91-1-202b
@#/ /rgya gar skad du/ de bI ma hA kA lI nA ma d+hA ra NI/ bod skad du/ lha mo nag mo chen mo'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mngon par
rdzogs par sangs rgyas nas ring po ma lon pa zhig na byang chub kyi shing drung na bzhugs so/ /de nas 'dod pa'i khams kyi dbang phyug ma/ bdud kyi yum/ gshin rje'i lcam mo/ lha mo nag mo chen mos bcom ldan 'das la lan gsum bskor ba byas te phyogs
gcig tu 'dug go/ /de nas bcom ldan 'das la lha mo nag mo chen mos gsol pa/ btsun pa bcom ldan 'das kyi zhabs la phyag 'tshal ba'i rig pa 'bul na/ bdag gi de bcom ldan 'das kyis bzhes su gsol/ de nas bcom ldan kyis bka' stsal
pa/ bdud kyi yum gshin rje'i lcam mo lha mo nag mo chen mos steng du ni gzhan 'phrul dbang byed la thug pa man chad bcing bar bya'o/ /'og tu ni sems can dmyal ba la thug pa yan chad bcing bar bya'o/ /thad ka kho ra khor yug tu ni ri la thug pa tshun chad
bcing bar bya'o/ /de'i sngags 'di dag kyang bzlas par bya ste/ tad+ya thA/ oM ru ru bi tiSh+Tha ba d+hot+si ru ru ro ru bi tiSh+Tha ba d+hot+si swA hA/ 'di bton pas rims dang / nad dang / mi ngas dang / nyes pa thams cad dang / mdze dang / phol mig dang / g.yan
pa la sogs pa'i nad thams cad zhi bar 'gyur ro swA hA/ lha mo nag mo chen mo'i gzungs rdzogs so//
