@#/ /rgya gar skad du/ b+ha ga bAn many+dzu shrI tIk+Sh+Na na ma:sid+d+ha~M/ bod skad du/ bcom ldan 'das 'jam dpal rnon po la phyag 'tshal lo/ /de nas bcom ldan 'das dpal nyid sku rdo rje lta bu byang chub kyi dgongs pa nyid la bzhugs pa la/ bcom ldan 'das byang chub kyi sems rdo rje kun tu bzang po ni/ dus gsum 'du 'bral med pa'i/ yum gyi tshal chen po na dgongs pa chos kyi dbyings zhi ba chen po la bzhugs so/ /rigs lnga bde bar gshegs pa rnams kyang / gsang ba'i yum bzhi dang / 'khor byang chub sems dpa'i tshogs dang / sems ma'i tshogs/ rdo rje dbyings kyi dkyil 'khor na/ sras mchog dam pa nye ba'i 'khor/ rigs kyi rgyal po ma lus pa rnams dang / tshangs pa chen po rnams dang / drang srong chen po dang / lha dang klu dang / li tsa bi la sogs pa'i mi rnams kun la dpal kun tu bzang pos bka' stsal pa/ nan tan gyis ni brtson 'grus bskyed/ /the tshom med na nges par 'grub/ /bdud rtsi chen po rnam lnga 'di/ /spyad cing bcangs ba'i yon tan dang / /rang bzhin dang ni ngo bo dang / /mthu dang byin gyis brlabs kyis 'grub/ /mi brjed rgyun gyi ting nge 'dzin/ /nges par bsgrubs pa'i yon tan ni/ /nges pa'i man ngag gsum du bstan zhes bka' stsal/ nas/ sdud pa po chos kyi don/ 'jam dpal rnon po la gtad do/ /de nas 'phags pa 'jam dpal gyis/ rdo rje dbyings kyi dkyil 'khor gyi lha 'khor tshogs rgya mtsho dang bcas pa rnams la 'di skad brjod do/ /e ma ho:sangs rgyas kun tu bzang / /gsang chen thig le nyid la rdzogs/ /ma rig mun sel ye shes sgron/ /dpa' bo khyod la skyabs su mchi'o/ /rang 'byung dri med bdud rtsi 'di/ /sangs rgyas kun gyis sngags pa'i mchog /mi shes dri ma kun bcom nas/ /nges pa'i dbyings la 'god mdzad pa/ /gnyis med gus pas phyag 'tshal lo/ /snang mdzad rdo rje rgyal spyan dang / /mi bskyod nyi ma snang mtha' yas/ /don yod bdud rtsi 'khyil ba la/ /dgyes shing gus pas phyag 'tshal lo/ /dbyings phyug yum gyi tshogs rnams la/ /dga' ba'i yid kyis 'dud phyag 'tshal/ /lag na rdo rje rgyal po dang / /kun bzang blo gros chen po dang / /don rab sa snying la sogs la/ /rab tu gus pas phyag 'tshal lo/ /nam mkha'i 'jig rten dbang 104.203a po dang / /'gro ba 'dzin mchog dam pa la/ /gnyis med gus pas phyag 'tshal lo/ /dag la rang bzhin dri med sku/ /tshul bzhin phreng ba dbyangs dang gar/ /spyod mchog dga' sdug phyag 'tshal lo/ /bdug pa me tog mar me ho/ /gzugs mchog mnyes mdzad lha mo la/ /mos pas 'dud cing phyag 'tshal lo/ /rigs byed tshogs kyi bdag po mchog /rdo rje srin po 'dul mdzad pa/ /khro rgyal yab yum 'khor bcas la/ /gus pas bstod de phyag 'tshal lo/ /de nas 'khor rgyal ba rgya mtsho dang bcas pa rnams kyis legs so legs so/ /a la la ho: zhes brjod nas gnang ngo / /de nas dbang byin te/ 'phags pa byang chub sems dpa' sems dpa' chen po khyod kyis/ thams cad bdud rtsi'i rang bzhin la/ mkhyen rabs dang pos kun gyi mchod pa chen po mdzad do/ /de yang nyid kyis nyid la mchod de/ 'di man chad ye shes kyi lha rnams kyis ting nge 'dzin byang chub kyi sems bdud rtsi chen por thim nas/ mnyam pa nyid kyi dbyings la mi snang bar byas nas/ ma hA su kha la sbas te bzhugs pa las/ de nas bcom ldan 'das dpal kun tu bzang po dang / rigs lnga bde bar gshegs pa rnams kyis 'phags pa 'jam dpal la bka' stsal pa/ byang chub sems dpa' mkhyen rab kyi dang po khyod la/ da nged kyi chos 'di bsdus te bshad do/ /'jam dpal rdo rje chos 'di lta ste/ /e ma ho:gsang ba las byung ba'i/ /ma rig mun sel sgron me'i mchog /dpa' bo khyod la skyabs su mchi'o/ /nan tan gyis ni brtson 'grus byos/ /zhes pa dang / 'jam dpal bdud rtsi 'di'i chos kyi don ni/ dper na me dang 'dra ste/ chung ste rdul tsam nas che ste srid pa'i ri bo yang sreg go /de bzhin du bdud rtsi 'di ni dper na nyi ma dang 'dra ste/ nyi ma'i 'od zer chen po ni 'dzam bu gling du thog ma nyid du ri'i rgyal po chen po brgyad la snang bar byed do/ /de'i 'og tu kho ra khor yug tu snang bar byed do/ /de'i 'og tu ri bo che rnams la snang bar byed do/ /de'i 'og tu ri nag po rnams la snang bar byed do/ /de'i 'og tu gangs ri mthon po rnams la snang bar byed do/ /de'i 'og tu 'dzam bu gling 'dir sa phyogs dma' ba rnams la snang bar byed do/ /nyi ma'i 'od zer chen po de la/ blang dor med de mi rtog mi sems so/ /rnam par yang mi rtog mi sems so/ /rdo rje chos dang 'jam dpal nyi ma'i 'od rnams ni/ dbri bskol med do/ / 104.203b de bzhin du sems can gyi rnam par shes pa la yang / de dang 'dra ste dbri bskol med do/ /phye ba dang bskyed pa dang / bskyungs ba yang med do/ /de bzhin du chos bdud rtsi 'di yang bsam gyis mi khyab pa'i dbyings su bstan pa yin pa'i phyir/ bdud rtsi chen po 'di dbu las bsam gyis mi khyab pa bstan zhes smos pa yin no/ /de bzhin du chos bdud rtsi chen po'i lung 'di yang ma skyes mi 'gag mi rtog pas/ mtshan ma dang mtshan ma med pa dang / mi gnas pa la rnam par khyab ste gnas so/ /de bzhin du chos bdud rtsi chen po 'di yang nyi ma'i 'od zer dang 'dra bar kun la khyab par gnas te/ skal ldan rigs lngas 'byung ba lnga la khyab cing / 'byung ba lnga nyid rigs kyi yum lnga'i tshal chen po ste/ yum lnga dang yab lnga yang gdod nas dag ste/ nyi ma'i 'od bzhin du shar ro/ /de nas bcom ldan 'das kyis 'khor rgyal ba rgya mtsho rnams bshad do/ /de nas bcom ldan 'das kyis 'khor rgyal ba rgya mtsho rnams la khyab bo/ /de nas srid pa'i 'jig rten du mi mjed kyi bdag po tshangs pa'i lha rnams dang klu rnams la khyab po/ /de nas mi'i byang chub sems dpa' rnams dang / rim pas nam mkha'i nyi ma bzhin khyab cing shar ba ste/ thugs rje'i bdud rtsi 'di yang srid pa gsum du nyi ma bzhin du shar bar bya ste/ 'jam dpal stong gsum gyi stong chen po'i 'jig rten gyi khams na/ sangs rgyas kyi zhing phra rab snyed la/ bsam gyis mi khyab pa'i lus phul bas ni/ bdud rtsi chen po 'di lus la bcangs pa bsod nams che'o/ /'jam dpal dus gsum gyi sangs rgyas kyi zhing yongs su sbyang ba bas ni/ bdud rtsi 'di lus kyi mgul du btags pa 'bum gyi char yang mi phod do/ /'jam dpal bskal pa gang+gA'i klung gi bye ma snyed kyi sangs rgyas rnams la spyi bos bkur zhing phyag bya ba'i don ni/ bdud rtsi chen po 'di spyi bo la bskur ba'i yon tan ni/ sangs rgyas thams cad bkur ba yin no/ /'jam dpal bskal pa stong gi bar du sems can gyi don bya ba bas ni/ bdud rtsi chen po 'dis lan cig gis 'gro ba'i don byas pas/ dmyal khams brgyad kyi 'jig rten yang thar pa'i lam du 'dren pa yin no zhes gsungs pa dang / de nas bcom ldan 'das kyi tshigs su bcad de bka' stsal pa/ bdud rtsi chen po'i rang bzhin ni/ /kha dog 104.204a dbyibs dang mtshan ma med/ /'gog pa med cing dbye ba 'ang med/ /rtsa ba med cing rten pa 'ang med/ /bdud rtsi che la brjod pa 'ang med/ /nyon mongs dug dang bdud bzhi bcom/ /dri med dag pa'i byang chub sems/ /nges don de la 'dud par byos/ /de nas bcom ldan 'das dang dam pa'i chos bdud rtsi'i lung 'di la 'phags pa 'jam dpal gyis slar la lan gsum du bstod pa/ nam mkha'i mtshan nyid sangs rgyas te/ /mtshan nyid med pas nam mkha' 'dra'o/ /bya ba med pas grol ba ste/ /bdud rtsi mchog la phyag 'tshal lo/ /chu zla bzhin du dri bral bas/ /thams cad rtog pa yongs su spangs/ /bdag tu 'dzin med rnam par dag /bdud rtsi rgyal la phyag 'tshal lo/ /dus gsum chos kyi dbyings dang mnyam/ /bdud dang ngan song gsum las thar/ /len pa med cing gtong ba 'ang med/ /dri med dag pa'i byang chub sems/ /bdud rtsi mchog la phyag 'tshal lo/ /dus gsum sangs rgyas skyed pa'i rgyu/ /khams gsum sems can 'dren pa'i dpal/ /'gro ba drug gi sgrib sbyong ba/ /bdud rtsi rgyal la phyag 'tshal lo/ /de skad ces gsol nas/ phyi nang gi snod bcud ril sman rA sa yA na dang / bdud rtsir gnas so zhes lung dang man ngag dag du bsdus te bka' stsal pa'o/ /bdud rtsi chen po mchog gi lung / lung gi rgyal po chen po rtog pa'i mchog las 'khor lo bskor ba'i nang nas lung gi bam po chen po brgyad pa'i 'grel pa chen po'i don/ bam po chen po brgyad pa/ rdzogs s+ho/ //spyir bdud rtsi 'bum sde las myur shas tsam cig bi ma la mi tras bshad cing / lo ts+tsha ba dz+nyA na ku ma ras sgyur ba'o/ /rdo rje yang dbang gter gyi lags/ rdzogs s+ho// //rdo rje khros pas zhe sdang gcod/ /mtshon chen sngon po 'bar ba'i ngang / /nam mkha'i dkyil nas thigs pa shar/ /srog gi sgo ru shar ba dang / /snying gi sgo ru bsgom par bya/ /snying rjes bsgral ba'i dam tshig ni/ /gsad cing gnan pa ma yin te/ /phung po rdo rje gtams byas nas/ /rnam par shes pa rdo rjer bsgom/ /o~M badzra ki li kI la ya/ sarba big+h+nAn ba~M hU~M hU~M phaT/ rdo rje gzhon nu rig 'dzin rnams/ /srid pa rdo rje grub mdzod cig /srid pa rdo rje phur pa'i lha/ /ye shes khro bo grub par mdzod/ /sangs rgyas kun gyi ye shes sku/ /ngang nyid rdo rje chos dbyings las/ /'bar ba'i khro bo mi bzad pa/ /sku yi dbyig tu bdag gyur cig /thabs kyi spyod pas 'gro don 104.204b du/ /byams dang snying rjes gang 'dul ba/ /sangs rgyas phrin las rdzogs mdzad nas/ /dbang dang byin brlabs 'dir gsol cig /o~M badzra kro d+ha hU~M kA ra hU~M/ gar+dz+dza gar+dz+dza hU~M phaT/ khro bo chen po hU~M kA ra dang / yum rdo rje sgra 'byin ma/ sprul pa'i 'phra men ma phag gi mgo can dang / smigs bu'i mgo can no/ /o~M badzra kro d+ha bi dza ya hU~M/ ha na ha na hU~M phaT/ khro bo chen po rnam par rgyal ba dang / yum rdo rje rnam snyems ma/ sprul pa'i 'phra men ma stag gi mgo can dang / bya rgod kyi mgo can no/ /o~M badzra kro d+ha nI la daN+DaHhU~M/ da ha da ha hU~M phaT/ khro bo chen po dbyug pa sngon po dang / yum rdo rje sder mo/ sprul pa'i 'phra men ma g.yag gi mgo can dang / bya rog gi mgo can no/ /o~M badzra kro d+ha ya mAn+ta ka hU~M/ pa tsa pa tsa hU~M phaT/ khro bo chen po gshin rje gshed po dang / yum dur khrod kyi bdag mo/ sprul pa'i 'phra men ma sha ba'i mgo can dang / 'ug pa'i mgo can no/ /o~M badzra kro d+ha Ar+ya a tsa la hU~M/ ban+d+ha ban+d+ha hU~M phaT/ khro bo chen po mi g.yo mgon po dang / yum rdo rje gtun khung ma/ sprul pa'i 'phra men ma gzig gi mgo can dang / khwa'i mgo can no/ /o~M badzra kro d+ha ha ya grI ba hU~M/ hu lu hu lu hU~M phaT/ khro bo chen po rta mgrin dang / yum rdo rje gtum mo/ sprul pa'i 'phra men ma byi la'i mgo can dang / pu shud kyi mgo can no/ /o~M badzra kro d+ha a pa rA dzi ta hU~M/ tiSh+Tha tiSh+Tha hU~M phaT/ khro bo chen po dpal ldan gzhan gyis mi thub pa dang / yum rdo rje mda' snyems ma/ sprul pa'i 'phra men ma spyang ku'i mgo can dang / khra'i mgo can no/ /o~M badzra kro d+ha a mr-i ta kuN Da li hU~M/ tshin+d+ha tshin+d+ha hU~M phaT/ khro bo chen po bdud rtsi 'khyil pa dang / yum rdo rje rlung 'byin ma/ sprul pa'i 'phra men ma seng ge'i mgo can dang / pha wang gi mgo can no/ /o~M badzra kro d+ha trai lo kya bi dza ya hU~M/ bin+d+ha bin+d+ha hU~M phaT/ khro bo chen po khams gsum rnam par rgyal ba dang / yum rdo rje gsod chen ma/ sprul pa'i 'phra men ma dred kyi mgo can dang / zer mo'i mgo can no/ /o~M badzra kro d+ha ma hA ba la hU~M/ s+pho Ta s+pho Ta hU~M phaT/ khro bo stobs po che dang / yum rdo rje bskyod chen ma/ sprul pa'i 'phra men ma dred kyi mgo can dang / byi ba'i mgo can la sogs pa rnams kyis gtams pa'o/ /srid pa'i phur bu bsgrub pa dang / /dbang dang dngos grub blang ba'i phyir/ /ye shes khro bo gshegs su gsol/ /khro bo chen po gshegs nas kyang / /rtags dang mtshan ma bstan pa dang / /kI la ya yi dngos grub gsol/ / 104.205a dam tshig chen po'i dus la bab/ /sprul pa chen po'i dus la bab/ /phyag gnyan chen mo'i dus la bab/ /shwa na mu kha'i dus la bab/ /bdag nyid chen mo'i dus la bab/ /khyed kyi phrin las dus la bab/ /sa bdag chen mo'i dus la bab/ /mthu rtsal dbyung ba'i dus la bab/ /byang chub mchog tu sems bskyed cing / /dus gsum rgyal ba'i gdung 'tshob pa/ /rig 'dzin bdag cag rnams la ni/ /gnod cing gdug pa'i dgra dang bgegs/ /bdud dang bar du gcod pa rnams/ /khro bo chen po'i byin brlabs kyis/ /yud tsam gyis ni 'dir bkug nas/ /mngon spyod tshul bzhin bsgral ba dang / /lus ngag rdul du bshig nas kyang / /sdug bsngal nyams su myong bar mdzod/ /o~M lA~M hU~M lA~M/ sta~M b+ha ya nan/ mo ha ga ya b+ha ga bAn/ shi kri bi kri/ shrI badzra hU~M kA ra hU~M hU~M phaT phaT/ badzra kI li kI la ya/ dza:hU~M ba~M ho:/ sarba big+h+nAn/ o~M badzra kI li kI la ya hU~M hU~M phaT phaT/ badzra hU~M kA ra hU~M phaT/ hU~M kA ra hU~M AHdngos grub bar chad byed ba'i bgegs/ /gdug cing sdang sems byed pa rnams/ /zung cig rgyob cig rnam par chings/ /gtogs shig grogs dang bral bar gyis/ /rings bar khug la smrar chug cig /phob cig rnam par gzir bar gyis/ /nga'i dbang du gyur nas kyang / /bsgo ba'i bka' rnams nyan par gyis/ /hU~M pa ra bi d+h+wan hU~M phaT/ tshin+d+ha tshin+d+ha hU~M phaT/ bin+d+ha bin+d+ha hU~M phaT/ gr-ih+na gr-ih+na hU~M phaT/ ha na ha na hU~M phaT/ ban+d+ha ban+d+ha hU~M phaT/ ta thA ya ta thA ya hU~M phaT/ ha sa ya/ ra na ha ta na hU~M phaT/ shri kri na a na ya hU~M phaT/ dz+wa lA pa ya dz+wa lA ba ya hU~M phaT/ A be sha ya A be sha ya hU~M phaT/ bid+d+ha ya bid+d+ha ya hU~M phaT/ bran dang pho nya bka' nyan tshogs/ /khyod kyi dam tshig dus la bab/ /sngon chad ji bzhin dam bcas pa'i/ /mngon spyod phrin las myur du mdzod/ /ha na ha na badzra/ da ha da ha badzra/ pa tsa pa tsa badzra/ ma tha ma tha badzra/ dz+wa la dz+wa la badzra/ su ru su ru badzra/ mu ru mu ru badzra/ ka tang+ka te ya/ dza ya bi dza ye ya/ a dzi te a pa rA dzi ta ya/ ma ra sai n+ya~M pra marda nA ya hU~M phaT/ rdo rje gsang ba'i bka' las ni/ /sdig can gang zhig 'da' byed pa/ /stobs chen khro bo chen po yis/ /glad pa tshal ba brgya ru khos/ /nyon cig bgegs dang log 'dren tshogs/ /nga yi bka' las 'da' ma byed/ /hU~M ma ma ba shi ku ru/ ma tha ma/ ny+ya ka ra/ i nan dasti/ ma ma karma shri krang ka re ya/ gdug cing sdang sems ldan pa yi/ /lha 'am 'on te bdud kyang rung / /nga la bar chad 104.205b byed pa rnams/ /mthu dang rdzu 'phrul med par byos/ /sarba A na ya hU~M phaT/ tad thA ya tad thA ya hU~M phaT/ brdungs shig rdo rje 'bar ba'i gtun/ /bka' las 'da' byed sdig can rnams/ /rdo rje me dbal snying sregs nas/ /lus ngag rdul phran bzhin du lhogs/ /khro bo 'bar ba'i gtun khung du/ /rdo rje tho bas brdungs byas nas/ /lha yang rung ste bsgral bar bya/ /kha tham/ kha tham/ kha tham/ hU~M hU~M hU~M/ phaT phaT phaT/ badzra yak+Sha kro d+ha khA hi/ khA hi/ khA hi/ hi hi hi/ ha ha ha/ hU~M hU~M hU~M/ phaT phaT phaT/ chos nyid kyi bden pa'o/ /gsang sngags kyi byin gyi brlabs so/ /sangs rgyas kyi mthu'o/ /a b+hi tsAr+ya'i dus la bab pa'i brnag pa de kho na la'o/ /kI li kI la ya nyi shu rtsa gcig bzlas/ bcwa brgyad/ dkar nag gi mtshams su'o/ /hU~M hU~M/ phaT phaT/ tsam bzlas so/ /rdzogs s+ho// // |