D79

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D79</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D79&coll=derge">see text in Tibetan script</a></table>43-1-266b<br><font size=+1>
//'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u sum cu rtsa lnga pa ste/ sangs rgyas kyi yul 
bsam gyis mi khyab pa lung bstan pa/bam po dang po/ /rgya gar skad du/ Ar+ya a tsin t+ya bud d+ha bi Sha ya ni ra de sha nA ma ma hA yA na sU tra/ bod skad du/ 'phags pa sangs rgyas kyi yul bsam gyis mi khyab pa bstan pa zhes bya ba theg</font><hr>43-1-267a<br><font size=+1>
pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi 
kun dga' ra ba na/ dge slong stong du tshang pa'i dge slong gi dge 'dun chen po dang / byang chub sems dpa' khri dang thabs cig tu bzhugs te/ 'dod pa na spyod pa dang / gzugs na spyod pa lha'i bu rnams dang / gnas gtsang ma'i lha'i bu rnams dang yang 
thabs cig go /de nas bcom ldan 'das 'khor brgya stong du mas yongs su bskor te mdun gyis bltas nas chos ston to/ /yang de'i tshe 'jam dpal gzhon nur gyur pa 'khor de nyid du 'dus par gyur te 'dug go /lha'i bu dpal bzangs kyang 'khor de 
nyid du 'dus par gyur te 'dug go /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal ngas khyod la bskul gyis/ khyod kyis chos dang ldan pa'i gtam las brtsams te/ lha'i 'khor 'di dang byang chub 
sems dpa' 'di dag la spobs par gyis shig /'jam dpal gyis gsol pa/ bcom ldan 'das bdag gis ci las brtsams te spobs par bgyi lags/ bcom ldan 'das kyis bka' stsal pa/ 'jam dpal khyod kyis sangs rgyas kyi yul 
las brtsams te spobs par gyis shig /gsol pa/ bcom ldan 'das sangs rgyas kyi yul ni gang mig gi yul ma lags pa dang / gzugs kyi yul ma lags pa dang / rna ba'i yul ma lags pa dang / sgra'i yul ma lags pa dang / sna'i yul ma lags 
pa dang / dri'i yul ma lags pa dang / lce'i yul ma lags pa dang / ro'i yul ma lags pa dang / lus kyi yul ma lags pa dang / reg bya'i yul ma lags pa dang / yid kyi yul ma lags pa dang / chos kyi yul ma lags pa ste/ de sangs rgyas kyi yul zhes bgyi'o/ /bcom ldan 'das yul</font><hr>43-1-267b<br><font size=+1>
khyad par ma mchis pa ni sangs rgyas kyi yul lags te/ bcom ldan 'das rigs kyi bu'am/ rigs kyi bu mo sangs rgyas kyi yul khong du chud par 'tshal bas/ khong du chud pa ma mchis pa'i tshul du sangs rgyas kyi yul de ltar khong du chud par bgyi'i/ /bcom ldan 'das de bzhin gshegs pas byang chub brnyes pa'i 
yul ci lags/ bka' stsal pa/ 'jam dpal lta bar gyur pa mnyam pa nyid kyi phyir stong pa nyid ni ngas byang chub thob pa'i yul lo/ /mtshan ma mnyam pa nyid kyi phyir mtshan ma med pa ni yul lo/ /khams gsum pa mnyam pa nyid kyi phyir smon pa med pa ni yul lo/ /'du byed mnyam pa nyid kyi phyir mngon par 'du bya ba 
med pa ni yul lo/ /'dus byas mnyam pa nyid kyi phyir skye ba med pa dang / 'byung ba med pa dang / 'du byed pa med pa ni yul lo/ /gsol pa/ bcom ldan 'das 'dus ma bgyis kyi yul gang lags/ bka' stsal pa/ 'jam dpal sems med pa ni 'dus ma byas kyi yul lo/ /gsol pa/ 
bcom ldan 'das sems ma mchis pa ni sangs rgyas kyi yul lags te/ de la brjod pa ma mchis lags so/ /brjod pa ma mchis pa la bstan pa ma mchis lags so/ /bstan pa ma mchis pa la mngon par brjod pa ma mchis lags so/ /bcom ldan 'das mngon par brjod pa ma mchis pa'i yul ni sangs rgyas 
kyi yul lags so/ /bka' stsal pa/ 'jam dpal sangs rgyas kyi yul gang du btsal bar bya/ gsol pa bcom ldan 'das sangs rgyas kyi yul ni sems can thams cad kyi nyon mongs pa rnams las yongs su btsal bar bgyi lags so/ /de ci'i slad du zhe na/ bcom ldan 'das 'di lta ste/ sems 
can thams cad kyi nyon mongs pa yongs su rtogs pa ni nyan thos dang rang sangs rgyas thams cad kyi yul ma lags kyi/ gang 'di sems can thams cad kyi nyon mongs pa yongs su rtogs pa de ni sangs rgyas kyi yul lags pa'i slad du'o/ /bka' stsal pa/ 'jam dpal sangs rgyas kyi yul la 
'jug pa'am ldog pa yod dam ci na/ 'di ltar sangs rgyas kyi yul sems can thams cad kyi nyon mongs pa rnams las yongs su btsal/ gsol pa/ bcom ldan 'das sangs rgyas kyi yul ni 'jug pa ma mchis ldog pa ma mchis lags so/ /bka' stsal pa/ 'jam dpal gal te</font><hr>43-1-268a<br><font size=+1>
sangs rgyas kyi yul 'jug pa med cing ldog pa med na sangs rgyas kyi yul ji ltar sems can thams cad kyi nyon mongs pa rnams las yongs su shes/ gsol pa/ bcom ldan 'das ji ltar sangs rgyas kyi yul 'jug pa ma mchis shing ldog pa ma mchis pa de bzhin du nyon mongs pa de dag gi rang bzhin 
gang lags pa de yang 'jug pa ma mchis shing ldog pa ma mchis pa lags so/ /bka' stsal pa/ 'jam dpal nyon mongs pa rnams kyi rang bzhin ji lta bu/ gsol pa/ bcom ldan 'das sangs rgyas kyi yul gyi rang bzhin gang lags pa de nyid nyon mongs pa thams cad kyi rang bzhin lags so/ /bcom 
ldan 'das gal te nyon mongs pa rnams kyi rang bzhin kyang gzhan du gyur la/ sangs rgyas kyi yul gyi rang bzhin kyang gzhan zhig lags na ni de bzhin gshegs pas chos thams cad mnyam pa nyid du mngon par rdzogs par sangs rgyas so zhes kyang bstan par mi 'gyur ba zhig na/ bcom ldan 'das 'di ltar nyon mongs 
pa rnams kyi rang bzhin gang lags pa de nyid sangs rgyas kyi yul gyi rang bzhin lags te/ de'i slad du de bzhin gshegs pas chos thams cad mnyam pa nyid du mngon par rdzogs par sangs rgyas so zhes ston lags so/ /bka' stsal pa/ 'jam dpal khyod kyis de bzhin gshegs pa mnyam pa nyid du gang gis 
gnas pa shes sam/ gsol pa/ bcom ldan 'das 'tshal lags so/ /bka' stsal pa/ 'jam dpal de bzhin gshegs pa mnyam pa nyid gang gis gnas/ gsol pa/ bcom ldan 'das byis pa so so'i skye bo rnams mnyam pa nyid gang la gnas nas/ 'dod chags dang / zhe sdang dang / gti mug kun 
tu 'byung ba'i mnyam pa nyid des de bzhin gshegs pa gnas lags so/ /bka' stsal pa/ 'jam dpal byis pa so so'i skye bo rnams mnyam pa nyid gang la gnas te 'dod chags dang / zhe sdang dang / gti mug kun tu 'byung / gsol pa/ stong pa nyid dang / mtshan ma ma mchis pa dang / smon pa ma 
mchis pa mnyam pa nyid la gnas pa rnams kyi mnyam pa nyid des de bzhin gshegs pa gnas lags so/ /bka' stsal pa/ 'jam dpal ci stong pa nyid la 'dod chags dang / zhe sdang dang / gti mug yod dam/ gsol pa/ bcom ldan 'das mchis pa gang gis stong pa nyid mchis pa'i mchis</font><hr>43-1-268b<br><font size=+1>
pa des 'dod chags dang / zhe sdang dang / gti mug rnams mchis lags so/ /bka' stsal pa/ 'jam dpal yod pa gang gis stong pa nyid yod cing yod pa gang gis 'dod chags dang / zhe sdang dang / gti mug rnams yod/ gsol pa/ bcom ldan 'das yi ge dang / skad dang / sgra dang / brjod pa'i 
mchis pas stong pa nyid mchis lags so/ /yi ge dang / skad dang / sgra dang / brjod pa'i mchis pas 'dod chags dang / zhe sdang dang / gti mug rnams mchis lags so/ /gsol pa/ bcom ldan 'das kyis 'di skad du dge slong dag ma skyes pa dang / ma byung ba dang / ma byas pa dang / mngon par 
'dus ma byas pa dang / mngon par 'du mi byed pa ni yod de/ dge slong dag ma skyes pa dang / ma byung ba dang / ma byas pa dang / mngon par 'dus ma byas pa dang / mngon par 'du mi byed pa ni med pa ma yin no/ /dge slong dag gal te ma skyes pa dang / ma byung ba dang / ma byas pa dang / mngon par 'dus 
ma byas pa dang / mngon par 'du mi byed pa med du zin na/ skyes pa dang / byung ba dang / byas pa dang / mngon par 'dus byas pa dang / mngon par 'du byed pa 'di dag las 'byung bar gdags par mi 'gyur ba zhig na dge slong dag 'di ltar ma skyes pa dang / ma byung ba dang / ma byas pa dang / mngon par 'dus 
ma byas pa dang / mngon par 'du mi byed pa ni yod de/ de'i phyir skyes pa dang / byung ba dang / byas pa dang / mngon par 'dus byas pa dang / mngon par 'du byed pa 'di dag las 'byung bar gdags so zhes bka' stsal pa de bzhin du/ bcom ldan 'das gal te stong pa nyid ma mchis su lags na/ 'dod 
chags dang / zhe sdang dang / gti mug gi nyon mongs pa 'di dag las 'byung bar gdags par mi 'gyur ba zhig na/ bcom ldan 'das 'di ltar stong pa nyid ni mchis te/ de'i slad du 'dod chags dang / zhe sdang dang / gti mug gi nyon mongs pa rnams las 'byung bar gdags lags so/ /bcom 
ldan 'das kyis bka' stsal pa/ 'jam dpal khyod kyis ji skad bstan pa de de lta yin du zin na/ gang su dag stong pa nyid la gnas pa de dag thams cad 'dod chags dang / zhe sdang dang / gti mug la gnas par 'gyur ro/ /gsol pa/ bcom ldan 'das rnal 'byor spyod pa gang 'dod chags</font><hr>43-1-269a<br><font size=+1>
dang / zhe sdang dang / gti mug las gud du stong pa nyid tshol ba de ni rnal 'byor la mi spyod pa lags te/ rnal 'byor ma lags pa'o/ /de ci'i slad du zhe na/ bcom ldan 'das 'dod chags dang / zhe sdang dang / gti mug las gud du stong pa nyid btsal bar bgyi ba ma mchis te/ bcom ldan 
'das 'dod chags dang / zhe sdang dang / gti mug nyid stong pa lags so/ /bka' stsal pa/ 'jam dpal khyod ci 'dod chags dang bcas/ zhe sdang dang bcas/ gti mug dang bcas pa yin nam/ 'on te 'dod chags dang bral ba/ zhe sdang dang bral ba/ gti mug dang bral ba yin/ gsol 
pa/ /bcom ldan 'das 'dod chags dang / zhe sdang dang / gti mug rnams kyi stong pa nyid gang lags pa de dang bdag mnyam ste/ gang mnyam pa nyid de thob pa de ni 'dod chags dang bcas pa yang ma lags/ 'dod chags dang bral ba yang ma lags/ zhe sdang dang bcas pa yang ma lags/ zhe sdang 
dang bral ba yang ma lags/ gti mug dang bcas pa yang ma lags/ gti mug dang bral ba yang ma lags so/ /bcom ldan 'das dge sbyong dang / bram ze gang dag bdag la 'dod chags dang bral ba/ zhe sdang dang bral ba/ gti mug dang bral bar yang dag par rjes su lta zhing pha rol la 'dod 
chags dang bcas pa dang / zhe sdang dang bcas pa dang / gti mug dang bcas par yang dag par rjes su lta ba de dag ni lta bar gyur pa gnyis la chags pa lags so/ /gnyis gang lags she na/ chad par lta ba dang / rtag par lta ba lags so/ /de ci'i slad du zhe na/ gang bdag la 'dod chags 
dang bral ba dang / zhe sdang dang bral ba dang / gti mug dang bral bar yang dag par rjes su lta ba de ni de dag gi chad par lta ba lags so/ /gang pha rol la 'dod chags dang bcas pa/ zhe sdang dang bcas pa/ gti mug dang bcas par yang dag par rjes su lta ba de ni de dag gi rtag par lta ba lags so/ /
yang bcom ldan 'das yang dag par zhugs pa'i dge slong ni pha rol dman pa dang / bdag khyad par du 'phags par yang dag par rjes su mi lta lags so/ /bka' stsal pa/ 'jam dpal gang yang dag par zhugs pa de gang du zhugs pa yin/ gsol pa/ bcom ldan 'das gang yang dag</font><hr>43-1-269b<br><font size=+1>
par zhugs pa de ni gang du yang zhugs pa ma lags so/ /bka' stsal pa/ 'jam dpal gang yang dag par zhugs pa de lam la zhugs pa ma yin nam/ gsol pa/ bcom ldan 'das gang lam la zhugs pa de ni 'dus bgyis la zhugs pa lags te/ gang 'dus bgyis la zhugs pa de mnyam pa nyid du 
ga la 'gyur lags/ de ci'i slad du zhe na/ bcom ldan 'das 'dus bgyis na skye ba dang / 'jig pa dang / gnas pa dang ldan pa'i slad du'o/ /bka' stsal pa/ 'jam dpal 'dus ma byas la grangs gang yang yod dam/ gsol pa/ bcom ldan 'das 'dus ma bgyis la grangs gang yang ma 
mchis lags so/ /bcom ldan 'das gal te 'dus ma bgyis la/ grangs mchis par gyur na de 'dus bgyis nyid du 'gyur gyi 'dus ma bgyis ma lags so/ /bka' stsal pa/ 'jam dpal gang 'dus ma byas thob pa'i 'phags pa thams cad la grangs gang yang yod par 'gyur ba'i rnam 
grangs yod dam/ gsol pa/ bcom ldan 'das 'phags pa rnams la grangs gang yang ma mchis te/ bcom ldan 'das 'phags pa rnams ni grangs ma mchis pa/ grangs dang bral ba lags so/ /bka' stsal pa/ 'jam dpal ci khyod 'phags pa'i chos dang ldan pa yin nam/ 'on te 'phags 
pa ma yin pa'i chos dang ldan pa yin/ gsol pa/ bcom ldan 'das bdag ni 'phags pa'i chos dang ldan pa yang ma lags/ 'phags pa ma lags pa'i chos dang ldan pa yang ma lags so/ /ci lags gang bcom ldan 'das kyi sprul pa de 'phags pa'i chos dang ldan pa lags sam/ 'phags 
pa ma lags pa'i chos dang ldan pa lags/ bka' stsal pa/ 'jam dpal sprul pa ni 'phags pa'i chos dang ldan pa yang ma yin/ 'phags pa ma yin pa'i chos dang ldan pa yang ma yin no/ /gsol pa/ chos thams cad sprul pa lta bu'o zhes bcom ldan 'das kyis ma bstan pa lags sam/ 
bka' stsal pa/ 'jam dpal de lta'o/ /gsol pa/ bcom ldan 'das chos thams cad sprul pa'i rang bzhin gyis mtshan nyid lags na bdag kyang de'i rang bzhin gyi mtshan nyid lags te/ de'i slad du bdag 'phags pa'i chos dang ldan pa yang ma lags/ 'phags pa ma lags pa'i chos</font><hr>43-1-270a<br><font size=+1>
dang ldan pa yang ma lags so/ /bka' stsal pa/ 'jam dpal khyod ci dang ldan/ gsol pa/ bcom ldan 'das bdag ni sangs rgyas kyi yul mnyam pa nyid dang mi 'gal ba dang ldan lags so/ /bka' stsal pa/ 'jam dpal khyod kyis sangs rgyas kyi yul rnyed dam/ gsol pa/ bcom ldan 
'das gal te bcom ldan 'das kyis brnyes na bdag gis kyang rnyed lags so/ /de nas tshe dang ldan pa rab 'byor gyis 'jam dpal gzhon nur gyur pa la 'di skad ces smras so/ /'jam dpal de bzhin gshegs pas sangs rgyas kyi yul ma brnyes sam/ smras pa/ gnas brtan gyis nyan thos kyi 
yul gang yang rnyed dam/ smras pa/ 'jam dpal 'phags pa'i rnam par grol ba'i yul yang med/ yul rnyed pa yang med do/ /smras pa/ btsun pa rab 'byor de bzhin du de bzhin gshegs pa'i rnam par grol ba'i yul yang med/ yul brnyes pa yang med do/ /smras pa/ 'jam dpal khyod ni rjes su 
bsrung ba med par chos ston te/ khyod ni las dang po pa rnams rjes su mi srung ngo / /smras pa/ de bas na gnas brtan nyid la yongs su dris khyod kyis ji ltar bzod pa bzhin du lan thob shig /btsun pa rab 'byor 'di ji snyam du sems/ gang sman pa mkhas pas nad pa yongs su srung zhing kha ba dang / skyur ba 
dang / tsha ba'i sman ma byin na ci des nad pa de la nad med pa'i bde ba byin pa yin nam/ /smras pa/ 'jam dpal de ni ma yin no/ /smras pa/ btsun pa rab 'byor de bzhin du gang chos smra bas las dang po pa yongs su srung zhing zab mo'i gtam bcabs te/ gtam sna tshogs bstan na des de yang dang yang 
'chi ba las thar bar byas par mi 'gyur/ shin tu bde ba mya ngan las 'das pa la rab tu bzhag par mi 'gyur ro/ /bstan pa 'di bshad pa na dge slong lnga brgya len pa med par zag pa rnams las sems rnam par grol lo/ /lha'i bu brgyad brgya chos rnams la chos kyi mig rdul med cing dri ma dang 
bral ba rnam par dag go /lha'i bu bdun brgyas 'jam dpal gzhon nur gyur pa'i spobs pa thob nas 'dod cing lhag pa'i bsam pas bla na med pa yang dag par rdzogs pa'i byang chub tu sems bskyed do/ /yang tshe dang ldan pa rab 'byor gyis 'jam dpal gzhon nur gyur pa la 'di skad ces smras so/ /


</font><hr>43-1-270b<br><font size=+1>
'jam dpal khyod nyan thos kyi theg pas sems can 'dul na/ ci khyod nyan thos kyi theg pas rnam par grol ba yin nam/ smras pa/ btsun pa rab 'byor kho bo ni theg pa thams cad kyis rnam par grol te/ btsun pa rab 'byor kho bo ni nyan thos kyi theg pas rnam par grol ba yang yin/ kho bo ni rang sangs rgyas 
kyi theg pas rnam par grol ba'ang yin/ btsun pa rab 'byor kho bo ni theg pa chen pos rnam par grol ba'ang yin no/ /smras pa/ 'jam dpal khyod ci nyan thos sam/ 'on te rang sangs rgyas sam/ 'on te yang dag par rdzogs pa'i sangs rgyas yin/ smras pa/ btsun pa rab 'byor kho bo ni nyan thos yin 
te/ pha rol las mnyan pa'i sgra la sbyor bar brtson pa ni ma yin no/ /kho bo ni rang sangs rgyas yin te/ snying rje chen po dang / mi 'jigs pa dang bral ba ni ma yin no/ /kho bo ni yang dag par rdzogs pa'i sangs rgyas yin te bya ba'i rgyun bcad pa ni ma yin no/ /smras pa/ 'jam dpal khyod ji ltar nyan thos 
yin/ smras pa/ chos ma thos pa mnyan pa/ sems can thams cad la thos par byed de/ des na kho bo nyan thos yin no/ /smras pa/ 'jam dpal khyod ji ltar rang sangs rgyas yin/ smras pa/ kho bos chos thams cad rten cing 'brel bar 'byung bar rtogs te/ des na kho bo rang sangs 
rgyas so/ /smras pa/ 'jam dpal khyod ji ltar yang dag par rdzogs pa'i sangs rgyas yin/ smras pa/ kho bos chos thams cad chos kyi dbyings su mnyam pa nyid kyis mnyam par khong du chud de/ des na kho bo yang dag par rdzogs pa'i sangs rgyas so/ /smras pa/ 'jam dpal khyod nyan thos kyi sa 'am/ 
rang sangs rgyas kyi sa 'am/ 'on te yang dag par rdzogs pa'i sangs rgyas kyi sa 'am/ sa gang la nges pa yin pa gzung bar bya/ smras pa/ btsun pa rab 'byor kho bo ni sa thams cad la nges pa yin par zung shig /smras pa/ 'jam dpal khyod so so'i skye bo'i sa la yang nges par gzung bar bya 
'am/ smras pa/ btsun pa rab 'byor de de bzhin no/ /de ci'i phyir zhe na/ btsun pa rab 'byor chos thams cad ni yang dag pa nyid du nges par nges pa'o/ /nges pa der sems can thams cad kyang nges pa ste/ kho bo yang nges pa der nges pa nyid do/ /des na kho bo so so'i skye bo'i sa la yang nges par</font><hr>43-1-271a<br><font size=+1>
gzung bar bya'o/ /smras pa/ 'jam dpal gal te chos thams cad yang dag pa nyid du nges par nges pa yin na 'di ni so so'i skye bo'i sa'o/ /'di ni nyan thos kyi sa'o/ /'di ni rang sangs rgyas kyi sa'o/ /'di ni byang chub sems dpa'i sa'o/ /'di ni sangs rgyas kyi sa'o zhes sa rnam par gzhag 
pa gdags par ga la 'gyur/ smras pa/ btsun pa rab 'byor 'di lta ste/ dper na/ phyogs bcu'i nam mkha' la 'di ni shar phyogs kyi nam mkha'o/ /'di ni lho phyogs kyi'o/ /'di ni nub phyogs kyi'o/ /'di ni byang phyogs kyi'o/ /'di ni shar lho yi'o/ /'di ni lho nub kyi'o/ /'di ni 
nub byang gi'o/ /'di ni byang shar gyi'o/ /'di ni 'og gi'o/ /'di ni steng gi phyogs kyi nam mkha'o zhes brjod kyang phyogs cha la tha dad pa yod kyi/ nam mkha' la ni tha dad pa med do/ /btsun pa rab 'byor de bzhin du chos thams cad yang dag pa nyid du nges par nges pa la/ de bzhin gshegs pa thabs 
la mkhas pas 'di ni so so'i skye bo'i sa'o/ /'di ni nyan thos kyi sa'o/ /'di ni rang sangs rgyas kyi sa'o/ /'di ni byang chub sems dpa'i sa'o/ /'di ni sangs rgyas kyi sa'o/ /zhes sa rnam par 'jog kyang sa rnam par gzhag pa la tha dad pa yod kyi yang dag pa nyid du nges pa la ni tha dad pa med do/ /
smras pa/ 'jam dpal khyod yang dag pa nyid du nges pa la zhugs sam/ /smras pa/ zhugs pa yang yin la/ byung ba yang yin no/ /smras pa/ 'jam dpal ji ltar na khyod zhugs pa yang yin la/ byung ba yang yin/ smras pa/ btsun pa rab 'byor 'di la byang chub sems dpa' rnams 
kyi thabs dang / shes rab dang / ye shes blta bar bya ste/ btsun pa rab 'byor 'di na skyes bu mkhas pa kha cig bshad pa'i don dpes shes par 'gyur ba yod de/ de'i phyir khyod la dpe bstan par bya'o/ /btsun pa rab 'byor 'di lta ste dper na 'phong gi slob dpon chen po zhig la sdug pa/ mdzes pa/ yid du 'ong ba/ blta na sdug 
pa'i bu gcig pa zhig kyang yod/ de la mi sdug pa/ yid du mi 'ong ba/ phyir rgol ba zhig kyang yod pa las/ des bu gcig pa de thag ring po lam gol ba'i phyogs shig na 'dug pa mthong nas de 'di snyam du de ni bdag la phyir rgol ba yin no snyam du sems skyes te/ des de gsad pa'i phyir mda' 'phangs nas</font><hr>43-1-271b<br><font size=+1>
'phangs ma thag tu bu gcig pa yin pa'i 'du shes skyes te/ de sngon goms pa byas pas shin tu brgyugs te/ mda' de bu gcig pa'i lus la ma phog pa nyid du lag gis 'dzin pa 'di ni don rnam par shes par bya ba'i phyir dper byas pa'o/ /'di la don du blta ba gang zhe na/ btsun pa rab 'byor 'phong gi 
slob dpon zhes bya ba de ni byang chub sems dpa'i tshig bla dgas so/ /btsun pa rab 'byor bu gcig pa zhes bya ba ni sems can thams cad la byang chub sems dpa' bu gcig pa'i 'du shes nye bar 'jog pa yin no/ /gsod pa'i phyir rgol ba zhes bya ba 'di ni nyon mongs pa thams cad kyi tshig bla dgas so/ /
btsun pa rab 'byor mda' zhes bya ba 'di ni 'phags pa'i shes rab kyi dbang po'i tshig bla dgas so/ /btsun pa rab 'byor 'di lta ste dper na 'phong gi slob dpon gyis mda' 'phangs la bu gcig pa'i lus la ma phog par shin tu brgyugs te 'dzin pa de bzhin du/ btsun pa rab 'byor byang chub sems dpa' 
shes rab kyi pha rol tu phyin pa'i stobs bskyed pas 'du byed thams cad skye ba med par so sor rtog go /yang dag pa nyid du nges pa la rnam par bltas nas snying rje chen po dang / thabs la mkhas pa'i stobs bskyed pas yang dag pa'i mtha' mngon sum du byed kyang nyan thos dang / rang sangs rgyas kyi sa la mi 
gnas kyi/ byang chub sems dpa'i sa la gnas so/ /sangs rgyas kyi sa la yang 'dzud do/ /smras pa/ 'jam dpal 'di byang chub sems dpa' gang dag gi yul yin/ smras pa/ btsun pa rab 'byor 'di ni byang chub sems dpa' gang dag 'jig rten na yang spyod la 'jig rten gyi chos rnams kyis 
kyang mi gos shing 'jig rten na yang snang la chos thams cad la snang ba med pas rab tu phye ba'i byang chub sems dpa' de dag gi yul lo/ /btsun pa rab 'byor 'di ni byang chub sems dpa' gang dag sa thams cad la yang snang las ngan pa la yang mi gnas pa dang / btsun pa rab 'byor byang chub sems dpa' 
gang dag sems can thams cad kyi nyon mongs pa spang ba'i phyir yang brtson la/ chos kyi dbyings zad par ni yang dag par rjes su mi lta ba dang / btsun pa rab 'byor byang chub sems dpa' gang dag 'dus byas las kyang bskyod la 'dus ma byas kyang yang dag par ma rnyed pa dang / btsun pa rab 'byor</font><hr>43-1-272a<br><font size=+1>
byang chub sems dpa' gang dag 'khor ba la skyed mos tshal dang gzhal med khang du yang 'du shes la mya ngan las 'das pa yang don du gnyer zhing bsam pa yongs su ma rdzogs pa dang / btsun pa rab 'byor byang chub sems dpa' gang dag bdag med pa'i bzod pa yang thob la sems can yongs 
su smin par bya ba'i phyir yang brtson pa dang / btsun pa rab 'byor byang chub sems dpa' gang dag chos thams cad kyi rang bzhin nam mkha'i rang bzhin du yang shes la sangs rgyas kyi zhing yongs su dag par bya ba la yang brtson pa dang / btsun pa rab 'byor byang chub sems dpa' gang dag sangs rgyas thams 
cad chos kyi dbyings dang mtshungs par yang mthong la/ sangs rgyas kyi sku dang gsung dang thugs kyi rgyan gyi phyir brtson 'grus kyang mi gtong ba'i byang chub sems dpa' de dag gi yul lo/ /smras pa/ 'jam dpal byang chub sems dpa'i spyod pa 'di dag ni 'jig rten thams cad dang mi 'thun pa'o/ /
smras pa/ btsun pa rab 'byor 'di ltar byang chub sems dpa' rnams 'jig rten gyi chos yongs su shes pa dang ldan yang 'jig rten gyi chos las yang dag par 'da' ba'i phyir sems can rnams la chos ston to/ /smras pa/ 'jam dpal khyod 'jig rten gyi chos las yang dag par 'da' ba las 
rtsoms te spobs par gyis shig /ji ltar byang chub sems dpa' rnams 'jig rten gyi chos las yang dag par 'da'/ smras pa/ btsun pa rab 'byor 'jig rten zhes bya ba ni phung po lnga'o/ /lnga gang zhe na/ gzugs kyi phung po dang / tshor ba dang / 'du shes dang / 'du byed dang / rnam par 
shes pa'i phung po'o/ /de la gzugs ni dbu ba rdos pa lta bu'o/ /tshor ba ni chu'i chu bur lta bu'o/ /'du shes ni smig rgyu lta bu'o/ /'du byed thams cad ni chu shing lta bu'o/ /rnam par shes pa ni sgyu ma lta bu'o/ /dbu ba dang / chu'i chu bur dang / smig rgyu dang / chu shing dang / sgyu ma gang yin pa de 
la 'jig rten yang med/ 'jig rten du gdags pa yang med/ phung po rnams kyang med/ phung por gdags pa yang med par gang phung po'i rang bzhin la de ltar mos pa de ni yang dag par zhugs pa'o/ /gang yang dag par zhugs pa de 'jig rten gyi chos rnams dang ma 'dres pa'o/ /gang</font><hr>43-1-272b<br><font size=+1>
'jig rten gyi chos rnams dang ma 'dres pa de 'jig rten gyi chos rnams las yang dag par 'da'o/ /btsun pa rab 'byor gzhan yang phung po lnga ni rang bzhin gyis stong ngo / /gang rang bzhin gyis stong pa de la gnyis su med do/ /gang gnyis su med pa de la ngar 'dzin pa med/ nga yir 'dzin pa med do/ /gang la ngar 
'dzin pa med pa dang / nga yir 'dzin pa med pa de la chags pa med de/ chags pa med pa rnyed pa ni 'jig rten las yang dag par 'da'o/ /btsun pa rab 'byor gzhan yang phung po lnga ni rkyen la rag lus pa'o/ /gang dag rkyen la rag lus pa de dag rag lus pa med pa'o/ /gang dag rag lus pa 
med pa de dag bdag po med pa'o/ /gang dag bdag po med pa de dag bdag gi ba med pa'o gang dag bdag gi ba med pa de dag yongs su 'dzin pa med pa'o/ /gang dag yongs su 'dzin pa med pa de la 'thab pa med do/ /gang la 'thab pa med pa de la rtsod pa med do/ /gang la rtsod pa med pa de dag dge 
sbyong gi chos rtsod pa med pa'o/ /gang dag dge sbyong gi chos mi rtsod pa de dag nam mkha' la lag pa dang mtshungs te/ chos thams cad kyang nam mkha' la lag pa dang mtshungs par shes nas 'jig rten las yang dag par 'da'o/ /btsun pa rab 'byor gzhan yang phung po lnga ni chos kyi dbyings dang mnyam 
pa'o/ /chos kyi dbyings kyang dbyings med pa ste/ gang dbyings med pa de la mig gi khams med do/ /gzugs kyi khams med do/ /mig gi rnam par shes pa'i khams med do/ /rna ba'i khams med do/ /sgra'i khams med do/ /rna ba'i rnam par shes pa'i khams med do/ /sna'i 
khams med do/ /dri'i khams med do/ /sna'i rnam par shes pa'i khams med do/ /lce'i khams med do/ /ro'i khams med do/ /lce'i rnam par shes pa'i khams med do/ /lus kyi khams med do/ /reg pa'i khams med do/ /lus kyi rnam par shes pa'i khams med do/ /yid kyi 
khams med do/ /chos kyi khams med do/ /yid kyi rnam par shes pa'i khams med do/ /gang khams med pa de la sa'i khams med do/ /chu'i khams med do/ /me'i khams med do/ /rlung gi khams med do/ /nam mkha'i khams med do/ /rnam par shes pa'i khams med do/ /


</font><hr>43-1-273a<br><font size=+1>
'dod pa'i khams med do/ /gzugs kyi khams med do/ /gzugs med pa'i khams med do/ /'dus byas kyi khams med do/ /'dus ma byas kyi khams med do/ /gang khams med pa de la bdag med/ sems can med/ srog med/ gso ba med/ gang zag med/ shed las skyes med/ shed bu med de/ 
gang gis de dag rjes su rtogs pa med pa'i tshul gyis mnyam pa nyid du rtogs pa de 'jig rten las yang dag par 'da'o/ /bstan pa 'di bshad pa na 'khor de las dge slong stong nyis brgya len pa med par zag pa rnams las sems rnam par grol lo/ /de dag sems rnam par grol nas rang rang gi bla 
gos kyis 'jam dpal gzhon nur gyur pa la bkab ste/ tshig 'di skad du gang dag chos zab mo bstan pa 'di la mos pa med pa'i sems can de dag ni thob pa yang med/ mngon par rtogs pa yang med do zhes 'dzer to/ /de nas tshe dang ldan pa rab 'byor gyis dge slong de dag la 'di skad ces smras so/ /
tshe dang ldan pa dag gis ci zhig thob cing ci zhig mngon par rtogs/ dge slong de dag gis 'di skad ces smras so/ /btsun pa rab 'byor dge sbyong ni thob pa med pa/ mngon par rtogs pa med pa'o/ /de ci'i phyir zhe na/ thob pa zhes bya ba de ni g.yo ba nyid do/ /mngon par rtogs pa zhes bya ba de ni 
rlom sems nyid do/ /g.yo ba dang rlom sems gang yin pa de ni bdud kyi las so/ /lhag pa'i nga rgyal can dag ni bdag gis thob bo/ /bdag gis mngon par rtogs so zhes 'di lta bu 'di dag gi tshul du rnam par rtog par 'gyur ro/ /smras pa/ tshe dang ldan pa dag gis lhag pa'i nga rgyal can rnams 
shes sam/ smras pa/ bcom ldan 'das mkhyen pa dang ldan pas mkhyen te/ bdag cag ni ji ltar sdug bsngal gyi mtshan nyid mi shes par bdag gis sdug bsngal yongs su shes so zhes smra ba lhag pa'i nga rgyal can du rig par bya zhing kun 'byung ba'i mtshan nyid dang / 'gog pa'i mtshan nyid 
dang / lam gyi mtshan nyid mi shes pa bdag gis lam bsgoms so zhes smra ba lhag pa'i nga rgyal can du rig par bya'o snyam mo/ /de ci'i phyir zhe na/ sdug bsngal gyi mtshan nyid dang / kun 'byung ba'i mtshan nyid dang / 'gog pa'i mtshan nyid dang / lam gyi mtshan nyid gang yin pa de ni skye</font><hr>43-1-273b<br><font size=+1>
ba med pa'i mtshan nyid de/ skye ba med pa'i mtshan nyid ni mtshan nyid med pa'o/ /mtshan nyid med pa ni 'phags pa rnams kyi rnam par grol ba'o/ /chos thams cad kyang rnam par grol ba'i mtshan nyid de/ de la ni gang sdug bsngal yongs su shes so/ /gang kun 'byung ba spong ngo / /gang 'gog pa mngon 
du byed do/ /gang lam sgom mo zhes bya ba gang yang mi dmigs te/ chos thams cad mnyam pa nyid 'di thos nas skrag pa de lhag pa'i nga rgyal can yin par rig par bya'o/ /de nas bcom ldan 'das kyis dge slong de dag la legs so zhes bya ba byin te/ gnas brtan rab 'byor la bka' stsal 
pa/ rab 'byor dge slong 'di dag gis ji skad bstan pa de de bzhin no/ /rab 'byor dge slong 'di dag gis de bzhin gshegs pa 'od srung gi gsung rab la 'jam dpal gzhon nur gyur pa nyid las zab mo'i chos bstan pa 'di lta bu 'di thos te/ chos zab mo mnyan pa de nyid kyi rgyus 'di ltar mngon 
par shes pa myur bar gyur to/ /zab mo'i chos bstan pa 'di la yang rjes su 'thun par gyur te mi 'thun pa ma yin no/ /rab 'byor rnam grangs des na theg pa chen po la yang dag par zhugs pa rnams ma gtogs par gang dag pa'i gsung rab 'di la chos zab mo bstan pa 'di nyan cing 
thos nas kyang lhag par mos pa de dag thams cad ni de bzhin gshegs pa byams pa'i gsung rab la 'dus pa gsum gyi grangs su gtogs par rig par bya'o/ /gang yang theg pa chen po la yang dag par zhugs pa de ni bzod pa gang yang rung ba 'thob par 'gyur ro/ /de nas lha'i bu dpal 
bzangs kyis 'jam dpal gzhon nur gyur pa la 'di skad ces smras so/ /'jam dpal khyod rgyun tu 'dzam bu'i gling na chos ston tam/ 'jam dpal dga' ldan gyi gnas su bzhud do/ /der dga' ldan gyi ris kyi lha rnams la chos bstan du gsol/ de na lha'i bu sngon gyi rgyal ba la lhag 
par bya ba byas pa dge ba'i rtsa ba bskyed pa dag yod de/ de dag yul phun sum tshogs pas bag med pa'i dbang gis bcom ldan 'das dang / khyod la chos nyan du mi 'ong bas na de dag chos mi nyan pas yongs su nyams par 'gyur te/ de dag khyod las chos thos nas dge ba'i</font><hr>43-1-274a<br><font size=+1>
rtsa ba chen po 'phel bar 'gyur ro/ /de nas 'jam dpal gzhon nur gyur pas de'i tshe gang gis lha'i bu dpal bzangs dang / thams cad dang ldan pa'i 'khor de dag dga' ldan gyi gnas su bzhugs par bdag nyid kyis shes pa dang / nyams dga' ba'i kun dga' ra ba dang / nyams dga' ba'i tshal dang / 
nyams dga' ba'i rdzing dang / nyams dga' ba'i skyed mos tshal dang / rim pa bdun dang / brgyad dang / bcu dang / nyi shu pa'i khang pa brtsegs pa bsil khang dang / ba gam dang / stegs bu dang / rta babs dang / skar khung dang ldan pa de dag kyang snang ba dang / lha'i bu mo rkang lag 'jam zhing mnyen pa/ gser gyi dra ba ltar 
'od rnam par dag pa/ smin ma legs pa/ 'phral ba legs pa/ bzhin legs pa/ mig pad ma 'dab ma brgyad pa sngon po lta bur mdzes shing dri ma med pa shin du yangs pa/ 'dod pa'i sems bskyed pa/ zla ba tshes pa ltar mngon par dga' ba/ bzhin 'dzum pa dang bcas pa de dag rgyud gcig pa dang / pi bang 
dang / sgra snyan dang / khar ba'i sil khrol dang / pheg dang / rnga zlum dang / rdza rnga dang / rnga snyan pa dang / gling bu dang / glu dbyangs dang / rol mo'i dbyangs sgra dang / gar dang / bzhad gad dang / 'jo ba dang / sgeg pa dang / rtse bas rgyags shing dga' ba dang / rtse ba dang / dga' mgur spyod pa dag kyang snang ba de lta bu'i rdzu 
'phrul mngon par bya ba mngon par byas so/ /de 'dra ba'i byin gyi rlabs kyis byin gyis rlabs so/ /de nas lha'i bu dpal bzangs kyis rang gi gnas rgyan thams cad kyis brgyan pa yang mthong / rang gi g.yog 'khor rnams kyang mthong ngo / /mthong nas kyang ngo mtshar du gyur te/ 'jam dpal gzhon nur gyur pa la 'di skad ces smras 
so/ /'jam dpal bdag cag 'di ltar myur du dga' ldan gyi gnas su phyin te/ nyams dga' ba'i kun dga'i ra ba 'di dag dang zhes bya ba nas/ dga' ba dang / rtse ba dang / dga' mgur spyod pa dang / bdag gi rang gi gnas 'di dang rang gi g.yog ces bya ba'i bar du sbyar te/ 'di dag snang ba ngo mtshar to/ /de 
nas tshe dang ldan pa rab 'byor gyis lha'i bu dpal bzangs la 'di skad ces smras so/ /lha'i bu khyod ni 'khor gyi dkyil 'khor 'di nas gang du yang ma g.yos la/ dga' ldan gyi gnas su yang ma phyin te/ lha'i bu 'on kyang thams cad dang ldan pa'i 'khor 'di dga' ldan gyi gnas su zhugs par bdag nyid kyis</font><hr>43-1-274b<br><font size=+1>
shes pa dang / lha'i bu kho bo cag kyang dga' ldan gyi gnas su zhugs par bdag nyid kyis shes pa de ni 'jam dpal gzhon nur gyur pa'i rdzu 'phrul rnam par 'phrul ba'i cho 'phrul dang / ting nge 'dzin gyi byin gyis brlabs kyi stobs so/ /de nas bcom ldan 'das la lha'i bu dpal bzangs kyis 'di skad ces 
gsol to/ /bcom ldan 'das 'jam dpal gzhon nur gyur pa'i rdzu 'phrul rnam par 'phrul ba'i stobs dang / ting nge 'dzin gyi byin gyis brlabs kyi stobs 'di ni bsam gyis mi khyab ste/ 'di ltar thams cad dang ldan pa'i 'khor 'di sa phyogs 'di nas gang du yang ma g.yos par 'di snyam du bdag cag dga' 
ldan gyi gnas su phyin to snyam pa ni ngo mtshar lags so/ /bcom ldan 'das kyis bka' stsal pa/ lha'i bu 'jam dpal gzhon nur gyur pa'i rdzu 'phrul rnam par 'phrul pa ji snyed cig ngas shes pa las khyod kyis ji tsam zhig shes te/ lha'i bu 'jam dpal gzhon nur gyur pa 'dod na sangs rgyas kyi zhing gi yon tan bkod 
pa gang gA'i klung gi bye ma snyed gang dag yod pa de dag thams cad zhing gcig tu yang dag par ston to/ /sangs rgyas kyi zhing gang gA'i klung gi bye ma snyed gang dag yod pa/ de dag gtsug phud kyis phug ste/ sting gi bar snang gi nam mkha' la 'jog go /sangs rgyas kyi zhing de dag na rgya mtsho chen por gyur pa'i 
chu'i phung po gang dag yod pa de dag thams cad spu'i khung bu gcig tu blugs kyang chu'i sems can rnams la gnod pa med de/ thams cad kyang rang rang gi rgya mtsho chen po na gnas par bdag nyid kyis shes so/ /sangs rgyas kyi zhing de dag na ri'i rgyal po ri rab gang dag yod pa de dag thams cad ri gcig tu byin gyis 
brlabs te/ ri de dag yungs kar gyi 'bru'i nang du bcug kyang ri rab la gnas pa'i lha de dag la yang gnod pa med de/ thams cad kyang rang rang gi gnas na 'khod par bdag nyid kyis shes so/ /sangs rgyas kyi zhing de dag na 'gro ba lngar skyes pa'i sems can gang dag yod pa de dag thams cad lag pa g.yas 
pa'i mthil du bzhag ste/ 'jig rten gyi khams bde ba thams cad kyis rab tu brgyan pa'i sems can rnams kyi bde bar sbyar ba ci 'dra ba de lta bu dag de dag la sgrub po/ /gang yang sangs rgyas kyi zhing gang gA'i klung gi bye ma snyed sreg par byed pa'i me de dag thams cad mar me'i snying po gcig gi me lce</font><hr>43-1-275a<br><font size=+1>
tsam gyi mer byin gyis rlob ste/ des bya ba byed pa gang yin pa de byed do/ /sangs rgyas kyi zhing gang gA'i klung gi bye ma snyed dag na nyi ma dang zla ba'i 'od gang dag yod pa de dag thams cad spu'i khung bu gcig gi 'od kyis zil du rlag par byed do/ /lha'i bu 'jam dpal gzhon nur gyur pa'i rdzu 'phrul rnam par 
'phrul pa'i cho 'phrul las brtsams nas nga bskal pa'am/ bskal pa las lhag par yang chos ston te/ 'jam dpal gzhon nur gyur pa ni rdzu 'phrul dang byin gyi rlabs kyi stobs bsam gyis mi khyab pa 'di lta bu dang ldan no// //bam po gnyis pa ste tha ma/ de nas bdud sdig can 'khor de nyid 
du 'dus par gyur nas 'dug ste/ des bdag nyid dge slong gi gzugs su byin gyis brlabs nas bcom ldan 'das la 'di skad ces gsol to/ /bcom ldan 'das 'jam dpal gzhon nur gyur pa'i rdzu 'phrul rnam par 'phrul pa'i cho 'phrul de bdag gis blta bar bgyi'o/ /bcom ldan 'das tshig tsam du gsungs 
pas ci sman gyis bdag la mngon sum du gyur cig /de nas bcom ldan 'das kyis bdud sdig can du mkhyen bzhin du sems can tshad med pa de dag gi dge ba'i rtsa ba rnam par spel ba'i phyir 'jam dpal gzhon nur gyur pa la 'di skad ces bka' stsal to/ /'jam dpal ngas khyod la bskul gyis khyod kyis 
'khor 'di dag la rang gi rdzu 'phrul gyi stobs dang cho 'phrul ston cig dang / sems can tshad med pa rnams kyi dge ba'i rtsa ba rnam par 'phel bar 'gyur ro/ /de nas 'jam dpal gzhon nur gyur pa bcom ldan 'das kyis bskul bar shes nas chos thams cad sems kyis dbang sgyur ba rnam par 'phrul pa zhes bya 
ba'i ting nge 'dzin la snyoms par zhugs so/ /'jam dpal gzhon nur gyur pas chos thams cad sems kyis dbang sgyur ba rnam par 'phrul pa'i ting nge 'dzin la snyoms par zhugs ma thag tu de nas de'i mod la thams cad dang ldan pa'i 'khor des 'jam dpal gzhon nur gyur pa'i rdzu 'phrul rnam par 'phrul pa'i cho 
'phrul bcom ldan 'das kyis ji skad gsungs pa de bzhin du ma chad pa dang / ma lhag pa dang / mi mang bar mthong ngo / /de nas thams cad dang ldan pa'i 'khor gyis cho 'phrul de mthong nas ngo mtshar du gyur te/ sangs rgyas byung ba legs so legs so/ /sangs rgyas byung ba ni sems can rnams la don</font><hr>43-1-275b<br><font size=+1>
chen por nye bar gnas so/ /de byung bas skyes bu dam pa 'di lta bu 'di dag kyang 'jig rten du byung ba yin no/ /cho 'phrul bsam gyis mi khyab pa 'di lta bu yang 'jig rten na snang ba yin no zhes ched du brjod pa ched du brjod do/ /de nas bdud sdig can gyis cho 'phrul de mthong ste/ ngo mtshar du gyur nas thal mo sbyar te 'jam dpal gzhon 
nur gyur pa la phyag 'tshal zhing tshig 'di skad ces smras so/ /'jam dpal gzhon nur gyur pa'i rdzu 'phrul gyi cho 'phrul bsam gyis mi khyab ste ngo mtshar to/ /sems can gang dag cho 'phrul bshad pa 'di thos nas mos pa de dag ngo mtshar che bar bdag gis bsams so/ /bcom ldan 'das gal te bdud 
sdig can gang gA'i klung gi bye ma snyed du gyur kyang de ltar mos pa'i sems can de la bar chad bgyi ba'i rngo mi thog lags so/ /bcom ldan 'das bdud sdig can bdag ni rtag tu rgyun mi 'chad par de bzhin gshegs pa la glags lta zhing skabs tshol ba dang / sems can rnams la yang gtse bar sems pa 
dang / brtson pa'i gang zag rnams kyi dge ba'i rtsa ba'i bar chad bgyi ba'i slad du yang zhugs pa lags te/ bcom ldan 'das deng slan chad grong dang / grong khyer dang / grong rdal dang / ljongs dang / yul 'khor dang / pho brang 'khor gang na chos kyi rnam grangs 'di rab tu spyod pa der kho ra khor yug tu dpag 
tshad brgya tshun chad du mig gis mi rtsol bar bgyi ba'i slad du bdag mi mchi bar bdag yi dam de lta bu blang bar bgyi'o/ /gang dag 'chang ba dang / 'chad pa dang / ston pa dang / so sor rtog pa dang / bsgrub pa de la ston pa la bgyi ba ltar gus pa bskyed par bgyi'o/ /bcom ldan 'das lags kyang bdag gi 'khor gang de bzhin gshegs pa'i bstan pa'i bar chad bgyi ba dang / brtson pa rnams g.yengs par bgyi ba'i slad du zhugs pa dag mchis te de dag chad pas dgum pa'i slad du rigs kyi bu'am rigs kyi bu mo de dag gis gsang sngags kyi tshig 'di dag dran par bgyi'o/ /tad+ya thA/ a ma le/ 
bi ma le/ s+thi ta twe/ a ga la ma ni rdzi ta sha tru/ dza ye dza ya ba ti/ b+hU ta ma ti/ sha me/ shAn ti/ a phu me/ phu phu me/ d+hi re/ a khe/ ma khe/ kha khe/ mi si le/ a ga me/ phu la te/ phu la/ phu le/ pha shu me/ shu shu me/ d+hi d+he re/ a na ba na te/ s+thi ta twe/ kr-i tA ra the/ kri tA bIr+ya/ bai ro tsa nasad d+harma b+ha Na ko


</font><hr>43-1-276a<br><font size=+1>
s+ya sU tra s+ya d+hA ri ka/ a b+h+ra mu ga ta i ba sUr+ya swA hA/ bcom ldan 'das chos smra ba gang gsang sngags kyi tshig 'di rnams kyis kun du bsrungs pa de la bdud kyi ris kyi lha'i bu rnams kyis bar chad bgyi ba ni gnas ma lags shing skabs ma lags te/ de ni gnas ma mchis kyi steng du de la gos 
dang / zas dang / mal cha dang / na ba'i gsos sman dang / yo byad rnams nye bar bsgrub pa dang / spro bar bgyi ba dang / spobs par bgyi bar spro bar 'gyur lags so/ /bcom ldan 'das rigs kyi bu 'am rigs kyi bu mo gang dag gsang sngags kyi tshig 'di dag brjod pas g.yeng ba ma mchis 
pa'i rgyud kyis gdugs mtshan 'das par bgyid pa de dag lha rnams kyis bsrungs par 'gyur/ klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma lags pa rnams kyis bsrungs par 'gyur te/ de 
dag la slar rgol ba'am mi mdza' ba gang gis glags bltas kyang glags rnyed par mi 'gyur lags so/ /de nas bcom ldan 'das kyis bdud sdig can la legs so zhes bya ba byin te/ sdig can legs so legs so/ /'dir khyod kyis gsang sngags kyi tshig bstan pa brjod pas 
'jig rten gyi khams gang gA'i klung gi bye ma snyed rnam pa drug tu g.yos te/ khyod kyi spobs pa de thams cad ni 'jam dpal gzhon nur gyur pa'i byin gyis brlabs su rig par bya'o/ /'jam dpal gzhon nur gyur pa'i rdzu 'phrul rnam par 'phrul pa'i cho 'phrul dang byin gyi rlabs 'di bstan 
pa dang / bdud kyi gsang sngags kyi stobs dang / rig sngags kyi stobs bstan pa na srog chags nyi khris bla na med pa yang dag par rdzogs pa'i byang chub tu sems bskyed par gyur to/ /de nas 'jam dpal gzhon nur gyur pas rdzu 'phrul bsdus nas lha'i bu dpal bzangs la 'di skad ces 
smras so/ /lha'i bu khyod dga' ldan gyi gnas su song la dga' ldan gyi ris kyi lha'i bu rnams sdus shig dang kho bo yang der 'ong ngo / /de nas lha'i bu dpal bzangs kyis 'jam dpal gzhon nur gyur pa'i ltar mnyan te/ bcom ldan 'das dang 'jam dpal gzhon nur gyur pa dang</font><hr>43-1-276b<br><font size=+1>
byang chub sems dpa'i dge 'dun thams cad dang / nyan thos kyi dge 'dun la bskor ba byas nas 'khor dang bcas par 'khor de nas mi snang bar gyur te dga' ldan gyi gnas su phyin to/ /de nas lha'i bu dpal bzangs kyis dga' ldan gyi ris kyi lha'i bu rnams la smras pa/ grogs po dag shes 
par gyis shig /'jam dpal gzhon nur gyur pa'o bu cag la snying brtse ba'i phyir 'dir 'ong gis de la dga' ldan gyi ris kyi lha khyed dga' ba dang / rtse ba la bag med pa 'or te bag yod par gyis la 'jam dpal gzhon nur gyur pa la chos nyan du sheg shig /de nas lha'i bu dpal 
bzangs kyis 'jam dpal gzhon nur gyur pa la mchod pa'i las kyi phyir dga' ldan gyi gnas kyi dbus su lha'i yid las byung ba rin po che thams cad las byas pa'i 'khor gyi khyams chur shar nub tu dpag tshad sum khri nyis stong yod la/ zheng lho byang du dpag tshad khri drug stong yod pa byas te/ 
der seng ge'i khri sna tshogs blta na sdug pa lha'i ras bcos bu brgya stong du ma bting ba stong phrag du ma byas so/ /de nas lha'i bu dpal bzangs kyis rnam pa 'di lta bu'i 'khor gyi khyams bkod pa de dag dang / seng ge'i khri rnams kyang byas nas thal mo sbyar te/ 'jam dpal gzhon nur gyur pa la 'di 
skad ces smras so/ /'jam dpal 'khor gyi khyams bkod pa dang / seng ge'i khri bkod pa bgyis lags na da de'i dus la bab par mkhyen na gshegs su gsol/ de nas 'jam dpal gzhon nur gyur pa dang / byang chub sems dpa' khri nyis stong dang / nyan thos kyi mchog lnga brgya 
dang / lha dang / klu dang / gnod sbyin dang / dri za stong phrag du ma dag dang lhan cig tu yongs su bskor cing mdun du bdar te/ bcom ldan 'das kyi zhabs la mgo bos phyag 'tshal nas bcom ldan 'das la lan gsum bskor ba byas te/ bcom ldan 'das kyi drung nas mi snang bar gyur 
nas/ skad cig thang cig yud tsam de la dga' ldan gyi gnas su phyin to/ /de nas 'jam dpal gzhon nur gyur pa rin po che bkod pa'i 'khor gyi khyams der rang gi khri ji ltar bshams pa la 'dug go /byang chub sems dpa' rnams dang / nyan thos chen po rnams dang / thams</font><hr>43-1-277a<br><font size=+1>
cad dang ldan pa'i 'khor kyang stan ci rigs pa la 'khod do/ /rgyal chen bzhi'i ris kyi lha rnams dang / sum cu rtsa gsum dang / 'thab bral dang / 'phrul dga' dang / gzhan 'phrul dbang byed dang / bdud kyi ris rnams dang / gzugs na spyod pa'i tshangs ris kyi lha nas bzung ste/ 
'og min gyi bar gyi lha rnams kyis gcig nas gcig tu sgra thos pa/ 'di ltar 'jam dpal gzhon nur gyur pa dga' ldan gyi gnas su 'bel ba'i chos kyi gtam chen po smra bar 'gyur gyis bdag cag kyang chos mnyan pa'i phyir nges par der 'dong bar bya'o/ /skyes bu dam pa de lta bu dag mthong ba ni 
legs par mthong ba'o/ /de dag las chos thos pa ni legs par thos pa'o zhes sgra thos nas skad cig thang cig yud tsam de la 'dod pa na spyod pa dang / gzugs na spyod pa'i lha'i bu tshad med grangs med pa dag rang rang gi gnas nas mi snang bar gyur te/ dga' ldan gyi gnas su phyin to/ /
de nas 'jam dpal gzhon nur gyur pas de lta bu'i byin gyi rlabs kyi byin gyis brlabs pas des lha'i 'khor de tsam du tshad med pa dag rin po che bkod pa'i khyams kyi 'khor de nyid du go skabs yangs par gnas par gyur to/ /de nas lha'i bu dpal bzangs kyis 'jam dpal gzhon nur gyur pa 
la 'di skad ces smras so/ /'jam dpal lha'i 'khor chen po 'di 'dus lags na chos kyi bka' mchid las brtsams te spobs par mdzad du gsol/ de skad ces smras pa dang / 'jam dpal gzhon nur gyur pas lha'i bu dpal bzangs dang / thams cad dang ldan pa'i 'khor de la 'di skad ces 
smras so/ /grogs po dag chos bzhi po 'di dag ni byang chub sems dpa' rnams kyi dge ba'i chos thams cad sdud par 'gyur ba dag go /bzhi gang zhe na/ 'di lta ste tshul khrims la gnas pa'i thos pa dang / bsam gtan la gnas pa'i shes rab dang / mngon par shes pa la gnas 
pa'i ye shes dang / thabs la gnas pa'i bag yod pa ste/ grogs po dag chos bzhi po de dag ni byang chub sems dpa' rnams kyi dge ba'i chos thams cad sdud par 'gyur ba'o/ /grogs po dag de la yongs su dag pa rnam pa brgyad kyis tshul khrims la 'jug ste/ yongs su dag pa</font><hr>43-1-277b<br><font size=+1>
rnam pa brgyad kyis ji ltar 'jug ce na/ 'di lta ste/ lus dag pa'i rnam pas 'jug pa dang / ngag dag pa'i rnam pas 'jug pa dang / sems dag pa'i rnam pas 'jug pa dang / bsam pa dag pa'i rnam pas 'jug pa dang / 'tsho ba dag pa'i rnam pas 'jug pa dang / sbyangs pa'i yon tan dang 
yo byad bsnyungs pa dag pa'i rnam pas 'jug pa dang /tshul 'chos pa dang / kha gsag dang / gzhogs slong dang / thob kyis 'jal ba thams cad rnam par spong ba'i rnam pas 'jug pa dang / byang chub kyi sems mi brjed pa'i rnam pas 'jug pa ste/ grogs po dag de ltar yongs su dag 
pa rnam pa brgyad kyis tshul khrims la 'jug go /grogs po dag de la rnam pa brgyad kyis thos pa yongs su dag ste/ rnam pa brgyad gang zhe na/ 'di lta ste/ bla ma la gus pas yongs su dag pa dang / nga rgyal bcom pas yongs su dag pa dang / brtson 'grus dang ting nge 'dzin thob pas 
yongs su dag pa dang / dran pa mi g.yeng bas yongs su dag pa dang / bstan pa dang rab tu bshad pas yongs su dag pa dang / bdag la mi stod cing gzhan la mi smod pas yongs su dag pa dang / tshul bzhin du so sor rtog pas yongs su dag pa dang / ji ltar thos pa'i chos 
sgrub pas yongs su dag pa ste/ grogs po dag de ltar rnam pa brgyad kyis thos pa yongs su dag go /grogs po dag de la rnam pa brgyad kyis bsam gtan yongs su dag pa ste/ rnam pa brgyad gang zhe na/ 'di lta ste/ dgon pa la gnas shing dben pa la dga' bas yongs 
su dag pa dang / 'du 'dzi spong bas yongs su dag pa dang / yul dang mi 'dre bas yongs su dag pa dang / lus dang sems las su rung bas yongs su dag pa dang / kha zas bsnyungs te lus 'tsho bas yongs su dag pa dang / dmigs pa la 'jog pas yongs su dag pa dang / sgra dang 
mtshan ma thams cad rnam par 'jig pas yongs su dag pa dang / 'phags pa'i bden pa dang zang zing med par so sor yang dag par bgeng pas yongs su dag pa ste/ grogs po dag de ltar rnam pa brgyad kyis bsam gtan yongs su dag go /grogs po dag de la rnam pa brgyad kyis</font><hr>43-1-278a<br><font size=+1>
shes rab yongs su dag ste/ rnam pa brgyad gang zhe na/ 'di lta ste/ phung po la mkhas pa'i rnam pas yongs su dag pa dang / khams la mkhas pa'i rnam pas yongs su dag pa dang / skye mched la mkhas pa'i rnam pas yongs su dag pa dang / rten cing 'brel bar 
'byung ba la mkhas pa'i rnam pas yongs su dag pa dang / bden pa la mkhas pa'i rnam pas yongs su dag pa dang / dbang po la mkhas pa'i rnam pas yongs su dag pa dang / rnam par thar pa'i sgo gsum la mkhas pa'i rnam pas yongs su dag pa dang / bag la nyal dang / kun nas 
dkris pa dang / lta ba thams cad yang dag par 'joms pa la mkhas pa'i rnam pas yongs su dag pa ste/ grogs po dag de ltar rnam pa brgyad kyis shes rab yongs su dag go /grogs po dag de la rnam pa brgyad kyis mngon par shes pa yongs su dag ste/ rnam pa brgyad gang zhe na/ 
'di lta ste/ sgrib pa med par gzugs thams cad mthong bas lha'i mig yongs su dag pa dang / sgrib pa med par sgra thams cad thos pas lha'i rna ba yongs su dag pa dang / sems can thams cad kyi sems kyi spyod pa la rnam par lta bas pha rol gyi sems shes pa yongs su dag pa dang / 
sgrib pa med cing chags pa med par sngon gyi mtha' rjes su dran pas sngon gyi gnas rjes su dran pa'i shes pa yongs su dag pa dang / sangs rgyas kyi zhing mtha' yas par 'gro bas rdzu 'phrul gyi bya ba yongs su dag pa dang / zag pa thams cad zad pa shes pas bsal cing dus ma yin pa 
yongs su spangs pas zag pa zad pa yongs su dag pa dang /g.yo ba dang / rlom sems thams cad dang bral bas dge ba'i rtsa ba mngon par shes pa yongs su dag pa dang / ji ltar sngon dam bcas pa nyams 'og tu chud par byed pas shes pa bstan pa yongs su dag pa ste/ grogs po dag 
de ltar rnam pa brgyad kyis mngon par shes pa yongs su dag go /grogs po dag de la rnam pa brgyad kyis ye shes yongs su dag ste/ rnam pa brgyad gang zhe na/ 'di lta ste/ phung po lnga yongs su shes pas sdug bsngal shes pa yongs su dag pa dang / sred pa shin tu spong bas kun 'byung ba</font><hr>43-1-278b<br><font size=+1>
shes pa yongs su dag pa dang / brten nas skyes pa la skye ba med par so sor rtog pas 'gog pa shes pa yongs su dag pa dang / 'dus byas dang / 'dus ma byas mnyam pa nyid du 'jug pas lam shes pa yongs su dag pa dang / las dang bya ba dang mi 'gal bas rgyu shes pa yongs su 
dag pa dang / bdag med pa dang / sems can med pa dang / srog med pa dang / gso ba med pas rkyen shes pa yongs su dag pa dang / 'khor gsum yongs su gcod pas dus gsum shes pa yongs su dag pa dang / shes rab kyi pha rol tu phyin pa ye shes thams cad la 'jug 
pas thams cad mkhyen pa'i ye shes yongs su dag pa ste/ grogs po dag de ltar rnam pa brgyad kyis ye shes yongs su dag go /grogs po dag de la rnam pa brgyad kyis nges par sems pa yongs su dag ste/ rnam pa brgyad gang zhe na/ 'di lta ste/ nang nye bar zhi bas yongs su dag pa 
dang / phyi rol du mi rgyu bas yongs su dag pa dang / khams gsum la mi gnas pas yongs su dag pa dang / rten cing 'brel par 'byung ba dang 'thun pas yongs su dag pa dang / skye ba med pa dang 'byung ba med pas yongs su dag pa dang / mngon par 'du byed pa med par so sor rtog 
pas yongs su dag pa dang / chos thams cad bdag med par so sor rtog pas yongs su dag pa dang / nyon mongs pa thams cad kyis shin tu mi 'khrugs pas yongs su dag pa ste/ grogs po dag 'di ni rnam pa brgyad kyis nges par sems pa yongs su dag pa'o/ /grogs po dag de la 
rnam pa brgyad kyis bag yod pa yongs su dag ste/ rnam pa brgyad gang zhe na/ 'di lta ste/ tshul khrims mchog tu 'dzin pa med pas yongs su dag pa dang / thos pa yongs su byang bas yongs su dag pa dang / bsam gtan de la ma chags pas yongs su dag pa dang / shes rab dang gsung rab 
kyis yongs su dag pa dang / mngon par shes pa las ma nyams pas yongs su dag pa dang / ye shes kyis rlom sems med pas yongs su dag pa dang / nges par sems pas rtsod pa med pas yongs su dag pa dang / dge ba'i chos chud mi za bas yongs su dag pa ste/ grogs po dag</font><hr>43-1-279a<br><font size=+1>
rnam pa brgyad po de dag gis bag yod pa yongs su dag go /grogs po dag de lta bas na khyed bag yod par gyis shig /bag yod pa la rton pa'i byang chub sems dpa' rnams ni bde ba gsum las yongs su nyams par mi 'gyur ro/ /gsum gang zhe na/ 'di lta ste/ lha'i bde ba dang / bsam 
gtan gyi bde ba dang / mya ngan las 'das pa'i bde ba'o/ /ngan song gsum las yongs su thar bar 'gyur te/ gsum gang zhe na/ 'di lta ste/ sems can dmyal ba dang / dud 'gro'i skye gnas dang / gshin rje'i 'jig rten te gsum po de dag go /sdug bsngal gsum gyis 'phrogs par mi 
'gyur te/ gsum gang zhe na/ skye ba'i sdug bsngal dang / rga ba'i sdug bsngal dang / 'chi ba'i sdug bsngal te gsum po de dag go /'jigs pa gsum las yang dag par 'da' bar 'gyur te/ gsum gang zhe na/ 'tsho ba med pa'i 'jigs pa dang / tshigs su bcad pa med pa'i 'jigs pa dang / 
'khor la bag tsha ba'i 'jigs pa ste gsum po de dag go /srid pa gsum las yang dag par 'da' bar 'gyur te/ 'dod pa'i srid pa dang / gzugs kyi srid pa dang / gzugs med pa'i srid pa'o/ dri ma gsum sbyong ste/ 'dod chags kyi dri ma dang / zhe sdang gi dri ma dang / gti mug gi dri ma'o/ /
bslab pa gsum yongs su rdzogs par byed de/ lhag pa'i tshul khrims dang / lhag pa'i sems dang / lhag pa'i shes rab bo/ /yongs su dag pa gsum thob par 'gyur te/ lus yongs su dag pa dang / ngag yongs su dag pa dang / sems yongs su dag pa'o/ /bsod nams bya ba las byung ba'i dngos po 
gsum yongs su rdzogs par byed de/ sbyin pa las byung ba dang / tshul khrims las byung ba dang / bsgoms pa las byung ba'o/ /rnam par thar pa'i sgo gsum sgom par byed de/ stong pa nyid dang / mtshan ma med pa dang / smon pa med pa'o/ /rigs gsum rgyun mi gcod de/ sangs rgyas kyi 
rigs dang / chos kyi rigs dang / dge 'dun gyi rigs so/ /pha rol tu phyin pa rnams kyi mi 'thun pa'i phyogs gsum gsum rab tu spong ste/ ser sna'i dri ma dang / ser sna'i kun tu sbyor ba dang gtong ba dang ldan pa rnams la sdang ba dang / 'chal ba'i tshul khrims dang / tshul khrims las zlog pa dang / tshul khrims dang ldan pa rnams la</font><hr>43-1-279b<br><font size=+1>
sdang ba dang / gnod sems dang / bzod pa las zlog pa dang / bzod pa dang ldan pa rnams la sdang ba dang / le lo dang / brtson 'grus las zlog pa dang / brtson 'grus dang ldan pa rnams la sdang ba dang / rnam par g.yeng ba dang / bsam gtan las zlog pa dang / bsam gtan dang ldan pa rnams la sdang ba 
dang / 'chal ba'i shes rab dang / shes rab las zlog pa dang / shes rab dang ldan pa rnams la sdang ba'o/ /pha rol tu phyin pa rnams kyi rton pa gsum gsum gyis nye bar rton te/ gsum gsum gang zhe na/ 'di lta ste/ bdog pa thams cad yongs su gtong ba dang / rnam par smin pa la mi re ba dang / 
byang chub tu yongs su sngo ba dang / tshul khrims yang dag par len pa dang / tshul khrims mchog tu 'dzin pa med pa dang / byang chub tu yongs su sngo ba dang / bzod cing des pa dang / bdag dang gzhan rjes su srung ba dang / byang chub tu yongs su sngo ba dang / brtson 'grus gces pa mi 'dor ba dang / blang ba med 
cing dor ba med pa dang / byang chub tu yongs su sngo ba dang / bsam gtan nye bar len pa dang / mi gnas par bsam gtan byed pa dang / byang chub tu yongs su sngo ba dang / shes rab kyis snang ba dang / spros pa med pa dang / byang chub tu yongs su sngo ba ste/ grogs po dag bag yod pa'i byang chub sems 
dpa' rnams ni pha rol tu phyin pa rnams kyi rton pa 'di gsum gsum gyis nye bar rton to/ /grogs po dag de lta bas na khyed cag bag yod par gyis shig /sangs rgyas bcom ldan 'das rnams kyi byang chub dang / de las gzhan pa'i dge ba byang chub kyi phyogs kyi chos gang yin pa dag kyang bag yod pas 'thob 
bo/ /grogs po dag bag yod pa'i byang chub sems dpa' ni tshegs chung ngus dran pa nye bar gzhag pa bzhi bsgom pa yongs su rdzogs par 'gyur te/ dran pa nye bar gzhag pa bzhi bsgom pa gang zhe na/ gang la lus kyi gnas med pa dang / tshor ba'i gnas med pa dang / sems kyi gnas med pa dang / chos kyi gnas med pa de/ 
chos thams cad kyi gnas med cing rten med pa 'di ni dran pa nye bar gzhag pa bsgom pa zhes bya'o/ /tshegs chung ngus yang dag pa'i spong ba bzhi bsgom pa yongs su rdzogs par 'gyur te/ yang dag pa'i spong ba bzhi bsgom pa gang zhe na/ gang chos thams cad nam mkha' dang mtshungs pa dang / gzod ma nyid</font><hr>43-1-280a<br><font size=+1>
nas ma skyes pa dang / ma byung ba dang / ma 'thon pa dang / mngon par ma grub par yang so sor rtog cing sdig pa mi dge ba'i chos ma skyes pa rnams mi skye bar bya ba'i phyir 'dun pa skyed cing 'bad la brtson 'grus rtsom zhing sems rab tu 'dzin te/ yang dag par rab tu 'jog pa dang / chos 
thams cad la las kyi rnam par smin pa med par yang so sor rtog cing / sems can gzhan dag dang / gang zag gzhan rnams kyi mi dge ba'i chos thams cad spang ba'i phyir 'dun pa skyed cing 'bad la brtson 'grus rtsom zhing sems rab tu 'dzin te yang dag par rab tu 'jog pa dang / sdig 
pa mi dge ba'i chos skyes pa rnams spang ba'i phyir 'dun pa skyed cing 'bad la brtson 'grus rtsom zhing sems rab tu 'dzin te yang dag par rab tu 'jog pa dang / chos thams cad la stong pa nyid du yang mos la dge ba'i chos ma skyes pa rnams bskyed pa'i phyir 'dun pa skyed cing 'bad la brtson 'grus 
rtsom zhing sems rab tu 'dzin te yang dag par rab tu 'jog pa dang / chos thams cad rnam par grol bar yang yid ches la/ dge ba'i chos skyes pa rnams gnas par bya ba dang / nyams par mi 'gyur bar bya ba dang / phyir zhing 'phel bar bya ba'i phyir 'dun pa skyed cing 'bad la brtson 
'grus rtsom zhing sems rab tu 'dzin te yang dag par rab tu 'jog la chos thams cad la rtsom pa med cing rtul ba med par yang mthong ste/ yang mnyam pa nyid gang yin pa de la chos gang gi skye ba yang med/ 'gog pa yang med pa 'di ni yang dag pa'i spong ba bsgom pa'o/ /rdzu 'phrul gyi rkang pa 
bzhi bsgom pa yongs su rdzogs par 'gyur te/ rdzu 'phrul gyi rkang pa bsgom pa gang zhe na/ gang lus dang sems las su rung ba ste/ de sems las su rung bas dge ba'i chos la 'dun pa yang mi 'dor la 'dod pa'i 'dod chags spang ba'i phyir yang mngon par brtson pa dang / sems can thams cad 
yongs su smin par bya ba'i phyir brtson 'grus kyang rtsom la/ brtags nas kyang chos thams cad mi dmigs pa dang / sangs rgyas kyi chos thams cad mngon par rdzogs par byang chub par bya ba'i phyir byang chub kyi sems kyang mi 'dor la sems sgyu ma lta bur yang rab tu shes pa dang / ji ltar thos</font><hr>43-1-280b<br><font size=+1>
pa'i chos la tshul bzhin du yang dpyod la chos rnams la gnas par yang mi byed cing mngon par zhen pa yang med pa'o/ /de dbang po lnga bsgom pa yongs su rdzogs par 'gyur te/ dbang po drug la rten par mi byed cing sems can thams cad kyi dbang po yongs su smin par bya ba'i phyir shes pa yang 
gtong la/ gcig tu gnas pa yang thob par 'gyur zhing gzhan gyi dad pas kyang mi 'gro ba dang / thams cad kyang yongs su thob la/ blang ba yang med cing dor ba yang med pa dang / thams cad du 'gro ba'i lam la yang rmongs pa med la/ dran pa yang med cing yid la byed pa yang med pa dang / chos 
thams cad kyi rjes su yang song la/ rtag tu mnyam par yang gzhag par gyur cing chos thams cad kyi mnyam pa nyid la snyoms par 'jug pa dang / rab rib med pa'i ye shes kyi snang ba yang thob par gyur la/ spros pa dang lta ba yang yang dag par chad pa 'di ni de'i dbang po bsgom pa yongs su rdzogs 
pa'o/ /de stobs lnga bsgom pa yongs su rdzogs par 'gyur te/ dad pa'i stobs dang ldan pas phas kyi rgol ba thams cad kyis mi rdzi ba dang / brtson 'grus kyi stobs kyis bdud thams cad kyis thub par dka' ba dang / dran pa'i stobs kyis nyan thos dang / rang sangs rgyas kyis thams cad 
du mi 'phrogs pa dang / ting nge 'dzin gyi stobs kyis sgrib pa rnams kyis mi non pa dang / shes rab kyi stobs dang ldan pas lta bar gyur pa rnams kyis mngon par zhen pa med pa ste/ de ltar stobs lnga bsgom pa yongs su rdzogs par 'gyur ro/ /de byang chub kyi yan lag bdun bsgom pa yongs su rdzogs 
par 'gyur te/ byang chub kyi yan lag bsgom pa gang zhe na/ 'di lta ste/ dge ba'i chos thams cad mi brjed par bya ba'i phyir dran pa yang dag byang chub kyi yan lag bsgom pa dang / rten cing 'brel bar 'byung ba dang 'thun par bya ba'i phyir chos rnam par 'byed pa yang dag byang chub kyi yan lag bsgom 
pa dang / byang chub kyi lam las phyir mi ldog par bya ba'i phyir brtson 'grus yang dag byang chub kyi yan lag bsgom pa dang / zang zing med pa'i chos la dga' ba rab tu myang bar bya ba'i phyir dga' ba yang dag byang chub kyi yan lag bsgom pa dang / lus dang sems kyi g.yo ba dang bral ba'i phyir</font><hr>43-1-281a<br><font size=+1>
shin tu sbyangs pa yang dag byang chub kyi yan lag bsgom pa dang / stong pa nyid dang / mtshan ma med pa dang / smon pa med pa mngon par bsgrubs pa'i phyir ting nge 'dzin yang dag byang chub kyi yan lag bsgom pa dang / mtho dma' med pa'i btang snyoms yang dag byang chub kyi yan lag bsgom pa ste/ 'di ni byang 
chub kyi yan lag bsgom pa zhes bya'o/ /grogs po dag bag yod pa'i byang chub sems dpa' ni tshegs chung ngus 'phags pa'i lam yan lag brgyad pa bsgom pa yongs su rdzogs par 'gyur te/ lam bsgom pa gang zhe na/ gang 'di rtag pa dang chad pa dang bral ba'i yang dag pa'i lta ba bsgom pa dang / 'dod pa 
dang gnod sems dang rnam par 'tshe ba'i rnam par rtog pa dang bral ba'i yang dag pa'i rtog pa bsgom pa dang / bdag dang gzhan la gdung ba med pa'i yang dag pa'i ngag bsgom pa dang / tshul 'chos pa dang / kha gsag dang / gzhogs slong dang / thob kyis 'jal ba dang bral ba'i yang dag pa'i 'tsho ba bsgom 
pa dang / lus dang sems nyam chung ba dang bral ba'i yang dag pa'i las kyi mtha' bsgom pa dang / bdag la stod pa dang / gzhan la smod pa dang bral ba'i yang dag pa'i rtsol ba bsgom pa dang / gti mug dang rmongs pa dang bral ba'i yang dag pa'i dran pa bsgom pa dang / rtog pa dang rnam par rtog pa thams cad dang 
bral ba'i yang dag pa'i ting nge 'dzin bsgom pa ste/ 'di ni 'phags pa'i lam yan lag brgyad pa bsgom pa zhes bya'o/ /des na sangs rgyas bcom ldan 'das rnams kyi byang chub dang / de las gzhan pa'i dge ba byang chub kyi phyogs kyi chos gang yin pa dag kyang bag yod pas thob ces bya'o/ /grogs po dag de 
ltar na bag yod pa'i byang chub sems dpa' de ltar byang chub kyi phyogs kyi chos sum cu rtsa bdun po 'di dag la 'jug go /zhugs nas 'du byed thams cad kyi 'dam las rgal lo/ /rgal nas kyang rnam par lta ste/ rnam par bltas na mi mthong ngo / /mi 'bar ro/ /shin tu nye bar zhi ste rnam par 'khrul bar 
mi byed do/ /shin tu nye bar zhi ba gang zhe na/ gang nye bar ma bsgrubs pa de ma byas pa'o/ /gang ma byas pa de myong ba med pa'o/ /gang myong ba med pa de la gdags pa med do/ /gdags pa med pa ni shin tu nye bar zhi ba'o/ /bstan pa 'di bshad pa na lha'i bu khri nyis stong chos rnams la chos kyi mig rdul med cing dri</font><hr>43-1-281b<br><font size=+1>
ma dang bral ba rnam par dag go /lha'i bu dpal bzangs kyis gzhan yang 'jam dpal gzhon nur gyur pa la 'di skad ces smras so/ /'jam dpal byang chub sems dpa' lam ji ltar sgom/ smras pa/ lha'i bu byang chub sems dpa' ni 'khor ba yang mi spong la/ 'khor ba'i nyes pa rnams kyis kyang mi gos 
so/ /'dus ma byas su yang mi ltung la/ 'dus ma byas kyi yon tan rnams kyang myong ngo / /pha rol tu phyin pa drug gi lam yang sgom la/ nyan thos dang / rang sangs rgyas kyi yul la yang snang ngo / /lha'i bu gzhan yang byang chub sems dpa' rnams kyi lam ni stong pa nyid kyis rnam par dag pa yang yin la/ 
lta bar gyur pa la yang mkhas shing lta bar gyur pa la mngon par zhen pa yang med do/ /mtshan ma med pas rnam par dag pa yang yin la/ mtshan ma la yang mkhas shing mtshan ma la mngon par zhen pa yang med do/ /smon pa med pas rnam par dag pa yang yin la/ khams gsum pa la yang 
mkhas shing khams gsum pa la mngon par zhen pa yang med do/ /skye ba med pa dang / 'byung ba med pas rnam par dag pa yang yin la/ skye ba dang 'jig pa la yang mkhas shing skye ba dang 'jig pa la mngon par zhen pa yang med do/ /de ci'i phyir zhe na/ byang chub sems dpa' sems nges par sems 
pa rnams ni sems can chos thams cad stong pa'o snyam pa'i lta bar gyur par zhugs pa/ lta bar gyur pa bag la nyal bar byas pa rnams kyi lta bar gyur pa spang ba'i phyir chos kyang ston la/ lta bar gyur pa de dag kyang stong pa nyid du mthong ngo / /de bzhin du sbyar te/ byang chub sems dpa' sems nges par 
sems pa ni mtshan ma med pa dang / smon pa med pa dang / mngon par 'du bya ba med pa dang / skye ba med pa dang / 'byung ba med pa'i chos thams cad la 'byung ba dang 'jig pa'i rjes su 'thun pa/ 'byung ba dang 'jig pa bag la nyal bar byas pa rnams kyi 'byung ba dang 'jig par lta ba spang ba'i phyir chos kyang 
ston la/ 'byung ba dang 'jig pa de yang 'byung ba dang 'jig pa med pa nyid du mthong ste/ 'di ni byang chub sems dpa' rnams kyi lam sgom pa zhes bya'o/ /lha'i bu gzhan yang byang chub sems dpa' rnams kyi lam ni 'gro ba dang 'ong ba zhes bya'o/ /de ci'i phyir zhe na/ byang chub sems dpa' rnams</font><hr>43-1-282a<br><font size=+1>
kyi 'gro ba ni sems can gyi bsam pa rnams la'o/ /'ong ba ni so so ci rigs par chos ston pa'i phyir ro/ /byang chub sems dpa'i 'gro ba ni snyoms par 'jug pa skyed pa'i phyir ro/ /'ong ba ni 'dod pa'i khams kyi sems can gyi nang du skye ba'i phyir ro/ /byang chub sems dpa'i 'gro ba ni 
'phags pa'i lam du'o/ /'ong ba ni 'phags pa ma yin pa'i sems can yongs su smin par byed pa'i phyir ro/ /'gro ba ni mi skye ba'i chos la bzod pa thob par byed pa'i phyir ro/ /'ong ba ni bzod pa de sems can gyi khong du chud par byed pa'i phyir ro/ /byang chub sems dpa'i 'gro ba ni 'byung ba la mkhas 
pa la'o/ /'ong ba ni 'byung ba ma yin par 'byung ba'i phyir ro/ /byang chub sems dpa'i 'gro ba ni mya ngan las 'das par 'gro ba'i phyir ro/ /'ong ba ni 'khor ba na sems can yongs su smin par byed pa'i phyir ro/ /'gro ba ni gang du yang 'gro ba dang / 'ong ba med par so sor rtog pa'i phyir ro/ /
byang chub sems dpa' rnams kyi 'ong ba ni chos khong du chud par byed pa'i phyir ro/ /'gro ba ni rnam par thar pa'i sgo stong pa nyid dang / mtshan ma med pa dang / smon pa med pa bsgom pa'i phyir ro/ /'ong ba ni rnam par rtog pa gsum spang bar chos ston pa'i phyir ro/ /'gro ba ni dam bcas pa brtan par byed 
pa'i phyir ro/ /'ong ba ni dam bcas pa nyams 'og tu chud par byed pa'i phyir ro/ /byang chub sems dpa'i 'gro ba ni byang chub kyi snying por 'gro ba'i phyir ro/ /byang chub sems dpa'i 'ong ba ni byang chub kyi spyad pa spyod pa'i phyir te/ lha'i bu 'di ni byang chub sems dpa' rnams kyi lam 'gro ba dang 'ong ba zhes 
bya'o/ /bstan pa 'di bshad pa na byang chub sems dpa' lnga brgya mi skye ba'i chos la bzod pa skyes so/ /de nas lha'i bu dpal bzangs kyis 'jam dpal gzhon nur gyur pa la 'di skad ces smras so/ /'jam dpal bdag gis 'jig rten gyi khams yon tan thams cad kyi 'od ces bgyi ba zhig 
thos na 'jam dpal 'jig rten gyi khams yon tan thams cad kyi 'od de phyogs gang na mchis/ de na de bzhin gshegs pa'i mtshan ji skad ces bgyi ba zhig chos ston/ 'jam dpal gyis smras pa/ lha'i bu steng gi phyogs su sangs rgyas kyi zhing 'di nas sangs rgyas kyi zhing gang gA'i klung</font><hr>43-1-282b<br><font size=+1>
bcu gnyis kyi bye ma snyed 'das pa na 'jig rten gyi khams yon tan thams cad kyi 'od ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas kun tu bzang po zhes bya ba chos ston to/ /smras pa/ 'jam dpal bdag gis 'jig rten gyi khams 
yon tan thams cad kyi 'od de dang / de bzhin gshegs pa dgra bcom pa yang dag par rdzogs pa'i sangs rgyas kun tu bzang po de blta bar bgyi'o/ /de nas 'jam dpal gzhon nur gyur pas de'i tshe dri ma med pa'i 'od ces bya ba'i ting nge 'dzin la snyoms par zhugs so/ /'jam dpal 
gzhon nur gyur pa snyoms par zhugs ma thag tu lus las de dang 'thun pa'i 'od byung ste/ 'od des sangs rgyas kyi zhing gang gA'i klung bcu gnyis kyi bye ma snyed po de dag snang bar byas nas 'jig rten gyi khams yon tan thams cad kyi 'od de yang snang ba chen pos khyab par gyur to/ /de nas bcom 
ldan 'das de bzhin gshegs pa kun tu bzang po de'i sangs rgyas kyi zhing du byang chub sems dpa' gang dag skyes pa de dag gis 'od de mthong nas ngo mtshar du gyur te/ thal mo sbyar nas bcom ldan 'das la zhus pa/ bcom ldan 'das 'od 'di ltar yongs su dag pa 'di gang nas mchis/ 
bcom ldan 'das des bka' stsal pa/ rigs kyi bu dag 'og gi phyogs su sangs rgyas kyi zhing 'di nas sangs rgyas kyi zhing gang gA'i klung bcu gnyis kyi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par 
rdzogs pa'i sangs rgyas shAkya thub pa zhes bya ba bzhugs so/ /'tsho 'o/ /gzhes so/ /chos kyang ston to/ /de na phyir mi ldog pa'i byang chub sems dpa' 'jam dpal gzhon nur gyur pa zhes bya ba dri ma med pa'i 'od ces bya ba'i ting nge 'dzin la snyoms par zhugs te/ de'i lus kyi 'od 
kyis phyogs bcu'i sangs rgyas kyi zhing tshad med grangs med pa dag snang ba chen pos khyab bo/ /des 'jig rten gyi khams 'di yang snang ba chen pos khyab bo/ /gsol pa/ bcom ldan 'das bdag cag gis 'jig rten gyi khams mi mjed de dang / bcom ldan 'das de bzhin gshegs</font><hr>43-1-283a<br><font size=+1>
pa shAkya thub pa de dang / 'jam dpal gzhon nur gyur pa blta bar bgyi'o/ /de nas bcom ldan 'das de bzhin gshegs pa kun tu bzang pos zhabs kyi 'og gi mthil gyi 'khor lo rtsibs stong dang ldan pa las 'od zer stong byung ste/ 'od zer de dag kyang sangs rgyas kyi zhing 
gang gA'i klung bcu gnyis kyi bye ma snyed las 'das te/ 'jig rten gyi khams mi mjed 'dir snang ba chen pos khyab par byas so/ /de nas byang chub sems dpa' de dag gis 'jig rten gyi khams mi mjed 'di mthong zhing / bcom ldan 'das de bzhin gshegs pa dgra bcom pa 
yang dag par rdzogs pa'i sangs rgyas shAkya thub pa dang / 'jam dpal gzhon nur gyur pa dang / byang chub sems dpa'i tshogs thams cad kyang mthong ngo / /byang chub sems dpa' 'di dag gis kyang 'jig rten gyi khams yon tan thams cad kyi 'od de mthong zhing / bcom ldan 'das 
de bzhin gshegs pa dgra bcom pa yang dag par rdzogs pa'i sangs rgyas kun tu bzang po de dang / byang chub sems dpa' de dag kyang mthong ngo / /de nas bcom ldan 'das de bzhin gshegs pa kun tu bzang pos byang chub sems dpa' de dag la bka' stsal pa/ rigs kyi 
bu dag de ltar chos kyi gtam chen po 'byung bar 'gyur na/ khyed kyi nang nas 'jig rten gyi khams mi mjed der 'gro bar spro ba su yod/ byang chub sems dpa' ye shes sgron ma 'dzin ces bya ba der 'dus te 'dug par gyur pa des bcom ldan 'das de la gsol pa/ bcom ldan 
'das bdag 'jig rten gyi khams mi mjed der mchi bar spro lags so/ /bcom ldan 'das des bka' stsal pa/ rigs kyi bu da de'i dus la bab par shes na song shig /de nas byang chub sems dpa' sems dpa' chen po ye shes sgron ma 'dzin byang chub sems dpa' bye ba 
phrag bcus yongs su bskor cing mdun du bdar te/ bcom ldan 'das de'i zhabs la mgo bos phyag 'tshal nas/ bcom ldan 'das de la lan bdun bskor ba byas te/ dper na skyes bu stobs dang ldan pas lag pa bskum pa las brkyang ba dang / brkyang ba las bskum</font><hr>43-1-283b<br><font size=+1>
pa tsam gyi skad cig thang cig yud tsam de la/ sangs rgyas kyi zhing de nas mi snang bar gyur nas 'jig rten gyi khams mi mjed 'dir dga' ldan gyi gnas su 'jam dpal gzhon nur gyur pa'i mdun gyi steng gi bar snang la gnas pa'i khang pa brtsegs par phyin to/ /de'i g.yog 'khor 
de dag kyang khang pa brtsegs pa legs par gnas pa rnams su phyin to/ /de dag rang rang gi stan las langs nas thal mo sbyar te/ 'jam dpal gzhon nur gyur pa la phyag 'tshal zhing tshig 'di skad ces kyang smras so/ /'jam dpal bdag cag ni bcom ldan 'das de bzhin 
gshegs pa dgra bcom pa yang dag par rdzogs pa'i sangs rgyas kun tu bzang po des khyod la blta ba dang / phyag bya ba dang / bsnyen bkur bya ba dang / chos mnyan pa'i phyir 'dir btang ngo / /khyod kyis 'od bkye ba de yang 'jig rten gyi khams der phyin to/ /de nas 
'dod pa na spyod pa dang / gzugs na spyod pa'i lha'i bu de dag gis byang chub sems dpa' de dag mthong nas ngo mtshar du gyur te/ kye ma ji tsam du 'di ltar myur bar 'od zer 'di 'jig rten gyi khams der phyin pa dang / ji ltar myur bar byang chub sems dpa' 'di dag 'jig 
rten gyi khams mi mjed 'dir phyin pa 'di ni skyes bu dam pa de dag gi mngon par shes pa'i rnam par 'phrul pa'i stobs dang / ting nge 'dzin gyi byin gyis brlabs kyi stobs bsam gyis mi khyab po zhes ched du brjod pa ched du brjod do/ /de nas 'jam dpal gzhon nur gyur 
pas lha'i 'khor chen po de ltar 'dus pa de la ci nas kyang lha khrag khrig phrag bdun cu rtsa gnyis bsam pa thag pa nas bla na med pa yang dag par rdzogs pa'i byang chub tu sems bskyed pa de lta de ltar chos bstan to/ /de nas 'jam dpal gzhon nur gyur pa ji srid du dga' ldan gyi gnas 
su lha rnams kyi don bya ba de srid du byas nas byang chub sems dpa' bye ba phrag bcu po de dag dang lhan cig /rang gi 'khor dang lhan cig /brgya byin dang / tshangs pa dang / 'jig rten skyong ba lha'i bu dang bcas pa dang lhan cig tu dga' ldan gyi gnas nas mi snang bar gyur te/ sems kyi</font><hr>43-1-284a<br><font size=+1>
'gyu ba tsam gyis bcom ldan 'das kyi spyan sngar phyin nas/ de dag gis bcom ldan 'das kyi zhabs la mgo bos phyag 'tshal te/ bcom ldan 'das la lan bdun bskor ba byas nas bcom ldan 'das kyis gnang ste/ phyogs gcig tu rang rang gi stan la 'khod 
do/ /de nas byang chub sems dpa' ye shes sgron ma 'dzin dang lhan cig lhags pa'i byang chub sems dpa' bye ba phrag bcu po de dag gis bcom ldan 'das kyi zhabs la mgo bos phyag 'tshal te/ lan bdun bskor ba byas nas bcom ldan 'das kyi spyan sngar thal mo sbyar te bcom ldan 
'das la 'di skad ces gsol to/ /bcom ldan 'das la bcom ldan 'das de bzhin gshegs pa kun tu bzang po gnod pa chung ngam/ nyam nga ba nyung ngam/ bskyod pa yang ngam/ stobs dang bde ba la reg par gnas sam zhes snyun gsol to/ /de nas bcom ldan 'das kyis 
byang chub sems dpa' de dag dang / thams cad dang ldan pa'i 'khor de chos kyi gtam gyis yang dag par dga' bar mdzad/ yang dag par 'dzin du bcug /yang dag par rab tu gzengs stod de yang dag par rab tu dga' bar mdzad do/ /yang dag par dga' bar mdzad cing yang 
dag par 'dzin du bcug la yang dag par gzengs stod de/ yang dag par rab tu dga' bar mdzad nas kyang thams cad dang ldan pa'i 'khor de la bka' stsal pa/ grogs po dag skyes bu dam pa 'di dag dang / 'jam dpal gzhon nur gyur pa dang / byang chub sems dpa' 
ye shes sgron ma 'dzin gyi mngon par shes pa'i rnam par 'phrul pa dang / byin gyis brlabs kyi stobs dang / sems can sdud pa dang / yongs su smin par byed pa dang / thabs dang / rigs pa dang / ye shes dang / shes rab kyi rab tu dbye ba dang spobs pa la ltos/ grogs po dag byang chub sems 
dpa' 'di dag ni bskal pa grangs med pa nas bzung ste/ sangs rgyas kyi mdzad pas sems can rnams la nye bar gnas pa dag go /sems can gang dag gis dbang po drug po dag la skyes bu dam pa 'di dag mngon par 'gyur ba de dag ni phyis bdud kyi yul la gnas par mi 'gyur ro/ /


</font><hr>43-1-284b<br><font size=+1>
zhes brjod par bya'o/ /de nas byang chub sems dpa' gang dag byang chub sems dpa' ye shes sgron ma 'dzin dang lhan cig tu 'jig rten gyi khams mi mjed 'dir phyin pa de dag bcom ldan 'das shAkya thub pa las chos thos nas mi skye ba'i chos la bzod pa thob par gyur to/ /de nas byang chub sems 
dpa' ye shes sgron ma 'dzin dang lhan cig lhags pa'i byang chub sems dpa' bye ba phrag bcu po de dag gis bcom ldan 'das kyi zhabs la mgo bos phyag 'tshal te/ lan bdun bskor ba byas nas stong gsum gyi stong chen po'i 'jig rten gyi khams 'di rab tu g.yos par byas te/ bcom ldan 
'das kyi drung nas mi snang bar gyur nas skad cig thang cig yud tsam de la 'jig rten gyi khams der phyin to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di zung shig /chongs shig /lhogs shig /kun chub par gyis shig /
gzhan dag la yang rgya cher rab tu ston cig /gsol pa/ bcom ldan 'das bdag gis chos kyi rnam grangs 'di gzung lags na 'di'i ming ji skad bgyi bar gzung bar bgyi/ bcom ldan 'das kyis bka' stsal pa/ kun dga' bo de bas na khyod kyis chos kyi rnam grangs 'di 'jam 
dpal gyi le'u dang / sangs rgyas kyi yul bsam gyis mi khyab pa bstan pa zhes bya bar zung shig /bcom ldan 'das kyis de skad ces bka' stsal nas/ lha'i bu dpal bzangs dang / tshe dang ldan pa kun dga' bo dang / thams cad dang ldan pa'i 'khor de dang / lha dang / mi dang / lha ma yin 
dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 
//'phags pa dkon mchog brtsegs pa chen po'i chos kyi rnam grangs le'u stong phrag brgya pa las sangs rgyas kyi yul bsam gyis mi khyab pa bstan pa zhes bya ba'i le'u 
ste sum cu rtsa lnga pa rdzogs so// //rgya gar gyi mkhan po dzi na mi tra dang / dA na shI la dang / mu ni bar ma dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa// //


</font><hr>

</table>