rgya gar skad du/ pradz+nyA bar d+ha ni nA ma d+hA ra NI/ bod skad du/ shes rab skyed pa zhes bya ba'i gzungs/ thams cad mkhyen pa la phyag 'tshal lo/ /'di skad bdag gis thos pa dus gcig na/ bcom ldan 'das byang chub sems dpa' blo ldan zhes bya ba ri rab kyi ngos la bzhugs te/ ri rab la gnas pa'i lha'i bu thams cad kyis bskor nas mdun du byas te chos ston to/ /de nas byang chub sems dpa' sems dpa' chen po gzhon nu'i gzugs can gyis thal mo sbyar te byang chub sems dpa' blo ldan la gsol pa/ bcom ldan 'das sems can shes rab rtul po/ blo zhan pa/ yid mi gzhungs pa rnams kyi slad du shes rab skyed pa zhes bgyi ba'i gzungs bshad du gsol/ bshad pa/ hU~M pi bu pi bu/ pradz+nyA bar d+ha ni dza ra dza ra/ me d+ha bar d+ha ni/ d+hi ri d+hi ri/ bud d+hi bar d+hA ni swA hA/ gang zhig gzungs 'di 'dzin pa dang / klog pa dang / 'dri ba dang / 'drir 107.169a 'jug pa dang / chung ngu na yi ge 'bru gcig tsam thos na yang de'i tshe 'di nyid la shes rab chen por 'gyur ro/ /gang gis zla ba drug gi bar du nyin re zhing rtsabs khyor gang la rig pa 'di lan bdun btab ste/ nyi ma shar ba'i tshe 'thungs na tshigs su bcad pa stong stong 'dzin to/ /lan cig 'thungs na lnga brgya 'dzin te/ nyin gcig bzhin shes rab 'phel bar 'gyur ro/ /nyin gcig bzhin du brjod pa tsam gyis dran pa dang yid gzhungs par 'gyur ro/ /shes rab skyed pa zhes bya ba'i gzungs/ rdzogs s+ho// //rgya gar gyi mkhan po dz+nyA na gar+b+ha dang lo ts+tsha ba ban de klu'i dbang pos bsgyur/ rgya gar gyi mkhan po bid+ya ka ra si~M ha dang / zhu chen gyi lo ts+tsha ba ban de dA+e ba tsan dras zhus te gtan la phab pa// |