c@#/ /'phags pa rig sngags kyi rgyal po dbugs chen po zhes bya ba/ sangs rgyas dang byang chub sems dpa' thams cad la phyag 'tshal lo/ /de nas bcom ldan 'das la gling bzhi pa'i dbang phyug 'byung po'i bdag po chen po mche ba gtsigs pa ser skya zhes bya bas 'di skad ces gsol to/ /bcom ldan 'das bdag ni 'byung po thams cad kyi bdag po lags te/ bdag gis gling bzhi ba'i 'jig rten gyi khams na mchis pa'i 'byung po thams cad la 'tshe bar bgyid rdeg par bgyid 'ching bar bgyid 'jig rten gyi khams 'di nas 'jig rten gyi khams gzhan du 'phen par bgyid yan lag dang nying lag rnams rnam par gcod par bgyid lags so/ /bcom ldan 'das gang gi tshe bdag bkres par gyur pa na dbugs gtong ste/ dbugs des gling bzhi ba'i 'jig rten gyi khams kun du 'gengs par bgyid cing / bcom ldan 'das bdag mi dang mi ma lags pa thams cad kyi gzi byin 'phrog par bgyid lags te/ dbugs chen pos sems can rnams la reg ma thag tu bro nad sna tshogs dag 'byung lags so/ /bcom ldan 'das gang na rig sngags kyi rgyal po dbugs chen po zhes bgyi ba 'di spyod pa der bdag gi 102-1-86a dbugs kyis mi tshugs pa dang / 'byung po rnams 'tshe bar mi 'gyur ba dang / rigs kyi bu'am/ rigs kyi bu mo gang la la zhig gis/ sangs rgyas dang / chos dang / dge 'dun rnams la phyag bgyis nas/ mgo'am/ mgul du btags te 'chang ba der rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa'i bro nad rnams 'byung bar mi 'gyur bar bdag deng slan chad de bzhin gshegs pa'i spyan sngar yi dam 'tshal lags so/ /tad+ya thA/ Da ra Da ra/ Da Da ra/ Da Da ra/ tha ra tha ra/ tha tha ra/ tha tha ra/ ma ra ma ra/ ma ma ra/ ma ma ra/ d+hu hu d+hu hu/ ha ha ha/ sa ra sa ra sa ra/tsu tsu tsu/ bu bu bu/ ki li ki li ki li/ sarba b+hA ta a d+hi pa ti/ dra dra dra/ bra bra bra/ gu gu gu/ kra kra kra/ ya sa ya sa ya sa/ pAN+Da re/ pAN+Da re/ hu lu hu lu hu lu/ hu hu hu/ bdag la srungs shig /srungs shig /tsi li tsi li tsi li/ mi li mi li mi li/ kh+sho kh+sho kh+sho/ gau ri gau ri gau ri bdag gi nad thams cad rab tu zhi bar gyur cig swA hA/ ma hA shwA sA ya swA hA/ ma hA b+hU ta a d+hi ba ta ye swA hA/ gau ri ye swA hA/ u grA ya swA hA/ bdag bde legs su gyur cig daMSh+TI ka rA la bing ga la Adz+nyA ba ya ti swA hA/ 'phags pa rig sngags kyi rgyal po dbugs chen po zhes bya ba rdzogs so// //rgya gar gyi mkhan po pradz+nyA ba ra ma dang / zhu chen gyi lo ts+tsha ba ban+de ye shes sdes bsgyur cing zhus te gtan la phab pa// |