D413

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D413</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D413&coll=derge">see text in Tibetan script</a></table>79-1-254b<br><font size=+1>
@##/ /rgya gar skad du/ shrI tsakra sa~M ba ra tan+t+ra rA dza ad+b+hu ta sh+mA sA na a la~M kA ra nA ma/ bod skad du/dpal 'khor lo sdom pa'i rgyud kyi rgyal po dur khrod kyi rgyan rmad du byung ba zhes bya ba/ dpal he ru ka la phyag 'tshal lo/ /'di skad bdag gis thos pa dus gcig na/ bcom ldan 
'das de bzhin gshegs pa thams cad kyi sku dang / gsung dang / thugs rdo rje btsun mo'i b+ha ga rnams la bzhugs so/ /de nas rdo rje snying po la sogs pa'i dpa' bo dang dpa' mo rnams kyis phyi'i mchod pa dang / nang dang / gsang ba dang / de kho na nyid kyi mchod pas mchod nas 'di skad 
ces gsol to/ /kye ho bcom ldan rdo rje 'dzin/ /dpal zhes bgyi ba ji ltar lags/ /'khor lo zhes pa gang la bgyi/ /sdom pa nyid kyang ji lta bu/ /rgyud kyi don ni ji ltar lags/ /de bzhin rgyud kyi rgyal po ci/ /bcom ldan 'das kyis bka' stsal pa/ /dpal ni gnyis med ye shes te/ /

</font><hr>79-1-255a<br><font size=+1>

'khor lo rnam pa bzhi ru brjod/ /phyi nang gsang ba de nyid do/ /dang po phyi yi 'khor lo ni/ /sku mdog phyag mtshan lha yi sku/ /drug cu rtsa gnyis rim pa ste/ /ye shes dam tshig sku gsung thugs/ /dkyil 'khor phyogs mtshams rim pa bzhin/ /lugs 'byung lugs 
las bzlog pa ni/ /tha mal gcod pas phyi ru bshad/ /gnyis pa nang gi 'khor lo ni/ /gnas sogs sa bcu'i rim pa rnams/ /mtho ris sa stengs sa 'og dang / /'khor lo sgo la dgod pa ni/ /phyi rol spros pa gcod pa'o/ /gsum pa gsang ba'i 'khor lo ni/ /sprul pa chos 
dang longs spyod dang / /de bzhin bde ba chen po ste/ /rtsa chen sum cu rtsa gnyis kyi/ /gnas su gyur pas sdug bsngal gcod/ /dga' ba dang ni mchog dga' dang / /rnam par dga' ba'i gnyen po ni/ /bde ba stong pa mi rtog gsum/ /dbyer med rtogs pas lhan skyes la/ /de kho na yi 
'khor lor brjod/ /sdom pa phyi nang gsang ba nyid/ /'dod chags zhe sdang gti mug dang / /nga rgyal la sogs nyon mongs pa/ /gnyen pos ye shes ngang du sdom/ /bdag dang dngos por lta ba dang / /tha mal pa yi rnam rtog kyang / /dag pa lha yi 'khor lor sdom/ /gzod nas lus la 
grub pa yi/ /rtsa dang rlung dang byang sems dang / /a ba d+hU tI'i nang du sdom/ /bde ba stong pa mi rtog dang / /dngos dang dngos med ye shes kyang / /dbyer med gnyug ma'i ngang du sdom/ /rgyud ces bya ba rgyun yin te/ /gnas skabs gsum gyi dri ma dang / /'jug dang zhugs dang nges pa yis/ /
rgyu dang thabs dang 'bras bu ste/ /dang po 'khor ba'i rang bzhin la/ /gnyis pa thun mong mya ngan 'das/ /rgyal po zhes pa rnam pa bzhi/ /'og ma'i yon tan ldan pa dang / /nges pa'i don la dbang byed dang / /gnyen po ye shes che ba dang / /gzhan la khyab pas rgyal po yin/ /rdo rje snying pos 
yang gsol pa/ /dur khrod brgyad ni ji ltar lags/ /de yi dgongs pa ji ltar lags/ /bcom ldan 'das kyis bka' stsal pa/ /phyi nang gsang ba de nyid kyis/ /dur khrod rnam pa bzhi ru 'gyur/ /dang po phyi yi dur khrod ni/ /rdo rje ra ba'i nang rol lam/ /yang na phyi rol grwa rnams su/ /

</font><hr>79-1-255b<br><font size=+1>

lugs 'byung lugs las bzlog pa ni/ /gtum drag dang ni tshang tshing dang / /'bar bas 'khrugs pa'i keng rus dang / /'jigs sde rnams ni shar sogs kyi/ /phyogs su g.yon nas bskor te gnas/ /ha har rgod pa dbang ldan te/ /dpal gyi nags tshal byin zar ro/ /'jigs 
pa'i mun pa bden bral du/ /rlung mtshams ki li ki lir sgrogs/ /shar du ha ri ba s+ye la/ /gtum drag dkar po glang po'i gdong / /byang du byang chub shing bu la/ /g+ha ra ser po mi yi gdong / /nub du mya ngan med shing la/ /'bar 'khrugs dmar po chu srin gdong / /lho ru tsU ti'i 
shing bu la/ /'jigs sde nag po ma he'i gdong / /me ru ka ran tsa na ste/ /dpal gyi nags tshal ra gdong dmar/ /bden bral a rdzu'i shing bu la/ /'jigs pa'i mun pa ma he'i gdong / /rlung du srid grub shing bu la/ /ki li sgra sgrogs ri dgas gdong / /dbang ldan n+ya gro d+ha shing la/ /
ha har rgod pa ba glang gdong / /g.yas na gri gug thod pa g.yon/ /shing lo'i steng na stod phyung ngo / /shar du brgya byin dkar po la/ /rdo rje sdigs mdzub glang po zhon/ /byang du lus ngan ser po la/ /dbyug pa 'dzin cing gter la zhon/ /nub tu chu bdag dmar po ni/ /chu srin zhon nas 
zhags pa thogs/ /lho ru gshin rje nag po la/ /ma he zhon nas be con thogs/ /shar lho me lha dmar ser la/ /ra la zhon nas me thab 'dzin/ /lho nub srin po smug nag la/ /ral gri thogs nas mi la zhon/ /nub byang rlung lha mdog sngon po/ /ri dgas zhon nas 'phan ni 'phyar/ /
byang shar dbang ldan dkar po ni/ /khyu mchog zhon nas rtse gsum thogs/ /thams cad rang rang rig mas 'khyud/ /nor rgyas dang ni 'jog po dang / /stobs kyis rgyu dang pad+ma dag /shar nas brtsams te g.yon du dgod/ /pad+ma che dang mtha' yas dang / /rigs ldan dang ni dung skyong ni/ /
g.yas kyi phyogs nas dgod pa'o/ /sgra sgrogs pa dang rmugs pa dang / /mun pa can dang kun tu 'khyil/ /shar nas byang gi phyogs su dgod/ /'khrigs pa gang ba 'bab pa dang / /drag po sprin tshogs mtshams la dgod/ /rdo rje rin chen pad+ma dang / /las dang dam tshig rnal 'byor ma/ /

</font><hr>79-1-256a<br><font size=+1>

sna tshogs 'jig rten mkha' 'gro rnams/ /shin tu 'jigs pa'i gzugs kyis ni/ /ro la spyod cing mkha' la rgyu/ /gzhan yang rnal 'byor mchod rten dang / /chu dang me sogs rim pa ste/ /gza' dang bar ta grub pa rnams/ /rol pa chen po'i tshul du gnas/ /
'byung po'i gdon dang ro langs dang / /stag dang khyi dang ce spyang dang / /wa dang 'ug pa bya rgod dang / /phyed tshig pa dang rnam par dbyangs/ /mgo bo lus po keng rus rnams/ /a la phaiM gyi sgra sgrogs pa/ /de nas nang gi dur khrod ni/ /lus kyi skra sen spu la sogs/ /skye zhing 'jig par byed 
pas na/ /dur khrod chen po lus la dgod/ /de nas gsang ba'i dur khrod ni/ /rtsa chen sum cu rtsa gnyis nas/ /'byung 'jug gnas pa'i rlung rnams ni/ /dbugs rgyu zhes pa dur khrod do/ /rnam par shes pa'i tshogs brgyad dang / /dngos po'i rtog pa sna tshogs pa/ /chos kyi dbyings kyi dur 
du mchi/ /gsang ba rig pa'i ye shes khrod/ /de nas dur khrod dgongs pa ni/ /rnam shes dag pas dur khrod la/ /phyogs skyong mi dge bcu po spong / /sangs rgyas brgyad kyi mtshan ma shing / /thugs rje'i rtags su shing brgyad la/ /zhing skyong sngags kyi theg pa bsrung / /gdug pa 'joms 
phyir klu brgyad dgod/ /mchod rten rang sangs rgyas kyi gnas/ /rnal 'byor brtul zhugs spyod pa byed/ /chu ni brjod bya zab pa la/ /me sogs rtog pa bral ba'o/ /rdo rje snying pos yang gsol pa/ /bcom ldan 'das ni ji ltar lags/ /de bzhin gshegs pa thams cad kyi/ /sku 
dang gsung thugs ji ltar lags/ /btsun mo'i b+ha ga ji lta bu/ /bzhugs pa'i don ni ji ltar lags/ /bcom ldan 'das kyis bka' stsal pa/ /nyon mongs bdud dang 'chi bdag bdud/ /lha yi bu dang phung po'i bdud/ /bdud bzhi bcom pas bcom pa la/ /ldan pa yon tan drug nyid de/ /
dbang phyug dang ni gzugs bzang dang / /dpal dang grags dang skal ba bzang/ /ye shes phun sum tshogs pa ni/ /drug po de la ldan zhes gsungs/ /'khor ba'i chos ni mya ngan te/ /de dang bral phyir 'das pa'o/ /'das pa'i de bzhin gshegs pa kun/ /'gro ba'i don mdzad de bzhin 

</font><hr>79-1-256b<br><font size=+1>

gshegs/ /thams cad dus gsum sangs rgyas kyi/ /sku gsung thugs kyi ngo bor gnas/ /btsun mo zhes pa chos kyi dbyings/ /de la yod phyir b+ha ga ste/ /mi phyed pas na bzhugs zhes bya/ /rdo rje snying pos yang gsol pa/ /dpa' bo zhes pa gang la bgyi/ /de bzhin dpa' mo nyid 
kyang ci/ /de yi mchod pa ji ltar lags/ /bcom ldan 'das kyis bka' stsal pa/ /dpa' bo la yang rnam bzhi ste/ /bum pa'i dbang dang 'brel pa yi/ /lha yi rnal 'byor bsgoms pa yis/ /tha mal pa yi rnam rtog spong / /des na phyi yi dpa' bor bshad/ /gsang ba'i 
dbang dang 'brel ba yi/ /rtsa rlung thig le bsgoms pa yis/ /mtshan ma'i rnam rtog 'joms pa ni/ /nang gi dpa' bor bshad pa yin/ /gsum pa'i dbang dang 'brel pa yi/ /dga' ba bzhi yi don bsgoms pas/ /gzung dang 'dzin pa'i rtog pa 'joms/ /de ni gsang ba'i 
dpa' bo yin/ /bzhi pa'i dbang dang 'brel ba'i yi/ /gnyis su med pa gang bsgoms pas/ /tha dad rtog pa 'joms pa'i phyir/ /de kho na yi dpa' bor bshad/ /dpa' mo la yang rnam pa bzhi/ /ma ni shes rab pha rol phyin/ /gdod nas spros bral lhun grub la/ /lta ba'i zhen pa 
spong ba ni/ /de ni phyi yi dpa' mor bshad/ /nang du rtsa dang thig le sogs/ /rang bzhin med par byed pas ma/ /gsang bar dga' ba bzhi rnams la/ /rang bzhin lhan cig skyes bsam/ /Rang rig sems kyis ngo bo ni/ /nam mkha' lta bur gang bsgom pa/ /de kho na yi dpa' 
mo'o/ /mchod pa yang ni rnam pa bzhi/ /phyi nang gsang ba de kho na/ /dang po phyi yi mchod pa ni/ /me tog bdug spos mar me dang / /dri dang lha bshos btung ba dang / /rol mo sil snyan dbyangs nyid dang / /gzugs dang sgra dang dri dang ni/ /ro dang reg bya 'jam pa dang / /'khor 
lo rin chen glang po rta/ /btsun mo dmag dpon blon po rnams/ /phyi yi mchod pa thun mong ngo / /rang gi lus las byung ba yi/ /bdud rtsi lnga dang btung ba dang / /sha lnga lhag pa'i rdzas rnams ni/ /phung po khams dang skye mched kyi/ /'khor lo rnams la mchod pa nang / /de nas 

</font><hr>79-1-257a<br><font size=+1>

gsang ba'i mchod pa ni/ /rang snang thabs kyi rig ma yis/ /skra gzung b+ha ga ku tsa btsir/ /rtsa dang rlung dang thig le sogs/ /dga' ba mchog dga' dga' bral dang / /lhan cig skyes pa'i bde ba mchod/ /rang rig stong par rtogs pa yi/ /'od gsal de 
nyid chos sku la/ /zhen pa rnams dang bral ba ni/ /bla na med pa'i mchod pa'o/ /rdo rje snying pos yang gsol pa/ /gtor ma zhes pa gang la bgyi/ /de yi phan yon ji ltar 'byung / /bcom ldan 'das kyis bka' stsal pa/ /gtor ma rnam pa bzhi ru gsungs/ /phyi nang gsang ba de 
kho na/ /dang po phyi yi gtor ma ni/ /thun mtshams lha yi mdun nyid du/ /ra~M las me dang ya~M las rlung / /sgyed gsum a las dum gcig pa'i/ /nang du bdud rtsi sha lnga la/ /sku gsung thugs kyi sbyor ba yis/ /lha rnams mnyes par byed pa dang / /mkha' 'gro dgyes par byed 
pa'o/ /gnyis pa nang gi gtor ma ni/ /phung po khams dang skye mched rnams/ /lus ni lha yi 'khor lo la/ /rtsa ni ye shes mkha' 'gro ma/ /srin bu las kyi mkha' 'gro mchod/ /gsum pa gsang ba'i gtor ma ni/ /'khor lo bzhi yi ka phA lar/ /rlung dang thig le bdud rtsi 
la/ /dga' ba gsum gyis byin brlabs te/ /lhan cig skyes pa mchod par bya/ /de nyid bzhi pa'i gtor ma ni/ /phyi nang dngos po'i gtor ma kun/ /chos kyi dbyings kyi pad snod du/ /don dam sems kyi gsum sngags kyis/ /bde ba chen po'i ngang la mchod/ /phan yon dngos 
grub ster ba dang / /phyi nang bar chad sel ba dang / /zas kyi rtog pa choms pa dang / /khams dang skye mched rtas pa dang / /rgas sra lus kyi mdangs ldan zhing / /skra dkar gnyer ma spong ba dang / /dngos po'i gdon las grol ba dang / /'khor ba'i pha rol son pa'o/ /lha mos gsol 
pa bcom ldan 'das/ /sems kyi rang bzhin ji lta bu/ /de las 'khrul nas ji ltar 'khor/ /ma 'khrul don la ji ltar gzhag /de las yon tan ji ltar 'byung / /bcom ldan 'das kyis bka' stsal pa/ /sems las ma gtogs sangs rgyas dang / /sems las ma gtogs chos 

</font><hr>79-1-257b<br><font size=+1>

gzhan dag /sangs rgyas kyis kyang ma gzigs shing / /ma gsungs gsung bar mi 'gyur te/ /des na sangs rgyas thams cad kyi/ /sems kyi gsang 'di gsang ba'i mchog /khams gsum brtan dang g.yor bcas pa/ /snang pa myong zhing grub pa med/ /de phyir 'khor ba'i ming 
yang med/ /thog mar ma skyes rang bzhin dag /glo bur sangs rgyas ming yang med/ /sangs rgyas sems can gnyis ma yin/ /kun rdzob don dam gnyis ma yin/ /rang bzhin rig pa 'od gsal sogs/ /smrar med brjod du med pa ste/ /dper na lkugs pas ro myong 'dra/ /ras 
dang shel 'dra'i rang bzhin la/ /log rtog rtsi sogs rnam par 'khrul/ /khams gsum brtan dang g.yor snang zhing / /'dod pa'i byang chub sna tshogs dang / /de dag spyod pa sna tshogs dag /de nyid g.yeng dang rnam rtog ste/ /rang gis 'khrul nas rang gis 'ching / /rang gis 
gsod cing rang gis za/ /rang gis ltung zhing rang sdug bsngal/ /rang rig ye nas spros bral la/ /sgra dang tha snyad 'jug na 'khrul/ /rang rig ngang gis 'od gsal la/ /ma rig mun pas bsgribs na 'khrul/ /dngos po stong par ro mnyam la/ /blang dang dor bar byed na 'khrul/ /'dod 
yon ngang gis 'gag pa la/ /de dag dka' bas spong na 'khrul/ /rang rig ye nas stong pa la/ /'dod yon lnga la brten na 'khrul/ /dman dang gya nom med pa la/ /sgro dang skur pa 'debs na 'khrul/ /gdod nas spros bral lhun grub la/ /sgom dang mi sgom byed na 'khrul/ /sangs 
rgyas sems can gnyis med la/ /de dag gnyis su 'dzin na 'khrul/ /don dam kun rdzob gnyis med la/ /bden pa gnyis su 'byed na 'khrul/ /sangs rgyas 'khor ba'i chu bo rgal/ /skye 'gag gang ltar 'dod kyang 'khrul/ /stong nyid ro la mi gnas par/ /dngos po mtshan mar 
bzung na 'khrul/ /sems kyi glang chen mi 'dul bar/ /g.yeng ba'i sems su 'dug na 'khrul/ /rnam rtog rlung gis bskyod pa la/ /rang rig ye shes 'dod na 'khrul/ /rang sems rang gis ma mthong bar/ /che ba'i nga rgyal smra na 'khrul/ /rang rig nyams su ma myong bar/ /dkar 

</font><hr>79-1-258a<br><font size=+1>

po'i chos rnams spong na 'khrul/ /sangs rgyas ma 'khrul sems can 'khrul/ /rang bzhin ma 'khrul rang rig 'khrul/ /sems nyid ma 'khrul bag chags 'khrul/ /sangs rgyas las 'khrul sems can de/ /rang rig las 'khrul gzhan rig snang / /sems 
nyid las 'khrul bag chags 'byung / /des na rang sems 'khrul pa dag /don du snang ba rab tu skye/ /skye ba med bzhin skye bas 'khrul/ /lcags bsregs sa gzhi rang gi sems/ /me sogs byed pa gzhan na med/ /bkres skom sdug bsngal rang gi sems/ /zas skom bkres 
pa gzhan na med/ /brdeg btsog lcag bzhus rang gi sems/ /srog gcod shan pa gzhan na med/ /'gro ba thams cad rang sems kun/ /rang gi sems su ma shes na/ /de yis sangs rgyas spangs pa yin/ /bla ma dam pa rtag tu bsten/ /theg chen zab mo'i mdo rgyud blta/ /
bsgom du med pa'i don bsgoms na/ /ma bsgoms na yang bsgom pa'i mchog /de ltar gyur pa'i mkhas pa la/ /stong par mi 'gyur gang yang med/ /de las mya ngan 'das pa 'byung / /sku dang stobs la sogs pa kun/ /nor bu'i tshul du rang bzhin 'byung / /de dag sems kyi rang 
bzhin no/ /lha mos gsol pa bcom ldan 'das/ /rten gyi gang zag rnam pa du/ /rgyud kyi rnam grangs du zhig mchis/ /gdul bya gang la rgyud rnams bshad/ /bcom ldan 'das kyis bka' stsal pa/ /sems can sangs rgyas rang bzhin pas/ /gdol pa ko lpags mkhan 
la sogs/ /gzugs ngan gsod pa'i don gnyer ba/ /theg pa 'di las 'grub par 'gyur/ /dkyil 'khor rdzogs par bsgom pa dang / /gtso bo yab yum bsgom pa dang / /dbu ma'i spyan la sems 'dzin pa/ /bskyed rim spros dang bcas pa'i lam/ /rigs la gnas pa'i 
rnal 'byor gyis/ /lha sogs bu mo mtshan ldan la/ /chags pas chags pa spong ba ni/ /las kyi phyag rgya chags pa'i lam/ /gnas pa rtsa dang g.yo ba rlung / /bkod pa byang sems dman pa dbyibs/ /zab pa sngags dang thig le dang / /mthar thug yan lag bdun bsgoms pa/ /

</font><hr>79-1-258b<br><font size=+1>

chos kyi phyag rgya grol ba'i lam/ /rten yod ma yin brten pa med/ /dmigs pa thams cad rnam bsal te/ /lhan cig skyes pa'i don bsgom pa/ /phyag rgya chen por rang byin brlab/ /de rnams gnyis su bsdu ba ste/ /gang zag mchog dang las dang po/ /las dang po la phyi nang gnyis/ /
mchog la yang ni phyi nang gnyis/ /dbang bzhi bgrod pa'i rnal 'byor gyis/ /bsnyen gnas dge bsnyen dge tshul dang / /dge slong chen po gsungs pa ste/ /'di yis rgyud rnams 'grub par 'gyur/ /rtsa ba'i rgyud ni rnam pa gsum/ /bshad rgyud sum cu rtsa gnyis te/ /yan lag rgyud 
ni grangs las 'das/ /rtsa ba chen po phyi ma dang / /phyi ma'i phyi mar bsdus pa yin/ /bram ze rgyal rigs rje rigs dang / /dmangs rigs gdol pa gdul don du/ /rgyud kyang rnam pa bzhir gsungs te/ /bya spyod rnal 'byor bla med do/ /lha mos gsol pa bcom ldan 'das/ /
gnas gang du ni gtso bo bsgom/ /thabs ni rnam pa du zhig mchis/ /de bzhin thabs las byung ba ci/ /bcom ldan 'das kyis bka' stsal pa/ /ri rtse dur khrod ro steng du/ /gcer bu skra bshig lhor bltas te/ /A li kA lis lus bsrungs la/ /dpa' bo'i 'khor lo bsgom par bya/ /
smin par byed pa dbang bzhi la/ /grol ba bskyed rdzogs gnyis kyi lam/ /lam gnyis la ni brten nas su/ /sngags pas byang chub bsgrub par bya/ /bum pas lus kyi dri ma 'khrud/ /gsang bas ngag gi dri ma 'khrud/ /gsum pas sems kyi dri ma ste/ /de ni kun tu brtags pa la/ /
lhan cig skyes pa'i ma rig pa/ /bkru ba'i phyir na bzhi pa bshad/ /gnas dang ldang ba nyid dang ni/ /'jug dang yongs su rdzogs pa dang / /byin gyis brlab dang dbang bskur dang / /ting 'dzin mchod pa bskyed rim la/ /nye bar bsdu ba rdzogs pa'i rim/ /rim gnyis mnyam par gnas 
nas su/ /rdo rje can gyis chos 'chad do/ /stong pa mngon gyur chos sku la/ /mtshan dpe bde ba longs spyod sku/ /rol pa'i mdzad pa sprul sku la/ /sku gsum dbyer med bde chen ngang / /lha mos gsol pa bcom ldan 'das/ /gang gis bsgrubs na 'grub par 'gyur/ /gang la bar 

</font><hr>79-1-259a<br><font size=+1>

chad 'byung bar 'gyur/ /bcom ldan 'das kyis bka' stsal pa/ /'khor bas skyo nas sdom gsum ldan/ /thos che dang ldan mtshan nyid bzang / /dben par dkyil 'khor bris smra bcad/ /chos gos gyon la bdud rtsi spyad/ /thun bzhir bsgrubs na 'grub 
par 'gyur/ /zhen pa che ba'i rnal 'byor la/ /lta ba'i bar chad 'byung bar 'gyur/ /g.yeng ba che ba'i rnal 'byor la/ /bsgom pa'i bar chad 'byung bar 'gyur/ /dam tshig nyams pa'i rnal 'byor la/ /spyod pa'i bar chad 'byung bar 'gyur/ /le lo che ba'i rnal 'byor la/ /'bras 
bu'i bar chad 'byung bar 'gyur/ /lha mos gsol pa bcom ldan 'das/ /rgyud kyi ngo bo ji lta bu/ /rtsa ba'i rgyud ces gang la bgyi/ /bshad pa'i rgyud ces gang la bgyi/ /'byung ba'i dus ni ji lta bu/ /bcom ldan 'das kyis bka' stsal pa/ /lhan cig skyes pa'i rang bzhin la/ /rgyud 
rnams kun gyi ngo bo 'dus/ /yod pa rgyu la bsgrub pa lam/ /mngon 'gyur 'bras bu'i ngo bo yin/ /thog mar gsungs pa rtsa ba'i rgyud/ /phyi nas gsungs pa bshad pa'i rgyud/ /don rnams ston pas rtsa ba la/ /gsal bar byed pa bshad pa'i rgyud/ /bskal pa rdzogs ldan sum 
gnyis dang / /rtsod ldan dus bzhi'i rim pa yis/ /rgyud kyang rnam pa bzhir gsungs te/ /bya spyod rnal 'byor bla med do/ /lha mos gsol pa bcom ldan 'das/ /zab mo'i rgyud 'di gang la sba/ /ji lta bu la sbyin par bya/ /ster na lung nod ji ltar bya/ /bka' 'di rgya yis ji 
ltar gdab/ /bcom ldan 'das kyis bka' stsal pa/ /snying rje med cing khro la gdug /khengs shing chags pa tshul khrims med/ /dad med rigs ngan bla mas skyo/ /thos chung snying ring rnams la sba/ /dpa' zhing dul la blo gros ldan/ /bzod ldan drang la g.yo sgyu med/ /dad 
ldan rigs bzang gtong phod che/ /thos mang dam tshig ldan la sbyin/ /dbang bzhi bgrod pa'i sngags pa yis/ /sngon du bla ma mnyes byas la/ /yar ngo mar ngo'i tshes bcu la/ /dpa' bo rnal 'byor tshogs kyis mchod/ /ji ltar rdo rje 'dzin pa yis/ /lha mo rnams la rgyud 

</font><hr>79-1-259b<br><font size=+1>

gtad ltar/ /de bzhin gsang ba'i rgyud sde rnams/ /zung la sgrub pa ched du gyis/ /lan gsum brjod la rgyud rnams sbyin/ /phyi rabs dus kyi snyigs ma la/ /chags sems gyong ba'i slob ma ni/ /gus pas mi zhu g.yo sgyus 'dod/ /thos nas khungs sub rang che 'byin/ /de la 
bstan na dam tshig nyams/ /nges par dad nas zhu ba yi/ /gcig nas gnyis la ma spel na/ /rdo rje 'dzin pa'i rigs rgyun 'chad/ /bcom ldan 'das kyis de skad ces bka' stsal pa dang / /ye shes mkha' 'gro ma la sogs pa'i 'khor thams cad kyis rgyud kyi don rtogs nas rjes su 
yi rang ngo / /dpal 'khor lo sdom pa'i rgyud kyi rgyal po dur khrod kyi rgyan rmad du byung ba rdzogs so// //paN+Di ta ga ya d+ha ra dang / lots+tsha ba dge slong shAkya ye shes kyis bsgyur ba'o//

  
</font><hr>

</table>