(ba) @#/ ! /gsang sngags rgyud 'bum gyi skor bzhugs so/ /[(黃) 秘密經第十五部] 98.1b @#/ /rgya gar skad du/ pU dza me g+ha nA ma d+hA ra NI/ bod skad du/ mchod pa'i sprin zhes bya ba'i gzungs/ dkon mchog gsum la phyag 'tshal lo/ /na mo rata na tra yA ya/ na mo b+ha ga ba te/ badzra sA ra pra ma rdi ni/ ta thA ga tA ya/ ar ha te samyak+sa~M bud d+ha ya/ tad+ya thA/[ \u0f00] badzre badzre/ ma hA badzre/ ma hA te dza badzre/ ma hA bid+ya badzre/ ma hA bo d+he tsit+ta badzre/ ma hA bo d+he man+do pa sa~M kra ma na badzre/ sarba kar+m+ma a ba ra Na bi sho d+ha na badzre swA hA/ gsungs sngags 'di'i cho ga ni 'di yin te/ dran pa tsam gyi mod la phyogs bcu dag na bzhugs pa'i sangs rgyas bcom ldan 'das gang gA'i klung gi bye ma'i rdul phra rab snyed la mchod pa byas par 'gyur zhing zhabs la phyag byas par 'gyur ro/ /me tog dang / bdug pa dang / spos dang / me tog phreng ba dang / byug pa dang / phye ma dang / gdugs dang / rgyal mtshan dang / ba dan thams cad dang / gdan dang / 98.1c gding ba dang / na bza' dang / spyan gzigs dang / bshos gtsang ba la sogs pa dang / rgyan dang / lhab lhub thams cad kyis mchod par 'gyur ro/ /sdig pa thams cad dang bral bar 'gyur zhing dge ba'i rtsa ba thams cad dang ldan par 'gyur ro/ /sangs rgyas dang / byang chub sems dpa' thams cad mthong bas yang dag par dbugs 'byin par 'gyur ro/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po thams cad dang / lag na rdo rje la sogs pa gsang ba pa'i bdag po dang / bcas pa rnams dang / rgyal po chen po bzhi po rnams phyi bzhin yang dag par 'brang zhing srung ba dang / bskyob pa dang / sbed par byed do/ /'di nas shi 'phos na kyang 'jig rten gyi khams bde ba can du skye bar 'gyur te yon tan gyi khyad par 'di dag ni ma bsgrubs par lan cig dran pa rtsam gyi thob par 'gyur ro/ /mchod pa'i sprin zhes bya ba'i gzungs/ rdzogs s+ho// |