('a) @#/ ! /gsang sngags rgyud 'bum gyi skor bzhugs so/ /[(黃) 秘密經第二十三部] 106.1b @#/ /spyan 'dren rgyud gsum pa/ bla ma'i bla ma bla med dkon mchog gsum/ /che ba'i che mchog dbang mchog dam pa la/ /gus pas phyag 'tshal dang bas skyabs su mchi/ /gnam sa'i mnga' bdag skye dgu'i longs spyod gzhi/ /bstan pa dam pa chos kyi mgon mdzad pa/ /tshangs pa brgya byin rgyal chen yul 'khor srung / /'phags skyes mig mi bzang dang lus ngan po/ /'jig rten skyong ba dbang po me lha dang / /gshin rje bden bral chu lha rlung gi lha/ /rnam thos bu dang dbang bdag sa yi lha/ /nyi zla gza' skar phyogs kyi glang po rnams/ /blon po sde dpon lha mo phyogs mtshams srung / /btsun mo sras bcas so so'i 'khor kun dang / /lha yi sde dpon chen por mtshan grags pa/ /khyab 'jug tshogs bdag nan ti kar ti ka /nag po chen po stobs chen stobs po che/ /gnod 'dzin pad ma pad 106.2a ma chen po dang / /dung dang dung chen gang po shin du gang / /mgrin bzang gang ba bzang po nor bu bzang / /bum rna dril rna rna gsum rna bo che/ /yang dag shes dang yang dag rgyal ba dang / /rgyal ba'i khyu mchog 'brog gnas gangs la gnas/ /bde ri lngas rtsen lnga len tshigs lnga ser/ /mgrin bcu rnam 'jigs 'brug sgra nam mkha'i dbyangs/ /stong gsum rgya mtsho dga' bo bsnyen dga' bo/ /ma dros gzi can nor rgyas gdon la 'jebs/ /drang srong rig 'dzin char sprin lo tog lha/ /lam lha nyin mtshan dus mtshams tshes grangs yud/ /ha nu man ta la sogs mthu chen dang / /tshig dbang lha mo sgra dbyangs dbyangs can dang / /be'u 'dra dpal gyi lha mo 'od zer can/ /dkar sham brjod skyob gang gA ya mu na/ /sras 'phan dung can ri mkhar nag mo dang / /ma bdun sring mo bdun dang sring mo bzhi/ /nag mo chen mo ral pa gcig la sogs/ /lha mo chen mo gnod sbyin chen mo dang / /srin mo chen mo sha za chen mo dang / /gzhon nu'i sku 'tsho rdzu 'phrul dbang gis 'phags/ /slag chen brjid pa lha dmag g.yul du bstod/ /rmad grags chen po'i dge bsnyen chen po dang / /lha sras gzhon nu klu sras gzhon nu dang / /rig 'dzin gzhon nu drang srong gzhon nu dang / /bi k+Shus bsten pa'i gzhon nu lnga brgya spun/ /gnod sbyin gzhon nu ti ra ka la sogs/ /gzi brjid chen po'i gzhon sde thams cad dang / /skye dgu'i bdag po la sogs lha dang klu/ /gnod sbyin dri za lto 'phye lha ma yin/ /gser 'dab grul bum srin po mi 'am ci/ /'byung po sha za yul bdag 'dre la sogs/ /cang shes snying rje'i lam du zhugs dgu dang / /rig pa'i lcags kyus zin pa kun gson cig /gang gi ming la 'ang bkra shis dpal 'bar ba/ /yi ge gnyis 'brel dkon mchog gsum gyi mtshan/ /skyes bu gang zhig nyan tam 'don pa yang / /gzha' gsang yun gyi chu srid 'thob 'gyur na/ /yon tan phun sum dpag yas dkon mchog la/ / 106.2b bsnyen bkur mnyes byed bka' la gus pa dang / /chos thos nyams su len pa ci zhig smos/ /de bas gsung rab dpag bsam rgyas pa yi/ /lha yi longs spyod tshal du kun gshegs te/ /chos rje nyi ma thams cad mkhyen pa'i bka'/ /bdud sde lta min g.yul las rgyal byed pa/ /rin chen 'od mchog lha dbang gtsug gi rgyan/ /bag yod dad pa'i spyi bos blang bar mdzod/ /kye rgyal ba'i sras khyod tshur shog /bdag dang sems can kun kyang yongs su mya ngan las 'das par bgyis la/ sems can ma rgal bas ma 'jigs par bsod nams dang ye shes kyi tshogs btsal bas mi ngoms pa la sems zhog shig /mngon par 'du byed pa'i rang bzhin gyi mtshan nyid kyang ma gtang shig /sangs rgyas kyi gzugs kyi sku yang ma dor cig /'dod chags dang bral ba'ang thob par gyis shig /chos thams cad la chags pa med pa'i thams cad mkhyen pa'i ye shes kyang btsal bar gyis shig /chos thams cad la gzhan gyi dring 'jog pa med par sangs rgyas kyi zhing yang yongs su sbyang bar gyis shig /zhing gi mtshan nyid nam mkha' lta bur yang shes par gyis shig /sems can yongs su smin par bya bas ma skyo shig /bdag med pa'i mtshan nyid kyang ma spong shig /mngon par shes pa la yang rnam par 'phrul par gyis shig /chos kyi dbyings las kyang ma g.yo shig /byang chub tu sems bskyed pa yang ma gtang shig /thams cad mkhyen pa'i ye shes la yang 'byung bar gyis shig /chos kyi 'khor lo bskor bas sems can thams cad tshim par gyis shig /chos nyid brjod du med pa las kyang 'da' bar ma byed cig /de bzhin gshegs pa'i rnam par 'phrul pa dang byin gyi brlabs kyang yongs su ston cig /byang chub sems dpa'i lus kyang ma dor cig /skye ba'i skye mched thams cad du yang snang bar gyis shig /yongs su mya ngan las 'da' ba chen po yang yongs su ston cig ces/ kye rgyal ba'i sras 'di dag ni lta ba'i 106.3a chos zung dang snrel zhir sgrub pa mngon bar bsgrub pa rnams nye bar sgrub pa 'di dag ni sangs rgyas kyi phrin las yang dag phul gyi chos bcu pa zhes bya'o/ /kye rgyal ba'i sras 'di dag ni byang chub sems dpa' rnams kyi sangs rgyas kyi phrin las te/ byang chub sems dpa' rnams rang byung gi phrin las gzhan gyi dring 'jog pa med par bla na med pa'i byang chub 'thob par 'gyur ba dag go/ /lha'i rgyal po dbang chen mchog sbyin gtso/ /dpa' bo 'jigs med 'jig rten kun la grags/ /shes rab 'od gsal zla ba nya ba'i zhal/ /skyes mchog smon lam phrin las gcig pa'i mched/ /tshangs pa brgya byin 'jig rten skyong la sogs/ /rdo rje ting 'dzin ri rab srub shing dang / /snying rje brtson 'grus klu yi srub thag gis/ /shes rab chen po'i rgya mtsho bsrubs pa'i bcud/ /dam chos bdud rtsi'i 'gron du gshegs kun la/ /chos bsgrags bsod nams dbyig kyang spyir 'bul gyis/ /srin dmag lha min g.yul las rgyal ba dang / /lha yi rgyal srid dbu rmog btsan par bsngo/ /gzi byin g.yog 'khor longs spyod 'phel ba dang / /mthu rtsal go 'phang khyad par thob par bsngo/ /rdzu 'phrul mngon shes pha rol phyin la sogs/ /rnam par thar pa'i sgo kun rdzogs pa dang / /dge ba'i phrin las dgongs dgu grub par bsngo/ /dam chos bdud rtsi'i bde bas lus khyab ste/ /sdug bsngal gnod pa'i rgyud las grol bar bsngo/ /dge ba'i bshes gnyen bka' drin byams pa'i gnyen/ /bdag cag nyon mongs mtshon gyis rmas pa rnams/ /thugs rje'i byin gyi brlabs kyis bskyang ba dang / /gang gis gang la spyi bos mthu skyed cing / /de bzhin gshegs pa'i bstan pa bsrung bar gsol/ /ma 'os 'khrul pa'i nongs pa mchis so 'tshal/ /dus rig rgyud mkhyen kun la bzod par gsol/ /lha tshogs chos kyi sbyin pa'i bkra shis kyis/ /phun sum tshogs 'dzin dam chos rgyas par smon/ /rgyud gsum pa rdzogs s+ho// //rgyud gsum pa/ 106.3b tshangs pa brgya byin rgyal chen lha dang klu/ /gnod sbyin dri za lto 'phye lha ma yin/ /gser 'dab grul bum mi 'am ci la sogs/ /sems can gang dag bde gshegs sras rnams dang / /nor bdun phun sum dpal bzhed kun gson cig /sangs rgyas bcom ldan yon tan bsam mi khyab/ /dam pa'i chos kyi yon tan bsam mi khyab/ /'phags pa'i dge 'dun yon tan bsam mi khyab/ /dkon mchog bsam mi khyab la mngon dad pa'i/ /rnam smin bla na med pa'ang bsam mi khyab/ /bskal pa bye ba khrag khrig bgrang bar yang / /dkon mchog mtshan thos tsam yang rnyed dka' bas/ /brgya lam lan cig khom ldan lus rnyed rnams/ /rdzu 'phrul dad pa'i shugs kyis 'dir gshegs te/ /rnam par grol ba'i rin chen sna tshogs gling / /zab mo rgyal ba'i bka' la kun gson cig /bsngo ba gang dag dam chos lhur len 'dir 'dus pa/ /lha klu gnod sbyin la sogs mthu chen rnams/ /chos kyi bsod nams shas kyang khyed bzhes te/ /gzi byin 'khor 'phel dgongs pa grub par bsngo/ /gsung rab bdud brtsi'i rjes su sgrubs mdzod la/ /gang la ci rigs so sor dpal bskyed cing / /de bzhin gshegs pa'i bstan pa bsrung bar gsol/ /rgyud gsum pa rdzogs s+ho// // |