J347

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J347</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J347&coll=lithang">see text in Tibetan script</a></table>83.277a<br><font size=+1>

/'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u bzhi bcu rtsa brgyad pa ste 'phags pa lha mo dpal phreng gi seng ge'i sgra bstan pa/ bam po dang po/ @#/ /rgya gar skad du/ Ar+ya shrI mA la de bi sing ha nA da nA ma ma hA yA na sU tra/ bod skad du/ 'phags pa lha mo dpal phreng gi seng ge'i sgra zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas de'i tshe yul ko sa la'i rgyal po gsal rgyal dang / btsun mo dam pa btsun mo phreng ldan mas lha mo dpal phreng chos rtogs nas ring po ma lon pa'i bar skabs su gtam glengs pa/ rgyal po chen po kye ma khyod kyi sras mo lha mo dpal phreng ni 'dzangs shing gsal la zab cing mkhas te/ gal te des bcom ldan 'das mthong ba lta na tshegs chung ngus chos rtogs la/ bcom ldan 'das kyis chos bstan pa la yang the tshom ma mchis par 'gyur ro/ /de nas yul ko sa la'i rgyal po gsal rgyal gyis btsun mo phreng ldan ma la 'di skad ces smras so/ /phreng ldan ma 'u bu cag gis lha mo dpal phreng la pho nya nus pa zhig gtang gor ma chag go /de skad ces smras pa dang / btsun mo phreng ldan mas rgyal po gsal rgyal gyi tshig de mnyan nas ko sa la'i rgyal po gsal rgyal dang / btsun mo phreng ldan mas bcom ldan 'das kyi yon tan gyi bsngags pa rnam pa du ma bris te/ nang kor ma yid brtan pa zla ba lta bu zhes bya ba de'i lag tu phrin yig bskur nas de mthar gyis song ste/ grong khyer 'thab</font><hr>83.277b<br><font size=+1>

med du phyin nas btsun mo'i 'khor du song ste/ lha mo dpal phreng la phyag 'tshal nas phan tshun kun dga' ba'i gtam byas te lha mo dpal phreng gi lag tu phrin yig byin no/ /de nas lha mo dpal phreng gis pha ma la gus pas phrin yig de lag pa gnyis kyis blangs nas mgo la gtugs te bdag nyid kyis phrin yig bklags nas/ phrin yig gi don bzang ngo zhes nges par bzung ste/ don du nges par bzung nas mgo gcogs te ya mtshan du bzung nas lha mo dpal phreng gis nang kor ma zla ba lta bu la tshigs su bcad pa 'di dag smras so/ /sangs rgyas zhes bya'i sgra 'di ni/ /'jig rten dag na shin tu dkon/ /gal te tshig 'di bden gyur na/ /bdag gis khyod la bgo ba sbyin/ /gal te bcom ldan sangs rgyas de/ /'jig rten don du byung gyur na/ /de ni bdag la thugs rje yis/ /bstan pa'i ched du 'dir sbyin cig /de nas de yi skad cig la/ /mgo bo gshegs nas mkha' la bzhugs/ /bsam gyis mi khyab sangs rgyas sku/ /'od zer 'gyed cing bzhugs pa mthong / /de nas de tshe lha mo ni/ /gus pas 'khor bcas langs nas kyang / /spyi bor thal mo sbyar byas nas/ /smra ba'i mchog la bstod pa ni/ /mgon po khyod kyi sku gzugs dang / /dpal dpe gang na 'ang yod ma mchis/ /bsam yas dpe zla ma mchis pa'i/ /'jig rten mgon la phyag 'tshal lo/ /mgon po khyod kyi sku gzugs dang / /ye shes la yang bsam mchis/ /khyod kyi sangs rgyas chos mi bas/ /de bas thub khyod skyabs kyang lags/ /bsam yas rtsal ldan khyod kyis ni/ /sku gsung thugs kyi skyon rnams bsal/ /nyams ma mchis pa'i sa brnyes pa/ /chos rgyal khyod la phyag 'tshal lo/ /shes bya thams cad khyod kyis mkhyen/ /ye shes sku yi dbang phyug ste/ /sangs rgyas chos rnams thams cad kyi/ /mthar phyin</font><hr>83.278a<br><font size=+1>

khyod la phyag 'tshal lo/ /gzhal yas khyod la phyag 'tshal lo/ /dpe las 'das la phyag 'tshal lo/ /bsam yas chos khyod phyag 'tshal lo/ /mtha' yas gzugs khyod phyag 'tshal lo/ /bdag ni da ltar mgon pos bskyabs/ /byang chub sa bon rnam par bskyed/ /slan chad srid pa gzhan dag tu/ /thub pas bdag la phan gdags mdzod/ /bcom ldan 'das kyis bka' stsal pa/ /sngon tshe rnams su lha mo khyod/ /ngas ni byang chub sbyor ba byas/ /phyis kyang tshe rabs gzhan dag tu/ /ngas ni rjes su gzung bar bya/ /lha mo dpal phreng gis gsol pa/ /bdag gis 'di dang gzhan dag tu/ /bsod nams gang dang gang bgyis pa/ /bsod nams de yis mgon po khyod/ /rtag tu bdag gis mthong bar shog /de nas lha mo dpal phreng dang lhan cig tu btsun mo kun dang / thams cad dang ldan pa'i 'khor gyis bcom ldan 'das kyi zhabs la gtugs so/ /de nas bcom ldan 'das kyis 'khor 'dus pa'i nang du lha mo dpal phreng bla na med pa yang dag par rdzogs pa'i byang chub tu lung bstan te/ lha mo khyod kyis de bzhin gshegs pa la yang dag pa'i yon tan dag gis mngon par bstod pa'i bsod nams bsags pa gang yin pa'i dge ba'i rtsa ba 'dis lha mo khyod bskal pa tshad med grangs med par lha dang mi'i rgyal srid phun sum tshogs pa myong bar 'gyur te/ tshe rabs thams cad du yang nga mthong ba dang bral bar mi 'gyur zhing / nga la mngon sum du 'di lta bu'i bstod pa bsngags pas bsngags par 'gyur ro/ /sangs rgyas bcom ldan 'das dpag tu med grangs med pa dag la yang mchod pa byed par 'gyur ro/ /da phyin chad bskal pa brgya stong phrag grangs med pa nyi shu na khyod de bzhin gshegs pa dgra bcom pa yang dag par rdzogs pa'i sangs rgyas kun du bzang po zhes</font><hr>83.278b<br><font size=+1>

bya bar 'gyur te/ de'i tshe yang lha mo khyod kyi sangs rgyas kyi zhing der ngan song dag 'byung bar mi 'gyur ro/ /de'i tshe sems can rnams kyang dge ba bcu'i las kyi lam la gnas par 'gyur te/ sems can de dag la nad kyang med rga ba yang med/ yid du mi 'ong ba'i gnod pa yang med de/ mi dge ba'i las kyi lam rnams kyi ming yang mi grags par 'gyur ro/ /sangs rgyas kyi zhing der sems can gang dag 'byung ba de dag gis ni gzhan 'phrul dbang byed kyi lha rnams kyang 'di ltar bde ba dang / gzugs dang kha dog dang dpal dang gzi rjid dang / gzugs dang sgra dang dri dang ro dang reg bya dang / longs spyod thams cad kyis zil gyis non par 'gyur te/ sems can de dag shin tu bde ba dang ldan par 'gyur ro/ /lha mo sangs rgyas kyi zhing der sems can gang dag 'byung ba de dag thams cad kyang theg pa chen po la yang dag par zhugs par 'gyur ro/ /lha mo de bzhin du dge ba'i rtsa ba dag byas pa'i sems can rnams de'i tshe sangs rgyas kyi zhing der 'du bar 'gyur ro/ /de nas lha mo dpal phreng gi lung bstan pa phun sum tshogs pa thos nas lha dang mi dpag tu med pa dag gis sangs rgyas kyi zhing der skye bar smon lam btab bo/ /de dag thams cad kyang 'jig rten gyi khams der skye bar bcom ldan 'das kyis lung bstan to/ /de nas lha mo dpal phreng gis bcom ldan 'das las mngon sum du bdag nyid lung bstan pa thos nas thal mo sbyar te yi dam chen po bcu yang dag par blangs so/ /bcu gang zhe na 'di lta ste/ bcom ldan 'das da slan chad bdag gis tshul khrims kyi dus las 'da' ba'i sems bskyed par mi bgyi ste/ bcom ldan 'das yi dam dang po 'di ni byang chub kyi snying po'i mthar thug gi bar du bdag gis yang dag par blang ngo / /bcom ldan 'das da slan chad bdag gis bla ma dag la ma gus pa'i</font><hr>83.279a<br><font size=+1>

sems bskyed par mi bgyi ste/ bcom ldan 'das yi dam gnyis pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das da slan chad bdag gis gang du yang sems can la khro ba dang / gnod sems kyi sems bskyed par mi bgyi ste/ bcom ldan 'das yi dam gsum pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das da slan chad bdag gis gzhan gyi dpal dang / gzhan gyi phun sum tshogs pa dag la phrag dog gi sems bskyed par mi bgyi ste/ bcom ldan 'das yi dam bzhi pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das da slan chad bdag gis tha na kham slang ma tsam la yang ser sna'i sems bskyed par mi bgyi ste/ bcom ldan 'das yi dam lnga pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das da slan chad bdag gis bdag nyid kyis longs spyad pa'i slad du nor yongs su bzung bar mi bgyi ste/ 'on kyang bcom ldan 'das sems can dbul po sdug bsngal zhing mgon ma mchis pa yongs su smin par bgyi ba'i slad du yongs su gzung bar 'tshal te/ bcom ldan 'das yi dam drug pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das da slan chad bdag gis bsdu ba'i dngos po bzhis sems can rnams la phan 'dogs pas na bdag la sman du re ba'i slad du sems can bsdu bar mi bgyi ste/ 'on kyang bcom ldan 'das zang zing ma mchis pa'i sems dang / chog par mi 'dzin pa dang ldog pa ma mchis par sems can yang dag par bsdu bar 'tshal de/ bcom ldan 'das yi dam bdun pa 'di yang byang chub</font><hr>83.279b<br><font size=+1>

kyi snying po'i mthar thug gi bar du bdag gis yang dag par blang ngo / /bcom ldan 'das da slan chad bdag gis sems can mgon ma mchis pa dang / go rar stsal pa dang bcings pa dang nad kyis nyam thag pa dang sdug bsngal ba dang / dbul po dang phongs par gyur pa dang / tshegs chen pos 'tsho ba dag mthong na/ de dag la sman ma btags par gom pa gcig kyang dor bar mi bgyi'i/ bcom ldan 'das bdag gis sems can sdug bsngal gyis nyam thag pa de dag mthong na sdug bsngal de dang de dag las yongs su thar par bgyis la nor gyi bsdu bas bsgrubs nas slad kyis bdag mchi bar bgyis te/ bcom ldan 'das yi dam brgyad pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das da slan chad bdag gis phag 'tshong dang / bya ba la sogs pa sdig pa'i las kyis 'tsho zhing de bzhin gshegs pas bka' stsal pa'i chos 'dul ba las nyams pa'i chos can dag mthong na yal bar mi dor gyi/ bcom ldan 'das grong dang / grong khyer dang / grong rdal dang / yul 'khor dang / rgyal po'i pho brang 'khor gang dang gang dag na bdag gis mchid nyan pa de dang de dag tu tshar dgum pa'i rigs pa rnams la ni tshar dgum/ sman gdags pa'i rigs pa rnams la ni sman gdags par 'tshal la/ de ci'i phyir zhe na/ bcom ldan 'das tshar dgum pa dang / sman gdags pas ni 'jig rten du dam pa'i chos yun ring du gnas par 'gyur ba'i slad du ste/ dam pa'i chos yun ring du gnas na lha dang mi rnams kyi lus rnam par 'phel bar 'gyur zhing ngan song rnams yongs su 'grib par 'gyur te/ bcom ldan 'das 'di ni bcom ldan 'das kyis chos kyi 'khor lo bskor ba'i rjes su skor bar bgyid pa lags te/ </font><hr>83.280a<br><font size=+1>

bcom ldan 'das yi dam dgu pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das da slan chad bdag gis dam pa'i chos yongs su bzung ba las bskyud par mi bgyi/ sems gcig tsam yang bskyed par mi bgyi'o/ /de ci'i slad du zhe na/ bcom ldan 'das dam pa'i chos bzung ba las bskyud na theg pa chen po bskyud par 'gyur ro/ / bcom ldan 'das theg pa chen po bskyud na pha rol du phyin pa bskyud par 'gyur ro/ /bcom ldan 'das pha rol du phyin pa bskyud na theg pa chen po las mi 'dun par 'gyur ro/ /bcom ldan 'das byang chub sems dpa' sems dpa' chen po gang theg pa chen po las ma nges pa de ni dam pa'i chos yongs su 'dzin pa la mi 'dun par 'gyur zhing rang nyam du gnas par 'gyur te/ bcom ldan 'das de ni byis pa so so'i skye bo'i sar mchi ba'i skal pa can du 'gyur te/ bcom ldan 'das 'di ni bdag gis nyes dmigs dang / gnod pa chen por mthong lags so/ /bcom ldan 'das dam pa'i chos yongs su 'dzin pa las ni bdag dang ma 'ongs pa'i byang chub sems dpa' rnams kyi phan yon dpag tu ma mchis pa'i don yongs su grub par mthong ste/ bcom ldan 'das dam pa'i chos yongs su gzung ba'i yi dam bcu pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das bdag gi yi dam chen po bcu po 'di dag ni bcom ldan 'das kyi spyan sngar blangs pa lags te/ 'di la chos kyi rje nyid bdag gi dbang du gyur pa lags so/ /bcom ldan 'das ston pa mngon sum du gyur du lags kyang sems can dge ba'i rtsa ba chung ngu la la dag kye ma yi dam chen po bcu po 'di dag ni lcogs par dka'o snyam du bdag la the tshom za 'am/ yid gnyis 'tshal</font><hr>83.280b<br><font size=+1>

ba de dag ni bcom ldan 'das de nyid kyis yun ring por gnod pa dang / sdug bsngal ba dang phung bar 'gyur te/ bcom ldan 'das de dag nyid la sman gdags pa'i slad du bcom ldan 'das kyi spyan sngar bden pa'i byin gyi brlabs 'di bgyi bar 'tshal te/ bcom ldan 'das bdag gis yi dam chen po bcu po gang dag blangs pa'i yi dam chen po 'di dag la bcom ldan 'das gal te bdag ji skad smras pa de bzhin du bgyid par 'gyur ba lta na/ bcom ldan 'das bdag gi bden pa'i tshig 'dis 'khor gyi dkyil 'khor 'dir lha'i me tog char 'bab par gyur cig /lha'i sgra grag par gyur cig /des kyang bdag gi bden pa'i byin gyi brlabs 'di len par gyur cig /lha mo dpal phreng gis tshig de skad ces smras ma thag tu de'i tshe lha'i me tog gi char chen po bab nas par snang las lha'i sgra grag par gyur te/ des bden pa'i byin gyi brlabs de mnos nas lha mo de de bzhin no/ /ji ltar khyod kyis bden pa'i byin gyi brlabs byas pa de ni de bzhin du 'gyur te gzhan du ma yin no zhes byas so/ /de nas rmad du byung ba'i cho 'phrul de yang mthong / lha'i sgra mnos pa de yang thos nas thams cad dang ldan pa'i 'khor the tshom med cing mchog tu dga' bar gyur te/ lha mo dpal phreng dang mi 'bral zhing 'grogs par smon lam btab bo/ /'khor de thams cad kyang de bzhin du 'bral bar mi 'gyur bar bcom ldan 'das kyis lung bstan to/ /de nas lha mo dpal phreng gis bcom ldan 'das kyi spyan sngar smon lam chen po gsum btab bo/ /gsum gang zhe na/ bcom ldan 'das bdag gis bden pa'i byin gyi brlabs 'dis sems can dpag tu ma mchis pa bdag la sman btags pa gang lags pa'i bsod nams bsags pa'i dge ba'i rtsa ba des bcom ldan 'das bdag tshe rabs thams cad du dam pa'i chos rtogs pa thob par gyu cig /bcom ldan 'das 'di ni bdag gi smon lam chen po dang po lags so/ /</font><hr>83.281a<br><font size=+1>

bcom ldan 'das bdag gis dam pa'i chos rtogs pa de thob nas kyang ngal ba dang yongs su skyo ba ma mchis par sems can rnams la chos ston par gyur cig /bcom ldan 'das 'di ni bdag gi smon lam chen po gnyis pa lags so/ /bcom ldan 'das bdag gis dam pa'i chos bstan pa de yang lus dang srog la mi lta bar dam pa'i chos bsrung ba dang / dam pa'i chos yongs su gzung bar 'tshal lo/ /bcom ldan 'das 'di ni bdag gi smon lam chen po gsum pa lags te/ bcom ldan 'das bdag ni smon lam chen po gsum po de dag 'debs so/ /de nas bcom ldan 'das kyis lha mo dpal phreng gi smon lam chen po yul che ba gsum po 'di dag lung ston pa mdzad de/ lha mo 'di lta ste dper na gzugs su gtogs pa thams cad ni nam mkha'i khams kyi khongs su 'dus shing khongs su gtogs la khongs su chud do/ /lha mo de bzhin du byang chub sems dpa'i smon lam gang gA'i klung gi bye ma snyed dag kyang smon lam chen po 'di gsum gyi khongs su 'dus shing khongs su gtogs la khongs su chud de/ smon lam chen po gsum po de dag ni de ltar yul che'o/ /de nas bcom ldan 'das la lha mo dpal phreng gis 'di skad ces gsol to/ /bcom ldan 'das 'di la smon lam chen po'i yul bstan pa gzhan yang de bzhin gshegs pa'i mthus bdag gis spobs lags so/ /bcom ldan 'das kyis bka' stsal pa/ lha mo khyod la de bzhin gshegs pas gnang gis khyod spobs par gyis shig de nas bcom ldan 'das la lha mo dpal phreng gis 'di skad ces gsol to/ /bcom ldan 'das byang chub sems dpa'i smon lam gang gA'i klung gi bye ma snyed gang dag lags pa de dag thams cad kyang 'di ltar dam pa'i chos yongs su gzung ba'i smon lam chen po gcig gi khongs su 'dus shing khongs su chud de</font><hr>83.281b<br><font size=+1>

bcom ldan 'das dam pa'i chos yongs su 'dzin pa ni de ltar yul che ba lags so/ /de nas bcom ldan 'das kyis lha mo dpal phreng la legs so zhes bya ba byin te/ lha mo legs so legs so/ /lha mo khyod ni shes rab zab pa ste/ thabs kyis yongs su bsgos pa'i shes rab dang ldan no/ /lha mo sems can gang dag khyod kyis chos bstan pa'i don rtogs pa de dag ni dkon pa yin te/ yun ring po nas sangs rgyas du ma la dge ba'i rtsa ba bskyed bskyed pa yin no/ /lha mo khyod kyis dam pa'i chos yongs su gzung ba bstan pa ji skad bshad pa de bzhin du 'das pa dang / ma 'ongs pa dang / da ltar byung ba'i de bzhin gshegs pa rnams kyis kyang dam pa'i chos yongs su gzung ba bstan pa de nyid bshad do/ /'chad do 'chad par 'gyur ro/ /lha mo nga yang da ltar mngon par rdzogs pa'i byang chub mchog thob nas dam pa'i chos yongs su gzung ba bstan pa rnam pa du mar ston te/ lha mo de ltar dam pa'i chos yongs su gzung ba bstan pa ngas rnam pa du mar bshad kyang dam pa'i chos yongs su 'dzin pa'i yon tan rnams kyi mtha' 'am mu thug pa med do/ /de bzhin gshegs pa'i slobs pa la yang mtha' 'am mu thug pa med do/ /lha mo dam pa'i chos yongs su 'dzin pa ni de ltar don che'o/ /lha mo dam pa'i chos yongs su 'dzin pa ni de ltar phan yon che'o/ /de nas bcom ldan 'das la lha mo dpal phreng gis 'di skad ces gsol to/ /bcom ldan 'das de bzhin gshegs pa'i mthus don chen po bstan pa gzhan yang bdag gis spobs so/ /bcom ldan 'das kyis bka' stsal pa/ lha mo da de'i dus la bab par shes na khyod spobs par gyis shig /de nas bcom ldan 'das kyis gnang nas bcom ldan 'das la lha mo dpal phreng gis 'di skad ces gsol to/ /bcom ldan 'das dam pa'i chos yongs su 'dzin</font><hr>83.282a<br><font size=+1>

pa ni sangs rgyas kyi chos dpag tu ma mchis pa thams cad yongs su rdzogs par 'gyur ba lags so/ /bcom ldan 'das dam pa'i chos yongs su 'dzin pa ni chos kyi sgo brgyad khri bzhi stong sdud pa lags so/ /bcom ldan 'das dper na 'chags pa'i dus kyi tshe'i sprin chen po'i ni kha dog mtha' yas pa'i rgyun dang / rin po che'i mtha' yas pa'i rgyun dang ldan pa lags so/ /bcom ldan 'das de bzhin du dam pa'i chos yongs su 'dzin pa yang bsod nams kyi rnam par smin pa'i chab kyi rgyun dpag tu ma mchis pa dang / ye shes rin po che'i rgyun dpag tu ma mchis pa dang ldan pa lags so/ /bcom ldan 'das dper na 'chags pa'i dus kyi tshe chab kyi phung po chen po stong gsum gyi stong chen po'i 'jig rten gyi khams kyi skye gnas de las ni gling bzhi pa bye ba phrag brgya kha dog sna tshogs pa dang / dbyibs sna tshogs pa 'byung zhing / 'khor gling phran bye ba brgya phrag brgyad bcu rtsa bzhi chab kyi phung po chen po de las 'byung ngo / /bcom ldan 'das de bzhin du dam pa'i chos yongs su 'dzin pa theg pa chen po yang dag par 'grub pa'i 'byung khungs dang / skye gnas su gyur pa de las byang chub sems dpa'i rnam par 'phrul pa thams cad dang / chos snang ba'i sgo rnam pa sna tshogs dang / 'jig rten gyi phun sum tshogs pa thams cad dang / 'jig rten gyi dbang phyug thams cad dang / 'jig rten las 'das pa'i bde ba lha dang mi rnams gyis sngon ma myong ba gang lags pa thams cad 'byung bar 'gyur ro/ /bcom ldan 'das dper na sa chen po ni khur chen po bzhi'i rten bgyid pa lags te/ bzhi po de dag gang zhe na 'di lta ste/ chab kyi phung po chen po rgya mtsho dang / ri mang po thams cad dang gnas pa dang rtswa dang / shing gel ba dang sman dang me tog dang / nags tshal</font><hr>83.282b<br><font size=+1>

thams cad dang / sems can gyi tshogs thams cad kyi rten bgyid de/ bcom ldan 'das ji ltar sa chen po khur chen po bzhi po 'di dag gi rten bgyid pa de bzhin du/ bcom ldan 'das rigs kyi bu 'am/ rigs kyi bu mo dam pa'i chos yongs su 'dzin pa ni sa chen po bas kyang ches khur chen po bzhi khyer ba lags so/ /bzhi gang zhe na 'di lta ste/ rigs kyi bu ba 'am rigs kyi bu mo sems can dge ba'i bshes gnyen dang bral zhing thos pa dang mi ldan la chos can ma lags pa rnams lha dang mi'i phun sum tshogs pa 'thob par bgyid pa'i dge ba'i rtsa ba dag la sbyor ba ni sa chen po bas kyang ches khur chen po khyer ba lags so/ /rigs kyi bu 'am rigs kyi bu mo sems can kha cig nyan thos kyi theg pa la sbyor bar bgyid pa ni sa chen po bas kyang ches khur chen po khyer ba lags so/ /rigs kyi bu 'am rigs kyi bu mo sems can kha cig rang sangs rgyas kyi theg pa la sbyor bar bgyid pa ni sa chen po bas kyang ches khur chen po khyer ba lags so/ /rigs kyi bu 'am rigs kyi bu mo sems can kha cig theg pa chen po la sbyor bar bgyid pa ni sa chen po bas kyang ches khur chen po khyer ba lags te/ bcom ldan 'das bzhi po de dag ni khur chen po lags so/ /bcom ldan 'das rigs kyi bu 'am/ rigs kyi bu mo dam pa'i chos yongs su 'dzin pa ni khur chen po 'di bzhi khyer ba lags te/ sa chen po bas kyang ches rten du gyur pa dang / sa chen po bas kyang ches khur chen po khyer ba dang / khur mtha' yas pa khyer ba dang / sems can thams cad kyi gzhi rten du gyur pa dang / byams pa bgyis pa dang snying rje can dang / sman par 'tshal ba dang snying brtse ba dang / chos kyis 'jig rten gyi ma zhes bgyi ba lags so/ /bcom ldan 'das dper na sa chen po ni rin po che sna bzhi'i 'byung gnas</font><hr>83.283a<br><font size=+1>

lags te/ sna bzhi po de dag gang zhe na/ rin po che rin thang mchis pa dag gi 'byung gnas dang / rin po che rin thang mchis pa dag gi 'byung gnas dang / rin po che de bas chung ba dag gi 'byung gnas dang / rin po che de bas kyang chung ba dag gi 'byung gnas lags te bcom ldan 'das ji ltar sa chen po rin po che sna bzhi po 'di dag gi 'byung gnas su gyur pa de bzhin du/ bcom ldan 'das rigs kyi bu 'am rigs kyi bu mo dam pa'i chos yongs su 'dzin pa la brten nas sems can rnams kyis rin po che'i mchog chen po rin po che thams cad kyi dam par gyur pa bzhi'i khe rnyed par 'gyur ro/ /bzhi gang zhe na dge ba'i bshes gnyen rigs kyi bu 'am/ rigs kyi bu mo de la brten nas sems can rnams kyis lha dang mi'i phun sum tshogs pa 'thob par bgyid pa'i bsod nams kyi tshogs kyi khe rnyed par 'gyur ba dang / nyan thos kyi theg par nye bar 'gro ba'i dge ba'i rtsa ba thob par bgyi ba rnyed par 'gyur ba dang / rang sangs rgyas kyi theg par nye bar 'gro ba'i dge ba'i rtsa ba'i tshogs thob par bgyi ba rnyed pa 'gyur ba dang / yang dag par rdzogs pa'i sangs rgyas su nye bar 'gro ba'i bsod nams kyi tshogs chos mthon po thob par bgyi ba rnyed par 'gyur ba ste/ bcom ldan 'das rigs kyi bu 'am/ rigs kyi bu mo dam pa'i chos yongs su 'dzin pa la brten nas sems can rnams kyis rin po che thams cad kyi mchog ngo mtshar rmad du byung ba'i rin po che chen po bzhi'i khe rnyed par 'gyur ro/ /bcom ldan 'das gter chen po rin po che mtha' yas pa'i 'byung gnas zhes bgyi ba de ni dam pa'i chos yongs su 'dzin pa'i tshig bla dgas lags so/ /bcom ldan 'das dam pa'i chos yongs su 'dzin pa dam pa'i chos yongs su 'dzin pa zhes bgyi ba ni bcom ldan 'das dam</font><hr>83.283b<br><font size=+1>

pa'i chos kyang gzhan ma lags la/ dam pa'i chos yongs su 'dzin pa po yang gzhan ma lags te/ bcom ldan 'das dam pa'i chos yongs su 'dzin pa po nyid dam pa'i chos lags so/ /bcom ldan 'das pha rol du phyin pa rnams kyang gzhan ma lags dam pa'i chos yongs su 'dzin pa po yang gzhan ma lags te/ bcom ldan 'das dam pa'i chos yongs su 'dzin pa nyid pha rol du phyin pa rnams lags so/ /bcom ldan 'das de ci'i slad du zhe na/ rigs kyi bu 'am rigs kyi bu mo dam pa'i chos yongs su 'dzin pa ni sems can gang dag sbyin pas yongs su smin par bgyi ba de dag ni sbyin pas yongs su smin par bgyid de/ tha na lus kyi yan lag dang nying lag yongs su gtong bas kyang yongs su smin par bgyid de/ de ltar yongs su smin par bgyis pa rnams dam pa'i chos la gnas par 'gyur ba 'di ni de'i sbyin pa'i pha rol du phyin pa lags so/ /bcom ldan 'das sems can gang dag tshul khrims kyis yongs su smin par bgyi ba'i sems can de dag ni dbang po drug bsdams pa dang / lus dang ngag dang / yid kyi las yongs su dag pas yongs su smin par bgyid de/ tha na spyod lam gyis kyang de dag gi sems bsrung zhing yongs su smin par bgyid de/ de dag de lta de ltar yongs su smin par bgyis pas dam pa'i chos la gnas par 'gyur ba 'di ni de'i tshul khrims kyi pha rol du phyin pa lags so/ /bcom ldan 'das sems can gang dag bzod pas yongs su smin par bgyi ba'i sems can de dag la ni de dag gis de la spyos brgyad de gtse bar bgyis kyang gnod sems ma mchis shing sman par 'tshal ba dang / bzod pa'i stobs dam pa dang ldan pas yongs su smin par bgyid de/ tha na bzhin gyi mdangs kyis kyang de dag gi sems srung zhing yongs su smin par bgyid de/ de dag yongs su smin par bgyis pas dam pa'i chos la gnas</font><hr>83.284a<br><font size=+1>

par 'gyur ba 'di ni de'i bzod pa'i pha rol du phyin pa lags so/ /bcom ldan 'das sems can gang dag brtson 'grus kyis yongs su smin par bgyi ba'i sems can de dag ni sems ma zhum zhing le lo ma mchis pa dang / 'dun pa chen po dang brtson 'grus rtsom pa mchog dang ldan pas yongs su smin par bgyid de/ tha na rang gi spyod lam bsgrims pas kyang de dag gi sems srung zhing yongs su smin par bgyid de/ de dag de ltar yongs su smin par bgyis pas dam pa'i chos la gnas par 'gyur ba 'di ni de'i brtson 'grus kyi pha rol du phyin pa lags so/ /bcom ldan 'das sems can gang dag bsam gtan gyis yongs su smin par bgyi ba'i sems can de dag ni sems mi g.yeng ba dang / yid phyi rol du mi rgyu ba dang / dran pa 'khrul pa ma mchis pa mchog dang ldan pas yongs su smin par bgyid de/ tha na bgyis nas yun ring du lags pa dang / smras nas yun ring du lags pa mi bskyud pas kyang de dag gi sems srung zhing yongs su smin par bgyid de/ de dag de ltar yongs su smin par bgyis pas dam pa'i chos la gnas par 'gyur ba 'di ni de'i bsam gtan gyi pha rol du phyin pa lags so/ /bcom ldan 'das sems can gang dag shes rab kyis yongs su smin par bgyi ba'i sems can de dag ni sems can gyi don 'dri ba dag la le lo ma mchis par lung ston pa dang / bstan bcos thams cad dang / rig pa dang bzo'i gnas thams cad kyi mthar phyin pas yongs su smin par bgyid de/ tha na bzo grwa'i gnas chen po dag tu yang de dag gi sems srung zhing yongs su smin par bgyid de/ de dag de ltar yongs su smin par bgyis pas dam pa'i chos la gnas par 'gyur ba 'di ni de'i shes rab kyi pha rol du phyin pa lags so/ /bcom ldan 'das de lta lags pas pha rol du phyin</font><hr>83.284b<br><font size=+1>

pa rnams kyang gzhan ma lags la/ dam pa'i chos yongs su 'dzin pa po yang gzhan ma lags te/ bcom ldan 'das dam pa'i chos yongs su 'dzin pa po nyid pha rol du phyin pa rnams lags so/ /bcom ldan 'das 'di la de bzhin gshegs pa'i mthus don chen po bstan pa gzhan yang bdag gis spobs so/ /bcom ldan 'das kyis bka' stsal pa/ lha mo de bzhin gshegs pas gnang gi khyod spobs par gyis shig /de nas bcom ldan 'das la lha mo dpal phreng gis 'di skad ces gsol to/ /bcom ldan 'das dam pa'i chos yongs su 'dzin pa po dam pa'i chos yongs su 'dzin pa po zhes bgyi ba ni bcom ldan 'das dam pa'i chos yongs su 'dzin pa yang gzhan ma lags la/ dam pa'i chos yongs su 'dzin pa po yang gzhan ma lags te/ bcom ldan 'das dam pa'i chos yongs su 'dzin pa po nyid dam pa'i chos yongs su 'dzin pa lags so/ /de ci'i slad du zhe na/ bcom ldan 'das rigs kyi bu 'am rigs kyi bu mo gang dam pa'i chos yongs su 'dzin pa des ni bcom ldan 'das dam pa'i chos yongs su gzung ba'i slad du yan lag gsum yongs su gtong bar 'gyur te/ gsum gang zhe na/ 'di ltar lus dang srog dang longs spyod rnams te/ bcom ldan 'das rigs kyi bu 'am/ rigs kyi bu mo lus yongs su gtong bas ni sangs rgyas kyi sku 'khor ba'i phyi ma'i mtha'i mu dang mnyam pa rga ba dang / na pa dang 'chi ba dang bral ba mi shigs pa/ rtag pa brtan pa zhi ba/ ther zug pa 'chi 'pho dang bral ba/ mtha' yas pa/ yon tan bsam gyis mi khyab pa dang ldan pa 'thob par 'gyur ro/ /bcom ldan 'das rigs kyi bu 'am rigs kyi bu mo srog yongs su gtong bas ni sangs rgyas kyi chos rnam par 'phrul bar gnas pa 'khor ba'i phyi ma'i mtha'i mu dang mnyam pa 'chi 'pho dang bral ba/ mtha' yas pa rtag pa yon tan bsam gyis mi khyab pa dang</font><hr>83.285a<br><font size=+1>

ldan pa thams cad thob par 'gyur ro/ /bcom ldan 'das rigs kyi bu 'am rigs kyi bu mo longs spyod yongs su gtong bas ni sems can thams cad kyis mchod pa 'khor ba'i phyi ma'i mtha'i mu dang mnyam pa/ sems can thams cad dang thun mong ma lags pa/ bas par mi 'gyur ba/ rnam par rtog pa ma mchis pa/ rtag par rgyun mi 'chad cing rtag tu gnas pa/ yon tan bsam gyis mi khyab pa dang ldan pa 'thob par 'gyur ro/ /bcom ldan 'das de ltar rigs kyi bu 'am/ rigs kyi bu mo dam pa'i chos yongs su 'dzin pa yan lag gsum po 'di dag yongs su gtong bas ni yon tan shin du rmad du byung ba gsum po de dag thob par 'gyur te/ sangs rgyas thams cad kyang lung ston par mdzad do/ /bcom ldan 'das rigs kyi bu 'am/ rigs kyi bu mo gang zhig dam pa'i chos rnam par 'jig pa'i tshe dge slong dang dge slong ma dang / dge bsnyen dang dge bsnyen ma rnams bye zhing gnyis su gyur la sde sder chad de/ phyogs phyogs su gyes nas rtsod par gyur pa na g.yo ma mchis shing gya gyu ma mchis la sgyu ma mchis par chos la dga' zhing dam pa'i chos yongs su gzung ba'i slad du chos can gyi phyogs la 'jug par bgyid na bcom ldan 'das rigs kyi bu 'am/ rigs kyi bu mo de zhugs pa nyid kyis sangs rgyas thams cad las lung bstan pa nges par thob par 'gyur ro/ /bcom ldan 'das dam pa'i chos yongs su 'dzin pa ni de ltar brtson 'grus chen po lags pa snyam pa dag bgyid de/ 'di la bcom ldan 'das nyid spyan du gyur pa lags te/ ye shes su gyur pa lags/ bcom ldan 'das ni chos thams cad kyi rtsa ba lags/ bcom ldan 'das ni mnga' bdag lags/ bcom ldan 'das ni ston pa lags so/ /de nas bcom ldan 'das kyis lha mo dpal phreng gis dam pa'i chos yongs su 'dzin pa bstan pa la rjes su yi rang ba mdzad de/ lha mo de de bzhin te/ lha mo dam pa'i chos yongs su 'dzin pa ni brtson</font><hr>83.285b<br><font size=+1>

'grus chen po yin no/ /lha mo dper na mi stobs dang ldan pas gnad du mi drag par bsnun du zin kyang snang bar 'gyur zhing nad skyed par byed do/ /lha mo de bzhin du dam pa'i chos yongs su 'dzin pa ni chung du zin kyang bdud sdig can la gnod par 'gyur zhing mya ngan skyed la smre sngags 'don par byed do/ /lha mo ngas ni bdud sdig can la dam pa'i chos yongs su 'dzin pa ji ltar gnod par 'gyur zhing mya ngan skyed la smre sngags 'don par byed pa de ltar gnod par 'gyur ba dang / de ltar mya ngan skyed pa dang de ltar smre sngags 'don par byed pa'i dge ba'i chos gzhan gcig kyang ma mthong ngo / /lha mo dper na pa lang gi mchog khyu mchog gis ni 'di ltar 'phang mtho' ba dang chu zheng gis pa lang gi tshogs thams cad zil gyis mnan te mngon par brjid cing yang dag par mngon par brjid do/ /lha mo de bzhin du theg pa chen po pa'i dam pa'i chos yongs su 'dzin pa yang chung du zin kyang 'di ltar rgyas pa dang / rgya chen por gyur pas nyan thos dang rang sangs rgyas kyi theg pa pa rnams kyi dge ba'i chos thams cad zil gyis gnon to/ /lha mo dper na ri'i rgyal po ri rab kyis ni 'di ltar mtho ba dang / rgya che bas ri nag po thams cad zil gyis gnon cing mngon par lhag ger 'dug go /lha mo de bzhin du theg pa chen po pa'i lus dang srog la mi lta zhing / phan gdags pa'i sems dang ldan pa'i dam pa'i chos yongs su 'dzin pa yang 'di ltar rgyas pa dang rgya chen por gyur pas theg pa chen po pa theg pa la gsar du zhugs pa lus dang srog la lta ba rnams kyi dge ba'i chos thams cad zil gyis gnon na gzhan dag gi lta ci smos te/ lha mo de bas na sems can rnams dam pa'i chos yongs su gzung ba nyid yang dag par 'dzin du gzhug par bya/ yang dag par bstan par bya yang dag par gzeng bstod par bya/ yang dag par rab tu dga' bar bya gzung bar bya dgod par bya'o/ /lha mo dam pa'i chos yongs su 'dzin pa ni de ltar don che'o/ /</font><hr>83.286a<br><font size=+1>

de ltar 'bras bu che'o/ /de ltar phan yon che'o/ /lha mo gal te bskal pa grangs med dpag tu med par dam pa'i chos yongs su 'dzin pa'i yon tan dang phan yon ngas bshad du zin kyang lha mo dam pa'i chos yongs su 'dzin pa'i yon tan dang / phan yon bshad pa de dag gi mtha' 'am mu thug par mi 'gyur ro/ /lha mo dam pa'i chos yongs su 'dzin pa ni de ltar yon tan mtha' yas pa dang ldan no/ /lha mo dam pa'i chos yongs su gzung ba sangs rgyas thams cad kyis bzhed pa ngas bstan pa deng khyod kyis bshad pa spobs par gyis shig /de nas lha mo dpal phreng gis bcom ldan 'das la legs so zhes gsol nas bcom ldan 'das kyis bskul ba mnos te/ bcom ldan 'das la 'di skad ces gsol to/ /bcom ldan 'das dam pa'i chos zhes bgyi ba de ni theg pa chen po'i tshig bla dgas so/ /de ci'i slad du zhe na/ bcom ldan 'das nyan thos dang / rang sangs rgyas kyi theg pa thams cad dang / 'jig rten pa dang 'jig rten las 'das pa'i dge ba'i chos thams cad ni theg pa chen pos rab tu phye ba'i slad du'o/ /bcom ldan 'das 'di lta ste dper na klung chen po bzhi ni mtsho ma dros pa las 'byung ngo / /bcom ldan 'das de bzhin du nyan thos dang rang sangs rgyas thams cad dang / 'jig rten pa dang 'jig rten las 'das pa'i dge ba'i chos thams cad kyang theg pa chen po las 'byung ngo / /bcom ldan 'das dper na sa bon gyi rnam pa gang ci yang lags pa dag dang / rtswa dang shing gel ba dang sman dang / nags tshal de dag thams cad ni sa chen po la rten cing sa chen po la gnas te skye zhing 'phel la rgyas par 'gyur ro/ /bcom ldan 'das de bzhin du nyan thos dang rang sangs rgyas kyi theg pa gang lags pa dag dang / 'jig rten pa dang 'jig rten las 'das pa'i dge ba'i chos gang lags pa de dag thams cad ni theg pa chen po la rten cing theg pa chen po la gnas te skye zhing 'phel la</font><hr>83.286b<br><font size=+1>

rgyas par 'gyur ro bcom ldan 'das de lta lags pas theg pa chen po la gnas shing theg pa chen po yongs su bzung na nyan thos dang rang sangs rgyas kyi theg pa thams cad dang / 'jig rten pa dang 'jig rten las 'das pa'i dge ba'i chos thams cad kyang rten cing gnas te yongs su bzung bar 'gyur ro/ /bcom ldan 'das 'di lta ste/ dam pa'i chos gnas pa dang / dam pa'i chos nub pa dang / so sor thar pa dang 'dul ba dang rab tu 'byung ba dang / bsnyen par rdzogs pa gnas drug po 'di dag dang / bcom ldan 'das kyis bstan cing btags pa gang lags pa'i gnas drug po de dag kyang theg pa chen po'i dgongs pa las byung ba lags so/ /de ci'i slad du zhe na/ bcom ldan 'das dam pa'i chos gnas pa zhes bgyi ba'i btags pa 'di ni theg pa chen po'i dgongs pa can lags te/ bcom ldan 'das theg pa chen po gnas pa nyid ni dam pa'i chos gnas pa lags so/ /bcom ldan 'das dam pa'i chos nub par 'gyur ba zhes bgyi ba'i btags pa 'di ni theg pa chen po'i dgongs pa can lags te/ bcom ldan 'das theg pa chen po nub pa nyid ni dam pa'i chos nub pa lags so/ /bcom ldan 'das so sor thar pa dang 'dul ba zhes bgyi ba'i chos 'di gnyis ni don gcig ste/ yi ge'i 'bru ni tha dad lags so/ /bcom ldan 'das 'dul ba zhes bgyi ba 'di ni theg pa chen po pa rnams kyi bslab pa lags so/ /de ci'i slad du zhe na/ bcom ldan 'das 'di ltar de bzhin gshegs pa nyid kyi slad du rab tu 'byung ba dang / bsnyen par rdzogs pa lags pa'i slad du ste/ bcom ldan 'das de ltar lags pas 'di ltar 'dul ba zhes bgyi ba dang rab tu 'byung ba dang / bsnyen par rdzogs pa zhes bgyi ba'i btags pa 'di ni theg pa chen po'i cho ga'i tshul khrims kyi phung po lags so/ /bcom ldan 'das nyan thos dang rang sangs rgyas kyi theg pa la rab tu 'byung ba dang bsnyen par rdzogs pa</font><hr>83.287a<br><font size=+1>

ma mchis so/ /de ci'i slad du zhe na/ nyan thos dang rang sangs rgyas kyi slad du rab tu 'byung ba dang / bsnyen par rdzogs pa ni ma mchis kyi/ bcom ldan 'das de bzhin gshegs pa nyid kyi slad du nyan thos rnams dang / rang sangs rgyas rnams rab tu 'byung zhing bsnyen par rdzogs pa lags pa'i slad du 'o/ /bcom ldan 'das dgra bcom pa rnams dang / rang sangs rgyas rnams kyang de bzhin gshegs pa nyid la skyabs su mchi ba lags te/ bcom ldan 'das dgra bcom pa rnams dang / rang sangs rgyas rnams kyang 'jigs pa dang bcas pa lags so/ /de ci'i slad du zhe na/ bcom ldan 'das dgra bcom pa rnams dang / rang sangs rgyas rnams kyang 'du byed thams cad la mi bzad par 'jigs pa'i 'du shes nye bar gnas pa lags pa'i slad du 'o/ /bcom ldan 'das dper na gshed mas ral gri gzas pa bzhin te/ bcom ldan 'das de lta lags pas de dag kyang nges par 'byung ba shin du bde ba thob pa ma lags so/ /bcom ldan 'das de ci'i slad du zhe na/ skyabs su gyur pa ni skyabs gzhan tshol ba ma mchis pa'i slad du 'o/ /bcom ldan 'das ji ltar sems can skyabs ma mchis pa rnams gang dang gang gis 'jigs skrag pa de dang de las 'byung ba tshol ba de bzhin du/ bcom ldan 'das dgra bcom pa rnams dang / rang sangs rgyas rnams la yang 'jigs pa de mchis te/ 'jigs pa des skrags pas dgra bcom pa rnams dang / rang sangs rgyas rnams kyang bcom ldan 'das la skyabs su mchi bar khas len pa lags so/ /bcom ldan 'das dgra bcom pa rnams dang / rang sangs rgyas rnams kyang 'jigs pa dang bcas pa lags te/ bcom ldan 'das de lta lags pas</font><hr>83.287b<br><font size=+1>

dgra bcom pa rnams dang / rang sangs rgyas rnams kyang skye ba'i chos kyi lhag ma dang bcas pa lags te/ bcom ldan 'das de dag gi skye ba ma pas pa yang mchis so/ /bcom ldan 'das de dag ni bsten par bgyi ba'i lhag ma dang bcas pa lags te/ des na de dag ni dag pa ma lags/ las mthar phyin pa ma lags te de dag gi bgyi ba mang lags so/ /de dag gi spang bar bgyi ba'i chos gzhan yang mang du mchis te/ de dag ma spangs pas dgra bcom pa rnams dang / rang sangs rgyas rnams kyang mya ngan las 'das pa'i dbyings dang ring ba lags so/ /bcom ldan 'das yongs su mya ngan las 'das pa zhes bgyi ba 'di ni de bzhin gshegs pa rnams kyi thabs lags so/ /de ci'i slad du zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa brnyes pas yon tan thams cad dang ldan pa lags la/ bcom ldan 'das dgra bcom pa rnams dang / rang sangs rgyas rnams ni yon tan thams cad dang ldan pa ma lags pa'i slad du'o/ /bcom ldan 'das yongs su mya ngan las 'das pa zhes bgyi ba 'di ni de bzhin gshegs pa rnams kyi thabs lags te/ de ci'i slad du zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa brnyes pas yon tan bsam gyis mi khyab pa dang ldan pa lags la/ bcom ldan 'das dgra bcom pa rnams dang / rang sangs rgyas rnams ni yon tan bsam gyis mi khyab pa dang ldan pa ma lags pa'i slad du'o/ /bcom ldan 'das yongs su mya ngan las 'das pa zhes bgyi ba 'di ni de bzhin gshegs pa rnams kyi thabs lags te/ de ci'i slad du zhe na/ </font><hr>83.288a<br><font size=+1>

bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa brnyes pas spang bar bgyi ba'i skyon thams cad spangs shing mchog tu yongs su dag pa dang ldan pa lags la/ bcom ldan 'das dgra bcom pa rnams dang / rang sangs rgyas rnams ni skyon gyi lhag ma rnams dang bcas pa/ yongs su ma dag pa'i chos can lags pa'i slad du'o/ /bcom ldan 'das yongs su mya ngan las 'das pa zhes bgyi ba 'di ni de bzhin gshegs pa rnams kyi thabs lags te/ de ci'i slad du zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa brnyes pa'i slad du ste/ bcom ldan 'das de lta lags pas dgra bcom pa rnams dang / rang sangs rgyas rnams kyang mya ngan las 'das pa'i dbyings dang ring ba lags so/ /bcom ldan 'das dgra bcom pa rnams dang / rang sangs rgyas rnams kyis rnam par grol ba la so sor rtog pa'i ye shes kyi mtha' dbugs phyin pa rjes su dran pa bzhi po gang lags pa de dag kyang bcom ldan 'das dgongs pa can dang / lhag ma dang bcas pa dang / drang ba'i don dang rnam par phye ste lung bstan par bgyi ba lags so/ /de ci'i slad du zhe na/ bcom ldan 'das 'chi 'pho ni 'di gnyis lags te/ gnyis gang zhe na/ rgyun chad pa'i 'chi 'pho dang / yongs su bsngos pa bsam gyis mi khyab pa'i 'chi 'pho lags so/ /bcom ldan 'das de la rgyun chad pa'i 'chi 'pho ni nying mtshams sbyor ba dang bcas pa'i sems can rnams kyi lags so/ /bcom ldan 'das yongs su bsngos pa bsam gyis mi khyab pa'i 'chi 'pho ni dgra bcom pa rnams</font><hr>83.288b<br><font size=+1>

dang / rang sangs rgyas rnams dang / byang chub sems dpa' sems dpa' chen po dbang thob pa dang / yid kyi lus rnams lags te/ byang chub kyi snying po la thug gi bar du lags so/ /bcom ldan 'das de la 'chi 'pho 'di gnyis las rgyun chad pa'i 'chi 'pho'i dbang du bgyis te/ bdag gi skye ba zad do snyam du dgra bcom pa rnams dang / rang sangs rgyas rnams kyi shes pa 'byung lags so/ /bcom ldan 'das de ltar lhag ma dang bcas pa'i 'bras bu mngon sum du bgyis pa la brten nas bdag gis tshangs par spyod pa bsten to snyam du dgra bcom pa rnams dang / rang sangs rgyas rnams kyi shes pa 'byung lags so/ /byis pa so so'i skye bo dang lha dang mi bgyi ba dang bcas pa thams cad dang / slob pa bdun po dag gis nying mtshams sbyor ba dang bcas pa'i nyon mongs pa rnams spang pa sngon ma bgyis pa de spangs pa la brten nas bya ba byas so snyam du dgra bcom pa rnams dang / rang sangs rgyas rnams kyi shes pa 'byung lags so/ /bcom ldan 'das 'di lta bu nyid las gzhan mi shes so zhes bgyi ba ni dgra bcom pas spang par bgyi ba'i nyon mongs pa rnams dang / yang srid par nying mtshams sbyor ba'i dbang du bgyis nas 'di lta bu nyid las gzhan mi shes so snyam du dgra bcom pa rnams dang rang sangs rgyas rnams kyi shes pa 'byung lags so/ /bcom ldan 'das 'di lta bu nyid las gzhan mi shes so snyam pa'i shes pa de yang nyon mongs pa thams cad spangs pa yang ma lags/ skye ba thams cad yongs su 'tshal ba las byung ba yang ma lags so/ /de ci'i slad du zhe na/ bcom ldan 'das dgra bcom pa rnams dang / rang sangs rgyas rnams la yang nyon mongs pa rnams ma spangs pa</font><hr>83.289a<br><font size=+1>

dang / skye ba'i nyon mongs pa rnams yongs su ma 'tshal ba yang mchis pa'i slad du'o/ /bcom ldan 'das nyon mongs pa dag ni rnam pa gnyis te/ gnas kyi sa'i nyon mongs pa rnams dang / kun nas ldang ba'i nyon mongs pa rnams so/ /bcom ldan 'das gnas kyi sa yang rnam pa bzhi ste/ bzhi gang zhe na/ 'di ltar lta ba gcig la gnas pa'i gnas kyi sa dang / 'dod pa'i 'dod chags la gnas pa'i gnas kyi sa dang / gzugs kyi 'dod chags la gnas pa'i gnas kyi sa dang / srid pa'i 'dod chags la gnas pa'i gnas kyi sa ste/ bcom ldan 'das gnas kyi sa bzhi po de dag gis nyon mongs pa kun nas ldang ba thams cad skyed lags so/ /bcom ldan 'das de dag kyang skad gcig pa ste/ sems kyi skad cig pa dang mtshungs par ldan pa lags so/ /bcom ldan 'das ma rig pa'i gnas kyi sa thog ma ma mchis pa'i dus nas mchis pa ni sems dang mi ldan pa lags so/ /bcom ldan 'das gnas kyi sa bzhi po 'di dag gi nang na stobs che ba gang lags pa de ni nye ba'i nyon mongs pa thams cad kyi gzhir gyur pa ma rig pa'i gnas kyi sa stobs che ba'i grangs sam/ cha 'am/ bgrang ba 'am/ dpe 'am/ rgyur yang mi bzod lags so/ /bcom 'das de ltar na ma rig pa'i gnas kyi sa ni stobs che ba lags te/ srid pa'i 'dod chags la gnas pa'i sa zhes kyang bgyi'o/ /bcom ldan 'das dper na bdud sdig can ni gzhan 'phrul dbang byed kyi lha'i nang du gtogs kyang 'di ltar gzugs dang / kha dog dang / gzi brjid dang / stobs dang / 'khor dang / dbang phyug gis gzhan 'phrul dbang byed kyi lha rnams zil gyis gnon to/ /bcom ldan 'das de bzhin du ma rigs pa'i gnas kyi sa srid pa'i 'dod chags</font><hr>83.289b<br><font size=+1>

la gnas pa'i gnas kyi sa zhes bgyi bas kyang gnas kyi sa bzhi po 'di dag zil gyis gnon te/ nye ba'i nyon mongs pa gang gA'i klung gi bye ma las 'das pa snyed kyi rten du gyur pa dang / nyon mongs pa bzhi dang yang yun ring po nas lhan cig gnas pa dang / nyan thos dang / rang sangs rgyas kyi shes pas mi rdzi ba dang / de bzhin gshegs pa'i byang chub kyi ye shes kyis gzhom par bgyi ba lags te/ bcom ldan 'das ma rig pa'i gnas kyi sa ni stobs che ba lags so// // bam po gnyis pa ste tha ma/ bcom ldan 'das dper na len pa'i rkyen gyis zag pa dang bcas pa'i las kyi rgyu las byung ba'i srid pa gsum 'byung ba de bzhin du/ bcom ldan 'das ma rig pa'i gnas kyi sa'i rkyen gyis zag pa ma mchis pa'i las kyi rgyu las byung ba'i dgra bcom pa rnams dang / rang sangs rgyas rnams dang / byang chub sems dpa' dbang thob pa rnams kyi yid kyi lus gsum 'byung ste/ bcom ldan 'das ma rig pa'i gnas kyi sa ni gsum po 'di dag tu yid kyi lus gsum po 'di dag 'byung ba dang / zag pa ma mchis pa'i las mngon par sgrub pa'i rten lags so/ /bcom ldan 'das rkyen ma mchis pa na rkyen 'byung ste/ de lta lags pas ma rig pa'i gnas kyi sa ni yid kyi lus gsum po rnams dang / zag pa ma mchis pa'i las kyi rkyen lags pa'i slad du srid pa'i 'dod chags la gnas pa'i gnas kyi sa dang mi 'dra ba lags so/ /de lta lags kyang srid pa'i 'dod chags la gnas pa'i gnas kyi sa dang las thun mong ba ni ma lags te/ bcom ldan 'das ma rig pa'i gnas kyi sa bzhi po dag las tha dad pa kho na lags te/ yongs su grol ba'i sa pa dang / sangs rgyas kyi sas</font><hr>83.290a<br><font size=+1>

spang bar bgyi ba dang / de bzhin gshegs pa'i byang chub kyi ye shes kyis gzhom par bgyi ba lags so/ /de ci'i slad du zhe na/ bcom ldan 'das dgra bcom pa rnams dang / rang sangs rgyas rnams kyis ni gnas kyi sa bzhi spangs kyang zag pa zad pa la dbang ba'i stobs kyang mi 'thob/ mngon sum du yang mi bgyid do/ /bcom ldan 'das zag pa zad pa zhes bgyi ba de ni ma rig pa'i gnas kyi sa'i tshig bla dgas lags so/ /bcom ldan 'das de lta lags pas dgra bcom pa rnams dang / rang sangs rgyas rnams dang / srid pa tha ma par gtogs pa'i byang chub sems dpa' rnams kyang ma rig pa'i gnas kyi sas bsgribs shing chod la yongs su dkris te ldongs par bgyis pas chos de dang de dag rab tu ma 'tshal cing mi rtogs so/ /bcom ldan 'das chos de dang de dag ma 'tshal cing ma mthong bas spang bar bgyi ba'i chos de dang de dag mi spongs shing byang bar mi bgyid do/ /bcom ldan 'das spang par bgyi ba'i chos de dag ma spangs shing byang bar ma bgyis pas bcom ldan 'das de dag skyon las rnam par grol ba lhag ma dang bcas pa lags kyi/ skyon thams cad las rnam par grol ba ni ma lags so/ /bcom ldan 'das de dag ni rnam par dag pa lhag ma dang bcas pa'i chos can lags kyi/ thams cad rnam par dag pa'i chos can ni ma lags so/ /bcom ldan 'das de dag ni lhag ma dang bcas pa'i yon tan dang ldan pa lags kyi/ yon tan thams cad dang ldan pa ni ma lags so/ /bcom ldan 'das gang dag skyon las rnam par grol ba lhag ma dang bcas pa lags kyi/ skyon thams cad las rnam par grol ba ni ma lags pa dang / </font><hr>83.290b<br><font size=+1>

rnam par dag pa lhag ma dang bcas pa'i chos can lags kyi/ thams cad rnam par dag pa'i chos can ni ma lags pa dang / lhag ma dang bcas pa'i yon tan dang ldan pa lags kyi/ yon tan thams cad dang ldan pa ni ma lags pa de dag ni bcom ldan 'das sdug bsngal yongs su 'tshal ba lhag ma dang bcas pa lags so/ /sdug bsngal 'gog pa mngon sum du bgyis pa lhag ma dang bcas pa lags so/ /sdug bsngal 'gog par 'gro ba'i lam bsgoms pa lhag ma dang bcas pa lags so/ /bcom ldan 'das gang dang sdug bsngal yongs su 'tshal ba lhag ma dang bcas pa dang / sdug bsngal kun 'byung ba spangs pa lhag ma dang bcas pa dang / sdug bsngal 'gog pa mngon sum du bgyis pa lhag ma dang bcas pa dang / sdug bsngal 'gog par 'gro ba'i lam bsgoms pa lhag ma dang bcas pa de dag ni bcom ldan 'das de'i yan lag gi mya ngan las 'das pa dang / de'i yan lag gi mya ngan las 'das pa thob pa lags so/ /bcom ldan 'das de dag ni mya ngan las 'das pa'i dbyings su zhugs pa zhes bgyi'o/ /bcom ldan 'das gang dag sdug bsngal thams cad yongs su 'tshal ba dang / sdug bsngal kun 'byung ba thams cad spangs pa dang / sdug bsngal 'gog pa thams cad mngon sum du bgyis pa dang / sdug bsngal 'gog par 'gro ba'i lam thams cad bsgoms pa gang lags pa de dag ni/ bcom ldan 'das mi rtag pas bcom zhing rtag tu na pa'i 'jig rten du rtag pa dang / zhi ba dang bsil ba'i dngos po'i mya ngan las 'das pa thob ste/ bcom ldan 'das de dag ni skyob pa ma mchis pa dang / skyabs ma</font><hr>83.291a<br><font size=+1>

mchis pa'i 'jig rten na/ 'jig rten gyi skyob pa dang / skyabs lags so/ /de ci'i slad du zhe na/ bcom ldan 'das bzang ngan du 'byed pa'i chos can dag ni mya ngan las 'das pa thob pa lags kyi/ bcom ldan 'das ye shes mnyam pa dag gis mya ngan las 'das pa thob/ bcom ldan 'das rnam par grol ba mnyam pa dag gis mya ngan las 'das pa thob/ bcom ldan 'das rnam par dag pa'i ye shes gzigs pa mnyam pa dag gis mya ngan las 'das pa thob pa'i slad du'o/ /bcom ldan 'das de lta lags pas mya ngan las 'das pa'i dbyings ni ro gcig ste/ 'di ltar rig pa dang rnam par grol ba'i ror ro mtshungs pa lags so/ /bcom ldan 'das gang la la dag ma rig pa'i gnas kyi sa ma spangs shing byang bar ma bgyis pa de dag ni bcom ldan 'das mya ngan las 'das pa'i dbyings su ro gcig pa ma lags te/ 'di ltar rig pa dang rnam par grol bar ro mtshungs pa ma lags so/ /de ci'i slad du zhe na/ bcom ldan 'das ma rig pa'i gnas kyi sa ma spangs shing ma sbyangs pas ni spang bar bgyi ba'i chos gang gA'i klung gi bye ma las 'das pa snyed ma spangs shing ma sbyangs pa'i slad du ste/ bcom ldan 'das spang bar bgyi ba'i chos gang gA'i klung gi bye ma las 'das pa snyed de dag ma spangs shing ma sbyangs pas chos gang gA'i klung gi bye ma las 'das pa snyed ma thob cing mngon sum du ma bgyis par gyur pa'i slad du'o/ /bcom ldan 'das de lta lags pas ma rig pa'i gnas kyi sa ni sgom pas spang bar bgyi ba'i nyon mongs pa dang nye ba'i nyon mongs pa thams cad 'byung ba'i 'byung gnas lags te/ bcom ldan</font><hr>83.291b<br><font size=+1>

'das de las ni sems kyi nye ba'i nyon mongs pa dang / zhi gnas kyi nye ba'i nyon mongs pa dang / lhag mthong gi nye ba'i nyon mongs pa dang / bsam gtan gyis nye ba'i nyon mongs pa dang / ting nge 'dzin gyi nye ba'i nyon mongs pa dang / snyoms par 'jug pa'i nye ba'i nyon mongs pa dang / rnal 'byor gyi nye ba'i nyon mongs pa dang / shes pa'i nye ba'i nyon mongs pa dang / 'bras bu'i nye ba'i nyon mongs pa dang / rtogs pa'i nye ba'i nyon mongs pa dang / stobs kyi nye ba'i nyon mongs pa dang / mi 'jigs pa'i nye ba'i nyon mongs pa yang 'byung lags so/ /bcom ldan 'das nye ba'i nyon mongs pa gang gA'i klung gi bye ma las 'das pa snyed de bzhin gshegs pa'i byang chub kyi ye shes kyis gzhom par bgyi ba de dag thams cad kyang ma rig pa'i gnas kyi sa las 'byung ba lags so/ /bcom ldan 'das ma rig pa'i gnas kyi sa ni nye ba'i nyon mongs pa dang / kun nas ldang ba thams cad kyi rgyu dang / gzhi dang / rkyen lags so/ /bcom ldan 'das kun nas ldang ba gang lags pa de dag ni skad cig pa ste/ sems kyi skad cig pa dang mtshungs par ldan lags so/ /bcom ldan 'das ma rig pa'i gnas kyi sa thog ma ma mchis pa'i dus nas mchis pa ni sems dang mi ldan pa lags so/ /bcom ldan 'das spang bar bgyi ba'i chos gang gA'i klung gi bye ma las 'das pa snyed gang dag de bzhin gshegs pa'i byang chub kyi ye shes kyis gzhom zhing spang bar bgyi ba'i chos de dag thams cad kyi gzhi dang rten ni 'di ltar ma rig pa'i gnas kyi sa lags so/ /bcom ldan 'das dper na sa bon gyi rnam pa gang ci lags pa dang / rtswa dang / shing gel ba dang / sman dang /  </font><hr>83.292a<br><font size=+1>

nags tshal de dag thams cad ni bcom ldan 'das sa la brten cing sa la gnas te skye zhing 'phel la rgyas par 'gyur lags so/ /bcom ldan 'das sa chen po tshig cing zhig la mi gda' bar gyur te ma mchis par gyur na ni sa bon gyi rnam pa gang ci lags pa dag dang / rtswa dang / shing gel ba dang / sman dang / nags tshal de dag thams cad kyang tshig cing zhig la mi gda' bar 'gyur zhing ma mchis par 'gyur lags so/ /bcom ldan 'das de bzhin du spang bar bgyi ba'i chos gang gA'i klung gi bye ma las 'das pa snyed de bzhin gshegs pa'i byang chub kyi ye shes kyis gzhom par bgyi ba de dag thams cad kyang ma rig pa'i gnas kyi sa la rten cing ma rig pa'i gnas kyi sa la gnas te skye zhing 'phel la rgyas par 'gyur lags so/ /bcom ldan 'das ma rig pa'i gnas kyi sa spangs shing sbyangs te ma mchis par gyur na ni spang bar bgyi ba'i chos gang gA'i klung gi bye ma las 'das pa snyed gang dag de bzhin gshegs pa'i byang chub kyi ye shes kyis gzhom par bgyi ba de dag thams cad kyang spangs shing sbyangs te ma mchis par 'gyur lags so/ /bcom ldan 'das nyon mongs pa dang nye ba'i nyon mongs pa de dag thams cad spangs shing sangs rgyas kyi chos bsam gyis mi khyab pa gang gA'i klung gi bye ma las 'das pa snyed brnyes pa de bzhin gshegs pa rnams kyis chos thams cad la sgrib pa ma mchis pa'i mngon par mkhyen pa brnyes te thams cad mkhyen pa dang / thams cad gzigs pa dang / skyon thams cad spangs pa dang / yon tan thams cad dang ldan pa dang / chos kyi rgyal po/ chos kyi dbang phyug /chos thams cad la</font><hr>83.292b<br><font size=+1>

mnga' sgyur ba'i sar gshegs nas nga'i skye ba zad do/ /tshangs par spyad pa bsten to/ /bya ba byas so/ /'di lta bu nyid las gzhan mi shes so zhes seng ge'i sgra sgrogs par mdzad do/ /bcom ldan 'das de lta lags pas de bzhin gshegs pa rnams kyi seng ge'i sgra 'di ni nges pa'i don lags te/ don 'di ni mgo gcig tu lung bstan par bgyi ba yang lags so/ /bcom ldan 'das 'di lta bu nyid las gzhan mi shes so zhes bgyi ba'i ye shes la yang rnam pa gnyis te/ bcom ldan 'das de bzhin gshegs pas sangs rgyas kyi rnam par rgyal ba bla na ma mchis pas bdud bzhi bcom ste pham par mdzad nas chos kyi sku 'jig rten thams cad las mngon par 'phags pa sems can thams cad kyis blta bar bgyi ba bsam gyis mi khyab pa brnyes te/ shes bya'i sa thams cad la thogs pa ma mchis pa'i chos kyi dbang phyug mdzad pa na 'di las lhag par bya ba 'am/ rtogs par bya ba'i sa med do zhes yang dag par gzigs te/ stobs bcu po dag gi stobs dang ldan zhing mi 'jigs pa'i sa bla na med pa'i mchog tu yang dag par gshegs te/ shes bya thams cad la sgrib pa mi mnga' ba'i ye shes kyis rnam par gzigs nas 'di lta bu nyid las gzhan mi shes so zhes bgyi ba'i ye shes kyis seng ge'i sgra sgrogs par mdzad do/ /bcom ldan 'das dgra bcom pa dang / rang sangs rgyas 'khor ba'i 'jigs pa las rgal ba de ma thag tu rnam par grol ba dag gi bde ba nyams su myong ba rnams ni 'di ltar bdag ni 'khor ba'i 'jigs pa rnams las yongs su grol gyis/ bdag gis ni phyin chad 'khor ba'i sdug bsngal myong bar mi 'gyur ro snyam</font><hr>83.293a<br><font size=+1>

du yang dag par mthong ste/ bcom ldan 'das dgra bcom pa rnams dang / rang sangs rgyas 'di lta bu nyid las gzhan mi shes so zhes bgyi ba rtogs nas dbugs phyin pa'i mchog mya ngan las 'das pa'i sa la so sor rtog go /bcom ldan 'das de dag gis rtogs nas kyang sa de la rmongs pa ma mchis pa'i chos can du 'gyur te/ bcom ldan 'das de dag gis kyang gzhan gyi dring mi 'jog par bdag gis ni 'di ltar lhag ma dang bcas pa'i sa thob ste/ bdag bla na med pa yang dag par rdzogs pa'i byang chub tu nges par gyur to snyam du 'tshal to/ /de ci'i slad du zhe na/ bcom ldan nyan thos dang / rang sangs rgyas kyi theg pa rnams ni theg pa chen po la yang dag par 'du ba'i slad du ste/ bcom ldan 'das theg pa chen po zhes bgyi ba de ni sangs rgyas kyi theg pa'i tshig bla dgas lags so/ /bcom ldan 'das de ltar na theg pa gsum po 'di dag ni theg pa gcig kho na'i grangs su mchi'o/ /bcom ldan 'das theg pa gcig rtogs pas bla na med pa yang par rdzogs pa'i byang chub rtogs par 'gyur ro/ /bcom ldan 'das bla na med pa yang dag par rdzogs pa'i byang chub ces bgyi ba de ni mya ngan las 'das pa'i dbyings kyi tshig bla dgas lags so/ /bcom ldan 'das mya ngan las 'das pa'i dbyings zhes bgyi ba de ni de bzhin gshegs pa'i chos kyi sku'i tshig bla dgas lags so/ /bcom ldan 'das chos kyi sku rtogs pa'i mtha' ni theg pa gcig pa lags te/ bcom ldan 'das de bzhin gshegs pa yang gzhan ma lags/ chos kyi sku yang gzhan ma lags te/ bcom ldan 'das de bzhin gshegs pa nyid chos kyi sku lags so/ /</font><hr>83.293b<br><font size=+1>

bcom ldan 'das chos kyi sku rtogs pa'i mtha' ni theg pa gcig gi mtha' lags so/ /bcom ldan 'das theg pa gcig gi mtha' zhes bgyi ba de ni theg pa gcig gi mthar sbyar ba'i tshig bla dgas lags so/ /de ci'i slad du zhe na/ bcom ldan 'das de bzhin gshegs pa rnams ni dus kyi mtha' mchis pa la gnas pa ma lags te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni phyi ma'i mtha'i mur thug par gnas pa'i slad du'o/ /bcom ldan 'das de bzhin gshegs pa rnams ni 'jig rten la sman pa'i slad du dus kyi mtha' mchis pa'i thugs rje can dang / dus gyi mtha' mchis pa'i thugs dam mnga' ba ma lags te/ kye 'jig rten la phan pa'i phyir dus kyi mtha' med par snying rje dang ldan pa dang / dus kyi mtha' med par yi dam bcas pa'i sems can a la la zhes mchi ba dag ni bcom ldan 'das de bzhin gshegs pa nyid la yang dag par smra bas smra ba lags so/ /kye 'jig rten la phan pa'i phyir chos/ mi zad pa dang / chos rtag pa dang / chos brten pa dang / skyabs kyi sems can a la la zhes mchi ba dag kyang de bzhin gshegs pa nyid la yang dag par smra bas smra ba lags so/ /bcom ldan 'das de lta lags pas 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni skyabs ma mchis pa dang / skyob pa ma mchis pa'i 'jig rten na phyi ma'i mthar thug par skyabs mi zad pa dang / skyabs rtag pa dang / skyabs brtan pa lags so/ /bcom ldan 'das chos zhes bgyi ba de ni theg pa gcig gi lam bstan pa'i tshig bla dgas lags so/ /</font><hr>83.294a<br><font size=+1>

bcom ldan 'das dge 'dun zhes bgyi ba de ni theg pa gsum pa'i tshogs kyi tshig bla dgas lags so/ /bcom ldan 'das skyabs 'di gnyis ni de'i yan lag gi skyabs zhes bgyi ste skyabs kyi rab ma lags so/ /de ci'i slad du zhe na/ bcom ldan 'das theg pa gcig gi lam bstan pa'i chos kyang chos kyi sku rtogs pa'i mtha' lags te/ bcom ldan 'das de'i pha rol na theg pa gcig gi lam bstan pa'i chos kyis ni bgyi ba ci yang ma mchis so/ /bcom ldan 'das theg pa gsum pa'i tshogs kyang 'jig pa dang bcas pas de bzhin gshegs pa la skyabs su mchis pa dang / 'byung ba'i thabs tshol ba dang / slobs pa dang / bgyi ba dang bcas pa dang / bla na med pa yang dag par rdzogs pa'i byang chub la zhugs pa lags so/ /bcom ldan 'das de ltar na skyabs 'di gnyis ni skyabs kyi rab ma lags te/ dus kyi mtha' mchis pa'i skyabs lags so/ /bcom ldan 'das sems can gang dag de bzhin gshegs pas btul ba de dag ni de bzhin gshegs pa la skyabs su mchi ba na chos nyid kyi rgyu 'thun pa la mngon par dad pas chos dang dge slong gi dge 'dun la yang skyabs su mchi ste/ bcom ldan 'das chos nyid kyi rgyu 'thun pa la mngon par dad pas skyabs su mchi ba gnyis la skyabs su mchi bar bgyi ba lags so/ /bcom ldan 'das de bzhin gshegs pa la skyabs su mchi ba ni chos nyid kyi rgyu 'thun pa la mngon par dad pas mchi bar bgyi ba ma lags te/ bcom ldan 'das de bzhin gshegs pa la skyabs su mchi ba ni skyabs su mchi ba yang dag pa lags so/ /bcom ldan 'das skyabs su mchi ba gnyis kyang yang dag par na de bzhin gshegs pa la skyabs su mchi zhes bgyi ba'i</font><hr>83.294b<br><font size=+1>

mtha' lags par khong du chud par bgyi'o/ /de ci'i slad du zhe na/ bcom ldan 'das de bzhin gshegs pa yang gzhan ma lags/ skyabs gnyis po yang gzhan ma lags te/ bcom ldan 'das de bzhin gshegs pa nyid skyabs gsum lags so/ /de ci'i slad du zhe na/ bcom ldan 'das theg pa gcig gi lam bstan pa'i chos 'di yang de bzhin gshegs pa'i khyu mchog gi gsung dang / de bzhin gshegs pa'i seng ge'i sgra so so yang dag par rig pa bzhi dang ldan pa lags pa'i slad du'o/ /bcom ldan 'das mos pa ji lta ba dag la de bzhin gshegs pas theg pa gnyis po thabs kyi sgrub pas bsgrubs pa de dag kyang theg pa chen po pa dag nyid kyi slad du lags so/ /bcom ldan 'das theg pa 'di gnyis kyi ming ni ma mchis te/ bcom ldan 'das yang dag par na 'di la theg pa gcig po ni theg pa yang dag pa lags te theg pa gsum yang dag par 'du'o/ /bcom ldan 'das nyan thos dang / rang sangs rgyas rnams kyi 'phags pa'i bden pa thog mar mngon par rtogs pa'i shes pa gcig pus ni gnas kyi sa de snyed cig spong bar 'gyur ro/ /bcom ldan 'das shes pa de gcig pus yongs su 'tshal ba la sogs pa yon tan bzhi po rnams mngon sum du bgyid par 'gyur zhing don bzhi po dag nyid chos nyid kyis shin tu so sor rtogs par 'gyur ro/ /bcom ldan 'das 'jig rten las 'das pa'i shes pa la shes pa bzhi 'pho ba dang dmigs pa bzhi 'pho ba ma mchis te/ bcom ldan 'das 'jig rten las 'das pa'i shes pa rdo rje lta bu ni mi 'pho ba'i chos can lags so/ /bcom ldan 'das de ltar 'di la nyan thos dang / rang sangs rgyas thams cad kyi gnas kyi sa spong ba'i 'phags pa'i bden pa shes pa dang po ni yang dag pa'i shes pa lags te/ </font><hr>83.295a<br><font size=+1>

bcom ldan 'das de dag la 'phags pa'i bden pa shes pa rnam pa gnyis kyis gnas kyi sa spong ba ni ma mchis so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni nyan thos dang / rang sangs rgyas thams cad kyi spyod yul ma lags pa dang / bsam gyis mi khyab pa dang / stong pa nyid kyi ye shes kyis nyon mongs pa thams cad kyis sbubs spong lags so/ /bcom ldan 'das nyon mongs pa'i sbubs thams cad 'byed pa'i mthar phyin pa'i ye shes gang lags pa de ni yang dag pa'i ye shes zhes bgyi'o/ /bcom ldan 'das 'phags pa'i bden pa 'tshal ba dang po ni mthar phyin pa'i shes pa ma lags te/ bla na med pa yang dag par rdzogs pa'i byang chub tu zhugs pa'i shes pa lags so/ /bcom ldan 'das 'phags pa'i don de ni nyan thos dang / rang sangs rgyas thams cad kyi tshig bla dgas ma lags so/ /bcom ldan 'das nyan thos dang / rang sangs rgyas thams cad ni yon tan tshad mchis pa lags te/ bcom ldan 'das de'i yan lag gi yon tan dang ldan pa'i slad du nyan thos dang / rang sangs rgyas rnams la 'phags pa zhes bgyi'o/ /bcom ldan 'das 'phags pa'i bden pa rnams zhes bgyi ba de dag ni nyan thos dang / rang sangs rgyas rnams kyi bden pa ma lags/ nyan thos dang / rang sangs rgyas rnams kyi yon tan ma lags te/ bden pa 'di dag ni de bzhin gshegs pa dgra bcom pa yang dag par rdzogs pa'i sangs rgyas rnams kyis thog mar mngon par rdzogs par sangs rgyas shing mngon par mkhyen la so sor rtogs nas de mngon par mkhyen pa'i 'og tu de bzhin gshegs pa rnams kyis ma rig pa'i sgo nga'i sbubs su bcug pa'i 'jig rten la bstan cing btags te/ de'i slad du 'phags pa'i bden pa rnams shes</font><hr>83.295b<br><font size=+1>

bgyi'o/ /bcom ldan 'das 'phags pa'i bden pa'i don bshad pa ni zab cing phra la brtags par dka' ste khong du chud par dka' zhing brtag mi nus la rtog ge'i spyod pa ma lags te/ mkhas shing 'dzangs pas rig pa dang / 'jig rten thams cad dang mi 'thun pa lags so/ /de ci'i slad du zhe na/ bcom ldan 'das zab mo bstan pa bshad pa 'di ni de bzhin gshegs pa'i snying po lags pa'i slad du ste/ bcom ldan 'das de bzhin gshegs pa'i snying po ni de bzhin gshegs pa'i spyod yul lags te/ nyan thos dang / rang sangs rgyas thams cad kyi spyod yul ma lags so/ /bcom ldan 'das de bzhin gshegs pa'i snying po ni 'phags pa'i bden pa'i don bshad pa 'di'i gnas lags so/ /bcom ldan 'das de bzhin gshegs pa'i snying po'i gnas zab pas na 'phags pa'i bden pa'i don yang zab cing phra la brtags pa dka' ste rtogs par dka' zhing brtag mi nus la rtog ge'i spyod pa ma lags te/ mkhas shing 'dzangs pas rig pa dang / 'jig rten thams cad dang mi mthun pa zhes bgyi'o/ /bcom ldan 'das gang nyon mongs pa thams cad kyi sbubs kyi mthas dkris pa de bzhin gshegs pa'i snying po la the tshom ma mchis pa de ni nyon mongs pa thams cad kyi sbubs nas rnam par grol ba'i de bzhin gshegs pa'i chos kyi sku la yang the tshom ma mchis pa lags so/ /bcom ldan 'das gang gi yid de bzhin gshegs pa'i snying po dang / de bzhin gshegs pa'i chos kyi sku dang / sangs rgyas kyi yul bsam gyis mi khyab pa'i dgongs pa'i mthar phyin pa de ni bcom ldan 'das 'phags pa'i bden pa'i don bshad pa rnam pa 'di gnyis la yid ches shing dad de mos pa lags so/ /bcom ldan 'das de ltar na 'phags pa'i bden pa'i don</font><hr>83.296a<br><font size=+1>

bshad pa rnam pa gnyis ni rig par dka' zhing rtogs par dka' ba lags so/ /bcom ldan 'das 'phags pa'i bden pa'i don bshad pa rnam pa gnyis gang zhe na/ 'phags pa'i bden pa'i don bshad par bgyi ba mchis pa dang / bgyi ba ma mchis pa lags so/ /bcom ldan 'das de la 'phags pa'i bden pa'i don bshad par bgyi ba mchis pa ni 'phags pa'i bden pa bzhi bstan pa dang / btags pa tshad mchis pa lags so/ /de ci'i slad du zhe na/ bcom ldan 'das gzhan gyis bgyid du stsal kyang sdug bsngal thams cad yongs su 'tshal ba dang / sdug bsngal kun 'byung ba thams cad spang ba dang / sdug bsngal 'gog par 'gro ba'i lam thams cad bsgom par mi nus te/ bcom ldan 'das de lta lags pas 'khor ba la yang 'dus byas dang / 'dus ma byas pa mchis so/ /mya ngan las 'das pa la yang 'dus byas dang 'dus ma byas pa mchis so/ /bcom ldan 'das 'phags pa'i bden pa'i don bshad par bgyi ba ma mchis pa gang lags pa ni bcom ldan 'das de la 'phags pa'i bden pa bzhi bstan pa dang / btags pa dag dpag tu ma mchis pa lags so/ /de ci'i slad du zhe na/ bcom ldan 'das bdag nyid kyis bsal kyang zin pa'i sdug bsngal thams cad yongs su 'tshal ba dang zin pa'i sdug bsngal kun 'byung ba thams cad spang pa dang / zin pa'i sdug bsngal 'gog pa thams cad mngon sum du bgyi ba dang / zin pa'i sdug bsngal 'gog par 'gro ba'i lam bsgom par nus pa'i slad du ste/ bcom ldan 'das de ltar na de bzhin gshegs pa'i 'phags pa'i bden pa bzhi bstan pa bshad pa gang lags pa de dag ni 'phags pa'i bden pa rnam pa brgyad du 'gyur ro/ /bcom ldan 'das de bzhin gshegs pa dgra bcom</font><hr>83.296b<br><font size=+1>

pa yang dag par rdzogs pa'i sangs rgyas rnams ni 'phags pa'i bden pa'i don bstan pa bgyi ba ma mchis pa bzhi po dag la rdzogs par mdzad pa lags so/ /nyan thos rnams dang / rang sangs rgyas rnams ni rdzogs par bgyid pa ma lags so/ /de ci'i slad du zhe na/ bcom ldan 'das rab 'bring tha ma'i chos rtogs pas mya ngan las 'das pa'i dbyings rtogs pa ma lags pa'i slad du'o/ /bcom ldan 'das/ ci'i slad du de bzhin gshegs pa dgra bcom pa yang dag par rdzogs pa'i sangs rgyas rnams 'phags pa'i bden pa bzhi'i don bshad pa bgyi ba ma mchis pa dag la rdzogs par mdzad pa lags zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thams cad kyis ma 'ongs pa'i sdug bsngal thams cad ni yongs su mkhyen/ bcom ldan 'das nyon mongs pa dang nye ba'i nye mongs pa thams cad 'du ba'i sdug bsngal kun 'byung ba thams cad ni spangs/ bcom ldan 'das yid kyi phung po thams cad 'gog pa'i sdug bsngal thams cad 'gog pa ni mngon sum du mdzad de/ bcom ldan 'das sdug bsngal 'gog pa ni chos chud gson pa ma lags so/ /de ci'i slad du zhe na/ bcom ldan 'das de bzhin gshegs pa'i chos kyi sku thog ma ma mchis pa'i dus nas mchis pa/ ma bgyis pa/ ma skyes pa/ mi bas pa/ bas pa ma mchis pa/ rtag pa/ brtan pa/ rang bzhin gyis yongs su dag pa/ nyon mongs pa thams cad kyi sbubs nas nges par grol ba/ sangs rgyas kyi chos tha dad du mi gnas pa/ grol bar shes pa bsam gyis mi khyab pa gang gA'i klung gi bye ma las 'das pa snyed dang ldan pa ni sdug bsngal 'gog pa'i ming gis bstan pa'i slad du ste/ bcom ldan 'das de nyid la de bzhin gshegs pa'i snying po chos kyi sku</font><hr>83.297a<br><font size=+1>

nyon mongs pa'i sbubs nas nges par grol ba zhes bgyi'o/ /bcom ldan 'das de bzhin gshegs pa'i snying po shes pa nyid ni de bzhin gshegs pa rnams kyi stong pa nyid kyi ye shes lags te/ de bzhin gshegs pa'i snying po ni nyan thos dang / rang sangs rgyas thams cad kyis sngon ma mthong ma rtogs lags so/ /bcom ldan 'das kyis ni thugs su chud cing mngon sum du mdzad do/ /bcom ldan 'das de bzhin gshegs pa'i snying po stong pa nyid shes pa ni 'di gnyis lags te/ gnyis gang zhe na/ 'di lta ste/ bcom ldan 'das de bzhin gshegs pa'i snying po nyon mongs pa thams cad kyi sbubs dang tha dad du gnas pa ma grol bas shes pa rnams kyis stong pa dang / bcom ldan 'das de bzhin gshegs pa'i snying po'i sangs rgyas kyi chos tha dad du mi gnas shing grol bas shes pa bsam gyis mi khyab pa gang gA'i klung gi bye ma las 'das pa snyed dag gis mi stong pa lags so/ /bcom ldan 'das de bzhin gshegs pa'i snying po stong pa nyid shes pa rnam pa 'di gnyis la ni nyan thos chen po dag kyang bcom ldan 'das nyid la yid ches pas 'jug par bas te/ bcom ldan 'das nyan thos dang / rang sangs rgyas thams cad kyi stong pa nyid shes pa ni phyin ci log gi dmigs pa bzhi po dag la 'jug pa lags so/ /bcom ldan 'das de lta lags pas nyan thos dang / rang sangs rgyas thams cad kyis sdug bsngal 'gog pa thams cad sngon ma mthong sngon ma rtogs te/ bcom ldan 'das kyis ni thugs su chud cing mngon sum du mdzad do/ /nyon mongs pa'i sbubs thams cad 'joms pa sdug bsngal 'gog par 'gro ba'i lam thams cad kyang bsgoms so/ /bcom ldan 'das 'phags pa'i bden pa bzhi po 'di dag la bden pa</font><hr>83.297b<br><font size=+1>

gsum ni mi rtag pa lags so/ /bden pa gcig ni rtag pa lags so/ /de ci'i slad du zhe na/ bcom ldan 'das bden pa gsum ni 'dus byas kyi mtshan nyid du gtogs pa'i slad du ste bcom ldan 'das gang 'dus byas kyi mtshan nyid du gtogs pa de ni mi rtag pa lags so/ /gang mi rtag pa de ni brdzun pa slu ba'i chos can lags so/ /bcom ldan 'das gang brdzun pa slu ba'i chos can de ni mi bden pa dang mi rtag pa lags te skyabs ma lags so/ /bcom ldan 'das de lta lags pas 'phags pa'i sdug bsngal bden pa dang / sdug bsngal kun 'byung ba bden pa dang / sdug bsngal 'gog par 'gro ba'i lam 'phags pa'i bden pa yang yang dag par na mi bden pa dang mi rtag pa lags te/ skyabs ma lags/ bcom ldan 'das 'di la bden pa gcig ni 'dus byas kyi mtshan nyid kyi yul las 'das pa lags te/ bcom ldan 'das gang 'dus byas kyi mtshan nyid kyi yul las 'das pa de ni rtag pa lags so/ /gang rtag pa de ni mi slu ba'i chos can lags so/ /bcom ldan 'das gang mi slu ba'i chos can de ni bden pa dang / rtag pa dang / skyabs lags so/ /bcom ldan 'das de lta lags pas 'di la sdug bsngal 'gog pa'i bden pa nyid ni yang dag par na bden pa dang / rtag pa dang / skyabs lags so/ /bcom ldan 'das sems can thams cad kyi rnam par shes pa'i yul las 'das pa sdug bsngal 'gog pa'i bden pa ni bsam gyis mi khyab ste/ nyan thos dang rang sangs rgyas thams cad kyi shes pa'i spyod yul ma lags so/ /bcom ldan 'das dper na dmus long gzugs la lta mi nus pa dang / bu btsa' ba'i gnas na mchis pa'i byis pa dgung bdun lags pa nyi ma'i dkyil 'khor la lta mi nus pa bzhin du bcom ldan 'das sdug bsngal 'gog pa'i bden pa yang byis pa</font><hr>83.298a<br><font size=+1>

so so'i skye bo thams cad kyi rnam par shes pa'i yul yang ma lags/ nyan thos dang / rang sangs rgyas thams cad kyi shes pa'i yul yang ma lags so/ /bcom ldan 'das byis pa so so'i skye bo thams cad kyi rnam par shes pa zhes bgyi ba de ni mtha' gnyis la lta ba'i phyin ci log pa rnams kyi tshig bla dgas lags so/ /bcom ldan 'das nyan thos dang / rang sangs rgyas thams cad kyi shes pa zhes bgyi ba de ni shes pa dag pa'i tshig bla dgas lags so/ /bcom ldan 'das mtha' gnyis su lta ba zhes bgyi ba de ni nye bar len pa'i phung po dag la bdag tu mngon par zhen pa'i byis pa so so'i skye bo rtog ge ba dag gi tshig bla dgas lags so/ /bcom ldan 'das 'di gnyis ni mthar lta ba zhes bgyi ste/ gnyis gang zhe na/ chad par lta ba dang / rtag par lta ba lags so/ /bcom ldan 'das gal te 'du byed rnams la mi rtag par lta na de ni de'i chad par lta ba ma lags te/ de ni de'i yang dag pa'i lta ba lags so/ /bcom ldan 'das gal te mya ngan las 'das pa la rtag par lta ba de ni de'i rtag par lta ba ma lags te/ de ni de'i yang dag pa'i lta ba lags so/ /de ci'i slad du zhe na/ bcom ldan 'das rtog ge ba dag gi lta ba ni 'di lta bu lags te/ lus dang / dbang po dang / tshor ba dang / sems pa rnams tshe 'di nyid la 'jug par mthong nas srid pa'i mtshams sbyor ba la 'jug par mi bgyid cing ma 'tshal bas ldongs par gyur pa skad de chad par lta bar 'gyur ro/ /bcom ldan 'das rtog ge ba dag gi lta ba ni sems kyi rgyud la rmongs shing sems kyi skad cig 'jig pa la yang 'jug par mi bgyid la/ rnam par shes pa'i spyod yul du ma gyur pa skad de rtag par lta bar 'gyur ro/ /bcom</font><hr>83.298b<br><font size=+1>

ldan 'das de ltar rtog ge ba dag gi lta ba ni de lta bu dag lags pa skad de dag ni don de las thal ba'i skal ba dang / don de'i tha chad kyi lta ba dang / gzhan gyi mtshan nyid dang 'dres pa'i lta bas chad par rlom sems bgyid pa dang / rtag par rlom sems bgyid pa lags so/ /bcom ldan 'das sems can rnams ni zin pa'i phung po lnga po dag la phyin ci logs par gyur te/ bcom ldan 'das de dag ni mi rtag pa la rtag par 'du shes pa dang / sdug bsngal ba la bde bar 'du shes pa dang / bdag ma mchis pa la bdag tu 'du shes pa dang / mi gtsang ba la gtsang bar 'du shes pa lags so/ /bcom ldan 'das thams cad mkhyen pa'i ye shes kyi yul dang / de bzhin gshegs pa'i chos kyi sku ni nyan thos dang / rang sangs rgyas thams cad kyi shes pa dag pas kyang sngon ma mthong lags so/ /bcom ldan 'das sems can rnams de bzhin gshegs pa la dad pas rtag par 'du shes pa dang / bde bar 'du shes pa dang / bdag tu 'du shes pa dang / gtsang bar 'du shes pa'i sems can de dag ni bcom ldan 'das phyin ci log tu 'gyur ba ma lags te/ bcom ldan 'das sems can de dag ni yang dag pa'i lta ba can du 'gyur ba lags so/ /de ci'i slad du zhe na/ bcom ldan 'das de bzhin gshegs pa'i chos kyi sku nyid rtag pa'i pha rol tu phyin pa dang / bde ba'i pha rol tu phyin pa dang / bdag gi pha rol du phyin pa dang / gtsang ba'i pha rol du phyin pa lags pa'i slad du'o/ /bcom ldan 'das sems can gang dag de bzhin gshegs pa'i chos kyi sku la de ltar mthong ba de dag ni yang dag pa mthong ba lags so/ /bcom ldan 'das yang dag pa'i mthong ba gang lags pa de dag ni/ bcom ldan 'das kyi sras</font><hr>83.299a<br><font size=+1>

thugs las skyes pa dang / zhal nas skyes pa dang / chos las skyes pa dang chos kyis sprul pa dang / chos kyi bgo skal la spyod pa zhes bgyi'o/ /bcom ldan 'das shes pa dag pa zhes bgyi ba ni nyan thos dang / rang sangs rgyas thams cad kyi shes pa'i pha rol tu phyin pa lags te 'di ltar shes pa dag pa lags so/ /bcom ldan 'das sdug bsngal 'gog pa'i bden pa ni shes pa dag pa de'i spyod yul yang ma lags yul yang ma lags na/ bcom ldan 'das sdug bsngal 'gog pa'i bden pa rton pa bzhi'i shes pa can dag gi spyod yul ma lags shing yul ma lags pa lta smos kyang ci 'tshal/ de ci'i slad du zhe na/ bcom ldan 'das theg pa gsum pa'i las dang po pa rmongs pa ma mchis pa'i chos can dag gis don de khong du chud par 'gyur zhing don de rtogs par 'gyur ba'i slad du bcom ldan 'das kyis rton pa bzhi bshad cing btags pa'i slad du'o/ /bcom ldan 'das rton pa bzhi po 'di dag ni 'jig rten pa lags so/ /bcom ldan 'das rton pa gcig pu 'di lta ste/ sdug bsdug 'gog pa'i bden pa ni rton pa thams cad kyi mchog 'jig rten las 'das pa lags te/ de ni yang dag par rton par bgyi ba dang / skyabs lags so/ /bcom ldan 'das de bzhin gshegs pa'i snying po ni 'khor ba na rton pa lags te/ de bzhin gshegs pa'i snying po nyid kyi dbang du bgyis nas bcom ldan 'das kyis sngon gyi mtha' med do zhes bshad cing btags so/ /bcom ldan 'das de bzhin gshegs pa'i snying po mchis na 'khor ba zhes mchi na ni tshig de rig pa lags so/ /bcom ldan 'das 'khor ba zhes bgyi ba ni zin pa dag gi dbang po rnams 'phos ma thag tu zin pa dag gi dbang po rnams len pa la 'khor ba zhes bgyi'o/ /bcom ldan 'das 'chi 'pho dang / skye ba zhes</font><hr>83.299b<br><font size=+1>

bgyi ba'i chos gnyis kyi ming de ni de bzhin gshegs pa'i snying po'i tshig bla dgas lags so/ /bcom ldan 'das gum zhes bgyi ba dang / skyes zhes bgyi ba 'di ni 'jig rten gyi tha snyad lags so/ /bcom ldan 'das gum zhes bgyi ba ni dbang po 'gags pa 'di lags so/ /bcom ldan 'das skyes zhes bgyi ba 'di ni dbang po gsar pa rnams byung ba 'di lags te/ bcom ldan 'das de bzhin gshegs pa'i snying po la ni skye ba 'am/ 'gum pa 'am/ 'pho ba 'am/ byung ba yang ma mchis so/ /bcom ldan 'das de bzhin gshegs pa'i snying po ni 'dus byas kyi mtshan nyid kyi yul las 'das pa lags so/ /bcom ldan 'das de bzhin gshegs pa'i snying po ni rtag pa dang / brtan pa dang / ther zug pa lags so/ /bcom ldan 'das de lta lags pas de bzhin gshegs pa'i snying po ni tha dad du mi gnas shing 'brel la sbubs nas grol ba'i shes pa can dag gi gzhi dang / rten dang / gnas lags so/ /bcom ldan 'das 'di ltar de bzhin gshegs pa'i snying po ni 'brel ba ma mchis shing tha dad du gnas la shes pa grol ba ma lags pa phyi rol gyi 'dus byas kyi gzhi dang / rten dang / gnas kyang lags so/ /bcom ldan 'das gal te de bzhin gshegs pa'i snying po ma mchis na ni sdug bsngal la skyo ba dang / mya ngan las 'das pa la 'dod cing don du gnyer ba dang smon pa yang ma mchis par 'gyur ro/ /de ci'i slad du zhe na/ bcom ldan 'das rnam par shes pa drug po gang lags pa 'di dag dang / rnam par shes pa gang lags pa 'di dang / bcom ldan 'das 'di ltar chos bdun po 'di dag ni mi gnas pa dang / skad cig pa dang / sdug bsngal rnams myong ba ma lags pas chos de dag ni sdug bsngal la skyo ba dang / mya ngan las 'das pa la 'dod cing don du gnyer ba smon par mi rigs so/ /bcom</font><hr>83.300a<br><font size=+1>

ldan 'das de bzhin gshegs pa'i snying po ni thog ma dang tha ma ma mchis pa'i mthar mchis pa dang / mi skye ba dang / mi 'gag pa'i chos can sdug bsngal myong ba lags pas bcom ldan 'das de bzhin gshegs pa'i snying po de ni sdug bsngal la yang skyo ba dang / mya ngan las 'das pa la yang 'dod cing don du gnyer ba dang smon par 'os so/ /bcom ldan 'das de bzhin gshegs pa'i snying po yang bdag ma lags/ sems can ma lags/ srog ma lags/ gang zag ma lags te/ bcom ldan 'das de bzhin gshegs pa'i snying po ni sems can 'jig tshogs la lta bar lhung ba dag dang / phyin ci log gis nyams par gyur pa dag dang / stong pa nyid las sems g.yengs pa rnams kyi spyod yul ma lags so/ /bcom ldan 'das de bzhin gshegs pa'i snying po 'di ni dam pa'i chos kyi dbyings kyi snying po lags so/ /chos kyi sku'i snying po lags so/ /'jig rten las 'das pa'i chos kyi snying po lags so/ /rang bzhin gyis yongs su dag pa'i chos kyi snying po lags so/ /bcom ldan 'das de bzhin gshegs pa'i snying po rang bzhin gyis yongs su dag pa glo bur gyi nye ba'i nyon mongs pas nye bar nyon mongs pa 'di ni de bzhin gshegs pa'i yul te/ bsam gyis mi khyab po snyam pa dag bgyid do/ /de ci'i slad du zhe na/ bcom ldan 'das dge ba'i sems ni skad cig pa ste/ nyon mongs pa rnams kyis kun nas nyon mongs pa ma lags/ bcom ldan 'das mi dge ba'i sems kyang skad cig pa ste/ sems de yang nyon mongs pa rnams kyis kun nas nyon mongs pa ma lags pa'i slad du'o/ /bcom ldan 'das nyon mongs pa rnams ni sems la mi reg /sems kyang nyon mongs pa rnams la mi reg pa lags/ bcom ldan 'das 'di la ji ltar sems mi reg pa'i chos can nye bar nyon mongs par 'gyur/ bcom ldan 'das nye ba'i nyon mongs pa yang mchis la/ sems nye bar nyon mongs pa yang mchis pas bcom ldan 'das</font><hr>83.300b<br><font size=+1>

sems rang bzhin gyis yongs su dag pa'i nye ba'i nyon mongs pa'i don ni khong du chud par dka' ba lags te/ bcom ldan 'das 'di la bcom ldan 'das nyid spyan du gyur pa lags te/ ye shes su gyur pa lags/ bcom ldan 'das ni chos thams cad kyi rtsa ba lags/ bcom ldan 'das ni mnga' bdag lags/ bcom ldan 'das ni rtog pa lags so/ /de nas bcom ldan 'das kyis lha mo dpal phreng gi rtogs par dka' ba'i don bshad pa gsan nas rjes su yi rang ba mdzad de lha mo de de bzhin no/ /lha mo de de bzhin te/ sems rang bzhin gyis yongs su dag pa'i nye ba'i nyon mongs pa'i don ni rtogs par dka'o/ /lha mo chos 'di gnyis rtogs par dka' ba ste/ 'di lta ste sems rang bzhin gyis yongs su dag pa rtogs par dka' ba dang / sems de'i nye ba'i nyon mongs pa rtogs par dka' ba'o/ /lha mo chos 'di gnyis nyan nus pa ni khyod dam byang chub sems dpa' chos chen po dang ldan pa gzhan dag yin no/ /lha mo lhag ma nyan thos rnams ni chos 'di gnyis la de bzhin gshegs pa la dad pas 'gro bar zad de/ lha mo nga'i nyan thos gang dag dad pa dang ldan zhing dad pa'i dbang du byed pa de dag ni dad pa'i snang ba la brten nas chos dang 'thun par sdud pa'i shes pas 'di la nges par 'gyur ro/ /lha mo chos dang 'thun par sdud pa'i shes pa zhes bya ba ni lha mo dbang po'i rnam par rig pa yid kyi spyod yul la rnam par lta ba dang / las kyi rnam par smin pa la rnam par lta ba dang / dgra bcom pa rnams kyi gnyid la rnam par lta ba dang / sems la dbang du gyur pa rnams kyi bsam gtan la dga' ba dang / bde ba la rnam par lta ba dang / nyan thos dang / rang sangs rgyas rnams kyi 'phags pa'i rdzu 'phrul la rnam par lta ba ste/ lha mo rnam par lta ba'i rang bzhin rnam pa lnga la mkhas pa 'di dang ldan na lha mo da ltar dang / nga 'das pa'i 'og ma 'ongs pa'i dus na nga'i nyan thos dad pa dang ldan zhing dad pa'i dbang du byed pa de dag dad pa'i snang ba la brten nas chos dang 'thun par sdud pa'i shes pas rang bzhin gyis yongs su dag pa dang / sems kyi nye bar nyon</font><hr>83.301a<br><font size=+1>

mongs pa la nges par 'gyur ro/ /lha mo de dag gi nges pa de nyid ni theg pa chen po'i lam du 'jug pa'i rgyur 'gyur te/ lha mo de ltar na 'di lta ste/ chos zab mo mi spong ba'i phyir de bzhin gshegs pa la dad pas 'gro ba la ni phan pa mang ba yin no/ /de nas bcom ldan 'das la lha mo dpal phreng gis 'di skad ces gsol to/ /bcom ldan 'das 'di la sman pa mang ba'i don bshad pa gzhan yang de bzhin gshegs pa'i mthus bdag spobs so/ /bcom ldan 'das kyis bka' stsal pa/ lha mo khyod spobs par gyis shig /de nas bcom ldan 'das la lha mo dpal phreng gis 'di skad ces gsol to/ /bcom ldan 'das gsum po 'di dag ni rigs kyi bu 'am/ rigs kyi bu mo chos zab mo dag la ma rmas ma nyams par bdag nyid la srung ba dang / bsod nams kyang mang du skyed pa dang / theg pa chen po'i lam du yang zhugs par 'gyur ba lags so/ /gsum gang zhe na/ bcom ldan 'das rigs kyi bu 'am/ rigs kyi bu mo gang dag rang gis rig pa'i chos zab mo dang ldan pa dang / bcom ldan 'das rigs kyi bu 'am/ rigs kyi bu mo gang dag chos dang 'thun par sdud pa'i shes pa dang ldan pa dang / bcom ldan 'das rigs kyi bu 'am/ rigs kyi bu mo gang dag chos zab mo dag la bdag nyid kyi shes pa zhum par 'tshal nas 'di ni bdag gis mi shes te/ don 'di ni de bzhin gshegs pa nyid kyis mkhyen par zad do zhes bcom ldan 'das la sems rnam par gtod par bgyid de/ sems rnam par gtod pa de dang ldan pa lags so/ /bcom ldan 'das gsum po 'di dag ni rigs kyi bu 'am/ rigs kyi bu mo chos zab mo dag la ma rmas ma nyams par bdag nyid la srung ba dang / bsod nams kyang mang du skyed pa dang / theg pa chen po'i lam du yang dag par zhugs par 'gyur ba lags so/ /bcom ldan 'das rigs kyi bu 'am/ rigs kyi bu mo gsum po 'di dag las gzhan pa'i sems can gang lags pa de dag ni chos zab mo dag la nan gyis mchog tu bzung nas gob lob kyi sems 'dzin cing mngon par zhen</font><hr>83.301b<br><font size=+1>

te/ ston par bgyid kun tu smra bar bgyid do/ /bcom ldan 'das bdag ni de dag la dam pa'i chos la rgyab kyis phyogs pa dang / gzhan mu stegs can dag sa bon rul pa lags te/ rgyal po'i thad du yang mchis la brlag par bgyi'o zhes mchi'o/ /bcom ldan 'das sa bon rul par gyur pa de dag ni lha dang / mi dang / lha ma yin du bcas pa'i 'jig rten gyis legs par tshar gcad par bgyi ba lags so/ /de nas lha mo dpal phreng gis de skad ces gsol nas 'khor dang bcas pas bcom ldan 'das kyi zhabs la gtugs so/ /de nas bcom ldan 'das kyis lha mo dpal phreng la legs so zhes bya ba byin te/ lha mo khyod kyis dus dang skabs su chos zab mo dag la bdag nyid yang dag par bsrung ba'i thabs kyi don bstan pa bshad pa dang / dam pa'i chos kyi dgra tshar bcad pa bshad pa legs so/ /lha mo khyod ni sangs rgyas 'bum phrag bye ba mang po la bsnyen bkur byas pa yin pas khyod kyis don bshad pa 'di las ngo mtshar che ba med do/ /de nas bcom ldan 'das dpal 'bar bas 'khor gyi dkyil 'khor thams cad kyi lus la 'od kyis khyab par mdzad nas ta la bdun srid tsam du nam mkha' la mngon par 'phags te/ zhabs kyi gom pa 'dor ba'i rdzu 'phrul gyis mnyan yod kyi grong khyer ga la ba der gshegs so/ /de nas lha mo dpal phreng 'khor dang dang bcas pas spyi bor thal mo sbyar nas lta bas chog mi shes shing mig mi 'dzums par lta bas bcom ldan 'das la lta zhing 'khod par 'gyur to/ /gang gi tshe bcom ldan 'das de dag gi mig rgyang gis mi slebs par gyur pa de'i tshe lha mo dpal phreng 'khor dang bcas pa mchog tu dga' zhing rab tu mgu ba'i bzhin dang ldan pas gcig gis gcig gi mdun du de bzhin gshegs pa'i yon tan rnams rnam pa du mar bsngags shing sangs rgyas rjes su dran pa yid la byed pa ma brjed bzhin du grong khyer 'thab med du dong ngo / /de nas lha mo dpal phreng gis rang gi khyim thab rgyal po grags pa'i bshes </font><hr>83.302a<br><font size=+1>

gnyen theg pa chen po la nges par bcug go /grong khyer chen po'i bud med kyi tshogs bu mo lo bdun lon pa yan chad thams cad theg pa chen po la btsud do/ /rgyal po grags pa'i bshes gnyen gyis kyang grong khyer chen po'i skyes pa'i 'khor khye'u lo bdun lon pa yan chad thams cad theg pa chen po la btsud par gyur te/ de ltar grong khyer pa thams cad theg pa chen po la mngon du phyogs par byas so/ /bcom ldan 'das kyang rgyal bu rgyal byed kyi tshal du byon te nang du gshegs nas tshe dang ldan pa kun dga' bo la yang bka' stsal cing / lha'i dbang po brgya byin la yang dgongs so/ /de nas lha'i dbang po brgya byin skad cig thang cig yud tsam de nyid la lha'i tshogs kyis yongs su bskor te bcom ldan 'das kyi spyan sngar 'dug par gyur to/ /de nas bcom ldan 'das kyis lha'i dbang po brgya byin dang / tshe dang ldan pa kun dga' bo la chos kyi rnam grangs 'di rgya cher yang dag par bstan te/ kau shi ka chos kyi rnam grangs 'di khyod kyis zung shig /kau shi ka chos kyi rnam grangs 'di khyod kyis sum rtsa gsum pa'i lha rnams la shod cig /kun dga' bo khyod kyis kyang chos kyi rnam grangs 'di zung shig /kun dga' bo khyod kyis chos kyi rnam grangs 'di 'khor bzhi po dge slong dang / dge slong ma dang / dge bsnyen dang / dge bsnyen ma dag la shod cig /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kau shi ka chos kyi rnam grangs 'di ni yon tan mtha' yas pa dang ldan te/ kau shi ka nyan thos dang rang sangs rgyas thams cad kyis kyang mdo sde 'di'i don thams cad ma lus par shes pa 'am/ blta ba 'am/ nye bar brtags par mi nus na sems can gzhan dag gis lta ci smos kau shi ka de ltar na chos kyi rnam grangs 'di ni zab la yon tan chen po'i 'byung gnas yin no/ /kau shi ka de'i phyir chos kyi rnam grangs 'di'i yon tan gyi ming yongs su</font><hr>83.302b<br><font size=+1>

brjod pa tsam zhig bshad kyis de legs par rab tu nyon la yid la zungs shig dang ngas khyod la bshad do/ /lha'i dbang po brgya byin dang / tshe dang ldan pa kun dga' bos bcom ldan 'das la legs so legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /kau shi ka 'di ni de bzhin gshegs pa'i yon tan mtha' yas pa yang dag par bstod pa zhes bya bar zung shig /kau shi ka 'di ni yi dam chen po bsam gyis mi khyab pa zhes bya bar yang zung shig /smon lam thams cad sdud pa smon lam chen po zhes bya bar yang zung shig /dam pa'i chos yongs su 'dzin pa bsam gyis mi khyab pa bstan pa zhes bya bar yang zung shig /theg pa gcig tu yang dag par 'du ba bstan pa zhes bya bar yang zung shig /'phags pa'i bden pa brgyad bstan pa zhes bya bar yang zung shig /de bzhin gshegs pa'i snying po bstan pa zhes bya bar yang zung shig /chos kyi sku bstan pa zhes bya bar yang zung shig /stong pa nyid kyi don gyi dgongs pa yang dag par bstan pa zhes bya bar yang zung shig /bden pa gcig bstan pa zhes bya bar yang zung shig /rtag pa dang / brtan pa dang / zhi ba dang / ther zug pa dang / skyabs gcig tu gyur pa bstan pa zhes bya bar yang zung shig /phyin ci log gis bstan pa zhes bya bar yang zung shig /rang bzhin gyis yongs su dag pa'i sems la dgongs pa bstan pa zhes bya bar yang zung shig /de bzhin gshegs pa'i sras kyi yang dag pa bstan pa zhes bya bar yang zung shig /kau shi ka 'di ni lha mo dpal phreng gi sing ge'i sgra zhes bya bar yang zung shig /kau shi ka mdo 'dir bstan pa gang dag bshad pa de dag thams cad ni rgyu ba bcad pa dang / nges pa'i don dang / rton pa gcig pa zhes bya bar yang zung shig /kau shi ka lha mo dpal phreng gi seng ge'i sgra bstan pa'i chos kyi rnam grangs 'di ni ngas khyod kyi lag tu gtad kyis 'jig rten na dam pa'i chos ji srid gnas pa de srid du</font><hr>83.303a<br><font size=+1>

phyogs bcu'i 'jig rten thams cad du yang dag par sgrogs shig /ston cig /lha'i dbang po brgya byin gyis bcom ldan 'das la legs so zhes gsol te/ bcom ldan 'das kyi spyan sngar chos kyi rnam grangs 'di bzung zhing kun chub par byas nas lha'i dbang po brgya byin dang / tshe dang ldan pa kun dga' bo dang / gzhan yang gang der 'dus par gyur pa dag dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las dpal phreng gis zhus pa'i le'u zhes bya ste bzhi bcu rtsa brgyad pa rdzogs so// // rgya gar gyi mkhan po dzin mi tra dang / su ren dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa/ </font><hr>

</table>