J802

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J802</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J802&coll=lithang">see text in Tibetan script</a></table>106.127b<br><font size=+1>

@#/  /bod skad du/ shes pas thams cad mthar phyin par grub pa'i mchod rten zhes bya ba'i gzungs/ skad shes thams mthar grub mchod zhes ba'i dkon mchog gsum la phyag 'tshal lo/ /bcom ldan 'das rdo rje 'dzin pa la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul dang / 'dul ba dang / rnam par 'phrul ba'i gzi brjid kyi rgyal po la phyag 'tshal lo/ /phyag 'tshal dus gsum sangs rgyas la/ phyag 'tshal dkon mchog gsum dge la/ /mi 'khrugs pa dang 'od dpag med/ /spyan ras gzigs la bdag phyag 'tshal/ /rigs gsum la yang phyag 'tshal lo/ /'di skad bdag gis thos pa dus gcig na/ /bcom ldan 'das rdo rje 'dzin pa chen po ri rab chen po sna lnga las grub pa/ gzhi nyid mchod rten gyi rang bzhin du gnas pa'i steng na/ rin po che sna</font><hr>106.128a<br><font size=+1>

tshogs pa'i khang pa dang / tshad med pa'i mchod rten bzhi dang / rang bzhin gyi mchod rten chen po'i gnas yin pa'i phyir rtse mo'i dbyibs kyang mchod rten du gyur pa'i gnas na/ lag na rdo rje dang / 'jam dpal dang / spyan ras gzigs dang / byams pa la sogs pa sa bcu'i byang chub sems dpa' rnams dang / tshangs pa dang / brgya byin dang / rgyal po chen po bzhi la sogs pa gtsang ris kyi mgon po rnams dang thabs cig tu bzhugs so/ /de nas bcom ldan 'das kyis dbu'i gtsug tor dang / thugs ka'i dpal be'u la sogs pa rnams nas 'od zer kha dog rnam pa sna tshogs pa bye ba khrag khrig brgya stong drug bcu snyed cig bkye ste/ stong gsum gyi stong chen po'i 'jig rten gyi khams grangs med pa bsam gyis mi khyab cing brjod kyis mi lang ba thams cad 'od zer gyi snang ba chen pos til gyi gang bu bzhin du gang zhing khyab par mdzad pas mtha' yas pa'i sems can thams cad long ba rnams kyis gzugs mthong ba dang / 'on pa rnams kyis sgra thos pa dang / dig pa rnams smra shes pa dang / theng po rnams dang / zha bo rnams 'gro zhing yan lag rangs pa dang / nad pa rnams nad dang bral ba dang / dmyal ba rnams tshe phri nas rims kyis sdug bsngal las thar ba dang / gzhan yang 'gro ba sems can rnams rim gyis dran pa rnyed par byas nas/ nam mkha'i khams thams cad yid kyi mchod rten chos kyi skus gang zhing rgyas par byas te/ 'od zer de dag slar bcom ldan 'das kyi dbu'i gtsug tu 'dus pa las chos kyi sku'i gzugs brnyan du gyur to/ /de nas lag na rdo rje la sogs pa'i 'khor rnams ngo mtshar du gyur nas bcom ldan 'das la bla re dang / rgyal mtshan dang / 'phan dang / gdugs dang / rnga yab dang / dril bu dang / dar spyang dang / spos dang / me tog dang / phreng ba dang / byug pa dang / mar me dang / bshos dang / rol mo la sogs pa'i mchod pa rnams kyis mchod nas bcom ldan 'das la 'di</font><hr>106.128b<br><font size=+1>

skad ces gsol to/ /bcom ldan 'das 'gro ba'i mgon po thugs rje chen po dang ldan pas mchod rten byin gyis brlab pa'i cho ga rig pa chen mo bi ma la uSh+NI Sha'i gzungs bshad du gsol/ bcom ldan 'das kyis bka' stsal pa/ mchod rten byin gyis brlab pa'i cho ga rig pa chen mo bi ma la uSh+NI Sha'i gzungs 'di ni rigs kyi bu'am/ rigs kyi bu mo gang la la zhig gis 'dzin tam/ 'chang ngam/ bris sam/ klog gam/ ming nyan par byed na/ de mtshams med pa lnga dang mi dge ba bcu dang / sdig pa'i las ci byas pa thams cad ma lus par byang bar 'gyur ro/ /bi ma la uSh+NI Sha'i rig pa chen mo'i mchod rten byin gyis brlab pa'i cho ga 'di'o/ /o~M s+t+rai yad d+he sarba ta thA ga tA hri da ya gar+b+he/ dz+wa la d+harma d+hA tu gar+b+he/ sa~M ha ra na a yu sa~M sho d+hA ya/ pa pa~M sarba ta thA ga tA sa man ta uSh+NI Sha bi man to bi shud d+he swA hA/ rig pa chen mo 'di gsungs ma thag tu 'jig rten gyi khams thams cad mchod rten gyi rang bzhin du 'gyur ro/ /rig pa chen mo 'di gro ga'am/ ras sam/ shing shun la bris te rgyal mtshan gyi rtse mo la btags na/  lha dang mi la sogs pa thams cad kyis mchod cing phyag bya ba dang / bkur stir bya ba'i 'os su 'gyur ba dang / rig pa chen mo 'di lus sam/ mgul du thogs na/ de lha dang / mi dang / mi ma yin pa la sogs pa rnams kyis sangs rgyas nyid du blta bar 'gyur ro/ /bdag nyid ri brag gam/ tshal lam/ dgon pa'am/ sa phyogs gang du 'gro ba'i tshe rig pa chen mo 'di brjod na ri dang sa phyogs thams cad mchod rten dang 'dra bar 'gyur ro/ /trai yad d+he sarba ta thA ga tA hri da ya gar b+he/ dz+wa la d+harma d+hA tu gar b+he/ sa~M ha ra Na a yu sa~M sho d+ha ya/ pA pa~M sarba ta thA ga tA sa man ta uSh+NI Sha bi ma la bi shu/ ma hA be ra dze ra ga~M bi ra si/ d+harma d+hA tu gar b+he/ bi bi sa ra a a la~M swA hA zhes brjod na/ sa gzhi thams cad kyang mchod rten gyi rang bzhin du 'gyur ro/ /bdag nyid chu'am/ chu bo'am/ mtsho'am/ </font><hr>106.129a<br><font size=+1>

rgya mtsho la sogs pa gang las rgal ba na yang rig pa chen mo'i sngags 'dis btab na chu de thams cad kyang mchod rten gyi rang bzhin du 'gyur ro/ /trai yad d+he sarba ta thA ga tA hri da ya gar b+he/ dz+wa la d+harma d+hA tu garab+he/ sa~M ha ra na a yu sa~M sho d+ha ya/ pA pa~M sarba ta thA ga tA sa man tA/   bi ma la uSh+NI Sha bi shud d+ha/   ma hA be ra tse ra ga~M bi ra si d+harma d+hA tu bi bi sa ra a ma ma ki swA hA zhes brjod na/ chu thams cad kyang mchod rten gyi rang bzhin du 'gyur ro/ /gzhan yang bdag nyid kyis nam mkha' gang nas gang khyab par rig pa chen mo'i sngags 'di btab na/ nam mkha' thams cad kyang mchod rten gyi rang bzhin tu 'gyur ro/ /o~M s+t+rai yad d+he sarba ta thA ga tA hri da ya gar b+te/ dz+wa la d+harma d+hA tu gar b+he/   sa~M ha ra Na A yu sa~M sho d+ha ya/ pA pa~M sarba ta thA ga tA sa man to/ bi ma la uSh+NI Sha bi shud d+he/ ma hA be ra tse ra ga~M bi ra si d+harma d+hA tu bi bi sa ra a a e kha~M ya swA hA zhes brjod na/ nam mkha'i khams thams cad mchod rten gyi rang bzhin du 'gyur te/ phyag bya ba dang / bskor ba bya ba dang / mchod pa bya ba'i 'os su 'gyur ro/ /bi ma la uSh+NI Sha'i gzungs 'di bzlas te/  'byung ba chen po lnga po gang la yang mchod rten btab na nyon mongs pa dang / sgrib pa thams cad dag par 'gyur ro/ /gzhan yang sa dang / shing dang / rdo dang / 'jim pa dang / 'bi 'bi gang yang rung ba la rig pa'i sngags 'dis btab ste/ mchod rten btab na rin po che sna tshogs kyi mchod rten gyi rgyur 'gyur te/ o~M rad na tse te pan tsa ye bi bi sa ra swA hA zhes brjod nas ba'i lci ba la sogs pas byugs na thams cad rin po che'i mchod rten gyi rgyur 'gyur ro/ /rig pa chen mo'i sngags 'di ma btab na/ gang zhig gser dang / dngul dang / bai dUr+ya la sogs pa rin po che sna bdun las mchod rten bzhengs su gsol yang rdo dang / shing dang / kham pa dang 'dra bar 'gyur ro/ /de ci'i phyir zhe na/ de ni 'di nyid rdzas kyi rang bzhin las snying po dang gsang sngags</font><hr>106.129b<br><font size=+1>

byin gyi brlabs ma bzhugs pa'i phyir ro/ /rig pa chen mo 'dis byin gyis brlabs te btab na/ 'byung ba chen po gang la mchod rten btab kyang bskal pa dpag tu med pa thams cad kyi sgrib pa'i dri ma dag nas/ khyim bdag gi rigs shing sa la chen po lta bur skyes nas phyir mi ldog pa'i sa thob par 'gyur ro/ /rig pa chen mo 'dis byin gyis brlabs te/ rdo dang /   shing leb la sogs pa la mchod rten btab na/ de gdon mi za bar bram ze'i rigs shing sa la chen po lta bur skyes nas sa bcu rim gyis bgrod de/ bcu gcig kun du 'od kyi sa thob par 'gyur ro/ /rig pa chen mo 'dis byin gyis brlabs te/ gser dang / dngul dang / bai dUr+ya la sogs pa la mchod rten btab na/ de gdon mi za bar rgyal rigs shing sa la chen po lta bur skyes nas rdo rje 'dzin pa'i sa thob par 'gyur ro/ /gzhan yang rig pa chen mo'i sngags 'dis btab na mchod rten gcig btab na yang bye ba btab par 'gyur ro/ /rig pa chen mo 'dis ma btab na bye ba btab kyang gcig dang 'dra bar 'gyur ro/ /de ci'i phyir zhe na/ gong ma bzhin no/ /rig pa chen mo de'i sngags ni 'di yin te/ tad+ya thA/ sUk+Sh+me/ sUk+Sh+me/ sa me sa ma ye/ shan te dAn te/ nir gu le/ ya sho te tso/ sarba bud d+ha/  a d+hiSh+ThA na a d+hi te/ a nu mi de swA hA/ 'di'i cho ga ni 'di yin te/ 'jim pa'i gong bu la lan nyi shu rtsa gcig bzlas brjod byas te/ mchod rten gcig btab na bya ba btab par 'gyur ro/ /brgya btab pa'i grangs dang phan yon ni 'phags pa nyan thos kyi dgra bcom pa rnams kyis kyang brjod par mi nus so/ /stong btab pa'i grangs dang phan yon ni byang chub sems dpa' rnams kyis kyang brjod par mi nus so/ /khri btab pa'i grangs dang phan yon ni de bzhin gshegs pa rnams kyis kyang brjod par mi nus so/ /'bum btab pa'i grangs dang phan yon ni phyogs</font><hr>106.130a<br><font size=+1>

bcu dus gsum gyi de bzhin gshegs pa rnams kyis kyang brjod par mi nus so/ /de bas na mchod pa'i rten lnga man chad gdab pa'i mchod pa'i cho gar bya ba ni thog mar mchod rten brtsig pa'i gnas sam/ mchod rten gyi 'jim pa'i gnas sam/ mchod rten gyi 'jim pa'i gnas gang nas blangs pa'i gnas der sa bdag gis byin gyis brlab cing sa la gnas pa'i gdon bgegs bsam sbyor ngan pa mchod rten dang / dge ba la bar chad byed pa rnams mtshams gcad par bya ste/ thig skud la rig pa chen po'i sngags 'dis gdab ste/ o~M badzra su tra hU~M phaT ces brjod nas thig skud de nyid rdo rje'i skud par dmigs nas mchod rten gyi sa khyon ji tsam ran pa dang 'jim pa'i sa khyon ji tsam ran pa thig gis sa bcad/ de bzhin du sa bcad na sa gzhi de nyid mchod rten gyi rgyu rin po che rnam pa sna tshogs pa dang 'dra bar 'gyur ro/ /de nas sa de nyid la seng ldeng gi phur bu sor brgyad pa la rig pa chen mo'i sngags 'di gdab par bya ste/ o~M badzra kI li kI la ya sarba duSh+Ta na hU~M phaT/  ces bya ba 'di lan bdun bzlas te/ rdo rje phur bur dmigs te dbus dang grwa bzhir gdab bo/ /de bzhin du btab na mi dang mi ma yin pa las bsrung bar 'gyur ro/ /sngon gyi las kyi rnam par smin pa ni ma gtogs so/ /seng ldeng gi phur bu ni mchod rten gyi 'jim pa'i sa ji tsam dgos pa ma blangs kyi bar du mi dbyung bar gzhag go/ /de nas til dang yungs kar la rig pa chen mo'i sngags 'di brjod par bya ste/ o~M a mri te ha na ha na hU~M phaT ces lan bdun bzlas te/ sa'i phyogs su gtor bas sa'i phyogs de nyid kyang de bzhin gshegs pa'i bzhugs gnas dpag tu med par 'gyur/ de ltar sa gzhi de bzhin gshegs pa'i bzhugs gnas su byin gyis brlab te/ bgegs kyi bsam sbyor ngan pa las mtshams bcad de/ spos dang / me tog dang / gtor ma la sogs pa rnams kyis</font><hr>106.130b<br><font size=+1>

kyang sa phyogs de na gnas pa'i lha dang / klu dang / lha ma yin la sogs pa rnams la mchod cing bsngos te/ bi ma la uSh+NI Sha'i gzungs 'di bklags na/ sa phyogs de yang shin du bkra shis shing byin chags par 'gyur ro/ /de nas mchod rten gyi 'jim pa'i sa brko ba'i tshe rig pa chen mo'i sngags 'di bzlas te brko bar bya'o/ /o~M badzra kha na kha na hU~M phaT/  ces bzlas shing sa gzhi de nyid rin po che sna lngar gyur par dmigs te brkos na/ de bzhin gshegs pa'i sku rnam par dag pa'i rgyur 'gyur ro/ /de nas sa gtsang ma blangs pa de dag gnas gtsang ma gcig tu bzhag nas sa brdung ba'i cho ga ni tho ba la bdud rtsi 'khyil pa'i phyag rgya rdo rje rtse gsum pas mnan te/ rig pa chen mo'i sngags 'dis btab ste brdung ngo / /badzra mung ka ra a ko Ta ya a ko Ta ya hU~M phaT ces lan bdun bzlas te/ rdo rje'i tho bar dmigs shing brdungs na nyon mongs pa dang / bag chags thams cad ma lus par byang zhing bcom par 'gyur ro/ /de nas 'jim pa brdzi ba ni spos chab la bdud rtsi 'khyil pa'i phyag rgyas gtugs te/ spos chu de'i nang du yang chos nyid kyi yi ge a zhes bya ba dkar po las zla ba'i dkyil 'khor 'od dang bcas par dmigs te/ zla ba'i dkyil 'khor gyi 'od zer chen po des spos chu de khyab par gyur nas/ spos chu nyid bdud rtsi'i rang bzhin du gyur par dmigs nas rig pa chen mo'i sngags 'di brjod par bya'o/ /o~M a mri te hU~M phaT/  ces bya ba lan bdun bzlas te byin gyis brlabs pas/ de nyid kyang bdud rtsi chen po'i chu rgyun dang 'dra bar 'gyur ro/ /de nas 'jim pa brdzi ba'i sngags chen mo 'di brjod par bya'o/ /o~M badzra bra marta na ya hU~M phaT ces lan bdun brjod de/ 'jim pa de nyid de bzhin gshegs pa'i skur 'gyur ro/ /de nas 'jim pa de nyid de bzhin gshegs pa'i sku bsam gyis mi khyab par byin gyis brlab pa ni 'jim pa de nyid la bdud rtsi 'khyil pa'i phyag rgya bcings te/ rig pa chen mo'i gzungs 'di brjod</font><hr>106.131a<br><font size=+1>

par bya'o/ /na mo rad na tra yA ya/ tad+ya thA/ sUk+Sh+me/ sUk+Sh+me/ shan te shan te/ dan te dan te/ ni ra ku le/ ya she ya she /ba ti te tso shud d+he bi shud d+he/ sarba ta thA ga tA/ a d+hiSh+ThA na/ a d+hi te/ a na mo te hi te swA hA zhes bdag nyid kyis rig pa chen mo 'di lan bdun gsum nyi shu rtsa gcig bzlas te/ rig pa chen mo'i sngags 'dis byin gyis brlabs na 'jim pa nyid las ye shes kyi 'od zer sna lnga phyogs bcur 'phos par 'gyur ro/ /phyogs bcur 'phros nas kyang sems can thams cad kyi don ji ltar 'dul bar byas par 'gyur ro/ /'od zer de dag slar 'dus pas kyang 'jim pa nyid rin po che sna lnga'i rang bzhin du gyur nas/ de bzhin gshegs pa'i sku bsam gyis mi khyab pa'i rgyu rkyen dang ldan par 'gyur ro/ /de ltar yid kyis kyang dmigs so/ /de nas 'bi 'bi byed pa'i tshe rig pa chen mo 'di brjod par bya ste/ o~M badzra a yu she swA hA zhes lan bdun bzlas te/ byin gyis brlabs na/ 'bi 'bi nyid las ye shes kyi 'od zer gyi sprin gyis phyogs bcu'i 'jig rten gyi khams mtha' yas par 'phros shing khyab ste/ 'gro ba mang po'i don byed par 'gyur ro/ /'od zer gyi sprin phung de dag slar 'bi 'bi'i nang du 'dus pas kyang de nyid ye shes rin po che'i rang bzhin shel sgong ltar yongs su dag par 'gyur ro/ /de bzhin du yid kyis kyang dmigs so/ /de nas 'bi 'bi nang du bi ma la uSh+NI Sha'i snying po mu dra'i phyag rgyar byas pa'am/ gro ga'am/ ras sam/ shog shog gam/ shing shun la sngags bris pa dang / de'i nang du rigs lnga so so'i snying po/ o~M hU~M tra~M hri~M aH/ de rnams phrugs su sbyar te/ mu dra'i phyag rgyar byas pa'am/ yi ger bris pa'am/ gang yang rung ste nang du stsal na/ de bzhin gshegs pa'i thugs ye shes dang ldan par 'gyur ro/ /nang du stsol ba'i tshe rig pa'i sngags 'di brjod par bya'o/ /o~M badzra gar b+he swA hA zhes bya ba bzlas na de</font><hr>106.131b<br><font size=+1>

bzhin gshegs pa thams cad kyi thugs ye shes de'i nang du 'dus shing zhugs par 'gyur ro/ /yid kyis kyang dmigs so/ /de nas tse t+ya'i phor bu'i nang du yungs kar ram/ til mar gyis bsku ba'i sngags rig pa chen mo 'di brjod par bya'o/ /o~M a ra dze ba ri dze swA hA zhes lan gsum bzlas shing byin gyis brlabs na de nyid thabs dang shes rab 'brel ba las chos kyi dbyings nyid kyi mchod rten du 'gyur ro/ /de bzhin du yid kyis kyang dmigs so/ /de nas mchod rten 'debs pa'i tshe rig pa chen mo 'di brjod par bya'o/ /o~M badzra mud ka ra a ko Ta ya a ko Ta ya hU~M phaT/ ces bzlas shing mchod rten btab na dbyings dang ye shes gnyis su med par 'brel ba las chos kyi sku'i mchod rten du 'gyur ro/ /de nas bi ma la uSh+NI Sha'i snying po gong nas byung bas kyang mchod rten btab na dbyings dang ye shes gnyis su med par 'brel ba las chos kyi sku'i mchod rten 'byam klas par 'gyur ro/ /de nas mchod rten phor bu'i nang nas 'byung ba'i rig pa chen mo'i sngags 'di brjod la dbyung ngo / /o~M d+harma d+hA tu ye swA hA/ d+harma d+hA tu gar b+he swA hA zhes lan bdun bzlas te mchod rten phyung na thabs dang shes rab gnyis su med par 'brel ba las mchod rten chos kyi sku 'byam klas pa 'byung ste/ 'gro ba sems can thams cad kyi don 'khor ba ma stongs kyi bar du phun sum tshogs par mdzad par 'gyur ro/ /de bzhin du yid kyis kyang dmigs so/ /de nas mchod rten snod nas phyung ba la 'khor lo gzugs pa'i rig pa chen mo'i sngags 'di brjod par bya'o/ /o~M pra ma na ye swA hA zhes bzlas nas 'khor lo btsugs na rin po che'i gdugs dang / rin po che'i tog dang / rin po che'i rgyal mtshan dang / rin po che'i shar bu dang / dar gyi lhab lhub la sogs pa rnams kyis brgyan te/ mya ngan las 'das pa'i yon tan sna tshogs kyis brgyan te/ 'gro ba'i don yid bzhin du mdzad par 'gyur ro/ /</font><hr>106.132a<br><font size=+1>

de bzhin du yid kyis kyang dmigs so/ /de nas mchod rten na bza' gsol ba'i tshe rig pa chen mo 'di bzlas la gsol to/ /o~M d+harma d+hA tu swa b+hA ba bi shud d+he d+harma te swA hA zhes lan mang du bzlas te btab na chos kyi dbyings rnam par dag pa'i don dang ldan par 'gyur ro/ /de nas mchod rten btab pa'i dkyil 'khor mchod rten ltar btab nas dkyil 'khor yang phyogs bzhi dbus dang lngar bri bar bya'o/ /de bzhin du mchod rten gyi grangs brgya'am/ stong ngam/ gang btab pa de'i grangs dang mchod rten gyi shong tshad kyi dkyil 'khor gyi re'u mig rdo'i stegs bu brtsigs pa ni sa'am/ rdo'am/ shing la sogs pa la dkyil 'khor gru bzhir bgyis te/ 'og gi khri yang seng ge'i khri'am/ rin po che'i khri'am/ pad ma'i khri stegs su byas la/ de'i steng du 'go ma yeng dang / spos chus chag chag btab ste/ dbus dang phyogs bzhir mchod rten bzhugs pa'i sa kun du gur gum dang / tsan dan gyi chus zlum por bskus la/ srad bus thig btab la dkyil 'khor bri bar bya ste/ dkyil 'khor bri ba yang mchod rten lngar btab na dkyil 'khor gyi phyogs bzhi dbus dang lngar bri bar bya'o/ /de bzhin du mchod rten gyi grangs brgya'am/ stong gang btab pa de'i grangs kyi mchod rten shong tshad kyi dkyil 'khor re'u mig rdo rje dra ba'i thig gis sa gcad par bya'o/ /mchod rten gzhag pa'i sa gzhi thams cad pad ma 'dab ma brgyad par bri bar bya'o/ /de nas mchod rten gyi dkyil 'khor du bzhugs pa'i tshe rig pa chen mo'i sngags 'di brjod la bzhugs su gsol lo/ /o~M su pra tiSh+Tha stu be swA hA zhes lan gsum bzlas te mchod rten bzhag na bdag dang gzhan gyi don phun sum tshogs par spyod par 'gyur ro/ /de nas mchod rten dgod pa'i rim pa ni dang po dbus su dgod/ de nas shar du dgod/ de nas lhor dgod/ de nas nub tu dgod/ de nas byang gi bar du rim pa bzhin du dgod par bya'o/ /dgod pa'i tshe rig pa chen mo'i</font><hr>106.132b<br><font size=+1>

sngags 'di brjod par bya'o/ /o~M badzra pad ma sa ya ye swA hA zhes lan gsum du bzlas la rdo rje dang pad ma'i gdan la bzhugs su gsol zhes byas la/ sa gzhi dang / nam mkha'i khams dang rgya mtsho'i mjings thams cad mchod rten gyi gang bar yid kyis kyang dmigs so/ /gzhan yang mchod rten re re btab nas thal byung dkyil 'khor steng du bzhugs la/ spos dang /  me tog la sogs pa mchod pa rnam pa lngas mchod cing bzhugs su gsol/ mchod rten gyi kha dog la sogs pa bsku ba ni zhi ba'i dkar po/ rgyas pa'i ser po/ dbang dmar po/ bsrung ba'i ljang khur dmigs te/ na bza' yang de de bzhin du gsol la yid kyis kyang de bzhin du dmigs so/ /de nas mchod rten gyi dkyil 'khor byin gyis brlab par bya ste/ dkyil 'khor gyi steng du yi ge ra~M dmar po gnas pa las rig pa chen mo'i sngags 'di brjod par bya ste/ hU~M ra~M swA hA zhes lan gsum bzlas pas de nyid ye shes kyi mi dpung chen por rab tu 'bar nas gnas de dag gi rtog pa rnam par sbyangs te/ dkyil 'khor gyi gzhi de nyid rin po che sna lnga las grub pa'i dkyil 'khor du 'gyur ro/ /de bzhin du yid kyis kyang dmigs so/ /de nas dkyil 'khor le'u tshe lnga'am/ brgya'am/ stong ngam/ gang bris pa'i dbus rnams su yi ge a dkar po gnas pa las rig pa chen po'i sngags 'di brjod par bya ste/ o~M a tsan dre maN Da la hU~M phaT/   ces grangs ji tsam ran par bzlas na mchod rten gyi gdan zla ba'i dkyil 'khor re rer 'gyur ro/ /de bzhin du yid kyis kyang dmigs so/ /de nas mchod rten gyi cho ga mdzad pa'i tshe kha shar nub gang bder bltas la/ bdag nyid rdo rje 'dzin pa'i sku phyag rgya chen por ting nge 'dzin gyis bsgyur te/ snying kar zla ba'i dkyil 'khor gyi steng du rdo rje rtsa lnga pa ye shes kyi 'od dpung 'phro ba gnas par byas la/ sku dang ba spu'i gseb thams cad nas kyang ye shes kyi 'od zer dang / </font><hr>106.133a<br><font size=+1>

sangs rgyas kyi dkyil 'khor dang bcas pa'i sprin phung bzhin du mthar 'byam klas par 'phros shing sems can gyi khams thams cad du byin gyis brlabs shing don mdzad nas slar sku'i nang du thim par 'gyur te/ de bzhin du yid kyis kyang dmigs so/ /de nas mchod rten gyi gzhal yas khang bskyed pa ni mchod rten dkyil 'khor du bzhag pa la rdo rje dbyings ma'i phyag rgya bcings nas mchod rten gyi steng du reg par byas la/ rig pa chen mo'i sngags 'di brjod par bya'o/ /o~M badzra d+hA tu a d+hi tiSh+Tha hU~M zhes bzlas te byin gyis brlabs pas rin po che sna tshogs kyi gzhal med khang gi gnas khang gi nang na rin po che'i sa gzhi dang / chos kyi dbyings kyi dkyil 'khor gyi steng na zla ba'i gdan gyi dbus na mchod rten bzhugs par 'gyur ro/ /de bzhin du yid kyis kyang dmigs so/ /de ltar du mchod rten re re btab ste/  bzhag nas de la mchod pa'i rnam pas mchod nas ni seng ge'i rgyal mtshan dang / 'bras chen dang / spyan gzigs sna tshogs dang 'dra zhing dgod pa dang / bla re dang / 'phan dang / gdugs dang / phreng ba dang / bdug pa dang / mar me dang / spos dang / mchod pa'i rnam pa rnams rnam par dag par sbyang ba'i rig pa chen mo 'di brjod par bya'o/ /o~M sarba pU dza puSh+pe swA hA zhes bzlas te byin gyis brlabs pas kun du bzang po'i mchod pa'i sprin phung phun sum tshogs pas rnam par 'khrigs shing char gyi rgyun bzhin du 'bab par 'gyur ro/ /de bzhin du yid kyis kyang dmigs so/ /mchod rten mchod pa rnam pa lnga po cha cha re res mchod cing / yon du dar ru chung dang / 'phan la sogs pa'i bla re dang / gdugs bu chung yang rung ste re re dbul lo/ /de ltar cho ga bzhin du btab pa lags na dgongs brgyud kyi ting nge 'dzin gsal bar bya ba ni mchod rten gyi phyogs bzhi dbus dang lngar rigs lnga'i sangs rgyas sku mdog dang / rgyan dang / cha lugs dang / 'khor phun sum tshogs pa tshul bzhin du</font><hr>106.133b<br><font size=+1>

dgongs te dmigs par bya'o/ /ye shes lnga las grub pa'i mchod rten de yang rang bzhin gyis rnam par dag cing gsal ba de dag bum pa'i dbus su bi ma la uSh+NI Sha'i gzungs kyi snying po dang / rigs lnga so so'i snying po 'bru re la kha dog gser btso ma bzhin du dang zhing 'tsher ba cig tu dmigs la/ de dag las ye shes kyi 'od zer sna tshogs 'byam klas par rigs lnga phyogs bcu 'phros pa las de bzhin gshegs pa'i sku'i sprin gyis nam mkha'i mthas klas shing chos kyi dbyings kyi mur thug par brgyan cing grub par gyur nas 'jig rten gyi khams thams cad byin gyis brlabs te/ 'gro ba thams cad kyi don 'di mdzad cing re ba bkang nas slar 'dus te/ de nyid kyi dbu'i gtsug dang /  thugs kar phog 'phrin las kyi sgrib pa la sogs pa rnam par dag ste/ sku dang / gsung dang / thugs rdo rje nyid du gyur par dmigs la/ dung phor gyi nang spos chab dang / dri sna tshogs sbyar ba'i argas gsol to/ /arga'i phyag rgya bcings la de'i steng du dung phor bzhag la spos chu'i nang du a dkar po las zla ba'i dkyil 'khor du gyur pa'i 'od zer gyis spos chu nyid ye shes kyi bdud rtsi'i rang bzhin du gyur par dgongs shing dmigs te/ mchod pa dbul ba'i rig pa chen mo 'di brjod par bya'o/ /o~M a mri te arga~M pra tIts+tsha swA hA/  zhes bzlas nas dbu'i spyi bor lan gsum du bdugs shing sbrengs te phul bas/ 'phags pa thams cad mnyes par 'gyur ro/ /tshig tu yang 'phags pa thams cad mnyes par gyur cig ces kyang brjod do/ /de nas phyag rgya'i rgya mtsho'i sprin gyis dbu'i gtsug tu bkram ste ye shes kyi sku'i nang du 'dus shing phun sum tshogs pa'i dbang thams cad bskur bar dmigs so/ /de nas bi ma la uSh+NI Sha'i gzungs 'di klag cing lan ci mang du brjod par byas la bsngo ba dang smon lam rgyas par gdab par bya'o/ /cho ga 'di bzhin du rdzogs par bya ba mi</font><hr>106.134a<br><font size=+1>

bde yang rang gi lha nyid kyi ting nge 'dzin gyis skur bsgyur ba las dgongs pa mnyams par bya ste/ mchod rten dang / mchod pa'i yo byad la sogs pa thams cad rang bzhin gyis chos kyi dbyings rnam par dag par dgongs te/ mchod rten btab na yang cho ga rgyas par bya ba dang 'dra ste 'gal ba med do/ /de bzhin du ma gyur na yang bi ma la uSh+NI Sha'i gzungs 'di klog pa dang / 'dzin pa dang / yi ger 'dri zhing 'chang bas mchod rten btab na cho ga rgyas par mdzad pa nyid 'di yin te/ mchod rten de de bzhin gshegs pa'i skur bsgyur nas bdag dang gzhan gyi don phun sum tshogs par byed par 'gyur ro/ /bi ma la uSh+NI Sha'i gzungs 'di ma brjod na mchod rten la mchod pa phul zhing mnga' gsol yang mnga' phul bar mi 'gyur ro/ /gzhung las kyang 'di skad ces 'byung ngo / /rig sngags gsang sngags thams cad kyi/ /sngags kyi rang bzhin mi gsal zhing / /dgongs pa'i ting 'dzin mi gsal bas/ /mchod rten la sogs sku gzugs rnams/ /btab kyang rdzogs par yong mi 'gyur zhes 'byung ngo / /gang zhig gsang sngags dang dgongs par ldan pas mchod rten dang sku gzugs btab pa'i yon tan ni ji skad du/ mchod rten cho ga dam pa 'di/ /bsod nams bgyis pa'i khyad par ni/ /gzungs 'di bzlas pa'i mchod rten gyis/ /gcig btab bye ba btab dang 'dra/ /yun ring dus nas 'khor ba yi/ /mtshams med lnga dang sdig dpung rnams/ /ji snyed yod pa ma lus 'byang / /tshe ring phun sum tshogs par 'gyur/ /tshe rabs gzhan du skye ba na/ /rigs mchog dam par skyes nas kyang / /longs spyod mchog dang rab ldan zhing / /'khor los sgyur ba'i rgyal por skye/ /tshe rabs snga phyi dran par 'gyur/ /dus gsum 'jig rten thams cad du/ /dkon mchog gsum dang mi 'bral zhing / /bgegs dang gnod pas de mi bskyod/ /bsam pa yongs su 'grub par 'gyur/ /mthar ni mngon bar 'tshang</font><hr>106.134b<br><font size=+1>

rgya'o/ /bi ma la uSh+NI Sha'i gzungs/ rdzogs s+ho//  //skar zhus// </font><hr>

</table>