rgya gar skad du/ Ar+ya mA rI ts+ye+e nA ma d+hA ra NI/ bod skad du/ 'phags ma 'od zer can zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po brgya phrag phyed dang bcu gsum dang / byang chub sems dpa' sems dpa' chen po mang po dag dang thabs gcig tu bzhugs te/ de nas bcom ldan 'das kyis dge slong rnams la bka' stsal pa/ dge slong dag lha mo 'od zer can zhes bya ba zhig yod de/ de nyi ma dang zla ba'i mdun dang mdun nas 'gro ste/ de bltar med/ bzung du med/ bcing du med/ dgag tu med/ brgal du med/ rmongs par byar med/ chad pas gcad du med/ mgo breg du med/ gzhur med/ tshig par byar med/ dgra'i dbang du mi 'gro'o/ /dge slong dag gang gis kyang lha mo 'od zer can de'i ming shes pa de yang bltar med/ gzung du med/ bcing du med/ dgag tu med/ brgal du med/ rmongs par byar med/ chad pas gcad du med/ mgo breg tu med/ gzhur med/ tshig par byar med/ de dgra'i dbang du 'gro bar mi 'gyur ro/ /de ltar bdag gis kyang lha mo 'od zer can gyi ming shes kyis bdag kyang bltar med par gyur cig /gzung du med par gyur cig /bcing du med par gyur cig /dgag tu med par gyur cig /brgal du med par gyur cig /rmongs par byar med par gyur cig /chad pas gcad du med par gyur cig /mgo breg tu med par gyur cig /gzhur med par gyur cig /tshig par byar med par gyur cig /dgra'i dbang du mi 'gro bar gyur cig /de la gsang sngags kyi tshig ni 'di rnams yin no/ /tad+ya thA/ o~M` pa tA kra ma si/ pa rA kra ma si/ u da ya ma si/ nai ra ma si/ arka ma si/ marka ma si/ Ur ma ma si/ ba nA ma si/ gul ma si/ tsi ba ra ma si/ ma hA tsI ba ra ma si/ an ta ra d+hA na ma si swA hA/ o~M lha mo 'od zer can bdag lam du skyobs shig /bdag lam log pa las skyobs shig /bdag skye bo'i 'jigs pa 107.130a las skyobs shig /bdag rgyal po'i 'jigs pa las skyobs shig /bdag glang po che'i 'jigs pa las skyobs shig /bdag chom rkun gyi 'jigs pa las skyobs shig /bdag klu'i 'jigs pa las skyobs shig /bdag seng ge'i 'jigs pa las skyobs shig /bdag stag gi 'jigs pa las skyobs shig /bdag me'i 'jigs pa las skyobs shig /bdag chu'i 'jigs pa las skyobs shig /bdag sbrul gyi 'jigs pa las skyobs shig /bdag dug gi 'jigs pa las skyobs shig /bdag phyir rgol ba dang / dgra thams cad las skyobs shig /'khrugs pa dang / ma 'khrugs pa dang / nyams pa dang / ma nyams pa thams cad du yang bdag seng ge las srungs shig /bdag stag las srungs shig /bdag klu las srungs shig /bdag sbrul las srungs shig swA hA/ bdag 'jigs pa thams cad dang / gnod pa dang / nad 'go ba dang / 'khrugs pa thams cad las srungs shig srungs shig /na mo rad na tra yA ya/ tad+ya thA/ o~M a lo ta lo/ ka lo/ sats+tsha lo sa ma pa mur d+ha Di rak+Sha rak+Sha ma~M/ bdag dang sems can thams cad la 'tshe ba dang / 'jigs pa dang / nad thams cad las srungs shig swA hA/ dkon mchog gsum la phyag 'tshal lo/ /lha mo 'od zer can gyi snying po brjod par bya ste/ tad+ya thA/ o~M bdA li/ ba tA li/ ba rA li/ ba ra ha mu khi/ sarba duSh+Tan/ pra duSh+Ta na~M/ tsak+Shur mu kha~M ban d+ha ban d+ha/ ban d+ha mu khaM/ dza~M b+hA ya/ sta~M b+hA ya/ mo hA ya swA hA/ o~M mA rI ts+yai swA hA/ o~M ba rA le/ ba dA le/ bta tA lI/ bA rA hA mu khu/ sarba duSh+TAn pra duSh+Ta nA~M/ tsak+Shu mu kha~M ban d+ha ban d+ha swA hA/ bcom ldan 'das kyis de skad ces bka' stsal nas/ dge slong de dag dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa 'od zer can zhes bya ba'i gzungs/ rdzogs s+ho// //paN Di ta a mo g+ha badzra dang / lo ts+tsha ba dge slong 107.130b ba ri rin chen grags pas bsgyur ba'o// // |