J750

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J750</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J750&coll=lithang">see text in Tibetan script</a></table>103.106b<br><font size=+1>

@#/  /rgya gar skad du/   shrI gu h+ya gar+b+ha ta twa bi ni sh+tsa ya/ bod skad du/  dpal gsang ba'i snying po de kho na nyid rnam par nges pa/ bcom ldan 'das dpal kun du bzang po la phyag 'tshal lo/ /'di skad bshad pa'i dus na/ de bzhin gshegs pa yang dag par rdzogs pa'i sangs rgyas bcom ldan 'das longs spyod chen po phyogs bcu dus bzhi'i de bzhin gshegs pa thams cad kyi sku dang / gsung dang / thugs rdo rje'i bdag nyid/ ma lus mi lus lus pa med pa thams cad dang so so ma yin tha mi dad dbyer med pa'i rang bzhin te/ 'og min gyi gnas mtha' dang dbus med pa na gzhi tshad med pa'i ye shes kyi 'khor lo gsal ba la ye shes rin po che 'bar ba'i gzhal yas khang / rgya phyogs bcur yongs su ma chad pa/ yon tan dpag tu med par rgyas pa'i phyir gru bzhir gyur pa/ lhag pa'i ye shes rin po che'i glo 'bur gyis mdzes pa/ rtse mo phyogs bcu dus bzhi'i sangs rgyas kyi dkyil 'khor ma lus pa thams cad dang so so ma yin ngo bo nyid gcig pa'i ye shes kun tu 'khyil ba/ ye shes bsam gyis mi khyab pa'i ye shes rin po che'i dbyibs dang kha dog la sogs pa rnam pa tha dad pa'i bye brag dang khyad par du gyur pa/ spags pa/ tshad dpag tu med pa/ ye shes rin po che sna tshogs pa'i phreng ba dang / chun 'phyang dang / shar bu'i rgyan dang / gzugs sna tshogs dang / sgra sna tshogs dang / dri sna tshogs dang / ro sna tshogs dang / reg bya sna tshogs kyi phyogs bcur 'khrigs par rang byung la mi sgrib par gsal ba'i rgyan bsam gyis mi khyab par klubs pa/ rnam par thar pa bzhi'i sgo nas 'jug pa'i sgo khyud can/ rnam par thar pa brgyad kyi rta babs dang ldan pa/ phyi dang nang med pa/ kun du yang nang du gyur pa na mi 'jigs pa seng ge'i khri dang / stobs glang po che'i khri dang / rdzu 'phrul rta'i khri dang / dbang rma bya'i khri dang / thog pa med pa namakha'</font><hr>103.107a<br><font size=+1>

lding gi khri dang / rang bzhin gyis 'od gsal ba nyi zla'i dkyil 'khor dang / gos pa med pa pad+ma rin po che'i gdan la sku mdun dang rgyab med pa thams cad du zhal thal le bar gsal zhing mtshan dang dpe byad du ldan pa bsam gyis mi khyab pa/ thams cad du sku gsung thugs sna tshogs par kun du snang ba dang / thabs dang shes rab kyi zhabs gnyis mnyam pa'i brtul zhugs kyi skyil mo dkrung du bzhugs pa/ ye shes drug gi phyag ye shes rin po che'i phyag rgya 'bar ba can/ sku gsung thugs bsam gyis mi khyab pa'i dbu gsum dang ldan pa/ bcom ldan 'das de bzhin gshegs pa rnam par shes pa'i rgyal po dang / de bzhin gshegs pa gzugs kyi rgyal po dang / de bzhin gshegs pa tshor ba'i rgyal po dang / de bzhin gshegs pa 'du shes kyi rgyal po dang / de bzhin gshegs pa 'du byed kyi rgyal po dang / de dag kun kyang mthing ga dang / dkar po dang / ser po dang / leb rgan dang / ljang gu'i mdog tu 'tsher ba/ btsun mo dam pa snang ba'i dbyings dang / sra ba'i dbyings dang / mnyen pa'i dbyings dang / dro ba'i dbyings dang / bskyod pa'i dbyings la sogs pa btsun mo'i tshogs dang gnyis su med par chos kyi dbyings kun du mtha' yas par khyab pa ni 'di lta ste/ dper na til gyi gang bu bzhin du gang nas khyab par bzhugs so/ /de nas byang chub chen po rdo rje mthong ba dang /  byang chub chen po'i rdo rje thos pa dang / byang chub chen po rdo rje snom pa dang / byang chub chen po rdo rje myong ba dang / btsun mo mthong bar bya ba dang / mnyan par bya ba dang / mnam par bya ba dang / myong bar bya ba'i tshogs dang / byang chub chen po rdo rje mthong byed dang / byang chub chen po rdo rje thos byed dang / byang chub chen po rdo rje mnom byed dang / byang chub chen po rdo rje myong byed dang / btsun mo 'das pa dang / da ltar dang / 'byung ba dang / ma byon pa'i tshogs dang / 'joms pa chen po reg pa dang / 'joms pa chen po reg byed dang / 'joms pa chen po reg</font><hr>103.107b<br><font size=+1>

bya dang / 'joms pa chen po reg shes dang / btsun mo rtag par ma yin pa dang / chad par ma yin pa dang / bdag tu ma yin pa dang / mtshan mar ma yin pa la sogs pa de lta bu'i tshogs brjod kyis mi lang ba dang gnyis su med par bzhugs so/ /de nas de bzhin gshegs pa btsun mo'i tshogs dang gnyis su med pa'i gsang ba'i dkyil 'khor de dag nyid kyis gsang ba 'di nyid sku dang / gsung dang / thugs dang / yon tan dang / 'phrin las rdo rje las phyung ngo / /e e e ma'o/ /de bzhin nyid dbyings nyid dbang sgyur/ /ye shes dkyil 'khor thugs rje'i ngang / /rang snang ba nyid ting nge 'dzin/ /gzugs brnyan sgyu ma rnam par dag gsal ba ni sku gsung thugs yon tan phrin las sel med pa'i yon tan yid bzhin rin po che mi zad par ldan pa rgyan gyi 'khor lo rdo rje mchog gi gnas nyid do zhes rdo rje gsang ba'i tshig tu'o/ /gsang ba'i snying po de kho na nyid nges pa las gleng gzhi'i le'u ste dang po'o// //de nas bcom ldan 'das byed pa po rdo rje yid kun du bzang po thams cad ma lus pa'i rang bzhin gyi tshul rdo rje btsun mo bya ba mo chos kun du bzang mo la 'jug par gyur to/ /zhugs pas phyogs bcu dus bzhi'i de bzhin gshegs pa ma lus pa thams cad gcig gi rang bzhin dbyer med pas de bzhin gshegs pa nyid de bzhin gshegs pa nyid la ched du brjod pa 'di brjod do/ /e ma'o rdo rje phung po yan lag ni/ /rdzogs pa'i sangs rgyas lnga ru grags/ /skye mched khams rnams mang po kun/ /byang chub sems dpa'i dkyil 'khor nyid/ /sa chu spyan dang mA ma kI/ /me rlung gos dkar sgrol ma ste/ /nam mkha' dbyings kyi dbang phyug ma/ /srid gsum ye nas sangs rgyas zhing / /thams cad ma lus chos so cog /sangs rgyas nyid las gzhan ma yin/ /sangs rgyas nyid las gzhan pa'i chos/ /sangs rgyas nyid kyis mi brnyes so/ /zhes brjod pas/ de bzhin gshegs pa</font><hr>103.108a<br><font size=+1>

thams cad mnyes par gyur to/ /de nas btsun mo bya ba mo chos kun tu bzang mos/ bcom ldan 'das yid kun tu bzang po dang gnyis su med par gyur nas ched du brjod pa 'di brjod do/ /kye ma phyogs bcu'i stong khams ye nas dben/ /srid pa gsum nyid dag pa'i zhing / /snyigs ma lnga nyid bde ldan gnas/ /phung po lnga nyid rdzogs sangs rgyas/ /thams cad mchog gi snying po bas/ /gzhan du rgyal ba'i chos mi btsal/ /nyid las gzhan zhes bya ba'i chos/ /btsal kyang rgyal bas mi brnyes so/ /zhes brjod pas/ thams cad ye nas sangs rgyas par de bzhin gshegs pa nyid kyis mkhyen to/ /de nas gnyis su med pa'i bdag nyid chen pos ye nas sangs rgyas pa'i sems ye shes su bskyed pa 'di gsungs so/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /skye ba med las thams cad skye/ /skyes pa nyid na 'ang skye ba med/ /e ma ngo mtshar rmad kyi chos/ /rdzogs pa'i sangs rgyas kun gyi gsang / /'gag pa med las thams cad 'gag /'gag pa nyid na 'ang 'gag pa med/ /e ma ngo mtshar rmad kyi chos/ /rdzogs pa'i sangs rgyas kun gyi gsang / /gnas pa med las thams cad gnas/ /gnas pa nyid na 'ang gnas pa med/ /e ma ngo mtshar rmad kyi chos/ /rdzogs pa'i sangs rgyas kun gyi gsang / /dmigs pa med las thams cad dmigs/ /dmigs pa nyid na 'ang dmigs pa med/ /e ma ngo mtshar rmad kyi chos/ /rdzogs pa'i sangs rgyas kun gyi gsang / /'gro 'ong med las 'gro dang 'ong / /'gro 'ong nyid na 'ang 'gro 'ong med/ /ces brjod pas/  de bzhin gshegs pa thams cad dang / /btsun mo'i tshogs thams cad kyad mnyes pas khyab par gyur to/ /de nas de bzhin gshegs pa thams cad btsun mo'i tshogs</font><hr>103.108b<br><font size=+1>

dang bcas pas ched du brjod pa 'di brjod do/ /e ma 'o ye nas gsang ba'i chos/ /sna tshogs snang la rang bzhin gsang / /ngo bo nyid kyis rab tu gsang / /gzhan du min la shin du gsang / /zhes brjod pas/ de bzhin gshegs pa thams cad dang / chos thams cad ye nas sangs rgyas pa'i ngo bo nyid du gcig pa'i mtshan nyid yin pas dbyer med na 'ang / 'gro ba'i rnam par rtog pa ma rig pa las 'gro ba lnga'i ris bsam gyis mi khyab par smin pa la thugs rje chen po sangs rgyas kyi ye shes chen po skyes nas ched du brjod pa 'di brjod do/ /e ma bde gshegs snying po las/ /rang gi rnam rtog las kyis sprul/ /sna tshogs lus dang longs spyod dang / /gnas dang sdug bsngal la sogs pa/ /bdag dang bdag gir so sor 'dzin/ /sus kyang ma bcings bcings med de/ /bcing bar bya ba yod ma yin/ /rnam rtog bdag tu 'dzin pa yis/ /nan gyis mkha' la mdud pa dor/ /bcings med rnam par grol med pa'i/ /ye nas lhun rdzogs sangs rgyas chos/ /bstan phyir spro ba sna tshogs mdzad/ /ces de bzhin gshegs pa nyid de bzhin gshegs pa nyid la ched du gleng ngo / /gsang ba'i snying po de kho na nyid nges pa las don dam pa dang kun rdzob kyi byang chub kyi sems ye shes su bskyed pa'i le'u ste gnyis pa'o// //de nas de bzhin gshegs pa thams cad las thugs rje chen po'i byin brlabs shes bya ba'i rigs pa'i skyes bu thub pa drug de bzhin gshegs pa'i sku dang / gsung dang / thugs rdo rje las 'thon to/ /'thon nas kyang las kyi dbang gis snrel zhi dang yan man gyi 'jig rten drug gi phyogs bcu mtha' yas mu med pa'i stong gsum gyi stong chen po re re thub pa bcom ldan 'das re res 'dul ba rnam bzhis 'gro ba lnga'i</font><hr>103.109a<br><font size=+1>

don mdzad de/ /bltams pa dang / rab tu byung ba dang / dka' thub mdzad pa dang / sangs rgyas pa dang / bdud btul ba dang / chos kyi 'khor lo bskor ba dang / cho 'phrul chen po ston pa dang / mya ngan las 'das pa la sogs par ston pa'i thub pa dus bzhi kun tu mkhyen pa dang / thams cad kyi sems kyi rgyud kun tu mkhyen pa dang / rdzu 'phrul gyi spyan gyis thams cad du gzigs pa dang / rdzu 'phrul gyi snyan gyi kun tu gsan pa dang / rdzu 'phrul gyi cho gas kun tu don spyod pa dang /  zag pa med pas kun tu bzang po'i spyod pa rdzogs pa'i mngon par shes pa chen po drug dang / kun tu sku bsam gyis mi khyab pa dang / kun du thugs bsam gyis mi khyab pa dang / kun du zhal bsam gyis mi khyab pa dang / kun du gsung bsam gyis mi khyab pa dang ldan pa/ bsam gyis mi khyab pa'i grangs med pa phyogs bcur snang bar gyur to/ /thams cad kyang 'di lta ste/ 'dul ba'i dbang gis lha dang / mi'i theg pa dang / nyan thos kyi theg pa dang / rang sangs rgyas kyi theg pa dang / byang chub sems dpa'i theg pa dang / bla na med pa'i theg pas ma rig pa'i rnam par rtog pa nyon mongs pa stong phrag brgyad bcu rtsa bzhi'i gnyen por chos stong phrag brgyad bcu rtsa bzhi gsungs so/ /gsung ngo / /gsung bar 'gyur ro/ /de dag thams cad kyang gzung ba dang / 'dzin pa'i phyi nang gi rten cing 'brel bar 'byung ba dang / 'dzin pa 'khrul pa las 'dogs pa dang / las dang las kyi 'bras bu chud mi za ba dang / las dang las kyi 'bras bus mi gos/ gos par mi 'gyur/ gos su med par ston pa'i mthar thug go /de nas de bzhin gshegs pa thams cad kyis ched du brjod pa 'di brjod do/ /ji snyed 'jig rten 'khrul pa'i chos/ /ma rig rtog pa'i</font><hr>103.109b<br><font size=+1>

gzung 'dzin gyis/ /phyi nang rten 'brel gnyis su 'khor/ /mi mthun bde sdug myong bar 'gyur/ /rang bzhin nyid las nyams pa med/ /yang dag sgyu ma'i tshul gnyis su/ /bdag dang bdag gi gzhan med de/ /rnam dag dbyings nyid tshul gcig go /bdag dang bdag gi gzhan rnams ni/ /log par rtog pa tsam nyid las/ /phra zhing zab pa 'ang yod ma yin/ /log rtog nyid la nyid spyod de/ /gzhan du g.yo ba ci yang med/ /log rtog rgyu 'bras rgyu nyid kyang / /gzhi rtsa med dbyings skad cig ma/ /rnam par dag pa'i dbyings nyid tshul/ /nyid la dbang sgyur nyid spyod phyir/ /bdag dang gzhan dang rtog pa'i rgyun/ /rnam dag bla med theg pa'i mchog /theg pa bzhi yis nges 'byung la/ /theg pa gcig gi 'bras bur gnas/ /yang dag rtogs pas rab brtags na/ /rang bzhin med las cir yang 'grub/ /sangs rgyas mya ngan yong mi 'da'/ /chos kyang nub par mi 'gyur te/ /ma rig sman mdzad 'dul ba'i phyir/ /byung nas mya ngan 'da' bar ston/ /'dul ba mdo sde chos mngon dang / /dam tshig sgrub dang grub pa dang / /sku dang gsung dang thugs kyi rgyud/ /phyogs bcu rnams su rab grags pa/ /gsang ba'i snying po las 'phros te/ /rang bzhin gsang ba'i snying po 'di/ /sde snod kun dang rgyud kun gyi/ /'byung gnas gtan la nges par 'bebs/ /chos rnams ming du btags pa tsam/ /ston pas don dang 'thun phyogs su/ /ming dang tshig tu btags nas bstan/ /ston min tshig la dngos po med/ /ces ched du brjod do/ /de nas de bzhin gshegs pa gnyis su med pa'i dkyil 'khor de dag nyid kyi gsang ba 'di nyid sku dang / gsung dang / thugs dang / yon tan dang / 'phrin las rdo rje las phyung ngo / /a ho/ /srid rtsa nyes dmigs bdag tu rtog las 'phros/ /rgyud drug skye 'gag lus</font><hr>103.110a<br><font size=+1>

dang longs spyod dang / /gnas dang sdug bsngal 'khrul 'khor la sogs pa/ /log rtog nyid las gzhan du g.yo ba ci yang med/ /stong nyid bdag med ye mkhyen rang rig thugs/ /dmigs bya dmigs byed med par dran dbang sgyur/ /ngo mtshar sku gsung thugs dang yon tan 'phrin las zhing khams las/ /gzhan na med de de nyid de ltar yin/ /zhes rdo rje gsang ba'i tshig tu'o zhes brjod pas/ thub pa drug gi sprul pa grangs med pa dang / de bzhin gshegs pa thams cad kyis gsungs pa yang de dag tu 'dus par de bzhin gshegs pa nyid kyis mkhyen to/ /gsang ba'i snying po de kho na nyid nges pa las chos thams cad gtan la phab pa'i le'u ste gsum pa'o// // de nas de bzhin gshegs pa thams cad dgongs pa gcig tu gyur nas mnyam pa chen po'i tshul rdo rje'i dbyings su chos thams cad ye nas sangs rgyas pa'i ting nge 'dzin las mi g.yo bar/ chos thams cad ming tsam du gnas pa'i yi ge phreng ba'i 'khor lo zhes bya ba 'di sku dang / gsung dang / thugs rdo rje las phyung ngo / /a rab tu brtan gyur a dkar las/ /shin tu phra ba'i a rnams spro/ /phyogs bcu gang bar gsal gyur nas/ /bsdus kyang 'phel 'grib med par bstan/ /de las ming tshogs gsal 'bar kun/ /spro zhing bsdu ba 'ang de bzhin no/ /'di ni rdo rje dngos grub kyi/ /brtan byung ye shes rgyu yin no/ /a A/ ka kha ga g+ha nga / tsa tsha dza dz+ha nya/ Ta Tha Ta D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ k+ShaH i I/ u U/ e ai/ o au/ /'di dag phyung bas 'jig rten drug gi phyogs bcu mtha' yas pa rnam pa drug tu g.yos/ rab tu g.yos/ kun tu rab tu g.yos nas/ chos thams cad ming gi mtshan nyid tsam du gyur to/ /hoH de nas de bzhin gshegs pa thams cad kyis ched du brjod pa 'di brjod do/ /a ni stong dang mi stong gi /dbu ma 'ang dmigs su yod ma yin/ /thams cad ming tsam sangs rgyas kun/ /</font><hr>103.110b<br><font size=+1>

yi ge phreng ba nyid la gnas/ /a nyid sna tshogs par snang ba'i/ /ka la sogs pa bzhi bcu gnyis/ /sgra yi ming gis thams cad bsdus/ /mngon rdzogs rgyal por de nyid nges/ /e ma ngo mtshar ya mtshan gyi/ /'phrul chen bzhi bcu rtsa lnga'i ming / /tshig rnams ma lus 'dzin pa'i gnas/ /sna tshogs don chen smra zhing ston/ /dngos med yi ge'i rang bzhin sems/ /bdag med mtha' bral mi dmigs kyang / /dbyibs dang kha dog ming tshogs kyis/ /rol pa cir yang sprul cing ston/ /phyogs bcu dus bzhir gshegs pa yi/ /ye shes sems dpa' sku gsung thugs/ /dkyil 'khor bzhi bcu rtsa lnga nyid/ /yi ge mgo nas k+ShaH la rdzogs/ /sems kyi rang bzhin yi ge ste/ /yi ge'i dngos po yod ma yin/ /dmigs med de nyid sna tshogs pa'i/ /sku gsung thugs kyi 'khor lo che/ /sku gsung thugs ni ngo mtshar gyi/ /ngo mtshar 'phrul chen rab 'gugs pa/ /dbyings la dbyings kyis bris pa ste/ /yi ge zhes ni de phyir brjod/ /mgo ni ma nor lam yin te/ /tig ni shes rab ming du smra/ /shad ni thabs chen tshigs su gcod/ /a ni skye med de bzhin nyid/ /A ni thog mtha' stong pa nyid/ /Tha ni sgyu 'phrul rdo rje nyid/ /Ta ni snang ba'i sgyu 'phrul nyid/ /Da ni sgyu 'phrul yid bzhin nyid/ /D+ha ni sgyu 'phrul snang bdag nyid/ /Na ni kun du sgyu 'phrul nyid/ /tha ni dra bas mngon rdzogs nyid/ /ta ni dra bas brtan pa nyid/ /da ni dra bas lhan ni nyid/ /d+ha ni dra bas 'khril ba nyid/ /na ni dra bas kun du 'gyur/ /ka ni spyan gyi thugs kyi mchog kha ni snyan gyi thugs kyi mchog /ga ni shangs kyi thugs kyis mchog /g+ha ni ljags kyi thugs kyi mchog /nga ni thugs kyang 'jigs byed pa'o/ /tsa ni spyan gyi sku yi mchog /tsha ni snyan gyi sku yi mchog /dza ni shangs kyi sku yi mchog /dz+ha ni ljags kyi sku yi mchog /nya ni sku 'ang 'jig byed pa'o/ /pa ni spyan gyi gsung gi mchog / </font><hr>103.111a<br><font size=+1>

pha ni snyan gyi gsung gi mchog /ba ni shangs kyi gsung gi mchog /b+ha ni ljags kyi gsung gyi mchog /ma ni gsung yang 'jig par byed/ /ya ni skye ba rnam par dag /wa ni gnas pa dag pa yin/ /ra ni 'jig pa dag pa ste/ /la ni stong pa dag pa'o/ /sha ni rtag pa med pa ste/ Sha ni chad pa 'ang yod ma yin/ /sa ni mtha' bral bdag med pa/ /ha ni mtshan ma med pa nyid/ /k+Sha ni ye shes thugs kyi thugs/ /i ni rdul snyed lha rnams su/ /I ni rdul snyed lha ma yin/ /u ni rdul snyed mi rnams su/ /U ni rdul snyed byol song rnams/ /e ni rdul snyed yi dgas su/ /ai ni rdul snyed dmyal ba rnams/ /o~M ni thams cad 'jig par byed/ /au ni thams cad zhig pa yin/ /yi ge 'khor lo tshogs chen 'di/ /sku gsung thugs kyi phreng bas bsdus/ /zhes brjod do/ /a ho/ /de nas de bzhin gshegs pa btsun mo'i tshogs dang / gnyis su med pa'i dkyil 'khor de dag nyid kyis gsang ba 'di nyid sku dang / gsung dang / thugs dang / yon tan 'phrin las rdo rje las phyung ngo /  a hoH thabs dang shes rab dgyes sprin byang chub sems tshogs rgyu 'khor lo/ /'bras bu rgyal ba smin grub ngo mtshar ming tshogs bzhi bcu gnyis/ /'dus ma byas nyid 'dus byas rdo rje dkyil 'khor 'byin pa'i dam/ /'da' bar mi mdzad dbang med rgyu rkyen tshogs pa'i mthu chen yin/ /hoH rdo rje gsang ba'i tshig tu'o/ /zhes brjod pas de bzhin gshegs pa thams cad yi ge 'khor lor gyur to/ /gsang ba'i snying po de kho na nyid nges pa las yi ge phreng ba'i 'khor lo bkor ba'i le'u ste bzhi pa'o// // de nas yi ge 'khor lo sprin bkod pa las sgyu 'phrul rnam par 'phro ba 'di ched du brjod do/ /rtsa ba med pa'i sems nyid ni/ /chos rnams kun gyi rtsa ba yin/ /sems nyid yi ge'i rang bzhin te/ /yi ge yid bzhin rin chen sprin/ /sgyu 'phrul dkyil 'khor bzhi bcu gnyis/ /dra ba'i dkyil 'khor mngon rdzogs pas/ /phyogs</font><hr>103.111b<br><font size=+1>

bcu dus bzhi rdzogs pa yi/ /dkyil 'khor thams cad 'grub par 'gyur/ /bdud rtsi 'gyur zhing 'byung ba dang / /bzhi brgya rtsa bzhi'i nad sel cing / /longs spyod 'byung pa ngan song sbyong / /cir yang gzhan du 'gyur ba 'grub/ /nam mkha' rdo rje sra 'byung zhing / /'bar nas me yang 'tshig pa dang / /chur 'gyur 'bab pa 'ang de bzhin te/ /'jig rten khams 'di 'dor ba dang / /thams cad stongs shing ltung bar 'gyur/ /dgug dang btang dang bcing dang grol/ /gso dang gsad dang pham dang rgyal/ /ting 'dzin 'di yis byed par 'gyur/ /de nyid ye shes rang snang ba'i/ /ming tshig gzugs sogs yid bzhin gyis/ /mun la snang 'byung ji bzhin du/ /'gyur bas gser 'gyur sman gyi tshul/ /ston pa mchod brtson rtogs pa gsal/ /dam tshig sngags dang phyag rgya rnams/ /ma nyams shes shing yo byad ldan/ /'grub 'gyur mi ldan med cing brlag /dus gsum rgyal bas thugs chud pa'i/ /dngos grub mchog gi snying po ni/ /zad pa'i dus med yid bzhin mdzod/ /'phel 'grib med par 'byung ba ste/ /dngos po med las dngos po sprin/ /sna tshogs rnam par 'byung zhing 'gyur/ /dngos rnams nyid na dngos med par/ /rtog pa'i dbang sgyu ting 'dzin yin/ /gang gis dmigs med mi shes pa/ /de yis chos kyi dbyings mi shes/ /de phyir dngos dang dngos med pa/ /'jigs pas dmigs med shes par gyis/ /gzhi rtsa med pa'i sems nyid ni/ /pho mo ma yin ma ning min/ /mtshan med ma yin rigs rgyud min/ kha dog ma yin dbyings ma yin/ /gnas su ma yin gang yang min/ /de bzhin nyid dbyings ye shes te/ /thabs kyi phyag rgya kun gyi rgyu/ /thabs las thabs byung thabs bsam yas/ /tha dad med la tha dad pa'i/ /nang dang nang gi phyi rol gyi/ /dkyil 'khor bsam yas ye shes rol/ /'jigs med kun bzang phyag rgya'i mchog /gang gis glang chen myos 'dra'i sems/ /mnyam par bzhag pas btul nas su/ /sngags dang phyag rgyas</font><hr>103.112a<br><font size=+1>

rab bstan na/ /dngos grub ya mtshan chen por 'gyur/ /zhes brjod pas/ de bzhin gshegs pa nyid gzigs mos mnyes par gyur to/ /gsang ba'i snying po de kho na nyid nges pa las sgyu 'phrul bsgrub pa'i le'u ste lnga pa'o// // de nas de bzhin gshegs pa thams cad kyi rang bzhin gcig dang du ma med pa'i bdag nyid chen po thams cad kyis 'jig rten drug gi phyogs bcu thams cad la nyid kyi che ba'i dkyil 'khor 'byung bar bzhed nas ched du brjod pa 'di brjod do/ /ye shes phyogs bzhi dbus brtags te/ /dkyil 'khor bsam yas lhun gyis grub/ /rdzogs chen rtogs pa'i rnal 'byor pas/ /kun 'byung dkyil 'khor chen por spyod/ /'khor lo rtsibs bzhi myu khyud bcas/ /gru chad bzhis brgyan bar khyams ldan/ /kun du gru bzhi sgo khyud ldan/ /rol mo sna tshogs sprin spung bzhin/ /dkyil 'khor bzhi bcu gnyis kyis brgyan/ /seng ge glang chen rta dang khyung / /nam mkha' lding gi khri chen la/ /nyi zla pad ma rin po che/ /gdan la rdzogs dang sems dpa'i tshul/ /'khor lo rgyal po rgyal mo dang / /g.yas na mthong thos snom pa dang / /myong dang btsun mo'i tshogs su bcas/ /gru chad la ni mthong byed dang / /thos byed snom byed myong byed rnams/ /btsun mo'i tshogs dang bcas par gnas/ /bar khyams la ni thub drug dang / /mdun dang rgyab na byed pa dang / /bya ba dag ni gnas par bstan/ /sgo khyud bzhi la 'joms pa ni/ /btsun mo'i tshogs dang ldan par gnas/ /rdo rje 'khor lo rin po che/ /pad ma ral gri dril bu 'bar/ /uta pal klu shing la sogs mtshan/ /mdzes tshul mnyes pa'i yo byad 'dzin/ /mthing ga dkar po ser le brgan/ /ljang gu la sogs sna tshogs pa'i/ /mnyen lcug 'khril ldem gzhon tshul can/ /gsal 'tsher lhun stug gzi byin 'bar/ /'od zer 'phro ba'i tshogs chen po/ /'bar ba'i phreng bas 'khrigs pa ste/ /</font><hr>103.112b<br><font size=+1>

mtha' dbus med par khyab pa yi/ /dkyil 'khor bsam yas lhun gyis grub/ /sku yi phyag rgya che mchog ni/ /de bzhin dbyings las ma g.yos kyang / /yang dag thar pa'i gzugs sku dang / /'gro ba ma lus 'dul ba'i phyir/ /'thun byas sku ni sna tshogs ston/ /stong nyid sgyu ma mig yor tshul/ /tshul nyid dbyings las g.yos pa med/ /ma g.yos bzhin du sna tshogs pa'i/ /de tshe mi mthun sna tshogs la/ /so so 'dra bar snang ba ni/ /de bzhin nyid kyis ma bcos kyang / /las 'phro'i dbang gis so sor snang / /dper na me long chu zla bzhin/ /de tshe 'gro drug thams cad la/ /sdig sbong gzugs su rnam par bstan/ /dge tshul rnams la dgra bcom gzugs/ /rang rgyal rnams la bse ru'i gzugs/ /gzhan yang theg mchog rim pa bzhin/ /'og min bla med gnas mchog tu/ /sku ni rnam par snang mdzad tshul/ /byang chub sems dpa'i 'khor rnams la/ /de bzhin gsung mchog mi smra ste/ /sku yis chos rnams mjal bar ston/ /me long bstan pa'i tshul bzhin du/ /dngos kyi mdog ngan thams cad sel/ /'khor gyis de bzhin sku bltas na/ /byang chub sgrib pa gting dpag med/ /me long bzhin du sku la snang / /de nas sa bcu rim gyis 'byang / /bla med byang chub yang dag 'thob/ /chos sku dpag med brjod du med/ /longs spyod zad med rin chen gter/ /sprul pa bye ba bsam mi khyab/ /mtshan dang dpe byad thams cad rdzogs/ /spyod yul kun du maN+Da la/ /tshogs chen gnyis kyang rdzogs par rol/ /thabs dang shes rab sa yi mchog /de la sogs te bsam yas mchog /  skye shi med pa g.yung drung sku/ /nyon mongs kun gyi zhing du gnas/ /zad mi shes pa'i gter du 'gyur/ /rdo rje 'dzin pa rig pa'i sku/ /thams cad dbyer med mnyam pa'i sku/ /thams cad mkhyen pa'i ye shes sku/ /de tshe sku lnga kun kyang rdzogs/ /zhes brjod pas/ 'jig</font><hr>103.113a<br><font size=+1>

rten drug gi phyogs bcu mtha' yas mu med pa thams cad du dkyil 'khor brjod kyis mi lang ba zhing gi rdul snyed gcig gsal bar gyur to/ /de nas de bzhin gshegs pa btsun mo'i tshogs dang gnyis su med pa'i dkyil 'khor de dag nyid kyi gsang ba 'di nyid sku dang / gsung dang / thugs yon tan 'phrin las rdo rje las phyung ngo / /a ho/ /dmigs bya dmigs byed mi dmigs dpag med bsam mi khyab/ /ye shes rang rig dkyil 'khor sna tshogs brjod mi lang / /mnyam dang mi mnyam kun khyab khyab med khyab pa'i dbyings/ /ye nas kun gsal dkyil 'khor rnam 'phro spros pa med/ /ho/ /rdo rje gsang ba'i tshig tu'o/ /gsang ba'i snying po de kho na nyid nges pa las dkyil 'khor sbros pa'i le'u ste drug pa'o// // de nas de bzhin gshegs pa btsun mo'i tshogs dang bcas pa thams cad kyi sku dang gsung dang thugs rdo rje las 'di phyung ngo / /b+h+ru~M bi swa bi shud+d+he/ hU~M badzra d+h+rika /o~M dzi na dzika /swA~M rad+na d+h+ri ka /A~M A ro lika /ha~M pradz+nyA d+h+rika /mU~M d+hA twI shwa ri+A/ lA~M dwe Sha ra ti/ mA~M mo ha ra ti/ pA~M rA ga ra ti/ tA~M badzra ra ti/ k+ShI~M hi rA dza ya/  trA~M A gar+b+ha ya/ hrI~M ha hU~M/ pad+ma ba da ma/ dzI~M ku ru pA Ni hriH hU~M lA s+ye sa ma ya s+t+wa~M/ trA~M mA l+ye sa ma ya ho: hrI~M gI ti rA gau\u0f85ha~M/ A~M nr-i t+ya rA ga yA mye/ mai d+hA ra Ne swA hA/ th+l+hI~M ni s+sa ra~M b+ha ya swA hA/ hU~M sa rA dzA ya swA hA/ mu~M shri+A a~M rA gA ya swA hA/ dzeH d+hu pa pra bi sa/ hU~M puSh+pa a bi sa/ ba~M dI pa su khA ni+A/ hoH gan+d+ha tsit+ta~M/ hU~M ya mAn+ta kr-ita phaT/  hU~M pad+mAn+ta kr-ita phaT/ hU~M pra dz+nyAn+ta kr-ita phaT/ hU~M bi g+ha nAn+ta kr-ita phaT/ o~M ma hA badzra d+ha ra~M ma hA kro d+he shwa rI dz+wa la nI hU~M phaT/ o~M ma hA rat+na d+ha ra~M ma hA kro d+he shwa rI dz+wa la nI hU~M phaT/ o~M ma hA pad+ma d+ha ra~M ma hA kro d+he shwa rI dz+wa la ni+A hU~M phaT/ o~M ma hA kar+m+ma d+ha ra~M ma hA kro d+he shwa rI dz+wa la ni+A hU~M phaT/ hU~M hU~M hU~M badzra tsit+ta o~M a a a badzra b+ha dra sa man+ta AH o~M mu ne hri~M swA hA/ o~M mu ne hU~M swA hA/ o~M mu ne sru~M swA hA/ </font><hr>103.113b<br><font size=+1>

o~M mu ne gra~M swA hA/ o~M mu ne k+Sha~M swA hA/ o~M mu ne ya swAhA/ o~M e h+ye hi b+ha ga ban ma hA kA ru Ni ka dr-i sh+ya hoH sa ma ya s+t+wa~M/  dzaHhU~M ba~M hoH o~M A~MH hU~M swA hA/ ba ba ba ba ba/ pa pa pa pa pa/ dza dza dza dza dza/ pa pa pa pa pa/ sa sa sa sa sa/ pa pa pa pa pa/ ma ma ma ma ma/ pa pa pa pa pa/ ya ya ya ya ya/ pa pa pa pa pa/ o~M A~MH hU~M swA hA/ /ye shes rgyal po sku gsung thugs/ /yon tan 'phrin las rmad po che/ /de nyid du ni mnyam sbyor ba'i/ /phyag rgya chen por bdag sbyor cig /o~M badzra sa ma ya hU~M/ o~M badzra sa ma ya s+t+wa~M/ o~M badzra sa ma ya hoH dzaH hU~M ba~M hoH zhes brjod pas gsung gi dkyil 'khor 'di dag gis 'jig rten drug gi phyogs bcu thams cad du khyab par grags so/ /rab tu grags so/ /kun du grags so/ /de nas bcom ldan 'das byed pa po rdo rje dang / bya ba mo rdo rje gnyis su med pa'i dkyil 'khor la thim par mdzad do/ /de nas phyogs bcu dus bzhi'i de bzhin gshegs pa thams cad kyi bdag nyid chen pos bdag nyid chen po'i ye shes dang byin bsdu ba zhes bya ba 'di sku dang gsung dang thugs rdo rje sgyu 'phrul dra ba las phyung ngo / /o~M ma hA shU n+ya tA dz+nyA na badzra swa b+hA ba At+ma ko\u0f85ha~M/ o~M ma hA A daR+sha dz+nyA na badzra swa b+hA ba At+ma ko\u0f85ha~M/ o~M ma hA pra t+ya bek+Sha NA dz+nyA na badzra swa b+hA ba At+ma ko\u0f85ha~M/ o~M ma hA sa ma tA dz+nyA na badzra swa b+hA ba At+ma ko\u0f85ha~M/ o~M ma hA kr-i t+ya a nuSh+Tha na dz+nyA na badzra swa b+hA ba At+ma ko\u0f85ha~M/ o~M sarba ta thA ga ta ma hA kA ya badzra swa b+hA pa At+ma ko\u0f85ha~M/ o~M sarba ta thA ga ta ma hA bA ga badzra swa b+hA ba At+ma ko\u0f85ha~M/ o~M sarba ta thA ga ta ma hA tsit+ta badzra swa b+hA ba At+ma ko\u0f85ha~M/ o~M sarba ta thA ga ta ma hA a nu rA ga Na badzra swa b+hA ba At+ma ko\u0f85ha~M/ o~M sarba ta thA ga ta ma hA pU dza badzra swa b+hA ba At+ma ko\u0f85ha~M/ zhes brjod pas thim par gyur/ /gsal bar gyur/ 'bar bar gyur to/ /e ma ngo mtshar rmad kyi chos/ /rdzogs pa'i sangs rgyas kun gyi gsung / /sgra dang ming tshig kun las 'das/ /sna tshogs sgra rnams gsal bar 'byung / /gsung gcig dkyil 'khor yan lag ni/ /bsam gyis mi khyab kun tu khyab/ /</font><hr>103.114a<br><font size=+1>

sgra dang ming tshig so sor grags/ /thams cad gsung gi phyag rgya'i mchog /rgyud mchog sgyu 'phrul dra ba las/ /bde ldan gsung gi don 'byung ba 'ang / /thams cad pad ma'i ngang gyur na/ /grol thar lam dang 'khor ba'i sgra/ /ji skad brjod kyang gsung mchog yin/ /theg pa mtho dman thams cad dang / /log 'gro ma lus thams cad skad/ /byang chub rdo rje'i gsung du bsdus/ /bsdus nyid phyogs bcur rnam par grags/ /grags nyid ma chags ngang du gsungs/ /gsung ba nyid na brjod du med/ /brjod med de nyid sna tshogs sgra/ /kun la grags shing so sor mjal/ /dper na de bzhin sbrid sangs bzhin/ /gsung gcig sgra yis thams cad go / 'di ni gsung mchog rgyal po yin/ /theg pa mtho dman thams cad kyang / /de bzhin nyid las ma gsungs te/ /gdul ba'i thabs su so sor thos/ /ji ltar gsung rab kun brjod kyang / /de bzhin nyid las gsungs pa med/ /yi ge med dang rig ba'i gsung / /ljags kyi rtse mor ma phyung yang / /thugs rje gsung gi byin brlabs kyis/ /'gro don sna tshogs so sor gsal/ /gsal nyid gsung gi rdo rje mchog /de bzhin gsung gis 'gro don rnams/ /de bzhin ngang las ma yos kyang / /dper na brag cha'i sgra bzhin no/ /gsang ba'i snying po de kho na nyid nges pa las dkyil 'khor bsdus pa dang gsang sngags kyi le'u ste/ bdun pa'o// //de nas de bzhin gshegs pa thams cad kyis yan lag thams cad dkyil 'khor du lhun gyis grub par byin gyis rlob pa zhes bya ba 'di ched du brjod do/ /sgyu 'phrul dra bas mngon rdzogs pa'i/ /thams cad byang chub mchog gi rgyu/ /gsang ba de nyid nges pa yi/ /snying po phyag rgya 'da' dka' 'o/ /mi bskyod nyi ma'i dkyil yi ge /rin chen zla ba'i dkyil yi ge /lnga gnyis zung du sbrad pa las/ /sbyar pas phyag rgya 'byung ba'i rgyu/ /o~M dang mu+A~M gnyis rtse sbyar te/ /</font><hr>103.114b<br><font size=+1>

'bru brgyad bsnol nas rtse sprad pa/ /rgyal ba kun dang mnyam sbyor ba'i/ /bde ba chen po sbyin pa'i rgya/ /'bru bzhi sbas nas thugs kar bkan/ /hU~M bsgreng rtse mor rdo rje 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas thugs kar bkan/  mu~M bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /'bru bzhi spas nas thugs kar dkan/ /o~M bsgreng rtse mor 'khor lo 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas thugs kar bkan/ /lA~M bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /'bru bzhi sbas nas thugs kar bkan/ /swA bsgreng rtse mor rin chen 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas thugs kar bkan/ /mA~M bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /'bru bzhi sbas nas thugs kar bkan/ /A~MH bsgreng rtse mor pad ma 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas thugs kar bkan/ /pyA~M bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /'bru bzhi sbas nas thugs kar bkan/ /hA bsgreng rtse mor ral gri 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas thugs kar bkan/ /tA~M bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /ut+pal klu shing la sogs mtshan/ /rin chen myu gu ral gri 'bar/ /pad ma dkar po rdo rje</font><hr>103.115a<br><font size=+1>

'bar/ /chos kyi 'khor lo rin chen snye/ /gzugs mdzes rin chen phreng ba dang / /pi wang gar mkhan mchog nyid de/ /me tog phreng dang spos mchog dang / /mar me byug pa la sogs pa'i/ /las la 'khril zhing chos la brtan/ /dbung rnams 'byo zhing 'dud pa'i tshul/ /gong gi phyag rgya chen po bzhin/ /gnyis med dbyings kyi ngang du 'khril/ /sgo bzhi khro bo'i phyag rgya ni/ /nr-i mgo gdengs dang rdo rje gnon/ /thod sbrul chen pos gnod pa dang / /rdo rje rgya gram las kyis gnon/ /lcags kyu zhags pa s+pho Ta ho/ /sgo bzhir gnas pa de dag kyang / /'dud tshul 'khril ba gong ma bzhin/ /thub drug phyag rgya sna tshogs te/ /mdor bsdus phyag rgya drug yin no/ /segs par dang ni pi wang dang / /go cha po ti rin chen sgrom/ /me dang chu ni rab tu bstan/ /yum ni gnyis med chos kyi dbyings/ /kun bzang mnyam bzhag ye shes 'phro/ /yum 'gyur mnyam rdzogs pad mo'i dkyil/ /gzhan yang phyag rgya sna tshogs te/ /yang na de bzhin gshegs nyid dam/ /yang na rdo rje thal mo nyid/ /phyag rgya chen po'i tshogs mchog ni/ /thabs dang shes rab ldan 'byor na/ /ma bskyod ma bsgul thams cad kun/ /phyag rgya chen po'i ngang du gnas/ /yan lag bzhi bcu rtsa gnyis ldan/ /de nyid yan lag spros bdag ste/ /bzhi bcu rtsa gnyis gsum 'phror 'gyur/ /de ltar ldan pa'i gtso mchog gis/ /rgyal ba rgyal mchog de bzhin du/ /bcu gnyis drug gi 'od 'phror 'bar/ /de la sogs te bsam mi khyab/ /phyogs bcu dus bzhi bsam yas su/ /'dul ba'i don rnams so sor ston/ /theg pa mtho dman thams cad dang / /phyin ci log rnams thams cad dang / /zhi khro tshogs chen thams cad la/ /so sor 'thun par kun du ston/ /dper na gar mkhan nyid 'dra ba/ /lus las ma bkod sna tshogs ston/ /mdor na phyag rgya thams cad ni/ /'di zhes gcig ces brjod tu med/ /gnyis dang gsum du rnam par 'phro/ /</font><hr>103.115b<br><font size=+1>

bskyod dang spro ba 'ang de bzhin nyid/ /mdor na bsgul bskyod thams cad kun/ /phyag rgya chen po'i ngang du gnas/ /gnas nyid mi gnas gnas pa min/ /de skad dag mchog nyid kyis bshad/ /gsang ba'i snying po de kho na nyid nges pa las/ yan lag dkyil 'khor du byin gyis brlabs nas/ phyag rgya spros pa'i le'u ste brgyad pa'o// // de nas de bzhin gshegs pa dgyes pa chen po rdo rje gsang ba'i dam tshig bkod pa la snyoms par zhugs nas ched du brjod pa 'di brjod do/ /shin tu phra ba'i dam tshig mchog /phyag rgya chen po'i phyag mthil du/ /thugs kyi dkyil 'khor dam pa ste/ /sor ni bzhi yi tshad du bya/ /'bru lnga spos lnga rin chen lnga/ /snying po lnga dang sman lnga dang / /bdud rtsi lnga ni rab bsnyams la/ /rig pas thig ni gdab par bya/ /lte ba rtsibs dang ldan pa yi/ /rtsibs bzhi 'khor lo mu khyud bcas/ /gru chad bzhi dang gru bzhi yi/ /bar khyams sgo khyud ldan par bya/ /sen zlum tsam gyi nyi zla la/ /tsa na'i 'bru tsam pad ma'i gdan/ /yungs 'bru tsam gyi yi ge la/ /phyag rgya til 'bru tsam du bri/ /bcos bu ras ni sna tshogs dang / /rgyan phreng bro ba'i btung bas bskor/ /glu tshig bro gar rol mo yi/ /sprin dpung tshogs kyis rab tu mchod/ /yum dang 'jom sems ma yis/ /ji ltar 'dod pa'i las bzhin mchod/ /dbyibs dang kha dog mtshan ldan par/ /zhal du gyur pa'i ma bos la/ /bza' btung bro ba'i tshogs rnams kyis/ /las bzhi'i mchod pa rab tu sbyin/ /khro bo'i dkyil 'khor de bzhin te/ /shin du phra la sbyangs pa yis/ /bsam yas dag la 'ang de bzhin bya/ /rig pas dpag pa tsam du'o/ /mchod pa'i phyag rgya chen po ni/ /sems kyi yid bzhin sprin tshogs kyis/ /phyogs bcu thams cad sangs rgyas zhing / /mnyen 'jam reg na bde ba yi/ /sna tshogs rin po che yi gzhi/ /mdzes pas bris shing spras pa dang / /kun 'byung rin chen phung por 'bar/ /dbyibs legs rdzing bu bro mchog bsil/ /rin chen khang pa sna tshogs dang / /rgyan dang dpag bsam ljon pa'i tshal/ /</font><hr>103.116a<br><font size=+1>

glu dbyangs tshigs su bcad pa'i sgra/ /bla re rgyal mtshan na bza' gdugs/ /do shal dpung rgyan se mo do/ /bza' dang btung ba'i mchog rnams dang / /rang la mdzes par brgyan pa yi/ /lha dang lha mo rdul snyed kyis/ /bro gar la sogs bsam yas kyis/ /phyogs bcu nam mkha'i khams bkang nas/ /dkyil 'khor kun la rgyas par dbul/ /skal ldan gsal ba'i khyad par gyis/ /rim gyis yang na cig car du/ /chos kyi dbyings dang mnyam sbyor ba'i/ /mchod pa'i phyag rgya chen por bsgom/ /gsal ldan ma 'am byin brlabs la/ /stong gsum yungs 'brur 'jug tshul du/ /dbyings nas dkyil 'khor spyan drang mchod/ /mnyes nas grub pa'i dam tshig mchog /bdag nyid chen po mchod pa yis/ /sangs rgyas dkyil 'khor ma lus mnyes/ /srid gsum 'gro ba thams cad la/ /dga' ba chen pos khyab par 'gyur/ /sgyu 'phrul dra ba brtan pa yis/ /phyogs bcu dus bzhir gshegs pa yi/ /sangs rgyas dkyil 'khor ma lus dang / khams gsum 'gro rnams mngon du 'gyur/ /lus ngag sems dang chos thams cad/ /gang na 'ang mi gnas mi dmigs pa/ /mig yor tshul du sbyor ba yis/ /nam mkha' la ni nam mkha' sgom/ /kun byas dbang phyug rig pas 'jug /de nas slob ma gzhug par bya/ /de nas rigs kyi bu mchog des/ /rgyal srid dang ni rang gi lus/ /bu dang chung ma nor gyi dbyig /rab tu gces dang yid 'thad dbul/ /dbang phyug longs spyod lngas mchod na/ /dkyil 'khor thams cad mchod pa yin/ /nye ba'i dkyil 'khor smos ci dgos/ /nyes pa thams cad dag par 'gyur/ /dad brtson brtul zhugs rab rtog nas/ /phan pa'i dbang sbyin nus pa'i dbang / /rim pa bzhin du sbyin par bya/ /snying rjes chud ma zos par gzung / /yang na thal mo rab bsnol nas/ /phyag rgya chen po'i 'phang du ni/ /dkyil 'khor 'dzub gang tshad du bya/ /</font><hr>103.116b<br><font size=+1>

mkhas pas cho ga bzhin du bya/ /yang na sa gzhi rab mnyams la/ /dkyil 'khor khru gang tshad du bya/ /yang na lus gang tshad du ste/ /yang na lus ni gsum gyi tshad/ /phur bu srad bu tshon phye dang / /gos rgyan mdzes pa'i yid 'ong grogs/ /thig gdab cho ga phun sum tshogs/ /mkhas ldan chen pos bsgrims te bya/ /yang na khru ni bcu drug dang / /nyi shu 'am nyi shu rtsa lnga bya/ /rigs kyi dkyil 'khor lnga rnams bsgom/ /sku gsung thugs ldan gzugs kyang dgod/ /yang na rgyang grags dpag tshad tsam/ /nam mkha'i dbyings ni bsam yas par/ /sangs rgyas dkyil 'khor sna tshogs bsgom/ /ma mthong rmongs pa bstan phyir mtshon/ kha dog nyi shu rtsa lnga 'am/ /lnga yi tshon gyis bri bar bya/ /'dul ba'i cho ga bzhin du dgye/ /ting 'dzin rol mo mtha' yas mchog /yi ge 'am brda 'am snying po 'am/ /phyag rgya 'am sku gsung thugs ldan par/ /byin brlabs ya mtshan rmad po che/ /'grub 'gyur sangs rgyas kun gyi dam/ /sa la sogs la phyag rgya byas/ /rnam grol rim pa thob par 'gyur/ /dag pa'i ye shes gyis sbyangs na/ /smos ci dgos te de nyid yin/ /phyogs dus dkyil 'khor bdag nyid che/ /mi dmigs thugs kyi dkyil 'khor nas/ /dkyil 'khor thams cad spyan drang ngo / /rang snang dbyer med dkyil 'khor la/ /'jug pa'i mtshan nyid mnyam sbyor bas/ /phyogs dus kun nas gshegs pa yi/ /bsnyen pa'i dkyil 'khor rab tu rdzogs/ /nye bar gyur ba'i dam tshig mchog /dpag bsam shing dang yid bzhin gyi/ /rin po che dang 'byung ba kun/ /de dag rdzas yod ma yin te/ /rang sems bsod nams brtan pa yin/ /ngo mtshar cho 'phrul rmad po che/ /gzhan nas yod 'ongs ma yin te/ /thabs la brten pa'i shes rab nyid/ /de lta bu yi ngang du byung / /shes rab dbyings kyi de bzhin nyid/ /thabs kyi phyag rgyar gyur pa'i phyir/ /ye shes la ni ye shes rol/ /ye shes rol pa nyid kyang gsog /rgyal ba mngon byung skyob pa dang / / </font><hr>103.117a<br><font size=+1>

byin brlabs ston pa'ang de bzhin te/ /bya byed nus pa'i gzi byin gyis/ /sgyu ma rdo rje btsan po mchog /cho ga lnga ni rdzogs byas shing / /yo byad lnga ni rdzogs par ldan/ /sngags kyi yan lag lnga rdzogs pas/ /ma nyams 'jug la rab brtson pas/ /zhag ni sum bcu phrag drug gam/ /bcu gnyis bcu bzhi bcu drug gis/ /dbang bsgyur rigs kyi dam pa 'grub/ /de tshe bcu drug tshun chad kyis/ /sku lnga lhun gyis rdzogs pa ni/ /ye shes thig le de nyid la/ /ye shes thig le nyid snang ba/ /bsam gyis mi khyab mtha' yas mchog /phyogs bcu dus bzhi mngon rdzogs pa'i/ /zhing khams rnam dag bsam yas pa/ /rgya dang bral ba'i gzhal yas khang / /'khor lo'i rgyan dang rol mo'i tshogs/ /dkyil 'khor ma lus bsam yas kun/ /mthong nas nye bar mnyes pa dang / /rgya chen gsung las don 'byung ba/ /'thun pa'i shes rab snang ba'o/ /gcig dang du mar bral ba yi/ /mtha' dang dbus med de bzhin nyid/ /sangs rgyas kyis kyang mi gzigs te/ /rang byung ye shes gnas med snang / /log par rtog brtags rnam dag cing / /ye shes dbyings las mi gzhan phyir/ /thugs rje chen pos 'brel bas na/ /'gro drug dus gnas ma lus snang / /bde ba chen po'i dkyil 'khor na/ /stangs dbyal gnyis sam yang na lnga/ /byas te dad ldan rab zhugs na/ /'dod pa'i yid 'ong mnyam par 'gyur/ /skal ba mnyam pa'i ye shes de/ /gnyer na nye bar 'byung ba yin/ /ya mtshan chen po 'byung bar nges/ /dad med nyams na phung bar 'gyur/ /zhes ched du brjod do/ /gsang ba'i snying po de kho na nyid nges pa las rdo rje bkod pa gsang ba dam tshig gi le'u ste/  dgu pa'o// //de nas bcom ldan 'das dgyes pa chen pos rgyal po sbyin pa zhes bya ba'i ting nge 'dzin la snyoms par zhugs nas/ ched du brjod pa 'di brjod do/ /shes rab thabs kyi phyag rgya las/ /bde ba'i 'bru tshogs gsal ba'i rgyun/ /rdo rje'i lam nas pad</font><hr>103.117b<br><font size=+1>

mor bsgyil/ /rtsa nas bstim zhing dkyil 'khor bsgyur/ /nyan byed 'khor lo'i gzhal yas su/ /gsal ba thig le'i ngo bo nyid/ /trA~M gi phyag rgya'i tshogs mchog las/ /rin chen dkyil 'khor gsal spro thim/ /gsang ba gsang chen gsang mchog las/ /gsang ba kun la mnyan par bya/ /gsang ba'i don nyid brtag pa las/ /gzhan du smra bar bya ba yin/ /gsal ba'i 'khor lo gzhal yas su/ /gsal ba'i thig le ngo bo nyid/ /yi ge phreng ba'i tshogs mchog las/ /rigs kyi dkyil 'khor gsal spro bstim/ /o~M dus gsum rgyal ba'i sras chen po/ /sku gsung thugs kyi rdo rje zung / /rgyal ba thams cad mnyes mchod la/ /rgyal ba kun dang mnyam par 'gyur/ /lag pa'i 'khor lo gzhal yas su/ /gsal ba'i thig le ngo bo nyid/ /hU~M gi phyag rgya'i tshogs mchog las/ /las kyi dkyil 'khor gsal spro thim/ /o~M khyod ni rdo rje las yin gyis/ /las rnams ma lus kun gyis shig /pho nya mang po'i 'du 'phro kun/ /khyod kyi dgos pa byed pa yin/ /smra byed 'khor lo'i gzhal yas su/ /gsal ba'i thig le'i ngo bo nyid/ /hri yi phyag rgya'i tshogs mchog las/ /tshogs kyi dkyil 'khor gsal spro thim/ /o~M chos kyi bdud rtsi bla med kyis/ /dad ldan skyes bu ngoms par byos/ /rab 'bring tha ma'i blo can la/ /'thun pa'i gsang bsgrags gzhan du min/ /bskyod chen 'khor lo'i gzhal yas su/ /gsal ba'i thig le'i ngo bo nyid/ /hU~M o~M swA A~MHhA rnams las/ /dkyil 'khor lnga dang khro phreng bsgom/ /o~M phyogs bcu dus bzhi thams cad kyi/ /sku gsung thugs kyi rdo rje che/ /dkyil 'khor kun gyi byed pa po/ /dkyil 'khor kun gyi sbyin pa spyod/ /slob dpon mnyes par ma byas shing / /dbang rnams thob par ma byas par/ /nyan pa la sogs rtsom pa rnams/ /'bras bu med cing rlag par 'gyur/ /dbu rgyan cod pan phreng ba dang / go cha rgyal mtshan phyag rgya dang / /gdugs dang bum pa bza'</font><hr>103.118a<br><font size=+1>

btung dang / /snying po lnga yis dbang bskur na/ /dus 'di phyin cad rgyal ba'i sras/ /ngan song thams cad med pa dang / /tshe ring bde skyid phun sum tshogs/ /mtho ris thar pa'i bdag por 'gyur/ /zhes brjod do/ /gsang ba'i snying po de kho na nyid nges pa las dbang sbyin pa'i le'u ste bcu pa'o// // de nas de bzhin gshegs pa dgyes pa chen pos/ sgyu 'phrul dra ba'i rgyal po sgyur ba zhes bya ba'i ting nge 'dzin la snyoms par zhugs nas/ ched du brjod pa 'di brjod do/ /rgyu gcig pa dang yig 'bru'i tshul/ /byin gyis brlabs dang mngon sum par/ /rab tu rtogs pa rnam bzhi yis/ /thams cad mngon rdzogs rgyal po che/ /yan lag dbang po rnam shes kun/ /rnam smin o~M du shes par bya/ /rdzogs pa'i dkyil 'khor nyid du bsgom/ /yang na khros pa'i dkyil 'khor bsgom/ /gzugs sgra dri ro reg la sogs/ /rnam smin m+'u~M du shes par bya/ /yum gyi dkyil 'khor nyid du bsgom/ /yang na khro mo'i dkyil 'khor bsgom/ /gos rgyan bza' btung glu dang tshig /bro gar tshogs kyi sprin phung gis/ /hU~M du shes pas rab spyad na/ /ngo mtshar 'byung ba'i dkyil 'khor mnyes/ /lha mo klu mo rigs ngan mo/ /dbye 'am yang na mi dbye bar/ /bsnyen pa dang ni nye bsnyen po/ /sgrub pa dang ni sgrub chen po/ /yum gyi pad ma'i dkyil 'khor du/ /bde ba thugs kyi dkyil 'khor spro/ /sangs rgyas sprin tshogs ma lus la/ /dgyes mnyam tshogs kyi sbyin pas bstim/ /bsgrub pa'i nyi zla'i dkyil 'khor de/ /dkyil 'khor rdo rje lce yis blang / /mkha' 'gro gsal 'bar tshe la sogs/ /yid bzhin sprin gyi bdag por 'gyur/ /zhing 'gyur mchog dang mchog phran rnams/ /nyi zla'i steng du mkhas pas bzhag /nga rgyal lag gi 'du byed bsgom/ /hU~M du gyur pas rnam par dag /dbyings su thim nas phyag rgyar 'bar/ /skur 'gyur 'od zer 'phro bas brjid/ /</font><hr>103.118b<br><font size=+1>

gtsug tu rnam par rgyal ba sgom/ /ngo mtshar ngan 'gro thar pa'i thabs/ /ye shes skye med de bzhin nyid/ /sgyu mar snang ba mi g.yor tshul/ /sbyor sgrol bya ba kun byas kyang / /rdul cha tsam yang gos pa med/ /snod bcud rgyu rnams dag rtogs shing / /mnyam gnyis lhag pa'i mnyam gnyis kyis/ /dkyil 'khor kun tu bzang po'i zhing / /byed spyod tshogs chen gnyis gyur nas/ /yan lag ma nyams yo byad ldan/ /cho ga rdzogs par shes pa yis/ /rnal 'byor tshogs pa'i dkyil 'khor gyis/ /nges par legs pa'i dgos pa 'grub/ /lnga dang lnga yi sbyor ba yis/ /tshom bu lnga yi lha bkod la/ /khro bo bcu dang khro mo bcu/ /'khor lo'i tshul du rnam par bsgom/ /de bzhin rigs dang rdo rje'i rigs/ /pad ma'i rigs te sku gsung thugs/ /khro bo'i tshogs dang ldan pa yi/ /tshom bu gsum gyi lha rnams bsgom/ /rigs kyi rigs te rigs kyi gtso/ /thugs kyi thugs te thugs kyi mchog /khro bo'i tshogs dang ldan pa yi/ /tshom bu gcig dang lha rnams bsgom/ /khro bo khro mo'i tshogs chen dang / /pho nya phyag brnyan bka' nyan tshogs/ /ci bgyi la sogs tshogs rnams kyis/ /dngos grub las rnams rdzogs par byed/ /rnal 'byor sngags 'chang dngos grub ni/ /mnyam rdzogs lhun grub ngang gnas shing / /spyod pa ci la 'ang thogs med pa/ /thams cad ye nas dbyer med pa'o/ /rdo rje rigs su thams cad dkyil/ /'od 'phro 'bar bar rab tu bsgom/ /chags med tshul du bstim par bya/ /gnyis med gyur nas phyag rgya che/ /yang na sku gsung thugs nyid de/ /thams cad ma lus sku gsung thugs/ /ting 'dzin gsal bar 'od zer 'phro/ /gnyis med dbyings kyi ngang du thim/ /rig 'dzin dngos grub mchog thob 'gyur/ /dkyil 'khor ma lus 'bar bar 'grub/ /nyon mongs sdug bsngal sel bar byed/ /rdo rje rigs su skye ba'i gnas/ /sngags 'chang dngos grub yang dag ni/ /thabs dang shes rab thams cad</font><hr>103.119a<br><font size=+1>

kyis/ /dkyil 'khor lnga dang khro phreng bsgom/ /chags pa med pa'i tshul gyis su/ /'od zer rnam pa mang po 'phro/ /gnyis su med par bstim par bya/ /dngos grub mchog gi snying po 'grub/ /rnal 'byor thabs dang shes rab kyis/ /de bzhin gshegs dang yum du bsgom/ /sems dpa' sems ma nyid du bsgom/ /so so'i sngags dang phyag rgya dang / /ting 'dzin yang dag so sor gsal/ /gnas dang longs spyod ci bde dang / /ma nyams blo ni rab ldan pas/ /dang po dam mnos bzhin du bya/ /le lo sgyid snyom med pa yis/ /the tshom med par bsgrub byas na/ /dkyil 'khor thams cad 'grub par 'gyur/ /rdo rje gsang mchog dam pa thob/ /bsgrub pa'i zhag dang tshes grangs ni/ /rgyud las smos pa bzhin du bshad/ /rdo rje gsang ba'i tshig tu'o/ /zhes de bzhin gshegs pa nyid de bzhin gshegs pa nyid la ched du gleng ngo / /gsang ba'i snying po de kho na nyid nges pa las tshogs kyi dkyil 'khor gyi le'u ste bcu gcig pa'o// // de nas de bzhin gshegs pa dgyes pa chen pos rol mo'i sprin rnam par spros te/ rgyan bkong pa'i ting nge 'dzin la snyoms par zhugs nas ched du brjod pa 'di brjod do/ /sgyu 'phrul dra ba mngon rdzogs pa'i/ /dkyil 'khor brtan pa'i ting nge 'dzin/ /bro gar phyag rgya'i 'du 'phro yis/ /'dzum lam nam mkhar 'gro bar 'gyur/ /glu tshig sgra yi phyag rgya yis/ /chos kyi dngos grub thob par 'gyur/ /rgyan dang bgo ba'i phyag rgya yis/ /'bar ba'i rgyal po thub med 'grub/ /bza' dang btung ba'i phyag rgya yis/ /yid bzhin sku dang bdud rtsi 'grub/ /A li kA li'i phyag rgya yis/ /thams cad thams cad 'grub par 'gyur/ /shes 'jug mtshan nyid 'byor pa'i gzugs/ /'bras bu smin byed rgyu dang rkyen/ /nus mthu can du gang gyur pa/ /rig 'dzin rgyal ba'i zhing du grags/ /mi dang lha dang tshangs pa yi/ /skye ba rnam dag 'dzin mod kyang / /khyad par</font><hr>103.119b<br><font size=+1>

sa la gnas 'gyur yin/ /pha rol phyin pa kun du rdzogs/  thabs dang shes rab thabs kyi mchog /shes rab mchog gi mchog 'gyur pa/ /sa yi khyad par bcu dang gsum/ /rgyu 'bras khyad par lhun gyis rdzogs/ /mkha' dkyil dag pa'i dbyings nyi zla/ /ye shes rgyal po stangs dbyal bsgom/ /rgyal ba'i dkyil 'khor mtha' yas kun/ /ma lus par ni bsgom par 'gyur/ /dus bzhi phyogs bcu gang nas kyang / /rdzogs pa'i sangs rgyas rnyed mi 'gyur/ /sems nyid rdzogs pa'i sangs rgyas te/ /sangs rgyas gzhan nas ma tshol cig /dkyil 'khor kun tu rab sbyor bas/ /dkyil 'khor thams cad 'grub bar 'gyur/ /cho ga lhag gam ma tshang yang / /skyon nyid dag ste nyes pa med/ /ces ched du brjod pas rol mo'i sprin gyis mnyes par gyur to/ /gsang ba'i snying po de kho na nyid nges pa las tshogs bsgrub pa'i le'u ste bcu gnyis pa'o// //de nas de bzhin gshegs pa phyogs bcu dus bzhi'i de bzhin gshegs pa'i sku gsung thugs rdo rje'i dkyil 'khor thams cad gcig tu 'dus nas/ dgyes pa chen pos chos thams cad ye nas rdzogs pa chen por lhun gyis grub pa'i dam tshig shin du gsang ba'i snying po sprin bkod pa'i ting nge 'dzin la snyoms par zhugs nas/ ched du brjod pa 'di brjod do/ /ma rtogs pa dang log par rtogs/ /  phyogs rtogs yang dag nyid ma rtogs/ /'dul ba dgongs pa gsang ba dang / /rang bzhin gsang ba'i don rnams ni/ /yi ge sgra rtags ming tshogs las/ /brten pa'i tshig gis rab mtshon te/ /khong nas gab sbas don 'byin pa/ /ston pa rdo rje'i thugs la gnas/ /dkyil 'khor ldan pa'i dkyil 'khor gyis/ /dkyil 'khor la ni dkyil 'khor bsgom/ /dkyil 'khor dkyil 'khor las byung ba/ /thugs kyi dkyil 'khor dkyil 'khor mchog /gsang ba'i thig le dkyil 'khor dbyings/ /'byung ba shes rab rigs kyi yum/ /chen po rigs kyi de bzhin te/ /</font><hr>103.120a<br><font size=+1>

byang chub sems ni rdo rje'i tshogs/ / dbang po yul dus rig pa rnams/ /kun tu bzang po'i dkyil 'khor la/ /bdag nyid chen po lhag pa yis/ /thugs kyi ye shes lngas bltas shing / /snying po thig le mnyam sbyor ba/ /bde ba'i ye shes rol mo yis/ /ye shes dgyes la mchod par 'bul/ /zag pa med pa'i bsod nams kyis/ /ye shes sgyu mar rang snang ba'i/ /rol mo dkyil 'khor mtha' yas mchog /gsang ba'i thig le nyid kyi dbyings/ /de ni sangs rgyas kun gyi dngos/ /phyogs bcu dus bzhi mngon rdzogs pa'i/ /sku gsung yon tan 'phrin las thugs/ /ma lus bdag nyid zhal mthong ba'i/ /dbang sgyur mchog nyid dam pa yin/ /dkyil 'khor la gnas dkyil 'khor nyid/ /rdzogs pa'i dkyil 'khor lhun gyis grub/ /rgyan du dkyil 'khor ma lus thogs/ /rdzogs pa'i dkyil 'khor mnyam sbyor las/ /thugs rje'i dkyil 'khor yongs kyis 'byung / /phyogs dus dkyil 'khor 'dul ba'i mchog /sgyu ma'i dkyil 'khor sgrol ba yis/ /bya byed med par dkyil 'khor spyod/ /ye shes rdzogs pa'i dkyil 'khor la/ /thos bsam bsgom la mnyam sbyor gyis/ /rang 'byung kun ngom lhun gyis grub/ /'di ni sangs rgyas thams cad kyis/ /'da' bar mi mdzad dam tshig mchog /gang zhig 'di la mos 'gyur ba/ /sangs rgyas dkyil 'khor thams cad kyis/ /phyogs dus kun nas thams cad du/ /dkyil 'khor ma lus bsnyen pa yi/ /nye ba'i sras su dgongs par 'gyur/ /bskal pa zhing gi rdul snyed du/ /shin tu sbyangs la rab gnas pa'i/ /dkyil 'khor ma lus bsnyen pa yi/ /'bras bu gsang chen 'di yin te/ /'jig rten drug gi phyogs bcu na/ /'das dang da ltar byung ba yi/ /rgyal ba'i dkyil 'khor ma lus pa/ /brnyes nas sku lnga lhun gyis rdzogs/ /'byung dang ma 'ongs thams cad kun/ /'di yis lhun gyis grub par 'gyur/ /'di ni gsang chen nges pa yi/ /'bras bu lam du 'gyur pa yin/ /rgyal ba'i dkyil 'khor ma lus la/ /'di las gsang ba'i nges don med/ /btsal kyang rgyal bas</font><hr>103.120b<br><font size=+1>

mi brnyes so/ /kun gyi phyag rgya chen po'i mchog /thos bsam bsgom la rab sbyangs pa'i/ /shes rab mig ldan rnams kyis gzung / /snod ldan ngang tshul bzang la brtan/ /lus dang longs spyod gtong la sbyin/ /gzhan du nam yang sbyin mi bya/ /rmongs la phyar bas gal te byin/ /dus min par ni srog zad nas/ /bsregs dang sgrebs par yun ring gnas/ /zhes de bzhin gshegs pa nyid de bzhin gshegs pa nyid la ched du brjod do/ /gsang ba'i snying po de kho na nyid nges pa las shin du gsang ba/ man ngag gi le'u ste/ bcu gsum pa'o// //   de nas de bzhin gshegs pa thams cad nyid kyi dkyil 'khor la dgyes pa chen po'i glu 'di blangs so/ /o~M phyogs bcu dus bzhi rdzogs pa yi/ /ye shes dkyil 'khor thig le che/ /bsod nams dkyil 'khor sku yi tshogs/ /snang stong thig le kun tu rdzogs hoH/ /o~M rdo rje bsod nams thig le che/ /rdo rje ye shes dkyil 'khor ldan/ /rdo rje sgra chen mtha' yas pa/ /rdo rje rgyal po thig le che hoH/ /o~M sku gsung thugs kyi rdzogs pa che/ /yon tan 'phrin las kun du rdzogs/ /ye nas lhun rdzogs kun tu bzang / /'dus pa'i tshogs chen thig le che hoH/ /o~M mi dmigs sgyu 'phrul mnyam pa'i dbyings/ /mtha' yas kun nas sna tshogs 'phro/ /mtha' yas kun nas lhun gyis thim/ /sna tshogs sku gsung thugs chen po hoH/ /o~M phyogs bcu'i 'jig rten rdul snyed du/ /rgyal ba'i don rnams rdul phran snyed/ /sprul pa rdul phran bsam yas kyis/ /skad cig yud la lhun gyis grub hoH/ /o~M thams cad ma lus sku gsung thugs/ /sku gsung thugs kyi bdag nyid che/ /sku gsung thugs kyis kun tu khyab/ /sku gsung thugs kyi thig le che hoH/ /zhes ched du bsgrags so/ /gsang ba'i snying po de kho na nyid nges pa las mnyes pa'i le'u ste/ bcu bzhi pa'o// // de nas de bzhin gshegs pa thams cad kyi bdag po sangs rgyas thams cad kyi ngo bo nyid kyi khro bo'i dkyil 'khor du mngon par 'du mdzad de/ /de ci'i phyir zhe na/ </font><hr>103.121a<br><font size=+1>

bdag tu rmongs pa'i rtog pa dang / brtags pa la mngon par zhen pas yang dag pa'i lam dang bral ba dag /gab pa'i gsang ba ma rtogs par sbas pa'i gsang ba la mngon par 'chel nas/ rgyu dang 'bras bu la rmongs pas srid pa'i sa bon rtsub mos 'phangs nas mtshams med pa'i rab tu tsha ba'i dmyal bar skyes so/ /de rab tu tsha ba'i sdug bsngal drag pos gdungs pa dang /  'di bas shin tu grang yang ci ma rung snyam pa'i mod la rab tu sbrebs pa dang / pad ma ltar gas pa'i sdug bsngal drag po dag gis rab tu nyan pa/ de lta bu'i sdug bsngal rab tu tsha ba la sogs pa brgyad dang / shin du grang ba la sogs pa brgyad du 'jig rten gyi khams brgyud cing bskal pa chen po stong phrag bcu gnyis su nyams su myong ngo / /de nas rnam par smin pa de zad pa dang yi dgas ltogs pa dang skom pa'i sdug bsngal gyis nyen pa dang / 'dod pa'i dngos po rnams yid du mi 'ong ba dang / gdug cing rtsub pa'i dngos po sna tshogs su gyur pa dang / yod med par yang gyur cing shin tu ring cing skams pa dang / lus dang yan lag dang / dbang po mi 'tsham par gyur pa/ bskal pa chen po drug tu skyes so/ /de nas las kyi sgrib pa rtsub mo'i rnam par smin pa de khad kyis bsrabs pa dang sngon gyi srid pas mtshams sbyar nas yi dgas srin po rab tu gdug pa gtum po lus gcig la mgo brgya pa dang / mgo sna tshogs pa dang / lus brgya la mgo gcig pa dang / lus sna tshogs pa dang / yan lag mang po dang /  yan lag sna tshogs pa dang / gdug pa'i lag cha sna tshogs thogs pa dang / 'khor rab tu mang po dang / 'jigs pa'i gzugs sna tshogs dang /  'jigs pa'i nga ro sgra skad sna tshogs pa sgrogs pa dang / gzugs dang / nga ro dang / dri dang / kha rlangs kyis thams cad skye bung zhes byed pa dang / rab tu 'jigs pa'i rlung nag dang / grang ba dang / tsha ba'i dbugs kyis phyogs bcu kun tu khams 'khrug par byed pa/ nad bzhi brgya rtsa bzhis 'debs par byed pa/ myos shing nyams par byed</font><hr>103.121b<br><font size=+1>

pa'i mthus klu'i rigs dang / lha ma yin gyi ris dang / lha'i ris dang / tshangs pa'i ris dang / 'od gsal dang /  dge rgyas dang / 'bras bu che ba man chad dbang du bsdus so/ /de sngon brten pa'i stobs kyis thams cad mkhyen pas gzigs nas thugs rjes 'dul bar gyur to/ /de nas de bzhin gshegs pa chen po'i rdo rje bkod pa/ sgyu 'phrul dra bas 'jig rten drug gis/ phyogs bcu'i srid pa gsum gyi bdag po 'dul ba'i nga rgyal chen po gzi brjid chen po bstan pa'i phyir/ de bzhin gshegs pa thams cad kyi sku dang / gsung dang / thugs rdo rje'i bdag po bcom ldan 'das dgyes pa chen po khro bo'i rgyal po'i dkyil 'khor gyi sprin 'byung ba chen po rnam par spros pa'i/ sgyu 'phrul dra ba'i rgyal po ting nge 'dzin la snyoms par zhugs te/ de bzhin nyid kyi dbyings las khro mo dbang phyug ma chen mo mngon du phyung ste/ hi hi dgyes pa'i gzi mdangs kyis pad ma rgyas par mdzad nas ni gnyis su med par dgyes pa'i 'khril bas thim nas byang chub sems kyi sprin las/ hU~M hU~M hU~M bi shwa badzra kro d+ha dz+wa la maN+Da la phaT phaT phaT ha la ha la ha la hU~M hU~M phaT/ ces brjod pas/ 'jig rten drug gi phyogs bcu mtha' yas pa khyab par gyur to/ /khro bo'i dkyil 'khor gyi tshogs stong gsum gyi 'jig rten tsam phyogs bcu'i rdul phra mo snyed 'thon par gyur pas/ 'jig rten drug gis phyogs bcu thams cad g.yos/ rab tu g.yos/  kun du g.yos so/ /'ur 'ur/ rab tu 'ur 'ur/ kun tu rab tu 'ur 'ur ro/ /chem chem/ rab tu chem chem/ kun du rab tu chem chem mo/ /shig shig /rab tu shig shig /kun du rab tu shig shig go /gtor gtor/  rab tu gtor gtor/ kun du rab tu gtor gtor ro/ /'jig rten drug gi phyogs bcu'i stong khams na gnas pa'i dbang che ba dang / gzi brjid che ba dang / mthu che ba'i dbang phyug chen po la sogs pa thams cad brgyal rab tu brgyal bar gyur to/ /de nas bcom ldan 'das dgyes pa chen po nyid</font><hr>103.122a<br><font size=+1>

'jigs byed chen po shin tu rngam pa skyi bung zhes byed pa 'bar ba chen po'i khrag 'thung / sku smug gnag cir yang 'gyur pa/ dbu dang phyag dang zhabs stong khams kyi rdul snyed mtshon cha sna tshogs 'dzin pa de dbu gsum phyag drug zhabs bzhir gyur te/ dur khrod chen por dgyes nas khrag gi rgya mtsho'i dkyil na keng rus chen po'i ri rab kyi steng / 'bar ba chen po'i 'khor lo'i dkyil na dbang phyug chen po dang /  dur khrod kyi bdag po dregs pa khyo shug gi gdan la brkyang bskum du bzhugs so/ /khro bo'i dkyil 'khor sprin phung gi tshogs thams cad de dag kyang la la ni dpal khrag 'thung chen po rdo rjer gyur te shar phyogs su bzhugs so/ /la la ni dpal khrag 'thung chen po rin po cher gyur te lho phyogs su bzhugs so/ /la la ni dpal khrag 'thung chen po pad mar gyur te nub phyogs su bzhugs so/ /la la ni dpal khrag 'thung chen po kun du las su gyur te byang phyogs su bzhugs so/ /de dag kun kyang 'jigs byed chen po'i cha lugs dang / rngam pa'i nga ro dang / 'bar ba'i klong na dbu gsum phyag drug zhabs bzhis dri za dang / gnod sbyin dang / srin po dang /  gshin rje la sogs pa khyo shug gis gdan byas pa la bzhugs so/ /btsun mo khrag 'thung chen mo rnams kyang so sor sku la 'khril ba'i tshul gyis bzhugs so/ /rigs lnga'i he ru ka las gcig tu bstim te bsdus nas/ gcig gis mang po 'dul ba'i ngo mtshar bstan te/ de nas dregs pa chen po la sogs pa gtum po'i sems kyis gdug pa'i rdzu 'phrul chen po sna tshogs pa bstan nas mgrin gcig tu gdug pa'i nga ros glang po'i gtum tshig tu smras pa/ thong thong snying rje'i bdag po ci de ltar byed dam zhes 'dzer cing shin du gdug pa'i sems kyis khros nas rngam mo/ /de nas bcom ldan 'das dgyes pa chen po dbu dgu phyag bcwa brgyad zhabs brgyad du gnas nas thugs rjes 'dul ba'i thabs kyis shin du khros nas rngam pa'i skad kyis/ hU~M hU~M hU~M ha ha ha khA hi khA hi khA hi zhes brjod pas/ dbang phyug chen po la sogs pa gdug pa chen po'i tshogs chen po de dag gi snying dang dbang po kun phyung / nang khrol kun drangs</font><hr>103.122b<br><font size=+1>

yan lag kun bcad gtubs nas khrag kun 'thungs nas rus pa kun 'chos so/ /de nas hU~M hU~M hU~M b+h+yo e A ra li dzaHdzaH zhes brjod pas/ phyogs bcu 'jig rten gyi khams nam mkha' dang bcas par yungs 'bru gcig tsam gyi nang du chud par bsdus so/ /de nas 'byung po ma lus pa'i rgyal po'i yang rgyal po dregs pa chen po la sogs pa'i chung ma 'byung mo thams cad kyi rje mo'i yang rje mo srin mo chen mo mi'i srin mo dang / tshangs ma dang / 'khrug mo dang dbang mo dang / 'jug sred mo dang / gzhon nu ma dang / dmar mo dang / bdud rtsi mo dang / zhi ba mo dang / be chon mo dang / srin mo dang / za ba mo dang / dga' ba mo dang / ra ro khrag 'thung myos pa dang / gcig pu spyod ma dang / yid 'phrog ma dang / grub mo dang / rlung mo dang / gsod byed ma dang / me mo dang / phag mo dang / rgan byad ma dang /  sna chad mo dang / chu lha mo dang / nag mo chen mo dang / ra mgo dmar ser chen mo dang / bum sna sngo nag mo dang / gsus 'dzin ser nag chen mo la sogs pa/ bran dang / yang bran dang /  g.yog dang /  yang g.yog dang / 'khor zhing gi rdul snyed bsdus so/ /de nas bcom ldan 'das dgyes pa chen po dpal khrag 'thung chen pos 'dul ba'i thabs kyis yang rigs lnga'i 'jigs byed chen por snang bar byas nas/ de dag kun dgyes par rol pa'i dkyil 'khor sprin 'byung ba zhes bya ba'i ting nge 'dzin la snyoms par zhugs nas sku dang gsung dang thugs rdo rje las 'di dag phyung ngo/ /o~M A~MHhU~M badzra pra be sha a la la hoH zhes brjod pas 'byung mo'i rgyal mo rnams shin du chags pa'i yid g.yos nas pad ma'i dkyil 'khor sdud cing rgyas par gyur nas/ dper na khab len la lcags 'du ba'i tshul du bcom ldan 'das dgyes pa chen po dpal khrag 'thung chen po rdo rje'i sku la srin mo chen mo mi'i srin mo dang / dmar mo dang / dga' ba mo dang / gsod byed ma dang / nag mo chen mo dang / dmar ser chen mo dang / sngo nag chen mo dang / ser nag chen mo rnams 'khril lo/ /bcom ldan 'das dpal khrag 'thung chen po rdo rje'i sku la tshangs ma dang / 'khrug mo dang</font><hr>103.123a<br><font size=+1>

dbang mo dang / 'jug sred mo dang / gzhon nu ma rnams 'khril lo/ /bcom ldan 'das dpal khrag 'thung chen po rin po che'i sku la bdud rtsi mo dang / zhi ba mo dang / be chon mo dang / za ba mo dang / srin mo rnams 'khril lo/ /bcom ldan 'das dpal khrag 'thung chen po pad ma'i sku la khrag gis myos ma dang / gcig pu spyod ma dang / yid 'phrog ma dang / grub mo dang / rlung mo rnams 'khril lo/ /bcom ldan 'das dpal khrag 'thung chen po kun du las kyi sku la me mo dang / phag mo dang / rgan byed ma dang / sna chad mo dang / chu lha mo rnams 'khril lo/ /de nas bcom ldan 'das dgyes pa chen po'i khro bo'i dkyil 'khor de dag gis hU~M zhes brjod pas pad ma'i dkyil 'khor gyi tshogs bsdus nas shin tu bcum par gyur to/ /de nas dgyes he ha zhes brjod pas byang chub sems kyi sprin dag las dkar mo'i tshogs dang / rkun mo'i tshogs dang / rmongs mo'i tshogs dang / thal byed ma'i tshogs dang / sbos mo'i tshogs dang / gtum mo'i tshogs dang / rme sha can gyi tshogs dang / ma tshogs ma'i tshogs rnams rang rang gi lag cha dang ngo mtshar du bcas nas 'thon to/ /'thon nas kyang 'bar ba chen po'i 'khor lo'i mtshan shar phyogs nas 'khor bar 'jigs pa'i gzugs kyis rang rang gi lag cha dang bcas nas 'khod do/ /de nas shin tu dgyes he he he zhes brjod pas seng gdong chen mo'i tshogs dang / stag gdong chen mo'i tshogs dang / wa gdong chen mo'i tshogs dang / khyi gdong chen mo'i tshogs dang / bzhad gdong chen mo'i tshogs dang / kAng ka'i gdong chen mo'i tshogs dang / dur bya'i gdong chen mo'i tshogs dang / 'ug pa'i gdong chen mo'i tshogs rnams rang rang gi lag cha dang ngo mtshar du chas nas thon par gyur to/ /'thon nas kyang 'bar ba chen po'i 'khor lo'i phyi rol shar gyi phyogs nas 'khor bar rngam pa'i mdangs kyis 'khod do/ /de nas shin tu dgyes pas phyogs bcu'i zhing khams ma lus pa khyab par byas nas phaT ces brjod pas/ rdo rje srid 'gro ma'i tshogs dang / rdo rje gdong ma'i tshogs dang</font><hr>103.123b<br><font size=+1>

rdo rje 'jig rten ma'i tshogs dang / rdo rje ro langs ma'i tshogs rnams rang rang gi lag cha dang ngo mtshar du chas nas 'thon par gyur to/ /'thon nas kyang 'bar ba chen po'i dkyil 'khor gyi sgor shin du rngam pa'i gzugs kyis gnas so/ /de nas dgyes pa'i sprin las phyogs bcu nas phaT ces bsgrags pas thams cad khros nas/  ma mo thams cad kyang rang rang gi gnas ga la ba der yud tsam gyis phyin par bkye'o/ /de nas bcom ldan 'das dgyes pa chen po dpal khrag 'thung chen po de dag kun thugs rje chen po bdud rtsi chen po 'byung ba zhes bya ba'i ting nge 'dzin la snyoms par zhugs nas/ sku dang gsung dang thugs rdo rje las 'di phyung ngo / /o~M badzra ma hA a mr-i ta ma hA kro d+ha a~M a~M a~M zhes brjod pas/ dbang phyug chen po la sogs pa thams cad bcom ldan 'das khro bo chen po de dag gi snams nas bton nas/ mi gtsang ba'i 'dam gyi rgya mtsho chen por chud pa las/ snam nas khro bo uts+tshu sma kro d+ha phyung nas 'dam khu kun 'thungs pas dran pa slar rnyed de/ khro bo'i dkyil 'khor gyi tshogs de dag thams cad kyang dbu dgu brgya/ phyag stong brgyad brgya/ zhabs brgyad brgya/ sku 'bar ba chen po'i dkyil na bzhugs par mthong ngo / /de'i dus su 'jig rten drug gi phyogs bcu'i srid pa gsum gyi bdag po dregs pa'i dbang phyug thams cad 'dul ba'i thabs sna tshogs bsam gyis mi khyab par so sor snang bas dus gcig tu btul lo/ /de nas de dag shin tu 'dar zhing rab tu bred cing zhus pa'i nga ros smras pa'i tshig /'bangs su mchi/ 'bangs su mchi/ 'bangs su nan tan ma bgyis na/ /mgo dang lus ni brgyar 'gas shing / /snying yang 'gas shing gtugs 'gyur cing / /rul myags tshig nas brlag pa dang / /dmyal bar lhung nas 'bod par shog /ces 'bangs su mchi bar mnas bor nas dkyil 'khor gyi gdan du bzhag go /thams cad kyis mgrin gcig tu smras pa/ bdag cag rnams kyi mchis brang dang / ma dang sring mo bu mo rnams/  dkyil 'khor</font><hr>103.124a<br><font size=+1>

chen por bzhes su gsol/ /dpa' bo lha rjes bzhes su gsol/ /bdag cag so so'i 'khor bcas kyis/ /tshogs kyi dkyil 'khor dam pa 'di/ /ming tsam 'dzin par byed pa yang / /gtsug gi nor bu 'bar ba ltar/ /g.yo sgyu med cing gus ldan pa'i/ /sems kyis blangs te spyi bo yi/ /gtsug tu bzhag te bkur bar bya/ /de yi dgos pa ci yang rung / /ma lus rdzogs par bdag cag sgrub/ /gal te dpa' bo'i spyan snga 'dir/ /smras pa bzhin du ma bgyis na/ /bdag cag rnams kyi mgo lus snying / /bkas gtubs dum bur rul bar 'chi/ /zhes smras so/ /de nas de dag gi chung ma'i tshogs dang / sring mo dang ma dang bu mo'i tshogs thams cad dkyil 'khor du yud tsam gyis 'ongs nas thams cad kyis mgrin gcig tu smras pa/ bdag cag 'khor bcas thams cad kun/ /dpa' bo chen po'i 'bangs su mchi/ /dpa' bo chen po bdag cag rnams/ /las kyi dngos grub stsal du gsol/ /zhes smras so/ /de nas bcom ldan 'das dgyes pa chen pos lag tu rdo rje byin nas ming gis dbang bskur nas dkyil 'khor gyi phyi rol du bkod do/ /gsang ba'i snying po de kho na nyid nges pa las khro bo rang bzhin gyi dkyil 'khor sprin rnam par spros pa'i le'u ste/ bcwa lnga pa'o// // de nas bcom ldan 'das dgyes pa chen pos dkyil 'khor gyi tshogs chen po 'di dag dam tshig gis grub par bya ba'i phyir/ de bzhin gshegs pa khro bo khrag 'thung chen po btsun mo'i tshogs dang bcas pa de dag gis/ sku dang gsung dang /  thugs rdo rje ye shes rngam pa las gsung gi dkyil 'khor 'di dag phyung ngo / /o~M sarba ta thA ga ta ma hA shrI he ru ka ma hA tsaN+Da/  sarba duSh+TAn+ta ka ha na da ha pa tsa hU~M hU~M hU~M phaT/ o~M badzra ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hU~M hU~M hU~M phaT/ o~M rat+na ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hU~M hU~M hU~M phaT/ o~M pad+ma ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hU~M hU~M hU~M phaT/ o~M karma ma hA shrI he ru</font><hr>103.124b<br><font size=+1>

ka ma hA tsaN+Da sarba duSh+TAn+ta ka ha na da ha pa tsa hU~M hU~M hU~M phaT/ o~M sarba ta thA ga ta ma hA kro d+hI shwa rI sarba duSh+TA~M hU~M phaT/ o~M ma hA badzra d+ha ra ma hA kro d+hi shwa rI dz+wa li nI hU~M phaT/ o~M ma hA sur+ya rat+na ma hA kro d+hi shwa rI bi da ma hU~M phaT/ o~M hri+A sha ha sa man+ta pad+ma o~M ma hA sA ra swa ta ma hA pad+ma/ ma hA kro d+hI shwa rI kha hAM hU~M phaT/ o~M sarba a mo g+ha karma ma hA kro d+hi shwa rI bi shwa hU~M phaT/ o~M badzra gI rI ye kau rI ha/ badzra tsau rI ha/ badzra pra mo hA ha/ badzra bait+ta lI ha/ badzra tsaN+Da lI ha/ badzra puk+ka sI ha/ badzra g+hasma rI ha/ badzra sma shA ni+A ha/ badzra sid+ha mu khI he/ badzra byA g+h+ra mu khI hi/ badzra sr-i gA la mu khI he/ badzra shwa na mu khI he/ badzra grid+d+ha mu khI he/ badzra kang+ka/ mu khI he/ badzra kA ka mu khI he/ badzra ul+lu ka mu khA he/ badzra Ar+ya te dza te ra dzaH badzra a mu kA hU~M/ badzra lo kA ba~M/ badzra b+hasmi sa ma la ba to hoH b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ o~M ru lu ru lu ru lu hU~M/ e h+ye hi a na ya/ dzaH hU~M ba~M hoH o~M badzra kro d+ha sa ma ya hU~M/ o~M khro la khros pas zhi mdzad pa/ /thugs rje khro dpal rngam pa'i tshogs/ /'bar ba'i byin brlabs rmad po che/ /de nyid du ni bdag la stsol/ /o~M badzra kro d+ha sa ma ya s+t+wa~M/ o~M badzra kro d+ha sa ma ya hoH o~M badzra kro d+ha sa ma ya phaT/ a li u li tA li ta pA li da~M Sh+TaM/ gau na rau tri kha~M ra~M/ yo gi nI khA hi hoH hU~M ha he phaT b+h+yo/ zhes brjod pas 'jig rten khams phyogs bcu thams cad kun tshig /rab tu tshig /kun tu rab tu tshig go /'bar/ rab tu 'bar/ kun du rab tu 'bar ro/ /thams cad du 'bar ba'i dkyil 'khor gyi tshogs kyis gang / rab tu gang / kun du rab tu gang bar gyur to/ /gsang ba'i snying po de kho na nyid nges pa las khro bo'i tshogs chen po gsung gi dkyil 'khor spros pa'i le'u ste bcu drug pa'o// //de nas bcom ldan 'das dgyes pa chen pos de dag gis dkyil 'khor bstan pa'i phyir ched du brjod pa 'di brjod do/ /'bar ba'i 'khor lo rtsibs bzhi pa/ /gru chad bzhi yis rnam par brgyan/ /gru bzhi sgo khyud bzhi dang ldan/ /'bar ba'i bar khyams gnyis</font><hr>103.125a<br><font size=+1>

kyis mdzes/ /thod sbrul sna tshogs nyi mas brjid/ /'bar ba'i 'phro ba mang pos 'khrug /khyu mchog ma he gzigs dang stag /gtum pa dom gyi sbar ba yis/ /dbang phyug lha chen la sogs bzung / /smug nag sngo nag ser nag dang / /dmar nag ljang nag 'jigs pa'i sku/ /dbu gsum phyag drug zhabs bzhir bgrad/ /ko rlon gos ni sna tshogs gyon/ /rngam pa'i sgra skad 'jigs par sgrogs/ /sbrul dang thod phreng nyi zlas brjid/ /stong gi 'jig rten khor yug bcas/ /rdo rje dung chen gang ba dang / /ral gri dgra sta gshol la sogs/ /rang gi lag cha sna tshogs bsnams/ /btsun mo 'jigs pa'i tshogs dang 'khril/ /gnas dang yul gyi phyag rgya dang / /sgo bzhi phyag rgya rab mdzes shing / /slas dang byi mo bran mo'i tshogs/ /bcu gnyis dang ni brgyad kyis mdzes/ /rang gi stan dang lag cha dang / /ci bgyi zhes ni chas te gnas/ /zhes brjod pas/ 'jig rten drug gi phyogs bcu thams cad du 'bar ba'i dkyil 'khor kun du gsal bar gyur to/ /gsang ba'i snying po de kho na nyid nges pa las khro bo'i dkyil 'khor bstan pa'i le'u ste bcu bdun pa'o// // de nas bcom ldan 'das dgyes pa chen pos mnyes pa'i mchod pa chen po 'di ched du brjod do/ /de la mchod sbyin dam pa 'di/ /thog mar bdag nyid rtogs goms bsgral/ /de nas gnyis med blo yis ni/ /blo ngan 'jig rten snying re rje/ /gnyis su med par bsgral bar bya/ /'khril ba'i mchod chen mnyam sbyor bas/ /bdag nyid mnyes pas mnyes par bya/ /mnyam pa'i grub rdzas chen po dag /bdag dang mnyam pa'i tshogs la dbul/ /bza' dang bca' dang btung dang bgo /longs spyod lnga ldan thams cad ni/ /dkyil 'khor la ni dkyil 'khor thim/ /phyogs bcu dus bzhir gshegs pa yi/ /bde gshegs yon tan rmad po che/ /gzhan nas yod 'ongs ma yin te/ /lha srin la sogs smos ci dgos/ /rnal 'byor las su rung rnams kyis/ /phyag rgya chen por rdzogs gyur cing / /gsal</font><hr>103.125b<br><font size=+1>

ba yid gnyis med pa na/ /dkyil 'khor chen po 'bar bar 'gyur/ /zhes brjod pas mnyes pa chen pos 'jig rten drug gi phyogs bcu thams cad khyab par gyur to/ /gsang ba'i snying po de kho na nyid nges pa las mchog sbyin dam pa bstan pa'i le'u ste bcwa brgyad pa'o// // de nas bcom ldan 'das dgyes pa chen pos sngags 'chang rnams don yod par bya ba'i phyir dam tshig chen po 'di ched du brjod do/ /bla med theg pa rab nges na/ /nyon mongs 'dod lnga kun spyad kyang / /byas la mi sogs tshogs 'gyur te/ /tshul khrims sdom pa phun sum tshogs/ /bla med mchog gi dam tshig tu/ /'dul ba'i dbang gis tshul khrims dang / /ji snyed sdom pa bsam yas pa/ /ma lus kun 'dus rnam par dag /yod med dbu ma 'ang mi dmigs shing / /sgyu ma mig yor lta bu'i tshul/ /srog med srog gcod gcad du med/ /srog kyang skyes bu'i log rtog tsam/ /bden pa gnyis kar dbye med pas/ /'phrul dga'i tshul te tha dad min/ /gzhan dang ma byin med pa'i phyir/ /blangs med thams cad nyid kyi dbyings/ /chos rnams sgyu ma lta bu la/ /ming dang tshig tu brtags pa brdzun/ /brdzun nyid la ni brdzun spyod pa/ /brdzun zhes btags tsam yod ma yin/ /ma chags pa la chags pa dang / /chags pa nyid na chags pa med/ /de ni tshangs mchog rgyal po ste/ /shin tu chags pa chen po yin/ /bla med mi spang bla ma bkur/ /sngags dang phyag rgya rgyun mi gcad/ /yang dag lam du zhugs la byams/ /gsang ba'i don nyid smra mi bya/ /'di ni rtsa ba lnga rnams te/ /bsgrub dang bsrung ba'i dam tshig mchog /gti mug chags dang zhe sdang dang / /nga rgyal phrag dog mi spang ngo / /dkar rtsi dmar rtsi dri sha chen/ /dag pa'i snod bcud mi dor ro/ /yan lag bcu yi dam tshig ste/ /ye nas dag mnyam rtogs pas spyad/ /bsrung zhing bsgrub pa'i dam tshig lnga/ /rtsa ba yin te rigs med 'gyur/ /mi spang mi dor lnga gnyis ni/ /yan lag dam tshig 'da' dka'o/ /mnyam la mnyam par sbyor ba yin/ /mnyam pa'i dam tshig la gnas na/ /mnyam rdzogs chen po thob 'gyur bas/ /'das nas sangs rgyas</font><hr>103.126a<br><font size=+1>

ma yin no/ /rtsa ba nyams pa'i phyal ba dag /gso la nye bar mi brtson dang / /skad cig yud tsam smra mi byed/ /nyams gyur nyes pa brjod mi lang / /rtsa ba'i dam tshig nyams gyur na/ /bsgrub pa thams cad log par 'gyur/ /yid du mi 'ong sna tshogs pa'i/ /'bras bu mi 'dod bzhin du 'dud/ /yan lag dam tshig nyams gyur na/ /'bras bu med cing ngan song ltung / /dam tshig rnams ni rdo rje che/ /sangs rgyas kun gyi bdag nyid yin/ /rtsa ba'i dam tshig lnga la ni/ /gcig la 'ang gnyis dang bcu phrag gsum/ /yan lag dam tshig lnga gnyis la/ /gcig la 'ang bcu phrag gnyis su dbye/ /dam tshig 'di ni rmad po che/ /'jig rten drug gi phyogs bcu na/ /srid gsum 'gro ba ji snyed pa/ /rtog 'dul dam tshig de snyed spro/ /gzhan yang rgyal mchog kun bzang gi /thams cad ma lus phyag rgya yi/ /sgrub byed dam pa ma lus 'grub/ /de la sogs pa mtha' yas mchog /rgyal ba'i rigs mchog 'dzin pa de/ /'jig rten gtso dang 'khor gyis bkur/ /dam pa mchog dang dam pa yis/ /sras dang sbun dgongs byin gyis rlob/ /bder gshegs nyid kyi yul la bzhugs/ /'jigs med kun du bzang por sbyor/ /ji bzhin nyid dang 'dul ba'i thabs/ /ji snyed sdom pa bsam yas pa/ /ma lus rnam dag lhun gyis grub/ /nyams na bskangs pas rdzogs pa dang / /de la sogs te mtha' yas mchog /ces brjod pas de bzhin gshegs pa nyid de bzhin gshegs pa nyid la 'dul bar gyur to// //gsang ba'i snying po de kho na nyid nges pa las dam tshig gi le'u ste/ bcu dgu pa'o// // de nas bcom ldan 'das de bzhin gshegs pa dgyes pa chen pos lhun gyis grub pa'i dam tshig byin gyis rlob pa zhes bya ba'i ting nge 'dzin la snyoms par zhugs nas ched du brjod pa 'di brjod do/ /e yi tshogs kyi dkyil 'khor mchog /'bar ba gtum chen rngam pa la/ /khros pa'i yid kyis mchod sbyin bya/ /sangs rgyas bsod nams sku yang 'jig /bdud rtsi lnga 'am zas lnga la/ /mtshan ma ming du bcas</font><hr>103.126b<br><font size=+1>

pa bya/ /bkug nas rdo rje phur pas gdab/ /rdul du byas nas tshogs la dbul/ /e yi tshog kyi dkyil 'khor du/ /lug gu rgyud du sbrel bsdams nas/ /bcings 'gyur bskyod na phyogs bcur g.yo/ /myos nas gal te 'tshig par 'gyur/ /ba~M gyi tshogs kyi dkyil 'khor mchog /'bar ba'i gzi chen lhun chen la/ /chags pa'i yid kyis mchod sbyin bya/ /rdo rje gsung yang dbang du 'gyur/ /bdud rtsi lnga 'am zas lnga la/ /mtshan ma ming du bcas pa byas/ /rdo rje chags pa'i phur pas gdab/ /chags pa'i tshogs la thim par dbul/ /ba~M gyi tshogs kyi dkyil 'khor du/ /lu gu rgyud du sbrel bsdams nas/ /'gug 'gyur rdo rje 'ang phyi bzhin 'brang / /ci 'dod de bzhin 'ong bar 'gyur/ /ma yi tshogs kyi dkyil 'khor mchog /'bar ba'i 'du 'phro gzi byin la/ /dga' ba'i yid kyis mchod sbyin bya/ /yon tan nam mkha'i mtha' dang mnyam/ /bdud rtsi lnga 'am zas lnga la/ /mtshan ma'i ming du bcas par bya/ /yon tan yid bzhin gter tu brtag /nga rgyal dga' 'phro'i phur pas gdab/ /rdo rje gzi byin 'bar bar 'gyur/ /mi yi tshogs kyi dkyil 'khor du/ /lu gu rgyud du sbrel bsdams nas/ /gzi byin 'bar ba'i 'phrul chen 'phro/ /yid bzhin nam mkha' gang bar 'gyur/ /ya yi tshogs kyi dkyil 'khor mchog /gsal ba'i gzi brjid 'tsher ba la/ /dang ba'i yid kyis mchod sbyin bya/ /gtum po rngam po lhan ner 'gyur/ /bdud rtsi lnga 'am zas lnga la/ /gtum rngam 'khrug pa'i ngo bor brtag /lhan ner gsal ba'i phur pas gdab/ /'bar ba lhane'i tshogs su dbul/ /ya yi tshogs kyi dkyil 'khor du/ /lu gu rgyud du sbrel nas bsdam/ /'bar ba lhan ne'i byin gyis khyab/ /thams cad g.yo ba med par byed/ /slas dang byi mo bran mo'i tshogs/ /lhag ma'i mchod sbyin 'dod pa sbyin/ /rang gi dam tshig rang bsgrags na/ /gang 'dod las ni byed par bsgo/ /sngon tshe dpal chen he ru ka /shin du gdug cing gtum bag can/ /thams cad ma</font><hr>103.127a<br><font size=+1>

lus 'dul mdzad pa'i/ /dbang dang byin brlabs rmad po che/ /lha chen la sogs dbang bsdus nas/ /'khor rnams dbang phyug slas su byas/ /so so'i las rnams bskos pa de/ /ji ltar khas blangs dam bcas pa/ /ma thog myur du mngon par phyung / /dam bcas bzhin du ma byas na/ /ji ltar rang gi mnas bor ba'i/ /sdom byas de las 'da' ma byed/ /sdom byas de las 'das gyur na/ /mgo lus snying yang tshal pa bdun/ /yak+Sha khro bos gtubs par 'gyur/ /de bas rnal 'byor sngags 'chang gis/ /ji ltar bcol ba bzhin du byos/ /las de sngon du ma byas na/ /rang gis khas blangs mnas bor bzhin/ /rul myags tshig nas dmyal bar 'gro/ /rnal 'byor dam la gnas gyur pa'i/ /las rnams yongs su bya ba dang / /'khor rnams bu gcig bzhin du skyongs/ /'phra men ma yang dngos grub thob/ /bcol ba'i las rnams mngon du byos/ /zhes bsgo'o/ /khro bo bsgrub pa'i las kyi gtso bo 'di yin no/ /khrag 'thung chen po la sogs pa'i/ /bro gar glu tshig chen po yis/ /thams cad thams cad ci 'dod par/ /thams cad thams cad byed pa yin/ /mdzod lha chen po la sogs pa'i/ /bro gar glu tshig chen pos ni/ /thams cad kun la za bar byed/ /rdul cha tsam yang med par byed/ /'du bar 'dod na 'du bar byed/ /'phel bar 'dod na 'phel bar byed/ /sbos mo chen mo la sogs pa'i/ /bro gar glu tshig chen pos ni/ /lhan ner 'dod na lhan ner byed/ /rmugs par 'dod na rmugs par byed/ /seng gdong chen mo la sogs pa'i/ /bro gar glu tshig chen mos ni/ /thams cad kun la za bar byed/ /rdul cha tsam yang med par byed/ /bzhad gdong chen po la sogs pa'i/ /bro gar glu tshig chen mos ni/ /thams cad kun la 'byin par byed/ /kun la rab tu nyams par byed/ /slas dang byi mo bran mo yis/ /bro gar glu tshig chen mos ni/ /sbad cing gtang bar bya ba ste/ /thams cad thams cad byed pa yin/ /ljon pa dang ni lcug phran tshal/ /gdong gcig ma dang</font><hr>103.127b<br><font size=+1>

me reg drug /dang ba'i dga' bas chags pa dang / /khros pas ka li rab tu bya/ /zhes brjod pas de bzhin gshegs pa nyid de bzhin gshegs pa nyid kyis spyod bar gyur to/ /gsang ba'i snying po de kho na nyid nges pa las lhun gyis grub pa'i 'phrin las byin gyis brlab pa'i le'u ste/ nyi shu pa'o// // de nas bcom ldan 'das dgyes pa chen po'i tshogs kyi dkyil 'khor gyis shin du rngam pa'i gdangs kyis glu 'di blangs so/ /hU~M gtum chen dus mtha'i me ltar 'bar/ /'od zer nyi ma 'bum gyi gzi/ /khro gnyer glog stong 'gyu ba bzhin/ /mche ba zangs yag za byed che hoH hU~M rngam pa'i nga ro 'brug stong ldir/ /gtum chem ri rab 'bum bsnyil skad/ /a a ha la'i gad rgyangs che/ /dpyugs pa'i 'thor rlung g.yeng ba che hoH hU~M khro bo shes rab 'od po che/ /ye shes dkyil 'khor kun tu gsal/ /'bar ba'i ye shes kun du 'joms/ /sna tshogs ye shes thig le che hoH hU~M khro bo'i rgyal po sprin chen po/ /khros pa'i dkyil 'khor char chen 'bebs/ /dkyil 'khor yid bzhin 'byung ba'i gter/ /sna tshogs khros pa'i thig le che ho/ /hU~M bdud kun gyi ni bdud chen po/ /bdud kyi bdud de bdud rnams 'joms/ /'jigs pa'i tshogs kyang 'jigs byed pa/ /'jigs byed chen po thig le che ho/ /rdo rje brag ste sra pa po/ /rdo rje chu bo sdud pa po/ /rdo rje me ste kun 'bar che/ /rdo rje rlung ste 'thor rlung che hoH zhes ched du glu 'di blangs so// //gsang ba'i snying po de kho na nyid nges pa las khro bo la bstod pa'i le'u ste/ nyi shu rtsa gcig pa'o// // de nas bcom ldan 'das dgyes pa chen pos de bzhin gshegs pa nyid la sngags kyi rgyal po brtan par gzung ba 'di ched du brjod do/ /kye kye phyogs bcu dus bzhi'i rang bzhin 'di/ /de bzhin gshegs pa'i ngo bo nyid/ /gzung 'dzin spros la 'chel ba yi/ /rnam rtog zhags pas so sor zin/ /sa rnams khyad par bkod pa yang / /gsang ba'i snying por 'gro ba'i lam/ /ye shes ngo mtshar rab 'byam kun/ /don du mi</font><hr>103.128a<br><font size=+1>

'gyur yong ma gsungs/ /de bzhin gshegs pa thams cad kyi/ /phyag rgya gsang chen nges pa 'di/ /rtogs nas smra bar gang byed pa/ /de nyid nga yin dbang yang rdzogs/ /de bzhin gshegs pa thams cad la/ /gsang ba 'di las gzhan mi mnga'/ /sgro dang skur ba zhi ba yi/ /gsang ba'i snying po de kho na/ /nyid de nges pa'i dbyings nas phyung / /de ni nges par lung bstan te/ /sras ni thugs las skyes pa yin/ /sa rab rig pa 'dzin la gnas/ /zhes brjod pas/ de bzhin gshegs pa thams cad dbyer med par dgyes nas dus bzhi mnyam pa nyid kyi dbyings sku gsung thugs kyi lhun stug po bkod pa'i rgyan nyid du bzhugs so/ /'phags pa rtog pa'i rgyal po sgyu 'phrul dra ba'i le'u stong phrag brgya pa las mtshan nyid dang rgyud thams cad kyi lung gi spyi/ de bzhin gshegs pa thams cad kyi gsang ba/ gsang ba'i snying po de kho na nyid nges pa'i le'u las thams cad ma lus par spros te 'khor lo bskor ba de dag gi 'bras bu'i mchog go /gsang ba'i snying po de kho na nyid nges pa las mnyes pa dang yongs su gzung ba'i le'u ste nyi shu rtsa gnyis pa rdzogs s+ho// // </font><hr>

</table>