@##/ /rgya gar skad du/ shrI he ru kA b+h+yu da ya nA ma/ bod skad du/ dpal khrag 'thung mngon par 'byung ba zhes bya ba/ dpal he ru ka la phyag 'tshal lo/ / de nas yang dag bshad bya ba/ /mchog tu rmad byung gsang ba ni/ /gang zhig mis ni yang dag rig /sgrub po dngos grub thob par 'gyur/ /tshes grangs med cing skar ma'ang med/ /smyung ba med par brjod bya ste/ /dag pa dang ni mi gtsang med/ /mi smra chu yi bya ba med/ /dus dang tshod las rnam par grol/ /gtsang sbra'i spyod pa rnam par spangs/ /de yis grong pa'i chos mi spyad/ /rtsod ldan dus su dngos grub 'gyur/ /rdzogs ldan yon tan gcig 'grub ste/ /de bzhin gsum ldan yon tan gnyis/ /gnyis ldan yon tan gsum du gsungs/ /rtsod ldan yon tan bzhi nyid de/ /dngos grub nyid du the tshom med/ /dpal khrag 'thung mngon par 'byung ba las 'jug pa'i cho ga'i le'u zhes bya ba ste dang po'o// // de nas gzhan ni rab bshad bya/ /rgyud rnams kun du sbas pa ste/ /dpal ldan khrag 'thung rgyud chen du/ /'dod pa'i don kun sgrub par byed/ /sa yi cha mnyam yid 'ong bar/ /dri yi chu yis nyer byugs te/ /sna tshogs sbes ni yid 'ong dang / /me tog sna tshogs gcal du bkram/ /gtsang zhing dben pa'i sa phyogs su/ /sngags shes pas ni bsrung bar bya/ /phyogs ni bcing bar bya ba'o/ /de ltar cho ga yang dag ldan/ /mkhas pas dgod bya dgod par bya/ /sems ni shin du dga' ba yis/ /kun nas kun du cho ga bsam/ /bud med phyag rgya ge sar bcas/ /dang po tsheg drag rjes dbyangs dang / /ring dang thung bar rab tu grags/ /gru gsum gnyis ni yang dag ldan/ /de bzhin ma ning bzhi po dang / /bud med skyes bu rnam pa bzhi/ /de bzhin gnyis pa dang po'i dbyangs/ /ring dang thung bar shes bya ste/ /dbyangs kyi phyi mo dgod par bya/ /dbyangs kyi sde ni dang por dgod/ /lce rtsa'i 86.198b dbyangs ni gnyis par dgod/ /tsheg drag dbyangs ni gsum par ro/ /dbus su pad ma bzhi par ro/ /lnga pa ta yi sde tshan te/ /drug pa pa yi sde tshan yin/ /an tas+tha ni bdun par 'dod/ /dro ba'i yi ge brgyad pa ste/ /mtha' ma ru ni bsdus pa yin/ /de ltar rig cing rnam shes pas/ /sngags kyi gtso bo nyid ni btu/ /bkod pa las ni sngags btus pas/ /myur du dngos grub 'bras bu 'thob/ /dpal khrag 'thung mngon par 'byung ba las sngags dgod pa'i cho ga'i le'u zhes bya ba ste gnyis pa'o// // de nas sngags kyi cho ga bshad/ /'dod pa'i dngos grub bsgrub pa'o/ /gang gis rnam par shes tsam gyis/ /sgrub pos dngos grub thob 'gyur ba'o/ /lnga pa yi ni lnga pa dang / /drug pa yi ni lnga pa nyid/ /de nyid kyi ni bzhi pa dang / /gnyis pa yi ni gsum pa dang / /an tas+tha yi bzhi pa nyid/ /lnga pa yi ni dang po dang / /an tas+tha yi bzhi pa nyid/ /de nyid kyi ni gnyis pa dang / /uSh+ma Na yi dang por brjod/ /an tas+tha yi dang po nyid/ /drug pa yi ni lnga pa dang / /uSh+ma Na yi bzhi pa nyid/ /gnyis pa yi ni dang po dang / /an tas+tha yi gsum pa nyid/ /gnyis pa yi ni gsum pa dang / /uSh+ma Na yi gsum pa nyid/ /lnga pa yi ni lnga pa dang / /drug pa yi ni bzhi pa dang / /an tas+tha yi dang por brjod/ /gsum pa yi ni gsum pa dang / /bzhi pa yi ni dang por brjod/ /drug pa yi ni lnga pa nyid/ /de bzhin du ni bcu bdun pa/ /nyi shu rtsa bdun pa ni mchog /de bzhin sum bcu rtsa gnyis pa/ /nyi shu rtsa bdun mchog nyid dang / /an tas+tha yi dang por brjod/ /lnga pa yi ni gsum pa dang / /uSh+ma Na yi gnyis pa nyid/ /bcu bdun pa ni mchog nyid do/ /an tas+tha yi gnyis pa dang / /de bzhin du yang gsum pa'o/ /de nas bcu dgu pa yi mchog /drug pa yi ni gnyis pa nyid/ /uSh+ma Na yi gnyis pa dang / /sum bcu rtsa gcig de nas blang / /drug pa yi ni lnga pa dang / / 86.199a yang ni bcwa brgyad pa nyid dang / /an tas+tha yi dang por brjod/ /uSh+ma Na yi gsum pa dang / /de nyid kyi yang bzhi pa nyid/ /de bzhin du yang gsum pa nyid/ /drug pa yi ni bzhi pa dang / /gsum pa yi ni gsum pa nyid/ /drug pa yi ni bzhi pa dang / /uSh+ma Na yi gsum pa nyid/ /an tas+tha yi gnyis pa dang / /de nyid kyi ni dang po nyid/ /drug pa yi ni dang po dang / /an tas+tha yi gnyis pa nyid/ /'di ltar dro ba'i dang po dang / /drug pa'i dang por brjod par bya/ /uSh+ma Na yi dang po nyid/ /de bzhin d+h+ya yig rnal 'byor ma/ /lnga pa yi ni dang po dang / /uSh+ma Na yi dang por brjod/ /an tas+tha yi gsum pa nyid/ /de bzhin du ni bcwa brgyad pa/ /bzhi pa yi ni dang po dang / /gnyis pa yi ni gsum pa nyid/ /lnga pa yi ni bzhi pa dang / /an tas+tha yi gnyis pa nyid/ /bzhi pa yi ni lnga pa dang / /byA yi yi ge dang por brjod/ /de nas nyi shu pa nyid dang / /de bzhin nyi shu rtsa bzhi mchog /lnga pa yi ni lnga pa dang / /drug pa yi ni lnga pa nyid/ /an tas+tha yi gnyis par brjod/ /lnga pa yi ni bzhi pa dang / /an tas+tha yi de bzhin nyid/ /de nyid kyi ni dang po dang / /drug pa yi ni lnga pa nyid/ /drod kyi sde tshan bzhi pa dang / /lnga pa yi ni bzhi pa nyid/ /'di ltar drug pa'i lnga pa dang / /lnga pa yi ni lnga pa dang / /de bzhin mkhas pas bcu bdun pa/ /an tas+tha yi gnyis pa dang / /de nyid kyi yang bzhi pa nyid/ /drug pa'i dang po'ang brjod par bya/ /drod kyi sde tshan gnyis pa dang / /an tas+tha yi dang por brjod/ /ka ra ka ra/ ku ru ku ru/ b+han d+ha b+han d+ha/ trA sa ya trA sa ya/ k+Sho b+ha ya k+Sho b+ha ya/ hrauM hrauM/ hraHhraH/ phai~M phai~M/ phaT phaT/ da ha da ha/ pa tsa pa tsa/ b+ha k+Sha b+ha k+Sha/ ba sa ru d+hi ra mA lA ba la~M bi ne/ grih+Na grih+Na/ sapa ta pA ta la/ ga tA b+hu dza~M/ ga~M sar+b+ba~M bA tar+dz+dza ya tar+dz+dza ya/ A kaDa D+ha ya A kaDa D+ha ya/ // k+Sh+mA~M k+Sh+mA~M/ hA~M hA~M/ hA~M hA~M/ hU~M hU~M/ ki li ki li/ si li si li/ hi li hi li/ d+hi li d+hi li/ 86.199b hU~M hU~M/ o~M gyi yi ge dang po ste/ /hU~M phaT yi ge tha mar sbyar/ /rtsa ba'i sngags su rab tu grags/ /dpal khrag 'thung mngon par 'byung ba las/ yi ge btu ba'i cho ga'i le'u zhes bya ba ste gsum pa'o// // snying po 'dir ni bshad par bya/ /'dod pa'i don kun sgrub byed pa'o/ /khams gsum rnam rgyal zhes bya bas/ /chos don 'dod dang thar bar skyel/ /drod kyi sde tshan gsum pa la/ /dbyangs kyi lnga pa sbyar bar bya/ /dang po ru ni yongs su grags/ /drug pa yi ni lnga pa la/ /de nyid kyi ni bzhi pas ni/ /'og gi char ni rnam par brtag /lnga pa yi ni lnga pa la/ /dbyangs yig gsum par sbyar ba yin/ /drod kyi sde tshan gsum pa la/ /dbyangs yig lnga par yang dag ldan/ /bzhi pa ru ni yongs su grags/ drug ba yi ni lnga pa la/ de nyid kyi ni bzhi pas ni/ 'og gi char ni rnam par brtag / lnga pa yi ni lnga pa la/ dbyangs yig gsum pa sbyar ba yin/ drod kyi sde tshan gsum pa la/ dbyangs yig lnga par yang dag ldan/ /bzhi pa ru ni yongs su grags/ /drug pa yi ni lnga pa la/ /de nyid kyi ni bzhi pas ni/ /'og gi char ni the tshom med/ /drod kyi sde tshan bzhi pa la/ /dbyangs yig lnga pa yang dag ldan/ /steng du nA da sbyar ba ni/ /drug pa ru ni yongs su grags/ /drug pa yi ni gnyis pa dang / /bzhi pa'i dang por brjod par bya/ /dang po yi ni tshig rkang ste/ /dngos grub kun gyi 'bras bu ster/ /gcig ma tshang ba'i nyi shu la/ /me yi bus ni dbye bar bya/ /dbyangs yig gsum par yang dag ldan/ /dang po ru ni yongs su grags/ /drod kyi sde tshan bzhi pa la/ /lnga pa'i lnga pa yang dag ldan/ /lan gnyis su ni yongs su grags/ /drod kyi sde tshan bzhi pa la/ /bcwa lnga pa yis brgyan byas te/ /bzhi pa'i mtha' dang yang dag ldan/ /lnga pa ru ni yang dag grags/ /drug pa yi ni gnyis pa dang / /bzhi pa yi ni dang po ste/ /thams cad mtshan nyid 86.200a yang dag ster/ /tshig rkang gnyis par brjod pa'o/ /gnyis pa yi ni gsum pa la/ /me yi sa bon yang dag gnas/ /dbyangs yig gsum pa yang dag ldan/ /dang po ru ni yongs su grags/ /drod kyi sde tshan bzhi pa la/ /lnga pa'i lnga pa yang dag ldan/ /dbyangs yig gnyis par sbyar ba ste/ /drug pa yi ni dang po dang / /de ltar yang ni gnyis ldab bo/ /drod kyi sde tshan bzhi pa la/ /bzhi pa'i mtha' dang yang dag ldan/ /de nas bcwa lnga pa yis brgyan/ /drug pa yi ni gnyis pa dang / /bzhi pa yi ni dang po dang / /tshig rkang gsum par brjod pa yin/ /'dod pa'i don kun bsgrub pa'o/ /dang po yi ni gnyis pa dang / /lnga pa yi ni lnga pa dang / /in tas+tha yi dang po dang / /drod kyi sde tshan bzhi pa la/ /dbyangs yig bcu gsum yang dag ldan/ /mchog tu dge zhing dam pa'o/ /gcig ma tshang ba'i nyi shu dang / /an tas+tha yi bzhi pa la/ /dbyangs yig gnyis pa yang dag ldan/ /thig le yis ni steng du brgyan/ /an tas+tha yi bzhi pa dang / /nyi shu rtsa bzhi pa nyid la/ /me yi bus ni rnam par dbye/ /drod kyi sde tshan bzhi pa la/ /lnga pa yis ni yang dag brgyan/ /steng du stong pas rnam par brgyan/ /drug pa yi ni gnyis pa dang / /bzhi pa yi ni dang po ste/ /'di rnams rkang pa bzhi pa yin/ /'dod pa'i don kun sgrub pa po/ /bzhi pa yi ni sngags 'di dag /ma byung 'byung bar mi 'gyur ro/ /dpal khrag 'thung mngon par 'byung ba las snying po'i sngags btu ba'i cho ga'i le'u zhes bya ba ste bzhi pa'o// // de nas sngags rnams 'di dag ni/ /dpa' bo rnams la sbyar bya ba/ /rnal 'byor ma ni rnams yin te/ /sngags kyi cho ga shes pas bzlas/ /gnyis med dngos grub rnal 'byor ma/ /gnyis pa yi ni yi ge la/ /dbyangs yig bcu gsum par ni ldan/ /drug pa'i yi ge bye brag tu/ /dbyangs 86.200b yig bcu gcig pas ni ldan/ /bdun par yongs su grags pas ni/ /dbyangs yig bzhi pas ldan pa yin/ /yi ge brgyad pa dag la ni/ /dbyangs yig bcu gnyis yang dag ldan/ /yi ge bcu gnyis pa dag ni/ /dbyangs yig gnyis pas rnam par dbye/ /yi ge bcu gnyis dag la ni/ /dbyangs yig gnyis pas ldan byas te/ /drug pa'i dang po nyid kyis ni/ /'og gi gnas su rab tu brtag /yi ge bcu bzhi pa dag ni/ /dbyangs yig gnyis pa dag dang ldan/ /dge zhing mchog tu phan pa yin/ /yi ge bcwa lnga pa'i mtshan nyid/ /dbyangs yig gsum par ldan bya ste/ /lnga pa yi ni lnga pas ni/ /'og gi cha ru yang dag ldan/ /de bzhin yi ge bcu drug nyid/ /steng du nA das sbyar ba yin/ /yi ge bcu bdun pa nyid la/ /dbyangs yig gsum pas yang dag ldan/ /yi ge bcwa brgyad pa la ni/ /dbyangs yig gnyis pas yang dag ldan/ /yi ge nyi shu gcig pa ni/ /dbyangs yig gnyis par yang dag ldan/ /yi ge nyi shu rtsa gsum pa/ /dbyangs yig lnga pas mnyam par ldan/ /dbyangs yig bcu gsum par ldan pa/ /yi ge nyi shu rtsa bzhi yin/ /gnyis pa yi ni dang po yis/ /nyi shu rtsa lnga pa dang ldan/ /mkhas pas rtag tu ldan pas ni/ /nyi shu rtsa drug pa la brjod/ /dbyangs yig gnyis pas ldan pa ru/ /mtshon byed gnyis ni mtshon par byed/ /yi ge nyi shu rtsa brgyad pa/ /de bzhin bcwa lnga pas ni mtshon/ /gcig ma tshang ba'i sum bcu la/ /bzhi pa'i dang po sbyar ba dang / /dbyangs yig gnyis pa yang dag ldan/ /me dang yang dag ldan par bya/ /dbyangs yig gnyis mas ldan pa ni/ /sum bcu rtsa gcig yi ge yin/ /sum bcu rtsa gnyis yi ge la/ /dbyangs yig bcu gsum pas ni ldan/ /sum bcu rtsa gsum yi ge la/ /nyi ma'i yis ni rab tu dbye/ /sngags rnams kun ni gsal ba ste/ /de ltar the tsom med pa yin/ /sum 86.201a bcu rtsa bzhi yi ge la/ /dbyangs kyi bzhi pas ldan pa ste/ /go 'phang mchog tu dge ba yin/ /dbyangs kyi lnga pas ldan pa ni/ /de bzhin sum bcu rtsa bdun yin/ /sum bcu rtsa brgyad yi ge la/ /dbyangs kyi gnyis pas ldan par bya/ /dngos grub thams cad rnam par nges/ /de bzhin bzhi bcu rtsa bzhi la/ /nyi ma yis ni sbyar ba yin/ /bzhi bcu rtsa gsum yi ge la/ /dbyangs kyi lnga pas sbyar bar bya/ /de yang dge ba'i mchog yin no/ /bzhi bcu rtsa lnga rab gsungs pa/ /dbyangs yig gnyis pas ldan par bya/ /de ltar nyid du the tsom med/ /dbyangs kyi lnga pas ldan pa ni/ /de bzhin bzhi bcu rtsa drug pa'o/ /bzhi bcu rtsa bdun pa nyid la/ /dbyangs kyi gnyis pas mnyam par bya/ /de bzhin lnga bcu rtsa gcig la/ /dbyangs kyi lnga pas sbyar bar bya/ /'dis ni thar pa grub pa nyid/ /dbyangs kyi gnyis pas ldan pa ni/ /mkhas pas lnga bcu rtsa gnyis brjod/ /dbyangs yig bcu gsum par ldan pa/ /lnga bcu rtsa gsum yi ge yin/ /lnga bcu rtsa drug yi ge la/ /dbyangs kyi drug par ldan pa yin/ /gcig ma tshang ba'i drug bcu la/ /an tas+tha yi bzhi par sbyar/ /dbyangs kyi gnyis pa sbyar bar bya/ /steng du nA das rnam par brgyan/ /dbyangs kyi gnyis pas ldan pa ni/ /drug bcu rtsa gcig pa la sbyar/ /dbyangs kyi gsum pas ldan pa ni/ /drug bcu rtsa gnyis bye brag go/ /dbyangs yig bcu gcig ldan pa ni/ /drug bcu rtsa gsum mkhas pas brjod/ /dbyangs yig lnga pas sbyar ba ni/ /yi ge drug bcu rtsa bzhi pa'o/ /de bzhin drug bcu rtsa lnga la/ /mes ni nges par sbyar bar bya/ /dngos grub thams cad ces bya ba/ /'dzin pa ru ni the tshom med/ /dbyangs kyi gsum pas ldan pa ni/ /drug bcu rtsa drug phye ba yin/ /rigs dang rigs min rab bsgrub pa'o/ / 86.201b dbyangs kyi gnyis pas yang dag ldan/ /drug bcu rtsa bdun bshad pa ni/ /dpa' bo mchod pa zhes ni bya/ /an tas+tha yi bzhi pa yis/ /drug bcu rtsa brgyad rab tu grags/ /bdun bcu rtsa gcig yi ge la/ /dbyangs kyi gnyis par ldan par byas/ /bdun bcu rtsa bzhi yi ge la/ /de bzhin dbyangs yig gnyis pas ldan/ /mtshon cha ru ni rab tu grags/ /bdun bcu rtsa lnga pa nyid la/ /dbyangs kyi drug pas sbyar ba yin/ /de ltar du ni gyur pa yin/ /bdun bcu rtsa drug yi ge la/ /dbyangs kyi gnyis pas ldan byas te/ /mi yi bus ni rnam par dbye/ /lnga pa'i bzhi pas sbyar bar bya/ /bdun bcu rtsa bdun yi ge la/ /dbyangs yig gnyis pas ldan pa yin/ /bdun bcu rtsa brgyad mkhas pas brjod/ /brgyad bcu rtsa gcig de bzhin mchog /dbyangs kyi lnga pas sbyar ba yin/ /brgyad bcu rtsa gnyis yi ge la/ /dbyangs kyi gnyis par sbyar bar bya/ /chos don 'dod dang thar pa ste/ /dpa' bo rnams la phan 'dod pas/ /rig pa'i rgyal po zhes bshad do/ /dpal khrag mthung mngon par 'byung ba las sngags btu ba'i le'u ste lnga pa'o// // de nas dngos grub gsang chen gyi/ /de yi snying po nye snying po/ /sngags kyi cho ga shes pas gsang / /zab pa rgya mtsho chen po bzhin/ /lnga bcu pa yi dgu steng du/ /sum bcu rtsa gsum gnas pa ste/ /bcwa lnga pas ni rnam par brgyan/ /dbyangs kyi bzhi pas yang dag ldan/ /dngos grub kun gyi gzhi yin no/ /rnal 'byor snying la tshad med pa'o/ /yi ge re re gnyis gnyis la/ /de bzhin dbyangs ni bcu gnyis ldan/ /mkha' 'gro chen mo lam rnams kyi/ /kun tu yongs su bzlog pa yin/ /nye ba'i snying po brjod pas 'grub/ /rnal 'byor rgyud las 86.202a rnyed dka' ba'i/ /pho nya yi ni dngos grub pa'o/ /lhan cig skyes pa'i dngos grub ni/ /rim dang rim pa med pas skye/ /khrag 'thung rgyud las gzhan du min/ /rnal 'byor phyag rgya mchog yin te/ /ye shes zla ba mchog ni btu/ /kha zas mchog ni bza' bya ste/ /'di ni bstan bcos nges pa yin/ /dpal khrag 'thung mngon par 'byung ba'i rgyud las sngags btu ba'i le'u zhes bya ba ste drug pa'o// // de nas gzhan yang mdor bsdus pa/ /brda yi cho ga'i mtshan nyid dag /rnal 'byor pas ni rtag bsgrubs na/ /grol ba'i dngos grub skye bar 'gyur/ /dbang chen dang ni me tog gis/ /de bzhin bdud rtsi bskyed par 'gyur/ /zho dang 'o mar ldan pa yis/ /bcud len mchog tu phan pa'o/ /dkyil 'khor 'khor lo zhes brjod la/ /thams cad kun gyi 'dus pa ni/ /tshogs kyi 'khor lo mchog yin te/ /thams cad mdza' bas mnyam par 'gro/ /ma dang sring mo chung ma dang / /bu mo dag ni bkug nas su/ /rnal 'byor rjes su 'jug par bya/ /'di rnams langs ni sbyang bya ste/ /chos ma yin par mi 'gyur ro/ /sngags kyi rgyal po 'di dag ni/ /lan gcig bzlas pas bud med rnams/ /pho nya rnams ni 'gugs par brjod/ //o~M sar+b+ba badzra kA mi ni/ sar+b+ba b+ha k+Sha sho d+ha ya gu h+ya badzrI Ni hU~M swA hA/ bud med kyis ni yongs bskor nas/ /ji ltar bde ba longs spyod cing / /sangs rgyas la 'bul mchod par bya/ /dngos grub thob pa zhes su brjod/ /dpal ldan rdo rje bcom ldan la/ /mgo bor thal mo sbyar nas ni/ /gtor ma'i cho ga kun gyis mchod/ /g.yas dang g.yon pa'i lag gnyis kyis/ /'gying dang bcas pa'i gar bya'o/ /rnal 'byor pa yis thams cad mchod/ /bsod nams chen po sogs pa 86.202b yin/ /de ltar mchod pa tsam gyis ni/ /yang dag dngos grub rim pas 'thob/ /gang zhig phyag rgya che mi mchod/ /de bzhin gshegs pa la mchod pa/ /ngal ba don med yongs su bsten/ /de yis 'bras bu thob mi 'gyur/ /gal te bdag nyid dngos grub 'dod/ /mchod pas dpa' bo mchod par bya/ /gang zhig phyag rgya cha ba dang / /'dod pa'i don kun sgrub pa po/ /skye ba stong phrag du ma ru/ /byol song skye gnas skye bar 'gyur/ /dpal ldan khrag 'thung ji lta bar/ /yul du nges par gnas pa ste/ /gtum mo sbom mo'i gnas dag la/ /de ni yul du gyur pa na/ /de yi yul du gyur pa ste/ /gang yang de yi bu dang gnyen/ /gang zhig dpa' bo rnams mchod pa/ /'dod pa'i don kun sgrub pa po/ /de ni dgra la 'jigs pa med/ /rgyal bo'i 'jigs pa la sogs med/ /dus min 'chi bar mi 'gyur ro/ /me dang ngan 'gro'i 'jigs pa med/ /rtag tu phyag rgya mchod par bya/ /bsod nams las ni thob pa yin/ /dpa' bo rtag tu der gnas bdag /gus pas mchod pa bzhes nas ni/ /rnal 'byor chen po bzhugs pa yin/ /de ni mchod cing bsnyen par bya/ /gson pa yi ni don ched du/ /rnal 'byor gzhan la brtan byas na/ /log par yongs su langs shing za/ /des ni 'bras bu mi 'thob bo/ /dpa' bo'i rjes su gzung byas na/ /rtsod pa'i dus su dngos grub thob/ /dpa' bo gang zhig phyag rgya bral/ /sgrub po mchod par byed pa ni/ /phub ma 'bru dang mtshungs pa ste/ /sa stengs su ni rnal 'byor pa/ /chom po pa ru gyur pa yin/ /dpal ldan khrag 'thung rnal 'byor 'dzin/ /bdag nyid mchod par byed pa la/ /grol ba'i lam ni rnam par ster/ /dpal ldan khrag 'thung rnal 'byor che/ /gang gis bzung bar byas pa yin/ /gang zhig 86.203a gnyis med mi bsten pa/ /shi nas dmyal bar 'gro bar 'gyur/ /de la skyob pa med pa yin/ /rnal 'byor med par rnal 'byor 'chos/ /phyag rgya la ni bgrod 'gyur dang / /ye shes med par ye shes tshul/ /dmyal bar 'gro bar the tshom med/ /dpa' bo thod pa'i phreng ba can/ /de bzhin sku lus dkar po ste/ /sangs rgyas nor bu'i gtsug tor can/ /rdo rje phag mo g.yon du byas/ /de yi phyag mtshan kha dog 'dzin/ /thod pa gcig ni gdan dag la/ /sa dang nam mkha' nyid dag dang / /gnyis pa dag dang bzhi pa ni/ /dpal ldan khrag 'thung phyag na bsnams/ /rdo rje phag mo gsum pa yin/ /'gro ba kun ni de ltar gnas/ /lha dang lha min mir bcas dang / /sa ni thams cad gdan byas nas/ /de nas las ni mnyam par brtsam/ /dpal khrag 'thung mngon par 'byung ba las kha zas gnyis su med par bsgrub pa nges pa'i cho ga'i le'u zhes bya ba ste bdun pa'o// // de nas rnal 'byor ma sngags 'dis/ /dngos grub thams cad rab ster ba/ /ji ltar rigs par rab bshad bya/ /dpa' bo rnal 'byor gnyis med de/ /de la mi yis mchod par bya/ /dpa' bo'i sngags kyi yid bsgrub pa'o/ /o~M na mo b+ha ga ba ti badzra bA rA hi baM/ Ar+yA bA rA dzi te/ trai lokya mA te ma hA bid+ya shwa ri/ sar+b+ba b+hU ta b+ha yA ba he/ ma hA badzre/ badzrA A sa ne a dzi te a pa rA dzi te ba shaM ka ri ne+e tra b+h+rA ma Ni/ sho Sha Ni ro Sha Ni/ kro d+ha ni ka rA li ni/ trA sa ni mA ra Ni pra be da ni a pa rA dza ye bi dza ye dzam b+ha ni/ sta~M b+ha ni/ mo ha ni/ badzra bA rA hi/ ma hA yo gi ni kA me shwa ri kha ge/ tad ya thA pro ta~M ge/ pro ta~M ge ha na ha na/ prA NA~M kiM ki Ni khiM khi Ni/ d+hu na d+hu na/ badzra haste sho Sha ya sho Sha ya/ kha T+wA~M ga ka pA la d+ha ri Ni/ ma hA pi shi ta mA~M sa sha Ni ma nu Sh+yAM tra pra br-it+te saM ni d+h+ya~M na ra shi ra mA lA gra thi 86.203b ta d+h+wa ri ni/ su~M b+ha ni/ sum b+he ha na ha na/ prA NA~M sar+b+ba pA pa satwA sar+b+ba pa shu nA~M/ ma hA ma~M sats+tshe da ni mUr ti da~MSh+T+rAM ka rA li ni/ ma hA mu dre shrI he ru ka de ba s+ya/ a gra ma hi Shi sa ha sra shi re sa ha sra wA ha we sha ta sa ha sra A na ne/ dz+wa li ta te dza se dz+wA la mu khi piM ga le lo tsa ne/ badzra shwa rI re badzra A sa ni/ mi li te ni mi li te he he ha ha hU~M hU~M kha kha d+hu d+hu/ d+hu ru d+hu ru/ mu ru mu ru/ a dwai te/ ma hA yo gi nI pa thi ta/ sid d+hi dra~M T+yo / / he he/ ha ha/ b+hI me ha sa ha sa bI re/ hA~M hA~M/ ho ho/ hU~M hU~M/ trai lokya/ bi nA sha ni/ sha ta sa ha sra ko Ti/ ta thA ga ta pa ri bA ra te hU~M hU~M phaT/ sing ha rU pe kha ga dza rU pe gaH/ trai lokya u dwa ri/ sa mu dra me kha li gra sa gra sa hU~M hU~M phaT/ bI rA+e dwe te hU~M hU~M ha ha ma hA pa shu mo ha ni/ yo gi shwa ri s+t+wa~M DA ki ni/ lo kA na~M ban+dA ni sat+ya prat+ya ya kA ri Ni hU~M phaT/ b+hU ta trA sa ni/ ma hA bI re pa ra ma sid d+he/ bid+ye yo gi shwa ri phaT/ hU~M hU~M phaT phaT swA hA/ dpal khrag 'thung mngon par 'byung ba las dpal rdo rje phag mo'i rtsa ba'i sngags su gsungs pa'i cho ga'i le'u zhes bya ba ste brgyad pa'o// // de nas rdo rje phag mo yi/ /rtsa ba'i sngags ni mchog grub pa/ /he ru ka dang phag mo ni/ /ma byung 'byung bar mi 'gyur ro/ /'di dang 'dra ba'i gsang sngags ni/ /'jig rten gsum na med pa ste/ /'bum dang 'bum phrag gsum du gsungs/ /rgyud kyi snying po mtha' dag bsdus/ /gang gis cho ga 'di rnams rig /thams cad gtong ba lo ma bzhin/ /bdag gis phyi ru ma bzlas kyang / /las rnams kun ni 'grub pa'o/ /nyon mongs kun las nges par grol/ /dngos grub 'bras bu myur du 'thob/ /shes shing dran ba tsam gyis ni/ /dngos grub thams cad rab tu ster/ /de nyid srog chags rnams kyi srog /de nyid mchog tu mi 'gyur ba/ / 86.204a kun la khyab pa de nyid rnyed/ /de ni lus kun la ni gnas/ /de nyid sangs rgyas ye shes te/ /dpal ldan he ru ka yis gsungs/ /sngags 'di dag ni yang dag 'byung / /gang zhig la lar rab tu gnas/ /bstan bcos mtha' dag sa steng du/ /grub mtha' nges pa yang dag gnas/ /'di ni shes pas 'grub pa ste/ /sngags rnams kun ni the tshom med/ /'jig rten 'di dang pha rol du/ /de med par yang dngos grub med/ /grub mtha' rig byed mtha' dag ni/ /snying po gcig tu rab grags pa/ /bdag nyid kyis ni 'grub par 'gyur/ /rnal 'byor bdag nyid gnyis med zlas/ /dngos grub thams cad the tshom med/ /las rnams kun gyis gos med de/ /rab 'phel kun du gtso bor 'gyur/ /lus rnams kun la rnam par gnas/ /dpal ldan khrag 'thung lhar shes bya/ /rigs rnams kun la kun tu spyad/ /kha zas la ni brtag me bya/ /'di ni don dam ye shes te/ /'di ni go 'phang mchog yin no/ /sngags rnams snying po 'di dag ni/ /'jig rten kun la ster ba yin/ /dpal khrag 'thung mngon par 'byung ba las rdo rje phag mo'i rtsa ba'i sngags kyis thams cad dag pa'i le'u zhes bya ba ste dgu pa'o// // de nas sngags 'di thob pa yis/ /rang 'dod dkyil 'khor byas nas ni/ /rdo rje phag mo ma de gzhag /rab tu 'bad pas bzlas pa bya/ /rang 'byung rdul ni dmar pa yis/ /yul nas rnyed pa'i ras gtub cing / /byi la yi ni rtug pa nyid/ /dngos grub 'dod pas spos su bya/ /bcom ldan 'das kyis byin gyis rlob/ /spos bzang 'di ni sngags rig go/ /rdo rje phag mo'i phyag rgya yis/ /thod pa kha sbyar bcing bar bya/ /skra yi sbyin sreg brjod pa ste/ /de ltar ma rtogs mnyam bshad pa'i/ /dam tshig rab tu bskyang bar 86.204b bya/ /rtag tu phyag rgya mchod bya ste/ /rtag tu bza' btung bya ba yin/ /'di ltar sngags zhes bya ba yin/ /dngos grub thams cad rab tu star/ /chang dang ba lang sha bsgos ta/ /lag pa g.yon pas sbyin sreg bya/ /lha rnams kun dang skar ma dang / /klu sogs sum bcu rtsa gsum gnas/ /sangs rgyas kyang ni dbang 'gyur na/ /phra mo mi rnams smos ci dgos/ /lce yi dri ma so shing dang / /de bzhin rang lus dris phyis dang / /mi dang a lak+ta dag gi/ /sbyin sreg dag ni byas pa yis/ /'jig rten gsum ni dbang du 'gyur/ /rdul dang rang byung dmar po dang / /kha zas skyugs pa'i bza' ba dang / /mi yi skra dang yang dag ldan/ /lan cig gis ni 'gugs pa'i mchog /rang lugs mar ni skyugs pa dang / /rang gi skra yis sbyin sreg bya/ /nim pa'i shing gis me sbar bas/ /lan cig gi ni sdang ba'i mchog /bya rog sgro yis sbyin sreg bya/ /smyo byed ma la mnyam gzhag pas/ /tsha ba'i mar khus yang dag ldan/ /skad cig tsam gyis gsad dang bskrad/ /stong phrag dgu ru dgang blugs dang / /sbyin sreg dag ni bya ba ste/ /dus mi ring bar rgyal po 'thob/ /gang gis sha ni blugs pa dang / /mkhas pas dgang blugs brgya phrag gis/ /de yi zla gsum nang du ni/ /skad cig tsam gyis dbul ba zad/ /gang gis rtag tu dran pa yis/ /skye bo kun la sdug par 'gyur/ /zhag ni nyi shu rtsa gcig gis/ /'grub par 'gyur te the tsom med/ /'dod pa'i lha 'dra bud med mchog /myos shing smyo ba bsten par bya/ /'dod pa shin tu rgyas pa yis/ /'jig rten rnams la brtse bar bya/ /sa stengs rnams su dngos grub thob/ /bud med bye bas yongs su bskor/ /dpal ldan rdo rje phag mo dang / /dpal ldan khrag 'thung mnyam sbyor 86.205a la/ /dpa' bo kun gyis phyag byas nas/ /'jig rten gsum du dngos grub ster/ /dam tshig spyod pa bsrung bar bya/ /dpal khrag 'thung mngon par 'byung ba las dpal rdo rje phag mo'i rtsa ba'i sngags kyi sbyin sreg gi cho ga'i las kyi le'u zhes bya ba ste/ bcu pa'o// // de nas las mchog dam pa dag /dpa' bo gnyis med rnal 'byor ni/ /rtag tu 'khyud pas gsang mchod bya/ /rnal 'byor mas ni mchog ster 'gyur/ /sgrub pa pos ni nub kun du/ /de nas pho nya mchod par bya/ /sha za'i rtsa ba khar bcug ste/ /ji tsam 'dod pa de tsam du/ /rtags ni las su 'gyur ba ste/ /sa yi dbu ni snying po dag /til gyis mar khur btsos nas ni/ /rkang pa'i mthil la byug par bya/ /de nas rtags su gyur pa ste/ /pa ta dang ni ka Tu dang / /ro ha ni dang rta yi dri/ /'di rnams cha ni mnyam byas te/ /arga'i 'o mar btags nas ni/ /ling ga la ni bskus byas nas/ /ji tsam tshad du 'dod pa ru/ /de tsam tshad du 'dod pa yin/ /myur du chu ni dron mo yis/ /bskus na snga ma bzhin du 'gyur/ /pad ma dkar po ge sar dag /sbrang rtsi dag dang btags nas ni/ /lte ba la ni bskus nas ni/ /rtags ni brtan par 'gyur ba yin/ /pad ma dmar po ge sar dang / /til ni dkar po dag dang ni/ /ma he'i mar mi ma bskol dang / /dpa' bo gcig pa'i rtsa ba dang / /sbrang rtsi lhan cig btags nas ni/ /lte ba la ni byugs byas na/ /de srid rtags ni 'gyes mi 'gyur/ /rdul dang yung ba gnyis blangs te/ /ba yi dar ba bre do ni/ /ji srid bre gang gyur tsam du/ /de srid bskol bar byas pa yin/ /de ltar btung bar byas pa ni/ /nyi ma bdun gyis rdzogs par 'gyur/ /bcud len sbyor ba yang dag pa/ / 86.205b dpa' bo yis ni gsungs pa'o/ /spre'u'i mchil ma blang byas te/ /phye ma zhib mor byas pa dang / /rang gi dpa' bo'i sgo nas ni/ /byung dang yang dag ldan byas ni/ /dbang du byed pa'i mchog yin no/ /rdo rje phag mo bzlas byas te/ /yid ni gang dang gang gnas pa/ /lan cig bzlas pa'i sdigs 'dzub ni/ /lag pa g.yon pa bskor byas te/ /gang dang gang la bsams pa ste/ /'tsho ba gro dang gser dang ni/ /bza' ba'i zas dang btung ba dag /de dag thams cad blangs nas ni/ /sngags pa'i khyim ni yongs su gang / /khrag dang rang byung gcig byas te/ /sgrub pos rig pa lan bdun bzlas/ /des ni mi la reg byas na/ /reg pas skyes bu khrag 'dzag 'gyur/ /lan cig bzlas pa'i rig pa 'dis/ /chus ni yongs su thar bar 'gyur/ /de ltar sems can gang gang ni/ /khrag dang khrag chen po dag gis/ /skud ba sbags te bcing bar bya/ /lan bdun bzlas pa dag gis ni/ /de gzugs 'dzin par the tsom med/ /kun du chu yis grol bar 'gyur/ /bltas pas bud med gzugs bzang dang / /rgyal po rnams dang sa bdag dag /sgrub pos mthong dang ma mthong ba/ /thams cad 'gugs par gyur pa ste/ /lan bdun mngon par bsngags byas nas/ /mda' yi shugs kyis 'ong bar 'gyur/ /nyi ma bdun na the tsom med/ /dpal khrag 'thung mngon par 'byung ba las dpal rdo rje phag mo'i rtsa ba'-i sngags kyi rnal 'byor gyi 'dod pa dang / bcud kyis len dang 'gugs pa'i cho ga'i le'u zhes bya ba ste bcu gcig pa'o// // de nas dngos grub rnal 'byor che/ /'jigs pa thams cad rnam spangs te/ /thang ka'i gzugs kyi ri mo ni/ /sngags pas cho ga bzhin du bri/ / 86.206a rnal 'byor ma yi lus gnas pa/ /bsgrub pa pos ni mtshan par bya/ /bcu bzhi dang ni tshes brgyad dam/ /nag po'i phyogs kyi tshes bcu la/ /rig pas nub mo mchod par bya/ /sgrub pos dri dang me tog dang / /spos ni ji ltar gsungs pa dang / /de bzhin yang ni bza' dang btung / /mar me phreng ba dbul ba dang / /dri zhim spos kyis mchod par bya/ /stan gcig la ni gnas nas ni/ /lha la mngon par kha bltas nas/ /sngags pas kha ni nub tu blta/ /sgrub pa pos ni thang ka'i gzugs/ /zhal bzhi phyag ni bzhi pa dang / /thod pa dang ni kha T+wA~M ga /mdzes pa dag ni gzung bar bya/ /lag pas zhags pa lcags kyu bzung / /kha dog nag po 'bar ba che/ /thod pa'i phreng ba bcings pa dang / /stag gi lpags pas bla gos byas/ /stan la g.yas brkyang ba yis gnas/ /ral pa'i cod pan zla tshes brgyan/ /shin tu mdzes pa'i rus pas brgyan/ /cho gas yang dag bsgom byas nas/ /de nas phreng ba blang bar bya/ /stan gcig la ni gnas nas ni/ /dpa' bo chen po 'jigs pa yis/ /me 'dra'i lus kyi rig pa bzlas/ /sgrub pa pos ni snying po ni/ /mtshan ni thog thag bzlas pa bya/ /dang po'i thun la ha ha rgod/ /spyang ki yi ni sgra sgrogs pa/ /sgrub po g.yog dang bcas pa yis/ /de mthong 'jigs par mi bya'o/ /gnyis pa yi ni thun dag la/ /nam mkha'i steng du 'bar bar mthong / /mi g.yo bas ni bzlas pa bya/ /'gro ba thams cad za 'dra yang / /srin po'i 'jigs pa 'gyur ba'i zhal/ /thun gsum pa la mthong ba yin/ /lhar bcas lha min mir bcas rnams/ /thun bzhi pa la 'grub par 'gyur/ /rdo rje phag mo mchog ster lag /dpa' bo chen po legs so 86.206b legs/ /nga yis mchog ni sbyin zhes smra/ /mchog tu sa 'og 'gro ba dang / /ral gri mig sman 'khor lo dang / /ngag gis thams cad 'grub pa dang / /phyag rgya chen po rjes su 'grub/ /phyag rgya gang gis sgrub pa po/ /dngos grub thams cad phun sum tshogs/ /dpal ldan khrag 'thung des mchod bya/ /phyag rgya'i yid dang lus ngag la/ /phyag rgya'i mchod pas mchog ni yod/ /'di ni bstan bcos nges pa yin/ /phyag rgyas dngos grub shes pa ste/ /'jig rten gsum na yang dag gnas/ /dpa' bo rnal 'byor mas bshad pa/ /ma lus lus pa med pa 'grub/ /dpal khrag 'thung mngon par 'byung ba las phyag rgya chen po bsgrub pa'i thabs kyi cho ga'i le'u zhes bya ste bcu gnyis pa'o// // de nas dgug pa bshad par bya/ /skye ba bdun pas dngos grub ster/ /srid par dngos grub dpa' bo che/ /thams cad pas ni lus gnas mchog /kun du lag pa brkyang ba'i mtha'/ /kun du mig dang spyi bo dang / /kun du kha dang rna ba yis/ /'jig rten pa rnams bskor te gnas/ /de phyir myur du bsgrub par bya/ /gnyis med ye shes sems kyi ni/ /rang gi lus la nges phyung ba/ /'og gi char ni the tshom med/ /de ru bsgrub bya la ni gzhug /rtsa ba'i lam nas rnal 'byor ma/ /phyugs kyi sa bon blangs nas ni/ /bdag gi lus la gzhug par bya/ /rlung dang me ni yang dag 'byung / /bsgrub bya'i lus ni bza' ba yin/ /mgrin pa zhags pas bcings nas ni/ /lha mo'i sngags kyis rmongs byas te/ /thams cad gugs par 'gyur ba yin/ /sgrub pa po yis sngags lus kyis/ /brgyal zhing dran med rmongs pa med/ /rdo rje phag mos shin du rmongs/ /de ni rtag tu 86.207a dbang du 'gyur/ /'ong zhing rjes su 'ong bar 'gyur/ /de lta nyid du bkod nas ni/ /bsam gtan dag dang yang dag ldan/ /bdag nyid chen pos brgya byin dang / /sngon du brgya byin chung ma bkug /de nas thabs ni shes par bya/ /khams gsum dag ni ma lus dang / /rgyal ba rnams kyang dgug par bya/ /kun du thabs ni phan pa'i mchog /gang zhig rgyud rnams kun du sbas/ /rnal 'byor sngags ni gsungs pa'o/ /brtul zhugs dang ni bzlas pa bral/ /smyung ba cung zad mi dgos te/ /bsam gtan 'di yis 'grub par 'gyur/ /'gro ba blta zhing rab tu sbyar/ /dpal khrag 'thung mngon par 'byung ba las skye ba bdun pa la sogs pa thams cad dgug pa'i cho ga'i le'u zhes bya ba ste bcu gsum pa'o// // de nas dkyil 'khor cho ga bshad/ /dngos grub thams cad rab ster ba/ /'khor lo chen po pad ma bzhin/ /dpa' bo gnyis med rnal 'byor ma/ /dkyil 'khor rgyal po mthong ba yis/ /dngos grub ci ste skye mi 'gyur/ /ring po nas ni thos pa dang / /ring po rnams ni mig gis mthong / /rnal 'byor ma yis 'dod chags dang / /zhe sdang rnams ni spong ba yin/ /gru bzhi pa la sgo bzhi pa/ /pad ma bzhi ni yang dag ldan/ /grub pa'i slob dpon mtshan nyid ldan/ /dkyil 'khor thig ni gdab par bya/ /sa yi cha mnyam yid 'ong bar/ /zug rngu thams cad rnam spangs te/ /tshon sna lnga dang ldan pa yis/ /dkyil 'khor mchog ni bri ba yin/ /dngos grub 'dod pas mnyam gzhag pas/ /pho nya dag ni mchod par bya/ /dpa' bo'ang mchod par 'gyur ba yin/ /des ni rdul tshon bsgrub par bya/ /rdul tshon rdzogs pa nyid kyis ni/ /'dod pa'i don kun 86.207b thar pa ster/ /mthe chung gi ni tshad tsam du/ /rdul tshon yang dag bri bya ste/ /gal te re mig 'di dag ni/ /dma' dang chad dang 'khyog por 'gyur/ /dma' ba'i re gas dngos grub med/ /'khyog pos nad ni byed pa ste/ /slob dpon slob ma gnyis ka ni/ /ri mo chad pas 'chi bar 'gyur/ /de lter ri mo'i mtshan nyid ldan/ /sa yi dbus su mtho ba bri/ /shar dang byang dag dma' bas ni/ /sngags pas dngos grub thob par 'gyur/ /shar dang byang dag dma' ba dang / /dbus mi mtho bas rgyal por 'gyur/ /rig pa 'dzin pa'i go 'phang nges/ /byang mtho bas ni 'chi bar 'gyur/ /yang na nor ni brlag par 'gyur/ /ji ltar sngon gsungs shar mtho bas/ /myur du rigs ni zad par 'ong / /ji ltar sa yi dbus dma' bas/ /sgrub pa po ni gsod pa yin/ /de ltar ri mo mtshan nyid ldan/ /sa la dkyil 'khor kun du bri/ /khru gang khru gnyis khru bzhi 'am/ /brgyad dam bcu gnyis bcu drug nyid/ /steng dang 'og tu brtag pa med/ /gal te rtog pa med na ni/ /slob dpon ye shes rnyed par dka'/ /dmyal ba mi bzad par ni 'gro/ /gang zhig dman pa'i mi ru 'gyur/ /de nas dgod pa'i cho ga bshad/ /dpa' bo gnyis med rnal 'byor mas/ /dpal ldan rdo rje khrag 'thung lha/ /drug bcu rtsa bzhi'i 'khor gyis bskor/ /gshin rje ma dang skrag byed ma/ /tsan ti ka ni kun spyod ma/ /nor ma dpa' bo'i blon po dang / /sdud ma 'jigs ma brgyad pa ste/ /dngos grub thams cad rab ster ba'o/ /gzugs can ma dang 'od byed ma/ /lA ma dang ni rab 'phel ma/ /sa pa li ka slar ldog ma/ /i hi ka dang gar dbang phyug /brgyad pa ru ni brjod pa ste/ /rnal 'byor ma ni yongs su grags/ /khro gnyer ma dang mche gtsigs ma/ / 86.208a sna chen ma dang ba lang gdong / /dri chen ma dang glang chen lte/ /ba lang rna ba gdong bzangs te/ /rnal 'byor spyod par gyur pa'o/ /dmar ba'i gtum mo nyid dang ni/ /sa ni ljang gu nyid dag dang / /stobs chen dpag tshad gsum ma dang / /rtsub mo dang ni bden smra ma/ /zhal ni shin du mdzes ma dang / /thod pa'i dum bu ma dag ste/ /'di rnams snying rje'i dngos grub ster/ /sngon gyi rdo rje phag mo nyid/ /rang nyid kyi ni rig pa yin/ /rang ming brjod pa'i sngags dag la/ /dang por o~M gyi yi ge dang / /hU~M hU~M phaT kyis mtha' mar sbyar/ /'dod pa'i don kun sgrub pa pos/ /de ni rtag tu mchod par bya/ /de ltar thams cad the tsom med/ /sring mo dang ni bu mo dang / /chung ma shin du gzugs bzang dang / /rta dang glang po ba lang dang / /zhing dang bran pho bran mo dang / /rin chen rnams ni dbul bar bya/ /deng nas brtsams te bdag nyid 'bangs/ /bdag gi lus ni phul ba lags/ /slob ma dag ni mi 'phul na/ /dngos grub ring bar the tshom med/ /'jig rten 'di dang pha rol na/ /des ni dngos grub mi 'thob bo/ /dkyil 'khor mthong ba nyid kyis ni/ /dngos grub ci ste skye mi 'gyur/ /sdig pa kun las rnam par grol/ /'bad pas slob dpon dgyes par bya/ /de yis dngos grub myur du 'gyur/ /de bzhin gshegs pa'i lha yis ni/ /ji lta bu ru gsungs pa yi/ /ji lta bzhin du rdul tshon lngas/ /dkyil 'khor mnyam par bri bar bya/ /gdong ni gos kyis bcings byas te/ /lho phyogs sgor ni dgug par bya/ /me tog snyim pas gtor bar bya/ /me tog gang du lhung ba yi/ /gnas la sogs pa bstan par bya/ /o~M shrI he ru kA ya bid ma he bid+ya rA dzA ya d+hIHma he swA hA/ bdag gis dpa' bo rab tu bskul/ /bklags pas las ni thams cad byed/ /'chi ba'i dus kyi dngos grub ni/ / 86.208b 'chi ba la ni brjod par 'gyur/ /dngos grub 'di yi bye brag gis/ /nyi ma gcig gis dngos grub che/ /'jig rten gsum sgrub bsgom par bya/ /sgrub pa'i dbang po cho ga shes/ /dpal ldan he ru ka yi ni/ /brtul zhugs la ni nub gsum gnas/ /lha yi lus su skye bar 'gyur/ /lha yi ye shes mthong 'gyur te/ /de bzhin lha yi gzugs su 'gyur/ /rtsod pa kun las rgyal ba dang / /rgas dang 'chi ba rnam par spangs/ /sangs rgyas bzhin du lha mo bsten/ /dpa' bo bzhin du sa la rtse/ /phyag rgya dang ni bcas nyid du/ /nyi ma gsum gyis 'gyur ba nyid/ /dpal khrag 'thung mngon par 'byung ba las lha dgod pa dang dbang bskur ba dang / bla ma mchod pa'i cho ga'i le'u zhes bya ba ste/ bcu bzhi pa'o// // de nas dkyil 'khor bshad par bya/ /dbang bskur 'khor lo mchod pa ni/ /slob mas nyi ma bzang po 'am/ /ji ltar du ni nub mo la'o/ /de nas dpa' bo mchod par bya/ /stan cig la ni gnas nas kyang / /pho nya mo ni bcu drug nyid/ /dpa' bo dang ni gnyis med gnas/ /dpal ldan rdo rje phag mo la/ /sum b+ha ni yi rig pa yi/ /phyogs bzhi ru ni mchod par bya/ /de ltar rnal 'byor chen po mchod/ /gzugs brgyad pos ni rab tu bsrung / /sngags dang phyag rgya yongs rdzogs nas/ /gnyis med ye shes brtsam par bya/ /dam tshig thams cad bskyang bya ste/ /'jig rten gsum na rnyed dka' ba/ /g.yon nas skyes pas byed pa yin/ /dam tshig spyod pa'i mtshan nyid dang / /sbyor nyid cho ga'i ye shes ni/ /de ni nga yis bshad kyis nyon/ /dbugs dbyung mchog gi bar dag ni/ /dri yi chu dang bcas pa dang / /rtag tu ri lu bza' bar bya/ /mchod pa'i dus kyi bye brag la/ /pho nyas lhan cig skyes dngos grub/ /dman pa mchog dang 'bring rnams kyi/ /de yis sbyor bas dngos grub 'gyur/ /'dod pa'i don kun sgrub pa po/ / 86.209a dpal ldan he ru ka las byung / /rang byung me tog nyid dag gis/ /cho ga shes pas kun du spyod/ /bzlas dang bsam gtan mchod pa dang / /me tog gcig dang yang dag ldan/ /blo ldan gyis ni ston mo bsgrub/ /ma lus snod gnyis 'dus byas te/ /rtog pa med pa'i shes rab che/ /sngags dang rgyud kyi tshul gyis ni/ /gang ltar ji ltar rnyed pa la/ /yid kyis gus pas mchod par bya/ /gnyis dang gnyis med rnal 'byor bdag /mkha' lding kha bzhin btung bar bya/ /rigs lnga gcig tu yang dag 'grub/ /ston mo bzang po brtsam par bya/ /rtag tu nub mo rgya che ba'i/ /mchod pa bya zhing brtsam par bya/ /gnas der mi yi las kyis ni/ /rgyu dang mi rgyu dkrug par bya/ /rnal 'byor gang gis me tog gnas/ /sgrub pa thams cad spangs pa dang / /byol song rnal 'byor mchog tu 'grub/ /dman pa 'bring dang mchog rnams ni/ /lce spyang gnyis skyes mig chen dang / /khrung khrung sa ra sa dang khra/ /pho rog 'ug pa bya rgod kyis/ /dgang blugs kun gyi bye brag gis/ /mkha' 'gro ma la gtor ma sbyin/ /mchog dang dman pa'i dngos grub ster/ /de yi rdzas kyi dngos grub skye/ /de bzhin mthong dang reg pa dang / /rtag tu 'o dang 'khyud pa dang / /sbyor ba'i gnas kyi bye brag gis/ /ji srid rnal 'byor tshogs kyis ni/ /dngos grub kun gyis byed par brjod/ /sngags las 'byung ba sbyin par bya/ /gzhan du nam yang ma yin no/ /ma dang bu mo sring mo dang / /chung ma pho nya mor gnas pa/ /gang gis rtag tu sngags ster ba/ /de ni de yi cho gar brjod/ /de nas bdag gis dam tshig bshad/ /g.yon nas 'byung ba mchog yin no/ /gang zhig mi yi bu mo thob/ /he ru ka'i sngags kyis ni/ /'dod pa'i dngos grub thob par 'gyur/ /ring po nas kyang rnam shes bya/ /khyim 'am zhing 86.209b la rnam gnas nas/ /khrag 'thung rnal 'byor las gzhan min/ /slob dpon rnal 'byor ma yin te/ /yid can gyis ni rgyud 'di ru/ /rnal 'byor thams cad shes par bya/ /gzhan du nam yang ma yin no/ /sngon du dad pa la brten nas/ /gus pa yis ni mchod par bya/ /rtag tu ma mos rnam par gnas/ /gnyis su med dang ngo tsha med/ /phyag rgya shin du rnal 'byor ldan/ /tshul khrims yang dag brjod pa yin/ /skye ba'i yul las skyes pa dang / /dam tshig yang dag bsrung pa yin/ /sems kyi bdag nyid snying rjes phan/ /dam tshig can la khro min te/ /ma gus pa la bshad mi bya/ /mtshan mo thog thag bzlas pa bya/ /rnal 'byor ma la mchod par bya/ /bcu drug gnyis med rgyal po'i don/ /nub mo ru ni dam tshig ste/ /dpa' bo rtag tu gcer bu yin/ /sgrub pos sngags dang phyag rgya dang / /phyag rgya lnga dang yang dag ldan/ /sgrub po las ni mnyam par brtsams/ /bdag nyid pho nya mchog kun dang / /rnal 'byor gnyis med gnas na ni/ /de las 'byung ba'i rdzas kyis bsgrub/ /de bzhin mthong dang reg pa pos/ /nyin mo rtag tu gsang ba ste/ /rtag tu nub mo gsal bar bya/ /srog chags lpags pas sham thabs bya/ /bde ba'i don du bskyod par bya/ /sgrub pa po ni dngos grub nyid/ /dag pa rnam gsum gyis 'grub ste/ /dpal ldan khrag 'thung gnyis med gnas/ /zhal ni dkar gnag dang smra dang / /mi smra 'i dka' thub la sogs spangs/ /dang po yi ni dag pa yi/ /sgrub thabs kun gyi mtshan nyid dang / /byol song zos pas bsod nams sog /gnyis pa'i dag pa brjod bya ba/ /zla ba'i chu ni 'thungs pa nyid/ /gsum pa gnyis med brjod pa'o/ /dpal ldan khrag 'thung mngon par 'byung ba las tshogs kyi dkyil 'khor la mchod 86.210a pa dang dbang bskur ba'i cho ga'i le'u zhes bya ba ste bcwa lnga pa'o// // de nas sdom pa bshad par bya/ /rnal 'byor rgyud las rnyed dka' ba/ /ma lus lus pa med pa 'grub/ /kun gyi rgyal por grags pa ste/ /rtag tu phyag rgya bsgrub par bya/ /'dod pa'i dngos grub 'bras don du/ /spun dang slob dpon mchod par bya/ /de nyid gnyis med rnams gnas so/ /spun dang bu dang lhan cig tu/ /bde dang sdug bsngal kun du 'byung / /de la ye shes bstan mi bya/ /sngags rnams su ni 'byin pa yin/ /gtsang zhing dag pa bza' bya ste/ /rtag tu dam tshig yan lag gsang / /sngags ni su la'ang mi sbyin te/ /man ngag rnam par nyams mi bya/ /gang gi don du man ngag rnams/ /dam tshig bsrung ba sbyin bar bya/ /rtag tu 'jig rten g.yon la spyod/ /rkang pa g.yon pa sngon du gtang / /yan lag g.yon pa bsgyur bar brtson/ /g.yon pas mdzub gtor byas la btung / /lag pa g.yon pas bdag nyid mchod/ /'di ru g.yon pas 'khyud pa dang / /g.yon pas gus par mchod par bya/ /g.yon nas kun du blta ba nyid/ /de bzhin g.yon pas 'gro byas na/ /dngos grub thams cad rab tu ster/ /ji ltar bdag nyid g.yon pas spyod/ /g.yon pas thar pa'i mtshan nyid de/ /cung zad gsungs dang ma gsungs pa/ /dpal ldan khrag 'thung g.yon la spyod/ /sgrub pos sa stengs gnas nas ni/ /bzlas dang brtul zhugs bral byas kyang / /g.yon pas dngos grub 'gyur ba yin/ /dpal khrag 'thung mngon par 'byung ba las g.yon pa'i mchod pa dang sdom pa'i cho ga'i le'u zhes bya ba ste bcu drug pa'o// // de nas rnal 'byor ma yi ni/ /lta bas rings pa'i cho ga bshad/ /snying gong sna rtser byin gyis brlab/ /de ltar rlung ni g.yo med par/ / 86.210b snying gi gong bus ske bcings te/ /gzugs bzang ba ni myur du 'o/ /de nas yi dgas mo bsgrub pa/ /skye gnas la ni gi wang gzhug /sngags pas pad ma'i stan gnas te/ /bsam gtan bzlas pa yang dag brtsam/ /skyo zhing kun du ngu bar 'gyur/ /thig le byas nas gnas pa dang / /rgod cing dgyes pa nyid dag go/ /de ltar gi wang dngos grub ni/ /gsang ba'i rgyud las nges par 'byung / /ldong ros dang ni man shing la/ /bu mo la ni gzhug par bya/ /ser zhing zlum pa'i mig nas ni/ /mchi mar bcas shing rtag tu ngu / /'di rnams kyi ni bzlas par gnas/ /de bzhin snying po nye snying po/ /rang gi srog bzhin legs par 'dzin/ /de ltar dpa' bo dngos grub che/ /rgyud 'di ru ni the tshom med/ /rtsod pa chen po 'byung ba la/ /ya~M yig kha dog sngon po la/ /rlung gi shugs kyis bskor bar bya/ /'khrugs pa chen po gzhan gyi sde/ /thams cad rengs shing brlag par bya/ /tsheg drag yi ges mtshon cha bya/ /nyon mongs med par sbyar bya ste/ /de ma thag tu thams cad brlag /de ni mi yi sde kun te/ /gang zhig cung zad mtshan mchog gis/ /bya ba la sogs byed pa yin/ /gza' dang dug dang me dang dgra/ /ser ba rlung dang mtshon cha'i char/ /dpal khrag 'thung mngon par 'byung ba las gzugs bzang ma blta ba dang gi wang dang gzhan gyi sde rengs pa'i cho ga'i le'u zhes bya ba ste bcu bdun pa'o// // de nas gzhan yang bshad bya ba/ /ro langs kyi ni sgrub pa'i thabs/ /cho ga yongs rdzogs rnal 'byor bdag /'grub par 'gyur te the tshom med/ /sngags pas ji ltar rnyed pa yi/ /ro ni nad med gas pa med/ /de ni blangs te bsgrub par bya/ /rnal 'byor kun la dngos grub ster/ /ba nag mi'i 'o ma dang / /sran gre'u 'bras dang ldan pa yi/ /thug pa ro'i kha ru ni/ / 86.211a 'jigs pa med par blug par bya/ /ji srid ro ni langs kyi bar/ /bdag gis ci bgyi zhes ni smra/ /ri lu mig sman dngos grub dang / /mchil lham rgyal po ral gri dang / /sbyin dang dgra bo brlag pa dang / /rkang dbyug dang ni bcud kyis len/ /don mchog gcig ni byin nas ni/ /'grub 'gyur gzhan du ma yin no/ /de ltar cho ga'i rim pa ni/ /mtshan nyid kun la bral gyur na/ /sdig pa dang ni yang dag ldan/ /dngos grub rab tu brlag par 'gyur/ /rtog pa 'di yi chang ma rnams/ /snying po ru ni rab tu sgrogs/ /khyab 'jug drag po dbang po dang / /tshangs pa la sogs pa dag dang / /byang chub sems dpa' rnams dang ni/ /drang srong sna tshogs dag pa dang / /klu dang dri za lha rnams te/ /ro langs nam mkha' lding la sogs/ /drag po lha min mi 'am ci/ /sha za dang ni srin po sogs/ /nyi ma zla ba skar ma bcas/ /'jig rten skyong ba bgegs kyi rgyal/ /ma mo'i dkyil 'khor rnal 'byor ma/ /mkha' 'gro ma ni sna tshogs dang / /lA ma dang ni dum skyes ma/ /gzugs can ma ni slar ldog ma/ /'dod ma sangs rgyas dbang dang ni/ /grub pa'i rig pa 'dzin pa dang / /gnod sbyin pho dang gnod sbyin mo/ /phyogs chen dpa' mo u ma la/ /ji ltar bde bar rtse zhing rtse/ /de nas grub pa'i dpa' bo che/ /sngags rnams kyis ni 'di dag gis/ /de ltar grub pa'i sngags chen po/ /rig pa yis ni rnal 'byor skye/ /dpal khrag 'thung mngon par 'byung ba las ro langs chen po bsgrub pa'i thabs lha thams cad dang rtse zhing bde ba'i cho ga'i le'u zhes bya ba ste bcwa brgyad pa'o// // de nas yang dag bshad bya ba/ /snying po'i sngags sogs bzlas pa la/ /phreng ba'i rigs dang grangs dag dang / /cho gas rnal 'byor bzlas pa bya/ /shel dang nya phyis 86.211b mu tig dang / /ru rag sha ni mdzes pa yin/ /rdo rje'i mig gis dngos grub ster/ /pu dra dza ba kun la bshad/ /bo de tshe ni thams cad bshad ces kyang zer/ /ni bar ta dang lung thang dang / /tshe ring nad med 'phel ba yin/ /dbang du byed dang zhi 'dod dang / /nor 'phel ba ni byed pa yin/ /byi ru yis ni 'phel ba dang / /rin chen phreng bas mdzes pa yin/ /gser gyi phreng ba dag dang ni/ /sgrub pos rin chen phreng ba bsres/ /rgyal po'i don du sngags pas bzlas/ /dpal ni che ba nyid du thob/ /dngos grub thams cad yong ba dang / /sa yi dbang por the tsom med/ /'byung po'i mtshan nyid dbang du byed/ /nor rnams 'gugs par byed pa'o/ /bya rog sgro yis skrad pa nyid/ /bong bu yis ni sdang pa'o/ /khyi dang rta yi phreng ba la/ /sgrub pos me tog gis ni mchod/ /ro yi skra yi skud pa dang / /bong bu'i spu dang yang dag ldan/ /skud pa 'di yis sdang ba dang / /khyi yi spu dang sres pas ni/ /dngos grub thams cad byed pa yin/ /gser gyi skud pas zhi bar 'gyur/ /yang na ras kyi skud pa ni/ /gzhon nu ma yis bskal ba yin/ /gzugs mdzes yongs su rdzogs pa dang / /gtsang zhing dran ldan 'jam par smra/ /de lta'i skud pa'i phreng bas ni/ /grol ba'i dngos grub ster bar 'gyur/ /dpal ldan khrag 'thung mchod par bya/ /spyi bor ri bong can gyi mtshan/ /zhi zhing zhal ni bzhi pa ste/ /'dod pa kun gyi gzugs bzang ba/ /dpa' bo thod pa'i phreng ba can/ /sangs rgyas nor bus gtsug phud byas/ /lag pa kha T+wA~M ga ni gzung / /mdung dang ral pa'i cod pan byas/ /rgyan rnams kun gyis rnam par brgyan/ /brgya phyed phreng ba'i mtshan pa ste/ /lha chen chung mar bcas pa yi/ /steng nas mnyam par gnas pa yin/ /steng nas gdugs dkar pos g.yogs te/ /lha yi dri yis byugs pa 86.212a dang / /lha yi me tog lus la mchod/ /phyag ni 'bum phrag dang ldan pa/ /lha yi ga bur dri yis ni/ /lus la bdug cing byug pa'o/ /mkha' 'gro ma ni sna tshogs pas/ /rnga yab gyis ni g.yob pa yin/ /rnal 'byor mas ni mnyam par bskor/ /lA ma dang ni dum skyes ma/ /rdo rje phag mo g.yon la gnas/ /dpal ni skyed tshal pad ma ni/ /rtag tu me tog 'bras bu gnas/ /'dod pa'i shing la lcug ma rgyas/ /lha dang lha min tshogs kyi gnas/ /'dod pa'i rjes chags skye ba ste/ /skyed mos tshal na dpal mchog ste/ /sprin gyi phreng ba phyed kyis bkab/ /'dod pa'i ro yi char pa 'bab/ /'dod pa'i gnas ni mchog yin te/ /chags dang byams pas kun tu gang / /pho nya kun dang mnyam par spyod/ /dpa' bo dang ni yang dag ldan/ /nags kyi dbus na rtse ba ste/ /dpal ldan rdo rje 'chang dbang phyug /glu dang gling bu gar la sogs/ /zangs dung sgra ni mnyam pa'i rigs/ /rnga rings kyi ni sgra la sogs/ /cha lang sgra ni chen po dang / /rdza rngar byas pa'i sgra dag dang / /pa tra ha ni brdungs pa'i sgra/ /pi wang dgu po rgyud mangs sgra/ /rol mo kun gyi sgra chen pos/ /dpal chen bcas par rtse ba ste/ /kun tu yongs su khengs pa yin/ /de yis sbyor ba'i dngos grub 'gyur/ /ji srid snying po skyes kyi bar du'o/ /dpal khrag 'thung mngon par 'byung ba las bzlas pa'i mtshan nyid dang / mchod pa dang rtse ba'i rtsed mo'i cho ga'i le'u zhes bya ba ste bcu dgu pa'o// // de nas dngos grub rnal 'byor che/ /sbyin sreg las ni rab bsgrub pa/ /dngos grub kun gyi dbang phyug rgyal/ /sbyin sreg gnyis med dgang blugs kyis/ /mnyam med bskal bzang de yi ni/ /dngos grub kun ni 86.212b skye ba ste/ /skye shi rga dang mya ngan dbul/ /myur ba nyid du brlag par 'gyur/ /rgyal po'i don du sgrub pa pos/ /stong phrag bcu yi sngags ni bzlas/ /pho nya'i steng du gnas nas ni/ /sbyin sreg stong phrag lnga ru bya/ /sha chen dang ni 'o mar bsnos/ /sbyin sreg dgang blugs rim pa yis/ /dpag tshad 'bum phrag brgya yi bar/ /g.yog 'khor phun sum tshogs par 'gyur/ /dngos grub chen po rgyal dbang dpal/ /ma nyams kun tu khyab cing 'gro/ /sngags pas dus bzhi ru ni gson/ /de la sus kyang gnod mi nus/ /gnyis med ye shes rnal 'byor gyis/ /stong phrag sum bcu rtsa gnyis bzlas/ /ba lang sha dang sha chen dang / /lce spyang sha yis dgang blugs ni/ /chang dang 'o ma mnyam par bsnos/ /sbyin sreg 'bum phrag gcig tu bya/ /gling bdun gyi ni rgyal dbang por/ /'di yis dpal chen longs spyod 'gyur/ /ji srid snying po rgyas kyi bar/ /de nas dngos grub sngags chen po/ /brgyad lhag pa yi brgya ni bzlas/ /rdzas dang cho ga rdzogs pa yis/ /dgang blugs stong phrag lhag par bya/ /dpa' bo rtsa ba'i sngags kyis ni/ /'di nyid du ni dgang blugs brgya/ /bzlas pa rab tu sbyin bya ste/ /dpa' bo rnal 'byor ma bzhin spun/ /de ltar sbyin sreg cho ga brjod/ /de nas rab 'phel sngags shes pas/ /sa stengs gang gis 'grub par 'gyur/ /bskal pa chen po stong phrag gam/ /de bzhin bskal pa stong phrag tu/ /ma nyams sngags pa kun khyab spyod/ /ji ltar ji bzhin 'gro ba nyid/ /sgrub pos nyi ma re re ru/ /rtag tu dgang blugs lnga yis mchod/ /rgyal po yul 'khor dbang du 'gyur/ /bcu yis mi dbang rgyal po dang / /sde ni stobs dang bcas pa kun/ /de rnams myur du dbang du 'gyur/ /sna tshogs 86.213a bdag nyid nor dang ni/ /sa ni sum bcu thams cad dang / /gling bdun rnams kyang dbang du 'gyur/ /rgya mtsho bdun ni mtha' gtugs par/ /longs spyod sa ni gser rang bzhin/ /sum bcu lnga yi sbyin sreg gis/ /sa 'og bdun gyi lha ma yin/ /sgrub pos chung mar bcas pa ni/ /myur bar dbang du byed par 'gyur/ /de ltar dngos grub rnal 'byor chen/ /dpa' bo dbang phyug dag gis gsungs/ /de nas sha yi dgang blugs 'bum/ /yang na sha chen dag gi'o/ /chang dang bcas nas bsres nas ni/ /pad ma gcig tu sbyin sreg bya/ /sngags pas yul ni rnyed par 'gyur/ /sum brgya yi ni tshad kyis so/ /'bum phrag gsum gyi sbyin sreg gis/ /'dzam bu gling ni kun tu 'thob/ /'bum phrag lnga yi dgang blugs kyis/ /gling bdun de yis longs spyod 'gyur/ /rtse zhing dngos grub rgyal dbang po/ /ji srid snying po rgyas kyi bar/ /rtag par gsung ba'i cho gar gnas/ /skal dman gyis kyang 'grub par 'gyur/ /de ltar gsung pa'i sbyin sreg ni/ /sngags dang rgyud kyi bdag nyid che/ /dpal khrag 'thung mngon bar 'byung ba las gling bdun gyi 'khor los sgyur ba'i rgyal po'i sbyin sreg gi cho ga'i le'u zhes bya ba ste nyi shu pa'o// // de nas mngon spyod kyi ni las/ /'dod pas dpa' bo rnams ni bsten/ /dug khrag tsha ba'i mar khu dang / /mi yi rus pas sbyin sreg bya/ /tsher ma'i me ni rab tu sbar/ /de bzhin 'bras bu phub mar ldan/ /khro ba rgyas shing skra yang grol/ /gcer bu kha yang lho ru bltas/ /sngags pas gos ni nag po byas/ /nyi ma phyed na me la ni/ /drag po las kyi sbyin sreg bya/ /gtum po'i me la sems gcig gis/ /ji ltar nub mo'ang bya ba yin/ /sngags kyi mtha' ni ming dang 86.213b sbyar/ /nus pa grol zhing myur bar dgug /stobs ldan sde dang bcas pa ni/ /mngon spyod kyis ni bsad par bya/ /pho nya de nyid rnal 'byor bdag /'grub par 'gyur bar the tshom med/ /'di ni bsad pa'i las yin te/ /phyi nas lha la bzod par gsol/ /'o ma bil ba sbrang rtsi mar/ /til dang ldan pas dgang blugs bya/ /de ltar dpa' bo rab tu zhi/ /yang dang yang du sngags 'di bzlas/ /de nas bskrad pa rab tu bshad/ /nyi ma gzhan la las brtsams te/ /bya rog sgro yis sbyin sreg bya/ /dri chen ro ni rgya chen dang / /sha za'i shing gis me sbar te/ /rlung phyogs kha ni bltas te bskrad/ /bdag nyid du ni gnas nas ni/ /zhag bdun gyis ni the tsom med/ /rnam par sdang ba bshad par bya/ /sngags pas nim pa'i 'dab ma dang / /sbrul gyi lpags brjes yang dag ldan/ /bya rog 'ug pa'i tshang dag dang / /smyo byed me ni rab sbar te/ /brgyad lhag brgya ni gzhug par bya/ /'jigs pa thams cad rnam par dbye/ /gnyen dang bshes rnams gtong bar 'gyur/ /dgug pa'i don du sbyin sreg ni/ /mtshan gyis 'di bzhin bsam gtan bya/ /seng ldeng me ni rab tu sbar/ /dus gsum du ni sbyin sreg spyod/ /de yi ming ni lan cig blang / /de la sngags kyis sbyor ba ste/ /rtag tu sngags pas sbyin sreg bya/ /nges par thams cad 'gugs pa yin/ /sngags pas nub mo sbyin sreg bya/ /'dod pas pho nya bcas pa ru/ /de yis thams cad 'grub par 'gyur/ /phyag rgya yi ni rjes 'jug pas/ /phyag rgya yi ni sbyor bar 'grub/ /rtag tu rgyal po dbang po dang / /yang dag sangs rgyas pha rol gnon/ /ye shes gzugs ni rnal 'byor che/ /'dod gzugs mar ni gyur pa ste/ /lha mo chen mo lha ma yin/ / 86.214a klu mo nyid kyi bu mor 'dod/ /srin mo dang ni nye srin mo/ /dri za dang ni gnod sbyin mo/ /mi rnams nyid ni thams cad du/ /'jig rten gsum ni dbang du 'gyur/ /drug bcu rtsa bzhi rab sbyar bas/ /rnal 'byor phyag rgya la ni rtse/ /bza' dang btung dang rnyed dang 'jigs/ /'di rnams kun ni yongs su btang / /de nyid don dam ye shes te/ /de nyid don dam go 'phang yin/ /de nyid don dam sangs rgyas nyid/ /de nyid don dam bde ba ste/ /gzhan du yod par mi brjod do/ /dam tshig nye bar spyad pa yin/ /rtag tu gnyis med phyag rgyar bcas/ /pho nya mchod pas rab tu 'phel/ /sgrub pos mchod pa tsam gyis ni/ /dngos grub kun ni shin tu byed/ /pho nya smad par mi bya ste/ /sgrub pos thams cad 'gugs pa yin/ /rgyab dang smad dang gcad pa dang / /longs spyod sdig pas gos mi 'gyur/ /pho nyas lhan cig skyes dngos grub/ /gsang ba'i mchod pa rab tu 'phel/ /rnal 'byor sbyor bral mi bya ste/ /'di rnams sngags ni smras pa yin/ /dpal khrag 'thung mngon par 'byung ba las phrin las bzhi'i sbyin bsreg gi cho ga'i le'u zhes bya ba ste nyi shu rtsa gcig pa'o// // de nas yang dag bshad par bya/ /ro langs chen po bsgrub pa'i thabs/ /dpal ldan khrag 'thung rnal 'byor che/ /'khor lo kun la rnam par gnas/ /me yi mar khu de yi sha / /bsregs blugs brgya rtsa brgyad blugs bya/ /de ru rdo rje phag mo byin/ /mkha' 'gro ma yi 'khor gyis bskor/ /ro langs srin pos yang dag gang / /bsregs pa rgod cing 'jigs par byed/ /lce spyang sna tshogs nga ro che/ /yongs su bskor nas 'jigs par sgrog /srin pos bsgram nas bsdigs par byed/ /'jigs pa'i dbyangs kyis bsdigs par byed/ /de mthong 'jigs par mi 86.214b bya ste/ /lus kyi sngags kyi nga rgyal bya/ /dpa' bo chen po legs zhes brjod/ /bdag nyid rdo rje sems brtul zhugs/ /sgrub po yid la ci 'dod pa'o/ /de la mchog ni brgya ster te/ /de yi gnas su dpa' bo 'gro/ /rnal 'byor ma yis yongs su bskor/ /de nas de ma thag nyid du/ /'jig rten gsum la spyod par 'gyur/ /rang nyid lha yi lus su skye/ /dpal chen skal bzangs 'dod pa'i gzugs/ /rtag tu de bzhin gshegs pa kun/ /nam mkhar kun tu spyod pa nyid/ /nad dang 'chi ba rnam par spang / /gnas kun la ni spyod pa ste/ /'di rnams las ni dam pa mchog /rnal 'byor ma dang dpa' bos bshad/ /gnas las rnam par rgyal bar 'grub/ /de nas dpal chen las rgyas byas/ /rdo rje sems dpa' bdag nyid che/ /rdo rje sems dpa'i go 'phang 'thob/ /de yi las ni rab tu 'grub/ /gang gis bzlas med rgyud kyang med/ /spyod pa med cing bsnyung ba med/ /yid kyis ma lus par byas nas/ /sems dpa' chen po 'grub par 'gyur/ /dpal khrag 'thung mngon par 'byung ba las ro langs chen po'i sgrub thabs kyi cho ga'i le'u zhes bya ba ste ny-i shu rtsa gnyis pa'o// // de nas dgug pa bshad par bya/ /mdor bsdus pa ste rgyas par min/ /bdag nyid khrag 'thung rnal 'byor gyis/ /'grub par 'gyur te the tsom med/ /thod pa dum bu gcig pa ste/ /skyon kun med cing mdzes pa la/ /bsgrub bya'i lus ni bri bar bya/ /de bzhin brgya phyed 'dab ma la/ /sngags dang ming ni lhan cig tu/ /khrag chen dang ni mnyes nas su/ /gser gyi smyu gus nang du bri/ /sngags ni 'gi wang khu bas so/ /steng nas 'khor lo kha sbyor yin/ /snying po bzlog ste bsgrub par bya/ /sngags ni bzlas shing gzhug par bya/ /sngags pas nam phyed du gnas te/ /'dab ma gcig ni yang dag blang / /lus kyi sngags 86.215a kyi nga rgyal gyis/ /'dab ma brgya ni sbyin sreg bya/ /sems kyis yid la ci 'dod pa/ /sbyin sreg pho nya'i ye shes dang / /gtor ma sbyin pa'i bye brag dang / /gnyis med ye shes rnal 'byor gyis/ /phyag rgya bcing ba bsam par bya/ /bsgrub bya de yis 'gugs par 'gyur/ /rgyal po'i bu mo bud med mchog /'khor los sgyur bar bcas pa dang / /gzhan du bya ba brtag mi dgos/ /dngos grub 'di rnams mchog tu gsang / /rnal 'byor mchog ni mngon du bsgrubs/ /mdun du dgyes byed mchog gis so/ /yang na las mchog dam pa dag /sgrub pos bsgrub bya'i lus dag ni/ /tsan dan dmar po'i rang bzhin las/ /gzugs brnyan dag ni rab tu byas/ /rang gi khrag dang gi wang gis/ /mngon par bris te snying gar gzhag /tsha ba gsum gyis lus ni byug /zangs kyi khab kyis bsgrub bya yi/ /snying dang lte ba gsang ba ru/ /gnas gsum dag ni phug pa ste/ /nam phyed kyi ni dus dag tu/ /snying po'i sngags ni go bzlog bzlas/ /gang 'dod de ni 'gugs par 'gyur/ /seng ldeng me la de srid gdung / /sngags ni rjes su dran pa yis/ /bsgrub bya myur du 'ong bar 'gyur/ /gnas der sangs rgyas 'jig rten sogs/ /rdo rje sems dpa' dag kyang ni/ /rlung gi shugs kyis 'ong bar 'gyur/ /sngags 'di dag ni dran tsam gyis/ /'jig rten gsum ni dbang du 'gyur/ /nam mkha'i bya yang lhung bar 'gyur/ /shing rnams kyang ni gus par 'gyur/ /chu ni rgyun las ldog pa ste/ /'khrul 'khor dang ni glang chen dang / /rta dang sbrul dang spre'u dag dang / /mtsho yi rlabs ni 'ching bar byed/ /ji ltar thang la 'gro ba bzhin/ /de ltar chu la 'gro bar 'gyur/ /gser gyi btsag gis b+ha ga bri/ /de steng lag pa g.yon pa ni/ /gzhag ste brgya rtsa brgyad bzlas bya/ /gang gi ming ni gzung na ni/ /de ni de ma thag tu 'ong / /rang gi mal stan la gnas te/ /lag pa 86.215b g.yon par rang rtags gzung / /gang gi ming brgya rtsa brgyad bzlas/ /de ni de ma thag tu ni/ /sangs rgyas dkar mo de bzhin du/ /rab tu 'dod par 'gyur ba yin/ /dpal ldan rdo rje phag mo ni/ /dran pas 'jigs par 'gyur ba ste/ /bzlas shing brtse bas sbyar bas ni/ /rig pa kun yang rmongs par byed/ /gang gis rig pa sbyor dran pas/ /'jig rten gsum ni dkrug par bya/ /rig pa 'di rnams zhes bya ba/ /dpal ldan phag mo zhes bya ba/ /rmongs dang dbye ba 'di rnams ni/ /khams gsum dbang du byed pa'o/ /bklags shing bshad pas dngos grub sogs/ /dngos grub kun byed 'jigs pa yin/ /bshes dang bu mo rigs sogs la/ /sngags 'di brjod par mi bya'o/ /thams cad ci bgyir 'gyur ba ste/ /sgrub po mthong bas nges par ltung / /mi mo'i mtshams las 'dzag 'gyur te/ /rtag tu ngo tsha btung bar 'gyur/ /gos med skra ni grol ba dang / /nu mkhrang bdag nyid gzhan dbang 'gyur/ /lus la rig pa mtha' dag dgod/ /de bzhin gshegs pa dang mnyam 'gyur/ /dpal khrag 'thung mngon par 'byung ba las dpal rdo rje phag mo'i rtsa ba'i sngags kyis dgug pa'i cho ga'i le'u zhes bya ba ste nyi shu rtsa gsum pa'o// // de nas kun du 'bad pa yis/ /phyag rgya chen po rab bsgrub pa/ /gang gis rnam par shes tsam gyis/ /sgrub pos dngos grub thob par 'gyur/ /mche gtsigs ma yi phyag rgya yis/ /sgrub po 'dod pa'i tshul gyis su/ /sa rnams kun la nges par spyod/ /lha dang lha min mi rnams ni/ /thams cad dkrugs nas de yis ni/ /'dod pa'i dngos grub rab tu ster/ /brtul zhugs med cing smyung ba med/ /bsam gtan dang ni ldan pa med/ /rjes su dran pa tsam gyis ni/ /'jig rten gsum ni dbang du 'gyur/ /gang gis skye ba'i go 'phang mthong / /lus la sa bon bkod 86.216a pas ni/ /'jigs shing skrag la brgyal bar 'gyur/ /rnam par rmongs shing 'dzum pa ste/ /'dod pas myos pa'i skye bo rnams/ /bud med nyid du gyur pa ni/ /sgrub pos mthong bas dgyes par 'gyur/ /sems ni rab tu myos par song / /rig pa 'di zhes bya ba ni/ /dpal ldan rdo rje phag mo las/ /nges pa ru ni 'byung ba ste/ /sems can thams cad dkrug pa yin/ /rang 'byung sangs rgyas kyis ni gsungs/ /sna tshogs rig pa de yis ni/ /lan cig bzlas shing bsgrub par bya/ /de bzhin gshegs pa 'dra bar ni/ /'jig rten pa yis mthong bar 'gyur/ /rig pas 'gugs shing de nas 'ong / /de ma thag tu rgyal ba dang / /gsungs pa'i 'dab ma yang dag blang / /'khor lo bdag gis mngon par bri/ /bya rog sgro yi smyu gus ni/ /mig gi chu yis yang dag bri/ /gang gis rlung gis 'thor ba ru/ /snying po bzlog la bzlas pa bya/ /steng du rlung gi 'khor ba ste/ /brgya byin yang ni skrag par 'gyur/ /dgra bo la ni mngon spyod do/ /dpal khrag 'thung mngon par 'byung ba las rdo rje phag mo'i go bzlog pa'i snying po'-i dgug pa dang bskrad pa'i cho ga'i le'u zhes bya ba ste nyi shu rtsa bzhi pa'o// // de nas mkha' 'gro ma y-i ni/ /mtshan ma ru ni 'gyur ba ste/ /pro tang gi ni phyag rgya zhes/ /gnyis pa pra ti pro tang gi/ /bde 'am zhes ni bya ba yin/ /phyag rgyar yang ni 'gyur ba ste/ /dpa' bo chen po'i brda yin no/ /mi na zhes bya ba ni 'gro ba yin no/ /lung zhes bya ba ni 'ong ba'o/ /de hi zhes bya ba ni chang gi btung ba'o/ /gre h+ya~M ni gnas so/ /tsa ru ka ni ston mo med ces bya'o/ /bru tsa ni zhes bya ba ni gtor ma'o/ /tsa ru ka ni khyim 'di zhes bya ba'o/ /na zhes bya ba bzang ba'o/ /bu ta ka zhes bya ba gtor ma'o/ /bun dzan+ti zhes pa 86.216b kun du mdzes pa'o/ /tsa ra ka ni mnyam par 'gro ba'o zhes bya bar gsungs so/ /sma ra na ma ni ngag gis bshig pa'o/ /ka t+ya ni bu mo'o/ /Da ha ni 'o byed pa'o/ /g+ha d+ha ni g.yogs pa'o/ /spar sha ni g.yon pa'o/ /e tad ta ni bza' ba dang bca' ba'o/ /bal na ka ni dam tshig go/ /si ra ni mchod pa'o/ /a li ka~M bden par gsung pa'o zhes gsungs bar 'gyur ba'o/ /lA la nA ni khro ba zhes gsungs bar 'gyur ro/ /sa sra ba Na~M rna ba zhes gsungs so/ /sa ta ni srog ces su shes par 'gyur ro/ /shA s+t+ri ni chung ma zhes su gsungs so/ /b+ha gi ni bu mo dang sbyor bar 'gyur ro zhes su brjod par 'gyur ro/ /a shwa tA~M ni bud med kyi nu ma'o/ /ba laHta ka ni skyes bu'o/ /pa la ha ka ni de dag 'khrud pa'o/ /kA na tA ni ma'o/ /tA li ka ni mkha' 'gro ma'o/ /ka n+ya ni 'dod pa'i skyes bu'o/ /me ra ni yod pa'o/ /bA sa ka ni dkyil 'khor ro/ /na ra ka zhes pa dur khrod do/ /ka khI ni sgo'o/ /sha ba ni bram ze'o/ /ba ri d+hi ni rgyal rigs so/ /pa ri d+hi ni rje rigs so/ /ku ra ni dmangs rigs so/ /an ta s+thaM ni gtum mo'o/ /gr-i he ni phyugs so/ /hi hi zhes pa gsod pa'i ston mo'o/ /DA ki nI 'dus pa'o/ /ud kaM ni zla ba'i btung ba'o/ /gr-ih+Na ni phyag rgya rnams so/ /dz+wi hwa ni ro'o/ /so la reg pa ni ltogs pa zhes brjod pa'o/ /an troM zhes pa ni 'drangs pa'o/ /gan+da ba si ni gnas pa'o/ /bi ma la zhes pa ni che ge mo'i gnas so/ /ki ra Na ni me tog go/ /rgod pa ni khro bar brjod pa'o/ /la~M po da raHso zhes par gsung bar 'gyur ro/ /mu kha ni tshos mkhan du 'gyur ro/ /dzi hwa ni mi 'jigs par gsungs so/ /a da na ni so so'i phreng ba'o/ /d+h+wa dza ni tshan d+ho ha'o/ /tsa la ni rlung ngo / /pa shu ni ri dgas so/ /mI sa yan ti ni dkyil 'khor ro/ /sa maM ni bzhi mdo'o/ / 86.217a go ta ni khrag go/ /ma hA Sha ba sa ni mi 'gyur ba chen po'o/ /a hi zhes bya ba ni dbang phyug chen po'o/ /si d+hi ni rnam grangs so/ /kha la reg na ltogs pa zhes pa'o/ /so la reg pa ni tshim zhes pa'o/ /a D+h+ya ni dbul po zhes su gsungs so/ /gsang bar reg na 'khrig pa'o/ /brla la reg na gyis zhes pa'o/ /'og tu bltas na med zhes pa'o/ /steng du bltas na yod ces pa'o/ /mkha' 'gro ma rnams kyi mtshan ma'o/ /dpal khrag 'thung mngon par 'byung ba las gsang ba'i brda'i cho ga'i le'u zhes bya ba ste nyi shu rtsa lnga pa'o// // de nas mchod pa'i bye brag rnams/ /g.yon nas byung bas bya ba ste/ /cho ga shes nas phyag gi lan/ /dpa' bo rnal 'byor ma las byung / /sa ni spyan mar bshad pa yin/ /chu khams mA ma kI ru brjod/ /gos dkar mo dang sgrol ma ni/ /me dang rlung du rnam par gnas/ /'o byed ma ni stong pa'o/ /de bzhin pha rol phyin pa'o/ /mdzub mo'i lcags kyu'i spyan ma ste/ /mthe bong mA ma kI ru brjod/ /gung mo gos dkar mo ru brjod/ /mthe'u chung la ni sgrol mar sbyar/ /ming med la ni pha rol phyin/ /dpa' bo rnal 'byor dbus su mthong / /gnas la sogs pa'i rnal 'byor ma/ /thams cad rgyab tu gshegs su gsol/ /de ltar g.yon pa khyad par can/ /slob ma rnams ni bdag nyid che/ /rdo rje sems dpa' thabs chen dang / /de bzhin gshegs pa rnam snang mdzad/ /gsum pa pad ma gar dbang phyug /bzhi pa he ru ka ru brjod/ /lnga pa nam mkha'i snying po ste/ /drug pa la ni rta mgrin no/ /de bzhin khro bo'i rdo rje mchog /'khor lo'i gnas la blta bar bya/ /bya ba thams cad bsgrub pa la/ /rang ming brjod pa'i sngags dang ni/ /hU~M hU~M phaT yig sbyar ba yin/ / 86.217b gshin rje'i phyogs nas brtsams nas ni/ /ji srid bden bral gyi ni bar/ /g.yon pa'i kun spyod 'di rnams 'dod/ /mkha' 'gro ma ni mnyam par gnas/ /'di rnams rang gi rigs dang ni/ /phyag rgya dang ni kha dog rigs/ /rigs kyi rig pa yi ge nyid/ /gang phyir de yi rigs su 'gyur/ /rang gi phyag rgya bcings pa yin/ /smra ba rang gi rigs ni brjod/ /bud med gang zhig g.yon du 'gro/ /rtag tu mkha' 'gro ma ni g.yon/ /ngag ni rab tu chen por smra/ /g.yon pa'i lte bas kun du blta/ /bud med rnams la dgyes par smra/ /de ni dam tshig zhes su brjod/ /bud med rnams la gsol ba gdab/ /rigs kyi sa bon rab tu brjod/ /rigs kyi bya ba btang mi bya/ /rang gi bstan bcos brjod mi dor/ /rang gi rigs kyi rig pa bzlas/ /de bzhin du ni dam tshig bstan/ /gang zhig phyag ni byed pa ni/ /rtag tu g.yon pa yis ni bya/ /bud med rnams dang mthun par bya/ /de yis nges par bden par 'byung / /rkang pa g.yon pa'i mthe bong gis/ /sa la brko zhing ri mo 'bri/ /lag pa g.yon pa rang phyogs kyi/ /spyi bo la ni 'drud par byed/ /de yis rang gi rig pa dran/ /sgrub po'i lus la phan pa yin/ /mkhur tshos dang ni kos ko dang / /sna la snyim pas reg pa yin/ /logs su blta zhing sngags bzlos dang / /lan cig rig pa la ni blta/ /rnal 'byor ma ni bde bar 'gro/ /gang gi dam tshig nges pa yi/ /mkha' 'gro ma rnams rnyed par dka'/ /rnal 'byor ma rnams de bzhin no/ /bdud rtsi lnga ni bden par 'gyur/ /dngos grub kun byed mdzes pa'o/ /mkha' 'gro ma rnams rigs dang ni/ /'di ru dpa' bo la sogs mtshan/ /thod pa bla re mche ba dang / /'khor lo rgyal mtshan ral gri dang / /rtse gcig tu ni brgyad par brjod/ /mkha' 'gro 86.218a ma yi rigs phyag rgya/ /dpa' bo sgrub pa rab tu grags/ /dpal ldan rdo rje phag mo yi/ /rigs las yang dag byung ba yin/ /rnal 'byor chen po dbang phyug gtso/ /gang zhig rtag tu sha la srad/ /mkha' 'gro thabs kyi nga rgyal gyis/ /zad pa med cing khyed par med/ /de bzhin gshegs pa'i rigs su 'byung / /'jigs pa med cing ngo tsha med/ /thams cad dus su 'gyod pa med/ /mchod pa byed par 'dod pa ste/ /sgrub pos mtshan ni thog thag tu/ /gzhan la nam yang bshad mi bya/ /dpal ldan khrag 'thung mngon par 'byung / /zhes bya gang gis bklags pas 'grub/ /sgrub pos dka' ba med pa ru/ /sa 'og tu ni 'gro bar 'gyur/ /sems can la ni phan dang gnod/ /yul kun la ni skyes pa la/ /ji ltar rim pa zhi dang rgyas/ /dpal khrag 'thung mngon par 'byung ba las lag pa'i brda dang rnal 'byor ma'i mtshan ma dang / phyag rgya'i mtshan ma'i cho ga'i le'u zhes bya ba ste nyi shu rtsa drug pa'o// // de nas yang dag bshad bya ba/ /mngon sum dngos grub ster ba dang / /gang gis bris pa tsam gyis ni/ /rdo rje sems dpa' 'ang brlag par 'gyur/ /ro dang btsun mo'i 'dzag pa las/ /rab dang 'bad pas yang dag blang / /bcu bzhi dang ni nag po'i brgyad/ /ro bsregs khung bu'i sol ba yis/ /thams cad rdo rje zhal bzhi pa'i/ /sngags ni rab tu chud par bya/ /sgrub pos gang zhig gnas su ni/ /lan bdun bzlas la brkos la gzhug /nyi ma bdun gyis nges par 'gyur/ /gshin rje'i gnas su 'gro bar 'gyur/ /de bzhin rig pa'i stobs kyis ni/ /lus la mngon par brgyan byas pa/ /de yang yid kyi rnal 'byor gyis/ /mngon spyod kyis ni 'chi bar 'gyur/ / 86.218b de ltar cho ga yang dag ldan/ /thams cad las ni bsgrub par 'gyur/ /rang nyid kyis ni sngags gzung na/ /bskal pa bye ba brgyar yang ni/ /'grub pa dag tu yang mi 'gyur/ /de kho na nyid bsdus pa dang / /dpal mchog dang po yi 'khor lo sdom/ /rdo rje 'jigs byed la sogs par/ /man ngag nye bar 'gro ba ni/ /lus kyi dbus na yod pa ste/ /rdo rje khrag 'thung ye shes ni/ /sgrub pos gang gis mi shes pa/ /gang zhig brtul zhugs yun ring yang / /de las dngos grub med par 'gyur/ /'di ru las mchog shes par bya/ /sngags gzhan rgyas pa ci zhig dgos/ /'di rnams kun ni yongs su btus/ /rab tu 'bad pas 'di ru gzung / /sgrub pos gang dang gang gis ni/ /bsgom dang bzlas pa brtsams pa yin/ /de dang de yis rnal 'byor bdag /'dod pa'i 'bras bu thob par 'gyur/ /ji ltar nor bu dang ba dag /rdzas las brten nas gzugs ni 'dzin/ /de ltar dpal ldan khrag 'thung rgyal/ /bsam gtan yang dag mchog tu 'gyur/ /dngos po gang dang gang dag la/ /mi rnams yid ni yang dag sbyor/ /de dang de yi rang bzhin 'gro/ /sna tshogs gzugs can nor bu 'dra/ /sgrub po rnal 'byor gzhon la 'dod/ /bskal pa bye ba bgyis mi 'grub/ /bya ba'i rgyud kyis bsgrub pa la/ /dpa' bos rab tu sbyor ba sbas/ /ji srid snying po rgyas kyi bar/ /de dang de ni nyon mongs 'gyur/ /dpal khrag 'thung mngon par 'byung ba las nang gi bsam gtan dang bzlas pa rnam par dag pa'i cho ga'i le'u zhes bya ba ste nyi shu rtsa bdun pa'o// // de nas bsngags shes shin du gsang / /sbyor shes de nyid rnal 'byor brtsam/ /'gro ba kun ni rmongs pas khyab/ /kri yi lam la bsgrub pa yis/ /bskal pa bye ba brgya yis kyang / /de la 'bras bu thob pa med/ /sngags 86.219a rnams 'di ni thams cad ni/ /dpa' bo dag gis sbas pa ste/ /de nas rnal 'byor shes pas sngags/ /gcig min yi ge ma lus pas/ /sbas nas yang ni thams cad la/ /brtson 'grus stobs kyi pha rol gnon/ /dpal ldan khrag 'thung mnyam bkug ste/ /slob dpon bdag nyid chen pos ni/ /myur du dngos grub skye bar 'gyur/ /de ltar rtags ni ston pa'o/ /phyag rgya dang sbyor sgrub pa pos/ /nyon mongs med las 'grub par 'gyur/ /dam tshig med pas bklags pa dang / /gang gis nam yang nyan pa de/ /ngan pa'i bdag nyid can gyis 'joms/ /rnal 'byor ngan 'gro'i lam du 'gro/ /'j-ig rten g.yon la spyod pas dran/ /g.yon pa'i sngags las kun du dmigs/ /thams cad g.yon pas kun du bya/ /dngos grub kun ni rab tu ster/ /rnal 'byor ye shes sbas nas ni/ /kr-i yi'i bstan bcos la ni 'jug /rab tu 'bad pas sgrub pa pos/ /de dang des ni 'grub par 'gyur/ /dpal khrag 'thung mngon par 'byung ba las sbas pa'i sngags dang dam tshig bsrung ba'i cho ga'i le'u zhes bya ba ste/ nyi shu rtsa brgyad pa'o// // de nas gsang ba'i gnas bzhi dag /yang dag bsdus te bshad pa yin/ /ba lang lci ba skam po dang / /de bzhin lhag ma mgo skam dang / /ro bsregs bzhi yi mgo ri dang / /'byung ba chen po bzhi pa'o/ /'bum la phyed dang brgya yis dman/ /dkyil 'khor dag ni bzhengs pa ste/ /gsum mtha'i thig le'i steng du'o/ /bzhi pa'i mtha' ni rab tu sbyar/ /'bum mthar nyi shu rtsa bzhi'i phyed/ /bden ba gnyis la mnyam par brten/ /rtag tu drug bcu rtsa bzhi mchod/ /'dod pa'i don kun bgrub par 'gyur/ /'jig rten dbang phyug thang shing la/ /mi gang mnyam par spyod 86.219b pa'i mchog /sdig kun rnam dag bdag nyid do/ /'jig rten 'di dang pha rol du/ /sangs rgyas nyid mthong skad cig gis/ /ha gnyis thog mar dbang phyug dang / /ha gnyis bzhi yi khro bo ste/ /sa ra sa ni nyid dag dang / /ngang pa dang ni ka ran dang / /khrung khrung dang ni chu skyar dag /sngags bya chen por brjod pa ste/ /mkha' 'gro ma yi gtor ma spyod/ /dkyil 'khor la ni dngos grub bsgrub/ /sngags pas lan cig tu ni brjod/ /gzugs can mi ni myur du 'ong / /dgug cing dbang du 'gyur ba ste/ /ji srid 'tsho bar 'gyur ba ste/ /bud med stong gis yongs bskor nas/ /sgrub pos sa yi steng du rtse/ /dpal ldan rdo rje phag mo ni/ /gro gar gi wang gis bris te/ /rtag tu sgrub po'i spyi bor btags/ /kun gyi khrag 'thung 'dra bar mthong / /gos dmar yongs su bgos nas ni/ /sgrub pos mtshan ni thog thag du/ /chu las yongs su bzlas nas ni/ /shing la bsnan ne me tog lhung / /skyes pa bud med phrag pa la/ /lag pa bzhag ste bzlas nas ni/ /rdo rje phag mo dbang du 'gyur/ /man shing la lan nyi shu bzlas/ /rkang pa la byugs mgo gnon 'gyur/ /go ro tsa na la lan ny-i shur mngon par bzlas pa byas nas gang thig ler byas pa de thams cad skye bo kun gyis byams par 'gyur/ /rgyal rigs nang du 'jug na sku drin chen por 'gyur ro/ /mig sman la lan brgyad brgyar bsngags te/ mig la mig sman byugs na mi snang bar 'gyur ro/ /yungs kar la lan bdun mngon par sngags te/ skyes bu la bsnun na shin du 'gyur ro/ /yid kyis ni grol bar 'gyur ro/ /chu la yongs su bzlas nas bsnun na khrag 'dzag par 'gyur ro/ /sgrub pa po'i sngags 'di yis/ /ston mo'i bya ba bza' ston mo/ /kun nas kun du thams cad tu/ /rnal 'byor ma ni dgyes par 'gyur/ / 86.220a thal ba la yongs su bzlas nas gzhan gyi rigs la bsnun na rengs par 'gyur ro/ /gos la brgyad brgyar yongs su bzlas te mdud pa bcings na gos shin du mang bar 'gyur ro/ /de ltar nor dang gos dang / gzhan yang btung ba la sogs pa mang por 'gyur ro/ /chu la bzlas te chur blugs na chu skam par 'gyur ro/ /thal ba la yongs su bzlas te zho la bsnun na khrag tu 'gyur ro/ /yid kyis bzlas na thams cad grol bar 'gyur ro/ /dur khrod kyi thal ba la brgyad brgyar mngon par bsngags te thig le byas na mi snang bar 'gyur ro/ /mar la yongs su bzlas te mnyes nas sgo la reg na sgo rang 'byed par 'gyur ro/ /bum pa la yongs su bzlas te chus bkang na mi mthong bar 'gyur ro/ /yid kyis ni grol bar 'gyur ro/ /lcags kyi phur bu la mngon par bsngags te/ 'o ma can gyi shing bcad nas yam shing la lan cig byas te/ gang gi ming dang sngags brgyad brgyar bzlas te bsregs nas/ de'i thal ba blangs te skyes pa la byugs na bud med du 'gyur ro/ /tsan dan la yongs su bzlas te bsnun na brlag par 'gyur ro/ /lan tshwa la yongs su bzlas te skyes pas bud med la byin na de dbang du 'gyur ro/ /me tog la yongs su bzlas te mi yi lus la bsnun na smyon par 'gyur ro/ /thal ba la yongs su bzlas te thig le byas na gos dang bral bar 'gyur ro/ /yid kyis ni grol bar 'gyur ro/ /skyes pa'am bud med gang gi rkang pa g.yon pa'i rkang rjes kyi rdul blangs te gos bcings nas gang gi ming bkod de sbas na bcings par 'gyur ro/ /skud pa la yongs su bzlas te mdud pa gsum byas nas lan bdun mngon par bsngags pa dgra bo'i dbus su bcug na sbrul du 'gyur te/ de'i mche bas btab nas mi gsod par 'gyur ro/ /slar yang brgyad brgyar bzlas 86.220b na 'tsho bar 'gyur ro/ /me tog la mngon par bsngags pa byas nas sa spyi bor bzung na mi snang bar 'gyur ro/ /mi snang bar gyur kyang bud med thams cad kyis mchod par 'gyur ro/ /me tog la mngon par bzlas te mngon par gtor na de nyid du gnas par 'gyur ro/ /yid kyis ni grol bar 'gyur ro/ /'jim pa'i gong bu la yongs su bzlas te spyi bor bzung na spyi bo mi mthong bar 'gyur ro/ /yid kyis ni grol bar 'gyur ro/ /dpa' bo'i chu la yongs su bzlas te bsnun na 'gyel bar 'gyur ro/ /yid kyis ni grol bar 'gyur ro/ /phyag rgya yongs su brje zhing bsgos na gzugs yongs su brje bar 'gyur ro/ /dza ti dang tsam pa ka'i me tog rnams la rtag tu mngon par sngags pa byas nas gan ti ka dang sbyar ba'i dris 'gugs par 'gyur ro/ /chang yang dri chen du dri 'gyur bar the tshom med do/ /dpal khrag 'thung mngon par 'byung ba las dpal rdo rje phag mo'i snying po'i sngags kyi cho ga'i le'u zhes bya ba ste nyi shu rtsa dgu pa'o// // de nas gsang ba thams cad kyi/ /yid 'ong ston mo la 'dus pa/ /gang zhig yang dag shes pa ni/ /gnyis med ye shes rnal 'byor rnams/ /sha dang chang du ldan pa yi/ /ston mo sna tshogs kyis ni 'grub/ /skal ldan mdza' ba'i longs spyod kyis/ /tshe 'di dam par 'grub par 'gyur/ /skyes pa dang bud med kyi gan du song ste rin po che rnams sdud par byed do/ /de phyir bla mad dkon mchog gsum/ /shes par bya ste 'grub par 'gyur/ /ka ba gcig dang sgo dgu dang / /skud pa gsum dang lha rnams ni/ /thams cad gnyis med rnal 'byor kyis/ /rab tu 'grub par the tshom med/ /chu la yongs su bzlas te zla ba'i btung ba la blugs na mer 'gyur ro/ /yid kyis ni grol bar 'gyur ro/ /las 86.221a rnams thams cad sgrub pa pos/ /de nas ri yi chu blangs te/ /tsan dan dmar po nyid la zla ba drug tu nye bar longs spyad na nad thams cad rnam par spong zhing / lo stong phrag gcig tu gson zhing skra dkar dang gnyer ma rnams spong ngo / /sa bon nag po blangs te sngags pas dngos po kun gyi snar blugs nas/ rnal 'byor pas bzlas na gnyer ma dang skra dkar dang mchi ma rnams kyis mi tshugs so/ /tshe nyams pa dang skal pa bzang po dang skal ba ngan pa rnam par spong ngo / /nad thams cad rnam par spangs shing lo stong phrag gcig tu gson par 'gyur ro/ /don rnams kun gyi sgrub pa pos/ /de ltar cho ga yang dag ldan/ /bcom ldan mo yi lus gzugs kyis/ /bzlas dang brtul zhugs bral bas kyang / /mchog tu 'grub par 'gyur ba yin/ /bla ma'i spyod pa sangs rgyas mnyam/ /brtson 'grus ldan zhing pha rol gnon/ /gru gsum gyi ni dkyil 'khor du/ /gal te rgyal po de mchod byed/ /sems can rjes su gzung ba'i phyir/ /de ru rtag tu nga 'dug ste/ /rang byung me tog la sogs pas/ /rtag tu bdag nyid mchod par bya/ /dpa' bo zla ba gcig gis 'grub/ /ji ltar rang bzhin de bzhin 'gyur/ /da yi sku drin mchog de nyid/ /rdo rje phag mo'i rnal 'byor ma/ /rnal 'byor chen po'i dbang phyug ste/ /chung ma dga' ba med par 'gyur/ /yid kyis sngags ni yongs bzlas na/ /gnyis med ye shes rnal 'byor gyis/ /sems can thams cad dbang 'gyur zhing / /dngos grub thams cad the tshom med/ /dpal khrag 'thung mngon par 'byung ba las rnal 'byor ma rnams kyi tshe 'phel dang / mchod pa'i cho ga'i le'u zhes bya ba ste sum bcu pa'o// // de nas gser la sogs pa ni/ /thams cad dgug pa'i mchog yin no/ /sngags rnams kun nas sbas pa ste/ /rnal 86.221b 'byor rgyud gcig rnal 'byor ldan/ /nor gyi bdag po'i khyim song ste/ /gser gyi chu la lan bdun du/ /mngon par bsngags pa byas nas ni/ /gang gi khyim du gtor byas te/ /lhag mas bdag nyid dbang bskur na/ /nyin zhag bdun na gser rnams 'gugs/ /dpag tshad stong phrag gcig gi sa/ /thig le byas na bsgrub bya 'gugs/ /slar grol kha T+wA~M ga la lan bdun mngon par bsngags pa byas nas de la 'dug na dpag tshad brgyar 'gro ba dang 'ong bar 'gyur ro/ /dur khrod kyi thal ba la lan bdun mngon par bsngags pa byas nas gang blugs pa de dbang du 'gyur ro/ /phaT yig dang bcas pas rgyas btab par 'gyur zhing rengs par 'gyur ro/ /de nas bcom ldan 'das ma dpal rdo rje phag mo'i yid kyis 'dod pa bzhin bzlas na/ 'dod pa thams cad ji ltar bsam pa bzhin 'ong bar 'gyur ro/ /nyin zhag bdun la 'bum phrag stong gi sbyin sreg gis dpal 'ong bar 'gyur ro/ /rigs can rnams la sbyin pa ster bar 'gyur ro/ /man shing srang gcig blangs te/ nag po phyogs kyi bcu bzhi'i nam phyed na mchod pa byas te/ mar me chen por sbar zhing gtor ma dang lha bshos phul te/ /brgyad brgyar mngon par bsngags nas any+dza na bskus na mi snang bar 'gyur ro/ /dpag tshad stong phrag gcig tu 'gro zhing 'ong bar 'gyur ro/ /de nas ka ra bi ra'i me tog stong phrag cig du sbyin sreg byas na nam mkhar lha mo gnas shing bud med thams cad dbang du 'gyur ro/ /chu'i nang du zhugs te mar dang sbrang rtsi la stong phrag brgyad du bzlas nas ji srid 'dod pa de srid du sbyin sreg byas na de nas 'dod pa thams cad 'grub par 'gyur ro/ /rkun mo dang rgyal rigs kyis nges par 'tshe ba dang / rdo rje sems dpa' yang yid kyis bzlas nas rdo rjes nges par 'gyur ro/ /dpal khrag 'thung mngon par 86.222a 'byung ba las rdo rje phag mo'i yi ge drug gi sngags kyi las thams cad kyi cho ga'i le'u zhes bya ba ste sum bcu gcig pa'o// // de nas gsang chen thams cad ni/ /gzugs ni yongs su brje ba ste/ /rgyud rnams kun la gsang ba ni/ /'di ru gsang ba'i bya ba gsungs/ /ba lang gi spu las thag pa byas te lan bdun mngon par bsngags nas/ gang gi ske la bcings pa de yang ba lang du 'gyur ro/ /de ltar sems can gyi ske la bcings par gyur pa de ni de dang 'dra bar 'gyur ro/ /so ba la mngon par sngags te so ba'i bdag po'i khyim du gtor nas lhag mas bdag nyid dbang bskur bar 'gyur ro/ /nyin zhag bdun gyi so ba thams cad dang nor gzhan kun 'gug par 'gyur ro/ /dur khrod kyi shing la mchil lham byas te mngon par bsngags nas/ de la mngon par gnas na gang du 'dod pa der 'gro zhing slar yang 'ong bar 'gyur ro/ /bcom ldan 'das ma'i snying po'i yi ge drug pa zlos shing rjes kyi rdul dang thal bar bcas pa la/ lan bdun mngon par sngags pa byas nas gang la byugs pa de rgyas btab par 'gyur ro/ /yid kyis ni grol bar 'gyur ro/ /sngags bzlas shing spyi bor bcings na gang gis kyang mi mthong bar 'gyur ro/ /gang du 'dod pa der 'gro bar 'gyur ro/ /nyi ma la mngon par bltas te ming dang sngags bzlas na de 'gugs par 'gyur ro/ /zhag gcig gis dpag tshad gcig tshun chad dbang du 'gyur ro/ /zhag gsum gyis dpag tshad bcu tshun chad do/ /zhag bdun gyis dpag tshad nyi khri tshun chad 'gugs par 'gyur ro/ /byi la'i spu dang gang gi ming dang lhan cig sbyin sreg byed na de gza' chen pos gzung bar 'gyur ro/ /gang la des bcings pa de byi lar 'gyur ro/ / 86.222b de ltar khyi dang bya rog gi rgyus pas srad bu byas te mngon par sngags na de bya rog tu 'gyur ro/ /de ltar sems can gang gis srad bu blangs te mngon par bsngags nas mgrin pa bcings na de na de dang 'dra bar 'gyur bar the tshom med do/ /bkrol bas ni grol bar 'gyur ro/ /skyes pa'i skra'i srad bu la lan bdun mngon par bsngags pa byas nas bud med gang gis mgrin pa la bcings na de ni skyes par 'gyur ro/ /de ltar bud med kyi skra la srad bu bsgril te lan bdun mngon par bsngags nas skyes pa gang gi mgrin par bcings pa de ni bud med du 'gyur ro/ /lag pa la lan bdun mngon par sngags pa byas nas reg na mngal 'pho bar 'gyur ro/ /bkrol bas ni grol bar 'gyur ro/ /de nas bcom ldan 'das ma yid kyi bzlas na rigs thams cad dbang du 'gyur ro/ /rtag tu bzlas na dpal mo skye bar 'gyur ro/ /dpal khrag 'thung mngon par 'byung ba las de nyid sngags kyis gzugs thams cad yongs su brje ba dang / dbang du byed pa'i cho ga'i le'u zhes bya ba ste/ sum bcu rtsa gnyis pa'o// // de nas phur bu'i cho ga bshad/ /bram ze'i dmod pa 'dra ba yi/ /rnal 'byor yan lag yang dag blangs/ /gsang ba'i las ni skye bar 'gyur/ /spre'u yi rus pa'i rang bzhin las/ /phur bu sor ni drug par bya/ /lan bdun du ni mngon par sngags te/ /gang gi sgo ru sbas pa ni/ /de yi rigs ni chad par 'gyur/ /ba lang glang chen rta dang ni/ /bong bu rnga mo ma he sha /gnas pa'i sa der sbas na ni/ /de rnams brlag par 'gyur ba yin/ /mdor bsdus nas ni gsungs pa yin/ /gang zhig rtag tu 'di bsgom pa/ /rtag tu mig mi 'dzums par blta/ /gang la bzlas par 'gyur ba yis/ /de yi mig ni 86.223a ltung bar 'gyur/ /gang gi ming dang sngags su bzlas/ /de yi khrag ni 'gugs par 'gyur/ /thams cad bdag nyid bcom ldan no/ /rig pa'i mchog ni nyer spyod kyis/ /las ni kun du bya ba yin/ /ji ltar 'dod pa dpal khrag 'thung / /rdo rje phag mo'i snying po dang / /de bzhin nye ba'i snying po'o/ /dpal khrag 'thung mngon par 'byung ba las las kyi cho ga'i le'u zhes bya ba ste sum bcu rtsa gsum pa'o// // de nas yang dag bshad bya ba/ /rnal 'byor ma rnams mchog tu mdzes/ /gsang ba'i bla ma bla med bsngags/ /lha rnams kyis kyang rnyed par dka'/ /lha mo kun gyi snying po ni/ /'dod pa'i don kun sgrub par byed/ /b+ha yig bdag gis rab tu gsungs/ /o yig sa bon zhes su brjod/ /ji ltar e yig sa bon la/ /me yi bu ni gsum pas dbye/ /hU~M phaT yi ge mtha' ru sbyar/ /'di rnams yi ge drug pa'i sngags/ /mdor bsdus nas ni gsungs pa yin/ /gang zhig rtag tu 'di bsgom pa/ /rnal 'byor dngos grub 'bras skal ldan/ /rtag tu de la bud med bzang / /sgrub po la ni 'ong bar 'gyur/ /'dod pas brgyal bar gyur na ni/ /sna tshogs kun tu 'dzag pa ste/ /sems ni 'dod pas dgyes nas su/ /de rnams kun ni 'ong bar 'gyur/ /rtag tu bzlas na bud med rnams/ /rgan dang gzhon pa dbang du 'gyur/ /byin gyis brlab pa byed par 'gyur/ /rang gi khyim du zhugs nas ni/ /ji ltar 'dod pa bzhin brtag pa'i las 'di nye bar spyad pa ni/ las kun byed par 'gyur ro/ /mtshan thog thag tu bzlas pa byas te/ sgrub pa bo shin du mnyam par gzhag pas pho nya bsgrub bo/ /de'i lag mthil du song ba'i dpal sus kyang 'phrog par mi nus so/ /khang stong du zhugs nas nub du kha bltas te/ stan la 'dug nas gos kyis yol bar byas te/ de la bza' ba dang btung ba'i ston mo byin te/ 86.223b sman rnam pa lngas spos byas te mar khu chen pos me mar rab tu sbar la stong phrag gcig tu bzlas pa byas te/ de nas rnal 'byor ma thams cad 'das nas dkyil 'khor la zhugs te sgrub pa po la 'das pa dang / ma 'ongs pa dang / da ltar byung ba thams cad ston par 'gyur ro/ /sha dang kha zas kyi lhag mas rnal 'byor ma rnams la gtor ma byin te/ 'gi'u wang la brgyad brgyar mngon par bsngags nas mig la any+dza byugs na mi snang bar 'gyur ro/ /gang gis nam yang 'di dam tshig med pa la brjod par mi bya ste/ rnal 'byor ma thams cad kun nas 'gro bar 'gyur ro/ /ji ltar dpal he ru ka la mchod pa bzhin/ de ltar slob dpon rab tu 'bad pas mchod do/ /cho ga bzhin du dgyes par byas te dpal he ru ka bgyes par byas nas rnal 'byor rnams 'dis dgyes nas mchog ster zhing / slob dpon dgyes nas thams cad dgyes par the tshom med do/ /dpal khrag 'thung mngon par 'byung ba las/ dpal rdo rje phag mo'i nye ba'i snying po'i sngags btu ba'i las kyi cho ga'i le'u zhes bya ba ste sum bcu rtsa bzhi pa'o// // de nas yang dag bshad bya ba/ /phyag rgya chen po rab bsgrub pa/ /sngon bzhin thang ka'i mdun du ni/ /gang gis myur du de 'grub 'gyur/ /yid kyis dbang bskur thob pa ni/ /rnal 'byor chen po la gnas te/ /dngos grub kun kyang phyag rgya ste/ /sgrub pos yang dag mchod par bya'o/ /dpal he ru ka dang rdo rje mkha' 'gro ma rnams 'ongs nas mchog ster bar byed do/ /de la arga phul te pus mo sa la gtsugs nas lag pa thal mo sbyar te/ sgrub pa'i mchog gis mchod par bya'o/ /sgrub pa po'i lus la 'jug par the tshom med do/ /dpa' bo'i mig ni rab tu gdangs pa dang / thams cad shes shing gtso bo thams cad byed pa dang / de nas sgrub pa po mchog 'jig rten gsum du thams cad du 'gro ba'o/ /dpa' bo 'di rnams 86.224a ye shes che/ /gnyis pa thams cad rnam par spangs/ /gang gis rnam par shes tsam gyis/ /sa dang rgya mtsho ska rags te/ /lha dang lha min mir bcas pa/ /myur du dbang du byed par 'gyur/ /o~M shrI he ru ka ya bid ma he bid+yA rA dzA ya d+hi ma he p+ha b+no bA ri tse da ya te swA hA/ bsgrub bya'i spyi bo la sngags kyi rgyal po 'di bkod pas rengs par 'gyur ro/ /sngags 'di rnams rnam par shes nas stengs su stobs 'dzin par 'gyur ro/ /rgya mtsho'i rlabs dang / glang po che dang / spre'u dang / 'khrul 'khor dang / rta dang / de bzhin du dmag mi rnams 'dir lus la bkod na rengs par 'gyur ro/ /de ltar yongs su bkod pa yis/ /gru gsum dkyil 'khor yang dag ldan/ /dpal ldan rdo rje 'dzin pa yang / /skad cig tsam gyis long bar 'gyur/ /kha yi dbus su rnam par bkod/ /de bzhin lce dang rkan la'o/ /de ni myur du dge bar 'gro/ /rdo rje sems dpa' mnyam pa yang / /skad cig gis ni mi smra 'gyur/ /lce yi rtse nas rig pa 'phrog /'di ru bkod pas 'grub par 'gyur/ /sngags kyi rgyal po snying gar dgod/ /sems ni 'phrog par byed pa yin/ /rkang pa mthil nas mgo yi bar/ /nag po'i gzugs ni rnam par dgod/ /dbang po thams cad 'phrog pa ru/ /byed pa ru ni the tshom med/ /las 'di thams cad byed par 'gyur/ /'dod pa'i dngos grub rab tu ster/ /'di rnams de yi dpa' bos gsungs/ /'dod pas sa stengs rnyed par dka'/ /bdag nyid yid bzhin nor bu nyid/ /de nyid bsdus par rnam bshad pa/ /'di yi sngags dang 'dra ba med/ /'di yi las dang mnyam pa med/ /rnam par mi shes pa yis ni/ /cung zad las ni 'grub pa med/ /sngags kyi rgyal po rnam par shes/ /dngos grub thams cad mdzes par byed/ /rang gi lus la rnam par dgod/ /sgrub po 86.224b shin du mnyam gzhag pas/ /des ni bltas pas dbang du 'gyur/ /thams cad sgrub po'i gtso bo yis/ /rab tu khros pas gsod par 'gyur/ /brtul bzhin rnam par khros pa yis/ /chu bo dang ni rgya mtsho dang / /'khrug pa dang ni rgyal rigs dang / /rkun po me yis 'jigs pa las/ /de yis rdo rje thog tu 'gyur/ /gang der yang dag bris pa yis/ /'jig rten gsum yang g.yo ba dang / /dngos grub thams cad thog par 'gyur/ /sgrub po mchog tu gyur pa yis/ /dbang dang dgug dang rengs pa yis/ /rnam par sdang ba bskrad dang gsad/ /gang du ming gis bris te gzung / /thams cad du ni 'grub par 'gyur/ /rdo rje sems dpa' la sogs lha/ /mkhas pa yis ni myur ba ru/ /skal med kyis kyang 'grub pa yin/ /sgrub pos rab tu 'bad pa yis/ /'di ni rtag tu skye bar 'gyur/ /'khrug pa dgra dang g.yang sa dang / /rkun po stag dang glang chen dang / /seng sbrul rta dang tshon cha'i bar/ /gza' ni sna tshogs 'jigs pa las/ /thams cad du ni rgyal bar 'gyur/ /de ni rtsod pa med 'dod na/ /sngags pas bri bar bya ba yin/ /dpal khrag 'thung mngon par 'byung ba las phyag rgya chen po sgrub pa'i klu'i las kyi cho ga'i le'u zhes bya ba ste sum bcu rtsa lnga pa'o// // de nas bskrad pa yang dag bshad/ /dgra bo stobs kyis dregs pas na/ /steng du 'khor ba'i 'dab ma la/ /mkhas pas bya rog sgro yis bri/ /snying po go bzlog yang dag ldan/ /'byung po'i zhal la brgya ru bzlas/ /steng du 'khor zhing lding pa yi/ /'dab ma phyed dang gnyis las ni/ /bsgrub bya myur du bskrod par 'gyur/ /gtso bo rdo rje sems dpa' bskrod/ /nim ba pa tra'i khu bar ldan/ /bsgub bya'i ming dang dam tshig dang / /snying du sngags kyis 86.225a chud par bya/ /me la sbyin sreg bya ba ste/ /brgyad lhag brgya ni yongs su bzlas/ /go bzlog pa yi snying po yis/ /nyi ma phyed dam nam phyed na/ /pho nya 'khor zhing sngags ni bzlas/ /snying po gnyis brgya lhag pa'i brgyas/ /'di rnams 'khor bar bya ba yin/ /yid kyis brgyad brgyas dgra rnams ni/ /'khrul 'khor dag ni gzhug par bya/ /sngags kyi zhags pas bcings pa dang / /spyi bor dbyug pa yis ni brdung / /tshangs pa dbang po drag po dang / /ming dang dgra rnams gsod pa yin/ /zla ba dag ni phyed pa la/ /bsgrub bya'i spyi bor yang dag bris/ /thod pa khrag gis bkang ba ni/ /gang gi gnas su de nyid sbas/ /de ma thag tu khrag ni 'dzag /sngags la sun ni 'byin pa de/ /de nyid kyis ni 'chi bar 'gyur/ /'dod pa'i 'khrul 'khor dang po'i dgra/ /'di nyid stong pa chen po ste/ /dngos grub kun byed mdzes pa yin/ /'di ni khrag 'thung gis ni brjod/ /sngon dang phyi ma dbus dag tu/ /mkhas pas 'jig rten spyod par shes/ /dpal khrag 'thung mngon par 'byung ba las gdug pa thams cad kyi bsam gtan gyi cho ga'i le'u zhes bya ba ste sum bcu rtsa drug pa'o// // de nas char pa dbab pa bshad/ /dpa' bo gnyis med rnal 'byor pas/ /gang gis myur du char 'beb pa/ /klu brgyad pos ni the tshom med/ /mtha' yas dang ni nor rgyas dang / /de bzhin 'jog po stobs kyis rgyu/ /pad ma dang ni pad chen dang / /dung skyong dang ni rigs ldan brjod/ /so so zhing ni re re yi/ /sngags dang rang ming brjod par bya/ /sde tshan drug pa'i gnyis pa la/ /dbyangs kyi lnga pas dbye ba bya/ /bcu drug pas ni mnyam par brten/ /thog ma tha ma mnyam ldan brtag /sngags 'di 86.225b dag ni mnyam par sbyor/ /mtha' yas la sogs brgyad po ni/ /rgya mtsho 'bab pa'i chu bo yi/ /'jigs pas gzugs brnyan bya ba yin/ /phyogs kyi mdog tu gdengs ka bdun/ /sngags kyis bskul bas yang dag ldan/ /de yi snying gar gzhug par bya/ /pad ma 'dab brgyad dgod byas la/ /gzhag ste nyin bdun mchod par bya/ /mtha' dag chu yis rgyas par bya/ /myur du char ni mi 'beb na/ /las gzhan dag ni sbyar bar bya/ /dur khrod kyi ni ras dag la/ /dug dang ske tshe dag dang ni/ /nim ba'i 'dab ma'i khu ba yis/ /sngags 'di dag ni yang dag bri/ /sbu gu la sogs par ni gzhug /'bras phub me la gdung bar bya/ /char ni 'bab par 'gyur ba'o/ /yang na klu nor rgyas kyi gzugs brnyan mgo dgu pa byas la de'i snying gar bcug la gdung bar bya'o/ /char pa'i rgyun chen po 'bab par 'gyur ro/ /'dzam bu'i gling kun du rgyas par 'gyur ro/ /dpal he ru ka'i bka' nyan par byed pa dang / klu la klus zhi bar 'gyur ro/ /de nas dpal ldan sbyin sreg gis/ /gza' dgu po ni zhi ba yin/ /mig dmar mjug rings la sogs par/ /sngags kyi cho ga bzhin du sbyar/ /nyi ma dang ni zla ba 'dzin/ /mig dmar dang ni gza' lhag dang / /de bzhin phur bu pa ba sangs/ /de bzhin du ni spen pa mchog /sgra gcan mjug rings mnyam par bshad/ /rang ming brjod pa yi ni sngags/ /dang po o~M gyi yi ge dang / /tha mar swA hA sbyar ba yin/ /dbang po me dang gshin rje dang / /de bzhin bden bral chu bdag dang / /rlung lha dang ni gnod sbyin dang / /dbang ldan du ni rab tu grags/ /de bzhin 'jig rten skyong ba dang / /sbyor ba'i lam la rab tu 'jug /rang mtshan bzhon pa kha dog dang / /'jig rten skyong ba bdag nyid che/ /khro bo gnyis dang yang dag 86.226a ldan/ /bsgrub bya la ni sbyor ba yin/ /nyin zhag bdun gyi sbyin sreg gis/ /sgrub po ci bgyi 'gyur ba yin/ /zhal bzhi pa yi sngags kyis ni/ /phyogs dang mtshams su gsungs pa ste/ /'bru rnams thams cad bsres nas ni/ /nyi khri ru ni bsngags nas kyang / /grangs ni brgyad dang dgu po bsgrub/ /'di rnams 'jig rten pa yin te/ /rnal 'byor pas ni sgrub pa po/ /sa yi steng du rnam par spyod/ /dpal ldan khrag 'thung 'jig rten 'gyur/ /thams cad mkhyen pa'i ye shes mchog /sems can rang bzhin sangs rgyas kun/ /rdo rje sems dpa' bde ba'i mchog /sngags dang phyag rgya mnyam par bya/ /dpal ldan khrag 'thung mchod pa dang / /mtho ris kyi ni don ched du/ /zhi ba'i dngos grub 'ong ba ste/ /rtag tu drug bcu rtsa bzhi mchod/ /dbang po gnyis kyi rab sbyor bas/ /rang byung ye shes kyi ni gzhi/ /thams cad mkhyen pa'i ye shes mchog /dpal khrag 'thung mngon par 'byung ba las char dbab pa dang / ba 'jig rten skyong ba brgyad kyi sgrub thabs kyi cho ga'i le'u zhes bya ba ste so bdun pa'o// // de nas gzhan na mad pa yi/ /pho nya kun gyi dbang phyug mchog /zhal bzhi yi ni hU~M yig dang / /ji ltar 'dod par las kyis dbye/ /lha dang mi yi bde ba ni/ /gcig tu bsdus nas bltas pa yis/ /khrag 'thung gnyis med bde ba la/ bcu drug char yang mi phod do/ gos chen dang ni sha chen dang / dbang chen dang ni sbrang rtsi cha/ /thams cad dur khrod nas byung ba/ phyag rgya 'di'i dbang phyug che/ /bya ba kun la dngos grub ster/ /ji srid mdun du dgra bo bsgom/ /zhags pa nag pos mgrin pa bcings/ /'dod pas dbyug pas brdung bar bya/ /cho ga bzhin du sngags pas bsam/ /lho phyogs su ni bskyel bar bya/ /dgar ba yid dang ltung ba dang / /yang dang yang du bskrad pa dang / /lte ba ru ni 86.226b bkag pa nyid/ /yang dang yang du brgyal bar 'gyur/ /nyi ma phyed dang nam phyed na/ /gzugs brnyan gyi ni sbyin sreg bya/ /nyi ma gsum pa kun du bri/ /'chi bar 'gyur zhing mgo bo ltung / /sngags kyi cho gas 'chi ba ni/ /sa stengs mche bas btab pa ste/ /rnal 'byor ma yi sngags kyis ni/ /rnal 'byor pa la dngos grub ster/ /snying pos mi la bsdus nas su/ /phyi nas yang ni ltung ba yin/ /phyag rgya chen po'i snying po ru/ /yon po zhes byar rab tu grags/ /sgrub pos 'jig rten gsum po yang / /'di yis thams cad bsdus pa yin/ /de nas bskrad pa bshad par bya/ /dgra bo rnams kyis stobs dregs dang / /sngags pas sngon gsungs cho ga bzhin/ /nim ba'i 'dab ma'i khu ba dang / /bya rog sgro yi bye brag gis/ /sgrub po rab tu 'bad pa mchog /blo ldan rang gi gnas la spyod/ /de ni sa stengs 'khor los sgyur/ /nyi ma bdun gyis lha nyid dang / /zla ba yis ni 'jig rten pa/ /lo yis sangs rgyas byang chub sems/ /dran pas phal che'i mi rnams so/ /zla ba phyed kyis lha ma yin/ /srin po dang ni gnod sbyin mo/ /klu dang dri za dag dang ni/ /mi 'am ci la sogs skad du/ /sngags dang phyag rgya 'di rnams kyis/ /sgrub pos sa stengs rnyed par dka'/ /rnal 'byor 'di ni dngos grub che/ /rnal 'byor kun la 'di mchog yin/ /rnal 'byor 'di ni dpal chen po/ /sum bcu pas ni mchod pa yin/ /'di dang 'dra ba gzhan na med/ /cung zad mdzes pa gsang ba rgyas/ /'jig rten gsum las rnam par rgyal/ /gsang ba'i ming dang mkha' 'gro ma/ /gang zhig cung zad pas rab skye/ /de kun lho ru kha bltas pa'o/ /dpal khrag 'thung mngon par 'byung ba las bskrad pa dang bsad pa'i sngags kyi las kyi cho ga'i le'u zhes bya ba ste sum bcu so brgyad pa'o// // de nas yang dag bshad bya ba/ /'khor lo sgyur ba drug gi sngags/ / 86.227a cho ga shes pas sngags ni gsang / /'dod pa'i dngos grub 'ong bar 'gyur/ /sems ni shin du rnam dag byas/ /de nas rdza rnga bcing bar bya/ /shin du mnyam par gzhag pa yis/ /dbyangs kyi yi ge dgod par bya/ /re'u mig dgu ni bcing bya ste/ /mnyam par yi ge bzhi bcu dgu/ /gnas der blo ldan gyis ni btu/ /dang po rdo rje sems dpa' sogs/ /rdza rnga'i rnam pa dpa' bo che/ /dpa' bo chen po'i zhal ni bsgyur/ /ji ltar rigs pa de ltar byas/ /mtha' dag rab tu zhi ba yin/ /sde tshan dbye ba shes byas nas/ /mkhas pas phyi mo las ni btu/ /bzhi bcu rtsa brgyad pa blangs te/ /dbyangs kyi lnga pas yang dag ldan/ /dang po yi ger gyur pa yin/ /de nas bzhi bcu rtsa gcig blang / /bzhi bcu pa yis sbyar ba yin/ /gnyis par yongs su grags pa'o/ /de nas sum bcu so drug blang / /dbyangs kyi gsum pa sbyar ba yin/ /gsum pa'i yi ger gyur pa'o/ /drod kyi yi ge gsum pa la/ /dbyangs kyi lnga pa yang dag ldan/ /bzhi pa'i yi ger gyur pa'o/ /drug pa yi ni lnga pa la/ /de nyid kyi ni bzhi par ldan/ /lnga pa'i yi ger gyur pa ste/ /rdo rje sems bdag nyid chen po/ /de bzhin bzhi bcu rtsa dgu blang / /dbyangs kyi lnga pas sbyar ba ste/ /steng du nA das sbyar ba yin/ /yi ge drug pa ru ni brjod/ /o~M gyi yi ge dang po ste/ /phaT kyi yi ge tha mar ro/ /rdo rje sems dpa' rab tu grags/ /de bzhin gcig dman lnga bcu la/ /dbyangs kyi gnyis pa sbyar ba yin/ /ya yi sde tshan brgyad pa la/ /me yi dus ni sbyar ba yin/ /dbyangs kyi bzhi pas sbyar ba ste/ /gnyis pa'i yi ge mchog yin no/ /steng du nA das sbyar ba'o/ /yi ge gcig dman nyi shu la/ /skye bar byed pas yang dag gnas/ /dbyangs kyi gsum pas sbyar ba yin/ /yi ge gsum par gyur pa yin/ /gcig gis dman pa'i lnga bcu blang / /sum bcu rtsa drug yang dag blang / /yi ge bzhi pa brjod pa'o/ /lan gnyis su ni brjod par bya/ /de bzhin bzhi bcu zhe brgyad pa/ /gzugs kyis rab tu dbye ba yin/ / 86.227b bcwa lnga pa ni yang dag blang / /yi ge bdun pa ru ni brjod/ /'dod pa'i don kun sgrub pa pos/ /o~M gyi yi ge dang po ste/ /hU~M phaT yi ge mtha' ru sbyar/ /rnam snang mdzad du gyur pa'o/ /'dis ni dngos grub thams cad ster/ /dbyangs kyi gnyis pa nyid dag dang / /an+ta s+tha yi gnyis pa la/ /dbyangs kyi bcu gsum pa yis sbyar/ /gnyis pa'i yi ger gyur pa'o/ /bzhi bcu rtsa bzhi yang dag ldan/ /dbyangs kyi gsum pas sbyar ba ste/ /yi ge gsum par gyur pa'o/ /o~M yig dang por swA hA mthar/ /pad ma gar gyi dbang phyug go/ /'di rnams rang gi sngags pa'o/ /de bzhin gcig dman lnga bcu blang / /dbyangs yig bcu gcig pa yis sbyar/ /dang po'i yi ge brjod par bya/ /drod kyi yi ge bzhi pa la/ /dbyangs kyi bcu gcig gis ni sbyar/ /gnyis pa'i yi ge brjod par bya/ /an+ta s+tha yi gnyis pa la/ /dbyangs kyi lnga pas sbyar ba yin/ /ra yig dag dang bcu bdun pa/ /lnga pa yis ni mnyam par ldan/ /bcwa lnga pa yis mchod par bya/ /o~M gyi yi ge dang po ste/ /hU~M hU~M phaT ni mtha' mar yin/ /'dod pa'i don kun sgrub pa'o/ /dpal ldan khrag 'thung dpa' bo che/ /rnal 'byor dbang phyug kun gyi dbang / /de nas bcwa brgyad pa ni blang / /drod kyi yi ge dang po la/ /dbyangs yig bcu gsum pa yis sbyar/ /gnyis pa ru ni rab tu grags/ /an tas+tha yi gsum pa la/ /bcu gsum pa yis sbyar ba yin/ /dbyangs kyi gnyis pa nyid dag dang / /mkhas pas gsum pa ru ni brjod/ /bzhi bcu rtsa gnyis yang dag blang / /gcig gis ma tshang lnga bcu la/ /dbyangs kyi lnga pas sbyar ba yin/ /steng du nA das sbyar bar bya/ /o~M gyi yi ge dang po ste/ /phaT kyi yi ge tha mar yin/ /de lta nyid du the tshom med/ /'di ni rdo rje nyi mar gyur/ /dngos grub ster zhing thar ba ste/ /yi ge bzhi bcu pa nyid dang / /de nyid la ni dbyangs yig dang / /bcu gsum pa yis sbyar ba yin/ /de ni gnyis ldan du ni bri/ /'on kyang rig pa cung 86.228a zad med/ /gcig gis ma tshang nyi shu dang / /an tas+tha yi bzhi pa dang / /dbyangs yig gnyis pas yang dag ldan/ /de bzhin bcwa lnga pa yis sbyor/ /bzhi pa'i yi ger brjod pa'o/ /dbyangs yig gi ni gnyis pa dang / /de bzhin bcu drug pa nyid dang / /dpa' bo nyi shu drug pa btu/ /yi ge bdun pas brjod pa'o/ /hU~M phaT mtha' mar sbyar ba yin/ /dpa' bo chen po rta mgrin te/ /dngos grub kun gyi gtso bo yin/ /dpal khrag 'thung mngon par 'byung ba las 'khor lo sgyur ba drug gi bsam gtan dang sngags btu ba'i cho ga'i le'u zhes bya ba ste so dgu pa'o// // de nas yang dag gnas pa'i sngags/ /dpa' bo gnyis med rnal 'byor ma/ /snying ga mgo bo spyi gtsug dang / /go cha mig la sogs pa ru/ /rdo rje sems dpa' la sogs sbyar/ /cho ga byas shing rab tu bsrung / /rdo rje sems dpa' snying la sbyar/ /dngos grub thams cad rab tu ster/ /rnam par snang mdzad mgo bor dgod/ /de ltar yon tan khyad par can/ /spyi gtsug pad ma gar dbang phyug /phrag par khrag 'thung dgod pa ste/ /mig gnyis rdo rje nyi ma yin/ /yan lag kun la rta mgrin te/ /de ltar go cha bgos pa yin/ /thams cad las ni sgrub par byed/ /lag par dgod pa yang ni bya/ /lag pa'i brda ni bstan bya ste/ /rdo rje sems dpa' mthe bor gnas/ /de bzhin rnam snang mdzub mo ste/ /gung mo pad ma gar dbang phyug /ming med dpal ldan khrag 'thung ste/ /mthe chung rdo rje nyi ma'o/ /sen mo'i ngos la rta mchog yin/ /lag pa'i mthil du dpa' bo che/ /gnyis med rdo rje'i rnal 'byor ma/ /rgyab tu rnal 'byor ma rnam kun/ /'di rnams lag pa la ni dgod/ /kun gyis stug par mnyam pa ni/ /de ltar cho ga bzhin du ni/ /dpa' bo rnal 'byor ma mchod bya/ /gshin rje'i phyogs nas brtsams nas ni/ /ji srid bden bral gyi ni bar/ /dus drug nyis 'gyur du ni byas/ /mkha' 'gro dra ba'i sdom pa mchod/ /tshes dang dbyangs dang dus shes bya/ /dus bzhi sum 'gyur shes par 86.228b bya/ /dkyil 'khor dbus su he ru ka /spyan drangs nas ni mchod pa 'phel/ /rtag tu rnal 'byor dbang phyug la/ /mchod pas dbul bar mi 'gyur ro/ /mkha' 'gro ma dang lA ma dang / /dum skyes ma dang gzugs can ma/ /'di rnams dpa' bo'i sring mo yin/ /'dod pa'i don kun sgrub pa yin/ /dpal khrag 'thung mngon par 'byung ba las dpa' bo drug gi go cha dang / lha'i grangs dang lag pa'i mchod pa'i cho ga'i le'u zhes bya ba ste bzhi bcu pa'o// // de nas gzhan yang bshad bya ba/ /dus bzhi mtha' yi rnal 'byor la/ /gsang ba'i mchod pa'i gsang ba ni/ /dpa' bo gnyis med bstan par bya/ /rdzogs ldan 'di ru ma yin te/ /gsum ldan la ni sring mor brjod/ /gnyis ldan la ni bu mor shes/ /rtsod ldan chung ma'i pho nyar gnas/ /de ltar cho ga shes byas nas/ /dngos grub 'bras bu skal ldan 'gyur/ /dpa' bo kun gyi rjes bsgoms nas/ /'dod pa'i dngos grub yod pa yin/ /phyag rgya chen po'i theg pa che/ /rnal 'byor ma rnams dngos grub ster/ /phyag rgya chen po gzhan na med/ /rnal 'byor kun la sgrub pa po/ /'jig rten pa dang 'jig rten 'das/ /gzhan yang rig byed smra ba dang / /dpyod pa pa dang grangs can dang / /gzhan yang bye brag smra ba ltar/ /tshangs pa khyab 'jug lha chen gyi/ /kun du dngos grub mchod pa ste/ /dngos grub yang dag ye shes nyid/ /thams cad pas ni mchog yin no/ /sa las rin chen bzhi yin te/ /de bzhin mchog gi mchog nyid do/ /mkha' 'gro ma dang rig pa che/ /dpal ldan khrag 'thung rgyal po dang / /sdom pa'i bdag nyid chen po dang / /rnal 'byor 'di rnams shes pa mchog /rig byed bzhi la nga mi byams/ /nga la gus pas nga byams so/ /de la nga ster de rjes gzung / /ji ltar bdag nyid kun du mchod/ /thams cad gnyis su med pa ste/ /kun nas kun du rnal 'byor bsgrub/ /dpal ldan khrag 'thung dpa' bo mchog /mdza' ba thams cad 'dus pa yin/ /zla ba'i btung bas 86.229a dngos grub 'gyur/ /rtag pa yi ni go 'phang mchog /mkha' 'gro ma yi dra ba sdom/ /mkha' dang mnyam las btus pa yin/ /kun mkhyen ye shes de rang bzhin/ /khrag 'thung mngon par 'byung zhes pa/ /thar pa'i dngos grub mchog du ster/ /dpal ldan khrag 'thung ji ltar 'thob/ /yon tan gzhan ni rtswa bzhin btang / /spyan ma mthe bong la ni gnas/ /mdzub mo ma mA kI ru brjod/ /gung mo'i rtse mor sgrol ma yin/ /ming med la ni 'od byed ma/ /mthe chung pha rol phyin ma dgod/ /lag pa'i mthil du mnyam par sbyor/ /rgyab du gshegs su gsol ba ste/ /de ltar nyid du the tshom med/ /dpal khrag 'thung mngon par 'byung ba las dus bzhi'i mtha'i rnal 'byor ma dang lag pa'i brda'i cho ga'i le'u zhes bya ba ste bzhi bcu rtsa gcig pa'o// // de nas gzhan yang bshad bya ba/ /skye ba bdun pa'i sgrub pa po/ /bsdus pas myur du 'grub par 'gyur/ /sngags dang rnal 'byor rab 'bad pas/ /'bras dkar btags pa'i rang bzhin las/ /sngags pas byol song gzugs dang ni/ /gro ga la sogs yang dag blang / /sgrub pos gang lta ji lta bar/ /de yi gzugs la gzhag bya ba/ /ming ni sngags kyi nang chud bya/ /lus ni tsan dan dmar pos byug /shin du mnyam par gzhag pas bsgom/ /gang gis nub mo ci nus bzlas/ /byug pa'i mchod pa'i bye brag dang / /de ni zos pa tsam gyis ni/ /mi rnams dam tshig can du 'gyur/ /lce spyang sha dang chang gis ni/ /phyi nang bdag nyid mchod par bya/ /lce spyang sbyin sreg byas pa las/ /de la dngos grub thams cad gnas/ /'di ru lce spyang sbyin sreg bya/ /nor gyi lha dang 'dra bar 'gyur/ /de nas gtor ma sbyin par bya/ /mkha' 'gro ma kun dgyes par 'gyur/ /ji srid yongs su rgyas pa ru/ /de yi sngags kyis 'grub par 'gyur/ /yang dag brtag pa'i tshogs kyis gang / /rnal 'byor bzhi sogs phyag rgya dang / /rang gi mdog dang phyag 86.229b mtshan dbyibs/ /dngos grub thams cad rab ster ba/ /thig le dang ni nA das sbyar/ /rnal 'byor che la rnam par gnas/ /las kyi dbye bas hU~M yin no/ /'bad pas thar pa bsgom par bya/ /lte snying mgrin pa sna yi rtser/ /hU~M gi yi ge rnam pa bzhi/ /'phar ba dang ni ring thung dang / /rnam bcad las ni dbye ba ste/ /'phar ba yis ni thar bar 'gyur/ /ring bas rgyas pa rab tu brjod/ /thung bas mi mthong ba ru 'gyur/ /rnam par bcing bas gsod par byed/ /lte ba dril bu'i sgra dang mnyam/ /snying gar 'brug gi sgra 'dra ste/ /mgrin par ba lang gi ni sgra/ /sna rtser yungs kar 'phar ba 'dra/ /hU~M yig bzhi po rgyal po che/ /'jig rten gsum yang sgrub pa po/ /pu dza o a go ra de ma ka o tri ko la la ka hi pre gri sau sunA si ma ku/ phyi nang bdag nyid rnal 'byor pas/ /pU yig la sogs rnam par gnas/ /rnam shes ye shes gzung bar bya/ /rab tu 'bad pas bla ma bstod/ /phyi yi lam nas bsten pa ste/ /bstan bcos rnams kyang ring ba yin/ /thabs kyi rnal 'byor ma ni rnams/ /'bad pas bla ma'i bsnyen bkur bya/ /bstan bcos mtshan nyid mdor bsdus pa'o/ /de nyid ston pa'i dpa' bo yin/ /skad cig gis ni rnal 'byor bdag /skad cig gis ni phyag rgya sbyin/ /kun nas kun du skad cig ste/ /skad cig sngags dang rnal 'byor rig /dpal khrag 'thung mngon par 'byung ba las skye ba bdun pa'i bsgrub bya dang / hU~M yig bzhi rnam par dag pa'i cho ga'i le'u zhes bya ba ste bzhi bcu rtsa gnyis pa'o// // de nas dpal ldan rgyal chen dang / /dpa' bo phan par 'dod pa yis/ /pus mo sa la btsugs nas ni/ /yid kyis kun nas phyag 'tshal te/ /sems can rnams la phan 'dod pa/ /gsang ba chen po dag ni zhus/ /kun gyi rnam pa rgyas pa ru/ /bcom ldan 'das kyis bshad du gsol/ /gang ni gnas su gnas pa yin/ /rgyu dang mi 86.230a rgyu rnams la brtse/ /nyon cig man ngag ji bzhin bshad/ /rtag pa bsam gyi mi khyab gzung / /gang gis ji ltar sngon du gsung / /thams cad bdag nyid rtag tu gnas/ /lus kyi dkyil 'khor zhes su brjod/ /sgo dgu ru ni gyur pa ste/ /lte ba'i dbus na pad ma che/ /thams cad mkhyen pa'i ye shes grags/ /de yi gnas na dpa' bo bzhugs/ /cha med cha ni rnam par spangs/ /lus rnams kun gyis rnam par brtse/ /lus bral dri ma med pa ste/ /la lar gzugs kyi gnas na bzhugs/ /la lar sna yi gnas na bzhugs/ /la lar mig gi sgo na gnas/ /la lar sgra yi sgo na bzhugs/ /la lar bshang gci'i sgo na gnas/ /la lar sems dang rnam shes bcas/ /la lar sred dang ltogs dang skom/ /la lar khro dang la lar zhi/ /la lar ltogs dang bcas pa'i gdong / /la lar bud med mchog gi lus/ /la lar gsod cing brdeg pa dang / /la lar smra ba bzhin du gnas/ /la lar me tog 'bras la gnas/ /la lar rtse zhing longs spyod gnas/ /la lar dri la rnam par gnas/ /la lar 'byung ba chen po lnga/ /sa dang chu dang me dag dang / /la lar rigs kyi dbye ba yis/ /gtum mo dang ni sbom po dang / /la lar ma dang sring mo yin/ /la lar chung ma bu mo dang / /la lar tshangs pa dbang phyug dang / /nyi ma dang ni 'phrog ma dang / /la lar zla ba skar ma dang / /la lar nub mo nyin mo dang / /la lar khams gsum pa yin te/ /la lar thams cad med zad rgyal/ /la lar ro dang bag chags nub/ /cha med stong pa kun mi gsal/ /la lar byang chub gzigs mo che/ /la lar bdud las rgyal ba yin/ /la lar chos kyi 'khor lo che/ /de bzhin la lar 'chi 'pho ste/ /la lar dka' ba spyod pa yin/ /la lar dge slong tshul du gnas/ /la lar byis pa yis ni gzugs/ / 86.230b la lar rgas shing 'khogs pa dang / /la lar na bas zos pa dang / /la lar snod dang bcud dag dang / /la lar sngo zhing dmar ba dang / /la lar dkar zhing ser ba dang / /la lar sangs rgyas rnam snang mdzad/ /la lar sgron ma gos dkar mo/ /la lar spyan ma mA ma kI/ /la lar kun du zhi bar 'gyur/ /la lar bya'i mngal du 'gro/ /nam mkha' ru ni 'gro ba nyid/ /la lar glang chen nga rgyal te/ /la lar smad 'tshong mar ni 'gyur/ /la lar rmi lam mthong bar 'gyur/ /la lar gnyid ni log par gnas/ /la lar rlung dang mkhris pa dang / /la lar khrag dang lpags pa dri/ /la lar ngu zhing mya ngan byed/ /la lar mi rnams za ba dang / /la lar bskal par gsung ba dang / /ji ltar kun du rnam par dbye/ /lha yi ji srid gsungs pa kun/ /gang de thams cad bdag nyid gnas/ /dpa' bo 'di rnams gsang chen po/ /phyi dang nang du yang dag gnas/ /kun la khyab cing rtag tu stong / /srid pa gzung zhing dri ma med/ /rnal 'byor pas ni 'di ltar bsgom/ /gnyis med ye shes nyid dang yang / /de dang 'dra bar stong par 'gyur/ /bdag nyid la ni rnam par bsgom/ /de la brtul zhugs bshad pa med/ /phreng ba dang ni sngags kyang med/ /gzungs dang sbyin sreg las med de/ /mi g.yo go cha'i bya ba med/ /lag pa phyag rgya'i sbyor ba dang / /g.yon brkyang rkang stabs la sogs med/ /dpa' bo chen pos srid pa gzung / /rang byung mchog ni byed pa'o/ /dgag pa ru ni mi bya ste/ /bdag nyid nges par mchod par bya/ /zla ba'i dbus su thig le bsgom/ /brgya yi phyed kyis rnam par brgyan/ /de yi dbus su rab bsams te/ /gzhon med thig ler bcas pa yin/ /de yi lus ni 'bral 'gyur te/ /bsgom du med cing bsam du med/ /dpal khrag 'thung mngon par 'byung ba las kun gyi rnam pa'i sgyu ma ltar bstan pa'i le'u zhes bya ba ste bzhi bcu gsum pa'o// // de ltar sgyu ma'i cho ga dang / / 86.231a gong gi cha ni rnam par spangs/ /rtag tu snying ga'i dbus na gnas/ /'di ltar gsang ba chen po'o/ /lte ba'i rtsa bar pad ma gnas/ /ge sar bcas shing 'od dang ldan/ /rang bzhin kun ni shel dag ltar/ /bcu drug la sogs kyis ni bskor/ /yi ge mnyam par sbyor ba ste/ /nam mkha' sbyar ba'i bdag nyid do/ /de nyid dbus su stong pa che/ /spro dang bsdu bar byed pa yin/ /gang gis ming ni kun rang bzhin/ /gang gis yongs su grags pa'o/ /nyi ma zla ba rnam dag ste/ /'char dang nub par bstan pa yin/ /sdig pa kun las rnam par grol/ /bsod nams thams cad rnam par 'phel/ /pad ma'i sna rtser yungs kar tsam/ /rgyu dang mi rgyu'i rang bzhin kun/ /yid kyis bzlas par yang dag ldan/ /phyi yi dbyangs ni rnam par spangs/ /de yi ye shes sangs rgyas te/ /gzhan gyis sangs rgyas mi 'gyur ro/ /rtag tu sems dpa' dngos po shes/ /khrus med dri ma med pa ste/ /bde ba'i chos ni de bzhin gshegs/ /longs spyod rdzogs pa'i sku rang bzhin/ /thams cad me yi rnam pa ru/ /mthong ba mtshan ma dang po'o/ /srin bu me khyer rnam pa yi/ /mtshan ma gnyis par mtshon ba ni/ /rdul phran dkar po'i rnam pa ru/ /phyogs bcur 'jig rten mthong ba yin/ /nyon mongs 'don pa'i las rnams ni/ /rnal 'byor pa yi mtshan nyid dang / /'dod pa lha yi longs spyod myang / /bzhi pa mthong bar bstan pa'o/ /lha gzugs mtho ris lha rnams ni/ /gang la mthong bar sems pa'o/ /drug pa 'jigs pa longs spyod do/ /bdun pa chos kyi dbyings nyid de/ /brgyad par 'dod pa'i sangs rgyas nyid/ /rnal 'byor rnams kyis 'bras bu 'thob/ /skra yi rtse mo brgyar gshags cha/ /rdul phran shin tu bsam par bya/ /stong pa la sogs dmigs mi bya/ /gzugs la sogs pa mi blta ste/ /rdul med sa bon med pa bzhin/ / 86.231b gzugs med mtshan nyid med pa'o/ /rnam shes ye shes gzung ma yin/ /rnam shes de yi rang bzhin te/ /mngon shes brgyad po yang dag 'thob/ /kun mkhyen kun byed gtso bo ste/ /ye shes sku ni dri ma med/ /skye ba 'di la thob par 'gyur/ /gzi brjid stobs dang ldan pa yin/ /sdug cing skal ba bzang por ston/ /dpag bsam shing ni yang dag byung / /rtag du bsgom zhing bzlas pas ni/ /ji srid lus ni bsgul skyod dang / /ngag gi smra ba thams cad ni/ /de snyed sngags dang phyag rgya ste/ /dpal ldan khrag 'thung go 'phang gnas/ /pad ma bzhi dang 'khor lo che/ /de bzhin dngos grub kun gyi gzhi/ /dpa' bo bye ba rnams dang ni/ /sangs rgyas bye bas legs par gsungs/ /dpal khrag 'thung mngon par 'byung ba las thams cad so sor gsal ba'i mngon par shes pa brgyad nges par bstan pa'i cho ga'i le'u zhes bya ba ste bzhi bcu rtsa bzhi pa'o// // de nas gzugs brnyan gyi zhi ba/ /'di ru yid ldan don du gsungs/ /gang gis myur du de 'grub pa/ /nad pa zhi bar byed pa ni/ /pho mo rgyal po byis pa rnams/ /sus kyang cho ga shes bya ba/ /spang leb khri sogs stan rnams ni/ /'bras dang sran chung yang dag bsres/ /shin du btsos nas bsnos byas te/ /nya dang sha dang khrag gis ni/ /gzugs brnyan dag ni bca' ba ste/ /bu mos bkal ba'i skud pa ni/ /skra yi tshad du bya ba yin/ /sngags kyi yi ges bskul bar bya/ /drug dang bcu gnyis yi ges so/ /bla re dag ni bre ba dang / /sna tshogs gos dang rgyal mtshan mchog /dri dang spos dang me tog sogs/ /gsang sngags kyis ni bskul bar bya/ /bsrung ba chen po'i gos kyis ni/ /smad g.yogs dang ni stod g.yogs byas/ /gang gis cung zad nad pa yi/ /spyod lugs ji ltar yin pa bzhin/ /ro ru song nas bskyal bar bya/ /rol mo sna tshogs glu dbyangs dang / /de bzhin gzhug pa bya ba ste/ / 86.232a gzugs brnyan la ni gdags par bya/ /dpung rgyan lag gdub mgul rgyan dang / /gos la sogs pa rnams kyis brgyan/ /rked pa la ni mtshon chas bcings/ /lag par ral gri 'dzin pa ste/ /spyi bor bcing zhing go cha bgos/ /snying rje la sogs phan pa'i sems/ /dpal ldan khrag 'thung rnal 'byor che/ /go cha gsum gyis rnam par brgyan/ /dur khrod du ni 'gro ba ste/ /rnal 'byor ma dang dpa' bos bskor/ /'du byed rnams ni dang por byas/ /dkyil 'khor mdzes par bri ba ste/ /ma ma rnams dang rnal 'byor ma/ /bsgom zhing phyogs dang phyogs mtshams dgod/ /de ru lha rnams yang dag gzhag /gzugs brnyan lus ni lho phyogs su/ /sngags pas mgo bo bstan par bya/ /ji ltar mdzes pas bsgrub bya bsgom/ /nad rnams kun las rnam par grol/ /g.yas brkyang gis ni yang dag gnas/ /rtse ba'i sngags sogs kyis ni bsrung / /sngags pas kha ni shar du bltas/ /lag pas shes rab kha T+wA~M ga /grib ma bgom par byas nas ni/ /lte ba'i phyogs su brdeg par bya/ /ji ltar sdug bsngal bar ni gtub/ /lha sbyin nad ni zhi bar 'gyur/ /dpa' bo la sogs shar phyogs gzhag /sngags kyis bskul bar bya ba ste/ /ji ltar cung zad gzhug par bya/ /slob dpon gyis ni mdzes par brtag /khye'us khye'u grol ba ste/ /bu mos bu mo grol ba yin/ /thams cad khrus dang gtsang sbra dang / /mdzes shing zhi bar bya ba ste/ /phyi nas slob dpon dgyes par bya/ /gos dang rgyan la sogs pa yi/ /gzhan kun la yang mchod par bya/ /bza' ba btung sogs gos kyis so/ /gsang ba chen pos zhi bar bya/ /dpal khrag 'thung mngon par 'byung ba la 'bum phrag gsum las btus pa/ bstan bcos thams cad kyi rgyal po dpal khrag 'thung chen po 86.232b bklags pas 'grub pa/ thams cad mkhyen pa'i ye shes gzhan las rgyal ba dang po'i sgrub pa'i rgyud phyi ma/ dpal khrag 'thung mngon par 'byung ba rnal 'byor ma'i rgyud kyi rgyal po rdzogs s+ho/ / rgya gar gyi mkhan po paN+Di ta chen po a dwa ya badzra dang bod kyi lots+tsha ba 'chings yon tan 'bar gyis bsgyur cing zhus te gtan la phab pa'o/ / |