J458

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J458</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J458&coll=lithang">see text in Tibetan script</a></table>92.151b<br><font size=+1>

@#/ /rgya gar skad du/  su pra tiSh+Tha tan tra sang gra ha/  bod skad du/  rab tu gnas pa mdor bsdus pa'i rgyud/ dpal rdo rje sems dpa' la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi dam tshig rdo rje byin gyis rlob pa zhes bya ba'i ting nge 'dzin la snyoms par zhugs nas brdungs pa dang / bris pa dang / 'bur du byas pa la sogs pa rab tu gnas pa'i cho ga gsungs pa/ slob dpon de nyid bcu shes shing / /mtshan nyid kun dang yang dag ldan/ /phyag rgya sngags dang cho ga shes/ /las rnams kun la mkhas pas so/ /sku gzugs mtshan nyid ldan pa ste/ /zhi ba la sogs ro yis ldan/ /tshad kyis tshad la phab cing bzang / /de 'dra rab tu gnas par 'gyur/ /yang thog mchod rten sogs gnas dang / /khyim dang lha yi gnas rnams su/ /sangs rgyas la sogs rab gnas ni/ /cho ga dag dang ldan byas la/ /cho ga dman pas mi bya ste/ /rab gnas rtag par bkra mi shis/ /'jig rten 'dir yang sdug bsngal la/ /'jig rten pha rol 'jigs pa che/ /de bas 'bad pa thams cad kyis/ /dngos grub 'dod pas nan tan bya/ /cho ga bdag nyid nus pa yis/ /brtag pa las gsungs tshul legs pa/ /des byas bsod nams che ba yin/ /mthong dang mi mthong rnams su skye/ /sku gzugs sngags kyi mtshan nyid kyis/ /de la byin rlabs 'jug par 'gyur/ /gang du sku gzugs rdzogs pa la/ /byin ma brlabs par ring gnas na/ /de la bkra mi shis 'byung zhing / /ji srid mchod pa der mi 'os/ /dper na skyes bu la la zhig /rig pa'i mtshan nyid spangs pa na/ /'jig rten kun gyis mchod mi byed/ /de de bzhin du gzugs brnyan de/ /rab gnas ma byas gzugs brnyan la/ /</font><hr>92.152a<br><font size=+1>

gang zhig mchod cing phyag byed pa/ /dam tshig bral zhing sngags dman pas/ /sbyin sreg thal ba 'bras med mtshungs/ /de bzhin du yang sngags gnas pas/ /chos ldan mchod pa byed pa gang / /de yi las kyi rnam smin gyis/ /skye ba ru ni mchod par 'gyur/ /byang chub sems dpa' rnams kyis gsol pa/ bcom ldan 'das chos thams cad rab tu mi gnas pa la ji ltar na rgyal ba rnams kyis gnas pa lags/ bcom ldan 'das kyis bka' stsal pa/ sangs rgyas kun ni rab tu bzhugs/ /rab tu gnas pa gang na'ang med/ /kun du mkha' ltar gnas pa la/ /cig shos kyis ni rab tu brtags/ /'jig rten kun rdzob la brten nas/ /rab tu gnas pa rab tu brtag /dam pa'i don du dpyad pa na/ /gang zhig gang gis gang du brlab/ /gzod ma nas ni skye med la/ /ci 'dra ji ltar rab tu gnas/ /dang po'i las can sems can rnams/ /rtogs pa'i rgyu ru mdzad par zad/ /dang po re shigs yongs su sbyangs par gdugs dang / rgyal mtshan dang / bla re dang / ba dan bsgreng ba rnams su mchog tu gsol ba 'debs pas gsol ba btab pa'i bla ma spos dang me tog la sogs pa ldan pas tshes dang rgyu skar shis pa la slob dpon legs par mnyam par gzhag pas rab tu gnas pa'i sar 'khod do/ /sangs rgyas dang byang chub sems dpa' la sogs pa rigs lnga dang rab tu 'brel pa yin la/ de dang rab tu 'brel ba'i dkyil 'khor gyi cho gas sa yongs su gzung zhing thig gdab pa dang / rdul tshon gyi las dang / gsol ba gdab pa la sogs pa byas la rtsa ba'i sngags sam/ rgyud kyi dgongs pas sa'i gter du nor bu 'am/ sor gdub bcug la/ de nas lha'i khang par rang gi slob ma dang por bcug la/ rnam pa kun gyi mchog dang ldan pa'i de bzhin gshegs pa</font><hr>92.152b<br><font size=+1>

la sogs pa'i skur bltas la/ lha la mngon par phyogs te phyag 'tshal zhing / ji ltar 'byor pa'i me tog gi thal mo dang dri chu gtsang mas cho ga bzhin du brtags la/ ting nge 'dzin la legs gnas pas/ zhal bsil me tog spos sogs ldan/ /rnam par mi rtog sems kyis ni/ /mchod yon rnams ni phul byas la/ /mnyam par gzhag pas sngags 'di yis/ /lan gsum bar du brjod par bya'o/ /o~M sa ma ya sta~M sa ma ya sta~M a ha~M/ ji ltar sangs rgyas thams cad ni/ /dga' ldan du ni gnas pa las/ /lha mo sgyu 'phrul lhums zhugs ltar/ /de bzhin gzugs brnyan 'dir bzhugs shig /'di ru mgon po rtag bzhugs nas/ /byang chub sems ni bskyed pa dang / /che ge mo yi don slad du/ /bdag gi 'byor pa nyid kyis ni/ /ci 'byor pa yi mchod pa rnams/ /me tog la sogs 'di bzhes shig /bdag dang slob mar bcas pa la/ /rjes su brtse bar dgongs su gsol/ /kun gyis 'di la byin brlab cing / /de nyid du ni bzhugs par rigs/ /sku gzugs sta gon legs byas la/ /de nas rtag par mnyam par brtsam/ /slob ma bsnyung bar gnas pa yis/ /de ltar thams cad spyad byas la/ /sngags pas mchod pa'i cho ga sogs/ /bla ma yis ni gang bsgo ba/ /mang tshogs pa kun bsgrub par bya/ /mchod sbyin 'bras bu chen por 'gyur/ /de nas sngags pas snyan gsan dbab/ /gdan la sdom byas mchod yon dang / /mchod pa gtor ma spos me tog /de bzhin du ni mar me dag /sngags dang ldan pas dbul bar bya/ /sku gzugs mdun du phyag byas la/ /na bza' ser pos g.yog bya zhing / /de nas sngags pas 'dug byas pa/ /de dag bsgrub phyir de la ni/ /de la lan cig gtor bya ba/ /</font><hr>92.153a<br><font size=+1>

de dang de la sngags 'dis ni/ /me dang de nas chu las gtor/ o~M sarba pA pa~M da ha na badzrA ya swA hA zhes bya bas so/ /de nas rnam pa kun gyi mchog ldan pa'i/ /don bzhin du ni bsgom bya ste/ /de nas gnas gsum rnams su bstim/ /o~M hU~M AH'i yi ge gsum/ /o~M ni spyi bor bstim bya zhing / /snying gar hU~M gi yi ger 'gyur/ /ngag gi phyogs su AHyig go /sku gsung thugs ni bsgrub par bya/ /yang na/ gang gi sa bon gang yin pa/ /de yi thugs kar de dgod do/ /phyag rgya sngags kyis rab bskul zhing / /ci rigs par ni snyan gsan dbab/ /gser ram dngul lam zangs ma 'am/ /rdo dang de bzhin shing dang ni/ /sa 'am dung chos de bzhin te/ /yang na shing lo'i 'dab ma rnams/ /mchod yon snod du sbyar bar bya/ /de bzhin bum pa gser las so/ /zangs ma'i snod kyi mchod yon ni/ /mchod yon las la rab tu shis/ /gal te nus pas ma rnyed na/ /ji ltar rnyed pa kun du bya/ /de nas dri yi til mar sogs/ /dur ba'i phon gyi pir gyis sbyang / /bkra shis rnga la sogs pa'i sgra/ /na chung rnams kyis de bzhin brjod/ /til mar la sogs sngags kyis ni/ /o~M sarba ta thA ga ta kA ya bi sho d+ha ne swA hA/ bum pa lnga 'am yang na brgyad/ /tsan dan la sogs rnams kyis byug /sna tshogs dri chus dgang ba dang / /'khor lor byas la mngon par bsngags/ /bu mos bkal ba'i srad bu 'am/ /yang na ras bal skud pa'ang rung / /tshon chen pos ni bsgyur byas la/ /de la sngags kyis dkri bar bya/ /sman lnga rin chen lnga dang ni/ /me tog 'bras bur ldan pa de/ /me tog yungs kar dang ldan zhing / /bum pa mngon par bsngags par bya/ /gtsug tor rnam rgyal zhes bya dang / /gzi brjid gzhan gyis mi rdzi dang / /bkra shis zhi rnams sngags kyis ni/ /khrus kyi ched tu mngon par bsngags/ /'jam pa'i til</font><hr>92.153b<br><font size=+1>

mar dag dang ni/ /u dum ba ra'i lcug ma bzang / /'khar ba'i snod kyi nang dag tu/ /bkod la rab tu dbul bar bya/ /dri lnga yis ni de dag byug /sa bon gyis ni de dag byug /slob ma tshogs dang bcas pa yis/ /sngags kyi gtsang sbras bkru bar bya/ /bkra shis zhes bya yid 'ong ba'i/ /blo dang ldan pas tshigs bcad brjod/ /cho ga bzhin du mngon dbang bskur/ /sngags ni/ ji ltar bltams pa tsam gyis ni/ /de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus gsol lo/ /zhes bya ba la sogs pas so/ /o~M sarba ta thA ga ta a b+hi Shek+ta sa ma ya shri ye hU~M/ lugs ma rnams ni yongs su dkru/ /ri mo rnams ni me long la'o/ /dag byed lngas ni sngon du bya/ /ras sam lag pa dag gis ni/ /blo dang ldan pas sku lus la/ /gur kum mar dang bcas pas bsku/ /gos zung dag kyang sku la gsol/ /blo dang ldan pas sngags 'di yis/ /dkyil 'khor dbus su bzhugs su gsol/ /o~M badzra d+hi ba sa so swA hA/ o~M badzra gan d+he swA hA/ o~M badzra A ba ra Na bi shud d+he swA hA/ blo ldan gyis rang dam tshig bskul/ /phyag rgya sngags kyis rab bskul la/ /ji ltar 'dod par mngon dbang bskul/ /o~M hU~M a~M dzrI~M kha~M/ de ltar cod pan bcing byas la/ /gdan la legs par bzhugs gsol te/ /brtag pa las gsungs tshul gyis so/ /mdun phyogs su ni ma bub cing / /yo ba min zhing drang ba yis/ /de ltar sku gzugs mdzes par dgod/ /de ltar min na skyon 'byung 'gyur/ /me tog spos dang de bzhin dri/ /mar me na bza' sogs 'byor dri/ /de kun sngags dang ldan pa yis/ /lha rnams la ni dbul bar bya/ /o~M badzra pu Sh+pe AHhU~M zhes bya ba 'di la sogs pas so/ /mchog ni me tog 'di de ni/ /chu dang thang las de bzhin skyes/ /mchog tu dad pas khyed la</font><hr>92.154a<br><font size=+1>

'bul/ /ci bde bar ni so sor bzhes/ /lhan cig skyes dang sbyar las byung / /mchog tu bdug pa 'di de ni/ /bdag gi dad pas 'bul lags kyis/ /ci bde bar ni bzhes su gsol/ /lhan cig skyes dang sbyar las byung / /mchog tu gyur pa'i dri 'di ni/ /bdag gi dad pas 'bul lags kyis/ /ci bde bar ni bzhes su gsol/ /mun pa 'joms byed snang ba'i mchog /mar dang til gyi mar me 'di/ /yang dag ye shes spel bya'i phyir/ /dad pas bdag gis dbul bar bgyi/ /bza' dang bca' ba phun sum tshogs/ /kha dog dri ro rnams dang ldan/ /thams cad ldan pa'i lha yi bshos/ /bdag gis dbul gyis so sor bzhes/ /de la sogs pa gang yang rung / /cung zad ci 'byor sku gzugs la/ /de dag thams cad 'di nyid kyis/ /rim pa yis ni dbul bar bya/ /sngags kyi gtsang sbra tsA ru bya/ /der ni gser gyi rang bzhin gyi/ /thur mas spyan ni dbye bar bya/ /zhal zas der dbul blo ldan pas/ /o~M tsak+Shu tsak+Shu sa man ta tsak+Shu bi sho d+ha ni swA hA/ o~M d+h+yA na sa mA d+hi prI Na ne swA hA/ de ltar bzlas nas de nas yang / /slob ma rab tu bcug byas la/ /khyod kyis nga la gang gsol ba'i/ /sku gzugs dag ni khyad par du/ /ji ltar gsungs pa'i rab gnas par/ /de dag don ni ngas byas te/ /de rnams don ni grub zin gyis/ /ci bde bar ni mchod par byos/ /de nas dam tshig dbang bskur bar/ /khyod la byas kyis sreg blugs ni/ /stong ngam yang na de yi phyed/ /sngar gsungs bar mas 'bru rnams kyis/ /'o ma can gyi bud shing la/ /sreg khung gru bzhir sregs blugs bya/ /de nyid mar dang 'o ma yis/ /lhag ma tsA rur phul byas la/ /bdag dang slob ma thams cad ni/ /zhi dang rgyas pa 'phel bar bya/ /o~M badzra A yu She swA hA/ A gats+tsha ha ri ping ga le te dza te dza</font><hr>92.154b<br><font size=+1>

ha lo hi ta k+Sha de hi dA pa ya i dan tsa l+ye kAr+yan ku ru swA hA/ o~M badzra puSh+Ta ye swA hA/ de ltar byas la 'bad pa yis/ /khri yi steng du bzhugs par bya/ /sku gzugs kyi ni sum 'gyur cha'i/ /tshad tsam du ni rab tu brtag /o~M su pra tiSh+Tha badzra swA hA/ me tog spos sogs sngon 'gro ba'i/ /phyogs skyong rnams kyang mchod par bya/ /o~M in drA ya swA hA/ zhes bya bas dbang ldan la thug gi bar du rol mo'i sgra byas la yang dag par mchod do/ /gshegs su gsol bar bya ba ni/ /rdzogs sangs rgyas dang de yi sras/ /tshangs sogs lha yi tshogs rnams la/ /gang dag cho ga ma tshang ba/ /de dag bzod pa mdzad par rigs/ /kun du zhi dang rgyas pa ru/ /yon bdag tshe la rab mdzad nas/ /sangs rgyas yul du gshegs nas ni/ /slar yang 'byon par mdzad du gsol/ /sa dang chu dang me rlung gi /lha rnams kun gyis sku gzugs la/ /bskal pa brgya ru bsrung gnas mdzod/ /dgyes shing yid bzang gyur nas su/ /slob dpon slob mar bcas pa yi/ /bu dang tsha bo bsrung mdzad nas/ /rang gnas bde bar gshegs su gsol/ /dpyid zla ra ba 'am dpyid zla 'bring / /dgun dang dpyid kyi tha chungs la/ /dbyar ra de bzhin dbyar 'bring po/ /nyi ma byang du bltas pa yi/ /dkar po'i phyogs ni gnyis pa'o/ /rim bzhin du bzhin gsum pa 'am/ /gang tshe gza' dang rjes mthun na/ /nag po'i phyogs la'ang brtsam par bya/ /mi rnams sngon du 'phel bar byed/ /bcwa lnga de bzhin brgyad dang ldan/ /bcu gsum pa'ang de bzhin no/ /gnam stong dang ni de bzhin du/ /bcu bzhi pa la bya ba min/ /thams cad du ni chu smad dang / /snar ma gro bzhin de bzhin te/ /lag pa snums dang snron dang ni/ /rgyal dang chu smad de bzhin no/ /khrums smad kyang ni de bzhin te/ /rgyu skar 'di rnams</font><hr>92.155a<br><font size=+1>

thams cad du/ /skye dgu 'phel zhing de yis ni/ /rab tu gnas pa'i mchog tu byed/ /skar ma dbo la rab gnas bya/ /des ni shes rab chen por 'gyur/ /yid la 'dod pa gang ci'ang rung / /dngos grub me bzhis ster bar 'gyur/ /lus las shes pa yang dag pa/ /snums sam yang na gro zhin gyis/ /lag gis skal bzang snar mas ni/ /gzhan dag las ni rgyal bar byed/ /mgo yis zhi ba nye bar ston/ /chu stod kyis ni bu dag gson/ /rtag par dngos grub khrums smad kyis/ /rgyal gyis rtag par tshe ring 'gyur/ /snron gyis mchog tu bde bar byed/ /lha mtshams kyis ni mchog ster 'gyur/ /phur bu lag dang pa ba sangs/ /zla ba gza' sogs shes bya ste/ /'di rnams gza' ldan las byas na/ /rab tu gnas pa mchog tu dge/ /gsum pa drug pa bdun pa dang / /bcu dang bcu gcig la zla ba/ /gnyis pa bzhi pa de bzhin brgyad/ /bcu dang bcu gcig rnams la lag /gnyis dang de bzhin bdun pa dgu/ /re bzhin phur bu bcu gcig la/ /dus sbyor zhi ba la brten nas/ /de la lhag par gnas par bya/ /drug bdun bcu pa dor ba yis/ /pa ba sangs nyid dge ba yin/ /de ltar gza' rnams thams cad kyi/ /stobs ldan mi ldan der shes bya/ /gang tshe zhi ba'i gza' rnams dang / /zhing rnams dge ba gang yin pa/ /dang po lta ba gsum de yin/ /nor 'joms rnams ni spang bar bya/ /rjes su mthun par byed pa pos/ /skad cig de la yongs grub cing / /rab tu gnas pa mchog tu 'gyur/ /'khor los sgyur rgyal dbang phyug ni/ /thob 'gyur de la the tshom med/ /gza' dang rgyu skar der med de/ /bgegs dang log par 'dren pa'ang med/ /gza' rnams thams cad rjes mthun zhing / /bgegs dang rgyu skar lha rnams nyid/ /de ru grub par kun gnas shing / /gzugs brnyan mchod rten la sogs kyi/ /</font><hr>92.155b<br><font size=+1>

dngos grub dag ni ster bar byed/ /yid kyis cung zad gang bsams pa/ /skye dang skye bar 'grub par 'gyur/ /rgyan rnams ma lus pa yis ni/ /phyi nas bzo bo rnams la mchod/ /gang dag de la grogs byed pa/ /gzhan dag kyang ni mchod par bya/ /de nas de dag thams cad la/ /dga' bas 'di dag brjod par bya/ /ji ltar gsungs pa'i mchod pa rnams/ /bdag la mthun pa'i nus pa med/ /de phyir bdag la khyed bzod mdzod/ /sngags kyi gtsang sbra bza' bca' dag /gzugs brnyan dag la sbyin par bya/ /bde gshegs lhag ma 'di dag ni/ /zo zhig sdig pa 'byang bar 'gyur zhes bya bas so/ /glang po rta glang shing rta nor/ /yon gyi dam pa dbul bar bya/ /de nas de la nan tan gyis/ /longs spyod g.yo ba dbul bar bya/ /gal te lhan cig dgyes 'dod na/ /bla ma gus pas dgyes bya zhing / /de ltar rnam pa thams cad du/ /bla ma yang dag mnyes par bya/ /de nas yang dag brtul zhugs can/ /dge slong dge bsnyen dge slong ma/ /mchog tu gus pas mchod byas la/ /ji ltar 'os pa'i yon yang dbul/ /dung dang rol mo'i sgra la sogs/ /bzang po'i glu dang gar rnams kyis/ /gnyen dang rigs rgyud 'khor rnams kyis/ /rol mo chen po mtshan mo dbul/ /de ltar thams cad byas zin nas/ /gang rung mchod sbyin dkyil 'khor la/ /phul lam 'bul bar byed pa rnams/ /slob dpon la ni dbul bya yi/ /bzo bo la ni mi sbyin zhing / /dge slong rnams la'ang sbyin mi bya/ /slob dpon mchog gi lha yin te/ /nor rnams thams cad de la dbul/ /de nas dkyil 'khor byug bya ste/ /ba yi lci bas byug bya zhing / /rdul tshon chu bor dor bar bya/ /dri yis yang dag legs par byug /rab tu gnas pa mdor bsdus pa'i cho ga'i mdo/ rdzogs s+ho// //kha che'i paN+Di ta chen po dz+nyA na badzra dang / lo ts+tsha ba 'bro dge slong shes rab grags pas bsgyur ba'o/ /zhus so//</font><hr>

</table>