D351

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D351</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D351&coll=derge">see text in Tibetan script</a></table>76-1-55b<br><font size=+1>
@##/ /bod skad du/ 'phags pa rgyal bu don grub kyi mdo/bam po dang po/ 'di skad bdag gis thos pa dus gcig na/

</font><hr>76-1-56a<br><font size=+1>

bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na/ dge slong dang dge slong ma dang dge bsnyen pha dang dge bsnyen ma grangs med pa dang thabs cig tu bzhugs so/ /de'i tshe bcom ldan 'das 'dzum pa mdzad nas/ zhal gyi sgo nas 
'od zer kha dog sna lnga dang ldan pa bkye ba dang / tshe dang ldan pa kun dga' bo stan las langs te gos tshags bcos nas thal mo sbyar te bcom ldan 'das la 'di skad ces gsol to/ /bdag gis sangs rgyas kyi zhabs 'bring lo nyi shu bgyis kyi bar du de 'dra bar bzhad pa ma mthong na/ 
bcom ldan 'das kyis sangs rgyas sngon 'das pa'am ma byon pa'am da ltar bzhugs pa'i sangs rgyas la dgongs sam/ de ma lags pa ci la dgongs pa don bstan du gsol/bcom ldan 'das kyis kun dga' bo la bka' stsal pa/ sangs rgyas 'das pa'am ma 'ongs pa'am da 
ltar bzhugs pa la dgongs pa ma yin gyi/ mngon par dran pa nga sngon bskal pa grangs med par 'das pa'i pha rol na sbyin pa sbyin pa'i dngos po la dgongs te/ de'i tshe de'i dus na yul ya ba zhes bya bar rgyal po dge ba zhes bya ba drang po'i chos kyis yul gyi srid 'dzin te/ 'gro ba mang po la 
skyong ba zhig byung ngo / /rgyal po de la blon po ni bzhi stong zhig yod de/ rgyal phran drug cu la dbang bskur ro/ /grong khyer chen po brgyad brgya dang bal gyi glang po che lnga brgya yod de/ rgyal po la btsun mo nyi khri yod kyang sras mi mnga' bas ri dang klung gi lha gnyan po la mchod 
'brang byas nas btsun mo dam pa la sras mnga' bar gyur te/ btsun mo'i mal ca dang zas dang skom la sogs pa yo byad bdam zhing bzang por sbyar nas rgyal po nyid kyis rim gro byas te/ zla ba bcur tshang nas rgyal bu gcig btsas so/ /pho brang gi btsun mo nyi khri snyed 
kyang rgyal bu zhig btsas zhes thos nas thams cad dga' mgu rangs te/ nu zho yang rang byung bas rgyal bu'i mtshan yang don grub ces btags so/ /rgyal bu la nu zho snun cing rim gro byed pa bzhi zhig bskos te/ gcig ni nu zho snun pa'i las byed/ gcig ni rgyal bu pang du khyer bar 

</font><hr>76-1-56b<br><font size=+1>

bskos/ gcig ni rgyal bu bkru ba'i las byed par bskos/ gcig ni rgyal bu rtser 'gro ba'i las su bskos so/ /de ltar bskos nas rgyal bu lo bcu drug lon pa dang / yig rtsis dang / 'phong rtsal dang / bzo dpyad dang / rol mo la sogs pa gang yang mi shes pa 
med de thams cad kyang lobs/ rgyal po yab dang yum la yang lha btsun 'dra bar rim gro byed do/ /rgyal pos kyang rgyal bu'i pho brang logs shig tu brtsigs so/ /rgyal bu de chung nas sbyin pa la dga' nas mi la sogs te/ ri dgas dang 'dab chags bya'i bar du sems 
can thams cad bde skyid par dga' ste/ tshig tu yang gang mi shes pa gti mug can ni sbyin pa la mi dga' bas bdag gis bdag bslus te phan pa'i don med kyi/ mkhas pa shes rab can ni 'jig rten na gnas kyang sbyin pa la yon tan cher mthong ste/ sbyin pa byin pas snga ma 'das 
pa dang / ma byon pa dang / da ltar bzhugs pa'i sangs rgyas dang / rang sangs rgyas dang / 'phags pa dgra bcom pa thams cad kyis bstod cing bsngags par 'gyur ro zhes smras so/ /rgyal bu bags kyis cher skyes nas/ /rgyal po zhig gi bu mo man te zhes bya ba mnga' byad 
bzang la sdug pa/ dpe zla med pa/ gser dang / dngul dang / bai dUr+ya dang / rin po che sna tshogs kyi rgyan gyis brgyan pa gcig btsun mor blangs nas bu ming sring gnyis shig yod par gyur to/ /de nas rgyal bu de sbyin pa'i pha rol tu phyin pa'i don sems pa la zhugs 
nas/ yab rgyal po la bdag ni rtse zhing ltad mo ltar mchi'o zhes gsol pa dang / rgyal pos kyang de bzhin du gnang ngo / /de nas rgyal bu pho brang nas byung ba dang / brgya byin lha'i dbang pos grong khyer gyi sgo lam srang dag na dbul phongs pa/ long ba 'on pa/ lkugs 
pa'i slongs mo pa dag cig sprul nas sdod du bcug go/ /rgyal bus de dag mthong ba dang / de ma thag tu phyir log nas pho brang du zhugs te/ mya ngan chen pos non nas mi dga' zhing 'dug pa la/ yab rgyal pos sras rgyal bu la 'di skad ces bsgo'o/ /rtse zhing ltad mo ltar 

</font><hr>76-1-57a<br><font size=+1>

btang na ci'i phyir mi dga' zhing mya ngan byed par gyur ces dris pa dang / rgyal bus yab rgyal po la 'di skad ces gsol to/ /bdag rtse zhing ltad mo ltar mchis pa las/ slongs mo pa long ba 'on pa lkugs pa mang po dang mjal bas mya ngan gyis 
non par gyur te/ nga yab rgyal po la gsol ba rnam pa gcig gsol na rgyal pos gnang ngam/ yab rgyal pos kyang rgyal bu khyod ci dang ci 'dod pa smros shig dang gnang bar bya'o zhes bsgo ba dang / rgyal bus yab rgyal po la 'di skad ces gsol to/ /bdag ni yab 
rgyal po la mnga' ba'i bang mdzod na rin po che mchis pa rnams grong khyer gyi sgo bzhi dang tshong 'dus su spungs te slongs mo pa thams cad la yid dang mi 'gal bar sbyin pa bgyid par 'tshal lo zhes gsol pa dang / rgyal pos sras rgyal bu la khyod ci dang ci dga' ba yid dang mi 'gal bar 
gnang ngo zhes bsgo'o/ /de nas rgyal bus blon po rnams la bsgo nas/ nor dbyig rin po che rnams shing rtas bskyas te/ grong khyer gyi sgo bzhi dang / tshong 'dus su spungs nas pha rol po 'dod pa bzhin sbyin pa byin pa dang / yul khams phyogs brgyad kun tu rgyal bu'i yon 
tan grags par gyur pas/ kha cig ni dpag tshad brgya/ kha cig ni dpag tshad stong / kha cig ni dpag tshad khri'i pha rol nas lhags te/ kha zas dang skom 'dod pa la ni zas dang skom byin/ gang gos dang bgo ba 'dod pa la ni gos dang bgo ba byin/ gang gser dang dngul dang rin 
po che 'dod pa la yang ci 'dod pa bzhin yid dang mi 'gal bar gang yang mi gtang ba med do/ /de'i tshe de'i dus na/ dgra zlar gyur pa'i rgyal khams gcig cig yod pa des/ rgyal bu sbyin pa sbyin pa la dga' bas pha rol po ci 'dod pa bzhin yid dang mi 'gal bar yongs su gtong ngo 
zhes thos nas blon po rnams dang mkhas pa blo dang ldan pa kun la sogs pa bsdus te 'di skad ces bgros so/ /yul ya ba'i rgyal po la bal gyi glang po che pad mo'i steng nas 'gro ba su da ya zhes bya ba stobs dang ldan pa zhig yod de de dag nam dgra zla'i rgyal khams gzhan dang 'thab pa'i tshe/

</font><hr>76-1-57b<br><font size=+1>

bal gyi glang po che des rtag tu rgyal bar gyur pas na/ khyed las su zhig der song sta slong bar nus zhes bgros na/ /blon po las gang yang 'gro nus pa ma byung ngo / /de'i nang na bram ze mi brgyad zhig gis rgyal po la 'di skad ces gsol to/ /bdag cag gis slong zhing mchi bar 'tshal na 
bdag cag gi tshogs dang rgyags sbyor cig ces gsol pa dang / rgyal pos de'i tshogs dang rgyags sbyar nas bram ze de dag la 'di skad ces bsgo'o/ /gal te khyod kyis bal glang de khugs te 'ongs na bya dga' cher sbyin no zhes gtsigs byas so/ /de nas bram ze brgyad po 'khar ba thogs te 
la lung bgrod nas yul ya ba gang na ba der song ngo / /yul der phyin nas/ rgyal po'i sgor 'khar ba la rkom tshugs bcas te rkang pa ya gcig gis 'greng zhing sdod do/ /de nas rgyal bu'i sgo srungs pho brang nang du song nas phyi rol na bram ze dag cig lhags te/ 'khar ba la rkom tshugs bcas 
nas rkang pa ya gcig gis 'greng zhing sdod de/ bdag cag ni lam ring po nas ched du 'dir slong du 'ongs so zhes mchi'o/ /rgyal bus de skad ces smras pa thos nas rab tu dga' ste/ mod la phyi rol du byung nas bsus te phyag byas so/ /dper na pha dang bu phrad pa tsam du gcig la gcig 
gis spro ba'i tshig gis khyed gang phyogs nas 'ongs/ lam du nyon ma mongs sam/ ci 'dod ci slong na rkang pa ya gcig 'greng zhes dris so/ /bram ze brgyad pos smras pa/ bdag cag ni rgyal bu khyod sbyin pa sbyin pa la rab tu dga' bas pha rol po ci slong yang yid dang 'gal bar mi mdzad do 
zhes rgyal bu'i yon tan phyogs mtshams brgyad dang / yar ni steng gi gnam la thug mar ni sa'i mthil la thug pa man cad du grags pas na/ khyod kyi sbyin pa'i yon tan ni bsam gyis mi khyab ste/ nye ring thams cad kyis bstod cing bsgrags pas gang yang ma thos pa'am mi shes pa med 
de kun gyis brjod pa yang brdzun pa ma yin la/ da lha'i sras su gyur pas na lha ni ci smra yang brdzun pa ma yin te/ da rgyal bus sbyin pa mi mdzad na bdag cag gi yid dang 'gal bar mdzad dam/ bdag cag ni rgyal bu las me tog pad mo'i steng nas 'gro ba bal gyi glang po che slong du 'ongs so 

</font><hr>76-1-58a<br><font size=+1>

zhes smras pa dang / rgyal bus de dag bal glang gi lhas su khrid de bal glang gzhan zhig byin no/ /bram ze brgyad pos smras pa/ bdag cag ni pad mo'i steng nas 'gro ba'i bal gyi glang po che su da yan 'dod do/ /rgyal bus smras pa/ bal gyi glang po che 'di ni 
bdag gi yab rgyal po la gces shing gnang ba yin te/ bal glang 'di dang bdag tu tha mi dad par dgongs pas khyed la sbyin du mi rung ngo / /gal te bdag gis khyed la byin na/ rgyal po'i dgongs pa dang 'gal bas gal te bal glang 'di'i rkyen gyis bdag yul 'di nas skrod par 
'gyur ro zhes smras nas rgyal bu yang 'di snyam du bsams so/ /bdag sngon yi dam bcas pa na/ pha rol po ci slong yang yid dang mi 'gal bar bya'o zhes dam bcas na/ da bdag gis sngar bsams pa las bzlog ste/ sbyin pa 'di ma byin na/ ji ltar yang bla na med pa 
mnyam snyoms pa'i sbyin pa'i pha rol tu phyin pa rdzogs par mi 'gyur ro/ /gal te sbyin pa 'di byin na bla na med pa mnyam snyoms pa'i sbyin sems su 'gyur ro snyam bsams nas/ rgyal bus 'di skad ces smras so/ /shin tu dka' ste de bzhin du sbyin par bya'o zhes smras nas/ drung 
na 'dug pa'i g.yog la bal gyi glang po che la gser dngul gyi sga bstad de myur du khrid de shog cig ces bsgo ba dang / bal glang khrid de 'ongs nas rgyal bus lag pa g.yon pas ni chu snod thogs te/ bram ze'i lag pa bkrus/ lag pa g.yas pas ni bal glang gi sna thag nas bzung ste bram ze 
brgyad po la byin pa dang / bram ze brgyad pos rgyal bu la smon lam btab bo/ /smon lam btab ma thag tu bal gyi glang po che la sprugs te dga' bzhin dong ngo / /de nas rgyal bus bram ze de dag la yang 'di skad ces bsgo'o/ /khyed myur du mgyogs par song shig /gal te yab 
rgyal pos gsan na snyags ma gtong ste 'phrog tu 'ong ngo zhes bsgo ba dang / de'i tshe bram ze de dag gis de ma thag tu mgyogs su dong ngo / /blon po rnams kyis rgyal bus bal gyi glang po che dgra zla la byin no zhes thos nas/ thams cad skrag ste khri las rbab tu lhung nas mya ngan gyis non te/

</font><hr>76-1-58b<br><font size=+1>

'di snyam du yul 'di na bal glang 'di la ltos na/ da dgra zla gzhan la byin par gyur to snyam du bsams nas rgyal po ga la ba der song ste 'di skad ces gsol to/ /rgyal bus ni phyi'i dgra thub pa'i bal glang rin po che pha rol gyi dgra zla la byin no zhes gsol pa dang / rgyal po yab yed yed por gyur pa 
las/ blon pos yang 'di skad ces gsol to/ /da ltar rgyal po la bal gyi glang po che 'di mnga' bas chab srid che ba lags te/ bal gyi glang po che de ni bal glang drug cu snyed kyi mthu stobs dang ldan pa lags na rgyal bus dgra zla la stsal te/ dgra zlas 'tshal bas chab srid kyang stor du 
mchi na ji ltar mdzad pa'i rigs/ 'di lta bu rang nyams su sbyin pa byin pas bang mdzod kyang stongs shing yul gyi srid dang btsun mo dang sras kyi bar du sbyin pa bgyid par dogs so zhes gsol pa dang / rgyal pos de skad ces smras pa thos nas/ lhag par mi dga' bar gyur te/ blon 
po gzhan zhig bos nas/ blon po de la rgyal bus bal gyi glang po che dgra zla la byin pa bden nam zhes dris pa dang / blon po des kyang byin pa bden no zhes gsol to/ /rgyal pos de skad smras pa thos ma thag tu cher dngangs nas gdan khri las lhung ste/ mi dran par brgyal bar gyur 
pa las chus gtor nas ring zhig lon pa dang phyir sangs par gyur/ btsun mo nyi khri snyed kyang thams cad mya ngan gyis non par gyur to/ /de nas rgyal po dang blon po rnams 'dus nas/ da rgyal bu 'di la ji ltar bya zhes bgros pa dang / de'i nang na blon po gcig gis ni bal 
glang gi lhas su song ba ni rkang pa gcag par rigs/ bal glang bzung ba ni lag pa gcag par rigs/ /mig gis bal glang la bltas na yang mig dbyung bar rigs zhes gsol/ kha cig gis ni mgo bcad par rigs so zhes blon po rnams so so nas bgros te gsol ba'i tshig rgyal 
pos thos nas rab tu mi dga' zhing mya ngan gyis non te/ blon po rnams la 'di skad ces bsgo'o/ /nga'i bu 'di legs pa'i don la mos te/ sbyin pa la dga' ba yin na/ ji ltar mtho 'tsham zhing gzung bar bya/ de'i nang na blon po gcig gis blon po snga ma rnams kyis bgros 

</font><hr>76-1-59a<br><font size=+1>

pa mi rung ngo zhes dpyas nas 'di skad ces gsol to/ /rgyal po la sras gcig pu zhig mnga' ba la rab tu sdug cing gces pas rgyal bu rgyal tshab lags na/ de la mtho 'tsham zhing bzung gdags bya ba'i sems bskyed par mi rigs te/ bdag ni rgyal po chen po'i 
sras la bzung gdags bya bar mi gsol gyi/ rgyal bu 'di yul 'di nas spyugs te/ lo bcu gnyis kyi bar du dgon par spangs na sma bab cing ngo tsha bar 'gyur ro zhes gsol pa dang / rgyal pos kyang blon po chen po de'i tshig mnyan to/ /de nas rgyal pos rgyal bu rgyal tshab bkug ste 
'di skad ces smras so/ /khyod kyis nga'i bal gyi glang po che dgra zla la byin pa bden nam zhes dris pa dang / rgyal bus gsol pa/ bdag gis stsal ba mad do zhes gsol to/ /rgyal pos smras pa/ rgyal bu khyod ci'i phyir nga la ma zhus par nga'i bal gyi glang po che dgra zla la byin zhes dris pa 
dang / rgyal bus rgyal po la 'di skad ces gsol to/ /sngar yab rgyal po dang dam bcas pa na sbyin pa ci byin na yang mi 'gal bar mdzad do zhes gsungs pas da rgyal po la ma zhus pa lags so/ /rgyal pos smras pa/ sngar dam bcas pa ni nor dbyig dang rin po che la dbang bar 
byas na/ bal gyi glang po che ci gtogs/ rgyal bus gsol pa/ de dag thams cad rgyal po la mnga' ba'i dkor lags na/ ci'i slad du 'di bkol te ma gtogs zhes gsungs/ rgyal pos rgyal bu rgyal tshab la smras pa/ khyod ni ri dan tig tu lo bcu gnyis spangs kyis yul 
'di nas myur du byung ste song shig /rgyal bus rgyal po la gsol pa/ bdag rgyal po chen pos bka' stsal pa'i bka' ni mi gcog na/ da dung yang zhag bdun zhig sbyin pa bgyis te/ bdag gi bsam pa rdzogs nas yul 'di nas byung ste mchi bar 'tshal lo zhes gsol lo/ /
rgyal pos smras pa/ khyod kyis sbyin pa ma 'os par byas pas yul gyi bang mdzod kun stongs te/ nga'i bal glang rin po che yang med par byas pas khyod spangs pa yin te/ da phyir 'dug cing zhag bdun sbyin pa byar mi gnang gis myur du song shig ces bsgo'o/ /rgyal bus gsol 

</font><hr>76-1-59b<br><font size=+1>

pa/ rgyal po chen po'i bka' bdag mi gcog ste/ rgyal po'i btsun mo nyi khri snyed kyang rgyal po gang na ba der lhags nas/ rgyal bu rgyal tshab zhag bdun zhig sbyin pa byin te yul nas mchi bar gsol pas rgyal pos kyang de bzhin du gnang ngo / /de nas rgyal bu rgyal tshab kyis so sor bran 
g.yog mngags te/ phyogs bzhi nas nor rdzas 'dod pa rnams pho brang sgor 'dus shig /nor zas thams cad ni rtag pa dang brtan du rung ba ma yin te/ mthar 'jig cing med pa'i chos can no zhes bsgo nas/ phyogs bzhi nas slong ba mang po lhags pa la rgyal bu rgyal tshab kyis/
zas dang skom dang nor dang rin po che rnams zhag bdun gyi bar du yid bzhin du byin nas/ dbul phongs pa rnams longs spyod dang ldan zhing thams cad bde skyid par byas so/ /de nas rgyal bu rgyal tshab kyis chung ma la smras pa/ bzhin bzangs longs la bdag ci zer ba nyon 
cig /rgyal po chen pos ni bdag lo bcu gnyis kyi bar du ri dan tig ces bya bar spangs so/ /chung mas rgyal bus smras pa'i tshig thos nas/ yed ces dngangs te langs nas 'di skad ces smras so/ /rgyal bu la nyes pa ci zhig mchis na/ rgyal pos de lta de ltar mdzad 
par gyur/ rgyal bus smras pa/ bdag gis sbyin pa ma 'os pa zhig byas te/ rgyal po'i bang mdzod kyang stongs/ bal glang rin po che yang dgra zla la byin zhes rgyal po dang blon po rnams khros nas bdag spangs pa yin no/ /btsun mo man tes smras pa/ rgyal po'i yul du 
lo legs pa dang / rgyal po chen po dang / blon po dang 'bangs kyi bar du bde skyid pa dang / longs spyod che bar smon lam legs par btab la bdag cag ri la sgom du 'dong ngo / /rgyal bus smras pa/ bzhin bzangs ri ni 'jigs pa'i gnas yin te/ shin tu bya dka' ba 
bsam dgos la seng ge dang stag la sogs pa gcan gzan ma rungs pa yod pas rab tu 'jigs na khyod ni longs spyod myong ba yin pas khyod de lta bu dag bzod dam/ khyod pho brang gi nang na gos su ni phra ba dang 'jam pa gyon/ gnas su ni gur dang yol bas bskor ba na 'dug /zas su 

</font><hr>76-1-60a<br><font size=+1>

ni ci la dga' ba bzhin zhim pa dang mngar ba la za na/ ri la ni stan du ni rtswa 'dings/ zas su ni 'bras bu za na/ khyod de la mos shing dga' ba ci zhig yod/ de ma yin pa gzhan yang rlung dang char pa dang 'brug dang ser ba che zhing ba mo dang zil pas mi'i spu yang langs pa 
tsam du grang ba'i tshe na ni grang rab la tsha ba'i tshe na ni tsha rab ste/ shing gi gseb na 'dug pa'i gnas su yang mi rung na/ sa la gze ma dang gseg ma dang rdo ba yang mang zhing sbrul gdug pa yang yod na/ khyod de lta bu dag bzod dam/ man tes smras pa/ bdag la mnyen zhing 'jam pa dang gur dang 
yol ba dang mngar ba dang zhim pas ci zhig bgyi/ rgyal bu dang bral zhing so sor mchi ba bdag mi bzod de/ nam du yang rgyal bu dang mi 'bral zhing lhan cig 'grogs par dga'o/ /rgyal po'i thog mar 'gro ba ni rgyal mtshan/ me'i thog mar 'gro ba ni dud pa/ chung ma'i thog mar 
'gro ba ni khyim thab yin pas bdag ni rgyal bu la yid brtan te skyabs su mchi'o/ /rgyal bu ni bdag gi lha lags te/ rgyal bus phyogs bzhi nas 'dus pa la sbyin pa byin pa'i tshe/ bdag gis kyang rgyal bu'i grogs bgyis pas/ da rgyal bu lam ring du 'gro ba las/ gal te pha 
rol po slong ba 'ongs na bdag gis de bzhin du grogs bgyi/ rgyal bus sbyin pa mdzad na bdag gi srog la bab kyang phyir mi nur bas the tsom mi mdzad du gsol/ rgyal bus smras pa/ bdag ni sbyin pa la dga' bas pha rol gyi sems mi zlogs te/ pha rol pos bdag la gal te bu'am khyod 
nyid slong ba 'ongs na yang bdag gis mi gtong mi nus so/ /ci ste bdag gis bsams pa khyod kyis de bzhin ma byas na ni bdag gi dge ba'i sems 'khrugs par gyur pas 'gro bar mi rigs so/ /man tes smras pa/ rgyal bus sbyin pa mdzad pa ni 'jig rten na gang yang 'di 'dra ba med pas yid 
bzhin du sbyin pa mdzad du gsol/ rgyal bus smras pa/ khyod de ltar nus na shin tu legs so zhes rgyal bu dang btsun mo dang sras gnyis dang bcas pa 'grogs te/ yum gang na ba der song nas da bdag cag mchi'o zhes mchi phyag byas nas yum la 'di skad ces gsol to/ /yum gyis 

</font><hr>76-1-60b<br><font size=+1>

skabs skabs su rgyal po chen po la/ ci nas dkar po'i chos kyis yul gyi srid bde zhing 'bangs mang po gtams las mi gcad par gros gdab par gsol lo/ /yum gyis rgyal bu 'gro'o zhes mchi phyag byas pa mthong nas lhag par mya ngan gyis gdungs te drung na 'dug pa la 'di 
skad ces smras so/ /kho mo'i lus 'di ni rdo ba yin pa lta/ snying ni rdo rje yin pa lta ste/ bdag gis rgyal po chen po'i rim gro bya ba la skyon ma byung na/ da kho mo'i bu gcig pu 'di dang bye bral te/ 'gro na ci'i phyir kho mo'i snying 'di gas te shi bar ma gyur/ bu 'di kho mo'i khong pa na 'dug pa 
na skyed shing gi 'dab ma ltar nyin mtshan cher skyes te/ da skyed rdzogs nas kho mo bor te song bas na/ btsun mo thams cad kyang bdag la snying tshim mo zhes brjod la rgyal pos kyang bkur bar mi 'gyur na/ gal te lha rnams kyis bdag gi smon lam bzhin mi 'gal bar mdzad na bdag gi bu phyir 
yul du 'khor bar shog cig ces smon lam btab bo/ /de nas rgyal bu btsun mo dang sras gnyis dang bcas te/ yab dang yum la mchi phyag byas te dong ngo / /de'i tshe btsun mo nyi khris ni so so nas mu tig gi chun po re re brdzangs so/ /blon po chen po bzhi stong gis ni rin po che sna bdun 
las byas pa'i me tog pad mo re re rgyal bu la brdzangs so/ /de nas rgyal bu pho brang nang nas byung ste grong khyer gyi byang sgor phyin nas/ rin po che sna bdun gyi me tog dang do shal yang ril gyis phyogs bzhi nas 'dus pa la ma lus par byin no/ /yul de na gnas pa'i mi mang po khri phrag du mas 
rgyal bu bskyal te/ de dag 'di skad ces gtam du brjod do/ /rgyal bu 'di ni shin tu dge ba yul gyi lha gnyan lta bu yin na/ ci'i phyir yab yum gyis sras rin po che 'di lam ring du spangs shes mthong ba thams cad kyis phangs so zhes smras so/ /de'i tshe rgyal bu grong khyer gyi phyi rol du 
skyed shing gi drung na 'dug ste/ skyel ba'i mi rnams la 'di nas phyir dengs shig ces spro ba'i tshig smras pa dang / skyel skyel ba che chung thams cad mchi ma blags te ngus nas phyir dong ngo / /de nas rgyal bus btsun mo dang sras gnyis shing rta'i nang du bzhag nas/ rgyal bu nyid kyis shing 

</font><hr>76-1-61a<br><font size=+1>

rta kha lo bsgyur te song ba las rgyangs chad par phyin te/ skyed shing gi drung na ngal so zhing 'dug pa las bram ze dag cig lhags nas/ rgyal bu las shing rta khrid pa'i rta bslangs so/ /rgyal bus slong ba la rta byin nas/ sras bu gnyis shing rta'i steng du bzhag ste/ btsun 
mos ni shing rta'i phyi nas phul/ rgyal bus ni mdun nas drangs te rkang pas shing rta 'dren cing song ba las/ ring po ma lon par yang bram ze zhig dang phrad nas shing rta bslangs pa dang / rgyal bus shing rta yang bram ze la byin no/ /de nas yang song ba las ring po ma lon par yang bram ze slong ba dang phrad 
nas rgyal bus de dag la 'di skad ces smras so/ /gal te bdag gis khyod la ma byin na ni chags shing ser sna byed par gyur na/ da ni bdag la nor zas zad de ci yang med do zhes smras pa dang / bram ze na re nor rdzas med na lus la gyon pa'i gos de nga la byin cig ces smras pa dang / rgyal bus lus 
la gyon pa'i gos rin po che yang slong ba la byin te/ gos rnying pa zhig gyon te dong ba las ring po ma lon par bram ze yang slong ba zhig dang phrad nas rgyal bus btsun mo'i gos byin no/ /de nas yang dong ba las ring po ma lon par bram ze slong ba dang phrad nas/ rgyal bus sras gnyis kyi gos kyang byin 
no/ /de ltar rgyal bus rta dang shing rta dang nor rdzas dang bgo ba'i gos kyi bar du ma lus par zad par byin pa yang / thog ma nas 'gyod pa'i sems skra'i nyag ma tsam mam ba spu tsam yang med do/ /rgyal bus ni sras bu khur du thogs/ btsun mos ni sras mo pang du khyer nas rkang pas song yang 
rgyal bu dang btsun mo dang sras gnyis kyi bar du dga' ba'i mdangs dang bcas te ri ga la ba der song ngo / /ri dan tig ces bya bar yul ya ba nas lam so rab tu ring ste dpag tshad phrag stong zhig yod do/ /de ltar song song ba las 'brog dgon par phyin nas/ bkres pa dang skom pa'i sdug 
bsngal gyis nyen pa las/ sum cu rtsa gsum gnam gyi lha'i dbang pos 'brog dgon pa der grong khyer khyim bzang po tshong 'dus dang lam srang yod pa/ rol mo dang gos dang bza' ba dang btung ba dang ldan pa/ grong khyim de na mi dag gis rgyal bu bsu ba dag sprul to/ /mi mang pos rgyal bu grong 

</font><hr>76-1-61b<br><font size=+1>

khyim du bsus te/ zas dang skom dang bde ba'i yo byad kyis bstabs pa dang / btsun mos rgyal bu la smras pa/ lam ring por bgrod pas rab tu ngal da thal byung 'dug tu mi rung ngam/ rgyal bus smras pa/ yab rgyal pos bdag cag la ri dan tig tu song shig ces bka' stsal 
te/ da 'dir 'dug par gyur na yab rgyal po'i bka' dang 'gal bar gyur te bu sri zhu can ma yin no zhes grong khyer de nas byung ste mod la song ngo / /de ltar song ba las ring po ma lon par ri dan tig gi ri'i drung du phyin pa dang / ri de'i drung na chu chen po shin tu zab pa rgal bar mi thar ba zhig dang 
phrad do/ /de nas btsun mos rgyal bu la re zhig 'dir bsdad do/ /chu chen po bri nas rgal te 'dong ngo zhes smras pa dang / rgyal bus smras pa/ yab rgyal pos bdag cag la ri dan tig tu song shig ces bka' stsal pas/ da 'dir 'dug par gyur na rgyal po'i bka' dang 'gal te/ bu sri 
zhu can ma yin no zhes smras nas rgyal bu de ma thag tu byams pa'i sems kyis ting nge 'dzin du zhugs pa dang / mod la chu'i nang nas ri chen po zhig byung nas chu'i rgyun bcad do/ /de nas rgyal bu dang btsun mo gos brjes te/ chu rgal nas phar rgal ma thag tu rgyal bu yang 'di snyam du 
bsams so/ /thal byung song bar gyur na chu 'khyil pa 'dis sems can mang du 'chi ste/ grog sbur mang po chus khyer bar 'gyur ro snyam bsams nas/ rgyal bu phyir chu la bltas te 'di skad ces smras so/ /chu khyod snga mkho bzhin du rgyun du 'bab cing gal te bdag 'dod pa zhig 'ongs 
na yang thar bar byos shig ces smras ma thag tu chu yang snga mkho bzhin du 'bab par gyur to/ /de nas song ba las ri dan tig tu phyin nas rgyal bus ri de la bltas nas/ ri de rad rod dang zad zed du 'dug la shing mang po rab tu rgyas shing bya sna tshogs kyang snyan pa'i sgra 'byin/ 'bab chu dang 
chu mig dang mtshe'u dang lteng kar ldan te chu ni mngar/ 'bras bu ni zhim/ chu bya dang ngang ngur dang 'jol mo dang ri skegs la sogs pa bya rnam pa sna tshogs dag kyang gnas pa mthong nas rgyal bus btsun mo la yang 'di skad ces smras so/ /ri 'di la bltas na shing dang tshal gnam la reg pa 

</font><hr>76-1-62a<br><font size=+1>

tsam du skyes na yang / brngas pa'am bcad pa med pas chu mig zhim po la 'thung zhing 'bras bu mngar ba za ste/ ri 'di la sgom pa dag yod pas 'dir gnas par bya'o/ /rgyal bu ri de la phyin pa na/ ri de la gnas pa'i 'dab chags bya dang gcan gzan dang ri dgas 
thams cad rab tu dga' nas rgyal bu bsus so/ /de'i tshe ri de la sgom pa'i dge slong a tshu ta zhes bya ba lo lnga brgya lon pa/ yon tan mchog dang ldan pa zhig gnas te/ rgyal bu de'i drung du song nas/ phyag byas te phyogs gcig tu 'dug nas 'di skad ces smras so/ /ri 'di la gang phyogs 
na 'bras bu dang chu mig bzang por ldan pa gnas su rung ba ci yod ces dris pa dang / a tshu tas smras pa/ ri 'di gnas thams cad du bsod nams dang ldan pa'i sa gzhi yin pas gang du gnas kyang rung ste/ ri 'di ni shin tu dben pa'i gnas gtsang ma yin pas na ci rgyal bu khyod chung 
ma dang bu smad du bcas te chos slob tu 'ongs sam/ de la rgyal bus smra ma khom par btsun mo man tes smras pa/ dge slong la 'di skad ces smras so/ /btsun pa ri la lam bsgoms nas ji srid cig lon/ dge slong gis smras pa/ ri 'dir phyin nas lo bzhi brgya'am lnga brgya 
tsam lon no/ /btsun mo man tes smras pa/ da dung bdag dang bdag gi bar du 'dzin na nam zhig lam thob par 'gyur/ de srid du ri la gnas kyang rdo shing dang tha mi dad de bdag dang bdag gir mi 'dzin na gdod lam thob par 'gyur ro zhe'o/ /dge slong gis smras pa/ bdag gis 
yang dag par don de lta bu mi shes so/ /de nas rgyal bus dge slong la smras pa/ btsun pa yul ya ba'i rgyal bu rgyal tshab don grub ces bya ba thos sam/ dge slong gis smras pa/ bdag gis rgyun du thos kyi mthong ba ni ma yin no/ /rgyal bus smras pa/ bdag ni rgyal bu rgyal tshab don grub 
ces bya ba yin no/ /dge slong gis rgyal bu khyod gar 'gro ci 'dod ces dris pa dang / rgyal bus smras pa/ bdag ni theg pa chen po'i lam 'dod do zhes smras so/ /dge slong gis smras pa/ rgyal bu'i yon tan dang sbyar na/ ring por mi thogs par theg pa chen po'i lam thob par 'gyur te/

</font><hr>76-1-62b<br><font size=+1>

rgyal bu bla na med pa'i byang chub mngon par sangs rgyas pa na/ bdag ni nye gnas rdzu 'phrul gyi mchog tu gyur cig ces smras nas/ rgyal bu khrid de 'dug pa'i gnas bstan to/ /de nas dge slong gis chos bzhin du rgyal bu'i skra slas nas mdud pa bor nas/ zas su ni shing gi 'bras 
bu shing tog za/ skom du ni chu mig 'thung ngo / /de nas rgyal bus shing dang rtswa bsdus te/ bdag 'dug pa'i rtswa'i spyil po chung ngu ma gcig byas/ btsun mo man te bu ming sring gnyis 'dug pa'i spyil po re re yang byas so/ /de'i tshe na khye'u'i ming ni ya ri zhes bya ste/ lo bdun lon nas 
gos rang gyon nus te/ pha'i phyi bzhin du 'gro'o/ /bu mo'i ming ni ge no yan zhes bya ste lo drug lon pas/ ri dgas kyi pags pa gyon cing ma'i phyi bzhin 'gro'o/ /ri de la gnas pa'i gcan gzan dang / ri dgas dang / 'dab chags bya la sogs pa thams cad kyang rab tu 
dga' nas/ rgyal bu la rten cing gnas so/ /rgyal bu ri de la phyin nas zhag gcig lon pa dang / sngon skams pa'i chu mig dang / rdzing yang chus gang bar gyur/ skyed shing skams pa rnams kyang thams cad me tog dang 'dab ma skyes par gyur te/ srin bu gdug pa rnams kyang 
med par gyur nas/ gcan gzan gcig la gcig za ba yang so so nas rtswa la za bar gyur/ 'bras bu'i shing rnams kyang rgyas shing bzang por gyur/ bya sna tshogs snying rje'i skad kyi sgra skad snyan pa 'byin par gyur to/ /btsun mo man tes ni shing gi 'bras bu dang shing tog brngas 
shing rgyal bu la phul te/ sras ming sring gnyis kyang snyod do/ /sras bu ming sring gnyis ni skabs skabs su pha ma gnyis dang bral te/ ha cang yang mi ring ba'i chu mig 'gram dag tu gcan gzan nam ri dgas dag dang lhan cig rtse ste/ bar 'ga' zhag lon par yang rtse'o/ /phyis 
dus gzhan zhig na sras khye'u ya ri seng ge la zhon pa las/ seng ge rgal nas rdab cig bsnun pas sras bu'i gdong pa cung zad snad de khrag byung ba las/ spre'u zhig gis shing gi lo ma blangs te gdong gi khrag phyis nas chu 'gram du khrid de khrag bkrus pa yang rgyal bus rgyang ma nas mthong ngo / /

</font><hr>76-1-63a<br><font size=+1>

de'i tshe yul kai lai zhes bya bar bram ze dbul po zhig lo bzhi bcu lon nas chung ma blangs so/ /chung ma ni rab tu bzang zhing sdug la/ bram ze de ni rab tu mi sdug pa'i mtshan ma bcu gnyis rdzogs par yod de/ de'i lus mdog sol ba ltar gnag la gdong 
la 'bur 'bur po gsum yod pa/ sna 'khyor zhing mig gnyis shel ltar sngo ba/ gdong gnyer ma can la ma mchu 'phyang ba/ smra ba'i skad mi snyan pa/ gsus pa che ba/ rkub 'bur ba/ rkang pa gnyis gyol ba/ mgo shu ba can la skra med pa/ 'dre ltar mi sdug pa zhig 
ste/ chung mas kyang mthong mi 'dod pa tsam du shi yang sla zhes rgyun du dmod mo byed pa zhig yod do/ /dus gzhan zhig na chung ma de chu chur song song ba las/ lam du khyo ga gzhon nu ma dag cig dang phrad nas khyo ga rnams kyis khyim thab kyi gzugs 'di 'dra'o zhes co 'dri zhing 
bgad nas/ khyod ni dpe med par bzang zhing sdug na/ ci ltar 'di 'dra ba'i chung ma byed nus ces smras pa dang chung mas khyo ga de dag la 'di skad ces smras so/ /rgan po'i mgo ni shing la ba mo chags pa ltar skya ba de nang nub tu shi bar dga' na shir mi btub ji ltar bya/ de 
nas chu snod thogs nas phyir khyim du 'ongs te/khyim thab la 'di skad ces smras so/ /bdag chu chur song song ba las/ lam du khyo ga gzhon nu dag cig dang phrad de/ de dag bdag la co 'dri zhing bgad nas/ da khyod kyis bkol ba'i bran khol yod na chu chu yang mi dgos 
te/ gzhan gyis dpyas par yang mi 'gyur ro/ /khyim thab kyis smras pa/ bdag cag ni shin tu yang dbul phongs pa yin na bran khol ga las rnyed par 'gyur/ chung mas smras pa/ gal te bdag gi phyir bran khol ma btsal na bdag kyang 'gro ste/ khyod dang lhan cig mi gnas so 
zhes chung mas yang 'di skad ces smras so/ /kho mos thos na/ rgyal bu don grub sbyin pa ma 'os par byin pas yab rgyal pos ri dan tig ces bya bar spangs so/ /rgyal bu de la bu khye'u gcig dang bu mo gcig yod ces grag gis/ khyod de slong du song shig /khyim thab kyis smras pa/

</font><hr>76-1-63b<br><font size=+1>

ri dan tig ces bya ba 'di nas dpag tshad drug stong lhag tsam gcig gi lam so yod la/ sngon la lung bgrod kyang ma myong na da ci ltar bgrod par bya/ chung mas smras pa/ bdag gi phyir bran khol ma btsal na bdag 'gegs te 'chi'o zhes smras pa dang / khyim thab kyis smras pa/ nyes 
na kho bo ni gcig gis bsad kyang sla'o/ /khyod shi bar mi 'dod do zhes smras nas/ khyod kyis bdag slong du 'gro bar dad na kho bo'i rgyags dang dgos pa sbyor cig ces bsgo'o/ /chung mas smras pa/ da song shig rgyags dang dgos pa yang med do zhes smras nas/ bram zes rgyags 
rang sbyar te rkang pas lam du zhugs te song ngo / /de nas bram ze yul ya ba zhes bya ba ga la ba der song ste der phyin pa dang / rgyal po'i pho brang gi sgor 'ongs nas sgo srung ba la rgyal bu don grub da ltar ga la 'dug ces dris pa dang / sgo srung de pho brang gi nang du song nas rgyal po la da 
ltar phyi rol na bram ze zhig rgyal bu don grub ga re zhes 'dri'o/ /rgyal pos rgyal bu don grub ga re zhes smra ba'i tshig thos pa tsam gyis sems 'khrug cing khros nas/ 'di snyam du 'di 'dra ba sha stag gi phyir nga'i sras spangs par gyur na/ da yang slong du 'ongs snyam bsams nas/ 
dpe 'di skad ces brjod par gyur to/ /dper na me ni rang bzhin gyis tsha zhing 'bar ba yin na/ de'i steng du shing bsnan pa dang 'dra ste bdag kyang da ltar mya ngan gyis gdungs te/ me dang 'dra ba las da yang rgyal bu ga re zhes 'dri ba ni me la shing gis bsnan pa dang 'dra'o/ /bram zes 
gsol pa/ bdag ni lam ring po nas 'ongs pa yang rgyal bu rgyal tshab mi'i yid dang mi 'gal bar sbyin pa bgyid do zhes ming yang snyan pa steng du gnam la thug /'og tu ni chu mig gi gting la thug gi bar du grags pa bdag lam ring po nas re ba yod pas 'ongs so/ /rgyal pos 
smras pa rgyal bu don grub ni da ltar ri shin tu dben pa na gnas te/ rab tu dbul zhing ci yang med na/ khyod la ci zhig sbyin du yod/ bram zes smras pa/ rgyal bu la ci yang med kyang bdag phrad par dga'o zhes smras pa dang / rgyal pos kyang gzhan zhig la lam ston cig ces 

</font><hr>76-1-64a<br><font size=+1>

bsgo'o/ /de nas bram ze de song song ba las dan tig gi ri drung du chu chen po zhig yod par phyin nas/ rgyal bu 'ba' zhig bsams shing yid la byas pas chu'i pha rol tu phyin par gyur to/ /de nas bram ze ri de la phyin nas thog ma rngon pa zhig dang phrad de rngon 
pa de la khyod ri la rgyal bu don grub ces bya ba mthong ngam zhes dris pa dang / rngon pa des kyang rgyal bu sbyin pa la dga' bas bram ze 'di dag gi phyir ri la spangs par shes pas/ rngon pa des kyang bram ze bzung nas shing la bcings te brdegs pas lus la rma yang byung ngo / /
rngon pas yang smras pa/ khyod rgyal bu dris te ci zhig bya mda' 'phang ngo zhes byas pa dang / bram ze de 'di snyam du/ da ni 'dis bdag gsod yang dag na brdzun zhig bya'o snyam bsams nas/ rngon pa la khyod bdag la 'dri na ci nyes ces smras so/ /de nas rngon pas 'o 
na ci zhig smra bar sems zhes dris pa dang / bram zes brdzun tshig 'di skad ces smras so/ /rgyal po yab rgyal bu mthong bar dga' bas bdag 'dir rgyal bu phyir 'gugs su 'ongs so zhes smras ma thag tu rngon pas kyang bkrol te btang nas sngar ma rtogs te rgyus ma shes so zhes 
bzod pa gsol nas rgyal bu gang na 'dug pa'i gnas bstan to/ /de nas bram ze de rgyal bu'i thad du phyin pa dang / rgyal bus kyang rgyang ma nas bram ze 'ongs pa mthong nas rab tu dga' ba'i sems skyes te bsus nas gus par phyag byas te/ khyod ga las 'ongs lam du nyon mongs shing 
ngal bar ma gyur tam ci 'dod ces spro ba'i gtam byas so/ /bram zes smras pa/ bdag lam ring po nas 'ongs te lus thams cad rtse zhing ngal te bkres skom mo zhes smras pa dang / rgyal bus nang du khrid nas stan la 'dug tu bcug ste/ shing thog dang shing gi 'bras bu dang btung 
ba'i skom mdun du phab nas/ bram zes kyang skom 'thungs shing thog zos te/ thal byung rgyal bu la 'di skad ces smras so/ /bdag ni yul kai lai zhes bya ba'i yul mi yin te/ snga zhig nas rgyal bu sbyin pa la dga'o zhes phyogs bcur grags shing thos pas/ bdag ni dbul 

</font><hr>76-1-64b<br><font size=+1>

phongs te rgyal bu la slong du 'ongs so/ /rgyal bus smras pa/ bdag la yod pa las khyod la ma byin na ni chags shing ser sna byed par yang 'gyur na bdag la ci bdog pa sngar btang bas da ni ci yang sbyin du med do/ /bram zes smras pa/ de ltar nor rdzas sbyin du med na khyod kyi bu 
ming sring gnyis bdag rgad po'i 'khol ba'am bran du byin cig ces de bzhin du lan gnyis lan gsum gyi bar du smras nas/ rgyal bus kyang khyod lam ring po nas 'ongs la/ bdag gi bu ming sring gnyis 'dod pa rab tu legs kyis sbyin no zhes smras so/ /de'i tshe na bu 
ming sring gnyis rtser song song ba las/ rgyal bus bos nas bu la 'di skad ces bsgo'o/ /bram ze 'di lam ring po nas bu khyed gnyis slong ngo zhes zer nas/ kho bos kyang sbyin par byas kyis khyed gnyis 'di'i phyi bzhin song shig ces bsgo ba dang / bu gnyis rgyal bu'i mchan du bros nas ngu ste 'di skad ces smras so/ /bdag cag gis bram ze du ma yang mthong na 'di 'dra ba dag ma mthong ste/ 'di ni bram ze ma lags kyi yang dag par yi dgas lags pas bdag cag gi ma shing thog tshol du mchis pa las/ slar ma 'khor bar 
bdag cag gnyis yi dgas 'di'i zas su stsal na gdon mi 'tshal bar 'gum mo/ /bdag gi ma slar mchis te bu dang ma mjal na/ ji ltar ba dang be'u bral ba ltar ngu zhing cho nges 'debs te mi dga' ba'i mya ngan gyis gdungs par 'gyur ro/ /rgyal bus bu la 
bsgo ba/ kho bos sbyin par gnang bas bsdad du mi rung ste 'di bram ze yin gyi yi dgas ma yin pas mi zos kyis khyed gnyis 'di'i phyi bzhin song shig /bram zes smras pa/ bdag ni da chas te 'gro'o/ /gal te bu'i ma 'ongs na 'gror med de/ ma btang na rgyal bus 
bdag la byin pa'i dge ba'i sems/ bu'i mas zlog cing nyams par 'gyur du dogs so/ /rgyal bus smras pa/ bdag gis sbyin pa ci byas kyang thog ma nas ci la yang 'gyod pa'i sems byung ma myong ngo / /de nas rgyal bus chu snod thogs nas/ bram ze'i lag par chu blugs 

</font><hr>76-1-65a<br><font size=+1>

nas bu gnyis kyi lag pa nas bzung ste/ bram ze la phul ba na sa yang rab tu g.yos so/ /bu gnyis bram ze'i phyi bzhin mchir ma btub nas/ phyir pha rgyal bu'i drung du 'ongs te/ pus mo sa la btsugs nas pha rgyal bu la 'di skad ces gsol to/ /bdag 
cag gnyis kyis tshe rabs snga ma la mi dge ba'i sdig pa ci bgyis na 'di lta bu'i sdug bsngal myong bar gyur/ bdag cag ni rgyal po'i rigs su skyes na ci'i slad du pha rol po'i bran khol du gyur ces pha rgyal bu la sdig bshags nas/ 'di'i rgyu 'di'i rkyen gyis sdig pa byang zhing 
bsod nams skyes te gang nas gang du skyes kyang 'di lta bu'i sdug bsngal dang phrad par ma gyur cig ces smras so/ /rgyal bus bu la smras pa/ 'jig rten na mdza' zhing sdug go cog mthar bye bral bar gyur te/ thams cad mi rtag pas yid brtan du mi rung / kho bo nam bla na 
med pa'i mnyam snyoms pa'i byang chub thob pa na khyod thar pa'i don bya'o zhes bsgo'o/ /bu gnyis kyis yang yab rgyal bu la smras pa/ bus ni ma la mchi phyag bya ba lags na da gzhar yang mi phrad de/ ma'i ngo ma mthong ba yang bdag cag gi sngon gyi sdig pa'i las kyis gdungs 
par zad na/ bdag cag gi ma ci'i phyir mya ngan gyis gdungs shing sdug bsngal bar mi 'gyur zhes smre sngags 'don to/ /bram zes smras pa/ bdag rgas la nyam chung bas bus pa 'di gnyis bdag bor te ma'i thad du bros par gyur na bdag gis byar med par 'gyur gyis/ 
khyod kyis chings la dkris shig ces smras pa dang / rgyal bus kyang bu gnyis kyi lag pa phying ka log tu bzung ste/ bram ze nyid 'ching du bcug nas phying ka log tu bcings pa'i thag pa bram ze'i lag par byin te sbrel nas khrid do/ /bu gnyis ni de ltar khrid kyang 'gror ma 
btub ste 'then pa las bram zes lcag thogs te/ ded nas gzhus pa'i lam du khrag byung ba yang sa la chal par gang ngo / /rgyal bus de ltar mthong nas mchi ma byung ste/ mchi ma sa la bo bas sa yang khol bar gyur to/ /rgyal bu dang ri dgas dang gcan gzan 

</font><hr>76-1-65b<br><font size=+1>

mang po thams cad kyis bu gnyis bskyal te mi snang bar gyur pa dang / gzod phyir log go/ /ri dgas dang gcan gzan la sogs pas rgyal bu bskyal te/ phyir rgyal bu dang rtse ba'i gnas su phyin nas snying rje ba'i skad phyung ste lus sa la rdebs shing 'gro'o/ /bram 
ze des lam du zhugs te song song ba las/ lam kar skyed shing zhig yod pa la bu gnyis btags te 'dug go/ /de nas chas pa dang bu gnyis ma dang phrad du re nas shing gi phag 'khri zhing 'gror ma btub nas/ bram zes yang gzhus pa las bu gnyis kyis 'di skad ces 
smras so/ /bdag cag la ma rdeg cig /bdag cag rang 'gro'o zhes gnam la yar bltas te/ yang 'di skad ces smras so/ /ri gnyen gyi lha dang nags tshal gyi shing gi lha rnams bdag cag la cung zad thugs brtse ba'am dgongs pa mi mnga' 'am bdag 
cag ni lam ring por gzhan gyi bran khol byed du 'gro ste/ ma dang bral bar gyur na bdag cag gi ma ri la shing thog tshol zhing brdar btang ste/ myur du bdag cag dang ngo phrad par shog cig mi sbran nam zhes de skad smras pa dang / bu'i ma ri la 'dug pa'i rkang pa 
g.yon pa'i rkang mthil g.ya' zhing g.yo ba dang mig g.yon pa yang 'gul nu ma gnyis nas nu zho yang rang zag par gyur nas/ 'di snyam du 'di 'dra ba'i ltas ngan pa gna' byung ma myong na bdag gi bu gnyis la ye 'drog ma byung ngam snyam bsams nas/ shing thog gis ci zhig 
bya snyam ste/ shing thog brnga ba yang btang nas myur bar phyir gnas su 'gro bar chas so/ /de'i tshe sum cu rtsa gsum pa'i gnam gyi lha'i dbang po/ rgyal bus gzhan la bu byin par shes nas/ btsun mos dge bar bsams pa'i sems kyi bar chad byed du dogs 
pas/ seng ge zhig tu sprul nas lam gyi srang du bsdad do/ /btsun mos seng ge la smras pa/ khyod ni gcan gzan gyi rgyal po/ kho bo ni mi'i rgyal mo yin te ri la 'khod par 'dra na cung zad lam las byol te bdag thong shig /bdag la bu chung ngu ma shed ma bye ba 

</font><hr>76-1-66a<br><font size=+1>

gnyis shig yod de/ da tsam gyi bar du ci yang ma zos pas bdag 'ong du re ste sdod do/ /seng ges kyang bram ze de rgyang ring du thal bar shes nas lam las byol te btsun mo btang ngo / /btsun mo phyir gnas su 'ongs nas/ rgyal bu 'ba' zhig snang 
gi bu gnyis ma mthong bas/ bdag nyid 'dug pa'i spyil bur bltas na yang bu ma mthong / bu gnyis 'dug pa'i spyil por bltas na yang bu ma mthong ste/ de nas bu rtse ba'i gnas chu 'gram du btsal na yang ma mthong ngo / /sngon bu dang rtse ba'i ri dgas sha ba dang / kha sha dang / gcan 
gzan seng ge dang / spre'u la sogs te mdun nas lus sa la rdebs shing sgra 'byin la/sngon rtse ba'i rdzing bu'i chu yang skams par mthong nas/ phyir rgyal bu gang na ba der song ste phyin pa dang rgyal bu la bdag gi bu gnyis ga re zhes dris na/ rgyal bu cang mi smra'o/ /btsun mos yang 
smras pa/ bdag nam shing thog thogs te phyir gnas su 'khor ba na bdag gi bu gnyis rgyang ma nas rgyug cing mdun du bsus te/ rdeg 'chos na yang phyir langs te dkyu mchong zhing a ma 'ongs a ma 'ongs so zhes 'bod de/ bdag 'dug pa na gnyis ka g.yas g.yon na 'dug cing / 
phrag pa'am lus la rdul gos na yang 'phyi zhing sprug /da bdag gi bu ga re ma mthong na gzhan la ma byin nam/ 'di ltar ma mthong bas bdag gi snying gas par 'gyur gyis/ bdag gi bu ga la 'dug myur du smros shig /bdag myos par 'gyur ro zhes de ltar lan gnyis lan 
gsum gyi bar du dris kyang lan ma smras so/ /btsun mos yang smras pa/ lhag par sdug bsngal gyis gdungs te/ bu gnyis ma mthong ba lta tshod yod na/ rgyal bus lan ma ster bas lhag par myos shing 'khrugs par gyur to/ /rgyal bus smras pa/ yul kai lai zhes 
bya ba nas bram ze zhig 'ongs te/ bdag la bu gnyis bslangs pa las bdag gis byin no/ /btsun mos rgyal bus smras pa thos ma thag tu ri rdib pa ltar sa la 'gyel te 'gre zhing cho nges btab bo/ /rgyal bus smras pa re zhig sdod cig /khyod sngon 'das pa'i dus na sangs 

</font><hr>76-1-66b<br><font size=+1>

rgyas mar me mdzad kyi tshe dam ji ltar bcas pa mi dran nam/ de'i tshe de'i dus na bdag ni bram ze'i bu gzhon nu zhes bya/ khyod ni bram ze'i bu mo sun da ri ka zhes bya ste/ khyod ni de'i tshe me tog pad mo bdun zhig thogs/ bdag la dngul gyi dong tse lnga zhig yod de/ khyod 
las pad mo lnga zhig nyos nas sangs rgyas la phul bar byas pa las khyod kyis pad mo lhag ma gnyis po yang nga la byin te/ sangs rgyas la 'bul gyis smon lam du yang bdag skye ba pha rol tu rtag par khyod kyi chung mar shog cig ces smon lam btab pa las/ bdag de'i tshe 
khyod dang 'di skad ces dam ma bcas sam/ khyod bdag gi chung mar dga' na bdag gi yid dang 'gal bar ma byed cig /bdag sbyin pa zhig byed na pha ma gnyis ma gtogs par gzhan sbyin yang bdag gi yid bzhin du sbyin pa las 'gal bar ma byed cig ces dam 
bcas pa las/ de'i tshe khyod na re de bzhin du bya'o zhes mi zer ram/ da khyod kyi bu gnyis gzhan la byin pa la bdag gi dge ba'i sems dkrug tu yang ci yod ces rgyal bus smras ma thag tu/ btsun mos thos pa tsam gyis sems dang yid kyis sngon gyi gnas dran 
pa'i mngon par shes pa tshor bar gyur te/ rgyal bu'i bsam pa myur bar rdzogs par 'dod pas yid bzhin du sbyin pa la rjes su yi rang bar gyur to/ /de nas lha'i dbang po brgya byin rgyal bus sbyin pa byin pa ji ltar sems pa bsams pa'i phyir bram ze zhig tu sprul to/ /
bram ze de yang mi sdug pa rnam pa bcu gnyis dang ldan te/ rgyal bu ga la ba der song nas 'di skad ces smras so/ /rgyal bu khyod sbyin pa la dga' bas pha rol po'i yid dang 'gal bar mi byed ces grag ste/ bdag kyang ched du 'dir slong du 'ongs kyis khyod la btsun 
mo yod pa de bdag la byin cig /rgyal bus smras pa/ shin tu legs te de bzhin du sbyin no zhes smras so/ /btsun mos smras pa/ bdag kyang pha rol po la byin na rgyal bu'i g.yog sus bya/ rgyal bus smras pa/ da khyod kyang sbyin pa ma byas na ji ltar yang bla na med 

</font><hr>76-1-67a<br><font size=+1>

pa'i mnyam snyoms pa'i byang chub thob par 'gyur/ de nas rgyal bus chu snod thogs te bram ze'i lag pa bkru ba'i phyir/ lag par chu blugs nas btsun mo yang bram ze la phul lo/ /de ltar rgyal bu la 'gyod pa'i sems cung zad kyang med par 
brgya byin gyis rtogs nas lha rnams kyis bstod cing bsngags te gnam sa yang cher g.yos so/ /de nas bram zes btsun mo khrid de gom pa bdun tsam du phyin pa dang / phyir log nas btsun mo 'di rgyal bu la phyir gtams kyis su la yang ma sbyin cig ces smras so/ /
rgyal bus slar smras pa/ ci'i phyir mi khrid mi 'dod dam/ ci mir skyes pa'i chung ma'i nang na chung ma 'di ni shin tu yang bzang zhing mdzes te rgyal po'i bu mo yin la/ rgyal po de la bu mo 'di gcig pu las med de/ chung ma 'di ni bdag la chu gang che bas kha zas btso ba 
dang bsreg pa yang lag dar te byed/ bza' ba dang btung ba ngan kyang ngan ces mi 'khang ste/ rtag tu 'grub che la byad bzhin yang bzang la mdzes pas khyod khyer na bdag dga'o zhes smras so/ /bram zes rgyal bu la smras pa/ bdag ni bram ze ma yin gyi brgya byin 
lha'i dbang po yin te ched du khyod bgam pa'i phyir 'ongs pa yin no zhes phyir brgya byin gyi lus bzang por bsgyur nas/ khyed ci dang cir smon ces smras so/ /de nas btsun mos gus par phyag 'tshal te smon lam rnam pa gsum zhig gsol to/ /gang zhe na gcig tu 
bdag gi bu khrid pa'i bram ze phyir yang bdag gi yul du song bar gyur cig /gnyis su na bdag gi bu gnyis bkres pa dang skom pas sdug bsngal bar ma gyur cig /gsum du na rgyal bu dang bdag cag gnyis kyang phyir bdag cag gi yul du myur du 'khor bar gyur cig 
ces smras pa dang / brgya byin lha'i dbang pos kyang de bzhin du smon lam grub par gyur cig ces smras so/ /rgyal bus smras pa/ bdag ni sems can thams cad skye ba dang rga ba dang na ba dang 'chi ba'i sdug bsngal las sgrol bar gyur cig ces smon lam btab pa dang / brgya byin 

</font><hr>76-1-67b<br><font size=+1>

lha'i dbang pos smras pa/ smon lam 'di ni shin tu yang rgya che ste bla na med pa yin no/ /gal te mtho ris su skye zhing nyi zla la dbang ba'i bdag por 'dod dam/ 'jig rten gyi rgyal por 'dod dam/ tshe ring zhing yun tu gnas par 'dod na/ bdag gis sbyin nus kyis 
khyod kyis smras pa'i smon lam khams gsum las mchog tu 'das pa yin pas bdag gis nus pa ma yin no/ /rgyal bus smras pa/ da ltar re zhig shin tu phyug por gyur te sngon bas kyang lhag par rtag par sbyin pa byin zhing / yab rgyal po dang blon po rnams 
dang / bdag cag phrad par shog cig ces smras pa dang brgya byin gyis smon pa bzhin du nges par grub par gyur cig ces smras ma thag tu mi snang bar gyur to/ /yul kai lai'i bram ze des byis pa gnyis khrid de khyim du 'ongs na/ chung mas 'di skad du khyod ngo so 'di lta 
bus 'khor te 'ongs pa lta ngo mi tsha'am/ bus pa 'di gnyis ni rgyal po'i gdung la gtogs pa yin na snying rje'i sems kyang med de/ 'di ltar btsogs brdegs shing lus la rma dang rnag khrag gis btsog btsog ltar byas pa bzod dam zhes spyos brgyad nas/ bus pa 'di 
gnyis tshongs la bkol du rung ba khrid de shog cig ces bsgo ba dang / khyim thab kyang chung mas bsgo ba bzhin tshong 'dus su song ba las brgya byin lha'i dbang pos sprul te tshong 'dus su 'ongs nas bram ze de la bus pa 'di ni shin tu rin che bas su yang nyo mi nus so zhes smras so/ /
bus pa de gnyis bkres shing skom pa las/ brgya byin gyis lha'i rdzu 'phrul gyis lha'i dri bsung sprul te/ bus pa gnyis kyi ba spu'i khung bu nas lto 'grangs par byas te/ brgya byin gyis bram ze'i sems kyang bsgyur nas yul ya bar phyin par byas so/ /yul de'i blon 
po dang yul mi thams cad kyis rgyal bu'i sras/ rgyal po chen po'i tsha bo yin par mi shes pa med pas yul mi thams cad kyang mya ngan gyis gdungs te/ blon po la sogs pas bu gnyis ga las 'ongs zhes dris pa dang / bram ze na re bdag gis bslangs te 'ongs pa la 

</font><hr>76-1-68a<br><font size=+1>

khyod kyis drir ci yod ces smras so/ /blon po rnams kyis smras pa/ bdag cag gi yul du 'ongs pas na bdag cag gis dri bar rigs kyi mi 'dri ba ma yin no zhes blon po dang yul mi rnams kyis bgros te/ bram ze las bu gnyis dbrog par 
byas pa las de'i nang na khyim bdag gcig gis 'di skad ces gros btab bo/ /'di ni rgyal bus sbyin par bsams te byin pa 'di la rgyal bus bsams pa'i yid dang 'gal zhing dbrog par mi rigs kyi/ nyis na rgyal po chen po la gsol na/ rgyal po chen po nyid kyis 
rin gyis blu bar 'gyur ro zhes byas pa dang / gros snga ma btang nas blon po rnams kyis rgyal po la 'di skad ces gsol to/ /rgyal po chen po'i dbon po gnyis da ltar bram ze zhig 'tshong zhing mchis ces gsol pa dang / rgyal pos tshig de thos ma thag tu cher dngangs 
te bram ze dang bu gnyis pho brang nang du khrid de shog cig ces bsgo nas/ bu gnyis pho brang nang du 'ongs pa'i tshe rgyal po dang btsun mo dang pho brang gi slas dang blon po rnams kyis bu gnyis mthong nas thams cad dbugs kyis brnangs pa tsam du ma ngus pa med do/ /de nas rgyal pos 
bram ze de la khyod kyis bu 'di gnyis ji ltar thob ces dris na/ bram ze na re bdag gis rgyal bu las bslangs te thob bo zhes zer ro/ /rgyal pos bus pa 'di gnyis bos te/ pang par blang snyam pa las bu gnyis 'ong du ma btub bo/ /de nas rgyal pos bu 'di gnyis 
kyi rin ci tsam 'dod ces dris na/ bram ze smra ma khom par khye'u yis 'di skad ces gsol to/ /bdag bu pho ni dngul gyi dong tse stong dang ba lang brgya zhig ri'o/ /bu mo ni gser gyi dong tse stong dang ba bzhon nyis brgya ri'o zhes gsol ba dang / rgyal pos khye'u la 'di 
skad ces smras so/ /'jig rten chos kyis mi'i nang na pho ni rin po che dbyig ltar rin che ba yin na/ ci'i phyir bu pho ni rin chung / bu mo ni rin che bar 'debs/ bu khye'u yis gsol pa/ pho brang gi slas lta bu rgyal po dang nye ba ma lags la/ ma rabs bran las slas su 

</font><hr>76-1-68b<br><font size=+1>

bzhes te/ de la thugs dgyes pas bkur zhing btsun par mdzad de/ rin po che'i gos skon zhing bza' ba dang / btung ba ro brgya dang ldan pa bstabs na/ sras gcig pu zhig mnga' ba ri la spangs te/ ya mtshan pho brang gi slas dang rol cing rol mo mdzad kyang sras la 
cung zad tsam yang dgongs pa'i thugs kyang mi mnga' bas/ de bas na bu pho ni rin chung la bu mo ni rin che bar mngon no/ /rgyal pos de skad ces smras pa thos nas lhag par mi dga' ba'i mya ngan skyes te/ mchi ma blags nas 'di skad du bdag ni rab tu gnong na khyed ci'i phyir kho bo'i pang du 
mi 'ong/ khyed nga la mi dga' 'am 'on te bram zes 'jigs zhes dris na/ byis pa na re bdag cag ni rgyal po chen po la mi dga' ba'am bram zes skrag pa yang ma lags na/ thog ma rgyal po chen po'i tsha bo las da ltar mi'i bran khol du gyur pas/ gang na yang mi'i bran khol 
rgyal po'i pang du 'dug pa'i chos med pas mi spobs so/ /rgyal pos de skad ces smras pa thos nas/ lhag par mya ngan gyis gdungs par gyur te mi dga' bar gyur nas/ bus gsol pa bzhin du bram ze la rin byin cig ces bsgo nas/ bu gnyis gdod rgyal po'i pang 
du blangs so/ /bu gnyis rgyal pos blangs nas phyag gis bu gnyis kyi mgo nas byugs te 'di skad ces smras so/ /khyed ri la gnas pa na/ zas su ni ci za/ gos su ni ci gyon zhes dris na/ bu gnyis na re/ zas su ni shing gi 'bras bu shing thog za/ gos su 
ni pags pa dang snam bu gyon te/ bya mang po dang rtse dga' bas mya ngan gyi sems med do zhes gsol to/ /de nas rgyal pos bram ze de la phyi rol du song shig ces bsgo ba dang / bu gnyis kyis rgyal po la 'di skad ces gsol to/ /bram ze 'di rab tu bkres skom gyis nyen na/ 
de la kha zas kyis tshim par mdzad du gsol/ rgyal pos smras pa/ khyod la mi dga' ba'am 'khon du 'dzin pa med par phyir kha zas sbyin par sems/ bus smras pa/ bdag gi pha byang chub kyi lam la dga' bas nor rdzas kyis sbyin du med de/ bdag gi lus kyis 

</font><hr>76-1-69a<br><font size=+1>

slong ba la byin pa yang bdag cag la dbang ba'i bdag po lags te/ 'dis bdag cag la bkol ba'i las tsam byed du ma bcug pa yang thog ma phas bsams pa ltar ma gyur te/ de snying rje'i sems tsam yang ma mchis te ltogs shing skom pa bzhin du 
'dug pa 'di mig gis kyang su zhig gis bzod/ bdag gi phas ni bu yang mi phangs par pha rol po la sbyin pa byed na rgyal po chen pos mi gcig gi kha zas tsam la ser sna mdzad dam zhes gsol pa dang / rgyal pos kyang bram ze de la kha zas kyis tshim par byin nas bram ze yang 
rab tu dga' ste/ phyir bdag gi yul du song ngo / /de nas rgyal pos rgyal bu 'gugs pa'i pho nya btang nas/ pho nya yang de ma thag tu chas te rgyal bu ga la ba der song ngo / /der phyin pa dang chu zhig la ma thar nas pho nya des rgyal bu nyid yid la byas te bsams ma thag 
tu chu de las thar nas rgyal bu gang na ba der phyin te/ rgyal po'i bkas rgyal bu slar yul du gshegs su gsol zhes bsgo'o/ /rgyal bus pho nya la smras pa/ thog ma rgyal pos lo bcu gnyis kyi bar du ri la sgoms shig ces bsgo ste/ da dung lo gcig ma tshang bas da 
lo tshang nas bdag 'gro'o zhes bsgo'o/ /de nas pho nya yang phyir log nas rgyal po la de bzhin du lan gsol pa las/ rgyal po nyid phyag dar te yi ge bris nas phyir pho nya la bskur te 'di skad ces bsgo'o/ /khyod ni mi'i nang na mkhas pa shes rab can yin pas 'gro ba la yang 
bzod cing 'ong ba la yang bzod pa yin na/ ci'i phyir khyod khros te 'ong du mi btub/ khyod dang lhan cig bza' ba dang btung ba gtang dgos kyis myur du shog cig ces pho nya 'gugs su btang ngo / /de nas pho nya yi ge thogs te/ rgyal bu gang na ba der song nas phyin pa dang rgyal bu 
la yi ge phul lo/ /rgyal bus yi ge blangs nas mgo bo sa la gtugs te yi ge la phyag 'tshal nas lan bdun bskor ba byas te/ mod la phyir yul du 'gro bar chas so/ /de'i tshe ri de nas chas pa dang ri de la gnas pa'i ri dgas dang gcan gzan la sogs pa rgyal bu 'gro'o zhes 

</font><hr>76-1-69b<br><font size=+1>

thos nas/ thams cad lus sa la brdabs nas sa la 'gre zhing ngu ba'i skad phyung ngo / /chu mig rnams kyang skams te gcan gzan dang ri dgas kyi phru gu yang mi nu/ 'dab chags bya mang po yang snying rje'i skad kyis sgra phyung ngo / /de nas rgyal bu gos gyon nas btsun mo dang 
'grogs te/ phyir yul du song ba las dgra zla'i yul gyi rgyal pos/ rgyal bu phyir 'ong ngo zhes thos nas bal gyi glang po che dkar po la gser gyi sga bstad de/ gser gyi snod du dngul gyi nye'us bkang / dngul gyi snod du ni gser gyi nye'us bkang ba bshams nas/ rgyal bu 
bsu ba'i phyir nam mkha' la stod de/ rgyal bu bsu nas rgyal po'i phrin du 'di skad ces gsol to/ /bdag ni mi shes pa'i dbang du gyur te/ rgyal bu las bal gyi glang po che blangs pas/ de'i rkyen gyis rgyal bu spangs par gyur pa da 'gyod pas na mthol tshangs su gsol lo/ /
da rgyal bu slar gshegs zhes thos nas rab tu dga' ste/ bal gyi glang po che de nyid kyang slar phul zhing gser dngul gyi nye'u rnams kyang phul na/ 'di dag rnams kyang bzhes shig /nongs pa'i skyon rnams kyang sbyang bar gsol to/ /rgyal bus smras pa/ dper na mi zhig gis 
kha zas ro brgya dang ldan pa sbyar te/ pha rol po gcig la byin pa las/ mi des kha zas zos nas phyir sa la skyugs nas/ phyir skyugs pa'i kha zas dri bsung dang ldan pa de bzar rung bar 'gyur ram/ bdag gis sbyin pa byas pa yang skyugs pa dang 'dra bas phyir mi 'dod 
do/ /pho nya khyod bal gyi glang po che 'di zhon la bdag gi yul du song shig /khyod kyi rgyal po 'di ltar bdag bsu zhing / spro ba'i tshig gis snyan par smras pa rab tu dga'o zhes gsol cig ces bsgo ba dang / pho nya de yang bal gyi glang po che la zhon te phyir bdag gi yul du song 
nas/ rgyal po la de bzhin du gsol pa las/ bal gyi glang po che de'i rkyen gyis 'thab pa'i dgra zla de gcig la gcig byams shing sdug pa'i sems su gyur te/ rgyal po dang yul mi thams cad bla na med pa'i mnyam snyoms pa'i sems bskyed par gyur to/ /de'i tshe rgyal 

</font><hr>76-1-70a<br><font size=+1>

po yab kyang bal gyi glang po che la bcibs te rgyal bu bsus so/ /rgyal bus mgo dang gdong gis phyag 'tshal nas rgyal po'i phyi bzhin phyir yul du song ste/ yul mi thams cad kyang rab tu dga' mgu rangs nas me tog dang / bdug spos dang / ba dan 
dang / rgyal mtshan dang / bla re la sogs pas mchod pa bya ba'i phyir bshams te/ sa gzhi yang spos chu chag chag btab nas bsdad do/ /rgyal bu pho brang gi nang du 'ongs nas/ yum gyi drung du phyin pa dang mgo bos phyag 'tshal nas spro ba'i tshig gis snyun gsol to/ /
de nas rgyal pos rin po che'i bang mdzod thams cad kyang rgyal bu la gtad de/ yid bzhin du sbyin pa byed du bcug nas/ sbyin pa snga ma bas kyang lhag par rgyun ma chad par sbyin pa byed du bcug pas/ mngon par sangs rgyas kyi byang chub thob par gyur to/ /bcom ldan 'das 
kyis kun dga' bo la bka' stsal pa/ ngas sngon gyi sbyin pa byas pa mngon du dran pa ni de lta bu yin no/ /de'i tshe de'i dus na rgyal bu don grub ces bya ba ni da ltar nga nyid yin no/ /de'i tshe yab rgyal por gyur pa de ni da ltar nga'i yab rgyal po zas gtsang ma yin no/ /de'i tshe yum du gyur 
pa de ni da ltar yum lha mdzes yin no/ /de'i tshe btsun mor gyur pa ni da ltar grags 'dzin nyid yin no/ /de'i tshe dge slong a tshu ta zhes bya ba ni da ltar maud gal gyi bu chen po yin no/ /de'i tshe brgya byin lha'i dbang por gyur pa de ni da ltar shA ri'i bu yin no/ /de'i tshe 
rngon par gyur pa de ni da ltar kun dga' bo khyod yin no/ /de'i tshe khye'u ya ri zhes bya ba ni da ltar nga'i sras sgra gcan 'dzin yin no/ /de'i tshe bu mor gyur pa de ni yum sru gau ta mI zhes bya ba yin no/ /de'i tshe bram ze slongs mo pa de ni da ltar lha sbyin nyid yin no/ /de'i tshe bram 
ze'i chung mar gyur pa de ni da ltar bram ze mo tsan tsa ma na yin no/ /de ltar na nga shin tu byed dka' ba yang grangs med dpag tu med/ dge ba'i las byas pa yang grangs med dpag tu med de/ de bas mdo sde 'di dge slong dang bram ze la sogs pa la rgyas par ston cig /byang 

</font><hr>76-1-70b<br><font size=+1>

chub sems dpa' sems dpa' chen pos sbyin pa byas pa'i sbyin pa'i pha rol tu phyin pa 'di lta bu dag yin no/ /'phags pa rgyal bu don grub kyi mdo zhes bya ba bam po gcig pa rdzogs so// //sngon rgya las 'gyur ba'i brda rnying par 'dug/ //
             
</font><hr>

</table>