@#/ /rgya gar skad du/ Ar+yA sarba d+harma ti ka nA ma d+hA ra NI/ bod skad du/ 'phags ma chos thams cad kyi yum zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na bzhugs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos thams cad kyi ma zhes bya ba'i phyag rgya'i gzungs nad thams cad rab tu zhi bar byed pa de bzhin gshegs pa thams cad kyis gsungs te/ nga yang da ltar 'chad pa zung shig /tad+ya thA/ a brte a brte/ bi brte bi brte/ ba ga ma shud d+he/ pra b+ha swa re ta na re/ ug kha me/ mug kha le/ 107.136b sarba d+harma pa shi ba te ne+e swA hA/ de nas gnas gtsang ma'i lha rnams kyis bcom ldan 'das la 'di skad ces gsol to/ /bcom ldan 'das bdag cag gis gzungs 'di'i snying po brjod par bgyi'o/ /tad+ya thA/ ad tshe/ a ne yi/ e lu le/ e lu phe/ mUr+d+ha a nu ga te sarba d+harma a d+hi pa ti ya/ pra bra te dz+yo sna ka ra a d+hi ga ta dz+nyA ne bi shud d+he pa ti swA hA/ bcom ldan 'das kyis de skad ces bka' stsal nas/ tshe dang ldan pa kun dga' bo dang / thams cad dang ldan pa'i 'khor de dag yi rangs te/ bcom ldan 'das kyis gsungs pa la mngon par bstod do/ /chos thams cad kyi yum zhes bya ba'i gzungs rdzogs so// // |