@/ /rgya gar skad du/ ar+ya rad na mA la nA ma a pa rA rdzi ta/ bod skad du/ 'phags pa gzhan gyis mi thub pa rin po che'i phreng ba zhes bya ba/ dkon mchog gsuM la phyag 'tshal lo/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /yang dag par rdzogs pa'i sang+yas bye ba phrag bdun nyan thos kyi dge 'dun dang bcas pa rnaMs la phyag 'tshalo/ /byams pa la sogs pa byang chub sems dpa' thaMd la phyag 'tshal lo/ /yang dag par song ba rnaMs la phyag 'tshal lo/ /yang dag par zhugs pa rnaMs la phyag 'tshal lo/ /dgra bcoM pa rnaMs la phyag 'tshal lo/ /phyir mi 'ong ba rnaMs la phyag 'tshal lo/ /lan cig phyir 'ong ba rnaMs la phyag 'tshal lo/ /rgyun du zhugs pa rnaMs la phyag 'tshal lo/ /lha'i drang srong rnaMs la phyag 'tshal lo/ /brtul zhugs grub pa rnaMs la phyag 'tshal lo/ /lha rnaMs la phyag 'tshalo/ /klu rnaMs la phyag 'tshalo/ /gnod sbyin rnaMs la phyag 'tshalo/ /dri za rnaMs la phyag 'tshalo/ /lto 'phye chen po rnaMs la phyag 'tshal lo/ /mi 'aM ci rnaMs la phyag 'tshal lo/ /srin po rnaMs la phyag 'tshalo/ /sha za skra gyen du brdzes pa rnaMs la phyag 'tshalo/ /rig pa'i bdag po thaMd la phyag 'tshalo/ /zla ba dang nyi ma rnaMs la phyag 'tshalo/ /rgyu skar nyi shu rtsa brgyad la phyag 'tshalo/ /de nas gzhan kyi mi thub pa'i rin po che'i phreng ba'i snying po yang dag par rdzogs pa'i sangs rgyas kyis gsu~Mngs pa/ lha dang / klu rnaMs kyis rjesu yi rang ba/ las thaMd byed pa/ gtsang ba brjod par bya te/ dag cing de bzhin bkra shis pa/ /bsod nams byed gtsang dpal yon can/ /srin po 'joMs pa lha rnaMs dang / /seMn kun gyis mi thub 98.62b pa/ /sdig pa thaMd rab 'jig pa/ /don kun sgrub pa dpal yon can/ /gdon kun rnaM par 'jig byed pa/ /rig sngags 'di ni brjod par bya/ /'di ni rtag tu rgyal byed pa/ /brgya byin gyis kyang mi thub 'di/ /dug dang gshed byed 'jig byed pa/ /me dgra rgyal po'i 'jigs pa dang / /gshed byed gdon dang ro langs dang / /rmi laM ngan dang lus srul dang / /lha dang lha min dri za dang / /gnod sbyin srin po klu rnaMs las/ /kun nas dpag tshad brgya tshun cad/ /rtag tu bdag la bsrung bar mdzod/ /nyin gcig pa'i rim nad dang / /nyin gnyis pa dang nyin gsuM dang / /nyin bzhi pa yi rim nad dang / /mi bzad rims las 'di srung byad/ /dug dang dbyig dug zos pa yi/ /kha zas bzhin du 'ju bar 'gyur/ /gang gi mngal na mi 'chags dang / /gang gi bu pho 'chi ba yang / /rin po che'i phreng ba 'dis/ /de dag myur du 'tsho bar byed/ /nor 'dod pa ni nor rnaMs 'thob/ /dpal 'dod pa yang dpal thob 'gyur/ /'thab cing 'gyed dang g.yul ngor yang / /myur tu rgyal bar byed pa yin/ /seMn rnaMs la gnod gzigs nas/ /'jig rten mgon gyis rab gsungs pa/ /rin chen phring zhes bya ba yi/ /rig sngags 'di ni brjod par bya/ /tad+ya thA/[ \u0f00] d+ha na ga ri/ bi pu la ka ri/ dza ya ka ri/ yaSh+Ti ka ri/ br-id d+hi ka ri/ A yurda di/ pu N+ya da ri/ A la k+Sh+mI pra sha ma ni/ d+ha na d+ha n+ya bi bar+t+ha ni/ shwI ka ri/ sarba gra ha na k+Sha tra pa sha bar+d+hi ni/ me da' dza na ni pu tra dza na ni/ pa ri ba rA bar+d+ha na/ A yurdA di/ pri ya ka ri/ dza~M b+ha ni/ sta~M b+ha ni/ mo ha ni/ A mo g+ha shak+ti kany+tsa na mA yi/ gra ha sau mya ka ra Ni/ sarba ki li ki la ha bi gra bI b+ha d+ha pra sha ma ni/ ba ra tsakra ni bA ra Ne/ sa ra sai n+ya/ sta~M b+ha ni tsita ta nirma lI ka ri NI/ sarba pA pa pra sha ma ni/ sarba kA la biSh+Ta nA sha ni swA hA/ tsu ru tsu ru swA hA/ tu ru tu ru swA hA/ mu ru mu ru swA hA/ sar+b+ba de ba a nu dz+nyI te swA hA/ sarba nA gA sa~M rak+Shi te swA hA/[ \u0f00] n-i ri ni ri phaT/ da ha da ha phaT/ pa tsa pa tsa phaT/ gang dag bdag la sdang bar seMs pa dang / gnod par seMs pa dang / sbyin sreg byed pa dang / byad byed pa dang / byed du 'jug pa dang byed pa la rjesu yid rang ba de dag thaMd phaT phaT swA hA/ ag ni sta~M b+hA yA mi/ bI shan sha brU~M/ u da kan/ tsau rAn/ sarba du Sh+TA na/ sarba pra t+yar+thi ka /pra t+ya man+t+rA na/ sta~M b+ha yA mi dza~M b+ha yA mi mo ha yA mi/ phaT phaT swA hA/ gzhan gyi mi thub ces bya ba/ /rin chen phreng gis rnaM par brgyan/ /las kun byed dang de bzhin du/ /rtag tu bsrung ba byed pa 'di/ /'gro ba 'am yang na ci yang rung / /de dag 'ga' zhig bris te 'cha~Mng / / 98.63a srin po 'joMs pa bsod naMs mchog /sdig pa'i rnyog pa 'jigs par byed/ /g.yul 'gyed pa dang 'thab par yang / /kun du rgyal bar byed pa dge/ /mi gang gtsang sbrar byas nas su/ /rig sngags 'di bris 'chang ba dang / /bklags dran shes rab can de la/ /'jigs pa kun du mi 'byung ngo / /cho ga bzhin du klog 'chang na/ /gsang ba po kun rtag tu bsrung / /yongasu skyong bar byed par 'gyur/ /rtag tu rgyal bar byed pa te/ /dper na rin chen phreng ba yi/ /mgo bo brgyan na mdzes pa ltar/ /de bzhin phun suM tshogs pas mdzes/ /gang zhig rig sngags 'di 'chang na/ /de yis gdon rnams rnam par 'jig /nad kyi btab par mi 'gyuro/ /bu dang tsha bo rnam par 'phel/ /de'i 'khor ni bzang por 'gyur/ /seMn kun la phan phyir dang / /bye brag tu ni byis pa'i phyir/ /de bzhin gshegs pa thaMd kyis/ /rig sngags 'di ni byin gyis rlab/ /lha'i dbang po rnaMs dang ni/ /de bzhin byang chub seMda' bsrung / /de la phyogs bcu rnaMs kyi ni/ /de bzhin gshegs pa gzigs par mdzad/ /dge ba dang ni nor rnams 'phel/ /sdig pa rnams kyang byang bar 'gyur/ /rmi laM ngan nyes byas pa yis/ /grol 'gyur 'di la the tshoM myed/ /tad+ya thA/ mu ni mu ni/ mu ni mu ni/ mu ni r-i/ ma ti ma ti ma ti/ ma hA ma ti/ bdag 'jigs pa thaMd las srungs shig /srungs shig /sangs rgyas thaMd la phyag 'tshal lo/ /yams kyi nad dang / gnod pa thaMd las bdag bde legasu gyur cig swA hA/ 'phags pa gzhan gyis mi thub pa rin po che'i phreng ba zhes bya ba/ rdzogs s+ho// //paN Di ta su ren dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa/ |