རྒྱ་གར་སྐད། ་ཤྲཱི་རཱ་ག་རཱ་ཛ་ཏནྟྲ་རཱ་ཛ། ་་བོད་སྐད་དུ། ་་དཔལ་ཆགས་པའི་རྒྱལ་པོའི་རྒྱུད་ཀྱི་རྒྱལ་པོ། ་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའྀ་བྷ་ག་ལ་བཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་སྤོས་དང་མེ་ཏོག་ལ་སོགས་པའི་མཆོད་པས་མཆོད་ནས། ཧེ་ཧེ་དཔའ་བོ་འཇིགས་པ་ཆེ། །སེམས་ཅན་སངས་རྒྱས་རང་བཞིན་ནས། །མཚན་དང་དཔེ་བྱད་གང་དང་གང ། །སྟོང་དང་དེ་བཞིན་རྣམ་ཐར་དང ། །བརྫུས་སྐྱེས་མངལ་སྐྱེས་རྒོང་སྐྱེས་དང ། །དྲོད་གཤེར་གཉིས་གསུམ་བཞི་ཆར་ཅི། །བཅོམ་ལྡན་འདས་ཀྱིས་བཀའ་སྩལ་པ། ། ནི་དབུ་ཡི་གཙུག་ཏོར་ཏེ། ། ནི་དབུ་སྐྲ་གཡས་སུ་འཁྱིལ། །ི་ནི་དཔྲལ་བའི་དབྱེས་མཉམ་པ། །ཱི་ནི་སྨིན་མཚམས་མཛོད་སྤུ་སྟེ། །ུ་ནི་སྤྱན་སྨིག་མཐོན་མཐིང་ལ། །བ་ཡི་རྫི་མ་ལྟ་བུའོ། །ཱུ་ཚེམས་བཞི་བཅུ་མངའ་བ་སྟེ། །རི་རཱྀ་ཚེམས་མཉམ་ཚེམས་ཐགས་བཟང ། །ལི་ལཱི་ཚེམས་དཀར་རོ་བྲོ་མཆོག་།ེ་ནི་འགྲམ་པ་སེང་གེ་འདྲ། །ཻ་ལྗགས་ཤིན་དུ་སྲབ་པ་སྟེ། །ོ་ནི་ཚངས་པའི་དབྱངས་དང་ལྡན། །ཽ་ནྀ་དཔུང་མགོ་ཤིན་དུ་ཟླུམ། །ཾ་ནི་བདུན་མཐོ་བ་རུ་གསུངས། །ཿ ནི་ཐལ་གོང་རྒྱས་པ་སྟེ། །འདི་དག་བཅུ་དྲུག་གཡས་སྐོར་རོ། །དེ་ནས་གཡོན་སྐོར་མཚམས་ནས་ཀྱང ། ། ནི་ལྤགས་སྲབ་མདོག་གསེར་འདྲ། །ཱ་ནི་བཞེངས་བཞིན་མ་བཏུད་པར། །ཕྱག་གཉིས་པུས་མོ་སླེབ་པའོ། །ི་ནི་རོ་སྟོད་སེང་གེ་འདྲ། །ི་ནི་ཤིནྱ་གྲོ་ལྟ་བུར། །ཆུ་དང་ཞེང་ནི་གབ་པའོ། །ུ་ནི་མཛོད་སྤུ་གཡས་སུ་འཁྱིལ། །ཱུ་ནི་སྤུ་རྣམས་གྱེན་དུ་ཕྱོགས། །རི་འདོམས 87.60b སྦ་བ་སྦུབས་སུ་ནུབ། །རཱི་བརླ་ལེགས་པར་ཟླུམ་པའོ། །ལྀ་ནི་ཞབས་ལོང་ཚིགས་མི་མངོན། །ལཱྀ་ཎི་ཕྱག་ཞབས་འཇམ་ཞིང་གཞོན། །ལཱྀ་ནི་ཕྱག་མཐིལ་ཞབས་ཀྱི་མཐིལ། །འཇམ་ཞིང་གཞོན་ཤ་རྒྱས་པའོ། །ེ་ནི་ཕྱག་ཞབས་དྲ་བས་འབྲེལ། །ཻ་ནི་སེན་མོ་རིང་བ་སྟེ། །ོ་ནི་ཕྱག་དང་ཞབས་མཐིལ་ལ། །འཁོར་ལོ་དང་ནི་ལྡན་པ་ཡིན། །ཽ་ནྀ་ཞབས་ནི་ཤིན་དུ་གནས། །ཾ་ཞབས་རྟིང་པ་ཡངས་པ་སྟེ། །ཿ ནི་བྱིན་པ་རི་དགས་ནི། །ེ་ན་ཡ་ཡི་ལྟ་བུ་སྟེ། །སྤྱི་བོའྀ་མི་ཤིགས་སྙིང་པོ་ཧཾ། །སྟོན་པ་སུམ་བཅུ་རྩ་གཉིས་མཚན། །ཀ་ནི་སེན་མོ་ཟངས་མདོག་འདྲ། །ཁ་ནི་སེན་མོ་མདོག་སྣུམ་པ། །ག་ནི་སེན་མོ་མཐོ་བ་སྟེ། །གྷ་ནི་སོར་མོ་རྣམས་ཟླུམ་པ། །ང་ནི་སོར་མོ་རྣམས་རྒྱས་པ། །ཙ་ནི་སོར་རྣམས་བྱིན་གྱིས་ཕྲ། །ཚ་ནི་རྩ་རྣམས་མི་མངོན་པ། །ཛ་ནི་རྩ་མདུད་མེད་པ་ཡིན། །ཛྷ་ནི་ལོང་བུ་མི་མངོན་པ། །ཉ་ནི་ཞབས་མི་མཉམ་པ་མེད། །ཊ་ནི་སེང་གེའི་སྟབས་སུ་གཤེགས། །ཋ་ནི་གླང་པོའི་སྟབས་སུ་གཤེགས། །ཌ་ནི་ངང་པའི་སྟབས་སུ་གཤེགས། །ཌྷ་ནི་ཁྱུ་མཆོག་སྟབས་སུ་གཤེགས། །ཎ་ནི་གཡོན་ཕྱོགས་ལྡོག་ཅིང་གཤེགས། །ཏ་ནི་མཛེས་པར་གཤེགས་པ་སྟེ། །ཐ་ནི་མི་གཡོ་བར་གཤེགས་པ། །ད་ནི་སྐུ་ལ་འཁྲིལ་བག་ཆགས། །དྷ་སྐུ་བྱི་དོར་བྱས་པ་འདྲ། །ན་སྐུ་རིམ་པར་འཚམ་པའོ། །པ་ནི་སྐུ་གཙང་ཕ་སྐུ་འཇམ། །བ་སྐུ་རྣམ་པར་དག་པའོ། །བྷ་ནི་མཚན་རྫོགས་ངོ་བོ་ཉིད། །མ་སྐུ་ཁོ་ལགས་ཡངས་ཤིང་བཟང ། །ཡ་ནི་གོམ་པ་སྙོམས་པའོ། །ར་སྐུ་ཤིན་དུ་གཞོན་མདོག་ཅན། །ལ་ནི་སྐུ་ལ་འཁྲུལ་པ་མེད། །ཝ་ནི་སྐུ་ལུས་རྒྱས་པ་སྟེ། །ཤ་ནི་ཤིན་དུ་གྲིམས་པའོ། །ཥ་ནི་ཡན་ལག་ཐམས་ཅད་མཛེས། །ས་གཟིགས་རབ་རིབ་མེད་ཅིང་དག་།ཧ་དཀུ་ཟླུམ་པ་ཉིད་ཡིན་ཏེ། །ཀྵ་ནི་སྐུ་སྐབས་ཕྱེད་པའོ། །ཡ་ནི་སྐུ་སྙོམས་པ་ཡིན་ཏེ། །ར་ནི་ཕྱལ་ཕྱམ་མེད་པ་ཡིན། ། 87.61a ལ་ནི་ལྟེ་བ་ཟབ་པ་སྟེ། །ཝ་ནི་ལྟེ་བ་གཡས་སུ་འཁྱིལ། །དྷ་ནི་ཀུན་ནས་མཛེས་པ་སྟེ། །དྷ་ནི་ཀུན་སྤྱོད་གཙང་མ་ཡིན། །འདི་དག་ཐབས་ཀྱི་རང་བཞིན་གྱིས། །གཡས་ནས་བསྐོར་བ་བཞི་བཅུ་ཡིན། །དེ་ནས་གཡོན་གྱྀས་བཞི་བཅུ་ནི། །ཀ་ནི་སྐུ་སྨེ་གནག་བག་མེད། །ཁ་ནི་ཤིང་བལ་ལྟར་འཇམ་ཕྱག་།ག་ཕྱག་རི་མོ་མདངས་ཡོད་པ། །གྷ་ཕྱག་རི་མོ་ཟབ་པ་དང ། །ང་ཕྱག་རི་མོ་རིང་བའོ། །ཅ་ཞལ་ཧ་ཅང་མི་རིང་བ། །ཚ་ཞལ་གཟུགས་ཀྱི་གཟུགས་བརྙན་སྣང ། །ཛ་ཛྷ་ལྗགས་མཉེན་ལྗགས་སྲབ་པ། །ཉ་ནི་ལྗགས་དམར་ངོ་བོ་སྟེ། །གླང་པོའྀ་ང་རོ་འབྲུག་སྒྲ་ཊ། །ཋ་ནི་གསུང་སྙན་མཉེན་འཇམ་པ། །ཌ་ཌྷ་མཆེ་བ་ཟླུམ་དང་རྣོ། །ཎ་ཎི་མཆེ་དཀར་ཏ་ཚེམས་མཉམ། །ཐ་ནི་མཆེ་བ་བྱིན་གྱིས་ཕྲ། །ད་ཤངས་ཤིན་དུ་ཐོ་བ་དང ། །དྷ་ཤངས་ཤིན་དུ་གཙང་བའོ། །ན་ནི་སྤྱན་འོད་རྣམ་པར་དག་།པ་ཕ་སྤྱན་བཟང་རྫི་མ་སྟུག་།བ་ནི་དཀར་ནག་ཕྱེད་པད་མའི། །འདབ་མའི་མདངས་འདྲ་པད་མའི་སྤྱན། །བྷ་ནི་དེ་བཞིན་སྨིན་མཚམས་རིང ། །མ་ཡ་སྨིན་མཚམས་སྨིན་སྤུ་མཉམ། །ར་ནི་དེ་བཞིན་སྨིན་མ་སྣུམ། །ལ་ནི་ཕྱག་རིང་རྒྱས་པའོ། །དེ་བཞིན་ཝ་ནི་སྙན་ཤལ་མཉམ། །སྙན་གྱི་དབང་པོ་མ་ཉམས་ཤ་།དཔྲལ་བ་ལེགས་པར་འབྱེས་པ་ཥ། །ས་ནི་དཔྲལ་བའི་དབྱེས་ཆེ་བ། །ཧ་ནི་དབུ་དག་ཤིན་དུ་རྒྱས། །དབུ་སྐྲ་བུང་བ་ལྟར་གནག་ཀྵ། །དབུ་སྐྲ་སྟུག་པ་ཡ་ཡིན་ཏེ། །དེ་བཞིན་དབུ་སྐྲ་འཇམ་བ་ར། །དབུ་སྐྲ་མི་འཛིང་བ་ནི་ལ། །དབུ་སྐྲ་མི་གཤོར་བ་ནི་ཝ། །དབུ་སྐྲ་དྲི་ཞིམ་དྷ་ཡིན་ཏེ། །ཕྱག་ལ་དཔལ་གྱི་བེའུ་དང་ནི། །བཀྲ་ཤིས་གཡུང་དྲུང་འཁྱིལ་བས་བརྒྱན། །ལྡོང་རོས་ལྟ་བུ་དྷ་ཡིན་ཏེ། །ལྟེ་བ་སྤྲུལ་པའི་སྙིང་པོ་ཨཾ། །གཙོ་བོ་དཔེ་བྱད་བརྒྱད་བཅུར་ལྡན། ། ནི་ཕྱི་ནང་སྟོང་པ་ཉིད། །ཱ་ནི་སྟོང་པ་ཉིད་སྟོང 87.61b པ། །ི་ནི་ཆེན་པོ་སྟོང་པ་ཉིད། །ཱི་ནི་དོན་དམ་སྟོང་པ་ཉིད། །ུ་ནི་འདུས་བྱས་སྟོང་པ་ཉིད། །ཱུ་ནི་འདུས་མ་བྱས་སྟོང་པ། །རཱི་ནི་མཐའ་ལས་འདས་སྟོང་པ། །རཱི་ནི་ཐོག་མཐའ་སྟོང་པ་ཉིད། །ལི་ནི་དོར་བ་མེད་པ་སྟོང ། །ལཱྀ་ནི་རང་བཞིན་སྟོང་པ་ཉིད། །ེ་ནི་ཆོས་རྣམས་ཐམས་ཅད་སྟོང ། །ཻ་ནྀ་རང་གི་མཚན་ཉིད་སྟོང ། །ོ་ནི་མི་དམིགས་སྟོང་པ་ཉིད། །ཽ་ནི་དངོས་པོ་མེད་སྟོང་ཉིད། །ཾ་ནི་ངོ་བོ་སྟོང་པ་ཉིད། །དངོས་མེད་ངོ་བོ་སྟོང་ཉིད་ཨཿ ། །མགྲིན་པ་ལོངས་སྤྱོད་སྙིང་པོ་ཨོཾ། །ཤེས་རབ་སྟོང་པ་བཅུ་དྲུག་རྩ། །གཟུགས་ཅན་གཟུགས་རྣམས་ལ་ལྟ་བ། །རྣམ་པར་ཐར་པ་དང་པོ་ཨ། །ནང་གཟུགས་མེད་པར་འདུ་ཤེས་པས། །ཕྱི་རོལ་གཟུགས་རྣམས་ལ་ལྟ་བ། །རྣམ་ཐར་གཉིས་པ་ཀ་ཡིན་ནོ། །སྡུག་པ་རྣམ་པར་ཐར་པའི་ལུས། །མངོན་སུམ་བྱས་ནས་རྫོགས་པ་ནི། །དེ་དག་རྣམ་ཐར་གསུམ་པ་ཙ། །གཟུགས་ཀྱི་འདུ་ཤེས་ལས་འདས་པ། །སྣ་ཚོགས་འདུ་ཤེས་ཡིད་མི་བྱེད། །ནམ་མཁའ་མཐའ་ཡས་ལ་གནས་ཊ། །ནམ་མཁའ་མཐའ་ཡས་ལས་འདས་ཏེ། །རྣམ་ཤེས་མཐའ་ཡས་ལ་གནས་ཤིང ། །རྣམ་ཤེས་མཐའ་ཡས་རྫོགས་པ་སྟེ། །རྣམ་ཤེས་མཐའ་ཡས་ལས་འདས་ནས། །ཅི་ཡང་མེད་པ་ལ་གནས་ཏེ། །དེ་ཉིད་རྫོགས་པ་པ་ཡིན་ནོ། །ཅི་ཡང་མེད་པ་ལས་འདས་ཏེ། །འདུ་ཤེས་མེད་མིན་ལ་གནས་ཏེ། །འདུ་ཤེས་མེད་མིན་རྫོགས་པ་ཡི། །འདུ་ཤེས་མེད་མིན་ལ་འདས་ཏེ། །འདུ་ཤེས་ཚོར་བ་འགོག་པའི་ལུས། །མངོན་སུམ་བྱས་ནས་རྫོགས་པ་ནི། །རྣམ་པ་པར་ཐར་པ་བརྒྱད་པ་ཤ ། ་།སྙིང་ག་ཆོས་ཀྱི་འཁོར་ལོ་ཧཱུཾ། །གཙོ་བོ་རྣམ་ཐར་བརྒྱད་དང་ལྡན། །འདི་དག་རྩ་ཡི་རྣམ་པར་གནས། །འཁོར་ལོའི་རྒྱ་ནི་སོར་གསུམ་སྟེ། །སེམས་ཅན་ཀུན་ལ་རང་བཞིན 87.62a གནས། །དེ་ཕྱིར་སེམས་ཅན་སངས་རྒྱས་ཡིན། །སྣ་ཚོགས་བསྡུད་པའི་མཚན་ཉིད་ཀྱང ། །རིང་དུ་འབྱུང་ཞིང་ཐུང་དུ་གནས། །སྨིན་མཚམས་ཀྱི་ནི་མཛོད་སྤུ་བཞིན། །ཆོས་ཀྱི་འབྱུང་གནས་ལྟེ་བ་ལ། །གཡས་གཡོན་བུ་ག་ལྔ་ལྔ་སྟེ། །སྟེང་འོག་ཁ་ཡི་བར་ནས་འབྱུང ། །རོ་མ་ཤར་དུ་མངོན་དུ་ཕྱོགས། །རྐྱང་མ་ནུབ་སྟེ་འོག་གི་ཆར། །རོ་མས་རྐྱང་མ་ལ་འཁྱུད་ཅིང ། །གཡས་པའི་ཆ་རུ་ཟུང་འཇུག་ཉིད། །རྐྱང་མས་རོ་མ་ལ་འཁྱུད་ཅིང ། །གཡོན་གྱི་ཆ་རུ་ཟུང་འཇུག་ཉིད། །གཡས་གཡོན་རྩེ་མོ་སྐུ་གསུང་ཐུགས། །དེ་སྒྲ་སྔགས་སུ་རབ་ཏུ་གྲགས། །སྔགས་དང་རྒྱུད་དང་དངོས་གྲུབ་སོགས། །དེ་ཉིད་ལས་ནི་བྱུང་བས་ན། །སེམས་ཅན་སངས་རྒྱས་རང་བཞིན་ནོ། །སྐྱེ་བ་བཞི་ཡི་རིམ་པ་ཡང ། །སྣོད་བཅུད་ཡབ་ཡུམ་ལ་ཐིམ་སྟེ། །ཡབ་ཡུམ་ཉི་མ་ཟླ་བར་འགྱུར། །སྣང་བའི་ཐིག་ལེ་ཡང་དག་བཅས། །འདི་དག་ནང་གི་མངལ་སྐྱེས་ཚུལ། །ཱ་ལི་ཀཱ་ལི་ཉི་ཟླ་སྟེ། །སེམས་ནི་ཐིག་ལེའི་ངོ་བོར་གནས། །ནང་གི་སྒོང་སྐྱེས་ཡིན་པར་འདོད། །ཀཱ་དང་ཨཱ་ལས་ཉི་ཟླ་སྟེ། །རང་བྱུང་ཐིག་ལེ་དྲོད་གཤེར་ཡིན། །དེ་དག་སྐད་ཅིག་རྐྱེན་མེད་ལས། །རང་བཞིན་འབྱུང་བ་རྫུས་སྐྱེས་སོ། །རྐྱེན་མེད་སྦྱོར་བ་སྒོང་སོགས་ལས། །བདེ་བ་སྐྱེ་དང་བདེ་བའི་རྒྱུ། །ཐམས་ཅད་དྲན་པ་གསང་བ་ཡི། །མངལ་ནས་སྐྱེས་པའི་ཚུལ་ཡིན་ཏེ། །ཡར་ལ་སྲེག་དང་མར་ལ་གསོ། །གནས་གསུམ་ཉི་ཤུ་བཞིར་འཕོ་ཡིན། །ཕྱི་ནང་འདོད་པའི་མཚན་མ་ཡིས། །རྩ་རྒྱས་བདེ་བ་སྟེར་བ་དང ། །རིན་པོ་ཆེ་ཡི་ཕོ་བྲང་དུ། །སེམས་འཛིན་གསང་བའི་སྒོང་སྐྱེས་ཡིན། །ནང་གི་འདོད་པའི་མཚོན་ཆ་ཡིས། །བདེ་བ་སྐྱེ་བ་དྲོད་གཤེར་སྐྱེས། །གང་གི་རྐྱེན་གྱིས་མ་སྐྱེས་པར། །གདོད་ནས་བདེ་བའི་རྒྱུར་སྐྱེས་ལ། །བདེ་བ་སྐྱེས་པ་རྫུས་སྐྱེས་སོ། །གཏུམ་མོ་གོ་བཟློག་རྐྱེན་གྱིས 87.62b སྦར། །གཏུམ་མོ་རྐྱེན་གྱིས་སྦར་བ་དང ། །གཏུམ་མོ་གོ་བཟློག་སྦར་བ་དང ། །གཏུམ་མོ་རང་བཞིན་སྦར་བ་ནི། །མངལ་སྐྱེས་སྒོང་སྐྱེས་དྲོད་གཤེར་སྐྱེས། །རྫུས་སྐྱེས་རིམ་པར་སྦྱར་བར་བྱ། །དུ་མའི་གཞི་བཅས་གཞི་བཅས་དང ། །གཞི་མེད་ཤིན་དུ་གཞི་མེད་དེ། །མངལ་སྐྱེས་གོང་སྐྱེས་དྲོད་གཤེར་སྐྱེས། །རྫུས་སྐྱེས་བཞི་ཆར་རིམ་པར་སྦྱར། །རྒྱུ་དང་ལམ་སྟེ་འབྲས་བུ་ཀུན། །སྐྱེ་བ་བཞི་ཡི་ངོ་བོར་གཅིག་།དེ་ཕྱིར་སངས་རྒྱས་སེམས་ཅན་གཉིས། །དངོས་པོ་རོ་མཉམ་གྱུར་པ་ལ། །ལོག་རྟོག་སྒྱུ་མས་གཉིས་སུ་འཁྲུལ། །རྡོ་རྗེ་སྙིང་པོ་སྙིང་རྗེ་ཆེ། །ནང་དང་གསང་བའི་དཀྱིལ་འཁོར་ཡང ། །ང་ཡིས་བཤད་ཀྱིས་ལེགས་པར་ཉོན། །སྐུ་ཡི་དཀྱིལ་འཁོར་སྤྱི་བོར་བསྒོམ། །གསུང་ནི་མགྲིན་པ་ཐུགས་ནི་སྙིང ། །ཡོན་ཏན་ལྟེ་བ་ཕྲིན་ལས་ནྀ། །སྣ་རྩེ་དག་ཏུ་བསམ་པར་བྱ། །འབར་བ་བཞི་ཡི་ཨ་ལ་ཡང ། །རྡོ་རྗེ་ཕག་མོ་རབ་ཏུ་གྲགས། །ཧཾ་ནི་བདེ་མཆོག་ཧེ་རུ་ཀ་།དཔའ་བོ་གཅིག་པ་ཡིན་པར་འདོད། །བདུན་པ་དང་ནི་དགུ་པ་དག་།གསུམ་པ་ཧཱུཾ་ལས་རབ་ཏུ་གྲགས། །བཅུ་གསུམ་པ་དང་བཅཝ་ལྔ་པ། །བཅུ་དགུ་ཨོཾ་ལས་རབ་ཏུ་གྲགས། །ཉི་ཤུ་རྩ་ལྔ་ཉི་ཤུ་དགུ། །ཧཾ་གི་ངོ་བོར་ཡང་དག་གནས། །སུམ་བཅུ་བདུན་དང་དྲུག་བཅུ་བཞི། ། ཡི་དཀྱིལ་འཁོར་ཡིན་པར་ངེས། །རྩ་ནི་རྡོ་རྗེ་ཕག་མོ་སྟེ། །གཡས་གཡོན་ཕྱག་ལ་དབུ་མ་ཞལ། །དཔའ་བོ་བྱང་ཆུབ་སེམས་ཡིན་ཏེ། །སྐྱེ་མཆེད་བཅུ་གཉིས་དངས་མ་ཡང ། །བཅུ་གཉིས་ཕྱག་ཏུ་རབ་ཏུ་གྲགས། །འབྱུང་བཞིའི་དངས་མ་ཞལ་བཞིར་ངེས། །མཛེས་པའི་ཕྱིར་ན་རྒྱན་དུ་བཤད། །གསུང་མཆོག་བླ་མའི་ཞལ་ནས་བླང ། །གཡས་གཡོན་སྟེང་འོག་སྒོ་བཞི་སྟེ། །མདོམ་གང་མཉམ་པ་གྲུ་བཞི་ཡིན། །བདུད་རྩི་ལྔ་ནི་ཚོན་རྩི་ལྔ། །རྩ་ནི་ཐིག 87.63a གི་རང་བཞིན་ཏེ། །ཀ་བ་བརྒྱད་ནི་རྐང་བརྒྱད་དོ། །སོ་སེན་བ་སྤུ་ཏྭ་ར་སོགས། །མཁས་པས་བརྟག་ཅིང་ཤེས་པར་བྱ། །འདི་དག་རང་བཞིན་དཀྱིལ་འཁོར་ཏེ། །དཔེར་ན་རང་བྱུང་གསེར་དང་འདྲ། །འདི་ནི་བཅོས་མ་མ་ཡིན་ཏེ། །རང་རིག་ཡེ་ཤེས་གཟུགས་བརྙན་ནི། །གཟུགས་བརྙན་དཀྱིལ་འཁོར་བསྒོམ་པ་མིན། །རྡུལ་ཚོན་ལ་སོགས་བྲི་བ་མིན། །སྤོས་ལ་སོགས་པས་མཆོད་པ་མིན། །རྡོ་ཤིང་ལྷ་ལ་ཕྱག་མི་བྱ། །རང་བཞིན་གནས་པའི་སངས་རྒྱས་ལ། །རང་བཞིན་མཆོད་པས་རྟག་ཏུ་མཆོད། །སྐུ་ནི་དགུན་དུས་རང་བཞིན་ཏེ། །འབྱུང་བའི་སྐུ་གསུམ་ཟླ་བ་གསུམ། །གསུང་ནི་དཔྱིད་དུས་ངོ་བོ་སྟེ། །འཇུག་པའྀ་སྐུ་གསུམ་ཟླ་བ་གསུམ། །ཐུགས་ནི་དབྱར་དུས་ངོ་བོ་སྟེ། །གནས་པ་སྐུ་གསུམ་ཟླ་བ་གསུམ། །ཡེ་ཤེས་སྟོན་གྱི་དུས་ཡིན་ཏེ། །སྐུ་གསུང་ཐུགས་ནི་ཟླ་བ་གསུམ། །དང་པོ་རྒྱུ་ཡི་ས་པ་ཡིན། །འཁོར་ལོ་ཆགས་པ་དམར་པོ་ལ། །ཡི་གེ་རྣམས་ནྀ་དཀར་པོས་གནས། །ལམ་གྱིས་ས་བ་རྣམ་པ་གཉིས། །རིང་བ་དང་ནི་ཉེ་བའོ། །དེ་ནས་འབྲས་བུའི་ས་བ་ཡིན། །འཁོར་ལོ་ཡང་དག་གནས་པ་སྟེ། །འཁོར་ལོ་དེ་རྣམས་ལྷ་རྣམས་ཀྱང ། །སྐུ་མདོག་ཕྱག་མཚན་ཀུན་དང་བྲལ། །རང་བཞིན་གསལ་བ་དྲི་མ་མེད། །ཤེལ་ལྟར་གསལ་བ་དྲི་མ་མེད། །མི་མཐོང་མཐོང་བའི་ངོ་བོ་ཅན། །ཟབ་ཅིང་ཕྲ་བའི་རང་བཞིན་ཅན། །ཕྱི་རུ་སྐུ་མདོག་ཕྱག་མཚན་ལྷ། །ནང་གི་ཤིན་དུ་ཕྲ་བའི་གཟུགས། །གསང་བའི་བདེ་བ་ལྷ་རུ་ངེས། །དེ་ལས་བཟློག་པ་བཞི་པའི་ལྷ། །ལུས་ལས་བྱུང་ཕྱིར་ལྷ་ཞེ་འམ། །རྒྱུད་རྣམས་དག་བྱེད་ཕྱིར་ན་ལྷ། །ཆགས་པའི་ཕྱྀར་ན་ལྷ་ཡིན་ཏེ། །རྒྱལ་པོ་ཤེས་རབ་རང་བཞིན་ཏེ། །ཐབས་དང་ཤེས་རབ་རང་བཞིན་གྱི། །ཆགས་པ་ཆེན་པོའི་རྒྱུད་གསུངས་སོ། །དེ་ནས་ས་ཆེན་པོ་ཡང་ཆེར་གཡོས་པར་གྱུར་ཏེ། 87.63b མཆོད་པའི་སྤྲིན་གྱི་ཆར་ཆེན་པོ་ཡང་བབས་པར་གྱུར་ཏོ། །དེ་ནས་དཔའ་བོ་དང་མཁའ་འགྲོ་མ་རྣམས་ཀྱང་རྒྱུད་ཀྱི་དོན་ལ་དགའ་ཞིང་མགུ་སྟེ་རྗེས་སུ་ཡི་རང་ནས་མི་སྣང་བར་གྱུར་ཏོ། །དཔལ་ཆགས་པའི་རྒྱལ་པོའྀ་རྒྱུད་ཀྱི་རྒྱལ་པོ་རྫོགས་སྷོ།། །། རྣལ་འབྱོར་མ་ཙནྡྲ་མཱ་ལེ་དང ། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། |