@#/ /rgya gar skad du/ Ar+ya nI lAm+ba ra d+ha ra badzra pA NI kal pa nA ma d+hA ra NI/ bod skad du/ 'phags pa lag na rdo rje gos sngon po can gyi cho ga zhes bya ba'i gzungs/ dkon mchog gsum la phyag 'tshal lo/ /gnod sbyin gyi sde dpon chen po lag na rdo rje gos sngon po can sangs rgyas gang gA'i klung gi bye ma snyed kyis rjes su gnang ba/ mche ba gtsigs pa dang 'tsham pa/ mig me mdag gi phung po 'dra ba/ dbugs me lce ltar 'bar ba/ 'jigs pa'i nga ro can/ lag pa dang rkang pa klu nor rgyas kyi bus brgyan pa/ klu nag po se ral khar thogs pa/ klu dga' bo dang nye dga' bo 'bar bas rna cha byas pa/ sbrul 'bar ba rin po che'i cod pan thogs pa/ sbrul gdug pa 'bar ba za ba/ bzhin rgyas pa/ smin ma dang dpral ba bsdus pa/ ya sos ma mchu mnon pa/ gshin rje'i cha byad can/ lce glog ltar 'gyu ba/ gsus po che sbrul za ba/ lag pa brdabs pa'i sgras 'jigs par byed pa/ klu'i rgyal po 'dab bzangs ska rags su bcings pa/ a la la zhes sgrogs par byed pa/ rgya mtsho'i zabs su dpag tshad brgyad khri 107.38a yod pas rkang pa'i pus mor phyin pa/ dbang po dang nyi ma phrag pa la khur ba/ klu thams cad rlag par byed pa/ gad rgyangs chen po dgod pas kun du 'khrug par byed pa/ gshin rje'i gzugs can/ khams gsum pa 'jigs par byed pa/ klu rnams 'chi bar byed pa la phyag 'tshal lo/ /de nas sangs rgyas bcom ldan 'das gang gA'i klung gi bye ma snyed kyis gsungs pa'i rig sngags 'di brjod par bya'o/ /tad+ya thA/ b+ho b+ho bAn nA ga a d+hi pa ta ye/ i dan ni lAm ba ra d+ha ra sha ri ra~M/ badzra pA Ni hri da ya~M/ yaHsa mA ti krA mA ti/ ud sA da na~M b+ha bi shu ti/ tad+ya thA/ bud d+ha bud d+ha/ bi bud d+ha/ ma hi pra ba ta/ ha ra ha ra nA ga nA~M/ pra ha ra pra ha ranA/ ba nA~M/ tshin da tshin da nA sa hri da yA ni/ b+hin d+ha b+hin d+ha nA gdam ni/ bisim d+ha nA ga sha ri ra~M/ bis+pho Ta Ta ya nA ga nA ya nA ni/ tad+ya thA/ hU~M phaT/ nA ga bi da ra nA ya phaT/ nA god sa da nA ya phaT/ nI lA~M ba sa nA ya phaT/ a pra ti ha ta pa la pa ra kra mA ya phaT/ kri tAn tA ya phaT/ kri tAn ta rU pa ya phaT/ ro Sha Na ya phaT/ trA sa nA ya phaT/ kusmaN todas da nA ya phaT/ pre ta pi shA tsa bi nA sha ka rA ya phaT/ ak+Sha a basma ra bi na sha ka rA ya phaT/ ha sa ha sa/ dA ra dA ra/ mA ra ya mA ra ya/ nA sha ya nA sha ya/ sarba big+han bin sha ka rA ya phaT/ sarba sha trU~M sa~M g+ha bi nA sha ka rA ya phaT/ nI lAm ba ra d+ha ra badzra pA Ni rA dz+nyA pa ya ti swAhA/ de'i cho ga la gnod sbyin gyis zin pa la chu la sngags kyis btab ste gtor na btang bar 'gyur ro/ /klu bzlog par 'dod na smag shad kyi lcug ma 'am/ bal po'i se'u'i lcug mas bya'o/ /yi dgas dang / rjed byed rnams la skud pas bya'o/ /rims nad med par bya ba dang / gzhog phyed na ba dang / yi ga 'chus pa la ni skud pa sngon pos bya'o/ /nor 'dod na zhag gcig bsnyung bar 'dug ste pog phor gyis bdugs na rmi lam du dge ba dang mi dge ba'i don thams cad ston la gser gyi dong tshe bdun stong sbyin par byed do/ /rgyas btab pa dgrol bar 'dod na thal bas bya'o/ /sgo lcags dbye bar 'dod na yungs dkar gyis bya'o/ /'jigs pa thams cad bsrung ba la ni mar snying ba 'am/ thal ba 107.38b 'am/ yungs dkar gyis bya'o/ /nad kyis 'jigs pa thams cad la ni skud pa sngon po la bsrung ba'i mdud pa byas te mgul du btags na bsrung ba'i mchog tu 'gyur ro/ /byis pa gdon gyis nyen pa la ni tshon sna lnga'i skud pa la bsrung ba'i mdud pa byas te mgul du btags na srung ba'i mchog tu 'gyur ro/ /chom rkun bzlog par 'dod na sas bya'o/ /dug la ni rtswa ku shas byab par bya'o/ /bdag bsrung ba la ni yid kyis sam chus bya'o/ /gzhan bsrung ba la ni skud pa sngon pos bya'o/ /las de dag thams cad la sngags brjod pa ni lan gsum 'am/ bdun nam/ bcu bzhi 'am/ nyi shu rtsa gcig gam/ brgya rtsa brgyad brjod par bya'o/ /de ltar byas na 'grub par 'gyur ro/ /mchod rten sku gdung dang ldan pa'i drung du me tog sngon pos mchod de/ sngags stong bzlas brjod byas na 'grub par 'gyur ro/ /'phags pa lag na rdo rje gos sngon po can gyi cho ga zhes bya ba'i gzungs/ rdzogs s+ho// //rgya gar gyi mkhan po dI pa~M ka ra shrI dz+nyA na dang / bod kyi lo ts+tsha ba rgya brtson 'grus seng ges dpal na len dra'i sgo 'gram du bsgyur// // |