@/ /rgya gar skad du/ Ar+ya sarba a b+ha ya pra dA na nA ma d+hA ra NI/ bod skad du/ 'phags pa thams cad la mi 'jigs pa rab tu sbyin pa zhes bya ba'i bzungs/ sangs rgyas dang / byang chub sems dpa' thaMd la phyag 'tshalo/ /'di skad bdag gis thos pa dus cig na/ bcoM ldan 'das yul ma ga d+ha nas yul rgyu zhing a mra'i tshal du gshegs te byon nas/ a mra'i tshal lus 'phags ri'-i dbang po'i brag phug na bzhugs so/ /de nas lha'i dbang po rgya byin bcoM ldan 'das ga la ba der song te phyin nas/ bcoM ldan 'das kyi zhabs la mgo bos phyag 'tshal te phyog cig tu 'dug go /phyog cig tu 'dug nas lha'i dbang po rgya byin gyi bcoM ldan 'das la 'di skad ces gsol to/ /bcoM ldan 'das lha ma yin rnaMs ni rab tu gnod pa bgyid pa ste/ bcoM ldan 'das lha ma yin rnaMs ni/ bdag la yin ring por phyir rgol bas dgra lags na/ de nas bcoM ldan 'das kyis bdag la chos bstan tu gsol/ de skad ces bsol pa dang / bcoM ldan 'das kyis lha'i dbang po rgya byin la 'di skad ces bka' stsal to/ /lha'i dbang po khyod kyis thaMd la mi 'jigs pa sbyin pa'i rig sngags don thaMd byed pa/ 'jigs pa thaMd rab tu zhi bar byed pa/ nad thaMd rab tu zhi bar byed pa/ dug thaMd 'jil ba/ mtshon thaMd rengs par byed pa/ rkang med dang / rkang gnyis dang / rkang bzhi pa thaMd rengs par byed pa/ dgra thaMd phung bar byed pa/ lha yin dang / naM mkha' lding dang / sbyin byed ma'i bu dang / sha za dang / brjed byed dang / smyo byed dang / braM ze'i srin po dang / 'byung po dang / ro langs dang / bya'i gdon dang / srul po dang / nam gru dang / gnon po'-i gden dang / brjed byed 98.65b kyi gdon dang / lha'i gdon dang / klu'i gdon dang / gnod sbyin gyi gdon dang / dri za'i gdon dang / mi 'am ci'i gdon dang / log 'dren gyi gdon dang / ma mo'i gdon phung bar byed pa/ mdangs 'phrog ma dang / zas su phreng ba za ba dang / zas su spos za ba dang / zas su me tog za ba dang / zas su bdug pa za ba dang / zas su khrag 'thung ba dang / zas su rnag 'thung ba dang / zas su mi gtsang ba za ba dang / zas su bcin 'thung ba rab tu phung bar byed pa/ rims nad thaMd dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / 'gro ba drag shul spyod pa rab tu 'jigs par byed pa/ 'thab pa dang / rtsod pa dang / 'gyed pa dang / mtshang 'bru ba thaMd rab tu zhi bar byed pa 'di zung shig /thaMd la mi 'jigs pa'i sbyin pa'i rig sngags bshad par bya'o/ /tad+ya thA/ a De ma De pra ma Te/ bra ba~M ma di r-i/ go le ma bo l-i bo se/ mod de bad de/ kha rad te/ kha ra ne/ gra Na gra Ne/ ga Na pra ga Ne mo Ne/ pra te mo Ne/ kA lI pra krA lI/ tsaN De ma hA tsaN De/ pra ti tsaN De/ be ge a ba ge so na/ go na mo hA/ pra mo hA/ mo ta tra mo TA/ nA shA ni/ pra nA shA ni/ d+ha ba nI/ pra d+ha ba nI/ ba la ga nI/ pra ba la nI/ nrid t+ya nI/ pra nrid t+ya nI/ kro d+ha ni/ pra te kro d+ha ni/ ha na ha na bi ha na bi ha na/ sarba duSh+Ta pra duSh+Tan nA sha ya/ sarba a b+ha ya pra te/ bdag 'khor dang bcas pa 'jigs pa thaMd dang / gdon thaMd dang / nad 'go ba thaMd las srungs shig /srungs shig /gnas 'dir bdag gi don thaMd grub par gyur cig /de lta bas na/ khi di khi di/ tsum b+he/ sarba sa twa hi te ra te/ na maHsarba bud d+ha nA~M swA hA/ lha'i dbang po thaMd la/ mi 'jigs pa sbyin pa'i rig sngags tshig bzhi bcu tsa cig po 'di skud pa mdud de bcings sam/ skra la mdud pa bor ram/ bzlas brjod byas saM/ yungs kar ram/ gi'u wang la lan gcig sngags de bskus sam/ go cha la bsngags na mtshon gyis mi tshugs/ dug gis ma yin/ rim nad kyis ma yin/ nyin gcig pas ma yin/ nyin 98.66a gnyis pas ma yin/ nyin gsum pas ma yin/ nyin bzhi pas ma yin/ mis ma yin/ gsang sngags kyis ma yin/ ro langs kyis ma yin/ dug gis ma yin/ nad kyis ma yin te/ chus 'chi ba'i dus byed par mi 'gyur ro/ /rig sngags dang / gsang sngags dang / sbyor ba sgrub pa thaMd sbyor ba rnams kyis ma grub pa rnaMs grub par byed do/ /sbyar te grub pa rnams gzhan gyi mi tshugs par byed do/ /pha rol gyis bcings pa las grol bar byed do/ /gzhan gyi rig sngags gcod par byed do/ /bdag gi rig sngags 'phel bar byed do/ /gdon thaMd phung bar byed do/ /gdon gang gis mi gtong na yang de'i mgo ardza ka'i dog pa bzhin du tshal pa bdun du 'gas so/ /de nas lha'i dbang po brgya byin de nyid du mi sna bar gyur te/ bcom ldan 'das kyis de skad ces bka' stsal nas/ lha'i dbang po brgya byin yid rangs te/ bcom ldan 'das kyis gsungs pa la mngon par bstod do/ /'phags pa thams cad la rab tu mi 'jigs pa sbyin pa zhes bya ba'i gzungs/ rdzogs s+ho// //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab pa/ / |