D184

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D184</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D184&coll=derge">see text in Tibetan script</a></table>61-1-96b<br><font size=+1>
@##/ /rgya gar skad du/ Ar+ya bo d+hi sa twa tsar+ya nir de sha nA ma ma hA yA na sU tra/ bod skad du/ 'phags pa byang chub sems 
dpa'i spyod pa bstan pa zhes bya ba theg pa chen po'i mdo/sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yangs pa can na tshal chen po'i khang pa brtsegs pa'i gnas na dge slong stong 

</font><hr>61-1-97a<br><font size=+1>

tham pa'i dge slong gi dge 'dun chen po thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ 
bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems thams cad kyi dbang gi dam pa'i pha rol tu son pa/ spyod lam zhi ba dang / dul ba 
dang / rnam par grol ba dang / ma brtags pa dang ldan pa sha stag la 'di lta ste/ tshe dang ldan pa kun dga' bo gang zag gcig ni ma gtogs te/ de yang bcom ldan 'das kyis nyams su len par bka' stsal te/ tshe 'di nyid la lung bstan pa dang / byang chub sems 
dpa' stong tham pa thams cad kyang phyir mi ldog pa/ thams cad kyang gzungs thob pa/ thams cad kyang mnyam pa nyid kyi bzod pa dang ldan pa/ thams cad kyang ji skad smras pa de bzhin du byed pa'i sa thob pa/ mkhas pa/ drang po/ dad pa dang ldan pa/ rtog pa mang ba/ dang ba gtso 
bor byed pa/ bzhin 'dzum pa/ khro gnyer med pa/ g.yo med pa/ bsgrub pa dang ldan pa/ chos thams cad kyi rang bzhin rjes su rtogs pa/ chos bstan pas yongs su mi skyo ba/ sangs rgyas kyi ye shes yang dag par skyes pa yongs su smin par byed pa/ 
ldem po dag la phyin ci ma log pa'i bzod pa dang ldan pa/ yul thams cad phyin ci ma log pa'i sa dang ldan pa/ dus shes pa/ tshod shes pa/ skabs shes pa/ ran pa shes pa/ rgod pa med pa/ khengs pa med pa/ spyod lam tha mal pa phun sum tshogs pa/ 
stong pa nyid kyi ting nge 'dzin la mkhas pa/ 'byung ba dang 'jig pa yongs su spangs pa/ smon pa med pa'i ting nge 'dzin dang ldan pa/ 'khor ba la yun ring du spyod pa la zhugs pa/ mtshan ma med pa'i ting nge 'dzin dang ldan pa/ spros pa'i rnam pa thams cad kyi 

</font><hr>61-1-97b<br><font size=+1>

mtshan ma legs par bzung ba/ sems can yongs su smin par bya ba la mkhas pa/ 'du shes thams cad dang bral ba/ nyan thos kyi theg pa rnam par gzhag pa la mkhas pa/ chos bstan pa yang dag par dbye bar 'jug par byed pa/ rang sangs rgyas kyi theg pa ston 
pa/ nye bar zhi ba'i bsngags pa brjod pa/ byang chub sems dpa' yang dag par slong ba/ spyod pa ji lta ba bzhin du zhe 'gras pa med par chos ston pa sha stag la 'di lta ste/ byang chub sems dpa' sems dpa' chen po byams pa dang / 'jam dpal gzhon nur gyur pa dang / 
spobs pa brtsegs pa dang / lag na rin chen ldan dang / spos 'od dang / mtha' yas snang ba'i blo gros dang / ngan song spong dang / don grub sems pa dang / yon tan rgyal po snang dang / mya ngan gyi mun pa thams cad sel ba'i blo gros dang / mi mnyam pa thams 
cad ston pa dang / de'i rang bzhin du mi gnas pa dang / blo mtha' yas dang / brtson 'grus dang / rtsal brtan por sems pa dang / rin chen 'byung gnas dang / bkod pa'i rgyal po dang / rnam par 'phrul pa'i rgyal po dang / 'khrul pa med pa'i mthu rtsal dang / 
khyad par blo gros dang / kun nas mdzes dang / sgrib med ston dang / rnam par rtse dang / gser mchog 'od dpal dang / chos thams cad la rtag tu lta ba'i blo ldan dang / spos dri myur sbyin me tog kun tu rgyas dang / gtso bo brtsegs dang / mya ngan med pa'i 
dpal dang / lhun po'i lto dang / spyan ras gzigs dbang phyug dang / spos kyi dbang phyug rgyal po dang / mchog tu dga' ba'i rgyal po dang / blo mtha' yas sgrub pa dang / dam pa'i chos thams cad mi brjed par gnas pa dang / byang chub sems dpa' 
sems dpa' chen po seng ge ltar sgra mngon par sgrogs pa dang / de dag dang byang chub sems dpa' stong phrag mang po gzhan dag dang yang thabs cig tu bzhugs so/ /de nas bcom ldan 'das snga dro'i dus kyi tshe sham thabs dang chos gos gsol te/ lhung bzed bsnams 

</font><hr>61-1-98a<br><font size=+1>

nas dge slong nyis stong gis bskor cing mdun du bdar te yangs pa'i grong khyer chen por bsod snyoms la gshegs nas/ bcom ldan 'das kyis zhabs sgo'i them pa la bzhag ma thag tu sangs rgyas bcom ldan 'das rnams grong khyer du gshegs 
pa na ngo mtshar rmad du byung ba'i chos rnams 'byung bar 'gyur ba gang dag yin pa de dag byung ste/ long ba rnams ni mthong bar gyur/ 'on pa rnams ni thos par gyur/ smyon pa rnams ni dran pa rnyed par gyur to/ /lha'i me tog gi char yang bab bo/ /snang ba 
chen po yang byung ngo / /srang yang dri ma med par gyur to/ /lha'i sil snyan yid du 'ong ba dag kyang ma brdungs par grag go/ /mnar med pa'i sems can dmyal ba la thug pa nas 'og min gyi gnas man chad kyi sems can thams cad kyang gcig tu nges par bde ba dang ldan 
par gyur to/ /de'i tshe yangs pa'i grong khyer chen po na lits+tsha bI seng ge'i bu rin chen byin zhes bya ba skyes nas lo gsum lon pa ma ma'i pang pa na 'dug pa khang bzangs kyis brgyan pa'i khang bzangs kyi steng na 'dug ste/ khye'u rin chen byin gyis rmad du byung ba'i mtshan ma dag mthong 
ngo / /de nas khye'u rin chen byin gyis rang gi ma ma la tshigs su bcad de smras pa/ ma ma gang gi mthu stobs kyis/ /shin tu ya mtshan byung ba snang / /nyi ma bye ba rnams kyi 'od/ /zil gnon snang 'di su zhig yin/ /stong gsum sa gzhi khyab gyur nas/ ngan 'gro skems 
par byed pa yi/ /rdzu 'phrul snang ba gang yin 'di/ /ma ma bdag la myur du smros/ /dus min me tog char pa yis/ /sangs rgyas zhing mtshams med par mdzes/ /phyogs rnams bya yi tshogs rnams kyis/ /skad snyan pas ni khyab par gyur/ /srang yang me tog rnams kyis 
khebs/ /me tog gdugs kyang rnam par bres/ /skyes pa bud med dga' rnams kyis/ /kun nas rab tu mdzes par 'dug /long ba rnams kyis mig kyang thob/ /skye bo 'on rnams sgra yang thos/ /byad ngan byad gzugs phun sum tshogs/ /mdog ngan kha dog phun sum tshogs/ /

</font><hr>61-1-98b<br><font size=+1>

g.yengs pa rnams kyang dran pa rnyed/ /lce med tshig ni rnam par dag /sems can byams pa'i sems med pa/ /byams pa'i sems dang ldan par gyur/ /ma ma sems can khyad par can/ /rdzu 'phrul grub pa mthu ldan pa/ /'jig rten dag na rgyu ba 'di/ /su yin bdag 
la myur du smros/ /de nas khye'u rin chen byin gyi ma mas khye'u rin chen byin la tshigs su bcad de smras pa/ rnam par dag pa spyod mchog ldan/ /rgyal ba dri med blo mi dman/ /bsam yas ma lus yongs su dag /dbang ldan yon tan rin chen 'phags/ /'jig rten 
mgon po 'khra sa mig /de bzhin gshegs pa rtsa lag 'di/ /blo ldan bsod snyoms don du gshegs/ /'jig rten chos la rten pa med/ /'di la sdug dang mi sdug sogs/ /'jig rten pa yi rtog mi mnga'/ /pad ma chu las skyes pa ltar/ /mnga' bdag mi gos 
spyod par mdzad/ /blo gros ldan pa the tsom gcod/ /phan mdzad thugs rjer ldan pa ste/ /'gro ba'i sdug bsngal bsal ba'i phyir/ /rnam par 'dren pa 'dir gshegs so/ /bstod kyang dgyes par mi 'gyur la/ /smad kyang 'khrug par mi 'gyur te/ /khong khro rjes su 
chags pa spangs/ /chags med rgyu ba rlung dang 'dra/ /'di ni chos rgyal dam pa ste/ /ye shes zab mo phun sum tshogs/ /don dam don la mkhas pa po/ /'gro ba'i slob dpon gshegs pa yin/ /de ni dbu ma ston pa ste/ /yod med 'dzin las rnam par grol/ /
chos lam ldan zhing zhi ba ste/ /brten pa thams cad yongs su spangs/ /ye shes phung po bdag med bdag /bsod nams tshogs rnams bstsags pa yi/ /bde gshegs 'jig rten 'dren pa po/ /mtha' yas gzugs can deng gshegs so/ /dbu skra g.yas su 
'khyil par gnas/ /'jam zhing mdog snum lcang lo can/ /gnag cing 'dzings pa med rnams kyis/ /de yi dbu ni rnam par mdzes/ /gtsug tor g.yas su 'khyil pa ste/ /dbu skra 'khyil zhing legs par gnas/ /ri rab rtse mo 'dra bar ni/ /de yi dbyibs ni mdzes 

</font><hr>61-1-99a<br><font size=+1>

pa yin/ /de yi smin mtshams mdzod spu mdzes/ /'jam zhing g.yas su 'khyil ba ste/ /'od ni shel dang zla ba yi/ /'od zer dra ba mang bas lhag /de yi zhal nas spyan mdzes pa/ /me tog uta pal sngon po 'dra/ /ba yi rdzi ma yongs su dag /mi dmar 
ma 'dzings zhi bar gzigs/ /dpal ldan seng ge'i 'gram pa 'dra/ /de ni rtag tu zhal yang 'dzum/ /sgros ni bim pa bzhin du dmar/ /zhal mdzes lus can kun 'dren pa/ /mthu stobs chen po phun sum tshogs/ /bsod nams brgya yi stobs mnga' ba/ /
tshems kyi phreng ba spa ba'i 'od/ /snyoms shing thags bzang yongs su dag /de yi tshems ni shin tu dkar/ /ljags ni shin tu ring zhing srab/ /bdag nyid kyi ni zhal gyi ngos/ /de yis kun tu khyab par gnas/ /dpal ldan dbu ni gdugs dang 'dra/ /de bzhin de 
ni shangs kyang mtho/ /mdog ni btso ma'i gser dang 'dra/ /de yi zhal gyi 'phral ba mdzes/ /de yi zhal gyi smin tshugs ni/ /kha dog mthon mthing shin tu sdug /zhi ba'i spyan ni mdzes pa ste/ /snyan gyi drung du thug par gnas/ /snyan shal ring la rab tu 'phyang / /zhal 
mdzes ston gyi zla bas lhag /zhal ras pad ma rnam dag 'dra/ /zhal mdangs dkar la dang zhing gsal/ /brtan po tshangs pa'i sgra skad ldan/ /de gsung ka la ping ka'i 'dra/ /de yi gsung bzang yid du 'ong / /'jam zhing sems can tshim par byed/ /rma bya ngang 
pa mi'am ci/ /ne tso ri skegs khu byug dang / /'brug sgra khrung khrung ku na la/ /shang shang te'u dang gling bu dang / /rdza rnga'i sgra dang gzhan dag kyang / /sgra skad snyan pa ci yang rung / /de dag de bzhin gshegs pa yi/ /gsung gi bcu drug char mi phod/ /skul mdzad 
de bzhin mnyen pa ste/ /de ni snyan cing 'jam pa dang / /yid 'ong dga' byed gsal ba ste/ /skyon dang bral zhing 'jigs pa med/ /re ba rnams la char rgyun ltar/ /sems rgyun tshim par byed la zhi/ /ma nyams ma 'khrul rab tu zhi/ /de bzhin dag cing brda phrad sla/ /

</font><hr>61-1-99b<br><font size=+1>

skal dang ldan zhing snyan par ldan/ /don dang yon tan thams cad tshogs/ /gsung gi rgyan rnams phun sum tshogs/ /de yi gsung ni dge skyed pa/ /sems can mos pa tha dad dang / /de bzhin nges tshig tha dad rnams/ /de yi gsung la nges par dad/ /yid kyang 
rab tu dga' bar 'gyur/ /des ni phyogs bcu'i 'jig rten khams/ /gnas pa'i sems can gsung gis khyab/ /mgon po de yi gsung tshig ni/ /sems can rnams la don yod 'jug /thub pa skyes mchog de yi ni/ /mgur yang dung 'dra dpung mgo zlum/ /
de yi thal gong rgyas pa ste/ /de ni bdun po mtho ba mnga'/ /de yi phyag kyang rab tu ring / /pags pa gser mdog 'dra ba ste/ /gser gyi sdong po bzhin du mtho/ /n+ya gro da ltar chu zheng gab/ /thugs ka dpal gyi be'us brgyan/ /'khor lo'i mtshan can 
pad ma'i phyag /shing bal 'dab ltar reg na 'jam/ /de yi phyag gi sor mo ring / /spu rnams re rer skyes shing yar phyogs stug la 'jam/ /brang gi phel ka che la rab rgyas lte ba zab/ /phyal dbyibs gzhu 'dra glang chen bzhin du sbubs su nub/ /rje ngar e ne ya 
'dra mdangs dkar 'dam bu'i sbubs/ /long bu mi mngon de yi rting pa legs par grub/ /de bzhin drang srong sor mo ring zhing sen mo dmar/ /bde bar gshegs kyi zhabs kyi long bu mi mngon te/ /'khor lo lcags kyu bkra shis ldan dang dung gis spras/ /mgon po 
de yi zhabs gnyis mnyam zhing legs gnas dang / /shing bal bzhin du reg na 'jam zhing bzang ba dang / /me tog uta pal dmar po legs par skyes pa yi/ /kha dog 'dra bas sa gzhi dag la gshegs par mdzad/ /de bzhin gshegs pa seng ge'i sgra sgrogs 
bde sbyin pa/ /'gro ba rnams kyi gtso bo de ni 'dir gshegs te/ /yong gis 'jigs pa med par seng ge'i sgra skad kyis/ /gnyis su med cing spros pa med pa'i chos kyang ston/ /de nas khye'u rin chen byin gyis bdag gi ma ma la 'di skad ces smras so/ /ma ma bdag 

</font><hr>61-1-100a<br><font size=+1>

skar khung 'dir zhog shig dang / de bzhin gshegs pa blta'o/ /de nas ma ma des khye'u rin chen byin skar khung du bzhag go/ /de nas bcom ldan 'das kyis khye'u rin chen byin gyi sems kyi yongs su rtog pa thugs kyis mkhyen nas srang de kho 
nar gshegs so/ /khye'u rin chen byin gyis kyang bcom ldan 'das gshegs pa mthong ngo / /mthong nas kyang de 'di snyam du sems te/ /gang dag de bzhin gshegs pa yon tan thams cad dang ldan pa 'di lta bu mthong nas byang chub kyi sems skyed par mi byed pa de 
dag ni rnyed pa nyes par rnyed pa'o snyam mo/ /de nas bcom ldan 'das khye'u rin chen byin gyi sgo drung du gshegs so/ /de nas khye'u rin chen byin 'di snyam du sems te/ sems can khyad par can 'di lta bu ni bskal pa bye ba phrag 'bum du yang rnyed par dka' bas/ khang bzangs 
'di las bdag gis mchong bar bya'o snyam mo/ /de nas de'i tshe khye'u rin chen byin gyis ril gyis gser las byas pa'i pad ma 'dab ma 'bum dang ldan pa brtsen pa lag mthil du khyer ro/ /de nas khye'u rin chen byin gyis khang bzangs de las bdag nyid kyis mchongs so/ /
de sangs rgyas kyi mthus nam mkha' bar snang la 'dug go/ /de nas khye'u rin chen byin gyis ril gyis gser las byas pa'i pad ma 'dab ma 'bum dang ldan pa de bcom ldan 'das la phul lo/ /de khye'u rin chen byin gyi lag nas btang nas bcom ldan 'das kyis dbu'i drang thad 
kyi steng gi nam mkha' bar snang la pad ma'i gdugs su byas te rin po che'i dra ba yang bres so/ /de nas de'i tshe khye'u rin chen byin gyis tshigs su bcad pa 'di dag smras so/ /sangs rgyas pad ma 'di phul ba/ /bdag ni ci yang mi 'tshal te/ /don rnams thams cad bcad slad du/ /
bdag ni byang chub mchog 'tshal lo/ /ji ltar byang chub ma skyes la/ /thob pa ma mchis bshig ma mchis/ /blang du ma mchis dor ma mchis/ /de ltar bdag gis me tog dbul/ /byis pa rnams kyis don gang brtags/ /brtags pa de ni don ma mchis/ /rtog pa 

</font><hr>61-1-100b<br><font size=+1>

thams cad bcad slad du/ /gang zag mchog la bdag mchod bgyid/ /de phyir me tog phul ba 'di/ /bdag la rnam smin 'bras ma gyur/ /dngos po thams cad bcad slad du/ /pad ma 'di ni bdag gis phul/ /bdag gi sangs rgyas zhing du ni/ /rgyal mchog 
theg pas 'gro ma gtogs/ /nyan thos kyi ni ming yang rung / /rang rgyal ming yang 'byung ma gyur/ /de nas tshe dang ldan pa maud gal gyi bu chen pos khye'u rin chen byin la tshigs su bcad de smras pa/ khyod ni ston pa 'di 'dra la/ /dad pas mchod pa byed mod kyi/ /blo 
gros phyin ci log gyur na/ /sangs rgyas su ni ji ltar 'gyur/ /de nas khye'u rin chen byin gyis tshe dang ldan pa maud gal gyi bu chen po la tshigs su bcad de smras pa/ 'di dag thams cad ma skyes te/ /'dus byas dag ni gsob dang gsog /de 'dra ba yi chos rnams la/ /
dngos por 'gyur ba ga la yod/ /khyod ni chos gos ngur smrig bgos/ /dgra bcom nyid du 'dzin par byed/ /rnam shes 'di dag spyod yul yang / /stong pa kho na ma yin nam/ /dmigs pa la ni gnas bcas pas/ /sangs rgyas bye ba ma mnyes byas/ /bye ba de yang 
zhi bar mthong / /su yang ma mnyes byas pa med/ /maud gal bu la da dung yang / /dmigs pa 'jug pa yod dam ci/ /khyod kyi sems ni gang zhig gis/ /yon yang yongs su sbyong bar byed/ /de nas tshe dang ldan pa maud gal gyi bu chen pos khye'u rin chen byin la 'di skad 
ces smras so/ /khye'u ci de bzhin gshegs pas bla na med pa yang dag par rdzogs pa'i byang chub mngon par rdzogs par sangs ma rgyas sam/ chos kyang ma bstan tam/ khye'u rin chen byin gyis smras pa/ maud gal gyi bu mkhas pas ni byang chub spros par mi bya'o/ /de bzhin 
gshegs pa yang rlom sems su mi bya'o/ /chos mi skye'o snyam du brtag par mi bya'o/ /chos thams cad 'dus byas so snyam du brtag par mi bya'o/ /chos thams cad 'dus ma byas so snyam du brtag par mi bya'o/ /de bzhin du sbyar te chos thams cad skye ba dang / mi skye ba dang /

</font><hr>61-1-101a<br><font size=+1>

dngos po dang / dngos po med pa zhes bya ba dang / 'dzin pa dang / gtong ba zhes bya ba dang /phrad pa dang bral ba zhes bya ba dang / 'gro ba dang / 'ong ba dang / gnas pa dang / 'pho ba dang / 'dod chags kyi chos dang / zhe sdang gi chos dang / gti mug gi 
chos dang / chos dang / chos ma yin pa zhes brtag par mi bya'o/ /ma rig pa la sogs pa nas so so'i skye bo'i chos rnams dang / nyan thos kyi chos rnams dang / rang sangs rgyas kyi chos rnams dang / sangs rgyas kyi chos rnams dang / kun nas nyon mongs pa'i chos 
rnams dang / rnam par byang ba'i chos rnams dang / gzugs can dang / gzugs can ma yin pa dang / 'du shes dang / 'du shes med pa dang / mtshan nyid dang / mtshan nyid med pa dang / spyod pa yongs su dag pa dang / mnyam pa nyid dang / mi mnyam pa nyid 
dang / lus dang / sems dang / chos thams cad tshul bzhin dang / tshul bzhin ma yin pa zhes bya ba'i bar du skye bar 'gyur ro/ /zhes brtag par mi bya'o/ /maud gal gyi bu 'di ji snyam du sems/ de bzhin gshegs pa bla na med pa yang dag par rdzogs pa'i byang 
chub mngon par rdzogs par 'tshang rgya'am/ smras pa/ de ni ma yin no/ /smras pa/ ci de bzhin gshegs pa de bzhin nyid la ma gtogs pa dang / byang chub de bzhin nyid la ma gtogs pa dang / so so'i skye bo de bzhin nyid la ma gtogs par 'dod ma/ maud 
gal gyi bus smras pa/ de ni ma yin no/ /khye'us smras pa/ maud gal gyi bu khyod spros pa med pa la spros par byed ma/ maud gal gyi bus smras pa/ kho bo ni 'jig rten gyi kun rdzob kyi sgo nas ston to/ /khye'us smras pa/ maud gal gyi bu 'jig rten ni brdzun pa/ slu ba sgyu ma'i 
rnam pa/ byis pa 'drid par byed pa'o/ /maud gal gyi bus smras pa/ gal te 'jig rten 'di brdzun pa slu ba'i chos can yin pa dang bstan pa 'di yang brdzun pa/ slu ba'i chos can yin na khyod ci'i phyir ston par byed/ smras pa/ maud gal gyi bu chos thams cad ni bstan du med pa ste/

</font><hr>61-1-101b<br><font size=+1>

de dag ni bstan par bya ba ma yin/ thob par bya ba ma yin/ mngon sum du bya ba ma yin/ spang bar bya ba ma yin/ yongs su shes par bya ba ma yin/ bsgom par bya ba ma yin no/ /maud gal gyi bus smras pa/ 'o na khyod kyis gang gi don du de bzhin gshegs pa mchod/ 
khye'us smras pa/ maud gal gyi bu khyod de bzhin gshegs pa'am/ sbyin pa po'am/ sbyin par dmigs sam/ de nas tshe dang ldan pa maud gal gyi bu cang mi smra bar gyur to/ /khye'u rin chen byin gyis smras pa/ maud gal gyi bu bdag gis de las bsams nas de bzhin 
gshegs par 'gyur ba yongs su spangs te/ nyan thos kyi theg pa la sems skyed par byed pa gang dag yin pa de dag ni rnyed pa nyes par rnyed pa'o zhes de skad kyi tshig smras so/ /maud gal gyi bus smras pa/ khyod ni na tshod shin tu gzhon/ /shes rab kyis ni rgya mtsho bzhin/ /
khyod kyis ji srid tsam zhig nas/ /chos 'di dag la bslabs par gyur/ /khye'u rin chen byin gyis smras pa/ bslab pa thams cad rnam 'jig pa/ /bslab pa gang yin de bslab min/ /gang la bslab pa med pa de/ /mkhas pa rnams kyi bslab pa yin/ /don gang 
khyod kyis bdag dris pa/ /sems can 'du shes gnas pa ste/ /'dir ni chos rnams thams cad la/ /gang la'ang skye ba mi rnyed do/ /byis pa rnams ni byang chub dang / /'khor ba nyid du rtog par byed/ /'dir ni da dung btsun pa khyod/ /byis pa'i chos la 'brang ngam ci/ /
ring po'am yang na thung ngu zhes/ /mkhas pa dag ni rtog mi byed/ /chos kun snying po med par ni/ /de bzhin de dag khong du chud/ /byis pa'am byis pa'i chos rnams sam/ /sangs rgyas chos sam rgyal ba'ang rung / /blo ldan tha dad mi 'byed kyis/ /stong pa nyid 
la de ltar ltos/ /drang srong chen pos byang chub thob/ /de ni mi rigs brtags pa yin/ /chos 'di la ni skye med na/ /mya ngan 'das pa ji ltar thob/ /chos rnams mtha' yas rab tu gsungs/ /sems can grol ba'ang dngos po med/ /mya ngan 'das dang 'khor ba la/

</font><hr>61-1-102a<br><font size=+1>

tha dad dbyer med gzung bar gyis/ /'di la rnam pa thams cad du/ /bsnan dang dbri ba ci yang med/ /tha dad med pa'i chos rnams la/ /mkhas pa rnams ni rmongs mi 'gyur/ /byis pa rnams kyis thob cing rnyed/ /byis pas mya ngan 'das pa thob/ /
'khor ba la ni de kun chags/ /rlom sems bdud kyi 'ching ba yin/ /gang gis blo la ngas thob snyam/ /des ni ci yang thob pa med/ /de yi yang srid 'gro ba yi/ /ma rig pa yang 'jug par 'gyur/ /byang chub snying por 'dug nas ni/ /mthong ba med cing spangs pa'ang 
med/ /sangs rgyas rnams kyi byang chub 'di/ /tha snyad yin te don du min/ /byang chub dang ni mya ngan 'das/ /tha snyad dag gis brjod mi nus/ /gang dag de ltar yang dag mthong / /de dag chos nyid rnam par shes/ /de nas bcom ldan 'das la tshe dang ldan pa shA ri'i bus 'di 
skad ces gsol to/ /bcom ldan 'das khye'u rin chen byin gyis yun ji srid cig nas chos 'di la spyad lags/ bcom ldan 'das kyis bka' stsal pa/ gang gi tshe de bzhin gshegs pa mar me mdzad kyis nga mi skye ba'i chos la bzod pa thob par 'gyur ba lung bstan pa de'i tshe/ 
'di mar me mdzad kyi gsung rab la stong pa nyid la gnas pa'i byang chub sems dpa' rnams kyi mchog tu gyur to/ /gang gi tshe ngas bla na med pa yang dag par rdzogs pa'i byang chub tu dang po sems bskyed pa de'i tshe 'dis bzod pa thob nas bskal pa sum 'bum lon no/ /shA ri'i bus 
gsol pa/ bcom ldan 'das khye'u rin chen byin bla na med pa yang dag par rdzogs pa'i byang chub mngon par rdzogs par sangs ma rgyas pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ khyod kyis khye'u rin chen byin 'di nyid la dris shig 
dang 'di nyid kyis khyod la ston par 'gyur ro/ /de nas tshe dang ldan pa shA ri'i bus khye'u rin chen byin la 'di skad ces smras so/ /ci'i phyir khyod bla na med pa yang dag par rdzogs pa'i byang chub mngon par rdzogs par sangs ma rgyas/ rin chen byin gyis smras pa/ bla na med pa yang dag par 

</font><hr>61-1-102b<br><font size=+1>

rdzogs pa'i byang chub ma dmigs pas na de'i phyir bdag mngon par rdzogs par 'tshang mi rgya'o/ /shA ri'i bus smras pa/ 'o na ci de bzhin gshegs pa 'di mngon par rdzogs par sangs rgyas pa las na dmigs pa la spyod dam/ rin chen byin gyis smras pa/ gal te de bzhin gshegs 
pa mngon par rdzogs par sangs rgyas par 'dzin na ni/ de'i dmigs par 'gyur ba zhig na/ chos gsung ba ni mngon par rdzogs par 'tshang rgya bar yang mi mdzad la spong bar yang mi mdzad do/ /shA ri'i bus smras pa/ khyod chos bzhi sgrub pa dang yongs su smin pa mnyam 
pas bzod pa gang la gnas/ khye'u rin chen byin gyis smras pa/ bdag gis ni chos gcig kyang yongs su grub par yang dag par ma mthong na bzhi lta ci smos/ 'di la yang dag par grub pa gang zhig yod de/ chos rnam par rig pa zhes bya ba 'di ni dmigs pa'o/ /byang 
chub ces bya ba 'di ni dmigs pa'o/ /de bzhin gshegs pa zhes bya ba 'di ni 'dzin pa'o/ /grol ba zhes bya ba 'di ni spros pa'o/ /shA ri'i bus smras pa/ rigs kyi bu khyod 'di lta bu'i chos rnams la spyod la rdzus te skye bas sangs rgyas rnams mngon sum du gyur par skye zhing rtag 
tu rab tu 'byung ba 'di ni ngo mtshar to/ /de nas de'i tshe khye'u rin chen byin gyis tshigs su bcad pa 'di dag smras so/ /skye dang de bzhin skye med gnyis ni spros pa ste/ /kun tu rtogs pa'i sa dang bdud kyi spyod yul yin/ /lus la sogs pa'i chos 'dzin rlom sems 'dod pa yi/ /
lha dang lha min 'gro ba rnams ni 'dir brlag go/ /rgyal bas bdud rtsi 'dus ma byas pa brnyes snyam du/ /de ltar gang dag bsam pa rab tu 'jug byed pa/ /de dag sangs rgyas la ni sku ngas gsol bar byed/ /brnyes kyang 'di la 'dren pa rnams kyis brnyes pa med/ /'dir ni 
skye bo mang po dag /rab tu byung nas rang byung rlom/ /sems kyi dmigs pas rnam 'khrul nas/ /bstan pa la ni sun 'byin rnams/ /bdud rtsi bdag gis thob bo zhes/ /thob pa'i nga rgyal can dag smra/ /skyob pa shAkya seng ge yi/ /bstan pa la ni spros med pa/ /sems 

</font><hr>61-1-103a<br><font size=+1>

kyis rnam pa thams cad du/ /sems kyis ngo bo nyid mi rtogs/ /de bzhin rnam 'dren gsungs pa yi/ /lta ba de ni rang bzhin med/ /spyan dag rgyal bas gsungs pa yi/ /lta ba la ni lta ba med/ /de phyir shes rab ldan pa ni/ /bdag nyid grol 
snyam 'dzin pa med/ /mtshan mar 'dzin pa sgom pa rnams/ /bdag tu dmigs pas rmongs par 'gyur/ /mkhas pa ma yin kha cig ni/ /yang dag ma yin stong pa spong / /dngos po rmi lam sgyu ma 'dra/ /rang gi blos ni brtags nas kyang / /mi mkhas de dag 
dngos po rnams/ /gzhig phyir mya ngan 'das pa smra/ /lus la yang ni rten bcas nas/ /tshul khrims 'du shes rnam par 'jig /sems kyi dmigs pa dag la yang / /bsam gtan 'du shes rnam par 'jig /de bzhin shes rab dmigs nas kyang / /sa 
bon 'du shes rnam par rmongs/ /'jig rten 'jig rten mkhas rnams kyis/ /de dag chos kyi rkun por brjod/ /'di 'dra ba yi chos rnams la/ /chos dbyings 'od gsal nyon mongs med/ /'o na rab tu byung ba'i don/ /khyod kyis bdag la ji skad brjod/ /chos 
rnams thams cad tha dad med/ /'di dag brag ca 'dra ba yin/ /mkhas pa de dag nam du yang / /'phags pa'i spyod yul rtog mi byed/ /gzhan min mtshan nyid de bzhin nyid/ /gzhan dag tu ni yong mi 'gyur/ /chos rnams 'gyur ba med pa la/ /rab byung brtags 
pas ci zhig bya/ /de nas 'jam dpal gzhon nur gyur pas khye'u rin chen byin la 'di skad ces smras so/ /khye'u byang chub ces bya ba de gang gi tshig bla dgas yin/ rin chen byin gyis smras pa/ 'jam dpal byang chub ni tshig gi bla dgas med pa'o/ /'jam dpal 
gyis smras pa/ khyod ci las bsams te de skad smra/ rin chen byin gyis smras pa/ 'jam dpal chos nyid ni bsam du med pa yin na/ de bdag gis 'di ltar bsams te bstan par bya/ 'jam dpal gyis smras pa/ 'di la las dang po pa'i byang chub sems dpa' la 

</font><hr>61-1-103b<br><font size=+1>

ji ltar gdams ngag bstan par bya/ ji ltar rjes su bstan par bya/ rin chen byin gyis smras pa/ 'di skad ces smra bar bya ste/ 'dod chags ma spangs shig zhe sdang ma gzhil cig /gti mug ma bsal cig /rang gi lus las gyen du ma bskyod cig /mi dge ba spyod cig /
lta ba tshar ma gcod cig /kun tu sbyor ba rnams ma ston cig /phung po rnams yongs su zung shig /khams rnams ril por gyis shig /skye mched rnams la spyod cig /byis pa'i sa las 'da' bar ma byed cig /mi dge ba la rtogs shig /dge ba spongs shig /
sangs rgyas yid la ma byed cig /chos ma sems shig /dge 'dun la ni mchod pa ma byed cig /bslab pa dag yang dag par ma len cig /srid pa nye bar zhi ba don du ma gnyer cig /chu bo las ma rgal cig /ces gdams ngag 'di lta bus las dang po pa'i byang chub 
sems dpa' la gdams par bya'o/ /rjes su bstan par bya'o/ /de ci'i phyir zhe na/ chos rnams kyi chos gnas pa 'di ni gnas pa kho na yin pa'i phyir ro/ /byis pa de dag ni skye ba'i chos su lung ston par byed do/ /'gag pa'i chos su lung ston par byed do/ /
chos kyi dbyings 'di ni rnam par mi rtog pas rab tu phye ba yin te/ chos 'di rnams kyi rang bzhin de ltar rjes su rtogs pa gang yin pa de ni byang chub bo zhes de ltar gdams na/ gal te mi skrag mi dngang zhing dngang bar mi 'gyur na/ kye ma byang chub sems dpa' 'di ni phyir 
mi ldog pa ste/ phyir mi ldog pa'i sa'i skal ba can yin no snyam du shes par bya ste/ gdams ngag 'dis yang dang yang du yang dag par dga' ba bskyed par bya'o/ /de'i tshe dmigs pa can gyi dge slong brgyad kyis chos kyi rnam grangs 'di ma bsten par spangs nas 'khor 
de nas song ste/ kha nas khrag dron mo byung nas shi'o/ /shi nas sems can dmyal ba chen po ngu 'bod du skyes so/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das dge slong de dag gis chos kyi rnam grangs 

</font><hr>61-1-104a<br><font size=+1>

'di thos pas gnod pa chen po ji tsam du gyur pa la gzigs/ bcom ldan 'das kyis bka' stsal pa/ 'jam dpal khyod de skad ma zer cig /gal te dge slong 'di dag gis chos kyi rnam grangs 'di ma thos su zin na/ bskal pa sa ya'i bar du 
nams kyang bzang 'gror skye bar yang mi 'gyur na sangs rgyas dang phrad cing mnyes par byed pa lta ci smos/ da ni de dag gis chos kyi rnam grangs 'di som nyi dang bcas pas thos nas da gzod kho nar sems can dmyal ba chen po ngu 'bod nas shi 'phos te dga' ldan gyi lha'i ris su 
skye'o/ /de dag bskal pa drug cu rtsa brgyad kyi bar du de bzhin gshegs pa khrag khrig phrag bcu mnyes par byed par 'gyur te/ thams cad du rdzus te skye zhing 'khor los sgyur ba'i rgyal po sha stag tu 'gyur la/ bskal pa gcig la de bzhin gshegs pa dgra bcom pa 
yang dag par rdzogs pa'i sangs rgyas dri ma med pa'i 'od ces bya ba dag tu 'gyur ro/ /de nas lha'i bu de dag gis bdag cag lung bstan pa lha'i rna ba'i khams kyis thos nas/ de dag lha'i bu brgyad khri dang lhan cig tu bcom ldan 'das ga la ba der dong ste lhags nas 
lha'i me tog gis yangs pa'i grong khyer thams cad du gtor to/ /chos kyi rnam grangs 'di la yang rjes su yi rang ste/ bcom ldan 'das bdag cag rjes su yi rang lags so/ /de bzhin gshegs pa rnams kyi byang chub kyi tshul 'phel bar mdzad du gsol zhes 
kyang gsol to/ /de dag rjes su yi rang ba'i mod la bla na med pa yang dag par rdzogs pa'i byang chub las phyir mi ldog par gyur to/ /yangs pa'i grong khyer chen po'i srog chags brgyad khri bzhi stong yang bla na med pa yang dag par rdzogs pa'i byang chub las phyir mi ldog 
par gyur to/ /srog chags khri nyis stong ni chos rnams la chos kyi mig rdul med cing dri ma dang bral ba rnam par dag go/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal byang chub sems dpa' gang gis bskal pa 'bum gyi 

</font><hr>61-1-104b<br><font size=+1>

bar du thabs la mkhas pa med par pha rol tu phyin pa drug la spyad pa bas/ gang gis chos kyi rnam grangs 'di som nyi dang bcas pas thos na/ 'di ni de bas ches bsod nams mang du skyed na gang gis som nyi med par thos pa lta ci smos/ gang gis yi ger 'dri ba 
dang / lung nod pa dang / 'chang ba dang / gzhan dag la yang rgya cher yang dag par ston pa lta ci smos/ 'jam dpal de lta bas na dgra bcom pa nyid thob par 'dod pas kyang chos 'di la bslab par bya'o/ /rang byang chub thob par 'dod pas kyang chos 'di la bslab 
par bya'o/ /bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas kyang chos 'di la bslab par bya'o/ /de nas khye'u rin chen byin gyis rang gi ma ma la 'di skad ces smras so/ /ma ma kho bo la kha zas byin cig dang / bcom 
ldan 'das kyi zhal zas dbul bar bya'o/ /de nas khye'u rin chen byin gyi ma mas khar ba'i snod zas ro brgya dang ldan pas bkang ste/ khye'u rin chen byin la byin no/ /de nas khye'u rin chen byin gyis bcom ldan 'das la 'di skad ces gsol to/ /bcom ldan 'das chos 
thams cad mi zad pa'i bden pa gang lags pa'i bden pa des na dge slong gi dge 'dun thams cad tshim par ma gyur gyi bar du khar ba'i snod 'di yongs su 'grib par ma gyur cig /de nas khye'u rin chen byin gyis bcom ldan 'das kyi lhung bzed bkang nas dge slong gi dge 'dun la 
smras pa/ btsun pa rnams bdag la thugs brtse ba'i slad du gang gis bdag la 'bras bu chen por 'gyur ba'i bsod snyoms 'di bzhes te/ gang lus kyis yon sbyong bar mi byed pa dang / sems kyis sbyong bar mi byed pa dang / gang la phul na bsod nams su mi 'gyur ba 
dang / rnam par smin par mi 'gyur ba dang / gang lus kyi las dang / ngag gi las dang / yid kyi las dang mi ldan pa dang / /gang 'dus byas la mi gnas pa dang / gang 'dus ma byas la mi gnas pa dang / gang so so'i skye bo'i chos rnams kyis ma gos pa dang /

</font><hr>61-1-105a<br><font size=+1>

nyan thos kyi chos rnams la mi rten pa dang / sangs rgyas kyi theg pa la nges par mi 'byung ba dang / nges par 'byung bar mi 'dod pa des bzhes shig /de nas dge slong gi dge 'dun de dag gi nang nas sus kyang snod de ma blangs so/ /khye'u rin 
chen byin gyis smras pa/ btsun pa dag bdag kyang sbyin par 'dod pa lags/ khyed kyang gsol bar bzhed pa lags te/ bdag btsun pa rnams las ci yang re ba ma mchis kyi bzhes shig /'jam dpal gyi tshad dang mnyam pa'i byang chub sems dpa' bye ba 
phrag 'bum gyi sangs rgyas kyi zhing gi yon tan bkod pa de bas kyang ches bye ba phrag 'bum las lhag pa'i sangs rgyas kyi zhing gi yon tan bkod pa/ bdag gi sangs rgyas kyi zhing du 'gyur ba'i bden pa dang bden pa'i tshig gang yin pa'i bden pa dang bden pa'i tshig des na khar ba'i 
snod 'di las khyed thams cad kyi lhung bzed rnams gang bar gyur cig /khar ba'i snod 'di yang yongs su zad par ma gyur cig ces byas so/ /de nas dge slong gi dge 'dun thams cad kyi lhung bzed de dag gang bar gyur to/ /de nas khye'u rin chen byin gyis yangs 
pa'i grong khyer gyi skye bo'i tshogs ji snyed yod pa thams cad kha zas ro brgya dang ldan pa des tshim par byas so/ /bsod snyoms de yang zad par ma gyur to/ /de nas bcom ldan 'das kyis khye'u rin chen byin la 'di skad ces bka' stsal to/ /rin chen byin lnga po 'di dag ni byang 
chub sems dpa'i yon yongs su sbyong ba ste/ lnga gang zhe na/ 'di lta ste/ lus mi dmigs pa dang / sems mi dmigs pa dang / sbyin pa la mngon par zhen pa med pa dang / rnam par smin pa mi 'dod pa dang / len pa po rnams la rnam par smin pa med pa'o/ /rin 
chen byin bzhi po 'di dag ni byang chub sems dpas rtag tu mngon du bya ba ste/ bzhi gang zhe na/ 'di lta ste/ stong pa nyid kyi ting nge 'dzin dang / sangs rgyas rjes su dran pa dang / snying rje chen po dang / bdag gi las kyi rnam par smin pa'o/ /de nas bcom ldan 'das kyis 

</font><hr>61-1-105b<br><font size=+1>

'jam dpal gzhon nur gyur pa la 'di skad ces bka' stsal to/ /'jam dpal khye'u rin chen byin 'di bskal pa sum cu na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs 
pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das stobs dang grags pa don yod pa zhes bya bar 'jig rten du 
'byung bar 'gyur ro/ /de'i 'khor du 'dus pa yang mtha' yas par 'gyur te/ thams cad kyang phyir mi ldog pa'i byang chub sems dpa' sha stag go/ /de dag kyang 'od mtha' yas pa dang / tshe dpag tu med par 'gyur ro/ /de nas bcom ldan 'das la 'jam dpal gzhon nur 
gyur pas 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ byang chub sems dpa'i spyod pa bstan pa zhes bya bar zung shig /chos nyid kyi skye bo zhes bya bar 
yang zung shig /de nas bcom ldan 'das dge slong gi dge 'dun dang thabs cig tu bsod snyoms bzhes nas gshegs so/ /bcom ldan 'das kyis de skad ces bka' stsal nas/ byang chub sems dpa' rin chen byin dang / thams cad dang ldan pa'i 
'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa byang chub sems dpa'i spyod pa bstan pa zhes bya ba theg pa chen 
po'i mdo rdzogs so// //rgya gar gyi mkhan po dzi na mi tra dang / pradz+nyA warma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa// //

</font><hr>

</table>