bod skad du/ rdo rje gnam lcags mchu zhes bya ba'i gzungs/ thams cad mkhyen pa la phyag 'tshal lo/ /de nas tshangs pa dang khyab 'jug dang dbang phyug chen po dang rgyal po chen po bzhis bcom ldan 'das la lan gsum bskor ba byas te phyag 'tshal nas bcom ldan 'das la 'di skad ces gsol to/ /bcom ldan 'das bdag cag thams cad 'dus nas klu thams cad 107.74a kyi snying 'phrog par bgyid pa/ snying 'gems par bgyid pa/ klu ma rungs pa rnams kyi rigs phung bar 'gyur ba/ rlung dang ser ba'i sprin thams cad bzlog par bgyid pa/ me tog dang 'bras bu dang lo tog thams cad 'byor par bgyid pa rdo rje gnam lcags mchu zhes bya ba'i gzungs brjod par 'tshal gyis/ bcom ldan 'das kyis sems can thams cad kyi don mdzad pa'i slad du byin gyis brlab tu gsol/ de nas bcom ldan 'das kyis tshangs pa dang khyab 'jug dang dbang phyug dang rgyal po chen po bzhi la bka' stsal pa/ rigs kyi bu rnams ngas sems can thams cad kyi don dang / 'phags pa thams cad kyi bden pa'i byin gyi brlabs kyis khyed kyis smros shig ces bka' stsal pa dang / de nas tshangs pa dang khyab 'jug dang / dbang phyug dang rgyal po chen po bzhis gzungs sngags 'di smras te/ dkon mchog gsum la phyag 'tshal lo/ /bcom ldan 'das shAkya thub pa la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas thams cad la phyag 'tshal lo/ /rdo rje 'dzin drag po la phyag 'tshal lo/ /pha rol zil gyis gnon pa'i mthu bo che rnams la phyag 'tshal lo/ /'jig rten gsum gyi gtso bo la phyag 'tshal lo/ /rgyal po chen po bzhi la phyag 'tshal lo/ /rdo rje gnam lcags 'bar ba ma rungs pa drag tu dgod pa la phyag 'tshal lo/ /ma thA ma thA/ pra ma thA pra ma thA/ dza li ta/ bi kri ta/ badzra dzA ya dzA ya/ ma hA bA la b+h+yoHra bi ra ba ra kra ma kro d+ha rA dzA/ pra ma b+ha bu bu ma/ pra ma swa re/ b+ho b+ho nA ga de bi di/ b+h+yi sar ma d+ha/ pra ma d+ha na d+he na/ mur d+ha nan/ spo d+ha yA ma/ hU~M hU~M/ phaT phaT/ b+ha ra b+ha ra/ b+harna tsakra/ hA d+ha ni b+ho pan nA gen dre/ ma ti kra ma de ban tsa kre na/ shi ra tsin da mi hU~M ti hU~M ti li hU~M hU~M phaT phaT/ mu du mu du mu h+yen du/ sarba duSh+Ta na s+pho Ta yA/ hri da ya/ ma he shwA ra dz+wa la di/ tri shU la d+ha ra d+ha ra/ ha na ha na/ hU~M hU~M phaT/ mu tsi mu tsi/ du di ba b+ha ba b+ha/ k+Sha ne k+Sha Ne tsa tur nA~M/ ma hA rA dza nA~M/ dza la ti/ shag ti/ d+ha ra d+ha ra/ hU~M phaT/ spu ra spu ra/ bi spu ra bi spu ra bi spu ra/ tsa ra rba tsa ra rba tsa ra rba/ na sha ya duSh+Tan nA ga hri da ya/ s+pho Ta yA/ hU~M hU~M phaT/ duSh+Ta 107.74b a sha ni/ b+had ta ma ga shi bid+yu dz+wa la/ b+hasmi ku~M ru hU~M hU~M phaT phaT swA hA/ sa ma ya ma nu sma ra/ b+ho nA gA d+hi ba ti bi tsin tu/ b+h+yi b+ho yA/ b+ho b+ho du/ ti tu ti tu/ hU~M hU~M phaT phaT swA hA/ badzra A shA ni na shA ya hU~M hU~M phaT phaT swA hA/ badzra A shA ni na shA ya hU~M hU~M phaT phaT swA hA/ sarba nA ga hrid yA ni/ bi spo Ta ka yA hU~M phaT swA hA/ bud d+ha bi lo ki tA ya swA hA/ pra mA ya swA hA/ bisnu mu rA ya swA hA/ ma he shwA ra dz+wa li ta tri shU la ye swA hA/ tsa tur ma hA rA dza sa ma d+ha rA ya swA hA/ bi tsa ga ti ya phaT swA hA/ o~M di ri di ri swA hA/ dza li ta bag tra yA swA hA/ dzu ti dzu ti swA hA/ phaT phaT/ rdo rje 'bar ba gnam lcags mchu zhes bya ba'i gzungs sngags 'di thos ma thag tu klu ma rungs pa thams cad lus rul nas dri mi zhim pa mnam par 'gyur ro/ /lus so sor zhig cing 'pho bar gyur nas/ bcom ldan 'das kyi zhabs la gtugs te 'di skad ces gsol to/ /bcom ldan 'das kyis bskyab tu gsol/ lha dang 'jig rten du bcas pa thams cad kyis dmad par gyur/ bdag cag ni ma rungs par gyur to/ /bcom ldan 'das slan chad 'dzam bu'i gling du sems can rnams la gnod par mi bgyid/ 'gums par mi bgyid/ chung ngu na mig kyang blta bar mi bgyid na skams lta ba lta ci smos/ rgya mtsho klu'i rgyal po dang / klu'i rgyal po gdugs lta bu dang / klu'i rgyal po mthu che ba dang / mdangs che ba dang / ma rungs pa la sogs te/ klu bye ba khrag khrig brgya stong gis bcom ldan 'das kyi zhabs la mgo bos gtugs te phyag 'tshal nas/ klu thams cad kyis dus phyi ma'i tshe 'dzam bu'i gling gi sems can thams cad la gnod par mi bgyid/ me tog dang / 'bras bu dang / lo tog dang / lo ma dang / yal ga thams cad srung bar bgyid/ rlung dang / ser ba thams cad dgag par bgyid/ dus dus su char dbab par bgyid par rang gi bro'i tshig gi yi dam dang / de bzhin gshegs pa'i dam tshig rjes su bsrung bar bgyi'o/ /sems can thams cad kyi re ba yongs su skong ba dang yid la bsam pa yongs su rdzogs par bgyid/ gnod par mi bgyid do bcom ldan 'das yon tan gyi khyad par 'di dag la 'gal bar bgyid na/ bdag cag byang chub tu mngon par rdzogs par 'tshang rgya bar ma gyur cig /bro'i tshig kyang 'di lags te/ tad+ya thA/ o~M ta gi tsa gi 107.75a g+hu li g+hu li/ mu li sha sha /gu gu shi ti/ bi ra ma ti/ hu yu hu yu swA hA/ char che ba 'am char mi 'bab pa 'am dus ma yin par char 'bab pa 'am klung dang / sprin dang ser ba dang grang ba'i rlung dang gnam lcags lhung ba'i tshe rig 'dzin gyi bro tshig 'di khang tog gam sa mthon po 'am ri'i steng du yang rung kha shar phyogs su bltas te lan bdun skad chen por bzlas yungs dkar la lan bdun bzlas te gyen du gtor na/ gtor ma thag tu klu thams cad dum bur 'gyur zhing nan tan byas pas myur du char 'bebs so/ /gzungs 'di nyid kyis dril bu la lan nyi shu rtsa gcig bzlas te yungs dkar la lan nyi shu rtsa gcig bzlas nas nan tur drag por byas te phyogs bzhir gtor na mtshams bcad par 'gyur/ rdo rje gnam lcags mchu lan brgyad du bzlas pas klu dgug par bya lan cig dran pas rlung dang ser ba slar bzlog par bya'o/ /gnam lcags lhung na yang chur 'gyur ro/ /rdo rje skor na phyogs gang du bskor ba der ser ba 'byol lo/ /nang par sngar sa dben par 'dug ste sngags 'di lan sum bcu rtsa gnyis bzlas na rlung dang sprin dang ser ba yang 'gag par 'gyur ro/ /klus gnod pa mi byed cing phyis kyang mi tshugs so/ /yungs dkar la sngags te phyogs bzhir gtor na lo gcig gi bar du mtshams bcad de rlung dang sprin dang ser ba yang mi g.yo'o/ /ngag nyan cing kun du bsrung ba dang las byed par 'gyur ro/ /sngags nyi shu rtsa gcig bzlas te dril bu dkrol na klad pa 'gas shing sa la ltung bar 'gyur te gnod pa byed pa sel lo/ /mchod pa tshul bzhin bsngags par byas te skad gsal bar bklags te phyogs bzhi steng 'og tu yungs dkar gtor na ser ba dang rlung dang klus gnod pa byed pa bcings par 'gyur/ ltas ngan pa dang / mi dge ba dang bkra mi shis pa dang gza' dang 'byung po dang sha za dang gnod sbyin dang srin po yang phyir bskrad par 'gyur/ dpag tshad kho ra khor yug tu mtshams bcad par 'gyur/ nad dang gnod par sems pa dang phas kyi rgol ba'i dgra bgegs thams cad zlogs par 'gyur ro/ /lo tog dang 'bras bu dang khu ba rgyas pa dang / smin pa dang che bar 'gyur/ 'byung po dang gnod pa thams cad kyis mi tshugs par 'gyur ro/ / 107.75b rdo rje gnam lcags mchu zhes bya ba'i gzungs/ rdzogs s+ho// // |