༄##། །རྒྱ་གར་སྐད་དུ། ཨཱརྱ་ཤྲདྡྷཱ་བ་ལཱ་དྷཱ་ནཱ་བ་ཏཱ་ར་མུ་དྲཱ་ནཱ་མ་མ་ཧཱ་ཡཱ་ན་སཱུ་ཏྲ།་བོད་སྐད་དུ། འཕགས་པ་དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་ 2a ༄##། །འདས་དེ་བཞིན་གཤེགས་པའི་གནས་ན་ཆོས་ཀྱི་བས་མཐའ་དགོན་པ་ཀུན་ནས་འོད་ཀྱི་ཁང་པ་བསོད་ནམས་ཆེན་པོའི་རྒྱན་གྱི་ཚོགས་བསགས་པ། ཀུན་ཏུ་མ་སྨད་པ། ཡོན་ཏན་གྱི་ཚོགས་དཔག་ཏུ་མེད་པ། རྡོ་རྗེ་ལྟར་སྲ་བར་བརྩིགས་པ། མི་ཤིགས་པའི་སའི་ཕྱོགས་ནོར་བུ་རིན་པོ་ཆེ་ཐམས་ཅད་ཀྱིས་སྤྲས་པའི་མེ་ཏོག་གི་རྒྱན་དྲི་མ་མེད་པའི་འོད་འབར་བའི་ནོར་བུ་རིན་པོ་ཆེའི་དྲ་བའི་རྒྱན་གྱིས་སྤྲས་པ། ཁ་དོག་མཐའ་ཡས་པའི་ནོར་བུ་རིན་པོ་ཆེ་རྒྱ་མཚོ་ཡངས་པ་སྣང་ཞིང་རྣམ་པར་བཀྲ་བ། ནོར་བུ་རིན་པོ་ཆེའི་ཆར་ 2b མི་ཟད་པ་འབབ་པའི་ནོར་བུ་རིན་པོ་ཆེའི་རྒྱལ་པོ་ལས་གྲུབ་པ། མེ་ཏོག་སྣ་ཚོགས་འཁྱིལ་བའི་ཆུ་བོའི་ནོར་བུ་སྡོང་པོ་དང ། ཡལ་གས་བརྒྱན་པ།་མེ་ཏོག་དང ། སྤོས་དང ། རིན་པོ་ཆེ་ཐམས་ཅད་ཀྱི་དྲ་བས་བྲེས་པ།་བཀོད་པ་ཐམས་ཅད་འབར་བར་སངས་རྒྱས་ཀྱི་བྱིན་གྱི་རླབས་ཀྱིས་རྣམ་པར་སྤྲུལ་པ་ཡང་དག་པར་སྟོན་པའི་སའི་སྙིང་པོ་ནོར་བུ་རིན་པོ་ཆེ་ཐམས་ཅད་ཡངས་པར་འབྱུང་བས་ཕྱོགས་ཀུན་ཏུ་སྦྱངས་ཤིང་བཀོད་པའི་བྱང་ཆུབ་ཀྱི་སྙིང་པོ་ནོར་བུ་རིན་པོ་ཆེ་བཻ་ཌཱུརྱའི་རིགས་ཀྱིས་བརྒྱན་པས་རྒྱས་པའི་ཕུང་པོ་ནོར་བུ་རིན་པོ་ཆེའི་རྒྱལ་པོའི་ཁ་ཁྱེར་གྱིས་བསྐོར་བ། ནོར་བུ་མུ་ཏིག་རིན་པོ་ཆེའི་ཆུན་པོས་མཛེས་པར་བྱས་པ། གདུགས་དང ། རྒྱལ་མཚན་དང ། བ་དན་བཙུགས་པ། དྲིལ་བུ་གཡེར་ཀའི་དྲ་བའི་བླ་བྲེ་བྲེས་པ། ཙནྡན་སྦྲུལ་གྱི་སྙིང་པོས་བྱུགས་པ། དབང་གི་རྒྱལ་པོ་ནོར་བུ་རིན་པོ་ 3a ༄#། །ཆེའི་དྲ་བས་གཡོགས་པ། རྒྱ་མཚོའི་གནས་རྣམ་པར་དག་པ་བཀོད་པ། ཀུན་ནས་འོད་ཟེར་གྱི་ནོར་བུའི་ཀ་བའི་དྲ་བས་གཏམས་པ། སེང་གེའི་རལ་པའི་ནོར་བུ་རིན་པོ་ཆེའི་སྤང་ལེབ་ཀྱིས་བཀབ་པ། སེང་གེའི་རྒྱལ་མཚན་མཆོག་གི་ནོར་བུ་རིན་པོ་ཆེའི་སྒོ་ཁང་དང ། རྟ་བབས་དང ། སྐར་ཁུང་གིས་བརྒྱན་པ། དར་གྱི་ཆུན་པོ་བྲེས་པས་མཛེས་པར་བྱས་པ། མེ་ཏོག་མནྡཱ་ར་བ་དང ། མནྡཱ་ར་བ་ཆེན་པོ་དང ། མཉྫུ་ཥ་ཀ་དང ། མཉྫུ་ཥ་ཀ་ཆེན་པོ་དང ། མདོག་མཛེས་དང ། མདོག་མཛེས་ཆེན་པོ་དང ། འཁོར་ལོ་དང ། འཁོར་ལོ་ཆེན་པོ་དང ། སྣ་མའི་མེ་ཏོག་དང ། པར་ཤི་ཀ་དང ། ཏ་ར་ནི་དང ། བལ་ལ་ཀོ་ཏ་ར་ནི་དང ། ཤིན་ཏུ་དྲི་མཆོག་དང ། དྷ་ནུ་སྐ་རི་ཀ་དང།་ལྷའི་མེ་ཏོག་ཡིད་དུ་འོང་བ་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། མེ་ཏོག་ཆེན་པོས་གཏོར་བ་ན་བཞུགས་ 3b ཏེ།་ཆགས་པ་མེད་པར་བཀོད་པའི་སྙིང་པོའི་སེང་གེའི་ཁྲི་ལ་བཅོམ་ལྡན་འདས་བློ་ཤིན་ཏུ་རྣམ་པར་དག་པ། ཀུན་ཏུ་སྤྱོད་པ་གཉིས་མི་མངའ་བ། མཚན་ཉིད་མེད་པའི་ཆོས་ལ་ཤིན་ཏུ་གཞོལ་བ། སངས་རྒྱས་ཀྱི་གནས་པས་གནས་པ། སངས་རྒྱས་ཐམས་ཅད་དང་མཉམ་པ་ཉིད་བརྙེས་པ། སྒྲིབ་པ་མི་མངའ་བས་རྟོགས་པར་ཐུགས་སུ་ཆུད་པ། ཕྱིར་མི་ལྡོག་པའི་ཆོས་དང་ལྡན་པ། སྤྱོད་ཡུལ་མི་འཕྲོགས་པ། རྣམ་པར་གཞག་པ་བསམ་གྱིས་མི་ཁྱབ་པ། དུས་གསུམ་མཉམ་པ་ཉིད་ཚར་ཕྱིན་པ། འཇིག་རྟེན་གྱི་ཁམས་ཐམས་ཅད་ཁྱབ་པའི་སྐུ་དང་ལྡན་པ། ཆོས་ཐམས་ཅད་ལ་ཐེ་ཚོམ་མེད་པའི་ཡེ་ཤེས་མངའ་བ། སྤྱོད་པ་ཐམས་ཅད་དང་ལྡན་པའི་བློ་མངའ་བ། སངས་རྒྱས་ཀྱི་ཡེ་ཤེས་ལ་ནེམ་ནུར་མེད་པ། རྣམ་པར་མི་རྟོག་པའི་སྐུ་མངའ་བ། བྱང་ཆུབ་སེམས་དཔའ་ཐམས་ཅད་ཀྱི་ཡེ་ཤེས་ཡང་དག་པར་རྫོགས་པ། སངས་རྒྱས་ཀྱི་གནས་པ་གཉིས་སུ་མེད་པ་དམ་པའི་ཕ་རོལ་ཏུ་ཕྱིན་པ། དེ་བཞིན་གཤེགས་པ་མ་འདྲེས་པའི་རྣམ་པར་ཐར་པར་མཛད་པའི་ཡེ་ཤེས་ཀྱི་མཐར་ཕྱིན་པ། མཐའ་དང ། དབུས་མེད་པའི་སངས་རྒྱས་ཀྱིས་མཉམ་པ་ཉིད་དུ་ཐུགས་སུ་ཆུད་པ། ཆོས་ཀྱི་དབྱིངས་ཀྱིས་ཀླས་པ། ནམ་མཁའི་ཁམས་ཀྱི་མཐས་གཏུགས་པ། ལྷུན་གྱིས་གྲུབ་པའི་ཡེ་ཤེས་ཀྱིས་སངས་རྒྱས་ཀྱི་མཛད་པ་ཐམས་ཅད་རྒྱུན་མི་འཆད་ 4a ༄#། །པ།་ཕྱི་མའི་མཐའི་མུའི་བསྐལ་པ་གྲངས་མེད་པ་ཐམས་ཅད་དུ་ཕྱིར་མི་ལྡོག་པའི་ཆོས་ཀྱི་འཁོར་ལོ་བསྐོར་བ་བྱིན་གྱིས་རློབ་པ། ཆགས་པ་མེད་པའི་བཀོད་པའི་སྙིང་པོ་ཡང་དག་པར་སྟོན་པ། མ་ཆགས་པའི་ཡེ་ཤེས་མངའ་བ། རྣམ་པ་ཐམས་ཅད་ཀྱི་མཆོག་དང་ལྡན་པའི་ཤེས་བྱ་དབྱེར་མེད་ཅིང་མི་གནས་པ། དུས་གཅིག་ཏུ་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་དགའ་ལྡན་གྱི་གནས་མཆོག་ན་བཞུགས་པ་དང ། འཆི་འཕོ་བ་དང ། སྐྱེ་བ་དང ། མངོན་པར་འབྱུང་བ་དང ། དཀའ་བ་སྤྱད་པའི་སྦྱོར་བ་དང ། བྱང་ཆུབ་ཀྱི་སྙིང་པོར་གཤེགས་པ་དང ། བདུད་བཅོམ་པ་དང ། མངོན་པར་རྫོགས་པར་བྱང་ཆུབ་བ་དང ། ཆོས་ཀྱི་འཁོར་ལོ་རབ་ཏུ་བསྐོར་བ་དང ། ཡོངས་སུ་མྱ་ངན་ལས་འདའ་བ་དང ། ཆོས་གནས་པ་དང ། ཆོས་ནུབ་པ་སྟོན་པ་ལ་མཁས་པ་བཞུགས་ཏེ། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་རྡུལ་ཕྲ་རབ་སྙེད་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་དཔའ་བར་འགྲོ་བའི་ཏིང་ངེ་འཛིན་གྱིས་རྣམ་པར་རྩེན་པ། ལུས་ཀྱི་ཁ་དོག་མཐའ་ཡས་པ་ཡོངས་སུ་འགྲུབ་པ་སྒྲུབ་པའི་གཟུངས་ཐོབ་པ། སངས་རྒྱས་མེད་པའི་འཇིག་རྟེན་གྱི་ཁམས་སུ་སངས་ 4b རྒྱས་འབྱུང་བ་སྟོན་པ་ལ་མཁས་པ། ཀུན་ནས་ཉོན་མོངས་པ་ཅན་གྱི་འཇིག་རྟེན་གྱི་ཁམས་ཡོངས་སུ་སྦྱོང་བ་ཤ་སྟག་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། བརྒྱ་བྱིན་དང ། ཚངས་པ་དང ། འཇིག་རྟེན་སྐྱོང་བ་དང ། མི་དང ། མི་མ་ཡིན་པ་གྲངས་མེད་དཔག་ཏུ་མེད་པ་དག་དང་ཡང་ཐབས་གཅིག་གོ་།དེ་ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དབུགས་འབྱིན་པ་རྙེད་པ་གང་དག་བྱང་ཆུབ་སེམས་དཔའ་རྣམས་ཀྱིས་དང་པོ་ཡོངས་སུ་སྦྱོང་བར་འགྱུར་བ་དག་བཅོམ་ལྡན་འདས་ཀྱིས་བསྟན་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ། དབུགས་འབྱིན་པ་རྙེད་པ་ལྔ་པོ་འདི་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བསམ་པ་ལ་གནས་ཀྱི། གཞན་དག་ཀྱང་བསམ་པ་ལ་འགོད་དོ་ཞེས་དབུགས་འབྱིན་པ་རྙེད་ 5a ༄#། །པར་འགྱུར་ཏེ། དེ་ལ་བསམ་པ་ནི་གང་དགེ་བའི་རྩ་བ་གཞན་དང ། གཞན་བརྩམ་པའི་བྱེ་བྲག་ལ་དད་པ་མི་ཕྱེད་པའོ། །བདག་ནི་ལྷག་པའི་བསམ་པ་ལ་གནས་ཀྱི། གཞན་དག་ཀྱང་ལྷག་པའི་བསམ་པ་ལ་འགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལྷག་པའི་བསམ་པ་ནི་གང་སངས་རྒྱས་ཀྱི་ཆེ་བ་ཉིད་ཀྱི་ཁྱད་པར་དུ་འགྲོ་བའི་ཆོས་རྣམས་ལ་ལྷག་པར་དམིགས་པའོ། །བདག་ནི་དད་པ་ལ་གནས་ཀྱི། གཞན་དག་ཀྱང་དད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དད་པ་ནི་ཤེས་རབ་ཀྱི་རྩ་བ་ལས་བྱུང་བའི་ལས་ལ་གནས་པའོ། །བདག་ནི་མཆོག་ཏུ་དགའ་བ་ལ་གནས་ཀྱི། གཞན་དག་ཀྱང་མཆོག་ཏུ་དགའ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མཆོག་ཏུ་དགའ་བ་ནི་ལུས་དང ། སེམས་རབ་ཏུ་སྦྱངས་པ་གང་ཡིན་པའོ། །བདག་ནི་བདུད་ཀྱི་ལས་དང་དབྱེར་མེད་པའི་སངས་རྒྱས་ཀྱི་ལས་ལ་གནས་ཀྱི། གཞན་དག་ཀྱང་བདུད་ཀྱི་ལས་དང་དབྱེར་མེད་པའི་སངས་རྒྱས་ཀྱི་ལས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བདུད་ཀྱི་ལས་ནི་གང་ཕྱིན་ཅི་ལོག་གི་ཀུན་ནས་ལྡང་བ་ལས་བྱུང་བའི་ལྟ་བ་དང ། ལྟ་བ་ཀུན་ནས་ལྡང་བ་ལས་བྱུང་བའི་བདུད་ཀྱི་ལས་ཏེ། བདུད་ཀྱི་ལས་འདི་སངས་རྒྱས་ 5b ཀྱི་ལས་དང་དབྱེར་མེད་དོ། །དེ་ཅིའི་ཕྱིར་ཞེ་ན། བདུད་ཀྱི་ལས་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། བདུད་ཀྱི་ལས་ཀྱི་རང་བཞིན་ལས་སངས་རྒྱས་ཀྱི་ལས་གཞན་མེད་པས་བདུད་ཀྱི་ལས་ཀྱི་རང་བཞིན་ཉིད་སངས་རྒྱས་ཀྱི་ལས་ཏེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱིས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ལྟ་བར་གྱུར་པ་དང་དབྱེར་མེད་པའི་སྟོང་པ་ཉིད་ཤེས་པ་ལ་གནས་ཀྱི། གཞན་དག་ཀྱང་ལྟ་བར་གྱུར་པ་དང་དབྱེར་མེད་པའི་སྟོང་པ་ཉིད་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལྟ་བར་གྱུར་པ་དང་དབྱེར་མེད་པའི་སྟོང་པ་ཉིད་ནི་ལྟ་བར་གྱུར་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། སྟོང་པ་ཉིད་ནི་ལྟ་བར་གྱུར་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། ལྟ་བར་གྱུར་པའི་རང་བཞིན་ལས་སྟོང་པ་ཉིད་གཞན་མེད་པས་ལྟ་བར་གྱུར་པའི་རང་བཞིན་ཉིད་སྟོང་པ་ཉིད་དེ། ལྟ་བར་གྱུར་པའི་རང་བཞིན་སྟོང་པ་ཉིད་ཤེས་པ་དེས་ཆོས་ཐམས་ཅད་སྟོང་ངོ ། །བདག་ནི་སྒྲོ་ 6a ༄#། །འདོགས་པ་དང ། དབྱེར་མེད་པ་སྒྲོ་འདོགས་པ་མེད་པ་ཤེས་པ་ལ་གནས་ཀྱི། གཞན་དག་ཀྱང་སྒྲོ་འདོགས་པ་དང ། དབྱེར་མེད་པའི་སྒྲོ་འདོགས་པ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྒྲོ་འདོགས་པ་དང་དབྱེར་མེད་པའི་སྒྲོ་འདོགས་པ་མེད་པ་ནི་སྒྲོ་འདོགས་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། སྒྲོ་འདོགས་པ་མེད་པ་ནི་སྒྲོ་འདོགས་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། སྒྲོ་འདོགས་པའི་རང་བཞིན་ལས་སྒྲོ་འདོགས་པ་མེད་པ་གཞན་མེད་པས་སྒྲོ་འདོགས་པའི་རང་བཞིན་ཉིད་སྒྲོ་འདོགས་པ་མེད་པ་སྟེ། སྒྲོ་འདོགས་པའི་རང་བཞིན་གྱི་སྒྲོ་འདོགས་པ་མེད་པ་ཤེས་པ་དེས་ཆོས་ཐམས་ཅད་སྒྲོ་འདོགས་པ་མེད་པའོ། །བདག་ནི་ལྷག་པར་བྱེད་པ་དང་དབྱེར་མེད་པ་ལྷག་པར་བྱེད་པ་མེད་པ་ཤེས་པ་ལ་གནས་ཀྱི། གཞན་དག་ཀྱང་ལྷག་པར་བྱེད་པ་དང་དབྱེར་མེད་པ་ལྷག་པར་བྱེད་པ་མེད་པར་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལྷག་པར་བྱེད་པ་དང་དབྱེར་མེད་པ་ལྷག་པར་བྱེད་པ་མེད་པ་ནི་ལྷག་པར་བྱེད་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ལྷག་པར་བྱེད་པ་མེད་པ་ནི་ལྷག་པར་བྱེད་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། ལྷག་ 6b བར་བྱེད་པའི་རང་བཞིན་ལས་ལྷག་པར་བྱེད་པ་མེད་པ་གཞན་མེད་པས་ལྷག་པར་བྱེད་པའི་རང་བཞིན་ཉིད་ལྷག་པར་བྱེད་པ་མེད་པ་སྟེ། ལྷག་པར་བྱེད་པའི་རང་བཞིན་གྱི་ལྷག་པར་བྱེད་པ་མེད་པ་ཤེས་པ་དེས་ཆོས་ཐམས་ཅད་ལྷག་པར་བྱེད་པ་མེད་པའོ། །བདག་ནི་གདེག་པ་དང ། བཞག་པ་དང་དབྱེར་མེད་པ་གདེག་པ་དང ། བཞག་པ་མེད་པ་ཤེས་པ་ལ་གནས་ཀྱི། གཞན་དག་ཀྱང་གདེག་པ་དང ། བཞག་པ་དང་དབྱེར་མེད་པ་གདེག་པ་མེད་ཅིང་བཞག་པ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གདེག་པ་དང ། བཞག་པ་དང་དབྱེར་མེད་པ་གདེག་པ་མེད་ཅིང་བཞག་པ་མེད་པ་ནི་གདེག་པ་དང ། བཞག་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། གདེག་པ་མེད་པ་དང ། བཞག་པ་མེད་པ་ནི་གདེག་པ་དང ། བཞག་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། གདེག་པ་དང ། བཞག་པའི་རང་བཞིན་ལས་གདེག་པ་མེད་ཅིང་བཞག་པ་མེད་པ་གཞན་མེད་པས་གདེག་པ་དང་བཞག་པའི་རང་བཞིན་ཉིད་གདེག་པ་མེད་ཅིང་བཞག་པ་མེད་པ་སྟེ། གདེག་པ་དང་བཞག་པའི་རང་བཞིན་ཉིད་ཀྱི་གདག་པ་དང ། བཞག་པ་མེད་པ་ཤེས་པ་དེས་ཆོས་ཐམས་ཅད་གདེག་པ་དང ། བཞག་པ་མེད་པའོ། །བདག་ནི་བླང་བ་དང ། དོར་བ་དང་དབྱེར་མེད་པ་བླང་བ་མེད་ཅིང་དོར་བ་མེད་པ་ཤེས་པ་ལ་གནས་ཀྱི། གཞན་དག་བླང་བ་དང ། དོར་བ་དང་དབྱེར་མེད་ 7a ༄#། །པ་བླང་བ་མེད་ཅིང་དོར་བ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བླང་བ་དང ། དོར་བ་དང་དབྱེར་མེད་པ་བླང་བ་མེད་ཅིང་དོར་བ་མེད་པ་ནི་བླང་བ་དང ། དོར་བའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། བླང་བ་མེད་ཅིང་དོར་བ་མེད་པ་ནི་བླང་བ་དང ། དོར་བའི་རང་བཞིན་ལས་གཞན་མ་ཡིན་པའི་ཕྱིར་ཏེ། བླང་བ་དང ། དོར་བའི་རང་བཞིན་ལས་བླང་བ་མེད་ཅིང་དོར་བ་མེད་པ་གཞན་མེད་པས་བླང་བ་དང ། དོར་བ་མེད་པའི་རང་བཞིན་ཉིད་བླང་བ་མེད་པ་དང ། དོར་བ་མེད་པའོ། །བླང་བ་དང ། དོར་བའི་རང་བཞིན་གྱི་བླང་བ་མེད་ཅིང་དོར་བ་མེད་པ་ཤེས་པ་ངེས་ཆོས་ཐམས་ཅད་བླང་བ་མེད་ཅིང་དོར་བ་མེད་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་འདུས་བྱས་དང་དབྱེར་མེད་པ་འདུས་མ་བྱས་ཤེས་པ་ལ་གནས་ཀྱི། གཞན་དག་ཀྱང་འདུས་བྱས་དང་དབྱེར་མེད་པ་འདུས་མ་བྱས་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འདུས་བྱས་དང་དབྱེར་མེད་པ་འདུས་མ་ 7b བྱས་ནི་འདུས་བྱས་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། འདུས་མ་བྱས་ནི་འདུས་བྱས་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། འདུས་བྱས་ཀྱི་རང་བཞིན་ལས་འདུས་མ་བྱས་གཞན་མེད་པས་འདུས་བྱས་ཀྱི་རང་བཞིན་ཉིད་འདུས་མ་བྱས་ཏེ། འདུས་བྱས་ཀྱི་རང་བཞིན་འདུས་མ་བྱས་ཤེས་པ་དེས་ཆོས་ཐམས་ཅད་འདུས་མ་བྱས་སོ། །བདག་ནི་དངོས་པོ་དང་དབྱེར་མེད་པ་དངོས་པོ་མེད་པ་ཤེས་པ་ལ་གནས་ཀྱི། གཞན་དག་ཀྱང་དངོས་པོ་དང་དབྱེར་མེད་པ་དངོས་པོ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དངོས་པོ་དང་དབྱེར་མེད་པ་དངོས་པོ་མེད་པ་ནི་དངོས་པོའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། དངོས་པོ་མེད་པ་ནི་དངོས་པོའི་རང་བཞིན་ལས་གཞན་མ་ཡིན་པའི་ཕྱིར་ཏེ། དངོས་པོའི་རང་བཞིན་ལས་དངོས་པོ་མེད་པ་གཞན་མེད་པས་དངོས་པོའི་རང་བཞིན་ཉིད་དངོས་པོ་མེད་པ་སྟེ། དངོས་པོའི་རང་བཞིན་ཉིད་དངོས་པོ་མེད་པ་ཤེས་པ་དེས་ཆོས་ཐམས་ཅད་དངོས་པོ་མེད་པའོ། །བདག་ནི་གནས་དང་དབྱེར་མེད་པ་གནས་མེད་པ་ཤེས་པ་ལ་གནས་ཀྱི། གཞན་དག་ཀྱང་གནས་དང་དབྱེར་མེད་པ་གནས་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གནས་དང་དབྱེར་མེད་པ་གནས་མེད་པ་ནི་གནས་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། གནས་མེད་ 8a ༄#། །པ་ནི་གནས་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། གནས་ཀྱི་རང་བཞིན་ལས་གནས་མེད་པ་གཞན་མེད་པས་གནས་ཀྱི་རང་བཞིན་ཉིད་གནས་མེད་པ་སྟེ། གནས་ཀྱི་རང་བཞིན་གནས་མེད་པ་ཤེས་པ་དེས་ཆོས་ཐམས་ཅད་གནས་མེད་པའོ། །བདག་ནི་དམིགས་པ་དང་དབྱེར་མེད་པ་དམིགས་པ་མེད་པ་ཤེས་པ་ལ་གནས་ཀྱི།་གཞན་དག་ཀྱང་དམིགས་པ་དང་དབྱེར་མེད་པ་དམིགས་པ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དམིགས་པ་དང་དབྱེར་མེད་པ་དམིགས་པ་མེད་པ་ནི་དམིགས་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། དམིགས་པ་མེད་པ་ནི་དམིགས་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། དམིགས་པའི་རང་བཞིན་ལས་དམིགས་པ་མེད་པ་གཞན་མེད་པས་དམིགས་པའི་རང་བཞིན་ཉིད་དམིགས་པ་མེད་པ་སྟེ། དམིགས་པའི་རང་བཞིན་གྱིས་དམིགས་པ་མེད་པ་ཤེས་པ་དེས་ཆོས་ཐམས་ཅད་དམིགས་པ་མེད་པའོ། །བདག་ནི་ཕྱོགས་དང་དབྱེར་མེད་པ་ཕྱོགས་མེད་པ་ཤེས་པ་ལ་གནས་ཀྱི། གཞན་དག་ཀྱང་ཕྱོགས་དང་དབྱེར་མེད་པ་ཕྱོགས་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཕྱོགས་དང་དབྱེར་མེད་པ་ཕྱོགས་མེད་པ་ནི་ཕྱོགས་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། 8b ཕྱོགས་མེད་པ་ནི་ཕྱོགས་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། ཕྱོགས་ཀྱི་རང་བཞིན་ལས་ཕྱོགས་མེད་པ་གཞན་མེད་པས་ཕྱོགས་ཀྱི་རང་བཞིན་ཉིད་ཕྱོགས་མེད་པའོ། །ཕྱོགས་ཀྱི་རང་བཞིན་གྱི་ཕྱོགས་མེད་པ་ཤེས་པ་དེས་ཆོས་ཐམས་ཅད་ཕྱོགས་མེད་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན།་འདི་ལྟ་སྟེ། བདག་ནི་མཚན་ཉིད་དང་དབྱེར་མེད་པར་མཚན་ཉིད་མེད་པ་ཤེས་པ་ལ་གནས་ཀྱི། གཞན་དག་ཀྱང་མཚན་ཉིད་དང་དབྱེར་མེད་པ་མཚན་ཉིད་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མཚན་ཉིད་དང་དབྱེར་མེད་པ་མཚན་ཉིད་མེད་པ་ནི་མཚན་ཉིད་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མཚན་ཉིད་མེད་པ་ནི་མཚན་ཉིད་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། མཚན་ཉིད་ཀྱི་རང་བཞིན་ལས་མཚན་ཉིད་མེད་པ་གཞན་མེད་པ་མཚན་ཉིད་ཀྱི་རང་བཞིན་ཉིད་མཚན་ཉིད་མེད་པ་སྟེ། མཚན་ཉིད་ཀྱི་རང་བཞིན་གྱིས་མཚན་ཉིད་མེད་པ་ཤེས་པ་དེས་ཆོས་ཐམས་ཅད་མཚན་ཉིད་མེད་པའོ། །བདག་ནི་དངོས་པོ་དང་དབྱེར་མེད་པ་དངོས་པོ་མེད་པ་ཤེས་ 9a ༄#། །པ་ལ་གནས་ཀྱི། གཞན་དག་ཀྱང་དངོས་པོ་དང་དབྱེར་མེད་པ་དངོས་པོ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དངོས་པོ་དང་དབྱེར་མེད་པ་དངོས་པོ་མེད་པ་ནི་དངོས་པོའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། དངོས་པོ་མེད་པ་ནི་དངོས་པོའི་རང་བཞིན་ལས་གཞན་མ་ཡིན་པའི་ཕྱིར་ཏེ།་དངོས་པོའི་རང་བཞིན་ལས་དངོས་པོ་མེད་པ་གཞན་མེད་པས་དངོས་པོའི་རང་བཞིན་ཉིད་དངོས་པོ་མེད་པ་སྟེ། དངོས་པོའི་རང་བཞིན་དངོས་པོ་མེད་པར་ཤེས་པ་དེས་ཆོས་ཐམས་ཅད་དངོས་པོ་མེད་པའོ། །བདག་ནི་གཉིས་དང་དབྱེར་མེད་པ་གཉིས་སུ་མེད་པ་ཤེས་པ་ལ་གནས་ཀྱི། གཞན་དག་ཀྱང་གཉིས་དང་དབྱེར་མེད་པ་གཉིས་སུ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གཉིས་དང་དབྱེར་མེད་པ་གཉིས་སུ་མེད་པ་ནི་གཉིས་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། གཉིས་སུ་མེད་པ་ནི་གཉིས་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། གཉིས་ཀྱི་རང་བཞིན་ལས་གཉིས་སུ་མེད་པ་གཞན་མེད་པས་གཉིས་ཀྱི་རང་བཞིན་ཉིད་གཉིས་སུ་མེད་པ་སྟེ།་གཉིས་ཀྱི་རང་བཞིན་གྱི་གཉིས་སུ་མེད་པ་ཤེས་པ་དེས་ཆོས་ཐམས་ཅད་གཉིས་སུ་མེད་པའོ། །བདག་ནི་གཟུགས་དང་དབྱེར་མེད་པ་གཟུགས་མེད་པ་ལ་གནས་ཀྱི། 9b གཞན་དག་ཀྱང་གཟུགས་དང་དབྱེར་མེད་པ་གཟུགས་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གཟུགས་དང་དབྱེར་མེད་པ་གཟུགས་མེད་པ་ནི་གཟུགས་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། གཟུགས་མེད་པ་ནི་གཟུགས་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། གཟུགས་ཀྱི་རང་བཞིན་ལས་གཟུགས་མེད་པ་གཞན་མེད་པས་གཟུགས་ཀྱི་རང་བཞིན་ཉིད་གཟུགས་མེད་པ་སྟེ། གཟུགས་ཀྱི་རང་བཞིན་གྱི་གཟུགས་མེད་པ་ཤེས་པ་དེས་ཆོས་ཐམས་ཅད་གཟུགས་མེད་པའོ། །བདག་ནི་འཁོར་བ་དང་དབྱེར་མེད་པ་མྱ་ངན་འདས་པ་ཤེས་པ་ལ་གནས་ཀྱི། གཞན་དག་ཀྱང་འཁོར་བ་དང་དབྱེར་མེད་པ་མྱ་ངན་འདས་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འཁོར་བ་དང་དབྱེར་མེད་པ་མྱ་ངན་འདས་པ་ནི་འཁོར་བའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མྱ་ངན་ལས་འདས་པ་ནི་འཁོར་བའི་རང་བཞིན་ལས་གཞན་མ་ཡིན་པའི་ཕྱིར་ཏེ་འཁོར་བའི་རང་བཞིན་ལས་མྱ་ངན་འདས་པ་གཞན་མེད་པས་འཁོར་བའི་རང་བཞིན་ཉིད་མྱ་ངན་ལས་འདས་པའོ། །འཁོར་བའི་རང་བཞིན་གྱིས་མྱ་ངན་ལས་འདས་པ་ཤེས་པ་དེས་ཆོས་ཐམས་ཅད་མྱ་ངན་ལས་འདས་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ།། 10a ༄#། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ།་བདག་ནི་ཆགས་པ་དང་དབྱེར་མེད་པ་ཆགས་པ་མེད་པ་ཤེས་པ་ལ་གནས་ཀྱི། གཞན་དག་ཀྱང་ཆགས་པ་དང་དབྱེར་མེད་པ་ཆགས་པ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆགས་པ་དང་དབྱེར་མེད་པ་ཆགས་པ་མེད་པ་ནི་ཆགས་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཆགས་པ་མེད་པ་ནི་ཆགས་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། ཆགས་པའི་རང་བཞིན་ལས་ཆགས་པ་མེད་པ་གཞན་མེད་པས་ཆགས་པའི་རང་བཞིན་ཉིད་ཆགས་པ་མེད་པ་སྟེ། ཆགས་པའི་རང་བཞིན་གྱི་ཆགས་པ་མེད་པ་ཤེས་པ་དེས་ཆོས་ཐམས་ཅད་ཆགས་པ་མེད་པའོ། །བདག་ནི་རློམ་སེམས་དང་དབྱེར་མེད་པ་རློམ་སེམས་མེད་པ་ཤེས་པ་ལ་གནས་ཀྱི། གཞན་དག་ཀྱང་རློམ་སེམས་དང་དབྱེར་མེད་པ་རློམ་སེམས་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རློམ་སེམས་དང་དབྱེར་མེད་པ་རློམ་སེམས་མེད་པ་ནི་རློམ་སེམས་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། རློམ་སེམས་མེད་པ་ནི་རློམ་སེམས་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། རློམ་ 10b སེམས་ཀྱི་རང་བཞིན་ལས་རློམ་སེམས་མེད་པ་གཞན་མེད་པས་རློམ་སེམས་ཀྱི་རང་བཞིན་ཉིད་རློམ་སེམས་མེད་པ་སྟེ། རློམ་སེམས་ཀྱི་རང་བཞིན་གྱི་རློམ་སེམས་མེད་པ་ཤེས་པ་དེས་ཆོས་ཐམས་ཅད་རློམ་སེམས་མེད་པའོ། །བདག་ནི་མི་ཤེས་པ་དང་དབྱེར་མེད་པའི་ཤེས་པ་ལ་གནས་ཀྱི། གཞན་དག་ཀྱང་མི་ཤེས་པ་དང་དབྱེར་མེད་པའི་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མི་ཤེས་པ་དང་དབྱེར་མེད་པའི་ཤེས་པ་ནི་མི་ཤེས་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཤེས་པ་ནི་མི་ཤེས་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། མི་ཤེས་པའི་རང་བཞིན་ལས་ཤེས་པ་གཞན་མེད་པས་མི་ཤེས་པའི་རང་བཞིན་ཉིད་ཤེས་པ་སྟེ། མི་ཤེས་པའི་རང་བཞིན་གྱི་ཤེས་པ་དེས་ཆོས་ཐམས་ཅད་ཤེས་པའོ། །བདག་ནི་ཡོད་པ་དང་དབྱེར་མེད་པ་ཤེས་པ་ལ་གནས་ཀྱི། གཞན་དག་ཀྱང་ཡོད་པ་དང་དབྱེར་མེད་པའི་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡོད་པ་དང་དབྱེར་མེད་པའི་མེད་པ་ནི་ཡོད་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མེད་པའི་རང་བཞིན་ཡོད་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། ཡོད་པའི་རང་བཞིན་ལས་མེད་པ་གཞན་མེད་པས་ཡོད་པའི་རང་བཞིན་ཉིད་མེད་པ་སྟེ། ཡོད་པའི་རང་བཞིན་གྱི་མེད་པ་ཤེས་པ་དེས་ཆོས་ཐམས་ཅད་མེད་པའོ། །བདག་ 11a ༄#། །ནི་རྣམ་པར་རིག་པ་དང་དབྱེར་མེད་པ་རྣམ་པར་རིག་པ་མེད་པ་ཤེས་པ་ལ་གནས་ཀྱི། གཞན་དག་ཀྱང་རྣམ་པར་རིག་པ་དང་དབྱེར་མེད་པ་རྣམ་པར་རིག་པ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྣམ་པར་རིག་པ་དང་དབྱེར་མེད་པ་རྣམ་པར་རིག་པ་མེད་པ་ནི་རྣམ་པར་རིག་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། རྣམ་པར་རིག་པ་མེད་པ་ནི་རྣམ་པར་རིག་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། རྣམ་པར་རིག་པའི་རང་བཞིན་ལས་རྣམ་པར་རིག་པ་མེད་པ་གཞན་མེད་པས་རྣམ་པར་རིག་པའི་རང་བཞིན་ཉིད་རྣམ་པར་རིག་པ་མེད་པའོ། །རྣམ་པར་རིག་པའི་རང་བཞིན་གྱི་རྣམ་པར་རིག་པ་མེད་པ་ཤེས་པ་དེས་ཆོས་ཐམས་ཅད་རྣམ་པར་རིག་པ་མེད་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམ་ཀྱི་ས་དང་པོ་ཡོངས་སུ་སྦྱོང་བར་འགྱུར་པའོ། །འཇམ་དཔལ་གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མིང་དང་དབྱེར་མེད་པ་མིང་མེད་པ་ཤེས་པ་ལ་གནས་ཀྱི། གཞན་དག་ཀྱང་མིང་དང་དབྱེར་མེད་པ་མིང་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མིང་དང་ 11b དབྱེར་མེད་པ་མིང་མེད་པ་ནི་མིང་གི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མིང་མེད་པ་ནི་མིང་གི་རང་བཞིན་ལས་གཞན་མ་ཡིན་པའི་ཕྱིར་ཏེ། མིང་གི་རང་བཞིན་ལས་མིང་མེད་པ་གཞན་མེད་པས་མིང་གི་རང་བཞིན་ཉིད་མིང་མེད་པ་སྟེ། མིང་གི་རང་བཞིན་གྱི་མིང་མེད་པ་ཤེས་པ་དེས་ཆོས་ཐམས་ཅད་མིང་མེད་པའོ། །བདག་ནི་བདག་དང་དབྱེར་མེད་པ་བདག་མེད་པའི་ཡེ་ཤེས་ལ་གནས་ཀྱི། གཞན་དག་ཀྱང་བདག་དང་དབྱེར་མེད་པ་བདག་མེད་པའི་ཡེ་ཤེས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བདག་དང་དབྱེར་མེད་པ་བདག་མེད་པ་ནི་བདག་གི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། བདག་མེད་པ་ནི་བདག་གི་རང་བཞིན་ལས་གཞན་མ་ཡིན་པའི་ཕྱིར་ཏེ། བདག་གི་རང་བཞིན་ལས་བདག་མེད་པ་གཞན་མེད་པས་བདག་གི་རང་བཞིན་ཉིད་བདག་མེད་པ་སྟེ། བདག་གི་རང་བཞིན་གྱི་བདག་མེད་པ་ཤེས་པ་དེས་ཆོས་ཐམས་ཅད་བདག་མེད་པའོ། །བདག་ནི་རྒྱུ་དང་རྐྱེན་ཚོགས་པའི་བྱེད་པ་དང ། དབྱེར་མེད་པ་རྒྱུ་དང་རྐྱེན་ཚོགས་པའི་བྱེད་པ་མེད་པ་ཤེས་པ་ལ་གནས་ཀྱི། གཞན་དག་ཀྱང་རྒྱུ་དང་རྐྱེན་ཚོགས་པའི་བྱེད་པ་དང་དབྱེར་མེད་པའི་རྒྱུ་དང་རྐྱེན་ཚོགས་པའི་བྱེད་པ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྒྱུ་དང་རྐྱེན་ཚོགས་པའི་བྱེད་པ་དང་དབྱེར་མེད་པ་རྒྱུ་དང་རྐྱེན་ཚོགས་ 12a ༄#། །པའི་བྱེད་པ་མེད་པ་ནི་རྒྱུ་དང་རྐྱེན་ཚོགས་པའི་བྱེད་པ་ཉིད་གང་ཡིན་པའོ། །དེ་ཅིའི་ཕྱིར་ཞེ་ན། རྒྱུ་དང་རྐྱེན་ཚོགས་པའི་བྱེད་པ་མེད་པ་ནི་རྒྱུ་དང་རྐྱེན་ཚོགས་པའི་བྱེད་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། རྒྱུ་དང་རྐྱེན་ཚོགས་པའི་བྱེད་པ་ལས་རྒྱུ་དང་རྐྱེན་ཚོགས་པའི་བྱེད་པ་མེད་པ་གཞན་མེད་པས་རྒྱུ་དང་རྐྱེན་ཚོགས་པའི་བྱེད་པའི་རང་བཞིན་ཉིད་རྒྱུ་དང་རྐྱེན་ཚོགས་པའི་བྱེད་པ་མེད་པ་སྟེ། རྒྱུ་དང་རྐྱེན་ཚོགས་པའི་བྱེད་པ་མེད་པའི་རང་བཞིན་ཤེས་པ་དེས་ཆོས་ཐམས་ཅད་རྒྱུ་དང་རྐྱེན་ཚོགས་པའི་བྱེད་པ་མེད་པའོ། ། བདག་ནི་དབྱེ་བ་དབྱེར་མེད་པ་ཤེས་པ་ལ་གནས་ཀྱི། གཞན་དག་ཀྱང་དབྱེ་བ་དབྱེར་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དབྱེ་བ་དབྱེར་མེད་པའི་རང་བཞིན་ནི་དབྱེ་བའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། དབྱེར་མེད་པ་ནི་དབྱེ་བའི་རང་བཞིན་ལས་གཞན་མ་ཡིན་པའི་ཕྱིར་ཏེ། དབྱེ་བའི་རང་བཞིན་ལས་དབྱེར་མེད་པ་གཞན་མེད་པས་དབྱེ་བའི་རང་བཞིན་ཉིད་དབྱེར་མེད་པ་སྟེ། དབྱེ་བའི་རང་བཞིན་གྱི་དབྱེར་མེད་པ་ཤེས་པ་དེས་ཆོས་ཐམས་ཅད་དབྱེར་མེད་པའོ། །བདག་ནི་ཡི་གེ་དང་དབྱེར་མེད་པ་ཡི་གེ་མེད་པ་ཤེས་པ་ལ་གནས་ཀྱི། གཞན་དག་ཀྱང་ཡི་གེ་དང་དབྱེར་མེད་པ་ཡི་གེ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡི་གེ་དང་ 12b དབྱེར་མེད་པ་ཡི་གེ་མེད་པ་ནི་ཡི་གེའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཡི་གེ་མེད་པ་ནི་ཡི་གེའི་རང་བཞིན་ལས་གཞན་མ་ཡིན་པའི་ཕྱིར་ཏེ། ཡི་གེའི་རང་བཞིན་ལས་ཡི་གེ་མེད་པ་གཞན་མེད་པས་ཡི་གེའི་རང་བཞིན་ཉིད་ཡི་གེ་མེད་པའོ། །ཡི་གེའི་རང་བཞིན་གྱི་ཡི་གེ་མེད་པ་ཤེས་པ་དེས་ཆོས་ཐམས་ཅད་ཡི་གེ་མེད་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ལྷག་པའི་ང་རྒྱལ་དང་དབྱེར་མེད་པ་ལྷག་པའི་ང་རྒྱལ་མེད་པ་ཤེས་པ་ལ་གནས་ཀྱི། གཞན་དག་ཀྱང་ལྷག་པའི་ང་རྒྱལ་དང་དབྱེར་མེད་པ་ལྷག་པའི་ང་རྒྱལ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལྷག་པའི་ང་རྒྱལ་དང་དབྱེར་མེད་པ་ལྷག་པའི་ང་རྒྱལ་མེད་པ་ནི་ལྷག་པའི་ང་རྒྱལ་གྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ལྷག་པའི་ང་རྒྱལ་མེད་པ་ནི་ལྷག་པའི་ང་རྒྱལ་གྱི་རང་བཞིན་ལས་གཞན་མ་ཡིན་པའི་ཕྱིར་ཏེ། ལྷག་པའི་ང་རྒྱལ་གྱི་རང་བཞིན་ལས་ལྷག་པའི་ང་རྒྱལ་མེད་པ་གཞན་མེད་པས་ལྷག་པའི་ང་རྒྱལ་གྱི་རང་བཞིན་ཉིད་ལྷག་པའི་ང་རྒྱལ་མེད་པ་སྟེ། ལྷག་པའི་ང་རྒྱལ་གྱི་རང་བཞིན་གྱི་ལྷག་ 13a ༄#། །པའི་ང་རྒྱལ་མེད་པ་ཤེས་པ་དེས་ཆོས་ཐམས་ཅད་ལྷག་པའི་ང་རྒྱལ་མེད་པའོ། །བདག་ནི་བདག་བསྟོད་པ་དང་དབྱེར་མེད་པ་བདག་བསྟོད་པ་མེད་པ་ཤེས་པ་ལ་གནས་ཀྱི། གཞན་དག་ཀྱང་བདག་བསྟོད་པ་དང་དབྱེར་མེད་པ་བདག་བསྟོད་པ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བདག་བསྟོད་པ་དང་དབྱེར་མེད་པ་བདག་བསྟོད་པ་མེད་པ་ནི་བདག་བསྟོད་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། བདག་བསྟོད་པ་མེད་པ་ནི་བདག་བསྟོད་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། བདག་བསྟོད་པའི་རང་བཞིན་ལས་བདག་བསྟོད་པ་མེད་པ་གཞན་མེད་པས་བདག་བསྟོད་པའི་རང་བཞིན་ཉིད་བདག་བསྟོད་པ་མེད་པ་སྟེ། བདག་བསྟོད་པའི་རང་བཞིན་བདག་བསྟོད་པ་མེད་པ་ཤེས་པ་དེས་ཆོས་ཐམས་ཅད་བདག་བསྟོད་པ་མེད་པའོ། །བདག་ནི་དྲང་བའི་དོན་དང་དབྱེར་མེད་པའི་ངེས་པའི་དོན་ཤེས་པ་ལ་གནས་ཀྱི། གཞན་དག་ཀྱང་དྲང་བའི་དོན་དང་དབྱེར་མེད་པ་ངེས་པའི་དོན་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དྲང་བའི་དོན་དང་དབྱེར་མེད་པས་ངེས་པའི་དོན་ནི་དྲང་བའི་དོན་གྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ངེས་པའི་དོན་ནི་དྲང་བའི་དོན་གྱི་རང་བཞིན་ལས་གཞན་མ་ཡིན་པའི་ཕྱིར་ཏེ། དྲང་བའི་དོན་གྱི་རང་བཞིན་ལས་ངེས་པའི་ 13b དོན་གཞན་མེད་པས་དྲང་བའི་དོན་གྱི་རང་བཞིན་ཉིད་ངེས་པའི་དོན་ཏེ། དྲང་བའི་དོན་གྱི་རང་བཞིན་ངེས་པའི་དོན་ཤེས་པ་ངེས་ཆོས་ཐམས་ཅད་ངེས་པའི་དོན་ཏོ། །བདག་པོ་ནི་གང་ཟག་དང་དབྱེར་མེད་པ་ཆོས་ཉིད་ཤེས་པ་ལ་གནས་ཀྱི། གཞན་དག་ཀྱང་གང་ཟག་དང་དབྱེར་མེད་པ་ཆོས་ཉིད་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གང་ཟག་དང་དབྱེར་མེད་པ་ཆོས་ཉིད་ནི་གང་ཟག་གི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཆོས་ཉིད་ནི་གང་ཟག་གི་རང་བཞིན་ལས་གཞན་མ་ཡིན་པའི་ཕྱིར་ཏེ། གང་ཟག་གི་རང་བཞིན་ལས་ཆོས་ཉིད་གཞན་མེད་པས་གང་ཟག་གི་རང་བཞིན་ཉིད་ཆོས་ཉིད་དེ། གང་ཟག་གི་རང་བཞིན་གྱི་ཆོས་ཉིད་ཤེས་པ་དེས་ཆོས་ཐམས་ཅད་ཆོས་ཉིད་དོ། །བདག་ནི་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ལ་གནས་ཀྱི། གཞན་དག་ཀྱང་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ནི་ལོག་པར་ལྟ་བའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཡང་དག་པའི་ལྟ་བ་ནི་ལོག་པར་ལྟ་བའི་རང་བཞིན་ལས་གཞན་མ་ཡིན་པའི་ཕྱིར་ཏེ། ལོག་པར་ལྟ་བའི་རང་བཞིན་ལས་ཡང་དག་པའི་ལྟ་བ་གཞན་མེད་པས་ལོག་པར་ལྟ་བའི་རང་བཞིན་ཉིད་ཡང་དག་པའི་ལྟ་ 14a ༄#། །པའོ། །ལོག་པར་ལྟ་བའི་རང་བཞིན་ཡང་དག་པའི་ལྟ་བ་ཤེས་པ་དེས་ཆོས་ཐམས་ཅད་ཡང་དག་པའི་ལྟ་བ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱིས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མཐའ་དང་དབྱེར་མེད་པ་མཉམ་པ་ཉིད་ཤེས་པ་ལ་གནས་ཀྱི། གཞན་དག་ཀྱང་མཐའ་དང་དབྱེར་མེད་པ་མཉམ་པ་ཉིད་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མཐའ་དང་དབྱེར་མེད་པ་མཉམ་པ་ཉིད་ནི་མཐའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མཉམ་པ་ཉིད་ནི་མཐའི་རང་བཞིན་ལས་གཞན་མ་ཡིན་པའི་ཕྱིར་ཏེ། མཐའི་རང་བཞིན་ལས་མཉམ་པ་ཉིད་གཞན་མེད་པས་མཐའི་རང་བཞིན་ཉིད་མཉམ་པ་ཉིད་དེ། མཐའི་རང་བཞིན་གྱི་མཉམ་པ་ཉིད་ཤེས་པ་དེས་ཆོས་ཐམས་ཅད་མཉམ་པ་ཉིད་དོ། །བདག་ནི་ཤེས་བྱ་དང་དབྱེར་མེད་པ་ཤེས་པ་ལ་གནས་ཀྱི། གཞན་དག་ཀྱང་ཤེས་བྱ་དང་དབྱེར་མེད་པའི་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་བྱ་དང་དབྱེར་མེད་པ་ཤེས་པ་ནི་ཤེས་ 14b བྱའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཤེས་པ་ནི་ཤེས་བྱའི་རང་བཞིན་ལས་གཞན་མ་ཡིན་པའི་ཕྱིར་ཏེ། ཤེས་བྱའི་རང་བཞིན་ལས་ཤེས་པ་གཞན་མེད་པས་ཤེས་བྱའི་རང་བཞིན་ཉིད་ཤེས་པ་སྟེ། ཤེས་བྱའི་རང་བཞིན་གྱི་ཤེས་པ་དེས་ཆོས་ཐམས་ཅད་ཤེས་པའོ། །བདག་ནི་འཛིན་པ་དང་དབྱེར་མེད་པ་འཛིན་པ་མེད་པའི་ཤེས་པ་ལ་གནས་ཀྱི། གཞན་དག་ཀྱང་འཛིན་པ་དང་དབྱེར་མེད་པ་འཛིན་པ་མེད་པའི་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འཛིན་པ་དང་དབྱེར་མེད་པ་འཛིན་པ་མེད་པ་ནི་འཛིན་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། འཛིན་པ་མེད་པ་ནི་འཛིན་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། འཛིན་པའི་རང་བཞིན་ལས་འཛིན་པ་མེད་པ་གཞན་མེད་པས་འཛིན་པའི་རང་བཞིན་ཉིད་འཛིན་པ་མེད་པ་སྟེ། འཛིན་པའི་རང་བཞིན་གྱི་འཛིན་པ་མེད་པའི་ཤེས་པ་དེས་ཆོས་ཐམས་ཅད་འཛིན་པ་མེད་པའོ། ། བདག་ནི་མཚན་མ་དང་དབྱེར་མེད་པ་མཚན་མ་མེད་པའི་ཤེས་པ་ལ་གནས་ཀྱི། གཞན་དག་ཀྱང་མཚན་མ་དང་དབྱེར་མེད་པ་མཚན་མ་མེད་པའི་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མཚན་མ་དང་དབྱེར་མེད་པ་མཚན་མ་མེད་པ་ནི་མཚན་མའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མཚན་མ་མེད་པ་ནི་མཚན་མའི་ 15a ༄#། །རང་བཞིན་ལས་གཞན་མ་ཡིན་པའི་ཕྱིར་ཏེ། མཚན་མའི་རང་བཞིན་ལས་མཚན་མ་མེད་པ་གཞན་མེད་པས་མཚན་མའི་རང་བཞིན་ཉིད་མཚན་མ་མེད་པ་སྟེ།་མཚན་མའི་རང་བཞིན་མཚན་མ་མེད་པའི་ཤེས་པ་དེས་ཆོས་ཐམས་ཅད་མཚན་མ་མེད་པའོ། །བདག་ནི་བསྒོམ་པ་དང་དབྱེར་མེད་པ་བསྒོམ་པ་མེད་པའི་ཤེས་པ་ལ་གནས་ཀྱི། གཞན་དག་ཀྱང་བསྒོམ་པ་དང་དབྱེར་མེད་པ་བསྒོམ་པ་མེད་པའི་ཤེས་པ་ལ་འགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསྒོམ་པ་དང་དབྱེར་མེད་པ་བསྒོམ་པ་མེད་པ་ནི་བསྒོམ་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། བསྒོམ་པ་མེད་པ་ནི་བསྒོམ་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། བསྒོམ་པའི་རང་བཞིན་ལས་བསྒོམ་པ་མེད་པ་གཞན་མེད་པས་བསྒོམ་པའི་རང་བཞིན་ཉིད་བསྒོམ་པ་མེད་པའོ། །བསྒོམ་པའི་རང་བཞིན་བསྒོམ་པ་མེད་པའི་ཤེས་པ་དེས་ཆོས་ཐམས་ཅད་བསྒོམ་པ་མེད་པ་སྟེ།་འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མཐའ་དང་དབྱེར་མེད་པ་ 15b དབུ་མའི་ལམ་ཤེས་པ་ལ་གནས་ཀྱི། གཞན་དག་ཀྱང་མཐའ་དང་དབྱེར་མེད་པ་དབུ་མའི་ལམ་ཤེས་པ་ལ་འགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མཐའ་དང་དབྱེར་མེད་པ་དབུ་མའི་ལམ་ནི་མཐའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མཐའི་རང་བཞིན་ལས་དབུ་མའི་ལམ་གཞན་མ་ཡིན་པའི་ཕྱིར་ཏེ། མཐའི་རང་བཞིན་ལས་དབུ་མའི་ལམ་གཞན་མེད་པས་མཐའི་རང་བཞིན་ཉིད་དབུ་མའི་ལམ་སྟེ། མཐའི་རང་བཞིན་དབུ་མའི་ལམ་ཤེས་པ་དེས་ཆོས་ཐམས་ཅད་དབུ་མའི་ལམ་མོ། །བདག་ནི་ནམ་མཁའ་མ་ཡིན་པ་དང་དབྱེར་མེད་པའི་ནམ་མཁའ་ཤེས་པ་ལ་གནས་ཀྱི། གཞན་དག་ཀྱང་ནམ་མཁའ་མ་ཡིན་པ་དང་དབྱེར་མེད་པའི་ནམ་མཁའ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ནམ་མཁའ་མ་ཡིན་པ་དང་དབྱེར་མེད་པའི་ནམ་མཁའ་ནི་ནམ་མཁའ་མ་ཡིན་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ནམ་མཁའ་ནི་ནམ་མཁའ་མ་ཡིན་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། ནམ་མཁའ་མ་ཡིན་པའི་རང་བཞིན་ལས་ནམ་མཁའ་གཞན་མེད་པས། ནམ་མཁའ་མ་ཡིན་པའི་རང་བཞིན་ཉིད་ནམ་མཁའ་སྟེ། ནམ་མཁའ་མ་ཡིན་པའི་རང་བཞིན་གྱི་ནམ་མཁའ་ཤེས་པ་དེས་ཆོས་ཐམས་ཅད་ནམ་མཁའོ། །བདག་ནི་མོ་གཤམ་གྱི་ 16a ༄#། །བུ་མ་ཡིན་པ་དང་དབྱེར་མེད་པའི་མོ་གཤམ་གྱི་བུ་ཤེས་པ་ལ་གནས་ཀྱི། གཞན་དག་ཀྱང་མོ་གཤམ་གྱི་བུ་མ་ཡིན་པ་དང་དབྱེར་མེད་པའི་མོ་གཤམ་གྱི་བུ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མོ་གཤམ་གྱི་བུ་མ་ཡིན་པ་དང་དབྱེར་མེད་པའི་མོ་གཤམ་གྱི་བུ་ནི་མོ་གཤམ་གྱི་བུ་མ་ཡིན་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མོ་གཤམ་གྱི་བུ་མ་ཡིན་པའི་རང་བཞིན་ལས་མོ་གཤམ་གྱི་བུ་གཞན་མ་ཡིན་པའི་ཕྱིར་ཏེ། མོ་གཤམ་གྱི་བུའི་རང་བཞིན་ལས་མོ་གཤམ་གྱི་བུ་མ་ཡིན་པ་གཞན་མེད་པས་མོ་གཤམ་གྱི་བུའི་རང་བཞིན་ཉིད་མོ་གཤམ་གྱི་བུ་མ་ཡིན་པ་སྟེ། མོ་གཤམ་གྱི་བུ་མ་ཡིན་པའི་རང་བཞིན་གྱི་མོ་གཤམ་གྱི་བུ་ཤེས་པ་དེས་ཆོས་ཐམས་ཅད་མོ་གཤམ་གྱི་བུ་དང་མཚུངས་པའོ། །བདག་ནི་སྨིག་རྒྱུ་མ་ཡིན་པ་དང་དབྱེར་མེད་པའི་སྨིག་རྒྱུ་ཤེས་པ་ལ་གནས་ཀྱི། གཞན་དག་ཀྱང་སྨིག་རྒྱུ་མ་ཡིན་པ་དང་དབྱེར་མེད་པའི་སྨིག་རྒྱུ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྨིག་རྒྱུ་མ་ཡིན་པ་དང་དབྱེར་མེད་པའི་སྨིག་རྒྱུ་ཤེས་པ་ནི་སྨིག་རྒྱུ་མ་ཡིན་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། སྨིག་རྒྱུ་མ་ཡིན་པ་ནི་སྨིག་རྒྱུའི་རང་བཞིན་ལས་གཞན་མ་ཡིན་པའི་ཕྱིར་ཏེ། སྨིག་རྒྱུའི་རང་བཞིན་ལས་སྨིག་ 16b རྒྱུ་མ་ཡིན་པ་གཞན་མེད་པས་སྨིག་རྒྱུའི་རང་བཞིན་ཉིད་སྨིག་རྒྱུ་མ་ཡིན་ཏེ། སྨིག་རྒྱུ་མ་ཡིན་པའི་རང་བཞིན་གྱི་སྨིག་རྒྱུའི་ཤེས་པ་དེས་ཆོས་ཐམས་ཅད་སྨིག་རྒྱུ་ལྟ་བུའོ། །བདག་ནི་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ཤེས་པ་ལ་གནས་ཀྱི། གཞན་ཡང་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ནི་ལོག་པར་ལྟ་བའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ལོག་པར་ལྟ་བའི་རང་བཞིན་ལས་ཡང་དག་པའི་ལྟ་བ་གཞན་མ་ཡིན་པའི་ཕྱིར་ཏེ། ལོག་པར་ལྟ་བའི་རང་བཞིན་ལས་ཡང་དག་པའི་ལྟ་བ་གཞན་མེད་པས་ལོག་པར་ལྟ་བའི་རང་བཞིན་ཉིད་ཡང་དག་པའི་ལྟ་བའོ། །ལོག་པར་ལྟ་བའི་རང་བཞིན་ཡང་དག་པའི་ལྟ་བ་ཤེས་པ་དེས་ཆོས་ཐམས་ཅད་ཡང་དག་པའི་ལྟ་བ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མ་རིག་པ་དང་དབྱེར་མེད་པའི་རིག་པ་ཤེས་པ་ལ་གནས་ཀྱི། གཞན་དག་ཀྱང་མ་རིག་པ་དང་དབྱེར་མེད་པའི་རིག་པ་ 17a ༄#། །ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མ་རིག་པ་དང་དབྱེར་མེད་པའི་རིག་པ་ནི་མ་རིག་པའི་རང་བཞིན་གང་ཡིན་པའོ། དེ་ཅིའི་ཕྱིར་ཞེ་ན། རིག་པ་ནི་མ་རིག་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། མ་རིག་པའི་རང་བཞིན་ལས་རིག་པ་གཞན་མེད་པས་མ་རིག་པའི་རང་བཞིན་ཉིད་རིག་པ་སྟེ། མ་རིག་པའི་རང་བཞིན་གྱི་རིག་པ་ཤེས་པ་དེས་ཆོས་ཐམས་ཅད་རིག་པའོ། །བདག་ནི་འདོད་ཆགས་དང་དབྱེར་མེད་པ་འདོད་ཆགས་མེད་པ་ཤེས་པ་ལ་གནས་ཀྱི། གཞན་དག་ཀྱང་འདོད་ཆགས་དང་དབྱེར་མེད་པ་འདོད་ཆགས་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འདོད་ཆགས་དང་དབྱེར་མེད་པ་འདོད་ཆགས་མེད་པ་ནི་འདོད་ཆགས་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། འདོད་ཆགས་མེད་པ་ནི་འདོད་ཆགས་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ།་འདོད་ཆགས་ཀྱི་རང་བཞིན་ལས་འདོད་ཆགས་མེད་པ་གཞན་མེད་པས་འདོད་ཆགས་ཀྱི་རང་བཞིན་ཉིད་འདོད་ཆགས་མེད་པ་སྟེ། འདོད་ཆགས་ཀྱི་རང་བཞིན་འདོད་ཆགས་མེད་པ་ཤེས་པ་དེས་ཆོས་ཐམས་ཅད་འདོད་ཆགས་མེད་པའོ། །བདག་ནི་ཞེ་སྡང་དང་དབྱེར་མེད་པ་ཞེ་སྡང་མེད་པ་ཤེས་པ་ལ་གནས་ཀྱི། གཞན་དག་ཀྱང་ཞེ་སྡང་དང་ 17b དབྱེར་མེད་པ་ཞེ་སྡང་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཞེ་སྡང་དང་དབྱེར་མེད་པ་ཞེ་སྡང་མེད་པ་ནི་ཞེ་སྡང་གི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན།་ཞེ་སྡང་མེད་པ་ནི་ཞེ་སྡང་གི་རང་བཞིན་ལས་གཞན་མ་ཡིན་པའི་ཕྱིར་ཏེ། ཞེ་སྡང་གི་རང་བཞིན་ལས་ཞེ་སྡང་མེད་པ་གཞན་མེད་པས་ཞེ་སྡང་གི་རང་བཞིན་ཉིད་ཞེ་སྡང་མེད་པ་སྟེ། ཞེ་སྡང་གི་རང་བཞིན་ཞེ་སྡང་མེད་པ་ཤེས་པ་དེས་ཆོས་ཐམས་ཅད་ཞེ་སྡང་མེད་པའོ། །བདག་ནི་གཏི་མུག་དང་དབྱེར་མེད་པ་གཏི་མུག་མེད་པ་ཤེས་པ་ལ་གནས་ཀྱི། གཞན་དག་ཀྱང་གཏི་མུག་དང་དབྱེར་མེད་པ་གཏི་མུག་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གཏི་མུག་དང་དབྱེར་མེད་པ་གཏི་མུག་མེད་པ་ནི་གཏི་མུག་གི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། གཏི་མུག་གི་རང་བཞིན་ལས་གཏི་མུག་མེད་པ་གཞན་མ་ཡིན་པའི་ཕྱིར་ཏེ། གཏི་མུག་གི་རང་བཞིན་ལས་གཏི་མུག་མེད་པ་གཞན་མེད་པས་གཏི་མུག་གི་རང་བཞིན་ཉིད་གཏི་མུག་མེད་པ་སྟེ། གཏི་མུག་གི་རང་བཞིན་གཏི་མུག་མེད་པའི་ཤེས་པ་དེས་ཆོས་ཐམས་ཅད་གཏི་མུག་མེད་པའོ། །བདག་ནི་ཉིད་མཚམས་སྦྱོར་བ་དང་དབྱེར་མེད་པ་ཉིད་མཚམས་སྦྱོར་བ་མེད་པ་ཤེས་པ་ལ་གནས་ཀྱི། གཞན་དག་ཀྱང་ཉིང་མཚམས་སྦྱོར་བ་དང་དབྱེར་མེད་པ་ཉིང་མཚམས་སྦྱོར་བ་མེད་པ་ཤེས་པ་ལ་དགོད་དོ་ཞེས་དབུག་ 18a ༄#། །འབྱིན་པ་རྙེད་པར་འགྱུར་ཏེ། དེ་ལ་ཉིང་མཚམས་སྦྱོར་བ་དང་དབྱེར་མེད་པ་ཉིང་མཚམས་སྦྱོར་བ་མེད་པ་ནི་ཉིང་མཚམས་སྦྱོར་བའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཉིད་མཚམས་སྦྱོར་བ་མེད་པ་ནི་ཉིད་མཚམས་སྦྱོར་བའི་རང་བཞིན་ལས་གཞན་མ་ཡིན་པའི་ཕྱིར་ཏེ། ཉིད་མཚམས་སྦྱོར་བའི་རང་བཞིན་ལས་ཉིད་མཚམས་སྦྱོར་བ་མེད་པ་གཞན་མེད་པས་ཉིང་མཚམས་སྦྱོར་བའི་རང་བཞིན་ཉིད་ཉིད་མཚམས་སྦྱོར་བ་མེད་པའོ། །ཉིད་མཚམས་སྦྱོར་བའི་རང་བཞིན་ཉིད་མཚམས་སྦྱོར་བ་མེད་པ་ཤེས་པ་དེས་ཆོས་ཐམས་ཅད་ཉིད་མཚམས་སྦྱོར་བ་མེད་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱིས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སྦྱིན་པ་ལས་བྱུང་བའི་བསྡུ་བའི་དངོས་པོ་ཤེས་པ་ལ་གནས་ཀྱི། གཞན་དག་ཀྱང་སྦྱིན་པ་ལས་བྱུང་བའི་བསྡུ་བའི་དངོས་པོའི་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྦྱིན་པ་ལས་བྱུང་བའི་བསྡུ་བའི་དངོས་པོ་ནི་གཏོང་བ་དང ། བསྔོ་བ་གང་ཡིན་པའོ། །བདག་ནི་སྙན་པར་སྨྲ་བའི་བསྡུ་བའི་དངོས་པོ་ 18b ཤེས་པ་ལ་གནས་ཀྱི། གཞན་དག་ཀྱང་སྙན་པར་སྨྲ་བའི་བསྡུ་བའི་དངོས་པོ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྙན་པར་སྨྲ་བའི་བསྡུ་བའི་དངོས་པོ་ནི་བསམ་པ་དང ། སྦྱོར་བ་གང་ཡིན་པའོ། །བདག་ནི་དོན་སྦྱོད་པའི་བསྡུ་བའི་དངོས་པོ་ཤེས་པ་ལ་གནས་ཀྱི། གཞན་དག་ཀྱང་དོན་སྤྱོད་པའི་བསྡུ་བའི་དངོས་པོ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དོན་སྤྱོད་པའི་བསྡུ་བའི་དངོས་པོ་ནི་བྱམས་པ་དང ། སྙིང་རྗེ་གང་ཡིན་པའོ། །བདག་ནི་དོན་མཐུན་པའི་བསྡུ་བའི་དངོས་པོ་ཤེས་པ་ལ་གནས་ཀྱི།་གཞན་དག་ཀྱང་དོན་མཐུན་པའི་བསྡུ་བའི་དངོས་པོ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དོན་མཐུན་པའི་བསྡུ་བའི་དངོས་པོ་ནི་ཐབས་དང ། ཤེས་རབ་གང་ཡིན་པའོ། །བདག་ནི་རྩོམ་པ་ལ་གནས་ཀྱི། གཞན་དག་ཀྱང་རྩོམ་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྩོམ་པ་ནི་བསམ་པ་དང ། སྦྱོར་བ་གང་ཡིན་པ་སྟེ།་འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱིས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་འདོད་ཆགས་དང་བྲལ་བ་ཉིད་ལ་གནས་ཀྱི། 19a ༄#། །གཞན་དག་ཀྱང་འདོད་ཆགས་དང་བྲལ་བ་ཉིད་ལ་དགོད་དོ་ཞེས་དབུབས་འབྱིན་པ་རྙེད་པར་འགྱུར་ཏེ། དེ་ལ་འདོད་ཆགས་དང་བྲལ་བ་ཉིད་ནི་ཆོས་ཐམས་ཅད་ལ་མི་གནས་པར་འཇུག་པའོ། །བདག་ནི་ཞེ་སྡང་དང་བྲལ་བ་ཉིད་ལ་གནས་ཀྱི། གཞན་དག་ཀྱང་ཞེ་སྡང་དང་བྲལ་བ་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ།་དེ་ལ་ཞེ་སྡང་དང་བྲལ་བ་ཉིད་ནི་སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་ཉིད་གང་ཡིན་པའོ། །བདག་ནི་ལུས་སྡོམ་པ་ལ་གནས་ཀྱི། གཞན་དག་ཀྱང་ལུས་སྡོམ་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལུས་སྡོམ་པ་ནི་ལུས་ཀྱི་ལས་ཀྱི་སྐྱོན་རྣམ་པ་གསུམ་ཡོངས་སུ་སྤོང་བ་ཉིད་གང་ཡིན་པའོ། །བདག་ནི་ངག་གི་སྡོམ་པ་ལ་གནས་ཀྱི། གཞན་དག་ཀྱང་ངག་གི་སྡོམ་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ངག་གི་སྡོམ་པ་ནི་ངག་གི་ལས་ཀྱི་ཉེས་པ་རྣམ་པ་བཞི་ཡོངས་སུ་སྤོང་བ་ཉིད་གང་ཡིན་པའོ། །བདག་ནི་ཡིད་ཀྱི་སྡོམ་པ་ལ་གནས་ཀྱི། གཞན་དག་ཀྱང་ཡིད་ཀྱི་སྡོམ་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡིད་ཀྱི་སྡོམ་པ་ནི་བརྣབ་སེམས་དང ། གནོད་སེམས་དང ། ལོག་པར་ལྟ་བ་ཡོངས་སུ་སྤོང་བ་ཉིད་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ 19b ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སངས་རྒྱས་རྗེས་སུ་དྲན་པ་ལ་གནས་ཀྱི། གཞན་དག་ཀྱང་སངས་རྒྱས་རྗེས་སུ་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་རྗེས་སུ་དྲན་པ་ནི་སངས་རྒྱས་མཐོང་བ་རྣམ་པར་དག་པ་གང་ཡིན་པའོ། །བདག་ནི་ཆོས་རྗེས་སུ་དྲན་པ་ལ་གནས་ཀྱི། གཞན་དག་ཀྱང་ཆོས་རྗེས་སུ་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་རྗེས་སུ་དྲན་པ་ནི་ཆོས་མཐོང་བ་རྣམ་པར་དག་པ་གང་ཡིན་པའོ། །བདག་ནི་དགེ་འདུན་རྗེས་སུ་དྲན་པ་ལ་གནས་ཀྱི། གཞན་དག་ཀྱང་དགེ་འདུན་རྗེས་སུ་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དགེ་འདུན་རྗེས་སུ་དྲན་པ་ནི་མི་འགྱུར་བ་ལ་འཇུག་པ་གང་ཡིན་པའོ། །བདག་ནི་གཏོང་བ་རྗེས་སུ་དྲན་པ་ལ་གནས་ཀྱི། གཞན་དག་ཀྱང་གཏོང་བ་རྗེས་སུ་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གཏོང་བ་རྗེས་སུ་དྲན་པ་ནི་རྫས་ཐམས་ཅད་ཡོངས་སུ་གཏོང་བ་གང་ཡིན་པའོ། །བདག་ནི་ཚུལ་ཁྲིམས་རྗེས་སུ་དྲན་པ་ལ་གནས་ཀྱི། གཞན་དག་ཀྱང་ཚུལ་ཁྲིམས་རྗེས་སུ་དྲན་པ་ལ་དགོད་དོ་ཞེས་ 20a ༄#། །དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་རྗེས་སུ་དྲན་པ་ནི་ཆོས་ཐམས་ཅད་ལ་མཉམ་པ་ཉིད་དུ་འཇུག་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ།། །།བམ་པོ་གཉིས་པ། འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མི་རྟག་པར་སོ་སོར་རྟོག་པ་ལ་གནས་ཀྱི།་གཞན་དག་ཀྱང་མི་རྟག་པར་སོ་སོར་རྟོག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མི་རྟག་པར་སོ་སོར་རྟོག་པ་ནི་འདོད་པའི་འདོད་ཆགས་དང ། གཟུགས་ཀྱི་འདོད་ཆགས་དང ། གཟུགས་མེད་པའི་འདོད་ཆགས་ལས་ཡང་དག་པར་འདའ་བ་གང་ཡིན་པའོ། །བདག་ནི་བདག་མེད་པར་སོ་སོར་རྟོག་པ་ལ་གནས་ཀྱི། གཞན་དག་ཀྱང་བདག་མེད་པར་སོ་སོར་རྟོག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བདག་མེད་པར་སོ་སོར་རྟོག་པ་ནི་ཆོས་ཐམས་ཅད་ལ་མངོན་པར་ཞེན་པ་མེད་པ་གང་ཡིན་པའོ། །བདག་ནི་བདེན་པ་ལ་གནས་ཀྱི། གཞན་དག་ཀྱང་བདེན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བདེན་པ་ནི་ལྷ་དང ། མི་ལ་སླུ་བ་མེད་པ་ 20b ཉིད་གང་ཡིན་པའོ། །བདག་ནི་ཡང་དག་པ་ལ་གནས་ཀྱི། གཞན་དག་ཀྱང་ཡང་དག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པ་ནི་ལྷ་རྣམས་དང ། བདག་ལ་སླུ་བ་མེད་པ་ཉིད་གང་ཡིན་པའོ། །བདག་ནི་ཆོས་སྤྱོད་པ་ལ་གནས་ཀྱི། གཞན་དག་ཀྱང་ཆོས་སྤྱོད་པ་ལ་དགོད་དོ་ཞེ་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་སྤྱོད་པ་ནི་ཆོས་ལ་རྟོན་པ་ཉིད་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཚུལ་ཁྲིམས་ལྷོད་པ་མེད་པ་ཉིད་ལ་གནས་ཀྱི། གཞན་དག་ཀྱང་ཚུལ་ཁྲིམས་ལྷོད་པ་མེད་པ་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་ལྷོད་པ་མེད་པ་ཉིད་ནི་ཁ་ན་མ་ཐོ་བ་ཅི་ཙམ་དུ་ཆུང་དུའང་མི་བྱེད་པ་ཉིད་དོ། །བདག་ནི་ཚུལ་ཁྲིམས་མ་རལ་བ་ཉིད་ལ་གནས་ཀྱི། གཞན་དག་ཀྱང་ཚུལ་ཁྲིམས་མ་རལ་བ་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་མ་རལ་བ་ཉིད་ནི་ཐེག་པ་གཞན་དུ་སྒྲོ་འདོགས་པ་མེད་པ་གང་ཡིན་པའོ། །བདག་ནི་ཚུལ་ཁྲིམས་སྐྱོན་མེད་པ་ཉིད་ལ་གནས་ 21a ༄#། །ཀྱི།་གཞན་དག་ཀྱང་ཚུལ་ཁྲིམས་སྐྱོན་མེད་པ་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་སྐྱོན་མེད་པ་ཉིད་ནི་ཉེས་པ་ཐམས་ཅད་རྣམ་པར་སྤོང་བ་གང་ཡིན་པའོ། །བདག་ནི་ཐུན་ཚགས་མ་ཡིན་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་ཐུན་ཚགས་མ་ཡིན་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་ཐུན་ཚགས་མ་ཡིན་པ་ཉིད་ནི་བྱང་ཆུབ་སེམས་དཔའ་ཐམས་ཅད་ཡོངས་སུ་འཛིན་པ་གང་ཡིན་པའོ། །བདག་ནི་ལེགས་པར་བསྲུངས་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་ལེགས་པར་བསྲུངས་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལེགས་པར་བསྲུངས་པའི་ཚུལ་ཁྲིམས་ཉིད་ནི་བྱང་ཆུབ་སེམས་དཔའ་ཐམས་ཅད་ལ་སྟོན་པར་འདུ་ཤེས་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་བོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ལེགས་པར་སྦས་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་ལེགས་པར་སྦས་པའི་ཚུལ་ཁྲིམས་ཉིད་ལ་དགོད་དོ་ 21b ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལེགས་པར་སྦས་པའི་ཚུལ་ཁྲིམས་ཉིད་ནི་དབང་པོ་སྲུང་བ་གང་ཡིན་པའོ། །བདག་ནི་རྣམ་པར་གྲགས་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་རྣམ་པར་གྲགས་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྣམ་པར་གྲགས་པའི་ཚུལ་ཁྲིམས་ཉིད་ནི་ཆོས་ཀྱི་དབྱིངས་དབྱེར་མེད་པའི་ཆོས་ཐམས་ཅད་ལ་གཉིས་སུ་མེད་པའི་ཡེ་ཤེས་ལ་འཇུག་པ་གང་ཡིན་པའོ། །བདག་ནི་ཆོག་ཤེས་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་ཆོག་ཤེས་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོག་ཤེས་པའི་ཚུལ་ཁྲིམས་ཉིད་ནི་ཆགས་པ་སྤངས་པ་གང་ཡིན་པའོ། །བདག་ནི་དབེན་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་དབེན་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དབེན་པའི་ཚུལ་ཁྲིམས་ཉིད་ནི་ལུས་དང་སེམས་དབེན་པ་གང་ཡིན་པའོ། །བདག་ནི་དགོན་པ་ལ་གནས་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་དགོན་པ་ལ་གནས་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དགོན་པ་ན་གནས་པའི་ཚུལ་ཁྲིམས་ཉིད་ནི་ཆོས་ཐམས་ཅད་ལ་མཐའ་དང ། དབུས་མེད་པར་འཇུག་པ་གང་ཡིན་པ་སྟེ། འཇམ་དཔལ། དབུགས་འབྱིན་ 22a ༄#། །པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བཟོད་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་བཟོད་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བཟོད་པའི་ཚུལ་ཁྲིམས་ཉིད་ནི་སེམས་ཅན་ཐམས་ཅད་ལ་ཞེ་འགྲས་པ་མེད་པ་ཉིད་གང་ཡིན་པའོ། །བདག་ནི་བརྩོན་འགྲུས་ཀྱི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་བརྩོན་འགྲུས་ཀྱི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྩོན་འགྲུས་ཀྱི་ཚུལ་ཁྲིམས་ཉིད་ནི་ཕྱིར་མི་ལྡོག་པའི་ཆོས་ལ་སེམས་ཅན་ཐམས་ཅད་དགོད་པ་ཉིད་གང་ཡིན་པའོ། །བདག་ནི་བསམ་གཏན་གྱི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་བསམ་གཏན་གྱི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསམ་གཏན་གྱི་ཚུལ་ཁྲིམས་ཉིད་ནི་བསམ་གཏན་གྱི་ཡན་ལག་ལ་སེམས་ཅན་ཐམས་ཅད་དགོད་པ་གང་ཡིན་པའོ། །བདག་ནི་ཤེས་རབ་ཀྱི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་ཤེས་རབ་ཀྱི་ཚུལ་ཁྲིམས་ 22b ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་རབ་ཀྱི་ཚུལ་ཁྲིམས་ཉིད་ནི་སེམས་ཅན་ཐམས་ཅད་དགེ་བའི་རྩ་བ་ལ་ངོམས་པ་མེད་པར་འགོད་པ་གང་ཡིན་པའོ། ། བདག་ནི་མུ་ཅོར་མི་སྨྲ་བའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་མུ་ཅོར་མི་སྨྲ་བའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མུ་ཅོར་མི་སྨྲ་བའི་ཚུལ་ཁྲིམས་ཉིད་ནི་ཆོས་ཐམས་ཅད་ལ་ཅང་ཤེས་པ་ཉིད་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་གདུང་བ་མེད་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་གདུང་བ་མེད་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གདུང་བ་མེད་པའི་ཚུལ་ཁྲིམས་ཉིད་ནི་ལེགས་པར་བྱ་བའི་ལས་བྱེད་པ་གང་ཡིན་པའོ། །བདག་ནི་ང་རྒྱལ་མེད་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་ང་རྒྱལ་མེད་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ང་རྒྱལ་མེད་པའི་ཚུལ་ཁྲིམས་ཉིད་ནི་སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང ། སེམས་ 23a ༄#། །ཅན་ཐམས་ཅད་ཀྱི་ཅི་བྱ་བ་ལ་ཁེངས་པ་མེད་པ་ཉིད་གང་ཡིན་པའོ། །བདག་ནི་དུལ་བའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་དུལ་བའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དུལ་བའི་ཚུལ་ཁྲིམས་ཉིད་ནི་སེམས་ཅན་ཐམས་ཅད་ཡོངས་སུ་སྨིན་པར་བྱེད་པ་དང ། སེམས་ཅན་ཐམས་ཅད་ཀྱིས་ངན་དུ་བརྗོད་པ་དང ། ངན་དུ་སྨྲས་པའི་ཚིག་གི་ལམ་བཟོད་པ་གང་ཡིན་པའོ། །བདག་ནི་དམ་པའི་ཆོས་ཡོངས་སུ་འཛིན་པའི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་དམ་པའི་ཆོས་ཡོངས་སུ་འཛིན་པའི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དམ་པའི་ཆོས་ཡོངས་སུ་འཛིན་པའི་ཚུལ་ཁྲིམས་ཉིད་ནི་སྟོང་པ་ཉིད་ལ་མོས་པ་གང་ཡིན་པའོ། །བདག་ནི་སངས་རྒྱས་ཀྱི་ཏིང་ངེ་འཛིན་གྱི་ཚུལ་ཁྲིམས་ཉིད་ལ་གནས་ཀྱི། གཞན་དག་ཀྱང་སངས་རྒྱས་ཀྱི་ཏིང་ངེ་འཛིན་གྱི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་ཀྱི་ཏིང་ངེ་འཛིན་གྱི་ཚུལ་ཁྲིམས་ཉིད་ནི་སེམས་ཅན་ཐམས་ཅད་ལ་སེམས་མཉམ་པ་ཉིད་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། 23b དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བྱམས་པ་ལ་གནས་ཀྱི། གཞན་དག་ཀྱང་བྱམས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བྱམས་པ་ནི་སེམས་ཅན་ཐམས་ཅད་ཀྱི་སྡུག་བསྔལ་བསྐྱབ་པའི་ཕྱིར་ལུས་དང ། ངག་དང ། སེམས་ཀྱི་བསོད་ནམས་ཀྱི་ཚོགས་གསོག་པ་གང་ཡིན་པའོ། །བདག་ནི་སྙིང་རྗེ་ལ་གནས་ཀྱི། གཞན་དག་ཀྱང་སྙིང་རྗེ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྙིང་རྗེ་ནི་སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་སྡུག་བསྔལ་གྱི་ཡོ་བྱད་གང་མི་ལེན་པ་དེ་ཅིའང་མེད་པ་དང ། བདེ་བའི་ཡོ་བྱད་གང་མི་གཏོང་བ་དེ་ཅིའང་མེད་པ་གང་ཡིན་པའོ། །བདག་ནི་དགའ་བ་ལ་གནས་ཀྱི། གཞན་དག་ཀྱང་དགའ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དགའ་བ་ནི་སྟོང་པ་ཉིད་དང ། སངས་རྒྱས་ཀྱི་ཆེ་བ་ཉིད་ལ་དགའ་བ་དང ། མཆོག་ཏུ་དགའ་བ་ཆེན་པོ་གང་ཡིན་པའོ། །བདག་ནི་བཏང་སྙོམས་ལ་གནས་ཀྱི། གཞན་དག་ཀྱང་བཏང་སྙོམས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བཏང་སྙོམས་ནི་རྗེས་སུ་ཆགས་པ་དང་ཁོང་ཁྲོ་བ་སྤོང་བ་གང་ཡིན་པའོ། །བདག་ནི་རྣམ་པར་གཏན་ལ་འབེབས་པར་མཁས་པ་ལ་གནས་ཀྱི། གཞན་དག་ཀྱང་རྣམ་པར་གཏན་ལ་འབེབས་པར་མཁས་པ་ལ་དགོད་དོ་ 24a ༄#། །ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྣམ་པར་གཏན་ལ་འབབས་པ་ལ་མཁས་པ་ནི་ཆོས་ཐམས་ཅད་ལ་བརྗོད་དུ་མེད་པར་འཇུག་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སྡུག་བསྔལ་ཤེས་པ་ལ་གནས་ཀྱི། གཞན་དག་ཀྱང་སྡུག་བསྔལ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྡུག་བསྔལ་ཤེས་པ་ནི་ཕུང་པོ་རྣམས་ལ་མི་སྐྱེ་བར་ཤེས་པ་གང་ཡིན་པའོ། །བདག་ནི་ཀུན་འབྱུང་བ་ཤེས་པ་ལ་གནས་ཀྱི། གཞན་དག་ཀྱང་ཀུན་འབྱུང་བ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཀུན་འབྱུང་བ་ཤེས་པ་ནི་སྲེད་པ་ཡང་དག་པར་འཇོམས་པ་ཤེས་པ་གང་ཡིན་པའོ། །བདག་ནི་འགོག་པ་ཤེས་པ་ལ་གནས་ཀྱི། གཞན་དག་ཀྱང་འགོག་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འགོག་པ་ཤེས་པ་ནི་མ་རིག་པའི་བག་ལ་ཉལ་རྣམས་འབྱུང་བ་མེད་པ་གང་ཡིན་པའོ། །བདག་ནི་ལམ་ཤེས་པ་ལ་གནས་ཀྱི། གཞན་དག་ 24b ཀྱང་ལམ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལམ་ཤེས་པ་ནི་ཆོས་ཐམས་ཅད་མཉམ་པ་ཉིད་དུ་གྱུར་པ་ལ་སྒྲོ་འདོགས་པ་མེད་པར་ཤེས་པ་གང་ཡིན་པའོ། །བདག་ནི་རང་གི་འཁྲུལ་པ་ལ་སོ་སོར་རྟོག་པ་ལ་གནས་ཀྱི། གཞན་དག་ཀྱང་རང་གི་འཁྲུལ་པ་ལ་སོ་སོར་རྟོག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རང་གི་འཁྲུལ་པ་ལ་སོ་སོར་རྟོག་པ་ནི་རང་གི་སེམས་ལ་ངེས་པར་སེམས་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་གཞན་གྱི་སེམས་རྗེས་སུ་བསྲུང་བར་བྱ་བ་ལ་གནས་ཀྱི། གཞན་དག་ཀྱང་གཞན་གྱི་སེམས་རྗེས་སུ་བསྲུང་བར་བྱ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གཞན་གྱི་སེམས་རྗེས་སུ་བསྲུང་བར་བྱ་བ་ནི་ཕ་རོལ་གྱི་འཁྲུལ་པ་ལ་མ་ཁྲོས་པར་སྐུར་བ་གང་ཡིན་པའོ། །བདག་ནི་སེམས་རབ་ཏུ་དུལ་བ་ལ་གནས་ཀྱི ། གཞན་དག་ཀྱང་སེམས་རབ་ཏུ་དུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་རབ་ཏུ་དུལ་བ་ནི་སེམས་ཅན་ཡོངས་སུ་སྨིན་པར་བྱེད་པ་ལ་སྐྱོ་བ་བཟོད་ 25a ༄#། །པ་གང་ཡིན་པའོ། །བདག་ནི་ཁྲོ་བ་མེད་པ་ཉིད་ལ་གནས་ཀྱི། གཞན་དག་ཀྱང་ཁྲོ་བ་མེད་པ་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཁྲོ་བ་མེད་པ་ཉིད་ནི་སེམས་ཅན་ཐམས་ཅད་ལ་ཁོང་ཁྲོ་བ་མེད་པའི་སེམས་ཉིད་གང་ཡིན་པའོ། །བདག་ནི་བདག་ལ་སོ་སོར་རྟོག་པ་ལ་གནས་ཀྱི། གཞན་དག་ཀྱང་བདག་ལ་སོ་སོར་རྟོག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བདག་ལ་སོ་སོར་རྟོག་པ་ནི་བདག་ལ་བདག་མེད་པའི་མཚན་ཉིད་གང་ཡིན་པའོ། །བདག་ནི་ཅིའང་མེད་པ་ལ་གནས་ཀྱི། གཞན་དག་ཀྱང་ཅིའང་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཅིའང་མེད་པ་ནི་ལུས་ལ་དམིགས་པ་ལས་དབེན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མི་སྐྱེ་བའི་བཟོད་པ་ལ་གནས་ཀྱི། གཞན་དག་ཀྱང་མི་སྐྱེ་བའི་བཟོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མི་སྐྱེ་བའི་བཟོད་པ་ནི་འགོག་པ་མངོན་དུ་བྱེད་པ་གང་ཡིན་པའོ། །བདག་ནི་འགོག་པ་མེད་པའི་བཟོད་པ་ལ་གནས་ཀྱི། གཞན་དག་ཀྱང་ 25b འགོག་པ་མེད་པའི་བཟོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འགོག་པ་མེད་པའི་བཟོད་པ་ནི་མི་སྐྱེ་བ་མངོན་དུ་བྱེད་པ་གང་ཡིན་པའོ། །བདག་ནི་ལུས་སུ་གྱུར་པའི་དྲན་པ་ལ་གནས་ཀྱི། གཞན་དག་ཀྱང་ལུས་སུ་གྱུར་པའི་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལུས་སུ་གྱུར་པའི་དྲན་པ་ནི་ལུས་དབེན་པ་ཉིད་གང་ཡིན་པའོ།། བདག་ནི་ཚོར་བར་གྱུར་པའི་དྲན་པ་ལ་གནས་ཀྱི། གཞན་དག་ཀྱང་ཚོར་བར་གྱུར་པའི་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚོར་བར་གྱུར་པའི་དྲན་པ་ནི་ཚོར་བ་ཐམས་ཅད་ཀྱི་རྒྱུན་ཆད་པ་གང་ཡིན་པའོ། །བདག་ནི་སེམས་སུ་གྱུར་པའི་དྲན་པ་ལ་གནས་ཀྱི། གཞན་དག་ཀྱང་སེམས་སུ་གྱུར་པའི་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་སུ་གྱུར་པའི་དྲན་པ་ནི་གནས་མེད་པའི་ཕྱིར་སེམས་ལ་སྒྱུ་མ་ལྟ་བུར་སོ་སོར་རྟོག་པ་ཉིད་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཆོས་སུ་གྱུར་པའི་དྲན་པ་ལ་གནས་ཀྱི། གཞན་དག་ཀྱང་ཆོས་སུ་གྱུར་པའི་དྲན་པ་ལ་དགོད་དོ་ཞེས་དབུགས་འབྱིན་ 26a ༄#། །པ་རྙེད་པར་འགྱུར་ཏེ། དེ་ལ་ཆོས་སུ་གྱུར་པའི་དྲན་པ་ནི་ཆོས་ཐམས་ཅད་ཡང་དག་པར་ཇི་ལྟ་བ་བཞིན་དུ་རྟོགས་པ་གང་ཡིན་པའོ། །བདག་ནི་དད་པའི་དབང་པོ་ལ་གནས་ཀྱི། གཞན་དག་ཀྱང་དད་པའི་དབང་པོ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དད་པའི་དབང་པོ་ནི་ཆོས་ཐམས་ཅད་ལ་གཞན་གྱི་དྲིང་མི་འཇོག་པའི་ཤེས་པ་ཉིད་གང་ཡིན་པའོ། །བདག་ནི་བརྩོན་འགྲུས་ཀྱི་དབང་པོ་ལ་གནས་ཀྱི། གཞན་དག་ཀྱང་བརྩོན་འགྲུས་ཀྱི་དབང་པོ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྩོན་འགྲུས་ཀྱི་དབང་པོ་ནི་ཆོས་ཐམས་ཅད་ལ་ལེགས་པར་རྟོགས་པའི་ཤེས་པ་ཉིད་གང་ཡིན་པའོ། །བདག་ནི་དྲན་པའི་དབང་པོ་ལ་གནས་ཀྱི། གཞན་དག་ཀྱང་དྲན་པའི་དབང་པོ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དྲན་པའི་དབང་པོ་ནི་ལེགས་པར་བྱ་བའི་ལས་བྱེད་པ་གང་ཡིན་པའོ། །བདག་ནི་ཏིང་ངེ་འཛིན་གྱི་དབང་པོ་ལ་གནས་ཀྱི། གཞན་དག་ཀྱང་ཏིང་ངེ་འཛིན་གྱི་དབང་པོ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཏིང་ངེ་འཛིན་གྱི་དབང་པོ་ནི་སེམས་རྣམ་པར་གྲོལ་བ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་ 26b སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཤེས་རབ་ཀྱི་དབང་པོ་ལ་གནས་ཀྱི། གཞན་དག་ཀྱང་ཤེས་རབ་ཀྱི་དབང་པོ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་རབ་ཀྱི་དབང་པོ་ནི་ཆོས་ཐམས་ཅད་ལ་མངོན་སུམ་དུ་ཤེས་པ་ཉིད་གང་ཡིན་པའོ། །བདག་ནི་དད་པའི་སྟོབས་ལ་གནས་ཀྱི། གཞན་དག་ཀྱང་དད་པའི་སྟོབས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དད་པའི་སྟོབས་ནི་བདུད་ཀྱི་ལས་ལས་ཡང་དག་པར་འདའ་བ་གང་ཡིན་པའོ། །བདག་ནི་ཡེ་ཤེས་ཀྱི་སྟོབས་ལ་གནས་ཀྱི། གཞན་དག་ཀྱང་ཡེ་ཤེས་ཀྱི་སྟོབས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡེ་ཤེས་ཀྱི་སྟོབས་ནི་མི་ཤེས་པ་རྣམ་པར་འཇོམས་པ་གང་ཡིན་པའོ། །བདག་ནི་བརྩོན་འགྲུས་ཀྱི་སྟོབས་ལ་གནས་ཀྱི། གཞན་དག་ཀྱང་བརྩོན་འགྲུས་ཀྱི་སྟོབས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྩོན་འགྲུས་ཀྱི་སྟོབས་ནི་ཕྱིར་མི་ལྡོག་པའི་ཆོས་སྒྲུབ་པ་ཉིད་གང་ཡིན་པའོ། །བདག་ནི་དྲན་པའི་སྟོབས་ལ་གནས་ཀྱི། གཞན་དག་ཀྱང་དྲན་པའི་སྟོབས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དྲན་པའི་སྟོབས་ནི་སངས་རྒྱས་ཀྱི་ཆོས་ཐམས་ཅད་འཛིན་པ་ཉིད་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ 27a ༄#། །བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན ། འདི་ལྟ་སྟེ། བདག་ནི་ཏིང་ངེ་འཛིན་གྱི་སྟོབས་ལ་གནས་ཀྱི། གཞན་དག་ཀྱང་ཏིང་ངེ་འཛིན་གྱི་སྟོབས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཏིང་ངེ་འཛིན་གྱི་སྟོབས་ནི་རྟོག་པ་དང་དཔྱོད་པ་ཐམས་ཅད་སྤོང་བ་གང་ཡིན་པའོ། །བདག་ནི་ཤེས་རབ་ཀྱི་སྟོབས་ལ་གནས་ཀྱི། གཞན་དག་ཀྱང་ཤེས་རབ་ཀྱི་སྟོབས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་རབ་ཀྱི་སྟོབས་ནི་མི་རྫི་བའི་ཤེས་པ་ཉིད་གང་ཡིན་པའོ། །བདག་ནི་དྲན་པ་ཡང་དག་བྱང་ཆུབ་ཀྱི་ཡན་དག་ལ་གནས་ཀྱི། གཞན་དག་ཀྱང་དྲན་པ་ཡང་དག་བྱང་ཆུབ་ཀྱི་ཡན་ལག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དྲན་པ་ཡང་དག་བྱང་ཆུབ་ཀྱི་ཡན་ལག་ནི་དམ་པའི་ཆོས་ཇི་ལྟ་བ་བཞིན་དུ་ཡོངས་སུ་ཤེས་པ་གང་ཡིན་པའོ། །བདག་ནི་ཆོས་རབ་ཏུ་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ལ་གནས་ཀྱི། གཞན་དག་ཀྱང་ཆོས་རབ་ཏུ་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་རབ་ཏུ་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི་ཆོས་ཐམས་ཅད་སྣང་བ་གང་ཡིན་པའོ། །བདག་ནི་བརྩོན་འགྲུས་ཡང་དག་བྱང་ 27b ཆུབ་ཀྱི་ཡན་ལག་ལ་གནས་ཀྱི། གཞན་དག་ཀྱང་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི་ཆོས་ཐམས་ཅད་ལེགས་པར་རིག་པའི་ཤེས་པ་ཉིད་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་དགའ་བ་ཡང་དག་བྱང་ཆུབ་ཀྱི་ཡན་ལག་ལ་གནས་ཀྱི། གཞན་དག་ཀྱང་དགའ་བ་ཡང་དག་བྱང་ཆུབ་ཀྱི་ཡན་ལག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དགའ་བ་ཡང་དག་བྱང་ཆུབ་ཀྱི་ཡན་ལག་ནི་ཏིང་ངེ་འཛིན་དང་སྙོམས་པར་འཇུག་པ་གང་ཡིན་པའོ། །བདག་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ལ་གནས་ཀྱི། གཞན་དག་ཀྱང་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི་སངས་རྒྱས་ཀྱི་ཆོས་ཐམས་ཅད་ལ་བྱ་བ་བྱས་པ་གང་ཡིན་པའོ། །བདག་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ལ་གནས་ཀྱི། གཞན་དག་ཀྱང་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ལ་དགོད་ 28a ༄#། །དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི་ཆོས་ཐམས་ཅད་མཉམ་པ་ཉིད་དུ་རྟོག་པ་གང་ཡིན་པའོ། ། བདག་ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་ལ་གནས་ཀྱི། གཞན་དག་ཀྱང་བཏང་སྙོམས་ཡང་དག་བྱང་ཆུབ་ཀྱི་ཡན་ལག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བཏང་སྙོམས་ཡང་དག་བྱང་ཆུབ་ཀྱི་ཡན་ལག་ནི་འཕགས་པའི་ཆོས་ལའང་རྗེས་སུ་ཆགས་པར་མི་བྱེད། འཕགས་པ་མ་ཡིན་པའི་ཆོས་ལའང་ཁོང་ཁྲོ་བར་མི་བྱེད་པ་གང་ཡིན་པའོ། །བདག་ནི་ཡང་དག་པའི་ལྟ་བ་ལ་གནས་ཀྱི། གཞན་དག་ཀྱང་ཡང་དག་པའི་ལྟ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པའི་ལྟ་བ་ནི་མི་འགྱུར་བ་ལ་འཇུག་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཡང་དག་པའི་རྟོག་པ་ལ་གནས་ཀྱི། གཞན་དག་ཀྱང་ཡང་དག་པའི་རྟོག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པའི་རྟོག་པ་ནི་ཀུན་རྟོག་ 28b པ་དང ། རྣམ་པར་རྟོག་པ་དང ། ཡོངས་སུ་རྟོག་པ་སྤོང་བ་གང་ཡིན་པའོ། །བདག་ནི་ཡང་དག་པའི་ངག་ལ་གནས་ཀྱི། གཞན་དག་ཀྱང་ཡང་དག་པའི་ངག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པའི་ངག་ནི་ཡི་གེ་དང ། སྐད་དང ། དབྱངས་ཐམས་ཅད་ལ་ངག་གི་ལམ་དུ་འདུ་ཤེས་པ་གང་ཡིན་པའོ། །བདག་ནི་ཡང་དག་པའི་ལས་ཀྱི་མཐའ་ལ་གནས་ཀྱི། གཞན་དག་ཀྱང་ཡང་དག་པའི་ལས་ཀྱི་མཐའ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པའི་ལས་ཀྱི་མཐའ་ནི་ཆོས་ཐམས་ཅད་ལ་ལས་ཀྱི་རྣམ་པར་སྨིན་པ་མེད་པ་ལ་འཇུག་པ་གང་ཡིན་པའོ། །བདག་ནི་ཡང་དག་པའི་འཚོ་བ་ལ་གནས་ཀྱི། གཞན་དག་ཀྱང་ཡང་དག་པའི་འཚོ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པའི་འཚོ་བ་ནི་ཚོར་བ་ཐམས་ཅད་ཀྱི་རྒྱུན་བཅད་པ་གང་ཡིན་པའོ། །བདག་ནི་ཡང་དག་པའི་རྩོལ་བ་ལ་གནས་ཀྱི། གཞན་དག་ཀྱང་ཡང་དག་པའི་རྩོལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པའི་རྩོལ་བ་ནི་ཚུ་རོལ་གྱི་མུ་ཡོངས་སུ་རྫོགས་བཞིན་ཕ་རོལ་གྱི་འགྲམ་དུ་འགྲོ་བ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་ 29a ༄#། །དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཡང་དག་པའི་དྲན་པ་ལ་གནས་ཀྱི། གཞན་དག་ཀྱང་ཡང་དག་པའི་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པའི་དྲན་པ་ནི་རློམ་སེམས་ངོ་བོ་ཉིད་མེད་པའི་ཕྱིར་ཆོས་ཐམས་ཅད་ལ་དྲན་པ་མེད་ཅིང་ཡིད་ལ་བྱེད་པ་མེད་པ་གང་ཡིན་པའོ། །བདག་ནི་ཡང་དག་པའི་ཏིང་ངེ་འཛིན་ལ་གནས་ཀྱི། གཞན་དག་ཀྱང་ཡང་དག་པའི་ཏིང་ངེ་འཛིན་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པའི་ཏིང་ངེ་འཛིན་ནི་སེམས་མེད་པའི་སྙོམས་པར་འཇུག་པ་གང་ཡིན་པའོ། །བདག་ནི་བྱང་ཆུབ་ཀྱི་སེམས་ལ་གནས་ཀྱི། གཞན་དག་ཀྱང་བྱང་ཆུབ་ཀྱི་སེམས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བྱང་ཆུབ་སེམས་ཀྱི་སེམས་ནི་བསམ་གྱིས་མི་ཁྱབ་པའི་ཡེ་ཤེས་མངོན་པར་སྒྲུབ་པ་གང་ཡིན་པའོ། ། བདག་ནི་བྱང་ཆུབ་སེམས་དཔའི་བསླབ་པ་ལ་གནས་ཀྱི། གཞན་དག་ཀྱང་བྱང་ཆུབ་སེམས་དཔའི་བསླབ་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བྱང་ཆུབ་སེམས་དཔའི་བསླབ་པ་ནི་བསླབ་པ་ཐམས་ཅད་ལས་ཡང་དག་པར་འདའ་བ་གང་ཡིན་པའོ། །བདག་ནི་ཉོན་མོངས་པ་དང་དབྱེར་མེད་པའི་ཡེ་ཤེས་ལ་གནས་ཀྱི། གཞན་དག་ཀྱང་ 29b ཉོན་མོངས་པ་དང་དབྱེར་མེད་པའི་ཡེ་ཤེས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཉོན་མོངས་པ་དང་དབྱེར་མེད་པའི་ཡེ་ཤེས་ནི་ཉོན་མོངས་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཡེ་ཤེས་ནི་ཉོན་མོངས་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། ཉོན་མོངས་པའི་རང་བཞིན་ལས་ཡེ་ཤེས་གཞན་མེད་པས་ཉོན་མོངས་པའི་རང་བཞིན་ཉིད་ཡེ་ཤེས་སོ། །ཉོན་མོངས་པའི་རང་བཞིན་གྱི་ཡེ་ཤེས་དེས་ཆོས་ཐམས་ཅད་ཤེས་ཏེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན།་འདི་ལྟ་སྟེ། བདག་ནི་སྦྱིན་པའི་ཕ་རོལ་ཏུ་ཕྱིན་པ་ལ་གནས་ཀྱི། གཞན་དག་ཀྱང་སྦྱིན་པའི་ཕ་རོལ་ཏུ་ཕྱིན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྦྱིན་པའི་ཕ་རོལ་ཏུ་ཕྱིན་པ་ནི་སེམས་ཅན་སེར་སྣ་ཅན་ཡོངས་སུ་སྨིན་པར་བྱེད་པ་ཉིད་གང་ཡིན་པའོ། །བདག་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ཀྱི། གཞན་དག་ཀྱང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་ཚུལ་ཁྲིམས་འཆལ་པའི་སེམས་ཅན་ཡོངས་སུ་སྨིན་པར་བྱེད་པ་ཉིད་ 30a ༄#། །གང་ཡིན་པའོ། །བདག་ནི་བཟོད་པའི་ཕ་རོལ་ཏུ་ཕྱིན་པ་ལ་གནས་ཀྱི། གཞན་དག་ཀྱང་བཟོད་པའི་ཕ་རོལ་ཏུ་ཕྱིན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བཟོད་པའི་ཕ་རོལ་ཏུ་ཕྱིན་པ་ལ་ནི་གནོད་སེམས་ཀྱི་སེམས་དང་ལྡན་པའི་སེམས་ཅན་ཡོངས་སུ་སྨིན་པར་བྱེད་པ་ཉིད་གང་ཡིན་པའོ། །བདག་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ཀྱི། གཞན་དག་ཀྱང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་སེམས་ཅན་ལེ་ལོ་ཅན་ཡོངས་སུ་སྨིན་པར་བྱེད་པ་ཉིད་གང་ཡིན་པའོ། །བདག་ནི་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ཀྱི། གཞན་དག་ཀྱང་བསམ་གཏན་གྱི་ཕ་རོལ་ཏུ་ཕྱིན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསམ་གཏན་གྱི་ཕ་རོལ་ཏུ་ཕྱིན་པ་ནི་སེམས་རྣམ་པར་གཡེངས་པའི་སེམས་ཅན་ཡོངས་སུ་སྨིན་པར་བྱེད་པ་ཉིད་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཤེས་ 30b རབ་ཀྱི་ཕ་རོལ་ཏུ་ཕྱིན་པ་ལ་གནས་ཀྱི། གཞན་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཤེས་རབ་འཆལ་བའི་སེམས་ཅན་ཡོངས་སུ་སྨིན་པར་བྱེད་པ་ཉིད་གང་ཡིན་པའོ། །བདག་ནི་དམ་པའི་ཆོས་ཡོངས་སུ་གཟུང་བ་ལ་གནས་ཀྱི། གཞན་དག་ཀྱང་དམ་པའི་ཆོས་ཡོངས་སུ་གཟུང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དམ་པའི་ཆོས་ཡོངས་སུ་གཟུང་བ་ནི་བྱང་ཆུབ་སེམས་དཔའ་རྣམས་ཡོངས་སུ་འཛིན་པ་གང་ཡིན་པའོ། །བདག་ནི་བསོད་ནམས་ཀྱི་ཚོགས་ལ་གནས་ཀྱི། གཞན་དག་ཀྱང་བསོད་ནམས་ཀྱི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསོད་ནམས་ཀྱི་ཚོགས་ནི་བྱང་ཆུབ་སེམས་དཔའ་རྣམས་ལ་རྙེད་པ་དང ། བཀུར་སྟི་འབུལ་བ་དང ། ཕྱོགས་དང ། ཕྱོགས་མཚམས་སུ་གྲགས་པའི་སྒྲ་དང ། ཚིགས་སུ་བཅད་པ་འབྱིན་པ་གང་ཡིན་པའོ། །བདག་ནི་ཡེ་ཤེས་ཀྱི་ཚོགས་ལ་གནས་ཀྱི། གཞན་དག་ཀྱང་ཡེ་ཤེས་ཀྱི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡེ་ཤེས་ཀྱི་ཚོགས་ནི་བྱང་ཆུབ་སེམས་དཔའ་རྣམས་ཡེ་ཤེས་ཀྱི་ཚོགས་ཀྱིས་བརྟན་པ་དང ། གོས་དང ། ཟས་དང ། མལ་ཆ་དང ། ན་བའི་གསོས་སྨན་གྱིས་བརྟན་པ་གང་ཡིན་པའོ། །བདག་ནི་ 31a ༄#། །ཞི་གནས་ཀྱི་ཚོགས་ལ་གནས་ཀྱི། གཞན་དག་ཀྱང་ཞི་གནས་ཀྱི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཞི་གནས་ཀྱི་ཚོགས་ནི་ཆོས་ཐམས་ཅད་མཉམ་པ་ཉིད་དུ་འཇུག་པ་ལ་རློམ་སེམས་མེད་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ལྷག་མཐོང་གི་ཚོགས་ལ་གནས་ཀྱི། གཞན་དག་ཀྱང་ལྷག་མཐོང་གི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལྷག་མཐོང་གི་ཚོགས་ནི་ཆོས་ཐམས་ཅད་ལ་མཐའ་དང་དབུས་མེད་པར་འཇུག་པ་གང་ཡིན་པའོ། །བདག་ནི་ཚུལ་ཁྲིམས་ལ་གནས་ཀྱི། གཞན་དག་ཀྱང་ཚུལ་ཁྲིམས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་ནི་ལུས་དང་ངག་དང་ཡིད་ཀྱི་ལས་ཡོངས་སུ་དག་པ་གང་ཡིན་པའོ། །བདག་ནི་བཟོད་པ་ལ་གནས་ཀྱི། གཞན་དག་ཀྱང་བཟོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བཟོད་པ་ནི་ལས་ཀྱི་རྣམ་པར་སྨིན་པ་ལ་ཡིད་ཆེས་པ་གང་ཡིན་པའོ།། 31b བདག་ནི་བརྩོན་འགྲུས་ལ་གནས་ཀྱི། གཞན་དག་ཀྱང་བརྩོན་འགྲུས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྩོན་འགྲུས་ནི་སེམས་ཅན་ཐམས་ཅད་བསོད་ནམས་ཀྱི་ཚོགས་ལ་གཟུད་པར་བྱ་བ་ལ་ཡོངས་སུ་སྐྱོ་བ་མེད་པ་གང་ཡིན་པའོ། །བདག་ནི་བསམ་གཏན་ལ་གནས་ཀྱི། གཞན་དག་ཀྱང་བསམ་གཏན་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསམ་གཏན་ནི་དམིགས་པ་ཐམས་ཅད་ལ་གནས་པ་མེད་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཤེས་རབ་ལ་གནས་ཀྱི། གཞན་དག་ཀྱང་ཤེས་རབ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་རབ་ནི་ཆོས་ཐམས་ཅད་མངོན་སུམ་དུ་གྱུར་བ་གང་ཡིན་པའོ། །བདག་ནི་སངས་རྒྱས་ཀྱི་ཆོས་ཐམས་ཅད་བསྡུ་བ་ལ་གནས་ཀྱི། གཞན་དག་ཀྱང་སངས་རྒྱས་ཀྱི་ཆོས་ཐམས་ཅད་བསྡུ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་ཀྱི་ཆོས་ཐམས་ཅད་བསྡུ་བ་ནི་བསམ་པས་བསྡུས་པའི་བྱང་ཆུབ་ཀྱི་སེམས་གང་ཡིན་པའོ། །བདག་ནི་ཆོས་ 32a ༄#། །སྨྲ་བ་ལ་གནས་ཀྱི། གཞན་དག་ཀྱང་ཆོས་སྨྲ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་སྨྲ་བ་ནི་དེ་བཞིན་གཤེགས་པས་གནང་བ་བརྗོད་པ་གང་ཡིན་པའོ། །བདག་ནི་དྲན་པ་ལ་གནས་ཀྱི། གཞན་དག་ཀྱང་དྲན་པ་ལ་འགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དྲན་པ་ནི་མི་བརྗེད་པའི་ཆོས་ལ་འཇུག་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བློ་གྲོས་ལ་གནས་ཀྱི། གཞན་དག་ཀྱང་བློ་གྲོས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བློ་གྲོས་ནི་ཆོས་ཀྱི་མཚམས་སྦྱོར་བ་ཁོང་དུ་ཆུད་པ་གང་ཡིན་པའོ། །བདག་ནི་བརྟན་པ་ལ་གནས་ཀྱི། གཞན་དག་ཀྱང་བརྟན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྟན་པ་ནི་སྤྱོད་པ་དང་ཆོ་ག་ཕུན་སུམ་ཚོགས་པ་གང་ཡིན་པའོ། །བདག་ནི་རྟོགས་པ་ལ་གནས་ཀྱི།་གཞན་དག་ཀྱང་རྟོགས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྟོགས་པ་ནི་དོན་རྟོགས་པ་ལ་འཇུག་པ་གང་ཡིན་པའོ། །བདག་ནི་ཡང་དག་པའི་རྣམ་ 32b པར་གྲོལ་བ་ལ་གནས་ཀྱི། གཞན་དག་ཀྱང་ཡང་དག་པའི་རྣམ་པར་གྲོལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པའི་རྣམ་པར་གྲོལ་བ་ནི་ཆོས་གང་ཡང་ཐོབ་པ་མེད་པ་གང་ཡིན་པའོ། །བདག་ནི་ཀུན་ནས་ལྡང་བ་རྣམ་པར་གནོན་པ་ལ་གནས་ཀྱི། གཞན་དག་ཀྱང་ཀུན་ནས་ལྡང་བ་རྣམ་པར་གནོན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཀུན་ནས་ལྡང་བ་རྣམ་པར་གནོན་པ་ནི་ཉེས་པའི་རྡུལ་འཆགས་པ་དང ། ཕྱིན་ཆད་མི་དགེ་བའི་ཆོས་རྣམས་སྡོམ་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཆོ་ག་ལ་གནས་ཀྱི། གཞན་དག་ཀྱང་ཆོ་ག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ།་དེ་ལ་ཆོ་ག་ནི་བྱང་ཆུབ་སེམས་དཔའ་རྣམས་ཀྱི་སྤྱོད་པ་ལ་སྒྲུབ་པ་གང་ཡིན་པའོ། །བདག་ནི་བྱ་བ་ལ་གནས་ཀྱི། གཞན་དག་ཀྱང་བྱ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བྱ་བ་གི་སྟོང་པ་ཉིད་ལའང་མོས་པ། ལས་ཀྱི་རྣམ་པར་སྨིན་པ་ལའང་ཡིད་ཆེས་པ་གང་ཡིན་པའོ། །བདག་ནི་སྡིག་པ་འདོད་པ་དང་བྲལ་བ་ལ་གནས་ཀྱི། གཞན་དག་ 33a ༄#། །ཀྱང་སྡིག་པ་འདོད་པ་དང་བྲལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྡིག་པ་འདོད་པ་དང་བྲལ་བ་ནི་རྙེད་པ་དང ། བཀུར་སྟི་དང ། ཚིགས་སུ་བཅད་པ་ལས་སྡིག་པ་མི་འདོད་པ་གང་ཡིན་པའོ། །བདག་ནི་བདག་ལ་མི་བསྟོད་གཞན་ལ་མི་སྨོད་པ་ལ་གནས་ཀྱི། གཞན་དག་ཀྱང་བདག་ལ་མི་བསྟོད་གཞན་ལ་མི་སྨོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བདག་ལ་མི་བསྟོད་གཞན་ལ་མི་སྨོད་པ་ནི། བདག་ལ་ཡོན་ཏན་ཡོད་པ་སྒྲོ་མི་འདོགས་པ་གང་ཡིན་པ་འདི་ནི་བདག་ལ་མི་བསྟོད་པའོ། །གཞན་གྱི་ཡོན་ཏན་ཡང་དག་པ་ཆུད་མི་གཟོན་པ་གང་ཡིན་པ་འདི་ནི་གཞན་ལ་མི་སྨོད་པའོ། །བདག་ནི་ཡང་དག་པ་ལ་གནས་ཀྱི། གཞན་དག་ཀྱང་ཡང་དག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པ་ནི་ཆོས་ཐམས་ཅད་ལ་འདུ་ཤེས་མེད་པ་དང ། འདུ་ཤེས་ལ་རློམ་སེམས་མེད་པ་གང་ཡིན་པ་སྟེ། འཇམ་དཔལ།་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བག་ཆགས་ཀྱི་མཚམས་སྦྱོར་བ་ལེགས་པར་འཇོམས་ 33b པ་ལ་གནས་ཀྱི། གཞན་དག་ཀྱང་བག་ཆགས་ཀྱི་མཚམས་སྦྱོར་བ་ལེགས་པར་འཇོམས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བག་ཆགས་ཀྱི་མཚམས་སྦྱོར་བ་ལེགས་པར་འཇོམས་པ་ནི་སྔོན་གྱི་བྱིས་པའི་སྤྱོད་པ་ལ་སྨོད་པ་དང ། ཉན་ཐོས་དང་རང་སངས་རྒྱས་ཀྱི་ས་ལ་འདོད་པ་མེད་པ་གང་ཡིན་པའོ། །བདག་ནི་རྗེས་སུ་ཆགས་པ་དང ། ཁོང་ཁྲོ་བ་སྤོང་བ་ལ་གནས་ཀྱི། གཞན་དག་ཀྱང་རྗེས་སུ་ཆགས་པ་དང ། ཁོང་ཁྲོ་བ་སྤོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྗེས་སུ་ཆགས་པ་དང་ཁོང་ཁྲོ་བ་སྤོང་བ་ནི་མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་དང ། དགེ་བའི་ཆོས་སྐྱེས་པ་རྣམས་ཆུད་མི་གཟོན་པ་གང་ཡིན་པའོ། །བདག་ནི་མཉམ་པ་ལ་གནས་ཀྱི། གཞན་དག་ཀྱང་མཉམ་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མཉམ་པ་ནི་འཕགས་པའི་བདེན་པ་རྟོགས་པ་གང་ཡིན་པའོ། །བདག་ནི་དྲང་བ་ལ་གནས་ཀྱི། གཞན་དག་ཀྱང་དྲང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དྲང་བ་ནི་འཕགས་པའི་ལམ་ལ་རྟོག་པ་མེད་པ་གང་ཡིན་པའོ། །བདག་ནི་བཞིན་ཁྲོ་གཉེར་མེད་པ་ལ་གནས་ཀྱི། གཞན་དག་ཀྱང་བཞིན་ཁྲོ་གཉེར་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བཞིན་ཁྲོ་གཉེར་མེད་པ་ནི་ཞེ་སྡང་དང་བྲལ་བ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ 34a ༄#། །ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་གསོང་པོར་སྨྲ་བ་ལ་གནས་ཀྱི། གཞན་དག་ཀྱང་གསོང་པོར་སྨྲ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གསོང་པོར་སྨྲ་བ་ནི་ཚུར་ཤོག་།ལེགས་པར་འོངས་སམ་ཞེས་བརྗོད་ཅིང་ལྡང་བའི་ཟོ་བདོག་ཡང་བ་གང་ཡིན་པའོ། །བདག་ནི་ཡེ་ཤེས་མཐའ་ཡས་པ་ལ་གནས་ཀྱི། གཞན་དག་ཀྱང་ཡེ་ཤེས་མཐའ་ཡས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡེ་ཤེས་མཐའ་ཡས་པ་ནི་ཕྱོགས་བཅུའི་འཇིག་རྟེན་རབ་འབྱམས་ཐམས་ཅད་དུ་འཇིག་རྟེན་དང ། འཇིག་རྟེན་ལས་འདས་པའི་ལས་དང ། བཟོའི་གནས་ལ་ཡེ་ཤེས་ལྷུན་གྱིས་གྲུབ་པ་གང་ཡིན་པའོ། །བདག་ནི་ལས་ཀྱི་རྣམ་པར་སྨིན་པ་ལ་ནེམ་ནུར་མེད་པར་གནས་ཀྱི། གཞན་དག་ཀྱང་ལས་ཀྱི་རྣམ་པར་སྨིན་པ་ལ་ནེམ་ནུར་མེད་པར་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལས་ཀྱི་རྣམ་པར་སྨིན་པ་ལ་ནེམ་ནུར་མེད་པ་ནི་རྟག་པ་དང ། ཆད་པ་ཡོངས་སུ་སྡངས་པ་གང་ཡིན་པའོ། །བདག་ནི་བརྗོད་དུ་མེད་པ་ལ་གནས་ཀྱི། གཞན་དག་ཀྱང་བརྗོད་དུ་མེད་པ་ 34b ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྗོད་དུ་མེད་པ་ནི་སེམས་དང ། ཡིད་དང ། རྣམ་པར་ཤེས་པ་རྣམས་ཡིད་ལ་བྱེད་པ་མེད་ཅིང་སྒྲོ་འདོགས་པ་མེད་པ་གང་ཡིན་པའོ། །བདག་ནི་ཆོས་ཀྱི་དབྱིངས་ཤེས་པ་ལ་གནས་ཀྱི། གཞན་དག་ཀྱང་ཆོས་ཀྱི་དབྱིངས་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ཀྱི་དབྱིངས་ཤེས་པ་ནི་ཆོས་ཐམས་ཅད་ཆོས་ཀྱི་དབྱིངས་དབྱེར་མེད་པ་གཉིས་སུ་མེད་པར་ཤེས་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སྤོང་བ་ལ་གནས་ཀྱི། གཞན་དག་ཀྱང་ཡང་དག་པར་སྤོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྤོང་བ་ནི་དམིགས་པ་དག་ལ་མེད་པའི་འདུ་ཤེས་གང་ཡིན་པ་དང ། རློམ་སེམས་གང་ཡིན་པའོ། །བདག་ནི་སྒྲིབ་པ་མེད་པའི་ཡེ་ཤེས་ལ་གནས་ཀྱི། གཞན་དག་ཀྱང་སྒྲིབ་པ་མེད་པའི་ཡེ་ཤེས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྒྲིབ་པ་མེད་པའི་ཡེ་ཤེས་ནི་མཐའ་དང་མཐའ་མེད་པ་རྣམ་པར་དག་པ་གང་ཡིན་པའོ། །བདག་ནི་ཚིག་གི་མཚམས་ 35a ༄#། །སྦྱོར་བ་ཤེས་པ་ལ་གནས་ཀྱི། གཞན་དག་ཀྱང་ཚིག་གི་མཚམས་སྦྱོར་བ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚིག་གི་མཚམས་སྦྱོར་བ་ཤེས་པ་ནི་སྨོན་ལམ་གྱི་ཁྱད་པར་ཡང་དག་པར་འབྱུང་བས་དགེ་བའི་རྩ་བ་ཡོངས་སུ་བསྔོ་བ་གང་ཡིན་པའོ། །བདག་ནི་དེས་པ་ལ་གནས་ཀྱི། གཞན་དག་ཀྱང་དེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དེས་པ་ནི་སེམས་ཅན་ཐམས་ཅད་ལ་ཕན་པའི་གཞི་གང་ཡིན་པའོ། །བདག་ནི་བདུད་ཀྱི་ལས་དང་བྲལ་བ་ལ་གནས་ཀྱི། གཞན་དག་ཀྱང་བདུད་ཀྱི་ལས་དང་བྲལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བདུད་ཀྱི་ལས་དང་བྲལ་བ་ནི་ལྟ་བར་གྱུར་བ་ཡོངས་སུ་ཤེས་པ་གང་ཡིན་པ་སྟེ།་འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སངས་རྒྱས་ལ་སྐྱབས་སུ་སོང་གི་།གཞན་དག་ཀྱང་སངས་རྒྱས་ལ་སྐྱབས་སུ་འགྲོ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་ལ་སྐྱབས་སུ་འགྲོ་བ་ནི་དེ་བཞིན་གཤེགས་ 35b པའི་བསླབ་པ་ལས་མི་འདའ་བ་གང་ཡིན་པའོ། །བདག་ནི་ཆོས་ལ་སྐྱབས་སུ་སོང་གི་།གཞན་དག་ཀྱང་ཆོས་ལ་སྐྱབས་སུ་འགྲོ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ལ་སྐྱབས་སུ་འགྲོ་བ་ནི་ཆོས་མི་སྤོང་བ་གང་ཡིན་པའོ། །བདག་ནི་དགེ་འདུན་ལ་སྐྱབས་སུ་སོང་གི། གཞན་དག་ཀྱང་དགེ་འདུན་ལ་སྐྱབས་སུ་འགྲོ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དགེ་འདུན་ལ་སྐྱབས་སུ་འགྲོ་བ་ནི་སངས་རྒྱས་ཀྱི་ཚུལ་ཁྲིམས་ལ་ལྟ་བ་གང་ཡིན་པའོ། །བདག་ནི་ང་རྒྱལ་མེད་པ་ལ་གནས་ཀྱི། གཞན་དག་ཀྱང་ང་རྒྱལ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ང་རྒྱལ་མེད་པ་ནི་སེམས་ཅན་ལ་ཤིན་ཏུ་གུས་པ་གང་ཡིན་པའོ། །བདག་ནི་འཁོན་དུ་འཛིན་པ་མེད་པ་ལ་གནས་ཀྱི། གཞན་དག་ཀྱང་འཁོན་དུ་འཛིན་པ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འཁོན་དུ་འཛིན་པ་མེད་པ་ནི་སེམས་ཀྱི་ཡོངས་སུ་གདུང་བ་ཉེ་བར་ཞི་བ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཚུལ་འཆོས་པ་མེད་པ་ལ་གནས་ཀྱི། གཞན་དག་ཀྱང་ 36a ༄#། །ཚུལ་འཆོས་པ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་འཆོས་པ་མེད་པ་ནི་ཟང་ཟིང་མེད་པའི་སེམས་ཀྱིས་གཞན་ལ་ཕན་འདོགས་པ་གང་ཡིན་པའོ། །བདག་ནི་ཁ་གསག་མེད་པ་ལ་གནས་ཀྱི། གཞན་དག་ཀྱང་ཁ་གསག་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཁ་གསག་མེད་པ་ནི་སེམས་ཅན་ཡོངས་སུ་སྨིན་པར་བྱེད་པས་ཡོངས་སུ་ལེན་པ་གཏོང་བ་གང་ཡིན་པའོ། །བདག་ནི་ཐོབ་ཀྱིས་འཇལ་བ་མེད་པ་ལ་གནས་ཀྱི། གཞན་དག་ཀྱང་ཐོབ་ཀྱིས་འཇལ་བ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཐོབ་ཀྱིས་འཇལ་བ་མེད་པ་ནི་འཕགས་པའི་རིགས་ཡང་དག་པར་བླངས་པ་ཡོངས་སུ་རྫོགས་པར་བྱེད་ཅིང་སྦྱངས་པའི་ཡོན་ཏན་དང ། ཡོ་བྱད་བསྙུངས་པ་གང་ཡིན་པའོ། །བདག་ནི་འཚོ་བ་ཡོངས་སུ་དག་པ་ལ་གནས་ཀྱི། གཞན་དག་ཀྱང་འཚོ་བ་ཡོངས་སུ་དག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འཚོ་བ་ཡོངས་སུ་དག་པ་ནི་དམ་པའི་ཆོས་ཡོངས་སུ་གཟུང་བར་བྱ་བའི་ཕྱིར་སྡུག་བསྔལ་གྱི་ཡོ་བྱད་གང་མི་ལེན་པ་དེ་ཅིའང་མེད་པ་དང ། བདེ་བའི་ཡོ་བྱད་གང་མི་གཏོང་བ་དེ་ཅིའང་མེད་པའོ། །བདག་ནི་གཅིག་པུར་དགའ་བ་ལ་གནས་ཀྱི། གཞན་དག་ཀྱང་གཅིག་པུར་དགའ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ 36b ཏེ།་དེ་ལ་གཅིག་པུར་དགའ་བ་ནི་འདུ་འཛི་ཡོངས་སུ་སྤོང་བ་དགའ་བ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ།། །།བམ་པོ་གསུམ་པ། འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཆོས་ཀྱི་ཀུན་དགའ་ལ་དགའ་བ་ལ་གནས་ཀྱི། གཞན་དག་ཀྱང་ཆོས་ཀྱི་ཀུན་དགའ་ལ་དགའ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ཀྱི་ཀུན་དགའ་ལ་དགའ་བ་ནི་ཁམས་གསུམ་གྱིས་མི་སྐྲག་པ་དང ། བྱང་ཆུབ་ཀྱི་སེམས་ཆུད་མི་ཟ་བ་གང་ཡིན་པའོ། །བདག་ནི་མནར་སེམས་ཀྱི་དངོས་པོ་དགུ་སྤོང་བ་ལ་གནས་ཀྱི། གཞན་དག་ཀྱང་མནར་སེམས་ཀྱི་དངོས་པོ་དགུ་སྤོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མནར་སེམས་ཀྱི་དངོས་པོ་དགུ་སྤོང་བ་ནི་སེམས་ཅན་གྱི་གནས་དགུ་ཡོངས་སུ་ཤེས་པ་གང་ཡིན་པའོ། །བདག་ནི་སེམས་ཞི་བ་ཉིད་ལ་གནས་ཀྱི། གཞན་དག་ཀྱང་སེམས་ཞི་བ་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་ཞི་བ་ཉིད་ནི་སེམས་ཀྱི་ཡོངས་སུ་གདུང་བ་མེད་པ་གང་ཡིན་པའོ། །བདག་ནི་ཞི་གནས་ཀྱི་ཚོགས་ཡོངས་སུ་ཚོལ་བ་ལ་གནས་ཀྱི། གཞན་དག་ཀྱང་ཞི་གནས་ཀྱི་ཚོགས་ཡོངས་ 37a ༄#། །སུ་ཚོལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཞི་གནས་ཀྱི་ཚོགས་ཡོངས་སུ་ཚོལ་བ་ནི་སེམས་ལས་སུ་རུང་བ་གང་ཡིན་པའོ། ། བདག་ནི་ཚུལ་ཁྲིམས་ལྷོད་པ་མེད་པ་ལ་གནས་ཀྱི། གཞན་དག་ཀྱང་ཚུལ་ཁྲིམས་ལྷོད་པ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་ལྷོད་པ་མེད་པ་ནི་ཆོ་ག་དང ། ཚུལ་ཁྲིམས་དང ། ལྟ་བ་ཉམས་པ་རྣམས་ལས་ཡང་དག་པར་འདའ་བ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ལྷ་དང ། མི་ལ་མི་སླུ་བར་གནས་ཀྱི། གཞན་དག་ཀྱང་ལྷ་དང ། མི་ལ་མི་སླུ་བར་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལྷ་དང ། མི་ལ་མི་སླུ་བ་ནི་བྱང་ཆུབ་ཀྱི་སེམས་ཡོངས་སུ་མི་གཏོང་བ་གང་ཡིན་པའོ། །བདག་ནི་སྦྱོར་བ་ལ་གནས་ཀྱི། གཞན་དག་ཀྱང་སྦྱོར་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྦྱོར་བ་ནི་སེམས་ཅན་ཐམས་ཅད་ལ་ཕན་པའི་དངོས་པོ་སྔོན་དུ་འགྲོ་བའི་རྗེས་སུ་བསྟན་པ་གང་ཡིན་པའོ། །བདག་ནི་སེམས་དམུ་རྒོད་མ་ཡིན་པ་ལ་གནས་ 37b ཀྱི།་གཞན་དག་ཀྱང་སེམས་དམུ་རྒོད་མ་ཡིན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་དམུ་རྒོད་མ་ཡིན་པ་ནི་དུལ་བ་དང ། ཅང་ཤེས་ཀྱི་སེམས་གང་ཡིན་པའོ། །བདག་ནི་སེམས་ཅན་ཐམས་ཅད་ཀྱི་སློབ་མར་ཁས་ལེན་པ་ལ་གནས་ཀྱི། གཞན་དག་ཀྱང་སེམས་ཅན་ཐམས་ཅད་ཀྱི་སློབ་མར་ཁས་ལེན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་ཅན་ཐམས་ཅད་ཀྱི་སློབ་མར་ཁས་ལེན་པ་ནི་བྱ་བ་ཅི་ཡོད་པ་ལ་བདག་ཉིད་བྱེད་པ་གང་ཡིན་པའོ། །བདག་ནི་སྦྱིན་གནས་རྣམས་ལ་འདུད་པ་དང ། ཕྱག་བྱ་བ་ལ་གནས་ཀྱི། གཞན་དག་ཀྱང་སྦྱིན་གནས་རྣམས་ལ་འདུད་པ་དང ། ཕྱག་བྱ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྦྱིན་གནས་རྣམས་ལ་འདུད་པ་དང ། ཕྱག་བྱ་བ་ནི་སེམས་ཅན་ཐམས་ཅད་ལ་ང་རྒྱལ་མེད་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་དམ་པའི་ཆོས་ཡོངས་སུ་ཚོལ་བ་ལ་གནས་ཀྱི། གཞན་དག་ཀྱང་དམ་པའི་ཆོས་ཡོངས་སུ་ཚོལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དམ་པའི་ཆོས་ཡོངས་སུ་ 38a ༄#། །ཚོལ་བ་ནི་སེམས་ཅན་ཐམས་ཅད་ཡོངས་སུ་སྨིན་པར་བྱ་བ་ལ་སྐྱོ་བ་མེད་པ་དང ། སངས་རྒྱས་ཀྱི་ཞིང་ཡོངས་སུ་སྦྱོང་བ་དང ། ཚུལ་ཁྲིམས་དང ། ཐོས་པའི་ཚོགས་གསོག་པ་དང ། ཆོས་ཡོངས་སུ་ཚོལ་བ་ལ་བརྩོན་ཞིང་སྦྱིན་པ་མི་ལེན། སེར་སྣ་མི་གཏོང ། ཚུལ་ཁྲིམས་མི་ལེན། འཆལ་པའི་ཚུལ་ཁྲིམས་མི་གཏོང ། བཟོད་པ་མི་ལེན། གནོད་སེམས་མི་གཏོང ། བརྩོན་འགྲུས་མི་ལེན། ལེ་ལོ་མི་གཏོང ། བསམ་གཏན་མི་ལེན། རྣམ་པར་རྟོག་པ་དང ། རྣམ་པར་དཔྱོད་པ་མི་གཏོང ། ཤེས་རབ་མི་ལེན། འཆལ་པའི་ཤེས་རབ་མི་གཏོང ། དགེ་བ་མི་ལེན་ཅིང་མི་དགེ་བ་མི་གཏོང་བ་གང་ཡིན་པའོ། །བདག་ནི་ཆོས་ལ་གུས་པ་དང་བཅས་པ་ལ་གནས་ཀྱི། གཞན་དག་ཀྱང་ཆོས་ལ་གུས་པ་དང་བཅས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ལ་གུས་པ་དང་བཅས་པ་ནི་ཆོས་རྣམས་ལ་ནན་ཏན་བྱེད་པ་གང་ཡིན་པའོ། །བདག་ནི་ཆོས་སྨྲ་བ་ལ་གུས་པ་དང་བཅས་པ་ལ་གནས་ཀྱི། གཞན་དག་ཀྱང་ཆོས་སྨྲ་བ་ལ་གུས་པ་དང་བཅས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་སྨྲ་བ་ལ་གུས་པ་དང་བཅས་པ་ནི་ཆོས་སྨྲ་བ་ལ་སྟོན་པར་འདུ་ཤེས་པ་གང་ཡིན་པའོ། །བདག་ནི་ཚིག་རྩུབ་པོ་མེད་པ་ལ་གནས་ཀྱི། གཞན་དག་ཀྱང་ཚིག་རྩུབ་པོ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་ 38b པར་འགྱུར་ཏེ། དེ་ལ་ཚིག་རྩུབ་པོ་མེད་པ་ནི་ཕན་འདོགས་པའི་ཚིག་གང་ཡིན་པའོ། །བདག་ནི་གནོད་སེམས་མེད་པ་ལ་གནས་ཀྱི། གཞན་དག་ཀྱང་གནོད་སེམས་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གནོད་སེམས་མེད་པ་ནི་ལས་བྱ་བ་ལ་འཇུག་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སྦྱིན་པ་ལ་གནས་ཀྱི། གཞན་དག་ཀྱང་སྦྱིན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྦྱིན་པ་ནི་ཆོས་ཇི་ལྟ་བ་བཞིན་དུ་སྟོན་པ་གང་ཡིན་པའོ། །བདག་ནི་སྙན་པར་སྨྲ་བ་ལ་གནས་ཀྱི། གཞན་དག་ཀྱང་སྙན་པར་སྨྲ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྙན་པར་སྨྲ་བ་ནི་ཟང་ཟིང་མེད་པའི་སེམས་ཀྱིས་ཆོས་སྟོན་པ་གང་ཡིན་པའོ། །བདག་ནི་དོན་སྤྱོད་པ་ལ་གནས་ཀྱི། གཞན་དག་ཀྱང་དོན་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དོན་སྤྱོད་པ་ནི་གཞན་ལ་ལུང་འབོགས་པ་དང ། ཁ་ཏོན་འདོན་དུ་འཇུག་པ་ལ་སྐྱོ་བ་མེད་པ་གང་ཡིན་པའོ། །བདག་ནི་དོན་མཐུན་པ་ལ་གནས་ཀྱི། གཞན་དག་ 39a ༄#། །ཀྱང་དོན་མཐུན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དོན་མཐུན་པ་ནི་སྦྱིན་པ་བྱིན་ནས་ཐེག་པ་ཆེན་པོ་ལ་དགོད་པ་གང་ཡིན་པའོ། ། བདག་ནི་བྱང་ཆུབ་ཀྱི་སེམས་ལ་གནས་ཀྱི། གཞན་དག་ཀྱང་བྱང་ཆུབ་ཀྱི་སེམས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བྱང་ཆུབ་ཀྱི་སེམས་ནི་སངས་རྒྱས་ཀྱི་ཆོས་ཐམས་ཅད་ཆུད་མི་ཟ་ཞིང་གནས་པར་བྱ་བའི་ཕྱིར་འདུན་པ་སྐྱེད་པ་དང ། འབད་པ་དང ། བརྩོན་འགྲུས་རྩོམ་པ་དང ། སེམས་རབ་ཏུ་འཛིན་པ་དང ། ཡང་དག་པར་འཇོག་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང་དབུགས་འབྱིན་པ་རྙེད་པ་ལྔ་དག་གིས་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་དོན་སོ་སོར་ཡང་དག་པར་རིག་པ་ལ་གནས་ཀྱི། གཞན་དག་ཀྱང་དོན་སོ་སོ་ཡང་དག་པར་རིག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དོན་སོ་སོ་ཡང་དག་པར་རིག་པ་ནི་ཆོས་ཀྱི་ཚུལ་ཡང་དག་པ་ཇི་ལྟ་བ་བཞིན་དུ་རྟོགས་པ་གང་ཡིན་པའོ། །བདག་ནི་ཆོས་སོ་སོ་ཡང་དག་པར་རིག་པ་ལ་གནས་ཀྱི། གཞན་དག་ཀྱང་ཆོས་སོ་སོ་ཡང་དག་པར་རིག་པ་ལ་དགོད་ 39b དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་སོ་སོ་ཡང་དག་པར་རིག་པ་ནི་སངས་རྒྱས་ཀྱི་ཆོས་ཐམས་ཅད་ལ་འཇུག་པའི་ཡེ་ཤེས་གང་ཡིན་པའོ། །བདག་ནི་ངེས་པའི་ཚིག་སོ་སོ་ཡང་དག་པར་རིག་པ་ལ་གནས་ཀྱི། གཞན་དག་ཀྱང་ངེས་པའི་ཚིག་སོ་སོ་ཡང་དག་པར་རིག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ངེས་པའི་ཚིག་སོ་སོ་ཡང་དག་པར་རིག་པ་ནི་སྐད་བསྒྲགས་པ་ཐམས་ཅད་ལ་འཇུག་པའི་ཡེ་ཤེས་གང་ཡིན་པའོ། །བདག་ནི་སྤོབས་པ་སོ་སོ་ཡང་དག་པར་རིག་པ་ལ་གནས་ཀྱི། གཞན་དག་ཀྱང་སྤོབས་པ་སོ་སོ་ཡང་དག་པར་རིག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྤོབས་པ་སོ་སོ་ཡང་དག་པར་རིག་པ་ནི་སངས་རྒྱས་ཀྱི་ཆོས་ཐམས་ཅད་ལ་ཚིག་རབ་ཏུ་དབྱེ་བ་ལ་མཁས་པའི་ཤེས་པ་གང་ཡིན་པའོ། །བདག་ནི་སྤོབས་པ་ལ་གནས་ཀྱི། གཞན་དག་ཀྱང་སྤོབས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྤོབས་པ་ནི་སངས་རྒྱས་ཀྱི་ཆོས་ཐམས་ཅད་ལ་བྱིན་གྱིས་རློབ་ཅིང་སྟོན་པ་ཤེས་པ་གང་ཡིན་པ་སྟེ། དེ་ནི་ཚིག་གཅིག་བཟུང་ནས་ཕྱི་མའི་མཐའི་མུའི་བསྐལ་བར་བྱིན་གྱིས་རློབ་ཅིང་སྟོན་ཀྱང་མི་ལྡང་བ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ 40a ༄#། །ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སེམས་ཅན་ཡོངས་སུ་སྨིན་པར་བྱ་བའི་ཕྱིར་སེམས་ཅན་གྱི་ཀུན་ནས་ཉོན་མོངས་པ་བཟོད་པ་ལ་གནས་ཀྱི། གཞན་དག་ཀྱང་སེམས་ཅན་ཡོངས་སུ་སྨིན་པར་བྱ་བའི་ཕྱིར་སེམས་ཅན་གྱི་ཀུན་ནས་ཉོན་མོངས་པ་བཟོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཀུན་ནས་ཉོན་མོངས་པ་ནི་ལུས་ལ་གནོད་པ་དང ། སེམས་ལ་གནོད་པ་གང་ཡིན་པའོ། །བདག་ནི་ཕོངས་པ་མེད་པ་ལ་གནས་ཀྱི། གཞན་དག་ཀྱང་ཕོངས་པ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཕོངས་པ་མེད་པ་ནི་དགེ་བའི་རྩ་བ་རྣམས་ཆུད་མི་ཟ་བ་གང་ཡིན་པའོ། །བདག་ནི་སེམས་མི་འཁྲུགས་པ་ལ་གནས་ཀྱི། གཞན་དག་ཀྱང་སེམས་མི་འཁྲུགས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་མི་འཁྲུགས་པ་ནི་དགེ་བའི་རྩ་བ་ཐམས་ཅད་ཆུད་མི་ཟ་བ་གང་ཡིན་པའོ། །བདག་ནི་བརྩོན་འགྲུས་ལ་གནས་ཀྱི། གཞན་དག་ཀྱང་བརྩོན་འགྲུས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྩོན་འགྲུས་ནི་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱེད་པ་དང ། མི་དགེ་བའི་ཆོས་ཐམས་ཅད་ 40b སྤང་བ་གང་ཡིན་པའོ། །བདག་ནི་སེམས་ཅན་ལ་དམིགས་པའི་བྱམས་པ་ལ་གནས་ཀྱི། གཞན་དག་ཀྱང་སེམས་ཅན་ལ་དམིགས་པའི་བྱམས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་ཅན་ལ་དམིགས་པའི་བྱམས་པ་ནི་སེམས་ཅན་ཐམས་ཅད་ལ་སེམས་སྙོམས་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཁོང་ཁྲོ་བ་མེད་པའི་སེམས་ལ་གནས་ཀྱི། གཞན་དག་ཀྱང་ཁོང་ཁྲོ་བ་མེད་པའི་སེམས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཁོང་ཁྲོ་བ་མེད་པའི་སེམས་ནི་སེམས་ཅན་ཐམས་ཅད་སྲུང་བ་གང་ཡིན་པའོ། །བདག་ནི་སྤོང་བ་ལ་གནས་ཀྱི། གཞན་དག་ཀྱང་སྤོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྤོང་བ་ནི་དུས་གསུམ་གྱི་ཆོས་ཐམས་ཅད་ལ་མཉམ་པ་ཉིད་དུ་འཇུག་པ་གང་ཡིན་པའོ། །བདག་ནི་ཆོས་ལ་དམིགས་པའི་བྱམས་པ་ལ་གནས་ཀྱི། གཞན་དག་ཀྱང་ཆོས་ལ་དམིགས་པའི་བྱམས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ལ་དམིགས་པའི་བྱམས་པ་ནི་ཆོས་ཐམས་ཅད་ལ་མི་དམིགས་ཤིང་མི་དམིགས་ 41a ༄#། །པ་ལའང་རློམ་སེམས་མེད་པའོ། །བདག་ནི་དང་པོའི་བསོད་ནམས་ཀྱི་ཚོགས་ལ་གནས་ཀྱི། གཞན་དག་ཀྱང་དང་པོའི་བསོད་ནམས་ཀྱི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དང་པོའི་བསོད་ནམས་ཀྱི་ཚོགས་ནི་བྱང་ཆུབ་ཀྱི་སེམས་མི་གཏོང་བ་དང ། བྱང་ཆུབ་སེམས་དཔའི་སྤྱོད་པའི་རྗེས་སུ་འཇུག་པ་གང་ཡིན་པའོ། །དེ་ལ་བྱང་ཆུབ་སེམས་དཔའི་སྤྱོད་པའི་རྗེས་སུ་འཇུག་པ་ནི་སེམས་ཅན་ཐམས་ཅད་ལ་སེམས་སྙོམས་པས་ཡང་དག་པར་བསྡུས་པའི་བྱམས་པ་དང ། སེར་སྣའི་སེམས་ཚར་གཅོད་པ་དང ། འཆལ་པའི་ཚུལ་ཁྲིམས་སེལ་བ་དང ། གནོད་སེམས་སྤོང་བ་དང ། ལེ་ལོ་སེལ་བ་དང ། རྣམ་པར་གཡེང་བ་ཀུན་ཏུ་སྤྱོད་པ་མེད་པ་དང ། འཆལ་པའི་ཤེས་རབ་སྤོང་བ་དང ། བསྡུ་བའི་དངོས་པོ་བཞིས་སེམས་ཅན་ཡོངས་སུ་སྨིན་པར་བྱེད་པ་དང ། སེམས་ཅན་ཐམས་ཅད་ལ་སེམས་ས་དང་མཚུངས་པ་དང ། ཐེག་པ་དམན་པ་ལ་མོས་པ་མེད་པ་དང ། སྙིང་རྗེ་ཆེན་པོས་སེམས་ཅན་ཐམས་ཅད་ཀྱི་དགེ་བའི་རྩ་བ་བྱ་བ་ལ་བརྩོན་ཞིང་སྦྱིན་པ་དང ། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དང ། དམ་པའི་ཆོས་ཡོངས་སུ་འཛིན་ཅིང་ཤེས་རབ་ཀྱི་རྩ་བ་ལས་བྱུང་བའི་བསླབ་པ་དང ། བསོད་ 41b ནམས་ཀྱི་ཚོགས་དང ། ཡེ་ཤེས་ཀྱི་ཚོགས་ལ་མངོན་པར་བརྩོན་པ་གང་ཡིན་པའོ། །བདག་ནི་ངོ་མཚར་གྱི་འདུ་ཤེས་ལ་གནས་ཀྱི། གཞན་དག་ཀྱང་ངོ་མཚར་གྱི་འདུ་ཤེས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ངོ་མཚར་གྱི་འདུ་ཤེས་ནི་ཆོས་ཐམས་ཅད་ལ་གཉིས་སུ་མེད་པའི་འདུ་ཤེས་དང ། སྤྱོད་པ་ཐམས་ཅད་ལ་བདག་གི་སྤྱོད་པར་འདུ་ཤེས་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བཟོད་པ་དང་དེས་པ་ལ་གནས་ཀྱི། གཞན་དག་ཀྱང་བཟོད་པ་དང་དེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བཟོད་པ་དང ། དེས་པ་ནི་ངན་དུ་བརྗོད་པ་དང ། ངན་དུ་སྨྲ་བའི་ཚིག་གི་ལམ་ལ་ཁོང་ཁྲོ་བའི་སེམས་མེད་པ་གང་ཡིན་པའོ། །བདག་ནི་སེམས་ཞི་བ་ལ་གནས་ཀྱི། གཞན་དག་ཀྱང་སེམས་ཞི་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་ཞི་བ་ནི་ལྟུང་བ་ལ་གླེང་བ་མེད་པའོ། །བདག་ནི་ཆོས་ཐམས་ཅད་དངོས་པོ་མེད་པ་ལ་གནས་ཀྱི། གཞན་དག་ཀྱང་ཆོས་ཐམས་ཅད་དངོས་པོ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་ 42a ༄#། །པར་འགྱུར་ཏེ། དེ་ལ་ཆོས་ཐམས་ཅད་དངོས་པོ་མེད་པ་ཞེས་བྱ་བ་དེ་ནི་དངོས་པོའི་ཚིག་གོ་།དེ་ཅིའི་ཕྱིར་ཞེ་ན། དངོས་པོའི་རང་བཞིན་ལས་དངོས་པོ་མེད་པ་གཞན་མ་ཡིན་ཏེ། དངོས་པོའི་རང་བཞིན་ཉིད་དངོས་པོ་མེད་པ་སྟེ། དངོས་པོའི་རང་བཞིན་དངོས་པོ་མེད་པ་ཤེས་པ་དེས་ཆོས་ཐམས་ཅད་དངོས་པོ་མེད་པའོ། །བདག་ནི་ཆོས་གནས་པ་ཉིད་ལ་གནས་ཀྱི། གཞན་དག་ཀྱང་ཆོས་གནས་པ་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་གནས་པ་ཉིད་ནི་ཆོས་ཐམས་ཅད་གཡོ་བ་མེད་པ་གང་ཡིན་པའོ། །བདག་ནི་ཆོས་ལ་གནས་ཀྱི། གཞན་དག་ཀྱང་ཆོས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ནི་ཐ་མི་དད་ཅིང་མི་གནས་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་པའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཡེ་ཤེས་ཀྱིས་ཉོན་མོངས་པ་རྣམས་གཞོམ་པའང་མ་ཡིན། ཡེ་ཤེས་ཀྱིས་ཉོན་མོངས་པ་རྣམས་མི་གཞོམ་པའང་མ་ཡིན་ནོ་ཞེས་བྱ་བ་ལ་ཞུགས་ཀྱི། གཞན་དག་ཀྱང་ཡེ་ཤེས་ཀྱིས་ཉོན་མོངས་པ་རྣམས་གཞོན་པའང་མ་ 42b ཡིན།་ཡེ་ཤེས་ཀྱིས་ཉོན་མོངས་པ་རྣམས་མི་གཞོམ་པའང་མ་ཡིན་ནོ་ཞེས་བྱ་བ་ལ་གཟུད་དོ་ཞེས་དབུགས་འབྱིན་པ་རྙེད་པར་འགྱུར་རོ། །དེ་ཅིའི་ཕྱིར་ཞེ་ན། ཉོན་མོངས་པའི་རང་བཞིན་ལས་ཡེ་ཤེས་གཞན་མ་ཡིན་པའི་ཕྱིར་ཏེ། ཉོན་མོངས་པའི་རང་བཞིན་ལས་ཡེ་ཤེས་གཞན་མེད་པས་ཉོན་མོངས་པའི་རང་བཞིན་ཉིད་ཡེ་ཤེས་ཡིན་ཏེ། ཡེ་ཤེས་དེས་ཡེ་ཤེས་དེ་ཉིད་བཙལ་བར་མི་བྱའོ། །དཔེར་ན། མཛུབ་མོའི་རྩེ་མོ་དེ་ཉིད་ཀྱིས་མཛུབ་མོའི་རྩེ་མོ་དེ་ཉིད་ལ་རེག་པར་མི་རུང་བ་དེ་ལྟར་ཡེ་ཤེས་དེ་ཉིད་ཀྱིས་ཡེ་ཤེས་དེ་ཉིད་བཙལ་བར་མི་བྱའོ། །བདག་ནི་དེ་བཞིན་གཤེགས་པ་རྟག་པའང་མ་ཡིན། དེ་བཞིན་གཤེགས་པ་མི་རྟག་པའང་མ་ཡིན་ནོ་ཞེས་བྱ་བ་ལ་ཞུགས་ཀྱི། གཞན་དག་ཀྱང་དེ་བཞིན་གཤེགས་པ་རྟག་པའང་མ་ཡིན། དེ་བཞིན་གཤེགས་པ་མི་རྟག་པའང་མ་ཡིན་ནོ་ཞེས་བྱ་བ་ལ་གཟུད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དེ་བཞིན་གཤེགས་པ་རྟག་པའང་མ་ཡིན། མི་རྟག་པའང་མ་ཡིན་ཞེས་བྱ་བ་ནི་རློམ་སེམས་ཀྱི་ངོ་བོ་ཉིད་མེད་པའི་ཕྱིར་རོ། །བདག་ནི་དེ་བཞིན་གཤེགས་པ་བསམ་གྱིས་མི་ཁྱབ་པའོ་ཞེས་བྱ་བའི་ཡེ་ཤེས་འདི་ལ་ཞུགས་ཀྱི། གཞན་དག་ཀྱང་དེ་བཞིན་གཤེགས་པ་བསམ་གྱིས་མི་ཁྱབ་པའོ་ཞེས་བྱ་བའི་ཡེ་ཤེས་འདི་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དེ་བཞིན་གཤེགས་པ་བསམ་གྱིས་མི་ཁྱབ་པ་ནི་སེམས་ 43a ༄#། །ཅན་གདུལ་བ་ཇི་ལྟ་བ་དང ། བསམ་པ་ཇི་ལྟ་བ་དེ་བཞིན་དུ་རྣམ་པར་བཞག་པ་ལས་མི་འདའ་བ་གང་ཡིན་པའོ། །བདག་ནི་གཟུགས་མཚན་ཉིད་མེད་དོ་ཞེས་བྱ་བ་ལ་ཞུགས་ཀྱི། གཞན་དག་ཀྱང་གཟུགས་མཚན་ཉིད་མེད་དོ་ཞེས་བྱ་བ་ལ་གཟུད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ཅིའི་ཕྱིར་ཞེ་ན། གཟུགས་ནི་མཚན་ཉིད་མེད་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། གཟུགས་ཀྱི་རང་བཞིན་ལས་མཚན་ཉིད་མེད་པ་གཞན་མེད་པས་གཟུགས་ཀྱི་རང་བཞིན་ཉིད་མཚན་ཉིད་མེད་པ་སྟེ། གཟུགས་ཀྱི་རང་བཞིན་གྱི་མཚན་ཉིད་མེད་པ་ཤེས་པ་དེས་ཆོས་ཐམས་ཅད་མཚན་ཉིད་མེད་པའོ། །བདག་ནི་ཐབས་མཁས་པ་ལ་གནས་ཀྱི། གཞན་དག་ཀྱང་ཐབས་མཁས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཐབས་མཁས་པ་ནི་ཆོས་ཐམས་ཅད་ཡང་དག་པར་སྡུད་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བསོད་ནམས་ཀྱི་ཚོགས་མི་ཟད་པ་ལ་གནས་ཀྱི། གཞན་དག་ཀྱང་བསོད་ནམས་ཀྱི་ཚོགས་མི་ཟད་པ་ལ་དགོད་དོ་ཞེས་དབུགས་ 43b འབྱིན་པ་རྙེད་པར་འགྱུར་ཏེ། དེ་ལ་བསོད་ནམས་ཀྱི་ཚོགས་མི་ཟད་པ་ནི་དགེ་བའི་རྩ་བ་བྱང་ཆུབ་ཏུ་བསྔོས་པ་གང་ཡིན་པའོ། །བདག་ནི་ཡེ་ཤེས་ཀྱི་ཚོགས་ལ་གནས་ཀྱི། གཞན་དག་ཀྱང་ཡེ་ཤེས་ཀྱི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡེ་ཤེས་ཀྱི་ཚོགས་ནི་སྟོང་པ་ཉིད་ལ་མོས་པ་གང་ཡིན་པའོ། །བདག་ནི་ཤེས་རབ་ཀྱི་རྩ་བ་ལས་བྱུང་བའི་ལས་ལ་གནས་ཀྱིས། གཞན་དག་ཀྱང་ཤེས་རབ་ཀྱི་རྩ་བ་ལས་བྱུང་བའི་ལས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་རབ་ཀྱི་རྩ་བ་ལས་བྱུང་བའི་ལས་ནི་བདག་ཉིད་ཆོས་དཀར་པོ་ལ་གནས་པ་གང་ཡིན་པའོ། །ཡང་ཤེས་རབ་ཀྱི་རྩ་བ་ལས་བྱུང་བའི་ལས་ནི་གཞན་ཤེས་རབ་ལ་དགོད་པ་གང་ཡིན་པའོ། །བདག་ནི་ཏིང་ངེ་འཛིན་ལ་གནས་ཀྱི། གཞན་དག་ཀྱང་ཏིང་ངེ་འཛིན་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཏིང་ངེ་འཛིན་ནི་སེམས་མེད་པའི་སྙོམས་པར་འཇུག་པ་གང་ཡིན་པའོ། །བདག་ནི་སོ་སོ་ཡང་དག་པར་རྟོག་པ་ལ་གནས་ཀྱི། གཞན་དག་ཀྱང་སོ་སོ་ཡང་དག་པར་རྟོག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སོ་སོ་ཡང་དག་པར་རྟོག་པ་ནི་ལས་དང་བྱ་བ་ལ་འཇུག་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། 44a ༄#། །གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་དབུ་མའི་ལམ་ཤེས་པ་ལ་གནས་ཀྱི། གཞན་དག་ཀྱང་དབུ་མའི་ལམ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དབུ་མའི་ལམ་ནི་མཐའ་རྣམ་པར་དག་པ་ཤེས་པ་གང་ཡིན་པའོ། །དེ་ཅིའི་ཕྱིར་ཞེ་ན། མཐའི་རང་བཞིན་ལས་དབུ་མའི་ལམ་གཞན་མ་ཡིན་པའི་ཕྱིར་ཏེ། མཐའི་རང་བཞིན་ལས་དབུ་མའི་ལམ་གཞན་མེད་པས་མཐའི་རང་བཞིན་ཉིད་དབུ་མའི་ལམ་མོ། །བདག་ནི་ཆོས་ཐམས་ཅད་རྟག་པའོ་ཞེས་བྱ་བ་ལ་གནས་ཀྱི། གཞན་དག་ཀྱང་ཆོས་ཐམས་ཅད་རྟག་པའོ་ཞེས་བྱ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ཐམས་ཅད་རྟག་པ་ནི་མཐའ་དང ། དབུས་མེད་པའི་ཕྱིར་རོ། །ཆོས་ཐམས་ཅད་མཐའ་དང ། དབུས་མེད་པ་ནི་འདུས་བྱས་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། འདུས་བྱས་ཀྱི་རང་བཞིན་ལས་མཐའ་དང ། དབུས་མེད་པ་གཞན་མེད་པས་འདུས་བྱས་ཀྱི་རང་བཞིན་ཉིད་མཐའ་དང ། དབུས་མེད་པའོ། །མཐའ་དང ། དབུས་མེད་པ་གང་ཡིན་པ་དེ་ནི་རྟག་པ། བརྟན་པ། ཐེར་ཟུག་པའོ། །བདག་ནི་སངས་རྒྱས་ལ་མཆོད་པ་བྱེ་བྲག་ཏུ་མངོན་པར་འཕགས་པ་ལ་གནས་ཀྱི། གཞན་དག་ཀྱང་ 44b སངས་རྒྱས་ལ་མཆོད་པ་བྱེ་བྲག་ཏུ་མངོན་པར་འཕགས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་ལ་མཆོད་པ་བྱེ་བྲག་ཏུ་མངོན་པར་འཕགས་པ་ནི་ཐེག་པ་ཆེན་པོ་ལ་མོས་པའི་བྱང་ཆུབ་སེམས་དཔའ་ལ་བསྙེན་ཅིང་བསྟེན་པ་དང ། བསྙེན་བཀུར་བྱེད་ཅིང་རྙེད་པ་དང ། བཀུར་སྟི་བྱས་ཏེ། ཅི་ནུས་ཀྱི་ཐེག་པ་ཆེན་པོ་ཡང་དག་པར་བསྐྱེད་ཅིང་སྦྱིན་པ་གང་ཡིན་པའོ། །བདག་ནི་ཆོས་ཐམས་ཅད་འདུས་མ་བྱས་སོ་ཞེས་བྱ་བ་ལ་གནས་ཀྱི། གཞན་དག་ཀྱང་ཆོས་ཐམས་ཅད་འདུས་མ་བྱས་སོ་ཞེས་བྱ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ཐམས་ཅད་འདུས་མ་བྱས་ཞེས་བྱ་བ་དེ་ནི་འདུས་བྱས་ཀྱི་ཚིག་གོ་།དེ་ཅིའི་ཕྱིར་ཞེ་ན། འདུས་བྱས་ཀྱི་རང་བཞིན་ལས་འདུས་མ་བྱས་གཞན་མ་ཡིན་པའི་ཕྱིར་ཏེ། འདུས་བྱས་ཀྱི་རང་བཞིན་ལས་འདུས་མ་བྱས་གཞན་མེད་པས་འདུས་བྱས་ཀྱི་རང་བཞིན་ཉིད་འདུས་མ་བྱས་ཏེ། འདུས་བྱས་ཀྱི་རང་བཞིན་འདུས་མ་བྱས་ཤེས་པ་དེས་ཆོས་ཐམས་ཅད་འདུས་མ་བྱས་པའོ། །བདག་ནི་ཆོས་ཐམས་ཅད་སྟོང་ངོ་ཞེས་བྱ་བ་ལ་ཞུགས་ཀྱི། གཞན་དག་ཆོས་ཐམས་ཅད་སྟོང་ངོ་ཞེས་བྱ་བ་ལ་གཟུད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྟོང་པ་ཉིད་ནི་ལྟ་བར་གྱུར་པ་གང་ཡིན་པའོ། །དེ་ཅིའི་ཕྱིར་ཞེ་ན། སྟོང་པ་ཉིད་ནི་ལྟ་བར་འགྱུར་བའི་རང་བཞིན་ལས་གཞན་མ་ཡིན་ 45a ༄#། །པའི་ཕྱིར་ཏེ། ལྟ་བར་གྱུར་པའི་རང་བཞིན་ལས་སྟོང་པ་ཉིད་གཞན་མེད་པས་ལྟ་བར་གྱུར་པའི་རང་བཞིན་ཉིད་སྟོང་པ་ཉིད་དོ། །ལྟ་བར་གྱུར་པའི་རང་བཞིན་སྟོང་པ་ཉིད་ཤེས་པ་དེས་ཆོས་ཐམས་ཅད་སྟོང་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ།་བདག་ནི་ཆོས་ཐམས་ཅད་མཐོང་བར་དཀའ་བ་ལ་གནས་ཀྱི། གཞན་དག་ཀྱང་ཆོས་ཐམས་ཅད་མཐོང་བར་དཀའ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ།་དེ་ལ་ཆོས་ཐམས་ཅད་མཐོང་བར་དཀའ་བ་ནི་རྒྱུ་དང ། རྐྱེན་གྱི་རང་བཞིན་ཡིན་པའི་ཕྱིར་རོ། །བདག་ནི་ཆོས་ཐམས་ཅད་རྟོགས་པར་དཀའ་བ་ལ་གནས་ཀྱི། གཞན་དག་ཀྱང་ཆོས་ཐམས་ཅད་ལ་རྟོགས་པར་དཀའ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ཐམས་ཅད་རྟོགས་པར་དཀའ་བ་ནི་དམིགས་པ་མེད་པ་དང ། ཡིད་ལ་བྱེད་པའི་རང་བཞིན་མ་ཡིན་པའི་ཕྱིར་རོ། །བདག་ནི་ཆོས་ཐམས་ཅད་རིག་པར་དཀའ་བ་ལ་གནས་ཀྱི། གཞན་དག་ཀྱང་ཆོས་ཐམས་ཅད་རིག་པར་དཀའ་བ་ལ་དགོད་དོ་ཞེས་ 45b དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ཐམས་ཅད་རིག་པར་དཀའ་བ་ནི་ཤེས་པ་དང ། ཤེས་བྱ་བ་མཉམ་པ་ཉིད་དུ་རྟོགས་པའི་ཕྱིར་རོ། །བདག་ནི་ཆོས་ཐམས་ཅད་རྙོག་པ་མེད་པ་ལ་གནས་ཀྱི། གཞན་དག་ཀྱང་ཆོས་ཐམས་ཅད་རྙོག་པ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ཐམས་ཅད་རྙོག་པ་མེད་པ་ནི་ཤིན་ཏུ་རྣམ་པར་དག་པའི་ཕྱིར་རོ། །བདག་ནི་ཆོས་ཐམས་ཅད་མི་ཟད་པ་ལ་གནས་ཀྱི། གཞན་དག་ཀྱང་ཆོས་ཐམས་ཅད་མི་ཟད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ཐམས་ཅད་མི་ཟད་པ་ནི་དཔེ་དང་དཔེར་བྱ་བའི་ངོ་བོ་ཉིད་མ་ཡིན་པའི་ཕྱིར་ཏེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཆོས་ཐམས་ཅད་མི་ཕྱེད་པ་ལ་གནས་ཀྱི། གཞན་དག་ཀྱང་ཆོས་ཐམས་ཅད་མི་ཕྱེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་མི་ཕྱེད་པ་ནི་ཆོས་ཐམས་ཅད་ཆོས་ཀྱི་དབྱིངས་དང་དབྱེར་མེད་པའི་ཕྱིར་དུས་གསུམ་མཉམ་པ་ཉིད་དུ་འཇུག་པ་གང་ཡིན་པའོ། །བདག་ནི་འཕགས་པའི་བདེན་པ་བཞི་མི་ཕྱེད་པ་ལ་གནས་ཀྱི། གཞན་དག་ཀྱང་ 46a ༄#། །འཕགས་པའི་བདེན་པ་བཞི་མི་ཕྱེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འཕགས་པའི་བདེན་པ་བཞི་མི་ཕྱེད་པ་ནི་ནང་རྣམ་པར་དག་པ་གང་ཡིན་པའོ། །བདག་ནི་མ་རིག་པ་དང ། འདུ་བྱེད་མི་ཕྱེད་པ་ཤེས་པ་ལ་གནས་ཀྱིས། གཞན་དག་ཀྱང་མ་རིག་པ་དང ། འདུ་བྱེད་མི་ཕྱེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ཅིའི་ཕྱིར་ཞེ་ན། མ་རིག་པ་ནི་འདུ་བྱེད་ཀྱི་རང་བཞིན་ལས་གཞན་མ་ཡིན་པའི་ཕྱིར་རོ། །གལ་ཏེ་འདུ་བྱེད་རྣམས་ལས་མ་རིག་པ་གཞན་ཡིན་དུ་ཟིན་ན་འདུ་བྱེད་རྣམས་རྒྱུ་མེད་པ་ཅན་དུ་འགྱུར་རོ། །ཇི་སྟེ་མ་རིག་པ་ལས་འདུ་བྱེད་རྣམས་གཞན་མ་ཡིན་ན་དེ་ལྟ་ན་ནི་ཤིན་ཏུ་རྣམ་པར་དག་པའི་ཕྱིར་རྒྱུ་དང ། འབྲས་བུ་འགྲོགས་པར་འགྱུར་རོ། །བདག་ནི་ཆོས་ཐམས་ཅད་མི་རྟག་པའོ་ཞེས་བྱ་བ་ལ་གནས་ཀྱི། གཞན་དག་ཀྱང་ཆོས་ཐམས་ཅད་མི་རྟག་པའོ་ཞེས་བྱ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ཅིའི་ཕྱིར་ཞེ་ན། མི་རྟག་པ་ཉིད་ནི་རྟག་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། རྟག་པའི་རང་བཞིན་ལས་མི་རྟག་པ་གཞན་མེད་པས་རྟག་པའི་རང་བཞིན་ཉིད་མི་རྟག་པའོ། །བདག་ནི་དེ་བཞིན་གཤེགས་པ་མ་སྐྱེས་མ་འགགས་པའོ་ཞེས་བྱ་བ་ལ་གནས་ཀྱི། གཞན་དག་ཀྱང་དེ་བཞིན་གཤེགས་པ་མ་སྐྱེས་མ་འགགས་པའོ་ཞེས་བྱ་བ་ 46b ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དེ་བཞིན་གཤེགས་པ་མ་སྐྱེས་མ་འགགས་པ་ནི་གཉེན་པོ་མེད་པའི་ཕྱིར་རོ། །འདི་ལྟ་སྟེ། དཔེར་ན། ནམ་མཁའ་ནི་མ་སྐྱེས་པ།་མ་འགགས་པ། མཐའ་དང ། དབུས་མེད་པ་ཡིན་མོད་ཀྱི། འོན་ཀྱང་དམིགས་པའི་དབང་གིས་འདི་ནི་ཁབ་ཀྱི་བུ་གུའོ། །འདི་ནི་བུམ་པའི་ནང་ངོ ། །འདི་ནི་ནམ་མཁའ་ཚད་མེད་པའོ་ཞེས་རབ་འབྲིང་དང ། ཐ་མར་སྣང་ཡང་མ་སྐྱེས་མ་འགགས་པའི་ཕྱིར། ནམ་མཁའ་ལ་རབ་འབྲིང་དང ། ཐ་མ་མེད་དོ། །ནམ་མཁའ་ནི་མི་རྟོག་།རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར། དེ་མི་རྟོག་ཅིང་ལྷུན་གྱིས་གྲུབ་པར་བྱ་བ་འདི་ལྟ་བུ་འདི་འབྱུང་ངོ ། །འཇམ་དཔལ། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མ་སྐྱེས་མ་འགགས་པ་མཐའ་དང ། དབུས་མེད་པ་ཡིན་མོད་ཀྱི། འོན་ཀྱང་སེམས་ཅན་གྱི་བསམ་པའི་དབང་གིས་སེམས་ཅན་གྱི་བསམ་པ་རབ་འབྲིང་ཐ་མ་རྣམས་ལ་འདི་ནི་ཉན་ཐོས་ཀྱི་ཐེག་པའོ། །འདི་ནི་རང་སངས་རྒྱས་ཀྱི་ཐེག་པའོ། །འདི་ནི་སེམས་ཅན་ཐམས་ཅད་ཀྱི་གོ་སྐབས་ཡོད་པ་ཐེག་པ་ཆེན་པོ་ཞེས་བྱ་བ་ཐ་དད་པ་འབྱུང་སྟེ། དེ་བཞིན་གཤེགས་པ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་དེ་མི་རྟོག་ཅིང་ལྷུན་གྱིས་གྲུབ་པར་བྱ་བ་འདི་ལྟ་བུ་འདི་འབྱུང་ངོ ། །འཇམ་ 47a ༄#། །དཔལ། འདི་ལྟ་སྟེ། དཔེར་ན། ཉི་མའི་འོད་ནི་གནས་དང ། དམིགས་པའི་དབང་གིས་དྲི་མ་སྣ་ཚོགས་སུ་འགྱུར་ཡང་ཉི་མའི་འོད་ནི་མ་འདྲེས་པའི་ཆོས་དང་ལྡན་པའི་ཕྱིར། མི་རྟོག་རྣམ་པར་མི་རྟོག་གོ་།འཇམ་དཔལ། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་སེམས་ཅན་རྣམས་ཀྱི་བསམ་པ་དང ། དམིགས་པའི་དབང་གིས་ཡེ་ཤེས་ཐ་དད་པ་སྣ་ཚོགས་སུ་འགྱུར་ཏེ། དེ་བཞིན་གཤེགས་པ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར། དེ་མི་རྟོག་ཅིང་ལྷུན་གྱིས་གྲུབ་པར་བྱ་བ་འདི་ལྟ་བུ་འདི་འབྱུང་ངོ ། །འདི་ལ་ཐེག་པའམ། ཐེག་པ་མ་ཡིན་པ་ནི་གང་ཡང་མེད་དེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སེམས་ཅན་ཐམས་ཅད་ཀྱི་ཀུན་ནས་ཉོན་མོངས་པ་སེལ་བ་ལ་གནས་ཀྱི། གཞན་དག་ཀྱང་སེམས་ཅན་གྱི་ཀུན་ནས་ཉོན་མོངས་པ་སེལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཀུན་ནས་ཉོན་མོངས་པ་ལ་ནི་ལུས་ལ་གནོད་པ་དང ། སེམས་ལ་ 47b གནོད་པའོ། །བདག་ནི་ཆོས་སྣང་བའི་སྒོའི་ཤེས་རབ་ལ་གནས་ཀྱི། གཞན་དག་ཀྱང་ཆོས་སྣང་བའི་སྒོའི་ཤེས་རབ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། འཇམ་དཔལ།་དེ་ལ་ཆོས་སྣང་བའི་སྒོའི་ཤེས་རབ་ནི་ཆོས་བཞིས་འབྱུང་བར་འགྱུར་རོ། །བཞི་གང་ཞེ་ན། འདི་ལྟ་སྟེ། དད་པ་དང ། བག་ཡོད་པ་དང ། བསམ་པ་དང ། ལྷག་པའི་བསམ་པ་སྟེ།་འཇམ་དཔལ། ཆོས་བཞི་པོ་དེ་དག་གིས་བྱང་ཆུབ་སེམས་དཔའ་རྣམས་ཀྱི་ཆོས་སྣང་བའི་སྒོའི་ཤེས་རབ་འབྱུང་བར་འགྱུར་ཏེ། ཆོས་སྣང་བའི་སྒོའི་ཤེས་རབ་ཀྱིས་བྱང་ཆུབ་སེམས་དཔའ་རྣམས་ཀྱི་ངན་སོང་ངན་འགྲོ་ལོག་པར་ལྟུང་བ་ཐམས་ཅད་གཅོད་པར་འགྱུར་རོ། །བདག་ནི་ཡེ་ཤེས་སྣང་བའི་སྒོའི་ཤེས་རབ་ལ་གནས་ཀྱི། གཞན་དག་ཀྱང་ཡེ་ཤེས་སྣང་བའི་སྒོའི་ཤེས་རབ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། འཇམ་དཔལ། དེ་ལ་ཡེ་ཤེས་སྣང་བའི་སྒོའི་ཤེས་རབ་ནི་ཆོས་བཞིས་འབྱུང་བར་འགྱུར་རོ། །བཞི་གང་ཞེ་ན། འདི་ལྟ་སྟེ། བསོད་ནམས་ཀྱི་ཚོགས་དང ། ཡེ་ཤེས་ཀྱི་ཚོགས་དང ། སྟོང་པ་ཉིད་ལ་མོས་པ་དང ། སེམས་ཅན་རྣམས་བྱང་ཆུབ་ཀྱི་སེམས་ལ་གཞོག་པ་སྟེ། འཇམ་དཔལ།་ཆོས་བཞི་པོ་དེ་དག་གིས་བྱང་ཆུབ་སེམས་དཔའ་རྣམས་ཀྱི་ཡེ་ཤེས་སྣང་བའི་སྒོའི་ཤེས་རབ་འབྱུང་བར་འགྱུར་ཏེ། ཡེ་ཤེས་སྣང་བའི་སྒོའི་ཤེས་རབ་ཀྱི་བདུད་ཀྱི་ཞགས་པ་དང་ 48a ༄#། །བདུད་ཀྱི་ལས་ཐམས་ཅད་གཅོད་པར་འགྱུར་རོ། །བདག་ནི་སྦྱིན་པའི་བསམ་པ་མི་ཟད་པར་སྦྱོར་བའི་ཤེས་རབ་ལ་གནས་ཀྱི། གཞན་དག་ཀྱང་སྦྱིན་པའི་བསམ་པ་མི་ཟད་པར་སྦྱོར་བའི་ཤེས་རབ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། འཇམ་དཔལ། དེ་ལ་སྦྱིན་པའི་བསམ་པ་མི་ཟད་པར་སྦྱོར་བའི་ཤེས་རབ་ནི་བྱང་ཆུབ་སེམས་དཔའ་རྣམས་ཀྱི་སེམས་ཅན་སེར་སྣ་ཅན་ཡོངས་སུ་སྨིན་པར་བྱེད་པར་འགྱུར་བའོ། །བདག་ནི་ཚུལ་ཁྲིམས་ཀྱི་བསམ་པ་མི་ཟད་པ་སྦྱོར་བའི་ཤེས་རབ་ལ་གནས་ཀྱི། གཞན་དག་ཀྱང་ཚུལ་ཁྲིམས་ཀྱི་བསམ་པ་མི་ཟད་པར་སྦྱོར་བའི་ཤེས་རབ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། འཇམ་དཔལ། དེ་ལ་ཚུལ་ཁྲིམས་ཀྱི་བསམ་པ་མི་ཟད་པར་སྦྱོར་བའི་ཤེས་རབ་ནི་བྱང་ཆུབ་སེམས་དཔའ་རྣམས་ཀྱི་སེམས་ཅན་ཚུལ་ཁྲིམས་འཆལ་པ་ཡོངས་སུ་སྨིན་པར་བྱེད་པར་འགྱུར་བ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ནང་དུ་ཡང་དག་འཇོག་ལ་གནས་ཀྱི། གཞན་དག་ཀྱང་ནང་དུ་ཡང་དག་འཇོག་ལ་དགོད་དོ་ 48b ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ནང་དུ་ཡང་དག་འཇོག་ནི་ལུས་དང ། སེམས་དབེན་ཞིང་དགེ་བའི་རྩ་བ་བརྩམ་པ་ཐམས་ཅད་ལ་ཞུམ་པ་མེད་པ་གང་ཡིན་པའོ། །བདག་ནི་འདུས་བྱས་ཀྱི་ཆོས་ཉིད་ལ་གནས་ཀྱི། གཞན་དག་ཀྱང་འདུས་བྱས་ཀྱི་ཆོས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འདུས་བྱས་ཀྱི་ཆོས་ཉིད་ནི་ཆོས་ཐམས་ཅད་སྟོང་པ་མ་ཡིན།་མི་སྟོང་པ་མ་ཡིན། སྒྲོ་བཏགས་པ་མ་ཡིན། སྒྲོ་མ་བཏགས་པ་མ་ཡིན། ལྷག་པར་བྱེད་པ་མ་ཡིན། ལྷག་པར་མི་བྱེད་པ་མ་ཡིན། དངོས་པོ་མ་ཡིན། དངོས་པོ་མེད་པ་མ་ཡིན། འདུས་བྱས་མ་ཡིན། འདུས་མ་བྱས་མ་ཡིན། མཚན་ཉིད་མ་ཡིན། མཚན་ཉིད་མེད་པ་མ་ཡིན། གནས་པ་མ་ཡིན། གནས་མེད་པ་མ་ཡིན། གཉིས་མ་ཡིན། གཉིས་སུ་མེད་པ་མ་ཡིན། གདེག་པ་མ་ཡིན། གཞོག་པ་མ་ཡིན། ལེན་པ་མ་ཡིན། གཏོང་བ་མ་ཡིན་པ་སྟེ། དེ་ལྟར་འཇུག་པ་གང་ཡིན་པ་དེ་ནི་འདུས་བྱས་ཀྱི་ཆོས་ཉིད་ཅེས་བྱའོ། །བདག་ནི་འདུས་མ་བྱས་ཀྱི་ཆོས་ཉིད་ལ་གནས་ཀྱི། གཞན་དག་ཀྱང་འདུས་མ་བྱས་ཀྱི་ཆོས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འདུས་མ་བྱས་ཀྱི་ཆོས་ཉིད་ཅེས་བྱ་བ་ནི་ཆོས་དེ་དག་ཉིད་ལ་དབྱེར་མེད་པ། རློམ་སེམས་མེད་པ། སྒྲོ་མི་འདོགས་པ། མི་རྟོག་རྣམ་པར་མི་རྟོག་པ་གང་ཡིན་པ་སྟེ། དེ་ནི་འདུས་མ་བྱས་ཀྱི་ཆོས་ཉིད་ཅེས་བྱའོ། །བདག་ནི་ཡང་དག་པར་མཐོང་བ་ 49a ༄#། །ལ་གནས་ཀྱི། གཞན་དག་ཀྱང་ཡང་དག་པར་མཐོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པར་མཐོང་བ་ནི་གཉིས་དང ། གཉིས་སུ་མེད་པ་ལ་མཚན་ཉིད་མེད་པར་འཇུག་པ་གང་ཡིན་པ་སྟེ། དེ་ཅིའི་ཕྱིར་ཞེ་ན། གཉིས་ཀྱི་རང་བཞིན་ལས་གཉིས་སུ་མེད་པ་གཞན་མ་ཡིན་པའི་ཕྱིར་ཏེ། གཉིས་ཀྱི་རང་བཞིན་ལས་གཉིས་སུ་མེད་པ་གཞན་མེད་པས་གཉིས་ཀྱི་རང་བཞིན་ཉིད་གཉིས་སུ་མེད་པ་སྟེ། དེ་ལྟར་འཇུག་པ་གང་ཡིན་པ་དེ་ནི་ཡང་དག་པར་མཐོང་བ་ཞེས་བྱའོ། །བདག་ནི་ཞེ་སྡང་མེད་པ་ལ་གནས་ཀྱི། གཞན་དག་ཀྱང་ཞེ་སྡང་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཞེ་སྡང་མེད་པ་ནི་སེམས་ཅན་ཐམས་ཅད་ལ་ཕན་པའི་དངོས་པོ་དང ། ལས་ཀྱི་བྱ་བ་ལ་འཇུག་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་རོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཕ་རོལ་ཏུ་ཕྱིན་པའི་ལམ་གྱི་ཚུལ་ལ་འཇུག་པ་ལ་གནས་ཀྱི། གཞན་དག་ཀྱང་ཕ་རོལ་ཏུ་ཕྱིན་པའི་ལམ་གྱི་ཚུལ་ལ་འཇུག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཕ་རོལ་ཏུ་ཕྱིན་ 49b པའི་ལམ་གྱི་ཚུལ་ལ་འཇུག་པ་ནི་ཐབས་མཁས་པས་ཡང་དག་པར་ཟིན་པའི་ཤེས་རབ་གང་ཡིན་པའོ། །བདག་ནི་སངས་རྒྱས་ཀྱི་རིགས་སུ་སྐྱེས་པ་ཡིན་གྱི། གཞན་དག་ཀྱང་སངས་རྒྱས་ཀྱི་རིགས་སུ་སྐྱེ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་ཀྱི་རིགས་སུ་སྐྱེ་བ་ནི་བསོད་ནམས་ཀྱི་ཚོགས་དང ། ཡེ་ཤེས་ཀྱི་ཚོགས་གང་ཡིན་པའོ། །བདག་ནི་བྱང་ཆུབ་ཀྱི་སེམས་ལ་གནས་ཀྱི། གཞན་དག་ཀྱང་བྱང་ཆུབ་ཀྱི་སེམས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བྱང་ཆུབ་ཀྱི་སེམས་ནི་བྱམས་པ་ཆེན་པོ་དང ། སྙིང་རྗེ་ཆེན་པོ་གང་ཡིན་པ་སྟེ། དེ་ཅིའི་ཕྱིར་ཞེ་ན། ཆོས་ཐམས་ཅད་ཀྱི་རྗེས་སུ་སོང་བའི་ཕྱིར་རོ། །བདག་ནི་ཆོས་སོ་སོ་ཡང་དག་པར་རིག་པ་ལ་གནས་ཀྱི། གཞན་དག་ཀྱང་ཆོས་སོ་སོ་ཡང་དག་པར་རིག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་སོ་སོ་ཡང་དག་པར་རིག་པ་ནི་ཆོས་ཐམས་ཅད་ཀྱི་ཆོས་རབ་ཏུ་དབྱེ་བ་བསྟན་པ་གང་ཡིན་པའོ། །བདག་ནི་དོན་སོ་སོ་ཡང་དག་པར་རིག་པ་ལ་གནས་ཀྱི། གཞན་དག་ཀྱང་དོན་སོ་སོ་ཡང་དག་པར་རིག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དོན་སོ་སོ་ཡང་དག་པར་རིག་པ་ནི་ཆོས་ཐམས་ཅད་ཀྱི་རབ་ཏུ་དབྱེ་བ་བསྟན་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་ 50a ༄#། །འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན།་འདི་ལྟ་སྟེ། བདག་ནི་ངེས་པའི་ཚིག་སོ་སོ་ཡང་དག་པར་རིག་པ་ལ་གནས་ཀྱི། གཞན་དག་ཀྱང་ངེས་པའི་ཚིག་སོ་སོ་ཡང་དག་པར་རིག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ངེས་པའི་ཚིག་སོ་སོ་ཡང་དག་པར་རིག་པ་ནི་ཆོས་རྣམས་ལ་ཀུན་རྫོབ་ཤེས་པ་དང་དབྱེར་མེད་པ་གང་ཡིན་པའོ། །བདག་ནི་སྤོབས་པ་སོ་སོ་ཡང་དག་པར་རིག་པ་ལ་གནས་ཀྱི། གཞན་དག་ཀྱང་སྤོབས་པ་སོ་སོ་ཡང་དག་པར་རིག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྤོབས་པ་སོ་སོ་ཡང་དག་པར་རིག་པ་ནི་ཆོས་ཐམས་ཅད་ཀྱི་དོན་དམ་པ་ལ་མཁས་པའི་ཡེ་ཤེས་གང་ཡིན་པའོ། །བདག་ནི་དྲན་པ་ལ་གནས་ཀྱི། གཞན་དག་ཀྱང་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དྲན་པ་ནི་མི་བརྗེད་པའི་ཆོས་ཉིད་དོ། །བདག་ནི་བློ་གྲོས་ལ་གནས་ཀྱི། གཞན་དག་ཀྱང་བློ་གྲོས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བློ་གྲོས་ནི་ཤིན་ཏུ་རྣམ་པར་ངེས་པའི་ཡེ་ཤེས་གང་ཡིན་པའོ། །བདག་ནི་\?\་ང་རྟད་ཐབ་གནས་ཀྱི། གཞན་དག་ཀྱང་བརྟན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྟན་པ་ 50b ནི་སྡོམ་པ་ལ་སྤྱོད་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་རྟོགས་པ་ལ་གནས་ཀྱི ། གཞན་དག་ཀྱང་རྟོགས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྟོགས་པ་ནི་མདོ་ལས་འབྱུང་བའི་དགོངས་པ་ཁོང་དུ་ཆུད་པ་གང་ཡིན་པའོ། །བདག་ནི་ཤེས་རབ་ལ་གནས་ཀྱི། གཞན་དག་ཀྱང་ཤེས་རབ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་རབ་ནི་འདུས་བྱས་དང ། འདུས་མ་བྱས་ཀྱི་ཆོས་རྣམས་ལ་དབྱེར་མེད་པར་མཁས་པ་གང་ཡིན་པའོ། །བདག་ནི་ཚོགས་ལ་གནས་ཀྱི། གཞན་དག་ཀྱང་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚོགས་ནི་ཕ་རོལ་ཏུ་ཕྱིན་པ་ལྔའོ། ། བདག་ནི་ཡོངས་སུ་གཅོད་པ་ལ་གནས་ཀྱི། གཞན་དག་ཀྱང་ཡོངས་སུ་གཅོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡོངས་སུ་གཅོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ། །བདག་ནི་ཐབས་མཁས་པ་ལ་གནས་ཀྱི། གཞན་དག་ཀྱང་ཐབས་མཁས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཐབས་མཁས་པ་ནི་ 51a ༄#། །ཆོས་ཐམས་ཅད་ཡང་དག་པར་སྡུད་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན།་འདི་ལྟ་སྟེ། བདག་ནི་འདུ་འཛིར་སྤྱོད་པ་ལ་གནས་ཀྱི། གཞན་དག་ཀྱང་འདུ་འཛིར་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འདུ་འཛིར་སྤྱོད་པ་ནི་ཕ་རོལ་ཏུ་ཕྱིན་པ་ལྔ་གང་ཡིན་པའོ། །བདག་ནི་འདུ་འཛི་མེད་པར་སྤྱོད་པ་ལ་གནས་ཀྱི། གཞན་དག་ཀྱང་འདུ་འཛི་མེད་པར་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འདུ་འཛི་མེད་པར་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པའོ། །བདག་ནི་ཟག་པ་དང་བཅས་པའི་སྤྱོད་པ་ལ་གནས་ཀྱི། གཞན་དག་ཀྱང་ཟག་པ་དང་བཅས་པའི་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཟག་པ་དང་བཅས་པའི་སྤྱོད་པ་ནི་གང་ལ་རློམ་སེམས་འཇུག་པའོ། །བདག་ནི་ཟག་པ་མེད་པའི་སྤྱོད་པ་ལ་གནས་ཀྱིས། གཞན་དག་ཀྱང་ཟག་པ་མེད་པའི་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཟག་པ་མེད་པའི་སྤྱོད་པ་ནི་གང་ལ་རློམ་ 51b སེམས་ཀྱི་རྒྱུ་བ་མེད་པའོ། །བདག་ནི་ཚད་ཡོད་པར་བྱས་པའི་སྤྱོད་པ་ལ་གནས་ཀྱི། གཞན་དག་ཀྱང་ཚད་ཡོད་པར་བྱས་པའི་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚད་ཡོད་པར་བྱས་པའི་སྤྱོད་པ་ནི་མཚན་མའི་གནས་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ།་བདག་ནི་ཚད་མེད་པར་བྱས་པའི་སྤྱོད་པ་ལ་གནས་ཀྱི། གཞན་དག་ཀྱང་ཚད་མེད་པར་བྱས་པའི་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚད་མེད་པར་བྱས་པའི་སྤྱོད་པ་ནི་མཚན་མ་མེད་པའི་གནས་གང་ཡིན་པའོ། །བདག་ནི་ཚད་ཡོད་པར་བྱས་པ་ཤེས་པ་ལ་གནས་ཀྱི། གཞན་དག་ཀྱང་ཚད་ཡོད་པར་བྱས་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚད་ཡོད་པར་བྱས་པ་ཤེས་པ་ནི་ཕུང་པོ་དང ། ཁམས་དང ། སྐྱེ་མཆེད་དང ། རྟེན་ཅིང་འབྲེལ་པར་འབྱུང་བ་དང ། གནས་དང་གནས་མ་ཡིན་པར་སྤྱོད་པ་ལ་མཁས་པ་གང་ཡིན་པའོ། །བདག་ནི་ཚད་མེད་པར་བྱས་པ་ཤེས་པ་ལ་གནས་ཀྱི། གཞན་དག་ཀྱང་ཚད་མེད་པར་བྱས་པའི་ཤེས་པ་ལ་དགོད་དོ་ཞེས་ 52a ༄#། །དབུགས་འབྱིན་པ་རྙེད་པར་འགྱུར་ཏེ། དེ་ལ་ཚད་མེད་པར་བྱས་པ་ཤེས་པ་ནི་གང་ལ་རློམ་སེམས་ཀྱི་རྒྱུ་བ་མེད་པའོ། །བདག་ནི་ཡོངས་སུ་ཆད་པ་ལ་གནས་ཀྱི། གཞན་དག་ཀྱང་ཡོངས་སུ་ཆད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡོངས་སུ་ཆད་པ་ནི་ཕ་རོལ་ཏུ་ཕྱིན་པ་ལྔའོ། །བདག་ནི་ཡོངས་སུ་མ་ཆད་པ་ལ་གནས་ཀྱི། གཞན་དག་ཀྱང་ཡོངས་སུ་མཆད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡོངས་སུ་མ་ཆད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་རང་གི་སེམས་འདུལ་བ་ལ་གནས་ཀྱི། གཞན་དག་ཀྱང་རང་གི་སེམས་འདུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རང་གི་སེམས་འདུལ་བ་ནི་བདག་མེད་པའི་ཆོས་ལ་སོ་སོར་རྟོག་པ་གང་ཡིན་པའོ། །བདག་ནི་ལུས་དང་སེམས་འདུལ་བ་ལ་གནས་ཀྱི། གཞན་དག་ཀྱང་ལུས་དང ། སེམས་འདུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལུས་དང ། སེམས་འདུལ་བ་ནི་སེམས་ཅན་ 52b ཐམས་ཅད་སྨིན་པར་བྱ་བ་ལ་ཡོངས་སུ་མི་སྐྱོ་པ་གང་ཡིན་པའོ། །བདག་ནི་བསམ་པ་རྣམ་པར་སྦྱོང་བ་ལ་གནས་ཀྱི། གཞན་དག་ཀྱང་བསམ་པ་རྣམ་པར་སྦྱོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསམ་པ་རྣམ་པར་སྦྱོང་བ་ནི་སེམས་ཅན་ཐམས་ཅད་ལ་རྣམ་པར་དཔྱད་པ་གང་ཡིན་པའོ། །བདག་ནི་སེམས་ཅན་ཐམས་ཅད་ལ་རྣམ་པར་དཔྱད་པ་ལ་གནས་ཀྱི། གཞན་དག་ཀྱང་སེམས་ཅན་ཐམས་ཅད་ལ་རྣམ་པར་དཔྱད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་ཅན་ཐམས་ཅད་ལ་རྣམ་པར་དཔྱད་པ་ནི་སེམས་ཅན་ཐམས་ཅད་ལ་སེམས་མཉམ་པ་ཉིད་གང་ཡིན་པའོ། །བདག་ནི་ཚོགས་དག་ལ་གནས་ཀྱི། གཞན་དག་ཀྱང་ཚོགས་དག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ།་དེ་ལ་ཚོགས་ནི་ཕ་རོལ་ཏུ་ཕྱིན་པ་ལྔ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ལུས་འདུལ་བ་ལ་གནས་ཀྱི། གཞན་དག་ཀྱང་ལུས་འདུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལུས་འདུལ་བ་ནི་ལུས་ཀྱི་ལས་ཀྱི་ཉེས་པ་རྣམ་པ་ 53a ༄#། །གསུམ་ཡོངས་སུ་སྤངས་པ་གང་ཡིན་པའོ། །བདག་ནི་ངག་འདུལ་བ་ལ་གནས་ཀྱི། གཞན་དག་ཀྱང་ངག་འདུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ངག་འདུལ་བ་ནི་ངག་གི་ལས་ཀྱི་ཉེས་པ་རྣམ་པ་བཞི་ཡོངས་སུ་སྤངས་པ་གང་ཡིན་པའོ། །བདག་ནི་ཡིད་འདུལ་བ་ལ་གནས་ཀྱི། གཞན་དག་ཀྱང་ཡིད་འདུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡིད་འདུལ་བ་ནི་ཡིད་ཀྱི་ལས་ཀྱི་ཉེས་པ་རྣམ་པ་གསུམ་ཡོངས་སུ་སྤངས་པ་གང་ཡིན་པའོ། །བདག་ནི་སེར་སྣའི་སེམས་འདུལ་བ་ལ་གནས་ཀྱི། གཞན་དག་ཀྱང་སེར་སྣའི་སེམས་འདུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེར་སྣའི་སེམས་འདུལ་བ་ནི་བདོག་པ་ཐམས་ཅད་ཡོངས་སུ་གཏོང་བ་གང་ཡིན་པའོ། །བདག་ནི་གཡོ་མེད་པ་ལ་གནས་ཀྱི། གཞན་དག་ཀྱང་གཡོ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གཡོ་མེད་པ་ནི་སེམས་ཅན་ཐམས་ཅད་ལ་སེམས་མཉམ་པ་ཉིད་གང་ཡིན་པའོ། །དེ་ལ་སེམས་ཅན་ཐམས་ཅད་ལ་སེམས་མཉམ་པ་ནི་ཆོས་ཀྱི་དབྱིངས་དབྱེར་མེད་པའི་ཕྱིར་ཆོས་ཐམས་ཅད་ཐ་དད་པ་མེད་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ།། །། 53b བམ་པོ་བཞི་པ། འཇམ་དཔལ། གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ལེ་ལོའི་སེམས་འདུལ་བ་ལ་གནས་ཀྱི། གཞན་དག་ཀྱང་ལེ་ལོའི་སེམས་འདུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལེ་ལོའི་སེམས་འདུལ་བ་ནི་དགེ་བའི་རྩོམ་པ་ཐམས་ཅད་ལ་ཞུམ་པ་མེད་པའོ། །བདག་ནི་སངས་རྒྱས་མཆོད་པ་ལ་གནས་ཀྱི། གཞན་དག་ཀྱང་སངས་རྒྱས་མཆོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་མཆོད་པ་ནི་གང་བྱིན་གྱིས་བརླབས་པ་བྱས་ནས་སངས་རྒྱས་འབྱུང་བར་འགྱུར་བའི་ཆོས་སྟོན་པ་གང་ཡིན་པ་དེ་དག་ལ་མཆོད་པ་གང་ཡིན་པ་ནི་དེ་བཞིན་གཤེགས་པ་ལ་མཆོད་པའོ། །བདག་ནི་ཡེ་ཤེས་སྤྱོད་པ་ལ་གནས་ཀྱི། གཞན་དག་ཀྱང་ཡེ་ཤེས་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡེ་ཤེས་སྤྱོད་པ་ནི་སེམས་ཅན་ཐམས་ཅད་ཕྱིར་མི་ལྡོག་པའི་ཆོས་ལ་རབ་ཏུ་དགོད་པ་གང་ཡིན་པའོ། །བདག་ནི་ངག་གི་སྤྱོད་པ་ལ་གནས་ཀྱི། གཞན་དག་ཀྱང་ངག་གི་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ངག་གི་སྤྱོད་པ་ནི་སེམས་ཅན་ཐམས་ཅད་ཀྱི་ངག་གི་ཉེས་པ་ཡོངས་སུ་སྦྱོང་བ་གང་ཡིན་པའོ། །བདག་ནི་སེམས་ཀྱི་སྤྱོད་པ་ལ་གནས་ཀྱི། གཞན་དག་ཀྱང་སེམས་ 54a ༄#། །ཀྱི་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་ཀྱི་སྤྱོད་པ་ནི་སེམས་ཅན་ཐམས་ཅད་ཀྱི་སེམས་ཀྱི་ཉེས་པ་ཡོངས་སུ་སྦྱོང་བ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང།་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བདུད་ཀྱི་ལས་སྒྲོ་བཏགས་པ་མེད་པ་སངས་རྒྱས་ཀྱི་འཕྲིན་ལས་ལ་གནས་ཀྱི། གཞན་དག་ཀྱང་བདུད་ཀྱི་ལས་སྒྲོ་བཏགས་པ་མེད་པ་སངས་རྒྱས་ཀྱི་འཕྲིན་ལས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ།་དེ་ལ་བདུད་ཀྱི་ལས་སྒྲོ་བཏགས་པ་མེད་པ་སངས་རྒྱས་ཀྱི་འཕྲིན་ལས་ནི་བདུད་ཀྱི་ལས་སྒྲོ་བཏགས་པས་སེམས་ཅན་ཡོངས་སུ་སྨིན་པར་བྱེད་པ་གང་ཡིན་པའོ། །བདག་ནི་དེ་བཞིན་གཤེགས་པ་རྟག་པའོ་ཞེས་བྱ་བར་མོས་པ་ལ་གནས་ཀྱི། གཞན་དག་ཀྱང་དེ་བཞིན་གཤེགས་པ་རྟག་པའོ་ཞེས་བྱ་བར་མོས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དེ་བཞིན་གཤེགས་པ་རྟག་པ་ནི་དབྱེར་མེད་པའི་ཕྱིར་རོ། །བདག་ནི་དེ་བཞིན་གཤེགས་པ་ཐེར་ཟུག་གོ་ཞེས་བྱ་བར་མོས་པ་ལ་གནས་ཀྱི། གཞན་དག་ 54b ཀྱང་དེ་བཞིན་གཤེགས་པ་ཐེར་ཟུག་གོ་ཞེས་བྱ་བར་མོས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དེ་བཞིན་གཤེགས་པ་ཐེར་ཟུག་ནི་སངས་རྒྱས་ཀྱི་མཛད་པ་ཐམས་ཅད་རྒྱུན་མི་གཅོད་པའི་ཕྱིར་རོ། །བདག་ནི་དེ་བཞིན་གཤེགས་པ་ཤིས་པ་ཞེས་བྱ་བར་མོས་པ་ལ་གནས་ཀྱི། གཞན་དག་ཀྱང་དེ་བཞིན་གཤེགས་པ་ཤིས་པ་ཞེས་བྱ་བར་མོས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དེ་བཞིན་གཤེགས་པ་ཤིས་པ་ཞེས་བྱ་བ་ནི་མཐོང་བ་དང ། ཐོས་པ་དང ། དྲན་པ་རྣམས་དོན་ཡོད་པའི་ཕྱིར་རོ། །བདག་ནི་དེ་བཞིན་གཤེགས་པ་གཡུང་དྲུང་ངོ་ཞེས་བྱ་བར་མོས་པ་ལ་གནས་ཀྱི། གཞན་དག་ཀྱང་དེ་བཞིན་གཤེགས་པ་གཡུང་དྲུང་ངོ་ཞེས་བྱ་བར་མོས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དེ་བཞིན་གཤེགས་པ་གཡུང་དྲུང་ངོ་ཞེས་བྱ་བ་ནི་སྐུའི་མཐའ་མེད་པའི་ཕྱིར་རོ། །སྐུའི་མཐའ་མེད་པའི་རྣམ་པར་བཞག་པ་ལས་འདས་པའི་ཕྱིར་ཏེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཕན་པའི་དངོས་པོ་ལ་གནས་ཀྱི། གཞན་དག་ཀྱང་ཕན་པའི་དངོས་པོ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཕན་པའི་ 55a ༄#། །དངོས་པོ་ནི་སེམས་ཅན་ཐམས་ཅད་ཀྱི་ལུས་དང ། སེམས་ཀྱི་མི་བདེ་བ་ཡོངས་སུ་བསྐྱབ་པའི་ཕྱིར་དེ་སྡུག་བསྔལ་གྱི་ཡོ་བྱད་གང་ཅིའང་མི་ལེན་པ་མེད་དེ། བདེ་བའི་ཡོ་བྱད་གང་ཅིའང་ཡོངས་སུ་མི་གཏོང་བ་མེད་པ་གང་ཡིན་པའོ། །བདག་ནི་ཆོས་ཐམས་ཅད་མཚན་མ་མེད་པ་ལ་གནས་ཀྱི། གཞན་དག་ཀྱང་ཆོས་ཐམས་ཅད་མཚན་མ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མཚན་མ་མེད་པ་ནི་མཚན་མ་མེད་པའི་རང་བཞིན་གང་ཡིན་པ་སྟེ། དེ་ཅིའི་ཕྱིར་ཞེ་ན། རློམ་སེམས་ནི་ངོ་བོ་ཉིད་མེད་པའི་ཕྱིར་རོ། ། བདག་ནི་སངས་རྒྱས་ལ་སྐྱབས་སུ་སོང་བ་ཡིན་གྱི། གཞན་དག་ཀྱང་སངས་རྒྱས་ལ་སྐྱབས་སུ་འགྲོ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་ལ་སྐྱབས་སུ་འགྲོ་བ་ནི་སྡིག་པ་ཐམས་ཅད་མི་བྱེད་པ་གང་ཡིན་པའོ། །བདག་ནི་ཆོས་ལ་སྐྱབས་སུ་སོང་བ་ཡིན་གྱི། གཞན་དག་ཀྱང་ཆོས་ལ་སྐྱབས་སུ་འགྲོ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ལ་སྐྱབས་སུ་འགྲོ་བ་ནི་རྟེན་ཅིང་འབྲེལ་པར་འབྱུང་བ་ལ་འཇུག་པ་གང་ཡིན་པའོ། །བདག་ནི་དགེ་འདུན་ལ་སྐྱབས་སུ་སོང་བ་ཡིན་གྱི། གཞན་དག་ཀྱང་དགེ་འདུན་ལ་སྐྱབས་སུ་འགྲོ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དགེ་འདུན་ལ་སྐྱབས་སུ་འགྲོ་བ་ནི་རྗེས་སུ་ཆགས་པ་དང ། ཁོང་ཁྲོ་བ་སྤངས་པ་གང་ཡིན་ 55b པ་སྟེ།་འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ལུས་མི་ཕྱེད་པ་ལ་གནས་ཀྱི། གཞན་དག་ཀྱང་ལུས་མི་ཕྱེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལུས་མི་ཕྱེད་པ་ནི་ཕ་རོལ་གྱི་གནོད་པ་ཐམས་ཅད་དང་བྲལ་བ་གང་ཡིན་པའོ། །བདག་ནི་དད་པ་མི་ཕྱེད་པ་ལ་གནས་ཀྱི།་གཞན་དག་ཀྱང་དད་པ་མི་ཕྱེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དད་པ་མི་ཕྱེད་པ་ནི་ལས་ཀྱི་རྣམ་པར་སྨིན་པ་ལ་ཡིད་ཆེས་པ་གང་ཡིན་པའོ། །བདག་ནི་སྙོམས་པར་འཇུག་པ་ཤེས་པ་ལ་གནས་ཀྱི། གཞན་དག་ཀྱང་སྙོམས་པར་འཇུག་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྙོམས་པར་འཇུག་པ་ནི་དམིགས་པའི་ངོ་བོ་ཉིད་ལ་འཇུག་པ་གང་ཡིན་པའོ། །བདག་ནི་ཆོས་མི་ཕྱེད་པ་ལ་གནས་ཀྱི། གཞན་དག་ཀྱང་ཆོས་མི་ཕྱེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་མི་ཕྱེད་པ་ནི་ཆོས་སྒྲུབ་པ་གང་ཡིན་པའོ། །བདག་ནི་དགེ་བའི་བཤེས་གཉེན་མི་ཕྱེད་པ་ལ་གནས་ཀྱི། གཞན་དག་ཀྱང་དགེ་བའི་བཤེས་གཉེན་མི་ཕྱེད་པ་ལ་དགོད་དོ་ཞེས་དབུགས་ 56a ༄#། །འབྱིན་པ་རྙེད་པར་འགྱུར་ཏེ། དེ་ལ་དགེ་བའི་བཤེས་གཉེན་མི་ཕྱེད་པ་ནི་དགེ་བའི་བཤེས་གཉེན་མི་སླུ་བ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཆོས་དང་རྗེས་སུ་མཐུན་པའི་ཆོས་ལ་གནས་ཀྱི། གཞན་དག་ཀྱང་ཆོས་དང་རྗེས་སུ་མཐུན་པའི་ཆོས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་དང་རྗེས་སུ་མཐུན་པའི་ཆོས་ནི་ཆོས་ལ་ཡང་དག་པ་ཉིད་དུ་སྒྲུབ་པ་གང་ཡིན་པའོ། །བདག་ནི་ངོ་ཚ་ཤེས་པ་ལ་གནས་ཀྱི། གཞན་དག་ཀྱང་ངོ་ཚ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ངོ་ཚ་ཤེས་པ་ནི་ལུས་དང་ངག་གིས་ལེགས་པར་སྤྱད་པ་གང་ཡིན་པའོ། ། བདག་ནི་ཁྲེལ་ཡོད་པ་ལ་གནས་ཀྱི། གཞན་དག་ཀྱང་ཁྲེལ་ཡོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཁྲེལ་ཡོད་པ་ནི་ཡིད་ཀྱི་ལེགས་པར་སྤྱད་པ་གང་ཡིན་པའོ། །བདག་ནི་ཡང་དག་པར་མཐོང་བ་ལ་གནས་ཀྱི། གཞན་དག་ཀྱང་ཡང་དག་པར་མཐོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པར་ 56b མཐོང་བ་ནི་ཆོས་ཐམས་ཅད་མཐའ་དང ། དབུས་མེད་པར་འཇུག་པ་གང་ཡིན་པའོ། །བདག་ནི་རྗེས་སུ་ཆགས་པ་སྤོང་བ་ལ་གནས་ཀྱི། གཞན་དག་ཀྱང་རྗེས་སུ་ཆགས་པ་སྤོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྗེས་སུ་ཆགས་པ་སྤོང་བ་ནི་མ་འོངས་པའི་མི་དགེ་བའི་ལས་མི་སྐྱེད་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཁོང་ཁྲོ་བ་སྤོང་བ་ལ་གནས་ཀྱི། གཞན་དག་ཀྱང་ཁོང་ཁྲོ་བ་སྤོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཁོང་ཁྲོ་བ་སྤོང་བ་ནི་དགེ་བའི་ལས་སྐྱེས་པ་རྣམས་ཆུད་མི་གསོན་པ་གང་ཡིན་པའོ། །བདག་ནི་ཆོ་ག་ལ་གནས་ཀྱི། གཞན་དག་ཀྱང་ཆོ་ག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོ་ག་ནི་ངོ་ཚ་ཤེས་པ་དང ། ཁྲེལ་ཡོད་པ་གང་ཡིན་པའོ། །བདག་ནི་རང་གི་དགེ་བའི་རྩ་བ་ཡང་དག་པར་སྲུང་བ་ལ་གནས་ཀྱི། གཞན་དག་ཀྱང་རང་གི་དགེ་བའི་རྩ་བ་ཡང་དག་པར་སྲུང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རང་གི་དགེ་བའི་རྩ་བ་ཡང་དག་པར་སྲུང་བ་ནི་ལས་ཀྱི་བྱ་བ་ལ་འཇུག་པ་གང་ཡིན་པའོ། །བདག་ནི་གཞན་གྱི་དགེ་བའི་རྩ་བ་ཆུད་ 57a ༄#། །མི་གསོན་པ་ལ་གནས་ཀྱི། གཞན་དག་ཀྱང་གཞན་གྱི་དགེ་བའི་རྩ་བ་ཆུད་མི་གསོན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་གཞན་གྱི་དགེ་བའི་རྩ་བ་ཆུད་མི་གསོན་པ་ནི་བྱམས་པ་ཆེན་པོ་དང ། སྙིང་རྗེ་ཆེན་པོ་ལ་གནས་པ་གང་ཡིན་པའོ། །བདག་ནི་སྟོང་པ་ཉིད་ལ་མོས་པ་ལ་གནས་ཀྱི། གཞན་དག་ཀྱང་སྟོང་པ་ཉིད་ལ་མོས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྟོང་པ་ཉིད་ནི་ལྟ་བར་གྱུར་པའི་རང་བཞིན་གང་ཡིན་པ་སྟེ། ལྟ་བར་གྱུར་པའི་རང་བཞིན་ལས་སྟོང་པ་ཉིད་གཞན་མ་ཡིན་ཏེ།་འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སྒྲིབ་པ་མེད་པའི་རྣམ་པར་གྲོལ་བའི་ཡེ་ཤེས་ལ་གནས་ཀྱི། གཞན་དག་ཀྱང་སྒྲིབ་པ་མེད་པའི་རྣམ་པར་གྲོལ་བའི་ཡེ་ཤེས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྒྲིབ་པ་མེད་པའི་རྣམ་པར་གྲོལ་བའི་ཡེ་ཤེས་ནི་གཉིས་དང་གཉིས་སུ་མེད་པ་རྣམ་པར་དག་པ་གང་ཡིན་པའོ། །བདག་ནི་ཆོས་རྣམས་རྟེན་ཅིང་མི་འབྱུང་ངོ་ཞེས་བྱ་བར་མོས་པ་ལ་གནས་ཀྱི། གཞན་དག་ཀྱང་ 57b ཆོས་རྣམས་རྟེན་ཅིང་མི་འབྱུང་ངོ་ཞེས་བྱ་བར་མོས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་རྣམས་རྟེན་ཅིང་མི་འབྱུང་བ་ནི་རྐྱེན་རྣམས་མི་སྐྱེ་བའི་ངོ་བོ་ཉིད་ཡིན་པའི་ཕྱིར་རོ། །བདག་ནི་ཆོས་ཐམས་ཅད་གནས་མེད་དོ་ཞེས་བྱ་བར་མོས་པ་ལ་གནས་ཀྱི། གཞན་དག་ཀྱང་ཆོས་ཐམས་ཅད་གནས་མེད་དོ་ཞེས་བྱ་བར་མོས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་ཐམས་ཅད་ལ་གནས་མེད་དོ་ཞེས་བྱ་བ་ནི་ཕྱོགས་ཆ་ཐ་དད་པ་མེད་པའི་ཕྱིར་རོ། །བདག་ནི་སངས་རྒྱས་ནམ་མཁའ་དང་མཚུངས་སོ་ཞེས་བྱ་བར་མོས་པ་ལ་གནས་ཀྱི། གཞན་དག་ཀྱང་སངས་རྒྱས་ནམ་མཁའ་དང་མཚུངས་སོ་ཞེས་བྱ་བར་མོས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་ནམ་མཁའ་དང་མཚུངས་སོ་ཞེས་བྱ་བ་ནི་ཐ་དད་པ་མེད་པ་དང ། རྟེན་པ་མེད་པའི་ཕྱིར་རོ། །བདག་ནི་སངས་རྒྱས་སེམས་དང ། ཡིད་དང ། རྣམ་པར་ཤེས་པ་དང་བྲལ་བའོ་ཞེས་བྱ་བ་ལ་གནས་ཀྱི། གཞན་དག་ཀྱང་སངས་རྒྱས་སེམས་དང ། ཡིད་དང ། རྣམ་པར་ཤེས་པ་དང་བྲལ་བའོ་ཞེས་བྱ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་དང ། སེམས་དང ། ཡིད་དང ། རྣམ་པར་ཤེས་པ་དང་བྲལ་བའོ་ཞེས་བྱ་བ་ནི་ལྷུན་གྱིས་གྲུབ་པའི་ཡེ་ཤེས་བརྙེས་པའི་ཕྱིར་ཏེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ 58a ༄#། །ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ། གཞན་ཡང ། དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སྦྱིན་པ་ལས་བྱུང་བའི་བསྡུ་བའི་དངོས་པོ་ལ་གནས་ཀྱིས། གཞན་དག་ཀྱང་སྦྱིན་པ་ལས་བྱུང་བའི་བསྡུ་བའི་དངོས་པོ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྦྱིན་པ་ལས་བྱུང་བའི་བསྡུ་བའི་དངོས་པོ་ནི་བསམ་པ་དང ། སྦྱོར་བའོ། །བདག་ནི་ཚུལ་ཁྲིམས་ལས་བྱུང་བའི་བསྡུ་བའི་དངོས་པོ་ལ་གནས་ཀྱི། གཞན་དག་ཀྱང་ཚུལ་ཁྲིམས་ལས་བྱུང་བའི་བསྡུ་བའི་དངོས་པོ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་ལས་བྱུང་བའི་བསྡུ་བའི་དངོས་པོ་ནི་བྱམས་པ་དང ། སྙིང་རྗེའོ། །བདག་ནི་བསྒོམས་པ་ལས་བྱུང་བའི་བསྡུ་བའི་དངོས་པོ་ལ་གནས་ཀྱི། གཞན་དག་ཀྱང་བསྒོམས་པ་ལས་བྱུང་བའི་བསྡུ་བའི་དངོས་པོ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསྒོམས་པ་ལས་བྱུང་བའི་བསྡུ་བའི་དངོས་པོ་ནི་ཐབས་ཀྱིས་ཡང་དག་པར་ཟིན་པའི་ཤེས་རབ་བོ། །བདག་ནི་བསམ་པ་ལ་གནས་ཀྱི།་གཞན་དག་ཀྱང་བསྡམ་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསམ་པ་ནི་དགེ་བའི་ཆོས་རྣམས་ལ་དད་པ་དང ། འདུན་པའོ། །བདག་ནི་སྦྱོར་བ་ 58b ལ་གནས་ཀྱི། གཞན་དག་ཀྱང་སྦྱོར་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྦྱོར་བ་ནི་དགེ་བའི་ཆོས་ཐམས་ཅད་སྒྲུབ་པ་གང་ཡིན་པ་སྟེ། འཇམ་དཔལ། དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ཀྱིས་བརྗོད་པ་མཐར་ཕྱིན་པར་རིག་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས། སངས་རྒྱས་བཅོམ་ལྡན་འདས་རྣམས་ཀྱི་སྟོན་པ་ཐོགས་པ་མེད་པ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་མཁྱེན་པ་ཐོགས་པ་མེད་པ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་སེམས་ཅན་ཡོངས་སུ་སྨིན་པར་མཛད་པ་ཁྱུ་མཆོག་ཏུ་གྱུར་པ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་ཀུན་ནས་མངོན་དུ་གྱུར་པ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་ཞིང་ཡོངས་སུ་སྦྱོང་བ་ལ་མི་འཇིགས་པ་གང་ཡིན།་སངས་རྒྱས་བཅོམ་ལྡན་འདས་རྣམས་ཀྱི་སྐུ་མཐའ་ཡས་པ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་ཡུལ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་ལྷུན་གྱིས་གྲུབ་པའི་ཡེ་ཤེས་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་བསམ་གྱིས་མི་ཁྱབ་པ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་ཀུན་ཏུ་གཟིགས་པ་གང་ཡིན། 59a ༄#། །སངས་རྒྱས་བཅོམ་ལྡན་འདས་རྣམས་ཀྱི་གྲགས་པ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་དབྱེར་མེད་ཅིང་མི་གནས་པ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་སྐུ་ཐོགས་པ་མེད་པ་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་སྤྱི་གཙུག་ལྟར་མི་མཐོང་བ་གང་ཡིན། ཀྱེ་རྒྱལ་བའི་སྲས། སངས་རྒྱས་བཅོམ་ལྡན་འདས་རྣམས་ཀྱི་སེམས་ཅན་ཡོངས་སུ་སྨིན་པར་མཛད་པའི་སྤྱོད་པའི་གནས་རྣམས་གང་ཡིན། སངས་རྒྱས་བཅོམ་ལྡན་འདས་རྣམས་ཀྱི་སེམས་ཅན་ཡོངས་སུ་སྨིན་པར་མཛད་པའི་མི་འཇིགས་པ་རྣམས་གང་ཡིན། དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ། ཆོས་ཀྱི་རྣམ་གྲངས་འདི་ནི་མཐོང་བར་དཀའ་བ། རིག་པར་དཀའ་བ་སྟེ། བརྟག་པར་བྱ་བ་མ་ཡིན་ཞིང་རྟོག་གེའི་སྤྱོད་པ་མ་ཡིན་པ། མོས་པར་དཀའ་སྟེ།་སངས་རྒྱས་ཕྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་བྱས་པའི་སེམས་ཅན་དེ་དག་ཆོས་ཀྱི་རྣམ་གྲངས་འདི་ཐོས་པར་འགྱུར་ཞིང་ཐོས་ནས་ཀྱང་མོས་པར་འགྱུར་རོ། ། འཇམ་དཔལ་གྱིས་སྨྲས་པ། ཀྱེ་རྒྱལ་བའི་སྲས། དམུས་ལོང་ལ་མར་མེ་མི་གཟུགས་ཀྱི། མིག་དང་ལྡན་པ་རྣམས་ལ་མེར་མེ་གཟུགས་ཏེ། ཀྱེ་རྒྱལ་བའི་སྲས། དེ་བཞིན་དུ་བྱང་ 59b ཆུབ་སེམས་དཔའ་སེམས་དཔའ་ཆེན་པོ་གང་དག་བསོད་ནམས་དང ། ཡེ་ཤེས་ཀྱི་ཚོགས་དཔག་ཏུ་མེད་པ་བསགས་པ་དེ་དག་གི་ཕྱིར་ཁོ་བོ་འདྲའོ། །གང་དག་བསྐལ་པ་གྲངས་མེད་པར་སེམས་ཅན་དམྱལ་བ་དང ། དུད་འགྲོའི་སྐྱེ་གནས་དང ། ཡི་དྭགས་དང ། གཤིན་རྗེའི་འཇིག་རྟེན་དུ་གནས་པར་འགྱུར་བའི་ལས་ཚེ་འདི་ཉིད་ལ་མྱོང་བར་འགྱུར་བ་དེ་དག་གི་ཕྱིར་ཁོ་བོ་འདྲིའོ། ། གང་དག་མཐོང་བ་དང ། ཐོས་པ་དང ། བསྙེན་བཀུར་བྱས་པ་དོན་ཡོད་པ་དེ་དག་གི་ཕྱིར་ཁོ་བོ་འདྲི་ཡི། སྟོན་ཅིག། ཀྱེ་རྒྱལ་བའི་སྲས། ཆོས་ཀྱི་རྣམ་གྲངས་འདི་ལ་མ་མོས་པ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མི་སྨྲ་ཡི། ཀྱེ་རྒྱལ་བའི་སྲས། སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་སྙིང་བརྩེ་བ་དང ། སྐྱེ་བོ་ཕལ་པོ་ཆེ་དང ། ལྷ་དང།་མི་རྣམས་ཀྱི་དོན་དང ། ཕན་པ་དང ། བདེ་བར་བྱ་བའི་ཕྱིར་སྟོན་ཅིག། དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ། དེ་ལ་སྟོན་པ་ཐོགས་པ་མེད་པ་ནི་དེ་བཞིན་གཤེགས་པ་ཕྱོགས་བཅུའི་འཇིག་རྟེན་གྱི་ཁམས་སོ་སོའི་གླིང་རེ་རེར་ཡང་གསེར་གྱི་ཁ་དོག་གིས་འདུལ་བའི་ལྷ་དང ། མི་རྣམས་དང ། བྱང་ཆུབ་སེམས་དཔའ་རྣམས་ལ་དེ་བཞིན་གཤེགས་པ་གསེར་གྱི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ 60a ༄#། །ཆེའི་རྒྱལ་པོ་སྐར་འོད་ཀྱི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་བོ་སྐར་འོད་ཀྱི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་གློག་གི་སྒྲོན་མའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་གློག་གི་སྒྲོན་མའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་ཉི་ཟླ་མར་མེའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་ཉི་ཟླ་མར་མེའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་སྣང་བ་ཐམས་ཅད་བསྡུས་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་སྣང་བ་ཐམས་ཅད་བསྡུས་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེ་དབང་གི་རྒྱལ་པོའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེ་དབང་གི་རྒྱལ་པོའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་ཟེ་བ་ཅན་གྱི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་ཟེ་བ་ཅན་གྱི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་སེང་གེ་རལ་པ་ཅན་གྱི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ 60b ནོར་བུ་རིན་པོ་ཆེའི་རྒྱལ་པོ་སེང་གེ་རལ་པ་ཅན་གྱི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་སེང་གེའི་རྒྱལ་མཚན་གྱི་རྩེ་མོའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་སེང་གེའི་རྒྱལ་མཚན་གྱི་རྩེ་མོའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་བརྒྱ་བྱིན་ཐོགས་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་བརྒྱ་བྱིན་ཐོགས་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བོ་རིན་པོ་ཆེའི་རྒྱལ་པོ་ལྷ་ཐམས་ཅད་འོད་ཀྱི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་ལྷ་ཐམས་ཅད་ཀྱི་འོད་ཀྱི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་ཆུ་དང་བར་བྱེད་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་ཆུ་དང་བར་བྱེད་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་རྡོ་རྗེའི་འོད་ཀྱི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་བོ་རྡོ་རྗེའི་འོད་ཀྱི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་པདྨ་རཱ་གའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་པདྨ་རཱ་གའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་ 61a ༄#། །རྒྱལ་པོ་བཻ་ཌའྱུརྱའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་བཻ་ཌའྱུརྱའི་ཁ་དོག་ཏུ་སྟོན་པ་ལ་ཐོགས་པ་མེད་དོ། ། ནོར་བུ་རིན་པོ་ཆེའི་རྒྱལ་པོ་ཨནད་རྙིལ་གྱི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་ཨནད་རྙིལ་གྱི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་མཐོན་ཀ་ཆེན་པོའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་མཐོན་ཀ་ཆེན་པོའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་བོ་རྡོ་རྗེའི་སྙིང་པོའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་རྡོ་རྗེའི་སྙིང་བོའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་དཔལ་གྱི་སྙིང་པོའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་དཔལ་གྱི་སྙིང་པོའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་དགེ་བ་བཀོད་པའི་ཁ་དོག་གིས་འདུལ་བ་རྣམས་ལ་དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་དགེ་བ་བཀོད་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་མ་ཆགས་པ་བཀོད་པའི་སྙིང་པོའི་ཁ་དོག་གིས་འདུལ་བ་རྣམས་ལ། དེ་བཞིན་ 61b གཤེགས་པ་ནོར་བུ་རིན་པོ་ཆེའི་རྒྱལ་པོ་མ་ཆགས་པ་བཀོད་པའི་སྙིང་པོའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་མུ་ཏིག་དཀར་པོའི་ཁ་དོག་གིས་འདུལ་བ་རྣམས་ལ་དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་མུ་ཏིག་དཀར་པོའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་མུ་ཏིག་མཐོན་ཀའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་མུ་ཏིག་མཐོན་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་མུ་ཏིག་གསེར་ལྟ་བུའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་མུ་ཏིག་གསེར་ལྟ་བུའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་མུ་ཏིག་ནམ་མཁའི་འོད་ཀྱི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་མུ་ཏིག་ནམ་མཁའི་འོད་ཀྱི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་བསོད་ནམས་ཀྱི་ཚོགས་རྒྱ་མཚོ་གྲངས་མེད་པ་རྗེས་སུ་སྒྲོག་པའི་འོད་ཀྱི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་བསོད་ནམས་ཀྱི་ཚོགས་རྒྱ་མཚོ་གྲངས་མེད་པ་རྗེས་སུ་སྒྲོག་པའི་འོད་ཀྱི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་ཡེ་ཤེས་ཀྱི་ཚོགས་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་ 62a ༄#། །འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་ཡེ་ཤེས་ཀྱི་ཚོགས་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་ཕ་རོལ་ཏུ་ཕྱིན་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་ཕ་རོལ་ཏུ་ཕྱིན་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་གཟུངས་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་གཟུངས་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་ཏིང་ངེ་འཛིན་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་ཏིང་ངེ་འཛིན་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་རྣམ་པར་ཐར་ 62b པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་རྣམ་པར་ཐར་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་སོ་སོ་ཡང་དག་པར་རིག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་སོ་སོ་ཡང་དག་པར་རིག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་མངོན་པར་ཤེས་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་མངོན་པར་ཤེས་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་སྨོན་ལམ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་སྨོན་ལམ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་བརྩོན་འགྲུས་རྩོམ་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེ་རྒྱལ་པོ་བརྩོན་འགྲུས་རྩོམ་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་ 63a ༄#། །མེད་དོ། །ནོར་བུ་རིན་པོ་ཆེའི་རྒྱལ་པོ་དབུགས་འབྱིན་པ་རྙེད་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་དབུགས་འབྱིན་པ་རྙེད་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་བྱང་ཆུབ་སེམས་དཔའ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་བྱང་ཆུབ་སེམས་དཔའ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་དེ་བཞིན་གཤེགས་པ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་དེ་བཞིན་གཤེགས་པ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་སེམས་ཅན་གྱི་བསམ་པ་དང་སྤྱོད་པ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་སེམས་ཅན་གྱི་བསམ་པ་དང་སྤྱོད་པ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་ 63b འཇིག་རྟེན་གྱི་ཁམས་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་འཇིག་རྟེན་གྱི་ཁམས་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་བསྐལ་པ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་བསྐལ་པ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་དུས་གསུམ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་དུས་གསུམ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་དུས་གསུམ་བསྟན་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེ་རྒྱལ་པོ་དུས་གསུམ་བསྟན་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་མི་སྐྱོ་བར་སེམས་བསྐྱེད་པ་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་མི་སྐྱོ་ 64a ༄#། །བར་སེམས་བསྐྱེད་པ་རྒྱ་མཚོ་གྲངས་མེད་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །ནོར་བུ་རིན་པོ་ཆེའི་རྒྱལ་པོ་དབྱེར་མེད་པའི་ཡེ་ཤེས་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་གིས་འདུལ་བ་རྣམས་ལ། དེ་བཞིན་གཤེགས་པ་ནོར་བུ་རིན་པོ་ཆེའི་རྒྱལ་པོ་དབྱེར་མེད་པའི་ཡེ་ཤེས་རྒྱ་མཚོ་གྲངས་མེད་པ་རྗེས་སུ་སྒྲོག་པའི་ཁ་དོག་ཏུ་སྟོན་པ་ལ་ཐོགས་པ་མེད་དོ། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་རོ། །འཇམ་དཔལ། འདི་ལྟ་སྟེ། དཔེར་ན། ནོར་བུ་རིན་པོ་ཆེའི་བཻ་ཌཱུརྱ་ལ་དངོས་པོའི་དབང་གིས་བྱ་བ་རྣམ་པ་སྣ་ཚོགས་མཐའ་ཡས་པ་འབྱུང་སྟེ། ནོར་བུ་རིན་པོ་ཆེ་བཻ་ཌཱུརྱ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་དེ་མི་རྟོག་ཅིང་ལྷུན་གྱིས་གྲུབ་པར་བྱ་བ་འདི་ལྟ་བུ་འདི་དག་འབྱུང་ངོ ། །འཇམ་དཔལ། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་སེམས་ཅན་ཡོངས་སུ་སྨིན་པར་བྱ་བའི་དབང་གིས་ཁ་དོག་རྣམ་པ་ཐ་དད་པའི་མཛད་པ་འབྱུང་སྟེ། དེ་བཞིན་གཤེགས་པ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་མཛད་པ་འདི་ལྟ་བུ་འདི་དག་འབྱུང་སྟེ། འཇམ་དཔལ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སྟོན་པ་ཐོགས་པ་མེད་པའོ། །འཇམ་དཔལ། དེ་ལ་དེ་བཞིན་ 64b གཤེགས་པའི་མཁྱེན་པ་ཐོགས་པ་མེད་པ་ནི་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ཀྱི་འཇིག་རྟེན་གྱི་ཁམས་རེ་རེ་དང ། གླིང་རེ་རེ་དང ། རྡུལ་ཕྲ་རབ་ཀྱི་རྡུལ་རེ་རེ་དང ། འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོར་འཇུག་པ་རྣམས་ལ་མཁྱེན་པ་ཐོགས་པ་མེད་དོ། །འཇིག་རྟེན་གྱི་ཁམས་རེ་རེ་དག་གླིང་རེ་རེ་དང ། རྡུལ་ཕྲ་རབ་ཀྱི་རྡུལ་རེ་རེ་ལ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་བསོད་ནམས་ཀྱི་ཚོགས་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་ཡེ་ཤེས་ཀྱི་ཚོགས་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་ཕ་རོལ་ཏུ་ཕྱིན་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ།། དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་གཟུངས་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ 65a ༄#། །ལ་ཞིང་ཐམས་ཅད་ཀྱི་རྡུལ་སྙེད་ཀྱི་ཏིང་ངེ་འཛིན་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་རྣམ་པར་ཐར་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་སོ་སོ་ཡང་དག་པར་རིག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་མངོན་པར་ཤེས་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། ། དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་སྨོན་ལམ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་བརྩོན་འགྲུས་རྩོམ་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་དབུགས་འབྱིན་པ་རྙེད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་ 65b པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་བྱང་ཆུབ་སེམས་དཔའ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་རྙེད་ཀྱི་དེ་བཞིན་གཤེགས་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་ཞིང་ཐམས་ཅད་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་སེམས་ཅན་གྱི་བསམ་པ་དང ། སྤྱོད་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་ལ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་བཞིན་དུ་སྐད་ཅིག་སྐད་ཅིག་ལ་ཞིང་ཐམས་ཅད་ཀྱི་རྡུལ་སྙེད་ཀྱི་བསྐལ་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་གཞན་དང ། གཞན་དག་མཁྱེན་པ་ལ་ཐོགས་པ་མེད་དོ། །དེ་ཅིའི་ཕྱིར་ཞེ་ན། ལྷུན་གྱིས་གྲུབ་པའི་ཡེ་ཤེས་བརྙེས་པའི་ཕྱིར་རོ། །འཇམ་ 66a ༄#། །དཔལ།་འདི་ལྟ་སྟེ། དཔེར་ན། བྲག་ཕུག་གི་ནང་ནས་བྲག་ཅ་སེམས་ཅན་གྱི་སྒྲ་རྣམ་པ་མང་པོ་འཇུག་པས་སྒྲ་སྐད་གཞན་དང ། གཞན་དག་མཐའ་ཡས་པ་འབྱུང་སྟེ། བྲག་ཅ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་དེ་མི་རྟོག་ཅིང་ལྷུན་གྱིས་གྲུབ་པར་བྱ་བ་འདི་ལྟ་བུ་འདི་དག་འབྱུང་ངོ ། །འཇམ་དཔལ།་དེ་བཞིན་དུ་དེ་བཞིན་གཤེགས་པ་ལའང་སེམས་ཅན་གྱི་བསམ་པ་ཇི་ལྟ་བ་དང ། འདུལ་བ་ཅི་ལྟ་བ་དེ་དག་གིས་དེ་ལྟ་བུའི་སྐད་དུ་སྟོན་པ་འབྱུང་བར་ཤེས་ཏེ། དེ་བཞིན་གཤེགས་པ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་དེ་མི་རྟོག་ཅིང་ལྷུན་གྱིས་གྲུབ་པར་མཛད་པ་འདི་ལྟ་བུ་འདི་དག་འབྱུང་ངོ ། །འཇམ་དཔལ།་དེ་བཞིན་གཤེགས་པའི་མཁྱེན་པ་ཐོགས་པ་མེད་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་ལ་དེ་བཞིན་གཤེགས་པའི་སེམས་ཅན་ཡོངས་སུ་སྨིན་པར་མཛད་པ་ཁྱུ་མཆོག་ཏུ་གྱུར་པ་ནི་དེ་བཞིན་གཤེགས་པའི་གཙུག་ཏོར་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་འཇིག་རྟེན་གྱི་ཁམས་རེ་རེ་དང ། གླིང་རེ་རེར་ཡང་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའ་ཁྱབ་པར་འགེངས་ 66b ཏེ།་སེམས་ཅན་ཡོངས་སུ་སྨིན་པར་མཛད་པའི་ཁྱུ་མཆོག་ཏུ་གྱུར་པས་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པའོ། །འཇམ་དཔལ། དེ་བཞིན་གཤེགས་པའི་མཛོད་སྤུ་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་འཇིག་རྟེན་གྱི་ཁམས་རེ་རེ་དང ། གླིང་རེ་རེར་ཡང་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའ་ཁྱབ་པར་འགེངས་པ།་སེམས་ཅན་ཡོངས་སུ་སྨིན་པར་མཛད་པ། ཁྱུ་མཆོག་ཏུ་གྱུར་པས་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པའོ། །འཇམ་དཔལ། དེ་བཞིན་དུ་དེ་བཞིན་གཤེགས་པའི་མཚན་རེ་རེར་ཡང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་འཇིག་རྟེན་གྱི་ཁམས་རེ་རེ་དང ། གླིང་རེ་རེར་ཡང་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའ་ཁྱབ་པར་འགེངས་པ། སེམས་ཅན་ཡོངས་སུ་སྨིན་པར་མཛད་པ། ཁྱུ་མཆོག་ཏུ་གྱུར་པས་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པའོ། །དེ་བཞིན་དུ་དེ་བཞིན་གཤེགས་པའི་དཔེ་བྱད་བཟང་པོ་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་འཇིག་རྟེན་གྱི་ཁམས་རེ་རེ་དང ། གླིང་རེ་རེ་ཡང་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའ་ཁྱབ་པར་འགེངས་པ། སེམས་ཅན་ཡོངས་སུ་སྨིན་པར་མཛད་པ། ཁྱུ་མཆོག་ཏུ་གྱུར་པས་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པའོ། །དེ་བཞིན་དུ་དེ་བཞིན་ 67a ༄#། །གཤེགས་པའི་སྤུའི་ཁུང་བུ་རེ་རེར་ཡང་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའ་ཁྱབ་པར་འགེངས་པ། སེམས་ཅན་ཡོངས་སུ་སྨིན་པར་མཛད་པ། ཁྱུ་མཆོག་ཏུ་གྱུར་པས་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པའོ། །དེ་བཞིན་དུ་དེ་བཞིན་གཤེགས་པའི་ཡོ་བྱད་ཐམས་ཅད་ཀྱང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་འཇིག་རྟེན་གྱི་ཁམས་རེ་རེ་དང ། གླིང་རེ་རེར་ཡང་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའ་ཁྱབ་པར་འགེངས་པ། སེམས་ཅན་ཡོངས་སུ་སྨིན་པར་མཛད་པ། ཁྱུ་མཆོག་ཏུ་གྱུར་པས་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པའོ། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་ཏེ། མ་འདྲེས་པའི་ཆོས་དང་ལྡན་པ་ནི་སྨོན་ལམ་གྱི་སྟོབས་ཀྱིས་བྱིན་གྱིས་བརླབས་པའི་ཕྱིར་རོ། །འཇམ་དཔལ། དེ་བཞིན་གཤེགས་པའི་སེམས་ཅན་ཡོངས་སུ་སྨིན་པར་མཛད་པ། ཁྱུ་མཆོག་ཏུ་གྱུར་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་ལ་དེ་བཞིན་གཤེགས་པའི་ཀུན་ནས་མངོན་དུ་གྱུར་པ་ནི་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་འཇིག་རྟེན་གྱི་ཁམས་རེ་རེ་དང ། གླིང་རེ་རེ་དང ། རྡུལ་ཕྲ་རབ་རེ་རེ་ལ་སྟེ། 67b རྡུལ་ཕྲ་རབ་ཀྱི་རྡུལ་གྱི་ཕྱོགས་རེ་རེ་ལ་བྱང་ཆུབ་སེམས་དཔའ་རྒྱ་མཚོ་འཁོད་པ་ནི་རབ་ཏུ་མང་གི། འཇིག་རྟེན་གྱི་ཁམས་ལྔ་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པ་དག་གི་རྡུལ་ཕྲ་རབ་ནི་ཆེས་ཉུང་སྟེ། བྱང་ཆུབ་སེམས་དཔའ་དེ་དག་ནི་སེམས་ཅན་དང ། འཇིག་རྟེན་གྱི་ཁམས་དང ། གླིང་དང ། རི་རབ་དང ། རི་རབ་ཆེན་པོ་དང ། ཁོར་ཡུག་དང ། ཁོར་ཡུག་ཆེན་པོ་དང ། གྲོང་དང ། གྲོང་ཁྱེར་དང ། གྲོང་རྡལ་དང ། ལྗོངས་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དང ། འབབ་ཆུ་དང ། མཚེའུ་དང ། མཚོ་བྲན་དག་གང་ལའང་གནོད་པ་དང ། སྒྲིབ་པ་མེད་དེ། སྔོན་ཇི་ལྟ་བར་ཕྱིས་ཀྱང་དེ་བཞིན་དུ་བྱ་བ་དག་འཇུག་སྟེ། དེ་བཞིན་གཤེགས་པ་མ་འདྲེས་པའི་ཆོས་དང་ལྡན་པའི་ཕྱིར་རོ། །བསམ་པ་ཇི་ལྟ་བ་དང ། འདུལ་བ་ཇི་ལྟ་བའི་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། བརྒྱ་བྱིན་དང ། ཚངས་པ་དང ། འཇིག་རྟེན་སྐྱོང་བ་དང ། མི་དང ། མི་མ་ཡིན་པ་དང ། བྱང་ཆུབ་སེམས་དཔའ་དེ་དག་གིས་ཀྱང་འདི་ལྟར་ཀུན་ནས་དེ་བཞིན་གཤེགས་པ་གཉའ་ཤིང་གང་ཙམ་ན་བཞུགས་པར་མངོན་དུ་མཐོང་ངོ ། ། དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་རོ། །འཇམ་དཔལ། འདི་ལྟ་སྟེ། དཔེར་ན། ཟླ་བ་ཡར་གྱི་ངོ་ཚེས་བཅོ་ལྔའི་ནམ་ཕྱེད་ཀྱི་དུས་ན་ཛམྦུའི་གླིང་གི་སྐྱེས་པ་དང ། བུད་ 68a ༄#། །མེད་དང ། ཁྱེའུ་དང ། བུ་མོ་ཐམས་ཅད་ཀྱིས་ཟླ་བའི་དཀྱིལ་འཁོར་མདུན་ན་འདུག་པར་མཐོང་ཡང་ཟླ་བའི་དཀྱིལ་འཁོར་ནི་མི་རྟོག་།རྣམ་པར་མི་རྟོག་མོད་ཀྱི ། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་མི་རྟོག་ཅིང་ལྷུན་གྱིས་གྲུབ་པར་བྱ་བ་འདི་ལྟ་བུ་འདི་དག་འབྱུང་ངོ ། །འཇམ་དཔལ། དེ་བཞིན་དུ་དེ་བཞིན་གཤེགས་པའང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ཀྱི་སེམས་ཅན་བསམ་པ་ཇི་ལྟ་བ་དང ། འདུལ་བ་ཇི་ལྟ་བ་དེ་དག་གིས་དེ་བཞིན་གཤེགས་པ་མདུན་ན་བཞུགས་པར་མཐོང་ཡང་དེ་བཞིན་གཤེགས་པ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་མི་རྟོག་ཅིང་ལྷུན་གྱིས་གྲུབ་པར་མཛད་པ་འདི་ལྟ་བུ་འདི་དག་འབྱུང་ངོ ། །འཇམ་དཔལ། དེ་བཞིན་གཤེགས་པའི་ཀུན་ནས་མངོན་དུ་གྱུར་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་བཞིན་གཤེགས་པའི་ཞིང་ཡོངས་སུ་སྦྱོང་བ་ལ་མི་འཇིགས་པ་ནི་དེ་བཞིན་གཤེགས་པ་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ཀྱི་འཇིག་རྟེན་གྱི་ཁམས་རེ་རེ་དང།་རྡུལ་ཕྲ་རབ་ཀྱི་རྡུལ་རེ་རེ་ལ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་ལ་འཇུག་གོ་།དེ་ལ་འཇིག་རྟེན་གྱི་ཁམས་རྒྱ་མཚོ་ལ་ལ་ནི་བསོད་ནམས་ 68b ཀྱི་ཚོགས་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་ཡེ་ཤེས་ཀྱི་ཚོགས་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་ཕ་རོལ་ཏུ་ཕྱིན་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་ས་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་གཟུངས་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་ཏིང་ངེ་འཛིན་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་རྣམ་པར་ཐར་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སོ་སོ་ཡང་དག་པར་རིག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་མངོན་པར་ཤེས་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སྨོན་ལམ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་བརྩོན་འགྲུས་རྩོམ་པ་རྒྱ་མཚོ་ 69a ༄#། །གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་དབུགས་འབྱིན་པ་རྙེད་པར་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་བྱང་ཆུབ་སེམས་དཔའ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་དེ་བཞིན་གཤེགས་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སེམས་ཅན་གྱི་བསམ་པ་དང ། སྤྱོད་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་འཇིག་རྟེན་གྱི་ཁམས་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་བསྐལ་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་དུས་གསུམ་བསྟན་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་དུས་གསུམ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ 69b ཁམས་རྒྱ་མཚོ་ལ་ལ་ནི་མི་སྐྱོ་བར་སེམས་བསྐྱེད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་ངོ ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་དབྱེར་མེད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་རྣམ་པར་སྦྱོང་སྟེ། དེ་བཞིན་གཤེགས་པ་ནི་གནས་གང་ནས་ཀྱང་མི་གཡོའོ། །དེ་ཅིའི་ཕྱིར་ཞེ་ན། མི་གཡོ་བའི་ཡེ་ཤེས་བརྙེས་པའི་ཕྱིར་རོ། །འཇམ་དཔལ། དེ་བཞིན་གཤེགས་པའི་སངས་རྒྱས་ཀྱི་ཞིང་ཡོངས་སུ་སྦྱོང་བ་ལ་མི་འཇིགས་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་བཞིན་གཤེགས་པའི་སྐུ་མཐའ་ཡས་པ་ནི་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ཀྱི་འཇིག་རྟེན་གྱི་ཁམས་རེ་རེ་དང ། གླིང་རེ་རེ་ལ་སྟེ། འཇིག་རྟེན་གྱི་ཁམས་ལྔ་བཅུའི་རྡུལ་ཕྲ་རབ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་བརྒྱ་སྟོང་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི། དེ་བཞིན་གཤེགས་པའི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རྒྱ་མཚོ་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་བསོད་ནམས་ཀྱི་ཚོགས་རྒྱ་མཚོ་གྲངས་ 70a ༄#། །མེད་པ་གཞན་དང ། གཞན་གྱིས་སངས་རྒྱས་ལ་ལྟ་བ་མངོན་དུ་གྱུར་པ་ཐོབ་པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་ཡེ་ཤེས་ཀྱི་ཚོགས་རྒྱ་མཚོ་གྲངས་མེད་པ་གཞན་དང ། གཞན་གྱིས་སངས་རྒྱས་ལ་ལྟ་བ་མངོན་དུ་གྱུར་པ་ཐོབ་པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་ཕ་རོལ་ཏུ་ཕྱིན་པ་རྒྱ་མཚོ་གྲངས་མེད་པ་གཞན་དང ། གཞན་གྱིས་སངས་རྒྱས་ལ་ལྟ་བ་མངོན་དུ་གྱུར་པ་ཐོབ་པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོས་རྒྱ་མཚོ་གྲངས་མེད་པ་གཞན་དང་གཞན་གྱིས་སངས་རྒྱས་ལ་ལྟ་བ་མངོན་དུ་གྱུར་པ་ཐོབ་པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་ 70b མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའི་རྒྱ་མཚོ་གཟུངས་རྒྱ་མཚོ་གྲངས་མེད་པ་གཞན་དང་གཞན་གྱིས་སངས་རྒྱས་ལྟ་བ་མངོན་དུ་གྱུར་པ་ཐོབ་པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་ཏིང་ངེ་འཛིན་རྒྱ་མཚོ་གྲངས་མེད་པ་གཞན་དང ། གཞན་གྱིས་སངས་རྒྱས་ལ་ལྟ་བ་མངོན་དུ་གྱུར་པ་ཐོབ་པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་རྣམ་པར་ཐར་པ་རྒྱ་མཚོ་གྲངས་མེད་པ་གཞན་དང ། གཞན་གྱིས་སངས་རྒྱས་ལ་ལྟ་བ་མངོན་དུ་གྱུར་བ་ཐོབ་པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་སོ་སོ་ཡང་དག་པར་རིག་པ་རྒྱ་མཚོ་གྲངས་མེད་པ་གཞན་དང ། གཞན་གྱིས་སངས་རྒྱས་ལ་ལྟ་བ་མངོན་དུ་གྱུར་པ་ཐོབ་ 71a ༄#། །པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི ། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་མངོན་པར་ཤེས་པ་རྒྱ་མཚོ་གྲངས་མེད་པ་གཞན་དང ། གཞན་གྱིས་སངས་རྒྱས་ལ་ལྟ་བ་མངོན་དུ་གྱུར་པ་ཐོབ་པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་སྨོན་ལམ་གྱི་བྱེ་བྲག་རྒྱ་མཚོ་གྲངས་མེད་པ་གཞན་དང ། གཞན་གྱིས་སངས་རྒྱས་ལ་ལྟ་བ་མངོན་དུ་གྱུར་པ་ཐོབ་པ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་བསོད་ནམས་ཀྱི་ཚོགས་ཀྱི་བྱེ་བྲག་གཞན་དང ། གཞན་ཐོབ་པ་དེ་དག་བསོད་ནམས་ཀྱི་ཚོགས་ཀྱི་བྱེ་བྲག་གཞན་དང ། གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང ། གཞན་མཐོང་བ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་ 71b སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་ཡེ་ཤེས་ཀྱི་ཚོགས་ཀྱི་བྱེ་བྲག་གཞན་དང ། གཞན་ཐོབ་པ་དེ་དག་ཡེ་ཤེས་ཀྱི་ཚོགས་ཀྱི་བྱེ་བྲག་གཞན་དང ། གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང།་གཞན་མཐོང་བ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་ཕ་རོལ་ཏུ་ཕྱིན་པའི་བྱེ་བྲག་གཞན་དང ། གཞན་ཐོབ་པ་དེ་དག་ཕ་རོལ་ཏུ་ཕྱིན་པའི་བྱེ་བྲག་གཞན་དང ། གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང ། གཞན་མཐོང་བ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་སའི་བྱེ་བྲག་གཞན་དང་གཞན་ཐོབ་པ་དེ་དག་སའི་བྱེ་བྲག་གཞན་དང ། གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང ། གཞན་མཐོང་བ་དག་ནི་ཆེས་མང་ངོ ། །འཇིག་ 72a ༄#། །རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་གཟུངས་ཀྱི་བྱེ་བྲག་གཞན་དང ། གཞན་ཐོབ་པ་དེ་དག་གཟུངས་ཀྱི་བྱེ་བྲག་གཞན་དང ། གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང ། གཞན་མཐོང་བ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་ཏིང་ངེ་འཛིན་གྱི་བྱེ་བྲག་གཞན་དང།་གཞན་ཐོབ་པ་དེ་དག་ཏིང་ངེ་འཛིན་གྱི་བྱེ་བྲག་གཞན་དང ། གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང ། གཞན་མཐོང་བ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་རྣམ་པར་ཐར་པའི་བྱེ་བྲག་གཞན་དང ། གཞན་ཐོབ་པ་དེ་དག་ནི་རྣམ་པར་ཐར་པའི་བྱེ་བྲག་གཞན་དང ། 72b གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང ། གཞན་མཐོང་བ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་སོ་སོ་ཡང་དག་པར་རིག་པའི་བྱེ་བྲག་གཞན་དང ། གཞན་ཐོབ་པ་དེ་དག་སོ་སོ་ཡང་དག་པར་རིག་པའི་བྱེ་བྲག་གཞན་དང ། གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང ། གཞན་མཐོང་བ་དག་ནི་ཆེས་མང་ངོ ། །འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་མངོན་པར་ཤེས་པའི་བྱེ་བྲག་གཞན་དང ། གཞན་ཐོབ་པ་དེ་དག་མངོན་པར་ཤེས་པའི་བྱེ་བྲག་གཞན་དང ། གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང ། གཞན་མཐོང་བ་དག་ནི་ཆེས་མང་ངོ ། ། འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།བྱང་ཆུབ་སེམས་དཔའི་འཁོར་གྱི་དཀྱིལ་ 73a ༄#། །འཁོར་རེ་རེའི་བྱང་ཆུབ་སེམས་དཔའ་རྒྱ་མཚོ་སྨོན་ལམ་གྱི་བྱེ་བྲག་གཞན་དང་གཞན་ཐོབ་པ་དེ་དག་སྨོན་ལམ་གྱི་བྱེ་བྲག་གཞན་དང་གཞན་ཐོབ་པའི་སྟོབས་བསྐྱེད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་གཞན་དང་གཞན་མཐོང་བ་དག་ནི་ཆོས་མང་ངོ ། །འཇམ་དཔལ། དེ་བཞིན་དུ་སྦྱར་ཏེ། རྟེན་པ་རྣམས་དང ། ངོ་མཚར་གྱི་འདུ་ཤེས་རྣམས་དང ། སྤྱོད་པ་རྣམས་དང ། དགེ་བའི་བཤེས་གཉེན་རྣམས་དང ། བརྩོན་འགྲུས་རྩོམ་པ་རྣམས་དང ། དབུགས་འབྱིན་པ་རྙེད་པ་རྣམས་དང ། སེམས་ཅན་ཡོངས་སུ་སྨིན་པར་མཛད་པ་རྣམས་དང ། ཚུལ་ཁྲིམས་རྣམས་དང ། ལུང་བསྟན་པ་རྣམས་དང ། བྱང་ཆུབ་སེམས་དཔའ་དག་ལ་འཇུག་པ་རྣམས་དང ། དེ་བཞིན་གཤེགས་པ་ལ་འཇུག་པ་རྣམས་དང ། སེམས་ཅན་གྱི་བསམ་པ་དང ། སྤྱོད་པ་ལ་འཇུག་པ་རྣམས་དང ། འཇིག་རྟེན་གྱི་ཁམས་ལ་འཇུག་པ་རྣམས་དང ། བསྐལ་པ་ལ་འཇུག་པ་རྣམས་དང ། དུས་གསུམ་བསྟན་པ་རྣམས་དང ། དུས་གསུམ་ལ་འཇུག་པ་རྣམས་དང ། མི་སྐྱོ་བའི་སེམས་བསྐྱེད་པ་རྣམས་དང ། ཡེ་ཤེས་དབྱེར་མེད་པ་རྣམས་དང ། གཟུངས་རྣམས་དང ། སངས་རྒྱས་སྟོན་པ་རྣམས་དང ། ཀུན་ཏུ་བཟང་པོའི་སེམས་བསྐྱེད་པ་རྣམས་དང ། ཀུན་ཏུ་བཟང་པོའི་སྤྱོད་པའི་ཆོས་རྣམས་དང ། སྙིང་ 73b རྗེ་ཆེན་པོ་ཐོབ་པ་རྣམས་དང ། བྱང་ཆུབ་ཀྱི་སེམས་ཀྱི་རྐྱེན་རྣམས་དང ། དགེ་བའི་བཤེས་གཉེན་ལ་གུས་པར་བྱ་བའི་སེམས་བསྐྱེད་པ་རྣམས་དང ། ཡོངས་སུ་དག་པ་རྣམས་དང ། ཕ་རོལ་ཏུ་ཕྱིན་པ་རྣམས་དང ། ཡེ་ཤེས་རྗེས་སུ་རྟོགས་པ་རྣམས་དང ། སོ་སོར་རྟོགས་པ་རྣམས་དང ། སྟོབས་བསྐྱེད་པ་རྣམས་དང ། མཉམ་པ་ཉིད་ཀྱི་ཚུལ་གྱི་ལམ་རྣམས་དང ། སངས་རྒྱས་ཀྱི་ཆོས་འཆད་པ་རྣམས་དང ། ཀུན་ཏུ་བཟུང་བ་རྣམས་དང ། སྤོབས་པ་རྣམས་དང ། ཡེ་ཤེས་ཀྱི་དབང་རྣམས་དང ། གནས་མེད་པ་རྣམས་དང ། སེམས་ཉམ་པ་ཉིད་དང ། ཡེ་ཤེས་མངོན་པར་སྒྲུབ་པ་རྣམས་དང ། སྤྲུལ་པ་རྣམས་དང ། བྱིན་གྱིས་བརླབས་པ་རྣམས་དང ། དབུགས་འབྱིན་པ་ཆེན་པོ་རྙེད་བ་རྣམས་དང ། ཟབ་མོ་ལ་འཇུག་པ་རྣམས་དང ། སངས་རྒྱས་ཀྱི་ཆོས་ལ་བརྟེན་པ་རྣམས་དང ། སེམས་བསྐྱེད་པ་བརྟན་པ་རྣམས་དང ། ཐེ་ཚོམ་ཐམས་ཅད་གཅོད་པ་རྣམས་དང ། སེམས་བསྐྱེད་པ་རྣམས་དང ། བསམ་གྱིས་མི་ཁྱབ་པ་རྣམས་དང ། ལྡེམ་པོ་ངག་ལ་མཁས་པ་རྣམས་དང ། ཡེ་ཤེས་རྣམ་པར་འབྱེད་པ་ལ་མཁས་པ་རྣམས་དང ། སྙོམས་པར་འཇུག་པ་རྣམས་དང ། ཟད་པར་གྱི་སྐྱེ་མཆེད་རྣམས་དང ། རྣམ་པར་ཐར་པ་རྣམས་དང ། མངོན་པར་ཤེས་པ་རྣམས་དང ། རིག་པ་རྣམས་དང ། རྣམ་པར་གྲོལ་བ་རྣམས་དང ། སྐྱེད་མོས་ཚལ་རྣམས་དང ། རིན་པོ་ཆེ་བཀོད་པ་རྣམས་དང ། མི་བསྐྱོད་པའི་ 74a ༄#། །སེམས་བསྐྱེད་པ་རྣམས་དང ། ལྷག་པའི་བསམ་པ་མི་གཏོང་བ་ལ་གནས་པ་རྣམས་དང ། རྒྱ་མཚོ་ལྟ་བུའི་ཡེ་ཤེས་ལ་འཇུག་པ་རྣམས་དང ། རིན་པོ་ཆེའི་ལྟ་བུའི་བྱང་ཆུབ་སེམས་དཔའི་གནས་པ་རྣམས་དང ། རྡོ་རྗེ་ལྟ་བུའི་སེམས་བསྐྱེད་པ་རྣམས་དང ། ཐེག་པ་ཆེན་པོའི་གོ་ཆ་རྣམས་དང ། རྩོམ་པ་ཆེན་པོ་རྣམས་དང ། རྩོམ་པ་ཉམས་འོག་ཏུ་ཆུད་པར་བྱེད་པ་རྣམས་དང ། མི་ཕྱེད་པའི་དད་པ་རྣམས་དང ། ལུང་བསྟན་པ་རྣམས་དང ། དགེ་བའི་རྩ་བ་ཡོངས་སུ་བསྔོ་བ་རྣམས་དང ། ཡེ་ཤེས་ཁོང་དུ་ཆུད་པ་རྣམས་དང ། སེམས་བསྐྱེད་པ་རྒྱ་ཆེ་བ་མཐའ་དང་དབུས་མེད་པ་རྣམས་དང ། གཏེར་རྣམས་དང ། སྡོམ་པ་རྣམས་དང ། དབང་རྣམ་པར་སྤྲུལ་པ་རྣམས་དང ། ཞིང་རྣམ་པར་སྤྲུལ་པ་རྣམས་དང ། ཆོས་རྣམ་པར་སྤྲུལ་པ་རྣམས་དང།་སྨོན་ལམ་རྣམ་པར་སྤྲུལ་པ་རྣམས་དང ། སྤྱོད་ཡུལ་རྣམ་པར་སྤྲུལ་པ་རྣམས་དང ། ཡེ་ཤེས་རྣམ་པར་སྤྲུལ་པ་རྣམས་དང ། མངོན་པར་ཤེས་པ་རྣམ་པར་སྤྲུལ་པ་རྣམས་དང ། རྫུ་འཕྲུལ་རྣམ་པར་སྤྲུལ་པ་རྣམ་དང ། སྟོབས་རྣམ་པར་སྤྲུལ་པ་རྣམས་དང ། རྣམ་པར་རོལ་པ་རྣམས་དང ། ཡུལ་རྣམས་དང ། སྟོབས་རྣམས་དང ། མི་འཇིགས་པ་རྣམས་དང ། བྱང་ཆུབ་སེམས་དཔའི་ཆོས་མ་འདྲེས་པ་རྣམས་དང ། ལུས་རྣམས་དང ། ལུས་ཀྱི་ལས་རྣམས་དང ། གཟུགས་རྣམས་དང ། ངག་གི་ལས་རྣམས་དང ། སེམས་ 74b རྣམས་དང ། སེམས་བསྐྱེད་པ་རྣམས་དང ། སེམས་རྒྱས་པར་བྱེད་པ་རྣམས་དང ། དབང་པོ་རྣམས་དང ། བསམ་པ་རྣམས་དང ། ལྷག་པའི་བསམ་པ་རྣམས་དང ། སྦྱོར་བ་རྣམས་དང ། མོས་པ་རྣམས་དང ། འཇིག་རྟེན་གྱི་ཁམས་སུ་མོས་པ་ལ་འཇུག་པ་རྣམས་དང ། བག་ཆགས་རྣམས་དང ། ལེན་པ་རྣམས་དང ། ནན་ཏན་རྣམས་དང ། འགྲུབ་པ་རྣམས་དང ། སངས་རྒྱས་ཀྱི་ཆོས་ལ་ངེས་པར་རྣམས་དང ། ཐེག་པ་རྣམས་དང ། མི་འགྱུར་བ་རྣམས་དང ། བྱང་ཆུབ་སེམས་དཔའི་ངེས་པའི་ཆོས་རྣམས་དང ། ངེས་པར་འབྱུང་བའི་ལམ་རྣམས་དང ། སྐྱེས་བུ་དམ་པའི་མིང་ཐོབ་པ་རྣམས་དང ། ལམ་རྣམས་དང ། ལམ་གྱི་ཚད་རྣམས་དང ། ལམ་གྱི་ཚོགས་རྣམས་དང ། ལམ་གྱི་སྒོམ་པ་རྣམས་དང ། ལམ་བཀོད་པ་ཐམས་ཅད་ལའང་དེ་བཞིན་དུ་བརྗོད་པར་བྱ་སྟེ། དེ་བཞིན་གཤེགས་པ་ནི་མི་རྟོག། རྣམ་པར་མི་རྟོག་གོ་།དེ་ཅིའི་ཕྱིར་ཞེ་ན། ལྷུན་གྱིས་གྲུབ་པའི་ཡེ་ཤེས་བརྙེས་པའི་ཕྱིར་རོ། །འཇམ་དཔལ། འདི་ལྟ་སྟེ། དཔེར་ན། ཉི་མའི་དཀྱིལ་འཁོར་ནི་ཛམྦུའི་གླིང་གི་སྣོད་ཆུས་གང་ཞིང་སྒྲིབ་པ་མེད་པ་རྣམ་པར་དག་པ་ཐམས་ཅད་དུ་སྣང་སྟེ། ཉི་མའི་དཀྱིལ་འཁོར་ནི་མི་རྟོག་།རྣམ་པར་མི་རྟོག་མོད་ཀྱི ། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་བྱ་བ་འདི་ལྟ་བུ་འདི་དག་ཀྱང་འབྱུང་ངོ ། །འཇམ་དཔལ། དེ་བཞིན་དུ་དེ་བཞིན་གཤེགས་པའང་ 75a ༄#། །ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ན། འཇིག་རྟེན་གྱི་ཁམས་རེ་རེའི་གླིང་རེ་རེར་སེམས་ཅན་གྱི་བསམ་པ་ཇི་ལྟ་བ་དང ། འདུལ་བ་ཇི་ལྟ་བ་དེ་དག་གིས་གཅིག་ཅར་མཐོང་སྟེ། དེ་བཞིན་གཤེགས་པ་ནི་མི་རྟོག་།རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་སྐུ་ཐོགས་པ་མེད་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་མཛད་པ་འདི་ལྟ་བུ་འདི་དག་ཀྱང་འབྱུང་ངོ ། །འཇམ་དཔལ། དེ་བཞིན་གཤེགས་པའི་སྐུ་མཐའ་ཡས་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ།། །།བམ་པོ་ལྔ་པ་སྟེ་ཐ་མ། འཇམ་དཔལ། དེ་ལ་དེ་བཞིན་གཤེགས་པའི་ཡུལ་ནི་དཔེས་བསྟན་པར་བྱ་སྟེ། དེ་ཅིའི་ཕྱིར་ཞེ་ན། སྐྱེས་བུ་མཁས་པ་གང་དག་དཔེ་བཤད་པས་དོན་ཤེས་པར་འགྱུར་བ་མེད་པའི་ཕྱིར་རོ། །འཇམ་དཔལ། འདི་ལྟ་སྟེ། དཔེར་ན། མཚོ་དཔག་ཚད་འབུམ་ཕྲག་ལྔ་པ་བྱ་རོག་གིས་བཏུང་དུ་རུང་བར་མུ་དང་ཁ་ད་ཆད་དུ་གྱུར་པ། པདྨའི་འདབ་མས་གཡོགས་པ་ཞིག་ཡོད་ལ། དེ་ལ་སྐྱེས་བུ་ལ་ལ་ཞིག་གིས་ལྕགས་ཀྱི་ཤིང་རྟ་ཕང་ལོ་རྩིབ་མ་སྟོང་ཡོད་པ། ནམ་མཁའ་ལྡིང་གི་མགྱོགས་པ་བས་ཀྱང་ལྷག་པའི་རྟ་དེ་ལྟ་བུར་མགྱོགས་པས་ཤིང་རྟ་དྲངས་ཏེ། དེ་ལྟར་མགྱོགས་པའི་ཤིང་རྟ་དྲངས་ 75b ནས་ཕང་ལོ་ལའང་ཆུས་མི་རེག། རྟའི་རྨིག་པས་ཀྱང་པདྨའི་འདབ་མ་མི་རྡོལ་བ་དེ་ལྟ་བུའི་ཤིང་རྟ་དེས་དྲངས་པ་ལས་མཚོ་ཆེན་པོ་དེ་ནས་སྤྲུལ་གདུག་པ་སྟེང་དུ་བྱུང་སྟེ། སྐད་ཅིག་གང་ལ་ཤིང་རྟ་བསྒྱུར་བའི་སྐད་ཅིག་དེ་ལ་སྤྲུལ་གདུག་པ་དེས་ཤིང་རྟ་དེ་ལན་བཅུར་བསྐོར་ཏེ། འཇམ་དཔལ། སྐད་ཅིག་གང་གིས་སྤྲུལ་གདུག་པས་ཤིང་རྟ་དེ་ལན་གཅིག་བསྐོར་བའི་སྐད་ཅིག་དེ་ལ་དགེ་སློང་ཀུན་དགའ་བོས་ཆོས་རྣམ་པ་བཅུ་བསྟན་པ་བཤད་དེ་དོན་ཀྱང་རིག་པར་བྱེད་དོ། །དགེ་སློང་ཀུན་དགའ་བོས་སྐད་ཅིག་གང་ལ་ཆོས་གཅིག་བསྟན་པ་བཤད་པའི་སྐད་ཅིག་དེ་ལ་དགེ་སློང་ཤཱ་རིའི་བུས་ཆོས་རྣམ་པ་སྟོང་བསྟན་པ་བཤད་ནས་དོན་ཀྱང་རིག་པར་བྱེད་དོ། །དགེ་སློང་ཤཱ་རིའི་བུས་སྐད་ཅིག་གང་ལ་ཆོས་གཅིག་བསྟན་པ་བཤད་པའི་སྐད་ཅིག་དེ་ལ་གནས་བརྟན་མཽངྒལ་གྱི་བུས་འཇིག་རྟེན་གྱི་ཁམས་བརྒྱད་ཁྲི་འདའོ། །གནས་བརྟན་མཽངྒལ་གྱི་བུས་སྐད་ཅིག་གང་ལ་འཇིག་རྟེན་གྱི་ཁམས་གཅིག་འདས་པའི་སྐད་ཅིག་དེ་ལ། དེ་བཞིན་གཤེགས་པས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ཀྱི་གླིང་རེ་རེར་དགའ་ལྡན་གྱི་གནས་ན་གནས་པ་ལས་འཕོ་བ་དང ། སྐྱེ་བ་དང ། མངོན་པར་འབྱུང་བ་དང ། དཀའ་བ་སྤྱོད་པ་དང ། སྦྱོར་བ་དང ། བྱང་ཆུབ་ཀྱི་སྙིང་པོར་བཞུད་པ་དང ། བདུད་འདུལ་བ་དང ། མངོན་པར་རྫོགས་པར་བྱང་ཆུབ་པ་དང ། 76a ༄#། །ཆོས་ཀྱི་འཁོར་ལོ་བསྐོར་བ་དང ། མྱ་ངན་ལས་འདའ་བ་ཆེན་པོ་དང ། ཆོས་གནས་པ་དང ། ཆོས་ནུབ་པ་དུས་གཅིག་ཏུ་སྟོན་ཏོ། །མུ་སྟེགས་ཅན་གྱི་གནས་ཀྱི་སྤྱོད་པ་དང ། སྐྱེས་པའི་རབས་ཐམས་ཅད་དུའང་དུས་གཅིག་ཏུ་སྣང་ངོ ། །དེ་ཅིའི་ཕྱིར་ཞེ་ན། མཁྱེན་པ་ཐོགས་པ་མེད་པ་དང ། གཟིགས་པ་ཐོགས་པ་མེད་པ་དབྱེར་མེད་པ་དང་མི་རྟེན་ཅིང་དབྱེར་མེད་པའི་ཕྱིར་རོ། །འཇམ་དཔལ། འདི་ལྟ་སྟེ། དཔེར་ན། རིན་པོ་ཆེ་བཻ་ཌཱུརྱ་ལས་དངོས་པོའི་དབང་གིས་གཞལ་དུ་མེད་པའི་བྱ་བ་དག་འབྱུང་སྟེ། བཻ་ཌཱུརྱ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་མཐུན་པའི་ཕྱིར་མི་རྟོག་ཅིང་ལྷུན་གྱིས་གྲུབ་པར་བྱ་བ་གཞལ་དུ་མེད་པ་དག་འབྱུང་ངོ ། །འཇམ་དཔལ། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལས་ཀྱང་སེམས་ཅན་ཡོངས་སུ་སྨིན་པར་མཛད་པའི་དབང་གིས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་དུས་གཅིག་ཏུ་སྐད་ཅིག་སྐད་ཅིག་ལ་མཛད་པ་གཞལ་དུ་མེད་པ་དག་འབྱུང་མོད་ཀྱི། འོན་ཀྱང་དེ་བཞིན་གཤེགས་པ་ནི་མི་རྟོག ། རྣམ་པར་མི་རྟོག་སྟེ། དེ་མི་རྟོག་ཅིང་ལྷུན་གྱིས་གྲུབ་པར་མཛད་པ་འདི་ལྟ་བུ་འདི་དག་འབྱུང་སྟེ། མ་འདྲེས་པའི་ཆོས་དང་ལྡན་པའི་ཕྱིར་རོ། །འཇམ་དཔལ། འདི་ལྟ་སྟེ ། 76b དཔེར་ན། ཟླ་བའི་དཀྱིལ་འཁོར་དང་ཉི་མའི་དཀྱིལ་འཁོར་ནི་ཛམྦུའི་གླིང་དུ་སྣོད་ཆུས་བཀང་བ་སྒྲིབ་པ་མེད་པ་རྣམ་པར་དག་པ་ཐམས་ཅད་དུ་གཅིག་ཅར་དུ་སྣང་ཡང་གནས་ནས་མི་གཡོའོ། །དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་སེམས་ཅན་སྒྲིབ་པ་མེད་པ་རྣམ་པར་དག་པ་དེ་དག་བསམ་པ་ཇི་ལྟ་བ་དང ། ཇི་ལྟར་འདུལ་བ་དེ་བཞིན་དུ་དེ་བཞིན་གཤེགས་པ་མཐོང་སྟེ། དེ་བཞིན་གཤེགས་པ་ནི་དགའ་ལྡན་གནས་ནས་གཡོས་པའང་མེད་མོད་ཀྱི། འོན་ཀྱང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་མཛད་པ་རྩོམ་པ་ཐམས་ཅད་ཀྱང་སྣང་ངོ ། །དེ་ཅིའི་ཕྱིར་ཞེ་ན། མི་གཡོ་བའི་ཡེ་ཤེས་བརྙེས་པའི་ཕྱིར་རོ། །འཇམ་དཔལ། འདི་ལྟ་སྟེ། དཔེར་ན། ལས་ཀྱི་འབྲས་བུ་རྣམ་པར་སྨིན་པ་རབ་དང ། འབྲིང་དང ། ཐ་མའི་དབང་གིས་སེམས་ཅན་རྣམས་ཀྱི་འདུ་བྱེད་རབ་འབྲིང་ཐ་མ་དག་འབྱུང་སྟེ། འདུ་བྱེད་ནི་མི་རྟོག་།རྣམ་པར་མི་རྟོག་མོད་ཀྱི། འོན་ཀྱང་འདུ་བྱེད་དེ་དག་མ་འདྲེས་པའི་ཆོས་དང་ལྡན་པའི་ཕྱིར་དེ་མི་རྟོག་ཅིང་ལྷུན་གྱིས་གྲུབ་པར་བྱ་བ་དེ་ལྟ་བུ་དེ་དག་འབྱུང་ངོ ། །དེ་བཞིན་དུ་རྣམ་པར་སྨིན་པ་ཐ་མ་དང ། འབྲིང་དང ། རབ་ཀྱི་དབང་གིས་སེམས་ཅན་ཐམས་ཅད་ཀྱིས་དེ་བཞིན་གཤེགས་པ་ 77a ༄#། །པ་ཐ་མ་དང ། འབྲིང་དང ། རབ་ཏུ་མཐོང་སྟེ། དེ་བཞིན་གཤེགས་པ་ནི་མི་རྟོག། རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་མི་རྟོག་ཅིང་ལྷུན་གྱིས་གྲུབ་པར་མཛད་པ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ། འདི་ལྟ་སྟེ། དཔེར་ན། སྤྲིན་ལས་རོ་གཅིག་པའི་ཆར་འབབ་སྟེ། བབས་ནས་སྣོད་ཀྱི་བྱེ་བྲག་གི་ཁ་དོག་སྣ་ཚོགས་དང ། དྲི་སྣ་ཚོགས་སུ་གྱུར་ཏེ། སྤྲིན་ནི་མི་རྟོག། རྣམ་པར་མི་རྟོག་གི་།འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་བྱ་བ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ། དེ་བཞིན་དུ་དེ་བཞིན་གཤེགས་པའི་ཆོས་ཀྱི་དབྱིངས་ཀྱི་རོ་གཅིག་སྟེ། དེ་སེམས་ཅན་ཡོངས་སུ་སྨིན་པར་བྱེད་པའི་དབང་གིས་ཆོས་ཀྱི་དབྱིངས་ཐ་དད་པར་སྣང་ཡང་དེ་བཞིན་གཤེགས་པ་ནི་མི་རྟོག། རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་མཛད་པ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ། འདི་ལྟ་སྟེ། དཔེར་ན། ནོར་བུ་རིན་པོ་ཆེ་དབང་གི་རྒྱལ་པོ་གང་དུ་འབྱུང་བ་དེར་ལྕགས་དང ། ལྕགས་ཀྱི་ཡོ་བྱད་རྣམས་མི་འབྱུང་ངོ ། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་རོ། །འཇམ་དཔལ། དེ་བཞིན་དུ་དེ་བཞིན་གཤེགས་པ་གང་དུ་བྱུང་བ་དེར་ 77b མེའི་འོད་རྣམས་དང ། གློག་གི་འོད་རྣམས་མི་འབྱུང་ངོ ། །དེར་ཉི་མའི་འོད་རྣམས་མི་འབྱུང་ངོ ། །དེར་ནོར་བུའི་འོད་རྣམས་མི་འབྱུང་ངོ ། །དེར་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། བརྒྱ་བྱིན་དང ། ཚངས་པ་དང ། འཇིག་རྟེན་སྐྱོང་བའི་འོད་རྣམས་མི་འབྱུང་ངོ ། །དེར་རྒྱལ་པོ་རྣམས་ཀྱི་བཀའ་མི་འབྱུང་ངོ ། །དེར་རིགས་བཞི་རྣམས་མི་འབྱུང་ངོ ། །དེར་མི་ཁོམ་པར་སྐྱེ་བ་རྣམས་མི་འབྱུང་ངོ ། །དེར་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དང ། གཤིན་རྗེའི་འཇིག་རྟེན་དུ་སྐྱེ་བ་རྣམས་མི་འབྱུང་ངོ ། །དེར་མི་དགེ་བ་བཅུའི་ལས་ཀྱི་ལམ་རྣམས་མི་འབྱུང་ངོ ། །དེར་ཉོན་མོངས་པ་ཐམས་ཅད་མི་འབྱུང་ངོ ། །དེར་འཁྲུག་པ་ཐམས་ཅད་མི་འབྱུང་ངོ ། །དེར་མུ་སྟེགས་ཅན་སྤྱོད་པ་བ་དང ། ཀུན་ཏུ་རྒྱུ་དང ། གཅེར་བུ་དང ། འཚོ་བ་པ་རྣམས་མི་འབྱུང་སྟེ། དེ་བཞིན་གཤེགས་པ་ནི་མི་རྟོག་།རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་ཞིང་ཡུལ་ཆགས་པ་མེད་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་མཛད་པ་དེ་ལྟ་བུ་དེ་དག་འབྱུང་ངོ ། །འཇམ་དཔལ། དེ་བཞིན་གཤེགས་པའི་ཡུལ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་ལ་དེ་བཞིན་གཤེགས་ 78a ༄#། །པའི་ལྷུན་གྱིས་གྲུབ་པའི་ཡེ་ཤེས་ནི། འཇམ་དཔལ། འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི། ཕྱོགས་བཅུའི་འཇིག་རྟེན་གྱི་ཁམས་རེ་རེ་དང ། གླིང་རེ་རེར་སྐད་ཅིག་སྐད་ཅིག་ལ་དེ་བཞིན་གཤེགས་པའི་གཟུགས་ཀྱི་སྐུ་ཁ་དོག་དང ། རྣམ་པར་གནས་པ་དང ། འཇུག་པ་དུས་གཅིག་ཏུ་འབྱུང་བ་དག་ནི་ཆེས་མང་ངོ ། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་རོ། །འཇམ་དཔལ། འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི། དེ་བཞིན་གཤེགས་པའི་ཡེ་ཤེས་ལྷུན་གྱིས་གྲུབ་པའི་ཕྱོགས་བཅུའི་འཇིག་རྟེན་གྱི་ཁམས་རེ་རེ་དང ། གླིང་རེ་རེར་སེམས་ཅན་རྣམས་དགེ་བའི་རྩ་བ་གཞན་དང ། གཞན་དག་རྩོམ་པར་སྦྱོར་བ་དང ། ལས་དང་བཟོའི་གནས་ཐམས་ཅད་ལ་སྦྱོར་བ་དག་འབྱུང་བ་ནི་ཆེས་མང་སྟེ། དེ་བཞིན་གཤེགས་པ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་མཛད་པ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ། ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ན་མུ་སྟེགས་ཅན་གྱི་གནས་ཐམས་ཅད་དང ། འཇིག་རྟེན་པ་དང ། འཇིག་ 78b རྟེན་ལས་འདས་པའི་ལས་བྱ་བ་ཐམས་ཅད་གང་ཅི་འབྱུང་བ་དེ་དག་ཐམས་ཅད་ནི་དེ་བཞིན་གཤེགས་པའི་ལྷུན་གྱིས་གྲུབ་པའི་ཡེ་ཤེས་ཀྱིས་འབྱུང་ངོ ། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་རོ། །འཇམ་དཔལ། འདི་ལྟ་སྟེ། དཔེར་ན། ས་ལ་བརྟེན། ས་ལ་གནས་ནས་ས་བོན་ཐམས་ཅད་དང ། རྩཝ་དང ། ཤིང་གེལ་བ་དང ། རྩི་དང ། ནགས་ཚལ་ཐམས་ཅད་འཕེལ་ཞིང་རྒྱས་ལ་ཡངས་པར་འགྱུར་ཏེ། ས་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་བྱ་བ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ། དེ་བཞིན་དུ་དེ་བཞིན་གཤེགས་པ་ལ་རྟེན། དེ་བཞིན་གཤེགས་པ་ལ་གནས་ནས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ཀྱི་མུ་སྟེགས་ཅན་སྤྱོད་པ་པ་དང ། ཀུན་ཏུ་རྒྱུ་དང ། གཅེར་བུ་པ་ལ་སོགས་པ་མུ་སྟེགས་ཅན་གྱི་གནས་ཐམས་ཅད་དང ། སེམས་ཅན་ཐམས་ཅད་ཀྱི་འཇིག་རྟེན་པ་དང ། འཇིག་རྟེན་ལས་འདས་པའི་དགེ་བའི་རྩ་བ་ཐམས་ཅད་འཕེལ་ཞིང་རྒྱས་པ་ཡང་པར་འགྱུར་ཏེ། དེ་བཞིན་གཤེགས་པ་ནི་མི་རྟོག། རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང ། ལྷུན་གྱིས་གྲུབ་པར་མཛད་པ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ། འདི་ལྟ་སྟེ། དཔེར་ན། གང་དག་ཟུག་རྡུ་འབྱིན་ 79a ༄#། །པའི་སྨན་ལ་རེག་པ་དེ་དག་གི་ཟུག་རྡུ་ཐམས་ཅད་འབྱིན་ཏེ། ཟུག་རྡུ་འབྱིན་པའི་སྨན་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་བྱ་བ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ། དེ་བཞིན་དུ་གང་དག་ཐ་ན་དེ་བཞིན་གཤེགས་པ་རི་མོར་བྲིས་པའམ་གླེགས་བམ་ལ་བྲིས་པ་ལ་རེག་ཀྱང་རུང་སྟེ། རྒྱུ་དེས་དེ་དག་གི་འདོད་ཆགས་དང ། ཞེ་སྡང་དང ། གཏི་མུག་དང ། ཉོན་མོངས་པ་ཐམས་ཅད་ཀྱི་ཟུག་རྡུ་འབྱིན་ཏེ། དེ་བཞིན་གཤེགས་པ་ནི་མི་རྟོག་རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་མཛད་པ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ་འདི་ལྟ་སྟེ། དཔེར་ན། རིན་པོ་ཆེའི་རྒྱལ་པོ་ཡིད་བཞིན་གྱི་ནོར་བུ་ནི་སེམས་ཅན་ཐམས་ཅད་ཀྱི་བསམ་པ་ཐམས་ཅད་ཡོངས་སུ་རྫོགས་པར་བྱེད་པར་འགྱུར་ཏེ། ཡིད་བཞིན་གྱི་ནོར་བུ་རིན་པོ་ཆེ་ནི་མི་རྟོག་།རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང་ལྷུན་གྱི་གྲུབ་པར་བྱ་བ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ། དེ་བཞིན་དུ་ལྷ་དང ། མི་དང ། ལྷ་མ་ཡིན་དང ། བྱང་ཆུབ་སེམས་དཔའ་གང་དག་ཆོས་བསྟན་པ་གང་འདོད་པ་དེ་དག་དེ་བཞིན་གཤེགས་པའི་གན་དུ་ 79b འགྲོ་ཞིང་ཆོས་བསྟན་པ་དེ་དག་དེ་བཞིན་གཤེགས་པ་ལས་ཉན་ཀྱང་དེ་བཞིན་གཤེགས་པ་ནི་མི་རྟོག། རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་རྣམ་པར་མི་རྟོག་ཅིང་ལྷུན་གྱིས་གྲུབ་པར་མཛད་པ་དེ་ལྟ་བུ་དེ་དག་ཀྱང་འབྱུང་ངོ ། །འཇམ་དཔལ། དེ་བཞིན་གཤེགས་པའི་ལྷུན་གྱིས་གྲུབ་པའི་ཡེ་ཤེས་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེལ་དེ་བཞིན་གཤེགས་པའི་བསམ་གྱིས་མི་ཁྱབ་པ་ནི་འཇམ་དཔལ་དེ་བཞིན་གཤེགས་པ་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ན་འཇིག་རྟེན་གྱི་ཁམས་རེ་རེ་དང ། རྡུལ་ཕྲ་རབ་རེ་རེ་དང ། འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་དག་ལ་འཇུག་སྟེ། འཇིག་རྟེན་གྱི་ཁམས་རེ་རེ་དང ། གླིང་རེ་རེའི་ཡང་འཇིག་རྟེན་གྱི་ཁམས་རྒྱ་མཚོ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུའི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི། དེ་བཞིན་གཤེགས་པའི་བསོད་ནམས་ཀྱི་ཚོགས་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ། ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་ 80a ༄#། །བསྐལ་བར་བྱིན་གྱིས་རློབ་པ་དག་ནི་ཆེས་མང་ངོ ། །དེ་བཞིན་དུ་ཡེ་ཤེས་ཀྱི་ཚོགས་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། མ་འདྲེས་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་བཞིན་དུ་ཕ་རོལ་ཏུ་ཕྱིན་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་བར་བྱིན་གྱིས་རློབ་པ་དག་གོ་།དེ་བཞིན་དུས་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ།་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་བཞིན་དུ་གཟུངས་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་ 80b བཞིན་དུ་ཏིང་ངེ་འཛིན་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་བར་བྱིན་གྱིས་རློབ་པ་དག་གོ་།དེ་བཞིན་དུ་རྣམ་པར་ཐར་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ་ཕྱི་མའི་མཐའི་མུའི་བསྐལ་བར་བྱིན་གྱིས་རློབ་པ་དག་གོ་།དེ་བཞིན་དུ་སོ་སོ་ཡང་དག་པར་རིག་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་བཞིན་དུ་མངོན་པར་ཤེས་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་པ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་བཞིན་དུ་སྨོན་ལམ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་ 81a ༄#། །པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་བཞིན་དུ་བརྩོན་འགྲུས་རྩོམ་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་བཞིན་དུ་དབུགས་འབྱིན་པ་རྙེད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་བར་བྱིན་གྱིས་རློབ་པ་དག་གོ་།དེ་བཞིན་དུ་བྱང་ཆུབ་སེམས་དཔའ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལས་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་བཞིན་དུ་དེ་བཞིན་གཤེགས་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ 81b ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་བཞིན་དུ་སེམས་ཅན་གྱི་བསམ་པ་དང ། སྤྱོད་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པ་དག་གོ་།དེ་བཞིན་དུ་འཇིག་རྟེན་གྱི་ཁམས་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་བར་བྱིན་གྱིས་རློབ་པ་དག་གོ་།དེ་བཞིན་དུ་བསྐལ་བ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་རྣམ་པར་བཞག་པ་ལས་འདས་པ་སྐད་ཅིག་སྐད་ཅིག་ལ་འབྱུང་པ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་བར་བྱིན་གྱིས་རློབ་པ་དག་གོ་།འཇམ་དཔལ། ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ན་འདས་པ་དང ། མ་འོངས་པ་དང ། ད་ལྟར་བྱུང་བའི་འཇིག་རྟེན་གྱི་ཁམས་རྒྱ་མཚོ་གང་དག་ཡོད་པ་དེ་དག་དེ་བཞིན་ 82a ༄#། །གཤེགས་པའི་སྤུའི་ཁུང་བུ་རེ་རེར་འཇིག་ཅིང་ཆགས་སོ། །དེ་ཅིའི་ཕྱིར་ཞེ་ན། མཐའ་དང ། དབུས་མེད་པའི་ཆོས་བརྙེས་པའི་ཕྱིར་རོ། །འཇམ་དཔལ། དེ་བཞིན་གཤེགས་པའི་བསམ་གྱི་མི་ཁྱབ་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་བར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་ལ་དེ་བཞིན་གཤེགས་པའི་ཀུན་ཏུ་གཟིགས་པ་ནི་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ན་སེམས་ཅན་འཆི་འཕོ་བ་དང ། སྐྱེ་བ་དང ། བདེ་འགྲོར་འགྲོ་བ་དང ། ངན་འགྲོར་འགྲོ་བ་རྣམས་དེ་བཞིན་གཤེགས་པས་གཟིགས་ཏེ། དེ་བཞིན་དུ་གཙུག་ཏོར་གྱིས་ཀྱང་གཟིགས་སོ། །དེ་བཞིན་དུ་མཛོད་སྤུས་ཀྱང་གཟིགས་སོ། །དེ་བཞིན་དུ་མཚན་རེ་རེས་ཀྱང་གཟིགས་སོ། །དེ་བཞིན་དུ་དཔེ་བྱད་བཟང་པོ་རེ་རེས་ཀྱང་གཟིགས་སོ། །དེ་བཞིན་དུ་སྤུའི་ཁུང་བུ་རེ་རེས་ཀྱང་གཟིགས་སོ། །དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ན་སེམས་ཅན་འཆི་འཕོ་བ་དང ། སྐྱེ་བ་དང ། བདེ་འགྲོར་འགྲོ་བ་དང ། ངན་འགྲོར་འགྲོ་བ་དག་དུས་གཅིག་ཏུ་གཟིགས་སོ། །འཇམ་དཔལ། དེ་བཞིན་གཤེགས་པའི་ཀུན་ཏུ་གཟིགས་པ་མདོར་བཤད་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་ 82b དཔལ། དེ་ལ་དེ་བཞིན་གཤེགས་པའི་གྲགས་པ་ནི། འཇམ་དཔལ། དེ་བཞིན་གཤེགས་པ་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ན་འཇིག་རྟེན་གྱི་ཁམས་རེ་རེ་དང ། གླིང་རེ་རེ་དང ། རྡུལ་ཕྲ་རབ་ཀྱི་རྡུལ་རེ་རེ་ལ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་དག་འཇུག་ཅིང་སེམས་ཀྱི་སྐད་ཅིག་སེམས་ཀྱི་སྐད་ཅིག་ལ་འཇིག་རྟེན་གྱི་ཁམས་རེ་རེ་དང ། གླིང་རེ་རེར་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་རྣམ་པར་འཕྲུལ་བ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ་ཐམས་ཅད་འབྱུང་སྟེ། སེམས་ཅན་ཡོངས་སུ་སྨིན་པར་བྱ་བའི་ཕྱིར་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་སྟེ། མ་འདྲེས་པའི་ཆོས་དང་ལྡན་པའི་ཕྱིར་རོ། །དེ་བཞིན་དུ་ཞིང་རྣམ་པར་འཕྲུལ་པ་དང ། ཆོས་རྣམ་པར་འཕྲུལ་པ་དང ། སྐུ་རྣམ་པར་འཕྲུལ་པ་དང ། སྨོན་ལམ་རྣམ་པར་འཕྲུལ་པ་དང ། སྤྱོད་ཡུལ་རྣམ་པར་འཕྲུལ་པ་དང ། ཡེ་ཤེས་རྣམ་པར་འཕྲུལ་པ་དང ། མངོན་པར་ཤེས་པ་རྣམ་པར་འཕྲུལ་པ་དང ། རྫུ་འཕྲུལ་རྣམ་པར་འཕྲུལ་པ་དང ། སྟོབས་རྣམ་པར་འཕྲུལ་པ་དེ་ལྟ་བུ་ལ་སོགས་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་རྣམ་པར་འཕྲུལ་པ་ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ་དག་སྐད་ཅིག་སྐད་ཅིག་ལ་ 83a ༄#། །འབྱུང་སྟེ། སེམས་ཅན་ཡོངས་སུ་སྨིན་པར་བྱ་བའི་ཕྱིར་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པའོ། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་རོ། །འཇམ་དཔལ། དེ་བཞིན་གཤེགས་པའི་གྲགས་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་ལ་དེ་བཞིན་གཤེགས་པའི་དབྱེར་མེད་ཅིང་མི་གནས་པ་ནི། འཇམ་དཔལ། དེ་བཞིན་གཤེགས་པ་འཇིག་རྟེན་གྱི་ཁམས་འདི་ན་ཐ་དད་ལ་འཇིག་རྟེན་གྱི་ཁམས་གཞན་དུ་གནས་པ་མ་ཡིན་ནོ། །དེ་བཞིན་གཤེགས་པ་གླིང་འདི་ན་ཐ་དད་ལ་གླིང་གཞན་དུ་གནས་པ་མ་ཡིན་ནོ། །དེ་བཞིན་གཤེགས་པ་ཁྱིམ་འདི་ན་ཐ་དད་ལ་ཁྱིམ་གཞན་དུ་གནས་པ་མ་ཡིན་ནོ། །དེ་བཞིན་གཤེགས་པ་ལྷའི་རིས་འདི་ན་ཐ་དད་ལ་ལྷའི་རིས་གཞན་དུ་གནས་པ་མ་ཡིན་ནོ། །དེ་བཞིན་གཤེགས་པ་དུད་འགྲོའི་སྐྱེ་གནས་སུ་སྐྱེ་བ་འདི་ན་ཐ་དད་ལ་དུད་འགྲོའི་སྐྱེ་གནས་སུ་སྐྱེ་བ་གཞན་དུ་གནས་པ་མ་ཡིན་ནོ། །དེ་བཞིན་གཤེགས་པ་ཡི་དྭགས་ཀྱི་འགྲོ་བ་འདི་ན་ཐ་དད་ལ་ཡི་དྭགས་ཀྱི་འགྲོ་བ་གཞན་དུ་གནས་པ་མ་ཡིན་ནོ། །དེ་བཞིན་གཤེགས་པ་སེམས་ཅན་དམྱལ་བའི་འགྲོ་བ་འདི་ན་ཐ་དད་ལ་སེམས་ཅན་དམྱལ་བའི་འགྲོ་བར་གཞན་དུ་གནས་པ་མ་ཡིན་ནོ། །དེ་བཞིན་གཤེགས་ 83b པ་འདོད་པའི་ཁམས་ན་ཐ་དད་ལ་གཟུགས་ཀྱི་ཁམས་སུ་གནས་པ་མ་ཡིན་ནོ། །འཇམ་དཔལ། དེ་བཞིན་གཤེགས་པའི་དབྱེར་མེད་ཅིང་མི་གནས་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་ལ་དེ་བཞིན་གཤེགས་པའི་སྐུ་ཐོགས་པ་མེད་པ་ནི་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་དག་ན་སངས་རྒྱས་ཀྱི་ཞིང་གང་དག་ཡོད་པ་དེ་དག་གི་ནམ་མཁའ་ཅི་འདྲ་བའི་མཐའ་ནི་ཡོད་སྲིད་ཀྱི། དུས་གསུམ་གྱི་ཕྱོགས་མཐའ་ཡས་པ་དག་ན་རྒྱལ་བའི་གཙུག་ཏོར་འབྱུང་བ་དང ། འཇིག་པར་སྣང་བ་རྒྱལ་བའི་གཙུག་ཏོར་གྱི་མཐའ་ནི་ཕྱོགས་རྣམས་ན་མི་རྙེད་དོ། །དེ་དག་གི་ནམ་མཁའ་ཅི་འདྲ་བའི་མཐའ་ནི་ཡོད་སྲིད་ཀྱི། དེ་བཞིན་དུ་རྒྱལ་བའི་མཛོད་སྤུ་དང ། དེ་བཞིན་དུ་མཚན་རེ་རེ་དང ། དེ་བཞིན་དུ་དཔེ་བྱད་བཟང་པོ་རེ་རེ་དང ། དེ་བཞིན་དུ་སྤུའི་ཁུང་བུ་རེ་རེའི་མཐའ་ནི་ཕྱོགས་རྣམས་ན་མི་རྙེད་དོ། །ལྷ་དང ། མི་དང ། བྱང་ཆུབ་སེམས་དཔའ་གང་དག་ཆོས་ཀྱི་ཚུལ་བསྟན་པ་ཇི་ལྟ་བུས་འདུལ་བ་དེ་དག་གིས་ཆོས་ཀྱི་ཚུལ་བསྟན་པ་དེ་འདྲ་བ་དག་འབྱུང་བར་ཤེས་ཏེ། དེ་ལ་ལྷ་དང ། མི་དང ། བྱང་ཆུབ་སེམས་དཔའ་ཁ་ཅིག་གིས་ནི་གཙུག་ཏོར་ལས་བསོད་ནམས་ཀྱི་ཚོགས་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་ཡེ་ཤེས་ཀྱི་ཚོགས་རྒྱ་མཚོ་གྲངས་ 84a ༄#། །མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་ཕ་རོལ་ཏུ་ཕྱིན་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། ། ཁ་ཅིག་གིས་ནི་ས་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་གཟུངས་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། ། ཁ་ཅིག་གིས་ནི་ཏིང་ངེ་འཛིན་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་རྣམ་པར་ཐར་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་སོ་སོ་ཡང་དག་པར་རིག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་མངོན་པར་ཤེས་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་སྨོན་ལམ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་བརྩོན་འགྲུས་རྩོམ་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་དབུགས་འབྱིན་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། ། ཁ་ཅིག་གིས་ནི་བྱང་ཆུབ་སེམས་དཔའ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་དེ་བཞིན་གཤེགས་པ་ལ་འཇུག་པ་རྒྱ་ 84b མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་སེམས་ཅན་གྱི་བསམ་པ་དང ། སྤྱོད་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་འཇིག་རྟེན་གྱི་ཁམས་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་བསྐལ་པ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་དུས་གསུམ་ལ་འཇུག་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་དུས་གསུམ་བསྟན་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ཁ་ཅིག་གིས་ནི་མི་སྐྱོ་བའི་སེམས་བསྐྱེད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །ལྷ་དང ། མི་དང ། བྱང་ཆུབ་སེམས་དཔའ་ཁ་ཅིག་གིས་ནི་གཙུག་ཏོར་ནས་དབྱེར་མེད་པའི་ཡེ་ཤེས་རྒྱ་མཚོ་གྲངས་མེད་པའི་བྱེ་བྲག་བསྟན་པ་དག་འབྱུང་བར་ཤེས་སོ། །དེ་བཞིན་དུ་ལྷ་དང ། མི་དང ། བྱང་ཆུབ་སེམས་དཔའ་བསམ་པ་ཇི་ལྟ་བ་དང ། འདུལ་བ་ཇི་ལྟ་བ་ཞིང་ཐམས་ཅད་ཀྱི་རྡུལ་སྙེད་དག་གིས་སེམས་ཀྱི་སྐད་ཅིག་སེམས་ཀྱི་སྐད་ཅིག་ལ་དེ་བཞིན་དུ་མཛོད་སྤུ་དང ། དེ་བཞིན་དུ་མཚན་རེ་རེ་དང ། དེ་བཞིན་དུ་དཔེ་བྱད་བཟང་པོ་རེ་རེ་དང ། སྤུའི་ཁུང་བུ་རེ་རེ་ནས་ཆོས་ཐ་དད་པ་རྒྱ་མཚོའི་བྱེ་བྲག་བསྟན་པ་དག་འབྱུང་བར་ 85a ༄#། །ཤེས་སོ། །འཇམ་དཔལ། དེ་བཞིན་གཤེགས་པའི་སྐུ་ཐོགས་པ་མེད་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་ལ་དེ་བཞིན་གཤེགས་པའི་སྤྱི་གཙུག་བལྟར་མི་མཐོང་བ་ནི། འཇམ་དཔལ། འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་དག་ནི་རྡུལ་ཕྲ་རབ་ཀྱི་རྡུལ་ཡོད་པ་དག་ནི་རབ་ཏུ་ཉུང་གི་།དེ་བཞིན་གཤེགས་པའི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རྒྱ་མཚོ་དག་ནི་ཆེས་མང་ངོ ། །དེ་ལ་བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་ཙམ་མོ། །བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་བཅུ་དང ། ཉི་ཤུ་དང ། སུམ་ཅུ་དང ། བཞི་བཅུའོ། །བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་བརྒྱའོ། །བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་བརྒྱ་ཕྲག་བཅུ་དང ། ཉི་ཤུ་དང ། སུམ་ཅུ་དང ། བཞི་བཅུའོ། །འཁོར་དེ་ཉིད་ན་བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་སྟོང་ངོ ། །འཁོར་དེ་ཉིད་ན་བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་སྟོང་ཕྲག་བཅུ་དང ། ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུའོ། །བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་བྱེ་བའོ། །བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་བྱེ་བ་ཕྲག་བཅུ་དང ། 85b ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུའོ། །བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་བྱེ་བ་ཕྲག་བརྒྱའོ། །བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་བྱེ་བ་ཕྲག་སྟོང་ངོ ། །བྱང་ཆུབ་སེམས་དཔའ་ཁ་ཅིག་གི་ཁྲུན་ནི་དཔག་ཚད་བྱེ་བ་སྟོང་ཕྲག་བཅུ་དང ། ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུ་ཡོད་དེ། དེ་དག་ཐམས་ཅད་ཀྱིས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དང ། གླིང་ཐམས་ཅད་ན་དུས་གཅིག་ཏུ་དེ་བཞིན་གཤེགས་པ་ཉིས་གྱུར་དུ་མཐོང་ངོ ། །འཇམ་དཔལ། གལ་ཏེ་བྱང་ཆུབ་སེམས་དཔའ་རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པ་གང་ལ་ལ་ཞིག་སེམས་ཀྱི་སྐད་ཅིག་སེམས་ཀྱི་སྐད་ཅིག་ལ། འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་གོམ་པར་འདོར་བས་སྟེང་གི་ཕྱོགས་ལོགས་སུ་སོང་སྟེ། གོམ་པ་རེ་རེས་ཀྱང་འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོར་སོང་ལ་དེ་བཞིན་གཤེགས་པའི་སྤྱི་གཙུག་ཚོལ་ཞིང ། དེ་བཞིན་དུ་འཇིག་རྟེན་གྱི་ཁམས་ལྔ་བཅུའི་རྡུལ་སྙེད་ཀྱི་བསྐལ་པ་རྒྱ་མཚོར་སོང་ཡང་དེར་ཡང་དེ་བཞིན་གཤེགས་པ་ཉིས་གྱུར་དུ་མཐོང་ངོ ། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་རོ། །འཇམ་དཔལ། དེ་བཞིན་གཤེགས་པའི་སྤྱི་གཙུག་བལྟར་མི་མཐོང་ 86a ༄#། །བ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་བཞིན་གཤེགས་པའི་སེམས་ཅན་ཡོངས་སུ་སྨིན་པར་མཛད་པ་སྤྱོད་པའི་གནས་རྣམས་ནི། འཇམ་དཔལ། ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་རྣམས་ནི་རབ་ཏུ་ཉུང་གི་།འཇིག་རྟེན་གྱི་ཁམས་རེ་རེ་དང ། གླིང་རེ་རེ་དང ། རྡུལ་ཕྲ་རབ་ཀྱི་རྡུལ་རེ་རེ་ལ་དེ་བཞིན་གཤེགས་པ་སེམས་ཅན་ཡོངས་སུ་སྨིན་པར་མཛེད་པ་སྤྱོད་པའི་གནས་རྣམས་ནི་ཆེས་མང་ངོ ། །འཇམ་དཔལ། འཇིག་རྟེན་གྱི་ཁམས་རེ་རེ་དང ། གླིང་རེ་རེ་དང ། རྡུལ་ཕྲ་རབ་ཀྱི་རྡུལ་རེ་རེ་ལ་དེ་བཞིན་གཤེགས་པ་སེམས་ཅན་ཡོངས་སུ་སྨིན་པར་མཛད་པ་སྤྱོད་པའི་གནས་ཇི་སྙེད་པ་དེ་བས་ནི། དེ་བཞིན་གཤེགས་པའི་སྐུ་ལས་འོད་ཟེར་གྱི་རྒྱ་མཚོ་འབྱུང་ཞིང་བྱང་ཆུབ་སེམས་དཔའི་སྤྱོད་པ་རྗེས་སུ་སྒྲོགས་པ་དག་ཆེས་མང་ངོ ། །སེམས་ཀྱི་སྐད་ཅིག་སེམས་ཀྱི་སྐད་ཅིག་ལ་དེ་བཞིན་དུ་གཙུག་ཏོར་དང ། མཛོད་སྤུ་དང ། མཚན་རེ་རེ་དང ། དཔེ་བྱད་བཟང་པོ་རེ་རེ་དང ། སྤུའི་ཁུང་བུ་རེ་རེ་ནས་ཞིང་ཐམས་ཅད་ཀྱི་རྡུལ་སྙེད་ཀྱི་འོད་ཟེར་རྒྱ་མཚོ་དག་འབྱུང་སྟེ། དེ་ལ་འོད་ཟེར་རྒྱ་མཚོ་ཁ་ཅིག་ནི་བསོད་ནམས་ཀྱི་ཚོགས་རྒྱ་མཚོ་གྲངས་ 86b མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་ཡེ་ཤེས་ཀྱི་ཚོགས་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་ཕ་རོལ་ཏུ་ཕྱིན་པ་རྒྱ་མཚོ་གྲངས་མེད་པའི་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་ས་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་ཏིང་ངེ་འཛིན་རྒྱ་མཚོ་གྲངས་མེད་པ་རྗེས་སུ་སྒྲོག་གོ ། འོད་ཟེར་རྒྱ་མཚོ་ཁ་ཅིག་ནི་རྣམ་པར་ཐར་པ་རྒྱ་མཚོ་གྲངས་མེད་པའི་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་སོ་སོ་ཡང་དག་པར་རིག་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་མངོན་པར་ཤེས་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་སྨོན་ལམ་རྒྱ་མཚོ་གྲངས་མེད་པའི་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་བརྩོན་འགྲུས་རྩོམ་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་དབུགས་འབྱིན་པ་རྙེད་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་བྱང་ཆུབ་སེམས་དཔའ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་དེ་བཞིན་གཤེགས་པ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་སེམས་ཅན་གྱི་བསམ་པ་དང ། སྤྱོད་པ་ལ་འཇུག་པ་རྒྱ་ 87a ༄#། །མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་འཇིག་རྟེན་གྱི་ཁམས་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་བསྐལ་པ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་དུས་གསུམ་ལ་འཇུག་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་དུས་གསུམ་བསྟན་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་མི་སྐྱོ་བའི་སེམས་བསྐྱེད་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།འོད་ཟེར་རྒྱ་མཚོ་ཁ་ཅིག་ནི་ཡེ་ཤེས་ཐ་དད་པ་རྒྱ་མཚོ་གྲངས་མེད་པ་རྗེས་སུ་སྒྲོག་གོ་།ཐོགས་པ་མེད་པ། སྒྲིབ་པ་མེད་པ། དབྱེར་མེད་པ། ནམ་མཁའི་ཁམས་རྒྱས་པར་འགེངས་པ། ཕྱི་མའི་མཐའི་མུའི་བསྐལ་པར་བྱིན་གྱིས་རློབ་བོ། །འཇམ་དཔལ། དེ་བཞིན་གཤེགས་པའི་སེམས་ཅན་ཡོངས་སུ་སྨིན་པར་མཛད་པ་སྤྱོད་པའི་གནས་རྣམས་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །འཇམ་དཔལ། དེ་ལ་དེ་བཞིན་གཤེགས་པའི་སེམས་ཅན་ཡོངས་སུ་སྨིན་པར་མཛད་པ་ལ་མི་འཇིགས་པ་ནི། འཇམ་དཔལ། དེ་བཞིན་གཤེགས་པའི་སྐད་ཅིག་སྐད་ཅིག་ལ་ 87b ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་ན་ཞིང་ཐམས་ཅད་ཀྱི་རྡུལ་སྙེད་ཀྱི་སེམས་ཅན་རྒྱ་མཚོ་དག་དུས་གཅིག་ཏུ་རྡུལ་གཅིག་ལ་ཡོངས་སུ་སྨིན་པར་མཛད་དོ། །དེ་ལ་སེམས་ཅན་རྒྱ་མཚོ་ཁ་ཅིག་ནི་བསོད་ནམས་ཀྱི་ཚོགས་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་ཡེ་ཤེས་ཀྱིས་ཚོགས་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་ཕ་རོལ་ཏུ་ཕྱིན་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་ས་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་གཟུངས་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་ཏིང་ངེ་འཛིན་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། ། སེམས་ཅན་རྒྱ་མཚོ་ཁ་ཅིག་ནི་རྣམ་པར་ཐར་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ 88a ༄#། །ཅིག་ནི་སོ་སོ་ཡང་དག་པར་རིག་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་མངོན་པར་ཤེས་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་སྨོན་ལམ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་བརྩོན་འགྲུས་རྩོམ་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་དབུགས་འབྱིན་པ་རྙེད་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་བྱང་ཆུབ་སེམས་དཔའ་ལ་འཇུག་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་དེ་བཞིན་གཤེགས་པ་ལ་འཇུག་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་སེམས་ཅན་གྱི་བསམ་པ་དང ། སྤྱོད་པ་ལ་འཇུག་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་ 88b མཛད་དོ། །སེམས་ཅན་རྒྱ་མཚོ་ཁ་ཅིག་ནི་འཇིག་རྟེན་གྱི་ཁམས་ལ་འཇུག་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །སེམས་ཅན་རྒྱ་མཚོ་ཁ་ཅིག་ནི་བསྐལ་པ་ལ་འཇུག་པ་ཐ་དད་པ་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །དེ་བཞིན་དུ་དུས་གསུམ་ལ་འཇུག་པ་དང།་དུས་གསུམ་བསྟན་པ་དང ། མི་སྐྱོ་བའི་སེམས་བསྐྱེད་པ་དབྱེར་མེད་པའི་ཡེ་ཤེས་ཀྱིས་ཡོངས་སུ་སྨིན་པར་མཛད་དོ། །དེ་བཞིན་དུ་སེམས་ཅན་རྣམ་པར་སྤྲུལ་པ་དང ། ཞིང་རྣམ་པར་སྤྲུལ་པ་དང ། ཆོས་རྣམ་པར་སྤྲུལ་པ་དང ། ལུས་རྣམ་པར་སྤྲུལ་པ་དང ། སྨོན་ལམ་རྣམ་པར་སྤྲུལ་པ་དང ། སྤྱོད་ཡུལ་རྣམ་པར་སྤྲུལ་པ་དང ། ཡེ་ཤེས་རྣམ་པར་སྤྲུལ་པ་དང ། མངོན་པར་ཤེས་པ་རྣམ་པར་སྤྲུལ་པ་དང ། རྫུ་འཕྲུལ་རྣམ་པར་སྤྲུལ་པ་དང ། སྟོབས་རྣམ་པར་སྤྲུལ་པས་རྣམ་པར་རོལ་བའི་ཡེ་ཤེས་རྒྱ་མཚོ་གྲངས་མེད་པའི་བྱེ་བྲག་བསྟན་པའི་ཡེ་ཤེས་ཀྱིས་དེ་བཞིན་དུ་སྐད་ཅིག་སྐད་ཅིག་ལ། སེམས་ཅན་རྒྱ་མཚོ་ཞིང་ཐམས་ཅད་ཀྱི་རྡུལ་སྙེད་དག་རྡུལ་གཅིག་ལ་ཡོངས་སུ་སྨིན་པར་མཛད་དོ། །འཇམ་དཔལ། དེ་བཞིན་གཤེགས་པའི་སེམས་ཅན་ཡོངས་སུ་སྨིན་པར་མཛད་པ་ལ་མི་འཇིགས་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་ 89a ༄#། །བསྟན་པར་མི་ནུས་སོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པར་རྒྱ་མཚོ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་སེམས་ཅན་དག་ལ་ཉིན་གཅིག་བཞིན་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་དགེ་བསྙེན་སྟོན་པ་གཞན་ལ་མི་རྟེན་པ། དགེ་བ་བཅུའི་ལས་ཀྱི་ལམ་དང་ལྡན་པ་གཅིག་ལ་འདི་ནི་སངས་རྒྱས་བཅོམ་ལྡན་འདས་ཀྱི་བསླབ་པ་ལ་བསླབས་པའོ་སྙམ་དུ་བསམས་ནས་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་དགེ་བསྙེན་སྟོན་པ་གཞན་ལ་མི་རྟེན་པ། དགེ་བ་བཅུའི་ལས་ཀྱི་ལམ་དང་ལྡན་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་དག་ལ་ཉིན་གཅིག་བཞིན་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་དགེ་སློང་གཅིག་ལ་ཉིན་གཅིག་ཟན་བྱིན་ན། འདི་ནི་དེ་བས་ 89b ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་རྒྱ་མཚོ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་དགེ་སློང་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་དད་པས་རྗེས་སུ་འབྲང་བ་གཅིག་ལ་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་དུ་འཇིག་རྟེན་གྱི་ཁམས་རྡུལ་སྙེད་ཀྱི་དད་པས་རྗེས་སུ་འབྲང་བ་དག་ལ་ཉིན་གཅིག་བཞིན་དུ་ལྷའི་ཞལ་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་ཆོས་ཀྱི་རྗེས་སུ་འབྲང་བ་གཅིག་ལ་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་བསོད་ནམས་གྲངས་མེད་པ་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་ཆོས་ཀྱི་རྗེས་སུ་འབྲང་བ་དག་ལ་ཉིན་གཅིག་བཞིན་དུ་ལྷའི་ཞལ་ཟས་རོ་ 90a ༄#། །བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མ་གཞན་གང་ཞིག་གིས་བརྒྱད་པ་གཅིག་ལ་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་བརྒྱད་པ་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག། རྒྱུན་དུ་ཞུགས་པ་གཅིག་ལ་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་བསོད་ནམས་གྲངས་མེད་པ་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་རྒྱུན་དུ་ཞུགས་པ་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་ལན་གཅིག་ཕྱིར་འོང་བ་གཅིག་ལ་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་ 90b བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་ལན་གཅིག་ཕྱིར་འོང་བ་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ཞིག་གིས་ཕྱིར་མི་འོང་བ་གཅིག་ལ་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་ཕྱིར་མི་འོང་བ་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་དགྲ་བཅོམ་པ་གཅིག་ལ་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་དགྲ་བཅོམ་པ་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་ 91a ༄#། །བ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་རང་སངས་རྒྱས་གཅིག་ལ་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་རང་སངས་རྒྱས་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་སངས་རྒྱས་རི་མོར་བྲིས་པའམ། གཟུགས་སུ་བྱས་པ་མཐོང་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་ན། ཐལ་མོ་སྦྱོར་བ་འམ། མེ་ཏོག་གམ། བདུག་པའམ། སྤོས་སམ། མར་མེ་འབུལ་བ་ལྟ་ཅི་སྨོས་ཏེ། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་གངྒཱའི་ཀླུང་གི་བྱེ་མ་སྙེད་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་ 91b དང་ལྡན་པ་ཕུལ་བ་དང ། དེ་བཞིན་དུ་ལྷའི་ན་བཟའ་རྣམས་ཕུལ་བ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་གིས་ཐ་ན་ཕྱུགས་ཀྱི་ཤིང་རྟ་ལྟ་བུས་འགྲོ་བའི་བྱང་ཆུབ་སེམས་དཔའ་བསམ་པ་ཕུན་སུམ་ཚོགས་པ་གཅིག་ལ་སངས་རྒྱས་ལ་བསྐྱེད་པའི་དགེ་བའི་རྩ་བ་ཅིའང་རུང་བས་ཡོངས་སུ་འཛིན་ཏེ། ཐ་ན་ཉིན་གཅིག་ཟན་གཅིག་བྱིན་ནའང་འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་རྟའི་ཤིང་རྟ་ལྟ་བུས་འགྲོ་བའི་བྱང་ཆུབ་སེམས་དཔའ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་གླང་པོ་ཆེའི་ཤིང་རྟ་ལྟ་བུས་འགྲོ་བའི་བྱང་ཆུབ་སེམས་དཔའ་གཅིག་ལ་སངས་རྒྱས་ལ་བསྐྱེད་པའི་དགེ་བའི་རྩ་བ་ཅིའང་རུང་བས་ཡོངས་སུ་འཛིན་ཏེ། ཐ་ན་ཉིན་གཅིག་ཟན་གཅིག་བྱིན་ནའང་འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་གླང་པོ་ཆེའི་ཤིང་རྟ་ལྟ་བུས་འགྲོ་བའི་བྱང་ཆུབ་སེམས་དཔའ་འཇིག་ 92a ༄#། །རྟེན་གྱི་ཁམས་ཐམས་ཅད་ཀྱི་རྡུལ་སྙེད་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་ཟླ་བ་དང ། ཉི་མའི་ཤིང་རྟ་ལྟ་བུས་འགྲོ་བའི་བྱང་ཆུབ་སེམས་དཔའ་གཅིག་ལ་སངས་རྒྱས་ལ་བསྐྱེད་པའི་དགེ་བའི་རྩ་བ་ཅིའང་རུང་བས་ཡོངས་སུ་འཛིན་ཏེ། ཐ་ན་ཉིན་གཅིག་ཟན་གཅིག་བྱིན་ནའང་འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བྱུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་ཟླ་བ་དང ། ཉི་མའི་ཤིང་རྟ་ལྟ་བུས་འགྲོ་བའི་བྱང་ཆུབ་སེམས་དཔའ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་ཉན་ཐོས་ཀྱི་རྫུ་འཕྲུལ་གྱིས་འགྲོ་བའི་བྱང་ཆུབ་སེམས་དཔའ་གཅིག་ལ་ཉིན་གཅིག་ཟན་བྱིན་ན།་འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གིས་བྱེ་མ་ 92b སྙེད་དུ་ཉན་ཐོས་ཀྱི་རྫུ་འཕྲུལ་གྱིས་འགྲོ་བའི་བྱང་ཆུབ་སེམས་དཔའ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་སྦྱིན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་དེ་བཞིན་གཤེགས་པའི་རྫུ་འཕྲུལ་གྱིས་འགྲོ་བའི་བྱང་ཆུབ་སེམས་དཔའ་གཅིག་ལ་ཉིན་གཅིག་ཟན་གཅིག་བྱིན་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ། དེ་བཞིན་གཤེགས་པའི་རྫུ་འཕྲུལ་གྱིས་འགྲོ་བའི་བྱང་ཆུབ་སེམས་དཔའ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང ། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་ཆོས་ཀྱི་རྣམ་གྲངས་འདི་ཡི་གེར་འདྲི་བ་དང ། ཡི་གེར་འདྲིར་འཇུག་པ་དང ། ཀློག་པ་འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། ། བཟློག་སྟེ་བསྟི་བསྟང་མ་བྱས་པའི་མི་དགེ་བའི་ལས་ཀྱང་དེ་བཞིན་དུ་བརྗོད་པར་བྱའོ། །ཕྱུགས་ཀྱི་ཤིང་རྟ་ལྟ་བུས་འགྲོ་བ་དང ། རའི་ཤིང་རྟ་ལྟ་བུས་འགྲོ་བ་དང ། གླང་པོ་ཆེའི་ཤིང་ 93a ༄#། །རྟ་ལྟ་བུས་འགྲོ་བ་དང ། ཟླ་བ་དང ། ཉི་མའི་ཤིང་རྟ་ལྟ་བུས་འགྲོ་བ་དང ། ཉན་ཐོས་ཀྱི་རྫུ་འཕྲུལ་གྱིས་འགྲོ་བའང་དེ་བཞིན་ཏེ། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་ཉན་ཐོས་ཀྱི་རྫུ་འཕྲུལ་གྱིས་འགྲོ་བའི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ་རྣམས་ཀྱི་བར་ཆད་བྱས་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་དེ་བཞིན་གཤེགས་པའི་རྫུ་འཕྲུལ་གྱིས་འགྲོ་བའི་བྱང་ཆུབ་སེམས་དཔའ་གཅིག་ལ་ཐ་ན་དུད་འགྲོའི་སྐྱེ་གནས་སུ་གཏོགས་པའི་དགེ་བའི་རྩ་བའི་བར་ཆད་བྱེད་ཅིང་ཁྲོ་བ་དང ། བརྙས་པའི་སེམས་སྐྱེད་ན། འདི་ནི་དེ་བས་ཆེས་བསོད་ནམས་མ་ཡིན་པ་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་སེམས་ཅན་རྣམས་ཀྱི་མིག་ཕྱུང་ནས་བདོག་པ་ཐམས་ཅད་ཕྲོགས་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་བྱང་ཆུབ་སེམས་དཔའ་ལ་བརྙས་པའི་སེམས་བསྐྱེད་པ་གཤེ་བ་དང།་མི་སྙན་པར་སྨྲ་བ་དང ། རྙོགས་པར་བྱེད་ན། འདི་ནི་དེ་བས་ཆེས་སྡིག་པ་མང་དུ་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བྱང་ 93b བྱང་ཆུབ་སེམས་དཔའ་ལ་རྐྱེན་ཅིའང་རུང་བས་བརྙས་པ་སྐྱེད་དེ་སྤྱོད་ན། དེ་མི་དགེ་བའི་ལས་དེས་སེམས་ཅན་དམྱལ་བ་དུ་འབོད་ཆེན་པོར་ལུས་དཔག་ཚད་ལྔ་བརྒྱ་པར་སྐྱེ་བར་འགྱུར་ཏེ།་དེ་ལ་མགོ་ལྔ་བརྒྱ་ཡོད་པར་འགྱུར་རོ། །དེའི་མགོ་རེ་རེ་ལའང་ཁ་ལྔ་བརྒྱ་ལྔ་བརྒྱ་ཡོད་པར་འགྱུར། དེའི་ཁ་རེ་རེ་ལའང་ལྕེ་ལྔ་བརྒྱ་ལྔ་བརྒྱ་ཡོད་པར་འགྱུར་ཏེ། ལྕེ་རེ་རེ་ལའང་གཤོལ་ལྔ་བརྒྱ་ལྔ་བརྒྱས་རྨོ་བར་འགྱུར་རོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་སྐྱེས་པའི་སེམས་ཅན་ཐམས་ཅད་ལ་དབྱུག་པ་དང ། མཚོན་གྱིས་བསྣུན་ཏེ་བདོག་པ་ཐམས་ཅད་ཕྲོགས་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་བྱང་ཆུབ་སེམས་དཔའ་ལ་བརྙས་པའི་སེམས་བསྐྱེད་ནས་ཁྲོ་པ་དང ། གནོད་སེམས་དང ། ཐ་བ་དང ། ཁྲོས་པའི་སེམས་སྐྱེད་ན། འདི་ནི་དེ་བས་ཆེས་སྡིག་པ་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་སྡང་བའི་སེམས་ཀྱིས་སེམས་ཅན་རྣམས་ལ་གནོད་པར་འདོད་ཅིང ། འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་གི་འཇིག་རྟེན་གྱི་ཁམས་རེ་རེ་དང ། གླིང་རེ་རེ་ན་དགྲ་བཅོམ་པ་གངྒཱའི་ཀླུང་གི་བྱེ་མ་སྙེད་དག་གི་སྲོག་གཅད་པ་དང ། རིན་པོ་ཆེའི་མཆོད་རྟེན་རིན་པོ་ཆེའི་ 94a ༄#། །སྟེགས་བུས་ཡོངས་སུ་བསྐོར་ཅིང་གདུགས་དང ། རྒྱལ་མཚན་དང ། ལྷའི་བ་དན་བཙུགས་པ་གངྒཱའི་ཀླུང་གི་བྱེ་མ་སྙེད་དག་བཤིག་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་ཐེག་པ་ཆེན་པོ་ལ་མོས་པའི་བྱང་ཆུབ་སེམས་དཔའི་ཐེག་པ་ཆེན་པོ་ཉིད་ལ་སྒྲོ་བཏགས་ཏེ་བརྙས་པའི་སེམས་བསྐྱེད་ནས་རྐྱེན་ཅིས་ཀྱང་རུང ། ཁྲོ་བ་དང ། གཤེ་བ་དང ། མི་སྙན་པར་ཟེར་བ་དང ། ཁྱད་དུ་གསོད་པར་བྱེད་ན། འདི་ནི་དེ་བས་ཆེས་སྡིག་པ་གྲངས་མེད་པར་སྐྱེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ལས་དེ་བཞིན་གཤེགས་པ་ངེས་པར་འབྱུང་བའི་ཕྱིར་ཏེ། དེ་ནི་སངས་རྒྱས་ཀྱི་རིགས་མི་གཅོད་པའི་ཕྱིར་ཞུགས་པ་ཡིན་ནོ། །གང་བྱང་ཆུབ་སེམས་དཔའ་ལ་སྐུར་པ་དེས་ཆོས་སྤངས་པ་ཡིན་ནོ། །ཆོས་ཀྱང་གཞན་ལ་ཆོས་ཡོངས་སུ་འཛིན་པའི་བྱང་ཆུབ་སེམས་དཔའ་ཡང་གཞན་མ་ཡིན་ཏེ། བྱང་ཆུབ་སེམས་དཔའ་ཉིད་ཆོས་སོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ཁྲོས་ནས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཐམས་ཅད་བརྩོན་ར་མུན་གང་དག་ཏུ་བཅུག་པ་བས། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཁྲོས་ཏེ། བྱང་ཆུབ་སེམས་དཔའ་ལ་རྒྱབ་ཀྱིས་ 94b ཕྱོགས་ཤིང་འདུག་ནས་མ་རུངས་པ་འདི་མི་བལྟའོ་ཞེས་ཟེར་ན། འདི་ནི་དེ་ལས་ཆེས་སྡིག་པ་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཛམྦུའི་གླིང་གི་སེམས་ཅན་ཐམས་ཅད་ཀྱི་བདོག་པ་ཐམས་ཅད་ཕྲོགས་པ་བས། གཞན་གང་ཞིག་གིས་བྱང་ཆུབ་སེམས་དཔའ་ཇི་ལྟ་བུའང་རུང་བ་ལ་སྨད་ན། འདི་ནི་དེ་བས་ཆོས་སྡིག་པ་གྲངས་མེད་པར་སྐྱེད་དོ། །འཇམ་དཔལ། འདི་ལྟ་སྟེ། དཔེར་ན། རིའི་རྒྱལ་པོ་ཆེན་པོ་རི་རབ་ཀྱིས། འདི་ལྟ་སྟེ། མཐོ་བ་དང ། ཡངས་པ་དང ། ཆེ་བས་རི་ཐམས་ཅད་ཟིལ་གྱིས་མནོན་ནས་ལྷམ་མེ། ལྷན་ནེ། ལྷང་དེའོ། །འཇམ་དཔལ། དེ་བཞིན་དུ་བྱང་ཆུབ་སེམས་དཔའ་ཆོས་ཀྱི་རྣམ་གྲངས་འདི་ལ་མོས་པས་ཀྱང ། འདི་ལྟ་སྟེ། མཐོ་བ་དང ། ཡངས་པ་དང ། ཆེ་བས་ཕྱོགས་བཅུ་དག་ན་བྱང་ཆུབ་སེམས་དཔའ་ཆོས་ཀྱི་རྣམ་གྲངས་འདི་ལ་མ་མོས་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཡོད་པ་དག་གི་དགེ་བའི་རྩ་བ་ཕ་རོལ་ཏུ་ཕྱིན་པ་ལྔ་ལས་བྱུང་བ། བསྐལ་པ་གྲངས་མེད་པར་བསགས་པ་ཟིལ་གྱིས་མནན་ནས་ལྷམ་མེ། ལྷན་ནེ། ལྷང་ངེའོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཐམས་ཅད་ 95a ༄#། །བྱང་ཆུབ་ཀྱི་སེམས་ལ་བཀོད་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་ཕུད་པོ་མེད་པའི་གཞི་ལ་མོས་ན།་འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། གལ་ཏེ་སེམས་ཅན་ཐམས་ཅད་ཕུང་པོ་མེད་པའི་གཞི་ལ་མོས་པར་གྱུར་པ་བས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་ཆོས་ཀྱི་རྣམ་གྲངས་འདི་ལ་མོས་ལ། མོས་ནས་ཀྱང་ཡི་གེར་འདྲི་བ་དང ། ཡི་གེར་འདྲིར་འཇུག་པ་དང ། ཀློག་པ་དང ། ཀློག་ཏུ་འཇུག་པ་དང ། ཐ་ན་གླེགས་བམ་དུ་བྲིས་པ་ལ་མོས་ནས་འཛིན་པར་བྱེད་ཅིང་མར་མེ་དང ། མེ་ཏོག་དང ། བདུག་པ་དང ། སྤོས་དང།་ཕྲེང་བ་དང ། བྱུག་པ་རྣམས་ཀྱིས་མཆོད་པར་བྱེད་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་གཏོགས་པའི་སེམས་ཅན་ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་དག་།ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་རེ་རེའི་དགེ་བའི་རྩ་བ་གཞལ་དུ་མེད་པ་གྲངས་མེད་པ་རྣམས་དང ། འཁོར་ལོས་བསྒྱུར་བའི་རྒྱལ་པོར་འགྱུར་བའི་དགེ་བའི་རྩ་བ་རྣམས་དང ། 95b ལྷའི་འཇིག་རྟེན་དུ་སྐྱེ་བའི་དགེ་བའི་རྩ་བ་རྣམས་ཆུད་གསན་པ་བས། གཞན་གང་ཞིག་གིས་བྱང་ཆུབ་སེམས་དཔའི་དགེ་བའི་རྩ་བ་གཅིག་ཆུད་ཟོས་པར་བྱས་ན། འདི་ནི་དེ་བས་ཆེས་སྡིག་པ་གྲངས་མེད་པར་སྐྱེད་ན། གཤེ་བ་དང ། མི་སྙན་པར་སྨྲ་བ་ལྟ་ཅི་སྨོས། འཇམ་དཔལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་མཆོད་རྟེན་གངྒཱའི་ཀླུང་གི་བྱེ་མ་སྙེད་དག་བཤིག་པ་དང ། བསྲེགས་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་ཐེག་པ་ཆེན་པོ་ལ་མོས་པའི་བྱང་ཆུབ་སེམས་དཔའ་ལ་གནོད་སེམས་དང ། ཐ་བ་དང ། ཁྲོ་བའི་སེམས་བསྐྱེད་དེ། གཤེ་བ་དང་མི་སྙན་པར་སྨྲས་ན། འདི་ནི་དེ་བས་ཆེས་སྡིག་པ་གྲངས་མེད་པར་སྐྱེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ལས་སངས་རྒྱས་བཅོམ་ལྡན་འདས་རྣམས་ངེས་པར་བྱུང་ལ། སངས་རྒྱས་ལས་མཆོད་རྟེན་རྣམས་བྱུང་ཞིང ། སངས་རྒྱས་ལས་འཇིག་རྟེན་ཐམས་ཅད་དང ། ལྷའི་རིས་ཐམས་ཅད་ཀྱི་བདེ་བའི་ཡོ་བྱད་ཐམས་ཅད་བྱུང་ལ། སངས་རྒྱས་ཀྱང་བྱང་ཆུབ་སེམས་དཔའ་ལས་བྱུང་བས་ན། བྱང་ཆུབ་སེམས་དཔའ་ལ་བསྟི་སྟང་མ་བྱས་པ་ནི་སངས་རྒྱས་ཐམས་ཅད་ལ་བསྟི་སྟང་མ་བྱས་པ་ཡིན་ནོ། །བྱང་ཆུབ་སེམས་དཔའ་ལ་བསྟི་སྟང་བྱས་པ་ནི་སངས་རྒྱས་ཐམས་ཅད་ལ་བསྟི་སྟང་བྱས་པ་ཡིན་ནོ། །སངས་རྒྱས་ཐམས་ 96a ༄#། །ཅད་ལ་མཆོད་པ་བླ་ན་མེད་པས་མཆོད་པ་བྱེད་འདོད་པས་བྱང་ཆུབ་སེམས་དཔའ་རྣམས་ལ་མཆོད་པར་བྱའོ། །འཇམ་དཔལ། གལ་ཏེ་གྲོང་ཁྱེར་ལ་ལ་ཞིག་ན་བྱང་ཆུབ་སེམས་དཔའ་བྱེ་བ་བརྒྱའམ། བྱེ་བ་སྟོང་ངམ། བྱེ་བ་བརྒྱ་སྟོང་ངམ། གཞལ་དུ་མེད་པ། གྲངས་མེད་པ་དག་ཡོད་ལ། ཆོས་ཀྱི་རྣམ་གྲངས་འདི་ལ་མ་མོས་ན་དེ་དག་གི་ལས་ནི་རྒྱལ་པོས་འཁྲུག་པར་འགྱུར་བའམ། ཆུས་འཁྲུགས་པར་འགྱུར་བའི་ལས་སམ། ཆོམ་རྐུན་གྱིས་འཁྲུག་པར་འགྱུར་བའི་ལས་སམ། མུ་གེས་འཁྲུག་པར་འགྱུར་བའི་ལས་སམ། མེས་འཁྲུག་པར་འགྱུར་བའི་ལས་སམ། ཀླ་ཀློས་འཁྲུག་པར་འགྱུར་བའི་ལས་སུ་འགྱུར་རོ། །གྲོང་ཁྱེར་ཆེན་པོ་དེ་ན་ཆོས་ཀྱི་རྣམ་གྲངས་འདི་ལ་མོས་པའི་བྱང་ཆུབ་སེམས་དཔའ་ཡོད་ན་དེའི་ལས་ནི་བསྐལ་པ་གྲངས་མེད་པར་མཚམས་མེད་པའི་གནས་སུ་སྐྱེ་བར་མི་འགྱུར། གྲོང་ཁྱེར་དེར་འཁྲུག་པར་མི་འགྱུར་རོ། །གལ་ཏེ་བྱང་ཆུབ་སེམས་དཔའ་དེ་དག་ལས་རྒྱལ་པོས་འཁྲུག་པར་འགྱུར་བ་མི་འབྱུང ། ཆུས་འཁྲུག་པར་འགྱུར་བའི་ལས་མི་འབྱུང ། ཆོམ་རྐུན་གྱིས་འཁྲུག་པར་འགྱུར་བའི་ལས་མི་འབྱུང ། མུ་གེས་འཁྲུག་པར་འགྱུར་བའི་ལས་མི་འབྱུང ། མེས་འཁྲུག་པར་འགྱུར་བའི་ལས་མི་འབྱུང ། ཀླ་ཀློས་འཁྲུག་པར་འགྱུར་བའི་ལས་ 96b མི་འབྱུང ། ཆོས་ཀྱི་རྣམ་གྲངས་འདི་ལ་མོས་པའི་བྱང་ཆུབ་སེམས་དཔའི་ལས་བསྐལ་པ་རྒྱ་མཚོ་གྲངས་མེད་པར་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་སུ་སྐྱེ་བར་འགྱུར་བ་ཡོད་ན་དེར་འཁྲུག་པར་འགྱུར་རོ། །དེ་ཅིའི་ཕྱིར་ཞེ་ན། དེའི་ལས་བསྐལ་པ་གྲངས་མེད། བརྗོད་དུ་མེད་པར་མཚམས་མེད་པར་སྐྱེ་བར་འགྱུར་བ་དང ། དེའི་ལས་བསྐལ་པ་བཅུ་དང ། ཉི་ཤུ་དང ། སུམ་ཅུར་ངན་སོང་མྱོང་བར་འགྱུར་བའང་ཚེ་འདི་ལ་མྱོང་སྟེ། འཁྲུག་པས་བྱང་བར་འགྱུར་རོ། །དེ་ཅིའི་ཕྱིར་ཞེ་ན། བསོད་ནམས་ཆེན་པོའི་ཚོགས་བསགས་པའི་ཕྱིར་རོ། །འཇམ་དཔལ། འདི་ལྟ་སྟེ། དཔེར་ན། རྒྱར་དཔག་ཚད་བརྒྱ་པའི་རྫིང་ཡན་ལག་བརྒྱད་དང་ལྡན་པའི་ཆུས་གང་བ་ལ་དུག་སྲང་སྟོང་ཡང་མི་གདུག་པར་འགྱུར་རོ། །དེ་ཅིའི་ཕྱིར་ཞེ་ན། ཆུའི་ཕུང་པོ་ཆེན་པོས་རབ་ཏུ་ཕྱེ་བའི་ཕྱིར་རོ། །དེ་བཞིན་དུ་བསྐལ་པ་གྲངས་མེད་པར་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ཀྱི་ནང་དུ་གནས་པར་འགྱུར་བའི་ལས་རབ་ཏུ་མང་བའང་རྣམ་པར་སྨིན་པར་མི་འགྱུར་རོ། །དེ་ཅིའི་ཕྱིར་ཞེ་ན། བསོད་ནམས་ཀྱི་ཚོགས་ཆེན་པོ་བསགས་པའི་ཕྱིར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང ། བྱང་ཆུབ་སེམས་དཔའ་ཕྱོགས་བཅུ་ནས་འདུས་པ་དཔག་ཏུ་མེད་གྲངས་མེད་ 97a ༄#། །བ་རྣམས་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། |