rgya gar skad du/ Ar+ya nish+tsa ya nA ma d+ha ra NI/ bod skad du/ 'phags pa gdon mi za ba zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das pe sha li'i spre'u rdzing gi 'gram gyi khang bu brtsegs pa na bzhugs te/ de'i tshe brgya byin 107.88b lha'i dbang pos bcom ldan 'das la 'di skad ces gsol to/ /bcom ldan 'das bdag lha ma yin rnams kyis rgol zhing gtses te/ bdag dang lha ma yin dus yun ring por mi mdza' zhing dgrar gyur na/ bcom ldan 'das kyis bdag la ci nas kyang yun ring por phan pa dang / bde bar 'gyur ba'i phyir de lta bu'i chos bdag la bshad du gsol/ de skad ces gsol pa dang / bcom ldan 'das kyis brgya byin lha'i dbang po la 'di skad ces bka' stsal to/ /de'i phyir kau shi ka khyod kyis nga'i snying po gdon mi za ba zhes bya ba'i rig sngags 'di long shig /tad+ya thA/ urba ba/ nirbi sirbi/ urbu rbu re/ hU le hU me/ di khu me/ pra t+ya~M ga ma a gats+tsha ma hA ma yU ri nA ma/ bdag 'jigs pa thams cad dang / 'tshe ba thams cad dang 'khor thams cad dang bcas pa la srungs shig srungs shig /sarba kA ya bag ma no sh+tsa ri te swA hA/ bcom ldan 'das dgyes shing de skad ces bka' stsal pa dang / brgya byin lha'i dbang po yid dga' ste/ bcom ldan 'das kyis bka' stsal pa la rjes su yi rang nas/ bcom ldan 'das kyi zhabs la mgo bos phyag 'tshal nas de nyid du mi snang bar gyur to/ /'phags pa gdon mi za ba zhes bya ba'i gzungs/ rdzogs so// // |