@#/ /rgya gar skad du/ Ar+ya sarba an+ta rA yi ka bi sho d+ha ni nA ma d+hA ra NI/ bod skad du/ 'phags pa bar du gcod pa thams cad rnam par sbyong ba zhes bya ba'i gzungs/ /sangs rgyas la phyag 'tshal lo/ /chos la phyag 'tshal lo/ /dge 'dun la 91-1-41a phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab kyi shar phyogs bram ze'i grong shing a mra'i gnas zhes bya ba de'i byang phyogs na lus 'phags ri la dbang po'i brag phug na bzhugs so/ /de nas lha'i dbang po brgya byin la 'chi 'pho'i chos su gyur te/ tshe'i 'du byed kyi lhag ma lus pa'i snga ltas khong du chud nas skrag pa skyes te/ btsun mo'i 'khor dang / g.yog dang bcas par bcom ldan 'das kyi gan du song nas/ bcom ldan 'das kyi zhabs la mgo bos phyag 'tshal te lan gsum bskor ba byas nas phyogs gcig tu 'dug ste/ yang de'i tshe don du gnyer ba dang / bcom ldan 'das kyis de la bka' stsal pa/ kau shi ka de'i phyir khyod kyi rig pa'i gsang sngags kyi gzhi gang dag gis bdud thams cad dang / phyir rgol ba thams cad dang / phas kyi rgol ba thams cad shin tu tshar bcad par 'gyur ba/ bar du gcod pa thams cad rnam par sbyong ba zhes bya ba'i rig pa'i gsang sngags kyi gzhi 'di rnams nyon cig /tad+ya thA/ a b+ha ye/ b+ha ya bi ga te/ b+ha ya pa ri sho d+ha ne/ a b+ha ye/ a b+ha yaM da de/ ni ru pa kliSh+Ti/ a nA ku le/ a ku la pa ri sho d+ha ne/ a gwa te a bi kalpe/ a bi kalpa ne/ a ts+yu te/ shub+he shub+he/ te dza ste dzo ba ti/ sha me u pa sha me/ ma ho pa sha me/ mai tri mai t+r+yud d+hi te/ to She/ to Sha ya Ne sat+ye/ sa t+ya dar shi/ a bi rud d+he/ sa hi te/ sa hi ta twe/ ar+thi ar+tha sid d+hi/ a mr-i te/ a mr-i ta ba ti/ a b+hI te/ badzra sa t+ye/ a k+Sha ye/ ak+Sha ya pra b+he/ dran tra ba re/ shud+d+he shud+d+he pra b+he/ a ba b+hA se/ a ba b+hA sa ba ti/ u pa yo ge /a nut+ta re/ sa ma tsit+ta/ bud d+ha a d+hiSh+ThA ne/ shI le bi sho d+ha ne/ /a saM hA r+ye/ su ni gr-i hI taM ma ra ba lA nAM/ ba ra dza yo dr-iSh+TA ga trA NAM/ dz+wa la naM d+harmolkA yai/ ud g+ha TA nA~M/ d+harma ni d+ha na s+ya/ saM gra hA NAM/ d+harma ko Sha s+ya/ kau shi ka khyod kyis rig pa'i gsang sngags gzhi dag ni khyod kyi rig pa'i gsang sngags gzhi gang dag gis bdud thams cad dang / phyir rgol ba thams cad 91-1-41b dang / phas kyi rgol ba thams cad shin tu tshar bcad par 'gyur ba dag go/ /'di bzlas brjod byas na sngon gyi las kyi rnam par smin pa ma gtogs par bar du gcod pa thams cad rnam par dag par 'gyur/ don thams cad kyang grub par 'gyur ro/ /bcom ldan 'das kyis de skad ces bka' stsal pa dang / lha'i dbang po brgya byin yi rangs te/ de'i tshe 'di skad du/ kho bo lha las ma gyur la/ /'di nyid na ni 'dug bzhin du/ /kho bos tshe yang thob zin gyis/ /grogs dag de ltar shes par gyis/ /zhes ched du brjod pa ched du brjod do/ /'di'i mthu thams cad kyis bdag gi bar du gcod pa dang / bgegs dang / log 'dren thams cad ni med par gyur cig /phun sum tshogs pa thams cad ni grub par gyur cig /na mo a ke tu le na ge tsaN+Da na ye swA hA/ sarba ar+tha sA d+ha na ye swA hA/ d+harmar+tha sA d+ha na ye swA hA/ sarba an+ta rA yi bi sho d+ha na ye swA hA/ bcom ldan 'das kyis de skad ces bka' stsal nas/ /lha rnams kyi dbang po brgya byin btsun mo'i 'khor dang bcas shing 'khor dang bcas pa dang / thams cad dang ldan pa'i 'khor de yi rangs te/ bcom ldan 'das kyis gsungs pa la mngon par bstod do/ /'phags pa bar du gcod pa thams cad rnam par sbyong ba zhes bya ba'i gzungs rdzogs so// //rgya gar gyi mkhan po dzi na mi tra dang / dA na shI la dang zhu chen gyi lo ts+tsha ba ban+de ye shes sdes bsgyur cing zhus te gtan la phab pa// // |