@#/ /rgya gar skad du/ Ar+ya rad na mA la nA ma a pa rA dzi ta/ bod skad du/ 'phags pa gzhan gyis mi thub pa'i rin po che'i phreng ba zhes bya ba/ dkon mchog gsum la phyag 'tshal lo/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /yang dag par rdzogs pa'i sangs rgyas bye ba phrag bdun nyan thos kyi dge 'dun dang bcas pa rnams la phyag 'tshal lo/ /byams pa la sogs pa byang chub sems dpa' thams cad la phyag 'tshal lo/ /yang dag par song ba rnams la phyag 'tshal lo/ /yang dag par zhugs pa rnams la phyag 'tshal lo/ /dgra bcom pa rnams la phyag 'tshal lo/ /phyir mi 'ong ba rnams la phyag 'tshal lo/ /lan cig phyir 'ong ba rnams la phyag 'tshal lo/ /rgyun du zhugs pa rnams la phyag 'tshal lo/ /lha'i drang srong rnams la phyag 'tshal lo/ /brtul zhugs grub pa rnams la phyag 'tshal lo/ /lha rnams la phyag 'tshal lo/ /klu rnams la phyag 'tshal lo/ /gnod sbyin rnams la phyag 'tshal lo/ /dri za rnams la phyag 'tshal lo/ /lto 'phye chen po rnams la phyag 'tshal lo/ /mi 'am ci rnams la phyag 'tshal lo/ /sha za skra gyen du brdzes pa rnams la phyag 'tshal lo/ /rig pa'i bdag po thams cad la phyag 'tshal lo/ /zla ba dang nyi ma rnams la phyag 'tshal lo/ /rgyu skar nyi shu rtsa brgyad la phyag 'tshal lo/ /de nas gzhan gyis mi thub pa'i rin po che'i phreng ba'i snying po yang dag par rdzogs pa'i sangs rgyas kyis gsungs pa/ lha dang / klu rnams kyis rjes su yi rang ba las thams cad byed pa gtsang ma brjod par bya ste/ dag cing de bzhin bkra shis pa/ /bsod nams byed gtsang dpal yon can/ /srin po 'joms pa'i lha rnams dang / /sems can kun gyis mi thub pa'o/ /sdig pa 106.272a thams cad rab 'jig pa/ /don kun sgrub pa dpal yon can/ /gdon kun rnam par 'jig byed pa/ /rig sngags 'di ni brjod par bya/ /'di ni rtag tu rgyal byed pa/ /brgya byin gyis kyang mi thub 'di/ /dug dang gshed byed 'jig byed pa/ /me dgra rgyal po'i 'jigs pa dang / /gshed byed gdon dang ro langs dang / /rmi lam ngan dang lus srul dang / /lha dang lha min dri za dang / /gnod sbyin srin po klu rnams las/ /kun nas dpag tshad brgya tshun chad/ /rtag tu bdag la bsrung bar mdzod/ /nyin gcig pa'i rims nad dang / /nyin gnyis pa dang nyin gsum dang / /nyin bzhi pa yi rims nad dang / /mi bzad rims las 'di srung byed/ /dug dang dbyig dug zos pa yang / /kha zas bzhin du 'ju bar 'gyur/ /gang gi mngal na mi chags dang / /gang gi bu pho 'chi ba yang / /rin po che yi phreng ba 'dis/ /de dag myur du 'tsho bar byed/ /nor 'dod pas ni nor rnams 'thob/ /dpal 'dod pa yang dpal 'thob 'gyur/ /'thab cing 'gyed dang g.yul ngor yang / /myur du rgyal bar byed pa yin/ /sems can rnams la gnod gzigs nas/ /'jig rten mgon gyis rab gsungs pa/ /rin chen phreng zhes bya ba yi/ /rig sngags 'di ni brjod par bya/ /tad+ya thA/ o~M d+ha na na ka ri/ bi pu la ka ri/ dza ya ka ri/ yaSh+Ta ka ri/ brid d+hi ka ri/ a yur dA di/ puN+ya dA ri/ a lak+Sh+ma pra sha ma ni/ d+ha na d+ha n+ya bi brta ni/ shrI ka ri/ sarba gra ha na k+Sha tra ba sha brti ni/ me dA dza na ni/ pu tra dza na ni/ ba ri ba rA brta ni/ a yur dA di/ pri d+ha ka ri/ dza~M b+ha ni/ sta~M b+ha ni/ mo ha ni/ a mo g+ha shag ti/ kan tsa na mA le/ gra ha sau mya ka ra ni/ sarba ka li ka la ha bi gra bI ba da ba da pra sha ma ni/ pa ra tsakra ni ba ra ni/ pa ra sai n+ya/ stam b+ha ni tsid ta nir ma lI ka ra NI/ sarba pA pa pra sha ma ni/ sarba ka la biSh+Ta na sha ni swA hA/ tsu ru tsu ru swA hA/ tu ru tu ru swA hA/ mu ru mu ru swA hA/ de ba a nud dz+nyI te swA hA/ sarba nA gA sa~M rak+Shi te swA hA/ o~M ni ri ni ri phaT/ ha na ha na phaT/ da ha da ha phaT/ pa tsa pa tsa phaT/ gang dag bdag la sdang bar 106.272b sems pa dang / gnod par sems pa dang / sbyin bsreg byed pa dang / byad byed pa dang / byed du 'jug pa dang / byed pa la rjes su yi rang ba de dag thams cad phaT phaT swA hA/ ag ni sta~M b+ha ya mi/ bi Sha na shA trUM u da ka na tso+o ran sarba duSh+Tan sarba prat+ya r+thi ka /pra t+ya ma tra na/ sta~M b+hA ya mi/ dza~M b+hA ya mi/ mo ha yA mi/ phaT phaT swA hA/ gzhan gyis mi thub ces bya ba/ /rin chen phreng gis rnam par brgyan/ /las kun byed dang de bzhin du/ /rtag tu srung ba byed pa 'di/ /'gro ba 'am yang na ci yang rung / /de dag 'ga' zhig bris te 'chang / /srin po 'joms pa bsod nams mchog /sdig pa'i rnyog pa 'jig par byed/ /g.yul 'gyad pa dang 'thab par yang / /kun tu rgyal bar byed pa dge /mi gang gtsang sbrar byas nas su/ /rig sngags 'di bris 'chang ba dang / /bklags dran shes rab can de la/ /'jigs pa kun du mi 'byung ngo / /cho ga bzhin du klog 'chang na/ /gsang ba pa kun rtag tu srung / /yongs su skyong bar byed par 'gyur/ /rtag tu rgyal bar byed pa ste/ /dper na rin chen phreng ba yis/ /mgo bo brgyan na mdzes pa ltar/ /de bzhin phun sum tshogs pas mdzes/ /gang zhig rig sngags 'di 'chang ni/ /de yi gdon rnams rnam par 'jig /nad kyis btab par mi 'gyur ro/ /bu dang tsha bo rnam par 'phel/ /de yi 'khor ni bzang por 'gyur/ /sems can kun la phan phyir dang / /bye brag tu ni byas pa'i phyir/ /de bzhin gshegs pa thams cad kyis/ /rig sngags 'di ni byin gyis brlabs/ /lha yi dbang po rnams dang ni/ /de bzhin byang chub sems dpa' srung / /de la phyogs bcu rnams kyi ni/ /de bzhin gshegs pa gzigs par mdzad/ /dge ba dang ni nor rnams 'phel/ /sdig pa rnams kyang byang bar 'gyur/ /rmi lam ngan nyes byas pa yis/ /grol 'gyur 'di la the tshom med/ /tad+ya thA/ mu ni mu ni/ mu ni mu ni/ mu ni ri/ ma ti ma ti ma ti/ ma hA ma ti/ bdag 'jigs pa thams cad las srungs shig srungs shig /sangs rgyas thams cad la phyag 'tshal lo/ / 106.273a yams kyi nad dang / gnod pa thams cad las bdag bde legs su gyur cig swA hA/ 'phags pa gzhan gyis mi thub pa rin po che'i phreng ba zhes bya ba/ rdzogs s+ho// skar zhus// |