J84

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J84</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J84&coll=lithang">see text in Tibetan script</a></table>51.298b<br><font size=+1>

@#/ /rgya gar skad du/ Ar+ya badzra maN+Da nA ma d+hA ra NI ma hA yA na sU tra/  bod skad du/  'phags pa rdo rje'i snying po'i gzungs zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das gangs</font><hr>51.299a<br><font size=+1>

kyi ri dang nye ba sna tshogs kyi grong gi rtswa'i spyil po na/ dge slong stong du tshang ba'i dge slong gi dge 'dun chen po dang / thabs gcig tu bzhugs te/ de nas bcom ldan 'das bsod snyoms kyi zan phyis len pa spangs te/ rtswa'i spyil por skyil mo krung bcas nas sku drang por bsrang ste/ dran pa mngon du bzhag nas bzhugs so/ /de nas de'i tshe bcom ldan 'das chos thams cad la mnyam pa nyid du gnas pa zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu/ dge slong gi dge 'dun thams cad kyis bcom ldan 'das da ltar ga la bzhugs pa'i sku ma mthong ngo / /de nas sangs rgyas kyi mthus lha rnams kyi dbang po brgya byin dang / mi mjed kyi bdag po tshangs pa dang / gnas gtsang ma'i ris kyi lha'i bu sum khri nyis stong bcom ldan 'das ga la ba der dong ngo / /de nas lha rnams kyi dbang po brgya byin dang / mi mjed kyi bdag po tshangs pa 'di snyam du/ bcom ldan 'das da ltar gang na bzhugs snyam du sems pa dang / bcom ldan 'das rtswa'i spyil po'i nang na ting nge 'dzin la snyoms par zhugs pa de dag gis mthong ngo / /mthong nas bcom ldan 'das ga la ba der dong ste/ bcom ldan 'das kyi spyan sngar cang mi smra bar skyil mo krung bcas te 'khod do/ /gnas gtsang ma'i ris kyi lha'i bu rnams kyang cang mi smra bar bcom ldan 'das kyi spyan snga de nyid du skyil mo krung bcas te 'khod do/ /de nas de'i tshe bcom ldan 'das kyis 'di lta bu'i rdzu 'phrul mngon par 'du mdzad pa mngon par mdzad do/ /ji lta bu'i rdzu 'phrul mngon par 'du mdzad pa mngon par mdzad pas/ stong gsum gyi stong chen po'i 'jig rten gyi khams na/ byang chub sems dpa'i theg pa pa'i gang zag theg pa la gsar du yang dag par zhugs pa 'am/ theg pa la yang dag par zhugs nas ring du</font><hr>51.299b<br><font size=+1>

lon pa 'am/ phyir mi ldog pa'am/ skye ba gcig gis thogs pa yang rung ste/ ji snyed 'khod pa de dag thams cad sna tshogs kyi grong ga la ba dang / rtswa'i spyil po ga la ba der dong ste phyin pa dang / sangs rgyas kyi mthus mi gang tsam gyi bar snang la skyil mo krung bcas te 'khod do/ /de nas de'i tshe 'jam dpal gzhon nur gyur pas/ sems can thams cad kyi sems mgu bar byed pa zhes bya ba'i ting nge 'dzin la snyoms par zhugs so/ /de nas 'jam dpal gzhon nur gyur pa ting nge 'dzin 'di la snyoms par zhugs ma thag tu 'khor de dag thams cad sems rab tu dga' ba dang / sems mgu ba dang / sems rangs pa dang / sems shin du tshim pa skyes so/ /de nas de'i tshe byang chub sems dpa' byams pas chos thams cad rab tu zhi ba zhes bya ba'i ting nge 'dzin la snyoms par zhugs so/ /byang chub sems dpa' byams pa ting nge 'dzin de la snyoms par zhugs ma thag tu 'khor de dag thams cad kyi dbang po rnams rab tu zhi bar gnas so/ /de nas byang chub sems dpa' rin po che'i tog ces bya ba/ /byang chub sems dpa' drug khri nyis stong dang / lhan cig tu sna tshogs kyi grong ga la ba dang / rtswa'i spyil po ga la ba der song ste/ phyin ma thag tu bdag nyid steng gi nam mkha' bar snang la 'dug pa snyam du shes te/ de steng gi nam mkha' de nyid la skyil mo krung bcas te 'dug go/ /de nas de'i tshe byang chub sems dpa' rin po che'i tog bkod pa chen po zhes bya ba'i ting nge 'dzin la snyoms par zhugs so/ /byang chub sems dpa' rin po che'i tog ting nge 'dzin de la snyoms par zhugs ma thag tu de nas bar snang thams cad me tog ud pa la dang / pad ma dang / ku mu da dang / pad ma dkar pos kun du khebs nas/ nyi ma dang / zla ba rnams kyi 'od kyang mi snang bar gyur to/ /de nas byang chub sems dpa' 'phags pa spyan ras gzigs dbang phyug /byang chub sems</font><hr>51.300a<br><font size=+1>

dpa' drug khri nyi stong dang lhan cig tu steng gi nam mkha' las sna tshogs kyi grong khyer ga la ba dang / bcom ldan 'das ga la ba der song ste phyin ma thag tu/ byang chub sems dpa' spyan ras gzigs dbang phyug sa la 'dug ma nus nas/ de byang chub sems dpa' lhag ma de dag dang / lhan cig tu steng gi bar snang nam mkha' la skyil mo krung bcas te 'dug go/ /'dug ma thag tu de'i tshe byang chub sems dpa' spyan ras gzigs dbang phyug sems can thams cad kyi nyon mongs pa 'joms pa zhes bya ba'i ting nge 'dzin la snyoms par zhugs so/ /byang chub sems dpa' spyan ras gzigs dbang phyug /ting nge 'dzin de la snyoms par zhugs ma thag tu de nas 'khor de dag thams cad kyi 'dod chags dang / zhe sdang dang / gti mug dang / nyon mongs pa thams cad rab tu zhi bar gyur to/ /de nas de'i tshe bcom ldan 'das steng gi bar snang la 'phags nas 'dzum pa mdzad do/ /de nas bcom ldan 'das kyi zhal gyi sgo nas 'od zer kha dog du ma 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ngo / /de nas de'i tshe 'jam dpal gzhon nur gyur pas steng gi bar snang la gos phrag pa gcig tu bgos te/ pus mo g.yas pa'i lha nga bar snang de nyid la btsugs nas/ bcom ldan 'das ga la ba de logs su thar mo sbyar ba btud nas/ bcom ldan 'das la 'di skad ces gsol to/ /bcom ldan 'das 'dzum pa mdzad pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ 'jam dpal bar snang 'dir sangs rgyas khri rnams kyis byang chub sems dpa' rnams la rdo rje'i snying po'i gzungs shes bya ba bshad de/ yang dag par rab tu bstan to/ /'jam dpal gyis gsol pa/ bcom ldan 'das kyis da yang byang chub sems dpa' 'di rnams la rdo rje'i snying po'i gzungs bshad du gsol/ bcom ldan 'das kyis bka' stsal pa/ 'jam dpal chog go/ /</font><hr>51.300b<br><font size=+1>

rdo rje'i snying po'i gzungs la byang chub kyang med/ sangs rgyas kyi chos rnams kyang med na/ byang chub sems dpa' 'di dag ni byang chub mngon par rdzogs par 'tshang rgya bar 'dod do/ /rdo rje'i snying po'i gzungs la 'khor ba yang med/ mya ngan las 'das pa yang med na/ byang chub sems dpa' 'di dag ni yongs su mya ngan las 'da' bar 'dod do/ /rdo rje'i snying po'i gzungs la dge ba yang med/ mi dge ba yang med na/ byang chub sems dpa' 'di dag ni mi dge ba spong bar 'dod do/ /rdo rje'i snying po'i gzungs la pha rol yang med/ tshu rol yang med na/ 'di dag ni pha rol tu 'gro bar 'dod do/ /rdo rje'i snying po'i gzungs la zhing yang med/ zhing yongs su grub pa yang med na/ 'di dag ni zhing yongs su bsgrub par 'dod do/ /rdo rje'i snying po'i gzungs la bdud kyang med/ bdud du gdags pa yang med na/ 'di dag ni bdud 'dul bar 'dod do/ /rdo rje'i snying po'i gzungs la nyan thos kyang med/ nyan thos su gdags pa yang med na/ 'di dag ni nyan thos kyi chos las 'da' bar 'dod do/ /rdo rje'i snying po'i gzungs la rang sangs rgyas kyang med de/ rang sangs rgyas su gdags pa yang med na/ 'di dag ni rang sangs rgyas kyi chos las 'da' bar 'dod do/ /rdo rje'i snying po'i gzungs la sems can yang med/ sems can du gdags pa yang med na/ 'di dag ni sems can rnams yongs su mya ngan las bzla bar 'dod do/ /rdo rje'i snying po'i gzungs la don kyang med/ don ma yin pa yang med na/ 'di dag ni don byed par 'dod do/ /rdo rje'i snying po'i gzungs la 'dod chags kyang med/ 'dod chags su gdags pa yang med na/ 'di dag ni 'dod chags spong bar 'dod do/ /rdo rje'i snying po'i gzungs la zhe sdang yang med/ zhe sdang du gdags pa yang med na/ 'di dag ni zhe sdang spong bar 'dod do/ /rdo rje'i snying po'i gzungs la gti mug kyang med/ gti mug tu gdags pa yang med na/ 'di dag ni gti mug spong bar 'dod do/ /rdo rje'i snying po'i gzungs la shes pa yang med/ mi shes pa yang med na/ </font><hr>51.301a<br><font size=+1>

'di dag ni shes pa mngon sum du byed par 'dod do/ /rdo rje'i snying po'i gzungs la kun nas nyon mongs pa yang med/ kun nas nyon mongs par gdags pa yang med na/ 'di dag ni kun nas nyon mongs pa spong bar 'dod do/ /rdo rje'i snying po'i gzungs la rnam par byang ba yang med/ rnam par byang bar gdags pa yang med/ 'dul ba yang med/ 'dul ba ma yin pa yang med/ byams pa yang med/ snying rje yang med/ dga' ba yang med/ btang snyoms kyang med/ sbyin pa yang med/ ser sna yang med/ tshul khrims kyang med/ 'chal ba'i tshul khrims kyang med/ bzod pa yang med/ gnod sems kyang med/ brtson 'grus kyang med/ le lo yang med/ bsam gtan yang med/ rnam par g.yeng ba yang med/ shes rab kyang med/ 'chal ba'i shes rab kyang med/ ltung ba yang med/ mi ltung ba yang med/ nyan thos kyang med/ rang sangs rgyas kyang med/ de bzhin gshegs pa yang med/ chos kyang med/ chos ma yin pa yang med/ zab mo ma yin pa yang med/ sla ba yang med/ shes pa yang med/ mi shes pa yang med/ thob pa yang med/ mngon par rtogs pa yang med/ 'khor ba yang med/ mya ngan las 'das pa yang med/ dran pa nye bar gzhag pa rnams kyang med/ yang dag par spong ba rnams kyang med/ rdzu 'phrul gyi rkang pa rnams kyang med/ dbang po rnams kyang med/ stobs rnams kyang med/ byang chub kyi yan lag rnams kyang med/ lam yang med do/ /'jam dpal rdo rje'i snying po'i gzungs thob par 'dod pa'i byang chub sems dpas so so'i skye bo'i chos rnams la gnas par mi bya'o/ /so so'i skye bo'i chos rnams gzung bar mi bya/ dor bar mi bya/ rnam par bsgrub par mi bya/ 'da' bar mi bya/ 'pho bar mi bya/ btang snyoms su gnas par mi bya/ bsam par mi bya/ mngon par 'byung bar mi bya/ le lor mi bya/ chags par mi bya/ mi chags par mi bya/ </font><hr>51.301b<br><font size=+1>

yongs su yi chad par mi bya/ reg par mi bya'o/ /so so skye bo'i chos rnams la kun nas nyon mongs par 'du shes bskyed par mi bya/ sbyin par 'du shes bskyed par mi bya/ btang bar 'du shes bskyed par mi bya'o/ /so so skye bo'i chos rnams kyang sangs rgyas kyi chos su ma gtogs par blta bar mi bya/ sangs rgyas kyi chos rnams so so skye bo'i chos rnams dang sbyar bar mi bya/ so so skye bo'i chos rnams dang sangs rgyas kyi chos rnams sbyar bar mi bya/ so so skye bo'i chos rnams dmigs par mi bya/ nyan thos kyi chos rnams dang / rang sangs rgyas kyi chos rnams sbyar bar mi bya'o/ /sangs rgyas kyi chos rnams kyang gzung bar mi bya/ so so skye bo'i chos rnams kyang dor bar mi bya/ so so skye bo'i chos rnams bsrung bar mi bya/ sangs rgyas kyi zhing yongs su dag pa la yang gnas par mi bya ste/ smon lam yang mi gtong ngo / /de ci'i phyir zhe na/ 'jam dpal rdo rje'i snying po'i gzungs ni rnam par mi rtog pa ste/ 'dod chags su yang dag par 'du ba/ zhe sdang du yang dag par 'du ba/ gti mug tu yang dag par 'du ba/ bud med du yang dag par 'du ba/ skyes par yang dag par 'du ba/ lhar yang dag par 'du ba/ klur yang dag par 'du ba/ gnod sbyin du yang dag par 'du ba/ dri zar yang dag par 'du ba/ lha ma yin du yang dag par 'du ba/ nam mkha' lding du yang dag par 'du ba/ lto 'phye chen por yang dag par 'du ba/ sangs rgyas su yang dag par 'du ba/ chos su yang dag par 'du ba/ dge 'dun du yang dag par 'du ba/ nyan thos su yang dag par 'du ba/ rang sangs rgyas su yang dag par 'du ba/ sems can dmyal bar yang dag par 'du ba/ dud 'gro'i skye gnas su yang dag par 'du ba/ gshin rje'i 'jig rten du yang dag par 'du ba/ ngan par yang dag par 'du ba/ bzang por yang dag par 'du ba/ sar yang dag par 'du ba/ chur yang dag par 'du ba/ </font><hr>51.302a<br><font size=+1>

mer yang dag par 'du ba/ rlung du yang dag par 'du ba/ mig tu yang dag par 'du ba/ rna bar yang dag par 'du ba/ snar yang dag par 'du ba/ lcer yang dag par 'du ba/ lus su yang dag par 'du ba/ yid du yang dag par 'du ba ste/ 'jam dpal rdo rje'i snying po'i gzungs ni chos thams cad du yang dag par 'du ba'o/ /'jam dpal 'di lta ste/ dper na shar phyogs kyi nam mkha'i khams gang yin pa dang / lho phyogs kyi gang yin pa dang / nub phyogs kyi gang yin pa dang / byang phyogs kyi gang yin pa dang / 'og gi gang yin pa dang / steng gi nam mkha'i khams gang yin pa de dag thams cad nam mkha'i khams su yang dag par 'du bar 'gyur ba de bzhin du 'jam dpal rdo rje'i snying po'i gzungs 'di yang chos thams cad du yang dag par 'du bar 'gyur ro/ /de skad ces bka' stsal pa dang / 'jam dpal gzhon nur gyur pas/ bcom ldan 'das la 'di skad ces gsol to/ /bcom ldan 'das ji ltar na 'dod chags gzungs kyi gzhi lags/ bcom ldan 'das kyis bka' stsal pa/ 'jam dpal 'dod chags 'dod chags shes bya ba ni shar phyogs nas 'ongs te sems can rnams la kun nas nyon mongs par byed pa ma yin/ lho phyogs nas ma yin/ nub phyogs nas ma yin/ byang phyogs nas ma yin/ 'og nas ma yin/ steng gi phyogs nas ma 'ongs te/ sems can rnams la kun nas nyon mongs par byed pa ma yin no/ /nang nas skyes te/ sems can rnams la kun nas nyon mongs par byed pa ma yin/ phyi rol nas kyang ma yin no/ /'jam dpal gal te 'dod chags nang nas langs te sems can rnams la kun nas nyon mongs par byed na ni/ de'i phyir sems can rnams kun nas nyon mongs pa can nyid du 'gyur te/ phyis kyang chos mngon par rtogs par mi 'gyur ro/ /'jam dpal chos ni mi 'ong mi 'gro/ nang na mi 'dug /phyi rol na yang mi 'dug /gnyis ka med par yang mi 'dug ste/ de la bgrang ba gang yang med de/ des na 'dod chags ni gzungs kyi gzhi zhes bya'o/ /zhe sdang ni</font><hr>51.302b<br><font size=+1>

gzungs kyi gzhi'o/ /'jam dpal gyis gsol pa/ bcom ldan 'das ji ltar na zhe sdang gzungs kyi gzhi lags/ bcom ldan 'das kyis bka' stsal pa/ 'jam dpal zhe sdang ni ca co bton pa las 'byung ste/ ca co bton pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /'jam dpal gal te 'das pa las chos rnams byung du zin na rtag par 'gyur ro/ /'jam dpal ma 'ongs pa'i rkyen rnams las kyang zhe sdang 'byung ba med do/ /da ltar gyi rkyen kyang 'dug pa med cing ma 'gags pa'o/ /'jam dpal chos gang 'das pa las ma byung / ma 'ongs pa las kyang ma yin/ da ltar gyi las kyang ma yin pa de ni dus gsum yongs su dag pa'i gzungs kyi gzhi zhes bya'o/ /'jam dpal gti mug ni gzungs kyi gzhi'o/ /gsol pa/ bcom ldan 'das ji ltar na gti mug gzungs kyi gzhi lags/ bcom ldan 'das kyis bka' stsal pa/ 'jam dpal gti mug ni ma rig pa las byung ste/ ma rig pa de yang sa'i khams dang ma 'dres/ chu'i khams dang ma yin/ me'i khams dang ma yin/ rlung gi khams dang ma yin/ nam mkha'i khams dang ma yin/ rnam par shes pa'i khams dang ma 'dres pa'o/ /'jam dpal ma 'dres pa'i chos ni kun nas nyon mongs pa can du mi 'gyur zhing rnam par byang bar mi 'gyur ro/ /'jam dpal gal te ma 'dres pa'i chos de kun nas nyon mongs pa can du 'gyur ba'am/ rnam par byang bar 'gyur du zin na/ nam mkha' yang kun nas nyon mongs pa can du 'gyur zhing rnam par byang bar 'gyur ro/ /de ci'i phyir zhe na/ 'jam dpal nam mkha' ni chos gang dang yang ma 'dres pa ste/ 'jam dpal gang ma rig pa dang ma 'dres pa/ mi 'pho ba/ 'dul ba ma yin pa/ yod pa ma yin pa/ ma byung ba/ dngos po med pa/ mi mthong ba/ mi snang ba/ gzung du med pa/ ma bcings pa/ ma grol ba/ tshad med pa/ ya ma brla/ gsob/ stong pa ni kun nas nyon mongs pa zhe 'am/ rnam par byang ba zhes</font><hr>51.303a<br><font size=+1>

brjod par bya 'am/ gsol pa/ bcom ldan 'das de ni ma lags so/ /bka' stsal pa/ 'jam dpal ma rig pa ma rig pa zhes de bzhin gshegs pas bstan pa de'i thog ma med do/ /rtag tu gcig pa nyid kyang med do/ /thog ma'i mtha' yang med/ tha ma'i mtha' yang med/ da ltar byung ba yang med de/ de nas ma rig pa zhes bya'o/ /'jam dpal chos gang med cing mi rnyed/ rnam par mi rig /mi snang / mi chags/ rnam par mi chags/ zhe mi sdang / gti mi mug pa ste/ chos gang la yang kun nas nyon mongs pa 'am/ rnam par byang ba 'am/ sgrib pa'i bya ba byed dam/ gsol pa/ bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das gal te de ni ma rig pa'i chos gang la yang kun nas nyon mongs pa 'am/ rnam par byang ba 'am/ sgrib pa'i bgyi ba mi bgyid na/ ji ltar na bcom ldan 'das kyis ma rig pa kun nas nyon mongs pa zhes bka' stsal/ bcom ldan 'das kyis bka' stsal pa/ 'jam dpal 'di lta ste dper na/ gtsub shing dang gtsub stan la yang brten/ mi'i lag pas gtsub pa la yang brten nas du ba 'byung zhing me mngon par 'grub ste/ me de yang gtsub shing la yang mi gnas/ mi'i lag pas gtsubs pa la yang mi gnas so/ /'jam dpal de bzhin du skyes bu gang zag rmongs pa la 'dod chags dang / zhe sdang dang / gti mug gis yongs su gdung ba med pa 'byung ste/ yongs su gdung ba de yang nang na yang mi gnas/ phyi rol na yang mi gnas/ gnyi ga med par yang mi gnas mod kyi/ 'jam dpal 'on kyang gti mug ces bya'o/ /de ci'i phyir zhe na/ 'jam dpal chos thams cad ni shin du grol ba yin pa'i phyir te/ chos gang shin du grol ba de ni gzungs kyi gzhi zhes bya'o/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das byang chub sems dpa' chos kyi sgo gang dang ldan na/ thams cad kyi rjes su song ba'i</font><hr>51.303b<br><font size=+1>

gzungs thob par 'gyur ba'i chos kyi sgo 'ga' mchis lags sam/ bcom ldan 'das kyis bka' stsal pa/ 'jam dpal byang chub sems dpa' chos kyi sgo gang dang ldan na/ thams cad kyi rjes su song ba'i gzungs thob pa'i chos kyi sgo yod de/ yi ge gcig las yi ge 'bum du bshad kyang yi ge de'i mtha' mi rtogs te/ chos kyi sgo gang dang gang gis bshad pa'i chos kyi sgo de dang de las chos kyi sgo mtha' yas pa dag snang bar 'gyur zhing spobs pa yang thogs pa med do/ /de spobs pa yang thogs pa med pa'i phyir chos kyi sgo thams cad brjod do/ /chos kyi sgo'i tshig gcig la chos kyi sgo'i tshig thams cad rjes su 'jug par byed do/ /chos kyi sgo'i tshig thams cad la chos kyi sgo'i tshig gcig rjes su 'jug par byed do/ /'jam dpal gyis gsol pa/ bcom ldan 'das chos kyi sgo de ji lta bu zhig lags/ bcom ldan 'das kyis bka' stsal pa/ 'jam dpal chos thams cad ni lha'i sgo ste/ 'di ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni 'dul ba'i sa la gnas pa ste/ de ni lha lta bur 'jug pa'i gzungs kyi gzhi'o/ /'jam dpal chos thams cad ni klu'i sgo ste/ 'di ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni ming med pa/ yi ge yongs su chad pa/ yi ge med pa/ yi ges yongs su brjod pa ste/ de ni klu lta bur 'jug pa'i gzungs kyi gzhi'o/ /'jam dpal chos thams cad ni gnod sbyin gyi sgo ste/ 'di ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni ma skyes pa'i phyir mi zad pa'i rnam par zhugs pa'i sgo ste/ de ni gnod sbyin lta bur 'jug pa'i gzungs kyi gzhi'o/ /'jam dpal chos thams cad ni dri za'i sgo ste/ de ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni tshad med/ grangs med/ </font><hr>51.304a<br><font size=+1>

dpag tu med/ nam mkha' dang mnyam pa'i phyir bgrang ba las 'das pa ste/ de ni dri za lta bur 'jug pa'i gzungs kyi gzhi'o/ /'jam dpal chos thams cad ni lha ma yin gyi sgo ste/ 'di ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni med pa'i sgo ste/ ming du rig par bya ba ma yin/ gzugs su rig par bya ba ma yin/ sgrar rig par bya ba ma yin/ drir rig par bya ba ma yin/ ror rig par bya ba ma yin/ reg par rig par bya ba ma yin/ yid du rig par bya ba ma yin/ sangs rgyas su rig par bya ba ma yin/ chos su rig par bya ba ma yin/ dge 'dun du rig par bya ba ma yin/ nyan thos su rig par bya ba ma yin/ rang sangs rgyas su rig par bya ba ma yin/ so so skye bor rig par bya ba ma yin zhing / 'jam dpal chos thams cad ni shin du kun nas ma skyes pa'i tshul gyis rig par bya ba ma yin pa ste/ de ni lha ma yin lta bur 'jug pa'i gzungs kyi gzhi'o/ /'jam dpal chos thams cad ni nam mkha' lding gi sgo ste/ 'di ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni 'ong ba med cing 'gro ba med pa ste/ mi rgyug pa/ rnam par mi rgyug pa/ mi 'bros pa/ mi 'gro ba/ mi 'ong ba/ mi 'pho ba/ mi skye ba/ mi rten pa/ mi gnas pa/ mi chags pa/ mi 'ching ba/ zhe mi sdang ba/ gti mi mug pa/ mi 'grol ba/ mi gnas pa/ rab tu mi gnas pa ste/ 'jam dpal nam mkha' la chags pa med pa'i phyir/ chos thams cad ni gnas pa med pa'i sgo ste/ de ni nam mkha' lding lta bur 'jug pa'i gzungs kyi gzhi'o/ /'jam dpal chos thams cad ni mi 'am ci'i sgo ste/ 'di ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ </font><hr>51.304b<br><font size=+1>

bka' stsal pa/ 'jam dpal chos thams cad ni byed pa po las log pa ste/ ma byas pa/ mi 'gyur ba/ byed pa po kun du bsal na mi rnyed pa ste/ 'jam dpal de ni mi 'am ci lta bu'i sgor 'jug pa'i gzungs kyi gzhi'o/ /'jam dpal chos thams cad ni lto 'phye chen po'i sgo ste/ 'di ni gzungs kyi gzhi'o/ /gsol pa bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni dri ma dang bral zhing shin du 'od gsal ba ste/ sems can thams cad kyis kun nas nyon mongs pa can du bya ba 'am/ rnam par byang bar byar mi nus pa de ni rnam par dag pa'i gzungs kyi gzhi'o/ /de ci'i phyir zhe na/ 'jam dpal chos thams cad rang bzhin gyis ma skyes pa'i phyir gtan du yongs su mya ngan las 'das pa ste/ de ni lto 'phye chen po lta bur 'jug pa'i gzungs kyi gzhi'o/ /'jam dpal chos thams cad ni bud med kyi sgo ste/ 'di ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal 'di lta ste/ chos thams cad ni dngos po med pa'i phyir mi bden pa/ ma skyes pa'i dbang po dang / bud med kyi dbang po dang bral ba ste/ de ni bud med lta bur 'jug pa'i gzungs kyi gzhi'o/ /'jam dpal chos thams cad ni skyes pa'i sgo ste/ 'di ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal rnam pa thams cad du skyes pa nyid ni mi dmigs te/ thog ma'i mthar yang mi dmigs/ tha ma'i mthar yang mi dmigs/ da ltar byung bar yang mi dmigs so/ /'jam dpal gang dus gsum du mi dmigs pa de la skyes pa yang med/ bud med kyang med de/ gzhan du na ming gi brdas brjod par zad do/ /ming de yang bden pa ste/ gzungs kyi brdas de dag btags so/ /gzungs de yang 'byung ba chen po bzhi las gyur pa ste/ 'byung ba chen po</font><hr>51.305a<br><font size=+1>

bzhi rnams kyi skye ba yang mi dmigs so/ /chos thams cad ma skyes pa'i phyir chos thams cad gtan du yongs su mya ngan las 'das pa ste/ de ni skyes pa lta bur 'jug pa'i gzungs kyi gzhi'o/ /'jam dpal chos thams cad ni sems can dmyal ba'i sgo ste/ 'di ni gzungs kyi gzhi'o/ /gsol pa/ bcom ldan 'das ji ltar na de gzungs kyi gzhi lags/ bcom ldan 'das kyis bka' stsal pa/ 'jam dpal sems can dmyal ba gang du yang dag par 'du bar 'gyur/ 'jam dpal gyis gsol pa/ bcom ldan 'das sems can dmyal ba ni nam mkha' yang dag par 'du ba lags so/ /bcom ldan 'das kyis bka' stsal pa/ 'jam dpal 'di ji snyam du sems/ sems can dmyal ba rang gi rtog pa las byung ngam/ 'on te ngo bo nyid las byung / 'jam dpal gyis gsol pa/ bcom ldan 'das byis pa so so skye bo rang gi rtog pas/ sems can dmyal ba dang / dud 'gro dang / gshin rje'i 'jig rten du rig ste/ de dag ma mchis pa la sgro btags pa'i slad du/ ngan song gsum du gnod pa tshor zhing sdug bsngal myong lags so/ /bcom ldan 'das bdag gis sems can dmyal ba ji ltar mi mthong ba de bzhin du sems can dmyal ba pa rnams mi mthong ste/ sems can dmyal ba'i sdug bsngal yang ma mchis so/ /bcom ldan 'das 'di lta ste/ dper bgyi na mi la la zhig gnyid kyis log pa'i rmi lam na bdag sems can dmyal bar ltung ba snyam du rig nas/ de de na lcags kyi bum pa rab tu khol ba/ shin tu 'bar ba 'dom du ma mchis pa'i nang na bdag bcug nas de de na sdug bsngal gyi tshor ba myong bar rab tu 'tshal te/ de yid dngangs shing yongs su gdung bar rig nas 'jigs skrag ste dngangs nas/ de slar sad pa dang / kye ma'o sdug bsngal</font><hr>51.305b<br><font size=+1>

lo/ /kye ma sdug bsngal lo zhes cho nges 'debs na de'i mdza' bshes dang / nye du dang / phu nu rnams kyis khyod cis sdug bsngal zhes dris pa dang / mi des de dag la 'di skad ces bdag ni sems can dmyal ba'i sdug bsngal ba myong ngo / /zhes smras nas/ yang de mdza' bshes dang / nye du dang / phu nu rnams la gshe zhing 'tshig ste/ bdag ni sems can dmyal ba'i sdug bsngal ba myong na/ khyod kyis slar phyi phyir zhing nga la cis sdug bsngal zhes drir ci yod ces mchi la/ de nas mdza' bshes dang / nye du dang / phu nu de dag gis mi de la 'di skad ces/ kye ma 'jigs shig /ma 'jigs shig /mi khyod ni gnyid kyis log ste khyim 'di nas gar yang ma song ngo / /zhes bgyis pa dang / mi des slar dran pa rnyed nas bdag ni gnyid kyis log ste/ yang dag pa ma yin pa dngos po med pa de la bdag gis brtags pa lta zhig ste/ dngos po ci yang med do snyam bgyid nas/ de slar yang yid bde ba rnyed na/ bcom ldan 'das ji ltar mi de gnyid kyis log pa'i rmi lam na/ ma mchis pa la sgro btags nas bdag sems can dmyal bar mchis so/ /snyam du rig pa de bzhin du/ bcom ldan 'das byis pa so so skye bo thams cad mchis pa ma lags pa'i 'dod chags kyis kun tu dkris pas bud med kyi mtshan mar rtog go/ /de dag gis bud med kyi mtshan mar btags nas/ bud med dang bdag lhan cig tu rtse dga' dgur spyod par rig ste/ de dag 'di snyam du bdag ni skyes pa/ 'di ni bud med do/ /'di ni bdag gi bud med do snyam nas/ de sred pa'i 'dod chags kyis kun tu dkrigs pa'i sems kyis de longs spyod tshol bar sems gtad do/ de gzhi de las 'thab pa dang 'gyed pa dang / rtsod pa skyed de/ de'i dbang po rab tu khros par 'khon byung ngo / /de 'du shes phyin ci log pa des gum ma thag tu bskal pa stong phrag mang por bdag sems can dmyal ba'i sdug bsngal gyi tshor</font><hr>51.306a<br><font size=+1>

ba myong ba snyam du 'tshal to/ /bcom ldan 'das 'di lta ste/ mi de la mdza' bshes dang / nye du dang / phu nu rnams kyis 'di skad ces ma 'jigs shig /ma 'jigs shig /mi khyod ni gnyid kyis log ste/ khyim 'di nas gar yang ma song ngo / /zhes mchi ba ltar/ bcom ldan 'das sangs rgyas bcom ldan 'das kyis phyin ci log bzhis rnam par myos pa'i sems can rnams la chos bstan te/ 'di la bud med kyang med/ skyes pa yang med/ sems can yang med/ srog kyang med/ gso ba yang med/ gang zag kyang med/ chos 'di dag thams cad ni yang dag pa ma yin pa'o/ /chos 'di dag thams cad ni med pa'o/ /chos 'di dag thams cad ni rnam par bsgrubs pa'o/ /chos 'di dag thams cad ni btags pa'o/ /chos 'di dag thams cad ni stong pa'o/ /chos 'di dag thams cad ni skye ba med pa'o/ /chos 'di dag thams cad ni 'gag pa med pa'o/ /chos 'di dag thams cad ni dngos po med pa'o/ /chos 'di dag thams cad ni ma 'brel pa'o/ /chos 'di dag thams cad ni rmi lam lta bu'o/ /chos 'di dag thams cad ni sgyu ma lta bu'o/ /chos 'di dag thams cad ni chu zla lta bu ste/ 'di la su yang mi chags mi sdang mi rmongs te/ yang dag pa ma yin pa la ma rtogs shig ces bstan pa dang / de dag gis de bzhin gshegs pa'i chos de thos nas/ chos thams cad la 'dod chags ma mchis par mthong ngo / /chos thams cad la zhe sdang ma mchis pa dang / gti mug ma mchis pa dang / sgrib pa ma mchis pa dang / chags pa ma mchis par mthong ngo / /chos thams cad shin tu grol ba dang / gtan tu yongs su mya ngan las 'das par mthong nas/ de dag sems nam mkha' la gnas te/ 'gum pa'i dus bgyis so/ /'gum pa'i dus bgyis ma thag tu phung po'i lhag ma ma mchis pa'i mya ngan las</font><hr>51.306b<br><font size=+1>

'das pa'i dbyings su yongs su mya ngan las 'da' ba de yang de dang 'dra ste/ bcom ldan 'das bdag gis sems can dmyal ba de ltar mthong lags so/ /de nas bcom ldan 'das kyis 'jam dpal gzhon nur gyur pa la legs so zhes bya ba byin te/ legs so/ /legs so/ /'jam dpal ji ltar khyod kyis sems can dmyal ba mthong ba de bzhin du mi brtag par bya'o/ /'jam dpal sems can dmyal ba de ltar mthong na mi skye ba'i chos la bzod pa thob par 'gyur ro/ /sems can dmyal ba nges par bstan pa 'di bshad pa na/ byang chub sems dpa' dgu khri nyis stong mi skye ba'i chos la bzod pa thob nas/ de dag tshig 'thun par 'di skad ces/ 'di ltar sems can dmyal ba'i chos rnams las/ sangs rgyas kyi chos rnyed par rung ba ni/ sangs rgyas kyi yul 'di ngo mtshar te/ legs so/ /zhes 'dzer to/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das gnyis su ma mchis pa'i sgo gang gis/ byang chub sems dpa' rnams chos thams cad sangs rgyas kyi chos su rtogs shing gnyis lta bur mi bgyid pa gnyis su ma mchis pa'i chos kyi sgo byang chub sems dpa' rnams las bstan du gsol/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal de'i phyir kun nas nges par bstan pa zhes bya ba'i chos kyi sgo 'di ni chos kyi sgo gang gis/ byang chub sems dpa' rnams nyon mongs pa thams cad la/ sangs rgyas kyi chos rnams yang dag par 'gro bar byed pa'o/ /'jam dpal gyis gsol pa/ bcom ldan 'das gnyis su ma mchis pa'i sgo de ji lta bu zhig lags/ bcom ldan 'das kyis bka' stsal pa/ 'jam dpal de'i phyir/ legs par rab tu nyon la yid la zung shig dang / </font><hr>51.307a<br><font size=+1>

nyon mongs pa thams cad rab tu rnam par phye ba zhes bya ba'i gzungs kyi sgo 'di ngas khyod la bshad do/ /de ltar 'tshal lo zhes gsol te/ 'jam dpal gzhon nur gyur pa bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /'jam dpal ma rig pa ni byang chub ste/ 'di ni gzungs kyi sgo'o/ /gsol pa/ bcom ldan 'das ji ltar na/ ma rig pa byang chub lags/ bka' stsal pa/ 'jam dpal med pa'i phyir/ ma rig pa zhes bya'o/ /gang med pa de la skye ba med do/ /gang ma skyes pa de la kun nas nyon mongs pa med do/ /'jam dpal kun nas nyon mongs pa can ma yin pa ni byang chub ste/ rang bzhin gyis 'od gsal ba rtag tu ma skyes pa'o/ /'jam dpal de bzhin gshegs pas don gyi dbang 'di gzigs nas/ ma rig pa dang byang chub gnyis su med par ston to/ /'jam dpal ngas ma rig pa 'di ma rnyed de/ de'i phyir ma rig pa zhes bstan to/ /'jam dpal de ni ma rig pa lta bur 'jug pa zhes bya ba'i gzungs kyi sgo ste/ 'jug pa gang gis spobs pa myur bar 'gyur ba/ /spobs pa rno bar 'gyur ba/ spobs pa zab mor 'gyur ba/ spobs pa ma chags par 'gyur ba/ spobs pa thogs pa med par 'gyur ba'o/ /'jam dpal 'du byed rnams ni byang chub ste/ 'di ni gzungs kyi sgo'o/ /gsol pa/ bcom ldan 'das ji ltar na 'du byed rnams byang chub lags/ bka' stsal pa/ 'jam dpal 'du byed rnams ni grangs med pa/ bgrang du med pa ste/ de'i phyir de dag gi tshad mi dmigs so/ /mi dge ba dang mtshungs par ldan na/ sems can dmyal bar skye ba ston mod kyi 'di nas kyang mi 'gro'o/ /der 'pho ba yang med do/ /'jam dpal mi 'pho ba ni byang chub ste/ 'ong ba dang / 'gro ba med pa'o/ /'jam dpal de ni 'du</font><hr>51.307b<br><font size=+1>

byed lta bur 'jug pa'i gzungs kyi sgo'o/ /'jam dpal rnam par shes pa ni byang chub ste/ 'di ni gzungs kyi sgo'o/ /gsol pa/ bcom ldan 'das ji ltar na rnam par shes pa byang chub lags/ bka' stsal pa/ 'jam dpal rnam par shes pa ni sgyu ma lta bu ste/ yang dag pa ma yin pa las byung bar de bzhin gshegs pas gsungs so/ /'jam dpal ji ltar byis pa so so'i skye bo yang dag pa ma yin pa la gnas pa rnams kyis sgyu ma lta bu'i rnam par shes pa brtags shing rnam par bsgrubs nas bsdus pa de bzhin du/ 'jam dpal sangs rgyas kyi byang chub kyang sgyu ma lta bu ste/ byis pa so so'i skye bo rnams kyis btags shing / rnam par bsgrubs nas bsdus te/ de dag sangs rgyas kyi chos la lhag par dmigs shing / bdag cag sangs rgyas su gyur cig /bdag cag sems can grol bar byed par gyur cig /bdag cag 'jig rten gyi mchog tu gyur cig /snyam du de dag sangs rgyas kyi byang chub nam mkha' dang 'dra ba la brtags nas rab tu spyod do/ /'jam dpal ngas ni byang chub kyi snying po la 'dug nas/ sangs rgyas sam/ nyan thos sam/ rang sangs rgyas sam/ so so skye bo'i chos gang yang ma dmigs te/ 'jam dpal de ni rnam par shes pa lta bur 'jug pa'i gzungs kyi sgo'o/ /'jam dpal ming dang gzugs kyi byang chub ste/ 'di ni gzungs kyi sgo'o/ /gsol pa/ bcom ldan 'das ji ltar na ming dang gzugs byang chub lags/ bka' stsal pa/ 'jam dpal ming ni dngos po med pa'o/ /'jam dpal gzugs kyang byed pa po med pa ste/ 'jam dpal gang na byed pa po med pa de la bdag med do/ /'jam dpal bdag med pa ni sangs rgyas kyi byang chub ste/ ming gis bstan pa'o/ /ming de ni phyogs bcu kun du btsal kyang mi rnyed de/ 'jam dpal</font><hr>51.308a<br><font size=+1>

de ni ming dang gzugs lta bur 'jug pa'i gzungs kyi sgo'o/ /'jam dpal skye mched drug ni byang chub ste/ 'di ni gzungs kyi sgo'o/ /gsol pa/ bcom ldan 'das ji ltar na skye mched drug byang chub lags/ bka' stsal pa/ 'jam dpal skye mched thams cad ni rang gi yul dben pa ste/ mig gi dbang po yang bdag gis gzugs blta'o/ /snyam du de ltar mi sems so/ /rna ba'i dbang po yang bdag gis sgra mnyan to snyam du de ltar mi sems so/ /sna'i dbang po yang bdag gis dri la mnam mo snyam du de ltar mi sems so/ /lce'i dbang po yang bdag gis ro myang ngo snyam du de ltar mi sems so/ /lus kyi dbang po yang bdag gis reg pa tshor ro snyam du de ltar mi sems so/ /yid kyi dbang po yang bdag gis chos rnam par shes so snyam du de ltar mi sems so/ /mig kyang gzugs yul du mi shes/ gzugs kyang mig gi yul du mi shes/ rna ba yang sgra yul du mi shes/ sgra yang rna ba'i yul du mi shes/ sna yang dri yul du mi shes/ dri yang sna'i yul du mi shes/ lce yang ro yul du mi shes/ ro yang lce'i yul du mi shes/ lus kyang reg bya yul du mi shes/ reg bya yang lus kyi yul du mi shes/ yid kyang chos yul du mi shes/ chos kyang yid kyi yul du mi shes te/ 'jam dpal skye mched rnams ni phan tshun mi mthun pa rnams/ g.yo ba med pa/ byed pa med pa/ phan tshun sems pa med pa/ phan tshun ngo bo nyid kyis stong pa'o/ /'jam dpal chos gang ngo bo nyid kyis stong pa de ni byang chub ste/ de ni skye mched drug lta bur 'jug pa'i gzungs kyi sgo'o/ /'jam dpal reg pa ni byang chub ste/ 'di ni gzungs kyi sgo'o gsol pa bcom ldan 'das ji ltar na reg pa byang chub lags bka' stsal pa 'jam dpal reg pa zhes bya ba ni gzugs su 'du shes te reg pa dang / sgrar 'dus te reg pa</font><hr>51.308b<br><font size=+1>

reg pa dang / drir 'dus te reg pa dang / ror 'dus te reg pa dang / reg byar 'dus te reg pa dang / chos su 'dus te reg pa'o/ /'jam dpal gzugs su 'dus te reg pa nas/ chos su 'dus te reg pa'i bar gang yin pa de ni rten pa'o/ /gang brten pa de ni rkyen mang po las skye'o/ /'jam dpal gang rkyen mang po las skye ba de ni tshogs kyi tshul du gnas pa'o/ /'jam dpal tshogs kyi tshul gang yin pa de ni sgyu ma'i tshul lo/ /sgyu ma'i tshul gang yin pa de ni yang dag pa ma yin pa'i tshul lo/ /yang dag pa ma yin pa'i tshul gang yin pa de ni med pa'o/ /med pa gang yin pa de ni mi skye ba'o/ /mi skye ba gang yin pa de ni mi 'gag pa'o/ /'jam dpal gang skye ba med cing 'gag pa med pa de ni sangs rgyas kyi byang chub ste/ de ni reg pa lta bur 'jug pa'i gzungs kyi sgo'o/ /'jam dpal tshor ba ni byang chub ste/ 'di ni gzungs kyi sgo'o/ /gsol pa/ bcom ldan 'das ji ltar na tshor ba byang chub lags/ bka' stsal pa/ 'jam dpal tshor ba zhes bya ba ni rnam pa gsum ste/ bde ba'i tshor ba dang / sdug bsngal gyi tshor ba dang / bde ba yang ma yin/ sdug bsngal ba yang ma yin pa'i tshor ba'o/ /'jam dpal bde ba'i tshor ba ni nang na yang mi 'dug /phyi rol na yang mi 'dug /gnyi ga med par mi dmigs so/ /'jam dpal sdug bsngal gyi tshor ba yang nang na yang mi 'dug /phyi rol na yang mi 'dug /gnyi ga med par yang mi dmigs so/ /'jam dpal bde ba yang ma yin/ sdug bsngal ba yang ma yin pa'i tshor ba yang nang na yang mi 'dug /phyi rol na yang mi 'dug /gnyis ka med par yang mi dmigs so/ /'jam dpal gyis gsol pa/ bcom ldan 'das 'o na ji ltar sems can rnams kyi bde ba'i tshor ba dang / sdug bsngal gyi tshor ba dang / bde ba yang ma lags/ sdug bsngal ba yang ma lags pa'i tshor ba dag gang lags/ bcom ldan 'das kyis bka'</font><hr>51.309a<br><font size=+1>

pa 'jam dpal 'du shes phyin ci log gi phyin ci log tu gyur pa'i byis pa so so skye bo rnams ni yang dag pa ma yin pa'i rkyen sna tshogs kyis bde'o snyam du 'du shes/ sdug bsngal lo snyam 'am/ bde ba yang ma yin/ sdug bsngal ba yang ma yin snyam du shes mod kyi/ 'jam dpal tshor ba thams cad sgyu ma'i rang bzhin te/ ma byas pa/ ma skyes pa/ rtag tu ma byung ba ste/ 'jam dpal rnam grangs des na/ tshor ba ni byang chub ste/ de ni tshor ba lta bur 'jug pa'i gzungs kyi sgo'o/ /'jam dpal sred pa ni byang chub ste/ 'di ni gzungs kyi sgo'o/ /gsol pa bcom ldan 'das ji ltar na sred pa byang chub lags/ bcom ldan 'das kyis sred pa kun nas nyon mongs pa lags par bka' ma stsal lags sam/ bcom ldan 'das kyis bka' stsal pa/ 'jam dpal 'di ji snyam du sems/ mi bu med pa'i bu'i sred pa'i nang na 'dug gam/ 'on te phyi rol na 'dug gam/ 'on te phyogs dang mtshams rnams na 'dug /'jam dpal gyis gsol pa/ bcom ldan 'das de'i bu nyid kyang ma byung na/ bu'i sred pa nyid lta ga la mchis/ bcom ldan 'das kyis bka' stsal pa/ 'jam dpal gang gi tshe mi de 'du ba dang ldan te bu skyed cing sred pa skyed pa'i dus de yod/ tshigs de yod na/ 'jam dpal 'di ji snyam du sems/ mi de'i bu la sred pa shar phyogs nas 'ongs sam/ 'on te lho phyogs nas sam/ 'on te nub phyogs nas sam/ 'on te byang phyogs nas sam/ 'on te 'og gi phyogs nas sam/ 'on te steng gi phyogs nas sam/ 'on te nang na 'dug gam/ 'on te phyi rol na'am/ gnyis ka med par gnas sam/ 'jam dpal gyis gsol pa/ bcom ldan 'das sred pa shar phyogs na mi dmigs/ lho phyogs na yang ma lags/ nub phyogs na</font><hr>51.309b<br><font size=+1>

yang ma lags/ byang phyogs na yang ma lags/ steng na yang ma lags/ 'og na yang ma lags/ nang na yang ma lags/ slad rol na yang ma lags/ gnyis ka ma mchis par yang mi dmigs lags so/ /bcom ldan 'das kyis bka' stsal pa/ 'jam dpal 'di ji snyam du sems/ sred pa de sus kyang byas sam/ byed du bcug pa yin nam/ 'jam dpal gyis gsol pa/ bcom ldan 'das sred pa ni ma bgyis pa ste/ sred pa la byed pa po gang yang ma mchis na/ bcom ldan 'das byis pa so so'i skye bo log pa dang ldan pa rnams kyis yang dag pa ma lags pa la btags so/ /bka' stsal pa/ 'jam dpal 'di ji snyam du sems/ yang dag pa ma yin pa de yod dam/ gsol pa/ bcom ldan 'das de ni ma lags so/ /bde bar gshegs pa de ni ma lags so/ /bka' stsal pa/ 'jam dpal med pa de la ci kun nas nyon mongs pa 'am/ rnam par byang ba yod dam/ gsol pa/ bcom ldan 'das de ni ma lags so/ /bka' stsal pa/ 'jam dpal chos gang shar phyogs nas mi rnyed/ lho phyogs nas kyang ma yin/ nub phyogs nas kyang ma yin/ byang phyogs nas kyang ma yin/ nang nas kyang ma yin/ phyi rol nas kyang ma yin/ gnyis ka med par yang mi dmigs pa de ni kun nas nyon mongs pa can du mi 'gyur zhing / rnam par byang bar mi 'gyur ba ste/ 'jam dpal de ni sred pa lta bur 'jug pa'i gzungs kyi sgo'o/ /'jam dpal len pa ni byang chub ste/ 'di ni gzungs kyi sgo'o/ /gsol pa/ bcom ldan 'das ji ltar na len pa byang chub lags/ bcom ldan 'das kyis len pa 'ching ba lags par bka' ma stsal lags sam/ bcom ldan 'das kyis bka' stsal pa/ 'jam dpal 'di ji snyam du sems/ byis pa so so'i skye bo rnams ci yang skyed dam/ gsol pa/ bcom ldan 'das skyed lags te/ gzugs dang / sgra dang / dri dang / </font><hr>51.310a<br><font size=+1>

ro dang / reg pa dang / 'dod pa'i yon tan 'di lnga skyed lags so/ /bka' stsal pa/ 'jam dpal 'di ji snyam du sems/ gzugs kyis gzugs skyed dam/ gsol pa de ni ma lags so/ /bcom ldan 'das kyis bka' stsal pa/ ci tshor bas tshor ba skyed dam/ 'du shes kyis 'du shes skyed dam/ 'du byed rnams kyis 'du byed rnams skyed dam/ ci rnam par shes pas rnam par shes pa skyed dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'jam dpal 'di ji snyam du sems/ /chos gang zhig chos gang bskyed par byed pa de yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ 'jam dpal chos gang zhig chos gang zhig la 'ching ba'i bya ba byed dam/ gsol pa/ bcom ldan 'das de ni ma lags so/ /bka' stsal pa/ 'jam dpal de ltar chos thams cad skye ba med pa ste/ sgrib pa med pa 'di dag ni gcig la gcig mi skyed do/ /gcig la gcig mi dmigs so/ /mi smra'o/ /bems po yin pa'i phyir ngag gis las 'byin par mi byed do/ /'jam dpal rnam grangs des na/ len pa ni byang chub ste/ de ni len pa lta bur 'jug pa'i gzungs kyi sgo'o/ /'jam dpal srid pa ni byang chub ste/ 'di ni gzungs kyi sgo'o/ /gsol pa/ bcom ldan 'das ji ltar na srid pa byang chub lags/ bcom ldan 'das srid pa dgag pa'i slad du/ nyan thos rnams la bcom ldan 'das kyis chos ma bstan lags sam/ bka' stsal pa/ 'jam dpal ngas srid pa bshad pa de ni dngos po med pa ste/ des na srid pa zhes bya'o/ /'jam dpal gang gis chos thams cad dngos po med par mthong ba de ci yang skyed par mi byed do/ /'gag par mi byed do/ /chos thams cad nam mkha'i rang bzhin du mthong nas/ sangs rgyas kyi chos</font><hr>51.310b<br><font size=+1>

rnams la yang mi dmigs mi 'dor ro/ /'jam dpal rnam grangs des na srid pa byang chub ste/ de ni srid pa lta bur 'jug pa'i gzungs kyi sgo'o/ /'jam dpal skye ba ni byang chub ste/ 'di ni gzungs kyi sgo'o/ /gsol pa/ bcom ldan 'das ji ltar na skye ba byang chub lags/ bcom ldan 'das kyis skye ba las yang dag par bzla ba'i slad du/ chos ma bstan lags sam/ bka' stsal pa/ 'jam dpal byang chub sems dpas skye ba yongs su btsal na skye ba med pa/ 'pho ba med pa/ 'byung ba med par mthong ngo / /'jam dpal rnam grangs des na skye ba byang chub ste/ de ni skye ba lta bur 'jug pa'i gzungs kyi sgo'o/ /'jam dpal rdo rje'i snying po'i gzungs la 'jug pa'i sgo 'di ni 'jug pa'i sgo gang gis/ byang chub sems dpa' spobs pa rno bar 'gyur ba dang / spobs pa zab mor 'gyur ba dang / spobs pa chags pa med pa dang / spobs pa thogs pa med par 'gyur ba'o/ /de nas bcom ldan 'das la 'jam dpal gzhon nur gyur pas 'di skad ces gsol to/ /'di byang chub sems dpa' gang rnams kyi sa lags/ bcom ldan 'das kyis bka' stsal pa/ 'jam dpal 'di ni gang dag byang chub la ma bzhugs pa rnams dang / gang dag byang chub tu sems ma bskyed pa rnams dang / gang dag sangs rgyas kyi chos rnams la mi dmigs pa dang / gang dag 'dod chags dang / zhe sdang dang / gti mug las bskyod par mi 'dod pa rnams dang / gang dag 'khor ba las 'da' bar mi 'dod pa rnams dang / gang dag sems can dgrol bar mi 'dod pa rnams dang / gang dag sangs rgyas kyi chos rnams khong du chud par mi 'dod pa'i byang chub sems dpa' de dag gi sa yin no/ /de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /bcom ldan</font><hr>51.311a<br><font size=+1>

'das rigs kyi bu dang rigs kyi bu mo gang la la zhig gzungs 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la rgya cher rab tu ston pa de la tshe 'di la yon tan ji snyed cig mchis par 'tshal bar bgyi/ bcom ldan 'das kyis bka' stsal pa/ de la lha dang / klu dang / gnod sbyin dang / dri za rnams srung bar shes par bya'o/ /de chos thams cad la the tsom med par shes par bya'o/ /de chos rab tu dbye ba'i shes pa dang ldan par shes par bya'o/ /'jam dpal gzungs 'di'i yon tan ni mtha' yas te/ bskal pa brgyar yang zad par byar mi nus so/ /bcom ldan 'das kyis chos kyi rnam grangs 'di bshad pa na/ byang chub sems dpa' khris rdo rje'i snying po'i gzungs 'di 'thob bo/ /las dang po pa'i byang chub sems dpa' sum khri nyis stong gis rjes su 'thun pa'i chos la bzod pa thob bo/ /bcom ldan 'das kyis de skad ces bka' stsal nas/ 'jam dpal gzhon nur gyur pa dang / lha dang / klu dang / gnod sbyin dang / dri za de dag dang / lha dang mi dang lha ma yin du bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /'phags pa rdo rje'i snying po zhes bya ba'i gzungs theg pa chen po'i mdo/ rdzogs so// // rgya gar gyi mkhan po shI len dra bo d+hi dang / zhu chen gyi lo tsa ba ban de ye shes sde la sogs pas bsgyur cing zhus te gtan la phab pa/ / </font><hr>

</table>