@/ /rgya gar skad du/ Ar+ya ma hA daN+Da nA ma d+hA ra nI/ bod skad du/ 'phags pa be con chen po zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ de'i tshe na tshe dang 98.75b ldan pa sgra gcan zin rgyal po'i khab kyi dur khrod chen po bsil ba'i gnas na bud shing chen po lta bu'i phyogs na 'dug go /der 'di lta ste/ lha'i gdon rnams dang / lha ma yin gyi gdon rnams dang / klu'i gdon rnaMs dang / gnod sbyin gyi gdon rnams dang / srin po'i gdon rnams dang / mi 'am ci'i gdon rnams dang / lto 'phye chen po'i gdon rnaMs dang / dri za'i gdon rnams dang / mi'i gdon rnams dang / rlung lha'i gdon rnams dang / yi dgas kyi gdon rnams dang / 'byung po'-i gdon rnams dang / sha za'i gdon rnams dang / grul bum gyi gdon rnams dang / gzig rnams dang / bya rog rnams dang / 'ug pa rnams dang / grog bur rnaMs dang / sdig sbrul rnams dang / gzhan yang mi dang / mi ma yin pa'i sems can rnams kyis tshe dang ldan pa sgra can zin la shin du gtses so/ /de nas tshe dang ldan pa sgra can zin bya rgod phung po'i ri ga la ba dang / bcom ldan 'das ga la ba der song ste phyin nas/ bcoM ldan 'das kyi zhab la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan sngar ngus te mchi ma blags so/ /de nas bcoM ldan 'das kyi tshe dang ldan pa sgra can zin la bka' stsal pa/ sgra can zin khyod ci'i phyir nga'i mdun na 'dug nas mchi ma 'byin/ de skad ces bka' stsal pa dang / bcom ldan 'das la tshe dang ldan pa sgra can zin gyis 'di skad ces gsol to/ /bcom ldan 'das bdag rgyal po'i khab kyi dur khrod chen po bsil ba'i gnas na bud shing chen po lta bu'i phyogs na mchis mchis na/ der lha'i gdon rnams dang / lha ma yin gyi gdon rnaMs dang / klu'i gdon rnams dang / gnod sbyin gyi gdon rnams dang / srin po'i gdon rnams dang / mi 'am ci'i gdon rnams dang / dri za'i gdon rnams dang / lto 'phye chen po'i gdon rnams dang / mi'i gdon rnams dang / 98.76a rlung lha'i gdon rnams dang / yi dgas kyi gdon rnaMs dang / 'byung po'i gdon rnams dang / sha za'i gdon rnams dang / grul bum gyi gdon rnams dang / gzig rnams dang / bya rog rnams dang / 'ug pa rnams dang / grog sbur rnams dang / sdig sbrul rnams dang / gzhan yang mi dang / mi ma lags pa'i sems can rnams kyis bdag la shin du gtses lags mod/ de nas bcom ldan 'das kyis tshe dang ldan pa sgra can zin la bka' bstsal pa/ sgra can zin khyod kyi be con chen po'i gzungs kyi rig sngags 'khor bzhi po dge slong rnams dang / dge slong ma rnams dang / dge bsnyen rnams dang / dge bsnyen ma rnams bsrung ba dang / bskyab pa dang / sba ba dang / yun ring po'i don dang / phan pa dang / bde bar 'gyur ba 'di zung shig /tad+ya thA/ a~M gA/ ba~M gA/ ta~M gA/ ta ra~M gA/ ta ra~M gA/ sa rA sa rA/ ta ra~M gA swa/ sa dad sa/ dza d+ha rA/ aka ra/ a rA bI rA/ ta rA bI rA/ ka ra bI rA/ karga ra bI rA/ tsu ru bI rA/ tsu ru tsu ru/ bI in dra/ in dra ki /sa ra ha~M sa/ ha na sa ki sa ra/ mi tsi re lA/ ma hA mits+tsha ba hi ShI kA ka lid tsa ka /a~M ge dza ye/ dza ye li kA e lA/ cin ta/ li li/ ti le ti le/ su ma ti/ bu su ma ti/ tsu lu naT+Te/ tsu lu tsu lu naT+Te/ tsu la na Te/ ku na Ti/ ha rI Ta ki /na rI Ta ki /ta gau r-i/ gan+d+hA ri/ d+hA ra Ne/ d+hA ra Ne/ uSh+Ta/ pi pI li ka uSh+Ta/ pa pI la ke /ka ra kar+thi ke /kA ke li/ tsa la naT+Ti/ ka gi ma li/ la ma ti rak+Sha ma ti/ bA la ku li/ ba ta sa le/ u na mi le/ ta ra bI re/ ta ra ta ra bI re/ ku ru bI re/ ku ru ku ru bI re/ tsu ru tsu ru/ tsu ru tsu ru/ tsu ru tsu ru/ bI re/ ma hA bI re/ i ra ma ti/ ba ra ma ti/ rak+Sha ma ti/ sarba ar+tha sA d+ha ni/ pa ra ma su ra sA d+ha ni/ a pra ti ha te/ rgyal po dbang po dang / rgyal po zla ba'i dang / rgyal po gshin rje dang / rgyal po rlung lha dang / rgyal po gzi can dang / rgyal po nor rgyas kyi bu dang / rgyal po be con dang / rgyal po be con med 98.76b dang / rgyal po tshangs pa stong ldan dang / sangs rgyas bcoM ldan 'das chos kyi rje/ chos kyi rgyal po/ 'jig rten thams cad la thugs brtse ba bla na med pas bdag la bsrung du gsol/ yongs su bskyab pa dang / yongs su bzung ba dang / yongs su bskyang ba dang / zhi ba dang / bde legs su 'gyur ba dang / chad pa spang ba dang / mtshon cha spang ba dang / dug bsad pa dang / dug gzhil ba dang / mtshams gcad pa dang / sa bcing ba mdzad du gsol/ tad+ya thA/ i la mi li ta sa lA/ i ra ma ti/ bi ra ma ti/ tsa la ma ti/ phu ru ma te/ phu ru phu ru/ phu ru phu ru/ pa ra khu ru ru/ khu ru ma ti/ b+hU mi maN De/ ka li ke /tsaN Da li/ a ki sa rA li/ a yA sA sa la ma to hu le s+thu le/ sha le dza ya s+thu le/ tsa la nA Ti/ tsa la nA Ti/ nA ga nan d+hA ra NI/ go ra hi Ni/ go le/ ti te/ ar+n+d+ha ra/ paN+Ta re/ ke y+'u re/ ki tu ma ti/ b+hU ta~M ga me/ b+hU ta ba te/ d+har+ye ma hA ba le/ a tsun de/ a tsu \u0f83run de/ d+ha ran d+ha ra/ dza ya li kA/ dza le go ro ha ni tsa ra hU ru hu ru/ ru~M d+hu ru~M d+hu hu ru/ d+hu ma ti/ d+ha ra na d+ha re d+ha re/ bi shwa ma ti/ na shwa na/ ma ta d+ha ni/ mo tsa ni/ bi mo tsa ni/ sa d+ha ni/ sho d+ha ni/ bi shod+ha ni/ sa~M gi ra ni/ ma~M thI ra Ni/ a ts+tshid ta ni/ sa d+hu ta ra ma Ni/ ha ra ha ra/ ban d+hu ma ti/ hi r-i hi r-i/ gi li ri le/ hu ru hu ru/ bing ga le swA hA/ sangs rgyas bco+o ldan 'das rnaMs la phyag 'tshal lo/ /sgra can zin be con chen po'i gzungs kyi rig sngags rgya rtsa bcu pa 'di skud pa la mdud de/ lag pa la btags sam/ mgul du btags na kun nas dpag tshad bcu khor yug tu be con rnams dang / me tog rnaMs dang / phyag rgya rnaMs kyis de srung ba byas par 'gyur ro/ /de la mi dang mi ma yin pa rnaMs kyis mi tshug par 'gyur ro/ /mtshon dang / dug dang / nad dang / rims nad dang / rims drag po dang / rig sngags dang / ro langs dang / khro gtug dang / me dang chus 'chi ba'i dus byed par mi 'gyur ro/ /rig sngags dang / gsang sngags sbyor ba rnaMs 98.77a legs par sbyor ba thams cad kyis ma grub pa rnams kyang grub par byed pa'o/ /grub pa rnaMs chud mi za bar byed pa'o/ /pha rol gyi 'ching ba'o/ /pha rol gyi sbyor ba cings pa las grol bar byed pa'o/ /nad dang / mya ngan dang / bgegs rnam par 'jig par byed pa'o/ /'thab pa'i rnyog pa rab tu zhi bar byed pa'o/ /gdon thams cad zlog par byed pa'o/ /gdon gang gis gtong ba de'i mgo ardza ka'i dog pa bzhin mgo tshal pa bdun du 'gems so/ /gnod sbyin gyi sde dpon chen po lag na rdo rje yang rdo rje 'bar ba/ kun tu 'bar ba/ kun du rab tu 'bar ba/ me lce gcig tu gyur pas de'i mgo ardza ka'i dog pa bzhin du tshal pa bdun du mgems so/ /rgyal po chen po bzhi yang lcags kyi 'khor lo spu gri so lta bu'i mtshon gyis phung bar byed do/ /gnod sbyin gyi 'jig rten de nas shi 'phos nas lcang lo can gyis pho brang 'khor du gnas pa mi 'thob bo/ /sgra can zin rgyal po dang / mi rgod dang / me dang / chu dang / mtshon cha dang / 'brog dang / dgon pa dang / ri dang / mya ngam du song ba gang gis be con chen po'i gzungs kyi rig sngags 'di lan gcig brjod na/ sdig pa thams cad las rab tu thar bar 'gyur ro/ /sgra can zin be con chen po'i gzungs sngags 'di sangs rgyas bcom ldan 'das gang gA'i klung dgu bcu tsa gcig gis bye ma snyed kyis gsungs pa/ gsung ba/ gsung bar 'gyur ba mchog tu grub pa/ gzhan gyi mi thub pa/ lha dang / klu dang / dri za la sogs pas bstod pa/ 'byung po thams cad kyis yongs su bzung ba ste/ bdag dang sems can thaMs cad gnod pa thaMd las bde bar gyur cig /nad med pa dang / 'jigs pa med par gyur cig /bcom ldan 'das kyis de skad ces bka' stsal nas/ tshe dang ldan pa sgra can zin yi rangs te/ bcom ldan 'das kyis gsungs 98.77b pa la mngon par bstod do/ /'phags pa be con chen po zhes bya ba theg pa chen pa'i mdo/ rdzogs s+ho// //rgya gar gyi mkhan po dzi na mi tra dang / dA na shI la dang / zhu chen gyi lo tsa ba ban de ye shes sdes bsgyur cing zhus te skad gsar chad kyis kyang bcos nas gtan la phab pa/ / |