@#/ /rgya gar skad du/ Ar+ya Sha Ta mu kha nA ma d+hA ra NI/ bod skad du/ 'phags pa sgo drug pa zhes bya ba'i gzungs/ 'jam dpal gzhon nur gyur pa la phyag 'tshal lo/ /'di skad bdag gis thos pa'i dus gcig na/ bcom ldan 'das 'khor gyi khyams gnas gtsang ma'i steng gi nam mkha'i dkyil na gnas pa rin po che sna bdun gyis rab tu rnam par phyed bar spras pa na/ byang chub sems dpa'i tshogs grangs med pa dang thabs gcig tu bzhugs te/ de'i tshe bcom ldan 'das kyis byang chub sems dpa' rnams la bka' stsal pa/ rig kyi bu dag khyed kyis 'gro ba thams cad la phan pa dang bde ba'i phyir sgo drug pa zhes bya ba'i gzungs 'di zung shig /de ni 'di lta ste/ 'khor ba nas 'khor ba'i skye gnas gzhan dag tu/ bdag gis sdug bsngal gang ci myong ba de sems can thams cad dang mnyam pa nyid du mi shes pa'i mtshan nyid du ma gyur cig /bdag gis 'jig rten pa'i phun sum tshogs pa'i bde ba gang ci myong ba de sems can thams cad dang thun mong du yongs su spyod par gyur cig /bdag gis sdig pa mi dge ba'i las gang ci byas pa de so sor bshags pa bla na med pas so sor ma bshags par ma gyur cig /bdag gis bdud kyi las gang ci byas pa de yongs su shes pas bla na med pas yongasu mi shes par ma gyur cig /bdag gi pha rol du phyin pa dang ldan pa'i dge ba'i rtsa ba 'jig rten pa dang 'jig rten las 'das pa yang rung gang ci yod pa de thams cad bla na med pa'i ye shes kyi 'bras bur gyur cig /bdag gi rnam par grol ba gang ci yod pa des sems can thams cad rnam par thar bar gyur cig /'khor ba dang / mya ngan las 'das pa la bdag 98.86b gnas par ma gyur cig /tad+ya thA/[ \u0f00] k+Sha me k+Sha me/ k+ShAn te k+ShAn te/ da me da me/ dAn te dAn te/ b+ha dre b+ha dre su b+ha dre su b+ha dre/ tsan dre tsan dre/ su tsan dre su tsan dre/ tsan dra ki ra Ni/ tsan dra ba ti/ te dzo ba ti/ ya sho ba ti/ d+harmA ba ti/ bram ba ti/ sarba kle sha bi sho d+hA ni/ sarba ar+tha sA d+ha ni/ sarba ar+tha pra sha ma ni/ pa ra mar+tha sA d+ha ni/ kA ya bi sho d+ha ni/ bAka bi sho d+ha ni/ ma naHsaM sho d+ha ni swA hA/ rig kyi bu dag de ltar na rig kyi bu dang rig kyi bu mo gang la la zhig gis sgo drug pa zhes bya ba'i gzungs 'di nyin lan gsum mtshan lan gsum bklags na de'i las kyi sgrib pa thams cad byang nas skye ba bdun gyi bar du de skye ba dran par 'gyur ro/ /bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /bcom ldan 'das dgyes shing de skad ces bka' stsal nas/ byang chub sems dpa'i tshogs de dag dang / lha dang / mi dang / lha ma yin dang / di zar bcas pa'i 'jig rten gnas gtsang ma'i ris kyi lha'i bu de yi te/ bcom ldan 'das kyis gsungs pa la mngon par bstod do/ /'phags pa sgo drug pa zhes bya ba'i gzungs/ rdzogs s+ho// // |