stong pa nyid du sgro 'dogs pa yang med/ gang stong pa nyid khong du chud pa de la rnam par rtog pa bsal pa yang med/ mtshan ma med pa'i sgro 'dogs pa yang med/ gang stong pa nyid khong du chud pa de la smon lam bsal pa yang med/ smon pa med par sgro 'dogs pa yang med/ gang stong pa nyid khong du chud pa de la mngon par 'du byed pa bsal pa yang med/ mngon par 'du mi byed par sgro 'dogs pa yang med/ gang stong pa nyid khong du chud pa de la nyon mongs pa bsal ba yang med/ kun nas nyon mongs pa zad par sgro 'dogs pa yang med/ gang stong pa nyid khong du chud pa de la mi dge ba bsal ba yang med/ dge bar sgro 'dogs pa yang med/ gang stong pa nyid khong du chud pa de la kha na ma tho ba dang bcas pa bsal pa yang med/ kha na ma tho ba med pa'i sgro 'dogs pa yang med de gong ma bzhin du thams cad la rgyas par bya ste/ gang stong pa nyid du khong du chud</font><hr>80.126b<br><font size=+1>

pa de la 'khor ba bsal pa med/ mya ngan las 'das par sgro 'dogs pa yang med de/ gang 'di la bzod pa de ni rab tu bzod pa zhes bya'o/ /gang ma skyes/ ma bskyed/ ma byung / byung bar ma gyur pa de la 'byung ba gang yang med do/ /'byung ba med pas mi zad de/ gang mi zad pa de rab tu bzod pa'o/ /gang 'dus byas kyang ma yin/ 'dus ma byas kyang ma yin/ sgro 'dogs pa yang ma yin/ /ma bzhag pa/ ma spel ba/ yang dag par ma spel ba/ mi gsog pa/ mi 'bri ba de la skye ba gang yang med do/ /gang mi skye ba de ni mi zad pa ste/ gang de ltar bzod na de ni mi skye ba la bzod pa zhes bya'o/ /shA ri'i bu bzod pa 'di lta bu dang ldan pa'i byang chub sems dpa' sems dpa' chen po byang chub sems dpa'i spyad pa spyod do/ /shA ri'i bu 'di ni byang chub sems dpa' sems dpa' chen po'i bzod pa'i pha rol du phyin pa ste/ 'di la zhugs pa'i byang chub sems dpa' sems dpa' chen po byang chub sems dpa'i spyad pa spyod de bdud dang bdud kyi ris kyi lha'i bu rnams dang / /de ma yin pa phas kyi rgol ba gzhan thams cad kyis mi thul ba yin no/ /bzod pa'i pha rol du phyin pa'i le'u zhes bya ste/ brgyad pa'o// // bam po bcu gnyis pa/ de la byang chub sems dpa' sems dpa' chen po gang la zhugs pa byang chub sems dpa'i spyad pa spyod cing bdud dang bdud kyi ris kyi lha'i bu rnams dang / de ma yin pa gzhan phas kyi rgol ba thams cad kyis mi thul bar 'gyur ba'i byang chub sems dpa'i brtson 'grus kyi pha rol du phyin pa gang zhe na/ 'di ltar shA ri'i bu byang chub sems dpa' sems dpa' chen po phyir mi ldog pa'i brtson 'grus dang ldan</font><hr>80.127a<br><font size=+1>

pa yin te/ rang gi lus dang srog la mi lta bar brtson 'grus drag po bskyed nas byang chub sems dpa'i sde snod kyi chos kyi rnam grangs 'di yongs su tshol bar byed/ shin du nyan par byed/ 'chad par byed/ 'dzin par byed/ klog par byed/ kun chub par byed/ gzhan la 'chad par byed/ rgya cher yang dag par rab tu ston par byed/ bris nas 'dzin par byed do/ /de ji ltar na lus dang srog la mi lta ba yin zhe na/ 'di la shA ri'i bu byang chub sems dpa' 'di lta bu'i mdo sde 'chad pa dang / 'dzin pa dang / klog pa dang / kun chub par byed pa dang / gzhan la yang go bar byed pa dang / rgya cher yang dag par rab tu ston pa dang / bris nas 'dzin pa dang / de bzhin du nan tan byed pa de dag gi lus la ngas mda' dang / mtshon dang mdung thung brgyas phug ste/ srog gcad do zhes pha rol gyis bsdigs kyang de la shA ri'i bu byang chub sems dpa' mi 'jigs/ mi dngang / mi skrag /kun du skrag par mi 'gyur gyi/ phyir zhing brtson 'grus brtan pa bskyed nas byang chub sems dpa'i sde snod kyi chos kyi rnam grangs mi spong / rab tu rnam par mi spong / mi 'dor te/ mos pa drag por 'gyur/ mos pa brtan par 'gyur/ bzod pa brtan par 'gyur/ brtson 'grus brtan par 'gyur ro/ /shA ri'i bu bzod pa brtan pa dang / brtson 'grus brtan pa las bzung ste/ dpe bstan to/ /bzod pa brtan pa ji tsam pa dang / brtson 'grus brtan pa ji tsam pas byang chub sems dpa' lus dang srog la mi lta bar 'gyur te/ shA ri'i bu stong gsum gyi stong chen po'i 'jig rten gyi khams kyi sems can ji rnyed pa sgo nga las skyes pa 'am//</font><hr>80.127b<br><font size=+1>

mngal nas skyes pa 'am/ drod gsher las skyes pa 'am/ rdzus te skyes pa 'am/ gzugs can nam/ gzugs med pa 'am/ 'du shes can nam/ 'du shes med 'du shes med min nam/ snang bar gyur pa 'am/ mi snang bar gyur pa 'am/ sems can ji snyed sems can du bsdu bar bsdus pa de dag thams cad yongs su brtag pa bzung ste/ skad cig thang cig yud tsam la snga phyi med par mi'i lus thob par gyur la/ de dag mir gyur nas thams cad kyi lag na mtshon rnon po thogs te dgrar gyur nas de dag tshig 'di skad ces 'di lta bu'i tshig dang / yi ge 'chang ba dang / 'dzin pa dang / klog pa dang / gzhan dag la 'chad pa dang / rgya cher yang dag par rab tu ston pa dang / de bzhin du nan tan byed pa de dag ded kyis bzung ste/ srog gcad do zhes zer na yang de la shA ri'i bu byang chub sems dpa' dngang ba dang / skrag pa skye ba'i sems can cig kyang mi skyed kyi/ de bas lhag par dam pa'i chos yongs su 'dzin par 'gyur te/ de ni byang chub sems dpa'i sde snod kyi chos kyi rnam grangs yongs su tshol ba'i phyir ro/ /shA ri'i bu 'di ni byang chub sems dpa' mi zlogs pa'i brtson 'grus dang ldan/ mtha' yas pa'i brtson 'grus kyi stobs kyi shugs dang ldan zhing brtson 'grus dpa' ba dang / sems dpa' ba dang / tshul khrims dpa' ba dang / bzod pa dpa' ba dang / ting nge 'dzin dpa' ba dang / shes rab dpa' ba dang / spyod pa'i khyad par gyi ye shes dpa' ba zhes bya'o/ /de la shA ri'i bu byang chub sems dpa' gang mtshon rnon po thogs pa'i dgra rnams la gnod pa'i sems cig kyang mi skyed pa</font><hr>80.128a<br><font size=+1>

de ni byang chub sems dpa' tshangs pa dang mtshungs/ dbang po mtshungs/ lhun po dang mtshungs te/ mi sgul ba'i snying rje can/ byams pa la gnas pa sems can thams cad kyi bsam pa gso ba la mos pa/ phyir mi ldog pa'i spyod yul ba/ sems sa dang mtshungs pa/ sems chu dang mtshungs pa/ sems me dang mtshungs pa/ sems rlung dang mtshungs pa/ sems nam mkha' dang mtshungs pa/ 'dod chags dang / zhe sdang dang / gti mug dang / tha ba sel ba la zhugs pa zhes bya'o/ /yang shA ri'i bu byang chub sems dpa' sems dpa' chen po gang gis gang gA'i klung gi bye ma snyed kyi 'jig rten gyi khams rin po che sna bdun gyis yongs su gang bar byas te/ de bzhin gshegs pa dgra bcom pa yang dag par rdzogs pa'i sangs rgyas la sbyin pa byin pa bas/ byang chub sems dpa' sems dpa' chen po gang gis byang chub sems dpa'i sde snod kyi chos kyi rnam grangs 'di thos nas 'di lta bu'i chos bdag gis bslab par bya'o zhes sems rab tu bzhag na/ shA ri'i bu byang chub sems dpa'i slob par 'dod pas ma bslabs kyang dge ba'i rtsa ba'i ches mang du yongs su bzung bar 'gyur te/ sbyin pa chen po byin pas ni de tsam ma yin no/ /de ci'i phyir zhe na/ shA ri'i bu bla na med pa yang dag par rdzogs pa'i byang chub ni 'di'i khar lus so/ /de bas na shA ri'i bu byang chub sems dpa' sems dpa' chen pos byang chub sems dpa'i sde snod kyi chos kyi rnam grangs mnyan pa dang / gzung ba dang / yi ger bri ba dang / bklag pa dang / bcang ba dang / pha rol la yang yang dag par rab tu bstan pa'i phyir brtson 'grus</font><hr>80.128b<br><font size=+1>

brtsam mo/ /shA ri'i bu byang chub sems dpa' brtson 'grus brtsams pa ni 'gro ba med pa'i 'gro bar 'gro'o/ /'gro ba med par 'gro ba gang zhe na/ 'di lta ste/ mya ngan las 'das pa ste/ der bdud sdig can 'gro ba med do/ /de bas na 'gro ba med par 'gro ba zhes bya'o/ /der 'gro ba ni brtson 'grus dang ldan pa/ skyes bu dam pa sangs rgyas dang / nyan thos rnams so/ /de ci'i phyir zhe na/ brtson 'grus spyod pa'i lam du zhugs pa de ni de lta bu'i skyes bu dam pa dag dang / sangs rgyas rnams so/ /gang la la kun nas nyon mongs pa'i chos can thams cad ni gnas gsum ste/ gsum gang zhe na/ ngan song du gzhol ba dang / ngan song du 'bab pa dang / ngan song du bab pa ste/ tshul khrims dang / bzod pa dang / mang du thos pa ma gtogs par mngon par 'byung ba'i chos gzhan gang yang med do/ /kye ma'o sems can 'di dag ni nga zhes zer ba'i tshig gi las la gnas pa ste/ las ma yin pa la gnas so/ /kye ma'o sems can 'di dag ni nga zhes zer ba'i brtson 'grus brtsams pa ste/ le lo can no/ /shA ri'i bu byang chub sems dpa' mkhas pa ni las ma yin pa la gnas pa'i sems can le lo can dang / mdza' bar mi byed/ sten par mi byed de/ gzhan du na byang chub sems dpa' 'thun par spyod pa/ brtson 'grus brtsams pa dang sten par byed do/ /de ci'i phyir zhe na/ shA ri'i bu sangs rgyas kyi yongs su mya ngan las 'das pa las gzhan mya ngan las 'das pa'i mchog gang yang med do/ /shA ri'i bu byang chub sems dpa' rnam par byang ba la mos shing / brtson 'grus</font><hr>80.129a<br><font size=+1>

brtsams pa ni bdag gi lus 'ba' shig nye bar zhi bar bya ba'i phyir brtson 'grus rtsom pa ma yin gyi/ sems can thams cad la phan pa dang / bde ba'i phyir zhugs nas khong du chud par byed/ ston par byed/ skul bar byed/ 'dzin du 'jug /'phags pa'i lam srang du 'dzud de/ de bas na skyes bu dam pa byang chub sems dpa' zhes bya'o/ /de nas bcom ldan 'das kyis de'i tshe tshigs su bcad pa 'di dag gsungs so/ /mdud pa med pa'i brtson 'grus gyis/ rtag tu yang dag 'phags par 'gyur/ mkhas pa byang chub sems dpa' yi/ sde snod dag ni rtag tu 'dzin/ chos rnams kyi ni don sems te/ de dag blo ni bsam mi khyab/ rnam par byang ba kun tshol ba/ byang chub sems dpa' brjod pa yin/ shes rab chen po de dag 'bad/ shing mchog drung du 'dug nas ni/ de bzhin shes rab brtson 'grus kyis/ sdig can bdud rnams skrag par byed/ 'jig rten kun gyi brda dag las/ tshul khrims dag ni thams cad ston/ sems can kun la phan pa'i phyir/ de la brtson 'grus nyams mi 'gyur/ shA ri'i bu dus 'di lta bu dang / tshong 'di lta bu 'byung bar 'gyur te/ gang nga dang khyod yongs su mya ngan las 'das pa'i 'og tu lnga brgya pa tha ma la 'di lta bu'i mdo sde 'gro ba mang po dga' ba dang / mgu bar byed pa/ shes rab sgrub par byed pa/ bsod nams sgrub par byed pa/ longs spyod 'phel ba sgrub par byed pa/ mtho ris sgrub par byed pa/ phun sum tshogs pa thams cad sgrub par byed pa/ de bzhin gshegs pa'i stobs dang / mi 'jig pa dang / so sor yang dag pa</font><hr>80.129b<br><font size=+1>

rig pa dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa rnams sgrub par byed pa/ mdor na sangs rgyas kyi chos rnams sgrub pa/ bdud skrag par byed pa/ sems rnam par dag par byed pa/ skye ba zad pa'i mthar byed pa/ sdug bsngal mthar byed pa/ mya ngan las 'das pa dang nye bar byed pa 'byung na/ de dag de'i dus spong bar 'gyur/ mi 'dod par 'gyur/ yongs su gtong bar 'gyur ro/ /de la shA ri'i bu gang brtson ba/ rab tu brtson ba/ mngon par rab tu brtson ba/ bla na med pa yang dag par rdzogs pa'i byang chub 'dod pa/ tshul khrims 'dod pa/ thos pa 'dod pa/ ting nge 'dzin 'dod pa/ shes rab 'dod pa/ rnam par grol ba 'dod pa/ rnam par grol ba'i ye shes mthong ba 'dod pa/ sangs rgyas kyi chos 'dod pa/ sems can thams cad la phan pa dang bde ba 'dod pa/ log par lta ba spong bar 'dod pa/ yang dag par lta ba sgom par 'dod pa/ 'khor ba spong bar 'dod pa/ 'phags pa'i lam sgom par 'dod pa/ chos ston par 'dod pa/ bdud skrag par byed par 'dod pa/ 'dod chags zhi bar 'dod pa/ zhe sdang zhi bar 'dod pa/ gti mug 'joms par 'dod pa/ ma rig pa 'joms par 'dod pa/ rig pa skyed par 'dod pa'i sems can de dag 'byung bar 'gyur te/ shA ri'i bu de dag 'di lta bu'i chos thos nas dge ba'i rtsa ba'i chos thams cad 'dod pa'i phyir brtson 'grus rtsom par 'gyur ro/ /'di 'dra ba'i chos thos nas/ sangs rgyas chos rnams thams cad ni/ bar du gcod pa mi 'byung ste/ 'di la bdag</font><hr>80.130a<br><font size=+1>

ni the tshom med/ de la shA ri'i bu sems can gang bsod nams kyi stobs kyis nye bar brtan pa/ lhag pa'i bsam pas bla na med pa yang dag par rdzogs pa'i byang chub la zhugs pa 'byung ba de dag 'di lta bu'i mdo sde nyan par byed de/ thos nas rgya cher dga' zhing mgu ba thob par 'gyur/ byang chub sems dpa'i sde snod kyi chos kyi rnam grangs rab tu kun chub par byed par 'gyur/ nan tan gyis sgrub par 'gyur ro/ /yang gang gis de bzhin gshegs pa'i bstan pa mnyan pa'i chos su byas par gyur pa de dag rgyu la la dang / dmigs pa la las dbang du ma gyur par nyan par byed de/ thos nas rgya cher dga' ba dang / mgu ba thob par 'gyur/ de dag dga' ba dang mgu ba skyes nas brtson 'grus shin tu brtan pa rtsom par 'gyur te/ de 'di lta bu'i byang chub sems dpa'i sde snod kyi chos dkon mchog la snying po cung zad tsam len par 'gyur ro/ /'di lta ste/ dper na shA ri'i bu shing tog smin pa rnam pa mang po kha dog phun sum tshogs pa/ dri phun sum tshogs pa/ ro phun sum tshogs pa rgya mtsho chen pos khyer ba dang / skyes bu la las brtson 'grus dang / rtul pa chen po bskyed nas chu chen por zhugs te/ lag pa dang / rkang pas 'bad nas rgya mtsho chen po de las shing tog gcig blangs/ gnyis dang gsum blangs nas rgya mtsho chen po de las rgal nas de phyogs gcig tu song ste/ shing tog de myangs na des sngon ma myong ba'i ro myong nas de 'di snyam du sems te/ shing tog 'di dag kha dog dang ldan zhing shing tog 'di dag dri dang ldan/ shing tog 'di dag ro dang ldan te sngon ma myong gis/ </font><hr>80.130b<br><font size=+1>

'di ltar bdag gis brtson 'grus rab tu brtsams te/ lag pa dang rkang pas 'bad nas shing tog gzhan yang blang snyam ste/ rgya mtsho chen po de la yang zhugs pa dang / des phyi ma mthong nas 'di ltar shing tog kha dog dang / dri dang / ro dang ldan zhing smin pa rnams sna tshogs de dag las bdag gis mang du ma blangs pas yongs su nyams par gyur to zhes de sdug bsngal zhing yid mi bde nas 'gyod do/ /de bzhin du shA ri'i bu phyi ma'i tshe phyi ma'i dus lnga brgya tha ma la dam pa'i chos nub par 'gyur ba'i dus kyi tshe dad pa chung ba/ gtong ba chung ba/ shes rab chung ba/ brtson 'grus chung ba 'byung ste/ rnam grangs 'ga' zhig gis 'di lta bu'i mdo sde dkon mchog nyan par 'gyur te/ thos nas gang cung zad tsam tha na tshig bzhi pa'i tshigs su bcad pa gcig 'dzin pa de dag la bdud sdig can yongs su 'tshe bar 'gyur ro/ /de dag la skye bo mang po dga' bar mi 'gyur/ skye bo mang pos mchod par mi 'gyur/ skye bo mang pos bstod par mi 'gyur te/ mi dga' mi mchod/ mi bstod par rig nas yal bar 'dor ro/ /yang de dag gis gang thos par 'gyur ba dang / zin par 'gyur ba yang nyung zhing dog la chung ste/ mi mang bas de phyogs gcig tu song nas sems la 'jog ste/ sems kyis nges par rtog cing de dag dga' ba mi skye la 'gyod par 'gyur ro/ /kye ma'o bdag de bzhin gshegs pa'i bstan pa mchog las yongs su nyams te/ chos mang por ma thos/ chos mang por ma bzung ngo zhes de dag yud tsam zhig de bzhin gshegs pa dgra bcom pa yang dag par rdzogs pa'i sangs rgyas rjes su dran par 'gyur ro/ /shA ri'i bu</font><hr>80.131a<br><font size=+1>

gzhan yang de'i dus na bdud kyis byin gyis brlabs pa'i dge slong dag 'byung bar 'gyur te/ gang mdo sde 'di thos nas skye bo mang po'i mdun du mdo sde 'di ni rang bzor byas pa yin te/ 'di ni sangs rgyas kyis gsungs pa ma yin no zhes spong bar 'gyur ro/ /yang shA ri'i bu de'i dus na dge slong gang thams cad yod mi nyan pa dag kyang 'byung bar 'gyur ro/ /de nas bcom ldan 'das kyis de'i tshe tshigs su bcad pa 'di dag gsungs so/ 'di 'dra ba yi chos thos nas/ bar du gcod par yod mi 'gyur/ sangs rgyas kyi ni chos thams cad/ de la bdag ni nem nur med/ gang dag bsod nams chung 'byung ba/ de dag 'di 'dra nyan mi 'gyur/ gang dag bsod nams chung 'byung ba/ thos nas dad par mi 'gyur ro/ /gang dag bsod nams ldan 'byung ba/ thos nas dad pas 'dzin par 'gyur/ gang dag bsod nams chung 'byung ba/ 'di ni bstan pa min zhes zer/ de dag ngan 'gror 'gro bar 'gyur/ sa yi steng na dmus long bzhin/ bsod nams ldan 'byung de dag ni/ thos nas rab tu dga' bar 'gyur/ bde 'gro bar ni de dag 'gro/ /bris ma mar gyi snying po bzhin/ gang dag bsod nams chung 'byung ba/ thos nas yid ni mi bder 'gyur/ de dag yun ring sdug bsngal te/ mi shes pas na grol mi 'gyur/ nyung du thos pa kha cig ni/ de dag bdud kyis yongs su gtses/ sangs rgyas byang chub spangs gyur nas/ myur du sems can dmyal bar 'gro/ shA ri'i bu de bzhin gshegs pa'i ye shes ni rnam par dag pa ste/ shA ri'i bu 'khor bzhi las gang la la tha na dge slong</font><hr>80.131b<br><font size=+1>

gcig gam/ dge slong ma gcig gam dge snyen gcig gam/ dge bsnyen ma gcig kyang / sangs rgyas kyi chos nub par 'gyur ba'i dus kyi tshe na 'di lta bu'i mdo sde mnyan te/ thos nas nan tan byed cing 'dzin par 'gyur ba dang / gang gis thos nas spong bar 'gyur ba dang / gang thams cad yod nyan par mi 'gyur ba de kun de bzhin gshegs pas rab tu mkhyen to/ /de la gang thos nas nan tan byed cing 'dzin par 'gyur ba de dag sgrib pa med cing yongs su dag pa bzhi dang ldan par 'gyur ro/ /bzhi gang zhe na/ tshul khrims rnam par dag cing sgrib pa med pa dang ldan par 'gyur ba dang / dal ba 'byor pa so sor thob pa rnam par dag cing sgrib pa med pa dang ldan par 'gyur ba dang / sangs rgyas mngon sum du mthong ste/ 'grogs pa rnam par dag pa sgrib pa med pa dang ldan par 'gyur ba dang / de bzhin gshegs pa byams pa mthong nas mthong ma thag tu rnam par dag cing sgrib pa med par 'gyur te/ ji ltar dge ba'i rtsa ba bskyed pa dang / ji ltar sbyor ba de bzhin du so sor myong bar 'gyur te/ shA ri'i bu rnam par dag cing sgrib pa med pa bzhi po de dag dang ldan par 'gyur ro/ /shA ri'i bu yang de'i tshe de'i dus na dam pa'i chos nub par 'gyur ba de'i dus kyi tshe/ theg pa chen po la gnas pa 'di lta bu'i mdo sde la brtson pa dag 'byung ste/ brtson 'grus rab tu rtsom par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ 'chad par 'gyur/ gzhan dag la yang go bar byed par 'gyur/ rgya cher yang dag par rab tu ston par 'gyur ro/ /de'i tshe de dag la bar du gcod pa bcu 'byung ste/ de dag mkhas</font><hr>80.132a<br><font size=+1>

pas khong du chud par bya'i/ de dag gi dbang du 'gro bar mi bya ste/ brtson 'grus kyang brtsam par bya'o/ /bar du gcod par 'gyur ba/ gang mkhas pa dag gis khong du chud par bya'i/ de dag gi dbang du 'gro bar mi bya ba bcu gang zhe na/ shA ri'i bu dge slong don du gnyer ba mngon par brtson pa dag la mdo sde rnams brtsams na bdud sdig can tshig gzhig par byed de/ de ni bar du gcod pa dang po ste/ mkhas pas khong du chud par bya'i/ de'i dbang du 'gro bar mi bya'o/ /shA ri'i bu gzhan yang dge slong don du gnyer ba mngon par brtson pa dag la mdo sde rnams brtsams na mig nad 'byung ba de ni bar du gcod pa gnyis pa ste/ mkhas pas khong du chud par bya'i/ de'i dbang du 'gro bar mi bya'o/ /shA ri'i bu gzhan yang dge slong don du gnyer ba mngon par brtson pa dag la mdo sde rnams brtsams na yan lag dang nying lag na par 'gyur ba de ni bar du gcod pa gsum pa ste/ mkhas pas khong du chud par bya'i/ de'i dbang du 'gro bar mi bya'o/ /shA ri'i bu gzhan yang dge slong don du gnyer ba mngon par brtson pa dag la mdo sde rnams brtsams na gnas la mi dga' bar 'gyur zhing 'gro ba'i sems skyed par 'gyur ba de ni bar du gcod pa bzhi pa ste/ mkhas pas khong du chud par bya'i/ de'i dbang du 'gro bar mi bya'o/ /shA ri'i bu gzhan yang dge slong don du gnyer ba mngon par brtson pa dag la mdo sde rnams brtsams na phan tshun khro ba skyed par 'gyur zhing khro ba'i zil gyis non pas gcig la gcig gnod pa'i sems kyis 'di lta bu'i mdo sde la gnas par mi 'gyur ba de ni gcod pa lnga pa ste/ mkhas pas</font><hr>80.132b<br><font size=+1>

khong du chud par bya'i/ de'i dbang du 'gro bar mi bya'o/ /shA ri'i bu gzhan yang dge slong don du gnyer ba mngon par brtson pa dag la mdo sde rnams brtsams na rtsod pa'i gzhi 'byung zhing gnas par 'gyur/ thab mo 'byung ba dang / mtshang 'dru ba 'byung ba dang / 'gyed pa dang / ngan sems ldan par gyur pas gcig la gcig dag gi mdung thung brgyas mngon par rtsod cing 'tshe ba la gnas par 'gyur ro/ /de dag rtsod pa'i gzhi byung ba dang / mtshang 'dru ba 'byung ba dang / 'gyed pa dang / gnod sems dang ldan zhing phan tshun ngag gi mdung thung brgyas rtsod cing gtse ba la gnas pas bar du gcod par 'gyur te/ smod pa'i las kyi phyir 'di lta bu'i mdo sde mi brjod pa bya ba la brtson par 'gyur ba de ni bar du gcod pa drug pa ste/ mkhas pas khong du chud par bya'i/ de'i dbang du 'gro bar mi bya'o/ /shA ri'i bu gzhan yang dge slong don du gnyer ba mngon par brtson pa dag la mdo sde rnams brtsams na khyim pa dang rab tu byung ba la bdud sdig can kun nas slong bar 'gyur ro/ /de dag bdud sdig can gyis kun nas bslangs nas 'di lta bu'i mdo sde la nan tan mi byed pa dang / rab tu smod cing spong ba'i las la spro bar 'gyur ba de ni bar du gcod pa bdun pa ste/ mkhas pas khong du chud par bya'i/ de'i dbang du 'gro bar mi bya'o/ /shA ri'i bu gzhan yang dge slong rnams de'i tshe de'i dus na dam pa'i chos nub pa'i dus kyi tshe 'di lta bu'i mdo sde dang / chos 'dul ba la brtson pa'i dge slong gzhon nu ring por ma lon pa 'byung bar 'gyur te/ de dag des pa dang / dad pa dang / lhag pa'i bsam pas bla na med pa yang dag par</font><hr>80.133a<br><font size=+1>

rdzogs pa'i byang chub la yang dag par zhugs pa de dag 'di lta bu'i mdo sde mnyan te thos nas dga' ba dang / mos pa rgya chen po thob par 'gyur ba de dag la de dag gi mkhan po dang / slob dpon gyis chos dka' po gcod par byed de/ 'di ni sangs rgyas kyi tshig ma yin/ 'di ni sangs rgyas kyi byang chub ma yin/ 'di ni 'dul ba ma yin/ 'di ni ston pa'i bstan pa ma yin no zhes bzlog pa dang / de dag dad pas rab tu brtags nas 'di ni bdag gi don 'dod pa yang dag pa yin no zhes smras nas sangs rgyas kyi byang chub spong bar 'gyur ro/ /dge slong ser bu de dag dad pa dang / yid ches pas rab tu brtags nas sngon gyi dge ba'i rtsa ba kun 'joms par 'gyur/ yang dag par gcod par 'gyur ro/ /de dag dge ba'i rtsa ba chad nas bdud sdig can gyis kun nas bslangs nas chos kyis phongs par 'gyur ba'i las mngon par 'du byed par 'gyur te/ de dag 'chi ba'i dus kyi tshe ma dul bar 'chi bar 'gyur/ 'chi ba chen por mngon par 'gro bar 'gyur/ sems can dmyal ba'i lus mngon par 'du byed par 'gyur te/ de dag kyang shA ri'i bu de bzhin gshegs pas rab tu mkhyen to/ /gang yongs su spong bar 'gyur ba dang / sems can ji snyed yongs su spong bar 'gyur ba dang / gang 'ongs nas yongs su spong bar 'gyur ba dang / song nas yongs su spong bar 'gyur ba de dag kyang de bzhin gshegs pas rab tu mkhyen to/ /de la shA ri'i bu byang chub sems dpa' brtson 'grus brtsams shing theg pa chen po la zhugs pas 'du shes bzhi bskyed par bya'o/ /bzhi gang zhe na/ bdag gdul ba'i 'du shes bskyed par</font><hr>80.133b<br><font size=+1>

bya ba dang / bdag gis byas pa la so sor brtag par bya'i/ gzhan gyis byas pa la ma yin pa dang / sems can gzhan la snying rje ba'i 'du shes skyed par bya ba dang / rang gi sems rjes su srung ba dang / gzhan gyi sems rjes su srung zhing dgon pa nags kyi bas mtha'i gnas mal du gnas par bya ba ste/ 'du shes 'di bzhi bskyed par bya'o/ /shA ri'i bu gzhan yang de'i dus na skye bo mang po log par lta ba yongs su 'dzin par 'gyur ro/ /de'i dus na chos smra ba'i dge slong nyung bar 'gyur zhing de dag la yang brnyas par 'gyur/ sti stang mi byed/ bla mar mi byed ri mor mi byed/ mchod par mi byed/ gtsang bar mi byed/ rten par mi byed/ bsnyen bkur mi byed do/ /de'i dus na chos ma yin par smra ba'i dge slong dag la skye bo mang po sten par 'gyur/ sti stang byed/ bla mar byed/ ri mo byed/ mchod par byed de/ rab tu rgod pa dang / shin du stobs dang ldan par 'gyur te/ de dag mdo sde 'di lta bu la 'phya zhing sting bar 'gyur ro/ /de la shA ri'i bu gang mi 'dod pa de dag ni mi 'dod pa nyid tu 'gyur ro/ /gang 'dod pa de dag kyang 'dod pa nyid tu 'gyur ro/ /gang 'di lta bu'i mdo sde 'di la 'jug par 'gyur ba de dag ni skye bo mang po'i don du 'chad par mi 'gyur te/ de ni bar du gcod pa brgyad pa ste/ mkhas pa dag gis khong du chud par bya'i/ de'i dbang du 'gro bar mi bya'o/ /shA ri'i bu gzhan yang de'i tshe dge slong 'dod pa'i zil gyis non pa dku ba mang po dag 'byung ste/ de dag chos gsum la brtson par 'gyur ro/ /gsum gang zhe na/ lhung bzed dang / chos gos kun du tshol ba dang / bza' ba dang / btung ba la chags</font><hr>80.134a<br><font size=+1>

pa dang / 'jig rten rgyang pan pa tshol ba la brtson par 'gyur ba ste/ 'di gsum la brtson par 'gyur ba de ni bar du gcod pa dgu pa ste/ mkhas pa dag gis khong du chud par bya'i/ de dag gi dbang du 'gro bar mi bya'o/ /shA ri'i bu gzhan yang de'i tshe de'i dus na theg pa chen po la yang dag par zhugs pa 'di lta bu'i mdo sde la rab tu brtson pa dag 'byung ste/ brtson 'grus rab tu rtsom pa dang / 'dzin pa dang / yi ger bris nas 'chang ba dang / klog pa dang / kun chub par byed pa dang / gzhan dag la yang go bar byed cing rgya cher yang dag par rab tu ston par 'gyur ba de dag bdud kyis byin gyis brlabs nas las kyi sgrib pas bsgrib par 'gyur/ nyon mongs pa'i sgrib pas bsgribs par 'gyur te/ de dag las la dga' bar 'gyur/ las la dga' zhing las la dga' ba'i sbyor ba la brtson par 'gyur/ smra ba la dga' bar 'gyur/ smra ba la dga' zhing smra ba la dga' ba'i sbyor ba la brtson par 'gyur/ gnyid la dga' bar 'gyur/ gnyid la dga' zhing gnyid la dga' ba'i sbyor ba la brtson par 'gyur/ 'du 'dzi la dga' bar 'gyur/ 'du 'dzi la dga' zhing 'du 'dzi la dga' ba'i sbyor ba la brtson par 'gyur te/ de dag 'di lta bu'i mdo sde 'di 'dzin par mi 'gyur/ 'chang bar mi 'gyur/ klog par mi 'gyur/ kun chub par byed par mi 'gyur/ pha rol la go bar byed par mi 'gyur/ pha rol la rgya cher yang dag par rab tu ston par mi 'gyur te/ shA ri'i bu de bzhin gshegs pa'i bstan pa'i bar du gcod par 'gyur ba dang / de bzhin gshegs pa'i bstan pa rab tu 'jig par byed pa ni dge slong</font><hr>80.134b<br><font size=+1>

sdig can las gzhan gang yang med do/ /shA ri'i bu de ni de'i dus na par du gcod par 'gyur ba bcu pa ste/ shA ri'i bu mkhas pa dag gis de khong du chud par bya'i/ de'i dbang du 'gro bar mi bya'o/ /de nas bcom ldan 'das kyis de'i tshe tshigs su bcad pa 'di dag gsungs so/ /de ni bdud kyi las kyis ni/ bar du gcod pa mang po 'byung / dkar po'i chos ni spong bar 'gyur/ dben ba dag ni 'dod pa med/ shes rab chung zhing blo ngan pas/ dam pa'i chos la mi gnas shing / chos ma yin pa spyad byas te/ de dag ngan 'gro spyod yul 'gyur/ de ni 'chi ba'i dus kyi tshe/ bla ma mkhan po slob dpon rnams/ mgon dang skyabs ni byed 'gyur yang / de dag ngan 'gror 'gro bar 'gyur/ bdag gis bskal ba bye stong du/ sdug bsngal 'jig rten don spyad na/ me gsum dag gis tshig pa yi/ sems can ji ltar 'grol bar 'gyur/ bdag gis byang chub mchog thob ste/ tshangs pa'i 'khor lo rab bskor bas/ lha dang bcas pa'i 'jig rten na/ bdag mtshungs med na ga la lhag /'jig rten 'di na rab dkon pa'i/ nga la btang snyoms de dag byed/ pha rol phyogs ni bsnyen pa dang / de dag rab tu sdug bsngal 'gyur/ byang chub kyi ni lam rgyu yi/ sbyin pa las ni zlog par byed/ sangs rgyas bstan dang gang ldan pa/ lam dag las kyang rmongs par byed/ 'di 'dra ba yi chos thos nas/ gang du stong pa nyid bsngags shing / nan tan la ni gang gnas la/ bar du gcod pa 'byung bar 'gyur/ 'di mchog yang dag 'di yin zhes/ yang dag min la yang dag 'dzin/ dam pa'i chos rnams</font><hr>80.135a<br><font size=+1>

smod pa la/ /bar du gcod pa mi 'byung ngo / /sangs rgyas la ni dga' ba dang / /gus pa brtan par gang 'gyur ba/ /de dag 'di 'dra'i chos thos nas/ /bzang po rnams ni dga' bar 'gyur/ /dga' ba skyes par rig nas ni/ /bdud rnams yid ni mi bde nas/ /de la de dag bar chad rnams/ /rab tu 'jig pa byed par 'gyur/ /dge slong cha byad brgyur byas nas/ /'di ni byang chub lam min na/ /ci phyir 'di la yongs rgyug ces/ /de ni rab tu 'gyod par byed/ /mdo sde 'di la rgyu yod de/ /snying po brtan par rab gnas la/ /'khrug par 'gyur ba bskyed byas nas/ /phyis ni rab tu spong bar 'gyur/ /bdud kyis kun nas bslang gyur nas/ /ji ltar bde ba bzhin du bzung / /'di ni chos min zhes smras nas/ /des ni mya ngan 'das pa spangs/ /de dag ston pa btang nas ni/ /chos la don du gnyer ba med/ /bdag la sred pa bskyed byas nas/ /sems can dmyal bar myur du 'gro/ /gang dag chung ngu byung ba ni/ /stong ba'i chos rnams mi gnyer te/ /yul ni so sor gnas gyur nas/ /mi 'dum pa dang ldan par 'gyur/ /chos rnams kyi ni mchog 'di yang / /mnyan nas 'gal ba smra bar byed/ /dngangs shing skrag nas rab 'bros pa/ /phyi ma'i dus na byed par 'gyur/ /mi chung ba dag gzhan rnams ni/ /ston par byed par mi 'byung ste/ /gang dag chung ngur gyur pa rnams/ /de dag rnams kyang btang snyoms 'gyur/ /'jig rten mgon gyi bstan pa la/ /'di lta bu yi chos 'di yi/ /bar du gcod pa mang 'byung ste/ /me lce ci 'dra bzhin du 'gyur/ /de ni rab du nges pa rnams//</font><hr>80.135b<br><font size=+1>

srog bor dgon par gnas par 'gyur/ /chos 'di dag ni bsgom byas nas/ /myur du bde 'gror 'gro bar 'gyur/ /de la shA ri'i bu theg pa chen po la yang dag par zhugs pas 'di lta bu'i mi bzod pa dang / /mi bsngags pa dang / /dam pa'i chos rab tu 'jigs pa mthong nas brtson 'grus chen po'i stobs kyis shugs rab tu bskyed de/ 'di lta ste/ 'di lta bu'i mdo sde byang chub sems dpa'i sde snod kyi chos kyi rnam grangs 'di rab tu mnyan par bya/ gzung bar bya/ yi ger bris nas bcang bar bya/ gzhan la yang go bar bya/ rgya cher yang dag par rab tu bstan par bya'o/ /des yang 'du shes bzhi bskyed par bya ste/ bzhi gang zhe na/ bdag gi pha'i nor gyi phung po 'di rab tu 'jig par 'gyur te/ gang gi phyir bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des bskal pa bye ba khrag khrig brgya stong grangs med pa nas bzung ste/ dka' ba spyad pa yin na de'i phyir 'di rab tu 'jig par 'gyur ba gzung bar bya/ kun nas rab tu gzung bar bya ste/ chud za bar mi bya'o/ /brtson 'grus brtsam mo/ /'di lta ste/ dper na shA ri'i bu skyes bu zhig la bu gcig cig yod la byams sdug yid du 'ong zhing mi mthun pa med par snang ba de g.yang sa chen por lhung bar 'gyur ba dang / des de lag gis bzung ste/ sems can dmyal ba'i g.yang sa 'dir lhung bar ma gyur cig ces 'dzin/ rab tu 'dzin pa de bzhin du shA ri'i bu gang skyes bu dam pa de dag nga la dad cing chos dkon mchog bla na med pa 'di yang yongs su mi gtong zhing mya</font><hr>80.136a<br><font size=+1>

ngan las 'das pa la yang re bar 'gyur ba de dag de'i dus na dam pa'i chos yongs su 'dzin par 'gyur bas ngas de dag la byang chub mchog 'di gtad par bya'o/ /'di lta ste/ dper na shA ri'i bu g.yul chen po'i nang na gang skye bo mang po srung ba'i phyir dmag gi mdun na 'dug par 'gyur ba'i sems can de dag ni nyung bar 'gyur ro/ /yang shA ri'i bu gang dpa' ba 'os su gyur bar byas pa/ g.yul las rnam par rgyal ba de dag de na g.yul mi bzad pa chen po'i dus na skye bo mang po'i phyir dmag gi mdun na 'dug pa de bzhin du shA ri'i bu de'i tshe dam pa'i chos rab tu 'jig pa nye bar gnas pa na gang lhag pa'i bsam pa yongs su mya ngan las 'das pa 'dod pa/ /dpa' ba/ brtson 'grus brtan pa/ go cha sra ba bgos pa de dag brtson 'grus chen po'i stobs bskyed de/ /bdud kyi dmag las rgyal zhing 'di lta bu'i chos dkon mchog 'di las snying po cung zad tsam len par 'gyur ro/ /de ci'i phyir zhe na/ shA ri'i bu tshig bzhi pa'i tshigs su bcad pa gcig tsam yongs su spong ba la yang rjes su yi rang bar mi byed cing rtsod par mi byed la/ /'di ni sangs rgyas kyis bshad pa yang dag pa'o zhes skye bo mang po la sgrogs shing shes par byed pa de ni 'das pa dang / /ma 'ongs pa dang / da ltar gyi sangs rgyas bcom 'das rnams kyi legs par bshad pa la rjes su yi rang ba ste/ shA ri'i bu de lta bu'i gang zag rnams la bsod nams kyi rnam par smin pa chung ngu zhes nga mi 'chad de/ /nam mkha' dang mnyam pa'i bsod nams kyi phung po dang ldan par 'gyur ro//</font><hr>80.136b<br><font size=+1>

de ci'i phyir zhe na/ /shA ri'i bu skyes bu dam pa de lta bu ni shin du dkon te/ /skyes bu mchog ces brjod do/ /skyes bu rab ces brjod do/ /skyes bu dpa' bo zhes brjod do/ /skyes bu chen po zhes brjod do/ /de ni de bzhin gshegs pa'i chos kyi phyogs so/ /de dag sder mi smra mi 'khrug go/ /de dag nan tan snying por byed pa ste/ shA ri'i bu 'chi ba'i mtha'i bar du nan tan snying por bya'o/ /'chi ba'i mtha'i bar du dam pa'i chos yongs su gzung bar bya'o/ /'chi ba'i mtha'i bar du stong pa nyid la mos par bya'o/ /shA ri'i bu chos de bzhi dang ldan na de'i tshe de'i dus na dam pa'i chos rab tu rnam par 'jig pa'i dus/ dam pa'i chos nub par 'gyur ba'i dus/ /tshul khrims 'chal ba'i phyogs mang ba'i dus/ /'jig rten rgyang pan pa'i gsang tshig kun du tshol ba mang ba'i dus/ /bskal pa snyigs ma'i dus/ sems can snyigs ma'i dus/ tshe snyigs ma'i dus/ nyon mongs pa snyigs ma'i dus/ lta ba snyigs ma'i dus na dus gsum la gnas par bya/ thab mo nye bar zhi ba la gnas par bya/ /sangs rgyas kyi byang chub dang 'bral bar mi 'gyur bar bya ste/ /shA ri'i bu dus 'di gsum la rab tu gnas par bya'o/ /de nas bcom ldan 'das kyis de'i tshe tshigs su bcad pa 'di dag gsungs so/ /mchog gi chos dang 'bral bar mi 'gyur te/ rga shi zad par byed dang ldan par 'gyur/ /de la phyir zhing nyams par mi 'gyur te/ /bdag don skye mad don phan ldan par 'gyur/ /gang dag ngas bstan chos thos nas//</font><hr>80.137a<br><font size=+1>

tshul bzhin gnas par 'gyur ba dag /de yi ston pa nga yin te/ /de dag nga yi nyan thos yin/ /gang dag chos rnams thos gyur nas/ /tshul bzhin gnas pa ma yin pa/ /de dag ngan 'gror 'gro 'gyur te/ /ji ltar rgya mtshor shing rta bzhin/ /bskal pa bye ba phrag stong du/ /sangs rgyas 'byung bar rab dka' ba/ /rnyed nas mnyes par mi byed pa/ /de dag rnams kyang bdud dbang song // // bam po bcu gsum pa/ /shA ri'i bu sngon byung ba 'das pa'i dus bskal pa dgu bcu rtsa gcig tu gyur pa de'i tshe de'i dus na/ /de bzhin gshegs pa dgra bcom yang dag par rdzogs pa'i sangs rgyas rnam par gzigs zhes bya ba rig pa dang zhabs su ldan pa/ bde ba gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ba de'i gsung rab la sdig pa'i dge slong drug 'di lta ste/ shin du mthong zhes bya ba dang / rnyed sla dang / dga' byed dang / dge byed dang / grags pa dang / mes byin zhes bya ba rnams byung ste/ bdag tu smra ba/ gang zag tu smra ba/ chad par smra ba/ rtag par smra ba rnams 'grogs sdong zhing phan tshun du yid rten cing gnas pa de dag gi khrims 'di lta bu zhig byas te/ bdag cag re res kyang khyim brgya brgya gzung bar bya'o/ /khyim brgya yongs su rdzogs pa la der 'ongs te gcig la gcig bsnyad par bya'o khyim nyi shu dang / sum bcu dang / bzhi bcu dang / lnga bcu dang / brgyar ma grub pa la bsnyad par bya'o zhes de lta bu'i khrims byas nas grong dang / grong khyer dang / grong rdal dang / </font><hr>80.137b<br><font size=+1>

ljongs dang / yul dang / pho brang 'khor du dong nas de dag thams cad khyim gcig tu dong ngo / khyim du dong nas gcig la gcig thog ma nyid du sangs rgyas la mi snyan par zer ro/ /sangs rgyas la mi snyan pa ji skad zer zhe na/ khyim der phyin nas 'di skad ces smras te/ bdag yod do/ /sems can yod do/ /srog yod do/ /gang zag yod do/ /gal te bdag med du zin na 'ong ba su/ 'gro ba su/ 'greng ba su/ 'dug pa su/ nyal ba su/ smra ba su/ mi smra bar 'gyur ba su/ sbyin pa sbyin par byed pa su/ len pa su/ za ba su/ bde ba dang sdug bsngal gyi tshor ba so sor yang dag par myong ba su/ gang khyod la 'di skad du bdag med/ sems can med/ srog med/ gang zag med ces smra ba de ni khyed kyi mi dge ba'i bshes gnyen te/ dge ba'i bshes gnyen ma yin no zhes zer ba dang / de la shA ri'i bu bud med dang / skyes pa dang / khye'u dang / bu mo dag na re gang dge ba'i bshes gnyen ma yin pa de ni sdig pa'i grogs po'o/ /de'i phyir sdig pa'i grogs por gyur pa de dge ba'i bshes gnyen ma yin no zhes de skad smras pa dang / de dag gis de dag la khyed de ltar shes pa ni mkhas pa yin te/ sdig pa'i grogs po gang yin pa de dge ba'i bshes gnyen ma yin no/ /de'i phyir gang khyed la 'di skad du bdag med/ sems can med/ srog med/ gang zag med ces zer ba la bsten par mi bya'o/ /'grogs par mi bya/ bsnyen bkur mi bya'o zhes smras te/ dge slong de dag re res kyang zla ba phyed phyed kyis khyim lnga brgya lnga brgya log par 'dzin du btsud do/ /shA ri'i bu de na bcom ldan 'das de bzhin gshegs pa dgra bcom</font><hr>80.138a<br><font size=+1>

pa yang dag par rdzogs pa'i sangs rgyas rnam par gzigs kyi nyan thos dge slong dgra bcom pa/ dri ma dang / nyon mongs pa bsal pa dag grong du dong ste phyin pa dang / bud med dang / skyes pa dang / khye'u dang / bu mo dag gshe zhing mi snyan pa zer/ tshig ngan pa rtsub pos spyos te tshigs su bcad pa 'di skad zer ro/ /khyed ni lam la rmongs pa ste/ chos shes pa ni khyed ma yin/ khyed ni chos las nyams pas na/ thams cad sems can dmyal bar 'gro/ /de ltar dge slong de dag la tshigs su bcad pa'i dbyangs kyis gshe zhing mi snyan par smras pa dang / sangs rgyas nyid kyi bsngags pa rjod cing slar tshigs su bcad de smras pa/ /'dus byas thams cad mi rtag cing / chos kun la ni bdag med de/ rtag med ther zug med do zhes/ sangs rgyas kyis ni chos bshad do/ /gsob dang gsog dang stong pa ste/ 'dus byas thams cad snying po med/ brdzun pa slu ba'i chos can te/ byis pa rtag tu 'drid pa'o/ /de bzhin gshegs pa bdag med sems can med/ srog med gang zag med par chos bstan to zhes tshigs su bcad pa de smras so/ /sbyin dang za dang len pa dang / tshor ba rgya che myong gyur la/ /bdag med par ni gang smra ba/ de dag ngan 'gror 'gro bar 'gyur/ /de la shA ri'i bu gang skyes pa dang / bud med dang / khye'u dang / bu mo skyes bu dam pa ma yin pa'i tshig bzhin du byed par de dag las srog chags drug khri brgyad stong de nas shi 'phos nas mnar med pa'i sems can dmyal ba chen por skyes te/ de na de dag gi lus gzugs 'di lta ste/ nya lta bur mngon par grub po/ /mgo ni 'di lta bur 'di lta ste/ </font><hr>80.138b<br><font size=+1>

mi'i lta bur gyur to/ /'di lta bu'i lce mngon par grub pa ni/ 'di lta ste dper na chang 'tshong gi re lde chen po lta bu ste/ de dag gi lce de la lcags kyi gshol mang pos rab tu smos so/ /de dag gis lus re re la yang mdung thung brgya brgyas dmyal to/ /steng gis bar snang las kyang lcags kyi thu lum kun du 'bar ba rab tu 'bar ba/ kun du rab tu mched cing 'bar ba/ 'bar ba dang bcas par gyur ba/ /'bar ba gcig tu 'gyur pa lus kyi steng du 'bab bo/ /de nas bcom ldan 'das kyis de'i tshe tshigs su bcad pa 'di dag gsungs so/ /glog lce rab tu 'bar ba'i mda'/ /brgya phrag mang po stong rnams ni/ /rtag tu lus la rab 'bab ste/ /mi dag na tsha myong bar byed/ /thams cad lus ni kun du 'bar/ /me lce 'bar ba bsnyen par dka'/ /dpag tshad brgya snyed gang ba yi/ /lus las me lce rab tu 'byung / /re re dag gi lce la yang / /de snyed gshol gyis rmo bar byed/ kun gyi lce ni dral bas na/ /sdug bsngal tshor ba myong bar 'gyur/ /sdig pa'i grogs po bsten byas pas/ /de dag phyi phyir 'byung bar 'gyur/ /tshul khrims ldan pa rnam spangs pas/ /myur du ngan 'gror 'gro bar 'gyur/ /yang shA ri'i bu skyes bu dam pa ma yin pa drug po de dag de nas shi 'phos te mnar med pa'i sems can dmyal ba chen por skyes nas de dag re re'i lus kyang dpag tshad brgya brgya par mngon par grub par gyur te/ /lus re re la yang kha stong stong mngon par grub par gyur to/ /kha re re la yang lce gnyis gnyis chu zhing du dpag tshad bzhi tsam yod pa mngon par grub par gyur to/ /lce re re la yang gshol lnga brgya lnga brgya mngon par grub</font><hr>80.139a<br><font size=+1>

par gyur te/ de dag lcags kyi thu lum dang / lcags gshol gyis rmos nas de dag gi lce gshegs te/ a na zhes 'dzer kyang mi nus so/ /de dag re re'i mgo la yang sems can dmyal ba'i srungs ma bye ba phrag stong gnas shing mgul pa gcod par byed do/ /de na de dag gcig gi tshe'i tshad kyang lo bye ba phrag stong du gyur to/ /de bzhin du sems can dmyal ba chen po gzhan dang gzhan dag tu tshor ba rnam pa mang po yang myong bar gyur to/ /de ci'i phyir zhe na/ de ltar sangs rgyas kyi bstan pa la mi bsngags pa brngod pa byas pa'i phyir ro/ /yang de'i dus na khyim bdag bde ba zhes bya ba/ phyug cing nor che ba/ longs spyod che ba/ longs spyod mang ba/ bdag dbang ba mang ba/ mgron bu dang / gser dang / nor bu dang / mu tig dang / bai dUr+yadang / dung dang / man shel dang / byi ru dang / dngul dang / sa le sbram mang po dang ldan pa/ bran pho dang / bran mo dang / las byed pa dang / zho shas 'tsho ba'i mi mang ba/ nor dang / 'bru dang / bang ba dang / mdzod mang po dang ldan pa de skyes bu dam pa ma yin pa de dag gis chad par lta ba mu stegs can gcer bu pa'i smra ba la bzhag par gyur to/ /de'i chung ma 'od 'phro can zhes bya ba zhig yod de/ gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig byung ngo / /de las bu zhig btsas pa yang gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa/ /sangs rgyas bye ba khrag khrig brgya stong phrag mang po la dge ba'i rtsa ba bskyed pa zhig byung ste/ de btsas ma thag tu lan gsum 'dzum mul zhes rgod nas</font><hr>80.139b<br><font size=+1>

bdag ni chad par smra ba'i rigs su skyes so zhes de skad kyi tshig gi las smras pa dang / khye'u de'i mas sgra de thos nas dngangs skrag cing mi dga' ste/ spu zing zhes byed nas khye'u de bor te bros pa dang bud med gzhan 'dus par gyur pa dag kyang byer ro/ /de nas shA ri'i bu bud med de dag gi ring zhig tu phyin pa dang / slar log ste lta zhing 'di lha 'am/ klu 'am/ gnod sbyin nam/ dri za 'am/ lha ma yin nam/ nam mkha' lding ngam/ mi 'am ci 'am/ lto 'phye chen po 'am/ grul bum 'am/ 'byung po 'am/ shA za 'am/ mi 'am/ mi ma yin pa 'am/ 'di su zhig shes par bya'o snyam mo/ /shA ri'i bu de nas khye'u des bsams pa/ kye ma'o bud med de dag ni bde ba las bros par gyur to snyam nas de'i tshe tshigs su bcad pa 'di dag smras so/ /nga ni khyed kyi don 'dod kyis/ /gnod mi 'byung gis ma 'jigs shig /khyed ni lam ngan zhugs pa las/ /ngas ni rab tu thar par bya/ /khyed rnams bde las 'jigs par byed/ /dgra rnams kyis ni mdun du bdar/ /log par lta bar lhung ba las/ /ngas ni khyed rnams dgrol bar bya/ /shA ri'i bu de nas khye'u de'i ma dang / /pha dang / skye bo phal po ches tshigs su bcad pa de dag thos nas khye'u de ga la ba der dong ngo / /de nas khye'u des rang gi ma dang / /pha la tshigs su bcad pa 'di dag smras so/ /nor dag dang ni 'bru dag rnams/ /khyim na rgya chen yod pa dag /myur du bdag la sbyin par gyis/ /bdag ni sangs rgyas nyan thos so/ /'jig rten gsum kun dkyil 'khor na/ /rnam gzigs 'jig rten snang mdzad pa/ /de 'dra ba ni gang yang med/ /bdag ni</font><hr>80.140a<br><font size=+1>

de yi nyan thos so/ /srog chags kun la phan pa'i phyir/ /chos rnams yang dag rab ston gang / /rnam gzigs 'jig rten snang mdzad pa/ /bdag ni de yi nyan thos so/ /gang gi sku la skyes chen gyi/ /sum bcu rtsa gnyis mtshan mnga' ba/ /rnam gzigs 'jig rten sgron ma mdzad/ /bdag ni de yi nyan thos so/ /bskal pa bye ba phrag stong du/ /u dum ba ra'i me tog ltar/ /yang dag shin du thos dka' ba/ /bdag ni de yi nyan thos so/ /de ltar shA ri'i bu khye'u de'i pha dang mas gser bye ba phrag nyi shu byin nas/ /khye'u 'di khyed kyi pha ma'i nor yin gyis gang la sems dad par gyur pa de la sbyin pa byin cig ces de skad smras nas/ /de'i tshe tshigs su bcad pa 'di dag kyang smras so/ /'di ni khyod kyi pha yi nor/ /'di ni khyod kyi ma yi nor/ /gang du sems ni dad gyur pa/ /khye'u yis sbyin pa sbyin par gyis/ /dbyig rnams dang ni gser gyi rnams/ /khyim 'di na ni yod pa dag /de dag myur du khyer gyis te/ /gang du sems dad der phul cig /mal cha dang ni gding ba dang / /byug pa phreng ba spos kyi rnams/ /dga' bzhin du ni khyer gyis la/ /gang du sems dad dbul byos shig /sangs rgyas chos dang dge 'dun ni/ /bla na med pa'i bsod nams zhing / /srog chags kun la phan pa'i phyir/ /de dag la ni sbyin pa byin/ /shA ri'i bu de nas khye'u des rang gi pha dang ma la slar tshigs su bcad pa 'di dag smras so/ /rnam par gzigs pa 'jig rten mgon/ /de yi drung du bdag mchi ste/ /srog chags kun la phan pa'i phyir/ /shin du rgyas pa'i mchod pa bgyi/ </font><hr>80.140b<br><font size=+1>

lha rnams dang ni mi dag las/ /gang dag bde ba 'dod pa rnams/ /bdag ni gang du 'gro ba yi/ /rjes bzhin du ni kun shog shig /shA ri'i bu de nas khye'u des shes bzhin du phyogs bzhir bltas nas/ rang gi pha ma la kye yab yum bdag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs de ga la ba der mchi'o zhes de skad smras pa dang / de na skye bo mang pos thos nas de dag 'di snyam du sems te/ ji ltar na skyes nas nyin cig kho na la lon pa'i khye'u pha ma la smra zhing rkang pas 'gro zhig gu snyam nas de na srog chags bye ba brgyad khri bzhi stong 'dus par gyur te/ /khye'u 'di lha 'am/ klu 'am/ gnod sbyin nam/ dri za 'am/ lha ma yin nam/ nam mkha' lding ngam/ mi 'am ci 'am/ mi 'am/ mi ma yin pa 'am/ gang yin shes par bya'o snyam mo/ /de nas khye'u de srog chags brgyad khri bzhi stong po de dag dang lhan cig tu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs ga la ba der dong ngo / /yang shA ri'i bu khye'u de 'gro ba na steng gi bar snang las gdugs stong phrag bcu byung nas de dag gis de'i lus bskyabs te/ de'i lus la rlung dang / nyi mas gnod par ma gyur par byed do/ /yang khye'u de 'gro ba na steng gi bar snang las gser gyi dra ba bres par gyur to/ /yang khye'u de 'gro ba na lha'i las kyang 'das pa'i me tog gi char dang phye ma'i char rab tu 'bab bo/ /yang khye'u de 'gro ba na bsil ba'i rlung lha'i dri dang ldan pa langs so/ /yang khye'u de 'gro</font><hr>80.141a<br><font size=+1>

ba na lam spos chus btab par gyur to/ /yang khye'u de 'gro ba na lam gser gyi glegs mas g.yogs par gyur to/ /yang khye'u de 'gro ba na lam pus nub tsam du lha'i me tog char par bkram par gyur to/ / yang khye'u de 'gro ba na rdzing bu stong phrag du ma byung ste/ /rdzing bu de dag kyang yan lag brgyad dang ldan pa'i chus yongs su gang la me tog ud pa la dang / pad ma dang / ku mu da dang / pad ma dkar pos khebs shing ngur pa sgra 'byin par gyur to/ /yang khye'u de 'gro ba na lam gyi mu rin po che sna bdun gyi stegs bu dgrigs par gyur to/ /yang khye'u de 'gro ba na lha'i sil snyan mang po 'khrol bar gyur to/ /yang khye'u de 'gro ba na lam gyi g.yas g.yon rin po ches kun tu brgyan par gyur to/ /yang khye'u de 'gro ba na mdun du me tog gi srang zhig byung bar gyur te/ /de la rkang pa 'dor zhing bteg pa dang mi snang bar gyur to/ /de nas khye'u de yun tsam zhig lam du 'phags te/ /slar bltas nas tshigs su bcad de smras pa/ /rigs pa mi rigs nam yang mi 'grogs te/ /da lam rgya chen tshul du gud na yod/ /khyod ni mi rigs da ni rigs pa ste/ /rigs pas rgyal ba'i drung du 'gro bar bya/ /bskal pa khrag khrig mang po 'das kyang ni/ /brgya lam dag na mi yi lus thob cing / /brgya lam dag na sangs rgyas 'byung 'gyur te/ /dad dang shes rab dag kyang brgya lam thob/ /shA ri'i bu khye'u des tshigs su bcad pa de dag smras ma thag tu de nas steng gi bar snang las lha bye ba brgyad khri stong gis legs so zhes bya ba byin te/ legs so legs so shes rab che/ /khyod kyis</font><hr>80.141b<br><font size=+1>

smras pa mchog yin gyis/ /mi rigs rnams ni phyi nas 'ong / /grogs po rigs pa khyed bzhud cing / /shA ri'i bu de nas khye'u des lha rnams la slar tshigs su bcad de smras pa/ /khyed kyis rigs shes smras pa dang / /khyed kyi mi rigs zhes smras pa/ /rigs pa'i don ni ji lta bu/ /mi rigs don kyang ji lta bu/ shA ri'i bu de nas lha de dag gis khye'u de la slar tshigs su bcad pa 'di dag smras so/ /'dod pa'i longs spyod gang gnas pa/ /de dag mngon 'byung spyod yul min/ /de dag mi rigs rmongs pa ste/ /de dag sems can dmyal la gnas/ /'dod pa'i longs spyod spangs byas nas/ /khyim med par ni rab tu 'byung / /'jig rten 'di na de dag rigs/ /de dag rigs shes rab tu bshad/ /shA ri'i bu de nas khye'u des lha de dag la slar tshigs su bcad de smras pa/ ji ltar rigs shes bya ba de/ /khyed kyis de ni mi shes so/ /ji ltar mi rigs shes bya ba/ /ngas ni de dag rab tu shes/ /de ltar shA ri'i bu khye'u de bcom ldan 'das de bzhin gshegs pa rnam par gzigs ga la ba der song ste/ /phyin nas bcom ldan 'das kyi zhabs la mgo bos phyag 'tshal te/ /lan gsum bskor ba byas nas phyogs gcig tu 'dug ste/ /bcom ldan 'das de bzhin gshegs pa rnam par gzigs de la tshigs su bcad pa de dag gis mngon par bstod do/ /'jig rten dag gi don phyir spyod/ /rigs gsum bdud rtsi rab sbyin pa/ /glang po chen po seng ge che/ /rtag tu khyod la phyag 'tshal lo/ /'jig rten snang mdzad shin du dkon/ /'jig rten mgon po 'od mdzad pa/ </font><hr>80.142a<br><font size=+1>

u dum 'ba' ra'i me tog bzhin/ /kha dog ldan zhing dbyibs mdzes pa/ /'jig rten 'di ni nye ba gtses/ /'phags pa lam la mi gnas te/ /sa yi steng na dmus long bzhin/ /lam ngan par ni rab tu rgyug /mi mchog khyed ni ci 'dra bar/ /bdag ni 'jig rten sangs rgyas gyur/ /me gsum dag gis tshig pa yi/ /sdug bsngal ba las sems can dgrol/ /srog chags brgya po 'di kun kyang / /bdag gi slad du mchis pa lags/ /'di dag la ni chos bstan cing / /byang chub mchog la dgong du gsol/ /de nas shA ri'i bu khye'u des tshigs su bcad pa 'di dag gsol nas/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs chos bstan pa de la de skad ces gsol pa dang / /srog chags brgyad khri bzhi stong po de dag kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs la 'di skad ces gsol to/ /bcom ldan 'das bdag cag kyang ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su gyur cing 'di lta ste/ /bcom ldan 'das de bzhin gshegs pa rnam par gzigs chos bstan pa bzhin du chos ston par gyur cig /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs kyis srog chags brgyad khri bzhi stong po de dag gi lhag pa'i bsam pa mkhyen nas</font><hr>80.142b<br><font size=+1>

de'i tshe 'dzum pa mdzad do/ /'di ni chos nyid de sangs rgyas bcom ldan 'das gang gi tshe na 'dzum pa mdzad pa de na bcom ldan 'das kyi zhal gyi sgo nas kha dog du ma kha dog sna tshogs kyi 'od zer 'di lta ste/ /sngon po dang / ser po dang / dmar po dang / dkar po dang / leb rgan dang / shel dang / dngul gyi kha dog lta bu byung ste/ /de dag gis mtha' yas mu med pa'i 'jig rten gyi khams snang bas khyab par byas nas tshangs pa'i 'jig rten gyi bar du mngon par song ste/ /nyi ma dang / zla ba'i gzi brjid spa bkong nas slar log ste/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs la lan brgya stong phrag du mar bskor ba byas nas bcom ldan 'das de'i gtsug tu mi snang bar gyur to/ /shA ri'i bu de nas bcom ldan 'das de bzhin gshegs pa rnam par gzigs de'i zhabs 'bring pa dge slong des/ /bcom ldan 'das de bzhin gshegs pa rnam par gzigs 'dzum pa mdzad pa mthong nas stan las langs te/ /chos gos phrag pa gcig la bgos nas pus mo g.yas pa'i lha nga sa la gtsugs te/ bcom ldan 'das de bzhin gshegs pa rnam par gzigs ga la ba de logs su thal mo sbyar nas bcom ldan 'das de bzhin gshegs pa rnam par gzigs la tshigs su bcad pa 'di dag gsol to// bcom ldan ci'i rgyu bde gshegs ci rkyen gyis/ /gang phyir 'jig rten mgon po 'dzum mdzad de/ /rab tu mdzes shing shin du dkon 'byung ba/ /rnam gzigs sangs rgyas mchog</font><hr>80.143a<br><font size=+1>

la bdag zhu'o/ /rgyu ma mchis shing rkyen ma mchis par ni/ /rkang gnyis gtso bo 'dzum pa mi mdzad na/ /'jig rten phan pa thugs brtse 'dzum mdzad pa/ /'di'i rgyu rkyen gang lags bdag la gsungs/ /thub chen gyi ni spyan sngar mchis pa yi/ /srog chags brgya stong mchis pa 'di dag kyang / /rna ba blags te mchis shing nyan 'tshal na/ /de dag thugs brtse'i slad du mgon pos gsungs/ /khyod ni srog chags kun gyi mig lags te/ /khyed ni gnas skyabs mgon dang dpung gnyen lags/ /khyod ni srog chags kun gyi the tshom gcod/ /'jig rten phan par mdzad cing thugs brtse ba/ /khyed kyis 'das la rtag tu ye shes 'jug /khyed kyis ma 'ongs thams cad rab tu mkhyen/ /sangs rgyas zhing na cung zad ci mchis pa/ /byung ba dag la'ang the tshom mi mnga'o/ /de bzhin gshegs pa dus gsum ye shes ldan/ /chos kyi rje ni thams cad 'dzin pa'i gsung / /'jig rten mgon po 'dzum pa mdzad pa 'di/ /rgyu rkyen gang lags bdag ni khyod la zhu/ /khyod kyis 'dir ni tho tshom thams cad chod/ /khyod ni chos kun la yang the tshom med/ /yan lag brgyad dang ldan pa'i gsung 'byin cing / /srog chags mya ngan zug rngu bsal du gsol/ /rab tu mgu zhing dga' ba'i sems rgyas nas/ /sor mo bcu rnams thal mo rab sbyar te/ /'dzum pa mdzad 'di rgyu rkyen gang lags pa/ /chos rje khyod la bdag ni de zhu'o/ /shA ri'i bu de nas bcom ldan 'das de bzhin gshegs pa dgra bcom pa yang dag par rdzogs</font><hr>80.143b<br><font size=+1>

pa'i sangs rgyas rnam par gzigs des zhabs 'bring ba dge slong de la 'di skad ces bka' stsal to/ /dge slong khyod kyis khye'u 'di mthong ngam/ /gsol pa/ bcom ldan 'das mthong ngo / /bde bar gshegs pa mthong ngo / /bka' stsal pa/ dge slong khye'u 'dis rdzogs pa'i byang chub btsal ba'i phyir sngon 'das pa'i dus na sangs rgyas bye ba khrag khrig brgya stong phrag drug bcu rtsa bzhi la chos gos dang / /bsod snyoms dang / /mal stan dang / /na pa'i gsos sman dang / /yo byad kyis sti stang byas/ bla mar byas/ rim gror byas/ mchod par byas so/ /de nas khye'u 'dis rdzogs pa'i byang chub btsal ba'i phyir sangs rgyas khrag khrig phrag bcu la tshangs par spyod pa spyad do/ /dge slong khyod kyis srog chags brgyad khri bzhi stong po 'di dag mthong ngam/ gsol pa/ /bcom ldan 'das mthong ngo / /bde bar gshegs pa mthong ngo / /bka' stsal pa/ /srog chags brgyad khri bzhi stong po 'di dag ni sngon khye'u 'di'i pha mar gyur to/ /dge slong khye'u 'dis 'di lta bu'i smon lam btab par gyur te/ /de gang dang gang du skyes pa na/ /gang bdag gi pha mar gyur pa de dag bdag gis byang chub la dgod do/ /yang gnyis su na de dag bud med kyi dngos por mngon par ma grub cig ces byas pas de dag da ltar khye'u de'i rjes su slob pa'i tshul gyis bla na med pa yang dag par rdzogs pa'i byang chub du sems bskyed do/ /de nas bcom ldan 'das de bzhin gshegs pa rnam par gzigs kyis zhabs</font><hr>80.144a<br><font size=+1>

'bring ba dge slong de la tshigs su bcad pa 'di dag gsungs so/ /dge slong khyod kyi mdun na khye'u 'di dang / /srog chags stong gnas mchog tu dga' sems kyis/ /ji ltar chos kyi bdag po 'di bzhin du/ /gyur cig ces smra khyod kyis mthong ba ste/ /dge slong 'dis ni sngon gyi tshe rabs la/ /lhar bcas 'jig rten dag la phan pa'i phyir/ /'jig rten rnam 'dren bye ba khrag khrig kyang / /stong phrag drug bcu bzhi la ri mor byas/ /byang chub mchog 'di la ni re ba'i phyir/ /de ni sangs rgyas khrag khrig phrag bcu yis/ /bstan pa la ni ched du rab byung nas/ /de na tshangs par spyod pa mchog spyod do/ /khyod kyis srog chags stong phrag brgyad bcu bzhi/ /nga mdun 'dug pa de dag kun mthong ngam/ /de dag sngon chad 'das dus yangs pa na/ /de yi mar ni gyur pa sha stag go/ /gang dang gar skyes nga yi mar gyur pa/ /thams cad bdag gis byang chub mchog la bkod/ /ci nas bud med dngos por ma gyur zhes/ /des ni smon lam 'di 'dra btab par gyur/ /de dag thams cad de yi rjes slob cing / /byang chub kyi ni sems la gzhol bar 'gyur/ /'di dag rkang gnyis kyi ni mchog 'gyur zhes/ /de dag la ni ngas lung bstan par bya/ /ma 'ongs dus na ji ltar spyod 'gyur zhing / /mi mchog tu ni ji ltar 'gyur ba dang / /de dag sngon gyi spyod pa rab shes te/ /de yi phyir ni 'dzum pa ngas mdzad do/ /de skad lung bstan pa ni thos gyur nas/ /rnam par gzigs pa 'jig rten spyod pa la/ /lha dang klu dang de bzhin mi rnams dang / /srog chags bye ba</font><hr>80.144b<br><font size=+1>

rnams ni dga' bar gyur/ /shA ri'i bu de nas khye'u de dga' mgu rangs rab tu dga' ste/ /dga' ba dang / /yid bde ba skyes nas rings pa'i tshul gyis rang gi pha ma gang na pa der song ste phyin nas rang gi pha ma la tshigs su bcad pa 'di dag smras so/ /srog chags brgya po de dag kun/ /sngon ni bdag gi mar gyur te/ /thams cad byang chub rab zhugs na/ /khyed kyi sems ni gang du 'jug /shA ri'i bu de nas khye'u de'i pha mas khye'u de la slar tshigs su bcad pa 'di dag smras so/ /khyod kyis de dag ji lta ba/ /de ltar nga yi sems 'jug ste/ /da ni thams cad mkhyen par 'gyur/ /'di la nga ni the tshom med/ /gang du skyes par nga ma 'bral/ /khyod la gnas ni 'di slong gis/ /ji ltar byang chub nga thob par/ /rtag tu nga ni dran par gyis/ shA ri'i bu de nas khye'u des rang gi ma skyed par byed pa la tshigs su bcad pa 'di smras so/ /ji ltar bdag gis bskul pa rnams/ de dag thog mar sangs rgyas 'gyur/ /bdag ni skyes bu kha lo sgyur/ /'jig rten sgron mar phyir 'gyur bgyi/ /shA ri'i bu de'i tshe de'i dus na bcom ldan 'das rnam par gzigs kyi gsung rab la khye'u zhig byung ba de gzhan yin pa snyam du the tshom dang yid gnyis za na de ltar mi blta'o/ /de ci'i phyir zhe na/ /lha'i bu dbang phyug chen po 'di ni de'i tshe de'i dus na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs kyi bstan pa la khye'u der gyur to/ /de phyis bskal pa bye ba khrag khrig tu log</font><hr>80.145a<br><font size=+1>

bar ltung bar ma song ngo / /bskal pa bye ba khrag khrig 'das pa'i 'og tu de bzhin gshegs pa dgra bcom pa yang dag par rdzogs pa'i sangs rgyas snying rje can zhes bya bar 'gyur te/ /'khor los sgyur ba'i rigs las mngon par 'byung bar 'gyur ro/ /de'i dus na de'i yab ni grags pa zhes bya bar 'gyur te/ /'di lta ste dper na da ltar nga'i yab zas gtsang ma bzhin no/ /de'i yum mun pa dang bral ba zhes bya ba ni 'di lta ste/ dper na da ltar nga'i yum sgyu 'phrul bzhin no/ /de'i dus na mya ngan med ces bya ba sras su 'gyur ba ni 'di lta ste dper na/ /da ltar nga'i sras sgra gcan zin bzhin te/ /de byung nas bla na med pa yang dag par rdzogs pa'i byang chub mngon par rdzogs par 'tshang rgya ste/ /de byang chub thob pa na de'i tshe'i tshad ni lo bye ba khrag khrig phrag brgya stong du 'gyur ro/ /sangs rgyas de'i 'od kyis dpag tshad stong phrag bcur khyab par 'gyur ro/ /de'i 'khor gyi dkyil 'khor ni dpag tshad brgyar 'gyur ro/ /de'i nyan thos bye ba phrag brgya dang / /bye ba khrag khrig dang / bye ba khrag khrig brgya stong 'dus pa 'byung ste/ /de'i nyan thos bye ba ni dgra bcom pa 'ba' shig ste/ /zag pa zad pa/ nyon mongs pa med pa/ dbang dang ldan par gyur pa/ /rnam par thar pa brgyad la bsam gtan pa/ /mngon par shes pa drug dang ldan pa sha stag ste/ /shA ri'i bu dgra bcom pa de dag dkon mchog gsum 'dus pa thos pa yongs su brjod pa 'byung ba de snyed kyi de'i byang chub sems dpa'i dge 'dun 'byung ste//</font><hr>80.145b<br><font size=+1>

thams cad kyang sngon mar gyur pa sha stag go/ /phyir mi ldog pa'i chos bstan te/ /tshad med grangs med pa'i sems can gyi don byas nas yongs su mya ngan las 'das par 'gyur te/ /de yongs su mya ngan las 'das nas dam pa'i chos lo bye bar gnas par 'gyur/ /de'i ring bsrel yang rgyas par 'gyur te 'di lta ste dper na/ /da nga yongs su mya ngan las 'das nas ring bsrel rgyas par 'gyur ba bzhin no/ /shA ri'i bu 'di ni skyes bu dam pas rnam par brtag pa/ /skyes bu dam pas blta ba/ /brtson 'grus ma nyams pa/ skyes bu dam pa/ /brtson 'grus mi zlogs pa ste/ /de dag gis byang chub sems dpa' sems dpa' chen pos rjes su dran pa'i sems bskyed de/ /bla na med pa yang dag par rdzogs pa'i byang chub la brtson 'grus rab tu brtsam par bya bar grangs kyis bgrang ba de snyed tu btsal zhing bskal pa de snyed tu ni 'khor bar bya'o/ /bskal pa de snyed tu ni mi 'khor bar bya'o zhes de ltar mi bya'o/ /shA ri'i bu bsam gyis mi khyab pa'i go cha bgo bar bya ste/ /'khor ba'i mtha' ma'i mtha' ji tsam par bdag 'khor bar bya ba'i yongs su brtag pa bzung ste/ /byang chub kyi phyir brtson 'grus lhod par mi bya ste/ /brtson 'grus mi ldog pa rtul ba dang ldan par 'gyur ro/ /byang chub sems dpa'i brtson 'grus rtul ba gang zhe na/ /brtson 'grus rtul ba ma nyams pa'i byang chub sems dpa' nam gang stong gsum gyi stong chen po'i 'jig rten gyi khams mes sems yongs su gang ba la rgal zhing de bzhin gshegs pa dgra bcom pa yang</font><hr>80.146a<br><font size=+1>

dag par rdzogs pa'i sangs rgyas la blta ba'i phyir 'gro bar spro ba de ni byang chub sems dpa'i brtson 'grus rtul ba ma nyams pa'o/ /dam pa'i chos mnyan pa'i phyir stong gsum gyi stong chen po'i 'jig rten gyi khams mes yongs su gang ba la yongs su brtag pa bzung ste/ /rgal zhing 'gro bar spro ba de ni byang chub sems dpa'i brtson 'grus rtul ba ma nyams pa'o/ /gang stong gsum gyi stong chen po'i 'jig rten gyi khams mes yongs su gang ba la rgal zhing dge ba'i rtsa ba'i phyir 'gro bar spro ba de ni byang chub sems dpa'i brtson 'grus rtul ba ma nyams pa'o/ /shA ri'i bu gzhan yang byang chub sems dpa'i brtson 'grus rtul ba ma nyams pa ni gang gzhan gyi don gyi phyir rtul ba skyed pa'o/ /shA ri'i bu gzhan yang byang chub sems dpa'i brtson 'grus rtul ba ma nyams pa ni/ /gang gzhan yongs su mya ngan las bzla ba'i phyir rtul ba skyed pa'o/ /shA ri'i bu gzhan yang byang chub sems dpa'i brtson 'grus rtul ba ma nyams pa ni mi lhod pa dang / /brtan pa dang / mi ldog pa dang / bsam pa dge ba dang / /snying rje chen pos rab tu non pas rtag tu sems can gyi don la brtson zhing rtul ba skyed pa'o/ /gzhan yang shA ri'i bu byang chub sems dpa'i brtson 'grus rtul ba ma nyams pa ni gang gom pa 'deg cing 'dor ba na yang byang chub kyi sems mi gtong ste/ sangs rgyas dang / chos dang / dge 'dun mngon sum du byed cing sems can la lta yang nyon mongs pa'i dbang gis mi 'gro ba'o/ /shA ri'i bu gzhan yang byang chub sems dpa'i</font><hr>80.146b<br><font size=+1>

brtson 'grus rtul ba ma nyams pa ni gang dge ba'i rtsa ba'i sems skyes shing byung ba rnams byang chub tu sngo ba ste/ /de'i dge ba'i rtsa ba de mi zad par 'gyur te/ /shA ri'i bu 'di lta ste dper na rgya mtsho chen por song ba'i chu ni bar ma dor zad par mi 'gyur ba de bzhin du shA ri'i bu byang chub tu bsngos pa'i dge ba'i rtsa ba yang bar ma dor zad par mi 'gyur te/ de'i phyir brtson 'grus rtul ba ma nyams pa zhes bya'o/ /shA ri'i bu gzhan yang byang chub sems dpa' brtson 'grus rtul ba ma nyams par yang dag par zhugs pa ni dge ba'i rtsa ba de dag sdud cing thams cad mkhyen pa'i rnam pa mngon par sgrub pa'i dge ba'i rtsa ba sdud pas de'i phyir brtson 'grus rtul ba ma nyams pa zhes bya'o/ /shA ri'i bu gzhan yang byang chub sems dpa' ni 'di ltar slob ste/ /sems can rnams kyi bsod nams kyi phung po ji snyed pa dang / /slob pa dang / mi slob pa'i bsod nams kyi phung po ji snyed pa dang / rang sangs rgyas rnams kyi bsod nams kyi phung po ji snyed pa dang / bsod nams de dag thams cad kyis de bzhin gshegs pa'i sku'i ba spu'i khung bu gcig yongs su 'grub bo/ /ba spu'i khung bu thams cad tu gtogs pa ji snyed pa de'i bsod nams kyi phung po de dag thams cad kyis ni gtan pa med pa'i mchod sbyin byas na 'grub par 'gyur ro/ /de lta bu'i mchod sbyin brgyas ni sku la skyes bu chen po'i mtshan gcig mngon par 'grub bo/ /de ltar 'jug pas mtshan thams cad kyang mngon par 'grub po/ /mtshan thams cad</font><hr>80.147a<br><font size=+1>

tu gtogs pa'i bsod nams kyi phung po ji snyed pa'i bsod nams kyi phung po de dag gis ni de bzhin gshegs pa'i smin mtshams kyi mdzod spu yongs su 'grub bo/ /mdzod spur gtogs pa'i bsod nams kyi phung po ji snyed pa de las brgya phrag stong du bsgres pa'i bsod nams kyi phung pos ni de bzhin gshegs pa'i gtsug tor dbu'i gtsug bltar mi mthong ba'i skyes bu chen po'i mtshan mngon par 'grub bo/ /gtsug tor du gtogs pa'i bsod nams kyi phung po ji snyed pa las bye ba brgya stong du bsgres pa'i bsod nams kyi phung pos ni de bzhin gshegs pa'i chos kyi dung yongs su 'grub ste/ /'dod na de bzhin gshegs pa'i chos kyi dung des mtha' yas mu med pa'i 'jig rten gyi khams dbyangs kyis go bar mdzad de/ /sems can thams cad kyi dbang po ji lta bur mos shing 'dul ba bzhin du tshim par mdzad do/ /de ltar dka' bas bla na med pa yang dag par rdzogs pa'i byang chub 'grub kyang bdag gdon mi za bar bla na med pa yang dag par rdzogs pa'i byang chub mngon par rdzogs par byang chub par byas te/ /mtha' yas mu med pa'i 'jig rten gyi khams su sangs rgyas kyi dbyangs kyis go bar bya'o zhes spro zhing / /go cha mi 'dor ba de ni byang chub sems dpa'i brtson 'grus rtul ba ma nyams pa'o/ /shA ri'i bu gzhan yang byang chub sems dpa' brtson 'grus rtul ba ma nyams pa ni gang stong gsum gyi stong chen po'i 'jig rten gyi khams kyi sems can de dag thams cad dad pas rjes su 'brang</font><hr>80.147b<br><font size=+1>

ba'i ye shes dang ldan par gyur pas ni chos kyi rjes su 'brang ba'i ye shes dang ldan pa de'i brgya'i char yang nye bar mi 'gro'o/ /stong gi cha 'am/ brgya phrag stong gi cha 'am/ /char ram/ bgrang bar ram/ /rgyur yang nye bar mi 'gro'o/ /gong ma bzhin du sbyar te/ /de ltar gang stong gsum gyi stong chen po'i 'jig rten gyi khams kyi sems can de dag thams cad rgyun du zhugs pa'i ye shes dang ldan par gyur ba dang / /de dag lan cig phyir 'ong ba'i ye shes dang ldan pa dang / /de bzhin du phyir mi 'ong ba'i ye shes dang ldan pa dang / /de bzhin du dgra bcom pa'i ye shes dang ldan pa dang / /de bzhin du rang sangs rgyas kyi ye shes dang ldan pa dang / /de bzhin du bskal pa brgyas 'byung ba'i byang chub sems dpa' dang / /de bzhin du phyir mi ldog pa'i ye shes dang ldan pa dang / /de bzhin du skye ba gcig gis thogs pa ste/ /rgyas par mtha' yas mu med pa'i 'jig rten gyi khams kyi sems can ji snyed pa de dag thams cad skye ba gcig gis thogs pa'i byang chub sems dpa'i ye shes dang ldan par gyur pa de dag gis ni de bzhin gshegs pa'i gnas dang gnas ma yin pa mkhyen pa'i stobs de'i brgya'i char yang nye bar mi 'gro'o/ /stong gi char ram/ brgya phrag stong gi char ram/ grangs su 'am/ char ram/ /bgrang bar ram/ rgyur yang nye bar mi 'gro'o/ /ye shes la 'jug pa 'di thos nas/ mi dngang mi skrag skrag par mi 'gyur zhing ye shes de la 'jug par mos pa bskyed de/ brtson 'grus rtsom zhing pri dang / rgyus pa dang / rus pa dang / lpags</font><hr>80.148a<br><font size=+1>

pa dang / sha dang / khrag dang / lus yongs su skams par gyur kyang sla'i/ /de bzhin gshegs pa'i stobs ma thob kyi bar du brtson 'grus nyams par mi 'gyur pa de ni brtson 'grus rtul ba ma nyams pa zhes bya'o/ /shA ri'i bu gzhan yang byang chub sems dpa' 'di ltar slob ste/ /sems can thams cad kyi 'das pa'i sems ji snyed pa de dag sems can gcig gi sems gcig tu zhugs par gyur la/ de bzhin du sems can thams cad kyi sems de snyed tu tshad med cing mang bar gyur te/ gang sems can thams cad kyi 'dod chags dang / zhe sdang dang / gti mug dang / nyon mongs pa thams cad kyi gang ba'i sems de dag sems can gcig gi sems gcig la 'jug par gyur la/ rnam grangs 'dis sems can thams cad de snyed kyi nyon mongs pa mang po tshad med par gyur kyang / de la bdag gi de 'dra ba'i shes rab dang / /ye shes kyi tshogs yongs su btsal bar bya/ /'bad par bya/ brtson 'grus brtsams par bya ste/ ji ltar brtson 'grus brtsams pas sems can thams cad kyi 'dod chags kyi kun du gdung ba dang zhe sdang gi kun du gdung ba dang / gti mug gi kun du gdung ba de thams cad rab tu zhi bar bya/ dug med par bya/ gzhom par bya/ dgrol bar bya/ thal bar bya/ mya ngan las 'das pa'i lam la rab tu dgod par bya'o snyam du gang de la rtul ba de ni byang chub sems dpa' brtson 'grus rtul ba ma nyams pa zhes bya'o/ /shA ri'i bu gzhan yang byang chub sems dpa' brtson 'grus rtul</font><hr>80.148b<br><font size=+1>

ba ma nyams pa ni gang lus kyi las dge ba la gnas pa dang / /ngag gi las dge ba la gnas pa dang / /yid kyi las dge ba la gnas pa dang / /brtson 'grus gang ji snyed yod pa de dag thams cad lus dang / ngag dang / sems dang ldan pa'o/ /lus dang / dag gi brtson 'grus pas sems kyi brtson 'grus nyid mchog ces bshad do/ /de la sems kyis brtson 'grus gang zhe na/ /gang sems kyi 'jug pa dang gnas pa'o/ /de la sems kyi 'jug pa gang zhe na/ /byang chub la rtsol ba'o/ /de la sems kyi gnas pa gang zhe na/ gang byang chub kyi sems nye bar ma zhi ba'o/ /de la 'jug pa gang zhe na/ /gang sems can thams cad la snying rje che ba'o/ /de la gnas pa gang zhe na/ /gang bdag med pa la bzod pa'o/ /de la 'jug pa gang zhe na/ /gang sems can thams cad sdud pa'o/ /de la gnas pa gang zhe na/ /gang sems can thams cad la phan 'dogs pa'o/ /'jug pa ni 'khor bas yongs su mi skyo'o/ /gnas pa ni khams gsum mi dmig pa'o/ /'jug pa ni nor thams cad yongs su gtong ba'o/ /gnas pa ni sbyin pa mi snyems pa'o/ /'jug pa ni tshul khrims yang dag par 'dzin pa'o/ /gnas pa ni tshul khrims mi snyems pa'o/ /'jug pa ni bzod pas sdug bsngal bzod pa'o/ gnas pa ni sems mi 'khrug pa'o/ /'jug pa ni dge ba'i rtsa ba'i chos thams cad rtsom pa'o/ /gnas pa ni sems rab tu dben pa'o/ /'jug pa ni bsam gtan sgrub pa'o/ /gnas pa ni sems nges par rtog pa'o/ 'jug</font><hr>80.149a<br><font size=+1>

pa ni thos pas mi ngoms pa'o/ /gnas pa ni tshul bzhin rab tu sbyor ba'o/ /'jug pa ni thos pa ston pa'o/ /gnas pa ni brjod tu med pa'i chos nyid do/ /'jug pa ni ye shes kyi tshogs yongs su tshol ba'o/ /gnas pa ni spros pa thams cad yang dag par gcod pa'o/ 'jug pa ni tshangs pa'i gnas sogs pa'o/ gnas pa ni yang dag pa'i ye shes kyi btang snyoms so/ /'jug pa ni mngon par shes pa lnga yongs su rdzogs pa'o/ /gnas pa ni zag pa zad pa yongs su 'dris par byed pa'o/ /'jug pa ni dran pa nye bar gzhag pa sgom pa'o/ /gnas pa ni dran pa med pa'o/ /yid la byed pa med pa'o/ /'jug pa ni yang dag par spong ba la rab tu sbyor ba'o/ /gnas pa ni dge ba dang mi dge ba dang bral ba'o/ /'jug pa ni rdzu 'phrul gyi rkang pa mngon par sgrub pa'o/ /gnas pa ni lhun gyis 'grub pas bya ba 'jug pa'o/ /'jug pa ni dbang po la mkhas pa'o/ /gnas pa ni dbang po'i chos la so sor rtog pa'o/ /'jug pa ni stobs sgrub pa'o/ /gnas pa ni mi rdzi ba'i gnas so/ /'jug pa ni byang chub kyi yan lag yang dag par 'byung ba'o/ /gnas pa ni chos la rab tu shes pa'i ye shes so/ /'jug pa ni lam gyi tshogs yongs su tshol ba'o/ /gnas pa ni gang du yang mi 'gro ba'o/ /'jug pa ni zhi gnas yongs su tshol ba'o/ /gnas pa ni zhi gnas kyi sems so/ /'jug pa ni lhag mthong gi tshogs so/ /gnas pa ni chos nyid rig pa'o/ /'jug pa ni rgyu khong du chud pa'o/ /gnas</font><hr>80.149b<br><font size=+1>

pa ni rgyu yongs su shes pa'o/ /'jug pa ni gzhan gyi sgra thos pa'o/ /gnas pa ni chos la nan tan byed pa'o/ /'jug pa ni chos kyi sku'i rgyan to/ /gnas pa ni chos kyi sku nyid do/ /'jug pa ni ngag gi rgyan to/ /gnas pa ni 'phags pa'i mi smra ba'o/ /'jug pa ni rnam par thar pa'i sgo gsum la mos pa'o/ /gnas pa ni mi byed pa'o/ /'jug pa ni bdud bzhi rnam par spong ba'o/ /gnas pa ni bag chags kyi nyon mongs pa 'dor ba'o/ /'jug pa ni thabs mkhas pa'o/ /gnas pa ni shes rab kyis blta'o/ /'jug pa ni mi dmigs par blta'o/ /gnas pa ni sgrol bar blta'o/ /'jug pa ni brdar blta'o/ /gnas pa ni don du blta'o/ /'di ni sems kyi brtson 'grus shes bya ste/ /gang brtson 'grus la rtsom pa dang / /'bad pa dang / rtul ba de ni byang chub sems dpa'i brtson 'grus rtul ba ma nyams pa zhes bya'o/ /de ltar shA ri'i bu brtson 'grus rtul ba ma nyams pa'i byang chub sems dpa' ni chos lngas mngon par 'phags pa yin te/ /bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro/ /chos lnga po gang gis mngon par 'phags pa yin zhe na/ /sangs rgyas byung ba mnyes par byed pas mngon par 'phags pa yin/ /dge ba'i bshes gnyen la bsten pas mngon par 'phags pa yin/ dal ba phun sum tshogs pa thob pas mngon par 'phags pa yin/ ji ltar dge ba'i chos bsgrubs pa chud mi za bas mngon par 'phags pa yin/ /sdom pa la gnas pa'i byang chub</font><hr>80.150a<br><font size=+1>

sems dpa' sems dpa' chen po'i rjes su bslabs pas mngon par 'phags pa yin te/ /bla na med pa yang dag par rdzogs pa'i byang chub kyang myur du mngon par rdzogs par 'tshang rgya bar 'gyur ro/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' gang chos lngas mngon bar 'phags pa mi 'gyur ba de lta bu mchis sam/ /bcom ldan 'das kyis bka' stsal pa/ /shA ri'i bu yod do/ /bcom ldan 'das ji ltar ji lta bu lags/ /bde bar gshegs pa ji ltar ji lta bu lags/ /bka' stsal pa/ /shA ri'i bu byang chub sems dpa' chos lnga dang ldan pa sangs rgyas 'byung ba mnyes par mi byed pa dang / /dge ba'i bshes gnyen la mi sten pa dang / /dal ba 'byor pa mi rnyed pa dang / /dge ba'i chos ji ltar bsgrubs pa chud gson pa dang / /sdom pa la gnas pa'i byang chub sems dpa' sems dpa' chen po'i rjes su ma bslabs pa yin te/ /bla na med pa yang dag par rdzogs pa'i byang chub kyang myur du mngon par rdzogs par 'tshang mi rgya'o/ /chos lnga gang zhe na/ /'di la shA ri'i bu byang chub sems dpa' khyim pa rgyal po'i bkrabs par 'gyur/ /skye bo mang po skrag par 'gyur zhing skye bo mang pos bdag cag gi don 'di bgyir gsol zhes de la gsol ba btab pa dang / /de dag la bya'o zhes smras nas de mi byed cing tshig gi dngos po tsam gyi bar la gnas pa yin no/ /de ci'i phyir zhe na/ /shA ri'i bu 'di lta bu'i chos 'di ni mtho ris las nyams par 'gyur ba'o//</font><hr>80.150b<br><font size=+1>

shA ri'i bu 'di lta bu chos 'di ni dal ba phun sum tshogs pa thob pa nyams par 'gyur ba'o/ /shA ri'i bu chos dang po 'di dang ldan pa'i byang chub sems dpa' khyim pa ni lus gso ba'i phyir sangs rgyas 'byung ba mnyes par mi byed pa nas bla na med pa yang dag par rdzogs pa'i byang chub kyi bar du yang myur du mngon par rdzogs par 'tshang rgya bar mi 'gyur ro/ /shA ri'i bu gzhan yang byang chub sems dpa' khyim pa grong khyer du 'tshe ba la chags pa ste/ /grong khyer du 'tshe ba gang zhe na/ /shA ri'i bu 'di la de bzhin gshegs pa dgra bcom pa yang dag par rdzogs pa'i sangs rgyas 'jig rten du byung ste/ lha dang / mi dang / lha ma yin du bcas pa'i 'jig rten gyi mdun du chos ston pa ni tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang pa/ yang dag par rab tu ston te/ de las 'khor bzhi 'byung ngo / /'khor bzhi gang zhe na/ 'di lta ste/ dge slong dang / dge slong ma dang / dge bsnyen dang / dge bsnyen ma'o/ /de la dge slong dang / dge slong ma dang / dge bsnyen dang / dge bsnyen ma grong ngam/ grong khyer ram/ ljongs sam/ yul lam/ pho brang 'khor gyi nang du gnas par gyur pa las de dag gi tshul khrims kyi phung po nyams par byed pa ste/ de ni grong khyer la 'tshe ba zhes bya'o/ /de la chags nas byang chub sems dpa' khyim pa sangs rgyas 'byung ba mnyes par mi byed pa nas/ myur du mngon par rdzogs par 'tshang mi rgya</font><hr>80.151a<br><font size=+1>

ba'i bar du'o/ /shA ri'i bu gzhan yang byang chub sems dpa' khyim pa legs par bshad pa'i chos 'dul ba la gnas pa pha ma la chos kyi bar chad byed pa dang / bu dang / bu mo dang / chung ma dang / sring mo la chos kyi bar chad byed pa dang / mdza' bo dang / nye du dang / snag gi gnyen mtshams rnams la chos kyi bar chad byed pa dang / de bzhin du sems can gzhan rnams la yang chos kyi bar chad byed pa de ni yun ring por chos kyi bar chad tu 'gyur ba yin te/ shA ri'i bu chos gsum pa 'di dang ldan pa'i byang chub sems dpa' ni chos kyi bar chad byas nas sangs rgyas 'byung ba mnyes par mi byed pa nas/ bla na med pa yang dag par rdzogs pa'i byang chub kyi bar du yang myur du mngon par rdzogs par 'tshang rgya bar mi 'gyur ba'o/ /gzhan yang byang chub sems dpa' khyim pa de bzhin gshegs pas gsungs pa'i mdo sde 'di lta bu 'di dag 'dod pa nyung ba dang / 'thun pa/ yo byad bsnyungs pa dang 'thun pa thos na mi dad cing / gzhan yang lta ba de nyid yang dag par 'dzin du 'jug pa dang / de de bzhin gshegs pa'i bstan pa la smod cing mnyes par mi byed de smad pa'i 'gro ba nyid tu 'gro ba'o/ /smad pa'i 'gro ba gang zhe na/ 'di lta ste/ sems can dmyal ba dang / dud 'gro'i skye gnas dang / gshin rje'i 'jig rten dang / mtha' 'khob kyi yul mi dang / yan lag nyams pa dang / kla klo dang / log par lta ba'i sems can gyi nang du skye ba ste/ /shA ri'i bu chos bzhi pa 'di dang ldan pa'i byang chub sems dpa' khyim pa ni sangs</font><hr>80.151b<br><font size=+1>

rgyas 'byung ba mnyes par mi byed pa nas bla na med pa yang dag par rdzogs pa'i byang chub kyi bar du yang myur du mngon par rdzogs par 'tshang rgya bar mi 'gyur ba'o/ /shA ri'i bu gzhan yang byang chub sems dpa' khyim pa 'di lta ste/ blon po dang / de ma yin pa'i 'khor gzhan stobs chen po la rten par gyur te/ de dbang phyug gi dbang gis skye bo mang po la gshe zhing brgyad de/ tshig ngan pa rtsub pos spyos te/ 'phyas 'dogs shing 'thing slad byed de/ ngag gi nyes par spyod pa de dang ldan pas ngan song du 'jigs su rung ba'i lus thob par 'gyur ro/ /shA ri'i bu chos lnga pa 'di dang ldan pa'i byang chub sems dpa' khyim pa ni sangs rgyas 'byung ba mnyes par mi byed/ dge ba'i bshes gnyen la yang mi sten/ dal ba phun sum tshogs pa yang mi 'thob/ ji ltar bsgrubs pa'i dge ba'i rtsa ba yang chud gson/ sdom pa la gnas pa'i byang chub sems dpa' sems dpa' chen po'i yang rjes su slob par mi 'gyur te/ bla na med pa yang dag par rdzogs pa'i byang chub kyang myur du mngon par rdzogs par 'tshang rgya bar mi 'gyur ro/ /de nas bcom ldan 'das kyis de'i tshe tshigs su bcad pa 'di dag gsungs so/ /las ni rnam pa 'di lta ste/ des ni shes rab mi 'phel 'gyur/ blo yang myur du ma rung 'gyur/ mi mchog rnams ni mnyes mi byed/ de ni sems can slu ba ste/ pho brang 'khor gyi bkrabs pa ltar/ mi dge rtsa ba de dag gis/ /'jig rten mgon po mi mthong ngo / bdag gis phrogs shig longs shig ces/ sems can</font><hr>80.152a<br><font size=+1>

rnams la 'jigs bskyed dang / nyes pa'i las rnams byas gyur nas/ mi mchog rnams ni mnyes mi byed/ dge slong dang ni dge slong ma/ tshul khrims nyams byas sdug bsngal gyur/ sangs rgyas mang po mnyes mi byed/ de la dal ba rnyed par dka'/ pha dang ma dang chung ma rnams/ chos spyod pa yi bgegs byed de/ myur du chos kyang mi thos shing / gti mug gis ni bsgribs par 'gyur/ rab tu 'byung bar 'gro ba la/ bar du gcod pa byas gyur nas/ sangs rgyas mang po mnyes mi byed/ de la dal ba mi 'byung ngo / /gang du stong pa nyid bsngags pa/ 'di lta bu yi chos thos nas/ khro ba dag ni nyer len cing / 'di ni chos min zhes kyang smra/ bar chad 'di dag thams cad kyis/ bcu drug char yang nyer mi 'gro/ /dam pa'i chos la smad byas nas/ dmus long rab tu sdug bsngal 'gyur/ rdzogs pa'i sangs rgyas des mi mthong / mthong du zin kyang dad mi 'gyur/ bud med ma ning dmus long dang / khyi dang bong bu rnams su 'gyur/ gang zhig sangs rgyas byang chub dang / byang chub sems dpa' dga' ba dag /bar du gcod pa rnam spangs nas/ bzang po dag gi lam rnams sgom/ pha dang ma ni chos 'di la/ yang dang yang du sbyor ba dang / sems can thams cad rab 'byung bar/ myur ba nyid tu len du 'jug /ma ni chos la sbyar byas na/ myur du bzang po'i 'gro bar 'gro/ /rab tu 'byung bar bsngags pas na/ myur du byang chub rnam 'tshang rgya/ shA ri'i bu rab tu byung ba'i byang chub sems dpa' chos lnga dang ldan na sangs rgyas</font><hr>80.152b<br><font size=+1>

byung ba mnyes par mi byed/ dge ba'i bshes gnyen la yang mi sten/ dal ba phun sum tshogs pa yang mi 'thob/ ji ltar bsgrubs pa'i dge ba'i rtsa ba rnams kyang chud za bar byed/ sdom pa la gnas pa'i byang chub sems dpa' sems dpa' chen po'i yang rjes su slob par mi 'gyur te/ bla na med pa yang dag par rdzogs pa'i byang chub kyang myur du mngon par rdzogs par 'tshang mi rgya'o/ /lnga gang zhe na/ 'chal ba'i tshul khrims la spyod pa dang / dam pa'i chos la smod pa dang / rnyed pa dang / bkur sti dang / tshigs su bcad pa la chags pa dang / bdag tu lta ba'i thibs po dang / gzhan gyi khyim la phrag dog dang ser sna skyed pa ste/ shA ri'i bu rab tu byung ba'i byung chub sems dpa' chos lnga po de dag dang ldan na sangs rgyas byung ba la mnyes par mi byed pa dang / dge ba'i bshes gnyen la mi sten pa dang / gong ma bzhin du bla na med pa yang dag par rdzogs pa'i byang chub kyi bar du yang myur du mngon par rdzogs par 'tshang mi rgya'o/ /shA ri'i bu 'di lta ste khyi ltogs keng rus sha med pa/ khrag gis 'bags pa blangs nas de srang gi sgo na gnas te/ kha chus gos pa de 'cha' ba las de nas rgyal rigs shing sA la chen po lta bu dang / bram ze shing sA la chen po lta bu dang / khyim bdag shing sA la chen po lta bu khyi ltogs pa de logs su 'ong ba khyi des rgyang ma nas 'ong ba mthong nas de 'di snyam du sems te/ 'di ni bdag gi kha zas ro zhim po 'di 'phrog pa zhig go snyam nas de shin du</font><hr>80.153a<br><font size=+1>

zugs shing mig tshugs su lta la/ drang bsnyer te/ skad cher zugs na/ shA ri'i bu de ji snyam du sems/ skyes bu de keng rus sha med pa khrag gis 'bags pa de 'dod pa yin nam/ gsol pa/ bcom ldan 'das de ma lags so/ /bde bar gshegs pa de ma lags so/ /bcom ldan 'das kyis bka' bstsal pa/ khyi de ci'i phyir shin du zugs shing mig tshugs su lta la drang bsnyer te/ skad cher zugs/ gsol pa/ de 'di snyam du sems te/ bdag gi zas ro zhim po 'di 'phrog pa zhig go snyam ste/ shin du zugs shing mig tshugs su lta la drang bsnyer te/ skad cher zugs so/ /bka' stsal pa/ shA ri'i bu de bzhin du gang khyim gyi ser sna la brtson pa/ bshad pa dang / gci bas kun du bskor ba la chags pa'i dge slong dag 'byung bar 'gyur te/ 'di lta bu'i dal ba phun gsum tshogs pa rnyed nas des chud zos par byed pa de dag ni ngas khyi dang 'dra'o zhes brjod de/ de dag 'ba' shig gi phyir de bzhin gshegs pa 'di lta bu'i brjod pa'i gnas byed pa ma yin gyi/ yang shA ri'i bu byang chub sems dpa' sems dpa' chen po gang dag skye bo mang po la phan pa dang / skye bo mang po la bde ba'i phyir sangs rgyas kyi ye shes tshol ba de dag ni bdag gi sha yang yongs su gtong na gzhan gyi khyim la rtog cing bsnyen pa'i phyir phrag dog dang ser sna byed par mi 'gyur ba lta ci smos/ yang shA ri'i bu skyes bu gti mug de dag 'tsho ba'i zang zing dang / bran dang 'jig rten gyi</font><hr>80.153b<br><font size=+1>

zang zing lhur byed cing zas dang / srog la lhur byed pa/ rtog cing bsnyen pa'i phyir gzhan gyi khyim la phrag dog dang / ser sna skyed par 'gyur te/ shA ri'i bu de ltar brtson pa'i dge slong mthong na/ phrag dog dang / ser sna skyed de bdag ni sngan chad 'dir shes na phyi ma 'di ga las 'ongs pa zhig /'di ni sngon bdag dang 'thams pa yin na phyi ma 'di ga las 'ongs pa zhig ces zer zhing gal te de'i khyim bdag de dag gis lhung bzed dang / chos gos dang / bsod snyoms dam bcas par gyur ba dang / mal stan dang / na pa'i gsos sman dang / yo byad khas blangs par gyur pa rnams sngon ni bdag dang dam bcas par gyur mod kyi phyis 'ongs nas sbyin par mi 'gyur grang snyam nas de de la nyes pa gsum skyed de/ gsum gang zhe na/ gnas la nyes pa skyed de/ gnas de nas 'gro'o snyam sems pa dang / shes par bya ba ma yin pa shes shing / shes par bya ba mi shes la/ gang cung zad sten pa yang mi brtan pa dang / de khyim pa la nyes pa bskyed pa ste/ de dge slong de gnas gsum rjod par byed do/ /gsum gang zhe na/ gnas kyi nyes pa brjod pa dang / nyams mi dga' ba rjod cing khyim gtod par byed pa dang / mi bden pa'i gtam zer zhing skyes bu dam pa ma yin pa 'di dag g.yo byed do zhes yid rton pa'i sbyor bas dam bca' bar bya ba'i chos yang dag par rab tu ston pa ste/ shA ri'i bu de ltar na khyim la ser sna byed pa chos dkar po yongs su nyams par 'gyur ba'o//</font><hr>80.154a<br><font size=+1>

shA ri'i bu khyim la ser sna byed pa la gnas pa skyes bu dam pa ma yin pa de dag gis sdom pa dang / sdom pa la gnas pa'i byang chub sems dpa' yongs su btang bar 'gyur te/ /sdom pa la gnas pa'i byang chub sems dpa' sems dpa' chen po'i rjes su slob par mi 'gyur ro// //@##/ /'phags pa byang chub sems dpa'i sde snod ces bya ba theg pa chen po'i mdo/ bam po bcu bzhi pa/ /shA ri'i bu de bas na rnam grangs 'dis kyang 'di ltar shes par bya ste/ shA ri'i bu sngon byung ba 'das pa'i dus bskal pa grangs med pa'i yang ches grangs med/ yangs pa/ tshad med pa/ bsam gyis mi khyab par gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas mngon par 'phags zhes bya ba 'jig rten du byung ste/ rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ /sangs rgyas bcom ldan 'das de lo bye ba phrag dgu bcu'i bar du bzhugs so/ /de'i nyan thos kyang bye ba khrag khrig phrag dgu bcu'i nyan thos rnams kyi nyan thos 'dus pa chen po byung ste/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa nas sems kyi dbang thams cad kyi dam pa'i pha rol du son pa sha stag gi bar du'o/ /yang de'i tshe khyim bdag rab tu rnam</font><hr>80.154b<br><font size=+1>

par 'byed pa zhes bya ba phyug cing nor che ba/ longs spyod che zhing longs spyod mang ba/ bdag dbang ba mang ba/ nor dang yo byad mang po dang ldan zhing 'gron bu dang / gser dang / nor bu dang / mu tig dang / bai dUr+ya dang / dung dang / man shel dang / byi ru dang / dngul dang / sa le sbram mang po dang ldan pa/ bran pho dang / bran mo dang / las byed pa dang / zho shas 'tsho ba mang zhing glang po che dang / rta dang / ra lug mang ba/ nor dang / 'bru dang / mdzod dang / bang ba mang po dang ldan pa zhig byung ste/ khye'u gzugs bzang ba/ mdzes pa/ blta na sdug pa/ kha dog bzang po rgyas pa'i mchog dang ldan pa sdom pa zhes bya ba dang / sdom pa la gnas pa zhes bya ba gnyis byung ste/ de gnyis dus gzhan zhig na khang tog tu dong bar gyur to/ /shA ri'i bu de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par 'phags pa de snga dro'i dus kyi tshe chos gos dang sham thabs mnabs/ lhung bzed bsnams/ dge slong gi dge 'dun gyis bskor cing dge slong gi dge 'dun gyis mdun du bdar nas bsod snyoms kyi phyir grong khyer der gshegs pa dang / mdzes pa dga' bar 'gyur ba/ dbang po zhi ba/ yid zhi ba/ mchog tu dul ba dang / zhi gnas kyi mchog thob pa/ shin du dul zhing zhi gnas thob pa/ dbang po dul cing sbas pa glang po ltar rab tu dul ba/ mtsho ltar dang zhing rnyog pa med la gsal ba/ gser gyi mchod stong lta bu/ sa le sbram gyi ri lta bu/ rin po ches yongs su gang ba'i mtsho lta bu/ </font><hr>80.155a<br><font size=+1>

lhas kun nas bskor ba'i brgya byin lta bu/ yid rab tu zhi ba'i tshangs pa lta bu'i bcom 'das de bzhin gshegs pa dgra bcom pa yang dag par rdzogs pa'i sangs rgyas mngon par 'phags mdzes shing dga' bar 'gyur ba de rgyang ma nas byon pa khye'u de gnyis kyis mthong ngo / /shA ri'i bu de na gang sdom pa la gnas pa zhes bya ba'i gzhon nu des dang po nyid du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par 'phags sngar mthong nas des nu bo de la smras pa/ sems can gyi rgyal po 'di lta bu mdzes pa nu bo khyod kyis sngon nam yang res 'ga' mthong ngam/ des phu bo la phu bo sems can gyi rgyal po mdzes pa 'di lta bu bdag gis sngon lan 'ga' yang ma mthong ngo zhes de skad smras pa dang / des nu bo nga ni 'di dang 'dra ba nyid du 'gyur bar bya'o zhes de skad smras so/ /shA ri'i bu de nas khye'u sdom pa la gnas pas khye'u sdom pa la tshigs su bcad pa 'di dag smras so/ /sdom pa ji ltar mthong ba bzhin/ de 'dra bar ni bdag bsgyur te/ bdag ni de bas mang ba yi/ dge slong dge 'dun bsdu bar bya/ byang chub kyi ni lam gyi phyir/ zas dang skom ni mi bza'o/ /sdom pa 'di ni rgyal ba ste/ bdag ni khyim 'dir dga' ba med/ sems can kun gyi mchog 'di ni/ skar mang dbus na zla ba bzhin/ mthong nas dad par su mi 'gyur/ khyim nas mi 'byung su zhig yod/ /shA ri'i bu de nas khye'u sdom pas khye'u sdom pa la gnas pa la slar</font><hr>80.155b<br><font size=+1>

tshigs su bcad pa 'di smras so/ /tshig tu byas pas mi 'gyur gyis/ sgra bo che ni ma 'byin cig /nga ni tshig tu mi smra ste/ 'tshang rgya gang myur shes par bya/ shA ri'i bu de nas khye'u sdom pa la gnas pas khye'u sdom pa la slar tshigs su bcad pa 'di dag smras so/ /bdag nyid ser sna sems pa dang / zhum pa dag gi lam min te/ mi mchog sangs rgyas 'gyur ro zhes/ bzang po'i sgra ni bdag gis bsgrag /bdag nor shes par mi 'gyur ba/ ser sna can gyi rtags yin no/ /bdag ni mi smra mi bya ste/ bdag gtong nor lta ga la zhig /khyim 'di dag ni khyod kyi'o/ /nga ni byang chub lam phyir 'gro/ /khyim dang nor ni khyod kyi ste/ bdag ni sangs rgyas dga' ba'o/ /sum bcu rtsa gnyis mchog gi mtshan/ 'di 'dra ba dag mthong gyur na/ lta ba nyams pa ma gtogs par/ byang chub mchog ni su mi tshol/ khyim dag dang ni nor rnams dang / pha dang ma dang gnyen rnams dang / bdag gis de dag kun spangs te/ sangs rgyas drung du 'gro bar bya/ 'jig rten mgon po 'od mdzad pa'i/ 'jig rten snang mdzad rab tu dkon/ bskal pa bye ba stong du yang / de ni thos par shin du dkon/ nam mkha' dag pa'i zla ba ni/ sa la lam mer 'dug pa ltar/ rgyal po'i pho brang 'khor zhugs nas/ dge slong dge 'dun mdun du byas/ 'od zer stong pa'i nyi ma ni/ bar snang gnas na lhang nge ba/ de bzhin sangs rgyas sras dbus na/ kun nas rab tu mdzes par snang / ri yi rgyal po</font><hr>80.156a<br><font size=+1>

ri rab ni/ rin chen bdag nyid mdzes par snang / de bzhin sangs rgyas mdzes pa yang / /dge slong dge 'dun mdun du byas/ /sku yi gzi brjid 'bar ba ni/ /'gro ba 'di dag rnams la snang / /gzi brjid phung po'i gzugs can te/ /rkang gnyis dam pa de mdzes so/ /lha dang klu dang mi rnams ni/ /rdzu 'phrul dag gis rab sdud cing / /rgyal po'i pho brang 'khor zhugs nas/ /cho 'phrul dag ni rnam par ston/ /sum bcu rtsa gnyis bsod nams dam mchog mtshan/ /chos kyi bdag po 'di 'dra mthong nas ni/ /byis pa ma bslabs pa dag ma gtogs par/ /theg pa dman la su zhig 'jug par 'gyur/ /shin du dkon pa rab tu mdzes byung ba/ mi mchog 'di ni bdag gis mthong bas na/ /byang chub phyir ni mngon par zhugs gyur nas/ /bde bar gshegs pa'i drung du nye bar 'gro/ /shA ri'i bu de nas khye'u sdom pas khye'u sdom pa la gnas pa la tshigs su bcad pa 'di dag smras so/ /bdag ni le lo'i lam dag nas/ /sangs rgyas drung du mi 'gro ste/ /khang thog 'di nas phyi rol du/ bdag gis lus ni mchod par bya/ /bdag tu 'du shes bsal gyur nas/ /srog la blta bar mi bya ste/ /ye shes mchog ni yongs btsal zhing / /sangs rgyas drung du 'gro bar bya/ /pha la chags dang ma la chags/ /khyim la chags pa mi bzad pa/ /de dag thams cad rnam spangs nas/ /sangs rgyas drang du 'gro bar bya/ /'di 'drar</font><hr>80.156b<br><font size=+1>

'gyur bar gang 'dod pa/ /de ni sangs rgyas dga' ba yin/ /rin po che ni kun spangs nas/ /khyim med par ni rab tu 'byung / /de ltar shA ri'i bu khye'u sdom pa la gnas pa ni khyim gyi skas las babs te/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par 'phags ga la ba der song ngo / /yang shA ri'i bu khye'u sdom pa ni khang thog de nas mchongs nas bcom ldan 'das de bzhin gshegs pa mngon par 'phags ga la ba der shin du myur du song ngo / /khye'u sdom pa la gnas pa ni phyi nas song ngo / /shA ri'i bu de nas khye'u sdom pas bcom ldan 'das de la na bza' srang bye ba ri ba phul te/ /de'i tshe tshigs su bcad pa 'di dag gsol to/ /bdag ni gzugs rnams tshol ba'i phyir/ /sangs rgyas na bza' 'bul ma lags/ /mi mchog dag ni ci 'dra ba/ /de 'dra bar ni 'gyur bar bgyi/ /ye shes phung po ldan pa dang / /brtson 'grus stobs la rab gnas shing / /sum bcu rtsa gnyis mtshan mnga' ba/ /rkang gnyis dam par gyur par shog //stobs bcu rnams dang ldan gyur cing / /mi 'jigs pa la rab gnas pa/ /de bzhin gshegs pa ci 'dra bar/ /de 'dra bar ni gyur par shog //khyod kyis chos gang mkhyen pa dang / /gang la bzhugs par lhang nge bar/ /byang chub dam pa sangs rgyas nas/ /bdag ni chos de ston par shog //bdag ni gzugs rnams mngon par tshol ba'i phyir/ /sangs rgyas</font><hr>80.157a<br><font size=+1>

na bza' mchog 'bul ma lags kyi/ /lhar bcas 'jig rten rnams la phan pa'i phyir/ /byang chub mchog gi zhi ba mngon par tshol/ /gnyis su med pa'i chos mchog der gnas shing / /pha rol rgol ba kun gyis mi g.yos pa/ /chos de nyid ni mngon par 'tshal ba'i phyir/ /sangs rgyas la ni na bza' mchog 'bul lo/ /lhar bcas 'jig rten dag la sman pa'i phyir/ /gang na skye rga na 'chi ma mchis shing / /mya ngan dang ni smre sngags ma mchis pa/ /zhi ba'i chos de bdag ni ston par shog /gang na 'dod chags zhe sdang ma mchis shing / /gti mug ma mchis sred pa ma mchis pa/ /bsil dngos bdud rtsi 'dus ma bgyis pa de/ /bdag ni byang chub sangs rgyas ston par shog /gang la khyod bzhugs sems can lha klu dang / /de bzhin mi dang sems med dngos po dang / /de ltar sems dang ldan pa rab 'dud pa/ /bdag ni zhi ba'i chos de ston par shog //gar gnas sangs rgyas zhing du snang ba dang / /phyogs bzhi dag na kun du snang ba dang / /mun pa chen por 'od zer phung lta bu'i/ /bsil dngos bdud rtsi de la reg par shog //'dod pa'i khams dang gzugs kyi khams dag dang / /de bzhin gzugs med khams la rtag mi gnas/ /dga' dang mi dga' thams cad rab dben ba'i/ /chos kyi dam pa de ni bdag ston shog //shA ri'i bu de nas khye'u sdom pa la gnas pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par</font><hr>80.157b<br><font size=+1>

'phags pa de la shing lham sar pa zung cig phul lo/ /phul nas kyang tshigs su bcad pa 'di dag gsol to/ /sems can rnams kyi gnas rten dang / /dpung gnyen mgon du gyur par shog //ngan pa'i lam du mi mchi zhing / /rtag tu lam rnams ston par shog //byis pa rnams kyi spyod yul 'di/ /'dod pa nam yang sten ma 'gyur/ 'dus byas dag kyang rnam spangs nas/ /rtag tu sangs rgyas 'byung rnyed gyur/ 'jig rten snang mdzad mthong nas kyang / /rkang gnyis dam pa mchod par gyur/ /srog chags kun la phan pa'i phyir/ /byang chub dam pa yongs su btsal/ /srog chags kun la phan pa'i phyir/ /me tog phreng ba spos rnams dang / /rgyal mtshan dag dang gdugs rnams kyis/ /glang po chen po bkur sti bgyi/ /srog chags kun la phan pa'i phyir/ /chos gos dag dang bsod snyoms dang / /mal stan rnams dang gding ba yis/ sangs rgyas rnams la mchod par bgyi/ /srog chags kun la phan pa'i phyir/ /rnga dang dung dang rnga chen dang / /sil snyan dag dang pi bang gis/ /'jig rten snang mdzad mchod par shog //bza' ba dang ni bca' ba dang / /dus kyis ma phye bza' ba rnams/ /de dag gis ni 'jig rten mgon/ /skyob pa bdag gis mchod pa bgyi/ /srog chags kun la phan pa'i phyir/ /mchod pa rgya chen bgyis gyur nas/ /de nyid du ni rab byung ste/ /tshangs par spyod pa bdag gis spyad/ /srog chags kun gyi mgon du</font><hr>80.158a<br><font size=+1>

bdag gyur cig //bdag ni lam gol nam yang 'gro ma gyur/ /yan lag brgyad ldan lam mchog rab gnas nas/ /bdag gis srog chags bye ba de nyid dgrol/ /dman la 'phags min mchog tu smad pa yi/ /'dod la bdag ni nam yang sten ma 'gyur/ /bag med thams cad yongs su spangs gyur nas/ /bdag ni rtag tu bag yod gyur par shog //mi khom brgyad lam nam yang skye ma 'gyur/ /rtag tu dad pa'i rigs su skyes gyur cing / /skyes par gyur nas mi mchog rnams mthong la/ mthong nas de la bdag ni dad par shog //'di 'dra'i ye shes de ni btsal ba'i phyir/ /dad pa'i sems kyis me tog phreng ba dang / /byug pa dag dang rdza rnga rnga chen dang / /rnga dang gling bu dag gis ri mor bgyi/ /bskal pa bye mang rnam pa sna tshogs kyi/ /mchod pa chen po dag ni bgyis gyur nas/ /myur du 'dod pa spangs te rab byung la/ /tshangs par spyod pa bdag ni spyod par shog //de dag sa phyogs gang du 'dug ste/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par 'phags pa'i rgyal po de la tshigs su bcad pa'i glu'i dbyangs kyis bstod pa'i sa phyogs der tsan dan dmar po las byas pa'i de bzhin gshegs pa'i gtsug lag khang rgyar dpag tshad bzhi/ /'phang du dpag tshad phyed pa byas te/ /de dag gis gtsug lag khang de byas nas de bzhin gshegs pa la phul lo/ /phul nas bcom ldan 'das de bzhin</font><hr>80.158b<br><font size=+1>

gshegs pa mngon par 'phags pa'i rgyal po la tshigs su bcad pa 'di dag gsol to/ /gnas pa gang la khyod ni bzhugs gyur pas/ /sngon gyi rgyal bas bzhi po gang bsngags pa/ /gnas pa de ni btsal bar bgyi ba'i phyir/ /gtsug lag khang 'di bde bar gshegs la 'bul/ /gnas pa dag ni gang la rtag bzhugs na/ /'das dang ma 'ongs da ltar byung ba yi/ /sems ni srog chags bye bas mi 'tshal ba'i/ /spyod pa de ni bdag gis btsal bar bgyi/ /spyod pa gang dag pha rol son pa ni/ /yang dag spong dang de bzhin rdzu 'phrul rkang / /mchog bzhi rnams kyi so sor yang dag rig //spyod pa de dag bdag gis btsal bar bgyi/ /de dag gis gtsug lag khang de nyid du bcom ldan 'das de bzhin gshegs pa mngon par 'phags pa'i rgyal po de dang / /dge slong gi dge 'dun du bcas pa la zla ba phyed kyi bar du sti stang du byed/ /bla mar byed/ /ri mor byed/ /mchod par byed de/ de dag gis gtsug lag khang der de bzhin gshegs pa dge slong gi dge 'dun du bcas pa la sti stang byas/ bla mar byas/ ri mor byas/ /mchod par byas nas/ /de bzhin gshegs pa de nyid kyi drung du skra dang kha spu brags nas gos ngur smrig bgos te/ dad pas khyim nas khyim med par rab tu byung nas dge ba'i chos tshol ba la brtson par gyur te/ /dge ba'i chos tshol ba la yid brtson par gyur to/ /de nas gcig gis smras pa/ /'jig rten mgon po 'od byed par/ /</font><hr>80.159a<br><font size=+1>

bdag ni dang por sngar gyur cig //gcig shos kyis smras pa/ /ded dpon mi yi gtso bor yang / /bdag ni dang por sngar gyur cig //de na shA ri'i bu gang sdom pa zhes bya ba'i byang chub sems dpa' sems dpa' chen po de bcom ldan 'das de bzhin gshegs pa mngon par 'phags pa'i rgyal po de'i spyan sngar 'dug nas yid dam bcas pa/ /stan dag la yang mi 'dug cing / /bdag ni mal du mi nyal lo/ /srog chags rnams kyi don 'tshal phyir/ /bdag gis byang chub lam btsal lo// /bdag nyid kyi yang lus dang ni/ /srog kyang yongs su spangs bgyis te/ /le lo dag ni kun spangs nas/ /byang chub dam pa btsal bar bgyi/ /sha rnams dang ni de bzhin khrag rnams dang / /lpags pa dang ni rgyus skams srog bor te/ /le lo thams cad yongs su spangs bgyis nas/ /byang chub mchog phyir brtson 'grus brtsam par bgyi/ /shA ri'i bu de nas byang chub sems dpa' sems dpa' chen po sdom pa la gnas pas byang chub sems dpa' sems dpa' chen po sdom pa la tshigs su bcad pa 'di dag smras so/ /bdag cag gnyis ni 'dus gyur nas/ /srog chags kun la phan pa'i phyir/ byang chub spyod pa rnams spyad cing / /brtson 'grus dam pa brtsam bar bya/ /lus rnams dang ni de bzhin srog bor te/ /sha dang khrag ni rtag tu skams gyur kyang / /srid pa stong du khyod kyi rjes slob cing / /byang chub mchog phyir brtson 'grus brtsam par bya/ /gang du</font><hr>80.159b<br><font size=+1>

chos kyi bdag po bzhugs mdzes pa/ /ye shes dam pa yongs su btsal bya zhing / /dgon pa'i gnas kyi ri dang chu drung du/ /the tshom med par brtson 'grus brtsam par bya/ shA ri'i bu de nas byang chub sems dpa' sdom pa dang / /sdom pa la gnas pa lo stong du len 'ga' yang tha na se gol gtogs pa srid du yang rmugs pa dang gnyid kyis non par ma gyur to/ /lo stong du lan 'ga' yang nyal lo snyam du nyal ba'i sems ma bskyed do/ /lo stong du lan 'ga' yang 'dug go snyam du stan 'dod par ma gyur to/ /de gnyis bshang ba dang / /gci ba'i tshe ma gtogs par lo stong du tha na lan 'ga' yang tsog tsog por ma 'dug go/ /nam kha zas za ba na yang 'greng bzhin du kham gsum gsum tsam za zhing chu phor gang tsam 'thung ngo / /de gnyis kyis lo stong du lan 'ga' yang kha zas 'dod pa 'am/ /bkres na myur du kha zas rnyed par dga' ba ma bskyed do/ /de gnyis kyis lo stong du lan 'ga' yang kha zas de las lhag par ma zos so/ /de gnyis kyis lo stong du kha zas za ba na lan 'ga' yang kha zas la mngar ba dang / skyur ba dang / bro ba dang / tsha ba dang / kha ba dang / bska bar tha na sems bskyed pa gcig tsam yang 'du shes ma bskyed do/ /de gnyis kyis lo stong du bsod snyoms sgrub pa la deng la bsod snyoms sbyin pa 'di bud med dam/ /skyes pa 'am/ khye'u 'am/ bu mo 'am/ su zhig ces lan 'ga' yang gdong du ma bltas so/ /de gnyis kyis lo stong du shing</font><hr>80.160a<br><font size=+1>

gang gi drung na gnas pa shing de la gyen du lan 'ga' yang ma bltas so/ /de gnyis kyis lo stong du lan 'ga' yang chos gos gnyis su ma brjes so/ /de gnyis kyis lo stong du lan 'ga' yang tha na sems bskyed pa gcig kyang 'dod pa'i rnam par rtog pa ma brtags/ /gnod sems kyi rnam par rtogs pa ma brtags/ 'tshe ba'i rnam par rtog pa ma brtags so/ /de gnyis kyis lo stong du lan 'ga' yang tha na sems bskyed pa gcig kyang zla ba la song ba 'am/ /nyi ma song ba 'am/ pha la song ba 'am/ ma la song ba 'am/ spun la song ba 'am/ sring mo la song ba 'am/ nye du la song pa'i rnam par rtog pa ma skyed do/ /de gnyis kyis lo stong 'das kyi bar du lan 'ga' yang tha na sems bskyed pa gcig kyang khyim la gnas pa'i rnam par rtog pa ma brtags so/ /de gnyis kyis lo stong du lan 'ga' yang zla ba 'am/ nyi ma 'am/ skar ma'i gzugs sam/ bar snang la gyen du ma bltas so/ /de gnyis kyis lo stong du lan 'ga' yang brtsig pa 'am/ /shing la ma bsnyes so/ /de gnyis kyis lo stong du lan 'ga' yang mar ram/ /'bru mar gyis lus ma bskus so/ /de gnyis kyis lo stong du lan 'ga' yang tha na sems bskyed pa gcig kyang mar dang ldan pa'i sems ma bskyed do/ /de gnyis kyis lan 'ga' yang tha na sems bskyed pa gcig kyang lus la skyo ba ma bskyed do/ /de gnyis kyis lo stong du lan 'ga' yang tha na sems bskyed</font><hr>80.160b<br><font size=+1>

pa gcig kyang bdag cag gis bla na med pa yang dag par rdzogs pa'i byang chub mngon par rdzogs par 'tshang rgya bar mi nus shes lus ngal ba ma bskyed do/ /de gnyis lo stong du lan 'ga' yang lus na pa 'am/ /sems na par ma gyur to/ /de dag gis lo stong 'das kyi bar du nam yang skra breg par sems ma bskyed do/ /gzhan du na rgyal po chen po bzhi 'ongs nas mgo la byugs te skra khyer nas phyir 'dong ngo / /de dag skra khyer nas mchod rten btsugs so/ /de dag gis lo stong gi bar du rgyal po chen po de dag 'ongs pa dang / /song pa la nam yang 'ong ba dang / /'gro ba'i sems ma bskyed do/ /de gnyis kyis lo stong du grib ma bab pa na nyi ma dang / /nyi mas phog na grib ma'i sems ma bskyed do/ /de gnyis kyis lo stong du grang ba'i dus na yang lan 'ga' yang lus la g.yog pa'i 'du shes ma bskyed do/ /de gnyis kyis lo stong du lan 'ga' yang 'jig rten gyi tshig ma smras so/ /yang shA ri'i bu de'i dus na dran pa rmongs byed ces bya ba'i bdud gcig byung ste/ 'di lta ste/ dper na da ltar gyi nga'i bdud sdig can bzhin no/ /shA ri'i bu bdud dran pa rmongs byed kyis byang chub sems dpa' sdom pa'i 'chag sar ral gri'i so gtams pa byas par gyur pa dang / /des ral gri'i so de la ral gri'i sor 'du shes bskyed nas des bdag ni bag med pa la gnas so/ /bdag ni bag med pa la gnas so zhes sgra phyung ba dang / /sgra des stong gsum</font><hr>80.161a<br><font size=+1>

gyi stong chen po'i 'jig rten gyi khams dbyangs kyis go bar gyur to/ /de ltar shA ri'i bu stong gsum gyi stong chen po'i 'jig rten gyi khams dbyangs kyis go bar byas pa dang / /de nas steng gi bar snang las bdud kyi ris kyi lha bye ba brgya phrag stong gis kye ma'o/ /byang chub sems dpa' shi 'phos su ma gyur to/ /shi 'phos su ma gyur to/ /zhes sgra phyung ngo / /shA ri'i bu de nas byang chub sems dpa' sdom pa de ltar 'chag pas sems bskyed pa de'i rjes su zhugs te/ /yang shA ri'i bu lha dang bcas pa'i sgra gnyis pa phyung ba de byang chub sems dpa' sdom pas ma thos so/ /gang lha'i sgra dang / /gang sdom pa'i sgra de gnyis kyang byang chub sems dpa' sdom pa la gnas pas ma thos te shA ri'i bu skyes bu dam pa de gnyis spyod lam de lta bu dang / /spyod pa de lta bu dang / /nan tan de lta bu dang / /snying rje chen po de lta bu dang / rtul ba de lta bu dang ldan par gyur te/ /de gnyis kyis lo stong du sangs rgyas rjes su dran pa bsgoms so/ /gang gi tshe bcom ldan 'das de bzhin gshegs pa mngon par 'phags pa'i rgyal po yongs su mya ngan las 'das pa dang / /de nas lha zhig 'ongs nas rigs kyi bu dag de bzhin gshegs pa yongs su mya ngan las 'das so zhes sbran te/ /de gnyis kyis yongs su mya ngan las 'das so zhes thos nas bcom ldan 'das de'i khri gang na yod pa der song ste/ /'greng bzhin du thal mo sbyar nas nyi ma bdun gyi bar du mig mi 'dzums par lta ste/ /byams pa dang ldan</font><hr>80.161b<br><font size=+1>

zhing 'gran zla med pas gus pas rjes su dran par byas te/ /de dag gis brtson 'grus ma btang pas 'greng bzhin du 'chi ba'i dus byas so/ /de dag de nas shi 'phos nas tshangs pa'i 'jig rten du skyes so/ /de gnyis tshangs par gyur nas slar log ste/ /de bzhin gshegs pa dgra bcom pa yang dag par rdzogs pa'i sangs rgyas de'i mchod rten byas nas lo bzhi khri'i bar du mchod rten gyi yo byad kyi las byas so/ /de gnyis kyis de bzhin gshegs pa'i mchod rten gyi gdugs btsugs zin par shes nas lo bdun khri'i bar du 'greng bzhin du thal mo sbyar te gnas nas de bzhin gshegs pa'i mchod rten de la phyag byed do/ /de dag tshe'i mthar phyin te shi 'phos nas yang 'dzam bu gling nyid du skyes te/ /'khor los sgyur ba'i rigs su ma'i mngal du mtshe mar skyes so/ /de gnyis skyes ma thag tu gcig gis gcig dran nas bdag cag bag yod pa la gnas par bya'o/ /bdag cag bag yod pa'i mchog bsgom par bya'o zhes smras nas de'i tshe tshigs su bcad pa 'di dag smras so/ /'byor dang rgyas shing rtag tu lo legs pa'i/ /yid 'ong rgyal po'i rigs su bdag cag skyes/ /bag med rgyags pa rab tu spang bya ste/ /byang chub dam pa rab tu bsgrub par bya/ /'dod dang longs spyod de bzhin rgyal po'i srid/ /yid brtan mi rung ring por mi thogs te/ /byang chub dam pa yongs su tshol ba na/ /mkhas pa de la 'dod pa mi skyed do/ /srog chags phan</font><hr>80.162a<br><font size=+1>

phyir byang chub gang zhugs pa/ /'dod dang longs spyod la ni 'dod mi skyed/ /myur du 'dod pa spangs shing rab byung nas/ /tshangs par spyod pa dam pa mchog spyad do/ /sngon 'das dus ni shin du rgyas pa nas/ /lha rdzas dag dang mi yi bzang po dang / /'dod pa'i yon tan lnga dag bsten gyur kyang / /de la nam yang ngoms pa ma rnyed do/ /de phyir rgyal srid rgyas dang gnyen tshogs dang / /'dod pa'i yon tan 'di dag spang bya ste/ /lus skyes nas ni myur du rab byung la/ /byang chub phyir ni brtson 'grus brtsam par bya/ /de gnyis skyes nas lo bcu drug lon pa dang 'dra bar gyur nas skra dang kha spu bregs te gos ngur smrig bgos nas dad pas khyim nas khyim med par rab tu byung ste/ /lo nyi khri'i bar du tshangs par spyod pa spyad do/ /de nas shi 'phos nas slar yang tshangs pa'i 'jig rten du skyes so/ /tshangs pa'i 'jig rten nas shi 'phos nas slar yang 'dzam bu gling du skyes so/ /yang shA ri'i bu de'i dus na de bzhin gshegs pa dgra bcom pa yang dag par rdzogs pa'i sangs rgyas dri mchog ces bya ba rig pa dang zhabs su ldan pa/ /bde bar gshegs pa/ /'jig rten mkhyen pa/ /skyes bu 'dul ba'i kha lo sgyur ba bla na med pa/ /lha dang mi rnams kyi ston pa/ /sangs rgyas bcom ldan 'das 'jig rten du byung ste/ /de bzhin gshegs pa de de gnyis kyis mnyes par byas te/ /de gnyis de bzhin gshegs pa de'i drung du skra dang kha spu bregs nas gos</font><hr>80.162b<br><font size=+1>

ngur smrig bgos te/ /dad pas khyim nas khyim med par rab tu byung ngo / /de gnyis rab tu byung nas lo bye ba tshang bar tshangs par spyod pa spyad do/ /shA ri'i bu rnam grangs des sangs rgyas khri mnyes par byas te/ /byang chub sems dpa' sdom pas thams cad du tshangs par spyod pa spyad do/ /byang chub sems dpa' sdom pa la gnas pas ni de bzhin gshegs pa gcig gi drung du tshangs par spyod pa spyad do/ /de la shA ri'i bu gang byang chub sems dpa' sdom pa zhes bya ba de sngar bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa dgra bcom pa yang dag par rdzogs pa'i sangs rgyas brtson 'grus 'bar ba zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das 'jig rten du byung ste/ /de lo bye ba phrag dgu bcu'i bar du gnas so/ /de'i nyan thos kyang bye ba khrag khrig phrag dgu bcu'i nyan thos kyi 'dus pa chen po byung ngo / /shA ri'i bu de la gang byang chub sems dpa' sdom pa la gnas shes bya ba de ni bcom ldan 'das de bzhin gshegs pa brtson 'grus 'bar ba byang chub thob pa de'i 'khor los sgyur ba'i rgyal por gyur te/ /des de bzhin gshegs pa de dang / /dge slong gi dge 'dun du bcas pa la zla ba gsum gyi bar du na bza' dang / bsod snyoms dang / mal stan dang / na pa'i</font><hr>80.163a<br><font size=+1>

gsos sman dang / /yo byad nams kyis sti stang du byas/ bla mar byas/ ri mor byas/ mchod par byas so/ /de nas shA ri'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas brtson 'grus 'bar ba des rgyal po de 'ongs par mkhyen nas rgyal po la bskul ba'i phyir de'i tshe tshigs su bcad pa 'di dag gsungs so/ /sangs rgyas chos rnams thob pa la/ /brtson 'grus dam pa mchog yin te/ /'dod la brkam pa'i sems can rnams/ /sems can don byed shin du dkon/ /'dod la brkam pa'i don rnams gang / /de ni mkhas pa'i don ma yin/ /khyod ni don med gnas pa ste/ /mchog gi don ni tshol ma yin/ /nga nyid dang ni khyod nyid du/ /sngon ni spun du gyur ba ste/ /rdzogs pa'i sangs rgyas myur grub ces/ /de na bdag cag dam bcas so/ /ngas ni byang chub thob gyur te/ /tshangs pa'i 'khor lo bskor ba ltos/ /khyod ni khyim dang chung ma dag //rtag tu srung zhing gnas pa yin/ /mkhas pa rnams ni 'di la yid mi rton/ /'dod pa 'di dag ngan ces rgyal bas gsungs/ /skye bo dag ni bag med don spyod de/ /de phyir don min rtag tu rnam par spongs/ /blo gros ngan pa don med khur khyer te/ /khyod ni don med pa la rab tu gnas/ /'phags pa dag gis 'byung ba rab tu bsngags/ /'dod yon sdug bsngal 'thob byed mi shes so/ /bcom ldan 'das des tshigs su bcad pa de dag gis de bskul ba dang / </font><hr>80.163b<br><font size=+1>

de bu la ma bltas/ chung ma la yang ma bltas/ /tshong dpon dang / blon po dang / pha dang ma dang / mkhar gyi rgyal po dang / grong rdal dang / ljongs dang / rgyal srid thams cad la yang ma bltas/ nor gyi phung po thams cad la yang ma chags par stan las langs te/ bcom ldan 'das de'i spyan sngar 'dug nas de'i tshe tshigs su bcad pa 'di dag smras so/ /sangs rgyas kyi ni byang chub phyir /bdag gi sha yang skams par bgyi/ /khyim kun kyang ni spang bar bgyi/ /dgon par mchis nas 'gum par bgyi/ /srog chags kun la phan pa'i phyir/ /khyim med par ni rab byung nas/ /dgon pa rab dgon sten bgyid cing / /phyir yang brtson 'grus brtsam par bgyi/ /byis pa smra ba sdig pa yi/ /'dod pa'i phyir yang mi sten te/ /de la gnas par gyur pas na/ bdag ni rgyab kyis phyogs par gyur/ /'dod dang longs spyod rgyal srid dang / /thams cad rnam par spangs gyur te/ /'jig rten mgon gyi bstan pa la/ /deng nyid bdag ni rab tu byung / /byang chub phyir ni spyad pa spyod byed na/ /mkhas pas su zhig 'dus byas yid rton byed/ /gang du bdag ni 'dod la zhugs gyur pas/ /brtson 'grus brtsams kyang byang chub reg ma gyur/ /de bas 'dod pa'i yon tan bdag spangs te/ longs spyod bde dang rgyal srid bde spangs nas/ /rgyal ba'i bstan la ched du rab byung la/ /byang chub mchog phyir brtson 'grus brtsam par bgyi/ des tshigs su bcad pa de dag</font><hr>80.164a<br><font size=+1>

smras nas bcom ldan 'das de nyid kyi drung du skra dang kha spu bregs te/ /gos ngur smrig bgos nas dad pas khyim nas khyim med par rab tu byung ngo / /rgyal po mngon par byung zhing rab tu byung bar shes nas srog chags bye ba khrag khrig brgya stong phrag drug bcu dad pas khyim nas khyim med par rab tu byung ngo / /des bcom ldan 'das yongs su mya ngan las 'das pa'i ring bsrel la mchod pa byas nas de nas shi 'phos ma thag tu dga' ldan gyi ris kyi lha'i rgyal por skyes so/ /de dga' ldan gyi lha'i ris nas shi 'phos nas bskal pa de nyid la bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa dgra bcom pa yang dag par rdzogs pa'i sangs rgyas legs spyod ces bya ba 'jig rten du byung ste/ /rig pa dang zhabs su ldan pa/ /sangs rgyas bcom ldan 'das shes bya ba'i bar du ste/ de lo bye ba tshang bar gnas so/ /de'i nyan thos kyang bye ba khrag khrig tshang ba'i nyan thos chen po 'dus par gyur te/ /thams cad kyang dgra bcom pa/ /zag pa zad pa nas sems kyi dbang thams cad kyi dam pa'i pha rol du son pa sha stag gi bar du'o/ /byang chub sems dpa' sems dpa' chen po brgya phrag stong yang bla na med pa yang dag par rdzogs pa'i byang chub las phyir mi ldog pa'i bar du bkod do/ /chos bstan nas sems can tshad med grangs med pa'i don byas te/ yongs su mya ngan las 'das so/ /de yongs su mya</font><hr>80.164b<br><font size=+1>

ngan las 'das pa'i dam pa'i chos ni bskal pa las lhag par gnas par gyur to/ /de'i ring bsrel yang rgyas par gyur te/ /'di lta ste dper na nga da yongs su mya ngan las 'das nas ring srel rgyas par 'gyur ba bzhin no/ /shA ri'i bu byang chub sems dpa' sdom pa dang / /byang chub sems dpa' sdom pa la gnas pa'i rjes su byang chub sems dpa' bslab cing brtson 'grus ma nyams par brtson 'grus kyi pha rol du phyin pa spyad par bya ba'i sems can keng rus la gnas pa dang / /ser sna la gnas pa dag gi rjes su bslab par mi bya'o/ /shA ri'i bu byang chub sems dpa' gang la la byang chub 'dod la gzhan gyi khyim la ser sna skyed na/ /de'i tshe de la 'jigs pa gsum 'byung bar shes par bya'o/ /gsum gang zhe na/ gzhan gyi khyim dag tu kha zas kyi phyir smra/ /kun du smra ba'i phyir 'phags pa'i dge slong gzhan mthong na/ /phrag dog dang / ser sna skyed cing / khong khro ba'i sems gcig tsam gyis kyang mi mthun par byed na des sems can dmyal ba'i lam yongs su gzung bar 'gyur/ /dmus long gi sa bon btab par 'gyur/ /mtha' 'khob du skye ba'i gnas yongs su bzung bar 'gyur ro/ /shA ri'i bu gang la las 'phags pa'i dge slong mthong na khro ba'i zil gyis non te/ /khro ba'i sems kyis mi smra zhing ser sna skyed de/ /khong khro ba'i sems gcig tsam gyis kyang mi mthun par byed na/ /des sems can dmyal</font><hr>80.165a<br><font size=+1>

ba'i lam yongs su bzung bar 'gyur/ /dmus long gis sa bon btab par 'gyur/ /mir skyes na yang mtha' 'khob kyi mi'i yul phyogs su skye ba'i gnas yongs su bzung bar 'gyur/ /khong khro ba mang bar 'gyur/ dmus long du 'gyur/ /gzhan gyi dring 'jog cing skur pa mang bar 'gyur ro/ /shA ri'i bu gang gi tshe byang chub sems dpa' gzhan gyi khyim la phrag dog dang / ser sna skye ba de'i tshe de dag 'jigs pa 'di gsum yid la bya'o/ /de skad ces bka' stsal nas bcom ldan 'das la/ tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po de dag la de ltar rnyed pa legs par rnyed do/ /de bzhin gshegs pas khyim gyi ser sna las byung ba 'di lta bu bshad pa ngo mtshar to/ /bcom ldan 'das bdag cag nyan thos rnams la yang khyim gyi ser sna las 'byung ba legs par rab tu bshad du gsol/ /bcom ldan 'das bdag cag kyang sems can dmyal ba las thar bar 'tshal ba lags kyi bdag cag dmus long 'tshal ba ma lags so/ /bdag cag gtsug ma mchis pa'i 'khon mi 'tshal te/ /bdag cag kyang skur pa 'debs par 'tshal ba ma lags so/ /bdag cag mtha' 'khob kyi gnas 'tshal ba ma lags so/ /bcom ldan 'das bdag cag ni yul gyi dbus kyi phyogs 'tshal te/ /bdag cag gis de bzhin gshegs pa dang / /chos mnyan pa yongs su ma btang</font><hr>80.165b<br><font size=+1>

ngo / /de skad ces gsol nas/ /bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu khyod 'di ltar gnas zhing drang bar gyur te/ /gang khyod de bzhin gshegs pa la don 'di 'dri bar sems pa ni legs so/ /legs so/ /ngo mtshar to/ /de bas na shA ri'i bu gang 'jig rten na sangs rgyas kyi bslab pa la slob par 'dod pa de dag gi phyir bshad par bya'o/ /de ci'i phyir zhe na/ shA ri'i bu sangs rgyas kyi bslab pa slob par 'dod pa de dag gi mdun du bshad par bya'o/ /de ci'i phyir zhe na/ /shA ri'i bu ma bslabs na 'thab pa'i rtsa ba rtsod par 'gyur ro/ /shA ri'i bu byang chub sems dpa' ni dad pa dang dang ba mang zhing sems can rnams kyi skyabs kyi phyir yun ring por lta ba dang / dus ring por lta bar 'gyur zhing de bzhin gshegs pa'i drung du song nas yongs su dri bar byed de des 'di lta bu'i chos 'di thos nas dga' ba dang / /dad pa dang mchog tu dga' ba rgya chen po thob par 'gyur te/ nan tan gyis kyang sgrub mod kyi/ /shA ri'i bu gang lhag pa'i bsam pas yongs su mya ngan las 'das pa 'dod pa'i sems can de dag ni nyung bar 'gyur te/ /phal cher dngos po gsum la gnas so/ /gsum gang zhe na/ rnyed pa dang / bkur sti dang / tshigs su bcad pa tshol ba dang / /mdza' bo'i khyim dang / slong ba'i khyim tshol ba dang / /gnas yongs su 'dzin pa'i phyug pa tshol te/ /dngos po gsum po 'di dag</font><hr>80.166a<br><font size=+1>

la gnas so/ /de bas na gang dngos po 'di gsum la gnas pa de dag ni ngan song gsum las yongs su mi thar to/ /de dag sems can dmyal ba las thar pa dang / /dud 'gro'i skye gnas dang / /gshin rje'i 'jig rten las thar par bya ba la spro ba chung zhing de dag mtho ris zad par 'gyur ba dang / gleng ba dang / 'thab pa dang / rtsod pa dang / 'breg pa dang / 'gyed pa la brtson zhing lta bar 'gyur ro/ /de dag ma dad par gyur pas mdza' ba mang por yongs su zin nas dgon par gnas pa spong ba rjes su 'thob par 'gyur te/ de dag la khyim pa dag tshe dang ldan pa khyod nged kyi gnas dang nye bar gnas par gyis shig dang / /nged kyis chos gos dang / bsod snyoms dang / mal stan dang / na pa'i gsos sman dang / yo byad kyis bsnyen bkur bya'o/ /tshe dang ldan pa dgon pa la gnas na nged kyis kyang khyod mi mthong / khyod kyis kyang nged mi mthong zhes de skad zer zhing de dag phan tshun smra ba mang bas gnas la chags nas mngon par dgal ba skyed de/ de dag gnas la sred pa skyed par 'gyur/ ring du gnas par 'gyur/ /mdza' bo'i khyim dang / /slong ba'i sbyin pa'i khyim mang bar 'gyur te/ /de dag phyi phyir zhing mthong na gcig la gcig sred par 'gyur te/ de la gang dge slong thor bur 'ongs pa de dag la bsngags pa ma yin pa smra bar 'gyur te/ /mang du thos pa ma yin no/ /rgyun du zhugs pa ma yin no zhes smra bar byed/ /lan cig phyir 'ong</font><hr>80.166b<br><font size=+1>

ba ma yin no zhes smra bar byed/ /dgra bcom pa ma yin no zhes smra bar byed de/ /gzhan la bsngags pa ma yin pa brjod par bya ba la spro bar byed do/ /shA ri'i bu de la khyim pa de dag gang dge slong thur bur 'ongs pa de dag ni bdag cag gi drung na yung ring du gnas pa ma yin gyi/ /gang dge slong 'khod pa dag ni bdag cag gcig gi gcig don gyi pho nya yin no zhes de snyam du sems te/ /de dag gcig la gcig ser sna byed par 'gyur ro/ /shA ri'i bu de la kha cig ni chos 'di lta bur khong du chud par ma gyur/ khong du ma chud/ khong du chud par mi 'gyur te/ de dag thams cad mdo sde 'di lta bu dag spong bar gyur/ /spong bar byed/ spong bar 'gyur ro/ /yang shA ri'i bu de bzhin gshegs pas gsungs pa'i mdo sde 'di lta bu'i tshig dang 'bru'i rnam grangs thos nas thos ma thag tu mos par mi byed kyi sems can gang ngan song du 'gro ba'i sems can de lta bu dag ni smod par byed par 'gyur ro/ /shA ri'i bu de la byang chub sems dpa' brtson 'grus ma nyams pa ni ser sna dang / /phrag dog gi gzhi 'di lta bu ngan song du 'gro ba'i las thos nas khyim gyi ser sna ma byas pa yang mi byed/ khyim gyi ser sna byas pa yang 'chags par 'gyur ro/ /shA ri'i bu de ltar na byang chub sems dpa' brtson 'grus ma nyams pa brtson 'grus kyi pha rol du phyin pa la spyod do/ /gzhan yang shA ri'i bu brtson 'grus ma nyams pa'i byang chub sems dpa' brtson 'grus kyi pha rol du phyin pa la spyod pa na sems can thams cad la nad par 'du shes bskyed de/ /sems</font><hr>80.167a<br><font size=+1>

can de dag thams cad ni gdung ba'i nad 'di gsum gyis rtag tu gdungs so/ /gsum gang zhe na/ 'di lta ste/ 'dod chags kyi gdung ba dang / zhe sdang gi gdung ba dang / gti mug gi gdung ba'o/ /sman dang rtsis bsku ba'i sbyor ba gang gis sems can rnams kyi 'dod chags rab tu zhi bar 'gyur ba dang / /zhe sdang rab tu zhi bar 'gyur ba dang / gti mug rab tu zhi bar 'gyur ba de 'dra ba'i chos kyi sman dang / rtsis bsku ba'i sbyor ba bdag gis bsdu bar bya'o zhes de ltar sems shing de chos kyi sman dang / rtsis bsku ba'i sbyor ba gang gis sems can rnams kyi 'dod chags rab tu zhi bar 'gyur ba dang / /zhe sdang rab tu zhi bar 'gyur ba dang / /gti mug rab tu zhi bar 'gyur ba de 'dra ba'i chos kyi sman dang / rtsis bsku ba'i sbyin pa sdud par byed do/ /de ni byang chub sems dpa' brtson 'grus ma nyams pa/ /brtson 'grus kyi pha rol du phyin pa la spyod do/ /de ci'i phyir zhe na/ shA ri'i bu sems can thams cad ni gdung ba'i nad gsum gyis rtag tu gdungs nas na pa ste/ 'di lta ste/ 'dod chags kyi gdung ba dang / zhe sdang gi gdung ba dang / gti mug gi gdung ba'o/ /sems can gang sems can dmyal bar skye ba de dag kyang gdung ba 'di gsum gyis rtag tu gdungs te/ 'dod chags kyi gdung ba dang / zhe sdang gi gdung ba dang / gti mug gi gdung ba'o/ /gang dud 'gro'i skye gnas pa dang / gang gshin rje'i 'jig rten pa dang / gang mi'i 'jig rten pa dang / gang lhar skyes pa'i sems can de dag kyang 'dod chags</font><hr>80.167b<br><font size=+1>

kyis gdung ba dang / zhe sdang gi gdung ba dang / gti mug gis gdung ba 'di gsum gyis rtag tu gdungs te/ gang sems can de dag gi sman pa gso bar byed pa de dag kyang 'dod chags kyi gdung ba dang / zhe sdang gi gdung ba dang / gti mug gi gdung ba'i gdung ba 'di gsum gyis rtag tu gdungs te/ /de la sman pa gzhan dang / sman gzhan bsku ba'i sbyor bas sems can de dag gi 'dod chags kyi gdung ba dang / zhe sdang gi gdung ba dang / gti mug gi gdung ba rab tu zhi bar bya mi nus kyi/ gzhan du na de bzhin gshegs pa bla na med pa'i sman pa'i rgyal po chen po dang / byang chub sems dpa' sems dpa' chen po chos kyi sku thob pas bdag nyid sman du gyur par byin gyis brlabs nas sems can de dag gi 'dod chags kyi gdung ba dang / zhe sdang gi gdung ba dang / gti mug gi gdung ba rab tu zhi bar byed nus so/ /de bas na shA ri'i bu rnam grangs des kyang 'di ltar rig par bya ste/ gang sman pa phal dang / sman gyis bsku ba'i sbyor ba phal gyis sems can de dag gi 'dod chags kyi gdung ba dang / zhe sdang gi gdung ba dang / gti mug gi gdung ba rab tu zhi bar nus par sla ba ma yin gyi/ gzhan du na de bzhin gshegs pa bla na med pa'i sman pa'i rgyal po chen po dang / byang chub sems dpa' sems dpa' chen po chos kyi sku thob pas sems can de dag gi 'dod chags kyi gdung ba dang / zhe sdang gi gdung ba dang / gti mug gi gdung ba rab tu zhi bar nus par rig par bya'o/ /shA ri'i bu de ji snyam</font><hr>80.168a<br><font size=+1>

du sems/ sems can kyi khams rab tu mang ngam gsol pa/ ji ltar bcom ldan 'das kyis gsungs pa'i don gis 'tshal te/ sems can gyi khams ni rab tu mang gi/ /sa'i khams ni de lta ma lags so/ /chu'i khams ni de lta ma lags / /me'i khams ni de lta ma lags/ /rlung gi khams ni de lta ma lags so// bka' stsal pa/ de de bzhin no/ /shA ri'i bu de de bzhin te/ shA ri'i bu sems can gyi khams ni rab tu mang gi/ sa'i khams ni de lta ma yin/ chu'i khams ni de lta ma yin/ me'i khams ni de lta ma yin/ rlung gi khams ni de lta ma yin no/ /yang shA ri'i bu sems can skal pa mnyam par gyur ba 'di las phyi rol gyi drang song gi lha'i mig la snang bar ma gyur pa/ nyan thos dang / rang sangs rgyas kyi lha'i mig la snang bar ma gyur pa yod do/ /shA ri'i bu gang shing rta'i 'khor lo tsam gyi khyon la de bzhin gshegs pa lha'i spyan la snang bar gyur pa de ni rab tu mang ste/ stong gsum gyi stong chen po'i 'jig rten gyi khams kyi lha dang mir bcas pa'i skye dgu ni de lta ma yin te/ de ltar sems can gyi khams dpag tu med do/ /shA ri'i bu ji tsam du stong gsum gyi stong chen po'i 'jig rten gyi khams kyi sems can sgong nga las skyes pa 'am/ mngal nas skye ba 'am/ drod gsher las skye ba 'am/ rdzus te skye ba 'am/ gzugs can nam/ gzugs med pa 'am/ 'du shes can nam/ 'du shes med pa 'am/ 'du shes med 'du shes med min nam</font><hr>80.168b<br><font size=+1>

snang ba 'am/ mi snang ba 'am/ ji tsam sems can kyi khams su btags pa de dag thams cad yongs su brtag pa bzung ste/ skad cig thang cig yud tsam cig la snga phyi med par mi'i lus thob par gyur la/ /de dag thams cad mir gyur nas kyang sman par gyur te/ tshe'i tshad kyang bskal par gnas par gyur nas yongs su brtag pa bzung ste/ slob dpon khams gso ba la mkhas pa 'di lta ste/ /shA ri'i bu da ltar gyi sman pa'i rgyal po gso byed lta bu de dag thams cad 'dus nas sems can gcig gi 'dod chags kyi gdung ba rab tu zhi bar bya ba dang / zhe sdang gi gdung ba dang / gti mug gi gdung ba rab tu zhi bar bya ba'i phyir 'bad cing sman pa re res kyang bsil ba'i yan lag gi sman ri rab tsam gyi phung po bsdus nas de dag thams cad sems can gcig gi 'dod chags kyi gdung ba rab tu zhi bar bya ba'i phyir bsil ba'i yan lag gi phung po btags te/ bskus par gyur kyang shA ri'i bu sman pa tshe'i tshad bskal par gnas pa thams cad skyo bar gyur la/ bsil ba'i yan lag gi sman gyi phung po de dag thams cad yongs su 'gribs shing zad par gyur kyang sems can gcig gi 'dod chags kyi gdung ba dang / zhe sdang gi gdung ba dang / gti mug gi gdung ba de rab tu zhi bar mi nus kyi/ de ltar de bzhin gshegs pas mi sdug pa'i chos kyi sman dang / rtsis bsku ba'i sbyor bas ni sems can du ma sems can brgya phrag du ma/ sems can stong phrag du ma/ sems can brgya stong phrag du ma/ sems can bye ba khrag khrig</font><hr>80.169a<br><font size=+1>

brgya phrag stong du ma/ sems can khrag khrig dkrigs phrag du ma/ sems can gtams phrag du ma nas brjod du med pa'i yang brjod du med pa'i bar gyi sems can rnams kyi 'dod chags kyi gdung ba mi sdug pa'i sman dang / rtsis bsku ba'i sbyor bas rab tu zhi bar byed do/ /byams pa'i chos kyi sman dang / rtsis bsku ba'i sbyor bas sems can du ma'i zhe sdang gi gdung ba rab tu zhi bar byed do/ /brjod du med pa'i yang brjod du med pa'i bar gyi sems can rnams kyi zhe sdang gi gdung ba rab tu zhi bar byed do/ /rten cing 'brel bar 'byung ba'i sman dang / rtsis bsku ba'i sbyor bas sems can du ma'i gti mug gi gdung ba rab tu zhi bar byed de/ brjod du med pa'i yang brjod du med pa'i bar gyi sems can rnams kyi gti mug gi gdung ba rab tu zhi bar byed do/ /byang chub sems dpa' sems dpa' chen po chos kyi sku thob pas kyang bdag nyid chos kyi sman du gyur par byin gyis brlabs nas sems can du ma'i 'dod chags kyi gdung ba rab du zhi bar byed/ zhe sdang gi gdung ba rab tu zhi bar byed/ gti mug gi gdung ba rab tu zhi bar byed do/ /sems can brjod du med pa'i yang brjod du med pa'i bar gyi 'dod chags dang / zhe sdang dang / gti mug gi gdung ba rab tu zhi bar byed do/ /de bas na shA ri'i bu rnam grangs 'dis kyang 'di ltar rig par bya ste/ byang chub sems dpa' sems dpa' chen po gang chos kyi sku la gnas nas bdag nyid chos kyi sman du gyur par byin gyis brlabs nas sems can du ma nas sems can brjod du med pa'i yang brjod du med pa'i bar</font><hr>80.169b<br><font size=+1>

gyi 'dod chags kyi gdung ba rab tu zhi bar byed/ zhe sdang gi gdung ba rab tu zhi bar byed/ gti mug gi gdung ba rab tu zhi bar byed do/ /shA ri'i bu ngas mngon par shes pa bskal pa grangs med pa de'i pha rol gyi yang ches pha rol na/ /de bzhin gshegs pa mar me mdzad ces bya ba 'jig rten du byung ste/ /sangs rgyas bcom ldan 'das shes bya ba'i bar du'o/ /'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad des/ /nga la gzhon nu khyod ma 'ongs pa'i dus bskal pa grangs med pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan to/ /yang shA ri'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis lung bstan ma thag tu ngas chos kyi sku thob par gyur te/ nga chos kyi sku dang ldan par gyur nas/ mar me mdzad kyi 'og tu lha'i dbang po brgya byin mig mdzes shes bya ba sum bcu rtsa gsum pa rnams kyi bdag po rdzu 'phrul che ba/ mthu che ba/ dbang che bar grags par gyur to/ /yang de'i tshe 'dzam bu gling 'dir grong khyer chen po brgyad khri bzhi stong phrag bzhi byung ngo / /grong dang tshong 'dus dang / ri khrod stong phrag mang po byung ste/ grong khyer chen po dang / tshong 'dus dang / ri khrod stong phrag mang po de dag thams cad kyang srog chags bye ba khrag khrig brgya phrag stong mang pos gang bar gyur to/ /</font><hr>80.170a<br><font size=+1>

yang de'i tshe nad chen po'i bskal pa bar ma byung ste/ sems can phal cher lus rma can du gyur te/ lus rul ba dang / lba ba dang / 'bras dang / me dbal dang / g.yan pa dang / rlung dang / mkhris pa dang / bad kan gyis rgyas par gyur to/ /de na sman pa brgya stong phrag mang po sems can de dag gi nad rab du zhi bar bya ba la brtson par byed do/ /shA ri'i bu de nas sems can de dag gso ba ma rnyed de/ /mgon med skyabs med nas sgra chen po phyung ba/ /lha dag dang ni klu rnams dang / gnod sbyin dri za srin po dang / /mi dang mi ma yin pa dag /bdag cag nad las thar byed gang / bdag cag sdug bsngal thar byed la/ nor rnams thams cad sbyin par bya/ de yi bka' yi rjes su 'jug /byas pa dag kyang gzo bar bya// // bam po bcwa lnga pa/ yang shA ri'i bu ngas mi'i las 'das pa'i lha'i mig rnam par dag pas sems can de dag nad kyis gzir te/ /de dag phal cher lus rma can du gyur te/ lus rul ba dang / lba ba dang / 'bras dang / me dbal dang / g.yan pa dang / rlung dang / mkhris pa dang / bad kan gyis rgyas pa mthong / mi'i las 'das pa lha'i rna ba rnam par dag pas sems can de dag gis sgra cher phyung ba thos te/ mthong zhing thos nas sems can de dag la snying rje chen po skyes te/ de dag la ngas 'di snyam du bsams so/ /de sems can 'di dag gi gnas su gyur cig /sems can skyabs med pa rnams kyi skyabs su gyur cig /sems can rten med pa rnams kyi rten du gyur cig /sems can gso ba med pa rnams kyi gso ba sbyar bar bya'o/ /snyam ste/ shA ri'i bu ngas brgya byin gyi lus chen po</font><hr>80.170b<br><font size=+1>

mi snang bar byas nas grong khyer chen po ku ru nas shin du mi ring ba zhig tu nges pa zhes bya ba'i srog chags zhig tu brdzus te skyes nas steng gi bar snang la 'dug ste/ 'dzam bu'i gling gi skye bo'i tshogs thams cad la tshigs su bcad pa 'di dag gis bskul to/ /grong khyer ku ru nas mi ring na/ /des pa zhes bya'i srog chags rnam pa yod/ gang dag de yi sha la yongs za ba/ /de kun nad las yongs su thar par 'gyur/ /'jigs shing skrag pa dag tu ma byed par/ /de yi sha ni ji ltar 'dod dgar long / /de ni gnod par mi sems khro gshe med/ /de ni 'dzam bu'i gling gi rtsi yin no/ /de ltar shA ri'i bu grong khyer chen po brgyad khri bzhi stong phrag bzhi po de dag dang / grong dang / /grong khyer dang / tshong 'dus dang / ri khrod stong po de dag na sems can na pa ji snyed yod pa de dag thams cad kyis sgra de thos nas grong khyer chen po ku ru zhes bya ba ga la ba dang / srog chags kyi rnam pa des pa gang na yod pa der song ste/ /phyin nas srog chags des pa zhes bya ba'i lus las sha bcad cing bcad cing khyer yang de'i lus las sha yongs su zad par ma gyur te/ /de'i tshe tshigs su bcad pa 'di byung ngo / /gang phyir bden pas byang chub reg 'gyur zhing / ye shes phung po de zad mi 'gyur te/ /nga yi tshig de bden par 'gyur zhe na/ /lus la sha ni nam yang zad ma gyur/ de ltar shA ri'i bu 'dzam bu'i gling kun gyi skye bo'i tshogs thams cad kyis des pa zhes bya ba'i srog chags kyi sha bcad cing bcad cing khyer yang de'i lus bri ba</font><hr>80.171a<br><font size=+1>

'am/ /gang bar yang mi mngon te/ sha yang yang bcad kyang slar de bzhin du skye'o/ /yang shA ri'i bu gang sems can na pa rnams kyis des pa zhes bya ba'i srog chags kyi sha zos na de dag gi nad thams cad byang ste/ /nad med cing bde ba las mi 'gyur bar gyur to/ /de bzhin du mthar gyis 'dzam bu'i gling na na pa thams cad kyi nad sna tshogs byang ste/ /nad med par byas nas bde zhing gyur pa med do/ /de nas 'dzam bu'i gling gi skyes pa dang / bud med dang / khye'u dang / bu mo dang / mi thams cad 'di snyam du sems te/ /des pa zhes bya ba'i srog chags des bdag cag nad las yongs su thar te bde zhing gyur pa med par byas na/ bdag cag gis de la mchod pa dang / bkur sti ci zhig bya snyam ste/ de dag thams cad gcig tu 'dus so/ /'dus nas des pa zhes bya ba'i srog chags ga la ba der song ste/ phyin nas srog chags des pa la khor yug tu bskor te slar tshigs su bcad pa 'di smras so/ /khyod ni gnas dang skyabs lags te/ /khyod ni sman pa khyod nyid sman/ /khyod la mchod pa ci bgyi ba/ /bdag cag la ni bka' stsol cig /shA ri'i bu e ma'o skye bo'i tshogs rnams 'dun par gyur to snyam du ngas shes nas lus chen po de mi snang bar byas te/ /rang gi brgya byin gyi cha byad du 'dug nas skye bo'i tshogs chen po de dag la smras pa/ /kye grogs po dag nga la grong dang / grong khyer dang / grong rdal dang / yul dang / rgyal po'i pho brang 'khor mi dgos so/ /grogs po dag nga la zhing gi dngos po dang / khyim gyi dngos po dang / </font><hr>80.171b<br><font size=+1>

tshong 'dus kyi dngos po dang / mgron bu dang / gser dang / nor bu dang / mu tig dang / bai dUr+ya dang / dung dang / man shel dang / byi ru rnams mi dgos so/ /grogs po dag nga la glang po che dang / rta dang / rnga mo dang / ba lang dang / bong bu dang / lug dang / khyim bya dang / phag rnams mi dgos so/ /skyes pa dang / bud med dang / khye'u dang / bu mo dang / bran pho dang / bran mo dang / las byed pa dang / zho shas 'tsho ba'i mi rnams kyang mi dgos so/ /bza' ba dang / btung ba dang / mal cha dang / na pa'i gsos sman dang / yo byad dang / bskyed mos tshal dang / dka' thub kyi nags tshal gyi longs spyod rnams kyang mi dgos so/ /kye grogs po dag khyed kyis srog gcod pa spongs la srog gcod pa las slar ldog par gyis shig /ma byin par len pa spongs la/ ma byin pa len pa las slar ldog par gyis shig /'dod pas log par g.yem pa spongs la/ 'dod pas log par g.yem pa las slar ldog par gyis shig /rdzun du smra ba spongs la/ /rdzun du smra ba las slar ldog par gyis shig /phra ma spongs la/ phra ma las slar ldog par gyis shig /de bzhin du sbyar te ngag rtsub po dang / tshig kyal pa dang / brnabs sems dang / /gnod sems dang / log par lta ba'i bar du spongs la/ log par lta ba las slar ldog par gyis shig /de'i tshe skye bo'i tshogs chen po la tshigs su bcad pa 'di dag smras so/ /nga la mgron bu bye ba mi dgos te/ gser phung ri rab tsam yang dgos pa med/ bud med lha mo 'dra ba mi dgos te/ /bza' dang gtung dang kha zas zas mi dgos/ des pa'i srog chags la ni mchod 'dod na/ las kyi</font><hr>80.172a<br><font size=+1>

lam ni rab dag bcu po 'di/ /thams cad 'dus nas de dag bsrung bar gyis/ /phan tshun du yang byams pa'i yid kyis ltos/ /las lam bcu po rdzogs pa 'di dag rnams/ /thams cad gcig tu 'dus te srungs shig dang / /de tshe nga la mchod pa byas par 'gyur/ /byang chub sems dpa' nor dang 'bru mi tshol/ /nga la nor rnams dgos pa ma yin te/ /bza' btung dag dang dbyig nor 'bru mi dgos/ /rta dang glang chen shing rta mi dgos te/ /bud med mchog dang rin chen gos mi dgos/ /phan tshun du ni byams sems dag pa dang / /phan pa'i dngos po dag gi sems skyed la/ /thams cad kun kyang gcig tu 'dus gyur la/ /dge bcu'i las lam dag rdzogs bsrung bar gyis/ dbang pos mi rnams de dag rab bskul ba/ /tshig de dag ni thos par gyur pa dang / /dge ba bcu yi las lam rnam dag pa/ /dge ba rnams ni yang dag rab tu len/ /shA ri'i bu ngas skye bo'i tshogs chen po de dag la chos kyi gtam kun bstan/ /yang dag par 'dzin du btsud/ /yang dag par gzeng stod/ /yang dag par rab tu dga' bar byas nas de nyid du mi snang bar gyur pa de ni nga yin no/ /shA ri'i bu ngas mngon par shes te 'dzam bu'i gling gi skyes pa dang / /bud med dang / khye'u dang / bu mo dang / mi de snyed thams cad kyis srog chags des pa zhes bya ba'i sha zos pa las tha na sems can gcig kyang de nas 'chi ba'i dus byas te/ /shi 'phos nas log par ltung bar song bar ma gyur te/ de dag thams cad de nas shi 'phos 'chi ba'i dus byas nas sum bcu rtsa gsum</font><hr>80.172b<br><font size=+1>

gyi lha rnams dang skal ba mnyam par skyes so/ /shA ri'i bu ngas de dag la chos kyi gtam kun bstan/ yang dag par 'dzin du bcug /yang dag par gzeng stod/ yang dag par rab tu dga' bar byas nas de dag thams cad nyan thos kyi theg pa dang / rang sangs rgyas kyi theg pa dang / bla na med pa'i thams cad mkhyen pa'i ye shes dang / /theg pa gsum la nges par gyur te/ /de la la la ni yongs su mya ngan las 'das/ /la la ni yongs su mya ngan las 'da' bar 'gyur ro/ /shA ri'i bu ngas de ltar lus gcig yongs su btang bas sems can de snyed theg pa gsum dag la yongs su sman par byas so/ /byang chub sems dpa' sems dpa' chen po chos kyi sku la gnas pa'i rdzu 'phrul chen po ci 'dra ba dang / /mthu chen po ci 'dra ba dang / dbang che bar grags pa ci 'dra ba ltos/ de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa'i chos kyi sku de ci 'dra/ bcom ldan 'das kyis bka' stsal pa/ /shA ri'i bu byang chub sems dpa'i chos kyi sku ni brtan pa/ sra ba/ mi shigs pa/ rdo rje'i sku/ 'chi 'pho med pa/ mi skye ba ste/ de ni sku tha dad pas 'dul ba sems can rnams kyi 'dul ba'i dbang gis tha dad du 'gyur yang mes mi 'tshig /mtshon gyis mi tshugs te/ rdo rje lta bur brtan pa/ mi shigs pa yin no/ /shA ri'i bu de ltar na byang chub sems dpa' chos kyi sku la gnas pa/ brtson 'grus ma nyams pa/ brtson 'grus kyi pha rol du phyin pa la lhun gyis grub par spyod cing lus kyis</font><hr>80.173a<br><font size=+1>

sems can yongs su smin par byed kyang sems pa med/ yongs su rtog pa med de/ lus dben pa'i mtshan nyid tu rab tu shes so/ /lus dben pa'i mtshan nyid kyis kyang chos thams cad dben pa'i mtshan nyid rjes su shes la/ lus dben pa'i mtshan nyid kyis chos thams cad dben pa'i mtshan nyid la gnyis su yang mi byed de/ mtshan nyid gang lus dben pa'i mtshan nyid yin pa'i mtshan nyid de ni chos thams cad dben pa'i mtshan nyid de dben pa'i mtshan nyid gcig gis rjes su 'jug go/ /nang gi chos mi dmigs pa'i phyir rang gi lus dben pa'i mtshan nyid kyis kyang sems can thams cad kyi lus dben pa'i mtshan nyid du mnyam par byed do/ /des sems can thams cad kyi lus dben pa'i mtshan nyid kyang chos kyi dbyings dben pa'i mtshan nyid kyis rjes su shes/ chos kyi dbyings dben pa'i mtshan nyid kyang chos thams cad dben pa'i mtshan nyid kyis rjes su slob ste/ de rang gi lus kyi de bzhin nyid kyis sems can gyi lus kyi de bzhin nyid rjes su shes so/ /de sems can thams cad kyi lus kyi de bzhin nyid kyis rang gi lus kyi de bzhin nyid rjes su shes so/ /rang gi lus kyi de bzhin nyid kyis chos thams cad kyi de bzhin nyid rjes su shes so/ /chos thams cad kyi de bzhin nyid kyis rang gi lus kyi de bzhin nyid rjes su shes so/ /rang gi lus kyi de bzhin nyid kyis sangs rgyas thams cad kyi de bzhin nyid rjes su shes so/ /sangs rgyas thams cad kyi de bzhin nyid kyis rang gi lus kyi de bzhin nyid rjes su shes so/ /rang gi lus kyi de bzhin nyid kyis 'das pa dang / ma 'ongs pa dang / da ltar</font><hr>80.173b<br><font size=+1>

byung ba'i de bzhin nyid rjes su shes so/ /'das pa dang / ma 'ongs pa dang / da ltar byung ba'i de bzhin nyid kyis rang gi lus kyi de bzhin nyid rjes su shes te/ /'das pa'i de bzhin nyid kyis kyang ma 'ongs pa'i de bzhin nyid 'gal bar mi byed/ 'das pa'i de bzhin nyid kyis kyang da ltar byung ba'i de bzhin nyid 'gal bar mi byed/ da ltar byung ba'i de bzhin nyid kyis kyang 'das pa'i de bzhin nyid 'gal bar mi byed/ ma 'ongs pa'i de bzhin nyid kyis kyang 'das pa'i de bzhin nyid 'gal bar mi byed/ 'das pa'i de bzhin nyid kyis kyang ma 'ongs pa'i de bzhin nyid 'gal bar mi byed/ ma 'ongs pa'i de bzhin nyid kyis kyang da ltar byung ba'i de bzhin nyid 'gal bar mi byed/ da ltar byung ba'i de bzhin nyid kyis kyang ma 'ongs ba'i de bzhin nyid 'gal bar mi byed/ ma 'ongs pa'i de bzhin nyid kyis kyang da ltar byung ba'i de bzhin nyid 'gal bar mi byed/ da ltar byung ba'i de bzhin nyid kyis kyang 'das pa'i de bzhin nyid 'gal bar mi byed/ 'das pa'i de bzhin nyid kyis kyang da ltar byung ba'i de bzhin nyid 'gal bar mi byed de/ yang 'das pa'i de bzhin nyid dang / ma 'ongs pa dang / da ltar byung ba'i de bzhin nyid gang yin pa de nyid phung po dang / khams dang / skye mched kyi de bzhin nyid do/ /phung po dang / khams dang / skye mched kyi de bzhin nyid gang yin pa de nyid kun nas nyon mongs pa dang rnam par byang ba'i de bzhin nyid do/ /kun nas nyon mongs pa dang / rnam par byang ba'i de bzhin nyid gang yin pa de nyid mya ngan las 'das pa dang 'khor ba'i de bzhin nyid do/ /'khor ba dang mya ngan las 'das pa'i de bzhin nyid gang yin</font><hr>80.174a<br><font size=+1>

pa de nyid mngon par 'du byed pa'i de bzhin nyid do/ /mngon par 'du byed pa'i de bzhin nyid gang yin pa 'du byed thams cad kyi de bzhin nyid kyang de bzhin nyid yin te/ yang shA ri'i bu de bzhin nyid ces bya ba ni de kho na'o/ /de bzhin nyid do/ /gzhan ma yin pa nyid do/ /bral ba med pa'o/ /lus med pa'o/ /de bzhin nyid la ni lus gang yang med de/ lus med pa'i de bzhin nyid do/ /de bas de bzhin gshegs pa'i lus zhes bya'o/ /de'i phyir 'di ni de bzhin nyid kyi lus te/ /de'i phyir de bzhin gshegs pa'i lus zhes bya'o/ /lus de lta bu ni lus thams cad de/ de lta bas na byang chub sems dpa' lus thams cad kyang ston la de bzhin gshegs pa'i lus kyang mi byed de/ lus med pa rtsod pa med pas gzugs kyi lus thams cad kyang ston la de bzhin gshegs pa'i lus kyang 'khrugs par mi byed do/ /de bzhin gshegs pa'i ye shes kyis kyang de bzhin gshegs pa'i sku la so sor rtog ste/ de bzhin gshegs pa'i sku mnyam pa nyid kyis kyang rang gi lus mnyam pa nyid so sor rtog go/ /rang gi lus mnyam pa nyid kyis lus dang / lus med pa thams cad kyi mnyam pa nyid so sor rtog go/ /lus dang lus med pa thams cad kyi mnyam pa nyid kyis shin du lus med pa'i lus su mthong ngo / /lus thams cad rten cing 'brel te byung bar yang shes so/ /shes nas kyang chos kyi sku mngon par bsgrub bo/ /de chos kyi sku mngon par bsgrubs nas/ chos kyi sku nyid yin gyi/ phung po dang khams dang / skye mched lus ni ma yin no/ /de chos kyi skus rab tu phye bas mthong bas</font><hr>80.174b<br><font size=+1>

kyang sems can rnams 'dul lo/ /thos pas kyang sems can rnams 'dul lo/ /reg pas kyang sems can rnams 'dul lo/ /sems can rnams kyi don byed do/ /shA ri'i bu 'di lta ste dper na sman pa'i rgyal po gso byed kyis rtsi thams cad bsdus nas rtsi'i shing mang po sbyar ba las bu mo gzugs bzang pa/ mdzes pa/ blta na sdug pa/ kha dog bzang po rgyas pa'i mchog dang ldan pa/ shin du rdzogs par zin pa/ phyi bdar byas pa zhig byas nas der 'ong ba dang / 'gro ba dang / 'greng ba dang / 'dug pa dang / nyal bar byed kyang mi rtog /rnam par mi rtog mod kyi bya ba de dag kyang ston to/ /de na rgyal po 'am/ /rgyal bu 'am/ rgyal po'i blon po chen po 'am/ tshong dpon nam/ khyim bdag gam/ mkhar gyi rgyal po 'di rung ste/ /gang na pa chen po che ba de dag 'ongs na de dag la sman pa'i rgyal po gso byed kyis/ /sman gyi bu mo de dang sprad pa dang / phrad ma thag tu nad thams cad thub par 'gyur/ mi na bar 'gyur te/ /gyur pa med cing bde bar 'gyur ro/ /shA ri'i bu de ltar sman pa'i rgyal po gso byed 'jig rten gyi nad gso ba shes pa de ltar sman pa gzhan dag la med do/ /shA ri'i bu de bzhin du byang chub sems dpa' chos kyi skus phye ba yang 'di lta ste/ /byang chub sems dpa'i lus la skyes pa dang / /bud med dang / khye'u dang / /bu mo sems can ji snyed 'dod chags dang / zhe sdang dang / gti mug gis gdungs pa rnams kyis reg na de dag reg ma thag tu byang chub sems dpa' de'i sngon gyi smon lam shin du yongs su dag pas nad thams</font><hr>80.175a<br><font size=+1>

cad byang zhing gdung ba yang med par 'gyur ro/ /shA ri'i bu yang byang chub sems dpa' chos kyi lus can gyi lus ni zas dang skom gyis gso ba ma yin/ /zas kham gyis za bas lus gso ba ma yin gyi de kha zas thams cad yongs su shes pas sems can thams cad la snying brtse ba'i phyir zas za'o/ /de zas za yang gtong bar mi byed do/ /zas za yang lus kyi nang du gtong bar mi byed do/ /chos kyis sku'i stobs las kyang mi nyams/ yongs su mi nyams so/ /shA ri'i bu yang byang chub sems dpa' chos kyi lus can la tshe dang 'chi 'pho dang skye ba yang med la/ sems can yongs su smin par bya ba'i phyir 'chi 'pho dang skye ba yang ston to/ /de 'chi 'pho yang chos thams cad 'chi 'pho med pa dang / mngon par 'du byed pa ma yin par rab tu shes so/ /skye yang chos thams cad 'pho ba med par rab tu shes so/ /'byung yang chos thams cad skye ba med par rab tu shes so/ /de chos kyi lus dang / chos kyi zas dang / chos kyi stobs dang / chos la ston pas sems can yongs su smin par bya ba'i phyir sngon gyi smon lam lhun gyis grub pas brtson 'grus ma nyams par brtson 'grus kyi pha rol du phyin pa la spyod do/ /de nas bcom ldan 'das kyis don de nyid rgyas par bstan pa'i phyir de'i tshe tshigs su bcad pa 'di dag gsungs so/ /de dag lus ni rdo rje lta bur mi shigs pa/ 'dul ba'i dus shes nas ni tha dad ston par 'gyur/ mtshon gyis mi tshugs mes ni tshig pa ma yin yang / 'dul ba'i sems can mthong nas tshugs shing mes tshig 'gyur/ sems can na pa mthong nas sman rnams su yang 'gyur// // //</font><hr>80.175b<br><font size=+1>

de bzhin bkres pa rnams la zas dang skom du 'gyur/ 'on kyang chos kyi dbyings la rnam rtog ci yang med/ /chos kyi sku dang lus mang tshul gcig rab tu 'jug /shed las skyes dang gso dang shed can yod min te/ chos so cog ni rten cing 'brel te byung bar shes/ gang de'i rkyen yod pa na sdug bsngal lam 'byung ste/ rkyen med pa na sdug bsngal lam ni 'chad par 'gyur/ gzugs 'di dbu ba rdos pa 'dra ste snying po med/ tshor ba chu yi chu bur mtshungs shing 'dra bar sems/ 'du shes dpyid dus kyi smig rgyu rgyu ba 'dra/ 'du byed rnams ni chu skyes shing dang 'dra bar lta/ ji ltar gar la lta bar sgyu ma bslabs pa rnams/ skad cig gis ni gzugs rnams sna tshogs ston byed pa/ mi bden byed pa de ltar rnam shes shes gyur nas/ mkhas pa de dag thams cad du yang smon pa med/ longs spyod rnams ni ri gzar chu dang mtshungs shing 'dra/ glog dang mkha' sprin phung po lta bur byung nas med/ longs spyod 'gyur ba gzhu drag 'phangs pa'i mda' ltar shes/ mkhas pa rnams ni kun du longs spyod smon pa med/ lha yi 'jig rten lha rdzas bde ba ma myong ba/ 'jig rten gsum po dag na sems can gang yang med/ slar yang sems dmyal sdug bsngal myong ba mthong gyur nas/ bde gshegs sras pos de mthong mtho ris 'gro mi byed/ yid ni nam mkha' 'dra ba de dag gnas med de/ gnas dang bral ba rnams la 'byung ba srid ma yin/ 'byung ba med rnams skye dang 'chi 'pho med par 'gyur/ byang chub sems dpa' che ba mi rga mi 'chi 'thob/ /shA ri'i bu gzhan yang byang chub sems dpa' brtson 'grus ma nyams pa brtson 'grus kyi pha rol tu phyin pa la spyod pa na 'di ltar slob ste/ kye ma'o 'jig rten gnas pa 'di ni gang 'dod chags nad chen por rab tu mi shes zhe sdang nad chen por rab tu mi shes/ gti mug nad chen por rab tu mi shes te</font><hr>80.176a<br><font size=+1>

gsum po 'di dag nad chen por rab tu mi shes pa'i sman pa mi mkhas pa sha stag gis yongs su gang / sman pa mi shes pa sha stag gis yongs su gang nas nad chen po gsum po de dag gi sman gsum mi shes te/ 'dod chags kyi nad chen po'i sman chen po mi gtsang ba yin par rab tu mi shes/ zhe sdang gi nad chen po'i sman chen po byams pa yin par rab tu mi shes/ gti mug gi nad chen po'i sman chen po rten cing 'brel te 'byung ba yin par rab tu mi shes te/ kye ma'o sman pa de dag ni nad gzhan dang / gzhan dag gso nus kyi/ nad thams cad ni gso bar mi nus so/ /kye ma'o sman pa de dag gi sman de ni re shig gso nus pa yin gyi/ gtan du gso bar byed pa ma yin no/ /de bas na bdag cag gis ni sman pa de dag gi rjes su bslab par mi bya'i bdag cag gis ni sangs rgyas bcom ldan 'das/ chos thams cad la mkhas pa bla na med pa/ sman pa'i rgyal po chen po/ nad thams cad gso bar byed pa'i rjes su bslab par bya'o/ /bdag cag gis ni nad thams cad gso bar bya'i nad gzhan dang gzhan dag gso bar mi bya/ bdag cag gis re shig gso bar mi bya ste/ bdag cag gis gtan du gso bar byed par bya'o/ /gang gi sgra thos par 'dod chags kyi nad chen po rab tu zhi bar 'gyur ba dang / zhe sdang gi nad chen po rab tu zhi bar 'gyur ba dang / gti mug gi nad chen po rab tu zhi bar 'gyur ba de lta bu'i chos kyi sman dang / rtsi byug pa'i sbyor ba bsdu bar bya'o/ /shA ri'i bu de ltar byang chub sems dpa' sems dpa' chen po brtson 'grus ma nyams pa brtson 'grus kyi pha rol du phyin pa la spyod pa na de bzhin gshegs pa sman pa'i rgyal po bla na med pa chos thams cad la mkhas pa ma gtogs par gang nyan thos dang / </font><hr>80.176b<br><font size=+1>

rang sangs rgyas thams cad la med pa de 'dra ba'i chos kyi sman dang rtsis bsku ba'i sbyor ba sdud par byed de/ chos kyi sman dang / rtsis bsku ba'i sbyor ba des chos kyi dung chen po la bskus nas yongs su sgrog ste/ de'i sgras stong gsum gyi stong chen po'i 'jig rten gyi khams 'di mngon par go bar byed do/ /de nas sems can du ma/ sems can brgya phrag du ma/ sems can stong phrag du ma/ sems can brgya stong phrag du ma/ sems can bye ba phrag du ma/ sems can bye ba brgya phrag du ma/ sems can bye ba stong phrag du ma/ sems can bye ba brgya stong phrag du ma/ sems can bye ba khrag khrig brgya stong phrag du ma/ sems can dkrigs phrag du ma nas de bzhin du sbyar te/ brjod du med pa'i yang brjod du med pa'i bar gyi sems can rnams kyi 'dod chags dang / zhe sdang dang / gti mug gi nad chen po rab tu zhi bar 'gyur te/ shA ri'i bu 'di lta ste dper na gangs kyi ri'i rgyal po la sman gyi rgyal po chen po 'bral bar byed pa zhes bya ba zhig yod de/ de'i dris dug gi drag shul thams cad las rab tu thar par 'gyur te/ dpag tshad brgya tsam na 'khod pa dag kyang dug med par 'gyur ro/ /shA ri'i bu gal te dung ngam rnga la sman gyi rgyal po chen po 'bral bar byed pas bskus te bus sam/ brdungs na sems can dug 'thungs pa 'am/ zos pa 'am/ bskus pas zug par gyur pa ji snyed pa de dag thams cad de'i sgra thos nas ni dug med par 'gyur ro/ /shA ri'i bu gang sman gyi rgyal po 'bral bar byed pa/ de lta bu de ni sman pa'i rgyal po gso byed ma gtogs par sman pa thams cad kyi mi shes so/ /shA ri'i bu de bzhin du byang chub sems dpa' sems dpa' chen po yang de bzhin gshegs pa chos thams cad la mkhas pa sman pa'i rgyal po chen po sems can thams cad kyi nad thams</font><hr>80.177a<br><font size=+1>

cad bsal pa ma gtogs par gang nyan thos dang / rang sangs rgyas thams cad la med pa de 'dra ba'i chos kyi sman dang / /rtsis bsku ba'i sbyor ba sdud par byed de/ chos kyi sman dang rtsi bsku ba'i sbyor ba des chos kyi dung chen po la bskus nas yongs su sgrog ste/ de'i sgras stong gsum gyi stong chen po'i 'jig rten gyi khams 'di mngon par go bar byed do/ /de na sems can du mas de thos nas 'dod chags kyi nad chen po rab tu zhi bar 'gyur/ zhe sdang dang / gti mug gi nad chen po rab tu zhi bar 'gyur/ sems can du ma/ sems can brgya phrag du ma/ sems can stong phrag du ma/ sems can brgya stong phrag du ma/ /sems can bye ba phrag du ma/ /sems can bye ba brgya phrag du ma/ /sems can bye ba stong phrag du ma/ sems can bye ba brgya stong phrag du ma/ sems can bye ba khrag khrig brgya stong phrag du ma/ sems can dkrigs phrag du ma nas de bzhin du sbyar te/ brjod du med pa'i yang brjod du med pa'i bar gyi sems can rnams kyi sgra de thos nas 'dod chags kyi nad chen po rab tu zhi bar 'gyur/ zhe sdang dang / gti mug gi nad chen po rab tu zhi bar 'gyur ro/ /de gang nas sdud par byed ce na/ gang du byang chub sems dpa' de'i nor bzhag pa nas so/ /byang chub sems dpa' de'i nor gang du bzhag ce na/ byang chub sems dpa'i sde snod kyi chos kyi rnam grangs las gud na ma yin no/ /shA ri'i bu de ltar byang chub sems dpa' sems dpa' chen po brtson 'grus ma nyams pa brtson 'grus kyi pha rol du phyin pa spyod pa na/ byang chub sems dpa'i sde snod kyi chos kyi rnam grangs rab tu nyan to/ /'dzin to/ /'chang ngo / klog go/ /kun chub par byed do//</font><hr>80.177b<br><font size=+1>

gzhan la yang 'chad cing rgya cher yang dag par rab tu ston to/ /shA ri'i bu de bas na byang chub sems dpa' sems dpa' chen po brtson 'grus ma nyams pa brtson 'grus kyi pha rol du phyin pa la spyod pa na/ byang chub sems dpa'i sde snod kyi chos kyi rnam grangs shin du nyan par byed/ 'dzin par byed/ 'chang bar byed/ klog par byed/ kun chub par byed/ gzhan la yang 'chad cing rgya cher yang dag par rab du ston te/ /shA ri'i bu de bas na rnam grangs 'dis kyang 'di ltar rig par bya ste/ byang chub sems dpa' sems dpa' chen po brtson 'grus ma nyams pa brtson 'grus kyi pha rol du phyin pa la spyod pa na byang chub sems dpa'i sde snod kyi chos kyi rnam grangs nyan par byed/ 'dzin par byed/ 'chang bar byed/ klog par byed/ kun chub par byed/ gzhan la yang 'chad cing rgya cher yang dag par rab tu ston par byed do/ /yang shA ri'i bu sngon byung ba 'das pa'i dus na bskal ba grangs med pa pas kyang ches grangs med pa/ yangs pa/ dpag tu med pa'i pha rol gyi yang shin du pha rol du gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas pad ma'i bla ma zhes bya ba 'jig rten du byung ste/ sangs rgyas bcom ldan 'das shes bya ba'i bar du'o/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas pad ma'i bla ma de 'di lta ste/ nyan thos bye ba phrag brgyad bcu'i nyan thos 'dus pa chen po gcig byung ste/ thams cad kyang dgra bcom pa zag pa zad pa/ nyon mongs pa med pa/ dbang dang ldan par gyur pa nas sems kyi dbang thams cad kyi dam pa'i pha rol du son pa sha stag go/ /shA ri'i bu bcom ldan 'das de bzhin</font><hr>80.178a<br><font size=+1>

gshegs pa pad ma'i bla ma de'i tshe'i tshad ni lo brgyad khri thub par gyur to/ /shA ri'i bu pad ma'i bla ma yongs su mya ngan las 'das nas dam pa'i chos lo lnga brgya'i bar du gnas so/ /lo brgya'i bar du yang dam pa'i chos kyi gzugs brnyan gnas so/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas pad ma'i bla ma yongs su mya ngan las 'das pa'i ring srel yang rgyas par gyur te/ de 'di lta ste dper na nga da yongs su mya ngan las 'das pa'i ring bsrel rgyas par 'gyur ba bzhin no/ /shA ri'i bu de'i tshe na bcom ldan 'das de bzhin gshegs pa pad ma'i bla ma de yongs su mya ngan las 'das nas lo brgya lon pa na byang chub sems dpa' gcig cig 'jig rten gyi khams gzhan zhig nas shi 'phos te/ /de'i gsung rab la rgyal rigs su skyes par gyur te/ de btsas ma thag tu bdag ni chos med pa'i rigs su skyes kyis bdag gis chos spyad par bya'o zhes tshig de skad smras te/ de'i ming chos spyod ces btags so/ /shA ri'i bu de nas rgyal bu chos spyod dbang po yongs su smin pa'i rgyus skyes nas lo nyi shu lon pa dang 'dra ba de dad pas khyim nas khyim med par rab tu byung ste/ dgon pa nags tshal na gnas bas mtha'i gnas mal du gnas so/ /de gcig tu dben par song ste/ nang du yang dag par 'jog pa na lha zhig 'ongs nas/ dge slong khyod de bzhin gshegs pa dgra bcom pa yang dag par rdzogs pa'i sangs rgyas sgra rnam par grags par 'gyur gyis byang chub sems dpa'i sde snod kyi chos kyi rnam grangs la brtson par gyis shig /ma thob par brtson 'grus nyams par ma byed cig ces don de bstan pa dang / des lha de las tshig de thos nas dga' mgu yi rangs rab tu</font><hr>80.178b<br><font size=+1>

dga' ste dga' ba dang yid bde ba skyes nas/ grong dang / grong khyer dang / grong rdal dang / yul 'khor dang / rgyal po'i pho brang 'khor dang / ljongs nas ljongs su byang chub sems dpa'i sde snod kyi chos kyi rnam grangs kun du tshol zhing rjes su spyod de/ de gang dang gang du dge 'dun gyi kun dga' ra bar dge slong pha dang / dge slong ma mthong ba dang / de dag gi gan du song nas 'phags pa byang chub sems dpas gang la bslabs na sangs rgyas kyi chos rnams kyis 'byung bar 'gyur ba'i byang chub sems dpa'i sde snod kyi chos kyi rnam grangs gang lags shes dris pa dang / de dag gis smras pa/ dge slong bdag cag gis byang chub sems dpa'i sde snod ces bya ba'i chos kyi rnam grangs de ci 'dra bar mi shes te/ dge slong bdag cag gis ni byang chub sems dpa'i sde snod kyi chos kyi rnam grangs kyi ming deng gdong rna bas thos su zad do zhes smras pa dang / de 'di snyam du sems te/ lha ni brdzun mi zer gyis ji srid du byang chub sems dpa'i sde snod kyi chos kyi rnam grangs ma thos pa de srid du brtson 'grus ma nyams par bya'o snyam nas/ des tshe dang ldan pa dag bcom ldan 'das de bzhin gshegs pa pad ma'i bla ma de gang du zhugs la bzhen ces dris pa dang / de dag gis dge slong sa phyogs 'dir bcom ldan 'das de bzhin gshegs pa pad ma'i bla ma de zhugs la bzhen to/ /zhes phyogs de bstan nas de sa phyogs de ga la ba der song ste phyin pa dang / sa phyogs der bskor ba byas nas sa phyogs de nyid du phyogs gcig tu 'dug ste/ bcom ldan 'das de bzhin gshegs pa pad ma'i bla ma de mngon du byas nas de 'di snyam du sems te/ ji srid du bcom ldan 'das de bzhin gshegs pa pad ma'i bla ma de las byang chub sems dpa'i sde snod kyi chos kyi rnam grangs</font><hr>80.179a<br><font size=+1>

mngon du ma thos pa de srid du bdag sa phyogs 'di nas mi ldang zhing skyil mo dkrung mi gzhig go snyam mo/ /shA ri'i bu de ltar rgyal po drang srong brtson 'grus ma nyams pas de lta bur dam bcas pa brtan par byas nas sa phyogs de nyid du 'dug ste/ zhag bdun gyi bar du gnas so/ /de zhag bdun 'das pa dang / shar phyogs kyi 'jig rten gyi khams bcu pa nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying po zhes bya ba byon nas chos kyi sgo'i tshig brgyad po 'di dag gis byang chub sems dpa'i sde snod kyi chos kyi rnam grangs khong du chud par bya'o/ /zhes chos kyi sgo'i tshig brgyad rnams yang dag par rab tu bstan pa dang / de chos kyi sgo'i tshigs brgyad po de dag gis mang du thos pa bsam gyis mi khyab pa bla na med pa dang ldan par gyur nas sa phyogs de nyid nas langs te song ngo / /brtson 'grus ma nyams pa brtson 'grus kyi pha rol du phyin pa la spyod pa de grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams su lo drug bcu'i bar du rgyu zhing byang chub sems dpa'i sde snod kyi chos kyi rnam grangs 'di nyid rab tu bstan to/ /des lo drug bcu'i bar du lha dang / mi'i srog chags bye bar tshang ba snyed theg pa gsum dag la bkod nas 'chi khar sangs rgyas kyi zhing de nyid du mi rnams dang skal pa mnyam par skye bar gyur cig ces smon lam btab nas de'i 'chi ba'i dus byas pa dang / de 'dzam bu'i gling de nyid du tshong dpon gyi rigs shig tu slar skyes te/ de btsas ma thag tu chos spyad par bya'o/ /chos spyad par bya'o zhes tshig de skad smras nas de snga ma bzhin du ming chos spyod ces btags so/ /de btsas nas lo drug lon pa 'dra ba ste/ dad pas khyim nas khyim med pa</font><hr>80.179b<br><font size=+1>

par rab tu byung ngo / /de ltar rab tu byung nas ring po ma lon par yang byang chub sems dpa'i sde snod kyi chos kyi rnam grangs mngon du gyur to/ /de byang chub sems dpa'i sde snod kyi chos kyi rnam grangs la gnas nas lo drug bcu'i bar du grong nas grong du/ grong khyer nas grong khyer du/ ljongs nas ljongs su byang chub sems dpa'i sde snod kyi chos kyi rnam grangs 'di yang dag par rab tu ston cing rgyu'o/ /ngas lo drug bcu'i bar du lha dang mi'i skye dgu'i srog chags gzhan bye ba 'di lta ste/ nyan thos kyi theg pa dang / rang sangs rgyas kyi theg pa dang / theg pa chen po bla na med pa dang / theg pa gsum dag la yongs su smin par byas so/ /de yang 'chi kar mir skye bar gyur cig ces smon lam btab pa dang / de smon lam gyi stobs kyis 'dzam bu'i gling de nyid du rgyal rigs shig tu slar skyes te/ de btsas ma thag tu lhas kye ma'o/ /'jig rten du sems can chos kyi bla ma 'di skyes so/ /kye ma'o 'jig rten du sems can chos kyi bla ma 'di skyes so zhes sgra phyung nas/ de'i ming chos kyi bla ma chos kyi bla ma zhes btags so/ /de yang dbang po rnams yongs su smin pa'i rgyus skyes nas lo nyi shu lon pa 'dra ba de dad pas khyim nas khyim med par rab tu byung ngo / /de ltar rab tu byung nas dge slong chos kyi bla ma de dran pa'i stobs bskyed pa dang / shes rab kyi stobs bskyed pas slar byang chub sems dpa'i sde snod kyi chos kyi rnam grangs mngon du gyur to/ /shA ri'i bu de ltar dge slong chos kyi bla mas the tshom gcod pa'i byang chub sems dpa'i sde snod kyi chos kyi rnam grangs 'di nyid lo drug khri tshang bar grong dang / grong khyer dang / grong rdal dang / ljongs dang / yul 'khor dang / rgyal po'i pho brang sna tshogs su yang dag par rab tu bstan to/ /de lo stong</font><hr>80.180a<br><font size=+1>

drug khri'i bar du lha dang mi'i skye dgu'i srog chags gzhan bye ba bla na med pa yang dag par rdzogs pa'i byang chub la yongs su smin par byas nas de yang 'chi kar mir skye bar smon lam btab ste/ de 'chi ba'i dus byas pa dang / 'dzam bu'i gling de nyid du khyim bdag gi rigs shing sA la chen po lta bur slar skyes te/ de btsas ma thag tu lha zhig gis kye ma'o 'jig rten du sems can dran pa thob pa 'di skyes so/ /kye ma'o 'jig rten du sems can dran pa thob pa 'di skyes so zhes sgra phyung nas de'i ming dran pa thob pa dran pa zhes btags so/ /de dbang po yongs su smin pa'i rgyus skyes nas lo nyi shu lon pa 'dra ba de dad pas khyim nas khyim med par rab tu byung nas dran pa ma brjed pas mang du thos pa bsam gyis mi khyab pa bla na med pa dang ldan par gyur to/ /de lo stong khri'i bar du grong dang grong khyer dang / ljongs dang / yul 'khor dang / rgyal po'i pho brang 'khor du rgyu zhing chos ston pa ni lta ste/ the tshom thams cad gcod pa/ byang chub sems dpa'i sde snod kyi chos kyi rnam grangs 'di nyid grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor du lo drug khri'i bar du chos ston te/ des lo drug khri'i bar du lha dang mi'i skye dgu'i srog chags bye ba phrag bzhi 'di lta ste/ nyan thos kyi theg pa dang / rang sangs rgyas kyi theg pa dang / sangs rgyas kyi theg pa bla na med pa dang / theg pa gsum dag la yongs su smin par byas so/ /shA ri'i bu de ltar chos la rton pa'i dge slong de de nas shi 'phos te/ 'chi ba'i dus byas nas shar phyogs kyi de bzhin gshegs pa rin po che'i snying po'i sangs rgyas kyi zhing du skyes so/ /shA ri'i bu de ltar</font><hr>80.180b<br><font size=+1>

byang chub sems dpa' sems dpa' chen po des lha dang / mi dang / lha ma yin gyi skye dgu'i srog chags bye ba phrag drug bcur tshang ba theg pa gsum dag la yongs su smin par byas par gyur to/ /shA ri'i bu byang chub sems dpa' sems dpa' chen po de de bzhin gshegs pa rin po che'i snying po'i sangs rgyas kyi zhing der skyes ma thag tu mang du thos pa bsam gyis mi khyab pa bla na med pa dang ldan par gyur te// de de na tshe ji tsam thub par 'dug nas de nas shi 'phos te 'chi ba'i dus byas pa dang / de sangs rgyas kyi zhing de nyid du skyes te/ gang du bcom ldan 'das de bzhin gshegs pa pad ma'i bla ma byung ba'i 'jig rten gyi khams der rgyal rigs su skyes so/ /sngon yongs su smin par byas pa'i srog chags bye ba phrag bcu po de dag kyang de nyid du skyes nas de'i g.yog tu gyur to/ /de'i tshe sangs rgyas kyi zhing der de bzhin gshegs pa dgra bcom pa yang dag par rdzogs pa'i sangs rgyas shin du mthor gshegs shes bya ba 'jig rten du byung ngo / /shA ri'i bu de bzhin gshegs pa shin du mthor gshegs de tshe'i tshad lo bye ba phrag brgyad bcu thub par gyur to/ /de'i tshe na mi de dag gi tshe'i tshad kyang lo bye ba phrag brgyad bcu thub par gyur to/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas shin du mthor gshegs kyi nyan thos bye ba phrag brgyad bcu'i nyan thos dgra bcom pa sha stag 'dus pa byung ste/ lo bye ba zh-ing nyan thos 'dus pa re re byung ngo / /nyan thos 'dus pa re re la nyan thos bye ba brgyad bcu byung ste/ dgra bcom pa 'ba' shig go/ /de'i tshe byang chub sems dpa' rgyal bu gzhon nu dpa' bas byin zhes bya ba mang du thos pa yid gzhungs pa de'i rgyus dpyod pa dang ldan pa zhig byung ngo / /shA ri'i bu gzhon nu de</font><hr>80.181a<br><font size=+1>

g.yog dang bcas pa srog chags bye ba phrag brgyad bcus bskor te/ mdun du bdar nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shin du mthor gshegs de ga la ba der song ste phyin nas bcom ldan 'das de bzhin gshegs pa shin du mthor gshegs de'i zhabs la mgo bos phyag 'tshal te/ gzhon du dpa' bas byin g.yog dang bcas pa phyogs gcig tu 'dug go/ /phyogs gcig tu 'dug pa dang / /de nas shA ri'i bu bcom ldan 'das de bzhin gshegs pa shin du mthor gshegs des gzhon nu dpa' bas byin de'i lhag pa'i bsam pa mkhyen nas sngon byung ba dang ldan pa'i gtam yang dag par rab tu bstan to/ /de nas shA ri'i bu rgyal bu gzhon nu dpa' bas byin de sngon byung ba dang ldan pa'i gtam de thos nas dad pa rab tu thob po/ /de sems dad par gyur nas srog chags bye ba phrag brgyad bcu po de dag dang lhan cig tu dad pas khyim nas khyim med par rab tu byung ngo / /de de na tshe ji tsam thub par byang chub tshol zhing tshangs par spyod pa spyad pa dang / bcom ldan 'das de bzhin gshegs pa shin du mthor gshegs des dge slong dag byang chub sems dpa' sems dpa' chen po dpa' bas byin 'di nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas brtson 'grus chen po zhes bya ba 'jig rten du 'byung ste/ sangs rgyas bcom ldan 'das shes bya ba'i bar du 'gyur ro zhes lung bstan to/ /bcom ldan 'das de bzhin gshegs pa shin du mthor gshegs de yongs su mya ngan las 'das pa'i ring bsrel la des mchod pa byas te/ dam pa'i chos kyang yang dag par bzung nas de'i 'og</font><hr>80.181b<br><font size=+1>

tu bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa brtson 'grus chen po zhes bya bar gyur to/ /shA ri'i bu de bzhin gshegs pa brtson 'grus chen po'i tshe'i tshad bskal pa phyed thub par gyur to/ /de'i nyan thos kyi dge 'dun yang dpag tu med pa zhig byung ste/ de'i nyan thos 'dus pa re re la yang khrag khrig phrag bcu gnyis yod de dgra bcom pa 'ba' shig go/ /shA ri'i bu de ltar byang chub sems dpa' brtson 'grus ma nyams pa/ brtson 'grus kyi pha rol du phyin pa la spyod pa/ byang chub sems dpa'i sde snod kyi chos kyi rnam grangs mang du thos te/ bzung bcangs klags/ kun chub par byas pas mthar gyis de bzhin gshegs pa brtson 'grus chen po zhes bya bar 'jig rten du byung ba'i bar du'o/ /shA ri'i bu de bas na theg pa chen po la yang dag par zhugs pa'i rigs kyi bu 'am/ rigs kyi bu mo myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa'i brtson 'grus ma nyams pa de dag gis byang chub sems dpa'i sde snod kyi chos kyi rnam grangs shin du mnyan par bya/ bzung bar bya ba nas rgya cher yang dag par rab tu bstan pa'i bar du bya'o/ /de ci'i phyir zhe na/ shA ri'i bu 'di lta ste byang chub sems dpa'i sde snod kyi chos kyi rnam grangs yongs su tshol ba la brtson 'grus ma nyams pa 'di ni byang chub sems dpa' rnams kyi brtson 'grus kyi pha rol du phyin pa'o/ /shA ri'i bu 'di ni byang chub sems dpa' rnams kyi brtson 'grus kyi pha rol du phyin pa ste/ de la brtson pas byang chub sems dpa' rnams byang chub sems dpa'i spyad pa spyod do/ /brtson 'grus kyi pha rol du phyin pa'i le'u ste dgu pa'o// // bam po bcu</font><hr>80.182a<br><font size=+1>

drug pa/ de la gang la byang chub sems dpa' sems dpa' chen po brtson na byang chub sems dpa'i spyad pa spyod par 'gyur ba'-i byang chub sems dpa' rnams kyi bsam gtan gyi pha rol du phyin pa gang zhe na/ shA ri'i bu 'di la byang chub sems dpa' 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes ba'i dga' ba dang / bde ba can bsam gtan dang po rdzogs par byas te gnas so/ /shA ri'i bu gzhan yang byang chub sems dpa' rtog pa dang dpyod pa nye bar zhi zhing nad yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so/ /shA ri'i bu gzhan yang byang chub sems dpa' dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong ba/ 'phags pa rnams kyis gang de dran pa dang ldan pa/ bde ba la gnas pa/ btang snyoms pa'o/ /zhes brjod pa ste/ dga' ba med pa'i bsam gtan gsum pa rdzogs par byas te gnas so/ /shA ri'i bu gzhan yang byang chub sems dpa' bde ba yang spangs te/ snga nas sdug bsngal yang spangs shing yid bde ba dang yid mi bde ba yang nub pas bde ba yang ma yin/ sdug bsngal ba yang ma yin pa btang snyoms dang dran pa yongs su dag pa'i bsam gtan bzhi pa rdzogs par byas te gnas so/ /de de ltar sems mnyam par bzhag pa yongs su dag pa/ yongs su byang ba/ nyon mongs pa med pa/ nye ba'i nyon mongs pa dang bral bar gyur nas ting nge 'dzin kyang mi gtong la/ bsam gtan gyi las kyang byed do/ /de la byang</font><hr>80.182b<br><font size=+1>

chub sems dpa'i bsam gtan gyi las gang zhe na/ gang mngon par shes pa dang / ye shes kyi las yongs su rdzogs par byed pa'o/ /de la mngon par shes pa gang / ye shes gang zhe na/ mngon par shes pa zhes bya ba ni 'di lta ste/ lha'i mig dang / lha'i rna ba dang / pha rol gyi sems shes pa dang / sngon gyi gnas dang / rdzu 'phrul gyi bya ba mngon sum du byas pa mngon par shes pa ste/ 'di dag ni mngon par shes pa lnga zhes bya'o/ /shA ri'i bu de la byang chub sems dpa'i lha'i mig gis mngon sum du bya ba shes pa'i mngon par shes pa ni gang mngon par shes pa'i ye shes kyi las yongs su rdzogs par byed pa ni gang zhe na/ shA ri'i bu 'di la byang chub sems dpa' de ltar sems mnyam par bzhag pa/ yongs su dag pa/ yongs su byang ba/ nyon mongs pa med pa/ nye ba'i nyon mongs pa dang bral bas sems can rnams kyi 'chi 'pho dang / skye ba mngon du shes par bya ba'i phyir sems 'jug par byed de/ de lha'i mig rnam par dag pa m-i'i las shin du 'das pas sems can rnams kyi 'chi 'pho dang / skye ba dang / kha dog bzang po dang / kha dog ngan pa dang / bde 'gro dang / ngan 'gro dang / bzang po dang / ngan pa rnams mthong ste/ kye sems can 'di dag ni lus kyi nyes par spyod pa dang ldan pa/ ngag gis nyes par spyod pa dang ldan pa/ yid kyis nyes par spyod pa dang ldan pa/ 'phags pa rnams la skur pa 'debs pa/ log par lta ba ste/ de dag log par lta ba'i las yang dag par blangs pa'i rgyus lus zhig ste/ shi ba'i 'og tu ngan 'gro log par ltung ba'i sems can dmyal bar skye bar 'gyur ro/ /sems can 'di dag ni lus kyis legs par spyod pa dang ldan pa/ ngag gis legs par spyod pa ldan pa/ yid kyis legs par spyod pa dang ldan pa/ 'phags pa rnams la skur pa mi 'debs pa/ yang dag par lta</font><hr>80.183a<br><font size=+1>

ba ste/ de dag yang dag par lta ba'i las yang dag par blangs pa'i rgyus lus zhig nas bde 'gro mtho ris kyi 'jig rten du skye'o zhes sems can rnams kyi las ji ltar bsags pa bzhin du shes so/ /shA ri'i bu de ltar byang chub sems dpa'i lha'i mig sems can thams cad las khyad par du 'phags pa gzugs su snang ba thams cad la sgrib pa med pa ste/ gang klu thams cad kyi lha'i mig dang / gnod sbyin thams cad dang / dri za thams cad dang / lha ma yin thams cad dang / slob pa thams cad dang / dgra bcom pa thams cad dang / rang sangs rgyas thams cad kyi lha'i mig de bas lha'i mig gang shin du khyad par du 'phags pa/ shin du dam pa/ shin du rab shin du bzang ba/ shin du gsal ba/ 'od gsal ba/ nges par 'byung ba'i las thams cad kyis nges par byung ba'i lha'i mig la phyogs bcu'i 'jig rten gyi khams mthas yas mu med pa na rags pa 'am/ phra ba 'am/ ngan pa 'am/ bzang po 'am/ gang ring ba 'am/ gang nye ba thams cad snang ste/ de'i lha'i mig gis shes so/ /shin du rtogs so/ /rab tu mthong ngo / /des lha'i mig des gzugs med pa na spyod pa ma gtogs par phyogs bcu'i 'jig rten gyi khams mtha' yas mu med pa dag na sems can dag 'gro ba thams cad du skyes pa de dag thams cad kyi 'chi 'pho dang / skye ba yang yang dag pa ji lta ba bzhin du rab tu shes so/ /de dag gi las kyi rgyu yang rab tu shes so/ /de dag gi las kyi 'bras bu yang rab tu shes so/ /de dag gi dbang po rnams kyang rab tu shes so/ /dbang po'i rgyu yang rab tu shes so/ /dbang po'i rim pa yang rab tu shes so/ /gang phyogs bcu'i 'jig rten gyi khams mtha' yas mu med pa dag gis sangs rgyas bcom ldan 'das rnams kyi zhing bkod pa de dag thams cad kyang mngon du</font><hr>80.183b<br><font size=+1>

mthong bas mthong ngo / /mthong nas kyang tshul khrims kyi phung po yongs su dag par bya ba'i phyir yongs su bsngo ste/ tshul khrims kyi phung po la gnas pa de'i bsngo ba 'grub par 'gyur ro/ /de lha'i mig rnam par dag pa mi'i las shin du 'das pa des gang sangs rgyas bcom ldan 'das de dag gi byang chub sems dpa'i dge 'dun de dag thams cad kyang mthong ngo / /mthong nas kyang gang skyes bu dam pa de dag gi cho ga dang / spyod yul dang / spyod pa dang / dran pa dang / shes bzhin dang / spyod lam gyi gnas dang / chos kyi rnam par thar pa'i ye shes la gnas pa dang / gzungs thob pa'i ye shes la mkhas pa dang / shes rab dang / ye shes dang / thabs mkhas pa la 'jug pa de thams cad yongs su rdzogs par byed do/ /de'i mig de ni gzugs thams cad mthong bas sgrib pa med pa'o/ /de'i mig de ni gzugs thams cad la mi chags pas chags pa med pa'o/ /de'i mig de ni bag la nyal dang / lta ba thams cad las rnam par grol ba'o/ /de'i mig de ni rang bzhin gyis 'od gsal bas rnam par dag pa'o/ /de'i mig de ni yul thams cad la mi gnas pa'o/ /de'i mig de ni nyon mongs pa dang / bag la nyal rnams mi len pa'o/ /de'i mig de ni the tshom med pas rab rib med pa'o/ /de'i mig de ni sgrib pa med pa'i chos rnams la kun nas ldang ba med pa'o/ /de'i mig de ni chos snang ba rnams la chos snang ba thob pa'o/ /de'i mig de ni rnam par shes pa'i spyod pa'i yul ma yin te/ ye shes la rton pa'o/ /de'i mig de ni nyon mongs pa thams cad kyis gos pa med pa/ zhe sdang med pa/ rmongs pa med pa'o/ /de'i mig de ni 'phags pa'i rnam pa'i dbang po rnams kyis nges par 'byed pa'i cha 'thun pa'o/ /de'i mig de ni sems can thams cad la/ 'od zer mnyam par gtod pas khong khro ba med pa'i mtshan nyid do/ /de'i mig de ni sems kyi 'khrug</font><hr>80.184a<br><font size=+1>

pa dang gral bas rnam par dag pa'o/ /de'i mig de ni rang bzhin gyis 'od gsal bas dri ma med pa'o/ /de'i mig de ni bsam pa mi 'dor pas sangs rgyas kyi spyan gyis mngon par bsgrubs pa'o/ /de'i mig de ni chags pa dang / khong khro ba dang bral bas/ chags pa med pa/ zhe sdang med pa'o/ /de'i mig de ni don dang spyod yul dang spyod pa dang / sems can la snying rje chen po rlabs po cher gnas pa'o/ /de'i mig de ni slong ba rnams la khong khro ba med pa'o/ /de'i mig de ni tshul khrims 'chal pa rnams la khong khro ba med pa'o/ /de'i mig de ni gnod par sems pa rnams la rjes su bsrungs pa'o/ /de'i mig de ni le lo can rnams la rab tu bzung ba ster ba'o/ /de'i mig de ni sems 'khrugs pa rnams la bsam gtan gyi yan lag ston pa'o/ /de'i mig de ni shes rab 'chal pa rnams la shes rab kyi mig sbyin pa'o/ /de'i mig de ni lam nor bar zhugs pa rnams la lam ston pa'o/ /de'i mig de ni mos pa chung ba rnams la sangs rgyas rgya chen por ston pa'o/ /de'i mig de ni thams cad mkhyen pa'i ye shes rgya chen pos mngon par 'phags pa'i mngon par shes pa byang chub kyi snying po la mngon par gzhol ba ste/ shA ri'i bu 'di ni byang chub sems dpa' sems dpa' chen po rnams kyi lha'i mig gi mngon par shes pa'i ye shes kyi las yongs su rdzogs par byed pa'o/ /shA ri'i bu de la byang chub sems dpa' sems dpa' chen po rnams kyi lha'i rna ba'i khams kyis mngon sum du bya ba shes pa'i mngon par shes pa ni gang / mngon par shes pa dang ye shes kyi las yongs su rdzogs pa ni gang zhe na/ shA ri'i bu 'di la byang chub sems dpa'i lha'i rna ba'i khams rnam par dag pa mi'i las shin du 'das pas mi dang mi ma yin pa gnyis ga'i sgra</font><hr>80.184b<br><font size=+1>

yang thos te/ de phyogs bcu'i 'jig rten gyi khams mtha' yas mu med pa dag na gang la la sgrar grag pa lha'i sgra 'am/ klu'i sgra 'am/ gnod sbyin gyi sgra 'am/ dri za'i sgra 'am/ lha ma yin gyi sgra 'am/ nam mkha' lding gi sgra 'am/ mi 'am ci'i sgra 'am/ lto 'phye chen po'i sgra 'am/ mi dang mi ma yin pa'i sgra 'am/ gang yang 'phags pa'i sgra 'am/ sangs rgyas kyi sgra 'am/ rang sangs rgyas kyi sgra 'am/ byang chub sems dpa'i sgra 'am/ nyan thos kyi sgra yang rung ste/ de thams cad byang chub sems dpa' de'i lha'i rna ba'i khams kyis rig go/ gang yang ngan song gi sgra 'am/ sems can dmyal ba'i sgra 'am dud 'gro'i skye gnas kyi sgra 'am/ gshin rje'i 'jig rten gyi sgra yang rung ste/ de dag thams cad de'i lha'i rna ba'i khams kyis rig ste/ tha na srin bu dang / phye ma leb dang / sbrang bu dang / sha sbrang gi sgra 'am/ sems can de dag gi sems kyi dmigs pa dge ba 'am/ mi dge ba de dag gis ngag gi las 'byin pa de thams kyang rab tu shes so/ /ngag gi las gang dge ba'i rgyu 'dzin pa dang / ngag gi las gang mi dge ba'i rgyu 'dzin pa de yang rab tu shes so/ /gang 'dod chags bag la nyal las khong khro ba'i ngag gi las 'byung ba dang / gang zhe sdang bag la nyal las chags pa'i ngag gi las 'byung ba dang / gang 'dod chags dang zhe sdang bag la nyal las rmongs pa'i ngag gi las 'byung ba de yang rab tu shes so/ /gang gti mug bag la nyal las chags pa'i ngag gi las 'byung ba dang / gang 'dod chags bag la nyal las chags pa'i ngag gi las 'byung ba dang / gang zhe sdang bag la nyal las zhe sdang 'byung ba dang / gti mug bag la nyal las rmongs pa 'byung ba de yang rab tu shes so/ /ngag gi las gang / </font><hr>80.185a<br><font size=+1>

bsam bdag la sbyor ba khong khro ba dang / ngag gi las gang sbyor ba dag la bsam pa khong khro ba de thams cad kyang lha'i rna ba'i mngon par shes pa dang / ye shes thogs pa med pas yang dag pa ji lta ba bzhin du rab tu shes so/ /de lha'i rna ba des 'phags pa rnams dang / 'phags pa ma yin pa rnams kyi sgra rnams thos te/ thos nas kyang 'phags pa rnams kyi sgra la rjes su chags pa yang med/ 'phags pa ma yin pa rnams kyi sgra la khong khro ba med de 'phags pa rnams kyi sgra las ni byams pa chen po rab tu rnyed do/ /'phags pa ma yin pa rnams kyi sgra las ni snying rje chen po rab tu rnyed do/ /de sgra de thams cad kyis sngon gyi mtha' dang phyi ma'i mtha' yongs su gcod pa'i ye shes yang dag pa ji lta ba bzhin du rab tu shes so/ /de lha'i rna ba des phyogs bcu'i 'jig rten gyi khams rab 'byam ma lus pa thams cad kyi sangs rgyas bcom ldan 'das thams cad kyis gsungs pa thos te thos nas kyang dran pa'i snod mi brjed pas thams cad kun tu 'dzin to/ /kun du bzung nas kyang mi rjed par byed cing sems can gyi snod ji lta ba bzhin du ston par byed do/ /chos thams cad rang gi ngang gis 'jig pa yang rab tu shes so/ /de bzhin gshegs pa gcig gis chos bstan pa nyan kyang de bzhin gshegs pa gnyis pas chos bstan pa la sgrib pa 'am/ kun nas dkris te 'dug par yang mi byed de/ yang shA ri'i bu sangs rgyas bcom ldan 'das thams cad kyis gsungs pa snga phyi med par kun 'dzin to/ /gang dge ba'i rtsa ba'i sgra thos pa de yang dus dang dus ma yin par sbyor zhing ston to/ /de 'khor gyi dus la bab bam/ skal pa mi mnyam par bstan pa'i dus chos bstan pa'i dus la bab kyang 'jog ste thos kyang mi ston to/ /chos kyi dus la bab pa 'am/ 'khor gyi dus la bab na gcig slob pa yan chad la yang chos</font><hr>80.185b<br><font size=+1>

ston te/ lung bstan pa yang dag pa 'ang gzhan la gnod na mi byed do/ /lung bstan pa yang dag pa ma yin yang don dang ldan na gzhan la phan gdags pa dang 'thun par thabs la mkhas pas rang gi sems yongs su dag pa'i phyir lung ston to/ /sgra'i rnam pa ji lta bu thos par dga' ba de lta bu'i sgra thos so/ /sgra'i rnam pa ji lta bu la mi dga' ba de lta bu'i sgra'i rnam pa mi thos so/ /'khor gang la chos ston pa na byin gyi brlabs kyis sems can rnams kyi rna ba'i rnam par shes pas sgra rab tu shes so/ /de la sems can gang dag chos cang shes pa de dag gis ni de'i chos thos so/ /sems can gang dag cang shes ma yin pa de dag gis ni chos de mi thos so/ /de'i rna ba'i khams de chos kyi dbyings kyis rnam par dag pa yin/ de'i rna ba'i khams de bdag gi khams kyis rnam par dag pa yin/ sems can gyi khams kyis rnam par dag pa yin no/ /de'i rna ba'i khams de sgra ji lta ba bzhin gyi yi ge'i nges pa'i tshig thos pas shin du rtogs pa yin no/ /gang 'gro ba lngar skyes pa'i sems can de dag gi skad dang smra ba sna tshogs la 'jug pa'i phyir chos ston to/ /de'i rna ba'i khams de yang de bzhin gshegs pa'i lha'i snyan du yongs su bsngos pa yin gyi theg pa gzhan du ni ma yin te/ 'di ni byang chub sems dpa'i lha'i rna ba'i mngon par shes pa'i ye shes kyi las yongs su rdzogs pa zhes bya'o/ /shA ri'i bu de la byang chub sems dpa'i pha rol gyi sems shes pa mngon sum du bya ba shes pa'i mngon par shes pa ni gang / mngon par shes pa'i ye shes yongs su rdzogs pa ni gang zhe na/ shA ri'i bu 'di la byang chub sems dpa' ni phyogs bcu'i 'jig rten gyi/ khams</font><hr>80.186a<br><font size=+1>

rab 'byam ma lus pa thams cad na/ sems can thams cad kyi/ sngon gyi mtha'i sems kyang rab tu shes/ phyi ma'i mtha'i sems kyang rab tu shes/ da ltar byung ba'i sems kyang rab tu shes so de 'das pa'i sems shes pas/ sems can 'di'i sems kyi rgyu ni rgyu che ba'o/ /sems can 'di'i sems kyi rgyu ni rgyu 'bring ngo / /sems can 'di'i sems kyi rgyu ni rgyu chung ngo / /sems can 'di'i dbang po rnams ni sbyin pa dang ldan pa'o/ /sems can 'di'i dbang po rnams ni/ tshul khrims dang ldan pa'o/ /sems can 'di'i dbang po rnams ni bzod pa dang ldan pa'o/ /sems can 'di'i dbang po rnams ni/ brtson 'grus kyi bsam pa dang ldan pa'o/ /sems can 'di'i dbang po rnams ni/ /bsam gtan gyi bsam pa dang ldan pa'o/ /sems can 'di'i dbang po rnams ni/ shes rab kyi bsam pa dang ldan pa'o/ /sems can 'di'i dbang po rnams ni byams pa'i rnam pa'o/ /sems can 'di'i dbang po rnams ni snying rje'i rnam pa'o/ /sems can 'di'i dbang po rnams ni dga' ba'i rnam pa'o/ /sems can 'di'i dbang po rnams ni btang snyoms kyi rnam pa'o/ /sems can 'di'i dbang po rnams ni theg pa chen po'i rnam pa'o/ /sems can 'di'i dbang po rnams ni rang sangs rgyas kyi theg pa'i rnam pa'o/ /sems can 'di'i dbang po rnams ni nyan thos kyi theg pa'i rnam pa'o/ /sems can 'di ni rgyu'i stobs can te rgyu'i gtso bo'i dge ba dang ldan pa'o/ /sems can 'di ni rkyen gyi stobs can te/ rkyen gyi gtso bo'i rgyu dang ldan</font><hr>80.186b<br><font size=+1>

sems can 'di ni rgyu'i stobs can yin yang / gtso bo'i dge ba dang ldan pa ma yin te/ sems can 'di ni sbyor ba'i rgyus rigs dma' bar skyes pa'o/ /sems can 'di ni sbyor ba'i stobs can yin yang dge ba'i rgyu chen po'i rgyu dang mi ldan te/ sems can 'di ni rgyu'i stobs bskyed pa'i rgyus rigs chen por skyes pa'o/ /sems can 'di ni bsam pa dag la sbyor ba ma dag pa'o/ /sems can 'di ni sbyor ba dag la bsam pa ma dag pa'o/ /sems can 'di ni sbyor ba yang dag la bsam pa yang dag pa'o/ /sems can 'di ni bsam pa yang ma dag la sbyor ba yang ma dag pa'o/ /zhes sems can thams cad kyi sems kyi rgyu dang nye ba'i rgyu'i rnam grangs kyi sems shes pa la 'jug go/ /shA ri'i bu de ltar gang sems can thams cad kyi 'das pa'i rgyu'i dbang po la sems kyi spyod pa shes pa dang / de dag la ci rigs par chos ston pa shes pa 'di ni byang chub sems dpa'i pha rol gyi sems shes pa zhes bya'o/ /yang sems can 'di da ltar sbyin pa'i rgyu ste/ ma 'ongs pa'i dus na tshul khrims kyi rgyur 'gyur ro/ /sems can 'di da ltar tshul khrims kyi rgyu ste/ ma 'ongs pa'i dus na sbyin pa'i rgyur 'gyur ro/ /sems can 'di da ltar bzod pa'i rgyu ste/ ma 'ongs pa'i dus na brtson 'grus kyi rgyur 'gyur ro/ /sems can 'di da ltar brtson 'grus kyi rgyu ste/ ma 'ongs pa'i dus na bzod pa'i rgyur 'gyur ro/ /sems can 'di da ltar 'jig rten pa'i spyod</font><hr>80.187a<br><font size=+1>

pa yin la ma 'ongs pa'i dus na 'ang sangs rgyas kyi theg pa'i rgyur 'gyur ro/ /sems can 'di'i dbang po rnams ni da ltar nyan thos kyi theg pa'i rgyu las skyes pa ste/ ma 'ongs pa na theg pa chen po'i rgyu las skyes pa'i dbang po rnams su 'gyur ro/ /sems can 'di'i dbang po rnams ni da ltar nyan thos kyi theg pa'i rgyu las skyes pa ste/ ma 'ongs pa'i dus na rang sangs rgyas kyi theg pa'i rgyu las skyes pa'i dbang po rnams su 'gyur ro/ /sems can 'di'i dbang po rnams ni da ltar theg pa chen po'i rgyu las skyes pa ste/ ma 'ongs pa'i dus na nyan thos kyi theg pa'i rgyu las skyes par 'gyur ro/ /zhes phyi ma'i mtha'i sems can la 'jug pa shes so/ /shA ri'i bu de ltar ma 'ongs pa'i dus na sems can thams cad kyi dbang po rnams kyi rgyu las skyes pa gang dang rnam pa gang dang / rkyen du 'gyur ba gang yin pa de'i rgyu las skyes pa dang / de'i rnam pa dang de'i rkyen rnams yang dag pa ji lta ba bzhin du rab tu shes so/ /de sems can yongs su ma smin pa thams cad la de'i sems la 'jug pa'i shes pa'i bar du skyo bar mi byed de/ de'i chos kyi snod ci 'dra bar chos ston to/ /de 'bras bu yod pa'i chos ston kyang chos kyi las byas so zhes byed pa ma yin no/ /gang da ltar byung ba'i sems can thams cad kyi sems dang sems las byung ba'i chos rnams 'jug pa de dag thams cad kyang yang dag pa ji lta ba bzhin du rab tu shes te/ 'dod chags dang bcas pa'i sems kyang 'dod chags dang bcas pa'i sems su yang dag pa ji lta ba bzhin du rab tu shes so/ /'dod chags dang bral ba'i sems kyang 'dod chags dang bral ba'i sems su yang dag pa ji lta ba bzhin tu rab tu shes so/ /zhe sdang</font><hr>80.187b<br><font size=+1>

dang bcas pa'i sems kyang zhe sdang dang bcas pa'i sems su yang dag pa ji lta ba bzhin du rab tu shes so/ /zhe sdang med pa'i sems kyang zhe sdang med pa'i sems su yang dag pa ji lta ba bzhin du rab tu shes so/ /gti mug dang bcas pa'i sems kyang gti mug dang bcas pa'i sems su yang dag pa ji lta ba bzhin du rab tu shes so/ /gti mug med pa'i sems kyang gti mug med pa'i sems su yang dag pa ji lta ba bzhin du rab tu shes so/ /shA ri'i bu de ltar kun nas nyon mongs pa gang dang gang gis sems can gang dang gang gis sems bsgribs pa de thams cad yang dag pa ji lta ba bzhin du rab tu shes te/ /shes nas kyang nyon mongs pa las gdon pa'i phyir de lta de lta bur chos ston te/ 'khor gang gi nang du 'gro yang thog ma nyid du 'khor de dag thams cad la rnam par lta'o/ /rnam par ltas nas sems can rnams la ji lta ji lta bur rigs pa de lta de lta bu'i chos ston te/ shA ri'i bu de ltar gang sems can de dag gi dbang po mchog dang mchog ma yin par shes pa de thams cad rab tu shes kyang byang chub sems dpa' rang gi sems lhur byed pa 'ang ma yin la gzhan gyi sems lhur byed pa yang ma yin no/ /de ci'i phyir zhe na/ de ltar byang chub sems dpa' de'i sems rgyun ni ye shes kyis rig pa'o/ /sems kyi rgyun ni dran pas rig pa'o/ /blo gros kyis rig pa'o/ /sems kyi rgyun ni rtogs pas rigs pa'o/ /sems can kyi rgyun ni shes rab kyis rig pa'o/ /sems kyi rgyun ni blos rig pa'o/ /sems kyi rgyun ni nyon mongs pa med pa/ bag chags kyi mtshams sbyor ba yang dag par bcas pa/ dag pa/ dri ma med pa/ 'od gsal ba/ kha na ma tho ba med pa/ mi rtsub pa/ rnyog pa med pa</font><hr>80.188a<br><font size=+1>

chos thams cad snang bar rig pa'o/ /sems can thams cad kyi sems kyi spyod pa'i rjes su zhugs par rig pa'o/ /shA ri'i bu de ltar gang 'di lta bu chos la sems shes pa 'jug pa 'di ni byang chub sems dpa' pha rol gyi sems mngon par shes pa dang / ye shes kyi las yongs su rdzogs pa zhes bya'o/ /shA ri'i bu de la byang chub sems dpa' sngon gyi gnas rjes su dran pa mngon sum du bya ba'i mngon par shes pa ni gang / mngon par shes pa'i ye shes kyi las yongs su rdzogs par byed pa ni gang zhe na/ shA ri'i bu 'di la byang chub sems dpa' ni phyogs bcu'i 'jig rten gyi khams rab 'byam ma lus pa thams cad na sems can thams cad kyi skye ba gcig dang / gnyis dang / gsum dang / bzhi dang / lnga dang / bcu dang / nyi shu dang / sum bcu dang / bzhi bcu dang / lnga bcu dang / skye ba brgyad dang / skye ba stong dang / skye ba brgya phrag stong dang / skye ba brgya phrag du ma dang / skye ba stong phrag du ma dang / skye ba brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang / 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang / 'jig pa dang / 'chags pa'i bskal pa du ma dang / sems can 'di sngon che ge mo zhes bya ba zhig tu byung ste/ ming ni 'di zhes bya/ rus ni 'di zhes bya/ rigs ni 'di zhes bya/ kha dog ni 'di lta bu/ cha byad ni 'di lta bu/ dbyibs ni 'di lta bu/ zas ni 'di lta bu zhig za za/ yun ring 'di srid cig tu gnas gnas/ bde ba dang sdug bsngal ni 'di</font><hr>80.188b<br><font size=+1>

lta bu zhig myong ste/ de nas shi 'phos nas che ge mo zhig tu skyes te/ de nas shi 'phos nas 'dir skyes so/ /zhes sngon gyi gnas rnam pa du ma rjes su dran no/ /de ltar na bdag dang sems can thams cad kyi sngon gyi gnas rnam pa dang bcas pa dang / yul phyogs dang bcas pa rnam pa du ma rjes su dran no/ /de dag gi sngon gyi mtha' nas bzung ste sngon gyi gnas rnam pa du ma rjes su dran no/ /sems can gzhan rnams dang / gang zag gzhan dag gi sngon gyi mtha' nas bzung ste sngon gyi gnas rnam pa du ma rjes su dran no/ /de rang gi dge ba'i rtsa ba sngon gyi rgyu las byung ba yang rjes su dran no/ /gzhan dag gi dge ba'i rtsa ba'i rgyu yang rjes su dran no/ /de rang gi dge ba'i rtsa ba yang byang chub tu bsngo bar byed do/ /sems can gzhan gyi dge ba'i rtsa ba rnams kyang sems can rnams rjes su dran par byas nas/ byang chub tu sems bskyed par byed do/ /gang sngon gyi bde ba dang sdug bsngal gyi rgyu de yang mi rtag pa dang / sdug bsngal ba dang / stong pa dang / bdag med par rton to/ /de mi rtag pa dang / sdug bsngal ba dang / stong pa dang / bdag med pa la rton pas gzugs kyis dregs pa ma yin/ longs spyod kyis dregs pa ma yin/ g.yog gis dregs pa ma yin/ dbang phyug gis dregs pa ma yin/ 'khor los sgyur ba 'dod pas dregs pa ma yin/ brgya byin 'dod pa'i dregs pa ma yin/ tshangs pa 'dod pas dregs pa ma yin/ 'jig rten skyong ba 'dod pas dregs pa ma yin/ skye ba thams cad 'dod pas dregs pa ma yin/ 'dod pa dang / rgyal po'i srid dang / dbang phyug gi bde ba thams cad 'dod pa'i blo gros can ma yin te/ gzhan du na sems can yongs su smin par bya ba'i phyir bsams bzhin du srid pa 'dzin pa ni ma gtogs so//</font><hr>80.189a<br><font size=+1>

de mi rtag pa dang / sdug bsngal ba dang / stong pa dang / bdag med pa la rton pas sngon gyi nyon mongs pa'i spyod pa la khrel zhing ngo tsha bar byed smod par byed de/ da ltar byung ba'i dngos pos srog gi phyir yang mi dge ba'i rtsa bar 'gyur ba'i las mi byed do/ /de sngon gyi dge ba'i rtsa ba rnams kyang bla na med pa yang dag par rdzogs pa'i byang chub tu yongs su sngo zhing rgyas par byed do/ /da ltar gyi dge ba'i rtsa ba rnams kyang thams cad bsdus pa'i phyir mi mthun pa'i bsngo ba yongs su spangs te/ sangs rgyas kyi rigs dang / chos kyi rigs dang / dge 'dun gyi rigs rgyun mi 'chad par bya ba'i phyir dran pa yang dag par bskyed pa'i stobs kyis thams cad mkhyen par yongs su bsngo ste/ de'i dran pa de yang chos kyi dbyings kyi byin gyi rlabs kyis shin tu byin gyi brlabs pa'o/ /shin tu rigs pas mi g.yo ba'o/ /bsam gtan yongs su sbyang ba byas pas ma brtags pa'o/ /zhi gnas kyis shin tu byin gyis brlabs pas gnod pa med pa'o/ /lhag mthong gis shin tu yang dag par zin pas 'khrul pa med pa'o/ /mngon sum gyi phyir phal pa ma yin pa'o/ /dran pa ma nyams pa'i phyir/ /brjed pa med pa'o/ /bsod nams kyi tshogs chen po bsags pa dang / gzhan la rag ma las pa'i ye shes kyi tshogs bsags pa'i phyir myong ba chen pa'o/ /pha rol tu phyin pa thams cad kyi tshogs bsags pa'i phyir pha rol tu song ba ste/ da ltar dran pa yang dag par bskyed pa'i stobs kyis 'das pa dang da ltar byung ba'i chos rnams brjed pa med pa 'di ni byang chub sems dpa'i sngon gyi gnas mngon par shes pa'i ye shes kyi las yongs su rdzogs pa'o/ /sha ri'i bu de la byang chub sems dpa'i rdzu 'phrul gyi bya ba mngon sum du bya ba shes pa'i mngon par shes pa ni gang / mngon</font><hr>80.189b<br><font size=+1>

par shes pa'i ye shes kyi las yongs su rdzogs pa ni gang zhe na/ sha ri'i bu 'di la byang chub sems dpa' 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom pa dang / brtson 'grus dang / sems dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom pa ste/ de 'dun pa dang / brtson 'grus dang / sems dang dpyod pas rab tu zin pa'i chos rnams 'dod pa dang / sdug par byed pa dang / dbang sgyur ba dang / rdzu 'phrul gyi rkang pa bzhi po 'di dag shin du yongs su bsgoms pa'i phyir rdzu 'phrul rnams mngon du thob pa yin te/ de rdzu 'phrul gyi cho 'phrul gyi spang ba rnam pa du ma myong ngo / /de'i rdzu 'phrul gyi cho 'phrul de dag kyang sems can la lta ba'i phyir yongs su goms pa yin no/ /de gzugs sam/ stobs sam/ byin gyis brlabs sam/ rdzu 'phrul gyi chos 'phrul gang dang gang gis sems can rnams 'dul bar 'gyur ba'i rdzu 'phrul gyi cho 'phrul de dang de nyid nye bar ston to/ /de gzugs dang kha dog tu snang ba gang dang gang gis sems can rnams 'dul bar 'gyur ba'i gzugs dang kha dog tu snang ba de dang de nyid ston te/ sangs rgyas kyi gzugs dang kha dog tu snang ba 'am/ rang sangs rgyas kyi gzugs dang kha dog tu snang ba 'am/ nyan thos kyi gzugs dang kha dog tu snang ba 'am/ brgya byin gyi gzugs dang kha dog tu snang ba 'am/ tshangs pa'i gzugs dang kha dog tu snang ba 'am/ 'jig rten skyong ba'i gzugs dang kha dog tu snang ba 'am/ 'khor los sgyur ba'i gzugs dang kha dog tu snang ba 'am/ gzhan yang gzugs dang kha dog tu snang ba tha na dud 'gro'i skye gnas gyi gzugs dang kha dog tu snang ba gang dang gang gis sems can rnams 'dul bar 'gyur ba'i gzugs dang kha dog tu snang ba de dang de nyid sems can rnams la nye bar bstan nas chos ston to/ /de stobs snyems pa dang / khro ba dang / </font><hr>80.190a<br><font size=+1>

rgyags pa lhur byed pa'i sems can rnams stobs gang gis 'dul bar bya ba'i stobs de nye bar ston te/ ji tsam sred med kyi bu chen po'i stobs tsam 'am/ ji tsam sred med kyi bu chen po'i stobs kyi bzhi cha tsam 'am/ ji tsam sred med kyi bu chen po'i stobs kyi phyed tsam 'am/ ji tsam sred med kyi bu chen po'i stobs rangs pa tsam 'am/ ji tsam stobs gang gis ri'i rgyal po ri rab kyi 'phang du dpag tshad stong phrag brgya drug bcu zheng du dpag tshad brgyad khri bzhi stong yod pa sor mo gnyis kyis blangs nas 'phen te/ 'di lta ste dper na skyu ru ra 'bru gcig blangs pa bzhin du 'jig rten gyi khams gzhan du 'phangs kyang byang chub sems dpa' de'i stobs yongs su nyams par mi 'gyur ba dang / stong gsum gyi stong chen po'i 'jig rten gyi khams 'di ltar rgya che ba 'di ltar yangs pa 'di chu'i phung po nas bzung ste/ srid pa'i rtse mo'i bar du lag mthil du bzhag la bskal par 'dug cing spyod lam thams cad kyang ston pa de lta bu'i stobs dang ldan pa'i byang chub sems dpa' stobs snyems pa dang / khro ba dang / rgyags pa lhur byed pa'i sems can rnams la stobs snyems pa dang / khro ba dang / rgyags pa gzhil ba'i phyir chos ston to/ /de rdzu 'phrul gyi rkang pa de dag gis byin gyi brlabs kyi ye shes 'thob ste/ byin gyi brlabs kyi yi shes des gang byin gyi brlabs pa de de bzhin du 'gyur te/ gal te rgya mtsho chen po phyugs rjes kyi chu tsam du byin gyis brlabs na de phyugs rjes kyi chu tsam du gnas so/ /gal te phyugs rjes rgya mtsho chen po tsam du gyur cig ce na yang de rgya mtsho chen po 'gyur ro/ /gal te sreg pa'i bskal pa chu'i phung por gyur cig ces byin gyis brlabs na yang de bzhin du chu'i phung por 'gyur ro/ /chus 'jig pa yang mes 'jig par gyur cig ces byin gyis brlabs na de de bzhin du 'gyur ro/ /de bzhin du sbyar te/ tha ma dang / rab dang / 'bring gi</font><hr>80.190b<br><font size=+1>

chos rnams kyis gang dang gang byin gyis brlabs pa'i byin gyi brlabs de dang de thams cad de bzhin du 'gyur te/ gzhan du ma yin no/ /de'i byin gyi brlabs de ni dge sbyong ngam/ bram ze 'am/ lha 'am/ brgya byin nam/ bdud dam tshangs pa 'am/ 'jig rten 'di na gang gis chos dang 'thun pas bskul ba 'am/ bskyod pa 'am/ mi snang bar byed mi nus te/ sangs rgyas bcom ldan 'das rnams ni ma gtogs so/ /de byin gyi brlabs kyi stobs bskyed pa des dga' ba dang mchog tu dga' ba rgya chen po sna tshogs lhur byed pa'i sems can rnams la chos ston to/ /de'i rdzu 'phrul gyi rkang pa de dag kyang nyams pa med pa'o/ /bdag nyid dbang ba'o/ /bdud dang nyon mongs pa'i yul las shin du 'das pa'o/ /sangs rgyas kyi yul la 'jug pa'o/ /sems can rnams la mi 'tshe bar sbyor ba'o/ /dge ba'i rtsa ba'i tshogs thams cad bsags pa'o/ /bdud dang bdud kyi ris kyi lha'i bu rnams kyis mi phyed pa ste/ 'di ni byang chub sems dpa'i rdzu 'phrul gyi bya ba mngon sum du bya ba'i mngon par shes pa'i ye shes kyi las yongs su rdzogs par byed pa'o/ /sha ri'i bu de la byang chub sems dpa'i mngon par shes pa ni gang / ye shes ni gang zhe na/ gang lha'i mig gis gzugs rnams mthong ba 'di ni mngon par shes pa zhes bya'o/ /gzugs su snang ba rnams la zad pa'i chos nyid du shes kyang mngon sum du mi byed pa 'di ni ye shes zhes bya'o/ /gzhan yang shA ri'i bu gang sgrar grags pa thams cad thos pa 'di ni mngon par shes pa zhes bya'o/ /gang thos pa'i sngon gyi mtha' brjod du med pa 'di ni ye shes zhes bya'o/ /sha ri'i bu gzhan yang gang sems can thams cad kyi sems dang spyod pa rab tu shes pa 'di ni mngon par shes pa zhes bya'o/ /gang sems 'gog par yang shes la 'gog pa mngon sum du yang mi byed pa</font><hr>80.191a<br><font size=+1>

'di ni ye shes zhes bya'o/ /shA ri'i bu gzhan yang gang sngon gyi mtha' la chags pa med par dran pa 'di ni mngon par shes pa zhes bya'o/ /gang dus gsum la chags pa med pa'i ye shes 'di ni ye shes zhes bya'o/ /shA ri'i bu gzhan yang gang zhing thams cad du 'gro ba dang 'ong ba 'di ni mngon par shes pa zhes bya'o/ /gang zhing nam mkha' lta bur shes pa la 'jug pa 'di ni ye shes zhes bya'o/ /gzhan yang gang btsun pa'i chos la 'jug pa 'di ni mngon par shes pa zhes bya'o/ /gang chos mnyam par mthong ba 'di ni ye shes zhes bya'o/ /gzhan yang gang 'jig rten thams cad la chags par 'gyur ba 'di ni mngon par shes pa zhes bya'o/ /gang 'jig rten thams cad dang mi 'dre ba 'di ni ye shes bya'o/ /gzhan yang gang brgya byin dang / tshangs pa dang / 'jig rten skyong ba thams cad zil gyis gnon pa 'di ni mngon par shes pa zhes bya'o/ /gang nyan thos dang rang sangs rgyas thams cad kyi rdzu 'phrul shes pa 'di ni ye shes zhes bya ste/ shA ri'i bu de ltar mngon par shes pa de dag dang ye shes 'di ni mngon par shes pa'i ye shes kyi las yongs su rdzogs par byed pa zhes bya'o/ /shA ri'i bu de ltar nyon mongs pa'i sems g.yeng ba ji snyed par byang chub sems dpa'i bsam gtan gyi tshogs dang / sems kyi byin gyi brlabs kyi ye shes kyang de tsam mo/ /sems can thams cad kyi sems g.yeng ba ji snyed pa de tsam du byang chub sems dpas bsam gtan gyi yan lag gi tshogs yang dag par bsdu bar bya'o/ /shA ri'i bu de ltar byang chub kyi sems nam yang dag par blangs te de la gnas pa de na mnyam par bzhag pa zhes bya ste/ sems can mnyam pa nyid kyis mnyam par bzhag pa'o/ /sems mnyam pa nyid kyis mnyam par bzhag pa'o/ /bsam pa mnyam pa nyid kyis mnyam par bzhag pa'o/ /sbyor ba mnyam pa nyid kyis mnyam par bzhag</font><hr>80.191b<br><font size=+1>

pa'o/ /lhag pa'i bsam pa mnyam pa nyid kyis mnyam par bzhag pa'o/ /sbyin pa mnyam pa nyid kyis mnyam par bzhag pa'o/ /tshul khrims dang / bzod pa dang / brtson 'grus dang / bsam gtan dang / shes rab mnyam pa nyid kyis mnyam par bzhag pa'o/ /chos thams cad mnyam pa nyid kyis mnyam par bzhag pa'o/ /byang chub gang dang mnyam pa sems can thams cad kyang de dang mnyam pa'o/ /sems can thams cad gang dang mnyam pa chos thams cad de dang mnyam pa ste/ gang mnyam pa de la snyoms par zhugs pa de ni snyoms par zhugs pa zhes bya'o/ /stong pa nyid gang dang mnyam pa chos thams cad kyang de dang mnyam pa ste/ mnyam pa de la snyoms par zhugs pas de'i phyir snyoms par zhugs pa zhes bya'o/ /mtshan ma med pa gang dang mnyam pa dang / smon pa med pa gang dang mnyam pa dang / mngon par 'du mi byed pa gang dang mnyam pa'i mnyam pa de la snyoms par zhugs pas de'i phyir snyoms par zhugs pa zhes bya'o/ /rang gi sems mnyam pa nyid kyis chos thams cad mnyam pa nyid la snyoms par zhugs pas de'i phyir snyoms par zhugs pa zhes bya'o/ /phan 'dogs pa dang / gnod par byed pa thams cad la sems dang mnyam pa/ sems chu dang mnyam pa/ sems me dang mnyam pa/ sems rlung dang mnyam pa/ sems nam mkha' dang mnyam pa/ mi mtho mi dma' ba/ gnas pa shin du gnas pa/ mi g.yo ba thob pa/ spyod lam thams cad dang mnyam par bzhag pa/ spyod lam ma bcos pa/ rang bzhin gyis snyoms par zhugs pa/ mi rgod pa/ mi g.yeng ba/ mi 'phyar ba/ mu cor mi smra ba/ tshig ma 'chal pa/ don shes pa/ chos shes pa/ dus shes pa/ tshod shes pa/ drod shes pa/ 'jig rten thams cad dang 'thun pa/ 'jig rten dang ma 'dres pa/ 'jig rten gyi chos brgyad las yang dag par 'das pa/ </font><hr>80.192a<br><font size=+1>

nyon mongs pa thams cad dang ma 'dres pa/ 'du 'dzi dang bral ba/ spyod yul dben pa ste/ de lta bu'i chos la gnas pa mnyam par bzhag pa'i gnas kyang mi 'dor la 'jig rten gyi bya ba thams cad du yang kun tu snang ba 'di ni byang chub sems dpa'i shes rab dang / thabs kyis mngon par bsgrubs pa'i bsam gtan gyi pha rol tu phyin pa ste/ gang la snyoms par 'jug pa na sems can la lta ba'i snying rje chen pos dmigs pa'i sems nye bar 'brel pa byed pa 'di ni de'i thabs so/ /zhi ba dang rab tu zhi ba la snyoms par 'jug pa 'di ni de'i shes rab bo/ /gang snyoms par 'jug pa na sangs rgyas kyi ye shes sgrub pa 'di ni de'i thabs so/ /gang chos gang la yang nye bar 'brel bar mi byed pa 'di ni de'i shes rab bo/ /gang snyoms par 'jug pa na chos thams cad 'dzin pa la ltos pa de ni de'i thabs so/ /gang chos kyi dbyings dbyer med pas bsam gtan byed pa 'di ni de'i shes rab bo/ /gang snyoms par 'jug pa na sangs rgyas kyi sku'i rgyan mngon du byed pa 'di ni de'i thabs so/ /gang chos kyi sku la gnas nas bsam gtan byed pa 'di ni de'i shes rab bo/ /gang snyoms par 'jug pa na sangs rgyas kyi gsung dang / dbyangs dang / sgra dang / tshangs pa'i dbyangs la sems pa 'di ni de'i thabs so/ /gang brjod du med pa'i chos nyid kyis bsam gtan byed pa'i 'di ni de'i shes rab bo/ /gang snyoms par 'jug pa na sems rdo rje lta bur byin gyis rlob pa 'di ni de'i thabs so/ /gang dran pa mi g.yeng bas bsam gtan byed pa 'di ni de'i shes rab bo/ /gang snyoms par 'jug pa na sngon gyi smon lam gyis sems can yongs su smin par byed pa byin gyis rlob pa 'di ni de'i thabs so/ /gang sems can thams cad bdag med par bsam gtan byed pa 'di ni de'i shes rab bo/ /gang bsam gtan byed pa na dge ba'i</font><hr>80.192b<br><font size=+1>

rtsa ba rnams lhag par dmigs pa 'di ni de'i thabs so/ /gang rtsa ba med pa dang / gnas med par bsam gtan byed pa 'di ni de'i shes rab bo/ /gang snyoms par 'jug pa na sangs rgyas kyi zhing yongs su dag pa mngon du byed pa 'di ni de'i thabs so/ /gang zhing nam mkha' dang mnyam par bsam gtan byed pa 'di ni de'i shes rab bo/ /gang snyoms par 'jug pa na byang chub kyi snying po'i rgyan bkod pa mngon du byed pa 'di ni de'i thabs so/ /gang nyon mongs pa nye bar zhi bar bsam gtan byed pa 'di ni de'i shes rab bo/ /gang snyoms par 'jug pa na chos kyi 'khor lo rab tu bskor ba la dmigs par byed pa 'di ni de'i thabs so/ /gang bskor ba yang med/ ldog pa yang med par bsam gtan byed pa 'di ni de'i shes rab bo/ /byang chub kyi yan lag gi tshogs ji snyed pa de la snyoms par 'jug pa na btang snyoms su byed pa dang / mngon du byed pa 'di ni de'i thabs so/ /nye ba'i nyon mongs pa ji snyed pa yongs su gdung ba med pa'i de bzhin gshegs pa'i ye shes dang / bsam gtan gyi bde ba chos thams cad dang mi ldan pa dang / 'du shes chags pa med pa 'du shes yongs su shes pa dang / 'du shes thams cad sel ba dang / byang chub sems dpa' thams cad kyi nges par gyur pa de la bsam gtan dang bsam gtan med par bsam gtan byed pa 'di ni de'i shes rab ste/ /byang chub sems dpa' sems dpa' chen po de lta bur zhugs pa rnams kyi bsam gtan gyi pha rol tu phyin pa 'di ni zad mi shes pa yin no/ /bdud thams cad kyis kyang glags mi rnyed do/ /sangs rgyas kyi chos thams cad kyi snod du nye bar gnas pa yin no/ /shA ri'i bu de ltar na 'di ni thabs/ 'di ni shes rab ste/ de'i phyir byang chub sems dpa' rnams kyi thabs dang shes rab kyis mngon par bsgrubs pa'i bsam gtan gyi pha rol tu phyin pa</font><hr>80.193a<br><font size=+1>

zhes bya'o/ /shA ri'i bu gzhan yang byang chub sems dpa' sems dpa' chen po ni mngon par shes pa las nyams pa med par 'du shes su gyur pa'i las rnams kyang byed do/ /mngon par shes pas kyang rnam par rol la bya ba thams cad kyang yongs su ston to/ /mngon par shes pa la rab tu gnas la 'jug pa chen po la yang 'dzud par byed do/ /de'i mngon par shes pa de ni ye shes byed pa'o/ /'jig rten las 'das pa'o/ /nges par 'byed pa'i cha dang 'thun pa'o/ /bya ba thams cad la rnam pa'i mchog thams cad dang ldan pa'o/ /de'i mngon par shes pa de ni shes rab byed pa'o/ /'jig rten gyi dang 'jig rten las 'das pa'i chos rnams mngon sum du gyur pa'o/ /de'i mngon par shes pa de ni zad pa'i rnam pa'o/ /thams cad kyi rjes su 'jug pa'o/ /nam mkha' dang mtshungs pa'o/ /de'i mngon par shes pa de ni gzugs dang gzugs med pa rnams su gzugs thams cad kun ston pa'o/ /de'i mngon par shes pa de ni sngon gyi mtha'i sgra dang mnyam pa nyid kyis sgra thams cad kyi rjes su song ba'o/ /de'i mngon par shes pa de ni rang bzhin dag mngon sum du mthong bas sems can thams cad kyi sems dang spyod pa la rnam par lta ba'o/ /de'i mngon pa shes pa de ni sngon gyi mtha' dang phyi ma'i mtha' yongs su gcod pas bskal pa thams cad rjes su dran pa'o/ /de'i mngon par shes pa de ni rdzu 'phrul dang rnam par 'phrul pa kun ston cing gzhan la mngon du phyogs pa mngon par 'du mi byed pa'i mtshan nyid do/ /de'i mngon par shes pa de ni dus la mi 'da' bas dus la sdong ba'i phyir zag pa zad pa'i ye shes kyi rjes su song ba'o/ /de'i mngon par shes pa de ni 'phags pa'o/ /'jig rten las 'das pa'i chos thams cad langs par 'byed pa'i cha dang 'thun pa'o/ /de'i mngon par shes pa de ni nyan thos dang / rang sangs rgyas</font><hr>80.193b<br><font size=+1>

thams cad kyis gting dpag dka' ba'o/ /de'i mngon par shes pa de ni zab mo'i don to/ /bdud dang phyir rgol ba bcom pa'o/ /de'i mngon par shes pa de ni byang chub kyi snying po 'dzin pa'o/ /sangs rgyas kyi chos thams cad mngon par rdzogs par byang chub pa la gzhol ba'o/ /de'i mngon par shes pa de ni chos kyi 'khor lo skor ba dang 'thun pa'o/ /de'i mngon par shes pa de ni sems can thams cad 'dul bar byed pa'o/ /de'i mngon par shes pa de ni chos thams cad la dbang bas dbang bskur ba thob pa'o/ /sha ri'i bu de ltar byang chub sems dpa' mngon par shes pa ma nyams pa ni shes pas byas pa'i las rnams byed kyi nga rgyal gyis byas pa ni ma yin no/ /mngon par shes pa nyams pa de sems yongs su dag pa dang / yongs su byang ba dang / 'od gsal ba dang / nyon mongs pa med pa dang / nye ba'i nyon mongs pa dang bral pa dang / shin du dul ba dang / shin du zhi ba dang / shin du sbyang ba byas pa dang / bsam gtan dang / rnam par thar pa dang / ting nge 'dzin dang / snyoms par 'jug pas kyang bsams bzhin du skye ste/ bcings bzhin du skye ba ma yin/ bcings bzhin du 'chi 'pho ma yin/ bcings bzhin du 'byung ba ma yin no/ /de ci'i phyir zhe na/ de ni yang dag par ma yin pa kun rtog pa las grol ba'o/ /de ni nyon mongs pa'i bcings pa thams cad las grol ba'o/ /de ni phyin ci log gi rtse mo'i gnas las grol ba'o/ /de bas na de grol bzhin du skye/ grol bzhin du 'chi 'pho/ grol bzhin du 'byung ngo / /de skye yang theg pa chen pos phongs par yang mi 'gyur la sangs rgyas kyi chos rnams kyis phun sum tshogs par 'gyur ro/ sangs rgyas kyi chos de dag kyang phyogs bcu kun du btsal kyang mi rnyed/ mi dmigs la chos thams cad kyang sangs rgyas kyi chos kyi rjes su 'jug go/ /de ltar na rang sangs rgyas kyi chos dang / chos thams cad ni chos kyang ma yin la</font><hr>80.194a<br><font size=+1>

chos ma yin pa yang ma yin pa zhes bya'o/ /chos gang yang dag pa ji lta ba bzhin kun du btsal kyang mi rnyed pa de la bgrang ba gang yang med de/ chos thams cad ni bgrang ba'i lam las shin du 'das pa'o/ /gang chos thams cad mnyam pa nyid du shes pa de ni chos dang chos ma yin pa la mngon par chags par mi byed do/ /mngon par chags pa med pa ni chos thams cad kyi don to/ /gang don la rlom sems su byed pa de ni de'i gnod pa chen po'o/ /gang don la rlom sems su mi byed pa de'i mdun na ni don nam don ma yin pa mi gnas so/ /don mthong ba las gang du yang blo thogs par mi 'gyur te/ de'i blo thogs pa med do/ /gang blo thogs pa med pa de yongs su mi 'dzin to/ /gang yongs su mi 'dzin pa de mi chags so/ /gang mi chags pa de gnas med do/ /gang gnas med pa de nyams pa med do/ /gang nyams pa med pa de'i rtsol ba 'bras bu yod pa'o/ /gang rtsol ba 'bras bu yod pa de la gti mug med do/ /gang gti mug med pa de la nga'i ba med do/ /gang la nga'i ba med pa de la rtsod pa med do/ /gang rtsod pa med pa de dge sbyong gi chos rtsod pa med pa'o/ /gang dge sbyong gi chos rtsod pa med pa de lag pa'i nam mkha' dang mtshungs so/ /gang lag pa'i nam mkha' dang mtshungs pa de 'dod pa'i khams su gtogs pa ma yin/ gzugs kyi khams su gtogs pa ma yin/ gzugs med pa'i khams su gtogs pa ma yin no/ /gang thams cad du gtogs pa ma yin pa de la kha dog med/ mtshan ma med/ dbyibs med do/ /gang kha dog med/ mtshan ma med/ dbyibs med pa de'i rjes su rtogs pa ni de 'dra'o/ /de'i rjes su rtogs pa ci 'dra bar rtogs pa yang de 'dra'o/ /ci'i phyir rjes su rtogs pa dang / rtogs pa zhes bya zhe na/ gang gi phyir gang rjes su rtogs par bya ba dang / rtogs par bya ba'i chos rdul tsam yang mi dmigs</font><hr>80.194b<br><font size=+1>

pas de'i phyir rjes su rtogs pa dang / rtogs pa zhes bya'o/ /de ltar rjes su rtogs pa dang / rtogs pa la snyoms par zhugs pa'i byang chub sems dpa' sems dpa' chen po ni ngo mtshar rmad du byung ba'i chos dang ldan pa zhes bya'o/ /byang chub sems dpa'i ngo mtshar rmad du byung ba'i chos gang zhe na/ gang byams pa dang / bdag med pa nyid dang / snying rje dang / sems can med pa nyid dang / dga' ba dang / srog med pa nyid dang / btang snyoms dang / gang zag med pa nyid dang / sbyin pa dang / sbyin pa'i sems nyid dang / tshul khrims dang / zhi ba'i sems nyid dang / bzod pa dang / mi zad pa'i sems nyid dang / brtson 'grus dang / dben pa sems nyid dang / bsam gtan dang / nges par rtogs pa'i sems nyid dang / shes rab dang / spros pa med pa'i sems nyid dang / dran pa nye bar bzhag pa dang / dran pa med cing yid la byed pa med pa'i sems nyid dang / yang dag par spong ba dang / skye ba med cing 'gag pa med pa'i sems nyid dang / rdzu 'phrul gyi rkang pa dang / spros pa med pa'i sems nyid dang / dad pa dang / chags pa med pa'i sems nyid dang / dran pa dang / rang 'byung gi sems nyid dang / ting nge 'dzin dang / snyoms par zhugs pa'i sems nyid dang / shes rab dang / dbang po med pa'i sems nyid dang / stobs nyid dang / kha na ma tho ba med pa'i sems nyid dang / byang chub kyi yan lag dang / byang chub rab tu dbye ba dang / lam bsgom pa dang / bsgoms pa'i sems nyid dang / zhi gnas dang / nye bar zhi ba'i sems nyid dang / lhag mthong dang / mthong ba bri ba med pa dang / 'phags pa'i bden pa sgom pa dang / shin du yongs su shes pa'i sems nyid dang / sems can yongs su smin par byed pa dang / thog ma nas dag pa nyid dang / dam pa'i chos yongs su 'dzin pa dang / chos kyi dbyings dbyer med pa'i sems nyid dang / mi skye ba la bzod</font><hr>80.195a<br><font size=+1>

pa dang / mi dmigs pa'i sems nyid dang / phyir mi ldog pa'i sa dang / phyir mi ldog pa'i sems nyid dang / mtshan rnyed pa dang / mtshan med pa'i sems nyid dang / byang chub kyi snying po'i rgyan dang khams gsum gyi snying po'i sems nyid dang / bdud tshar gcod pa dang / sems can thams cad la phan 'dogs pa'i sems nyid dang / byang chub dang / chos thams cad kyi rang bzhin rjes su rtogs pa'i sems nyid dang / chos kyi 'khor lo skor ba dang / ldog pa med pa'i sems nyid dang / yongs su mya ngan las 'das pa chen po kun tu ston pa'i sems nyid dang / 'khor ba'i rang bzhin mnyam pa'i sems nyid de/ shA ri'i bu de ltar na rjes su rtogs pa dang / rtogs pa'i don la snyoms par zhugs pa'i ngo mtshar rmad du byung ba'i chos 'di dag dang gzhan dag ste/ de'i phyir ngo mtshar rmad du byung ba'i chos dang ldan pa'i skyes bu dam pa de dag de 'dra zhes bya'o/ /shA ri'i bu de la bsam gtan zhes bya ba ci zhe na/ byang chub sems dpa' rnams kyi bsam gtan ni de bzhin gshegs pa'i ting nge 'dzin yongs su rdzogs par byed pa'i phyir de la ma chags pa'o/ /byang chub sems dpa' rnams kyi bsam gtan ni bdag bde ba la ma chags pa'i phyir ro myang ba med pa'o/ /byang chub sems dpa' rnams kyi bsam gtan ni nyon mongs pa thams cad spong ba'i phyir snying rje chen po la dmigs pa'o/ /byang chub sems dpa' rnams kyi bsam gtan ni 'dod pa'i khams la mi dmigs pa'i phyir ting nge 'dzin las mi ldog pa'o/ /byang chub sems dpa' rnams kyi bsam gtan ni sems can thams cad kyi sems dang spyod pa rab tu shes pa'i phyir mngon par shes pa spyod pa'o/ /byang chub sems dpa' rnams kyi bsam gtan ni sems kyi dbang phyug shes pa'i phyir de kho na la 'gro ba'o/ /byang chub sems dpa'</font><hr>80.195b<br><font size=+1>

rnams kyi bsam gtan ni gzugs dang / gzugs med pa'i khams thams cad kyi phyir snyoms par 'jug pa thams cad shes pa'o/ /byang chub sems dpa' rnams kyi bsam gtan ni nyan thos dang rang sangs rgyas kyi snyoms par 'jug pa zil gyis gnon pa'i phyir zhi ba rab tu zhi ba nye bar zhi ba'o/ /byang chub sems dpa' rnams kyi bsam gtan ni shin du mthar phyin pa'i phyir mi bskyod pa'o/ /byang chub sems dpa' rnams kyi bsam gtan ni bag chags kyi mtshams sbyor ba yang dag par 'jom pa'i phyir gnyen po'o/ /byang chub sems dpa' rnams kyi bsam gtan ni 'jig rten thams cad las 'das pa'i phyir shes rab kyi mchog go/ /byang chub sems dpa' rnams kyi bsam gtan ni sems can thams cad sgrol bar byed pa'i phyir sems can la bsam pa sngon du 'gro ba'o/ /byang chub sems dpa' rnams kyi bsam gtan ni de bzhin gshegs pa'i rdzu 'phrul zad mi shes pa dkon mchog gsum gyi rigs mi 'chad pa'o/ /byang chub sems dpa' rnams kyi bsam gtan ni rtag tu mnyam par bzhag pa'i phyir mngon par 'phags pa'o/ /byang chub sems dpa' rnams kyi bsam gtan ni las thams cad yongs su rdzogs par dbang byed pa'o/ /byang chub sems dpa' rnams kyi bsam gtan ni ye shes che ba nyid kyi phyir khyab pa ste/ shA ri'i bu 'di dag ni byang chub sems dpa' sems dpa' chen po rnams kyi bsam gtan no/ /shA ri'i bu de la bsam gtan gyi pha rol tu phyin pa gang gi sngon du 'gro zhe na/ 'di lta ste/ sems nges par rtog pa'i sngon du 'gro ba'o/ /sems rtse gcig pa'i sngon du 'gro ba'o/ /sems gnas pa'i sngon du 'gro ba'o/ sems zhi gnas kyi sngon du 'gro ba'o/ /ting nge 'dzin gyi dbang po'i sngon du 'gro ba'o/ /ting nge 'dzin gyi stobs kyi sngon du 'gro ba'o/ /yang dag pa'i</font><hr>80.196a<br><font size=+1>

ting nge 'dzin gyi sngon du 'gro ba'o/ /bsam gtan dang rnam par thar pa'i sngon du 'gro ba'o/ /mthar gyis gnas pa'i snyoms par 'jug pa dgu'i sngon du 'gro ba'o/ /'gog pa dgu pa'i sngon du 'gro ba'o/ /dge ba'i chos kyi sngon du 'gro ba'o/ /nyon mongs pa'i dgra gdul ba'i sngon du 'gro ba'o/ /ting nge 'dzin gyi phung po yongs su rdzogs pa'i sngon du 'gro ba'o/ /byang chub sems dpa'i ting nge 'dzin gyi sngon du 'gro ba'o/ /sangs rgyas kyi ting nge 'dzin gyi sngon du 'gro ba'o/ /de ltar na bsam gtan gyi pha rol tu phyin pa ni de dag dang zhi bar byed pa'i chos gzhan rnams kyi yang sngon du 'gro ba ste/ shA ri'i bu 'di ni byang chub sems dpa' sems dpa' chen po rnams kyi bsam gtan gyi pha rol tu phyin pa ste/ de la brtson pa'i byang chub sems dpa' sems dpa' chen po byang chub sems dpa'i spyad pa spyod do/ /de nas bcom ldan 'das kyis don de nyid rgyas par bstan pa'i phyir de'i tshe tshigs su bcad pa 'di dag gsungs so/ /bsam gtan dang ni rnam thar pha rol phyin/ pad ma chu yis gos pa med pa ltar/ yid ni chags med dag pa 'jig rten na/ bskal mang rgya mtshor rtag tu spyad pa spyod/ gang tu ting 'dzin pha rol song ba yi/ rnam par snang mdzad zhi ba'i ting 'dzin dang / zla 'od ces bya ting 'dzin rnams bkod pa/ de nyid glog gis rab tu brgyan pa dang / mngon par 'phags dang de bzhin sems pa dang / dri ma med dang snang ldan ting 'dzin dang / yon tan 'od dang grub 'od mya ngan med/ chos rnams thams cad la ni dbang sgyur dang / chos sgron dang ni de bzhin chos dpa' dang / ting 'dzin chos kyi dbang phyug ri rab dpa'/ dam pa'i chos kyi ye shes dbang byed dang / dam chos kun 'dzin shin tu rnam dag dang / gzhan gyi sems la rnam dpyod ting 'dzin dang / dam chos dkon mchog 'od</font><hr>80.196b<br><font size=+1>

zer ting 'dzin dang / rgyal mtshan rtse mo dpung rgyan nyon mongs sel/ bdud kyi stobs rnams 'jom pa'i ting 'dzin dang / stobs bcu dang ni stobs las mngon 'phags dang / kun bcad chags med ces bya ting 'dzin dang / lag na sgron ma 'dug sbyin bsgrags pa dang / sa 'dzin legs par gnas pa'i ting 'dzin dang / ri rab sgron dang rgyal ba mi 'pham dang / ye shes sgron dang de bzhin mi gtsang dang / rgyal ba thams cad dran pa'i ting 'dzin dang / chos rnams dang ni yon tan ye shes 'jug /stong par 'jug dang de bzhin mtshan med dang / smon med ting 'dzin de bzhin zhi ba yis/ 'du shes sna tshogs bral zhes bya ba dang / rab dul klu dbang stag ces bya ba dang / 'khyil pa dang ni rnam par ldog pa dang / 'dzum pa med dang stobs dang mig dag dang / ting 'dzin rdo rje 'dra dang rdo rje sa/ mngon 'phags mi 'dzums lhun po lta bu dang / kun nas klong 'khyil rnam par dag sgra dang / nges rtog nyon mongs bral ba'i ting 'dzin dang / nam mkha' 'dra dang nam mkha'i bar skabs dang / yon tan thams cad gus par len pa dang / blo gros dran rtogs blo 'phel spobs mi zad/ nges tshig bstan pa mtha' yas mi zad dang / legs byas byas pa chud mi za ba dang / lta ba dang ni 'gro ba tshim byed dang / byams pa mngon 'phags snying rje yangs pa'i rtsa/ dga' dang mchog tu dga' ba 'jug pa dang / btang snyoms dang ni gnyis la chags grol dang / chos don chos kyi 'od zer ting 'dzin dang / 'khrug med ye shes sgron dang ye shes mtsho/ rnam grol snying po 'gro ba tshim byed dang / rdo rje rgyal mtshan pad ma'i dam pa dang / chos kyi rgyal dang mi g.yo ting 'dzin dang / shes rab rtsibs dang zhi ba sangs rgyas mtsho/ 'od zer mtha' yas rnam grol sbyin pa dang / ye shes ting 'dzin de bzhin gshegs kyi rgyan/ bkod pa chen po</font><hr>80.197a<br><font size=+1>

zhing bkod snang ba dang / sems can bsam pa yongs rangs dga' ba dang / /rdzogs pa'i byang chub lam la rtag 'thun dang / /pha rol phyin pa brgyan dang dkon mchog btsug /ting 'dzin byang chub yan lag me tog sbyin/ rnam grol snying po bdud rtsi sbyin pa dang / /rlung dang rlung bzhin 'gro ba mi dmigs dang / /rgya mtsho shugs 'dzin rin chen mdzod ldan dang / /brag dang ri 'thab rgyal po zhes bya dang / /rdzu 'phrul yangs dang shin du don 'dzin dang / /sangs rgyas yul ston ting nge 'dzin dag dang / /de dang gzhan yang rgya chen mtha' yas pa'i/ /zhi ba'i ting 'dzin bye ba khong du chud/ /gang dag bsam gtan pha rol phyin spyod pa/ /byang chub sems dpa'i yon tan dpag med de/ /mnyam par bzhag nas bsam gtan spyod yul 'greng / /mnyam par bzhag nas rgod pa med par 'chag /mnyam par bzhag nas 'dug cing nyal bar byed/ /de yi sbyong lam mnyam par ma bzhag med/ /mnyam par bzhag pas sgra ni 'byin byed de/ /chos 'di thams cad zhi dang rab zhi ba/ /rtog pa med cing rnam par rtog pa med/ /bdag med srog med dbang phyug dag kyang med/ /byang chub sems dpa' mkhas pa snying rje can/ /bsam gtan pha rol phyin pa spyod byed pa/ /yon tan rgya mtsho de yi yon tan ni/ /'di dang gzhan yang pha rol mtha' yas pa'o/ /bsam gtan gyi pha rol tu phyin pa'i le'u ste/ /bcu pa'o// //  bam po bcu bdun pa/ /shA ri'i bu de la byang chub sems dpa' sems dpa' chen po gang la brtson na byang chub sems dpa'i spyad pa spyod par 'gyur ba'i byang chub sems dpa' sems dpa' chen po'i shes rab kyi pha rol tu phyin pa gang zhe na/ shA ri'i bu 'di la byang chub sems dpa'</font><hr>80.197b<br><font size=+1>

byang chub sems dpa'i sde snod kyi chos kyi rnam grangs rab tu nyan par byed/ 'dzin par byed/ 'chang bar byed/ klog par byed/ kun chub par byed/ gzhan dag la yang 'chad cing rgya cher yang dag par rab tu ston par byed de/ shA ri'i bu de la byang chub sems dpas byang chub sems dpa'i sde snod kyi chos kyi rnam grangs shin du mnyan/ blangs/ bzung bklags/ gzhan la yang bshad cing rgya cher yang dag par rab tu bstan na shes rab kyi rnam pa 'di dag 'thob par 'gyur ro/ /shes rab de yang rnam pa dang 'jug pa gang zhe na/ de la shes rab kyi thos pa ni rnam pa'o/ /tshul bzhin yid la byed pa ni 'jug pa'o/ /thos pa yang rnam pa gang zhe na/ 'di lta ste 'dun pa'i rnam pa dang / bsam pa'i rnam pa dang / sbyor ba'i rnam pa dang / dge ba'i bshes gnyen gyi rnam pa dang / nga rgyal med pa'i rnam pa dang / rab tu 'dud pa'i rnam pa dang / ri mor byed pa'i rnam pa dang / 'thun pa'i rnam pa dang / bka' blo bde ba'i rnam pa dang / bsnyen bkur byed pa'i rnam pa dang / rna blags te nyan pa'i rnam pa dang / bkur sti byed pa'i rnam pa dang / yid la byed pa'i rnam pa dang / mi g.yeng ba'i rnam pa dang / rin po cher 'du shes pa'i rnam pa dang / sman du 'du shes pa'i rnam pa dang / nad thams cad rab tu zhi bar byed pa'i 'du shes kyi rnam pa dang / dran pa'i snod kyi rnam pa dang / rtogs pa shes pa'i rnam pa dang / blo gros 'dod pa'i rnam pa dang / blo la 'jug pa'i rnam pa dang / sangs rgyas kyi chos thos pas mi ngom pa'i rnam pa dang / gtong pa spel ba'i rnam pa dang / byin nas mi smod pa'i rnam pa dang / mang du thos pa sten pa'i rnam pa dang / gus par dga' ba myong bar byed pa'i rnam</font><hr>80.198a<br><font size=+1>

pa dang / lus sim pa'i rnam pa dang / sems rangs pa'i rnam pa dang / mi skyo bar nyan pa'i rnam pa dang / don nyan pa'i rnam pa dang / chos nyan pa'i rnam pa dang / nan tan nyan pa'i rnam pa dang / theg pa gzhan la 'dod pa med par nyan pa'i rnam pa dang / pha rol du phyin pa nyan pa'i rnam pa dang / byang chub sems dpa'i sde snod nyan pa'i rnam pa dang / bsdu ba'i dngos po nyan pa'i rnam pa dang / thabs mkhas pa nyan pa'i rnam pa dang / tshangs pa'i gnas pa nyan pa'i rnam pa dang / mngon par shes pa nyan pa'i rnam pa dang / dran pa nye bar gzhag pa nyan pa'i rnam pa dang / yang dag pa'i spong ba nyan pa'i rnam pa dang / rdzu 'phrul gyi rkang pa nyan pa'i rnam pa dang / rten cing 'brel par 'byung ba nyan pa'i rnam pa dang / mi rtag pa nyan pa'i rnam pa dang / sdug bsngal nyan pa'i rnam pa dang / bdag med pa nyan pa'i rnam pa dang / zhi ba nyan pa'i rnam pa dang / stong pa nyid nyan pa'i rnam pa dang / mtshan ma med pa nyan pa'i rnam pa dang / smon pa med pa nyan pa'i rnam pa dang / mngon par 'du mi byed pa nyan pa'i rnam pa dang / dge ba'i rtsa ba mngon par 'du byed pa nyan pa'i rnam pa dang / rang dbang du gyur pa'i rnam pa dang chos nyan par 'du shes pa'i rnam pa dang / kun tu 'dre ba mi mthun pa'i phyogs su 'du shes pa'i rnam pa dang / nyon mongs pa thams cad tshar gcod pa'i rnam pa dang / mkhas pa la mngon par dga' ba'i rnam pa dang / 'phags pa bsten pa'i rnam pa dang / 'phags pa ma yin pa yongs su spang ba'i rnam pa dang / 'phags pa nyan pa'i rnam pa dang / dbang po nyan pa'i rnam pa dang / rjes su dran pa bsgom pa nyan pa'i rnam pa dang / byang chub kyi yan lag nyan pa'i rnam pa dang / 'phags pa'i lam yan lag brgyad pa nyan pa'i rnam pa dang / de bzhin gshegs pa'i stobs dang / mi 'jigs pa dang / byams pa dang / snying rje dang / dga' ba dang / btang snyoms chen po dang / so so yang dag par rig pa dang / sangs rgyas kyi chos ma 'dres pa bcwo brgyad rnams nyan pa'i rnam pa ste/ </font><hr>80.198b<br><font size=+1>

shA ri'i bu de ltar gang na thos pa de na shes pa'o/ /gang na shes pa de na nan tan no/ /de ci'i phyir zhe na/ gang byang chub sems dpa'i sde snod kyi chos kyi rnam grangs la mos pa de ni thos par 'gyur ro/ /thos nas rab tu shes so/ /shes nas nan tan byed do/ /gang byang chub sems dpa'i sde snod kyi chos kyi rnam grangs la bsam pa yod pa de ni thos par 'gyur ro/ /thos nas rab tu shes so/ /shes nas nan tan byed do/ /gang byang chub sems dpa'i sde snod kyi chos kyi rnam grangs la sbyor ba yod pa de ni thos par 'gyur ro/ /thos nas rab tu shes so/ /shes nas nan tan byed do/ /gang dge ba'i bshes gnyen la sten par byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang nga rgyal med pa de ni thos par 'gyur ro/ /thos nas rab tu shes so/ /shes nas nan tan byed do/ /gang mang du thos pa la rab tu 'dud pa de ni thos par 'gyur ro/ /thos nas rab tu shes so/ /shes nas nan tan byed do/ /gang mang du thos pa la ri mor byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang 'thun par 'dzin pa de ni thos par 'gyur ro/ /thos nas rab tu shes so/ /shes nas nan tan byed do/ /gang bka' blo bde ba de ni thos par 'gyur ro/ /thos nas rab tu shes so/ /shes nas nan tan byed do/ /gang mang du thos pa la bsnyen bkur byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang rna blags te nyan pa de ni thos par 'gyur ro/ /thos nas rab tu shes so/ /shes nas nan tan byed do/ /gang mang du thos pa la bkur sti byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang 'chad pa dang / gang mang du thos pa yid la byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang mang du thos pa rin po cher 'du shes pa de ni thos par 'gyur ro/ /thos nas rab tu shes so/ /shes nas nan tan byed do/ /gang mang du thos pa la rtsir 'du shes pa de ni thos par 'gyur ro/ /</font><hr>80.199a<br><font size=+1>

thos nas rab tu shes so/ /shes nas nan tan byed do/ /gang mang du thos pa thos nas 'dod chags dang / zhe sdang dang gti mug rab tu zhi bar 'du shes pa de ni thos par 'gyur ro/ /thos nas rab tu shes so// shes nas nan tan byed do/ /gang mang du thos pa thos nas 'dzin par 'du shes pa de ni thos par 'gyur ro/ /thos nas rab tu shes so/ /shes nas nan tan byed do/ /gang chos rnams rtogs par khong du chud pa de ni thos par 'gyur ro/ /thos nas rab tu shes so/ /shes nas nan tan byed do/ gang mang du thos pa blo gros 'dod pa de ni thos par 'gyur ro/ /thos nas rab tu shes so/ /shes nas nan tan byed do/ /gang mang du thos pa thos nas blo rnam par g.yo ba de ni thos par 'gyur ro/ /thos nas rab tu shes so/ /shes nas nan tan byed do/ /gang thos pas mi ngoms pa de ni thos par 'gyur ro/ /thos nas rab tu shes so/ /shes nas nan tan byed do/ /gang sbyin pa'i gtam thos nas gtong bar rtog pa de ni thos par 'gyur ro/ /thos nas rab tu shes so/ /shes nas nan tan byed do/ /gang tshul khrims kyi gtam thos nas tshul khrims bsrung ba de ni thos par 'gyur ro/ /thos nas rab tu shes so/ /shes nas nan tan byed do/ /gang bzod pa'i gtam thos nas bzod par byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang brtson 'grus kyi gtam thos nas brtson 'grus ma nyams par byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang bsam gtan gyi gtam thos nas sems mi g.yeng bar byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang shes rab kyi gtam thos nas zag pa zad pa la sems gzhol bar byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang mang du thos par dga' ba skye ba de ni thos par 'gyur ro/ /thos nas rab tu shes so/ /shes nas nan tan byed do/ /gang chos thos nas lus sim par byed pa de ni thos par 'gyur ro/ /thos nas rab tu shes so/ /</font><hr>80.199b<br><font size=+1>

shes nas nan tan byed do/ /gang chos thos nas rangs par byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang theg pa chen po thos nas/ mos par 'gyur ba de ni thos par 'gyur ro/ /thos nas rab tu shes so/ /shes nas nan tan byed do/ /gang bsdu ba'i dngos po thos nas gang bsdu bar sems skyed pa de ni thos par 'gyur ro/ /thos nas rab tu shes so/ /shes nas nan tan byed do/ /gang dran pa nye bar gzhag pa'i gtam thos nas dran pa lus la zhugs pa dang / dran pa tshor ba la zhugs pa dang / dran pa sems la zhugs pa dang / dran pa chos la zhugs pa de ni thos par 'gyur ro/ /thos nas rab tu shes so/ /shes nas nan tan byed do/ /gang yang dag par spong ba'i gtam thos nas mi dge ba skyes shing byung ba dag la khrel zhing ngo tsha bar 'gyur ba de ni thos par 'gyur ro/ /thos nas rab tu shes so/ /shes nas nan tan byed do/ /gang dge ba'i chos skyes shing byung ba la mi gtong bar blo 'jug pa de ni thos par 'gyur ro/ /thos nas rab tu shes so/ /shes nas nan tan byed do/ /gang rdzu 'phrul gyi rkang pa'i gtam thos nas lus yang ba dang / sems yang ba dang / 'dun pa yang ba skye ba de ni thos par 'gyur ro/ /thos nas rab tu shes so/ /shes nas nan tan byed do/ /gang bsam gtan gyi gtam thos nas nges par rtog pa la sems gtong ba de ni thos par 'gyur ro/ /thos nas rab tu shes so/ /shes nas nan tan byed do/ /gang tshad med pa'i gtam thos nas sems can thams cad la byams pa dang / phongs par gyur pa rnams la snying rje che ba dang / chos la dga' ba dang / mi dga' ba la btang snyoms pa de ni thos par 'gyur ro/ /thos nas rab tu shes so/ /shes nas nan tan byed do/ /gang dbang po'i gtam thos nas dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po la sems 'jug par byed pa de ni thos par 'gyur ro/ /thos nas rab tu shes so/ /shes nas nan tan byed do/ /</font><hr>80.200a<br><font size=+1>

gang byang chub kyi yan lag gi gtam thos nas chos thams cad khong du chud par bya ba'i phyir sems 'jug par byed pa de ni thos par 'gyur ro/ /thos nas rab tu shes so/ /shes nas nan tan byed do/ /gang lam gyi gtam thos nas mya ngan las 'da' bar 'gro ba la sems 'jug pa de ni thos par 'gyur ro/ /thos nas rab tu shes so/ /shes nas nan tan byed do/ /gang de bzhin gshegs pa'i stobs dang / mi 'jigs pa dang / byams pa dang / snying rje dang / dga' ba dang / btang snyoms chen po dang / so so yang dag par rig pa dang / sangs rgyas kyi chos ma 'dres pa bcwa brgyad yang dag par bslabs pas sangs rgyas kyi chos tshad med pa thos nas bla na med pa yang dag par rdzogs pa'i byang chub tu sems 'jug ste/ de thos par 'gyur ro/ /thos nas rab tu shes so/ /shes nas nan tan byed do/ /shA ri'i bu 'di ni thos pa'i rnam pa 'jug pa rnam pa bzhi bcu rtsa gcig ces bya ste/ shA ri'i bu de ltar na byang chub sems dpa' shes rab kyi pha rol tu phyin pa la spyod do/ /shA ri'i bu gzhan yang byang chub sems dpa' shes rab kyi pha rol tu phyin pa la spyod pa byang chub sems dpa'i sde snod kyi chos kyi rnam grangs shin tu mnyan/ blangs/ bzung / bklags/ kun chub par byas/ gzhan la yang bshad cing rgya cher yang dag par rab tu bstan nas nan tan snying po byed pa yin no/ /chos rnams la nan tan byed pa gang zhe na/ gang ji ltar bstan pa bzhin du gnas pa ste/ de chos la nan tan byed pa'o/ /gzhan yang chos la nan tan byed pa ni gang chos thams cad mi len pa'o/ /de ci'i phyir zhe na/ chos rnams len na yang log pa'i nan tan du 'gyur te/ gang zag gang chos len par gnas pa ni chos de dag las 'byung bar 'gyur ba'i gnas dang skabs med de de ni gnas med pa'o/ /gang zag mi len par spyod pa rnams kyang bsal ba'i phyir chos 'di dag la nan tan du bzhag pa the tshom du 'gyur na chos len par spyod pa rnams</font><hr>80.200b<br><font size=+1>

lta smos kyang ci dgos te de bas na chos thams cad mi len pa ni nan tan no/ /gzhan yang gang chos rnams la mi sgrib pa de ni nan tan zhes bya'o/ /gang chos rnams la rlom sems med pa dang / gang chos rnams mi len pa dang / mi rlom pa dang / mi skye ba dang / mi 'gog pa de ni nan tan zhes bya'o/ /gzhan yang chos rnams la bstan pa med pa dang / bsal ba med pa de ni nan tan zhes bya'o/ /gzhan yang gang du cung zad kyang ma bshad/ ji ltar bshad pa bzhin du mi snang ba de lta bu ni chos thams cad mi snang ba/ mi blang ba/ mtshan nyid gcig pa'o/ /mtshan nyid gang zhe na/ 'di lta ste mtshan nyid med pa'o/ /mtshan nyid ces bya ba ni mtshan nyid med pa ste/ de ni gnyis ga las 'gyur ro/ /de ci'i phyir zhe na/ kun brtag pa 'am/ yang dag par brtag pa de nyid mtshan nyid med par bshad pa yin no/ /'di ni mtshan nyid do/ /'di ni mtshan nyid ma yin pa'o zhes 'di lta ste/ chos thams cad la mtshan nyid med pa mi snang ba/ blang ba med par rtogs pa de ni nan tan zhes bya'o/ /nan tan la brtson par gyis shig /chos thams cad mi sgrib par snang ba thob par gyis shig /de nas de'i tshe bcom ldan 'das kyis tshigs su bcad pa 'di dag gsungs so/ /gang zhig byang chub sems dpa'i sde snod la/ /shin du nges par nan tan gnas byed pa/ /mkhas pa de ni chos la 'dzin mi byed/ /mi 'dzin pas na nan tan de 'dra'o/ /mis ni chos rnyed stong par mi byed de/ /chos la'ang de ni stong par rlom sems med/ /stong pa'i chos la rlom sems gang yang med/ /rlom sems med phyir nan tan de 'dra'o/ chos la len pa med cing 'dor ba med/ /chos ni chos la len par byed pa med/ /len pa med phyir 'di ni chos kyi mtshan/ de 'dra ba ni nan tan zhes bya'o/ /gang phyir chos la nams kyang de mi chags/ /de la de yi ye shes blangs mi 'gyur/ /ye shes ma blangs de la'ang rlom sems med/ /de 'dra ba la nan tan zhes bya'o/ /</font><hr>80.201a<br><font size=+1>

mkhas pas sbyangs pa'i yon tan gnas par gyis/ /chos 'di dag la shin du brtson par gyis/ /cho ga spyod pa dag la gnas gyur na/ /de tshe de yi sgo n-i dag par 'gyur/ /sgo dag na ni chos 'di 'dra ba shes/ de na sems la bsam pa'ang shes par 'gyur/ /mkhas pas de tshe bsam pa shes na ni/ /'di 'dra ba yi chos kyang 'chad par 'gyur/ zab mo'i chos la don dam mkhas gyur nas/ /rtag tu don la rnam par gdon mi za/ /spyod pa mtha' yas yon tan rnams kyis 'phags/ /mkhas pa mang du thos par rgya mtsho 'dra/ /de yi don dang tshig 'bru dag la yang / /mtha' ma rtogs par rung ba ma yin zhing / /don kyang mtha' yas tshig 'bru mtha' yas te/ /nan tan snying por byed pa mi 'khrugs 'gyur/ shA ri'i bu de ltar na byang chub sems dpa' shes rab kyi pha rol tu phyin pa la spyod do/ /shA ri'i bu gzhan yang byang chub sems dpa' shes rab kyi pha rol tu phyin pa la spyod pa byang chub sems dpa'i sde snod kyi chos kyi rnam grangs shin du nyan pa nas gzhan la rgya cher bstan pa'i bar du byas nas/ ma rig pa'i mun pa mun nag mun pa rab rib stug po bsal ba'i phyir chos thams cad la snang ba thob ste/ /shes rab kyi snang ba'o/ /de snang ba de thob pas dge ba dang / mi dge ba'i chos rnams rab tu shes te/ /de srog gi phyir yang mi dge ba'i chos la mi gnas te/ de mi dge ba'i chos rnams spang ba'i phyir ji ltar thos pa'i chos rnams rtogs pas na dge ba thub pa zhi ba zhes bya'o/ /de nas bcom ldan 'das kyis de'i tshe tshigs su bcad pa 'di dag gsungs so/ /ji ltar mun pas khyab bsgribs pa/ /khyim du zhugs par gyur na ni/ /yod par gyur pa'i gzugs rnams kyang / /mig gis mthong bar mi 'gyur ro/ /de bzhin</font><hr>80.201b<br><font size=+1>

du ni 'di la yang / /la la'i mi dag skyes gyur kyang / /dge ba dang ni sdig pa'i chos/ /ma thos par ni shes mi 'gyur/ /thos nas chos rnams rnam par shes/ /thos nas sdig pa sten mi byed/ /thos nas gnod pa spong bar byed/ /thos nas mya ngan 'das pa 'thob/ /thos par 'dod pas thos pa 'phel/ /thos pas shes rab 'phel bar 'gyur/ /shes rab kyi ni don rnams sbyong / don thob nas ni bde 'thob 'gyur/ /don 'thob de ni yid rno ste/ /tshe 'di la ni mya ngan 'das/ /chos la sbyor zhing gtsang la mkhas/ /shin du bde ba 'thob par 'gyur/ byang chub sems dpa'i sde snod ni/ thos nas chos nyid gnas par 'gyur/ /'jig rten la ni snang gyur nas/ /byang chub kyi ni spyad pa spyod/ shA ri'i bu de ltar na byang chub sems dpa' shes rab kyi pha rol tu phyin pa la spyod do/ /shA ri'i bu gzhan yang byang chub sems dpa' shes rab kyi pha rol tu phyin pa la spyod pa byang chub sems dpa'i sde snod 'dzin pa'i gang zag la dge ba'i bshes gnyen du 'du shes bskyed nas byang chub sems dpa'i sde snod kyi chos kyi rnam grangs 'di nyid la shin du byang bar byed/ rnam par dag par byed de byang chub sems dpa'i sde snod 'di'i don gyi phyir 'dun pa skyed/ 'bad par byed/ brtson 'grus rtsom par byed/ sems la rab tu 'dzin par byed/ yang dag par rab tu 'jog par byed de/ de yang dag par spong ba bzhi la rab tu zhugs pas chos thams cad sgrib pa med pa 'thob bo/ /de nas de'i tshe bcom ldan 'das kyis tshigs su bcad pa 'di dag gsungs so/ /chos smra ba ni gang yin pa/ /de la dge ba'i bshes su sems/ /rtag par nan tan gnas gyur nas/ /chos la nan tan byas te nyan/ /rtag par 'dun pa bri mi byed/ </font><hr>80.202a<br><font size=+1>

rtag par brtson 'grus shin du 'phags/ /rtag par shes rab rnam par sbyong / /ye shes la ni rtag tu gnas/ /de ni bdag nyid chos shes te/ /dad pa'i phyir ni 'gro mi byed/ /sangs rgyas kyis ni gang bshad pa/ /mi g.yo ba yi chos shes so/ /mkhas pa de dag tshig rnams 'byed la mkhas/ /bslabs pas don la khong du chud par byed/ /de dag dkar po'i phyogs ni rtag par sbyong / /nag po'i phyogs ni rtag tu spong bar byed/ /de yi sems la nams kyang nyams pa med/ /de ni chos rnams gang la'ang zhum pa med/ /lus yang de bzhin sems dang brtson 'grus dang / /'dun pa yang ba'ang myur du thob par 'gyur/ /chos thos nas ni shes rab 'phel bar 'gyur/ /ye shes rnam par rtogs nas dran mi nyams/ /dran dang ye shes la ni rtag gnas nas/ /dge dang mi dge'i chos ni rab tu shes/ /bla na med pa'i chos rnams bslabs nas ni/ /rtogs dang dran pa shes rab stobs mchog thob/ /ji ltar bdag nyid yun rings bslabs pa bzhin/ /des ni sems can rnams kyi bsam pa shes/ /chos bslabs nas ni khyad par 'thob 'gyur te/ /khyad par thob cing ye shes dag gyur nas/ /de ni sems can rnams kyi bsam pa shes/ /de phyir bsam pa bzhin du chos ston to/ /shA ri'i bu de ltar na/ byang chub sems dpa' shes rab kyi pha rol du phyin pa la spyod do/ /shA ri'i bu gzhan yang byang chub sems dpa' shes rab kyi pha rol tu phyin pa la spyod pa de ltar blo sbyangs pa dang / de ltar chos snang ba'i sgo shin du yongs su dag pas 'di ltar slob ste/ 'phags pa'i yang dag par lta ba 'byung ba ni rgyu gnyis dang rkyen gnyis te/ gnyis gang zhe na/ gzhan gyi sgra dang bdag nyid tshul bzhin yid la byed pa'o/ /de 'di snyam</font><hr>80.202b<br><font size=+1>

du sems te/ gzhan sgra de gang / bdag nyid tshul bzhin yid la byed pa de gang zhe na/ de de ltar tshul bzhin yid la byed pa na 'di snyam du sems par 'gyur te/ rnal 'byor spyod pa gang byang chub sems dpa'i sde snod kyi chos kyi rnam grangs 'di ma thos/ /'phags pa'i chos 'dul ba ma thos par ting nge 'dzin tsam gyis dga' ba rnyed nas nga rgyal gyi dbang gis che ba'i nga rgyal du lhung ba de dag ni skye ba dang / /rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su myi thar/ sdug bsngal gyi phung po las yongs su mi thar te/ de dag la de bzhin gshegs pas dgongs nas 'di skad gsungs so/ /pha rol la rjes su 'thun pa thos pa ni rga ba dang 'chi ba las rnam par grol pa'o/ /yang bcom ldan 'das kyis gsungs pa/ chos rnams thos nas rnam par shes/ /thos nas sdig pa mi byed de/ /thos nas gnod pa spong bar 'gyur/ /thos nas mya ngan 'das pa 'thob/ /thos 'dod thos pa 'phel bar 'gyur/ /thos pas shes rab 'phel bar 'gyur/ /shes rab kyis ni don rnams spyod/ /don rnyed nas ni bde 'thob 'gyur/ /don rnyed de ni yid rno ste/ /tshe 'di la ni mya ngan 'das/ /chos gtsang mkhas pa gtsang ma dang / /mchog tu bde bar thob par 'gyur/ shA ri'i bu de ltar byang chub sems dpas byang chub sems dpa'i sde snod kyi chos kyi rnam grangs 'phags pa'i chos 'dul ba shin du mnyan par bya/ blang bar bya/ gzung bar bya/ bklag par bya/ kun chub par bya/ gzhan la yang rgya cher yang dag par rab tu bstan par bya'o/ /shA ri'i bu gang byang chub sems dpa'i sde snod kyi chos kyi rnam grangs mi nyan pa dang / tshul bzhin du sbyor bar mi byed pa</font><hr>80.203a<br><font size=+1>

de dag ni 'phags pa'i lam las yongs su nyams par 'gyur te/ de la dgongs nas de bzhin gshegs pa 'di skad du bdag nyid tshul bzhin yid la byed pa ni rga ba dang / na ba dang 'chi ba las grol ba'o zhes gsung ngo / /de 'di ltar slob ste byang chub sems dpa'i tshul bzhin sbyor ba ni gang / ji ltar na byang chub sems dpa' tshul bzhin sbyor ba yin snyam nas de 'di ltar slob ste/ byang chub sems dpa' sems dpa' chen po ni chos gang la yang sbyor bar mi byed rab tu sbyor bar mi byed do/ /tshul bzhin du sbyor ba zhes bya ba de ni mi sbyor ba'i tshig bla dgas so/ /gzhan yang byang chub sems dpa' tshul bzhin du sbyor ba ni sgra 'byin par mi byed/ zlos pa 'byin par mi byed/ gang nas sgra 'byung ba de yang mi dmigs/ sgra de nyid gang nas byung / gang du 'gags ces sngon gyi mtha' dang / phyi ma'i mtha' la rtog par byed de/ gang smras pa dang / gang smra ba dang / gang smra bar 'gyur ba dang / gang gis smras pa dang / gang gis smra ba dang / gang gis smra bar 'gyur ba dang / gang spong ba'i phyir smras pa dang / gang spong ba'i phyir smra ba dang / gang spong ba'i phyir smra bar 'gyur ba dang / gang khong du chud par bya ba'i phyir smras pa dang / gang khong du chud par bya ba'i phyir smra ba dang / gang khong du chud par bya ba'i phyir smra bar 'gyur ba de thams cad yongs su btsal na 'das pa'i rnam pa dang / ma 'ongs pa'i rnam pa dang / da ltar byung ba'i rnam par mi dmigs pa de ni de'i tshul bzhin sbyor ba'o zhes de de ltar slob bo/ /byang chub sems dpa' de ltar tshul bzhin du sbyor bas ji ltar na tshul bzhin du mthong zhe na/ de 'di ltar slob ste gang gi tshe na byang chub sems dpa' chos thams cad rang bzhin gyis 'gags par mthong ba de'i tshe tshul bzhin mthong ngo / /gang gi tshe chos thams cad rang bzhin gyis nye bar zhi bar mthong ba de'i tshe tshul bzhin</font><hr>80.203b<br><font size=+1>

mthong ngo / /gang gi tshe chos thams cad rnam par zhi bar mthong ba de'i tshe tshul bzhin mthong ngo / /gang gi tshe chos thams cad rang bzhin gyis snyoms par ma zhugs par mthong ba de'i tshe tshul bzhin mthong ngo / /gang gi tshe chos thams cad ma skyes par mthong ba de'i tshe tshul bzhin mthong ngo / /gang gi tshe chos thams cad ma byung bar mthong ba de'i tshe tshul bzhin mthong ngo / /gang gi tshe chos thams cad shin du yang dag par ma byung bar mthong ba de'i tshe tshul bzhin mthong ngo / /gang gi tshe chos thams cad mya ngan las 'das par mthong ba de'i tshe tshul bzhin mthong ngo / /de gang gis mthong ba de la yang rtog ste/ ci nas kyang mi mthong ba dang / mi rtog pa de ltar mthong ste/ de ltar mthong na tshul bzhin mthong ba zhes bya'o/ /yang 'di ltar slob ste byang chub sems dpa' tshul bzhin du sbyor ba ni chos gang la yang the tshom dang rmongs pa med do/ /tshul bzhin du sbyor ba ni chos gang la yang sgrib pa med de/ /tshul bzhin du sbyor ba ni chos gang la yang gang thar pa'i sgor mi 'gyur ba med do/ /tshul bzhin du sbyor ba ni chos gang yang spang bar bya ba'i phyir 'bad pa med do/ /tshul bzhin du sbyor ba ni chos gang la yang rtogs par bya ba'i phyir 'bad par med de/ gang chos thams cad yang dag par mthong ba dang / ji lta ba bzhin du mthong ba de ni yang dag par lta ba'o/ /chos thams cad ji lta ba bzhin du mthong ba gang zhe na/ 'di lta ste ma mthong ba'o/ /ma mthong ba zhes bya ba de ni ma skyes pa'i tshig bla dgas so/ /ma skyes pa zhes bya ba de ni yang dag par ma byung ba'i tshig bla dgas so/ /yang dag par ma byung ba zhes bya ba gang zhe na/ de ni mi snang ba'i tshig bla dgas te/ de bzhin gshegs pa de la dgongs nas 'du byed thams cad mi skye bar mthong na yang dag pa nyid du nges pa la 'jug ste/ 'di lta ste yang dag pa nyid du nges pa la 'jug pa de ni yang dag par lta ba'o/ /</font><hr>80.204a<br><font size=+1>

zhes de skad gsung ngo / /de 'di snyam du sems te ci'i phyir na yang dag pa nyid du nges pa la 'jug pa zhes bya zhes de 'di ltar slob ste/ chos thams cad gang dang mnyam pa sangs rgyas kyi chos de dang mnyam ste/ de bas na yang dag pa nyid du nges pa la 'jug pa'o/ /de lta bas na yang dag pa nyid du nges pa la 'jug 'dod pa rnams kyis byang chub sems dpa'i sde snod rnam grangs 'di nyid shin du mnyan par bya/ blang bar bya/ bzung bar bya/ bklag par bya/ kun chub par bya/ byang chub sems dpa'i sde snod kyi chos kyi rnam grangs 'di nyid la yang tshul bzhin du sbyar ba bya ste/ /shA ri'i bu de ltar byang chub sems dpa' shes rab kyi pha rol du phyin pa la spyod do/ /shA ri'i bu gzhan yang byang chub sems dpa' shes rab kyi pha rol du phyin pa la spyod pa de ltar blo shin du yongs su sbyangs pa dang / de ltar chos snang ba'i sgo shin du yongs su dag pas tshul bzhin du 'jug pa la brtson na tshul bzhin gyi tshig mthong ngo / /de la tshul bzhin du 'jug pa gang / tshul bzhin gyi tshig gang zhe na/ de ltar na byang chub sems dpa'i tshul bzhin du 'jug pa ni 'di lta ste/ zhi gnas kyi gnas la 'jug pa dang / lhag mthong rnam par rtog pa la 'jug pa ni tshul bzhin du 'jug pa'o/ /lus dben par 'jug pa dang / sems yid du 'ong bar 'jug pa dang / chad pa ma yin par 'jug pa dang / rtag pa ma yin par 'jug pa dang / rgyu dang rkyen la 'jug pa dang / rten cing 'brel par 'byung ba la 'jug pa dang / sems can med pa dang / srog med pa dang / gang zag med pa la 'jug pa dang / ma 'ongs ma phyin mi gnas pa la 'jug pa dang / mi 'pho ba dang / rgyu dang 'bras bu chud mi za ba dang / rgyu stong pa nyid du rnam par 'byed pa la 'jug pa dang / mtshan ma med par 'dris par</font><hr>80.204b<br><font size=+1>

bya ba la 'jug pa dang / smon pa med par rab tu shes pa la 'jug kyang stong pa nyid dang / mtshan ma med pa dang / smon pa med pa len par 'jug pa ma yin pa dang / ting nge 'dzin dang / snyoms par 'jug pa len pa la 'jug kyang ting nge 'dzin gyi dbang gis skye ba la mi 'jug pa dang / mngon par shes pa'i ye shes len pa la 'jug kyang zag pa zad pa la mi 'jug pa dang / mi skye bar rtog pa la 'jug kyang nges par gyur par 'gro ba la mi 'jug pa dang / sems can thams cad bdag med par rtogs par 'jug kyang snying rje chen po gtong ba la mi 'jug pa dang / skye ba thams cad 'jig par mthong ba la 'jug kyang srid pa bsam gyis mi khyab pa len pa la 'jug pa dang / mya ngan las 'da' bar 'dod pa la 'jug kyang chos mngon du bya ba la mi 'jug pa dang / 'dod pa'i yon tan gyi dga' ba dang btang snyoms pa la 'jug kyang chos kyi dga' ba 'dor ba la mi 'jug pa dang / rtog pa spros pa thams cad gtong ba la 'jug kyang thabs mkhas pa gtong ba la mi 'jug pa ste/ shA ri'i bu de ni tshul bzhin du 'jug pa zhes bya'o/ /shA ri'i bu tshul bzhin gyi tshig ces bya ba gang zhe na/ rigs pa'i tshig de ni tshul bzhin gyi tshig go/ /shA ri'i bu gzhan yang tshul bzhin gyi tshig de ni tshul gyi tshig go/ de ni sgo'i tshig go/ de ni kha'i tshig go/ /de ni rgyu'i tshig go/ /de ni rab tu rnam par 'byed pa'i tshig go/ /de ni mi 'gal ba'i tshig go/ /de ni mi brtsod pa'i tshig go/ /de ni btang snyoms kyi tshig go/ /mi len pa'i tshig go/ /mi 'dor ba'i tshig dang / ma spros pa'i tshig dang / mi bsnan pa'i tshig dang / ma bri ba'i tshig dang / mi skye ba'i tshig dang / rtsod pa'i gzhi med pa'i tshig dang / mi ldog pa'i tshig dang / gnyen po med pa'i tshig dang / de kho na'i tshig dang / </font><hr>80.205a<br><font size=+1>

de bzhin kho na'i tshig dang / ma log pa de bzhin nyid kyi tshig dang / gzhan ma yin pa de bzhin nyid kyi tshig dang / de bzhin nyid kyi tshig dang / ji lta ba bzhin gyi tshig dang / dus gsum mnyam pa nyid kyi tshig dang / yongs su chad pa'i tshig dang / gzugs rnam par shes pa'i gnas med pa'i tshig dang / tshor ba dang / 'du shes dang / 'du byed dang / rnam par shes pa gnas med pa'i tshig go/ /de ni mig dang / gzugs dang / mig gi rnam par shes pa'i khams gnas med pa'i tshig go/ /de ni rna ba dang / sgra dang / rna ba'i rnam par shes pa'i khams gnas med pa'i tshig go /de ni sna dang dri dang / sna'i rnam par shes pa'i khams gnas med pa'i tshig go/ /de ni lce dang / ro dang / lce'i rnam par shes pa'i khams gnas med pa'i tshig go /de ni lus dang / reg dang / lus kyi rnam par shes pa'i khams med pa'i tshig go /de ni yid dang / chos dang / yid kyi rnam par shes pa'i khams gnas med pa'i tshig go/ /de ni don la rton pa'i tshig go/ /de ni chos la rton pa'i tshig go/ /de ni ye shes la rton pa'i tshig go/ /de ni nges pa'i don gyi mdo sde la rton pa'i tshig ste/ shA ri'i bu de ni tshul bzhin gyi tshig go/ /de ltar byang chub sems dpa' tshul bzhin du 'jug pa la brtson pa/ tshul bzhin gyi tshig mthong ba de ni gang gis mthong ba de nyid mi mthong ste/ ji ltar mi mthong rnam par mi mthong ba de ltar mthong ngo / /de ltar mthong na tshul bzhin mthong ba zhes bya'o/ /shA ri'i bu yang byang chub sems dpa' tshul bzhin du sbyor ba ni chos gang la yang rmongs par mi 'gyur ro/ /byang chub sems dpa' tshul bzhin du sbyor ba la chos gang yang gang thar pa'i sgor mi 'gyur ba med do/ /tshul bzhin du sbyor ba ni chos gang yang spong ba'i phyir 'bad pa med do/ /tshul bzhin du sbyor ba ni chos</font><hr>80.205b<br><font size=+1>

gang yang rtogs par bya ba'i phyir 'bad pa med de/ gang chos thams cad yang dag par mthong ba dang / ji lta ba bzhin mthong ba de ni yang dag par lta ba'o/ chos thams cad ji lta ba bzhin du mthong ba gang zhe na/ 'di lta ste mi mthong ba'o/ /mi mthong ba gang zhe na/ de ni ma skyes pa'i tshig bla dgas so/ ma skyes pa zhes bya ba gang zhe na/ de ni mi snang ba'i bar gyi tshig bla dgas te/ rgya cher sngar ji ltar bzlas pa de ltar de bzhin du bzlas par bya ste/ de ltar na byang chub sems dpa' shes rab kyi pha rol tu phyin pa la spyod do/ /shA ri'i bu gzhan yang byang chub sems dpa' shes rab kyi pha rol tu phyin pa la spyod pa 'di ltar slob ste/ chos thams cad ni bdag bzhin du tshul bzhin te ji ltar bdag la bdag med pa de bzhin du chos thams cad bdag med par mthong ngo / /ji ltar sems can bdag med pa de bzhin du chos thams cad bdag med par mthong ste/ de ltar mthong na tshul bzhin du mthong ngo / /gang tshul bzhin 'khor ba'i khams mthong ba de tshul bzhin mya ngan las 'das pa'i khams dang ldan par mthong ste/ de ni tshul bzhin du sbyor ba zhes bya'o/ /de ni chos thams cad kyi rang bzhin la nyon mongs pa'i rang bzhin du bye brag med pa dang ldan par mthong ngo / /rnal 'byor dang rnal 'byor ma yin par yang mi snyoms so/ /tshul bzhin du sbyor bas tshul bzhin mthong ste tshul bzhin gyi sbyor ba ji snyed pa sems can gyi gnas thams cad de snyed de/ sems can gyi gnas kyang mi mthong / chos kyi gnas kyang 'khrug par mi byed pa de ni byang chub sems dpa'i tshul bzhin sbyor ba ste/ shA ri'i bu de ltar na rnam pa 'di dang / thos pa 'di dang / tshul bzhin du 'jug pa 'di dang / tshul bzhin mthong ba 'di dang / ji lta ba bzhin du mthong ba'i rgyu mthun pa 'di dang / 'di dag ni shes rab ces</font><hr>80.206a<br><font size=+1>

bya ste/ shA ri'i bu de ltar na byang chub sems dpa' shes rab kyi pha rol tu phyin pa la spyod do/ /shA ri'i bu gzhan yang byang chub sems dpa' shes rab kyi pha rol tu phyin pa la spyod pa 'du byas la spyod pa'i chos thams cad la shes rab kyis gnas pa yin te/ 'di lta ste ma rig pa dang lhan cig tu mi gnas/ 'du byed rnams dang lhan cig tu mi gnas pa nas rgyas par bya ste/ rga shi'i bar dang lhan cig tu mi gnas/ bdag tu lta ba dang lhan cig tu mi gnas pa nas bdag tu lta ba'i rtsa ba las byung ba'i lta bar gyur pa drug bcu rtsa gnyis dang lhan cig tu mi gnas/ mtho bar sems pa dang lhan cig tu mi gnas/ dma' bar sems pa dang lhan cig tu mi gnas/ 'jig rten gyi chos brgyad rnams dang lhan cig tu mi gnas/ nga rgyal dang / che ba'i nga rgyal dang / log pa'i nga rgyal nas nye ba'i nyon mongs pa nyi shu'i bar dang lhan cig tu mi gnas/ chen po dang / 'bring po dang / phra mo nas nyon mongs pa thams cad kyi bar dang lhan cig tu mi gnas/ gti mug gi mun pa rab rib kyi ling tog sgrib pa dang / chod par byed pa kun tu dkris te 'dug pa nas/ dma' ba'i chos thams cad kyi bar dang lhan cig tu mi gnas/ rtsod pa'i rnyog pa dang / nyon mongs pa dang / phung po dang / lha'i bu dang / 'chi bdag gi bdud nas bdud thams cad kyi las kyi bar dang lhan cig tu mi gnas/ bdag dang sems can dang / srog dang gso ba dang / gang zag dang / shed bu dang / shed las skyes pa nas bdag tu lta ba thams cad kyi bar dang lhan cig tu mi gnas/ las kyi sgrib pa dang / nyon mongs pa'i sgrib pa dang / chos kyi sgrib pa dang / lta ba'i sgrib pa dang / rnam par smin pa'i sgrib pa dang / mi shes pa'i sgrib pa nas bag chags</font><hr>80.206b<br><font size=+1>

kyi mtshams sbyor ba thams cad kyi bar dang lhan cig tu mi gnas/ kun du rtog pa dang / rnam par rtog pa dang / mtshan ma dang / dmigs pa dang / mthong ba dang / thos pa dang / dran pa dang / rnam par rig pa dang / mdud pa'i sgro 'dogs pa thams cad dang / lhan cig tu mi gnas/ ser sna dang / gtong ba dang / tshul khrims dang / 'chal pa'i tshul khrims dang / bzod pa dang / gnod sems dang / brtson 'grus dang / le lo dang / bsam gtan dang / g.yeng ba dang / shes rab dang / 'chal pa'i shes rab nas pha rol du phyin pa'i phyogs dang / mi mthun pa'i phyogs dang / shes pa dang / mi shes pa'i bar thams cad dang lhan cig tu mi gnas/ nges pa dang / ma nges pa dang / log par nges pa dang / dge ba dang / mi dge ba dang / kha na ma tho ba dang / kha na ma tho ba med pa dang / 'khor ba dang mya ngan las 'das pa nas/ chos thams cad kyi gnyen po'i bar dang lhan cig tu mi gnas/ zhing sna tshogs dang / sangs rgyas sna tshogs dang / sems can sna tshogs dang / chos sna tshogs nas sna tshogs thams cad kyi bar dang lhan cig tu mi gnas/ mi shes pa dang / shes pa dang / rnam par shes pa dang / kun rdzob dang / don dam pa nas sems can thams cad kyi mtshan ma yid la byed pa dag dang lhan cig tu mi gnas/ shes rab mi rgyu ba dang / lus med pa dang / mtshan nyid med pa dang / mtshan ma med pa dang / 'dus ma byas nas yid la byed pa thams cad dang / sems dang rnam par shes pa'i gnas dag gi bar dang lhan cig tu mi gnas te/ de dag dang gzhan yang 'dus byas la spyod pa'i chos dpag tu med pa dag dang lhan cig tu mi gnas so/ /de ltar na byang chub sems dpa' shes rab kyi pha rol tu phyin pa la</font><hr>80.207a<br><font size=+1>

spyod pa'i shes rab de ni 'dus byas kyi spyod pa thams cad dang lhan tu mi gnas te/ shA ri'i bu de ltar na byang chub sems dpa' shes rab kyi pha rol du phyin pa la spyod do/ /shA ri'i bu gzhan yang byang chub sems dpa' byang chub sems dpa'i sde snod la gnas pa shes rab kyi pha rol tu phyin pa la spyod pa/ shes rab kyi pha rol tu phyin pa rnam par 'byed mkhas pa yin te/ chos thams cad la mkhas pa rjes su 'thob bo/ /de la shes rab rnam par 'byed pa gang zhe na/ 'di lta ste phung po la mkhas pa dang / khams la mkhas pa dang / skye mched la mkhas pa dang / bden pa la mkhas pa dang / so so yang dag par rig pa la mkhas pa dang / rton pa la mkhas pa dang / rnam par shes pa dang / ye shes la mkhas pa dang / byang chub kyi yan lag la mkhas pa dang / lam la mkhas pa dang / rten cing 'brel par 'byung ba la mkhas pa dang bcu ste/ mkhas pa rnam pa bcu po 'di dag gi rnam par 'byed pa gang yin pa de ni shes rab rnam par 'byed pa zhes bya'o/ /de la phung po la mkhas pa gang zhe na/ gang 'di phung po rnams kyi dper bya ba bstan pa 'di lta ste/ dbu ba rdos pa lta bur bstan pa dang / smig rgyu lta bur bstan pa dang / chu bur lta bur bstan pa dang / chu shing lta bur bstan pa dang / sgyu ma lta bur bstan pa dang / rmi lam lta bur bstan pa dang / brag cha lta bur bstan pa dang / mig yor lta bur bstan pa dang / gzugs brnyan lta bur bstan pa'o/ /gzugs ni chu'i dbu ba lta bu ste/ dbu ba la yang bdag med/ sems can med/ srog med/ gang zag med/ skyes bu med/ shed bu med/ shes las skyes med de/ dbu ba'i rang bzhin gang yin pa gzugs kyang de'i rang bzhin yin te/ gang de la mkhas pa de ni phung</font><hr>80.207b<br><font size=+1>

po la mkhas pa zhes bya'o/ /tshor ba ni chu'i chu bur lta bu ste/ chu bur la yang bdag med/ sems can med/ srog med/ gang zag med/ shed bu med/ shed las skyes med/ skye ba po med/ chu bur gyi rang bzhin gang yin pa tshor ba yang de'i rang bzhin yin te/ gang de la mkhas pa 'di ni phung po la mkhas pa zhes bya'o/ /'du shes ni smig rgyu lta bu ste smig rgyu la yang bdag med/ sems can med pa nas skyes bu'i bar du med de/ smig rgyu'i rang bzhin gang yin pa 'du shes kyang de'i rang bzhin yin te/ gang de la mkhas pa de ni phung po la mkhas pa zhes bya'o// 'du byed rnams ni chu shing lta bu ste/ chu shing la yang bdag med/ sems can med/ srog med pa nas/ skyes bu'i bar du med pa ste/ chu shing gi rang bzhin gang yin pa 'du byed dag kyang de'i rang bzhin yin te/ gang de la mkhas pa de ni phung po la mkhas pa zhes bya'o/ /rnam par shes pa ni sgyu ma lta bu ste/ sgyu ma la yang bdag med/ sems can med/ srog med/ gang zag med/ shed bu med/ shed las skyes med/ skyes bu med/ byed pa po med/ tshor ba po med pa ste/ sgyu ma'i rang bzhin gang yin pa rnam par shes pa'i rang bzhin yang de yin te/ gang de la mkhas pa de ni phung po la mkhas pa zhes bya'o/ /gzhan yang phung po rnams zhes bya ba ni 'jig rten yin te/ 'jig rten yang 'jig pa'i mtshan nyid do/ /'jig rten rnams kyi rang bzhin gang yin pa phung po rnams kyi rang bzhin yang de yin no/ /yang 'jig rten gyi rang bzhin gang yin zhe na/ 'di lta ste/ mi rtag pa'i rang bzhin dang / sdug bsngal gyi rang bzhin te/ phung po yang de'i rang bzhin no/ /gang de la mkhas pa de ni phung po la mkhas pa zhes</font><hr>80.208a<br><font size=+1>

bya'o/ /de ltar na byang chub sems dpa' phung po la mkhas pa shes rab kyi pha rol tu phyin pa la spyod do/ /de la mkhas pa gang zhe na/ 'di lta ste chos kyi khams ni sa'i khams mod kyi chos kyi khams sra ba'i mtshan nyid ma yin no/ /chos kyi khams ni chu'i khams mod kyi chos kyi khams rlan pa'i mtshan nyid ma yin no/ /chos kyi khams ni me'i khams mod kyi chos kyi khams tsha ba'i mtshan nyid ma yin no/ /chos kyi khams ni rlung gi khams mod kyi chos kyi khams g.yo ba'i mtshan nyid ma yin no/ /chos kyi khams ni mig gi rnam par shes pa'i khams mod kyi chos kyi khams mthong ba'i mtshan nyid ma yin no/ /chos kyi khams ni rna ba'i rnam par shes pa'i khams mod kyi chos kyi khams sgra rtog pa'i mtshan nyid ma yin no/ /chos kyi khams ni sna'i rnam par shes pa'i khams mod kyi chos kyi khams dri snom pa'i mtshan nyid ma yin no/ /chos kyi khams ni lce'i rnam par shes pa'i khams mod kyi chos kyi khams ro myong ba'i mtshan nyid ma yin no/ /chos kyi khams ni lus kyi rnam par shes pa'i khams mod kyi chos kyi khams reg pa'i mtshan nyid ma yin no/ /chos kyi khams ni yid kyi rnam par shes pa'i khams mod kyi chos kyi khams rnam par sgom pa'i mtshan nyid ma yin no/ /chos kyi khams de dang bdag gi khams de ni mtshungs so/ /'dod pa'i khams dang / gzugs kyi khams dang / gzugs med pa'i khams ni mtshungs so/ /'khor ba'i khams dang / mya ngan las 'das pa'i khams de mtshungs so/ /de ltar chos thams cad kyi khams dang / nam mkha'i khams de mtshungs te/ stong pa nyid dang mtshungs pas mtshungs/ mi 'gyur ba dang mtshungs pas mtshungs te/ 'dus byas kyi khams su 'jug pa dang / 'dus ma byas kyi khams su 'jug pa'i phyir de la bshad pa dpag</font><hr>80.208b<br><font size=+1>

tu med de/ gang khams la 'jug pa des rab tu rnam par 'byed pa ni mkhas pa zhes bya'o/ /de ltar na khams la mkhas pa'i byang chub sems dpa' sems dpa' chen po shes rab kyi pha rol du phyin pa la spyod do/ /de la byang chub sems dpa'i skye mched la mkhas pa gang zhe na/ 'di la mig bdag dang bdag gis stong pa ste/ byang chub sems dpa' mig gi rang bzhin 'di lta bu'o zhes yang dag pa ji lta ba bzhin du rab tu shes te/ de ni byang chub sems dpa'i skye mched la mkhas pa'o/ /gong ma bzhin du sbyar te/ de bzhin du rna ba dang / sna dang lce dang lus dang / yid bdag dang bdag gis stong pa de byang chub sems dpa' yid kyi rang bzhin ni 'di lta bu'o/ /zhes yang dag pa ji lta ba bzhin du rab tu shes te/ dge ba stsogs pa'i phyir gang skye mched la kun stsogs pa dang / sna tshogs stsogs pa de dag stsogs par mi byed cing dge ba dang mi dge ba'i chos rnams la 'du shes gnyis su mi 'jug ste/ de ni byang chub sems dpa'i skye mched la mkhas pa'o/ /'di ni mig gi skye mched do/ /'di ni gzugs kyi skye mched do zhes de ltar mig dang gzugs rnams la 'dod chags med par mthong yang 'dod chags med pa mngon du mi byed pa de ni byang chub sems dpa'i skye mched la mkhas pa'o/ /rna ba dang sgra/ sna dang dri/ lce dang ro/ /lus dang reg /yid dang chos/ gong ma bzhin du sbyar te/ de ltar byang chub sems dpa' yid dang chos kyi bar du 'dod chags med par mthong mod kyi/ 'dod chags med pa mngon du mi byed pa de ni byang chub sems dpa'i skye mched la mkhas pa'o/ /skye mched ces bya ba yang 'phags pa'i skye mched dang / 'phags pa ma yin pa'i skye mched de/ de la 'phags pa'i skye mched ni gang lam sdud par byed pa'o/ /</font><hr>80.209a<br><font size=+1>

'phags pa ma yin pa'i skye mched ni gang lam gtong bar byed pa 'di lta ste/ byang chub sems dpa' lam la gnas pa ni sems can lam la brtson pa bor zhing gnas pa la snying rje chen po 'thob cing lam gyi skye mched kyang mi gtong ba ste/ de ni byang chub sems dpa'i skye mched la mkhas pa'o/ /de ltar na byang chub sems dpa'i skye mched kyang mi gtong ba ste/ de ni byang chub sems dpa'i skye mched la mkhas pa'o/ /de ltar na byang chub sems dpa'i skye mched la mkhas pa shes rab kyi pha rol du phyin pa la spyod do/ /de la byang chub sems dpa'i bden pa la mkhas pa gang zhe na/ byang chub sems dpa'i bden pa la 'jug pa mkhas pa ni rnam pa bzhi ste/ 'di lta ste/ sdug bsngal shes pa dang / kun 'byung ba shes pa dang / 'gog pa shes pa dang / lam shes pa'o/ /de la sdug bsngal shes pa gang zhe na/ gang phung po rnams la ni myi skye bar shes pa de ni sdug bsngal shes pa zhes bya'o/ /de la kun 'byung ba shes pa gang zhe na/ gang sred pa 'joms pa de ni kun 'byung ba shes pa zhes bya'o/ /de la 'gog pa shes pa gang zhe na/ gang mi 'byung mi 'jig par shes pa de ni 'gog pa shes pa zhes bya'o/ /de la lam shes pa gang zhe na/ gang mnyam pa nyid thob pa'i chos rnams la sgro 'dogs pa de ni lam shes pa zhes bya'o/ /gang gi tshe byang chub sems dpas bden pa bzhi de ltar shes rab kyis shes kyang sems can yongs su smin par bya ba'i phyir mngon du mi byed pa de ni bden pa la mkhas pa zhes bya'o/ /gzhan yang bden pa la mkhas pa rnam pa gsum ste/ 'di lta ste/ kun rdzob kyi bden pa dang / don dam pa'i bden pa dang / mtshan nyid kyi bden pa'o/ /de la kun rdzob kyi</font><hr>80.209b<br><font size=+1>

bden pa ni 'jig rten gyi tha snyad ji snyed pa dang / yi ge dang sgra dang / brdar bstan pa ste/ de ni kun rdzob kyi bden pa zhes bya'o/ /de la don dam pa'i bden pa gang zhe na/ gang la sems kyi rgyu ba yang med na yi ge lta ci smos te de ni don dam pa'i bden pa zhes bya'o/ /de la mtshan nyid kyi bden pa gang zhe na/ 'di lta ste/ mtshan nyid thams cad mtshan nyid gcig la mtshan nyid gcig pa ni mtshan nyid med pa'o de la byang chub sems dpa' kun rdzob kyi bden pa 'chad pas mi skyo/ don dam pa'i bden pa mngon du byed par mi ltung / mtshan nyid kyi bden pa mtshan nyid med pas rtogs par byed pa de ni byang chub sems dpa'i bden pa la mkhas pa zhes bya'o/ /gzhan yang bden pa ni gcig pu gnyis ma yin pa ste/ 'di lta ste/ 'gog pa'i bden pa'o/ /de la bden pa gcig pu la gang sgro mi 'dogs pa dang / sems can sgro 'dogs par lhung ba rnams la bden pa sbyor bar byed pa de ni byang chub sems dpa'i bden pa la mkhas pa zhes bya'o/ /gzhan yang phung po lnga rnams ni sdug bsngal ba ste/ gang phung po lnga rnams kyi sdug bsngal gyi mtshan nyid de ni sdug bsngal zhes bya'o/ /sdug bsngal gyi mtshan nyid kyi gang stong pa nyid kyi mtshan nyid rtogs pa de ni sdug bsngal 'phags pa'i bden pa zhes bya'o/ /gang phung po lnga rnams kyi bag la nyal rgyu sred pa las byung ba'i lta ba de ni kun 'byung ba'i bden pa'o/ /gang sred pa'i rgyu lta ba de la yang sgro mi 'dogs mi len mi snyems pa de ni kun 'byung ba 'phags pa'i bden pa zhes bya'o/ /gang phung po lnga rnams shin du zad pa'i phyir 'gag pa sngon gyi mthar ma byung ba/ phyi ma'i mthar mi 'pho ba/ da ltar byung bar mi gnas pa de ni 'gog pa 'phags pa'i bden pa zhes bya'o/ /gang lam la brten nas sdug bsngal shes</font><hr>80.210a<br><font size=+1>

pa dang / kun 'byung ba shes pa dang / 'gog pa shes pa la yang reg par byed la/ rjes las rtogs pa'i shes pa yang thob par byed pa de ni sdug bsngal 'gog par 'gyur ba'i lam 'phags pa'i bden pa zhes bya'o/ /gang bden pa shes pa de la rnam par rtog pa dang / sems can yongs su brtag pa la rtog par byed pa de ni byang chub sems dpa'i bden pa la mkhas pa zhes bya'o/ /gzhan yang tshor ba thams cad sdug bsngal ba ste/ de la tshor bar bya ba rnam par 'byed pa dang / blos rig pa nyid de ni sdug bsngal 'phags pa'i bden pa zhes bya'o/ /rgyu gang gis kun 'byung bar shes pa'i rgyu de ji lta ba yang dag par rab tu shes pa de ni kun 'byung ba 'phags pa'i bden pa zhes bya'o/ /gang tshor ba gtong zhing ma tshor ba tshor bar byed pa dang / 'gog pa la yang so sor rtog la tshor ba 'gog pa yang mngon du mi byed pa de ni byang chub sems dpa'i sdug bsngal 'gog pa 'phags pa'i bden pa zhes bya'o/ /tshor ba gang gis gzings dang 'dra ba'i lam de sdud par byed la tshor bar dgos pa yang ma yin/ lam gyi dgos pa yang ma yin pa de ni byang chub sems dpa'i sdug bsngal 'gog par 'gro ba'i lam 'phags pa'i bden pa zhes bya'o/ /de ltar rtogs nas bden pa de bzhi la mnyam par mthong zhing mthong ba shin du dag pa'ang ma yin pa de ni byang chub sems dpa'i bden pa la mkhas pa zhes bya'o/ /gzhan yang skye ba sdug bsngal ba ste/ gang mi skye ba so sor rtog par shes pa de ni sdug bsngal shes pa zhes bya'o/ /srid pa'i rkyen gyis skye ba ste/ gang srid pa 'jig par shes pa de ni kun 'byung ba shes pa zhes bya'o/ /skye ba thams cad gang gis myi skye bar shes la de la 'gog pa gang yang med cing</font><hr>80.210b<br><font size=+1>

gang mi 'gog par shes pa de ni zad pa 'gog pa'i shes pa zhes bya'o/ /gang de ltar tshol ba dang / 'jal ba dang / yongs su tshol ba dang / rnam par rtog pa dang / 'jug pa'i shes pa de ni lam shes pa zhes bya ste/ gang bden pa'i shes pa de la gzhog par byed kyang bden pa'i shes pa de la mi gnas pa de ni byang chub sems dpa'i bden pa la mkhas pa ste/ de ltar byang chub sems dpa'i bden pa la mkhas pa shes rab kyi pha rol tu phyin pa la spyod do/ /de la byang chub sems dpa'i so so yang dag par rig pa la mkhas pa gang zhe na/ bzhi po 'di dag ni byang chub sems dpa'i so so yang dag par rig pa ste/ bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /de la don so so yang dag par rig pa gang zhe na/ gang chos rnams la don dam pa'i tshig tu shes pa dang / gnyis su med pa'i rgyu shes pa dang / rkyen shes pa dang / 'dus pa shes pa dang / mtha' med pa'i rjes su 'gro ba shes pa dang / rten pa la 'jug pa shes pa dang / chos kyi dbyings dbyer med par shes pa dang / de bzhin nyid kyis rjes su 'jug pa shes pa dang / yang dag pa'i mtha' mi gnas par shes pa dang / stong pa nyid rjes su rtogs pa shes pa dang / mtshan ma med par rtog pa shes pa dang / smon pa med pa la smon pa med par shes pa dang / mngon par 'du mi byed pa la mngon par 'du mi byed par shes pa dang / tshul gcig tu 'jug pa shes pa dang / sems can med par 'jug pa shes pa dang / bdag med par 'jug pa shes pa dang / srog med pa byed pa gcig pa shes pa dang / gang zag med pa don dam</font><hr>80.211a<br><font size=+1>

par shes pa dang / 'das pa'i dus la ma chags par shes pa dang / ma 'ongs pa'i dus la mtha' med par shes pa dang / da ltar byung ba'i dus la thams cad du shes pa dang / phung po rnams la sgyu mar shes pa dang / khams rnams la sbrul gdug pa dang mtshungs par shes pa dang / skye mched rnams la stong pa nyid du nges par rtog par shes pa dang / /nang zhi ba shes pa dang / phyi rol du mi rgyu ba shes pa dang / yul la yul med par shes pa dang / dran pa la gnas su shes pa dang / rtogs pa la khong du chud par shes pa dang / blo gros la mngon sum du shes pa dang / bden pa la rab tu rtogs par shes pa dang / sdug bsngal la mi 'byung bar shes pa dang / kun 'byung ba la mngon par 'du mi byed par shes pa dang / 'gog pa la mtshan nyid med par shes pa dang / lam la sgrol bar shes pa dang / chos la tshig rab tu tha dad par shes pa dang / dbang po rnams la 'jug par shes pa dang / stobs rnams la mi rdzi bar shes pa dang / zhi gnas la gnas su shes pa dang / lhag mthong la snang bar shes pa dang / sgyu ma la bsgrub par shes pa dang / smig rgyu la 'khrul par shes pa dang / rmi lam la mi bden pa mthong bar shes pa dang / brag cha la rkyen la 'jug par shes pa dang / mig yor la 'pho bar shes pa dang / mtshan nyid sna tshogs pa la mtshan nyid gcig tu shes pa dang / 'du ba la 'bral bar shes pa dang / rab tu sbyangs pa la phyir mtshams sbyor ba med par shes pa dang / nyan thos kyi theg pa la sgra'i rjes su 'gro bar 'jug par shes pa dang / rang sangs rgyas kyi theg pa la rten pa la 'jug par shes shing / </font><hr>80.211b<br><font size=+1>

dben pa mchog tu shes pa dang / theg pa chen po la dge ba'i rtsa ba'i tshogs bsags pa thams cad shes pa ste/ de ni byang chub sems dpa'i don so so yang dag par rig pa zhes bya'o/ /gzhan yang don so so yang dag par rig pa ni gang don la rton pa ste/ chos thams cad kyi chos nyid kun gyi don la rton pa nyid kyi rjes su 'brang ba'o/ /de ci'i phyir zhe na/ chos thams cad ma lus par stong pa ste/ stong pa'i don gang yin pa de ni don no/ /chos thams cad ma lus par mtshan ma med pa ste/ mtshan ma med pa'i don gang yin pa de ni don no/ /chos thams cad ma lus par smon pa med pa ste/ smon pa med pa'i don gang yin pa de ni don no/ /chos thams cad ma lus par rnam par phye ba ste/ rnam par phye ba'i don gang yin pa de ni don no/ /chos thams cad ma lus par sems can med/ srog med/ gang zag med pa ste/ gang zag med pa'i don gang yin pa de ni don no/ /gang de lta bu'i chos rnams rtogs pa de ni don so so yang dag par rig pa zhes bya ste/ gang don ston pa de ni gnas med pa ston pa'o/ /de ni mi zad pa ston pa'o/ /so so yang dag par rig pa ni rtogs pa'i don ston pa yin te/ sangs rgyas bcom ldan 'das rnams kyis gnang ba/ rjes su yid rang ba/ yang dag par/ de kho na gzhan ma yin pa/ shes rab kyis shin du rtogs pa/ thams cad du kha na ma tho ba med pa de ni byang chub sems dpa'i don so so yang dag par rig pa zhes bya'o/ /de la chos so so yang dag par rig pa gang zhe na/ gang dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med/ </font><hr>80.212a<br><font size=+1>

pa dang / 'jig rten pa dang / 'jig rten las 'das pa dang / 'dus byas dang / 'dus ma byas dang / kun nas nyon mongs pa dang / rnam par byang ba'i cha dang 'thun pa dang / 'khor ba dang mya ngan las 'das par nye bar 'gro ba'i chos rnams la 'jug par shes pa dang / chos kyi dbyings mnyam pa nyid shes pa dang / byang chub mnyam pa nyid shes pa dang / khams mnyam pa nyid shes pa ste/ de ni chos so so yang dag par rig pa zhes bya'o/ /gzhan yang chos so so yang dag par rig pa ni gang 'dod chags spyod pa rnams la sems can 'jug pa shes pa dang / bcos pa'i 'dod chags spyod pa rnams dang / 'dod chags brtan par spyod pa rnams dang / 'dod chags chung ngu spyod pa rnams dang / rnam par mi ldang ba'i 'dod chags spyod pa rnams dang / mtha' ma rtag tu med pa'i 'dod chags spyod pa rnams dang / da ltar byung ba la rkyen kyis 'dod chags spyod pa rnams la 'jug pa ste/ sems can gang dag nang du 'dod chags la phyi rol du 'dod chags med pa dang / phyi rol du 'dod chags la nang du 'dod chags med pa dang / nang du'ang 'dod chags med/ phyi rol du'ang 'dod chags med pa dang / nang dang phyi rol du 'dod chags pa dang / gzugs 'dod chags la sgra la 'dod chags med pa dang / sgra la 'dod chags la gzugs la 'dod chags med pa dang / gzugs dang sgra la 'dod chags pa dang / gzugs dang sgra la 'dod chags med pa dang / dri la 'dod chags med pa dang / dri la 'dod chags la reg la 'dod chags med pa dang / reg la 'dod chags la ro la 'dod chags med pa dang / ro la 'dod chags la gzugs la 'dod chags med dri la 'dod chags med pa de ni 'dod chags spyod pa rnams kyi 'jug pa ste/ 'jug pa de'i sgos 'dod chags spyod pa rnams la nyi khri chig stong / zhe sdang spyod pa rnams la nyi khri chig stong / gti mug spyod pa rnams</font><hr>80.212b<br><font size=+1>

la nyi khri chig stong / cha mnyam par spyod pa rnams la nyi khri chig stong ste/ gang de dag gi spyod pa brgyad khri bzhi stong gi sems 'jug par shes pa dang / ji ltar rigs pa bstan pa shes pa dang / mi mang mi nyung bar bstan pa shes pa dang / 'dod pa las yang dag par 'da' bar shes pa dang / snod kyi khyad par shes pa dang / 'bras bu yod par bstan pa de ni chos so so yang dag par rig pa zhes bya'o/ /de la nges pa'i tshig so so yang dag par rig pa gang zhe na/ gang skad thams cad la skad med par 'jug par shes pa dang / lha'i skad dang / klu'i skad dang / gnod sbyin gyi skad dang / dri za'i skad dang / mi 'am ci'i skad dang / lto 'phye chen po'i skad dang / mi dang mi ma yin pa'i skad dang / 'gro ba lngar skyes pa'i sems can rnams kyi skad dang / sgra dang dbyangs rnams las skad des de dag la chos 'chad pa ste/ de ni nges pa'i tshig so so yang dag par rig pa zhes bya ste/ de ltar chos de dag brtag par bya'o/ /de ltar chos de dag bsdu bar bya'o/ /de ltar chos de dag rjes su rgyun chags par bya'o/ /de ltar chos de dag yi ge rnams kyis sbrel bar bya'o/ /de tshig gcig gi bla dgas shes/ tshig gnyis pa'i bla dgas shes/ tshig mang po'i bla dgas shes/ bud med kyi tshig shes/ skyes pa'i tshig shes/ ma ning gi tshig shes/ bsdus pa'i tshig shes/ rgyas pa'i tshig shes/ smad pa'i tshig shes/ 'das pa'i tshig shes/ ma 'ongs pa'i tshig shes/ da ltar byung ba'i tshig shes/ yi ge gcig gis sgro btags pa shes te/ de ni nges pa'i tshig so so yang dag par rig pa zhes bya'o/ /yang de'i nges pa'i tshig so so yang dag par rig pa ni 'khrul pa ma yin/ zlos pa ma yin/ brtags pa ma yin/ don gsal ba'i yi ge yongs su byang ba ste/ ci nas kyang 'khor ba yang dag par dga' ba/ sna tshogs pa/ zab pa/ zab par snang ba/ kun rdzob dang / don dam pas brgyan pa/ bdag gis sems</font><hr>80.213a<br><font size=+1>

mthong ba'i shes pa la rag lus pa/ /sangs rgyas kyis gnang ba/ sems can thams cad dga' bar byed pa ste/ de nas byang chub sems dpa'i nges pa'i tshig so so yang dag par rig pa zhes bya'o/ /de la byang chub sems dpa'i spobs pa so so yang dag par rig pa gang zhe na/ gang tshig bzang ba mi gnas par lung bstan pa/ ston pa/ rgyun mi 'chad pa/ spobs pa myur bas spobs pa mgyogs shing myur ba/ spobs pa mi rmongs pa/ spobs pa ji ltar dris pa bzhin pa/ spobs pa yongs su ma nyams pa/ spobs pa mi 'gal ba/ spobs pa rtsod pa med pa/ spobs pa chos la rab tu dga' ba/ spobs pa bzod pa la gnas pa/ spobs pa zab pa/ spobs pa sna tshogs pa/ kun rdzob dang / don dam pa la spobs pa/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab thams cad la gnas pa'i spobs pa dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / zhi gnas dang / lhag mthong la spobs pa bsam gtan dang / rnam par thar pa dang / ting nge 'dzin dang / snyoms par 'jug pa dang / bden pa la 'jug pa thams cad shes pa'i spobs pa/ theg pa thams cad la spobs pa/ sems can thams cad kyi sems dang spyod pa la spobs pa/ tshig mi lkug pa'i spobs pa/ tshig mi rtsub pa'i spobs pa/ tshig mi 'chal pa'i spobs pa/ tshig rtsub mo ma yin pa'i spobs pa/ tshig mnyen pa'i spobs pa/ tshig dag pa/ tshig grol pa/ tshig ma chags pa/ tshig btsun pa/ tshig 'brel pa/ tshig ldan pa/ tshig ma nyams pa/ tshig snyan pa/ tshig 'jam pa/ tshig ma smad pa/ tshig 'phags</font><hr>80.213b<br><font size=+1>

pa thams cad kyis bstod pa ste/ zhing mtha' yas pa'i rnam par shes pa'i rjes su song ba'i sgra/ tshangs pa'i sgra skad kyi dbyangs dang 'dra bar rtog par byed pa'i sgra gcig pa/ sangs rgyas kyi gnang ba'i spobs pas sems can gzhan dang / gang zag gzhan dag la chos ston to/ /de'i chos bstan pa de yang 'byung bar byed pa/ de byed pa'i sdug bsngal yang dag par zad par 'gyur ba ste/ de ni byang chub sems dpa'i spobs pa so so yang dag par rig pa zhes bya'o/ /de ni byang chub sems dpa'i spobs pa la mkhas pa ste/ de ltar na byang chub sems dpa'i spobs pa la mkhas pa shes rab kyi pha rol du phyin pa la spyod do/ /bam po bcwa brgyad pa/ /de la byang chub sems dpa'i rton pa gang zhe na/ byang chub sems dpa' rnams kyi rton pa 'di bzhi ste/ bzhi gang zhe na/ 'di lta ste/ don la rton gyi tshig 'bru la ma yin pa dang / ye shes la rton gyi rnam par shes pa la ma yin pa dang / nges pa'i don gyi mdo sde rnams la rton gyi drang ba'i don rnams la ma yin pa dang / chos nyid la rton gyi gang zag la ma yin pa'o/ /de la don gang / tshig 'bru ni gang zhe na/ tshig 'bru zhes bya ba ni gang 'jig rten gyi chos kyi bya ba la 'jug pa'o/ /don ces bya ba ni gang 'jig rten las 'das pa'i chos rtogs pa'o/ /tshig 'bru zhes bya ba ni sbyin pa dang / dul ba dang / sdom pa dang / nges pa bstan pa'o/ /don zhes bya ba ni dul ba dang / zhi gnas dang / sar pa ma yin pa dang / rnying pa ma yin par shes pa'o/ /tshig 'bru zhes bya ba ni 'khor ba yongs su bshad pa sgrogs pa'o/ /don zhes bya ba ni mi dmigs pa la rton pa'o/ /tshig 'bru zhes bya ba ni mya ngan las 'das pa'i yon tan yongs su sgrog pa'o/ /don zhes bya</font><hr>80.214a<br><font size=+1>

ba ni chos rang bzhin gyis yongs su mya ngan las 'das pa rnams la rnam par mi rtog pa'o/ /tshig 'bru zhes bya ba ni theg pa ji ltar rnam par gzhag pa bzhin du 'chad pa'o/ /don zhes bya ba ni chos tshul gcig par rtogs par shes pa'o/ /tshig 'bru zhes bya ba ni sems can thams cad mi gtong bar bstan pa'o/ /don zhes bya ba ni 'khor gsum yongs su dag pa'o/ /tshig 'bru zhes bya ba ni lus dang / ngag dang / yid sdom zhing bslab dang / sbyangs pa'i yon tan thams cad yang dag par len par bstan pa'o/ /don zhes bya ba ni lus dang / ngag dang / yid mi dmigs shing mngon par 'du mi byed pa yongs su dag pa'o/ /tshig 'bru zhes bya ba ni gnod sems kyi tha ba dang / khro ba dang / nga rgyal dang / rgyags pa dang / dregs pa 'joms zhing bzod pa dang / nges pa bstan pa'o/ /don zhes bya ba ni mi skye ba'i chos la bzod pa'o/ /tshig 'bru zhes bya ba ni dge ba'i rtsa ba la brtson 'grus rtsom pa thams cad bstan pa'o/ /don zhes bya ba ni mi len mi gtong ba la gnas pa'i brtson 'grus so/ /tshig 'bru zhes bya ba ni bsam gtan dang / rnam par thar pa dang / ting nge 'dzin dang / snyoms par 'jug pa bstan pa'o/ /don zhes bya ba ni 'gog pa'i snyoms par 'jug pa shes pa'o/ /tshig 'bru zhes bya ba ni thos pa thams cad 'dzin pa shes rab kyi rtsa ba'o/ /don zhes bya ba ni brjod du med pa'i don to/ /tshig 'bru zhes bya ba ni gang byang chub kyi phyogs kyi chos sum bcu rtsa bdun gyi chos rnams rab tu bstan pa'o/ /don zhes bya ba ni gang byang chub kyi phyogs kyi chos sum bcu rtsa bdun gyi chos rnams nan tan tu byed pa'i 'bras bu mngon sum du byed pa'o/ /tshig 'bru zhes bya ba ni sdug bsngal</font><hr>80.214b<br><font size=+1>

dang / kun 'byung ba dang / lam rab tu bstan pa'o/ /don zhes bya ba ni 'gog pa mngon sum du byed pa'o/ /tshig 'bru zhes bya ba ni ma rig pa la sogs te/ rga shi'i bar du bstan pa'o/ /don zhes bya ba ni ma rig pa 'gog pa nas rga shi'i bar du 'gog pa'o/ /tshig 'bru zhes bya ba ni zhi gnas dang / lhag mthong gi tshogs bstan pa'o/ /don zhes bya ba ni rig pa dang rnam par grol ba shes pa'o/ /tshig 'bru zhes bya ba ni gang 'dod chags dang / zhe sdang dang / gti mug dang / cha mnyam par spyod pa rnams la chos bstan pa'o/ /don zhes bya ba ni sems kyi rnam par grol ba mi 'khrugs pa'o/ /tshig 'bru zhes bya ba ni sgrib par byed pa'i chos thams cad rab tu ston pa'o/ /don zhes bya ba'i ni sgrib pa med pa'i ye shes rnam par thar pa'o/ /tshig 'bru zhes bya ba ni dkon mchog gsum gyi yon tan bsngags pa mtha' med pa yang dag par rab tu bstan pa'o/ /don zhes bya ba ni gang chos 'dod chags med pa dang / 'dus ma byas pa'i dge 'dun gyi yon tan sgrub pa'o/ /tshig 'bru zhes bya ba ni gang byang chub sems dpa'i thog ma sems bskyed nas byang chub kyi snying po'i bar du bslabs pa dang / yon tan rtsom pa bstan pa'o/ /don zhes bya ba ni sems kyi skad cig gcig dang ldan pas thams cad mkhyen pa'i ye shes mngon par rdzogs par byang chub pa'o/ /mdor na chos kyi phung po brgyad khri bzhi stong gi bar du bstan pa de ni tshig 'bru zhes bya'o/ /sgra dang ye ge dang / tshig 'bru thams cad brjod du myed pa'i don ni don to/ /de la drang ba'i don gyi mdo sde gang zhe na/ gang tshig 'bru bshad pa ji ltar bstan pa bzhin du rgya cher khong du chud par bya ste 'di dag ni drang ba don gyi mdo sde dag go/ /nges pa'i don gyi mdo sde gang zhe na/ don gang bshad pa ji ltar bstan pa bzhin du rgya cher khong du chud par bya ste/ de dag ni nges pa'i don gyi mdo sde dag go/ /de ji ltar na</font><hr>80.215a<br><font size=+1>

chos la rton gyi gang zag la ma yin zhe na/ gang drang ba'i don de ni gang zag gi don yin pas de la mi rton gyi/ gang nges pa'i don de ni chos nyid ji lta ba bzhin pas de la rton pa ste/ 'di dag ni byang chub sems dpa'i rton pa bzhi'o/ /de ltar na byang chub sems dpa' sems dpa' chen po ston pa la mkhas pa shes rab kyi pha rol du phyin pa la spyod do/ /de la byang chub sems dpa' rnams kyi tshig 'bru la mkhas pa gang zhe na/ 'di la byang chub sems dpa'i chos gnyis la mkhas pa shes rab kyi pha rol du phyin pa la spyod do/ /chos gnyis gang zhe na/ 'di lta ste/ rnam par shes pa la mkhas pa dang / ye shes la mkhas pa yin no/ /de la rnam par shes pa gang / ye shes gang zhe na/ rnam par shes pa zhes bya ba ni 'di lta ste/ rnam par shes pa'i gnas pa bzhi'o/ /bzhi gang zhe na/ gzugs la zhugs pa'i rnam par shes pa yongs su gnas shing gnas pa dang / tshor ba la zhugs pa dang / 'du shes la zhugs pa dang / 'du byed la zhugs pa'i rnam par shes pa yongs su gnas shing gnas pa ste de ni rnam par shes pa zhes bya'o/ /de la ye shes gang zhe na/ gang len pa'i phung po lnga rnams la gnas pa/ rnam par shes pa'i phung po yongs su shes pa de ni ye shes zhes bya'o/ /gang sa'i khams rnam par shes pa dang / chu'i khams dang / me'i khams dang / rlung gi khams rnam par shes pa de ni rnam par shes pa zhes bya'o/ /gang yang ye shes khams bzhi la mi gnas pa chos kyi dbyings tha mi dad par shes pa de ni ye shes zhes bya'o/ /gzhan yang rnam par shes pa zhes bya ba ni gang mig gi rnam par shes pas shes par bya ba'i gzugs rnams la shes pa dang / rna ba'i rnam par shes pas shes par bya ba'i sgra rnams dang / sna'i rnam par shes pas shes par bya ba'i dri rnams dang / lce'i rnam par shes pas shes par bya ba'i ro</font><hr>80.215b<br><font size=+1>

rnams dang / lus kyi rnam par shes pas shes par bya ba'i reg rnams dang / yid kyi rnam par shes pa'i shes par bya ba'i chos rnams shes pa de ni rnam par shes pa zhes bya'o/ /gang yang nang gi skye mched rnams la nye bar zhi zhing phyi rol gyi skye mched rnams la rgyu ba med pa'i ye shes la rton pas chos gang yang gzhog par mi byed pa de ni ye shes zhes bya'o/ /gzhan yang rnam par shes pa zhes bya ba ni dmigs pa las rnam par shes pa skye ba dang / yongs su rtog pa las rnam par shes pa skye ba ste/ de ni rnam par shes pa zhes bya'o/ /gang yang mi 'dzin pa/ mi snyems pa/ mi dmigs pa/ rnam par mi rig pa/ mi 'khrugs pa de ni ye shes zhes bya'o/ /gzhan yang 'dus byas la spyod pa'i chos rnams la rnam par shes pa gnas kyi/ 'dus ma byas la rnam par shes pa rgyu ba med do/ /gang yang 'dus ma byas shes pa de ni ye shes so/ /gzhan yang skye ba dang / 'jig pa la gnas pa ni rnam par shes pa'o/ /gang yang mi skye mi 'gag mi gnas pa de ni ye shes zhes bya'o/ /de la nges pa'i don gyi mdo sde gang / drang ba'i don gyi mdo sde gang zhe na/ mdo sde gang dag lam la 'jug par byed pa de dag ni drang ba'i don ces bya'o/ /mdo sde gang dag 'bras bu la 'jug par byed pa de dag ni nges pa'i don ces bya'o/ /mdo sde gang dag kun rdzob sgrub par byed pa de dag ni drang ba'i don ces bya'o/ /mdo sde gang dag don dam par bstan pa de dag ni nges pa'i don ces bya'o/ /gzhan yang mdo sde gang dag las kyi bya ba la 'jug pa de dag ni drang ba'i don ces bya'o/ /mdo sde gang dag las dang nyon mongs pa zad par bstan pa de dag ni nges pa'i don ces bya'o/ /gzhan yang mdo sde gang dag kun nas nyon mongs pa yongs su bshad pa'i phyir bstan pa de dag ni drang ba'i don to/ /mdo sde gang dag rnam par byang ba rnam par dag pa'i phyir bstan pa de dag ni nges pa'i don to/ /mdo sde gang dag 'khor bas skyo bar byed pa de dag ni drang ba'i don to/ /mdo sde gang dag</font><hr>80.216a<br><font size=+1>

'khor ba dang mya ngan las 'das pa gnyis su mi 'jug pa de dag ni nges pa'i don to/ /mdo sde gang dag yi ge dang / tshig sna tshogs su bstan pa de dag ni drang ba'i don to/ /mdo sde gang dag zab pa/ blta dka' ba/ rtogs par dka' ba de dag ni nges pa'i don to/ /mdo sde gang dag tshig 'bru mang ba/ sems can rnams kyi sems rangs par byed pa de dag ni drang ba'i don to/ /mdo sde gang dag tshig dang tshig 'bru nyung la nges par rtogs par byed pa de dag ni nges pa'i don to/ /gzhan yang mdo sde gang dag bdag dang / sems can dang / srog dang / skyes bu dang / gang zag dang / shed bu dang / shed las skyes dang / byed pa po dang / tshor ba po'i sgra sna tshogs bdag po med pa/ bdag po yod pa bzhin du bstan pa de dag ni drang ba'i don to/ /mdo sde gang dag stong pa nyid dang / mtshan ma med pa dang / smon pa med pa dang / mi 'byung ba dang / ma skyes pa dang / yang dag par mi 'byung ba dang / sems can med pa dang / gang zag med pa dang / dus gsum las rnam par thar pa'i sgo bstan pa de dag ni nges pa'i don ces bya'o/ /de la chos gang / gang zag gang zhe na/ gang gang zag tu lta ba la gnas te/ chos kha cig la rtsom pa de dag ni gang zag ces bya'o/ /gang zag tu lta ba rtsom pa de'i gang chos gnas pa chos kyi dbyings de ni chos shes bya'o/ /gzhan yang gang zag ni so so'i skye bo'i gang zag dang / so so'i skye bo dge ba'i gang zag dang / dad pas rjes su 'breng ba'i gang zag dang / chos kyi rjes su 'brang ba'i gang zag dang / brgyad pa'i gang zag dang / rgyun du zhugs pa'i gang zag dang / lan cig phyir 'ong ba'i gang zag dang / phyir mi 'ong ba'i gang zag dang / dgra bcom pa'i gang zag dang / rang sangs rgyas kyi gang zag dang / byang chub sems dpa'i gang zag dang / skye bo mang po la phan pa dang / skye bo mang po la bde ba dang / 'jig rten la thugs brtse ba dang / lha dang / mi'i skye bo phal po che'i don dang / phan pa dang bde ba'i phyir</font><hr>80.216b<br><font size=+1>

gang zag gcig 'jig rten du skye bar 'byung bar 'gyur ba 'di lta ste/ de bzhin gshegs pa dgra bcom par yang dag par rdzogs pa'i sangs rgyas te/ gang zag gi sgra de thams cad de bzhin gshegs pas kun rdzob kyi gnas kyis sems can rnams gzung ba'i phyir bstan pa'o/ /de la gang mngon par chags pa de dag ni rton pa ma yin pa zhes bya'o/ /de dag rton pa la 'god pa'i phyir chos nyid la rton par bya'i gang zag la ma yin no zhes bcom ldan 'das kyis gsungs te/ de la chos nyid gang zhe na/ 'di lta ste/ mi 'gyur ba/ sgro ma btags pa/ mi byed pa/ rnam par mi byed pa/ mi gnas pa/ gnas med pa/ rtsa ba med pa/ thams cad du mnyam pa/ mnyam pa la mnyam pa/ mi mnyam pa la mnyam pa/ mnyam pa dang mi mnyam pa la mnyam pa/ rnam par mi rtog pa/ mi rtsom pa/ nges par gyur ba thob pa/ chos thams cad la shin du ngo bo nyid med pa'i mtshan nyid de ni chos nyid ces bya ste/ gang dag chos nyid de la rton par byed pa de dag ni khams gang la yang rton par mi byed de/ de bas na chos kyi tshul gyi sgo la 'jug pa 'dis chos thams cad la rton pa'i phyir chos thams cad de lta bu'i chos nyid yin no/ /de dag ni byang chub sems dpa' rnams kyi rton pa bzhi zhes bya ste/ de ni byang chub sems dpa'i rton pa la mkhas pa'o/ /de ltar na byang chub sems dpa' rton pa la mkhas pa shes rab kyi pha rol du phyin pa la spyod do/ /de la byang chub sems dpa'i tshogs la mkhas pa gang zhe na/ byang chub sems dpa' rnams kyi tshogs ni 'di gnyis te/ gnyis gang zhe na/ 'di lta ste/ bsod nams kyi tshogs dang / ye shes kyi tshogs so/ /de la bsod nams kyi tshogs gang zhe na/ sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / bsgom pa las byung ba'i bsod nams bya ba'i dngos po dang / byams pa'i sems snyoms par 'jug pa dang / </font><hr>80.217a<br><font size=+1>

snying rje'i sbyor ba dang / dge ba'i rtsa ba thams cad la rtsom pa dang / bdag dang pha rol gyi sdig pa 'chags pa dang / dus gsum du gtogs pa'i sems can thams cad dang / slob pa thams cad dang / mi slob pa thams cad dang / rang sangs rgyas thams cad dang / sems dang po bskyed pa rnams dang / spyod pa la zhugs pa rnams dang / phyir mi ldog pa rnams dang / skye ba gcig gis thogs pa'i byang chub sems dpa' rnams kyi sems bskyed pa la rjes su yid rang ba dang / 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dge ba thams cad kyi rjes su yid rang ba dang ldan pa'i bsod nams bya ba'i dngos po dang / sangs rgyas thams cad dang / 'phags pa thams cad la gsol ba 'debs pa dang ldan pa'i bsod nams bya ba'i dngos po dang / dge ba thams cad byang chub tu bsngo ba dang ldan pa'i bsod nams bya ba'i dngos po dang / sems can byang chub tu sems ma bskyed pa rnams byang chub tu sems bskyed pa dang / byang chub tu sems bskyed pa rnams la pha rol du phyin pa'i lam ston pa dang / dbul po rnams la longs spyod kyis sdud pa dang / nad pa rnams la sman sbyin pa dang / gus par bsnyen bkur byed pa dang mthu chung ba rnams la bzod cing dang du len pa dang / ltung ba rnams mi 'chab pa dang / sdig pa 'chags pa dang / sangs rgyas bcom ldan 'das rnams bzhugs pa dang / yongs su mya ngan las 'das pa rnams la bsnyen bkur dang / ri mo thams cad byed pa dang / slob dpon dang mkhan po rnams la ston pa bzhin du ri mo byed pa dang / chos la rin po che rin thang med pa bzhin du yongs su chol ba'i brtson 'grus dang / chos smra ba la dga' zhing dpag tshad brgyar yang song ste/ chos nyan pas chog mi shes pa dang / zang zing med par chos 'chad pa dang / pha dang ma la rim gro byed pa dang / byas pa gzo ba dang / byas pa shes pa dang / </font><hr>80.217b<br><font size=+1>

'gyod pa med pa dang / bsod nams bsags pas chog mi shes pa dang / lus bsdams shing tshul 'chos pa med pa dang / ngag bsdams pa'i ngag la tshul 'chos pa med pa dang / yid bsdams pa'i yid la tshul 'chos pa med pa dang / de bzhin gshegs pa'i mchod rten btsugs pa'i phyir tshangs pa'i bsod nams yongs su 'dzin pa dang / mchod sbyin gtan pa med pa bsags pas mtshan yongs su rdzogs pa dang / dge ba'i rtsa ba'i tshogs sna tshogs bsags pas dpe byad bzang po yongs su rdzogs pa dang / nga rgyal med pas lus brgyan pa dang / ngag gi nyes pa thams cad spangs pas ngag brgyan pa dang / blo thogs pa med pas sems brgyan pa dang / mngon par shes pa sprul pas sangs rgyas kyi zhing gi rgyan dang / ye shes yongs su dag pas chos kyi mtshan nyid kyi rgyan dang / phra ma dang zhe gcod pa dang / dbye ba'i tshig yongs su spangs pas 'khor mang po'i rgyan dang / chos 'dzin pas 'dod chags med pa'i chos kyi rgyan dang / rab tu dga' nas legs so zhes bya ba byin nas chos kyi gtam mi 'jig par byed pa dang / sgrib pa dang / chod pa rnam par spangs shing gus par chos nyan pas 'bras bu yod par chos 'chad pa dang / sangs rgyas rnams la bka' thub kyi nags tshal phul bas byang chub kyi shing gi rgyan dang / dge ba'i rtsa ba thams cad sngon du 'gro zhing byang chub kyi sems mi gtong bas byang chub kyi snying po'i rgyan dang / las dang nyon mongs pa mi dmigs pas tshe dang shi 'pho yongs su dag pa dang / rin po che phangs pa'i dngos po thams cad yongs su gtong bas lag na rin po che dang / mi zad pa'i smon lam thob pas longs spyod mi zad pa dang / khro gnyer med pas mthong ma thag tu sems can rnams dad cing bzhin 'dzum pas gsong por smra ba dang / sems can thams cad la 'od zer snyoms pas</font><hr>80.218a<br><font size=+1>

mnyam pa nyid kyi rgyan thob pa dang / ma lobs pa la mi brnyas pas 'od mang po mthong ba dang / tshul khrims kyi bsod nams bsags pas skye ba yongs su dag pa dang / ltung ba la mi rtsod pas mngal yongs su dag pa dang / dge ba bcu'i las yongs su dag pas lha dang mir skye ba dang / rjes su bstan pa thams cad la rab tu rtog pas gdon mi za bar nod pa dang / chos la slob dpon gyi dpe mkhyud med pas chos kyi dbang phyug dang / lhag pa'i bsam pa yongs su dag pas 'jig rten thams cad la mngon sum pa dang / nyi tshe ba'i spyod pa mi 'dod pas rgya chen po'i chos la dad pa dang / thams cad mkhyen pa'i sems mi 'dor bas bsod nams thams cad yongs su 'dzin pa dang / dad pa sngon du 'gro bas nor bdun yongs su rdzogs pa dang / sngon dam bcas pa nyams su lon par byed pas 'jig rten thams cad mi slu ba dang / dge ba'i chos yongs su rdzogs pas sangs rgyas kyi chos thams cad yongs su rdzogs pa ste/ de ni byang chub sems dpa'i bsod nams kyi tshogs la mkhas pa zhes bya'o/ /de la byang chub sems dpa'i ye shes kyi tshogs la mkhas pa gang zhe na/ rgyu gang gis ye shes skye ba ste/ de ltar rgyu dang rkyen gang dang gang gis ye shes rtogs pa'o/ /de la rgyu gang / rkyen gang zhe na/ chos tshol ba la rab tu 'dun pa dang / ye shes kyi rjes su song ba'i bshes gnyen bstan pa dang / sangs rgyas kyi ye shes la rten gyi nyan thos dang / rang sangs rgyas kyi ye shes la mi rten pa dang / de dag la nga rgyal mi byed pa dang / bla ma la dga' ba dang / ston pa la dga' ba dang / de'i dge ba'i bshes gnyen de dag gis 'di ni bsam pa dang ldan par shes nas ye shes kyi gtam gang yang mi ton pa med pa dang / snod du shes nas bar chad med par sems rtse gcig tu chos ston pa dang / des chos de thos nas chos kyi tshogs la brtson par byed de/ gang chos kyi tshogs la brtson par byed pa de nyid de'i ye shes kyi tshogs la brtson</font><hr>80.218b<br><font size=+1>

pa yin no/ /de la chos kyi tshogs la brtson pa gang zhe na/ 'di lta ste don nyung ba dang / bya ba nyung ba dang / sgra nyung ba dang / srod dang tho rangs la mi nyal zhing rnal 'byor la brtson pa dang / 'brel pa'i don la yongs su rtog pa dang / phyir zhing yongs su tshol ba dang / sems la rnyog pa med pa dang / sgrib pa gnon pa dang / ltung ba las 'byung bar shes pa dang / 'gyod pa med pa dang / kun nas ldang ba med pa dang / nan tan snying por byed pa dang / chos la gzhol ba dang / chos la 'bab pa dang / chos la bab pa dang / chos la rtul ba dang / rtag par mgo dang gos la me 'bar ba lta bu dang / ye shes tshol ba de nyid gnas pa dang / mi lhod pa dang / brtson 'grus mi gtong ba dang / khyad par du 'gro ba dang / 'du 'dzi las dben pa dang / gcig pur dga' ba dang / dgon pa bde ba yid la byed pa dang / 'phags pa'i rigs la dga' ba dang / sbyangs pa las mi 'gyur ba dang / chos kyi kun dga' la dga' zhing mos pa dang / 'jig rten rgyang phan pa'i gsang tshig la ri mor mi byed pa dang / 'jig rten las 'das pa dang chos tshol ba la dran pa mi nyams pa dang / rtogs pa la don rtogs pa'i rjes su 'gro ba dang / blo gros la lam gyi rjes su 'thun par byed pa dang / mos pa la sdom pa dang / rkyen la ye shes kyi rjes su rig pa dang / khrel yod pa dang / ngo tsha shes pa'i rgyan dang / sangs rgyas kyi 'gros kyi rjes su 'gro ba dang / mi shes pa sel ba dang / ma rig pa dang / gti mug gi ling tog sel pa dang / shes rab kyi mig rnam par dag pa dang / rab tu rnam par dag pa dang / blo rgya chen po dang / blo ma zhum pa dang / blo rab tu tha dad pa dang / mngon sum du shes pa dang / gzhan la rag ma lus pa'i yon tan dang / rang gi yon tan gyis mi snyems pa dang / pha rol gyi yon tan la rtog pa dang / legs par bya ba'i las byed pa dang / las kyi rnam par smin pa la mi dgal bar byed pa dang / las yongs su dag par shes pa ste/ de ni byang chub sems dpa' sems dpa'</font><hr>80.219a<br><font size=+1>

chen po'i ye shes kyi tshogs zhes bya'o/ /gzhan yang ye shes kyi tshogs ni sbyin pa bzhi ste/ chos smra ba la gro ba dang / smyu gu dang / snag tsha dang / glegs bam sbyin pa dang / chos smra ba dang / chos kyi stan sna tshogs sbyin pa dang / chos smra ba la rnyed pa dang / bkur sti dang / tshigs su bcad pa thams cad sbyin pa dang / chos smra ba la chos kun bsdu ba'i phyir g.yo med par legs so zhes bya ba sbyin pa ste/ sbyin pa bzhi po de dag ni ye shes kyi tshogs sogs par 'gyur ba'o/ /kun srung ba bzhi rnams ye shes kyi tshogs sogs par 'gyur te/ bzhi gang zhe na/ chos smra ba rnams kyi lus yongs su srung ba dang / dge ba srung ba dang / yul dang ljongs su 'jug pa la yongs su srung ba dang / phan pa'i dngos po yongs su srung ba ste/ kun srung ba ni bzhi po de dag go/ /nye bar rton pa bzhi ye shes kyi tshogs su 'gyur te/ bzhi gang zhe na/ chos smra ba rnams kyi chos nye bar rton pa dang / ye shes nye bar rton pa dang / zang zing nye bar rton pa dang / byang chub nye bar rton pa'o/ /stobs lnga ye shes kyi tshogs su 'gyur te/ lnga gang zhe na/ 'di lta ste mos pa'i phyir dad pa'i stobs dang / thos pa tshol ba'i phyir brtson 'grus kyi stobs dang / byang chub kyi sems mi brjed pa'i phyir dran pa'i stobs dang / mnyam pa nyid kyi chos la nges par rtogs pa'i phyir ting nge 'dzin gyi stobs dang / thos pa'i stobs kyi phyir shes rab kyi stobs te/ stobs lnga po de dag ye shes kyi tshogs su 'gyur ro/ /tshul khrims bzhi ye shes kyi tshogs sogs par 'gyur te/ bzhi gang zhe na/ 'di lta ste chos la nges pa'i tshul khrims dang / chos tshol ba'i tshul khrims dang / chos la nges par rtog pa'i tshul khrims dang / byang chub tu bsngo ba'i tshul khrims te/ tshul khrims bzhi po de dag ye shes kyi tshogs sogs par 'gyur ro/ /bzod pa bzhi ye shes kyi tshogs sogs par 'gyur te/ bzhi gang zhe na/ 'di lta ste/ chos tshol ba la mngon par brtson pas ngan du smra ba dang / ngan du brjod pa'i tshig rnams bzod pa dang / chos tshol ba la mngon par brtson pas rlung dang / tsha ba dang / grang ba dang / dro ba dang / skom pa dang / bkres</font><hr>80.219b<br><font size=+1>

pa bzod pa dang / chos tshol ba la mngon par brtson pas slob dpon dang / mkhan po'i rjes su 'jug pa dang / chos tshol ba la mngon par brtson pas stong pa nyid dang / mtshan ma med pa dang / smon pa med pa'i chos bzod pa ste/ bzod pa bzhi po de dag ye shes kyi tshogs sogs par 'gyur ro/ /brtson 'grus bzhi ye shes kyi tshogs sogs par 'gyur te/ bzhi gang zhe na/ 'di lta ste/ thos pa'i brtson 'grus dang / gzung kyi brtson 'grus dang / bstan pa'i brtson 'grus dang / nan tan gyi brtson 'grus te/ brtson 'grus bzhi po de dag ye shes kyi tshogs sogs par 'gyur ro/ /bsam gtan gyi yan lag bzhi ye shes kyi tshogs sogs par 'gyur te/ bzhi gang zhe na/ 'di lta ste dben pa dang / gcig pur dga' ba dang / ye shes dang / mngon par shes pa tshol ba dang / sangs rgyas kyi ye shes la 'jug pa ste/ bsam gtan gyi yan lag bzhi po de dag ye shes kyi tshogs sogs par 'gyur ro/ /shes rab snang ba'i chos 'di bzhi ye shes kyi tshogs sogs par 'gyur te/ bzhi gang zhe na/ 'di lta ste/ chad pa la mi gnas pa dang / rtag pa la mi 'jug pa dang / rten cing 'brel bar 'byung ba dang / mi 'gal ba dang / bdag med pa las mos pa ste/ shes rab snang ba'i chos bzhi po de dag ye shes kyi tshogs sogs par 'gyur ro/ /chos 'di bzhi thabs kyi ye shes kyi tshogs su 'gyur te/ bzhi gang zhe na/ 'di lta ste 'jig rten pa'i rjes su 'jug pa dang / mdo sde'i rjes su 'jug pa dang / chos kyi rjes su 'jug pa dang / ye shes kyi rjes su 'jug pa ste/ chos bzhi po de dag thabs kyi ye shes kyi tshogs su 'gyur ro/ /chos 'di bzhi lam gyi tshogs kyi ye shes la 'jug par 'gyur te/ bzhi gang zhe na/ 'di lta ste/ pha rol tu phyin pa'i lam dang / byang chub kyi phyogs kyi lam dang / yan lag brgyad pa'i lam dang / thams cad mkhyen pa'i ye shes su 'gro ba'i lam ste/ chos bzhi po de dag lam gyi tshogs kyi ye shes la 'jug par 'gyur ro/ /mi ngoms pa 'di bzhi ye shes kyi tshogs sogs par 'gyur te/ bzhi gang zhe na/ 'di lta ste/ thos pas mi</font><hr>80.220a<br><font size=+1>

ngoms pa dang / bstan pas mi ngoms pa dang / pyod pas mi ngoms pa dang / ye shes kyis mi ngoms pa ste/ mi ngoms pa bzhi po de dag ye shes kyi tshogs sogs par 'gyur ro/ /gzhan yang ye shes kyi tshogs ni gang sems can thams cad kyi rjes su 'gro ba dang / zhing thams cad kyi rjes su 'gro ba ste/ sbyin pa las kyang ye shes kyi tshogs su blta'o/ /tshul khrims dang / bzod pa dang / brtson 'grus dang / bsam gtan dang / shes rab dang / byams pa dang / snying rje dang / dga' ba dang / btang snyoms las kyang ye shes kyi tshogs su blta'o/ /de ci'i phyir zhe na ji tsam du byang chub sems dpa'i rtsom pa de thams cad ye shes kyi khar las pa ye shes sngon du 'gro ba/ ye shes la rton pa ste/ de ye shes la gnas pas ye shes can thams cad kyi rton par 'gyur te/ bdud thams cad kyis kyang de la glags mi rnyed do/ /sangs rgyas kyi byin gyi brlabs kyang 'thob/ thams cad mkhyen pa'i ye shes la yang gzhog par byed do/ /de gnyis ni byang chub sems dpa'i bsod nams kyi tshogs dang / ye shes kyi tshogs te/ byang chub sems dpa' sems dpa' chen po tshogs de gnyis la mkhas pa shes rab kyi pha rol tu phyin pa la spyod do/ /de la byang chub sems dpa' rnams kyi dran pa nye bar gzhag pa la mkhas pa gang zhe na/ 'di bzhi ni byang chub sems dpa' rnams kyi dran pa nye bar gzhag pa sgom pa ste/ bzhi gang zhe na/ 'di lta ste/ lus la lus kyi rjes su lta ba dran pa nye bar gzhag pa sgom pa dang / tshor ba la tshor ba'i rjes su lta ba dran pa nye bar gzhag pa sgom pa dang / sems la sems kyi rjes su lta ba dran pa nye bar gzhag pa sgom pa dang / chos la chos kyi rjes su lta ba dran pa nye bar gzhag pa sgom pa'o/ /de la lus la lus kyi rjes su lta ba dran pa nye bar gzhag pa sgom pa gang zhe na/ /shA ri'i bu 'di la byang chub sems dpa'i lus la lus kyi rjes su lta zhing gnas pa de lus kyi sngon gyi mtha' la yang so sor rtog /lus kyi phyi ma'i mtha' la yang so sor rtog /lus kyi da ltar byung ba la</font><hr>80.220b<br><font size=+1>

yang so sor rtog ste/ kye ma'o lus 'di ni phyin ci log las byung ba ste/ rgyu dang rkyen las skyes pa/ g.yo ba med pa/ byed pa med pa/ bdag po med pa/ yongs su 'dzin pa med pa/ 'di lta ste dper na phyi rol gyi rtswa dang / shing gal pa dang / sman dang / nags tshal dag rgyu dang rkyen las 'byung zhing bdag po med yongs su 'dzin pa med pa de bzhin du lus 'di yang rtswa dang / rtsig pa dang / shing dang / bong ba dang / mig yor lta bu phung po dang / khams dang / skye mched yongs su 'dzin pa bdag dang bdag gi 'am/ rtag pa 'am/ brtan pa 'am/ ther zug gam/ mi 'gyur ba'i chos kyis stong ste/ lus de la nga yir mi bya'i lus snying po med pa des snying po blang bar bya'o/ /de la snying po gang zhe na/ 'di lta ste/ de bzhin gshegs pa'i sku'o/ /de bzhin gshegs pa'i sku ni chos kyi sku/ rdo rje'i sku/ mi phyed pa'i sku/ sra ba'i sku/ 'jig rten gsum thams cad dang khyad zhugs pa'i sku bdag gis bsgrub par bya'o/ /bdag gi lus 'di nyes pa du ma'i skyon chags mod kyi/ 'on kyang nyes pa thams cad dang bral ba'i de bzhin gshegs pa'i sku thob par bya'o/ /zhes de so sor rtog pa'i mthus legs par mthong nas 'byung ba chen po'i gnas kyi lus yongs su srung bar byed de/ /nga'i lus ni sems can thams cad kyi ci dgos par zad par bya'o/ /'di lta ste dper na/ phyi rol gyi 'byung ba chen po bzhi po sa'i khams dang / chu'i khams dang / me'i khams dang / rlung gi khams sgo sna tshogs dang / dmigs pa sna tshogs dang / rnam grangs sna tshogs dang / yo byad sna tshogs dang / yongs su spyod pa sna tshogs kyis sems can rnams nye bar 'tsho ba de bzhin du bdag gi 'byung ba chen po bzhi las gyur pa'i lus 'di sgo sna tshogs dang / dmigs pa sna tshogs dang / rnam grangs sna tshogs dang / yongs su spyod pa sna tshogs kyis sems can rnams kyi nye bar 'tsho bar gyur cig snyam mo/ /de lus mi rtag pa nyid du yang so sor rtog mod kyi skye ba dang / shi 'phos kyang mi skye'o/ /lus sdug bsngal nyid du yang so sor rtog mod kyi lus kyi sdug bsngal bas kyang</font><hr>80.221a<br><font size=+1>

yongs su mi gdung ngo / /lus bdag med pa nyid du yang so sor rtog mod kyi/ sems can yongs su smin par bya ba la yang mi skyo'o/ /lus zhi ba nyid du yang so sor rtog mod kyi/ lus zhi bas btang snyoms su yang mi ltung ngo / /lus stong pa nyid dang / lus dben pa nyid du yang so sor rtog mod kyi dben pa'i mur yang mi ltung ngo / /de lus la lus kyi rjes su lta zhing gnas pa na lus la rdzas dang snying por rjes su mi mthong ngo / /nang gi lus la yang lus kyi rjes su lta zhing gnas pa na nang gi rjes su song ba'i nyon mongs pa rnams kyi go skabs mi 'byed do/ /de phyi rol gyi lus la lus kyi rjes su lta zhing gnas pa na phyi rol gyi rjes su song ba'i nyon mongs pa rnams dang lhan cig mi gnas so/ /de lus nyon mongs pa med pas lus kyi las yongs su dag pa dang ldan pa yin no/ /de lus yongs su dag nas mtshan gyis yang dag par brgyan pa'i sku 'thob bo/ /de lus mtshan gyis brgyan par gyur nas lha dang mi rnams mngon du 'dul bar 'gyur te/ de ni byang chub sems dpa'i lus la lus kyi rjes su lta ba'i dran pa nye bar gzhag pa sgom pa'o/ /yang ji ltar na byang chub sems dpa'i tshor ba la tshor ba'i rjes su lta ba'i dran pa nye bar gzhag pa sgom pa yin zhe na/ 'di la byang chub sems dpa' gang ci tshor yang rung de thams cad sdug bsngal lo zhes de snyam du sems te/ de ye shes kyis rtogs pa dang / shes rab kyis rtogs pa dang / thabs kyis rtogs pa'i tshor ba shin du rtogs pas bde bar tshor ba tshor bar byed mod kyi/ 'dod chags kyi bag la nyal yang bag la nyal bar mi byed do/ /sdug bsngal ba'i tshor bas rig nas kyang ngan song du skyes pa thams cad la snying rje chen po skyed cing khong khro ba'i bag la nyal ba yang bag la nyal bar mi byed do/ /bde ba yang ma yin sdug bsngal ba yang ma yin pa'i tshor bas reg kyang ma rig pa'i bag la nyal yang bag la nyal bar mi byed do/ /de tshor ba'i rjes su song ba'i dran pas bde ba 'am/ sdug bsngal ba 'am/ bde ba yang ma yin sdug bsngal ba</font><hr>80.221b<br><font size=+1>

yang ma yin pa'i tshor ba gang tshor ba yang tshor ba de dag las 'byung bar lta ba yin no/ /sems can thams cad kyi tshor ba yongs su shes shing zhi ba'i phyir yang 'jug ste/ sems can 'di dag ni tshor ba las 'byung bar mi shes pas de dag bde ba'i tshor ba la dga' bar byed/ sdug bsngal ba'i tshor ba la zhe sdang bar byed/ bde ba yang ma yin sdug bsngal ba yang ma yin pa'i tshor ba la rmongs par byed kyi/ bdag ni shes rab dang / ye shes kyis rjes su rtogs pa'i tshor ba thams cad so sor sbyangs pa dang / thabs mkhas pa dang / snying rje chen pos yongs su bzung ba'i rtsom pas sems can de dag gi tshor ba thams cad rgyun gcod pa'i phyir chos bstan par bya'o/ /ci'i phyir tshor ba zhes bya zhe na/ rtog pa'i tshor ba ni bde bar 'gyur ro/ /ma rtogs pa'i tshor ba sdug bsngal bar 'gyur ro/ /de la rtogs pa'i tshor ba gang zhe na/ /'di la bdag gam/ sems can nam/ srog gam/ gang zag gang yang tshor bar byed pa med de/ chags pa ni tshor ba'o/ /yongs su 'dzin pa ni tshor ba'o/ /len pa ni tshor ba'o/ /phyin ci log ni tshor ba'o/ /rnam par rtog pa ni tshor ba'o/ /lta ba'i bag la nyal ni tshor ba'o/ /mig tu 'du shes pa tshor ba yin pa nas yid kyi bar du 'du shes pa ni tshor ba'o/ /gzugs su 'du shes pa tshor ba yin pa nas chos su 'du shes pa'i bar du ni tshor ba'o/ /gang mig gi 'dus te reg pa'i rkyen las byung ba'i tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa'i bar du de ni tshor ba zhes bya'o/ /gong ma bzhin du nang dang phyi'i chos rnams sbyar te/ yid kyi bar du 'dus te reg pa'i rkyen las byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa'i bar du de ni tshor ba zhes bya'o/ /gzhan yang rnam grangs kyis tshor ba gcig ste/ de ni sems gcig pus rnam par rig pa'o/ /tshor ba gnyis te/ phyi dang nang gi'o/ /tshor ba gsum ste/ 'das pa rnam par rig pa dang / ma 'ongs pa rnam par rig pa dang / da ltar byung ba rnam par rig pa'o/ /tshor ba bzhi ste/ de ni khams bzhi rnam par rig pa'o/ /tshor ba lnga ste/ de ni phung po lnga yid la byed pa'o/ /tshor ba drug ste/ de ni skye mched drug yongs su rtog pa'o/ /tshor ba</font><hr>80.222a<br><font size=+1>

bdun te/ de ni rnam par shes pa gnas pa bdun no/ /tshor ba brgyad de/ de ni log par nges pa'i sbyor ba brgyad do/ /tshor ba dgu ste/ de ni sems can kyi gnas dgu'o/ /tshor ba bcu ste/ de ni dge ba bcu'i las kyi lam mo/ /gong ma bzhin du sbyar te thams cad ni tshor ba ste/ dmigs pa ji snyed pa dang / yid la byed pa ji snyed pa de thams cad tshor bar bya ba'o/ /de bas na sems can tshad med pa'i tshor ba tshad med pa zhes bya'o/ /de la byang chub sems dpa' tshor ba la tshor ba'i rjes su lta zhing gnas pas sems can thams cad kyi tshor ba skye ba dang / 'jig pa dang / gnas pa la ye shes bskyed par bya ste/ gang sems can thams cad kyi dge ba dang / mi dge ba'i tshor ba la tshor bar shes pa de ni byang chub sems dpa'i tshor ba la tshor ba'i rjes su lta ba'i dran pa nye bar gzhag pa'o/ /de la byang chub sems dpa'i sems la sems kyi rjes su lta ba'i dran pa nye bar gzhag pa gang zhe na/ gang byang chub sems dpa' de'i mi brjed pa dang / sba ba dang / kun srung ba dang / mi g.yeng ba'o/ /de 'di ltar so sor rtog ste/ sems ni skyes nas 'jig cing zhu ste mi gnas pas nang na yang mi gnas/ phyi rol du yang mi 'pho ste/ gang bdag gis thog mar sems bskyed pa de yang zad/ med/ rnam par gyur te/ yul na mi gnas/ phyogs na mi gnas pas de rnyed par mi nus te sems gang gis dge ba'i rtsa ba bsgrubs pa de dag kyang zad/ med/ rnam par gyur/ yul na mi gnas/ phyogs na mi gnas so/ /gang yang byang chub du bsngos pa'i sems de yang ngo bo nyid kyis mtshan nyid med pa ste/ sems kyis sems rab tu mi shes/ sems kyis sems mi mthong / sems kyis sems mi tshor na gang gis bdag bla na med pa yang dag par rdzogs pa'i byang chub mngon par rdzogs par 'tshang rgya ba'i sems de gang yin/ gang byang chub kyi sems de ni dge ba'i rtsa ba'i sems dang mi 'grogs/ gang dge ba'i rtsa ba'i sems de yang bsngo ba'i sems dang mi 'grogs/ gang bsngo ba'i sems de yang byang chub kyi sems dang / dge ba'i rtsa ba'i sems dang mi 'grogs so zhes de de ltar so sor</font><hr>80.222b<br><font size=+1>

rtog pa na mi skrag /mi dngang / dngang bar mi 'gyur gyi/ de yang 'di snyam du sems te/ rten cing 'brel bar 'byung ba zab mo rgyu dang 'brus bu chud mi za ba'o/ /gal te sems kyi chos nyid de lta bu sems kyi rang bzhin yin yang chos thams cad rgyu dang rkyen la rag las pa/ g.yo ba/ byed pa med pa/ bdag po med pa/ ji ltar 'dod pa de bzhin du 'grub gyis bdag gis bsgrub pa la brtson par bya'o/ /sems kyi chos nyid de mi 'bri bar bya'o/ /de la sems kyi chos nyid gang / sgrub pa gang zhe na/ sems ni sgyu ma dang 'dra ba ste/ de la sgrib par byed pa yang su yang med de/ de ni sems kyi chos nyid do/ /gang yang bdog pa thams cad yongs su btang nas sangs rgyas kyi zhing rnam par sgrub pa'i rgyan du sngo bar byed pa de ni sgrub par byed pa'o/ /sems rmi lam dang 'dra bar rab tu zhi ba'i mtshan nyid de ni sems kyi chos nyid de/ gang yang tshul khrims sdom pa'i tshogs sogs so cog de thams cad myur ba'i mngon par shes par sngo ba de ni sgrub pa'o/ /sems smig rgyu lta bu shin du zad pas zad par gyur pa de ni sems kyi chos nyid de gang yang bzod pa'i stobs dang / des pa byang chub kyi rgyan sgrub pa'i phyir sngo ba de ni sgrub pa'o/ /sems chu zla lta bur shin du dben pas dben pa de ni sems kyi chos nyid de/ gang yang brtson 'grus rtsom pa thams cad sangs rgyas kyi chos thams cad yongs su rdzogs par bya ba'i phyir sngo ba de ni de'i sgrub pa'o/ /sems gzung du med pa mi mthong ba de ni sems kyi chos nyid de/ gang yang bsam gtan dang / rnam par thar pa dang / ting nge 'dzin dang / mnyam par bzhag pa thams cad sangs rgyas kyi ting nge 'dzin du sngo ba de ni de'i sgrub pa'o/ /sems gzugs med pa/ mi mthong ba/ mi thos pa/ rnam par mi rig pa de ni sems kyi chos nyid de/ gang yang dris pa'i tshig tha dad pa bstan pa thams cad shes pas sangs rgyas kyi ye shes yongs su rdzogs par sngo ba de ni de'i sgrub pa'o/ /dmigs pa sna</font><hr>80.223a<br><font size=+1>

tshogs la sems skye ba de ni sems kyi chos nyid de/ gang yang dge ba'i rtsa ba la dmigs pa'i sems nye bar spyod pa de'i sgrub pa'o/ /rgyu med pa la sems mi skye ba de ni sems kyi chos nyid de/ gang yang byang chub kyi phyogs kyi chos kyi rgyu'i sems skyed pa de ni de'i sgrub pa'o/ /gang yul med par sems mi skye ba de ni sems kyi chos nyid de/ gang yang sangs rgyas kyi yul gyi rgyu'i sems nye bar sbyor ba de ni de'i sgrub pa'o/ /shA ri'i bu de ltar na byang chub sems dpa' sems la sems kyi rjes su lta zhing dran pa nye bar gzhag pa sgom pa'o/ /de sems la sems kyi rjes su lta zhing gnas pa na mngon par shes pa thob pa'i phyir sems shin du 'brel bar byed do/ /de mngon par shes pa thob nas sems gcig gis sems can thams cad kyi sems rab tu shes te/ shes nas kyang de'i rang bzhin gyi chos 'chad do/ /gzhan yang byang chub sems dpa' sems kyi rjes su lta zhing gnas pa na snying rje chen po thob pa'i phyir sems nye bar 'brel bar byed de/ snying rje chen po thob pas sems can thams cad yongs su smin par bya ba la yongs su mi skyo ba'o/ /sems la sems kyi rjes su lta zhing gnas pa na sems zad pa dang / sems 'gag par bya ba'i phyir sems gnas par myi byed kyi/ 'khor ba'i rgyun gyi kun du sbyor ba rnams kyis sems mngon par sgrub ste/ sems kyis dran pa shes pa des ma skyes pa dang / mi skye ba nges par gyur ba la zhugs pa'i chos rnams kyi gnas te/ nyan thos dang / rang sangs rgyas kyi sar yang mi ltung ngo / /sangs rgyas kyi chos thams cad yongs su rdzogs par</font><hr>80.223b<br><font size=+1>

ma gyur gyi bar du sems kyi rgyun de rgyun chags par byed do/ /sems kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par 'tshang rgya ste/ shA ri'i bu de ltar na byang chub sems dpa' sems la sems kyi rjes su lta zhing dran pa nye bar gzhag pa sgom mo/ /shA ri'i bu ji ltar na byang chub sems dpa' chos la chos kyi rjes su lta ba'i dran pa nye bar gzhag pa sgom pa yin zhe na/ shA ri'i bu 'di la byang chub sems dpas 'phags pa'i shes rab kyi mig gis chos gang mthong ba de dag byang chub kyi snying po'i bar du bar ma dor rmongs par mi 'gyur te/ de la chos la chos kyi rjes su lta zhing gnas pa na gang stong pa nyid du ma gtogs pa dang / mtshan ma med par ma gtogs pa dang / smon pa med par ma gtogs pa dang / mi skye bar ma gtogs pa dang / ma skyes par ma gtogs pa dang / mngon par 'du mi byed par ma gtogs pa dang / dngos po med par ma gtogs pa'i chos rdul tsam yang mi mthong ngo / gang rten cing 'brel par 'byung ba ma gtogs pa'i chos rdul tsam yang yang dag par rjes su mi mthong ngo / /byang chub sems dpa' de chos la chos kyi rjes su lta zhing gnas pa na chos nyid yang dag par rjes su mthong gi /chos ma yin pa mi mthong ngo / /de la chos gang zhe na/ 'di lta ste/ bdag med pa'i don dang / sems can med pa'i don dang / srog med pa'i don dang / /gang zag med pa'i don te/ de ni chos shes bya'o/ /de la chos ma yin pa gang zhe na/ 'di lta ste/ bdag tu lta ba dang / sems can du lta ba dang / srog tu lta ba dang / gang zag tu lta ba dang / </font><hr>80.224a<br><font size=+1>

chad par lta ba dang / rtag par lta ba dang / 'byung bar lta ba dang / 'jig par lta ba ste/ de ni chos ma yin pa zhes bya'o/ /yang shA ri'i bu chos thams cad chos so/ /chos thams cad chos ma yin pa'o/ /de ci'i phyir zhe na/ stong pa nyid dang / mtshan ma med pa dang / smon pa med pa shes pa'i phyir chos thams cad chos so/ /bdag dang bdag gir lta ba'i bag la nyal ba'i phyir chos thams cad chos ma yin pa'o/ /de la byang chub sems dpa' chos la chos kyi rjes su lta zhing gnas pa na chos de dag la gang yang sangs rgyas kyi chos ma yin pa gang las byang chub tu mi 'gyur ba dang / gang la sangs rgyas su mi 'gyur ba dang / gang las lam du mi 'gyur ba dang / gang las thar bar mi 'gyur ba dang / gang las 'byung bar mi 'gyur ba'i chos rdul tsam yang mi mthong ste/ de chos thams cad 'byung bar shes nas sgrib pa med pa zhes bya ba'i snying rje chen po 'thob ste/ sems can thams cad kyi kun nas nyon mongs pa la yang de dag nyon mongs pa dang bcas pa ma yin gyi/ de dag nyon mongs pa med pa'o zhes bcos mar 'du shes skyed do/ /de ci'i phyir zhe na/ de ltar de dag ni nges pa'i don la yang dag par 'jug ste/ nyon mongs pa rnams la bsags pa 'am/ phung po'i dngos po med de/ de dag nyid rjes su rtogs pa'i phyir byang chub bo/ /nyon mongs pa'i rang bzhin gang yin pa byang chub kyi rang bzhin yang de yin no/ /byang chub kyi rang bzhin gang yin pa nyon mongs pa'i rang bzhin yang de yin te/ de ltar dran pa nye bar gzhog kyang cung zad kyang nye bar 'jog pa med/ rab tu 'jog pa med/ mi 'jog pa med de/ chos nyid de gnas pa nyid du rab tu shes so/ /de bas na chos kyi dbyings de ni gnas pa nyid ces bya'o/ /</font><hr>80.224b<br><font size=+1>

chos kyi dbyings gnas gang la gnas pa sems can gyi khams kyang gnas de la gnas so/ /sems can gyi khams gnas gang la gnas pa nam mkha'i khams kyang gnas te/ de bas na chos thams cad nam mkha' dang mtshungs shes bya'o/ /byang chub sems dpa' de chos la chos kyi rjes su lta zhing gnas pa na sangs rgyas kyi chos la rton pa yin/ chos thams cad sangs rgyas kyi chos su mos par byed de/ de zad par shes pa yang skyed mod kyi/ 'dus ma byas pa'i zad pa yang mngon du mi byed/ mi skye ba shes pa yang mngon par sgrub mod kyi/ sems can la lta ba'i phyir yang skye la mi skye ba'i mtha' de yang mi gtong ngo / /dran pa nye bar gzhag pa zhes bya ba ni chos thams cad dran pa de la gzhog par byed cing nyan thos sam/ rang sangs rgyas sam/ sangs rgyas kyi chos ji snyed chos su gdags pa de dag thams cad ma lus par dran pa de la 'jog ste/ dran pa de yang brjed par mi byed/ phyi ma'i mtha'i yang bar du smongs par me byed do/ /chos la chos kyi rjes su lta zhing dran pa nye bar gzhag pa'o zhes bya ba de ni bstan pa dpag tu med pa ste/ kun tu spyod yul ma yin pa/ sangs rgyas kyi chos thams cad la yang dag par 'du ba/ sems can thams cad kyi sems tshim par byed pa/ bdud thams cad 'dul ba/ rang byung bar rtogs pa'i phyir te/ shA ri'i bu de ltar na byang chub sems dpa' chos la chos kyi rjes su lta zhing dran pa nye bar gzhag pa sgom mo/ /de dag ni dran pa nye bar gzhag pa bzhi zhes bya ste/ shA ri'i bu de ltar na byang chub sems dpa' dran pa nye bar gzhag pa bzhi po de dag la mkhas pa shes rab kyi pha rol tu phyin pa la spyod do/ de la byang chub sems dpa' rnams kyi byang chub kyi yan lag la mkhas pa gang zhe na/ </font><hr>80.225a<br><font size=+1>

byang chub sems dpa' rnams kyi byang chub kyi yan lag 'di bdun te/ bdun gang zhe na/ 'di lta ste/ dran pa yang dag byang chub kyi yan lag dang / chos rnams par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ shA ri'i bu de dag ni byang chub sems dpa' rnams kyi byang chub kyi yan lag bdun no/ /de la dran pa yang dag byang chub kyi yan lag gang zhe na/ dran pa gang gis chos rtogs par byed/ chos la so sor rtog par byed/ chos la dpyod par byed/ chos yongs su tshol bar byed cing chos rnam par 'byed par byed pa dang / chos la rnam par rtog par byed de/ de dran pa des gang chos rnams kyi ngo bo nyid kyi mtshan nyid de yang rjes su rtogs so/ /yang chos rnams kyi ngo bo nyid kyi mtshan nyid shes pa gang zhe na/ chos thams cad rang gi mtshan nyid kyis stong pa ste/ gang de ltar dran zhing khong du chud pa de ni dran pa yang dag byang chub kyi yan lag ces bya'o/ /de la chos rnams par 'byed pa yang dag byang chub kyi yan lag gang zhe na/ gang chos kyi phung po brgyad khri bzhi stong rab tu rnam par 'byed pa shes pa ste/ nges pa'i don kyang nges pa'i don du/ drang ba'i don kyang drang ba'i don du/ kun rdzob kyi don kyang kun rdzob kyi don du/ don dam pa yang don dam par/ brda yang brdar/ rnam par gtan la bab pa yang rnam par gtan la bab par chos de dag ji ltar rab tu dbye bar bya ba de bzhin du de dag rnam par</font><hr>80.225b<br><font size=+1>

'byed par byed de/ de ni chos rnam par 'byed pa yang dag byang chub kyi yan lag ces bya'o/ /de la brtson 'grus yang dag byang chub kyi yan lag gang zhe na/ gang chos rnam par 'byed pa de nyid kyi dga' ba dang / shin du sbyangs pa dang / ting nge 'dzin dang gtang snyoms dang / ye shes kyi rab tu 'dzin pa dang / spro ba dang / stobs dang / rtul ba dang / mi zlogs pa'i mos pa dang / mthu dang / brtson pa mi 'dor ba dang / lam mngon par rtogs par bya ba la brtson 'grus pa ste/ de ni brtson 'grus yang dag byang chub kyi yan lag ces bya'o/ /nga la dga' ba yang dag byang chub kyi yan lag gang zhe na/ dga' ba gang dang / chos la dga' ba gang dang / chos la mchog tu dga' ba gang gis sems mi zhum zhing dad pa ste/ ma zhum pa'i dga' ba des gang lus sam sems kyang shin du byang bar byed la kun nas nyon mongs pa yang sel ba de ni dga' ba yang dag byang chub kyi yan lag ces bya'o/ /de la shin du sbyangs pa yang dag byang chub kyi yan lag gang zhe na/ gang lus shin du sbyangs pa dang / /sems shin du sbyangs pa dang / nyon mongs pa shin du sbyangs pa dang / sgrib pa med pa dang / ting nge 'dzin du dmigs pa la sems nye bar gzhog pa ste/ de ni shin du sbyangs pa yang dag byang chub kyi yan lag ces bya'o/ /de la ting nge 'dzin yang dag byang chub kyi yan lag gang zhe na/ gang sems mnyam par bzhag pas chos shes pa rtogs par 'gyur te/ sems mnyam par ma bzhag pas ni ma yin pa dang / sems mnyam par bzhag pas chos de dag mngon par rdzogs par 'tshang rgya'i sems mnyam par ma bzhag pas ma yin te/ chos mnyam pa nyid dang / chos la gzhol ba ma gtogs par rjes su chags pa'i kun nas</font><hr>80.226a<br><font size=+1>

dkris pas rtogs par mi byed de/ de ni ting nge 'dzin yang dag byang chub kyi yan lag ces bya'o/ /de la gtang snyoms yang dag byang chub kyi yan lag gang zhe na/ gang yid bde ba dang / yid mi bde ba'i cha dang 'thun pa'i chos rnams la sems mi 'dzin pa dang / 'jig rten gyi chos kyis mi 'phrogs pa dang / mtho dman du mi gnas pa'i phyir rab tu mi g.yo/ mi 'khrug /rab tu mi 'khrug /yang dag par mi 'khrug /chags par mi byed/ zhe sdang bar mi byed/ 'phags pa'i lam de nyid dang 'thun par byed pa ste/ de ni btang snyoms yang dag byang chub kyi yan lag ces bya'o/ /shA ri'i bu de ltar na byang chub sems dpa' byang chub kyi yan lag bdun la mkhas pas shes rab kyi pha rol tu phyin pa la spyod do// // bam po bcu dgu pa/ /de la byang chub sems dpa' rnams kyi lam la mkhas pa gang zhe na/ byang chub sems dpa' rnams kyi lam ni 'di brgyad do/ /brgyad gang zhe na/ 'di lta ste/ yang dag pa'i lta ba dang / yang dag pa'i rtogs pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ de dag ni byang chub sems dpa' rnams kyi lam yan lag brgyad pa'o/ /de la yang dag pa'i lta ba gang zhe na/ lta ba gang 'phags pa'i 'jig rten las 'das pa ste/ bdag tu lta ba las langs pa ma yin/ sems can tu lta ba las langs pa ma yin/ srog tu lta ba las langs pa ma yin/ gang zag tu lta ba las langs pa ma yin/ chad pa dang / rtag pa dang / 'byung ba dang / 'jig par lta ba las langs pa ma yin/ dge ba dang mi dge bar lta ba las langs pa</font><hr>80.226b<br><font size=+1>

ma yin pa nas/ mya ngan las 'das par lta ba las langs pa ma yin pa ste/ de ni yang dag pa'i lta ba zhes bya'o/ /de la yang dag pa'i rtog pa gang zhe na/ rtog pa gang gis 'dod chags dang / zhe sdang dang / gti mug la sogs pa'i nyon mongs pa gnas par 'gyur ba'i rtog pa ldang bar mi byed kyi/ rtog pa gang gis tshul khrims dang / /ting nge 'dzin dang / shes rab dang / rnam par grol ba dang / rnam par grol ba'i ye shes mthong bar 'byung bar 'gyur ba de la rtog pa ste/ de ni yang dag pa'i rtog pa zhes bya'o/ /de la yang dag pa'i ngag gang zhe na/ yang dag pa'i ngag gang gis bdag dang gzhan la mi gdung zhing de phan pa'i rjes su sbyor ba'i ngag dang ldan pa yin te/ ngag des lam mnyam pa la 'jug pa de ni yang dag pa'i ngag ces bya'o/ /de la yang dag pa'i las kyi mtha' gang zhe na/ gang las gnag la rnam par smin pa gnag pa de lta bu mngon par 'du mi byed pa dang / gang las dkar la rnam par smin pa dkar ba de lta bu'i las mngon par 'du byed pa dang / gang las dkar gnag la rnam par smin pa dkar gnag tu 'gyur ba de lta bu'i las mngon par 'du mi byed pa dang / gang las dkar gnag ma yin la rnam par smin par mi 'gyur ba las zad par 'gyur ba de lta bu'i las mngon par 'du byed pa ste/ de las bdag gir bya ba/ las la rton pa/ yang dag pa'i las la brtson pas yang dag pa'i las kyi mtha' zhes bya'o/ /de la yang dag pa'i 'tsho ba gang zhe na/ gang 'phags pa'i rigs dang / sbyangs pa'i yon tan mi gtong ba dang / kha gsag med pa dang / tshul 'chos pa med pa dang / thob kyis 'jal ba med pa dang / dgang sla ba dang / gso sla ba dang / cho ga mi lhod pa dang / gzhan gyi rnyed pa la phra dog med pa dang / bdag gi rnyed pas chog shes pa dang / kha na ma tho ba med pa dang / 'phags pas gnang pa'i 'tsho ba ste/ de ni yang dag pa'i 'tsho ba'o/ /de la</font><hr>80.227a<br><font size=+1>

yang dag pa'i rtsol ba gang zhe na/ rtsol ba gang log par spyod par bshad pa 'dod chags dang / zhe sdang dang / gti mug dang / nyon mongs pa bag la nyal ba'i rtsol ba de mi 'dod kyi/ rtsol ba gang 'phags pa'i lam dang bden pa la 'jug pa/ mya ngan las 'das pa 'gro ba'i lam du 'jog par byed pa'i rtsol ba de ni rjes su 'gro ba ste/ de ni yang dag pa'i rtsol ba zhes bya'o/ /de la yang dag pa'i dran pa gang zhe na/ dran pa gang shin du nye bar gzhog pa dang / tha mal pa ma yin pa dang / drang ba dang / gya gyu med pa dang / 'khor ba'i nyes pa dang / skyon la lta ba dang / mya ngan las 'das pa'i lam du 'dren pa'i dran pa dang / dran par byed pa dang / 'phags pa'i lam mi brjed pa ste/ de ni yang dag pa'i dran pa zhes bya'o/ /de la yang dag pa'i ting nge 'dzin gang zhe na/ yang dag pa nyid du mnyam pa chos thams cad la mnyam pa ste/ ting nge 'dzin de la rab tu gnas nas yang dag pa nyid du 'jug ste/ gang yang byang chub sems dpa' ting nge 'dzin la gnas na sems can thams cad rab tu thar bar bya ba'i phyir yang dag pa nyid du 'jug pa de ni yang dag pa'i ting nge 'dzin ces bya'o/ /'das pa dang / ma byon pa dang / da ltar byung ba'i sangs rgyas bcom ldan 'das rnams kyi lam mi zad pa 'di/ byang chub sems dpas mngon par rtog nas 'chad pa dang / ston pa dang / yang dag par rab tu ston pa de ni yang dag pa'i ting nge 'dzin ces bya'o/ /de dag ni byang chub sems dpa' rnams kyi lam yan lag brgyad pa zhes bya ste/ de ni byang chub sems dpa' lam la mkhas pa'o/ /gzhan yang lam la mkhas pa ni byang chub sems dpa' rnams kyi lam yan lag gnyis pa ste/ yan lag gnyis gang zhe na/ 'di lta ste/ zhi gnas dang / lhag mthong ste/ de ni lam yan lag gnyis pa</font><hr>80.227b<br><font size=+1>

zhes bya'o/ /de la zhi gnas gang zhe na/ gang sems zhi ba dang / rab tu zhi ba dang / nye bar zhi ba dang / mi g.yeng ba dang / dbang po rnams bsdams pa dang / mi rgod pa dang / ma khengs pa dang / mi 'phyar ba dang / mu cor mi smra ba dang / des pa dang / sbas pa dang / g.yo med pa dang / yid du 'ong ba dang / gcig pur dga' ba dang / 'du 'dzi sel ba dang / dben par dga' ba dang / lus dben pa dang / sems ma 'khrul pa dang / dgon pa'i sgo yid la byed pa dang / chog shes pa dang / 'dod pa nyung ba dang / 'tsho ba yongs su dag pa dang / cho ga phun sum tshogs pa dang / spyod lam sbas pa dang / dus shes pa dang / tshod shes pa dang / drod shes pa dang / dgang sla ba dang / gso sla ba dang / so sor rtog pa dang / mi mtho mi dma' ba dang / tshigs ngan pa smras pa bzod pa dang / rnal 'byor gyi sgor sems bskyed pa dang / nang du yang dag 'jog la mngon par dga' ba dang / bsam gtan gyi yan lag yid la byed pa dang / byams pa bskyed pa dang / snying rje mngon par sgrub pa dang / dga' ba la gnas pa dang / gtang snyoms sgom pa dang / bsam gtan dang po nas/ brgyad kyi bar du mthar gyis snyoms par 'jug pa ste/ de ni zhi gnas shes bya'o/ /yang zhi gnas kyi tshogs tshad med pa ste/ tshogs de la gang rjes su rtogs pa de ni zhi gnas shes bya'o/ /de la lhag mthong gang zhe na/ gang shes rab kyis cha dang mthun pa'i sgom pa'i lam ste/ chos rnams la g.yo ba med pa dang / sems can med pa dang / srog med pa dang / gang zag med pa dang / phung po rnams la sgyu ma'i phung por mthong ba'i shes pa dang / </font><hr>80.228a<br><font size=+1>

khams rnams la chos kyi khams su mthong ba'i shes pa dang / /skye mched rnams la grong stong par mthong ba'i shes pa dang / /mig la bar tu rnam par phye bar mthong ba'i shes pa dang / rten cing 'brel bar 'byung ba la mi 'gal bar mthong ba'i shes pa dang / sems can du lta ba dang bral bar mthong ba'i shes pa dang / rgyu dang 'bras bu rnam par smin pa mthong ba'i shes pa dang / 'bras bu thob pa mngon sum du bya ba mthong ba'i shes pa dang / yang dag pa nyid du 'jugs pa la 'jug par byed pa mthong ba'i shes pa'o/ /yang lhag mthong zhes bya ba ni 'di lta ste/ /chos rnams kyi ji lta ba bzhin du mthong ba dang / chos rnams kyi de kho na nyid mthong ba dang / chos rnams kyi gzhan ma yin pa nyid mthong ba dang / chos rnams kyi stong pa nyid mthong ba dang / mtshan ma med pa mthong ba dang / smon pa med pa mthong ba'o/ /yang lhag mthong zhes bya ba ni rgyu med par mthong ba med pa dang / skye ba dang / 'jig pa dang / gnas pa'i rgyu mthong ba med pa dang / /dmigs pa'i rgyus mthong ba med cing lhag par mthong yang cung zad lhag par mi mthong ba'o/ /gzhan yang lhag mthong ni mthong bas kyang mthong la lta ba yang mi mthong ba ste/ gang gi tshe de ltar mthong ba de'i tshe yang dag par mthong ba'o/ /yang dag par mthong na lhag mthong la mkhas pa yang rjes su 'thob ste/ de la byang chub sems dpa'i lhag mthong de ltar mthong la mngon par 'du byed par yang mi ltung zhing dge ba'i rtsa ba mngon par 'du byed pa la yang mi gnas te/ de nas byang chub sems dpa'i lhag mthong ngo / /de ltar na byang chub sems dpa'i zhi gnas dang / /</font><hr>80.228b<br><font size=+1>

lhag mthong la mkhas pa shes rab kyi pha rol tu phyin pa la spyod do/ /gzhan yang lam la mkhas pa ni byang chub sems dpa' rnams kyi lam rnam pa bzhi ste/ rnam pa bzhi gang zhe na/ 'di lta ste/ sdig pa mi dge ba'i chos ma skyes pa rnams mi skyed pa'i phyir 'dun pa skyed/ 'bad par byed/ brtson 'grus rtsom/ sems rab tu 'dzin/ yang dag par rab tu 'jog pa dang / sdig pa mi dge ba'i chos skyes pa rnams spang ba'i phyir 'dun pa skyed/ 'bad par byed/ brtson 'grus rtsom/ sems rab tu 'dzin/ yang dag par rab tu 'jog pa dang / dge ba'i chos ma skyes pa rnams bskyed pa'i phyir 'dun pa skyed/ 'bad par byed/ brtson 'grus rtsom/ sems rab tu 'dzin/ yang dag par rab tu 'jog pa dang / dge ba'i chos skyes pa rnams gnas pa dang / phyir zhing 'byung ba dang / nyams par mi 'gyur ba chud mi za bar bya ba'i phyir 'dun pa skyed/ 'bad par byed/ brtson 'grus rtsom/ sems rab tu 'dzin/ yang dag par rab tu 'jog pa'o/ /gang sdig pa mi dge ba'i chos ma skyes pa rnams mi bskyed pa'i phyir 'dun pa skyes ces bya ba ni tshul bzhin yid la byed pa'i tshig bla dgas so/ /'bad par byed/ brtson 'grus rtsom zhes bya ba ni tshul bzhin yid la byed pa de mi gtong ba'o/ sems rab tu 'dzin/ yang dag par rab tu 'jog ces bya ba ni tshul bzhin la so sor rtog pa'i tshig bla dgas so/ /de ci'i phyir zhe na/ tshul bzhin la rab tu sbyor ba ni mi dge ba'i chos rnams mi 'byung ba'i phyir ro/ /de la mi dge ba'i chos rnams gang zhe na/ 'di lta ste/ tshul khrims kyi mi mthun pa'i phyogs dang / ting nge 'dzin gyi mi mthun pa'i phyogs dang / shes rab kyi mi mthun pa'i phyogs so/ de la tshul khrims kyi mi mthun pa'i phyogs gang zhe na/ 'di lta ste/ tshul khrims nyams pa dang / </font><hr>80.229a<br><font size=+1>

gang gzhan la la tshul khrims nyams par 'gyur ba'i chos rnams te/ de ni tshul khrims kyi mi mthun pa'i phyogs shes bya'o/ /de la ting nge 'dzin gyi mi mthun pa'i phyogs gang zhe na/ gang cho ga nyams pa dang / gang gzhan la la sems g.yeng bar byed pa'i chos ting nge 'dzin gyi phung po'i mi mthun pa'i/ phyogs de ni ting nge 'dzin gyi mi mthun pa'i phyogs shes bya'o/ /de la shes rab kyi mi mthun pa'i phyogs gang zhe na/ 'di lta ste/ lta ba nyams pa dang / gang gzhan la la lta ba kun nas ldang ba'i sgrib par byed pa'i chos gang shes rab kyi phung po'i mi mthun pa'i phyogs de ni shes rab kyi mi mthun pa'i phyogs shes bya ste/ de ni sdig pa mi dge ba'i chos rnams shes bya'o/ /tshul bzhin yid la byed pa gang gis sdig pa mi dge ba'i chos de lta bu de dag spong ba'i phyir 'dun pa skyed/ 'bad par byed/ brtson 'grus rtsom/ sems rab tu 'dzin/ yang dag par rab tu 'jog pa ste/ de bas na mi dge ba'i chos de dag sems la phung por gyur ba ma yin/ yul na mi gnas/ gas na mi gnas so/ /gang yang mi dge ba'i chos de rnams sems la rgyu ba'i sdug pa'i rnam pas 'dod chags sam/ khong khro ba'i rnam pas zhe sdang ngam/ ma rig pa'i rnam pas gti mug gam/ rgyu dang sgrib pa gang dag las byung ba shes shing de la tshul bzhin yid la byed pa'i rnam pa mi gtsang bas 'dod chags zhi bar byed/ byams pas zhe sdang zhi bar byed/ rten cing 'brel bar 'byung bas gti mug zhi bar byed de/ gang kun nas nyon mongs pa de dag zhi ba de ni tha snyad du btags pa'i phyir spong ba zhes bya'o/ /gang spong ba ni gang yang rnyed par mi 'gyur ro/ /mnyam pa nyid kyis</font><hr>80.229b<br><font size=+1>

thams cad mngon sum bas na de'i phyir yang dag par spong ba zhes bya ste/ de ni yang dag par spong ba gnyis pa'o/ /gang yang dge ba'i chos ma skyes pa rnams bskyed pa'i phyir 'dun pa skyed/ 'bad par byed/ brtson 'grus rtsom/ sems rab tu 'dzin/ yang dag par rab tu 'jog pa zhes bya ba de ni gnas tshad med pa ste/ de ci'i phyir zhe na/ gang byang chub sems dpa' sems dpa' chen pos yang dag par bsgrub par bya ba'i dge ba'i chos tshad med pa'i phyir ro/ /de la 'dun pa ni dge ba'i rtsa ba thams cad kyi rtsa ba'o/ /brtson 'grus yang dag par sgrub pa ni dge ba'i rtsa ba thams cad kyi rtsa ba'o/ /sems rab tu 'dzin pa nyams su lon par byed pa ni dge ba'i rtsa ba thams cad kyi rtsa ba ste/ de ni yang dag par spong ba gsum pa'o/ /gang yang dge ba'i chos skyes pa rnams gnas pa dang / nyams par mi 'gyur ba dang / chud mi za bar bya ba'i phyir 'dun pa skyed/ 'bad par byed/ brtson 'grus rtsom/ sems rab tu 'dzin/ yang dag par rab tu 'jog ces bya ba de ni dge ba'i rtsa ba byang chub tu bsngos pa'i tshig bla dgas so/ /de ci'i phyir zhe na/ dge ba'i rtsa ba byang chub tu bsngos pa ni mthar byang chub kyi snying po'i bar du slar chud za bar mi 'gyur ro/ /de ci'i phyir zhe na/ de ltar khams gsum la mi gnas par sems bskyed pa'i phyir ro/ /gang khams gsum la gnas pa'i dge ba'i rtsa ba de ni zad par 'gyur ro/ /de ci'i phyir zhe na/ de ltar sems bskyed pa de ni khams gsum la gnas pa'i phyir ro/ /gang yang dge ba'i rtsa ba khams gsum la mi gnas pa thams cad mkhyen par bsngos pa de la zad pa gang yang med do/ /de ni yang dag par spong ba bzhi pa'o/ /de ltar na byang chub</font><hr>80.230a<br><font size=+1>

sems dpa' lam yan lag bzhi pa la mkhas pa shes rab kyi pha rol du phyin pa la spyod do/ /gzhan yang lam la mkhas pa ni byang chub sems dpa'i lam yan lag lnga pa ste/ lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ de la dad pa'i dbang po gang zhe na/ dad pa gang gis chos bzhi la dad par byed pa ste/ bzhi gang zhe na/ 'khor ba na spyod pa'i 'jig rten pa'i yang dag par lta ba la mngon par dad de/ de las kyi rnam par smin pa la rton pa yin de srog gi phyir yang sdig pa'i las mi byed pa dang / byang chub sems dpa'i spyod pa la yang dad de/ spyod pa la zhugs pa de theg pa gzhan la 'dod par mi byed pa dang / don dam pa nges pa'i don dang / rten cing 'brel par 'byung ba zab mo dang / sems can la rnam par dpyod pa dang / stong pa nyid dang / mtshan ma med pa'i mtshan nyid kyi chos thams cad la dad de/ lta bar bya ba thams cad bag la nyal bar mi byed pa dang / sangs rgyas kyi chos thams cad dang / stobs dang / mi 'jigs pa rnams la dad cing thos nas the tshom med/ nem nur med par chos de rnams sdud par byed pa de ni dad pa'i dbang po zhes bya'o/ /de la brtson 'grus kyi dbang po gang zhe na/ chos gang la dad pa de brtson 'grus kyi dbang pos skyed par byed pa ste/ de ni brtson 'grus kyi dbang po zhes bya'o/ /chos gang dag brtson 'grus kyis sdud pa de dag dran pa'i dbang pos chud mi za bar byed pa de ni dran pa'i dbang po zhes bya'o/ /chos gang dag dran pa'i dbang pos chud mi za bar byed pa'i chos de dag ting nge 'dzin gyi dbang pos rtse gcig tu byed pa de ni ting nge 'dzin gyi dbang po zhes bya'o/ /chos gang dag ting nge 'dzin gyis dbang pos rtse gcig par byed pa de dag shes rab kyi dbang pos so sor rtog par byed de/ gang chos de dag shes pa de ni shes rab kyi dbang po zhes bya'o/ /de ltar na dbang po lnga po dag lhan cig tu 'brel ba ste/ sangs rgyas kyi chos thams cad yongs su rdzogs par</font><hr>80.230b<br><font size=+1>

byed lung bstan pa'i sa yang thob par byed de/ 'di lta ste/ dper na phyi rol gyi mngon par shes pa lnga dang ldan pa dag mngal na 'dug pa bud med dang skyes pa'i dbang por ma gyur gyi bar du mngal na 'dug pa la lung mi ston pa de bzhin du sangs rgyas bcom ldan 'das rnams kyang byang chub sems dpa' dbang po de dag dang mi ldan gyi bar du lung mi ston te/ de ni lam yan lag lnga pa'o/ /de ltar na byang chub sems dpa' lam yan lag lnga pa la mkhas pa shes rab kyi pha rol du phyin pa la spyod do/ /gzhan yang shA ri'i bu byang chub sems dpa' lam yan lag lnga la mkhas pa gang zhe na/ yan lag lnga ni 'di lta ste/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs so/ /de la dad pa'i stobs gang zhe na/ gang mos pa dang mgo gcig pa mi rdzi ba ste gal te de'i drung du bdud sdig can sangs rgyas kyi gzugs su bsgyur te 'ongs nas/ chos kyi ye shes la dad pa gang yang rung ba la la zhig gis 'di dag ni sangs rgyas kyi chos ma yin no zhes 'bral bar byed/ 'dun pa zlog par byed kyang yongs su brtag pa bzung na 'byung ba chen po bzhi rnams ni gzhan du 'gyur gyi/ dad pa'i stobs la mos pa'i byang chub sems dpa' ni de lta ma yin no/ /de ltar byang chub sems dpa' stobs las 'bral bar mi nus pa de ni dad pa'i stobs so/ /de la byang chub sems dpa' brtson 'grus kyi stobs gang zhe na/ gang brtson 'grus rtsom zhing dge ba'i chos gang dang gang la mngon par sbyor ba de dang de dag la brtan pa'i stobs kyi mthu thob kyang gnas der ma bsgral gyi bar du stobs kyi mthu de la lha dang bcas pa'i 'jig rten rnams kyis rnam par bzlog pa 'am bstan pa 'am/ rnam par bslang bar mi nus te/ de ni byang chub sems dpa'i brtson 'grus kyi stobs shes bya'o/ /de la byang chub sems dpa'i dran pa'i stobs gang zhe na/ chos gang dag la dran pa nye bar gzhag pas sems nye bar gzhag pa ste/ de ni nyon mongs pa gang yang rung ba dag gis gtong ba'am g.yeng bar mi nus te/ dran pa'i stobs bskyed pa des</font><hr>80.231a<br><font size=+1>

nyon mongs pa thams cad 'joms zhing dran pa de yang mi choms pa ste/ de ni byang chub sems dpa'i dran pa'i stobs shes bya'o/ de la byang chub sems dpa'i ting nge 'dzin gyi stobs gang zhe na/ gang 'du 'dzi thams cad dben par spyod pa ste/ gang dag gi lam gyi sgra thams cad la yang rtog la de'i bsam gtan dang po'i sgra'i tsher ma la sgrib par mi byed pa dang / dge bar rtog pa la yang rnam par rtog mod kyi bsam gtan gnyis pa la yang sgrib par mi 'gyur ba dang / de dga' ba dang / bde ba skyes te gnas mod kyi/ de'i bsam gtan gsum pa la yang sgrib par mi 'gyur ba dang / de sems can yongs su smin par bya ba dang / dam pa'i chos yongs su gzung bar bya ba'i phyir btang snyoms pa yang ma yin mod kyi/ bsam gtan bzhi pa la yang sgrib par mi 'gyur ba ste/ de bas bsam gtan de bzhi la gnas na bsam gtan dang / rnam par thar pas gzhom par mi nus te/ de ni ting nge 'dzin gyi gnas kyang mi gtong la ting nge 'dzin gyi dbang gis kyang mi skye ba ste/ de ni byang chub sems dpa'i ting nge 'dzin gyi stobs so/ /de la byang chub sems dpa'i shes rab kyi stobs gang zhe na/ gang 'jig rten dang / 'jig rten las 'das pa'i chos rnams kyis mi choms pa'i ye shes te/ byang chub sems dpa' skyes ma thag tu bzo'i gnas 'jig rten na ji snyed spyod pa dam pa dang / dga' bar byed pa dang / rnyed dka' ba de dag thams cad slob dpon med par mngon du 'gyur te/ gang 'jig rten las 'das pa bdag kyang gang gis 'jig rten dag sgrol bar byed de/ de dag byang chub sems dpa'i shes rab dang / ye shes kyi stobs kyis byung ba lha dang mi rnams kyis mi choms pa ste/ de ni byang chub sems dpa'i shes rab kyi stobs so/ /'di ni yan lag lnga pa'i lam gzhan no/ /de ltar na byang chub sems dpa' yan lag lnga la mkhas pa shes rab kyi pha rol tu phyin pa la spyod do/ /gzhan yang mdor bsdu na byang chub sems dpa' rnams kyi lam ni mgo gcig pa ste/ de nas lam bgrod pa gcig pa'o/ /'di lta ste byang chub sems dpa' gcig pu</font><hr>80.231b<br><font size=+1>

gnyis su med pa bla na med pa yang dag par rdzogs pa'i byang chub tu grogs med par shin du brtson pa'i stobs kyi mthu yongs su gzung ba'i bsam pas go cha dgos pa ste/ gzhan gyis ma bstan pa/ gzhan gyis dring mi 'jog pa/ bdag nyid byed pa/ bdag gis stobs kyis yang dag par 'phags pa ste/ de ltar go cha srab ba bgos nas gang sems can thams cad kyis ma thob pa de bdag gis thob par bya'o/ /gang 'phags pa thams cad dang / gang theg pa la gsar du zhugs pa'i byang chub sems dpa' thams cad kyis ma thob pa de bdag gis thob par bya'o/ /sbyin pa ni nga'i grogs ma yin gyi/ nga ni sbyin pa'i grogs so/ /tshul khrims dang / bzod pa dang / brtson 'grus dang / bsam gtan dang / shes rab ni nga'i grogs ma yin gyi nga ni de dag gis grogs so/ /nga ni pha rol tu phyin pa rnams kyis bslang bar bya ba ma yin gyi/ pha rol tu phyin pa rnams ngas bslang bar bya'o/ /gong ma bzhin du sbyar te/ dge ba'i rtsa ba thams cad la rgyas par shes par bya'o/ /nga ni dge ba'i rtsa ba thams cad kyis bslang bar bya ba ma yin gyi/ dge ba'i rtsa ba thams cad ngas bslang bar bya'o zhes de lta bu'i chos rnams la grogs med cing nga gcig pu gnyis su med par rdo rje'i gdan la 'dug nas bdud stobs dang / bcas pa btul te/ skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /zhes de la nges par rtogs pa bsam pa'i sbyor ba de ni/ /byang chub sems dpa'i lam bgrod pa gcig pu zhes bya ste/ de ltar na byang chub sems dpa'i lam bgrod pa gcig pu la mkhas pa shes rab kyi pha rol tu phyin pa la spyod do/ /de ni byang chub sems dpa' rnams kyi lam la mkhas pa ste/ //</font><hr>80.232a<br><font size=+1>

de ltar na byang chub sems dpa' rnams kyi lam la mkhas pa shes rab kyi pha rol tu phyin pa la spyod do/ /de la byang chub sems dpa' rnams kyi rten cing 'brel bar 'byung ba la mkhas pa gang zhe na/ 'di ltar byang chub sems dpa' gcig pu dben par song ste/ nang du yang dag gzhag nas 'di ltar sems la rtog pa skye ste/ sdug bsngal gyi phung po 'di gang las 'byung bar 'gyur snyam pa dang / de 'di ltar sems te/ tshul bzhin ma yin pa byung ba'i phyir ma rig pa 'byung / ma rig pa byung ba'i phyir 'du byed 'byung / 'du byed byung ba'i phyir rnam par shes pa 'byung / rnam par shes pa byung ba'i phyir ming dang gzugs 'byung / ming dang gzugs byung ba'i phyir skye mched drug 'byung / skye mched drug byung ba'i phyir reg pa 'byung / reg pa byung ba'i phyir tshor ba 'byung / tshor ba byung ba'i phyir sred pa 'byung / sred pa byung ba'i phyir len pa 'byung / len pa byung ba'i phyir srid pa 'byung / srid pa byung ba'i phyir skye ba 'byung / skye ba byung ba'i phyir rga shi 'byung / rga shi byung ba'i phyir mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur ro snyam mo/ /de yang 'di ltar sems te/ ji ltar mi g.yo ba dang / mi byed pa dang / bdag po med pa dang / dge ba'i rgyu las byung ba dang / mi dge ba'i rgyu las byung ba dang / mi g.yo ba'i rgyu las byung ba dang / mya ngan las 'das pa'i rgyu las byung ba'i chos de dag thams cad rkyen las byung ba ste/ gang yang las kyi rgyu gang dag gis sems can gang dag gi dbang po'-i rgyu tshad ma dang / lhag ma'i cho ga'i rgyu tshad ma'i 'bras bu'i rgyu 'grub pa dang / de ltar zin pa dang / ma zin pa las gang rgyu 'dus pa byung ba de thams cad rab tu shes pa ste/ de ni byang chub sems dpa'i rten cing 'brel bar 'byung ba la mkhas pa zhes bya'o/ /de yang gang 'gag ce na/ tshul bzhin ma yin pa'i yid la byed pa 'gags pa'i phyir ma rig pa 'gag go/ /ma rig pa 'gags pa'i phyir 'du byed 'gag pa</font><hr>80.232b<br><font size=+1>

nas sdug bsngal gyi phung po chen po 'ba' shig gi bar du 'gag par 'gyur ro zhes de snyam du sems te/ de ltar gang de la shes pa de ni rten cing 'brel bar 'byung ba la mkhas pa zhes bya'o/ /de yang chos thams cad ni rgyu la rag las/ rkyen la rag las/ 'dus pa la rag las pa ste/ gang rgyu dang / rkyen dang / 'dus pa la rag las de ni bdag gi byin gyi brlabs ma yin/ srog dang gang zag gi byin gyi brlabs ma yin te/ de la bgrang ba gang yang med do/ /zhes de ltar sems te/ gang de ltar sems pa de ni rten cing 'brel bar 'byung ba la mkhas pa'o/ /de ltar byang chub sems dpa' sangs rgyas kyi chos thams cad byang chub kyi rnam pa'i rkyen du slong bar byed la/ rkyen de dag la yang zad pa dang / 'gag par so sor rtog la/ sems can la lta ba'i phyir zad pa dang 'gag pa ma yin pa yang thob par byed pa de ni byang chub sems dpa'i rten cing 'brel bar 'byung ba la mkhas pa'o/ /de la byang chub sems dpa' chos thams cad la mkhas pa gang zhe na/ chos thams cad ces bya ba ni 'di lta ste/ 'dus byas dang 'dus ma byas so/ /de la byang chub sems dpas 'dus byas dang / 'dus ma byas la mkhas par bya ste/ de la 'dus byas la mkhas pa gang zhe na/ gang lus kyi 'du byed dang / ngag gi 'du byed dang / yid kyi 'du byed do/ /gang la lus dang ngag dang / yid kyi dge ba'i 'du byed kyis 'dus ma byas pa'i byang chub la 'dus ma byas par rtog pas thams cad mkhyen pa nyid du sngo ba de ni 'dus ma byas la mkhas pa'o/ /gzhan yang 'dus ma byas la mkhas pa ni gang sbyin pa'i pha rol tu phyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa dang / /pha rol tu phyin pa lnga rnams sdud pa'o/ /gang yang 'dus ma byas pa'i shes pas shes rab kyi pha rol tu phyin pa la pha rol tu phyin pa lnga rnams kyis smod par mi byed cing pha rol tu phyin pa'i tshogs thams cad la mkhas pa dang / zag pa med pa'i byang chub de la mos pas gang thams cad mkhyen pa nyid du sngo ba de ni de'i 'dus ma</font><hr>80.233a<br><font size=+1>

byas la mkhas pa'o/ /gzhan yang 'dus byas la mkhas pa ni sems can thams cad la 'od zer thogs pa med pa dang / bsdu ba bzhis sems can sdud pa'o/ /gang yang snyems pa med pa'i phyir sems can la bdag med par 'dzin pa dang bsdu ba la mkhas shing 'dus ma byas pa'i byang chub la mos nas thams cad mkhyen pa nyid du bsngo ba de ni de'i 'dus ma byas la mkhas pa'o/ /gzhan yang 'dus byas la mkhas pa ni gang 'khor ba'i rgyun gyi kun nas sbyor ba rnams yang dag par mi gcod la 'khor ba'i rgyun gyi nyon mongs pa rnams yang dag par gcod pa dang / byang chub tu dmigs pa'i sbyor ba rnams rgyun chags par byed pa dang / sbyor ba phyogs gcig pa rnams mi sdud par spyod pa de ni 'dus byas la mkhas pa zhes bya'o/ /gang yang stong pa nyid dang / mtshan ma med pa dang / smon pa med pa'i chos rnams la 'dris par bya ba shes shing mngon sum du mkhas pa dang / byang chub tu gzhan gyi dring la mi 'jog cing 'dus ma byas kyang mngon du mi byed pa de ni 'dus ma byas la mkhas pa'o/ /gzhan yang khams gsum na spyod kyang khams gsum na spyod pa'i nyon mongs pa rnams kyis mi dgos pa de ni de'i 'dus byas la mkhas pa'o/ /gang yang khams gsum las 'byung ba'i ye shes rab tu shes kyang 'byung ba'i khams su mi ltung ba de ni 'dus ma byas la mkhas pa zhes bya'o/ /gang chos thams cad la mkhas pa zhes bya ba ni thams cad mkhyen pa nyid kyi tshig bla dgas so/ /gang thams cad mkhyen pa nyid kyi ye shes rtogs pa yongs su rdzogs pa de ni shes rab dang / mkhas pa med na 'byung bar mi 'gyur bas de'i phyir chos thams cad la mkhas pa zhes bya ste/ de ltar na byang chub sems dpa' chos thams cad la mkhas pas shes rab kyi pha rol tu phyin pa la spyod do/ /shA ri'i bu de ltar na byang chub sems dpa' sems dpa' chen po byang chub sems dpa'i sde snod la gnas pas shes rab kyi pha rol tu phyin pa la spyod pa shes rab rnam par 'byed pa la mkhas shing mkhas pa bcu po</font><hr>80.233b<br><font size=+1>

de dag la yang mkhas pas shes rab kyi pha rol tu phyin pa la spyod do/ /de la shes rab ni gang pha rol tu phyin pa rnams kyi don ni gang zhe na/ shes rab ces bya ba ni dge ba dang mi dge ba'i chos rnams rab tu shes pa'o/ /shes rab ni nges par 'byed pa'i cha dang 'thun pa'i chos rnams kyis mngon sum mo/ /'phags pa'i chos mngon sum du gyur pa'i phyir tshad mar gyur pa ni shes rab bo/ /chos yang dag pa ji lta ba bzhin du rtogs pa'i phyir tshad mar gyur pa'o/ /shes rab ni lta bar gyur pa thams cad dang / kun nas ldang ba dang / sgrib pa dang / sgrib par byed pa'i chos rnams rab tu rtogs pa'o/ /shes rab ni 'dod pa dang / tshol ba dang / smon lam thams cad kyi smon lam dang bral ba'o/ /shes rab ni shin du sbyangs pa'i phyir sim par byed pa'o/ /shes rab ni chos kyi dga' ba la dmigs pa rnam par mi gcod pa'i phyir rab tu dga' bar byed pa'o/ /shes rab ni ye shes thams cad mngon sum du gyur pa'i phyir brten pa'o/ /shes rab ni byang chub kyi phyogs kyi chos thams cad kyi gnas so/ /shes rab ni theg pa ji lta ba bzhin gyi 'bras bu rtogs pa'i phyir thob pa'i mtshan nyid do/ /shes rab ni rang bzhin gyis ye shes snang ba rab tu shes pa'i mtshan nyid do/ /shes rab ni chu bo thams cad las sgrol ba'i phyir rab tu sgrol pa'o/ /shes rab ni yang dag par gyur pa la 'dren pa'o/ /shes rab ni dge ba'i chos thams cad rab tu 'dzin pa'o/ /shes rab ni nyon mongs pa'i bag la nyal thams cad dang bar byed pa'o/ /shes rab ni chos thams cad kyi skye bo thob pa'i mchog go/ /shes rab ni rang 'byung ba'i ye shes rtogs par bya ba la dam pa'o/ /shes rab ni khams gsum dang ma 'dres pas rgyu ba dang bral ba'o/ /shes rab ni 'phags pa thams cad kyis shin du bzung ba'o/ /shes rab ni mtshan mar yongs su rtog pa thams cad spangs pas smon lam rnam par chad pa'o/ /shes rab ni mun pa mun gnag dang bral bas</font><hr>80.234a<br><font size=+1>

bag med pa'i gnyen po'o/ /shes rab ni rnal 'byor spyod pa'i sa la gnas pa thams cad kyi sbyor ba'o/ /shes rab ni thams cad mkhyen pa'i ye shes kyi lam la gnas pa rnams kyi rab tu 'dren pa'o/ /shes rab ni ma rig pa'i rlung gi mun pa rab rib kyi sprin 'joms par byas pas snang bar byed pa'o/ /shes rab ni mig la ji ltar mos pa rnams kyi mig thams cad sbyin par byed pa'o/ /shes rab ni mig dang gzugs kyi lam las 'das pa'i phyir zag pa med pa'o/ /shes rab ni dben pa las byung ba don dam pa'o/ /shes rab ni shin du dul ba'i phyir mi 'khrugs pa'o/ /shes rab ni ye shes kyi sgo'i snang ba'o/ /shes rab ni thams cad rgyu ba mi zad pa'o/ /shes rab ni rten cing 'brel par 'byung ba la 'jug par mthong ba'i phyir 'gal bar med pa'o/ /shes rab ni len pa'i 'ching ba thams cad gcod par byed pas thar pa'i lam mo/ /shes rab ni sgrib par byed pa'i phyir chos thams cad dang lhan cig tu mi gnas pas ma 'dres pa'o/ /shA ri'i bu de bas na sems can thams cad kyi sems dang spyod pa ji snyed pa byang chub sems dpa' rnams kyi shes rab kyi las dang / ye shes kyi spyod pa yang de snyed do/ /sems can thams cad kyi bsam pa ji snyed pa byang chub sems dpa'i shes rab kyi spyod pa dang ye shes kyang de snyed do/ /sems can thams cad kyi nyon mongs pa'i sgo ji snyed pa byang chub sems dpa'i shes rab la 'jug pa'i sgo yang de snyed do/ /nyan thos dang rang sangs rgyas dang yang dag par rdzogs pa'i sangs rgyas rnams kyi yongs su shes pa ji snyed pa shes rab gnas pa'i gnas kyang de snyed de/ byang chub sems dpa' thams cad la bslab par bya ste/ de ni byang chub sems dpa'i shes rab ces bya'o/ /de la pha rol tu phyin pa'i don gang zhe na/ shes rab gang yin pa pha rol tu phyin pa'i don kyang de yin te/ dge ba'i chos rnams rab tu shes pa de ni pha rol tu phyin pa'i don zhes bya'o/ /gong ma bzhin du sbyar te pha rol tu phyin pa thams cad kyi tshig</font><hr>80.234b<br><font size=+1>

kyang de bzhin du dpyad par bya'o/ /gzhan yang byang chub sems dpa'i spyod pa'i khyad par yongs su rdzogs pa'i don ni pha rol tu phyin pa'i don to/ /gzhan yang thams cad mkhyen pa'i ye shes yongs su rdzogs pa'i don ni pha rol tu phyin pa'i don to/ /'dus byas dang 'dus ma byas pa'i chos la mngon par ma chags pa'i don ni pha rol tu phyin pa'i don to/ /'khor ba'i nyes pa khong du chud pa'i don ni pha rol tu phyin pa'i don to/ /zad mi shes pa'i chos kyi mdzod ston pa'i don ni pha rol tu phyin pa'i don to/ /sgrib pa med pa'i rnam par thar pa yongs su rdzogs pa'i don ni pha rol tu phyin pa'i don to/ /sbyin pa mnyam pa nyid dang / tshul khrims dang / bzod pa dang / brtson 'grus dang / bsam gtan dang / shes rab mnyam pa nyid rtogs pa'i don ni pha rol tu phyin pa'i don to/ /rnam par nges pa'i don ni pha rol tu phyin pa'i don to/ /sems can thams cad kyi khams la 'jug pa'i don ni pha rol tu phyin pa'i don to/ /mi skye ba'i chos la bzod pa yongs su rdzogs pa'i don ni pha rol tu phyin pa'i don to/ /phyir mi ldog pa'i sa yongs su rdzogs pa'i don ni pha rol tu phyin pa'i don to/ /sangs rgyas kyi zhing yongs su rdzogs pa'i don ni pha rol tu phyin pa'i don to/ /sems can yongs su smin par bya ba'i don ni pha rol tu phyin pa'i don to/ /byang chub kyi snying po yang dag par thob pa'i don ni pha rol tu phyin pa'i don to/ /bdud thams cad rab tu gtul ba'i don ni pha rol tu phyin pa'i don to/ /sangs rgyas kyi chos thams cad yongs su rdzogs pa'i don ni pha rol tu phyin pa'i don to/ /gzhan yang byang chub sems dpa'i sde snod kyi chos kyi rnam grangs gzhog par byed pa'i don ni pha rol tu phyin pa'i don to/ /shA ri'i bu byang chub sems dpa'i sde snod kyi chos kyi rnam grangs bslabs na pha rol tu phyin pa thams cad kyi pha rol tu son par 'gyur ro/ /shA ri'i bu de bas na theg pa chen po la gnas pa'i rigs kyi bu'am rigs kyi bu mos byang chub sems dpa'i sde snod kyi chos kyi rnam grangs 'di blang bar bya/ gzung bar bya/ bklag par</font><hr>80.235a<br><font size=+1>

bya gzhan la yang bshad par bya/ rgya cher rab tu bstan par bya'o/ /de ci'i phyir zhe na/ shA ri'i bu byang chub sems dpa'i sde snod kyi chos kyi rnam grangs shin du mnyan/ blangs/ bzung / bklags/ kun chub par byas/ gzhan la yang bshad/ rgya cher yang dag par rab tu bstan na yon tan bcu po 'di dag 'thob par 'gyur ro/ /bcu gang zhe na/ 'di lta ste tshe rab gzhan du 'phos nas kyang bzo'i gnas dang las kyi gnas thams cad la rtogs par khong du chud par 'gyur/ rigs mtho zhing btsun par 'gyur dbang che bar grags par 'gyur/ tshig btsun par 'gyur/ longs spyod che bar 'gyur/ lha dang mi rnams la phangs par 'gyur/ 'khol los sgyur ba'i rgyal po 'thob par 'gyur/ tshangs pa 'thob par 'gyur/ thams cad du byang chub kyi sems dang mi 'bral bar 'gyur te/ yon tan gyi phan yon 'di bcu 'thob par 'gyur ro/ /de gzhan yang yon tan gyi phan yon bcu 'thob par 'gyur te/ bcu gang zhe na 'di lta ste/ gcer bu pa'i rtsod pa dang / 'dres pa ma yin par 'gyur ba dang / bdag tu mi lta ba dang / sems can du mi lta ba dang / srog tu mi lta ba dang / gang zag tu mi lta ba dang / chad par mi lta ba dang / rtag par mi lta bar 'gyur ba dang / dngos po thams cad la mi lta ba dang / rab tu 'byung ba la dga' bar sems bskyed pa 'thob pa dang / thos pa'i tshig 'bru myur du khong du chud par 'gyur ba ste/ yon tan gyi phan yon bcu po de dag 'thob par 'gyur ro/ /de gzhan yang yon tan gyi phan yon bcu 'thob par 'gyur te/ bcu gang zhe na/ dran pa dang ldan par 'gyur ba dang / blo gros dang ldan par 'gyur ba dang / rtog pa dang ldan par 'gyur ba dang / mos pa dang ldan par 'gyur ba dang / shes rab dang ldan par 'gyur ba dang / dal ba phun sum tshogs pa rnyed par 'gyur ba dang / tshe rab dran par 'gyur ba dang / rang bzhi/ gyis 'dod chags chung ste/ 'dod chags bdo ba ma yin la de shin du 'dod chags kyi gdung bas yongs su mi gdung ba dang / rang bzhin gyis zhe sdang chung ste/ zhe sdang bdo ba ma yin la de shin du zhe sdang gi gdung bas yongs su mi gdung ba dang / rang bzhin gyis gti mug</font><hr>80.235b<br><font size=+1>

chung ste gti mug bdo ba ma yin la de shin du gti mug gi gdung bas/ /yongs su gdung bar mi 'gyur ba ste/ yon tan gyi phan yon bcu po de dag 'thob par 'gyur ro/ /de gzhan yang yon tan gyi phan yon bcu 'thob par 'gyur te/ bcu gang zhe na/ 'di lta ste/ shes rab ngo mtshar du 'gyur/ shes rab myur ba 'gyur/ shes rab rno bar 'gyur/ shes rab mgyogs par 'gyur/ shes rab rgya che bar 'gyur/ shes rab zab par 'gyur/ shes rab nges par 'byed par 'gyur/ shes rab ma chags par 'gyur/ de bzhin gshegs pas mngon sum du mthong zhing mthong nas tshigs su bcad pa'i dbyangs gyis bstod pa dang / de bzhin gshegs pa la tshul bzhin gyi zhu ba yongs su zhu zhing tshul bzhin gyi zhu ba zhus nas lan ldon par 'gyur ba ste/ yon tan gyi phan yon bcu po de dag 'thob par 'gyur ro/ /de gzhan yang yon tan gyi phan yon bcu 'thob par 'gyur te/ bcu gang zhe na/ 'di lta ste/ dge ba'i bshes gnyen thams cad mnyes par byas par 'gyur ba dang / bdud kyi bcing ba thams cad lhod par byas par 'gyur ba dang / des bdud thams cad tshar gcod par 'gyur ba dang / nyon mongs pa thams cad smad par 'gyur ba dang / 'du byed thams cad du gtogs pa las yid bskyod par 'gyur ba dang / 'gro ba ngan par 'gro ba'i lam thams cad la rgyab kyis phyogs par 'gyur ba dang / mya ngan las 'das par 'gyur ba'i lam mngon du 'gyur ba dang / 'khor ba thams cad las sgrol ba sbyin pa byin par 'gyur ba dang / byang chub sems dpa' thams cad kyi cho ga'i rjes su zhugs par 'gyur ba dang / sangs rgyas bcom ldan 'das thams cad kyi bka'i rjes su zhugs par 'gyur ba ste/ yon tan gyi phan yon bcu po de dag 'thob par 'gyur ro/ /shA ri'i bu byang chub sems dpa'i sde snod kyi chos kyi rnam grangs shin du mnyan/ blangs/ bzung / bklags/ kun chub par byas/ gzhan la yang bshad cing rgya cher yang dag par rab tu bstan na yon tan gyi phan yon 'di snyed 'thob par 'gyur ro/ /de nas bcom ldan 'das kyis don de nyid rgyas par bstan pa'i phyir de'i tshe tshigs su bcad pa 'di dag gsungs so/ /gang dag mdo sde'i rgyal po 'di 'dzin pa/ /mkhas pa de dag shes rab mtha' yas 'gyur/ </font><hr>80.236a<br><font size=+1>

chos dang don rnams la yang mkhas par 'gyur/ /tshig kyang khyad par 'phags shing yi ge rdzogs/ /gang zhig mdo sde'i rgyal po 'di 'dzin pa/ /de ni rab dga' shin tu mgu skyes nas/ /dge slong de ni 'dir yang chos 'chad de/ /rtag tu chos kyi sbyin pa byed par 'gyur/ /sems can rnams ni mang du chos thos nas/ /kye ma'o yon tan chen po 'chad byed pa/ /nam zhig bdag cag 'di 'dra'i chos ston cing / /mdo sde 'di 'dra 'dzin par 'gyur zhes zer/ /gang dag de 'dra shes rab ldan mchog rnams/ /chos rnams gang la 'ang zhum par mi 'gyur de/ /dran dang ye shes kyis ni 'phags pa dang / /bla na med pa'i ye shes tshig ston 'gyur/ /gang dag mdo sde'i rgyal po 'di 'dzin pa/ /de ni 'phags pas rtag bsngags rgyal bas gnang / /chos tshig legs par bshad pa tshol bar byed/ /de ni thos pas rtag tu 'phags par 'gyur/ /thos nas don ni nye bar 'dzin par byed/ /shes rab ldan pa 'bru la mi snye mas te/ /don la lta bas rtogs pa 'phel bar 'gyur/ /de yi ye shes rtag tu tshad med do/ /ye shes mtha' yas don kyang mtha' yas te/ /sems dpa' mtha' yas dam pa'i don la mkhas/ /de yi yon tan phyogs dang phyogs su 'gro/ /de yi thos pa'i yon tan 'di dag go/ /de yi 'dod chags chung la zhe sdang chung / /de yi gti mug shin tu rab tu chung / /sems kyang shin du dga' ba rnyed par 'gyur/ /de yi thos pa'i yon tan 'di dag go/ /longs spyod rnyed nas rgyags par mi 'gyur te/ /'di la snying po ci zhes don la rtog //longs spyod snying po med par rab shes nas/ /de ni longs spyod mi lta rab tu 'byung / /mngon par byung ste dgon par gnas/ /rtag tu g.yel ba med pa dang / /chos rnams thos pas mi ngoms te/ /chos sbyin pa la ser sna med/ /'jig rten mgon po'i drung nyid du/ /song ste zhu ba zhu byed pas/ /de phyir de yi ye shes 'phel/ /de la dkar po 'bri ba med/ /shA ri'i bu de ni byang chub</font><hr>80.236b<br><font size=+1>

rnams kyi shes rab kyi pha rol tu phyin pa ste/ byang chub sems dpa' de la brtson pa byang chub sems dpa'i spyad pa spyod do/ /de ni shes rab kyi pha rol tu phyin pa la brtson pa zhes bya'o/ /de la bsdu ba'i dngos po'i rjes su 'jug pa gang zhe na/ 'di bzhi ni byang chub sems dpa' rnams kyi bsdu ba'i dngos po ste/ bsdu ba'i dngos po de dag gis byang chub sems dpa' yun ring por sems can rnams yang dag par sdud par byed do/ /bzhi gang zhe na/ 'di lta ste/ sbyin pa dang / snyan par smra ba dang / don byed pa dang / don mtshungs pa ste/ de dag ni bsdu ba'i dngos po bzhi zhes bya'o/ /de la sbyin pa gang zhe na/ 'di lta ste/ zang zing sbyin pa dang / mi 'jigs pa sbyin pa dang / chos sbyin pa ste/ de ni sbyin pa'o/ /de la snyan par smra ba gang zhe na/ slong ba dang / chos nyan pa la snyan par smra ba'o/ /de la don byed pa ni bdag dang gzhan gyi bsam pa yongs su rdzogs par byed pa'o/ /don 'thun pa ni theg pa gang la yon tan du 'du shes pa'i theg pa dang / chos de dag la 'dzin par byed pa'i sems can rnams gzhog pa'o/ /gzhan yang sbyin pa ni gang slong ba la yid dang bar byed pa ste de ni sbyin pa zhes bya'o/ /snyan par smra ba ni gang slong ba rnams la rim gro byed pa'o/ /don byed pa ni gang gis slong ba rnams kyi don du 'gyur ba'i don de yongs su thob par byed pa'o/ /don mtshungs pa ni gang slong ba la don mtshungs pa'o/ /gzhan yang sbyin pa ni bsam pas btang ba'o/ /snyan par smra ba ni sbyor ba yongs su chad pa'o/ /don byed pa ni lhag pa'i bsam pa la 'gyod pa med pa'o/ /don 'thun pa ni theg pa chen po la bsngo ba'o/ /gzhan yang sbyin pa ni byams pa'i rjes su zhugs pa'i sems kyis btang ba'o/ /snyan par smra ba ni dga' zhing rab tu dga' ba la zhugs pa'i sems mi gtong ba'o/ /don byed pa ni snying rje chen po'i go cha bgos pa'i sems kyis sems can gyi bya ba la brtson pa'o/ /don mtshungs pa ni btang snyoms la mtho dma' med cing thams cad mkhyen pa'i ye shes la bsngo ba'i sems so/ /gzhan</font><hr>80.237a<br><font size=+1>

yang sbyin pa ni gang chos kyis btsal ba'i longs spyod yongs su gtong ba'o/ /snyan par smra ba ni gang la sbyin par byed pa de chos la 'dzud pa'o/ /don byed pa ni gang bdag gi don dang gzhan gyi don yang dag par skyed pa'o/ /don mtshungs pa ni gang sems can thams cad kyi don gyi phyir thams cad mkhyen pa nyid du sems bskyed pa'o/ /gzhan yang sbyin pa ni gang nang dang phyi'i chos rnams la bdog pa thams cad yongs su gtong ba'o/ /snyan par smra ba ni gang chos thams cad kyi yon tan gyi ye shes la slob dpon gyi dpe mkhyud med pa'o/ /don byed pa ni gang gis bdag gis don btang ste/ gzhan gyi don myong bar byed pa'o/ /don mtshungs pa nyid ni byang chub lag tu 'ongs pa la bltas nas gzhan la sbyin pa na yid mi bde bar mi 'gyur ba'o/ /de la chos sbyin pa gang zhe na/ gang ji ltar thos pa'i chos rnams ston pa'o/ /de la snyan par smra ba gang zhe na/ gang zang zing med par chos ston pa'o/ /don byed pa ni gang pha rol la lung 'bog pa dang / kha don byed pa dang / 'chad pa dang / ston pa la mi skyo ba'o/ /de la don mtshungs pa ni gang zhe na/ gang thams cad mkhyen pa'i sems dang ma bral bar chos la 'dzud pa'o/ /gzhan yang sbyin pa ni chos nya bar 'ongs pa rnams la mi g.yeng bar ston pa'o/ /de la snyan par smra ba ni gang rgyang ring por yang song ste dam pa'i chos ston pa'o/ /de la don byed pa ni gang chos 'dod pas chos smra ba rnams gos dang bral bar gyur tam/ bsod snyoms dang / mal cha dang / na ba'i gsos sman dang / yo byad dang bral bar gyur tam/ ci dgos par gyur pa de thams cad sbyin par byed pa'o/ /don mtshungs pa nyid ni lhag pa'i bsam par zhugs pa'i rgyud kyi chos ston pa'o/ /gzhan yang chos kyi sbyin pa ni gang sbyin pa thams cad kyi nang na mchog tu shes nas chos sbyin par byed pa'o/ /de la snyan par smra ba ni gang phan pa'i dngos po'i phyir ston pa'o/ /don byed pa ni gang don la rton gyi tshig 'bru la mi rton pa'o/ /de la don mtshungs pa ni gang sangs rgyas kyi chos</font><hr>80.237b<br><font size=+1>

yongs su bskang ba'i phyir chos ston pa'o/ /gzhan yang sbyin pa ni sbyin pa'i pha rol du phyin pa'o/ /snyan par smra ba ni tshul khrims kyi pha rol tu phyin pa dang / bzod pa'i pha rol tu phyin pa'o/ /don byed pa ni gang brtson 'grus kyi pha rol tu phyin pa'o/ /don mtshungs pa ni bsam gtan gyi pha rol tu phyin pa dang / shes rab kyi pha rol tu phyin pa'o/ /gzhan yang sbyin pa ni byang chub sems dpa' sems dang po bskyed pa rnams kyi'o/ /snyan par smra ba ni byang chub sems dpa' spyod pa la zhugs pa rnams kyi'o/ /don byed pa ni gang byang chub sems dpa' phyir mi ldog pa rnams kyi'o/ /don mtshungs pa ni byang chub sems dpa' skye ba gcig gis thogs pa rnams kyi'o/ /gzhan yang sbyin pa ni byang chub kyi rtsa ba'i gnas so/ /snyan par smra ba ni byang chub kyi myu gu yongs su rdzogs pa'o/ /don byed pa ni byang chub kyi me tog yongs su grub pa'o/ /don mtshungs par byed pa ni byang chub kyi 'bras bu mngon par grub pa ste/ de dag ni byang chub sems dpa' rnams kyi bsdu ba'i dngos po rnam pa bzhi'o/ /bsdu ba'i dngos po de dag gis byang chub sems dpa' sems dpa' chen po yun ring por sems can rnams yang dag par sdud cing byang chub tu spyod de/ de ni bsdu ba'i dngos po'i rjes su 'jug pa zhes bya'o/ /de lta bas na tshad med pa de dag dang / pha rol du phyin pa de dag dang / bsdu ba'i dngos po de dag ni byang chub kyi lam zhes bya'o/ /de ltar shA ri'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phung po chen po des gzhon nu brtson 'grus spyod la byang chub kyi lam de yang bshad/ 'das pa dang / ma byon pa dang / da ltar byung ba'i sangs rgyas bcom ldan 'das kyi bsngags pa yang brjod de/ shA ri'i bu de nas gzhon nu brtson 'grus spyod kyis bcom ldan 'das de bzhin gshegs pa phung po chen po las byang chub kyi lam de thos/ 'das pa dang / ma byon pa dang da ltar byung ba'i sangs rgyas bcom</font><hr>80.238a<br><font size=+1>

ldan 'das rnams kyi yon tan yang thos nas dga' ba dang / mgu ba rgya chen po rnyed par gyur to/ /de dga' ba dang / mgu ba rgya chen po rnyed nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phung po chen po de nyan thos kyi dge 'dun dang bcas pa la lo bye ba phrag dgu bcu rtsa drug tu 'di lta ste/ na bza' dang / bsod snyoms dang / mal cha dang / na ba'i gsos sman dang / yo byad rnams kyis bkur stir byas bla mar byas/ rim gror byas/ /mchod par byas nas byang chub tu smon lam btab kyang bcom ldan 'das de bzhin gshegs pa phung po chen pos bla na med pa yang dag par rdzogs pa'i byang chub tu lung ma bstan to/ /shA ri'i bu de'i tshe de'i dus na gzhon nu brtson 'grus spyod ces bya ba de gzhan zhig yin snyam du khyod the tshom dang yid gnyis za na de ltar mi blta'o/ /de ci'i phyir zhe na/ de'i tshe de'i dus na nga gzhon nu brtson 'grus spyod ces bya bar gyur te/ ngas bcom ldan 'das de bzhin gshegs pa phung po chen po nyan thos kyi dge 'dun dang bcas pa la na bza' dang / bsod snyoms dang / mal cha dang / na ba'i gsos sman dang / yo byad rnams kyi lo bye ba phrag dgu bcu rtsa drug tu bkur stir byas/ bla mar byas/ rim gror byas/ mchod par byas nas byang chub tu smon lam btab kyang / nga la bcom ldan 'das des gzhon nu khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ /zhes lung ma bstan to/ /shA ri'i bu de lta bas na bcom ldan 'das 'od 'phro'i phung po chen po de tshun chad bskal pa grangs med pa na de bzhin gshegs pa dgra bcom pa yang dag par rdzogs pa'i sangs rgyas dkon mchog yan lag ces bya ba 'jig rten du byung ste/ sangs rgyas bcom ldan 'das kyi bar du'o/ /shA ri'i bu de bzhin gshegs pa dkon mchog yan lag gi nyan thos bye ba phrag brgyad bcu'i nyan thos rnams kyi nyan thos 'dus pa</font><hr>80.238b<br><font size=+1>

chen po byung ste/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa nas sems can kyi dbang thams cad kyi dam pa'i pha rol tu son pa'i bar sha stag go/ /shA ri'i bu yang de'i tshe na rgyal po mdzes par snang ba zhes bya ba mtha' bzhir rnam par rgyal ba/ /'khor los sgyur ba/ chos dang ldan pa/ chos kyi rgyal po yul gyi mthu dang brtson pa thob pa/ /rin po che sna bdun dang ldan pa zhig byung ste/ de'i rin po che sna bdun byung ba ni 'di dag go/ /'di lta ste/ 'khor lo rin po che nas blon po rin po che'i bar du bdun te/ mngon par btul nas gnas pa'i bar du'o/ /shA ri'i bu rgyal po mdzes par snang ba de'i pho brang ni grong khyer 'dzam bu'i chu bo'i gser zhes bya ste/ shar phyogs nas nub phyogs su chur ni dpag tshad bcu gnyis/ /lha phyogs nas byang phyogs su zhing du ni dpag tshad bdun yod de/ 'byor ba dang / rgyas pa dang / /bde ba dang / lo legs pa dang / dga' ba dang / skye bo mang po dang / mis gang bar gyur to/ /yang de'i tshe na tshong dpon shes rab bzang zhes bya ba phyug pa/ nor mang ba/ longs spyod che ba nas mdzod dang bang bas yongs su gang ba'i bar rgyas par bya ste/ sngon gyi sangs rgyas la dge ba'i rtsa ba bskyed pa/ sngon gyi sangs rgyas la bya ba byas pa zhig byung ngo / /shA ri'i bu de nas bcom ldan 'das de bzhin gshegs pa dkon mchog yan lag des tshong dpon shes rab bzang gi bsam pa la brtags nas/ kye ma'o tshong dpon shes rab bzang byang chub sems dpa'i sde snod kyi chos kyi rnam grangs kyi snod du rung ngo / /kye ma'o tshong dpon shes rab bzang sangs rgyas kyi chos kyi snod du gyur to snyam du dgongs te/ snod du gyur pa mkhyen nas tshong dpon shes rab bzang ga la ba der gshegs te phyin nas rdzu 'phrul gyis steng gi bar snang la skyil mo dkrung du bzhugs nas byang chub kyi lam yang bshad/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi bsngags pa yang brjod do/ /shA ri'i bu de nas tshong dpon shes</font><hr>80.239a<br><font size=+1>

rab bzang gis byang chub sems dpa' sems dpa' chen po rnams kyi lam 'di yang thos/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi bsngags pa yang thos nas dga' ba dang / mgu ba dang / mchog tu dga' ba rgya chen po thob par gyur to/ /de dga' ba dang / mgu ba dang / mchog tu dga' ba rgya chen po thob nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dkon mchog yan lag nyan thos kyi dge 'dun dang bcas pa de la lo stong du 'di lta ste/ na bza' dang / bsod snyoms dang / mal cha dang / na ba'i gsos sman dang / yo byad kyis bsnyen bkur byas/ bla mar byas/ sti stang du byas/ mchod par byas nas bla na med pa yang dag par rdzogs pa'i byang chub tu smon lam btab kyang / bcom ldan 'das de bzhin gshegs pa dkon mchog yan lag des bla na med pa yang dag par rdzogs pa'i byang chub tu lung ma bstan to/ /shA ri'i bu yang de'i tshe de'i dus na tshong dpon shes rab bzang zhes bya ba de gzhan yin pa snyam du the tshom dang / yid gnyis za na de ltar mi lta'o/ /de'i tshe de'i dus na nga tshong dpon shes rab bzang zhes bya bar gyur te/ ngas bcom ldan 'das de bzhin gshegs pa dkon mchog yan lag nyan thos kyi dge 'dun bcas pa de la lo stong du na bza' dang / bsod snyoms dang / mal cha dang / na ba'i gsos sman dang / yo byad rnams kyis bkur stir byas/ bla mar byas/ mchod par byed te/ byang chub tu smon lam btab kyang bcom ldan 'das de bzhin gshegs pa dkon mchog yan lag des/ nga la khyod ma 'ongs pa'i dus na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes bla na med pa yang dag par rdzogs pa'i byang chub tu lung ma bstan to/ /shA ri'i bu 'di lta ste dkon mchog yan lag tshun chad bskal pa grangs med pa na de bzhin gshegs pa mar me mdzad</font><hr>80.239b<br><font size=+1>

ces bya ba 'jig rten du byung ngo / /yang de'i tshe na rgyal po dgra thul zhes bya ba zhig byung ste/ shA ri'i bu rgyal po dgra thul gyi grong khyer pad ma can zhes bya ba 'byor pa/ rgyas pa/ bde ba/ lo legs pa/ dga' ba/ skye bo mang po dang mis gang ba zhig yod de/ shA ri'i bu rgyal po dgra thul gyi bram ze mar me'i bdag ces bya ba shing sA la chen po lta bu'i bu phyug pa/ nor mang ba/ longs spyod che ba nas mdzod dang / bang ba'i bar du yongs su gang ba zhig byung ba de rgyal po dgra thul la dben zhing phangs pa sdug cing yid du 'ong ba ste/ /mthong na mi mthun pa med de/ shA ri'i bu bram ze mar me'i bdag po shing sA la chen po lta bu la rgyal srid phyed byin no/ /shA ri'i bu 'di lta ste/ rgyal po mar me'i bdag po rgyal po'i phyed byed pa chos kyis byed de/ chos ma yin pas ni ma yin no/ /yang shA ri'i bu dus gzhan zhig na rgyal po mar me'i bdag po las bu gzugs bzang po mdzes pa/ blta na sdug pa/ shin du bzang ba/ kha dog rgyas pa mchog dang ldan pa/ /lus skyes bu chen po'i mtshan sum bcu rtsa gnyis kyis brgyan pa zhig byung ste/ de'i lus thams cad las 'od byung ba ni 'di lta ste/ zla ba'i dkyil 'khor las 'byung ba bzhin te/ de'i ming mar me mdzad du btags so/ /shA ri'i bu de nas rgyal po mar me'i bdag gis bram ze mtshan mkhan ltas shes pa rnams bsogs nas rgyal po gzhon nu mar me mdzad bstan pa dang / de dag gis de byang chub tu lung bstan to/ /de ltar rgyal po mar me'i bdag pos rgyal bu gzhon nu mar me mdzad ma ma dag la gtad do/ /shA ri'i bu de nas ring po ma lon par rgyal bu mar me mdzad gzhon nu mkhas par gyur to/ /shA ri'i bu de nas gnas gtsang ma'i ris kyi lha'i bu rnams 'og min gyi gnas nas mi snang bar gyur nas/ byang chub sems dpa' mar me mdzad ga la ba der song ste phyin nas byang chub sems dpa' mar me mdzad la bskor ba byas nas byang chub sems dpa' sems dpa' chen po mar me mdzad la tshigs su bcad pa 'di dag</font><hr>80.240a<br><font size=+1>

smras so/ /btsun mo'i 'khor gyi nang 'dir ni/ /yon tan 'byung gnas gyur ba med/ /drang srong rgyal mtshan gnas nas ni/ /byang chub dam pa rtogs par 'gyur/ /lang tsho myur du 'gro ba ni/ /rlung gi shugs pas lhag par mgyogs rga ba de ni gzugs 'jig ste/ /'jig rten yid du mi 'ong ba/ /grogs po rgas pa mthu nyams ni/ /rab tu 'byung bar dka' ba ste/ /khyod ni shin du dar la bab/ /khyod ni rtsal ba'i dus yin no/ /legs so legs so shes rab che/ /legs so legs so blo gros che/ /myur du mngon par byung na legs/ /thub brtan byang chub rtogs par gyis// // bam po nyi shu pa/ shA ri'i bu de nas gnas gtsang ma'i ris kyi lha rnams kyis byang chub sems dpa' sems dpa' chen po mar med mdzad la bskul pa dang / dad pas khyim nas khyim med par rab tu byung nas de nyid kyi nub mo bla na med pa yang dag par rdzogs pa'i byang chub mngon par rdzogs par sangs rgyas te/ de nyid kyi nub mo de ltar bcom ldan 'das mar me mdzad de bzhin gshegs pa dgra bcom pa yang dag par rdzogs pa'i byang chub mngon par rdzogs par sangs rgyas nas sangs rgyas bcom ldan 'das kyi bar du gyur pa che ba dang / dge bar grags pa'i sgra dang / tshigs su bcad pa mngon par byung nas rgyal po dgra thul gyis rgyal po mar me'i bdag gi bus ma bslabs par bla na med pa yang dag par rdzogs pa'i byang chub mngon par rdzogs par sangs rgyas nas de nyid kyi nub mo rgya cher sangs rgyas bcom ldan 'das su gyur ba'i bar du che ba dang / dge bar grags pa'i sgra dang tshigs su bcad pa thos so/ /shA ri'i bu de nas rgyal po dgra thul gyis rgyal po mar me'i bdag la khyod kyi sras rab tu byung nas bla na med pa yang dag par rdzogs pa'i byang chub mngon par rdzogs par sangs rgyas so zhes bdag gis thos te/ bdag ni khyod kyi sras mar me mdzad mthong bar 'tshal la/ bcom ldan 'das de bzhin gshegs pa mar me mdzad thugs brtse ba'i slad du bdag gi drung du gshegs su gsol/ de ste mi gshegs na</font><hr>80.240b<br><font size=+1>

bdag nyid dpung gi tshogs yan lag bzhi pa dang bcas te mchi'o zhes pho nya ba dang ba dang / de nas shA ri'i bu rgyal po mar me'i bdag gis rtsis pa dang / blon po dang / sgo ba dang / 'khor rnams bsags te/ de ltar gyur ba dag bzlas pa dang / de dag gis lha de ltar na bcom ldan 'das de nyid la gsol na bcom ldan 'das de ni thugs rje che bas thugs rjer dgongs te/ rgyal po dgra thul kyang 'dir mi mchi bar 'gyur ro zhes smras pa dang / shA ri'i bu de nas rgyal po mar me'i bdag po blon po dag dang 'grogs te/ bcom ldan 'das mar me mdzad ga la ba der song ste phyin nas bcom ldan 'das kyi zhabs la mgo bos phyag 'tshal te/ de ltar gyur pa de dag gsol to/ /de skad gsol nas/ bcom ldan 'das de bzhin gshegs pa mar me mdzad kyis rgyal po mar me'i bdag po la de bas na rgyal po chen po thugs brtse ba'i phyir rgyal po dgra thul gyi drung du gshegs so zhes bka' stsal to/ /shA ri'i bu de nas bcom ldan 'das de bzhin gshegs pa mar me mdzad lha rdzas mchog gi rgyal po'i pho brang du ji srid dgyes par bzhugs nas/ dgra bcom pa bye ba phrag brgyad bcu dang / byang chub sems dpa' stong phrag brgyad bcu rtsa bzhi dang thabs gcig tu yul rgyu zhing gshegs so/ /rgyal po mar me'i bdag po yang dpung gi tshogs yan lag bzhi pa dang bcas te zhabs 'bring thog thag tu 'brang zhing de bzhin gshegs pa mar me mdzad 'khor dang bcas pa la na bza' dang / bsod snyoms dang / mal cha dang / na ba'i gsos sman dang / yo byad rnams kyis bkur sti byed cing bdag gi yul gyi bar du zhabs 'bring du byas nas/ bcom ldan 'das de bzhin gshegs pa mar me mdzad kyi zhabs la phyag 'tshal nas lan gsum bskor te mchi ma blags nas slar log pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad dgra bcom pa bye ba phrag brgyad bcu dang thabs gcig tu rgyal po'i</font><hr>80.241a<br><font size=+1>

pho brang pad ma can du gshegs par rgyal po dgra thul gyis thos so/ /de nas rgyal po dgra thul gyis rgyal po'i pho brang pad ma can brgyan te/ sa gzhi dang / lam gyi bzhi mdo dang / sum mdo dag la gseg ma dang / gyo mo dag sel du btsud de bsal nas phyag dar dang / chag chag 'debs su btsud do/ /spos chu'i chag chag kyang 'debs su btsud do/ /me tog bkram pas pus nub tsam du phyin par bya ba byed du btsud do/ /bdug pa'i snod nas kyang rab tu bdug pa byas so/ /gos rin po che sna tshogs kyi bla re bres/ sil snyan sna tshogs kyang dkrol du btsud do/ /de nas rgyal po dgra thul gyis rgyal po'i pho brang pad ma can brgyan nas gang rgyal po'i pho brang pad ma can kun na me tog dang / dri dang / byug pa yod pa rnams sus kyang ma spyad cig /ma btsong shig /de thams cad bcom ldan 'das mar me mdzad la 'bul zhing mchod pa'i las su gyis shig /la la zhig spyod dam 'tshong na de ni chad pa chen pos bcad do zhes sgra bsgrags so/ /de nas rgyal po dgra thul gyis bcom ldan 'das de bzhin gshegs pa mar me mdzad la blta ba dang / phyag bya ba'i phyir dpung gi tshogs yan lag bzhi pa dang bcas te/ me tog dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs dkrol ba dang / rgyal po'i mthu chen po dang / rgyal po'i 'byor pa chen pos rgyal po'i pho brang pad ma can nas phyir byung ngo / /pad ma can gyi bram ze dang / khyim bdag rnams kyang bcom ldan 'das de ga la ba der song ste phyin nas/ bcom ldan 'das de bzhin gshegs pa mar me mdzad de'i zhabs la phyag 'tshal te/ me tog dang / phreng ba dang / dri dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis bcom ldan 'das la mchod pa byas/ blon po dang / 'khor dang / bram ze dang / khyim bdag de dag gis kyang bcom ldan 'das kyi zhabs la mgo bos phyag 'tshal nas</font><hr>80.241b<br><font size=+1>

bcom ldan 'das la mchod pa byas te zhabs 'bring du 'brang ba dang / rgyal po dgra thul sems dga'/ sems mgu/ sems la sgrib pa med/ sems rangs par gyur nas bcom ldan 'das kyi zhabs 'bring du 'brang ngo / /yang de'i tshe na gangs ri'i ngos la bram ze rin po che zhes bya ba g.yog bram ze gzhon nu lnga brgya yod pa/ klog tu 'dzud pa'i mkhan po sngags 'chang ba/ rig byed gsum po sgra nges par sbyor ba dang bcas pa dang / shes gsal dang bcas pa dang / yi ge rab tu dbye ba dang bcas pa dang / sngon byung ba lnga pa rnams kyi pha rol tu phyin pa tshig re re zhing lung bstan pa dang / 'jig rten rgyang pan pa dang / mchod sbyin gyi rgyud dang / skyes bu chen po'i mtshan rjes su rtogs pa/ rang gi tshig rab la gsum rig pa dang / slob dpon du gyur par yongs su shes pa zhig gnas te/ shA ri'i bu yang bram ze rin po che de la bram ze gzhon nu sprin ces bya ba nye gnas byed pa/ klog tu 'jug pa/ sngags 'chang ba/ rig byed gsum po sgra nges par sbyor ba dang bcas pa dang / shes gsal dang bcas pa dang / yi ge rab tu dbye ba dang bcas pa dang / sngon byung ba snga ba rnams kyi pha rol tu phyin pa'i tshig re re zhing lung ston pa dang / 'jig rten rgyang pan pa dang / mchod sbyin gyi rgyu dang / skyes bu chen po'i mtshan rjes su rtogs pa kha na ma tho ba med pa/ rang gi tshig rab la gsum rig pa dang / slob dpon du gyur par yongs su shes pa zhig yod do/ /shA ri'i bu de nas bram ze gzhon nu sprin ces bya ba rig byed lobs nas mkhan po la kye mkhan po bdag gis rig byed lobs te bdag ni yul du mchi na bdag gis bgyi ba ci mchis shes de skad smras pa dang / kye bu sprin slob dpon la nor mgron bu lnga brgya byin cig ces des de skad smras so/ /de nas bram ze gzhon nu sprin gyis mkhan po'i rkang pa la phyag 'tshal te lan gsum bskor nas mkhan po'i drung nas song ste/ de grong dang / grong khyer dang / grong rdal dang / rgyal po'i pho brang dag na rgyu zhing slob dpon la dbul ba'i slob dpon gyi nor btsal te/ des slob dpon la dbul ba'i slob</font><hr>80.242a<br><font size=+1>

dpon gyi nor bsdus nas mthar gyis rgyal po'i pho brang pad ma can du phyin te/ bram ze gzhon nu sprin gyis rgyal po'i pho brang pad ma can kun brgyan par mthong ngo / /mthong nas mi zhig bos te/ kye skyes bu rgyal po'i pho brang pad ma can 'dir ci'i dga' ston zhig g.yos par gyur ces smras pa dang / des gzhon nu khyod kyis mi shes sam/ de ring bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad dgra bcom pa bye ba phrag brgyad bcu dang / byang chub sems dpa' stong phrag brgyad bcu rtsa bzhi dang thabs gcig tu rgyal po'i pho brang pad ma can du gshegs te/ de'i phyir rgyal po'i pho brang pad ma can 'di kun brgyan to/ /de la mi dag sbyin pa yang sbyin par byed/ bsod nams dag kyang byed do zhes de skad smras pa dang / de nas bram ze sprin gzhon nus sangs rgyas kyi sgra thos nas dga' ba dang / dang ba dang / mgu ba cher skyes nas sangs rgyas bcom ldan 'das rnams 'byung ba dkon te/ shin du dkon pa u dum ba ra'i me tog dang 'dra ba/ mchod sbyin gyi shing gcig pu'i tshul lta bu yin pas gang bdag gis kAr shA pa Na lnga brgya po 'dis me tog nyos te/ bcom ldan 'das de bzhin gshegs pa mar me mdzad la me tog gtor la slob dpon gyi nor gud nas btsal lo snyam mo/ /yang de'i tshe na bu mo zhig me tog ud pa la bdun khyer te lam gyi srang nas song ba dang / de nas bram ze gzhon nu sprin gyi bu mo de la kye bu mo chu nas byung ba'i me tog gang nas rnyed par 'gyur zhes de skad smras pa dang / des phyogs che ge mo zhig na phreng ba byed pa'i khang pa nas bdag gis kAr shA paN lnga brgyas nyos so zhes smras so/ /de nas bram ze gzhon nu sprin gyis bu mo de la me tog chu nas skyes pa 'di dag ji tsam gyis nyos pa bzhin du nga la tshongs shig ces de skad smras pa dang / des de ltar mi rung ngo zhes smras nas/ des 'o na gnyis khyod la zhog la lnga nga la kAr shA pa Na lnga brgyas nyor</font><hr>80.242b<br><font size=+1>

byin cig ces smras nas/ des 'di dag gis ci bya zhes smras pa dang / des bcom ldan 'das mar me mdzad la gtor bar bya'o zhes smras so/ /des gal te khyod srid pa'i 'gro ba 'chi 'pho ba thams cad du bdag gi khyim thab tu 'gyur bar dam 'cha' na sbyin no/ /des bu mo thong khyod de skad ma zer cig /de ci'i phyir zhe na/ khyod ni g.yeng zhing rgod pa'o/ /bu mo bla na med pa'i sangs rgyas kyi chos grangs med pa ni bskal pa grangs med pas bsgrub dgos te/ de'i phyir 'di lta ste/ mgron bu dang / nor bu dang / mu tig dang / bai dUr+ya dang / dung dang / man shel dang / byi ru chen po dang / gser dang / dngul dang ldan pa dang / rta dang / glang po che dang / bong bu dang / ba lang dang / lug dang / rgyal srid kyang yongs su gtang ba dang / shing rta yongs su gtang ba dang / slas yongs su gtang ba dang / bu pho dang / bu mo yongs su gtang ba dang / lag pa yongs su gtang ba dang / rus pa dang / rkang dang / gtsug phud yongs su gtang ba dang / rna ba dang / sna dang / mig dang / yan lag yongs su gtong ba'i sbyin pa byin par bya ste/ mdor na bu mo nang ngam phyi'i dngos po gang yang bdag gis yongs su mi gtang bar bya ba med de/ bu mo gang bdag gis khyod kyang yongs su gtang ste/ de bzhin gshegs pa'i bstan pa la dad pas khyim nas khyim med par rab tu 'byung ba'i dus dang tshod du gyur na/ khyod ni g.yeng zhing rgod kyis khyod nga'i sbyin pa'i bar chad ma byed cig ces de skad smras pa dang / des gal te khyod lus las sha yungs kar gyi 'brum bu tsam du bcad de/ byin du zin kyang ngas khyod kyi sbyin pa'i bar chad mi bya'o zhes smras nas des de la de ltar gyur cig /chu las skyes pa'i me tog dag nga la by-in cig ces smras pa dang / des kyang byin no/ /de nas bram ze gzhon nu sprin gyis me tog ud pa la de dag blangs nas bcom ldan 'das de bzhin gshegs pa mar me mdzad ga la ba der song ste/ bram ze gzhon nu sprin gyis bcom ldan</font><hr>80.243a<br><font size=+1>

'das de bzhin gshegs pa mar me mdzad srog chags bye ba khrag khrig brgya stong du mas bskor cing mdun du bdar ba mthong ste/ spyod lam mdzes pa'i bar rgyas par bya'o/ /de bcom ldan 'das la sems dang bar gyur to/ /de sems can dang bar gyur nas shin du dga' ba dang / dad pa dang / bkur sti bskyed nas bcom ldan 'das mar me mdzad ga la ba der song ste/ bram ze gzhon nu sprin gyis mi mang po dag gis gos bzang po bzang ba dag bcom ldan 'das mar me mdzad kyi drung du bkram pa mthong nas des bdag la gos med kyis/ gang bdag gis ri dgas kyi lpags pa gding ngo snyam nas des ri dgas kyi lpags pa de bting ba dang / de na mi dag 'di 'dra ba'i sems can dkon mchog gi drung du ri dgas kyi lpags pa bting ngam zhes 'phya zhing bting ba yang rtul bar byed do/ /de nas bram ze gzhon nu sprin phyogs kyi mtha' ga la ba der song ste phyin nas ri dgas kyi lpags pa bting ste dgongs shig /bcom ldan 'das de bzhin gshegs pa mar me mdzad kun nas spyan r-i dgas kyi lpags pa 'di la zhabs gzhag par mdzod cig ces sems bskyed pa dang / bcom ldan 'das de bzhin gshegs pa mar me mdzad kyis dgongs nas bram ze gzhon nu sprin gyi ri dgas kyi lpags pa la zhabs gzhag go/ /de nas bram ze gzhon nu sprin dga' mgu rangs rab tu dga' zhing yid bde ba skyes nas de bzhin gshegs pa mar me mdzad la me tog ud pa la lnga gtor ba dang / lha'i bu brgya phrag du mas lha'i me tog man dA ra ba dang / lha'i me tog ud pa la dang / /pad ma dang lha'i tsan dan gyi phye ma rnams kyis bcom ldan 'das de bzhin gshegs pa mar me mdzad la mngon par gtor/ lha'i sil snyan rnams dkrol/ lha'i glu dbyangs blangs nas bcom ldan 'das de bzhin gshegs pa mar me mdzad la sti stang bya ba'i phyir me tog</font><hr>80.243b<br><font size=+1>

ud pa la de dag ud pa la stong phrag du mar byas te/ me tog gi bla re 'dab ma mthur du lta/ sdong bu gyen du lta bar byas nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad la mngon par gtor te/ 'di lta ste/ bram ze gzhon nu sprin sems dang nas bcom ldan 'das mar me mdzad kyi spyan lngar lo bcu gnyis su ral ba gser gyi kha dog lta bu bting nas/ bdag ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su 'gyur zhe na/ bcom ldan 'das kyis bdag dbugs dbyung bar mdzod cig / bdag la phyag gis drang bar gsol zhes yi dam brtan par byas so/ /bcom ldan 'das de bzhin gshegs pa mar me mdzad gdag gi ral ba gser gyi kha dog lta bu'i steng du zhabs mi 'jog cing bdag la dbugs 'byin par mi mdzad/ bdag la byang chub tu lung yang mi ston na de'i phyir bdag 'di nyid du lus skam par bgyi'o/ /zhes yi dam yang bcas so/ /shA ri'i bu de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kun nas spyan/ kun nas mkhyen pa dus gsum gang yang mi mkhyen pa cung zad kyang mi mnga' ba des bram ze'i khye'u sprin gyi bsam pa mkhyen nas bram ze'i khye'u sprin gyi skra ral ba gser gyi kha dog lta bu la zhabs bzhag ste/ g.yas phyogs nas glang po che'i gzigs pas gzigs te/ nyan thos kyi dge 'dun de la dge slong dag ral pa rnams la rkang pa ma gzhag shig /de ci'i phyir zhe na/ dge slong dag bram ze'i khye'u 'di ni bskal pa grangs med pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes bka' stsal to/ /shA ri'i bu de ltar bram ze'i khye'u sprin gyis bcom ldan 'das de bzhin gshegs pa mar me mdzad las</font><hr>80.244a<br><font size=+1>

lung bstan pa thos nas dga' zhing mgu nas steng gi bar snang gi nam mkha' la mngon par 'phags te/ ting nge 'dzin bye ba khrag khrig brgya stong phrag brjod du med pa mngon sum du byed do/ /de mngon par shes pa'i ye shes kyi stobs kyis shar phyogs na/ sangs rgyas bcom ldan 'das gang gA'i klung gi bye ma las 'das pa dag gis bram ze'i khye'u khyod ma 'ongs pa'i dus bskal grangs med pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro/ /zhes lung ston pa dang / de bzhin du lho dang / nub dang / byang dang / de bzhin du shar dang / lho'i mtshams nas 'og dang / steng gi bar dang / phyogs bcu kun nas sangs rgyas bcom ldan gang gA'i klung gi bye ma bas lhag pa dag gis/ bram ze'i khye'u khyod ma 'ongs pa'i dus bskal pa grangs med pa na/ de bzhin gshegs pa dgra bcom pa yang dag rdzogs pa'i sangs rgyas shAkya thub pa zhes bya bar 'gyur ro/ /zhes lung ston pa mthong ngo / /shA ri'i bu de ltar bram ze'i khye'u sprin lung bstan pa thos nas dbugs phyin par gyur te/ nam mkha'i dkyil de nas babs nas bcom ldan 'das de bzhin gshegs pa mar me mdzad de'i drung du/ dad pas khyim nas khyim med pa rab tu byung ste/ tshangs par spyad pa spyod do/ /shA ri'i bu khyod de'i tshe de'i dus na bram ze'i khye'u sprin ces bya bar gyur pa de gzhan yin pa snyam du de ltar dogs shing the tshom za na de ltar mi blta'o/ /de ci'i phyir zhe na/ /nga de'i tshe de'i dus na</font><hr>80.244b<br><font size=+1>

bram ze'i khye'u sprin ces bya bar gyur ba de yin te/ ngas bcom ldan 'das de bzhin gshegs pa mar me mdzad de la me tog ud pa la lnga gtor te ral ba yang bting ngo / /shA ri'i bu de ltar na byang chub sems dpa' lung bstan pa myur du thob par 'dod pa dag gis byang chub sems dpa'i sde snod kyi chos kyi rnam grangs shin du mnyan par bya/ blang bar bya/ bzung bar bya/ gzhan dag la yang brjod par bya/ rgya cher yang dag par rab tu bstan par bya/ /gang 'di mtshan ma med pa'i spyod pas nan tan gyis bsgrub par bya'o/ /de ci'i phyir zhe na/ shA ri'i bu ngas mngon par shes te 'das pa'i dus na mar me mdzad kyi pha rol na ngas dkar po'i chos kyi spyod pa gang la ma spyad pa de gang yang med de/ 'on kyang sangs rgyas bcom ldan 'das de dag gis lung ma bstan to/ /de ci'i phyir zhe na/ de ltar nga mtshan ma dang bcas par spyod par gyur to/ /gang gi tshe nga gang 'di byang chub sems dpa'i sde snod kyi chos kyi rnam grangs mtshan ma med par spyod pa/ dmigs pa med par spyod pa/ ji ltar thos pa bzhin du bsgrub pas gnas pa de'i 'og tu de bzhin gshegs pa mar me mdzad kyis bram ze'i khye'u khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro/ /zhes bya bar nga lung bstan to/ /shA ri'i bu de ltar ngas de bzhin gshegs pa dgra bcom pa yang dag par rdzogs pa'i sangs rgyas mar me mdzad mthong ste/ de bzhin gshegs pa dgra bcom pa yang dag par rdzogs pa'i sangs rgyas mar me mdzad</font><hr>80.245a<br><font size=+1>

mthong ma thag tu spyod pa thams cad las 'das te/ chos thams cad mnyam pa nyid du mthong ba khong du chud do/ /mthong ma thag tu chos thams cad rang bzhin gyis ma skyes par shes so/ /de'i 'og tu bcom ldan 'das de bzhin gshegs pa mar me mdzad des bram ze'i khye'u khyod ma 'ongs pa'i dus bskal pa grangs med pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro/ /zhes lung bstan to/ /lung bstan ma thag tu mi skye ba'i chos la bzod pa rab tu thob bo/ /bzod pa rab tu thob pa ji lta bu zhe na/ gang 'di gzugs rab tu mi rnyed par bzod pa rab tu thob pa dang / tshor ba dang / 'du shes dang / 'du byed dang / rnam par shes pa rab tu mi rnyed par bzod pa rab tu thob pa dang / phung po dang / khams dang / skye mched rnams kyi chos thams cad rab tu mi rnyed par bzod pa rab tu thob pa'o/ /yang bzod pa rab tu thob pa zhes bya bar 'di ni bzod pa med pa'i chos rab tu thob pa'i tshig bla dgas so/ /de ci'i phyir zhe na/ bzod pa rab tu thob pa'i chos de la ni 'jig rten gyi chos rnams kun du mi 'byung ngo / /so so'i skye bo'i chos rnams ma yin/ slob pa'i chos rnams ma yin/ mi slob pa'i chos rnams ma yin/ byang chub sems dpa'i chos rnams ma yin te/ sangs rgyas kyi chos rnams kyang mi 'byung ngo / /chos thams cad mi 'byung bas de'i phyir bzod pa rab tu thob pa zhes bya'o/ /chos thams cad thob pa med cing mi dmigs pas</font><hr>80.245b<br><font size=+1>

de'i phyir bzod pa rab tu thob pa zhes bya'o/ /bzod pa de yang mtshan ma thams cad dang / dmigs pa thams cad kyis skad cig pa yin te/ de'i phyir bzod pa rab tu thob pa zhes bya ste/ de la ni mig med do/ /mig la smos pa med do/ /gong ma bzhin du sbyar te/ rna ba med/ sna med/ lce med/ lus med/ yid med/ yid la smos pa med de/ mi bzad pa'i yul de ni bzod pa/ 'gro ba med pa'i yul de ni bzod pa ste/ de'i phyir bzod pa rab tu thob pa zhes bya'o/ /shA ri'i bu de bas na byang chub sems dpa'i lung bstan pa myur du thob par 'dod pa dag gis gang 'di byang chub sems dpa'i sde snod kyi chos kyi rnam grangs mtshan ma med par spyod pa/ lhun gyis grub par spyod pa/ /dmigs pa med par spyod pa/ shin du mnyan par bya/ blang bar bya/ gzung bar bya/ kun chub par bya/ /gzhan dag la yang brjod par bya/ rgya cher yang dag par rab tu bstan par bya/ nan tan gyis bsgrub par bya'o/ /yang de'i tshe 'khor de nyid du tshong dpon gyi bu mis byin zhes bya ba 'dus par gyur te 'dug pa des bcom ldan 'das las byang chub sems dpa'i sde snod kyi chos kyi rnam grangs dang / /sangs rgyas kyi yon tan dang / /byang chub sems dpa'i yon tan rnams thos nas stan las langs te bla gos phrag pa gcig tu gzar nas pus mo g.yas pa'i lha nga sa la gtsugs te/ /bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /</font><hr>80.246a<br><font size=+1>

bcom ldan 'das gnas brtan ma 'gags pas bdag la khyim bdag dgra bcom pa 'thob pa ste/ 'di ni rga shi'i tha ma'o zhes de ltar 'jug par bgyis/ de skad rjes su bstan mod kyi/ bdag bcom ldan 'das las byang chub sems dpa'i sde snod kyi chos kyi rnam grangs 'di dang / /sangs rgyas kyi yon tan dang / byang chub sems dpa'i yon tan rnams thos nas 'di snyam du gang 'di bla na med pa yang dag par rdzogs pa'i byang chub theg pa chen po 'di ni mchog /gtso bo/ dam pa/ mchog rab/ gya nom pa/ bla na med pa'o snyam bgyid do/ /bcom ldan 'das las kyang bdag gis rab tu rnam par phye ba'i chos rnams kyi mchog gang yin pa de bskyed par bya'o zhes mngon sum du thos mngon sum du bzung nas bdag 'di snyam du rab tu rnam par phye ba'i chos gzung ba ma mchis pa/ nga'i ba ma mchis pa/ yongs su bzung ba ma mchis pa rnams kyis chos gang mchog / gtso bo/ mchog rab/ gya nom pa/ bla na med pa'i chos de yang dag par bsgrubs te 'jug go snyam bgyid do/ /bcom ldan 'das bdag 'di snyam du theg pa thams cad kyi nang na ni sangs rgyas kyi theg pa bla na med par gnas pa lags te/ de bzhin gshegs pa'i theg pa ni theg pa gang ji snyed pa de dag gi mchog tu brjod pa nas bla na med pa'i bar du brjod pa ste/ bcom ldan 'das bdag skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo'i tshogs chen po dang / </font><hr>80.246b<br><font size=+1>

lha dang mi rnams kyi don dang / phan pa dang bde ba'i slad du nga slan chad bla na med pa yang dag par rdzogs pa'i byang chub tu sems bskyed par bgyi'o/ /ji ltar byang chub sems dpa'i bslab pa bcas pa la yang bslab par bgyi'o snyam bgyid do/ /de skad ces gsol pa dang / bcom ldan 'das kyis tshong dpon gyi bu mis byin la 'di skad ces bka' stsal to/ /mis byin bla na med pa yang dag par rdzogs pa'i byang chub ni yid ches par dka' ba/ bsgrub par dka' ba'o/ /gsol ba bcom ldan 'das bla na med pa yang dag par rdzogs pa'i byang chub yid ches par dka' zhing / bsgrub par dka' lags kyang bcom ldan 'das de dang 'thun par brtson 'grus brtsams te/ bla na med pa yang dag par rdzogs pa'i byang chub bsgrub par bgyi'o/ /ci nas kyang bla na med pa yang dag par rdzogs pa'i byang chub las phyir mi ldog par bgyi'o/ /bcom ldan 'das gal te sems bskyed pa gang gA'i klung gi bye ma snyed kyis bla na med pa yang dag par rdzogs pa'i byang chub mngon par rdzogs par 'tshang rgya bar nus par gyur la/ sems bskyed pa re re yang bskal pa gang gA'i klung gi bye ma snyed du gyur la byang chub kyi sems bskyed pa lan re zhing yang mgo gang gA'i bye ma snyed chad par gyur kyang de ltar bdag gis bla na med pa yang dag par rdzogs pa'i byang chub yongs su mi btang ste/ bcom ldan 'das bdag ni rnam grangs 'dis/ byang chub mngon par rdzogs par 'tshang rgya bar spro na/ /gang bde ba'i yo byad kyis byang chub mngon par rdzogs par 'tshang / </font><hr>80.247a<br><font size=+1>

rgya bar lta smos kyang ci 'tshal/ de ci'i slad du zhe na/ bcom ldan 'das bla na med pa yang dag par rdzogs pa'i byang chub ni ji ltar bskal ba bye ba brgya stong du tshig gis kyang khong du chud par sla ba ma lags te de ltar rgya che ba'o/ /sangs rgyas kyi chos 'di dag kyang de ltar rgya che ba'o/ /de ltar bsam gyis myi khyab bo/ /de ltar mtshungs pa ma mchis so/ /de ltar dpag tu ma mchis so/ /de ltar grangs ma mchis so/ /sangs rgyas bcom ldan 'das rnams kyi mkhyen pa yang de ltar chags pa ma mchis so/ /de nas tshong dpon gyi bu mis byin gyis/ de'i tshe tshigs su bcad pa 'di dag smras so/ bskal pa bye ba stong rnams su/ bdag ni byang chub sems skyed cing / /sdug bsngal kun gyis gtses gyur kyang / /sems can rnams ni mi btang ngo / /sems bskyed pa ni lan re zhing / /mgo yi phung po ri rab kyi/ /'phang tsam mthon por gyur ba dag / thams cad gcod par spro bar bgyi/ /srog chags kun la phan pa'i phyir/ /byang chub 'di la bdag 'jug go/ /de bzhin gshegs pa khyod ci 'drar/ /de 'dra kho nar gyur bar shog / theg pa chung ngu theg pa dman/ /nyan thos theg pa spangs nas ni/ /de bzhin gshegs pa khyod ci 'drar/ /de 'dra kho nar gyur bar shog / /theg pa 'di ni theg pa che/ /sangs rgyas rnams kyis mchog ces bsngags/ gzung bar 'os pa gzhan ma mthong / /de bas bdag ni byang chub mos/ /gnod par gyur pa rnams la skyob/ /ngan 'gro gsum las thar par bgyid/ /de yi phyir ni sangs rgyas dag / /de bzhin gshegs pa rnams 'byung ngo / /de nas tshong dpon gyi bu mis byin 'di snyam du sems te/ bdag gis sangs rgyas kyi chos rgya chen po 'di lta bu dag shes la gang bu dang chung ma dag chos 'di dag yang dag par 'dzin du ma bcug na/ </font><hr>80.247b<br><font size=+1>

'di ni bdag gi mi cha'o snyam nas de bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas rings shing myur ba'i gzugs kyis rang gi khyim ga la ba der song ste chung ma bdun dang / khye'u bdun dang / bu mo bdun dang / bran pho bdun dang / bran mo bdun dang lhan cig tu ras bcos bu zung stong thogs te rol mo mkhan lnga brgya tsam dang lhan cig bcom ldan 'das la blta bar 'dod pas rings shing myur ba'i gzugs kyis rgyal po'i khab kyi grong khyer chen po nas byung ba dang / rgyal po'i khab kyi mi dang mi ma yin pa rab tu mang po dag gis tshong dpon gyi bu mis byin g.yog dang bcas te rings shing myur ba'i gzugs kyis rgyal po'i khab kyi grong khyer chen po nas byung bar mthong ngo / /mthong nas 'di skad ces mis byin khyod g.yog dang bcas te/ rings shing myur ba'i gzugs kyis gar cha zhes 'dzer pa dang / smras pa/ skyes bu khyed cig gis de bzhin gshegs pa dgra bcom pa yang dag par rdzogs pa'i sangs rgyas bya rgod kyi phung po'i ri la 'khor brgya stong phrag du mas bskor te/ mdun du bdar nas rnam grangs du mas sangs rgyas kyi chos rgya chen po dag yang dag par rab tu ston te/ sangs rgyas kyi chos rgya chen po dag gis don dang / sangs rgyas kyi ye shes bsam gyis mi khyab cing mtshungs pa med pa yongs su bsgrub pa'i phyir bdag g.yog dang bcas te de bzhin gshegs pa dgra bcom pa yang dag par rdzogs pa'i sangs rgyas de ga la ba der song ste/ bla na med pa yang dag par rdzogs pa'i byang chub tu dge ba'i rtsa ba skyed par byed pa mi shes pa ste/ gal te khyed sangs rgyas kyi chos rgya chen po dag yongs su bsgrub par 'dod na tshur shog 'dong ngo / /bcom ldan 'das de'i gan du 'dong ste/ sangs rgyas kyi chos rgya che ba rgya che ba dag gi don gyi phyir dge ba'i rtsa ba skyed par bya'o/ /de ltar rgyal</font><hr>80.248a<br><font size=+1>

po'i khab kyi mi rnams mis byin gyi tshig de thos nas srog chags khri phyi bzhin du 'brang bar gyur to/ /de nas tshong dpon gyi bu mis byin chung ma bdun dang / khye'u bdun dang / bu mo bdun dang / bran pho bdun dang / bran mo bdun dang lhan cig tu ras bcos pu zung stong thogs nas srog chags stong phrag bcu po de dag dang / rol mo mkhan lnga brgya tsam po de dag dang lhan cig tu me tog dang / spos dang / phreng ba dang / byug pa dang / phye ma dang / na bza' dang gdugs dang / rgyal mtshan dang / ba dan dang rnga dang / rol mo'i sil snyan dkrol te/ bcom ldan 'das la mchod pa byas nas ras bcos pu zung stong po de dag bcom ldan 'das kyi sku la gsol nas de'i tshe tshigs su bcad pa 'di dag smras so/ /sems can dam pa mi mchog gang lags pa/ byang chub mchog tu rnam par dag par spyod/ /mtha' yas gzigs pa rkang gnyis rnams kyi mchog /de la de ring bdag ni mchod par bgyi/ /bu dang bran bcas nye du'i tshogs dang bcas/ /srog chags rnams la phan phyir byang chub tshol/ /srog chags stong po 'di dang lhan cig tu/ /sangs rgyas dang ni tshogs la skyabs su mchi/ /de nas tshong dpon gyi bu mis byin gyis bcom ldan 'das la tshigs su bcad pa de dag gis mngon par bstod nas bcom ldan 'das la 'di skad ces gsol to/ /bcom ldan 'das sems can ji snyed dag dang lhan cig tu bcom ldan 'das kyi gan du mchis pa de dag thams cad ni bla na med pa yang dag par rdzogs pa'i byang chub tu yang dag par zhugs pa sha stags lags na/ bcom ldan 'das kyis ci nas kyang sems can thams cad bla na med pa yang dag par rdzogs pa'i byang chub las phyir ldog par mi 'gyur ba dang / bcom ldan 'das bdag gis bcom ldan 'das las dge ba'i rtsa ba bskrun pa gang lags pa dge ba'i rtsa ba 'dis bdag</font><hr>80.248b<br><font size=+1>

bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de ltar de dag la chos bstan du gsol/ 'di lta ste da ltar bcom ldan 'das bzhin du sems can thams cad kyang chos 'di dag thob par gyur cig /de nas tshong dpon gyi bu mis byin dang / skye dgu'i bdag mo bdun po de dag dang / khye'u bdun dang / bu mo bdun dang / bran pho bdun dang / bran mo bdun dang / srog chags khri bo de dag dang rol mo mkhan lnga brgya po de dag gis bcom ldan 'das la 'di skad ces gsol to/ /bcom ldan 'das bdag cag sangs rgyas dang / chos dang dge slong gi dge 'dun la skyabs su mchi'o/ /bcol ldan 'das bdag cag dge bsnyen du gzung du gsol/ /deng nas ji srid 'tsho'i bar du srog gcod pa spong ngo / /skyabs su mchis so/ /mngon par dad do/ /bcom ldan 'das bdag cag deng nas bla na med pa yang dag par rdzogs pa'i byang chub tu sems bskyed par bgyi'o/ /'di lta ste da ltar yang dag par rdzogs pa'i sangs rgyas khyod bzhin du bdag cag kyang / bla na med pa yang dag par rdzogs pa'i byang chub mngon par rdzogs par sangs rgyas nas sems can rnams la chos bstan par bgyi'o/ /'di lta ste/ da ltar bcom ldan 'das tshogs la gdams ngag mdzad pa de bzhin du tshogs la gdams par bgyi'o/ /bcom ldan 'das 'di lta ste/ da ltar bcom ldan 'das sems can sdug bsngal gyis nyen pa rnams/ thar par mdzad pa de bzhin du bdag cag kyang sems can sdug bsngal gyis nyen pa rnams thar par bgyi'o/ /de nas rol mo mkhan lnga brgya po de dag gis sil snyan gyi sgra chen pos bcom ldan 'das la lan gsum skor ba byed do/ /srog chags khri bo de dag dang / tshong dpon gyi bu mis byin chung ma bdun dang / khye'u bdun dang / bu mo bdun dang / bran pho bdun dang / bran mo bdun dang / g.yog thams cad dang / rol mo</font><hr>80.249a<br><font size=+1>

mkhan lnga brgya po de dag dang lhan cig tu bcom ldan 'das la lan gsum skor ba byed do/ /de nas bcom ldan 'das sems can de dag la thugs brtse ba'i slad du steng gi bar snang la skyil mo dkrung bcas te bzhugs so/ /de nas rol mo mkhan lnga brgya po de dag gis bcom ldan 'das steng gi bar snang la skyil mo dkrung bcas te bzhugs pa mthong ngo / /mthong nas kyang dad pa skyes nas sangs rgyas kyi mthus rol mo'i cha spyad de dag thams cad bor ba dang / sangs rgyas kyi mthus de dag ma bzung bar steng gi bar snang la gnas shing sgra 'byin te/ sgra 'byin bzhin du de bzhin gshegs pa bar snang la bzhugs pa la lan gsum bskor ba byed do/ /de nas tshong dpon gyi bu mis byin g.yog dang bcas pa dang / rol mo mkhan lnga brgya tsam po de dag dang / srog chags khri po de dag gis bcom ldan 'das kyi rdzu 'phrul dang / cho 'phrul 'di mthong nas dga' mgu yi rangs te dga' ba dang / yid bde ba skyes nas thams cad thal mo sbyar te/ bcom ldan 'das la phyag 'tshal lo/ /steng gi bar snang la dpag tshad gcig khor yug tu yang sil snyan stong phrag du mas yongs su ma bzung ba dag gis khyab par gyur te/ dper na sbrang rtsi'i tshang bzhin du steng gi bar snang la rnga dang rol mo sil snyan gyi sgra byung ngo / /de nas tshong dpon gyi bu mis byin g.yog dang bcas pa dang / rol mo mkhan lnga brgya tsam po de dag dang / srog chags khri bo de dag dang / chos nyan du sngar lhags pa las srog chags drug stong tsam zhig dang / dge slong stong nyis brgya lnga bcu po de dag thams cad sangs rgyas kyi mthus steng gi bar snang la mngon par 'phags pa dang / sangs rgyas kyi mthus steng gis bar snang la khang pa brtsegs pa lnga lnga byung ngo / /rol mo mkhan gyi khang pa brtsegs pa bzhis</font><hr>80.249b<br><font size=+1>

mdun gyis bltas pa'i rol mo mkhan gyi khang pa brtsegs pa thams cad na chos ston to/ /bar snang la gnas pa'i lha stong phrag bye ba du ma dag gis kyang lha'i me tog man dA ra ba dag gtor to/ /me tog de dag kyang sangs rgyas kyi mthus steng gi bar snang la khang pa brtsegs pa brgyad bcur gyur to/ /de nas skye bo'i tshogs chen po steng gi bar snang la gnas pas rdzu 'phrul gyi mthu chen po 'di mthong nas bcom ldan 'das la dga' ba dang / dad pa dang / gus pa dang / zhe sa cher byed do/ /de nas bcom ldan 'das kyis skye bo'i tshogs chen po'i dad pa mkhyen/ tshong dpon gyi bu mis byin dang / skye bo'i tshogs chen po de'i lhag pa'i bsam pa mkhyen nas de'i tshe 'dzum pa mdzad de/ dbu'i gtsug tu mi snang bar gyur zhes bya ba'i bar du rgyas par sbyar ro/ /de nas tshe dang ldan pa kun dga' bos bcom ldan 'das 'dzum pa mdzad pa mthong nas chos gos phrag pa gcig tu gzar te/ bcom ldan 'das ga la ba der logs su thal mo sbyar nas bcom ldan 'das la 'di skad ces gsol to/ /bcom ldan 'das sangs rgyas bcom ldan 'das dag ni rgyu ma mchis/ rkyen ma mchis par 'dzum pa mi mdzad na 'dzum pa mdzad pa'i rgyu gang lags/ rkyen gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo tshong dpon gyi bu mis byin 'dis chung ma bdun dang / khye'u bdun dang / bu mo bdun dang / bran pho bdun dang / bran mo bdun gyis nga la mchod pa byas te/ bskal pa bye ba phrag stong du log par ltung bar mi 'gro ste/ lha dang mi rnams kyi nang du skye bar 'gyur ro/ /de bskal pa bye ba stong phrag brgya 'das nas de bzhin gshegs pa dgra bcom pa yang dag par rdzogs pa'i sangs rgyas ded dpon zhes bya ba mnyes par byed par 'gyur ro/ /</font><hr>80.250a<br><font size=+1>

mnyes par byas nas sti stang du byed par 'gyur/ bla mar byed par 'gyur/ rim gror byed par 'gyur/ mchod par byed par 'gyur te/ de'i 'og tu bskal pa nyi shur log par ltung bar 'gro bar mi 'gyur ro/ /kun dga' bo de la tshong dpon gyi bu mis byin gyi chung ma bdun dang / bu mo bdun dang / bran mo bdun gang yin pa dag ni 'di nas shi 'phos nas bud med kyi lus las bsgyur te/ skyes pa'i lus thob nas byang chub sems dpa' mis byin dang lhan cig tu byang chub sems dpa'i spyad pa spyod par 'gyur ro/ /de dag bskal pa gcig la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ kun dga' bo byang chub sems dpa' sems dpa' chen po mis byin ni de bzhin gshegs pa dgra bcom pa yang dag par rdzogs pa'i sangs rgyas sems snyoms shes bya bar 'gyur ro/ /byang chub sems dpa' mis byin gyi zhabs 'bring ba gang yin pa thams cad ni de bzhin gshegs pa ming tha dad par 'gyur ro/ /rol mo mkhan lnga brgya po gang yin pa de dag ni bskal pa grangs med par log par ltung bar mi 'gro ste/ 'khor los sgyur ba'i rgyal po bye ba phrag stong byed par bgrang bas smra ste/ bar skabs der sangs rgyas stong phrag bcu mnyes par byas nas sti stang du byed par 'gyur/ bla mar byed par 'gyur/ ri mor byed par 'gyur/ mchod pa byed par 'gyur ro/ /thams cad kyang bskal pa gcig la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas dbyangs 'jam zhes bya bar thams cad ming 'thun par 'gyur ro/ /srog chags khri bo de dag las srog chags bzhi brgya ni de bzhin gshegs pa byams pa mnyes pa byas nas de'i tshe yongs su mya ngan las 'das par 'gyur ro/ /lhag ma rnams ni</font><hr>80.250b<br><font size=+1>

bskal pa gang gA'i klung gi bye ma snyed du log par ltung bar mi 'gro ste/ tshul 'dis sangs rgyas bye ba phrag stong mnyes par byas nas sti stang du byed par 'gyur/ bla mar byed par 'gyur ri mor byed par 'gyur/ mchod pa byed par 'gyur ro/ /thams cad kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas ngo mtshar zhes bya bar thams cad kyang ming 'thun par 'gyur ro/ /srog chags drug stong po de dag las srog chags stong ni nga yongs su mya ngan las 'das te/ dam pa'i chos nub nas mtshon gyi bskal pa bar ma ni 'das de bzhin gshegs pa byams pa ni ma byung pa'i dus na der sems can rnams kyi tshe 'phel bar 'gyur ba'i dus de na rang sangs rgyas brgyad khri 'byung bar 'gyur te/ srog chags stong po de dag gis rang sangs rgyas de dag thams cad mnyes par byas nas sti stang du byed par 'gyur/ bla mar byed pa 'gyur/ ri mor byed par 'gyur/ mchod par byed par 'gyur ro/ /gang zag gi mchog byams pa de yang mnyes par byas nas sti stang du byed par 'gyur/ bla mar byed par 'gyur/ ri mor byed par 'gyur/ mchod par byed par 'gyur ro/ /de'i 'og tu bskal pa bye ba khrag khrig phrag nyi shur log par ltung bar 'gro bar mi 'gyur ro/ /de nas lus kyi tha ma bdag gi lus kyi tha ma thob nas dge ba'i rtsa ba rnams kyis bskul te/ dad pas khyim nas khyim med par rab tu byung nas/ rang byang chub mngon sum du byed par 'gyur ro/ /srog chags khri po las srog chags mthong ba skyes pa stong gis bla na med pa yang dag par rdzogs pa'i byang chub tu sems bskyed do/ /lha'i bu khri phrag drug bcu ni chos rnams la chos kyi mig rdul dang bral zhing dri ma med par skyes so/ /kun dga' bo byis pa rnams ma gtogs par</font><hr>80.251a<br><font size=+1>

de bzhin gshegs pa rnams la su zhig dga' ba dang dad pa dang gus pa dang zhe sa skyed par mi byed/ de ci'i phyir zhe na/ 'di ltar dge ba'i rtsa ba chung ngus 'di lta bu'i che ba nyid thob cing mya ngan las 'das ba la yang reg go/ de nas bcom ldan 'das kyis tshigs su bcad pa 'di dag gsungs so/ /sangs rgyas la ni gus byas nas/ 'di 'dra ba yi dpa' 'thob ste/ /de phyir gang la byin na ni/ 'bras bu che ba'i ston la mchod/ /gang yang bzhugs la mchod pa dang / /gang yang mya ngan 'das pa yi/ /ring bsrel yungs 'bru tsam mchod pa/ /de bzhin gshegs par 'gyur bar mthong / /gang yang bzhugs la mchod pa dang / /gang yang mya ngan 'das pa yi/ /ring bsrel yungs 'bru tsam mchod pa/ /sems kyang mnyam la 'bras bu mnyam/ /mnyam pa'i sems su byas nas ni/ /gang zag mchog la mchod byed pa/ /de yi rnam par smin pa mnyam/ /mtshungs par byang chub 'tshang yang rgya/ /bde bar gshegs pa'i lam bzung ste/ /ngan par 'gro ba'i lam yang bcad/ /mya ngan 'das par 'gro ba'i lam/ /de yang de la mi dkon no/ /sangs rgyas tshul khrims dam pa dang / sangs rgyas ting nge 'dzin mchog gis/ /de phyir mchog la dad byas nas/ /de bzhin gshegs pa mchog tu 'gyur/ /mchod par dam pa byas nas ni/ /myur du mchog tu 'gyur ba yin/ /chos kyi dam pa ston mdzad pa/ /rdzogs pa'i sangs rgyas mchog tu 'gyur/ /mi gang mkhas pa sangs rgyas kyi/ /chos la sten par 'dod pa de/ /'dun pa drag po bskyed par bya/ /mang du thos nas tshul bzhin no/ /'khor los sgyur ba'i rgyal po dang / /tshangs pa dbang byed gyur nas na/ /yon tan mang po'i 'byung gnas dang / /mya ngan 'das par nges par 'gyur/ /de'i tshe bcom ldan 'das kyis tshe dang ldan pa shA ri'i bu la bka' stsal pa shA ri'i bu de bas na rigs</font><hr>80.251b<br><font size=+1>

kyi bu 'am/ rigs kyi bu mo theg pa chen po la yang dag par zhugs pa bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dag gis/ byang chub sems dpa'i sde snod kyi chos kyi rnam grangs 'di la 'dun pa drag po bskyed de shin du mnyan par bya/ blang bar bya/ gzung bar bya/ bklag par bya/ kun chub par bya gzhan dag la brjod par bya gzhan dag la rgya cher yang dag par rab tu bstan par bya'o/ /de ci'i phyir zhe na/ byang chub sems dpa'i sde snod kyi chos kyi rnam grangs shin tu mnyan tam/ blangs sam/ bzung ngam/ kun chub par byas sam/ gzhan dag la brjod dam/ gzhan dag la rgya cher yang dag par rab tu bstan na/ dkon mchog gsum gyi gdung rgyun mi bcad par bya ba'i phyir zhugs pa yin no/ /tshad med pa bzhi dang mi 'bral ba yin no/ /pha rol tu phyin pa drug la brtson pa yin no/ /bsdu ba'i dngos po bzhis sems can rnams sdud par brtson pa yin no/ /shA ri'i bu gang 'di byang chub sems dpa'i sde snod kyi chos kyi rnam grangs 'di ni byang chub kyi lam yin no/ /de ci'i phyir zhe na/ bla na med pa yang dag par rdzogs pa'i byang chub ni byang chub sems dpa'i sde snod kyi chos kyi rnam grangs dang 'brel to/ /shA ri'i bu byang chub sems dpa' rnams kyi nor ni byang chub sems dpa'i sde snod kyi chos kyi rnam grangs kyi nang du bcug go/ /shA ri'i bu ngas byang chub sems dpa'i sde snod kyi chos kyi rnam grangs 'di la bslabs nas yang dag par chad pa rjes su thob bo/ /pha rol tu phyin pa thams cad kyi pha rol tu phyin pa yang rjes su thob po/ /pha rol tu phyin pa thams cad gang zhe na/ 'di lta ste/ bla na med pa yang dag par rdzogs pa'i byang chub kyi pha rol tu son pa'o/ /de bzhin gshegs pa pha rol tu phyin pa thams cad</font><hr>80.252a<br><font size=+1>

la des par byas pa/ de bzhin gshegs pa mdzad pa rgyun ma bcad pa/ rnam pa thams cad kyis tshad med pa rjes su thob pa/ de bzhin gshegs pas dpag tu med pa rjes su thob pa/ pha rol tu phyin pa thams cad rjes su thob pa/ pha rol tu phyin pa thams cad la shin du gnas pa'o/ /de nas bcom ldan 'das kyis de'i tshe tshigs su bcad pa 'di dag gsungs so/ /las kyi las dang rnam smin gyis/ rnam par smin pa shes par bya/ /las smin rnam smin ma yin gang / /de bde de ni mya ngan 'das/ /gang las shes pa med pa yi/ /'dus byas thams cad sdug bsngal te/ /de phyir shes pa bskyed pas ni/ 'dus byas kun las rnam par grol/ /bcom ldan 'das kyis de skad ces bka' stsal nas/ tshe dang ldan pa shA ri'i bu dang / dge slong de dag dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ byang chub sems dpa'i sde snod kyi le'u zhes bya ba ste/ bcu gnyis pa rdzogs so// //rgya gar gyi mkhan po a tsAr+ya su ren dra dang / shI len dra dang / a tsar+ya d+harma tA shI las bsgyur cing zhus te/ skad gsar chad kyi kyang bcos nas gtan la phab pa// </font><hr>

</table>