@#/ /rgya gar skad du/ Ar+ya da sha badzra pA Ni hr-i da ya/ bod skad du/ 'phags pa lag na rdo rje bcu'i snying po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo rigs kyi bu'am/ rigs kyi bu mo gang la la zhig gis gnod sbyin gyi sde 101.100b dpon chen po lag na rdo rje bcu'i ming shes sam/ rus shes sam/ gsang sngags shes pa de la byad kyis mi tshugs so/ /gnod sbyin dag rnam par 'tshe bar mi 'gyur ro/ /srin po rnams dang / lhag ma za ba rnams dang / gdug pa za ba rnams 'tshe bar mi 'gyur ro/ /phyis 'jog pa rnams kyang gnod par mi 'gyur ro/ /tad+ya thA/ u ki ri ma ki ri/ mi rI tsa pa sha pa ri/ u li me/ mi li me/ i li me/ mi li me/ i li me/ mi li me/ i li ma li me/ hik+ke/ d+hik+ke/ huk+ke/ d+hu d+hu re/ pra d+ha re/ a lam pha le/ phA lam pha le/ khu khu me ti ku me tu me/ khi ri khi ri/ sA d+ha sA d+ha/ sarba bak+k+wa le/ ban d+ha ma bak+k+wa le/ kun dga' bo gnod sbyin gyi sde dpon chen po lag na rdo rje bcu po 'di dag la rtag tu bdag gi phyi bzhin du 'brang bar gyur nas bdag gnyid log pa dang / myos pa dang / rab tu myos pa yang bsrung ba dang / yongs su bskyab pa dang / yongs su bzung ba dang / yongs su bskyang ba dang / zhi ba dang / bde legs su 'gyur bar byed par bcom ldan 'das kyi bkas gsol ba thob shig /'di lta ste rgyal ba khyu mchog dang / 'brog gnas dang / gangs gnas dang / lngas rtsen dang / nor bu bzang po dang / grags pa bzang po dang / lus ngan gyi bu sa mdzes byed dang / phreng ba mdzes dang / rgyal po chen po chos skyong rnam thos kyi bu ste/ gnod sbyin gyi sde dpon chen po lag na rdo rje bcu po 'di dag la rtag tu bdag gi phyi bzhin 'brang bar gyur nas bdag gnyid kyis log pa dang / myos pa dang / rab tu myos pa na yang bsrung ba dang / yongs su bskyab pa dang / yongs su bzung ba dang / yongs su bskyang ba dang / zhi ba dang / bde legs su 'gyur bar byed par bcom ldan 'das kyis bkas gsol ba thob shig /gsang sngags kyi gzhi 'di rnams grub par gyur cig swA hA/ tad ya thA/ 101.101a sa ra sa ra Ne swA hA/ de la lag na rdo rje bcu po de dag gi gsang sngags kyi gzhi rnams ni 'di dag yin te/ tad ya thA/ u ge te/ ke te/ sang ka te/ ud+du le/ d+ha d+he/ ta te/ ta pat+te swA hA/ tsi tse tsi tse/ tsi khe lo tshe na ne/ b+he da ni/ sar+b+ba bi d+yA ts+tshe da ni/ sarba kr-i ta/ kA khordo/ pa ra kr-i ta nA sha ni/ de la rig sngags kyi rgyal po lag na rdo rje bcu po de dag gi gsang sngags kyi gzhi dam pa ni 'di rnams yin no/ /tad+ya thA/ a le lak+She / a ke /ba ke /lak+She swA hA/ tad+ya thA/ hu tu hu tu/ hu tu tu/ bi tu bi tu/ bi tu tu/ gats+tsha gats+tsha/ sab+ta/ pa ta ha ta ye swA hA/ na mo b+ha ga ba to bud+d+h+ya s+ya sid+d+h+ya n+tu man+t+ra pa dA swA hA/ bcom ldan 'das kyis de skad ces bka' stsal nas/ tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa lag na rdo rje bcu'i snying po/ rdzogs s+ho// //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa/ / |