@/ /rgya gar skad du/ Ar+ya o dza pra t+ya~M gi ra Ni sU tra/ bod skad du/ 'phag+sa pa mdangs phyir 'phrog pa zhes bya b+'i mdo/ sangs rgyas dang byang chub sems dpa' thaMd la phyag 'tshal lo/ /'di skad bdag gi thos pa dus gcig na/ bcoM ldan 'das mnyan yod na bzhugs te/ de nas bcoM ldan 'das kyis tshe dang ldan pa kun dga' bo la bka' stsal pa/ kun dga' bo khyod kyi mdangs phyir 'phrogs pa'i rig sngags zung shig /chongs shig /lhogs shig /kun chub par gyi shig /kun dga' bo gang la la zhig mdangs phyir 'phrog pa'i rig sngags 'chang ngam/ ston tam klog gam/ kun chub par byed na/ de'i mdangs mi 'phrog shing / 'phrog par mi 'gyur ro/ /phrogs na yang phyir yang dag par gnas par 'gyur ro/ /de nas bcoM ldan 'das kyis de'i tshe gsang sngags kyi bzhi 'di dag bka' stsal to/ /tad+ya thA/ phi phi li phi la me/ phi lu ma~M ge/ phi lu ma ti/ balgu ma ti/ spa ra ba ti/ k+Shi ra ba ti/ ku ru mA ti/ u ta ba la ni/ gau ri/ gan d+ha ri/ tsau ri/ tsaNA li/ stu ri stu ba re/ in+d+ra ma li ni/ dza la ni/ so bA ke tri k+Sho sha me sA ga re/ ma hA sA ga re/ pu ru tsu re/ sa ne ma ne/ da ba phe da dam ba phe/ hu lu hu lu swA hA/ rig sngags 'di bka' stsal pa na/ stong gsuM gyi stong cho+en po'i 'jig rten gyi khams 'di g.yos/ rab tu g.yos/ kun tu g.yos/ kun tu rab tu g.yos pa nas/ 'khrugs rab tu 'khrugs/ kun tu rab tu 'khrugs pa'i bar du gyur to/ /gnod sbyin rnams kyang / kye ma'o sdug bsngal lo/ /kye ma'o nyam thag go zhes ngu zhing skad cho+en sgra cho+en 'byin cing 'khod do/ /bcoM ldan 'das de bzhin gshegs pa dgra bcoM pa yang dag par rdzogs pa'i sangs rgyas shAkya thub pa ngas bden pa dang / bden pa'i tshig gang gi mdangs phyir 'phrog pa'i rig sngags 'di gasrung ba'i bden pa dang / bden pa'i tsheg des ngas bsrung bar bya'o/ /bde legs su 'gyur ba'i bar du'o/ /de'i mdangs 'phrog par bya'o/ /phyir dbrog par bya'o/ /nye bar bsgrub par bya'o/ /gnod sbyin gyis zin taM/ 98.62a mi dang mi ma yin pas zin na dus de dang / tshod de dang / yid tsam de la mdangs 'phrog go /phyir mi 'phrog go /rnam par 'jug go /gal te 'phrog cing phyir mi 'phrog par mi byed de/ gnas na 'dug bzhin du rnam par mi 'jigs cing / yang 'joMs par 'dod dam 'phrog par 'dod par gyur na/ des bcoM ldan 'das de bzhin gshegs pa shAkya thub pa nyan thos kyi tshogs dang bcas pa de mi mnyes par byas par 'gyur ro/ /bcoM ldan 'das kyis de skad ces bka' stsal nas/ tshe dang ldan pa kun dga' bo yid rangs te bcoM ldan 'das kyis gsungs pa la mngon par bstod do/ /'phags pa mdangs phyir phrog pa zhes bya ba'i theg pa chen po'-i mdo/ rdzogs s+ho// // |