J760

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J760</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J760&coll=lithang">see text in Tibetan script</a></table>104.205b<br><font size=+1>

@##/  /rgya gar skad du/  DA ki nI ag+ni dzi hwa dz+wa lA tan+t+ra~M/ bod skad du/  mkha' 'gro ma me lce 'bar ba'i rgyud/ srid gsum 'jigs byed drag po rdo rje'i sku/ /bdag dang gzhan gyi dpal gyur snying rje can/ /bdud las rnam rgyal ye shes lnga dang ldan/ /phyag na rdo rje che la phyag 'tshal bstod/ /'di skad bdag gis thos pa dus gcig na/ ri rab ri'i rtse mo gshin rje 'bar ba'i pho brang / gnod sbyin ut+pa la'i gdong gnas pa'i dur khrod/ srin po ma tang+ka ru tra ka'i 'chags/ bdud gtsug phud nag po'i khang pa/ rtsub 'gyur gyi tshal chen po/ lha dang lha ma yin g.yul 'gyed pa'i gnas/ 'byung po dge ba kha T+wA~M ga'i shing nag po ti sha ka skye sa/ srin mo kang+kA la zangs kyi gshog pa me ltar 'bar ba'i zhing khams mi ro gsar rnying mang po yod pa/ nam mkha' las tri sh+'u la/ 'khor lo dang lce 'bab pa/ sa gzhi las ral gri dang / spu gri dang mdung rtse lnga pa skyes pa/ ri bo thams cad keng rus su snang ba/ chu klung thams cad rnag khrag tu 'bab pa/ sa phyogs thams cad ni mi ro ut+pa la sngon po yi dri mnam pa/ nye 'khor na rngam pa dang / ngu ba'i nga ro rab tu 'jigs pa drag ste/ shin tu 'jigs pa rab tu skyi g.ya' ba'i gnas de na/ bcom ldan 'das dpal 'jigs byed kyi rgyal po/ rig sngags dang gsang sngags kyi bdag po/ thabs dang shes rab kyi dbang phyug /sku dang ye shes kyi rang bzhin/ drag po chen po dpal phyag na rdo rje snying rje chen po gtum zhing khro ba/ lus bskal ba'i me chen po ltar 'bar ba/  srid pa gsum dang / </font><hr>104.206a<br><font size=+1>

bdud bzhi dang / nyon mongs pa brgyad khri dang / sgrib pa rnam pa gnyis las rab tu rgyal ba/ sangs rgyas stong rtsa brgyad kyi thugs yang dag pa'i ye shes las grub pa/ lha ma srin sde brgyad kyis mchod cing phyag byas pa/ nyi ma stong gi gzi dang ldan pa/ dbu skra kham pa gyen la rdzes pa/  spyan sdang mig me ltar 'bar ba/ shangs kyi rlung sgrom nas bskal pa'i rlung 'byung ba/ zhal gyi mche ba rdo rje zla tshes su gtsigs pa/ rin po che marka ta'i dbu brgyan pa/  rigs lnga'i rgyal ba mi bskyod pa bzhugs pa/ thod pa skam rlon gyi dbu brgyan dang mgur chu can/ mchog dang glang gi ko bas brgyan pa/ lag na ye shes kyi rdo rje rtse lnga pa 'dzin pa/ klu'i rgyal po gzi can gyis thod du bcings pa/ klu tak+Sha kas rked cings byas pa/ klu kun nas gdugs dang / sog ma med kyis gdan khri byas te/ khro bo chen po'i cha byad du byas nas bzhugs so/ /de'i 'khor ni tshangs pa dang / 'jug sred dang / brgya byin dang / ma hA kA li dang / drang srong me bzhi 'jug dang / thang la gnas dang /  gshin rje rtel pa nag po dang / srin po rA ma Na dang / chu'i lha dang / rlung gi lha dang / gnod sbyin chen po ku be ra dang / 'byung po dbang ldan dang / nyi ma dang / zla ba dang /  skar ma dang / sa bdag lag chen dang / ma mo nag mo ral gcig ma dang / lto 'phye rab brtan dang / grul bum dang / dri za dang / mi 'am ci dang / rnam thos kyi bu dang /  lha ma yin dang / nam mkha' lding dang / 'byung po pho mo dang / gcan zan gyi tshogs ni seng ge dang / stag dang / khra dang / spyang ki dang / dom dang / chu srin dang / gung dang / gzig dang / lce spyang dang / sre mo dang / khyi li 'du dang / 'phar ba dang / sram dang / bya'i tshogs kyang bya rgod dang / chu glag dang / dur bya kAng+ka dang / gzhad dang / khyung dang / bya rog dang / so bya dang / 'ug pa dang / khra dang / skye ga dang / srin bya dang / shang shang te'u dang / ne tso yang yod do/ /gzhan yang glang po dang / sha sbrang dang / sbrul gdug pa can dang / ru sbal dang / rnga mo dang / bse dang / phag rgod dang / ba men dang / khyi snya dang / sha ba dang / gla ba la sogs pas bskor te bzhugs so/ /de'i tshe 'khor 'dus pa de rnams kyi nang nas glang po che rab tu brtan pa gtsug na gser gyi dra bas brgyan pa/ mgo bo sum bcu rtsa gsum yod pa'i steng na/ nye dbang sum bcu rtsa gnyis kyi dbus nas/ lha rnams kyi dbang</font><hr>104.206b<br><font size=+1>

po brgya byin zhes bya ba/ spyi bo'i gtsug na yid bzhin gyi nor bu rin po che 'bar ba/ lus la gser dang / baiDUr+yas brgyan pa/ des 'khor los bsgyur ba'i cha byad du byas nas/ glang po che'i stan las langs te/ dpal phyag na rdo rje la bskor ba lan gsum byas nas/ rgyal srid rin po che sna bdun gyis mchod pa byas so/ /de nas brgya byin gyis 'di skad ces gsol to/ /rdo rje 'dzin pa gsang dbang po/ /yid bzhin nor bu rab 'dra zhing / /dngos grub tshogs la mnga' brnyes khyod/ /snying rje bdag po yin pas na/ /ma 'ongs sems can skal ldan gyi/ /rdo rje mkha' 'gro go 'phangs mchog /nag mo me lce 'bar ba'i rgyud/ /bdag ni khyod la dri bar 'tshal/ /deng 'dir ston pas skabs 'byed zhu/ /zhes gsol pa dang / dpal hU~M mdzad chen po des me 'bar ba'i gdan las bzhengs te/  rdo rje rnam par bsgyings pa'i ting nge 'dzin la snyoms par zhugs nas/ brgya byin la seng ge'i lta stangs kyis gzigs/   nas/ glang po che 'gying bag tu gom pa gsum bor te/ hU~M hU~M hU~M gi sngags bzlas te/ ye shes kyi phyag gis rdo rje lan gsum nam mkha' la dril te/ 'jig rten gyi khams 'di rnam pa drug tu g.yos so/ /de nas dpal phyag na rdo rjes 'di skad ces bka' stsal to/ /snying rje'i yid kyis brgya byin nyon/ /skal ldan dus mtha'i sems can rnams/ /mi nub chos kyi rgyal mtshan dang / /rdo rje mkha' 'gro me lce'i rgyud/ /bdag gzhan don la 'jigs med pa/ /ngas bshad khyod kyi yid kyis gzung ces bka' stsal pa dang / brgya byin la sogs pa'i 'khor shin tu dga' ba dang / spro ba skyes nas/ la las ni me tog man+dA ra ba dang / puN+Da rI ka dang / pad+ma dang / ut+pa la dang / tsam pa ka dang / bu ram dang / bdug spos dang / mar me dang / byug pa dang / kha zas dang / gdugs dang / ba dan dang /  bsil yab dang / bla re dang / rgyal mtshan dang / phan la sogs pa phyi'i mchod pas mchod do/ /'khor la las ni bdud rtsi rnam pa lnga dang / lcags kyu la sogs pa nang gi mchod pas mchod do/ /'khor la las lha mo dang gnod sbyin mo'i cha byad du byas nas gsang ba'i mchod pas phul lo/ /de nas dpal phyag na rdo rje la lha'i dbang po brgya byin gyis 'di skad ces gsol to/ /khro chen dus mtha'i me ltar 'bar/ /drag po hU~M mdzad rdo rje 'dzin/ /da ltar 'dod pa'i</font><hr>104.207a<br><font size=+1>

khams 'di na/ /lha mo nag mo zhes bya ba/ /gtum zhing khro la lus kyang 'jigs/ /srid gsum skrag pa'i nus mthu can/ /dngos grub dam pa'i gzhir gyur 'di/ /dang po gleng gzhi rgyu'i rgyud/ /slob dpon slob ma gang gi rgyud/ /don dam kun rdzob lta ba'i rgyud/ /dkyil 'khor dam pa gsum gyi rgyud/ /thang ka lha rten sku gzugs rgyud/ /dpon dang g.yog ni dam rdzas rgyud/ /bskyed dang rdzogs ni ting 'dzin rgyud/ /rje dang khol gyi sngags kyi rgyud/ /bca' ba phyag rgya bcu gnyis rgyud/ /mchod pa gtor ma sbyin sreg rgyud/ /'da' bar dka' ba dam tshig rgyud/ /grub pa'i drod tshad mtshan ma'i rgyud/ /spogs dang gnad la dbab pa'i rgyud/ /mi 'bral 'grogs pa gzungs kyi rgyud/ /pra dang mtshan ma dbab pa'i rgyud/ /dbang bskur gnang ba sbyin pa'i rgyud/ /so so las kyi bye brag rgyud/ /mar me dang ni bdud rtsi rgyud/ /thig le ye shes man ngag rgyud/ /lha srin sde brgyad bstod pa'i rgyud/ /'khor la yongs su gtad pa'i rgyud/ /tha ma lung du bstan pa'i rgyud/ /dgos 'brel nyi shu rtsa gnyis gang / /ston pas bka' stsol bdag nyan 'tshal/ /de skad ces gsol pa dang / dpal phyag na rdo rje bka' stsal pa/ brgya byin la sogs pa khyed rnams kyis/ rdo rje mkha' 'gro ma'i dngos grub 'byung ba'i rgyud chen po zhu ba zhus pa legs so legs so/ /khyed kyang rab tu nyon la yid la bzung cig /des rnam par phye ba bstan par bya'o/ /sngon 'dod pa'i khams 'di nyid na/ ri rab kyi rtse byang shar gyi mtshams/ shing yongs 'du sa rtol zhes bya ba/ rtse mo na bya khyung ga ru Da gnas pa/ lo ma la 'dod pa'i yon tan lnga rang 'byung ba/ 'bras bu la rin po che sna bdun lo tog ltar smin pa/ /yal gi rtse g.yu'i ze ba'i bar bar na/ lha dang lha mo dang / gza' dang skar ma dang / nyi ma dang zla ba'i tshogs kyis brgyan pa/ rtsa ba'i ngos la khrus kyi rdzing bu bdun la/ re re la shing rta re re/ shing rta re re la bu mo bdun bdun bu mo re re la g.yog mo bdun bdun/ g.yog mo re re la rma bya bdun bdun yodo shing rta de'i sa phyogs na/ sman gyi rnam pa sna tshogs dang / lo tog gi rigs khri phrag bzhi rang skye ba tsan+dan dang / ga bur dang / go shIR+Sha dang / sbrul gyi snying po rdzing bu lnga brgyas bskor te/ de lta bu'i shing de thun mong gi bsod nams kyis skyes</font><hr>104.207b<br><font size=+1>

so/ /de'i dus la 'dod pa'i shing de ni lha rnams kyis dbang byed pa'i tshe/ ri rab kyi rtsa ba na 'od mi snang ba zhes bya ba'i gnas na/ lha ma yin gyi rgyal po sum brtsegs dang / thag zangs ris dang / he ran+na ke shun dang / rnam par snang byed dang / rab sim dang / sgra gcan 'dzin la sogs pa bye ba dung phyur tsam/ shin tu mi sdug pa'i cha byad du byas nas/ rab tu rngam pa'i nga ro dang / 'jigs shing skrag pa'i mtshon cha thog nas/ ri rab kyi kha chos bzangs zhes bya bar lhags so/ /de nas ri rab kyi kha la lha ba su de ba dang / lha ma hA de ba dang / brgya byin nyid la sogs pa/ lha bye ba dung phyur la lha ma yin rnams kyis 'di skad ces smras so/ /ri rab rtse gnas sum bcu rtsa gsum lha/ /shing 'di'i lha dang lha min thun mong las/ /da lta 'dod pa'i khyed cag lha dbang na/ /da ni nged cag lha min bdud la blang / /zhes smras pa dang /  lha rnams kyis slar smras pa/ dpag bsam shing la 'dod yon bsam yas kyang / /bsod nams dbang gis lha la yongs su grub/ /gzhan la yod na skams shing med par 'gyur/ /de bas khyed la ljon shing nged mi ster/ /zhes smras pa dang / slar lha la smras pa/ thun mongs las grub bde ldan ljon pa'i shing / /lha yis dbang byas nged la mi ster na/ /'jig rten sreg pa'i mtshon gyi char phab la/ /lha dang lha min g.yul chen 'gyed ces zer/ /ces smras te/ slar yang song nas lha ma yin gyis dmag drangs so/ /glang po ches srungs kyi mgo sum bcu rtsa gnyis la gnod sbyin sum bcu rtsa gnyis zhon te/ dbus kyi mgo la dbang po thag zangs ris zhon te/ glang po che'i sna la ka ma la nag po btags te/ lha ma yin gyi dmag bye ba dung phyur gyis bskor te/ rdzu 'phrul gyi nam mkha' la mtshon gyi char chen po me lce 'bar ba 'dra ba'i char 'bebs te dmag drangs so/ /de nas chos bzang zhes bya ba'i gdan sar lha rnams 'tshogs te/ 'thab par brtsams pa dang / dang po lha rnams kyis khro ma shes nas rtsub 'gyur gyi khang pa na/ khro bo lang+ka nag po khros pa'i kha chu khro chu'i rdzing bu bdun 'khyil ba las 'thungs so/ /der lha rnams zhe sdang skyes te shin tu khro bar gyur nas/ bzo'i lha bi sho kar mas nub gcig la gser khrab bye ba phrag dgu 'bum rang brdungs so/ /lha ma hA kro d+has nug gcig la mtshon ral gri dang / 'khor lo dang / thod pa dang / </font><hr>104.208a<br><font size=+1>

lcags kyu dang / dgra sta dang / mdung rtse gsum pa bye ba phrag dgu khri dgu 'bum rang brdungs so/ /dus de tsam na lha rnams go mtshon thogs te/ glang po che rab tu brtan pa'i mgo sum bcu rtsa gnyis la nye dbang sum bcu rtsa gnyis zhon/ dbus kyi mgo bo la lha'i dbang po brgya byin zhon/ lha dmag bye ba dung phyur gyis mtha' brten te/ glang po che'i sna la ral gri btags nas lha dang lha ma yin gnyis g.yul bkye'o/ /dus de tsam na lhas mtshon rgyab pa rnams ni/ khrag gar phog pa la bdud kyi dmag mi khri khri tsam du 'phel lo/ /lha ma yin gyis mtshon brgyab pa la ni khrag la dmag ma 'phel bar shi'o/ /der lha thams cad gting 'pham ste/ lha ma yin rab tu rgyal ba'i dus su/ phyag na rdo rje nyid kyis lha rnams rgyal bar bya ba'i phyir/ dpal be'u dbus nas hU~M mthing nag 'bar ba gcig sprul te/ lha biSh+Nu rA dza'i dpal be'u dbyings su lcags kyi 'dzer ba cig tu gyur to/ /mdzer pa gtol ba'i nang nas bud med sngon mo dbu skra baiDUr+ya'i chun 'phyangs can/ mig ut+pa la'i 'dab ma 'dra ba/ mtshan dang dpe byad du ldan pa cig byung ngo / /de la lha rnams kyis ming btags pa/ lha mo u mA de bA bya bar btags/ lha'i bu mo de kun gyi chung mar 'dod pa la/ nam mkha' la phyag na rdo rjes nga'i sprul pa'i tshigs bcad 'di bsgrags so/ /lha'i rgyal srid mtho zhing brtan pa dang / /ris drug sems can dge la dgod pa dang / /lha min bdud kyi g.yul chen bzlog pa'i phyir/ /dbang phyug lha la u mA chung mar byin/ /zhes bsgrags so/ /dus de'i tshe na 'dzam bu'i gling gi nub byang mtshams/ yak+Sha ka ma la 'bar ba'i dur khrod na/ lha ma hA de ba dge slong gi cha lugs su 'gog pa'i brtul zhugs drag po la zhugs pa'i drung du u mA de bA khrid nas zhag bdun phrag bdun drod la btsas pas/   'dod pa'i 'khrig pa spyad do/ /'khrig pa spyad pa'i dbang gis bar snang la gza' dang skar ma byung ngo / /der lha mo u mA de la bu tsha ming sring gnyis skyes so/ /ming po ni gshin rje ma hA kA la zhes grags so/ /sring mo ni lha mo dmar mo tsa muN+Di zhes bya bar grags so/ /gshin rje ming sring de gnyis chos bzang lha'i mdun sar khrid nas phyin to/ /de nas phyag na rdo rje nyid kyis/ gshin rje'i ming sring la/ ma hA yak+Sha bdud las rnam par rgyal ba'i dbang bskur te/ sngar bzhin du lha dang lha ma</font><hr>104.208b<br><font size=+1>

yin gnyis g.yul chen po bkye'o/ /de nas gshin rje ma hA kA las/ lag na gsal shing ri rab tsam gcig gis/ lha ma yin gyi g.yul ngor dril bas g.yul bzlog go /tsa muN+Di'i ral gri me lce phreng ba zhes bya bas/  lha ma yin he ra Na ke shu'i mgo bcad do/ /de nas lha dmag mang pos kyang lha ma yin la mtshon cha'i char phab nas/ khrag rnams dmag mir sprul pa 'dra ste/ lha mo tsa muN+Dis he ra Na ke shu'i thod pas/ khrag bcus shing rol pas 'phel ma nus par byed kyin mtshon gyi char phab nas/ tsa muN+Di'i lte ba la lha bye ba dung phyur rnams kyi rdzong byas pas 'thabs so/ /lha dmag dkar po rgyal bar byas shing dpag bsam shing gi mnga' bdag tu gyur te/ rnam par rgyal ba'i khang gzangs yang rang byung du yod do/ /lha ma yin 'pham par gyur to/ /brgya byin nyon cig /de nas lha'i bu mo tsa muN+Di des/ ri khrod chen po mdangs dga' zhes bya bar/ shing ri khrod zhes bya ba'i lo ma gyon nas/ lo bdun du 'phags pa mi pham pa'i gzungs bzlas pas/ lha mo par+N+Na sha ba ri ri khrod lo ma can zhes bya bar gyur to/ /de nas lha mo des glu dung gi mdzer pa can zhes bya ba'i byang chub sems dpa' de bya khyung ka ru Na zhes/ lha mo par+N+Na sha ba ri des bya khyung brtul bas klu bskyangs te/ lha mo dkar mo dung skyong ma zhes bya bar gyur to/ /lha mo dung skyong ma de ni ri rab rtse mo rnam par rgyal ba'i khang bzangs rtse/ byang shar gyi mtshams byang chub kyi shing drung na/ rin po che'i khang pa bdun brtsegs kyi gzhal yas kyi khang na/ rin po che'i khri stengs na/ gser dngul baiDUr+ya'i dbu rgyan dang mgur chus brgyan te/ lus 'gying bag tu bzhugs so/ /lha'i bu dang bu mo mang pos kyang longs spyod dang /  glu dang dbyangs dang / rol mo bsam gyis mi khyab pa'i mchod pa byed do/ /brgya byin nyon cig /de nas yul lang+ka pu ri ru su srin po'i grong khyer bdun 'bum yod pa la/ lha rnams kyis skyon phab ste/ srin po dA shA grI ba dang / de'i sring mo rna la rtse gnyis lus so/ /de nas srin po da sha grI bas/ lha dang mi 'dul 'dod pa'i don ched du/ sring mo lha ma hA de ba la btsun mor phul lo/ /de nas lha dbang phyug ma hA de ba dang / sring mo rna la rtse gnyis tshogs pa las/ phas ni khye'ur smon lam btab/  mas ni bu mor smon lam btab/ ma'i smon</font><hr>104.209a<br><font size=+1>

lam mthu btsan pas/ ya mtshan can gyi bu mo gcig byung / pha khros pas thal khung du bor ro/ /mas slar blangs nas lus kyi drod la btsas nas/ A yu b+h+r+'u~M zhes tshe drangs gsos te/ phas ming btags pa sbas pa'i thal mdog mar ming btags/ mas ming mi pham khro gnyer ro langs mar ming btags/ gnod sbyin lag na rdo rjes dmod btsugs nas ming btags pa/ dus thams cad du nag mo re ma ti zhes bya bar grags par gyur nas/ sangs rgyas kyi bstan pa bsrung ba'i nus mthu dang ldan par gyur cig ces ming du btags pa'i tshe/ bar snang gi lha ma srin sde brgyad po yongs kyis kyang de ltar gyur cig ces bzlas so/ /de nas skye ba thams cad du nag mo re ma ti zhes bya bar grags so/ /lha mo dung skyong mas ming btags pa ni/ srin mo dmar 'dab phur ba'i lha gser can zhes bya bar ming btags so/ /dus der srin po da sha gri+A ba des/ nga ni lceb po lceb bo'i sgras 'jig rten du grags so/ /sring mo dang rna la rtse gnyis kyis ming po ma lceb par ci 'dod pa nga la smros shig ces gsol to/ /da sha grI bas gsol ba/ nga ni lha mo dung skyong 'dod do zhes gsol to/ /sring mos smras pa nga'i nu mo phur pa'i lha 'di ni lha mo dung skyong gi khol mo byed du gsol te/ de nas gdod bslu'o zhes smras so/ /de nas rna la rtse yis bu mo khrid nas dkar mo dung skyong gi g.yog tu phul lo/ /de nas re ma tis dkar mo dung skyong la 'di skad ces gsol to/ /kye che zhe chen mo rigs kyi yum/ /bdag nyid chen mo ga gar ma/ /dbu bzangs rin chen thor tsugs la/ /bai DUr sngon mo 'od lam lam/ /zhal bzangs pad+ma'i dkyil 'khor du/ /nyi zla phrugs gcig brgyan bkod de/ /tshems bzangs dung la ljags bzangs me/ /khyod 'dra 'jig rten khams na me/ /bdag ni khyod kyi gtan 'bangs bgyi/ /khyod kyis bdag la thugs brtser dgongs/ /bdag kyang glo ba nye bar bgyi/ /ces gsol to/ /de nas lha mo'i g.yog mo byas nas glo ba nye bar byas te lha mo'i yid la ci 'dod pa dgos pa byas so/ /de nas lha mo yang kho mo de la dgyes nas gces par byed de/ de'i tshe de'i dus na yul lang+ka ka pu ri ru/ spre'u 'bal le dang mgrin bzangs 'thabs pa la lha thabs cad ltad mo la 'gro bas/ lha mo u mAs bu mo dung skyong ma la 'di skad ces smras so/ /</font><hr>104.209b<br><font size=+1>

de ring khyod kyi gan du su 'ongs pas khyod bslu ste 'ong bas/ de la ma lta cig ces bstan tsam na/ khol mos skabs der da sha grI ba la sbran no/ /der srin po da sha grI bas/ srin gyi bong bu dmar gwa la zhon nas/ lha mo'i pho brang sgor phyin te srin po kho bdag ni mi'i cha byad la shin tu gzugs bzang la mdzes pa gcig tu sprul/ bong bu ni ri dgas gwa dor smug po cig tu sprul te/ lha mo dung skyong ma'i spyan sngar phyin nas/ rol mo'i sil snyan dang glu dbyangs sna tshogs byas pas bslus so/ /lha mo rol mo la dga' bas 'dzum cig shor ro/ /de nas srin pos glags rnyed de/ lcags kyi lham sgrog sngon po bkrol nas bzung ste glu 'di skad blangs so/ /kye yongs 'du shing gi gnas mchog na/ /rin chen mdzes pa'i pho brang nas/ /bde ldan 'phrul gyi lding khang na/ /'gying bag tshul du gar mdzad pa/ /dbang phyug sras mo ma lags sam/ /dga' byed dung skyong ma lags sam/ /lha mo mang po'i tshogs dang rol/ /dbu'i snyan cha gdub 'khor ni/ /rin chen mdzes pas kun nas spras/ /spyan ni ut+pa la 'dab ma 'dra/ /shangs ni bil ba'i 'bras bu 'dra/ /zhal nas ut+pal ngad kyang bro/ /sku ni 'khril ldem gzhon tshul 'dra/ /gsung ni tshangs pa'i dbyangs snyan mchog /nu 'bur stod smad phyed pas 'gying / /khyod 'dra'i sku ni gzhan na dkon/ /lha'i longs spyod mdzes pas mi brel yang / /zhabs kyi chas su lcags sgrog 'di 'bul zhes/ /ci mdzad ci sdug ci yang gsung ba snyan/ /khams gsum dag na khyod 'dra shin tu dkon/ /sems can kun gyis lta bas mi ngoms khyod/ /bdag gis dbul 'di bzhes par gnang bar mdzod/ /ces phul ba la/ lha mos lcags sgrog blangs so/ /de nas rang gi rkang pa g.yas pa la dkris te rgyan byas so/ /de nas khol mo des/ jo mo dung skyong ma la zhus pa/ kye jo mo bde mchog dung skyong ma/ bdag zhu ba gcig mchis na gnang ngam byas pa la/ jo mo na re khyod glo ba nye bas ci zhus pa gnang ngo zer ro/ /de nas lha ni ngag bden pa'i sdom pa yod pas/ ji skad smras pa ltar byed pa yin no/ /de nas khol mos gsol pa/ kye bdag gi yun gyi rjer gyur dung skyong ma/ /khyod 'dra 'jig rten gzhan na med/ /'grogs pas zla med skar ma gcig shar 'dra/ /deng 'dir mchis bas lcags sgrog 'bul mkhan de/ /gtan gyi grogs zlar mdzad par zhu ba</font><hr>104.210a<br><font size=+1>

'bul/ /bdag kyang rtag tu khyod kyi bran mo byed/ /zhes zhus pa la/ lha mo des sngar khas blangs pa des mi bya ba'i dbang med nas/ lha mo na re khyor bya'i mi de gang na 'dug /su yin byas pa la/ khol mos smras pa/ de ni bdag gi zhang po srin po da sha gri+A ba yin/ yul lang+ka pu ra na 'dug ces smras pa dang /  de nas dung skyong ma dbang med du srin po'i chung mar song ngo / /de nas lha mo u mAs bu mo dung skyong ma la dmod pa bor ba nga'i bu mo rab tu gces par byas te/ lha'i longs spyod mdzes pas mi brel yang / /nga la gsangs nas srin po'i chung mar song / /phyin cad bu mo khyod kyang srin dang 'grogs/ /mi sha za yi zhing mi lpags gyon par gyur/ /srog gcod byed cing mi yi thod khrag thogs/ /bong bu zhon la lha'i kha dog nyams/ /srin gyi kha dog nag la 'jigs par shog /de yi khol mo re ma ti khyod kyang / /nga yi bu mo bslus te srin la byin/ /khyod kyang mi sdug 'jigs pa'i gdong du gyur/ /tshe rab kun tu khyo dang ma phrad cig ces dmod pa bcu gnyis pa bor ro/ /de nas bu mo la ma'i dmod pas bsdigs nas lha'i kha dog dkar po nyams te mthing nag tu gyur/ mi sha za mi khrag 'thung / mi lpags gyon bong bu zhon/ gcer bur bud nas 'dug go /bu ni srin po phru gu seng ge zla dang / me tog cod pan dang / gangs can dang / mche ba bdun pa la sogs pa lnga brgya skyes tsam na/ khyo srin po da sha grI ba shi'o/ /de nas bu mo dung skyong ma yang yugs sa'i cha lugs byas te/ skra mdun skra lan bu gcig la blas so/ /bran mo phur ba'i lha yang dmod pa sdig pas/ srin gyi phag rdzi byed tsam na/ phag rdzi dun bu srin bya bas mo la dbang med du chags pa spyad do/ /de nas phur pa lha yang nal bu sbrum mo/ /de nas dpon g.yog gnyis kyis srin po'i bong bu brkus pa zhon nas/ da sha grI ba'i ral gri sdig pa can brkus pa g.yas na thogs/ srin po'i nor bu rin po che brkus nas ne'u le'i rkyal bur sbas nas/ lag pa g.yon du thogs nas bros so/ /phyi nas srin po'i dmag gis bsad kyis dog nas/ bong bu bskyod nas kha phyir bstan te/ phyi na srin po bya ra byed cing phyin no/ /tha mar dur khrod gcig tu phyin na skyes pa g.yul</font><hr>104.210b<br><font size=+1>

du bsad pa'i ro gcig dang phrad do/ /de nas khong gnyis sha de bsregs nas za 'dod pa la gtsub shing med nas/ rgya mtsho'i 'gram na rdo sol gyi ri la char bab nas me 'bar ba mthong nas rdo sol me blangs nas sha bsregs nas zos so/ /phyi na khyi dkar po gcig 'brang ba yang bsad nas zos so/ /lpags pa la rgyal mtshan byas so/ /de nas khol mo re ma ti la nal phrug skyes so/ /khong gnyis kyis nal phug gi sha yang zos so/ /de nas jo mos bong bu la zhon khol mos kha khrid byas nas rgya mtsho'i khar phyin nas/ gshin rje rlung gi 'khor lo can zhag bdun bsgoms pas/ rlung nag tshub ma nag po gcig drung der grub bo/ /de nas lha mo dpon g.yog gnyis kyis/ snang srid kyi lha 'dre mthu bo che pos nas smon lam btab pa/ nga yang tshe 'di 'phos ma thag tu gsang sngags kyi grub pa thob nas rgyal ba'i zhal mthong ste/ 'dod pa'i khams kyi dbang phyug mar shog shig /nga'i bran mo phur pa'i lha 'di yang dus thams cad du nga'i 'bangs ka ma lar shog shig /nor du mi mgo la longs spyod par shog shig /zhon pa bong bu la byed la/ lag cha ral gri la byed bar shog shig ces smras so/ /rgya mtsho skor zhing rlung tshub ma la bA ya be bA ya be zhes bos tsam na/ tshub ma byung bas dpon g.yog gnyis ka rgya mtsho'i nang du bskyur te btang ngo / /de nas lha mo dung skyong ma des mi sha zos pa'i mthu dang / rang gi smon lam gyi dbang gis/ rgya mtsho'i 'gram du dur khrod chen po ro'i tshal zhes bya bar/ gshin rje'i lha mthu can gyi bu mor skyes te/ gnod sbyin ma chen mo la kha dog mthing nag la rab tu 'jigs pa/ mig rtsa dmar ba mche ba zang yag la ral pa ting za bang du 'dug pa cig tu gyur te/ gshin rje mA ru rtse dang sbyor ba byas pa la bu bdud khram nag po bya ba byung / bong bu yang dmar gwa la g.yu'i rna ba can rlung gi gshog pa can/ mig 'jug mar la yod pa cig tu byung nas nor skal byed do/ /de nas khol mo re ma ti ro langs ma 'di ni skye ba gang blangs zhe na/ rgya mtsho'i nang du bud med lus po phyed skams la chu srin gyi mgo can gcig tu skyes te/  ming yang klu mo gzhogs skams</font><hr>104.211a<br><font size=+1>

chu srin mgo klu mo re ma ti zhes bya bar btags nas/ zhag dgu bcu na tshe 'phos nas / skye ba blangs pa ni yul dri za'i grong khyer gser sdings skyed mos 'tshal zhes bya ba na/ dug shing nag po 'gyur med kyi rtsa ba na bdud ri ti 'gong nyag dang / dran pa dbang byed gnyis byi byas pa la zhag drug bcu rtsa gcig na bu mo gcig skyes te/ phas ni srid pa gsum gyi blo 'phrog mar btags/ mas ming btags pa ni ya tsha na 'phrul gyi gshog pa can du btags/ bdud pho mo gnyis kyis rang gi bu mo la skra nyag re la gser dang / bai DU r+ya'i chun 'phyang dang / rin po che'i dbu rgyan dang / nyi zla'i thod rdeng dang / thod pa'i mgur chu dang / sbrul gyi gdu bus brgyan te/ byi byas pa'i nal phrug yin pas/ bdud kyis rin po che sna lnga'i khang pa'i dbus su thod pa'i gzhal yas khang byas/ thod pa'i nang du yang thod 'phrul gyi lding khang grub/ de'i nang du khang pa bdun brtsegs kyi bdun tshogs kyi nang du/ mi ro 'bum gyi khri stengs su bu mo de sus ma mthong sus kyang ma tshor bar sbas te/ sgo smra bo lag rings dang / nam gru khrab thogs kyis bcad do/ /bdud kyi dmag gi rgyal mo dang / gling bzhi'i rgyal mo dang / sa bdag gi rgyal mo dang / de rnams kyis khang pa de rab tu srung zhing 'khod do/ /brgya byin nyon cig /de'i tshe na lha mo dung skyong ma ni/ sngon gyi khol mo re ma ti ro langs ma bdud kyi bu mor skyes pa bkug nas khol 'dod pa las/ phyag na rdo rje nga'i gsang sngags bye ba phrag bcwa brgyad bzlas pas/ gsang sngags de'i byin gyi brlabs las/ mkha' 'gro'i ting nge 'dzin grub pa mo/ /lag na pad+ma he ru ka thogs pa gcig rang byung bas/ ma bdud kyi yul dang pho brang kun byin gyis brlabs pa'i tshe na/ bdud kyi rgyal po dang / blon po dang / 'khor rnams dran pa med par myos par gyur to/ /bdud kyi bu mo re ma ti des sngon gyi jo mo lha mo dung skyong ma dran pas/ yid phyogs te dung skyong ma'i spyan sngar 'gro 'dod pa'i bsam pa drag po byung nas/ bdud ri ti 'gong nyag gi mtshon bdud kyi khram bam nag po de/ bu mo re ma tis brkus nas/ lag pa g.yas su thogs/ ma'i mtshon gyis grug gu sngon dmar de brkus</font><hr>104.211b<br><font size=+1>

nas lag pa g.yon na thogs nas/ nam phar phyed tshur phyed na jo mo dung skyong ma'i gan du bros te phyin nas/ lus gcer bur 'dug pa la/ khyim bdag rab sbyin gsal gyi ba rdzi mo dmangs rigs mo bya ha mu zhes bya ba de re lde nag po gyon nas 'dug pa dang phrad/ mos dmangs rigs mo bsad nas sha zos/ pags pa rked la dkris/ de'i gos re lde bshus nas bdud mo nyid gyon nas phyin tsam na/ lam khar srin mo bu rna sha ba'i gsur khrag /nad kyi rdzing bu cig yod pa'i khar phyin pa las/ bdud mo re ma tis skom nas thog cig 'thungs tsam na/ kha rlangs las nad du song bas/ mo'i kha rlangs gar phog pas rims nad byung ngo / /der mo rang yang ngo tsha skyes nas/ sngar gyi dmangs rigs mo bsad pa'i rlung bu rked las bkrol te/ nang nad kyi rdzing bus bkang nas/ kha sbrul gyis bcings te/ mchan khung du sbas nas/ sems can la gdug par bya bar bsams te/ phyin tsam na/ btsan skya rdo rje zla ba dang phrad pa na de bdud mo chen mo chags pa spyad dgos/ rngan pa yang sbyin zer nas/ mo bzung nas chags pa spyad pa'i khu ba thigs pa gcig 'dzam bu'i gling du bo ba ni jod ji dkar por song / der btsan skya rdo rje zla ba'i lag na shod rde'u dkar nag gang la bor ba phung bar byed pa bdun yod pa la/ mo la byi rngan du byin pa de blangs te/ lag pa g.yon du bzung nas/ grong khyer sbrang ldan zhes bya bar phyin tsam na/ rgyal po seng ge rtsal la bsod snyoms byas te/ sbrang rtsi lhung bzed gang phul nas/ sbrang rtsi lag tu len khar phyag tshang bas hub byas nas mo la sbyin/ mos blangs tsam na/ bar snang gi lha rnams kyis bdud mo/ rgyal po'i khol mo'i lhag ma dang kha 'phro 'thung ngam/ che ba nyams so zhes zer tsam na/ bdud mo re ma ti khros pas yid 'khrugs te/ rgyal rigs la der rims nad btang ngo / /der rgyal po'i dkor zangs kyi dra ba dgu phul nas rims bcad do/ /de nas nag mo re ma ti des/ rgya mtsho'i 'gram du dur khrod chen po ro'i tshal du sngon gyi jo mo dung skyong ma'i spyan sngar phyin to/ /de nas dpon g.yog gnyis 'grogs nas/ srid pa gsum gyi sems can zad cing stongs par byed pa'i dus de tsam na/ jo mo dung skyong ma'i zhon pa srin gyi </font><hr>104.212a<br><font size=+1>

bong bu dmar gwa dang /  srin mo rna la dun rtse'i rgod ma zangs kyi so can gnyis chags pa spyad pa las/ dre'u mo sngon mo rlung gi gshog pa can gcig byung ba de/ rgyu ma'i 'thur la zangs kyi sga bstad nas/ lha mo dung skyong mas khol mo re ma ti la zhon par byin/ der jo mo ni bong bu dmar gwa la zhon/ khol mos dre'u sngon mo la zhon/ rje mos mi lpags gon thod pa dang ral gri lag na thogs/ khol mos re lde nag po gyon/ lag na khram bam dang / shod rde'u thogs/ de nas shin du mthu rtsal che ste skye ba rnam bzhi'i sems can yo zad cing stongs pa tsam du zos so/ /'jig rten gyi mkha' 'gro ma/ dkar mo'i tshogs dang / sngon mo dang dmar mo dang / ser mo'i tshogs dang / lha mo dang / bdud mo dang / srin mo dang / bsam gyis mi khyab pa mang po yang lha mo rje khol gyi 'bangs bgyi zer zhing bran du 'ongs so/ /brgya byin nyon cig dus de tsam na lha mo dpon g.yog gnyis/ bud med kyi rang bzhin du gyur pa nyid kyis/ rtag par 'dod pa'i 'khrig pa spyad pa'i ched du khyo dgu dang sbyor ba byed de/ je mo la khyo lnga khol mo la khyo bzhi yod de/ rje mo'i khyo lnga ni/  gza' rA hu la/ srin po sgra ldan/ gshin rje mA ru rtse/ bdud char ka nag po/ /klu kun+dA la dang lnga/ khol mo'i khyo bzhi ni/ 'byung po dge ba dang /  bgegs bI na ya ka dang / gnod sbyin yak+Sha ka pa la dang / rlung bA be dang bzhi'o/ /de ltar dpon g.yog gnyis kyi khyo dgu ni/ nyin par ni mchan khung g.yon du bskungs shing sbed la/ mtshan mo dur khrod du bskung zhing sbyor ba byed do/ /brgya byin nyon cig de nas lha'i bu mo la sngon gyi las 'phros 'brel zhing dge ba spyad pa'i shugs kyis/ byang chub kyi shing drung na/ bcom ldan 'das bzhugs pa'i spyan sngar phyin nas/ lha mo des byang chub mchog tu sems bskyed de/ bcom ldan 'das kyi zhabs la phyag 'tshal nas rang gi snying po 'di phul lo/ /tad+ya thA/ o~M ru ru be tista ba do si/ ru ru ro ru besti sta ba do si/ tsa pa la a shug+me hU~M b+h+yo dzaHzhes phul lo/ /khol mos rang gi snying po phul ba/ tad+ya thA/ o~M ru ru be ro ru hU~M tista to si/ rag+mo tsit+ta kha rag+ma dun b+h+yo/ ma ma tragrak+Sha kha mun+t+ra ba tra rak+sha tsit+ta kha rag+ma du~M hU~M b+h+yo/ </font><hr>104.212b<br><font size=+1>

ru lu sa ma ya phra ma ma hA sti phra b+h+yo zhes phul lo/ /de nas byang chub mchog tu sems bskyed nas lha mo dpon g.yog gnyis kyis a su ra'i brag phug tu phyin pa las bram ze mchog sred bsgrub pa dang phrad do/ /lha mos khyod 'di na ci byed byas pa la/ bram ze mchog sred kyis smras pa/ sngon khams 'di nyid na dge slong brtan pa'i sde dang / dge slong ma dar ri sde gnyis khrims nyams te rgyal po'i chad pas bsad do/ /de skye ba 'phos pa ni/ bdud la~Mng 'ge'u ri dang / ro sha kha 'dar gnyis su gyur te/ yul mi ci yod zad par zos nas/ de nas nga la za res bab pas/ nga ni bdud 'dul ba'i phyir/ yum e ka dza Ti ral gcig ma/ bsgrub bo zhes zer ro/ /dung skyong ma na re 'o na nged dpon g.yog kyang bsgrub par bya na/ yon tan de lta bu yod dam byas na/ bram ze na re khyed gnyis dngos grub ci 'dod pa yin/ lha mo na re nged gnyis 'dod pa'i khams kyi dbang mo cher gyur nas/ sangs rgyas kyi bstan pa bsrung ba'i grub pa 'dod byas pa la/ 'o na grub par bya'o zhes zer nas/ bram ze dang lha mo dpon g.yog bsgrub pa byas pas yum e ka dza Ti zhal mthong nas grub pa thob bo/ /yum e ka dza Tis/ lha mo dung skyong ma'i ming ni/ dpal lha mo nag mo ma hA kA li zhes btags so/ /khol mo'i ming ni yak+sha re ma ti zhes bya bar btags so/ /'dod khams 'dul ba'i dbang mo cher dbang bskur ro/ /ma hA kA lis kyang chos bskyang zhing bstan pa bsrung bar khas blangs so/ /rang gi snying po 'di phul lo/ /\u0f00 ru ru be tista ba do si/ ru ru ro ru be tista ba do si/ tsa ba la a shug me b+h+yo dza:re ma tis kyang / o~M ru ru ro ru be tista ba do si/ rag mo tsit+ta kha rag ma hU~M b+h+yo/ ma ma trag rag sha kha mun tra ba tra trag rag sha /tsit+ta kha rag me re ma ti sa ma ya phra ma ya phra ma ma hA te phra dun b+h+yo/ dza:dza:ru lu b+h+yo zhes phul lo/ /bdud la~M nga 'ge'u ri dang ro sha kha 'dar bsgral lo/ /de nas sa'i lha mo brtan mas kyang nam gru mched brgyad kyang 'bangs su phul lo/ /srin yul du dmag drangs pas/ srin po yag+sha ko re bsgral lo/ /brgya byin nyon cig /de nas 'phags pa spyan ras gzigs kyis/ dpal rta mgrin du sprul pa'i bsgrub pa byas te/ rta mgrin gyi zhal mthong zhing gsang</font><hr>104.213a<br><font size=+1>

ba'i gzungs ma byas te/ rje mo'i ming dpal lha mo nag mor btags so/ /khol mo'i ming ni rdo rje glog ma srin du ming btags so/ /des phyag rgya chen po'i dbang bskur ro/ /las kyi lhar byin gyis brlabs so/ /de'i tshe na dpal lha mo nag mos/ dpal rta mgrin la snying po mdong du phul lo/ /bstan pa bsrung bar khas blangs so/ /de nas sngon gyi u ma de bA dang rna la rtse gnyis kyang / sngon gyi bu mo gnyis la srin lag rtse la nu zho glugs pas bros nas/ dred mo'i ral pas g.yab mos 'bod de/ bu mo gnyis ma'i drung du phyin tsam na/ dbang bskur zhing dam bsgrags/ bstan pa bsrung bar dbang byin to/ /'khor los gyur pa'i rgyal pos kyang rang gi rtsa dang khrag dang khu ba'i mchod pa byas nas/ lha dang mi'i rgyal srid phul nas/ rma bya rin po che'i gshog pa can spyi bo na nor bu rin po che yod pa/ jo mo la nor skal du byin no/ /bya de mo nag mo spyi bo na nor bu rin po che yod pa cig khol mo la nor skal du byin nas/ lha mo rje khol gnyis 'khor los sgyur ba'i rgyal pos byin pa'i rma bya dang / de mo nag mo gnyis gtan gyi nor skal byed cing chags/  de nas dpal lha mo ni gsang ba'i gnas dur khrod ro khang nag po'i dbus mA ru tse'i sgo 'gram du/ dpal phyag na rdo rje'i he ru ka'i dngos grub sgrub pa'i tshe/ dpal phyag na rdo rje'i dngos grub grub ste/ dpal phyag na rdo rjes lha mo dpon g.yog la spyi bo gtsug tu dpal rta mgrin gsang ba'i dbang bskur/ lus ngag yid gsum la khrag 'thung he ru ka'i dbang bskur/ thugs kyi dpal be'u rigs lnga sangs rgyas kyi dbang bskur/ sku stod kyi rgyan du 'phra men ma bcu drug gi dbang bskur/ ljags kyi dkar dmar la lcags kyu gsang ba'i dbang bskur ro/ /gnad mdo chen drug tu tshom bu gsang ba'i dbang bskur ro/ /gsang ba pad+ma la thig le ye shes shar ba'i dbang bskur/ rdo rje pho nya mo drug bcu rtsa bzhi 'khor du dbang bskur/ pad+ma gar gyi dbang phyug ni sprul pa dang yang sprul du dbang bskur/ de'i tshe 'jig rten gyi khams 'di rnam pa drug tu g.yos so/ /de nas dpal phyag na rdo rjes jo mo'i ming ni dpal ma hA kA li zhes btags so/ /khol mo'i ming</font><hr>104.213b<br><font size=+1>

ni gnod sbyin shan pa nag mo re ma ti zhes btags so/ /sangs rgyas kyi bstan pa bsrung bar gnyer gtad do/ /de nas dpal phyag na rdo rje nyid la/ dpal lha mos rang gi snying po phul te/ sangs rgyas kyi bstan pa dus rtag tu bsrung bar khas blangs so/ /de nas dpal lha mo de mthu dang rdzu 'phrul bsam gyis mi khyab par gyur to/ /'dod pa'i khams kyi dbang phyug mar gyur pa'i tshe/ lha tshangs pas nyi ma'i rgyan phul khyab 'jug gi zla ba'i rgyan phul/ rnam thos sras kyis seng ge'i rna cha phul/ nam mkha'i lha bran rnams kyis dril bu'i rgyan phul/ srin po dang sha za rnams kyis thod phreng dang khrag dang zhag gi thig le phul lo/ /klu dga' bos sbrul gyi gdengs ka phul/ lha mo de srid pa gsum na 'gran pa'i zla med par gyur to/ /de nas brgya byin gyis gsol pa/ kye bcom ldan 'das gsang ba'i bdag po/ 'dod pa'i khams kyi dbang phyug ma 'di/ dang por lha'i bu mor gyur pa dang / bar du srin po'i chung mar gyur pa dang / da ltar 'dod pa'i khams kyi dbang phyug mar gyur pa 'di/ sngon gyi rkyen ci las grub lags zhes gsol pa dang / gsang ba'i bdag pos bka' stsal pa/ brgya byin nyon cig /da ltar lha mo nag mo 'di sngon sangs rgyas 'khor ba 'jig gi bstan pa la lha mo 'od zer can du gyur te dge ba bcu sha stag spyad do/ /de nas sangs rgyas gser thub kyi bstan pa la lha mo dpal bstan ma zhes bya bar gyur te zhe sdang rang kha mar spyad do/ /de nas sangs rgyas 'od srung gi bstan pa la lha mo many+dzu zhes bya bar gyur te/ dus de tsam na shAkya thub pa ni dge slong dbang phyug dpa' bo zhes bya bar grags so/ /dge slong de la lha mo many+dzus mchod gnas byas shing smon lam gcig tu btab bo/ /brgya byin nyon cig /de da lta na ni lha mo 'di la sangs rgyas gsum gyi ring gi rnam par smin pa shAkya thub pa'i bstan pa la dus gcig tu smin no/ /lha mo 'di dang por ma hA de ba'i bu mor skyes pa ni dang por dge ba spyad pa'i mthu'o/ /bar du srin po'i chung mar gyur nas rang lceb pa ni zhe sdang spyad pa'o/ /tha mar da ltar 'dod pa'i khams kyi dbang phyug mar gyur pa ni/ sangs rgyas thams cad kyis dbang bskur nas shAkya thub pa'i bstan pa bsrung ba ni/ </font><hr>104.214a<br><font size=+1>

sngon shAkya thub pa la sdig bshags byas kyi smon lam btab bo/ /khol mo re ma ti sngags kyi bsod nams las grub pa'o/ /mkha' 'gro ma me lce 'bar ba'i rgyud las gleng bzhi'i le'u ste dang po'o// // de nas lha'i dbang po brgya byin gyis/ gsang ba'i bdag po dpal phyag na rdo rje la 'di skad ces gsol to/ /kye bcom ldan mgon po gsang ba'i bdag /ma 'ongs phyi ma'i sems can rnams/ /mkha' 'gro rnal 'byor rab bsgrub pa'i/ /slob dpon slob ma'i mtshan ma'i rgyud/ /gang yin bdag gis nyan par 'tshal/ /zhes zhus pa'i tshe/ gsang ba'i bdag pos bka' stsal pa/ /dpal ldan lha mo rdo rje mkha' 'gro ma/ /thun mong ma yin kun gyis bya ba min/ /de yang slob dpon mtshan nyid bshad/ /slob dpon chos la rab 'dud pa/ /tshad med bzhir ldan snying rje can/ /phyi nang gsang ba'i dbang thob nas/ /dam tshig srog bzhin 'dzin byed cing / /bden pa gnyis rtogs lta ba can/ /sngags dang phyag rgya mi spong zhing / /rtag tu phyag rgya che la gnas/ /sems can don byed man ngag ldan/ /de ni slob dpon mtshan nyid ste/ /slob ma dul la dad pa can/ /bla ma'i zhabs la rab 'dud cing / /dad dang stong phod snying rje can/ /'dul dang sdom pa dam tshig 'dzin/ /lha dang slob dpon rtag tu bcang / /gsang sngags 'dzin pa'i snod ldan la/ /slob mar bya ba nga yis bshad/ /dpal mkha' 'gro ma me lce 'bar ba'i rgyud las slob dpon dang slob ma'i tshad bstan pa'i le'u ste gnyis pa'o// // de nas lha'i dbang po brgya byin gyis/ dpal phyag na rdo rje la 'di skad ces gsol to/ /rdo rje sems dpa' dpa' bo che/ /dus mtha'i rnal 'byor bskyang slad du/ /rdo rje gsang ba'i mkha' 'gro ma'i/ /lta ba dam pa bdag nyan 'tshal/ /zhes zhus pa'i tshe/ dpal phyag na rdo rjes bka' stsal pa/ bdag dang rdo rje mkha' 'gro ma'i/ /gdod nas ma skyes gzung 'dzin yul dang bral/ /nga dang bdag 'dzin mtshan ma'i rtog pa bcom/ /don dam kun rdzob skye ba med pa'i gzhi/ /gnyis med chos kyi dbyings du dbyer med cing / /stong nyid chos sku nam mkha' ye</font><hr>104.214b<br><font size=+1>

shes lnga/ /sprul pa'i phyag rgya lha dang lha mo'i mtshan mar snang / /mkha' la 'ja' 'dra rang bzhin ga la yod/ /snying rje'i dbang gis 'gro don byed pa na/ /mdor na sangs rgyas sprul pa yin pa ste/ /khol mo byang chub sems dpa'i sprul pa'o/ /mtshan ma'i srin mo bdud mor blta mi bya/ /mkha' 'gro ma me lce 'bar ba'i rgyud las lta ba bstan pa'i le'u ste gsum pa'o// // de nas lha'i dbang po brgya byin gyis 'di skad ces gsol to/ /gsang ba'i bdag po ye nas thugs rje can/ /rdo rje mkha' 'gro ma yi dngos grub bsgrub pa'i phyir/ /dkyil 'khor rnam pa gsum gyi rgyud bshad 'tshal/ /zhes zhus pa'i tshe/ phyag na rdo rjes bka' stsal pa/ brgya byin la stsogs 'khor rnams rab tu nyon/ /dkyil 'khor rnam gsum mtshan ma'i phyag rgya ni/ /rang bzhin dkyil 'khor byang shar ri rab rtse/ /ting 'dzin dkyil 'khor rnal 'byor sems kyi yul/ /gzugs brnyan dkyil 'khor gnas bzhi'i sa la bya/ /tshon rtsi mi rus ldong ros rams dang skyegs/ /mthing nag gru bzhi'i dbus ni e gru gsum/ /dbus su gtso bo phyag na rdo rje ste/ /de yi g.yas su lha mo nag mo ste/ /g.yon du ma mo'i ting 'dzin grub pa mo/ /gtso bo'i mdun du khol mo re ma ti/ /de yi phyi rim srid pa'i ma mo dang / /stag spyang bya rgod seng ge khyung gis bskor/ /phyir rim thod phreng me ri keng rus bri/ /tsa ka li 'am yig 'bru phyag mtshan bri/ /mkha' 'gro ma me lce 'bar ba'i rgyud las dkyil 'khor bstan pa'i le'u ste bzhi pa'o// //  de nas lha'i dbang po brgya byin gyis/ dpal phyag na rdo rje la 'di skad ces gsol to/ /kye 'jig byed che mchog 'gro kun 'dul ba'i gtso/ /rdo rje mkha' 'gro nag mo dam pa yi/ /dngos grub bsgrub pa'i rdzas rnams gang lags pa'i/ /gsang ba'i bdag po bdag la bshad du gsol/ /zhes zhus pa dang / phyag na rdo rje bka' stsal pa/ rdo rje mkha' 'gro'i dngos grub 'dod pa'i mis/ /rdzas rnams med na dngos grub mi thob ste/ /rmongs pas sa bon btsubs shing btsubs stan 'dra/ /kun ka tshang na dngos grub mtshan ma ster/ /mkha' 'gro ma la rdzas ni rnam pa bdun/ /bod pa'i rdzas dang ma mo</font><hr>104.215a<br><font size=+1>

bsten rdzas dang / /mchod pa'i rdzas dang dam tshig bsre ba'i rdzas/ /bskul ba'i rdzas dang mtshan ma dbab pa'i rdzas/ /tha mar gnad la 'bebs shing bzlog pa'i rdzas/ /bdun po 'di tshang grub pa'i mtshan ma 'byung / /gtso bo phyag na rdo rje'i dam rdzas ni/ /go ro tsa na gtso bo bod pa'i rdzas/ /gtso bo'i rten ni seng ldeng mi rus phur/ /gsal ba lnga dang bdud rtsis gtso bo mchod/ /dam tshig bcu yis rdo rje sa ni mchod/ /gu gul nag po yungs nag til gyis bsku/ /spos dang lce pog mi tshil mtshan ma 'bebs/ /gtso bo gnad la 'bebs pa a mr-i ta/ /dpal ldan lha mo nag mo'i bod rdzas ni/ /g.yab dar dang ni hasta mi tshil dang / /cong zhun spos lngas bsregs la 'bod/ /lha mo'i rten ni bu mo gtsang ma dang / /rgya mtshor shi ba'i bud med thod pa gnyis/ /mkhar du brtsigs la dkyil 'khor dbus su kha sprad la/ /mi gsod mtshon gyi ral gri sor brgyad pa/ /yu ba ma bris dkyil 'khor dbus su gzugs/ /rma bya seng ge g.yang gzhi go zung nag pa'o/ /rje mo lha mo nag mo'i dam rdzas ni/ /dge slong sha dang mi ro seng ge'i snying / /dri rgod sha dang dbang po rnam pa lnga/ /ru tra nag po'i snying dang bdud rtsi lnga/ /sman ma'i khrag dang sha khrag sna tshogs dang / /phye ma lnga yis gtor bas gur kum brdzi/ /pad+ma'i rak+tas byugs la rgyun gtor bya/ /lha mo nag mo 'di dang dam tshig bsre ba'i rdzas/ /ru hi rdo rje pad+ma mi de sngags/ /bskul rdzas mi yi tshil dang gu gul bsreg /mtshan ma 'bebs pa bu mo gtsang ma'o/ /gnad la 'bebs shing bzlog pa yugs sa'i rkang / /khol mo re ma ti'i bod rdzas ni/ /dred mo'i ral pas g.yab cing srin lag bstan/ /gu gul dang ni mi tshil gsur gyis bod/ /re ma ti yi rten du lug nag gam/ /de mo nag mo dri mo yi thod pa'o/ /khol mo re ma ti'i mchod rdzas ni/ /bum pa gang ba'i khrag dang a mr-i ta/ /nal bu'i sha dang mi sha chang phud do/ /dam tshig bsre zhing rtag tu mchod pa'i rdzas/ /ru hi rdo rje pad+ma dag gi shis/ /bskul rdzas gu gul nag dang cong zi'o/ /mtshan ma 'bebs pa bu mo gtsang ma'o/ /gnad la 'bebs shing bzlog rdzas dre'u yi rkang / /'di rnams gtsang zhing</font><hr>104.215b<br><font size=+1>

ma nyams tshogs 'gyur na/ /rdo rje mkha' 'gro ma'i tshogs rnams ni/ /bus pas u dum bar ba mthong ba ltar/ /dga' ba skyes nas mi la dngos grub gaster/ /de bas nan tan bskyed la brtson par bya/ /mkha' 'gro ma me lce 'bar ba'i rgyud las dpon g.yog gi dam rdzas bstan pa'i le'u ste lnga pa'o// // de nas lha'i dbang po brgya byin gyis/ dpal phyag na rdo rje la 'di skad ces gsol to/ /kye gsang bdag phyag na rdo rje 'dul ba'i gtso/ /bsgrub pa'i rten gyi rdo rje mkha' 'gro sku/ /thang ka bri ba'i nan tan 'dri bar 'tshal/ /zhes zhus pa'i tshe/ gsang ba'i bdag pos bka' stsal pa/ mkha' 'gro'i rten gyi sku gzugs ni/ /mis ma 'phrigs par dur khrod 'gro dang phyag na rdo rje dang / /lha mo'i snyen pa 'bum 'bum bzlas/ /de la sbyin sreg gtor ma 'bul/ /ri mo mkhan la dbang bskur ro/ /dam tshig rab tu sbyin par bya/ /de nas bud med zhabs ma dang / /ro dkris dag gi ras dag ni/ /ro bsregs 'gal ba'i shing gis kyang / /bro ba'i tshon rtsi rnam pa lnga/ /dpa' bo 'bru lnga'i 'phro 'du las/ /rgyal ba rigs lngar byin brlabs la/ /dbus su phyag na rdo rje bri/ /mdun du lha mo nag mo ni/ /bong zhon ral gri thogs par bri/ /g.yon du khol mo re ma ti/ /dre'u zhon khram bam thogs pa'o/ /g.yas su bram ze mchog sred ni/ /mgrin pa sma ra dkar la ring / /kriSh+Na'i stan la long phreng 'dzin/ /rma bya ne'u le thogs pa'o/ /de yi g.yon du bdag nyid ni/ /kriSh+Na'i stan la long phreng 'dzin/ /rma bya'i spu dang ne'u le thogs/ /de nas rang gi srin khrag gis/ /sku gzugs rnams kyi spyan phye la/ /mdun du gtor ma'i sbyin sreg dbul/ /zhabs la btud de phyag byas la/ /dngos grub gang 'dod gsol ba gdab/ /dkyil 'khor dbus su bzhugs su gsol/ /lha yi sku yi thugs kar ni/ /srin lag khrag gis zla gam bri/ /de yi dbus su snying po bri/ /de'i dbus rgyus chen sum sgril bdags/ /rtse mo bdag bzung bzlas pa bya/ /yang na lugs ma dag la bya/ /de ltar byas na dngos grub rgyu/ /mkha' 'gro ma me lce 'bar ba'i rgyud las sku gzugs bstan</font><hr>104.216a<br><font size=+1>

pa'i le'u ste drug pa'o// // de nas lha'i dbang po brgya byin gyis/ gsang ba'i bdag po dpal phyag na rdo rje la 'di skad ces gsol to/ /kye gsang mdzad drag po hU~M mdzad che/ /dpal ldan rdo rje mkha' 'gro ma'i/ /ting 'dzin bsgom thabs bdag la shod/ /ces gsol pa dang / phyag na rdo rjes bka' stsal pa/ lha'i dbang po brgya byin nyon cig /skye ba med pa'i ngang las sprul pa'i cho 'phrul ni/ /hU~M las rdo rje rtse ni lnga pa ste/ /de ni bdag nyid phyag na rdo rje yin/ /mdog ljang sngo la khro bo'i cha byad de/ /lus 'gying bag can/ dbu skra ral pa gyen la brdzes pa la/ rigs lnga'i dbu rgyan can/ phyag na ye shes kyi rdo rje rtse lnga pa 'bar ba/ lus la glang chen gyi ko ba dang / mchog gi g.yang gzhi dang / stag gi sham thabs dang / thod pa'i phreng ba dang / sbrul gyi chun pos lus brgyan pa/ spyan mig dmar ba/ mche ba gtsigs pa/ bskal pa'i me dpung ltar 'bar ba'o/ /de'i mdun du dpal lha mo nag mo bskyed de/ ma hA kA li bA yA be s+pha ra Na yang / de ni rlung nag tshub ma'i dkyil 'khor bskyed pa'o/ /ma hA kA li dz+wa la ra~M/ de ni me'i dkyil 'khor bskyed pa'o/ /de'i dbus su b+h+rU~M bi shwa bi shwa bi shud+he ka pA la hU~M/ de ni thod pa'i gzhal yas khang ngo / /gar+d+ha pa hU~M/ de ni bong bu dmar gwa la mig mjug ma na yod pa/ rlung gi gshog pa can no/ /ti ra ba~M bong bu'i thog tu zhing bsnol ba'o/ /ma sur+ya maN+Da la a/ nyi zla'i gdan no/ /b+h+yo nag mo'-i 'phro 'du las/ lha mo'i ting nge 'dzin/ o~M de bi+A shrI ma hA kA lI hU~M zhes pa la/ rang gi byang chub kyi sems la/ lha mo nag mo ni kha dog nag mo la/ ral pa gting za pad du 'dug pa/ mig rtsa dmar ba kha gdangs pa/ mche ba gtsigs pa/ lus la sbrul dang / thod pas brgyan pa/ lag na ral gri dang /  ne'u le thogs pa'o/ /thal ba dang khrag dang zhag gis mtshon pa'o/ /rna ba la dril bu dang seng ge la byas pa/ nyi ma dang zla bas lus brgyan pa'o/ /sku smad glang gi ko bas brgyan pa'o/ /rkang pa la lcags sgrog gis brgyan pa'o/ /lha mo de'i spyan sngar re ma ti khol mo bskyed de/ ya~M bA ya be rlung gi tshub ma'o/ /b+h+rU~M bi ha ra Na hU~M/ rin po che'i gzhal yas khang ngo / /de'i nang du ka pA</font><hr>104.216b<br><font size=+1>

la b+h+rU~M las thod pa'i gzhal yas khang ngo / /de'i nang rti rti sti bru~M las 'phrul gyi lding khang ngo / /de'i nang du khang pa bdun bskyed do/ /de'i nang du dre'u rlung gi gshog pa can bskyed do/ /de'i steng du bse'i gdan no/ /de'i steng du ma nag mo'i 'phro 'du las/ rak+sha re ma ti hU~M zhes pa las/ bdud kyi bu mo re ma ti de nag mo ral pa kham pa la/ me stag dang rin po ches brgyan pa'o/ /mig dmar ba mche ba gtsigs pa/ re lde nag po dang mi lpags gyon pa/ lag pa na khram bam dang / shod rde'u thogs pa'i sbrul gyi gdengs ka dang / nyi zla'i thod rdegs dang / nad kyi kha rlangs can/ stag gi sham bu dang / zangs kyi dra ba dang / mtshon gyi gru gu dang ldan pa rnams bskyed do/ /b+h+yo b+h+yo b+h+yo b+h+yo zhes brjod pa las/ 'khor nag mo 'bum bskyed do/ /dpal me lce 'bar ba'i rgyud las ting nge 'dzin bstan pa'i le'u ste bdun pa'o// // de nas lha'i dbang po brgya byin gyis/ dpal phyag na rdo rje la 'di skad ces gsol to/ /mnyam nyid rdo rje'i sku bsnyems gsang ba'i lha/ /mtshan ma 'joms pa'i dpa' brtan drag shul can/ /rdo rje mkha' 'gro me lce phreng ba yi/ /srog snying bsgrub pa'i sngags rnams bshad par zhu zhes gsol pa dang / dpal phyag na rdo rjes bka' stsal pa/ sngags zhes bya ba mkha' 'gro'i srog rtsa yin/ /grangs kyang mang la zur yang ma chag ste/ /gug skyed tsheg drag dag kyang ma nor na/ /lha mo nag mo sngon du 'gugs pa yin/ /zhes bka' stsal pa dang / dpal phyag na rdo rje de/ rdo rje lta bu'i ting nge 'dzin la zhugs te/ dpal phyag na rdo rjes rang gi snying po 'di thugs ka nas phyung ngo / /o~M badzra tsan+Da ma hA ro Sha Na hU~M/ gtso bo phyag na rdo rje'i bsnyen pa 'di/ sngon du 'bum tsho bdun du bzlas pa byas la/ gtor ma dang ni sbyin sreg gis mchod de/ des ni phyag na rdo rje'i grub pa thob/ /lha mo bkug cing dbang du byed par nus/ /de nas gdod cig lha mo'i sngags la 'jug /sngags ni dpon mo'i snying dang g.yog mo'i srog /mngon du 'gugs pa srog gi snying po'i sngags/ /gtso bo'i spyan 'dren g.yog mo 'gugs pa'i sngags/ /mi g.yo brtan pa rdo rje gdan gyi sngags/ /mnyes par bya phyir gtor ma dbul ba'i sngags/ /ging du dbang bskur dam la gdags</font><hr>104.217a<br><font size=+1>

pa'i sngags/ /mngag gzhugs phan gnod las la bskul ba'i sngags/ /mi bya dbang med gnad la 'bebs pa'i sngags/ /sku gsung thugs kyi dngos grub blang ba'i sngags/ /zhabs la 'dud pa'i slob ma dbang bskur sngags/ /lha dang bgegs kyi nyams len brtag pa'i sngags/ /brda dang mchod pa rdo rje gsang ba'i sngags/ /bar chad mtshan ma ngan pa bzlog pa'i sngags/ /bcu gnyis rdo rje'i gsang sngags bstan par bya/ /dpal lha mo nag mo'i srog snying la/ /o~M ru ru be tista ba do si/ ru ru ro ru be tiSh+ta ba do si/ pa tsa la a shug me hU~M b+h+yo dza:/ khol mo re ma ti'i srog snying la/ o~M ru ru ro ru/ hu tiSh+ta ba to si/  rag mo tsit+ta kha rag mo hU~M b+h+yo/ ma ma trag rak+Sha/ kha mun+t+ra ba tra ba trag rak+Sha tsit+ta kha rag ma/ re ma ti sa ma ya pra ma ma hA ste phra dun b+h+yo ru lu ru lu b+h+yo dzA:dzA:de ni srog las 'dren pa'i sngags yin te/ /sa ya bzlas na ma mo mngon du yong / /bye ba bzlas na phyag rgya ston par byed/ /'bum phrag gis kyang dngos grub mtshan ma ster/ /khol mo'i snying po bzlas ma thog nas 'ong / /sa ma ya du ling rak+sha si/ he rak+sha/ b+h+yo rak+Sha/ du~M rak+Sha mA rAk+Sha si/ mA mA mA mA/ ru lu ru lu/ ru lu ru lu/ b+h+yo b+h+yo b+h+yo b+h+yo/ ru ru ru ru/ de ni 'khor ma mo 'bum gyi spyi'i snying po'o/ /o~M ma hA kA li maN+Da la ma tre/ A gats+tsha ya/ A gats+tsha ya/ pra be sha ya/ pra be sha ya/ tiSh+Tha tiSh+Tha/ a ba lo ka /a ba lo ka ye/ hU~M dza:/ de ni spyan drang ba'i sngags so/ /o~M ma hA kA li ma ma sa ma ya/ shi ti tiSh+Tha s+t+wa~M/ ma hA kA li A be sha ya/ re ma ti sa ma ya be sa/ de ni gdan gding ba'i sngags so/ /a maSh+Ta bi ma hA kA li re ma ti ba li~M kha kha khA hi khA hi/ ma hA pU dza ho:/ a mr-i ta kha kha le le/ de ni gtor ma 'bul ba'i sngags so/ /ma ma sa ma ya ma hA kA li sa ma ya/ ma hA kA la kA ya sa ma ya/ ma hA kA li wA ka sa ma ya/ ma hA kA li tsit+ta sa ma ya/ ma hA mu tri ka pA la hU~M/ de ni dam tshig bstan pa'i sngags so/ /o~M badzra dzo gi ni ti bi ma hA kA li sa ma ya/  badzra kro d+ha karma rak+Sha hU~M/ de ni las la bskul ba'i sngags so/ /o~M ru ru ru tsa hU~M/ a shug me ba tri ru tra kha sha la nag mo hU~M/ rag sha tsit+ta ma hA sa mA d+hi/ ma ru kha tsit+ta</font><hr>104.217b<br><font size=+1>

nan/ rag mo ti ki ma dza:/ ma ma ti ti hU~M b+h+yo/ de ni dpon g.yog gnad nas bskul ba'i sngags so/ /o~M badzra DA ki ni de ba ma hA kA la re ma ti/ kA ya wA ka tsit+ta si ti sa ma ya pha la A be sha ya a/ de ni dngos grub blang ba'i sngags so/ /o~M ma hA kA li ye hU~M phaT/ ru ru tsa pa la a shug me hU~M ma hA kA li a b+hi Shiny+tsa/  ka pA la hri ni/ ma hA dz+nyA na/ kA ya wA ka tsit+ta sid+d+hi hU~M/ de ni dbang bskur ba'i sngags so/ /hring hring tsa miN+Di gu ra tse hU~M/ de ni nyam len brtag pa'i sngags so/ /hU~M phaT/ ma hA de bi kA li duSh+Tan+ta ka ha na da ha pa tsa hu lu nan/ d+ha ha pa tsa mA ra ya hU~M phaT/ de ni mtshan ma ngan pa bzlog pa'i sngags so/ /hU~M hU~M hU~M hU~M hU~M hU~M hU~M hU~M/ hring hring hring hring hring hring hring hring / ta ki ta ki ta ki ta ki ta ki ta ki ta ki ta ki/ bru~M gem bru~M gem bru~M gem bru~M gem bru~M gem bru~M gem bru~M gem bru~M gem/ hU~M du~M hU~M du~M hU~M du~M hU~M du~M hU~M du~M hU~M du~M hU~M du~M/ phaT ta ka phaT ta ka phaT ka phaT ka phaT ka phaT ka phaT ka /de ni rdo rje ma hA mkha' 'gro ma'i rnga sgra'o/ /mkha' 'gro ma me lce 'bar ba'i rgyud las sngags bstan pa'i le'u ste brgyad pa'o// // de nas lha'i dbang po brgya byin gyis/ dpal phyag na rdo rje la 'di skad ces gsol to/ /bcom ldan mgon po rgyal tshab las kyi lha/ /rdo rje mkha' 'gro yi rnal 'byor ma yi/ /gsang ba'i phyag rgya bdag la bstan par 'tshal zhes zhus pa dang / phyag na rdo rjes bka' stsal pa/ rnal 'byor gsang ba'i phyag rgya dam pa ni/ /spang bar mi bya rtag tu bcang bar bya'o/ /dang po gtso bo rdo rje rgyal la gnas/ /rlung gis me sbar bong zhon dbang phyug ma/ /lcags kyus bzung nas gshog pas zil gyis gnon/ /bong bus gdan 'dings thod pas dbang bskur te/ /thod rlon dam brtan gnyis med dngos grub blang / /rtag tu mtshan ma ngan pa phyag rgyas bzlog /dang po gtso bo rdo rje rtse lnga ni/ /lag gnyis sor mo rgyab du bsnol bcangs la/ /mthe bong gung mo mthe'u chung bshibs la bsgreng / /rdo rje rtse lnga phyag na rdo rje'i rgya'o/ /dang po rlung nag tshub ma'i phyag rgya ni/ /lag na thal sbyar gung sprod bsgreng ba dang / /mthe chung srin lag tshigs bsnol bgrad pa dang / /de brkyang mthe bong gung gtad mdzub mo gnyis bsgreng rdzong / /rtse mo bkug pa rlung gi phyag brgya'o/ /me ri smug nag</font><hr>104.218a<br><font size=+1>

'bar ba'i phyag rgya ni/ /mdzub mo gnyis ni sor mo dgug byas te/ /the bong bkug ste de la gtad byas la/ /gung mo mthe'u chung bsgreng ste phyar ba'o/ /lha mo nag mo'i ral gri'i phyag rgya ni/ /lag g.yas mthe'u chung bkug ste mthe bos mnan/ /gung mdzub srin lag bshibs te bsgreng ba'o/ /khol mo re ma ti'i phyag rgya ni/ /lag pa g.yas bkug mthe bos mnan byas te/ /lhag ma gsum brkyang bas ni khram bam phyag rgya yin/ /ma mo dgug pa lcags kyu'i phyag rgya ni/ /lag gnyis rgyab sprad mthe'u chung bsgreng nas ni/ /mdzub mo gnyis bkug gung srin mthe bos bsdu/ /brkyang ste phral nas snying kar lcags kyu gnyis/ /zil gyis mnan pa khyung gshog phyag rgya ni/ /mthe bong gnyis gshibs sor mo gshog ltar brkyang / /gdan mchog bong bu dag gi phyag rgya ni/ /mthe'u chung bsnol bas srin lag mnan byas te/ /srin lag thor to mthe bos mnan pa'o/ /de bzhin gung mo gnyis ni nang du bstan/ /byin brlabs dbang bskur thod phreng phyag rgya ni/ /lag pa g.yas g.yon khu tshur bcangs pa la/ /mtheb mdzub bzhi po lcags sgrog lta bur sbrel/ /lag gnyis thod rlon dam tshig phyag rgya ni/ /mthe bong mdzub mo bkug nas bzlum byas te/ /bkug nas srin lag gnyis gcug mig 'bras 'dra/ /gung mo mthe'u chung gnyis ni thod rlon kha/ /dngos grub blang ba'i bdud rtsi bum pa ni/ /lag gnyis sor bcu rtse bsdus bkug la zlum/ /mtshan ngan bzlog pa tri shul phyag rgya ni/ /lag g.yas mtheb mdzub srin lag mthil du bgug /mthe bo gung mo mthe'u chung phyar la bsgreng / /mkha' 'gro ma me lce 'bar ba'i rgyud las phyag rgya bstan pa'i le'u ste dgu pa'o// //de nas lha'i dbang po brgya byin gyis/ dpal phyag na rdo rje la 'di skad ces gsol to/ /kye stobs po che la gnod sbyin grags pa can/ /rig sngags gsang sngags tshogs kyi mnga' bdag gis/ /rdo rje mkha' 'gro mnyes par bya ba'i phyir/ /mchod pa'i rim pa bdag la bshad du gsol zhes zhus pa la/ gsang ba'i bdag pos bka' stsal pa/ rdo rje mkha' 'gro'i dngos grub myur bya'i phyir/ /mnyes par byas te mchod pa rtag tu 'bul/ /dang por mchod pa'i rdzas kyi gtor ma 'bul/ /</font><hr>104.218b<br><font size=+1>

gnyis pa la ni sbyin sreg dbul ba'o/ /de bzhin gsum pa gsang ba'i mchod pa dbul/ /dang por gtor ma sha lnga bdud rtsi lnga/ /mchod pa'i rdzas dang 'dza gad rag ta rnams/ /pad+ma mdzes pa'i snod du bkang byas nas/ /rlung gi me sbar a yis thod pa bkol/ /hU~M gis rdo rjes rab tu dkrugs nas kyang / /a dkar 'bar bas kha zas dug bcom la/ /dpa' bo 'bru lngas bdud rtsir byin gyis brlabs/ /dang pos gtso bo phyag na rdo rje mchod/ /gnyis pas lha mo 'thungs par bsam/ /tha ma re ma ti yis brngubs par bsgom/ /o~M badzra pA Ni hU~M/ DA ki ni+A ma hA kA li/ yak+sha re ma ti/ ma ma sha tru~M a mu ka /ma tsa me ta ba sa ma sa/ ru ti dzi ba~M/ prI ya bag+shi ni/ i da~M ba li~M gr-ih+na gr-ih+na/ kha kha kha kha/ khA hi khA hi/ gsang sngags des ni rtag tu gtor ma dbul ba'o/ /de nas sbyin sreg dbul ba bstab par bya/ /sku gzugs mdun du me thab bskor byas te/ /'o ma tsher ma yod pa'i shing brtsigs la/ /bram ze'i khyim nas me blangs me sbar la/ /bsregs rdzas mi sha mar nag sbrang rtsi chang / /khrag la sbyar la khri phrag gcig tu dbub/ /bsgom thabs me nyid me lha ra skyes zhon pa la/ /phyag bzhi g.yas na dbyug pa dang ni mchod sbyin no/ /g.yon na g+hun+d+he dang ni bgrang phreng rab tu 'dzin/ /de yi snying gar phyag na rdo rje dang / /lha mo nyid dang khol mo re ma ti/ /gsal bar skyed la sbyin sreg dbul bar bya'o/ /gnyis pa gtso bo phyag na rdo rje mchod/ /gsum pas lha mo nag mo de la dbul/ /de bzhin tha mas re ma ti la mchod/ /so so'i snying po bzlas shing dbul bar bya'o/ /o~M badzra tsaN+Da ma hA ro Sha Na hU~M/ ma hA de bi kA li hU~M/ yak+sha re ma ti hU~M/ ag+na ye ha bya ka bya/ ma hA ti ba ti ba ti bya/ sarba duSh+TA na bak+sha ni kha ra~M khA hi swA hA/ de nas thal ba dur khrod du bskyal/ de nas gsang ba'i mchod pa rab bshad bya/ /dngos la mkha' 'gro gsal lam ting 'dzin la/ /gsang ba ye shes hU~M dang a~M gnyis la/ /rdo rje pad mas rab tu dkrugs nas kyang / /zla bas mkha' 'gro rab tu mnyes 'gyur te/ /thugs kyi thig les bdag gi gzi byin bskyed/ /thugs kyi dngos grub dam pa'i man ngag go /ma hA kA li sa ma ya bod+hi tsit+ta/ ma hA pu dza gu h+ya s+t+wa~M spro ba'o/ /ma hA kA li sa ma ya</font><hr>104.219a<br><font size=+1>

ma hA rak+ta gu h+ya s+t+wa~M/ A be sha a/ bsdu ba'o/ /mkha' 'gro ma me lce 'bar ba'i rgyud las mchod pa'i le'u ste bcu pa'o// // de nas lha'i dbang po brgya byin des/ dpal phyag na rdo rje la 'di skad ces gsol to/ /ye shes lngar ldan dpa' brtan thugs rje can/ /dpal ldan mi bskyod rdo rje sems dpa' khyod/ /rdo rje mkha' 'gro ma'i dngos grub ni/ /srog dang 'dra ba'i dam tshig bdag nyan 'tshal/ /zhes gsol pa dang / dpal phyag na rdo rjes bka' stsal pa/ mkha' 'gro ma'i dam tshig ni/ /gsang ba'i phyag rgya 'da' dka' ba/ /mi shigs rgyal pos dbang bskur te/ /rdo rje mtshan ma 'joms pa'i rgyu/ /dam tshig de nyid rab bshad bya/ /'das na rdo rje dmyal ba ma 'das dngos grub dam pa'i rgyu/ /gtso bo phyag na rdo rje dang / /lha mo nag mo dpon g.yog la/ /sku gsung thugs kyi dam tshig ni/ /gtso bo'i sku yi dam tshig ni/ /sku yi phyag rgya mi spong zhing / /lha dang slob dpon mnyes par bya/ /rdo rje spun la gdung ba bskyed/ /gtso bo'i gsung gi dam tshig ni/ /bzlas brjod snying po rgyun mi gcod/ /mi yengs rdzun spangs gsang sngags 'dzin/ /gtso bo'i thugs kyi dam tshig ni/ /gsang ba gzhan la mi spel zhing / /stan gan 'bras bu lnga la spyod/ /de nas gtso mo'i dam tshig bshad/ /lha mo'i sku yi dam tshig ni/ /bong bu la ni byams par bya/ /khal gyis mi mnan dbyug mi brdeg /rma bya'i mdos ni rtag tu bcang / /me yi dkyil 'khor mthong ba na/ /me tog bskyes ltar dga' bar bya/ /rtag tu yi dam mi 'da' ba'i/ /zhag re phyag rgya gnyis gnyis bstan/ /lha mo gsung gi dam tshig ni/ /rgyun tu bzlas pa byed pa dang / /ne'u le mthong na bstod pa bya/ /phyag rgya bstan zhing dga' bar bya/ /zhing lpags rdzas kyi snod du bya/ /tshub ma dag dang phrad gyur na/ /rked par mi gcod rgyab mi bstan/ /tshes grangs shis dang nam gung la/ /phyag rgya bya zhing bstod pa bya/ /lha mo'i thugs kyi dam tshig ni/ /'jig rten gang dang gang dag na/ /bud med yugs sa yod pa la/ /byams par bya zhing chags pa spyad/ /rtag tu bu mo gtsang ma bsten/ /lha mo zla mtshan rgyu dus su/ /gsang ba'i mchod pas dam bsre'o/ /lha mo'i khol mo re ma ti'o/ /de yi sku yi dam tshig ni/ /</font><hr>104.219b<br><font size=+1>

byis pa dag gi nal phrug la/ /gos dang kha zas mgron du sbyin/ /rtag par de la byams par bya/ /shing lo sor bzhi rked par gcad/ /phyed la ma mo'i sku bris te/ /phyed la dngos grub gsol bar bri/ /de ni rtag tu bcang ba'o/ /khol mo gsung gi dam tshig ni/ /ma phebs bar du srog snying drang / /nub re gtor ma 'dar mi rung / /kha 'phro dag kyang bsre ba min/ /phreng ba la yang rig pa bsrung / /bdag gis dgra la byad byas te/ /phyis ni bcos par ma bshad do/ /khas blangs yol du ga la rung / /phud kyang nyams par bya ba min/ /rdo sol chur ni bskyur mi bya/ /khol mo thugs kyi dam tshig ni/ /nal bu yod pa'i sbrum ma la/ /me tog gtor zhing byams par bya/ /kha zas sbyin zhing rngan mi bgrang / /sna khrag zla mtshan blang bar bya/ /dam tshig yod rung med rung ste/ /bdag ma yin pa'i rnal 'byor la/ /rang gi lha dang snying po dang / /rdzas dang phyag rgya mi bstan no/ /mtshan ma rdo sol zhu bas bsku/ /bya nag lug nag rtag tu bcang / /the tshom zar ni mi rung ngo / /dpon g.yog spyi yi dam tshig ni/ /ru hi rdo rje pad+ma'i mi/ /rtag tu bcangs la bsten cing mchod/ /de dang bral du mi rung ngo / /rnal 'byor dngos grub thob bya'i phyir/ /sku gsung thugs kyi dam tshig bstan/ /brgya byin dag gis rab zhus pa/ /dam tshig nyams pa'i skyon ni gang / /dam tshig bsrungs ba'i yon tan gang / /'byung po'i gtso bos bshad du gsol/ /phyag na rdo rjes bka' stsal pa/ /rab tu bshad kyis brgya byin nyon/ /gtso bo phyag na rdo rje yi/ /sku yi dam tshig nyams pa na/ /mtho ris go 'phangs rgyud lam 'chad/ /gsung gi dam tshig nyams pa na/ /bsgrubs kyang dngos grub mi 'thob cing / /sngags la nus mthu med par ro/ /thugs kyi dam tshig nyams pa na/ /mkha' 'gro'i chad pas rab bcad nas/ /nges par rdo rje dmyal bar skye/ /dngos grub med par bar chod 'byung / /dpal ldan lha mo nag mo yi/ /sku yi dam tshig nyams pa na/ /rgyal po chad dang sbrul gdug dang / /me dang chu yi bar du chod/ /gsung gi dam tshig nyams pa na/ /bsgrub la g.yel shing nus mthu med/ /bsgrub pa rtsom res bar chad 'ong / /thugs kyi dam tshig nyams pa na/ /nyams len 'ong zhing rims nad 'ong / /khol mo</font><hr>104.220a<br><font size=+1>

bdud mo re ma ti'i/ /sku yi dam tshig nyams gyur na/ /'khor la rims nad smyo 'bog 'ong / /dgra rnams tshe dang bsod nams 'phel/ /gsung gi dam tshig nyams pa na/ /bu dang chung ma 'chi ba dang / /snying mi dga' zhing kha yang yo/ /nor dang longs spyod zad par 'gyur/ /thugs kyi dam tshig nyams pa na/ /rang gi tshe la bar chod 'ong / /mdze dang rgyu gzer na zhing 'bog /spyi yi dam tshig nyams pa na/ /rtag par bsgrub kyang 'grub dus med/ /rtag par dgra dang mi 'bral lo/ /yang ni lha dbang rgya byin nyon/ /dam tshig bsrung ba'i yon tan la/ /gtso bo phyag na rdo rje yi/ /sku'i dam tshig ma nyams na/ /bla med byang chub go 'phang 'thob/ /gsung gi dam tshig ma nyams na/ /phyag na rdo rje'i zhal mthong nas/ /rdo rje'i ngag la dbang thob 'gyur/ /thugs kyi dam tshig ma nyams na/ /phrin las rnam bzhi mngon du 'grub/ /mkha' 'gro ma rnams mngon du 'khol/ /mthu dang rdzu 'phrul bsams pas 'grub/ /dpal ldan lha mo nag mo yi/ /sku yi dam tshig ma nyams na/ /lha srin pho mos phyag byed de/ /'dod pa'i khams kyi rgyal srid thob/ /gsung gi dam tshig ma nyams na/ /sngags bzlas mkha' 'gro mngon du 'ong / /bar chad med par dngos grub ster/ /thugs kyi dam tshig ma nyams na/ /bdud dang dgra yis mi tshugs shing / /rtag tu rims nad mi 'byung zhing / /dgra rnams the tshom med par 'chi/ /lha mi yongs kyis bkur bar 'gyur/ /tshe ring nor dang ldan par 'gyur/ /de nas nag mo re ma ti'i/ /sku yi dam tshig ma nyams na/ /'khor ni bkra shis dar cing rgyas/ /dgra dang dgegs rnams phung bar byed/ /gsung gi dam tshig ma nyams na/ /bu dang chung ma dar ba dang / /nor dang longs spyod rgyas par 'gyur/ /mig rnon rkang mgyogs ro langs 'grub/ /thugs kyi dam tshig ma nyams na/ /tshe ring grags pa thob pa dang / /lus la chad kyis mi thebs shing / /sems la sdug bsngal med par 'gyur/ /mthu rtsal chen po thob par 'gyur/ /spyi yi dam tshig ma nyams na/ /gtso bo phyag na rdo rje dang / /lha mo nag</font><hr>104.220b<br><font size=+1>

mo dpon g.yog kun/ /rtag tu bdag dang mi 'bral lo/ /ji ltar 'dod pa'i don de 'grub/ /gang ltar mngag pa'i las de byed/ /mkha' 'gro me lce 'bar ba'i rgyud las/ dam tshig gi le'u ste bcu gcig pa'o// // de nas lha'i dbang po brgya byin gyis/ dpal phyag na rdo rje la 'di skad ces gsol to/ /hU~M mdzad hU~M gi rgyal po rdo rje che/ /rdo rje mkha' 'gro'i drod tshad mtshan ma shod/ /ces zhus pa dang / dpal phyag na rdo rjes bka' stsal pa/ skyes bu blo ldan man ngag rtsal can gyis/ /gsang sngags ting 'dzin phyag rgyar rab ldan na/ /rdo rje mkha' 'gro'i grub rtags 'di ltar 'byung / /grub rtags phyi nang gsang ba gsum du bshad/ /nang gi grub rtags mig dang rna ba dang / /sna dang lce dang lus dang snying la 'byung / /gal te mig gis srid pa gsum mthong na/ /gtso bo phyag na rdo rje'i mtshan ma yin/ /mig gis lha mo mthong na lha mo yin/ /mig ni 'dar zhing 'gul na re ma ti/ /rna bas srid pa gsum po thos na rdo rje 'dzin/ /mkha' 'gros gtam zer thos na lha mos bstan/ /bud med 'brug sgra sgrogs na re ma ti/ /sna la ga pur dri ni rdo rje 'dzin/ /ku mu da yi dri ni lha mo nyid/ /spos sam gur gum bro na re ma ti/ /lce la dam chos 'chad na rdo rje 'dzin/ /lce la gsang sngags zlos na lha mo yin/ /legs nyes mtshan ma smra na re ma ti/ /lus ni 'phro na phyag na rdo rje yin/ /lus la 'od 'byung ba ni lha mo'i rtags/ /lus po 'dar ram skyi sha bung ba dang / /sha rtsa 'gul na re ma ti yi btags/ /glal lam skyug cing mchi ma 'ong ba na/ /lha mo dpon g.yog yo ga phebs pa yin/ /gal te snying gis skye ba dran pa na/ /phyag na rdo rje'i dngos grub mtshan ma'o/ /snying ni dga' la 'tshig na rje mo yin/ /snying 'di khri la 'tshig na khol mo yin/ /da ni gsang ba'i grub rtags bstan par bya/ /sngags dang ting 'dzin nus pa skyed tsam na/ /rdo rje dbus kyi rtsa yi nam mkha' la/ /byang chub sems kyi dga' bde skye ba na/ /mkha' 'gro rang la shar bar bshad/ /da ni phyi yi grub rtags bstan par bya/ /phyi yi rtags ni rab 'bring tha ma gsum/ /rab ni lha mo nyid kyi sku mthong ste/ /nam mkha'i dbus su phyag na rdo rje mthong / /bud med</font><hr>104.221a<br><font size=+1>

dkar mo bzhad cing byung ba na/ /gsang ba'i ye shes dngos grub ster ba'o/ /nag mo ral pa can du byung ba na/ /'dod khams 'dul ba'i mthu rtsal dngos grub bdag la ster/ /dmar mo bse yi ral pa can du byung ba na/ /'jig rten dbang du sdud pa'i dngos grub ster/ /ser mo thod pa'i phreng ba can du byung ba na/ /tshe dang longs spyod rgyas pa'i grub pa ster/ /mkha' 'gro grub rtags 'bring po ni/ /rdo rje nam mkha' las dbas gtso bo yin/ /rje mo lha mo dung skyong grub rtags la/ /rdzas lud dang ni mun pa shin tu nag /me tog char 'bab 'brug dang rlung dmar dang / /bud med gzugs dang gzha' tshon ston pa'o/ /khol mo re ma ti'i grub rtags ni/ /'brug dang rlung dmar sgo rdung khang thog 'tsheg /thibs thibs mnan dang th+wal th+wal smra ba'o/ /grub rtags tha ma rmi lam dag tu ston/ /byang chub sems dpa' rmis na gtso bo yin/ /ma dang sring mo rmis na jo mo yin/ /chung ma khol mo rmis na g.yog mo yin/ /bong bu sha ba rmis na rje mo yin/ /gri'u dang bya nag rmis na khol mo yin/ /ma mo grub nas dbang du 'dus pa na/ /bud med dag gis bdag la phyag 'tshal na/ /'dzum zhing 'khrig go byed pa spyod pa yin/ /ma mo grub nas dbang du ma 'dus na/ /mi sdug gzugs su ston zhing rje mor rdzu/ /gcan zan zar 'ong ma mo phyag sgugs so/ /dam tshig nyams nas ma mo 'khrugs gyur na/ /ma mo nang 'thab mtshon gyi char pa 'bab/ /bya nag nang 'thabs khrag gi na bun 'khrigs/ /ltas de mthong na bka' chad 'ong ba'i rtags/ /gal te lte phur nag mo la sogs pa'i/ /dam sri rnams kyis bsgrub par bar gcod na/ /grang la 'khrigs shing khyim du 'gro snying 'dod/ /kha bla smra snying 'dod la khro zhing 'tshig /bud med rkub dang mo mtshan ston pa rmi/ /gal te gtor ma dus las yol ba na/ /mo mtshan dang ni sngon gyi dbang rtags ston/ /du ba 'khrigs nas bud med glal ba mthong / /bud med ngu ba mthong na nyams pa gnod/ /mig ni btsums pa ting 'dzin g.yel ba'i rtags/ /thal mo rdeb na dam tshig ma tshang zer/ /lce rtse ston na snying po chad pa yin/ /so sgra 'khrigs na gzhan dang 'thab mo 'ong / /</font><hr>104.221b<br><font size=+1>

rgod ba thos na dgra bgegs bsgral ba'i rtags/ /khro na bar chad 'ong ba sbron ba yin/ /sbyor bar byed na dngos grub ster ba yin/ /rgyang glu len pa mthong na grub thag ring / /mchi ris ngo la yod na rims nad 'ong / /gar thabs byed cing byung na ci bsams 'grub/ /gling bu 'bud pa mthong na gtor ma 'dod pa yin/ /phreng ba bgrang ba mthong ba na sbyin sreg 'dod pa yin/ /kha la'o byed sbyor ba 'dod pa yin/ /bong bu zhon pa rmis na rje mo yin/ /dre'u zhon pa rmis na khol mo yin/ /snyi sbams thogs pa mthong na rang la phyags/ /g.yab dar thogs pa mthong na rang la chags pa'o/ /me long thogs pa mthong na chung ma'i lus la chags/ /stang stabs byed pa slob ma'i lus la chags/ /bya dang gcan zan gtor ma za ba bzang / /kha rog 'dug na snying po phyag rgya nor/ /'dzum pa mthong na bdag nyid tshe ring rtags/ /gos la me rag yod na slob ma nyams/ /sha ba zhon na nor rnams 'phel ba'i rtags/ /ma mo grub pa'i rtags rnams gang byung yang / /de nas grub rtags bzang po mthong ba na/ /bdud rtsi bum pa'i phyag rgya bcas la ni/ /dngos grub blang ba'i sngags ni bzlas byas la/ /snying la ci 'dod pa yi dngos grub blang / /ma dang sring mo khol mo dam la gdags/ /mtshan ma ngan pa dag ni mthong ba na/ /mtshan ma ngan pa bzlog pa'i tri sh+'ul phyag rgya bca'/ /mtshan ma ngan pa bzlog pa sngags kyis bzlog /gal te bdag ni gzhan du don gnyer na/ /bud med lag na rdzas ni gang ba thogs/ /bya dang gcan zan mngon du 'gro na bzang / /de tshe gtor ma phul la don la 'gro/ /spyad stong thogs pa mthong na don mi gnyer/ /grub pa'i drod tshad rnal 'byor spyi la gces/ /mkha' 'gro ma me lce 'bar ba'i rgyud las drod tshad bstan pa'i le'u ste bcu gnyis pa'o// // de nas dpal phyag na rdo rje la/ lha'i dbang po brgya byin gyis 'di skad ces gsol to/ /thabs dang shes rab mnga' mdzad rdo rje 'dzin/ /rdo rje mkha' 'gro bsgrubs kyang ma grub na/ /spobs shing gnad la dbab par zhu ces gsol pa dang / dpal ldan phyag na rdo rjes bka' stsal pa/ skyes bu ting 'dzin blo ldan rtsal can gyis/ /rdo rje mkha' 'gro ma'i gsang sngags gtsor blangs te/ /</font><hr>104.222a<br><font size=+1>

gang 'dod dngos grub mi thob mi srid do/ /'on kyang bsgrub thag ring ba na/ /de la nyes dmigs rnam pa bzhi/ /sngon gyi las 'phros ma 'brel dang / /bsnyen pa zhag grangs nyungs ba dang / /bgegs kyis bar du gcod pa dang / /rnal 'byor dam tshig nyams pa bzhi/ /bsgrub thag ring ba'i rgyu bzhi yin/ /de bzhin mtshan ma ngos bzung ste/ /sngon gyi las 'phros ma 'brel na/ /bsgrubs kyang dngos grub mtshan ma med/ /bzlas brjod bsnyen pa grangs nyungs na/ /grub rtags 'ong zhing las mi nyan/ /bgegs kyis bar du gcod pa na/ /snying mi dga' la 'gro zhing 'jigs/ /rnal 'byor dam tshig nyams pa na/ /bar chod rkyen dbang drag po 'byung / /'on kyang mi gzhag bskyar zhing bsgrub/ /sngon gyi las 'phros ma 'brel na/ /dang po bsnyen pa yun rings la/ /de nas gnad la dbab pa ni/ /bsgrub pa'i dkyil 'khor byang shar du/ /dur khrod sa la gru gsum dkyil/ /'phang du khru gang yod pa brtsigs/ /mi yi khrag gis chag chag gdab/ /de nas zhing sogs g.yas pa la/ /lha mo nyid kyi sku bris la/ /rgyus pa'i gzungs thag snying gar gdags/ /gru gsum steng du gan gyal mnan/ /gzungs thag rtse mo sos bzung la/ /hU~M mdzad chen por gsal bsgoms la/ /ma mo gsod pa'i snying po bzlas/ /rag mo tsit+ta rak+ta sti ra ti ti mA ra ya hU~M/  dzaH/ de skad gsang sngags bzlas nas ni/ /ma mo'i snying khrag rngub par bsgom/ /ma mo bong bur bcas pa rnams/ /ma trang bzhin du 'gyel bar bsam/ /de nas snying gar rdog pas mnan/ /tsit+ta dz+wa la ra~M zhes pas/ /bdag gi zhal nas me byung bas/ /ma mo thul gyis bsregs par bsam/ /ma mo'i sa bon ma~M nag mo/ /bdag gi zhabs 'og rgyud pa las/ /ma ma ru lu zhes brjod pa las/ /bdag nyid dpal gyi zhabs 'og nas/ /lha mo nus pa'i thod phreng can/ /thal mo sbyar nas 'dug par bsgom/ /rta mgrin phyag rgyas dbang du bsdu/ /khyung gshog phyag rgyas zil gyis mnan/ /gnad la gdab pa'i dam rdzas bsreg /de ltar lan gcig bsad pa des/ /gzugs ni rdog pa'i 'og nas dbyung / /byang shar mtshams su bzhugs su gsol/ /</font><hr>104.222b<br><font size=+1>

smres bshags bya zhing gdung glu blang / /bdud rtsi rnam pa lnga yis gso/ /mtshang nas bru zhing gnad nas bskul/ /de nas bsgrub pa bskyar la brtsam/ /the tshom med par 'grub par 'gyur/ /bsnyen pa zhag grangs nyungs ba na/ /mi rus sam ni ru rag sha /lung thang dag gi phreng ba la/ /ma yengs grangs kyi bsnyen pa ni/ /'bum tsho bdun du bzlas kyang rung / /yang na mtshan ma'i bzlas pa shis/ /bgegs kyis bar du gcod pa na/ /gru gsum e dong nag po brko/ /mi khyi phag gi chag chag gdab/ /kham sa rdza yi ling ga la/ /snying gar dam sri'i ming bris la/ /rabs chad nag po'i thod par gzhug /thod pa dong gi nang du gzhug /'bar ba'i dkyil 'khor gsal bar bsgom/ /dam sri bkug cing bstim byas la/ /mi rus sor brgyad phur pa yis/ /mi g.yo mgon por gsal bsgoms gdab/ /mtshan ma ngan pa bzlog sngags bzlas/ /de rting rdo ba nag po la/ /ri rab rdo rje rgya gram bri/ /'brub khung de yi kha bcad la/ /de gting sku gdung nag po brtsig /de ni dam sri mnan par bshad/ /rnal 'byor dam tshig nyams pa la/ /mkha' 'gro ma yi chad pa 'byung / /nyams chad che na bka' chad che/ /bsgrub pa grub rtags med pa dang / /rang nyid srog la bab pa'o/ /nyams pa 'bring gi bka' chad ni/ /'khor la rkyen dang rims nad 'byung / /nyams pa tha ma'i bka' chad ni/ /dgra dang nor la god ka 'byung / /de nas nyams pa bkang ba bstan/ /nyams pa chen po bkang ba ni/ /gtor ma khri dang sbyin sreg khri/ /de bzhin ra tsa gsum gyis bkang / /des kyang skongs par mi 'gyur na/ /dang po mkha' lding gsum gyis bkang / /de nas shel nag gsum gyis bkang / /bka' chad 'bring po byung ba na/ /gtor ma stong dang sbyin sreg stong / /mkha' lding gnyis dang spyi nag gnyis/ /de bzhin ra tsa gnyis kyis bkang / /mdangs kyi mar me bcwa brgyad dbul/ /bka' chad tha ma byung ba na/ /gtor ma brgya dang sbyin sreg brgya/ /mkha' lding gcig dang shel nag gcig /ra tsa gcig gis skongs bar bshad/ /mkha' 'gro ma me lce 'bar ba'i rgyud las spogs shing thugs dam skong ba'i le'u ste bcu gsum pa'o// // de nas lha'i dbang po brgya byin gyis/ </font><hr>104.223a<br><font size=+1>

dpal phyag na rdo rje la 'di skad ces gsol to/ /drag po dpal 'bar gnod sbyin khros pa'i gtso/ /rdo rje mkha' 'gro'i dngos grub bsgrub 'dod pas/ /rtag tu bsten pa rdo rje 'dzin pas shod/ /ces gsol pa dang / dpal phyag na rdo rjes bka' stsal pa/ nyon cig mkha' 'gro rtag tu bsten pa ni/ /dang po grub cing mtshan ma thob pa ces/ /de nas phyi nang gsang ba gsum du bsten/ /dpon mo'i phyi'i rten ni rma bya'o/ /rma bya'i snying gar b+h+yo las lha mo bskyed/ /khol mo'i phyi yi rten ni bya nag mo/ /snying gar b+h+yo las re ma ti bskyed la/ /rma bya de mo nag gam shel nag la/ /sna la ma mo dpon g.yog legs par dbab/ /de nas phyi nang gsang ba'i dbang bskur la/ /dus su gtor mas mchod cing rten du bzung / /nang gi rten ni sku dang gsang mtshan no/ /rang gi gzugs dang gsang mtshan kha sprad la/ /bar du ru ti rdo rje pad ma mi/ /gsang ba ga bur stsal te lus la bsrel/ /gsang ba'i rten ni lhan cig grub pa'i lha/ /gsang ba ye shes thig le ma mor galta'o/ /de nas rtag tu sngags dang phyag rgya dang / /ting 'dzin rdzas dang dam tshig mi spong ngo / /rtag tu zas kyi phud kyis bsten par bshad/ /mkha' 'gro ma me lce 'bar ba'i rgyud las ma mo rtag tu bsten pa'i le'u ste bcu bzhi pa'o// // de nas dpal phyag na rdo rje la/ lha'i dbang po brgya byin gyis 'di skad ces gsol to/ /kye dpal 'bar chen mo nyi ma stong gi gzi/ /rdo rje lha mo mkha' 'gro ma dpal gyi lha mo'i/ /pra rtags dbab dang slob ma dbang bskur ba'i/ /ma mo dbab pa'i gsang sngags bdag la shod ces gsol pa dang / dpal phyag na rdo rjes bka' stsal pa/ lha mo 'bebs shing slob ma dbang bskur ba'i/ /slob dpon nyid kyis ma mo grub pa ces/ /de nas ma mo grub pa'i slob dpon des/ /dur khrod chen por zhag bdun bsnyen pa bya/ /sngags dang man ngag rdzas su ldan par bya/ /dang la rang la ma mo phebs par dbab/ /de nas slob ma dkyil 'khor 'jug pa dang / /me tog dor dang lha ngo bstan bya dang / /dpal phyag na rdo rje'i dbang bzhi bskur/ /dang po rdo rje rtse lnga 'bar ba'i dbang / /gnyis pa shes rab dril bu dag gi dbang / /de bzhin</font><hr>104.223b<br><font size=+1>

gsum pa la ni dbu rgyan te/ /bzhi pa rigs lnga ye shes lnga'i dbang / /de nas lha mo nag mo'i dbang bzhi bskur/ /dang po la ni thod pa'i dbang / /gnyis pas shes rab ral gris dbang bskur te/ /gsum pa la ni ne'u le'i rgyal ba'o/ /de bzhin bzhi pa dpa' bo hasta sbyin/ /de nas re ma ti yi dbang bzhi bskur/ /dang po dur khrod g.yang gzhi'i dbang / /gnyis pa rdo rje Da ma ru yi dbang / /gsum pa kha T+wA~M bdud gyi khram bam dbang / /de bzhin bzhi pa chu gri 'dod pa'i dbang / /dbang ni bskur ba'i sngags kyang bzlas par bya/ /bcu gnyis rim pa sngon du rjes pa dang / /sku dang gsung gi dam tshig dbog par bya'o/ /de nas gsang ba'i dbang la 'jug par bya ste/ /dbang po bram ze rgyal rigs rje'u rigs kyi/ /bu mo brgyad dang bcu drug nyi shu ma/ /mig gi dkyus rings sngo bsangs nu ma rgyas/ /skra bzangs so dkar ut+pal bro/ /de la khrus byas me tog gser gyis brgyan/ /dbang po lnga la bdud rtsi dag gis gdab/ /dpral bar phyag na rdo rje'i gsang sngags bri/ /de yi snying gar lha mo'i snying po la/ /lte bar re ma ti yi snying po bri/ /sman lnga bdud rtsi lnga yi zas byin la/ /gsang ba'i pad+mar ru hu rdo rje stsal/ /de nas bsgrub pa'i dkyil 'khor nub phyogs su/ /dbang bskur stegs bu zlum po dmar po brtsigs/ /de yi steng du bu mo de bzhag la/ /phyogs mtshams kun du tshil dang lcong zi bsreg /steng 'og kun du zhing gi bla re gdan/ /mdun dang rgyab du gtor ma sbyin/ /de nas ma mo'i snying po 'bum du gdon/ /de nas rdo rje slob dpon gu ru yis/ /Da ma ru rdung ma mo drag tu bod/ /srog snying drang zhing g.yab dar g.yab/ /de nas bu mo de la sems gtang la/ /sngags 'di bzlas shing gdong du rtag tu blta/ /bu mo ma yengs sa le bsgom du bzhug /o~M tsaN+Da ma hA ro Sha Na hU~M sa ma ya pra thA ru ru ro ru tsa pa la a shug me sa ma ya pra thA/ kha mun+t+ra pra ma ya ma tisti pra yo ga sid+d+hi sa ma ya pra thA/ A be sha a/ drag tu ma mo bskul zhing dbab par bya'o/ /phebs par dka' na gnad la 'bebs rdzas bsreg /lan gsum ma mo 'bum gyis nges par phebs/ /bzang ngan legs nyes mtshan ma th+wal th+wal smra'o/ /yang na</font><hr>104.224a<br><font size=+1>

mi smra bar yang phebs par byed/ /de nas bu mo de yi lus po la/ /spos dang me tog mar me dri chab kyis/ /dang po la ni ma'i yi mchod pa bya/ /sha lnga bdud rtsi lnga dang bza' btung gis/ /de nas gnyis pa nang gi mchod pa dbul/ /gsang ba'i mchod pa khu ba'i thig le des/ /dang pos gtso bo rdo rje 'dzin pa mchod/ /gnyis pas lha mo dpon g.yog mchod par bya/ /gsum pas khu ba bdag btung dngos grub blangs/ /gzungs ma mkha' 'gro yin par nges bskyed la/ /gzungs ma'i lce la gzhag la dam tshig bsre/ /de nas thig le slob ma'i lce la gzhag /de nas ma mo thugs kyi dbang sbyin no/ /de nas bu mo de'i mdun du ni/ /dbang gi rtags su zla gam dmar po brtsig /de nas slob ma stegs bu'i kha la gzhag /mkha' 'gro kun la sbyin sreg gtor ma dbul/ /de nas bu mo shes rab ma de yis/ /ma mo 'dod kyi slob ma de la dbab/ /ma mo bskul ba'i rdzas rnams bsreg par bya/ /phyi dang nang gi grod tshad mtshan ma dbas/ /mtshan ma phebs nas thugs kyi dam tshig dbob/ /dam tshig bsre ba'i gsang ba'i dbang bskur ro/ /des ni mkha' 'gro mngon du 'grub par bshad/ /ma mo mkha' 'gro thugs kyi gsang rgyud 'di/ /dbang dang dam tshig med pa'i slob ma la/ /tshig gcig bstan yang tshe'i 'du byed bskul/ /myur du shi nas rdo rje dmyal bar skye/ /de bas dbang bskur gnang ba thob la sbyin par bshad/ /mkha' 'gro ma me lce 'bar ba'i rgyud las dbang bskur ba'i le'u ste bcwa lnga pa'o// // de nas lha'i dbang po brgya byin des dpal phyag na rdo rje la 'di skad ces gsol to/ /kye ma phyag na rdo rje che/ /ngo mtshar byin brlabs rnams kyi mchog /lha mo grub pa'i rnal 'byor pa'i/ /las kyi rim pa bshad du gsol/ /ces gsol pa dang / dpal rdo rje 'dzin pas bka' stsal pa/ nyon cig lha'i dbang po brgya byin nyon/ /lha mo'i grub pa thob pa'i rnal 'byor pas/ /so so'i las la ched du ma brtsams kyang / /yid la ci 'dod bsams pa tsam gyis 'grub/ /'on kyang ched du sgrub pa rtsom pa na/ /las kyi bye brag dam pa ngas bshad do/ /ma mo grub pa rnams kyis bya ba yin/ /</font><hr>104.224b<br><font size=+1>

dang po'i las can rnams kyis mi brtsam mo/ /brgya byin nyon cig /zhi ba'i las kyi khyad par ni/ /bu ram sbrang rtsi 'gi wang dang / /gu gul spos dang 'o ma dang / /mar khu til dang 'bras chan dang / /a ga ru dang du ruska/ /gang la bya ba'i ming dang bcas/ /ri lu khri tsho gcig byas la/ /zhi ba'i thabs khung zlum po dang / /'o ma yod pa'i shing brtsigs la/ /mkha' 'gro ma rnams dkar po la/ /bdud rtsi'i bum pa thogs nas kyang / /gang la bya ba'i spyi bo nas/ /dbang bskur lus po zhi bar bsgom/ /me sbar ri lu rim gyis bsreg /gong ma'i srog snying bzlas shing dbul/ /srog gi snying po'i gzhug rgyan du/ /shan+ti~M ku ru swA hA bzlas/ /'bum tsho bzhi ru bzlas byas la/ /bdud dang bgegs rnams zhi ba dang / /dgra dang nad yams zhi bar byed/ /rgyas pa'i las su bya ba ni/ /gur gum sta rga'i dgun 'bru dang / /ut+pal mar khu 'gi wang dang / /bdud rtsi lnga dang dpag bsam shing / /gang la bya ba'i ming dang bcas/ /khri tsho gnyis kyi ri lu bya/ /rgyas pa'i thab khung gru bzhi pa/ /'bras bu yod pa'i shing brtsigs la/ /gtso bo phyag na rdo rje dang / /mkha' 'gro ma kun ser po la/ /rin chen mdzod dang bum pa thogs/ /gang la bya ba'i snying ga ru/ /dbang bskur phung po rgyas par shog /me sbar ri lu rim gyis dbul/ /\u0f00 tsaN+Da ma hA ro Sha Na hU~M/ kha mun+t+ra ba tra ba tra trag rag mo puSh+Ting+ku ru swA hA/ 'bum tsho brgyad du bzlas ba bya/ /tshe dang rigs rgyud 'phel bar byed/ /nor dang longs spyod 'phel bar 'gyur/ /dbang gi las su bya ba ni/ /sbrang rgod ra khrag chang dang chab tshan dang / /khug chos lug mig pa dang ni/ /yung dang gla rtsi cong zhun dang / /nya sha mar khu rgya skyegs ni/ /ri lu khri tsho gsum byas la/ /dbang gi thab khung zla gam la/ /tsher ma can gyi shing brtsigs la/ /gtso dang 'khor gyi ma mo kun/ /mdog dmar lcags kyu thogs pa yis/ /gang la bya ba bkug par bsgom/ /me sbar ri lu rims kyis bsreg /o~M tsaN+Da ma hA ro Sha Na hU~M/ pa tsa la a shug me/ pra ma ma hA sti pra che ge mo A kaR+Sha ma nA ya hrIHdzaH/ 'bum tsho bcu drug bzlas pa na/ /'khor los sgyur ba'i rgyal po dang / /stag dang glang po nor bu dang / /'gro ba bzang dang blon po dang / /dmag mi dang ni lha mi dang / /</font><hr>104.225a<br><font size=+1>

klu dang gnod sbyin bu mo dang / /kun kyang bdag gi dbang du 'gyur/ /bsreg pa'i las su bstan pa ni/ /drag po'i me thab gru gsum du/ /dug shing tsher ma'i me bus la/ /rta dang mgrin ring sha dang chil/ /khwa yi sgro dang thar nu'i chang / /gang la bya ba'i ming dang bcas/ /'bum tsho ru ni bzlas pa bya/ /rlung gi dkyil 'khor steng du ni/ /rlung gi rnga mo sngon mo bskyon/ /de steng gang la bya ba bskyon/ /re ma ti'i sna nas khrid/ /lha mo nag mos phyi nas ded/ /phyag na rdo rjes rgyab nas phul/ /dpag tshad brgyad khrir bskrad par bsam/ /snying po bzlas shing ya stags bsreg /snying po tha ma skrod ces bskul/ /yul nas dbyung zhing 'khyams par nus/ /phaT tsa pa la a shug me/ /s+phA ra Na ma ya~M phaT phaT skrod cig /dbye ba'i las su bstan pa ni/ /rta g.yag bya rog 'ug pa'i sha /btsan dug skye tshe spyang gu'i tshil/ /mdza' bo gnyis kyi ming bcas la/ /tsher ma'i shing la me bus la/ /'bum tsho gcig tu bstabs pa bya/ /srog gi snying po'i tha mar ni/ /ma ma trag rag sha ru tra mA ra ya hU~M phaT/ gats+tsha phaT zhes ni bzlas pa bya/ /the tshom med par dbye bar nus/ /bud med 'gugs pa'i sbyor ba ni/ /lan tshwa rgya skyegs rdo sol dang / /lcong zi bu ram nya sha dang / /sbrang rtsi mngal khrag khu ba dang / /gang la bya ba'i ming ngam skra/ /ri lu brgya rtsa brgyad byas la/ /seng ldeng me la bsreg par bya/ /du ba byung na 'dod chags langs/ /me lce 'bar nas khugs par byed/ /sngags ni mkha' 'gro'i snying pos bya/ /tha ma bud med 'dis khug bya/ /des ni the tshom med par nus/ /lkugs par bya ba bstan pa ni/ /kham pa'i rdzas la dgra gzugs bya/ /lug gi rkan la ming bris la/ /de yi snying gar gzhug par bya/ /kha yi nang du nya mgo gzhug /kha ni tsher mas rab tu gtur/ /gzugs ni khyi mgo'i khar gzhag la/ /khyi yi mgo spyang gu'i rgyus pas bkris/ /gsang sngags brgya rtsa brgyad du bzlas/ /o~M badzra tsaN+Da ro Sha Na hU~M/ re ma ti che ge mo bag+sha hU~M/ sos par bya na slar la bshig /gal te ma bshig mnan na ni/ /ma shi'i bar du kha 'thams so/ /smyo ba'i lus su bya ba ni/ /btsan dug ldong ros sbrul nag go /sdig pa'i rwa dang bye'u chung ro/ /gang la bya ba'i ming</font><hr>104.225b<br><font size=+1>

dang bcas/ /de nyid kyi ni gnas su bsreg /che ge mo sha trUn nA/ sha pra ma ya hU~M phaT/ the tshom med par 'bog cing smyo/ /rengs par bya ba bstan pa ni/ /dri rgod ro sregs rus pa dang / /a pra nag po'i 'bras bu dang / /dmangs rigs khyim kyi dud pa dang / /byi la'i sha dang btsan dug dang / /phabs dang sug pa gu gul nag po dang / /phye ma dag tu rab sbyar la/ /sngags ni 'bum du bzlas pa bya/ /o~M pA Ni badzra ma hA ka li tsa pa la hU~M/ sbo ta grum sngo sreng hU~M hU~M hU~M de rnams kyi ni phye ma de/ /gang la gtor bas rengs par nus/ /rang lus sba ba'i sbyor ba ni/ /khwa ta nag po'i tshang shing la/ /ut+pal nag po'i khu bas byug /bram ze'i go ro tsa nas bsku/ /bsgrub pa'i dkyil 'khor dbus su gzugs/ /phyag na rdo rje'i snying po bzlas/ /de nas na bun bu mo bdun/ /srin bal nang du dril la gzhag /lha mo dpon g.yog snying po bzlas/ /srin bal thul po shing la gdags/ /mis ma mthong bar lus la btsa'/ /bdag ni sus kyang mi mthong ngo / /nyon cig lha dbang brgya byin nyon/ /bstan pa gnyan po bshig pa dang / /rdo rje slob dpon brnyas pa dang / /gsad pa'i sbyor ba rab tu bshad/ /rje mos gsad pa'i las bzhi dang / /khol mo nag mo'i thun drug ni/ /ngas gsungs pa la the tshom med/ /gsad pa'i las bzhi bstan pa ni/ /dang por khrag nad dbab pa dang / /gnyis pa rims nad dbab pa dang / /gsum pa tsha ba 'brum nag 'bar/ /bzhi pa snying gzer 'bar ba'o/ /nad bzhi gang 'dod 'bar bas bsad/ /khrag nad dag gis dgra gsad na/ /ro tshas las la ling+ga bri/ /tsha ba gsum gyi khu bas bsku/ /bzlas pa bya zhing gtor ma gtang / /phebs pa dang dbab cing bskul bar bya/ /o~M badzra tsaN+Da ma hA ro Sha Na hU~M/ o~M ru ru tiSh+Ta ba to si/ ru ru be ro ru be tiSh+Ta ba to si/ tsa pa la a shug me/ che ge mo rag ta ro ge nag mA ra ya hU~M phaT/ khri tsho gcig tu bzlas byas la/ /ling ga gtor mar dbul bar bya/ /khrag nad kyis ni 'chi bar 'gyur/ /da ni rims nad dbab pa bshad/ /btsan dug mda' dug rgyu gzer khrag /chang dang lo dug khrag dang bzhi/ /thod pa dum bu brgyad par stsal/ /zhing ras dag gis kha bcad la/ /sngags 'di sum 'bum bzlas pa bya/ /o~M</font><hr>104.226a<br><font size=+1>

badzra tsaN+Da ma hA ro Sha Na hU~M/ ru ru be tiSh+Ta ba to si/ ru ru ro ru ho ruSh+Ta ba to si/ tsa pa la a shug me hU~M bya ha da mi ro ge nag A be sha ya/ mA ra ya phaT/ rang nyid khros pa'i cha lugs bya/ /dgra yi phyogs su mtshan mo gtor/ /rims nad dag gis phung bar nus/ /tsha ba'i nad kyis gsad pa ni/ /rabs chad nag po'i sha khrag dang / /bya rog 'ug pa'i sha tshil dang / /seng stag bya rgod lcung ga'i snying / /rta nag ra rog phag gi snying / /spyang mo'i snying dang rme gri'i sha /lcong zhun dang ni 'gi wang sbyar/ /dug dang khrag kyang bsres byas la/ /ri lu khri tsho bzhi byas la/ /ma trang nag po'i zhal bcas la/ /ma trang de yi kha nang du/ /dug shing nag po'i hom sbar ste/ /rdo rje mkha' 'gro dpon g.yog kyang / /nag mo ral pa rngam bag can/ /lag na ral gri thogs pa yi/ /dgra sha bcad cing za bar bsgom/ /ri lu re dang dgra ming re/ /bsdebs shing bsregs pa'i las bya'o/ /ma mo bskul ba'i rdzas re bsreg /nag mo chen mo'i dmod pa ni/ /o~M badzra tsaN+Da ma hA ro Sha Na hU~M/ ru ru be tiSh+Ta ba to si ru ru ro ru ba tiSh+Ta ba to si/ tsa pa la a shug me/ ma ma sarba sha tru~M a mu ka shI g+h+ra~M mA ra Na/ dz+wa la ra~M tsit+ta dz+wa la dzi ba~M ru d+hi ra~M mA ra ya nA sha ya hU~M phaT/ de nas thal ba hoM khung mnan/ /tsha ba'i nad la the tshom med/ /snying gzer 'bar bas dgra bsad na/ /lcags sam dug shing phur bu la/ /lus la bcangs la bsnyen pa dbul/ /spyi bor phyag na rdo rje bsgom/ /rked par lha mo nag mo bsgom/ /rtse mor re ma ti yang bsgom/ /logs la 'khor gyi ma mo bsgom/ /kI la ya la bsgom pa rnams/ /sku stod rgyan dang lag char ldan/ /rked par zhe sdang sbrul gyis dkris/ /sku smad gdug pa'i phur bu 'bar/ /lus la bcangs la bsnyen pa dbul/ /o~M badzra tsaN+Da ma hA ro Sha Na hU~M/ ru ru be tiSh+Ta ba to si/ ru ru ro ru be tiSh+Ta ba to si/ tsa pa la a shug me/ re ma ti badzra ki li kI la ya hU~M mA ra Na hU~M phaT/ rtag tu bsnyen pa dbul byas la/ /gtor ma sbyin sreg dag gis mchod/ /de nas dgra yi gzugs byas la/ /rkang lag dag la btab pa na/ /snying la btab na 'chi bar byed/ /snying gzer 'bar ba'i cho ga'o/ /khol mo nag mo'i thun drug ni/ /'gu li nag</font><hr>104.226b<br><font size=+1>

mo'i thod pa'i thun/ /nir ti nag mo mda' yi thun/ /rak+ta nag mo khrag gi thun/ /tsa ra~M nag mo sgong nga'i thun/ /byi sha nag mo dug gi thun/ /tsit+ta nag mo snying gi thun/ /nag mo'i thun drug rab bshad bya/ /'gu li nag mo'i thod mda' ni/ /mi ro bkris pa'i dkris ma la/ /dug dang khrag gi snag tsha yis/ /dbus nas bskor la yi ge bri/ /o~M tsaN+Da ma hA ro Sha Na hU~M/ zhes bya ba dbus su bri/ /de yi phyi rim du ru ru be tiSh+Ta ba do si/ ru ru ro ru be tiSh+Ta ba do si/ tsa pa la a shug me hU~M b+h+yo zhes bri/ de'i phyi rim du ru ru be ro ru hU~M tiSh+Ta ba do si/ rag mo tsit+ta kha rag ma hU~M b+h+yo/ ma ma trag rag sha kha mun tra ba tra ba trag rag sha tsi tra kha rag ma/  re ma ti sa ma ya ma hA pra ma sti pra dun b+h+yo dza:dza:/ ru lu b+h+yo b+h+yo zhes bri/ de'i phyi rim du ma nag mos bskor/ de'i phyi rim du b+h+yos bskor/ de nas sngags kyi 'khor lo de/ /nal thod dum bu brgyad par stsal/ /thod pa de'i nang du ni/ /ba~M dang khyi rgya ra rog snying / /yugs sa mo yi mngal khrag dang / /nad gang 'dod pa'i sha rus khrag /dug sna tshogs dang khrag sna tshogs/ /chang dang sbyar la thod par blug /thod pa g.yang bzhi'i steng du gzhag /de rag mdza ti ta ba~M dang / /mkha' 'gro ma la phul nas ni/ /ske tshe yungs nag thal chen la/ /sngags 'di bzlas la thod par blug /o~M ru ru be ro ru hU~M tiSh+Ta ba to si/ hU~M hU~M/ tsa pa la a shug me/ karma de byi mu di rA ga ba~M hU~M hU~M tsa pa la ag shug me/ mu ya~M rak+Sha thum du na nan/ kha rag tsa mun ti hU~M hU~M tsa pa la a shug me/ a kam mA ra Na hU~M phaT/ sngags de khri tsho thon pa'i tshe/ /go ro tsa nas kha bcad la/ /dur khrod dag tu gnas dag ste/ /nam phyed thod mda' dgra la 'phang / /ma mo bskul ba'i dam rdzas bsreg /de ni phung zhing rlag par byed/ /nir ti nag mo'i mda' thun ni/ /mda' sgro bya l+tsung ka yis sgron/ /dug shing nag po'i mde'u btsugs la/ /bam gyi snying khrag yugs sa'i khrag /btsan dug yungs dkar ske tshe dang / /mi rigs dgu'i so sen dang / /bya dang gcan dgu'i sder mo dang / /tsher ma dgu dang mtshon dbal dgu /dri rgod khrag dang g.yul sprad sa/ /de rnams bsres pa'i phye ma la/ /ma mo las la bskul ba dang / /gnad</font><hr>104.227a<br><font size=+1>

la dbab pa'i sngags kyis gdab/ /de yi gting la thun gyi mthu/ /dme gri nag mo'i zor sngags bzlas/ /rag mo tsit+ta mo tsa tsa mo b+h+yo/ hi li hi li ma ma b+h+yo/ badzra a li ga sri ga si hU~M b+h+yo/  badzra ma ma ti b+h+yo/ de skad sngags ni bzlas nas ni/ /rdzas dang phur thun mda' sbubs blug /mda' nyid dug dang khrag gis byug /dur khrod 'gal ba'i gzhu brdungs la/ /mde'u yi rtse mo bsreg byas la/ /mda' de nam phyed dgra la 'phang / /gang la bya ba gri ru 'chi/ /rag ta nag mo'i khrag thun ni/ /mi rta ra khyi phag khrag dang / /rims nad khrag dang gu gul dang / /tsher ma dgu dang mche sder dgu/ /klu yi chu dang btsan dug dang / /rdar gri 'bum tri nang du stsal/ /yungs kar dag la thun sngags 'di/ /bdun khri bzlas la khrag gi nang du blug /ru ru tsa dug a shug me ba ti ru tra kha shal mo/ che ge mo a mu ka rak+ta tsa ra nan/ mA ra ya mA ra ya ru ti ra~M/ A kaR+Sha ya a hU~M phaT/ de skad khrag la sngags bzlas la/ /ma mo las la bskul sngags gdab/ /de nas khrag gi zor mda' de/ /ro bkris dag gi 'ur rdor stsal/ /nam phyed dgra la 'phang bar bya'o/ /des ni gang la bya ba 'chi/ /tsa ra nag mo'i sgong thun ni/ /bya mo nag mo'i sgong nga yi/ /spyi bo brtol ba'i sgong stong du/ /rims kyi khrag dang btsan dug stsal/ /yungs kar thal chen mtshon dpal la/ /srog gi snying po 'bum du bzlas/ /tha mar sgong thun gdab sngags bzlas/ /kha mun tra ba tra ba trag sha rag mo te kem dza:dzAH/ kha rag te kem b+h+yo b+h+yo: de nas sgo nga kha bcad la/ /hasta lag par bcug la 'phang / /mkhar la brgyab kyang 'jig par nus/ /dgra la 'phang na the tshom med/ /byi sha nag mo'i dug thun ni/ /ma he'i rwa 'am ba men du/ /mda' dug btsan dug lo dug dang / /rims nad khrag dang chang blugs la/ /rwa ru nang nyid khar bcug la/ /dang la mkha' 'gro'i snying po dang / /las la bskul sngags ming dang bcas/ /de nas dug gi dbal sngags bzlas/ /hU~M re ma ti ma ma ru lu rag Sha b+h+yo/ re ma ti byi shi ma ya sta yaka sha kro d+ha che ge mo mA ra ya phaT/ rwa rtse phra mo bcad par ni/ /dug gi khu ba mi mgos gtis/ /mi</font><hr>104.227b<br><font size=+1>

mgo dug gis khengs tsam na/ /ma mo bskul ba'i rdzas bsregs la/ /khram bam phyag rgya bcas la ni/ /nam phyed khros te dgra la 'phang / /the tshom med par dgra brlag go /tsit+ta nag mo'i snying thun ni/ /spyang gi stag dang sre mong snying / /khyi dang 'ug pa wa yi snying / /pho rog khrag dang sbrul gyi snying / /thod pa'i nang du stsal la ni/ /dang po ma mo dpon g.yog gi/ /gnad la bskul ba'i sngags bzlas shing / /ma mo bskul ba'i dam rdzas bsreg /de nas snying gi thun sngags ni/ /trag rag sha tsi ta dung ro ta ma ta sma ra ra ta b+h+yo/ /de skad bzlas pa'i snying thun des/ /grong la brgyab kyang phung bar byed/ /nag mo 'bar ba'i thun drug 'dis/ /mkhar la brgyab kyang 'jig pa la/ /g.yul ngo chen por brgyab kyang zlogs/ /gzhan gyi byad dang sngags kyang zlogs/ /dgra dang bgegs la the tshom med/ /yang ni bshad kyis brgya byin nyon/ /bstan pa gnyan po'i sku dgra la/ /ltas ngan bya nag dbab pa ste/ /dang po bya nag bzung byas la/ /bcu gnyis dbang gi rim pa bskur/ /de nas bya la ma mo dbab/ /bya de mig rtsa rgod pa dang / /skad 'byin gshog pa gdeng ba na/ /ma mo phebs pa'i rtags yin pas/ /phyi dang nang gi mchod pa bya/ /phyag rgya dgu ni rab bstan la/ /dbang bskur dam tshig sbyin par bya/ /de nas ma mo bskul sngags bzlas/ /las la bskul ba'i dam rdzas bsreg /sngags 'dis bya de spar la gtang / /o~M k+Sha rag sha tsi ta kha rag ma tsit+ta tung tung dza sha yu ta ti b+h+yo/ re ma ti rAk+Sha si ru lu ru lu pra ma ma hA sti pra dung b+h+yo/ kar ma sa ma ya b+h+yo b+h+yo b+h+yo zhes gtad do/ /des ni bya nag gang du smos par 'gro'o/ /mkha' 'gro ma me lce 'bar ba'i las kyi rgyud las las so so ma mo'i bye brag bstan pa'i le'u ste/ bcu drug pa'o// // de nas lha'i dbang po brgya byin des/ dpal phyag na rdo rje la 'di skad ces gsol to/ /kye rig sngags gsang sngags bdag po gsang dbang po/ /phyag na rdo rje thig le bstan pa bsrung ba yi don du/ /bdud rtsi 'chang bzhin mar me gsod pa yi/ /skyes bu chen po mnga' bdag bshad du gsol/ /</font><hr>104.228a<br><font size=+1>

zhes zhus pa la/ dpal phyag na rdo rjes bka' stsal pa/ lnga brgya tha ma me ltar 'bar ba'i tshe/ /nyams pa bsod pa'i sbyor ba bshad kyis nyon/ /dang po mkha' 'gro me lce bsgrub pa'i rnal 'byor pas/ /skabs su gsad pa'i las la 'jug pa ni/ /dang la mtshan ma phebs pa'i bsnyen pa bya/ /gtor ma sbyin bsreg sti ras bu tsa bya/ /kham sa rkang rjes dri chu skra shad la/ /gang la bya ba'i snying gar ming / /dug dang bdud rtsi'i gtor ma'i nang du stsal/ /de nas ma mo zhag bdun gdab cing bstab/ /bskul ba gnad la gdab pa'i dam rdzas bsreg /gnad la dbab cing las la bskul sngags bzlas/ /ting 'dzin khrag 'thung bdud mo'i bar du ni/ /snying gi 'od zer dag gis drangs byas te/ /bdud rtsi drangs pa'i sbyor ba ston pa ni/ /gsal ba dngos grub spyi ste log pa yis/ /gsang sbugs bdud rtsi bdud mo'i zhal du drang / /thugs kyi dkar dmar pad ma'i sbu gur spro/ /bdag gi sbubs na thugs kyi dpal be'u rgyas/ /de nas mar me gsad pa'i ting 'dzin ni/ /bzhis bsdus dbus nas nri las 'od 'bar ba/ /bdag nyid bdud mo'i rang bzhin gsal ba la/ /spro ba'i rlung gis mar me gting nas sbar/ /bud pa'i rlung gis mar me khad kyis gsad/ /'dren pa'i rlung gis thig le'i rtse mor drang / /dang pos bkrag shor gnyis pas sum cha nyams/ /gsum pas phyed la bzhi pas sum gnyis med/ /lnga pas mun khang ltar gyur bdag la gsal/ /mar me bdud rtsi lo grangs du lon thub/ /de nas dgra gzugs 'gu ling nag por gzhug /hom khung nang du rtsang nang phur bus bskor/ /nag mo ro zan kha la me 'bar ma/ /ma bdud rgyal po lhag pa'i snying rje can/ /khrag 'thung re ma ti'i dmod pa ni/ /trag rag sha re ma ti'i hU~M a mu ka sri kram ma ra na ya ma rag mo ar+ya tsa tsa thi gi ma kha la b+h+yo b+h+yo/ rag mo tsi ta kha rag ma b+h+yo/ rag mo ti ki ma dza:dza:/ kha le dun b+h+yo/ /kha rag ti ki ma dza kha le dun b+h+yo/ ma rag thun ma b+h+yo/ che ge mo mA ra ya hU~M phaT/ gsang sngags de ni khri tsho gnyis su gdab/ /yungs kar thal chen dag la sngags la gdab/ /'gu ling dur khrod snying ba'i gting du mnan/ /gang la bya ba de ni zhag</font><hr>104.228b<br><font size=+1>

bdun len/ /mkha' 'gro ma me lce 'bar ba'i rgyud las mar me bstan pa'i le'u ste bcu bdun pa'o// // de nas lha'i dbang po brgya byin gyis dpal phyag na rdo rje la 'di skad ces gsol to/ /kye bde ba chen po rdo rje 'chang / /'khor ba'i rgyun lam bcad pa dang / /ye shes nus pa bskyed pa'i phyir/ /thig le ye shes man ngag 'di/ /snying rje can gyis bshad du gsol zhes zhus pa'i tshe/  dpal phyag na rdo rje des gsang ba'i thugs ka nas/ ye shes 'byung ba zhes bya ba'i 'od zer bkye nas 'dzum pa'i mdangs kyis 'di skad ces bka' stsal to/ /ye shes rdo rje thig le ni/ /thun mong ma yin shes par bka'/ /don dam kun rdzob gnyis su bshad/ /don dam sems kyi spyod yul lo/ /kun rdzob las kyi phyag rgya dngos/ /rgyal rigs bu mo de la bsten/ /rang rig rtsal gyis rlung g.yos te/ /rlung gi thig le ye shes me/ /rdo rje gsang bas sa bon bskul/ /rtog med gsang ba'i thig le la/ /mi bskyod mnyam par sems gtad na/ /mar me'i rtse mo lta bur brtan/ /gnas pa'i rtsa yi nam mkha' la/ /srog 'dren thig le bsgoms pa'i tshe/ /brtan dang g.yo ba'i dngos po kun/ /bden gnyis byang chub don gsal nas/ /dang ba'i chu la gzugs bsnyan bzhin/ /rgyal ba'i go 'phang rang la 'char/ /mkha' 'gro ma'i rang bzhin grub/ /lhan cig skyes pa'i lha mo'i don/ /mkha' 'gro ma me lce 'bar ba'i rgyud las/ ye shes kyi thig le bshad pa'i le'u ste bcwa brgyad pa'o// //  de nas lha'i dbang po brgya byin des/ dpal phyag na rdo rje la 'di skad ces gsol to/ /bgegs kyi gtso bo dbang phyug rje/ /'gro ba thugs rjes bskyang ba'i phyir/ /bcu drug rdo rje 'phrul gyi rgyud/ /dpa' bo chen pos bshad du gsol zhes zhus pa dang / dpal phyag na rdo rjes bka' stsal pa/ ma 'ongs phyi ma'i sems can rnams/ /dad dang spro ba bskyed pa'i phyir/ /rdzu 'phrul bcu drug bshad kyis nyon/ /dang po lha'i rnal 'byor la/ /drod dang mtshan ma thob par bya/ /de nas 'phrul la 'jug pa ni/ /a nu sa ti'i ri lu sbyar/ /rma bya khrung khrung ne tso sha /nya dang spre'u dang byi la'i sha /rnga mo khwa ta ngang pa'i sha /ne'u le so bya mthing ril sha /de rnams</font><hr>104.229a<br><font size=+1>

skams pa'i phye ma dang / /bil ba'i shing dang a ru ra/ /shing tsha sug smel rus sbal rus/ /ka ka ru dang me khyer srin/ /mi rus dang ni phag rgod khrag /mi rgod skra dang chu glag sgro/ /de rnams bsres la ri lu bya/ /sbrang rgod dag gis mgo bsdus la/ /dur khrod thod pa'i bra bur gsal/ /phyag na rdo rje'i snying po dang / /ma mo'i srog snying bdun 'bum bzlas/ /bar bar bram ze'i me la bsro/ /de nas sna yi ri lu la/ /'od dang me stag 'phros tsam na/ /zangs sam lcags kyi ga bur stsal/ /de nas rdo rje mkha' 'gro la/ /dug dang khrag gi sbyin sreg dbul/ /a bu sa ti'i ri lu de/ /rang gi lce la myangs ba na/ /rtag tu btsan dug 'thung bar nus/ /yang na ma mo mkha' 'gro la/ /so bya rog mo'i sbyin sreg dbul/ /a bu si ti'i ri lu de/ /rkang pa'i mthil du bskus pa des/ /chu yi steng du 'gro bar byed/ /ma mo mkha' 'gro dpon g.yog la/ /chang dang bya rgod sbyin sreg dbul/ /ri lu yan lag bzhi la bsku/ /bdag ni nam mkha' dag la 'phur/ /rdo rje mkha' 'gro ma dag la/ /mi sha'i mar khu sbyin sreg dbul/ /ri lu lce la myangs pa na/ /skye ba snga phyi dran par nus/ /ma mo dag dang mkha' 'gro la/ /mar dang ra khrag sbyin sreg dbul/ /a bu si ti'i ri lu de/ /bud med gang gi dpral bar bskus/ /de ni bdag gi dbang du 'gyur/ /rdo rje nag mo chen mo la/ /chang dang sbrang rgod sbyin sreg dbul/ /de nas ri lu mig la bsku/ /srid pa gsum ka dus gcig mthong / /rdo rje mkha' 'gro chen mo la/ /mar dang khwa ti'i sbyin sreg dbul/ /ri lu rkang pa'i mthil la bsku/ /nyin gcig dpag tshad brgyad khrir phyin/ /rdo rje lha mo nag mo la/ /khrag dang mar khu'i sbyin sreg dbul/ /ri lus mchan khung gnyis bskus na/ /rang lus sus kyang mi mthong ngo / /dpal ldan lha mo dpon g.yog la/ /'bras dang bu ram sbyin sreg dbul/ /ri lu khong par 'thungs pa na/ /tshe lo stong ni thub par nges/ /dpal ldan rdo rje lha mo la/ /'bru dang mar khu'i sbyin sreg dbul/ /ri lu lus la bsrel ba na/ /nor gyi gter la spyod par 'gyur/ /de nas mkha' 'gro ma la ni/ /til dang mi sha'i sbyin sreg dbul/ /a bu si ti'i ri lu de/ /</font><hr>104.229b<br><font size=+1>

mi ro sar pa'i khar bcug nas/ /ma mo'i snying po 'bum bzlas na/ /mi ro langs nas dngos grub gter/ /gser dang dngul du 'gyur yang rung / /yang na de la ral gri sbyin/ /ci 'dod pho nya'i mngag gzhug byed/ /phrin las rnam bzhi gang bcol 'grub/ /rdo rje dpal ldan lha mo la/ /go ro tsa na'i sbyin sreg dbul/ /ri lu nad pa'i lus la bsku/ /nad pa rnams ni 'tsho bar byed/ /yang ni rdo rje lha mo la/ /chang dang 'gi wang sbyin sreg dbul/ /ri lu bgyis pa lte bar bsku/ /srin bu dag ni 'tsho ba'o/ /rdo rje dpal ldan nag mo la/ /til mar ske tshe'i sbyin sreg dbul/ /ri lu me ru bsregs pa na/ /dgra la thog dang ser ba 'bebs/ /rdo rje lha mo nag mo la/ /mar dang mu tig sbyin sreg dbul/ /ri lu dpral ba'i dbyings su bsku/ /rgyal po'i chad pa mi 'byung zhing / /me dang chus kyang mi tshugs so/ /rdo rje mkha' 'gro ma kun la/ /me tog bu ram sbyin sreg dbul/ /ri lu lte bar bskus pa na/ /sbrul dang btsan gyis mi tshugs so/ /byad stems kyang ni bzlogs par 'gyur/ /mkha' 'gro ma me lce 'bar ba'i rgyud las rdzu 'phrul bcu drug gi le'u ste bcu dgu pa'o// // de'i tshe 'khor 'dus pa'i nang nas/ lha'i dbang po brgya byin stan las langs te/ dpal ldan phyag na rdo rje la bstod pa/ bcom ldan mgon po rdo rje 'dzin/ /sku gsung ye shes lngar ldan lha/ /thabs dang shes rab bdag nyid can/ /rig sngags gsang sngags dngos po 'dzin/ /srid pa gsum gyis bkur ba'i gnas/ /lha srin brgyad kyis mchod cing bstod/ nyon mongs bdud las rnam par rgyal/ /phyag na rdo rje che la phyag 'tshal bstod/ /dpal lha mo la dge bcu'i sgo nas bstod pa/ brgya byin gyis bstod pa/ de nas dpal lha mo la lha ma srin sde brgyad kyis so so nas dpalha mo bstod pa/ de nas g.yog mo re ma ti la/ bdud ri ste 'gong nyag gis/ 'dul thabs kyi dbang gis sgo nas bstod pa/ lha la dbang bsgyur lha mo dpal 'bar ma/ /dbang phyug sras mo lha mo gzi ldan ma/ /sum bcu rtsa gsum gnas kyi gtso mo ste/ /</font><hr>104.230a<br><font size=+1>

lha mo re ma ti la phyag 'tshal bstod/ /bdud las dbang bsgyur bdud mo dpal 'bar ma/ /ri ti 'gong nyag bu mo re ma ti/ /nag mo rtse dgu gnas kyi gtso mo ste/ /bdud mo re ma ti la phyag 'tshal bstod/ /klu la dbang bsgyur klu mo dpal 'bar ma/ /gtsug na rin chen bu mo yid 'ong byams/ /rol mtsho bdun gyi gnas kyi gtso mo ste/ /klu mo re ma ti la phyag 'tshal bstod/ /gnod sbyin dbang bsgyur gnod sbyin dpal 'bar ma/ /gang ba bzang po'i bu mo shang ka na/ /nags tshal dra ba can gyi gtso mo ste/ /gnod sbyin re ma ti la phyag 'tshal bstod/ /bstod pa'i le'u ste nyi shu pa'o// // de nas dpal phyag na rdo rje des/ pad ma'i gdan las sku bzhengs te 'di skad ces gsol to/ /sras mchog 'khor gyi dam pa brgya byin nyon/ /lha dang lha min mi dang nam mkha' lding / /bgegs dang gshin rje ma mo dang / /sha za lto 'phye dri za dang / /srin po grul bum bdud dam mi/ /sngags 'chang rnal 'byor gnod sbyin dang / /nga yi 'khor rnams rab tu nyan par gyis/ /ngas ni rdo rje ting 'dzin lhun gyis grub/ /ngas ni mtshan ma 'joms pa'i phyag rgya rnyed/ /ngas ni thun mong ston pa'i bdud las rgyal/ /ngas ni snying rjes 'gro kun dge la 'god/ /ngas ni thabs dang shes rab kun la byed/ /ngas ni rdo rje mkha' 'gro'i gsang rgyud 'di/ /thun mong ma yin me lce 'bar ma 'di/ /ngo mtshar thabs mchog dngos grub dam pa'i gzhi/ /ngas ni bshad zin khyod la rab tu gtad/ /skal ldan dad dang brtson 'grus yod la gtad/ /snying rje gzhol zhing brtul zhugs che la gtad/ /bden gnyis don rtogs yid rings brtan la gtad/ /brnag pa'i gzungs thub snod ldan yongs la gtad/ /zung shig chongs shig snod ldan rnams la shod/ /'di yi don rnams rtse gcig yid kyis nyon/ /'dis ni mi nub chos kyi rgyal mtshan chen po thob/ /'dis ni chos kyi dbang phyug go 'phang thob/ /'dis ni yid bzhin rin chen 'bar ba thob/ /'dis ni ci 'dod thogs med dngos grub thob/ /blo dman</font><hr>104.230b<br><font size=+1>

shes chung nyan thos rnams la gsang / /log pa'i mthar 'khyams mu stegs can la gsang / /dmu rgod mi mkhas bskur pa mkhan la gsang / /dad med snying rje spangs pa rnams la gsang / /ma rig rmongs pa'i le lo can la gsang / /zhes bka' stsal nas/ /brgya byin gyis spyi bos blangs so/ /'khor la gtad pa'i le'u ste nyi shu rtsa gcig pa'o// // de nas lha'i dbang po brgya byin des/ dpal phyag na rdo rje la 'di skad ces gsol to/ /kye bcom ldan 'das lung bstan du gsol/ bde bar gshegs pa mkha' 'gro ma lung bstan du gsol zhes zhus pa dang / dpal phyag na rdo rjes bka' stsal pa/ mkha' 'gro ma lha mo nag mo 'dis/ bskal pa mang po'i sngon rol nas/ /dus gsum rgyal ba'i zhal mthong ste/ /dman pa'i zhing 'dir sprul sku yis/ /lha mo'i tshul du sku bstan nas/ /'gro ba'i don la rab tu brtson/ /nyon mongs sgrib pa rab tu spangs/ /da ltar shes bya'i sgrib pa sbyong / /de yi khol mo re ma ti/ /smon lam dbang gis 'gro don byed/ /bsgom pa'i lam la rab gnas nas/ /da ltar nyon mongs sgrib pa sbyong / /'di nas dus 'di phyi ma'i tshe/ /mkha' 'gro lha mo nag mo 'di/ /byang shar mtshams kyi 'jig rten khams/ /pad mo rnam par rol pa der/ /yang dag rdzogs pa'i sangs rgyas su/ /pad ma'i dpal zhes bya bar ni/ /ngas ni lha mo lung bstan to/ /de yi g.yog mo re ma ti/ /pad ma can gyi zhing khams de/ /bde ba'i byang chub sems dpa' ni/ /blo gros bshes gnyen bya bar ni/ /de 'dir ngas ni lung bstan no/ /mkha' 'gro ma me lce 'bar ba'i rgyud las yongs su lung bstan pa'i le'u ste nyi shu rtsa gnyis pa rdzogs so// //mchod na rgyal ba rigs lnga rtag tu mchod/ /srung na dam tshig nyi shu rtsa brgyad srungs/ /dgra byung lha mo nag mo mtshon char phyung / /nyes chung kha 'thab tsam la mtshon mi dbyung / /nga yi dkor khang 'jig na mtshon char phyung / /dkon mchog dbu 'phang smod na mtshon char phyung / /sangs rgyas bstan pa 'jig na mtshon char</font><hr>104.231a<br><font size=+1>

phyung / /dkon mchog sku dgra dar na mtshon char phyung / /zhes slob dpon pad mas slob bu glang dpal gyi seng ge la de skad ces bka' stsal zhing gdams so// //</font><hr>

</table>