J801

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J801</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J801&coll=lithang">see text in Tibetan script</a></table>106.121b<br><font size=+1>

@#/  /rgya gar skad du/  Ar+ya sarba ta thA ga ta a d+hiSh+ThA na hri da ya gu h+ya d+hA tu ka raN Da nA ma d+hA ra NI ma hA yA na sU tra/ bod skad du/  'phags pa de bzhin gshegs pa thams cad kyi byin gyis brlabs kyi snying po gsang ba ring bsrel gyi za ma tog ces bya ba'i gzungs theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ma ga d+ha na dri ma med pa'i kun dga' ra ba na rin po che sna bdun gyi rdzing na/ byang chub sems dpa'i dge 'dun chen po dang nyan thos kyi dge 'dun chen po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa bye ba mang po rnams dang / yul gyi mi 'bum phrag du ma rnams kyis yongs su bskor cing mdun du byas nas thabs gcig tu bzhugs so/ /de nas 'khor gyi nang de na bram ze chen po shing</font><hr>106.122a<br><font size=+1>

sa la chen po lta bu mkhas pa/ 'dzangs pa/ gsal ba/ yid gzhungs pa/ mthong na dga' ba/ dge ba bcu'i las kyi lam yongs su bzung ba dri med legs snang zhes bya ba zhig yod de/ de yang gcig tu dkon mchog gsum la dad cing gus la phyag byed pa'i dge ba'i bsam pa dang ldan pa/ zhib mo brtags pa/ sems can thams cad dang dge ba'i don la brtson pa/ nor che ba/ longs spyod che ba/ phyug pa/ rdzas mang ba/ yo byad phun sum tshogs pa yin no/ /de nas bram ze chen po dri med legs snang bcom ldan 'das ga la der song ste phyin nas/ bcom ldan 'das la lan bdun bskor ba byas nas/ bcom ldan 'das la me tog dang / bdug pas mngon bar mchod do/ /na bza' rin 'bum ri ba yang gsol/ bcom ldan 'das la mu tig gi do shal 'bum ri ba yang gsol nas zhabs gnyis la mgo bos phyag 'tshal te/ bcom ldan 'das kyi spyan sngar 'dug nas bcom ldan 'das la 'di skad ces gsol to/ /bcom ldan 'das sras tshogs kyi 'khor dang bcas pa bdag gi sdum par gdugs tshod la spyan 'dren na/ de'i slad du bcom ldan 'das kyis gnang bar mdzad par ci gnang / de nas bcom ldan 'das kyis bram ze chen po dri med legs snang gis spyan drangs par thugs su chud nas cang mi gsung bar gyur pas gnang ngo / /de nas bram ze chen po dri med legs snang bcom ldan 'das kyi spyan snga nas cang mi gsung bas gnang bar rig nas de rings pa rings par rang gi khyim du song ste/ de nyid kyi mtshan mo 'das pa dang / zhal zas dang / yo byad dang / zhal zas ro brgya pa mang po bshams nas bkod pa chen pos bkra shis kyi gzhal med khang chen po dang / gzhal med khang chen po sna tshogs dang / me tog dang / bdug pa khyer te/  'khor mang po dang / sil snyan dang / pheg rdob pas bcom ldan 'das ga la ba der</font><hr>106.122b<br><font size=+1>

song ste phyin nas/ bcom ldan 'das la dus la bab par gsol to/ /de nas bcom ldan 'das la bram ze chen po dri med legs snang gis 'di skad ces gsol to/ /bcom ldan 'das 'di ni gshegs pa'i dus lags te/ bcom ldan 'das gshegs pa'i dus kyi tshod la bab na bdag la gnang bar mdzad par ci gnang / de nas bcom ldan 'das kyis bram ze chen po dri med legs snang dbugs phyung nas nyid kyi 'khor la gzigs te bka' stsal pa/ 'khor ji ltar lhags pa thams cad deng don chen po mdzad par 'gyur gyis tshur sheg /de nas bcom ldan 'das gdan de las bzhengs ma thag tu bcom ldan 'das kyi sku las 'od zer tha dad pa sna tshogs byung ste/ 'od zer gyi snang ba des phyogs bcu'i sangs rgyas kyi zhing thams cad snang bar byas nas de bzhin gshegs pa thams cad la yang dag par bskul te gzigs nas gshegs par shes so/ /de nas bram ze chen po dri med legs snang gis mchod pa dang / bkur sti chen pos mchod cing bcom ldan 'das kyi gshegs shul mdzes pa cher byas so/ /'khor mang po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / dbang phyug chen po dang / sred med kyi bu dang / rgyal po chen po bzhis kyang gshegs shul mdzes par byas so/ /de nas bcom ldan 'das dang ha cang yang mi ring ba'i lam gyi bar gyi nang zhig na skyed mos tshal bde byed ces bya ba zhig yod do/ /skyed mos tshal de'i nang na mchod rten rnying pa chen po zhig yod de/ zhig pa tsher mas gang ba/ rtswa dang / shing dang / gyo mos kun tu gang ba phyag dar gyi phung po lta bu zhig yod do/ /de nas bcom ldan 'das kyis de'i drung du gshegs pa dang / mchod rten rnying pa phyag dar gyi phung po lta bu de yang kun nas 'bar zhing 'od zer 'bar ba kha dog sna tshogs pa dag byung ngo / /phyag dar gyo mo'i phung po de las kyang legs so</font><hr>106.123a<br><font size=+1>

zhes bya ba'i sgra byung ngo / /de bzhin gshegs pa shAkya thub pa legs so legs so/ /deng ni de bzhin gshegs pa'i ltas bzang po'o/ /bram ze chen po de bzhin gshegs pa spyan drangs pa ni yang khyod legs so/ /deng khyod la don chen po mdzad par 'gyur ro/ /de nas bcom ldan 'das de bzhin gshegs pas mchod rten rnying pa phyag dar gyi phung po lta bu de la yan lag lngas phyag mdzad nas lan gsum bskor ba mdzad nas nyid kyi sku las na bza' bsil nas mchod rten rnying ba phyag dar gyi phung po lta bu de la gsol te/ bcom ldan 'das kyis mchi ma byung ba chen po phyung bas bshums pa mdzad nas/ bcom ldan 'das kyis 'dzum pa bstan te/ 'dzum pa bstan pa des phyogs bcu'i de bzhin gshegs pa thams cad lag mthil na bzhugs pa bzhin du mthong ngo / /de bzhin gshegs pa thams cad kyang spyan mchi mas gang zhing bzhugs so/ /de bzhin gshegs pa de dag thams cad kyis kyang 'od zer bkye ste/ mchod rten rnying pa'i phung po chen po der zhugs so/ /de nas 'khor mang po 'dus pa de dag ya mtshan chen por gyur cing yi chad de 'khod par gyur to/ /de nas gnod sbyin gyi sde dpon chen po lag na rdo rje lus ni 'dar/ snying ni 'gul/ rdo rje ni gsor zhing /  rings pa rings par bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bshums pa'i snga ltas chen po gda' ba gang gis na/ bcom ldan 'das kyi spyan mchi mas gang ba bstan pa'i snga ltas gda' ba bcom ldan 'das ci lags/ ci'i slad du bcom ldan 'das kyis 'khor 'di'i nang du zhu ba 'di skabs dbye bar ci gnang / de nas bcom ldan 'das kyis gnod sbyin gyi sde dpon chen po lag na rdo rje la 'di skad ces bka' stsal to/ /lag na rdo rje ring bsrel gyi phung po de bzhin gshegs pa'i mchod rten de bzhin</font><hr>106.123b<br><font size=+1>

gshegs pa bye ba til gyi gang bu snyed thams cad kyi snying po'i gzungs kyi phyag rgya'i mchod rten gyi chos kyi rnam grangs yod de/ lag na rdo rje chos kyi rnam grangs 'di gang na gnas pa der de bzhin gshegs pa 'bum phrag bye ba til gyi gang bu snyed gnas shing de bzhin gshegs pa khar yas khar yas zhes bya ba snyed kyi sku gdung ring bsrel rnams gnas so/ /chos kyi phung po brgyad khri bzhi stong gnas so/ /de bzhin gshegs pa 'bum phrag bye ba til gyi gang bu ji snyed pa dgu bcu rtsa dgu'i gtsug tor dang / spyi bo yang de bzhin du gnas so/ /lag na rdo rje gang na chos kyi rnam grangs 'di gnas pa de ni de bzhin gshegs pa'i mchod rten du lung bstan to/ /lag na rdo rje chos kyi rnam grangs 'di ni phan yon che zhing mthu che ba yin no/ /lag na rdo rje chos kyi rnam grangs 'di ni phan yon che ba yin no/ /lag na rdo rje chos kyi rnam grangs 'di ni bkra shis thams cad rdzogs par byed pa yin no/ /de nas bcom ldan 'das las 'khor mang po 'dus pa de dag gis chos kyi rnam grangs 'di thos nas chos rnams la chos kyi mig rdul med cing dri ma dang bral la nye ba'i nyon mongs pa dang bral lo/ /kha cig gis ni rgyun tu zhugs pa'i 'bras bu thob bo/ /kha cig gis ni dgra bcom pa nyid do/ /kha cig gis ni rang byang chub kyi 'bras bu'o/ /kha cig gis ni phyir mi 'ong ba'i 'bras bu'o/ /kha cig gis ni lan cig phyir 'ong ba'i 'bras bu'o/ /kha cig gis ni byang chub sems dpa'i sa la gnas so/ /kha cig gis ni byang chub tu lung bstan pa thob bo/ /kha cig gis ni sa dang po'o/ /kha cig gis ni sa gnyis pa'o/ /kha cig gis ni sa gsum pa'o/ /kha cig gis ni sa bzhi pa'o/ /kha cig gis ni sa lnga pa'o/ /kha cig gis ni sa drug pa'o/ /kha cig gis ni sa bdun pa'o/ /kha cig gis ni sa brgyad pa'o/ /kha cig gis ni sa dgu pa'o/ /kha cig gis ni sa bcu pa la gnas par gyur to/ /kha cig gis ni pha rol tu phyin pa drug yongs su</font><hr>106.124a<br><font size=+1>

rdzogs so/ /bram ze chen po de yang mngon bar shes pa lnga thob cing dri ma dang bral ba dang / ser sna dang phrag dog dang bral bar gyur to/ /gnod sbyin gyi sde dpon chen po lag na rdo rjes cho 'phrul chen po 'di lta bu mthong nas ngo mtshar dang rmad du byung ba chen por gyur te/ /bcom ldan 'das la 'di skad ces gsol to/ /bcom ldan 'das chos kyi rnam grangs kyi mtshan thos pas kyang phan yon gyi yon tan gyis brgyan pa 'di lta bu thob na/ bcom ldan 'das gang gi slad du/  phu dud dang / bkur sti dang /  shin tu mang po bgyid par 'gyur blta ci smos te/ bcom ldan 'das de bsod nams kyi phung po ji lta bu yang mthong bar 'gyur/ bcom ldan 'das kyis bka' stsal pa/ lag na rdo rje nyon cig /rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma gang la las chos kyi rnam grangs 'di 'dri bar byed na/ lag na rdo rje des de bzhin gshegs pa 'bum phrag bye ba khrag khrig til gyi gang bu snyed dgu bcu rtsa dgu'i bsod nams kyi phung po dang / dge ba'i rtsa ba bskyed pa dang ldan par 'gyur zhing / de bzhin gshegs pa de rnams kyis rjes su bzung bar 'gyur ro/ /gang zhig klog par byed pa de dag kyang de bzhin gshegs pa rnams kyis gsungs pa'i mdo sde rnams bcangs par 'gyur ro/ /gang zhig chos kyi rnam grangs 'di lta bu 'dzin pa de dag phyogs bcu'i de bzhin gshegs pa 'bum phrag bye ba khrag khrig til gyi gang bu snyed dgu bcu rtsa dgu dang phyogs re re'i de bzhin gshegs pa dgra bcom pa yang dag par rdzogs pa'i sangs rgyas rnams kyis bzung bar 'gyur zhing / nyin gcig bzhin gzigs par 'gyur ro/ /gang zhig chos kyi rnam grangs 'di la mchod pa byed pa dang / khong du chud par byed pa dang / me tog dang / bdug pa dang / dri dang / me tog phreng rgyud dang / byug pa dang / na bza' dang / rgyan gyis mchod pa byed pa'i rigs kyi bu'am/ </font><hr>106.124b<br><font size=+1>

rigs kyi bu mo'am/ dge bsnyen nam/ dge bsnyen ma des phyogs bcu dang / phyogs re re'i de bzhin gshegs pa 'bum phrag bye ba khrag khrig til gyi gang bu snyed dgu bcu rtsa dgu la lha rdzas kyi me tog dang / bdug pa dang / dri dang / me tog phreng rgyud dang / byug pa dang / na bza' dang / lhab lhub dang / rgyan gyis mchod par 'gyur ro/ /phyogs re re'i de bzhin gshegs pa la de bzhin gshegs pa'i mchod pa'i sprin rin po che sna bdun las byas pa'i ri rab chen po tsam gyi phung po'i yon tan 'byung bar 'gyur ro/ /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rnams dang / sems can gyi tshogs chen po de rnams kyang ya mtshan du gyur nas gcig la gcig 'di skad du mchod rten rnying pa phyag dar dang / gyo mo'i phung po de bzhin gshegs pa'i byin gyi brlabs kyis byin gyis brlabs nas/ 'di ni cho 'phrul gyi cho 'phrul chen po ston pas mthu che ba yin no zhes zer ro/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das 'di sus phyag dar gyi phung por bgyis pa las rin po che'i mchod rten du gda' bar bgyis/ bcom ldan 'das kyis bka' stsal pa/ lag na rdo rje 'di phyag dar gyi phung po ma yin gyi/ 'di ni rin po che sna bdun las byas pa'i rin po che'i mchod rten chen po yin no/ /lag na rdo rje 'on kyang sems can rnams kyi las kyi 'bras bu rnam par smin pa ston pas nub par 'gyur gyi/ sangs rgyas rnams kyi de bzhin gshegs pa'i ring bsrel gyi snying po'i mchod rten rnams ni 'jig pa'am/ 'gyes par mi 'gyur te/ de bzhin gshegs pa'i rdo rje'i snying po'i sku ji ltar 'gyes par 'gyur/ 'on kyang sems can rnams kyi las kyi 'bras bu rnam par smin pa snang ba las kyang nub par gyur to/ /lag na rdo rje gzhan yang phyi ma'i dus phyi ma'i tshe sdig pa</font><hr>106.125a<br><font size=+1>

kun tu spyod pa dang / sdig pa can dang / dmyal ba la gzhol ba shin tu tshabs cher 'byung bar 'gyur/ sangs rgyas ma yin/ chos ma yin/ dge 'dun tshol ba ma yin zhing dge ba'i rtsa ba dag kyang skyed par mi byed de/ rgyu de dang rkyen des dam pa'i chos nub bo/ /lag na rdo rje de'i phyir nga'i mig gnyis mchi mas gang la de bzhin gshegs pa thams cad kyang mchi ma byung ngo / /dam pa'i chos kyi rnam grangs 'di lta bu ni nub par 'gyur gyis/ de bzhin gshegs pa'i mchod rten ni ma gtogs te/ de la de bzhin gshegs pa thams cad kyis byin gyis rlob par 'gyur ro/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das gang zhig chos kyi rnam grangs 'di bris te/ mchod rten gyi nang du 'jog na dge ba'i rtsa ba ci zhig skye bar 'gyur/ bcom ldan 'das kyis bka' stsal pa/ lag na rdo rje gang zhig chos kyi rnam grangs 'di bris te/ mchod rten gyi nang du bzhag pa de de bzhin gshegs pa thams cad kyi rdo rje'i snying po'i ring bsrel gyi mchod rten du 'gyur ro/ /de bzhin gshegs pa thams cad kyi gzungs kyi snying po gsang bas byin gyis brlabs pa'i mchod rten du 'gyur ro/ /de bzhin gshegs pa til gyi gang bu snyed dgu bcu rtsa dgu'i mchod rten du 'gyur ro/ /de bzhin gshegs pa thams cad kyi gtsug tor dang / spyan gyi mchod rten du byin gyis brlabs par 'gyur ro/ /gang zhig sangs rgyas kyi gzugs brnyan nam/ mchod rten thams cad kyi nang du 'jog par byed na de bzhin gshegs pa'i gzugs brnyan rin po che sna bdun gyi rang bzhin du byin gyis brlabs par 'gyur ro/ /'khor lo'i phreng ba dang / dril bu g.yer ka dra bar sbrel ba dang bcas pa dang / bkra shis dang char khab kyi gzugs dang dril bur bcas pa rin po che sna bdun gyi rang bzhin du byin kyis brlabs par 'gyur ro/ /de bzhin gshegs pa thams</font><hr>106.125b<br><font size=+1>

cad dang / chos kyi rnam grangs 'di'i mthu dang / byin gyi brlabs dang / bden pa dang / dam tshig byang chub kyi snying po la thug gi bar du byin gyis brlabs par 'gyur ro/ /sems can gang dag mchod rten de la phu dud dang / sti stang byed pa de dag nges par phyir mi ldog par 'gyur zhing / bla na med pa yang dag par rdzogs pa'i byang chub mngon bar rdzogs par 'tshang rgya bar 'gyur ro/ /phyag 'tshal ba gcig dang / bskor ba gcig gis mnar med pa la thug pa la sogs pa rnams las yongs su thar bar 'gyur zhing / bla na med pa yang dag par rdzogs pa'i byang chub las phyir mi ldog par 'gyur ro/ /gnas gang na mchod rten nam/ gzugs brnyan 'di lta bu gnas pa'i sa phyogs de yang de bzhin gshegs pa thams cad kyis byin gyis brlabs par 'gyur ro/ /phyogs der klu mi srun pas kyang mi tshugs par 'gyur/ sad dang ser bas kyang mi tshugs par 'gyur/ gnas der srog chags mi srun pa'am/ gdug pas kyang mi tshugs par 'gyur/ gcan zan gyis mi tshugs par 'gyur/ bya mi srun pa dang / ne tso dang / ri skegs dang / byi ba dang / sre mo dang / sha sbrang dang / sbrang bu dang / bye ba dang / sbrang ma mchu gsum pa dang / mchu rings dang / rta bla ba'i 'jigs pa yang mi 'byung bar 'gyur/ sbrul gdug pas tshugs par mi 'gyur ro/ /phyogs der yams kyi nad dang / nad 'go ba dang / 'khrug pa yang mi 'byung bar 'gyur/ gnod sbyin dang / srin po dang / 'byung po dang / yi dgas dang / 'dre dang / rjed byed kyi 'jigs pa yang mi 'byung bar 'gyur/ gdon thams cad kyis kyang mi tshugs par 'gyur/ rims thams cad kyis kyang mi tshugs par 'gyur/ nad thams cad dang / 'bras dang / phol mig dang / lhog pa dang / mtshan bar rdol ba dang / rkang shu dang / g.yan pa dang / mdzes kyang mi tshugs par 'gyur zhing mchod rten mthong ba tsam gyis thams cad 'byang bar 'gyur ro/ /phyogs der ba lang</font><hr>106.126a<br><font size=+1>

gi nad dang / phyugs nad dang / dud 'gro'i skye gnas rnam pa mang po gzhan dag gi nad dang / skyes pa dang / bud med dang / khye'u dang / bu mo'i nad kyis kyang nam yang mi tshugs par 'gyur/ dus ma yin par 'chi bas kyang dus ma yin par 'chi bar mi 'gyur/ dug gis ma yin/ mtshon gyis ma yin zhing / me dang chus kyang nam yang mi tshugs par 'gyur/ pha rol gyi dmag tshogs kyi 'jigs pas ma yin/ lo nyes kyi 'jigs pas kyang nam yang mi tshugs par 'gyur/ rgyal po chen po'i dmag gi 'jigs pa yang mi 'byung bar 'gyur ro/ /rgyal po chen po bzhi yang rtag tu rgyun mi 'chad par srung bar 'gyur ro/ sa phyogs der srung bar byed/ yongs su skyong bar byed do/ /gnod sbyin gyi sde dpon chen po nyi shu rtsa brgyad po de dag kyang rtag tu rgyun mi 'chad par srung ba dang / skyob pa dang / sbed pa byed par 'gyur ro/ /rgyu skar nyi shu rtsa brgyad dang / zla ba dang / nyi ma dang / mjug rings chen po yang nyin mtshan 'thun par byed par 'gyur ro/ /klu'i rgyal po thams cad kyang rtag tu rgyun mi 'chad par mdangs mi 'phrog cing / legs pa kho nar char gyi rgyun 'bebs par 'gyur ro/ /lha thams cad kyang mchod rten chen po de la phyag 'tshal ba dang / bkur sti bya ba dang / mchod pa bya ba'i phyir gnas sum cu rtsa gnyis nas dus gsum du 'ong ngo / /yul na gnas pa thams cad kyang mchod rten dang gzugs brnyan de'i drung du dus gsum du 'ong ngo / /bstod par byed/ bskor ba byed par 'gyur ro/ /lha rnams kyi dbang po brgya byin kyang lha'i bu mo dang / lha'i tshogs rnams dang lhan cig tu rgyun mi 'chad par mchod rten nam gzugs brnyan de'i drung du nyin mtshan dus gsum du 'ong ste/ phyag 'tshal ba dang / mchod pa la 'ong ngo / /de bzhin gshegs pa thams cad kyang rtag par dgongs pa dang / byin gyis rlob cing bzhugs so/ /mchod rten dang gzugs brnyan</font><hr>106.126b<br><font size=+1>

ji lta ji lta du las byed pa'i sa 'am/ rdo'i 'am/ shing gi'am/ dngul gyi'am/ gser gyi'am/ zangs kyi byed pa dang / chos kyi rnam grangs 'di yang bris te/ de'i nang du bzhag na bzhag ma thag tsam gyis rin po che sna bdun gyi rang bzhin du byin gyis brlabs par 'gyur ro/ /'phang dang / them skas dang / kha ran dang / 'khor lo'i phreng ba dang / bkra shis dang / gdugs dang / dril bu 'phyang ba dang / ba dan dang / dril bu g.yer ka'i dra ba thams cad kyang rin po che sna bdun gyi rang bzhin du 'gyur ro/ /phyogs bzhi kun na yang de bzhin gshegs pa'i gzugs brnyan gnas par 'gyur ro/ /de bzhin gshegs pa thams cad kyi byin gyi brlabs kyis byin gyis brlabs pa'i mchod rten rin po che dang sku gdung gi snying po'i mchod rten dang / mchod gnas su 'gyur ro/ /sku gzugs dang mchod rten de 'og min gyi gnas kyi lhas kyang yongs su bskyang ba dang / mchod pas yongs su gzung bar 'gyur ro/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das chos kyi rnam grangs 'di yon tan gyi khyad par 'di ji lta bur 'gyur/ bcom ldan 'das kyis bka' stsal pa/ de bzhin gshegs pa thams cad kyi byin gyi brlabs kyi snying po gsang ba ring bsrel gyi za ma tog gi phyag rgya'i gzungs yin te/ lag na rdo rje des na mthu 'di ni yon tan gyi khyad par 'di lta bur byin gyi brlabs kyis byin gyis brlabs pa yin no/ /rdo rje 'dzin gyis gsol pa/ bcom ldan 'das rin po che'i za ma tog gi phyag rgya'i gzungs kyi chos kyi rnam grangs bshad par ci gnang / bcom ldan 'das kyis bka' stsal pa/ lag na rdo rje nyon cig /de bzhin gshegs pa 'das pa dang / ma byon pa dang / da ltar byung ba dang / gang dag yongs su mya ngan las 'das pa'i sangs rgyas bcom ldan 'das thams cad kyi de bzhin gshegs pa'i sku ni gsum</font><hr>106.127a<br><font size=+1>

dag ste/ chos kyi sku dang / longs spyod rdzogs pa'i sku dang / de bzhin du sprul pa'i sku ste/ dus gsum pa thams cad kyi ring bsrel gyi za ma tog gi phyag rgya'i gzungs kyi chos kyi rnam grangs yin no/ /na ma s+t+rai yad d+hi ka nA~M/ sarba ta thA ga tA nA~M/  o~M b+hu bi bA ban ba ra ba tsa Te/ tsu lu tsu lu/ d+ha re d+ha re/ sarba ta thA ga tA d+hA tu d+ha re/ pad mA ma b+hi ti/  dza ya bA re/ u tsu la sma ra ta thA ga tA/ d+harmA tsakra pra bar te na badzra bod+hi maN Da a la~M ka ra/ a la~M kri ti/ sarba ta thA ga tA a d+hi Sh+Thi te/ bo d+ha ya bo d+ha ya/ bo d+ha ni bo d+ha ni/ bud d+ha ya bud d+ha ya/ sa~M bo d+ha ni sa~M bo d+ha ya/ tsa la tsa la tsa la~M tu/  sarba a ba ra Na ni/ sarba pA pa~M bi ga te/ hu ru hu ru/ sarba sho kA bi ka ti/ sarba ta thA ga tA hri da ya badzri Ni/ sa~M b+ha ba sa~M b+ha ba/ ta thA ga tA gu he d+ha ra Ni mu drai/  bud d+he su bud d+he/ sarba ta thA ga tA a d+hi te d+hA tu gar b+he swA hA/ sa ma ya a d+hi te swA hA/ sarba ta thA ga tA hri da ya d+hA tu mu drai swA hA/ su pra ti ta stu be ta thA ga tA a d+hi te hU~M hU~M swA hA/ o~M sarba ta thA ga tA uSh+NI Sha d+hA tu mu drA Ni/ sarba ta thA ga tA na sa d+hA tu bi b+hu shi ta a d+hi te hu ru hu ru/ hU~M hU~M swA hA/ bcom ldan 'das kyis ring bsrel gyi za ma tog gi phyag rgya'i gzungs 'di bshad ma thag tu phyogs bcu dang / phyogs re re kun nas de bzhin gshegs pa 'bum phrag bye ba khrag khrig til gyi gang bu snyed dgu bcu rtsa dgu gshegs nas/ bcom ldan 'das shAkya thub pa la shAkya thub pas sems can thams cad kyi don du 'dzam bu'i gling du chos kyi rnam grangs 'di lta bu'i chos kyi gter bzhag pa dang / ring bsrel gyi snying po'i mchod rten byin gyis brlabs pa legs so legs so zhes bya ba byin te/ 'di ni de bzhin gshegs pa thams cad kyi dam tshig dang byin gyi brlabs pa yin no/ /gang na ring bsrel gyi phyag rgya'i gzungs 'di ston par byed dam/ mchod rten gyi nang du 'jog gam/ gzugs brnyan gyi nang du 'jog par byed pa der de bzhin gshegs pa thams cad kyang gcig tu rtag tu rgyun mi 'chad par rjes su 'brang zhing</font><hr>106.127b<br><font size=+1>

bzhugs par 'gyur ro/ /thams cad du de bzhin gshegs pa'i byin gyi brlabs kyis byin gyis brlabs par 'gyur ro/ /de nas gzungs bshad pa dang / ji tsam na mchod rten rnying pa phyag dar gyi phung po lta bu de rin po che sna bdun gyi rang bzhin gyi mchod rten du mngon par 'phags shing / 'phang dang / legs par rnam par 'byes pa dang / 'khor lo'i phreng ba dang / bkra shis dang bcas par gyur to/ /bcom ldan 'das dgyes nas de skad ces bka' stsal nas/ byang chub sems dpa' sems dpa' chen po lag na rdo rje dang / lha dang / klu dang / gnod sbyin dang / dri za dang / nam mkha' lding dang / mi'am ci dang / lto 'phye chen po de dag dang / lha dang / mir bcas pa'i 'jig rten bcom ldan 'das kyis gsungs pa la yi rangs te mngon bar bstod do/ /'phags pa de bzhin gshegs pa thams cad kyi snying po gsang ba ring bsrel gyi za ma tog ces bya ba'i gzungs theg pa chen po'i mdo/ rdzogs s+ho// //rgya gar gyi mkhan po bid+ya ka ra pra b+ha dang / zhu chen gyi lots+tsha ba ban de rtsangs de ben dra rak+Shi tas bsgyur cing zhus/ skar zhus// </font><hr>

</table>