@#/ /rgya gar skad du/ Ar+ya me kha la nA ma d+hA ra NI/ bod skad du/ 'phags pa me kha la zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das shAkya'i yul ser skya'i gnas na/ shing n+ya gro d+ha'i kun dga' ra ba na bzhugs te/ de'i tshe gzhon nu sgra gcan zin mal na nyal ba las srin po zhig gis dngangs par byas par gyur to/ /de nas gzhon nu sgra gcan zin de nyid kyi mtshan mo 'das nas gzhon nu mang po rnams kyis mdun du bdar cing yongs su bskor te ser skya'i gnas nas byung nas/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ spyan sngar 'dug nas ngus so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo gzhon nu sgra gcan zin bsrung ba'i phyir me kha la zhes bya ba'i rig sngags bshad kyis khyod kyis zungs shig /lha'i tshogs dang / klu'i tshogs dang / gnod sbyin gyi tshogs dang / srin po'i tshogs dang / lha ma yin gyi tshogs dang / nam mkha' lding gi tshogs dang / mi 'am ci'i tshogs dang / lto 'phye chen po'i tshogs dang / sha za'i 106.232b tshogs dang / yi dgas kyi tshogs dang / grul bum gyi tshogs dang / srul po'i tshogs dang / gza'i tshogs dang / rgyu skar gyi tshogs dang / gnod sbyin gyi sde dpon nyi shu rtsa brgyad dang / rgyal po chen po bzhi dang / drang srong 'dod chags dang bral ba rnams dang / gangs la gnas pa dang / phyogs bcu na 'byung po gang dag 'khod pa dang / sring mo'i tshogs dang / bA li dang / kA Da li di dang / bo da ri dang / grong rna dang / yid bzangs dang / 'phrog ma chen mo dang / ma mo'i tshogs rnams nga la nyon cig /rgya mtsho'i 'khor gyi srungs ma shar phyogs kyi phyogs cha na srin mo 'phrog ma zhes bya ba dang / lho phyogs kyi phyogs cha na srin mo glang sna ma zhes bya ba dang / nub phyogs kyi phyogs cha na srin mo ral pa can zhes bya ba dang / byang phyogs kyi phyogs cha na srin mo sa'i gtsug ces bya ba ste/ srin mo drag mo de dag re re la yang 'khor bye ba drug bcus bskor ba me kha la'i rig sngags las brjod pa de dag thams cad kyis bsrung bar gyis shig /tad+ya thA/ g+ha ne g+ha ne g+ha ne g+ha ne g+ha ne g+ha ne g+ha ne g+ha ne/ ba tir g+hu me g+hu me g+hu me g+hu me g+hu me g+hu me/ ba ti/ g+ha re g+ha re g+ha re g+ha re g+ha re/ gi ri ri ni/ g+ha ra ba ti/ swa ra ba ti/ d+ha na pa ti/ su ra ba ti/ a hing me/ ba ti ma ti/ a bA ti/ su bA ti/ bo hu ba ti/ ha la ha la ha la/ ha la ha la ha la ha la/ hi li hi li/ hi li hi li hi li hi li hi li/ hu lu hu lu hu lu hu lu hu lu hu lu hu lu / ti li ti li ti li ti li ti li ti li ti li / hi li hi li/ mi li mi li/ pe ta ma ba a ma ne/ ma bi sa re/ ha ha hi hi/ sa man ta sa re/ a sa man ta sa re/ pa ri kha sa me/ a brde sa man ta brde/ g+ha ne/ ma kha le/ kun dga' bo me kha la zhes bya ba stobs mo che/ rdzu 'phrul dang ldan ma/ brtson 'grus chen mo 'di ni rig sngags 'chang rnams dang / 'byung po rnams dang / ro langs rnams las gang du yang bkag pa med de kun du thogs pa med par 'gro'o/ /kun dga' bo me kha la zhes bya ba'i rig sngags 'di ni sems can rnams la phan pa'i phyir dang / bde ba'i phyir dang / bsrung zhing sba ba'i bar du bya ba'i phyir 'das pa'i sangs rgyas 106.233a bcom ldan 'das rnams kyis gsungs so/ /drang srong chen po gzhan dag gis kyang smras te/ kun dga' bo me kha la'i rig sngags ni sems can rnams la phan par byed do/ /gang su dag sdig pa'i las dang ldan pa/ gzi brjid 'phrog pa/ sa la gnas pa de dag thams cad me kha la'i rig sngags thos nas shin du skrag ste phyogs dang phyogs mtshams rnams su 'gro'o/ /kun dga' bo me kha la'i rig sngags legs par bzung ba byas pa la kun nas dpag tshad bcu gnyis su bsrung ba gyis shig /yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar gyis shig /sangs rgyas la phyag 'tshal lo/ /chad pa spang bar gyis shig /mtshon cha spang ba dang / dug gzhil bar gyis shig /mi mdza' ba zlog par gyis shig /mtshams gcad par gyis shig /skud pas bcing bar gyis shig /sdang ba thams cad zlog par gyis shig /mi dang mi ma yin pa sdig par byed pa rnams 'tsher ma gzhug cig /sangs rgyas la phyag 'tshal lo/ /gsang sngags kyi gzhi rnams grub par gyur cig swA hA/ de la cho ga ni de bzhin gshegs pa la phyag 'tshal te/ me tog dang / bdug pa dag gsol nas skud pa bcing bar bya 'o/ /byab pa dang / mnye ba dang / legs par khrus bya'o/ /cho ga 'dis gdon thams cad bzlog pa dang / nad thams cad rab tu zhi bar bya'o/ /tad+ya thA/ ti le be le/ bi ma le/ ta ma le/ hi li ni ri/ si ri ma sa ra/ rig sngags 'di ni thos gyur nas/ /sa rnams thams cad g.yos par gyur/ /'byung po'i tshogs rnams rab tu g.yos/ /lha tshogs rnams kyang lhags par gyur/ /klu'i rgyal po rnams kyang lhags/ /'byung po'i rgyal po rnams kyang lhags/ /bcom ldan byams pa 'ang der phyin to/ /tshangs pa dang ni dbang po'ang lhags/ /dbang phyug che dang gzhon nu dang / /gnyis ka der ni lhags par gyur/ /me kha la las gang su dag /brjod pa'i 'byung po rnams kyang lhags/ /de nas bcom ldan 'das la 106.233b byang chub sems dpa' sems dpa' chen po byams pas 'di skad ces gsol to/ /bcom ldan 'das bdag gis kyang 'di la srung ba dang / yongs su bskyab pa dang / yongs su gzung ba dang / zhi ba dang / bde legs su 'gyur ba dang / chad pa spang ba dang / mtshon cha spang ba dang / dug gzhil ba dang / mi mdza' ba bzlog pa dang / mtshams dgum pa dang / me kha las yongs su bzlog pa stsal bar bgyi'o/ /tad+ya thA/ a bad Ta ni/ bad Ta ni/ i bi baT ni/ tsu lu tsu li/ urdA dan te/ sa man ta/ daN Te/ nir muN De/ ni mi mu ni/ zhi ba dang bde legs su 'gyur bar bgyi'o swA hA/ sangs rgyas la phyag 'tshal lo/ /bde legs su gyur cig swA hA/ de nas mi mjed kyi bdag po tshangs pas me kha la'i rig sngags kun nas 'dzin pa 'di'i 'khor gyi tshig 'di phul lo/ /s+yAd ya the dan/ ang gu re/ a du re/ du du re/ shi khi shi khi shi khi shi khi shi khi ba re/ da ra da ra ba ti/ mu tsa mu tsa bi mu tsa/ zhi ba dang bde legs su 'gyur bar bgyi'o swA hA/ de nas de'i tshe lha'i bu rab 'thab bral gyis me kha la'i rig sngags kyi 'khor phul ba/ s+yAd ya the dan/ pra duSh+Te/ ru d+hi ra karne/ gam b+hi re/ dur da she /na mu tse/ mu tse/ shAkya rA dze/ bde legs su 'gyur bar bgyi'o swA hA/ de nas de'i tshe lha'i dbang po brgya byin gyis me kha la'i rig sngags kyi 'khor phul ba/ s+yAd ya the dan/ sod De/ be de De/ b+he da Da me/ dan ti li/ ti li mi li/ bsrung ba gyis shig /bde legs su 'gyur bar bya'o/ /mtshams dgum pa'i bar du bya'o swA hA/ de nas de'i tshe rgyal po chen po lus ngan gyis me kha la'i rigs sngags kyi 'khor phul ba/ s+yAd ya the dan/ g+hu me g+hu me g+hu me g+hu me g+hu me/ u ke /mu ke /dz+wa le/ da le ma ti pha le/ swA re/ sa re/ a d+hi pa ti/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe rgyal po chen po yul 'khor bsrungs gis me kha la'i rig sngags kyi 'khor phul ba/ s+yAd ya the dan/ 106.234a d+ha d+ha re/ d+ha d+ha re/ d+hA ra NI/ d+hA ra NI/ d+hA re/ a tsu te/ mu tse/ mu ru mu ru/ zhi ba dang bde legs su 'gyur bar bgyi 'o swA hA/ /mtshams dgum pa'i bar du rgya cher bgyi'o swA hA/ de nas de'i tshe rgyal po chen po 'phags skyes pos me kha la 'i rig sngags kyi 'khor phul ba/ s+yAd ya the dan/ an ta re/ pan ta re/ ka ra De/ pa ra pa tre/ ka ri ru he/ ka ri d+ha re/ ga na ka pa tre/ ru ru me/ k+Shu k+Shu/ ak+Shi me/ bak+Shi/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas rgyal po chen po mig mi bzang gis me kha la'i rig sngags kyi 'khor phul ba/ s+yAd ya the dan/ dza ma la dza ma la/ d+hi ri d+hi ri/ b+hi ri b+hi ri b+hi ri/ sa man ta b+hi ri/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe lha'i bu zla bas me kha la'i rig sngags kyi 'khor phul ba/ s+yAd ya the dan/ a la he/ ta la b+he/ man De/ bi ma Na De/ d+ha ke /d+ha ra ke /sa ki ni/ ba ki ni/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe lha'i bu nyi mas me kha la'i rig sngags kyi 'khor phul ba/ s+yAd ya the dan/ o~M bA de bi ma le/ pra b+hA swa re/ sha ha rasmre/ ha sa ha sra rasmre/ a ta sra ra si/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe lha'i tshogs rnams kyis me kha la'i rig sngags kyi 'khor phul ba/ s+yAd ya the dan/ ku ru ku ru/ su ru su ru/ mu ru mu ru/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe rgyu skar gyi tshogs rnams kyis me kha la'i rig sngags kyi 'khor phul ba/ s+yAd ya the dan/ ta ma la/ ta le a he/ da he A kA sha bi ma le/ zhi ba dang bde legs su 'gyur ba'i bar du bgyi'o/ /mtshams dgum pa'i bar du bgyi'o swA hA/ de nas de'i tshe klu'i tshogs rnams kyis me kha la'i rig sngags kyi 'khor phul ba/ s+yAd ya the dan/ e le me le/ 106.234b a tsa le/ pa d+he A shu ba d+he mo k+She/ zhi ba dang bde legs su 'gyur ba'i bar du bgyi'o/ /mtshams dgum pa'i bar du bgyi'o swA hA/ de nas de'i tshe lha ma yin gyi tshogs rnams kyis me kha la'i rig sngags kyi 'khor phul ba/ s+yAd ya the dan/ a d+ha d+ha re/ bi pu te/ sam bu te/ dan ti/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe gnod sbyin gyi sde dpon nyi shu rtsa brgyad kyis me kha la'i rig sngags kyi 'khor phul ba/ s+yAd ya the dan/ tsha tsha pa ti/ tsha tsha pa ti/ ru ru drA rA/ u b+hi ra bA ra/ zhi ba dang bde legs su 'gyur ba'i bar du bgyi'o/ /mtshams dgum pa'i bar du bgyi'o swA hA/ de nas de'i tshe yi dgas dang / sha za dang / grul bum gyi tshogs kyis me kha la'i rig sngags kyi 'khor phul ba/ s+yAd ya the dan/ b+hu ti bi b+hu ti/ a ti b+hu ti/ sarba rda na b+hu ti/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe srul po dang / lus srul po'i tshogs kyis me kha la'i rig sngags kyi 'khor phul ba/ s+yAd ya the dan/ pha du me/ kA rA De/ a d+hi ta/ tsu te/ sa mi ra Ni/ tshu tshu ba ti/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe ma mo'i tshogs thams cad kyis me kha la'i rig sngags kyi 'khor phul ba/ s+yAd ya the dan/ ke le ma ke le/ Da ma/ ke le pa ra Da re/ Da ma re Da Da re/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe phyogs bzhi'i srin mo bzhi po de dag gis me kha la'i rig sngags kyi 'khor phul ba/ s+yAd ya the dan/ A na ba ne/ kha dze/ kha ba dze/ khu khu ri ri/ mi ri hi ri/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swA hA/ de nas de'i tshe srin mo chen mo 'gro lding bas me kha la'i rig sngags kyi 'khor phul ba/ s+yAd ya the dan/ da ra da re/ da ra da re/ ha ha/ hi hi/ hu hu hu hu/ shi ki kli ba kli ba/ ma khu ma khu/ dzu kha khi/ Ta ba Ta pi/ ad Tu/ rad Tu/ T+ya ra/ kla ma/ ku dzu ku dzu/ dri dri dri/ 106.235a dU dU dU/ tshi mi li mi li/ a Da kwa kwa/ kwa si/ du du/ ti thi ti thi/ ti mi li mi ti/ shi ti/ mi ti li/ ba ti/ pre tri pe tri ne/ du hi ni/ a hA ni/ la he/ ba he/ tha Ta pai tha be/ btsun pa 'di ni 'gro lding ba'i rig sngags te/ me kha la'i gzungs sngags kyi 'khor du phul ba lags so/ /bsrung ba dang / yongs su bskyab pa dang / yongs su gzung ba dang / yongs su bskyang ba dang / zhi ba dang bde legs su 'gyur ba dang / chad pa spang ba dang / mtshon cha spang ba dang / dug gzhil ba dang / mi mdza' ba bzlog pa dang / dpag tshad bcu gnyis su mtshams dgum pa dang / yongs su bskyang bar bgyi'o/ /lha'am/ klu'am/ gnod sbyin nam/ srin po'am/ grul bu mam/ sha za'am/ dri za'am/ yi dgas sam/ srul po'am/ lus srul po'am/ lha ma yin nam/ nam mkha' lding ngam/ mi 'am ci'am/ lto 'phye chen po'am/ skem byed dam/ brjed byed dam/ smyo byed dam/ gshed byed dam/ byad stems sam/ ro langs sam/ nyin gcig pa'am/ nyin gnyis pa'am/ nyin gsum pa'am/ nyin bzhi pa'am/ mi'am/ mi ma yin pa gang gis kyang gnod par bgyid par ma gyur cig /co 'dri ba'am/ rnam par 'tshe ba'am/ glags lta ba'am/ glags tshol bas glags rnyed par 'gyur ba de ni gnas ma mchis te/ sngon gyi las kyi rnam par smin pa ni ma gtogs so/ /'jigs pa thams cad dang / mi ma yin pa thams cad la rtag tu bde legs su gyur cig swA hA/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis me kha la 'i rig sngags 'khor dang bcas pa zung shig /kun dga' bo me kha la'i rig sngags 'di ni sprin 'ching ba/ rlung gnon pa/ tshar gcod pa/ bdag srung ba/ gzhan srung ba/ grong dang / grong khyer srung ba/ mtshams gcod pa ste/ lha'am/ klu'am/ gnod sbyin nam/ srin po'am/ yi dgas sam/ grul bum mam/ sha za'am/ lus srul po'am/ dge sbyong ngam/ bram ze'am/ spyod pa pa'am/ kun tu rgyu dang / gcer bu pa'am/ 'tsho ba pa'am/ mi thod can nam/ lus skya'am/ 106.235b mi'am/ mi ma yin pas 'da' bar bya ba ma yin pa'o/ /kun dga' bo me kha la'i rig sngags 'di ni gshed byed dang / byad stem dang / ro langs thams cad 'jig par byed pa'o/ /gdon thams cad zlog pa'o/ /bkra mi shis pa thams cad 'jig par byed pa'o/ /kun dga' bo me kha la'i rig sngags 'di ni dge sbyong gis byas pa gcod par byed pa'o/ /bram zes byas pa dang / spyod pa dang / kun tu rgyu dang / 'tsho ba pas byas pa'i rig sngags gcod par byed pa'o/ /dbang phyug chen pos byas pa'i rig sngags gcod par byed pa'o/ /tshangs pas byas pa dang / brgya byin gyis byas pa dang / lha'i dbang pos byas pa dang / rgyal po chen pos byas pa dang / khyab 'jug gis byas pa dang / 'dod pa'i dbang phyug gi rgyal pos byas pa'i rig sngags gcod par byed pa'o/ /rgyal po chen pos byas pa dang / gnod sbyin gyi sde dpon gyis byas pa dang / zla ba dang / nyi ma dang / rgyu skar dang / gzas byas pa'i rig sngags gcod par byed pa'o/ /lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi 'am ci dang / lto 'phye chen pos byas pa'i rig sngags gcod par byed pa'o/ /rdzu 'phrul dang ldan pas byas pa'i rig sngags gcod par byed pa'o/ /lha khang bas kyang byas pa'i rig sngags gcod par byed pa'o/ /dur khrod pas byas pa'i rig sngags gcod par byed pa'o/ /shing drung bas byas pa dang / ri drung bas byas pa dang / ri rtse bas byas pa dang / sa pas byas pa dang / nam mkha' bas byas pa dang / gnas thams cad pas byas pa dang / mis byas pa dang / mi ma yin pas byas pa'i rig sngags gcod par byed pa'o/ /me kha la'i rig sngags 'di ni gcod pa'o/ /phyir gcod pa'o/ /phyis gcod pa'o/ /kun dga' bo gang gis me kha la'i rig sngags 'dis bsrung ba dang / yongs su bskyab pa dang / yongs su gzung ba dang / yongs su bskyang ba dang / zhi ba dang bde legs su 'gyur ba dang / chad pa spang ba dang / mtshan cha spang ba dang / dug gzhil ba dang / mi mdza' ba bzlog pa dang / dpag tshad 106.236a dam/ dpag tshad gnyis sam/ dpag tshad bcu gnyis kyi bar du mtshams gcad par byas na/ gang me kha wa'i rig sngags 'di las 'da' bar byed pa ni lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i 'jig rten dang / lha dang / mi dang / lha ma yin du bcas pa'i 'jig rten na ngas ma mthong ste de ni gnas med do/ /kun dga' bo sangs rgyas thams cad kyi bden pa dang / chos kyi bden pa dang / dge 'dun gyi bden pa dang / bden par smra ba thams cad kyi bden pa dang / drang srong thams cad kyi bden pa 'di las sems can gyi tshogs 'gal bar ma byed cig /kun dga' bo dus las 'da' bar mi bya ba lnga ni 'di yin te/ sangs rgyas kyi bden pa las 'da' bar mi bya ba dang / chos kyi bden pa las 'da' bar mi bya ba dang / dge 'dun gyi bden pa las 'da' bar mi bya ba dang / bden par smra ba rnams kyi bden pa las 'da' bar mi bya ba dang / drang srong gi bden pa las 'da' bar mi bya ba ste/ 'byung po thams cad dang / nad thams cad dang / mi thams cad dang / mi ma yin pa thams cad kyis 'da' bar bya ba ma yin no/ /nad thams cad dang / 'byung po thams cad dang / sdang ba thams cad dang / mi 'dza ba thams cad las bde legs su gyur cig /gang yang rnam par tho 'tsham par ma byed cig /'tshe bar ma byed cig /gang yang rdeg par ma byed cig swA hA/ me kha la'i rig sngags kyi cho ga bshad par bya'o/ /sangs rgyas la me tog gi mchod pa dang / bdug pa dang / spos dang / lha bshos dag phul nas phyis bsrung bar bya'o/ /gtsang mas gos gtsang ma bgos te/ ba lang gi lci bas dkyil 'khor byugs nas me tog dag bkram ste/ ci 'byor pa'i gtor ma'am/ phye'am/ pad ma dang / bza' ba dang / btung ba dang / me tog bsres pas bum pa bkang ba'am/ snod bkang ba'i dbus su 'dug nas spos kyis rgyun mi 'chad par 106.236b bdug par bya'o/ /rtswa ku shas thams cad la byab par bya'o/ /bdag bsrung ba dang / gzhan bsrung bar bya ba ni skud pas so/ /sprin bcing ba ni me tog gna' ma'i shing dang / gna' ma'i mar gyis sbyin bsreg bya'o/ /rlung dang / char bzlog pa ni rtswa mun dza'i lhas ma la lan gsum bzlas brjod byas te rtsa ba'i rig sngags kyis lan bdun btab nas mdud pa bdun bor bar bya'o/ /lam grub pa dang / bde bar bya na chos gos kyi grwar lan gsum bzlas brjod byas te mdud pa gsum bor bar bya'o/ /zas dkar gsum zos la nyin zhag gsum bsnyung ba byas nas pad ma dang / yungs dkar dkar po la lan nyi shu rtsa gcig bzlas brjod byas te grong dang / grong khyer mtshams gcad par bya'o/ /rig sngags thams cad gcod par 'dod pas sna tshogs pa'i mtshon cha la lan bdun bzlas brjod byas te chu la gcad par bya'o/ /snod sar par chu blugs nas lan bdun bzlas brjod byas te khrus byas na log 'dren thams cad bcing ba byas par 'gyur ro/ /me tog dkar po dag la bzlas brjod byas te bsnun na dug med par 'gyur ro/ /nad thams cad la shing ka ra bi ra'i lcug mas byab par bya ste/ bdag bsrung ba byas na gang du gdon gyi phyir yang las thams cad bya'o/ /'thab mo dang / rtsod pa dang / 'gyed pa dang / rgyal po'i pho brang 'khor tu sna ma'i me tog gi 'bru mar gyi nang du a ti mug ta ka smyugs pa'i yam sreg shing la 'gro lding ba'i rig sngags kyis btab ste lan bcu bzhir sbyin bsreg bya'o/ /'byung po dbab bar 'dod pas ra'i 'o ma dang / shing a pa marga'i yam sreg shing dag la 'gro lding ba'i rig sngags btab ste lan lngar sbyin bsreg bya'o/ /'gro ba thams cad kyi ched du sbyin bsreg bya bar 'dod pas 'bras thug po che dang / ba'i 'o ma dang / ru rta dang / rgyam tsha dang / shing ka ra bi ra dkar po'i yam sreg shing la lan nyi shu rtsa gcig bzlas brjod byas te sbyin bsreg byas na sems can thams cad kyi ched du sbyin bsreg byas 106.237a par 'gyur ro/ /rnyed par bya ba'i don tu ru rta dang / 'bru mar las 'gro lding ba'i rig sngags kyis lan bdun bzlas brjod byas te gdong la bskus nas smras pas gang bslangs pa de thob par 'gyur ro/ /thams cad du yang de bzhin gshegs pa'am/ de bzhin gshegs pa'i mchod rten la spos dang / phreng ba dang / byug pa dang / me tog dang / bdug pa dang / phye ma dang / byug pa rnams kyis byug cing ci nus kyis lha bshos kyang dbul bar bya ste 'di dngos su grub bo/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / gzhon nu sgra gcan zin dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa me kha la zhes bya ba'i gzungs/ rdzogs s+ho// //bsrung ba dang bcas pa dang cho ga dang bcas pas mi mjed kyi sems can thams cad la bsrungs par gyur cig swA hA/ rgya gar gyi mkhan po pradz+nyA bar ma dang / zhu chen gyi lots+tsha ba ban de ye shes sdes bsgyur cing zhus te gtan la phab pa/ skar mas zhus// |