J446

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J446</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J446&coll=lithang">see text in Tibetan script</a></table>90.119b<br><font size=+1>

@#/ /rgya gar skad du/  ya mA ri kriSh+Na kar+m+ma sar+b+ba tsakra sid+ha ka ra nA ma tan tra rA dza/  bod skad du/  gshin rje'i gshed nag po'i 'khor lo las thams cad grub par byed pa zhes bya ba'i rgyud kyi rgyal po/ bcom ldan 'das rdo rje mkha' 'gro la phyag 'tshal lo/ /'di skad bdag gis thos pa dus gcig na bcom ldan 'das de bzhin gshegs pa thams cad kyi sku dang gsung dang thugs rdo rje btsun mo'i b+ha ga la gti mug rdo rje dang / ser sna rdo rje dang 'dod chags rdo rje dang zhe sdang rdo rje dang / phrag dog rdo rje dang / sa rdo rje dang chu rdo rje dang me rdo rje dang rlung rdo rje dang / byang chub kyi sems bde ba chen po ma dang / yon tan gyi phreng ba ma dang sems kyi rgyud tshim par byed pa ma dang / brtson 'grus kyi ngo bo ma dang bdug spos ma dang me tog ma dang mar me ma dang dri chab ma dang / de la sogs pa dpag tu med pa dang / thabs gcig tu bzhugs so/ /de nas lha mo bai tA lI stan las langs te thal mo sbyar nas/ bcom ldan 'das la 'di skad ces gsol to/ /bcom ldan 'das da ltar 'di na gdug pa can rnams kyis sems can thams cad la 'tshe bar bgyid pa dang / ma 'ongs par yang theg pa chen po pa dang / sems</font><hr>90.120a<br><font size=+1>

can thams cad la'ang 'tshe bar bgyid pa dag 'byung na de rnams ji ltar tshar gcad par bgyi/ de nas bcom ldan 'das bgegs thams cad 'joms par byed pa zhes bya ba'i ting nge 'dzin la snyoms par zhugs te/ nyid kyi sku gsung thugs rdo rje las snying po 'di phyung ngo / /hrIHde ma thag tu bcom ldan 'das nyid zhal drug pa phyag drug pa zhabs drug pa'i ngo bor gyur nas ma he rwa gnyis pa brdzes te/ ma he'i bdag po chung ma bcas par o~M hrIHSh+T+rIHwi kr-i tA na na hU~M hU~M phaT phaT swA hA zhes zhal bzhad pa dang bcas pas o~M gsung zhing mnan par gyur to/ /lha dang lha ma yin dang bdud thams cad kyang skrag cing 'dar ba dang bcas pas 'dud par gyur to/ /tshangs pa dang dbang po la sogs pa thams cad kyang phyag 'tshal zhing 'dud par gyur to/ /de nas bcom ldan khro bo yi/ /rgyal po chen po rab 'jigs pa/ /thugs rje chen po dang ldan pas/ /gsung ni 'di skad bka' stsal to/ /de nas sgrub pa bshad bya ba/ /rtsibs brgyad dbus kyi lte ba la/ /bdag nyid phyag dang zhal rnams ni/ /drug drug ldan par gyur pa bsgom/ /zhabs kyang de dang 'dra ba ste/ /g.yas kyi dang po'i phyag na ni/ /rdo rje tho ba g.yas gnyis na/ /ral gri de bzhin g.yon gyi yang / /dang por zhags pa bsdigs mdzub ldan/ /gnyis par gtun shing legs par 'dzin/ /rdo rje dril bu tha mas bsnams/ /steng zhal nag po rab 'jigs pa/ /zhabs gnyis rdo rje skyil krung ste/ /brkyang bskum gar gyis zhabs bzhir gnas/ /stag pags kyis ni rnam dkris shing / /seng ge se ral ral pa ni/ /gyen 'greng bsdus te spyi bor yang / /thod pa'i phreng bas rnam par bcings/ /'di ni khro bo 'chol ba ste/ /lag cha sna tshogs dag dang ldan/ /shar rtsibs la sogs rnam bzhi la/ /gti mug sogs te bzhi po yang / /dkar dang ser dang dmar ba yang / /de bzhin bzhi pa ljang gu ste/ /g.yas kyis 'khor lor rin chen 'bar/ /pad ma sna tshogs rdo rje ste/ /g.yon gyis dril bu legs par</font><hr>90.120b<br><font size=+1>

'dzin/ /mtshams su la~M sogs las skyes pa/ /lha mo bzhi po nges par bsam/ /bdag po 'dra ste sgeg nyams 'dzin/ /grwa yi lha mo mtshan la ni/ /sgeg mo khu tshur dkur ldan no/ /rin chen phreng ba phyag gnyis bsnams/ /pi wang sgrogs pa'i gsung dbyangs can/ /gar gyis rgyas par 'gro ba yi/ /don la rtag tu brtson 'grus ldan/ /bdug spos sogs dang bzhi po yang / /rang gi mtshan ma nges par 'dzin/ /phyag rgya'i sngags rnams brjod pas so/ /de nas yang bcom ldan 'das de bzhin gshegs pa thams cad kyi bdag pos gti mug rdo rje'i sngags 'di gsungs so/ /o~M dzI na dzi ka / de nas bcom ldan 'das de bzhin gshegs pa thams cad kyi bdag pos ser sna rdo rje'i sngags 'di gsungs so/ /o~M rat+na d+h+r-ika / de nas yang bcom ldan 'das de bzhin gshegs pa thams cad kyi bdag pos 'dod chags rdo rje'i sngags 'di gsungs so/ /o~M A ro lIka /de nas yang bcom ldan 'das de bzhin gshegs pa thams cad kyi bdag pos phrag dog rdo rje'i sngags 'di gsungs so/ /o~M pradz+nyA d+h+r-Ika / de nas yang bcom ldan 'das de bzhin gshegs pa thams cad kyi bdag pos sa rdo rje'i sngags 'di gsungs so/ /o~M lo tsa nA hU~M/ de nas yang bcom ldan 'das de bzhin gshegs pa thams cad kyi bdag pos chu rdo rje'i sngags 'di gsungs so/ /o~M mA ma kI trAM/ de nas yang bcom ldan 'das de bzhin gshegs pa thams cad kyi bdag pos me rdo rje'i sngags 'di gsungs so/ /o~M paN+Da ra bA hrIH/ de nas yang bcom ldan 'das de bzhin gshegs pa thams cad kyi bdag pos rlung rdo rje'i sngags 'di gsungs so/ /o~M tA rA AH/ de nas yang bcom ldan 'das de bzhin gshegs pa thams cad kyi bdag pos bde ba chen po'i sngags 'di gsungs so/ /o~M` lA s+ye/ de nas yang bcom ldan 'das de bzhin gshegs pa thams cad kyi bdag pos yon tan brgyud pa ma'i sngags 'di gsungs</font><hr>90.121a<br><font size=+1>

so/ /o~M mA le/ de nas yang bcom ldan 'das de bzhin gshegs pa thams cad kyi bdag pos dbyangs can ma'i sngags 'di gsungs so/ /o~M gI ti/ de nas yang bcom ldan 'das de bzhin gshegs pa thams cad kyi bdag pos gar ma'i sngags 'di gsungs so/ / o~M nr-i t+ye/ de nas bcom ldan 'das de bzhin gshegs pa thams cad kyi bdag pos mchod pa'i sngags rnams gsungs pa ni/ o~M badzra d+hU pe/ o~M badzra puSh+pe/ o~M badzra dI pe/ o~M badzra gan+d+he/ de nas yang bcom ldan 'das kyis thams cad 'gugs par byed pa'i sngags dang / de bzhin gshegs pa thams cad bzhug pa dang / de bzhin gshegs pa thams cad bcings pa dang / de bzhin gshegs pa thams cad rjes su dgyes par byed pa'i sngags rnams bcom ldan 'das de bzhin gshegs pa thams cad kyi bdag pos gsungs pa ni/ o~M badzra a~M ku sha dzaH/ o~M badzra pA sha hU~M/ o~M badzra s+pho Ta ba~M/ o~M badzra A be sha hoH/ blo ldan mkhas pas ci nus kyis/ /thig gi thig ni gdab pa la/ /tshad ldan 'jur mdud med pa dang / /gsher zhing sar pa mdzes pa yis/ /shar du bltas te gdab par bya/ /tshangs thig gnyis pa gdab pa yang / /lho ru bltas te gdab par bya/ /de 'og mtha' yi thig gdab pa/ /byin zar gnas te dbang ldan blta/ /rlung gnas bden bral kha bltas te/ /nub tu legs par bri bar bya/ /der gnas shar du kha bltas te/ /byang du bris te byin zar gnas/ /bden bral min pa'i mtha' ma gdab/ /blta ba bden bral phyogs su'o/ /slob dpon ldang min grogs po ni/ /ri dgas zhon pa'i phyogs 'dug ste/ /tshangs thig dang po gdab par bya/ /gnyis pa'ang bden bral phyogs 'dug ste/ /bgegs phyogs brkyang la gdab par bya/ /dbus dang mtha' mar phye ba yi/ /gzhal yas khang pa'i mtshan nyid ni/ /gru bzhir bgyi zhing sgo bzhi dang / /rta babs bzhis ni brgyan pa yi/ /dbus su rtsibs brgyad lte ba la/ /rdo rje tho ba bri bar bya/ /nyi ma'i</font><hr>90.121b<br><font size=+1>

dkyil 'khor dbus nyid du/ /gri gug kyang ni bri bar bya/ /shar rtsibs 'khor lo chen po ste/ /rin chen lho yi phyogs rtsibs la/ /pad ma dmar po nub tu bri/ /byang du rdo rje kun du rtse/ /shar lho phyogs su'ang de dang 'dra/ /grwa bzhir brgyad po'ang nyis brtseg tu/ /mtshan ma rnams ni legs par bri/ /sgo bzhi dag tu bri ba yang / /lcags kyu zhags pa lcags sgrog dril/ /gzhan yang rgyan kun legs par bri/ /mchod pa legs par dgram par bya/ /khu tshur dku gnyis bzhag pa dang / /de bzhin dpral bar nyug pa dang / /kha nas 'byin dang gar bskyod dang / /bdug spos nyug dang me tog 'thor/ /mthe bong bsgreng ste rang lus la'ang / /gzhan la nyug tshul gnas pa ni/ /brgyad po mchod pa'i lha mo dag /bskyed dang legs gnas phyag rgya yin/ /sku gsung thugs kyi lha rnams dag /rang lus bcug ste gnas pa la/ /sngags kyis byin gyis brlab pa ni/ /o~M sarba ta thA ga ta kA ya badzra swa b+hA ba At+ma ko\u0f85ha~M/ o~M sarba ta thA ga ta wAka badzra swa b+hA ba At+ma ko\u0f85ha~M/ o~M sarba ta thA ga ta tsit+ta badzra swa b+hA ba At+ma ko\u0f85ha~M/ mig sogs byin gyis brlab pa la/ /gti mug rdo rje sogs kyis bsrung / /dbang sbubs stong pa nyid byas te/ /snying po'am ming gi yi ge yi/ /rigs kyi phyag mtshan bsnams pa yi/ /sku rnams nges par bskyed pas so/ /de nas bcom ldan 'das de bzhin gshegs pa thams cad kyi bdag pos bdud rtsi myang ba zhes bya ba'i ting nge 'dzin la snyoms par zhugs te sngags 'di gsungs so/ /o~M AHhU~M/ dag cing 'bar bar rnam brtags te/ /nyi ma'i dkyil 'khor dbus gnas par/ /zhe sdang rdo rje'i bdag po ste/ /zla ba'i dbus su gti mug bsam/ /rin chen dbus su bsam pa yang / /ser sna nyid du bsam par bya/ /pad ma'i dbus su 'dod chags bsam/ /sna tshogs dbus su phrag dog bsam/ /bsam bya ljags la sa bon te/ /'phros pas bkug ste tshim par bya/ /shar ni dkar po chen po ste/ /lho ni ser po nyid du'o/ /</font><hr>90.122a<br><font size=+1>

nub tu dmar por nges par shes/ /byang ni ljang gu yang dag ldan/ /de las de bzhin re khA'i rim/ /dkyil 'khor bsgom pa'i tshe na yang / /byams dang snying rje dga' btang snyoms/ /tshad med pa'i rim pa yis/ /sems can rnams la phan gdags phyir/ /brtan dang g.yo ba'i dngos po rnams/ /yod min med min gnyis ka min/ /gnyis ka min pa'ang ma yin te/ /spros bral ngo bo med par bsgom/ /o~M shU n+ya tA dz+nyA na badzra swa b+hA ba At+ma ko\u0f85ha~M/ ra~M las nyi ma rnam bsgoms te/ /de dbus las kyi rdo rje ni/ /kun tu rtse lnga'i rang bzhin te/ /de dbus hU~M las rdo rje ni/ /kun tu phra mos bgegs bcom ste/ /ra ba gur dang sa gzhi yang / /de yi 'og tu nges par bsgom/ /gru gsum gyen bsgreng dkar po ni/ /shin du gsal bar bdag gis dmigs/ /zhe sdang las ni sngar ma byung / /byung zhing 'byung bar mi 'gyur ro/ /byang chub sems la gzhol ba dang / /gtong zhing thos pa'i khengs pa med/ /le lo bcom zhing khro ba med/ /ser sna med de g.yo yang med/ /sgyu spangs shes rab gsal ba dang / /gcig tu theg pa che la gzhol/ /des ni dka' ba med par yang / /gzhan gyi don du 'di brtsams na/ /grangs ni bye ba tshang ba yi/ /bcu bzhir tshang ba'i gsang sngags kyis/ /las rnams kun grub the tshom med/ /yang lha mos bcom ldan 'das la 'di skad ces gsol to/ /de yi 'khrul 'khor ji lta bu/ /yi ge rnams ni ji ltar bri/ /bcom ldan 'das kyis bka' stsal pa/ /bdun tshan bdun dang ldan pa yi/ /re'u mig legs par bri bar bya/ /las kun byed pa'i 'khor lo la/ /mchod pa yis kyang legs mchod la/ /de 'og las rnams brtsam par bya/ /bzlas pa'i mtshan ma rmi lam mam/ /mngon sum byung bar gyur nas kyang / /'khrul 'khor rnams ni bri bya ba'i/ /rmi lam mtshan ma 'di yin te/ /tshal chen zug pa'i gling dag dang / /lha khang mchod rten gzhal yas su/ /</font><hr>90.122b<br><font size=+1>

dam pa rnams dang nges phrad de/ /dbang bskur ri la 'dzeg pa dang / /rgya mtshor bcas pa'i chu brgal lam/ /kla klo bran du 'khol rmi na/ /nges par 'grub ste 'khor lo bri/ /de nas yang bcom ldan 'das kyis 'byung ba'i dkyil 'khor bsgom pa gsungs te/ ya~M las byung ba'i rlung dkyil 'khor/ /sngon po gzhu yi dbyibs can la/ /ba dan ldan par nges par bsam/ /ra~M las byung ba'i me dkyil 'khor/ /gru gsum dmar po bsam par bya/ /ba~M las byung ba chu yin te/ /dkar po zlum po bsam par bya/ /la~M byung sa yi dkyil 'khor ni/ /ljang ser gru bzhi bsam byas te/ /sngon du bsam bya lta rim bzhin/ /twa ra phyi nas nges par bsam/ /b+h+ru~M las byung ba'i 'khor lo'i rtsibs/ /drug gnyis ldan pa'i lte ba la/ /b+h+ru~M las gzhal yas khang pa ste/ /gdan dang ldan par sgrub pos bsam/ /de nas yang bcom ldan 'das kyis rdo rje bsdu ba'i phyag rgya dang sngags kyis bde bar gshegs pa 'khor dang bcas pa bsdu bar bya'o/ /o~M badzra sa mA dzaH/ lag ngar gnyis ni nges bsnol la/ /mdzub gnyis lcags kyu'i tshul byas te/ /se gol brdab cing bsdu bar bya/ /lcags kyu la sogs rnam pa bzhis/ /nges par dgug pa la sogs bya/ /de nas yang bcom ldan 'das de bzhin gshegs pa thams cad kyi bdag pos mchod pa'i sngags 'di gsungs so/ /o~M ar+g+ha~M` pra tI ts+tsha swA hA/ pra ba ra sat+kA ra pra tI ts+tsha swA hA/ nag po ra ri med pa yi/ /bum pa lto che bre tshad pa/ /mchu 'phyang mgrin ring gdan ldan par/ /snying por ldan pa'i sman sogs gzhug /mgrin par ras bzangs dag gis dkri/ /'dab mar ldan pa'i lcug ma yang / /dri dang ldan pa'i kha rgyan te/ /bdud rtsir ldan pa yis kyang mchod/ /bla re gdugs dang rgyal mtshan dang / /ba dan sil snyan rol mo yis/ /gus pas dkyil 'khor la yang mchod/ /'dzam bu'i gling ngam gling gzhan dag /nor bu rin chen bkang ba yang / /</font><hr>90.123a<br><font size=+1>

stong gsum la sogs de bzhin te/ /zhum pa med par byas te dbul/ /blo ldan sgrub pos sems can la/ /phan pa'i sems kyis srog mi gcod/ /ma byin par yang mi blang ngo / /'dod pa mi spyad brdzun mi smra/ /gnod pa'i rgyu phyir chang mi btung / /gdug pa rnams las bzlog ste bya/ /dngos su'am yang na sngags dang gzhan/ /'khrul 'khor dang ni ting nge 'dzin/ /sman gyis kyang ni bya ba ste/ /de ltar mi byed de yi ni/ /nges par dam tshig nyams par 'gyur/ /gdon dang log 'dren dag gis kyang / /nges par 'chi ste dmyal bar ni/ /yun ring sdug bsngal gyis sdug ste/ /de bas nan tan ldan pa ru/ /bzod pa mi bskyed snying rje yis/ /sngags kyis nges par gsad par bya/ /mi ldog pa yi sems su gnas/ /byang chub chu yis ra ro zhing / /shes rab pha rol phyin pa yi/ /phyag rgya che la de gzhol te/ /ngo bo dang bral dngos po 'jig /ma byin byang chub blang ba la/ /brtson pas le lo dor bar bya/ /brdzun du shes bya dngos po rnams/ /de nas de bzhin gzhan la brjod/ /rgyas btab pa yi dngos po la/ /rgya bshig shes rab ral gri yis/ /bcad cing rnam pa med pa la/ /bsad pa yang ni nga yis bsgrags/ /u med pa yi yi ge rnams/ /steng gi g.yas phyogs nyid nas bri/ /'og gi yi ge bri ba ni/ /de nyid g.yon gyi phyogs nas bri/ /A li kA li nges bris te/ /k+shaHma gtogs par dbus stong ste/ /de la bgegs kyi mtshan ma 'am/ /ming sogs nges par bri ba yang / /lto ba'i nang du chud par bri/ /'khor lo nyid kyang de 'dra ba/ /grwa bzhi dag tu bri ba ni/ /ma ning 'dod pa'i kA li dang / /A li min te lhag ma yin/ /gdug pa'i yi ge bcu bzhi po/ /ming dang bcas pa phyogs bzhir bri/ /dbyangs kyi yi ge bzhi pa yis/ /bzhi pa gcig gi mgo stengs su/ /sum skor nyid ni shis pa yin/ /las kun byed pa'i 'khor lo de/ /'bri bar byed pa'i spyi dus dang / /khyad par dus tshes lha yi ni/ /</font><hr>90.123b<br><font size=+1>

rnal 'byor med pas bya ba min/ /phyogs su blta ba'i bye brag gis/ /las kyi sgrub pa shes par bya/ /las kun byed pa'i 'khor lo ni/ /bde gshegs kun gyi snying po ste/ /de bzhin gshegs pa'i gsang ba'ang yin/ /'khor lo 'dir ni bcug pa gang / /sangs rgyas kyang ni nges par 'jig /dam chos smod pa'ang de bzhin zhi/ /'khor los sgyur ba'ang dbang du 'du/ /lha min pra ti'ang zhi bar byed/ /dgra bcom gsod pa'ang de zhi la/ /brgya byin nyid kyang dbang du nges/ /de lta bu yi 'khor lo de/ /thog mar bris te de 'og tu/ /byin brlabs ma nor de nyid la/ /mchod pa gus par bdag gis bya/ /mchod min las rnams byas pa la/ /'bras bu 'byung min 'khrul pa la'ang / /'bras med ngal ba nyid yin no/ /yang lha mo ro langs ma nyid stan las langs te mchod pa chen po byas te 'di skad ces gsol ba btab bo/ /'khor lo 'dri ba'i snag tsha gang / /bri ba'i smyu gu ji lta bu/ /gcig gam 'on te de tha dad/ /bcom ldan 'das kyis bka' stsal pa/ /legs so legs so/ /de'i phyir legs par nyon la yid la zung shig dang ngas bshad do/ /ji ltar las rnams bye brag yod pa ltar/ /bri ba'i gnas tha dad de bzhin 'khor lo bsgrub/ /snag tsha tha dad 'bru rnams bzhin/ /grong khyer chen po bsrung 'dod dam/ /skyes pa bsrung bar 'dod na yang / /gro ga de bzhin u b+hi shun/ /gla gor zho sha'i shun pa'am/ /ras la kha ches 'khor lo ni/ /bskul ba'i tshig dang ldan par ro/ /so ma btang ba'i kham phor du/ /sbrang mar dag dbus 'khor lo gzhug /skud pa dkar pos legs par dkri/ /nang par shar du kha bltas te/ /me tog dkar po dag gis mchod/ /bdag nyid dkar po'i mdog tu bsam/ /mdun du skyes pa zla ba la/ /mtha' dag gnas pa mdun du bsam/ /sangs rgyas phyogs bcur bzhugs pa yis/ /bdud rtsi lngas gang bum pa yi/ /chu rgyun dag gis dbang</font><hr>90.124a<br><font size=+1>

bskur te/ /de 'og bzlas pa brtsam par bya/ /swA hA'i sngon du bskul tshig ldan/ /bud med la ni 'gi wang ste/ /phyi rol mtshams bzhir phur pa yis/ /bgegs bskrad steng du bla re bre/ /phyi ma skyes pa'i ji bzhin no/ /bye brag tu yang skyes pa 'am/ /bud med zhi bar 'dod na yang / /ga pur tsan dan dag gis ni/ /shir sha shing gi shun pa la/ /'khor lo yi ge legs bris te/ /shar du nang par bltas te mchod/ /las kun byed pa'i thabs la yang / /sngon gsungs zhal ldan dgod par bya/ /phyi rol mtshams bzhir phur pa yis/ /bgegs bskrad steng du bla re bri/ /bum pa kha rgyan dang ldan zhing / /rin chen 'bru dang sman du ldan/ /dri zhim chu dang ldan par bya/ /gos bzangs kyis ni mgrin pa dkri/ /phyogs bzhi dag tu gzhag par bya/ /thang ka'am dkyil 'khor la mchod de/ /dri'am chu dang me tog dang / /bsres pa'i skyor mos chu yang blugs/ /gzar ba stong gis sbyin sreg bya/ /chu des gzhan yang gtor bar bya/ /bar ma chad par nyin bdun du/ /de ltar rgyun tu gtor ma sbyin/ /phyi nas 'khor lo rin chen de/ /bum pa'i nang nas rnam phyung ste/ /rgyal mtshan rtse la btags nas su/ /gnas mthon por yang bzhag par bya/ /zhi bar byed pa the tshom med/ /sngar bshad pa yi shing shun dang / /dur khrod ras la sgrub po yis/ /yung ba'i khu bas 'khor lo bri/ /so ma btang ba'i kham phor du/ /bsgrub bya'i rkang rjes sa dag dang / /snang mdzad chu ngogs sa dag dang / /ri dang lam sa btags nas ni/ /ldong ros dang ni yung ba yi/ /khu bas basprus te gzugs byas la/ /'khor lo gnyis dril yung ba dang / /ldong ros kyi ni khu bas bsku/ /snying gar bcug ste gzhug par bya/ /seng ldeng phur pa sor brgyad pas/ /lus la sogs pa gdab par bya/ /dgra rnams 'ong ba'i lam du yang / /khung bur brkos te gzhug par bya/ /la~M las dbang chen gyis mnan cing / /</font><hr>90.124b<br><font size=+1>

su~M las skyes pa de steng na/ /sna tshogs las kyis mnan pa yi/ /kham phor skud ser dkri bar bya/ /rgyal chen dag ni ser po yang / /dbang chen la gnas lhor bltas te/ /bsgrub bya ser po'i rigs mnan par/ /bsams nas bzlas pa brtsam par bya/ /swA hA med par sta~M b+ha ya/ /la~M gyi mtha' can lnga stong bzlas/ /gtor ma rgyun du sbyin par bya/ /rengs pa chen po'i las 'di yis/ /dmag gi dpung yang nges par rengs/ /'ga' tsam la ni smos ci dgos/ /sran ne lan gsum bsngags pa yis/ /dur khrod ras la 'khor lo bri/ /rims dang dug gis zin pa de/ /de yi steng du gzhag par bya/ /bdag nyid dkar por rnam bsams te/ /cho gas byab cing gdon par bya/ /de ni de nas zhi bar 'gyur/ /ngag dag rengs par 'dod na yang / /smyo byed khu ba dur khrod sol/ /btsag rnams bsres te so ma btang / /kham phor gnyis la 'khor lo 'di/ /pho dang mo yi skor phyogs gnyis/ /ma nor bris te kha sbyar la/ /ro bsregs sa dang thal bas g.yog / /steng du bzlas shing spel ba ni/ /sta~M b+ha na dang ku ru la~M/ /swA hA med pa'i sngags 'di yis/ /kha bcing ba ni nges par 'gyur/ /gang zhig gsad par byed pa la/ /snying rjer ldan pa'i gang zag gis/ /gdug byed las 'di byed pa la/ /gshin dgra lha yi rnal 'byor gyis/ /zhag gcig gis ni 'grub par byed/ /bcu bzhi nyi ma phyed pa na/ /bya rog sgro rtsa'i smyu gu yis/ /dur khrod kyi ni ras dag la/ /dug dang tshwa dang ske tshe dang / /nim pa tsha ba gsum dag dang / /tsha ba'i mar khu dur khrod sol/ /smyo byed mdzub mo'i khrag gis bri/ /ro bsregs pa yi thal ba dang / /bsgrub bya'i rkang pa'i rjes kyi sa/ /mi yi rus phye la sogs la/ /gzugs byas de yi snying gar gzhug /dur me dag la de bsro zhing / /khros pa'i sems kyis khri bzlas na/ /skad cig tsam gyis 'chi ba ni/ /de yi khyim mam dur du sba/ /de lta'i las</font><hr>90.125a<br><font size=+1>

kyis de 'grub ste/ /mtshan mo phyed na kha lhor blta/ /bdag nyid 'jigs pa'i gzugs can te/ /zhal sogs sngon du gsungs pa ltar/ /ma he'i steng na mche ba gtsig / /gsus khyim che la gyen skra 'bar/ /spu sogs gzhan yang de 'dra'o/ /ba spu dag gi bu ga nas/ /'jigs mtshon sna tshogs thogs pa yi/ /khro bo mang po 'phro ba ste/ /bdag nyid bskal pa'i me ltar 'bar/ /bsgrub bya mdun du bsam bya ba/ /mtshams med rdzogs pa'i sdig dang ldan/ /dri ma can de phyogs gos 'chang / /grong khyer skye bos 'tshe ba can/ /grang ba'i reg pas lus la rgyas/ /mtshon gyis btab pa byas pa la/ /gcan gzan sogs za mdun du bsam/ /ngag tu'ang de ltar yang yang brjod/ /lcags kyi 'khyud mos yan lag bsdams/ /tsher mas dbub pa byas pa ste/ /lus kyi pags pa med par bsam/ /ske tshe lan tshas lus byugs te/ /a chu ba yi sgra 'byin bsam/ /de yi mgon skyabs bsal byas nas/ /gshin rje'i lto ba'i tha mar gzhag /be con thogs pas de za'o/ /'di ltar bsad pas sangs rgyas kyi/ /sras su de ni skye bar 'gyur/ /las kyi sdig las de grol lo/ /gsod pa'i sngags de spel ba ni/ /hU~M che ge mo mA ra ya hU~M/ bsgrub bya nang dag dbye ba ni/ /ma he rta yi pags pa dag /yang na ro dang dur khrod ras/ /rta dang ma he byi la 'am/ /khyi dang nim pa'i 'dab khu dang / /khyim bya'i khrag dang ske tshe bsre/ /der ni 'khor lo 'di bris te/ /rnam par 'gras pa bskul dang ldan/ /rta sbal dag gi nang bcug ste/ /ma he'i rmig pa'i nang bcug la/ /stong phrag bcu ni tshang bar bzlas/ /nim pa'i shing bsros de nas sba/ /de nang 'gras pa nyid dang ni/ /dpag tshad brgyas mchod 'thab par 'gyur/ /mA ma ki dang a mu ki/ /bi dwe Sha ya phaT/ rims kyis thebs par bya ba la/ /dur khrod ko ba che ba la/ /ab+Shu shing gi lo ma dang / /tsi tra</font><hr>90.125b<br><font size=+1>

ka dang ske tshe dang / /khrag gis 'khor lo bri bar bya/ /bri ba bskos la ri mos dgang / /seng ldeng 'dab ma du med la/ /bsro zhing khros pas lnga brgya bzla/ /khyim dang lam gyi bzhi mdo dang / /dur khrod sbas na rims kyis 'dzin/ /rgyas pa'i las kyis rgyas 'dod na/ /'gi wang gis ni gro ga la/ /'khor lo gnyis ni rnam bris te/ /bskul tshig ldan par yi ge bri/ /zla drug thang ka'i mdun dag tu/ /gnod sbyin dang ni gnod sbyin mos/ /rin chen char ni 'bebs pa dang / /gshin dgra ser po zla ser la/ /gnas par bsams te khri bzlas na/ /'phags pa nor 'dzin 'dra bar 'gyur/ /o~M che ge mo puSh+TiM ku ru \u0f00/ gro ga sogs kyi shog shog la/ /'gi wang dang ni rang byung gi/ /me tog dag gis bri ba ste/ /yang na tha ltag khrag dang ni/ /bil ba'i lo ma'i khu ba dang / /ras dmar po'i ya khu ba dang / /sen rtsi rnams bsres bri bar bya/ /spra tshil gyis ni 'khor lo dril/ /bum pa mar sbrang ldan par gzhag /dus bzhi dag tu mchod pa ni/ /me tog dmar pos mchod pa'o/ /de tshe bzlas pa tshul dag ni/ /hoHbA shang ku ru hoH/ /de ma thag tu lha rnams kyang / /dbang du byed par nges 'gyur ro/ /gro ga dag la bri ba ni/ /zla ba gzas zin dus dag gam/ /rgyal gyi nyin par bri bya ste/ /skud pa dmar pos 'khor lo bri/ /me tog dmar pos mchod par bya/ /thod pa kha sbyar nang gzhag ste/ /bzlas pa khris ni brgya byin gyi/ /bu mo'ang rnyed par nges 'gyur ro/ /dur khrod kyi ni ras dag la/ /gur gum sogs kyis 'khor lo bri/ /yi ge thig les rnam bskor te/ /a mu ki dang mA ma kI/ /mo ha na dang rnam spel la/ /bsgrub bya'i gos kyi mtha' ma la/ /legs btags chos kyi dbyings nyid du/ /bsgoms nas zlos shing 'gro na yang / /lha dang lha min gyis mi mthong / /bdag nyid gshin dgra nyid bsgoms nas/ /</font><hr>90.126a<br><font size=+1>

chu yi steng nas 'gro 'dod na/ /rdul phran lha yi rnam par te/ /dbu rgyan du ni bdag rang nyid/ /nges par steng 'gro gzhan dag kyang / /bu mos nags kyi ras bal la/ /skud pa bkal ba gzhon nu mas/ /sum sgril du yang de yis bya/ /gdug sngags stong du tshang bar te/ /bzlas tshul sngon du gsungs pa bzhin/ /skar ma rgyal gyi dus la bzla/ /bri ba'i nyin mo'ang de la'o/ /dkyil 'khor gyi ni lhar brtag pas/ /g.yon gyis mdud byas gzhan la gdags/ /ma lus mtshon dag rengs byed de/ /gcer bu ba lang rengs par byed/ /me tog las ni gzhan du min/ /sha lnga sogs kyi ril bu ni/ /legs par grib ma dag la bskam/ /lcags gsum dag gis dkri bar bya/ /bzlas shing mchod pa byed pa'i tshe/ /dngul dag gi ni rang bzhin bya/ /'bar bar gyur pa nyid na yang / /mchod pa legs par rnam byas te/ /skor ba brgya phrag du ma bya/ /de nas blo ldan sgrub pa bas/ /khar bcug tsam gyis 'dod pa bsgrub/ /phyung na sngon ltar rnal ma nyid/ /gso ba 'dra bar 'o mas kyang / /nges par 'khrul 'khor bkru bar bya/ /rig sngags 'khrul 'khor las grol te/ /rnal ma nyid la gnas pa yin/ /snum ster dag gi sa bon la/ /nya lcibs dang ni byi tang ka / khu bas yang de byugs pa la/ /thod pa sas ni rnam bkang bar/ /sbas te bzlas pa grangs med bya/ /de tshe mchod dang gtor ma dag /yongs rgyas 'bras bu rnam blangs te/ /khar bcug mkha' 'gro'i byar 'gyur ro/ /de la 'di skad ces bya ste/ /zhus dang 'das dus byung gdug pa/ /mngon par rtogs pa'i ting nge 'dzin/ /dkyil 'khor rnam par spros pa dang / /thig gis gzhal yas mtshon pa dang / /rdul tshon phyogs las rnam par brtags/ /yang dag byin gyis brlabs pa dang / /bdud rtsi myang bar bya ba dang / /tshangs pa'i gnas bzhi bsgom pa dang / /</font><hr>90.126b<br><font size=+1>

sngags kyi dngos med de bzhin mtshams/ /chos 'byung dang ni sgrub po dang / /bzlas dang de yi grangs tshad dang / /'khor lo dang ni yi ge gnyis/ /nges par zhus dang mchod pa dang / /'khor lo 'dri ba'i mtshan ma dang / /'byung ba bzhi dang bsdu sogs dang / /sdom pa 'khor lo'i yi ge bri/ /gzhi dang de bzhin snag tsha dang / /so so las kyi bye brag ste/ /bsdus te nga yis bstan pa yin/ /de nas bcom ldan 'das kyis 'byung po rnams la gtor mas tshim par bya ba zhes bya ba'i ting nge 'dzin la snyoms par zhugs te/ /sku dang gsung dang thugs rdo rje las sngags 'di phyung ngo / /o~M hrIHSh+T+rIHwi kr-i tA na na hU~M hU~M phaT phaT swA hA/ 'byung po rnams dang rnam spel te/ /tha mar sbyar ba byas pa ni/ /hi hi hi hU~M pha~M pha~M swA hA/ /dur khrod rgyan gyis rnam bzhag pa'i/ /zhe sdang gshin gshed rdo rje ni/ /spros med nam mkha' lta bu las/ /snying rje'i thabs kyis sku sprul pa/ /ye shes khro rgyal rab 'jigs pa'i/ /dud pa mun chen sku la 'dud/ /gar dgu nyams dang ldan pa yi/ /gti mug rdo rje gshin rje'i gshed/ /skye med don dam de nyid las/ /thabs kyis sprul pa'i skur bstan pa/ /'jigs byed drag po'i cha lugs can/ /zla ba nya 'dra khyod la 'dud/ /bskal pa'i me ltar 'bar ba yi/ /ser sna gshin rje'i rdo rje ni/ /'dzin pa po las grol ba yis/ /gdug pa 'dul phyir khro bor sprul/ /gter 'chang ser sna grol mdzad pa/ /btso ma gser 'dra khyod la 'dud/ /chags pas ma lus dbang mdzad pa'i/ /'dod chags gshin rje'i rdo rje ni/ /skye med rnam dag chos dbyings las/ /khams gsum pa dag khro bar sprul/ /ma chags spyan ldan thugs rje can/ /ban du lta bu'i sku la 'dud/ /shes rab thabs ldan he ru ka /phrag dog gshin rje'i rdo rje ni/ /rnam rtog dpe dang bral ba las/ /thugs rjes sprul pa'i khro bo ni/ /'gro don brtson pa'i ral gri can/ /sna tshogs mdog can khyod la 'dud/ /thams cad bskyed pa'i lha mo che/ /dbang po lta bur</font><hr>90.127a<br><font size=+1>

bsgyur mdzad pa/ /khams gsum gzigs pa'i spyan dang ldan/ /rnam snang can gyis bdud bzhi 'jigs/ /bde ba chen pos rtag tu dgyes/ /ye shes spyan can khyod la 'dud/ /kun sdud lha mo rin po che/ /rnam rtog skyon las rnam grol yang / /dus gsum bde gshegs bdag gir byed/ /rin chen tog can mdzes pa'i sku/ /don dam thugs chud 'khor ba sel/ /ma lus kun gyi bdag la 'dud/ /'dus byas ma lus bsreg byed pa/ /rnam rtog zhi ba'i rang bzhin las/ /khams gsum ma lus sgrol bar byed/ /'od dpag med kyis rab mdzes pa/ /ma chags phyag na bsnams pa yi/ /phrin las dag byed can la 'dud/ /thugs rjes g.yo ba'i rang bzhin can/ /'jig rten gsum dag sgrol bar byed/ /gnyis med bde chen ngang nyid las/ /phrin las grub pa'i rang bzhin can/ /btang snyoms bzhugs pas 'gro ba 'dul/ /kun tu las kyi rgyal la 'dud/ /ces gzugs rdo rje la sogs pa la so sor yongs su bstod do/ /de yang thams cad kyi bdag pos legs so zhes bya ba byin te/ lha mo rnams kyi sku la btud de/ /gdug pa 'jigs pa'i yi ge ni/ /bcu bzhi pa la dmigs pa yang / /'khor bar dmigs par bya ba'am/ /nyi ma'i steng na skyes pa ltar/ /dmigs te ma yengs brjed pa med/ /bzlas pa nyid ni de ltar bya/ /bye ba tshang bar bzlas pa yis/ /rab 'byam las la mi 'grub pa/ /med de de yis thams cad 'grub/ /'bum dang sa ya bzlas pas kyang / /phra mo'i las rnams 'grub par byed/ /gzhan du mi 'gro'i sems kyis ni/ /de lta'i tshul du bzlas pa bya/ /yul gzhan blo ni 'gro ba yis/ /bskal par bzlas kyang 'bras mi 'byin/ /mi 'phro sems kyis 'di zlos shing / /lam du zhugs pa'i skyes bu la/ /stag sogs chu yis mi 'jigs so/ /de nas yang dag bshad bya ba/ /dbang gi blo sbyangs rab ldan pas/ /'bras thob de med mi 'grub ste/ /de bas de ni bshad par bya/ /bum pa'i dbang gis thog mar sbyang / /gsang ba'i dbang</font><hr>90.127b<br><font size=+1>

gis gnyis pa ste/ /gsum par bya ba de nyid ni/ /shes rab ye shes de yin te/ /de ltar de bzhin bzhi pa yin/ /brtan g.yo dngos po ma lus pa/ /bsgom par bya ba'i dus nyid la/ /blos ni yongs su mi bsgom ste/ /kun gyi mtshan nyid ma shes na/ /bsgom pa kho na de min te/ /thams cad dngos nyid yongs shes na/ /de ni bsgom par yongs su bsgrags/ /de nyid bla ma'i kha yis te/ /'bad pas mnyes bya de mi smad/ /de la thams cad 'byung ba ste/ /bla ma la smod g.yo sgyu can/ /nges par de ni dug dang yang / /gdon chen dag ni ma lus pas/ /'chi zhing brlags par de gyur nas/ /dmyal ba dag tu yun ring ltung / /bskal pa du mar sdug bsngal te/ /rtag tu cho nges 'bebs par byed/ /de bas blo gros chen po la/ /nam du'ang mi smad gzhan du na/ /bkur sti phu dud 'gro ba la/ /phan pa'i sems kyis de ltar bya/ /gzhan yang bsgom par bya ba nyid/ /gang dag dbang po'i lam 'gro ba/ /de de'i ngo bor bdag gis bya/ /bsam gtan mi byed de blo yis/ /kun tu blo yis bsgom par bya/ /bcom ldan bdag po chen po yis/ /gsang dbang lag na rdo rje la/ /bos nas gsang ba'i dbyangs 'di gsungs/ /gzugs sgra la sogs drug po rnams/ /dngos med mkha' dang 'dra ba las/ /longs spyod yul du du mar snang / /shel la tshon ni ji bzhin du/ /'dod pa lnga dang chos rnams la/ /rtag tu rnal 'byor spyod par shog /a la la ho/ /rol du gsol bsnams par mdzod/ /mi 'dzin sgyu ma lta bu la/ /gar gyis dgyes pa'i rol pa mdzod/ /rig bya dgag pa med pa la/ /mi g.yo bzhin du rol par mdzod/ /ho chags pa med pas chags par mdzod/ /de nas yang dag rab bshad pa/ /sngags dang phyag rgya dbang bskur ba'i/ /de yi mtshan nyid bshad pa'i phyir/ /gsung ni 'di skad bka' stsal to/ /lce la sgom pa'i rdo rje ni/ /rdo rje gnod</font><hr>90.128a<br><font size=+1>

mdzes nag po ste/ /kha ni kun du dgyes pa yi/ /lag gnyis thal mo nges sbyar te/ /gung mo'i rtsa ba'i tshigs nyid la/ /mthe bong nges par sbyar bar bya/ /mdzub mo gung mo'i rgyab rtser sbyar/ /'di ni dam tshig phyag rgya ste/ /snying ga dpral ba lkog ma dang / /spyi bor byin gyis brlab par bya/ /o~M hrIHSh+T+rIHbi kr-i tA na na hU~M hU~M phaT phaT a d+hi tiSh+Tha swa mAM/ /gzhan yang rdo rje sems ma sogs/ /phyag rgyas dbang bskur dbu rgyan brtag /gti mug rdo rje la sogs pa/ /so so'i bdag pos dbu brgyan cing / /dbang bskur tshe na bum pa che/ /phyag gis bsnams te dbang bskur ro/ /'khor lo las kun byed pa la/ /gsang dbang lag na rdo rje yis/ /bstod pa'i rgyal po 'di yis bstod/ /gdug pa skrag byed 'khor lo me ltar 'bar/ /dus gsum khro rgyal he ru ka yi thugs/ /las rnams dag byed phrag dog rdo rje ste/ /ma lus tshems gcod gsol bas sku yi dang / /hU~M dang phaT kyi gdug rtsub sbyor bas gsung / /kun gyi rang bzhin khyod kyis gshin rje yi/ /ltor 'dzud bka' las nges kyang mi 'da' zhing / /phyogs bcu'i sprul pas gnas nas 'gugs mdzad pa/ /ma lus kun byed 'khor lo che mchog la/ /gzhan gyi don rdzogs gus pas phyag 'tshal lo/ /khyod ni dpa' bo thub chen kun gyi bdud/ /nga yis lam bstan bdud rnams mi phyed kyang / /dam las 'da' zhing log pa kun bskyed la/ /khyod kyang bka' las ma 'da' las rnams sgrubs/ /tshe dang srog bsdus yan lag rnam par bcings/ /bdud rtsi chu rgyun rnal 'byor nga la 'dod sgrub na/ /ngas ni sbyin bya khyod ni dam las ma 'da' zhig /ces dpal gshin rje'i dgra nag po'i 'khor lo gzhan gyi lto ba la gnas 'cha' bar 'dod pa'i gtan 'pho ba ma yin pa'i tshe bya'o/ /'khor lo snying gar lta ba'i tshe/ /sa bon tshul te lte ba la/ /yi ge ma lus 'dod pa yang / /mtshan nyid ngan pa'i rtog pa las/ /grol te mtha' gsum ngo bo las/ /k+ShaHni zad</font><hr>90.128b<br><font size=+1>

pa'i bdag nyid la/ /u ni hU~M gi bdag nyid de/ /de ni sems kyi rang bzhin nyid/ /dga' las 'das pa'i ye shes te/ /thabs ni shes rab ldan pa las/ /dus thabs bsten pa'i bdag nyid kyis/ /'thob ste gzhan du de mi 'thob/ /chu 'gram chen po bas mtha' dang / /dur khrod shing drung dgon pa ste/ /dben pa'i yul dang ma mo'i khyim/ /der ni mgon po 'di la 'bad/ /gzhan du bsgrubs kyang de mi 'grub/ /skad cig de la rang bzhin kun/ /nges par mi snang rig pa yi/ /lam du gyur pa med par shes/ /'bras bu de ni rgya chen te/ /mtha' yi 'thob pa de yin no/ /de nas yang thams cad kyi bdag po bde bar gshegs pas rdo rje sa'i cho ga gsungs pa ni/ /skyob pa sangs rgyas thams cad kyi/ /spyod pa'i tshul dang khyad par gyis/ /sa dang pha rol phyin pa la/ /lha mo khyod ni dbang du gyur/ /bsrung ba'i dkyil 'khor rab gnas pas/ /sdang ba'i log 'dren skye bo dang / /bgegs rnams bsal ba 'di skad gsungs/ /dpal ldan bdag ni rdo rje 'dzin/ /bsrung ba'i 'khor lo rab sbyor bas/ /bdag gis ye shes rdo rje yis/ /lus ngag yid du bcas pa dag /sangs rgyas kun gyi bdag nyid ni/ /khro bo gshin rje nag po'i bdag /slob dpon gyis ni dkyil 'khor bri/ /zhes lan gsum gyi bar du brjod par bya'o/ /dkyil 'khor gyi ni drung nyid du/ /dar gyis gdong ni bkab pa la/ /sgo drung gnas pa khyod gang yin/ /slob dpon gyis ni rab brjod de/ /des bdag skal ba ldan par brjod/ /ji ltar bla med dpa' bo yis/ /mgon la dbang ni bskur ba bzhin/ /bla med byang chub gnas bya'i phyir/ /bdag la'ang mgon pos dbang bskur gsol/ /me tog sogs te mchod pa'i mchog /rab 'byam rgya mtsho ma lus pas/ /slob dpon dpa' bo de nyid la/ /yang yang mchod cing bstod pa'i tshogs/ /rgyas par mnyes bya de 'og tu/ /dpa' bos de la dbang rnams</font><hr>90.129a<br><font size=+1>

sbyin/ /de nas rgyal po bde chen po/ /dpa' bo longs spyod kun ldan pa/ /'gro don brtson pa'i sku gsum bdag /nyid kyis 'di skad bka' stsal to/ /sbyin sreg med na 'bras mi 'byin/ /de bas bdag nyid dam pa yis/ /de yi las la 'bad par bya/ /gos nag rgyan gyis rnam brgyan la/ /gshin rjer rnam bltas rnal 'byor pas/ /khro bo'i skyil krung bcas pa yis/ /sra ba'i stan la bdag 'dug nas/ /las rnams bsgrub par bya ba ni/ /mtshan mo'am nyi ma phyed nyid na/ /ra~M byung me yi dkyil 'khor du/ /hU~M phaT mtha' na yod pa yi/ /sngags kyi thog ma bar tha mar/ /sbyin sreg bya ste de me ni/ /dur khrod me 'am rus pa 'am/ /rdo nyid las ni byung ba 'am/ /tsan Da lI yi khyim nyid nas/ /thab khung gru gsum can der ni/ /tsher ma can gyi bud shing brdzang / /rlung g.yab sbar te hU~M dz+wa la ra~M/ /dz+wa la hU~M brjod me sbar brjod/ /lag g.yas ku sha bcas pa yis/ /mthe bong srin lag rtsa ru gzugs/ /o~M e h+ye hi ma hA b+hU ta de ba r-i Shi dwi dza sot+ta ma gr-i hI dwA A hU ti A hA ra~M asmin sa~M ni hi to b+ha ba zhes brjod la spyan drang ngo / /'bar ba me yi dbus nyid du/ /ming de zad byed ces bya ba/ /khro bo me ltar phun sum tshogs/ /ba spu kham pa de bzhin du/ /du mdog zur mig steng du gzigs/ /sgra che mche bzhi ldan stobs che/ /ya~M las rlung gi dkyil 'khor te/ /bzhugs nas drag po'i yi ge brjod/ /spyan gsum pa la phyag bzhi pa/ /rig pa'i gnas la legs par bzhugs/ /zhal bdun rnam gtsigs ma he la/ /chibs pa du ba'i phreng rnams 'khrigs/ /phyag gnyis mdung dang rdo rje 'dzin/ /gnyis kyis ral gri gri gug 'dzin/ /de yi g.yas kyi phyogs nyid du/ /de bzhin mdun gyi phyogs nyid dam/ /spyan drangs byin brlabs ldan pa la/ /ar+g+ha~M sogs kyis mchod pa bya/ /o~M ar+g+ha~M pra tIts+tsha swA hA/ /lag g.yas mdzub mo mthe bong dag /skam pa lta bur rnam byas</font><hr>90.129b<br><font size=+1>

pas/ /chu blangs bskyod pas dbul bar bya/ /o~M pA t+ya~M mthar ni sngon gyi brjod/ /zhabs bkru ba la shis pa yis/ /dgang gzar yu ba sor bcu drug /de min sor bzhi zabs sor gnyis/ /zur gsum dbus su sor gnyis tshad/ /rtse gsum phreng bas yongs su bskor/ /de yi dbus su'ang mtshan ma ste/ /stag sbrul gang 'dod pas mtshan bya/ /khu bcud 'dzag pa sor gcig go /khro bo rdo rje mchu yi dbyibs/ /byin brlabs sor gcig tshad can no/ /blugs gzar yu ba sor bcu bzhi/ /zabs su sor gcig gru gsum dang / /yu ba'i mthar ni rtse gsum pa/ /gdengs pa byin brlabs mngon spyod kyi/ /gzar bu yin par nga yis bstan/ /gnam lcags tsher ma can sogs shing / /de la de byas sangs rgyas 'jigs/ /bsreg rdzas gzugs brnyan la sogs bsreg /stong du tshang pas 'bras bu ni/ /nges par 'byin par byed ma yin/ /g.yon gyi rtsa der dgang gzar la/ /g.yas pa blugs pa'i gzar bu yin/ /kha ni pad ma'i 'dab ma yin/ /sor mo gnyis par de rgyas so/ /rdo rje bar gyi thod pa dag /bsreg rdzas kyi ni snod yin la/ /rdzas rnams rdo rje rin chen dpal/ /hU~M phaT kyi ni mtha' can gyis/ /bsreg bya sa chu me dang rlung / /nam mkha' lta bu'i dbus su gnas/ /kha bye gnas pa rtag tu'o/ /kun tu'ang kha phye bskor bar bya/ /bzhi gnyis 'dab ma'i steng du ste/ /lte ba dang ni yang dag ldan/ /lhan cig rnam par shes pa'i lha/ /nam mkha' nyid du nges par 'bar/ /de yi mtshan mar shes bya ba/ /rdul gyi rnam par de nyid do/ /thig le yi ge med pa ste/ /rgyun mi 'chad par 'od kyis gnas/ /brgyar gshags skra yi tshad kyis so/ /ar+g+has rab tu sbar bar bya/ /sngar gsungs 'byung ba rnam bzhi dang / /nam mkhar yang dag ldan pa yi/ /sor mo lnga dang nges ldan pas/ /gang gi sbyin sreg des bya'o/ /gzhan dag sor mo gsum gyis bsreg /dmigs pa thams cad 'gag par 'gyur/ /</font><hr>90.130a<br><font size=+1>

rten med stong pa nam mkha' 'dra/ /shes rab pha rol phyin pa yi/ /phyag rgya chen po dbang du 'gyur/ /bde gshegs kun dang mnyam 'gyur ba/ /shes rab dang ni snying rje ches/ /'gag pa med pa'i chos 'gyur ro/ /bde chen nam mkha' lta bu ste/ /rnal 'byor pa yi dmigs pa yin/ /mdog nag 'dab brgyad lta bu la/ /rgya dang zabs su sor mo ni/ /nyi shu de bzhin bcu pa'i thab/ /byang du rtse mo bstan pa la/ /rdo rje tho ba'i mtshan ma de/ /sor ni bzhi par bri bar bya/ /de steng sor mo gsum bor bar/ /kha khyer kyang ni de yi tshad/ /sa nag bong bu rnga mo'i sbangs/ /mi rus 'bras kyi phub ma dang / /sol ba'i phye mas rnam byugs la/ /mi zhim dri dang bdug pas mchod/ /dur khrod shing ngam bong bu dang / /rnga mo'i sbangs skam bud shing ngo / /sor gcig gis ni dma' ba yin/ /nim pa de bzhin seng ldeng dang / /se ba de bzhin bse shing dang / /dur khrod shing bu sor bcu pa/ /rtsa ba'i cha las rnam byung ba/ /dur khrod mar khu rnams bsnyugs la/ /de yis yam shing bya ba yin/ /bya rog 'ug pa'i gshog pa dang / /nim pa'i 'dab ma thal ba dang / /rkang rjes sa dang bong bu dang / /rnga mo sogs kyi sbangs dang ni/ /skra dang zhag dang bshang ba dang / /gci ba mi rus yungs kar dang / /yungs mar ngag dang lan tshwa dang / /de la sogs pa re re zhing / /ji ltar rnyed pa'i rdzas rnams ni/ /dug dang khrag dang smyo byed kyi/ /'dab khung thal ba sol ba dang / /'bras kyi phub ma la sogs la/ /dgra bo dag gi gzugs byas la/ /mgo nas brtsams te ral gri yis/ /dum bur gtub cing lcags phor du/ /khrag dang chu dang mi rnams dang / /bong bu'i gcin la phaT ldan pa'i/ /gdug pa'i yi ge rnams bzlas pa'i/ /rdzas la bsang gtor byas nas kyang / /slob dpon la sdang rmongs pa 'di/ /brjod cing sbyin sreg dbul bar bya/ /de la 'di skad ces bya ste/ /'byung</font><hr>90.130b<br><font size=+1>

po tshim bya gtor ma dang / /bstod bzlas mnyes par bya ba dang / /dbang gi dbye ba bstan pa dang / /dkyil 'khor 'jug par bya ba dang / /de yi sa la mchod pa sogs/ /cod pan du ni bde gshegs gzhag /mngon spyod hom gyi cho ga dang / /bsdus nas bar du rnam pa brgyad/ /pad ma dkar 'dra mgrin pa ring / /gzugs mdzes ha cang ring ba min/ /lus la rdul byung yid 'phrog ma/ /dri ni shin tu'ang zhim pa yin/ /lta stangs mig sogs ri dag 'dra/ /mgrin dang lto ba'ang ri dgas kyi/ /skal bzang rkar pa'ang ri dgas kyi/ /glang chen dri ldan bzhin 'phel che/ /myos shing nu ma rab tu rgyas/ /gzhan yang kun rdzob bden pa ni/ /bong thung de yi skra yang thung / /rkang lag ring zhing bzhin ring ma/ /nya yi dri bro bong ring ma/ /zla 'dra skye gnas rab tu ring / /skye gnas chung zhing yan lag rtsub/ /bong ring de bzhin nu ma mkhrang / /skra srab dal smra yan lag chung / /sngo bsangs ri mo mnyam pa de/ /gsang ba shes rab rnam gnyis la/ /rig mar nga yis bsgrags pa yin/ /ngang pa'i 'gros can skra 'khyil ma/ /bzhin zlum nu rgyas lus kyang rgyas/ /shin tu ring min dal bar smra/ /dbus nas rna 'phyang gnyer gsum can/ /mtshan nyid ngan zhing le lo che/ /yan lag nag cing skra 'khyil ma/ /khang par gnas shing lus rtsub ma/ /sa li'i dri 'byung sa li bro/ /nu yangs de ni skyes bu bzhin/ /chang gis myos pa'i dpa' mo ste/ /chang la shin du chags pa yin/ /de gnyis de la shis pa yin/ /tha ma tha mar nges par yin/ /'chi ba'i bsam gtan de nyid ni/ /bde ba dam pa kho bos 'dod/ /'di la'ang bde ba de nyid yin/ /ka sogs spangs pa'i A li ni/ /bcu drug yin te phrag gnyis po/ /'khor lo sogs pa'i sa bon yin/ /zla ba de dag sum cu gnyis/ /a sogs spangs pa'i kA li ste/ /bcu bdun gnyis pa de steng du/ /</font><hr>90.131a<br><font size=+1>

ya sogs spangs pa min pa nyid/ /gsum pa'i gsum dang bzhi pa'i gnyis/ /bcu phrag bzhi ste de phrag gnyis/ /sen mo zangs sogs sa bon te/ /nyi mar rnam bsgrags de dbus gnas/ /hU~M dang a yi rang bzhin las/ /rdo rje tho sogs so sor rtog /thim pas nan tan ye shes te/ /chos kyi dbyings nyid dag pa ste/ /gshin dgrar bdag nyid 'dod pa yin/ /rgyan gyi bye brag lus la gnas/ /de ni 'di skad bya ba ste/ /rig pa shes rab bstan pa dang / /bskyed pa'i rgyu yi bye brag ni/ /tha mar bstan te sdom gsum mo/ /mtshon par byed pa'i bdag nyid de/ /mtshon bya sngon bstan nyid yin no/ /gshin rje'i gshed nag po'i las thams cad grub par byed pa'i 'khor lo'i rgyud kyi rgyal po/ rdzogs s+ho// //paN+Di ta bA ro phyag rdum gyi zhal snga nas/ rwa rdo rje grags kyis bsgyur cing zhus te gtan la phab pa/ / </font><hr>

</table>