rgya gar skad du/ shrI de bi uSh+NI Sha la lI tan tra/ bod skad du/ dpal lha mo gtsug tor rol pa'i tan tra/ dpal rang byung gi lha mo la phyag 'tshal lo/ /ro langs nag mo'i gdon dang / sha za nag mo'i gdon dang / smyo byed nag mo'i gdon dang / sgrib byed nag mo'i gdon dang / phung byed nag mo'i gdon dang / drang srong nag mo'i gdon dang / srin mo nag mo'i gdon dang / rlung lha nag mo'i gdon dang / dbang ldan nag mo'i gdon dang / nam gru nag mo'i gdon dang / grul bum nag mo'i gdon dang / klu mo nag mo'i gdon dang / gnod sbyin nag mo'i gdon dang / nam gru skyong byed ro langs nag mo'i gdon dang / nam gru chen mo phung byed seng ge'i gdong gi gdon dang / nam gru chen mo mkha' 'gro khyung gshog ma'i gdon dang / nam gru chen mo lag gcig nyab pa'i gdon dang / nam gru chen mo so gcig mig gcig ma'i gdon dang / nam gru chen mo bong zhon ma'i gdon nyid yin pas sprul pa bcwa brgyad ma nyid do/ /yang sprul gur bdag bcu gsum ni thugs kyi sprul pa chen mo ni gur gcig la dbang byed pa'i gdon dang / gur gnyis la dbang byed pa'i gdon dang / gur gsum la dbang byed pa'i gdon dang / gur bzhi la dbang byed pa'i gdon dang / gur lnga la dbang byed pa'i gdon dang / gur drug la dbang byed pa'i gdon dang / gur bdun la dbang byed pa'i gdon dang / gur brgyad la dbang byed pa'i gdon dang / gur dgu la dbang byed pa'i gdon dang / gur bcu la dbang byed pa'i gdon dang / gur bcu gcig la dbang byed pa'i gdon dang / gur bcu gnyis la dbang byed pa'i gdon dang / gur bcu gsum la dbang byed pa'i gdon no/ /yang sprul thugs kyi sprul pa yis rims nad la dbang byed pa dang / 'khrug pa la dbang byed pa dang / bdud kyi dmag dpung thams cad la dbang byed pa dang / nad dang rims kyi dbang sgyur ma/ mgo nad la dbang byed pa dang / kha nad la dbang byed pa dang / khrag nad dang mgul pa'i nad la dbang byed pa dang / snying nad la dbang byed pa dang / lkog nad la dbang byed pa dang / lha gor na ba'i nad la dbang byed pa dang / brla na ba'i nad la dbang byed pa dang / rje ngar na ba'i nad la dbang byed pa dang / 107.127a lhog pa'i nad la dbang byed pa dang / skem pa'i nad la dbang byed pa dang / chu so'i nad la dbang byed pa dang / shu ba'i nad la dbang byed pa dang / yan lag na ba'i nad la dbang byed pa dang / 'brum bu phra mo la dbang byed pa dang / bal bldags la dbang byed pa dang / me dbal la dbang byed pa dang / lhog pa la dbang byed pa dang / dbyig dug la dbang byed pa dang / dug nad la dbang byed pa dang / rgyu gzer la dbang byed pa dang / pho log la dbang byed pa dang / gnyan po la dbang byed pa dang / skya rims klad gzer gyi nad la sogs te/ nad bzhi brgya rtsa bzhi dag la dbang byed pa ni e ka dza T-I'i sprul pa yin par shes par bya'o/ /de dag thams cad la ni rig sngags bden pa'i byin gyi brlabs kyi rig sngags kyis gcad do/ /drag po zlog pa'i phur bus gdab po/ /gnod byed kyi gdon du gyur pa ni ro langs ma srin mo nag mos grong khyer sum brtsegs 'jig par byed pa'i rig sngags kyis gcad do/ /phur bus gdab po/ /gnod byed kyi gdon dang / smyo byed rnga zhon gyi gdon dang / grong rgyun la sogs pa'i gdon rnams ni smyo byed gdon du za ba yin pas na shugs sgrol ma'i rig sngags kyis gcad do/ /rig sngags 'chang gi phur bus gdab po/ /o~M a kar pra ma ni b+h+yaHphaT/ sha tu ma ki li ki la ya hU~M phaT/ bud med nag mor mngon pa dang / /rnal 'byor spyan rtul byed pa ni/ /sgrol byed nag mo'i gdon yin pas/ /legs ldan dka' thub kyi rig sngags kyis gcad do/ /shugs sgrol ma dbang phyug gtso mo'i phur bus gdab po/ /sarba pra ma ni b+h+yaHphaT/ ro ti ba~M ki li ki la ya hU~M phaT/ skya rims klad pa na ba dang / /rkang lag 'khol ba'i nad byung na 'byung po nag po'i gdon yin pas/ dpal chen dbang gi rig sngags kyis gcad do/ /shugs sgrol chen mo'i phur bus gdab po/ /dza lar ye b+h+yaHphaT/ pra ma ki li ki la ya hU~M drU~M/ lci zhing nad byung 'thibs pa dang / /gnyid bro zhing sems la mi dran pa'i nad byung na bud med nag mo'i gdon yin pas/ rgyal bar byed pa'i rig sngags kyis gcad/ /sbrang rtsir byed pa'i phur bus gdab/ /ru tra ya na byi sha b+h+yaHphaT/ ka pa la ki li ki la ya phaT/ byas 107.127b dgur ye nas mi btub cing / /las byas bsam pa mi 'grub pa ni drang srong gzi can gyi gdon yin pas/ thod pa can gyi rig sngags kyis gcad/ dge sbyong gcer bu'i phur bus gdab/ tsa ya ma me b+h+yaHphaT/ ro ti pa ma ki li ki la ya hU~M drU~M/ rnal 'byor sems la yeng yeng po seng seng phya phya byed pa'i nad byung na srin mo nag mo'i gdon yin pas/ phyag na rdo rje'i rig sngags kyis gcad/ dbang ldan mgon po'i phur bus gdab/ rak+Sha ya ni b+h+yaHphaT/ du ni rAk+Sha ki li ki la ya hU~M drU~M/ sems la mi dga' phya phya'o/ /rlung 'phyo'i thabs su na ba ni rlung lha nag mo'i gdon yin pas/ ma mo bdun gyi rig sngags kyis gcad/ sring mo bzhi'i phur bus gdab/ ha sa ya ni ra re b+h+yaHphaT/ du ya ka sa ya ni ki li ki la ya hU~M drU~M/ khro ba dang ni 'tshig pa dang / /smra 'dod dang ni 'tshig 'dre dang / /rkang lag bya btsag mang po'i nad byung na dbang ldan nag po'i gdon yin pas/ dbang ldan gtso bo'i rig sngags kyis gcad/ rigs kyi khro bo'i phur bus gdab/ /de ba lo yA b+h+yaHphaT/ de ba ki li ki la ya hU~M drU~M/ nam phyed gung la gnyid med dang / /cho 'phrul chen po 'byung ba dang / /bung bu phag gi gzugs ston pa ni nam gru nag mo'i gdon yin pas/ dpal chen gtso bo'i rig sngags kyis gcad/ rigs kyi khro bo'i phur bus gdab/ /de ba ki li ki la yA b+h+yaHphaT/ de ba dra ti ki li ki la ya hU~M drU~M/ rkang lag khol zhing na ba dang / /yi ga bcings nas skyug bro ba'i nad byung na ya ma nag mo'i gdon yin pas/ 'jam dpal gshin rje'i rig sngags kyis gcad/ /mi pham mdzes pa'i phur bus gdab/ /ya ma rA dza hriHSh+Ti bi kri kri na da ma hA hU~M drU~M/ tsa ya ra~M ba ni ki li ki la ya b+h+yaHphaT/ gzhogs skams pa dang rengs pa dang / /zha grum sha lus sngo la 'jam/ /mig mdog gnag cing rkong ba ni/ /shu ba mdze'i cho 'phrul ni klu mo nag mo'i gdon yin pas/ bya khyung he'i rig sngags kyis gcad/ /drang srong rgad po'i phur bus gdab/ /nA ga le ya hU~M drU~M/ tsa ya ka b+h+yaHphaT/ sems la yeng yeng seng seng po ro stod mnan pa snyam byed pa dang / snyang snyong byed pa'i nad byung na/ /kha so 'brul ba snyam byed na gnod 107.128a basbyin nag po'i gdon yin pas/ rnam thos sras kyi rig sngags kyis gcad/ /sprul byed ma'i phur bus gdab/ /ti ti ma ye b+h+yaHphaT/ ku ku rA dza ye hU~M drU~M/ shu ba 'brum bu na ba dang / /sha lus g.ya' ba'i nad byung na nam gru skyong byed ro langs nag mo'i gdon yin pas/ gshin rje thogs med kyi rig sngags kyis gcad/ /'dod pa dmar mo'i phur bus gdab/ /ba ren he ya hU~M drU~M/ ku ma la gur dang b+h+yaHphaT/ khrag tu na zhing lci ba dang / /mig rgyang ring du mi mthong ba dang / sems la yeng yeng seng seng po'i nad byung na nam gru khyung gshog ma'i gdon yin pas/ dpal chen dbang gi rig sngags kyis gcad/ /khro bo hU~M chen 'bar ba'i phur bus gdab/ /du ya ku la hU~M phaT/ ma ma kha du ye b+h+yaHphaT/ g.yas kyi lag pa zha ba dang / rtsib mar gzer zhing na ba ni lag gcig nyab pa'i gdon yin pas/ dbyings kyi khro bo'i rig sngags kyis gcad/ /dbang mo dmar mo'i phur bus gdab/ /ma ma ri ha ya hU~M drU~M/ ka pa la ya he b+h+yaHphaT/ myos shing khrag tu bshal ba dang / /mig sngar sna tshogs gzugs 'ong ba ni so gcig mig gcig ma'i gdon yin pas/ legs ldan phyir zlog pa'i rig sngags kyis gcad/ /dka' thub gtso bo'i phur bus gdab/ /rAk+Sha se hU~M drU~M/ rAk+Sha la~M ki la ye b+h+yaHphaT/ ma bdud kyi gdon bcu gnyis la/ /dar dkar gur gyi nang shed na/ /bud med mnga' bdag cho 'phrul ni/ /mi bzang dkar mo byung ba ni/ /gser dang g.yus brgyan dbang mo che/ /ye shes kun du bzang mo'i gdon/ /dus ngan char pa 'khrug pa dang / /sad dang ser ba'i cho 'phrul te/ /chos kyi dbyings kyi rig sngags kyis gcad/ /ting nge 'dzin gyi phur bus gdab/ ni d+harma d+hA tu sa ma ya hU~M drU~M/ ku ma la tsa ga ye sa ma ye b+h+yaHphaT/ g.yu gur gnyis la dbang byed ma/ /mthing ka chen mo dbang mo che/ /ba lang dre rta zhon pa dang / /'jig rten yo ga phung bar byed/ /dbang byed chen mo'i rig sngags kyis gcad/ /khyab pa chen mo'i phur bus gdab/ a ra li b+h+yaHphaT/ ra du hU~M drU~M/ byi ru'i gur gsum dbang byed ma/ /gur nang snying gi mnga' bdag ste/ /gser gur mchod 107.128b pa'i rig sngags kyis gcad/ /dka' thub gtso bo'i phur bus gdab/ /tiSh+Ta tiSh+Ta ni b+h+yaHphaT/ ba pA ma hU~M drU~M/ gser gur bzhi la dbang byed ma/ /lha gor ba dang lhog nad kun gyi bdag /'jam dpal ro tan gyi rig sngags kyis gcad/ /mi pham mdzes pa'i phur bus gdab/ /ro ro ba~M hU~M drU~M/ ku ku ye b+h+yaHphaT/ mthing nag gi gur lnga la dbang byed ma/ /gzer ma kha ral bud med yin/ /chu so'i nad dang lkog nad dang / /khrag nad dang ni shu ba'i nad/ /ya ma rol pa'i rig sngags kyis gcad/ /mi pham rol pa'i phur bus gdab/ ya go le hU~M drU~M/ phra do phra ye b+h+yaHphaT/ bsam med zhing chen gyi gur drug la dbang byed ma/ /lha mo nyid kyi nad lags te/ /kha nas khrag tu skyug pa dang / /lus la tsha ba skyes pa dang / /yan lag 'khongs par byed pa'o/ /ya ma thugs rje'i rig sngags kyis gcad/ /ya ma chabs byed kyi phur bus gdab/ /tsa ga ya ba~M b+h+yaHphaT/ gur la de hU~M drU~M/ re lde'i gur bdun pa'i nang shed na/ /khram la 'debs pa'i ma mo ste/ /kha nas khrag nad 'bebs pa dang / /lus la tsha ba'i me chen sbar ba dang / /zangs gri thogs pa'i las byed de/ /khyung chen 'bar ba'i rig sngags kyis gcad/ /dug chen tshar gcod kyi phur bus gdab/ /da he ya ya hU~M drU~M/ me tsa ye b+h+yaHphaT/ glang po che'i gur brgyad pa'i nang shed na/ /bong bu dre'u zhon pa'i bud med de/ /lhog pa glo dang rkong pa nad kyi bdag /gshin rje thugs kyi rig sngags kyis gcad/ /'bar ma dbang gi phur bus gdab/ /tsakra ki li ki la ye b+h+yaHphaT/ A ko la~M hU~M drU~M/ bse gur khra bo dgu'i nang shed na/ /rda bran sman gyi gtso mo dgus/ /ser ba sad dang 'gong nad dang / /phung byed khang pa rdib pa dang / /lbo zhing sna thabs sun pa ni nag po dgu'i nad yin pas/ dbyings kyi gtso mo'i rig sngags kyis gcad/ /'khor ba rab 'joms kyi phur bus gdab/ /ku ma la ya hU~M drU~M/ sha ma ma ye b+h+yaHphaT/ mthing nag gi gur bcu phub pa'i nang shed na/ /gur la dbang ba bcu gnas pa/ /mdze dang shu ba g.yan pa dang / /dug sbyor ma dang 'khrug byed dang / /gri thabs su gsod par byed pa ni khro bo grags 'dzin gyi rig sngags kyis gcad/ khyab pa ma'i phur bus gdab/ /a ko sha me ra ra hU~M drU~M/ pra du le b+h+yaHphaT/ 107.129a gsang ba pad ma gur bcu gcig pa'i nang shed na/ /bcu gcig dbang gi gur bdag mo/ /khyab bdal chen mo dbang gi sku/ /'jig rten du char sgo gza' yis 'gegs shing / char pa 'bebs su mi ster ba ni dpal chen dbyings kyi rig sngags kyis gcad/ /mdzes ma sa 'dzin ma'i phur bus gdab/ /a ko mun b+h+yaHphaT/ tsa ye ma hU~M drU~M/ ga phur shel gyi gur bcu gnyis pa'i nang shed na/ /mu kha le ma cig dbyings kyi yum/ /bcu gnyis bcu bzhi khyod la rdzogs/ /'gro ba yongs la sman slad du/ /bdud rtsi'i bcud kyi nang na bzhugs/ /phyag na rig pa thugs kyi sdong bu bsnams/ /srid pa thams cad dus gcig gsal/ /gsal 'bar thugs kyi dkyil 'khor du/ /bdud bzhi shin ting ku ru swA hA/ ri tshe 'gong g.yag shan ting ku ru swA hA/ pho bdud bcu gnyis shan ting ku ru swA hA/ mo bdud bcu gsum shan ting ku ru swA hA/ skos rje drang dkar shan ting ku ru swA hA/ gnam the dkar po shan ting ku ru swA hA/ bar the khra bo shan ting ku ru swA hA/ sa the nag po shan ting ku ru swA hA/ byang shar mtshams kyi gdon btsan 'gong dmar po shan ting ku ru swA hA/ yams dang nad kyi bdag mo shan ting ku ru swA hA/ sman dang yul sa shan ting ku ru swA hA/ dpal lha mo nag mo'i gtsug tor phan yon rtsa ba dang bcas pa gdon zlog pa'i mdo'i gzungs 'di ni lan gsum du dag par klags te/ las dka' ba la dmod btsugs na ji ltar bsams pa ltar 'grub par 'gyur ro/ /bse phor gyi nang du gtor ma lnga byas la/ cho ga gzhung bzhin du byas na/ ji ltar 'dod pa bzhin du 'grub par 'gyur ro/ /dpal lha mo gtsug tor gyis gdon zlog pa 'di ni mtshan mar bzung ste/ yang dang yang du bton zhing cho ga gzhung bzhin du byas te/ gtor ma chu chen po 'am/ ri mthon po la bskyal na/ 'khrug pa chen po byed na g.yul las rgyal bar 'gyur ro/ /drag po'i las byed na dgra bo'i snying la gtad de gur bcu gnyis kyi bdag mo la gtad na dgra phung zhing rlag par 'gyur ro/ /dpal lha mo gtsug tor rol pa'i tan tra/ rdzogs so// // |