na mo rat+Na tra yA ya/[ \u0f00] ba su d+ha re swA hA/ snying po'o/ /na mo rat+Na tra yA ya/[ \u0f00] ba su shri swA hA/ nye ba'i snying po'o/ /na mo rat+Na tra yA ya/[ \u0f00] ba su swA hA/ nye ba'i snying po'i yang nye ba'i snying po'i/ thal mo sbyar te gung mo gnyis dang de nas srin lag gnyis dang / mthe 'u chung gnyis bshibs te/ sdig mdzub phan tshun gnyis sgrib la/ the 'u chung gnyis cung zhig bsnol te/ rtse mo gnyis rgyab sprad de khab lta bu byas la/ gung mo sprad pa la theb mo zung cig de'i 'og tu sbyar te/ reg pa bcas pa ni rab tu bzung ba'i rtog pa la gsung pa ste/ las tha~Md sgrub pa'i bac+doMs ma nor rgyun ma'i gzungs ni thub pas gsungs pa'o/ /na mo rat+Na tra yA ya/[ \u0f00] shrI ye shrI ye ka ri/ d+ha na ka ri/ d+ha na ka ri/ d+ha na ka ri swA hA/ bsgrub par bya 98.223b ba'i sngags s+ho/ /rigs pa 'di'i dang po re shig dam tshig gis phyag ni sor mo rnams thal mo sbyar la 'theb chen dbusu bcug pa ni bcom ldan 'das ma'i dam tshig gi phyag rgya'o/ /\u0f00 sa ma ye/ sa me sa ma ya ka ri/ ma hA sa ma ye swA hA/ dam tshig gi phyag rgya dang sngags so/ /phyag rgya de nyid las gung mo dang sdig mdzub kyi tshig gsum pa bskul zhing 'theb chung gnyis cung zad phyir phyung ba ni/ bac+doMs ma'i phyag rgya'o/ /'di ni dbab pa dang / bsdu ba dang / bsgrub bya'i sngags kyi bya'o/ /phyag rgya de nyid la sdigs mdzub gnyis brkyang ba ni me tog gi phyag rgya yin te/[ \u0f00] ba sun d+he swA hA/ me tog gi phyag rgya de nyid la gung mo brkyang ba ni bdug spos kyi phyag rgya yin te/ sngags ni/[ \u0f00] ba su d+ha ri swA hA/ phyag rgya 'di ni ming med brkyang ba'i phyag rgya yin te/ sngags ni/[ \u0f00] ba su d+ha ma te shrI ye swA hA/ phyag rgya 'di nyid la 'theb chung gi sen mo 'theb chen gyis bkab ste/ sor mo gzhan rnams ni rdo rje'i mtshan nyid du byas pa ni mar me'i phyag rgya ste/ sngags ni/[ \u0f00] ba su d+ha re Ni swA hA/ sen mo gan rkyal du byas la mtheng bong gnyis log su sbyar ba ni gtor ma'i phyag rgya ste/ sngags ni/ \u0f00 ba su d+ha ra Ni swA hA/ lhag ma nye bar spyod pa nyi shu rtsa ba'i sngags kyi 'thun mong gi phyag rgya 'am/ sngags kyis bsgrub par bya'o/ /bac+doMs ma'i thang ka'i cho ga ni nyams pa med cing / skra'i nyams pa med pa skud pa ma chad pa'i ras zheng du mtho gang gi tshad nyid la ring du mtho do byas te steng du bcom ldan 'das bri g.yasu 'phags pa spyan ras gzigs byas/ g.yon 98.224a du rdo rje 'chang bya/ bcom ldan 'das kyi 'og thang ka'i dbusu bac+doMs ma bri ste/ gser gyi mdog can/ rgyan thams cad kyis brgyan pa/ gos srab mo'i sham kag mnabs pa/ de bzhin du gos srab mo'i stod g.yogs can/ kha dog sna tshogs kyi gos kyi sham thabs dang / ldan pa'o/ /de nas 'og phyogasu sgrub pa po lag na mchod pa'i cho ga bya'o/ /de nas sgrub pa pos gtsang sbra byas gos gtsang ma gyon te/ gso sbyong yan lag brgyad bya'o/ /de'i mdun du bsnyen pa 'bum phrag gcig byas la ji ltar 'byor pas mchod pas cho ga bya'o/ /de nas sgrub po dang ldan pas bsnyung bar byas te/ zhing gi dbusu thang sku bzhugs su gsol te/ dri dang me tog dang / bdug pa dang / nye bar longs spyod pa'i gtor ma byas la brgyad brgya bzlas par bya'o/ /thang ka'i 'og du lan brgya tsho gcig gis bsngags byas pa'i bum pa chus yongasu gang ba gzhag par bya'o/ /bum pa'i chus gtor ma btang zhing / glang bu dang thong 'dzin gnyis la gtor bar bya'o/ /glang bu'i mgul pa dang / thong 'dzin gyi mgul par me tog gi phreng ba gdags par bya'o/ /de rnams kyi mdun du sngags pas chu yi rgyun zhing la lan g.yas logasu bskor bar bya ba ni sngags pas mdun du 'gro zhing sngags pa'i steng ni zhing rmor 'gro bar bya'o/ /phyis sa bon 'debs pa'i dusu cho ga 'dis brgyad brgya sngags las sa bon spar ba gang la lan bdun bzlas te zhing la gtor bar bya'o/ /sa bon gdabs pa'i cho ga'o/ /da ni zhing rnga ba'i dusu yang cho ga 'dis bya'o/ /cho ga lhag pa ni 'dir 98.224b dge slong bzhi la zhing gi mtshams bzhir ci 'dod ston mo byas te/ de nas sngags pas chad pa bdun bzlas pa byed cing brnga ba ni lo tog rtsa ba byas pa'i cho ga'o/ /da ni g.yul 'chag pa bya'i cho ga bshad par bya ste/ g.yul 'chag pa'i dusu sngags pas rang nyid gtsang sbra byas la gos gtsang ma gos la shar du zhal stan te/ sku gzugs bzhugasu gsol la dri dang / me tog dang / bdug pa dang / yang nye bar longs spyod pa'i gtor ma byas la bzlas pa byas te/ 'bru'i phung po'i mtshams bzhir gzhon nu ma gsar du bag ma byas shing khyo yod pa'i bud med bzhi la ston mo byas la/ de snyed kyi mthar zad pa med par gnas so/ /de nas skyes bus 'bru 'jal zhing grangs byed pa'i dpral ba la sngags dgod par bya'o/ /bac+doMs ma'i sngags de snyed du smra bcad byas la bzlas pa bya'o/ /ji snyed du sngo la bltas na gnyis 'gyur du 'gro bar 'gyur ro/ /de rnyed bzlas pa bya'o/ /de nas 'bru'i lhag ma de mi 'jal bar 'chings pa'i mi la sogs pa bos shing sbyin pa 'am/ dge 'dun la sbyin par bya'o/ /g.yul 'chag pa'i cho ga'o/ /da ni 'bru bang mdzod du 'jug pa'i cho ga bshad par bya ste/ dang po re shig mdzod kyi sgo g.yas g.yon du 'byung po gnyis gcer bu gsus pa 'phyang ba/ dbang po 'phyang ba/ g.yon pa'i lag na 'bru'i smod bzung zhing 'bru skyug bzhin pa/ gser gyi mdog /rgyan tha~Md kyi brgyan pa gnyis bri bar bya'o/ /mdzod kyi khang par yang dri dang / byug pa dang / mchod yon sbyin zhing gdugs dang / rgyal mtshan dang / ba dan la sogs pas bac+doMs ma'i thang ka'i mdzod kyi nang 98.225a du bzhugs par bya'o/ /de nas 'o ma'i chu rgyun gtor bzhin pa'i sngags pas 'gro bar bya zhing / de'i rgyab nas de nas bri bar khyim du gzhug par bya'o/ /de'i rjes la 'bru'i mdzod khang du phyag rgya gzhag par bya'o/ /de nas mdzod kyi khang pa'i sgo ru dge 'dun gyi ston mo byas la dri dang / me tog dang / bdug pa la stsogs pas mchod do/ /nor rgyun ma'i gzungs rdzogs par bklag par bya'o/ /gtor ma rgya chen po byas la thang ka'i mdun du de nas skyes bus 'bru phyir 'byin par byed de/ bac+doMs ma dang 'dra bar bsam la gur gum gyis gro ga la sngags bris la spyi bor bcings la kha gos kyis bkab la nyi ma re re zhing 'bru phyir dbyung bar bya'o/ /mdzod khang gi sgo ru nyin ro nor rgyun ma zhes bya ba'i gzungs kyi mdo baglag par bya'o/ /sngags pas bsgrub bya'i sngags bltas la dus gsum du brgyad brgya bzlas par bya'o/ /ji ltar rnyed pa'i bac+doMs ma nor rgyun ma'i gzungs kyi rtog pa rdzogs s+ho// // |