rgya gar skad du/ Ar+ya ga Na pa ti hri da ya/ bod skad du/ 'phags pa tshogs kyi bdag po'i snying po'o/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po sha stag dang thabs gcig tu bzhugs te/ de nas bcom ldan 'das 107.226b kyis tshe dang ldan pa kun dga' bo la bka' stsal pa/ kun dga' bo gang la la tshogs kyi bdag po tshogs kyi dbang phyug gi snying po 'dzin na de'i las thams cad grub par 'gyur ro/ /de bzung bas dgongs pa 'grub cing gsang sngags thams cad kyang dngos grub tu 'gyur ro/ /tad+ya thA/ na mostu te ma hA ga Na pa ta ye swA hA/ o~M ka Ta ka Ta/ ma Ta ma Ta/ da ra da ra/ bi da ra/ bi da ra/ ha na ha na/ gr-ih+na gr-ih+na/ d+hA ba d+hA ba/ b+ha~M dza b+ha~M dza/ sta~M b+ha sta~M b+ha/ dza~M b+ha dza~M b+ha/ mo ha mo ha/ de hi de hi/ dA pa ya dA pa ya/ d+hA na d+hA n+ya sid d+hi~M me pra yats+tsha sa ma ya ma nu sma ra ma hA ru tra ba tsa nI ye swA hA/ o~M ku ru ku ru swA hA/ o~M tu ru tu ru swA hA/ o~M mu ru mu ru swA hA/ pA pa shAn+ti ba su puSh+Ti ku ru swA hA/ ang gu ta bin du k+Shu b+hi ta tsi ta ma hA bi dA raH sa ma gats+tsha ti ma hA ba ya/ ma hA ba la/ ma hA ba ra kra/ ma hA hasti/ ma hA dak+Shi Ni ya pra tsi da ya mi swA hA/ o~M ku ru ku ru/ tsu ru tsu ru/ mu ru mu ru/ o~M ga ga ga ga ga ga ga gaH/ o~M na mo na ma swA hA/ kun dga' bo rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma gang la la zhig tshogs kyi bdag po tshogs kyi dbang phyug gi snying po 'di rtsom zhing gsang sngags sgrub pa/ dkon mchog gsum mchod du yul gzhan du 'gro 'am/ rgyal po'i pho brang 'khor du 'jug na sangs rgyas bcom ldan 'das rnams la me tog dang bdug pas mchod pa byas te/ tshogs kyi bdag po'i snying po 'di bklags na las thams cad 'grub kyis 'di la the tshom ma za zhig /'thab pa dang / rtsod pa dang / khrag khrug dang / yul 'khrugs pa thams cad kyi nang du yang dran par byas na thams cad rab tu zhi bar 'gyur ro/ /nyin gcig bzhin du nang par langs nas tshig tu bton na thos pa 'dzin par 'gyur ro/ /gnod sbyin dang / srin po dang / mkha' 'gro ma thams cad kyis mdangs 'phrog par mi 'gyur zhing thag ring por yongs su spong bar 'gyur ro/ /bcom ldan 'das kyis de skad ces bka' stsal nas/ thams cad dang ldan pa'i 'khor de dang / 107.227a lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa tshogs kyi bdag po'i snying po rdzogs s+ho// |