@/ /rgya gar skad du/ Ar+ya k+Sha ti gar+b+he aSh+Tot+ta ra sha tu ka nA ma d+hA ra Ni man+t+ra sa hi ta/ bod skad du/ 'phags pa sa'i snying po'i mtshan brgya rtsa brgyad pa gzungs sngags dang bcas pa/ dkyil 'khor gyi rgyal po chen po byang chub sems dpa' sems dpa' chen po sa'i snying po la phyag 98.154a 'tshal lo/ /o~M sum b+ha ni sum b+ha/ ha ra tsa ra/ ma hA pA sha ma ru tA/ a mo g+ha badzra satwa swA hA/ de nas yon tan sbyin pa'i/ /gzung 'di bshad ma thag tu yang / /rdo rje'i dkyil 'khor dam pa ni/ /ti se'i gang bcas g.yos par gyur/ /sa'i snying po tshogs dbang dbang la/ /bcom ldan rdo rje can gyis smras/ /bskal ldan chen po legs so legs/ /sa steng khyod kyis yangs par byas/ /khyod kyi gzungs ni rnaM grags shing / /yon tan dpag med tshogs bskyed pa/ /sems can kun gyi sdug bsngal dang / /nyes pa zlog byed thos pa ni/ /'khor bar rab tu rgyu ba na/ /nyes pa kun gyis mi gos te/ /ji ltar 'dam gyi pad ma dag /'dam gyi nyes pas mi gos bzhin/ /lus can dag las su yang rung / /khyod kyi gsang sngags 'chang byed pa/ /de dag las ni gcig tsam yang / /byang chub las ni ldog mi 'gyur/ /mkhas pa gang zhig gzungs sngags mchog /thos nas mos par byed pa ni/ /nges par yon tan thams cad kyang / /thob par 'gyur te the tshom med/ /de nas thams cad ldan pa'i 'khor/ /langs te sa'i dbang phyug po/ /sa'i snying po sa mchog la/ /ming brgya rtsa brgyad smras pa ni/ /sa'i snying po gtso bo che/ /glog 'gyu lta bu'i spyan mnga' ba/ /cod pan can te sa bsnyes pa/ /phun sum tshogs ldan 'byor pa mchog /rig ldan rig mdzad mchod pa'i gnas/ /gtso bo dge sbyong ston pa po/ /gzhi bcas ldan pa'i rlung gi tshul/ /swA hA'i blo ldan snying rje'i rab/ /thams cad mkhyen pa'i nyi ma'i mchog /snying po snying po mkhyen par grags/ /gsang sngags rol cing rgya cher rol/ /sa'i dbang phyug gar thabs can/ /sgeg po zhal bzang gar mkhan ldan/ /'bras bu mngon sum ston pa po/ /rab 'byor blo gros snying po mkhyen/ /snying po brnyes pa 'jig pa 98.154b med/ /mgon po sangs rgyas gzugs mnga' ba/ /shes rab kyi ni ma lus gzigs/ /'dod chags la sogs skyon bsal cing / /gar thabs chen po ston pa po/ /ston pa dpag bsam shing dang 'dra/ /nam mkha'i dbang phyug gsung snyan pa/ /nyi ma chen po nyid yin te/ /dbang phyug chen po 'bar bas bskor/ /yon tan mtha' yas longs spyod pa/ /sa'i dbang phyug spyod yul can/ /chos kyi longs spyod longs spyod che/ /yon tan rgya mtsho'i gangs chen mtsho/ /yon tan sna tshogs longs spyod pa/ /de bzhin gshegs pa'i rig kyi mchog /thabs tshul zab la mkhas pa ste/ /theg pa chen po 'jigs pa med/ /mchod pa chen po sgra che ba/ /zla ltar grags pa'i dkyil 'khor can/ /rdo rje 'chang chen mtshan rgya pa/ /rdo rje dkyil 'khor me tog thod/ /blo gros chen po phyag ring ba/ /pad ma chen po stobs po che/ /gsang sngags chen po tshogs chen po/ /sa bzhi chen po lhun po lags/ /lags na rdo rje yon tan nges/ /nor bu'i me tog thod gyis brgyan/ /mnyam nyid 'byam la longs spyod pa/ /rgya chen zhing gi rgya mtsho can/ /rdo rje'i 'od mnga' rdo rje ldan/ /sa'i bdag po lhun po bzhin/ /sa la longs skyod longs spyod bzang / /mtshon cha g.yo ba phun suM tshogs/ /rab 'byams snod ni rnam par grags/ /smra mkhas rdo rje rab 'joms pa/ /spyan rtsa yid tsam dmar ba ste/ /me tog sngon po'i thod kyis cings/ /spro ba chen po phyag ring ba/ /brtan po brtan la bde sbyin pa/ /ded dpon dpal bzang chen po ste/ /gang can lhun po lta bu lags/ /dbang po gshin rje rgyal chen dang / /btsan po khyab 'jug stobs dbang phyug /'jig rten mchog rigs sangs rgyas tshangs/ /de bzhin nyid tshul spyod yul can/ /r-in chen rtog ste cher bzhad pa/ /dgyes pa na bza' sna tshogs gsol/ /gzigs pa ring pa spyan yangs pa/ /naM mkha' bzhin du thog pa med/ /thogs pa mi dpogs rin chen gtsug /srid gsum 'dod pa med pa'i rgyu/ /dul ba nyon mongs ma dri ma bsal/ /dag pa gtsang ba gso sbyong can/ /rnaM par gnon pa'i 98.155a g.yul las 'das/ /ljang mdog skyabs mdzad snying rje che/ /stobs kyis grags pa rgya che ba/ /bsams na shes pa'i spyod yul can/ /dpa' bo seng ge 'jig par byed/ /sdang ba rnam kyi snying 'joms pa/ /mnga' bdag grags pa yul dang ldan/ /dga' ba brgya chen rab 'byung ba/ /rig mkhyen rig kyis snying po mkhyen/ /rig kun du ni mchod pa lags/ /rgyal po rigs mchog skyes pa'i rten/ /rdo rje yi ni dkyil 'khor brgyan/ /rdo rje sa 'og rab grag pa/ /rig sngags 'chang ba stob po che/ /mngon par 'phags pa khyab pa mchog /mgrin bzangs nad dang bral ba lags/ /skyong mdzad ston pa dag pa te/ /sangs rgyas lam ni rab ston pa/ /grol ba smin mdzad 'dud par mdzad/ /dkyil 'khor ma lus rnaMs kyi brgyan/ /rab zhugs dkyil 'khor rnaM la mkhas/ /rdo rje'i slob dpon yon rtan rten/ /grub pa sbyin pa rnaM dag mchog /tshul dang tshul min rtogs pa po/ /dkyil 'khor tsa ser mnga' ba ste/ /'od zer ljang gu'i 'od dang ldan/ /ser la na bza' ser po mnabs/ /dkyil 'khor ma lus kun gyi rgyan/ /spyan tsa dmar ba zla ba'i dpal/ /nor bu sna tshogs 'od 'byung ba/ /rdo rje brgya'i stob kyi spro/ /mnyaM nyid mnyam pa dr-i ma med/ /sku yang dag cing na bza' dag /dag pa mkhyen cing dag par ldan/ /dag pa'i chos mnga' snang ba te/ /'byung ldan srid pa sel mdzad pa/ /'khor ba zad mdzad shes rab can/ /tshul shes tshul la spyod yul ba/ /rdo rje rgya mtsho'i snying po lags/ /rdo rje sems dpa' dge ba che/ /'byung ldan rab 'byaMs shes rab can/ /ma lus grags pa'i 'od bzang ba/ /sa'i snying po snying po che/ /rdo rje'i snying po rnam par 'dren/ /dpag tu med pa dpag med rdzogs/ /khyad par 'phags pa'i yul la gnas/ /zab cing gsal ba'i gtso bo te/ /zla ba'i dkyil 'khor 'od zer bsil/ /dga' dang dang ba bskyed pa ste/ /ye shes rgya chen spyod yul ba/ /rlung gis drag shul lta bur drag /drag po lags 98.155b te drag bsel gtsang / /rgyal bar byed cing rgyal ba zhi/ /rgyal ba'i dpal mdzad dga' bar mdzad/ /lhun po ti se ma la yas/ /spyod yul zab mo non pa ste/ /rin chen rdo rje snying po che/ /sa bzhi'i spyod yul mnga' ba lags/ /rin chen brag las byung ba'i 'od/ /rdo rje'i dkyil 'khor dag gis brgyan/ /de bzhin gshegs la lhur dgyes pa/ /shugs drag dpal gyi gzhi rten lags/ /rab gsal dpal mdzad gtsang ma ste/ /phyogs bcu'i dbang phyug dbang phyug che/ /de ltar rdo rje 'chang chen la/ /mi brgya tsa brgyad mchog rnams kyis/ /rdo rje sems dpa' stod nas ni/ /rdo rje'i sa gsum dbang mchog smras/ /yon tan snying po shes rnams kyis/ /ming brgya rtsa brgyad mchog brjod cing / /nyes pa zlog pa 'di las bzhan/ /sa yi sting na nges ma mthong / /ming rgya rtsa brgyad dam pa 'di/ /thams cad 'grub byed dga' ba ste/ /sdig pa thams cad sel ba dang / /dri ma kun bral yon tan nges/ /de phyir sgrim pa thams cad kyis/ /phun pha suM tshogs pa 'dod pa'i mis/ /ming brgya rtsa brgyad dge ba 'di/ /rtag tu yang ni brjod par gyis/ /ming rgya rtsa brgyad dam pa 'di/ /bsam pa kun dang 'byor pa yi/ /gnas mchog bla na med pa ste/ /dpal yon rgya chen sbyin pa yin/ /yid ni shin du dang ba yis/ /sa yi snying po'i mtshan gsal ba/ /'dod pa thams cad rab bsgrub pa'i/ /yon tan mchog ni gang brjod dang / /dpal yon rgya chen 'dzin pa yi/ /ming brgya rtsa brgyad dam pa 'di/ /mi ni gang zhig brjod byed pa/ /sdug bsngal kun las myur tu 'grol/ /'phags pa sa'i snying po'i mtshan rgya rtsa brgyad pa gzungs sngags dang bcas pa rdzogs s+ho// // sangs rgyas 'khor brgyad dang bcas pa'i mtshan brgya rtsa brgyad pa gzungs sngags dang bcas pa/ rdzogs s+ho// |