J4

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J4</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J4&coll=lithang">see text in Tibetan script</a></table>9.1a<br><font size=+1>

(ta) @#/ ! /'dul ba lung bzhugs so/ /[(黃) 律師戒行經第九部]</font><hr>9.1b<br><font size=+1>

@#/   /rgya gar skad du/  b+hik+Shu NI pra ti mok+Sha sU tra/  bod skad du/  dge slong ma'i so sor thar pa'i mdo/ bam po dang po/ thams cad mkhyen pa la phyag 'tshal lo/ /sangs rgyas 'gro mgon gcig dang dam chos dang / /'phags tshogs dkon mchog rnams la phyag 'tshal te/ /bdag gis sdug bsngal rnam par thar pa'i rgyu/ /so so thar pa bshad kyis 'bad pas nyon/ /snyan pa'i ba dan 'jig rten gsum du grags/ /dam pa'i chos sgra seng ge'i sgra bsgrogs pa/ /thams cad mkhyen pa dkon mchog mdzod brnyes pa/ /zhabs la tshangs dbang gtsug gi nor bus gtugs/ /sdug bsngal rgya mtsho gting mtha' med rgal ba/ /'gro ba'i gtso la spyi bos phyag 'tshal te/ /thams cad mkhyen pa'i bslab gzhi dkon mchog snod/ /'phags pa'i tshogs kyi dbus su dbye bar bya/ /sangs rgyas 'dul ba gangs chen mtsho/ /gting mtha' med pa thams cad kyi/ /gnas pa'i snying dang snying po ni/ /so sor thar pa 'di yin no/ /'di ni dam chos rgyal po yi/ /chos kun gyi ni</font><hr>9.2a<br><font size=+1>

'dren pa'i mchog /'di ni dge slong tshong tshogs kyi/ /bslab zong tshong khang chen po yin/ /tshul khrims 'chal pas zin rnams kyi/ /gdug pa rnam sel sman 'di yin/ /'di ni lang tshos rnam 'phrul ba'i/ /rkang gnyis gzhon nu'i lcags kyu yin/ /mtsho bas zab pa'i 'khor ba las/ /sgrol ba'i rgal thabs 'di yin te/ /'di ni bzang 'gror 'gro ba yi/ /nges pa'i chu lon zam pa yin/ /'di ni nyon mongs pham byed lam/ /rgyal po yi ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas/ /nga ni mya ngan 'das gyur na/ /'di ni khyed kyi ston pa'o zhes/ /rang byung nyid kyis gus bcas par/ /nan tan dge slong tshogs mdun bstod/ /sangs rgyas zhes bya'i sgra 'di yang / /'jig rten dag na rab tu dkon/ /mi nyid rnyed pa shin du dkon/ /rab tu byung ba shin du dkon/ /de bzhin rab tu byung rnams kyi/ /tshul khrims phun sum tshogs rab dkon/ /tshul khrims yongs su dag gyur kyang / /grogs bzang shin du rnyed par dka'/ /'jig rten sangs rgyas 'byung ba dang / /mi dang rab tu byung ba dang / /tshul khrims phun sum tshogs pa dang / /grogs bzang rnyed dka' rnyed gyur nas/ /mkhas pa bdag la legs 'dod cing / /de dag 'bras bcas byed 'dod pas/ /sdom brtson rnams kyis so sor thar/ /mnyan pa'i phyir ni 'bad par bya/ /dge slong dbang dul kun dbang po/ /sangs rgyas mi 'gyur rab byung ba/ /nges par thar pa 'dod rnams kyis/ /so sor thar pa rtag tu srungs/ /bskal pa bye ba rnams su yang / /so sor thar pa thos pa dang / /gzung dang 'dzin pa rnyed dka' zhing / /sgrub pa'ang shin du rnyed par dka'/ /sangs rgyas rnams ni 'byung ba bde/ /chos bstan pa yang bde ba yin/ /dge 'dun 'thun pa bde ba ste/ /'thun pa rnams kyi dka' thub pa de/ /'phags pa rnams ni mthong ba bde/ /dam pa dag dang 'grogs pa bde/ /byis pa rnams ni ma mthong na/ /rtag tu bde ba nyid du 'gyur/ /tshul khrims ldan pa mthong ba bde/ /</font><hr>9.2b<br><font size=+1>

mang du thos pa mthong ba bde/ /yang srid rnam par grol ba yi/ /dgra bcom pa dag mthong ba bde/ /'jug ngogs bde ba'i chu klung bde/ /chos la goms pa'i skye bo bde/ /shes rab thob par gyur pa bde/ /nga 'o nga rgyal zad pa bde/ /nges par byas shing dbang po thul ba dag /dgon pa zhi ba rnams su rgas gyur dang / /mang du thos pa nags kyi nang dag tu/ /lang tsho yol ba rnams kyi gnas pa bde/ /'phags ma dag so ga rnams kyi 'das pa dang / lhag ma ji tsam pa de tsam mo/ /'phags ma dag rga ba dang na ba dang 'chi ba mngon par 'ong zhing ston pa'i bstan pa yang 'jig par 'gyur/ chos kyi ri rab kyang 'jig par 'gyur/ chos kyi shing ljon pa'ang 'chag par 'gyur/ chos kyi 'khor lo'ang nyams par 'gyur/  chos kyi sgron ma'ang 'chi bar 'gyur/ chos kyi rgya mtsho yang skams par 'gyur la/ ma rig pa'i mun nag ni mthu che bar 'gyur/ sgrub par byed pa ni yongs su nyams par 'gyur te/ sgrub pa po dag med na yun mi ring bar 'jig rten 'di na snang ba med par 'gyur bas de'i phyir 'phags ma dag bag yod pas rnal 'byor du bya'o/ /de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang / gzhan yang gang dag de lta bu dang 'thun pa dge ba'i chos byang chub kyi phyogs kyi chos rnams kyang bag yod pas 'thob bo/ /bcom ldan 'das kyi nyan thos kyi dge 'dun ni don nyung ba bya ba nyung ba yin pas dge 'dun thog mar bya ba ci yod/ 'phags ma dag ma lhags pa rnams la 'dun pa dang yongs su dag pa dris shig /dris nas kyang brjod par bya'o/ /shAkya seng ge de la ni/ /sor mo bcu yis thal sbyar nas/ /so sor thar pa gdon par byas/ /gdul ba'i don du nga las nyon/ /thos nas drang srong chen po yis/ /ji skad gsungs bzhin bsgrub bya zhing / /kha na ma tho phra rnams la/ /brtun cing byed pa nyid du gyis/ /rtag tu 'bad pas 'da' ba yi/ /sems rta kha blan dka' ba la/ /'thun pa gzer rnon brgya pa yi/ /srab 'di</font><hr>9.3a<br><font size=+1>

so sor thar 'di yin/ /che ba gang dag ngag tsam gyis/ /ldog cing 'tshams las mi 'da' ba/ /de dag mi rta bzang po ste/ /nyon mongs g.yul las nges rgyal 'gyur/ /su la srab 'di med pa dang / /nam du'ang 'dod par mi 'gyur pa/ /de dag nyon mongs g.yul gyis dkrugs/ /'jog bral rnam par 'khyam par 'gyur/ /dge 'dun 'phags ma rnams gsan du gsol/ /deng dge 'dun gyi gso sbyong bcu bzhi pa 'am bcwa lnga pa lags te/ gal te dge 'dun gyis dus la bab cing bzod na dge 'dun gyis gnang bar mdzod cig dang / deng dge 'dun gyi gso sbyong mdzad de so sor thar pa'i mdo gdon pa gdon to/ /'di ni gsol ba'o/ /'phags ma dag bdag cag gso sbyong bya ste/ bdag gis so sor thar pa'i mdo gdon pa gdon gyis legs par nyon la rab tu yid la gyis shig dang bdag gis khyed la bshad do/ /khyed cag su la ltung ba yod pa de mthol cig /ltung ba med na cang ma smra shig /cang mi smra na bdag gis 'phags ma dag yongs su dag par rig par bya'o/ /ji ltar so sor dris nas dge slong mas lan btab pa de bzhin du dge slong ma'i 'khor 'di lta bur yang lan gsum gyi bar du bsgrags par bya ba yin no/ /yang dge slong ma gang dge slong ma'i 'khor 'di lta bur lan gsum gyi bar du bsgrags pa na ltung ba yod la dran bzhin du mi mthol na de shes bzhin du brdzun du smra ba yin no/ /'phags ma dag shes bzhin du brdzun du smra ba ni bcom ldan 'das kyis bar du gcod pa'i chos su gsungs so/ /de bas na dge slong ma ltung ba byung ba rnam par dag par 'dod pas ltung ba yod la dran bzhin du mthong ba mthol bar bya'o/ /mthol na bde ba la reg par gnas par 'gyur ro/ /ma mthol ma bshags na mi 'gyur ro/ /'phags ma dag bdag gis so sor thar pa'i mdo gdon pa'i gleng gzhi bton zin to/ /de la bdag gis 'phags ma dag ci 'di la khyed yongs su dag gam zhes dri'o/ /ci 'di la khyed yongs su dag gam ces lan gnyis lan gsum du dri'o/ /'di la 'phags</font><hr>9.3b<br><font size=+1>

ma dag yongs su dag na 'di ltar cang mi smra bas de de bzhin du 'dzin to/            sdom la/ mi tshangs spyod dang rku ba dang / /mi gsod brdzun du smra ba dang / /sa ga'i bu dang spos 'tshong khye'u/ /mdza' mo dang ni gre skyes pa'o/ /'phags ma dag pham par 'gyur ba'i chos brgyad po 'di dag ni zla ba phyed phyed cing so sor thar pa'i mdo gdon pa las 'byung ngo / /yang dge slong ma gang dge slong ma rnams dang lhan cig bslab pa mtshungs par gyur pas bslab pa ma phul bslab pa nyams par ma byas par mi tshangs par spyod pa 'khrig pa'i chos bsten na tha na dud 'gro'i skye gnas su skyes pa dang lhan cig kyang rung ste/ dge slong ma de yang pham par gyur pa yin gyis gnas par mi bya'o/ /yang dge slong ma gang gzhan dag gi grong na 'dug pa dang dgon pa na 'dug pa ma byin par len pa rku ba'i grangs su gtogs pa blangs na ji tsam ma byin par blangs pas de rgyal po 'am blon po chen pos bzung nas de la 'di skad ces/ kye bud med khyod ni rkun ma'o/ /byis pa'o/ /blun mo'o/ /rku ba'o zhes zer zhing gsod dam/ 'ching ngam/ spyug kyang rung ste dge slong ma de ltar ma byin par len na dge slong ma de yang pham par 'gyur ba yin gyis gnas par mi bya'o/ /yang dge slong ma gang mi 'am mir chags pa la bsams bzhin du rung gis lag dar te srog bcad dam/ de la mtshon byin nam/ de las mtshon thogs pa gnyer tam/ de 'chir bcug gam/ de la 'chi ba'i bsngags pa brjod kyang rung ste/ de la 'di skad ces kye mi khyod 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o zhes zer zhing / sems kyi 'dod pa dang sems kyi kun tu rtog pa dag gis rnam grangs du mas de 'chir bcug gam/ de la 'chi ba'i bsngags pa brjod de de yang rtsom pa des dus byas na dge slong ma de yang pham par gyur pa yin gyis gnas par mi bya'o/ /yang dge slong ma gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang reg par spyod</font><hr>9.4a<br><font size=+1>

pa med la/ med bzhin du 'di shes so/ /'di mthong ngo zhes khas 'ches pa las de ltung ba byung ba rnam par dag par 'dod pas dus gzhan zhig na dris kyang rung / ma dris kyang rung 'di skad ces/ 'phags ma dag bdag gis ni mi shes par shes so zhes smras/ ma mthong bar mthong ngo zhes smras te/ gsog gsob brdzun du smras so zhes zer na mngon pa'i nga rgyal ma gtogs te dge slong ma de yang pham par gyur pa yin gyis gnas par mi bya'o/ /yang dge slong ma gang chags par gyur pas skyes pa chags par gyur pa dang lhan cig mig man chad pus mo yan chad kyi bar du sprad/ kun du sprad pa nyams su myong bar byed na dge slong ma de yang pham par gyur pa yin gyis gnas par mi bya'o/ /yang dge slong ma gang chags par gyur pas skyes pa chags par gyur ba dang lhan cig gzhog stegs dang / 'phyar g.yeng dang / tsab hral dang / yul phyogs dang / brda dang / mtshan ma dang / skyes pa 'ong ba dang / 'gro ba bdag gir byed pa dang / gang du skyes pas bud med bgrod du rung ba de lta bu'i phyogs su lus bkan pa gzhi brgyad po'i gnas 'di lta bu dge slong mas byas na dge slong ma de yang pham par gyur pa yin gyis gnas par mi bya'o/ /yang dge slong ma gang dge slong ma zhig la pham par 'gyur ba byung bar shes bzhin du 'chab par byed cing gang gi tshe de nyams sam/ shi 'am/ 'khyams sam/ yul 'khor gzhan dang yul gzhan du bros par gyur pa de'i tshe 'di skad ces/ 'phags ma dag bdag gis dge slong ma de la ji ltar pham par gyur pa byung bar snga nas shes so zhes zer na/ dge slong ma de yang pham par gyur pa yin gyis gnas par mi bya'o/ /yang dge slong ma gang dge slong gi dge 'dun 'thun pas dge slong gang la gnas nas dbyung ba'i las byas te dge slong ma'i dge 'dun 'thun pas phyag bya ba'i 'os ma yin pa'i sdom pa byin/ skra 'greng bar gyur/ skra 'phyar bar gyur cing / dge slong gi dge 'dun la spu snyol bar byed/ 'byung bar bskyod/ mtshungs pa nye bar ston la/ mtshams kyi nang du 'dug ste bzod pa gsol bar shes bzhin du de la 'di skad ces/ 'phags pa khyod skra 'greng bar gyur/ skra 'phyar bar</font><hr>9.4b<br><font size=+1>

gyur cing / dge slong gi dge 'dun la spu snyol bar ma byed cig /'byung bar ma bskyod cig /mtshungs pa nye bar ma ston cig /mtshams kyi nang du 'dug ste bzod par gsol bar ma byed cig /bdag gis 'phags pa khyod la lhung bzed dang / chos gos dang / dra ba dang / phor bu dang /  ska rags dang / klag pa dang / kha ton bya ba dang / rnal 'byor dang / yid la bya ba dang / 'phags pa la ci dang cis brel ba de dang des mi brel bar bsnyen bkur bya'o zhes zer na dge slong ma de la dge slong ma rnams kyis 'di skad ces 'phags ma khyod dge slong gi dge 'dun 'thun pas dge slong gang la gnas nas dbyung ba'i phrin las mdzad de/ dge slong ma'i dge 'dun 'thun pas phyag bya ba'i 'os ma yin pa'i sdom pa byin pa/ skra 'greng bar gyur/ skra 'phyar bar gyur cing / dge slong gi dge 'dun la spu snyol bar byed/ 'byung bar bskyod/ mtshungs pa nye bar ston la/ mtshams kyi nang du 'dug ste bzod par gsol bar shes bzhin du de la 'di skad ces 'phags pa khyod skra 'greng bar gyur/ skra 'phyar bar gyur cing / dge slong gi dge 'dun la spu snyol bar ma byed cig /'byung bar ma bskyod cig /mtshungs pa nye bar ma ston cig /mtshams kyi nang du 'dug ste bzod par gsol bar ma byed cig /bdag gis 'phags pa khyod la lhung bzed dang / chos gos dang / dra ba dang / phor bu dang / ska rags dang /  klag pa dang / kha ton bya ba dang / rnal 'byor dang / yid la bya ba dang / 'phags pa la ci dang cis brel ba de dang des mi brel bar bsnyen bkur bya'o zhes de skad ma zer cig /'phags ma khyod gnas nas dbyung ba'i rjes su phyogs pa'i gzhi 'di lta bu thong shig ces bsgo bar bya'o/ /dge slong ma de la/ dge slong ma rnams kyis 'di skad ces bsgo ba na gal te gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum gyi bar du yang dag par bsgo bar bya/ yang dag par bstan par bya'o/ /lan gnyis lan gsum gyi bar du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge slong ma de yang pham par gyur pa yin gyi gnas par mi bya'o/ /'phags ma dag bdag gis pham par 'gyur ba'i chos brgyad po dag bton</font><hr>9.5a<br><font size=+1>

zin to/ /dge slong mas de dag las ltung ba gang yang rung ba zhig byas na thog ma ji lta bar phyis kyang de bzhin du pham par 'gyur ba yin te/ dge slong ma rnams dang lhan cig gnas pa dang longs spyad du mi dbang gis gnas par mi bya'o/ /de la bdag gis 'phags ma dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la 'phags ma dag yongs su dag na 'di ltar cang mi smra bas de de bzhin du 'dzin to/ / sdom la/ smyan byed pa dang gzhi med dang / /gsum pa bag tsam cha las len/ /bzhi pa ci yang rung bar bya/ /lnga pa chags pa med pa ste/ /mtshan mo nyin mo lam 'gro dang / /chu klung pha rol yid 'thun no/ /'phags ma dag dge 'dun lhag ma'i chos nyi shu po 'di dag ni zla ba phyed phyed cing so sor thar pa'i mdo gdon pa las 'byung ngo / /yang dge slong ma gang bud med la skyes pa'i tshig dang / skyes pa la bud med kyi tshig gis chung ma nyid dam mdza' na mo nyid du smyan byed na tha na thang 'ga' phrad pa la yang rung ste/ chos 'di ni dang pos ltung bar 'gyur ba 'byung ba dang bcas pa ste dge 'dun lhag ma'o/ /yang dge slong ma gang khros shing zhe sdang bar gyur nas ci nas kyang 'di tshangs par spyod pa dang dbral lo snyam nas dge slong ma dag ltung ba med pa la gzhi med par pham par 'gyur ba'i chos kyis skur pa las de dus gzhan zhig na dris kyang rung / ma dris kyang rung rtsod pa de yang gzhi med pa yin la dge slong ma yang zhe sdang la gnas shing zhe sdang gis smras so zhe na/ chos 'di yang dang pos ltung bar 'gyur la 'byung ba dang bcas pa ste/ dge 'dun lhag ma'o/ /yang dge slong ma gang khros shing zhe sdang bar gyur nas ci nas kyang 'di tshangs par spyod pa dang dbral lo snyam nas dge slong ma dag pa ltung ba med pa la gzhan gyi cha ma yin pa dang 'thun pa pham par 'gyur ba'i chos kyis skur pa las de dus gzhan zhig na dris kyang rung ma dris kyang rung rtsod pa de yang gzhan gyi cha ma yin pa dang 'thun pas bag tsam las bsams pa tsam gyis blangs par gyur la/ dge slong ma yang zhe sdang la gnas pas zhe sdang gis smras so zhe na/ chos 'di yang dang pos ltung bar 'gyur la</font><hr>9.5b<br><font size=+1>

'byung ba dang bcas pa ste dge 'dun lhag ma'o/ /yang dge slong ma gang chags par gyur la skyes pa chags par gyur pa las ci yang rung ba bdag gir byed na chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang dge slong ma zhig la 'di skad ces kye khyod chags par ma gyur na chags pa med pas skyes pa chags par gyur pa las ci yang rung ba bdag gir byar rung ngo zhes zer na/ chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang gcig pu mtshan mo dbyar khang nas 'bral bar byed na chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang gcig pu nyin par dbyar khang nas 'bral bar byed na chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang gcig pu lam du zhugs shing 'gro na chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang gcig pu chu klung gi pha rol du rgal na chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang bud med gang zhig tshogs pa yid 'thun pa bdag pos yongs su btang ba rgyal pos rjes su gnang bar shes bzhin du rab tu mi 'byin na/ chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o/         /sdom la/ shi ba'i nor rdzas len pa dang / /dge slong ma la bzod byed dang / /spong dang 'thab krol byed pa dang / /sten dang sten du 'jug pa dang / /dge 'dun dbyen dang de rjes phyogs/ /sun 'byin bka' blo mi bde ba'o/ /yang dge slong ma gang shi ba'i nor rdzas chags rgya ded na chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang dge slong ma zhig la dge slong ma'i dge 'dun 'thun pas gnas nas dbyung ba'i las byas par shes bzhin du de mtshams kyi phyi rol du khrid de bzod pa gsol tu bcug na chos 'di yang dang pos ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang khros 'khrugs rngam par gyur</font><hr>9.6a<br><font size=+1>

te yid ma rangs nas 'di skad ces sangs rgyas gtong ngo / /chos gtong ngo / /dge 'dun gtong ngo / /shAkya'i bu'i dge sbyong 'ba' zhig tshul khrims dang ldan pa/ yon tan dang ldan pa/ des pa/ dge ba'i chos can ma yin gyi/ dge sbyong dang / bram ze tshul khrims dang ldan pa/ yon tan dang ldan pa/ des pa/ dge ba'i chos can gzhan dag kyang yod kyis de dag las tshangs par spyod pa spyad do zhes zer na de la dge slong ma rnams kyis 'di skad ces 'phags ma khyod khros 'khrugs rngam par gyur te yid ma rangs nas 'di skad ces sangs rgyas gtong ngo / /chos gtong ngo / /dge 'dun gtong ngo / /shAkya'i bu'i dge sbyong 'ba' zhig tshul khrims dang ldan pa/ yon tan dang ldan pa/ des pa/  dge ba'i chos can ma yin gyi/ dge sbyong dang bram ze tshul khrims dang ldan pa/ yon tan dang ldan pa/ des pa/ dge ba'i chos can gzhan dag kyang yod kyis de dag las tshangs par spyad pa spyod do/ /zhes ma zer cig /'phags ma khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge slong ma de la dge slong ma rnams kyis de skad bsgo ba na gal te gzhi de gtong na de lta na legs/  gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gal te gzhi de gtong na de lta na legs/ gal te mi gtong na chos 'di ni lan gsum gyi bar gyis ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang 'thab krol byed cing gnas pa la dge slong ma rnams kyis phu nu mo khyod 'thab krol ma byed cig /mtshang ma 'dru shig /ma rtsod shig /ma 'gyed cig ces de skad bsgo ste de ltar bzlog na 'di skad ces 'di na dge slong ma kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar dge slong ma 'thab krol byed pa/ kha cig ni skrod par byed/ kha cig ni skrod par mi byed do zhes zer na/ dge slong ma de la dge slong ma rnams kyis 'di skad ces phu nu</font><hr>9.6b<br><font size=+1>

mo khyod dge slong ma rnams kyis 'thab krol ma byed cig /mtshang ma 'dru shig /ma rtsod cig /ma 'gyed cig ces de skad ces bsgo ste de ltar bzlog pa na 'di skad ces 'di na dge slong ma kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar dge slong ma 'thab krol byed pa kha cig ni skrod par byed la kha cig ni skrod par mi byed do zhes ma zer cig /phu nu mo khyod 'dun pas 'gro ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya ste/ dge slong ma de la dge slong ma rnams kyis de skad bsgo ba na gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gal te gzhi de gtong na de lta na legs/ gal te mi gtong na chos 'di yang lan gsum gyi bar gyi ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang bud med dang gzhog stegs dang / 'phyar g.yeng dang / tsab hral gyi rgyur gyur pa dag gis sde zhing gnas par byed la/ dge slong ma rnams kyis 'di skad ces phu nu mo khyod bud med dang sde zhing gnas par ma byed cig /sde zhing gnas nas gzhog stegs dang / 'phyar g.yeng dang / tsab hral dag ma byed cig /dge slong ma khyed tha dad du gyis shig /khyed tha dad du gnas na dge ba'i chos rnams 'phel ba nyid du shes par bya'i 'grib par ni ma yin no zhes bsgo bar bya'o/ /dge slong ma de la dge slong ma rnams kyis de skad bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gal te gzhi de gtong na de lta na legs/ gal te mi gtong na chos 'di yang lan gsum gyi bar gyis ltung bar 'gyur la 'byung ba dang bcas</font><hr>9.7a<br><font size=+1>

pa ste dge 'dun lhag ma'o/ /yang dge slong ma gang dge slong ma'i dge 'dun 'thun pa'i dge slong ma gang dag tha dad du gnas par bsgo ba sde zhing gnas pa de btang ste tha dad du gnas par shes bzhin du de gnyis kyi gan du song ste/ 'di skad ces phu nu mo khyed gnyis tha dad du gnas par ma byed cig /khyed gnyis tha dad du gnas na dge ba'i chos rnams 'bri ba nyid du shes par bya'i 'phel bar ni ma yin no/ /khyed gnyis sde zhing gnas par gyis shig /khyed gnyis sde zhing gnas nas dge ba'i chos 'phel ba nyid du shes par bya'i 'bri bar ni ma yin no zhes zer na dge slong ma de la dge slong ma rnams kyis 'di skad ces phu nu mo khyod dge slong ma gang dag sde zhing gnas nas gzhog stegs dang / 'phyar g.yeng dang / tsab hral byed pa las de gnyis tha dad du gnas par shes bzhin du 'di skad ces phu nu mo khyod gnyis tha dad du gnas par ma byed cig /khyed gnyis tha dad du gnas na dge ba'i chos rnams 'bri ba nyid du shes par bya'i 'phel bar ni ma yin no/ /khyed gnyis sde zhing gnas par gyis shig /khyed gnyis sde zhing gnas na dge ba'i chos rnams 'phel ba nyid du shes par bya'i 'bri bar ni ma yin no zhes ma zer cig /phu nu mo khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge slong ma de la dge slong ma rnams kyis de skad bsgo ba na gal te gzhi te gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/  gal te mi gtong na chos 'di yang lan gsum gyi bar gyis ltung bar 'gyur la 'byung ba dang bcas pa ste dge 'dun lhag ma'o/ /yang dge slong ma gang dge 'dun 'thun par dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug na dge slong ma de la dge slong ma rnams kyis kyis 'di skad ces 'phags ma khyod dge 'dun 'thun pa dbye ba'i phyir rtul</font><hr>9.7b<br><font size=+1>

bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /dge 'dun 'thun par gyis shig /dge 'dun 'thun mi phyed/ kun du dga' mi rtsod/ mchog gcig 'don pa gcig /chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la gnas par 'gyur gyis 'phags ma khyed dge 'dun 'byed pa'i gzhi 'di lta bu 'di thong shig ces bsgo bar bya'o/ /dge slong ma de la dge slong ma rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum gyi bar du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na chos 'di yang lan gsum gyi bar gyis ltung bar 'gyur la 'byung ba dang bcas pa ste dge 'dun lhag ma'o/ /dge slong ma de'i grogs byed pa'i dge slong ma mi mthun par smra ba nyid kyis rjes su phyogs pa gcig gam gnyis sam mang po dag yod cing / gal te de dag dge slong ma rnams la 'di skad ces/ 'phags ma dag khyed cag dge yang rung sdig kyang rung dge slong ma 'di la ci yang ma smra shig /de ci'i phyir zhe na/ 'phags ma dag dge slong ma 'di ni chos smra ba/ 'dul ba smra ba/ dge slong ma 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong ma 'di ni shes bzhin du smra'i mi shes par ma yin pa'i phyir te/ dge slong ma 'di gang la 'dod cing bzod pa de la bdag cag kyang 'dod cing bzod do zhes zer na/ dge slong ma de dag la dge slong ma rnams kyis 'di skad ces 'phags ma dag khyed cag dge yang rung sdig kyang rung dge slong ma 'di la ci yang ma smra shig /de ci'i phyir zhe na/ 'phags ma dag dge slong ma 'di ni chos smra ba/ 'dul ba smra ba/ dge slong ma 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong ma 'di shes bzhin du smra'i mi shes par ni ma yin pa'i phyir te/ dge slong ma 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ 'phags ma dag /</font><hr>9.8a<br><font size=+1>

dge slong ma 'di ni chos ma yin pa smra ba/ 'dul ba ma yin pa smra ba/ dge slong ma 'di ni chos ma yin pa dang / 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong ma 'di ni mi shes bzhin du smra'i/ shes par smra ba ma yin pa'i phyir te/ dge slong ma 'di gang la 'dod cing bzod pa de la 'phags ma dag bzod par ma byed cig /'phags ma dag khyed dge 'dun 'byed 'dod par ma byed par 'phags ma dag dge 'dun 'thun pa dag nyid du 'dod par gyis shig /'phags ma dag dge 'dun 'thun par gyis shig /dge 'dun 'thun mi phyed/ kun du dga' mi rtsod/ mchog gcig 'don pa gcig /chu dang 'o ma 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/  'phags ma dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces bsgo bar bya'o/ /dge slong ma de dag la dge slong ma rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na chos 'di yang lan gsum gyi bar gyis ltung bar 'gyur la 'byung ba dang bcas pa ste dge 'dun lhag ma'o/ /dge slong ma rab tu mang po dag grong ngam grong rdal zhig na nye bar brten cing gnas par gyur pa de dag kyang khyim sun 'byin pa sdig pa'i chos kun du spyod par gyur cig de dag gis khyim dag sun 'byin par mthong ngam/ thos sam/ rab tu shes sam/ de dag sdig pa kun tu spyod par mthong ngam/ thos sam/ rab tu shes na dge slong ma de dag la dge slong ma rnams kyis 'di skad ces 'phags ma dag khyed khyim sun 'byin pa sdig pa'i chos kun du spyod pa dag yin te/ khyed kyis khyim dag sun phyung bar mthong zhing thos la rab tu shes/ khyed sdig pa kun du spyod par yang mthong</font><hr>9.8b<br><font size=+1>

zhing thos la rab tu shes kyis/ 'phags ma dag khyed 'di na gnas pas chog gis gnas 'di nas deng shig ces bsgo bar bya'o/ /gal te de dag dge slong ma rnams la 'di skad ces 'phags ma dag 'di na dge slong ma kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong ma kha cig ni skrod par byed/ kha cig ni skrod par mi byed do zhes zer na dge slong ma de dag la dge slong ma rnams kyis 'di skad ces 'phags ma khyed de skad ces 'phags ma dag 'di na dge slong ma kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na la dge slong ma kha cig ni skrod par byed kha cig ni skrod par mi byed do zhes ma zer cig /de ci'i phyir zhe na/ dge slong ma de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar 'phags ma dag nyid khyim sun 'byin pa sdig pa'i chos kun du spyod pa dag yin te/ khyed kyis khyim dag sun phyung ba yang mthong zhing thos la rab tu shes/ khyed sdig pa kun du spyod par yang mthong zhing thos la rab tu shes pa'i phyir te/ 'phags ma dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya'o/ /dge slong ma de dag la dge slong ma rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na chos 'di yang lan gsum gyi bar gyis ltung bar 'gyur la 'byung ba dang bcas pa ste dge 'dun lhag ma'o/ /</font><hr>9.9a<br><font size=+1>

'di na dge slong ma 'ga' zhig bka' blo mi bde ba'i rang bzhin can du gyur la/ de la dge slong ma rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smra ba na/ 'phags ma dag khyed cag dge yang rung sdig kyang rung bdag la ci yang ma smra shig /bdag kyang dge yang rung sdig kyang rung 'phags ma dag la ci yang mi smra'o/ /'phags ma dag gis bdag la tshig gis lam 'di thong shig /khyed la yang bdag gis smras pas ci zhig bya zhes bdag nyid brjod par bya ba ma yin par byed na dge slong ma de la dge slong ma rnams kyis 'di skad ces 'phags ma khyod dge slong ma rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smra ba na bdag nyid brjod par bya ba ma yin par ma byed par 'phags mas bdag nyid brjod par bya ba kho nar gyis shig dge slong ma rnams kyis 'phags ma la chos dang 'thun pa dang / 'dul ba dang 'thun par smras pa na 'phags ma yang dge slong ma rnams la chos dang 'thun pa dang / 'dul ba dang 'thun par smros shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig la gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/ 'phags ma khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces bsgo bar bya'o/ /dge slong ma de la dge slong ma rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan</font><hr>9.9b<br><font size=+1>

gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na chos 'di yang lan gsum gyi bar gyis ltung bar 'gyur la 'byung ba dang bcas pa ste dge 'dun lhag ma'o/ /'phags ma dag bdag gis dge 'dun lhag ma'i chos nyi shu po dag bton zin to/ /de dag las bcu gnyis ni ltung ba dang po nyid kyis so/ /brgyad ni lan gsum gyi bar gyis so/ /dge slong mas de dag las ltung ba gang yang rung ba zhig byas la ji srid du shes bzhin du 'chab par byed pa de srid du de mi 'dod bzhin du spo ba bya'o/ /dge slong mas mi 'dod bzhin du spo ba byas nas de'i 'og tu zla ba phyed kyi bar du gnyi ga'i dge 'dun mgu bar bya ba spyad par bya'o/ /dge slong mas mgu bar bya ba spyad nas dbyung ba la thogs te chos dang mthun par byas la gnyi ga'i sems mgu bar byas nas gang na gnyi ga'i dge 'dun bzhi bcu'i tshogs yod pa der dge slong ma dbyung bar bya'o/ /gnyi ga'i dge 'dun bzhi bcur gcig gis ma tshang ba'i tshogs kyis dge slong ma de 'byin par byed na dge slong ma de yang ma phyin la/ gnyi ga'i dge 'dun de dag kyang smad par bya ba yin te/ de la de ni cho ga yin no/ /de la bdag gis 'phags ma dag la ci 'di la khyed yongs su dag gam zhes dri bar bya'o/ /ci 'di la khyed yongs su dag gam zhes lan gnyis lan gsum du dri'o/ /'di la 'phags ma dag yongs su dag na 'di ltar cang mi smra bas de de bzhin du 'dzin to/          / sdom la/ 'chang ba 'bral ba 'jog pa dang / 'khru ba dang ni len pa dang / /slong dang stod g.yogs smad g.yogs bcas/ /rin thang so sor bskur ba'o/ /'phags ma dag spang ba'i ltung byed kyi chos sum cu rtsa gsum po 'di dag ni zla ba phyed phyed cing so sor thar pa'i mdo gdon pa las 'byung ngo / /dge slong ma chos gos zin pas sra brkyang byung nas zhag bcu'i bar du gos lhag pa rung ba ma byas pa bcang bar bya'o/ /de las lhag par 'chang na spang ba'i ltung byed do/ /dge slong ma chos gos zin pas sra</font><hr>9.10a<br><font size=+1>

brkyang phyung nas gal te nub gcig kyang chos gos lnga las gang yang rung ba dang mtshams kyi phyi rol du 'bral bar byed na dge 'dun gyis gnang ba ma gtogs te spang ba'i ltung byed do/ /dge slong mas chos gos zin pa sra brkyang phyung nas dus ma yin pa'i gos shig rnyed la 'dod na dge slong ma des gos blang bar bya'o/ /blangs nas gal te langs na myur ba kho nar gos su byas te bcang bar bya'o/ /gal te mi langs na kha ma langs pa kha skong ba'i gos la re ba yod na dge slong ma des gos de zla ba cig gi mthar gzhag par bya'o/ /de las 'das par 'jog na spang ba'i ltung byed do/ /yang dge slong ma gang dge slong nye du ma yin pa'i gos rnying pa 'khru 'am/ 'tshed dam/ 'chags na spang ba'i ltung byed do/ /yang dge slong ma gang dge slong nye du ma yin pa las gos len na brje ba ma gtogs te spang ba'i ltung byed do/ /yang dge slong ma gang khyim bdag gam khyim bdag gi chung ma nye du ma yin pa'i gan du song ste gos slong na dus ma gtogs te spang ba'i ltung byed do/ /de la dus ni 'di yin te/ dge slong ma gos phrogs sam/ gos brlag gam/ gos tshig gam/ gos rlung gis khyer ram/ gos chus khyer na de ni dus yin no/ /dge slong ma gos phrogs sam/ gos brlag gam/ gos tshig gam/ gos rlung gis khyer ram/ gos chus khyer na/ khyim bdag gam khyim bdag gi chung ma nye du ma yin pa'i gan du song la bslang bar bya'o/ /gal te de la bram ze 'am khyim bdag dad pa can shig gos mang po stobs la 'dod na dge slong ma des de las gos stod g.yogs dang smad g.yogs dang bcas pa'i mthar thug pa blang bar bya'o/ /de las lhag par len na spang ba'i ltung byed do/ /dge slong ma'i phyir khyim bdag gam/ khyim bdag gi chung ma nye du ma yin pas gos kyi rin 'di dag spags nas bdag gis gos kyi rin 'di dag gis gos 'di dang 'di lta bu zhig nyos la/ dge slong ma ming 'di zhes bya ba 'ongs pa dang / de la gos rung ba dus su bskon no snyam pa las de nas gal te dge slong ma de las sngar ma bstabs par rnam par rtog pa 'ga' zhig byung ste/ bzang po 'dod pa'i phyir khyim bdag gam khyim bdag gi chung ma nye du ma yin pa'i gan du song nas 'di skad ces tshe dang ldan pas bdag gi gos</font><hr>9.10b<br><font size=+1>

kyi rin dag spags pa'i gos kyi rin de dag gis tshe dang ldan pa gos 'di dang 'di lta bu zhig nyos la bdag la gos rung ba dus su skon cig ces smras te gos grub na spang ba'i ltung byed do/ /dge slong ma'i phyir khyim bdag gam khyim bdag gi chung ma nye du ma yin pas gos kyi rin so so dag spags nas bdag cag gnyis kyis gos kyi rin so so ba 'di dag gis gos 'di dang 'di lta bu so so ba 'di dag nyos la dge slong ma ming 'di zhes bya ba 'ongs pa dang bdag cag gnyis kyis so so nas de la gos rung ba dus su bskon no snyam pa las/ de la gal te dge slong ma de la sngar ma bstabs par rnam par rtog pa 'ga' zhing byung ste/ bzang po 'dod pa'i phyir khyim bdag gam khyim bdag gi chung ma nye du ma yin pa'i gan du song nas 'di skad ces tshe dang ldan pa bdag gis bdag gi phyir gos kyi rin so so ba gang dag spags pa'i gos kyi rin so so ba 'di dag gis tshe dang ldan pa dag gos 'di dang 'di lta bu so so ba dag nyos la gnyi ga 'dus te bdag la gos rung ba cig dus su legs par skon cig ces smras te gos grub na spang ba'i ltung byed do/ /dge slong ma'i phyir rgyal po 'am/ blon po chen po 'am/ bram ze 'am/ khyim bdag gam/ grong rdal gyi mi 'am/ yul gyi mi 'am/ nor can nam/ tshong dpon nam/ ded dpon gyis pho nya'i lag tu gos kyi rin dag bskur bar gyur la/ de nas pho nya des gos kyi rin de dag khyer nas dge slong ma ga la ba der song ste/ dge slong ma de la 'di skad ces 'phags ma mkhyen par mdzod cig /khyod la rgyal po 'am/ blon po chen po 'am/ bram ze 'am/ khyim bdag gam/ grong rdal gyi mi 'am/ yul gyi mi 'am/ nor can nam/ tshong dpon nam/ ded dpon che ge mos gos kyi rin 'di dag bskur gyis 'phags ma thugs brtse ba'i slad du de dag bzhes shig ces zer na/ dge slong ma des pho nya de la 'di skad ces tshe dang ldan pa pho nya dge slong ma dag ni gos kyi rin dag len du mi rung ste/ bdag cag gos rung ba dus su rnyed na len to zhes brjod par bya'o/ /gal te pho nya de dge slong ma de la 'di skad ces 'phags ma</font><hr>9.11a<br><font size=+1>

rnams kyi zhal ta bgyid pa 'phags ma rnams kyi zhal ta nyams su len pa gang lags pa 'ga' mchis sam zhes zer na/ dge slong ma gos 'dod pas pho nya 'di ni dge slong ma rnams kyi zhal ta byed pa ste/ 'di ni dge slong ma rnams kyi zhal ta nyams su len pa'o zhes kun dga' ra ba pa 'am/ dge bsnyen zhal ta byed pa bstan par bya'o/ /de nas pho nya des gos kyi rin dag khyer nas zhal ta byed pa ga la ba der 'gro bar bya zhing phyin nas zhal ta byed pa de la 'di skad ces tshe dang ldan pa zhal ta byed pa shes par gyis shig /khyed kyis gos kyi rin 'di dag gis gos 'di dang 'di lta bu zhig nyos la dge slong ma ming 'di zhes bya ba 'ongs pa dang / de la gos rung ba dus su skon cig ces brjod par bya'o/ /de nas pho nya des zhal ta byed pa de la shin du legs par yang dag par bsgo zhing yang dag par bstan nas/ dge slong ma ga la der 'gro bar bya zhing phyin nas dge slong ma de la 'di skad ces/ 'phags mas zhal ta bgyid pa bstan pa gang lags pa de la bdag gis yang dag par bstan lags kyis de'i gan du bzhud cig dang /  des khyod la gos rung ba dus su skon par 'gyur ro zhes brjod par bya'o/ /dge slong ma gos 'dod pas zhal ta byed pa'i gan du song la tshe dang ldan pa zhal ta byed pa bdag gos 'dod do/ /tshe dang ldan pa zhal ta byed pa bdag gos 'dod do/ /zhes lan gnyis lan gsum du bskul bar bya dran par bya'o/ /lan gnyis lan gsum du bskul zhing dran par byas pa na gal te gos de grub na de lta na legs/ gal te ma grub na lan bzhi lan lnga lan drug gi bar du phyogs su cang mi smra bar bsdad par bya'o/ /lan bzhi lan lnga lan drug gi bar du phyogs su cang mi smra bar bsdad pa na gal te gos grub na de lta na legs/ gal te ma grub na de ni de'i 'og tu gos sgrub pa'i phyir rtsal te gos grub na spang ba'i ltung byed do/ /gal te ma grub na phyogs gang na gos kyi rin de dag 'ongs pa der bdag 'gro bar bya'o/ /yang na yid brtan pa'i pho nya las tshe dang ldan pa dag gis dge slong ma che ge mo'i phyir gos kyi rin bskur ba de dag ni dge slong ma de'i don ci yang ma grub kyis shes par gyis shig /tshe dang ldan pa dag gis rang gi nor chud</font><hr>9.11b<br><font size=+1>

ma gsan cig ces spring bar bya ste/ de la de ni cho ga yin no/ /sdom la/ gser dngul mngon tshan nyo tshong dang / /tshol dang 'thag pa skyed pa dang / /byin phrogs bsngos dang gsog 'jog dang / /'chang dang byin gyis mi rlob pa'o/ /yang dge slong ma gang rang gi lag gis gser dang dngul len tam len du 'jug na spang ba'i ltung byed do/ /yang dge slong ma gang mngon mtshan can gyi spyod pa sna tshogs byed na spang ba'i ltung byed do/ /yang dge slong ma gang nyo tshong rnam pa sna tshogs byed na spang ba'i ltung byed do/ /yang dge slong ma gang lhung bzed lhan pa lnga med pa spyad bzod pa yod bzhin du bzang po 'dod pa'i phyir lhung bzed gsar pa gzhan tshol zhing grub na spang ba'i ltung byed do/ /yang dge slong ma des lhung bzed de dge slong ma'i 'khor la dbul bar bya'o/ /dge slong ma 'khor de'i lhung bzed mthar gyur pa gang yin pa de dge slong ma de la/ dge slong ma khyod kyis lhung bzed 'di byin gyis brlab par mi bya/ /gtang bar mi bya/ gzhan la sbyin par mi bya bar chags pa'i mthar thug pa'i bar du khad kyis dal bu dal bus spyad par bya'o/ /zhes sbyin par bya ste/ de la de ni cho ga yin no/ /yang dge slong ma gang rang gis blangs pa'i dog pa tha ga pa nye du ma yin pa la 'thag tu bcug na gos grub na spang ba'i ltung byed do/ /dge slong ma'i phyir khyim bdag gam khyim bdag gi chung ma nye du ma yin pas tha ga pa nye du ma yin pa la 'thag tu bcug pa las de la gal te dge slong ma de la sngar ma bstabs par rnam par rtog pa 'ga' zhig byung nas tha ga pa nye du ma yin pa'i gan du song ste 'di skad ces tshe dang ldan pa tha ga pa shes par gyis shig /gos 'di kho mo'i phyir 'thag gis tshe dang ldan pa tha ga pa gos 'di zheng che ba dang / khrun ring pa dang thar gyis zhag pa dang / thag ran bzang po legs par gyis shig /tshe dang ldan pa tha ga pa kho mos gla rngan 'di lta ste/ bza' ba 'am bca' ba 'am/ bza' rgyu cung zad sbyin no zhes smras nas de la gal te dge slong ma des gos sgrub pa'i phyir gla rngan 'di lta ste/ bca' ba 'am bza' ba'am/ bza' rgyu cung zad cig byin zhing gos grub na spang ba'i ltung byed do/ /yang dge slong ma gang dge slong ma la gos byin nas de'i 'og tu khros 'khrugs rngam par gyur te yid ma rangs nas 'khrog gam 'khrog tu 'jug cing / de la 'di skad ces dge slong ma khyod la</font><hr>9.12a<br><font size=+1>

gos mi sbyin gyis phyir byin cig ces zer na dge slong ma de la lhag ma yod na de la phyir sbyin par bya zhing btang na spang ba'i ltung byed do/ /yang dge slong ma gang dge 'dun la bsngos pa'i rnyed pa shes bzhin du gang zag la sgyur du 'jug na spang ba'i ltung byed do/ /bcom ldan 'das kyis dge slong ma na ba rnams la phan pa so sor bsten par bya ba'i sman gang dag bka' stsal pa 'di lta ste/ zhun mar dang / 'bru mar dang / bu ram dang / sbrang rtsi dang /  bu ram gyi dbu ba de dag las dge slong ma na bas 'dod na rang gis zhag bdun par byin gyis brlabs te gsog 'jog gis yongs su spyad pas yongs su longs spyod par bya'o/ /de las 'das par yongs su longs spyod par byed na spang ba'i ltung byed do/ /dge slong mas lhung bzed lhag pa zhag gcig gi bar du bcang bar bya'o/ /de las 'das par 'chang na spang ba'i ltung byed do/ /yang dge slong ma gang chos gos byin gyis brlab du rung ba nyi ma dang po la 'am zla ba phyed phyed cing byin gyis mi rlobs na spang ba'i ltung byed do/               /sdom la/ 'byin dang mi 'byin slong ba dang / /gos dang gos rgyu mal cha rgyu/ /dbyar khang rgyu dang skye bo dang / /dge 'dun bcings bkrol lci yang ngo / /yang dge slong ma gang dus ma yin par sra brkyang 'byin na spang ba'i ltung byed do/ /yang dge slong ma gang dus su sra brkyang mi 'byin na spang ba'i ltung byed do/ /yang dge slong ma gang bdag gi phyir mngon tshan can slong na spang ba'i ltung byed do/ /yang dge slong ma gang gzhan gyi ched du rnyed pa'i gos zas su byas te bza' ba'i phyir 'jog na spang ba'i ltung byed do/ /yang dge slong ma gang gos kyi ched du rnyed pa gang yang rung ba zas su byas te bza' ba'i phyir 'jog na spang ba'i ltung byed do/ /yang dge slong ma gang mal cha'i ched du rnyed pa gang yang rung ba zas su byas te bza' ba'i phyir 'jog na spang ba'i ltung byed do/ /yang dge slong ma gang dbyar khang gi ched du rnyed pa gang yang rung ba zas su byas te bza' ba'i phyir 'jog na spang ba'i ltung byed do/ /yang dge slong ma gang dge slong ma'i skye bo mang po'i phyir sbyor du bcug pa'i rnyed pa gang zag la yongs su sbyar na spang ba'i ltung byed do/ /</font><hr>9.12b<br><font size=+1>

yang dge slong ma gang dge slong ma'i dge 'dun gyi phyir sbyor du bcug pa'i rnyed pa gang zag dag la yongs su sgyur na spang ba'i ltung byed do/ /yang dge slong ma gang chags par gyur pas thum po bcings shing bcings shing 'grol du bcug na spang ba'i ltung byed do yang dge slong ma gang gos lcid dang rin thang lci ba 'chang na spang ba'i ltung byed do/ /yang dge slong ma gang lcid yang ba rin thang lci ba 'chang na spang ba'i ltung byed do/           /sdom la/ srin bal 'ba' zhig cha gnyis dang / /drug dang mtho gang lam dang ni/ /'khru dang 'chang dang rta dang dgon/ /ras chen ma gtogs lhag ma yin/ /'phags ma dag bdag gis spang ba'i ltung byed kyi chos sum cu rtsa gsum po dag bton zin to/ /de la bdag gis 'phags ma dag la ci 'di la khyed yongs su dag gam zhes dri'o/ / ci 'di la khyed yongs su dag gam zhes lan gnyis lan gsum du dri'o/ /'di la 'phags ma dag yongs su dag na 'di ltar cang mi smra bas de de bzhin du 'dzin to//            //dge slong ma'i so sor thar pa'i mdo/ / bam po gnyis pa ste tha ma'o/         /spyi sdom la/ brdzun dang sa bon 'dug gnas dang / /srog chags bde dang dud 'gro dang / /rku ba dang ni zas bcas pa/ /de dag thun mong yin par 'dod/       / sdom la/ brdzun skyon dge slong phra ma dang / /skyo sngogs byed dang ston pa dang / /'don dang gnas ngan len dang chos/ /bshes ngor byed dang khyad tu gsod/ /'phags ma dag ltung byed kyi chos brgya brgyad bcu po 'di dag ni zla ba phyed phyed cing so sor thar pa'i mdo gdon pa las 'byung ngo / /shes bzhin du rdzun du smra na ltung byed do/ /mi'i skyon nas smra na ltung byed do/ /dge slong ma la phra ma byed na ltung byed do/ /yang dge slong ma gang dge 'dun 'thun pas chos bzhin du rtsod pa sbyangs pa shes bzhin du yang las kyis skyo sngogs byed na ltung byed do/ /yang dge slong ma gang skyes pa'i yul la tshig lnga 'am drug las lhag par chos ston na rig pa'i bud med ma gtogs te ltung byed do/ /yang dge slong ma gang zag bsnyen par ma rdzogs pa dang tshig gis chos 'don na ltung byed do/ /yang dge slong ma gang gang zag bsnyen par ma rdzogs pa la gnas ngan len gyi ltung ba</font><hr>9.13a<br><font size=+1>

rjod na dge 'dun gyis gnang ba ma gtogs te ltung byed do/ /yang dge slong ma gang gang zag bsnyen par ma rdzogs pa la mi'i chos bla ma bden par smra na ltung byed do/ /yang dge slong ma gang sngar legs par rung bar byas nas de'i 'og tu 'di skad ces 'phags ma dag 'di ltar bshes ngor byas te dge 'dun gyi rnyed par bsngos pa bdag gi gang zag la bsngos so zhes zer na ltung byed do/ /yang dge slong ma gang zla ba phyed phyed cing so sor thar pa'i mdo gdon pa 'don na 'di skad ces 'phags ma dag gang dag gis dge slong ma rnams 'gyod pa dang yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci zhig bya zhes zer zhing bslab pa khyad du gsod na ltung byed do/          / sdom la/ sa bon 'phya ba bsgo ba dang / khri dang gding dang phyis gnon dang / /'byung ba dang ni 'debs pa dang / /rim pa gnyis su rtsig pa'o/ /sa bon gyi tshogs sam 'byung po gnas 'jig gam 'jig tu 'jug na ltung byed do/ /'phya 'am gzhog 'phyas byed na ltung byed do/ /bsgo ba rna la gzon na ltung byed do/ /yang dge slong ma gang dge 'dun gyi khri 'am/ khri'u 'am/ stan nang tshangs can nam/ la ba 'am/ sngas sam/ gor bu bla gab med par bting ngam 'ding du bcug nas ma bsdus sam/ sdud du ma bcug gam/ dge slong ma 'khod pa la yang ma bcol bar de nas song na de 'dra ba'i rkyen ma gtogs te ltung byed do/ /yang dge slong ma gang dge 'dun gyi dbyar khang du rtswa'i gding ba 'am/ lo ma'i gting ba bting ngam/ 'ding du bcug nas ma bsdus sam/ sdud du ma bcug gam/ dge slong ma 'khod pa la ma bcol bar de nas song na de 'dra ba'i rkyen ma gtogs te ltung byed do/ /yang dge slong ma gang dge 'dun gyi dbyar khang nas dge slong ma snga nas 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te phyis gnon byas nas stan la nyal lam 'dug na ltung byed do/ /yang dge slong ma gang dge 'dun gyi dbyar khang gi steng gi nam mkha' la thog bor bar khri 'am khri'u rtsa ba 'byung bar</font><hr>9.13b<br><font size=+1>

shes bzhin du ljid kyis phab ste 'dug gam nyal na ltung byed do/ /yang dge slong ma gang shes bzhin du srog chags dang bcas pa'i chus rtswa 'am/ lci ba 'am/ sa la 'debs sam/ 'debs su 'jug na ltung byed do/ /dge slong mas dbyar khang chen po zhig rtsig gam/ rtsig du 'jug na sgo'i sbubs dang / gtan pa dang / snang ba'i gnas ji tsam pa'i 'du shes kyis sa brtag pa nas bzung ste/ pha gu rim pa gnyis sam gsum brtsig par bya'o/ /de las lhag par rtsig na ltung byed do/          / sdom la/ 'dug gnas gcig dang phyed dang ni/ /bca' ba dang ni stobs pa dang / /'dus pa dang ni dus min dang / /gsog 'jog dang ni kha nas mid/ /dge slong ma gang 'dug gnas gcig tu zhag lon pa'i dge slong ma gang mi na bas bsod snyoms gcig bza' bar bya'o/ /de las lhag par za na ltung byed do/ /dge slong ma rab tu mang po dag khyim rnams su dong ba las gal te de dag las bram ze 'am/ khyim bdag dad pa can dag gis phye dang khur ba dag dus kyis stobs par gyur la 'dod na dge slong ma de dag gis lhung bzed gang ba gnyis sam/ gsum blang bar bya'o/ /de las lhag par len na ltung byed do/ /lhung bzed gang ba gnyis sam gsum blangs nas phyi rol kun dga' ra bar dong la dge slong ma 'khod pa rnams la yang bgo bsha' bya/ bdag cag kyang bza' bar bya ste/ de la de ni cho ga yin no/ /yang dge slong ma gang zag zos zin cing spangs pa las lhag bor ma byas par bca' ba 'am bza' ba 'cha' 'am za na ltung byed do/ /yang dge slong ma gang shes bzhin du dge slong ma zas zos zin cing spangs pa la skabs tshol cing ci nas kyang dge slong ma 'di nyes pa dbyung bar bya'o/ /snyam pa de nyid rkyen du byas nas 'phags ma 'di 'cho shig /'di zo shig ces lhag bor ma byas pa'i bza' ba dang bca' ba dus kyis stobs par byed na ltung byed do/ /'dus te za na dus ma gtogs te ltung byed do/ /de la dus ni 'di yin te/ na ba dus so/ /las dus so/ /lam dus so/ /grur zhugs pa dang / 'dus pa chen po dang / dge sbyong gi zas dus te/ de la de ni dus yin no/ /yang dge slong ma gang dus ma yin par bca' ba 'am bza' ba 'cha' 'am za na ltung byed do/ /</font><hr>9.14a<br><font size=+1>

yang dge slong ma gang bca' ba 'am bza' ba gsog 'jog byas pa za 'am 'cha' na ltung byed do/ /yang dge slong ma gang byin len ma byas par kha nas mid pa'i zas za na chu dang so shing ma gtogs te ltung byed do/         sdom la/ srog chags bcas dang gcer bu dang / /dmag la lta dang zhag gnyis dang / /bshams pa 'khrug dang rdeg pa dang / gzas pa dang ni gnas ngan len/ /yang dge slong ma gang shes bzhin du srog chags dang bcas pa'i chu la spyod na ltung byed do/ /yang dge slong ma gang gcer bu mo 'am/ kun du rgyu 'am/ kun tu rgyu mo la rang gi lag nas bza' ba dang bca' ba byin na ltung byed do/ /yang dge slong ma gang dmag chas pa la ltar 'gro na ltung byed do/ /dge slong ma dmag chas pa la ltar 'gro ba de lta bu'i rkyen 'ga' zhig byung na dge slong ma des dmag de'i nang du zhag gnyis tshun chad gnas par bya'o/ /de las lhag par gnas na ltung byed do/ /dge slong ma zhag gnyis dmag de'i nang na gnas pa'i tshe yang gal te bshams pa 'khrug tu 'gro 'am/ rgyal mtshan gyi tshogs mchog gam/ dpung gi tshogs sam/ g.yul bshams pa'i dmag la lta ba nyams su myong bar byed na ltung byed do/ /yang dge slong ma gang khros 'khrugs rngam par gyur te yid ma rangs nas dge slong ma la rdeg na ltung byed do/ /yang dge slong ma gang khros 'khrugs rngam par gyur te/ yid ma rangs nas dge slong ma la rdeg pa gzas na tha na thal mos kyang rung ste ltung byed do/ /yang dge slong ma gang shes bzhin du dge slong ma'i gnas ngan len gyi ltung ba 'chab na ltung byed do/            / sdom la/ bde dang me dang 'dun pa dang / /bsnyen par ma rdzogs chos dang smra/ /dge tshul kha dog bsgyur ba dang / /rin po che dang tsha ba'i dus/ /yang dge slong ma gang klan ka tshol zhing ci nas kyang dge slong ma las klan ka btsal bar bya'o snyam pa de nyid rkyen du byas te/ dge slong ma la 'di skad ces 'phags ma tshur shog /</font><hr>9.14b<br><font size=+1>

khyod khyim dag tu 'dong dang / der khyod la bca' ba dang bza' ba bsod pa ji tsam 'dod pa sbyin du gzhug go zhes smras nas des de la sbyin du ma bcug par de'i 'og tu 'di skad ces 'phags ma kho mo la khyod dang lhan cig smra 'am 'dug pa bde ba ma yin gyi/ 'di ltar kho mo gcig pu kho na smra 'am 'dug na bde bas khyod song shig ces zer na ltung byed do/ /yang dge slong ma gang mi na bar bdag nyid kyi phyir me la reg gam reg tu 'jug na ltung byed do/ /yang dge slong ma gang dge 'dun gyi bya ba chos dang ldan pa la dge slong ma la 'dun pa phul nas de'i 'og tu khros 'khrugs rngam par gyur te yid ma rangs nas spong ba'i chos su byed cing 'di skad ces dge slong ma 'dun pa phyir byin cig khyod la mi sbyin no zhes zer na ltung byed do/ /yang dge slong ma gang zag bsnyen par ma rdzogs pa dang lhan cig nub gnyis las lhag par gnas gcig tu nyal na ltung byed do/ /yang dge slong ma gang 'di skad ces ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na dge slong ma de la dge slong ma rnams kyis 'di skad ces 'phags ma dag ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur ba ma 'debs shig /bcom ldan 'das la skur bas legs par mi 'gyur ro/ /bcom ldan 'das ni de skad mi gsung ngo / /'phags ma bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis 'phags ma khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge slong ma de la dge slong ma rnams kyis de skad bsgo ba na gal te gzhi de gtong na de</font><hr>9.15a<br><font size=+1>

lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na ltung byed do/ /yang dge slong ma gang shes bzhin du de skad zer ba'i gang zag chos bzhin du ma byas pa'i sdig pa can gyi lta ba'i rnam pa de dag ma spangs pa dang gtam 'dre bar byed/ phebs par smra bar byed/ kun du gnas par byed/ kun tu longs spyod par byed cing de dag dang lhan cig gnas gcig tu nyal na ltung byed do/ /dge tshul ma zhig kyang 'di skad ces/ 'di ltar bcom ldan 'das kyis 'dod pa rnams ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na/ dge tshul ma de la dge slong ma rnams kyis 'di skad ces dge tshul ma khyod ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /dge tshul ma 'dod pas bar du gcod pa dag ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis dge tshul ma khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge tshul ma de la dge slong ma rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /</font><hr>9.15b<br><font size=+1>

lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge tshul ma de la dge slong ma rnams kyis der phyin chad dge tshul ma khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o/ /zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig /dge slong ma rnams dang / dge tshul ma lhan cig nub gnyis tshun chad gnas gcig tu nyal du dbang ba gang yin pa deng tshun chad khyod la med de bud med gti mug can khyod bsnyil gyis gzhan du song shig ces bsgo bar bya'o/ /yang dge slong ma gang shes bzhin du de ltar bsnyil ba'i dge tshul ma nye bar 'jog par byed dam/ nye bar ston par byed dam/ kun du longs spyod par byed dam/  kun du gnas par byed dam/ de dang lhan cig gnas gcig tu nyal na ltung byed do/ /yang dge slong ma gang gos sar pa zhig rnyed na kha bsgyur ba gsum po sngon po 'am/ dmar po 'am/ ngur smrig las gang yang rung bar kha bsgyur bar bya'o/ /gal te dge slong mas gos sar pa kha bsgyur ba gsum po sngon po 'am/ dmar po 'am/ ngur smrig las gang yang rung ba kha ma bsgyur bar kun du longs spyod par byed/ kun du gnas par byed na ltung byed do/ /yang dge slong ma gang rin po che 'am/ rin po cher smos pa rang gi lag gis len tam len du 'jug na kun dga' ra bar gtogs pa na 'dug gam/ gnas khang du gtogs pa na 'dug pa ma gtogs te ltung byed do/ /dge slong mas kun dga' ra bar gtogs pa na rin po che 'am/ rin po cher smos pa 'dug pa la 'di su'i yin pa de len par 'gyur grang snyam pa de lta bu'i sems kyis blang bar bya ste/ de la de ni cho ga yin no/ /bcom ldan 'das kyis zla ba phyed phyed cing khrus bya bar gsungs pa de las dus ma yin par byed na dus ma gtogs te ltung byed do/ /de la dus ni 'di yin te/ so ga rnams kyi zla ba lhag ma phyed dang gnyis/ dbyar rnams kyi dang</font><hr>9.16a<br><font size=+1>

po dang zla ba phyed dang gsum po 'di ni tsha ba'i dus so/ /lhag ma ni na ba dus so/ /las dus so/ /lam dus so/ /rlung dus so/ /char dus so/ /rdzi char dus te/ de la de ni dus yin no/            sdom la/ dud 'gro 'gyod pa sor mo dang / /rtse dang lhan cig sngangs byed dang / /sbed pa dang ni gzhi med dang / /bud med med par lam 'gro ba'o/ /yang dge slong ma gang bsam bzhin du dud 'gro'i skye gnas su gtogs pa'i srog chags gsod na ltung byed do/ /yang dge slong ma gang bsams bzhin du ci nas kyang dge slong ma 'di yud tsam zhig kyang bde ba la mi reg par bya'o snyam pa de nyid rkyen du byas te/ dge slong ma la 'gyod pa skyed na ltung byed do/ /sor mos ga ga tshil byed na ltung byed do/ /chu la rtse na ltung byed do/ /yang dge slong ma gang skyes pa'i yul dang lhan cig gnas gcig tu nyal na ltung byed do/ /yang dge slong ma gang dge slong ma la sngangs par byed dam/ sngangs par byed tu 'jug na tha na bzhad gad bya bar bsams kyang rung ste ltung byed do/ /yang dge slong ma gang dge slong ma 'am/ dge slob ma 'am/ dge tshul ma'i lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba sbed dam sbed du 'jug na de 'dra ba'i rkyen ma gtogs te ltung byed do/ /yang dge slong ma gang khros shing zhe sdang bar gyur nas dge slong ma dag pa ltung ba med pa la gzhi med par dge 'dun lhag ma'i chos kyis skur na ltung byed do/ /yang dge slong ma gang bud med med par skyes pa dang 'gron lam du 'gro na grong bar du yang rung ste ltung byed do/           / sdom la/ rku ba dang ni rko ba dang / /'gron du bos dang bslab pa dang / /'thab dang mi smra 'gro ba dang / /mi gus chang 'thung dus min pa'o/ /yang dge slong ma gang don 'thun rkun ma dang lhan cig 'gro na tha na grong bar du yang rung ste ltung byed do/ /yang dge slong ma gang rang gi lag pas sa rko 'am rkor 'jug na ltung byed do/ /yang dge slong mas zla ba bzhir 'gron du bos pa bdag gir bya'o/ /de las lhag par bdag gir byed na ltung byed do/ /so sor 'gron</font><hr>9.16b<br><font size=+1>

du bos pa dang / yang yang 'gron du bos pa dang dus kyis 'gron du bos pa dang / rtag tu 'gron du bos pa ni ma gtogs te/ de la de ni dus yin no/ /yang dge slong ma gang dge slong ma rnams kyis 'phags ma khyod kyis bslab pa 'di la bslab par bya'o zhes bsgo ba na de dag la 'di skad ces bdag dge slong ma mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri ba'i bar du byis pa/ rmongs pa/ mi gsal ba/ mi mkhas pa khyod kyi tshig gis bslab pa 'di la mi slob bo zhes zer na ltung byed do/ /dge slong ma kun shes par 'dod pas bslab pa de la bslab par bya'o/ /dge slong ma mdo sde 'dzin pa dang / 'dul ba 'dzin pa dang / ma mo 'dzin pa rnams la yang 'dri bar bya ste/ de la de ni cho ga yin no/ /yang dge slong ma gang dge slong ma rnams dang 'thab par gyur/ mtshang 'dru bar gyur/ mi mthun par gyur/ rtsod par 'gyur zhing 'khod pa la/ dge slong ma 'di dag ji skad zer ba de bdag gis mnyan te/ de lta de ltar tha snyad gdags par bya'o snyam pa de nyid rkyen du byas te cang mi smra bar nyan nas 'dug na ltung byed do/ /yang dge slong ma gang dge 'dun gyis chos dang 'thun pa'i gtam rnam par gtan la 'bebs pa na cang mi smra bar stan las langs shing 'gro na/ dge slong ma 'dug pa la mi smra na de 'dra ba'i rkyen ma gtogs te ltung byed do/ /gus par mi byed na ltung byed do/ /'bru'i chang dang / bcos pa'i chang myos par 'gyur ba 'thung na ltung byed do/ /yang dge slong ma gang dus ma yin par grong du 'gro zhing dge slong ma 'dug pa la mi smra na de 'dra ba'i rkyen ma gtogs te ltung byed do/             / sdom la/ zas bcas skya reng da gdod dang / /khab ral dang ni khri rkang dang / /bdal dang gding dang g.yan pa dang / /bde bar gshegs pa'i chos gos so/ /yang dge slong ma gang zag dang bcas pa'i khyim du 'gron du bos nas snga dro dang phyi dro khyim dag tu rgyu zhing khyim pa 'dug pa la mi bsgo na de 'dra ba'i rkyen ma gtogs te ltung byed do/ /yang dge slong ma gang nam ma langs skya rengs ma shar bar rin po che dag gam rin po cher smos pa dag ma</font><hr>9.17a<br><font size=+1>

bsum par rgyal po rgyal rigs spyi bo nas dbang bskur ba'i sgo gtan nam sgo gtan gyi nye 'khor las 'das na de 'dra ba'i rkyen ma gtogs te ltung byed do/ /yang dge slong ma gang zla ba phyed phyed cing so sor thar pa'i mdo gdon pa 'don pa'i tshe 'di skad ces/ 'phags ma dag 'di ltar chos 'di yang mdo'i nang du gtogs so/ /mdo'i nang du 'dus par bdag gis da gdod shes so zhes zer la/ de la gal te dge slong ma rnams kyis kyang dge slong ma 'di sngon gso sbyong gi las gnyis sam gsum gyi tshe 'dug par shes shing lan mang du lta ci smos na/ dge slong ma de mi shes pas mi 'grol bas de ltung ba gang byung ba chos bzhin du byed du gzhug gi steng du khyod zla ba phyed phyed cing so sor thar pa'i mdo gdon pa 'don pa'i tshe gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed sems thams cad kyis bsams te chos nyan par mi byed pas/ dge slong ma khyod kyis ma rnyed pa rnyed de rnyed pa ma yin zhing nyes pa rnyed de legs pa rnyed pa ma yin no zhes 'gyod par bya'o/ /dge slong ma de la 'gyod par bya ba ni de yin te ltung byed do/ /yang dge slong ma gang ba so 'am/ rus pa 'am/ rwa las khab ral byed du 'jug na bcag nas ltung byed do/ /dge slong mas dge 'dun gyi khri 'am khri'u byed du 'jug na rtsa ba bu khar 'jug pa ma gtogs par bde bar gshegs pa'i sor brgyad kyi tshad byed du gzhug par bya'o/ /de las lhag par byed du 'jug na bcad nas ltung byed do/ /yang dge slong ma gang dge 'dun gyi khri 'am khri'u la shing ngam shing bal bdal lam 'dal du bcug na/ bsdus nas ltung byed do/ /dge slong mas gding ba byed du 'jug na tshad bzhin du byed du chug shig /de la gding ba'i tshad ni 'di yin te srid du bde bar gshegs pa'i mtho'i mtho do/ zheng du mtho phyed dang do/ srid du mtho gang gis srings shing /  de las lhag par byed du 'jug na bcad nas ltung byed do/ /yang dge slong mas g.yan pa dgab pa byed du 'jug na tshad bzhin du byed du chug shig /de la g.yan pa dgab pa'i</font><hr>9.17b<br><font size=+1>

tshad ni 'di yin te/ srid du bde bar gshegs pa'i mtho'i mtho bzhi/ zheng du mtho do'o/ /de las lhag par byed du 'jug na bcad nas ltung byed do/ /yang dge slong ma gang bde bar gshegs pa'i chos gos kyi tshad kyi chos gos byed du 'jug gam/ bde bar gshegs pa'i chos gos las lhag par byed du 'jug na ltung byed do/ /de la bde bar gshegs pa'i chos gos kyi tshad ni 'di yin te/ srid du bde bar gshegs pa'i mtho'i mtho bcu/ zheng du mtho drug ste/ de la de ni bde bar gshegs pa'i chos gos kyi tshad do/ /de ltar bdun cu rtsa gnyis po de dag ni dge slong dang thun mong yin par 'dod do/ /dge slong ma rnams kyi brgya rtsa brgyad ni 'og nas 'byung ste/           spyi sdom la/ ma lon 'drid dang nad g.yog dang / /nyan dang khri gcig pu shel tsi/ /mchil lham sgog skya chos dang ni/ /'dun dang mi 'gro tha ma yin/       /sdom la/ ma lon 'khor dang 'khor mang po/ /bcu gnyis nyi shu khyim so gnyis/ /ma bslabs pa dang bslabs pa dang / /chos 'tshong sde tshan bsdus pa yin/ /yang dge slong ma gang bdag nyid bsnyen par rdzogs nas lo bcu gnyis ma lon par gzhan rab tu 'byin pa dang / bsnyen par rdzogs par byed na ltung byed do/ /yang dge slong ma gang 'khor nye bar 'jog na dge 'dun gyis gnang ba ma gtogs te ltung byed do/ /yang dge slong ma gang 'khor mang po nye bar 'jog na dge 'dun gyis gnang ba ma gtogs te ltung byed do/ /yang dge slong ma gang shes bzhin du bud med khyim so bzung ba lo bcu gnyis ma lon par bsnyen par rdzogs par byed na ltung byed do/ /yang dge slong ma gang shes bzhin du bud med khyim so ma bzung ba lo nyi shu ma lon pa bsnyen par rdzogs par byed na ltung byed do/ /yang dge slong ma gang bud med khyim so bzung ba lo bcu gnyis lon kyang lo gnyis su chos drug dang / rjes su 'thun pa'i chos drug la bslab pa'i sdom pa ma byin par bsnyen par rdzogs par byed na ltung byed do/ /yang dge slong ma gang bud med khyim so ma bzung ba lo nyi shu lon yang lo gnyis su chos drug dang rjes su 'thun pa'i chos drug la bslab pa'i sdom pa ma byin par bsnyen par rdzogs par byed na</font><hr>9.18a<br><font size=+1>

ltung byed do/ /yang dge slong ma gang bud med lo gnyis su chos drug dang rjes su 'thun pa'i chos drug la ma bslabs pa bsnyen par rdzogs par byed na ltung byed do/ /yang dge slong ma gang lo gnyis su chos drug dang rjes su 'thun pa'i chos drug la bslabs pa bsnyen par rdzogs par mi byed na ltung byed do/ /yang dge slong ma gang bud med bsnyen par rdzogs par 'dod pa la 'di skad ces gal te kho mo la gos sbyin pa lta na de'i phyir khyod bsnyen par rdzogs par bya'o/ /zhes zer na ltung byed do/        / sdom la/ 'drid dang lo re ma gnang dang / /'khrul sbrum mya ngan rtsab krol dang / /phan mi 'dogs dang mi 'dren dang / /bslab pa dag la mi slob pa'o/ /yang dge slong ma gang khyim bdag mo la 'di skad ces khyod khyim so thong shig dang phyis rab tu 'byung ba mi dka'o zhes smra ba de'i 'og tu rab tu mi 'byin na ltung byed do/ /yang dge slong ma gang lo re re zhing rab tu 'byin na ltung byed do/ /yang dge slong ma gang shes bzhin du bud med bdag pos ma gnang ba rab tu 'byin na ltung byed do/ /yang dge slong ma gang shes bzhin du bud med 'khrul pa mo rab tu 'byin na ltung byed do/ /yang dge slong ma gang shes bzhin du bud med sbrum ma rab tu 'byin na ltung byed do/ /yang dge slong ma gang shes bzhin du bud med mya ngan gyis gzir ba rab tu 'byin na ltung byed do/ /yang dge slong ma gang shes bzhin du bud med rtsab krol can rab tu 'byin na ltung byed do/ /yang dge slong ma gang rab tu phyung ngam bsnyen par rdzogs par byas nas phan mi 'dogs na ltung byed do/ /yang dge slong ma gang rab tu phyung ngam bsnyen par rdzogs par byas pa dag la bar chad mthong ba mi 'dren na ltung byed do/ /yang dge slong ma gang rab tu phyung ngam bsnyen par rdzogs par byas nas bslab pa dag la slob tu mi 'jug na ltung byed do/         / sdom la/ nad g.yog rgya skyegs sor mo dang / /thal mo spu dang dben gnyis dang / /bla gab med pa gnyis dang ni/ /rna bar bshub cing smra ba'o/ /yang dge slong ma gang lhan gcig gnas pa dang nye gnas na ba dag la nad g.yog mi byed na ltung byed do/ /yang dge slong ma gang rang gi bsten par bya ba'i nang du rgya skyegs kyi chang bu bcug na ltung byed do/ /</font><hr>9.18b<br><font size=+1>

yang dge slong ma gang bsten par bya ba'i nang du sor mo'i tshigs gnyis 'das te 'khru na ltung byed do/ /yang dge slong ma gang bsten par bya ba la thal mos rdeg na ltung byed do/ /yang dge slong ma gang gsang ba'i phyogs kyi spu 'thog na ltung byed do/ /yang dge slong ma gang khyim pa dang lhan cig dben pa skyabs yod pa na 'dug na ltung byed do/ /yang dge slong ma gang dge slong dang lhan cig dben pa skyabs yod pa na 'dug na ltung byed do/ /yang dge slong ma gang khyim pa dang lhan cig bla gab med pa na 'greng na ltung byed do/ /yang dge slong ma gang dge slong dang lhan cig bla gab med pa na 'greng na ltung byed do/ /yang dge slong ma gang khyim pa'i rna bar bshub cing smra na ltung byed do/           / sdom la/ nyan dang dge slong rnam gnyis dang / /rig pa gnyis dang rma 'grol dang / /bu dang khyim dang ma brtags dang / /mtshan mo gcig pu nyal ba'o/ /yang dge slong ma gang khyim pa las rnar bshub cing smra ba nyan na ltung byed do/ /yang dge slong ma gang dge slong gi rnar bshub cing smra na ltung byed do/ /yang dge slong ma gang dge slong gis rnar bshub cing smra ba nyan na ltung byed do/ /yang dge slong ma gang khyim pa las rig pa len na ltung byed do/ /yang dge slong ma gang khyim pa las rig pa klog na ltung byed do/ /yang dge slong ma gang sgyu thabs kyis rma bcings shing bcings shing 'grol du 'jug na ltung byed do/ /yang dge slong ma gang bu 'tshol na ltung byed do/ /yang dge slong ma gang khyim bdag la ma dris par khyim gzhan du mtshan mo nyal na ltung byed do/ /yang dge slong ma gang ma brtags par mtshan mo skyabs yod par nyal na ltung byed do/ /yang dge slong ma gang dge slong ma gzhan med par gnas khang du mtshan mo nyal na ltung byed do/          / sdom la/ khri gcig la ni nyal ba dang / /dril phyi byed pa rnam lnga dang / /bkru bshal byed dang dri zhim dang / /'bru mar dang ni chu khrus so/ /yang dge slong ma gang dge slong ma dang lhan cig khri gcig gi steng du nyal na ltung byed do/ /yang dge slong ma gang rang gi lus la dge slong ma dril phyi byed du 'jug na ltung byed do/ /yang dge slong ma gang rang gi lus la dge slob ma dril</font><hr>9.19a<br><font size=+1>

phyi byed du bcug na ltung byed do/ /yang dge slong ma gang rang gi lus la khyim pa mo dril phyi byed du bcug na ltung byed do/ /yang dge slong ma gang rang gi lus la kun du rgyu mo dril phyi byed du bcug na ltung byed do/ /yang dge slong ma gang rang gi lus la bud med bkru bshal byed du bcug na ltung byed do/ /yang dge slong ma gang rang gi lus la rdzas dri zhim po skud na ltung byed do/ /yang dge slong ma gang rang gi lus la 'bru mar gyi tshigs ma skud na ltung byed do/ /yang dge slong ma gang lag pa sbrel te chur khrus byed na ltung byed do/           / sdom la/ pu shel tsi dang so mangs dang / /smig shad gsum dang skra brnyan dang / /rgyan dang bro rdung glu len dang / /rol mo byed dang gdugs thogs pa'o/ /yang dge slong ma gang pu shel tsis skra 'chad na ltung byed do/ /yang dge slong ma gang so mangs kyis skra 'chad na ltung byed do/ /yang dge slong ma gang smig bshad kyis skra 'chad na ltung byed do/ /yang dge slong ma gang pu shel tsi dang so mangs dang smig shad dang gsum car gyis skra 'chad na ltung byed do/ /yang dge slong ma gang skra brnyan thogs na ltung byed do/ /yang dge slong ma gang khyim pa mo'i rgyan thogs na ltung byed do/ /yang dge slong ma gang bro rdung na ltung byed do/ /yang dge slong ma gang glu len na ltung byed do/ /yang dge slong ma gang rol mo la reg na ltung byed do/ /yang dge slong ma gang gdugs thogs na ltung byed do/          / sdom la/ mchil lham khri'u phyis gnon dang / /stan dang skud pa khyim las dang / /rjen pa 'tshod dang gos dang ni/ /zas 'tshod pa dang lto 'dun no/ /yang dge slong ma gang mchil lham gyon na ltung byed do/ /yang dge slong ma gang khri la 'dug pa'i bsnyen bkur nyams su len par byed na ltung byed do/ /yang dge slong ma gang khyim du ma bsgo bar stan la phyis gnon byas te 'dug na ltung byed do/ /yang dge slong ma gang chos ston pa na khyim pa'i stan spyad pa ma gtad par 'gro na ltung byed do/ /yang dge slong ma gang skud pa 'khal na ltung byed do/ /</font><hr>9.19b<br><font size=+1>

yang dge slong ma gang khyim gyi las byed na ltung byed do/ /yang dge slong ma gang rjen pa 'tshod na ltung byed do/ /yang dge slong ma gang dge slong ma'i tshogs kyi gos bdag gir byed na ltung byed do/ /yang dge slong ma gang zas 'tshod na ltung byed do/ /yang dge slong ma gang lto 'dun gyi zas zos nas stan las langs te yang za na ltung byed do/           / sdom la/ sgog skya sme gab chu gos dang / /'khrur 'jug pa dang dge sbyong gos/ /rje dang sngags pa khyim dang ni/ /gnas dang rnyed pa'i ser sna'o/ /yang dge slong ma sgog skya za na ltung byed do/ /yang dge slong ma gang sme gab mi 'chang na ltung byed do/ /yang dge slong ma chu gos mi 'chang na ltung byed do/ /yang dge slong ma gang bkru bshal pa la gos 'khrur 'chol na ltung byed do/ /yang dge slong ma gang dge sbyong gi gos khyim pa la bgo ba'i phyir sbyin na ltung byed do/ /yang dge slong ma gang 'khor gtso bo la chos gos snam sbyar rje na ltung byed do/ /yang dge slong ma gang bsngags pa la ser sna byed na ltung byed do/ /yang dge slong ma gang khyim la ser sna byed na ltung byed do/ /yang dge slong ma gang gnas la ser sna byed na ltung byed do/ /yang dge slong ma gang rnyed pa la ser sna byed na ltung byed do/           / sdom la/ chos dang skrod pa rnam gnyis dang / gleng dang mna' 'dor rdeg pa dang / /brnyas thabs spyo dang chu 'thor dang / /'khrug long yal bar 'dor ba'o/ /yang dge slong ma gang chos la ser sna byed na ltung byed do/ /yang dge slong ma gang khros 'khrugs rngam par gyur te yid ma rangs nas dbyar khang nas dge slong ma skrod na ltung byed do/ /yang dge slong ma gang khyim gzhan na dge slong ma snga nas gnas par shes bzhin du phyis 'ongs te skrod par byed na ltung byed do/ /yang dge slong ma gang legs par mthong ba dang / thos pa dang /  dogs pa med par dge slong ma'i ltung ba gleng na ltung byed do/ /yang dge slong ma gang mna' 'dor na ltung byed do/ /yang dge slong ma gang khros 'khrugs rngam par gyur te yi ma rangs nas bdag nyid la rdeg na ltung byed do/ /yang dge slong ma gang dge slong ma'i tshogs la brnyas thabs byed na</font><hr>9.20a<br><font size=+1>

ltung byed do/ /yang dge slong ma gang dge slong ma'i tshogs la spyo na ltung byed do/ /yang dge slong ma gang 'khor gtso bo la chus 'thor na ltung byed do/ /yang dge slong ma gang mthu yod bzhin du dge slong ma rnams kyis 'khrug long yal bar 'dor na ltung byed do/          / sdom la/ 'dun pa gdams ngag dbyar gnas dang / /dgag dbye gso sbyong sra brkyang dang / /dbyung dang gos 'gyed dbyar khang dang / /dbyar gyi nang du ljongs rgyu ba'o/ /yang dge slong ma gang zhag lon pa'i 'dun pa 'bul na ltung byed do/ /yang dge slong ma gang zla ba phyed phyed cing dge slong la gdams ngag dang rjes su bstan pa mi nyan na ltung byed do/ /yang dge slong ma gang dge slong med pa'i gnas su dbyar gnas par khas len na ltung byed do/ /yang dge slong ma gang dbyar gnas pas gnyi ga'i dge 'dun la mthong ba dang / thos pa dang / dogs pa'i gnas gsum gyis dgag dbye mi byed na ltung byed do/ /yang dge slong ma gang dge slong med par gso sbyong byed na ltung byed do/ /yang dge slong ma gang dbul po sra brkyang sbyor du 'jug na ltung byed do/ /yang dge slong ma gang sra brkyang dbyung ba'i thabs bag yangs su bya ba'i tshogs pa mi sbyin na ltung byed do/ /yang dge slong ma gang gos 'gyed pa'i phyir bag yangs su bya ba'i phyir tshogs pa sbyin par mi byed na ltung byed do/ /yang dge slong ma gang dbyar khang ma gtad par de nas gzhan du 'gro na ltung byed do/ /yang dge slong ma gang dbyar gyi nang du ljongs rgyu zhing 'gro na ltung byed do/           / sdom la/ mi 'gro dogs pa mi mthun dang / /'thab krol byed dang 'dri ba dang / /gcig pu sngo dang ma bltas pa'i/ /sde tshan tha mar byas pa yin/ /yang dge slong ma gang dbyar gnas pa'i 'og rol du rgyang grags kyi mthar mi 'gro na ltung byed do/ /yang dge slong ma gang yul 'khor dogs pa dang bcas par ljongs rgyu zhing 'gro na ltung byed do/ /yang dge slong ma gang yul 'khor mi mthun pa dang bcas pa ljongs rgyu zhing 'gro na ltung byed do/ /yang dge slong ma gang gnas gzhan du 'thab krol byed na ltung byed do/ /yang dge slong ma gang skabs ma phye bar 'dri na</font><hr>9.20b<br><font size=+1>

ltung byed do/ /yang dge slong ma gang gcig pu phyi sar 'gro na ltung byed do/ /yang dge slong ma gang rtswa sngon po'i steng du bshang gci 'dor na ltung byed do/ /yang dge slong ma gang rtsig pa'i phag tu ma bltas par bshang gci 'dor na ltung byed do/        bar sdom la/ thun mong min pa brgya rtsa brgyad/ /dge slong thun mong bdun bcu gnyis/ /brgya dang brgyad bcur gnas pa dag /ltung byed 'ba' zhig gyur pa yin/ /skrod dang ma bskos nyi nub dang / /zas dang chos gos gnyis dag dang / /don 'thun gru dang dben pa gnyis/ /sbyor bcug yang yang bsod pa dang / /nyal sar 'dug dang 'greng ba dang / /gdeng med nyi shu ma lon dang / /ras che ltung ba bcwa brgyad po/ /bkol ba'i lhag ma 'dir 'dod do/ /'phags ma dag bdag gis ltung byed kyi chos brgya brgyad bcu po dag bton zin to/ /de la bdag gis 'phags ma dag la ci 'di la khyed yongs su dag gam/ zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la 'phags ma dag yongs su dag na 'di ltar cang mi smra bas de de bzhin du 'dzin to/         /sdom la/ 'o ma zho dang mar dang ni/ /zhun mar 'bru mar sbrang rtsi dang / /dbu ba nya sha sha dang ni/ /sha skam bslab sdom byin pa'o/ /'phags ma dag so sor bshags par bya ba'i chos bcu gcig po 'di dag ni zla ba phyed phyed cing so sor thar pa'i mdo gdon pa las 'byung ngo / /yang dge slong ma gang mi na bar gzhan gyi khyim nas bdag gi don du 'o ma blangs te 'thung na dge slong ma des phyi rol dbyar khang du song ste/ dge slong ma rnams la 'phags ma dag bdag la smad par bya ba'i gnas mi rigs pa so sor bshags par bya ba byung gis chos de so sor bshags par bya ste/ chos 'di ni so sor bshags par bya ba'o/ /yang dge slong ma gang mi na bar gzhan gyi khyim nas bdag gi don du zho dang / mar dang / zhun mar dang / 'bru mar dang / sbrang rtsi dang / bu ram gyi dbu ba dang / nya sha dang / sha dang / sha skam blangs te 'thungs sam zos na dge slong ma des phyi rol dbyar khang du song</font><hr>9.21a<br><font size=+1>

ste/ dge slong ma rnams la 'phags ma dag bdag la smad pa'i gnas mi rigs pa so sor bshags par bya ba byung gi chos de so sor bshags so zhes so sor bshags par bya ste/ chos 'di yang so sor bshags par bya'o/ /slob pa dag gi khyim gang dag na dge 'dun gyi bslab pa'i sdom pas bsdams par gyur pa la dge slong ma gang slob pa dag gi khyim gang dag dge 'dun gyi bslab pa'i sdom pas bsdams pa de lta bu dag tu sngar 'gron du ma bos par song ste/ rang gi lag gis bca' ba dang bza' ba blangs nas 'cha' 'am za na dge slong ma des phyi rol dbyar khang du song ste/ dge slong ma rnams la 'phags ma dag bdag la smad pa'i gnas mi rigs pa so sor bshags par bya ba byung gis chos 'di yang so sor 'chags so zhes so sor bshags par bya ste/ chos 'di yang so sor bshags par bya ba'o/ /'phags ma dag bdag gis so sor bshags par bya ba'i chos bcu gcig po 'di dag bton zin to/ /de la bdag gis 'phags ma dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la 'phags ma dag yongs su dag na 'di ltar cang mi smra bas de de bzhin du 'dzin to/         / sdom la/ sham thabs la ni rnam brgyad dang / /stod g.yogs la ni rnam gsum dang / /shin du bsdams la sogs pa drug /mgo g.yogs la sogs rnam pa lnga/ /mchong la sogs pa rnam pa lnga/ /'dus la sogs pa rnam pa lnga/ /'dug par bya ba brgyad dag dang / /byin len bya ba brgyad rnams so/ /'phags ma dag bslab par bya ba'i chos mang po 'di dag ni zla ba phyed phyed cing so sor thar pa'i mdo gdon pa las 'byung ngo / /sham thabs zlum por bgo bar bslab par bya'o/ /ha cang brdzes pa ma yin pa dang / ha cang 'jol ba ma yin pa dang / glang po che'i sna ltar ma yin pa dang ta la'i lo ma ltar ma yin pa dang / 'bru'i phur ma ltar ma yin pa dang / sbrul mgo'i gdengs ka ltar ma yin pa dang / sham thabs rked pa snang bar mi bgo bar bslab par bya'o/ /chos gos zlum</font><hr>9.21b<br><font size=+1>

por bgo bar bya'o/ /chos gos ha cang brdzes pa ma yin pa dang / ha cang 'jol ba ma yin par bgo bar bslab par bya'o/ /shin du bsdams pa dang / legs par bgos pa dang / sgra bskyung ba dang / mig g.yeng bar mi bya ba dang / gnya' shing gang tsam lta zhing 'gro ba dang / chags par gyur cing khyim gzhan du mi 'gro bar bslab par bya'o/ /mgo mi g.yog pa dang / mi brdze ba dang / mi gzar ba dang / gnya' gong du mi bsnol ba dang / ltag par mi bsnol bar khyim gzhan du 'gro bar bslab par bya'o/ /mi mchong ba dang / mi bskyung ba dang /  tsog pu ma yin pa dang / brang bas ma yin pa dang / dkur mi bsten par khyim gzhan du 'gro bar bslab par bya'o/ /lus mi bsgyur ba dang / lag pa mi dkyog pa dang / mgo mi bsgyur ba dang / phrag pa mi sprad pa dang / lag pa mi sbrel bar khyim gzhan du 'gro bar bslab par bya'o/ /stan la ma brtags pa dang / lus thams cad kyi lcid kyis mi dbab pa dang / rkang pa mi bsnol ba dang / brla mi bsnol ba dang / long bu'i steng du long bu mi gzhag pa dang / rkang pa mi dgug pa dang / rkang pa mi gdang ba dang / 'doms mi snang bar khyim gzhan du stan la 'dug par bslab par bya'o/ /legs par zas blang bar bslab par bya'o/ /mu dang kha da chad du ma yin pa dang / tshod ma dang / mnyam par ma yin pa dang / thar chags su dang / lhung bzed la lta ba dang / bca' ba dang bza' ba ma 'ongs par lhung bzed mi bzed pa dang / yang 'dod pa'i phyir 'bras chan gyis tshod ma mi dgab pa dang / tshod mas 'bras chan mi dgab pa dang / bca' ba dang bza' ba'i steng du lhung bzed mi bzed par bslab par bya'o/           /sdom la/ zas la legs par bya ba drug /tsug tsug la sogs rnam pa lnga/ /'bru nas tha dad byed pa lnga/ lag pa ldag la sogs pa lnga/ /legs par zas bza' bar bslab par bya'o/ /ha cang kham chung ba 'am ha cang kham che ba dang / kham ran pa dang / kham ma gzas par kha mi gdang ba dang /  kha kham gyis bkang ste mi smra bar bslab par bya'o/ /tsug tsug mi bya ba dang / lcag lcag mi bya ba dang / hu hu mi bya ba dang / phu phu mi bya ba dang / </font><hr>9.22a<br><font size=+1>

lce phyung ste zas mi bza' bar bslab par bya'o/ /'bru nas tha dad du mi bya ba dang / 'phyas mi gdags pa dang / mkhur ba mi spo ba dang / rkan mi gtog pa dang / kham 'phror mi bcad par zas bza' bar bslab par bya'o/ /lag pa mi bldag pa dang / lhung bzed mi byog pa dang / lag pa mi sprug pa dang / lhung bzed mi bskyom pa dang / mchod rten 'dra bar bcos te zas mi bza' bar bslab par bya'o/              /sdom la/ 'phya la sogs pa rnam pa bzhi/ /lhung bzed la yang rnam pa bcu/ /'greng bar byed la sogs pa lnga/ /mgo g.yogs la sogs rnam pa lnga/ /do ker can la sogs pa lnga/ /glang chen la sogs bzhon pa lnga/ /lag na khar ba la sogs drug /na ba rnam pa gsum rnams so/ /drung na 'dug pa'i dge slong ma'i lhung bzed la 'phyas gdags pa'i phyir mi blta bar bslab par bya'o/ /lag pa zas dang 'bags pas chu snod la mi gzung bar bslab par bya'o/ /drung na 'dug pa'i dge slong ma la zas dang 'bags pa'i chus mi gtor bar bslab par bya'o/ /khyim pa 'dug pa la ma dris par chu zas dang 'bags pa khyim gzhan du mi dbo bar bslab par bya'o/ /lhung bzed kyi nang du zas kyis lhag ma blugs te mi dbo bar bslab par bya'o/ /'og gzhi med pa'i sa phyogs su lhung bzed mi gzhag par bslab par bya'o/ /gad kha ma yin pa dang / g.yang kha ma yin pa dang / dkan gzar po ma yin par lhung bzed gzhag par bslab par bya'o/ /'greng ste lhung bzed mi bkru bar bslab par bya'o/ /gad kha ma yin pa dang / g.yang kha ma yin pa dang / dkan gzar po ma yin par lhung bzed bkru bar bslab par bya'o/ /'bab chu drag po'i rgyun las bzlog ste lhung bzed kyis chu mi bcu bar bslab par bya'o/ /mi na bar 'dug pa la 'greng ste chos mi bshad par bslab par bya'o/ /mi na bar nyal ba la 'dug ste chos mi</font><hr>9.22b<br><font size=+1>

bshad par bslab par bya'o/ /mi na bar stan mthon po la 'dug pa la stan dma' ba la 'dug ste chos mi bshad par bslab par bya'o/ /mi na bar mdun du 'gro ba la phyi nas 'gro zhing chos mi bshad par bslab par bya'o/ /mi na bar lam nas 'gro ba la lam gyi 'gram nas 'gro zhing chos mi bshad par bslab par bya'o/ /mi na bar mgo g.yogs pa dang / brdzes pa dang / gzar ba dang / gnya' gong du bsnol ba dang / ltag bar bsnol ba la chos mi bshad par bslab par bya'o/ /mi na bar skra do ker can dang / zhwa gyon pa dang / mgo cod pan can dang / mgo phreng ba can dang / mgo dkris pa la chos mi bshad par bslab par bya'o/ /mi na bar glang po che zhon pa dang / rta zhon pa dang / khyogs na 'dug pa dang / bzhon pa'i steng na 'dug pa dang / mchil lham gyon pa la chos mi bshad par bslab par bya'o/ /mi na bar lag na khar ba thogs pa dang / lag na gdugs thogs pa dang / lag na mtshon thogs pa dang / lag na ral gri thogs pa dang / lag na dgra cha thogs pa dang / go cha gyon pa la chos mi bshad par bslab par bya'o/ /mi na bar 'greng ste bshang gci mi bya bar bslab par bya'o/ /mi na bar chu'i nang du bshang gci dang / mchil ma dang snabs dang / skyugs pa dang / rlugs pa mi 'dor bar bslab par bya'o/ /gnod pa byung ba ma gtogs par shing la mi gang tsam las mthor mi 'dzeg par bslab par bya'o/ /'phags ma dag bdag gis bslab pa'i chos mang po dag bton zin to/ /de la bdag gis 'phags ma dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la 'phags ma dag yongs su dag na 'di ltar cang mi smra bas de bzhin du 'dzin to/           / sdom la/ </font><hr>9.23a<br><font size=+1>

mngon sum dran par ma myos dang / /de bzhin gang mang ngo bo nyid/ /rtswa rnams bkram pa lta bu dang / /khas blang bar yang bya ba'o/ /'phags ma dag rtsod pa zhi bar bya ba'i chos bdun po 'di dag ni/ zla ba phyed phyed cing so sor thar pa'i mdo gdon pa las 'byung ngo / /mngon sum gyis 'dul bar 'os pa la mngon sum gyis 'dul ba sbyin no/ /dran pas 'dul bar 'os pa la dran pas 'dul ba sbyin no/ /ma myos pas 'dul bar 'os pa la ma myos pas 'dul ba sbyin no/ /gang tshul shing mang po sbyin par 'os pa la tshul shing mang po sbyin no/ /de'i ngo bo nyid tshol du gzhug par 'os pa la de'i ngo bo nyid tshol ba sbyin no/ /rtswa bkram pa lta bur 'os pa la rtswa bkram pa lta bu sbyin no/ /gang khas blangs bar 'os pa la khas blang bar bya'o/ /rtsod pa byung bar gyur pa rnams rtsod pa zhi ba'i chos bdun po 'di dag gis chos dang 'dul ba dang ston pa'i bstan pa ji lta ba bzhin du dul bar bya/ zhi bar bya/ rnam par zhi bar bya'o/ /'phags ma dag bdag gis rtsod pa zhi bar bya ba'i chos bdun po dag bton zin to/ /de la bdag gis 'phags ma dag la ci 'di la khyod yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la 'phags ma dag yongs su dag na 'di ltar cang mi smra bas de de bzhin du 'dzin to/ /'phags ma dag bdag gis so sor thar pa'i mdo gdon pa'i gleng gzhi bton zin to/ /pham par 'gyur ba'i chos brgyad dang / dge 'dun lhag ma'i chos nyi shu dang / spang ba'i ltung byed kyi chos sum cu rtsa gsum dang / ltung byed kyi chos brgya brgyad bcu dang / so sor bshags par bya ba'i chos bcu gcig dang / bslab pa'i chos mang po dang rtsod pa zhi bar bya ba'i chos bdun po dag bton zin to/ /bcom ldan 'das de bzhin gshegs</font><hr>9.23b<br><font size=+1>

pa dgra bcom pa yang dag par rdzogs pa'i sangs rgyas de'i mdor gtogs shing bsdus pa ni 'di dag go/ /gang gzhan nas 'byung ba'i chos kyi rjes su 'thun pa'i chos de la yang khyed rnams 'dun pa dang / 'thun pa dang / dga' ba dang / mi rtsod par sems kun du bsrung ba dang / dran pa dang / bag yod pas rnal 'byor du bya'o/ /bzod pa dka' thub dam pa bzod pa yis/ /mya ngan 'das pa mchog ces sangs rgyas gsung / /rab tu byung ba gzhan la gnod pa dang / /gzhan la 'tshe ba dge sbyong ma yin no/ /mig ldan 'gro ba yod pa yis/ /nyam nga ba dag ji bzhin du/ /mkhas pas 'tsho ba'i 'jig rten 'dir/ /sdig pa dag ni yongs su spang / /skur pa mi gdab gnod mi bya/ /so sor thar pa'ang bsdam par bya/ /zas kyi tshod kyang rig par bya/ /bas mtha'i gnas su gnas par bya/ /lhag ma'i sems la yang dag sbyor/ /'di ni sangs rgyas bstan pa yin/ /ji ltar bung ba me tog las/ /kha dog dri la mi gnod par/ /khu ba bzhibs nas 'phur ba ltar/ /de bzhin thub pa grong du rgyu/ /bdag gis rigs dang mi rigs la/ /brtags par bya ste gzhan rnams kyi/ /mi mthun pa dang gzhan rnams kyi/ /byas dang ma byas rnams la min/ /lhag pa'i sems la bag bya ste/ /thub pa'i bslab gzhi rnams la bslab/ /nyer zhi rtag tu dran ldan pa'i/ /skyob pa mya ngan med pa yin/ /sbyin pas bsod nams rab tu 'phel/ /legs bsdams dgra sogs mi 'gyur ro/ /dge dang ldan pas sdig pa spong / /nyon mongs zad pas mya ngan 'da'/ /sdig pa thams cad mi bya ste/ /dge ba phun sum tshogs par spyad/ /rang gi sems ni yongs su gdul/ /'di ni sangs rgyas bstan pa yin/ /lus kyi sdom pa legs pa ste/ /ngag gi sdom pa legs pa yin/ /yid kyi sdom pa'ang legs pa yin/ /thams cad du ni sdom pa legs/ /</font><hr>9.24a<br><font size=+1>

kun du bsdams pa'i dge slong ni/ /sdug bsngal kun las rab tu grol/ /ngag rnams bsrung zhing yid kyis rab bsdams te/ /lus kyis mi dge ba dag mi byed cing / /las lam bcu po 'di dag rab sbyangs na/ /drang srong gsungs pa'i lam ni thob par 'gyur/ /sangs rgyas rnam gzigs gtsug tor thams cad skyob/ /'khor ba 'jig dang gser thub 'od srung dang / shAkya thub pa gau tam lha'i lha/ /mi 'dul kha lo sgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan rnams kyi so so thar/ /'di ni rab tu rgyas par bton/ /'di la sangs rgyas rnams dang gang / /sangs rgyas nyan thos rnams kyang gus/ /'di la gus dang bcas gyur pas/ /'dus ma byas pa thob par gyis/ /brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal tha mar byed par 'gyur/ /phan tshun tshul khrims bsrung ba dang / /bstan pa 'phel bar bya ba'i phyir/ /so sor thar pa 'di bton pas/ /dge 'dun gyis ni gso sbyong byas/ /gang gi phyir ni mdo bton dang / /gang phyir gso sbyong byas gyur pas/ /tshul khrims de ni bsrung bya ste/ /g.yag rnga'i rtse mo ji bzhin no/ /so sor thar pa bton pa yi/ /bsod nams grub pa gang yod pa/ /des ni 'jig rten ma lus pa/ /thub dbang go 'phang thob par shog /dge slong ma'i so sor thar pa'i mdo rdzogs s+ho//       //dbang phyug dam pa'i mnga' bdag dpal lha btsan po'i bka' lung gis 'phags pa gzhi thams cad yod par smra ba'i 'dul ba 'dzin pa kha che bye brag tu smra ba'i slob dpon dzi na mi tra dang /  zhu chen gyi lots+tsha ba cog ro klu'i rgyal mtshan gyis bsgyur cing zhus te gtan la phab pa/ gcig zhus sngags/ gsum zhus snar thang ba dpon slob/ </font><hr>9.24b<br><font size=+1>

[No existing page]</font><hr>9.25a<br><font size=+1>

[No existing page]</font><hr>

</table>