J57

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J57</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J57&coll=lithang">see text in Tibetan script</a></table>45.141a<br><font size=+1>

//@##/   /rgya gar skad du/  Ar+ya ka ru NA puN Da rI ka nA ma ma hA yA na sU tra/  bod skad du/ 'phags pa snying rje pad ma dkar po zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong drug khri nyis stong gi dge slong gi dge 'dun chen po thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol du son pa sha stag dang thabs cig du bzhugs te gang zag gcig ma gtogs pa ni 'di lta ste/ tshe dang ldan pa kun dga' bo'o/ /byams pa la sogs pa gzungs dang / bzod pa dang / ting nge 'dzin thob pa/ stong pa nyid la gnas pa/ phyir mi ldog pa'i byang chub sems dpa' sems dpa' chen po sa ya phrag brgyad dang yang thabs cig go/ /mi mjed kyi bdag po tshangs pa dang / tshangs ris kyi lha'i bu 'bum phrag mang po dang yang thabs gcig go/ /lha'i bu gzhan 'phrul dang gzhan 'phrul gyi lha'i bu sa ya phrag brgyad dang yang thabs gcig go/ /lha'i bu 'phrul dga' dang / 'phrul dga'i lha'i bu sa ya phrag bdun dang yang thabs gcig go/ /lha'i bu yongs su dga' ldan dang / yongs su dga' ldan lha'i bu sa ya phrag drug dang yang thabs cig go/ /lha'i bu rab 'thab bral dang / rab 'thab</font><hr>45.141b<br><font size=+1>

bral gyi lha'i bu sa ya phrag bdun dang / nyi 'bum dang yang thabs cig go/ /lha'i dbang po brgya byin dang / sum bcu rtsa gsum pa'i lha'i bu sa ya phrag brgyad dang yang thabs cig go/ /rgyal po chen po rnam thos kyi bu gnod sbyin 'bum gyis yongs su bskor ba dang yang thabs gcig go/ /mig mi bzang klu 'bum gyis yongs su bskor ba dang yang thabs gcig go/ /'phags skyes po grul bum 'bum gyis yongs su bskor ba dang yang thabs gcig go/ /yul 'khor srung dri za 'bum gyis yongs su bskor ba dang yang thabs gcig go/ /klu'i rgyal po dga' bo dang / nye dga' klu'i rgyal po stong gis yongs su bskor ba dang / de dag la sogs pa theg pa chen po la yang dag par zhugs pa/ pha rol tu phyin pa drug la spyod pa/ phyin ci log bzhi'i chos snang zhing gsal bar rtogs par khong du chud pa gang gis byang chub sems dpa' chen po ting nge 'dzin sna tshogs rab tu 'thob par 'gyur ba dang / gang gis nyan thos dang / rang sangs rgyas kyi sa las yang dag par 'da' bar 'gyur ba dang / ting nge 'dzin gang gis bla na med pa yang dag par rdzogs pa'i byang chub tu nges par 'gyur ba'i 'phags pa'i bden pa bzhi yang dag par rab tu rtogs par bya ba'i phyir chos ston pa sha stag gis yongs su bskor cing mdun gyis bltas te bzhugs so/ /de'i tshe na byang chub sems dpa' sems dpa' chen po byams pa dang / byang chub sems dpa' mthong ba don yod dang / byang chub sems dpa' chu lha dang / byang chub sems dpa' seng ge'i blo gros dang / byang chub sems dpa' rnam par snang byed blo gros dang / de dag la sogs pa byang chub sems dpa' khri lhan cig tu stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar ba btud nas shar lho'i phyogs logs su mngon par phyogs te rab tu dga' zhing rab tu dang ba'i yid kyis bltas nas tshig 'di skad du de bzhin gshegs pa dgra bcom pa yang dag par rdzogs pa'i sangs rgyas pad ma dam pa mngon par rdzogs</font><hr>45.142a<br><font size=+1>

par sangs rgyas nas ring po ma lon par cho 'phrul chen po dag bstan nas/ sems can rnams las srog chags bye ba khrag khrig 'bum phrag du ma dag gi dge ba'i rtsa ba yongs su smin par mdzad cing bla na med pa yang dag par rdzogs pa'i byang chub las phyir mi ldog pa la bkod pa ni ngo mtshar te phyag 'tshal lo phyag 'tshal lo zhes kyang smras so/ /de nas byang chub sems dpa' rin po che rnam par snang byed stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das gang gi slad du byang chub sems dpa' sems dpa' chen po byams pa dang / byang chub sems dpa' sems dpa' chen po mthong ba don yod dang / byang chub sems dpa' sems dpa' chen po chu lha dang / byang chub sems dpa' sems dpa' chen po seng ge'i blo gros dang / byang chub sems dpa' sems dpa' chen po rnam par snang byed blo gros dang / de dag la sogs pa byang chub sems dpa' khris bcom ldan 'das kyi chos bstan pa bcad nas lhan cig tu stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ thal mo sbyar ba btud nas shar lho'i phyogs logs su mngon par phyogs te rab tu dga' zhing rab tu dang ba'i yid kyis bltas nas tshig 'di skad du de bzhin gshegs pa dgra bcom pa yang dag par rdzogs pa'i sangs rgyas pad ma dam pa mngon par rdzogs par sangs rgyas nas/ ring po ma lon par cho 'phrul chen po dag bstan nas/ srog chags bye ba khrag khrig 'bum phrag du ma dge ba'i rtsa ba dag la yongs su smin par mdzad pa ni ngo mtshar te phyag 'tshal lo phyag 'tshal lo zhes mchi/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad ma dam pa shul ni ji srid cig na bzhugs/ bla na med pa yang dag par rdzogs pa'i byang chub mngon par rdzogs par sangs rgyas nas ni yun ji srid gcig lags/ gang na</font><hr>45.142b<br><font size=+1>

de bzhin gshegs pa pad ma dam pa zhes bgyi ba bzhugs pa'i 'jig rten gyi khams de'i ming ci zhes bgyi/ 'jig rten gyi khams de'i bkod pa ni ji lta bu zhig gis brgyan pa lags/ ci'i slad du de bzhin gshegs pa dgra bcom pa yang dag par rdzogs pa'i sangs rgyas pad ma dam pas cho 'phrul chen po rnam pa de lta bu dag bstan pa mdzad/ rkyen gang gis na byang chub sems dpa' kha cig gis ni phyogs bcu'i 'jig rten gyi khams bgrang ba las yang dag par 'das pa gzhan dag na bzhugs pa'i sangs rgyas bcom ldan 'das rnams mthong zhing / sangs rgyas bcom ldan 'das de dag gis cho 'phrul gang dag rnam par bstan pa de dag kyang mthong la bdag cag gis mi mthong bar 'gyur lags/ de skad ces gsol pa dang / bcom ldan 'das kyis byang chub sems dpa' rin po che rnam par snang byed la 'di skad ces bka' stsal to/ /rigs kyi bu legs so legs so/ /rigs kyi bu khyod sems can bye ba khrag khrig 'bum phrag mang po rnams kyi dge ba'i rtsa ba yongs su smin par bya ba'i don du de bzhin gshegs pa pad ma dam pas byang chub thob pa'i cho 'phrul rnam par bstan par bya ba dang sangs rgyas kyi zhing gi yon tan bkod pa yongs su dri ba'i phyir de bzhin gshegs pa la don de lta bu yongs su zhu bar sems pa ni khyod kyi spobs pa dge ba yin te khyod kyis yongs su zhus pa legs pa yin no/ /rigs kyi bu de'i phyir khyod legs par rab tu nyon la yid la zung shig dang bshad par bya'o/ /byang chub sems dpa' rin po che rnam par snang byed kyis bcom ldan 'das de bzhin no zhes gsol te bcom ldan 'das kyi ltar nyan pa dang / bcom ldan 'das kyis byang chub sems dpa' rin po che rnam par snang byed la 'di skad ces bka' stsal to/ /rigs kyi bu 'di nas shar lho'i phyogs logs su sangs rgyas kyi zhing bye ba khrag khrig 'bum phrag gang gA'i klung gi bye ma snyed dag gi sangs rgyas kyi zhing rnams 'das pa na/ 'jig rten gyi khams pad ma zhes bya ba yon tan sna tshogs kyis brgyan pa/ me tog</font><hr>45.143a<br><font size=+1>

sna tshogs bkram pa/ spos sna tshogs kyis khyab pa/ rin po che'i shing ljon pa dag gis brgyan/ rin po che'i pad ma dag gis kun tu gang ba zhig yod de/ de nas gzhi bai dUr+ya sngon po las grub cing / byang chub sems dpa' dag gis kun tu gang la chos kyi sgras khyab pa yin no/ /bai dUr+ya las grub pa'i sa gzhi de yang ka tsa lin di ka ltar reg na bde zhing 'jam la/ rkang pa bzhag na sor bzhi tsam nems shas byed/ rkang pa bteg na sor bzhi tsam par ces byed cing pad ma sna tshogs dag gis kun tu gang ba yin no/ /de na rin po che sna bdun gyi shing ljon pa 'phang du dpag tshad bdun gyi srid tsam pa dag yod de/ shing ljon pa de dag la lha'i gos ngur smrig dag rab tu 'phyang zhing / lha'i sil snyan yid du 'ong ba'i sgra yang dag par 'byin pa dag kyang yod do/ /shing ljon pa de dag la bya sna tshogs dbang po dang / stobs dang / byang chub kyi yan lag gi sgra yid du 'ong ba rab tu sgrogs pa dag kyang yod do/ /shing ljon pa de dag gis lo ma dag phan tshun phrad pa na lha'i las shin tu 'das pa'i sil snyan yan lag lnga dang ldan pa dag gi sgra yang 'byung ngo / /shing ljon pa re re'i dri rgya chen po lha'i las 'das pas kyang dpag tshad 'bum du khyab par byed cing shing ljon pa de dag la lha'i rgyan dag kyang mngon par rab tu 'phyang ngo / /shing ljon pa de dag gi bar dag na rin po che sna bdun gyi khang pa brtsegs pa 'phang du ni dpag tshad lnga brgya rgyar ni dpag tshad brgya pa dag yod de/ khang pa brtsegs pa de dag kun la yang phyogs bzhi na rtad pas dag yod do/ /rta babs de dag gi nang rol khang pa brtsegs pa de dag gi phyi rol na rdzing bu srid du ni dpag tshad brgyad bcu rgyar ni dpag tshad lnga bcu pa dag yod do/ /rdzing bu de dag gi phyogs bzhi kho ra khor yug na rin po che sna bdun las byas pa'i them skas dag kyang yod do/ /rdzing bu de dag kyang khor yug tu me tog ud pa la dang / pad ma dag gis kun nas yog ste/ me tog re re la yang rgyar ni dpag tshad yod do/ /me tog de dag gi ze ba dag las byang chub sems dpa'</font><hr>45.143b<br><font size=+1>

sams dpa' chen po dag rab tu skyes te/ de dag kyang nam gyi gung thun dang po la pad ma de dag gi ze ba dag las skye zhing rnam par grol ba'i dga' ba dang / bde ba myong bzhin du skyil mo krung gis mtshan mo de 'dal bar byed de/ de na mtshan no de'i nang par gyi dus kyi tshe phyogs bzhi nas dri zhim pa yid du 'ong la 'jam zhing reg na bde bar byed pa'i rlung dag rab tu ldang ste/ de dag gis me tog kha zums pa rnams mngon par 'byed par byed cing / byang chub sems dpa' de dag kyang ting nge 'dzin de las langs te/ rnam par grol ba'i dga' ba dang bde ba spangs nas pad ma'i ze ba dag las babs te/ khang pa brtsegs pa de dag tu zhugs nas rin po che sna bdun gyi stan dag la skyil mo krung bcas te 'dug cing chos nyan par byed do/ /shing ljon pa de dag dang khang pa brtsegs pa de dag gi phyogs bzhi kho ra khor yug dag na rin po che 'dzam bu chu bo'i gser gyi ri 'phang du dpag tshad nyi shu rgyar ni dpag tshad gsum pa dag yod de/ ri de dag gi bar bar dag na chu shel dang / me shel dang / an da rnyil dang / nor bu skar mdog 'bum phrag du ma dag snang ngo / /de na sangs rgyas pad ma dam pa'i 'od kyis ri dang nor bu dag la phog pa na sangs rgyas kyi 'od de dang / nor bu'i 'od des 'jig rten gyi khams pad ma de rtag tu snang ba rgya chen pos khyab par byas te/ de na nyi ma dang zla ba dag gi 'od kyang mi mngon te gzhan du na gang gi tshe pad ma rnams kha zums shing bya dag sgra chung bar gyur pa de'i tshe mtshan mo zhes bya ba'i grangs su 'gyur la de las bzlog pa ni nyin par yin no/ /ri de dag gi steng na bai dUr+ya sngon po las byas pa'i khang pa brtsegs pa phang du ni dpag tshad drug bcu rgyar ni dpag tshad nyi shu pa dag yod de/ khang pa brtsegs pa de dag gi phyogs bzhi na rin po che sna bdun las byas pa'i rta babs dag kyang yod do/ /khang pa brtsegs pa de dag nas rin po che sna bdun las byas pa'i khri dag yod de de la skye ba gcig gis thogs pa'i byang chub sems dpa' dag 'dug cing chos nyan par byed do/ /rigs kyi bu 'jig rten gyi khams pad ma de na byang chub kyi shing dbang po zhes bya ba</font><hr>45.144a<br><font size=+1>

'phang du ni dpag tshad sum stong rgyar ni dpag tshad lnga brgya/ yal ga dang / lo ma dang / 'dab ma dag ni dpag tshad stong du legs par gnos pa yod do/ /byang chub kyi shing de'i drung na dngul las byas pa'i pad ma sdong bu'i 'phang du ni dpag tshad lnga brgya yod la/ de'i 'dab ma ni gser las byas pa bya ba phrag 'bum yod de 'phang du ni dpag tshad lnga yod do/ /ze ba thams cad na rin po che rdo'i snying po las byas pa'i ze 'bru dag yod do/ /ze ba rnams ni rin po che sna bdun las byas pa ste/ 'phang du ni dpag tshad bcu rgyar ni dpag tshad bdun yod do/ /der de bzhin gshegs pa dgra bcom pa yang dag par rdzogs pa'i sangs rgyas pad ma dam pa bla na med pa yang dag par rdzogs pa'i byang chub mngon par rdzogs par sangs rgyas so/ /sangs rgyas kyi gdan pad ma de'i kho ra khor yug na yang pad ma dag yod de/ de dag la byang chub sems dpa' dag 'khod pas de bzhin gshegs pa dgra bcom pa yang dag par rdzogs pa'i sangs rgyas pad ma dam pa'i cho 'phrul dag mthong bar gyur to/ /de skad ces bka' stsal pa dang / bcom ldan 'das la byang chub sems dpa' rin po che rnam par snang byed kyis 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad ma dam pas cho 'phrul chen po ji lta bu dag bstan pa mdzad pa lags/ de skad ces gsol pa dang / bcom ldan 'das kyis byang chub sems dpa' rin po che rnam par snang byed la 'di skad ces bka' stsal to/ /rigs kyi bu de bzhin gshegs pa dgra bcom pa yang dag par rdzogs pa'i sangs rgyas pad ma dam pa ni mdang gi nam gyi thun tha ma la bla na med pa yang dag par rdzogs pa'i byang chub mngon par rdzogs par sangs rgyas nas/ da nang nang par gyi dus kyi tshe 'di lta bu'i rdzu 'phrul mngon par 'du bya ba mngon par mdzad de bdag nyid tshangs pa'i 'jig rten gyi bar du mngon par sprul nas dbu'i gtsug tor nas 'od zer bye ba khrag khrig 'bum</font><hr>45.144b<br><font size=+1>

rab tu bkye'o/ /'od zer de dag gis steng gi phyogs kyi 'jig rten gyi khams sangs rgyas kyi zhing gi rdul phra rab kyi rdul snyed dag snang bas khyab par mdzad do/ /de'i tshe steng gi phyogs na byang chub sems dpa' gang dag gnas pa dag gis thur du bltas na de dag la ri rab dang / khor yug dang / khor yug chen po dang / ri nag po rnams kyang snang bar ma gyur to/ /'jig rten gyi khams de dag na byang chub sems dpa' gang dag lung bstan pa dag dang / gang dag ting nge 'dzin thob pa dag dang / gang dag gzungs thob pa dag dang / gang dag bzod pa thob pa dag dang / gang dag sa las shin tu 'das pa dag dang / de na gang dag skye ba gcig gis thogs pa'i byang chub sems dpa' sems dpa' chen po de dag kyang snang ba de khyab par gyur nas thal mo sbyar te/ de bzhin gshegs pa dgra bcom pa yang dag par rdzogs pa'i sangs rgyas pad ma dam pa de'i skyes bu chen po'i mtshan sum bcu rtsa gnyis dang / dpe byad bzang po brgyad bcus legs par brgyan pa'i sku yang mthong / byang chub sems dpa' 'khor de dang / 'jig rten gyi khams pad ma'i sangs rgyas kyi zhing gi yon tan bkod pa yang mthong ngo / /mthong nas kyang byang chub sems dpa' sems dpa' chen po de dag mchog tu dga' ba dang / bde ba skyes te/ 'jig rten gyi khams sangs rgyas kyi zhing gi rdul phra rab kyi rdul snyed dag nas byang chub sems dpa' bgrang ba las yang dag par 'das pa dag rang rang gis sangs rgyas kyi zhing bor nas de bzhin gshegs pa dgra bcom pa yang dag par rdzogs pa'i sangs rgyas pad ma dam pa la mchod pa bya ba dang / phyag bya ba dang / bsnyen bkur bya ba'i phyir rdzu 'phrul gyi mthus 'jig rten gyi khams pad mar lhags so/ /rigs kyi bu de bzhin gshegs pa pad ma dam pa des kyang bzhugs pa dang / bzhengs pa dang / 'chags bzhin du zhal gyi sgo nas ljags kyi dbang po phyung ste thams cad dang ldan pa'i gling bzhi pa'i 'jig rten gyi khams de ljags kyi dbang pos yongs su khebs par</font><hr>45.145a<br><font size=+1>

mdzad do/ /de nas byang chub sems dpa' gang dag snyoms par zhugs pa de dag kyang ting nge 'dzin las langs nas de bzhin gshegs pa pad ma dam pa dang / thams cad dang ldan pa'i 'khor la mchod pa bya ba'i las la brtson par gyur to/ /rigs kyi bu de nas de bzhin gshegs pa pad ma dam pas ljags kyi dbang po'i rdzu 'phrul mngon par 'du mdzad pa'i phyir bsdus nas/ gzhan yang de bzhin gshegs pa pad ma dam pas thams cad nas spu'i khung bu thams cad kyi spu'i khung bu'i sgo re re nas kyang / 'od zer bye ba khrag khrig 'bum phrag drug cu drug cu byung zhing phyogs bcu'i phyogs re rer yang 'jig rten gyi khams sangs rgyas kyi zhing gi rdul phra rab kyi rdul snyed dag snang ba rgya chen pos khyab par mdzad nas 'jig rten gyi khams de dag na byang chub sems dpa' sems dpa' chen po gang dag lung bstan pa dag dang / byang chub sems dpa' sems dpa' chen po gang dag ting nge 'dzin thob pa de dag kyang de bzhin gshegs pa dgra bcom pa yang dag par rdzogs pa'i sangs rgyas pad ma dam pa la blta ba dang phyag bya ba dang / bsnyen bkur bya ba'i phyir rang rang gi sangs rgyas kyi zhing gi snang ba dang / rdzu 'phrul gyi stobs kyis 'jig rten gyi khams pad mar lhags so/ /rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas pad ma dam pas rdzu 'phrul mngon par 'du mdzad pa de phyir bsdus nas/ skye bo mang po la phan pa dang / skye bo mang po la bde ba dang / 'jig rten la thugs brtse ba dang / lha dang mi rnams la phan pa dang / bde ba dang / theg pa chen po yongs su rdzogs par bya ba'i phyir thams cad dang ldan pa'i byang chub byang chub sems dpa'i 'khor la phyir mi ldog pa'i 'khor lo zhes bya ba chos dang ldan pa'i chos kyi 'khor lo bskor to/ /theg pa chen po'i mdo snying rje pad ma dkar po las chos kyi 'khor lo bskor ba zhes bya ba'i le'u ste dang po 'o// // </font><hr>45.145b<br><font size=+1>

de nas bcom ldan 'das la byang chub sems dpa' rin po che rnam par snang byed kyis 'di skad ces gsol to/ /btsun pa bcom ldan 'das 'jig rten gyi khams pad ma de mtshan mo dang nyin mor ni ji ltar 'tshal/ de na sgra ni ji lta bu dag grag /byang chub sems dpa' de dag bsam pa ni ji lta bu dang ldan/ gnas pa ni gang gis gnas lags/ bcom ldan 'das kyis bka' stsal pa/ rigs kyi bu 'jig rten gyi khams pad ma ni rtag tu sangs rgyas kyi 'od kyis snang bar gyur pa yin te/ de na gang gi tshe me tog dag kha zums par gyur cing / bya rnams kyang sgra chung bar gyur pa dang / bcom ldan 'das dang byang chub sems dpa' de dag kyang bsam gtan dag gis rol cing rnam par grol ba'i dga' ba dang bde ba myong bar mdzad pa de'i tshe de na mtshan mo yin par shes so/ /gang gi tshe me tog de rlung gis kha bye bar gyur cing bya rnams kyang sgra yid du 'ong ba sgrogs par byed pa dang / der me tog gi char dag kyang mngon par 'bab pa dang / phyogs bzhi nas dri mchog tu zhim zhing yid du 'ong la 'jam zhing / reg na bde bar 'gyur ba'i rlung dag ldang ba dang / bcom ldan 'das kyang ting nge 'dzin las bzhengs la/ byang chub sems dpa' rnams kyang ting nge 'dzin las langs shing bcom ldan 'das pad ma dam pa byang chub sems dpa' sems dpa' chen po rnams la byang chub sems dpa'i sde snod kyi chos nyan thos dang / rang sangs rgyas kyi gtam las shin tu 'das pa dag ston par mdzad pa de'i tshe de na nyin mo yin par shes so/ /rigs kyi bu de na byang chub sems dpa' sems dpa' chen po rnams sangs rgyas kyi sgra dang / chos kyi sgra dang / dge 'dun gyi sgra dang mi 'bral lo/ /mi 'jigs pa'i sgra dang / mngon par 'du byed pa 'i sgra dang / skye ba med pa'i sgra dang / 'gag pa med pa'i sgra dang / zhi ba'i sgra dang / nye bar zhi ba'i sgra dang / rab tu zhi ba'i sgra dang / byams pa chen po'i sgra dang / snying rje chen po'i sgra dang / mi skye ba'i chos kyi sgra dang / dbang bskur ba'i sa thob</font><hr>45.146a<br><font size=+1>

pa'i sgra dang / sangs rgyas dang byang chub sems dpa'i sgra dang mi 'bral te/ byang chub sems dpa' de dag ni rtag tu sgra de lta bu dag nyan par byed do/ /rigs kyi bu gzhan yang 'jig rten gyi khams pad mar byang chub sems dpa' sems dpa' chen po de dag skyes pa dang / skye bar 'gyur ba de dag thams cad ni skyes bu chen po'i mtshan sum bcu rtsa gnyis dang ldan zhing / 'od dpag tshad brgya pa yod la byang chub kyi mthar thug gi bar du rnam par mi ltung ba'i chos can yin no/ /byang chub sems dpa' de dag thams cad ni byams pa'i sems dang ldan pa dang / snum pa'i sems dang ldan pa dang / rnyog pa med pa'i sems dang ldan pa dang / dul ba'i sems dang ldan pa dang / spro ring ba'i sems dang ldan pa dang / mnyam par bzhag pa'i sems dang ldan pa dang / rab tu dang ba'i sems dang ldan pa dang / khong khro ba med pa'i sems dang ldan pa dang / dag pa'i sems dang ldan pa dang / dge ba'i sems dang ldan pa dang / chos la dga' ba'i sems dang ldan pa dang / sems can thams cad kyi nyon mongs pa rab tu zhi bar byed pa'i sems dang ldan pa dang / sa dang mtshungs pa'i sems dang ldan pa dang / 'jig rten pa'i gtam la mngon par mi dga' ba'i sems dang ldan pa dang / 'jig rten las 'das pa'i gtam la mngon par dga' ba'i sems dang ldan pa dang / dge ba'i chos thams cad yongs su tshol ba'i sems dang ldan pa dang / phung po med pa la rtag tu rab tu brtson pa'i sems dang ldan pa dang / na ba dang / rga ba dang / 'chi ba rab tu zhi bar byed pa'i sems dang ldan pa dang / nyon mongs pa thams cad sreg par byed pa'i sems dang ldan pa dang / kun tu sbyor ba thams cad rab tu zhi bar byed pa'i sems dang ldan pa dang / chos thams cad la rlom sems med pa'i sems dang ldan pa dang / bsam pa'i stobs can dang / sbyor ba'i stobs can dang / rkyen gyi stobs can dang / smon lam gyi stobs can dang / snying po med pa dang / </font><hr>45.146b<br><font size=+1>

ma 'dres shing gong du skyod par byed pa'i stobs can dang / nges par rtogs pa'i stobs can dang / dge ba'i rtsa ba'i stobs can dang / ting nge 'dzin gyi stobs can dang / thos pa'i stobs can dang / gtong ba'i stobs can dang / tshul khrims kyi stobs can dang / bzod pa'i stobs can dang / brtson 'grus kyi stobs can dang / bsam gtan gyi stobs can dang / shes rab kyi stobs can dang / zhi gnas kyi stobs can dang / lhag mthong gi stobs can dang / mngon par shes pa'i stobs can dang / dran pa'i stobs can dang / byang chub kyi stobs can dang / snying stobs kyi stobs can dang / bdud thams cad rnam par 'joms pa'i stobs can dang / bdud kyi dpung thams cad rab tu 'dul bar byed pa'i stobs can dang / phas kyis rgol ba thams cad chos dang 'thun pas tshar gcod pa'i stobs can dang / nyon mongs pa thams cad rab tu 'dul bar byed pa'i stobs can sha stag ste/ 'jig rten gyi khams pad mar byang chub sems dpa' sems dpa' chen po gang dag skyes pa dang / skye bar 'gyur ba de dag ni sangs rgyas 'bum phrag mang po dag la lhag par bya ba byas shing dge ba'i rtsa ba rnams skyed pa yin no/ /sangs rgyas kyi zhing 'jig rten gyi khams pad ma der/ byang chub sems dpa' gang dag skyes pa dang / skye bar 'gyur ba'i byang chub sems dpa' de dag ni 'di lta ste/ dper na tshangs ris kyi lha rnams la khams gyis zas za ba'i zas med pa bzhin du bsam gtan gyi zas dang / chos kyi zas dang / dri za'i zas dang ldan pa ma yin no/ /de na rnam pa thams cad du mi dge ba'i ming yang med do/ /de na rnam pa thams cad du bud med kyi ming yang med gdags pa yang med do/ /de na rnam pa thams cad du sdug bsngal gyi sgra yang med pa rnam pa thams cad du dge ba dang mi dge ba'i sgra yang med do/ /de bzhin du sbyar te nyon mongs pa'i sgra yang med yongs su 'dzin pa yang med do/ /de na mun pa yang med dri ma yang med</font><hr>45.147a<br><font size=+1>

do sems ngal ba yang med do/ /lus ngal ba yang med do/ /sems can dmyal ba dang / dud 'gro'i skye gnas dang / gshin rje'i 'jig rten gyi sgra yang med do/ /ngan song du gdags pa yang med do/ /tshar ma dang / thibs po dang / rdo ba dang / gseg ma yang med do/ /me yang med/ nyi ma dang zla ba yang med/ skar ma'i gzugs kyang med do/ /rgya mtsho chen po yang med/ ri rab kyang med/ khor yug gi ri yang med/ 'jig rten gyi bar yang med/ ri nag po rnams kyang med do/ /rdo ba mi gtsang ba dag kyang med/ rdul gyi ri yang med do/ /sprin dang char pa'i sgra yang med/ rlung mar gyi sgra yang med do/ /rnam pa thams cad du ngan song gi sgra yang med/ rnam pa thams cad du mi khom pa'i sgra yang med do/ /gzhan yang 'jig rten gyi khams pad ma ni sangs rgyas kyi 'od dang / byang chub sems dpa'i 'od dang / bsod nams kyi 'od dang / rin po che'i 'od kyi snang ba rgya chen pos rtag tu gsal bar gyur to/ /de na bya 'bras bu dang bcas pa zhes bya ba dag rang rang gi sgra 'jam zhing yid du 'ong ba dag gis dbang po dang / stobs dang / byang chub kyi yan lag dag rab tu sgrogs par byed do/ /de nas bcom ldan 'das la byang chub sems dpa' rin po che rnam par snang byed kyis 'di skad ces gsol to/ /bcom ldan 'das 'jig rten gyi khams pad ma da che khyad ni ji tsam zhig lags/ gong ma dang bla na med pa yang dag par rdzogs pa'i byang chub mngon par rdzogs par sangs rgyas te/ mngon par rdzogs par sangs rgyas nas ring po ma lags pa'i de bzhin gshegs pa pad ma dam pa de yang yun ji srid cig tu bzhugs te 'tsho zhing gzhes la chos ston par 'gyur/ yongs su mya ngan las 'das nas ni dam pa'i chos yun ji srid gcig tu gnas par 'gyur/ 'jig rten gyi khams pad ma'i sangs rgyas kyi zhing du byang chub sems dpa' gang dag skyes pa dang / skye bar 'gyur ba de dag ni yun ji srid</font><hr>45.147b<br><font size=+1>

gcig tu gnas par 'gyur/ ci byang chub sems dpa' de dag sangs rgyas la lta ba dang / chos nyan pa dang / dge 'dun la bsnyen bkur bgyid pa dang mi 'brel lags sam 'on te de lta ma lags/ 'jig rten gyi khams pad ma de ni sngon ming ci zhes bgyi bar gyur/ der rgyal ba'i nyi ma nub nas yun ji srid gcig lags nas/ de'i 'og tu de bzhin gshegs pa pad ma dam pa bla na med pa yang dag par rdzogs pa'i byang chub tu mngon par rdzogs par sangs rgyas/ ci'i rkyen kyis na phyogs bcu'i sangs rgyas kyi zhing gzhan dag na sangs rgyas bcom ldan 'das gang dag cho 'phrul dag mdzad pa'i sangs rgyas kyi rnam par 'phrul pa dag dang / sangs rgyas kyi cho 'phrul dag kha cig gis ni mthong la/ kha cig gis ni mi mthong bar gyur lags/ bcom ldan 'das kyis bka' stsal pa/ rigs kyi bu 'di lta ste dper na ri'i rgyal po ri rab la 'phang du ni dpag tshad 'bum drug khri brgyad stong yod la/ rgyar ni dpag tshad brgyad khri bzhi stong yod pa skyes bu brtson 'grus dang ldan pa/ stobs dang ldan pa la la zhig 'ongs nas ting nge 'dzin gyi mthus ri'i rgyal po ri rab de yungs 'bru'i tshad tsam du bkrum nas/ yungs 'bru tsam du gyur pa de dag ni bgrang ba las yang dag par 'das pas na yungs 'bru tsam po de dag ni thams cad mkhyen pa'i ye shes ma gtogs par sus kyang bgrang bar mi nus te/ yungs 'bru tsam po de dag ji snyed par de na gling bzhi pa'i tshad kyang de snyed yod do/ /'di lta ste dper na 'jig rten gyi khams bde ba can byang chub sems dpa' dag gis kun tu gang ba bzhin du sangs rgyas kyi zhing pad ma yang byang chub sems dpa' dag gis kun tu gang ba yin no/ /rigs kyi bu de bzhin gshegs pa dgra bcom pa yang dag par rdzogs pa'i sangs rgyas pad ma dam pa'i sku tshe'i tshad ni bar kyi bskal pa sum bcur bzhugs te 'tsho zhing gzhes la chos kyang ston par 'gyur ro/ /rigs kyi bu de bzhin gshegs pa dgra bcom pa yang dag par rdzogs pa'i sangs rgyas pad ma dam pa yongs su mya ngan las 'das nas kyang dam pa'i</font><hr>45.148a<br><font size=+1>

chos ni bar gyi bskal pa bcur gnas par 'gyur ro/ /'jig rten gyi khams pad mar byang chub sems dpa' sems dpa' chen po gang dag skyes pa dang / skye bar 'gyur ba de dag gi tshe'i tshad ni bar gyi bskal pa bzhi bcur 'gyur ro/ /rigs kyi bu 'jig rten gyi khams pad ma de sngon ni tsan dan zhes bya bar gyur te/ da ltar gyi 'jig rten gyi khams pad ma ltar yongs su dag par yang ma gyur la/ de ltar sems can dag pa dag gis gang bar yang ma gyur to/ /rigs kyi bu 'jig rten gyi khams tsan dan du ni de bzhin gshegs pa dgra bcom pa yang dag par rdzogs pa'i sangs rgyas zla ba dam pa zhes bya ba rigs pa dang zhabs su ldan pa zhes bya ba nas sangs rgyas bcom ldan 'das zhes bya ba'i bar dang ldan par gyur te/ des kyang bar gyi bskal pa sum bcur chos bstan par gyur to/ /yongs su mya ngan las 'das pa'i dus kyi tshe na byang chub sems dpa' kha cig ni smon lam gyi dbang gis sangs rgyas kyi zhing gzhan dag tu dong ngo / /byang chub sems dpa' lhag ma gang dag de na 'khod pa de dag ni 'di snyam du sems par gyur te/ de bzhin gshegs pa dgra bcom pa yang dag par rdzogs pa'i sangs rgyas zla ba dam pa ni do mod nam gyi gung thun la yongs su mya ngan las 'da' bar 'gyur ro/ /bcom ldan 'das yongs su mya ngan las 'das nas kyang dam pa'i chos ni bar gyi bskal pa bcur gnas par gyur na dam pa'i chos nub pa'i 'og tu su zhig bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam du sems par gyur to/ /yang de'i tshe na byang chub sems dpa' sems dpa' chen po nam mkha'i phyag rgya zhes bya ba de sngon gyi smon lam gyis de bzhin gshegs pa dgra bcom pa yang dag par rdzogs pa'i sangs rgyas zla ba dam pa lung bstan par gyur te/ rigs kyi bu nga yongs su mya ngan las 'das nas dam pa'i chos ni bar gyi bskal pa bcur gnas par 'gyur te/ nam gyi gung thun la nga'i dam pa'i chos nub par gyur nas de nyid kyi nub mo thun tha ma la khyod bla na med pa yang dag par rdzogs pa'i byang chub</font><hr>45.148b<br><font size=+1>

mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas pad ma dam pa zhes bya ba rig pa dang zhabs su ldan pa zhes bya ba nas/ sangs rgyas bcom ldan 'das shes bya ba'i bar du 'gyur ro zhes lung bstan to/ /de'i tshe na byang chub sems dpa' sems dpa' chen po de dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zla ba dam pa ga la ba der song ste/ de bzhin gshegs pa dgra bcom pa yang dag par rdzogs pa'i sangs rgyas zla ba dam pa'i drung du lhags pa dang / byang chub sems dpa' de dag thams cad kyis ting nge 'dzin gyi stobs dang / byang chub sems dpa'i rnam par 'phrul pa rnam pa sna tshogs dag gis de bzhin gshegs pa zla ba dam pa la mchod de lan gsum bskor ba byas nas/ bcom ldan 'das la 'di skad ces gsol to/ /btsun bcom ldan 'das bdag cag ni 'gog pa la mnyam par bzhag pa'i sems kyis bskal pa bar ma bcu po de dag 'da' bar bgyi bar 'tshal lags so/ /rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas zla ba dam pas byang chub sems dpa' sems dpa' chen po nam mkha'i phyag rgya la 'di skad ces bka' stsal to/ /rigs kyi bu de la thams cad mkhyen pa nyid kyi sgo la 'jug pa 'di ni 'das pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyis kyang rgyal tshab tu dbang bskur ba'i byang chub sems dpa' rnams la bshad pa yin la/ sangs rgyas bcom ldan 'das gang dag da ltar phyogs bcu'i 'jig rten gyi khams dag na bzhugs te 'tsho zhing gzhes pa'i sangs rgyas bcom ldan 'das de dag kyang rgyal tshab tu dbang bskur ba'i byang chub sems dpa' rnams la ston par mdzad cing / gang dag ma 'ongs pa'i dus na 'byung bar 'gyur ba'i sangs rgyas de dag kyang rgyal 'tshab tu dbang bskur ba'i byang chub sems dpa' rnams la ston par 'gyur bas na khyod kyis kyang thams cad mkhyen pa nyid kyi rnam pa'i</font><hr>45.149a<br><font size=+1>

gzungs kyi sgo la 'jug pa 'di zung shig /tad ya thA/ dz+wa li dz+wa li ni/ ma hA dz+wa li ni/ hug ke /bug ke /sam pa de/ ma hA sam pa de/ de ba na a Ti/ ba Ti/ Ta ke /Tha ra Tha ga ke /a mi ma ka si/ hi li tsi li ti li/ ru ru ke /ma hA ru ru ke /dza ye/ durdza ya/ dza ya ma ti/ shAn te/ shA+en ta nir g+ho Sha Ni/ a mU le/ a mU la pa ri tshan ne/ mA ra sai n+ya/ bid tra sa ne/ mug te/ mug ta pa ri shud d+he/ a b+hi tI/ b+ha ya mo tsa ne/ b+ha ra o ha ra Na/ dAn ta/ bi d+ya bi d+ya/ bi d+ya/ d+ha ruta ta me/ ni a gra ha~M pa ra ba ti nA~M/ d+harma ba ti/ nA ma a nu gra han/ a rak+Sha d+harma ba ti nA~M / tsa tur nA~M/ smrit+yu u pa s+tha nA nAM/ a d+hi mug ti pa da pra ka sha na mi i dan/ bud d+ha ka sha ye/ a ma ma/ mi ma ma/ a bai bi/ ar+the/ ar+tha ni/ sti ra Ne/ lo ka a d+hi mug te/ sun d+ha re/ ba ri b+hA ba ne/ tsa tur Na~M/ Ar+ya ba~M shA nA~M/ a d+hi mug ti pa da pra ka sha na pa da/ b+ha Sha ar+the b+ha Sha Ne/ d+ha re d+ha ra ba ti/ gu ga te/ shu b+he shu b+ha pra b+he/ tad pA la/ a gra pha la/ a pha la ni Sh+pha la/ ni ha la/ su mug ta/ a mug te/ nir mug ta/ a ba b+h+ra mi ta/ bi mug ta ba ti/ bi la pha la/ a yud+ha/ a bi ti/ bi bi ti/ ra ti ku la/ tu la man/ a hing sa ma i ti ta ba/ an d+ha nan d+ha da/ sarba lo ka a na ka bi lig ka /a b+hu sa re/ ha ta man tri/ be sha a gra ma te/ a pha la/ ka pha la/ tra ya nA~M/ a rak+Shi tA nA~M/ a d+hi mug ti pa da mi dan/ dza da ta/ a ni ha ra bA tsa tab byo/ i dam pA lan/ ni yA ma pha lan/ sa mu da d+ha nA ya/ bi b+hu Sha pa sh+yo so man ta/ a nu man to/ a ku man to/ tshe da ba ne/ man tra s+t+ra/ da sha ba la/ bi gra ha ta/ i su s+tha na/ su ni kha ma/ tik+Sh+Na ma ti/ A lo ka /a ti kr-i Sh+Na/ a ti mi ta/ pra t+yud pan na/ bud d+ha pUrba pra ta re/ tsa tur nA~M/ sam myag pra ha NA nA~M/ a d+hi mug ti pa di pra ka sha na pad mi dan/ an n+ya man n+ye ma ne/ ma ma n+ye/ bI ri bi ti re sha me/ sha mi ti bi/ shAn te/ mug te/ ni rag ta me/ </font><hr>45.149b<br><font size=+1>

sa me/ sa ma sa me/ k+Sha ye/ ak+Sha ye/ a dzi ti shin te/ sha naSh+Te/ d+ha ra Ne/ A lo ka /a ba b+ha se/ rad na bra te/ ra smya ba te/ dz+nya na ba te/ me ru ba te/ k+Sha ya n-i ra sha ne/ lo ka pra ti ni dar sha ne/ tsa tur nA~M pra ti sa~M bi dAn/ a d+hi mug ti pra da pra ka sha na pa dA mi dan/ tsak+Shu a bA sa ni/ dar she na/ dz+nyA na a lo ka nir dar sha ne/ pra b+ha sa ni/ sarba in dri ya/ b+hu mi a ti kran te/ sa ba sa ba/ ba mA na/ sarbe pra tha ba/ k+Sha yang ka re/ sho ka ar+tha bA tsa ne/ lo ka a nu dar sha na/ bi b+hu tsa tur nA~M/ rid d+hi pa da nA~M/ a d+hi mug ti pad pra kA sha na pa da mi dan/ a tsa le bud d+he/ d+ha b+ha pra tsa le/ sa twe gri h+na/ sid d+hi kam pa ni ni sid d+ha sma ti te/ pa ri ka se re/ sau me/ tsaN De/ dAn te/ a tsa le/ a ma re/ bi tsi ba le/ ne ba re/ pra tsa tsa le/ pra sa re/ a na ya/ a bya se/ karka me/ pra b+ha bi ni/ o me ni dza se/ kra gra me/ na yu te/ in dra ya nA~M/ ba la nA~M/ a d+hi mug ti pa da pra kA sha na pa da mi dan/ puSh+pe su puSh+pe/ dru ma pa re ha re/ a b+ha ya ru tsi re/ tsa ka rak+She/ ak+ShA ya ma stu ni ni le/ ma ma le/ pany+tsa shi shi re/ lo ka s+ya bi dz+nyA na/ na ya sam gra ha te tsa yug te/ tshan de na/ sab ta nA~M/ bo d+h+ya~M ga nA~M/ a d+hi mug di pa da pra kA sha na pa da mi dan/ tsakra badzre/ mai tre sra ma ma te krAn te/ kre te/ kA ru Ne/ rudik+Sha yi/ pri di rU pe k+Sha sa~M ban ne/ a ra te/ ba ra te/ kha ge kha ge/ a mU le/ mU la sho d+ha ne/ tsa tur nA~M bai sha ra d+ya nA~M/ a d+hi mug ti pa da pra kA sha na p+da mi dan/ bar te/ tsakre/ tsakrA b+ha re/ pa ra tsakre/ pa re pu re/ hi le hi le/ d+ha re a rU pa ba te/ hu hu re/ ya tha dzi b+ha~M ga na/ ni ma ba re/ ya tha ag ne/ ya tha ba ran tsi ri ti ri sha ya tha/ ba ya ri ri shi/ sa t+ya nir ha re/ dza ra ba bi la/ bir+ya nir ha ra/ sa mA d+hi nir ha ra/ pradz+nyA nir ha ra/ bi mug ti nir ha ra/ bi mug ti/ bi mug ti/ dz+nyA na dar sha na nir ha ra/ nak+Sha tra nir ha ra/ tsan dra nir ha ra/ sUr+ya nir ha ra/ pa dA sh+tsa tu rug tasta g+taten/ ad b+hu ta/ ni rad b+hu tAM/ sa~M bud d+ham/ a bud d+ham/ </font><hr>45.150a<br><font size=+1>

i bud d+ham/ tad tra bud d+ham/ ni ha~M ga ma pu re/ a pha la/ da pha la/ paN Da re/ paN Da re/ ta twa lan/ ta lu/ ma~M ga la d+ha ri Ni/ pu Da Ni/ sa~M pra pu Da Ni/ ga ta ga ma ta ni rU pa/ nA sha ni/ na sha ban d+ha ni/ tsid tsi ni/ tsid tsi ni/ sa yo d+ha/ hi ding ga ma/ pa re pa ra/ han ne/ b+ha ram b+ha re/ bin de/ bi re bi re/ ru Sha re/ sha ra ne/ d+ha ra Ne/ ba bar te/ ba ra Na Da ye/ bi dun du ma/ ba ra khu ma/ bra h+ma tsa ri ni/ in dra ba ni/ d+hi d+hi rA ya ni/ ma he shwa ra la la ni/ ma ma su me/ a la mi ni/ e ka ak+Sha ra ni/ pany+tsa ni tsa ra ste/ a b+hi tsaN Da la pu re/ sarba su ra/ bUr+N+Na ga ti tan/ paN Di tan/ a yi na kaN Da/ dzam b+ha me/ gan d+ha re ad tra/ na ha ni ma ka ra b+hi ro hi ni/ sid d+ha man tre/ bi lo ka ma te/ bud d+ha a d+hiSh+Thi te/ d+ha ra Ni mu khi/ da sha na mA la nA~M a d+hi mug ti pra ka sha na pa da mi dan/ bcom ldan 'das kyis thams cad mkhyen pa nyid kyi rnam pa'i gzungs kyi sgo la 'jug pa 'di gsungs ma thag tu/ de nas de'i mod la stong gsum gyi stong chen po'i 'jig rten gyi khams 'di rnam pa drug tu rab tu g.yos te/ g.yos/ rab tu g.yos/ kun tu rab tu g.yos so/ /'gul/ rab tu 'gul/ kun tu rab tu 'gul to/ /'khrugs/ rab tu 'khrugs/ kun tu rab tu 'khrugs so/ /chem chem/ rab tu chem chem/ kun tu rab tu chem chem mo/ /mtho ba dang dma' ba dang / kun tu rab tu dma' bar yang gyur to/ /gang gi phyir phyogs bcu'i 'jig rten gyi khams gang gA'i klung bgrang ba las yang dag pa 'das pa'i bye ma snyed dag snang ba rgya chen pos khyab par gyur pa de lta bu'i snang ba dag kyang byung bar gyur to/ /de'i tshe na ri rab dang / khor yug dang / khor yug chen po dag kyang mig lam na mi snang ngo / /phyogs bcu'i 'jig rten gyi khams bgrang ba las yang dag par 'das pa dag kyang lag mthil ltar mnyam par kun tu snang ngo / /byang chub sems dpa' sems dpa' chen po gang dag phyogs bcu'i 'jig rten gyi khams bgrang ba las yang dag par 'das pa dag na gnas pa de dag dang / gang dag ting nge 'dzin dang / </font><hr>45.150b<br><font size=+1>

gzungs dang bzod pa thob pa de dag kyang thams cad mkhyen pa nyid kyi rnam pa'i gzungs kyi sgo la 'jug pa 'di nyan pa'i phyir de bzhin gshegs pa'i mthus rang rang gi sangs rgyas kyi zhing dag nas mi snang bar gyur te/ bya rgod kyi phung po 'i ri dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ byang chub sems dpa'i rnam par 'phrul pa rnam pa tha dad pa sna tshogs dag gis bcom ldan 'das la mchod pa byas nas de nyid du 'khod do/ /lha dang / klu dang / gnod sbyin dang / lha ma yin dang / grul bum dang / sha za bgrang ba las yang dag par 'das pa dag kyang thams cad mkhyen pa nyid kyi rnam pa'i gzungs kyi sgo la 'jug pa 'di mnyan pa'i phyir bya rgod kyi phung po'i ri ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do/ /byang chub sems dpa' sems dpa' chen po gang dag 'dir 'dus pa de dag thams cad kyis sangs rgyas kyi zhing pad ma dang / de bzhin gshegs pa dgra bcom pa yang dag par rdzogs pa'i sangs rgyas pad ma dam pa byang chub sems dpa'i tshogs kyis yongs su bskor ba yang mthong bar gyur to/ /bcom ldan 'das kyis thams cad mkhyen pa nyid kyi rnam pa'i gzungs kyi sgo la 'jug pa 'di gsungs ma thag tu byang chub sems dpa' sems dpa' chen po gang gA'i klung bdun bcu rtsa gnyis kyi bye ma snyed kyis gzungs 'di thob bo/ /gzungs thob pa'i byang chub sems dpa' de dag gis phyogs bcu'i 'jig rten gyi khams bgrang ba las yang dag par 'das pa de na bzhugs pa'i sangs rgyas bcom ldan 'das rnams kyang mthong bar gyur to/ /sangs rgyas kyi zhing gi yon tan bkod pa thams cad kyang mthong bar gyur te de dag ngo mtshar du 'dzin par gyur nas ting nge 'dzin gyi stobs dang / byang chub sems dpa'i rnam par 'phrul pas sangs rgyas la mchod pa byas te de nyid du 'khod pa dang / bcom ldan 'das kyis de dag la 'di skad</font><hr>45.151a<br><font size=+1>

ces bka' stsal to/ /rigs kyi bu dag thams cad mkhyen pa nyid kyi rnam pa'i gzungs kyi sgo la 'jug pa 'di bsgom pa'i byang chub sems dpa' sems dpa' chen po ni gzungs kyi sgo brgyad khri bzhi stong 'thob bo/ /gzungs kyi sgo bdun khri nyis stong yang 'thob bo/ /ting nge 'dzin gyi sgo drug khri yang 'thob bo/ /gzungs 'di 'thob pa'i byang chub sems dpa' sems dpa' chen po ni byams pa chen po yang 'thob bo/ /snying rje chen po yang 'thob ste/ byang chub sems dpa' sems dpa' chen po ni ting nge 'dzin 'di 'ba' zhig thob par bya ba'i phyir byang chub kyi phyogs kyi chos sum bcu rtsa bdun rtog par byed cing / thams cad mkhyen pa'i ye shes kyang 'thob ste/ 'di ni sangs rgyas kyi chos thams cad yongs su 'dzin pa yin no/ /sangs rgyas bcom ldan 'das rnams kyis kyang gzungs 'di'i ngo bo nyid thugs su chud nas sems can rnams la chos ston par mdzad cing shin tu myur bar yongs su mya ngan las 'da' bar yang mi mdzad do/ /rigs kyi bu thams cad mkhyen pa nyid kyi rnam pa'i gzungs kyi sgo la 'jug pa 'di'i gzungs kyi mthus sa chen po 'di rab tu g.yos shing snang ba byung bar gyur pa dang / snang ba des sangs rgyas kyi zhing mtha' yas mu med pa dag snang ba rgya chen pos khyab par gyur pa dang / snang ba des kyang byang chub sems dpa' mtha' yas mu med pa 'di dag thams cad mkhyen pa nyid kyi rnam pa'i gzungs kyi sgo la 'jug pa 'di mnyan pa'i phyir sangs rgyas kyi zhing mtha' yas mu med pa dag nas kun nas 'dir lhags pa la ltos// // bam po gnyis pa/ 'jig rten gyi khams mi mjed 'di na 'dod pa na spyod pa dang / gzugs na spyod pa'i lha dang / klu dang / gnod sbyin dang / lha ma yin dang / mi dang / mi ma yin pa mtha' yas pa mu med pa gang dag thams cad mkhyen pa nyid kyi rnam pa'i gzungs kyi sgo la 'jug pa 'di nyan par byed pa de dag ni thams cad mkhyen pa nyid kyi rnam pa'i gzungs kyi sgo la 'jug pa 'di</font><hr>45.151b<br><font size=+1>

thob ma thag tu bla na med pa yang dag par rdzogs pa'i byang chub las phyir mi ldog go/ /yi ger 'dri bar byed na yang sangs rgyas la lta ba dang / chos nyan pa dang / dge 'dun la bsnyen bkur byed pa dang / bla na med pa'i yongs su mya ngan las 'da' ba'i bar dang mi 'bral lo/ /thams cad mkhyen pa nyid kyi rnam pa'i gzungs kyi sgo la 'jug pa 'di kha don du byed pa'i byang chub sems dpa' ni las dang po rnams ma lus par zad par byed cing tshe rjes nas kyang sa dang po gnon par byed do/ /byang chub sems dpa' sems dpa' chen po thams cad mkhyen pa nyid kyi rnam pa'i gzungs kyi sgo la 'jug pa 'di sgom par byed na/ gal te byang chub sems dpa' de la mtshams med pa lnga'i las byas shing bsags pa zhig yod na yang de'i las de dag yongs su zad cing gang gi phyir tshe rjes na yang sa dang po gnon par byed do/ /gang la mtshams med pa'i las rnams med pa de ni tshe 'di nyid la las gzhan thams cad ma lus par zad cing tshe rjes nas kyang sa dang po gnon par byed do/ /gang bsgom par mi byed/ kha ton du mi byed kyang nyan cing chos smra ba la dar gyis 'ching bar byed na de la 'jig rten gyi khams gzhan dag na bzhugs pa'i sangs rgyas bcom ldan 'das gang gA'i klung gi bye ma snyed dag bzhugs te 'tsho zhing gzhes pa rnams kyis kyang legs so zhes bya ba sbyin par 'gyur zhing / sangs rgyas bcom ldan 'das de dag gis bla na med pa yang dag par rdzogs pa'i byang chub tu lung ston te/ byang chub sems dpa' de ni der yongs su btang bas ring por mi thogs par rgyal tshab tu dbang bskur zhing / bla na med pa yang dag par rdzogs pa'i byang chub tu skye ba gcig gis thogs par 'gyur ro/ /de bzhin du gang la la chos smra ba la spos kyis mchod pa byed na de yang ring po mi thogs par bla na med pa yang dag par rdzogs pa'i byang chub kyi spos 'thob/ chos smra ba la me tog gis mchod pa byed na bla na med pa ye shes kyi me tog dag 'thob bo/ /chos smra ba la 'bras chen dang / bza'</font><hr>45.152a<br><font size=+1>

ba dang / btung ba dag byin na de bzhin gshegs pa'i zas bla na med pa 'thob par 'gyur ro/ /byang chub sems dpa' chos smra ba la gos kyis bkab na de bzhin gshegs pa'i sku mdog bla na med pa 'thob bo/ /gang zhig chos smra ba la rin po che dag gis 'gengs par byed na de yang ring po mi thogs par byang chub kyi phyogs sum bcu rtsa bdun gyi chos rin po che rnams 'thob ste/ rigs kyi bu byang chub sems dpa' sems dpa' chen po rnams kyi thams cad mkhyen pa nyid kyi rnam pa'i gzungs kyi sgo la 'jug pa de ni de ltar don che ba yin no/ /de ci'i phyir zhe na/ 'di ltar byang chub sems dpa'i sde snod thams cad der bstan pas na thams cad mkhyen pa nyid kyi rnam pa'i gzungs kyi sgo la 'jug pa 'dis byang chub sems dpa' sems dpa' chen po thogs pa med pa'i spobs pa 'thob cing yid du 'ong ba'i chos bzhi yang 'thob par byed pa'i phyir ro/ /rigs kyi bu gang gi tshe da bzhin gshegs pa dgra bcom pa yang dag par rdzogs pa'i sangs rgyas zla ba dam pas byang chub sems dpa' sems dpa' chen po nam mkha'i phyag rgya la thams cad mkhyen pa nyid kyi rnam pa'i gzungs kyi sgo la 'jug pa de dag gtams pa de nyid kyi tshe yang de bzhin du sa g.yos par gyur cing / 'jig rten du snang ba chen po yang byung bar gyur te phyogs bcu'i sangs rgyas kyi zhing bgrang ba las yang dag par 'das pa dag kyang snang ba rgya chen pos khyab par gyur to/ /de bzhin du sa phyogs mi mnyam pa dag kyang lag mthil ltar mnyam par snang ngo / /der byang chub sems dpa' sems dpa' chen po gang dag 'dus pa de dag gis kyang phyogs bcu'i sangs rgyas kyi zhing bgrang ba las yang dag par 'das pa dag gi sangs rgyas bcom ldan 'das rnams mthong bar gyur to/ /de bzhin du phyogs bcu'i sangs rgyas kyi zhing bgrang ba las yang dag par 'das pa dag nas byang chub sems dpa' bgrang ba las yang dag par 'das pa dag kyang de bzhin gshegs pa dgra bcom pa yang dag par rdzogs pa'i sangs rgyas zla ba dam pa la phyag bya ba dang / bsnyen bkur</font><hr>45.152b<br><font size=+1>

bya ba dang / thams cad mkhyen pa nyid kyi rnam pa'i gzungs kyi sgo la 'jug pa 'di nyid kyang mnyan pa'i phyir 'jig rten gyi khams tsan dan du lhags so/ /rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas zla ba dam pas byang chub sems dpa' sems dpa' chen po rnams la bka' stsal pa/ rigs kyi bu dag ngas mngon par shes te/ gang dag skye ba gcig gis thogs pa'i byang chub sems dpa' 'di dag ni 'gog pa la mnyam par bzhag pa'i sems kyis bar gyi bskal pa bcu po 'di dag 'da' bar byed do/ /byang chub sems dpa' sems dpa' chen po lhag ma rnams kyis ni bar gyi bskal pa bcu po 'di dag la/ byang chub sems dpa' sems dpa' chen po nam mkha'i phyag rgya 'di las thams cad mkhyen pa nyid kyi rnam pa'i gzungs kyi sgo la 'jug pa zhes bya ba byang chub sems dpa'i sde snod kyi chos 'di nyid thos par gyur cing bar gyi bskal pa bcu po 'di dag la chos rnams thos nas kyang phyogs bcu'i sangs rgyas kyi zhing bgrang ba las yang dag par 'das pa de dag na/ sangs rgyas bcom ldan 'das bgrang ba las yang dag par 'das pa dag bzhugs te 'tsho zhing gzhes la/ de dag sems mngon par rab tu dang bar byas te sems rab tu dang ba'i rgyu des dge ba'i rtsa ba bskyed par gyur nas/ byang chub sems dpa'i rnam par 'phrul pa rnam pa sna tshogs dag gis de bzhin gshegs pa dgra bcom pa yang dag par rdzogs pa'i sangs rgyas zla ba dam pa la mchod pa byas nas/ bcom ldan 'das la 'di skad du btsun pa bcom ldan 'das bar gyi bskal pa bcu po 'di dag 'das nas byang chub sems dpa' sems dpa' chen po nam mkha'i phyag rgya chos dang ldan pa'i chos kyi 'khor lo bla na med pa skor bar 'gyur lags sam zhes gsol pa dang / bka' stsal pa/ rigs kyi bu dag de de bzhin no/ /de de bzhin te/ bar gyi bskal pa bcu po 'di dag 'das nas byang chub sems dpa' sems dpa' chen po nam mkha'i phyag rgya bla na med pa yang dag par rdzogs pa'i byang chub mngon par rdzogs par</font><hr>45.153a<br><font size=+1>

'tshang rgya bar 'gyur te/ de gang gi nub mo bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de nyid kyi nub mo 'das nas chos dang ldan pa'i chos kyi 'khor lo skor bar 'gyur zhing / der byang chub sems dpa' rnams la bar gyi bskal pa bcur thams cad mkhyen pa nyid kyi rnam pa'i gzungs kyi sgo la 'jug pa 'di nyid ston par 'gyur ro/ /de na byang chub sems dpa' sems dpa' chen po gang dag de la chos nyan par 'gyur ba de dag ni chos de thos pas dge ba'i rtsa ba dag bskyed nas/ gang gi tshe byang chub sems dpa' nam mkha'i phyag rgya bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / des byang chub du mngon par rdzogs par sangs rgyas nas chos dang ldan pa'i chos kyi 'khor lo/ rab mchog gi 'khor la phyir mi ldog pa'i 'khor lo bskor te/ byang chub sems dpa' bye ba khrag khrig 'bum phrag mang po rnams phyir mi ldog pa la bkod cing / der bar gyi bskal pa bcur thams cad mkhyen pa nyid kyi rnam pa'i gzungs kyi sgo la 'jug pa'i chos 'di ston pa na byang chub sems dpa' de dag de las nyan par 'gyur te/ de'i tshe de dag gis chos thos nas skye ba gcig gis thogs par 'gyur ro/ /gang dag bskal par nyan par 'gyur ba'i byang chub sems dpa' de dag ni de'i tshe na sa las yang dag par 'da' bar 'gyur zhing bla na med pa yang dag par rdzogs pa'i byang chub las phyir mi ldog par 'gyur te de nyid kyi tshe na gzungs 'di yang mthar thug pa thob par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas zla ba dam pas byang chub sems dpa' sems dpa' chen po rnams la de skad ces bka' stsal te/ sangs rgyas kyi yul gyi cho 'phrul sna tshogs dag yang dag par bstan nas byang chub sems dpa' sems dpa' chen po nam mkha'i phyag rgya la ting nge 'dzin sred med kyi bu zhes bya ba bstan te/ lus rdo rje lta bur byin gyis rlob par mdzad pa dang / ting nge 'dzin 'od bkod pa zhes bya ba nges par ston cing / der bar gyi bskal pa bcur byang</font><hr>45.153b<br><font size=+1>

chub sems dpa' rnams la thams cad mkhyen pa nyid kyi rnam pa'i gzungs kyi sgo la 'jug pa'i chos bstan pa 'dis chos kyi 'khor lo bskor te/ sangs rgyas kyi zhing thams cad du sangs rgyas kyi sku mtshan dang dpe byad bzang pos brgyan pa dag gsal zhing snang bar byed pa dang / ting nge 'dzin rdo rje dkyil 'khor zhes bya ba nges par ston cing / des byang chub kyi gdan la chos kyi 'khor lo shin tu bskor te byang chub sems dpa' rnams la chos ston par byed pa dang / ting nge 'dzin 'khor lo'i phreng ba zhes bya ba nges par ston cing / de chos kyi 'khor lo bskor ba na srog chags bye ba khrag khrig 'bum phrag mang po rnams kyang chos kyi 'khor lo bskor bar 'gyur ba'i phyir phyir mi ldog pa nyid la 'god par rig nas byang chub sems dpa' sems dpa' chen po nam mkha'i phyag rgya dang / byang chub sems dpa'i dge 'dun dpag tu med pa dag gis bcom ldan 'das la mchod pa byas nas/ rang rang gi khang pa brtsegs pa dag tu zhugs te 'dug go/ /de bzhin gshegs pa dgra bcom pa yang dag par rdzogs pa'i sangs rgyas zla ba dam pa yang de nyid kyi nub mo phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /byang chub sems dpa' de dag kyang de nyid kyi mtshan mo 'das nas/ bcom ldan 'das de'i sku gdung la mchod pa byas te rang rang gi khang pa brtsegs pa dag tu zhugs par gyur to/ /byang chub sems dpa' gzhan dag ni rang rang gis sangs rgyas kyi zhing du dong ngo / /de na gang dag skye ba gcig gis thogs pa'i byang chub sems dpa' de dag ni 'gog pa la snyoms par zhugs pa nyid kyi bar gyi bskal pa bcu po de dag 'da' bar byed do/ /byang chub sems dpa' sems dpa' chen po nam mkha'i phyag rgya ni byang chub sems dpa' sems dpa' chen po rnams las brtsams te chos ston par byed cing / byang chub sems dpa' sems dpa' chen po de dag gis kyang bar gyi bskal pa</font><hr>45.154a<br><font size=+1>

bcur dge ba'i rtsa ba dag bskyed par 'gyur te/ mdang bla na med pa yang dag par rdzogs pa'i byang chub mngon par rdzogs par sangs rgyas nas/ des da nang chos kyi 'khor lo bskor te cho 'phrul chen po bstan nas/ srog chags bye ba khrag khrig 'bum phrag du ma dag bla na med pa yang dag par rdzogs pa'i byang chub la rab tu bkod do/ /thams cad mkhyen pa nyid kyi rnam pa'i gzungs kyi sgo la 'jug pa 'di bshad pa na byang chub sems dpa' khrag khrig sa ya phrag brgyad kyis mi skye ba'i chos la bzod pa thob par gyur to/ /srog chags dung phyur phrag dgu dang bye ba phrag gnyis ni bla na med pa yang dag par rdzogs pa'i byang chub las phyir mi ldog pa la bkod do/ /byang chub sems dpa' khrag khrig phrag bdun bcu rtsa gnyis kyis ni thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di thob bo/ /lha dang mi bgrang ba las yang dag par 'das pa rnams kyis ni bla na med pa yang dag par rdzogs pa'i byang chub tu sems bskyed do/ /de nas bcom ldan 'das la byang chub sems dpa' sems dpa' chen po rin po che rnam par snang byed kyis 'di skad ces gsol to/ /btsun pa bcom ldan 'das byang chub sems dpa' sems dpa' chen po chos du dang ldan na gzungs 'di 'thob lags/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po chos bzhi dang ldan na gzungs 'di 'thob ste/ bzhi gang zhe na/ 'di la byang chub sems dpa' sems dpa' chen po 'phags pa'i rigs bzhi la legs par gnas pa yin te/ bzhi gang zhe na/ 'di la byang chub sems dpa' sems dpa' chen po gos ngan ngon tsam gyis dga' zhing chog shes la/ gos ngan ngon tsam gyis chog shes pa'i bsngags pa yang rjod par byed cing / de gos kyi phyir tshul dang mi 'thun par mi byed la/ gos ma rnyed na yang yongs su gdung ba med cing / gos rnyed na yang chags pa med pa dang / zhen pa med pa dang / mkhren pa med</font><hr>45.154b<br><font size=+1>

med pa dang / mdud pa bor ba med pa dang / brgyal ba med pa dang / lhag par chags pa med pa dang / lhag par chags par gyur pa med par yongs su spyod par byed cing / nyes dmigs su lta la nges par 'byung bar rab tu shes shing yongs su spyod par byed pa ste/ de ni byang chub sems dpa' sems dpa' chen po 'phags pa'i rigs la legs par gnas pa dang po yin no/ /gos la ji lta ba bzhin du bsod snyoms dang / mal cha dang stan la yang de bzhin no/ /gzhan yang byang chub sems dpa' sems dpa' chen po na ba'i gsos sman dang yo byed ngan ngon tsam gyis dga' zhing chog shes la/ na ba'i gsos sman dang yo byad ngan ngon tsam gyis chog shes pa'i bsngags pa yang rjod par byed cing de na ba'i gsos sman dang / yo byad kyi phyir tshul dang mi mthun pa tshol bar mi byed la/ de na ba'i gsos sman dang yo byad ma rnyed na yang yongs su gdung ba med cing rnyed na yang chags pa med pa dang / zhen pa med pa dang / mkhren pa med pa dang / mdud pa bor ba med pa dang / brgyal ba med pa dang / lhag par chags pa med pa dang / lhag par chags par gyur pa med par yongs su spyod par byed cing / nyes dmigs su lta ba la nges par 'byung ba rab tu shes shing yongs su spyod par byed pa ste/ 'phags pa'i rigs bzhi po de dag la legs par gnas shing / chos bzhi po de dag dang ldan pa'i byang chub sems dpa' sems dpa' chen po ni gzungs 'di thob cing sgom par byed pa yin no/ /gzhan yang byang chub sems dpa' sems dpa' chen po chos lnga dang ldan na thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di 'thob ste/ lnga gang zhe na/ 'di la byang chub sems dpa' sems dpa' chen po dag kyang tshul khrims dang ldan par gnas pa dang / so sor thar pa'i sdom pas bsdams pa dang / cho ga dang spyod yul phun sum tshogs pa dang / kha na ma tho ba phra rab tsam dag la yang 'jigs par lta ba dang / bslab pa'i gzhi rnams yang dag par blangs shing slob par byed la/ gzhan tshul khrims dang</font><hr>45.155a<br><font size=+1>

bral ba dag mthong na yang tshul khrims phun sum tshogs pa yang dag par 'dzin du 'jug la 'dul zhing 'dzud la rab tu 'god pa byed pa ste/ byang chub sems dpa' sems dpa' chen po chos dang po de dang ldan pa dang / gzhan yang byang chub sems dpa' sems dpa' chen pos sems can lta ba la zhen par gyur pa rnams log par lta ba las rnam par bslang zhing / yang dag pa'i lta ba yang dag par 'dzin du 'jug la 'dul zhing 'dzud la rab tu 'god par byed pa ste/ byang chub sems dpa' sems dpa' chen po chos gnyis pa de dang ldan pa dang / gzhan yang byang chub sems dpa' sems dpa' chen pos sems can cho ga ma yin pa la zhen par gyur pa rnams yang dag pa'i cho ga yang dag par 'dzin du 'jug la/ 'dul zhing 'dzud la rab tu 'god par byed pa ste byang chub sems dpa' sems dpa' chen po chos gsum pa de dang ldan pa dang / gzhan yang byang chub sems dpa' sems dpa' chen pos sems can bsam pa nyams par gyur pa rnams bsam pa phun sum tshogs pa yang dag par 'dzin du 'jug la/ 'dul zhing 'dzud la rab tu 'god par byed pa ste/ byang chub sems dpa' sems dpa' chen po chos bzhi po de dang ldan pa dang / gzhan yang byang chub sems dpa' sems dpa' chen pos sems can nyan thos dang / rang sangs rgyas kyi theg pa la yang dag par zhugs pa rnams bla na med pa yang dag par rdzogs pa'i byang chub yang dag par 'dzin du 'jug la 'dul zhing 'dzud la rab tu 'god par byed pa ste/ byang chub sems dpa' sems dpa' chen po chos lnga po de dag dang ldan pa ste/ chos lnga po de dag dang ldan pa'i byang chub sems dpa' sems dpa' chen pos ni gzungs 'di 'thob bo/ /gzhan yang byang chub sems dpa' sems dpa' chen po chos drug dang ldan na gzungs 'di 'thob ste/ drug gang zhe na/ 'di la byang chub sems dpa' sems dpa' chen po bdag nyid kyang thos pa mang ba dang / thos pa 'dzin pa dang / thos pa bsags pa yin pas des chos tshangs par spyod</font><hr>45.155b<br><font size=+1>

pa thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba gang yin pa de mngon par brjod pas mngon par rjod cing / de de lta bu'i chos mang po dag thos nas bzung ste/ kha don yongs su byang ba dang / yid kyis brtags pa dang / mthong bas shin tu rtogs par byas shing / de de ltar mang du thos par gyur pa na thos pa nyung ba'i sems can gzhan dag mang du thos pa yang dag par 'dzin tu 'jug la 'dul zhing 'dzud la rab tu 'god par byed pa ste/ chos dang po de dang ldan pa dang / gzhan yang byang chub sems dpa' phrag dog dang / ser sna med cing phrag dog dang / ser snas zil gyis non pa'i sems can gzhan dag kyang phrag dog med pa dang / gtong ba phun sum tshogs pa yang dag par 'dzin tu 'jug la rab tu 'god par byed pa'i bar du ste/ byang chub sems dpa' sems dpa' chen po chos gnyis pa de dang ldan pa dang / gzhan yang byang chub sems dpa' sems dpa' chen po sems can rnams la 'tshe bar mi byed cing mi 'jigs pa rab tu sbyin par byed la gnod pa sna tshogs gnod par gyur pa'i sems can rnams gnod pa dag las yongs su thar bar byed pa'i rang bzhin can yin pa dang / tshul 'chos pa med cing kha bsags med pa dang / sgyu med cing g.yo med pa dang / stong pa nyid kyis lan mang du gnas par byed pa ste/ chos drug po de dag dang ldan pa'i byang chub sems dpa' sems dpa' chen po ni thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di 'thob bo/ /byang chub sems dpa' sems dpa' chen po chos de lta bu dag dang ldan pas lo bdun du 'gro lding ba'i gsang sngags gzhi 'di dag thams cad la nyin gcig cing lan gsum gsum yan lag lngas mdo dang rgyas par phyag byas shing lus su gtogs pa'i dran pa nye bar gzhags pa ste/ stong pa nyid las gnas pas 'gro lding ba'i gsang sngags</font><hr>45.156a<br><font size=+1>

kyi gzhi 'di brjod par bgyi'o/ /langs nas kyang phyogs bcu kun nas bzhugs te 'tsho zhing gzhes pa'i sangs rgyas bcom ldan 'das rnams dran par byed pa dang / rtag tu sangs rgyas rjes su dran pa bsgom pa'i byang chub sems dpa' sems dpa' chen po ni lo bdun 'das nas thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di 'thob bo/ /gzungs 'di 'thob pa'i byang chub sems dpa' sems dpa' chen po shes rab kyi mig gang gis phyogs bcu'i sangs rgyas kyi zhing gang gA'i klung gi bye ma snyed dag na sangs rgyas bcom ldan 'das gang dag bzhugs te 'tsho zhing gzhes la cho 'phrul chen po rnam par ston par mdzad pa thams cad kyang mthong bar 'gyur ba de lta bu'i 'phags pa'i shes rab kyi mig kyang 'thob cing / sangs rgyas bcom ldan 'das de dag gi 'dzum pa rnam par bstan pa dag kyang mthong nas/ gzungs kyi sgo brgyad khri bzhi stong yang 'thob bo/ /ting nge 'dzin gyi sgo bdun khri nyis stong yang 'thob bo/ /chos kyi sgo drug khri yang 'thob ste/ thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di la gnas pa'i byang chub sems dpa' sems dpa' chen po ni byams pa chen po yang 'thob bo/ /snying rje chen po yang 'thob bo/ /byang chub sems dpa' gang gis gzungs 'di 'thob par gyur pa des gal te mtshams med pa lnga'i las shig spyad par gyur na yang de'i tshe phyi ma la yongs su zad par gyur te/ tshe gsum gyis las de dag ma lus par zad par 'gyur zhing sa bcu pa yang gnon par byed do/ /byang chub sems dpa' des mtshams med pa'i las dag ma byas na 'ang de'i las gzhan thams cad yongs su zad par 'gyur zhing / tshe rjes nas kyang sa bcu pa gnon par byed de ring po mi thogs par byang chub kyi phyogs kyi chos sum bcu rtsa bdun po 'di dag kyang 'thob la thams cad mkhyen pa nyid kyi ye shes kyang 'thob par 'gyur ro/ /rig kyi bu de</font><hr>45.156b<br><font size=+1>

ltar na thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di ni byang chub sems dpa' sems dpa' chen po rnams kyi gces pras byed pa yin te/ byang chub sems dpa' sems dpa' chen pos rtag tu rgyun mi 'chad par sangs rgyas bcom ldan 'das rnams kyi 'dzum pa rnam par bstan pa'i cho 'phrul mthong na/ gang gis 'jig rten gyi khams gang gA'i klung gi bye ma snyed dag tu sangs rgyas bcom ldan 'das gang gA'i klung gi bye ma snyed dag la mchod pa byas la/ sangs rgyas bcom ldan 'das de dag gi chos nyan cing / ting nge 'dzin dang / gzungs dang / bzod pa thob nas sangs rgyas kyi zhing 'di nyid du phyir 'ong bar 'gyur ba de lta bu'i rdzu 'phrul gyi yul dang yang ldan par 'gyur ro/ /rigs kyi bu byang chub sems dpa' sems dpa' chen po rnams kyi thams cad mkhyen pa nyid kyi rnam pa'i gzungs kyi sgo la 'jug pa 'di ni las yongs su zad par byed pa dang / dge ba mngon par 'phel bar byed pas na don che ba yin no/ /rigs kyi bu gang dag gis thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di dang / bcom ldan 'das de bzhin gshegs pa zla ba dam pa de'i mtshan thos pa de dag ni las kyi sgrib pa thams cad yongs su zad par 'gyur zhing bla na med pa yang dag par rdzogs pa'i byang chub tu yang nges par 'gyur ro/ /de nas byang chub sems dpa' kha cig gis 'di skad ces gsol to/ /btsun pa bcom ldan 'das bdag cag gis ni 'das pa'i sangs rgyas bcom ldan 'das bzhugs te 'tsho zhing gzhes pa gang gA'i klung gi bye ma snyed dag las gzungs 'di thos shing thob lags so/ /kha cig gis ni 'di skad ces bdag cag gis ni gang gA'i klung gnyis kyi bye ma snyed las so zhes gsol to/ /kha cig gis ni gsum snyed las so zhes/ kha cig gis ni bzhi snyed las so zhes/ kha cig gis ni lnga snyed las so zhes/   kha cig gis ni brgyad snyed las so zhes gsol to/ /kha cig gis ni 'di skad du bdag cag gis ni 'das pa'i yang dag par rdzogs</font><hr>45.157a<br><font size=+1>

pa'i sangs rgyas bzhugs te 'tsho zhing gzhes pa gang gA'i klung dgu'i bye ma snyed dag las thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di thos shing rnam pa thams cad du thob lags so zhes gsol to/ /byang chub sems dpa' sems dpa' chen po byams pas gsol pa/ bdag gis ni bskal pa gang gA'i klung gi bye ma snyed 'das pa na bskal pa chen po kun nas sgrol ba zhes bgyi ba zhig byung ste/ de na sangs rgyas kyi zhing rgyan thams cad kyis brgyan pa zhes bgyi bar gyur pa der sangs rgyas sa la'i dbang po'i rgyal po zhes bgyi ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul zhing kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das dge slong bye ba khrag khrig 'bum phrag mtha' yas pa'i dge 'dun gyis yongs su bskor cing / de bzhin du byang chub sems dpa' bgrang ba las yang dag par 'das pa zhig gis yongs su bskor ba zhig byung bas thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di nyid bshad par gyur pa na/ de las gzungs 'di thos nas bdag gis bsgom pa yongs su rdzogs par bgyis shing rtogs par bgyis lags so/ /de bzhin du bskal pa tshad ma mchis pa'i yang ches tshad ma mchis pa/ grangs ma mchis pa'i yang ches grangs ma mchis pa dag la 'das pa'i yang dag par rdzogs pa'i sangs rgyas bzhugs te 'tsho zhing gzhes pa'i sangs rgyas bcom ldan 'das de dag la byang chub sems dpa'i rnam par 'phrul pa grangs ma mchis pa dag gis mchod par bgyis nas/ sangs rgyas re re las kyang dge ba'i rtsa ba tshad ma mchis pa dang / grangs ma mchis pa dang / gzhal du ma mchis pa dang / dpag tu ma mchis pa dag bsrungs shing bsod nams kyi phung po yongs su bzung ste/ dge ba'i rtsa ba des bdag sangs rgyas stong phrag mang po dag gis lung bstan kyang / bdag ni smon lam gyi khyad</font><hr>45.157b<br><font size=+1>

par gyis dus la lta zhing 'di ltar yun ring por 'khor ba na 'khor bar gyur te/ de'i slad du bdag 'khor ba na 'khor zhing / sngar bla na med pa yang dag par rdzogs pa'i byang chub mngon par rdzogs pa'i sangs ma rgyas lags te/ da ni bcom ldan 'das kyis bla na med pa yang dag par rdzogs pa'i byang chub kyi rgyal tshab du dbang bskur nas/ bdag gi shes rab kyi mgo la rnam par grol ba'i cod pan bcings lags so/ /de nas bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /byams pa de de bzhin te/ khyod kyis ni de bzhin gshegs pa dgra bcom pa yang dag par rdzogs pa'i sangs rgyas sa la'i dbang po'i rgyal po las thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di thob par gyur to/ /byams pa khyod ni re ba ji lta ba bzhin yongs su rdzogs pa yin pas byams pa khyod ni 'dod na bskal pa bcu'i bar gyis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / byams pa khyod kyis ni myur ba nyid du bla na med pa'i ye shes kyi phung po'i lhag ma med pa'i mya ngan 'das pa'i dbyings su 'jug par yang nus mod kyi byams pa khyod 'di srid du 'khor ba la mngon par dga' bar gyur pa de dag thams cad ni smon lam gyi dbang gis dus la lta ba yin no/ /byams pa de'i phyir khyod kyis da ltar nga las rgyal tshab yongs su blangs pa yin te/ khyod kyis ni 'das pa'i de bzhin gshegs pa rnams las kyang rgyal tshab yongs su blangs so/ /de nas bcom ldan 'das kyis thams cad dang ldan pa'i 'khor la gzigs te/ byang chub sems dpa'i 'khor dang / dge slong dang / dge slong ma dang / dge bsnyen dang / dge bsnyen ma'i 'khor dang / lha dang / klu dang / gnod sbyin dang / srin po dang / dri za dang / mi dang / mi ma yin pa rnams la rnam par gzigs nas/ de'i tshe gsang sngags kyi gzhi 'di dag bka' stsal to/ /dAn ta b+hU miH</font><hr>45.158a<br><font size=+1>

da ma tha b+hU miH smr-i ti b+hU miH pra dz+nyA b+hU miH bai sha rad t+ya b+hU miH pra ti sam bid b+hU miH a nu k+She pa b+hU miH sa ma ta pa ri k+She pa a pe k+She pa b+hU miH dza te k+She ya b+hu miH ma mu~M dza/ min dza/ bin mu~M dza/ ma lan mu dza/ bi sha kra/ da sha ba te/ be sha taH te ra Na/ bai sha lA kra/ sha mu sha ba ta/ bi ma ti/ bi ma ti/ yo ba ra hi ta/ ra ga ma ta/ ba shi sang kra ma/ a ti tso ra ba te/ ma khe mu dra/ da ha ra ba te/ pra dz+nyA a ga tA bud d+he/ da ha kra ma ti/ sa do Sha ban d+ha/ ba la ya ti la yaH a hu ka Ta/ a mun d+ha man/ arta ba ti/ mu ru ba ti/ ti hI nad be d+ha/ a ga na b+hi/ ba ka na te/ sa ma ke /bi sa b+ha Te/ i Te/ i Ta ba le/ ad Ta/ tad tra/ ku ru Sha Na/ la ba Sha Na/ la ta tha/ ru tha/ sarba na taH sarba ta baH a ni rud d+ha/ a da sha ri hi pha la/ ba hu pha la/ sa twa pha la/ shaSh+Ti ba te/ bcom ldan 'das kyis lha rnams la yang rten cing 'brel par 'byung ba dang ldan pa mos pa'i tshig rnams bshad de/ de dag bshad pa na lha khrag khrig phrag drug cus bden pa mthong bar gyur to/ /tad pha lan/ a gra pha lan/ la la hu/ a la hu/ a la ha/ ni lang ha re/ ba na ta khya/ i dan pha lan/ na ya ma pha lan/ na mu da ya/ b+hi b+hu kha/ pra dz+nyA tsakra su nir pri ti tsakra/ dz+nyA na tsakra/ mos pa'i tshig de dag gis lha dung phyur gyis bla na med pa yang dag par rdzogs pa'i byang chub du sems bskyed nas de nyid du phyir mi ldog par gyur to/ /pa sh+ye/ so ma to/ a nu ma to/ a ku ma ti/ tshe da ba kai/ man tra s+tha/ da sha ba la/ bi bra ba s+tha/ i sha s+thi ta/ a ti ma ti/ tik+Sh+Na ma ti/ A lo ke /ste ri tuSh+Na/ mos pa'i tshig de dag gis klu drug khri bzhi stong gis bla na med pa yang dag par rdzogs pa'i byang chub tu sems bskyed nas de nyid du phyir mi ldog par gyur to/ /a pra b+ha/ sa ma da na/ a had d+yo/ b+ha ga bad d+yo/ kA ru N+ya a k+Sha/ sid d+ha ma ti sa man tA k+Sho/ a la ba le/ </font><hr>45.158b<br><font size=+1>

si ta ka ro/ ma hA ba le/ o dzo ha ro/ d+ha ro ni/ ping ge la k+ShaH u d+ha k+ShaH ku gak+ShaH bi ro d+ho/ bi rU pa ma kha/ a k+Shi hasta/ shag ti ba lan/ a su ro bi nA~M/ a su ro bi nA~M/ a su ro pra mar di ti/ mos pa'i tshig de dag gis gnod sbyin dung phyur phrag gnyis dang bye ba phrag gnyis kyis bla na med pa yang dag par rdzogs pa'i byang chub tu sems bskyed nas de nyid du phyir mi ldog par gyur to/ /a tsi pa li le/ ti ni da tshe/ san di da tshe/ ga ti ne na/ ka me ma/ na ma ste/ u bai ra be/ mu da me/ ma da me/ sa ni ha/ shU re/ d+ha ra ni/ san tra/ sa de ba/ sa nA ga /sa yak+Sha/ a su ra/ de ba/ nA ga / ni rug ti la b+hi/ smrati/ pra dz+nyA pa ri ba ra ma ti/ pra ti la b+hi/ d+h+ri ti la b+hi/ pUrba ke Shu/ tsi r-i ta ba na d+ha/ shU ra ban d+ha/ tsa ra bir+ya ban d+ha/ bi ta ba ti/ b+ha sa ge/ mArga mu mre/ da sha pa ka ri Sha Ni/ k+Sha ma ra hu/ o ha ro No/ de ba rA dza tu/ su ra mu dra/ yak+Sha sa mu dra/ rak+Sha sa mu dra/ be di be di me ta ba me/ tad tab pe/ uSh+Na na me/ pra khad t+ye/ nan pe/ d+hA ri Ni ya/ a bi Sha/ di sha sho d+ha ni/ ba kya shud d+he/ dzi hA shud d+he/ bA tsi ba ri karma/ pra dz+nyA/ bud d+hi/ smr-i ti/ ma ti/ ga ti/ d+h+ri ti/ ga Na na/ pra ti sa ra Na bud d+hi/ dza ya tsakre/ shU n+ya ta tsakre bya ya/ mos pa'i tshig de dag gis lha ma yin lnga khri drug stong gis/ bla na med pa yang dag par rdzogs pa'i byang chub tu sems bskyed nas/ phyir mi ldog pa la gnas par gyur to/ /de nas bcom ldan 'das kyis byang chub sems dpa' 'jigs med yang dag gzhol zhes bya ba la bka' stsal pa/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du</font><hr>45.159a<br><font size=+1>

'byung ba ni rnyed par dka'o/ /tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas yongs su bsgoms pa'i gsang sngags kyi gzhi 'di dag kyang nga rnyed par dka'o/ /rigs kyi bu de bzhin gshegs pas sems can rnams la phan pa dang / byang chub sems dpa'i yon tan bsgrub pa'i phyir/ sngon byang chub sems dpa'i spyad pa spyod pa na/ sbyin pa dang / dul ba dang / yang dag par sdom pa dang / bzod pa dang / brtson 'grus dang / ting nge 'dzin dang / shes rab kyis yongs su bzung ba'i sangs rgyas bye ba khrag khrig 'bum phrag mang po rnams la bsnyen bkur byas te/ la la la ni sbyin pa byin/ la la las ni tshul khrims bsrungs/ la la las ni tshangs par spyod pa spyad/ la la las ni sgom pa bsten/ la la las ni brtson 'grus brtsams/ la la las ni bzod pa bsgoms/ la la las ni ting nge 'dzin bsgrubs/ la la las ni shes rab sten cing / dge ba'i las rnam pa tha dad pa sna tshogs dpag tu med pa mang du byas pas/ de'i phyir ngas da ltar bla na med pa'i ye shes brnyes so/ /rigs kyi bu de bzhin gshegs pa la sngon byang chub sems dpa'i spyad pa spyod pa na/ bskal pa bye ba khrag khrig 'bum phrag du mar brdzun dang / phra ma dang / ngag rtsub mo dang / tshig kyal pa spangs te/ ngag gi las dge ba rnam pa du ma bsten cing mang du byas pas/ de'i phyir da ltar ljags shin du ring ba brnyes te/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas la ni gzhan du gsung ba mi mnga'o/ /de nas bcom ldan 'das kyis 'khor der ji lta bu'i rdzu 'phrul 'du bya ba mngon par mdzad pas/ </font><hr>45.159b<br><font size=+1>

ting nge 'dzin bsod nams thams cad la yang dag par gzhol ba zhes bya ba la snyoms par zhugs nas zhal gyi sgo nas ljags kyi dbang po phyung ste/ rang gi zhal gyi dkyil 'khor rab tu yog par mdzad nas ljags kyi dbang po de las 'od zer bye ba phrag drug bcu rab tu phyung ste/ 'od zer de dag gis stong gsum gyi stong chen po'i 'jig rten gyi khams 'di snang ba chen pos khyab par gyur pa de lta bu'i rdzu 'phrul mngon par 'du bya ba mngon par mdzad do/ /'od zer de dag gis sems can dmyal ba dang / dud 'gro'i skye gnas dang / gshin rje'i 'jig rten dang / lha dang / mi rnams la khyab par gyur te/ 'od zer de dag gis sems can dmyal ba'i sems can me rab tu 'bar bas lus sreg pa gang yin pa de dag rlung bsil ba dag langs nas de dag la reg pa dang / de dag yud tsam zhig bde ba'i tshor ba skyes par gyur to/ /sems can dmyal ba'i sems can re re'i mdun na yang sangs rgyas kyis sprul pa skyes bu chen po'i mtshan sum bcu rtsa gnyis kyis sku legs par brgyan cing / dpe byad bzang po brgyad bcus gzugs rnam par mdzes par gyur pa dag bzhugs te/ sems can dmyal ba pa'i sems can de dag gis de mthong nas/ bde ba dang ldan zhing sangs rgyas mthong ba'i bde bas lus rab tu tshim ste/ sangs rgyas mthong nas 'di snyam du sems can 'di'i mthus bdag cag gis bde ba'i tshor ba thob bo snyam du sems te/ de dag bcom ldan 'das la dga' zhing dang la gus pa skyes pa dang / bcom ldan 'das kyis de dag la bka' stsal pa/ kye sems can dag sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo zhes tshig de skad brjod cig dang</font><hr>45.160a<br><font size=+1>

rtag tu de lta bu'i bde ba dang ldan par 'gyur ro/ /de nas sems can dmyal ba pa de dag gis thal mo sbyar nas sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo zhes tshig de skad brjod do/ /de nas sems can dmyal ba pa'i sems can de dag dge ba'i rtsa ba de dang / sems dang ba des de nas shi 'phos nas/ kha cig ni lha rnams kyi nang du skyes so/ /kha cig ni mi rnams kyi nang du skyes so/ /gang dag grang ba'i sems can dmyal ba rnams su skyes pa'i sems can de dag la ni rlung dron po dag langs nas snga ma bzhin du mi rnams kyi bar du skyes so/ /de bzhin du yi dgas bkres pa dang skom pas lus rab tu 'bar bar gyur pa de dag kyang 'od zer de dag gis bkres pa dang skom pa'i me zhi bar byed cing bde ba'i tshor ba bskyed de/ yi dgas re re'i mdun na yang sangs rgyas kyi sprul pa'i gzugs skyes bu chen po'i mtshan sum bcu rtsa gnyis kyis sku legs par brgyan cing dpe byad bzang po brgyad bcus rnam par mdzes pa dag bzhugs par gyur te/ yi dgas de dag gis de mthong nas sangs rgyas mthong ba'i bde bas lus tshim par gyur nas 'di snyam du sems can 'di'i mthus bdag cag gis bde ba'i tshor ba thob bo snyam du sems te/ de dag bcom ldan 'das la dga' zhing dang la gus pa skyes pa dang / bcom ldan 'das kyis de dag la bka' stsal pa/ sems can dag tshur shog khyed cag sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo zhes tshig de skad brjod cig dang zhes bya ba nas/ dge ba'i rtsa ba des de nas shi 'phos nas kha cig ni lha rnams kyi nang du skyes so/ /kha cig ni mi rnams kyi nang du skyes pa'i bar du gyur to/ /dud 'gro rnams la yang de bzhin du bskul/ mi rnams la yang de bzhin du bskul nas/ lha dang mi bgrang ba las yang dag par 'das pa dag chos mnyan pa'i phyir bcom ldan 'das kyi drung du lhags nas bcom ldan 'das kyi zhabs la mgo bos phyag 'tshal</font><hr>45.160b<br><font size=+1>

te 'khod do/ /de'i tshe na lha dang / mi'i tshogs dgrang ba las yang dag par 'das pa dag gis bla na med pa yang dag par rdzogs pa'i byang chub du sems bskyed par gyur to/ /byang chub sems dpa' bgrang ba las yang dag par 'das pa dag gis ni der ting nge 'dzin dang / bzod pa dang / gzungs thob par gyur to/ /theg pa chen po'i mdo snying rje pad ma dkar po las gzungs kyi sgo'i le'u ste gnyis pa'o// // de nas bcom ldan 'das kyis rang gis rdzu 'phrul mngon par mdzad pa slar bsdus pa dang / bcom ldan 'das la/ byang chub sems dpa' sems dpa' chen po blo gros zhi bas 'di skad ces gsol to/ /bcom ldan 'das rgyu gang dang rkyen gang gis sangs rgyas bcom ldan 'das gzhan dag gi sangs rgyas kyi zhing ni yongs su dag cing rnyog pa ma mchis la/ snyigs ma lnga dang bral zhing sangs rgyas kyi zhing gi yon tan bkod pa sna tshogs dag mchis la/ de na byang chub sems dpa' sems dpa' chen po thams cad kyang yon tan rnam pa sna tshogs yongs su rdzogs shing bde ba sna tshogs dang ldan la/ de na nyan thos dang / rang sangs rgyas rnams kyi ming yang ma mchis na/ skye ba lta smos kyang ci 'tshal bar gyur lags/ bcom ldan 'das rgyu gang dang rkyen gang gis bcom ldan 'das ni sangs rgyas kyi zhing smad par 'khrugs shing / tshe'i snyigs ma dang / dus kyi snyigs ma dang / sems can gyi snyigs ma dang / lta ba'i snyigs ma dang nyon mongs pa'i snyigs ma byung bar gyur pa na bla na med pa yang dag par rdzogs pa'i byang chub mngon par rdzogs par sangs rgyas nas 'khor bzhi po dag la theg pa gsum las brtsams te chos bstan par mdzad lags/ ci'i slad du bcom ldan 'das kyis sangs rgyas kyi zhing snyigs ma lnga dang bral zhing yongs su dag pa yongs su ma bzung lags/ bcom ldan 'das kyis bka' stsal pa/ rigs kyi bu byang chub sems dpa' rnams ni smon lam gyi dbang gis sangs rgyas</font><hr>45.161a<br><font size=+1>

kyi zhing yongs su dag pa yongs su 'dzin par byed cing smon lam gyi dbang gis sangs rgyas kyi zhing yongs su ma dag pa yang yongs su 'dzin par byed do/ /rigs kyi bu byang chub sems dpa' sems dpa' chen po rnams ni snying rje chen po dang ldan pa'i phyir sangs rgyas kyi zhing yongs su ma dag pa yang yongs su 'dzin par byed pa'o/ /de ci'i phyir zhe na/ 'di ltar nga da ltar sangs rgyas kyi zhing smad pa 'di lta bur skyes pa yang ngas de ltar smon lam btab pa'i phyir te/ de legs par rab tu nyon la yid la zung shig dang / ngas khyod la bshad par bya'o/ /byang chub sems dpa' blo gros zhi bas bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /rigs kyi bu sngon byung ba bskal pa grangs med pa gang gA'i klung gcig gi bye ma snyed 'das pa na sangs rgyas kyi zhing 'dir bskal pa chen po 'dzin pa zhes bya ba zhig byung ste/ bskal pa chen po de la gling bzhi pa'i sangs rgyas kyi zhing 'dir gling bzhi 'khor los sgyur ba'i rgyal po rtsibs kyi mu khyud ces bya ba zhig byung ngo / /rtsibs kyi mu khyud de la mdun na 'don bram ze rgya mtsho'i rdul ces bya ba zhig yod do/ de'i bu skyes bu chen po'i mtshan sum bcu rtsa gnyis dang ldan zhing dpe byad bzang po brgyad bcus lus rnam par mdzes la bsod nams brgya'i mtshan dang ldan zhing 'od 'dom gang ba yod la/ shing n+ya gro d+ha ltar chu zheng gab cing lta bas chog mi shes pa zhig btsas so/ /de btsas ma thag tu lha 'bum gyis mchod pa byas nas/ rgya mtsho'i snying po zhes bya bar ming btags so/ /de dus gzhan zhig na nges par byung nas skra dang kha spu bregs te gos ngur smrig bgos nas/ bla na med pa yang dag par rdzogs pa'i byang chub tu mngon par rdzogs par sangs rgyas te/ de bzhin gshegs pa rin po che'i snying po zhes bya bar gyur nas bcom ldan 'das des chos kyi 'khor lo bskor te srog</font><hr>45.161b<br><font size=+1>

chags bye ba khrag khrig 'bum phrag mang po dag mtho ris dang thar pa'i 'bras bu la rab tu bkod par gyur to/ /de dus gzhan zhig na nyan thos bye ba khrag khrig 'bum phrag mang po dag gis yongs su bskor cing mdun du bdar nas grong dang / grong khyer dang / grong rdul dang / ljongs dang / yul 'khor dang / rgyal po'i pho brang 'khor rnams su rgyu zhing gshegs te/ rim gyis gang na 'khor los sgyur ba'i rgyal po de gnas pa'i grong khyer gzhan zhig tu gshegs so/ /de na de bzhin gshegs pa dgra bcom pa yang dag par rdzogs pa'i sangs rgyas rin po che'i snying po grong khyer gyi phyi rol nas ha cang yang mi ring ba na 'dzam bu'i tshal zhes bya ba'i bskyed mos tshal zhig yod pa na nyan thos bye ba khrag khrig 'bum phrag du ma dang thabs gcig tu bzhugs so/ /rgyal po rtsibs kyi mu khyud kyis de bzhin gshegs pa dgra bcom pa yang dag par rdzogs pa'i sangs rgyas rin po che'i snying po bdag gis yul du gshegs nas/ 'dzam bu'i tshal gyi bskyed mos tshal na nyan thos bye ba khrag khrig 'bum phrag du ma dang thabs gcig tu bzhugs so zhes thos nas 'di snyam du sems te/ bdag song la phyin nas kyang de bzhin gshegs pa de la sti stang du bya/ bla mar bya/ ri mor bya/ mchod par bya gor ma chag snyam mo/ /de nas rgyal po rtsibs kyi mu khyud rgyal po'i 'byor pa chen po dang / rgyal po'i mthu chen pos srog chags bye ba khrag khrig 'bum phrag du mas yongs su bskor cing mdun du bdar te grong khyer nas byung zhing 'dzam bu'i tshal gyi skyed mos tshal ga la ba der song nas bzhon pas bgrod pa'i sa ji srid pa de srid du bzhon pas song ste phyin pa dang / rkang pas kun dga'i ra bar zhugs nas/ de bzhin gshegs pa rin po che'i snying po ga la ba der song ste phyin pa dang / de bzhin gshegs pa dgra bcom pa yang dag par rdzogs pa'i sangs rgyas rin po che'i snying po'i zhabs la mgo bos phyag 'tshal te lan gsum du</font><hr>45.162a<br><font size=+1>

bskor ba byas nas phyogs gcig tu 'dug go/ /phyogs gcig tu 'dug nas kyang de bzhin gshegs pa dgra bcom pa yang dag par rdzogs pa'i sangs rgyas rin po che'i snying pos rgyal po rtsibs kyi mu khyud la chos kyi gtam yang dag par bstan/ yang dag par 'dzin tu bcug /yang dag par gzeng bstod/ yang dag par rab tu dga' bar mdzad do/ /rnam grangs du mar chos kyi gtam yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung bar gyur to// // bam po gsum pa/ de nas rgyal po rtsibs kyi mu khyud stan las langs te bla gos phrag pa gcig tu gzer nas de bzhin gshegs pa rin po che'i snying po ga la ba de logs su thal mo sbyar ba btud de zhabs gnyis la gtugs nas/ de bzhin gshegs pa dgra bcom pa yang dag par rdzogs pa'i sangs rgyas rin po che'i snying po la 'di skad ces gsol to/ /bcom ldan 'das bdag gis dgung zla gsum po 'di la bcom ldan 'das dge slong gi dge 'dun dang bcas pa la na bza' dang / bshos dang / gzims cha dang / gdan dang / snyun gyi gsos sman dang / yo byad rnams kyis bsnyen bkur bgyi bar 'tshal na bcom ldan 'das dang dge slong gi dge 'dun gyis gnang bar mdzad du gsol/ rigs kyi bu de bzhin gshegs pa rin po che'i snying pos rgyal po rtsibs kyi mu khyud la cang mi gsung bas gnang bar mdzad do/ /de nas rgyal po rtsibs kyi mu khyud kyis de bzhin gshegs pa rin po che'i snying pos cang mi gsung bas gnang bar rig nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas bcom ldan 'das kyi thad nas song ngo / /de nas rgyal po rtsibs kyi mu khyud kyis khams kyi rgyal po rnams dang / blon po rnams dang / sna chen po la gtogs pa</font><hr>45.162b<br><font size=+1>

rnams dang / blon po phra mo rnams dang / grong mi rnams dang / ljongs kyi mi rnams dang / zho shas 'tsho ba'i mi rnams bos te smras pa/ gtso bo dag shes par gyis shig /ngas de bzhin gshegs pa dgra bcom pa yang dag par rdzogs pa'i sangs rgyas rin po che'i snying po dge slong gi dge 'dun dang bcas pa zla ba gsum po 'di la yo byad thams cad kyis nges par spyan drangs te/ nga la nye bar spyad pa dang / yongs su spyad pa dang / bsnyen bkur bya ba dang / dga' mgur spyad pa dang / btsun mo'i 'khor gang ci yod pa de dag thams cad kyang ngas bcom ldan 'das dang / dge slong gi dge 'dun la gus par byas te phul gyis/ khyed cag la gang zag gis nye bar spyad pa dang / yongs su spyad pa dang / bsnyen bkur bya ba dang / dga' mgur spyad pa dang / chung ma'i 'khor ji yod pa de dag thams cad kyang bcom ldan 'das dang dge slong gi dge 'dun la gus par phul cig ces bsgo nas/ de dag gis kyang de bzhin du phul lo/ /khyim bdag rin po ches kyang bskyed mos tshal bzang po thams cad 'dzam bu'i chu bo'i gser las byas shing bskyed mos tshal de nyid du/ bcom ldan 'das kyi phyir rin po che sna bdun gyi khang pa brtsegs pa brtsigs te/ de'i phyogs bzhi kho ra khor yug dag tu rin po che sna bdun gyi sgo dag kyang btod do/ /bskyed mos tshal thams cad kyang rin po che sna bdun gyi shing ljon pa dag gis brgyan to/ /shing ljon pa de dag kyang gos sna tshogs dang / ras bcos bu sna tshogs dang / gdugs sna tshogs dang / mu tig gi lda ldi sna tshogs dang / rgyan sna tshogs dang / rin po che'i rgyan sna tshogs dang / spos sna tshogs dag gis legs par brgyan to/ /shing ljon pa de dag rin po che'i me tog dang / 'bras bu thams cad kyis kyang brgyan to/ /bskyed mos tshal de dag thams cad nor bu rnam pa du ma dag gis kyang</font><hr>45.163a<br><font size=+1>

brgyan nas me tog sna tshogs bkram zhing dar dang / ras bcos bu dang / be'u ras dang / bgo ba sna tshogs dag gi gdan dag kyang bshams so/ /'khor lo rin po che de yang khang pa brtsegs pa'i phyi rol gyi steng gi bar snang la mi'i tshad tsam du red de bcom ldan 'das kyi spyan sngar bab par 'bar zhing 'dug go/ /glang po rin po che'i thal kar yan lag bdun legs par gnas pa yang bcom ldan 'das kyi snam logs na/ bcom ldan 'das kyi steng du rin po che'i shing ljon pa 'dzin cing 'dug ste/ shing ljon pa de yang rin po che sna bdun dang / mu tig gi lda ldi sna tshogs dang / rgyan sna tshogs dang / me tog phreng sna tshogs dag gis brgyan cing / dar sna tshogs dang / ras bcos bu sna tshogs dag gis legs par brgyan nas shing ljon pa de la rin po che sna bdun gyi gdugs dag kyang sbyangs par gyur to/ /rgyal po rtsibs kyi mu khyud kyi btsun mo dam pa gang yin pa de yang bcom ldan 'das kyi spyan sngar 'dug nas/ bcom ldan 'das la tsan dan sa mchog pa dang / tsan dan sbrul gyi snying po'i phye ma dag 'thor bar byed do/ /rgyal po rtsibs kyi mu khyud kyi nor bu rin po che 'od gsal bar gyur pa gang yin pa de yang rang gis bcom ldan 'das kyi spyan sngar bzhag go/ /de nas nor bu rin po che de'i 'od kyis skyed mos tshal de dag thams cad rtag par rgyun tu snang ba rgya chen pos khyab par gyur to/ /sangs rgyas kyi 'od kyis kyang stong gsum gyi stong chen po'i 'jig rten gyi khams de thams cad rtag par rgyun tu khyab par gyur to/ /nyan thos re re la yang tsan dan sa mchog pa'i rkang rten dag bzhag go/ /nyan thos re re'i rgyab du yang glang po che'i gtso bo thal kar snga ma lta bu dag dang / ji ltar bcom ldan 'das la 'khor lo rin po che'i mi'i tshad tsam pa bzhags pa de lta bu dag kyang bzhag go/ /nyan thos re re'i mdun du yang bu mo rgyan thams cad kyis</font><hr>45.163b<br><font size=+1>

brgyan pa dag bkod nas tsan dan sa mchog pa'i phye ma dag kyang 'thor bar byed do/ /nyan thos re re'i mdun du nor bu bai dUr+ya dag kyang bzhag go/ /bskyed mos tshal gyi nang gi kho ra khor yug dag tu rol mo'i sgra sna tshogs dag kyang bsgrags so/ /bskyed mos tshal gyi phyi rol gyi kho ra khor yug dag na blon po rin po che dpung gi tshogs yan lag bzhi dang bcas pa dag kyang gnas so/ /rigs kyi bu de nas rgyal po rtsibs kyi mu khyud de bcom ldan 'das la blta ba dang / bcom ldan 'das la snyen bkur bya ba'i phyir nyin gcig bzhin du grong khyer nas byung ste/ de bzhin pas bgrod pa'i sa ji srid pa de srid du bzhon pas song nas bzhon pa las babs te/ rkang pas bskyed mos tshal du zhugs so/ /zhugs nas kyang de bzhin gshegs pa rin po che'i snying po ga la ba der song ste phyin pa dang de bzhin gshegs pa dgra bcom pa yang dag par rdzogs pa'i sangs rgyas rin po che'i snying po'i zhabs la mgo bos phyag 'tshal te/ lan gsum bskor ba byas nas/ rang gis de bzhin gshegs pa rin po che'i snying po phyag chab gsol to/ /bdag nyid lag dar nas bza' ba dang / bca' ba dang / bldag pa dang / bsod pa mang po dag legs par bstabs shing tshim par byas so/ /bdag nyid lag dar te legs par bstabs shing tshim par byas nas kyang bcom ldan 'das kyis phyag nas lhung bzed bzhag ste phyag bcabs par rig nas/ bdag nyid kyis bsil yab blangs te bcom ldan 'das la g.yabs so/ /rgyal bu stong dag khams kyi rgyal po stong gis kyang nyan thos re re la de lta bu'i bsnyen bkur byas nas bsil yab blangs te/ nyan thos rnams la g.yabs so/ /zhal zas brim pa rdzogs te gdug char gyu ma thag tu srog chags bye ba khrag khrig 'bum phrag du ma dag kyang chos mnyan pa'i phyir kun dga' ra bar lhags so/ /lha bye ba khrag khrig 'bum phrag du ma dag gis kyang nam mkha'i dkyil nas me tog</font><hr>45.164a<br><font size=+1>

gi char dag mngon par rab tu phab nas/ lha'i rol mo'i sgra dag kyang rab tu bsgrags so/ /lha'i gdugs dang / gos dang / rgyan dag kyang rab tu sbyangs so/ /gnod sbyin gos sngon po can sa ya phrag bzhis kyang bcom ldan 'das dang dge slong gi dge 'dun bsrung ba'i phyir tsan dan gyi tshal nas tsan dan sa mchog pa'i sdong po dag blangs nas thun du blags te mel tshe byed do/ /rgyal po rtsibs kyi mu khyud nyid kyis kyang mtshan mo bcom ldan 'das dang dge slong gi dge 'dun rnams kyi spyan sngar mar me kha bye ba khrag khrig 'bum phrag du ma dag bus so/ /rigs kyi bu de nas rgyal po rtsibs kyi mu khyud bcom ldan 'das kyi spyan sngar 'dug nas mgo'i steng du yang mar me'i kong bu gcig bzhag /phrag pa gnyis dang / lag pa gnyis dang / rkang pa gnyis su yang mar me'i kong bu re re bzhag ste/ bcom ldan 'das kyi spyan sngar mtshan yal nangs su mar me btang yang bcom ldan 'das kyi mthus lus la ngal ba med cing / 'di lta ste dper na dge slong bsam gtan gsum pa la snyoms par zhugs pa de lta bur lus kyi bde ba tshor bar gyur te/ de ltar lus ngal ba med pa dang / sems ngal ba med par zla ba gsum du bcom ldan 'das la bsnyen bkur byas so/ /de bzhin du rgyal bu stong dang / khams kyi rgyal po brgyad khri bzhi stong dang / gzhan yang srog chags bye ba khrag khrig phrag 'bum gyis kyang nyan thos re re la zla ba gsum du rgyal po'i yo byed dang / de lta bu'i bsnyen bkur byas so/ /ci ltar rgyal po rtsibs kyi mu khyud kyis de bzhin gshegs pa rin po che'i snying po la bsnyen bkur byas pa de bzhin du btsun mo dam pa lha mo dpal gyis kyang zla ba gsum du spos dang / mi tog dag gis bsnyen bkur byas so/ /de bzhin du bu mo bye ba khrag khrig 'bum phrag mang po dag gi kyang nyan thos re re la zla ba gsum du me tog dang / bdug pa dang / spos dag gis bsnyen bkur byas so/ /rigs kyi bu de nas rgyal po rtsibs kyi mu khyud kyi zla ba gsum po 'das nas bcom ldan 'das la 'dzam bu'i</font><hr>45.164b<br><font size=+1>

chu bo'i gser las byas pa'i rgyan brgyad khri bzhi stong phul lo/ /bcom ldan 'das la 'khor lo rin po che la sogs pa gser gyi 'khor lo rin po che brgyad khri bzhi stong yang phul lo/ /bcom ldan 'das la glang po rin po che la sogs pa glang po che thal kar brgyad khri bzhi stong yang phul lo/ /bcom ldan 'das la rta rin po che la sogs pa rta brgyad khri bzhi stong yang phul lo/ /bcom ldan 'das la nor bu rin po che la sogs pa nor bu me shel brgyad khri bzhi stong yang phul lo/ /bcom ldan 'das de la bsnyen bkur bya ba'i phyir khyim bdag rin po che la sogs pa rgyal bu brgyad khri bzhi stong yang phul lo/ /bcom ldan 'das la bsnyen bkur bya ba'i phyir blon po rin po che la sogs pa khams kyi rgyal po brgyad khri bzhi stong yang phul lo/ /bcom ldan 'das dang dge slong gi dge 'dun gyi 'tsho ba'i phyir btsun mo'i 'khor gyi grong khyer la sogs pa grong khyer brgyad khri bzhi stong yang phul lo/ /bcom ldan 'das la rin po che'i dpag bsam kyi shing brgyad khri bzhi stong dang / rin po che'i me tog gi phung po brgyad khri bzhi stong dang / rin po che sna bdun gyi gdugs brgyad khri bzhi stong dang / rgyal po la 'os pa'i gos rgyan chen po brgyad khri bzhi stong dang / rin po che'i phreng ba brgyad khri bzhi stong dang / rgyan dang / khri'u dang / mgo lta bu dang / mig lta bu dang / snyan cha gdub 'khor dang / gser gyi tshong tshong dang / mu tig gi do shal dang / chags dang / gzims cha dang / zhabs rten dang / snod dang / rnga bo che dang / rol mo'i sgra dang / dung dang / dril bu dang / rgyal mtshan dang / ril ba b+h+ring ga ra dang / kun dga'i ra ba dang / mar me'i kong bu dag kyang phul lo/ /bcom ldan 'das la rin po che'i bya dang / rin po che'i ri dgas dang / bsil yab brgyad khri bzhi stong yang phul lo/ /de bzhin gshegs pa dgra bcom pa yang dag</font><hr>45.165a<br><font size=+1>

par rdzogs pa'i sangs rgyas rin po che'i snying po la sman bcud kyis len brgyad khri bzhi stong yang phul nas 'di skad ces gsol to/ /bcom ldan 'das bdag ni bgyi ba mang zhing bgyid pa mang ba lags na/ bcom ldan 'das kyis bdag la bzod pa mdzad cing / bdag cag gi bskyed mos tshal du bzhugs pa dang / bcom ldan 'das bskyed mos tshal 'dir rtag tu dgyes par mdzad du gsol/ bcom ldan 'das la blta ba dang / phyag bgyi ba dang / bsnyan bkur bgyi ba'i slad du bdag slad kyis kyang mchi'o/ /rgyal po rtsibs kyi mu khyud kyi bu stong po gang yin pa de dag gis kyang bcom ldan 'das kyi zhabs la gtugs nas/ so so nas bcom ldan 'das la 'di skad ces gsol to/ /bdag cag re res kyang bcom ldan 'das dge slong gi dge 'dun dang bcas pa la dgung zla gsum zhig yo byad thams cad kyis bsnyen bkur bgyi bar 'tshal na bcom ldan 'das kyis bdag cag la snang bar mdzad du gsol/ bcom ldan 'das kyis cang mi gsung bas rgyal bu de dag la gnang bar mdzad do/ /de nas rgyal po rtsibs kyi mu khyud kyis gnang bar rig nas/ bcom ldan 'das dang dge slong gi dge 'dun gyi zhabs la mgo bos phyag 'tshal te/ lan gsum bskor ba byas nas bcom ldan 'das kyi spyan snga nas phyir song ngo / /de nas rgyal bu de dag gi thu bo mig mi 'dzums shes bya bas bcom ldan 'das dge slong gi dge 'dun dang bcas pa la zla ba gsum gyi bar du ji ltar rgyal po rtsibs kyi mu khyud kyis bsnyen bkur byas pa de lta bu'i bsnyen bkur bya bas bsnyen bkur byas so/ /rgyal po rtsibs kyi mu khyud kyang bcom ldan 'das dang / dge slong gi dge 'dun la lta ba dang / chos mnyan pa'i phyir nyin mo skabs skabs su 'ong ngo / /rigs kyi bu de nas de bzhin gshegs pa rin po che'i snying po'i yab bram ze rgya mtsho'i rdul ces bya ba de yang 'dzam</font><hr>45.165b<br><font size=+1>

bu'i gling thams cad nyul zhing skyes pa dang / bud mad dang / khye'u dang / bu mo dag las zas slong bar byed de/ de la zas de sbyin pa na ji srid du khye'u dang / bu mo de dag gsum la skyabs su 'gro ba la rab tu 'god cing / rab tu bkod nas kyang bla na med pa yang dag par rdzogs pa'i byang chub tu sems skyed par mi byed pa de srid du lan par mi byed do/ /da ltar nyul ba na 'dzam bu'i gling na bram ze rgya mtsho'i rdul des gang zas kyis yongs su ma bzung ba dang / gang dkon mchog gsum la skyabs su 'gro ba la ma bkod pa dang / gang bla na med pa yang dag par rdzogs pa'i byang chub du sems ma bskyed pa dang / gang bla na med pa'i ye shes la rab tu ma bkod cing yang dag par 'dzin tu ma bcug pa'i mir gyur pa 'ga' yang med de/ /srog chags bye ba khrag khrig 'bum phrag mang po dag gsum la skyabs su 'gro ba'i gnas la bkod do/ /de bzhin du bla na med pa yang dag par rdzogs pa'i byang chub tu yang dag par 'dzin du bcug cing btsud de rab tu bkod do/ /rgyal bu gzhon nu mig mi 'dzums kyis kyang bcom ldan 'das dge slong gi dge 'dun dang bcas pa zla ba gsum du spyan drangs shing / ji ltar rgyal po rtsibs kyi mu khyud kyis bsnyen bkur byas pa de lta bu'i bsnyen bkur gyis bsnyen bkur byas nas zla ba gsum 'das pa dang / des kyang bcom ldan 'das la 'khor lo rin po che rtsibs thams cad gsar las byas pa brgyad khri bzhi stong phul lo/ /glang po che dang / rta dang / nor bu dang / bud med dang / khyim bdag dang / blon po rin po che rnams ma gtogs pa glang po che dang / rta brgyad khri bzhi stong dang / de bzhin du nor bu mi shel dang / khye'u dang / bu mo dang / dpag bsam kyi shing dang / me tog gi phung po dang / gdugs dang / gos dang / me tog phreng dang / rgyan dang / rin po che'i khri'u dang / mgo lta bu dang / mig lta bu dang / snyan cha gdub 'khor dang / gser gyi tshong tshong dang / mu tig gi do shal dang / chags dang / </font><hr>45.166a<br><font size=+1>

gzims cha dang / gdan dang / zhabs rten dang / snod dang / rnga bo che dang / rol mo'i sgra dang / dung dang / rnga pa Ta ha dang / rgyal mtshan dang / ril ba b+h+ring ga ra dang / kun dga'i ra ba dang / mar me'i kong bu dang / rin po che'i bya sna tshogs dang / rin po che'i ri dgas sna tshogs dang / sman bcud kyis len la sogs pa sna re re zhing yang brgyad khri bzhi stong bzhi stong yang phul lo/ /dge slong gi dge 'dun la yang de snyed phul lo/ /de nas rgyal bu gzhon nu mig mi 'dzums kyis bcom ldan 'das dang dge slong gi dge 'dun la bzod pa gsol te/ rgyal bu gzhon nu mig mi 'dzums kyis bcom ldan 'das dge slong gi dge 'dun dang bcas pa la ji ltar rgyal po rtsibs kyi mu khyud kyis bsnyen bkur byas pa de lta bu'i bsnyen bkur gyis bsnyen bkur byas shing de las mi nyung ba'i yon yang phul lo/ /de bzhin du rgyal bu gzhon nu dbang po'i tshogs kyis kyang bcom ldan 'das dang / dge slong gi dge 'dun la zla ba gsum gyi bar du 'byor pa yongs su btang zhing bsnyen bkur byas so/ /de bzhin du sbyar te rgyal bu gzhon nu nyon mongs med dang / 'jigs med dang / namakha' dang / yang dag skyes dang / grub pa dang / 'gran med dang / mnyen des dang / grum por 'grang ba dang / 'dron pa can dang / shed bu dang / sha bo che dang / 'dus pa can dang / rtsibs can dang / shes pa can dang / gdong can dang / nor mang dang / dgra dbang dang / mig can dang / glang po 'thob dang / zla ba'i mu khyud dang / nyi ma'i mu khyud dang / dbang po'i mu khyud dang / rdo rje'i mu khyud dang / bzod pa'i mu khyud dang / gnas kyi mu khyud dang / shugs kyi mu khyud dang / g.yul gyi mu khyud dang / sgra gcan dang / sgra gcan stobs med dang / sgra gcan dgra med dang / chun po sna tshogs dang / rgyal por gnas dang / 'dod chags mi gnas dang / nor bdag dang / srung ba po dang / lus bzungs dang / bsam pa dpog dang / sdom brtson 'khor</font><hr>45.166b<br><font size=+1>

dang / sprin chung dang / yar ma tha dang / 'gro ba'i rgyal mtshan dang / nges mtsho dang / ya s+ya na dang / skar ma 'dud dang / chags med rnams kyis kyang de bzhin du byas te/ rgyal po rtsibs kyi mu khyud kyi bu stong gi bar du re res kyang de bzhin gshegs pa dgra bcom pa yang dag par rdzogs pa'i sangs rgyas rin po che'i snying po dge slong gi dge 'dun dpag tu med pa dang bcas pa la zla ba gsum gsum du na bza' dang / bshos dang / gzims cha dang / gdan dang / snyun gyi gsos sman yo byad kyi tshogs de lta bu dag gis bsnyen bkur bya bas bsnyen bkur byas nas rgyal bu thu bos ji ltar byas pa de bzhin du re res kyang bcom ldan 'das dang / dge slong gi dge 'dun la gser gyi 'khor lo brgyad khri bzhi stong dang / sman bcud kyis len brgyad khri bzhi stong gi bar du rgya cher phul lo/ /de lta bu'i sbyin pa chen po byas nas de dag kha cig ni brgya byin nyid du smon/ kha cig ni tshangs pa nyid du smon/ kha cig ni 'khor los sgyur ba'i rgyal por/ kha cig ni longs spyod chen por/ kha cig ni nyan thos kyi theg par smon cing / lo nyis brgya lnga bcur bcom ldan 'das dang / dge slong gi dge 'dun la bzod par gsol to/ /de'i tshe na 'dun na 'don gyi gtso bo bram ze rgya mtsho'i rdul 'ongs nas 'di lta ste/ na bza' dang / bshos dang / gzims cha dang / gdan dang / snyun gyi gsos sman yo byad rnams dang / 'tshog chas thams cad kyis lo bdun du de bzhin gshegs pa dgra bcom pa yang dag par rdzogs pa'i sangs rgyas rin po che'i snying po dge slong gi dge 'dun dang bcas pa spyan drangs pa dang / bcom ldan 'das cang mi gsung bas yab mdun na 'don gyi gtso bo la gnang bar mdzad do/ /de nas bram ze rgya mtsho'i rdul gyis de bzhin gshegs pa rin po che'i snying po dge slong gi dge 'dun dang bcas pa la/ ji ltar rgyal po rtsibs kyi mu khyud kyis bsnyen bkur byas pa de lta bu'i yo byad phun sum tshogs pa thams cad kyis bsnyen bkur bya bas bsnyen bkur byas so/ /</font><hr>45.167a<br><font size=+1>

rigs kyi bu de nas dus gzhan zhig na bram ze rgya mtsho'i rdul gyi sems la 'di lta bu'i yongs su rtog pa skyes te/ bdag gis srog chags bye ba khrag khrig 'bum phrag mang po de snyed bla na med pa yang dag par rdzogs pa'i byang chub yang dag par 'dzin du bcug kyang bdag gis rgyal po rtsibs kyi mu khyud 'di lha'i rgyal srid dam/ mi'i rgyal srid 'dod dam/ nyan thos kyi theg pa'am/ rang sangs rgyas kyi theg pa 'dod dam/ bla na med pa yang dag par rdzogs pa'i byang chub 'dod dam/ 'di ci 'dod pa'i smon lam mi shes na/ ji ste bdag bla na med pa yang dag par rdzogs pa'i byang chub mngon par rdzogs par 'tshang rgya zhing skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las ma rgal ba'i sems can rnams sgrol bar byed pa dang / ma thar ba rnams thar bar byed pa dang / yongs su mya ngan las ma 'das pa'i sems can rnams yongs su mya ngan las 'da' bar byed par lta na rgyal po 'di lha'i dpal 'dod dam/ 'on te mi'i dpal lam/ 'on te nyan thos nyid dam/ 'on te rang sangs rgyas kyi sa'am/ 'on te bla na med pa yang dag par rdzogs pa'i byang chub 'dod dam/ ci 'dod pa lha 'am/ klu 'am/ gnod sbyin nam/ sangs rgyas sam/ nyan thos sam/ bram ze 'ga' zhig gis bdag gi rmi lam du sbron grang snyam mo/ /rigs kyi bu de nas mdun na 'don gyi gtso bo bram ze rgya mtsho'i rdul gyi rmi lam na snang ba gang gis phyogs bcu'i sangs rgyas kyi zhing gang gA'i klung gi bye ma snyed dag gi sangs rgyas bcom ldan 'das rnams mthong ba de lta bu 'i snang ba mthong zhing / sangs rgyas bcom ldan 'das de dag gis bram ze de la pad ma 'dab ma rnams ni gser/ sdong bu rnams ni dngul/ snying po rnams ni bai dUr+ya/ ze ba rnams ni rdo'i snying po las byas pa</font><hr>45.167b<br><font size=+1>

dag bskur te/ pad ma de dag thams cad la yang nyi ma'i dkyil 'khor dag kun tu snang zhing / nyi ma'i dkyil 'khor de dag gi steng na rin po che sna bdun gyi gdugs dag kun nas gnas pa dang / nyi ma'i dkyil 'khor re re las kyang 'od zer bye ba phrag drug bcu drug cu byung bar gyur nas 'od ze de dag thams cad bram ze de'i khar zhugs pa dang / bdag gi lus dpag tshad stong gi tshad tsam du gyur cing 'di lta ste/ dper na me long gi dkyil 'khor yongs su dag pa bzhin du yongs su dag par mthong ba dang / lus kyi khong pa na yang byang chub sems dpa' bye ba khrag khrig 'bum phrag drug bcu pad ma dag la skyil mo krung bcas te 'dug cing bsam gtan bsgom pa dag kyang mthong ngo / /nyi ma'i dkyil 'khor gyi gzugs de dag kyang bdag gi mgo la phreng ba dngar bar mthong zhing gdugs rnams kyang steng gi nam mkha' la tshangs pa'i 'jig rten gyi mthar thug pa'i bar du gnas pa mthong ngo / /kho ra khor yug na yang pad ma sna tshogs dag yod par mthong zhing pad ma de dag las lha'i sil snyan mi'i las shin tu 'das pa dag byung ste sgra yang grag go/ /de nas rgyal po rtsibs kyi mu khyud lus khrag gis bskus shing phag gi gdong du gyur nas rgyug cing srog chags rnam pa mang po dag la za ba dang / zos nas kyang e ran da'i shing drung na snyoms shing 'dug pa dang / srog chags sna tshogs dag 'ongs te rgyal po de zos nas keng rus kyi bar la thug par byas te bor ba dang / de bzhin du yang dang yang phyir skyes pas phag gi gdong du gyur cing lus khrag gis bskus te srog chags rnams pa mang po dag zos nas e ran da'i shing drung na 'dug pa dang / srog chags sna tshogs dag gis zos shing keng rus la thug par byas te bor ba dag mthong ngo / /gzhan yang rgyal bu dag kyang la la ni phag gi gdong / la la ni glang po che'i gdong / la la ni ma he'i gdong / la la ni seng ge'i gdong / </font><hr>45.168a<br><font size=+1>

la la ni spyang ki'i gdong / la la ni wa'i gdong / la la ni khyi'i gdong / la la ni spre'u'i gdong du gyur par mthong zhing lus dag la khrag gis gtor te srog chags rnam pa mang po dag zos nas e ran da'i shing drung na 'dug pa dang / srog chags rnam pa mang po dag gis zos shing keng rus la thug par byas te bor ba mthong ngo / /yang lus de nyid la gnas shing srog chags dag la za bar yang mthong ngo / /rgyal bu kha cig ni sna ma'i me tog gis brgyan cing ma he'i shing rta dag la zhon te lam gol bar zhugs nas g.yas phyogs su bltas shing dong bar mthong ngo / /brgya byin dang / tshangs pa dang / 'jig rten skyong ba dag kyang 'ongs nas bram ze la smras pa/ kye bram ze khyod kyi kho ra khor yug na pad ma yod pa gang yin pa de dag las khyod kyis dang por pad ma gcig ni rgyal po'i skal bar phul cig /de nas rgyal bu 'di dag la yang pad ma re re byin cig /lhag ma rnams ni khams kyi rgyal po rnams la byin cig /gzhan dag ni skye bo rnams la byin cig /de thos nas bram ze lha rnams kyis bsgo ba bzhin du bya'o zhes smras te/ de nas bram ze de pad ma rnams 'god bzhin pa las sad pa dang / de mal nas langs te rmi lam dran zhing 'dug pa na de 'di snyam du sems te/ 'khor los sgyur ba'i rgyal po de dang / rgyal bu kha cig ni smon lam dman zhing 'khor ba'i bde ba la mngon par dga' ba ste/ de dag ni dman pa la mos pa yin no/ /gang dag bdag gis rmi lam na sna ma'i me tog gis brgyan cing ma he'i shing rta dag la zhon te/ lam gol bar zhugs nas g.yas phyogs su bltas shing dong bar mthong ba'i rgyal bu kha cig ni nyan thos kyi theg pa 'dod pa yin no/ /bdag gis snang ba chen po mthong zhing snang ba des phyogs bcu'i sangs rgyas bcom ldan 'das rnams mthong ba gang yin pa de ni bdag gis 'dzam bu'i gling thams cad na gnas pa'i srog chags bye ba khrag khrig 'bum</font><hr>45.168b<br><font size=+1>

phrag du ma dag bsod nams bya ba'i dngos po gsum po dag yang dag par 'dzin du bcug cing btsud de rab tu bkod pa de'i mtshan ma yin te/ gang gi phyir bdag gi 'dzam bu'i gling myul cing sems can bgrang ba las yang dag par 'das pa dag bla na med pa yang dag par rdzogs pa'i byang chub tu yang dag par 'dzin du bcug nas btul cing btsud de rab tu bkod pa gang yin pa dang / bdag gis de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun dang bcas pa yo byad thams cad kyis lo bdun du spyan drangs pa des na/ bdag gis snang ba chen po mthong zhing phyogs bcu'i sangs rgyas bcom ldan 'das rnams kyang mthong la/ phyogs bcu'i sangs rgyas kyi zhing gzhan dag nas sangs rgyas bcom ldan 'das rnams kyis pad ma dag bskur ro/ /bla na med pa yang dag par rdzogs pa'i byang chub du smon lam btab pa gang yin pa des sangs rgyas bcom ldan 'das de dag gis bdag la gdugs dag bskur ba yin no/ bdag gis pad ma de dag la nyi ma'i gzugs dag mthong ba gang yin pa dang / bdag gis 'od zer de dag rang gi khar zhugs par mthong ba gang yin pa dang / lus chen por gyur par mthong ba gang yin pa dang / nyi ma'i gzugs rnams phreng ba dngar bar mthong ba gang yin pa dang / khong pa na byang chub sems dpa' bye ba khrag khrig 'bum phrag drug cu pad ma dag la skyil mo krung bcas te 'dug cing bsam gtan byed pa gang yin pa de lta bu'i rmi lam dag rmi ba dang / bdag gis brgya byin dang tshangs pa dang / 'jig rten skyong ba dag mthong zhing pad ma 'di dag bgos shig ces bsgo ba gang yin pa dang / bdag gis pad ma de dag bgos te byin pa gang yin pa'i rmi lam de dag bdag gis bcom ldan 'das la gsol zhing rgyu gang dang rkyen gang gis na bdag la de lta bu'i rmi lam dag rmis shes bdag gis de bzhin gshegs pa la zhu'o snyam mo/ /de nas bram ze rgya mtsho'i rdul</font><hr>45.169a<br><font size=+1>

gyis de nyid kyi mtshan mo 'das pa dang zhal zas sbyar nas nang par sngar bcom ldan 'das ga la ba der song ste phyin pa dang / bdag nyid kyis bcom ldan 'das dang / dge slong gi dge 'dun phyag chab gsol to/ /phyag chab gsol nas kyang bdag nyid lag dar te bza' ba dang bca' ba mang po dag legs par bstabs shing tshim par byas so/ /legs par bstabs shing tshim par byas nas kyang dge slong gi dge 'dun la yang rnam grangs du mas legs par bstabs shing tshim par byas so/ /rnam grangs du mas legs par bstabs shing tshim par byas/ bcom ldan 'das dang dge slong gi dge 'dun bshos gsol lags te/ lhung bzed bzhag cing phyag bcabs par rigs nas/ stan shin tu dma' ba zhig blangs nas chos mnyan pa'i phyir bcom ldan 'das kyi spyan sngar 'dug go/ /de nas rgyal po rtsibs kyi mu khyud kyang bu stong dang lhan cig tu srog chags stong phrag du mas yongs su bskor cing mdun du bdar te/ de nyid du 'ongs nas de bzhon pas bgrod pa'i sa ji srid pa de srid du bzhon pas song ste/ bzhon pa las babs nas rkang pas kun dga'i ra bar zhugs so/ /zhugs nas kyang bcom ldan 'das ga la ba der song ste phyin pa dang / bcom ldan 'das dang / dge slong gi dge 'dun gyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das la bram ze rgya mtsho'i rdul gyis rmi lam ji rmis pa dag gsol pa dang / bcom ldan 'das kyis bka' stsal pa/ bram ze gang khyod kyis snang ba chen po dang / snang ba des sangs rgyas kyi zhing gang gA'i klung gi bye ma snyed dag gi sangs rgyas bcom ldan 'das rnams mthong nas khyod la pad ma dag bskur ba dang / pad ma de dag la nyi ma'i gzugs 'od zer rab tu 'byung ba dag mthong ba dang / 'od zer de dag khyod kyi khar zhugs par mthong ba ni bram ze gang khyod lo nyis brgya lnga bcur 'dzam bu'i gling</font><hr>45.169b<br><font size=+1>

nyul bar byed pa ni khyod kyis myul ba des sems can bgrang ba las yang dag par 'das pa dag bsod nams bya ba'i dngos po gsum po dag la btsud cing rab tu bkod pa dang / sems can bgrang ba las yang dag par 'das pa dag bla na med pa yang dag par rdzogs pa'i byang chub yang dag par 'dzin du bcug ste brtul cing btsud de rab tu bkod pa dang / theg pa chen po 'di la brtsam pa byas pa des na gang dag gis khyod la pad ma gang dag la nyi ma'i gzugs dag snang ba'i pad ma 'dab ma rnams ni gser/ sdong bu rnams ni dngul/ snying po rnams ni bai dUr+ya/ ze ba rnams ni rdo'i snying po las byas pa dag bskur ba'i sangs rgyas bcom ldan 'das phyogs bcu'i 'jig rten gyi khams gang gA'i klung gi bye ma snyed dag na bzhugs te 'tsho zhing gzhes la chos kyang ston pa de dag gis bram ze khyod bla na med pa yang dag par rdzogs pa'i byang chub tu lung bstan par gyur te/ rmi lam de ni de'i lnga ltas yin no/ /bram ze gang khyod kyi rmi lam na phyogs bcu'i 'jig rten gyi khams gang gA'i klung gi bye ma snyed dag na sangs rgyas bcom ldan 'das gang dag bzhugs te 'tsho zhing gzhes la chos kyang ston pa'i sangs rgyas bcom ldan 'das de dag gis khyod la rin po che sna bdun gyi gdugs dag bskur zhing / gdugs de dag kyang steng gi bar snang la tshangs pa'i 'jig rten gyi mthar thug pa'i bar du gnas pa dag mthong ba ni bram ze gang gi nub mo khyod bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de nyid kyi nub mo phyogs bcu'i 'jig rten gyi khams gang gA'i klung gi bye ma snyed dag tu khyod kyi grags pa dang / sgra dang / tshigs su bcad pa rgya chen po dag mngon par 'phags par 'gyur zhing / khyod kyi spyi gtsug kyang tshangs pa'i 'jig rten gyi mthar thug pa'i bar du gyen tu mngon par 'phags shing bltar mi nus par gyur te/ bram ze rmi lam de ni de'i lnga ltas yin no/ /bram ze gang</font><hr>45.170a<br><font size=+1>

khyod kyis tshangs pa'i 'jig rten gyi bar du thug pa'i lus chen po dang / nyi ma'i dkyil 'khor gyi phreng ba dag mgo la bcings par mthong ba gang yin pa de ni bram ze khyod kyis sems can bgrang ba las yang dag par 'das pa dag bla na med pa yang dag par rdzogs pa'i byang chub yang dag par 'dzin du bcug pa gang yin pa de dag kyang khyod byang chub mngon par rdzogs par sangs rgyas pa na/ phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ khyod kyis byang chub yang dag par 'dzin tu bcug pa gang yin pa de dag thams cad yang dang yang du khyod kyi bsngag pa rjod par gyur te/ de bzhin gshegs pa dgra bcom pa yang dag par rdzogs pa'i sangs rgyas des bdag cag dang po bla na med pa yang dag par rdzogs pa'i byang chub yang dag par 'dzin du bcug pas na/ des da ltar bdag cag bla na med pa yang dag par rdzogs pa'i byang chub mngon par rdzogs par sangs rgyas te/ de ni bdag cag gi dge ba'i bshes gnyen yin no zhes bsngags pa brjod par 'gyur zhing sangs rgyas bcom ldan 'das de dag gis khyod la mchod pa bya ba'i phyir byang chub sems dpa' dag gtong bar 'gyur te/ de nas byang chub sems dpa' sems dpa' chen po de dag gis byang chub sems dpa'i rnam par 'phrul pa sna tshogs dag gis khyod la mchod pa byas shing / der khyod las chos thos nas ting nge 'dzin dang / gzungs dang / bzod pa rnam pa sna tshogs dag thob nas byang chub sems dpa' sems dpa' chen po de dag rang rang gi sangs rgyas kyi zhing dag du dong ste/ khyod kyi bsngags pa brjod par 'gyur zhing dbyangs rjes su sgrogs par 'gyur te/ bram ze khyod kyi rmi lam de ni de'i snga ltas yin no/ /bram ze gang khyod kyi rmi lam na byang chub sems dpa' bye ba khrag khrig 'bum phrag drug cu khong bar zhugs nas de dag pad ma dag</font><hr>45.170b<br><font size=+1>

la skyil mo krung bcas te 'dug cing bsam gtan sgom pa dag mthong ba ni bram ze khyod byang chub mngon par rdzogs par sangs rgyas pa na/ gang dag srog chags bye ba khrag khrig 'bum dag bla na med pa yang dag par rdzogs pa'i byang chub yang dag par 'dzin du bcug par 'gyur zhing bla na med pa yang dag par rdzogs pa'i byang chub las phyir mi ldog pa dag la 'god par 'gyur ba de dag kyang bram ze khyod bla na med pa'i yongs su mya ngan las 'da' bas yongasu mya ngan las 'das nas/ bskal pa sangs rgyas kyi zhing rdul phra rab kyi rdul snyed 'das pa'i 'og du phyogs bcu'i sangs rgyas kyis zhing gzhan dag du chos kyi rgyal srid mdzad pa'i sangs rgyas bcom ldan 'das su 'gyur ba na/ 'di skad du bskal pa grangs med pa 'das pa na de bzhin gshegs pa dgra bcom pa yang dag par rdzogs pa'i sangs rgyas mtshan 'di zhes bya ba zhig byung ste/ de bzhin gshegs pa dgra bcom pa yang dag par rdzogs pa'i sangs rgyas des bdag cag bla na med pa yang dag par rdzogs pa'i byang chub yang dag par 'dzin du bcug ste brtul cing btsud de rab tu bkod nas phyir mi ldog pa la bkod pas na des da ltar bdag cag bla na med par rdzogs pa'i byang chub mngon par rdzogs par sangs rgyas shing chos kyi rgyal srid kyang brnyes so zhes khyod kyi bsngags pa rjod par 'gyur te/ bram ze khyod kyi rmi lam de ni de'i snga ltas yin no/ /bram ze gang khyod kyi rmi lam na phag gi gdong dang / khyi'i gdong gi bar du gyur cing lus khrag gis bskus te srog chags rnam pa du ma dag zos nas e ran da'i shing drung na 'dug pa dang / de yang srog chags rnam pa du ma gzhan dag gis zos shing keng rus kyi bar la thug par byas te bor ba dang / yang lus phyir skyes nas lus khrag gis bskus shing khyi'i gdong gi bar du gyur pas srog chags rnam pa mang po dag zos nas yang e ran da'i shing ngan pa'i drung na 'dug pa dang / srog chags rnam pa du ma dag gis zos par</font><hr>45.171a<br><font size=+1>

mthong ba ni khyod kyis skyes bu blun po bsod nams bya ba'i dngos po gsum po sbyin pa dang / dul ba dang / yang dag par sdom pa yang dag par 'dzin du bcug cing rab tu bkod pa de dag lha rnams kyi nang du 'chi 'pho ba'i sdug bsngal 'dod pa dang / mi rnams kyi nang du rga ba dang / na ba dang / 'chi ba dang / mi sdug pa dang phrad pa dang / sdug pa dang bral ba'i sdug bsngal dang / yi dgas rnams kyi nang du bkres pa dang / skom pa'i sdug bsngal dang / dud 'gro rnams kyi nang du gti mug gi mun pa dang / mgo gcod pa la sogs pa'i sdug bsngal dang / sems can dmyal ba rnams kyi nang du gnod pa sna tshogs la sogs pa'i sdug bsngal 'dod par 'gyur ba dang / bsod nams bya ba'i dngos po rnam pa gsum po dag la rab tu bkod pa rnams lha rnams kyi nang du lha'i rgyal srid 'dod la mi rnams kyi nang du ni gling gcig gi dbang phyug 'dod de/ de dag der sems can thams cad la longs spyod par 'gyur zhing / de dag kyang sems can thams cad kyi kha zas dang / longs spyod du 'gyur bas de ltar skyes bu blun po de dag yun ring por 'khor bar sdug bsngal nyams su myong bar 'gyur te/ bram ze khyod kyi rmi lam de ni de'i snga ltas yin no/ /bram ze gang khyod kyi rmi lam na mi kha cig sna ma'i me tog gi phreng ba dag gis mgo brgyan cing / ma he'i shing rta dag la zhon te lam gol bar zhugs nas g.yas phyogs su lta zhing dong bar mthong ba de yang bram ze khyod kyis bsod nams bya ba'i dngos po gsum po dag la rab tu bkod pa'i rigs kyi bu dag gcig bdag dul bar bya ba dang / bdag zhi bar bya ba 'ba' zhig gis phyir nyan thos kyi theg pa la yang dag par zhugs par 'gyur te/ bram ze de ni nyan thos kyi theg pa pa'i gang zag de dag gi snga ltas yin no/ /rigs kyi bu de nas bram ze rgya mtsho'i rdul gyis rgyal po rtsibs kyi mu khyud la 'di skad ces</font><hr>45.171b<br><font size=+1>

smras so/ /rgyal po chen po'i mir skye ba ni rnyed par dka'/ dal ba phun sum tshogs pa yang rnyed par dka'/ de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar yang u dum ba ra'i me tog ltar rnyed par dka' dge ba'i chos la 'dun pa yang rnyed par dka'/ yang dag pa'i smon lam yang rnyed par dka' lags so/ /rgyal po chen po lha'i rgyal srid ni sdug bsngal 'byung ba'i rgyu lagaso/ /gling gcig gi mi rnams kyi rgyal srid kyang sdug bsngal 'byung ba'i rgyu lags so/ /gling gnyis dang / gsum dang / gling bzhi pa'i rgyal srid kyang sdug bsngal 'byung ba'i rgyu lags te rgyal po chen po yun ring por 'khor ba'i sdug bsngal nyams su myong bar bgyid pa lags so/ /rgyal po chen po lha dang mi'i 'byor pa ni rlung gi shugs bzhin du g.yo zhing mi gnas pa lags so/ /byis pa rnams ni chu zla lta bu'i 'dod pa'i yon tan lngas ngoms mi myong zhing yul rnams la myos nas lha dang mi'i dpal 'tshal bar bgyid de/ byis pa de dag ni yang dang yang du sems can dmyal ba rnams su gnod pa'i sdug bsngal dang / dud 'gro rnams kyi nang du kun tu gti mug pa'i sdug bsngal dang / yi dgas rnams kyi nang du bkres pa dang skom pa'i sdug bsngal dang / mi rnams kyi nang du sdug pa dang bral ba'i sdug bsngal dang / lha rnams kyi nang du 'chi 'pho'i sdug bsngal dang / yang mngal du gnas pa'i sdug bsngal dang / gcig gis gcig mgo gcod pa'i sdug bsngal dang / gcig la gcig 'tshal ba'i sdug bsngal nyams su myong bar 'gyur te byis pa rnams 'khyam pa na de lta bu'i sdug bsngal dag nyams su myong bar 'gyur ro/ /de ci'i slad du zhe na/ dge ba'i bshes gnyen dang bral bas ma thob pa thob par bgyi ba dang / ma rtogs pa rtogs par bgyi ba dang / mngon sum du ma bgyis pa mngon sum du bgyi ba'i slad du yang dag pa'i smon lam mi 'debs shing rtsol bar mi</font><hr>45.172a<br><font size=+1>

bgyid pa'i slad du ste/ de ltar byis pa glen pa dag ni gang la sdug bsngal thams cad bas par 'gyur ba'i byang chub kyi sems kyis skyo bar bgyid cing gang la yang dang yang du sdug bsngal 'byung bar 'gyur ba'i 'khor bas skyo bar mi bgyid cing yid 'byung bar mi bgyid do/ /rgyal po chen po de lta bas na 'khor ba ni sdug bsngal thams cad kyi snod du gyur pa lags par yongs su brtag pa mdzad cing rgyal po chen po 'di ltar khyod kyis ni bcom ldan 'das kyi bstan pa la lhag par mdzad pa mdzad de dge ba'i rtsa ba ni bskrun/ dkon mchog gsum la dad pa ni brnyes/ longs spyod chen po'i phyir bcom ldan 'das la dbul ba ni phul/ mtho ris su skye ba thob par bgyi ba'i slad du tshul khrims ni bsrungs/ bcom ldan 'das la chos gsan pas khyod shes rab chen po brnyes par ni gyur/ mchod sbyin ni mdzad lags kyis/ rgyal po chen po khyod bla na med pa yang dag par rdzogs pa'i byang chub tu thug skyed cig /smras pa/ bram ze kho bo ni bla na med pa yang dag par rdzogs pa'i byang chub mi 'dod de/ bram ze kho bos ni 'khor ba mngon par 'dod pa'i don du sbyin pa byin zhing tshul khrims bsrungs la chos nyan to/ /bram ze bla na med pa yang dag par rdzogs pa'i byang chub ni thob par dka' ba yin pas bram ze mi dgos so/ /bram ze rgya mtsho'i rdul gyis rgyal po la lan gnyis su smras pa/ rgyal po chen po byang chub kyi lam ni dag pa lags pas bsam pas smon lam btab par bgyi ba ste/ lam de ni sgrib pa ma mchis pas rdzogs shing shin tu dang ba lags so/ /lam de ni lhag pa'i bsam pas rnam par dag cing drang po lags so/ /lam de ni nyon mongs pa bsal bas g.yo med cing dag pa lags so/ /lam de ni sgrib pa ma mchis pas rgya che ba lags so/ /lam de ni bsam pa las byung bas yang dag par gzhol ba lags so/ /lam de ni sdig pa thams cad mi bgyid pas 'jigs pa ma mchis pa</font><hr>45.172b<br><font size=+1>

lags so/ /lam de ni sbyin pa'i pha rol tu phyin pas yang dag par 'byor pa lags so/ /lam de ni tshul khrims kyi pha rol tu phyin pas bsil ba lags so/ /lam de ni bzod pa'i pha rol tu phyin pas gzhi ma mchis pa lags so/ /lam de ni brtson 'grus kyi pha rol tu phyin pas byin gyis brlabs kyi rten lags so/ /lam de ni bsam gtan gyi pha rol du phyin pas rnyog pa ma mchis pa lags so/ /lam de ni shes rab kyi pha rol tu phyin pas shin tu rtogs pa lags so/ /lam de ni snying rje chen pos ngo bo nyid kyi shes pa rjes su rtogs pa lags so/ /lam de ni dga' ba chen pos mchog tu dga' ba thob pa lags so/ /lam de ni btang snyoms chen pos snying po dang 'thun pa lags so/ /lam de ni 'dod pa dang / gnod sems dang / rnam par 'tshe ba'i rnam par rtog pa dag ma mchis pas tsher ma dang bral ba lags so/ /lam de ni khong khro ba'i sems ma mchis pas bgrod bde ba lags so/ /lam de ni gzugs dang / sgra dang / dri dang / ro dang / reg bya rnam par rig pas g.yo dang bral ba lags so/ /lam de ni khams dang skye mched shin tu mthong bas bdud dang phyir rgol ba nges par bcom pa lags so/ /lam de ni nyon mongs pa thams cad dang bral bas bdud dang bral ba lags so/ /lam de ni nyan thos dang rang sangs rgyas kyi yid la bgyid pa dang bral bas sems rgya chen por mchi ba lags so/ /lam de ni de bzhin gshegs pa thams cad kyis byin gyis brlabs pas spro ba dang bcas pa lags so/ /lam de ni thams cad mkhyen pa nyid kyi rin po che dang 'thun pas rin po che chen po nges par sgrub pa lags so/ /lam de ni bcom ldan 'das kyi ye shes chags pa mi mnga' bas rtag tu bstan pa lags so/ /lam de ni dge ba'i bshes gnyen gyis rjes su zin pas dge ba'i rtsa ba ston cing rjes su spyad pa lags so/ /lam de ni rjes su chags pa dang / khong khro ba spangs pas mtho dman dang bral</font><hr>45.173a<br><font size=+1>

ba lags so/ /lam de ni gnod sems dang / tha ba dang / khro ba ma mchis pas rdul nges par bcom pa lags so/ /lam de ni mi dge ba thams cad dang / bral bas bde 'gror mchi ba la sman pa lags so/ /rgyal po chen po byang chub kyi lam de ni mya ngan las 'das pa'i mthar thug pas bde ba 'thob pa lags kyis rgyal po chen po byang chub du thugs skyed cig /rgyal pos smras pa/ bram ze de bzhin gshegs pa 'di ni skye dgu lo brgyad khri pa rnams kyi nang du 'jig rten du byung bas na de bzhin gshegs pas ngan song thams cad zhi bar mdzad pa ma spyod de/ sems can gang dag gis dge ba'i rtsa ba bskyed pa'i sems can de dag ni 'bras bu la gnas par gyur/ la las ni ting nge 'dzin dang gzungs dang / bzod pa bsgrubs/ gang dag dge ba'i rtsa ba mchog tu gyur pa'i byang chub sems dpa' de dag ni byang chub las phyir mi ldog par gyur/ dge ba'i rtsa ba bskyed pa kha cig gis ni lha dang mi'i dpal nyams su myong bar gyur te/ sems can rnams rang rang gi dge ba dang / mi dge ba'i las rnams kyis 'phyan par gyur pas na 'di ltar sems can gcig tsam gyi sdug bsngal yang rab tu zhi bar ma mdzad na bcom ldan 'das kyis btul ba'i sems can gang zhig yin/ bcom ldan 'das kyi sku ni zhing du gyur pa 'ba' zhig du zad kyi dge ba'i rtsa ba ma skyed pa'i sems can rnams sdug bsngal las thar bar ni mi mdzad do/ /kho bo ni byang chub du sems bskyed cing byang chub sems dpa'i spyad pa yang spyod la/ kho bo ye shes chen po bsags pa dang / chos kyi sgo rgya chen po bsam gyis mi khyab par 'jug pa des sems can rnams 'dul zhing sangs rgyas kyi mdzad pa yang byed mod kyi sangs rgyas kyi zhing nyon mongs pa can 'di lta bur byang chub kyi phyir sems yongs su bsngo ba 'ba' zhig ni mi byed do/ /gal te gang gi tshe kho bo bla na med pa yang dag par rdzogs pa'i byang chub la reg par 'gyur ba'i sangs rgyas kyi zhing der kho bos</font><hr>45.173b<br><font size=+1>

sems can rnams kyi sdug bsngal thams cad rab tu zhi bar byed par 'gyur ba de lta bu'i sangs rgyas kyi zhing zhig 'thob par 'gyur ba lta na de'i tshe kho bo byang chub du sems skyed cing kho bos byang chub sems dpa'i spyod pa yang spyad par bya'o/ /rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying pos 'di lta bu'i rdzu 'phrul mngon par 'du bya ba mngon par 'du mdzad de/ de'i tshe ting nge 'dzin me long bkod pa zhes bya ba la snyoms par zhugs so/ /de ltar bcom ldan 'das kyis ting nge 'dzin me long bkod pa la mnyam par bzhag pa dang / 'di lta bu'i snang ba byung bar gyur te/ snang ba des phyogs bcu'i phyogs re rer yang 'jig rten gyi khams sangs rgyas kyi zhing stong gi 'jig rten gyi rdul snyed dag gi yon tan bkod pa thams cad snang bar gyur te/ la la dag na sangs rgyas bcom ldan 'das yongs su mya ngan las 'das pa dang / la la dag na yongs su mya ngan las 'da' ba'i phyir yang dag par zhugs pa dang / gang dag na byang chub sems dpa' sems dpa' chen po byang chub kyi shing drung na 'dug nas bdud pham par byed pa rnams dang / gang dag na mngon par rdzogs par sangs rgyas nas ring po ma lon par chos kyi 'khor lo skor ba rnams dang / gang dag na chos kyi 'khor lo bskor nas ring po ma lon par chos ston pa rnams dang / sangs rgyas kyi zhing dag na sangs rgyas dang byang chub sems dpa' rnams kyis khyab pa dang / gang dag na nyan thos dang rang sangs rgyas rnams 'byung ba med pa dang / gang dag na nyan thos dang rang sangs rgyas rnams 'byung ba dang / sangs rgyas kyi zhing gang dag na sangs rgyas dang / byang chub sems dpa' dang / nyan thos dang / rang sangs rgyas rnams kyis stong pa dang / sangs rgyas kyi zhing kha cig snyigs ma lngas nyon mongs pa can du gyur pa dang / kha cig snyigs ma lnga dang bral ba'i yongasu dag pa dang / kha cig na sems can mchog rnams dang / </font><hr>45.174a<br><font size=+1>

kha cig na dman pa rnams dang / kha cig na tshe ring ba rnams dang / kha cig na tshe thung ba rnams dang / sangs rgyas kyi zhing kha cig mes 'jig pa rnams dang / kha cig chu dang / kha cig rlung gis 'jig pa rnams dang / kha cig 'chags pa rnams dang / kha cig chags shing gnas pa de dag thams cad snang ba rgya chen pos khyab par kun tu snang ngo / /thams cad dang ldan pa'i 'khor des sangs rgyas kyi zhing gi yon tan bkod pa de dag mthong nas bram ze rgya mtsho'i rdul gyis rgyal po la smras pa/ rgyal po chen po sangs rgyas kyi zhing gi yon tan bkod pa dag la gzigs la/ rgyal po chen po bla na med pa yang dag par rdzogs pa'i byang chub du thugs bskyed cig /rgyal po chen po sangs rgyas kyi zhing ji lta bu bzhed par yang gzung bar mdzod cig /de nas rgyal po rtsibs kyi mu khyud kyis bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das las gang gis na byang chub sems dpa' sems dpa' chen po sangs rgyas kyi zhing yongs su dag pa yongs su 'dzin pa nas/ gang gis sems can rnams bsam pa yongs su dag pa dang / gang gis sems can rnams tshe ring por 'gyur ba'i bar du rgya cher gsol pa dang / bcom ldan 'das kyis bka' stsal pa/ rgyal po chen po byang chub sems dpa' sems dpa' chen po ni smon lam gyi dbang gis sangs rgyas kyi zhing snyigs ma lnga dang bral zhing yongs su dag pa dang / smon lam gyi dbang gis yongs su dag pa yang yongs su 'dzin to/ /rgyal pos gsol pa/ btsun pa bcom ldan 'das bdag grong khyer du zhugs te/ rtse gcig tu mchis nas smon lam bsam par bgyi zhing bdag snyigs ma lnga dang bral ba'i sangs rgyas kyi zhing ji lta bu la dga' ba der dge ba'i spyod pa 'di dag yongs su bsngo bar bgyi'o/ /bcom ldan 'das kyis bka' stsal pa/ rgyal po chen po de'i dus la bab par shes par gyis shig /</font><hr>45.174b<br><font size=+1>

rigs kyi bu de nas rgyal po rtsibs kyi mu khyud kyis bcom ldan 'das dang dge slong gi dge 'dun gyi zhabs la mgo bos phyag 'tshal te lan gsum bskor ba byas nas/ bcom ldan 'das kyi thad nas song ste grong khyer du zhugs nas rang gi khyim du nang du yang dag 'jog la rtse gcig tu 'dug nas sangs rgyas kyi zhing yon tan bkod pa dag sems par byed do// // bam po bzhi pa/ de nas bram ze rgya mtsho'i rdul gyis rgyal bu thu bo mig mi 'dzums la smras pa/ mig mi 'dzums khyod bla na med pa yang dag par rdzogs pa'i byang chub du sems skyed la/ khyod kyis bsod nams bya ba'i dngos po gsum po dag gis dge ba spyad cing bsod nams bsgrubs pa gang yin pa de dag thams cad bla na med pa yang dag par rdzogs pa'i byang chub tu yongs su sngos shig /des smras pa/ mkhan po bdag kyang rang gi khyim du mchis la gcig pu dben par mchis nas sangs rgyas kyi zhing gi yon tan bkod pa dag bsam par bgyi ste/ gal te byang chub kyi slad du sems skye bar 'gyur ba lta na bcom ldan 'das kyi drung du slar mchis nas byang chub du sems yongs su bsngo bar bgyi'o/ /de nas rgyal bu des kyang bcom ldan 'das dang dge slong gi dge 'dun gyi zhabs la mgo bos phyag 'tshal te lan gsum bskor ba byas nas bcom ldan 'das kyi drung nas song ste/ rang gi gnas su song nas gcig tu dben par song ste 'dug nas sangs rgyas kyi zhing gi yon tan bkod pa dag sems par byed do/ /rigs kyi bu de nas mdun na 'don gyi gtso bo bram ze rgya mtsho'i rdul gyis rgyal bu gnyis pa la bos te smras pa/ gzhon nu khyod byang chub tu sems skyed cig ces bya ba nas snga ma bzhin du rgya cher sbyar te/ rgyal bu stong gi bar du thams cad byang chub yang dag par 'dzin du bcug go/ /khams kyi rgyal po brgyad khri bzhi stong dang / gzhan yang sems can dung phyur phrag dgu dang / bye ba phrag gnyis</font><hr>45.175a<br><font size=+1>

kyang byang chub yang dag par 'dzin du bcug pa dang / de dag thams cad kyis kyang 'di skad ces smras so/ /bdag cag kyang rang rang gi khyim du mchis la gcig pu dben par mchis nas sangs rgyas kyi zhing gi yon tan bkod pa dag bsam par bgyi'o/ /de skad ces smras nas thams cad rang rang gi khyim dag tu dong ste gcig pu dben par 'dug nas lo bdun gyi bar du sangs rgyas kyi zhing gi yon tan bkod pa'i smon lam sems par byed do/ /rigs kyi bu de nas dus gzhan zhig na bram ze rgya mtsho'i rdul gyi sems la 'di lta bu'i rnam par rtog pa skyes te/ bdag gis srog chags bye ba khrag khrig 'bum phrag mang po dag bla na med pa yang dag par rdzogs pa'i byang chub yang dag par 'dzin du bcug cing / bdag gis sangs rgyas bcom ldan 'das dge slong gi dge 'dun dpag du med pa dang bcas pa 'di yang lo bdun gyi bar du yo byad thams cad kyis spyan drangs pas/ gal te bla na med pa yang dag par rdzogs pa'i byang chub tu bdag gis bsam pa yongs su rdzogs par 'gyur zhing de bzhin du smon lam 'di yang 'grub pa lta na de'i phyir bdag gis lha dang / lha ma yin dang / dri za dang / gnod sbyin dang / srin po dang / grul bum rnams mchod sbyin chen po 'di la yang dag par gzud par bya'o snyam mo/ /rigs kyi bu de nas mdun na 'don gyi gtso bo bram ze rgya mtsho'i rdul rgyal po rnam thos kyi bu mthong bar 'dod pa dang / de nas rgyal po chen po rnam thos kyi bu gnod sbyin 'bum phrag du mas yongs su bskor cing mdun du bdar nas/ bram ze rgya mtsho'i rdul ga la ba der song ste phyin pa dang / bram ze rgya mtsho'i rdul gyi mdun du 'dug nas 'di skad ces smras so/ /bram ze khyod kho bo las ji zhig 'dod/ /bram zes smras pa/ khyod su zhig yin/ rnam thos kyi bus smras pa/ bram ze chen po khyod kyis gnod sbyin gyi bdag po rnam thos kyi bu zhes bya ba zhig yod par thos pa de ni</font><hr>45.175b<br><font size=+1>

kho bo yin na bram ze bsgo ba ci yod/ ci zhig bgyi/ bram zes smras pa/ rgyal po chen po khyod kyang mchod sbyin chen po 'di la spro ba skyed cig /des smras pa/ bram ze khyod ji ltar 'dod pa de ltar bya'o/ /smras pa/ rgyal po chen po de'i phyir khyod kyis kho bo'i tshig gis gnod sbyin rnams bla na med pa yang dag par rdzogs pa'i byang chub yang dag par 'dzin du bcug la 'di skad ces kyang bsgo shig /gal te gnod sbyin khyed cag bla na med pa yang dag par rdzogs pa'i byang chub 'dod pa lta na/ khyod cag deng la rgya mtsho'i pha rol nas tsan dan sa mchog pa dang / tsan dan sbrul gyi snying po dag long shig /kha cig gis ni spos sna tshogs dang / kha cig gis ni me tog sna tshogs dag long shig ces bsgo shig dang / des kho bos nyin gcig bzhin du bcom ldan 'das la mchod pa bya'o/ /rgyal po chen po rnam thos kyi bu bram ze de ltar bya'o zhes bram ze de'i ltar mnyan nas de nyid du mi snang bar gyur te/ rnga bo che brdungs nas gnod sbyin dang / srin po dag bsdus te 'di skad ces smras so/ /grogs po dag shes par gyis shig /gang 'dzam bu'i gling 'di na rgyal po rtsibs kyi mu khyud kyi mdun na 'don gyi gtso bo bram ze rgya mtsho'i rdul ces bya ba des de bzhin gshegs pa dgra bcom pa yang dag par rdzogs pa'i sangs rgyas rin po che'i snying po dge slong gi dge 'dun dang bcas pa la lo bdun du yo byad thams cad kyis bsnyen bkur byed kyis/ de'i phyir khyed cag gis de'i dge ba'i rtsa ba la rjes su yi rang bar bya zhing dge ba'i rtsa ba des khyed cag gis bla na med pa yang dag par rdzogs pa'i byang chub du sems skyed cig /de'i tshe na gnod sbyin dang / srin po bye ba khrag khrig 'bum phrag mang po dag gis thal mo sbyar te smras pa/ bram ze rgya mtsho'i rdul gyis de bzhin gshegs pa dgra bcom pa yang dag par rdzogs pa'i sangs rgyas rin po che'i snying po dge slong gi dge 'dun dpag tu med pa dang / bcas pa la lo bdun du yo byad</font><hr>45.176a<br><font size=+1>

thams cad kyis bsnyen bkur byas pa'i bsod nams kyi rgyun dang / dge ba'i rgyun gang yin pa'i bsod nams kyi phung po de dag thams cad la bdag cag rjes su yi rang ngo / /dge ba'i rtsa ba des bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /rgyal po chen po rnam thos kyi bus smras pa/ khyed cag nyon cig /khyed cag las gang su dge ba'i rtsa ba 'dod pa dang / bsod nams 'dod pas lo bdun du gang gi phyir bram ze rgya mtsho'i rdul gyis bcom ldan 'das dang / dge slong gi dge 'dun gyi zhal zas sbyor bar 'gyur ba'i tsan dan sa mchog pa dang / tsan dan sbrul gyi snying po dag rgya mtsho'i pha rol nas long shig /de nas gnod sbyin dgu khri nyis stong gis tshig mthun par smras pa/ grogs po dag bdag cag gi lo bdun po 'di la gang gis lo bdun po 'di la gang gi phyir bram ze rgya mtsho'i rdul gyis bcom ldan 'das dang / dge slong gi dge 'dun gyi phyir zhal zas sbyor bar 'gyur ba'i tsan dan sa mchog pa dang / tsan dan sbrul gyi snying po dag blang bar bya'o/ /gnod sbyin bzhi khri drug stong gis smras pa/ bdag cag gis ni spos blang bar bya'o/ /gnod sbyin lnga khri nyis stong gis smras pa/ bdag cag gis ni me tog sna tshogs dag blang bar bya'o/ /gnod sbyin nyi khris smras pa/ bdag cag gis ni bcom ldan 'das dang / dge slong gi dge 'dun gyi phyir sman bcud kyis len sna tshogs dag gi mthu blangs la zhal zas dang / stsang nan sbyor bar 'gyur ba gang yin pa der mthu gzhugs par bya'o/ /gnod sbyin bdun khris smras pa/ grogs po dag bdag cag gis ni bcom ldan 'das dang / dge slong gi dge 'dun gyi zhal zas sbyar bar bya'o/ /rigs kyi bu de nas bram ze rgya mtsho'i rdul rgyal po chen po 'phags skyes po mthong bar 'dod pa dang / de nas rgyal po chen po 'phags skyes po bram ze rgya mtsho'i rdul ga la ba der song ste phyin cing grul bum bye ba khrag khrig</font><hr>45.176b<br><font size=+1>

'bum phrag du ma dag gis bla na med pa yang dag par rdzogs pa'i byang chub du sems bskyed pa'i bar dang / de bzhin du rgyal po chen po mig mi bzang dang / yul 'khor srung dang / klu dang / dri za bye ba khrag khrig 'bum phrag du ma dag gis kyang bla na med pa yang dag par rdzogs pa'i byang chub du sems bskyed pa'i bar du snga ma bzhin no/ /de nas sangs rgyas kyi mthus gling bzhi pa gnyis pa'i 'jig rten skyong ba rnams kyang bram ze rgya mtsho'i rdul gyi gan du 'ongs pa dang / bram ze rgya mtsho'i rdul gyis de dag bla na med pa yang dag par rdzogs pa'i byang chub du yang dag par 'dzin du bcug nas de dag kyang dong ste rang rang gi 'khor bla na med pa yang dag par rdzogs pa'i byang chub yang dag par 'dzin du bcug go/ /stong gsum gyi stong chen po'i sangs rgyas kyi zhing gi rnam thos kyi bu ther 'bum 'khor dang bcas pa yang bla na med pa yang dag par rdzogs pa'i byang chub yang dag par 'dzin du bcug go/ /'phags skyes po ther 'bum dang / mig mi bzang ther 'bum dang / yul 'khor srung ther 'bum 'khor dang bcas pa dag kyang bla na med pa yang dag par rdzogs pa'i byang chub yang dag par 'dzin du bcug go/ /rigs kyi bu de nas bram ze rgya mtsho'i rdul 'di snyam du sems te/ gal te bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing bdag gi re ba yang yang dag par 'grub par 'gyur la/ gal te bdag gi smon lam yang yang dag par 'grub par 'gyur ba lta na bdag 'dod pa na spyod pa'i lha rnams la mchod sbyin chen po 'di'i bsod nams yang dag par bgo bsha' byed par gyur cig /bla na med pa yang dag par rdzogs pa'i byang chub yang dag par 'dzin du 'jug par gyur cig gal te bdag bsod nams des bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lta na deng lha'i dbang po brgya byin bdag la lta ba'i phyir 'dir 'ong bar gyur cig /lha'i bu rab 'thab bral dang / lha'i bu yongs su</font><hr>45.177a<br><font size=+1>

dga' ldan dang / lha'i bu rab 'phrul dang / lha'i bu gzhan 'phrul dbang byed kyang bdag blta ba'i phyir 'dir 'ong bar gyur cig snyam mo/ /rigs kyi bu bram ze rgya mtsho'i rdul gyis de snyam du sems bskyed ma thag tu lha'i dbang po brgya byin bram ze de lta ba'i phyir 'ongs so/ /lha'i bu rab 'thab bral dang / lha'i bu yongs su dga' ldan dang / lha'i bu rab 'phrul dang / lha'i bu gzhan 'phrul dbang byed kyang bram ze de lta ba'i phyir 'ongs nas/ bram ze rgya mtsho'i rdul gyi de dag la khyed cag su yin zhes dris pa dang / lha'i rgyal po lnga po dag gis rang rang gi ming rus bstan nas 'di skad ces smras so/ /kye bram ze kho bo cag la sgo ba ni ci zhig yod/ mchod sbyin chen po 'di la kho bo cag gis yo byad dag sbyar bar bya ba lta ci yod/ bram zes smras pa/ bcom ldan 'das dang / dge slong gi dge 'dun gyi phyir khyed cag lha'i 'jig rten na thams cad las khyad par du 'phags pa'i rin po che'i khang pa brtsegs pa dag dang / rin po che'i shing ljon pa dag dang / dpag bsam gyi shing ljon pa dag dang / spos kyi shing ljon pa dag dang / me tog gi shing ljon pa dag dang / 'bras bu'i shing ljon pa dag dang / lha'i na bza' dag dang / lha'i gdan dag dang / lha'i gding ba dag dang / lha'i rin po che'i snod dag dang / lha'i rgyan dag dang / gdugs dang / rgyal mtshan dang / ba dan dang / lhab lhub dag dang / lha'i rol mo'i sgra gang dag yod pa de dag thams cad kyis 'dzam bu'i tshal thams cad brgyan par gyis shig /lha'i rgyal po lnga po de dag gis grogs po de ltar bya'o zhes bram ze'i ltar mnyan te/ bram ze'i drung nas phyir log nas lha'i 'jig rten du dong ste phyin pa dang / lha'i bu 'khri byed dang / lha'i bu 'khyil byed dang / lha'i bu snar ma skyes dang / lha'i bu sa rtsom dga' rnams bos te 'di skad ces smras so/ /grogs po dag khyed cag deng la 'dzam</font><hr>45.177b<br><font size=+1>

bu'i gling du babs te/ bcom ldan 'das kyi phyir 'dzam bu'i tshal gyi bskyed mos tshal rgyan gyi khyad par sna tshogs dag dang / gdan dang / gding ba sna tshogs dag gis ji ltar lha'i 'jig rten 'di brgyan pa de lta bu dag gis brgyan par gyis shig /grogs po dag rin po che'i khang pa brtsegs pa 'di lta bu yang brtsig du chug shig /'di lta ste/ khang pa brtsegs pa rin po che'i ba gam can 'di ci 'dra ba de lta bu'i rin po che'i khang pa brtsegs pa brtsig du chug shig /lha'i bu de lngas lha'i rgyal po rnams kyi ltar mnyan nas 'dzam bu'i gling du babs te/ bcom ldan 'das kyi phyir mtshan gcig gis 'dzam bu'i tshal gyi bskyed mos tshal thams cad rin po che'i shing ljon pa dag dang / rgyal mtshan gyi bar dag gi rgyan de lta bu dag gis brgyan to/ /'di lta ste/ dper na lha'i dbang po brgya byin gyi khang pa brtsegs pa rin po che'i ba gam can ci 'dra ba de lta bu'i khang pa brtsigs pa yang brtsigs te/ 'dzam bu'i tshal thams cad lha'i rgyan gyis rnams pa thams cad du yongs su mthar thug par brgyan nas lha'i rgyal po rnams kyi gan du song ste smras pa/ grogs po dag mkhyen par mdzod cig /ji ltar lha'i 'jig rten 'di legs par brgyan pa de bzhin du/ bcom ldan 'das kyi phyir 'dzam bu tshal gyi bskyed mos tshal yang lha'i rgyan gyi khyad par rnams kyis rnam pa thams cad du yongs su mthar thug par brgyan cing 'di lta ste/ dper na lha'i dbang po brgya byin gyi khang pa brtsegs pa rin po che'i ba gam can ci 'dra ba de lta bu'i rin po che thams cad kyi khang pa brtsegs pa yang brtsigs lags te/ grogs po dag lha'i 'jig rten dang / 'dzam bu'i gling gi 'dzam bu'i tshal gyi bskyed mos tshal ni khyad par cung zad kyang ma mchis so/ /de nas lha'i rgyal po lnga po brgya byin dang rab 'thab bral dang / yongs su dga' ldan dang / rab 'phrul dang / gzhan 'phrul dbang byed de dag 'dzam bu'i gling du babs nas bram ze rgya mtsho</font><hr>45.178a<br><font size=+1>

'i rdul gyi drung du song ste 'di skad ces smras so/ /bram ze bcom ldan 'das dang / dge slong gi dge 'dun gyi phyir 'dzam bu'i tshal ni brgyan zin na yang kho bo cag gis bya ba lta ci yod/ de skad ces smras pa dang / bram ze rgya mtsho'i rdul gyis lha'i bu lnga po de dag la 'di skad ces smras so/ /lha'i rgyal po khyed lnga ni lha'i ris so so na rgyal srid bya ba yin pas de na khyed cag gi dbang du 'gyur gyis lha'i rgyal po dag deng la rang rang gi lha'i 'khor rnams bsdus te bcom ldan 'das dang dge slong gi dge 'dun la blta ba dang / phyag bya ba dang / bsnyen bkur bya ba'i phyir 'dzam bu'i gling du sheg la bcom ldan 'das las chos kyang nyon cig /de nas lha'i rgyal po de lnga rang rang gi gnas kyi khyad par rnams su dong ste phyin pa dang / lha'i dbang po brgya byin gyis sum bcu rtsa gsum pa'i lha rnams bsdus te 'di skad ces smras so/ /grogs po dag shes par gyis shig /'dzam bu'i gling na rgyal po rtsibs kyi mu khyud kyi mdun na 'don gyi gtso bo bram ze rgya mtsho'i rdul ces bya ba des de bzhin gshegs pa rin po che'i snying po dge slong gi dge 'dun dpag tu med pa dang bcas pa la lo bdun du yo byad thams cad kyis spyan drangs shing ri mor byed de/ bram ze rgya mtsho'i rdul gyis yang dag par 'dzin du bcug pas kho bo cag gis kyang bcom ldan 'das dang dge slong gi dge 'dun gyi phyir bskyed mos tshal thams cad brgyan zin kyis/ de'i phyir khyod kyis kyang dge ba'i rtsa ba de la rjes su yi rang bar gyis la bla na med pa yang dag par rdzogs pa'i byang chub tu sems skyed cig /de'i tshe na sum bcu rtsa gsum pa'i lha bye ba khrag khrig 'bum phrag mang po dag gis thal mo sbyar te tshig tu smras pa/ grogs po bdag cag gis bsod nams kyi phung po de la rjes su yi rang bar bya zhing rjes su yi rang ba de las byung ba'i bsod nams gang yin pa de dag thams cad kyang bla na med pa yang dag par rdzogs pa'i byang chub</font><hr>45.178b<br><font size=+1>

tu yongs su bsngo bar bya'o/ /lha'i bu rab 'thab bral gyis kyang 'thab bral gyi lha'i bu rnams bsdus te/ rgya cher snga ma bzhin du sbyar bar bya'o/ /lha'i bu yongs su dga' ldan dang / lha'i bu 'phrul dga' dang / lha'i bu gzhan 'phrul dbang byed kyis kyang gzhan 'phrul dbang byed kyi bar gyi lha'i bu dag bsdus nas lha'i bu bye ba khrag khrig 'bum phrag mang po dag gis thal mo sbyar te tshig du smras pa/ grogs po dag bdag cag gis dge ba'i rtsa ba rnams kyi bsod nams gang yin pa de la rjes su yi rang bar bya zhing de dag thams cad bla na med pa yang dag par rdzogs pa'i byang chub du yongs su bsngo bar byas/ grogs po dag de'i phyir 'dzam bu'i gling du 'bab cing bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba dang / chos mnyan pa'i phyir 'deng ngo / /lha'i rgyal po de lnga nub mo lha'i rgyal po re re zhing yang skyes pa dang / bud med dang / khye'u dang / bu mo bye ba khrag khrig 'bum phrag mang po dag dang lhan cig du 'dzam bu'i gling du babs te/ bcom ldan 'das dang dge slong gi dge 'dun gyi zhabs la mgo bos phyag 'tshal te/ bcom ldan 'das la chos nyan to/ /nam mkha'i dkyil na gnas pa'i lha rnams kyang bcom ldan 'das la lha'i me tog ud pa la dang / pad ma dang / ku mu da dang / pad ma dkar po dang / sna ma dang / bar shi ka dang / a ti mug ta ka dang / tsam pa ka dang / man dA ra ba dang / man dA ra ba chen po'i me tog gi char dag 'bebs shing lha'i rol mo'i sgra dag kyang rab tu sgrogs par byed do/ /rigs kyi bu gzhan yang bram ze rgya mtsho'i rdul gyi sems la sems kyi yongs su rtog pa 'di lta bu skyes te/ gal te bla na med pa yang dag par rdzogs pa'i byang chub la bdag gi re ba yongs su rdzogs par 'gyur zhing smon lam 'di yang 'grub pa lta na/ 'di ltar lha ma yin</font><hr>45.179a<br><font size=+1>

dag kyang byang chub yang dag par 'dzin du 'jug par gyur cig snyam mo/ /rigs kyi bu des sems bskyed ma thag tu gnod sbyin gyi dbang po lnga bram ze de ga la ba der dong ste lhags pa nas/ bram ze'i tshig gis lha ma yin skyes pa dang / bud med dang / khye'u dang / bu mo dang bcas pa bye ba khrag khrig 'bum phrag mang po dag gis bla na med pa yang dag par rdzogs pa'i byang chub du sems bskyed cing / bcom ldan 'das kyi drung du 'ongs nas chos nyan pa'i bar du snga ma bzhin du rgya cher sbyar ro/ /de bzhin du bram ze de bdud 'dod pa dang / de'i tshe na bdud gang po zhes bya ba 'ongs pa nas bdud kyi ris kyi lha'i bu skyes pa dang / bud med dang / khye'u dang / bu mo dang bcas pa bye ba khrag khrig 'bum phrag du ma dag gis bla na med pa yang dag par rdzogs pa'i byang chub tu sems bskyed pa'i bar dang / chos mnyan pa'i phyir lhags pa'i bar du snga ma bzhin du sbyar ro/ /rigs kyi bu de nas yang bram ze rgya mtsho'i rdul tshangs pa chen po gnas pa'i grong khyer zhes bya ba 'ong bar 'dod pa nas bram ze las mnyan cing tshangs pa'i 'jig rten du srog chags bye ba khrag khrig brgya stong mang po dag gis bla na med pa yang dag par rdzogs pa'i byang chub tu sems bskyed nas bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba dang / bcom ldan 'das las chos mnyan pa'i phyir de nas babs pa'i bar du snga ma bzhin du sbyar ro/ /rigs kyi bu de nas yang bram ze rgya mtsho'i rdul gling bzhi pa gnyis pa'i brgya byin mthong bar 'dod cing lha'i bu rab 'thab bral dang / yongs su dga' ldan dang / rab 'phrul dang / gzhan 'phrul dbang byed rnams dang mthong bar 'dod pa dang / bcom ldan 'das kyi mthus lha'i rgyal po de lnga yang bram ze'i drung du lhags nas bram ze des de dag yang dag par rjes su bstan pa dang / de dag kyang rang rang gi lha'i gnas dag tu dong nas</font><hr>45.179b<br><font size=+1>

bram ze'i tshigs gis rang rang gi 'khor rnams kyang yang dag par 'dzin du bcug go/ /de bzhin du sum bcu rtsa gsum pa'i lha'i bu skyes pa dang / bud med dang / khye'u dang / bu mo dang bcas pa bye ba khrig khrig 'bum phrag mang po dag gis kyang bla na med pa yang dag par rdzogs pa'i byang chub tu sems skyed nas de dag kyang brgya byin dang lhan cig tu bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba dang / bcom ldan 'das las chos mnyan pa'i phyir gling bzhi pa 'dir lhags so/ /de bzhin du lha'i bu rab 'thab bral dang / yongs su dga' ldan dang / 'phrul dga' dang / gzhan 'phrul dbang byed rnams kyis kyang gzhan 'phrul dbang byed kyi bar gyi lha'i bu rnams byang chub yang dag par 'dzin du bcug nas/ gzhan 'phrul dbang byed kyi bar gyi lha'i bu skyes pa dang / bud med dang / khye'u dang / bu mo dang bcas pa bye ba khrag khrig 'bum phrag mang po dag gis kyang bla na med pa yang dag par rdzogs pa'i byang chub du sems bskyed de/ bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba dang / bcom ldan 'das las chos mnyan pa'i phyir gling bzhi pa 'dir lhags so/ /gling bzhi pa gnyis pa'i lha ma yin gyi dbang po dang / bdud dang / tshangs pa rnams kyang de bzhin no/ /de bzhin du gling bzhi pa gsum pa dang / bzhi pa dang / lnga pa'i bar dag gi brgya byin dang / lha'i bu rab 'thab bral dang / yongs su dga' ldan dang / 'phrul dga' dang / gzhan 'phrul dbang byed dang / lha ma yin gyi dbang po dang / bdud dang / tshangs pa rnams kyang bcom ldan 'das kyi mthus chos mnyan pa'i bar gyi phyir de dag 'khor dang bcas te gling bzhi pa 'dir lhags so/ /de bzhin du stong gsum gyi stong chen po'i sangs rgyas kyi zhing gi bar dag nas kyang brgya byin ther 'bum dang / lha'i bu rab 'thab bral ther 'bum dang / yongs su dga'</font><hr>45.180a<br><font size=+1>

ldan ther 'bum dang / 'phrul dga' ther 'bum dang / gzhan 'phrul dbang byed ther 'bum dang / lha ma yin gyi dbang po ther 'bum dang / bdud ther 'bum dang / tshangs pa chen po ther 'bum dag kyang bcom ldan 'das kyi mthus tshangs pa chen po'i bar du re re zhing yang tshangs ris kyi lha bla na med pa yang dag par rdzogs pa'i byang chub tu sems bskyed pa bye ba khrag khrig 'bum phrag du ma'i bar dag gis yongs su bskor cing mdun du bdar nas bcom ldan 'das dang / dge slong gi dge 'dun la blta ba dang / phrad par bya ba dang / phyag bya ba dang / bsnyen bkur bya ba dang / bcom ldan 'das la chos mnyan pa'i phyir gling bzhi pa 'dir lhags so/ /de'i tshe na stong gsum gyi stong chen po'i 'jig rten gyi khams 'di dag kyang khyab par ma gyur pa'i sa phyogs de ni cung zad kyang med do/ /rigs kyi bu de nas bram ze rgya mtsho'i rdul 'di snyam du sems te/ gal te bla na med pa yang dag par rdzogs pa'i byang chub la bdag gi re ba yongs su rdzogs par 'gyur zhing / ji ltar rnam thos kyi bu ther 'bum dang / tshangs pa chen po ther 'bum gyi bar 'di dag bdag dang 'thun par 'jug pa de bzhin du bcom ldan 'das kyang bdag dang 'thun par mdzad pa lta na/ stong gsum gyi stong chen po'i 'jig rten gyi khams kyi bar gyi mi dang / dud 'gro dang / gshin rje'i 'jig rten pa dang / sems can dmyal ba de dag thams cad kyi sdug bsngal gyi tshor ba rab tu zhi bar mdzad la bde ba'i tshor ba skyed nas de dag re re'i mdun na yang sangs rgyas kyi sprul pa bzhugs shing des sems can de dag bla na med pa yang dag par rdzogs pa'i byang chub yang dag par 'dzin du bcug par 'gyur ba de lta bu'i cho 'phrul chen po mdzad par gyur cig snyam mo/ /rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying pos bram ze rgya mtsho'i rdul gyi sems kyi yongs su rtog pa thugs kyis mkhyen nas de'i tshe ting nge 'dzin rab tu gdung ba</font><hr>45.180b<br><font size=+1>

zhes bya ba la snyoms par zhugs so/ /'di ltar bcom ldan 'das kyis ting nge 'dzin rab tu gdung ba la thugs mnyam par bzhag pas bcom ldan 'das kyi sku las spu'i khung bu re re nas kyang 'od zer bgrang ba las yang dag par 'das pa snyed dag byung ste/ 'od zer de dag gis stong gsum gyi stong chen po'i 'jig rten gyi khams de khyab par gyur to/ /de la 'od zer kha cig ni sems can dmyal bar dong nas grang ba'i sems can dmyal bar skyes pa'i sems can rnams la rlung dron po dag langs so/ /gang dag tsha ba'i sems can dmyal bar skyes pa'i sems can de dag la ni rlung bsil ba dag langs ste/ des sems can dmyal ba'i sems can de dag gi bkres pa dang / skom pa dang / ngal ba'i sdug bsngal thams cad rab tu zhi bar byas nas bde ba'i tshor ba bskyed do/ /sems can dmyal ba pa re re'i mdun na yang sangs rgyas kyi sprul pa'i sku skyes bu chen po'i mtshan sum bcu rtsa gnyis kyis sku brgyan cing dpe byad bzang po brgyad bcus gzugs legs par spras pa bzhugs so/ /de nas sems can dmyal ba pa bde ba dang ldan pa de dag 'di snyam du sems te/ rkyen gang gis bdag cag gi sdug bsngal rab tu zhi zhing bde ba skyes par gyur snyam pa dang / de dag gis bcom ldan 'das kyi sku skyes bu chen po'i mtshan sum bcu rtsa gnyis kyis legs par brgyan cing dpe byad brgyad bcus rnam par mdzes pa de mthong ngo / /de dag gis de mthong nas 'di skad du snying rje chen po dang ldan pa'i bdag nyid chen po 'di'i mthus bdag cag 'di ltar bde bar gyur to zhes zer zhing de dag dga' ba dang bde ba bskyes nas rab tu dang ba'i yid kyis bcom ldan 'das la blta ba dang / bcom ldan 'das kyis de dag la 'di skad ces sems can dag khyed cag sangs rgyas la phyag 'tshal lo zhes legs par tshig du brjod la bla na med pa yang dag par rdzogs pa'i byang chub tu sems bskyed cig dang / khyed cag phyis sdug bsngal gyi tshor ba myong bar mi 'gyur zhing rtag tu bde ba'i</font><hr>45.181a<br><font size=+1>

tshor ba 'di lta bu dag 'thob par 'gyur ro zhes bka' stsal pa dang / de dag gis kyang 'di skad ces bdag cag sangs rgyas la phyag 'tshal zhing bla na med pa yang dag par rdzogs pa'i byang chub tu sems bskyed kyis dge ba'i rtsa ba des bdag cag gi las kyi sgrib pa zad par gyur cig ces smras so/ /de nas kha cig shi 'phos nas kyang mi rnams dang skal pa mnyam par skyes so/ /sems can dmyal ba pa'i sems can gang dag mes sreg pa de dag la yang 'od zer de dag gis rlung bsil ba dag rab tu btang ste/ de dag gis de la reg pa dang bkres pa dang / skom pa rab tu zhi zhing sdug bsngal med par gyur nas/ kha cig de nas shi 'phos nas mi rnams dang / skal ba mnyam par skyes pa'i bar du gyur to/ /de bzhin du dud 'gro'i skye gnas rnams la yang brjod par bya'o/ /de bzhin du mi rnams kyi bar la yang brjod par bya'o/ /'od de yang phyir log ste bcom ldan 'das la lan gsum bskor ba byas nas/ bcom ldan 'das kyi dbu'i gtsug du nub pa lha dang / gnod sbyin dang / srin po dang / klu dang / lha ma yin bgrang ba las yang dag par 'das pa dag gis mthong nas bla na med pa yang dag par rdzogs pa'i byang chub las phyir mi ldog pa la gnas par gyur to/ /sems can bgrang ba las yang dag par 'das pa dag gis kyang ting nge 'dzin dang / bzod pa dang / gzungs thob par gyur to/ /'dzam bu'i gling gi mi rnams kyis bcom ldan 'das dang / dge slong gi dge 'dun gyi ched kyi phyir lha rnams kyis rgyal po'i pho brang grong khyer yid 'ong 'dzin kyi 'dzam bu'i tshal gyi skyed mos tshal lha'i brgyan dang / lhab lhub dag gis brgyan to zhes thos nas bdag cag dong ste blta zhing der de bzhin gshegs pa rin po che'i snying po dang / dge slong gi dge 'dun yang lta'o/ /der song nas bcom ldan 'das las chos kyang mnyan par bya'o zhes smras nas/ de'i tshe na mi rnams las skyes</font><hr>45.181b<br><font size=+1>

pa dang / bud med dang / khye'u dang / bu mo bye ba khrag khrig 'bum phrag du ma dag bcom ldan 'das dang / dge slong gi dge 'dun la blta ba dang / phyag bya ba dang / phrad par bya ba dang / bsnyen bkur bya ba dang / bskyed mos tshal de yang mthong bar 'dod pa'i phyir nyin gcig bzhin du grong khyer yid 'ong 'dzin du 'ong ngo / /skyed mos tshal de la yang rin po che sna bdun las byas pa'i sgo nyi khri yod de/ bskyed mos tshal gyi sgo re re zhing rin po che'i khri'u lnga brgya lnga brgya bshams nas de dag la bram ze'i khye'u lnga brgya lnga brgya 'khod nas sems can gang dag 'dos shing bskyed mos tshal der 'jug pa de dag bram ze'i khye'u de dag gis sangs rgyas la skyabs su gtong / chos dang dge 'dun la skyabs su gtong zhing bla na med pa yang dag par rdzogs pa'i byang chub yang dag par 'dzin du 'jug ste 'dzud cing sems kyang skyed du 'jug go/ /gang dag nye ba na gnas pa rnams dang / gang dag ring ba na gnas pa rnams kyang bcom ldan 'das la blta ba dang / phyag bya ba dang / dge slong gi dge 'dun yang blta ba'i phyir phyis bskyed mos tshal der 'jug go/ /de ltar mdun na 'don gyi gtso bo bram ze rgya mtsho'i rdul gyis lo bdun po de dag las lha bgrang ba las 'das pa dag bla na med pa yang dag par rdzogs pa'i byang chub yang dag par 'dzin du bcug ste btul cing btsud de rab tu bkod do/ /klu dang / lha ma yin dang / gnod sbyin dang / srin po dang / grul bum dang / dri za dang / yi dgas dang / sha za dang / sems can dmyal ba dang / dud 'gro'i skye gnas su skyes pa bgrang ba las 'das pa'i bar dag kyang bla na med pa yang dag par rdzogs pa'i byang chub yang dag par 'dzin du bcug ste btul cing btsud de rab du bkod do/ /bram ze rgya mtsho'i rdul de lo bdun po de dag 'das nas kyang lha'i 'khor lo rin po che ma gtogs par 'khor lo brgyad khri bzhi stong dang / glang po rin po che ma gtogs pa rin po che'i sna bdun gyi rgyan gyis brgyan pa'i glang po che brgyad khri bzhi stong dang / shing rta brgyad khri</font><hr>45.182a<br><font size=+1>

bzhi stong gi bar dag kyang 'bul bar 'dod do/ /rgyal po rtsibs kyi mu khyud kyang lo bdun po de dag 'das 'das su 'dod chags la 'dun pa ma skyes so/ /zhe sdang la 'dun pa med/ gti mug la 'dun pa med/ rgyal srid la 'dun pa med/ nor la 'dun pa med/ bu la 'dun pa med/ bu mo la 'dun pa med/ zas la 'dun pa med/ skom la 'dun pa med/ gos la 'dun pa med/ spos la 'dun pa med/ bzhon pa la 'dun pa med/ gnyid la 'dun pa med/ bdag du 'dun pa med/ gzhan du 'dun pa med par gyur to/ /lo bdun du glos phab ste nyal bar ma gyur kyang / de la mtshan mo'i 'du shes ma skyes/ nyin mo'i 'du shes ma skyes so/ /gzugs kyi 'du shes ma yin/ sgra'i 'du shes ma yin/ dri'i 'du shes ma yin/ ro'i 'du shes ma yin te/ reg bya'i 'du shes kyang ma skyes so/ /lo bdun du de dag gis lus la ngal ba ma skyes te/ rtag par rgyun du phyogs bcu'i phyogs re rer yang 'jig rten gyis khams sangs rgyas kyi zhing stong gi rdul phra rab kyi rdul snyed dag gis sangs rgyas kyi zhing gi yon tan bkod pa dag mthong yang de'i mig lam du ri rab snang bar ma gyur/ ri gzhan dag kyang ma yin/ khor yug kyang ma yin/ khor yug chen po dag kyang ma yin/ 'jig rten gyi bar dag kyang ma yin/ nyi ma dang zla ba dag kyang ma yin te/ lha'i gzhal med khang dag kyang mig lam tu snang bar ma gyur cing ji ltar sangs rgyas kyi zhing yongs su dag pa de dag mthong ba de bzhin du sangs rgyas kyi zhing yongs su dag pa'i yon tan bkod pa dag la lta zhing smon lam sems par byed do/ /ji ltar rgyal po rtsibs kyi mu khyud de lta bu'i bde ba'i yon tan gyi gnas pas lo bdun du gnas pa dang / de lta bu'i sangs rgyas kyis zhing gi yon tan bkod pa dag mthong zhing sangs rgyas kyi zhing yongs su dag pa'i yon tan bkod pa'i smon lam sems shing 'dug pa de bzhin du rgyal bu thu bo mig mi 'dzums dang / mu khyud dang / dbang po'i tshogs dang / de bzhin du rgyal bu</font><hr>45.182b<br><font size=+1>

stong po de dag thams cad dang / khams kyi rgyal po brgyad khri bzhi stong dang / gzhan yang srog chags dung phyur phrag dgu dang / bye ba phrag gnyis po thams cad kyang de ltar lo bdun du gcig pu dben par song ste nang du yang dag 'jog la zhugs nas/ phyogs bcu'i phyogs re rer yang 'jig rten gyi khams sangs rgyas kyi zhing stong gi rdul phra rab kyi rdul snyed dag kyang mthong la/ lo bdun gyi bar du de dag 'dod chags la 'dun pa ma skyes shing / zhe sdang la 'dun pa med/ gti mug la 'dun pa med/ de dag la ngal ba'i gnas skyes par ma gyur pa'i bar du ste/ rtag par rgyun du phyogs bcu'i phyogs re rer yang sangs rgyas kyi zhing gi yon tan bkod pa sangs rgyas kyi zhing stong gi rdul phra rab snyed dag mthong yang de dag gi mig lam du ri rab kyang snang bar ma gyur/ ri gzhan dag kyang ma yin/ lha'i gzhal med khang gi bar dag kyang mig lam du snang bar ma gyur te/ de dag gis ji ltar sangs rgyas kyi zhing gi yon tan bkod pa dag mthong ba de bzhin du sangs rgyas kyis zhing yongs su dag pa'i yon tan bkod pa'i smon lam sems shing thams cad kyang yon tan gyi gnas pa de lta bus lo bdun du gnas te/ kha cig ni sangs rgyas kyi zhing yongs su dag pa'i yon tan bkod pa dag sems so/ /kha cig ni sangs rgyas kyi zhing yongs su ma dag pa'i yon tan bkod pa dag sems so/ /de nas bram ze rgya mtsho'i rdul gyis lo bdun po de dag thal zhing rdzogs par rig nas rin po che sna bdun 'bul bar 'dod pa'i phyir de bzhin gshegs pa dgra bcom pa yang dag par rdzogs pa'i sangs rgyas rin po che'i snying po ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bcom ldan 'das bdag gis rgyal po rtsibs kyi mu khyud bla na med pa yang dag par rdzogs pa'i byang chub yang dag par 'dzin du stsal nas/ de rang gi khyim du mchis te/ gcig pu dben par mchis nas nang du yang dag 'jog la gnas shing der mi su yang mchir mi ster</font><hr>45.183a<br><font size=+1>

lags so/ /de bzhin du bdag gis rgyal bu stong po de dag kyang bla na med pa yang dag par rdzogs pa'i byang chub yang dag par 'dzin du stsal cing gzeng bstod nas de bzhin du so so rang rang gi khyim dag du mchis te gcig pu nang du yang dag 'jog la gnas shing / der yang su yang mchir mi ster lags so/ /de bzhin du khams kyi rgyal po brgyad khri bzhi stong dang / de bzhin du gzhan yang srog chags dung phyur phrag dgu dang / bye ba phrag gnyis kyi bar dag kyang bla na med pa yang dag par rdzogs pa'i byang chub yang dag par 'dzin du stsal cing btsud de rab tu bkod nas thams cad kyang rang rang gi khyim dag tu mchis te/ gcig pu dben par mchis nas nang du yang dag 'jog la gnas shing der yong su yang mchir mi ster lags na/ bcom ldan 'das kyis ci nas kyang rgyal po rtsibs kyi mu khyud nang du yang dag 'jog de las langs te 'dir mchi bar 'gyur ba dang / gang dag bdag gis byang chub yang dag par 'dzin du stsal ba de dag thams cad kyang 'dir mchi bar 'gyur zhing bla na med pa yang dag par rdzogs pa'i byang chub las blos mi g.yo ba 'dzin par 'gyur ba dang / bcom ldan 'das las lung bstan pa 'thob par 'gyur ba dang / ming dang / rus dang / sangs rgyas kyi zhing yang yongs su 'dzin par 'gyur ba de dag la dgongs su gsol/ rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying po ting nge 'dzin blo gros sgrub pa zhes bya ba la snyoms par zhugs so/ /de ltar ting nge 'dzin la snyoms par zhugs pas zhal nas 'od zer sngon po dang / ser po dang / dmar po dang / dkar po dang / btsod kha dang / shel dang / dngul gyi kha dog lta bu dag byung ngo / /de dag byung nas kyang nang du yang dag 'jog la gnas pa de dag gi mdun du tshangs par sprul te 'dug nas 'di skad ces smras so/ /grogs po dag</font><hr>45.183b<br><font size=+1>

longs shig /bram ze rgya mtsho'i rdul gyis lo bdun du mchod sbyin bya ba ni zin te/ bcom ldan 'das kyang gzhan du rgyu zhing gshegs par 'gyur gyis/ grogs po dag bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba'i phyir deng shig /de nas de dag thams cad la 'od zer de dag gis bskul ba dang / langs nas rgyal po rtsibs kyi mu khyud la skul bar byed do/ /de yang de dag gis bskul ba dang / langs te chas so/ /rgyal po de chas pa dang lha rnams kyis nam mkha'i dkyil nas rnga bo che dang / rdza rnga dang / rnga pa ta ha la sogs pa rol mo'i sgra dag kyang rab tu bsgrags so/ /de nas rgyal po rtsibs kyi mu khyud bcom ldan 'das la blta ba dang / bcom ldan 'das la bsnyen bkur bya ba'i bar gyi phyir shing rta la zhon nas bu stong po de dag dang / khams kyi rgyal po brgyad khri bzhi stong dang / srog chags dung phyur phrag dgu dang / bye ba phrag gnyis po rnams kyis yongs su bskor cing mdun du bdar nas grong khyer nas byung ste bcom ldan 'das kyi drung du song ngo / /de bzhon pas bgrod pa'i sa ji srid pa de srid du bzhon pas song nas bzhon pa las babs so/ /bzhon pa las babs nas rkang pas 'dzam bu'i tshal du zhugs so/ /zhugs nas kyang bcom ldan 'das ga la ba der song ste phyin pa dang / bcom ldan 'das dang dge slong gi dge 'dun gyi zhabs la mgo bos phyag 'tshal nas/ srog chags bye ba phrag du ma dag dang bcas te phyogs gcig tu 'khod do/ /de nas bram ze rgya mtsho'i rdul gyis rgyal po rtsibs kyi mu khyud la 'di skad ces smras so/ /rgyal po chen po gang khyod kyis bcom ldan 'das dang / dge slong gi dge 'dun dpag tu med pa dag la zla ba gsum du yo byad thams cad kyis snyen bkur byas shing / rin po che rnam pa sna tshogs pa dag dang / grong khyer brgyad khri bzhi stong dag kyang phul ba de la rjes su yi rang bar gyis la/ rjes su yi rang ba dang ldan pa'i bsod nams kyi phung po de dang</font><hr>45.184a<br><font size=+1>

yongs su gtong ba dang ldan pa'i bsod nams kyi phung po gang yin pa de dag thams cad bla na med pa yang dag par rdzogs pa'i byang chub tu yongs su bsngos shig /de bzhin du rgyal bu stong po de dag dang / de bzhin du khams kyis rgyal po brgyad khri bzhi stong dang / gzhan yang srog chags dung phyur phrag dgu dang / bye ba phrag gnyis po rnams kyang yang dag par 'dzin du bcug nas rjes su yi rang ba dang ldan pa'i bsod nams kyi phung po des de dag bla na med pa yang dag par rdzogs pa'i byang chub yang dag par 'dzin du bcug cing btsud de rab tu bkod nas 'di skad ces kyang smras so/ /khyed kyis yon tan 'di la rjes su yi rang bar byas te phul la 'di skad ces kyang smros shig /sbyin pa 'dis bdag dbang po'i gnas min tshangs pa'i 'jig rten 'bras bu mi 'dod na/ /rlung gi shugs ltar mgyogs shing g.yo ba rgyal po'i srid kyi dpal lta smos ci dgos/ /bdag gi gus pa chen po'i sbyin pa 'di yi 'bras bu gang yin de yis ni/ /sems la dbang byed mtshungs med byang chub 'thob cing sems can rnams kyang sgrol gyur cig /snying rje pad ma dkar po las sbyin pa gtong ba'i le'u zhes bya ba ste gsum pa'o// // rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying po 'di snyam du dgongs te/ bram ze rgya mtsho'i rdul 'dis srog chags bye ba phrag mang po bla na med pa yang dag par rdzogs pa'i byang chub yang dag par 'dzin du bcug cing btsud de rab du bkod nas phyir mi ldog pa'i sa la bkod pa de dag ngas lung bstan par bya zhing sangs rgyas kyi zhing de dag kyang bstan par bya'o snyam mo/ /de nas bcom ldan 'das ting nge 'dzin byang chub kyi sems mi brjed pa zhes bya ba la snyoms par zhugs nas 'dzum pa mdzad do/ /'dzum pa mdzad pa des sangs rgyas kyi zhing mtha' yas mu med pa dag snang ba rgya chen pos snang bar mdzad nas/ rgyal po rtsibs kyi mu khyud dang gzhan yang srog chags bye ba phrag mang po dag</font><hr>45.184b<br><font size=+1>

la sangs rgyas kyi yon tan bkod pa rnams kyang bstan to/ /de'i tshe na phyogs bcu'i sangs rgyas kyi zhing bgrang ba las yang dag par 'das pa dag na byang chub sems dpa' sems dpa' chen po rnams kyis snang ba de mthong nas sangs rgyas kyis mthus bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba'i phyir 'jig rten gyi khams 'dir lhags nas/ de dag gis kyang byang chub sems dpa'i rnam par 'phrul ba rnam pa sna tshogs dag gis bcom ldan 'das la mchod pa byas te/ bcom ldan 'das kyi zhabs la mgo bos phyag 'tshal cing bsnyen bkur byas nas byang chub sems dpa'i smon lam lung bstan pa thos par 'dod pa'i phyir bcom ldan 'das kyi spyan sngar 'khod do/ /rigs kyi bu de nas mdun na 'don gyi gtso bo bram ze rgya mtsho'i rdul gyis rgyal po rtsibs kyi mu khyud la 'di skad ces smras so/ /rgyal po chen po khyod kyis je dang por sangs rgyas kyi zhing gi yon tan bkod pa zung shig /de nas rgyal po rtsibs kyi mu khyud kyis bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das bdag ni byang chub don du gnyer ba lags te/ 'di ltar bdag gis bcom ldan 'das dang / dge slong gi dge 'dun dpag tu ma mchis pa dag la dgung zla gsum du yo byad rnam pa sna tshogs dag gis bsnyen bkur bgyis nas dge ba'i rtsa ba de yang bdag gis bla na med pa yang dag par rdzogs pa'i byang chub tu yongs su bsngos shing / bcom ldan 'das bdag gis dgung lo bdun po 'di dag la yang sangs rgyas kyi zhing gi yon tan bkod pa dag bsams lags na/ bcom ldan 'das bdag sangs rgyas kyi zhing gang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba der sems can dmyal ba dang / dud 'gro'i skye gnas dang / gshin rje'i 'jig rten dag 'byung bar ma gyur cig /sems can gang dag de nas 'chi 'pho bar 'gyur ba de dag ngan 'gro rnams su skye bar ma gyur cig /de na sems can</font><hr>45.185a<br><font size=+1>

thams cad gser gyi mdog lta bur gyur cig /de na lha dang mi thams cad kyang khyad par ma mchis par gyur cig /de na sems can thams cad tshe rabs dran par gyur cig /sems can thams cad 'jig rten gyi khams gzhan dag na sangs rgyas bye ba khrag khrig 'bum dag bzhugs te 'tsho zhing gzhes la chos kyang ston pa rnams mthong bar 'gyur ba de lta bu'i lha'i mig dang ldan par gyur cig /sems can thams cad sangs rgyas bye ba khrag khrig phrag 'bum dag gi chos ston pa thos par 'gyur ba de lta bu'i lha'i rna ba dang ldan par gyur cig /sems can thams cad sangs rgyas kyi zhing bye ba khrag khrig 'bum phrag mang po dag na gnas pa'i sems can de dag gi sems kyi spyod pa kun shes par 'gyur ba de lta bu'i pha rol kyi sems shes pa la mkhas pa dang ldan par gyur cig /sems can thams cad sems bskyed pa gcig gis sangs rgyas kyi zhing bye ba khrag khrig 'bum dag du mchi bar 'gyur ba de lta bu'i rdzu 'phrul bya ba la mkhas pa dang ldan par gyur cig /de na sems can rnams yongs su 'dzin pa dang ldan pa ma mchis shing tha na rang gi lus la yid kyi 'dzin pa yang ma mchis par gyur cig /sems can thams cad bla na med pa yang dag par rdzogs pa'i byang chub las slar mi ldog par gyur cig /sems can thams cad rdzus te skye bar gyur cig /de na bud med du gdags pa yang ma mchis par gyur cig /de na sems can rnams smon lam gyi dbang ma gtogs par tshe'i tshad kyi mtha' ma mchis par gyur cig /de na sems can rnams la mi dge ba'i ming yang 'byung bar ma gyur cig /sangs rgyas kyi zhing der dri nga ba 'byung bar ma gyur cig /bcom ldan 'das sangs rgyas kyi zhing de lha'i las shin du 'das pa'i spos kyis khyab par gyur cig /sems can thams cad skyes bu chen po'i mtshan sum bcu rtsa gnyis kyis legs par brgyan par gyur cig /sems can thams cad smon lam ma gtogs par skye ba gcig gis thogs par gyur cig /</font><hr>45.185b<br><font size=+1>

de na sangs rgyas kyi mthus sems can thams cad snga dro gcig gis sangs rgyas bgrang ba las yang dag par 'das pa snyed dag la bsnyen bkur bgyid par 'gyur zhing / byang chub sems dpa'i rnam par 'phrul pa sna tshogs kyi bar dag gis sangs rgyas rnams la mchod pa bgyid par 'tshal na yang de dag la de bzhin du 'grub par 'gyur la de nyid kyi snga dros slar ldog par gyur cig /sems can thams cad sangs rgyas kyi sde snod smra bar gyur cig / // bam po lnga pa/ sems can thams cad srid med kyi bu'i stobs dang ldan par gyur cig /sems can gang gis kyang cher na lha'i mig gis kyang sangs rgyas kyi zhing gi yon tan gyi brgyan kyis bsngags pa'i mtha' tshad 'dzin pa'i rngo mi thog par gyur cig /de na sems can thams cad so so yang dag par rig pa dang / spobs pa grangs ma mchis pa dag thob par gyur cig /byang chub sems dpa' re re'i lus kyang dpag tshad stong gi tshad tsam du gyur cig /sangs rgyas kyi zhing de'i 'od gsal bar gyur cig /de'i khor yug na sangs rgyas kyi zhing gi yon tan bkod pa bgrang ba las 'das pa dag gda' bar gyur cig /sems can gang dag der skye bar 'gyur ba rnams byang chub kyi mthar thug gi bar du tshangs par spyod par gyur cig /sems can thams cad byang chub gyi mthar thug gi bar du lha dang bcas pa'i 'jig rten gyis phyag bgyi ba'i 'os su gyur cig /dbang po ma tshang bar ma gyur cig /der sems can rnams skyes ma thag du lha'i las shin tu 'das pa 'phags pa'i dga' ba dang / bde ba thob par gyur cig /de na sems can thams cad dge ba'i rtsa ba dang 'grogs par gyur cig /de na sems can thams cad gos ngur smrig sar pa gyon par gyur cig /de na sems can rnams skyes ma thag tu shin du rnam par 'byed pa dang ldan pa'i ting nge 'dzin thob par gyur cig /ting nge 'dzin de thob pas sangs rgyas kyi zhing bgrang ba las 'das pa dag du</font><hr>45.186a<br><font size=+1>

mchis nas sangs rgyas rnams la bsnyen bkur bgyid par 'gyur zhing byang chub kyi mthar thug gi bar du thams cad mthong bar gyur cig /der byang chub sems dpa' gang dag skyes par gyur pa de dag gis sangs rgyas kyi zhing gi yon tan bkod pa'i rang bzhin ji lta bu dag 'tshal ba de lta bu'i sangs rgyas kyi zhing gi yon tan bkod pa'i rang bzhin dag rin po che'i shing ljon pa de dag las mthong bar gyur cig /sems can rnams skyes ma thag tu ting nge 'dzin thob par 'gyur zhing / ting nge 'dzin de thob pas phyogs bcu'i sangs rgyas kyi zhing bgrang ba las 'das pa gzhan dag na sangs rgyas bcom ldan 'das dag bzhugs te/ 'tsho zhing gzhas la chos kyang ston pa rnams rtag tu mthong bar gyur cig /sems can gang dag der skye bar 'gyur ba de dag thams cad gzhan 'phrul dbang byed kyi lha rnams kyi gos dang / gzhal med khang dang / rgyan dang / spud pa dang / kha dog dang / gzugs ci 'dra ba de lta bur gyur cig /sangs rgyas kyi zhing de na rdul dang / gor ma dang / ri nag po rnams ma mchis la/ khor yug kyang ma mchis/ khor yug chen po yang ma mchis/ ri rab kyang ma mchis/ rgya mtsho chen po yang ma mchis par gyur cig /de na sgrib pa dang / chod pa dang / nyon mongs pa'i sgrib pa dag thams cad kyi thams cad du ma mchis pa dang / de na sems can dmyal ba dang / dud 'gro'i skye gnas dang / gshin rje'i 'jig rten gyi sgra dag kyang thams cad du ma mchis pa dang / mi khom pa'i sgra dang / sdug bsngal ba'i sgra dang / sdug bsngal yang ma lags bde ba yang ma lags pa'i sgra dag kyang ma mchis par gyur cig /bcom ldan 'das bdag ni de lta bu'i sangs rgyas kyi zhing don du gnyer ba lags te/ btsun pa bcom ldan 'das bdag ni ji srid du de lta bu'i yon tan dag gis sangs rgyas kyi zhing yongs su dag par ma bgyis pa de srid du byang chub sems dpar gyur cing</font><hr>45.186b<br><font size=+1>

dka' ba spyod par bgyid lags so/ /btsun pa bcom ldan 'das bdag gis skyes bu'i rtsal de lta bu bgyis nas/ de'i 'og du bla na med pa yang dag par rdzogs pa'i byang chub mngon par rdzogs par 'tshang rgya bar bgyi ste/ bdag gis byang chub kyi shing ni dpag tshad khri mchis par gyur la/ bdag der mchis nas sems bskyed pa'i skad cig gcig gis bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /bdag gis 'od ni tshad ma mchis shing sangs rgyas kyi zhing bye ba khrag khrig 'bum dag snang bar bgyid par gyur cig /bdag gi tshe'i tshad ni dpag du ma mchis te bskal pa bye ba khrag khrig 'bum phrag tshad ma mchis par gyur la thams cad mkhyen pa'i ye shes ma gtogs pa de sus kyang bgrang bar rngo mi thog par gyur cig /bdag gis byang chub sems dpa'i dge 'dun ni nyan thos dang rang sangs rgyas spangs shing dpag tu ma mchis la/ thams cad mkhyen pa'i ye shes ma gtogs par de sus kyang bgrang bar rngo mi thog par gyur cig /bdag gis byang chub thob pa na sangs rgyas kyi zhing tshad ma mchis grangs ma mchis pa gzhan dag gi sangs rgyas bcom ldan 'das rnams bdag gi bsngags pa gsung bar 'gyur ba dang / dbyangs rjes su sgrogs pa 'gyur ba dang / snyan pa rjod par gyur cig /bdag gis byang chub thob pa na sangs rgyas kyi zhing tshad ma mchis grangs ma mchis pa gzhan dag na mtshams ma mchis pa bgyid pa dang / dam pa'i chos spong ba rnams ma gtogs pa'i sems can gang dag gis bdag gi ming thos par gyur pa de dag thams cad dge ba'i rtsa ba sangs rgyas kyi zhing du yongs su bsngo ba bgyis nas bdag gi sangs rgyas kyi zhing du skye bar gyur cig /bdag gis byang chub thob pa na 'jig rten gyi khams bgrang ba las 'das pa gzhan dag gi byang chub sems dpa' bdag gi sangs rgyas kyi zhing du skye bar 'tshal zhing / byang chub du sems bskyed par 'gyur la dge ba'i rtsa ba yang der yongs su sngo bar gyur cig /de dag 'gum</font><hr>45.187a<br><font size=+1>

pa'i dus kyi tshe na yang bdag byang chub sems dpa'i tshogs kyis yongs su bskor cing mdun du mchis la de dag gis kyang bdag mthong nas bdag la dga' ba dang / dang ba skye bar 'gyur zhing de dag gi las kyi sgribs pa rnams kyang ldog par gyur cig /'gum pa'i dus bgyis nas kyang bdag gi sangs rgyas kyi zhing du skye bar 'gyur zhing der yang byang chub sems dpa' de dag sngon ma thos pa'i chos bstan pa dag bdag las nyan 'tshal bar 'gyur ba dang / de dag ji lta bu 'tshal bar 'gyur ba de lta bu thos par gyur cig /bdag gis byang chub 'thob pa na sangs rgyas kyi zhing bgrang ba las 'das pa snyed dag gi byang chub sems dpa' sems dpa' chen po gang dag gis bdag gi ming thos par gyur pa de dag bla na med pa yang dag par rdzogs pa'i byang chub las phyir mi ldog cing bzod pa dang po dang / de bzhin du gnyis pa yang thob par 'gyur zhing ting nge 'dzin dang / gzungs ji lta bu 'tshal ba de lta bu'i ting nge 'dzin dang / gzungs kyang thob par gyur cig /bdag yongs su mya ngan las 'das nas kyang bskal pa bgrang ba las 'das pa snyed dag na sangs rgyas kyi zhing bgrang ba las 'das pa snyed dag gi byang chub sems dpa' rnams kyi bdag gi ming thos nas shin du dga' ba dang / rab tu dga' ba dang / mchog du dga' ba thob par 'gyur ba dang / ngo mtshar thob par gyur nas bdag nyid la phyag 'tshal zhing snyan pa dang grags pa rjod par gyur cig /gang gi tshe bdag byang chub sems dpar gyur pa na yang sangs rgyas kyi mdzad pa dag mngon par bsgrubs nas de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /mngon par rdzogs par sangs rgyas nas kyang bdag la mchog du dad pa thob pa'i byang chub sems dpa' rnams kyis bzod pa dang po dang / gnyis pa dang / gsum pa thob par 'gyur zhing ting nge 'dzin dang / gzungs dang / bzod pa ji lta bu 'tshal ba de lta bu thob par gyur nas/ byang chub kyi mtha'i bar du rjes su</font><hr>45.187b<br><font size=+1>

mthong bar gyur cig /bdag byang chub thob pa nas sangs rgyas kyi zhing bgrang ba las 'das pa dag gi bud med gang dag gis bdag gis ming thos par gyur pa de dag shin tu dga' ba dang / mchog tu dga' ba dang / dang ba thob par 'gyur zhing bla na med pa yang dag par rdzogs pa'i byang chub du sems bskyed par gyur nas slan chad byang chub kyi mthar thug gi bar du bud med nyid mi 'thob par gyur cig /bdag yongs su mya ngan las 'das nas kyang bskal pa bgrang ba las 'das pa snyed dag gi bud med bgrang ba las 'das pa snyed dag gis bdag gi ming thos par gyur pa de dag shin du dga' ba dang / mchog du dga' ba dang / dang ba thob par 'gyur zhing bla na med pa yang dag par rdzogs pa'i byang chub du sems bskyed par gyur nas slan chad byang chub kyi mthar thug gi bar du bud med nyid mi 'thob par gyur cig /btsun pa bcom ldan 'das bdag ni de 'dra ba'i sangs rgyas kyi zhing dang / de 'dra ba'i sems can bsam pa yongs su dag pa dag 'tshal te/ btsun pa bcom ldan 'das bdag ni de lta bu'i sangs rgyas kyi zhing du bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o/ /rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying pos rgyal po rtsibs kyi mu khyud la legs so zhes bya ba byin te/ rgyal po chen po legs so legs so/ /rgyal po chen po khyod kyis sangs rgyas kyi zhing yongs su dag pa yongs su bzung ba ni khyod kyi smon lam zab bo/ /rgyal po chen po ltos shig dang / nub phyogs logs su sangs rgyas kyi zhing bya ba phrag 'bum 'das pa na 'jig rten gyi khams dbang po ltar shin tu mdzes pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas dbang po'i dbyangs kyi dbang phyug rgyal po zhes bya ba bzhugs te/ 'tsho zhing gzhes la sems can yongs su dag pa rnams la chos kyang ston to/ /sangs rgyas kyi zhing de na nyan</font><hr>45.188a<br><font size=+1>

thos dang / rang sangs rgyas rnams 'byung ba gdags su yang med cing de na nyan thos dang rang sangs rgyas kyi gtam brjod pa yang med do/ /de na theg pa chen po'i gtam 'ba' shig brjod do/ /de na sems can rnams ni thams cad kyang rdzus te skyes pa sha stag go/ /de na bud med kyi ming yang mi grag ste/ sangs rgyas kyi zhing de na ji ltar rgyal po chen po sangs rgyas kyi zhing gi yon tan bkod pa'i smon lam dpag tu med pa btab cing 'dul ba'i sems can bsam pa dpag tu med pa dag yongs su bzung ba de lta bu'i yon tan thams cad yod do/ /rgyal po chen po de bzhin gshegs pa dgra bcom pa yang dag par rdzogs pa'i sangs rgyas dbang po'i dbyangs kyi dbang phyug rgyal po yongs su mya ngan las 'das shing der dam pa'i chos nub nas bar gyi bskal pa drug bcu 'das pa na 'jig rten gyi khams de ni lhun po'i 'od ces bya bar 'gyur ro/ /der yang de bzhin gshegs pa dgra bcom pa yang dag par rdzogs pa'i sangs rgyas blo gros bsam yas yon tan rgyal po zhes bya ba 'byung bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas dbang po'i dbyangs kyi dbang phyug rgyal po'i 'jig rten gyi khams dbang po ltar shin du mdzes pa'i sangs rgyas kyi zhing gi yon tan bkod pa ci 'dra bar de bzhin gshegs pa blo gros bsam yas yon tan rgyal po'i 'jig rten gyi khams lhun po'i 'od kyi yon tan bkod pa yang de dang 'dra bar 'gyur ro/ /de bzhin gshegs pa blo gros bsam yas yon tan rgyal po de'i tshe'i tshad ni bar gyi bskal pa drug bcur 'gyur ro/ /gang gi tshe de bzhin gshegs pa blo gros bsam yas yon tan rgyal po yongs su mya ngan las 'das pa na/ de'i dam pa'i chos ni bar gyi bskal pa bcu drug tu gnas par 'gyur te/ de'i dam pa'i chos nub nas bar gyi bskal pa stong 'das pa na 'jig rten gyi khams de ni rnam par dga' ba zhes bya bar 'gyur ro/ /der yang de bzhin gshegs pa</font><hr>45.188b<br><font size=+1>

dgra bcom pa yang dag par rdzogs pa'i sangs rgyas 'od zer zhes bya ba 'byung bar 'gyur te/ de yang snga ma dang tshe'i tshad mnyam pa dang / 'jig rten gyi khams mtshungs par 'gyur bar sbyar ro/ /de bzhin du yongs su mya ngan las 'das nas dam pa'i chos nub pa na/ 'jig rten gyi khams de ni rtsibs shes bya bar 'gyur ro/ /de yang de bzhin gshegs pa dgra bcom pa yang dag par rdzogs pa'i sangs rgyas rin chen dbang phyug dbyangs shes bya ba 'byung bar 'gyur te/ sangs rgyas kyi zhing gi yon tan bkod pa ni mtshungs so/ /de yang bar gyi bskal pa lngar bzhugs te 'tsho zhing gzhes la chos kyang ston par 'gyur ro/ /de yongs su mya ngan las 'das pa na/ de'i dam pa'i chos ni bar gyi bskal pa bdun du gnas par 'gyur ro/ /der dam pa'i chos nub pa na snga ma bzhin sbyar te/ sangs rgyas kyi zhing der de bzhin gshegs pa tshad med dpag du med pa dag byung zhing yongs su mya ngan las 'das par mthong yang 'jig rten gyi khams de ni 'jig pa yang med 'chags pa yang med do/ /der ma 'ongs pa'i dus kyi bskal pa grangs med pa gang gA'i klung gcig gi bye ma snyed ni 'das/ bskal pa grangs med pa gang gA'i klung gi bye ma snyed gnyis la bab pa na 'jig rten gyi khams de ni bde ba can zhes bya bar 'gyur te/ rgyal po chen po khyod der bla na med pa yang dag par rdzogs pa'i byang chub mngon par rjogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas tshe dpag med ces bya bar 'gyur ro/ /rgyal po rtsibs kyi mu khyud kyis gsol pa/ btsun pa bcom ldan 'das gang dag 'jig rten gyi khams der bdag pas ches sngar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i byang chub sems dpa' sems dpa' chen po de dag gang nas mchis lags/ bcom ldan 'das kyis bka' stsal pa/ rgyal po</font><hr>45.189a<br><font size=+1>

chen po gang dag phyogs bcu'i 'jig rten gyi khams tshad med grangs med/ gzhal du med/ dpag du med pa de dang de dag nas/ nga la phyag bya ba dang / bsnyen bkur bya ba dang / chos mnyan pa'i phyir dang por lhags nas gang dag nga'i mdun na 'khod pa'i byang chub sems dpa' sems dpa' chen po 'di dag yin te/ rigs kyi bu 'di dag ni 'das pa'i sangs rgyas rnams kyis kyang bla na med pa yang dag par rdzogs pa'i byang chub du lung bstan to/ /'di dag ni da ltar byung ba'i sangs rgyas bcom ldan 'das rnams kyis kyang bla na med pa yang dag par rdzogs pa'i byang chub du lung bstan te/ 'di dag ni sangs rgyas kyi zhing der dang po kho nar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /rgyal po chen po byang chub sems dpa' 'di dag ni re res kyang sangs rgyas bye ba khrag khrig 'bum phrag du ma dag la lhag par bya ba byas shing dge ba'i rtsa ba bskyed la shes rab bsgom pa yin te/ rgyal po chen po gang dag sangs rgyas kyi zhing der dang po kho nar sangs rgyas su 'gyur ba ni rigs kyi bu 'di dag yin no/ /rgyal po rtsibs kyi mu khyud kyis gsol pa/ btsun pa bcom ldan 'das gang gis bdag 'khor dang bcas pa bla na med pa yang dag par rdzogs pa'i byang chub yang dag par 'dzin du stsal ba'i bram ze'i rgya mtsho'i rdul de dus ci srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ bcom ldan 'das kyis bka' stsal pa/ rgyal po chen po bram ze rgya mtsho'i rdul 'di ni snying rje chen po dang ldan pa yin te/ 'dis ji ltar seng ge'i sgra sgrogs par 'gyur ba ni khyod kyis kyang thos par 'gyur ro/ /rgyal pos gsol pa/ gal te bdag ci nas bcom ldan 'das kyis lung bstan pa dang / bdag gi smon lam de grub pa lta na/ de'i slad du gang gi tshe bdag bcom ldan 'das kyi zhabs la yan lag lngas phyag bgyid pa de'i tshe</font><hr>45.189b<br><font size=+1>

'jig rten gyi khams gang gA'i klung gi bye ma snyed dag rab tu 'gul zhing rab tu g.yo bar gyur la sangs rgyas kyi zhing de dag na sangs rgyas bcom ldan 'das gang dag bzhugs te/ 'tsho zhing gzhes pa de dag gis kyang bdag la lung ston par gyur cig /rigs kyi bu de nas rgyal po rtsibs kyi mu khyud kyis de bzhin gshegs pa rin po che'i snying po'i zhabs la yan lag lngas gtugs so/ /gang gi tshe rgyal po'i mgo bo sa la reg pa de'i tshe/ sangs rgyas kyi zhing gang gA'i klung gi bye ma snyed dag kyang 'gul rab tu 'gul/ g.yos rab tu g.yos/ 'khrugs rab tu 'khrugs nas/ sangs rgyas gang gA'i klung gi bye ma snyed dag kyang lung ston par mdzad de/ bskal pa 'dzin pa zhes bya ba la sangs rgyas kyi zhing yang dag par sgrol ba zhes bya bar skye dgu'i tshe lo brgyad khri thub pa na de bzhin gshegs pa dgra bcom pa yang dag par rdzogs pa'i sangs rgyas rin po che'i snying po'i rgyal po rtsibs kyi mu khyud la khyod ma 'ongs pa'i dus na bskal pa grangs med pa gang gA'i klung gi bye ma snyed 'das nas bskal pa grangs med pa gnyis pa la bab pa na/ 'jig rten gyi khams bde ba can zhes bya ba dag pa dpag du med par de bzhin gshegs pa dgra bcom pa yang dag par rdzogs pa'i sangs rgyas tshe dpag med ces bya bar 'gyur te/ phyogs bcu kho ra khor yug du 'jig rten gyi khams gang gA'i klung gi bye ma snyed dag kyang snang bar byed par 'gyur ro zhes lung bstan nas/ bcom ldan 'das kyis bka' stsal pa/ bya ba shes pa'i sems can mchog rab longs/ /stobs bcu gang gA snyed kyis khyod lung bstan/ /ri dang bcas pa'i sa yang g.yos gyur te/ /mi mchog 'dul ba'i kha lo sgyur bar 'gyur/ /rigs kyi bu de nas rgyal po rtsibs kyi mu khyud dga' zhing mgu la/ rab tu dga' ba dang / yid bde ba skyes nas phyir nur te chos mnyan pa'i phyir ha cang yang mi ring bar phyogs gcig du 'dug</font><hr>45.190a<br><font size=+1>

go rigs kyi bu de nas bram ze rgya mtsho'i rdul gyis rgyal po rtsibs kyi mu khyud kyi bu thu bo mig mi 'dzums la bos pa dang / mig mi 'dzums kyis gsol pa yang snga ma bzhin du sbyar te/ bcom ldan 'das bdag gis ngan song rnams la bltas lags na/ sems can gang dag der skyes pa de dag ni sdug bsngal drag po rab tu mi zad pa nyams su myong bar 'gyur lags so/ /bdag gis mtho ris rnams su bltas lags na/ sems can gang dag der skyes pa de dag ni kun nas nyon mongs par 'gyur ba'i sems kyis slar ngan song rnams su ltung lags so/ /bdag gis sems can thams cad la yang bltas lags na/ mi dge ba'i bshes gnyen dang 'dres par gnas shing chos kyi mu ge'i mun pa na dge ba'i rtsa ba yongs su bas pas lta ba'i chu srin 'dzin khris zin cing shul ngan pa na gnas lags te/ bcom ldan 'das bdag gis sems can de dag la tshigs gis rgya cher go bar bgyi zhing / dge ba'i rtsa ba thams cad kyang bdag gis bla na med pa yang dag par rdzogs pa'i byang chub du yongs su bsngo bar bgyi lags so/ /gang gi tshe bdag byang chub sems dpa'i spyad pa spyod pa na sems can gang dag sdug bsngal gyis gnod par gyur pa rnams dang / 'jigs pas skrag pa rnams dang / chos kyi mu ge'i mun par zhugs pa rnams dang / zhum pa rnams dang / zhan pa rnams dang / skyob pa ma mchis pa dang / skyabs ma mchis pa rnams dang / dpung gnyen ma mchis pa rnams kyis bdag rjes su dran par 'gyur zhing ming nas kyang rjod par gyur cig /bdag gis kyang lha'i rna bas thos shing / lha'i mig gis mthong bar gyur cig /sems can de dag sdug bsngal dag las yongs su thar bar ma bgyis par bdag kyang bla na med pa yang dag par rdzogs pa'i byang chub mngon par rdzogs par 'tshang mi rgya bar gyur cig /btsun pa bcom ldan 'das gang gi tshe bdag smon lam gyi khyad par gyis sems</font><hr>45.190b<br><font size=+1>

can gyi slad du yun ring por byang chub sems dpa'i spyad pa spyod par 'gyur ba de'i tshe bdag gi re ba yongs su rdzogs par gyur cig /btsun pa bcom ldan 'das gang gi tshe rgyal po chen po rtsibs kyi mu khyud 'di bskal pa grangs ma/ mchis pa gang gA'i klung gcig gi bye ma snyed 'das pa nas grangs ma mchis pa gnyis pa la bab pa na 'jig rten gyi khams bde ba can du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / de bzhin gshegs pa dgra bcom pa yang dag par rdzogs pa'i sangs rgyas tshe dpag med ces bgyi bar gyur nas/ sangs rgyas kyi zhing yongs su dag pa na sems can yongs su dag pa rnams la sangs rgyas kyi mdzad pa mdzad par 'gyur te/ de bzhin gshegs pa tshe dpag med kyis bskal pa dpag du ma mchis pa ji srid gcig du sangs rgyas kyi mdzad pa mdzad cing sangs rgyas kyi mdzad pa yongs su mthar thug nas phung po'i lhag ma ma mchis pa'i mya ngan las 'das pa'i dbyings su 'jug par 'gyur zhing / der zhugs nas kyang dam pa'i chos ji srid du gnas par 'gyur ba'i yun de srid du/ bdag gis byang chub sems dpa'i spyod pa spyod par bgyi zhing bdag byang chub sems dpar gyur nas sangs rgyas kyi mdzad pa yang bgyi lags so/ /gang gi tshe yang dag par rdzogs pa'i sangs rgyas tshe dpag med kyi dam pa'i chos nam gyi srod la nub par gyur pa de nyid kyi nam gyi tho rangs bdag bla na med pa yang dag par rdzogs pa'i byang chub mngon par rdzogs par 'tshang rgya bar bgyi na/ bcom ldan 'das kyis bdag bla na med pa yang dag par rdzogs pa'i byang chub du lung bstan du gsol/ de bzhin du bdag gis phyogs bcu'i 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang dag bzhugs te 'tsho zhing gzhes pa'i sangs rgyas bcom ldan 'das de dag la yang bdag sangs rgyas bcom ldan 'das de dag gis bla na med pa yang</font><hr>45.191a<br><font size=+1>

dag par rdzogs pa'i byang chub tu lung bstan du gsol zhes tshig gis gsol ba gdab par bgyi lags so/ /rigs kyi bu de bzhin gshegs pa rin po che'i snying pos rgyal bu mig mi 'dzums lung bstan nas 'di skad ces kyang bka' stsal to/ /rigs kyi bu gang gi phyir khyod kyis ngan song rnams su yang bltas/ mtho ris rnams su yang bltas/ sems can thams cad kyi sdug bsngal yang bltas shing / sems can thams cad sdug bsngal las thar bar bya ba dang / nyon mongs pa rab du zhi bar bya ba'i phyir snying rje'i sems bskyed pas na rigs kyi bu de'i phyir khyod spyan ras gzigs dbang phyug ces bya'o/ /spyan ras gzigs dbang phyug khyod ni sems can bye ba khrag khrig 'bum phrag mang po rnams sdug bsngal las thar bar byed par 'gyur te/ rigs kyi bu khyod ni byang chub sems dpar gyur pa na yang sangs rgyas kyi mdzad pa byed par 'gyur ro/ /rigs kyi bu khyod ni de bzhin gshegs pa 'od dpag med yongs su mya ngan las 'das nas bskal pa grangs med pa gang gA'i klung gi bye ma snyed gnyis pa lus pa na nam gang gi srod la dam pa'i chos nub par gyur pa de nyid kyi nam gyi tho rangs byang chub kyi shing bkod pa du ma'i drung du rdo rje'i gdan la 'dug nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas 'od zer kun nas 'phags pa dpal brtsegs rgyal po zhes bya bar 'gyur ro/ /khyod kyi tshe'i tshad ni bskal pa bye ba khrag khrig 'bum phrag dgu bcu rtsa drug du 'gyur ro/ /khyod yongs su mya ngan las 'das nas kyang dam pa'i chos ni bskal pa dung phyur phrag drug dang bye ba phrag gsum du gnas par 'gyur ro/ /spyan ras gzigs dbang phyug gis gsol pa/ bcom ldan 'das gal te bdag gi re ba 'di lta bu yongs su rdzogs par 'gyur ba lta na/ de'i slad du gang gi tshe bdag bcom ldan 'das kyi zhabs la phyag 'tshal ba de'i tshe/ phyogs bcu'i 'jig</font><hr>45.191b<br><font size=+1>

rten gyi khams gang gA'i klung gi bye ma snyed dag na sangs rgyas bcom ldan 'das gang dag bzhugs te/ 'tsho zhing gzhes pa de dag gis bdag la lung ston par mdzad cing / phyogs bcu'i 'jig rten gyi khams gang gA'i klung gi bye ma snyed po thams cad kyi sa yang g.yo bar gyur la/ ri thams cad kyi gor ma dang / shing ljon pa'i rtse mo dag las kyang yan lag lnga dang ldan pa'i sil snyan kyi sgra yang 'byung bar gyur cig /sems can thams cad kyis kyang 'dod chags dang bral ba'i sems thob par gyur cig /gang gi tshe byang chub sems dpa' spyan ras gzigs kyi dbang phyug gis de bzhin gshegs pa rin po che'i snying po'i zhabs la yan lag lngas phyag byas pa de'i tshe snga ma bzhin du sbyar te/ sangs rgyas kyi zhing gang gA'i klung gi bye ma snyed dag gi sa yang rab du g.yos/ sangs rgyas bcom ldan 'das de dag kyang lung ston par mdzad/ ri thams cad kyi rdo dang / shing ljon pa'i rtse mo dag las kyang yan lag lnga dang ldan pa'i sil snyan gyi sgra byung bar gyur/ sems can thams cad kyang 'dod chags dang bral ba'i sems la gnas par gyur pa dang / bcom ldan 'das kyis bka' stsal pa/ snying rje ldan pa bsod nams dag la yid dga' longs/ /phyogs bcu'i sku mchog mnga' ba rnams kyis lung bstan te/ /zhing dang bcas pa'i sa yang rnam drug rab du g.yos/ /rgyal ba gang zag gtso bo drang srong chen por 'gyur/ /de nas rgyal po'i mdun na 'don gyi gtso bo bram ze rgya mtsho'i rdul gyis rgyal bu gnyis pa mu khyud ces bya ba la smras pa/ rigs kyi bu khyod kyis kyang de bzhin du yongs su gtong ba chen po 'di la rjes su yi rang bar gyis shig /khyod kyis dge ba nye bar bsgrubs pa gang yin pa de yang sems can thams cad kyi phyir thams cad mkhyen pa nyid du yongs su bsngos la bla na med pa yang dag par rdzogs pa'i byang chub du sems bskyed cig /de nas rgyal bu gzhon nu mu khyud bcom ldan 'das kyi spyan sngar 'dug nas 'di skad ces gsol to/ /bcom ldan 'das bdag gis</font><hr>45.192a<br><font size=+1>

bcom ldan 'das dge slong gi dge 'dun dpag du ma mchis pa dang bcas pa la yo byad thams cad kyis bsnyen bkur bgyis pa gang lags pa dang / rjes su yi rang ba las byung ba'i bsod nams kyi phung po gang lags pa dang / lus dang ngag dang yid kyis legs par spyad pa'i bsod nams kyi phung po gang lags pa de dag thams cad bla na med pa yang dag par rdzogs pa'i byang chub tu yongs su bsngo bar bgyi ste/ sangs rgyas kyi zhing nyon mongs pa can 'di 'ba' shig du bdag gis byang chub la reg par mi bgyi bar/ gzhon nu spyan ras gzigs kyi dbang phyug 'jig rten gyi khams rin po che thams cad yang dag par bsags pa zhes bgyi ba der byang chub kyi shing rin po che du mas bkod pa'i drung du mchis nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / de bzhin gshegs pa 'od zer kun nas 'phags pa dpal brtsegs rgyal po zhes bgyi bar 'gyur ba chos 'chad par bgyi ba'i slad du bdag gis de la gsol ba gdab par bgyi zhing / ji srid du de bzhin gshegs pa de chos ston par mdzad pa de srid du bdag gis byang chub sems dpa'i spyod pa spyad par bgyi'o/ /de bzhin gshegs pa de 'das shing dam pa'i chos nub pa na de'i 'og du bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / de bzhin gshegs pa 'od zer kun nas 'phags pa dpal brtseg rgyal po'i yon tan bkod pa thams cad ji lta bar bdag gi sangs rgyas kyi zhing gi yon tan bkod pa yang de lta bur gyur cig /de bzhin du bdag kyang sangs rgyas kyi mdzad pa bgyid par 'gyur zhing de bzhin du yongs su mya ngan las 'das bar bgyi'o/ /yongs su mya ngan las 'das nas kyang de bzhin du dam pa'i chos kyang yun/ ring du gnas par gyur cig /bcom ldan 'das kyis bka' stsal pa/ rigs kyi bu khyod kyis ni gnas pa chen po don du gnyer te/ </font><hr>45.192b<br><font size=+1>

rigs kyi bu khyod kyis ji ltar rang gis yongs su bzung ba de lta bu'i gnas 'thob par 'gyur ro/ /rigs kyi bu khyod kyis ni sangs rgyas kyi zhing der bla na med pa yang dag par rdzogs pa'i byang chub 'thob par 'gyur te/ de bzhin gshegs pa rab du brtan pa yon tan nor bu brtsegs pa'i rgyal po zhes bya bar 'gyur ro/ /rigs kyi bu khyod kyis de ltar gnas chen po yongs su bzung ba de'i phyir rigs kyi bu khyod mthu chen thob ces bya bar gyur cig /des gsol pa bcom ldan 'das gal te bdag gi re ba 'di lta bu yongs su rdzogs par 'gyur ba lta na/ de'i slad du gang gi tshe bdag bcom ldan 'das kyi zhabs la lus kyi yan lag lngas phyag 'tshal ba de'i tshe/ phyogs bcu'i sangs rgyas bcom ldan 'das gang gA'i klung gi bye ma snyed dag gis bdag la lung ston par mdzad cing / sna ma'i me tog gi char yang rab tu 'bab par gyur cig /rigs kyi bu gang gi tshe skyes bu dam pa mthu chen thob kyis/ de bzhin gshegs pa rin po che'i snying po'i zhabs la yan lag lngas phyag byas pa de'i tshe/ phyogs bcu'i sangs rgyas bcom ldan 'das gang gA'i klung gi bye ma snyed kyis lung bstan cing sa chen po yang rnam pa drug du rab du g.yos sna ma'i me tog gis char yang bab par gyur pa dang / bcom ldan 'das kyis bka' stsal pa/ bsod nams mthu shugs brtan par gyur pa longs/ /phyogs bcu'i 'jig rten mgon pos lung bstan te/ /sa chen g.yos shing gna' ma'i char yang bab/ /khyod ni lha mi'i tshangs pa lta bur 'gyur/ /de nas bram ze rgya mtsho'i rdul gyis snga ma bzhin du sbyar te/ rgyal bu gsum pa dbang po'i tshogs zhes bya ba la smras pa dang / thal mo sbyar nas de bzhin gshegs pa rin po che'i snying po la 'di skad ces gsol to/ /bcom ldan 'das bdag gis bcom ldan 'das dge slong gi dge 'dun dang bcas pa la yo byad thams cad kyis bsnyen bkur bgyis pa gang lag pa dang bdag gi lus dang ngag dang</font><hr>45.193a<br><font size=+1>

yid kyis legs par spyad pa gang lags pa dang / rjes su yi rang ba 'di dang ldan pa'i bsod nams kyi phung po gang lags pa de dag thams cad bla na med pa yang dag par rdzogs pa'i byang chub tu yongs su bsngo'o/ /sangs rgyas kyi zhing nyon mongs pa can du ni bla na med pa yang dag par rdzogs pa'i byang chub mngon par rdzogs par 'tshang rgya bar mi bgyi zhing shin du myur bar thob par yang mi bgyi lags so/ /ji srid du bdag bla na med pa yang dag par rdzogs pa'i byang chub mngon par rdzogs par 'tshang mi rgya ba de srid du byang chub kyi spyad pa spyod cing / phyogs bcu'i 'jig rten gyi khams mtha' yas mu med pa gzhan dang gzhan dag gis sangs rgyas bcom ldan 'das rnams mthong bar gyur cig /bdag byang chub sems dpa'i spyad pa spyod pa na gang dag bdag gis dang por byang chub yang dag par 'dzin du stsal ba dang / bdag gis gang dag der dang por byang chub du sems bskyed de byang chub kyi sems la rab tu bkod pa dang / gang dag bdag gis pha rol tu phyin pa rnams yang dag par 'dzin du stsal cing btsud de rab tu bkod pa'i sangs rgyas bcom ldan 'das gang dag bdag gis byang chub yang dag par 'dzin du stsal ba de dag sangs rgyas kyi zhing gang gA'i klung gi bye ma snyed kyi rdul phra rab kyi rdul snyed kyi sangs rgyas kyi zhing dag na chos ston par mdzad pa rnams kyang bdag gis lha'i mig gis mthong bar gyur cig /bdag byang chub sems dpa'i spyad pa spyod pa na de ltar sangs rgyas kyi mdzad pa bgyid cing / ji srid du bdag gis sangs rgyas kyi zhing du sems can gang dag skye bar 'gyur ba de dag 'di lta ste dper bgyi na tshangs ris kyi lha rnams lta bur 'gyur ba de srid du bdag gis sems can rnams kyi bsam pa yongs su sbyong bar bgyi zhing byang chub sems dpa'i spyod pa spyad par bgyi'o/ /ci nas stong gsum gyi stong chen po gang gA'i klung gi bye ma snyed dag sangs rgyas kyi zhing gcig du 'gyur ba de ltar sangs rgyas kyi zhing gi yon tan bkod pa yongs su sbyang bar bgyi ste/ sangs rgyas kyi zhing de'i ra ba dag kyang</font><hr>45.193b<br><font size=+1>

srid pa'i rtse mo'i mthar thug cing rin po che du ma kun nas gnas pa dang / rin po che sna tshogs dag gis spras par gyur cig /sangs rgyas kyi zhing de'i sa gzhi thams cad ni bai dUr+ya 'ba' shig las bgyis par gyur cing rdul dang / gor ma dang / gseg ma ma mchis shing sa gzhi rnyog pa dang 'dres pa ma mchis par gyur cig /de na bud med ni ming du gdags pa yang ma mchis par gyur cig /sems can thams cad ni rdzus te skye bar gyur cig /de na sems can rnams zas kham gyis 'tshal ba ma mchis par gyur cig /de na sems can thams cad dga' ba'i zas dang chos kyi zas dang ldan par gyur cig /sangs rgyas kyi zhing de ni nyan thos dang rang sangs rgyas rnams ni gdags su yang ma mchis par gyur cig /sangs rgyas kyi zhing de tha ba dang / dri ma dang / zhe sdang dang / 'chab pa dang / bral zhing tshangs par spyod pa yongs su dag pa la gnas pa'i byang chub sems dpa' 'ba' shig gis yongs su gang bar gyur cig /de na byang chub sems dpa' thams cad kyang skra bregs shing chos gos ngur smrig 'tshal ba sha stag 'byung bar gyur cig /skyes ma thag du 'od chen po dang ldan par gyur cig /de dag gi sug par rin po che'i lhung bzed ro bro ba sna tshogs kyis yongs su gtams pa dag 'byung bar gyur cig /byung ma thag du 'di snyam du gang bdag cag zas kham gyis za ba ni bdag cag gi cha ma yin gyis/ gang bdag cag 'jig rten gyi khams gzhan dag du dong la sangs rgyas bcom ldan 'das bzhugs te 'tsho zhing gzhes pa dag la zhal zas 'di 'bul bar bya'o/ /sangs rgyas kyi nyan thos rnams dang / skye bo sdug bsngal ba rnams la yang sbyin par bya'o/ /yi dgas kyi gnas rnams su song la bkres pa dang / skom pas lus rab du 'bar ba'i sems can rnams la yang zas 'di sbyin par bya'o snyam pa'i dran pa thob par gyur cig /byang chub sems dpa' sems dpa' chen po de dag gis de ltar sems bskyed ma thag du bsam gyis mi khyab pa'i spyod pa dang ldan pa'i ting nge 'dzin kyang thob par</font><hr>45.194a<br><font size=+1>

gyur cig /ting nge 'dzin de thob nas phyogs bcu'i sangs rgyas kyi zhing dpag du ma mchis grangs ma mchis pa gzhan dag du thogs pa ma mchis par mchi bar 'gyur zhing / sangs rgyas bcom ldan 'das bzhugs te 'tsho zhing gzhes pa dag dang nyan thos dang / sems can gzhan la yang zhal zas 'bul bar gyur cig /dga' bas phul nas kyang chos bshad par bgyis nas de nyid kyi snga dros rang gi sangs rgyas kyi zhing du slar mchi bar gyur cig /gos rin po che dag la yang de bzhin du sbyar te/ de nyid kyi snga dro'i bar gyis rang gi sangs rgyas kyi zhing du slar mchis nas gcig la gcig gos dag skon par yang gyur cig /sangs rgyas kyi zhing de na byang chub sems dpa' de dag la longs spyod dang yongs su spyad pa gang ji snyed mchis pa de dag thams cad kyang sangs rgyas bcom ldan 'das rnams dang / nyan thos rnams dang / sems can gzhan dag dang thun mong du bgyis nas slad kyis bdag yongs su spyod par gyur cig /sangs rgyas kyi zhing de mi khom pa brgyad dang bral bar gyur cig /de na sdug bsngal gyi sgra ma mchis par gyur cig /bslab pa blang ba'i sgra ma mchis par gyur cig /ltung byed las bslang ba'i sgra ma mchis par gyur cig /sangs rgyas kyi zhing der rin po che 'bum phrag du ma dag bsags par gyur cig /rin po che du mas spras shing nor bu ltar kun tu snang bar gyur cig /nor bu rin po che gang dag phyogs bcu rnams su sngon ma mthong ba dang / sngon ma thos pa'i nor bu rin po che de dag spyod par gyur cig /nor bu rin po che de dag gi ming brjod na lo bye bas kyang mi bas par gyur cig /byang chub sems dpa' gang dag sangs rgyas kyi zhing gser las grub par mthong bar 'tshal na yang de la gser las grub par gnas par 'gyur ba dang / gang dngul las grub par 'tshal ba des dngul las grub par mthong yang de la gser las grub pa yang nyams par mi 'gyur ba dang / de bzhin du sbyar te/ shel las grub pa dang / bai dUr+ya las grub pa dang / </font><hr>45.194b<br><font size=+1>

rdo'i snying po las grub pa dang / mu tig dmar po las grub pa dang / spug las grub par 'tshal na yang sangs rgyas kyi zhing de rin po che rnam pa de lta bu dag du mthong bar gyur cig /byang chub sems dpa' sangs rgyas kyi zhing de a ga ru las grub pa dang / rgya spos las grub pa dang / ta ma la'i lo ma las grub pa dang / tsan dan sbrul gyi snying po las grub pa dang / tsan dan sa mchog las grub par mthong bar 'tshal na yang de la de bzhin du gyur cig /ji lta ji ltar ci 'dra bar mthong bar 'tshal ba de lta de ltar de dang 'dra bar mthong bar gyur cig /gcig gis gnyis pa'i smon lam mthong bar mi 'gyur zhing / thams cad kyi smon lam yang yongs su rdzogs par gyur cig /sangs rgyas kyi zhing de na nyi ma dang zla bar mngon pa yang ma mchis shing / der byang chub sems dpa' 'od can dag skye bar gyur cig /gzhan yang 'od ji lta bu dag 'tshal ba de lta bu dag tha na sangs rgyas kyi zhing bye ba khrag khrig 'bum tshun chad du yang gtong bar gyur cig /sangs rgyas kyi zhing de na me tog kha bye ba ma gtogs par mtshan ma dang / nyin mo dag ming yang ma mchis par gyur cig /sangs rgyas kyi zhing de na byang chub sems dpa' gang byang chub mngon par rdzogs par 'tshang rgya bar 'tshal ba dga' ldan dag du tshe bas par bgyis nas 'jig rten gyi khams gzhan du byang chub mngon par rdzog par 'tshang rgya bar 'gyur ba ma gtogs par grang ba dang / tsha ba dang / nad dang / mi bde ba dang / rga ba dang / 'gum pa yang ma mchis par gyur cig /sangs rgyas kyi zhing de na 'gum pa ma mchis par 'gyur zhing steng gi bar snang la de bzhin gshegs pa ltar bla na med pa'i yongs su mya ngan las 'da' bas yongs su mya ngan las 'da' bar gyur cig /byang chub sems dpa' rnams kyang longs spyod dang / yongs su spyod pa ji lta bu dag 'tshal ba de lta bu dag mngon par 'grub par gyur cig /sangs rgyas kyi zhing kun tu nam mkha'i dkyil nas</font><hr>45.195a<br><font size=+1>

sil snyan bye ba khrag khrig 'bum phrag du ma dag sgra 'khrol bar gyur cig /sil snyan de dag las kyang pha rol tu phyin pa rnams kyi sgra 'byung ba dang / sangs rgyas kyi sgra dang / chos kyi sgra dang / dge 'dun gyi sgra dang / byang chub sems dpa'i sde snod kyi chos kyi rnam grangs kyi sgra 'byung bar 'gyur ba dang / byang chub sems dpa' rnams ji ltar mos pa de lta bu'i sgra thos par 'gyur ba ma gtogs par 'dod pa dang ldan pa'i sgra dag mi 'byung bar gyur cig /bcom ldan 'das bdag byang chub sems dpa'i spyad pa spyod pa na bdag gis sangs rgyas bye ba khrag khrig 'bum phrag dpag du ma mchis grangs ma mchis pa dag gi sangs rgyas kyi zhing gi yon tan bkod pa ji snyed mthong ba dag las nyan thos dang / rang sangs rgyas kyi bkod pa rnams dang / sangs rgyas kyi zhing snyigs ma lnga dang ldan pa'i bkod pa rnams ma gtogs par bkod pa de dag dang / rgyan de dag dang / rtags de dag dang / mtshan ma de dag dang / gnas de dag dang / ngo mtshar de dag dang / smon lam de dag thams cad bdag gis sangs rgyas kyi zhing na mchis par gyur cig /sangs rgyas kyi zhing de na sems can dmyal ba dang / dud 'gro dang / yi dgas rnams ma mchis par gyur cig /ri rab dang / khor yug dang / khor yug chen po rnams dang / gor ma dang / rdul gyi ri rnams kyang ma mchis par gyur cig /rgya mtsho chen po yang ma mchis par gyur cig /sangs rgyas kyi zhing de lha'i las shin du 'das pa'i shing ljon pa sna tshogs dag dang / lha'i me tog man dA ra ba dang / man dA ra ba chen po dag gis kun tu gang bar gyur pa ma gtogs par shing las grub pa'i ljon pa gzhan dag ma mchis par gyur cig /de na dri nga ma mchis par gyur cig /sangs rgyas kyi zhing de spos rgya che zhing yangs pa sna tshogs dag gis khyab par gyur cig /der byang chub sems dpa' skye ba gcig gis thogs pa sha stag 'byung bar gyur cig /de na sems can gcig kyang de nas shi 'phos nas dga' ldan ma gtogs</font><hr>45.195b<br><font size=+1>

par gzhan du skye bar mi 'gyur zhing / de nas shi 'phos nas kyang bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /btsun pa bcom ldan 'das bdag gis ji srid du skyes bu chen po'i rtsal rnam pa de lta bu dag mngon par ma sgrubs pa de srid du byang chub sems dpa'i spyod pa spyad par bgyi'o/ /sangs rgyas kyi zhing de ltar gzhag par bgyi ste/ sangs rgyas kyi zhing de de lta bu'i sems can bsam pa dag pa dag dang / byang chub sems dpa' skye ba gcig gis thogs pa dang bcas pa dag gis kun du bltam ste gzhag par bgyi'o/ /der byang chub sems dpa' gang bdag gis dang por byang chub yang dag par 'dzin du ma stsal ba dang / pha rol tu phyin pa rnams la ma btsud pa dag ma mchis par gyur cig /gang dag bdag gis dang por byang chub yang dag par 'dzin du stsal ba dang / pha rol tu phyin pa rnams la btsud pa'i byang chub sems dpa' thams cad der skye bar gyur cig /sangs rgyas kyi zhing 'di yang de nyid kyi khongs su gtogs par bgyi zhing 'di dag thams cad kyi sdug bsngal yang rab du zhi bar bgyi'o/ /btsun pa bcom ldan 'das bdag byang chub sems dpar gyur cing skyes bu'i rtsal de lta bu dag bsgrubs nas de'i 'og du sangs rgyas kyi zhing der bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /bdag gi byang chub kyi shing ni rin po che sna bdun rnam par bkra bar snang ba zhes bgyi bar 'gyur zhing / sboms su ni gling bzhi pa khri mchis par gyur la/ kho ra khor yug gi khyon ni stong gsum pa bcu mchis par gyur cig /byang chub kyi shing de'i dri dang / 'od kyis sangs rgyas kyi zhing mtha' dag khyab par gyur cig /de'i drung du rin po che sna tshogs kyis spras pa'i rdo rje'i gdan rab tu zhi ba bzod pa'i ye shes shin du 'byed pa'i dri la yang dag par gzhol ba zhes bgyi ba gling bzhi pa lnga'i khyon tsam mchis la 'phang du ni dpag tshad brgyad stong bzhi brgya mchis par gyur cig /byang chub kyi shing de'i drung du rdo rje'i gdan la bdag skyil mo krung bcas te</font><hr>45.196a<br><font size=+1>

mchis nas yud tsam de nyid la bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /yongs su mya ngan las 'das pa'i dus kyi bar du skyil mo krung de mi 'jig mi 'grol bar 'gyur zhing / byang chub kyi shing de'i drung nas mi ldang bar gyur cig /bdag byang chub kyi shing drung du gnas shing rdo rje'i gdan la mchis bzhin du sangs rgyas dang byang chub sems dpa' sprul pa dag sangs rgyas kyi zhing bgrang ba las 'das pa gzhan dag du 'gyed par gyur cig /sangs rgyas re res kyang snga dro gcig la sems can rnams la chos ston cing de nyid kyi snga dro la yang sems can bgrang ba las 'das pa snyed dag bla na med pa yang dag par rdzogs pa'i byang chub yang dag par 'dzin du stsol ba dang / rab du 'god pa dang / phyir mi ldog pa la 'god par gyur cig /de bzhin du byang chub sems dpa' sprul pa dag kyang byang chub sems dpa'i bya ba bgyid par gyur cig /bdag gis byang chub thob pa na phyogs bcu'i 'jig rten gyi khams bgrang ba las yang dag par 'das pa gzhan dag du yang bdag gi lus gda' bar gyur cig /sems can gang dag gi mig gi dbang pos bdag gi lus mtshan gyis brgyan pa mthong bar gyur pa'i sems can de dag thams cad kyang bla na med pa yang dag par rdzogs pa'i byang chub du nges par gyur cig /sems can de dag byang chub cing yongs su mya ngan las 'das kyi bar du yang sangs rgyas bcom ldan 'das rnams dang mi 'bral bar 'gyur zhing der dbang po rnams ma tshang bar ma gyur cig /de na byang chub sems dpa' gang dag bdag la lta bar 'tshal ba de dag gang dang gang du mchi ba dang / slar ldog pa dang / 'chag pa dang / 'greng ba dang / mchis pa na byang chub sems dpa' de dag thams cad kyis sangs rgyas yid la bgyid pa'i sems bskyed ma thag du bdag byang chub kyi shing drung na mchis pa mthong bar gyur cig /mthong nas kyang gang dag chos la the tsom du gyur pa des mthong ma thag du de dang bral bar gyur nas/ </font><hr>45.196b<br><font size=+1>

the tsom las grol bar gyur cing chos kyi tshig ma bstan pa'i don kyang 'tshal bar gyur cig /bdag gi tshe ni dpag du ma mchis par gyur la/ thams cad mkhyen pa'i ye shes ma gtogs par gzhan sus kyang bgrang bar rngo mi thog par gyur cig /de na byang chub sems dpa' dag kying dpag tu ma mchis par gyur cig /skad cig gang la bdag sangs rgyas kyi zhing der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / yongs su mya ngan las 'da' ba chen po'i bar gyi skad cig de nyid la sangs rgyas kyi zhing der byang chub sems dpa' rnams kyang skra bregs shing chos gos ngur smrig 'tshal ba sha stag 'byung bar gyur cig /sangs rgyas kyi zhing der sems can gcig kyang skra ring zhing gos dkar po 'tshal bar mi 'gyur la thams cad kyang dge sbyong gi kha dog du 'gyur zhing dge sbyong gi tshul du gnas par gyur cig /bcom ldan 'das kyis bka' stsal pa/ skyes bu dam pa legs so leg sa so/ /khyod kyang mkhas shing gsal la yid gzhungs pa yin te/ khyod kyis ni smon lam shin du bzang por btab bo/ /rigs kyi bu khyod ni shin du yon tan dang ldan zhing shin tu ye shes dang ldan pas ni gang gi phyir sems can thams cad kyi don gyi phyir rab mchog gi blo gros bkra shis par byas shing / sangs rgyas kyi zhing gi yon tan bkod pa rab mchog yongs su bzung bas de'i phyir rigs kyi bu khyod 'jam dpal zhes bya bar gyur cig /'jam dpal khyod ni ma 'ongs pa'i dus na bskal pa grangs med pa gang gA'i klung gnyis kyi bye ma snyed 'das nas grangs med pa gsum pa la bab pa na lho phyogs logs su 'jig rten gyi khams dag pa rdul bral yang dag bsags shes bya ba zhig 'byung bar 'gyur te/ der 'jig rten gyi khams mi mjed kyang 'dus shing khongs su chud par 'gyur la/ sangs rgyas kyi zhing der de lta bu'i yon tan bkod pa 'byung bar 'gyur te/ 'jam dpal khyod ni der bla na med pa yang dag par rdzogs pa'i byang chub mngon</font><hr>45.197a<br><font size=+1>

par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas kun du gzigs shes bya bar 'gyur ro/ /khyod kyi byang chub sems dpa'i 'khor kyang de lta bur yongs su dag par 'gyur ro/ /khyod byang chub sems dpar gyur pa na ji ltar smon lam btab pa ltar khyod kyi smon lam de dag thams cad kyang 'grub par 'gyur te/ de bas na khyod ni sangs rgyas bye ba phrag mang po las dge ba'i rtsa ba bskyed par 'gyur ro/ /'jam dpal de'i phyir khyod ni sems can rnams kyi sman lta bur 'gyur zhing bsam pa yongs su sbyong bar byed par 'gyur la/ nyon mongs pa yongs su 'joms par byed pa dang / dge ba'i phyogs rnam par 'phel bar byed par yang 'gyur ro/ /'jam dpal gyis gsol pa/ bcom ldan 'das gal te bdag gis ji ltar smon lam btab pa'i bdag gi re ba 'di lta bu yongs su rdzogs par 'gyur ba lta na/ de bzhin du phyogs bcu'i 'jig rten gyi khams dpag du ma mchis grangs ma mchis pa dag na sangs rgyas bcom ldan 'das gang dag bzhugs te 'tsho zhing gzhes la sems can rnams la chos kyang ston pa rnams kyis bdag lung ston par mdzad cing / de bzhin du sangs rgyas kyi zhing dpag du ma mchis grangs ma mchis pa dag kyang rab du g.yo bar gyur cig /sems can thams cad kyang 'di lta ste dperd bgyi na/ byang chub sems dpa' bsam gtan gnyis pa la rtse ba'i bkod pa la snyoms par zhugs pa de lta bu'i bde ba dang / ldan par gyur cig /de bzhin du sangs rgyas kyi zhing dpag du ma mchis grangs ma mchis pa dag nas kyang lha'i me tog man dA ra ba dag gi char yang rab du 'bab par gyur cig /me tog man dA ra ba de dag las kyang 'di lta bu'i sgra 'byung bar gyur cig /'di lta ste sangs rgyas kyi sgra dang / chos kyi sgra dang / dge 'dun gyi sgra dang / pha rol tu phyin pa rnams kyi sgra dang / stobs dang / mi 'jigs pa'i sgra dag 'byung bar gyur cig /gang gi tshe bdag bcom ldan 'das kyi zhabs</font><hr>45.197b<br><font size=+1>

la yan lag lngas phyag 'tshal ba de'i tshe de lta bu'i mtshan ma dag 'byung bar gyur cig /gang gi tshe 'jam dpal gzhon nur gyur pas bcom ldan 'das kyi zhabs la mgo bos phyag byas pa de'i tshe skad cig de nyid la sangs rgyas kyi zhing dpag du med grangs med pa dag kyang rab du g.yos/ lha'i me tog man dA ra ba dag gi char yang rab du bab/ sems can thams cad kyang ji ltar smon lam btab pa de lta bu'i bde ba dang ldan par gyur pa dang / byang chub sems dpa' sems dpa' chen po gang dag sangs rgyas rnams la chos nyan pa de dag gis sangs rgyas bcom ldan 'das de dag la rgyu gang dang rkyen gang gis na 'di lta bu'i mtshan ma dag byung bar gyur ces yongs su zhus nas/ sangs rgyas bcom ldan 'das de dag gis kyang 'jam dpal gzhon nur gyur pa bla na med pa yang dag par rdzogs pa'i byang chub du lung bstan pa dang / bcom ldan 'das kyis bka' stsal pa/ blo gros mchog rab yangs pa'i blo dang ldan pa longs/ /phyogs bcu'i 'jig rten mgon po rnams kyis khyod lung bstan/ /sa g.yos sems can rnams kyang bde bas tshim par gyur/ /me tog char pa rab 'bab 'jig rten sangs rgyas 'gyur// // bam po drug pa/ rigs kyi bu de nas bram ze rgya mtsho'i rdul gyis rgyal bu bzhi pa nyon mongs med ces bya ba la bos pa dang / ji ltar 'jam dpal gyis smon lam btab pa ltar snga ma bzhin du sbyar ro/ /bcom ldan 'das kyis de la legs so zhes bya ba byin te/ rigs kyi bu legs so legs so/ /rigs kyi bu khyod byang chub sems dpar gyur pa na sems can dpag du med grangs med pa dag gi nyon mongs pa'i ri 'joms par 'gyur zhing / sangs rgyas kyi mdzad pa yang byed par 'gyur la/ de'i 'og du ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas rigs kyi bu de'i phyir khyod rdo rjes gcod pa'i shes rab snang ba'i dpal zhes bya bar gyur cig /rdo rjes gcod pa shes rab snang ba'i dpal khyod ni ma 'ongs pa'i dus na bskal pa gang gA'i klung gcig gi</font><hr>45.198a<br><font size=+1>

bye ma snyed 'das nas bskal pa grangs med pa gang gA'i klung gi bye ma snyed gnyis pa la bab pa na shar phyogs logs su 'jig rten gyi khams sangs rgyas kyi zhing gang gA'i klung bcu'i bye ma snyed kyi rdul phra rab kyi rdul snyed 'das pa de na 'jig rten gyi khams mig mi 'dzums shes bya ba zhig yod de/ rigs kyi bu khyod der byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas kun du bzang po zhes bya ba rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das su 'gyur ro/ /khyod kyi sangs rgyas kyi zhing yang smon lam ji ltar btab pa de lta bu'i yon tan bkod pa du ma dang ldan par 'gyur ro/ /rigs kyi bu de bzhin gshegs pa rin po che'i snying pos/ byang chub sems dpa' rdo rjes gcod pa shes rab snang ba'i dpal bla na med pa yang dag par rdzogs pa'i byang chub du lung bstan ma thag du nam mkha'i dkyil nas lha bye ba khrag khrig 'bum phrag du ma dag gis legs so zhes bya ba byin nas tsan dan sa mchog pa dang / tsan dan sbrul gyi snying po dang / a ga ru dang / rgya spos dang / ta ma la'i phye ma'i char yang rab tu phab bo/ /des gsol pa/ btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na/ de'i slad du gang gi tshe bdag bcom ldan 'das kyi zhabs la yan lag lngas phyag 'tshal ba de'i tshe 'jig rten gyi khams gang gA'i klung gi bye ma snyed dag lha'i las shin du 'das pa'i spos rgya chen pos khyab par gyur cig /'jig rten gyi khams der sems can dmyal ba pa dang / dud 'gro'i skye gnas pa 'am gshin rje'i 'jig rten pa 'am/ lha 'am/ mi 'am/ sems can gang dag skyes par gyur pa'i sems can de dag thams cad kyis dri de tshor bar 'gyur zhing / ji srid du bdag gi mgo bo sa la reg pa de srid du de dag gi lus</font><hr>45.198b<br><font size=+1>

kyi nad dang / lus kyi sdug bsngal ba dang / sems kyi nad dang / sems kyi sdug bsngal ba dag kyang myur du rab du zhi bar gyur cig /rigs kyi bu de nas byang chub sems dpa' rdo rjes gcod pa shes rab snang ba'i dpal gyis de bzhin gshegs pa rin po che'i snying po'i zhabs la yan lag lngas phyag byas pa dang / de nas de'i mod la 'jig rten gyi khams gang gA'i klung gi bye ma snyed dag kyang lha'i las shin du 'das pa'i spos rgya chen pos khyab par gyur/ sems can thams cad kyi lus kyi nad dang / sems kyi nad dang / lus kyi sdug bsngal dang / sems kyi sdug bsngal ba yang rab du zhi zhing rgyun chad par gyur pa dang / bcom ldan 'das kyis bka' stsal pa/ rdo rjes 'joms par byed pa longs/ /zhing mang spos kyis khyab gyur te/ /sems can bde dang dga' byed pa/ /'jig rten mchog gi yab du 'gyur/ /rigs kyi bu de nas bram ze rgya mtsho'i rdul gyis rgyal bu lnga pa 'jigs med ces bya ba la yang snga ma bzhin du sbyar te/ btsun pa bcom ldan 'das bdag ni sangs rgyas kyi zhing nyon mongs pa can 'di 'ba' shig du ma lags kyi gang na sems can dmyal ba ma mchis pa dang / dud 'gro'i skye gnas ma mchis pa dang / gshin rje'i 'jig rten ma mchis par 'gyur ba dang / gang na sa gzhi bai dUr+ya sngon po las grub par 'gyur ba dang / rgya cher ni 'jig rten gyi khams pad ma'i sangs rgyas kyi zhing gi yon tan bkod pa ji lta bu de ltar brjod par bya ste/ der byang chub mngon par rdzogs par 'tshang rgya bar bgyi'o zhes rgyal bu 'jigs med kyis de bzhin gshegs pa rin po che'i snying po'i spyan sngar pad ma bzhag ste gsol pa/ btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na/ de'i slad du bcom ldan 'das kyi mthus bdag gis ting nge 'dzin bkod pa snang ba zhes bgyi ba thob par 'gyur zhing / des bdag gis bcom ldan 'das kyi spyan snga nas phyogs bcu'i 'jig rten gyi khams gang gA'i klung gi</font><hr>45.199a<br><font size=+1>

bye ma snyed dag du yang pad ma shing rta'i phang lo tsam pa'i me tog gi char sangs rgyas kyi zhing gi rdul phra rab kyi rdul snyed dag rab du 'bebs par 'gyur la/ bdag gis kyang mthong bar gyur cig /tshig de brjod ma thag du sangs rgyas kyi mthus ting nge 'dzin snang ba bkod pa zhes bya ba thob par gyur nas/ phyogs bcu'i 'jig rten gyi khams gang gA'i klung gi bye ma snyed dag du pad ma shing rta'i phang lo tsam pa'i me tog gi char sangs rgyas kyi zhing gi rdul phra rab kyi rdul snyed dag kyang rab du bab par gyur to/ /rgyal bu gzhon nu 'jigs med kyis de mthong nas shin du dga' zhing yid bde ba skyes par gyur to/ /bcom ldan 'das kyis bka' stsal pa/ rigs kyi bu khyod kyis ni shin du smon lam bzang po btab ste/ sangs rgyas kyi zhing bzang po yang yongs su blangs/ khyod kyis ting nge 'dzin kyang shin du myur bar thob/ bden pa'i tshig gis pad ma'i char yang rab tu bab bo/ /des gsol pa/ gal te bdag bla na med pa yang dag par rdzogs pa'i byang chub re ba yongs su rdzogs par 'gyur ba lta na/ de'i slad du pad ma 'di dag nam mkha' la gnas par gyur la/ de ltar nam mkha' la gnas nas char bzhin du yang bab par gyur cig /bcom ldan 'das kyis bka' stsal pa/ rigs kyi bu nam mkha' la pad ma dag gis shin du myur bar rgyas btab pas na de'i phyir rigs kyi bu khyod kyang nam mkha'i phyag rgya zhes bya bar gyur cig /nam mkha'i phyag rgya khyod ni ma 'ongs pa'i dus na bskal pa grangs med pa gang gA'i klung gcig gi bye ma snyed 'das nas grangs med pa gnyis pa la bab pa na shar lho'i phyogs logs su sangs rgyas kyi zhing gang gA'i klung bye ba phrag 'bum gyi bye ma snyed 'das pa na 'jig rten gyi khams pad ma zhes bya ba zhig yod de/ khyod der byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas pad ma dam pa zhes bya ba rig pa dang zhabs su ldan pa sangs rgyas bcom ldan</font><hr>45.199b<br><font size=+1>

'das shes bya ba'i bar du 'gyur ro/ /byang chub sems dpa' 'ba' shig gi dge 'dun yang tshad med par 'gyur la/ khyod kyi tshe yang dpag du med par 'gyur te/ ji ltar smon lam btab pa'i yon tan de dag thams cad dang ldan pa yang thob par 'gyur ro/ /byang chub sems dpa' nam mkha'i phyag rgyas de bzhin gshegs pa rin po che'i snying po'i zhabs la mgo bos gtugs pa dang / bcom ldan 'das kyis bka' stsal pa/ nyon mongs rnyog pa zhi bar byed gyur cing / /zhing rdul snyed kyi yon tan 'chang gyur pa/ /sngon gyi rgyal bzhin byang chub 'thob 'gyur zhing / /'gro ba dag la phan pa byed par 'gyur/ /rigs kyi bu de nas bram ze rgya mtsho'i rdul gyis rgyal bu drug pa nam mkha' zhes bya ba la smras pa dang / sangs rgyas kyi zhing nyon mongs pa can 'di 'ba' shig du ma lags kyi zhes bya ba dang / byang chub sems dpa' nam mkha'i phyag rgyas smon lam ji ltar btab pa bzhin no zhes bya ba'i bar du snga ma bzhin du sbyar ro/ /btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na/ de'i slad du phyogs bcu'i 'jig rten gyi khams gang gA'i klung gi bye ma snyed kyi nam mkha' thams cad las rin po che sna bdun gyi gdugs gser gyi dra ba dag gis g.yogs pa/ rin po che sna bdun gyi dril bu dag gis brgyan pa dag byung bar 'gyur zhing / gdugs dang / dril bu dang / dra ba de dag las kyang 'di lta bu'i sgra 'byung bar gyur cig /'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / pha rol du phyin pa'i sgra dang / stobs kyi sgra dang / mngon par shes pa'i sgra dang / mi 'jigs pa'i sgra dag 'byung zhing sems can de dag thams cad kyis kyang sgra de lta bu dag thos par gyur cig /de dag gis thos nas kyang bla na med pa yang dag par rdzogs pa'i byang chub du sems bskyed par gyur cig /sems can gang dag sngon 'dir sems bskyed par gyur pa de dag kyang bla na med pa yang dag par rdzogs pa'i byang chub las phyir mi ldog par gyur cig /tshig de skad smras</font><hr>45.200a<br><font size=+1>

ma thag du phyogs bcu'i 'jig rten gyi khams gang gA'i klung gi bye ma snyed dag gi nam mkha'i dkyil thams cad las de lta bu'i sgra dag byung ba'i bar du snga ma bzhin du sbyar ro/ /bcom ldan 'das kyi mthus bdag nyid kyis kyang mthong nas des yang 'di skad ces gsol to/ /btsun pa bcom ldan 'das gal te bdag gis ji ltar smon lam btab pa bzhin du bdag gi re ba 'di lta bu yongs su rdzogs par 'gyur ba lta na de'i slad du bdag gis bcom ldan 'das kyi spyan sngar ye shes rnam par snang byed ces bgyi ba'i ting nge 'dzin 'di thob par 'gyur zhing des bdag gi dge ba'i chos rnams grub par gyur cig /ting nge 'dzin thob nas kyang bcom ldan 'das kyis bdag lung ston par gyur cig /bcom ldan 'das kyi mthus ye shes rnam par snang byed ces bya ba'i ting nge 'dzin thob pa dang / bcom ldan 'das kyis bka' stsal pa/ skyes bu dam pa legs so legs so/ /khyod kyis ni smon lam rgya chen po btab ste/ khyod kyi bsod nams kyi rgyu mthun pa des phyogs bcu'i 'jig rten gyi khams gang gA'i klung gi bye ma snyed mang po dag tshad gcig du gyur la yid du 'ong ba'i sgra 'bum phrag mang po dag gis bskul ba'i sangs rgyas kyi zhing der rigs kyi bu khyod rnam par snang byed ces bya bar gyur cig /rnam par snang byed khyod ni ma 'ongs pa'i dus na bskal pa grangs med pa gang gA'i klung gi bye ma snyed nas grangs med pa gnyis pa la bab pa na/ shar phyogs logs su 'jig rten gyi khams gang gA'i klung gi bye ma snyed 'das pa na 'jig rten gyi khams nyi zla zhes bya ba zhig yod de/ der khyod mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas chos la dbang sgyur dbang phyug rgyal po zhes bya ba rig pa dang zhabs su ldan pa sangs rgyas bcom ldan 'das shes bya ba'i bar du 'gyur ro/ /byang chub sems dpa' rnam par snang byed kyis bcom ldan 'das kyis</font><hr>45.200b<br><font size=+1>

zhabs la yan lag lngas phyag byas pa dang / de bzhin gshegs pa rin po che'i snying pos bka' stsal pa/ brtul zhugs bzang po rab dga' sems dul longs/ /bla med sangs rgyas byang chub ma gtogs par/ /sems can dag la snying rje cher skyed la/ /sdug bsngal rgya mtsho'i mthar gnas sems can sgrol/ /rigs kyi bu de nas bram ze rgya mtsho'i rdul gyis rgyal bu bdun pa yan lag skyes shes bya ba la smras pa dang / snga ma bzhin du sbyar te/ bdag ni sangs rgyas kyi zhing nyon mongs pa can 'di 'ba' shig du ma lags kyi gang na sems can dmyal ba ma mchis pa dang / dud 'gro'i skye gnas ma mchis pa dang / gshin rje'i 'jig rten ma mchis pa dang / bud med ma mchis pa dang / sems can mngal na gnas pa dag ma mchis pa dang / ri rab ma mchis pa dang / khor yug ma mchis pa dang / khor yug chen po dag ma mchis pa dang / brag dang ri dag ma mchis pa dang / mtho dman dang / gseg ma dang / gyo mo dang / tsher ma dang / tshang tshing dag ma mchis pa dang / shing ljon pa dag ma mchis pa dang / rgya mtsho chen po dag ma mchis pa der byang chub mngon par rdzogs par 'tshang rgya bar gyur cig /de na nyi ma dang zla ba dag ma mchis pa dang / skar ma'i gzugs rnams ma mchis pa dang / nyin mo dang mtshan mo ma mchis pa dang / mun pa thibs po ma mchis pa dang / de na sems can rnams la bshang ba dang / gci ba dang / mchil ma dang / snabs dag ma mchis pa dang / lus kyi rngul dang / dri nga ba ma mchis pa dang / sems can rnams la lus ngal ba ma mchis pa dang / sems ngal ba ma mchis par gyur cig /de na 'thul ba ma mchis par gyur cig /de na sa gzhi thams cad rin po che'i rdo'i snying po las grub par gyur cig /rin po che 'bum phrag du mas brgyan cing me tog man dA ra ba dang / man dA ra ba chen po dag bkram par gyur cig /sangs rgyas kyi zhing</font><hr>45.201a<br><font size=+1>

der rin po che'i shing ljon pa sna tshogs dag gis brgyan par gyur cig /rin po che'i shing ljon pa de dag kyang rin po che sna tshogs kyi dra ba dag gis brgyan par gyur cig /rin po che sna tshogs kyi ras bcos bu dag dang / rin po che sna tshogs kyi gos dag dang / rin po che sna tshogs kyi phreng ba dag dang / rin po che sna tshogs kyi lhab lhub kyi rgyan gyis brgyan par gyur cig /rin po che'i shing ljon pa de dag la me tog gi phreng ba sna tshogs dang / rol mo'i sgra sna tshogs dag dang / rin po che'i snod sna tshogs dag dang / rin po che'i me tog sna tshogs dag gis brgyan par gyur cig /de na gang gi tshe me tog dag kha zums shing rol mo'i sgra dag mi grag pa ma gtogs par mtshan mo mi mngon par gyur cig /me tog kha zums pa de dag las byang chub sems dpa' dag skye bar gyur cig /der byang chub sems dpa' snyoms par zhugs pa na ting nge 'dzin snang ba bkod pa zhes bgyi ba thob par gyur cig /ting nge 'dzin de thob pas phyogs bcu'i 'jig rten gyi khams gzhan dag na bzhugs te 'tsho zhing gzhes pa'i sangs rgyas bcom ldan 'das sangs rgyas kyi zhing gi rdul phra rab kyi rdul snyed dag mthong bar gyur cig /skad cig de nyid la gang gis phyogs bcu'i 'jig rten gyi khams gzhan dag gi sangs rgyas kyi zhing sangs rgyas kyi zhing gi rdul phra rab kyi rdul snyed dag na sangs rgyas bcom ldan 'das dag chos 'chad pa thos par 'gyur ba de lta bu'i lha'i rna ba rnam par dag pa thob par gyur cig /sems can dag skyes ma thag du thams cad kyis tshe rabs rjes su dran par 'gyur zhing / de dag gis bskal pa sangs rgyas kyi zhing gi rdul phra rab kyi rdul snyed rjes su dran par gyur cig /sems can de dag skyes ma thag du thams cad kyi phyogs bcu kun du sangs rgyas kyi zhing gi yon tan bkod pa/ sangs rgyas kyi zhing gi rdul phra rab kyi rdul snyed dag mthong bar 'gyur ba de lta bu'i lha'i mig thob par gyur cig sems can de dag skyes ma thag du thams cad kyis skad cig gcig gis sangs rgyas kyi zhing gi rdul phra rab kyi rdul snyed dag gis sems</font><hr>45.201b<br><font size=+1>

can thams cad sems kyi spyod pa 'tshal bar 'gyur ba de lta bu'i pha rol gyi sems shes pa la mkhas pa dang ldan par 'gyur zhing sems can de dag thams cad byang chub cing yongs su mya ngan las 'das kyi bar du ting nge 'dzin de chud mi za bar gyur cig /nang par sngar phyogs bzhi nas dri shin du bda' zhing dga' bar bgyid la 'jam zhing reg na bde ba'i bser ma'i ngad ldang bar 'gyur zhing me tog de dag kyang kha 'byed par gyur cig /byang chub sems dpa' de dag kyang ting nge 'dzin de dag las langs shing / me tog gi ze ba de dag las ldang bar gyur cig /gang gis sems kyi skad cig gcig gis phyogs re rer yang 'jig rten gyi khams kyi sangs rgyas kyi zhing gi rdul phra rab kyi rdul snyed dag du mchis shing sangs rgyas bcom ldan 'das bzhugs te/ 'tsho zhing gzhes pa rnams la phyag bgyis nas slar ldog par 'gyur ba de lta bu'i rdzu 'phrul gyi yul yang thob par gyur cig /de na me tog man dA ra ba dang / man dA ra ba chen po'i ze ba dag la skyil mo krung bcas te mchi bar 'gyur zhing chos kyi bde ba yid la bgyid pas de bzhin gshegs pa lta bar gyur cig /gang dang gang du mchis sam ldog pa'i phyogs thams cad du bdag kyang mthong bar gyur cig /de na byang chub sems dpa' sems dpa' chen po dag chos rnams la nem nur dang yid gnyis dang the tsom ji lta bu dag skye bar 'gyur ba de dag thams cad bdag la bltas shing mthong ba tsam gyis bral bar gyur cig /byang chub sems dpa' sems dpa' chen po de dag chos bstan pa ji lta bu dag 'tshal ba de lta bu'i chos bstan pa dag bdag la bltas pa tsam gyis 'tshal bar gyur cig /de na sems can rnams bdag gi ba ma mchis shing / yongs su 'dzin pa ma mchis par 'gyur zhing / tha na rang gi lus dang srog la yang don du gnyer ba ma mchis par gyur cig /de na byang chub sems dpa' thams cad phyir mi ldog par sha stag du gyur cig /de na mi dge ba'i ming yang ma mchis par gyur cig /</font><hr>45.202a<br><font size=+1>

sangs rgyas kyi zhing de na bslab pa len pa'i ming yang ma mchis la/ ltung byed las slong ba'i bar gyi bka' mchid kyang ma mchis par gyur cig /sems can thams cad skyes bu chen po'i mtshan sum bcu rtsa gnyis dang ldan par gyur cig /thams cad sred med kyi bu'i stobs dang ldan par gyur cig /de na byang chub cing yongs su mya ngan las 'das kyi bar du sems can gcig kyang dbang po ma tshang bar ma gyur cig /de na sems can thams cad skra bregs shing gos ngur smrig sar pa dag 'tshal bzhin du skye bar gyur cig /shin du rnam par 'byed pa'i ting nge 'dzin thob par 'gyur zhing byang chub kyi mtha'i bar du yang chud mi za bar gyur cig /de na sems can thams cad kyang dge ba'i rtsa ba dang 'grogs par gyur cig /sangs rgyas kyi zhing de na sems can thams cad la na ba dang rga ba'i sdug bsngal ma mchis par gyur cig /sems can gang dag tshe yongs su bas par gyur pa de dag thams cad kyang skyil mo krung gis yongs su mya ngan las 'da' bar 'gyur zhing rang gi lus las me'i khams byung ste/ des rang gi lus sregs par gyur nas phyogs bzhi nas bser ma dag langs shing de dag gis byang chub sems dpa'i sku gdung de dag sangs rgyas kyi zhing stong pa dag du 'thor zhing / 'di lta ste dper bgyi na 'khor los sgyur ba'i rgyal po'i nor bu rin po che'i 'od gsal ba de lta bu'i nor bu rin po che dag kyang 'byung bar gyur cig /de na sems can gang dag gis nor bu rin po che'i 'od de dag mthong bar gyur tam/ nor bu rin po che de dag mthong bar gyur tam/ de dag la reg par gyur pa'i sems can de dag thams cad kyang byang chub cing yongs su mya ngan las 'das kyi bar du sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal mi myong bar gyur cig /de dag de nas shi 'phos nas kyang sangs rgyas bcom ldan 'das dag bzhugs te 'tsho zhing gzhes la sems can rnams</font><hr>45.202b<br><font size=+1>

la chos kyang ston pa der skye bar gyur cig /sems can de dag der skyes nas kyang sangs rgyas bcom ldan 'das de dag las chos thos par 'gyur zhing de dag byang chub tu sems bskyed par yang gyur cig /sems bskyed ma thag du bla na med pa yang dag par rdzogs pa'i byang chub las slar mi ldog par gyur cig /bdag gi sangs rgyas kyi zhing du sems can 'ga' yang mnyam par ma bzhag pa dang / sdug bsngal gyi tshor ba dang / gcig la gcig 'gums par 'gyur ba'i gnod sems kyi sems dang ma bral bar 'gum pa'i dus bgyid par ma gyur cig /de slan chad mi khom pa rnams su skye bar ma gyur cig /sangs rgyas kyi zhing stong pa rnams su skye bar ma gyur cig /byang chub kyi mtha'i bar du sangs rgyas mthong ba dang mi 'bral bar gyur cig /chos nyan pa dang / dge 'dun la bsnyen bkur bgyid pa dang mi 'bral bar gyur cig /de na sems can thams cad tha ba dang zhe sdang ba dang / 'chab pa dang / phrag dog dang / ser sna dang bral bar gyur cig /sangs rgyas kyi zhing de na nyan thos dang rang sangs rgyas rnam par spangs par gyur cig /sangs rgyas kyi zhing de byang chub sems dpa' sha stag gis gang bar gyur cig /sems can gang dag der skye bar 'gyur ba dag 'jam pa'i sems dang / mnyen pa'i sems dang / khon med pa'i sems dang / gdug pa med pa'i sems dang / zhi ba'i sems dang / mnyam par bzhag pa'i sems dang ldan par gyur cig /bdag gi sangs rgyas kyi zhing de 'od gsal bar gyur cig /bdag gi sangs rgyas kyi zhing de yon tan chen po bkod pa dang ldan par gyur cig /phyogs bcu'i sangs rgyas kyi zhing gi rdul phra rab kyi rdul snyed kyi 'jig rten gyi khams dag nas kyang bda' zhing dris khyab par gyur cig /de na sems can dag rtag du bde ba dang ldan par gyur cig /sangs rgyas kyi zhing de na sdug bsngal gyi sgra yang mi grag par gyur cig /ji srid du bdag byang chub sems</font><hr>45.203a<br><font size=+1>

dpar gyur cing sangs rgyas kyi zhing gi yon tan bkod pa phun sum tshogs pa de lta bu dag gi sangs rgyas kyi zhing yongs su dag pa 'jog par 'gyur ba de srid du bdag gis byang chub sems dpa'i spyod pa spyad par bgyi'o/ /bsam pa yongs su dag pa'i sems can de lta bu dag gis sangs rgyas kyi zhing de khyab par bkod la de'i 'og du bdag sangs rgyas kyi zhing der bla na med pa yang dag par rdzogs pa'i byang chub mngon par 'tshang rgya bar bgyi'o/ /bdag byang chub thob pa na 'od dpag du ma mchis par gyur cig /phyogs bcu gzhan gyi sangs rgyas kyi zhing stong gis rdul phra rab kyi rdul snyed dag du bdag gi lus mtshan gyis brgyan pa gda' bar gyur cig /de na sems can gang dag gis bdag mthong bar gyur pa'i sems can de dag gi 'dod chags rab du zhi bar gyur cig /zhe sdang dang / gti mug dang / phrag dog dang / nga rgyal dang / 'chab pa dang / nyon mongs pa dang / nye ba'i nyon mongs pa thams cad rab du zhi bar gyur cig /thams cad byang chub du sems skyed par gyur cig /ting nge 'dzin dang / gzungs kyi sgo rnam pa ji lta bu dag 'tshal ba de lta bu dag kyang bdag mthong bas thob par gyur cig /de na sems can gang dag grang ba'i sems can dmyal bar skyes par gyur pa de dag gis kyang bdag mthong bas bde ba'i tshor ba 'byung bar 'gyur zhing / 'di lta ste dper bgyi na dge slong bsam gtan gnyis pa la snyoms par zhugs pa de lta bu'i bde ba'i tshor ba thob par gyur cig /de dag gis bdag mthong nas lus dang sems kyi bde ba mchog dang ldan par gyur nas bla na med pa yang dag par rdzogs pa'i byang chub du sems skyed par gyur cig /de dag de nas shi 'phos nas kyang bdag gi sangs rgyas kyi zhing du skye bar 'gyur zhing / der bla na med pa yang dag par rdzogs pa'i byang chub las slar mi ldog par gyur cig /sems can gang dag yi dgas kyi gnas rnams su skyes par gyur pa dag gis kyang bdag mthong bar gyur cing snga ma bzhin du sbyar te/ bla na med pa yang</font><hr>45.203b<br><font size=+1>

dag par rdzogs pa'i byang chub las slar mi ldog par gyur cig /de bzhin du dud 'gro'i skye gnas su skyes pa rnams la yang brjod par bgyi'o/ /lha rnams la yang de bzhin te/ bdag gi 'od kyang nyis gyur du snang bar gyur cig /bdag gi tshe yang dpag du ma mchis par 'gyur la/ thams cad mkhyen pa'i ye shes ma gtogs par sus kyang bgrang bar rngo mi thog par gyur cig /bdag byang chub thob pa na phyogs bcu'i 'jig rten gyi khams tshad ma mchis grangs ma mchis dpag du ma mchis pa gzhan dag gi sangs rgyas bcom ldan 'das dag gis gang dag bsgrags par 'gyur ba bdag gi bsngags pa brjod par gyur cig /de na sems can gang dag gis bdag gi bsngags pa thos par gyur pa de dag kyang bdag gi sangs rgyas kyi zhing der dge ba'i rtsa ba yongs su bsngo bar gyur cig /de dag 'gum pa'i dus bgyis nas kyang mtshams ma mchis pa bgyid pa rnams dang / dam pa'i chos spong ba rnams dang / 'phags pa la skur ba 'debs pa rnams ma gtogs pa dag bdag gi sangs rgyas kyi zhing du skye bar gyur cig /bdag byang chub thob pa na gang dag 'jig rten gyi khams dpag du ma mchis grangs ma mchis pa dag gi sems can rnams kyis bdag gi ming thos par 'gyur zhing bdag gi sangs rgyas kyi zhing du skye ba 'tshal bar gyur cig /de dag 'gum pa'i dus kyi tshe na yang bdag tshogs du mas yongs su bskor cing rab rib ma mchis pa'i ting nge 'dzin la snyoms par zhugs nas/ gang sems can de dag gi sdug bsngal thams cad rab du zhi bar 'gyur ba de lta bu'i legs pa bshad pas sems can de dag tshim par bgyid par gyur cig /dad pa de nyid kyis sems med pa zhes bgyi ba'i ting nge 'dzin thob par gyur cig /sems dga' ba'i chos kyis bzod pa yang thob par gyur cig /'gum pa'i dus bgyis nas kyang bdag gi sangs rgyas kyi zhing du skye bar gyur cig /sangs rgyas kyi zhing gzhan dag na sems can gang dag nor bdun dang bral ba rnams dang / theg pa gsum don du mi gnyer ba rnams dang / lha dang mi'i phun</font><hr>45.204a<br><font size=+1>

sum tshogs pa dag don du mi gnyer ba rnams dang / dge ba yongs su btsal ba don du mi gnyer ba rnams dang / bsod nams bgyi ba'i dngos po gsum po don du mi gnyer ba rnams dang / chos ma lags pa dang / 'dod chags la chags pa rnams dang / 'dod pa mi bzad pas zil gyis non pa rnams dang / chos log pas sems dkris pa de dag 'gum pa'i dus kyi tshe na bdag tshogs du mas yongs su bskor te mdun du mchis nas 'od dang ting 'dzin gyis chos ston par gyur cig /de dag la bdag gi sangs rgyas kyi zhing yang ston par gyur cig /byang chub yang dag par 'dzin du stsol bar yang gyur cig /sems can de dag kyang bdag la mchog du dga' zhing dad pa thob par gyur nas byang chub du sems skyed par gyur cig /de dag gi sdug bsngal gyi tshor ba thams cad rab du zhi bar gyur cig /de dag gis ting nge 'dzin nyi ma'i sgron ma thob par gyur nas gti mug spangs par gyur cig /de dag 'gum pa'i dus bgyis nas kyang bdag gi sangs rgyas kyi zhing du skye bar gyur cig /bcom ldan 'das kyis bka' stsal pa/ skyes bu dam pa legs so legs so/ /khyod kyis ni smon lam bzang por btab bo/ /des gsol pa/ btsun pa bcom ldan 'das gal te bdag smon lam de lta bu yongs su rdzogs par 'gyur ba lta na de'i slad du sangs rgyas kyi zhing gi rdul phra rab kyi rdul snyed kyi phyogs bcu'i sangs rgyas kyi zhing gzhan dag du tsan dan sbrul gyi snying po'i phye ma'i char rab du 'bab par gyur cig /sems can gang dag gis dri de tshor bar gyur pa de dag thams cad kyang bla na med pa yang dag par rdzogs pa'i byang chub du sems bskyed par gyur cig /bdag gis kyang ting nge 'dzin gya nom snang zhes bgyi ba thob par gyur cig /de yang bdag nyid kyis mthong bar gyur cig /rigs kyi bu des ting nge 'dzin gya nom snang ba bskyed pa dang sangs rgyas kyi zhing gi rdul phra rab kyi rdul snyed kyi phyogs bcu'i 'jig rten gyi khams gzhan dag du tsan dan sbrul gyi snying po'i phye ma'i char bab pa de yang bdag nyid kyis</font><hr>45.204b<br><font size=+1>

mthong la phyogs bcu'i phyogs re rer yang sems can bgrang ba las 'das pa gang dag gi thal mo sbyar te byang chub du sems bskyed pa dag kyang mthong ba dang / bcom ldan 'das kyis bka' stsal pa/ rigs kyi bu shin du myur bar spos kyi char yang bab la sems can grang ba las 'das pa dag kyang byang chub yang dag par 'dzin du bcug pas na rigs kyi bu de'i phyir khyod seng ge spos shes bya bar gyur cig /seng ge spos khyod ni bskal pa grangs med pa gang gA'i klung gcig gi bye ma snyed 'das nas grangs med pa gnyis pa la bab pa na shar phyogs logs su sangs rgyas kyi zhing nas sangs rgyas kyi zhing gang gA'i klung bzhi bcu rtsa gnyis kyi bye ma snyed kyi rdul phra rab kyi rdul snyed 'das pa der 'jig rten gyi khams dri sngo snang ba rdul bral zhes bya ba zhig 'byung ste/ seng ge spos khyod ni der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas snang ba rdul bral spos mtho dbang phyug rgyal po zhes bya ba sangs rgyas bcom ldan 'das kyi bar du 'gyur ro/ /rigs kyi bu de nas byang chub sems dpa' seng ge'i spos kyis de bzhin gshegs pa rin po che'i snying po'i zhabs la yan lag lngas phyag byas pa dang / de bzhin gshegs pa rin po che'i snying pos de la bka' stsal pa/ lha mi lha min rnams kyis mchod par 'gyur ba longs/ /srid pa'i 'gro bar sems can sdug bsngal khyod kyis sgrol/ /srid pa'i sdug bsngal nyon mongs 'ching ba khyod kyis chod/ /mi yi rgyal ba 'phags pa'i gang zag nyid du 'gyur/ /rigs kyi bu de nas bram ze rgya mtsho'i rdul gyis rgyal bu brgyad pa gnod pa med ces bya ba la snga ma bzhin du sbyar ro/ /btsun pa bcom ldan 'das bdag ni ji srid du sangs rgyas kyi zhing nyon mongs pa can khri sangs rgyas kyi zhing dri sngo snang ba rdul bral ci 'dra bar gyur pa de ltar yongs su dag par 'god par 'gyur zhing de de ltar</font><hr>45.205a<br><font size=+1>

dge ba'i rtsa ba bskyed pa dang / bsam pa yongs su dag pa dang / theg pa chen po la yang dag par zhugs pa'i byang chub sems dpa' dag gis khyab par gnas par 'gyur ba srid du byang chub sems dpar gyur cing / sangs rgyas kyi zhing nyon mongs pa can du byang chub sems dpa'i spyad pa spyod na slad kyis bdag bla na med pa yang dag par rdzogs pa'i byang chub mngon par rdzogs par 'tshang rgya bar bgyi ste/ btsun pa bcom ldan 'das bdag gis ni ci nas kyang byang chub sems dpa' gzhan dag mi spyod pa de lta bu'i byang chub sems dpa'i spyod pa spyad par bgyi'o/ /btsun pa bcom ldan 'das gang gi tshe bdag lo bdun po 'di la gcig pu dben par mchis nas sangs rgyas kyi yon tan dang / byang chub sems dpa'i yon tan yongs su dag pa dang / sangs rgyas kyi zhing gi yon tan yongs su dag pa la sems shing mchis pa na/ bdag gis ting nge 'dzin snang ba bkod pa la sogs pa byang chub sems dpa'i ting nge 'dzin khri chig stong bskyed cing thob ste bsgoms pa gang lags pa de dag ni btsun pa bcom ldan 'das bdag byang chub sems dpar gyur pa'i byang chub sems dpa'i spyod pa lags so/ /sangs rgyas bcom ldan 'das gang dag phyogs bcu'i 'jig rten gyi khams mtha' yas mu ma mchis pa dag na bzhugs te 'tsho zhing gzhes la sems can rnams sman pa dang bde ba'i slad du chos ston pa de dag dang / gang dag dus gsum las yang dag par 'das pa'i sangs rgyas kyi zhing rgyal mtshan gyi rtse mo'i dpung rgyan ces bgyi ba rgyal ba rnams kyis yongs su gtams pa de dag mthong zhing der 'jug par gyur cig /btsun pa bcom ldan 'das ting nge 'dzin des bdag gis sangs rgyas bcom ldan 'das byang chub sems dpa' dang / nyan thos kyi tshogs kyis yongs su bskor ba rdul phra rab kyi rdul snyed dag mthong bar gyur cig /</font><hr>45.205b<br><font size=+1>

ting nge 'dzin gyi mthus bdag gnas ma mchis par sangs rgyas kyi zhing rdul phra rab kyi rdul snyed kyi lus kyis re re la yang phyag 'tshal bar gyur cig /re re la yang bdag gi lus re res rin po che dang / me tog sna tshogs bla na ma mchis pa dag dang / spos dang / me tog phreng dang / phye ma dang / byug pa dang / rol mo'i sgra bla na ma mchis pa sna tshogs bkod pa bla na ma mchis pa thams cad kyis mchod par gyur cig /sangs rgyas kyi zhing gcig tu yang bdag bskal pa rgya mtsho bye ma snyed du spyod par gyur cig /gang gi tshe bdag gis lus thams cad rnam par 'jig pa'i ting nge 'dzin gyis skad cig gcig gis sangs rgyas re re'i sangs rgyas kyi spyod yul sangs rgyas kyi zhing gi rdul phra rab kyi rdul snyed dag 'tshal bar gyur cig /btsun pa bcom ldan 'das ting nge 'dzin yon tan 'byung gnas kyis de dag gis re re la yang sangs rgyas kyi zhing gi rdul phra rab kyi rdul snyed kyi bstod pa bla na ma mchis pa dag gis bstod par gyur cig /btsun pa bcom ldan 'das bdag gis mig mi 'dzums pa'i ting nge 'dzin gyis rdul gcig gi steng du sems kyi tshad kyis rgyal ba rnams kyis bltam pa'i sangs rgyas kyi zhing thams cad mthong bar gyur cig /btsun pa bcom ldan 'das bdag gis nyon mongs pa ma mchis pa'i ting nge 'dzin gyis sems kyi skad cig gcig gis sangs rgyas kyi zhing thams cad dag na 'das pa dang / ma 'ongs pa dang / da ltar byung ba'i byang chub sems dpa' rnams dang / sangs rgyas kyi zhing gi yon tan bkod pa dag mthong bar gyur cig /btsun pa bcom ldan 'das bdag dpa' bar 'gro ba'i ting nge 'dzin kyis sems can dmyal ba rnams su zhugs te/ sems can dmyal ba pa'i lus su sprul nas sems can dmyal ba pa'i sems can rnams la chos ston par 'gyur zhing byang chub yang dag par 'dzin du stsol bar gyur cig /de na sems can de dag kyang byang chub du sems skyed par gyur</font><hr>45.206a<br><font size=+1>

cig /de nas shi 'phos nas kyang mi rnams dang skal ba mnyam par skye bar 'gyur zhing gang na sangs rgyas bcom ldan 'das dag bzhugs pa'i sangs rgyas bcom ldan 'das de dag las chos nyan par 'gyur ba dang / phyir mi ldog pa'i sa la gnas par gyur cig /dud 'gro rnams la yang de bzhin/ yi dgas rnams la yang de bzhin/ gnod sbyin rnams la yang de bzhin/ srin po rnams la yang de bzhin/ lha ma yin rnams la yang de bzhin/ klu rnams la yang de bzhin/ mi'am ci rnams la yang de bzhin/ lto 'phye chen po rnams la yang de bzhin/ sha za rnams la yang de bzhin/ srul po rnams la yang de bzhin/ lus srul po rnams la yang de bzhin/ mi gdol pa rnams la yang de bzhin/ tshong pa rnams dang / smad 'tshong ma rnams la yang de bzhin te/ bcom ldan 'das sems can rigs ji lta bur skyes pa rnams dang / de dag gis lus ji lta bu thob pa dang / sems can las kyi rkyen ji lta bus bde ba 'am/ sdug bsngal gyi tshor ba myong ba rnams dang / bzo'i gnas ji lta bu dag dang / las kyi gnas ji lta bu dag la chags pa rnams la de lta bu'i lus su sprul nas/ bzo'i gnas dang / las kyi gnas de lta bu dag la brtson pa ston par bgyid cing / de lta bu'i yi ge brjod pas sems can rnams kyi sems mgu bar bgyid cing chos kyang ston par gyur cig /bla na med pa yang dag par rdzogs pa'i byang chub yang dag par 'dzin du 'jug cing btsud pa dang rab du 'god par yang gyur cig /bla na med pa yang dag par rdzogs pa'i byang chub las slar mi ldog pa la 'god par gyur cig /btsun pa bcom ldan 'das bdag gis phyogs bcu'i sangs rgyas kyi zhing stong phrag bcu po thams cad dag na sems can thams cad kyi sems kyi rgyud la yang ci nas kyang sngon gyi las dang / </font><hr>45.206b<br><font size=+1>

nyon mongs pa ma lus par 'gyur ba dang / sems can 'ga'i sems kyi rgyud kyi lam yang bdud bzhis rtogs par mi 'gyur ba de ltar sems can thams cad kyi sems kyi rgyud yongs su sbyong bar 'gyur ba de srid du bdag gis byang chub kyi spyod pa spyad par bgyi'o/ /de'i slad du bdag gis sangs rgyas kyi khri yang ji ltar de bzhin gshegs pa snang ba rdul bral spos mtho dbang phyug rgyal po skar ma'i sangs rgyas kyi zhing dri sngo snang ba rdul bral gyi yon tan bkod pa ci 'dra ba de ltar yongs su dag par 'jog par gyur cig /de bzhin du bdag gis bdag gi sangs rgyas kyi zhing dang / bdag gi 'khor yang ji ltar byang chub sems dpa' seng ge spos kyis smon lam btab pa bzhin du gyur cig /btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na de'i slad du phyogs bcu'i sangs rgyas kyi zhing dag gi sems can rnams kyi sdug bsngal thams cad rab tu zhi bar gyur cig /thams cad kyang sems mnyen par gyur cig /sems las su rung bar gyur cig /rang rang gi gling bzhi pa dag na sangs rgyas bzhugs pa dag mthong bar gyur cig /sems can de dag la rin po che sna tshogs dag dang / me tog dang / spos dang / byug pa dang / phye ma dang / gdugs dang / rgyal mtshan dang / ba dan dag bdog par gyur la/ des sems can de dag sangs rgyas de dag la yang mchod pa bgyid par 'gyur zhing / bla na med pa yang dag par rdzogs pa'i byang chub du sems skyed par gyur cig /bcom ldan 'das bdag gis kyang ting nge 'dzin snang ba bkod pa'i mthus bdag nyid kyis mthong bar gyur cig /tshig de brjod ma thag du ji ltar smon lam btab pa bzhin du bdag nyid kyis mthong bar gyur pa dang / bcom ldan 'das kyis bka' stsal pa/ rigs kyi bu</font><hr>45.207a<br><font size=+1>

legs so legs so/ /rigs kyi bu khyod ni rang gi sangs rgyas kyi zhing kho ra khor yug du sangs rgyas kyi zhing yongs su dag pa khri 'jog par 'gyur ro/ /sems can dpag du med grangs med pa dag gi sems kyi rgyud yongs su dag par byed par yang 'gyur ro/ /de bzhin du sangs rgyas bcom ldan 'das dpag du med grangs med pa dag la mchod pa dpag du med grangs med pa dag byed par yang spro bar yang 'gyur ro/ /rigs kyi bu de'i phyir khyod kun du bzung po zhes bya bar gyur cig /kun du bzang po khyod ni ma 'ongs pa'i dus na bskal pa grangs med pa gang gA'i klung gcig gi bye ma snyed 'das nas/ bskal pa grangs med pa gnyis pa la bab pa na byang phyogs logs su sangs rgyas kyi zhing 'di nas sangs rgyas kyi zhing gang gA'i klung drug bcu'i bye ma snyed 'das pa de na 'jig rten gyi khams ye shes kyi chu shin du rnam par dag pa'i yon tan zhes bya ba zhig 'byung ste/ kun du bzang po khyod ni der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas ye shes rdo rje rnam par bsgyings pa'i dbang phyug tog ces bya ba sangs rgyas bcom ldan 'das kyi bar du 'gyur ro/ /rigs kyi bu de nas byang chub sems dpa' sems dpa' chen po kun du bzang pos de bzhin gshegs pa rin po che'i snying po'i zhabs la yan lag lngas mgo bos gtugs pa dang / de bzhin gshegs pa rin po che'i snying pos bka' stsal pa/ brtul zhugs bzang po rab du dga' ba sems dul longs/ /dam bcas brtan pa sems can rnams kyi rgyud sbyongs la/ /khyod kyis sems can nyon mongs mi bzad klung las sgrol/ /khyod ni 'jig rten ye shes sgron mchog sangs rgyas 'gyur/ /rigs kyi bu yang de'i tshe na srog chags le lo can khris tshig 'thun par 'di skad ces gsol to/ /btsun pa bcom</font><hr>45.207b<br><font size=+1>

ldan 'das bsam pa shin du rnam par dag pa'i byang chub sems dpa' sems dpa' chen po kun du bzang pos byang chub sems dpa'i spyad pa spyod cing yongs su dag par 'jog par 'gyur ba na bdag cag kyang sangs rgyas kyi zhing yongs su dag pa der de bzhin gshegs pa dgra bcom pa yang dag par rdzogs pa'i sangs rgyas su 'gyur bar bgyi'o/ /de ltar bdag cag gis pha rol tu phyin pa drug yongs su rdzogs par bgyis nas sangs rgyas kyi zhing der skye bar gyur cig /rigs kyi bu de bzhin gshegs pa rin po che'i snying pos srog chags khri po de dag la 'di skad ces lung bstan te/ gang gi tshe byang chub sems dpa' kun du bzang po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe/ khyod cag 'jig rten gyi khams de'i kho ra khor yug dag du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ stong stong zhing mtshan mthun pa'i de bzhin gshegs par 'gyur ro/ /'di lta ste stong ni de bzhin gshegs pa me lce thab khung dbang phyug dbyangs shes bya bar 'gyur ro/ /gzhan yang stong ni de bzhin gshegs pa sdom pa'i dbang phyug dbyangs shes bya bar 'gyur ro/ /gzhan yang stong ni de bzhin gshegs pa shin du dri med dbyangs kyi dbang phyug rgyal po zhes bya bar 'gyur ro/ /gzhan yang stong ni de bzhin gshegs pa gya nom 'jigs med dbyangs kyi dbang phyug rgyal po zhes bya bar 'gyur ro/ /gzhan yang stong ni de bzhin gshegs pa dri med dbyangs kyi gzi brjid dbang phyug rgyal po zhes bya bar 'gyur ro/ /lnga brgya yang mtshan 'thun te/ 'di lta ste nyi ma'i dbyangs shes bya bar 'gyur ro/ /de bzhin du nyis stong lnga brgya ni 'jigs bral grags pa'i rgyal po dang / 'od zer bral dang / 'od zer bral ba'i dbyangs dang / grags pa'i dbang phyug dbyangs dang / rnam grol chos grags dbyangs dang / snying po grags pa'i rgyal po dang / rin chen rgyal mtshan dang / </font><hr>45.208a<br><font size=+1>

snang ba'i dbang phyug dang / thub chen ye shes 'bar ba'i dbang phyug dang / gnas kyi gos bstsags rgyal po dang / ye shes blo gros bsam yas snying po dang / ye shes lhun po'i rgyal mtshan dang / ye shes rgya mtsho'i rgyal po dang / brtson 'grus chen po'i dbyangs kyi dbang phyug dang / lhun po'i dpal lta bu dang / ye shes rdul bral shugs dang / ci'i dbang phyug sa bon dang / ye shes shin du dri med sgrogs pa'i dbang phyug dang / yon tan rgya mtsho'i zil mnan rgyal po dang / ye shes 'byung ba stobs kyi rgyal po dang / byang chub rdul bral rgyal po dang / thub pa dpal brtsegs shugs kyi me tog dang / ye shes dpal brtsegs blo dang / rdo rje seng ge dang / tshul khrims 'od gsal dang / bzang mchogs dang / 'od zer mtha' yas dang / seng ge dga' dang / ye shes mi zad brtsegs dang / rin chen snang ba dang / ye shes dri med dang / ye shes rgyas pa dang / seng ge grags pa dang / mngon shes yon tan rgyal po dang / chos kyi sna ma'i me tog char 'bebs dang / 'od byed dang / lhun po mngon 'phags dang / chos yang dag 'phags rgyal po dri med dang / spos kyi dbang phyug dang / dri med spyan dang / rab du che bstsags dang / thogs med stobs kyi rgyal po dang / rang gi ye shes bsod nams stobs dang / ye shes chos gos dang / dbang sgyur dang / chags med phan bzhed dang / ye shes yang dag 'byung dang / lhun po chen po dang / stobs kyi snying po dang / yon tan 'byung gnas dang / khi shing me tog rgyal mtshan dang / yon tan 'od dang / gti mug rnam bral yon tan rgyal po dang / rdo rje mchog dang / chos kyi tog dang / dbyangs kyi dbang po'i rgyal po dang / legs sbas dang / rdo rje rgyal mtshan dang / rin chen dbang phyug dang / mngon 'phags rgyal mtshan dang / ri bo lta bu dang / dga' sprin dang / chos byed dang / sa la'i rgyal po</font><hr>45.208b<br><font size=+1>

dang / kun sbed dang / rgya mtsho'i rgyal po dang / ye shes yang dag bstsags dang / ye shes 'od 'phro dang / me tog tshogs can dang / glang po che'i dbang phyug dang / u dum ba ra'i me tog dang / gser gyi rgyal mtshan dang / chos kyi rgyal mtshan dang / sgrogs pa'i rgyal po dang / tsan dan dang / shin du brtan pa dang / mthus gnon dang / rgyal mtshan gyi rtse mo'i sgron ma dang / ye shes go rims dang / rgya mtsho'i rgyal mtshan dang / rnam rgyal chos grags dang / nga rgyal sgrogs dang / yon tan 'od 'phro dang / ye shes 'od dang / ye shes sgron ma dang / bde ba'i rgyal po dang / ye shes dbyangs dang / rgyal mtshan bsdus pa dang / rdo rje'i sgron ma dang / bkod pa'i rgyal po dang / rgyal ba'i grangs dang / rab du brtan pa dang / blo gros zla ba'i rgyal po dang / rim gyis sgrogs pa'i rgyal po dang / sa la'i dbang po seng ge'i sgra dang / sred med kyi bus rnam par rgyal ba'i snying po dang / yon tan rin chen yang dag bstsags dang / skar ma'i snying po dang / skar ma rnam 'jig grags pa dang / bsod nams stobs sa la'i rgyal po dang / yid du 'ong ba'i dbyangs dang / tshangs mchog dang / yul 'khor srung zhes bya bar 'gyur ro/ /gzhan yang stong ni spos kyi pad ma rnam rgyal grags pa'i rgyal po zhes bya ba dang / 'od zer gyi dkyil 'khor snang ba dang / snang ba'i rgyal po dang / spos kyi pad ma dam pa'i shugs dang / yon tan rgya mtsho'i mtha' yas ye shes bla ma dang / 'dzam bu'i grib ma dang / yon tan ri bo'i rgyal mtshan dang / seng ge'i tog dang / klus spangs me tog gzi brjid rgyal po dang / dri zhim sa bon bdag med dang / yon tan bdu rtsi gzi brjid rgyal po zhes bya ba dag tu 'gyur ro/ /gzhan yang stong ni de bzhin gshegs pa dgra bcom pa yang dag par rdzogs pa'i sangs rgyas chos sbyin rgyal po klu dbang rnam grol sad byed 'jig</font><hr>45.209a<br><font size=+1>

rten rgya mtsho'i mig gi ri bo zhes bya ba sha stag du 'gyur te/ 'jig rten gyi khams gzhan dang / gzhan dag du nyi ma gcig dang / dus gcig du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / tshe'i tshad ni bar gyi bskal pa bcur 'gyur ro/ /srog chags khri po de dag gis de bzhin gshegs pa rin po che'i snying po'i zhabs la yan lag lngas mgos gtugs pa dang / de bzhin gshegs pa rin po che'i snying pos bka' stsal pa/ klu ltar brtan par sgrogs pa dag ni re shig longs/ /dge ba'i nor rnams dag ni yang dag stsogs gyis la/ /pha rol phyin pa rnams la myur du brtson gyis dang / /lha mi 'jig rten rnams kyi 'dren pa dag du 'gyur// // bam po bdun pa/ rigs kyi bu de nas bram ze rgya mtsho'i rdul gyis rgyal bu dgu pa sdig med ces bya ba la smras pa/ snga ma bzhin du sbyar te/ des gsol pa/ btsun pa bcom ldan 'das ci nas kyang bdag byang chub sems dpa'i spyad pa spyod pa na/ phyogs bcu'i 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang gA'i klung gi bye ma snyed dag bzhugs te 'tsho zhing gzhes pa rnams bdag gi dbang lags par 'gyur ba de ltar bdag gis byang chub sems dpa'i spyad pa spyod par bgyi ste/ btsun pa bcom lan 'das gang bdag gis khyod kyi spyan sngar byang chub tu sems bskyed pa nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i bar du bdag byang chub sems dpa'i spyad pa spyod pa na 'gyod pa'i sems skye bar ma gyur cig /byang chub kyi mthar thug pa nye bar bzung ba'i bar du dam bcas pa brtan zhing ji skad smras pa de bzhin du bgyid par gyur cig /sems can gzhan gyi sems 'khrug par mi bgyid par</font><hr>45.209b<br><font size=+1>

gyur cig /bdag nyan thos dang rang sangs rgyas kyi theg par sems mi bskyed par gyur cig /'dod pa'i 'dod chags kyi sems dang / sems las byung ba skye bar ma gyur cig /rmugs pa dang gnyid dang ldan par ma gyur cig /rgod pa dang ldan par ma gyur cig /'gyod pa dang ldan par ma gyur cig /the tsom dang ldan par ma gyur cig /byang chub kyi mthar thug gi bar du bdag byang chub sems dpa'i spyad pa spyod pa na/ srog gcod pa ma mchis pa dang / ma byin par len pa ma mchis pa dang / mi tshangs par spyod pa ma mchis pa dang / brdzun du smra ba ma mchis pa dang / phra ma ma mchis pa dang / ngag rtsub po ma mchis pa dang / tshig kyal pa ma mchis pa dang / brnab sems ma mchis pa dang / gnod sems ma mchis pa dang / log par lta ba ma mchis pa dang / the tsom dang ldan pa ma mchis pa dang / chos la mi gus pa'i sems ma mchis pa dang / slu ba'i sems ma mchis shing chos de dag ma mchis par gyur cig /byang chub kyi mthar thug pa nye bar bzung ba'i bar du gom pa 'dor ba tsam la yang rtag du sangs rgyas rjes su dran pa'i sems dang sems las byung ba dag 'jug par gyur cig /bdag byang chub kyi mthar thug gi bar du sangs rgyas mthong ba dang / chos nyan pa dang / dge 'dun la bsnyen bkur bgyid pa dang mi 'bral bar gyur cig /tshe rabs thams cad du yang rab du 'byung ba thob par gyur cig /tshe rabs thams cad du phyag dar khrod par gyur cig /chos gos gsum pa dang / shing drung pa dang / cog bu pa dang / dgon pa pa dang / bsod snyoms pa dang / 'dod pa chung ba dang / mchog shes pa dang / chos ston pa dang / tshig btsun pa dang / spobs pa dpag du ma mchis pa phun sum tshogs par gyur cig /ltung ba'i rtsa ba 'byung bar ma gyur cig /brdzun du smra ba dang ldan pa'i tshig rnams kyis phas kyi rgol ba 'dul bar ma gyur cig /bud med la stong pa nyid dang ldan pa'i chos ston par gyur cig /stong pa nyid yid</font><hr>45.210a<br><font size=+1>

la bgyid pas bud med la chos ston par bgyid par gyur cig /lag pa sgyur zhing chos ston par ma gyur cig /rtag du bdag theg pa chen po la yang dag par zhugs pa'i byang chub sems dpa' rnams la ston pa'i 'du shes bskyed par gyur cig /bdag chos smra ba gang la chos nyan pa na de la ston pa'i 'du shes gyis bsnyen bkur bgyid par gyur cig /bdag chos smra ba de la de bzhin gshegs pa la ji lta ba de ltar rim gro bgyid pa dang / bsnyen bkur bgyid pa dang / bla mar bgyid pa dang / ri mor bgyid pa dang / mchod par bgyid par gyur cig /chos smra ba la bdag gi sha dag gi bar gyis kyang bsnyen bkur bgyid par gyur cig /bdag snod dang snod ma lags par mi rtog par sbyin pa sbyin par gyur cig /bdag chos kyi sbyin pa la ser sna'i sems dang sems las byung ba dag skyed par ma gyur cig /bdag byang chub don du gnyer ba'i sems can rnams la rang gi srog gi sbyin pas yongs su skyob par gyur cig /bdag nyid kyi brtson 'grus kyi stobs dang / smon lam gyis nye bar bsgrubs pa'i rdzas kyis sems can sdug bsngal bar gyur pa rnams sdug bsngal dag las yongs su thar bar bgyid par gyur cig /bdag rab du byung ba'i rtags can nam/ khyim pa'i rtags can ltung ba byung ba'am/ ltung ba ma byung ba dag la skur bar bgyid par ma gyur cig /bdag rnyed pa dang / bkur sti dang / tshigs su bcad pa dag la rtag du me dang / dug dang / mtshon cha lta bur 'du shes skyed par gyur cig /btsun pa bcom ldan 'das gal te bdag gis ji ltar bcom ldan 'das kyi spyan sngar smon lam btab pa'i smon lam 'di dag byang chub kyi mthar thug pa nye bar bzung ba'i bar du yang dag par 'grub par 'gyur ba lta na/ de'i slad du bdag gi sug pa gnyis su lha'i 'khor lo rin po che'i rtsibs stong mchis pa/ lte ba dang bcas pa/ mu khyud dang bcas pa/ nyi ma'i kha dog ltar 'od gsal ba dag 'byung bar gyur cig /rgyal bu sdig med kyis tshig de smras ma thag du lag</font><hr>45.210b<br><font size=+1>

pa gnyis su ji ltar 'dod pa de lta bu'i 'khor lo dag byung bar gyur pa dang / yang gsol pa/ btsun pa bcom ldan 'das gal te byang chub kyi mthar thug gi bar du bdag gi re ba 'di lta bu yongs su rdzogs par 'gyur ba lta na/ de'i slad du 'khor lo 'di dag 'di ltar thams cad dang ldan pa'i sangs rgyas kyi zhing dag sgras mngon par go bar bgyi ba dang / byang chub sems dpa' lung ston pa dran pa mi brjed pa'i ye shes mthong ba dang / stong pa nyid bsgom pa la spyod pa sangs rgyas kyi yul gyi chos kyi rnam grangs 'di spyod du stsal ba'i slad du ji ltar klu'i rgyal po dga' bo dang / nye dga' bo gnyis mchis pa de lta bu'i sgra gsang mthon pos sangs rgyas kyi zhing snyigs ma lnga dang ldan pa stong pa dag du mchi bar gyur cig /gang dag der skyes pa'i sems can de dag thams cad kyis rna ba'i dbang po dag du yang chos kyi rnam grangs 'di grag par gyur cig /grags ma thag du yang sems can de dag gi 'dod chags rab du zhi bar gyur cig /zhe sdang dang / gti mug dang / nga rgyal dang / phrag dog dang / ser sna rab du zhi bar gyur cig /thams cad kyang sangs rgyas rjes su dran pa yid la bgyid pas bla na med pa yang dag par rdzogs pa'i byang chub du sems skyed par gyur cig /rigs kyi bu rgyal bu sdig med kyis 'khor lo rin po che de dag btang ba dang / de dag 'di ltar mgyogs par song ste/ 'di lta ste/ dper na sangs rgyas bcom ldan 'das mgyogs pas gshegs pa de bzhin du 'khor lo rin po che de dag kyang song ste phyogs bcu'i sangs rgyas kyi zhing snyigs ma lnga dang ldan pa dpag du med grangs med pa dag du song nas/ sems can rnams byang chub sems dpa' lung ston pa dran pa mi brjed pa'i ye shes mthong ba stong pa nyid bsgom pa la spyod pa sangs rgyas kyi yul gyi chos kyi rnam grangs 'di spyod du bcug go/ /sems can gang dag gi rna ba'i dbang por chos kyi rnam grangs 'di grag par gyur pa de dag thams cad kyi 'dod chags dang / ser sna'i bar gyi sems dang sems las byung ba dag rab du zhi bar</font><hr>45.211a<br><font size=+1>

gyur cing /  thams cad kyis kyang sangs rgyas kyi ye shes kyi yul yid la byed pas bla na med pa yang dag par rdzogs pa'i byang chub du sems bskyed nas 'khor lo de dag kyang yud tsam gcig gis phyir log ste rgyal bu sdig med kyi mdun du 'dug go/ /rigs kyi bu de nas de bzhin gshegs pa rin po che'i snying pos rgyal bu sdig med la legs so zhes bya ba byin te/ rigs kyi bu legs so legs so/ /khyod kyis ni smon lam shin du bzang po btab ste/ lha'i 'khor lo rin po che 'di dag kyang sangs rgyas kyi zhing rnyog pa lnga dang ldan pa stong pa dag du btang bas srog chags bye ba khrag khrig 'bum phrag mang po dag la bkod cing byang chub yang dag par 'dzin du bcug pas na rigs kyi bu de'i phyir khyod mi 'khrugs pa zhes bya bar gyur cig /mi 'khrugs pa khyod ni 'jig rten gyi yongs su 'dren par 'gyur gyis/ mi 'khrugs pa khyod kyis sangs rgyas kyi zhing gi yon tan bkod pa ji lta bu dag 'dod pa longs shig /mi 'khrugs pas gsol pa/ btsun pa bcom ldan 'das bdag ni ji ltar sa gzhi thams cad gser las grub cing lag mthil ltar mnyam la/ lha'i nor bu rin po che rnam par bkram pa gseg ma dang gyo mo dag ma mchis/ gor ma'i ka ba dang / pha 'ong dang / ri dag ma mchis shing / ka tsa lin di ka ltar reg na bde zhing 'jam la/ rkang mthil bzhag na ni nems shes bgyid/ rkang mthil bteg na ni par ces bgyid pa de lta bu'i sangs rgyas kyi zhing gi yon tan bkod pa dag 'tshal te/ de na sems can dmyal ba dang / dud 'gro'i skye gnas dang / gshin rje'i 'jig rten dang / yi dgas kyi yul dag ma mchis par gyur cig /sangs rgyas kyi zhing de na dri nga ba dag ma mchis par gyur la/ sangs rgyas kyi zhing de lha'i las shin du 'das pa'i spos kyis khyab par gyur cig /sangs rgyas kyi zhing de lha'i me tog man dA ra ba dang / man dA ba chen po dag gis kun du gang bar gyur</font><hr>45.211b<br><font size=+1>

cig /de na sems can rnams la rga ba dang / na ba dang / 'gum pa ma mchis par gyur cig /gcig gis gcig 'jigs pa ma mchis pa dang / gcig la gcig tho 'tsham pa ma mchis pa dang / sems can rnams la dus ma lags par 'gum pa ma mchis pa dang / 'gyod cing 'gum pa ma mchis pa dang / mnyam par ma gzhag par 'gum pa ma mchis par gyur cig /de na sems can rnams sangs rgyas rjes su dran pa yid la bgyid par gyur cig /ngan 'gro rnams su skye bar ma gyur cig /sangs rgyas kyi zhing snyigs ma lnga dang ldan pa stong pa rnams su skye bar ma gyur cig / byang chub cing yongs su mya ngan las 'das kyi bar du sangs rgyas mthong ba dang mi 'bral bar gyur cig /chos nyan pa dang / dge 'dun la bsnyen bkur bgyid pa dang mi 'bral bar gyur cig /de na sems can rnams 'dod chags chung ba dang / zhe sdang chung ba dang / gti mug chung bar gyur cig /de na thams cad kyang dge ba bcu'i las kyi lam yang dag par blangs nas gnas par gyur cig /sangs rgyas kyi zhing de na sems can rnams bzo bgyid par ma gyur cig /de na ngan song gi rgyu mtshan ma mchis par gyur cig /de na sems can rnams la bdud kyis glags rnyed pa'i lam ma mchis par gyur cig /de na sems can rnams la mdog ngan pa ma mchis par gyur cig /de na sems can rnams la 'di lta ste/ rje bo dang / bran gyi rim pa ma mchis par gyur cig /de na sems can rnams la bdag gi ba ma mchis shing yongs su 'dzin pa ma mchis par gyur cig /de na nyan thos dang byang chub sems dpa' rnams la tha na g.yar lam na yang khu ba 'byin pa ma mchis par gyur cig /de na sems can thams cad chos 'tshal ba dang / chos yongs su tshol ba lhur len par gyur cig /sangs rgyas kyi zhing de na sems can 'ga' yang log par lta bar mi 'gyur zhing gzhan mu stegs can yang ma mchis par gyur cig /</font><hr>45.212a<br><font size=+1>

de na sems can rnams la lus ngal ba ma mchis shing sems ngal ba yang ma mchis par gyur cig /de na sems can de dag thams cad mngon par shes pa lnga dang ldan par gyur cig /de na sems can thams cad la bkres pa dang / skom pa dang / rnam par tho 'tsham par ma mchis par gyur cig /ji ltar 'dod pa na spyod pa'i lha rnams bzhin du kha zas ji lta bu dag 'tshal bar 'gyur ba de lta bu dag mdun du rin po che'i snod dag nas 'byung bar gyur cig /bshang ba dang / gci ba dang / mchil ma dang / snabs dang / mchi ma dang / lus kyi rngul dag ma mchis par gyur cig /de na grang ba ma mchis pa dang / tsha ba ma mchis par gyur cig /dri bda' ba dang / nyams dga' bar gyur cig /de na reg na bde ba'i bser ma dag ldang bar 'gyur zhing / de dag lha dang mi rnams spos kyi bya ba bgyid par gyur cig /gang gi tshe 'tshal bar 'gyur ba dang / ji lta bu 'tshal bar 'gyur ba dang / gang gi tshe gcig ni bser ma bsil ba 'tshal la gcig shos ni dron po 'tshal ba dang / la la ud pa la'i dri bda' ba'i bser ma 'tshal la/ la la ni tsan dan sbrul gyi snying po'i dri bda' ba'i bser ma 'tshal ba dang / la la ni dus kyi rjes su 'brang ba'i tsan dan gyi dri bda' ba dang / la la ni rgya spos kyi dri bda' ba dang / la la ni a ga ru'i dri bda' ba'i bser ma 'tshal la/ la la ni thams cad kyi thams cad du bser ma ye mi 'tshal ba 'tshal bar 'gyur na yang de dag gis ji ltar sems bskyed cing dmigs pa de bzhin du 'grub par gyur cig /de bzhin du 'jig rten gyi khams de snyigs ma lnga dang bral bar gyur cig /de na sems can rnams la rin po che sna bdun las bgyis pa'i khang pa brtsegs pa dag mchis par 'gyur la/ khang pa brtsegs pa de dag na gang du mi dag mchis par 'gyur bar rin po che sna bdun gyi khri shing bal gyi sngas 'jam po dag gis kun du g.yos shing</font><hr>45.212b<br><font size=+1>

ka tsa lin di ka ltar reg na 'jam pa dag 'byung bar gyur cig /khang pa brtsegs pa de dag gi khor yug dag tu gang du mi de dag chab kyi bya ba bgyid par 'gyur bar yan lag brgyad dang ldan pa'i char kyis yongs su bltam pa'i rdzing dag 'byung bar gyur cig /gna' ma'i me tog gi shing dang / shing ta la dang / shing ljon pa'i phreng ba dag gis brgyan par gyur cig /shing ljon pa de dag kyang me tog sna tshogs dang / 'bras bu sna tshogs dang / dri sna tshogs dang / gos sna tshogs dang / gdugs sna tshogs dang / mu tig gi rgyan phreng sna tshogs dang / rgyan sna tshogs dag gis brgyan par gyur cig /de na sems can rnams gos dang rgyan ji lta bu 'tshal ba dag dpag bsams kyi shing de dag las blangs te gyon par gyur cig /de bzhin du me tog rnams dang / rgyan dag gi bar yang blangs te thogs par gyur cig /bdag gi byang chub kyi shing ni rin po che sna bdun las grub par gyur la/ 'phang du ni dpag tshad stong mchis/ sdong po'i sboms su dpag tshad gcig mchis/ yal ga gyes pa'i khyon du yang dpag tshad stong mchis par gyur cig /byang chub kyi shing de bser mas bskyod pa las pha rol du phyin pa dang / mngon par shes pa dang / dbang po dang / stobs dang / byang chub kyi yan lag gi sgra lha'i las shin du 'das pa 'jam zhing yid du 'ong ba dag 'byung bar gyur cig /sems can gang dag gis sgra de thos par gyur pa de dag kyang 'dod chags dang bral ba'i sems kyi dran pa so sor thob par gyur cig /sangs rgyas kyi zhing de na bud med rnams ni 'di lta ste/ dper bgyi na dga' ldan gyi ris kyi lha'i bu mo ltar yon tan thams cad dang ldan par gyur cig /de na bud med rnams la dri nga ba ma mchis shing / lce gnyis dang / phrag dog dang / ser snas dkris pa ma mchis par gyur cig /de na mi rnams bud med dang lhan cig du lus sbyor zhing 'khrig pa spyod pa</font><hr>45.213a<br><font size=+1>

ma mchis par gyur cig /de na skyes pa gang dag kun du chags pa'i sems skyes par gyur na/ de mchis te kun chags pa'i sems kyis yud tsam zhig bud med la bltas pas skyes pa'i 'dod chags rab du zhi bar gyur nas shin du yid byung ste/ slar log cing gtsang ma rdul dang bral ba'i ting nge 'dzin thob par gyur cig /ting nge 'dzin des bdud kyi zhags pa dag las yongs su grol nas slan chad 'dod chags kyi sems mi skye bar gyur cig /de na bud med gang lags pa de dag kun du chags pas skyes pa la brtags pa tsam gyis sbrum par 'gyur zhing / brtags pa tsam gyis gnyi ga'i 'dod chags rab du zhi bar gyur cig /mngal na gnas pa'i khye'u 'am/ bu mo gang lags pa de dag kyang 'di lta ste dper bgyi na sum cu rtsa gsum pa'i lha rnams dga' ba dang / rab du dga' bar bgyid pas lus dang sems kyi bde ba myong ba de lta bu'i lus dang sems kyi bde ba myong bar gyur cig /sangs rgyas kyi zhing de na mngal na gnas pa'i khye'u dang / bu mo dag gdugs mtshan bdun du de lta bu'i bde ba nyams su myong bar gyur cig /bud med sbrum ma de dag kyang 'di lta ste/ dper bgyi na dge slong bsam gtan gnyis pa la snyoms par zhugs pa de lta bu'i bde ba myong bar gyur cig /sems can de dag kyang mngal gyi dri ma dang / mi gtsang bas gos par mi 'gyur zhing / dgung bdun pa la mchog du dri bda' ba dang / bde ba'i yo byad dam pa dang ldan bzhin du btsa' bar gyur cig /bud med de yang sdug bsngal nyams su myong bar mi 'gyur zhing gnyis ka rdzing bur zhugs te khrus bgyis nas/ bud med des gang gis 'dod chags dang bral ba gtsang ba'i ting nge 'dzin thob par 'gyur ba de lta bu'i dran pa thob par gyur cig /ting nge 'dzin des 'dod chags kyi chos rnams las yongs su grol zhing rtags par rgyun du mnyam par bzhag par gyur cig /gang gis tshe rabs snga ma dag la bskal pa bye ba phrag mang por bud med kyi lus nyams su myong bar 'gyur ba de lta bu'i las bgyis shing bsags pa gang lags pas kyang ting nge 'dzin de mngon par bsgrub</font><hr>45.213b<br><font size=+1>

pas bud med kyi lus thams cad kyi thams cad du yongs su bas par 'gyur zhing / yongs su mya ngan las 'das kyi bar du slan chad bud med kyi lus thob par ma gyur cig /sems can gang dag gis gang gi slad du bskal pa bgrang ba las 'das pa dag du mngal na gnas pa'i sdug bsngal nyams su myong bar gyur pa de lta bu'i las bgyis shing bsags pa de dag gis bdag gis byang chub thob pa'i ming thos shing dad pa thob par gyur nas/ de dag de nas shi 'phos nas kyang bdag gi sangs rgyas kyi zhing du skye bar 'gyur zhing mngal na gnas par skye bar ma gyur cig /der sems can de dag gi las de thams cad kyi thams cad du yongs su bas par gyur cing / sems can de dag byang chub kyi mthar thug gi bar du slan chad mngal na gnas par skye bar ma gyur cig /sems can gang dag gis dge ba'i rtsa ba bskyed pa de dag las yongs su bas nas mngal du gnas par skye bar ma gyur cig /bdag gi sangs rgyas kyi zhing na bud med dam/ mngal na gnas par mngon pa'i sems can de dag kyang sangs rgyas kyi zhing der shin du bde ba dang ldan par gyur cig /sna ma'i me tog gi shing dang / shing ta la dag bser mas bskyod par gyur pa na mi rtag pa dang / sdug bsngal ba dang / stong pa dang / bdag med pa'i sgra skad nyams dga' bar 'gyur ba de lta bu dag 'byung bar gyur cig /sgra des mi rnams kyi ting nge 'dzin sgron ma dang ldan pa zhes bgyi ba thob par gyur cig /ting nge 'dzin des sems can de dag gis stong pa nyid snang ba'i chos zab mo dag rtogs par gyur cig /sangs rgyas kyi zhing de na 'dod pa dang ldan pa'i sgra ma mchis par gyur cig /btsun pa bcom ldan 'das bdag byang chub kyi shing drung du mchis nas yud tsam gcig gis bla na med pa yang dag par rdzogs pa'i byang chub thob par gyur cig /bdag byang chub thob pa na sangs rgyas kyi zhing de na me tog kha zums pa ma gtogs par nyi ma dang zla ba dag gi 'od kyang mi mngon par gyur cig /lha'i mig gang gis sangs rgyas kyi zhing dpag du ma mchis grangs ma mchis pa dag na sangs rgyas bcom ldan 'das dag bzhugs te/ </font><hr>45.214a<br><font size=+1>

'tsho zhing gzhes pa rnams mthong bar 'gyur ba de lta bu'i 'od dag bdag gis gtong bar gyur cig /bdag byang chub thob pa na sgra gang gis stong gsum gyi stong chen po'i sangs rgyas kyi zhing kun du gang bar 'gyur ba de lta bu'i sgras chos ston par gyur cig /de na sems can gang dag mchis par gyur pa de dag thams cad kyis kyang sangs rgyas rjes su dran pa thob par gyur cig /de dag gang dang gang du mchi ba dang / 'chab pa dang / mchis pa dang / ldog par 'gyur ba dang / de dag gis rtag par rgyun du bdag mthong bar gyur cig /de dag chos rnams la ji ltar the tsom du gyur pa na/ de dag gis bdag la bltas pa tsam dang / bdag mthong ba tsam gyis de dag gi the tsom ma mchis par gyur cig /bdag byang chub thob pa na phyogs bcu'i sangs rgyas kyi zhing dpag du ma mchis grangs ma mchis pa dag na nyan thos kyi theg pa pa 'am/ rang sangs rgyas gyi theg pa pa'am/ bla na med pa'i theg pa pa'i sems can gang dag mchis pa de dag gis bdag gi ming dang / bsngags pa thos par gyur cig /de dag de nas shi 'phos nas kyang bdag gi sangs rgyas kyi zhing du skye bar gyur cig /de dag gis der bdag las chos thos nas nyan thos kyi theg pa pa gang lags pa de dag ni rnam par thar pa brgyad kyis bsam gtan pa'i dgra bcom par gyur cig /de na gang dag theg pa chen po pa'i byang chub sems dpa' gang lags pa de dag gis ni bdag las chos thos nas ting nge 'dzin dang / gzungs dang / bzod pa zab mo dag thob par gyur cig /de dag de nyid du bla na med pa yang dag par rdzogs pa'i byang chub las slar mi ldog par yang gyur cig /bdag gi nyan thos kyi dge 'dun ni dpag du ma mchis par gyur la/ de bzhin gshegs pa nyid ma gtogs par sus kyang bgrangs bar rngo mi thog par gyur cig /bdag gis byang chub thob pa na gang dang gang du mchis zhing sa phyogs gang dang gang du rkang mthil bzhag pa de dang der pad ma 'dab ma stong mchis la/ gser gyi mdog lta bur gda' ba dag 'byung bar</font><hr>45.214b<br><font size=+1>

gyur cig /pad ma de dag kyang sangs rgyas kyi zhing stong pa gzhan dag du mchis nas bdag gi bsngags pa dang / sgra dang / dbyangs rjod par gyur cig /sems can de dag gis bdag gi ming dang / bsngags pa dang / snyan pa thos nas dga' zhing rab du dga' ba dang / mchog du dga' ba skye bar gyur cig /de dag rab du dang ba skyes nas bdag gi sangs rgyas kyi zhing du skye 'tshal bar gyur cig /dge ba'i rtsa ba de dag kyang der yongs su sngo bar gyur cig /de dag de nas shi 'phos nas kyang bdag gi sangs rgyas kyi zhing du skye bar gyur cig /bdag gi nyan thos kyi dge 'dun yang dge sbyong gi dri ma dang bral ba dang / dge sbyong gi dkor dang / dge sbyong gi gya gyu dang bral ba dang dge sbyong gi g.yo dang bral bar gyur cig /'khor rnams kyang chos lhur len cing yo byad lhur len pa ma lags pa dang / rnyed pa dang bkur sti lhur len pa ma lags pa dang / mi rtag pa dang / sdug bsngal ba dang / stong pa dang / bdag med pa la mngon par dga' bar gyur cig /bdag gi 'khor rnams brtson 'grus brtsams shing chos la 'bab pa dang / dge 'dun la bab par gyur cig /de na byang chub sems dpa' gang dag phyir mi ldog par gyur pa de dag kyang ma 'ongs pa la zhugs pa'i dran pa thob par gyur cig /de dag tshe 'phos nas kyang shes rab kyi pha rol tu phyin pa dang ldan pa'i gtam rjod par gyur cig /byang chub kyi mtha'i bar du de dag gis chos de dag mi brjed par gyur cig /bdag byang chub thob nas kyang bskal pa chen po khri'i bar du gnas par gyur cig /yongs su mya ngan las 'das nas kyang bdag gi dam pa'i chos bskal pa stong du gnas par gyur cig /bcom ldan 'das kyis bka' stsal pa/ skyes bu dam pa khyod kyis sangs rgyas kyi zhing yongs su dag pa yongs su blangs pa ni legs so legs so/ /mi 'khrugs pa khyod ni ma 'ongs pa'i dus na bskal pa grangs med pa</font><hr>45.215a<br><font size=+1>

gang gA'i klung gcig gi bye ma snyed 'das nas/ grangs med pa gnyis pa la bab pa na shar phyogs logs su 'di nas sangs rgyas kyi zhing stong 'das pa na 'jig rten gyi khams mngon par dga' ba zhes bya ba ji ltar khyod kyis smon lam btab pa de lta bu'i yon tan bkod pa dang ldan pa zhig yod de/ der khyod bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / de bzhin gshegs pa'i mtshan yang mi 'khrugs pa zhes bya ba nyid du 'gyur te/ sangs rgyas bcom ldan 'das kyi bar du 'gyur ro/ /mi 'khrugs pas gsol pa/ btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na/ de'i slad du 'jig rten gyi khams thams cad na gang dag sems can du bsdu bar bsdus pa'i sems can phung po dang / khams dang / skye mched kyis yongs su zin pa de dag thams cad byams pa'i sems dang ldan par gyur cig /khon ma mchis pa'i sems dang / rnyog pa ma mchis pa'i sems su gyur cig /de dag 'di lta bu'i lus kyis bde ba myong bar gyur cig /'di lta ste dper bgyi na sa bcu pa la gnas pa'i byang chub sems dpa'i ting nge 'dzin pad ma la snyoms par zhugs shing des bsam pa la spong ba rnam par dag par gyur pa de lta bur sems can rnams kyang lus dang sems kyi bde ba dang ldan par gyur cig /gang gi tshe bdag bcom ldan 'das kyi zhabs la yan lag lngas phyag 'tshal ba de'i tshe sa gzhi thams cad gser gyi kha dog lta bur gda' bar gyur cig /rigs kyi bu des de bzhin gshegs pa rin po che'i snying po'i zhabs la yan lag lngas phyag byas pa de'i tshe de'i dus na sems can thams cad kyang ji ltar smon lam btab pa de lta bu'i bde ba dang ldan par gyur pa de'i tshe sa gzhi thams cad kyang gser gyi kha dog lta bur snang bar gyur pa dang / de bzhin gshegs pa rin po che'i snying</font><hr>45.215b<br><font size=+1>

pos bka' stsal pa/ blo gros rab mchog sems mi 'khrugs pa longs/ /lag pa'i mthil na 'khor lo mchog rab gnas/ /mi rnams mang po snying rje'i sems la bkod/ /blo gros dge khyod 'gro ba'i ston par 'gyur/ /rigs kyi bu de nas bram ze rgya mtsho'i rdul gyis rgyal bu bcu pa gangs kyi nor bu zhes bya ba la snga ma bzhin du sbyar ro/ /rgyal bu gangs kyi nor bus kyang ji ltar mi 'khrugs pas smon lam btab pa de bzhin du smon lam btab bo/ /btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na de'i slad du sems can thams cad kyis sangs rgyas la dmigs pa'i yid la bgyid pa thob par gyur cig /thams cad kyi sug par yang tsan dan sbrul gyi snying po'i dri 'byung bar gyur cig /de dag thams cad kyis dri de yang sangs rgyas kyi sku dag la yongs su bsngo bar gyur cig /bcom ldan 'das kyis bka' stsal pa/ rigs kyi bu khyod kyis smon lam rgya chen po btab pa ni legs so legs so/ /gang khyod kyis sems can thams cad kyi lag du tsan dan sbrul gyi snying po bzhag pa dang / bsam pa thag pas sangs rgyas yid la byed pa skyed pas na rigs kyi bu de'i phyir khyod spos kyi glang po che zhes bya bar gyur cig /spos kyi glang po che khyod ni bskal pa grangs med pa gang gA'i klung gcig gi bye ma snyed 'das nas bskal pa grangs med pa gang gA'i klung gi bye ma snyed gnyis pa la bab pa na/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa yongs su mya ngan las 'das te/ dam pa'i chos nub nas zhag bdun lon pa dang / spos kyi glang po che khyod 'jig rten gyi khams der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas gser gyi me tog ces bya ba sangs rgyas bcom ldan 'das kyi bar du 'gyur ro/ /spos kyi glang po ches yang</font><hr>45.216a<br><font size=+1>

gsol pa/ btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na de'i slad du gang gi tshe bdag bcom ldan 'das kyi zhabs la yan lag lngas phyag 'tshal ba de'i tshe kun dga'i ra ba de thams cad du me tog tsam pa ka'i char rab du 'bab par 'gyur cig /rigs kyi bu gang gi tshe byang chub sems dpa' spos kyi glang po ches/ de bzhin gshegs pa rin po che'i snying po'i zhabs la yan lags lngas phyag byas pa de'i tshe kun dga'i ra ba de thams cad du me tog tsam pa ka'i char mngon par rab du bab pa dang / de bzhin gshegs pa rin po che'i snying pos bka' stsal pa/ shin du dri zhim tshogs rab mchog sems longs/ /me tog tsam pa mchog gi char 'di babs/ /rab tu gya nom dge ba'i lam ston la/ /'gro ba mang po 'jigs med sgor 'khod cig /rigs kyi bu de nas bram ze rgya mtsho'i rdul gyis rgyal bu gcig pa seng ge zhes bya ba la snga ma bzhin du sbyar ro/ /ji ltar spos kyi glang po ches smon lam btab pa bzhin de bzhin gshegs pa rin po che'i snying po la rin po che'i rgyal mtshan phul ba dang / de bzhin gshegs pa rin po che'i snying pos bka' stsal pa/ skyes bu dam pa legs so legs so/ /khyod rin po che'i tog ces bya bar gyur cig /rin po che'i tog khyod ni ma 'ongs pa'i dus na bskal pa grangs med pa gang gA'i klung gcig gi bye ma snyed 'das nas bskal pa grangs med pa gang gA'i klung gi bye ma snyed gnyis pa la bab pa na 'jig rten gyi khams mngon par dga' ba zhes bya ba der de bzhin gshegs pa gser gyi me tog yongs su mya ngan las 'das te/ de'i dam pa'i chos nub nas bar gyi bskal pa gsum 'das pa na sangs rgyas kyi zhing de rgyal ba'i zla ba zhes bya bar 'gyur ro/ /der khyod bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa glang po rnam par bsgrags pa'i dbang phyug dbyangs zhes bya ba sangs rgyas bcom ldan 'das kyis bar du 'gyur ro/ /khyod kyi</font><hr>45.216b<br><font size=+1>

sangs rgyas kyi zhing yang de bzhin gshegs pa mi 'khrugs pa'i sangs rgyas kyi zhing gi yon tan bkod pa ci 'dra ba de lta bur 'gyur ro/ /rin po che'i tog gis gsol pa/ btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na de'i slad du gang gi tshe bdag bcom ldan 'das kyi zhabs la phyag 'tshal ba de'i tshe/ ji ltar byang chub sems dpa' gang dag byang chub chen po la yang dag par zhugs pa dag sems can thams cad kyi don du snying rje zhing yang dag par rdzogs pa'i byang chub la yang dag par zhugs te/ slar mi ldog par 'gyur ba de lta bu'i dran pa sems can thams cad kyis thob par gyur cig /rigs kyi bu de bzhin du byang chub sems dpa' rin po che'i tog gis de bzhin gshegs pa rin po che'i snying po'i zhabs la phyag byas pa dang / de bzhin du sems can thams cad kyis kyang 'di lta ste/ sems can thams cad snying rje'i sems la bkod par gyur pa de lta bu'i dran pa thob par gyur to/ /rigs kyi bu de nas de bzhin gshegs pa rin po che'i snying pos byang chub sems dpa' rin po che'i tog la bka' stsal pa/ blo gros legs pa gzugs mchog brtan pa longs/ /sems can phyir ni dam bcas rab brtan byas/ /skye bo mang po rdul bral sems la bzhag /mi mchog sangs rgyas rab kyi mchog du 'gyur/ /de ltar snga ma bzhin du sbyar te/ mnyan des la sogs pa rgyal bu lnga brgyas kyang ji ltar byang chub sems dpa' nam mkha'i phyag rgyas smon lam btab cing sangs rgyas kyi zhing gi yon tan bkod pa dag yongs su blangs pa de ltar smon lam btab cing / de lta bu'i sangs rgyas kyi zhing gi yon tan bkod pa yongs su blangs nas thams cad kyang de bzhin gshegs pa rin po che'i snying pos dus gcig du 'jig rten gyi khams gzhan dang gzhan dag du bla na med pa yang dag par rdzogs pa'i byang chub la reg par 'gyur ro/ /zhes bla na med pa yang dag par</font><hr>45.217a<br><font size=+1>

rdzogs pa'i byang chub du lung bstan to/ /gzhan yang rgyal bu bzhi brgyas kyang rdo rjes gcod pa shes rab snang ba'i dpal gyis ji lta bu de lta bu'i sangs rgyas kyi zhing gi yon tan bkod pa dag yongs su blangs nas de dag thams cad kyang de bzhin gshegs pa rin po che'i snying pos 'jig rten gyi khams gzhan dang gzhan dag du bla na med pa yang dag par rdzogs pa'i byang chub du lung bstan to/ /gzhan yang rgyal bu dgu bcus kyang kun du bzang pos ji lta ba de sta bu'i smon lam btab cing de lta bu'i sangs rgyas kyi zhing yongs su blangs so/ /khams kyi rgyal po brgyad khri bzhi stong po thams cad kyis kyang so so nas smon lam khyad par can dag btab cing / so so nas sangs rgyas kyi zhing gi yon tan bkod pa dag yongs su blangs nas thams cad kyang de bzhin gshegs pa rin po che'i snying pos dus gcig du 'jig rten gyi khams gzhan dang gzhan dag du byang chub thob par 'gyur ro zhes bla na med pa yang dag par rdzogs pa'i byang chub du lungs bstan to/ /de bzhin du srog chags dung phyur phrag dgu dang / bye ba phrag gnyis kyis kyang so so nas smon lam btab cing sangs rgyas kyi zhing gi yon tan bkod pa dag kyang yongs su blangs nas thams cad kyang de bzhin gshegs pa rin po che'i snying pos de bzhin du khyod cag kyang dus gcig du 'jig rten gyi khams gzhan dang gzhan dag du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /zhes bla na med pa yang dag par rdzogs pa'i byang chub du lung bstan to/ /rigs kyi bu de nas bram ze rgya mtsho'i rdul gyi bu de bzhin gshegs pa rin po che'i snying po'i gcen gcung po brgyad bcu po de dag gi thu bo bram ze'i khye'u rgya mtsho'i dbang phyug khyab bdag ces bya ba zhig yod de/ rigs kyi bu de nas bram ze rgya mtsho'i rdul gyis bram ze'i khye'u rgya mtsho'i dbang phyug khyab bdag la smras pa/ bram ze'i khye'u khyed kyis kyang sangs rgyas kyi zhing gi yon tan bkod pa yongs su</font><hr>45.217b<br><font size=+1>

dag pa yongs su longs shig /bram ze'i khye'u rgya mtsho'i dbang phyug khyab bdag gis smras pa/ yab rje khyod kyis seng ge'i sgra sgrogs shig /rgya mtsho'i rdul gyis smras pa/ bu rje khyod kyis smon lam thob shig dang kho bos phyis smon lam gdab par bya'o/ /des smras pa/ yab gcig sangs rgyas kyi zhing yongs su dag pa yongs su blang bar bgyi lags sam/ 'on te yongs su ma dag pa blang bar bgyi lags/ mdun na 'don gyi gtso bos smras pa/ bram ze'i khye'u gang dag snying rje chen po dang ldan pa'i byang chub sems dpa' de dag ni sangs rgyas kyi zhing nyon mongs pa can yongs su len par byed cing sems can bsam pa nyon mongs pa can lta ba log par gyur pa dag 'dul ba yang yongs su len par byed pas khyod bdag rang gis shes par gyis shig /rigs kyi bu de nas bram ze'i khye'u rgya mtsho'i dbang phyug khyab bdag de bzhin gshegs pa rin po che'i snying po ga la ba der dong ste phyin pa dang / de bzhin gshegs pa rin po che'i snying po'i spyan sngar 'dug nas 'di skad ces gsol to/ /btsun pa bcom ldan 'das bdag ni skye dgu lo brgyad khri thub pa na byang chub dam pa la reg par gyur pa de lta bur bla na med pa yang dag par rdzogs pa'i byang chub btsal lags te/ bcom ldan 'das ji ltar da ltar gyi sems can rnams 'dod chags 'chung ba dang / zhe sdang chung ba dang / gti mug chung ba dang / skyo ba'i bsam pa can dang / 'khor ba la 'jigs pa dang / skyon du lta ba de ltar gang du bdag mngon par rdzogs par 'tshang rgya bar 'gyur ba'i sangs rgyas kyi zhing der sems can rnams kyang de lta bur gyur cig /de dag kyang bdag las rab du 'byung bar 'gyur zhing / bdag kyang sems can rnams la theg pa gsum po dag gis chos ston par gyur cig /btsun pa bcom ldan 'das gal te bdag gi re ba 'di lta bu yongs su rdzogs par 'gyur ba</font><hr>45.218a<br><font size=+1>

lta na/ de'i slad du bcom ldan 'das kyi bdag bla na med pa yang dag par rdzogs pa'i byang chub du lung bstan du gsol/ de bzhin gshegs pa rin po che'i snying pos bka' stsal pa/ bram ze'i khye'u khyod ni ma 'ongs pa'i dus na bskal pa grangs med pa gang gA'i klung gcig gi bye ma snyed 'das nas bskal pa grangs med pa gang gA'i klung gi bye ma snyed gnyis pa la bab pa na bskal pa ud pa la yang dag pa rtog ces bya ba la/ sangs rgyas kyi zhing 'di'i gling bzhi pa mchog ces bya bar 'gyur zhing skye dgu'i lo brgyad khri thub pa na byang chub mngon par thob par 'gyur te/ de bzhin gshegs pa rin po che brtsegs pa zhes bya ba sangs rgyas bcom ldan 'das kyi bar du 'gyur ro/ /des gsol pa/ btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na de'i slad du kun dga'i ra ba 'di thams cad du mu tig dmar po'i char dag rab tu 'bab par gyur cig /shing ljon pa thams cad las kyang yan lag lnga dang ldan pa'i sil snyan gyi sgra dag 'byung bar gyur cig /rigs kyi bu gang gi tshe bram ze'i khye'u rgya mtsho'i dbang phyug khyab bdag gis de bzhin gshegs pa rin po che'i snying po'i zhabs la yan lag lngas phyag byas pa de'i tshe kun dga'i ra ba de thams cad du mu tig dmar po'i char dag kyang rab tu bab/ shing ljon pa de thams cad las kyang yan lag lnga dang ldan pa'i sil snyan gyi sgra dag byung ba dang / de bzhin gshegs pa rin po che'i snying pos bka' stsal pa/ mthu mchog mi zad shes rab mdzod longs shig /sems can snying brtse phan 'dod byams pa'i sems/ /khyod kyi bsam pa dag pa rdzogs 'gyur te/ /'jig rten sems can don mdzad sangs rgyas 'gyur/ /bram ze'i bu gnyis pa yang dag 'byung zhes bya ba des kyang rgya mtsho'i dbang phyug khyab bdag gis ji lta ba de bzhin du gsol pa dang / de bzhin gshegs pa rin po che'i snying pos bka' stsal pa/ bram ze'i khye'u khyod</font><hr>45.218b<br><font size=+1>

kyang bskal pa ud pa la yang dag rtogs la sangs rgyas kyi zhing 'di gling bzhi pa'i 'jig rten gyi khams mchog ces bya bar 'gyur zhing skye dgu'i lo brgyad khrir 'phel ba na de bzhin gshegs pa rnam par snang mdzad me tog ces bya ba sangs rgyas bcom ldan 'das kyi bar du 'gyur ro/ /de bzhin du sbyar te/ gsum pas kyang gsol pa dang / lo nyis stong pa na skar ma'i dri zhes bya ba sangs rgyas bcom ldan 'das kyi bar du 'gyur ro zhes lung bstan to/ /de bzhin du sbyar te/ 'di ltar de bzhin gshegs pa sna ma'i me tog dang / ri bo'i rgyal po dang / spyan bsdams dang / tshangs mchog dang / 'dzam bu'i grib ma dang / gang ba dang / bla ma dang / rin chen ri bo dang / rgya mtsho'i snying po dang / sred med kyi bu dang / gtsug tor can dang / gser thub dang / thub dbang dang / kauN+Ti n+yas dang / seng ge'i rtsal dang / ye shes rgyal mtshan dang / sangs rgyas sgrogs dang / gzhan gyis mi thub pa dang / rgyas pa dang / rgyal ba dang / phan bzhed dang / shes rab snang dang / dbang chen dang / zhi ba dang / shes rab 'byung gnas dang / dga' ba dang / n+ya gro d+ha rgyal po dang / gser spyan dang / phan bcas dang / gnyi dga' dang / rin chen gtsug tor can dang / spyan bzangs dang / tshangs pa dang / mdzes pa dang / tshangs pa khyu mchog dang / sgra rab dang / chos kyi zla ba dang / don mthong dang / snyan pa dang / dga' can dang / grags mchogs dang / gzugs bzang dang / dri zhim dang / grims g.yar dang / rab mchog spyan dang / rab spong dang / don bcas brtul bzhugs dang / thugs kyi re ba bzang dang / shes rab mchog dang / gser gyi rgyal mtshan dang / spyan mdzes dang / dag pa'i lha dang / zas gtsang dang / legs mthong lha dang / 'phags skyes rgyal mtshan dang / mig mi bzang dang / tshangs dbyangs dang / dpal 'byung dang / nga rgyal dpal dang / rdul bral dang / nor bu bzang dang / 'od zer can dang / shAkya thub pa</font><hr>45.219a<br><font size=+1>

dang / dbyangs kyi dbang phyug dang / bde 'byung dang / thu bo dang / yang dag 'byung dang / me tog dang / yang dag me tog dang / mi 'khrugs pa dang / nyi ma'i snying po dang / dga' ba'i dbang phyug dang / klus byin dang / rdo rje'i 'od dang / grags pa'i rgyal po dang / stag gi 'od zer dang / spyod bcas dang / ye shes 'byung dang / spos kyi dbang phyug dang / sa la'i dbang po dang / sred med kyi bu'i snying po dang / skar ma'i snying po zhes bya ba dag du 'gyur ro zhes lung bston to/ /rigs kyi bu de nas mdun na 'don kyi bu thams cad kyi tha chungs 'jigs pa'i gdung bral zhes bya ba gang yin pa de yang de bzhin gshegs pa rin po che'i snying po'i spyan sngar 'dug nas 'di skad ces gsol to/ /btsun pa bcom ldan 'das bram ze'i khye'u bdun bcu rtsa dgu po 'di dag thams cad bskal pa ud pa la yang dag rtog gi yang skye ba gnyis pa la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /zhes lung bstan pa lags pas na btsun pa bcom ldan 'das bdag gis kyang bla na med pa yang dag par rdzogs pa'i byang chub du sems bskyed par bgyi ste/ bskal pa ud pa la yang dag rtog pas par 'gyur ba na thams cad kyi tha mar byang chub mchog la reg par gyur cig /sangs rgyas bdun bcu rtsa dgu po de dag gi sku tshe'i tshad ji tsam pa bdag byang chub thob pa gcig pu'i tshe'i tshad kyang de tsam du gyur cig /de dag gi 'dul ba ji snyed mchis par gyur pa dang / ji ltar de dag theg pa gsum po dag gis chos ston par 'gyur ba bdag gcig pu'i yang de snyed du gyur cig /ji ltar de dag gi nyan thos kyi dge 'dun ji snyed mchis par 'gyur ba bdag byang chub thob pa gcig pu'i nyan thos kyi dge 'dun yang de snyed du gyur cig /sangs rgyas bdun cu rtsa dgu po de dag byung ba'i bskal pa ud pa la yang dag rtog de la sems can gang dag gis mi'-i lus thob par gyur pa'i sems can de dag thams cad kyang bskal pa bas par 'gyur ba na</font><hr>45.219b<br><font size=+1>

bdag bla na med pa yang dag par rdzogs pa'i byang chub mngon par rdzogs par sangs rgyas nas theg pa gsum po dag gi nges pa la dgod par bgyi'o/ /btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na/ de'i slad du btsun pa bcom ldan 'das kyis bdag bla na med pa yang dag par rdzogs pa'i byang chub tu lung bstan du gsol/ rigs kyi bu de nas de bzhin gshegs pa rin po che'i snying pos 'jigs pa'i gdung bral la legs so zhes bya ba byin te/ skyes bu dam pa khyod sems can grangs ba las 'das pa dag la snying rje zhing phan par byed par zhugs pa ni legs so legs so/ /bram ze'i khye'u khyod ni ma 'ongs pa'i dus na bskal pa grangs med pa gang gA'i klung gi bye ma snyed gcig 'das nas bskal pa grangs med pa gang gA'i klung gi bye ma snyed gnyis pa la bab pa na bskal pa ud pa la yang dag rtog de zad kar thams cad kyi tha mar khyod bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa rdul bral yang dag 'phags mngon 'phags shes bya ba sangs rgyas bcom ldan 'das kyi bar du 'gyur ro/ /ji ltar sangs rgyas bdun bcu rtsa dgu po de dag gi tshe bskal pa phyed du 'gyur ba de bzhin du khyod gcig pu'i yang bskal pa phyed du 'gyur te/ ji ltar smon lam btab pa'i smon lam de dag thams cad kyi bar yang dag par 'grub par 'gyur ro/ /des gsol pa/ btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na/ de'i slad du gang gi tshe bdag bcom ldan 'das kyi zhabs la yan lag lngas phyag 'tshal ba de'i tshe/ sangs rgyas kyi zhing 'di thams cad du me tog sngon po'i char shin du dri bda' ba dag 'bab par gyur cig /sems can gang dag gis dri de tshor bar gyur pa de dag thams cad kyi khams rnams rab tu dang zhing mi mthun pa ma mchis par gyur cig /sems can</font><hr>45.220a<br><font size=+1>

thams cad kyi nad rnams kyang rab tu zhi bar gyur cig /rigs kyi bu gang gi tshe bram ze'i khye'u 'jigs pa'i gdung bral gyis de bzhin gshegs pa rin po che'i snying po'i zhabs la yan lag lngas phyag byas pa de'i tshe de'i dus na sangs rgyas kyi zhing de thams cad du me tog sngon po'i char dag kyang rab tu bab/ sems can thams cad kyis kyang dri de tshor bar gyur nas de dag thams cad kyi khams rnams kyang snyoms shing mi mthun pa med par gnas par gyur/ de na sems can thams cad la nad med cing gnod pa med par gyur pa dang / de bzhin gshegs pa rin po che'i snying pos bka' stsal pa/ snying rje'i brtul zhugs dul ba'i sems longs shig /'jig rten mgon po mang po mchod 'gyur zhing / /nyon mongs g.yo mdud dam po gcod 'gyur te/ /dge ba dam pa shes rab mdzod du 'gyur// // bam po brgyad pa/ rigs kyi bu bram ze'i de'i slob ma bye ba phrag gsum kun dga'i ra ba'i sgo na 'dug pa de dag gis kyang sems can 'ongs pa rnams gsum la skyabs su 'gro ba la bkod cing byang chub yang dag par 'dzin du bcug go/ /rigs kyi de nas bram ze rgya mtsho'i rdul gyis slob ma de dag la smras pa/ kye bram ze'i khye'u dag bla na med pa yang dag par rdzogs pa'i byang chub tu sems bskyed la sangs rgyas kyi zhing gi yon tan bkod pa ji lta bu 'dod pa dag kyang long shig /smon lam ji lta bu 'dod pa dag kyang bcom ldan 'das kyi spyan sngar thob shig /de nas bram ze'i khye'u skar ma'i khyu mchog gis smras pa/ lam ji lta bu dang / tshogs ji lta bu dang / spyod pa ji lta bu dang / rjes su dran pa ji lta bus byang chub 'thob par 'gyur lags/ mdun na 'don gyis smras pa/ bram ze'i khye'u byang chub kyi lam la zhugs pa'i byang chub sems dpas mi zad pa'i mdzod bzhi po 'di dag yang dag par bsgrub par bya ste/ </font><hr>45.220b<br><font size=+1>

bzhi gang zhe na/ bsod nams kyi tshogs mi zad pa dang / ye shes kyi tshogs mi zad pa dang / shes rab kyi tshogs mi zad pa dang / chos thams cad yang dag par sgrub pa'i tshogs mi zad pa ste/ rigs kyi bu lam de ni de lta bu yin no/ /bram ze'i khye'u de bzhin gshegs pas kyang 'di skad du byang chub sems dpa' rnams ni tshogs rnam par dag pa sdud pa zhes bya ba tshogs nyams su len par byed pa/ chos kyi sgo sbyin pa'i tshogs yongs su gtong bar byed de/ des ni 'dul ba'i sems can yongs su smin par byed par 'gyur ro/ /byang chub sems dpa' rnams kyi tshul khrims kyi tshogs ni smon lam yongs su rdzogs par byed par 'gyur ro/ /byang chub sems dpa' rnams kyi bzod pa'i tshogs ni mtshan dang dpe byad bzang po yongs su rdzogs par byed par 'gyur ro/ /byang chub sems dpa' rnams kyi brtson 'grus kyi tshogs ni dgos pa thams cad byed par 'gyur ro/ /byang chub sems dpa' rnams kyi bsam gtan gyi tshogs ni cang shes kyi sems su byed par 'gyur ro/ /byang chub sems dpa' rnams kyi shes rab kyi tshogs ni nyon mongs pa thams cad yongs su shes par byed par 'gyur ro/ /byang chub sems dpa' rnams kyi thos pa'i tshogs ni spobs pa thogs pa med par byad par 'gyur ro/ /byang chub sems dpa' rnams kyi bsod nams kyi tshogs ni sems can thams cad nye bar 'tsho bar byed par 'gyur ro/ /byang chub sems dpa' rnams kyi ye shes kyi tshogs ni thogs pa med par byed par 'gyur ro/ /byang chub sems dpa' rnams kyi zhi gnas kyi tshogs ni sems las su rung bar byed par 'gyur ro/ /byang chub sems dpa' rnams kyi lhag mthong gi tshogs ni the tsom dang bral bar byed par 'gyur ro/ /byang chub sems dpa' rnams kyi byams pa'i tshogs ni zhe 'gras pa med pa'i sems su byed par 'gyur ro/ /byang chub sems dpa' rnams kyi snying rje'i tshogs ni</font><hr>45.221a<br><font size=+1>

'dul ba la mi skyo bar byed par 'gyur ro/ /byang chub sems dpa' rnams kyi dga' ba'i tshogs ni chos kyi kun dga' la dga' mos par byed par 'gyur ro/ /byang chub sems dpa' rnams kyi btang snyoms kyi tshogs ni rjes su chags pa dang / khong khro ba spong bar byed par 'gyur ro/ /byang chub sems dpa' rnams kyi chos nyan pa'i tshogs ni sgrib pa spong bar byed par 'gyur ro/ /byang chub sems dpa' rnams kyi mngon par 'byung ba'i tshogs ni yongs su 'dzin pa thams cad spong bar byed par 'gyur ro/ /byang chub sems dpa' rnams kyi dgon par gnas pa'i tshogs ni dge ba'i las byas pa chud mi za bar byed par 'gyur ro/ /byang chub sems dpa' rnams kyi dge ba spel ba sgom pa'i tshogs ni dge ba'i rtsa ba thams cad byed par 'gyur ro/ /byang chub sems dpa' rnams kyi dran pa'i tshogs ni gzungs thob par byed par 'gyur ro/ /byang chub sems dpa' rnams kyi blo gros kyi tshogs ni blo gros bye brag 'byed par 'gyur ro/ /byang chub sems dpa' rnams kyi mos pa'i tshogs ni don gyi rnams pa'i rjes su rtogs par byed par 'gyur ro/ /byang chub sems dpa' rnams kyi dran pa nye bar gzhag pa'i tshogs ni lus dang / tshor ba dang / sems dang / chos la so sor rtog par byed par 'gyur ro/ /byang chub sems dpa' rnams kyi yang dag pa'i spong ba'i tshogs ni dge ba'i chos thams cad bsgom pa yongs su rdzogs par byed par 'gyur ro/ /byang chub sems dpa' rnams kyi rdzu 'phrul gyi rkang pa'i tshogs ni lus dang / sems yang ba nyid du byed par 'gyur ro/ /byang chub sems dpa' rnams kyi dbang po'i tshogs ni sdom pa yongs su rdzogs par byed par 'gyur ro/ /byang chub sems dpa' rnams kyi stobs kyi tshogs ni nyon mongs pa thams cad 'joms par byed par 'gyur ro/ /byang chub sems dpa' rnams kyi byang chub kyi yan lag gi tshogs ni chos kyi ngo bo nyid khong du chud par byed par 'gyur ro/ /byang chub sems dpa'</font><hr>45.221b<br><font size=+1>

rnams kyi snying por byed pa drug gi tshogs ni 'dul ba'i sems can rnams yongs su dag par byed par 'gyur ro zhes gsungs te/ bram ze'i khye'u tshogs rnam par dag pa sdud pa zhes bya ba de ni tshogs nyams su lon par byed pa'i chos kyi sgo yin no/ /des smras pa/ bcom ldan 'das kyis sbyin pa'i tshogs ni longs spyod chen po dang / g.yog 'khor mang por 'gyur bar gsungs la/ bcom ldan 'das kyis tshul khrims ni mtho ris su skye bar 'gyur ba dang / thos pas ni shes rab chen por 'gyur ba dang / dad pa dang / 'tsho ba dang / sgom pa ni 'khor ba las rgal bar byed par bstan to/ /mdun na 'don gyis smras pa dang / bram ze'i khye'u gang dag 'khor ba la mngon par dga' ba rnams ni sbyin pa sbyin par byed de/ bram ze'i khye'u de yang 'di skad du rigs kyi bu'am/ rigs kyi bu mo gang dag byang chub kyi lam la zhugs pa de dag gis ni dul ba'i sems kyis sbyin pa sbyin par bya'o/ /zhi gnas kyi sems kyis tshul khrims bsrungs bar bya'o/ /rnyog pa med pa'i sems kyis thos pa yongs su btsal bar bya'o/ /snying rje chen po'i sems kyis bsgom pa bsgom par bya'o/ /chos lhag ma rnams kyang shes rab dang / ye shes dang / thabs kyi tshogs yang dag par bsgrub pa'i phyir yongs su btsal bar bya'o zhes gsungs pa lta bu ste/ bram ze'i khye'u de ni byang chub kyi lam yin no/ /tshogs de lta bus byang chub thob par 'gyur te/ bram ze'i khye'u bsgom pa ni de lta bu yin/ dran pa ni de lta bu yin/ byang chub kyi lam gyi spyod pa ni de lta bu yin gyis/ bram ze'i khye'u byang chub tu 'dun pa skyed cig /bram ze'i khye'u byang chub kyi lam ni yang dag pa yin gyis bsam pa thag pa nas smon lam thob shig dang yongs su rdzogs par 'gyur ro/ /bram ze'i khye'u bsam pa thag pas byang chub kyi lam ni dang ba yin no/ /bram ze'i khye'u g.yo med pas rnam par</font><hr>45.222a<br><font size=+1>

dag pa ste/ nyon mongs pa rab tu gsal bas byang chub kyi lam ni grang ba yin no/ /bram ze'i khye'u bla na med pa'i mya ngan las 'das pa'i mthar thug pas byang chub kyi lam ni grub pa dang / bde ba yin gyis smon lam thob la sangs rgyas kyi zhing gi yon tan bkod pa yongs su dag pa 'am/ yongs su ma dag pa ji lta bu 'dod pa long shig /rigs kyi bu de nas bram ze'i khye'u skar ma'i khyu mchog gis de bzhin gshegs pa rin po che'i snying po'i spyan sngar pus mo g.yas pa'i lha nga sa la btsugs te 'dug nas 'di skad ces gsol to/ /btsun pa bcom ldan 'das bdag gis kyang bla na med pa yang dag par rdzogs pa'i byang chub tu sems bskyed par bgyi ste/ sems can 'dod chags chung ba rnams dang / zhe sdang chung ba rnams dang / gti mug chung ba rnams dang / sems 'khrul pa ma mchis shing ma 'khrul pa rnams dang / 'khon pa'i sems ma mchis pa rnams dang / phrag dog dang ser sna'i sems rnam par spangs pa rnams dang / log par lta ba'i sems yongs su spangs pa rnams dang / yang dag pa'i lta ba'i sems la gnas pa rnams dang / dge bar sems pa rnams dang / dge ba yongs su tshol bar sems pa rnams dang / ngan song gsum gyi lam rnam par spong bar sems pa rnams dang / mtho ris kyi lam gsum la brtson par sems pa rnams dang / bsod nams bya ba'i dngos po gsum po dag gis dge ba'i rtsa ba yang dag par sdud pa rnams dang / theg pa gsum po dag la brtson par sems pa rnams kyi slad du bdag kyang sangs rgyas kyi zhing nyon mongs pa can 'dir bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na de'i slad du bdag gi sug pa lag pa gnyis su</font><hr>45.222b<br><font size=+1>

glang po che'i gtso bo dag 'byung bar gyur cig /tshig de skad ces smras ma thag tu bcom ldan 'das kyi mthus de'i lag pa gnyis su glang po che'i gtso bo thal kar yan lag bdun shin du gnas pa dag byung bar gyur pa mthong nas/ des smras pa/ khyed cag chung zad tsam zhig thams cad dang ldan pa'i sangs rgyas kyi zhing 'di'i steng gi nam mkha' la deng la yan lag brgyad dang ldan pa'i char shin tu dri zhim pa dag gis sangs rgyas kyi zhing 'di nas sems can thams cad sad par gyis shig /de'i thigs pas sems can thams cad sad par gyis shig /de'i thigs pas sems can gang dag gi lus la phog gam/ gang dag gis dri tshor bar gyur pa de dag gi sgrib pa lnga spangs par gyur cig /'di lta ste 'dod pa la 'dun pa'i sgrib pa spangs par gyur cig /gnod sems dang / rmugs pa dang / gnyid dang / rgod pa dang / 'gyod pa dang / the tsom gyi sgrib pa spangs par gyur cig /tshig de skad ces smras ma thag tu glang po che de dag steng gi bar snang la 'di ltar mgyogs par dong ste/ 'di lta ste dper na skyes bu stobs dang ldan pas lag pa brkyang ba las skum pa 'am/ bskum pa las brkyang ba de bzhin du de ltar mgyogs par dong nas/ glang po che'i gtso bo de dag gis ji skad sngar smras pa'i bya ba dag byas nas phyir log ste de'i mdun du 'khod do/ /rigs kyi bu de nas bram ze'i khye'u skar ma'i khyu mchog shin du yid dga' bar gyur pa dang / de la de bzhin gshegs pa rin po che'i snying pos bka' stsal pa/ rigs kyi bu khyod ni ma 'ongs pa'i dus na bskal pa grangs med pa gang gA'i klung gi bye ma snyed gnyis pa la bab pa na bskal pa sgra snang zhes bya ba la gling bzhi pa 'dir sangs rgyas kyi zhing sgra yang dag par bstsags pa zhes bya ba zhig 'byung bar 'gyur bar de bzhin gshegs pa rin po che chen po'i gdugs mngon par 'phags pa'i 'od zer zhes bya ba sangs rgyas bcom ldan 'das kyis</font><hr>45.223a<br><font size=+1>

bar du 'gyur ro/ /rigs kyi bu de nas byang chub sems dpa' skar ma'i khyu mchog gis/ de bzhin gshegs pa rin po che'i snying po'i zhabs la yan lag lngas gtugs pa dang / de bzhin gshegs pa rin po che'i snying pos bka' stsal pa/ rdul dang rnam gral sems can rnam dag longs/ /khyod kyi sems can bye mang lung bstan to/ /byang chub phyir ni rab dag lam sbyong zhing / /rgyal mchog sems can rnams kyi 'dren par 'gyur/ /de bzhin du sbyar te/ bram ze'i khye'u stong dang / bram ze'i khye'u bye ba phrag gsum po gang dag gis sangs rgyas kyis zhing 'dir bla na med pa yang dag par rdzogs pa'i byang chub tu smon lam btab pa de dag thams cad kyang de bzhin gshegs pa rin po che'i snying pos lung bstan te/ tha ma ni sangs rgyas rnam par gzigs dang / gtsug tor can dang / thams cad skyob kyi bar dag tu 'gyur ro/ /bram ze'i lung bstan pa de dag thams cad las gang dag rig byed klog pa'i bram ze stong zhig yod pa'i thu bo mang pos bla mar bkur ba khyab 'jug rlung zhes bya ba des gsol pa/ bdag ni sangs rgyas kyi zhing snyigs ma lnga dang ldan par bla na med pa yang dag par rdzogs pa'i byang chub la reg par gyur cig /'dod chags bdo ba dang / zhe sdang bdo ba dang / gti mug bdo ba'i sems can rnams la chos ston par gyur cig /bram ze'i khye'u skar ma skyong zhes bya ba des smras pa/ kye mkhan po khyab 'jug rlung 'dis don gyi dbang ji zhig mthong na sangs rgyas kyi zhing snyigs ma lnga dang ldan par smon lam 'debs par bgyid lags/ mdun na 'don gyis smras pa/ snying rje chen po dang ldan pa'i byang chub sems dpa' gang yin pa de ni sangs rgyas kyi zhing snyigs ma lnga dang ldan par byang chub thob par byed cing / sems can skyabs med pa rnams dang / dpung gnyen med pa rnams dang / nyon mongs pa dag gis</font><hr>45.223b<br><font size=+1>

gtses pa rnams dang / lta bas nyon mongs par gyur pa rnams kyi don byed cing skyabs dang dpung gnyen du 'gyur ba dang / sems can rnams skye ba'i rgya mtsho las sgrol bar byed pa dang / yang dag pa'i lta ba la rab tu 'god par byed cing sems can rnams mya ngan las 'das pa'i bdud rtsi'i ros tshim par byed do zhes grag ste/ gang gi phyir sangs rgyas kyi zhing snyigs ma lnga dang ldan par smon lam 'debs par byed pa de ni byang chub sems dpa'i snying rje chen po yin par snang ngo / /de bzhin gshegs pa rin po che'i snying pos bka' stsal pa/ khyab 'jug rlung khyod ni ma 'ongs pa'i dus na bskal pa grangs med pa gang gA'i klung gcig gi bye ma snyed 'das nas bskal pa grangs med pa gang gA'i klung gi bye ma snyed gnyis pa la bab pa na shar phyogs logs su sangs rgyas kyi zhing sangs rgyas kyi zhing gi rdul phra rab kyi rdul snyed 'das pa de na 'jig rten gyi khams ngur smrig gi rgyal mtshan zhes bya ba zhig yod de/ skyes bu dam pa khyod der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa ri dbang rgyal po zhes bya ba sangs rgyas bcom ldan 'das kyi bar du 'gyur ro/ /khyab 'jug rlung gis gsol pa/ btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na/ de'i slad du gang gi tshe bdag bcom ldan 'das kyi zhabs la yan lag lngas phyag 'tshal ba de'i tshe/ bcom ldan 'das kyis zhabs bsod nams brgya'i mtshan gyis brgyan pa gnyis bdag gi spyi bor 'jog par gyur cig /rigs kyi bu gang gi tshe bram ze khyab 'jug rlung gis bcom ldan 'das kyi zhabs la mgo bos gtugs pa de'i tshe de bzhin gshegs pa rin po che'i snying pos byang chub sems dpa' khyab 'jug rlung gi spyi bor zhabs gnyis bzhag ste bka' stsal pa/ snying rje'i bsam pa shes rab rnon po longs/ /byang chub mchog phyir spyad pa spyod gyis la/ /</font><hr>45.224a<br><font size=+1>

brtan pa nyon mongs 'ching ba dam chod cig /khyod ni phan pas snying brtse sangs rgyas 'gyur/ /rigs kyi bu de nas bram ze'i khye'u skar ma skyong gis bcom ldan 'das de bzhin gshegs pa rin po che'i snying po la pus mo g.yas pa'i lha nga sa la btsugs te gsol pa/ btsun pa bcom ldan 'das bdag gis kyang bla na med pa yang dag par rdzogs pa'i byang chub tu sems bskyed par bgyi ste/ sangs rgyas kyi zhing 'dir sems can 'dod chags dang / zhe sdang dang / gti mug gi sems cha mnyam pa rnams dang / dge ba dang mi dge ba'i bsam pa la mi gnas pa'i skye dgu tshe lo bzhi khri thub pa na bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /de bzhin gshegs pa rin po che'i snying pos bka' stsal pa/ bskal pa grangs med pa gang gA'i klung gcig gi bye ma snyed 'das nas bskal pa grangs med gnyis pa la bab pa na 'jig rten gyi khams 'di ni mi mjed ces bya bar 'gyur te/ ci'i phyir 'jig rten gyi khams de ni mi mjed ces bya zhe na/ sems can de dag 'dod chags la mi mjed pa dang / de dag zhe sdang la mi mjed pa dang / gti mug la mi mjed pa dang / nyon mongs pa'i 'ching ba rnams la mi mjed pas de'i phyir 'jig rten gyi khams de ni mi mjed ces bya'o/ /'jig rten gyi khams mi mjed der bskal pa chen po bzang po zhes bya ba 'byung bar 'gyur te/ ci'i phyir bzang po zhes bya zhe na/ bskal pa chen po bzang po de la sems can 'dod chags dang / zhe sdang dang / gti mug spyod pa rnams kyi nang du rdzogs pa'i sangs rgyas bcom ldan 'das thugs rje chen po dang ldan pa stong 'byung bar 'gyur ba'i phyir te/ skyes bu dam pa khyod kyang bskal pa chen po bzang po byung zhing / skye dgu lo bzhi khri thub pa na thams cad kyi dang por bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa 'khor ba 'jig ces bya ba</font><hr>45.224b<br><font size=+1>

sangs rgyas bcom ldan 'das kyi bar du 'gyur zhing / theg pa gsum po dag gis chos ston par 'gyur te/ 'khor ba'i chu bos 'das pa'i sems can bgrang ba las 'das pa dag kyang sgrol bar 'gyur zhing mya ngan las 'das pa'i pha rol du 'god par yang 'gyur ro/ /rigs kyi bu de nas byang chub sems dpa' skar ma skyong gis de bzhin gshegs pa rin po che'i snying po'i zhabs la yan lag lngas mgo bos phyag byas nas langs te phyogs gcig du 'dug go/ /rigs kyi bu de nas bram ze'i khye'u gnyis pa tam bu ru zhes bya ba yang de bzhin gshegs pa rin po che'i snying po'i spyan sngar 'dug ste gsol pa/ btsun pa bcom ldan 'das bdag kyang de bzhin gshegs pa 'khor ba 'jig gi rjes su mtshams sbyor zhing 'jig rten gyi skye dgu tshe lo sum khri thub pa na sangs rgyas su 'byung bar gyur cig /de bzhin gshegs pa rin po che'i snying pos bka' stsal pa/ bram ze'i khye'u khyod ni bskal pa grangs med pa gang gA'i klung gcig gi bye ma snyed 'das nas bskal pa grangs med pa gang gA'i klung gi bye ma snyed gnyis pa la bab pa na sangs rgyas kyi zhing mi mjed du bskal pa bzang po byung ba'i tshe/ de bzhin gshegs pa 'khor ba 'jig gi rjes su mtshams sbyor zhing skye dgu'i tshe lo sum khri thub pa na de bzhin gshegs pa dgra bcom pa yang dag par rdzogs pa'i sangs rgyas gser thub ces bya bar 'gyur te/ 'jig rten du sgra rnam par grags par 'gyur ro/ /des bcom ldan 'das las lung bstan pa thos nas/ de bzhin gshegs pa rin po che'i snying po'i zhabs la mgo bos phyag 'tshal te bskor ba byas nas/ de bzhin gshegs pa rin po che'i snying po'i spyan sngar 'dug ste/ me tog dag gis bcom ldan 'das kyi sku la 'thor zhing thal mo sbyar nas bcom ldan 'das la tshigs su bcad pa dag gis mngon par bstod pa/ shin du 'brel ba legs bsgrags rab snyan gsung ba po/ /ma 'khrul ma 'dres ma rnyogs dri ma mi mnga' ba/ /</font><hr>45.225a<br><font size=+1>

khyad 'phags shin du sdom brtson blo rab blo gros ldan/ /drang srong dam pa khyod mdzes thub gtso khyu mchog lags/ /yon tan brgyas bltam yon tan mang po stsol ba khyod/ /thub mchog bde ba mdzad pa mi yi dam pas btud/ /srid pa gsum na khyod 'dra'i sems can gzhan ma mchis/ /deng khyod sems can mang po byang chub lam lung bston/ /rigs kyi bu de nas bram ze'i khye'u kun kyis bsrungs shes bya bas de bzhin gshegs pa rin po che'i snying po'i spyan sngar rin po che sna bdun gyi khri'u bzhag ste/ rin thang 'bum gyi bsham pas bshams nas khri'u de la gser gyi lhung bzed rin po che sna bdun gyis yongs su bkang ba dang / gser gyi ril ba b+h+ring ga ra dang / rin po che sna bdun gyi mchod sdong dag bzhag ste/ sangs rgyas la sogs pa dge slong gi dge 'dun la phul nas des gsol pa/ btsun pa bcom ldan 'das bdag kyang ma 'ongs pa'i dus na bskal pa grangs ma mchis pa gang gA'i klung gcig gi bye ma snyed 'das nas bskal pa grangs ma mchis pa gang gA'i klung gi bye ma snyed gnyis pa la bab pa na bskal pa bzang po de la tshe 'grib dang / rtsod pa'i dus kyi mtshan ma byung ba dang / sems can 'dod chags dang / zhe sdang dang / gti mug bdo zhing / nga rgyal dang / phrag dog dang / ser snas kun nas dkris pa rnams dang / sems can log par lta ba dang / mi dge ba'i bshes gnyen la rten pa dang / mi dge ba'i rtsa ba'i sems kun nas langs pa dang / dge ba'i rtsa ba'i sems yongs su nyams pa dang / yang dag pa'i lta ba'i sems rnam par spangs pa dang / log pas 'tsho zhing mi dge ba'i sems dang ldan pa rnams kyi nang du de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan par 'gyur zhing / de bzhin gshegs pa gser thub yongs su mya ngan las 'das te/ dam pa'i chos nub nas 'jig rten long bar gyur cing / 'dren pa ma mchis pa</font><hr>45.225b<br><font size=+1>

skye dgu'i tshe lo nyi khri thub pa na bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /rigs kyi bu de nas de bzhin gshegs pa rin po che'i snying pos bram ze kun gyis bsrungs la bka' stsal pa/ bram ze legs so legs so/ /skyes bu dam pa khyod kyis rtsod pa'i dus kyi mtshan ma byung zhing skye dgu'i tshe lo nyi khri thub pa'i bar dang / 'jig rten long bar gyur cing 'dren pa med pa'i nang du smon lam btab pa ni rtogs pa che zhing ye shes dang ldan pa yin pas rigs kyi bu de'i phyir khyod mkhas mdzod snying rje rten ces bya bar gyur cig /mkhas mdzod snying rje rten khyod ni ma 'ongs pa'i dus na bskal pa grangs med pa gang gA'i klung gcig gi bye ma snyed 'das nas bskal pa grangs med pa gnyis pa la bab pa na 'jig rten gyi khams mi mjed du bskal pa bzang po byung zhing skye dgu'-i tshe lo nyi khri thub pa na de bzhin gshegs pa 'od srungs zhes bya ba sangs rgyas bcom ldan 'das kyi bar du 'gyur ro/ /rigs kyi bu de nas byang chub sems dpa' mkhas mdzod snying rje rten kyis de bzhin gshegs pa rin po che'i snying po'i zhabs la yan lag lngas phyag byas te phyogs gcig du 'dug nas/ de bzhin gshegs pa rin po che'i snying po la me tog dang / me tog phreng dang / spos dang / phye ma dag gis gtor nas tshigs su bcad pa 'di dag gis mngon par stod do/ /mi mchog phan pa mdzad pa dga' bar bgyid pa skyed pa po/ /zhal 'dzum rab tu dgyes pa shin du snyan pa'i gsung mnga' ba/ /gnas mkhyen mkhas pa phan pa mdzad pa stobs bcu rab mchog ldan/ /ye shes bsam gtan rnam par mthar phyin bde gshegs khyod la 'dud/ /spyod pa mang po spyad pa zhal ni rnams rgyas pa/ /khyod kyis byang chub sems dpa' khrag khrig phrag mang po/ /gzhal yas byang chub slad du lung yang bstan pa mdzad/ /mi mchog bde bar gshegs pa</font><hr>45.226a<br><font size=+1>

khyod la phyag 'tshal lo/ /rigs kyi bu de nas bram ze rgya mtsho'-i rdul gyis bram ze'i khye'u bzhi pa bgrod bya'i bu dri ma med ces bya ba la yang dag par bskul to/ /rigs kyi bu de nas bram ze'i khye'u bgrod bya'i bu dri ma med de bzhin gshegs pa rin po che'i spyan sngar 'dug ste gsol pa/ btsun pa bcom ldan 'das bdag kyang de bzhin du bskal pa bzang po de la byang chub par 'tshal mod kyi rtsod pa'i dus de lta bu 'ba' zhig mi 'tshal te/ ji ltar de bzhin gshegs pa 'od srung yongs su mya ngan las 'das nas skye dgu tshe lo khri thub pa na sems can sbyin pa dang / dul ba dang / yang dag par sdom pa'i bsam pa bas pa rnams dang / nor bdun dang bral ba rnams dang / mi dge ba'i bshes gnyen la ston par 'du shes par sems pa la zhugs pa rnams dang / bsod nams bya ba'i dngos po gsum po dag don du mi gnyer ba rnams dang / legs par spyod pa gsum dang bral ba rnams dang / nyes par spyod pa gsum po dag la brtson pa rnams dang / nyon mongs pa'i mun pas sems rnam par dkrugs pa rnams dang / theg pa gsum po dag don du mi gnyer ba de'i dus su ni sus kyang byang chub kyi spyad pa bsgrub par rngo mi thog lags na/ skye dgu tshe lo stong thub pa na lta smos kyang ci 'tshal te/ sems can de dag kyang tshe lo brgya pa'i bar du 'gyur te/ de'i dus na ni sems can rnams la dge ba'i rtsa ba ming yang ma mchis na dge ba'i rtsa ba spyod pa rnams kyang ci 'tshal/ re shig snyigs ma lnga dang ldan pa'i 'jig rten tshe 'bri zhing lo brgya par gyur nas/ mtshon gyi bskal pa bar ma nye bar gnas par gyur pa de'i dus na bdag lha rnams kyi nang nas babs shing sems can rnams yongs su skyob par gyur cig /mi dge ba spangs nas dge ba la spyod par gyur cig /sems can rnams dge bcu'i las kyi lam gyi bar dag la rab du 'god par gyur cig /sems can rnams kyi nyon mongs pa dag kyang dge ba'i las kyi lam rnams</font><hr>45.226b<br><font size=+1>

kyis yongs su sbyong bar gyur cig /theg pa gsum po dag la yang sbyor bar gyur cig /snyigs ma lnga yang yongs su spong bar gyur cig /skye dgu'i tshe lo brgyad khri thub pa na bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /'dod chags dang / zhe sdang dang / gti mug dang / ma rig pa dang / phrag dog dang / ser sna chung ba'i sems can rnams la chos ston cing theg pa gsum po dag la yang dag par sbyor bar gyur cig /btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na de'i slad du btsun pa bcom ldan 'das kyis bdag bla na med par rdzogs pa'i byang chub tu lung bstan du gsol/ btsun pa bcom ldan 'das gang gi tshe bdag de ltar lung bstan pa thob nas theg pa gang gis myur du 'khor ba las 'grol bar 'gyur ba'i nyan thos kyi sa yang don du mi gnyer la/ rang sangs rgyas kyi sa yang don du mi gnyer lags so/ /de bzhin gshegs pa rin po che'i snying pos bka' stsal pa/ bram ze'i khye'u byang chub sems dpa' le lo can rnams kyi dngos po ni bzhi po 'di dag yin te/ le lo'i dngos po de dag dang ldan pa'i byang chub sems dpa' kha cig ni yun ring por 'khor bar 'dod de/ lta ba'i g.yang sa dang / 'khor ba'i btson rar sdug bsngal nyams su myong bar 'gyur zhing bla na med pa yang dag par rdzogs pa'i byang chub kyang myur du 'thob par mi 'gyur ro/ /bzhi gang zhe na/ 'di la byang chub sems dpa' la la chos sman pa dang / grogs dman pa dang / yongs su gtong ba dman pa dang / smon lam dman pa yin te/ ji ltar na byang chub sems dpa' cho ga dman pa yin zhe na/ 'di la lus dang / ngag dang yid kyi spyod pa ma bsdams shing tshul khrims 'chal ba dang / nyan thos dang rang sangs rgyas kyi theg pa pa'i sems can rnams dang lhan cig 'grogs shing rgyu ba dang / thams cad yongs su mi gtong zhing kun la yang</font><hr>45.227a<br><font size=+1>

yongs su mi gtong la lha dang mi'i dpal dang bde ba 'dod pa'i phyir sbyin pa sbyin par byed pa dang / lhag pa'i bsam pas sangs rgyas kyi zhing gi yon tan bkod pa yongs su mi len cing 'dul ba la rtog pa'i smon lam yang yongs su mi len pa yin te/ chos bzhi po de dag dang ldan pa'i byang chub sems dpa' le lo can ni yun ring por 'khor ba'i btson rar sdug bsngal nyams su myong bar 'gyur zhing bla na med pa yang dag par rdzogs pa'i byang chub kyang myur du thob par mi 'gyur ro/ /byang chub sems dpa' chos bzhi dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bzhi gang zhe na/ lus dang ngag dang yid kyi spyod pa bsdams shing tshul khrims dang ldan pa dang / theg pa chen po la yang dag par zhugs pa rnams dang / lhan cig 'grogs shing rgyu ba dang / thams cad yongs su gtong zhing kun la yang yongs su gtong la sems can rnams sdug bsngal las yongs su thar bar bya ba'i phyir snying rje'i sems bskyed cing sbyin par byed pa dang / lhag pa'i bsam pas sangs rgyas kyi zhing gi yon tan bkod pa dang / 'dul ba la rtog pa'i smon lam yongs su 'dzin par byed pa ste/ chos bzhi po de dag dang ldan pa'i byang chub sems dpa' ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /chos bzhi po 'di dag ni byang chub sems dpa' rnams kyi lam nye bar rton par byed pa yin te/ bzhi gang zhe na/ pha rol tu phyin pa rnams la mngon par brtson pa dang / sems can rnams la bsdu ba'i dngos po gtong ba dang / tshangs pa'i gnas pa mngon par sgrub pa dang / mngon par shes pa rnams kyi rnam par rtse ba yin no/ /byang chub sems dpa' chos bzhis ngoms mi myong bar gnas par bya ste/ bzhi gang zhe na/ sbyin pas ngoms mi myong ba dang / chos nyan pas ngoms mi myong ba dang / bsgom pas ngoms mi myong ba dang / </font><hr>45.227b<br><font size=+1>

sems can rnams la bsdu ba'i dngos pos ngoms mi myong bar gnas par bya ba dag go/ /byang chub sems dpas mi zad pa'i gter bzhi po 'di dag yongs su rdzogs par bya ste/ bzhi gang zhe na/ byang chub sems dpas dad pa mi zad pa'i gter yongs su rdzogs par bya ba dang / chos bstan pa dang / yongs su bsngo ba dang / sems can dbul po yongs su gzung ba mi zad pa'i gter yongs su rdzogs par bya ba dag go/ /bzhi po 'di dag ni bdag med pa'i phyir byang chub sems dpa'i yongs su dag pa yin te/ bzhi gang zhe na/ sems can med pa'i phyir tshul khrims yongs su dag pa dang / srog med pa'i phyir ting nge 'dzin yongs su dag pa dang / gang zag med pa'i phyir shes rab yongs su dag pa dang / rnam par grol ba'i ye shes mthong ba'i phyir rnam par grol ba yongs su dag pa ste/ byang chub sems dpas chos bzhi po de dag yongs su rdzogs par bya'o/ /de dag gis byang chub sems dpa' rnams myur du bla na med pa yang dag par rdzogs pa'i byang chub mngon par rdzogs par 'tshang rgya zhing nams mkha'i 'khor lo yang bskor bar byed/ mi rtag pa'i 'khor lo dang / mi mnyam pa'i 'khor lo dang / brjod du med pa'i 'khor lo dang / nges par 'byin pa'i 'khor lo dang / nges par 'byed pa'i 'khor lo dang / bskor du yed pa'i 'khor lo yang skor bar byed do/ /bgrod bya'i dri ma med khyod ni ma 'ongs pa'i dus na bskal pa grangs med pa gang gA'i klung gcig gi bye ma snyed 'das te/ bskal pa bzang po la bab nas ring po ma lon zhing snyigs ma lnga rab tu zhi ba'i dus la bab pa na skye dgu tshe lo brgyad khri thub pa na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa byams pa zhes bya ba sangs rgyas bcom ldan 'das kyi bar du 'gyur ro/ /bram ze'i khye'u bgrod bya'i bu dri ma med kyis de bzhin gshegs pa</font><hr>45.228a<br><font size=+1>

rin po che'i snying po'i zhabs la yan lag lngas phyag byas te phyogs gcig tu 'dug nas/ bcom ldan 'das la me tog dang / phreng ba dang / phye ma dag gis mchod pa byed pa la brtson zhing tshigs su bcad pas mngon par bstod pa/ mgon po khyod ni 'phral ba'i dbyes che mdzod spu gangs mdog mdzengs/ /khyod ni gser gyi ri bo brtsegs pa 'dra zhing yid du mchi/ /yon tan brgyas gtam bdag dus 'di gsungs 'gro na'ang bdag 'tshang rgya/ /thub pa khyu mchog 'jig rten sgron khyod la ni su mi 'dud/ /bram ze mdun na 'don rgya mtsho'-i rdul gyis/ bram ze'i khye'u rig byed klog pa stong po thams cad byang chub yang dag par 'dzin du bcug nas/ ji ltar 'khor ba 'jig dang / gser thub dang / 'od srung dang / byams pa lung bstan pa de bzhin du/ bram ze'i khye'u rig byed klog pa seng ge dang / mchog tu dga' ba dang / dgu brgya dgu bcu rtsa dgu'i bar du thams cad kyang bskal pa bzang po 'di la bla na med pa yang dag par rdzogs pa'i byang chub tu smon lam btab nas thams cad kyang de bzhin gshegs pa rin po che'i snying pos bskal pa bzang po 'di nyid la bla na med pa yang dag par rdzogs pa'i byang chub la bkod do/ /de dag thams cad kyi nu bo tha chungs gang yin pa de la yang mdun na 'don gyis 'di skad du kye bram ze'i khye'u stobs chen shugs 'chang ring du brtags du ci yod/ sems can rnams la snying rje chen po skyed cig ces yang dag par bskul nas tshigs su bcad pa 'di dag gis kyang mngon par go bar byas so/ /sems can gang dag rga dang nad dang 'chi 'pho'i 'jigs pa sred pa'i klung du lhung ba dang / /phung po rnams la zhen pa'i mi dag srid pa'i btson ra rab tu 'jigs par chad pa rnams/ /phan tshun gsod par byed pa'i nyon mongs dug 'thungs nas ni sdug bsngal rgya mtshor rab tu gnas/ /gti mug gis ni lam stor long ba bzhin du mi gtsang 'khrul 'khor dag na</font><hr>45.228b<br><font size=+1>

'khyam par 'gyur/ /log par lta la gnas pas 'byung po thams cad srid pa gsum na sdug bsngal rnams kyis 'bar/ /srog chags thams cad 'gro ba lnga po dag na ji ltar 'khor lo 'khor ba bzhin du 'khor/ /'gro ba lnga po dag na chos kyi mig nyams skyabs med sems can rnams ni dran gyis la/ /yang dag shes rab kyis ni nem nur yid gnyis spongs la byang chub don du 'dun pa skyed/ /'gro ba rnams kyi sred pa'i mya ngan sol la sems can rnams kyi gnyan du gyur par gyis/ /'gro ba'i nyon mongs 'ching ba dgral bar bya phyir byang chub don du sems kyang gzhol gyis shig /gti mug bral ba chos mig rnam par nyams pa rnams la lam gyi dam pa sbyin par gyis/ /'khor ba'i srid pa'i btson ra dag na 'bar ba rnams la chos kyi bcud kyis tshim gyis shig /phan par byed pa khyod ni myur du nye bar song la thub pa'i zhabs la gtug pa gyis/ /re ba thams cad grub smon bkra shis ldan pa rab brtan 'dren pas sangs rgyas 'gyur bar byos/ /'jig rten dag na sems can rnams kyi dbugs 'byin gyis la srid pa'i mtsho las sems can thon/ /gya nom thar pa'i lam dang dbang po'i stobs dang byang chub yan lag sbyin byed 'gyur bar gyis/ /chos sprin chos kyi char pa rab tu phog ste sems can rnams gyi sdug bsngal zhi bar gyis/ /rigs kyi bu de nas bram ze'i khye'u stobs chen shugs 'chung des kyang smras pa/ mkhan po bdag ni 'khor ba las mngon par dga' ba'i dpal mi 'tshal la/ nyan thos dang / rang sangs rgyas kyi theg pa yang mi 'tshal te/ bla na med pa'i theg pa 'tshal ba lags kyis/ kye mkhan po yud tsam zhig gzhes la bdag seng ge'i sgra sgrogs pa la gson cig /rigs kyi bu de nas bram ze rgya mtsho'i rdul de nas phyir byung ste/ rang gi bsnyen bkur ba bram ze'i khye'u lnga po dag la bos te smras pa/ </font><hr>45.229a<br><font size=+1>

kye khye'u dag bla na med pa yang dag par rdzogs pa'i byang chub tu sems bskyed cig /de dag gis kyang smras pa/ bdag cag la gang sangs rgyas la sogs pa dge slong gi dge 'dun la dbul bar bgyi ba chung zad kyang ma mchis lags na dge ba'i rtsa ba ma srungs pa bdag cag gis ji ltar byang chub tu sems bskyed par bgyi/ rigs kyi bu de nas mdun na 'don gyi gtso bo bram ze rgya mtsho'i rdul gyis bsnyen bkur ba dang po lo thang spyod ces bya ba de la ni rin po che sna bdun gyi kha dog kyi rgyan dag byin/ bsnyen bkur ba gnyis pa thang la spyod ces bya ba de la ni rin po che sna bdun gyi rna cha byin/ bsnyen bkur ba gsum pa chu la spyod ces bya ba de la ni rin po che sna bdun gyi khri byin/ bsnyen bkur ba bzhi pa shugs kyis spyod ces bya ba de la rin po che sna bdun gyi khar ba byin/ bsnyen bkur ba lnga pa snying po spyod ces bya ba de la ni gser gyi ril ba b+h+ring ga ra byin nas smras pa/ bram ze'i khye'u dag khyod cag deng la dngos po 'di dag sangs rgyas la sogs pa dge slong gi dge 'dun la phul la bla na med pa yang dag par rdzogs pa'i byang chub tu sems skyed cig /de nas bsnyen bkur ba lnga po de dag bcom ldan 'das kyi drung du dong ste de ltar bkur ba'i dngos po de dag sangs rgyas la sogs pa dge slong gi dge 'dun la phul nas 'di skad ces gsol to/ /bcom ldan 'das khyod kyis bdag cag bskal pa bzang po de la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar bdag cag bla na med pa yang dag par rdzogs pa'i byang chub tu lung bstan du gsol/ rigs kyi bu snga ma bzhin du sbyar te/ de bzhin gshegs pa rin po che'i snying pos bram ze'i khye'u lo thang spyod ni bskal pa bzang po 'di la de bzhin gshegs pa brtan dbyangs shes bya bar 'gyur ro/ /zhes byang chub tu lung bstan to/ /thang la spyod ni de'i 'og tu de bzhin gshegs pa bde</font><hr>45.229b<br><font size=+1>

dbod blo gros shes bya bar 'gyur ro/ /chu la spyod ni de'i 'og tu de bzhin gshegs pa don bcas gsung zhes bya bar 'gyur ro/ /shugs kyis spyod ni de'i 'og tu de bzhin gshegs pa dga' ba dang ba zhes bya bar 'gyur ro/ /bram ze'i khye'u snying po spyod ni de'i 'og tu de bzhin gshegs pa seng ge'i bshes gnyen gtsug pud ces bya bar 'gyur ro/ /zhes byang chub tu lung bstan to/ /bram ze'i khye'u lnga po de dag bskal pa bzang por lung bstan ma thag tu mdun na 'don gyis yang bram ze'i khye'u stobs chen shugs 'chang la smras pa/ stobs chen shugs 'chang sangs rgyas kyi zhing gi yon tan bkod pa dag long shig /smon lam ji lta bu 'dod pa yang bcom ldan 'das kyi spyan sngar thob shig /sems can thams cad kyang chos kyi bcud kyis 'gron du gnyer cig /brtson 'grus brtan pos rang gi byang chub kyi spyad pa yang spyod la/ yang dang yang du ring du ma rtogs shig ces lag pa nas bzung ste bcom ldan 'das la phul lo/ /rigs kyi bu de nas bram ze'i khye'u stobs chen shugs 'chang de yang bcom ldan 'das kyi spyan sngar 'dug ste gsol pa/ bcom ldan 'das ma 'ongs pa'i dus na bskal pa bzang po de la thub pa nyi ma mang nyung ji snyed cig 'byung bar 'gyur lags/ de bzhin gshegs pa rin po che'i snying pos bka' stsal pa/ bram ze'i khye'u bskal pa bzang po de la ni thub pa nyi ma stong rtsa bzhi 'byung bar 'gyur ro/ /bram ze'i khye'us gsol pa/ btsun pa bcom ldan 'das bskal pa chen po bzang po de la rgyal ba nyi ma gang dag yongs su mya ngan las 'das pa de dag gi tha mar bram ze'i khye'u gces lag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing de bzhin gshegs pa seng ge'i bshes gnyen gtsug pud ces bgyi bar 'gyur ba de srid du yun ring por bdag gis brtul zhugs dang / </font><hr>45.230a<br><font size=+1>

dka' thub dang / spyod pa dang / sbyin pa dang / dul ba dang / yang dag par sdom pa dang / thos pa dang / brtson 'grus dang / bzod pa dang / nges pa dang / bsod nams dang / shes rab kyi tshogs sna tshogs dag yang dag par bsdu zhing byang chub kyi spyod pa spyad par bgyi'o/ /bskal pa bzang po pa de dag thams cad mngon par rdzogs par sangs rgyas nas ring po ma lon par dang por bsod snyoms kyang dbul bar bgyi'o/ /yongs su mya ngan las 'das pa rnams kyi sku gdung dag la yang mchod par bgyi'o/ /de dag gis dam pa'i chos yongs su 'dzin par yang gyur cig /sems can tshul khrims dang bral ba rnams ni tshul khrims phun sum tshogs pa yang dag par 'dzin du 'jug pa dang 'dzud cing rab tu 'god par gyur cig /sems can lta ba dang bral zhing nyam nga ba thob par gyur pa rnams ni yang dag pa'i lta ba yang dag par 'dzin du 'jug pa dang / 'dzud cing rab tu 'god par gyur cig /de bzhin du bsam pa dang bral ba rnams ni yang dag pa'i bsam pa la rab tu 'god par gyur cig /de bzhin du cho ga dang bral ba rnams ni cho ga la rab tu 'god par gyur cig /sems can rnams kyi dge ba'i spyod pa rnam pa sna tshogs dag kyang nges par ston par gyur cig /sangs rgyas bcom ldan 'das de dag gi dam pa'i chos nub nas ring po ma lon par bdag gis 'jig rten du dam pa'i chos kyi tshul dang / dam pa'i chos yongs su bzung ba dang / dam pa'i chos 'byung ba dang / dam pa'i chos kyi sgron ma 'bar bar bgyid par gyur cig /mtshon gyi bskal pa bar ma'i dus kyi tshe na sems can rnams srog gcod pa spong ba dang / yang dag pa'i lta ba'i bar la rab tu 'god par gyur cig /sems can rnams mi dge ba bcu'i las kyi lam dang / lam ngan pa dag nas bton cing yang dag pa'i lam du 'god par gyur cig /nyes par spyod pa'i mun pa 'jig par bgyid par gyur cig /legs par spyod pa'i snang ba</font><hr>45.230b<br><font size=+1>

ston par gyur cig /'jig rten na dus kyi snyigs ma dang / tshe dang / lta ba dang / nyon mongs pa'i snyigs ma'i bar dag 'jig par bgyid par gyur cig /mu ge'i bskal pa bar ma'i dus kyi tshe na bdag sems can rnams sbyin pa'i pha rol tu phyin pa la sbyor bar gyur cig /shes rab kyi pha rol tu phyin pa'i bar dag kyang yang dag par 'dzin du 'jug cing 'dzud par gyur cig /bdag sems can rnams pha rol du phyin pa drug po dag la sbyor bar bgyid pa na thams cad du mu ge'i mun pa dang / 'thab pa dang / rnyog pa dang / g.yul shom pa dang / khon dang / rtsod pa dang / 'gyed pa dag rab tu zhi bar gyur cig /sems can rnams kyi sems kyi rgyud la nyon mongs pa'i me'i gdung ba dag zhi bar gyur cig /nad kyi bskal pa bar ma'i dus kyi tshe na bdag gis sems can rnams snying por 'gyur ba dang / 'thun pa'i chos drug yang dag par 'dzin du 'jug par gyur cig /bsdu ba'i dngos po dag la sbyor bar bgyid cing rab tu 'god par gyur cig /sems can rnams kyi nad kyi mun par rnam par 'jig par bgyid par gyur cig /sems can rnams kyi sems kyi rgyud la nyon mongs pa rab tu zhi bar bgyid pa'i bar du gyur cig /bskal pa bzang po la sangs rgyas kyi zhing mi mjed du sems can rnams sdug bsngal dag las yongs su thar bar bgyid par gyur cig /gang gi tshe bskal pa bzang po la sangs rgyas bcom ldan 'das stong rtsa bzhi 'byung ba dag yongs su mya ngan las 'das par gyur nas dam pa'i chos kyi tshul thams cad du nub par gyur pa na de'i 'og tu gdod bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /bskal pa bzang po'i sangs rgyas bcom ldan 'das stong rtsa bzhi po dag gi sku tshe'i tshad ji tsam par bdag gis byang chub thob pa'i tshe'i tshad kyang de tsam du ring bar gyur cig /de dag gi nyan thos kyi dge 'dun ji snyed par bdag gcig pu'i nyan thos kyi dge 'dun yang de snyed du gyur cig /bskal pa bzang po de la sangs rgyas stong rtsa bzhi po</font><hr>45.231a<br><font size=+1>

de dag gis sems can ji snyed btul bar gyur pa'i sems can de snyed cig bdag gis kyang btul bar gyur cig /sems can gang dag sangs rgyas bcom ldan 'das de dag gi nyan thos kyi bslab pa la 'khrul bar gyur pa dang / lta ba'i g.yang sar lhung bar gyur pa dang / sangs rgyas bcom ldan 'das rnams la ma gus pa'i sems dang / rab tu sdang ba'i sems su gyur pa dang / chos dang dge 'dun la 'khrul pa'i sems su gyur pa dang / 'dod chags kyi sems dag dang / 'phags pa la skur pa 'debs pa dang / mtshams med pa bgyid par gyur pa dag kyang bdag gis byang chub thob nas 'khor ba'i 'dam nas 'byin cing mi 'jigs pa'i khyim mya ngan las 'das pa'i grong khyer du 'dzud par gyur cig /ji srid du bdag yongs su mya ngan las 'das nas dam pa'i chos bas par ma gyur pa de srid du bskal pa chen po bzang po yang bas par ma gyur cig /bdag gi dam pa'i chos bas par gyur pa na bskal pa bzang po yang bas par gyur cig /bdag skyes pa'i sku gdung gang lags pa de dag kyang de bzhin gshegs pa'i sku skyes bu chen po'i mtshan sum bcu rtsa gnyis kyis sku legs par brgyan cing mtshan re re yang dpe byad bzang po brgyad bcus legs par brgyan pa dpag tu ma mchis grangs ma mchis pa dag tu gyur te gnas par gyur cig /de bzhin gshegs pa'i sku de dag kyang phyogs bcu'i sangs rgyas kyi zhing stong pa dpag tu ma mchis grangs ma mchis pa gzhan dag tu bzhud nas/ sangs rgyas kyi sku re res kyang sems can dpag tu ma mchis/ grangs ma mchis pa rnams theg pa gsum po dag la yang dag par 'dzin du 'jug pa dang / 'dzud cing rab tu 'god par gyur cig /sangs rgyas kyi zhing gang na bar gyi bskal pa zhig par ma gyur pa der de bzhin gshegs pa'i sku de dag bzhud nas ji ltar sngar brjod pa de ltar sems can rnams yongs su skyob par 'gyur zhing slad kyis yid bzhin gyi nor bur gyur nas sangs rgyas kyi zhing gang dag na sems can rnams</font><hr>45.231b<br><font size=+1>

rin po che dang bral bar gyur pa'i sangs rgyas kyi zhing de dag tu mchis shing rin po che'i char rab tu 'bebs pa dang / gter dag kyang rab tu ston par gyur cig /sangs rgyas kyi zhing gang dag na sems can rnams dge ba'i spyod pa dang bral zhing nad kyis nyon mongs pa can du gyur pa'i sangs rgyas kyi zhing de dag tu yang tsan dan sa mchog pa dang / sbrul gyi snying po dang / dus kyi rjes su 'brang ba dag gi spos kyi char rab tu 'bebs par gyur cig /spos kyi char de dag gis kyang sems can rnams kyi nyon mongs pa'i nad rnams dang / lta ba'i nad rnams dang / lus kyi nad rnams kyang rab tu zhi bar bgyid par gyur cig /de nas sems can de dag kyang bsod nams bgyi ba'i dngos po dag la mngon par brtson par 'gyur zhing mtho ris la gzhol bar yang gyur cig /btsun pa bcom ldan 'das bdag byang chub kyi spyad pa spyod pa na de ltar sems can rnams yongs su skyob par gyur cig /bdag byang chub thob nas kyang de ltar sangs rgyas kyi mdzad pa bgyid par gyur cig /bdag yongs su mya ngan las 'das nas kyang de ltar sangs rgyas kyi zhing mtha' yas mu ma mchis pa dag gi sems can rnams yongs su skyob par gyur cig /btsun pa bcom ldan 'das gal te bdag gi re ba 'di lta bu yongs su rdzogs par mi 'gyur zhing / sems can rnams sman du yang mi 'gyur ba lta na bdag gis phyogs bcu'i 'jig rten gyi khams mtha' yas mu ma mchis pa dag na/ sangs rgyas bcom ldan 'das gang dag bzhugs te 'tsho zhing gzhes la sems can rnams la chos kyang ston pa de dag bslus par gyur cig /bcom ldan 'das kyis bdag bla na med pa yang dag par rdzogs pa'i byang chub tu lung stan par yang ma gyur cig /bcom ldan 'das srog chags bye ba phrag mang po gang dag bla na med pa yang dag par rdzogs pa'i byang chub la yang dag par zhugs shing lung bstan pa'i sems can sangs rgyas bcom ldan 'das su gyur pa/ </font><hr>45.232a<br><font size=+1>

de dag kyang bdag gis thugs byung bar bgyis par gyur cig /bdag byang chub kyi slad du yang dang yang du 'khor bar 'khor ba na sangs rgyas kyi sgra dang / chos kyi sgra dang / dge 'dun gyi sgra dang / dge ba'i dgra dang / dge ba'i chos bgyid pa'i sgra dag rna lam du grag par ma gyur cig /gal te bdag gi re ba 'di lta bur yongs su rdzogs par mi 'gyur zhing sems can rnams kyi sman du yang mi 'gyur ba lta na bdag rtag tu mnar med par rtogs par gyur cig /rigs kyi bu de nas de bzhin gshegs pa rin po che'i snying pos bram ze'i khye'u stobs chen shugs 'chang la legs so zhes bya ba byin te/ skyes bu dam pa legs so legs so/ /khyod ni sems can rnams kyi sman du 'gyur zhing sdug bsngal dag las yongs su thar bar byed par yang 'gyur te/ skyes bu dam pa de'i phyir khyod sman gyi rgyal po skar ma dri ma med pa zhes bya bar gyur cig /sman gyi rgyal po skar ma dri ma med pa khyod ni ma 'ongs pa'i dus na bskal pa grangs med pa gang gA'i klung gcig gi bye ma snyed 'das nas bskal pa grangs med pa gang gA'i klung gi bye ma snyed gnyis pa la bab pa na bskal pa bzang po la sangs rgyas stong rtsa bzhi po dag mngon par rdzogs par sangs rgyas nas ring por ma lon par rang gi smon lam ji ltar btab pa'i bar dag bzhin du bsod snyoms 'bul bar 'gyur zhing / de bzhin gshegs pa seng ge'i bshes gnyen gtsug pud bzang po yongs su mya ngan las 'das pa'i dam pa'i chos nub pa na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa gsal mdzad ces bya ba sangs rgyas bcom ldan 'das kyi bar du 'gyur ro/ /khyod kyi tshe'i tshad ni bskal pa phyed du 'gyur ro/ /bskal pa bzang po'i sangs rgyas stong rtsa bzhi po de dag gi nyan thos kyi dge 'dun ji snyed du 'gyur ba khyod gcig pu'i nyan</font><hr>45.232b<br><font size=+1>

thos kyi dge 'dun yang de snyed du 'gyur la/ sems can de snyed kyang 'dul bar 'gyur ro/ /yongs su mya ngan las 'das nas kyang ji srid du bskal pa chen po bzang po'i bskal pa zad par ma gyur pa de srid du dam pa'i chos nub par mi 'gyur la/ de srid du sangs rgyas kyi sku dag kyang 'byung bar 'gyur zhing sangs rgyas kyi zhing gzhan dag tu spos kyi char pas sems can rnams kyi nyon mongs pa'i nad rnams dang / lta ba'i nad rnams dang / lus kyi nad rnams kyi bar dag kyang rab tu zhi bar byed par 'gyur la/ sems can rnams kyang bsod nams bya ba'i dngos po gsum po dag la rab tu 'god cing mtho ris la gzhol bar byed par yang 'gyur ro// // bam po dgu pa/ rigs kyi bu de nas byang chub sems dpa' sman gyi rgyal po skar ma dri ma med pas gsol pa/ btsun pa bcom ldan 'das gal te bdag gi re ba 'di lta bu yongs su rdzogs par 'gyur ba lta na de'i slad du bcom ldan 'das kyis bsod nams kyi mtshan gyis brgyan pa'i phyag gis bdag gi spyi bo la byug par gsol/ rigs kyi bu de nas de bzhin gshegs pa rin po che'i snying pos byang chub sems dpa' sman gyi rgyal po skar ma dri ma med pa'i spyi bo la bsod nams brgya'i mtshan gyis brgyan pa'i phyag gis yongs su byug pa mdzad nas de na bzhugs so/ /rigs kyi bu de nas byang chub sems dpa' sman gyi rgyal po skar ma dri ma med pa sems dga' zhing mgu la yid rangs shing rab tu dga' bar gyur te/ de bzhin gshegs pa rin po che'i snying po'i zhabs la yan lag lngas mgo bos phyag byas nas langs te phyogs gcig tu 'dug pa dang / bram ze rgya mtsho'i rdul gyis lha'i ka shi ka'i gos bskon te smras pa/ skyes bu dam pa legs so legs so/ /khyod kyis smon lam bzang po btab ste/ da phyin chad khyod kyis kho bo'i bsnyen bkur bya mi dgos kyi ji ltar bde ba nyid du spyod cig /rigs kyi bu de nas bram ze rgya mtsho'i rdul 'di snyam du sems te/ ji ltar thams cad dang</font><hr>45.233a<br><font size=+1>

ldan pa'i 'khor 'di na snang ba ltar bdag gis srog chags bye ba khrag khrig 'bum phrag mang po dag bla na med pa yang dag par rdzogs pa'i byang chub yang dag par 'dzin du bcug go/ /sems chen po 'di dag thams cad kyis ni smon lam rgya che ba dgu btab cing sangs rgyas kyi zhing rab tu dang ba sha stag yongs su blangs te/ khyab 'jug rlung ma gtogs pa byang chub sems dpa' gzhan dag gis rtsod pa'i dus yongs su spangs pas bdag gis ni rtsod pa'i dus la bab par gyur pa na/ sems can rnams chos kyi bcud kyis 'gron du gnyer bar bya zhing brtson 'grus brtan por bya ste/ bdag gis ci nas kyang byang chub sems dpa'i 'khor 'di dag thams cad ngo mtshar thob par 'gyur ba dang / thams cad dang ldan pa'i 'khor 'di dang / lha dang / dri za dang / mi dang / lha ma yin dang bcas pa'i 'jig rten 'di yang bdag la thal mo sbyar te phyag 'tshal zhing mchod pa byed par 'gyur ba dang / sangs rgyas bcom ldan 'das 'di yang bdag la legs so zhes bya ba byin zhing lung ston par 'gyur ba dang / de bzhin du sangs rgyas bcom ldan 'das gang dag phyogs bcu na bzhugs te 'tsho zhing gzhes la sems can rnams la chos kyang ston pa'i sangs rgyas bcom ldan 'das de dag kyang bdag gis seng ge'i sgra bsgrags pa la legs so zhes bya ba byin zhing bla na med pa yang dag par rdzogs pa'i byang chub tu lung ston pa yang mdzad la pho nya dag kyang gtong bar 'gyur ba dang / thams cad dang ldan pa'i 'khor 'dis kyang de thos shing pho nya de dag kyang mthong bar 'gyur ba dang / gang yang phyi ma'i dus na snying rje chen po dang ldan pa'i byang chub sems dpa' dag 'byung bar 'gyur ba de dag kyang de lta bu'i rtsod pa chen po'i dus kyi tshe sangs rgyas kyi zhing nyon mongs pa can du smon lam gyis byang chub yongs su 'dzin par 'gyur zhing chos kyi mu ge'i dgon pa dang / nyon mongs pa dang / nad dag gis bdas par gyur pa'i sems can rnams la yongs su skyob par 'gyur zhing sangs rgyas kyi mdzad pa yang mdzad</font><hr>45.233b<br><font size=+1>

par 'gyur la sems can rnams la yang chos ston par 'gyur ba dang / bdag yongs su mya ngan las 'das nas kyang bskal pa bye ba khrag khrig 'bum phrag bsam gyis mi khyab pa dag 'das kyi bar du phyogs bcu'i sangs rgyas kyi zhing gzhal du ma mchis pa dang / dpag tu ma mchis pa dag na sangs rgyas bcom ldan 'das dpag tu ma mchis pa dag bdag yongs su mya ngan las 'das pa'i bsngags pa rjod cing snyan pa dang dbyangs kyang sgrogs par 'gyur la/ byang chub sems dpa' rnams kyi mdun du bdag gi smon lam gyi tshul yang brjod par 'gyur ba dang / byang chub sems dpa' de dag gis kyang snying rje chen pos yongs su bsgos shing byin gyis brlabs pa'i smon lam thos nas mchog tu ngo mtshar du 'dzin par 'gyur zhing / de dag kyang sems can rnams la snying rje chen po skye bar 'gyur ba dang / de nas de dag kyang smon lam de lta bu dag nyid yongs su 'dzin par 'gyur zhing ji ltar da ltar bdag gis yongs su bzung ba de lta bu'i sangs rgyas kyi zhing nyon mongs pa can dag tu de dag kyang byang chub mngon par rdzogs par 'tshang rgya bar 'gyur ba dang / chu bo bzhis bdas par gyur pa'i sems can rnams sgrol bar 'gyur zhing theg pa gsum po dag gis 'dul bar 'gyur ba dang / mya ngan las 'das pa'i lam gyi bar dag la 'god par 'gyur ba de lta bu'i smon lam gyis seng ge'i sgra bsgrag par bya'o snyam mo/ /rigs kyi bu mdun na 'don gyi gtso bo bram ze rgya mtsho'-i rdul gyis snying rje chen pos yongs su bsgos pa'i smon lam de lta bu dag yang dag par bskyed nas chos gos phrag pa gcig tu gzar te de bzhin gshegs pa rin po che'i snying po ga la ba der song ngo / /yang de'i tshe na lha bye ba khrag khrig 'bum phrag mang po dag gis nam mkha'i dkyil nas lha'i sil snyan bye ba khrag khrig 'bum phrag mang po dag gsil dkrol zhing / me tog gi char rab tu phab nas tshig 'thun par smras pa/ skyes bu dam pa legs so legs so/ /khyod</font><hr>45.234a<br><font size=+1>

bcom ldan 'das kyi drung du song la smon lam rab mchog dag shod la zung shig dang / khyod ni nyon mongs pas dkrugs pa'i 'jig rten du sems can rnams kyi sdug bsngal ye shes kyi chus rab tu zhi bar byed par 'gyur ro/ /thams cad dang ldan pa'i 'khor de dag kyang thal mo sbyar te mngon du phyogs nas tshig 'thun par smras pa/ skyes bu dam pa legs so legs so/ /mkhas pa rab mchog bdag cag la phan par mdzad pa blo mchog mnga' ba smon lam brtan por thob shig dang / bdag cag kyang nyan par 'tshal lo/ /gang gi tshe mdun na 'don song ste/ bcom ldan 'das kyi spyan sngar mdun na 'don gyis pus mo'i lha nga btsugs pa dang de'i mod la sangs rgyas kyi zhing yang dag rtog gi stong gsum gyi stong chen po'i 'jig rten gyi khams ji tsam pa de thams cad g.yos/ rab tu g.yos/ 'gul/ rab tu 'gul/ 'khrugs/ rab tu 'khrugs/ ldeg /rab tu ldeg go/ /sil snyan dag kyang ma dkrol bar sgra 'khrol lo/ /ri dgas dang / bya gag ji snyed pa de dag thams cad kyang 'jam zhing yid du 'ong ba'i sgra sgrogs so/ /shing ljon pa dag las kyang me tog dag 'brul lo/ /stong gsum gyi stong chen po'i 'jig rten gyi khams 'di na sems can dmyal ba pa rnams dang / gshin rje'i 'jig rten pa rnams ma gtogs par gang su dag sa la rten cing gnas pa'i 'byung po byang chub yang dag par 'dzin du bcug pa gang yin pa dang / byang chub yang dag par 'dzin du ma bcug pa gang yin pa de dag thams cad kyang phan pa'i sems dang / dge ba'i sems dang / khon med pa'i sems dang / rnyog pa med pa'i sems dang / byams pa'i sems dang / ngo mtshar gyi sems dag tu gyur to/ /sems can gang dag nam mkha' la rgyu ba de dag kyang bram ze'i smon lam sgra 'jam zhing yid du 'ong ba mnyan pa'i phyir nam mkha' la 'khod nas 'di ltar mchog tu dga' ba'i yid kyis</font><hr>45.234b<br><font size=+1>

me tog dang / me tog phreng dang / spos dang / rol mo'i sgra dang / rin po che'i gdugs dang / rgyal mtshan dang / ba dan dang / gos dang / ras bcos bu dag gis mchod pa'i las la brtson par gyur to/ /de bzhin du 'og min gyi gnas man chad kyi lha gang ji snyed pa rnams kyang / bram ze'i smon lam mnyan pa'i phyir 'dzam bu'i gling du babs te/ nam mkha'i dkyil na 'khod cing / lha'i spos dang / ras bcos bu'i bar dag gis mchod pa'i las la brtson par gyur to/ /bram zes kyang thal mo sbyar nas de bzhin gshegs pa rin po che'i snying po la tshigs su bcad pa 'di dag gis mngon par bstod do/ /bsam gtan dag gis rnam grol tshangs pa bzhin/ /gzugs kyis 'od gsal brgya byin 'dra ba ste/ /rgyal po bzhin du nor 'bru rab gtong zhing / /rin chen mchog mnga' thub pa tshong dpon bzhin/ /zhi ba sgrogs mdzad ri la seng ge 'dra/ /mi 'gul brtan pa lhun po 'dra ba ste/ /rgya mtsho bzhin du 'khrug pa mi mnga' zhing / /yon tan skyon la sa bzhin mtshungs par spyod/ /dri ma thams cad ded pa chu bzhin te/ /thub pa me ltar nyon mongs nags rnams sreg /rlung ltar gang la'ang chags pa mi mnga' zhing / /thub pa lha ltar yang dag nyid kyang ston/ /klu ltar thub pa chos kyi char 'bebs shing / /char pa bzhin du 'gro kun ngoms par mdzad/ /pha rol mu stegs 'joms pa seng ge 'dra/ /me tog bzhin du yon tan dri yang gtong / /tshangs pa bzhin du snyan pa'i tshig gsungs zhing / /'gro ba sdug bsngal grol mdzad sman pa bzhin/ /sems mnyam nye bar gnas pa ma bzhin te/ /'gro ba rtag tu rjes 'dzin mdza' bshes 'dra/ /nga rgyal dgra 'joms rdo rje brtan bzhin te/ /thub pa mtshon bzhin srid pa'i 'khri shing gcod/ /zam pa'i shing bzhin 'gro ba</font><hr>45.235a<br><font size=+1>

sgrol mdzad cing / /klu ltar thub pa mi shes rtswa rnams bsreg /thub pa zla ltar 'od bsil gtong mdzad cing / /mi yi pad ma kha 'byed nyi ma bzhin/ /'bras bu mchog bzhi sbyin mdzad ljon shing 'dra/ /thub pa bya bzhin drang srong tshogs kyis bskor/ /rgyal ba'i blo yangs rgya mtsho 'dra ba ste/ /'gro ba dag la sems snyoms rtswa shing bzhin/ /rmi lam bzhin du chos rnams stong rtog cing / /'jig rten rjes su 'thun 'jug chu dang 'dra/ /thub pa mtshon mchog mnga' ba thugs rje can/ /khyod kyis sems can byang chub lung yang bstan/ /sems can mang po mtha' yas khyod kyis btul/ /byang chub mchog rab tu ni bdag lung ston/ /drang srong chen po bden bzhed shes rab mchog /bdag ni 'gro ba'i nyon mongs 'thab rtsod che/ /sangs rgyas byang chub lung ston dogs chod la/ /sems can brgya dag zhi bde'i lam tu 'khod/ /rigs kyi bu gang gi tshe mdun na 'don kyi gtso bo bram ze rgya mtsho'i rdul gyis de bzhin gshegs pa rin po che'i snying po la tshigs su bcad pa de dag gis mngon par bstod de/ de na 'dug pa'i de'i mod la lha dang / dri za dang / mi dang / thams cad dang ldan pa'i 'khor des legs so zhes bya ba byin no/ /mdun na 'don gyis gsol pa/ btsun pa bcom ldan 'das bdag gis srog chags bye ba phrag mang po dag bla na med pa yang dag par rdzogs pa'i byang chub yang dag par 'dzin du stsal te/ de dag gis kyang rang rang gi sangs rgyas kyi zhing rgya che dgu dag yongs su bzung zhing 'dul ba'i sems can yang bsam pa yongs su dag pa dang / dge ba'i rtsa ba bsrungs pa dang / gdul sla ba dag yongs su bzung lags so/ /gang dag skar ma skyong la sogs pa bram ze'i khye'u rig byed klog pa stong rtsa bzhi po 'di dag ni de bzhin gshegs pas bskal pa bzang por lung bstan te/ skyes bu dam pa de dag gis kyang 'dod chags dang / zhe sdang dang / nga rgyal spyod pa dag theg</font><hr>45.235b<br><font size=+1>

pa gsum po dag gis 'dul bar bgyid lags mod kyi/ 'on kyang de dag gis nyon mongs pa'i sgrib pa shas che ba dang / rtsod pa'i dus kyi snyigs ma dag yongs su spangs pas/ btsun pa bcom ldan 'das de dag gis kyang mtshams ma mchis pa bgyid pa rnams dang / dam pa'i chos spong ba rnams dang / 'phags pa la skur pa 'debs pa rnams dang / log par lta ba rnams dang / 'phags pa'i nor bdun dang bral ba rnams dang / phar mi 'dzin pa rnams dang / mar mi 'dzin pa rnams dang / dge sbyong du mi 'dzin pa rnams dang / bram zer mi 'dzin pa rnams dang / bgyi ba ma lags pa bgyid pa rnams dang / bsod nams ma lags pa bgyid pa rnams dang / 'jig rten pha rol la 'jigs par mi lta ba rnams dang / legs par spyod pa gsum po dag don du mi gnyer ba rnams dang / de bzhin du lha dang / mi rnams kyi dpal dang / 'byor pa dag la brtson pa rnams nyes par spyod pa gsum po dag la yang dag par zhugs pa rnams dang / dge ba bcu'i las kyi lam dang bral ba rnams dang / dge ba'i bshes gnyen thams cad kyis spangs pa rnams dang / mkhas pa thams cad kyis bor ba rnams dang / srid pa'i btson rar chud pa rnams dang / brgyun phyogs su 'das pa rnams dang / 'gyur byed kyi chu klung du nub pa rnams dang / 'khor ba'i 'dam du bying ba rnams dang / gti mug gi mun pa dang ma bral ba rnams dang / mi dge ba'i bgyi ba thams cad ma btang ba rnams dang / sangs rgyas kyi zhing stong pa thams cad du bor ba rnams dang / mi dge ba'i rtsa ba thams cad dang 'grogs par gyur pa rnams dang / lam ngan pas bcom par gyur pa rnams dang / nyam nga ba chen po thob par gyur pa rnams spangs lags te/ de'i tshe na bskal pa bzang po la sangs rgyas kyi zhing mi mjed na mi'i tshe lo bcu thub par 'gyur ba thams cad skyes bu dam pa mkhas pa 'di dag gis spangs shing bor bas de'i tshe srid pa'i dba' klong dang / 'khor ba'i 'khrul 'khor na skyob pa ma</font><hr>45.236a<br><font size=+1>

mchis pa dang / skyabs ma mchis pa dang / dpung gnyen ma mchis pa dang / sdug bsngal gyi snod du gyur pa'i sems can de dag spangs nas rang rang gi sangs rgyas kyi zhing bzang dgu yongs su bzung zhing shin tu dul ba dang / bsam pa yongs su dag pa dang / dge ba'i rtsa ba bskrun pa dang / brtson 'grus brtsams pa dang / sangs rgyas mang po la lhag par bgyi ba bgyis pa'i 'dul ba rnams yongs su bzung ba de lta bu ma lags sam/ de bzhin gshegs pa rin po che'i snying pos bka' stsal pa/ bram ze de bzhin te/ sems can bsam pa ji lta ba bzhin du smon lam 'debs par byed cing sangs rgyas kyi zhing gi yon tan bkod pa yang yongs su bzung ba rnams ngas kyang de nyid du lung bstan to/ /bram zes gsol pa/ btsun pa bcom ldan 'das bdag ni dper na shing kang bu sha'i 'dab ma bzhin du snying 'dar zhing bdag gi yid ni shin tu skyo la bdag gi lus thams cad ni sha thang bar gyur cing mchis na/ btsun pa bcom ldan 'das gal te de'i tshe byang chub sems dpa' rnams kyis spangs shing rtsod pa chen po'i dus kyi mun par 'phangs te/ thams cad kyis yongs su spangs pa'i sems can rnams bdag gi snying rje'i gnas su 'gyur ba lta na/ btsun pa bcom ldan 'das bdag kyang ma 'ongs pa'i dus bskal pa grangs ma mchis pa gang gA'i klung gcig gi bye ma snyed 'das nas bskal pa grangs ma mchis pa gang gA'i klung gi bye ma snyed gnyis pa la bab pa na bskal pa bzang po de la skye dgu'i tshe lo stong thub pa na sdod cing bdag yun ring po de srid du byang chub kyi spyad pa spyod pa na 'khor bas yongs su mi skyo bar gyur cig /bdag gis ting nge 'dzin gyi stobs kyis yun ring pos smin par bgyi 'tshal ba'i 'dul ba rnams yongs su 'dzin pa la spro bar bgyi zhing pha rol tu phyin pa drug la spyod pa na 'dul ba rnams yongs su gzung bar bgyi ste/ bdag gis bcom ldan 'das las dngos po'i mtshan ma yongs su gtang ba de ni sbyin pa'i pha rol tu phyin pa lags so/ /</font><hr>45.236b<br><font size=+1>

zhes thos pas bdag gis de lta bu'i sbyin pa'i pha rol tu phyin pa spyad par bgyi ste/ ji ltar tshe rabs gzhan dag na slongs mo pa'i sems can dpag tu ma mchis pa dag mchis par 'gyur na yang de dag la yongs su gtong ba 'di lta bu dag yongs su gtong bar gyur cig /'di lta ste/ zas dang / skom dang / bza' ba dang / bca' ba dang / btung ba dang / bldag pa dang / gos dang / mal cha dang / stan dang / gnas dang / me tog phreng dang / spos dang / byug pa dang / na ba'i gsos sman gyi sbyin pa dang / gdugs dang / rgyal mtshan dang / ba dan dang / nor dang / 'bru dang / glang po che dang / rta dang / shing dang / gser dang / dngul dang / 'gron bu dang / nor bu dang / mu tig dang / bai dUr+ya dang / man shel dang / bye ru dang / rdul chen dang / sa le sbram gyi sbyin pa thams cad yang dang yang du yongs su gtong ba na bdag kyang 'di ltar mchog tu dga' zhing snying rje'i yid kyis 'bras bu mi 'tshal bar sems can rnams la stsal nas sems can yongs su smin par bgyi ba'i don dang / 'dul ba'i sems can rnams la phan gdags pa'i slad du btang ba'i tshogs rnams yongs su gtong bar gyur cig /gal te yang gtang bar dka' ba slong ba'i sems can dag mchis nas 'di lta ste/ bran dang / bran mo dang / grong dang / grong khyer dang / rgyal srid dang / mchis brang dang / bu dang / bu mo dang / lag pa yongs su btang ba dang / rkang pa yongs su btang ba dang / rna ba dang / sna dang / mig dang / lce dang / lpags pa dang / khrag dang / rus pa dang / lus dang / srog dang / mgo yongs su btang ba de lta bu'i yongs su gtong ba dag slong bar bgyid na yang mchog tu dga' zhing snying rje'i yid kyis 'bras bu mi 'tshal bar 'dul ba rnams la phan gdags pa'i slad du sems can rnams la sbyin pa sbyin par gyur cig /bdag gis 'di lta bu'i sbyin pa'i pha rol tu phyin pa la yang spyad par bgyi ste/ gang sngon chad nam yang sems can gang gis kyang de lta bu'i yongs su</font><hr>45.237a<br><font size=+1>

gtong ba yongs su btang bar ma gyur pa dang / slan chad kyang byang chub sems dpa' bla na med pa yang dag par rdzogs pa'i byang chub kyi slad du spyad pa spyod pa gang yang de lta bu'i yongs su gtong ba yongs su gtong bar mi 'gyur ba de lta bu yongs su gtong ba dag yongs su gtong bar gyur cig /gang dag tshe rabs gzhan na bskal pa bye ba khrag khrig 'bum phrag grangs ma mchis pa de dang de dag tu bla na med pa yang dag par rdzogs pa'i byang chub kyi slad du spyad pa spyod pa na yang sbyin pa'i pha rol tu phyin pa la spyod par gyur cig /bdag gis slad ma'i byang chub sems dpa' snying rje chen po dang ldan pa gang lags pa rnams kyang yongs su gtong ba'i tshul gyi yon tan la 'god par gyur cig /nyon mongs pa'i g.yul rab tu zhi ba gang lags pa de ni/ tshul khrims kyi pha rol tu phyin pa lags te/ de ltar bdag bla na med pa yang dag par rdzogs pa'i byang chub kyi slad du spyad pa spyod pa na rtag par tshul khrims dang brtul zhugs sna tshogs kyi dka' ba spyad pa spyod par gyur cig /ji ltar sngar smos pa bzhin du yul rnams la mi bzod pa ma mchis pa dang / bdag la so sor rtog pa'i bar gang lags pa de ni bzod pa'i pha rol tu phyin pa lags te/ bdag de lta bu'i bzod pa sgom par gyur cig /ji ltar sngar smos pa bzhin du 'dus byas thams cad dben pa nyid dang / 'dus ma byas thams cad zhi bar sgom pa la brtson zhing bla na med pa'i spyod pa las slar mi ldog pa gang lags pa de ni brtson 'grus kyi pha rol tu phyin pa lags so/ /'du byed thams cad la phyin ci log spang ba'i slad du stong pa nyid la spyod pa gang lags pa de ni bsam gtan gyi pha rol tu phyin pa lags so/ /rang bzhin gyis mi skye ba'i chos la bzod pa gang lags pa de ni shes rab kyi pha rol tu phyin pa lags te/ gang dag bskal pa bye ba khrag khrig dpag tu ma mchis grangs ma mchis pa dag tu spro ba brtan po'i stobs kyi shugs</font><hr>45.237b<br><font size=+1>

kyis spyod pa la/ ji ltar sngan chad byang chub sems dpa' bla na med pa yang dag par rdzogs pa'i byang chub kyi slad du spyad pa spyod pa 'gas kyang de ltar spro ba brtan po'i stobs kyi shugs kyis shes rab kyi pha rol tu phyin pa la ma spyad cing / slad kyis byang chub sems dpa' gang dag bla na med pa yang dag par rdzogs pa'i byang chub kyi slad du spyad pa spyod par 'gyur ba dag kyang de ltar spro ba brtan po'i stobs kyi shugs kyis/ shes rab kyi pha rol tu phyin pa la spyod par mi 'gyur ba de lta bu la bdag spyod par gyur cig /slad ma'i byang chub sems dpa' snying rje chen po dang ldan pa gang lags pa rnams kyang tshul gyi yon tan la 'god par gyur cig /bdag gis sems dang po bskyed pas kyang slad ma'i byang chub sems dpa' rnams kyi snying rje chen po 'grub par gyur cig /bla na med pa yongs su mya ngan las 'das pa'i bar du byang chub sems dpa' rnams ngo mtshar du 'dzin par bgyi ba'i slad du bdag sbyin pa la rlom sems ma mchis par spyod par gyur cig /tshul khrims la gnas pa ma mchis pa dang / bzod pa la rlom sems ma mchis pa dang / brtson 'grus la blang ba ma mchis pa dang / bsam gtan rnams la gnas pa ma mchis pa dang / shes rab la gnyis su ma mchis par spyod par gyur cig /sems can 'phags pa'i nor bdun dang bral ba rnams dang / sangs rgyas kyi zhing stong pa thams cad du bor ba rnams dang / dam pa'i chos spong ba rnams dang / 'phags pa la skur ba 'debs pa rnams dang / log par lta ba rnams dang / mi dge ba'i rtsa ba dang 'grogs shing nyam nga ba thob pa rnams dang / lam ngan pas bcom par gyur pa'i sems can rnams kyi don du bdag 'bras bu mi 'tshal bar spro ba brtan po'i stobs kyi shugs kyis pha rol tu phyin pa rnams la spyod par gyur cig /bdag gis sems can re re'i don du yang sems kyi rgyud la dge ba'i rtsa ba'i sa bon bzhag pa'i slad du bskal pa chen po bcur yang sems can dmyal ba mnar med pa'i sdug</font><hr>45.238a<br><font size=+1>

bsngal gyi tshor ba la spro bar gyur cig /de bzhin du dud 'gro rnams dang / yi dgas rnams dang / gnod sbyin dbul po rnams dang / mi dbul po rnams kyi sdug bsngal gyi tshor ba la yang spro bar gyur cig /ji ltar sems can gcig gi sems kyi rgyud la dge ba'i rtsa ba'i sa bon 'jog pa ltar sems can thams cad la yang de bzhin du gyur cig /chad pa stong ba lta bu dang / sems kyi rgyud tshig pa'i 'dul ba de lta bu dag yongs su 'dzin par gyur cig /bdag gis srid pa tha ma pa byang chub mngon par rdzogs par 'tshang rgya bar bgyi ba'i slad du skye ba gcig gis thogs shing dga' ldan gyi gnas na dus la sdod cing mchis pa ma gtogs par bskal pa'i mtha'i bar du yang lha'i bde ba skye ba dag don du mi gnyer bar bdag gis yun ring po de srid du 'khor bar sangs rgyas bcom ldan 'das sangs rgyas kyi zhing gi rdul phra rab kyi rdul snyed dag la bsnyen bkur bgyis nas bdag sangs rgyas re re la yang sangs rgyas kyi zhing gi rdul phra rab kyi rdul snyed kyi mchod pa rnam pa sna tshogs dag bgyid par gyur cig /sangs rgyas re re las kyang sangs rgyas kyi zhing gi rdul phra rab kyi rdul snyed kyi yon tan dag rtogs par gyur cig /sangs rgyas kyi zhing gi rdul phra rab kyi rdul snyed kyi sems can rnams kyang byang chub yang dag par 'dzin du rtsod par gyur cig /de bzhin du bdag gis rang sangs rgyas kyi theg pa dang / de bzhin du nyan thos kyi theg pa pa'i sems can rnams kyang bsam pa ji lta ba bzhin du yang dag par 'dzin du stsol bar gyur cig /'jig rten na sangs rgyas 'byung ba ma mchis na yang bdag gi drang srong gi brtul zhugs kyis sems can rnams dge ba bcu'i las kyi lam la sbyor bar gyur cig /ting nge 'dzin rnams dang / mngon par shes pa dag la yang sbyor bar gyur cig /bdag gis sems can lta ba la chags shing dbang phyug chen po la dad pa rnams dbang phyug chen po'i gzugs kyis dge ba rnams la sbyor bar gyur cig /bdag gis sems can sred med kyi bu dang / zla ba dang / </font><hr>45.238b<br><font size=+1>

nyi ma dang / tshangs pa'i bar dag la dad pa rnams kyang tshangs pa'i gzugs kyis dge ba'i chos rnams la sbyor bar gyur cig /de bzhin du nam mkha' lding rnams la yang nam mkha' lding gi gzugs dang / brgya byin gyi bar la yang brgya byin gyi gzugs kyis dge ba'i spyod pa dag la yang sbyor bar gyur cig /sems can ltogs pa rnams la yang rang gi sha dang / khrag gis tshim par bgyid par gyur cig /sems can sdug bsngal bar gyur pa rnams la yang rang gi lus dang srog gis yongs su skyob par gyur cig /btsun pa bcom ldan 'das bdag yun ring po de srid du sems kyi rgyud tshig cing dge ba'i rtsa ba yongs su nyams pa rnams kyi don du stobs po che'i shugs kyis spyad pa spyod pa na bdag gis yun ring po de srid du 'khor bar sems can rnams kyi slad du gtum pa dang / brlang ba dang / mi bzad pa sna tshogs kyi sdug bsngal dag nod par gyur cig /bskal pa grangs ma mchis pa gang gA'i klung gcig gi bye ma snyed kyi bar dag 'das nas lhag ma bskal pa grangs ma mchis pa gang gA'i klung gi bye ma snyed gnyis pa la bab ste/ bskal pa bzang po la thug pa na/ gang gi tshe bram ze'i khye'u skar ma skyong bla na med pa yang dag par rdzogs pa'i byang chub mngon par rdzogs par sangs rgyas nas de bzhin gshegs pa 'khor ba 'jig ces bgyi bar 'gyur ba de'i tshe de'i dus na bdag gis 'phags pa'i shes rab kyi mig gis phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag na/ sangs rgyas bcom ldan 'das dag chos dang ldan pa'i chos kyi 'khor lo bskor nas bzhugs te 'tsho zhing gzhes pa dag mthong bar gyur cig /bdag gis sems can sems kyi rgyud tshig pa rnams dang / mi dge ba'i rtsa ba dang 'grogs pa rnams dang / nor bdun dang bral ba rnams dang / sangs rgyas kyi zhing stong par bor ba rnams dang / mtshams ma mchis pa bgyid pa rnams dang / dam pa'i chos spongs pa rnams dang / </font><hr>45.239a<br><font size=+1>

lam ngan pa'i bar gyis bcom pa rnams dang / nyam nga ba thob pa gang dag dang por bla na med pa yang dag par rdzogs pa'i byang chub yang dag par 'dzin du stsal cing btsud de rab tu bkod pa'i sems can de dag bdag gis dang por sbyin pa'i pha rol tu phyin pa yang dag par 'dzin du stsol ba dang / shes rab kyi pha rol tu phyin pa'i bar dag kyang yang dag par 'dzin tu stsol la 'dul zhing 'dzud de rab tu 'god par gyur cig /bdag gis sems can de dag gi dge ba'i rtsa ba'i sa bon de yang bla na med pa'i mya ngan las 'das pa la 'jogs cing ngan song rnams las yongs su thar bar bgyid par gyur cig /shes rab dang bsod nams kyi tshogs la sbyor bar yang gyur cig /sangs rgyas bcom ldan 'das dag bzhugs te 'tsho zhing gzhes pa'i sangs rgyas kyi zhing de dag tu 'bul bar yang gyur cig /de'i tshe na bla na med pa yang dag par rdzogs pa'i byang chub tu lung bstan pa yang thob par gyur cig /ting nge 'dzin dang / gzungs dang / bzod pa dag kyang thob par gyur cig /sa non par yang gyur cig /bdag gis sems can de dag sangs rgyas kyi zhing gi yon tan bkod pa'i smon lam yang dag par 'dzin du stsol cing slob du stsol bar yang gyur cig /de dag kyang ji ltar mtsham pa'i sangs rgyas kyi zhing gi yon tan bkod pa dag kyang 'dzin par gyur cig /gang gi tshe bskal pa bzang po la bab ste/ rgyal ba nyi ma 'khor ba 'jig shar ba de'i tshe bdag gis phyogs bcu'i sangs rgyas kyi zhing rdul phra rab kyi rdul snyed dag na/ sangs rgyas bcom ldan 'das gang dag bzhugs te 'tsho zhing gzhes la sems can rnams la chos kyang ston pa dag kyang mthong bar gyur cig /de'i tshe na bdag de bzhin gshegs pa dgra bcom pa yang dag par rdzogs pa'i sangs rgyas 'khor ba 'jig mngon par rdzogs par sangs rgyas nas ring por ma lags pa'i drung du mchis par gyur cig /</font><hr>45.239b<br><font size=+1>

mchis nas kyang mchod pa sna tshogs bgyid par gyur cig /zhu ba yongs su zhu bar yang gyur cig /rab tu 'byung bar yang gyur cig /tshul khrims dang / thos pa dang / ting nge 'dzin dag la mngon par brtson par yang gyur cig /chos kyi mchog ston par yang gyur cig /de'i tshe na sems can gang dag sems kyi rgyud tshig pa rnams dang / mi dge ba'i rtsa ba dang 'grogs par gyur pa rnams dang / lta ba'i lam du zhugs pa rnams dang / mtshams ma mchis pa bgyid pa rnams dang / lam ngan pas bcom par gyur pa rnams dang / nyam nga ba chen po thob par gyur pa'i sems can de dag la yang chos ston par gyur cig /bdag 'dul ba de dag kyang rab tu 'dzin par gyur cig /rgyal ba'i nyi ma nub pa de'i tshe na bdag lhun gyis grub pas sangs rgyas kyi mdzad pa bgyid par 'gyur zhing / skye dgu rnams tshe lo brgya par gyur gyi bar du sems can rnams bsod nams bgyi ba'i dngos po gsum po dag la sbyor bar gyur cig /dus de la bab pa na lha'i 'jig rten du mchis nas lha rnams la chos ston par 'gyur zhing 'dul ba rnams kyang rab tu 'dzin par gyur cig /sems can rnams kyi tshe lo brgya nyi shu pa'i bar du gyur pa na bde ba dang / dbang phyug dang / rigs dang gzugs kyi dregs pas myos shing ser sna can du gyur te/ snyigs ma lnga'i mun par chud pa'i sems can 'dod chags bdo ba/ zhe sdang bdo ba/ gti mug bdo ba/ nga rgyal bdo ba/ sdig pa dang / phrag dog dang / ser sna bdo ba/ chos ma lags pa la 'dod chags kyis chags pa/ chos ma lags pa'i longs spyod tshol ba/ log par lta ba/ phyin ci log tu mthong ba/ 'phags pa'i nor bdun dang bral ba/ phar mi 'dzin pa/ mar mi 'dzin pa/ dge sbyong du mi 'dzin pa/ bram zer mi 'dzin pa/ bgyi ba ma lags pa bgyid pa/ </font><hr>45.240a<br><font size=+1>

bsod nams ma lags pa bgyid pa/ 'jig rten pha rol la 'jigs par mi blta ba/ bsod nams bgyi ba'i dngos po gsum po dag la mi brtson pa/ theg pa gsum don du mi gnyer ba/ legs par spyod pa gsum la mi brtson pa/ nyes par spyod pa gsum la brtson pa/ dge ba bcu'i las kyi lam la mi brtson pa/ mi dge ba bcu'i las kyi lam la brtson pa/ phyin ci log bzhis nyams pa/ rgud pa bzhi la gnas pa/ bdud bzhi'i dbang du mchis pa/ chu bo bzhis ded pa/ sgrib pa lnga'i dbang du mchis pa'i sems can dag 'byung bar 'gyur lags so/ /dbang po drug gi dregs pas myos pa/ log pa brgyad la zhugs pa/ 'dod pa'i nyam nga ba thob pa/ bag la nyal kun nas slong ba/ lha dang mi'i dpal dang / 'byor pa don du mi gnyer ba phyin ci log gi lta ba can/ lam ngan pas bcom pa/ mtshams ma mchis pa bgyid pa/ dam pa'i chos spong ba/ 'phags pa la skur pa 'debs pa/ dge ba'i rtsa ba thams cad las yongs su nyams pa/ khwa ltar mu cor smra ba/ byas pa mi bzo ba/ dran pa nyams pa/ dge ba la smod pa/ shes rab 'chal ba/ thos pa nyung ba/ tshul khrims 'chal pa/ tshul 'chos pa/ ser sna can/ phan tshun mi snyan pa brjod pa/ gcig la gcig mi gus pa/ le lo can/ dbang po ma tshang ba/ nyam chung ba/ gos ma mchis pa/ mi dge ba'i bshes gnyen gyis zin pa/ bsam pa dang dran pa'i snying po nyams pa/ nad sna tshogs kyis nyen pa/ nyon mongs par gyur pa/ mdog ngan pa mi sdug pa/ ngo tsha ma mchis pa/ khrel ma mchis pa/ gcig gis gcig 'jigs pa/ gang dag snga dro gcig la lus dang ngag dang yid kyis nyes par spyod pa mang du spyod pa de dag la bstod cing ther zug tu blta ba'i sems can dag kyang 'byung bar 'gyur</font><hr>45.240b<br><font size=+1>

lags so/ /phung po lnga la mngon par zhen pa'i sems dang / 'dod pa'i yon tan lnga la 'chums pa'i sems dang / sdang ba'i sems dang / gnod sems kyi sems dang / khon du 'dzin pa'i sems dang / rnam par 'tshe ba'i sems dang / rnyog pa'i sems dang / rtsub pa'i sems dang / 'khrugs pa'i sems dang / ma dul ba'i sems dang / gnod pa'i sems dang / rgod pa'i sems dang / chos ma lags pa la mngon par zhen pa'i sems dang / khyad par la mi gnas pa'i sems dang / phan tshun nongs pa rtsom pa'i sems dang / 'jungs pa'i sems dang / gcig la gcig gsod pa'i sems dang / chos yongs su spangs pa'i sems dang / mi brtson pa'i sems dang / chos rnams la nongs par brtson pa'i sems dang / mi dge ba skyed pa'i sems dang / mya ngan las 'das pa zhi ba mi mtshol ba'i sems dang / sbyin gnas ma lags pa'i sems dang / kun tu sbyor ba dang / 'ching ba thams cad yang dag par sgrub pa'i sems dang / nad dang / rga ba dang / 'chi ba la yid rton pa'i sems dang / kun tu sbyor ba thams cad kyis gnas pa'i sems dang / sgrib pa thams cad yongs su 'dzin pa'i sems dang / chos kyi rgyal mtshan sgyel bar bgyi ba'i sems dang / lta ba'i rgyal mtshan bsgreng bar bgyi ba'i sems dang / phan tshun mi snyan pa rjod pa'i sems dang / gcig gis gcig bza' ba'i sems dang / phan tshun 'tshe ba la dbang bgyid pa'i sems dang / zhe sdang yang dag par 'dzin pa'i sems dang / gcig la gcig kun nas mnar sems kyi sems dang / 'dod pa dag gis ngoms mi myong ba'i sems dang / thams cad yongs su 'dzin cing 'jungs pa'i sems dang / byas pa mi bzo ba'i sems dang / gzhan gyi chung ma brnab pa'i sems dang / gnod sems kyis 'tshe ba'i</font><hr>45.241a<br><font size=+1>

sems dang / smon lam ma mchis pa'i sems dang ldan pa'i sems can dag kyang de'i tshe na 'byung bar 'gyur lags so/ /der sgra 'di lta bu dag phan tshun thos par yang bgyid de sems can dmyal ba'i sgra dang / dud 'gro'i skye gnas pa'i sgra dang / gshin rje'i 'jig rten gyi sgra dang / nad kyi sgra dang / rga ba'i sgra dang / 'chi ba'i sgra dang / gsod pa'i sgra dang / mi khom pa'i sgra dang / rtag tu dgra bgyid pa'i sgra dang / khu sgo dang / khong sgril dang / 'ching ba dang / btson ra'i sgra dang / chad pa'i sgra dang / gnod pa'i sgra dang / mi snyan pa dang / gshe ba dang / spyo ba'i sgra dang / khyim 'bugs pa'i sgra dang / tshogs 'byed pa'i sgra dang / chom rkun gyi sgra dang / pha rol gyi dmag tshogs kyi sgra dang / mu ge'i sgra dang / 'dod pa la log par g.yem pa'i sgra dang / brdzun du smra ba'i sgra dang / ltas ngan gyi sgra dang / phra ma'i sgra dang / tshig rtsub po'i sgra dang / tshig kyal pa'i sgra dang / phrag dog dang ser sna'i sgra dang / kun tu 'dzin pa dang yongs su 'dzin pa'i sgra dang / ngar 'dzin pa dang bdag gir 'dzin pa'i sgra dang / sdug pa dang / mi sdug pa'i sgra dang / 'dod pa dang mi 'dod pa'i sgra dang / sdug pa dang bral ba'i sgra dang / nyo tshong gi sgra dang / gcig gis gcig 'khol zhing 'tshe ba'i sgra dang / mngal na gnas pa'i sgra dang / dri nga ba'i sgra dang grangs ba'i sgra dang / tsha ba'i sgra dang / bkres pa dang skom pa'i sgra dang / ngal ba dang chad pa tshol ba'i sgra dang / zhing las kyi sgra dang / bzo'i las sna tshogs kyis yongs su skyo ba'i sgra dang / nad sna tshogs kyis nyen pa'i sgra dag ste/ sems can de dag gcig la gcig sgra de lta bu dag thos par yang bgyid lags so/ /de'i tshe na 'jig rten gyi khams mi mjed ni sems can dge ba'i rtsa ba yongs su nyams pa/ dge ba'i bshes gnyen yongs su nyams pa/ sdang ba'i sems dang ldan pa de lta bu dag gis kun tu bltam par 'gyur te/ sems can de dag ni</font><hr>45.241b<br><font size=+1>

thams cad mkhyen pa dag gis stong pa'i sangs rgyas kyi zhing rnams su bor bar 'gyur te/ ji ltar bza' ba dang / btung ba dang / dul ba dang / yang dag par sdom pa dang / dge ba'i las kyi bya ba dang / 'phags pa'i lam yan lag brgyad pa dang bral zhing mi dge ba dang 'grogs la/ mun khrod nas mun khrod du mchi ba'i sems can de dag ni de'i tshe na las kyi rkyen rab tu dam pos bskal pa bzang po la lo brgya nyi shu pa rnams su skye bar 'gyur lags so/ /sems can de dag gi las kyi rkyen kyis sangs rgyas kyi zhing mi mjed kyang dge ba'i rtsa ba bskyed pa'i sems can thams cad kyis yongs su spangs shing dman par 'gyur te/ sa gzhi ba tsha can du 'gyur/ sa gzhi gor ma dang / gseg ma dang / rtul dang / ri rad rod can du 'gyur/ sha sbrang dang / sbrang bu mchu rings dang / sbrul dang / gcan zan khro bo dang / bya gdug pa dag gis kun tu gtam par 'gyur/ dus ma lags pa rdul gyis 'khrigs pa'i bser ma ldang bar 'gyur/ dus ma lags par ro ma mchis pa dang / lan tshwa dang 'dres pa dang / mi bsil ba'i char pa 'bab par 'gyur zhing / de ltar sa la lo thog dang / sman dang / rtswa dang / shing ljon pa dang / lo ma dang / me tog dang / 'bras bu dang / 'bru dang / nor rnams dang / sems can rnams kyi bza' ba dang / btung ba dang / longs spyod dang / nye bar spyod pa rnams kyang ngan pa dang / rnyog pa can dang / rud rud po dang / rtsub pa dang / dug dang 'dres par 'gyur te/ sems can de dag gis 'tshal nas kyang slar zhing rgya cher rtsub pa dang / gdugs pa dang / khro ba dang / gtum pa dang / brlang ba dang / 'jungs pa dang / gshe ba dang / gcig la gcig mi gus pa dang / 'jigs pa'i sems kyis kun nas mnar sems kyi sems dang / gsod pa'i sems dang ldan par 'gyur zhing sha 'tshal ba dang / khrag 'tshal ba dang / rig dgas kyi lpags pa 'tshal ba dang / mtshon cha thogs pa dang / srogs</font><hr>45.242a<br><font size=+1>

chags 'gums pa la brtson pa dang / byad gzugs dang / rigs dang / rgyud dang / dbang phyug dang / bstan bcos dang / yi ge dang / rta rtsal dang / mda' gzhu dang / mtshon cha thogs pa dang / 'khor dang / srer sna dang / dregs ngas par 'gyur te/ 'jig rten gyi dka' thub dang / brtul zhugs ngan pa rnam pa sna tshogs la mngon par brtson par gyur pa de'i tshe na/ bdag 'dul ba'i sems can rnams kyi dge ba'i rtsa ba yongs su smin par bgyi ba'i slad du/ dga' ldan gyi gnas nas babs te 'khor los sgyur ba'i rigs rgyud khyad par du 'phags pa'i dbang phyug rgyal po'i rigs su btsun mo dam pa'i khong du mngal na gnas pa nye bar 'dzin par gyur cig /de'i tshe bdag gis thams cad dang ldan pa'i sangs rgyas kyi zhing mi mjed snang ba rgya chen pos khyab par bgyid par 'gyur zhing / steng du ni 'og min gyi gnas kyi bar gyi mthar thug pa'i bar dang / 'og tu ni gser gyi 'khor lo'i mthar thug pa'i bar dag kyang snang ba rgya chen pos khyab par bgyid par gyur cig /de'i tshe na sangs rgyas kyi zhing mi mjed na sems can gang dag sems can dmyal ba rnams dang / dud 'gro'i skye gnas dang / gshin rje'i 'jig rten dang / lha dang mi rnams su skyes par gyur pa de dag thams cad kyis kyang snang ba de mthong zhing reg pa dang / kun tu 'tshal bar gyur cig /'khor ba la rtog cing sdug bsngal gyis yid byung ba de dag kyang mya ngan las 'das par 'tshal zhing tha na nyon mongs pa zhi bar bgyi ba de'i sems skyed par yang gyur cig /dang por lam mchog gi sa bon 'di yang skyed par gyur cig /gang gi tshe bdag chos thams cad kyi tshul la mkhas pa'i ting nge 'dzin thams cad ston pa'i chos kyi sgo gcig gis bskal pa phyi ma'i mthar ston cing sems mnyam par bzhag nas zla ba bcur ma'i mngal na gnas par gyur cig /bdag gis sangs rgyas nyid thob nas yongs su skyo ba'i sems can gang dag 'khor</font><hr>45.242b<br><font size=+1>

ba las yongs su thar bar bgyid par 'gyur ba'i sems de dag gis bdag zla ba bcur ma'i mngal na nor bu'i snying po yang dag par ston pa la sems mnyam par bzhag nas skyil mo dkrung gis mchis pa mthong bar gyur cig /zla ba bcu po 'das nas bdag gis bsod nams thams cad yang dag par bstsags pa'i ting nge 'dzin gyis thams cad dang ldan pa'i sangs rgyas kyi zhing mi mjed kyi sa rnam pa drug tu g.yo bar bgyid par 'gyur zhing / steng du ni 'og min gyi gnas kyi mthar thug pa'i bar dang / 'og tu ni gser gyi 'khor lo'i mthar thug pa'i bar dag kyang rnam pa drug tu g.yo bar bgyid par gyur cig /de'i tshe na sangs rgyas kyi zhing mi mjed du sems can gang dag sems can dmyal ba rnams dang mi rnams su skyes par gyur pa de dag kyang rab tu sad par bgyid par gyur cig / // bam po bcu pa/ bdag ma'i mchan khung g.yas pa nas mngon par 'byung ba'i tshe yang thams cad dang ldan pa'i sangs rgyas kyi zhing mi mjed snang ba rgya chen pos khyab par gyur cig /de'i tshe de'i dus na sangs rgyas kyi zhing mi mjed thams cad kyi sems can rnams la yang yang dag par skul bar gyur cig /dge ba'i rtsa ba ma bskrun pa'i sems can rnams kyi rgyud la mya ngan las 'das pa'i sa bon 'debs par gyur cig /mya ngan las 'das pa'i sa bon bskyed pa'i sems can rnams kyi rgyud la ting nge 'dzin gyi myu gu skyed par gyur cig /gang gi tshe bdag gi rkang pa'i mthil gyis sa la reg par 'gyur ba de'i tshe na thams cad dang ldan pa'i sangs rgyas kyi zhing mi mjed kyi sa gzhi gser gyi 'khor lo'i mthar thug pa'i bar dag rnam pa drug tu g.yos pa dang / rab tu 'gul ba dang / 'khrug par gyur cig /de'i tshe na bdag gis gang dag skye gnas bzhir gtogs shing 'gro ba lnga la rten pa'i sems can chu la rten pa rnams dang / sa la rten pa rnams dang / nam mkha' la rten pa de dag thams cad rab tu sad par bgyid par gyur cig /</font><hr>45.243a<br><font size=+1>

sems can gang dag gi rgyud la ting nge 'dzin gyi myu gu ma skyes pa rnams kyang skyed par gyur cig /ting nge 'dzin gyi myu gu brtan par gyur pa rnams ni theg pa gsum po dag gis phyir mi ldog pa la 'god par gyur cig /bdag btsas ma thag tu de'i mod la sangs rgyas kyi zhing mi mjed de'i tshangs pa chen po rnams dang / bdud rnams dang / brgya byin rnams dang / zla ba rnams dang / nyi ma rnams dang / 'jig rten skyong ba rnams dang / klu'i rgyal po chen po rnams dang / lha ma yin gyi dbang po rnams dang / rdzus te skyes pa rnams dang / gnod sbyin dang / srin po dang / klu dang / lha ma yin rdzu 'phrul chen po thams cad kyang bdag la mchod pa bgyi ba'i slad du nye bar mchis par gyur cig /bdag btsas ma thag tu gom pa bdun 'dor bar gyur cig /bdag gis bsod nams thams cad yang dag par bstsags pa'i ting nge 'dzin gyis thams cad dang ldan pa'i 'khor gang lags pa de theg pa gsum po dag gis rab tu dang ba thob par 'gyur ba de ltar chos ston par gyur cig /'khor de na nyan thos kyi theg pa pa'i sems can srid pa tha ma par gyur pa gang lags pa de dag bdag gis 'dul bar gyur cig /de na gang dag rang sangs rgyas kyi theg pa par gyur pa'i sems can de dag gis rnam par snang byed me tog gi bzod pa thob par gyur cig /de nas gang dag bla na med pa'i theg pa chen po par gyur pa'i sems can de dag thams cad kyis rdo rje'i ting nge 'dzin rgya mtsho 'khrugs kyi ting nge 'dzin thob par gyur cig /ting nge 'dzin des sa gsum po dag las yang dag par 'das par gyur cig /gang gi tshe bdag khrus bgyid par 'tshal ba na de na klu'i rgyal po chen po khyad par du 'phags pa gang dag mchis par gyur pa de dag bdag la khrus bgyid par gyur cig /sems can gang dag gis bdag 'khru bar mthong bar gyur pa de dag thams cad kyis theg pa gsum po dag gis ji skad mos pa'i yon tan</font><hr>45.243b<br><font size=+1>

de lta bu dag mngon par tegs par gyur cig /sems can gang dag gis bdag shing rta la 'tshal ba mthong bar gyur pa dang / rgya cher bgyid na sems can gang dag gis bdag gzhon nu rtse ba dag dang / bzo'i gnas pa dang / las kyi gnas dang / skad sna tshogs ston pa dag dang / bslab du rung ba dang / bud med rnams kyi gnas su 'dod pa'i yon tan lnga'i dga' ba dang / rtsed mos yid byung nas dgung phyed na mngon par byung ste/ rgyan dang lhab lhub spangs nas yang dang yang du gos dmar po dang / chos gos ngur smrig yongs su tshol ba dang / byang chub kyi shing drung du nye bar bgrod pa'i slad du mchi ba mthong bar gyur pa'i sems can de dag la yang bdag gis bsod nams thams cad yang dag par bstsags pa'i ting nge 'dzin gyis/ ci nas kyang theg pa gsum po dag gis sems can de dag 'dun pa drag cing brtson par gyur pa de ltar chos ston par gyur cig /de na gang dag rang sangs rgyas kyi theg pa par gyur pa'i sems can de dag thams cad kyis rnam par snang byed me tog gi ting nge 'dzin thob par gyur cig /gang dag gis theg pa chen po'i sa bon btab par gyur pa de dag thams cad kyis rdo rje'i ting nge 'dzin rgya mtsho 'khrugs kyi ting nge 'dzin thob par gyur cig /ting nge 'dzin des sa gsum po dag las yang dag par 'das par gyur cig /bdag nyid kyis stan bting ba bsdus te byang chub kyi shing drung du rdo rje'i gdan bshams pa la dkyil mo dkrung bcas nas lus drang por bsrang ste/ mchis nas bdag dbugs 'byung ba dang / dbubs rngub pa nye bar zhi ba de lta bu'i mkha' khyab kyi bsam gtan sgom par gyur cig /bdag gdugs la lan gcigs bsam gtan las ldang bar gyur cig /langs nas kyang zas su til gyi 'bras bu phyed gcig 'tshal bar gyur cig /phyed ni slongs mo pa la stsol bar gyur cig /gang dag sangs rgyas kyi zhing mi mjed du gtogs pa'i 'og min gyi gnas kyi mthar</font><hr>45.244a<br><font size=+1>

thug pa'i bar gyi lha ji snyed pa de dag thams cad kyang bdag la mchod pa bgyi ba'i slad du nye bar mchi bar 'gyur zhing / de dag thams cad kyang bdag dka' ba spyod pa'i dbang du 'gyur ba de srid du yun ring por bdag de lta bu'i dka' ba spyad pa spyod par gyur cig /btsun pa bcom ldan 'das de na gang dag gis nyan thos kyi theg par sa bon btab par gyur pa de dag gi rgyud la nyon mongs pa rab tu zhi bar bgyid par gyur cig /ji ltar sngar smos pa bzhin du rang sangs rgyas kyi theg pa pa gang lags pa dag kyang bdag gis 'dul ba'i srid pa tha mar gyur cig /de bzhin du klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po dang / yi dgas dang / sha za dang / grul bum rnams dang / mngon par shes pa lnga dang ldan pa'i drang srong rnams kyang bdag la mchod pa bgyi ba'i slad du mchi bar 'gyur zhing de dag thams cad bdag dka' ba spyod pa'i dbang du gyur cig /gang dag nyan thos kyi theg pa pa dag gi bar du ji ltar sngar smos pa bzhin du gyur cig /gling bzhi pa de na gzhan mu stegs can brtul zhugs dang dka' thub ngan pa'i dka' ba spyad pa spyod pa gang lags pa de dag la yang mi ma lags pa dag gis khyed cag dka' ba byed pa ma yin te/ ji ltar phyogs 'di na byang chub sems dpa' srid pa tha ma pa dka' ba spyad pa spyod pa dang / snying la yid la byed pa 'dogs shing lus kyi 'du byed shin tu sbyangs pa dang / ngag gi 'du byed shin tu sbyangs pa dang / de'i dbugs dbyung ba dang / dbugs rngub pa dag rab tu zhi ba dang / nyin gcig bzhin du lan re bsam gtan las langs nas/ zas su til gyi 'bras bu phyed za zhing de ltar bsam gtan sgom pa'i dka' ba spyad pa de ni mthu che ba yin/ de ni 'bras bu che ba yin te/ de ni rgya che ba yin te/ de ni ring por mi thogs par bla na med pa yang dag par rdzogs pa'i byang chub mngon par rdzogs par</font><hr>45.244b<br><font size=+1>

'tshang rgya bar 'gyur ro/ /gal te yid mi ches na deng la nyid kyis ltos shig ces bsgo bar gyur cig /de dag gis kyang dka' ba spyod pa de btang ste bdag dka' ba spyod pa mthong nas gang dag gis sems kyi rgyud la nyan thos kyi theg pa pa'i sa bon gyi myu gu gnas par 'gyur ba'i bar du ji ltar sngar smos pa bzhin du gyur cig /mi'i rgyal po rnams dang / bkrabs pa rnams dang / grong mi rnams dang / ljongs kyi mi rnams dang / khyim na gnas pa rnams dang / rab tu byung ba rnams dang / grong khyim dang bcas pa gang lags pa de dag kyang bdag dka' ba spyod pa'i drung du mchi bar 'gyur zhing nyan thos kyi theg pa pa'i bar du ji ltar sngar smos pa bzhin du gyur cig /bud med gang bdag blta ba'i slad du mchi bar 'gyur ba de yang de'i bud med kyi lus kyi tha ma thob par 'gyur zhing / gang dag nyan thos kyi theg pa pa'i bar du ji ltar sngar smos pa bzhin du gyur cig /ri dgas dang / bya gang dag gis bdag dka' ba spyod cing mchis pa mthong bar gyur pa de dag kyang de dag gi dud 'gro'i skye gnas kyi lus kyi tha ma thob par gyur cig /ri dgas dang bya gang dag nyan thos kyi theg par sa bon btab par gyur pa dag kyang bdag gis 'dul ba skye bu gcig gis thogs par 'gyur zhing / gang dag rang sangs rgyas kyi theg pa pa dag gi bar du ji ltar sngar smos pa bzhin du gyur cig /tshul de bzhin du dud 'gro'i skye gnas phra mo dag la yang brjod par bgyi'o/ /de bzhin du yi dgas rnams la yang brjod par bgyi'o/ /ji srid du sems can bye ba khrag khrig 'bum phrag mang po dag bdag dka' ba spyod pa'i dbang du 'gyur zhing ngo mtshar du 'dzin par 'gyur ba dpag tu ma mchis grangs ma mchis pa de dag gis sems kyi rgyud la thar pa'i sa bon skyad par 'gyur ba'i yun ring po de srid du bdag skyil mo krung gcig gis de lta bu'i dka' ba spyad pa spyod par gyur cig /ji ltar sngan chad sems can du bgrang ba gzhan mu stegs can dang / nyan thos kyi theg pa pa dang / </font><hr>45.245a<br><font size=+1>

rang sangs rgyas kyi theg pa pa dang / bla na med pa'i theg pa chen po pa sus kyang sngon de lta bu'i dka' ba ma spyad la/ slan chad kyang sems can du bgrang ba dang / gzhan mu stegs can su yang ji ltar bdag spyod par 'gyur ba de lta bu'i dga' ba spyad pa spyod par rngo mi thog pa de lta bu'i dka' ba spyod pa bdag spyod par gyur cig /bdag gis bla na med pa yang dag par rdzogs pa'i byang chub ma thob pa de'i tshe skyes bu'i rtsal bgyid cing bdud dpung gi tshogs dang bcas pa pham par bgyid par gyur cig /las kyi 'bras bu'i lhag ma dang bcas pa la gnas pa'i nyon mongs pa'i bdud las rgyal zhing bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /ci nas kyang bdag sems can gcig gi sems kyi rgyud la dgra bcom pa nyid 'jogs par 'gyur ba dang / de bzhin du gnyis pa dang / de bzhin du gsum pa dang / de bzhin du bzhi pa la yang chos ston par 'gyur zhing / sems kyi rgyud la yang dgra bcom pa nyid 'jog par gyur cig /sems can gcig gi don gyi slad du yang bdag cho 'phrul 'bum phrag du ma ston par 'gyur zhing de'i sems kyi rgyud la yang dag pa'i lta ba 'jog par gyur cig /chos kyi don dang / tshigs 'bru stong phrag mang po dag kyang brjod par gyur cig /ji ltar rngo thog pa'i 'bras bu la yang 'jog par gyur cig /sems can rnams kyi sems kyi rgyud kyi nyon mongs pa'i ri bo dag ye shes kyi rdo rjes 'joms par gyur cig /theg pa rnam gsum rnam par dgod pas chos ston par gyur cig /sems can gcig gi don du chos ston cing mi 'jigs pa'i go 'phang la rab du dgod pa'i slad du yang bdag dpag tshad brgya phrag mang po dag tu sug pas mchi bar gyur cig /bdag gi bstan pa la rab tu 'byung ba dag dgag pa ma mchis par 'gyur zhing nyam chung ba dang / dran pa nyams pa dang / sems rnam par 'khrul ba dang / mu cor smra ba dang / spyi rtol can gyi sems dang / </font><hr>45.245b<br><font size=+1>

shes rab 'chal pa'i sems dang / nyon mongs pa mang pos dkrugs pa'i sems dang ldan pa rnams dang / bud med kyang bdag gis bstan pa la rab tu 'byung ba phun sum tshogs par gyur cig /bdag la 'khor bzhi po dge slong dang / dge slong ma dang / dge bsnyen dang / dge bsnyen ma dag mchis par gyur cig /skye bo mang po dag gis bdag gi bstan pa rgyas par gyur cig /lha rnams kyis bden pa mthong ba dang / gnod sbyin rnams dang / klu rnams dang / lha ma yin rnams kyang 'phags pa'i gso sbyong yan lag brgyad dang ldan pa la gnas pa dang / dud 'gro'i skye gnas su skyes pa'i bar dag kyang tshangs par spyod pa la gnas par gyur cig /btsun pa bcom ldan 'das bdag byang chub thob pa na sems can gang dag rab tu sdang ba'i sems kyis bdag la tshon cha 'am/ zhugs sam/ mdung ngam/ lag cha rnam pa sna tshogs dag gis 'debs su mchi ba dang / tshig rtsub po dang / brlang po dag gis gshe zhing spyo bar 'gyur ba dang / phyogs dang phyogs mtshams dag tu yang mi snyan pa'i sgra sgrogs par 'gyur ba dang / dug dang 'dres pa'i bza' ba dang / btung ba dag stobs par 'gyur ba de lta bu'i las kyi 'bras bu yongs su ma bas pa la gnas nas bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /bdag byang chub thob pa na sems can dag sngon gyi 'khon gyis 'gum pa'i yo byad kyi sbyor bas bdag la tshig rtsub po dang / mtshon cha sna tshogs dang / dug dang 'dres pa'i btung ba dag stsol bar 'gyur zhing / khrag kyang 'byin par 'gyur ba'i sems can de dag la bdag gis tshul khrims dang / thos pa dang / ting nge 'dzin dang / snying rje chen po bsgoms pa'i tshangs pa'i sgra dbyangs kyi rnga sgra bsgrags pas de dag gi sems rab tu dang bar 'gyur ba de ltar chos ston par 'gyur zhing dge ba la sbyor bar yang gyur cig /de ltar sems can dag kyang las kyi sgrib pa</font><hr>45.246a<br><font size=+1>

'chags par 'gyur zhing slan chad kyang sdom pa len par gyur cig /sems can de dag gi mtho ris dang thar pa'i 'bras bu dang / 'dod chags dang bral ba dang / zag pa zad pa la sgrib pa'i chos su yang ma gyur cig /der bdag gi las kyi 'bras bu yang yongs su bas pa dang / mthar thug pa dang / byang bar gyur cig /btsun pa bcom ldan 'das bdag byang chub thob nas kyang gdugs gcig bzhin du bdag gi spu'i khung bu ji snyed pa de snyed kyi sangs rgyas kyi sku skyes bu chen po'i mtshan sum bcu rtsa gnyis dang / dpe byad bzang po brgyad cus legs par brgyan pa dag sprul zhing / sangs rgyas kyi sku de dag kyang bdag gis sangs rgyas kyi zhing stong pa dag tu 'gyed par gyur cig /stong pa ma lags pa dag tu yang 'gyed par gyur cig /sangs rgyas kyi zhing snyigs ma lnga dang ldan pa dag tu yang 'gyed par gyur cig /sangs rgyas kyi sku gcig gis kyang gdugs gcig la yang sangs rgyas kyi zhing de dag na sems can gang dag mtshams ma mchis pa bgyid pa rnams dang / dam pa'i chos spong ba rnams dang / 'phags pa la skur pa 'debs pa rnams dang / mi dge ba dang 'grogs pa'i bar dag dang / de na sems can gang dag nyan thos kyi theg pa la yang dag par zhugs pa rnams dang / rang sangs rgyas kyi theg pa la yang dag par zhugs pa rnams dang / theg pa chen po la yang dag par zhugs pa dag bslab pa dag la 'dren mar bgyid pa rnams dang / zhig ral tu spyod pa rnams dang / ltung ba'i rtsa ba byung ba rnams dang / sems kyi rgyud tshig pa rnams dang / dge ba'i lam rab tu nyams pa rnams dang / 'khor ba'i 'brog dgon par zhugs pa rnams dang / lam ngan pas rnam par bcom zhing nyam nga ba chen po thob par gyur pa de lta bu'i sems can bye ba khrag khrig phrag 'bum dag la chos ston par gyur cig /sems can gang dag dbang phyug chen po la dad pa'i</font><hr>45.246b<br><font size=+1>

sems can de dag la yang dbang phyug chen po'i gzugs kyis chos ston par gyur cig /sangs rgyas kyi zhing mi mjed du de bdag gi bsngags pa brjod par yang gyur cig /der sems can rnams smon lam 'debs pa la brtson par yang gyur cig /sems can de dag gis bdag gis bsngags pa thos nas/ bdag gi sangs rgyas kyi zhing du skye bar 'tshal zhing smon lam yang 'debs par gyur cig /btsun pa bcom ldan 'das gal te bdag sems can de dag 'gum pa'i dus kyi tshe mdun du ma mchis sam/ chos ma bstan tam/ sems rab tu dang bar ma bgyis na bdag bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig /gal te sems can de dag gum nas ngan 'gro rnams su skye bar 'gyur ram/ bdag gi sangs rgyas kyi zhing du mi'i lus thob par ma gyur na bdag gi chos thams cad nyams par gyur cing / bdag slar yang snang bar ma gyur cig /bdag gis sangs rgyas kyi mdzad pa mtha' dag sgrub par yang rngo mi thog par gyur cig /gal te sems can gang dag sred med kyi bu la dad pa rnams dang / sems can de dag gum nas ngan 'gror ltung ba'i bar du gyur na/ bdag gi sangs rgyas kyi mdzad pa mtha' dag sgrub par rngo mi thog par gyur cig /bdag byang chub thob nas kyang sangs rgyas kyi zhing thams cad dag na sems can mtshams ma mchis pa bgyid pa dang / lam ngan pas bcom zhing nyam nga ba chen po thob par gyur pa'i sems can dag gum nas bdag gi sangs rgyas kyi zhing du skye bar 'gyur ba de dag gi mtshan ma ni 'di lags te/ sems can de dag gi kha dog sa lta bur 'gyur ba dang / sha za'i gdong 'dra ba dang / bskyud ngas pa dang / dri mi bda' ba dang / tshul khrims 'chal pa dang / tshe thung ba dang / nad rnam pa sna tshogs kyis nyen pa dang / sems can de dag gi yo byad rnams kyang yongs su nyams par 'gyur ba ste/ sems can de dag gi don du bdag de'i</font><hr>45.247a<br><font size=+1>

tshe na 'jig rten gyi khams mi mjed kyi gling bzhi pa ji snyed mchis par gyur pa'i gling bzhi pa thams cad du yongs su dga' ldan gyi gnas nas 'bab cing ma'i mngal du skye ba ston par gyur cig /rgya cher bgyi na gzhon nu rtse ba dang / bzo dang las kyi gnas dang / dka' ba spyod pa dang / bdud 'dul ba dang / byang chub mngon par rdzogs par 'tshang rgya ba dang / chos kyi 'khor lo bskor ba dang gling bzhi pa thams cad du sangs rgyas kyi mdzad pa mtha' dag nye bar ston par yang gyur cig /yongs su mya ngan las 'da' ba dang / sku gdung 'god pa'i bar dag nye bar ston par yang gyur cig /bdag byang chub thob nas kyang tshig gcig brjod pas chos ston par 'gyur zhing nyan thos kyis theg pa pa'i sems can gang lag pa de dag gis ni nyan thos kyi theg pa pa'i gtam gyi sde snod kyi chos bstan par 'tshal bar gyur cig /rang sangs rgyas kyis 'dul ba'i sems can gang lags pa de dag gis ni rang sangs rgyas kyi theg pa pa'i gtam gyi chos bstan par 'tshal bar gyur cig /bla na med pa'i theg pa chen po'i sems can gang lags pa de dag gis ni theg pa chen po'i gtam gyi chos bstan par 'tshal bar gyur cig /tshogs dang bral ba'i sems can gang lags pa de dag ni sbyin pa'i gtam gyi chos bstan par 'tshal bar gyur cig /bsod nams dang bral zhing mtho ris kyi bde ba 'tshal ba'i sems can gang lags pa de dag gis ni tshul khrims kyi gtam gyi chos bstan par 'tshal bar gyur cig /gcig la gcig 'jig pa dang / rnyog pa'i sems dang / rab tu sdang ba'i sems dang ldan pa gang lags pa de dag gis ni byams pa brjod pa'i gtam gyi chos bstan par 'tshal bar gyur cig /srog gcod pa rnams kyis ni snying rje bstan par 'tshal bar gyur cig /phrag dog dang / ser snas zil gyis non pa rnams kyis ni dga' ba brjod pa'i gtam gyi chos bstan par 'tshal bar gyur cig /</font><hr>45.247b<br><font size=+1>

gzugs dang gzugs ma mchis pa'i dregs pas myos pa'i sems dang ldan pa rnams kyis ni btang snyoms brjod pa'i gtam gyi chos bstan par 'tshal bar gyur cig /'dod pa la 'dod chags kyi dregs pas myos pa'i sems dang ldan pa rnams kyis ni yang dag par ma lags pa brjod pas chos bstan par 'tshal bar gyur cig /theg pa chen po pa'i sems can rgod pas rnam par dkrugs pa'i sems dang ldan pa gang lags pa de dag gis ni dbugs 'byung ba dang rngub pa dran pa brjod pas chos bstan par 'tshal bar gyur cig /shes rab 'chal ba rnams kyis ni rten cing 'brel par 'byung ba brjod pas chos ston par 'tshal bar gyur cig /thos pa nyung ba rnams kyi ni bskyud pa ma mchis shing thos pa pa 'dzin pa chud mi za ba brjod pas chos bstan par 'tshal bar gyur cig /lta ba ngan pa nyam nga bar gyur pa rnams kyis ni stong pa nyid brjod pas chos bstan par 'tshal bar gyur cig /rnam par rtog pa kun tu spyod pas nyams pa rnams kyis ni mtshan ma ma mchis pa brjod pas chos bstan par 'tshal bar gyur cig /smon pa ma mchis pa'i yongs su dag pa nyams pa rnams kyis ni smon pa ma mchis pa brjod pas chos bstan par 'tshal bar gyur cig /bsam pa yongs su ma dag pa rnams kyis ni bsam pa yongs su dag pa brjod pas chos bstan par 'tshal bar gyur cig /rnam par 'dres par spyod pas nyams pa rnams kyis ni byang chub kyi sems mi brjed pa brjod pas chos bstan par 'tshal bar gyur cig /zad pa'i sbyor ba drod nyams pa rnams kyis ni bcos ma ma lags pa brjod pa'i chos bstan par 'tshal bar gyur cig /lhag pa'i bsam pa shin du sbyangs pa nyams pa rnams kyis ni rten pa ma mchis pa brjod pas chos bstan par 'tshal bar gyur cig /de bzhin du sbyar te/ nyon mongs pa can gyi sems dang ldan pa rnams kyis ni dge ba'i sems brjod pa dang / dge ba mi bsgyud pa rnams kyis ni rnam par snang byed brjod pa dang / bdud kyi las la brtson</font><hr>45.248a<br><font size=+1>

pa rnams kyis ni stong pa nyid brjod pa dang / don dam pa la yang dag par zhugs pa rnams kyis ni mngon par 'phags pa brjod pa dang / nyon mongs pa sna tshogs kyis sems nyams par gyur pa rnams kyis ni bral ba brjod pa dang / lam mi mnyam par yang dag par zhugs pa rnams kyis ni rnam par ldog par brjod pa dang / theg pa chen po la ngo mtshar du rtogs pa'i sems dang ldan pa rnams kyis ni ldog pa brjod pa dang / 'khor bas skyo ba'i byang chub sems dpa' rnams kyis ni dga' ba brjod pa dang / dge ba dang / sa dang / ye shes ma rtogs pa rnams kyis ni ma rmongs pa brjod pa dang / dge ba'i rtsa ba gzhan dang gzhan dag gis chog par 'dzin pa rnams kyis ni thos pa brjod pa dang / gcig la gcig sems mi mnyam pa rnams kyis ni 'od zer thogs pa med pa brjod pa dang / las dka' ba la yang dag par zhugs pa rnams kyis ni bya ba la 'jug pa brjod pa dang / 'khor kyis 'jigs par gyur pa rnams kyis ni seng ge'i rtogs pa brjod pa dang / bdud bzhis zil gyis non pa'i sems dang ldan pa rnams kyis ni dpa' ba brjod pa dang / sangs rgyas kyi zhing snang bar ma gyur pa'i sems can rnams kyis ni 'od bkod pa brjod pa dang / rjes su chags pa dang / khong khro ba rnams kyis ni ri bo'i phung po brjod pa dang / sangs rgyas kyi chos snang bas zil gyis non pa rnams kyis ni rgyal mtshan gyi rtse mo'i dpung rgyan brjod pa dang / shes rab chen po dang bral ba rnams kyis ni sgron ma dang ldan pa brjod pa dang / gti mug gi mun par mchis pa rnams kyis ni nyi ma'i sgron ma brjod pa dang / zad pa'i nges pa'i tshig la brtson pa rnams kyis ni yon tan 'byung gnas brjod pa dang / bdag la dbu ba rdos pa lta bur 'tshal ba rnams kyis ni sred med kyi bu brjod pa dang / blo g.yo zhing 'gyur ba rnams kyis ni snying po dang ldan pa brjod pa dang / spyi gtsug bltar gda' ba rnams kyis ni lhun po'i rgyal mtshan brjod pa dang / </font><hr>45.248b<br><font size=+1>

sngon gyi dam bcas pa bor ba rnams kyis ni snying po can brjod pa dang / mngon par shes pa nyams pa rnams kyis ni rdo rje'i tshigs brjod pa dang / byang chub kyi snying po mngon par 'tshal ba rnams kyis ni rdo rje'i snying po brjod pa dang / chos thams cad la smon pa rnams kyis ni rdo rje lta bu brjod pa dang / sems can gyi sems kyi spyod pa rab tu 'tshal ba rnams kyis ni spyod pa dang ldan pa brjod pa dang / dbang po mchog dang mchog ma lags par 'tshal ba rnams kyis ni shes rab sgron ma brjod pa dang / phan tshun du tshig brjod pa ma 'tshal ba rnams kyis ni sgra la 'jug pa brjod pa dang / chos kyi sku thob pa rnams kyis ni dam pa'i chos kyi tshogs bsgom pa brjod pa dang / de bzhin gshegs pa mthong ba dang bral ba rnams kyis ni mig mi 'dzums pa brjod pa dang / dmigs pa thams cad kyis rnam par 'khrugs pa rnams kyis ni dgon pa brjod pa dang / chos kyi 'khor lo mngon par bskor bar 'tshal ba rnams kyis ni 'khor lo dri ma med pa brjod pa dang / rgyu ma mchis pa'i rig pa la yang dag par zhugs pa rnams kyis ni rig pa la brten pa'i rjes su 'thun pa brjod pa dang / sangs rgyas kyi zhing gcig pu ther zug tu blta ba rnams kyis ni legs par bgyid pa rnam par 'byed pa brjod pa dang / mtshan dang dpe byad kyi sa bon bskrun pa rnams kyis ni rgyan dang ldan pa brjod pa dang / tshig dang sgra rab tu 'byed par rngo mi thog pa rnams kyis ni so sor bsgrub pa brjod pa dang / thams cad mkhyen pa'i ye shes mngon par 'tshal ba rnams kyis ni chos kyi dbyings rnam par 'khrugs pa ma mchis pa brjod pa dang / da ltar byung ba'i chos rnams la yang dang yang du 'jug pa rnams kyis ni brtan pa brjod pa dang / chos kyis dbyings rab tu 'tshal ba rnams kyis ni mngon par shes pa brjod pa dang / shes rab spangs pa rnams kyis ni nyams pa ma mchis pa brjod pa dang / lam rnam par 'khrugs pa rnams kyis ni 'gyur ba ma mchis pa brjod pa dang / nam</font><hr>45.249a<br><font size=+1>

mkha' lta bu'i ye shes mngon par 'tshal ba rnams kyis ni ci yang ma mchis pa brjod pa dang / pha rol tu phyin pa yongs su rdzogs pa rnams kyis ni yongs su dag pa la rab tu 'god pa brjod pa dang / bsdu ba'i dngos po yongs su ma rdzogs pa rnams kyis ni shin tu yang dag par gzung ba brjod pa dang / tshangs pa'i gnas pa tshol ba rnams kyis ni mnyam pa brjod pa dang / byang chub kyi phyogs rin po che yongs su ma rdzogs pa rnams kyis ni rnam par gnas pas nges par 'byung ba brjod pa dang / shes pa ma bsgoms shing rab tu sdang ba'i sems dang ldan pa rnams kyis ni rgya mtsho'i phyag rgya brjod pa dang / mi skye ba'i chos kyi bzod pa la ngo mtshar du sems pa rnams kyis ni sems ma mchis pa brjod pa dang / ji ltar thos pa'i chos rab tu nyams pa'i sems dang ldan pa rnams kyis ni bskyud pa ma mchis pa brjod pa dang / phan tshun legs par smras pa la mi dga' ba rnams kyis ni rab rib ma mchis pa brjod pa dang / dkon mchog gsum la rab tu dang ba thob pa rnams kyis ni bsod nams che ba brjod pa dang / chos kyi sgo'i char rab tu 'bab pas chog ma 'tshal ba rnams kyis ni chos kyi sprin brjod pa dang / dkon mchog gsum rgyun chad par lta ba rnams kyis ni rin chen bkod pa brjod pa dang / shes pa nyams pa'i las la mngon par brtson pa rnams kyis ni dpe ma mchis pa brjod pa dang / kun tu sbyor ba dang 'ching ba can thams cad kyis ni nam mkha'i sgo brjod pa dang / chos thams cad gzhan ma lags par sems pa rnams kyis ni ye shes kyis phyag rgya brjod pa dang / de bzhin gshegs pa'i yon tan yongs su ma rdzogs pa rnams kyis ni 'jig rten gyi rig pa mngon sum du bgyi ba'i dngos po brjod pa dang / sngon gyi sangs rgyas la lhag par bgyi ba bgyis pa rnams kyis ni rnam par nges pa'i cho 'phrul brjod pa dang / phyi ma'i mtha'i bskal par chos kyi sgo gcig ston pa rnams kyis ni chos thams</font><hr>45.249b<br><font size=+1>

cad kyi tshul brjod pa dang / mdo sde thams cad la rnam par nges pa rnams kyis ni chos kyi rang bzhin mnyam pa nyid du rnam par nges pa brjod pa dang / rnying par 'gyur ba dang / 'thun pa'i chos drug yongs su spangs pa rnams kyis ni chos thams cad kyi tshul brjod pa dang / rnam par thar pa'i sems kyi theg pa la mngon par brtson pa rnams kyis ni mngon par shes pas rnam par rtse ba brjod pa dang / de bzhin gshegs pa'i gsang ba'i rjes su 'jug pa la rnam par rtog pa rnams kyis ni gzhan gyi dring mi 'jog pa brjod pa dang / byang chub sems dpa'i spyod pa la mngon par mi brtson pa rnams kyis ni ye shes thob par brjod pa dang / nye du la yang dag par rton pa rnams kyis ni thams cad kyi rjes su song ba brjod pa dang / byang chub sems dpa'i spyod pa lhag ma dang bcas pa rnams kyis ni dbang bskur ba brjod pa dang / de bzhin gshegs pa'i stobs bcu yongs su ma rdzogs pa rnams ni mi choms pa brjod pa dang / mi 'jigs pa bzhi ma thob pa rnams kyis ni mi zad pa brjod pa dang / sangs rgyas kyi chos ma 'dres pa ma thob pa rnams kyis ni mi 'phrogs pa brjod pa dang / mnyan pa dang lta ba don ma mchis pa rnams kyis ni smon lam brjod pa dang / sangs rgyas kyi chos thams cad mngon sum du rjes su rtogs par bgyi ba'i slad du rgyun 'khrugs pa rnams kyis ni rgya mtsho dri ma med pa brjod pa dang / thams cad mkhyen pa'i ye shes lhag ma dang bcas pa rnams kyis ni sangs rgyas shin tu rnam par sangs rgyas pa brjod pa dang / de bzhin gshegs pa thams cad kyi dgongs pa ma thob pa rnams kyis ni mtha' ma mchis pa dang / thug pa ma mchis pa brjod pas chos bstan par 'chal bar gyur cig /byang chub sems dpa' gang dag g.yo ma mchis pa/ sgyu ma mchis pa/ drang ba drang ba'i rang bzhin can te/ theg pa chen po la yang dag par zhugs pa dpag tu ma mchis</font><hr>45.250a<br><font size=+1>

grangs ma mchis pa de dag gi sems kyi rgyud la tshig gcig brjod pas kyang chos kyi sgo brgyad khri bzhi stong dang / ting nge 'dzin gyi sgo brgyad khri bzhi stong dang / gzungs bdun khri lnga stong po'i yon tan de dag rab tu 'god par gyur cig /des byang chub sems dpa' sems dpa' chen po rnams go cha chen po 'tshal bar gyur cig /smon lam gyi khyad par bsam gyis mi khyab pas mngon par 'phags par gyur cig /bsam gyis mi khyab pa'i ye shes mthong ba dang / byang chub kyi yon tan dam pas brgyan par gyur cig /'di lta ste/ lus mtshan dang dpe byad rnams kyis brgyan par gyur cig /ngag legs par smras pas sems can rnams kyi bsam pa ji lta ba bzhin du yang dag par mgu bar bgyid pas brgyan par gyur cig /ting nge 'dzin tshig ma mchis pa'i slad du thos pas brgyan pa dang / gzungs bskyud pa ma mchis pa'i slad du dran pas brgyan pa dang / 'gro ba ngan pa khong du chud pa'i slad du yid kyi brgyan cing mya ngan las 'das pas brgyan pa dang / dam bcas pa la brtan pa'i slad du bsam pas brgyan pa dang / dam bcas pa nyams su lon pa'i slad du sbyor bas brgyan pa dang / sa nas sar 'phar ba'i slad du lhag pa'i bsam pas brgyan pa dang / dngos po thams cad yongs su gtong ba'i slad du sbyin pas brgyan pa dang / legs par thos pa khong du chud pa dri ma ma mchis pa'i slad du tshul khrims kyis brgyan pa dang / sems can thams cad la zhe 'gras pa ma mchis pa'i slad du bzod pas brgyan pa dang / tshogs thams cad nye bar bstsags pa'i slad du brtson 'grus kyis brgyan pa dang / snyoms par 'jug pa thams cad dang / mngon par shes pas rnam par rtse ba'i slad du/ bsam gtan gyis brgyan pa dang / nyon mongs pa'i bag chags yongs su 'tshal ba'i slad du shes rab kyis brgyan par gyur cig /</font><hr>45.250b<br><font size=+1>

sems can thams cad yang dag par skyob pa'i rjes su mchis pa'i slad du byams pas brgyan pa dang / sems can thams cad yongs su mi gtong ba la gnas pa'i slad du snying rjes brgyan pa dang / chos thams cad la the tsom ma mchis par 'gyur ba'i slad du dga' bas brgyan pa dang / mthon dman gnyis dang bral ba'i slad du btang snyoms kyis brgyan pa dang / mngon par shes pa thams cad kyis rnam par rtse ba'i slad du mngon par shes pas brgyan pa dang / longs spyod mi bas pa'i rin po che'i lag pa thob pa'i slad du bsod nams kyis brgyan pa dang / sems can thams cad kyi sems kyi spyod pa mngon par 'tshal ba'i slad du ye shes kyis brgyan pa dang / sems can thams cad kyis chos rtogs par bgyi ba la mkhas pa'i slad du blos brgyan pa dang / shes rab kyi mig gi snang ba thob pa'i slad du snang bas brgyan par gyur cig /don dang / chos dang / nges pa'i tshigs dang / spobs pa so so yang dag par rig pa thob pa'i slad du so so yang dag par rig pas brgyan par gyur cig /bdud dang phas kyi rgol ba thams cad kyis zil gyis mi non pa'i slad du mi 'jigs pas brgyan pa dang / sangs rgyas rnams kyi yon tan rjes su thob pa'i slad du yon tan gyis brgyan pa dang / rtag tu rgyun mi 'chad par thogs pa ma mchis pa'i spobs pas sems can rnams la chos ston pa'i slad du chos kyis brgyan par gyur cig /sangs rgyas kyi chos thams cad snang bar gyur pa'i slad du snang bas brgyan pa dang / sangs rgyas kyi zhing thams cad snang bar gyur pa'i slad du 'od kyis brgyan pa dang / phyad par lung ston pa'i slad du kun brjod pa'i cho 'phrul gyis brgyan pa dang / yang dag pa ji lta ba bzhin du rjes su ston pa stsol ba'i slad du rjes su ston pa'i cho 'phrul gyis brgyan pa dang / rdzu 'phrul gyi rkang pa bzhi'i dam pa'i pha rol tu son pa'i slad du rdzu 'phrul</font><hr>45.251a<br><font size=+1>

gyi cho 'phrul gyis brgyan pa dang / de bzhin gshegs pa'i gsang ba'i rjes su zhugs pa'i slad du de bzhin gshegs pa thams cad kyi byin gyi brlabs kyis brgyan pa dang / gzhan la rag ma las pa'i ye shes thob pa'i slad du chos kyi dbang phyug gis brgyan pa dang / ji skad smras pa de bzhin du bgyid cing thams cad kyis mi choms pa'i slad du dag ba'i chos thams cad la nan tan snying por bgyid pas brgyan par gyur cig /theg pa chen po la yang dag par zhugs pa'i sems can dpag tu ma mchis grangs ma mchis pa dag la yang bdag gis tshig gcig brjod pas dge ba rnam par sbyong ba yang dag par bstsags pa chen pos yang dag par tshim par gyur cig /de na byang chub sems dpa' sems dpa' chen po de dag gis chos thams cad la gzhan gyi dring mi 'jog pa'i ye shes thob par gyur cig /chos kyi snang ba chen po dang yang ldan par gyur cig /myur du bla na med pa yang dag par rdzogs pa'i byang chub mngon par rdzogs par 'tshang rgya bar yang gyur cig /btsun pa bcom ldan 'das 'jig rten gyi khams gzhan dag na nyan thos kyi theg pa pa 'am/ rang sangs rgyas kyi theg pa pa 'am/ bla na med pa'i theg pa chen po pa'i sems can gang dag mtshams ma mchis pa bgyid pa dang / ltung ba'i rtsa ba'i bar gyi nongs pa dang bcas pa dang sems kyi rgyud tshig par gyur pa de dag kyang smon lam gyi dbang gis bdag gi sangs rgyas kyi zhing du skye bar gyur cig /sems can mi dge ba'i rtsa ba dang 'grogs pa/ rtsub pa/ sdig pa 'tshal ba/ khra khro dang / dmu rgod kyi rgyud can/ blo ldog pa kun 'dzin pa'i rgyud can de dag la yang bdag gi sems dang skad brgyad khri bzhi stong dag ston par gyur cig /sems can le lo can gyi bar dag la yang bdag gis chos kyi phung po brgyad khri bzhi stong dag rgya cher ston par gyur cig /de na sems can gang dag bla na med pa'i theg pa chen por gyur pa de dag la yang bdag gis pha rol tu phyin pa drug gi chos rnams rgya cher ston</font><hr>45.251b<br><font size=+1>

par 'gyur zhing / sbyin pa'i pha rol tu phyin pa rgya cher ston par 'gyur ba dang / shes rab kyi pha rol tu phyin pa'i bar du rgya cher ston par gyur cig /yang de na sems can gang dag nyan thos kyi theg pa pa 'am/ rang sangs rgyas kyi theg pa par gyur pa 'am/ dge ba'i rtsa ba ma bskrun cing bstan bcos la mngon par dga' bar ma gyur pa de dag kyang bdag gis gsum la skyabs su mchi ba la 'god par 'gyur zhing / slad kyis pha rol tu phyin pa drug po dag la yang sbyor bar gyur cig /rnam par 'tshe ba la dga' ba rnams ni srog gcod pa spong ba la 'god par gyur cig /'dod pa mi bzad pa zil gyis non pa rnams na ma byin par len pa spongs ba la 'god par gyur cig /chos ma lags pa la 'dod pas chags pa rnams ni 'dod pa la log par g.yem pa spong ba la 'god par gyur cig /phan tshun brdzun gyi tshig smra ba rnams ni brdzun du smra ba spong ba la 'god par gyur cig /myos par 'gyur ba la mngon par dga' ba rnams ni chang dang bcos pa'i chang myos par 'gyur ba bag med pa spong ba la 'god par gyur cig /sems can gang dag nongs pa lnga po thams cad bgyid par 'gyur ba de dag ni nongs pa lnga po spong zhing dge bsnyen gyi sdom pa la 'god par gyur cig /sems can gang dag dge ba'i chos rnams la mngon par mi dga' ba de dag ni bdag gis nyin zhag gcig tsam yang yan lag brgyad dang ldan pa'i tshul khrims la rab tu 'god par gyur cig /sems can gang dag dge ba'i rtsa ba chungu la mngon par dga' ba'i sems dang ldan pa de dag ni bdag gis legs par gsungs pa'i chos 'dul ba la nye bar sbyar bar bgyi zhing / rab tu byung ba'i sdom pa bslab pa'i bzhi bcu'i tshangs par spyod pa la 'god par gyur cig /sems can gang dag dge ba'i chos rnams yongs su tshol bar 'tshal ba de dag ni bdag gis dge ba'i chos rnams la nye bar bsgrubs nas tshangs par sbyor ba thams cad la rab tu 'god par gyur cig /sems can mtshams ma mchis pa bgyid pa dang / </font><hr>45.252a<br><font size=+1>

kun nas 'dzin pa'i rgyud can gyi bar de lta bu dag gi don du bdag gis don dang / tshig dang / yi ge rnam pa sna tshogs mang po dag gi cho 'phrul rnams kyis chos ston par gyur cig /phung po dang / khams dang / skye mched dag mi rtag pa dang / sdug bsngal ba dang / bdag ma mchis pa dang / stong par ston par 'gyur zhing bde ba dang / dge ba dang / zhi ba dang / shes pa dang / 'jigs pa ma mchis pa'i grong khyer mya ngan las 'das pa la rab tu 'god par gyur cig /de ltar bdag 'khor bzhi po dge slong dang / dge slong ma dang / dge bsnyen dang / dge bsnyen ma dag la chos ston par gyur cig /gang dag rtsod pa 'tshal bar 'gyur ba de dag la bdag gis chos kyis brtsad pa'i bstan bcos rab tu ston par gyur cig /gang dag dge ba'i chos rnams la mngon par mi dga' ba de dag la bdag gis zhal ta bgyid pa'i las ston par gyur cig /kha ton la mngon par dga' ba rnams la ni stong pa nyid kyis bsam gtan gyi cha gcig gis rnam par grol ba'i lam ston par gyur cig /sems can re re'i don gyi slad du yang bdag dpag tshad 'bum phrag mang po dag tu sug pas mchi bar 'gyur zhing / don dang / tshig dang / yi ge dang / thabs dang / cho 'phrul rnam pa sna tshogs mang po dag gis skyo ba ma mchis shing spro bar bgyid par 'gyur ba dang / mya ngan las 'das pa'i bar la 'god par gyur cig /ting nge 'dzin gyi stobs kyis bdag gi tshe'i 'du byed ji tsam pa'i lnga cha 'dor bar gyur cig /bdag yongs su mya ngan las 'da' ba'i dus kyi tshe na rang gi sku gdung bdag nyid kyis yungs 'bru'i tshad tsam du gcog par 'gyur zhing / sems can rnams la snying rje'i slad du bdag ni slad kyis yongs su mya ngan las 'da' bar gyur cig /bdag yongs su mya ngan las 'das nas kyang lo stong du dam pa'i chos gnas par gyur cig /yang lo lnga brgyar ni dam pa'i chos kyi gzugs brnyan gnas par gyur cig /sems can gang dag bdag yongs su </font><hr>45.252b<br><font size=+1>

mya ngan las 'das pa'i sku gdung rnams las rin po che rnams dang / rol mo'i sgra dag gi bar gyis mchod pa bgyid par spro ba skye bar 'gyur ba dang / tha na sangs rgyas kyi mtshan gcig tsam dang / phyag gcig tsam dang / bskor ba gcig tsam dang / thal mo sbyor ba gcig tsam dang / me tog gcig tsam gyi rgyus mchod pa bgyid par 'gyur ba de dag thams cad kyang bsam pa ji lta ba bzhin du theg pa gsum po dag gis slar mi ldog par gyur cig /sems can gang dag bdag yongs su mya ngan las 'das pa'i bstan pa la tha na bslab pa'i gzhi gcig tsam 'dzin par 'gyur ram/ ci skad bstan pa bzhin du yang dag par blangs nas gnas sam/ tshig bzhi pa'i tshigs su bcad pa gcig tsam gyi bar dag kun chub par bgyid dam/ klog gam/ gzhan dag la yang ston par 'gyur ba dang / gang dag gis thos nas sems rab tu dang bar 'gyur zhing / tha na dam pa'i chos smra ba la me tog gcig tsam dang / phyag gcig tsam gyis mchod pa bgyid par 'gyur ba de dag thams cad kyang bsam pa ji lta ba bzhin du theg pa gsum po dag gis slar mi ldog par gyur cig /ji tsam na dam pa'i chos nub ste/ chos kyi sgron ma ni gum/ chos kyi rgyal mtshan ni 'gyel bar gyur pa na bdag skyes pa'i sku gdung de dag kyang gser gyi 'khor lo'i mthar thug pa'i dog sa la lhags par 'gyur zhing / gang gi tshe sangs rgyas kyi zhing mi mjed na rin po ches phongs par gyur pa de'i tshe na/ de dag nor bu bai dUr+ya tog gi blo gros zhes bgyi bar gyur te zhugs ltar gda' zhing kun tu gnas par gyur cig /de yang de nas mngon par 'phags te/ gong du 'og min gyi gnas kyi mthar thug pa'i bar du gnas nas me tog sna tshogs kyi char rab tu 'bebs par 'gyur zhing / me tog man dA ra ba dang / man dA ra ba chen po dang / pa ri ya tra ka dang / man dzu sha ka dang / man dzu sha ka chen po dang / mdog mdzes dang / mdog mdzes</font><hr>45.253a<br><font size=+1>

chen po dang / ma na parna dang / zla ba dri med dang / 'dab brgya pa dang / 'dab stong pa dang / kun tu 'od dang / kun tu dri ba dang / shin tu mdzes pa dang / rtag tu 'bras bu rgyas dang / snying dang mig mngon par dga' ba dang / skar 'od dang / skar mdog dang / kha dog mtha' yas dang / dri mtha' yas dang / me tog de lta bu dag gi me tog gi char chen po mngon par rab tu 'bebs par gyur cig /me tog gi char de dag las kyang sgra sna tshogs dag 'byung bar 'gyur zhing / 'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / dge bsnyen gyi sdom pa'i sgra dang / 'phags pa'i gso sbyong gi yan lag brgyad dang ldan pa'i sgra dang / rab tu byung ba'i bslab pa'i gzhi bcu'i sdom pa sbyin pa'i sgra dang / tshul khrims kyi sgra dang / tshangs par spyod pa mtha' dag yongs su rdzogs pa bsnyen par rdzogs pa'i sgra dang / zhal ta bgyid pa'i sgra dang / klog pa'i sgra dang / nang du yang dag 'jog gi sgra dang / tshul bzhin yid la bgyid pa'i sgra dang / mi sdug pa'i sgra dang / dbugs rgyu ba dang / rngub pa'i sgra dang / 'du shes med 'du shes med min skye mched kyi sgra dang / ci yang med pa'i skye mched kyi sgra dang / rnam shes mtha' yas skye mched kyi sgra dang / nam mkha' mtha' yas skye mched kyi sgra dang / zil gyis gnon pa'i skye mched kyi sgra dang / zad par gyi skye mched kyi sgra dang / zhi gnas dang lhag mthong gi sgra dang / stong pa nyid dang mtshan ma ma mchis pa'i sgra dang / smon pa ma mchis pa'i sgra dang / rten cing 'brel bar 'byung ba'i sgra dang / nyan thos kyi sde snod mtha' dag gi sgra 'byung ba dang / rang sangs rgyas kyi theg pa'i sde snod mtha' dag gi sgra 'byung ba dang / theg pa chen po'i gtam pha rol tu phyin pa mtha' dag gi sgra dag me tog de dag las 'byung bar 'gyur</font><hr>45.253b<br><font size=+1>

zhing / gzugs na spyod pa'i lha thams cad kyis thos par gyur nas/ rang rang gis sngon chad bgyis pa'i dge ba'i rtsa ba dag kyang rjes su dran par 'gyur zhing / sems can chen po dag dge ba'i chos thams cad la smon pa ma mchis par gyur nas/ de dag de nas babs te 'jig rten gyi khams mi mjed kyi mi thams cad kyang dge ba bcu'i las kyi lam la sbyor zhing rab tu 'god par gyur cig /de bzhin du 'dod pa na spyod pa'i lha thams cad kyis kyang thos par 'gyur zhing / de dag kyang sred pa'i kun tu sbyor ba dang / dga' ba dang / rtsed mo dang / yid bde ba la mngon par dga' ba'i sems dang sems las byung ba thams cad rgyun chad par gyur cig /de dag thams cad kyis kyang rang rang gis sngon chad bgyis pa'i dge ba'i rtsa ba dag rjes su dran par 'gyur zhing / de dag lha'i 'jig rten nas babs nas 'jig rten gyi khams mi mjed kyi mi thams cad dge ba bcu'i las kyi lam yang dag par 'dzin du 'jug cing rab tu 'god par gyur cig /btsun pa bcom ldan 'das me tog de dag kyang nam mkha' la rin po che sna tshogs dag tu 'gyur zhing / 'di lta ste/ dngul dang / 'gron bu dang / gser dang / nor bu dang / mu tig dang / bai dUr+ya dang / dung dang / man shel dang / byi ru dang / rdul can dang / sa le sbram dang / rdo'i snying po dang g.yas su 'khyil pa dang / de lta bu'i rin po che'i char dag sangs rgyas kyi zhing mi mjed thams cad du mngon par rab tu 'bab par gyur cig /sangs rgyas kyi zhing mi mjed thams cad na thab mo dang / 'thab pa dang / rtsod pa dang / 'gyed pa dang / mu ge dang / nad dang / pha rol gyi dmag tshogs dang / tshig rtsub cing bslang ba dang / dug rnams thams cad kyi thams cad rab tu zhi bar gyur cig /sangs rgyas kyi zhing mi mjed thams cad du bde ba dang / nad ma mchis pa dang / thab mo dang / 'thab pa dang / rtsod pa dang / 'ching ba dag ma mchis pa dang / lo legs pa dag kun tu gnas par gyur cig /</font><hr>45.254a<br><font size=+1>

sems can gang dag gis rin po che de dag mthong ba dang / reg pa dang / longs spyod pa dang / yongs su spyod pa'i las bgyid par 'gyur ba de dag thams cad kyang theg pa gsum po dag gis slar mi ldog par gyur cig /sku gdung de dag kyang slar gser gyi 'khor lo'i mthar thug pa'i bar du gnas par gyur cig / // bam po bcu gcig pa/ btsun pa bcom ldan 'das de bzhin du mtshon gyi bskal pa bar ma'i dus kyi tshe na yang de dag nor bu rin po che on da rnyil dag tu kun nas gnas par 'gyur zhing / de dag steng du 'og min gyi gnas kyi mthar thug pa'i bar du gnas nas/ 'di lta ste/ me tog man dA ra ba dang / man dA ra ba chen po dang / pa ri ya tra ka dang / me tog 'od mtha' yas kyi bar gyi me tog sna tshogs kyi char dag mngon par rab tu 'bebs par gyur cig /me tog gi char de dag las kyang ji ltar sngar smos pa bzhin du 'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / sgra yid du 'ong ba rnam pa sna tshogs dag 'byung bar gyur cig /yang sku gdung de dag kyang slar 'og tu gser gyi 'khor lo'i mthar thug pa'i bar du kun tu gnas par gyur cig /de bzhin du gang gi tshe mu ge'i bskal pa bar ma'i dus kyi tshe na yang sku gdung de dag steng du 'og min gyi gnas kyi mthar thug pa'i bar du gyen du 'phags nas me tog gi char gyi bar du sngar smos pa bzhin du gyur cig /nad kyi bskal pa bar ma'i bar du yang ji ltar sngar smos pa bzhin du gyur cig /ji ltar bskal pa chen po bzang po la bdag yongs su mya ngan las 'das pa'i sku gdung rnams ston pa'i mdzad pa bgyid par 'gyur zhing / 'dul ba bgrang ba las yang dag par 'das pa dag kyang theg pa gsum po dag gis slar mi ldog pa la 'god par gyur cig /de bzhin du bskal pa chen po sangs rgyas kyi zhing lnga'i rdul phra rab kyi rdul snyed dag byung gi bar du yang / bdag gi sku gdung rnams kyis 'dul ba'i sems can rnams theg pa gsum po dag gis</font><hr>45.254b<br><font size=+1>

slar mi ldog pa la 'god par gyur cig /bdag byang chub sems dpar gyur cing bla na med pa yang dag par rdzogs pa'i byang chub kyi slad du spyad pa spyod pa na gang dag bdag gis dang por bla na med pa yang dag par rdzogs pa'i byang chub yang dag par 'dzin du stsal cing rab tu bkod pa rnams dang / bdag gis pha rol tu phyin pa drug po dag yang dag par 'dzin du stsal cing btsud de rab tu bkod pa de dag slad kyis gang gi tshe bskal pa grangs ma mchis pa gang gA'i klung stong gi bye ma snyed 'das nas phyogs bcu'i 'jig rten gyi khams dpag tu ma mchis grangs ma mchis pa gzhan dang gzhan dag tu sangs rgyas bcom ldan 'das sha stag tu gyur te 'byung bar gyur cig /bdag byang chub thob nas kyang bla na med pa yang dag par rdzogs pa'i byang chub yang dag par 'dzin du stsal cing btsud de rab tu bkod pa'i sems can rnams dang / gang dag bdag yongs su mya ngan las 'das pa'i sku gdung gi rnam par 'phrul pas bla na med pa yang dag par rdzogs pa'i byang chub tu sems bskyed par gyur pa'i byang chub sems dpa' de dag kyang slad kyis bskal pa grangs ma mchis pa gang gA'i klung stong gi bye ma snyed byung zhing 'das par gyur pa na/ phyogs bcu'i 'jig rten gyi khams dpag tu ma mchis grangs ma mchis pa dag tu bla na med pa yang dag par rdzogs pa'i byang chub mngon par rdzogs par sangs rgyas nas 'di skad du gang yun ring po na bskal pa bzang po zhes bya ba zhig byung bar gyur te/ bskal pa bzang po de la bab pa na/ rgyal ba nyi ma bzhi pa de bzhin gshegs pa mtshan 'di zhes bya ba zhig byung bar gyur pa des bdag cag dang po bla na med pa yang dag par rdzogs pa'i byang chub yang dag par 'dzin du bcug cing btsud de rab tu bkod do/ /bdag cag ni sems kyi rgyud tshig pa/ mi dge ba dang 'grogs par gyur pa mtshams med pa byed pa/ log par lta ba'i bar du gyur pa yin na/ des bdag cag pha rol tu phyin pa drug po dag yang dag par 'dzin tu bcug cing btsud de rab tu bkod pas na de'i phyir bdag cag da ltar</font><hr>45.255a<br><font size=+1>

thams cad mkhyen par gyur cing / rnam pa thams cad du chos dang ldan pa'i chos kyis 'khor lo bskor cing / 'gro ba'i 'khor lo zlog cing sems can bye ba khrag khrig 'bum phrag mang po dag mtho ris dang thar pa'i 'bras bu la rab tu 'god par byed pa yin no/ /zhes bdag gi bsngags pa rjod cing sgrogs la dbyangs kyang rjod par gyur cig /gang dag byang chub don du gnyer ba'i sems can rnams kyis kyang de bzhin gshegs pa de dag las bdag gis bsngags pa dang / grags pa dang / snyan pa thos par gyur nas de bzhin gshegs pa de dag la 'di skad du bcom ldan 'das de bzhin gshegs pa des don kyi dbang ci zhig gzigs na de ltar rtsod pa'i dus la bab cing snyigs ma lnga byung bar gyur pa na/ bla na med pa yang dag par rdzogs pa'i byang chub mngon par rdzogs par sangs rgyas par gyur ces yongs su zhu bar gyur cig /de bzhin gshegs pa de dag gis kyang byang chub don du gnyer ba'i rigs kyi bu 'am/ rigs kyi bu mo de dag la bdag gi snying rje chen po dang ldan pa'i sems dang po bskyed pa dang / sangs rgyas kyi zhing gi yon tan bkod pa dang / sngon gyi smon lam gyi tshul 'di yang ston par gyur cig /byang chub don du gnyer ba'i rigs kyi bu 'am/ rigs kyi bu mo de dag kyang ngo mtshar du 'dzin par 'gyur zhing / de dag kyang rgya chen po la mos par gyur cig /de dag kyang de bzhin du sems can rnams la snying rje chen po skyed par 'gyur zhing / de ltar rtsod pa'i dus su snyigs ma lnga dang / nyon mongs pa'i snyigs ma bdo ba'i sangs rgyas kyi zhing na mtshams ma mchis pa bgyid pa dang / mi dge ba'i bar dag dang 'grogs pa'i 'dul ba rab tu 'dzin par gyur pa de lta bu'i smon lam yang 'debs par gyur cig /sangs rgyas bcom ldan 'das de dag gyis kyang byang chub don du gnyer ba'i rigs kyi bu 'am/ rigs kyi bu mo de dag gis snyigs ma lnga dang / nyon mongs pa bdo ba'i rtsod pa'i dus</font><hr>45.255b<br><font size=+1>

su smon lam btab pa bzhin byang chub don du gnyer ba'i rigs kyi bu 'am/ rigs kyi bu mo snying rje chen po dang ldan pa de dag gi bsam pa ji lta ba bzhin du de lta bu'i lung bstan pas lung ston par gyur cig /sangs rgyas bcom ldan 'das gzhan dag kyang sems can byang chub don du gnyer ba'i rigs kyi bu 'am/ rigs kyi bu mo dag la 'di skad du yun ring po 'di srid gcig na rgyal ba nyi ma mtshan 'di zhes bya ba zhig byung bar gyur pa de yongs su mya ngan las 'das pa'i sku gdung rnams kyis de ltar sdug bsngal ba'i sems can rnams kyi don de lta bu'i cho 'phrul rnam pa sna tshogs dag dang / rnam par 'phrul ba rnam pa sna tshogs dag mdzad de/ de'i sku gdung gi rnam par 'phrul pa dag gis nged cag dang po bla na med pa yang dag par rdzogs pa'i byang chub tu bskul nas/ nged cag bla na med pa yang dag par rdzogs pa'i byang chub kyi phyir dge ba'i rtsa ba dang 'grogs pas dang po sems bskyed cing / pha rol tu phyin pa 'di dag la brtson par byas so zhes bdag gi sku gdung gi rnam par 'gyur ba'i sngon gyi tshul dag rgya cher ji ltar sngar smos pa'i bar du rgya cher ston par gyur cig /de nas mdun na 'don gyi gtso bo bram ze rgya mtsho'i rdul gyis de bzhin gshegs pa rin po che'i snying po'i spyan sngar lha dang / dri za dang / mi dang bcas pa'i skye dgu thams cad kyi don du snying rje chen po dang ldan pa'i smon lam chen po lnga brgya po de dag btab nas des 'di skad ces gsol to/ /btsun pa bcom ldan 'das gal te de ltar bdag gis ma 'ongs pa'i dus na bskal pa bzang po la nyon mongs pa dang / thab mo dang / snyigs ma bdo zhing rtsod pa'i dus la bab pa na 'jig rten ldongs shing 'dren pa ma mchis pa dang / yongs su 'dren pa ma mchis pa dang / lta ba'i sdug bsngal gyi mun par chud pa'i 'jig rten na mtshams ma mchis pa bgyid pa rnams dang / sngar smos pa lta bu'i bar dag la bdag gi re ba 'di lta bu yongs su rdzogs</font><hr>45.256a<br><font size=+1>

par 'gyur zhing / gal te bdag gis ji ltar smon lam btab pa de lta bu'i sangs rgyas kyi mdzad pa thams cad sgrub par rngo thog pa lta na byang chub kyi slad du smon pa spang bar mi bgyi zhing / dge ba'i rtsa ba yang zhing gzhan du yongs su bsngo bar mi bgyi ste/ btsun pa bcom ldan 'das de ni bdag gi nges pa lags so/ /yang bdag ni dge ba'i rtsa ba des rang sangs rgyas kyi theg pa mi 'tshal/ nyan thos kyi theg pa yang mi 'tshal/ lha dang mi'i 'jig rten gyi rgyal srid kyang mi 'tshal/ lha dang mi'i 'jig rten gyi dbang phyug kyang mi 'tshal/ 'dod pa lnga'i yon tan gyi longs spyod kyang mi 'tshal/ lhar skye ba yang mi 'tshal/ dri za dang / lha ma yin dang / gnod sbyin dang / srin po dang / klu dang / nam mkha' lding du skye ba yang mi 'tshal la dge ba'i rtsa ba gzhan du yongs su bsngo bar yang mi bgyid de/ gang yang bcom ldan 'das kyis 'di skad du sbyin pas ni longs spyod chen por 'gyur/ tshul khrims kyis ni mtho ris su skye/ thos pas ni shes rab chen por 'gyur/ bsgom pas ni 'bral bar 'gyur ro/ /zhes kyang gsungs la/ yang bcom ldan 'das kyis 'di skad du sems can bsod nams dang ldan pa'i dge ba'i rtsa ba yongs su bsngos pas ni re ba'i bsam pa 'grub par 'gyur ro zhes kyang gsungs na/ btsun pa bcom ldan 'das gang bdag gis kyang sbyin pa las byung ba dang / tshul khrims las byung ba dang / thos pa las byung ba dang / bsgom pa las byung ba'i bsod nams dag bsgrubs pas na/ gal te bdag gis smon lam ji ltar btab pa de ltar re ba yongs su rdzogs par 'gyur ba blta na/ de'i slad du bdag gis dge ba'i rtsa ba de dag thams cad sems can gang dag gis sems can dmyal ba mnar med par rab tu rtsub cing drag pa'i sdug bsngal nyams su myong ba'i sems can dmyal ba pa'i sems can rnams kyi slad du yongs su bsngo bar bgyi'o/ /</font><hr>45.256b<br><font size=+1>

dge ba'i rtsa ba des de dag de nas ldang bar 'gyur zhing sangs rgyas kyi zhing 'dir mi 'thab pa thob par gyur cig /de bzhin gshegs pas gsungs pa'i chos 'dul ba bsgrub par bgyid par 'gyur zhing mchog nyid kyis yongs su mya ngan las 'da' bar yang gyur cig /sems can de dag gi las kyi 'bras bu yongs su ma bas par gyur na yang de'i slad du bdag gum nas sems can dmyal ba chen por skye bar 'gyur zhing / bdag gi lus kyang sangs rgyas gyi zhing gi rdul phra rab kyi rdul snyed kyi ting nge 'dzin kyis kyang mi stsol ba dag 'byung bar gyur cig /bdag gi lus re re'i tshad kyang ri'i rgyal po ri rab tsam du che ba dag 'byung bar gyur cig /bdag gi lus re res kyang ji ltar da ltar gyi lus gcig pu 'dis bde ba dang / sdug bsngal gyi tshor ba dag yang dag par 'tshal ba de lta bu'i bde ba dang / sdug bsngal gyi tshor ba dag yang dag par 'tshal bar gyur cig /bdag gi lus re res kyang sems can dmyal ba pa'i sdug bsngal drag pa rtsub pa mi zad pa sangs rgyas kyi zhing gi rdul phra rab kyi rdul snyed dag myong bar gyur cig /da ltar phyogs bcu'i 'jig rten gyi khams sangs rgyas kyi zhing rdul phra rab kyi rdul snyed dag na sems can gang dag mtshams ma mchis pa bgyid pa dang / mnar med pa'i bar dag la gzhol ba'i las yang dag par stsogs par 'gyur ba rnams dang / sems can gang dag bskal pa chen po sangs rgyas kyi zhing gis rdul phra rab kyi rdul snyed kyi bar dag 'das nas sangs rgyas kyi zhing phyogs bcu'i sangs rgyas kyi zhing gi rdul phra rab kyi rdul snyed po gzhan dag tu mtshams ma mchis pa'i las kyis 'phan par 'gyur ba'am/ kun nas slong bar 'gyur ba de dag thams cad kyi don du bdag las des sems can dmyal ba chen po mnar med par gnas pa nyams su myong bar 'gyur zhing bdag gi sems can dag ni sems can dmyal ba rnams su skye bar ma gyur cig /</font><hr>45.257a<br><font size=+1>

sems can de dag thams cad kyis sangs rgyas bcom ldan 'das rnams mnyes par 'gyur ba dang / 'khor ba las rgal bar 'gyur ba dang / mya ngan las 'das pa'i grong khyer du 'jug par 'gyur ba'i yun ring po de srid kyis bdag sems can dmyal ba las yongs su thar bar gyur cig /sangs rgyas kyi zhing phyogs bcu'i sangs rgyas kyi zhing rdul phra rab kyi rdul snyed kyi bar gzhan dag na sems can rnams kyis de lta bu'i las kun nas bslang ba dang / 'phangs pa dang / myong bar 'gyur bar nges pas sems can dmyal ba rab tu tsha bar skye bar 'gyur ba dang / de bzhin du tsha ba dang / ngu 'bod chen po dang / ngu 'bod dang / bsdus gzhom dang / thig nag dang / yang sos kyi bar dag la yang ji ltar sngar smos pa bzhin du brjod par bgyi'o/ /de bzhin du dud 'gro sna tshogs dag la yang brjod par bgyi'o/ /de bzhin du gshin rje'i 'jig rten la yang brjod par bgyi'o/ /de bzhin du gnod sbyin dbul po la yang brjod par bgyi'o/ /de bzhin du grul bum dang / sha za dang / lha ma yin dang / nam mkha' lding dag la yang brjod par bgyi'o/ /gang gi tshe phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed po gzhan dag tu sems can rnams sngon gyi las de lta bu dag gis 'phangs par gyur pa dang / de bzhin du sbyar te/ gang dag mi rnams kyi nang du 'on pa dang / long ba dang / lce ma mchis pa dang / lag pa ma mchis pa dang / rkang pa ma mchis pa dang / dran pa rab tu nyams pa'i sems dang ldan pa dag tu skye bar 'gyur ba dang / mi gtsang ba za ba rnams la yang de bzhin du sbyar te/ ji ltar sngar smos pa bzhin du yang bdag sems can dmyal ba mnar med pa dag tu skye bar gyur cig /gal te bdag bla na med pa yang dag par rdzogs pa'i byang chub tu re ba de lta bu</font><hr>45.257b<br><font size=+1>

yongs su rdzogs par mi 'gyur ba lta na/ 'khor bar sems can rnams yun ring po ji srid du khams dang / skye mched dang / phung po yongs su 'dzin par 'gyur ba'i yun ring po de srid du bdag ji ltar sngar smos pa bzhin du sems can dmyal ba dang / dud 'gro dang / yi dgas dang / gnod sbyin dang / lha ma yin dang / srin po rnams su mi'i bar gyi sdug bsngal skye ba rnam pa sna tshogs de lta bu dag gis de ltar sdug bsngal nyams su myong bar gyur cig /ji ste bdag gis sngar smos pa'i bar gyi bla na med pa yang dag par rdzogs pa'i byang chub tu re ba 'di dag yongs su rdzogs par 'gyur ba lta na sangs rgyas bcom ldan 'das rnams bdag gi dbang du gyur cig /phyogs bcu'i 'jig rten gyi khams dpag tu ma mchis grangs ma mchis pa gzhan dag na sangs rgyas bcom ldan 'das dag bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag kyang bdag gis dpang du 'gyur zhing ye shes su 'gyur bar gyur cig /btsun pa bcom ldan 'das bdag gis ji ltar dam bcas pa de lta bu'i sangs rgyas kyi mdzad pa dag sgrub par rngo thog cing bdag bskal pa bzang po la skye dgu'i tshe lo brgya nyi shu thub pa na de bzhin gshegs pa dgra bcom pa yang dag par rdzogs pa'i sangs rgyas rigs pa dang zhabs su ldan pa nas/ sangs rgyas bcom ldan 'das kyi bar du 'gyur ba lta na bdag bla na med pa yang dag par rdzogs pa'i byang chub tu lung bstan du gsol/ de nas de'i mod la de bzhin gshegs pa ma gtogs par thams cad dang ldan pa'i 'khor de dang / lha dang / mi dang / lha ma yin du bcas pa'i 'jig rten sa dang nam mkha'i ngos la gnas pa de dag thams cad mchi ma rab tu 'dzag bzhin du yan lag lngas rkang pa la phyag byas te smras pa/ snying rje chen po dang ldan pa khyod kyis dran pa thob pa dang / sems can zab mo rnams la snying rje chen po bskyed pa dang / smon lam chen po zab</font><hr>45.258a<br><font size=+1>

mo btab pa ni legs so legs so/ /lhag pa'i bsam pa des sems can thams cad la snying rje chen pos yang dag par bkab cing mtshams med pa byed pa dang / mi dge ba'i rtsa ba'i bar dang 'grogs pa'i 'dul ba rnams kyang phal cher yongs su bzungs ba yin no/ /ji ltar khyod kyis bla na med pa yang dag par rdzogs pa'i byang chub tu sems bskyed pa'i smon lam des na sems can rnams kyi sman dang / skyabs dang / dpung gnyen du gyur par shes so/ /sems can rnams sdug bsngal las rab tu thar bar bya ba'i smon lam btab pa bzhin du khyod kyi bsam pa yongs su rdzogs par gyur cig /bcom ldan 'das kyis bla na med pa yang dag par rdzogs pa'i byang chub tu lung bstan par yang gyur cig /rgyal po bdud rtsi dag pa nyid kyang ngu zhing bram ze'i rkang pa la yan lag lngas phyag byas te smras pa/ e ma'o mchog tu zab pa po/ /khyod ni bde la mi gnas te/ /khyod ni sems can snying rje ldan/ /khyod ni bdag gi mtshon ma yin/ /de bzhin du sbyar te spyan ras gzigs dbang phyug gis smras pa/ sems can chags pa dag la khyod ma chags/ /dbang po ta thul rnams las dbang rta thul/ /dbang po 'di rnams la ni dbang mdzad de/ /gzungs dang ye shes kyi ni mdzod du 'gyur/ /de bzhin du sbyar te mthu chen thob kyis smras pa/ sems can bye ba stong phrag mang po rnams/ /dge ba'i don du kun nas 'dus pa dag /mchog tu dka' ba'i sdug bsngal chen po yi/ /khyod ni snying rje la ni ngu bar byed/ /byang chub sems dpa' 'jam dpal gyis smras pa/ brtson 'grus ting ngi 'dzin brtan pa dang / /mkhas pa dang ni shes rab mchog /phreng ba dri dang byug pa yis/ /de phyir khyod la mchod par 'os/ /byang chub sems dpa' nam mkha'i phyag rgyas smras pa/ snying rje chen pos sems can la/ /de ltar khyod kyis sbyin pa byin/ /khyod ni dus 'di zad nas kyang / /mgon po mtshan gyi mchog</font><hr>45.258b<br><font size=+1>

tu 'gyur/ /byang chub sems dpa' rdo rjes gcod pa shes rab snang ba'i dpal gyis 'di skad ces smras so/ /ji ltar nam mkha' rgya che ba/ /de ltar khyod kyi snying rje'i gnas/ /khyod kyis sems can 'jigs med la/ /byang chub spyod pa dag kyang bstan/ /byang chub sems dpa' rnam par snang byed shugs kyis smras pa/ de bzhin gshegs pa ma gtogs par/ /sems can la brtse gzhan med de/ /gang phyir shes rab mkhas pa'i mchog /khyod ni yon tan kun dang ldan/ /spos kyi seng ges smras pa/ khyod ni ma 'ongs dus na ni/ /bzang la nyon mongs bdud kyi tshe/ /sems can sdug bsngal sgrol byed cing / /khyod kyi grags dang snyan pa 'thob/ /byang chub sems dpa' kun tu bzang pos smras pa/ skye ba'i dgon par brtson gyur cing / /log sgyus shin tu nyam nga ba/ /sha za ba dang khrag 'thung ba'i/ /sems rgyud tshig rnams bzung bar gyur/ /mi 'khrugs pas smras pa/ ma rig sgo nga'i sbubs chud cing / /nyon mongs 'dam du bying gyur la/ /mtshams med pa dag byed pa po/ /sems rgyud tshig rnams bzung bar gyur/ /spos kyi glang pos smras pa/ khyod kyis ma 'ongs 'jigs mthong ba/ /ji ltar me long dkyil 'khor bzhin/ /dam pa'i chos ni spong byed pa'i/ /sems rgyud tshig rnams bzung bar gyur/ /rin po che tog gis smras pa/ ye shes tshul khrims ting 'dzin dang / /snying rje'i rgyan kyis brgyan pa po/ /'phags la skur pa 'debs byed pa/ /sems rgyud tshig rnams bzung bar gyur/ /'jigs dang gdung bral gyis smras pa/ /khyod kyis ngan song gsum lam du/ /sems can sdug bsngal rnams mthong ba/ /chang ba stong 'drar gnas gyur pa/ /sems rgyud tshig rnams bzung bar gyur/ /lag na ud pa las smras pa/ khyod kyi snying rje ye shes dang / /brtson 'grus kyis ni 'khor ba bcom/ /skye dang</font><hr>45.259a<br><font size=+1>

'chi bas gzir gyur pa/ /sems rgyud tshig rnams bzung bar gyur/ /ye shes grags pas smras pa/ nad mang dag gis nyen pa dang / /nyon mongs rlung gis ded pa dag /ye shes chu yis zhi byas te/ /bdud kyi sde rnams rab tu bcom/ /gzungs kyi phyag rgyas kyang smras pa/ /ji ltar khyod ni nyi ma bzhin/ /nyon mongs dra ba rab bcom te/ /nyon mongs zad cing rnam thar pa'i/ /brtson 'grus brtan pa nged la med/ /ud pa la zla bas kyang smras pa/ ji ltar yon tan snying rje'i gnas/ /brtson 'grus brtan pa yang dag mos/ /srid pa'i 'ching bas rab bsdams pa/ /khams gsum po dag grol bar byed/ /dri med dbang pos smras pa/ byang chub sems dpa'i spyod yul gyi/ /snying rje chen po dag bstan pa/ /snying rje'i rgyu las byung ba po/ /khyod la bdag cag phyag 'tshal lo/ /stobs chen shugs 'chang gis kyang smras pa/ nyon mongs ldan pa'i rtsod dus tshe/ /byang chub gang dag khyod la rten/ /khyod kyis nyon mongs brtsad nas gcad/ /smon lam brtan pa 'grub par 'gyur/ /skar ma skyong gis kyang smras pa/ ye shes mdzod dang mtshungs 'dra ba/ /dri med smon lam btab pa yis/ /byang chub spyod phyir sems can gyi/ /sman dang rten du khyod 'gyur ro/ /byang chub sems dpa' sems dpa' chen po stobs yang dag par ston pa ngu zhing bram ze'i rkang pa la yan lag lngas phyag byas te thal mo sbyar nas smras pa/ kye ma shes sgron sems can rnams/ /nyon mongs nad rnams rnam par bcom/ /khyod ni rab 'bar snying rje can/ /sems can sdug bsngal grol bar mdzad/ /rigs kyi bu thams cad dang ldan pa'i 'khor de dang / lha dang / dri za dang / mi dang bcas pa dag gis kyang bram ze'i rkang pa la yan lag lngas phyag byas nas thal mo sbyar te don dang / tshig sna tshogs dang ldan pa'i tshigs su bcad</font><hr>45.259b<br><font size=+1>

pa dag gis mngon par bstod nas 'khod do/ /rigs kyi bu gang gi tshe bram ze rgya mtsho'i rdul gyis de bzhin gshegs pa rin po che'i snying po'i spyan sngar pus mo g.yas pa'i lha nga sa la btsugs pa dang / de nas de'i mod la sa cher g.yos par gyur cing phyogs bcu kun kyi sangs rgyas kyi zhing sangs rgyas kyis zhing gi rdul phra rab kyi rdul snyed dag gi sa yang g.yos/ rab tu g.yos/ kun tu rab tu g.yos/ 'khrugs/ rab tu 'khrugs/ kun tu rab tu 'khrugs/ ldeg /rab tu ldeg /kun tu rab tu ldeg cing / kun tu rab tu 'ur 'ur gyi bar du gyur nas yang phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed kyi sangs rgyas kyi zhing yongs su dag pa dang / yongs su ma dag pa gang dag na sangs rgyas bcom ldan 'das dag bzhugs te 'tsho zhing gzhes la sems can rnams la chos kyang ston pa dag tu yang snang ba chen po byung bar gyur cing me tog sna tshogs kyi char dag kyang rab tu bab par gyur te/ 'di lta ste/ me tog man dA ra ba dang / man dA ra ba chen po dang / 'od mtha' yas kyi bar gyi me tog gi char de lta bu dag kyang rab tu bab par gyur to/ /de nas byang chub sems dpa' sems dpa' chen po gang dag chos nyan pa'i phyir sangs rgyas bcom ldan 'das de dag gi spyan snga na 'dug pa'i byang chub sems dpa' sems dpa' chen po de dag gis sa g.yos pa de mthong nas sangs rgyas bcom ldan 'das de dag la byang chub sems dpa' de dag gis 'di skad ces bcom ldan 'das 'jig rten du sa cher g.yos shing / me tog gi char chen po yang mngon par rab tu bab par gyur pa'i rgyu ni gang lags/ rkyen ni gang lags shes yongs su zhus so/ /yang de'i tshe na shar phyogs logs su sangs rgyas kyi zhing 'di nas sangs rgyas kyi zhing gang gA'i klung gcig gi bye ma snyed 'das pa na 'jig rten gyi khams rin po che bstsags pa zhes</font><hr>45.260a<br><font size=+1>

bya ba zhig yod de/ sangs rgyas kyi zhing rin po che bstsags pa de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen zla ba zhes bya ba bzhugs te 'tsho zhing gzhes la 'di lta ste/ byang chub sems dpa' dpag tu med grangs med pa dag gis yongs su bskor cing mdun gyis bltas te theg pa chen po'i gtam 'ba' zhig gis chos ston to/ /sangs rgyas kyi zhing de na byang chub sems dpa' sems dpa' chen po rin po che'i tog dang / zla ba'i togs ces bya ba'i byang chub sems dpa' de gnyis kyis de bzhin gshegs pa rin chen zla ba ga la ba der logasu thal mo sbyar ba btud nas de bzhin gshegs pa rin chen zla ba la 'di skad ces gsol to/ /btsun pa bcom ldan 'das 'jig rten du sa chen po g.yos shing me tog gi char chen po dag rab tu bab par gyur pa'i rgyu ni gang lags/ rkyen ni gang lags/ de bzhin gshegs pa rin chen zla bas bka' stsal pa/ rigs kyi bu dag nub phyogs logs su sangs rgyas kyi zhing 'di nas sangs rgyas kyi zhing gang gA'i klung gcig gi bye ma snyed 'das pa de na 'jig rten gyi khams yang dag rtog ces bya ba zhig yod de/ sangs rgyas kyi zhing yang dag rtog de na de bzhin gshegs pa rin po che'i snying po zhes bya ba sangs rgyas bcom ldan 'das kyi bar zhig bzhugs te 'tsho zhing gzhes la byang chub sems dpa'i yul yang dag par ston pa'i smon lam bkod pa'i ting nge 'dzin gyi yul dang / gzungs kyi sgo bkod pa'i chos kyi rnam grangs 'chad cing byang chub sems dpa' bye ba phrag mang po dag bla na med pa yang dag par rdzogs pa'i byang chub tu lung ston to/ /de na byang chub sems dpa' sems dpa' chen po snying rje chen po dang ldan pa gcig cig yod pa des smon lam 'di lta bu btab cing snying rje chen po yongs su bsgoms pa'i tshig brjod de/ byang chub sems dpa' rnams bla na med pa yang</font><hr>45.260b<br><font size=+1>

dag par rdzogs pa'i byang chub tu lung ston pa bshad pa dang / srog chags bye ba phrag mang po dag gis byang chub tu smon lam btab cing sangs rgyas kyi zhing gi yon tan bkod pa dag kyang yongs su bzung ba dang / 'dul ba'i sems can rnams kyang yongs su bzung ba'i bar gyi smon lam de lta bu dag kyang brjod pas na/ gang gis thams cad dang ldan pa'i 'khor de zil gyis mnan cing rtsod pa'i dus kyi sangs rgyas kyi zhing nyon mongs pa can snyigs ma lnga dang ldan zhing nyon mongs pa'i sgrib pa can dang / mtshams med pa byed cing mi dge ba'i rtsa ba'i bar dag dang 'grogs la sems kyi rgyud tshig pa'i 'dul ba thams cad yongs su bzung ba'i byang chub sems dpa' sems dpa' chen po de gcig pu rnam pa thams cad du snying rje chen po dang ldan pa yin te/ thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten gyis kyang de bzhin gshegs pa rin po che'i snying po de spangs nas snying rje chen po dang ldan pa'i phyi ma de la mchod pa bya ba'i phyir brtson zhing yan lag lngas phyag byas te thal mo sbyar zhing 'dug nas de'i bsngags pa yang brjod par byed do/ /sems can chen po de yang bcom ldan 'das de bzhin gshegs pa rin po che'i snying po'i spyan sngar 'dug cing lung bstan pa nyan to/ /gang gi tshe sems can chen po des bcom ldan 'das de'i spyan sngar pus mo g.yas pa'i lha nga sa la gtsugs par gyur pa de'i tshe bcom ldan 'das des 'di lta ste/ phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag g.yos shing me tog gi char dag kyang mngon par rab tu bab par gyur pa de lta bu'i 'dzum pa mdzad do/ /sangs rgyas kyi zhing de dag thams cad kyi byang chub sems dpa' sems dpa' chen po de dag rab tu sad par bya ba dang / snying rje chen po dang ldan pa'i byang chub sems dpa'i smon lam gyi spyod pa nges pa bstan par bya ba dang / byang chub sems dpa' sems dpa' chen po</font><hr>45.261a<br><font size=+1>

rnams sangs rgyas kyi zhing sangs rgyas kyi zhing gi rdul phra rab kyi rdul snyed dag gi phyogs nas bsdu bar bya ba dang / byang chub sems dpa' sems dpa' chen po rnams la ting nge 'dzin gyi sgo bstan pa'i spyod pa 'jigs pa med pa'i chos kyi rnam grangs bshad par bya ba'i phyir de bzhin gshegs pa des de lta bu'i cho 'phrul dag bstan to/ /rigs kyi bu de bzhin gshegs pa rin chen zla ba la byang chub sems dpa' de gnyis kyis yongs su zhus pa/ btsun pa bcom ldan 'das gang gis snyigs ma lnga dang ldan pa'i 'jig rten du nyon mongs pa dang / 'khrug pa bdo zhing rtsod pa'i dus la bab pa'i dus yongs su bzung ste/ mtshams ma mchis pa bgyid pa dang / mi dge ba'i rtsa ba'i bar dang 'grogs par gyur cing / sems kyi rgyud tshig pa'i 'dul ba'i sems can rnams kyang yongs su bzung bar gyur pa'i byang chub sems dpa' sems dpa' chen po snying rje chen po dang ldan pa des yun ring po ji srid cig nas byang chub tu sems bskyed cing / yun ring po ji srid cig tu byang chub kyi spyad pa spyod pa lags/ de bzhin gshegs pa rin chen zla bas bka' stsal pa/ rigs kyi bu dag snying rje chen po dang ldan pa des ni da gdod bla na med pa yang dag par rdzogs pa'i byang chub tu sems dang po bskyed do/ /rigs kyi bu dag khyed kyang de bzhin gshegs pa dgra bcom pa yang dag par rdzogs pa'i sangs rgyas rin po che'i snying po de la blta ba dang / phyag bya ba dang / bsnyen bkur bya ba'i phyir sangs rgyas kyi zhing yang dag rtog der deng la/ ting nge 'dzin gyi sgo bstan pa'i spyod pa 'jigs pa med pa'i chos kyi rnam grangs de yang nyon cig /byang chub sems dpa' sems dpa' chen po snying rje chen po dang ldan pa de la nga'i tshig gis dris la 'di skad du de bzhin gshegs pa rin chen zla ba skyes bu dam pa khyod la 'dri ba mdzad de/ me tog zla ba mdog mdzes dri ma med pa 'di yang bskur zhing legs so zhes bya ba byin te/ skyes bu dam pa khyod kyis de ltar sems dang po</font><hr>45.261b<br><font size=+1>

bskyed pa nas snying rje chen po brjod pas phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed kyi sangs rgyas kyi zhing rnams sgras gang bar gyur te/ des na khyod kyis thams cad du snying rje chen po dang ldan pa zhes bya ba'i ming rab tu thob pa yin no/ /skyes bu dam pa de'i phyir khyod ni byang chub sems dpa' sems dpa' chen po snying rje chen po dang ldan pa phyi ma rnams la yang snying rje chen po brjod pa'i smon lam gyis yang dang yang du byams pa'i rgyal mtshan legs par 'dzugs par 'gyur te/ skyes bu dam pa de'i phyir ma 'ongs pa'i bskal pa grangs med pa sangs rgyas kyi zhing gi rdul phra rab kyi rdul snyed na phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag tu yang / yang dang yang du khyod kyi snyan pa dang grags pa'i sgras kun tu gang bar 'gyur ro/ /gang khyod kyis sems can bye ba khrag khrig 'bum phrag mang po grangs med pa dag bla na med pa yang dag par rdzogs pa'i byang chub yang dag par rdzogs pa'i byang chub yang dag par 'dzin du bcug cing btsud de rab tu bkod nas bcom ldan 'das la phul ba rnams kyang bla na med pa yang dag par rdzogs pa'i byang chub las phyir mi ldog pa la bkod par gyur te/ de la kha cig smon lam gyis sangs rgyas kyi zhing gi yon tan bkod pa dag yongs su 'dzin par 'gyur ba gang yin pa dag ni phyis lung bstan pa thob par 'gyur ro/ /gang dag khyod kyis byang chub yang dag par 'dzin du bcug pa de dag thams cad kyang phyis bskal pa grangs med pa sangs rgyas kyi zhing gi rdul phra rab kyi rdul snyed kyi bar dag gis phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed po gzhan dag tu sangs rgyas nyid thob cing chos kyi 'khor lo bskor nas/ de dag khyod las brtsams nas bsngags pa brjod par 'gyur te/ rgyu gsum po des na skyes bu dam pa khyod legs so zhes kyang smros shig /yang de'i tshe byang chub sems dpa' dung phyur phrag dgu dang / bye ba phrag gnyis kyis</font><hr>45.262a<br><font size=+1>

tshig 'thun par gsol pa/ btsun pa bcom ldan 'das bdag cag kyang de bzhin gshegs pa dgra bcom pa yang dag par rdzogs pa'i sangs rgyas rin po che'i snying po de la blta ba dang / phyag bya ba dang / bsnyen bkur bgyi ba dang / de bzhin gshegs pas gang la yan lag gsum gyis legs so zhes bgyi ba spring zhing me tog zla ba mdog mdzes dri ma med pa 'di bskur ba'i skyes bu dam pa de yang blta ba'i slad du sangs rgyas kyis zhing yang dag rtog der mchi lags so/ /rigs kyi bu de bzhin gshegs pa rin chen zla ba des bka' stsal pa/ rigs kyi bu dag de'i dus la da bab par shes na deng la/ der de bzhin gshegs pa rin po che'i snying po las ting nge 'dzin gyi sgo bstan pa'i spyod pa 'jigs pa med pa'i chos kyi rnam grangs de yang nyon cig /rigs kyi bu de nas rin po che'i tog dang / zla ba'i tog gnyis kyis de bzhin gshegs pa rin chen zla ba las me tog zla ba mdog mdzes dri ma med pa blangs te byang chub sems dpa' dung phyur phrag dgu dang / bye ba phrag gnyis po dag dang lhan cig tu 'jig rten gyi khams rin chen bstsags pa nas 'phags nas/ 'di lta ste dper na glog bzhin du byang chub sems dpa'i 'khor de dang / sangs rgyas kyi zhing rin chen bstsags pa de nas mi snang bar gyur te sangs rgyas kyi zhing yang dag rtog gi 'dzam bu'i tshal gyi bskyed mos tshal 'dir lhags nas de bzhin gshegs pa rin po che'i snying po ga la ba der dong ste phyin pa dang / de bzhin gshegs pa rin po che'i snying po'i zhabs la mgo bos phyag 'tshal te/ byang chub sems dpa'i rnam par 'phrul pa rnam pa sna tshogs dag gis mchod pa byas nas de bzhin gshegs pa rin po che'i snying po'i spyan snga na bram ze la thams cad dang ldan pa'i byang chub sems dpa'i 'khor rnams kyis thal mo sbyar cing bsngags pa brjod pa mthong ba dang / byang chub</font><hr>45.262b<br><font size=+1>

sems dpa' de gnyis 'di snyam du sems te de bzhin gshegs pa rin chen zla bas gang la me tog zla ba mdog mdzes dri ma med pa 'di dag bskur ba'i snying rje chen po dang ldan pa de ni 'di yin pa blta snyam mo/ /de nas byang chub sems dpa' de gnyis bcom ldan 'das kyi drung du phyir phyogs te/ bram ze la me tog phul nas 'di skad ces smras so/ /skyes bu dam pa de bzhin gshegs pa rin chen zla bas khyod la me tog zla ba mdog mdzes dri ma med pa 'di dag kyang bskur te/ skyes bu dam pa khyod la legs so zhes bya ba yang spring ngo zhes bya ba'i bar du ji ltar sngar smos pa bzhin no/ /de bzhin du sbyar te/ shar phyogs kyi sangs rgyas kyi zhing dpag tu med grangs med pa dag nas byang chub sems dpa' sems dpa' chen po rnams me tog zla ba mdog mdzes dri ma med pa dag thogs te sangs rgyas kyi zhing yang dag rtog tu lhags pa dang / bram ze la me tog bskur ba dang / yan lag gsum gyis legs so zhes bya ba spring ba yang ji ltar sngar smos pa bzhin no/ /de bzhin du lho phyogs logs su sangs rgyas kyi zhing 'di nas sangs rgyas kyi zhing bye ba khrag khrig 'bum phrag dgu bcu rtsa bdun 'das pa de na 'jig rten gyi khams ba gam gyis bsgyings pa zhes bya ba zhig yod de/ sangs rgyas kyi zhing ba gam gyis bsgyings pa de na de bzhin gshegs pa dgra bcom pa yang dag par rdzogs pa'i sangs rgyas seng ge ltar bsgyings pa'i dbang phyug rgyal po zhes bya ba bzhugs te 'tsho zhing gzhes la byang chub sems dpa' sems dpa' chen po 'ba' shig dag la theg pa chen po'i gtam 'ba' shig gi chos ston to/ /'khor de na byang chub sems dpa' sems dpa' chen po gnyis la gcig ni ye shes rdo rje'i tog ces bya/ cig shos ni seng ge rdo rje'i tog ces bya ste/ byang chub sems dpa' sems dpa' chen po de gnyis kyis de bzhin gshegs pa seng ge ltar bsgyings pa'i dbang phyug</font><hr>45.263a<br><font size=+1>

rgyal po la yongs su zhus pa/ btsun pa bcom ldan 'das 'jig rten du sa cher g.yos shing me tog gi char chen po bab par gyur pa'i rgyu ni gang lags/ rkyen ni gang lags shes bya'i bar du ji ltar sngar smos pa bzhin no/ /de bzhin du sbyar te lho phyogs kyi sangs rgyas kyi zhing dpag tu med grangs med pa gzhan dang gzhan dag nas byang chub sems dpa' sems dpa' chen po bye ba khrag khrig 'bum phrag dpag tu med grangs med pa dag sangs rgyas kyi zhing yang dag rtog tu lhags pa'i bar du yang ji ltar sngar smos pa bzhin no/ /yang de'i tshe na nub phyogs logs su sangs rgyas kyi zhing 'di nas sangs rgyas kyi zhing bye ba khrag khrig 'bum phrag dgu bcu rtsa gcig 'das pa'i sangs rgyas kyi zhing de na/ sangs rgyas kyi zhing rgyal ba can zhes bya ba zhig yod de/ de bzhin gshegs pa dbang po thul ba yangs pa'i spyan zhes bya ba bzhugs te 'tsho zhing gzhes la 'khor bzhi po dag la theg pa gsum gyis chos ston to/ /de na byang chub sems dpa' sems dpa' chen po rnam par snang byed bzang po zhes bya ba dang / byang chub sems dpa' sems dpa' chen po gnyis pa seng ge ltar bsgyings pa zhes bya ba zhig yod de/ skyes bu dam pa de gnyis kyis de bzhin gshegs pa dbang po thul ba yangs pa'i spyan la sa cher g.yos shing me tog gi char chen po bab pa ji las gyur ces don de yongs su zhus pa'i bar du yang ji ltar sngar smos pa bzhin no/ /yang de'i tshe na byang phyogs logs su sangs rgyas kyi zhing 'di nas sangs rgyas kyi zhing bye ba khrag khrig 'bum phrag dgu bcu 'das pa de na 'jig rten gyi khams ngur smrig ces bya ba zhig yod de/ de na de bzhin gshegs pa 'jig rten dbang phyug rgyal po zhes bya ba sangs rgyas bcom ldan 'das kyi bar zhig theg pa chen po la yang dag par zhugs pa'i byang chub sems dpa' 'ba' shig dag la theg pa chen po'i gtam</font><hr>45.263b<br><font size=+1>

'ba' shig gi chos ston to/ /de na byang chub sems dpa' sems dpa' chen po gnyis la gcig ni mi g.yo brtan pa zhes bya/ cig shos ni shes rab 'dzin ces bya ste/ de gnyis kyis de bzhin gshegs pa 'jig rten dbang phyug rgyal po la btsun pa bcom ldan 'das 'jig rten du sa cher g.yos shing me tog gi char chen po bab par gyur pa'i rgyu ni gang lags/ rkyen ni gang lags shes yongs su zhus pa'i bar du yang ji ltar sngar smos pa bzhin no/ /yang de'i tshe na 'og gi phyogs logs su sangs rgyas kyi zhing 'di nas sangs rgyas kyi zhing khrag khrig phrag dgu bcu rtsa brgyad 'das pa de na 'jig rten gyi khams gti mug mun bral zhes bya ba zhig yod de/ de na de bzhin gshegs pa kun nas ldang ba'i 'jigs pa dang bral ba'i dbyangs shes bya ba bzhugs te 'tsho zhing gzhes la 'khor bzhi po dag la theg pa gsum gyis chos ston to/ /sangs rgyas kyi zhing de na byang chub sems dpa' gnyis la gcig ni rnam par snang byed rdul bral zhes bya/ cig shos ni rnam par snang byed nyi ma zhes bya ba'i bar du ji ltar sngar smos pa bzhin no/ /yang de'i tshe na steng gi phyogs logs su sangs rgyas kyi zhing 'di nas sangs rgyas kyi zhing nyi 'bum 'das pa de na 'jig rten gyi khams me tog kun tu rgyas pa zhes bya ba zhig yod de/ sangs rgyas kyi zhing me tog kun tu rgyas pa de na/ de bzhin gshegs pa rnam par snang mdzad me tog rab rgyas shes bya ba sangs rgyas bcom ldan 'das kyi bar zhig bzhugs te 'tsho zhing gzhes la 'khor bzhi po dag la theg pa gsum gyis chos ston to/ /sangs rgyas kyi zhing de na byang chub sems dpa' sems dpa' chen po gnyis shig 'khod pa la gcig ni rang gis rnam par 'byed pas yul yang dag par 'khrug pa zhes bya/ cig shos ni byang chub sems dpa' gzungs kyis yang dag par rab tu dga' ba rnams 'khrugs pa zhes bya ste/ skyes bu dam pa de gnyis kyis de bzhin gshegs pa</font><hr>45.264a<br><font size=+1>

rnam par snang mdzad me tog rab rgyas la btsun pa bcom ldan 'das 'jig rten du sa cher g.yos shing me tog gi char chen po bab par gyur pa'i rgyu gang lags/ rkyen ni gang lags shes zhus pa dang de bzhin gshegs pa rnam par snang mdzad me tog rab rgyas kyis bka' stsal pa/ rigs kyi bu dag 'di nas 'og gi phyogs logs su sangs rgyas kyi zhing 'di nas sangs rgyas kyi zhing nyi 'bum 'das pa de na 'jig rten gyi khams yang dag rtog ces bya ba zhig yod de/ de na de bzhin gshegs pa rin po che'i snying po zhes bya ba sangs rgyas bcom ldan 'das kyi bar zhig bzhugs te 'tsho zhing gzhes la/ byang chub sems dpa'i yul dang zhing yang dag par ston pa'i smon lam gyi yul bkod pa'i ting nge 'dzin gyi yul dang / gzungs kyi sgo bkod pa'i chos kyi rnam grangs 'chad cing byang chub sems dpa' bye ba phrag mang po dag bla na med pa yang dag par rdzogs pa'i byang chub tu lung ston to/ /de na byang chub sems dpa' sems dpa' chen po snying rje chen po dang ldan pa gcig cig yod pa des smon lam 'di lta bu btab cing snying rje chen po yongs su bsgoms pa'i tshig brjod de/ byang chub sems dpa' sems dpa' chen po rnams bla na med pa yang dag par rdzogs pa'i byang chub tu lung bstan pa bshad pa dang / ci nas kyang byang chub sems dpa' bye ba phrag mang po dag gis sangs rgyas kyi zhing gi smon lam btab cing sangs rgyas kyi zhing gi yon tan bkod pa dang / 'dul ba'i sems can rnams kyang yongs su bzung ba'i smon lam de lta bu dag kyang brjod pas na/ gang gis thams cad dang ldan pa'i 'khor de zil gyis mnan cing rtsod pa'i dus kyi sangs rgyas kyi zhing nyon mongs pa can snyigs ma lnga dang ldan zhing nyon mongs pa'i sgrib pa can dang / mtshams med pa byed cing mi dge ba'i rtsa</font><hr>45.264b<br><font size=+1>

ba'i bar dang 'grogs la sems kyi rgyud tshig pa'i 'dul ba thams cad yongs su bzung ba'i byang chub sems dpa' sems dpa' chen po de gcig pu rnam pa thams cad du snying rje chen po dang ldan pa yin te/ thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten gyis kyang de bzhin gshegs pa rin po che'i snying po la mchod pa bya ba spangs nas snying rje chen po dang ldan pa phyi ma de la mchod pa bya ba'i phyir brtson zhing yan lag lngas phyag byas te thal mo sbyar cing 'dug nas de'i bsngags pa yang rjod par byed do/ /sems can chen po de yang bcom ldan 'das de bzhin gshegs pa rin po che'i snying po'i spyan snga na 'dug cing lung bstan pa nyan to/ /gang gi tshe sems can chen po des bcom ldan 'das de'i spyan sngar pus mo g.yas pa'i lha nga sa la btsugs par gyur pa de'i tshe bcom ldan 'das des 'di lta ste/ phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag gi sa chen po dag rnam pa drug tu g.yos rab tu g.yos kun tu rab tu g.yos shing 'gul ba dang / me tog gi char dag kyang mngon par rab tu bab par gyur pa de lta bu'i 'dzum pa mdzad do/ /sangs rgyas kyi zhing de dag thams cad kyi byang chub sems dpa' sems dpa' chen po de dag rab tu sad par bya ba dang / snying rje chen po dang ldan pa'i byang chub sems dpa'i smon lam gyi spyod pa nges par bstan par bya ba dang / byang chub sems dpa' sems dpa' chen po rnams 'jig rten gyi khams sangs rgyas kyi zhing gi rdul phra rab kyi rdul snyed dag gis phyogs nas bsdu bar bya ba dang / byang chub sems dpa' sems dpa' chen po rnams la ting nge 'dzin gyi sgo bstan pa'i spyod pa 'jig pa med pa'i chos kyi rnam grangs bshad par bya ba'i phyir</font><hr>45.265a<br><font size=+1>

de bzhin gshegs pa des de lta bu'i cho 'phrul bstan to// // bam po bcu gnyis pa/ rigs kyi bu de bzhin gshegs pa rnam par snang mdzad me tog rab rgyas de la byang chub sems dpa' sems dpa' chen po rang gis rnam par 'byed pas yul yang dag par 'khrugs pa dang / gzungs kyis yang dag par rab tu dga' ba rnam par 'khrugs pa zhes bya ba'i rigs kyi bu de gnyis kyis yongs su zhus pa/ btsun pa bcom ldan 'das gang gis snyigs ma lnga dang ldan pa'i 'jig rten du nyon mongs pa dang 'khrug pa bdo zhing rtsod pa'i dus la bab pa'i dus yongs su bzung zhing mtshams ma mchis pa bgyid pa dang / mi dge ba'i rtsa ba'i bar dang 'grogs par gyur cing / sems kyi rgyud tshigs pa'i 'dul ba'i sems can rnams kyang yongs su bzung bar gyur pa'i byang chub sems dpa' sems dpa' chen po snying rje chen po dang ldan pa des yun ring po ji srid cig nas byang chub tu sems bskyed cing / yun ring po ji srid cig tu byang chub kyi spyod pa spyad lags/ de bzhin gshegs pa rnam par snang mdzad me tog rab rgyas kyis bka' stsal pa/ rigs kyi bu dag snying rje chen po dang ldan pa des ni gdod bla na med pa yang dag par rdzogs pa'i byang chub tu sems bskyed do/ /rigs kyi bu dag khyed kyang de bzhin gshegs pa dgra bcom pa yang dag par rdzogs pa'i sangs rgyas rin po che'i snying po de la blta ba dang / phyag bya ba dang / bsnyen bkur bya ba dang / ting nge 'dzin kyi sgo bstan pa'i spyod pa 'jigs pa med pa'i chos kyi rnam grangs de yang mnyan pa'i phyir 'jig rten gyi khams yang dag rtog der nged la byang chub sems dpa' sems dpa' chen po snying rje chen po dang ldan pa de la nga'i tshig gis dris la 'di skad du de bzhin gshegs pa rnam par snang mdzad me tog rab rgyas skyes bu dam pa khyod la dri bar mdzad de/ me tog zla ba mdog mdzes dri ma med pa 'di dag kyang bskur zhing legs so zhes bya ba yang byin te/ </font><hr>45.265b<br><font size=+1>

skyes bu dam pa khyod kyis de ltar sems dang po bskyed pa nas snying rje chen po brjod pas phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag tu sgras gang bar gyur cing / snying rje chen po'i sgra yang rab tu thob pa yin no/ /skyes bu dam pa de'i phyir na khyod ni theg pa chen po la yang dag par zhugs pa'i byang chub sems dpa' sems dpa' chen po snying rje chen po dang ldan pa'i phyi ma rnams la yang snying rje chen po brjod pa'i smon lam gyis yang dang yang du byams pa'i rgyal mtshan legs par 'dzugs par 'gyur te/ skyes bu dam pa de'i phyir ma 'ongs pa'i bskal pa grangs med pa sangs rgyas kyi zhing gi rdul phra rab kyi rdul snyed na phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag tu yang dang yang du khyod kyi snyan pa dang / grags pa'i sgras kun tu gang bar 'gyur ro/ /skyes bu dam pa de'i phyir khyod kyis sems can bye ba khrag khrig 'bum phrag mang po grangs med pa dag bla na med pa yang dag par rdzogs pa'i byang chub yang dag par 'dzin du bcug cing btsud de rab tu bkod nas/ bcom ldan 'das la phul ba rnams kyang bla na med pa yang dag par rdzogs pa'i byang chub las phyir mi ldog pa la bkod par gyur te de la kha cig gis bcom ldan 'das kyi thad nas smon lam gyis sangs rgyas kyi zhing gi yon tan bkod pa dag yongs su bzung ba dag dang / 'dul ba'i sems can rnams kyang snying rje'i 'od zer dag gis kun tu bkab par gyur to/ /gang dag khyod kyis bla na med pa yang dag par rdzogs pa'i byang chub yang dag par 'dzin du bcug nas lung bstan pa ma thob pa de dag kyang phyis lung bstan pa thob par 'gyur te/ de dag thams cad kyang phyis bskal pa grangs med pa sangs rgyas kyi zhing gi rdul phra rab kyi rdul snyed kyi bar dag gis phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed po gzhan dag tu sangs rgyas nyid thob cing chos dang ldan pa'i chos kyi 'khor lo bskor nas</font><hr>45.266a<br><font size=+1>

khyod nyid las brtsams shing bsngags pa rjod par 'gyur te/ rgyu gsum po des na skyes bu dam pa khyod legs so zhes kyang smros shig /yang de'i tshe na byang chub sems dpa' bye ba phrag mang po dag gis kyang 'di skad ces gsol to/ /btsun pa bcom ldan 'das bdag cag kyang de bzhin gshegs pa dgra bcom pa yang dag par rdzogs pa'i sangs rgyas rin po che'i snying po de la blta ba dang / phyag bgyi ba dang / bsnyen bkur bgyi ba dang / de bzhin gshegs pas gang la yan lag gsum gyis legs so zhes bgyi ba spring zhing / me tog zla ba mdog mdzes dri ma med pa 'di dag bskur ba'i skyes bu dam pa de yang blta ba'i slad du sangs rgyas kyi zhing yang dag rtog der mchi lags so/ /rigs kyi bu de bzhin gshegs pa rnam par snang mdzad me tog rab rgyas des bka' stsal pa/ rigs kyi bu dag de'i dus la da bab par shes na khyed cag deng la der de bzhin gshegs pa rin po che'i snying po las ting nge 'dzin gyi sgo bstan pa'i spyod pa 'jigs pa med pa'i chos kyi rnam grangs de yang nyon cig /rigs kyi bu de nas byang chub sems dpa' rang gis rnam par 'byed pas yul yang dag par 'khrugs pa dang / gzungs kyis yang dag par rab tu dga' ba rnam par 'khrugs pa zhes bya ba'i de gnyis kyis de bzhin gshegs pa rnam par snang mdzad me tog rab rgyas de las me tog zla ba mdog mdzes dri ma med pa dag blangs nas byang chub sems dpa' bye ba phrag mang po dang lhan cig tu sangs rgyas kyi zhing gi me tog kun tu rgyas pa nas 'phags te skad cig gcig gis sangs rgyas kyi zhing 'di'i 'dzam bu'i tshal gyi bskyed mos tshul du lhags te phyin pa dang / de bzhin gshegs pa rin po che'i ga la ba der dong ngo / /yang de'i tshe na thams cad dang ldan pa'i sangs rgyas kyi zhing yang dag rtog theg pa chen po pa'i byang chub sems dpa' rnams dang / rang sangs rgyas kyi theg pa pa dang / nyan thos kyi theg pa pa'i rigs kyi bu dag dang / snying po</font><hr>45.266b<br><font size=+1>

lha rnams dang / lto 'phye chen po'i bar dag gis 'di ltar yongs su gang bar gyur te/ 'di lta ste dper na/ bu ram shing gi tshal lam/ 'dam bu'i tshal lam/ til gyi zhing ngam/ 'bras kyi zhing rgyas pas kun tu khyab par gyur pa de bzhin du/ de'i tshe na sangs rgyas kyi zhing yang dag rtog kyang theg pa chen po'i rigs kyi bu rnams dang / lto 'phye chen po'i bar dag gis yongs su gang zhing khyab par gyur to/ /byang chub sems dpa' de dag gis kyang de bzhin gshegs pa rin po che'i snying po'i zhabs la mgo bos phyag 'tshal te/ ting nge 'dzin kyi stobs dang / byang chub sems dpa'i rnam par 'phrul pa rnam pa sna tshogs dag gis mchod pa byas nas/ de bzhin gshegs pa rin po che'i snying po'i spyan snga na bram ze la thams cad dang ldan pa'i 'khor rnams thal mo sbyar te bsngags pa brjod cing 'khod pa mthong ba dang / byang chub sems dpa' de dag 'di snyam du sems te/ de bzhin gshegs pa rnam par snang mdzad me tog rab rgyas kyis gang la me tog zla ba mdog mdzes dri med pa 'di dag bskur ba'i byang chub sems dpa' sems dpa' chen po snying rje chen po dang ldan pa de ni 'di yin pa lta snyam nas/ byang chub sems dpa' de dag bcom ldan 'das kyi drung nas phyir phyogs te/ bram ze de la me tog zla ba mdog mdzes dri ma med pa de dag phul nas smras pa/ skyes bu dam pa de bzhin gshegs pa rnam par snang mdzad me tog rab rgyas kyis khyod la me tog zla ba mdog mdzes dri ma med pa 'di bskur zhing skyes bu dam pa khyod la legs so zhes bya ba yang byin te/ yan lag gsum gyis legs so zhes bya ba brjod pa'i bar du yang ji ltar sngar smos pa bzhin no/ /me tog gang yin pa de dag sangs rgyas kyi zhing stong pa dag tu char bzhin du rab tu 'bab pa sangs rgyas kyi zhing de dag tu dge ba'i sgra rnam pa sna tshogs dag gis kyang kun kyis gang bar gyur te/ 'di lta ste sangs rgyas kyi sgra dang / </font><hr>45.267a<br><font size=+1>

chos kyi sgra dang / dge 'dun gyi sgra dang / snang ba'i sgra dang / pha rol tu phyin pa'i sgra dang / stobs kyi sgra dang / mi 'jigs pa'i sgra dang / mngon par shes pa'i sgra dang / mngon par 'du bya ba med pa'i sgra dang / skye ba med pa'i sgra dang / 'gag pa med pa'i sgra dang / zhi ba'i sgra dang / nye bar zhi ba'i sgra dang / rab tu zhi ba'i sgra dang / byams pa chen po'i sgra dang / snying rje chen po'i sgra dang / mi skye ba'i chos kyi sgra dang / dbang bskur ba'i sa thob pa'i sgra dang / theg pa chen po'i gtam 'ba' shig gi sgra ste/ me tog gi char chen po de dag gis dge ba'i sgra de lta bus sangs rgyas kyi zhing de dag bkang ste gnas so/ /byang chub sems dpa' sems dpa' chen po rdzu 'phrul che ba/ mthu che ba/ chos zab mo la dbang thob pa/ gang dag 'dul ba'i sems can yongs su smin par bya ba'i phyir smon lam gyi dbang gis sangs rgyas kyi zhing stong pa de dag tu lhags pa de dag gis sgra de thos nas sangs rgyas kyi mthu dang / smon lam gyi dbang dang / ting nge 'dzin gyi stobs kyis de dag de nas rdzu 'phrul gyis 'di ltar mgyogs par dong ste/ 'di lta ste dper na/ skyes bu stobs dang ldan pa lag pa brkyang ba de bzhin du/ byang chub sems dpa' de dag kyang sangs rgyas kyi zhing stong pa de dag nas dong ste/ sangs rgyas kyi zhing yang dag rtog 'dir lhags nas/ byang chub sems dpa' de dag gis byang chub sems dpa' rnam par 'phrul pa rnam pa sna tshogs dag gis de bzhin gshegs pa rin po che'i snying po la mchod pa byas shing thams cad dang ldan pa'i 'khor da la yang mchod pa byas nas chos nyan pa'i phyir gnas ji lta bu thob par 'khod do/ /rigs kyi bu mdun na 'don gyi gtso bo bram ze rgya mtsho'i rdul des kyang de bzhin gshegs pa rin po che'i snying po de la me tog zla ba mdog mdzes dri ma med pa de dag gis</font><hr>45.267b<br><font size=+1>

mchod pa byas te gsol pa/ btsun pa bcom ldan 'das bdag bla na med pa yang dag par rdzogs pa'i byang chub tu lung bstan du gsol/ rigs kyi bu de nas de bzhin gshegs pa rin po che'i snying po ting nge 'dzin glog gi sgron ma zhes bya ba la snyoms par zhugs te/ ting nge 'dzin des thams cad dang ldan pa'i sangs rgyas kyi zhing yang dag rtog rin po che sna bdun gyi rang bzhin du gnas par gyur nas ri dang / shing ljon pa rnams dang / rtswa dang / shing dang / sa gzhi thams cad kyang rin po che sna bdun gyi rang bzhin du kun tu snang ngo / /sems can gang dag chos mnyan pa'i phyir de na 'khod pa de dag kyang dge ba'i phyogs ji lta bu yid la byed pa de lta bu'i lus su kha cig ni ser po/ kha cig ni dkar po/ kha cig ni btsod kha/ kha cig ni dmar po/ kha cig ni nag po/ kha cig ni skya bor gnas te/ kha cig gi ni lus ni rlung lta bur kun tu snang / kha cig ni me lta bur/ kha cig ni nam mkha' lta bur/ kha cig ni smig rgyu lta bur/ kha cig ni chu lta bur/ kha cig ni ri lta bur/ kha cig ni tshangs pa lta bur/ kha cig ni brgya byin lta bur/ kha cig ni me tog lta bur/ kha cig ni nam mkha' lding lta bur/ kha cig ni seng ge lta bur/ kha cig ni nyi ma lta bur/ kha cig ni zla ba lta bur/ kha cig ni skar ma lta bur/ kha cig ni bya rgod lta bu dang / kha cig ni wa lta bu dag tu kun tu snang ste/ chos mnyan pa'i phyir de na 'khod pa'i sems can de dag dge ba'i phyogs ji lta bu yid la byed pa de lta bu'i lus su kun tu snang ngo / /rigs kyi bu de na sems can gang dag gis rang rang gi lus ji lta bur mthong ba de lta bur sems can de dag gis de bzhin gshegs pa rin po che'i snying po'i sku yang mthong ngo / /rigs kyi bu mdun na 'don kyi gtso bo bram ze rgya mtsho'i rdul des kyang mdun na de bzhin gshegs pa rin po che'i snying po rin po che sna bdun gyis</font><hr>45.268a<br><font size=+1>

pad ma 'dab ma stong dang ldan pa'i ze ba la bzhugs par mthong ngo / /rigs kyi bu de na sems can gang dag sa dang nam mkha' la 'dug pa dang / 'greng ba'i sems can re res kyang de bzhin gshegs pa rin po che'i snying po'i sku yang de ltar mthong ste/ bdag ni de bzhin gshegs pa rin po che'i snying po'i spyan snga na 'dug ste/ thugs thams cad kyis dgongs shing bdag gcig pu las brtsams te chos ston to snyam mo/ /rigs kyi bu de bzhin gshegs pa dgra bcom pa yang dag par rdzogs pa'i sangs rgyas rin po che'i snying pos bram ze rgya mtsho'i rdul de la legs so zhes bya ba byin te/ bram ze chen po snying rje chen po dang ldan pa khyod sems can bgrang ba las yang dag par 'das pa rnams la phan pa byed pa dang / 'jig rten la snang ba byed par gyur pa ni snying rje dang ldan pa yin te legs so legs so/ /bram ze 'di lta ste dper na me tog gi shing phun sum tshogs pa zhig la kha dog sna tshogs dang / dri sna tshogs dang / reg pa sna tshogs dang / 'dab ma sna tshogs dang / sdong bu sna tshogs dang / rtsa ba sna tshogs dang / sman gyi yo byad kyi gnas sna tshogs yod do/ /de la me tog kha cig gi kha dog dang dris ni dpag tshad brgyar/ kha cig gis ni dpag tshad nyis brgyar/ kha cig gis ni dpag tshad sum brgyar lhang nge lhan ner byed cing de bzhin du sbyar te/ de na me tog kha cig gi kha dog dang dris ni gling bzhi pa'i 'jig rten gyi khams thams cad du lhang nge lhan ner byed la/ de na sems can gang dag mig med pa de dag gis me tog de'i dri bsnams na ni mig dag thob par 'gyur/ 'on pa rnams kyis ni rna ba dag thob par 'gyur/ yan lag thams cad kyi bar dag nyams pa rnams kyis ni yan lag thams cad 'thob par 'gyur ba dang / de na sems can gang dag nad bzhi brgya rtsa bzhi po dag gis gtses par gyur pa de dag gis dri bsnams na ni nad thams cad las yongs su thar bar 'gyur ba dang</font><hr>45.268b<br><font size=+1>

de na sems can gang dag myos pa dang / brgyal ba dang / smyos pa dang / rengs pa dang / sems rmugs pa dang / sems rnam par g.yengs pa dang / dran pa rab tu nyams pa rnams kyis me tog de dag gi dri bsnams na ni dran pa thams cad thob par 'gyur ba zhig yod la/ me tog gi shing de'i nang nas pad ma kar po mkhrang ba sra ba rdo rje las grub pa 'jam pa sdong bu ni bai dUr+ya/ 'dab ma ni gser/ ze 'bru ni rdo'i snying po/ ze ba ni mu tig dmar po/ 'phang du dpag tshad brgyad khri bzhi stong / rgyar ni dpag tshad 'bum yod pa gcig cig skyes par gyur la/ pad ma dkar po de'i kha dog dang dris phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag tu khyab cing lhang nge lhan ner 'gyur la/ bram ze phyogs bcu'i 'jig rten gyi khams sangs rgyas kyi zhing gis rdul phra rab kyi rdul snyed po de dag na sems can gyi khams gang dag lus mi mthun pa dang / nad kyis nyen pa dang / yan lag nyams pa dang / myos pa dang / brgyal ba dang / smyos pa dang / gnyid log pa dang / dran pa rab tu nyams pa dang / sems rnam par g.yengs pa'i sems can de dag gis pad ma dkar po de'i 'od mthong zhing dri bsnams na nad thams cad rab tu zhi bar 'gyur zhing dran pa yang thob par 'gyur ba dang / sangs rgyas kyi zhing de dag na sems can gang dag shi nas yun ring po ma lon zhing lus ma zhig pa de dag gi ro la pad ma dkar po de'i 'od zer dag gis phog gam/ dris reg na ro de dag kyang srog gi dbang po 'thob par 'gyur zhing yang phyis langs te mdza' bshes dang / snag gi gnyen mtshams dag mthong nas de dag thams cad bskyed mos tshal du zhugs te/ 'dod pa'i yon tan lnga po dag 'byor cing ldan par 'gyur la gnas par 'gyur ba dang / gang dag yang de nas shi 'phos par 'gyur ba de dag kyang tshangs pa'i gnas dag par skye bar 'gyur la/ de dag der tshe dpag tu med par 'gyur zhing</font><hr>45.269a<br><font size=+1>

yun ring por gnas par 'gyur ba dang / de nas shi 'phos nas kyang gzhan du skye bar mi 'gyur ba zhig yod na/ bram ze me tog gi shing de ji lta bar theg pa chen po'i 'dus pa 'di yang de bzhin du lta bar bya'o/ /ji ltar nyi ma 'char ba nye bar gnas pa'i dus na me tog de dag kha bye zhing rab tu rgyas par gyur nas lhang nge lhan ne/ shing kha cig gi 'phang du ni dpag tshad brgya/ kha cig gi 'phang du ni dpag tshad stong gi bar du gyur nas sems can mang po de dag gi nad sna tshogs rab tu zhi bar byed pa de ltar ni 'jig rten du sangs rgyas nyi ma de bzhin gshegs pa skyes bu dam pa byung ba yin no/ /ji ltar nyi ma shar ba'i 'od zer dag gis me tog de dag kha phye zhing lam me lhang nge lhan ner gyur nas/ nad sna tshogs kyis nyen pa'i sems can rnams kyi nad nye bar zhi bar 'gyur ba de ltar ni skyes bu dam pa de 'jig rten du byung ste/ thugs rje'i 'od zer dag gis sems can rnams la khyab par mdzad cing kha phye nas yang dang yang du sems can rnams kyis bsod nams bya ba'i dngos po gsum po dag la mngon par sbyor bar mdzad pa dang / khyod kyis kyang sems can tshad med grangs med pa dag bla na med pa yang dag par rdzogs pa'i byang chub yang dag par 'dzin tu bcug cing btsud de rab tu bkod nas nga la phul ba de dag thams cad kyis nga'i drung du sangs rgyas kyi zhing dag yongs su bzung ste/ kha cig gis ni sangs rgyas kyi zhing yongs su dag pa dag yongs su bzungs / kha cig gis ni yongs su ma dag pa dag yongs su bzungs zhing rang rang gi smon lam ji ltar btab pa de ltar ngas kyang lung bstan pa yin no/ /skyes bu dam pa gang dag gis nga'i zad nas sangs rgyas kyi zhing yongs su dag pa dag yongs su bzung ba de dag gis ni 'dul ba'i sems can bsam pa dag pa/ gdul sla ba/ dge ba'i rtsa ba bskyed pa dag yongs su bzung bas na de'i phyir de dag ni byang chub sems dpa' sems dpa' chen po zhes </font><hr>45.269b<br><font size=+1>

mi bya ste/ de dag ni skyes bu dam pa chen po'i bya ba byed pa ma yin no/ /de dag ni snying rje chen pos sems dang sems las byung ba dag la 'jug pa ma yin no/ /byang chub sems dpa' de dag ni sems can thams cad la snying brtse ba'i phyir bla na med pa yang dag par rdzogs pa'i byang chub yongs su tshol ba ma yin te/ gang dag sangs rgyas kyi zhing yongs su dag pa de dag yongs su 'dzin pa'i byang chub sems dpa' de dag gis ni snying brtse ba spangs pa yin no/ /gang dag nyan thos dang / rang sangs rgyas kyi theg pa dag yongs su spangs pa'i sangs rgyas kyi zhing 'dod pa'i byang chub sems dpa' dag ni ye shes dang / bsam pa la mkhas par gyur pa ma yin no/ /gang dag ji ltar bdag nyan thos dang / rang sangs rgyas spangs pa/ dge ba'i rtsa ba dang 'grogs par gyur pa/ bud med rnams par spangs pa/ sems can dmyal ba dang / dud 'gro'i skye gnas dang / gshin rje'i 'jig rten rnam par spangs pa'i sangs rgyas kyi zhing du bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /theg pa chen po la yang dag par zhugs pa'i byang chub sems dpa' rnams la nyan thos dang / rang sangs rgyas kyis yongs su spangs pa theg pa chen po'i gtam 'ba' shig gis chos ston par gyur cig /bdag gis byang chub thob nas kyang tshe ring por gyur te/ yun ring du gnas shing bskal pa mang por bsam pa dag pa dang / gdul sla ba dang / dge ba'i rtsa ba dang 'grogs par gyur pa rnams la chos ston par gyur cig ces smon lam de lta bu 'debs pa'i byang chub sems dpa' de dag ni des na ye shes dang / bsam pa la mkhas par gyur pa yang ma yin la byang chub sems dpa' sems dpa' chen po zhes kyang mi bya'o/ /rigs kyi bu de nas de bzhin gshegs pa rin po che'i snying po des phyag brkyang ste/ sor mo lnga las 'od zer kha dog sna tshogs/ kha dog du ma/ kha dog 'bum</font><hr>45.270a<br><font size=+1>

phrag du ma dang ldan pa dag rab tu bkye'o/ /'od zer de dag tshad med grangs med dpag tu med pa'i phyogs su dong ste/ sangs rgyas kyi zhing rnams snang bar byas nas/ de nas 'jig rten gyi khams mthe bo can zhes bya ba yod de/ 'jig rten gyi khams mthe bo can de na mi rnams ni tshe lo bcu pa mdog ngan pa/ mi sdug pa/ mi dge ba'i rtsa ba dang ldan pa ste/ khrun ni mthe bo'i tshad tsam mo/ /de na de bzhin gshegs pa dgra bcom pa yang dag par rdzogs pa'i sangs rgyas skar ma la dga' ba zhes bya ba bzhugs te/ de bzhin gshegs pa de'i sku'i khrun yang rtsod pa'i dus kyi tshad kyi mi rnams kyi khru gang dang / mthe bo tsam gyi mi rnams kyi khru gang dang / sor bdun gyi tshad tsam ste/ de bzhin gshegs pa de yang bzhugs te 'tsho zhing gzhes la 'khor bzhi po rnams la theg pa gsum po dag gis chos ston to/ /rigs kyi bu de nas thams cad dang ldan pa'i 'khor des sangs rgyas kyi zhing de dang / mi de dag dang / de bzhin gshegs pa de mthong nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying pos bka' stsal pa/ de bzhin gshegs pa skar ma la dga' ba des ni bskal pa dpag tu med grangs med pa 'das pa na de bzhin gshegs pa rin po che'i gdugs mngon par 'phags par snang ba'i spyan sngar dang po bla na med pa yang dag par rdzogs pa'i byang chub tu sems bskyed de/ srog chags bye ba khrag khrig phrag mang po dag bla na med pa yang dag par rdzogs pa'i byang chub yang dag par 'dzin du bcug cing btsud de rab tu bkod do/ /sems can de dag gis kyang de bzhin gshegs pa rin po che'i gdugs mngon par 'phags par snang ba'i spyan sngar bsam pa ji lta ba bzhin du smon lam btab ste/ kha cig gis ni sangs rgyas kyi zhing gi yon tan bkod pa yongs su dag pa dag yongs su bzung ngo / /kha cig gis ni yongs su ma dag pa snyigs ma lnga dang ldan pa dag yongs su bzung ngo / /</font><hr>45.270b<br><font size=+1>

de na sems can chen po des nga yang bla na med pa yang dag par rdzogs pa'i byang chub yang dag par 'dzin du bcug cing bzhag ste rab tu gnas par byas nas/ der ngas de bzhin gshegs pa rin po che'i gdugs mngon par 'phags par snang ba'i spyan sngar snyigs ma lnga dang ldan pa'i sangs rgyas kyi zhing gi yon tan bkod par bla na med pa yang dag par rdzogs pa'i byang chub mngon par rdzogs par 'tshang rgya bar smon lam btab bo/ /de bzhin gshegs pa des kyang nga la legs so zhes bya ba byin nas nga bla na med pa yang dag par rdzogs pa'i byang chub tu lung bstan to/ /de na gang gis byang chub yang dag par 'dzin du bcug pa'i dge ba'i bshes gnyen skyes bu dam pa des snyigs ma lnga shin tu bdo zhing nyon mongs pa dang rtsod pa'i dus la bab pa'i tshe shin tu nyon mongs pa'i sangs rgyas kyi zhing yongs su bzung zhing 'dul ba'i sems can mtshams med pa byed pa dang / mi dge ba'i rtsa ba dang ldan pa dang / sems kyi rgyud tshig pa dang / 'khor ba'i 'brog dgon pa nyam nga bar zhugs pa dag smon lam gyis yongs su bzung nas skyes bu dam pa de la phyogs bcu'i 'jig rten khyims dpag tu med grangs med pa gzhan dang gzhan dag na bzhugs te/ 'tsho zhing gzhes pa'i sangs rgyas bcom ldan 'das rnams kyis kyang legs so zhes pho nya btang ste/ snying rje chen po rnam par snang byed zhi ba zhes bya bar ming btags so/ /nga'i dge ba'i bshes gnyen phan par mdzad pa'i byang chub sems dpa' sems dpa' chen po snying rje chen po rnam par snang byed zhi ba de da ltar 'jig rten gyi khams mthe bo can du mthe bo'i tshad tsam gyi mi rnams kyi nang du mngon par rdzogs par sangs rgyas nas ring po ma lon te/ de bzhin gshegs pa khru gang tsam po des mthe bo'i tshad tsam gyi mi de dag nyid kyi khru gsum gyi tshad tsam gyis skye dgu tshe lo bcu pa rnams la chos dang ldan pa'i chos kyi 'khor lo bskor te/ /des dang po bla na med pa yang dag par</font><hr>45.271a<br><font size=+1>

rdzogs pa'i byang chub yang dag par 'dzin du bcug cing btsud de rab tu bkod pa'i sangs rgyas bcom ldan 'das gang dag phyogs bcu'i 'jig rten gyi khams tshad med grangs med pa dag na bzhugs te 'tsho zhing gzhes pa de dag gis kyang byang chub thob pa de la mchod pa bya ba'i phyir pho nya dag btang ngo / /des dang po gang dag sbyin pa'i pha rol tu phyin pa nas/ shes rab kyi pha rol tu phyin pa'i bar dag yang dag par 'dzin du bcug cing btsud de rab tu bkod pa'i sangs rgyas bcom ldan 'das sngon gyi byas pa gzo zhing rjes su dgongs pa de dag gis kyang de bzhin gshegs pa de la me tog dag bskur ro/ /bram ze sangs rgyas bcom ldan 'das de dag ji ltar sangs rgyas kyi zhing rab tu dang ba dag na sems can tshe ring ba/ bsam pa yongs su dag pa/ bde bar gnas pa rnams la sangs rgyas kyi mdzad pa mdzad pa rnams dang / de bzhin gshegs pa skar ma la dga' ba de de ltar sangs rgyas kyi zhing rab tu ngan pa snyigs ma lnga dang ldan pa de lta bur sangs rgyas nyid thob nas sems can mtshams med pa byed pa dang / mi dge ba'i rtsa ba dang ldan par gyur pa'i bar dag la tshe thung ngus sangs rgyas kyi mdzad pa mang po lhag par mdzad cing / nyan thos dang rang sangs rgyas rnams kyang ma spangs par chos ston pa la ltos/ skyes bu dam pa khyod kyis kyang de ltar sangs rgyas kyi zhing shin tu ngan cing snyigs ma lnga dang ldan par mtshams med pa byed pa dang / mi dge ba'i rtsa ba dang ldan pa'i bar gyi 'dul ba'i sems can rnams yongs su bzung zhing smon lam khyad par can btab pas na/ byang chub sems dpa'i 'khor 'di dag thams cad zil kyis mnan to/ /byang chub sems dpa' gang dag gis sems can dmyal ba dang / dud 'gro'i skye gnas yongs su spangs pa dang / nyan thos dang / rang sangs rgyas yongs su spangs pa'i sangs rgyas kyi zhing yongs su dag pa rnams yongs su bzungs zhing 'dul ba'i sems can bsam pa dag pa shin tu dul ba/ dge ba'i rtsa ba bskyed pa dag yongs su</font><hr>45.271b<br><font size=+1>

bzung ba'i sems can de dag ni me tog lta bu zhes bya ste/ gang dag shin tu dul ba dge ba'i rtsa ba bskyed pa rnams kyi nang du sangs rgyas kyi mdzad pa byed par 'gyur ba de dag ni pad ma dkar po lta bu'i byang chub sems dpa' sems dpa' chen po dag ma yin no/ /bram ze byang chub sems dpa' rnams kyi le lo'i dngos po ni bzhi ste/ bzhi gang zhe na/ sangs rgyas kyi zhing yongs su dag par smon pa dang / sems can bsam pa yongs su dag pa rnams la sangs rgyas kyi mdzad pa byed par smon pa dang / byang chub thob nas nyan thos dang rang sangs rgyas kyi theg pa'i gtam mi ston par smon pa dang / byang chub thob nas tshe ring bar smon pa ste/ bzhi po de dag ni byang chub sems dpa' rnams kyi le lo'i dngos po yin te/ des ni byang chub sems dpa' me tog lta bu rnams shes bya'i/ pad ma dkar po lta bu yang ma yin la sems dpa' chen po zhes kyang mi bya ste/ bram ze 'di lta ste dper na byang chub sems dpa'i 'khor 'di ma gtogs par khyab 'jug rlung gis gang gis phyir sangs rgyas kyi zhing yongs su ma dag pa yongs su bzung zhing 'dul ba'i sems can nyon mongs pas dkrugs pa rnams dang / bskal pa bzang po'i rigs kyi bu kha cig kyang yongs su bzung ba lta bu'o/ /byang chub sems dpa' rnams kyi brtson 'grus brtsams pa'i dngos po ni bzhi po 'di dag yin te/ bzhi gang zhe na/ sangs rgyas kyi zhing yongs su ma dag par smon pa dang / sems can bsam pa yongs su ma dag pa rnams la sangs rgyas kyi mdzad pa byed par smon pa dang / byang chub thob nas nyan thos dang rang sangs rgyas kyi theg pa'i gtam ston par smon pa dang / byang chub thob nas tshe ha cang yang mi ring ha cang yang mi thung ba zhig bar mar sgrub par smon pa ste/ bzhi po 'di dag ni byang chub sems dpa' sems dpa' chen po rnams kyis brtson 'grus brtsams pa'i dngos po yin te/ des na byang chub sems dpa' pad ma dkar</font><hr>45.272a<br><font size=+1>

po rnams shes bya'i me tog lta bu rnams shes mi bya ste/ byang chub sems dpa' sems dpa' chen po rnams shes kyang bya'o/ /bram ze 'di lta ste dper na khyod ni da ltar smon lam gyi dbang gis de bzhin gshegs pa'i spyan sngar byang chub sems dpa' dpag tu med grangs med pa rnams kyi nang du dge ba lung bstan pa'i zhing du snying rje pad ma dkar po lta bur skyes pa yin no/ /gang gi tshe khyod kyis snying rje chen po brjod pas mtshams med pa byed pa dang / mi dge ba'i rtsa ba dang ldan par gyur pa'i bar gyi 'dul ba rnams yongs su bzung zhing snyigs ma lnga bdo ba'i sangs rgyas kyi zhing yongs su bzung ba'i tshe/ phyogs bcu'i sangs rgyas bcom ldan 'das sangs rgyas kyi zhing gi rdul phra rab kyi rdul snyed dag gis kyang skyes bu dam pa khyod la legs so zhes bya ba byin te/ pho nya dag kyang btang nas khyod kyi ming snying rje chen po dang ldan pa zhes bya bar btags so/ /'khor 'di dag thams cad kyang khyod la mchod pa'i las bya ba'i phyir brtson par gyur to/ /snying rje chen po dang ldan pa khyod ni ma 'ongs pa'i dus na bskal pa grangs med pa gang gA'i klung gi bye ma snyed gcig 'das nas lhag ma bskal pa grangs med pa gang gA'i klung gi bye ma snyed gnyis pa la bab pa na bskal pa bzang po la 'jig rten gyi khams mi mjed der skye dgu'i tshe lo brgya nyi shu thub cing dga' ba dang / 'chi ba mang ba'i sangs rgyas kyi zhing na 'jig rten ldongs pa/ 'dren pa med pa/ mi dge ba'i rtsa ba dang ldan par gyur cing / sems can lam ngan pas bcom pa/ nyam nga ba chen po thob pa/ mtshams med pa byed pa/ 'phags pa la skur pa 'debs pa/ dam pa'i chos spong ba/ ltung ba'i rtsa ba 'byung ba nas ji skad sngar smos pa'i bar dag lta bus gang ba'i 'jig rten du de bzhin gshegs pa rig pa dang zhabs su ldan pa nas sangs rgyas bcom ldan 'das kyi bar du 'gyur te/ 'gro ba'i 'khor lo ni bzlog /chos kyi 'khor lo ni bskor/ dbang sgyur ba'i bdud dang / nyon mongs pa'i</font><hr>45.272b<br><font size=+1>

bdud ni bcil te/ phyogs bcu'i sangs rgyas kyi zhing mtha' yas mu med pa dag tu sgras khyab par byas nas/ khyod kyi nyan thos 'dus pa chen po dag 'byung bar 'gyur ba 'di lta ste/ dge slong stong nyis brgya lnga bcu dang lhan cig smon lam ji ltar btab pa de bzhin du/ lo bzhi bcu rtsa lngar rim gyis sangs rgyas kyi mdzad pa de lta bu mtha' dag yongs su rdzogs par byed par 'gyur ro/ /de'i tshe ji ltar rgyal po chen po bdud rtsi dag pa 'di 'od dpag med ces bya bar 'gyur zhing bskal pa tshad med pa dag gis sangs rgyas kyi mdzad pa mtha' dag byed par 'gyur ba de bzhin du snying rje chen po dang ldan pa khyod kyang bskal pa chen po bzang po la 'jig rten gyi khams mi mjed der skye dgu tshe lo brgya nyi shu thub pa na de bzhin gshegs pa shAkya thub pa zhes bya bar 'gyur te/ lo bzhi bcu rtsa lngas sangs rgyas kyi mdzad pa de lta bu mang po dag byed par 'gyur ro/ /skyes bu dam pa khyod bla na med pa'i yongs su mya ngan las 'das nas kyang dam pa'i chos lo stong lhag par gnas par gyur to/ /skyes bu dam pa khyod kyi dam pa'i chos nub nas kyang lus las skyes pa'i sku gdung rnams kyang rang gis smon lam ji ltar btab pa de ltar sangs rgyas kyi mdzad pa mang po mtha' dag byed par 'gyur te/ sngar ji skad smos pa de bzhin du yun ring por sems can rnams 'dul bar 'gyur ro/ /rigs kyi bu de'i tshe na gnas grong zhes bya ba na bram ze zhig yod pa des 'di skad ces smras so/ /skyes bu dam pa khyod bskal pa grangs med pa de dang de dag tu byang chub kyi spyad pa spyod pa na/ bdag kyang rtag tu bsnyen bkur bar 'gyur zhing / byams pa dang 'thun pa'i yo byad sbyor ba dang / grogs byed par gyur nas khyod la bsnyen bkur byed par gyur cig /khyod srid pa tha ma par gyur pa na bdag khyod kyi phar gyur cig /skyes bu dam pa bdag khyod kyis byang chub thob pa'i sbyin bdag gi mchog tu 'gyur zhing khyod kyis bdag bla na med pa yang dag par rdzogs</font><hr>45.273a<br><font size=+1>

byang chub tu lung ston par gyur cig /gzhan yang de na rgya mtsho'i lha mo shin tu dul ba'i blo zhes bya ba des kyang smras pa/ bskal pa grangs med pa de dang de dag ces bya ba nas khyod srid pa tha ma pa'i bar du gyur pa na bdag khyod bskyed pa'i mar gyur cig /snying rje chen po dang ldan pa khyod kyis byang chub thob nas bdag bla na med pa yang dag par rdzogs pa'i byang chub tu lung bston par gyur cig /rgyu skar gyi lha mo chu lha spyod ces bya ba des kyang smras pa/ de dang de dag ces bya ba nas khyod srid pa tha ma pa'i bar du gyur pa na bdag khyod la bsnun pa'i ma ma byed pa'i mar gyur cig /khyod kyis byang chub thob nas bdag bla na med pa yang dag par rdzogs pa'i byang chub tu lung ston par gyur cig /brgya byin mu khyud can zhes bya ba dang / gzhan yang brgya byin pha rol sems shes bya ba de gnyis kyis kyang smras pa/ kye snying rje chen po dang ldan pa bdag cag kyang de dag ces bya ba nas/ khyod kyis byang chub thob pa zhes bya ba'i bar du ste/ bdag cag shes rab dang ldan pa dang / rdzu 'phrul dang ldan pa'i nyan thos zung du gyur cig /gzhan yang brgya byin spyad spyod lta mdzes tshogs zhes bya ba des 'di skad ces smras so/ /snying rje chen po dang ldan pa bdag kyang khyod de dang de dag ces bya ba nas srid pa tha ma'i bar du gyur pa'i bur gyur cig /gzhan yang ri rtse'i lha mo des pa king shu ka zhes bya ba des kyang smras pa/ snying rje chen po dang ldan pa bdag kyang tshe rabs de dang de dag tu khyod kyi btsun mor gyur cing / khyod kyis byang chub thob nas bdag kyang bla na med pa yang dag par rdzogs pa'i byang chub tu lung ston par gyur cig /lha ma yin gyi dbang po mdzes spyod ces bya ba des kyang smras pa/ snying rje chen po dang ldan pa khyod bskal pa grangs med pa de dang de dag tu byang chub kyi spyad pa spyod pa na bdag kyang skyes bu dam pa khyod la byams pa dang 'thun pa'i yo byad kyis grogs byed pa'i bran nyid du gyur te/ khyod la bsnyen bkur byed par gyur cig /</font><hr>45.273b<br><font size=+1>

khyod srid pa tha ma par gyur pa la yang bdag bsnyen bkur byed par gyur cig /skyes bu dam pa khyod kyis byang chub thob nas kyang chos dang ldan pa'i chos kyi 'khor lo bskor ba'i phyir gsol ba 'debs par gyur cig /khyod kyis chos bstan pa bdag gis dang por 'bras bu dang bcas par byed par gyur cig /chos kyi bcud kyang 'thung bar gyur cig /'chi ba med pa yang rtogs par gyur cig /nyon mongs pa thams cad spangs pa'i phyir dgra bcom pa nyid kyi bar yang thob par gyur cig /de bzhin du sbyar te/ de na lha dang / klu dang / lha ma yin gang gA'i klung gi bye ma snyed dag gis kyang snying rje chen po dang ldan pa de'i spyod pa'i rjes su 'jug pa'i phyir smon lam btab ste 'dul ba dag kyang nye bar bkod do/ /de na 'tshob ba mi 'gyur 'jigs byed ces bya ba gcig cig 'dug pa des smras pa/ kye bram ze chen po bdag kyang khyod la yo byad mang po dag gis grogs byed par gyur cig /bdag bskal pa dpag tu med pa dag tu khyod la 'bras bu dang bcas par spyod cing nye bar 'tsho ba'i nye dur gyur cig /rtag tu dngos po bslang ba'i don du khyod kyi drung du nye bar 'gro bar gyur cig /mal cha dang / stan dang / bgo ba dang / glang po che dang / rta dang / shing rta dang / grong dang / grong khyer dang / grong rdal dang / khyim dang / bu dang / bu mo dang / sha dang / khrag dang / lpags pa dang / rus pa dang / lag pa dang / rkang pa dang / lce dang / rna ba dang / sna dang / mig dang / mgo dag slong bar gyur cig /bram ze chen po bdag de ltar khyod kyi sbyin pa'i pha rol tu phyin pa'i grogs su gyur cig /shes rab kyi pha rol tu phyin pa'i bar gyi grogs su yang gyur cig /bram ze chen po bdag de ltar khyod byang chub kyi spyad pa spyod pa'i pha rol tu phyin pa drug gi grogs su gyur cig /nam khyod kyis byang chub thob pa na bdag kyang khyod kyi nyan thos kyi gnas thob par gyur cig /chos kyi phung po brgyad khri 'dzin par gyur cig /rjes su chos ston par gyur cig /khyod kyis bdag bla na med pa yang dag par rdzogs pa'i byang chub tu</font><hr>45.274a<br><font size=+1>

lung ston par gyur cig /rigs kyi bu bram ze snying rje chen po dang ldan pas de thos pa dang / de bzhin gshegs pa rin po che'i snying po'i zhabs la yan lag lngas phyag byas nas 'tsho ba mi 'gyur 'jigs byed la bos te smras pa/ skyes bu dam pa khyod nga'i bla na med pa'i spyod pa'i grogs su 'gyur ba ni legs so legs so/ /khyod tshe rabs khrag khrig 'bum phrag tshad med grangs med pa'i bar du nga la dngos po slong ba'i phyir nam 'ongs pa de'i tshe ngas kyang sems rab tu dang bas sbyin par bya ste/ khyod la yang bsod nams ma yin pa'i cha dang 'thun par ma gyur cig /rigs kyi bu byang chub sems dpa' sems dpa' chen po snying rje chen po dang ldan pa des de bzhin gshegs pa rin po che'i snying po'i spyan sngar yang gsol pa/ btsun pa bcom ldan 'das bdag bskal pa bye ba khrag khrig 'bum phrag dpag tu ma mchis grangs ma mchis pa de dang de dag tu bla na med pa yang dag par rdzogs pa'i byang chub kyi slad du spyad pa spyod pa'i tshe/ gal te bdag gi mdun du slongs mo pa gang dag mchis nas zas slong bar bgyid cing tshig 'jam po 'am/ tshigs rtsub po 'am/ brnyas pa'i tshig gam/ tshig gsal bas slong bar gyur na/ btsun pa bcom ldan 'das gal ta bdag gis slongs mo pa la sems kyi skad cig gcig tsam zhig khro ba bskyed par gyur tam/ ma dad pa'i sems bskyed par gyur tam/ sbyin pa'i rnam par smin pa'i 'bras bu 'tshal bas sbyin pa rtsol bar gyur na/ phyogs bcu'i 'jig rten gyi khams dpag tu ma mchis grangs ma mchis pa gzhan dag na bzhugs te 'tsho zhing gzhes la chos kyang ston pa'i sangs rgyas bcom ldan 'das rnams bdag gis bslus par gyur cig /bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig /btsun pa bcom ldan 'das gal te bdag gis slongs mo pa la sems ma dad pas sbyin pa rtsol tam/ sbyin pa de yang len pa po la dad pas byin par </font><hr>45.274b<br><font size=+1>

'gyur zhing chud za bar 'gyur ram/ gal te tha na skra'i rtse mo'i shas kyi tshad tsam zhig dge ba'i chos rnams la bar chad bgyid par gyur na bdag gis sangs rgyas bcom ldan 'das rnams bslus par gyur cig /gal te skra'i rtse mo'i cha shas kyi tshad tsam zhig len pa po'i dge ba'i chos rnams la bar chad bgyid par gyur na bdag kyang mnar med par mchi bar gyur cig zas la ji lta ba de bzhin du slongs mo pa gang dag bdag la gos dang / mgo'i bar dag slong bar 'gyur zhing tshig 'jam po 'am/ tshig rtsub po 'am/ brnyas tshig gam/ tshig gsal bas mgo'i bar dag slong bar bgyid na/ btsun pa bcom ldan 'das gal te bdag gis slongs mo pa la sems kyi skad cig gcig tsam zhig khro ba'i sems bskyed par gyur tam/ ma dad pa'i sems bskyed par gyur tam/ sbyin pa'i rnam par smin pa'i 'bras bu 'tshal bas mgo bo'i bar dag yongs su gtong bar gyur na/ bdag gis sangs rgyas bcom ldan 'das rnams bslus par 'gyur ba nas/ bdag mnar med par mchi ba'i bar du gyur cig /sbyin pa la ji lta ba de bzhin du tshul khrims nas shes rab kyi bar dag yongs su gtong ba la yang brjod par bgyi'o/ /rigs kyi bu de nas de bzhin gshegs pa rin po che'i snying po des byang chub sems dpa' sems dpa' chen po snying rje chen po dang ldan pa legs so zhes bya ba byin te/ skyes bu dam pa khyod kyis snying rje chen po la gnas pa'i sems kyis smon lam de lta bu btab pa ni skyes bu dam pa legs so legs so/ /rigs kyi bu thams cad dang ldan pa'i 'khor de dang / lha dang / dri za dang / mi dang / lha ma yin dang bcas pa'i 'jig rten gyis kyang thal mo sbyar te 'khod nas de la legs so zhes bya ba byin te/ skyes bu dam pa khyod kyis snying rje chen po la gnas pa'i yid kyis smon lam de lta bu btab pa ni skyes bu dam pa legs so legs so/ /khyod ni snying por 'gyur ba dang mthun pa'i chos</font><hr>45.275a<br><font size=+1>

drug gis sems can rnams yang dag par tshim par byed par 'gyur ro/ /rigs kyi bu ji ltar sbyin pa len pa'i byang chub sems dpa' 'tsho ba pa mi 'gyur 'jigs byed des smon lam btab pa de bzhin du/ srogs chags brgyad khri bzhi stong gis kyang smon lam btab bo/ /rigs kyi bu byang chub sems dpa' sems dpa' chen po snying rje chen po dang ldan pa des ji ltar 'tsho ba pa mi 'gyur 'jigs byed kyis smon lam btab pa de bzhin du/ srog chags brgyad khri bzhi stong gis kyang smon lam de lta bu dag btab pa thos pa dang / de nas snying rje chen po dang ldan pa de mchog tu dga' ba dang / yid bde ba skyes nas thal mo sbyar te 'dug nas/ thams cad dang ldan pa'i 'khor la bltas te mchog tu dga' ba'i yid kyis smras pa/ a la la bdag chos kyi mu ge dang / zad pa'i dus dang / nyon mongs pa chen pos dkrugs shing rtsod pa'i dus na snyigs ma lnga dang ldan pa'i 'jig rten gyi mgon med pa'i ded dpon dang / snang ba byed pa dang / sgron ma byed pa dang / byis pa skyabs med pa dang / ldongs pa rnams kyi lam ston par 'gyur ba dang / 'di ltar bdag gis sems dang po bskyed pas tshe rabs gzhan dag tu gang dag bdag gi mgo len par 'gyur ba dang / mig dang / rna ba dang / sna dang / lce dang / lag pa dang / rkang pa dang / lpags pa dang / rus pa dang / khrag dang / kha zas kyi bar dag len par 'gyur zhing / bla na med pa'i byang chub kyis spyod pa'i grogs byed pa de lta bu dag rnyed pa ni ngo mtshar to/ /rigs kyi bu gzhan yang byang chub sems dpa' sems dpa' chen po snying rje chen po dang ldan pa des de bzhin gshegs pa rin po che'i snying po'i spyan sngar 'dug ste gsol pa/ btsun pa bcom ldan 'das tshe rabs gzhan gyi bskal pa bye ba khrag khrig 'bum phrag dpag tu ma mchis grangs ma mchis pa de dang de dag nas byang chub kyi mthar thug pa'i bar du bdag gi drung du slongs mo</font><hr>45.275b<br><font size=+1>

pa gang dag nye bar mchi bar 'gyur zhing yun ring po de srid kyi bar du zas sam/ skom dag blangs par gyur pa dang / bdag gis sug pa nas tha na skra'i rtse mo'i cha shas kyi tshad tsam gyi sbyin pa blangs par gyur pa'i sems can de dag btsun pa bcom ldan 'das bdag mngon par rdzogs par sangs rgyas nas/ gal te 'khor ba las yongs su thar bar mi bgyid dam/ nyan thos kyi theg pa 'am/ rang sangs rgyas kyi theg pa 'am/ theg pa chen pos lung ston par mi bgyid na/ bdag gis gang dag da ltar phyogs bcu'i 'jig rten gyi khams na bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par 'gyur ba nas bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ba'i bar du gyur cig /rigs kyi bu gzhan yang de bzhin gshegs pa rin po che'i snying pos byang chub sems dpa' sems dpa' chen po snying rje chen po dang ldan pa la legs so zhes bya ba byin te/ skyes bu dam pa khyod kyis ji ltar sngon de bzhin gshegs pa lhun po rtse 'dzin gyis de bzhin gshegs pa 'jig rten dbang phyug 'od zer gyi spyan sngar dang po byang chub tu sems bskyed nas byang chub sems dpa'i spyod pa'i smon lam 'di lta bu btab ste/ skyes bu dam pa des smon lam ji ltar btab pa de bzhin du bskal pa chen po gang gA'i klung gi bye ma snyed las shin tu lhag pa de snyed du byang chub sems dpa'i spyod pa spyad nas/ 'di nas shar phyogs logs su sangs rgyas kyi zhing bye ba phrag 'bum 'das pa na 'jig rten gyi khams 'od zer so sor rtog pa zhes bya bar skye dgu'i tshe lo brgya thub pa'i nang du bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa dgra bcom pa yang dag par rdzogs pa'i sangs rgyas ye shes me tog rdul bral byang chub dbang phyug yang dag mtho zhes bya ba sangs rgyas bcom ldan</font><hr>45.276a<br><font size=+1>

'das kyi bar gyur cing / lo bzhi bcu rtsa lngar sangs rgyas kyi mdzad pa mdzad nas phung po lhag ma med pa'i mya ngan las 'das pa'i dbyings su zhugs so/ /snying rje chen po dang ldan pa de bzhin gshegs pa ye shes me tog rdul bral byang chub dbang phyug yang dag mtho yongs su mya ngan las 'das nas de'i dam pa'i chos kyi tshul ni lo stong du gnas par gyur to/ /dam pa'i chos nub nas dam pa'i chos kyi gzugs brnyan yang lo stong du gnas par gyur to/ /snying rje chen po dang ldan pa de bzhin gshegs pa ye shes me tog rdul bral byang chub dbang phyug yang dag mtho yongs su mya ngan las 'das pa'i dam pa'i chos kyi tshul dang / dam pa'i chos kyi gzugs brnyan gnas pa na dge slong dang / dge slong ma gang dag tshul khrims 'chal pa/ sdig pa'i chos dang ldan pa/ mi mthun par spyod pa/ mchod rten gyi nor 'phrog pa/ ngo tsha med pa rnams dang / chos kyi mchod pa gcod par byed pa/ ngo tsha med pa dang 'dres pa rnams dang / phyogs bzhi'i dge 'dun dang / mngon du gyur pa'i dge 'dun rnams kyi gos dang / zas dang / mal cha dang / stan dang / nad kyi gsos sman dang / yo byad gcod cing gang zag gir yongs su bzung ste/ bdag spyod par byed pa 'am/ khyim pa la sbyin par byed pa thams cad kyang snying rje chen po dang ldan pa de bzhin gshegs pa ye shes me tog rdul bral byang chub dbang phyug yang dag mtho des theg pa gsum po dag gis rim gyis lung bstan to/ /snying rje chen po dang ldan pa gang su dag bcom ldan 'das de'i bstan pa la ngur smrig dmar po bgos pa thams cad kyang theg pa gsum po dag gis phyir mi ldog par lung bston to/ /dge slong ngam/ dge slong ma 'am/ dge bsnyen nam/ dge bsnyen ma gang su dag snga ma kho na bzhin du ltung ba'i rtsa ba byung bar gyur pa de dag kyang ston par 'du shes pa'i dge ba'i rtsa ba'i rnam par smin pa yod pas de bzhin gshegs pa des theg pa gsum po dag gis phyir mi</font><hr>45.276b<br><font size=+1>

ldog par lung bstan pa de bzhin du skyes bu dam pa khyod kyis kyang byang chub kyi spyod pa'i smon lam btab pa legs so legs so/ /rigs kyi bu gzhan yang byang chub sems dpa' sems dpa' chen po snying rje chen po dang ldan pa des de bzhin gshegs pa rin po che'i snying po'i spyan sngar gsol pa/ btsun pa bcom ldan 'das bdag gi smon lam ni 'di lta bu lags te/ ji srid du bdag bla na med pa yang dag par rdzogs pa'i byang chub kyi spyad pa spyod pa nas/ byang chub kyi mthar thug pa'i spyad pa spyod pa'i bar du bdag gis sems can gang dag sbyin pa'i pha rol tu phyin pa dang / shes rab kyi pha rol tu phyin pa'i bar la sbyor bar 'gyur ba dang / yang dag par 'dzin du stsol bar 'gyur ba dang / rab tu 'god par 'gyur ba 'am/ tha na dge ba'i rtsa ba skra'i rtse mo'i cha shes kyi tshad tsam la sbyor bar 'gyur ba'i sems can de dag las sems can 'ga' tsam zhig bdag gis theg pa gsum po dag gis phyir mi ldog pa'i sa la bkod par ma gyur na/ bdag gis phyogs bcu'i 'jig rten gyi khams dpag tu ma mchis grangs ma mchis pa dag na bzhags te/ 'tsho zhing gzhes la chos kyang bston pa'i sangs rgyas bcom ldan 'das rnams bslus par gyur cig /bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig /btsun pa bcom ldan 'das bdag gis bla na med pa'i ye shes thob nas kyang sems can gang dag bdag gis bstan pa la chos gos ngur smrig bgos par gyur pa las ltung ba'i rtsa ba byung bar gyur pa 'am/ nyon mongs pa can gyi lta ba la zhugs par gyur pa 'am/ dkon mchog gsum la 'khrul par gyur cing / nongs pa dang bcas par gyur pa'i dge slong dang / dge slong ma dang / dge bsnyen dang / dge bsnyen ma 'am/ gang dag skad cig gcig tsam bdag la ston pa'i 'du shes sam/ gus pa'i sems bskyed par gyur pa'i sems can de dag las btsun pa</font><hr>45.277a<br><font size=+1>

bcom ldan 'das gal te bdag gis tha na sems can 'ga' tsam zhig spangs shing theg pa gsum po dag gis phyir mi ldog par lung bstan par ma gyur na bdag gis sangs rgyas bcom ldan 'das rnams bslus par 'gyur ba nas bdag bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ba'i bar du gyur cig /btsun pa bcom ldan 'das bdag byang chub thob pa'i chos gos ngur smrig dmar po lha dang mi rnams kyis gus par bgyis pa dang / bla mar bgyis pa dang / ri mor bgyis pa dang / mchod par bgyis par 'gyur ba mthong ma thag tu ngur smrig mgul na thogs par 'gyur ba'i sems can rnams kyang theg pa gsum po dag gis phyir mi ldog par gyur cig /sems can gang dag bza' ba dang / btung ba dang bral zhing bkres pa dang / skom pas gnod par gyur pa rnams dang / tha na gnod sbyin dbul po rnams dang / gshin rje'i 'jig rten pa'i sems can gang dag tha na chos gos ngur smrig sor bzhi tsam 'tshal bar 'gyur ba thams cad kyang bza' ba dang / btung ba phun sum tshogs par 'gyur zhing bsam pa yongs su rdzogs par gyur cig /lha 'am/ gnod sbyin nam/ srin po 'am/ klu 'am/ lha ma yin nam/ nam mkha' lding ngam/ mi 'am ci 'am/ lto 'phye chen po 'am/ grul bum 'am/ sha za 'am mi 'am/ sems can gang dag phan tshun zhe 'gras shing 'khon gcug mang por gyur pa rnams dang / phan tshun 'gyed cing g.yul ngor zhugs te/ g.yul sprod par gyur pa rnams kyis kyang bdag gi chos gos ngur smrig rjes su dran par gyur na/ sems can de dag snying rje'i sems dang / 'jam pa'i sems dang / khon med pa'i sems dang / las su rung ba'i sems su gyur cig /sems can gang dag g.yul ngo 'am/ 'gyed pa 'am/ 'thab pa 'am/ rtsod pa'i nang du bsrung ba dang / mchod par bgyi ba dang / gus par bgyi ba'i</font><hr>45.277b<br><font size=+1>

slad du ngur smrig gi dum bu 'chang bar 'gyur ba'i sems can de dag kyang rtag tu rgyal bar 'gyur ba dang / 'khrul pa ma mchis pa dang / rnam par 'tshe ba ma mchis par gyur cig /g.yul ngo dang / 'gyed pa dang / thab mo dang / rtsod pa de dag las kyang legs par yongs su thar bar gyur cig /btsun pa bcom ldan 'das gal te bdag gi chos gos ngur smrig dmar po 'phags pa'i yon tan lnga po de dag dang ldan par ma gyur na/ bdag gis phyogs bcu'i sangs rgyas bcom ldan 'das rnams bslus par 'gyur ba nas/ bdag gis sangs rgyas kyi mdzad pa mtha' dag yongs su rdzogs par bgyid par rngo mi thog pa dang / bdag gis chos rnams bskyud par 'gyur ba dang / bdag gis gzhan mu stegs can rnams tshar gcod par rngo mi thog pa'i bar du gyur cig /btsun pa bcom ldan 'das gang dag bdag mngon par rdzogs par sangs rgyas nas yongs su mya ngan las 'das kyi bar du de bzhin gshegs pa shAkya thub pa la phyag 'tshal lo zhes tshig tu brjod cing phyag 'tshal bar 'gyur ba de dag thams cad kyang las kyi sgrib pa bas par 'gyur zhing / mthar yang sangs rgyas kyi zhing yongs su mya ngan las 'da' ba bla na med pas yongs su mya ngan las 'das par 'gyur lags so/ /rigs kyi bu de nas de bzhin gshegs pa rin po che'i snying po des phyag g.yas pa brkyang ste/ phyag gi mthil gyis byang chub sems dpa' snying rje chen po dang ldan pa'i mgo la byugs nas bka' stsal pa/ skyes bu dam pa khyod kyi smon lam ni dge ba/ bzang ba/ rab tu gtan la bab pa yin te legs so legs so/ /skyes bu dam pa khyod ni de bzhin du 'phags pa'i yon tan lnga dang ldan pa'i ngur smrig dmar pos sems can rnams nye bar 'tsho bar byed par 'gyur ro/ /kye rigs kyi bu byang chub sems dpa' sems dpa' chen po snying rje chen po dang ldan pa de de bzhin gshegs pas bsod nams kyi phyag sor ring pos yongs su bkab cig</font><hr>45.278a<br><font size=+1>

phyag g.yas pa 'jam zhing gzhon pa'i mthil gyis byugs pa dang / lung bstan cing legs so zhes bya ba byin pa des mchog tu dga' zhing rab tu dad pa skyes nas/ tshe lo nyi shu lon pa lta bu'i tshad tsam du gzhon nur red do/ /rigs kyi bu gzhan yang thams cad dang ldan pa'i 'khor de dang / lha dang / dri za dang / mi dang / lha ma yin du bcas pa rnams dang / snying rje chen po dang ldan pa la mchod pa'i las bya ba'i phyir brtson par gyur cing / me tog dang rol mo'i sgra dag gis byang chub sems dpa' sems dpa' chen po snying rje chen po dang ldan pa la mchod pa byas te/ bsngags pa dang / tshigs su bcad pa sna tshogs kyis bstod nas thal mo sbyar te 'khod do/ /theg pa chen po'i mdo snying rje pad ma dkar po las lung bstan pa'i le'u zhes bya ste/ bzhi pa'o// // bam po bcu gsum pa/ rigs kyi bu byang chub sems dpa' sems dpa' chen po snying rje chen po dang ldan pa des yang de bzhin gshegs pa rin po che'i snying po'i zhabs la yan lag lngas phyag byas te/ de bzhin gshegs pa rin po che'i snying po'i spyan sngar 'dug nas de bzhin gshegs pa rin po che'i snying po la gus pa dang bcas pas yongs su zhus pa/ btsun pa bcom ldan 'das kyis byang chub sems dpa' rnams kyi lam ting nge 'dzin gyi sgo bstan pa dang / tshogs rnam par dag pa'i sgo'i chos kyi rnam grangs bstan lags na/ btsun pa bcom ldan 'das bcom ldan 'das kyis byang chub sems dpa' rnams kyi lam ting nge 'dzin kyi sgo bstan pa dang / tshogs rnam par dag pa'i sgo'i chos kyi rnam grangs bstan pa/ btsun pa bcom ldan 'das ji tsam gyis na ting nge 'dzin gyi sgo bston pa dang / tshogs rnam par dag pa'i sgo'i chos kyi rnam grangs yongasu rdzogs par 'gyur lags/ btsun pa bcom ldan 'das rigs kyi bu 'am/ rigs kyi bu mo tshogs ji lta bu dang ldan na</font><hr>45.278b<br><font size=+1>

bstan par gnas pa lags/ ting nge 'dzin gyi sgo bstan pa ji lta bus ni brgyan pa lags/ rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying pos byang chub sems dpa' sems dpa' chen po snying rje chen po dang ldan pa de la 'di skad ces bka' stsal to/ /snying rje chen po dang ldan pa khyod kyi zhu ba bzang / spobs pa dge ste/ snying rje chen po dang ldan pa khyod de ltar de bzhin gshegs pa la don de lta bu yongs su zhu bar sems pa ni snying rje chen po dang ldan pa khyod sems can dpag tu med grangs med pa rnams la phan pa byed pa dang / gces spras byed pa rgya chen po skyes pa yin te/ legs so legs so/ /snying rje chen po dang ldan pa de'i phyir legs par rab tu nyon la yid la zung shig dang ngas khyod la bshad par bya'o/ /snying rje chen po dang ldan pa byang chub sems dpa' sems dpa' chen po rnams kyi ting nge 'dzin dpa' bar 'gro ba zhes bya ba yod do/ /byang chub sems dpa'i ting nge 'dzin de la gnas pa ni ting nge 'dzin thams cad la rjes su zhugs pa yin no/ /rin chen phyag rgya zhes bya ba'i ting nge 'dzin yod de/ des ni ting nge 'dzin thams cad phyag rgyas 'debs par byed do/ /seng ge rnam par rtse ba zhes bya ba'i ting nge 'dzin yod de/ de la gnas nas ting nge 'dzin thams cad kyis rnam par rtse bar byed do/ /zla ba bzang po zhes bya ba'i ting nge 'dzin kyis ni ting nge 'dzin thams cad snang bar byed do/ /zla ba'i rgyal mtshan tog ces bya ba'i ting nge 'dzin kyis ni ting nge 'dzin thams cad kyi rgyal mtshan 'dzin par byed do/ /chos thams cad las mngon par 'phags pa'i ting nge 'dzin kyis ni ting nge 'dzin thams cad khongs su chud par byed do/ /phyag rgya rnam par lta ba'i ting nge 'dzin kyis ni ting nge 'dzin thams cad kyi spyi gtsug rnam par lta bar byed do/ /chos kyi dbyings su rnam par song ba'i ting nge 'dzin gyis ni byang chub sems dpa' chos kyi dbyings thams cad rnam par nges par 'gro bar byed do/ /</font><hr>45.279a<br><font size=+1>

nges pa'i rgyal mtshan tog gi ting nge 'dzin kyis ni ting nge 'dzin thams cad kyis rgyal mtshan 'dzin par byed do/ /rdo rje'i ting nge 'dzin kyis ni ting nge 'dzin thams cad mi phyed par byed do/ /chos la 'jug pa'i phyag rgya'i ting nge 'dzin kyis ni chos thams cad la phyag rgyas 'debs par byed do/ /ting nge 'dzin kyi rgyal po shin tu brtan pa'i ting nge 'dzin kyis ni ting nge 'dzin thams cad la rgyal po nyid du rab tu gnas par byed do/ /'od zer 'gyed pa'i ting nge 'dzin kyis ni ting nge 'dzin thams cad la 'od zer 'gyed par byed do/ /stobs kyi brtson 'grus kyi ting nge 'dzin kyis ni ting nge 'dzin thams cad la stobs dang brtson 'grus su byed do/ /yang dag par 'phags pa'i ting nge 'dzin gyis ni ting nge 'dzin thams cad las gyen du 'phags par byed do/ /nges pa'i tshig ston pa'i ting nge 'dzin kyis ni ting nge 'dzin thams cad kyi tshig la 'jug par byed do/ /tshigs bla dgas la 'jug pa'i ting nge 'dzin kyis ni ting nge 'dzin thams cad kyi ming gi rjes su 'jug par byed do/ /phyogs la rnam par lta ba'i ting nge 'dzin kyis ni ting nge 'dzin thams cad la rnam par lta bar byed do/ /chos thams cad rab tu 'byed pa'i ting nge 'dzin kyis ni chos thams cad kyis rab tu dbye ba rjes su rtogs par byed do/ /phyag rgya yongs su 'dzin pa'i ting nge 'dzin kyis ni ting nge 'dzin thams cad kyi phyag rgya 'dzin par byed do/ /chos thams cad la dben pa'i ting nge 'dzin kyis ni ting nge 'dzin thams cad las dben pa'i chos nyid la rjes su 'jug par byed do/ /brjed pa med pa'i ting nge 'dzin kyis ni ting nge 'dzin thams cad mi brjed par byed do/ /chos thams cad las mi g.yo ba'i ting nge 'dzin kyis ni ting nge 'dzin thams cad la mi g.yo ba nyid du gnas par byed do/ /chos thams cad yang dag par 'du ba rgya mtsho'i phyag rgya'i ting nge 'dzin kyis ni ting nge 'dzin thams cad sdud cing yang dag par 'du bar byed do/ /chos thams cad la rlom sems med pa'i ting nge 'dzin kyis ni</font><hr>45.279b<br><font size=+1>

ting nge 'dzin thams cad la 'byung ba dang / 'jug pa'i rlom sems med par byed do/ /nam mkha' khyab par byed pa'i ting nge 'dzin kyis ni ting nge 'dzin thams cad la nam mkha' ltar khyab par byed do/ /chos thams cad rgyun mi gcod pa'i ting nge 'dzin kyis ni ting nge 'dzin thams cad rgyun mi 'chad par byed do/ /rdo rje'i dkyil 'khor gyi ting nge 'dzin kyis ni ting nge 'dzin thams cad kyi dkyil 'khor 'dzin par byed do/ /chos thams cad ro gcig pa'i ting nge 'dzin kyis ni ting nge 'dzin thams cad kyi bcud 'dzin par byed do/ /rin chen rgyal ba'i ting nge 'dzin kyis ni yo byad kyi nyon mongs pa thams cad spong bar byed do/ /chos thams cad skye ba med pa'i ting nge 'dzin kyis ni chos thams cad skye ba med pa dang / 'gag pa med par ston par byed do/ /rnam par snang ba'i ting nge 'dzin kyis ni ting nge 'dzin thams cad lam me lhan ne lhang nger byed do/ /chos thams cad 'gag pa med pa'i ting nge 'dzin kyis ni ting nge 'dzin thams cad rnam par 'byed par byed do/ /tshol ba med pa'i ting nge 'dzin kyis ni ting nge 'dzin thams cad la ting nge 'dzin kyi chos rnams nam yang tshol bar mi byed do/ /gnas la brten pa med pa'i ting nge 'dzin kyis ni ting nge 'dzin thams cad la gnas pa'i chos nam yang yang dag par rjes su mi mthong bar byed do/ /nam mkha' lta bu'i ting nge 'dzin kyis ni ting nge 'dzin thams cad nam mkha'i ngo bo nyid lta bur snying po med pa nyid du yang dag par rjes su mthong bar byed do/ /sems med pa'i ting nge 'dzin kyis ni ting nge 'dzin thams cad la sems dang sems las byung ba'i chos rnams spong bar byed do/ /gzugs mu med pa'i ting nge 'dzin kyis ni gzugs kun tu snang bar byed do/ /dri ma med pa'i sgron ma'i ting nge 'dzin kyis ni ting nge 'dzin thams cad la sgron ma bzhin du byed do/ /chos thams cad mu med pa'i ting nge 'dzin kyis ni ting nge 'dzin thams cad la ye shes mu med par ston par byed do/ /glog lta bu'i ting nge 'dzin kyis ni</font><hr>45.280a<br><font size=+1>

ting nge 'dzin thams cad la shes pa mu med pa ston par byed do/ /'od thams cad byed pa'i ting nge 'dzin kyis ni ting nge 'dzin thams cad 'od byed pa'i sgo nye bar ston par byed do/ /khams kyi mtha'i ting nge 'dzin kyis ni ting nge 'dzin mtha' med pa thams cad rnam par shes par bya ba'i phyir nye bar ston par byed do/ /ting nge 'dzin dag pa dam pa'i ting nge 'dzin kyis ni ting nge 'dzin kyi chos rnams la stong pa nyid rjes su thob par byed do/ /lhun po ltar bkra ba'i ting nge 'dzin kyis ni chos thams cad gsog nyid du kun tu ston par byed do/ /'od dri ma med pa'i ting nge 'dzin kyis ni ting nge 'dzin thams cad kyi dri ma sel bar byed do/ /chos thams cad kyi brda'i ting nge 'dzin kyis ni ting nge 'dzin thams cad ma 'dres pa nyid du yang dag par ston par byed do/ /dga' ba byed pa'i ting nge 'dzin kyis ni ting nge 'dzin thams cad la dga' ba rab tu thob par byed do/ /chos thams cad kyi ngo bo nyid la rnam par rtse ba'i ting nge 'dzin kyis ni ting nge 'dzin thams cad la ngo bo nyid mi dmigs pa ston par byed do/ /glog 'gyur ba'i ting nge 'dzin kyis ni ting nge 'dzin thams cad la mi zad pa nyid ston par byed do/ /chos thams cad la rnam par g.yeng ba med cing rdul dang bral ba'i ting nge 'dzin kyis ni ting nge 'dzin thams cad kyi shes pa rdul dang bral ba nye bar ston par byed do/ /mi zad pa dang ldan pa'i ting nge 'dzin kyis ni ting nge 'dzin thams cad kyi zad pa med pa dang / zad pa med pa ma yin pa yang dag par ston par byed do/ /chos thams cad bsam gyis mi khyab cing rnam par dag pa'i ting nge 'dzin kyis ni chos thams cad mig yor lta bur ston par byed do/ /gzi brjid yod pa'i ting nge 'dzin kyis ni ting nge 'dzin thams cad la ye shes 'bar bar byed do/ /zad pa dang bral ba'i ting nge 'dzin kyis ni ting nge 'dzin thams cad zad pa med pa dang / nyams pa med par ston par byed do/ /mi g.yo ba'i ting nge 'dzin kyis ni chos thams cad la g.yo bar mi byed/ 'gul bar mi byed/ </font><hr>45.280b<br><font size=+1>

byed/ 'phro bar mi byed do/ /rnam par 'phel ba'i ting nge 'dzin kyis ni ting 'dzin dang snyoms par 'jug pa thams cad la shes bya rnam par 'phel bar yang dag par rjes su mthong bar byed do/ /nyi ma'i sgron ma'i ting nge 'dzin kyis ni ting nge 'dzin thams cad la 'od zer gyi sgo dag 'gyed par byed do/ /zla ba dri ma med pa'i ting nge 'dzin kyis ni ting nge 'dzin thams cad la snang bar byed do/ /snang ba dag pa'i ting nge 'dzin kyis ni ting nge 'dzin thams cad la so so yang dag par rig pa bzhi rab tu thob par byed do/ /bya ba dang mi bya ba'i ting nge 'dzin gyis ni bya ba dang mi bya ba byed cing ye shes rtog kyang yang dag par rjes su mthong bar byed do/ /rdo rje lta bu'i ting nge 'dzin gyis ni chos thams cad nges par 'byed par byed cing gang la 'byed pa yang yang dag par rjes su mi mthong bar byed do/ /sems gnas pa'i ting nge 'dzin kyis ni sems g.yo bar mi byed/ 'gul bar mi byed/ snang bar mi byed cing gnod par 'gyur ba yang med la/ de 'di snyam du 'di ni sems yin no snyam du yang mi sems par byed do/ /kun tu snang ba'i ting nge 'dzin kyis ni ting nge 'dzin thams cad la snang ba yang dag par rjes su mthong bar byed do/ /rab tu gnas pa'i ting nge 'dzin kyis ni ting nge 'dzin thams cad la rab tu gnas pa nyid kyis rab tu gnas par byed do/ /rin chen brtsegs pa'i ting nge 'dzin kyis ni ting nge 'dzin thams cad la rin po che brtsegs pa lta bur kun tu snang bar byed do/ /chos dam pa'i phyag rgya'i ting nge 'dzin kyis ni ting nge 'dzin thams cad la phyag rgya 'debs par byed cing chos thams cad mnyam pa nyid kyi phyir mnyam pa nyid ma gtogs pa'i chos 'ga' yang yang dag par rjes su mi mthong bar byed do/ /dga' ba spong ba'i ting nge 'dzin kyis ni chos thams cad la dga' ba spong bar byed do/ /chos kyi sgron ma'i ting nge 'dzin kyis ni chos thams cad la yi ge mi mnyam pa nyid rab tu 'thob par byed do/ /yi ge dang bral</font><hr>45.281a<br><font size=+1>

ba'i ting nge 'dzin kyis ni chos thams cad la yi ge gcig kyang mi dmigs par byed do/ /dmigs pa gcod pa'i ting nge 'dzin kyis ni chos thams cad la dmigs pa rnam par gcod par byed do/ /'gyur ba med pa'i ting nge 'dzin kyis ni chos thams cad la 'gyur ba mi dmigs par byed do/ /rang bzhin rnam par dag pa'i ting nge 'dzin kyis ni chos thams cad la phan 'dogs pa mi dmigs par byed do/ /gnas med par rgyu ba'i ting nge 'dzin kyis ni chos thams cad la gnas mi dmigs par byed do/ /rab rib dang bral ba'i ting nge 'dzin kyis ni ting nge 'dzin thams cad kyi spyod pa yang dag par rjes su mi mthong zhing mun pa'i yul las yang dag par 'da' bar byed do/ /yon tan thams cad kyi tshogs su gyur pa'i ting nge 'dzin kyis ni chos thams cad la bstsags pa spong bar byed do/ /sems med par gnas pa'i ting nge 'dzin kyis ni chos thams cad la sems shes bya ba mi dmigs par byed do/ /byang chub kyi yan lag yod pa'i ting nge 'dzin kyis ni chos thams cad rtogs par byed do/ /dran pa rnam par 'phro ba'i ting nge 'dzin kyis ni chos thams cad la spobs pa grangs med pa thob par byed do/ /de byed pa'i shes pa rnam par dag pa'i ting nge 'dzin kyis ni chos thams cad la mi mnyam pa dang mnyam pa nyid rab tu thob par byed do/ /ye shes tog gi ting nge 'dzin kyis ni khams gsum thams cad las yang dag par 'da' bar byed do/ /shes pa nye bar gcod pa'i ting nge 'dzin kyis ni chos thams cad rnam par gcod pa yang dag par rjes su mthong bar byed do/ /ye shes rnam par 'phro ba'i ting nge 'dzin kyis ni chos thams cad kyi rnam par 'phro ba nyid rjes su thob par byed do/ /gnas med pa'i ting nge 'dzin kyis ni chos thams cad gnas su gyur pa med pa nyid du yang dag par rjes su mthong bar byed do/ /bkod pa gcig pa'i ting nge 'dzin gyis ni chos 'ga' yang gnyis su yang dag par rjes su mi mthong bar byed do/ /rnam par sgrub pa</font><hr>45.281b<br><font size=+1>

dang ldan pa'i ting nge 'dzin kyis ni chos thams cad kyi rnam par bsgrub par yang dag par rjes su mthong bar byed do/ /srid pa'i bzhi thams cad rnam par sel ba thams cad du gtogs pa'i ting nge 'dzin kyis ni chos thams cad la nges par byed pa'i ye shes 'jug cing gang la 'jug pa 'ga' yang mi rnyed par byed do/ /brda dang sgra la 'jug pa'i ting nge 'dzin kyis ni sgra dang brda thams cad kyi rjes su 'jug par byed do/ /sgra dbyangs kyi yi ge dang bral ba'i ting nge 'dzin kyis ni chos thams cad yi ke dang bral bar yang dag par rjes su mthong bar byed do/ /ye shes kyi sgron ma dang ldan pa'i ting nge 'dzin kyis ni ting nge 'dzin thams cad la gzi brjid kyis lam me lhan ne lhang nger byed do/ /ye shes mchog gi mtshan nyid rnam par bsgyings pa'i ting nge 'dzin kyis ni chos thams cad la yongs su dag pa'i mtshan nyid ston par byed do/ /mngon par shes pa med pa'i mtshan nyid dang ldan pa'i ting nge 'dzin kyis ni chos thams cad la mngon par rig pa med par yang dag par rjes su mthong bar byed do/ /rnam pa thams cad kyi mchog dang ldan pa'i ting nge 'dzin kyis ni chos dang ting nge 'dzin thams cad la rnam pa thams cad kyis mchog dang ldan par byed do/ /sdug bsngal thams cad shin tu spong ba'i ting nge 'dzin kyis ni chos thams cad la gnas pa med pa yang dag par rjes su mthong bar byed do/ /byed rgyu mi zad pa'i ting nge 'dzin kyis ni chos thams cad la zad par yang dag par rjes su mi mthong bar byed do/ /gzungs kyi gzhi'i ting nge 'dzin gyis ni ting nge 'dzin thams cad dang / chos thams cad 'dzin cing yang dag pa nyid dang / log pa nyid yang dag par rjes su mi mthong bar byed do/ /'gag pa dang 'gal ba rab tu zhi ba'i ting nge 'dzin kyis ni chos thams cad dang 'thun pa dang 'gal ba yang dag par rjes su mi mthong bar byed do/ /'od dri ma med pa'i ting nge 'dzin kyis ni ting nge 'dzin thams cad la 'dus byas kyi dri ma dang bral ba yang dag par rjes su mi mthong bar byed do/ /snying po dang ldan pa'i ting nge</font><hr>45.282a<br><font size=+1>

'dzin kyis ni chos thams cad la snying po med pa mi dmigs par byed do/ /zla ba nya ba dri ma med pa'i ting nge 'dzin kyis ni ting nge 'dzin thams cad la yon tan yongs su rdzogs par byed do/ /bkod pa chen po'i ting nge 'dzin kyis ni ting nge 'dzin thams cad la bkod pa chen po dang ldan par byed do/ /snang ba thams cad rab tu 'byed pa'i ting nge 'dzin kyis ni chos thams cad la ye shes kyis snang bar byed do/ /mnyam pa nyid rnam par snang bar byed pa'i 'i ting nge 'dzin kyis ni ting nge 'dzin thams cad la rtse gcig pa nyid rab tu thob par byed do/ /nyon mongs pa med pa dang nyon mongs pa dang bcas pa thams cad yang dag par 'du ba'i ting nge 'dzin kyis ni ting nge 'dzin thams cad la nyon mongs pa med par byed do/ /rlung gi gnas kyi ting nge 'dzin kyis ni chos thams cad la gnas par mi byed do/ /de bzhin nyid la gnas shing sems med pa'i ting nge 'dzin kyis ni chos thams cad gyi de bzhin nyid las phyir mi ldog par byed do/ /lus kyi skyon yang dag par sel ba'i ting nge 'dzin kyis ni chos thams cad la 'jig tshogs mi dmigs par byed do/ /ngag gi skyon rnam par 'jig pa nam mkha' ltar gyur ba'i ting nge 'dzin kyis ni byang chub sems dpa' chos thams cad la ngag gi las mi dmigs par byed do/ /nam mkha' ltar chags pa med la rnam par grol zhing gos pa med pa'i ting nge 'dzin la gnas pa'i byang chub sems dpa' ni chos thams cad la nam mkha' ltar chags pa med pa nyid rjes su thob par 'gyur te/ de ni theg pa chen po la yang dag par zhugs pa'i byang chub sems dpa' sems dpa' chen po rnams kyi ting nge 'dzin kyi sgo bstan pa yin no/ /de la byang chub sems dpa' sems dpa' chen po rnams kyi tshogs rnam par dag pa'i sgo sdud pa'i chos kyi rnam grangs gang zhe na/ byang chub sems dpa' rnams kyi sbyin pa'i tshogs ni sems can thams cad yongs su smin par byed par 'gyur ro/ /byang chub sems dpa'</font><hr>45.282b<br><font size=+1>

rnams kyi tshul khrims kyi tshogs ni smon lam yongs su rdzogs par byed par 'gyur ro/ /byang chub sems dpa' rnams kyi bzod pa'i tshogs ni mtshan dang dpe byad bzang po yongs su rdzogs par byed par 'gyur ro/ /byang chub sems dpa' rnams kyi brtson 'grus kyi tshogs ni dgos pa thams cad yongs su rdzogs par byed par 'gyur ro/ /byang chub sems dpa' rnams kyi bsam gtan gyi tshogs ni cang shes kyi sems su byed par 'gyur ro/ /byang chub sems dpa' rnams kyis shes rab kyi tshogs ni nyon mongs pa thams cad yongs su shes par byed par 'gyur ro/ /byang chub sems dpa' rnams kyis thos pa'i tshogs ni spobs pa thogs pa med par byed par 'gyur ro/ /byang chub sems dpa' rnams kyis bsod nams kyi tshogs ni sems can thams cad nye bar 'tsho bar byed par 'gyur ro/ /byang chub sems dpa' rnams kyi ye shes kyi tshogs ni shes pa thogs pa med par byed par 'gyur ro/ /byang chub sems dpa' rnams kyi zhi gnas kyi tshogs ni sems las su rung bar byed par 'gyur ro/ /byang chub sems dpa' rnams kyi lhag mthong gi tshogs ni the tsom dang bral bar byed par 'gyur ro/ /byang chub sems dpa' rnams kyi byams pa'i tshogs ni zhi 'gras pa'i sems med par byed par 'gyur ro/ /byang chub sems dpa' rnams kyi snying rje'i tshogs ni sems can yongs su smin par bya ba la skyo ba med par byed par 'gyur ro/ /byang chub sems dpa' rnams kyi dga' ba'i tshogs ni chos kyi kun dga' la dga' zhing dga' bar byed par 'gyur ro/ /byang chub sems dpa' rnams kyi btang snyoms kyi tshogs ni rjes su chags pa dang / khong khro ba spong bar byed par 'gyur ro/ /byang chub sems dpa' rnams kyis chos nyan pa'i tshogs ni sgrib pa spong bar byed par 'gyur ro/ /byang chub sems dpa' rnams kyi mngon par 'byung ba'i tshogs ni yongs su 'dzin pa thams cad spong bar byed par 'gyur ro/ /byang chub sems dpa' rnams kyi dgon</font><hr>45.283a<br><font size=+1>

par gnas pa'i tshogs ni dge ba'i rtsa ba'i las byas pa chud mi za bar byed par 'gyur ro/ /byang chub sems dpa' rnams kyi dran pa'i tshogs ni gzungs thob par byed par 'gyur ro/ /byang chub sems dpa' rnams kyi blo gros kyi tshogs ni blo rab tu 'byed par byed par 'gyur ro/ /byang chub sems dpa' rnams kyi rtogs pa'i tshogs ni don gyi rnam pa rjes su rtogs par byed par 'gyur ro/ /byang chub sems dpa' rnams kyi dran pa nye bar gzhag pa'i tshogs ni/ lus dang / tshor ba dang / sems dang / chos rjes su rtogs par byed par 'gyur ro/ /byang chub sems dpa' rnams kyi yang dag par spong ba'i tshogs ni mi dge ba'i chos thams cad spong ba dang dge ba'i chos thams cad sgom par byed par 'gyur ro/ /byang chub sems dpa' rnams kyi rdzu 'phrul gyi rkang pa'i tshogs ni lus dang sems yang ba nyid du byed par 'gyur ro/ /byang chub sems dpa' rnams kyi dbang po'i tshogs ni sems can thams cad kyi dbang po yongs su rdzogs par byed par 'gyur ro/ /byang chub sems dpa' rnams kyi stobs kyi tshogs ni nyon mongs pa thams cad 'joms par byed par 'gyur ro/ /byang chub sems dpa' rnams kyi byang chub kyi yan lag gi tshogs ni chos kyi ngo bo nyid rjes su rtogs par byed par 'gyur ro/ /byang chub sems dpa' rnams kyi lam gyi tshogs ni lam ngan pa thams cad las yang dag par 'da' bar byed par 'gyur ro/ /byang chub sems dpa' rnams kyi bden pa'i tshogs ni mi dge ba'i chos rnams spong zhing mtho ris su skye ba thob par byed par 'gyur ro/ /byang chub sems dpa' rnams kyi so so yang dag par rig pa'i tshogs ni sems can thams cad kyi the tsom gcod par byed par 'gyur ro/ /byang chub sems dpa' rnams kyi ston pa'i tshogs ni shes pa gzhan la rag ma las par byed par 'gyur ro/ /byang chub sems dpa' rnams kyi</font><hr>45.283b<br><font size=+1>

dge ba'i bshes gnyen gyi tshogs ni yon tan thams cad kyi sgo yin par byed par 'gyur ro/ /byang chub sems dpa' rnams kyi bsam pa'i tshogs ni 'jig rten thams cad la mi slu bar byed par 'gyur ro/ /byang chub sems dpa' rnams kyi sbyor ba'i tshogs ni tshogs thams cad mthar phyin par byed par 'gyur ro/ /byang chub sems dpa' rnams kyi lhag pa'i bsam pa'i tshogs ni khyad par du 'gro bar byed par 'gyur ro/ /byang chub sems dpa' rnams kyi nang du yang dag 'jog pa'i tshogs ni ji ltar thos pa'i chos sgrub par byed par 'gyur ro/ /byang chub sems dpa' rnams kyi bsdu ba'i dngos po'i tshogs ni sems can thams cad yongs su smin par byed par 'gyur ro/ /byang chub sems dpa' rnams kyi dam pa'i chos yongs su 'dzin pa'i tshogs ni dkon mchog gsum gyi gdung rgyun mi 'chad par byed par 'gyur ro/ /byang chub sems dpa' rnams kyi yongs su bsngo ba'i cho ga shes pa la mkhas pa'i tshogs ni sangs rgyas kyi zhing yongs su dag par byed par 'gyur ro/ /byang chub sems dpa' rnams kyi thabs la mkhas pa'i tshogs ni thams cad mkhyen pa'i ye shes yongs su rdzogs par byed par 'gyur te/ rigs kyi bu de ni byang chub sems dpa' rnams kyi tshogs rnam par dag pa'i sgo yang dag par sdud pa'i chos kyi rnam grangs yin no/ /rigs kyi bu gzhan yang de bzhin gshegs pa rin po che'i snying pos byang chub sems dpa'i 'khor chen po la rnam par gzigs nas byang chub sems dpa' sems dpa' chen po snying rje chen po dang ldan pa la bos te bka' stsal pa/ snying rje chen po dang ldan pa de la byang chub sems dpa' sems dpa' chen po mi 'jigs pa'i rgyan ji lta bus brgyan na bzod pa yongs su rdzogs par 'gyur zhe na/ don dam pa mthong ba'i byang chub sems dpa' sems dpa' chen po'i 'bad pa don yod pa yongs su 'dzin pa'i sems dang / khams gsum pa thams cad dang / sems can thams cad la yongs su 'dzin pa med pa'i sems gang yin pa de ni dge sbyong gi chos mi</font><hr>45.284a<br><font size=+1>

'jigs pa chen po zhes bya ste/ snying rje chen po dang ldan pa gang gi sems chos thams cad la nam mkha' dang lag par mnyam pa de ni byang chub sems dpa'i mi 'jigs pa'i rgyan yin no/ /ji ltar na bzod pa yongs su rdzogs par 'gyur zhe na/ 'di lta ste/ byams pa dang / bdag med pa dang / snying rje dang / sems can med pa nyid dang / dga' ba dang / yid byung ba dang / btang snyoms dang / gang zag med pa nyid dang / sbyin pa dang / dul ba'i sems nyid dang / tshul khrims dang / zhi ba'i sems nyid dang / bzod pa dang / bzod pa'i sems nyid dang / brtson 'grus dang / dben pa'i sems nyid dang / bsam gtan dang / nges par sems pa'i sems nyid dang / shes rab dang / rgya che ba 'i sems nyid dang / dran pa nye bar bzhag pa dang / dran pa med pa dang / yid la byed pa med pa'i sems dang / yang dag pa'i spong ba dang / skye ba med pa dang / 'gag pa med pa'i sems nyid dang / rdzu 'phrul gyi rkang pa dang / chos thams cad 'gro ba med pa'i sems nyid dang / dad pa dang / thogs pa med pa'i sems nyid dang / dran pa dang / rang byung gi mtshan nyid dang / ting nge 'dzin dang snyoms par 'jug par byed pa'i sems nyid dang / shes rab kyi dbang po dang / dbang po med pa'i sems nyid dang / stobs dang / mi rdzi ba'i sems nyid dang / byang chub kyi yan lag dang / blo rab tu 'byed pa'i sems nyid dang / lam dang / sgom pa'i sems nyid dang / zhi gnas dang / nye bar zhi ba'i sems nyid dang / lhag mthong dang / rmongs pa med pa'i sems nyid dang 'phags pa'i bden pa bsgom pa dang / shin tu yongs su shes pa bsgom pa'i sems nyid dang / sangs rgyas yid la byed pa dang / mun pa med pa'i sems nyid dang / chos yid la byed pa dang / chos kyi dbyings mnyam pa'i sems nyid dang / dge 'dun yid la byed pa dang / gnas pa med pa'i sems nyid dang / sems can yongs su smin par bya ba dang / gdod ma nas rnam par dag pa'i sems nyid dang / dam pa'i</font><hr>45.284b<br><font size=+1>

chos yongs su 'dzin pa dang / chos kyi dbyings dbyer med pa'i sems nyid dang / zhing yongs su dag par byed pa dang / nam mkha' dang mnyam pa'i sems nyid dang / mtshan yongs su rdzogs par byed pa dang / mtshan ma med pa'i sems nyid dang / bzod pa thob pa dang / dmigs pa med pa'i sems nyid dang / phyir mi ldog pa'i sa dang / 'jug pa dang ldog pa'i sems nyid dang / byang chub kyi snying po'i rgyan dang / khams gsum gyi snying po len pa'i sems nyid dang / sems can thams cad las bdud tshar gcad pa'i sems dang / sems can thams cad la phan gdags pa'i sems nyid dang / byang chub dang / chos thams cad mnyam pa nyid du gtogs pa'i sems nyid dang / chos kyi 'khor lo bskor ba dang / chos thams cad bskor ba med pa'i sems nyid dang / yongs su mya ngan las 'das pa chen po kun tu ston pa dang / 'khor ba'i rang bzhin gyi sems nyid kyi chos de la gang rjes su rtogs par 'gyur ba 'am/ rab tu rtogs par bya ba phra rab tsam yang mi dmigs shing / rnam par smin pa med pa'i chos la mos par byed pa'o/ /chos kyi rnam grangs 'di bshad pa na gang dag phyogs bcu nas sngon gyi tshul gyi ting nge 'dzin kyi sgo bstan pa dang / tshogs rnam par dag pa'i sgo'i chos kyi rnam grangs nyan pa'i phyir de bzhin gshegs pa shAkya thub pa'i spyan sngar bya rgod kyi phung po'i ri la lhags pa'i byang chub sems dpa' sa ya phrag drug dang bzhi 'bum po de dag gis mi skye ba'i chos la bzod pa thob nas de bzhin gshegs pa shAkya thub pas bka' stsal pa/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas rin po che'i snying pos chos kyi rnam grangs 'di bshad pa na byang chub sems dpa' sems dpa' chen po gang gA'i klung bzhi bcu rtsa brgyad kyi bye ma snyed kyis mi skye ba'i chos la bzod pa thob par gyur to/ /byang chub sems dpa' sems dpa' chen po gling bzhi pa'i 'jig rten gyi khams kyi rdul phra rab snyed kyis ni phyir mi ldog pa'i sa thob par gyur to/ /byang chub sems dpa'</font><hr>45.285a<br><font size=+1>

sems dpa' chen po gang gA'i klung gi bye ma snyed kyis ni ting nge 'dzin gyi sgo bstan pa dang / tshogs rnam par dag pa'i sgo'i chos kyi rnam grangs 'di mtha' dag yongs su rdzogs shing rnam par dag pa'i ye shes khong du chud par gyur to/ /rigs kyi bu byang chub sems dpa' sems dpa' chen po snying rje chen po dang ldan pa de yang mchog tu dga' ba dang rab tu dang ba des gzhon nu lo nyi shu lon pa lta bur red nas de bzhin gshegs pa rin po che'i snying po'i zhabs 'bring du 'brang bar gyur to/ /rigs kyi bu bdud rtsi dag pa de yang bu stong dang / khams kyi rgyal po brgyad khri dang / gzhan yang srog chags bye ba phrag dgu bcu rtsa gnyis dang lhan cig 'grogs te/ mngon par byung zhing rab tu byung nas tshul khrims dang / thos pa dang / ting nge 'dzin dang / des pa dag gis mngon par brtson par byas par gyur to/ /rigs kyi bu byang chub sems dpa' sems dpa' chen po snying rje chen po dang ldan pa des kyang de bzhin gshegs pa rin po che'i snying po'i thad nas mthar kyis nyan thos kyi theg pa'i gtam gyi chos kyi phung po brgyad khri bzhi stong blags shing kun chub par byas so/ /rang sangs rgyas kyi theg pa'i gtam gyi chos kyi phung po dgu khri lung mnos shing blags te kun chub pa'i bar du byas so/ /de bzhin du bla na med pa'i theg pa chen po'i gtam la yang lus dran pa nye bar gzhag pa'i gtam 'bum lung mnos shing blags te kun chub par byas so/ /tshor ba dran pa nye bar gzhag pa'i gtam 'bum dang / sems dran pa nye bar gzhag pa'i gtam 'bum dang / chos dran pa nye bar gzhag pa'i gtam 'bum yang lung mnos te blags shing kun chub par byas so/ /khams kyi tshogs kyi gtam 'bum dang / skye mched kyi tshogs kyi gtam 'bum dang / 'dod chags kyi kun tu sbyor ba spong ba'i tshogs kyi gtam 'bum dang / zhe sdang gi kun tu sbyor ba spong ba'i tshogs kyi gtam 'bum dang / gti mug gi kun tu sbyor ba spong ba'i rten cing 'brel par 'byung ba'i tshogs kyi gtam 'bum dang / ting nge 'dzin dang / rnam par thar</font><hr>45.285b<br><font size=+1>

pa'i tshogs kyi gtam 'bum dang / stobs dang / mi 'jigs pa dang / sangs rgyas kyi chos ma 'dres pa'i tshogs kyi gtam 'bum yang lung mnos shing blags te kun chub par byas so/ /de bzhin gshegs pa rin po che'i snying po'i thad nas chos kyi phung po 'bum phrag bcu'i bar dag kyang bzung zhing blags te kun chub par byas so/ /rigs kyi bu ji tsam gyi dus gzhan zhig na de bzhin gshegs pa dgra bcom pa yang dag par rdzogs pa'i sangs rgyas rin po che'i snying po phung po'i lhag ma med pa'i mya ngan las 'das pa'i dbyings su yongs su mya ngan las 'das pa dang / byang chub sems dpa' snying rje chen po dang ldan pa des rol mo'i sgra dang / me tog dang / phye ma dang / me tog phreng dang / spos dang / byug pa dang / gdugs dang / rgyal mtshan dang / ba dan dang / rin po che rnam pa sna tshogs dpag tu med/ grangs med pa dag gis mchod pa byas shing spos chu sna tshogs kyis bkrus nas/ sku gdung gzhag pa'i mchod rten rin po che sna bdun las byas pa 'phang du dpag tshad lnga brgya rgyar ni dpag tshad phyed yod pa yang brtsigs/ de nas zhag bdun gyi bar du rol mo'i sgra dang / me tog dang / me tog phreng dang / spos dang / byug pa dang / gdugs dang / rgyal mtshan dang / ba dan dang / rin po che dpag tu med grangs med pa dag gi mchod pa byas nas der yang sems can dpag tu med/ grangs med pa dag theg pa gsum yang dag par 'dzin du bcug cing btsud de rab tu bkod do/ /de zhag bdun po de dag 'das nas srog chags brgyad khri bzhi stong dang lhan cig tu mngon par byung ste/ kra dang kha pu brags nas gos ngur smrig dag bgos te/ yang dag par dad pas khyim nas khyim med par rab tu byung nas de bzhin gshegs pa rin po che'i snying po yongs su mya ngan las 'das pa'i bstan pa 'bar bar byas te/ lo khri'i bar du dam pa'i chos 'dzin par gyur nas/ der yang sems can dpag tu med grangs med pa dag theg pa gsum po dag yang dag</font><hr>45.286a<br><font size=+1>

par 'dzin du bcug cing btsud de rab tu bkod do/ /gsum la skyabs su 'gro ba la yang rab tu bkod do/ /dge bsnyen gyi sdom pa dang / dge tshul gyi sdom pa dang / bsnyen par rdzogs pa dge slong gi dngos po tshangs par spyod pa'i sdom pa la yang btsud de rab tu bkod do/ /des yang srogs chags bye ba khrag khrig 'bum phrag mang po dag mngon par shes pa dang / rdzu 'phrul la mkhas pa la nges par sbyar cing des pa dang / tshangs par spyod pa'i gnas la yang nges par sbyar/ phung po rnams dgra lta bur gyur par yongs su shes pa la yang nges par sbyar/ skye mched rnams grong stong pa lta bur yongs su shes pa la yang nges par sbyar/ chos thams cad rten cing 'brel par 'byung ba'o zhes 'dus byas shes pa mthong ba yongs su shes pa la yang nges par sbyar/ chos thams cad mig yor lta bu dang / mig sgyu lta bu dang / chu zla lta bur yang bstan/ skye ba med pa dang / 'gag pa med pa dang / mtshams sbyor ba med pa'i 'gog pa dang / zhi ba dang / rab tu zhi ba dang / nye bar zhi ba dang / mchog dang / gya nom pa'i 'gog pa mya ngan las 'das pa yongs su shes pa yang bstan te/ 'phags pa'i lam yan lag brgyad pa la rab tu bkod nas 'chi ba'i dus byas par gyur to/ /sems can de dag gi kyang byang chub sems dpa' sems dpa' chen po snying rje chen po dang ldan pa dge sbyong chen po de'i rus pa la snga ma bzhin du mchod pa byas te/ ji ltar 'khor los bsgyur ba'i rgyal po'i rus pa dag la rus pa'i mchod pa byed pa de bzhin du/ de'i tshe na sems can de dag gis kyang snying rje chen po dang ldan pa'i dge sbyong chen po de'i rus pa dag la mchod pa byas so/ /gang gi nyin mo snying rje chen po dang ldan pa'i dge sbyong chen po 'chi ba'i dus byas par gyur pa de'i nyin mo de bzhin gshegs pa rin po che'i snying po'i dam pa'i chos kyang nub ste/ byang chub sems dpa' sems dpa' chen po de dag gis ni smon lam gyi dbang gis 'jig rten gyi khams</font><hr>45.286b<br><font size=+1>

gzhan dag du skye ba yongs su bzung ste/ kha cig ni smon lam gyi dbang gis dga' ldan gyi gnas su skyes so/ /kha cig ni mi rnams kyi nang du/ kha cig ni klu rnams kyi nang du/ kha cig ni lha ma yin rnams kyi nang du/ kha cig ni smon lam gyi dbang gis dud 'gro'i skye gnas sna tshogs dag tu skyes so/ /rigs kyi bu snying rje chen po dang ldan pa'i dge sbyong chen po 'chi ba'i dus byas nas kyang smon lam gyi dbang gis sangs rgyas kyi zhing 'di nas lho phyogs logs su sangs rgyas kyi zhing khri 'das pa de na 'jig rten gyi khams yang dag 'dren ces bya ba yod de/ de na mi rnams ni tshe lo brgyad bcu thub la/ mi dge ba'i rtsa ba dang ldan pa gtum pa/ lag pa khrag gis gos pa/ sdig pa la zhen pa/ sems can thams cad la brtse ba med par zhugs pa/ mar mi 'dzin pa/ phar mi 'dzin pa/ 'jig rten pha rol la 'jigs par mi lta ba sha stag ste/ snying rje chen po dang ldan pa'i dge sbyong chen po de smon lam gyi dbang gis sangs rgyas kyi zhing yang dag 'dren der gdol pa'i rigs su skyes par gyur te/ de yang lus shin tu ring bar gyur cing / shin tu stobs dang ldan pa/ shin tu shugs dang ldan pa/ shin tu dran pa dang ldan pa/ shin tu spobs pa dang ldan pa/ shin tu mgyogs pa dang ldan par gyur nas/ des stobs kyi shugs brtan pas sems can dag bzung ste smras pa/ kye sems can dag khyed cag gal te ma byin par len pa spong ba dang / 'dod pas log par g.yem pa dang / log par lta ba'i bar dag spong bar byed na ngas khyed cag gi srog sbyin par bya zhing / 'tsho ba'i yo byed dag kyang sbyin par bya'o/ /kye gal te mi spong na ngas srog dang phral te 'gro'o/ /de nas sems can de dag gis thal mo sbyar te smras pa/ mgon po khyod kyi tshig gis bdag cag da deng slan chad nas ji srid 'tsho ba'i bar du ma byin par len pa nas log par lta ba'i bar dag spong bar bgyid do/ /gdol pa stobs can de song nas rgyal po dang / rgyal pos bkrabs pa dag la bsgo ba</font><hr>45.287a<br><font size=+1>

kho bo'i 'tsho ba'i yo byad du zas dang / skom dang / bza' ba dang / bca' ba dang / btung ba dang / gos dang / mal cha dang / spos dang / 'gron bu dang / gser dang / nor bu dang / mu tig dang / bai dUr+ya dang / dung dang man shel dang / byi ru dang / dngul dang / sa le sbram dag dgos kyis 'tsho ba'i yo byad mang po dag kho bo la phul cig /gdol pa stobs can des ji srid 'tsho ba'i bar du sems can rnams dge ba bcu'i las kyi lam la rab tu bkod pa dang / de nas mi de dag kyang tshe lo lnga brgya thub par gyur to/ /de na rgyal po gang yin pa de 'chi ba'i dus byas par gyur pa dang / de nas rgyal po'i blon po de dag gis gdol pa stobs can de rgyal po'i dbang bskur bas dbang bskur te rgyal por bcug nas rgyal po bsod nams stobs shes bya bar gyur to/ /rigs kyi bu de nas rgyal po bsod nams stobs kyis rin po ma lon par yul der rjes su bstan te/ brtson 'grus brtan zhing rtul bas yul gnyis par yang rjes su bstan nas rgyal po bsod nams stobs ring po ma lon par 'dzam bu'i gling thams cad du stobs kyi 'khor los sgyur ba'i rgyal po'i bar du gyur to/ /gang gi tshe rgyal po bsod nams stobs kyis 'dzam bu'i gling thams cad kyi rgyal srid bzung nas/ de'i 'og tu sems can rnams srog gcod pa spong ba yang dag par 'dzin du bcug cing btsud de rab tu bkod do/ /de bzhin du ma byin par len pa dang / log par lta ba'i bar dag spong ba yang dag par 'dzin du bcug cing btsud de yang dag pa'i lta ba'i bar dag la rab tu bkod do/ /sems can rnams bsam pa ji lta bu bzhin du theg pa gsum po dag yang dag par 'dzin du bcug cing btsud de rab tu bkod do/ /de nas rgyal po bsod nams stobs kyis 'dzam bu'i gling gi sems can thams cad dge ba bcu'i las kyi lam dag la rab tu bkod cing theg pa gsum po dag la nges par sbyar nas 'dzam bu'i gling thams cad du sgra dbyangs rjes su bsgrags pa/ slongs mo pa gang su dag zas 'dod pa dang / rin po che'i bar dag 'dod pa de dag thams cad tshur shog shig dang / </font><hr>45.287b<br><font size=+1>

ngas thams cad la sbyin pa sbyin par bya'o zhes bsgrags so/ /de nas dus gzhan zhig gis tshe na 'dzam bu'i gling gi sems can thams cad lhags nas rgyal po bsod nams stobs la slongs mo byed par gyur pa dang / rgyal po bsod nams stobs kyis kyang de dag las brtsams te sbyin pa rnam pa sna tshogs dag byin no/ /de nas 'tsho ba pa rdul dbyangs shes bya ba zhig rgyal po bsod nams stobs kyi drung du song ste smras pa/ rgyal po chen po gal te khyod bla na med pa yang dag par rdzogs pa'i byang chub bzhed cing sbyin pa chen po rnam pa sna tshogs yongs su gtong ba dag yongs su gtong bar mdzad la/ rgyal po chen po gal te khyod kyis bdag gi bsam pa yongs su rdzogs par mdzad par 'gyur na ni rgyal po chen po khyod rgyal ba 'jig rten gyi sgron mar 'gyur lags so/ /rgyal pos smras pa khyod ci 'dod/ 'tsho ba pa rdul dbyangs kyis smras pa/ rgyal po chen po bdag ni lha ma yin gyi g.yul chen por rab tu 'joms pa'i rigs sngags 'chang nyid 'tshal na/ cho ga zhib mo bsgrub pa'i slad du mi gson po'i lpags pa yang 'tshal/ mig kyang 'tshal te/ de'i slad du bdag khyod kyi spyan sngar mchis nas gsol ba bgyid lags so/ /rigs kyi bu de nas rgyal po bsod nams stobs 'di snyam du sems te/ bdag gis stobs kyi 'khor los sgyur ba nyid thob nas sems can bgrang ba las 'das pa dag cig dge ba bcu'i las kyi lam la rab tu bkod cing / theg pa gsum po dag la yang nges par sbyar te/ bdag gis sbyin pa yang dpag tu med pa zhig byin na/ da ni snying po med pa'i lus las snying po len par byed pa zhig ste/ bdag gi dge ba'i bshes gnyen yin no snyam nas rgyal pos smras pa/ ngas khyod la sha'i mig tha mal pa 'di sbyin par byas dga' bar gyis shig /des ni bdag gis bla na med pa'i chos kyi spyan thob par gyur cig /ngas khyod la rab tu dang ba'i sems kyis rang gi lpags pa 'di yang sbyin par byas des ni bdag gis bla na med pa yang dag par rdzogs pa'i byang chub thob par</font><hr>45.288a<br><font size=+1>

gyur cig /rigs kyi bu de nas rgyal po bsod nams stobs kyis lag pa g.yas pas rang gi mig gnyis phyung ste 'tsho ba pa la byin nas gdong khrag gis yog bzhin du smras pa/ 'di na gang dag 'dir lhag pa dang / nam mkha' la rgyu ba dang / sa la gnas pa'i lha rnams dang / gnod sbyin mthu chen po rnams dang / mi 'am ci gang yin pa rnams dang / lha ma yin gang yin pa rnams dang / 'byung po gang yin pa rnams dang / mi gang yin pa rnams bdag la nyon cig /bdag gis sbyin pa byang chub tu bsngos pa'i dge bas zhi ba'i go 'phang thob par gyur nas/ bdag gis sems can rnams 'khor ba'i rgya mtsho mi zad pa las sgrol zhing bla na med pa'i zhi ba mya ngan las 'das pa la 'god par gyur cig /yang smras pa/ gal te bdag gis bla na med pa yang dag par rdzogs pa'i byang chub thob par 'gyur ba lta na/ ji srid du 'tsho ba pa 'di'i rig sngags de grub par ma gyur pa de srid kyi bar du bdag gi srog gi dbang po 'gag par ma gyur cig /bdag gi dran pa yang nyams par ma gyur cig /bdag 'gyod par yang ma gyur cig /rigs kyi bu rgyal pos lpags pa yang khyer cig ces smras pa dang / 'tsho ba pa rdul dbyangs des mtshon rnon po blangs te/ rgyal po gson po'i lus las lpags pa bshus nas lpags pa khyer te rig sngags bsgrubs so/ /de ltar zhag bdun gyi bar du rgyal po bsod nams stobs kyi srog gi dbang po yang ma 'gags dran pa yang ma nyams/ sdug bsngal gyi tshor ba de yang ma myong la/ de la skad cig tsam yang 'gyod pa skyes par ma gyur to/ /rigs kyi bu 'di ji snyam du sems/ de'i tshe de'i dus na snying rje chen po dang ldan pa zhes bya bar gyur pa de gzhan zhig yin pa snyam du 'dzin na gzhan du mi blta ste/ nga de'i tshe de'i dus na de bzhin gshegs pa rin po che'i snying po'i yab snying rje chen po dang ldan pa zhes bya ba der gyur to/ /ngas bla na med pa yang dag par rdzogs pa'i byang chub tu sems bskyed par</font><hr>45.288b<br><font size=+1>

gyur pa'i dang po ni de yin no/ /ngas dang po sems bskyed pas sems can bgrang ba las 'das pa dag bla na med pa yang dag par rdzogs pa'i byang chub yang dag par 'dzin tu bcug ste/ ngas dpa' ba'i dngos po dang / dpa' bo'i bya ba dang po ni de yin no/ /nga smon lam gyi dbang gis de nas shi 'phos nas sangs rgyas kyi zhing yang dag 'dren du gdol pa'i rigs su skyes pa de'i tshe na ngas gdol pa'i rigs su gnas nas sems can rnams dge ba la sbyar cing rang gi stobs dang rtul bas stobs kyi 'khor los sgyur ba nyid thob pa'i bar dang / 'dzam bu'i gling thams cad 'thab pa dang rtsod pa'i rnyogs pa rnams rab tu zhi bar byas shing / tshe yang bsrings te ngas dang po lus yongs su btang ba de ni nga'i dpa' ba'i dngos po dang / dpa' bo'i bya ba gnyis pa yin no/ /gang gi tshe ngas rang gi mig dag yongs su btang zhing rang gi lpags pa yang yongs su btang ste/ de nas shi 'phos na yang smon lam gyi dbang gis sangs rgyas kyi zhing yang dag 'dren de nyid kyi gling gnyis par gdol pa'i rigs su skyes nas snga ma bzhin du sbyar te/ der yang ngas brtson 'grus brtan zhing rtul ba de lta bus sems can rnams dge ba'i las dag la nges par sbyar nas stobs kyi 'khor los sgyur ba'i bar yang thob ste/ der yang 'thab pa dang rtsod pa'i rnyog pa dang / 'khon pa dang / 'gyod pa dag rab tu zhi bar byas te tshe yang bsrings so/ /der yang rang gi lus las lce dang / rna ba dag yongs su btang ba na sangs rgyas kyi zhing yang dag 'dren kyi stong chen po de kun kyi gling thams cad kyi bar du yang skyes bu'i rtsal de lta bu dag byas so/ /smon lam dang brtson 'grus brtan zhing rtul ba rjes su 'brel pa dang / smon lam gyi dbang gis snyigs ma lnga dang ldan pa'i sangs rgyas kyi zhing gang gA'i klung gi bye ma snyed dag tu yang sems can rnams dge ba'i rtsa ba de dag la nges par sbyar cing theg pa gsum po dag yang dag par 'dzin du bcug ste/ 'thab pa dang rtsod pa'i rnyog pa dang / nyon mongs pa dang / mkhon pa dang / 'gyed pa rnams rab tu zhi bar byas shing skyes bu chen po'i rtsal de lta bu dag byas so/ /rigs</font><hr>45.289a<br><font size=+1>

kyi bu sangs rgyas bcom ldan 'das gzhan dag gi sangs rgyas kyi zhing yongs su dag pa ni 'di'i phyir te/ gang gi tshe sangs rgyas bcom ldan 'das de dag sngon bla na med pa yang dag par rdzogs pa'i byang chub kyi spyad pa spyod pa na gzhan gyi ltung ba gleng bar mi byed cing gzhan la 'jigs pa ston par mi byed la/ sems can rnams nyan thos dang / rang sangs rgyas kyi theg pa yang dag par 'dzin tu ma bcug pas na de'i phyir sangs rgyas bcom ldan 'das dgongs pa yongs su rdzogs pa de dag gi sangs rgyas kyi zhing yongs su dag par gyur te/ sangs rgyas kyi zhing de na ltung ba'i ming yang med la/ bslab pa gzung ba yang med/ tshig rtsub po yang mi grag /mi dge ba'i sgra yang mi grag ste/ gzhan du na sangs rgyas kyi zhing de chos kyi sgra dang / yid du mi 'ong ba med pa'i sgras khyab pa yin no/ /de na sems can rnams kyang ji ltar 'dod pa bzhin du byed pa yin te/ de na nyan thos dang rang sangs rgyas kyi theg pa'i ming du gdags pa tsam yang mi srid do/ /ngas ni gang gi tshe bskal pa chen po gang gA'i klung gi bye ma snyed du snyigs ma lnga dang ldan pa'i sangs rgyas kyi zhing stong pa gang gA'i klung gi bye ma snyed dag tu tshig rtsub po dang 'jigs su rung bas sems can rnams srog gcod pa spong ba yang dag par 'dzin tu bcug cing btsud de rab tu bkod pa nas/ theg pa gsum po dag kyang yang dag par 'dzin du bcug cing btsud de rab tu bkod pa'i bar du byas pas na/ de'i las kyi 'phros da ltar nga nyon mongs pa dang ldan zhing mi dge ba'i sgras kun tu khyab la mi dge ba'i rtsa ba dang ldan pa'i sems can rnams kyis yongs su gang ba'i sangs rgyas kyi zhing 'di lta bu na theg pa gsum gyis chos ston te/ ngas ni sngon ji ltar smon lam btab pa de lta bu'i sangs rgyas kyi zhing yongs su bzung zhing ngas 'dul ba'i sems can ji lta bu dag yongs su bzung ba de lta bu kho na'i stobs dang / brtson 'grus dang / 'bad pas byang chub kyi spyod pa spyad de smon lam ji lta bu btab cing / sa bon ci 'dra ba btab pa de 'dra ba'i sangs rgyas kyi zhing thob bo// // bam po bcu bzhi pa/ rigs kyi bu ji ltar ngas</font><hr>45.289b<br><font size=+1>

byang chub sems dpa'i spyad pa spyod pa na sbyin pa yongs su gtong ba yongs su btang ba ltar/ sngon gyi byang chub sems dpa' gang gis kyang de lta bu'i sbyin pa yongs su gtong ba yongs su ma btang la/ ji ltar ngas byang chub sems dpa'i spyad pa spyod pa na sbyin pa yongs su gtong ba yongs su btang ba ltar phyis 'byung bar 'gyur ba'i byang chub sems dpa' gang yang byang chub sems dpa'i spyad pa spyod pa na de lta bu'i sbyin pa yongs su gtong ba yongs su gtong bar mi 'gyur ba'i sbyin pa'i pha rol tu phyin pa mdor bsdus te khyod la bshad par bya'o/ /skyes bu dam pa brgyad ni ma gtogs te/ skyes bu dam pa sas byin zhes bya bar gyur pa ni lho phyogs logs su 'jig rten gyi khams kun dbyangs shes bya bar bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa 'dres spong 'od zer zhes bya bar gyur nas skye dgu tshe lo brgya pa rnams la chos ston cing zhag bdun na yongs su mya ngan las 'da' bar 'gyur ro/ /de bzhin du byang chub sems dpa' brtson 'grus yang dag skul zhes bya ba de ni shar phyogs su 'jig rten gyi khams mi 'pham can zhes bya bar bla na med pa yang dag par rdzogs pa'i byang chub mngon par rdzogs par sangs rgyas te/ skye dgu'i tshe lo brgya pa rnams la bskal pa gang gA'i klung gi bye ma snyed las lhag pa snyed du sangs rgyas kyi mdzad pa mdzad nas de'i tshe de bzhin gshegs pa de bla na med pa'i yongs su mya ngan las 'da' bas yongs su mya ngan las 'das te/ da dung du yang thugs rje chen po dang ldan pa de'i sku gdung rnams snyigs ma lnga dang ldan pa'i sangs rgyas kyi zhing stong pa dag na sangs rgyas kyi mdzad pa mdzad do/ /de bzhin du byang chub sems dpa' snying po me tog rgyas shes bya ba ni brtson 'grus dang / yi dam brtan pa dang / yongs su gtong ba'i stobs kyi shugs kyis byang chub sems dpa'i spyad pa spyod de/ de bskal pa chen po gang gA'i klung bcu'i bye ma snyed 'das pa'i 'og tu 'di nas byang phyogs su snyigs ma lnga dang ldan pa'i sangs rgyas kyi zhing</font><hr>45.290a<br><font size=+1>

rgyu bcas yang dag 'dren ces bya ba zhig 'byung bar 'gyur ba der skyes bu dam pa de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rgyur bcas nag po rnam par 'joms pa'i rgyal po zhes bya ba sangs rgyas bcom ldan 'das kyi bar du 'gyur ro/ /byang chub sems dpa' shes rab 'od zer kun 'khrugs 'dzin ces bya ba'i skyes bu dam pa de ni bskal pa chen po gcig 'das nas nub phyogs logs su snyigs ma lnga dang ldan pa'i 'jig rten gyi khams 'jigs ldan zhes bya ba zhig 'byung bar 'gyur ba der skye dgu'i tshe lo brgya pa'i nang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas nyi ma'i snying po'i 'od zer dri ma med pa'i dbang po zhes bya ba sangs rgyas bcom ldan 'das kyi bar du 'gyur ro/ /legs dga' 'di yang bskal pa bgrang ba las yang dag par 'das pa snyed rdzogs pa'i 'og tu/ steng gi phyogs logs su bskal pa chen po rtsod rnyog mi bzad yang dag 'khrug ces bya ba la snyigs ma lnga dang ldan pa'i 'jig rten gyi khams 'gyur byed mi gtsang bstsags zhes bya ba zhig 'byung bar 'gyur te/ legs dga' 'di sngon gyi smon lam gyi dbang gis sangs rgyas kyi zhing 'gyur byed mi gtsang bstsags shes bya ba der skye dgu'i tshe lo lnga bcu pa rnams kyi nang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa bsam yas rnam par snang mdzad ces bya ba sangs rgyas bcom ldan 'das kyi bar du 'gyur zhing / de sngon gyi smon lam gyi dbang gis lo bcus sangs rgyas kyi mdzad pa mtha' dag mdzad nas yongs su mya ngan las 'da' bar 'gyur te/ de nyid kyi nyin mo de bzhin gshegs pa de'i dam pa'i chos kyang nub par 'gyur zhing lo bcu'i bar du sangs rgyas kyi zhing de stongs par 'gyur ro/ /</font><hr>45.290b<br><font size=+1>

de'i 'og tu byang chub sems dpa' rab tu lag brkyang 'di sngon gyi smon lam gyi dbang gis sangs rgyas kyi zhing 'gyur byed mi gtsang bstsags der skye dgu'i tshe lo sum bcu pa rnams kyi nang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas chos rnam par snang mdzad ces bya ba sangs rgyas bcom ldan 'das kyi bar du 'gyur zhing / de yang sngon gyi smon lam gyi dbang gis lo bcus sangs rgyas kyi mdzad pa mtha' dag mdzad nas/ phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur te/ de'i dam pa'i chos lo bdun du gnas par 'gyur ro/ /de nas skyes bu dam pa de gnyis kyis sngar lung bstan pa thob cing bla na med pa yang dag par rdzogs pa'i byang chub kyi ro myang ba thob nas bcom ldan 'das kyi zhabs la mgo bos phyag 'tshal te/ dga' ba dang / yid bde ba dang / mchog tu dga' bas ta la bdun srid tsam du steng gi bar snang la mngon par 'phags shing thal mo sbyar te 'khod nas/ bcom ldan 'das la dbyangs gcig gis tshigasu bcad de gsol pa/ sangs rgyas nyi ma bzhin du lhang nge zhing / /'jig rten 'di na mngon 'phags lhun po 'dra/ /rnam 'dren rdul bral rnam dag spyan mnga' ba/ /snang gyur bde gshegs khyod la phyag 'tshal lo/ /khyod ni byang chub dam pa tshol ba na/ /bskal pa mang por khyod kyis brtson 'grus bsgoms/ /khyod kyi sngon gyi rgyal mang gang mchod pa/ /'das pa'i 'dren pa de yis lung ma bstan/ /'dod chags spangs pa yongs grol thugs mnga' ba/ /khyod 'dir 'jig rten kun tu mdzad pa mdzad/ /lam stor rnams la chos kyang ston mdzad cing / /sems can rnams kyang srid pa'i mtsho las bsgral/ /rang byung bstan la bdag cag rab byung zhing / /dbang po mnyam bzhag rgyal bas bstan pa yi/ /so sor thar pa'i bslab pa de bslabs nas/ /bdag cag rtag tu khyod dang nyer gyur</font><hr>45.291a<br><font size=+1>

cig /srog la brten pa ma mchis chos 'tshal zhing / /ston par 'du shes chos rnams mnyan bgyis nas/ /rgyal bas mngon par lung bstan don de yi/ /ro myong dbang bskur sa yang thob gyur cig /bcom ldan 'das kyis bka' stsal pa/ rigs kyi bu skyes bu dam pa legs dga' dang / rab tu lag brkyang zhes bya ba de gnyis dang / sas byin dang / brtson 'grus yang dag skul dang / snying po me tog rgyas dang shes rab 'od zer kun 'khrugs 'dzin ces bya ba bzhi dang / skyes bu dam pa drug po de dag gis byang chub tu sems bskyed pa las ngas dang po byang chub yang dag par 'dzin du bcug pa de dag nyon cig /rigs kyi bu sngon 'das pa'i dus na bskal pa grangs med dpag tu med pa 'das par gyur pa de'i tshe de'i dus na sangs rgyas kyi zhing 'di rdul med lhun po spos zhes bya bar gyur te/ rigs kyi bu de'i tshe bskal pa chen po byung ba na skye dgu'i tshe lo brgya thub cing de bzhin gshegs pa spos kyi pad ma'i bstan pa dam pa'i chos kyi gzugs brnyan du gyur pa de'i tshe de'i dus na nga 'dzam bu'i gling las rnam par rgyal ba'i stobs kyi 'khor los sgyur ba nor ngan ces bya bar gyur cing bu yang stong yod par gyur nas/ ngas de dag bla na med pa yang dag par rdzogs pa'i byang chub yang dag par 'dzin du bcug go /de dag kyang dus gzhan zhig na mngon par byung ste/ de bzhin gshegs pa spos kyi pad ma'i bstan pa la rab tu byung nas de dag gis de bzhin gshegs pa stobs kyi pad ma'i bstan pa rgya cher 'bar bar byas so/ /gang dag rab tu ma byung zhing byang chub tu sems bskyed par mi 'dod pa bu drug cig ma gtogs te/ ngas de dag la yang dang yang du bsgo ba/ khyed cag bsam pa ji lta bu zhig gis na khyed rab tu mi 'byung zhing byang chub tu sems bskyed par mi byed/ de dag gis smras pa/ bdag cag ni rab tu mi 'byung lag so/ /de ci'i slad du zhe na/ gang zad pa'i dus kyi mthar dam pa'i chos gzugs brnyan du gyur pa na rab tu byung ba des ni tshul khrims kyi phung po mtha' dag kun tu 'dzin par yang rngo mi thog la/ de nor bdun dang yang bral bar 'gyur zhing 'khor ba'i</font><hr>45.291b<br><font size=+1>

'dam du bying nas/ des slar res 'ga' zhig lha dang mi'i dpal thob par bas kyi/ rtag tu ngan song gsum po dag tu yongs su 'khyam par 'gyur zhing / sangs rgyas kyi bslab pa yang dag par 'dzin par mi 'gyur te/ de'i slad du bdag cag rab tu mi 'byung ba lags so/ /ngas yang de dag la dris pa/ khyed cag ci'i phyir byang chub tu sems bskyed par mi byed/ de dag gis smras pa/ gal te bdag cag la 'dzam bu'i gling thams cad stsal na/ de lta na bdag cag gis bla na med pa yang dag par rdzogs pa'i byang chub tu sems bskyed par bgyi'o/ /rigs kyi bu ngas de thos nas mchog tu dga' ba'i yid kyis 'di snyam du bsams te/ ngas 'dzam bu'i gling gi mi thams cad gsum la skyabs su 'gro ba la rab tu bkod cing 'phags pa'i gso sbyong yan lag brgyad dang ldan pa la gnas pa yang yang dag par 'dzin du bcug ste/ theg pa gsum po dag kyang yang dag par 'dzin du bcug zin gyis/ gang bdag gis 'dzam bu'i gling 'di cha drug tu bgos te bu drug po dag la byin nas byin nas kyang bla na med pa yang dag par rdzogs pa'i byang chub yang dag par 'dzin du gzhug cing bdag kyang mngon par byung ste/ rab tu byung bar bya gor ma chag snyam nas ngas de bzhin du 'dzam bu'i gling thams cad cha drug tu bgos te/ bu drug po dag la byin nas bdag kyang mngon par byung ste/ rab tu byung ba dang / 'dzam bu'i gling gi rgyal po de dag kyang phan tshun mi mthun zhing 'thab pa dang / 'tshang 'dru ba dang / 'gyed pa dang / nad dang / pha rol kyi 'khor kyis 'khrug pa dang / rtsod pa dag byung ngo / /de'i phyir 'dzam bu'i gling thams cad du mu ge byung ste/ lo tog rnams kyang mi skye/ char pa yang mi 'bab/ shing ljon pa dag las kyang lo ma dang / me tog dang / 'bras bu dag mi skye/ sman dang / rtswa dag kyang mi skye bas ri dgas dang bya rnams kyang bkres pa dang skom pas lus rab tu 'bar zhing nyam thag par gyur to/ /de'i tshe na nga 'di snyam du sems te/ ngas da ltar gyi lus 'di yongs su btang ste/ rang gi sha dang khrag gis sems can rnams tshim par bya'o snyam nas/ de nas ngas gnas yongs su</font><hr>45.292a<br><font size=+1>

spangs te/ yul gyi dbus su song nas ri chu skyong zhes bya ba la 'dzegs te smon lam btab pa/ 'di ltar rang gi lus srog gtong ba ni/ /snying rje'i phyir te mtho ris phyir ma yin/ /ri 'di'i 'phang tsam dag tu gyur nas ni/ /lhar bcas 'jig rten don du 'gyur bar shog /'di ltar gzugs mdzes phun sum gtong ba ni/ /bdud phyir ma yin brgya byin tshangs phyir min/ /bdag gi sha khrag mang por gyur nas ni/ /lhar bcas 'jig rten don ni byed gyur cig /gang dag ri dang brag la gnas pa yi/ /lha klu gnod sbyin lha min mi rnams nyon/ /sems can phyir ni bdag gis brtse bskyed de/ /rang gi sha khrag dag gis tshim par bya/ /gang gi tshe ngas smon lam de lta bu btab pa na/ 'jig rten gsum 'khrugs shing sa yang g.yos/ lhun po yang 'gul/ lha'i tshogs rnams kyang ngu'o/ /de nas rang gi lus ri chu skyong gi kha nas bor ba dang / smon lam gyi dbang gis nga'i lus ri'i tshad tsam du gyur cing / mgo 'bum phrag du ma yod par gyur la/ khyon tu ni dpag tshad brgya/ 'phang du yang dpag tshad brgyar gyur nas/ mi dang / ri dgas dang / bya'i bar dag gis kyang sha dang khrag bza' bar brtsams so/ /rigs kyi bu nga'i lus la sems can de dag gis zos pa na nyin gcig bzhin du phyir skye zhing khyon du yang dpag tshad 'bum/ 'phang du yang dpag tshad 'bum yod par 'gyur la/ thams cad nas mi'i mgo bo skra dang / rna ba dang / mig dang bcas pa/ mchu dang so dang bcas pa/ lce dang bcas pa'i kha 'bum phrag du ma dag byung bar gyur nas/ kha 'bum phrag du ma po de dag nas mi'i skad kyis sgra sgrogs pa/ kye sems can dag ci 'dod pa long shig /kye sha zo shig /khrag 'thung shig /mig dag khyer cig /rna ba dang / sna dang / skra dang / mchu dang / so dang / lce dag khyer cig /gang 'dod pa dang / gang gis 'dod pa dang / ji snyed 'dod pas lus tshim par gyur cing / bsam pa yongs su rdzogs par gyur pa rnams ni nyan thos kyi theg pa pa 'am/ rang sangs rgyas kyis theg pa pa 'am/ bla na med pa yang dag par rdzogs pa'i byang chub tu</font><hr>45.292b<br><font size=+1>

sems bskyed cig /khyed kyi longs spyod dang / yongs su spyod pa 'di ni zad par yang mi 'gyur la/ khyed la dad pas byin par yang mi 'gyur gyis/ khyed cag myur ba nyid du srog zad par yang ma gyur cig ces sgra sgrogs par byed do/ /de na sems can mkhas pa gang yin pa de dag las kha cig ni nyan thos kyi theg par sems skyed par byed/ kha cig ni rang sangs rgyas kyi theg par sems skyed par byed/ kha cig ni bla na med pa yang dag par rdzogs pa'i byang chub tu sems skyed par byed do/ /kha cig ni lha dang mir skye bar sems skyed par byed cing / sha ni za/ khrag ni 'thung ngo / /kha cig gis ni mig dag khyer/ kha cig gis ni rna ba dag /kha cig gis ni sna dag /kha cig gis ni mchu dag /kha cig gis ni so dag blangs nas khyer te dong yang smon lam gyi dbang gis sha bri bar yang ma gyur/ yongs su zad par yang ma gyur la/ yang dang yang phyir skyes par gyur to/ /lo khri'i bar du 'dzam bu'i gling gi mi thams cad dang / gnod sbyin dang / ri dgas dang / bya rnams kyang nga'i lus kyis tshim par byas te/ ngas lo khri po de'i bar du gang gA'i klung gi bye ma snyed kyi mig dag yongs su btang ngo / /ngas rgya mtsho bzhi'i chu snyed kyi khrag dag yongs su gtang ngo / /ngas ri rab stong snyed tsam gyi sha dag yongs su btang ngo / /ngas ri khor yug tsam gyi lce dag yongs su btang ngo / /ngas lhun po dang gnya' shing 'dzin tsam gyi rna ba dag yongs su btang ngo / /ngas ri rab tsam gyi sna rgya chen po dag yongs su btang ngo / /ngas bya rgod kyi phung po'i ri 'di tsam gyi so dag yongs su btang ngo / /ngas der sangs rgyas kyi zhing mi mjed mtha' dag gi sa gzhi tsam gyi rang gi lpags pa yang yongs su btang ngo / /rigs kyi bu de ltar lo khri'i bar du srog gcig gis rang gi lus yongs su btang ba tshad med grangs med dpag tu med pa dag yongs su btang zhing / de ltar sems can tshad med grangs med dpag tu med pa dag tshim par byas kyang nga'i sems skad cig gcig tsam yang 'gyod par ma gyur pa la ltos/ der ngas smon lam 'di lta bu yang btab ste/ gal te bdag bla na med</font><hr>45.293a<br><font size=+1>

pa yang dag par rdzogs pa'i byang chub mngon par rdzogs par 'tshang rgya bar 'gyur ba lta na/ bdag gi bsam pa 'di yang yongs su rdzogs par gyur cig /ji ltar bdag gis gling gcig tu rang gi lus kyis sems can thams cad tshim par byas pa de bzhin du sangs rgyas kyi zhing rdul med lhun po spos 'di'i gling thams cad du yang lo stong phrag gang gA'i klung gi bye ma snyed du de lta bu'i lus 'byung bar gyur cig /gling gcig tu lo khri'i bar du ji lta ba de bzhin du gling thams cad du yang rang gi sha dang / khrag dang / lpags pa dang / mig dang / rna ba dang / sna dang / mchu dang / lce dang / skra dag gis sems can thams cad tshim par byas shing theg pa gsum po dag yang dag par 'dzin du bcug par gyur cig /mi rnams dang / gnod sbyin dang / srin po rnams dang / dud 'gro'i skye gnas thams cad dang / gang dag sha za zhing khrag 'thung ba so so'i gnod sbyin rnams dang / tha na gshin rje'i 'jig rten gyi bar de dag kyang bdag gis tshim par byed par gyur cig /ji ltar bdag gis sangs rgyas kyi zhing gcig tu rang gi lus kyis sems can thams cad tshim par byed par 'gyur ba de bzhin du/ phyogs bcu kun kyi sangs rgyas kyi zhing gang gA'i klung gi bye ma snyed dag tu yang rang gi sha dang / khrag dang / lpags pa dang mig dang / lce'i bar dag dang / de lta bu'i lus kyis bskal pa chen po gang gA'i klung gi bye ma snyed du sangs rgyas kyi zhing de dang de dag du de lta bu'i lus thob nas rang gi lus dang srog gis sems can rnams tshim par byed par gyur cig /gal te bdag sems can rnams tshim par bya ba'i phyir rang gi lus de lta bu dag yongs su gtong bar mi byed dam/ ji ltar bdag re zhing sems pa'i smon lam de lta bu yongs su rdzogs par ma gyur na bdag gis gang dag phyogs bcu'i sangs rgyas kyi zhing gzhan dang / gzhan dag na chos kyi 'khor lo bskor nas bzhugs te 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /bdag kyang bla na med pa yang dag par rdzogs pa'i byang chub mngon par rdzogs par</font><hr>45.293b<br><font size=+1>

'tshang rgya bar ma gyur cig /bdag 'khor ba na 'khor ba'i tshe sangs rgyas kyi sgra thos par ma gyur cig /chos kyi sgra yang mi thos/ dge 'dun gyi sgra yang mi thos/ pha rol tu phyin pa'i sgra yang mi thos/ bdud kyi dpung pham pa'i sgra yang mi thos/ mi 'jigs pa'i sgra yang mi thos pa nas/ 'khor ba na dge ba'i sgra'i bar yang thos par mi 'gyur zhing / rtag tu mnar med pa'i sems can dmyal ba chen po na gnas par gyur cig ces smon lam de lta bu yang btab bo/ /ji ltar sangs rgyas kyi zhing 'di'i gling re thams cad kyi gling re rer yang de lta bu'i lus dag yongs su btang zhing / rang gi sha dang khrag gis sems can rnams tshim par byas pa de bzhin du phyogs bcu gzhan gyi sangs rgyas kyi zhing gang gA'i klung gi bye ma snyed dag tu yang de lta bu'i lus dag yongs su btang ste/ rang gi sha dang khrag gis sems can rnams tshim par byas so/ /rigs kyi bu de'i tshe ngas rgyun ma chad par mig dag yongs su btang ba gang yin pa de dag gi phung po yang 'dzam bu'i gling 'di nas sum bcu rtsa gsum gyi lha'i mthar thug pa'i tshad tsam du gyur te/ de bzhin gshegs pa'i lus yongs su gtong ba'i sbyin pa'i pha rol tu phyin pa la ltos/ rigs kyi bu de ni de bzhin gshegs pa'i lus yongs su gtong ba'i sbyin pa'i pha rol tu phyin pa mdor bsdus pa yin no/ /rigs kyi bu gzhan yang de'i 'og tu bskal pa tshad med pa 'das pa na sangs rgyas kyi zhing 'di zla ba rnam par snang ba zhes bya bar gyur te/ de yang snyigs ma lnga dang ldan par gyur to/ /nga yang 'dzam bu'i gling der stobs kyi 'khor los sgyur ba'i rgyal po sgron ma snang ba zhes bya bar gyur nas ngas ji skad sngar smos pa bzhin du 'dzam bu'i gling gi sems can thams cad dge ba dag la nges par sbyar to/ /phyis nga rang gis blta ba'i phyir bskyed mos tshal gyi sar byung ba dang / de na ngas bcing ba dam pos phyin ka log tu bcings pa'i mi zhig mthong ngo / /mthong nas kyang ngas blon po rnams la mi 'dis ci zhig byas shes dris pa dang / blon po rnams kyis nga la smras pa/ lha mi</font><hr>45.294a<br><font size=+1>

'di ni lha la nongs pa bgyis pa lags te/ dgung lo gcig la mi 'di'i 'bru dang / lo tog ci 'khrung ba de las drug cha gcig lha'i zhal sngar 'bul ba lags na/ ji ltar lha'i grong dang / grong khyer dang / ljongs kyi mi dang / ri brags dag na gnas pa'i 'bangs las kyi mthas 'tsho ba gzhan dag 'du ba'i sgo 'bul bar bgyid pa de ltar mi 'di 'bul bar mi bgyid lags so/ /de dag la ngas 'di skad ces smras so/ /mi 'di thong la su la yang mthus nor dang 'bru dag ma sdud cig /de dag gis smras pa/ lha 'ga' yang sems shin du dad pas 'bul bar mi bgyid do/ /gdugs gcig bzhin du lha'i zhal zas dang / skyems dang / longs spyod dang / yongs su spyad pa gang lags pa dang / lha'i btsun mo'i 'khor dang / lha mo dang / lha'i sras rnams dang / sras mo rnams kyi longs spyod dang / yongs su spyad pa gang lags pa de dag thams cad kyang gzhan dag las 'du ba lags na/ 'ga' yang sems rab tu dang bas 'bul bar mi bgyid lags so/ /de nas shin du yid mi bde ste bsams pa/ ngas 'dzam bu'i gling thams cad kyi rgyal srid kyi dbang phyug 'di su la sbyin par bya snyam nas/ nga la bu lnga brgya yod par gyur pa de dag kyang byang chub yang dag par 'dzin du bcug cing / 'dzam bu'i gling 'di yang cha lnga brgyar bgos te bu rnams la byin nas/ nga yang dka' thub kyi nags tshal du song ste/ drang srong gi rab tu 'byung bas tshangs par spyad pa spyod cing lho phyogs kyi rgya mtsho chen po dang ha cang yang mi ring ba'i nags khrod cig na nags kyi rtsa ba dang 'bras bu za zhing / shing u dum ba ra ba'i drung na bsam gtan sgom zhing 'dug nas mthar kyis mngon par shes pa lnga thob par gyur to/ /yang de'i tshe na 'dzam bu'i gling gi tshong pa lnga brgya zhig rgya mtsho chen por zhugs pa dang / de dag gis kyang de nas rin po che'i phung po mang du rnyed do/ /de na ded dpon zla ba zhes bya ba skyes bu skal pa dang ldan zhing 'dzangs pa zhig yod pa des kyang yid bzhin gyi nor bu rnyed nas/ de dag rin po che'i gling de nas nor bu rin po che'i</font><hr>45.294b<br><font size=+1>

phung po rgya chen po dang / yid bzhin gyi nor bu de khyer te phyir 'phags pa dang / de nas rgya mtsho yang 'khrugs/ klu rnams kyang khros/ gang dag da na gnas pa'i lha rnams kyang ngu'o/ /de na drang srong dbugs 'byin ces bya ba byang chub sems dpa' zhig kyang sngon gyi smon lam gyis der skyes nas sems can chen po des 'dron po de dag bde zhing bkra shis par rgya mtsho chen po las bsgral to/ /srin po gdug pa phyir rgol zhing klags blta la/ skabs tshol ba zhig kyang 'dron pa de dag gi phyir bzhin rjes su 'brang bar gyur nas/ de nas zhag bdun gyi bar du rlung mar drag po dang / char pa chen po babs nas/ des tshong ba de dag lam rab tu stor te shin du skrag nas sgra chen pos ngu zhing cho nges 'dibs la smre sngags 'don cing lha dang / gu lang dang / chu lha dang / lus ngan la gsol ba 'debs pas nas/ pha dang ma dang sdug pa'i bu rnams shes bya ba'i bar du ngu 'bod par byed pa nga'i lha'i rna bas thos nas/ nga lam ji srid pa der song ste/ tshong pa dag la ma 'jigs shig /me 'jigs shig dang / ngas khyed cag la lam bstan par bya zhing / 'dzam bu'i gling du bde zhing bkra shes par phyin pa'i bar du bya'o zhes tshong ba rnams dbugs phyung nas/ de'i tshe ngas ras til mar gyis bskus te rang gi lag pa dkris nas me 'bar bar byas te bden pa'i tshig brjod pa/ gal te bdag gis sems can rnams kyi don dang phan pa'i phyir lo nyi shu rtsa drug tu tshangs pa'i gnas pa bzhi po dag gis nags khrod du gnas te/ nags kyi rtsa ba dang / 'bras bu za zhing klu dang gnod sbyin brgyad khri bzhi stong gis sems kyi rgyud yongs su smin par byas te/ bla na med pa yang dag par rdzogs pa'i byang chub las phyir mi ldog pa la bkod pa lta na/ bden pa dang bden pa'i tshig de dang / dge ba'i rtsa ba yongs su smin pa des bdag gi lag pa 'bar bar 'gyur zhing tshong pa rnams kyis lam rnyed par gyur te/ 'dzam bu'i gling du bde zhing bkra shis par phyin par gyur cig ces bden pa'i tshig brjod pa dang / nyin mtshan bdun gyi bar du nga'i lag pa de 'bar</font><hr>45.295a<br><font size=+1>

bar gyur nas tshong pa de dag 'dzam bu'i gling du bkod do/ /der ngas smon lam btab pa/ gal te gang gi tshe 'dzam bu'i gling na rin po che med par gyur pa de'i tshe na bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lta na bdag gi bsam pa 'di yongs su rdzogs par gyur cig /bdag 'dzam bu'i gling du ded dpon du gyur la lan bdun gyi bar du yid bzhin gyi nor bu blangs te/ sangs rgyas kyi zhing 'di'i gling thams cad kyi bar du rin po che sna tshogs kyi char mngon par rab tu 'bebs par gyur cig /de bzhin du phyogs bcu'i sangs rgyas kyi zhing stong pa snyigs ma lnga dang ldan pa gang gA'i klung gi bye ma snyed dag tu yang ji ltar sngar smos pa bzhin du rin po che sna tshogs kyis char dag mngon par rab tu 'bebs par gyur cig ces smon lam btab pa dang / de bzhin du nga'i bsam pa yongs su rdzogs par gyur te/ bskal pa chen po gang gA'i klung gi bye ma snyed 'das kyi bar du nga ded dpon du gyur nas/ sangs rgyas kyi zhing stong pa snyigs ma lnga dang ldan pa'i gang gA'i klung gi bye ma snyed dag tu rin po che'i char dag rab tu phab ste/ gling re rer yang lan bdun bdun du rin po che sna tshogs kyi char dag mngon par rab tu phab bo/ /de ltar sems can dpag tu med grangs med pa dag rin po che dag gis bsam pa yongs su rdzogs par byas shing theg pa gsum po dag la yang nges par sbyar to/ /rigs kyi bu de bzhin gshegs pa'i rin po che yongs su gtong ba'i dge ba'i rtsa ba rnam par smin pa'i mtshan nyid la ltos/ rigs kyi bu gzhan yang bskal pa dpag tu med pa 'das pa'i 'og tu bskal pa mgu byed ces bya ba byung ba na sangs rgyas kyi zhing 'di rab rib can zhes bya bar gyur te/ snyigs ma lnga dang ldan zhing skye dgu tshe lo lnga stong par gyur pa na nga smon lam gyi dbang gis 'dzam bu'i gling 'dir rig byed 'don pa'i bram ze nyi phreng spos shes bya bar gyur te/ de'i tshe na sems can rnams phal cher rtag par blta zhing 'khon pa dang / pha rol gnon pa dang bcas la/ 'thab pa la gnas pa dang bcas par gyur te/ ngas sems</font><hr>45.295b<br><font size=+1>

can de dag la pha rol gnon pa'i stobs chen po'i shugs kyis phung po dgra lta bur gyur pa'i rab tu sbyor bas chos bstan to/ /skye mchod grong stong pa lta bur so sor brtags pa dang / rkyen kyis rjes su 'brel pa skye ba dang 'jig pa dang bcas pa dang / dbugs phyi nang du rgyu ba rjes su dran pa'i yid la byed pa yang bstan te/ de dag bla na med pa yang dag par rdzogs pa'i byang chub tu sems bskyed pa'i dge ba'i rtsa ba yongs su bsngo ba la mngon par sbyar nas nga nyid kyang mngon par shes pa lnga dang ldan par gyur te/ de'i tshe na sems can dpag tu med grangs med pa dag kyang nga yis gdams shing rjes su bstan pa la mngon par shes pa lnga dang ldan par gyur to/ /de bzhin du sems can dpag tu med grangs med pa dag kyang 'thab mo dang / rtsod pa dang / khon du 'dzin pa dag spangs te/ nags khrod na gnas shing nags khrod na rtsa ba dang 'bras bu za la bsam gtan sgom zhing tshangs pa'i gnas pa bzhi po dag gis nyin mtshan 'da' bar byed do/ /de nas gang gi tshe bskal pa de zad du nye ba na sbyin gnas de dag gis 'dzam bu'i gling mtha' dag khyab par gyur to/ /'thab mo dang / 'thab pa dang / g.yul dang / 'khon pa dang / 'gyed pa dang / rtsod pa de dag kyang rab tu zhi bar gyur/ dus ma yin pa'i rlung dang / char pa dag kyang rab tu zhi/ sa la rton pa'i lo tog rnams kyang legs par smin cing mdangs dang ldan par gyur na dus kyi nyes pas nad sna tshogs kyis nyin pa 'ba' shig tu gyur nas de'i tshe nga 'di snyam du sems te/ 'di ltar bdag gis sems can rnams kyi nad zhi bar byed ma nus so snyam nas/ de'i tshe ngas 'di snyam du bsams te/ gang dag bdag gis brgya byin dang / tshangs pa chen po dang / 'jig rten skyong dang / gzhan yang lha'i drang srong rnams dang / klu'i drang srong rnams dang / brgya byin gyi drang srong rnams dang / mi'i drang srong rnams kyang bsags la/ sems can rnams kyi don gyi phyir sman sbyar ba'i bstan bcos dag bstan par bya'o snyam nas de'i tshe nga rdzu 'phrul gyis song ste/ brgya byin dang / tshangs pa dang / 'jig rten</font><hr>45.296a<br><font size=+1>

skyong dang / lha'i drang srong rnams dang / klu'i drang srong rnams dang / brgya byin gyi drang srong rnams dang / mi'i drang srong rnams la bsgo nas ri lan tshwa'i bdag po gcig pa zhes bya ba lan tshwa spyod pa'i rtse mor nges pa'i gnas shes bya ba der bsdus nas 'byung po yang dag par zlog pa so sor 'brang zhing bsrung la/ rlung dang / mkhris pa dang / bad kan rab tu zhi bar byed pa'i bstan bcos dag rab tu bstan to/ /de bzhin du sbyar te sems can dpag tu med grangs med pa dag gi nad rnams kyang rab tu zhi bar byas so/ /der ngas ji ltar smon lam chen po btab pa bzhin du nyi ma gcig la yang sems can dpag tu med grangs med pa rnams kyis shes rab snang bar byas shing theg pa gsum po dag la nges par sbyar nas ngan song gi lam rnams ni bcad/ mtho ris kyi lam dag la ni rab tu bkod de/ nad sna tshogs rab tu zhi bar byas shing yongs su thar bar byas pa dang / de bzhin du sems can dpag tu med pa dag la ye shes kyi snang ba byin te/ bde ba la bkod pa'i dge ba'i rtsa ba rnam par smin pa des na rigs kyi bu nga'i smon lam gyi re ba de yongs su rdzogs so/ /gang gi tshe ngas nyi ma gcig la sems can dpag tu med grangs med pa dag gi ngan song gi lam rnams bkag cing / mtho ris kyi lam la rab tu bkod de/ ngas nang pa rnams kyi yo byad kyi don dang / sems can rnams kyi don gyi phyir lha'i drang srong rnams dang / gnod sbyin gyi tshogs rnams lha'i 'jig rten lan tshwa spyod pa'i rtse mor bsdus nas sems can rnams kyi nad med pa la mkhas pa rab tu bshad do/ /de bzhin du sangs rgyas kyi zhing rab rib can gyi gling thams cad du yang skyes bu'i rtsal de lta bu dag byas te sems can rnams kyang mtho ris kyi lam la rab tu bkod do/ /lha dang klu dang / gnod sbyin dang / mi'i drang srong rnams kyang bsogs te de dag gis kyang sems can rnams kyi don kyi phyir rig pa'i gnas sna tshogs dag rab tu bshad do/ /sangs rgyas kyi zhing rab rib can 'dir ji lta ba de bzhin du phyogs bcu'i sangs rgyas kyi zhing</font><hr>45.296b<br><font size=+1>

snyigs ma lnga dang ldan pa'i gang gA'i klung gi bye ma snyed dag tu yang skyes bu'i rtsal de lta bu dag byas te/ sems can rnams kyang theg pa gsum po dag la nges par sbyar cing mtho ris kyi lam la rab tu bkod de/ rig pa'i gnas sna tshogs dag rab tu bshad nas nad thams cad las yongs su thar bar byas nas rigs kyi bu nga'i bla na med pa'i re ba 'di lta bu yongs su rdzogs so/ /yang sangs rgyas kyi zhing rab rib can gyi gling thams cad du ji ltar sngar smon lam btab pa bzhin du bla na med pa'i ye shes kyis skyes bu'i rtsal de lta bu dag byas pa de bzhin du/ phyogs bcu'i sangs rgyas kyi zhing stong pa snyigs ma lnga dang ldan pa gang gA'i klung gi bye ma snyed dag gi sangs rgyas kyi zhing re re'i gling thams cad du yang ngas ji ltar sngon smon lam btab pa bzhin du skyes bu'i rtsal de lta bu dag kyang byas te/ rigs kyi bu de bzhin gshegs pa byang chub sems dpa'i spyad pa spyod pa'i shes rab kyi khyad par dang / de bzhin gshegs pa'i legs par spyad pa gsum gyi dge ba'i rtsa ba'i sa bon de la ltos/ de bzhin du bskal pa grangs med pa las shin du lhag pa snyed 'das pa na dus ngan pa'i tshe bskal pa chen po legs bcas shes bya ba byung ba na sangs rgyas kyi zhing 'di rnam rgyal sgra dbyangs shes bya bar gyur te/ de yang snyigs ma lnga dang ldan par gyur nas shar phyogs logs su gling bzhi pa lnga bcu 'das pa na 'dzam bu'i gling dga' ba zhes bya ba zhig byung bar gyur te/ der yang nga sems can rnams yongs su smin par bya ba'i phyir skyes nas gling bzhi'i dbang phyug 'khor los sgyur ba'i rgyal po nam mkha' zhes bya bar gyur to/ /der yang sems can rnams dge ba bcu'i las kyi lam yang dag par 'dzin du bcug cing btsud de rab tu bkod do/ /theg pa gsum po dag kyang yang dag par 'dzin du bcug cing btsud de rab tu bkod do/ /thams cad sbyin zhing kun la sbyin par yang gyur to/ /de nga'i gan du slongs mo pa dag 'ongs nas 'di lta ste dbyig dang / gser dang / an da rnyil dang / rin po che mthon ka chen po dang / skar mdog dang / chu 'dang gi bar gyi rin po che sna tshogs slong bar byed pa'i slongs mo pa rnams kyis kyang rin po che mang po de snyed thob par</font><hr>45.297a<br><font size=+1>

gyur to/ /de'i tshe na ngas blon po rnams la dris pa/ rin po che 'di dag ga las byung / de dag gis smras pa/ klu'i rgyal po rnams kyis gter dag bstan te/ 'jig rten du gter dag byung bas rin po che rnams kyang byung bar gyur te/ lha'i zhal sngar slongs mo pa ji tsam mchis pa de tsam nyi tshe las ma bstan lags so/ /de'i tshe ngas smon lam btab pa/ gal te bdag snyigs ma lnga dang ldan zhing nyon mongs pa dang / 'thab pa dang / rtsod pa bdo bar gyur pa'i 'jig rten du skyes dgu tshe lo brgya pa rnams kyi nang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lta na de'i phyir bdag gi re ba 'di yang yongs su rdzogs par gyur cig /bdag sangs rgyas kyi zhing 'dir gter ston par byed pa'i klu'i rgyal por 'gyur zhing / sangs rgyas kyi zhing rnam rgyal sgra dbyangs 'di'i gling thams cad kyi gling re rer yang skye ba lan bdun bdun len par gyur la/ skye ba re re zhing rin po che sna tshogs kyis yongs su gang ba'i gter bye ba khrag khrig phrag 'bum dag ston cing gtong bar gyur cig /'di lta ste dbyig dang / gser dang / an da rnyil dang / rin po che mthon ka chen po dang / skar mdog dang / chu 'dang gi bar dag gi gter re re zhing yang rgyar dpag tshad stong yod la/ rin po che mang pos yongs su gang ba dag byung ste/ sems can rnams la ston cing gtong bar gyur cig /ji ltar sangs rgyas kyi zhing 'dir dpa' bo'i mthu de lta bu dag byed par 'gyur ba de bzhin du phyogs bcu'i sangs rgyas kyi zhing snyigs ma lnga dang ldan pa'i 'jig rten gyis khams gang gA'i klung gi bye ma snyed dag gi sangs rgyas kyi zhing re re'i gling thams cad du yang sngar ji skad smos pa'i bar dag lta bur skye ba lan bdun bdun 'dzin par gyur cig ces smon lam btab bo/ /rigs kyi bu gang gi tshe ngas smon lam de lta bu btab pa de'i tshe na nam mkha'i dkyil nas lha bye ba khrag khrig phrag 'bum gyis bar snang las me tog gi char rab tu phab cing nga la legs so zhes bya ba byin te/ thams cad sbyin pa legs so legs so/ /ji ltar khyod kyis smon lam btab pa de bzhin du khyod kyi re ba</font><hr>45.297b<br><font size=+1>

ba de yang 'grub par 'gyur ro/ /lha rnams kyis nam mkha'i dkyil nas rgyal po nam mkha'i ming thams cad sbyin pa zhes bya bar btags pa skye bo phal po che rnams kyis thos so/ /thos nas kyang de dag 'di snyam du sems te/ bdag cag gis 'di la gang yongs su gtang bar dka' ba'i sbyin pa dag bslang bar bya ste/ gal te yongs su gtong bar byed na ni de'i tshe 'di'i ming thams cad sbyin pa zhes bya bar 'gyur ro/ /ji ste yongs su gtong bar mi byed na ni 'di'i ming thams cad sbyin pa zhes bya bar yang mi 'gyur ro snyam nas/ de nas sems can de dag gis rgyal po nam mkha' la slas rnams kyang bslangs btsun mo rnams dang / btsun mo dam pa dang / bu dang / bu mo dag kyang bslang bar brtsams pa dang / de'i tshe rgyal po nam mkha' sems rab tu dang bas byin no/ /de dag yang 'di snyam du sems te/ btsun mo yongs su gtong ba gang yin pa de ni 'di la dka' ba ma yin gyis bdag cag gis rgyal po nam mkha' la yan lag dang / nying lag gang yin pa dag bslang bar bya ste/ gal te ster na ni thams cad sbyin pa zhes bya bar 'gyur ro/ /ji ste mi ster na ni thams cad sbyin pa zhes bya bar yang mi 'gyur ro snyam pa dang / de nas bram ze skar ma la dga' ba zhes bya ba de rgyal po nam mkha'i mdun du 'dug ste smras pa/ thams cad sbyin pa rgyal srid bdag la stsol cig / rgyal po nam mkha' de thos pa dang yid mchog tu dga' ste/ bdag nyid kyis bram ze khrus byas nas rgyal thabs kyi thod bcings te/ rgyal po'i dbang bskur bas dbang bskur nas/ rgyal srid la rab tu bzhag ste 'dzam bu'i gling thams cad phul nas smon lam btab pa/ bdag gis 'dzam bu'i gling thams cad yongs su btang bas bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /gal te bdag gi re ba de yongs su rdzogs par 'gyur ba lta na/ gang bdag gis da ltar 'dzam bu'i gling thams cad kyi rgyal por bcug pa 'di 'dzam bu'i gling thams cad du tshig gis dbang sgyur zhing tshe ring ba dang / 'khor los sgyur ba'i</font><hr>45.298a<br><font size=+1>

rgyal srid la yun ring du gnas par gyur cig /gang gi tshe bdag bla na med pa yang dag par rdzogs pa'i byang chub mngon par rdzogs par 'tshang rgya ba'i tshe rgyal tshab nyid du gyur nas/ bla na med pa yang dag par rdzogs pa'i byang chub tu lung ston par yang gyur cig ces smon lam btab bo/ /bram ze 'dod pa des kyang nga'i rkang pa gnyis bslangs pa dang nga nyid kyis sems rab tu dang bas mtshon cha rnon po blangs nas/ rang gi rkang pa gnyis bcad de byin nas bdag gis bla na med pa yang dag pa'i tshul khrims kyi rkang pa thob par gyur cig ces smon lam btab bo/ /de na bram ze lta ba bsrung zhes bya ba des kyang nga'i mig gnyis bslangs pa dang / ngas mig gnyis phyung ste de la byin nas snga ma bzhin du sbyar te/ bla na med ba'i spyan lnga thob par bya ba'i phyir smon lam btab bo/ /yang ring po ma lon par bram ze sgra bzang zhes bya ba des kyang nga'i rna ba gnyis bslangs pa dang / nga nyid kyis rang gi rna ba gnyis bcad de de la byin nas bla na med pa'i snyan thob par bya ba'i phyir smon lam btab bo/ /'tsho ba pa yang dag 'tsho zhes bya ba des kyang nga'i skyes bu'i dbang po pho mtshan bslangs pa dang / nga nyid kyis bcad de byin nas mdoms kyi sba ba'i mtshan bla na med pa thob par bya ba'i phyir smon lam btab bo/ /gzhan dag gis kyang nga'i sha dang khrag dag bslangs pa dang / nga nyid kyis byin nas gser gyi mdog lta bu'i mtshan thob par bya ba'i phyir smon lam btab bo/ /gzhan yang kun du rgyu 'o ma 'dzag ces bya ba des nga'i lag pa gnyis bslangs pa dang / nga nyid kyis lag pa g.yas pas lag pa g.yon pa bcad nas g.yas pa yang gcod du bcug ste byin nas dad pa'i phyag bla na med pa thob par bya ba'i phyir smon lam btab bo/ /gang gi tshe ngas yan lag dang nying lag dag bcad pa de'i tshe lus khrag gis yog bzhin du smon lam btab pa/ gal te yongs su gtong ba 'dis bla na med pa yang dag par rdzogs pa'i byang chub tu bdag gi re ba yongs su rdzogs par 'gyur ba lta na bdag gi lus kyi len pa</font><hr>45.298b<br><font size=+1>

zhig kyang gdon mi za bar rnyed par gyur cig /de na sems can rnams dang / khams kyi rgyal po rnams dang / blon po de dag kyang snying rje med la/ 'phags pa ma yin zhing / byas pa mi gzo bas smras pa/ 'di ni blo 'chal cing shes pa chung ste/ yan lag thams cad gtubs shing rgyal srid kyi dbang phyug thams cad nyams pa yin pas na da sha sna gu 'di ci dgos shes zer te de dag gis nga khyer nas grong khyer gyi phyir rol dur khrod kyi sar bor te dong ngo / /der sha sbrang dang / sbrang bu mchu rings dag lhags nas khrag 'jib par byed do/ /khyi dang / wa dang / bya rgod dag kyang lhags te sha 'thog par byed do/ /de nas ngas sems rab tu dang bas smon lam btab pa/ gang gi tshe bdag gis rgyal srid kyi dbang phyug thams cad yongs su btang ba dang / lus dang yan lag dang nying lag thams cad yongs su btang ba na skad cig gcig tsam yang bdag gis sems 'gyod par ma gyur cing khro ba ma skyes pa lta na/ de'i phyir bdag gi re ba 'di yongs su rdzogs par gyur cig /bdag gi lus 'di sha'i rir kun du gnas par gyur la sems can gang su dag sha za ba dang / khrag 'thung ba de dag bdag gi sha za bar gyur cig /khrag 'thung bar gyur cig /ji srid du sems can rnams sha za bar 'gyur ba dang / khrag 'thung bar 'gyur ba de srid du bdag gi smon lam gyi dbang gis lus mthar kyis skye bar 'gyur zhing / lus kyi 'phang du ni dpag tshad 'bum yod par gyur la/ khyon du ni dpag tshad lnga stong yod par gyur cig ces smon lam btab te/ der ngas lo stong gi bar du rang gi sha dang khrag gis sems can rnams tshim par byas so/ /der ngas lce ji snyed yongs su btang ste/ gcan zan dang bya dag gis yongs su zos nas/ yang smon lam gyi dbang gis gzhan dang gzhan dag phyir skyes par gyur pa gang yin pa de dag gi phung po yang bya rgod kyi phung po'i ri 'di'i tshad tsam du gyur te/ ljags shin tu ring ba'i mtshan bla na med pa thob par bya ba'i phyir ngas smon lam yang rtag tu btab bo/ /de nas nga shi 'phos nas</font><hr>45.299a<br><font size=+1>

smon lam gyi dbang gis 'dzam bu'i gling shing pa ta skye bar klu rnams kyi nang du skyes te klu'i rgyal po gter ston ces bya bar gyur to/ /gang gi nub mo klu rnams kyi nang du skyes pa de nyid kyi nub mo ngas der gter bye ba khrag khrig phrag 'bum kun tu bstan nas nga nyid kyis sgra bsgrags pa/ kye sems can dag phyogs 'di ni 'di lta ste/ dbyig dang / gser dang / chu 'dang gi bar gyi rin po che sna tshogs kyis yongs su gang ba'i gter dag yod kyis/ kye sems can dag khyed kyis long shig /blangs nas kyang dge ba bcu'i las kyi lam yang dag par zung shig /bla na med pa yang dag par rdzogs pa'i byang chub tu yang sems skyed cig /nyan thos kyi theg pa 'am/ rang sangs rgyas kyi theg pa 'am/ sangs rgyas kyi theg par yang sems skyed cig /de nga las rin po che ji tsam dgos pa dag long shig ces kyang bsgo ste/ 'dzam bu'i gling shing pa ta skye ba der sngon gyi smon lam gyi dbang gis klu'i skye ba lan bdun brjes pa na/ lo bye ba khrag khrig 'bum phrag bdun bcu rtsa bdun gyi bar du gter dpag tu med grangs med pa dag bstan cing rab tu byin no/ /de bzhin du der sems can dpag tu med grangs med pa dag kyang theg pa gsum po dag la btsud cing dge ba bcu'i las kyi lam dag la rab tu bkod de/ rin po che rnam pa sna tshogs dag gis tshim par byas nas/ bla na med pa'i mtshan sum bcu rtsa gnyis thob par bya ba'i phyir smon lam yang btab bo/ /de bzhin du gling gnyis par yang klu'i skye ba lan bdun brjes te skyes bu'i rtsal de lta bu dag byas so/ /de bzhin du gling gsum pa nas 'jig rten gyi khams rnam rgyal sgra dbyangs thams cad kyi gling kun gyi bar du yang skyes bu'i rtsal de lta bu dag byas so/ /de bzhin du phyogs bcu'i sangs rgyas kyi zhing stong pa snyigs ma lnga dang ldan pa gang gA'i klung gi bye ma snyed dag gi gling re rer yang sngar ji skad smos pa'i bar bzhin du ngas klu'i skye ba de lta bu lan bdun bdun blangs shing lo bye ba khrag khrig 'bum phrag bdun bcu rtsa bdun bdun du sems can rnams la gter</font><hr>45.299b<br><font size=+1>

dpag tu med grangs med pa de lta bu dag bstan cing rab tu byin no/ /rigs kyi bu ji ltar de bzhin gshegs pa stobs dang brtson 'grus shin du drag pos mtshan sum bcu rtsa gnyis yongs su tshol ba na byang chub kyi spyad pa spyod pa ltar/ bsngar ji skad smos pa'i skyes bu dam pa brgyad po de dag ma gtogs par sngon byang chub sems dpa' gang gis kyang stobs dang brtson 'grus shin tu drag po de lta bus byang chub kyi spyad pa ma spyad cing / da ltar yang su yang mi spyod la/ phyis 'byung bar 'gyur ba'i byang chub sems dpa' 'ga' yang stobs dang brtson 'grus kyi shugs de lta bus bla na med pa yang dag par rdzogs pa'i byang chub kyi spyad pa spyod par mi 'gyur ba'i de bzhin gshegs pa'i byang chub kyi spyod pa la ltos/ de'i tshe bskal pa grangs med pa 'das nas dus ngan pa'i tshe bskal pa chen po ud pa la zhes bya ba byung ba na sangs rgyas kyi zhing 'di byi ru 'byung ba zhes bya ba stong zhing snyigs ma lnga dang ldan par gyur pa'i tshe/ gling bzhi pa der nga brgya byin legs par rnam par byed ces bya bar gyur nas ngas 'dzam bu'i gling de na sems can rnams mi dge ba la dad cing spyod par mthong ngo / /mthong nas kyang ngas bdag nyid gnod sbyin gyi gzugs shin du 'jigs 'jigs lta zhig tu mngon par sprul te/ 'dzam bu'i gling du babs nas mi rnams kyi mdun du 'dug go /de dag gis nga mthong nas skrag ste nga la dris pa/ khyod la ci dgos bdag cag gis khyod la dbul bar bgyi'o/ /ngas smras pa/ kho bo la kha zas dag dgos so/ /de dag gis smras pa/ khyod kyi kha zas ji lta bu lags/ ngas smras pa/ kho bo ni mi dag bsad cing za ste/ mi gang dag ji srid 'tsho'i bar du srog gcod pa spong bar byed pa dang / log par lta ba'i bar dag spong bar byed pa de dag la ni nga mi za'o/ /gang dag bla na med pa yang dag par rdzogs pa'i byang chub tu sems bskyed par byed pa dang / rang sangs rgyas kyi theg pa dang / nyan thos kyi theg par sems bskyed par byed pa de dag la yang nga mi za'o zhes smras te/ de na nga sems can dag sprul zhing za ba de mthong ba na/ sems can de dag 'jigs pas ji srid</font><hr>45.300a<br><font size=+1>

'tsho ba'i bar du srog gcod pa spangs so/ /ma byin par len pa dang / log par lta ba'i bar dag kyang spangs so/ /kha cig ni bla na med pa yang dag par rdzogs pa'i byang chub tu sems bskyed do/ /kha cig gis ni rang sangs rgyas kyi theg par/ kha cig gis ni nyan thos kyi theg par sems bskyed de/ gling bzhi pa'i sems can thams cad dge ba bcu'i las kyi lam dang theg pa gsum po dag la rab tu bkod nas der ngas smon lam btab pa/ gal te bla na med pa yang dag par rdzogs pa'i byang chub tu bdag gi re ba yongs su rdzogs par 'gyur ba lta na/ de'i phyir bdag gis smon lam 'di yang yongs su rdzogs par gyur cig /ji ltar bdag gis gling bzhi pa'i sems can rnams dge ba'i lam rnams la nges par sbyar ba de bzhin du sangs rgyas kyi zhing 'di thams cad kyi gling bzhi pa kun gyi sems can thams cad kyis kyang de lta bu'i 'jigs pas bdag mthong bar 'gyur ba dang / bdag gis kyang sems can de dag dge ba bcu'i las kyi lam la rab tu 'god cing theg pa gsum po dag la yang nges par sbyor bar gyur cig /de bzhin du phyogs bcu kun kyi sangs rgyas kyi zhing stong pa snyigs ma lnga dang ldan pa dag gi sems can thams cad kyang dge ba bcu'i las kyi lam la rab tu 'god cing theg pa gsum po dag la yang nges par sbyor bar gyur cig ces smon lam btab bo/ /rigs kyi bu nga'i re ba dang smon lam de bzhin du yongs su rdzogs te 'jig rten gyi khams bye ru 'byung ba thams cad kyi sems can rnams gnod sbyin gyi gzugs kyis dge ba'i chos rnams la nges par btul to/ /de bzhin du phyogs bcu'i sangs rgyas kyi zhing stong pa snyigs ma lnga dang ldan pa gang gA'i klung gi bye ma snyed dag tu yang ngas gnod sbyin gyi gzugs kyis mi rnams dge ba'i lam gyi spyod pa dag la rab tu bkod do/ /de ltar ngas sems can mang po dag bdegs shing dge ba'i spyod pa la rab tu bkod pa'i las kyi 'phro des na/ de bar nga byang chub mngon par rdzogs par 'tshang rgya bar 'dod nas byang chub</font><hr>45.300b<br><font size=+1>

kyi snying por byang chub kyi shing drung du rdo rje'i gdan la 'dug pa na bdud sdig can dmags gi tshogs chen po dang bcas te nga byang chub las rnam par bzlog par bya ba'i phyir nye bar 'ongs pa yin no/ /rigs kyi bu ngas byang chub kyi spyad pa spyod pa na sbyin pa'i pha rol tu phyin pa thob pa mdor bsdus pa ni de yin te/ de'i tshe ngas bzod pa zab mo dang / gzungs zab mo dang / 'jig rten pa'i mngon par shes pa lnga yang thob ste skyes bu'i rtsal chen po de lta bu dag byas so/ /de bzhin du sems can dpag tu med grangs med pa dag kyang bla na med pa yang dag par rdzogs pa'i byang chub yang dag par 'dzin du bcug cing btsud de rab tu bkod do/ /de bzhin du sems can dpag tu med grangs med pa dag rang sangs rgyas kyi theg pa yang yang dag par 'dzin du bcug cing btsud de rab tu bkod do/ /de bzhin du sems can dpag tu med grangs med pa dag nyan thos kyi theg pa yang yang dag par 'dzin du bcug cing btsud de rab tu bkod do/ /ngas ji srid du byang chub kyi spyad pa spyod pa na sangs rgyas bcom ldan 'das sangs rgyas kyi zhing rdul phra rab kyi rdul snyed dag la bsnyen bkur byas te/ ngas sangs rgyas re re'i drung nas rgya mtsho'i chu'i thigs pa snyed kyi yon tan dag yongs su bzung ba ma gtogs par ngas rang sangs rgyas bgrangs las yang dag par 'das pa dag la yang mchod pa byas so/ /de bzhin gshegs pa'i nyan thos bgrang ba las yang dag par 'das pa dag la yang mchod pa byas so/ /de bzhin du pha dang / ma dang / mngon par shes pa lnga dang ldan pa'i drang srong rnams la yang mchod pa byas so/ /ngas sngon byang chub sems dpa'i spyad pa spyod pa na snying brtse bas rang gi sha dang khrag gis sems can rnams tshim par byas te/ da ltar yang rang gi chos rnams kyis tshim par byas pa yin no/ /theg pa chen po'i mdo snying rje pad ma dkar po las sbyin pa'i le'u zhes bya ba ste lnga pa'o// // rigs kyi bu ji ltar ngas sangs rgyas kyi spyan gyis phyogs bcu na sangs rgyas bcom ldan 'das sangs rgyas kyi zhing gi rdul phra rab kyi rdul snyed yongs su mya ngan las 'das pa</font><hr>45.301a<br><font size=+1>

dag gzigs pa de dag kyang ngas dang po bla na med pa yang dag par rdzogs pa'i byang chub yang dag par 'dzin du gcug cing btsud de rab tu bkod do/ /de ltar ngas dang po sbyin pa'i pha rol tu phyin pa yang yang dag par 'dzin du bcug pa nas shes rab kyi pha rol tu phyin pa'i bar dag kyang yang dag par 'dzin du bcug cing btsud de rab tu bkod do/ /de bzhin du da ltar shar phyogs logs na sangs rgyas bcom ldan 'das dpag tu med grangs med pa dag chos dang ldan pa'i chos kyi 'khor lo bskor nas bzhugs te 'tsho zhing gzhes la chos kyang ston pa dag gzigs pa gang yin pa de dag kyang ngas dang po bla na med pa yang dag par rdzogs pa'i byang chub yang dag par 'dzin du bcug cing btsud de rab tu bkod do/ /pha rol tu phyin pa drug po dag gi bar la yang de bzhin du brjod par bya'o/ /de bzhin du lho dang / nub dang / byang dang / 'og dang / steng gi phyogs rnams su yang brjod par bya'o/ /rigs kyi bu ngas sangs rgyas kyi zhing 'di nas shar phyogs logs su sangs rgyas kyi zhing sa ya phrag dgu dang chig 'bum 'das pa na 'jig rten gyi khams me tog kun du rgyas pa zhes bya ba na de bzhin gshegs pa dri med gzi brjid yon tan rgyal po zhes bya ba bzhugs te 'tsho zhing gzhes la chos kyang ston pa gzigs te/ bcom ldan 'das de yang ngas dang po bla na med pa yang dag par rdzogs pa'i byang chub tu sems bskyed de/ yang dag par 'dzin du bcug cing bzhag ste rab tu gnas par byas so/ /ngas dang po sbyin pa'i pha rol tu phyin pa dang / shes rab kyi pha rol tu phyin pa'i bar dag kyang yang dag par 'dzin du bcug cing bzhag ste rab tu gnas par byas so/ /de bzhin du sbyar te shar phyogs logs na sangs rgyas kyi zhing mngon par dga' ba zhes bya ba na de bzhin gshegs pa mi 'khrugs pa zhes bya ba dang / sangs rgyas kyi zhing 'dzam bu'i chu klung zhes bya ba na/ de bzhin gshegs pa nyi ma'i snying po zhes bya ba dang / sangs rgyas kyi zhing dga' ba'i dbang phyug ces bya ba na de bzhin gshegs pa dga' ba'i dbang phyug sgra dbyangs 'od zer ces bya ba dang / sangs rgyas kyi zhing nyi ma gnas pa zhes bya ba na de bzhin gshegs pa ye shes</font><hr>45.301b<br><font size=+1>

pa ye shes nyi ma zhes bya ba dang / sangs rgyas kyi zhing rgyal ba'i gnas rab ces bya ba na de bzhin gshegs pa 'brug sgra bsgrags pa zhes bya ba dang / sangs rgyas kyi zhing yang dag 'tsho zhes bya ba na de bzhin gshegs pa rdo rje grags pa zhes bya ba dang / sangs rgyas kyi zhing shin du rdul med ces bya ba na de bzhin gshegs pa stag gi 'od zer ces bya ba dang / sangs rgyas kyi zhing dga' med ces bya ba na de bzhin gshegs pa nyi gdugs snying po zhes bya ba dang / sangs rgyas kyi zhing 'khon sbyong 'od ces bya ba na de bzhin gshegs pa grags pa'i dbang phyug rgyal po zhes bya ba dang / sangs rgyas kyi zhing lhun po 'od ces bya ba na de bzhin gshegs pa bsam yas rgyal po zhes bya ba dang / sangs rgyas kyi zhing nam mkha' zhes bya ba na de bzhin gshegs pa snang dpal snying po zhes bya ba dang / sangs rgyas kyi zhing me tog 'od ces bya ba na de bzhin gshegs pa 'od gsal tog ces bya ba dang / sangs rgyas kyi zhing bde mchog ces bya ba na de bzhin gshegs pa lhun dbyangs lhun po yang dag ston ces bya ba dang / sangs rgyas kyi zhing sa can zhes bya ba na de bzhin gshegs pa ye shes gzugs shes bya ba dang / sangs rgyas kyi zhing me tog sna tshogs shes bya ba na de bzhin gshegs pa dri med spyan zhes bya ba dang / rigs kyi bu de dag la sogs pa shar phyogs logs na sangs rgyas bcom ldan 'das dpag tu med grangs med pa dag bzhugs ste 'tsho zhing gzhes la chos kyang ston pa dag kyang ngas sangs rgyas kyi spyan gyis gzigs te/ de dag sngon byang chub tu sems ma bskyed pa las ngas dang po bla na med pa yang dag par rdzogs pa'i byang chub yang dag par 'dzin du bcug go /sbyin pa'i pha rol tu phyin pa dang / shes rab kyi pha rol tu phyin pa'i bar dag kyang yang dag par 'dzin du bcug cing btsud de rab tu bkod nas/ ngas dang po sangs rgyas bcom ldan 'das bzhugs te 'tsho zhing gzhes pa dag gi thad du phul nas/ der de dag thams cad kyis dang po bla na med pa yang dag par rdzags pa'i byang chub tu lung bstan pa thob bo/ /de nas de'i tshe 'jig rten gyi khams me tog kun tu rgyas pa na de bzhin gshegs pa dri med gzi brjid yon tan rgyal po bzhugs pa de'i gdan rab tu</font><hr>45.302a<br><font size=+1>

g.yos de na byang chub sems dpa' gang dag 'khod pa de dag gis de bzhin gshegs pa dri med gzi brjid yon tan rgyal po de'i gdan rab tu g.yos pa mthong ba dang / de bzhin gshegs pa de nyid la zhus pa bcom ldan 'das sngon ma mthong ba bcom ldan 'das kyi gdan rab tu g.yos pa 'di'i rgyu ni gang lags/ rkyen ni gang lags/ de bzhin gshegs pa des de dag la bka' stsal pa/ rigs kyi bu dag sangs rgyas kyi zhing 'di nas nub phyogs kyi phyogs logs su sangs rgyas kyi zhing sa ya phrag dgu dang chig 'bum 'das pa na/ 'jig rten gyi khams mi mjed ces bya ba zhig yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes pa de da ltar 'khor bzhi po rnams la sngon gyi tshul las brtsams te chos ston to/ /de bzhin gshegs pa de sngon byang chub sems dpar gyur cing bla na med pa yang dag par rdzogs pa'i byang chub kyi spyad pa spyod pa na des nga dang po bla na med pa yang dag par rdzogs pa'i byang chub yang dag par 'dzin du bcug ste/ gang gis nga dang po bla na med pa yang dag par rdzogs pa'i byang chub tu sems bskyed pa'i de bzhin gshegs pa des nga dang po sbyin pa'i pha rol tu phyin pa dang / shes rab kyi pha rol tu phyin pa'i bar dag kyi nga yang dag par 'dzin du bcug cing bzhag ste rab tu gnas par byas so/ /de bzhin gshegs pa de sngon byang chub sems dpar gyur cing byang chub sems dpa'i spyad pa spyod pa na des nga dang po sangs rgyas bcom ldan 'das bzhugs te 'tsho zhing gzhes pa dag gi thad du phul nas/ der ngas dang po bla na med pa yang dag par rdzogs pa'i byang chub tu lung bstan pa thob ste/ nga'i dge ba'i bshes gnyen de bzhin gshegs pa shAkya thub pa de 'jig rten gyi khams mi mjed na bzhugs te 'tsho zhing gzhes so/ /de 'khor bzhi po rnams la sngon gyi tshul de nyid las brtsams te chos ston pas na/ de bzhin gshegs pa de'i byin gyi rlabs des nga'i stan rab tu g.yos so/ /rigs kyi bu dag khyed cag las nga'i tshigs gis de bzhin gshegs pa shAkya thub pa la snyun mi mnga' 'am/ thugs bde ba 'am zhes yongs su dri ba'i phyir sangs rgyas kyi zhing mi</font><hr>45.302b<br><font size=+1>

mjed du 'gro bar spro ba su yod/ de nas de bzhin gshegs pa dri med gzi brjid yon tan rgyal po la byang chub sems dpa' de dag gis gsol pa/ btsun pa bcom ldan 'das byang chub sems dpa' rdzu 'phrul dang ldan zhing yon tan thams cad kyi pha rol tu son pa gang dag der snga dro'i dus kyi tshe snang ba chen po mthong nas rnam par 'phrul pas sangs rgyas kyi zhing gzhan dag nas sangs rgyas kyi zhing me tog kun du rgyas pa 'dir lhags te/ des dogs 'di yud tsam zhig bskyed cing me tog gi char yang rab tu phab pa de dag lags so/ /byang chub sems dpa' sems dpa' chen po de dag gis gsol pa/ btsun pa bcom ldan 'das bdag cag kyang de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la phyag bgyi ba dang / bsnyen bkur bgyi ba dang / thams cad mkhyen pa nyid kyi rnam pa la 'jug pa'i gzungs kyi sgo'i chos kyi rnam grangs de yang mnyan pa'i slad du sangs rgyas kyi zhing mi mjed der mchi'o zhes gsol nas/ byang chub sems dpa' 'bum phrag mang po de dag rang rang gi rdzu 'phrul gyi mthus sangs rgyas kyi zhing de nas 'phags pa dang / de dag gis gang logs su bgrod par bya ba ma rtsol nas/ yang de dag gis gsol pa/ btsun pa bcom ldan 'das bdag cag gis de bzhin gshegs pa shAkya thub pa'i sangs rgyas kyi zhing 'jig rten gyi khams mi mjed gang pha rol na mchis pa'i phyogs des yang ma 'tshal lags so/ /de nas de bzhin gshegs pa dri med gzi brjid yon tan rgyal po des phyag brkyang ste sor mo lnga las 'od zer sna tshogs dag rab tu bkye'o/ /de nas 'od zer de dag gis sangs rgyas kyi zhing sa ya phrag dgu dang chig 'bum dag snang bar byas te/ sangs rgyas kyi zhing mi mjed 'di'i bar du yang snang bar byas so/ /des byang chub sems dpa' de dag gis thams cad dang ldan pa'i sangs rgyas kyi zhing mi mjed 'di byang chub sems dpa' dag gis khyab cing nam mkha'i ngos kyang lha dang / klu dang / gnod sbyin dang / lha ma yin dag gis khyab par mthong ngo / /mthong nas</font><hr>45.303a<br><font size=+1>

kyang de bzhin gshegs pa dri med gzi brjid yon tan rgyal po de la byang chub sems dpa' de dag gis 'di skad ces gsol to/ /btsun pa bcom ldan 'das bdag cag gis thams cad dang ldan pa'i sangs rgyas kyi zhing mi mjed de byang chub sems dpa' dag gis khyab ste de na gang du byang chub sems dpa' dag gis khyab par ma gyur pa'i go skabs ni tha na mkhar ba gzugs pa'i gtos tsam yang ma mchis par mthong lags so// // bam po bcwa lnga pa ste tha ma/ de bzhin gshegs pa shAkya thub pa yang bdag cag la gzigs shing chos ston par mthong lags so/ /de bzhin gshegs pa dri med gzi brjid yon tan rgyal pos byang chub sems dpa' de dag la bka' stsal pa/ rigs kyi bu dag de bzhin gshegs pa shAkya thub pa ni kun du gzigs pa yin te/ rigs kyi bu dag 'jig rten gyi khams mi mjed na sems can gang sa la gnas pa 'am/ bar snang la gnas pa de dag las sems can re re yang 'di snyam du sems te/ de bzhin gshegs pa shAkya thub pa ni thugs thams cad kyis bdag la gzigs shing / bdag gcig pu las brtsams te chos ston to snyam du sems so/ /rigs kyi bu dag de bzhin gshegs pa shAkya thub pa ni kha dog dang dbyibs gcig gis kyang kha dog dang dbyibs thams cad du chos ston par mdzad de/ rigs kyi bu dag sangs rgyas kyi zhing de na sems can gang dag tshangs pa la dad pa de dag gis ni de bzhin gshegs pa shAkya thub pa tshangs par yang dag par rjes su mthong zhing tshangs pa'i bdag po chen po 'i sgra skad kyis chos thos so/ /gang dag bdud la dad pa rnams dang / gang dag nyi ma la dad pa rnams dang / gang dag zla ba la dad pa rnams dang / gang dag rnam thos kyi bu la dad pa rnams dang / gang dag 'phags skyes po la dad pa rnams dang / gang dag mig mi bzang la dad pa rnams dang / gang dag yul 'khor bsrung la dad pa rnams dang / gang dag dbang phyug chen po la dad pa'i bar gyi sems can de dag gis ni de bzhin gshegs pa shAkya thub pa dbang phyug chen po'i</font><hr>45.303b<br><font size=+1>

bar gyi gzugs dang / kha dog dang / dbyibs su mthong zhing / dbang phyug chen po'i tshig dang sgra skad kyis chos thos so/ /de na kha dog dang / dbyibs dang / dad pa dang / gzugs dang / sgra skad brgyad khri bzhi stong gi bar dang ldan pa'i sems can de dag gis kyang de bzhin gshegs pa shAkya thub pa de bzhin du mthong zhing chos kyang thos so/ /de nas de bzhin gshegs pa dri med gzi brjid yon tan rgyal pos 'khor de'i byang chub sems dpa' gsang ba bsgrags shes bya ba dang / byang chub sems dpa' cig shos snang ba'i 'od zer zhes bya ba dang / byang chub sems dpa' de dag la bka' stsal pa/ rigs kyi bu dag khyed 'jig rten gyi khams mi mjed du deng la nga'i tshig gis de bzhin gshegs pa shAkya thub pa la bsnyun mi mnga' 'am/ thugs bde 'am/ bde bar reg pa la gnas sam zhes snyun gsol cig /byang chub sems dpa' de dag gis gsol pa/ btsun pa bcom ldan 'das thams cad dang ldan pa'i sangs rgyas kyi zhing mi mjed sa dang nam mkhar bcas pa thams cad byang chub sems dpa' dag gis khyab par yang dag par rjes su mthong ste/ de na sa dang nam mkha' la sems can 'ga' tsam gyi go skabs kyang ma mchis na bdag cag gang du gnas par bgyi lags/ de bzhin gshegs pa dri med gzi brjid yon tan rgyal po des bka' stsal pa/ rigs kyi bu dag sangs rgyas kyi zhing mi mjed na go skabs med do zhes de skad ma zer cig /de ci'i phyir zhe na/ de bzhin gshegs pa shAkya thub pa de ni sangs rgyas kyi yon tan bsam gyis mi khyab pa dag gis go skabs yangs pa yin te sngon gyi smon lam gyis gsum la skyabs su 'gro ba dang / theg pa gsum gyi chos bstan pa las brtsams te chos ston par mdzad pa dang / bslab pa gsum gyi sdom pa ston par mdzad pa dang / rnam par thar pa'i sgo gsum po dag ston par mdzad pa dang / sems can rnams ngan song gsum po dag las 'dren par mdzad pa dang / zhi ba'i lam gsum po dag la rab tu 'god par mdzad pa'i phyir de bzhin gshegs pa de'i thugs rje dang / </font><hr>45.304a<br><font size=+1>

bstan pa la 'jug pa ni yangs pa yin no/ /rigs kyi bu dag de bzhin gshegs pa shAkya thub pa de mngon par rdzogs par sangs rgyas nas ring po ma lon pa'i dus shag na 'dul ba'i sems can la gzigs shing ri brag mi mnyam pa'i dbus na gnod sbyin dbang po mig ces bya ba'i gnas shing sa la'i phug na rnam par grol ba'i dga' ba dang / bde ba nyams su myong zhing skyil mo dkrung gcig gis zhag bdun las 'da' bar mdzad cing bzhugs pa na de bzhin gshegs pa'i skus sa la'i phug thams cad khyab par gyur te/ de na gang du de bzhin gshegs pa'i skus khyab par ma gyur pa'i go skabs ni tha na sor bzhi tsam gyi gtos kyang med do/ /zhag bdun po de 'das pa dang / phyogs bcu nas byang chub sems dpa' sems dpa' chen po khrag khrig phrag bcu gnyis de bzhin gshegs pa shAkya thub pa de la phyag bya ba dang / bsnyen bkur bya ba dang / chos mnyan pa'i phyir 'jig rten gyi khams mi mjed kyi ri gang yin pa de logs su mngon du phyogs te 'khod pa dang / rigs kyi bu dag de bzhin gshegs pa shAkya thub pa des 'khor der rdzu 'phrul mngon par 'du mdzad pas gang gi tshe byang chub sems dpa' bye ba khrag khrig phrag bcu gnyis po de dag gis sa la'i phug go skabs yangs par mthong zhing der zhugs par gyur pa de ltar sa la'i phug de yangs pa dang de ltar rgya che bar gyur to/ /der byang chub sems dpa' re res kyang de bzhin gshegs pa de la byang chub sems dpa'i rnam par 'phrul pa sna tshogs dag gis mchod pa byas nas/ der byang chub sems dpa' re res kyang rin po che sna bdun gyi khri stan dag mngon par sprul nas de la 'khod de chos nyan par byed do/ /rigs kyi bu dag byang chub sems dpa' de dag gi kyang de bzhin gshegs pa shAkya thub pa las chos mnyan te/ de bzhin gshegs pa shAkya thub pa'i zhabs la lan gsum mgo bos phyag byas nas rang rang gis sangs rgyas kyi zhing dag du dong ngo / /byang chub sems dpa' de dag dong nas ring po ma lon par sa la'i phug de yang sngon ji lta ba bzhin du gyur te/ de bzhin</font><hr>45.304b<br><font size=+1>

gshegs pa shAkya thub pa de ni de ltar go skabs yangs pa yin no/ /gling bzhi pa de na brgya byin kau shi ka zhes bya ba tshe yongs su zad de dud 'gro'i skye gnas su skye bas 'jigs shing skrags nas de sum bcu rtsa gsum pa'i lha'i bu brgyad khri bzhi stong dang lhan cig 'grogs te sa la'i phug ga la ba dang / bcom ldan 'das ga la ba der dong ste phyin nas gnod sbyin dbang po mig gi gnas sa la'i phug gi kho ra khor yug tu 'khod pa dang / bcom ldan 'das kyi mthus de 'di snyam du sems te gang bdag gis dri za'i bu gtsug pud lnga pa la gsol ba btab ste/ dri za'i bu gtsug pud lnga pa des dbyangs snyen pas bcom ldan 'das la mngon sum du bstod na ni de'i tshe/ bcom ldan 'das bsam gtan dang / ting nge 'dzin dag las bzhengs par 'gyur ro snyam nas/ de nas brgya byin kau shi kas dri za'i bu gtsug pud lnga pa la gsol ba btab bo/ /de nas bcom ldan 'das kyi mthus dri za'i bu gtsug pud lnga pas pi bang blangs te glu dang rol mo'i sgra yid du 'ong bas bcom ldan 'das la bstod pa lnga brgyas bsngags pa brjod do/ /rigs kyi bu dag gang gi tshe dri za'i bu gtsug phud lnga pas bcom ldan 'das la mngon par bstod pa brtsams pa dang / de nas bcom ldan 'das shAkya thub pa de dbyangs snyan rnam par snang byed rtog ces bya ba'i ting nge 'dzin la snyoms par zhugs so/ /ting nge 'dzin des 'jig rten gyi khams mi mjed na gang dag rdzu 'phrul che ba'i gnod sbyin rnams dang / srin po rnams dang / lha ma yin rnams dang / nam mkha' lding jo ja lnga rnams dang / mi 'am ci rnams dang / lto 'phye chen po rnams dang / dri za rnams dang / 'dod pa na spyod pa'i lha'i bu thams cad dang / gzugs na spyod pa'i lha'i bu thams cad der 'dus par gyur nas/ gang dag dbyangs la dad pa de dag gis ni dbyangs thos nas rab tu dang bar gyur to/ /gang dag bsngags pa dang snyan pa la dga' ba de dag gis ni bcom ldan 'das kyi bsngags pa thos nas bcom ldan 'das de la shin du dga'</font><hr>45.305a<br><font size=+1>

ba dang / rab tu dang ba dang / bla mar bya ba dang / ri mor bya ba dang / gus pa skyes te rab tu dang bar gyur to/ /gang dag gling bu'i sgra la dga' ba de dag gis gling bu'i sgra thos nas rab tu dang bar gyur to/ /de nas bcom ldan 'das shAkya thub pa ting nge 'dzin de las bzhengs te sa la'i phug gi sgor gzigs pa dang / brgya byin nye bar song ste/ bcom ldan 'das la zhus pa bcom ldan 'das bdag gang du mchis par bgyi ba dang / de bzhin gshegs pa shAkya thub pa des bka' stsal pa/ gnod sbyin dag ji snyed lhags pa rnams 'khod cig /de nas sa la'i phug der ji ltar gnod sbyin gang gA'i klung bcu gnyis kyi bye ma snyed dag zhugs te 'khod pa de ltar sa la'i phug de rgya che bar gyur nas bcom ldan 'das shAkya thub pa des 'khor de dag la 'di ltar chos bstan te/ ji ltar 'khor de na gang dag nyan thos kyi theg pa pa dag 'khod pa de dag gis ni nyan thos kyi theg pa'i gtam thos shing de dag las dung phyur phrag dgu dang / bye ba phrag dgus rgyun du bzhugs pa'i 'bras bu thob bo/ /'khor de na bla na med pa yang dag par rdzogs pa'i byang chub kyi theg pa pa gang yin pa de dag gis ni theg pa chen po'i gtam 'ba' shig thos so/ /de na dri za'i bu gtsug pud lnga pa la sogs pa khrag khrig phrag bcwa brgyad ni bla na med pa yang dag par rdzogs pa'i byang chub las phyir mi ldog pa la gnas par gyur to/ /gang dag gis theg pa gsum po dag tu semasam bskyed pa de dag las kha cig gis ni der bla na med pa yang dag par rdzogs pa'i byang chub tu sems bskyed do/ /de dag las kha cig gis ni rang sangs rgyas kyi theg par sems bskyed do/ /kha cig gis ni nyan thos kyi theg par sems bskyed do/ /der brgya byin kau shi ka de yang 'jigs pa las yongs su grol zhing tshe lo stong du nur nas bla na med pa yang dag par rdzogs pa'i byang chub las phyir mi ldog pa la gnas par gyur te/ rigs kyi bu dag</font><hr>45.305b<br><font size=+1>

de bzhin gshegs pa shAkya thub pa de ni de lta de ltar go skabs yangs pa yin no/ /de bzhin gshegs pa de'i dbyangs kyi dkyil 'khor yang 'di ltar rgya che ba yin te/ de bzhin gshegs pa de'i dbyangs kyi dkyil 'khor gyi mtha' ni sus kyang tshad gzung ba 'am bgrang bar mi nus so/ /de bzhin gshegs pa de'i sems can yongs su smin par mdzad pa'i thabs la mkhas pa yang rgya che ba yin te/ de bzhin gshegs pa de'i thabs la mkhas pa'i mtha' ni sus kyang tshad gzung bar mi nus so/ /rigs kyi bu dag de bzhin gshegs pa de'i sku yang rgya che ba yin te/ de'i spyi gtsug blta ba 'am sku'i mtha' ni sus kyang tshad gzung bar mi nus so/ /gal te de ltar sangs rgyas kyi zhing mi mjed de na sems can ji snyed 'dus par gyur pa 'di dag thams cad de bzhin gshegs pa shAkya thub pa'i khong du zhugs par gyur cing de dag thams cad de na rgyu bar gyur tam/ sems can de dag de bzhin gshegs pa de'i spu'i sgo gcig tu zhugs shing 'byung bar gyur kyang / de dag gis cher na lha'i mig gis kyang de bzhin gshegs pa de'i spu'i sgo gcig gi mtha' yang bri ba 'am gang bar tshad gzung bar mi nus te/ de bzhin gshegs pa shAkya thub pa de'i sku ni de ltar rgya che ba yin no/ /rigs kyi bu dag gzhan yang de bzhin gshegs pa shAkya thub pa ni sangs rgyas kyi zhing rgya chen po dang ldan pa yin te/ phyogs bcu'i sangs rgyas kyi zhing gang gA'i klung gi bye ma snyed po ji snyed pa dag 'di lta ste/ dper na da ltar nga'i sangs rgyas kyi zhing mi mjed bzhin du sems can rnams kyis yongs su gang bar gyur pa'i sems can de dag thams cad sangs rgyas kyi zhing mi mjed du zhugs par gyur kyang de dag thams cad de na rgyu bar 'gyur ro/ /de ci'i phyir zhe na/ de bzhin gshegs pa des sngon dang po bla na med pa yang dag par rdzogs pa'i byang chub tu sems bskyed pa na smon lam de lta bu btab pa'i phyir ro/ /rigs kyi bu dag 'jig rten gyi khams gang gA'i klung gcig gi bye ma snyed dag lta zhog gi/ rigs kyi bu dag gal te</font><hr>45.306a<br><font size=+1>

phyogs bcu'i sangs rgyas kyi zhing gang gA'i klung stong gi bye ma snyed po de ltar rgya che ba dag 'di lta ste/ dper na da ltar sangs rgyas kyi zhing mi mjed bzhin du sems can rnams kyis yongs su gang bar gyur pa'i sems can de dag thams cad 'jig rten gyi khams mi mjed du zhugs par gyur kyang de dag thams cad de na rgyu bar 'gyur ro/ /rigs kyi bu dag de bzhin gshegs pa des sngon dang po sems bskyed pa na bla na med pa'i ye shes thob par bya ba'i phyir smon lam de lta bu btab pas na de bzhin gshegs pa shAkya thub pa de ni sangs rgyas kyi zhing rgya chen po de lta bu dang ldan pa yin te/ de bzhin gshegs pa shAkya thub pa de ni ji skad smos pa'i chos bzhi po de dag gi de bzhin gshegs pa gzhan dag las khyad par du 'phags pa yin no/ /rigs kyi bu dag khyod kyis me tog zla ba mdog mdzes dri ma med pa 'di dag long la nub phyogs logs su rang rang gis ji ltar mthong ba'i sangs rgyas kyi zhing mi mjed der deng shig /nga'i tshig gis de bzhin gshegs pa shAkya thub pa de la snyun mi mnga' 'am thugs bde 'am zhes kyang snyun gsol cig /de nas de bzhin gshegs pa dri med gzi brjid yon tan rgyal po des me tog zla ba mdog mdzes dri ma med pa dag blangs te byang chub sems dpa' gsang bsgrags dang / byang chub sems dpa' snang ba'i 'od zer la byin nas 'di skad ces bka' stsal to/ /rigs kyi bu dag nga'i rdzu 'phrul gyi stobs bskyed pas khyed cag 'jig rten gyi khams mi mjed du deng shig /de na srog chags nyi khris kyang gsol pa/ btsun pa bcom ldan 'das bdag cag kyang de bzhin gshegs pa'i mthus de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed du mchi lags so/ /de bzhin gshegs pa dri med gzi brjid yon tan rgyal pos bka' stsal pa/ rigs kyi bu dag bsam pa ji lta ba bzhin du deng shig /de nas de bzhin gshegs pa dri med gzi brjid yon tan rgyal po de'i rdzu 'phrul gyi stobs kyis byang chub sems dpa' gsang bsgrags dang / snang ba'i 'od zer de gnyis byang chub sems dpa' nyi khri dang lhan cig 'grogs te 'jig rten gyi khams me tog kun du rgyas pa nas 'phags pa dang / sems kyi skad cig</font><hr>45.306b<br><font size=+1>

gcig gis sangs rgyas kyi zhing mi mjed 'dir phyin te bya rgod kyi phung po'i ri la so sor 'khod nas/ de dag gis bcom ldan 'das de bzhin gshegs pa shAkya thub pa ga la ba de logs su thal mo sbyar ba btud de gsol pa/ btsun pa bcom ldan 'das 'di nas shar phyogs logs su sangs rgyas kyi zhing sa ya phrag dgu dang chig 'bum 'das pa de na 'jig rten gyi khams me tog kun tu rgyas pa zhes bgyi ba mchis te/ de na de bzhin gshegs pa dri med gzi brjid yon tan rgyal po zhes bgyi ba bzhugs so/ /de bzhin gshegs pa de byang chub sems dpa'i 'khor gyi tshogs la de bzhin gshegs pa'i yon tan gyi bsngags pa sgrogs shing 'di skad du sangs rgyas kyi zhing mi mjed na de bzhin gshegs pa shAkya thub pa zhes bya ba bzhugs te 'tsho zhing gzhes so/ /de bzhin gshegs pa de sngon byang chub sems dpar gyur cing byang chub sems dpa'i spyad pa spyod pa na/ des nga thams cad kyi dang por bla na med pa yang dag par rdzogs pa'i byang chub yang dag par 'dzin du bcug cing bzhag ste rab tu gnas par byas so/ /de'i tshig gis ngas bla na med pa yang dag par rdzogs pa'i byang chub tu sems bskyed do/ /de bzhin gshegs pa des nga dang po sbyin pa'i pha rol tu phyin pa la bzhag pa nas/ de bzhin gshegs pa shAkya thub pa de ni chos bzhi po de dag gis khyad par du 'phags pa yin no zhes ji skad sngar smos pa'i bar dag de skad du gsungs te/ 'di ltar de bzhin gshegs pa des me tog zla ba mdog mdzes dri ma med pa 'di dag kyang bskur zhing bcom ldan 'das la snyun mi mnga' 'am/ thugs bde 'am zhes kyang snyun gsol lags so/ /de bzhin du sangs rgyas kyi zhing mngon par dga' ba na de bzhin gshegs pa mi 'khrug pa'i gdan yang g.yos shing byang chub sems dpa' gang dag der 'dus par gyur pa de dag gis de bzhin gshegs pa mi 'khrugs pa'i gdan g.yos par mthong ste/ yongs su zhus pa nas de bzhin du sbyar te ji skad sngar smos pa'i bar de dag thams cad kyang brjod par bya'o/ /de'i tshe na shar phyogs logs nas de bzhin gshegs pa'i pho nya byang chub sems dpa' dpag tu med grangs med pa dag de bzhin gshegs pa shAkya thub pa la yongs su zhu ba dang mchod pa bya ba dang / bsnyen bkur bya ba dang / chos mnyan pa'i phyir me tog zla ba mdog mdzes dri ma</font><hr>45.307a<br><font size=+1>

med pa dag thogs te sangs rgyas kyi zhing mi mjed 'dir lhags so/ /bcom ldan 'das kyis shar phyogs kyi sangs rgyas bcom ldan 'das rnams kyi mtshan dang / sangs rgyas kyi zhing yongs su bsgrags pa dag mthar phyin ma thag tu yang bcom ldan 'das kyis lho phyogs logs kyi yongs su bsgrags pa brtsams te/ rigs kyi bu ngas sangs rgyas kyi zhing 'di nas lho phyogs logs su sangs rgyas kyi zhing gang gA'i klung gcig gi bye ma snyed 'das pa de na 'jig rten gyi khams mya ngan thams cad dang bral ba zhes bya ba zhig yod pa de na de bzhin gshegs pa mya ngan med pa'i dpal zhes bya ba da ltar bzhugs te 'tsho zhing gzhes la chos kyang ston pa gzigs te/ bcom ldan 'das de yang nga sngon byang chub sems dpa'i spyad pa spyod pa na ngas thams cad kyi dang por bla na med pa yang dag par rdzogs pa'i byang chub yang dag par 'dzin du bcug pa nas ji skad sngar smos pa'i bar dag bzhin no/ /de bzhin du sangs rgyas kyi zhing 'dzam bu'i 'od ces bya ba na de bzhin gshegs pa chos kyi dbang phyug rnam sgrogs zhes bya ba dang / sangs rgyas kyi zhing lhun po rab gnas shes bya ba na de bzhin gshegs pa 'gro ba'i dbang phyug sa la'i dbang po zhes bya ba dang / sangs rgyas kyi zhing yon tan dbang po'i ba gam zhes bya ba na de bzhin gshegs pa seng ge bsgyings pa'i rgyal po zhes bya ba dang / sangs rgyas kyi zhing nor bu gzhir bkod ces bya ba na de bzhin gshegs pa sred med kyi bus rnam par rgyal ba'i snying po zhes bya ba dang / sangs rgyas kyi zhing 'od 'gyed yang dag bsags shes bya ba na de bzhin gshegs pa yon tan bsgyings pa yang dag bsags shes bya ba dang / sangs rgyas kyi zhing lha'i zla ba zhes bya ba na de bzhin gshegs pa skar ma'i snying po zhes bya ba dang / sangs rgyas kyi zhing tsan dan gyi rtsa ba zhes bya ba na de bzhin gshegs pa rgyu skar cho ga grags pa zhes bya ba dang / sangs rgyas kyi zhing dri mchog ces bya ba na de bzhin gshegs pa bsod nams stobs sa la'i rgyal po zhes bya ba dang / sangs rgyas kyi zhing shin du rtog pa zhes bya ba na de bzhin gshegs pa yid du 'ong ba'i sgra dbyangs rnam par bsgrags pa zhes bya ba dang / sangs rgyas kyi zhing rtsod med ces bya ba na de bzhin gshegs pa sa la'i thigs pa'i rgyal po zhes bya ba dang / sangs rgyas kyi zhing zla bsgrags shes bya ba na de bzhin gshegs pa gzi brjid dbang phyug 'od ces bya ba dang / sangs rgyas kyi zhing mngon par sgrogs pa zhes bya ba na de bzhin</font><hr>45.307b<br><font size=+1>

gshegs pa sgra dbyangs yid du 'ong ba zhes bya ba dang / sangs rgyas kyi zhing rin chen khyu mchog ces bya ba na de bzhin gshegs pa klu dbang rin chen ngos shes bya ba dang / sangs rgyas kyi zhing rin chen ljon shing 'bras bu dpag med rin po che zhes bya ba na de bzhin gshegs pa chos sprin sgra dbyangs dbang phyug zla ba zhes bya ba dang / de bzhin du lho phyogs logs kyi sangs rgyas bcom ldan 'das dpag tu med grangs med pa dag gi gdan dag g.yos shing / sangs rgyas bcom ldan 'das de dag thams cad de bzhin gshegs pa shAkya thub pa'i bsngags pa dang / snyan pa dang / grag pa brjod par mdzad pa dang / de'i tshe na lho phyogs logs na de bzhin gshegs pa'i pho nya byang chub sems dpa' dpag tu med grangs med pa dag kyang de bzhin gshegs pa shAkya thub pa la yongs su zhu ba dang / chos mnyan pa'i bar gyi phyir me tog zla ba mdog mdzes dri ma med pa dag thogs te sangs rgyas kyi zhing mi mjed 'dir lhags pa'i bar du ji skad sngar smos pa bzhin du sbyar ro/ /yang bcom ldan 'das kyis bka' stsal pa/ rigs kyi bu ngas sangs rgyas kyi zhing 'di nas nub phyogs logs su sangs rgyas kyi zhing khrag khrig 'bum phrag dgu bcu rtsa bdun 'das pa de na sangs rgyas kyi zhing blo gros nye bar zhi ba zhes bya ba zhig yod pa de na de bzhin gshegs pa rin chen ri bo zhes bya ba bzhugs te 'tsho zhing gzhes la chos kyang ston par gzigs te/ bcom ldan 'das de yang nga sngon byang chub sems dpar gyur cing spyad pa spyod pa na ngas thams cad kyi dang por bla na med pa yang dag par rdzogs pa'i byang chub yang dag par 'dzin du bcug pa nas ji skad sngar smos pa'i bar dag bzhin no/ /sangs rgyas kyi zhing rnams kyang de bzhin du sbyar te/ de bzhin gshegs pa 'od zer mchog gi mdzod ces bya ba dang / de bzhin gshegs pa dbyangs mkhyen mdzod ces bya ba dang / ba bla grags pa dang / kun du snying po dang / tshangs pa'i me tog dang / sku mchog rnam par gnon dang / chos kyi shugs kyi sgron ma dang / lhun po phrag med pa sgra dbyangs rnam par grags pa'i rgyal po dang / tshangs pa'i dbang po dbyangs dang / de bzhin du nub phyogs logs kyi sangs rgyas bcom ldan 'das dpag tu med grangs med pa gang dag gi mtshan dag de bzhin gshegs pa shAkya thub pas yongs su bsgrags pa de dag gi gdan dag g.yos shing / de'i tshe na nub phyogs logs nas sangs rgyas kyi pho nya byang chub sems dpa' dpag tu med grangs med pa dag chos mnyan pa'i bar gyi phyir me tog zla ba</font><hr>45.308a<br><font size=+1>

mdog mdzes dri ma med pa dag thogs te/ sangs rgyas kyi zhing mi mjed 'dir lhags shing 'khod pa'i bar du ji skad sngar smos pa bzhin du sbyar ro/ /de bzhin du byang phyogs dang / de bzhin du steng dang / de bzhin du 'og dang / de bzhin du shar lho dang / de bzhin du lho nub dang / de bzhin du nub byang dang / de bzhin du byang shar gyi phyogs rnams su yang snga ma bzhin du sbyor te brjod par bya'o/ /yang bcom ldan 'das shAkya thub pas bka' stsal pa rigs kyi bu ngas sangs rgyas kyi zhing 'di nas byang shar gyi phyogs logs su sangs rgyas kyi zhing bye ba khrag khrig 'bum phrag dgu bcu rtsa brgyad 'das pa de na sangs rgyas kyi zhing rnam par rgyal ba zhes bya ba zhig yod pa de na de bzhin gshegs pa gdung bral mngon par 'phags pa rnam thos kyi bu sa la'i rgyal po zhes bya ba gzig te/ de bzhin gshegs pa de yang nga sngon byang chub sems dpar gyur cing / byang chub sems dpa'i spyad pa spyod pa na ngas thams cad kyi dang por bla na med pa yang dag par rdzogs pa'i byang chub dang / pha rol tu phyin pa drug gi bar dag yang dag par 'dzin du bcug pa nas/ thams cad kyi dang por sangs rgyas bcom ldan 'das bzhugs te/ 'tsho zhing gzhes pa dag gi thad du phul nas der dang por bla na med pa yang dag par rdzogs pa'i byang chub tu lung bstan pa thob bo/ /gang gi tshe de'i mtshan yongs su bsgrags pa de'i tshe gdan g.yos pa nas kha dog dang / dbyibs dang / dad pa dang / gzugs dang / sgra skad brgyad khri bzhi stong gi bar dang ldan pa'i sems can rnams kyis kyang de bzhin gshegs pa shAkya thub pa de bzhin du mthong zhing chos kyang thos so zhes bya ba'i bar du ji skad sngar smos pa bzhin du sbyar ro/ /'khor de na byang chub sems dpa' gnyis la gcig 'khrugs med rtse mo zhes bya ba dang / gcig shos ni sangs rgyas yang dag 'dod ces bya ba zhig yod de/ de bzhin gshegs pa gdung bral mngon par 'phags pa rnam thos kyi bu sa la'i rgyal po des byang chub sems dpa' de gnyis bos te 'di skad ces bka' stsal to/ /rigs kyi bu dag khyed cag sangs rgyas kyi zhing mi mjed du deng la nga'i tshig gis de bzhin gshegs pa shAkya thub pa la snyun mi mnga' 'am/ thugs bde 'am/ bde bar reg pa la gnas sam zhes bsnyun gsol cig /de gnyis kyis gsol pa/ btsun pa bcom ldan 'das</font><hr>45.308b<br><font size=+1>

bdag cag gis thams cad dang ldan pa'i sangs rgyas kyi zhing mi mjed kyi sa dang nam mkha' thams cad yang dag par rjes su mthong ste/ de na sa dang nam mkha' la sems can 'ga' tsam gyi go skabs kyang ma mchis na/ bdag cag gang du gnas par bgyi lags/ de bzhin gshegs pa des bka' stsal pa/ rigs kyi bu dag sangs rgyas kyi zhing mi mjed na go skabs med do zhes de skad ma zer cig /de ci'i phyir zhe na/ rigs kyi bu dag de bzhin gshegs pa shAkya thub pa de ni sangs rgyas kyi yon tan bsam gyis mi khyab pa dag gis go skabs yangs pa yin te/ sngon gyi smon lam gyis gsum la skyabs su 'gro ba dang / theg pa gsum gyi chos bstan pa las brtsams te chos ston par mdzad pa dang / bslab pa gsum gyi sdom pa ston par mdzad pa dang / rnam par thar pa'i sgo gsum po dag ston par mdzad pa dang / sems can rnams ngan song gsum po dag las 'dren par mdzad pa dang / zhi ba'i lam gsum po dag la rab tu 'god par mdzad pa'i phyir de bzhin gshegs pa de'i thugs rje dang bstan pa la 'jug pa ni yangs pa yin no/ /rigs kyi bu dag de bzhin gshegs pa shAkya thub pa de mngon par rdzogs par sangs rgyas nas ring po ma lon pa'i dus shig na/ 'dul ba'i sems can la gzigs shing ri brag mi mnyam pa'i dbus na gnod sbyin dbang po'i mig ces bya ba'i gnas shing sa la'i phug na rnam par grol ba'i dga' ba dang / bde ba nyams su myong zhing skyil mo dkrung gcig gi zhag bdun 'da' bar mdzad cing bzhugs pa na de bzhin gshegs pa'i skus sa la'i phug thams cad khyab par gyur te/ de na gang du de bzhin gshegs pa'i skus khyab par ma gyur pa'i go skabs ni tha na sor bzhi tsam gyi gtos kyang med do/ /zhag bdun po de 'das pa dang / phyogs bcu nas byang chub sems dpa' sems dpa' chen po khrag khrig phrag bcu gnyis de bzhin gshegs pa shAkya thub pa de la phyag bya ba dang / bsnyen bkur bya ba dang / chos mnyan pa'i phyir 'jig rten gyi khams mi mjed kyi ri de gang yin pa de logs su mngon du phyogs te 'khod pa dang zhes bya ba nas de bzhin gshegs pa shAkya thub pa de ni ji skad smos pa'i chos bzhi po de dag gis de bzhin gshegs pa gzhan dag las khyad par du 'phags pa yin no zhes bya</font><hr>45.309a<br><font size=+1>

ba'i bar du ji skad sngar smos pa bzhin te/ rigs kyi bu dag khyed kyis me tog zla ba mdog mdzes dri ma med pa 'di dag long la/ lho nub kyi phyogs logs su rang rang gis ji ltar mthong ba'i sangs rgyas kyi zhing mi mjed der deng shig /nga'i tshig gis de bzhin gshegs pa shAkya thub pa de la snyun mi mnga' 'am/ thugs bde 'am zhes bsnyun gsol cig /de nas de bzhin gshegs pa gdung bral mngon par 'phags pa rnam thos kyi bu sa la'i rgyal po des me tog zla ba mdog mdzes dri ma med pa dag blangs te byang chub sems dpa' 'khrug med rtse mo dang / byang chub sems dpa' sangs rgyas yang dag 'dod la byin nas 'di skad ces bka' stsal to/ /rigs kyi bu dag nga'i rdzu 'phrul gyi stobs bskyed pas khyed cag 'jig rten gyi khams mi mjed du deng shig /de na srog chags nyi khris kyang gsol pa/ btsun pa bcom ldan 'das bdag cag kyang de bzhin gshegs pa'i mthus de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed du mchis lags so/ /de bzhin gshegs pa des bka' stsal pa/ rigs kyi bu dag bsam pa ji lta ba bzhin du deng shig /de nas de bzhin gshegs pa de'i mthus byang chub sems dpa' de gnyis byang chub sems dpa' nyi khri dang lhan cig 'grogs te sangs rgyas kyi zhing rnam par rgyal ba de nas 'phags pa dang / sems kyi skad cig gcig gis sangs rgyas kyi zhing mi mjed 'dir phyin te bya rgod phung po'i ri la so sor 'khod do/ /'khod nas kyang de dag gis bcom ldan 'das de bzhin gshegs pa shAkya thub pa ga la ba de logs su thal mo sbyar ba btud de gsol pa/ btsun pa bcom ldan 'das 'di nas byang shar gyi phyogs logs su zhes bya ba nas de bzhin gshegs pa des me tog zla ba mdog mdzes dri ma med pa 'di dag</font><hr>45.309b<br><font size=+1>

kyang bskur zhing / bcom ldan 'das la bsnyun mi mnga' 'am/ thugs bde 'am zhes kyang bsnyun gsol lags so zhes bya ba'i bar du ji skad sngar smos pa bzhin du sbyar ro/ /de bzhin du de bzhin gshegs pa bdud kyi gnas rnam par 'joms pa'i gdan yang g.yos te/ byang chub sems dpa' gang dag der 'dus par gyur pa de dag gis de bzhin gshegs pa bdud kyi gnas rnam par 'joms pa'i gdan yang g.yos pa mthong ste/ de bzhin gshegs pa de la yongs su zhus pa nas ji skad sngar smos pa'i bar dag bzhin no/ /de bzhin du de'i tshe na de bzhin gshegs pa sa la'i dbang po'i rgyal po dang / rnam par gnon pa chen po'i 'od zer dang / pad ma dam pa dang / tsan dan dang / lhun po'i rgyal po dang / rgya mtsho dang / skar ma'i snying po dang / rnam par gnon pa'i ye shes dang / byang shar gyi phyogs kyi de bzhin gshegs pa dpag tu med grangs med pa'i bar dag gis byang chub sems dpa' de dag kyang de bzhin gshegs pa shAkya thub pa la yongs su zhu ba dang / mchod pa bya ba dang / phyags bya ba dang / bsnyen bkur bya ba dang / chos mnyan pa'i phyir me tog zla ba mdog mdzes dri ma med pa dag thogs te sangs rgyas kyi zhing mi mjed 'dir lhags pa dang / de'i mod la de bzhin gshegs pa shAkya thub pa'i rdzu 'phrul gyi mthus sems can gang dag sangs rgyas kyi zhing mi mjed du 'dus pa de dag thams cad kyi sems can re re'i lus kyang dpag tshad kyi tshad tsam du gyur nas sangs rgyas kyi zhing mi mjed thams cad de lta bu'i sems can dag gis kyang khyab par gyur to/ /sangs rgyas kyi zhing 'di'i sa dang nam mkha' thams cad sems can de dag gis khyab par gyur te/ gang du sems can dag gis khyab par ma gyur pa'i go skabs ni tha na mig sman gyi thur ma gzugs pa'i gtos tsam yang med do/ /sems</font><hr>45.310a<br><font size=+1>

can de dag thams cad kyis kyang de bzhin gshegs pa shAkya thub pa mthong ba ma gtogs par nam mkha' stong pa mthong du zad kyi gcig gis gcig ni ma mthong ngo / /de dag mig gi lam du ri rab dang / khor yug dang / khor yug chen po dang / ri rnams kyang snang bar ma gyur to/ /'jig rten gyi bar dag kyang mi snang / lha'i gzhal med khang rnams kyang mi snang ste/ 'og tu gser gyi 'khor lo la thug pa'i bar dang / de'i steng gi sa gzhi yang mig lam du snang bar ma gyur to/ /de nas bcom ldan 'das ting nge 'dzin mkha' khyab chos sel shin du sbyangs pa zhes bya ba la snyoms par zhugs pa dang / des me tog zla ba mdog mdzes dri ma med pa de dag kyang bcom ldan 'das kyi spu'i sgo thams cad du zhugs te/ gang dag 'jig rten gyi khams mi mjed kyi khongs su chud par gyur pa'i sems can de dag thams cad kyis kyang mthong ngo / /sems can de dag gi sems dang sems las byung ba dag kyang gzugs la kun du lta ba'i yid la byed pa dang bral zhing de dag bcom ldan 'das kyi spu'i sgo 'ba' shig tu nges par rtogs te/ der yang 'di lta ste dper na 'jig rten gyi khams bde ba can gyi bskyed mos tshal lta bur rin po che'i shing ljon pa sna tshogs dang / lo ma sna tshogs dang / me tog sna tshogs dang / 'bras bu sna tshogs kyis gang ba'i bskyed mos tshal dag mthong ngo / /shing ljon pa ras bcos bu sna tshogs dang / gos sna tshogs dang / gdugs dang / rgyal mtshan dang / ba dan dang / dpung rgyan dang / mu tig gi chun po sna tshogs kyis brgyan pa de dag mthong ba dang / sems can de dag 'di snyam du sems te/ bdag cag bskyed mos tshal de ltar 'dod do snyam nas/ gang dag 'jig rten gyi khams mi mjed kyi khongs su chud par gyur pa'i sems can de dag thams cad las sems can dmyal ba pa rnams dang / gshin rje'i 'jig rten pa rnam dang / dud 'gro'i skye gnas pa rnams dang / gzugs med pa na spyod pa rnams ma</font><hr>45.310b<br><font size=+1>

gtogs par sems can lhag ma thams cad de bzhin gshegs pa de'i spu'i sgo dag nas de bzhin gshegs pa'i sku'i nang du zhugs par gyur to/ /de nas bcom ldan 'das kyis rdzu 'phrul de dag slar bsdus te bzhengs pa dang / de nas sems can de dag gcig gis gcig mthong nas smras pa/ de bzhin gshegs pa shAkya thub pa ga la bzhugs/ byang chub sems dpa' byams pas smras pa/ kye sems can dag bdag cag thams cad de bzhin gshegs pa'i sku'i khong par zhugs par shes bzhin gyis soms shig /de nas sems can de dag gis de bzhin gshegs pa'i sku phyi nang bcas par mthong zhing ji ltar bdag cag de bzhin gshegs pa'i sku'i khong par zhugs te 'dus par gyur pa rang rang gi mngon sum du gyur nas de dag 'di snyam du sems te/ bdag cag gang nas de bzhin gshegs pa'i sku'i khong par zhugs shing sus 'dir bcug snyam mo/ /de nas byang chub sems dpa' byams pas thams cad dang ldan pa'i 'khor rnams la sgras mngon par go bar byas te smras pa/ khyed cag nyon cig /'di ni de bzhin gshegs pa'i rdzu 'phrul dang / rnam par 'phrul pa'i cho 'phrul yin te/ gang gi phyir bdag cag la phan par mdzad pa'i ston pas chos ston par mdzad kyis de'i phyir khyed cag sems can thams cad kyis soms shig /de nas thams cad dang ldan pa'i 'khor rnams kyis thal mo sbyar ba btud pa dang / bcom ldan 'das kyis bde ba spyod pa'i chos thams cad bstan to/ /de la bde ba spyod pa'i chos thams cad gang zhe na/ 'di lta ste 'khor ba'i 'dam las bsgral ba dang / 'phags pa'i lam yan lag brgyad pa la gzud pa dang / thams cad mkhyen pa nyid la gzud pa dang / thams cad mkhyen pa nyid kyi rang byung gi ye shes yongs su rdzogs par bya'o/ /de la bsam gtan la gzud pa'i sems bskyed pa yongs su bsngo ba rnam pa bcu ste/ 'di lta ste phan pa'i dngos po yang dag par</font><hr>45.311a<br><font size=+1>

bskyed pa'i phyir sems can thams cad la snying rje chen po'i sems kyis gnas pa dang / sems can ma rgal ba rnams bsgral ba'i phyir gru chen po yang dag par bsgrub pa dang / yod pa ma yin pa'i phyin ci logs las yongs su thar bar bya ba'i phyir ma grol ba dgrol ba'i go cha dang / chos la bdag med par so sor brtag pa'i phyir seng ge'i sgra chen pos mi skrag pa'i go cha dang / chos thams cad sgyu ma dang / rmi lam dang / mig yor lta bur rtogs pa'i phyir 'jig rten gyi khams thams cad du 'gro ba'i go cha dang / tshul khrims kyi phung po yongs su dag pa la gnas pa'i phyir 'jig rten gyi khams thams cad snang bas rgyan par byed pa'i go cha dang / pha rol tu phyin pa thams cad yongs su rdzogs pa'i phyir de bzhin gshegs pa'i stobs bcu yongs su sgrub pa'i go cha dang / ji skad smras pa de bzhin du byed pa'i phyir mi 'jigs pa bzhi thob pa'i go cha dang / byang chub sems dpa' rnams kyi ji ltar thos pa'i chos bsgrub pa'i phyir sangs rgyas kyi chos ma 'dres pa bcwa brgyad kyi bar dag ma lus par thob pa'i go cha dang / spros pa med pa ste/ de dag ni bde ba spyod pa'i chos thams cad la gzud pa rnams pa bcu'o/ /mtshan nyid med pa'i sgo yongs su shes pa rtogs pa'i spyod pa dang / chos thams cad bdag med par yid la byed pa dang / sems skye ba med pa dang / 'gag pa med par rtogs pa gang yin pa ni phyir mi ldog pa'i sa yin te/ de la ni 'jug pa dang / ldog pa chad cing rtag pa med pa dang / gdeg pa med pa dang / gzhag pa med pa yin no/ /chos kyi rnam grangs 'di bshad pa na de bzhin gshegs pa'i sku'i khong par zhugs pa'i sems can gang gA'i klung dung phyur phrag brgyad kyi bye ma snyed bla na med pa yang dag par rdzogs pa'i byang chub las phyir mi ldog par gyur to/ /der byang chub sems dpa' sems dpa' chen po bgrang ba las yang dag par 'das pa snyed po de dag gis ni gzungs dang bzod pa rnam pa sna tshogs thob par gyur nas thams cad de bzhin gshegs pa'i sku'i spu'i sgo dag nas phyir thon pa dang ngo mtshar du gyur nas bcom ldan 'das kyi zhabs la mgo bos phyag 'tshal te/ de bzhin gshegs pa'i</font><hr>45.311b<br><font size=+1>

dbyangs kyi dkyil 'khor dang / sku'i tshad brtag pa'i phyir phyogs bcur rang rang gi sangs rgyas kyi zhing dag tu dong ngo / /de na byang chub sems dpa' gang dag shar phyogs logs su dong ba dang / shar phyogs logs su sangs rgyas kyi zhing dpag tu med grangs med pa dag 'das kyang de bzhin gshegs pa shAkya thub pa'i dbyangs kyi dkyil 'khor ni nyams pa med cing der yang tshig dang / don dang / yig 'bru rnam pa sna tshogs kyi sgra dag de bzhin du thos te/ ji ltar de bzhin gshegs pa shAkya thub pa'i spyan snga na 'dug pa'i chos thos pa de bzhin du de'i chos thos so/ /gzhan yang de na de bzhin gshegs pa shAkya thub pa'i sku yang skye ba 'am bri bar mi mngon zhing de bzhin gshegs pa shAkya thub pa'i sku byang chub sems dpa' dang nyan thos dag gis khyab par snang ste/ de bzhin gshegs pa shAkya thub pa'i spu'i sgo gcig na yang byang chub sems dpa' dang / nyan thos dpag tu med grangs med pa dag 'jug cing 'byung bar snang ngo / /de bzhin du spu'i sgo gnyis pa nas spu'i sgo thams cad kyi bar dag tu yang 'jug cing 'byung bar snang ste phyogs bcu'i bar du yang de bzhin du brjod par bya'o/ /thams cad dang ldan pa'i 'khor ji snyed bcom ldan 'das kyi sku'i khong par zhugs par gyur pa de dag kyang bcom ldan 'das kyi sku'i spu'i sgo dag nas phyir 'thon nas bcom ldan 'das kyis zhabs la mgo bos phyag 'tshal te/ bcom ldan 'das la lan gsum bskor ba byas nas bcom ldan 'das la don dang / tshigs dang / yi ge dang / 'bru dang / sgra dang brjod pa sna tshogs dag gis bstod cing bcom ldan 'das kyi spyan snga na 'khod do/ /de nas de'i mod la 'dod pa na spyod pa dang / gzugs na spyod pa'i lha'i bu rnams kyis spos dang / me tog phreng dang / byug pa sna tshogs kyi char dag rab tu phab ste/ lha'i sil snyan dag kyang rab tu gsil nas lha'i gdugs dang / rgyal mtshan dang / ba dan dang / na bza' dang / ras bcos bu dang / rgyan dag gis bcom ldan 'das la mchod pa bya ba'i phyir brtson par gyur to/ /de na byang chub sems dpa' 'jigs med yang dag 'dren ces bya ba des bcom ldan 'das ga la ba de logs su thal mo sbyar ba</font><hr>45.312a<br><font size=+1>

btud de bcom ldan 'das la 'di skad ces gsol to/ /btsun pa bcom ldan 'das lung bstan pa chen po'i mdo sde 'di'i ming ci lags/ bcom ldan 'das kyis bka' stsal pa/ thams cad mkhyen pa nyid kyi rnam pa la 'jug pa'i gzungs kyi sgo zhes bya ba dang / sangs rgyas mang po zhes bya ba dang / mang po 'dus pa zhes bya ba dang / byang chub sems dpa' lung bstan pa zhes bya ba dang / mi 'jigs pa'i lam du sgrol ba zhes bya ba dang / ting nge 'dzin kyi rtog pa la 'jug pa zhes bya ba dang / sangs rgyas kyi zhing kun du ston pa zhes bya ba dang / rgya mtsho lta bu zhes bya ba dang / bgrang ba las yang dag par 'das pa zhes bya ba dang / snying rje pad ma dkar po zhes kyang bya'o/ /yang gsol pa/ btsun pa bcom ldan 'das rigs kyi bu 'am/ rigs kyi bu mo gang chos kyi rnam grangs 'di nyan pa dang / 'dzin pa dang / 'chang ba dang / klog pa dang / gzhan dag la yang tha na tshigs su bcad pa gcig tsam yang rgya cher yang dag par ston par bgyid pa de bsod nams ji snyed cig bskyed par 'gyur lags/ bka' stsal pa/ ngas de'i bsod nams sngar yang smras te/ da yang mdor bsdus te brjod par bya'o/ /gang la la zhig chos kyi rnam grangs 'di nyan pa dang / 'dzin pa dang / 'chang ba dang / klog pa dang / gzhan dag la yang tha na tshigs su bcad pa gcig tsam rgya cher yang dag par ston par byed pa dang / gang yang ma 'ongs pa'i dus lnga brgya pa tha ma na tha na bris te 'chang bar byed na de bsod nams ches mang du skyed par 'gyur gyi/ byang chub sems dpa' gang dag bskal pa chen po bcu'i bar du pha rol tu phyin pa drug la spyod pa'i bsod nams kyi phung po ni de lta ma yin no/ /de ci'i phyir zhe na/ lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram ze'i skye dgu dang bcas pa dang / gnod sbyin dang / klu dang / dri za dang / grul bum dang / yi dgas dang / sha za dang / mi 'am ci dang / lha ma yin rnams dang bcas pa'i</font><hr>45.312b<br><font size=+1>

'jig rten gyi sdang ba'i sems rab tu dang bar bya ba dang / nad thams cad rab tu zhi bar bya ba dang / 'thab mo dang / 'thab pa dang / rtsod pa dang / 'gyed pa thams cad nye bar zhi bar bya ba dang / dus ma yin pa'i rlung dang / dus ma yin pa'i char pa dang / 'chi ba dang / nad thams cad rab tu shi bar bya ba dang / mu ge thams cad rab tu zhi bar bya ba dang / bde bar bya ba dang / lo legs par bya ba dang / nad med pa tshogs par bya ba dang / skrag pa rnams 'jigs pa med cing bde bar bya ba dang / nyon mongs pa nye bar zhi bar bya ba dang / dge ba'i rtsa ba rnam par 'phel bar bya ba dang / ngan song gsum gyi sdug bsngal las thar bar bya ba dang / theg pa gsum po dag gi lam yang dag par bstan par bya ba dang / ting nge 'dzin dang / gzungs dang / bzod pa thob par bya ba dang / sems can thams cad nye bar 'tsho bar bya ba dang / rdo rje'i gdan la 'dug par bya ba dang / bdud bzhi gzhom par bya ba dang / byang chub kyi phyogs mngon par rdzogs par 'tshang rgya bar bya ba dang / chos kyi 'khor lo bskor bar bya ba dang / 'phags pa'i nor bdun dang bral ba'i sems can rnams byang chub kyi phyogs dang ldan par bya ba dang / 'khor mang por bya ba dang / mi 'jigs pa'i grong khyer gyi gnas su 'jug par bya ba'i phyir ngas chos kyi rnam grangs 'di bshad pa'i phyir ro/ /ngas chos kyi rnam grangs 'di su'i lag tu gtad par bya/ su zhig lnga brgya pa tha ma la nga'i chos kyi rnam grangs 'di bsrung bar 'gyur zhing / chos ma yin pa lhur len pa'i sems can rnams dang / tshul khrims nyams pa'i dge slong rnams kyi rna lam du sgrogs par 'gyur/ chos ma yin pa la chags pas chags par gyur pa rnams dang / 'dod pa mi bzad pas zil gyis non pa rnams dang / chos log pas yongs su dkris pa rnams dang / sems can yongs su ma smin pa rnams kun du skyo ba med par 'gyur zhigu snyam du dgongs pa dang / thams cad dang ldan pa'i 'khor des bcom</font><hr>45.313a<br><font size=+1>

ldan 'das kyi thugs kyi yongs su rtog pa sems kyis shes nas 'khor de na gnod sbyin gyi drang srong bsod nams lhun po zhes bya ba zhig kyang 'dug go /de nas byang chub sems dpa' sems dpa' chen po byams pas gnod sbyin gyi drang srong bsod nams lhun po de khrid nas bcom ldan 'das kyi thad du phul ba dang / bcom ldan 'das kyis bka' stsal pa/ drang srong chen po khyod kyis chos kyi rnam grangs 'di zung la/ lnga brgya pa tha ma la phyir mi ldog pa'i byang chub sems dpa' yul gzhan du song ba'i bar dag gi rna lam du sgrogs shig /de dag kyang phyir mi ldog pa'i sems bskyed du chug shig /gsol pa/ btsun pa bcom ldan 'das de bzhin du bgyi ste/ btsun pa bcom ldan 'das bdag smon lam gyis bskal pa chen po brgyad bcu rtsa bzhi 'das pa nas gnod sbyin gyi drang srong gis bla na med pa yang dag par rdzogs pa'i byang chub kyi spyad pa spyod pa na/ bdag gis sems can bgrang ba las yang dag par 'das pa'i gnas pa bzhi po dag la rab tu bkod cing phyir mi ldog pa'i sa la yang rab tu bkod lags te/ bdag gis sems can gang dag lnga brgya pa tha ma la chos kyi rnam grangs 'di 'dzin par bgyid pa dang / gang dag 'di las tshig bzhi pa'i tshigs su bcad pa tsam gyi bar dag 'dzin par bgyid pa de dag kyang bdag nyid gyis yongs su smin par bgyi lags so/ /bcom ldan 'das kyi de skad ces bka' stsal nas/ thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa snying rje pad ma dkar po zhes bya ba theg pa chen po'i mdo/ rdzogs so// // rgya gar gyi mkhan po dzi na mi tra dang / su ren dra bo d+hi dang / pradz+nyA barma dang / zhus chen gyi lots+tsha ba ban de ye shes sde la sogs pas bsgyur cing zhus te gtan la phab pa//       dge'o//         mang+galaM// // # </font><hr>

</table>