@/ /rgya gar skad du/ shrI badzra tsaN+Da tsit+ta gu h+ya tan+t+ra ut+ta rot+ta ra/ bod skad du/ dpal rdo rje gtum po thugs gsang ba'i rgyud phyi ma'i phyi ma/ bcom ldan 'das dpal rdo rje gtum po la phyag 'tshal lo/ /de nas 'khor de ni gnod sbyin lag na rdo rje gtum po zhes bya ba 'khod pa stan las langs te/ pus mo g.yas pa'i lha nga sa la btsugs nas mig 'dzum dang bcas pas rang gi spyod pa las shin du spa gong bar byas te/ bcom ldan 'das la 'di skad ces gsol to/ /kyai bcom ldan 'das slad ma'i dus na/ gdug pa can gyi sems can la rnam par 'tshe zhing rnam pa gsum gyis sems can ma rungs par bgyid de/ reg pa'i dug gis kyang rab tu yang gzir bar bgyid do/ /kha rlangs kyi dug gis ni rab tu myos shing shin du yang lci bar bgyid do/ /mthong ba'i dug gis ni za zhing 'phrug cing tsha bar byed do/ /'phro ba kha rlangs kyi dug can dang / reg pa lus kyi dug rnams kyi gdung ba bsal ba'i slad 89.320b du bcom ldan 'das kyis bshad du gsol zhes zhus pas/ bcom ldan 'das kyis bka' stsal pa/ /nyon cig gnod sbyin gsang ba'i bdag /dug gsum dug gi rtsa ba yang / /dug gsum las ni byung ba yin/ /rtsa ba'i dug la rang bzhin med/ /de ni dug gso sman gyi mchog /sman nyid rang 'byung gzhan las min/ /de nyid rang dang gzhan las grol/ /rtsa ba'i dug la rang grol na/ /dug gsum la sogs gzhan du med/ /dug lnga las 'phros 'byung lnga'i dug /kun rdzob tsam du 'byung ba 'joms/ /de dag rab tu gzhom pa'i phyir/ /rang gzhan rang grol bdud rtsi yi/ /rtsa ba'i dug sogs 'joms par byed/ /lha yi sku dang sngags kyi mthu/ /ye shes 'byung ba chen po yis/ /las kyi 'byung ba 'joms par byed/ /rdzas kyis kyang de bzhin no/ /zhes gsungs so/ /dpal rdo rje gtum po thugs gsang ba'i rgyud phyi ma'i phyi ma las dug dang dug 'joms byed kyi le'u ste dang po'o// // de nas gnod sbyin gtum pos 'di skad ces gsol to/ /kyai bcom ldan 'das dug chen po de dag smin pa la/ gdon pa'i las dag gang gis bgyi/ /nan tan gyis ni bka' stsol cig ces gsol pas/ bcom ldan 'das kyis bka' stsal pa/ badzre sarba Sh+Ta~M tsit+ta rbad nan/ ma hA kA la tsit+ta rbad nan/ sarba sha trU~M mA ra ya rbad nan/ zhag grangs nyi shu gcig tu bya/ /nam langs nyi ma shar ga ru/ /stong tshar re ste de bzhin du/ /srod dang tho rangs nam gung la/ /me khrag gsum dang dug sna dang / /drag po'i rdzas rnams dag gis brab/ /nA ga'i gzugs byas rdza yi nang / /gzugs nang phuHla sngags phreng bskor/ /rdza nang thal chen 'brub khung du'o/ /sngags par rtsa ba'i 'khor lo yis/ /kha chod sme gos nag po dgab/ /de nas drag po'i sbyin bsreg bya/ /zhes gsungs so/ /dpal rdo rje gtum po thugs gsang ba'i rgyud phyi ma'i phyi ma las gdug pa srog gi 'khor lo'i le'u ste gnyis pa'o// // de nas yang gsungs pa/ nA ga'i gzugs la reg cha ni/ / 89.321a sngags kyi 'bru bzhin sngags bkod do/ /klu rgyal bzhi gzugs mthar bzhag nas/ /gdug pa las kyi 'khor lo bskor/ /dang po'i zhi ba tha mar drag /dang por drag la tha mar zhi/ /thog mtha' gnyis ka zhi dang drag /\u0f00 nA ga rA dza sam / /a pa lA ya tsit+ta dz+wa la ya/ sa ma ya swA hA/ nyi shu gcig gis mthar dbyung ngo zhes gsungs so/ /dpal rdo rje gtum po thugs gsang ba'i rgyud phyi ma' phyi ma'i las dam tshig srog gi 'khor lo 'jam pa dang rtsub pa'i sngags kyi le'u ste gsum pa'o// // de nas yang gnod sbyin gtum pos gsol pa/ kye bcom ldan 'das slad ma'i dus na bstan pa la gnod pa dang gdug pa can 'dul ba thun mong gi las bka' stsal du gsol zhes gsol pas/ bcom ldan 'das kyis bka' stsal pa/ thun mong phyi ru gsad 'dod na/ /phrin las mi 'gyur 'khor lo bskor/ /'khor lor gzhug dang gzugs la gdab/ /gsang ba'i 'khor lo lto sbyar du/ /gang dmigs gzugs de khrag tu bri/ /snying gar ming bri lte ba la/ /shwa rI ra te mgo bo la/ /ban+d+ha ban+d+ha zhes pa dgod/ /yan lag bzhi pa ha na ste/ /mA ra ya/ brla gnyis dang ni mtshan ma la'o/ /dmigs pa'i sa nas zag pa'i rdzas/ /blangs te bong bu'i chus sbrus la/ /sha trU~M gzugs bya yig 'bru rnams/ /gnas su bkod de sngon dmar bcing / /dug rdzas gtum pa'i rdzas kyis gtum/ /btson khang bskur te thun rnams dbab/ /zla ba gcig tu gnag par bya/ /bdun bdun bskor bya bar bar du/ /mchod pa'i las bya mtshan thun dbab/ /bsreg dang gnon pas mtha' brtul bya/ /zhes gsungs so/ /dpal rdo rje gtum po thugs gsang ba'i rgyud phyi ma'i phyi ma las phrin las mi 'gyur ba'i 'khor lo'i le'u ste bzhi pa'o// // de nas yang gnod sbyin gtum pos gsol pa/ kyai bcom ldan 'das slad ma'i dus na/ gdul dka' ba'i gdol pa can rnams kyi lo tog 'joms pa'i thabs bka' stsal du gsol zhes gsol pa dang / bcom ldan 'das kyis bka' stsal pa/ lo tog 'joms 89.321b pa'i las byas na/ /nA ga gzir te gzhom par bya zhes stobs kyi yi ge 'bru bzhi dang / mi 'gyur ba'i yi ge 'bru gsum gsungs pa/[ \u0f00] hU~M badzra ma hA ba la zhes gtum po stobs chen po'i sngags gsungs so/ /nA ga tsit+ta rbad nan/ zhes klu'i snying gzir drug pa gsungs so/ /sarba duSh+TA+o na/ zhes thams cad dbang du sdud pa gsungs so/ /phob shar shar phob/ ces chu 'khyags kyi snying po gsungs so/ /gcig tu dril zhing brdeg par bya/ /nA ga'i gzugs bcas sngags bkod nas/ /yungs kar brdeg cing phur bus gdab/ /mdze thod nang du klu gzugs gzhug /khrag chen btsan dug gla ba'i khrag /yungs kar yungs nag sngags shing brdeg /klu gzugs nim pa'i chu nas dbyung / /dang po cho 'phrul che bar 'dod/ /nyam thag pa na dbab las bya/ /gsad cing ro ru 'dug pa na/ /dus las yol te phebs mi 'gyur/ /rtags dang ldan par gyur pa na/ /bdag nyid ting 'dzin ldan pa yis/ /drag po'i sngags kyis klu gzugs btum/ /rdzas dang thod pa chu mig mnan/ /drag po rgyu ba'i dus dang sbyar/ /'jig rten ldog par the tsom med/ /ces gsungs so/ /dpal rdo rje gtum po thugs gsang ba'i rgyud phyi ma'i phyi ma las chu 'khyags lo tog 'joms byed kyi le'u ste lnga pa'o// // de nas dregs pa can thams cad shin du yang yi rang bar gyur/ ljon shing la dus kyi rlung drag pos bskyod pa bzhin 'dar bzhin du 'khod de/ bka' bzhin du bgyid do zhes 'dzer cing spyan snga na 'khod pa las gnod sbyin gtum pos gsol pa/ kye+e bcom ldan 'das slad ma'i dus kyi bstan pa la gnas pa'i slad du las gnad la dbab tu gsol zhes gsol pas/ bcom ldan 'das kyis bka' stsal pa/ bdud rnams las la gzhug pa ni/ /kha rag nag po khra mA ya nr-i mA ra dzA nr-i khug dzaH/ btsan rnams las la gzhug pa ni/ /A bi shu rak+Sha tshal pa tshal pa a nr-i tri dzaHdzaH/ klu btsan las la gzhug 89.322a pa ni/ /nA ga rA dza shu la a/ tri dza dza mA ra ya nri lo sod/ rgyal po las la gzhug pa ni/ /tro ta ni tro ta ni/ pa tra pa tra/ shU la shU la/ d+ha sha grI ba mA ra ya nr-i dzaHdzaHrbad/ klu rnams las la gzhug pa ni/ /nA ga gur ling / snying khrag bam rul/ nA ga ra ra he sa tad rbad/ pu du ma shi kha la rak+sha rbad/ gnyan las la gzhug pa ni uta kha kha da ra sing ga rak+Sha kha la ni dun mA ra Na dun rbad dzaH/ de dag gi phyag brnyan las la gzung ba ni dza la dza nr-i ha na nr-i ma du ma/ snying kha la nr-i dzaHdzaH/ dza nr-i rbad pu kha la rak+sha rbad/ ling ga byad gzhug re bas dril/ /rta nag thod par bcug nas kyang / /nub kyi phyogs kyi brag nag rtsar/ /mthun pa'i rdzas dang ming byang sbrag /rta nag lug nag snying dag dang / /lug nag mthing nag dar gyis brgyan/ /rta nag thod bcug brag rtsar gtad/ /mthun pa'i ming bris dug gis brab/ /mthing nag dar dril mdze thod gzhug /ba dmar rta dmar snying dung gzugs/ /thod par bshos cha dmar por gzhug /chu mig brag gi rtsa ba na/ /rtse na brag dmar yod par gtad/ /ming rus bris la za 'og dril/ /'jon me spre'u yi ka mgo co ru/ /rta dang bya dang lug dkar snying / /spyan gzigs dkor 'bru za 'og dril/ /thod par bcug ste lha khang gi/ /them pa'i 'og tu mnan par bya/ /sha trU~M sbal nag lto bar bri/ /glang dmar rwa rur bcug la dril/ /rtsi sman 'bru dang rin po che/ /ba dmar glang rur blug nas kyang / /nA ga gdug pa'i lag tu gtad/ /mdzo dre'i thod par ming byang gzhug /chu rta'i gzugs dang rta sngon snying / /thod par bcug ste rgya mtshor skyur/ /tsa ra dmar po'i thod pa ru/ /sha trU~M ming gzugs dar dmar dril/ /sngon dmar dog pas dam du bcing / /bya dmar ra dmar snying dang gzugs/ /thod par bshos cha dmar po gzhug /byang phyogs brag dmar rtsa ru mnan/ /rnag pa'i ming byang bris nas kyang / /tse ra sngon mo'i thod 89.322b par gzhug /mdzo ltol ba lang dre'u'i yang / /thod par bcug ste chu 'gram dang / /shing gcig rtsa ru mnan par bya/ /ting 'dzin sngags dang rdzas rnams kyis/ /rang gi bya ba nan tan byos/ /zhes gsungs so/ /dpal rdo rje gtum po thugs gsang ba'i rgyud phyi ma'i phyi ma las bstan pa la gnod pa cham la dbab pa'i le'u sngags kyi phong bstan pa ste drug pa'o// // de nas gnod sbyin gtum pos gsol pa/ kyai bcom ldan 'das slad ma'i dus na gdug pa can phyag brnyan bcas pa'i sbyor ba'i mthu bzlog pa'i thabs bka' stsal du gsol/ de skad ces gsol pa bcom ldan 'das kyis bka' stsal pa/ de nas sbyor ba'i mthu bzlog na/ /rang lus sbas te de dag gis/ /mig gi 'bras bu gcar bar bya/ /rang lus sba bar bya ba ni/ /skye 'gro mig gi 'bras bu gcar/ /nag po kha ta'i 'bras bu dang / /tsa ra rog po'i 'bras bu gnyis/ /mig la bskus te nor bu btsal/ /rnyed nas lus bcang ri khrod 'grim/ /de dag rnyed par ma gyur na/ /gser dang dngul rdo zha nye'i rdo/ /spra tshil dang ni a ru ra/ /ba ru ra dang pi pi ling / /pho ba ris rnams cha mnyam ste/ /bzhu ste rdzi dang rlangs la gzab/ /de dag gzhan gyi sbyor ba yis/ /bdag gam gzhan las 'tshe gyur na/ /dregs pa kun gyi 'bras bu gcar/ /lto 'phye'i sha dang sbal 'dra'i sha / sa chu dag na gnas pa'i mi/ /glang ma'i sgron shing 'bras bu dang / /me ma btang ba'i du ba dang / /nyag gcig po yi dri chen dang / /sems ma chags pa'i sha rnams kun/ /legs par nan tan byas bcas nas/ /'jig rten pa yi lha rnams kyi/ /rnam par dag pas mthong mi 'gyur/ /gdug pa'i klu rnams 'gras pa'i gdon/ /de dag 'bras bur gcar ba ni/ /phag pho rog po'i don snying lnga/ /lce pog nag po'i gser lum dang / /thar nu'i thangs nyams rnyed gdung ste/ /lus la bcangs par gyur pa na/ /sha mig rnam 89.323a par dag pa yi/ /klu chen brgyad kyis bltas gyur kyang / /mthong bar 'gyur ba ma yin no/ /zhes gsungs so/ /dpal rdo rje gtum po thugs gsang ba'i rgyud kyi phyi ma'i phyi ma las lus rnam par sba ba'i le'u ste bdun pa'o// // de nas lha yi dbang po dang / gnod sbyin gyi sde dpon lag na rdo rje gtum po dang / gnod sbyin gyi sde dpon lag na rdo rje gos sngon po can dang / gnod sbyin gyi sde dpon chen po lag na rdo rje stobs po che dang / gnod sbyin gyi sde dpon chen po lag na rdo rje gsang ba'i bdag po dang / de dag la sogs pa 'dus pa'i tshogs chen po rnams rab tu yid rangs te/ lan brgya stong du mar mchod cing bskor nas mngon par bstod do/ /de nas lag na rdo rje bzhi la bka' stsal pa/ lag na rdo rje bzhi po dang / rgyud 'di dag gang na gnas par khyed kyang rjes su 'brangs la rgyud 'di 'chad pa dus gsum du mchod cing bkur bar gyis shig /de'i dgos pa gang ci yang rung ba ma lus par bsgrubs shig /phyi ma'i dus na o tre yul du rgyas par 'gyur gyis der bsrung bar byos shig ces gsungs nas chos kyi dbyings rnam par dag pa la bzhugs so/ /dpal rdo rje gtum po thugs gsang ba'i rgyud phyi ma'i phyi ma las yongs su gtad pa'i le'u ste brgyad pa'o/ /dpal rdo rje gtum po gsang ba'i rgyud phyi ma'i phyi ma rdzogs s+ho// // rgya gar gyi slob dpon a ba yug ti la dang / bod kyi lots+tsha ba bla ban chos kyi brtson 'grus kyis zhus te/ bsgyur cing gtan la phab pa'o/ / |