@#/ /rgya gar skad du/ gi ri A nan da sU tra/ bod skad du/ ri'i kun dga' bo'i mdo/ 'phags pa dkon mchog gsum la gus pas phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod rgyal byed tshal mgon med zas sbyin gyi kun dga' ra ba na bzhugs so/ /de'i tshe de'i dus na tshe dang ldan pa ri'i kun dga' bo nad dam por sdug bsngal bas gzir to/ /de nas tshe dang ldan pa kun dga' bo bcom ldan 'das ga la ba der song zhing nye bar song nas bcom ldan 'das la phyag byas nas phyogs gcig tu 'dug go/ /phyogs gcig tu 'dug nas yang tshe dang ldan pa kun dga' bos bcom ldan 'das la 'di skad ces gsol to/ /btsun pa tshe dang ldan pa ri'i kun dga' bo nad dam pos sdug bsngal bas gzir to/ /btsun pa bcom ldan 'das legs par mdzad du gsol/ dge slong tshe dang ldan pa ri'i kun dga' bo ga la ba der gshegs la rjes su brtse bas gshegs par zhu/[ ]de nas bcom ldan 'das kyis tshe dang ldan pa kun dga' bo la bka' stsal pa/[ ]der yang kun dga' bo khyod dge slong ri'i kun dga' bo'i thad du song la 'du shes bcu bshad par gyis shig /rnam par shes pa dang ldan pa'i gnas su smra bar gyis shig /gzhan yang dge slong ri'i kun dga' bos 'du shes bcu thos nas nad kyis gzir ba'i gnas rnams la so sor rig par 'gyur ro/ /bcu gang zhe na/ mi rtag pa'i 'du shes dang / bdag med pa'i 'du shes dang /[ ]mi gtsang ba'i 'du shes dang / bar du gcod pa'i 'du shes dang / spong ba'i 'du shes dang / 'dod chags dang bral ba'i 'du shes dang / 39.277a 'gog pa'i 'du shes dang / 'jig rten thams cad la mngon par mi dga' ba'i 'du shes dang /[ ]'du byed thams cad la mi rtag pa'i 'du shes dang / 'byung ba dang rngub pa rjes su dran pa'i 'du shes so/ /mi rtag pa'i 'du shes du zhe na/[ ]'di ni tshe dang ldan pa kun dga' bo/[ ]dgon pa 'am/ shing drung ngam/ khang pa stong par song la 'di ni so sor rig par bya'o/ /gzugs mi rtag pa dang / tshor ba mi rtag pa dang / 'du shes mi rtag pa dang / 'du byed mi rtag pa dang /[ ]rnam par shes pa mi rtag pa ste 'di rnams la nye bar len pa'i phung po lnga po mi rtag par blta bar bya'o/ /de la mi rtag pa'i 'du shes ston cig /kun dga' bo bdag med pa'i 'du shes du zhe na/ 'di ni dge slong kun dga' bo/[ ]dgon pa 'am/ shing drung ngam/ khang pa stong par song la 'di ni so sor rig par bya'o/ /mig bdag med pa dang / gzugs bdag med pa dang / rna ba bdag med pa dang / sgra bdag med pa dang sna bdag med pa dang / dri bdag med pa dang / lce bdag med pa dang / ro bdag med pa dang / lus bdag med pa dang / reg bya bdag med pa dang / yid bdag med pa dang / chos bdag med pa ste/ 'di rnams ni nang gi drug dang phyi'i skye mched drug bdag med pa'o/ /bdag med pa la lta zhing bsam par bya'o/ /kun dga' bo bdag med pa 'di rnams ston cig /kun dga' bo mi gtsang ba'i 'du shes ni dge slong kun dga' bo 'di ni lus 'di nyid la spyi gtsug nas 'og gi rkang mthil gyi bar gyi/ pags pa'i phyi shun gyi bar gang bar rnam pa sna tshogs pa'i mi gtsang ba so sor brtag par bya'o/ /lus 'di la skra dang / ba spu dang / sen mo dang / so dang / lpags pa'i phyi shun dang / sha dang / chu ba dang /[ ]rus pa dang / rkang mar dang / mkhal ma dang / snying dang / mtsher pa dang / glo ba dang / sul mang dang / pho ba dang / rgyu ma dang / rgyu ma'i gnye 39.277b ma dang / lgang pa dang / rtug pa dang / mkhris pa dang / bad kan dang / tshigs dang / khrag dang / rngul dang / tshil dang / mchi ma dang /[ ]zhag dang / mchil ma dang / snabs dang / chu ser dang / gcin dang /[ ]glad pa ste mi gtsang ba'i rdzas sum bcu rtsa gnyis so/ /lus 'di la mi gtsang bar blta bar bya'o/ /kun dga' bo mi gtsang ba 'di rnams bstan par gyis shig /kun dga' bo bar du gcod pa rnams du zhe na/ dge slong kun dga' bo 'di ni dgon pa 'am/ shing drung ngam/ khang stong du song ste 'di rnams so sor brtag par bya'o/ /lus 'di ni sdug bsngal mang ba dang / bar du gcod pa mang ba ste/ lus 'di la rnam pa du ma'i nad 'byung ngo / /'di lta ste/ mig gi nad dang / rna ba'i nad dang / sna'i nad dang / lce'i nad dang / lus kyi nad dang / mgo bo'i nad dang / rna ba'i nang gi nad dang / kha'i nad dang /[ ]so'i nad dang / glo dang / dbugs mi bde ba dang / pi na so'i nad dang /[ ]tsha rims dang / lto ba'i nad dang / brgyal ba dang / gzhogs phyed na ba dang / gzer ba dang / gsung pa dang / mdze dang / sha 'bras dang /[ ]'brum bu phra mo dang / gcong nad dang / brjed byed kyi nad dang / bas ldags dang / g.yan pa dang / lus za ba dang / rash+ka sa dang / bi tsar rtsi ka dang / khrag mkhris dang / ma d+hu me ha dang / a~M ga dang / si la ka dang / mtshan mar rdol ba dang / mkhris pa 'khrugs pa'i nad dang / bad kan 'khrugs pa'i nad dang / rlung 'khrugs pa'i nad dang / 'dus pa'i nad dang / dus su zas yi khar mi 'ong ba'i nad dang / mi mnyam pa'i nad 'khrugs pa dang / a u pa ka mri ka'i nad dang / las kyi rnam par smin pa'i nad dang / grang ba dang / dro ba dang / bkres pa dang / skom pa dang /[ ]'khru ba dang / chu nad ste/ lus kyi nad 'di rnams ni bar du gcod par blta zhing bsgom par bya'o/ /kun dga' bo 'di ni bar du gcod par bstan par bya'o/ /kun dga' bo spong ba'i 'du 39.278a shes rnams du zhe na/[ ]dge slong kun dga' bo 'di ni 'dod pa las skyes pa ste/ mi gnas par dor bar bya'o/ /rnam par gzhig pa dang / goms par mi byed pa dang / mi bsgom par 'gro ba dang / rnam par 'tshe ba'i rnam rtog las skyes pa dang /[ ]mi gnas pa ste dor bar bya'o/ /rnam par gzhig pa dang / goms par mi byed pa dang / mi bsgom par 'gro ba ste skyes shing skyes pa'i sdig pa mi dge ba'i chos mi gnas pa ste dor bar bya'o/ /rnam par gzhig pa dang / goms par mi byed pa dang / mi bsgom par 'gro ba ste/ kun dga' bo 'di ni spong ba'i 'du shes so/ /kun dga' bo 'dod chags dang bral ba'i 'du shes du zhe na/[ ]dge slong kun dga' bo 'di ni dgon pa 'am/ shing drung ngam/ khang stong du song ste so sor brtag par bya'o/ /'di ni zhi ba dang / gya nom pa gang 'di ni 'dus byas thams cad gnas pa dang / skye ba dang / bsgyur ba dang / sred pa zad pa dang / 'gog pa dang / mya ngan las 'das pa'o/ /kun dga' bo 'di ni 'gog pa'i 'du shes so/ /kun dga' bo 'jig rten thams cad la mngon par mi dga' ba'i 'du shes du zhe na/ dge slong kun dga' bo 'di ni gang zhig 'jig rten pa thabs dang nye bar skye ba dang / rtog pa dang / gnas pa dang / bag la nyal ba bor te dga' ba mi bskyed par ro/ /kun dga' bo 'di ni 'jig rten thams cad la mngon par mi dga' ba'i 'du shes su bstan par bya'o/ /kun dga' bo 'du byed thams cad mi rtag pa'i 'du shes du zhe na/[ ]dge slong kun dga' bo 'di ni 'du byed thams cad la zhen pa med pa dang /[ ]spong ba dang / skyug bro ba ste/ kun dga' bo 'di ni 'du byed thams cad mi rtag pa'i 'du shes su bstan par bya'o/ /kun dga' bo dbugs rngub pa dang dbyung ba rjes su dran pa du zhe na/ dge slong kun dga' bo/ dgon pa 'am/[ ]shing drung ngam/ khang stong du song ste 'dug la 39.278b skyil dkrungs bcas te lus drang por bsrangs la kha gyen du bltas la rjes su dran cing gnas par bya'o/ /de nas dbugs thung ngu phyung na dbugs thung ngu phyung ngo snyam du yang dag par shes so/ /dbugs ring du rngubs pa 'am thung ngu rngubs na rngubs so snyam du yang dag par shes so/ /dbugs ring du phyung na dbugs ring du mthong ngo snyam du yang dag par shes so/ /dbugs thung ba 'am thung ngu phyung na dbugs thung ngu phyung ngo snyam du yang dag par shes so/ /dbugs thung ba 'am thung ngu rgyus na thung ngu blta ba dang yang dag par shes so/ /lus kyi thams cad yang dag par myong zhing dbugs thung ngu rgyus so zhes bslab par byas te/ lus kyi yang dag par myong zhing blta zhing bslab par bya'o/ /lus kyi 'du byed shin du sbyangs nas dbugs thung ngu rngubs na rngubs pa la blta zhing bslab par bya'o/ /snyam du yang dag par shes so/ /gnyis ka mthong zhing lus kyi 'du byed yang dag par sbyangs shing rlung thung ngu phyung ngo / /zhes gnas shing bslab par bya'o/ /gnyis ka mthong zhing lus kyi 'du byed la blta zhing gnas par bslab par bya'o/[ ]/dga' ba yang dag par myong zhing dbugs thung ngu rgyus so snyam du bslab par bya'o/[ ]/dga' ba yang dag par myong zhing blta zhing bslab par bya'o/ /bde ba yang dag par myong zhing dbugs thung ngu rgyus so snyam du bslab par bya'o/ /bde ba yang dag par myong zhing blta zhing bslab par bya'o/ /sems kyi 'du byed yang dag par myong zhing dbugs thung ngu rgyus so snyam du bslab par bya'o/ /sems kyi 'du byed yang dag par myong zhing blta zhing bslab par bya'o/ /gnyis ka mthong zhing sems kyi 'du byed yang dag par myong zhing dbugs thung ngu rgyus na rgyus so snyam du bslab par bya'o/ /gnyis ka mthong zhing sems kyi 'du byed yang dag par sbyangs so snyam du bslab par bya'o/ /sems yang dag par myong na dbugs thung ngu rngubs na rngubs so zhes bslab par bya'o/ /sems yang dag par myong zhing yang 39.279a dag par sbyangs so snyam du bslab par bya'o/ /sems mngon par dga' ba bskyed pa dang dbugs thung ngu rgyus pa na rgyus so zhes bslab par bya'o/ /sems mngon par dga' ba bskyed pa dang shin tu sbyangs so snyam du bslab par bya'o/ /sems zhi gnas la gnas pas dbugs thung ngu rgyus na rgyus so snyam du bslab par bya'o/ /sems zhi gnas la gnas pas lhag mthong du gnas par bslab par bya'o/ /sems rnam par grol bas dbugs thung ngu rgyus na rgyus so zhes bslab par bya'o/ /sems rnam par grol bas lhag mthong la gnas par bslab par bya'o/ /mi rtag par rjes su lta bas dbugs thung ngu rgyus na rgyus so snyam du bslab par bya'o/ /mi rtag par rjes su lta bas lhag mthong la gnas par bslab par bya'o/ /'dod chags dang bral bar rjes su blta bas dbugs thung ngu rgyus na rgyus so snyam du bslab par bya'o/ /'dod chags dang bral bar rjes su lta bas lhag mthong la gnas par bslab par bya'o/ /'gog pa la rjes su blta bas dbugs thung ngu rgyus na rgyus so snyam du bslab par bya'o/ /'gog pa la rjes su lta bas lhag mthong la gnas par bslab par bya'o/ /so sor spong ba rjes su lta bas dbugs thung ngu rgyus na rgyus so snyam du bslab par bya'o/ /so sor spong bar rjes su lta bas lhag mthong la gnas par bslab par bya'o/ /kun dga' bo dbugs rngubs pa dang dbyung ba rjes su dran pa 'di bshad par bya'o/ /der yang kun dga' bo'i gnas su song la/[ ]'du shes bcu po 'di bshad par bya'o/ /gnas gzhan yang yod de dge slong ri'i kun dga' bos 'du shes bcu po 'di thos na de'i nad thams cad zhi bar 'gyur ro/ /de nas yang tshe dang ldan pa kun dga' bos bcom ldan 'das las mnyan te/ tshe dang ldan pa ri'i kun dga' bo'i gnas su song nas/ tshe dang ldan pa ri'i kun dga' bo la/ 'du shes bcu so sor bshad do/ /de nas tshe dang ldan pa 39.279b ri'i kun dga' bos 'du shes bcu po 'di rnams thos nas de'i nad thams cad zhi bar gyur to/ /de'i nad thams cad zhi nas tshe dang ldan pa ri'i kun dga' bo langs te/ tshe dang ldan pa ri'i kun dga' bo'i nad phyis med par gyur to/ /tshe dang ldan pa ri'i kun dga' bo'i mdo rdzogs s+ho//[ ] |