96.17b
// 'phags pa 'jam dpal gyi sngags yi ge 'bru gcig pa'i cho ga / 'phags pa 'jam dpal gyi sngags yi ge 'bru gcig pa'i cho ga /tad+ya thA/[ \u0f00] k+Sh+NI~M/ gsang sngags yi ge 'bru gcig pa 'di rab tu gsang ba ste/ don thams cad sgrub par byed pa/ las thams cad byed pa/ de bzhin gshegs pa thams cad kyi snying po/ re ba thams cad yongs su skong bar mdzad pa ste/ so shing la sngags nas bcangs na so na ba 'byang ngo / /mig na ba la rgyam tshwa btags pa la lan bdun sngags te mig bkang na mig nad sel to/ /mi'i khong du mtshon gyi dum bu lus pa la zhun mar rnying pa la lan bdun nam/ brgya rtsa brgyad sngags te blud pa'am/ rma khar bskus na mtshon gyi dum bu 'byung bar 'gyur ro/ /zas ma zhu ba dang / sbos te gsung pa dang / tshad pas 'khru ba la mu rang tshwa'am/ rgyam tshwa'am/ yang na lan tshwa gzhan gang yang rung ba la lan bdun sngags te zos na nad de las grol te nyid kyi nyin par sos par 'gyur ro/ /glad pa na ba la bya rog gi sgro la lan bdun sngags te byabs na nad de sos par 'gyur ro/ /'jam dpal gyi yi ge 'bru gcig pa'i gzungs rdzogs s+ho// //
