@#/ /rgya gar skad du/ Ar+ya sarba a b+ha yA ta pra dA nA ma d+hA ra NI/ bod skad du/ 'phags pa thams cad la mi 'jigs pa rab tu sbyin pa zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ma ga d+ha nas yul rgyu zhing a mra'i tshal du gshegs te byon nas/ a mra'i tshal lus 'phags 106.266a ri'i dbang po'i brag phug na bzhugs so/ /de nas lha'i dbang po brgya byin bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas lha'i dbang po brgya byin gyis bcom ldan 'das la 'di skad ces gsol to/ /bcom ldan 'das lha ma yin rnams ni rab tu gnod pa bgyid pa ste/ bcom ldan 'das lha ma yin rnams ni bdag la yun ring por phyir rgol ba'i dgra lags na/ /de las bcom ldan 'das kyis bdag la chos bstan du gsol/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /lha'i dbang po khyod kyis thams cad la mi 'jigs pa sbyin pa'i rig sngags don thams cad byed pa/ 'jigs pa thams cad rab tu zhi bar byed pa/ nad thams cad rab tu zhi bar byed pa/ dug thams cad 'jil ba/ mtshon thams cad rengs par byed pa/ rkang med dang / rkang gnyis dang / rkang bzhi pa thams cad rengs par byed pa/ dgra thams cad phung bar byed pa/ lha ma yin dang / nam mkha' lding dang / sbyin byed ma'i bu dang / sha za dang / rjed byed dang / smyo byed dang / bram ze'i srin po dang / 'byung po dang / ro langs dang / bya'i gdon dang / srul po dang / nam gru dang / gnon po'i gdon dang / rjed byed kyi gdon dang / lha'i gdon dang / klu'i gdon dang / gnod sbyin gyi gdon dang / dri za'i gdon dang / mi 'am ci'i gdon dang / log 'dren gyi gdon dang / ma mo'i gdon phung bar byed pa/ mdangs 'phrog ma dang / zas su phreng ba za ba dang / zas su spos za ba dang / zas su me tog za ba dang / zas su bdug pa za ba dang / zas su khrag 'thung ba dang / zas su rnag 'thung ba dang / zas su mi gtsang ba za ba dang / zas su gcin 'thung ba rab tu phung bar byed pa/ rims nad thams cad dang / rlung las gyur pa dang / mkhris pa las gyur pa dang / bad kan las gyur pa dang / 'dus pa 106.266b las gyur pa dang / 'gro ba drag shul spyod pa rab tu 'jig par byed pa/ 'thab pa dang / rtsod pa dang / 'gyed pa dang / mtshang 'dru ba thams cad rab tu zhi bar byed pa 'di zung shig /thams cad la mi 'jigs pa sbyin pa'i rig sngags bshad par bya'o/ /tad+ya thA/ a De ma De pra ma De/ pra me di ri/ go li/ bo le bo se/ mod de/ bad de/ kha rad te/ kha ra ne/ gra Na gra Ne/ gra Na pra ga Ne/ mo Ne/ pra ti mo Ne/ kA lI pra krA lI/ tsaN De ma hA tsaN De/ pra ti tsaN De/ be ge a ba ge so na/ go na mo hA/ pra mo hA/ mo ta pra mo TA/ nA shA ni/ pra nA shA ni/ d+ha ba nI/ pra d+ha ba nI/ ba la ga nI/ pra ba la ga nI/ nrid t+ya nI/ pra nrid t+ya nI/ kro d+ha ni/ pra ti kro d+ha ni/ ha na ha na/ bi ha na bi ha na/ sarba duSh+Ta pra duSh+Ta na nA sha ya/ sarba a b+ha ya pra te/ bdag 'khor dang bcas pa 'jigs pa thams cad dang / gnod pa thams cad dang / nad 'go ba thams cad las srungs shig srungs shig /gnas 'dir bdag gi don thams cad grub par gyur cig /de lta bas na khi di khi di/ tsum b+he/ sarba satwa hi ter te/ na maHsarba bud d+ha nA~M swA hA/ lha'i dbang po thams cad la mi 'jigs pa sbyin pa'i rig sngags tshig bzhi bcu rtsa gcig po 'di skud pa la mdud de bcings sam/ skra la mdud pa bor ram/ bzlas brjod byas sam/ yungs dkar ram/ 'gi'u wang la lan cig sngags te bskus sam/ go ca la bsngags na mtshon gyis mi tshugs/ dug gis ma yin/ rims nad kyis ma yin/ nyin gcig pas ma yin/ nyin gnyis pas ma yin/ nyin gsum pas ma yin/ nyin bzhi pas ma yin/ mes ma yin/ gsang sngags kyis ma yin/ ro langs kyis ma yin/ dug gis ma yin/ nad kyis ma yin te/ chus 'chi ba'i dus byed par mi 'gyur ro/ /rig sngags dang / gsang sngags dang / sbyor ba sgrub pa thams cad sbyor ba rnams kyi ma grub pa rnams grub par byed do/ /sbyar te grub pa rnams gzhan gyis mi tshugs par byed do/ /pha rol gyis bcings pa las grol bar byed do/ /gzhan gyi rig sngags gcod par byed do/ /bdag gi rig sngags 'phel bar 106.267a byed do/ /gdon thams cad phung bar byed do/ /gdon gang gis mi gtong na yang de'i mgo ardza ka'i dog pa bzhin du tshal pa bdun du 'gas so/ /de nas lha'i dbang po brgya byin de nyid du mi snang bar gyur te/ bcom ldan 'das kyis de skad ces bka' stsal nas/ lha'i dbang po brgya byin yi rangs te/ bcom ldan 'das kyis gsungs pa la mngon bar bstod do/ /'phags pa thams cad la rab tu mi 'jigs pa sbyin pa zhes bya ba'i gzungs/ rdzogs s+ho// |