@#/ /rgya gar skad du/ Ar+ya dza~M gu li nA ma bid+yA/ bod skad du/ 'phags pa dug sel ces bya ba'i rig sngags/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bka' stsal pa/ dge slong dag nga sngon byung ba 'das pa'i tshe/ byang chub sems dpar gyur pa na/ gangs kyi ri yi byang ngos na/ /spos ngad ldan pa'i ri bo la/ /ri'i rgyal po'i sul gnas tshe/ /gzhon nu bsod nams brgya'i mtshan/ /a na ya yi lpags gyon la/ /sbrul gyis brgyan pa'i ska rags can/ /gdug pa'i sbrul gyis mgo rgyan byas/ /mthong na gdug pa'i rna rgyan can/ /dug gi me tog rnams za zhing / /ma lu ta'i lcug khu mthung / /nga la de 'bod 'bod du 'jug /bu khyod tshur shog nga las nyon/ /nga la dug sel ces bya ba/ /dug 'jigs rig sngags dam pa yod/ /dug rnams gang yin de kun ni/ /nga yi ming gis 'jigs par 'gyur/ /tad+ya thA/ o~M i li mit+te/ ti li mit+te/ i li ti li mit+te/ dum+be/ dum bA lI ye/ dusme/ dusma li 97.207b ye/ tar ke /ta ka ra Ne/ marme/ marma ra Ne/ ka sh+mI ri/ ka sh+mI ra/ mug te/ a g+he/ a g+ha Ne/ ag+ha na g+ha Ne/ i lI a lI e/ a khA/ I e/ a byA/ i e/ shwe te/ sha ta/ duN+De/ a nu rag+te swA hA/ dge slong dag nga'i dug sel kyi rig sngags 'di ni sbyin pa thams cad dkar po ste/ sus rig sngags 'di lan gcig thos pa de la lo bdun gyi bar du sbrul mi za'o/ /de'i lus la dug gis mi tshugs so/ /sbrul gang zhig de la 'dzin na de'i mgo shing ardza ka'i dog pa bzhin du tshal pa bdun du 'gas so/ /gsang sngags gzhi 'di dag sbrul gyi mdun du brjod par mi bya'o/ /de ci'i phyir zhe na/ sbrul de 'chi ba'i phyir ro/ /tad+ya thA/ i la lA/ tsi la lA/ tsakra brak+ko/ kau Da/ ko De Di/ ku ru ta/ ku ru Da ti/ po DA ti/ pu ru dA/ pu ru de ti/ mo De ti/ ni ku ru De/ ni ku ru De/ ni ma mu ru ta/ ni ma mu ru De te/ pu ru de/ phut+ta re ha/ phut+ta phuT+TaT+Ta~M Da ra he/ nA ga rA he/ na gat+ta da taN+Da ra he/ sarba ra he/ sarba tat+ta da ra ha/ ats+tshi ats+tshi/ pu ru Ta ta/ tsa la bi She/ shI te/ shI tA/ ban d+ha le/ mA tA le/ ha le ha le/ ha la ha la/ ha la le/ e la le/ ke pa tsa le/ mi la le/ taN+Di haN+Di/ ta Ta ta Ta/ s+phu Ta s+phu Ta/ phaT Ta phaT Ta/ ha ra bi shwa swA hA/ dge slong dag de ltar na dug sel gyis 'byung po 'dus pa thams cad la rig sngags gang brjod cing bsnyad pa de dag thams cad ni de bzhin no/ /gzhan ma yin pa de bzhin no/ /yang dag pa'o/ /bden pa'o/ /ma nor ba'o/ /phyin ci ma log pa'o/ /dug 'di mi gdug par gyur cig /sbyin par byed pa'i gan du song shig /'dzin pa'i gan du song shig /me'i nang du song shig /chu'i nang du song shig /thang la song shig /ka ba'i nang du song shig /brtsig pa'i nang du song shig /nam mkha' la song shig /sa'i nang du song shig /zhi bar gyur cig swA hA/ bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do// //'phags pa dug sel ces bya ba'i rigs sngags rdzogs s+ho// // |