J322

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J322</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J322&coll=lithang">see text in Tibetan script</a></table>82.77a<br><font size=+1>

/'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u nyi shu rtsa gsum pa ste byams pa'i seng ge'i sgra chen po bstan pa/ bam po dang po/ rgya gar skad du/ Ar+ya mai tre ya ma hA sing ha nA da nA ma ma hA yA na sU tra/ bod skad du/ 'phags pa byams pa'i seng ge'i mdo/</font><hr>82.77b<br><font size=+1>

sgra chen po zhes bya ba theg pa chen po'i mdo/  sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong lnga stong tsam gyi dge slong gi dge 'dun chen po dang / byang chub sems dpa' sems dpa' chen po 'jam dpal gzhon nur gyur ba dang / spyan ras gzigs dbang phyug dang / mthu chen thob dang / dpal gyi snying po dang / byams pa la sogs pa byang chub sems dpa' brgyad stong dang thabs gcig tu bzhugs te/ de nas bcom ldan 'das 'khor 'bum phrag du mas yongs su bskor cing mdun gyis bltas te chos ston to/ /de'i tshe na tshe dang ldan pa 'od srung chen po 'khor de nyid du 'dus te 'dug par gyur to/ /de nas tshe dang ldan pa 'od srung chen po stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na bdag bcom ldan 'das de bzhin gshegs pa la phyogs 'ga' zhig zhu lags so/ /de skad ces gsol ba dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung khyod ci dang ci 'dod pa de bzhin gshegs pa la dris shig dang / ngas dris pa de dang de'i lung bstan pas khyod kyi sems rangs par bya'o/ /de skad ces bka' stsal pa dang / bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das rigs kyi bu 'am</font><hr>82.78a<br><font size=+1>

rigs kyi bu mo yongs su mya ngan las 'da' bar 'tshal bas legs par gsungs pa'i chos 'dul ba la rab tu byung nas ji ltar bslab par bgyi/ ji ltar spyad par bgyi/ ji ltar rnal 'byor tu bgyi lags/ de skad ces gsol pa dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung legs so legs so/ /'od srung khyod 'di ltar skye bo mang po la phan pa dang / skye bo mang po la bde ba dang / 'jig rten la rjes su snying brtse ba dang / lha dang mi rnams kyi skye bo phal po che'i don dang / phan pa dang bde ba'i phyir zhugs te/ khyod de bzhin gshegs pa la don de lta bu yongs su 'dri bar sems pa ni yang khyod legs so/ /'od srung de'i phyir khyod legs par rab tu nyon la yid la zung shig dang ngas khyod la bshad par bya'o/ /tshe dang ldan pa 'od srung chen pos bcom ldan 'das de bzhin no zhes gsol to/ /bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /'od srung 'di la rigs kyi bu 'am rigs kyi bu mo yongs su mya ngan las 'da' bar 'dod pas legs par gsungs pa'i chos 'dul ba la rab tu byung nas tshul khrims dang ldan pa dang / so sor thar pa'i sdom pas bsdams pa dang / cho ga phun sum tshogs pa dang / spyod yul phun sum tshogs pa dang / kha na ma tho ba phra rab tsam dag la yang 'jigs par lta ba dang / bslab pa'i gzhi rnams yang dag par blangs te bslab par bya'o/ /brkam chags med pa dang / tshul 'chos pa med pa dang / kha gsag med pa dang / gzhog slongs med pa dang / thob kyis 'jal ba med pa dang / rnyed pas rnyed par byed 'dod pa med pa dang / ngo tsha shes pa dang ldan pa dang / khrel yod pa dang ldan pa dang /</font><hr>82.78b<br><font size=+1>

'dzem pa dang ldan par bya'o/ /'khor ba la yid skrag pa dang / nges par 'byung ba la mkhas pa dang / nges par 'byung ba la mngon par brtson pa dang / 'khor ba la rtag tu yid skyo ba dang / mya ngan las 'da' ba la phan yon du blta bar bya zhing shing drung na 'dug kyang rung / ri la 'dug kyang rung / gnas khang na 'dug kyang rung / phug na 'dug kyang rung / des de bzhin gshegs pa rnam pa las yid la bya ste/ 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das gdung rgyud phun sum tshogs pa/ rigs phun sum tshogs pa/ dge ba'i rtsa ba phun sum tshogs pa/ tshul khrims kyis dpag tu med pa/ ting nge 'dzin dang / shes rab dang / rnam par grol ba dang / rnam par grol ba'i ye shes mthong bas dpag tu med pa/ sangs rgyas kyi chos thams cad kyis dpag tu med pa/ yon tan gyi chos bsam gyis mi khyab pa dang / gzhal du med pa dang / tshad med pa dang ldan pa/ bden pa gsung ba/ yang dag pa gsung ba/ ji skad gsung ba de bzhin du mdzad pa/ mi slu bar mdzad pa/ 'phags pa/ sman pa chen po/ zug rngu 'byin pa/ ma gsol bar bshes gnyen mdzad pa/ thugs rje dang ldan pa/ ded dpon chen po yin te/ de ni chos mya ngan las 'das pa/ zab pa zab par snang ba/ zhi ba zhi ba ston pa/ stong pa/ sems can med pa/ 'khrul pa med pa/ mtshan ma med pa/ mtshan ma yang dag par chad pa/ smon pa med pa/ smon pa dang bral ba/ spros pa med pa/ spros pa dang bral ba/ mthong bar dka' ba/ rtogs par dka' ba/ nye bar gtod pa/</font><hr>82.79a<br><font size=+1>

dngos po dang bral ba/ dben pa/ dben pa dang bral ba/ dngos po med pa/ dngos pos ma gos pa/ rgyu ba med pa/ rgyu ba yang dag par chad pa/ 'gro ba dang bral ba/ brjod du med pa/ brjod pa dang bral ba/ rlom sems med pa/ kun du bstan pa/ rnyog pa med pa/ rnyog pa dang bral ba/ blang ba med pa/ dor ba med pa/ sdug bsngal nye bar zhi ba/ sred pa yang dag par chad pa ston par mdzad pa/ yang dag par ston par mdzad pa yin no zhes rnam pa las yid la bya'o/ /'od srung de la dge slong gcig pu dben par song ste/ nang du yang dag 'jog la zhugs pas ni 'di ltar de bzhin gshegs pa rnam pa las yid la bya ste/ bdag gis mi'i lus thob cing rab tu byung ba dang / bsnyen par rdzogs pa dge slong gi dngos po yang thob/ bdag gis de bzhin gshegs pa yang mnyes par byas pas na bdag le lo byed pa dang / bya ba sna tshogs kyi 'du 'dzis g.yen spyo zhing gnas pa ni bdag gi mi cha'o/ /de ci'i phyir zhe na/ bdag la 'bras bu ma thob pa kho nar 'chi ba'i dus byed par 'gyur ba gang yin pa'i gnas de lta bu yang yod la/ sangs rgyas bcom ldan 'das rnams ni 'di lta ste/ dper na u dum ba ra'i me tog ltar brgya la brgya lam na 'jig rten du 'byung bar 'gyur bas de lta na bdag gis da ltar byung ba dang / ma byon pa'i sangs rgyas bcom ldan 'das rnams mnyes par byas par mi 'gyur ba'i phyir ro/ /zhes de ltar de bzhin gshegs pa rnam pa las yid la bya'o/ /'od srung de la dge slong gis ni khyod dang / gnas brtan rab 'byor kyi rjes su bslab par bya ste/ 'od srung 'di ltar khyod nga ma mthong ma thos par 'jig rten na dgra bcom pa yang dag par rdzogs pa'i sangs rgyas gang dag bzhugs pa de</font><hr>82.79b<br><font size=+1>

dag gi rjes su slob pa na rab tu byung ba ni 'od srung khyod chos 'dul ba 'di nyid la mdzes par gyur ba yin pa'i phyir ro/ /gang dag de bzhin gshegs pa mngon sum du mthong zhing mthong nas kyang nye bar 'ongs te/ rab tu 'byung ba dang bsnyen par rdzogs pa dge slong gi dngos po gsol bar byed pa de dag gi rab tu byung ba ni de'i 'og tu yang de bzhin gshegs pas rjes su mkhyen to/ /rigs kyi bu 'am/ rigs kyi bu mo don gyi dbang gnyis mthong bas ni legs par gsungs pa'i chos 'dul ba la rab tu 'byung bar khas blang bar bya ste/ gnyis gang zhe na/ tshe 'di la 'bras bu thob par 'gyur ba dang / ma 'ongs pa na bdag gis sangs rgyas kyi chos mthong ba'i rgyur 'gyur ba'o/ /'od srung de la skyes bu blun po kha cig de bzhin gshegs pa'i spyan sngar gos ngur smig dag bgos shing rab tu byung ba dang bsnyen par rdzogs pa dge slong gi dngos po khas blangs te bslab pa rnams blangs nas gnas khang du song ngam/ phug tu song ste sgo bcad nas 'dod pa'i rnam par rtog pa dag la rnam par rtog par byed cing / gnod sems kyi rnam par rtog pa dag dang / rnam par 'tshe ba'i rnam par rtog pa dag dang / lhung bzed dang / chos gos kyi rnam par rtog par rtog pa dag dang / mdza' bshes kyi khyim dang / slongs mo ster ba'i khyim gyi rnam par rtog pa dag la rnam par rtog par yang byed la/ de dag 'di snyam du yang sems te/ bdag cag ni de bzhin gshegs pas mi mkhyen mi rig rnam par mi rtogs so/ /snyam du yang sems so/ /'od srung gang gi tshe dge slong gnas khang na 'dug kyang rung / phug na 'dug kyang rung / 'chag sa na 'dug kyang rung ste/ 'dod pa'i rnam par rtog pa dag gam/ gnod sems kyi rnam par rtog pa dag gam/ rnam par</font><hr>82.80a<br><font size=+1>

'tshe ba'i rnam par rtog pa dag gam/ mi dge ba'i rnam par rtog pa rnam pa sna tshogs dag la rnam par rtog par byed pa de'i tshe gnas khang ngam / phug gam/ 'chag sa de na lha gang dag gnyug ma gnyug mar gnas pa de dag gis dge slong de'i sems sems kyis shes nas de dag 'di snyam du dge slong 'di gang gi phyir legs par gsungs pa'i chos 'dul ba la rab tu byung la sdig pa mi dge ba'i rnam par rtog pa de lta bu dag la rnam par rtog par byed pa ni mi rigs so snyam nas yi ma rangs pa dang / sdug bsngal ba dang / yid mi bde bar 'gyur te/ 'od srung de la lha de dag las kha cig ni skul bar yang byed/ kha cig gis ni snod ma yin par rig nas khyad du bsad de 'khod par yang byed do/ /'od srung ltos/ dge ba'i rtsa ba chung ngu dang / shes pa chung ngu dang ldan pa'i lha de dag gis kyang gzhan gyi sems shes nas de bzhin gshegs pa bskal pa bye ba khrag khrig 'bum phrag grangs med pa nas legs par spyod pa spyad pas lta smos kyang ci dgos/ 'od srung de bzhin gshegs pa la ni mi mkhyen pa 'am/ ma gzigs pa 'am/ thugs su ma chud pa 'am/ mngon sum du ma mdzad pa ci yang mi mnga' ste/ 'od srung de bzhin gshegs pa ni 'das pa dang / ma 'ongs pa dang / da ltar byung ba dang / dus las rnam par grol ba dang / brjod par mi bya ba'i shes bya rnam pa lnga la ye shes thogs pa med pa dang ldan zhing the tshom dang bral ba yin no/ /'od srung de lta bas na rigs kyi bu 'am/ rigs kyi bu mo legs par gsungs pa'i chos 'dul ba la rab tu byung bas bdag nyid rang la rag lus par shes nas de bzhin gshegs pas kyang bdag gi sems thugs kyis mkhyen la/ gang dag phyogs bcu mtha' yas mu med pa'i 'jig rten gyi khams na bzhugs te 'tsho zhing gzhes pa'i sangs rgyas bcom ldan 'das de dag gis</font><hr>82.80b<br><font size=+1>

kyang bdag gi sems thugs kyis mkhyen pas na bdag gis de bzhin gshegs pa'i bstan pa la rab tu byung nas dge sbyong gi chom rkun mi bya'o zhes bslab par bya'o/ /'od srung de la dge sbyong gi chom rkun gang zhe na/ bzhi po 'di dag ni dge sbyong gi chom rkun yin te/ bzhi gang zhe na/ 'od srung 'di la dge slong dge sbyong gi kha dog dang / rtags dang / dbyibs la gnas shing / de yang tshul khrims 'chal ba dang / sdig pa'i chos can yin par gyur na de ni dge sbyong gi chom rkun dang po yin no/ /dben pa'i gnas su song ste gnas pa na mi dge ba'i rnam par rtog pa dag la rnam par rtog par byed na de ni dge sbyong gi chom rkun gnyis pa yin no/ /bdag nyid 'bras bu ma thob cing so so skye bo yin par shes bzhin du rnyed pa dang / bkur sti dang / tshigs su bcad pa 'dod pas zil kyis non pas gzhan dag gi mdun du bdag nyid dgra bcom pa yin par khas 'che bar byed na de ni dge sbyong gi chom rkun gsum pa yin no/ /bdag la stod cing gzhan la smod par byed na de ni dge sbyong gi chom rkun bzhi pa yin te/ 'od srung bzhi po de dag ni dge sbyong gi chom rkun yin no/ /'od srung mi gtum pa/ brlang ba/ drag shul gyi las dang ldan pa/ nyam stobs dang ldan pa/ stobs chen po'i shugs dang ldan pa gang la la zhig byung bar gyur la/ 'od srung skyes bu des 'dzam bu'i gling pa'i mi gang ji snyed pa rnams dbyug pas brdegs sam/ mtshon kyis btab bam/ khu tshur gyis bsnun te pham bar byas sam/ nye bar spyad pa'i longs spyod mgron bu dang / gser dang / nor bu dang / mu tig dang / baidU r+ya dang / dung dang / man shel dang / byi ru dang / sa le sbram dang / dngul dang / rin po che sna tshogs dang / khang khyim dang / bzhon pa dang / gos dang / bza' ba dang / btung ba dang / mal cha dang / stan gyi nye bar spyad pa dang / yongs su spyad pa dang / dga' ba dang / rtse ba'i longs spyod ji snyed pa de dag</font><hr>82.81a<br><font size=+1>

thams cad bcom zhing phrogs te khyer bar gyur na/ 'od srung 'di ji snyam du sems/ gzhi de las mi de bsod nams ma yin pa mang du skyed snyam 'am/ 'od srung gis gsol ba/ bcom ldan 'das mang du skyed lags so/ /bde bar gshegs pa mang du skyed lags so/ /bcom ldan 'das kyis bka' stsal pa/ 'od srung khyod mos par bya/ khyod kyis khong du chud par bya ste/ gang zhig bdag nyid 'bras bu ma thob cing so so skye bo yin par shes bzhin du de rnyed pa dang / bkur sti dang / tshigs su bcad pa 'dod pas zil gyis non pas gzhan dag gi mdun du bdag nyid rgyun du zhugs pa yin par khas 'che bar byed cing / tha na bsod snyoms gcig tsam yongs su longs spyod par byed na de ni de bas ches bsod nams ma yin pa'i phung po mang du skyed de/ de ni de bas ches bsod nams ma yin pa'i phung po mi zad pa skyed pa yin no/ /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das ji tsam du de bzhin gshegs pas dpe bstan pas bsdam pa'i gnas bka' stsal pa de ni ngo mtshar lags te/ bcom ldan 'das dpe rin po che de lta bu thos na su zhig 'bras bu ma thob par tha na dad pas stsal pa chab snod gang tsam yang len par 'gyur lags/ bcom ldan 'das kyis bka' stsal pa/ 'od srung de de bzhin no/ /ji skad smras pa de bzhin te/ mgo dang gos la med 'bar ba lta bur gnas par bya zhing 'bras bu ma thob par tha na dad pas byin pa chu snod gang tsam yang blang bar mi bya'o/ /'od srung mi gnyis pa ches gtum pa/ ches brlang ba/ ches drag shul gyi las dang ldan pa/ ches nyam stobs dang ldan pa/ ches stobs chen po'i shugs dang ldan pa gang la la zhig byung bar gyur la/ 'od srung mi des gling bzhi pa'i 'jig rten gyi</font><hr>82.81b<br><font size=+1>

khams na mi gang ji snyed pa rnams dbyug pas brdegs sam/ mtshon kyis btab bam/ khu tshur gyis bsnun te pham par byas nas/ nye bar spyad pa'i longs spyod 'gron bu dang / gser dang / nor bu dang / mu tig dang / bai dU r+ya dang / dung dang / man shel dang / byi ru dang / sa le sbram dang / dngul dang / rin po che sna tshogs dang / khang khyim dang / bzhon pa dang / gos dang / bza' ba dang / btung ba dang / mal cha dang / stan gyi nye bar spyad pa dang / yongs su spyad pa dang / dga' ba dang / rtse ba'i longs spyod ci snyed pa de dag thams cad bcom zhing phrogs te khyer bar gyur na/ 'od srung 'di ji snyam du sems/ gzhi de las mi de bsod nams ma yin pa mang du skyed snyam 'am/ 'od srung gis gsol ba/ bcom ldan 'das mang du skyed lags so/ /bde bar gshegs pa mang du skyed lags so/ /bcom ldan 'das kyis bka' stsal pa/ 'od srung khyod mos par bya/ khyod kyis khong du chud par bya ste/ gang zhig bdag nyid 'bras bu ma thob cing so so'i skye bo yin par shes bzhin du rnyed pa dang / bkur sti dang / tshigs su bcad pa 'dod pas zil kyis non pas gzhan dag gi mdun du bdag nyid lan cig phyir 'ong ba yin par khas 'che bar byed cing tha na bsod snyoms gcig tsam yongs su longs spyod par byed na/ de ni de bas ches bsod nams ma yin pa'i phung po mang du skyed de/ de ni de bas ches bsod nams ma yin pa'i phung po mi zad pa skyed pa yin no/ /'od srung gling bzhi pa'i 'jig rten gyis khams na mi gang ji snyed pa thams cad kyi nye bar spyad pa'i longs skyod rnams lta zhog gi /'od srung mi gsum pa ches shin du gtum pa/ ches shin du brlang ba/ ches shin du drag shul gyi las dang ldan pa/ ches shin du nyam stobs dang ldan pa/ ches shin du stobs chen po'i shugs dang ldan pa gang la la zhig byung bar gyur la/ 'od srung mi des stong chung ngu'i 'jig rten gyi khams na/</font><hr>82.82a<br><font size=+1>

mi gang ji snyed cig skyes pa de dag dbyug pas brdegs sam/ mtshon gyis btab bam/ khu tshur gyis bsnun te pham par byas nas nye bar spyad pa'i longs spyod mgron bu dang / gser dang / nor bu dang / mu tig dang / bai dU r+ya dang / dung dang / man shel dang / byi ru dang / sa le sbram dang / dngul dang / rin po che sna tshogs dang / khang khyim dang / bzhon pa dang / gos dang / bza' ba dang / btung ba dang / mal cha dang / stan gyi nye bar spyad pa dang / yongs su spyad pa dang / dga' ba dang / rtse ba'i longs spyod ji snyed pa de dag thams cad bcom zhing phrogs te khyer bar gyur na/ 'od srung 'di ji snyam du sems/ gzhi de las mi de bsod nams ma yin pa mang du skyed snyam 'am/ 'od srung gis gsol ba/ bcom ldan 'das mang du skyed lags so/ /bde bar gshegs pa mang du skyed lags so/ /bcom ldan 'das kyis bka' stsal pa/ 'od srung khyod mos par bya/ khyod kyis khong du chud par bya ste/ gang zhig bdag nyid 'bras bu ma thob cing so so'i skye bo yin par shes bzhin du de rnyed pa dang / bkur sti dang / tshigs su bcad pa 'dod pas zil kyis non pas gzhan dag gi mdun du bdag nyid phyir mi 'ong ba yin par khas 'che bar byed cing tha na bsod snyoms gcig tsam yongs su longs spyod par byed na de ni de bas ches bsod nams ma yin pa'i phung po mang du skyed de/ de ni de bas ches bsod nams ma yin pa'i phung po mi zad pa skyed pa yin no/ /'od srung stong chung ngu phra mo'i 'jig rten gyi khams na mi gang ji snyed pa de dag thams cad kyi nye bar spyad pa'i longs spyod rnams lta zhog gi /'od srung mi bzhi pa ches shin du rab tu gtum pa/ ches shin du rab tu brlang ba/ ches shin du rab tu drag shul gyi las dang ldan pa/ ches shin du rab tu nyam stobs dang ldan pa/ ches shin du rab tu stobs chen po'i shugs dang ldan pa gang la la zhig byung bar gyur la/ 'od srung mi des stong</font><hr>82.82b<br><font size=+1>

gi 'jig rten gyi khams na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i sems can gang ji snyed pa de dag thams cad dbyug pas brdegs sam/ mtshon gyis btab bam/ khu tshur gyis bsnun te pham par byas nas/ nye bar spyad pa'i longs spyod mgron bu dang / gser dang / nor bu dang / mu tig dang / bai dU r+ya dang / dung dang / man shel dang / byi ru dang / sa le sbram dang / dngul dang / rin po che sna tshogs dang / khang khyim dang / bzhon pa dang / gos dang / bza' ba dang / btung ba dang / mal cha dang / stan gyi nye bar spyad pa dang / yongs su spyad pa dang / dga' ba dang / rtse ba'i yo byad ji snyed pa de dag thams cad bcom zhing phrogs te khyer bar gyur na/ 'od srung 'di ji snyam du sems/ gzhi de las mi de bsod nams ma yin pa mang du skyed snyam 'am/ 'od srung gis gsol pa/ bcom ldan 'das mang du skyed lags so/ /bde bar gshegs pa mang du skyed lags so/ /bcom ldan 'das kyis bka' stsal pa/ 'od srung khyod mos par bya/ khyod kyi khong du chud par bya ste/ gang zhig bdag nyid 'bras bu ma thob cing so so'i skye bo yin par shes bzhin du de rnyed pa dang / bkur sti dang / tshigs su bcad pa 'dod pas zil kyis non pas gzhan dag gi mdun du bdag nyid dgra bcom pa yin par khas 'che bar byed cing ci nas kyang gzhan dag gis bdag dgra bcom pa yin par shes par bya'o/ /snyam nas dgra bcom pa steng du 'byung bar yang byed/ dgra bcom pa'i dpe ston pa ltar dpe ston par yang byed la/ de ltar sdig pa can gyi 'dod pa de lta bu dang ldan pas/ tha na gzhan gyis byin pa'i dad pas byin pa bsod snyoms gcig tsam yongs su longs spyod par byed na/ de ni de bas ches bsod nams ma yin pa'i phung po mang du skyed de/ de ni de bas ches bsod nams ma</font><hr>82.83a<br><font size=+1>

yin pa'i phung po mi zad pa skyed pa yin no/ /'od srung de bas na gang stong gi 'jig rten gyi khams kyi sems can thams cad kyi bde ba'i yo byad thams cad 'phrog par mi spro ba de ni sdig can gyi 'dod pa de lta bu des dad pas byin pa yongs su longs spyod par byed de/ 'od srung ngas ni sdig pa can gyi 'dod pa de las gzhan pa rab tu byung ba'i chos shin du tha chad gcig shos gzhan ma mthong ngo / /'od srung bzhi po 'di dag ni nyan thos kyi theg pa ba rab tu byung ba'i sdig pa 'dod pa yin te/ bzhi gang zhe na/ ma 'ongs pa'i sangs rgyas mthong bar 'dod pa dang / 'khor los sgyur ba'i rgyal srid 'dod pa dang / gzhan yang rgyal rigs kyi rigs dag 'dod pa dang / bram ze'i rigs dag 'dod pa ste/ bzhi po de dag ni nyan thos kyi theg pa ba rab tu byung ba'i sdig pa 'dod pa yin no/ /gang du 'ga' zhig la smon par byed na/ cher na mya ngan las 'das pa la smon par byed na de yang de'i sdig pa 'dod pa nyid yin te/ de bzhin gshegs pas de las dgongs nas dge slong dag nga ni cher na phung po'i lhag ma dang bcas pa'i mya ngan las 'das pa yang rung ste/ skad cig tsam skye ba la yang bsngags pa mi brjod do zhes ston to/ /'od srung bzhi po 'di dag ni dge sbyong gi dri ma ste/ rab tu byung bas de dag thams cad kyi thams cad du mi bya'o/ /bzhi gang zhe na/ 'jig rten sa la mngon bar zhen pa dang / gang zag tu 'dzin pa dang / bslab pa las 'da' ba dang / ma 'ongs pa'i sangs rgyas mthong bar 'dod pa ste/ bzhi po de dag ni dge sbyong gi dri ma yin te/ rab tu byung bas de dag thams cad kyi thams cad du mi bya'o/ /'od srung dge sbyong dang / bram ze 'tsho ba yongs su dag pa/ sdig pa 'dod pa med pa/ tshul khrims dang ldan pa/ drang po'i rang bzhin can g.yo med pa/ sgyu can ma yin pa/ khengs pa ma yin pa</font><hr>82.83b<br><font size=+1>

yongs su mya ngan las 'da' ba 'dod pa rnams kyi ched du ngas bla na med pa yang dag par rdzogs pa'i byang chub mngon par rdzogs par sangs rgyas pas na 'od srung de dag dbugs 'byin par byed pa brjod par bya ste/ de thos na rnal 'byor pa rnal 'byor spyod pa dag dga' ba dang mgu bar 'gyur ro/ /'od srung rigs kyi bu 'am/ rigs kyi bu mo gang la la zhig gis gling chen po bzhi pa'i 'jig rten gyi khams na sems can gang ji snyed yod pa de dag thams cad la bskal pa 'am/ bskal pa las lhag par bde ba'i yo byad thams cad kyis bkur sti byas/ bla mar byas/ ri mor byas/ mchod pa byas pa bas ni yang dag par zhugs pa/ tshul khrims yongs su dag pa/ 'tsho ba yongs su dag pa zhig gis sbyin pa po gang gi dad pas byin pa tha na chu snod gang tsam zhig bdag gir byas par gyur na de nyid de la bsod nams kyi phung po ches rgya che bar 'gyur gyi/ gling chen po bzhi pa'i 'jig rten gyi khams kyi sems can thams cad la bskal pa 'am/ bskal pa las lhag par bde ba'i yo byad thams cad kyis bkur sti byas/ bla mar byas/ ri mor byas/ mchod pa byas pa de la ni de lta ma yin no/ /'od srung ji ltar mi blun po sdig pa 'dod pa dang ldan pa des gang gi drung nas chos gos sam/ bsod snyoms yongs su longs spyod pa de'i don de yongs su nyams par byed pa de ltar ni dgra bo dang / gshed ma dang / phyir rgol ba dang / phas kyi dgras kyang yongs su nyams par byed mi nus so/ /'od srung bzhi po 'di dag ni rab tu byung ba'i nyon mongs pa cha phra ba rnams yin te/ rab tu byung ba nyon mongs pa cha phra ba de dag dang ldan na 'di lta ste/ dper na mda' 'phangs pa de bzhin du sems can dmyal bar 'gro ba yin par brjod par bya'o/ /bzhi gang zhe na/ gzhan gyi rnyed pa la phrag dog gi chos nyid dang ldan pa dang / sdom pa dang ldan pa'i mdo sde thos</font><hr>82.84a<br><font size=+1>

nas tshul khrims kyi nyes pa 'byin par byed pa dang / de bzhin gshegs pa'i bka' las 'das sam/ bslab pa las 'das na lhag pa'i nga rgyal gyis 'chab par byed cing rnam par 'byed par mi byed/ 'chags par mi byed pa dang / shes shing rtogs bzhin du dad pas byin pa yongs su longs spyod par byed pa ste/ 'od srung bzhi po de dag ni rab tu byung ba'i nyon mongs pa cha phra ba rnams yin te/ rab tu byung ba nyon mongs pa cha phra ba de dag dang ldan na 'di lta ste dper na mda' 'phangs pa de bzhin du sems can dmyal bar 'gro ba yin par brjod par bya'o/ /'od srung bzhi po 'di dag ni dge sbyong ltar bcos pa yin te/ bzhi gang zhe na/ tshul khrims 'chal pa dang / bdag tu lta ba dang / dam pa'i chos spong ba dang / 'jig rten rgyang pan pa ste/ bzhi po de dag ni dge sbyong ltar bcos pa yin no/ /'od srung bzhi po 'di dag ni rab tu byung ba'i rgyags shing bag med pa yin te/ rab tu byung ba rgyags shing bag med pa de dag dang ldan na sems can dmyal bar 'gro ba yin par brjod par bya'o/ /bzhi gang zhe na/ mang du thos pas rgyags shing de mang du thos pas bag med par 'gyur ba dang / rnyed pa dang / bkur sti dang / tshigs su bcad pas rgyags shing de rnyed pa dang / bkur sti dang / tshigs su bcad pas zil kyis non pas bag med par 'gyur ba dang / mdza' bshes kyi khyim dang / slongs mo ster ba'i khyim gyis rgyags shing de mdza' bshes kyi khyim dang / slongs mo ster ba'i khyim gyis spags pas bag med par 'gyur ba dang / sbyangs pa'i yon tan dang / yo byad bsnyungs pas rgyags shing de sbyangs pa'i yon tan dang / yo byad bsnyungs pas rgyags pas bdag la bstod par byed/ gzhan la smod par byed pa de ni bag med pa zhes bya ste/ 'od srung bzhi po de dag ni rab tu byung ba'i rgyags shing bag med pa yin te/ rab tu byung ba rgyags shing bag med pa de dag dang ldan na sems can</font><hr>82.84b<br><font size=+1>

dmyal bar 'gro ba yin par brjod par bya'o/ /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das slad ma'i tshe slad ma'i dus lnga brgya pa tha ma la dge sbyong ltar bcos pa ngur smrig 'tshal ba gang dag de bzhin gshegs pas bskal pa bye ba grangs ma mchis par yang dag par bsgrubs pa'i bla na med pa yang dag par rdzogs pa'i byang chub 'di nub par bgyid par 'gyur ba ci 'dra ba dag 'byung bar 'gyur lags/ de skad ces gsol ba dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung de bzhin gshegs pa la gtam 'di yongs su dris pas khyod la ci byas thong shig /de ci'i phyir zhe na/ 'od srung gal te de bzhin gshegs pas mi blun po de dag gi sdig pa 'dod pa dang / yang dag pa ma yin par 'dzin pa dang / g.yo dang / chom rkun dang / phyin ci log dang / bdud kyi nyes pa dang / bdud kyi byin gyis brlabs kyi skyon yang dag thams cad brjod cing yang dag par bshad par gyur na/ 'od srung khyod kyis skyes bu dam pa ma yin pa de dag gi sdig pa kun spyod pa de dag thos na yang dag pa ma yin yang snang bar mi 'gyur ba'i phyir ro/ /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das bcom ldan 'das de bzhin gshegs pas chos 'dul ba 'di ci nas kyang / yun ring du gnas par 'gyur bar byin gyis brlab tu gsol/ de nas bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung de bzhin gshegs pa ni ring po mi thogs par yongs su mya ngan las 'da' bar 'gyur ro/ /'od srung gis gsol pa/ bcom ldan 'das 'di lta ste/ dam pa'i chos kun du bsrung ba'i slad du bcom ldan 'das de bzhin gshegs pa bskal pa 'am/ bskal pa las lhag par</font><hr>82.85a<br><font size=+1>

bzhugs su gsol/ de skad ces gsol ba dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung gal te sangs rgyas stong snyed cig gis mi blun po de dag la cho 'phrul dang bcas pa'i chos bstan du zin kyang skyes bu dam pa ma yin pa de dag sdig pa 'dod pa dang / sdig pa 'dzin pa de dag las phyir gzung ba 'am/ bzlog par mi spyod do/ /'od srung gzhan yang khyod phyi ma'i dus lnga brgya tha ma la dam pa'i chos bsrung bar spro 'am/ sems can bsam ba dge ba gang dag khyod kyis bshad pa la gus par nyan pa skyed par 'gyur ba dag kyang 'byung bar 'gyur ro/ /de skad ces bka' stsal pa dang / bcom ldan 'das gnas brtan 'od srung chen pos 'di skad ces gsol to/ /bcom ldan 'das bdag gling bzhi pa'i 'jig rten gyi khams na grong dang / grong khyer dang / grong rdal dang bcas pa/ brag dang ri bo'i zom dang bcas pa/ rgya mtsho dang / chu klung dang / nags tshal dang bcas pa 'di bskal pa 'am/ bskal pa las lhag par phrag pa 'am/ spyi bo la 'tshal bar ni spro lags kyi/ bcom ldan 'das bdag skyes bu dam pa ma lags pa de dag gi log par smra ba'i sug las de dag nyan par ni mi spro lags so/ /bcom ldan 'das bdag rgya shug gam/ til lam/ 'bras bu gcig gis bskal pa 'am/ bskal pa las lhag par 'tsho bar ni spro lags kyi/ bcom ldan 'das skyes bu dam pa ma lags pa de dag gi log par smra ba'i sug las de dag nyan par ni mi spro lags so/ /bcom ldan 'das bdag stong gsum gyi stong chen po'i 'jig rten gyi khams su bskal pa'i zhugs chen po 'bar/ kun du 'bar/ kun du rab tu mched cing 'bar bar gyur ba'i nang du spyod lam bzhi po dag gis dgung lo bye ba snyed du gnas par ni spro lags kyi/ bcom ldan 'das bdag</font><hr>82.85b<br><font size=+1>

skyes bu dam pa ma lags pa de dag gi log par smra ba'i sug las de dag nyan par ni mi spro lags so/ /bcom ldan 'das bdag sems can thams cad la khro ba dang / skyo ba dang / smad pa dang / bshung ba dang / bsdigs pa dang / brdeg btsog dag bzod pas dang du len par ni spro lags kyi/ bcom ldan 'das bdag mi blun po chos kyi rkun po/ chos kyi chom rkun po/ chos la mu cor smra ba/ chos ltar bcos pa ston pa dag gi log par smra ba'i sug las de dag nyan par ni mi spro lags te/ bcom ldan 'das bdag ni nyi tshe bar spyod pa nyi tshe ba'i shes pa dang ldan pa lags pas de lta bu'i khur 'deg pa'i rdo mi thogs lags kyi/ bcom ldan 'das byang chub sems dpas ni de lta bu'i khur 'deg par rdo thog lags so/ /bcom ldan 'das gzhan yang 'di la bdag dper brjod par spobs lags te/ bcom ldan 'das 'di lta ste dper bgyi na mi la la zhig rgas shing gtugs la 'khogs par gyur cing de yang na tshod dgung lo brgya nyi shu tsam lags par gyur la/ mi de bro nad kyis thebs shing glo ba mi bde nas mchis mal gyi khri steng du mchis nyal bar gyur na mi shes rab 'chal pa'i rang bzhin can phyug la nor mang ba/ longs spyod che ba la la zhig der mchis nas mi mchis mal gyi khri steng na mchis nyal ba de la kye skyes bu kho bo'i gter 'di khyod la gdams kyis kho bo gang gi tshe lo bcu 'am/ nyi shu tsam na yul gzhan nas phyir 'ong ba de'i tshe khyod kyis gter 'di kho bo la phyir byin cig ces de'i sug par gter 'doms par bgyid cing de ltar gtams nas yul gzhan du mchis par gyur la/ mi mchis mal gyi khri stengs na mchis nyal ba de bu yang ma mchis/ bu mo yang ma mchis/ 'khor kyang ma mchis la/ de nas mi de yul gzhan du mchis nas ring po ma lags par de yang 'gum pa'i dus bgyis par gyur na nor gyi tshogs de dag thams cad</font><hr>82.86a<br><font size=+1>

kyang chab 'tshal bar gyur ba'i slad na/ mi de slar mchis na su la ji skad bgyid yang ma mchis pa de bzhin du bcom ldan 'das gang zhig nyan thos nyi tshe bar spyod pa/ nyi tshe ba'i shes pa dang ldan pa/ zla bo ma mchis pa/ yun ring por mi gnas pa la dam pa'i chos kyi gter 'doms par bgyid na de yang yun ring du gnas par mi 'gyur bar 'tshal bar bgyi lags so/ /bcom ldan 'das kyis bka' stsal pa/ 'od srung legs so legs so/ /ngas kyang de ltar shes te/ 'on kyang khyod la dpe'i spobs pa de lta bu thos na skyes bu dam pa ma yin pa de dag kun du skyo ba'i sems skye bar 'gyur bas na ngas shes bzhin du khyod la dris pa yin no/ /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das 'di la bdag dpe gnyis pa brjod par yang spobs lags te/ bcom ldan 'das 'di lta ste dper bgyi na mi bro nad ma mchis pa'i rang bzhin can bro nad dang bral ba/ dgung lo 'bum phrag du mar 'tsho ba/ gzhon nu thor bu lang tsho la bab pa/ g.yog 'khor phun sum tshogs pa/ longs spyod phun sum tshogs pa/ rus phun sum tshogs pa/ rigs phun sum tshogs pa/ dge ba'i ngang tshul can/ byams pa dang ldan pa/ snying rje che ba/ yid dga' ba dang ldan pa/ sems can gyi skyon dang / nyon mongs pa'i skyon rnams la btang snyoms su 'jog pa/ skye bo mang po la sman pa dang / skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang / sman pa dang bde ba'i slad du zhugs pa/ rtul ba brtan pa la la zhig mchis par gyur la/ skyes bu dam pa de'i gan du mi la la zhig mchis nas 'di skad ces skyes bu kho bo'i gter 'di khyod la gdams kyis khyod kyis gter 'di legs par sba ba dang /</font><hr>82.86b<br><font size=+1>

legs par bsrung bar gyis shig /kho bo gang gi tshe lo bcu 'am/ nyi shu tsam na yul gzhan nas phyir 'ong ba de'i tshe khyod kyis gter 'di kho bo la phyir byin cig ces smras te/ de'i sug par gter de gdams na mi de ni gter de blangs nas legs par sbed pa dang / srung bar bgyid cing mi de slar mchis nas kyang gter de slar stsol bar bgyid pa de bzhin du/ bcom ldan 'das gang zhig byang chub sems dpa' la dam pa'i chos kyi gter 'doms par bgyid na de ni bskal pa bye ba khrag khrig 'bum phrag mang por yang chab 'tshal bar mi 'gyur zhing skye bo mang po la yang sman thogs par 'gyur la/ sangs rgyas kyi gdung dang / chos kyi gdung dang / dge 'dun gyi gdung rgyun mi 'chad par yang 'gyur lags so/ /bcom ldan 'das bdag gis ni byang chub sems dpas gang yongs su sgrub par bgyid pa'i bgyi ba de dang / don de yongs su bsgrub par rdo mi thog lags kyi/ bcom ldan 'das byang chub sems dpa' sems dpa' chen po byams pa 'khor 'di nyid du 'dus te mngon sum du mchis lags pas/ bcom ldan 'das kyis 'di la bka' stsol cig dang / 'dis ni slad ma'i tshe slad ma'i dus lnga brgya pa tha ma la dam pa'i chos nub par 'gyur ba'i dus kyi tshe na de bzhin gshegs pas bskal pa bye ba grangs ma mchis par yang dag par bsgrubs pa'i bla na med pa yang dag par rdzogs pa'i byang chub 'di 'dzin par 'gyur/ rgyas par bgyed par 'gyur lags so/ /de ci'i slad du zhe na/ bcom ldan 'das 'di ltar byang chub sems dpa' sems dpa' chen po byams pa 'di ni de bzhin gshegs pa'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags pa'i slad du ste/ bcom ldan 'das 'di lta ste dper bgyi na rgyal po rgyal rigs spyi bo nas dbang</font><hr>82.87a<br><font size=+1>

bskur ba'i bu thu bo gang lags pa de ni rgyal po'i 'og tu rgyal srid bgyid du stsol par 'gyur ba lags pas de ni rgyal po rgyal rigs spyi bo nas dbang bskur ba de nyid mchis bzhin du yang rgyal srid la spro bar bgyid cing chos dang ldan par yang gyur na/ de 'di snyam du yang sems lags te/ rgyal po rgyal rigs spyi bo nas dbang bskur ba 'di'i 'og tu ni bdag gis rgyal po bgyi'o snyam nas dbugs 'byin pa thob par yang 'gyur zhing / 'di ltar rgyal po'i bgyi ba gang dag lags pa de dag la yang mngon par brtson par bgyid pa de bzhin du/ bcom ldan 'das de bzhin gshegs pa 'das pa na/ byang chub sems dpa' sems dpa' chen po byams pa 'di yang 'di lta ste/ dam pa'i chos kyi rgyal srid kyi rgyal srid chen po bgyid du stsal bar 'gyur ba lags pas 'dis ni dam pa'i chos kun du srung pa la mngon par brtson par bgyi 'tshal lags so/ /de skad ces gsol ba dang / bcom ldan 'das kyis gnas brtan 'od srung chen po la 'di skad ces bka' stsal to/ /'od srung legs so legs so/ /ji skad smras pa de bzhin no/ /de nas bcom ldan 'das kyis phyag g.yas pa gser gyi mdog can brkyang nas bskal pa bye ba grangs med par dge ba'i rtsa bas yang dag par bsgrubs pa'i phyag 'jam pa/ mchog tu mnyen pa/ ka tsa lin di ltar reg na bde ba rgya skyegs kyi khu bas bsgos pa'i mdog 'dra ba byang chub sems dpa' sems dpa' chen po byams pa'i mgo bor bzhag ste byugs nas 'di skad ces bka' stsal to/ /byams pa khyod phyi ma'i tshe phyi ma'i dus lnga brgya pa tha ma la dam pa'i chos nub par 'gyur ba'i dus la bab pa'i tshe na dam pa'i chos kun du bsrung ba dang / yun ring du gnas par 'gyur ba dang / yongs su gzung ba dang / sangs rgyas dang / chos dang / dge 'dun gyi gdung rgyun mi 'chad par bya ba'i phyir</font><hr>82.87b<br><font size=+1>

spro bar gyis shig /bcom ldan 'das kyis byang chub sems dpa' sems dpa' chen po byams pa'i spyi bor phyag g.yas pa gser gyi mdog can bzhag ma thag tu de nas skad cig de nyid la stong gsum gyi stong chen po'i 'jig rten gyi khams 'di lan gsum du rab tu g.yos te/ g.yos/ rab tu g.yos/ kun du rab tu g.yos/ 'gul/ rab tu 'gul/ kun du rab tu 'gul/ ldeg /rab tu ldeg /kun du rab tu ldeg cing / 'jig rten du snang ba chen po yang byung bar gyur/ sa bla ba dang / bar snang la gnas pa dang / 'og min gyi bar gyi lha rnams kyis kyang thal mo sbyar te/ byang chub sems dpa' sems dpa' chen po byams pa la 'phags pa byams pa khyod skye bo mang po la sman pa dang / skye bo mang po la bde ba dang / 'jig rten la thugs brtse ba dang / lha dang mi rnams kyi skye bo phal po che'i don dang / sman pa dang / bde ba'i slad du dam pa'i chos kun du bsrung ba dang / yun ring du gnas par bgyi ba dang / yongs su gzung bar spro bar mdzod cig ces smras so/ /de nas byang chub sems dpa' sems dpa' chen po byams pa stan las langs te bla gos phrag pa gcig tu gzar nas dpus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag ni sems can gcig gi don gyi slad du yang slad ma'i mtha'i mu'i bar du 'khor ba na 'khor bar yang spro lags na dam pa'i chos yongs su gzung ba'i slad du lta smos kyang ci 'tshal te/ bcom ldan 'das bdag gis de bzhin gshegs pas bskal pa bye ba grangs ma mchis par yang dag par bsgrubs pa'i bla na med pa yang dag par rdzogs pa'i byang chub 'di kun du bsrung ba dang / rgyas par bgyi lags so/ /byang chub sems dpa' sems dpa' chen po byams pas pus mo g.yas pa'i</font><hr>82.88a<br><font size=+1>

lha nga sa la btsugs ma thag tu de nas yang stong gsum gyi stong chen po'i 'jig rten gyi khams 'di rnam pa drug tu rab tu g.yos so/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das bdag ni su la yang 'gran par mi bgyid/ nga rgyal mi bgyid lags so/ /de ci'i slad du zhe na/ bcom ldan 'das 'di lta ste dam pa'i chos yongs su gzung ba 'di dag ni skyes bu dam pa'i sug las lags te/ bcom ldan 'das byang chub sems dpas khur gang 'deg par bgyid pa'i khur de lta bu de ni nyan thos dang / rang sangs rgyas kyis 'deg par rdo mi thog pa'i slad du'o/ /de nas bcom ldan 'das kyis byang chub sems dpa' sems dpa' chen po byams pa la legs so zhes bya ba byin te/ byams pa legs so legs so/ /ji ltar nga'i spyan snga na khyod dam pa'i chos yongs su gzung ba'i phyir seng ge'i sgra 'di lta bu sgrogs par byed pa de bzhin du phyogs bcu'i sangs rgyas bcom ldan 'das gang gA'i klung gi bye ma snyed dag gi spyan snga dag na yang byang chub sems dpa' rnams seng ge'i sgra sgrogs shing dam pa'i chos yongs su 'dzin par byed do/ /de skad ces bka' stsal ba dang / bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das bcom ldan 'das de bzhin gshegs pas skyes bu dam pa ma lags pa/ byang chub sems dpar mchid kyis 'che ba/ dge sbyong du mchid kyis 'che ba/ glen pa/ blun po/ rnyed pa dang bkur sti 'tshal ba/ rnyed pa dang / bkur sti la gdu ba/ mdza' bshes kyi sdum pa dang / slongs mo ster ba'i sdum pa la gdu ba/ bsod snyoms la sbyor bar brtson pa de dag gi ni nongs pa'i gnas bdag la bka' stsal du gsol/ de ci'i slad du zhe na/ bcom ldan 'das 'di ltar</font><hr>82.88b<br><font size=+1>

bdag gis rgyu de dag thos nas de dag rtogs pas myur ba myur bar spong bar bgyid cing / nongs pa de dag las bdag 'di srung bar bgyid pa dang / skyes bu dam pa ma lags pa de dag las kyang la la de bzhin gshegs pas bdag mkhyen cing de bzhin gshegs pas bdag rtogs so/ /rab tu rtogs so zhes de bzhin gshegs pa la dang ba skye bar 'gyur ba'i slad du'o/ /de skad ces gsol ba dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /byams pa de'i phyir legs par rab tu nyon la yid la zung shig dang / skyes bu dam pa ma yin pa de dag gi nyes pa'i gnas gang yin pa cung zad tsam zhig bstan par bya ste/ byams pa de la phyi ma'i tshe phyi ma'i dus lnga brgya pa tha ma la byang chub sems dpa' khas 'che ba mang po 'byung ba de dag gi sdig pa 'dod pa gang dag yin pa de dag bshad par bya'o/ /byams pa byang chub sems dpa' chos bzhi dang ldan na byang chub sems dpa' khas 'che bar rig par bya ste/ bzhi gang zhe na/ rnyed pa 'dod pa dang / bkur sti 'dod pa dang / g.yo byed pa dang / yang ba'i 'tsho bas 'tsho bar byed pa yin te/ byams pa byang chub sems dpa' chos bzhi po de dag dang ldan na byang chub sems dpar khas 'che ba yin par rig par bya'o/ /byams pa de la phyi ma'i tshe phyi ma'i dus lnga brgya pa tha ma la byang chub sems dpar khas 'che ba/ khyi'i chos kun du spyod pa mang po dag 'byung bar 'gyur te/ byams pa 'di lta ste dper na khyi ni sngon lan 'ga' phyin pa'i khyim gzhan zhig tu khyi gzhan zhig rgyang ring po nas 'ong ba mthong na khyim 'di ni bdag gi yin no snyam nas de la zugs par byed/ 'khren skad 'byin/ khro bas lta bar byed/ gnod sems kyi nyes pa skyed par byed de/ gzhan gyi khyim bdag gir byed cing bdag gi yin par 'du shes skyed</font><hr>82.89a<br><font size=+1>

par byed do/ /byams pa de bzhin du phyi ma'i tshe phyi ma'i dus lnga brgya pa tha ma la byang chub sems dpar khas 'che ba/ khyi'i chos kun du spyod pa mang po 'byung bar 'gyur ba gang dag yin pa de dag kyang gzhan gyi khyim dang / gzhan gyi grong dag la bdag nyid kyi yin par 'du shes skyed par byed cing / bdag nyid kyi yin par 'du shes bskyed nas kyang yongs su 'dzin par byed de/ dge slong des sngon phyin pa'i khyim der dge slong gzhan zhig 'ong ba mthong na de khyim 'di ni bdag gi yin no snyam nas khro bas lta bar byed/ gnod sems skyed par byed/ thab mo dang / 'thab pa dang / rtsod pa dang / 'gyed pa skyed par byed/ phan tshun dbyen gyi tshig smra bar byed/ tshig rtsub po rdzod par byed/ gcig la gcig dge slong che ge mo zhes bya ba la nyes pa 'di lta bu yod do/ /dge slong ma dge mo zhes bya ba la nyes pa 'di lta bu yod do zhes mi snyan par rjod par byed cing khyim bdag la yang gal te khyod kho bo dang bsten par 'dod na/ dge slong che ge mo zhig dang bsten par mi bya zhing dge slong mang dge mo zhig dang yang ma sten cig ces zer te/ de dag ni skyugs pa'i rgyur gyur pa/ ring du mi gnas pa/ smad par bya ba'i kha zas tsam gyi phyir bsod nams ma yin pa mang po skyed pa yin no/ /de dag ni yi dgas kyi chos kun du spyod cing dbul ba dang / sems dman pa dang / ser sna dang ldan pa dang / bdag nyid gso bar byed pa yin te/ byang chub sems dpa'i ming gis byang chub sems dpa' yin par khas 'che bar byed cing / bdag nyid tshul khrims 'chal pa dang / sdig pa can gyi 'dod pa dang ldan pa dang / sdig pa kun du spyod pa yin bzhin du sangs rgyas kyi bsngags pa brjod/ sangs rgyas kyi ye shes kyi bsngags pa brjod cing byang chub sems dpa' bsam pa phun sum tshogs pa gzhan dag gi bsngags</font><hr>82.89b<br><font size=+1>

pa yang brjod nas zas dang gos sgrub par yang byed do/ /byams pa 'di ltar seng ge'i sgra bsgrag cing seng ge'i las rnams bya ba'i rigs ba wa'i sgra sgrogs shing wa'i las rnams byed pa dang / bdog pa thams cad yongs su gtong ba'i bsngags pa rjod par byed cing 'jig rten gyi zang zing yun mi ring ba yongs su gtong bar mi byed la/ ser snas zil gyis non cing yo byad kyi dri mas spags pa de dag gis gtong ba phyi rol du byas pa dang / phan pa'i dngos po'i bsngags pa rjod par byed cing gnod sems dang / thab dang / khong khro ba'i nyes pa mang po dang / bzod pa'i bsngags pa rjod par byed cing gcig tu gnod sems kyi sems su byed pa dang / bsdu ba'i dngos po bzhi po dag gi bsngags pa rjod par byed cing sems can 'ga' yang sbyin pa 'am/ snyan par smra ba 'am/ don spyod pa 'am/ don 'thun par sdud par mi byed pa de dag ji tsam du mi zad par 'gyur ba la ltos/ de dag ni tshig tsam gyi dngos por 'gyur ba yin gyi/ de dag yon tan yang dag par blang ba dang / 'dres pa'i spyod pas byang chub sems dpa' brtson 'grus la mos pa'i rjes su slob par byed pa ni ma yin no/ /byams pa sngon byung ba 'das pa'i dus na bskal pa grangs med pa dang / ches grangs med pa dang / ches shin du grangs med pa dang / rgya che ba dang / tshad med pa dang / bsam gyis mi khyab pa dang / dpag tu med pa dag 'das pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas ye shes bla ma zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shig 'jig rten du byung ste/ byams pa de bzhin gshegs pa de yang 'di lta ste dper na da ltar nga bzhin du snyigs ma lnga dang ldan pa</font><hr>82.90a<br><font size=+1>

kho na'i 'jig rten du byung ngo / /byams pa de'i tshe na dge slong brtson 'grus mos shes bya ba dran pa dang ldan pa/ rtogs pa dang ldan pa/ blo dang ldan pa/ 'dod pa chung ba/ chog shes pa/ de bzhin gshegs pa'i gsung rab la nan tan byed pa zhig byung bar gyur te/ de grong khyer dang / grong rdal dang / rgyal po'i pho brang dang / yul 'khor de dag tu song ste phyin pa dang / chos ston par byed cing rgyal po dang / blon po chen po dang / skye bo phal po che gzhan dag gis kyang ri mor byas mchod pa byas/ bkur sti byas/ bla mar byas/ shes par byas/ yongs su shes par byas so/ /de khyim gang du zhugs shing gang las tshig snyan pa dang / bdag la gus par nyan pa dang / bza' ba dang / btung ba thob par gyur ba'i khyim der ni lan gnyis su 'gro bar sems skyes par mi byed do/ /de 'jungs pa dang / ma dad pa dang / log par lta ba dang ldan pa'i khyim gzhan dag tu song zhing de dag tu son pa dang / de la de dag 'ongs pa legs so zhes kyang mi zer/ de dag tshig snyan pa yang mi brjod pa'i steng du de la khro bar byed/ gshe bar byed na yang de bzod pa'i go bgos shing snying rje chen po la gnas pas 'gro la khyim de dag tu yongs su gdung bar mi 'gyur zhing yid mi bde bar mi 'gyur ro/ /byams pa byang chub sems dpa' brtson 'grus mos des khyim gang dag dad par byas pa de dag ni 'di lta ste chos gos dang / bsod snyoms dang / mal cha dang / stan dang / na ba'i gsos sman dang / yo byad dag gis dge sbyong gzhan dag gi nye bar 'tsho bar 'gyur ro/ /byams pa 'di ji snyam du sems/ de khyim de dag tu yang 'gro bar mi byed cing 'gro bar sems skyed par yang mi byed mod kyi/ 'on kyang de de dag la phrag dog dang / ser sna'i sems skyed par byed snyam 'am/ byams pas gsol pa/ bcom ldan 'das de ni ma lags so/ /bde bar gshegs pa de ni ma lags so/ /</font><hr>82.90b<br><font size=+1>

bcom ldan 'das kyis bka' stsal pa/ byams pa de ltar byang chub sems dpa' brtson 'grus mos de khyim gang dag nas tshig snyan pa dang / bdag la gus par nyan pa dang / bza' ba dang / btung ba rnyed pa'i khyim de dag mngon par dad par byas shing dge slong gzhan dag gi nye bar 'tsho bar byas nas/ de dag tu lan gnyis su 'jug par mi byed pa dang / 'jungs pa dang / ma dad pa dang / log par lta ba dang ldan pa'i khyim gang dag yin pa de dag dad par byed cing de dag khro zhing gshe na yang yongs su gdung bar mi 'gyur zhing yid mi bde bar mi 'gyur ba'i phan pa'i dngos po nyid dang / lhag pa'i bsam pa nyid dang / 'dod pa chung ba nyid dang / chog shes pa nyid dang / nges pa nyid dang / snying rje dang ldan pa nyid la ltos/ byams pa de ltar na sngon gyis byang chub sems dpa' rnams ni khyim bdag dad par byas shing gzhan gyi nye bar 'tsho bar byed kyi/ bdag nyid kyi chos gos dang / bsod snyoms kyi don du byed pa ni ma yin no/ /byams pa de'i tshe de'i dus na byang chub sems dpa' brtson 'grus mos shes bya bar gyur ba de gzhan zhig yin pa snyam du khyod yid gnyis dang / the tshom za bar gyur na khyod kyis de ltar mi blta ste/ nga nyid de'i tshe de'i dus na byang chub sems dpa' brtson 'grus mos shes bya bar gyur to/ /byams pa de lta bas na byang chub sems dpa' khyim rnams su 'gro bar 'dod pas ni byang chub sems dpa' brtson 'grus mos de'i rjes su bslab par bya/ de las gzhan pa'i byang chub sems dpa' lhag pa'i bsam pa phun sum tshogs pa dag gi rjes su yang bslab par bya zhing de dag gi chos kun du spyad par yang bya'o// // bam po gnyis pa/ byams pa yang phyi ma'i tshe phyi ma'i dus na lnga brgya pa tha ma la byang chub sems dpar khas 'che ba'i dge slong kha cig 'byung bar 'gyur te/ de dag ni 'di lta ste rnyed pa dang / chos gos dang / bsod snyoms</font><hr>82.91a<br><font size=+1>

kyi don du khyim rnams su 'gro bar 'gyur gyi/ khyim pa rnams dad pa la dgod pa'i phyir ni ma yin no/ /de dag ni gcig la gcig bsngags pa ma yin pa brjod pa dang / 'byed pa dang / rtsod pa'i rang bzhin can du 'gyur ro/ /de dag ni ji ltar gzhan dag gis ma rnyed pas yi rangs par 'gyur ba ltar bdag nyid kyis rnyed pas ni de lta ma yin la/ ji ltar gzhan dag gis rnyed pas yid mi bde bar 'gyur ba ltar bdag nyid kyis ma rnyed pas ni de ltar ma yin no/ /byams pa 'di ltar byang chub sems dpas ni bdag nyid kyi bde ba'i yo byad de dag thams cad la mi blta bar gzhan dag la sbyin par bya ba yin na/ de dag ji tsam du phyin ci log tu 'gyur ba la ltos/ de ci'i phyir zhe na/ byams pa 'di ltar des ni bdag gis sems can thams cad la bde ba bskyed par bya'o/ /zhes snying rje chen po sngon du btang ba'i sems bskyed pa'i phyir ro/ /byams pa 'di lta ste dper na tshong dpon nam khyim bdag cig la bu gcig pa sdug pa phangs pa yid du 'ong ba zhig bdog par gyur ba de la lan 'ga' zhig gi phyir rgyal pos btson rar bcug par gyur na byams pa 'di ji snyam du sems/ tshong dpon nam/ khyim bdag de yid la byed pa'i sems ji lta bu dag gis rgyal po'i btson ra der 'jug par 'gyur snyam/ de skad ces bka' stsal pa dang / bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das de ni 'di ltar bu gcig pa de thar par bgyi ba'i bsam pas bdag gis bu gcig pa 'di btson ra 'di nas myur du thar par bgyi'o/ /snyam nas bu gcig pa yid la bgyid pa kho na dag gis btson ra der 'jug par bgyid de/ thar pa yid la bgyid pa dag gis 'jug cing 'byung bar bgyid lags so/ /bcom ldan 'das kyis bka' stsal pa/ byams pa ngas dpe de ni don shes par bya ba'i phyir brjod pa yin te/ 'dir don kyang gang</font><hr>82.91b<br><font size=+1>

zhig yin par blta bar bya zhe na/ byams pa 'di lta ste dper na rgyal po'i btson ra de ji lta ba de bzhin du ni 'khor ba'i btson ra blta bar bya'o/ /byams pa 'di lta ste dper na tshong dpon nam/ khyim bdag de ji lta ba de bzhin du ni byang chub sems dpa' blta bar bya'o/ /byams pa 'di lta ste dper na bu gcig pa ji lta ba de lta bu ni byang chub sems dpa' sems can thams cad la bu gcig pa dang 'dra ba'i 'du shes bskyed par bya ba blta bar bya'o/ /byams pa 'di lta ste dper na tshong dpon nam/ khyim bdag de rgyu gzhan gyi phyir ma yin zhing ched ka gzhan gyi phyir ma yin gyi/ bu gcig pa de'i don du btson ra der 'jug par 'gyur ba ji lta ba de bzhin du ni byams pa byang chub sems dpas chos gos kyi ched dang / bsod snyoms kyi ched du khyim rnams su 'gro bar mi bya'i/ 'di ltar sems can de dag nyid 'khor ba las yongs su thar par bya ba'i phyir khyim rnams su 'gro bar bya ba blta bar bya'o/ /byams pa yang phyi ma'i tshe phyi ma'i dus lnga brgya pa tha ma la dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa kha cig 'byung bar 'gyur te/ de dag ni chos gos dang / bsod snyoms kyi ched du me tog gi skyes dag dang / 'bras bu'i skyes dag dang / lo ma'i skyes dag dang / yo byad kyi skyes dag dang / byas pa'i lan gyi skyes dag gis khyim rnams su 'gro bar 'gyur bas byams pa dge slong gis ni me tog phreng rgyud lta bur mi bya zhing bran dang las mi lta bur yang mi bya'o/ /byams pa dge slong khyim rnams su 'gro bar 'dod pas ni chos kyi skyes kyis 'gro bar bya ba ma gtogs par skyes gzhan bskur bar mi bya ste/ des ni mang du thos pa dang / gzhung la shin du zhugs pa dang / 'jigs pa med pa dang / brkam chags med pa dang / tshul 'chos pa med pa dang /</font><hr>82.92a<br><font size=+1>

kha gsag med pa dang / bdag gir bya ba med par bya zhing chos la dga' ba bskyed nas khyim rnams su 'gro bar bya'o/ /khyim rnams su song nas kyang sangs rgyas dang / chos dang / dge 'dun gyi bsngags pa brjod par bya ba dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi bsngags pa brjod par bya zhing chos kyi gtam bya ba'i skyes ma gtogs par khang khyim gyi ched dam/ zhing las kyi ched dam/ rnyed pa'i ched dam/ reg pa bde ba'i gtam 'am/ rgyal po'i gtam 'am/ chom rkun gyi gtam 'am/ grong gi gtam 'am/ grong khyer gyi gtam 'am/ ljongs kyi gtam 'am/ bu'i gtam 'am/ bu mo'i gtam 'am/ gzhan gyi skyes dag mi bya'o/ /byams pa gang gis stong gsum gyi stong chen po'i 'jig rten gyi khams 'di rin po che sna bdun gyis yongs su bkang ste/ rigs kyi bu 'am/ rigs kyi bu mo zhig la byin pa dang / stong gsum gyi stong chen po'i 'jig rten gyi khams su gtogs pa'i sems can rnams kyi bde ba'i yo byad gang ji snyed pa de dag thams cad bsdus te/ rigs kyi bu 'am/ rigs kyi bu mo de la byin par gyur na nor gyi phung po de tsam dang / bde ba'i yo byad de tsam gyis ni des rigs kyi bu 'am/ rigs kyi bu mo de la snying brtse ba 'am/ phan btags par mi 'gyur gyi/ de tshig bzhi pa'i tshigs su bcad pa gcig tsam zhig nyan du bcug ste/ de de'i rna ba'i rnam par rig par grags shing thos pa tsam kho nar zad kyi/ re shig dad pa thob par ma gyur du zin kyang de ni rigs kyi bu 'am/ rigs kyi bu mo de la rgyas pa dang / phan 'dogs pa dang / snying brtse ba ches shin du mang du byed pa yin no/ /byams pa dge slong de dag khyim rnams su zhugs nas sangs rgyas kyi bka' spangs te 'jig rten pa'i</font><hr>82.92b<br><font size=+1>

gtam nye bar sbyor bar byed cing ji tsam du don med pa chen pos khyim der mngon par brtson par byed pa la ltos/ de ci'i phyir zhe na/ byams pa 'di ltar gser ram/ dngul lam/ nor bu dag gam/ rin po che dag gam/ mu tig dag gam/ baidU r+ya dag gam/ dung dag gam/ man shel dag gam/ byi ru dag gam/ bde ba'i yo byad dag gis ni sems can skye ba'i chos can rnams skye ba las yongs su thar par mi 'gyur/ sems can na ba'i chos can rnams kyang nad rnams las yongs su thar bar mi 'gyur/ sems can rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams kyang rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su thar par mi 'gyur gyi/ chos thos pas ni sems can skye ba'i chos can rnams kyang skye ba las yongs su thar bar 'gyur la/ sems can na ba'i chos can rnams na ba las yongs su thar bar 'gyur/ sems can rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams kyang 'khrug pa dag las yongs su thar par 'gyur ba'i phyir te/ de las dgongs te de bzhin gshegs pa 'di skad ces/ stong chen 'jig rten khams ni gser dag gis/ /bkang ste gang la sbyin par byed pa ni/ /tshig bzhi'i tshigs su bcad pa gcig brjod pas/ /ji ltar phan 'dogs de ltar 'gyur ma yin/ phan 'dogs byed par 'dod pa gang zhig gis/ /'jig rten gsum na sems can thams cad kyi/ /bde ba gang dag yod pa de dag kun/ /sems can gcig la sbyin pa byas pa bas/ /gang gis de la</font><hr>82.93a<br><font size=+1>

sangs rgyas lugs kyi ni/ /tshig bzhi'i tshigs su bcad pa gcig bsgrags na/ /de ni shin du phan 'dogs mchog yin te/ /des ni sdug bsngal dag las grol bar 'gyur zhes ston to/ /byams pa byang chub sems dpa' 'jig rten gyi khams mtha' yas mu med pa dag rin po che sna bdun gyis rab tu bkang ste/ sangs rgyas bcom ldan 'das rnams la dbul bar phul ba bas ni snying rje chen po bskyed de sems can gcig la tshig bzhi pa'i tshigs su bcad pa gcig cig bsgrags par gyur na de ni de bas ches bsod nams mang du skyed par 'gyur ro/ /de la 'di skad ces bya ste/ mi gang gis ni gang gA'i bye snyed kyi/ /'jig rten khams mchog rin chen gang byas te/ /dga' mchog sems kyis rgyal la phul ba dang / /gang gis sems can gcig la tshigs bcad byin/ /rin chen sbyin pa shin du rgya chen des/ /tshigs bcad sbyin pa snying rjes bsgrubs de la/ /char yang mi phong grangs su'ang ma yin na/ /gnyis sam gsum la bsam du ga la yod/ /de nas bcom ldan 'das kyis yang byang chub sems dpa' sems dpa' chen po byams pa la bka' stsal pa/ byams pa de bzhin gshegs pa'i phyag g.yas pa'i dkyil na bsod nams thams cad mngon par bsgrubs pa'i rgyu 'thun pas brgyan pa zhes bya ba'i 'od zer mngon par grub pa yod de/ de bzhin gshegs pa ni bzhed na phyag g.yas pas stong gsum gyi stong chen po'i 'jig rten gyi khams 'di thams cad kun du yog par mdzad nas sems can thams cad la bde ba'i yo byad thams cad nye bar sgrub par mdzad cing zas 'dod pa rnams la zas/ skom 'dod pa rnams la ni skom/ gos 'dod pa rnams la ni gos/ rin po che 'dod pa rnams la ni rin po che rnams dang / gang ci 'dod pa de la de sbyin par yang spyod mod kyi/ de tsam gyis sems can de dag 'khor ba'i</font><hr>82.93b<br><font size=+1>

rgya mtsho thog ma dang tha ma med pa nas chu srin 'dzin khri'i sdug bsngal chen po de las thar par mi 'gyur bas byams pa nga ni 'jig rten pa'i bde ba'i yo byad de lta bu dag rnam par spangs nas 'jig rten las 'das pa'i bde ba chos rin po che yang dag par ston par mdzad de/ de thos na sems can rnams kyi sdug bsngal gtan du nye bar zhi bar 'gyur ro/ /byams pa de lta bas na khyod kyis kyang nga'i rjes su bslab par bya zhing khyod zang zing la gdu bar mi bya'i/ khyod chos la gdu bar bya'o/ /byams pa yang phyi ma'i tshe phyi ma'i dus lnga brgya pa tha ma la dam pa'i chos nub par 'gyur ba'i dus la bab pa'i tshe na byang chub sems dpar khas 'che ba kha cig 'byung bar 'gyur te/ de dag ni ltung ba lhag par 'byung bar 'gyur zhing lus ma bsdams pa dang / ngag ma bsdams pa dang / yid ma bsdams pas sdig pa'i las lhag par spyad nas nyes pa bshags pa tsam gyis dag par 'gyur bar sems kyi phyin cad sdom par yang mi byed la/ phyin cad yang dag par bsdam pa'i phyir sdom par yang mi byed do/ /ngas ni sngon byas pa'i sdig pa'i las zad par bya ba'i phyir phung po gsum pa'i chos kyi rnam grangs bstan pa yin na/ de la mi blun po de dag ni lhag par ltung ba mngon par 'du bya ba mngon par 'du byas nas nyes pa bshags shing sbyang ba tsam gyis dag par 'gyur bar sems shing phyin cad sdom par ni mi byed do/ /byams pa gzhan yang ngas byang chub sems dpa'i theg pa ba'i rigs kyi bu 'am/ rigs kyi bu mo rnams kyi las yongs su bsags shing byas pas na mi dge ba'i las chung ngus ni byang chub sems dpa' sems can dmyal ba 'am/ dud 'gro'i skye gnas sam/ gshin rje'i 'jig rten</font><hr>82.94a<br><font size=+1>

nam dbul por skye ba rnam pa sna tshogs gzhan dag tu yang ltung bar mi nus mod kyi/ 'on kyang byang chub sems dpas ni myur du med par bya zhing 'dze mdog dang ldan pa dang / bslab pa 'dod pa dang / 'jig rten pha rol la 'jigs par lta ba dang / rtag tu yid skyo ba dang / srid par 'gro ba'i skye ba'i gnas thams cad la yid skrag par bya'o+o/ /de ci'i phyir zhe na/ byams pa 'di ltar byang chub sems dpas ni rgal nas khyed cag thams cad bsgral bar bya'o/ /grol nas dgrol bar bya'o/ /dbugs phyin nas dbugs dbyung bar bya'o/ /yongs su mya ngan las 'das nas yongs su mya ngan las bzla bar bya'o/ /zhes sems can thams cad nye bar bzung ba'i phyir te/ byams pa ngas ni lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i 'jig rten sa'i dkyil 'khor gyi steng na byang chub sems dpa'i las ji snyed pa dang / khur ji snyed pa dang / dgos pa ji snyed pa dang / don bya ba ji snyed pa dang / bya ba ji snyed pa de snyed ni sems can 'ga' la yang ma mthong ngo / /byams pa 'di lta ste dper na la la zhig gis stong gsum gyi stong chen po'i 'jig rten gyi khams brag dang / ri dang / rgya mtsho dang / chu klung dang / nags tshal dang bcas pa 'di mi la la zhig gi spyi bo 'am/ phrag pa'i steng du bzhag ste/ 'di skad ces kye skyes bu khyod kyis stong gsum gyi stong chen po'i 'jig rten gyi khams brag dang / ri dang / rgya mtsho dang / chu klung dang / nags tshal dang bcas pa 'di bskal pa 'am/ bskal pa las lhag pa 'am/ bskal pa rgya 'am/ bskal pa stong ngam/ bskal pa 'bum gyi bar du gdeg par bya zhing gzhag par mi bya/ ngal bso bar mi bya'o zhes kyang bsgo bar gyur na/ byams pa 'di ji snyam du sems/ mi de'i khur de che ba dang / spro ba mthu dang ldan pa dang / mthu stobs mthu dang ldan pa dang / brtson</font><hr>82.94b<br><font size=+1>

'grus mthu dang ldan pa yin snyam 'am/ byams pas gsol pa/ bcom ldan 'das mthu dang ldan pa lags so/ /bde bar gshegs pa mthu dang ldan pa lags so/ /bcom ldan 'das kyis bka' stsal pa/ byams pa khyod mos par bya/ khyod kyis khong du chud par bya ste/ byams pa de bas kyang gang zhig gis kye sems can rnams ngas khyed cag mya ngan las 'das pa'i bde ba la dgod par bya'o zhes sems can thams cad nye bar bzung ba'i byang chub sems dpa'i khur dang / spro ba dang / mthu stobs dang / brtson 'grus ni ches stobs dang ldan par blta bar bya'o/ /byams pa 'di lta ste dper na mi la la zhig gi las stong gsum gyi stong chen po'i 'jig rten gyi khams su gtogs pa'i sems can thams cad kyi las ji tsam pa de tsam du gyur la/ des sems can thams cad kyi las de dag thams cad kyang se gol gtogs pa tsam gcig gis yongs su sgrub par byed cing las kyi mtha' 'ga' tsam yang yongs su nyams par ma gyur na/ byams pa 'di ji snyam du sems/ mi de'i las de stobs dang ldan pa yin snyam 'am/ byams pas gsol ba/ bcom ldan 'das de lta lags so/ /bde bar gshegs pa de lta lags te/ bcom ldan 'das stobs dang ldan pa lags so/ /bde bar gshegs pa stobs dang ldan pa lags so/ /bcom ldan 'das kyis bka' stsal pa/ byams pa khyod mos par bya/ khyod kyis khong du chud par bya ste/ byams pa de bas ni byang chub sems dpa' gang gis 'di skad du bdag gis sems can thams cad 'khor ba'i sdug bsngal las dgrol bar bya'o zhes tshig tu brjod nas las su bya bar byed pa de ches stobs dang ldan pa yin no/ /byams pa 'di lta ste dper na khyim bdag la la zhig bu gcig pa sdug pa/ phangs pa</font><hr>82.95a<br><font size=+1>

yid du 'ong ba/ mthong na mi mthun pa med pa zhig bdog par gyur la/ khyim bdag de nyes pa 'ga' zhig gi le lan gyis bu gcig pa dang bcas/ chung ma dang bcas/ las byed pa dang / zho shas 'tsho ba rnams dang bcas/ nor dang / dbyig dang / yo byad thams cad dang bcas te/ rgyal po'i pho brang du bkug par gyur cing / de nas rgyal po des khyim bdag de la 'di skad du kwa'i khyim bdag khyod 'di nas dpag tshad 'bum gyi pha rol na grong khyer che go mo zhes bya ba zhig yod par don 'di'i phyir zhag bdun gyis phyin par song la cha khyer te phyir yang zhag bdun gyis nga'i drung du phyin par shog shig dang / de lta bas na khyod kyi bu gcig pa 'di dang / chung ma 'di dang / 'khor 'di dag thams cad dang / nor dang / dbyig dang / yo byad 'di dag thams cad kyang khyod la phyir sbyin par bya zhing / gzhan yang khyod la rgyal srid phyed kyi sbyin pa yang lhag par sbyin par bya'o/ /gal te khyod song nas grong khyer de nas cha blangs te nyin mtshan bdun gyis phyir ma 'ongs na khyod la cung zad kyang sbyin par mi bya'i steng du/ khyod bu gcig pa dang bcas/ chung ma dang bcas/ 'khor dang bcas te/ chad pas bcad pa dang / srog dang bral zhing bsad par bya'o/ /zhes bsgo bar gyur na/ byams pa 'di ji snyam du sems/ khyim bdag de de skad bsgo ba na bdag phangs pa dang /   ldan pa dang / bu phangs pa dang ldan pa dang / chung ma phangs pa dang ldan pa dang / 'khor phangs pa dang ldan pa dang / nor phangs pa dang ldan pas stobs dang ldan pa'i rtsom pa dang / stobs dang ldan pa'i mgyogs pas grong khyer der 'gro bar 'gyur snyam 'am/ byams pas gsol pa/ bcom ldan 'das de lta lags so/ /bde bar gshegs pa de lta lags te/ bcom ldan 'das kyis gsungs pa'i don bdag gis 'tshal ba ltar na</font><hr>82.95b<br><font size=+1>

de ni don de yongs su ma grub kyi bar du sems rnam par g.yeng bar mi bgyid/ zas kyi 'du shes skyed par mi bgyid/ rmugs pa dang gnyid kyi sems skyed par mi bgyid lags so/ /de ci'i slad du zhe na/ bcom ldan 'das 'di ltar de'i slad rol gyi dngos po gzhan lta zhog lags kyi/ bdag nyid phangs pa'i slad du'o/ /bcom ldan 'das kyis bka' stsal pa/ byams pa gal te sems can thams cad de lta bu'i brtson 'grus rtsom pa chen po dang ldan par gyur kyang sems can de dag thams cad kyi brtson 'grus chen po de ni byang chub sems dpa'i brtson 'grus chen po de'i brgya'i char yang nye bar mi 'gro/ stong gi cha dang / 'bum gyi cha dang / bye ba'i cha dang / bye ba phrag brgya'i cha dang / bye ba phrag stong gi cha dang / bye ba phrag 'bum gyi cha dang / bye ba khrag khrig phrag sum gyi cha dang / dpe dang rgyu'i bar du yang nye bar mi 'gro'o/ /de ci'i phyir zhe na/ byams pa 'di ltar byang chub sems dpa' ni rgyun phyogs su ded pa'i sems can thams cad rgyun las bzlog pa/ g.yo ba med pa/ mya ngan las 'das pa'i dbyings su rab tu 'god par byed pa'i phyir ro/ /byams pa 'di lta ste dper na mi 'di tsam du stobs dang ldan pa/ 'di tsam du shugs dang ldan pa/ 'di tsam du mthu dang ldan pa/ 'di tsam du brtson 'grus dang ldan pa la la zhig skyes par gyur la/ des rgya mtsho chen po bzhi po dag la chu'i phung po gang ji snyed pa de dag thams cad chu klung chen po'i rgyun gang dang gang dag nas rgya mtsho chen por zhugs par gyur ba'i chu klung chen po'i rgyun de dag nyid nas chu'i mtha' phyir bzlog nas rgyun las bzlog thabs kho nar mtsho chen po ma dros pa'i nang du phab par gyur na/ byams pa 'di ji snyam du sems/ mi de dka' bar byed pa dang / ngo mtshar che ba dang / brtson 'grus che ba yin snyam 'am/ byams pas gsol pa/ bcom ldan 'das de lta lags so/ /</font><hr>82.96a<br><font size=+1>

bde bar gshegs pa de lta lags so/ /bcom ldan 'das kyis dka' stsal pa/ byams pa khyod mos par bya/ khyod kyis khong du chud par bya ste/ de bas kyang gang dag lhag pa'i bsam pas sems can thams cad kyi don du snying rje chen po kun du bskyed nas bla na med pa yang dag par rdzogs pa'i byang chub tu sems bskyed de nan tan gyis mdzes par byed pa de dag ches shin tu dka' ba byed pa dang / ngo mtshar che ba yin no/ /de bas kyang gang dag sangs rgyas yod do/ /chos yod do/ /dge 'dun yod do/ /legs par byas pa dang / nyes par byas pa'i las rnams kyi 'bras bu rnam par smin pa yod do zhes nges par rtog par byed pa de dag ches shin du dka' ba byed pa dang / ngo mtshar che ba yin no/ /de bas kyang gang dag 'dod chags kyi sems skyes pa sel bar byed pa dang / zhe sdang gi sems skyes pa sel bar byed pa dang / gti mug gi sems skyes pa sel bar byed pa de dag ches shin du dka' ba byed pa dang / ngo mtshar che ba yin no/ /de bas kyang gang dag mdza' bshes dang / gros grogs dang / nye du dang / rgan rabs rnams la mi lta bar spangs shing longs spyod chung ngu dang / longs spyod chen po'i tshogs rnams kyang yongs su spangs nas legs par gsungs pa'i chos 'dul ba la rab tu 'byung ba'i sems kyis khyim gyi gnas nas gom pa bdun 'dor bar byed pa de dag ches shin du dka' ba byed pa dang / ngo mtshar che ba yin no/ /de bas kyang gang dag gos ngur smrig dag bgos te/ legs par gsungs pa'i chos 'dul ba la dad pas khyim nas khyim med par legs pa kho nar rab tu 'byung bar byed pa de dag ches shin du dga' ba byed pa dang / ngo mtshar che ba yin no/ /de bas kyang gang dag de ltar rab tu byung nas gdams ngag la</font><hr>82.96b<br><font size=+1>

nan tan gyis mdzes par byed pa dang / bslab pa'i gzhi ji ltar bcas pa dag la slob par byed pa dag ches shin du dka' ba byed pa dang / ngo mtshar che ba yin no/ /de bas kyang gang dag 'du 'dzi'i gtam la 'jigs par lta zhing dben pa 'dod pas dgon pa la mngon par phyogs te gom pa bdun 'dor bar byed pa de dag ches shin du dka' ba byed pa dang / ngo mtshar che ba yin no/ /de bas kyang gang dag chos thams cad stong pa'o zhes mos par byed pa de dag ches shin du dka' ba byed pa dang / ngo mtshar che ba yin no/ /de bas kyang gang dag chos zab mo rnams la rjes su 'thun pa'i bzod pa thob pa de dag shin du dka' ba byed pa dang / ngo mtshar che ba yin no/ /de bas kyang gang dag rnam par thar pa'i sgo gsum po dag mngon sum du byas nas rgyun du zhugs pa'i 'bras bu rjes su thob par byed pa nas/ dgra bcom pa nyid kyi bar du rjes su thob par byed pa de dag ches shin du dka' ba byed pa dang / ngo mtshar che ba yin no/ /de ci'i phyir zhe na/ byams pa 'di lta ste 'phags pa'i chos 'dul ba la dad cing dang ba dang / rab tu byung zhing bsnyen par rdzogs pa dge slong gi dngos po dang / 'bras bu 'thob pa de ni shin du dka' ba yin pa'i phyir ro/ /byams pa de la yang phyi ma'i tshe phyi ma'i dus lnga brgya pa tha ma la dam pa'i chos nub par 'gyur ba'i dus la bab pa'i tshe na byang chub sems dpa'i theg pa ba legs par gsungs pa'i chos 'dul ba 'di la rab tu byung nas byang chub sems dpa'i las spangs te byis pa'i las la rab tu gnas pa kha cig 'byung bar 'gyur te/ byams pa de la byang chub sems dpa' rnams kyi las gang zhe na/ nyi shu po 'di dag ni byang chub sems dpa' rnams kyi las yin te/ de dag yongs su ma rdzogs na byang chub sems dpa' byang chub kyi snying por</font><hr>82.97a<br><font size=+1>

'gro bar mi nus so/ /nyi shu gang zhe na/ ser sna'i sems tshar bcad par bya ba dang / gtong ba chen po spel bar bya ba dang / 'chal ba'i tshul khrims yongs su spang bar bya ba dang / tshul khrims kyi phung po yongs su rdzogs par bya ba dang / gnod sems dang tha ba'i skyon rnam par spang bar bya ba dang / bzod pa'i stobs la gnas par bya ba dang / le lo'i sems rnam par gnon par bya ba dang / brtson 'grus chen po brtsam par bya ba dang / brjed ngas pa'i sems yongs su spang bar bya ba dang / dran pa dang blo gros kyis bsam gtan rnams la mi rten par bsam gtan du bya ba dang / zab mo la bzod pa bsgom par bya ba dang / shes rab kyi pha rol tu phyin pa rab tu rtogs par bya ba dang / rnam par rtog pa thams cad spang bar bya ba dang / mtshan ma med pas gnas par bya ba dang / smon pa dang bral bar bya ba dang / smon pa med pa'i yul yongs su rdzogs par bya ba dang / sems can thams cad yongs su mi btang bar bya ba dang / snying rje chen pos gnas par bya ba dang / nyan thos dang rang sangs rgyas kyi theg pa la dga' ba'i sems yid la mi bya ba dang / sangs rgyas kyi ye shes la mos shing nem nur med pa dang yid ches par bya ba ste/ byams pa nyi shu po de dag ni byang chub sems dpa' rnams kyi las yin te/ las de dag yongs su ma rdzogs na byang chub sems dpa' byang chub kyi snying por 'gro bar mi nus so/ /byams pa bzhi po 'di dag ni byang chub sems dpa' rnams kyi yang dag pa'i dam bca' ba yin te/ bzhi gang zhe na/ bdag nyid kyi bde ba spong ba dang / chos kyis ngoms mi shes pa dang / chos yongs su tshol bas bdag sangs rgyas su 'gyur bar bya'o/ /chos kyi 'khor lo bskor bar bya'o/ /sems can rnams 'khor ba thog ma dang / tha ma med pa las</font><hr>82.97b<br><font size=+1>

thar par bya'o/ /sems can gyi khams tshad med pa rnams bla na med pa yang dag par rdzogs pa'i byang chub yang dag par 'dzin du gzhug par bya'o/ /zhes yang dag par dam bca' ba ste/ byams pa bzhi po de dag ni byang chub sems dpa' rnams kyi yang dag par dam bca' ba yin no/ /byams pa 'di lta ste dper na mi sman mkhas la gsang sngags la mkhas shing dug dang rtsi la mkhas pa gnyis shig yod par gyur la/ de gnyis las mi gcig gis skye bo phal po che'i mdun du ngo mtshar gyi 'du shes bskyed par bya ba'i phyir dug za bar byed cing zos nas kyang / yan lag dang nying lag rnams shig shig por gyur bas sdug bsngal gyi tshor ba myong bar gyur ba las yang gsang sngags sngon du btang ba'i sman za bar byed cing de gsang sngags yang dag pa dang / sman des dug gi nyes pa de dag dang bral bar gyur la/ de nas mi des dus gzhan gyi tshe na sman de ma rnyed cing gnyen pa ma rnyed pas dug des shi bar gyur la/ de nas mi gcig shos des 'di skad ces smras te/ kho bos ni sman gyis dug zhi bar byed nus mod kyi/ 'on kyang kho bo la ni ngo mtshar gyi 'du shes mi dgos/ yan lag dang nying lag shig shig bor 'gyur ba mi dgos pas dug kyang mi za/ sman kyang mi 'thung ngo zhes zer ba de bzhin du byams pa phyi ma'i tshe phyi ma'i dus lnga brgya pa tha ma la byang chub sems dpa' khyim na gnas pa dang / rab tu byung ba kha cig 'di skad ces sdig pa'i las ni nyes pa bshags pas ma lus par zad par 'gyur ro/ /zhes zer zhing de dag sdig pa mngon par 'du bya ba mngon par 'dus byas nas yang bshags par bya'o zhes ltung ba lhag par 'byin par byed cing phyis sdom pa 'dzin par ni mi byed pa dag 'byung bar 'gyur te/ de dag ni 'chi ba'i chos can yin no/ /zhes smra</font><hr>82.98a<br><font size=+1>

ste/ 'chi ba yang gang zhe na/ 'di lta ste/ dper na dug za ba'i mi de dang 'dra bar 'chi ba'i dus byas nas log par ltung ba rnams su 'gro bar 'gyur ba yin no/ /byams pa byang chub sems dpa' lhag pa'i bsam pa phun sum tshogs pa dag 'byung bar 'gyur ba de dag ni 'di skad ces bdag cag la ni dug kyang mi dgos/ sman yang mi dgos kyis/ bdag cag ni 'das pa'i dus na sdig pa'i las byas pa zad par bya ba dang / ma 'ongs pa dang / da ltar byung ba na mngon par 'du mi bya ba ma gtogs par sdig pa'i las kyang mngon par 'du mi bya zhing ltung ba yang 'byung bar mi bya la bshags par yang mi bya'o/ /zhes zer te/ byams pa 'phags pa'i chos 'dul ba 'di la dug ces bya ba de ni 'di lta ste/ bslab pa'i gzhi ji ltar bcas pa dag las 'da' bar byed pa yin pas khyed cag gis ni dug bza' bar mi bya 'o/ /byams pa bzhi po 'di dag ni 'di lta ste/ byang chub sems dpa' rnams kyi thams cad mkhyen pa nyid kyi bar du gcod par byed pa'i chos rnams yin te/ de dag ni nyan thos kyis kyang bya ba ma yin na byang chub sems dpas lta smos kyang ci dgos/ bzhi gang zhe na/ byas pa mi gzo ba nyid dang / g.yo la sten pa nyid dang / brdzun gyi tshig smra ba nyid dang / bslab pa las 'da' bar byed pa nyid yin te/ bzhi po de dag ni 'di lta ste/ byang chub sems dpa' rnams kyi thams cad mkhyen pa nyid kyi bar du gcod par byed pa'i chos rnams yin te/ de dag ni nyan thos kyis kyang bya ba ma yin na byang chub sems dpas lta smos kyang ci dgos/ byams pa byang chub sems dpas chos bzhi po 'di dag las dpag chad brgyar 'byol bar bya ste/ bzhi gang zhe na/ rnyed pa dang / bkur sti dang / tshigs su bcad pa dang / sdig pa'i grogs po'i lag pa dang / 'du 'dzi'i gnas dang / gnas gang</font><hr>82.98b<br><font size=+1>

na gnas pa na byang chub sems dpa'i theg pa pa'i gang zag gzhan zhig kyang 'dug par gyur la/ gal te de dag lhan cig tu mgu ba dang / dga' ba dang / mchog tu dga' ba skyes la/ 'thab pa med pa dang ldan pa dang / rtsod pa med pa dang ldan par gnas na ni des der gnas par bya'i/ gal te de de la tha na tha ba dang / zhe sdang gi sems gcig tsam zhig skyed par byed na yang des de nas dpag tshad brgyad 'byol bar bya ste/ byang chub sems dpas ni byang chub sems dpa' la tha ba dang / zhe sdang gi sems bskyed par mi bya'o/ /byams pa byang chub sems dpas stong gsum gyi stong chen po'i 'jig rten gyi khams na sems cad du bsdu bar bsdus pa'i sems can gang ji snyed pa de dag thams cad la spyos sam/ brgyad dam/ dbyug pas brdegs sam/ mtshon gyis btab par gyur na byams pa 'di ji snyam du sems/ byang chub sems dpa' des sems can de snyed cig la spyos pa 'am/ brgyad pa 'am/ dbyug pas brdegs pa 'am/ mtshon gyis btab pa'i gzhi de las sdig pa dang / rmas pa dang / nyams pa mang po skyes par 'gyur snyam 'am/ byams pas gsol pa/ bcom ldan 'das sems can gcig cig la spyos sam/ brgyad dam/ dbyug pas brdegs sam/ mtshon gyis btab na yang bsod nams ma lags pa mang du skyes lags na stong gsum gyi stong chen po'i 'jig rten gyi khams kyi sems can gang ji snyed pa thams cad lta la smos kyang ci 'tshal/ de ci'i slad du zhe na/ bcom ldan 'das byang chub sems dpas ni sems can 'ga' tsam la yang tha ba dang / zhe sdang dang / gnod sems bskyed par mi bgyi ba'i slad du'o/ /de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka'</font><hr>82.99a<br><font size=+1>

stsal to/ /byams pa byang chub sems dpas stong gsum gyi stong chen po'i 'jig rten gyi khams su gtogs pa'i sems can de dag thams cad la spyos sam/ brgyad dam/ dbyug pas brdegs sam/ mtshon gyis btab pa gang yin pa des ni byang chub sems dpa' gzhan zhig la tha na tha ba dang / zhe sdang gi sems gcig tsam zhig bskyed par gyur ba de tsam du byang chub sems dpa' de rmas pa dang / nyams par mi 'gyur te/ byams pa byang chub sems dpas byang chub sems dpa' gcig shos de la tha ba dang / zhe sdang gi sems skyed par byed na/ gal te byang chub sems dpa' de byang chub yongs su mi gtong ba zhig na/ sems ji snyed bskyed pa de snyed kho na'i bskal par byang chub kyi phyir yang go cha bgo bar bya dgos so/ /byams pa 'di lta ste dper na lcags ni lcags nyid kyis gcod par byed pa ma gtogs par bong pa'am/ shing ngam rtswas gcod par mi nus pa de bzhin du byams pa byang chub sems dpa'i dge ba'i rtsa ba de yang byang chub sems dpa' gcig shos la tha ba dang / zhe sdang gi sems bskyed pas zad par byed pa ma gtogs par gzhan gyis zad par mi 'gyur te/ byams pa de lta bas na khyed cag gis gcig la gcig zhe sa dang bcas pa dang / gcig la gcig gus pa dang bcas pas gnas par bya'o/ /zhes de ltar bslab par bya zhing sems dang po bskyed pa'i byang chub sems dpa' la yang ston pa'i 'du shes bskyed par bya'o/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das bdag ni sems can thams cad la yang zhe sa dang bcas pa dang / gus pa dang bcas pas gnas par bgyid lags na byang chub sems dpa' rnams lta la smos kyang ci 'tshal/ de ci'i slad du zhe na/ bcom ldan 'das bdag ni</font><hr>82.99b<br><font size=+1>

gnod sems la dpa' bar mi bgyid kyi/ bdag ni bzod pa'i stobs dang / mthu phun sum tshogs par bgyid pa dang / bcom ldan 'das bdag ni g.yo la sten par mi bgyid kyi/ bdag ni lhag pa'i bsam pa phun sum tshogs par bgyid pa dang / bcom ldan 'das bdag ni gzhan gyi khyim la lhag par chags par mi bgyid kyi/ bdag ni bdag gir 'dzin pa ma mchis pa dang / yongs su 'dzin pa ma mchis par bgyid pa dang / bcom ldan 'das bdag ni zang zing lhur len par mi bgyid kyi/ bdag ni chos lhur len par bgyid pa dang / bcom ldan 'das bdag ni zas dang gos lhur len par mi bgyid kyi/ bdag ni pha'i nor yongs su tshol bar bgyid pa dang / bcom ldan 'das bdag ni phrag dog dang ser snas kun nas dkris par mi bgyid kyi/ bdag ni gzhan gyi 'byor pa dag la yid dga' ba dang / gtong ba phun sum tshogs par bgyid pa dang / bcom ldan 'das bdag ni dge sbyong gi ming lhur len par mi bgyid kyi/ bdag ni dge sbyong gi yon tan dag la slob par bgyid pa dang / bcom ldan 'das bdag ni smra ba lhur len par mi bgyid kyi/ bdag ni sgrub pa snying por bgyid pa dang / bcom ldan 'das bdag ni rnyed pa dang / bkur sti la lhag par chags par mi bgyid kyi/ bdag ni don nyung ba dang / bgyi ba nyung ba dang / sangs rgyas kyi yon tan yongs su tshol bar bgyid pa dang / bcom ldan 'das bdag ni zang zing gis bsgos pa'i sems kyi rgyud kyis grong dang grong khyer du 'jug par mi bgyid kyi/ bdag ni thams cad mkhyen pa nyid kyi sems yid la bgyid pa la mngon par brtson pas grong dang grong khyer du 'jug par bgyid pa dang / bcom ldan 'das bdag ni chos gos dang bsod snyoms kyi slad du tshul 'chos bar mi bgyid kyi/ bdag ni tshul 'chos pa ma mchis pa dang / 'phags pa'i rigs bzhis cho ga</font><hr>82.100a<br><font size=+1>

shes par bgyid pa dang / bcom ldan 'das bdag ni byis pa'i spyod pa la slob par mi bgyid kyi/ bdag ni sangs rgyas kyi spyod pa la slob par bgyid pa dang / bcom ldan 'das bdag ni gzhan dag gis bgyis pa dang / ma bgyis pa dag la so sor rtog par mi bgyid kyi/ bdag ni bdag nyid dul ba dang / zhi bar sbyor ba'i rjes su brtson pas gnas par bgyid pa dang / bcom ldan 'das bdag ni ltung ba 'ga' yang gleng bar mi bgyid kyi/ bdag ni ngag gi las kyi mtha' sdom bar bgyid pa dang / bcom ldan 'das bdag ni bslab pa thag ring du mi bgyid kyi/ bdag ni so sor thar pa la slob par bgyid pa dang / bcom ldan 'das bdag ni sangs rgyas dang / chos dang / dge 'dun gyi bsngags pas 'tsho bar sems par mi bgyid kyi/ bdag ni sangs rgyas kyi bsngags pa brjod cing de la dga' ba'i sems bskyed par bgyid pa dang / bdag ni chos kyi bsngags pa brjod cing chos kyi rjes su 'thun pa'i chos sgrub pa la gnas par bgyid pa dang / bdag ni dge 'dun gyi bsngags pa brjod cing phyir mi ldog pa'i dge 'dun la rten par bgyid pa dang / bcom ldan 'das bdag ni gzhan gyis mthong ba bskyed pa'i slad du tshul 'chos pas mchi ma 'byin par mi bgyid kyi/ bdag ni chos kyi shugs kyis mchi ma 'byin par bgyid pa dang / bcom ldan 'das bdag ni bgyi pa sna tshogs kyi 'du 'dzis sbags te gnas par mi bgyid kyi/ bdag ni chos yongs su tshol ba la mngon par brtson par bgyid pa dang / bcom ldan 'das bdag ni 'jig rten pa'i bgyi ba la dga' bar mi bgyid kyi/ bdag ni 'jig rten las 'das pa'i chos yongs su tshol ba la dga' bar bgyid pa dang / bcom ldan 'das bdag ni sog 'jog gi zas dang ldan par mi bgyid kyi/ bdag ni tshul 'chos pa ma mchis par kun du spyod par bgyid pa dang /</font><hr>82.100b<br><font size=+1>

bcom ldan 'das bdag ni gnas dang yul gcig yongs su 'dzin par mi bgyid kyi/ bdag ni ri dgas ltar kun du rgyu bar bgyid pa dang / bcom ldan 'das bdag ni bsod snyoms la sbyor ba'i rjes su brtson bar mi bgyid kyi/ bdag ni sangs rgyas kyi yon tan yongs su tshol ba la brtson bar bgyid pa dang / bcom ldan 'das bdag ni rmugs pa dang / gnyid kyis nyal bar mi bgyid kyi/ bdag ni nam gyi cha stod dang / nam gyi cha smad la mi nyal bar sbyor ba'i rjes su brtson bar bgyid pa dang / bcom ldan 'das bdag ni 'du 'dzi'i spyod pa la brtson bar mi bgyid kyi/ bdag ni dben pa la dga' bar bgyid pa dang / bcom ldan 'das bdag ni yon tan cung zad tsam gyis chog shes par mi bgyid kyi/ bdag ni yon tan yongs su tshol bas ngoms ma 'tshal bar bgyid pa dang / bcom ldan 'das bdag ni khyi'i chos rnams la kun du spyod par mi bgyid kyi/ bdag ni seng ge'i sgra sgrogs par bgyid pa dang / bcom ldan 'das bdag ni cung zad bshes pa dang ldan par mi bgyid kyi/ bdag ni mdza' bshes shin du brtan par bgyid pa dang / bcom ldan 'das bdag ni bgyis pa mi gzo bar mi bgyid kyi/ bdag ni bgyis pa gzo ba dang / bgyis pa tshor bar bgyid pa dang / bcom ldan 'das bdag ni sbyin pa'i lan gyis mdza' bshes su mi bgyid kyi/ bdag ni lhag pa'i bsam pas mdza' bshes su bgyid pa dang / bcom ldan 'das bdag ni lhag pa'i bsam pa bcos mar mi bgyid kyi/ bdag ni lhag pa'i bsam pa brtan par bgyid pa dang / bcom ldan 'das bdag ni dman pa la mos par mi bgyid kyi/ bdag ni sangs rgyas kyi sku yongs su sgrub pa lhur blang ba rgya chen po la mos par bgyid pa dang / bcom ldan 'das bdag ni de bzhin gshegs pa la gus pa ma mchis pa dang / bslab pa la gus pa ma mchis par mi</font><hr>82.101a<br><font size=+1>

bgyid kyi/ bdag ni de bzhin gshegs pa la gus pa dang bcas pa dang / bslab pa la gus pa dang bcas par bgyid pa dang / bcom ldan 'das bdag ni sems kyang gzhan la/ smra ba yang gzhan pa'i lce gnyis su mi bgyid kyi/ bdag ni ji skad smras pa de bzhin du bgyid pa dang / bcom ldan 'das bdag ni tshul 'chos pa'i byang chub sems dpar mi bgyid kyi/ bdag ni lhag pa'i bsam pa phun sum tshogs pa dang / bdag nyid dul ba dang zhi ba la sbyor ba'i rjes su brtson par bgyid pa dang / bcom ldan 'das bdag ni nga rgyal gyis nga rgyal skyed par mi bgyid kyi/ bdag ni gdol pa'i bu dang 'dra bar nga rgyal nges par 'joms par bgyid pa dang / bcom ldan 'das bdag ni chags pa dang bcas pas bsod snyoms yongs su longs spyod par mi bgyid kyi/ bdag ni tshul khrims yongs su dag pa dang / dad pas stsal pa la lci ba'i 'du shes su bgyid pa dang / bcom ldan 'das bdag ni tshul bzhin du ma lags pa'i rnam par rtog pa yid la bgyid pa sngon du btang bas gdugs bas ma thag kho nar mchis nyal ba dang / rmugs pa dang / gnyid kyi bar gyis non par mi bgyid kyi/ bdag ni sangs rgyas kyi chos yongs su bsgrub par bgyi ba'i slad du rtag tu brtson zhing sbyor bar bgyid pa dang / bcom ldan 'das bdag ni gang zag tu lta ba la rten par mi bgyid kyi/ bdag ni stong pa nyid la gnas par bgyid pa dang / bcom ldan 'das bdag ni rnam par rtog pa dang / 'khrul pa smra bar mi bgyid kyi/ bdag ni mtshan ma ma mchis pa la gnas par bgyid pa dang / bcom ldan 'das bdag ni lus kyis tshul 'chos par mi bgyid kyi/ bdag ni lus dang / ngag dang / yid kyi las kyi mtha' yongs su dag par bgyid pa dang / bcom ldan 'das bdag ni zang zing gis bsgos pa'i sems kyi rgyud kyis na chos ston par mi bgyid kyi/</font><hr>82.101b<br><font size=+1>

bdag ni zang zing ma mchis pa'i sems kyis chos ston par bgyid pa dang / bcom ldan 'das bdag ni zang zing gi sbyin pas mdza' bshes su mi bgyid kyi/ bdag ni chos kyi sbyin pas mdza' bshes su bgyid pa dang / bcom ldan 'das bdag ni bdag dang gzhan la yongs su gdung bar mi bgyid kyi/ bdag ni bdag la sman pa dang / gzhan la sman pa'i slad du sgrub par bgyid pa dang / bcom ldan 'das bdag ni dgon par gnas pa la tshul 'chos par mi bgyid/ bsod snyoms la tshul 'chos par mi bgyid/ phyag dar khrod la tshul 'chos par mi bgyid de/ de ci'i slad du zhe na/ bdag ni sbyangs pa'i yon tan bcu gnyis yang dag par blangs te gnas par bgyid cing / de yang rnyed pa dang / bkur sti dang / tshigs su bcad pa thams cad la rten pa ma mchis pa'i slad du 'o/ /de skad ces gsol padang / bcom ldan 'das kyis byang chub sems dpa' sems dpa' chen po byams pa la legs so zhes bya ba byin te/ byams pa legs so legs so/ /khyod ji ltar sangs rgyas kyi yon tan yongs su chol ba la brtson pa de ltar seng ge'i sgra 'di sgrogs par byed pa ni khyod sngon gyi rgyal ba la lhag par bya ba byas shing dge ba'i rtsa ba bskyed pa dang / chos de dag dang / yon tan de dag la gzhan gyi dring mi 'jog pa yin te/ legs so legs so/ /byang chub sems dpa' sems dpa' chen po byams pas seng ge'i sgra bsgrags pa 'di bshad pa na 'khor de nas dge slong lnga brgya stan las langs te dong ngo / /de nas gnas brtan 'od srung chen pos dge slong lnga brgya po de dag la 'di skad ces smras so/ /dge sbyong chen po dag khyed cag yo byad bsnyungs pa'i gtam brjod pa'i tshe stan las langs te gar 'dong / de skad ces smras pa dang / gnas brtan 'od srung chen po la dge slong lnga brgya po de dag gis 'di skad ces smras so/ /btsun pa 'od srung</font><hr>82.102a<br><font size=+1>

chen po byang chub sems dpa' sems dpa' chen po byams pas yo byad bsnyungs pa'i gtam de lta bu bstan pa'i gnas de dag ni srid par dka' ba lags pas bdag cag 'di snyam du bdag cag ni yo byad bsnyungs pa'i yon tan de dag la yang dag par mi snang bas bdag cag phyir khyim du 'dong gor ma chag go/ /de ci'i phyir zhe na/ dad pas byin pa ni rig par dka' zhing sbyang par dka' ba'i phyir ro/ /snyam du sems pa'i slad du'o/ /de nas 'jam dpal gzhon nur gyur bas dge slong de dag la legs so zhes bya ba byin te/ rigs kyi bu dag legs so legs so/ /gang dag dad pas byin pa la yongs su longs spyod par mi spro ba dag gis ni de ltar 'dzem pa dang ldan pa dang / 'gyod pa dang ldan par bya ste/ nyin gcig la lan brgya rab tu byung ba phyir spangs pa ni bla'i/ tshul khrims yongs su ma dag pas dad pas byin pa la yongs su longs spyod pa ni de lta ma yin no/ /de nas bcom ldan 'das la 'jam dpal gzhon nur gyur bas 'di skad ces gsol to/ /bcom ldan 'das bcom ldan 'das kyis dad pas stsal pa ji ltar rjes su gnang bar mdzad lags/ bcom ldan 'das kyis bka' stsal pa/ 'jam dpal ngas ni rigs pa dang / grol ba la dad pas byin pa rjes su gnang ngo / /de nas 'jam dpal gzhon nur gyur bas dge slong lnga brgya tsam po de dag la 'di skad ces smras so/ /tshe dang ldan pa dag khyed cag sbyor cig /rtsol cig /'bod cig /sangs rgyas 'byung ba ni rnyed par bka' ba yin gyis/ khyed cag rab tu byung ba las phyir ma sdog shig /de nas 'jam dpal gzhon nur gyur ba la dge slong lnga brgya tsam po de dag gis 'di skad ces smras so/ /'jam dpal bdag cag gis ji ltar sbyar bar bgyi lags/ 'jam dpal gyis smras pa/ dge slong dag khyed kyis ji lta ji ltar</font><hr>82.102b<br><font size=+1>

sbyor ba dang / 'bad pa dang / brtson par byed pa na chos 'ga' yang sbyor bar mi byed/ chos 'ga' yang 'byed par mi byed pa dang / chos 'ga' yang skyed par mi byed/ chos 'ga' yang 'gog par mi byed pa dang / chos 'ga' yang thob par mi byed/ chos 'ga' yang spong bar mi byed pa dang / chos 'ga' yang 'bri bar mi byed/ chos 'ga' yang 'phel bar mi byed pa de ltar sbyor bar gyis shig /dge slong gang de ltar sbyor ba de ni chos 'ga' yang rtogs par mi 'gyur ro/ /gang chos 'ga' yang rtogs par mi 'gyur ba de ni gar yang mi 'gro/ gang nas kyang mi 'ong ngo / /gang la 'gro ba med pa de la yang ni 'ong ba yang 'ga' yang med do/ /de ni 'ong ba med pa dang / 'gro ba med pa'i dge slong zhes bya ste/ gang du yang rten pa yang ma yin/ mi rten pa yang ma yin no/ /bstan pa 'di bshad pa na dge slong lnga brgya po de dag len pa med par zag pa rnams las sems rnam par grol lo/ /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das slad ma'i tshe slad ma'i dus lnga brgya pa tha ma de la byang chub sems dpa' tshul 'chos pa ji snyed cig 'byung bar 'gyur lags/ bcom ldan 'das kyis bka' stsal pa/ 'od srung gang dag sdig pa'i grogs pos yongs su zin cing lhag pa'i bsam pa nyam chung ste/ zas dang gos lhur len pa'i byang chub sems dpa' tshul 'chos pa dag ni mang du 'byung bar 'gyur ro/ /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das skye bo mang po la sman pa dang / skye bo mang po la bde ba'i slad du gnas gang dag dang / spyod pa gang dag gis byang chub sems dpa' lhag pa'i bsam pa nyam chung ba dang / tshul 'chos pa legs par 'tshol bar 'gyur ba'i gnas de dag legs pa legs par bshad du gsol/ de ci'i slad du zhe na/ bcom ldan 'das 'di ltar gnas de dag thos na byang chub sems dpa'</font><hr>82.103a<br><font size=+1>

lhag pa'i bsam pa phun sum tshogs pa gang lags pa de dag kyang bdag nyid srung bar 'gyur ba'i slad du'o/ /de skad ces gsol pa dang / bcom ldan 'das kyis gnas brtan 'od srung chen po la 'di skad ces bka' stsal to/ /'od srung phyi ma'i tshe phyi ma'i dus lnga brgya pa tha ma de la byang chub sems dpa' gang dag sdig pa'i grogs pos yongs su zin cing lhag pa'i bsam pa nyam chung ba de dag ni de bzhin gshegs pa'i sku gdung rnams la me tog dang / bdug pa dang / phye ma dang / spos dang / me tog phreng ba dang / byug pa dang / gdugs dang / rgyal mtshan dang / ba dan dang / sil snyan dang / mar me'i sbyin ba dag gis mchod pa'i las la brtson par 'gyur ro/ /'od srung ngas ni shes pa dang mi ldan pa rnams kyi dge ba'i rtsa ba yang dag par bsgrub pa'i phyir mchod pa bshad pa yin na mi blun po de dag ni de la brtson par 'gyur ro/ /'od srung ngas lha dang bcas pa'i 'jig rten gyi mdun du dge slong dag khyed cag ni bdag nyid du dul ba dang / zhi bar sbyor ba'i rjes su brtson pas gnas par gyis shig /bram ze dang khyim bdag dad pa dang ldan pa dag yod na de dag ni nga'i sku gdung rnams la sku gdung gi mchod pa byed par 'gyur ro zhes de skad gsungs na/ 'od srung mi blun po de dag rnal 'byor yang spangs/ spong ba yang spangs/lung nod pa yang spangs/ kha ton bya ba yang spangs nas de bzhin gshegs pa'i sku gdung gi mchod pa'i las la brtson par 'gyur zhing de dag la brten nas 'tsho bar sems par byed pa de dag la ltos/ 'od srung byang chub sems dpa' gang gis stong gsum gyi stong chen po'i 'jig rten gyi khams 'di chu'i phung po nas bzung ste/ tshangs pa'i 'jig rten gyi mthar thug pa'i bar du 'bru mar gyis yongs su bkang ste/ mar me'i snying po ri rab tsam btsugs nas de bzhin gshegs pa la mchod pa'i las kyi phyir mar me bus pa bas ni byang chub sems dpa' lhag pa'i bsam pa phun sum tshogs pa/ tshul khrims kyi phung po la gnas pa gcig shos kyis mkhan po 'am/ slob dpon gyi drung nas tshig bzhi pa'i tshigs su bcad pa</font><hr>82.103b<br><font size=+1>

gcig lung mnos te kha ton byed cing gom pa bdun 'dor bar byed pa gang yin pa de de bas ches bsod nams mang du skyed par 'gyur ro/ /'od srung byang chub sems dpa' gang gis stong gsum gyi stong chen po'i 'jig rten gyi khams 'di me tog dang / bdug pa dang / phye ma dang / spos kyis rab tu bkang ste de bzhin gshegs pa la mchod pa'i las kyi phyir lo 'bum gyi bar du nyin lan gsum mtshan lan gsum phul ba bas ni byang chub sems dpa' 'du 'dzi'i gtam gyis 'jigs shing skrag pa gzhan zhig khams gsum thams cad kyis 'jigs shing sems can gyi don mngon par sgrub pa na dgon pa la mngon par phyogs te gom pa bdun 'dor bar byed pa gang yin pa de de bas che bsod nams mang du skyed par 'gyur ro/ /'od srung 'di ji snyam du sems/ de bzhin gshegs pas kyal ka'i ched dam/ brjod pa'i ched du de skad gsungs pa ma yin grang snyam na/ 'od srung khyed kyis de ltar mi blta ste/ de ci'i phyir zhe na/ de ni de la mngon sum yin pa'i phyir ro/ /'od srung sngon byung ba 'das pa'i dus na bskal pa grangs med pa dang / ches grangs med pa dang / ches shin du grangs med pa dang / rgya che ba dang / tshad med pa dang / bsam gyis mi khyab pa dang / dpag tu med pa dag byung ba de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas me tog sna tshogs shes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shig 'jig rten du byung ste/ 'od srung de bzhin gshegs pa me tog sna tshogs de'i nyan thos rnams kyi 'dus pa chen po ni bye ba 'bum phrag dgu bcu rtsa drug tu gyur to/ /'od srung de'i tshe de'i dus na gling bzhi pa'i 'khor los sgyur ba'i rgyal po mu khyud ces bya ba chos dang ldan pa/ chos kyi rgyal po zhig byung bar gyur te/ 'od srung rgyal po mu khyud de la bu ni dpa' ba/ rtul phod pa/ yan lag mchog gi gzugs dang ldan pa/ pha rol gyi</font><hr>82.104a<br><font size=+1>

sde rab tu 'joms par byed pa stong yod par gyur to/ /'od srung rgyal po mu khyud de'i bu stong po de dag gi rjes la de'i pang par chos shes bya ba dang / chos bzang zhes bya ba'i khye'u gnyis shig rdzus te skyes par gyur to/ /'od srung rgyal po mu khyud des bcom ldan 'das de bzhin gshegs pa me tog sna tshogs dge slong gi dge 'dun dang bcas pa de la lo brgyad khri bzhi stong rdzogs kyi bar du las gzhan mi byed par khyim gyi yid la byed pa thams cad spangs te/ na bza' dang / zhal zas dang / gzims cha dang / gdan dang / snyun gyi gsos sman dang / yo byad rnams kyis bsnyen bkur byas te/ dge slong gi dge 'dun rnams la yang zhag bdun bdun 'das shing chos gos yid du 'ong ba gzhan dang gzhan dag kyang phul lo/ /gang dag ci dang ci 'dod pa de dang de dag la kha zas kyi rnam pa yid du 'ong ba de lta de lta bu dag kyang phul lo/ /gang dang gang dag ji lta ji lta bu 'dod pa de dang de dag gi gtsug lag khang yid du 'ong ba de lta de lta bu dag kyang brtsig tu bcug go/ /dge slong re re la yang 'chags dang / bskyed mos tshal dang / bsnyen bkur ba bdun bdun dang / ro brgya dang ldan pa'i kha zas dag kyang phul lo/ /'od srung 'di ltar rgyal po mu khyud des khang bzangs kho ra khor yug tu dpag tshad brgyad bcu yod pa ngos bzhi khang /mig can shin du 'brel pa bkra ba blta na sdug pa/ legs par byas pa/ legs par zin par byas pa/ 'khrul 'khor gyi srad bus yongs su sbyang ba byas pa dag kyang byed du bcug ste/ gang gi tshe de bzhin gshegs pa dge slong gi dge 'dun dang bcas pa khang bzang de dag na bzhugs pa de'i tshe 'khrul 'khor gyi srad bu de dag gi shugs kyis khang bzangs de dag gi steng nas me tog kha dog rnam pa du ma'i char dag kyang 'bab bo/ /me tog de dag gis khang bzangs de dag pus mo nub tsam du gang bar gyur to/ /'od srung de ltar rgyal po mu khyud des de bzhin gshegs pa me tog sna tshogs dge slong gi dge 'dun dang bcas pa de la lo brgyad khri bzhi stong rdzogs kyi bar du yon tan bkod pa bsam gyis mi</font><hr>82.104b<br><font size=+1>

khyab pa dag dang / bde ba'i yo byad thams cad kyis bkur sti byas/ bla mar byas/ ri mor byas/ mchod par byas so/ /'od srung de nas lo brgyad khri bzhi stong de dag 'das pa'i phyi de nyin par de bzhin gshegs pa de'i zhal zas kyi bya ba mdzad lags pa'i 'og tu khye'u chos dang / chos bzang gnyis dpung gi tshogs yan lag bzhi pa thams cad dang bcas te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas me tog sna tshogs de'i spyan sngar btud nas de bzhin gshegs pa de la yid kyi zhu ba 'di skad ces yongs su zhus so/ /bcom ldan 'das rgyal po mu khyud 'dis yun ring po 'di srid du dge ba'i rtsa ba bskrun pa rnam pa mang po 'di lta bu thams cad zil kyis gnon cing yongs su gtugs te gnas par 'gyur ba'i sbyin pa dang / bsod nams dang / longs spyod dang / dge ba'i rtsa ba gzhan zhig mchis lags sam/ 'od srung de ltar khye'u de gnyis kyis zhabs gnyis la gtugs ma thag tu de nas skad cig de la stong gsum gyi stong chen po'i 'jig rten gyi khams de rab tu g.yos shing 'jig rten dus g.yos pa chen po yang byung bar gyur to/ /'od srung de nas bcom ldan 'das de bzhin gshegs pa me tog sna tshogs de'i bsnyen bkur ba thub dka' zhes bya ba zhig yod par gyur ba gang yin pa de stan las langs te chos gos phrag pa gcig tu gzar nas pus mo g.yas pa'i lha nga sa la btsugs nas bcom ldan 'das de bzhin gshegs pa me tog sna tshogs de ga la ba der logs su thal mo sbyar ba btud nas de bzhin gshegs pa de la 'di skad ces gsol to/ /bcom ldan 'das la 'jig rten du dog sa cher g.yos pa 'di'i rgyu ni gang lags/ rkyen ni gang lags/ ci'i slad du na khye'u 'di gnyis kyis bcom ldan 'das kyi zhabs gnyis la gtugs par</font><hr>82.105a<br><font size=+1>

gyur lags/ 'od srung de skad ces gsol pa dang / de bzhin gshegs pa me tog sna tshogs des bsnyen bkur ba thub dka' la 'di skad ces bka' stsal to/ /rigs kyi bu gtam de lta bu yongs su zhus pas khyod la ci bya/ gal te de bzhin gshegs pas khye'u 'di gnyis kyis lhag pa'i bsam pa ji lta bu dang / zab mo la bzod pa sgom pa ji lta bu dang / snying rje chen po ji lta bus de bzhin gshegs pa'i zhabs gnyis la gtugs pa'i gnas de bshad par gyur na lha dang bcas pa'i 'jig rten 'di rmongs par 'gyur ro// // bam po gsum pa/ 'od srung de nas de bzhin gshegs pa me tog sna tshogs des nyan thos chen po rdzu 'phrul dang ldan pa'i mchog sred med kyi bu zhes bya ba la bka' stsal pa/ sred med kyi bu khyod longs la khye'u 'di gnyis slong ste rang gi rdzu 'phrul gyi mthu ston cig /'od srung de nas dge slong sred med kyi bu des de las khye'u gcig lag pa g.yas pas blangs la/ khye'u gcig shos lag pa g.yon pas blangs te gyen du 'phang ngo snyam na gdeg par ma nus so/ /des yang rgya cher mthu dang / stobs dang / brtson 'grus dang / spro ba dang / rdzu 'phrul chen po yang dag par bstan cing gyen du 'phang ngo snyam na tha na de gnyis skra'i rtse mo'i cha shas tsam yang bskyod pa 'am bsgul bar ma nus so/ /'od srung de ltar de khye'u de gnyis shin du gyen du 'phang bar bskyod pa na stong gsum gyi stong chen po'i 'jig rten gyi khams brag dang / ri dang / shing dang / rtswa dang / chu dang bcas pa de rab tu g.yos shing bla 'og tu 'gul bar gyur kyang khye'u de gnyis bslang bar ni ma nus so/ /'od srung de nas de bzhin gshegs pa me tog sna tshogs des de'i tshe nyan thos chen po de'i sems yang dag par rab tu gzung ba dang / rdzu 'phrul gyi mthu nye bar sgrub pa mdzad de/ rdzu 'phrul gyi mthu nye bar bsgrubs pa des dge slong sred med kyi bu des 'og gi phyogs kyi sangs rgyas kyi zhing gang gA'i klung gi bye ma snyed dag 'gul ba dang /</font><hr>82.105b<br><font size=+1>

g.yos pa dang / kun du 'khrugs pa dang / bla 'og tu 'gul bar byas kyang tha na khye'u de gnyis skra'i rtse mo'i cha shas tsam yang g.yo ba 'am/ 'gul bar byed ma nus so/ /'od srung de nas dge slong sred med kyi bu des bcom ldan 'das de bzhin gshegs pa me tog sna tshogs de'i zhabs gnyis la gtugs nas de bzhin gshegs pa me tog sna tshogs de la 'di skad ces gsol to/ /bcom ldan 'das bdag rang gi rdzu 'phrul gyi stobs las yongs su nyams pa 'am gcig tu ma gyur lags grang / de ci'i slad du zhe na/ bcom ldan 'das 'di ltar bdag gis khye'u skyes nas ring po ma lags pa/ byis pa'i gzugs su mchis pa/ lus bong chung ngu 'di gnyis kyis dog sa la gtugs pa yang bslang bar rngo ma thog pa'i slad du'o/ /de skad ces gsol pa dang / bcom ldan 'das de bzhin gshegs pa me tog sna tshogs des dge slong sred med kyi bu de la 'di skad ces bka' stsal to/ /sred med kyi bu khyod ni rang gi rdzu 'phrul gyi stobs las su yongs su ma nyams mod kyi/ 'on kyang byang chub sems dpa'i byin gyis brlabs 'di ni bsam gyis mi khyab pa yin pas de ni nyan thos dang / rang sangs rgyas thams cad kyis rnam par dkrug pa 'am/ bsam bar sla ba ma yin te/ sred med kyi bu stong gsum gyi stong chen po'i 'jig rten gyi khams na sems can gang ji snyed pa de dag thams cad 'di lta ste dper na ngas da ltar khyod nyid nyan thos rdzu 'phrul chen po rnams kyi mchog tu bstan pa de lta bu'i rdzu 'phrul gyi stobs dang ldan par gyur cing de tsam du rdzu 'phrul che ba dang / de tsam du mthu che ba'i sems can de dag thams cad kyis bskal pa bye ba snyed du rdzu 'phrul gyi rnam par 'phrul pa rnam pa sna tshogs dag gis rnam</font><hr>82.106a<br><font size=+1>

par 'phrul ba byas kyang de dag gis khye'u 'di gnyis bslang ba 'am/ bsgul bar mi nus so/ /'od srung de ltar de bzhin gshegs pa me tog sna tshogs des tshig de skad gsungs pa na 'khor de la srog chags 'bum phrag bzhi bcu rtsa gnyis kyis bla na med pa yang dag par rdzogs pa'i byang chub tu sems bskyed cing de dag 'di snyam du sems te/ 'di ltar byang chub sems dpa' rnam pa thams cad mkhyen pa nyid ma rtogs shing thams cad mkhyen pa nyid ma thob pa kho na yin yang / gang la nyan thos chen po 'di dag rdugs par byas te bkod pa'i rdzu 'phrul gyi cho 'phrul de lta bu dang ldan pa de ni ngo mtshar te/ bdag cag gis kyang byin gyis brlabs de lta bu thob par bya ba dang / sangs rgyas kyi ye shes kyang thob par bya'o snyam du sems shing de ltar yang dag par shes pa'i srog chags 'bum phrag bzhi bcu rtsa gnyis po de dag gis bla na med pa yang dag par rdzogs pa'i byang chub tu sems bskyed par gyur to/ /'od srung de nas byang chub sems dpa' sems dpa' chen po blo gros bzang po zhes bya ba zhig 'khor de nyid du 'dus te 'dug par gyur ba de stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das de bzhin gshegs pa me tog sna tshogs de ga la ba de logs su thal mo sbyar ba btud nas/ de bzhin gshegs pa me tog sna tshogs de la 'di skad ces gsol to/ /bcom ldan 'das khye'u 'di gnyis bslang bar mdzad cing khye'u 'di gnyis kyis zhus pa rab tu rnam par dbye ba yang bstan du gsol/ 'od srung de bzhin gshegs pa me tog sna tshogs des de'i tshe se gol gyi sgra mdzad de/ se gol gyi sgra des phyogs bcu'i sangs rgyas kyi zhing gang gA'i klung gi bye ma snyed dag tu mngon par</font><hr>82.106b<br><font size=+1>

grags par gyur to/ sangs rgyas kyi zhing ji snyed du se gol gyi sgras mngon par grags par gyur ba de snyed kho na rnam pa drug tu rab tu g.yos par yang gyur to/ /ji snyed rnam pa drug tu rab tu g.yos par gyur ba de snyed kho na snang ba chen pos yongs su khyab par yang gyur to/ /'od srung de nas khye'u de gnyis kyis sgra de thos nas de bzhin gshegs pa de'i zhabs kyi drung nas langs par gyur to/ /'od srung khye'u de gnyis langs par gyur ba na stong gsum gyi stong chen po'i 'jig rten gyi khams de na lha dang mi'i sil snyan gang ji snyed yod pa de dag thams cad ma gsil ma dkrol bar rol mo'i sgra dag 'byin par gyur cing me tog gi char dag kyang mngon par rab tu bab par gyur to/ /'od srung de nas khye'u de gnyis langs nas kyang yang de bzhin gshegs pa de'i zhabs la phyag 'tshal te/ de bzhin gshegs pa de la bskor ba byas nas thal mo sbyar te de bzhin gshegs pa de'i zhal du lta zhing phyogs gcig tu 'khod do/ /'od srung de nas de bzhin gshegs pa me tog sna tshogs des byang chub sems dpa' blo gros bzang po la bos te 'di skad ces bka' stsal to/ /rigs kyi bu khye'u 'di gnyis kyis nga'i zhabs kyi drung du gtugs nas nga la yid kyis zhu ba 'di skad ces yongs su zhus te/ bcom ldan 'das rgyal po mu khyud 'dis sbyin pa bya ba'i chos sbyin pa yongs su gtong ba'i sbyin pa gang lags pa dang / dge ba'i rtsa ba gang lags pa dang / yongs su gtong ba gang lags pa de zil kyis gnon cing yongs su gtugs te gnas par 'gyur ba'i sbyin pa mchis lags sam/ yongs su gtong ba mchis lags sam/ dge ba'i rtsa ba mchis lags sam zhes khye'u 'di gnyis kyis nga la zhu ba de skad yongs su zhus nas de bzhin gshegs pa'i zhabs gnyis la gtugs so/ /'od srung</font><hr>82.107a<br><font size=+1>

de nas de bzhin gshegs pa me tog sna tshogs de la byang chub sems dpa' blo gros bzang po des 'di skad ces gsol to/ /bcom ldan 'das skye bo mang po la sman pa dang / skye bo mang po la bde ba dang / 'jig rten la thugs brtse ba dang / lha dang mi rnams kyi skye bo phal po che'i don dang / sman pa dang / bde ba'i slad du khye'u 'di gnyis kyis zhus pa bcom ldan 'das kyis bshad du gsol/ 'od srung de skad ces gsol pa dang / de bzhin gshegs pa me tog sna tshogs des byang chub sems dpa' sems dpa' chen po blo gros bzang po de la 'di skad ces bka' stsal to/ /rigs kyi bu de'i phyir nyon cig dang / bshad par bya'o/ /rigs kyi bu rgyal po mu khyud 'dis bsod nams kyi sbyin pa yongs su gtong ba gang yin pa de bas ni byang chub sems dpa' dben par gnas pa zhig dgon pa dang / rab tu dgon pa dag la gnas shing se gol gtogs pa tsam zhig chos thams cad ni ma skyes pa'o zhes bzod pa thob pa gang yin pa de bsod nams kyi phung po ches che bar rig par bya'o/ /rigs kyi bu rgyal po mu khyud 'di'i sbyin pa lta zhog gi/ stong gsum gyi stong chen po'i 'jig rten gyi khams na sems can ji tsam pa sems can du bsdu bar bsdus pa'i sems can de dag thams cad las sems can re res kyang so so nas rgyal po mu khyud 'di'i sbyin pa ji snyed pa de snyed cig byin par gyur na/ stong gsum gyi stong chen po'i 'jig rten gyi khams su gtogs pa'i sems can de dag thams cad kyi bsod nams gang yin pa dang / byang chub sems dpa' dben bar gnas pa yang dag pa'i bsam pa dang ldan pa dang / yang dag pa'i lam du zhugs pa/ tshul bzhin la rab tu brtson pa zhig chos thams cad stong pa dang / 'ong ba med pa dang / 'gro ba med pa zhes bya bar se gol gtogs pa</font><hr>82.107b<br><font size=+1>

tsam zhig bzod cing gnas par gyur la/ sems can thams cad kyi bsod nams kyi phu po snga ma des ni se gol gtogs pa tsam zhig bzod pa la gnas pa'i bsod nams kyi phung po de'i brgya'i char yang nye bar mi 'gro'o/ /stong gi cha dang / 'bum gyi cha dang / bye ba'i cha dang / bye ba phrag brgya'i cha dang / bye ba phrag stong gi cha dang / bye ba phrag 'bum gyi cha dang / bye ba khrag khrig phrag 'bum gyi bar gyi cha dang / grangs dang / cha dang / bgrang ba dang / dpe dang / nye bar 'jal ba dang / rgyu'i bar du yang nye bar mi 'gro'o/ /rigs kyi bu stong gsum gyi stong chen po'i 'jig rten gyi khams su gtogs pa'i sems can thams cad kyi bsod nams kyi phung po lta yang zhog gi /'jig rten gyi khams gang gA'i klung gi bye ma snyed dag na sems can ji snyed sems can du bsdu bar bsdus pa'i sems can de dag thams cad las sems can re res kyang skad cig dang / thang cig dang / yud tsam cig la rgyal po mu khyud 'dis sbyin pa byin pa dang / dge ba mngon par 'dus byas pa ji snyed pa de snyed cig byas shing sems can de dag re res se gol gtogs pa tsam gcig la yang de snyed kyi sbyin pa byin zhing dge ba mngon par 'dus byas par gyur la/ rnam grangs de lta bus sems can de dag thams cad kyis bskal pa gang gA'i klung gi bye ma snyed du sbyin pa byin zhing dge ba mngon par 'dus byas par gyur na/ rigs kyi bu 'di ji snyam du sems/ dge ba'i rtsa ba de dag mang ba yin snyam 'am/ 'od srung de skad ces bka' stsal pa dang / de bzhin gshegs pa me tog sna tshogs de la byang chub sems dpa' blo gros bzang po des 'di skad ces gsol to/ /bcom ldan 'das de bzhin gshegs pas dpe de lta bu mdzad pa ni ngo mtshar lags te/ dge ba'i rtsa ba de ni bsam bar yang sla ba ma lags pas bsam gyis mi khyab pa lags so/ /'od srung de nas de</font><hr>82.108a<br><font size=+1>

bzhin gshegs pa me tog sna tshogs des byang chub sems dpa' blo gros bzang po de la 'di skad ces bka' stsal to/ /rigs kyi bu khyod mos par bya/ khyod kyi khong du chud par bya ste/ mkhas pa mngon par sbyar ba byas pa/ zab mo la bzod pa dang ldan pa gang dag 'byung bar 'gyur ba de dag ni 'di la mos par 'gyur te/ sems can de dag thams cad kyi dge ba'i rtsa ba yun ring po de srid du mngon par 'dus byas pa de tsam du dpag tu med cing de tsam du bsam gyis mi khyab pa gang yin pa sems can thams cad kyi dge ba'i rtsa ba mngon par 'du bya ba snga ma de ni khye'u 'di gnyis kyis lhag pa'i bsam pa gang gis de bzhin gshegs pa'i zhabs la gtugs shing phyag 'tshal ba 'di'i brgya'i char yang mi 'gro'o/ /stong gi cha dang / 'bum gyi cha dang / bye ba'i cha dang / bye ba phrag brgya'i cha dang / bye ba phrag stong gi cha dang / bye ba phrag 'bum gyi cha dang / bye ba khrag khrig phrag 'bum gyi bar gyi cha dang / grangs dang / cha dang / bgrang ba dang / dpe dang / nye bar 'jal ba dang / rgyu'i bar du yang nye bar mi 'gro'o/ /'od srung de nas bcom ldan 'das de bzhin gshegs pa me tog sna tshogs de'i dge slong gi dge 'dun las dge sbyong brgyad khri bzhi stong gis bstan pa 'di thos nas tshig 'thun par rjes su yi rang ba'i tshig 'di skad ces brjod de/ bcom ldan 'das bdag cag ni sems can gang dag chos zab mo rnams la bzod par 'gyur ba dang / gang dag chos thams cad stong par mos par bgyid pa dang / gang dag dben pa la dga' zhing dgon pa la mngon par phyogs te gom pa bdun 'dor bar bgyid pa dang / gang dag ye shes de lta bu yongs su bsgrub par bgyi ba'i slad du bla na med pa yang dag par rdzogs pa'i byang chub tu sems bskyed par bgyid pa de dag gi dge ba'i rtsa ba de dag la rjes su yi rang ngo zhes</font><hr>82.108b<br><font size=+1>

rjes su yi rang ba'i tshig brjod par gyur to/ /'od srung de nas de bzhin gshegs pa me tog sna tshogs des dge slong de dag la legs so zhes bya ba byin te/ rigs kyi bu dag khyed kyis lhag pa'i bsam pa de lta bus rjes su yi rang ba'i tshig de lta bu brjod pa ni legs so legs so/ /gal te khyed cag gi sems dag rnam par grol bar ma gyur du zin na ni khyed cag dge ba'i rtsa ba des 'khor los sgyur ba'i rgyal srid gang gA'i klung gi bye ma snyed du bcug nas bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro/ /de nas gnas brtan 'od srung chen po dang / 'khor de dag thams cad kyis tshig 'thun par 'di skad ces gsol to/ /bcom ldan 'das bdag cag ni sems can de dag gis sems bskyed pa de dag dang / gang dag la chos thams cad stong pa dang / dben pa dang / nye bar zhi ba dang / 'dod chags dang bral ba dang / rang bzhin ma mchis par glo ba ches pa ma mchis pa dang / bzod pa mchis pa dang / mos pa mchis pa de dag la yang rjes su yi rang lags so/ /de nas bcom ldan 'das kyis yang gnas brtan 'od srung chen po la bka' stsal pa/ 'od srung de nas bcom ldan 'das de bzhin gshegs pa me tog sna tshogs de la khye'u chos dang / chos bzang gnyis kyis 'di skad ces gsol to/ /bcom ldan 'das byang chub sems dpa' chos du dang ldan na sbyin pa la dga' bar yang mi bgyid la ser sna can du yang mi 'gyur ba dang / kun 'dzin pa'i sems ma mchis pa dang / gzhan 'jig rten gyi zang zing stsol bar bgyid pa de dag mthong na yang de la dga' ba skyed par mi bgyid pa dang / gong du yang 'di lta ste/ sangs rgyas kyi gnas pa bla na med pas gnas pa 'thob par 'gyur ba dang / zab mo la bzod pa dang ldan par 'gyur ba dang / bla na med pa'i ye shes yongs su</font><hr>82.109a<br><font size=+1>

rdzogs par yang bgyid lags/ 'od srung de skad ces gsol ba dang / de bzhin gshegs pa me tog sna tshogs des khye'u chos dang / chos bzang gnyis la 'di skad ces bka' stsal to/ /rigs kyi bu dag byang chub sems dpa' chos bzhi dang ldan na sbyin pa la dga' bar yang mi byed la ser sna can du yang mi 'gyur ba dang / kun 'dzin pa'i sems med pa dang / gzhan 'jig rten gyi zang zing sbyin par byed pa de mthong na yang de la dga' ba skyed par mi byed pa dang / gong du yang 'di lta ste/ sangs rgyas kyi gnas pa bla na med pas gnas pa 'thob par 'gyur ba dang / zab mo la bzod pa dang ldan par 'gyur ba dang / bla na med pa'i ye shes kyang yongs su rdzogs par byed de/ bzhi gang zhe na/ stong pa nyid la mos pa dang / dben par gnas pa dang / zab mo la bzod pa dang / tshul bzhin yid la byed pa ste/ rigs kyi bu dag byang chub sems dpa' chos bzhi po de dag dang ldan na sbyin pa la yang dga' bar mi byed la ser sna can du yang mi 'gyur ba dang / kun 'dzin pa'i sems med pa dang / gzhan 'jig rten gyi zang zing sbyin par byed pa de mthong na yang de la dga' ba skyed par mi byed pa dang / gong du yang 'di lta ste/ sangs rgyas kyi gnas pa bla na med pas gnas pa 'thob par 'gyur ba dang / zab mo la bzod pa dang ldan par 'gyur ba dang / bla na med pa'i ye shes kyang yongs su rdzogs par byed par 'gyur ro/ /rigs kyi bu gzhan yang byang chub sems dpa' chos bzhi dang ldan na sbyin pa la dga' bar yang mi byed la ser sna can du yang mi 'gyur ba dang / kun 'dzin pa'i sems med pa dang / gzhan 'jig rten gyi zang zing sbyin par byed pa de mthong na yang de la dga' ba skyed par mi byed pa dang / gong du yang 'di lta ste/ sangs rgyas kyi gnas pa bla na med pas gnas pa 'thob par 'gyur ba dang / zab mo la bzod pa dang ldan</font><hr>82.109b<br><font size=+1>

par 'gyur ba dang / bla na med pa'i ye shes kyang yongs su rdzogs par byed par 'gyur te/ bzhi gang zhe na/ rigs kyi bu dag 'di la byang chub sems dpa' mang du thos pa yongs su tshol bar byed pa dang / de mang du thos par gyur nas grong dang / grong khyer dang / grong rdal dang / rgyal po'i pho brang dang / yul 'khor dag tu zhugs te/ chos kyi sbyin pa sbyin par byed pa dang / gang las kyang tha na legs so zhes bya ba tsam du cung zad kyang re ba med cing / de gos pa med pa'i sems kyis gzhan dag la chos ston par byed pa dang / de gos pa med pa'i sems dang ldan pas 'di lta ste/ chos kyi sbyin pa'i sbyin pa 'di ni sangs rgyas bcom ldan 'das rnams kyis bsngags shing bstod pa yin pas na mchog yin no/ /zhes dga' ba nyams su myong bar byed pa ste/ de dag ni sbyin pa dam pa sbyin pa gtso bo 'di la gnas pa yin no zhes yang dag par mthong ba na dga' ba nyams su myong bar byed cing sems can 'jig rten gyi zang zing yongs su gtong ba la mngon par brtson pa gzhan dag la ni dga' bar mi byed do/ /de ci'i phyir zhe na/ rigs kyi bu dag byang chub sems dpa' gang gis phyogs bcu'i 'jig rten gyi khams tshad med/ grangs med/ dpag tu med pa dag na de bzhin gshegs pa dge slong gi dge 'dun gyis yongs su bskor ba ji snyed cig bzhugs te 'tsho zhing gzhes pa de dag thams cad la tshe'i mtha' ji srid par ma tshang ba med pa'i sbyin pa phul bar gyur ba gang yin pa dang / byang chub sems dpa' lhag pa'i bsam pa phun sum tshogs pa tshul khrims dang ldan pa/ dge ba'i chos dang ldan pa gzhan zhig gis snying rje chen po kun du bskyed de/ sangs rgyas bcom ldan 'das rjes su dran par byed pa na gos pa med pa'i sems kyis rnyed pa dang / bkur sti dang / grags pa mi 'dod par sems can gcig la gcig tshig bzhi pa'i tshigs su bcad</font><hr>82.110a<br><font size=+1>

pa gcig tsam zhig sgrogs par byed cing des tshigs su bcad pa de bshad nas kyang yi ge mnyam pa nyid kyis 'di lta ste dper na yi ge 'di dag rang bzhin gyis stong pa de bzhin du chos thams cad kyang rang bzhin gyis stong pa yin no zhes rab tu rtogs par byed na/ rigs kyi bu dag bsod nams kyi phung po de la bsod nams kyi phung po snga ma des brgya'i char yang nye bar mi 'gro'o/ /stong gi cha dang / 'bum gyi cha dang / bye ba'i cha dang / bye ba phrag brgya'i cha dang / bye ba phrag stong gi cha dang / bye ba phrag 'bum gyi cha dang / bye ba khrag khrig phrag 'bum gyi bar gyi cha dang / grangs dang / cha dang / bgrang ba dang / dpe dang / nye bar 'jal ba dang / rgyu'i bar du yang nye bar mi 'gro ba'i phyir ro/ /'od srung de nas yang de bzhin gshegs pa me tog sna tshogs des khye'u de gnyis la 'di skad ces bka' stsal to/ /rigs kyi bu byang chub sems dpa' chos bzhi dang ldan na 'di lta ste/ sangs rgyas kyi gnas pa rgya chen pos gnas pa 'thob par 'gyur te/ bzhi gang zhe na/ 'di lta ste/ rgya chen po la 'jug pa dang / chos rgya chen po 'chad pa dang / sbyin pa rgya chen po yongs su gtong ba dang / rgya chen po la mos pa ste/ rigs kyi bu dag byang chub sems dpa' chos bzhi po de dag dang ldan na 'di lta ste/ sangs rgyas kyi gnas pa rgya chen pos gnas pa 'thob par 'gyur ro/ /'od srung de ltar de bzhin gshegs pa me tog sna tshogs des khye'u de gnyis la de lta de ltar chos bstan pas khye'u de gnyis chos kyi mchog tu dga' ba de nyid kyis ta la bdun srid tsam du mngon par 'phags te/ de gnyis bar snang la 'khod nas de bzhin gshegs pa de la gnyi gas tshig 'thun par tshigs su bcad pa 'di dag gsol to/ /thub pa spyod pa thams cad mkhyen/ /spyod pa kun la mkhas pa</font><hr>82.110b<br><font size=+1>

lags/ /sems can rnams la gtong ba dang / /de bzhin gtong la mi gnas ston/ /'di la bdag dang sems can dang / /srog dang gang zag ma mchis par/ /bzod pa bla med gang lags pa/ /sbyin pa de ni sbyin chen lags/ /bzod pa zab mo sgom byos la/ /de la 'ang rtog pa ma byed ces/ /bgyi ba 'di 'dra bka' stsal pa/ /dpa' chen khyod ni ngo mtshar lags/ /gang la chags la sogs med pa/ /byang chub dam pa don du gnyer/ /ye shes chen po sbyang byas nas/ /de la 'ang rlom sems ma byed cig /rnam grol stong pa bsgom bar gyis/ /de la'ang rnam rtog ma byed cig /dgon pa'i gnas ni rten byed pa/ /dben pa'i gnas shes gsungs pa mdzad/ /rlom sems yongs su spangs pa yi/ /sbyin pa rtag tu sbyin par bya/ /gang la 'du shes mi 'jug pa/ /de ni rdul bral mtha' yin no/ /zhi ba'i gnas las mi g.yo ba'i/ /tshul khrims yongs su sbyang bar bya/ /gang gis zhi tshul mdzes rtogs pa/ /de ni tshul khrims mchog yin gsung / /bzod pa rtag tu sgom gyis la/ /sems can rnams la rtog ma byed/ /rtog pa thams cad rnams spangs pa/ /de ni bzod pa yin par gsungs/ /brtson 'grus brtan pa 'ang brtsam par byos/ /'dus byas kun kyang spang bar gyis/ /dben par lta ba gang yin pa/ /de ni sangs rgyas brtson 'grus gsung / /dngos po'i dngos de med pas na/ /dngos po thams cad bsreg par bya/ /nyon mongs med pa gang yin pa/ /de ni rtog med bsam gtan yin/ /tshu rol ma yin pha rol min/ /dbus su'ang gnas par mi bya ste/ /dus gsum mnyam lta gang yin pa/ /de ni shes rab dam pa yin/ /dgon pa'i 'du shes bsgom bya zhing / /'du shes de la'ang blta mi bya/ /'du shes gang las skye 'gyur te/ /des de 'du shes med ces bya/ /chos kyi sbyin pa'i yon tan dang / /de bzhin</font><hr>82.111a<br><font size=+1>

phan yon rnams kyang bstan/ /de phyir rlom sems med pa yis/ /ji ltar thos pa'i chos kyang shod/ /yi ge rnams ni zad med de/ /rang bzhin gyis ni grub pa med/ /de phyir chos la mi rlom zhing / /khyed kyis 'bras bu med mi bya/ /bdag ni chos ston byed pa'o zhes/ /gang la 'du shes de 'byung ba/ /des ni chos nyid med shes pas/ /de ni bdud kyi zhags pas bcings/ /bdag gis sangs rgyas mthong ngo zhes/ /gang la 'du shes de 'byung ba/ /de la de ma thag tu ni/ /bdud rtsi dug ni btung bar 'gyur/ /gang zhig rdzogs pa'i byang chub ni/ /rtogs par 'dod dam nyan thos sam/ /rang rgyal byang chub rtogs 'dod pa/ /des ni tshul 'di bslab par gyis/ /rnam grol ye shes dpag med kyang / /gcig pa nyid du bstan pa mdzad/ /dman pa'i smon lam 'dod mi bya/ /byang chub dam pa don du gnyer/ /gang zhig 'jig rten mgon po'i sku/ /mtshan gyis brgyan pa ci 'dra ba/ /de 'dra 'dod pa de yis ni/ /byang chub mchog la gnas par gyis/ /chos kun rgyu las 'byung ba ste/ /byed pa po ni dmigs su med/ /chos rnams brten nas byung ba ste/ /yang dag rang bzhin yod min zhes/ /bgyi ba 'di 'dra bka' stsal pa/ /dpa' chen khyod ni ngo mtshar lags/ /'od srung de ltar khye'u de gnyis kyis bar snang de las tshigs su bcad pa de dag smras pa'i tshe rgyal po mu khyud de'i grong khyer pa dang / btsun mo'i 'khor dang / zhabs 'bring gnyug ma rnams dang / steng gi bar snang la lha gang dag 'dus te 'khod par gyur ba de dag las srog chags brgyad khri bzhi stong gis bla na med pa yang dag par rdzogs pa'i byang chub tu sems bskyed do/ /sems can tshad med/ grangs med pa dag gis ni dge ba'i rtsa ba sna tshogs yongs su sgrub pa'i rgyu bskyed par gyur to/ /'od srung de nas khye'u chos dang / chos bzang gnyis bar snang de las babs te/ bcom ldan 'das de bzhin gshegs pa me tog sna tshogs de'i</font><hr>82.111b<br><font size=+1>

zhabs la gtugs nas 'di skad ces gsol to/ /bcom ldan 'das bdag cag gnyis sangs rgyas bcom ldan 'das dang / dam pa'i chos dang / dge slong gi dge 'dun la skyabs su mchi'o/ /bla na med pa yang dag par rdzogs pa'i byang chub tu sems bskyed cing sems kyi rang bzhin gyis byang chub kyi rang bzhin rjes su rtogs par yang bgyid lags te/ bcom ldan 'das 'dir sems bskyed pa de ni 'di lta ste/ chos thams cad skye ba ma mchis pa lags so/ /'dir sems bskyed pa de ni 'di lta ste/ chos thams cad la mngon par zhen pa ma mchis pa kho na lags so/ /de ci'i slad du zhe na/ gang la mngon par zhen pa mchis pa de la ni skye ba 'ga' zhig mchis gda'i/ gang la mngon par zhen pa ma mchis pa de la ni skye ba 'ga' yang ma mchis pa'i slad du ste/ bcom ldan 'das de lta lags pas skye ba nyid skye ba ma mchis pa lags so/ /de ci'i slad du skye ba ma mchis pa zhes bgyi na/ de la skye ba'i gzhi 'jug pa ma mchis pas de'i slad du skye ba ma mchis pa zhes bgyi ste/ skye ba ma mchis pa de la ni brjod pa de yang brjod par mi bgyi'o/ /de ci'i slad du zhe na/ ji tsam du brjod pa mchis pa de tsam du skye ba dang 'gag pa mchis kyi/ de ltar ye shes shin du rnam par dag pa gang lags pa de la ni skye ba ma mchis/ 'gag pa yang ma mchis la/ gang la skye ba ma mchis pa dang / 'gag pa ma mchis pa de ni bas ma 'tshal ba ste/ gtan du bas pa ma lags pa'i slad du'o/ /bcom ldan 'das de lta lags pas bdag cag gnyis ni mnyam pa nyid kyi mtha' 'dis bla na med pa yang dag par rdzogs pa'i byang chub tu smon lam 'debs shing chos 'ga' la yang dmigs par mi bgyid/ chos 'ga' yang thob par mi bgyid/ chos 'ga' yang thob par bgyid du stsol bar mi bgyid de/ mnyam pa nyid gang lags pa de kho na rjes su</font><hr>82.112a<br><font size=+1>

rtogs par bgyid par bas kyi/ chos 'ga' yang rjes su rtogs par mi bgyid lags so/ /de ci'i slad du zhe na/ chos thams cad ni gzod ma nas rnam par dag pa'i slad du'o/ /'od srung de ltar khye'u de gnyis kyis de skad smras pa na byang chub sems dpa' khris ni mi skye ba'i chos la bzod pa thob par gyur to/ /rgyal po mu khyud kyang bu stong po de dag dang lhan cig rgyal po lnga stong dag dang lhan cig tu bla na med pa yang dag par rdzogs pa'i byang chub tu sems bskyed do/ /'od srung de nas de bzhin gshegs pa me tog sna tshogs des zhal zas kyi bya ba mdzad pa lags nas lhung bzed bzhag ste/ phyag bcabs nas rgyal po mu khyud dang / skye bo phal po che de dag la chos kyi gtam yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad nas gdan las bzhengs te gshegs so/ /'od srung de nas khye'u chos dang / chos bzang gnyis kyis pha ma la gsol ba btab nas dad pas khyim nas khyim med par legs pa kho nar rab tu 'byung ba'i phyir mngon par byung ngo / /de gnyis rang gi grong khyer chen po nas mngon par 'byung ba'i tshe tshigs su bcad pa 'di dag smras so/ /rab 'byung sangs rgyas rnams kyis bsngags/ /nges 'byung de bzhin gshegs pas bsngags/ /khyim gnas nyon mongs gnas pa ste/ /dkar chos rnam par 'jig par byed/ /gang zhig dkar po'i chos rnams ni/ /nyams par mi 'gyur 'phel 'dod pa/ /rab tu 'byung bar bya ba'i phyir/ /'jig rten mgon thang myur du song / /bskal pa bye bar rab spyad kyang / /'dod pa rnams la ngoms pa med/ /khyim na gnas pa 'dod rnams kyis/ /mi ngoms bzhin du 'chi bar 'gyur/ /</font><hr>82.112b<br><font size=+1>

ji ltar rgya mtsho chu klung rnams/ /'bab pas ngoms par mi 'gyur ba/ /de bzhin byis pa 'dod rnams la/ /bsten pas rnams kyang ngoms mi 'gyur/ /dper na me ni rtswa dag dang / /shing gis nams kyang ngoms pa med/ /de bzhin byis pa 'dod rnams la/ /'dod pas ngoms par 'gyur ba med/ /'jig rten rnam par 'dren rnams kyis/ /'dod pa 'di dag chags par gsungs/ /de phyir chags pa yongs spangs te/ /rab tu 'byung phyir mngon byung shig /'jig rten mgon po bla na med/ /snga ma 'ga' yang gang gi phyir/ /khyim gyi gnas na gnas mdzad nas/ /bla med byang chub brnyes pa med/ /sngon gyi sangs rgyas 'jig rten mgon/ /gang su mya ngan 'das gyur pa/ /kun gyis dgon par rab dgon du/ /bla med byang chub brnyes par gyur/ /de phyir sangs rgyas rnams kyi ni/ /bsten pa'i dgon pa de slobs la/ /khyim gnas sred pa spong byos dang / /des ni bde legs nyid du 'gyur/ /gang zhig khyim na gnas nas ni/ /stong gsum thams cad rin chen gyis/ /rab tu bkang ste 'jig rten gyi/ /mgon la yon du 'bul byed la/ /mkhas pa gang zhig yid byung zhing / /nyes pa shes nas khyim spangs te/ /sangs rgyas rjes su slob byed la/ /rab tu 'byung ba tshol byed cing / /rab tu 'byung ba btsal nas kyang / /g.yel ba med pas 'dod rnams dang / /khyim gyi gnas la mi lta bar/ /gom pa bdun ni 'dor byed na/ /bsod nams phung po de la ni/ /snga mas rin gyi char mi chog /de phyir sangs rgyas bsngags pa yi/ /rab tu 'byung phyir myur du deng / /gang la chags pa yod min pa'i/ /shes pas rtag tu ngoms med na/ /chags pa kun las rnam 'das pa'i/ /sangs rgyas dam pa nyid 'thob 'gyur/ /myur du dgon par gnas byed na/ /'dod pa'i sred pa spong 'gyur te/ /nyes pa ji bzhin rnam</font><hr>82.113a<br><font size=+1>

rig nas/ /de dag las ni sems ldog 'gyur/ /khyim ni myur du spangs nas su/ /dgon pa la ni gnas gyur pa/ /mkhas pa yang dag mthong ba rnams/ /sangs rgyas rnams ni rjes su slob/ /gang dag byang chub phyir brtson ba/ /de dag dben pa sten byed cing / /de dag dgon par dga' 'gyur zhing / /de dag khyim la dga' mi 'gyur/ /de ni sangs rgyas rnam dag gi/ /spyod yul gnas dang spyod pa ste/ /gang zhig lam 'dir 'jug 'gyur ba/ /de la byang chub rnyed dka' min/ /chags la sogs pas gzir ba yi/ /sems can grol byed su 'dod pa/ /de ni khyim na gnas pa yis/ /skrag cing dgon pa kun du bstan/ /gang zhig bdud las rgyal ba dang / /'chi med go 'phang rtogs pa dang / /'khor lo dam pa bskor 'dod pa/ /des ni dgon pa bsten par gyis/ /'od srung de ltar khye'u chos dang / /chos bzang gnyis tshigs su bcad pa de dag smra zhing grong khyer chen po de nas phyir byung nas bcom ldan 'das me tog sna tshogs ga la ba der dong ste phyin pa dang / bcom ldan 'das de'i zhabs la mgo bos phyag 'tshal te bcom ldan 'das de la 'di skad ces gsol to/ /bcom ldan 'das bdag cag gnyis bcom ldan 'das las rab tu 'byung ba dang / bsnyen par rdzogs pa dge slong gi dngos po thob par 'gyur lags sam/ 'od srung de nas de bzhin gshegs pa me tog sna tshogs des khye'u de gnyis kyi lhag pa'i bsam pa thugs su chud nas khye'u de gnyis rab tu phyung zhing bsnyen par rdzogs par mdzad do/ /'od srung de nas rgyal po mu khyud kyis khye'u de gnyis rab tu byung ba thos nas bu thu bo rgyal srid la bzhag ste/ bu stong du gcig gis ma tshang ba rnams dang yang lhan cig /bud med brgyad khri bzhi stong dang yang lhan cig /rgyal po lnga stong tsam po de dag dang yang lhan cig /skye bo phal</font><hr>82.113b<br><font size=+1>

po che gzhan dag dang yang lhan cig tu thams cad khyim gyi gnas la mi lta bar dad pas khyim nas khyim med par legs pa kho nar rab tu 'byung ba'i phyir mngon par byung bar gyur to/ /de'i tshe na srog chags bye ba tham pa mngon par byung bar gyur te/ de dag thams cad de bzhin gshegs pa me tog sna tshogs de ga la ba der dong ste phyin nas bcom ldan 'das de'i zhabs gnyis la mgo bos phyag 'tshal te bcom ldan 'das de la 'di skad ces gsol to/ /bcom ldan 'das bdag cag bcom ldan 'das las rab tu 'byung ba dang bsnyen par rdzogs pa dge slong gi dngos po thob par 'gyur lags sam/ 'od srung de nas de bzhin gshegs pa me tog sna tshogs des sems can de dag gi lhag pa'i bsam pa thugs su chud nas skye bo'i tshogs de dag thams cad rab tu phyung zhing bsnyen par rdzogs par mdzad de/ dge slong gi dngos po la rab tu bkod do/ /'od srung de nas rgyal po mu khyud kyis bu tho bo rgyal srid la bzhag pa gang yin pa de yang zhag bdun 'das pa dang / gcig bu dben par song nas 'du shes kyi rnam par rtog pa 'di lta bu 'di skyes te/ bdag la rgyal srid kyis ci bya/ dbang phyug gis kyang ci bya ste/ bdag 'dod pa lhur len cing 'dod pa'i 'ching bas bcings nas bla na med pa yang dag par rdzogs pa'i byang chub yongs su spang bar ni mi bya'o snyam nas des de'i mdo la rab tu 'byung ba'i sems chen po bskyed de/ de tshes bcwa lnga zla ba nya ba'i tshe gling chen po bzhi po dag tu rgyu ba'i tshe na des tshigs su bcad pa 'di dag smras so/ /kho bo'i pha ma phu nu dang / rtsa lag rnams kyang rab 'byung phyir/ /nges par byung ste chos don phyir/ /srog chags bye ba tham pa byung / /nga la khyim gyis ci bya ste/ /bdag kyang der ni 'gro bar bya/ /gal te khyed</font><hr>82.114a<br><font size=+1>

cag 'dod gyur na/ /nga ni khyed kyi yongs 'dren te/ /gang dag rab tu 'byung ba'i phyir/ /sems skyed byed pa de dag ni/ /khom ldan shin du rnyed dka' bas/ /nga dang 'grogs te myur du 'dod/ /gang dag khyim nas khyim med par/ /rab 'byung sems skyes mi byed pa/ /de dag bden chos gnas gyis la/ /khyim ni legs par bsrung gyis shig /'od srung de ltar rgyal bu gzhon nu des tshigs su bcad pa de dag smras pa na/ gling chen po bzhi po de dag nas gang khyim na gnas pa la sems dga' ba'i sems can ni gcig kyang byung bar ma gyur te/ thams cad rab tu byung ba'i sems dang ldan zhing rab tu 'byung ba la gzhol ba dang / mngon par 'byung ba'i bsam ba dang chas te gnas par gyur to/ /'od srung de nas de bzhin gshegs pa me tog sna tshogs des sems can de dag thams cad kyi lhag pa'i bsam ba thugs su chud nas gling bzhi pa'i 'jig rten gyi khams thams cad kyi grong dang / grong khyer dang / grong rdal dang / yul 'khor dang / rgyal po'i pho brang thams cad du de bzhin gshegs pa dge slong gi dge 'dun gyi 'khor dang bcas pa dag sprul pa mdzad do/ /'od srung de nas gling chen po bzhi pa'i 'jig rten gyi khams de na sems can gcig kyang khyim na gnas par ma gyur te/ de dag thams cad dad pas khyim nas khyim med par legs pa kho nar rab tu byung ngo / /de ltar rab tu byung ba de dag la ma rmos ma btab pa'i 'bras sA lu'i 'bru dag kyang byung bar gyur/ dpag bsams kyi shing dag las dpag bsams kyi ras bcos bu'i gos rin po che dag kyang byung bar gyur cing lha rnams kyang de dag gi g.yog dang bsnyen bkur byed par gyur to/ /'od srung dge slong chos dang / chos bzang de gnyis de ltar rab tu byung nas kyang</font><hr>82.114b<br><font size=+1>

brtson 'grus brtsams shing gnas par gyur te/ de gnyis po bye ba phrag drug cu rtsa gsum gyi bar du nam yang rmugs pa dang gnyid kyis kun nas non par ma gyur cing nam yang zas za ba ma gtogs par 'dug par ma gyur te/ 'gro ba dang ldog pa kun du yang thams cad mkhyen pa nyid kyi sems bskyed cing thams cad mkhyen pa nyid kyi sems de la yang rlom sems byed par ma gyur to/ /lo bye ba phrag drug bcu rtsa gsum po de dag la kun gyi rjes su song ba zhes bya ba'i ting nge 'dzin dang / rdo rje'i gnas dang ldan pa zhes bya ba'i ting nge 'dzin kyang bsgrubs par gyur te/ de gnyis sa'i phyogs gang dang gang du 'dug pa dang skyil mo dkrung bcas par gyur ba'i sa'i phyogs de dang de dag thams cad rdo rje'i rang bzhin du kun du gnas par gyur to/ /phyogs bcu kun gyi sangs rgyas bye ba khrag khrig 'bum phrag dag gis chos ston pa rnams kyang thos shing bzung ngo / /de ltar thos shing bzung nas kyang gzhan dag la rgya cher yang dag par bstan par yang gyur to/ /'od srung gling chen po bzhi pa'i 'jig rten gyi khams kyi sems can de dag las nyan thos kyi theg pa par gyur ba'i sems can gang dag yin pa de dag las sems can gcig 'ga' tsam yang so so skye bor gyur bzhin 'chi ba'i dus byas par ma gyur te/ gang dag thams cad kyi nang na le lo can du gyur ba de dag kyang phyir mi 'ong bar gyur cing / de dag de nas shi 'phos nas kyang gnas gtsang ma'i ris kyi lha rnams dang skal pa mnyam par skyes par gyur to/ /gang dag rang sangs rgyas kyi theg pa par gyur ba de dag ni de nas shi 'phos nas sangs rgyas kyi zhing stong pa sangs rgyas 'byung ba med pa gzhan dag tu skyes par gyur cing / der yang de dag phyug po'i khyim chen po dag tu skyes par</font><hr>82.115a<br><font size=+1>

gyur to/ /der skyes nas kyang dbang po 'phel ba dang / yongs su smin pa dag kyang rjes su thob nas sngon gyi dge ba'i rtsa ba de nyid kyis yang dag par bskul te/ thams cad dad pas khyim nas khyim med par legs pa kho nar rab tu byung ngo / /de dag de ltar rab tu byung nas kyang zhag bdun 'das nas thams cad kyis rang byang chub rjes su thob ste/ de dag gis kyang sems can tshad med/ grangs med pa dag gi don byas nas yongs su mya ngan las 'das so/ /gang dag byang chub sems dpa'i theg pa par gyur ba de dag gis ni mngon par shes pa lnga dang / tshangs pa'i gnas pa bzhi bsgrubs shing mi 'phogs pa'i spobs pa nyid kyang rjes su thob par gyur/ gzungs kyang thob par gyur to/ /'od srung de'i tshe de'i dus na rgyal po mu khyud ces bya bar gyur ba de gzhan zhig yin pa snyam du khyod yid gnyis sam the tshom za bar gyur na 'od srung khyod kyis de ltar mi blta ste/ nga nyid de'i tshe de'i dus na gling bzhi pa'i dbang phyug gi rgyal po mu khyud ces bya ba der gyur to/ /byang chub sems dpa' byams pa ni rgyal bu gzhon nu thu bor gyur to/ /de bzhin gshegs pa dgra bcom pa yang dag par rdzogs pa'i sangs rgyas 'od srung ni byang chub sems dpa' blo gros bzang po zhes bya bar gyur to/ /'od srung de'i tshe de'i dus na khye'u chos dang chos bzang zhes bya bar gyur ba de gnyis gzhan dag cig yin snyam du khyod de snyam sems na 'od srung khyod kyis de ltar mi blta'o/ /de ci'i phyir zhe na/ 'jam dpal gzhon nur gyur ba 'di nyid de'i tshe de'i dus na khye'u chos shes bya bar gyur to/ /khye'u chos bzang zhes bya bar gyur ba gang yin pa de ni byang chub sems dpa' sems dpa' chen po nyi ma'i snying po yin te/ 'od srung sangs rgyas kyi zhing de sems</font><hr>82.115b<br><font size=+1>

can dag pa dge ba'i rtsa ba bskyed pa rnams kyi gnas su gyur cing ji tsam du mdzes par gyur ba la ltos/ de skad ces bka' stsal pa dang / bcom ldan 'das la gnas brtan 'od srung chen pos 'di skad ces gsol to/ /bcom ldan 'das de bzhin gshegs pa me tog sna tshogs de'i sku tshe'i tshad yun ji srid cig tu gyur lags/ bcom ldan 'das kyis bka' stsal pa/ 'od srung de bzhin gshegs pa dgra bcom pa yang dag par rdzogs pa'i sangs rgyas me tog sna tshogs de ni bskal pa brgyad kyi bar du bzhugs par gyur to/ /'od srung de bzhin gshegs pa me tog sna tshogs de yongs su mya ngan las 'das nas dam pa'i chos ni bskal pa gcig gi bar du gnas par gyur to/ /de'i sku gdung rnams kyang rgyas par gyur cing de dag lha rnams kho nas mchod par gyur te/ de na mi khyim par gnas pa ni 'ga' yang med do/ /'od srung de na dge slong chos dang / chos bzang gnyis bya ba nyung ba dang / bdag gi don la sbyor ba'i rjes su brtson par gnas shing bcom ldan 'das de'i sku gdung rnams la yang mchod pa mi byed/ ri mor mi byed la/ de bzhin gshegs pa de'i mchod rten gyi drung du yang mi 'gro'o/ /'od srung de nas lha 'bum phrag rab tu mang po dang / dge slong las dang po pa gang dag yin pa de dag dge slong chos dang / chos bzang gnyis la 'di gnyis ni de bzhin gshegs pa'i sku gdung rnams la mchod pa yang mi byed/ de bzhin gshegs pa'i mchod rten skor bar yang mi byed pa las na ma dad pa dang ma gus pa yin no zhes kha zer bar gyur to/ /'od srung de nas dge slong chos dang / chos bzang gnyis kyis dge slong dang / lha 'bum phrag rab tu mang po 'dus par gyur ba'i dge slong gi 'khor dang / lha'i 'khor mang po de dag la smras pa/ grogs po dag 'di ji snyam du sems/ ji ltar de bzhin gshegs pa</font><hr>82.116a<br><font size=+1>

mchod par 'gyur zhing rgyu gang gis na de bzhin gshegs pa'i sku gdung sems pa mi mnga' ba rnams kyis mchod pa brnyes par 'gyur snyam/ dge slong dang / lha de dag gis smras pa/ sku gdung 'di dag ni tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas rab tu phye ba yin pas na de'i phyir 'di dag ni mchod par 'os pa yin no/ /dge slong chos dang / chos bzang gnyis kyis 'di skad ces smras so/ /grogs po dag 'o na tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag nyid mchod pa'i 'os yin gyi/ sku gdung dag ni mchod par 'os par mi 'gyur ba ma yin nam/ dge slong dang / lha de dag gis 'di skad ces smras so/ /de ni de bzhin te/ ji skad smras pa bzhin no/ /dge slong chos dang / chos bzang gnyis kyis smras pa/ grogs po dag 'o na tshul khrims kyi mtshan nyid ni gang yin/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag gi mtshan nyid kyang gang yin/ dge slong dang / lha de dag gis smras pa/ tshul khrims ni mngon par 'du byed pa med pa'i mtshan nyid yin no/ /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag kyang mngon par 'du byed pa med pa'i mtshan nyid yin no/ /'od srung de nas dge slong chos dang / chos bzang gnyis kyis dge slong dang / lha de dag la 'di skad ces smras so/ /grogs po dag 'o na mngon par 'du byed pas mngon par 'du byed pa med pa mchod par nus sam/ dge slong dang / lha de dag gis 'di skad ces smras so/ /de ni mi nus so/ /dge slong chos dang / chos</font><hr>82.116b<br><font size=+1>

bzang gnyis kyis 'di skad ces smras so/ /grogs po dag de lta bas na khyed bdag tu mngon par 'du ma byed cig dang des ni mchod pa byas par 'gyur ro/ /sangs rgyas 'du shes pa la ni sangs rgyas mthong ba yang med na mchod pa'i las lta smos kyang ci dgos te de ni gnas med do/ /gzhan yang de bzhin gshegs pa mchod par 'dod pas ni bdag nyid mchod par bya'o/ /dge slong dang / lha de dag gis 'di skad ces smras so/ /ji ltar na de bzhin gshegs pa mchod par 'dod pas bdag nyid mchod par bya/ dge slong chos dang / chos bzang gnyis kyis smras pa/ grogs po dag ji ltar de bzhin gshegs pa dgra bcom pa yang dag par rdzogs pa'i sangs rgyas kyis mchod pa gang gis bdag nyid sems can thams cad kyis mchod pa'i gnas su 'os par mdzad pa de ltar bdag nyid mchod par bya'o/ /ji ltar de bzhin gshegs pas bslabs pa de ltar bslab par bya zhing bslab pas rlom sems su yang mi bya'o/ /chos rab tu dbye bar bya zhing rab tu phye nas kyang chos 'ga' yang bsam bar mi bya ste/ gang gi tshe khyed cag de ltar bdag nyid mchod par byed pa de'i tshe na de bzhin gshegs pa yang mchod par 'gyur khyed cag nyid kyang mchod par 'os par 'gyur ro/ /de bzhin gshegs pa'i sku gdung rnams la mchod par 'dod pas ni bdag nyid mchod par bya ste/ ji ltar de bzhin gshegs pas bdag nyid mchod par mdzad pa de ltar mchod par bya zhing de bzhin gshegs pa'i sku gdung yon tan gang dag dang ldan pas mchod pa brnyes par gyur ba'i yon tan de dag bdag nyid kyis bsgrub par bya ste/ de ltar na de bzhin gshegs pa mchod par 'gyur ro/ /gang 'du shes dang / mtshan ma skyed par mi </font><hr>82.117a<br><font size=+1>

byed pa de ni de bzhin gshegs pa mchod pa yin no/ /gang bdag tu rtog par mi byed pa dang / rnam par rtog par mi byed pa de ni de bzhin gshegs pa mchod pa yin no/ /gang 'jig rten pha rol du mi 'gro ba dang / 'jig rten 'dir mi 'gro ba dang / gang tshu rol la yang mi gnas/ pha rol la yang mi gnas pa de ni de bzhin gshegs pa mchod pa yin no/ /gang la chad pa med pa dang / rtag pa med pa dang / gang la 'dzin pa med pa dang / spong ba med pa de ni de bzhin gshegs pa mchod pa yin no/ /gang la 'bri ba med pa dang / 'phel ba med pa dang / gang la skye ba med pa dang / 'gag pa med pa dang / gang la zad pa med pa dang / mi zad pa med pa de ni de bzhin gshegs pa mchod pa yin no/ /gang la sems med pa dang / sems las byung ba'i chos rnams med pa dang / yid la byed pa rnams med pa dang / bdag gi med pa dang / yongs su 'dzin pa med pa dang / tshor ba med pa dang / 'thab pa med pa dang / rtsod pa med pa dang / 'gal ba med pa dang / blang ba med pa dang / dor ba med pa dang / gnyis su med par 'jug pa de ni de bzhin gshegs pa mchod pa yin no/ /gang la 'dus byas med pa dang / grangs med pa dang / bgrang du med pa de ni de bzhin gshegs pa mchod pa yin no/ /gang la lus dang / ngag dang / yid kyis mngon par 'du byed pa'i bya ba med pa dang / lus dang / ngag dang / yid mi dmigs pa de ni de bzhin gshegs pa mchod pa yin no/ /gang la 'das pa'i 'du shes mi 'jug pa dang / da ltar dang / ma 'ongs pa'i 'du shes mi 'jug pa dang / gang rten par mi byed pa dang / mngon par zhen par mi byed pa dang / mtshan mar mi byed pa de ni de bzhin gshegs pa mchod pa yin no/ /gang sangs rgyas su 'du shes mi 'jug</font><hr>82.117b<br><font size=+1>

pa dang / chos su ma yin/ dge 'dun du ma yin/ gang zag tu ma yin/ bdag tu ma yin/ gzhan du ma yin pa de ni de bzhin gshegs pa mchod pa yin no/ / bam po bzhi pa ste tha ma/ grogs po dag de bzhin gshegs pa'i sku ni mi skye ba'i mtshan nyid yin pas de ni skye bas mchod par sla ba ma yin no/ /grogs po dag de bzhin gshegs pa'i sku ni mngon par 'du byed pa med pa'i mtshan nyid yin pas de ni mngon par 'du byed pas mchod par sla ba ma yin no/ /grogs po dag de bzhin gshegs pa'i sku ni gnyis su med pa'i mtshan nyid yin pas de ni gnyis kyis mchod par sla ba ma yin no/ /grogs po dag de bzhin gshegs pa'i sku ni zag pa med pa'i mtshan nyid yin pas de ni zag pa mngon par 'du bya bas mchod par sla ba ma yin no/ /grogs po dag de bzhin gshegs pa'i sku ni stong pa nyid kyis yongs su bsgos pa yin pas de ni bdag tu lta ba 'am/ sems can du lta ba 'am/ srog tu lta ba 'am/ gang zag tu lta ba 'am/ chad par lta ba 'am/ rtag par lta ba 'am/ ngar 'dzin par lta ba 'am/ nga yir 'dzin par lta ba 'am/ 'byung bar lta ba 'am/ 'jig par lta bas mchod par sla ba ma yin no/ /grogs po dag de bzhin gshegs pa'i sku ni mtshan ma med pa'i mtshan nyid yin pas de ni mtshan ma'i spyod yul gyis mchod par sla ba ma yin no/ /grogs po dag de bzhin gshegs pa'i sku ni smon pa med pa'i mtshan nyid yin pas de ni smon pa la gnas pas mchod par sla ba ma yin no/ /grogs po dag de bzhin gshegs pa'i sku ni dngos po med pa'i mtshan nyid yin pas de ni dngos po'i 'du shes la gnas pas mchod par sla ba ma yin no/ /grogs po dag de bzhin gshegs pa'i sku ni</font><hr>82.118a<br><font size=+1>

g.yo ba med pa'i mtshan nyid yin pas de ni g.yo zhing 'gul ba'i blo rnams kyis mchod par sla ba ma yin no/ /grogs po dag de bzhin gshegs pa'i sku ni mngon par 'dus ma byas pa'i mtshan nyid yin pas de ni 'dus byas la gnas pas mchod par sla ba ma yin no/ /grogs po dag de bzhin gshegs pa'i sku ni 'dod chags dang bral ba'i mtshan nyid yin pas de ni 'dod chags spyod pas mchod par sla ba ma yin no/ /grogs po dag de bzhin gshegs pa'i sku ni zhe sdang dang bral ba'i mtshan nyid yin pas de ni gnod sems dang / tha ba'i nyes pa la gnas pas mchod par sla ba ma yin no/ /grogs po dag de bzhin gshegs pa'i sku ni gti mug dang bral ba'i mtshan nyid yin pas de ni shes rab 'chal ba dang / rmongs pa dang / mi shes pa rnams kyis mchod par sla ba ma yin no/ /grogs po dag de bzhin gshegs pa'i sku ni tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas yongs su bsgos pa yin pas de ni tshul khrims 'chal ba dang / brjed ngas pa dang / shes rab 'chal ba dang / rnam par ma grol ba dang / rnam par grol ba'i ye shes mthong ba ma yin pa rnams kyis mchod par sla ba ma yin no/ /grogs po dag de bzhin gshegs pa'i sku ni byams pa dang / snying rje dang / dga' ba dang / btang snyoms kyis yongs su bsgos pa yin pas de ni gnod sems kyi sems dang ldan pa dang / snying rje med pa dang / dga' ba'i sems med pa dang / rnam par g.yeng ba yid la byed pa rnams kyis mchod par sla ba ma yin no/ /grogs po dag de bzhin gshegs pa'i sku ni sbyin pa dang / tshul khrims dang / bzod pa dang /</font><hr>82.118b<br><font size=+1>

brtson 'grus dang / bsam gtan dang / shes rab kyis yongs su bsgos pa yin pas de ni ser sna can dang / tshul khrims 'chal pa dang / gnod sems dang / tha ba'i nyes pa dang / khong khro ba mang ba dang / le lo can dang / brjed ngas pa dang / shes rab 'chal pa rnams kyis mchod par sla ba ma yin no/ /'od srung de ltar dge slong chos dang / chos bzang gnyis kyis 'khor de dag la de lta de ltar chos bstan pa na 'khor de las byang chub sems dpa' bzhi khri nyis stong gis ni mi skye ba'i chos la bzod pa thob par gyur to/ /srog chags brgyad khri bzhi stong gis ni shes pa dang mthong ba bskyed do/ /'dod chags dang bral ba nyid dang / phyir mi 'ong ba nyid kyang rjes su thob par gyur to/ /sngon sems ma bskyed pa'i srog chags nyi khri sum stong gis ni bla na med pa yang dag par rdzogs pa'i byang chub tu sems bskyed do/ /'od srung dge slong chos dang / chos bzang gnyis lhag pa'i bsam pa de lta bu dang ldan par gyur ba la ltos/ 'od srung skyes bu dam pa de lta bu dag gi zab mo la bzod pa de dang / thabs la mkhas pa de la bslab par bya'o/ /'od srung de ltar skyes bu dam pa de gnyis kyis dge slong dang / lha de dag zab mo'i bzod pa yang dag par 'dzin du bcug pas de phyin chad de dag thams cad bdag gi don la sbyor ba'i rjes su brtson pa dang / bya ba nyung ngur gnas pas gnas par gyur cing phyin chad de bzhin gshegs pa'i mchod rten rnams kyi drung du yang mi 'gro/ de bzhin gshegs pa'i sku gdung rnams la mchod pa'i las kyi phyir brtson par yang mi byed do/ /de ci'i phyir zhe na/ 'di ltar de dag gi sems chos zab mo dag nyid la zhugs par gyur ba'i phyir ro/ /'od srung de nas zhag bdun 'das nas de bzhin gshegs pa'i mchod rten de dag thams cad kyang sa la nub</font><hr>82.119a<br><font size=+1>

par gyur/ de bzhin gshegs pa'i sku gdung de dag thams cad kyang sprog mar blugs pa bzhin nam/ snod du blugs pa bzhin du de nyid du mi snang bar gyur te/ 'od srung de lta bas na skyes bu dam pa de lta bu dag gi rjes su bslab par bya'o/ /'od srung yang ma 'ongs pa'i dus na byang chub sems dpa'i theg pa pa dang / nyan thos kyi theg pa pa'i dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa kha cig 'byung bar 'gyur te/ de dag ni de bzhin gshegs pa'i sku gdung gi mchod par 'tsho bar sems kyis mya ngan las 'da' ba'i phyir ma yin zhing 'dod chags dang bral ba'i phyir ni ma yin no/ /de dag ni bdag nyid tshul khrims 'chal pa dang / brjed ngas pa dang / shes rab 'chal pa dang / rnam par ma grol ba dang / rnam par grol ba'i ye shes mthong ba ma yin bzhin du 'tsho ba tsam gyi phyir de bzhin gshegs pa'i sku gdung tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag gis yongs su bsgos pa dag la bkur sti bya ba dang / ri mo bya ba dang / mchod pa bya bar sems so/ /de dag ni bdag nyid 'dod chags dang bcas pa dang / zhe sdang dang bcas pa dang / gti mug dang bcas pa yin bzhin du 'tsho ba tsam gyi phyir de bzhin gshegs pa dgra bcom pa yang dag par rdzogs pa'i sangs rgyas 'dod chags dang bral ba/ zhe sdang dang bral ba/ gti mug dang bral ba'i sku gdung dag la bkur sti bya ba dang / ri mor bya ba dang / mchod pa bya bar sems so/ /de dag ni bdag nyid ser sna can dang / 'jungs pa dang / gnod sems dang / tha ba'i nyes pa mang ba dang / le lo</font><hr>82.119b<br><font size=+1>

dang ldan pa dang / brjed ngas pa dang / shes bzhin med pa yin bzhin du 'tsho ba tsam gyi phyir de bzhin gshegs pa sbyin bdag chen po yang dag pa'i gnas la rab tu gnas pa mnyam par bzhag pa thugs rtse gcig pa'i sku gdung dag la bkur sti bya ba dang / ri mo bya ba dang / mchod pa bya bar sems so/ /'od srung nga ni rigs kyi bu dang / rigs kyi bu mo las dang po pa dag gi sems mngon par dang bar bya ba'i phyir sku gdung rnams byin gyis rlob par mdzad de/ gang dag de dag la mchod pa byed pa de dag ni lha dang mi'i phun sum tshogs pa nyams su myong bar 'gyur zhing / de yang de dag gi yongs su mya ngan las 'da' ba'i bar gyi rgyur 'gyur ba yin na/ mi blun po de dag ni bstan pa 'di la rab tu byung nas ngas dge sbyong gi las su gsungs pa gang yin pa de ni de dag gis bor zhing btang la/ bdag nyid gso ba'i don dang / mdza' bshes kyi khyim dang / slongs mo ster ba'i khyim dag yongs su smin par bya ba'i don dang / lhung bzed dang / chos gos yongs su btsal ba'i don dang / rnyed pa dang / bkur sti mngon par bsgrub pa'i don dang / snyan pa dang / sgra dang / grags pa yongs su bsgrub pa'i don gyi phyir de bzhin gshegs pa'i sku gdung dang / mchod rten la mchod pa dang / bsnyen bkur bya ba'i las kyis de bzhin gshegs pa'i sku gdung dang / mchod rten dag la bkur sti nye bar sgrub par byed do/ /'od srung de la dge sbyong gi las gang zhe na/ 'od srung ngas las gnyis po bsam gtan dang / kha ton bya ba bstan pa gang dag yin pa de dag ste/ las de gnyis kyang lam la 'jug par bya ba'i phyir bstan par zad kyi de dag kyang shin du mthar thug pa dang / shin du mthar phyin pa ni ma yin no/ /'od srung las gang las zad par bya ba'i phyir 'jug pa de ni dge</font><hr>82.120a<br><font size=+1>

sbyong gi las yin te/ bya ba med pa dang / nyes pa mi 'byung ba dang / log par mi byed pa dang / dran pa med pa dang / yid la byed pa med pa dang / nyams pa med pa dang / rnam par thar pa gsum po dag mngon du byed pa dang / khams gsum du mtshams sbyor ba med pa dang / 'gro ba med pa dang / 'ong ba med pa gang yin pa de ni dge sbyong gi las shes bya ba yin na mi blun po de dag ni dge sbyong gi las de lta bu de dag spangs te las gzhan dag yongs su tshol bar byed do/ /de dag ni ngas khyim na gnas pa gos dkar po can rnams kyi bslab par gsungs pa gang yin pa de tsam la yang slob par mi byed de/ khyim na gnas pa gos dkar po can rnams kyang re shig de bzhin gshegs pas bslab pa ji ltar bcas pa rnams la slob par byed pa na phyir mi 'ong ba'i 'bras bu 'thob par gyur na/ mi blun po de dag ni bstan pa 'di la rab tu byung nas rnam par grol ba dang rjes su 'thun pa tsam yang sgom bar mi byed na 'thob par lta ga la 'gyur te de ni gnas med do/ /'od srung yang phyi ma'i tshe phyi ma'i dus lnga brgya pa tha ma de la ming gis zil kyis non cing kha dog dang / rtags dang / dbyibs kyis dge sbyong du 'gyur gyi tshul khrims kyis ma yin/ ting nge 'dzin gyis ma yin/ shes rab kyis ma yin pa dag kyang 'byung bar 'gyur te/ 'od srung 'di lta ste dper na mi gsang sngags dang / sman ngag gis gos la 'debs shing bsgo bar byed la/ gang gis gos de gyon pa na zhag bdun nam/ zhag brgyad kyis de'i lus med lce gcig tu gyur cing kun tu 'bar bar byed pa la la zhig yod par gyur cing de gos de gsang sngags dang / sman ngag gis btab cing yongs su bsgos nas mi mdza' ba la la zhig la 'di lta ste/ mdza' bshes kyi tshul gyis byin par gyur la/ de nas mi des gos mdzes pa yin par rig nas len par byed cing blangs nas kyang</font><hr>82.120b<br><font size=+1>

gyon par gyur na/ de zhag bdun nam/ zhag brgyad kyi bar du ni gos de las dga' ba nyams su myong bar 'gyur ro/ /de nas zhag bdun nam/ zhag brgyad 'das nas mi de khyim du song ngam/ lam po cher song ba na gos de rab tu 'bar bar gyur cing de nas mi de gzhi de las tshul ma yin pa'i sdug bsngal skyes par gyur to/ /tshig par gyur/ shi bar gyur na/ 'od srung 'di ji snyam du sems/ gos de las ro myang ba ni ji tsam zhig yod/ nyes dmigs ni ji tsam yod snyam/ 'od srung gis gsol pa/ bcom ldan 'das ro myang ba ni chung lags kyi/ nyes dmigs ni dpag tu ma mchis lags so/ /bcom ldan 'das kyis bka' stsal pa/ 'od srung de bzhin du nga'i gos ngur smrig tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas bsgos pa gang dag yin pa de dag kyang bskal pa grangs med pa nas legs par spyad pas yang dag par bsgrubs pa yin na/ mi blun po dge sbyong ltar bcos pa de dag ni drang srong gi rgyal mtshan gyon nas grong dang / grong khyer dang / grong rdal dang / yul 'khor dang / rgyal po'i pho brang 'khor dag tu 'jug par 'gyur zhing de nas bram ze dang / khyim bdag dad pa rnams kyis de dag dge sbyong yin no snyam nas bkur sti byed/ bla mar byed/ ri mor byed/ mchod par byed par 'gyur zhing de dag gos ngur smrig gi gzhi de las mchod pa rnyed par 'gyur bas/ de dag des dga' ba nyams su myong bar yang 'gyur ro/ /de dag lus zhig nas ni sems can dmyal bar ltung bar 'gyur zhing / de dag der lcags kyi glegs ma 'bar ba gyon par 'gyur/ lcags kyi thu lum za bar 'gyur/ lcags kyi khu ba bskol ba 'thung bar 'gyur/ mal stan</font><hr>82.121a<br><font size=+1>

rab tu 'bar ba dag gi steng na nyal bar 'gyur ro/ /'od srung de dag ni rang gi las des lus zhig nas sems can dmyal bar 'gro bar zad kyi/ gzhi gang las mi blun po de dag gis kyang bde bar sbyar ba rnam pa du ma nyams su myong bar 'gyur ba'i gos ngur smrig gi dpal dang gzi brjid de 'dra ba la ltos/ 'od srung ngas kyang de las dgongs nas 'di skad ces lcags glegs ma dag gyon pa ni sla'i/ tshul khrims 'chal bas gos ngur smrig dag bgo ba ni de lta ma yin no/ /lcags kyi thu lum dag bza' ba ni sla'i/ tshul khrims 'chal bas bsod snyoms dag la yongs su longs spyod pa ni de lta ma yin no zhes gsungs so/ /'od srung de la ro myang ba ni ji tsam yod pa dang / de la nyes dmigs ji tsam yod pa la ltos/ 'od srung de lta bas na ci nas kyang tshul khrims yongs su dag par 'gyur ba dang / sdig pa 'chags par 'gyur ba de ltar bslab par bya'o/ /'od srung 'di ji snyam du sems/ lha 'am/ klu 'am/ gnod sbyin nam/ dri za 'am/ lha ma yin nam/ nam mkha' lding ngam/ lto 'phye chen po 'am/ mi 'am/ mi ma yin pa sus kyang de bzhin gshegs pa rnams kyi sku gzugs bya bar nus snyam 'am/ 'od srung gis gsol pa/ bcom ldan 'das de ni ma lags te/ de bzhin gshegs pa ni zla ma mchis pa/ sku bsam gyis mi khyab pa lags pas de'i slad du de dag gis sku gzugs bgyi ba ni sla ba ma lags so/ /bcom ldan 'das kyis bka' stsal pa/ 'od srung phyi ma'i tshe phyi ma'i dus lnga brgya pa tha ma la dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa kha cig 'byung bar 'gyur te/ de dag ni ras bcos bu dang /</font><hr>82.121b<br><font size=+1>

brtsig pa dang / ra ba dag gi ngos la de bzhin gshegs pa'i sku gzugs dag 'dri bar 'gyur zhing de dag gis 'tsho bar sems par yang 'gyur te/ las des bdag nyid rlom sems su byed bstod par byed cing gzhan dag la brnyas pa dang smod par yang byed do/ /de skad ces bka' stsal pa dang / bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das 'o na bcom ldan 'das kyis rgyal po gsal rgyal la de bzhin gshegs pa'i sku gzugs byas na bsod nams 'di tsam du skye bar 'gyur ro zhes bka' ma stsal lags sam/ bcom ldan 'das kyis bka' stsal pa/ 'od srung de ni de bzhin te/ rgyal po gsal rgyal ni khyim pa gos dkar po gyon pa yin pas des de bzhin gshegs pa'i sku gzugs byed du bcug la/ de ni de la mchod pa byed par 'gyur bar zad kyi/ gzhi des chos gos sam/ bsod snyoms sam/ rnyed pa cung zad kyang 'dod par mi byed do/ /'od srung mi blun po de dag ni gzhi des 'tsho bar 'gyur bar sems te/ de dag gi don bya'o snyam du sems la don med pa kho na byed pa yin no/ 'od srung rigs kyi bu dang rigs kyi bu mo bsod nams 'dod pa kho na yin pa gang dag gis de bzhin gshegs pa'i sku gzugs byed du bcug na ni de dag la bsod nams dpag tu med pa skyed par 'gyur ro/ /'od srung dud 'gro'i skye gnas su skyes pa rnams kyi lus gzugs 'tshong ba yang legs pa ma yin na de bzhin gshegs pa'i sku gzugs 'tshong ba lta smos kyang ci dgos na/ mi blun po de dag ni de bzhin gshegs pa'i sku gzugs byed du bcug nas khyim pa'i lag tu 'tshong bar byed cing des 'tsho bar sems par byed do/ /'od srung 'di lta ste dper na mi byis pa dang 'dra ba shes</font><hr>82.122a<br><font size=+1>

rab 'chal ba'i rang bzhin can la la zhig yod par gyur la des bdud rtsi yongs su spangs nas dug za bar byed pa de bzhin du/ 'od srung mi blun po gang dag zang zing gi phyir sangs rgyas kyi sku gzugs byed du bcug nas bdag nyid dug dang bcas par byed pa de dag kyang de lta bu yin pa snyam du nga sems so/ /'od srung legs par gsungs pa'i chos 'dul ba 'di la dug ces bya ba ni 'di lta ste rnyed pa yin na/ de la mi blun po khro bas zil gyis non pa gcig la gcig 'thab pa dang / rtsod pa dang / mtshang 'dru bar byed pa de dag ni de bzhin gshegs pa la mchod par bya'o zhes zer zhing bdag nyid sems can dmyal bar 'gro bar byed do/ /'od srung 'di lta ste dper na mi thabs la mi mkhas pa la la zhig g.yul ngor zhugs pa na rang gi mtshon gyis rang la 'debs par byed pa de bzhin du/ 'od srung mi blun po de dag kyang dam pa'i chos rnams kyis sems can dmyal bar 'gro bar 'gyur ro/ /'od srung rigs kyi bu 'am/ rigs kyi bu mo gang gis de bzhin gshegs pa'i sku gzugs rin po che sna bdun las byas pa shin du zin par byas pa/ byi dor legs par byas pa/ chu zheng du ri rab tsam yong ba byed du bcug ste/ de bzhin gshegs pa'i sku gzugs de lta bu dag gis sangs rgyas kyi zhing gang gA'i klung gi bye ma snyed dag 'di lta ste dper na bu ram shing gi tshal lam/ 'dam bu'i tshal lam/ 'bras kyi zhing ngam/ til gyi zhing ltar mdab chags su longs su bkang bar gyur na/ 'od srung 'di ji snyam du sems/ rigs kyi bu 'am/ rigs kyi bu mo de gzhi de las bsod nams mang du skyed par 'gyur snyam 'am/ 'od srung gis gsol pa/ bcom ldan 'das de bzhin gshegs pa'i sku gzugs sor mo'i phyogs tsam zhig bgyid du stsal na yang bsod nams mang du skyed lags</font><hr>82.122b<br><font size=+1>

na/ de bzhin gshegs pa'i sku gzugs ri rab tsam du ma bgyid du stsal pa lta smos kyang ci 'tshal lags/ bcom ldan 'das kyis bka' stsal pa/ 'od srung khyod mos par bya/ khyod kyi khong du chud par bya ste/ de bas kyang byang chub sems dpa' gang zhig de bzhin gshegs pa'i sku la rab tu rtog par byed pa na tha na se gol gtogs pa tsam zhig chos zab mo rnams la bzod pa thob par gyur na/ de ches bsod nams mang du skyed do/ /de bas kyang gang zhig tshul khrims kyi phung po la gnas shing tshig bzhi pa'i tshigs su bcad pa gcig bzung nas tshigs su bcad pa de'i don gang yin pa de yang rtogs par byed la/ sems can gcig tsam la ston par yang byed na ches bsod nams mang du skyed par 'gyur ro/ /'od srung de la ji ltar de bzhin gshegs pa'i sku la rab tu brtag par bya zhe na/ 'od srung 'di la byang chub sems dpas byang chub sems dpa' brtson 'grus chen po'i rjes su bslab par bya ste/ 'od srung sngon byung ba 'das pa'i dus bskal pa grangs med pa/ ches grangs med ba/ ches shin du grangs med pa rgya che ba/ tshad med pa/ bsam gyis mi khyab pa/ dpag tu med pa dag 'das pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas skar 'od ces bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shig 'jig rten du byung ste/ 'od srung de bzhin gshegs pa skar 'od de yongs su mya ngan las 'das pa na byang chub sems dpa' brtson 'grus chen po zhes bya ba gzugs bzang ba/ mdzes pa/ blta na sdug pa zhig bram ze'i rigs shing sA la chen po lta bu zhig gi bur skyes par gyur to/ /</font><hr>82.123a<br><font size=+1>

'od srung de'i tshe de'i dus na bcom ldan 'das de'i bstan pa la dge slong gang dag rab tu byung bar gyur ba de dag las bya ba sna tshogs kyi sbag pas sbags pa ni phal che'i/ yang dag par zhugs pa ni nyung bar gyur te/ 'od srung dge slong de dag kyang de bzhin gshegs pa'i sku gzugs rnam pa sna tshogs byed du 'jug cing ras bcos bu dang / dar dang / khang pa'i rtsig ngos dag la ri mor 'drir 'jug par yang byed do/ /de'i tshe na dge slong zhig gis dar la de bzhin gshegs pa'i sku gzugs legs par byas pa dang / shin du zin par byas pa zhig bris nas byang chub sems dpa' brtson 'grus chen po'i pha'i rgyal po'i pho brang du khyer ro/ /'od srung de nas byang chub sems dpa'i brtson 'grus chen po des de bzhin gshegs pa'i sku gzugs de mthong nas 'di snyam du de bzhin gshegs pa'i sku gzugs 'di yang 'di tsam du blta na sdug pa yin na/ de bzhin gshegs pa dgra bcom pa yang dag par rdzogs pa'i sangs rgyas de lta smos kyang ci dgos te/ bdag kyang lus 'di lta bu dang ldan par gyur kyang ci ma rung snyam nas dga' ba dang / mchog tu dga' ba dang / dad pa skyes par gyur te/ de de'i tshe na khyim thams cad la mngon par mi dga' bar gyur cing de 'di snyam du khyim gyi gnas na gnas pas lus 'di lta bu bsgrub par mi nus pas de'i phyir bdag mngon bar 'byung bar bya'o snyam du sems par gyur to/ /'od srung de nas byang chub sems dpa' brtson 'grus chen po skyes nas lo bcu drug lon la dbang po rnams rgyas shing yongs su smin pa yang rjes su thob nas rang gi pha ma ga la ba der song ste phyin nas rang gi pha ma gnyis kyi rkang pa dag la phyag 'tshal te/ 'di skad ces smras so/ /yab yum bdag de bzhin gshegs pa'i bstan pa la khyim nas khyim ma mchis par legs pa</font><hr>82.123b<br><font size=+1>

kho nar rab tu 'byung bar ci gnang / pha mas smras pa/ gzhon nu khyod de skad ma zer cig /de ci'i phyir zhe na/ deng gnyis la bu gcig pa/ sdug pa/ phangs pa/ yid du 'ong ba khyod las med pas gal te khyod ma mthong na 'chi ba'i dus byed par 'gyur ba'i phyir ro/ /khye'us smras pa/ bdag gis ci nas kyang khyed gnyis kyang nongs par mi 'gyur la bdag kyang mngon par 'byung bar 'gyur ba de ltar bgyi lags so/ /pha mas smras pa/ gzhon nu ji ltar bya/ khye'us smras pa/ bdag deng slad chad ji srid du mngon par 'byung bar ma gyur ba de srid du 'tshal ma yang mi 'tshal/ mal du yang mi 'jug /mar sar dang 'bru mar gyis kyang mi nyug /skom yang mi 'tshal/ dge ba 'am mi dge ba'i tshig 'ga' yang mi smra lags so/ /'od srung de nas byang chub sems dpa' brtson 'grus chen po des sa phyogs byi dor ma byas pa zhig tu 'dug ste cang mi smra bar gyur cing nyin gcig zan yang ma zos so/ /de nas de'i pha ma gnyis kyis ro brgya dang ldan pa'i kha zas thogs te gzhan tshig tu mi rjod cing nyin mtshan thog thag tu de la gsol ba btab kyang de tshig tsam yang mi smra bar gyur to/ /'od srung de ltar byang chub sems dpa' brtson 'grus chen po de cang mi smra bar zhag gnyis kyi bar du zan ma zos pa dang / de nas ma'i nye du lnga brgya tsam dag gis ro brgya dang ldan pa'i kha zas thogs te/ gzhan tshig tu ma rjod cing nyin mtshan thog thag tu gsol ba btab kyang de dag gi gdong du yang mi lta na tshig smra ba lta smos kyang ci dgos/ 'od srung de ltar byang chub sems dpa' brtson 'grus chen po cang mi smra bar zhag gsum gyi bar du zan ma zos pa dang / de nas pha'i nye du lnga brgya tsam dag gis ro brgya dang ldan pa'i kha zas thogs te gzhan tshig tu mi rjod cing</font><hr>82.124a<br><font size=+1>

nyin mtshan thog thag tu gsol ba btab kyang de dag gi gdong du yang mi lta tshig kyang mi smra'o/ /'od srung de ltar byang chub sems dpa' brtson 'grus chen po de cang mi smra bar zhag bzhi'i bar du zan ma zos pa dang / de nas de'i ne'u ldangs lnga brgya dag gis ro brgya dang ldan pa'i kha zas thogs te/ gzhan tshig tu mi rjod cing nyin mtshan thog thag tu gsol ba btab kyang de dag gi gdong du yang mi lta na tshig smra ba lta smos kyang ci dgos/ 'od srung de ltar byang chub sems dpa' brtson 'grus chen po de cang mi smra bar zhag lnga'i bar du zan ma zos pa dang / de nas de'i pha ma gnyis kyis rgyal po'i pho brang na mgron bu dang / gser dang / nor bu dang / mu tig dang / bai dUr+ya dang / dung dang / man shel dang / sa le sbram dang / dngul dang / gzhan yang rin po che dang / gos dang / rgyan sna tshogs ji snyed yod pa de dag thams cad phyogs gcig tu bzhag ste/ na chung lha'i bu mo 'dra brgyan thams cad kyis brgyan pa brgyad khri bzhi stong yang bkug ste phyogs gcig tu bkod do/ /'od srung mdor na rgyal po'i pho brang de na nye bar spyad pa'i longs spyod ji snyed yod pa de dag thams cad de'i mdun du bzhag ste/ de'i pha ma gnyis kyis ma'i nye du lnga brgya tsam po dag dang / pha'i nye du lnga brgya tsam po dag dang / ne'u ldangs lnga brgya tsam po dag dang / na chung brgyad khri bzhi stong po dag dang / skye bo phal po che de dag thams cad kyang byang chub sems dpa' brtson 'grus chen po de'i mdun du bkod nas ro brgya dang ldan pa'i kha zas thogs te gzhan tshig tu ma rjod kyi nyin mtshan thog thag tu gsol ba 'debs te/ de la 'di skad ces gzhon nu longs la zan zo/ /khyim 'dir 'dug la sbyin pa dag kyang byin cig /bsod nams dag kyang gyis shig /bud med 'di dag dang lhan cig tu dga' ba dang / rtsed</font><hr>82.124b<br><font size=+1>

mo dang / dga' mgur spyad pa dag kyang gyis la rgyal po'i khyim 'di lta bu yongs su ma gtang shig ces kyang smras so/ /'od srung de ltar byang chub sems dpa' brtson 'grus chen po de skye bo phal po che de ltar 'dus pa de dag la mig kyang mi lta phyir yang mi smra bar de bzhin du cang mi smra bar 'dug cing zhag drug gi bar du zan yang ma zos par de sangs rgyas dkon mchog dang 'brel ba'i yid la byed pa ma gtogs par yid la byed pa gzhan thams cad dang bral zhing kha zas kyi 'du shes kyang ma bskyed do/ /'od srung de nas byang chub sems dpa' brtson 'grus chen po de'i pha ma de gnyis dang / skye bo phal po che de dag dang / ne'u ldangs de dag dang / nye du'i tshogs chen po de dag dang / bud med brgyad khri bzhi stong po de dag thams cad kyis bzhin la mchi ma'i rgyud blags shing skad phyung ste dung mos btab nas byang chub sems dpa' de'i rkang pa gnyis la gtugs kyang de de dag gi gdong du yang mi lta'o/ /'od srung de nas rgyal po'i pho brang de na lha zhig gnas par gyur ba gang yin pa de steng gi bar snang la cho 'phrul chen pos 'dug nas skye bo phal po che de dag la tshigs su bcad de smras pa/ gang dag byang chub phyir brtson pa/ /de dag lhun po 'dra bar ni/ /mthu brtan rab tu mi g.yo ste/ /yid ma gtod par mi byed do/ /sa rnams thams cad g.yo yang srid/ /me ni chur yang 'gyur yang srid/ /grogs dag 'di ni gnas 'di las/ /bskyod par nus pa ma yin no/ /'di la mi dga' phyis mi byed/ /sdig pa'i las rnams ma byed cig /phyin chad dmus long 'dra bar ni/ /bskal pa bye bar 'khyams sa re/ /'di ni sems can thams cad la/ /phan phyir byang chub zhugs pa ste/ /mngon par 'byung phyir brtson rnams ni/ /byang chub dam pa rnyed mi dka'/ /'dod pa'i phyir dang longs spyod phyir/ /byang chub</font><hr>82.125a<br><font size=+1>

spyad pa mi spyod kyi/ /sems can gang dag sangs rgyas kyi/ /ye shes tshol rnams ji ltar bed/ /stong gsum rin chen rnams dang ni/ /gos dang yul gzhan lha rdzas kyis/ /chal par bkang bar gyur kyang ni/ /de dag chags par bya mi nus/ /mi shes pas ni gang byas pa'i/ /sdig pa'i las ni bshags par gyis/ /mkhas pa nyes pa bshags nas ni/ /las dang lhan cig mi gnas so/ /'od srung de ltar lha des bskul ba na byang chub sems dpa' brtson 'grus chen po de'i pha ma de gnyis dang / mdza' bshes dang / gros grogs dang / nye du dang / rgan rabs de dag dang / skye bo phal po che de dag gis nyes pa la nyes par bshags nas gzhon nu de la 'di skad ces smras te/ gzhon nu khyod ji ltar bsams pa bzhin song shig /rab tu yang byung shig /zan yang zo shig /zas ma zos pas 'chi ba'i dus byas par gyur ta re zhes byas so/ /'od srung de ltar byang chub sems dpa' brtson 'grus chen po des zhag bdun gyi bar du zan bcad du zin kyang 'di lta ste/ sangs rgyas dang 'brel ba'i yid la byed pa dang / zhag bdun gyi bar du lha rnams kyis de'i lus la mdangs bcug pas na dbang po rnams gzhan du yang ma gyur to/ /'od srung byang chub sems dpa' brtson 'grus chen po des de ltar zhag bdun gyi bar du zan bcad de khyim gyi gnas la mi lta zhing rgyal srid chen po de mchil ma'i thal ba bzhin du bor nas bud med brgyad khri bzhi stong po de dag dang / pha ma dang / nye du'i tshogs de dag gdong mchi mas gang ste ngu bzhin du de bzhin gshegs pa'i sku gzugs de khyer te nang gi grong khyer chen po nas byung nas dgon pa mi med pa/ gcan zan gdug pa gnas pa'i nags shig tu zhugs so/ /de der zhugs nas ras bcos bu'i gzhi gang la de bzhin gshegs pa'i</font><hr>82.125b<br><font size=+1>

sku gzugs de bris pa'i ras bcos bu'i gzhi de bres nas ras bcos bu'i gzhi de nyid kyi mdun du rtswa'i gding ba bting ba'i steng du skyil mo dgrung bcas nas lus drang pos bsrang ste 'dug nas de bzhin gshegs pa'i sku gzugs de la rtog par byed do/ /de de la rtog par byed pa na 'di snyam du sems te/ gang gi phyir de bzhin gshegs pa'i sku gzugs 'di yang 'di tsam du mdzes pa yin na bcom ldan 'das de lta smos kyang ci dgos te/ sangs rgyas bcom ldan 'das de de tsam du mdzes pa ni ngo mtshar bas gang dag gis de bzhin gshegs pa de mthong ba de dag ni dpal yon can yin no snyam mo/ /de 'di snyam du ji ltar de bzhin gshegs pa blta bar bya snyam du sems par yang gyur to/ /de nas nags khrod de na lha zhig gnas par gyur ba gang yin pa des byang chub sems dpa' de'i sems kyi rtog pa sems kyis yongs su shes nas byang chub sems dpa' de la 'di skad ces smras so/ /grogs po khyod ji ltar de bzhin gshegs pa blta bar bya snyam du rnam par rtog par byed pa gang yin pa de ni de bzhin gshegs pa'i sku gzugs 'di ji lta ba de bzhin du blta bar bya zhing / de bzhin gshegs pa'i sku gzugs 'di ji ltar mthong ba de bzhin du de bzhin gshegs pa yang blta bar bya ste/ de ltar mthong na de bzhin gshegs pa legs par mthong ba yin no/ /de nas byang chub sems dpa' brtson 'grus chen po de 'di snyam du sems te/ ji ltar bltas na de bzhin gshegs pa mthong bar 'gyur bar de bzhin gshegs pa'i sku gzugs 'di la ji ltar blta bar bya snyam nas de 'di snyam du sems te/ ji ltar de bzhin gshegs pa'i sku gzugs 'di sems par mi byed/ rnam par shes par mi byed pa de bzhin du chos thams cad kyang sems par mi byed/ rnam par shes par mi byed de/ de bzhin gshegs pa'i sku yang mtshan nyid de lta bu</font><hr>82.126a<br><font size=+1>

yin no/ /ji ltar de bzhin gshegs pa'i sku gzugs 'di ming du btags pa tsam du zad pa de bzhin du chos thams cad kyang ming du btags pa tsam du zad la/ ming de yang ngo bo nyid kyis stong pa dang / rang bzhin gyis g.yo ba med pa yin te/ de bzhin gshegs pa'i sku yang mtshan nyid de lta bu yin no/ /ji ltar de bzhin gshegs pa'i sku gzugs 'di la thob pa med pa dang / mngon par rtogs pa med pa dang / shes pa med pa dang / mngon sum du bya ba med pa dang / 'bras bu med pa dang / 'bras bu rtogs pa med pa dang / gnas med pa dang / rten med pa dang / 'gro ba med pa dang / 'ong ba med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa dang / sgra med pa dang / tshul med pa dang / tshul ma yin pa med pa dang / 'dod chags zad pa med pa dang / zhe sdang zad pa med pa dang / gti mug zad pa med pa dang / phung po rnams med pa dang / khams rnams med pa dang / skye mched rnams med pa dang / sngon gyi mtha' med pa dang / phyi ma'i mtha' med pa dang / dbus med pa de bzhin du chos thams cad kyang de dang 'dra ste/ de bzhin gshegs pa'i sku yang mtshan nyid de lta bu yin no/ /ji ltar de bzhin gshegs pa'i sku gzugs 'di g.yo ba med pa dang / spyod pa med pa de bzhin du chos thams cad kyang de dang 'dra ste/ de bzhin gshegs pa'i sku yang mtshan nyid de lta bu kho na yin no/ /ji ltar de bzhin gshegs pa'i sku gzugs 'di lta bar mi byed/ nyan par mi byed/ bsnom par mi byed/ myang bar mi byed/ reg par mi byed/ sems par mi byed/ nyal bar mi byed/ ldang bar mi byed/ dbugs 'byung bar mi byed/ dbugs rngub par mi byed/ rnam par shes par mi byed pa de bzhin du chos thams cad kyang de dang 'dra ste/ chos thams cad ji lta ba de bzhin du de bzhin gshegs pa'i sku yang mtshan nyid</font><hr>82.126b<br><font size=+1>

de lta bu yin no/ /ji ltar de bzhin gshegs pa'i sku gzugs 'di 'dod pa'i khams su gtogs pa yang ma yin/ gzugs kyi khams su gtogs pa yang ma yin/ gzugs med pa'i khams su gtogs pa yang ma yin pa de bzhin du chos thams cad kyang de dang 'dra ste/ de bzhin gshegs pa'i sku yang mtshan nyid de lta bu yin no/ /ji ltar de bzhin gshegs pa'i sku gzugs 'di la tshu rol yang med/ pha rol yang med/ bar yang med/ thog ma yang med/ 'jig pa yang med/ rgyu ba yang med/ spyod pa yang med/ blang ba yang med/ dor ba yang med/ bya ba yang med/ byed pa yang med/ ltung ba yang med/ bden pa yang med/ brdzun pa yang med/ bden pa mngon par rtog pa yang med/ kun du 'dod chags pa yang med/ yid 'byung ba yang med/ 'khor ba yang med/ mya ngan las 'das pa yang med pa de bzhin du chos thams cad kyang de dang 'dra ste/ chos thams cad ji lta ba de bzhin du de bzhin gshegs pa'i sku yang mtshan nyid de lta bu yin no/ /'od srung de ltar de de bzhin gshegs pa'i sku la 'jug pa de lta bu des rab tu rtog par byed pa na nyin mtshan du skyil mo dkrung zhig par ma gyur cing des nyin mtshan de la mngon par shes pa lnga dang / tshangs pa'i gnas pa bzhi dang / spobs pa thogs pa med pa dag kyang bsgrubs par gyur/ ting nge 'dzin kun du snang ba zhes bya ba yang bsgrubs par gyur nas de la snang ba yang byung bar gyur te/ snang ba byung bar gyur ba des lha'i mig rnam par dag pa mi'i las shin du 'das pas phyogs bcu'i sangs rgyas bcom ldan 'das dpag tu med/ grangs med pa dag kyang mthong ngo / /lha'i rna ba bsgrubs pa med pas sangs rgyas bcom ldan 'das de dag gi chos bstan pa thams cad kyang thos te/ de bzhin gshegs pa gcig gis chos bstan pa yang de bzhin gshegs pa gnyis pas chos bstan</font><hr>82.127a<br><font size=+1>

pa la sgrib par ma gyur cing thams cad kyang mnyes par byas so/ /'od srung byang chub sems dpa' brtson 'grus chen po de zla ba bdun gyi bar du 'chag cing 'dug par gyur te/ shes pa'i zas ma gtogs par zas gzhan yang mi za zhing lha rnams kyis de'i lhag pa'i bsam pa rig nas de'i lus la mdangs bcug par yang gyur te/ 'od srung byang chub sems dpa' brtson 'grus chen po des gos ngur smrig dag kyang ma bgos/ de bzhin gshegs pa yang mngon sum du ma mthong / bslab pa'i gzhi rnams kyang ma blangs mod kyi/ 'on kyang thams cad mkhyen pa'i ye shes rjes su thob cing de ltar bslab pa 'dod par gyur ba la ltos/ 'od srung byang chub sems dpa' ni 'di ltar de bzhin gshegs pa'i sku rab tu rnam par 'byed de/ ci nas kyang 'phel bar mi byed pa dang / 'bri bar mi byed pa de de ltar rab tu rnam par 'byed do/ /'od srung byang chub sems dpas ni ji ltar byang chub sems dpa' sems dpa' chen po brtson 'grus chen po des de bzhin gshegs pa'i sku de la bsnyen bkur byas pa de ltar de bzhin gshegs pa'i sku la bsnyen bkur bya'o/ /des de ltar bsnyen bkur byas shing yang dag pa ji lta ba bzhin du rab tu rtog par byed pa na ye shes chen po'i rnam pa 'di lta bu dag kyang bskyed par gyur te/ ye shes kyi rnam pa des phyogs bcu'i sangs rgyas bcom ldan 'das tshad med/ grangs med/ dpag tu med pa dag kyang mthong bar gyur/ de dag chos ston pa dag kyang thos par gyur ta 'od srung de nas byang chub sems dpa' brtson 'grus chen po de nags khrod de nas phyir byung ste/ grong dang / grong khyer dang / grong rdal dang / yul 'khor dang / rgyal po'i pho brang 'khor dag tu zhugs nas sems can rnams la chos ston par byed cing</font><hr>82.127b<br><font size=+1>

des srog chags nyi khri ni bla na med pa yang dag par rdzogs pa'i byang chub kyi sems la bkod do/ /sems can tshad med grangs med pa dag ni nyan thos dang / rang sangs rgyas kyi theg pa'i bsod nams dag la bkod par gyur to/ /pha ma de gnyis dang / btsun mo'i 'khor de dag dang / 'khor gzhan thams cad ni bla na med pa yang dag par rdzogs pa'i byang chub tu nges par byas so/ /'od srung de'i tshe de'i dus na byang chub sems dpa' brtson 'grus chen po zhes bya bar gyur ba de gzhan zhig yin pa snyam du khyod nem nur dang / yid gnyis dang / the tshom za bar gyur na khyod kyis de ltar mi blta ste/ de ci'i phyir zhe na/ nga nyid de'i tshe de'i dus na byang chub sems dpa' brtson 'grus chen po zhes bya ba der gyur ba'i phyir ro/ /'od srung de lta bas na byang chub sems dpa' rnams kyis byang chub sems dpa' sems dpa' chen po brtson 'grus chen po de dang /de las gzhan pa'i byang chub sems dpa' sems dpa' chen po lhag pa'i bsam pa phun sum tshogs pa rnams kyi rjes su bslab par bya'o/ /'od srung yang phyi ma'i tshe phyi ma'i dus lnga brgya pa tha ma la byang chum sems dpa'i theg pa pa'i rigs kyi bu dang rigs kyi bu mo thabs la mi mkhas pa/ brkam pa/ 'dod pas zil kyis non pa kha cig 'byung bar 'gyur te/ de dag ni ras bcos bu dang rtsig ngos la bris pa 'am/ de bzhin gshegs pa'i sku gzugs gzhan dag la mchod pa byas pas dngos grub dang / rdzu 'phrul thob par sems shing / de dag 'di snyam du bdag cag ni de bzhin gshegs pa la mchod pa byed pa yin gyi/ gzhan dag ni mchod pa byed pa ma yin no snyam du rlom sems su yang 'gyur te/ de dag dge ba cung zad tsam po des bdag la bstod par byed/ gzhan la smod par byed cing gzhi des 'tsho bar sems par yang</font><hr>82.128a<br><font size=+1>

'gyur ro/ /'od srung de'i tshe na gang dag gis de bzhin gshegs pa'i sku gzugs byed du bcug pa dang / 'dus pa dang / gzhan yang de bzhin gshegs pa'i mchod pa rnam pa sna tshogs dag ma gtogs par de ltar lung mnod pa yongs su tshol bar mi 'gyur/ kha ton mi byed/ bsam gtan mi sgom/ nang du yang dag 'jog la gces par sems par mi 'gyur te/ de dag de'i tshe na khyim pa dang / rab tu byung ba dag gis mchod pa dang / ri mo bya ba dang / shes pa dang / shin du yongs su shes par yang 'gyur zhing / gzhi des de dag gis chos gos dang / bsod snyoms dang / mal cha dang / stan dang / na ba'i gsos sman dang / yo byad dag kyang rnyed par 'gyur ro/ /'od srung ngas ni byang chub sems dpa'i theg pa pa rnams kyi las su 'di lta ste/ tshul khrims kyi phung po la gnas te mang du thos pa yongs su btsal bar bya'o zhes bstan na/ de dag ni de'i tshe na tshul khrims 'chal ba kho nar gnas shing chos yongs su btsal ba spangs nas de bzhin gshegs pa'i mchod rten dag la mchod pa'i las bya ba'i phyir brtson par 'gyur zhing gzhi des 'tsho bar 'gyur bar sems pa la ltos/ de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das ji tsam du de bzhin gshegs pas skyes bu dam pa ma lags pa de dag gi sgyu dang / g.yo dang gya gyu de dag mang du bka' stsal pa ni ngo mtshar lags so/ /bde bar gshegs pa ngo mtshar lags te/ bcom ldan 'das rigs kyi bu dang / rigs kyi bu mo dang ba dang ldan pa dag gis mdo sde 'di lta bu thos nas su zhig tshul khrims kyi phung po yongs su spyod par mi bgyid lags/ bcom ldan 'das gzhan yang 'di lta ste/ slad ma'i tshe slad ma'i dus na rigs kyi bu dang / rigs kyi bu mo dag gis chos kyi rnam grangs 'di thos</font><hr>82.128b<br><font size=+1>

nas bdag cag ni de bzhin gshegs pas mkhyen/ bdag cag yul 'di lta bu la spyod pa las phyir ldog par bya'o zhes kun du skyo ba skye bar 'gyur zhing rab tu spyod par 'gyur bar bcom ldan 'das de bzhin gshegs pas chos kyi rnam grangs 'di byin gyis brlab du gsol/ de skad ces gsol pa dang / bcom ldan 'das kyis gnas brtan 'od srung chen po la 'di skad ces bka' stsal to/ /'od srung de bzhin gshegs pas gnas rnam pa 'di lta bu gang ci ston pa dang / yang dag par ston par mdzad pa de dag thams cad ni rigs kyi bu dang / rigs kyi bu mo de dag nyid kyi ched du ste/ 'di ltar de dag gis chos kyi rnam grangs 'di thos par 'gyur zhing thos nas kyang skyon de dag yongs su spong bar 'gyur ba'i phyir ro/ /bcom ldan 'das kyis de skad ces bka' stsal nas/ gnas brtan 'od srung chen po dang / byang chub sems dpa' sems dpa' chen po byams pa dang / 'jam dpal gzhon nur gyur ba dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las 'phags pa byams pa'i seng ge'i sgra chen po zhes bya ba'i le'u ste nyi shu gsum pa rdzogs so// //rgya gar gyi mkhan po dzi na mi tra dang / su ren dra bo d+hi dang / pra dz+nyA barma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/ </font><hr>

</table>