@#/ /rgya gar skad du/ Ar+ya a gra pra dI pa d+hA ra NI bid+yA rA dzA/ bod skad du/ 'phags pa rig sngags kyi rgyal mo sgron ma mchog gi gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyis kun dga' ra ba na dge slong stong nyis brgya lnga bcu'i dge slong gi dge 'dun chen po dang / lha dang mi 'bum phrag du ma dang / byang chub sems dpa' 'bum phrag du ma dang / thabs gcig tu bzhugs te/ yongs su bskor cing mdun gyis bltas nas chos ston to/ /sangs rgyas kyi zhing 'di nas sangs rgyas kyi zhing bye ba brgya phrag stong 'das pa na 'jig rten 97.220b gyi khams me tog mtha' yas shes bya ba de na de bzhin gshegs pa dgra bcom pa yang dag par rdzogs pa'i sangs rgyas sgron ma mchog ces bya ba da ltar yang bzhugs te 'tsho zhing bzhes la chos kyang ston pa des byang chub sems dpa' 'od chen po dang / 'od dpag med ces bya ba byang chub sems dpa' gnyis 'jig rten gyi khams mi 'jed 'dir btang ngo / /de nas byang chub sems dpa' de gnyis rgyal bu rgyal byed kyi tshal mgon med zas sbyin gyi kun dga' ra ba ga la ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug go /phyogs gcig tu 'dug nas byang chub sems dpa' de gnyis kyis bcom ldan 'das la 'di skad ces gsol to/ /bcom 'das sangs rgyas kyi zhing bye ba phrag 'bum 'das pa na 'jig rten gyi khams me tog mtha' yas zhes bgyi ba de na de bzhin gshegs pa dgra bcom pa yang dag par rdzogs pa'i sangs rgyas sgron ma mchog ces bgyi ba da ltar bzhugs te/ 'tsho zhing bzhes la chos kyang ston to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sgron ma'i mchog des bdag cag gnyis 'jig rten gyi khams mi mjed 'dir btang ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sgron ma'i mchog de bcom ldan 'das la gnod pa 'chang ngam/ nyam nga ba nyung ngam/ bskyod pa yang ngam/ 'tsho 'am/ stobs dang / bde ba dang / kha na ma tho ba ma mchis pa la reg par gnas sa~M zhes bsnyun gsol lo/ /'di skad ces kyang gsung ngo / /'di na mi 'am/ mi ma lags pa 'am/ 'byung po 'am/ sha za 'am/ gnod sbyin nam/ srin po 'am/ grul buM 'am/ grul bum 97.221a gyi sde dpon nam/ rgyal po 'am/ blon po chen po 'am/ chom rkun nam/ sbrul lam/ srin bu 'am/ srin bu lu ta 'am/ sdad pa lcags phye 'am/ nyi ba'i nyon mongs pa gang yang rung ba dag la 'tshe bar bgyid pa 'ga' yang ma mchis sam zhes gsung ngo / /sems can rnams kyi don dang / sman pa dang / bde ba dang / mdangs dang ldan par bgyi ba dang / grags pa dang ldan par bgyi ba dang / gzi brjid dang ldan par bgyi ba dang / yon tan dang ldan par bgyi ba dang / stobs dang ldan par bgyi ba dang / mdog dang ldan par bgyi ba dang / bsrung ba dang / sba ba dang / bskyab pa'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sgron ma'i mchog des gzungs kyi gsang sngags kyi gzhi 'di dag kyang bskur te/ 'di lta ste/ dz+wa le dz+wa le/ dz+wa le ga te/ hug+gu/ mug+gu/ sa ma te/ ma hA sa ma te/ ma hA dz+wa le/ dz+wa ba la me/ sa he sa he/ me hA dz+wa le/ ug+ge/ mug+ge/ sha ma/ sa~M ma he/ ma hA sa~M ma he/ ma hA sha me swA hA/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis gsang sngags kyi gzhi 'di dag zung shig /long shig /chong shig /lhogs shig /kun chub par gyis shig /gzhan dag la yang rgya cher rab tu ston cig /kun dga' bo sangs rgyas 'byung ba rnyed par dka'o/ /gzungs kyi gsang sngags kyi gzhi 'di dag rnyed par dka'o/ /kun dga'o gzungs kyi gsang sngags kyi gzhi dag 'dzin pa yang shin du rnyed par dka'o/ /kun dga' bo rigs kyi bu 'am/ rigs kyi bu mo gang la la ni gzungs kyi gsang sngags gzhi 'di dag 'dzin pa dang / len pa dang / 'chang ba dang / klog pa dang / kun chub par byed pa dang / gzhan dag la yang rgya cher rab tu ston pa de ni tshe rabs bdun du tshe rabs dran par 'gyur ro/ /tshe 'di nyid la yang sngon gyi las ma gtogs par gzhan gyi gnod pa thaMs cad las yang dag par 'da' ba dang / 'gro ba thams cad dang rjesu 'thun par 'gyuro/ /kun dga' bo gzungs kyi gsang sngags 97.221b kyi gzhi 'di dag ni sangs rgyas bye ba phrag bdun bcu rtsa bdun gyis gsungs te/ gang gzungs kyi gsang sngags kyi gzhi 'di dag las 'da' bar byed pa de ni de dag thaMs cad la 'khus pa yin no/ /de nas byang chub seMs dpa' sems dpa' chen po ma pham pa stan las langs te/ gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag gis kyang sems can rnams kyi don dang / sman pa dang / bde ba dang / mdangs dang ldan par bgyi ba dang / gzi brjid dang ldan par bgyi ba dang / grags pa dang ldan par bgyi ba dang / yon tan dang ldan par bgyi ba dang / stobs dang ldan par bgyi ba dang / mdog dang ldan par bgyi ba dang / bsrung ba dang / sba ba dang / bskyab pa'i slad du gzungs kyi gsang sngags kyi gzhi 'di rnams brjod par bgyi'o/ /'di lta ste/ at+te/ bat+te/ nat+te/ ku nad t+te/ puk+ka se/ ku puk+ka se/ ka se/ a na ka se/ nA ma ka se/ a nu ta/ pra nu ta/ kha dze/ ma hA kha dze/ sad pa phe/ taDa phe/ tu Da phe/ hi li mi li ti le swA hA/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis gzungs kyi gsang sngags kyi gzhi 'di dag zung shig /long shig /chong shig /lhogs shig /kun chub par gyis shig /gzhan dag la yang rgya cher yang dag par rab tu ston cig /kun dga' bo sangs rgyas 'byung ba rnyed par dka'o/ /gzung kyi gsang sngags kyi gzhi 'di dag rnyed par dka'o/ /kun dga' bo gzungs kyi gsang sngags kyi gzhi 'di dag 'dzin pa yang shin du rnyed par dka'o/ /kun dga' bo rigs kyi bu 'am/ rigs kyi bu mo gang la la gzungs kyi gsang sngags kyi gzhi 'di dag 'dzin pa dang / len pa dang / 'chang ba dang / klog pa dang / kun chub par byed pa dang / gzhan dag la yang rgya cher rab tu ston pa de ni tshe rabs bcu gnyis su tshe rab dran par 'gyur ro/ /tshe 'di nyid la yang sngon gyi las ma gtogs 97.222a par gzhan gyi gnod pa thams cad las yang dag par 'da' ba dang / 'gro ba thams cad dang rjesu 'thun par 'gyuro/ /kun dga' bo gzungs kyi gsang sngags kyi gzhi 'di dag ni sangs rgyas bye ba phrag brgyad bcu rtsa gnyis kyis gsungs te/ gang gzungs kyi gsang sngags kyi gzhi 'di dag las 'da' bar byed pa ni de dag thams cad la 'khus pa yin no/ /de nas 'jam dpal gzhon nur gyur pa stan las langs te/ gos phrag pa cig tu gzar nas pus mo g.yas pa'i lha nga sa la btsugs te/ bcom ldan 'das ga la ba der logasu thal mo sbyar ba btud nas bac+doMs la 'di skad ces gsol to/ /bcom ldan 'das bdag gis kyang sems can rnaMs kyi don dang / sman pa dang / bde ba dang / mdangs dang ldan par bgyi ba dang / gzi brjid dang ldan par bgyi ba dang / grags pa dang ldan par bgyi ba dang / yon tan dang ldan par bgyi ba dang / stobs dang ldan par bgyi ba dang / mdog dang ldan par bgyi ba dang / bsrung ba dang / sba ba dang / bskyab pa'i slad du gzungs kyi gsang sngags kyi gzhi 'di rnaMs brjod par bgyi'o/ /de 'di lta ste/ ak+khe/ bak+khe/ na dzi te/ nA gA sa re/ na he le/ dza hi le/ dza ha la ba te/ tsaN+DI la ba te swA hA/ de nas bac+doMs kyis tshe dang ldan pa kun dga' bo la bka' stsal pa/ kun dga' bo khyod gzungs kyi gsang sngags kyi gzhi 'di zung shig /long shig /chongs shig /lhogs shig /kun chub par gyis shig /gzhan dag la yang rgya cher rab tu ston cig /kun dga' bo sangs rgyas 'byung ba rnyed par dka'o/ /gzungs kyi gsang sngags kyi gzhi 'di dag rnyed par dka'o/ /kun dga' bo gzungs kyi gsang sngags kyi gzhi 'di dag 'dzin pa yang shin tu rnyed par dka'o/ /kun dga' bo rigs kyi bu 'am/ rigs kyi bu mo gang la las gzungs kyi gsang sngags kyi gzhi 'di dag 'dzin pa dang / len pa dang / 'chang ba dang / klog pa dang / kun chub par byed pa dang / gzhan dag la ya~M rgya cher rab tu ston pa de ni tshe rabs bcu gsuM du tshe rabs dran 97.222b par 'gyur ro/ /tshe 'di nyid la yang sngon gyi las ma gtogs pa gzhan gyi gnod pa thams cad las yang dag par 'da' ba dang / 'gro ba thaMd dang rjesu 'thun par 'gyur ro/ /kun dga' bo gzungs kyi gsang sngags kyi gzhi 'di dag ni sa~Ms rgyas bye ba phrag brgyad bcu rtsa gnyis kyi gsu~Ms te/ gang gzungs kyi gsang sngags kyi gzhi 'di dag las 'da' bar byed pa de ni de dag thaMd la 'khus pa yino/ /de nas bac+doMs kyis dge slong rnaMs la bka' stsal pa/ dge slong dag ngas kyang sems can rnaMs kyi don dang / phan pa dang / bde ba dang / mdangs dang ldan par bya ba dang / gzi brjid dang ldan par bya ba dang / grags pa dang ldan par bya ba dang / yon tan dang ldan par bya ba dang / stobs dang ldan par bya ba dang / mdog dang ldan par bya ba dang / bsrung ba dang / sba ba dang / bskyab pa'i phyir gzungs kyi gsang sngags kyi gzhi rnaMs bshad do/ /'di lta ste/ aT+Te/ baT+Te/ naT+Te/ ku naT+Te/ Ta ke /e Da ke /ta ta be/ tu Da be/ ra Ta ke /lo le/ hu le/ he li/ mi le/ ti le/ shI le/ shI la/ a D+he/ ba D+he/ na D+he/ ku na D+he/ a Da ba tI/ ba na ba tI/ ka se ka se ka se/ pha se pha se pha se/ ma hA pha se pha se swA hA/ de nas bac+doMs kyis tshe dang ldan pa kun dga' bo la bka' stsal pa/ kun dga' bo khyod kyis gzungs kyi gsa~M sngags kyi gzhi 'di dag zung shig /long shig /chongs shig /lhogs shig /kun chub par gyis shig /gzhan dag la yang rgya cher rab tu ston cig /kun dga' bo sangs rgyas 'byung ba rnyed par dka'o/ /gzungs kyi gsang sngags kyi gzhi 'di dag rnyed par dka'o/ /kun dga' bo gzungs kyi gsang sngags 'di dag ston pa yang shin tu rnyed par dka'o/ /kun dga' bo rigs kyi bu 'aM/ rigs kyi bu mo gang la la gzungs kyi gsang sngags kyi gzhi 'di dag 'dzin pa dang / len pa dang / 'chang ba dang / klog pa dang / kun chub par byed pa dang / gzhan dag la yang rgya cher rab tu ston pa de ni tshe rabs bcu bzhir tshe rab dran par 'gyuro/ /tshe 'di nyid la yang sngon kyi las ma togs 97.223a par gzhan gyi gnod pa thams cad las 'da' ba dang / 'gro ba thams cad dang rjesu 'thun par 'gyuro/ /kun dga' bo gzungs kyi gsang sngags kyi gzhi 'di dag ni sangs rgyas bye ba phrag brgyad bcu rtsa bzhis gsu~M te/ gang gzu~Ms kyi gsang sngags kyi gzhi 'di dag las 'da' bar byed pa de ni de dag thaMd la 'khus pa yin no/ /rigs kyi bu 'am/ rigs kyi bu mo gang la la dag gis gzungs kyi gsang sngags kyi gzhi 'di dag shing skaM po gsher bag med pa la bsrung ba byas te/ yongasu bskyab pa dang / yongs su bzung ba dang / bcing ba dang / zhi ba dang / bde legasu 'gyur ba byas na shing de la lcu gu dang / lo ma dag kyang skye bar 'gyur te/ me tog dang / 'bras bu rnaMs kyang mngon par 'grub par 'gyur na/ mir gyur pa lta ci smos/ na maHsarba bud+d+ga b+h+yaH/ sid d+h+yan+tu d+hA ra NI/ maN+t+ra pA da ni swA hA/ de nas bac+doMs kyis yang dge sloM rnaMs la bka' stsal pa/ dge slong dag sems can rnaMs kyi don dang / phan pa dang / bde ba dang / mdangs dang ldan par bya ba dang / gzi brjid dang ldan par bya ba dang / grags pa dang ldan par bya ba dang / yon tan dang ldan par bya ba dang / stobs dang ldan par bya ba dang / mdog dang ldan par bya ba dang / bsrung ba dang / sba ba dang / bskyab pa'i pa'i phyir gzungs kyi gsang bsngags kyi gzhi gzhan dag kyang bshad par bya'o/ /de 'di lta ste/ at+te/ mat+te/ pa ke pA ra ke /pe ke DA/ dra ma ti/ ta ra ma ti/ Tu Da ma Ti/ Tu Da ma Te/ Tu Da Tu re/ su re/ hi le/ mu le/ ti le/ swA hA/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis gzungs kyi gsang sngags kyi gzhi 'di dag zung shig /long shig /chongs shig /klogs shig /kun chub par gyis shig /gzhan dag la ya~M rgya cher rab tu ston cig /kun dga' bo sangs rgyas 'byung ba rnyed par dka'o/ /gzungs kyi gsang sngags kyi gzhi 'di dag rnyed par dka'o/ /kun dga' bo gzungs kyi gsang sngags kyi gzhi 'di dag rnyed par dka'o/ /kun dga' bo gzungs kyi gsa~M sngags kyi 97.223b gzhi 'di dag 'dzin pa yang shin tu rnyed par dka'o/ /kun dga' bo rigs kyi bu 'am/ rigs kyi bu mo gang la la gzungs kyi gsang sngags kyi gzhi 'di dag 'dzin pa dang / len pa dang / 'chang ba dang / klog pa dang / kun chub par byed pa dang / gzhan dag la yang rgya cher rab tu ston pa de ni tshe rabs nyi shu rtsa gcig tu tshe rab dran par 'gyuro/ /tshe 'di nyid la yang sngon gyi las ma gtog par gzhan gyi gnod pa thaMd las 'da' ba dang / 'gro ba thaMd dang rjesu 'thun par 'gyuro/ /gang la la zhig la bsrung ba byas na de la ya~M 'byung po thaMd kyis mi tshugaso/ /lha dang / klu dang / gnod sbyin dang / dri za dang / lha ma yin dang / naMkha' ldeng dang / mi 'aM ci dang / lto 'phye chen po dang / mi dang mi ma yin pa thaMd kyis mi tshugaso/ /sbrul dang / srin bu dang / srin bu lu ta dang / sbrang bu lcags phye thaMd kyis mi tshugaso/ /rims rlung dang / mkhris pa dang / bad kan dang / 'dus pa dang / dus tshigs 'gyur ba las byung ba thaMd kyis mi tshugaso/ /zhagacig pa 'aM/ zhaganyis pa 'am/ zhag gsum pa 'aM/ zhag bzhi pa 'aM/ zhag bdun pa 'aM/ zla ba phyed pa 'aM/ zla ba gcig pa 'aM/ lo gcig pa 'aM/ nad rgyun rings saM/ skad cig pa rnams kyis mi tshugaso/ /'bras sam/ phol mig gam/ rkang shu 'am/ lhog pa 'am/ me dbal laM/ shu ba 'am/ khyi rngo 'am/ g.yan pa 'am/ mdze thaMd dam/ glog pa thams cad dam/ gshed byed thaMs cad dam/ sgyur ba'i las thams cad dam/ byad thaMd dang / ro langs thaMd kyis kyang mi tshugaso/ /kun dga' bo gzungs kyi gsang sngags kyi gzhi 'di dag ni sangs rgyas bye ba phrag dgu bcu rtsa dgus gsungs te/ gang gzungs kyi gsang sngags kyi gzhi 'di dag las 'da' bar byed pa de ni de dag thams cad la 'khus pa yin no/ /kun dga' bo gzungs kyi gsang sngags kyi gzhi 'di dag ni rgyal po'i pho brang na 'dug na yang yid la bya'o/ /chom rkun gyi nang na 'dug na yang yid la bya'o/ /srin po'i na~M na 'dug na ya~M yid la bya'o/ / 97.224a gcan zan khro bo'i nang na 'dug na yang yid la bya'o/ /'brog dgon pa'i nang na 'dug na yang yid la bya'o/ /klung dang / bgrod dka' ba nang 'dug na yang yid la bya'o/ /me'i nang na 'dug na yang yid la bya'o/ /chu'i nang na 'dug na yang yid la bya'o/ /de yid la byas pa de rnaMs las 'jigs pa de dag thams cad mi 'byung ngo / /des dug zos pa thaMd kyang kha zas nyid du 'gyuro/ /kun dga' bo gzungs kyi gsang sngags gzhi 'di dag 'dzin pa ni 'byung po thams cad kyis mi tshugaso/ /yi dgas thaMd dang / srul po thams cad dang / gshed byed thams cad dang / sgyur ba'i las thaMd dang / byad thams cad dang / mi dang mi ma yin pa thaMd kyis mi tshugs te/ kun dga' bo mdor na de la gzhan gyi gnod pa thaMd kyis mi tshugaso/ /kun dga' bo bsad pa'i rigs pa ni chad pas bral bar 'gyuro/ /chad pas cad pa'i rigs pa ni brdegs pas/ brdegs pa'i rigs pa ni brgyad pas/ brgyad pa'i rigs pa ni bsdigs pas/ bsdigs pa'i rigs pa ni mig tshugasu bltas pas thar par 'gyuro/ /kun dga' bo gzungs kyi gsang sngags kyi gzhi 'di dag gis gang la bsrung ba byas pa 'am/ yongasu bskyab pa 'am/ yongasu bzungs bas bcings pa 'aM/ zhi ba dang / bde legasu 'gyur ba byas pa gzhan du 'gyur ba de ni gnas med do/ /lha dang bcas/ bdud dang bcas/ tshangs pa dang bcas pa'i 'jig brten dang / dge sbyong dang / bram zer bcas pa'i skye dgu dang / lha dang / mi dang / lha ma yin gyi nang na yang ma mthong ngo / /de ci'i phyir zhe na/ gzungs kyi gsang sngags kyi gzhi 'di dag ni gnod pa dang / nad 'go ba dang / 'khrug pa thaMd las nges par 'byung bar byin gyis brlabs pa'i phyiro/ /de nas chos kyi rnams grangs 'di rdzogs pa'i rjes la rgyal po chen po bzhis bcom ldan 'das la 'di skad ces gsol to/ /bcom ldan 'das bdag cag gis kyang chos kyi rnams grangs 'di rgya cher rgyas par bgyi ba dang / 97.224b chos smra ba de dag rjesu yongasu gzung ba dang / dam pa'i chos ci nas kyang yun ring du gnas pa dang / bdud thams cad tshar bcad pa'i slad du gzungs kyi gsang sngags kyi gzhi 'di rnams rjesu stsal bar 'tshal na/ bcom ldan 'das kyi de la legaso zhes bgyi ba gnang bar mdzad du gsol/ de nas bcom ldan 'das kyis rgyal po chen po bzhi la thugs brtse ba'i phyir cang mi gsung bar gyur pas gnang ste/ rgyal po chen po bzhi po de dag gis kyang bac+doMs kyis cang mi gsung bar gyur par gnang bar rig nas ched du brjod pa ched du brjod do/ /de ni 'di lta ste/ da naD+De/ de naD+De/ ma hA naD+De/ dzam+b+ha ni/ stam+b+ha ni/ Ta Te/ Ta Ta ne/ ma hA Ta Ta ne/ kuT+Te/ kuT+Ta ne/ ma hA kuT+Ta ne/ d+harma le/ tsa ma le swAhA/ bcom ldan 'das 'di dag ni gzungs 'di'i 'khor gyi tshig lta bur gda' ba lags te/ rigs kyi bu 'am/ rigs kyi bu mo gang la la gzungs sngags kyi gzhi 'di dag 'dzin pa dang / bzlas te bton nas 'chang ba 'di ni sngon gyi las ma togs par gzhan gyi gnod pa thams cad las 'da' ba dang / 'gro ba thaMd dang rjesu 'thun par 'gyuro/ /de la ni dam pa'i chos thaMd yongasu gzung ba la yang bar chad 'byung bar mi 'gyur lagaso/ /de nas bcom ldan 'das kyis rgyal po chen po bzhi po dag la grogs po dag khyod bstan pa yun ring du gnas par bya ba'i phyir zhugs pa legaso legaso zhes bya ba byin no/ /de nas bac+doMs kyis tshe dang ldan pa kun dga' bo la bka' stsal pa/ kun dga' bo khyod kyis de dag rdzu 'phrul che bar 'gyur ba dang / phan yon che ba dang / byin che bar 'gyur ba'i phyir gzungs kyi chos kyi rnams grangs 'di zung shig /long shig /chongs shig /lhogs shig /kun chub par gyis shig /gzhan dag la yang rgya cher rab tu ston cig gsol pa/ bac+doMs rgyas par bgyi ba'i slad du bdag gis gzung lags so/ /de nas bcom ldan 'das kyis don 'di nyid rgyas par bstan pa'i phyir de'i tshe tshigs su bcad pa 'di dag bka' stsal to/ / 97.225a gzungs sngags kyi ni mdo sde 'di/ /sangs rgyas kun gyis gsungs pa te/ /sems can rnams la phan pa'i phyir/ /de ni ngas kyang bshad pa yin/ /gang zhig gzungs sngags mdo sde 'di/ /'dzin tam yang na klog byed pa/ /tshe rabs nyi shu rtsa gcig tu/ /de ni tshe rabs dran par 'gyur/ /gzungs sngags 'di brjod byed de la/ /mi min gang yang rung ba dang / /gnod sbyin grul bum srin po dag /nams kyang bar chad mi byed do/ /gzungs sngags 'di brjod byed de la/ /'dod khams dbang phyug gang yin pa/ /sdig can bdud de nam du yang / /bar chad byed par mi 'gyuro/ /gzungs sngags 'di 'dzin byed de yi/ /pha ma dang ni phu nu dang / /sring mo mdza' bshes gnyen dag kyang / /log par ltung bar mi 'gyuro/ /de phyir gzungs sngags mdo sde 'di/ /'jigs med gang gis thos gyur nas/ /gzungs sngags 'di brjod byed pa des/ /nams kyang 'jigs par mi bya'o/ /gzungs sngags 'di 'dzin byed de yi/ /bskal pa bye ba stong rnamasu/ /sgrib pa'i las ni gang byas pa/ /zhag bdun gyis ni byung bar 'gyur/ /byang chub sems dpa'i bsod nams gang / /bskal pa bye bar bsgrubs pa kun/ /gzungs sngags 'di 'dzin byed pa des/ /zhag bdun gyis ni zil gyis non/ /phyogs bzhi'i 'jig rten skyong ba po/ /rgyal po chen po bzhi po dag /lus ngan dang ni yul 'khor srung / /mig mi bzang dang 'phags skyes po/ /kha dog ldan zhing grags dang ldan/ /'khor bcas blon bcas de dag kyang / /gzungs sngags 'di ni brjod byed pa/ /de la rtag tu bsrung bar byed/ /de nas bcom ldan 'das kyis de skad ces bka' stsal nas/ tshe dang ldan pa kun dga' bo dang / nyan thos chen po de dag dang / 'phags pa byams pa dang / 'jam dpal la sogs pa byang chub sems dpa' sems dpa' chen po rnaMs dang / rgyal po chen po bzhi dang / lha dang / mi dang / lha ma yin dang / dri zar bcas pa'i 'jig rten yi 97.225b rungs te/ bcom ldan 'das kyis gsungs pa la mngon par bstod do/ /'phags pa rig sngags kyi rgyal po sgron ma mchog gis gzungs/ rdzogs s+ho// // |