H368

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H368</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H368&coll=lhasa">see text in Tibetan script</a></table>Ka1b<br><font size=+1>


@##/ /rgya gar skad du/ AR+Ya mahA pa ri nirbA NaM NA ma sU tra/ bod skad du/ 'phags pa yongs su mya ngan las 'das pa chen po'i mdo/ bam po dang po/ sangs rgyas dang byang chub sems @#/ /byang chub sems dpa' sgrib pa rnam par sel/ / @#/ /tshogs gnyis mthar phyin rnam 'dren lnga pa che/ / @#/ /byang sems phyag na rdo rje mthu stobs dbang / / </font><hr>Ka2a<br><font size=+1>


@##/ /dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rtswa mchog gi grong khyer skyes bu stobs po che 'byung ba'i gnas klung ha ri la ba ti'i 'gram shing sA la drung gnyis kyi bar na/ dge slong chen po'i dge 'dun brgya stong phrag brgyad cu snyed kyis yongs su bskor nas/ mdun du bdar te thabs gcig tu bzhugs so/ /de'i tshe bcom ldan 'das dpyid zla/ @#/ /'jam dpal dbyangs dngos zla med tsong kha pa/ / @#/ /yang dag rigs la ma kun sbyong thub bstan mtshan/ / </font><hr>Ka2b<br><font size=+1>


'bring po'i tshes bco lnga'i nyin par yongs su mya ngan las 'da' bar gshegs su nye ba na/ bcom ldan 'das kyi byin gyi rlabs kyis gsung chen pos srid pa'i rtse mo'i bar du kun tu khyab par sems can thams cad la so so'i skad du gsung 'di skad ces grags par gyur to/ /deng de bzhin gshegs pa dgra bcom pa yang dag par rdzogs pa'i sangs rgyas skye bo mang po rnams la thugs brtse ba/ sems can thams cad kyi skyabs dang mgon du gyur pa/ sems can thams cad la sras sgra gcan 'dzin dang 'dra ba'i mnyam par gzigs pa/ sems can gyi skyabs dang / dpung gnyen dang / rten dang / gnas su gyur pa deng yongs su mya ngan las 'da'o/ /so so'i skye bo dag the tshom dang som nyir gyur pa yod na/ da zhu zhing dri ba'i dus </font><hr>Ka3a<br><font size=+1>


@##/ /nang gi tha ma 'dir zhu zhing gsol cig /ces pa'i gsung gis yongs su grags par gyur to/ /de'i tshe bcom ldan 'das snga dro'i dus kyi tshe zhal gyi sgo nas 'od rnam pa sna tshogs bkye ba ni/ 'di lta ste/ sngon po dang / ser po dang / dmar po dang / dkar po dang / shel lta bus stong gsum gyi stong chen po'i 'jig rten gyi khams 'di dang / phyogs bcu'i 'jig rten gyi khams kyi bar du yongs su snang bar byas nas/ de dag na gnas pa'i lam rgyud drug gi sems can dag 'od zer des reg ma thag tu kha na ma tho ba'i nyon mongs pa thams cad byang bar gyur to/ /de'i tshe so so'i skye bo dag de lta bu'i ltas mthong zhing thos nas mya ngan chen pos yid gdungs te/ dus gcig tu cho nges rdung zhing ngus nas 'di skad du/ e ma'o/ shin tu byams pa'i pha mar gyur </font><hr>Ka3b<br><font size=+1>


pa/ kyi hud/ kyi hud mya ngan las 'das sam zhes smras nas/ thal mos mgo dang brang la rdebs te cho nge rdung ngo / /kha cig ni/ lus kyang rab tu 'dar zhing ba spu kun langs nas skad kyis brnangs pa tsam du dus so/ /de'i tshe na sa chen po 'di dang / ri dang rgya mtsho'ang rab tu g.yos shing 'khrugs so/ /de nas sems can de dag gcig la gcig spro bsring zhing mya ngan bsang ba'i phyir 'di skad du/ kye/ grogs po dag /mya ngan ma byed par myur du rtswa mchog gi grong khyer skyes bu stobs po che 'byung ba'i gnas de bzhin gshegs pa ga la ba der 'dong ngo / /de bzhin gshegs pa'i zhabs la mgo bos phyag btsal te/ de bzhin gshegs pa yongs su mya ngan las mi 'da' bar 'jig rten na bskal pa gcig gam/ bskal pa gcig 'gribs kyi bar du bzhugs par gsol du 'deng ngo zhes smras so/ /la la ni gcig gi lag pa la gcig gis 'jus nas 'di skad du 'jig rten stongs te/ sems can gyi bsod nams zad pas mi dge ba'i las 'jig rten du byung bar gyur gyi/ grogs po dag /de bzhin gshegs pa ni ring po mi thogs par yongs su mya ngan las 'da' bar gshegs nges kyi/ bdag cag myur du 'deng ngo zhes smra'o/ /la la ni 'di skad du 'jig rten stongs so/ /'jig rten stongs so/ /bdag </font><hr>Ka4a<br><font size=+1>


@#/ /cag la deng slan chad ni mgon dang skyabs med de/ dbul phongs par gyur to/ /deng kho nar bla na med pa'i bcom ldan 'das dang yongs su bral bas/ da slan chad som nyi dang the tshom za ba su la zhu zhes smra'o/ /de'i tshe na tshad med pa'i nye gnas chen po tshe dang ldan pa kAt+yA ya na chen po dang / tshe dang ldan pa ba ku la dang / tshe dang ldan pa kun dga' bo la sogs pa dge slong chen po de dag kyang / sangs rgyas kyi 'od kyis reg pas lus kun 'dar zhing mi bzod pa tsam du rab tu g.yos te/ sems kyang myos nas cho nges 'debs shing de lta bu'i sdug bsngal rnam pa sna tshogs kyis non par gyur to/ /de'i tshe na gzhan yang dge slong brgya stong phrag brgyad cu snyed thams cad kyang dgra bcom pa/ sems kyi dbang du gyur pa/ bya ba byas pa/ nyon mongs pa yongs su spangs pa/ dbang po thams cad rab tu dul ba/ klu'i rgyal po chen po ltar mthu che ba/ stong pa'i shes rab dang ldan pa/ phyis bdag gi don rab tu rnyed pa/ tsan dan gyi tshal ltar tsan dan gyis yongs su bskor ba/ seng ge'i rgyal po ltar seng ges yongs su bskor ba/ de lta bu'i tshad med pa'i yon tan dang ldan pa thams cad kyang sangs rgyas kyi sras yang dag pa sha stag go /de dag kyang snga dro nyi ma shar ma thag tu gnas </font><hr>Ka4b<br><font size=+1>


nas byung ste/ so shing 'cha' ba na sangs rgyas kyi 'od kyis reg nas gcig la gcig 'di skad du/ grogs po dag /myur du kha lag khrus shig ces smras so/ /de skad ces smras ma thag tu lus kyi ba spu kun langs nas/ lus la khyab par khrag gis rgyas pa ni me tog pa la sha lta bur gyur te/ mig mchi mas gang nas sdug bsngal chen po myong bar gyur to/ /de dag thams cad kyang sems can thams cad la phan pa dang bde ba'i don gyi phyir/ theg pa chen po don dam pa'i stong pa nyid la rnal 'byor du bsgrub pa'i phyir/ de bzhin gshegs pas thabs su dgongs te gsungs pa dag bstan pa'i phyir/ rnam pa sna tshogs su chos ston pa rgyun mi gcad pa'i phyir/ sems can thams cad yongs su gdul ba'i phyir/ bcom ldan 'das gang na ba der myur du dong nas spyi bos sangs rgyas kyi zhabs la phyag btsal te/ lan brgya stong du bskor nas thal mo sbyar te phyogs gcig tu 'khod do/ /de'i tshe gzhan yang kun+ta la'i bu mo dge slong ma dpal bzang dang / dge slong ma bsnyen dga' ma dang / dge slong ma rgya mtsho'i blo gros la sogs te/ dge slong ma khri phrag drug cu snyed thams cad kyang dgra bcom pa/ zag pa zad pa/ sems kyi dbang du gyur pa/ bya ba byas pa/ nyon mongs pa yongs su spangs pa/ dbang po rab tu dul ba/ klu chen po ltar gzi brjid </font><hr>Ka5a<br><font size=+1>


@#/ /rab tu che ba/ stong pa nyid kyi shes rab dang ldan pa sha stag ste/ de dag kyang sda dro'i dus kyi tshe nyi ma thog mar shar ba na/ lus kyi ba spu kun skyi bud zhes byed nas lus la khyab par khrag gis rgyas pa ni me tog pa la sha lta bur gyur te/ mig mchi mas yongs su gang nas spug bsdal chen po myong bar gyur to/ /de dag kyang sems can thams cad la phan pa dang bde ba'i phyir/ theg pa chen po don dam pa'i stong pa nyid la rnal 'byor du bsgrub pa'i phyir/ de bzhin gshegs pas thams su dgongs te gsungs pa dag bstan pa'i phyir/ rnam pa sna tshogs su chos ston pa rgyun mi gcad pa'i phyir/ sems can thams cad yongs su gdul ba'i phyir bcom ldan 'das gang na ba der myur du dong nas sangs rgyas kyi zhabs la spyi bos phyag btsal te/ lan brgya stong du bskor nas thal mo sbyar te phyogs gcig tu 'khod do/ /dge slong ma de dag gi nang na dge slong ma kha cig ni/ byang chub sems dpa' ste/ mi'i nang na klu lta bu sa bcu rab tu non pa/ mi g.yo ba la gnas pa/ sems can gdul ba'i phyir bud med kyi lus ston kyang rtag tu tshad med pa bzhi la nan tan byed pa/ sems kyi dbang du gyur pas sangs rgyas kyi skur yang sprul pa sha stag go /de'i tshe gzhan yang klung gang+gA gcig gi bye ma </font><hr>Ka5b<br><font size=+1>


snyed kyi byang chub sems dpa' sems dpa' chen po mi'i nang na klu lta bu sa bcu rab tu non pa/ mi g.yo ba la rab tu gnas pa/ thabs kyis lus ston pa sha stag la 'di lta ste/ byang chub sems dpa' rgya mtsho'i dpal dang / byang chub sems dpa' blo gros mi zad pa la sogs te/ byang chub sems dpa' sems dpa' chen po de dag gis thog mar drangs nas thams cad kyang theg pa chen po la bkur sti byed pa/ theg pa chen po la rab tu gnas pa/ theg pa chen po la shin tu mkhas pa/ theg pa chen po la shin tu mos pa/ theg pa chen po la shin tu bsrung ba/ 'jig rten du bcas pa thams cad kyi sems dang sbyor ba/ ma 'ongs pa'i dus sum grol ba grol bar yi dam 'cha' ba/ 'das pa'i dus na bskal pa grangs med pa'i bar du tshul khrims yongs su bsrungs pa/ spyod pa yongs su 'dzin pa/ ma grol ba grol bar byed pa/ dkon mchog gsum gyi gdung rgyun mi 'chad par 'tshob pa/ ma 'ongs pa'i dus su chos kyi 'khor lo bskor bar 'gyur ba/ rgyan chen pos shin tu brgyan pa de lta bu'i yon tan tshad med pa dang ldan pa/ sems can thams cad la bu gcig pa dang 'dra bar lta ba sha stag go /de dag kyang snga dro'i dus nyi ma shar ma thag tu sangs rgyas kyi 'od kyis reg ma thag tu lus kyi ba spu kun la'ang te/ lus la khyab par khrag gis rgyas pa ni ji </font><hr>Ka6a<br><font size=+1>


@#/ /ltar me tog pa la sha lta bur gyur te/ mig mchi mas yongs su gang nas sdug bsngal myong bar gyur to/ /de dag kyang sems can thams cad la phan pa dang bde ba'i phyir/ theg pa chen po don dam pa'i stong pa nyid la rnal 'byor du bsgrub pa'i phyir/ de bzhin gshegs pas thabs su dgongs te gsungs pa bstan pa'i phyir/ rnam pa sna tshogs su chos ston pa rgyun mi gcad pa'i phyir/ sems can thams cad yongs su gdul ba'i phyir bcom ldan 'das gang na ba der myur du dong nas phyin pa dang / sangs rgyas kyi zhabs la spyi bos phyag btsal nas lan brgya stong du bskor te/ thal mo sbyar nas bsti stang dang bcas pas phyogs gcig tu 'khod do/ /de'i tshe gzhan yang klu gang+gA gnyis kyi bye ma snyed kyi dge bsnyen pha khrims lnga yongs su bsrung ba la 'di lta ste/ dge bsnyen gzi brjid dri ma med par grags pa'i rgyal po dang / dge bsnyen legs pa'i yon tan la sogs pas thog mar drangs te/ thams cad kyang gnyen por gyur pa'i chos la shin tu mos pa ni/ 'di lta ste/ sdug bsngal dang / bde ba dang / rtag pa dang / mi rtag pa dang / yongs su dag pa dang / ma dag pa dang / bdag dang / bdag med pa dang / nges pa dang / ma nges pa dang / skyabs su 'gro ba dang </font><hr>Ka6b<br><font size=+1>


skyabs su mi 'gro ba dang / sems can dang / sems can ma yin pa dang / ther zug dang / ther zug ma yin pa dang / bde ba dang / bde ba ma yin pa dang / 'dus byas pa dang / 'dus ma byas pa dang / chad pa dang / chad pa ma yin pa dang / mya ngan las 'da' ba dang / mya ngan las 'da' ba ma yin pa dang / lhag pa dang / lhag pa ma yin pa la sogs te/ gnyen por gyur pa'i chos 'di dag la rtag par shin tu mos pa sha stag go /gzhan yang bla na med pa'i theg pa chen po la thos par mos pa/ ji ltar thos pa bzhin du gzhan la'ang ston nus pa/ tshul khrims yongs su bsrung ba/ theg pa chen po la skom pas gdungs pa ltar mos pa bdag kyang shin tu ngoms la/ skom pas gdungs pa gzhan yang ngoms par byed pa/ bla na med pa'i ye shes la shin tu 'jug pa/ theg pa chen po la shin tu mos pa/ theg pa chen po la shin tu bsrung ba/ 'jig rten pa thams cad kyi sems dang shin tu sbyor ba/ ma rgal ba sgrol ba/ ma grol ba 'grol ba/ dkon mchog gsum gyi gdung rgyun mi 'chad par 'tshob pa/ ma 'ongs pa'i dus su chos kyi 'khor lo shin tu bskor ba rgyan chen pos rnam par brgyan pa/ sems shin tu zab mo'i rol mos pa/ tshul khrims yongs su dag pa/ thams cad kyang de lta bu'i yon tan dang ldan pa/ sems can thams </font><hr>Ka7a<br><font size=+1>


@#/ /cad la snying rje chen po'i sems bskyed cing bu gcig pa dang 'dra bar gnyis su med par snyoms pa sha stag go /de dag kyang snga dro'i dus nyi ma shar ma thag tu 'od zer gyis reg nas de bzhin gshegs pa'i pur zhugs la bzhen pa'i phyir thams cad kyis so so nas spos kyi shing khri phrag du ma bshams pa la 'di lta ste/ spos kyi shing tsan dan dang / a ga ru dang / go shiR+Sha tsan dan dang / lha'i shing bsung can la sogs pa'o/ /shing de dag kyang mdzes pa'i ri mo dang ldan zhing rin po che sna bdun gyis rnam par brgyan pa/ 'od shin tu 'tsher zhing gsal ba ni/ dper na/ ri mo mkhan gyis tshon sna tshogs bkye ba dang 'dra ste/ sangs rgyas kyi byin gyi rlabs kyis 'od kha dog sngon po dang / ser po dang / dmar po dang / dkar po dang ldan te/ 'gro ba mang pos mthong na dga' bar 'gyur ba sha stag go/ shing rnam pa mang po de dag la gzhan yang rnam pa sna tshogs kyi spos kyi lde gu dang / gur gum dang / a ga ru dang / pog la sogs pas yongs su bskus la/ me tog rnam pa sna tshogs kyis gtor cing brgyan pa ni/ 'di lta ste/ me tog ut+pa la dang / me tog ku mu da dang / me tog pad+mo dang / me tog puN+Da ri ka la sogs pa'o/ /shing de dag la gzhan yang tshon rnam pa lnga dang </font><hr>Ka7b<br><font size=+1>


ldan pa'i ba dan shin tu 'jam zhing mdzes pa yongs su dpyangs pa ni/ dper na/ lha'i na bza' ke'u sha ya'am/ shu ma lta bu'o/ /spos kyi shing de dag kyang rin po che'i shing rtas bskyas te/ rin po che'i shing rta de dag las kyang 'od rnam pa sna tshogs byung ba ni/ 'di lta ste/ sngon po dang / ser po dang / dmar po dang / dkar po'o/ /shing rta'i gnya' shing dang / bar gdang la sogs pa'ang rin po che sna bdun gyis rnam par spras te/ shing rta de re re'ang rta bzhi bzhis drangs so/ /rta de dag kyang mgyogs khyad rlung dang 'dra'o/ /shing rta de re re'i mdun na rin po che sna bdun gyi rgyal mtshan lnga bcu snyed dngar te/ gser gyi dra bas bla res bres so/ /rin po che'i shin rta de re re'i steng steng yang rin po che'i gdugs lnga bcu snyed bres so/ /shing rta de re re la'ang me tog gi phreng ba dpyangs pa ni/ 'di lta ste/ me tog ut+pa la dang / me tog ku mu da dang / me tog pad+mo dang puN+Da ri ka rnams te/ 'dab ma ni gser/ ge sar ni rdo rje las byas te/ me tog ge sar de dag gi nang na'ang bung ba nag po lding zhing rtse'o/ /gzhan yang sgra skad shin tu snyan pa dang / de ma yin pa mi rtag pa dang / sdug bsngal ba dang / stong pa nyid dang / bdag med pa'i sgra'ang 'byin to/ /de dag las gzhan yang byang chub sems dpa'i sngon spyad pa spyod pa'i sgra dang / gzhan yang rol mo rnam pa sna tshogs </font><hr>Ka8a<br><font size=+1>


@#/ /kyi sgra grag pa ni/ 'di lta ste/ glu dang / gar dang / gling bu dang / dgu po rgyud mang dang / se'u dang / shir dang / rnga'i sgra rnams so/ /rol mo'i sgra de bslas gzhan yang / 'di skad du/ kyi hud/ kyi hud 'jig rten stongs so zhes zer ba'i sgra'ang byung ngo / /shing rta de re re'i mdun na/ dge bsnyen rin po che sna bzhi'i khri'u thogs ba re re yod de/ khri'u de'i steng na rnam pa sna tshogs kyi me tog spungs pa ni/ 'di lta ste/ me tog ut+pa la dang / ku mu da dang / pad+mo dang / puN+Da ri ka dang / gur gum dang / byug spos dang / bdug spos la sogs pa mchog tu gyur/ phul du gyur pa rnams bshams so/ /dge bsnyen rnams kyis sangs rgyas dang dge 'dun la bsod snyoms rnam pa sna tshogs bshams pa'ang thams cad tsan dan dang / a ga ru'i shing bsung can bsregs te/ yon tan brgyad dang ldan pa'i chu las g.yos su byas so/ /zhal zas de dag kyang ro rnam pa drug dang ldan no/ /'di lta ste/ kha ba dang / skyur ba dang / mngar ba dang / tsha ba dang / lan tshwa bro ba dang / bsngal ba'i ro dang ldan no/ /gzhan yang yon tan rnam pa gsum dang ldan te/ mnyen zhing 'jam pa dang / gtsang ba dang / chos bzhin byas pa'o/ /de lta bu la sogs pa'i mchod pa rnam pa sna tshogs bshams nas/ stobs </font><hr>Ka8b<br><font size=+1>


po che 'byung ba'i gnas sA la'i shing drung du lhags so/ /gzhan yang gser gyi bye mas sa gzhir brdal te/ lha'i na bza' ka tsa lind dang / kham pa la dang / dar gyis de'i steng du bting ba ni/ kho ra khor yug tu dpag tshad bcu gnyis tshun chad yog par byas so/ /sangs rgyas dang dge 'dun bzhugs pa'i rin po che sna bdun gyi seng+ge'i khri bshams te/ khri de dag kyang 'phang du mtho khyad ri rab lhun po dang mnyam mo/ khrid dag gi steng na rin po che'i gur phub nas do shal rnam pa mang po dbyangs so/ /sA la'i shing de dag la'ang rnam pa sna tshogs kyi ba dan dpyangs te/ gdugs bres nas rnam pa sna tshogs kyi spos bsung can gyi lde gus shing de dag la bskus so/ /shing gi bar yang me tog rnam pa sna tshogs kyis chal bar bkang ngo / /dge bsnyen de rnams so so nas yid la 'di snyam du sems so/ /so so'i skye bo dag gal te bza' bas brel na bza' ba byin no/ /btung bas brel ba la btung ba/ mgo 'dod pa rnams la mgo/ mig 'dod pa rnams la mig /de ltar so so'i skye bo dag ci 'dod pa bzhin du sbyin pa thams cad byin te/ sbyin pa de'ang 'dod chags dang / zhe sdang dang / gti mug dang / rnyog pa'i sems med do/ /de las gzhan pa 'jig rten gyi longs spyod kyi phyir bsam pa'i sems med kyi/ bla na med pa yongs su dag pa'i byang </font><hr>Ka9a<br><font size=+1>


@#/ /chub 'ba' zhig gi phyir ro/ /dge bsnyen de dag bla na med pa'i byang chub la bde bar gnas nas yang 'di snyam du sems so/ /de bzhin gshegs pa ni bdag cag gi mchod pa 'di bzhes nas yongs su mya ngan las 'da'o snyam bsams nas/ de dag gi lus kyi ba spu kun langs te/ lus khrag gis rgyas pa ni me tog pa la sha lta bur gyur/ mchi mas ni mig gang / sdug bsngal chen pos ni yid gdungs par gyur te/ so so nas mchod pa'i yo byad bshams pa spos kyi shing dang / rgyal mtshan dang ba dan dang / gdugs dang / zhal zas rnams rin po che'i shing rtas bskyas nas sangs rgyas gang na ba der song ste phyin pa dang / sangs rgyas kyi zhabs la spyi bos phyag btsal nas mchod pa'i yo byad bshams pas de bzhin gshegs pa la mchod de/ lan brgya stong du bskor nas skad phyung ste ngus so/ /du ba'i sgras gnam sa'ang g.yos so/ /brang rdung zhing cho nges 'debs te/ mchi ma char bzhin du zag nas/ gcig la gcig 'di skad du/ kyi hud/ kyi hud grogs po dag /'jig rten stongs so/ /'jig rten stongs so zhes smras nas/ de bzhin gshegs pa'i spyan sngar lus brdabs nas bcom ldan 'das la 'di skad ces gsol to/ /de bzhin gshegs pas thugs brtse ba'i </font><hr>Ka9b<br><font size=+1>


slad du bdag cag gi mchod pa bshams pa nang gi tha ma 'di bzhes shig ces gsol to/ /bcom ldan 'das dus mkhyen pas cang mi gsung ste ma bzhes nas/ de bzhin du lan gsum gyi bar du gsol kyang bzhes su ma gnang ngo / /dge bsnyen de dag bsam pa bzhin du ma gyur nas/ mya ngan gyis yid gdungs te/ cad mi smra bar 'khod pa ni/ dper na/ pha ma shin tu byams pa'i bu gcig pa glo bur du nad kyis btab ste/ tshe 'phos nas ngur du bskyal te/ shin tu mya ngan gyis yid gdungs pa dang 'dra bar dge bsnyen de dag kyang mya ngan gyis yid gdungs pa'ang de dang 'dra ste/ mchod pa'i yo byad rnams gnas gcig tu bzhag nas phyogs gcig tu cang mi smra bar 'khod do/ /de'i tshe gzhan yang klung gang+gA gsum gyi bye ma snyed kyi dge bsnyen ma khrims lnga yongs su bsrung ba/ spyod lam dang ldan pa 'di lta ste/ dge bsnyen ma 'tsho ba'i yon tan dang / dge bsnyen ma dpal gyi phreng ba dang / dge bsnyen ma byi sha ka la sogs pas thog ma drangs nas/ dge bsnyen ma brgyad khri bzhi stong snyed thams cad kyang dam pa'i chos yongs su 'dzin pa/ sems can tshad med pa brgya stong gdul ba'i phyir bud med kyi lus su ston cing khyim gyi chos yongs su smod pa/ bdag gi lus la sprul gdug pa bzhi dang 'dra bar rtogs pa/ lus la rtag tu srin bu grangs med </font><hr>Ka10a<br><font size=+1>


@#/ /pas za ba dang / lus 'di la shin tu btsog pa dang / 'dod pas yongs su bcings par rtogs pa/ lus 'di la khyi ro dang 'dra bar 'jigs su rung ba dang / lus 'di ni mi gtsang ba ste/ pu ga dgu nas rtag tu zag par rtogs pa/ lus 'di ni mkhar dang 'dra ste/ sha dang pags pa dang rtsa dang rgyus pas rnam par dkris pa/ lag pa dang rkang pa ni mkhar gyi nyen lta bur gyur ba/ mig ni skar khung lta bur gyur pa/ mgo ni khang pa lta bur gyur te/ sems rgyal po dang 'dra ba de'i nang na gnas par rtogs pa/ lus mkhar dang 'dra ba 'di ni sangs rgyas bcom ldan 'das rnams kyis yongs su spangs te/ bus pa so so'i skye bo dag ni de la chags par byed do/ /'dod chags dang / zhe sdang dang / gti mug gi srin po gnas par rtogs pa/ lus 'di ni snying po med pa ste/ 'dam bu'i myu gu 'am/ e raN+Da 'am/ chu'i chu bur ram/ chu shing lta bur rtogs pa/ lus 'di ni mi rtag pa ste/ skad cig skad cig tu 'pho zhing / dper na/ glog gi 'od dam/ gzar po'i chu'am/ sgyu ma'am/ smig rgyu 'am/ chu la ri mo bris pa lta bur rtogs pa/ lus 'di ni 'gyur zhing 'pho ba ste/ dper na/ chu 'gram g.yang sa'i sdong po lta bur rtogs pa/ lus 'di ni ring por mi thogs pa ste/ spyang </font><hr>Ka10b<br><font size=+1>


ki dang / 'phar ba dang / srin bya dang / 'ug pa dang / bya rgod dang / khwa dang / ske ka dang / khyi ltogs pa'i gzan du 'gyur te/ 'di la mkhas pa shes rab can su zhig mos shing chags par byed snyam du rtogs pa/ ba rmig gi nang du rgya mtsho chen po'i chu blugs kyang bzod kyi/ lus 'di ni mi rtag pa dang / mi gtsang ba dang / btsog pa ni brjod sla ba ma yin par rtogs pa/ sa chen po 'di rgya shug tsam du dril tam/ chung ngu na yungs kar gyi 'bru'am/ rdul phra mor gse ba ni sla'i/ lus 'di'i nyes pa'i skyon brjod pa ni sla ba ma yin par rtogs pa/ de bas na mchil ma dang 'dra bar yongs su spangs nas de'i rgyu/ de'i rkyen gyis dge bsnyen ma rnams stong pa nyid dang / mtshan ma med pa dang / smon pa med pa'i chos la rtag tu nan tan byed pa/ theg pa chen po'i mdo sde nyan cing 'dzin pa la mos pa/ thos nas kyang gzhan la rgya cher ston nus pa/ sngon gyi smon lam yongs su 'dzin pa/ bud med kyi lus la shin tu smod pa/ shin tu skyon che bar shes pa/ snying po med par rtogs pa/ sems rtag tu rnal 'byor du spyod pa/ de bzhin du yang dag par rtog cing mtha' med par 'khor ba'i rgyun yongs su gcod pa/ theg pa chen po la skom pas gdungs pa ltar mos pa/ bdag shin tu ngoms pas gzhan yang shin tu ngoms par byed pa/ theg pa </font><hr>Ka11a<br><font size=+1>


@#/ /chen po la rab tu mos pa/ theg pa chen po la shin tu bsrung ba/ bud med kyi lus su ston kyang yang dag par byang chub sems dpa' sha stag ste/ thams cad kyang 'jig rten gyi bsam pa dang shin tu sbyor ba/ ma rgal ba sgrol ba/ ma grol ba 'grol ba/ dkon mchog gsum gyi gdung rgyun mi 'chad par 'tshob pa/ ma 'ongs pa'i dus su chos kyi 'khor lo bskor bar 'gyur ba/ rgyan chen pos yongs su brgyan pa/ tshul khrims yongs su bsrung ba/ de lta bu'i yon tan tshad med pa dang ldan pa/ sems can thams cad la snying rje'i sems bskyed cing bu gcig pa dang 'dra par gnyis su med par mnyam pa sha stag go /de dag kyang snga dro'i dus nyi ma thog ma shar ba na 'od kyis reg nas/ gcig la gcig 'di skad du/ deng ni shing sA la drung gnyis kyi drung du 'deng ngo zhes smras so/ /dge bsnyen ma rnams kyis mchod pa'i yo byad bshams pa snga ma bas phyed kyis bzang bar sbyar te/ sangs rgyas gang na bar lhags nas/ bcom ldan 'das kyi zhabs la spyi bos phyag btsal te lan brgya stong bskor nas/ bcom ldan 'das la 'di skad ces gsol to/ /bcom ldan 'das bdag cag gis sangs rgyas dang / dge 'dun du bcas pa la mchod pa'i yo byad bshams pa 'di de bzhin gshegs pas thugs brtse ba'i </font><hr>Ka11b<br><font size=+1>


slad du bzhes shig ces gsol to/ /de la bcom ldan 'das cang mi gsung bas bzhes su ma gnang ngo / /dge bsnyen ma rnams bsams pa bzhin du ma gyur pas mya ngan gyis yid gdungs te/ phyogs gcig tu 'khod do/ /de'i tshe gzhan yang klung gang+gA bzhi'i bye ma snyed kyi li tsa bI'i bu grong khyer yangs pa can na gnas pa'i skyes pa dang / bud med dang / khye'u dang / bu mo dang / chung ma dang / 'khor rnams dang / gzhan yang dzam+bu'i gling gi rgyal rigs su gtogs pa rgyal po'i 'khor dang bcas te/ thams cad kyang chos 'dod pa'i phyir tshul khrims yongs su bsrung ba/ spyod lam dang ldan pa/ slob pa gzhan la zhugs shing / dam pa'i chos la sun 'byin pa shin tu tshar gcod pa sha stag gcig la gcig 'di skad ces dam 'cha'o/ /bdag cag gser dang / dngul dang / rin po che'i gter mdzod lta bur yang dag pa'i chos shin tu zab mo bdud rtsi lta bur zad mi shes pa yun du 'jig rten na gnas par byas te/ bdag cag kyang de dag la rtag tu nan tan du spyod par gyur cig /gal te zhal nas gsungs pa'i dam pa'i chos la dbang za zhing / skur ba zhig yod na bdag cag gis de'i lce gcad do zhes dam bcas shing / gzhan yang khyim nas khyim ma yin par rab tu byung ba dag tshul khrims las nyams par gyur na/ bdag cag gis khyim par </font><hr>Ka12a<br><font size=+1>


@#/ /phab ste/ las byed du gzhug go zhes pa dang / gal te dam pa'i chos la nan tan du byed na/ bdag cag gis pha ma dang 'dra bar rim gro dang bkur sti bya'o zhes pa dang / gal te dge 'dun las dam pa'i chos la nan tan du spyod pa zhig yod na/ bdag cag gis rjes su yi rang zhing de la mthu'ang sbyin par bya'o zhes dam bcas pa/ rtag tu theg pa chen po'i mdo sde thos par mos shing / thos nas kyang gzhan la rgyas par ston pa de lta bu'i yon tan dang ldan pa sha stag la 'di lta ste/ li tsa bI'i bu rnam dag dri ma med pa'i snying po dang / li tsa bI'i bu bag yod rnam par dag pa dang / li tsa bI'i bu rtag tu dri med rnam dag yon tan la sogs te/ de dag gcig la gcig 'di skad du/ kye/ grogs po dag/ myur bar de bzhin gshegs pa gang na ba der song ste/ mchod pa phun sum tshogs pa rnam pa sna tshogs kyis mchod du 'deng ngo / /de nas li tsa bI de dag re res kyang bal glang brgyad khri bzhi stong dang / rin po che'i shing rta rta bzhi dang bcas pa brgyad khri bzhi stong dang / yid bzhin gyi nor bu rin po che brgyad khri bzhi stong dang / gzhan yang shing tsan dan dang / a ga ru sbams pa brgyad khri bzhi stong snyed bshams te/ bal glang de re re'i mdun na rin po che'i rgyal mtshan dang / ba dan dang / gdugs kyang bshams </font><hr>Ka12b<br><font size=+1>


so| |gdugs nang gi chung ngu'ang kho ra khor yug tu dpag tshad gcig khebs so/ /ba dan nang gi thung ngu'ang ring khyad dpag tshad sum cu rtsa gnyis so/ /rin po che'i rgyal mtshan nang gi chung ba'ang mtho khyad dpag tshad brgya pa ste/ de lta bu'i mchod pa'i yo byad bshams nas sangs rgyas gang na bar lhags te phyin pa dang / sangs rgyas kyi zhabs la spyi bos phyag btsal nas lan brgya stong du bskor te/ bcom ldan 'das la 'di skad ces gsol to/ /bcom ldan 'das/ bdag cag gis sangs rgyas dang / dge slong gi dge 'dun rnams la mchod pa'i yo byad 'di dag 'bul na/ de bzhin gshegs pas bdag cag la thugs brtse ba'i slad du mchod pa 'di dag bzhes shig ces gsol to/ /de la de bzhin gshegs pa cang mi gsung nas bzhes su ma gnang ngo / /li tsa bI'i bu rnams bsams pa bzhin du ma gyur nas shin tu mya ngan gyis non te/ bcom ldan 'das kyi byin gyi rlabs kyis sa las shing ta la bdun srid du 'phags nas steng gi nam mkha' la cang mi smra bar 'khod do/ /de'i tshe gzhan yang klung gang+gA lnga'i bye ma snyed kyi blon po chen po dang / khyim bdag dang / tshong dpon theg pa chen po la shin tu mos pas slob pa gzhan la zhugs pa gang zhig yang dag pa'i chos la smod pa zhig yod na/ de dag gi mthus thul ba ni/ ji ltar rtswa dang shing la ser ba bab pa lta bu sha stag la 'di lta </font><hr>Ka13a<br><font size=+1>


@#/ /ste| tshong dpon nyi ma'i 'od dang / tshong dpon 'jig rten skyong dang / tshong dpon chos skyong la sogs pas thog ma drangs te/ de dag gis so so nas mchod pa'i yo byad bshams pa ni/ snga ma bas lnga 'gyur tsam bshams te/ shing sA la drung gnyis kyi bar gang na bar stong ste phyin pa dang / bcom ldan 'das kyi zhabs gnyis la spyi bos phyag btsal nas lan brgya stong du bskor te/ bcom ldan 'das la 'di skad ces gsol to/ /bcom ldan 'das/ bdag cag gis sangs rgyas dang / dge slong gi dge 'dun rnams la mchod pa'i yo byad 'di dag 'bul na/ bzhes shig ces gsol to/ /de la de bzhin gshegs pa cang mi gsung bas bzhes su ma gnang ngo / /tshong dpon de dag bsams pa bzhin du ma gyur nas shin tu mya ngan gyis yid gdungs par gyur te/ bcom ldan 'das kyi byin gyi rlabs kyis sa la shing ta la bdun srid du 'phags nas/ steng gi nam mkha' la cang mi smra bar 'khod do/ /de'i tshe gzhan yang yul yangs pa can gyi rgyal po btsun mo dang sras su bcas pa/ gzhan yang dzam+bu gling na rgyal po ma skyes dgra ma gtogs par rgyal phran de ma yin pa thams cad dang / grong khyer dang / ljongs dang / grong 'dab thams cad kyi mi thams cad dang bcas pa la 'di lta ste/ rgyal po zla </font><hr>Ka13b<br><font size=+1>


'od dri med rgyal po la sogs pas thog mar drangs nas so so nas dmag rnam bzhi dang bcas te/ sangs rgyas gang na bar lhags so/ /rgyal po de dag re re'ang 'khor khri phrag brgyad cu dang bcas so/ /dmag gi tshogs kyang bal glang dang rta pa ste/ bal glang de dag kyang mche ba drug dang ldan la/ rta rnams kyang mgyogs khyad rlung bzhin te/ mchod pa'i yo byad bshams pa'ang snga ma bas drug 'gyur gyis lhag go/ rin po che'i gdugs nang gi chung ngu'ang chu zheng kho ra khor yug tu dpag tshad brgyad khebs so/ /ba dan nang gi thung ngu'ang ring khyad dpag tshad bcu drug snyed do/ /rin po che'i rgyal mtshan nang gi chung ngu'ang mtho khyad dpag tshad sum cu rtsa drug go/ rgyal po de dag thams cad kyang yang dag pa'i chos la gnas pas log pa'i chos kun la shin tu smod pa/ theg pa chen po la bkur sti byed pa/ theg pa chen po la shin tu mos pa/ sems can thams cad la bu gcig dang 'dra bar byams pa/ zhal zas bshams pa'i dri'ang dpag tshad bzhi'i bar du bro ba bshams nas/ snga dro'i dus kyi tshe mchod pa'i yo byad rnam pa sna tshogs thogs te/ shing sA la drung gnyis kyi bar de bzhin gshegs pa gang na bzhugs pa der song nas phyin pa dang / bcom ldan 'das la 'di skad ces gsol to/ /bcom ldan 'das/ bdag cag gis sangs rgyas dang / dge slong gi dge 'dun rnams </font><hr>Ka14a<br><font size=+1>


@#/ /la mchod pa 'di dag 'bul na/ de bzhin gshegs pas thugs brtse ba'i slad du bdag gi mchod pa nang gi tha ma 'di bzhes shig ces gsol to/ / de bzhin gshegs pa dus mkhyen pas bzhes su ma gnang ngo / /rgyal po de dag kyang bsams pa bzhin du ma gyur pas shin tu mya ngan gyis yid gdungs par gyur te/ phyogs gcig tu 'khod do/ /de'i tshe gzhan yang klung gang+gA bdun gyi bye ma snyed kyi rgyal po'i btsun mo rnams tshogs te/ de la gcig ma gtogs pa ni ma skyes dgra'i btsun mo 'ba' zhig go/ sems can gdul ba'i phyir bud med kyi lus su ston te/ rtag tu lus kyis nan tan du spyod cing stong pa nyid dang / mtshan ma med pa dang / smon pa med pa'i chos la sems 'dris shing goms par byed pa de la sogs te/ btsun mo khams gsum bzang mo dang / btsun mo 'dod pa'i yon tan la sogs pas thog mar drangs so/ /thams cad kyang dam pa'i chos la gnas shing tshul khrims yongs su bsrung ba/ spyod lam dang ldan pa/ sems can thams cad la bu gcig pa dang 'dra bar byams pa sha stag go/ de dag kyang gcig la gcig 'di skad du/ bdag cag kyang myur bar sangs rgyas gang na bzhugs par 'deng ngo zhes smras so/ /rgyal po'i btsun mo rnams kyis mchod </font><hr>Ka14b<br><font size=+1>


pa'i yo byad bshams pa ni/ snga ma bas bdun 'gyur gyis lhag ste/ me tog dang / spos dang / rin po che'i rgyal mtshan dang / dar gyi ba dan dang / gdugs dang / zhal zas mchog rnams so/ /rin po che'i gdugs nang gi chung ngu'ang chu zheng kho ra khor yug tu dpag tshad bcu drug khebs so/ /ba dan nang gi thung ngu'i tshad kyang dpag tshad sum cu rtsa drug snyed do/ /rin po che'i rgyal mtshan nang gi dma' ba'i tshad kyang dpag tshad drug cu rtsa brgyad snyed do/ /zhal zas kyi dri bsung gis kyang dpag tshad brgyad kyi bar du bro ba/ mchod pa'i yo byad de lta bu dag bshams nas de bzhin gshegs pa ga la ba der song ste phyin pa dang / bcom ldan 'das kyi zhabs la spyi bos phyag btsal nas lan brgya stong du ma bskor te/ bcom ldan 'das la 'di skad ces gsol to/ /bcom ldan 'das/ bdag cag gis sangs rgyas dang / dge slong gi dge 'dun rnams la mchod pa'i yo byad bshams te 'bul ba 'di/ de bzhin gshegs pas bdag cag la thugs brtse ba'i slad du mchod pa nang gi tha ma 'di bzhes shig ces gsol to/ /de bzhin gshegs pa dus mkhyen pas cang mi gsung nas bzhes su ma gnang ngo / /de'i tshe rgyal po'i btsun mo rnams bsams pa bzhin du ma gyur nas shin tu mya ngan gyis yid gdungs te/ skra 'bal zhing brang la thal </font><hr>Ka15a<br><font size=+1>


@#/ /mos rdebs te cho nges rdung ba ni/ ji ltar bu'i nang na sdug pa shi ba dang 'dra bar gyur nas phyogs gcig tu cang mi smra bar 'khod do/ /de'i tshe gzhan yang klung gang+gA brgyad kyi bye ma snyed kyi lha'i bu mo rnams la 'di lta ste/ lha'i bu mo yangs pa'i mig ces bya bas thog mar drangs nas 'di skad ces smras so/ /kye/ grogs mo dag / mthong ngam ltos shig /'khor gyi dkyil 'khor mang pos mchod pa'i yo byad rnam pa sna tshogs bshams nas de bzhin gshegs pa dang / dge slong gi dge 'dun la 'bul ba mthong ngam/ bdag cag kyang mchod pa'i yo byad bshams te/ de bzhin gshegs pa la mchod nas/ de bzhin gshegs pas bzhes pa'i 'og tu mya ngan las mi 'da' bar bzhugs su gsol bar bya'o/ /kye/ grogs mo dag /sangs rgyas bcom ldan 'das 'jig rten du gshegs pa'ang shin tu dka'/ mchod pa nang gi tha ma bshams te 'bul ba'ang shin tu dka'o/ /gal te bcom ldan 'das mya ngan las 'das na 'jig rten stong par 'gyur ro zhes smras so/ /lha'i bu mo de rnams kyang theg pa chen po 'dod pa/ theg pa chen po thos par mos pa/ thos nas kyang gzhan la rgya cher ston nus pa/ theg pa chen po la skom pas gdungs pa ltar gyur cing / bdag shin tu ngoms pa ltar </font><hr>Ka15b<br><font size=+1>


skom pas gdungs pa gzhan dag kyang ngoms par byed pa/ theg pa chen po la skyob pa/ slob pa gzhan la zhugs pa dag theg pa chen po la sun 'byin cing phrag dog byed pa yod na/ ji ltar rtswa la ser ba bab pa bzhin du shin tu thul ba/ tshul khrims yongs su bsrung ba/ spyod lam dang ldan pa/ 'jig rten thams cad kyi yid dang sbyor ba la shin tu mkhas pa/ ma dul ba rnams 'dul ba/ ma grol ba rnams 'grol bar byed pa/ phyi ma ma 'ongs pa'i dus su chos kyi 'khor lo bskor zhing dkon mchog gsum gyi gdung rgyun mi 'chad par 'tshob pa/ theg pa chen po la nan tan byed cing rgyan chen pos shin tu brgyan pa/ de lta bu'i yon tan tshad med pa dang ldan pa/ sems can thams cad la'ang bu gcig dang 'dra bar byams pa sha stag ste/ de dag kyang snga dro'i dus nyi ma thog ma shar ba na so so nas rnam pa sna tshogs kyi lha'i shing bsung can bshams pa ni/ mi'i shing bsung can las khyad par du gyur pa/ shing gi bsung des mi'i 'jig rten na mnam zhing dri mi zhim pa thams cad zhi bar byed pa/ shing rta dkar po la gdugs dkar po bres te rta dkar po bzhis drangs pa/ shing rta de re re'i steng yang gur dkar po phub pa la gur gyi mtha' ma'ang gser gyi dril bu dpyangs pa/ rnam pa sna tshogs kyi 
 dang / me tog dang / rin po che'i rgyal mtshan </font><hr>Ka16a<br><font size=+1>


@#/ /dang| ba dan dang / gdugs dang / zhal zas mchog dam pa dang / rol mo'i rnam pa sna tshogs bshams te/ seng ge'i gdan bting ngo / /seng ge'i gdan gyi rkang pa bzhi'ang bai DUR+Ya mthon mthing las byas pa/ de'i rgyab ni rin po che sna bdun gyi snam rten dang bcas pa/ mdun yang gser las byas pa'i sngas re re yod pa/ rin po che sna bdun gyi sgron ma'i sdong po la nor bu rin po che rnam pa sna tshogs kyi sgron ma snang ba/ sa gzhi thams cad lha'i me tog gis chal par bkod pa de lta bu dag lha'i bu mo de dag gis bshams nas/ yid gdung zhing mchi ma zags te sdug bsngal chen po skyes kyang / sems can thams cad la phan pa dang bde ba'i phyir theg pa chen po don dam pa stong pa nyid dang ldan par bya ba dang / de bzhin gshegs pas dgongs te gsungs pa mngon du bstan pa dang / chos rnam pa sna tshogs smra ba rgyun mi bcad pa'i phyir bcom ldan 'das gang na bar lhags nas/ bcom ldan 'das kyi zhabs la spyi bos phyag btsal te/ lan brgya stong du bskor nas bcom ldan 'das la 'di skad ces gsol to| |bcom ldan 'das/ bdag cag la thugs brtse ba'i slad du mchod pa bshams pa nang gi tha ma 'di bzhes shig ces gsol to/ /bcom ldan 'das dus mkhyen pas </font><hr>Ka16b<br><font size=+1>


cang mi gsung nas bzhes su ma gnang ngo / /lha'i bu mo rnams bsams pa bzhin du ma gyur nas mya ngan gyis yid gdungs te/ cang mi smra bar phyogs gcig tu 'khod do/ /de'i tshe gzhan yang klung gang+gA dgu'i bye ma snyed kyi klu'i rgyal po phyogs bzhi nas lhags pa la 'di lta ste/ klu'i rgyal po 'jog po dang / klu'i rgyal po dga' bo dang / klu'i rgyal po nyer dga' bo la sogs pas thog mar drangs nas/ klu'i rgyal po rnams kyang snga dro'i dus nyi ma thog ma shar ba na lha dang mi las lhag pa'i mchod pa'i yo byad bshams nas/ bcom ldan 'das gang na bar lhags te/ bcom ldan 'das kyi zhabs la spyi bos phyag btsal nas lan brgya stong du bskor te/ bcom ldan 'das la 'di skad ces gsol to/ /bcom ldan 'das/ bdag cag la thugs brtse ba'i slad du mchod pa nang gi tha ma 'di bzhes shig ces gsol to/ /de bzhin gshegs pa dus mkhyen pas cang mi gsung nas bzhes su ma gnang ngo / /de nas klu'i rgyal po rnams kyang bsams pa bzhin du ma gyur pas mya ngan gyis yid gdungs te/ phyogs gcig tu 'khod do/ /de'i tshe gzhan yang klung gang+gA bcu'i bye ma snyed kyi gnod sbyin gyi rgyal po ngal bsos po la sogs pas thog mar drangs nas gcig la gcig 'di skad du/ kye/ skyes bu dag /myur bar sangs rgyas gang na ba </font><hr>Ka17a<br><font size=+1>


@#/ /der 'deng ngo zhes smras nas mchod pa'i yo byad klu bas lhag par bshams te/ bcom ldan 'das gang na bar lhags nas sangs rgyas kyi zhabs la spyi bos phyag btsal te/ lan brgya stong du ma bskor nas bcom ldan 'das la 'di skad ces gsol to/ /bcom ldan 'das/ bdag cag la thugs brtse ba'i slad du mchod pa bshams pa nang gi tha ma 'di bzhes shig ces gsol to/ /de la bcom ldan 'das cang mi gsung bas bzhes su ma gnang ngo / /gnod sbyin gyi rgyal po rnams bsams pa bzhin du ma gyur pas mya ngan gyis yid gdungs te/ phyogs gcig tu 'khod do/ /de'i tshe gzhan yang klung gang+gA nyi shu'i bye ma snyed kyi nam mkha' lding gi rgyal po phas rgol ba bcom pa zhes bya bas thog mar drangs so/ /gzhan yang klung gang+gA sam cu'i bye ma snyed kyi dri za'i rgyal po mthu bo ches thog mar drangs so/ /gzhan yang klung gang+gA bzhi bcu'i bye ma snyed kyi mi 'am ci'i rgyal po shin tu mthong ba zhes bya bas thog mar drangs so/ /gzhan yang klung gang+gA lnga bcu'i bye ma snyed kyi lto 'phye chen po'i rgyal po shin tu mthong ba chen po zhes bya bas thog mar drangs so/ /gzhan yang klung gang+gA drug cu'i bye ma snyed kyi lha ma yin gyi rgyal po khab bi lis thog mar drangs so/ /gzhan yang klung gang+gA bdun cu'i bye </font><hr>Ka17b<br><font size=+1>


ma snyed kyi ta na pa'i rgyal po dri med 'bab chu dang / ba ti da ta la sogs pas thog mar drangs so/ /gzhan yang klung gang+gA'i brgyad cu bye ma snyed kyi srin po'i rgyal po 'jigs su rung ba zhes bya bas thog mar drangs so/ /de dag kyang sdig pa mi dge ba'i sems yongs su spangs nas mi la mi za ba dang / dgra dang 'khon du gyur pa la byams shing snying rje'i sems skye ba dang / gzugs mi sdug pa'ang sangs rgyas kyi byin gyi rlabs kyis thams cad bzang zhing sdug par gyur to/ /gzhan yang klung gang+gA'i dgu bcu'i bye ma snyed kyi nags tshal la dbang ba'i lha dri bsung la dga' ba zhes bya bas thog mar drangs so/ /gzhan yang klung gang+gA stong gi bye ma snyed kyi rig 'dzin gyi rgyal po rdzu 'phrul chen po zhes bya bas thog mar drangs so/ /gzhan yang klung gang+gA 'bum gyi bye ma snyed kyi mdangs za ba'i rgyal po shin tu mthong ba zhes bya bas thog mar drangs so/ /gzhan yang klung gang+gA khri phrag brgya'i bye ma snyed kyi lha'i bu mo 'dod chags can lam pa dang / ur pa shi dang / ti lo t+ta ma dang / phyir sha tsi la sogs pas thog mar drangs so/ /gzhan yang klung gang+gA khri phrag stong gi bye ma snyed kyi sa la gnas pa'i yi dwags kyi rgyal po gzhog dkar zhes bya bas thog mar drangs so/ /gzhan yang klung gang+gA 'bum phrag bcu'i bye ma snyed kyi lha'i sras po rnams dang / lha'i rgyal po la phyogs bzhi'i mgon pos thog mar drangs </font><hr>Ka18a<br><font size=+1>


@#/ /so| |gzhan yang klung gang+gA'i 'bum phrag bcu'i bye ma snyed kyi klung gi lhas ni/ phyogs bzhi nas sa las skyes pa'i me tog dus dang dus ma yin pa rnams sA la'i shing drung du chal par bkang ngo / /gzhan yang klung gang+gA 'bum phrag bcu'i bye ma snyed kyi rlung dang char la dbang ba'i lha rnams ni/ 'di snyam du bdag cag gis de bzhin gshegs pa mya ngan las 'das nas zhugs la bzhen pa na char rab tu phab ste dus su me zhi bar bya ba dang / 'khor gyi dkyil 'khor las tsha bas gdungs pa rnams kyang shin tu bsil bar bya'o snyam du sems so/ /gzhan yang klung gang+gA nyi shu'i bye ma snyed kyi spos kyi bal glang chen po bal glang gi rgyal po la hu dang / bal glang gi rgyal po gser can dang| bal glang gi rgyal po mngar ba'i ro dang / bal glang gi rgyal po mthon mthing mig dang / bal glang gi rgyal po bsung can la sogs pas thog mar drangs te/ de dag thams cad kyang theg pa chen po la bsti stang byed pa/ theg pa chen po la mos pa sha stag ste/ de dag gis kyang sangs rgyas bcom ldan 'das ring po mi thogs par mya ngan las 'da' bar shes pas/ so so nas pad+mo bzang po tshad med dpag tu med pa phyung ste/ sangs rgyas bcom ldan 'das gang na bar lhags nas gdong gis phyag btsal te phyogs gcig </font><hr>Ka18b<br><font size=+1>


tu sdod do/ /gzhan yang klung gang+gA'i nyi shu'i bye ma snyed kyi ri dwags kyi rgyal po seng ge seng ge sgra zhes bya bas thog mar drangs te/ sems can thams cad la mi 'jigs pa byin nas so so nas me tog dang 'bras bu thogs te/ sangs rgyas gang na bar lhags nas sangs rgyas kyi zhabs la phyag btsal te phyogs gcig tu sdod do/ /gzhan yang klung gang+gA nyi shu'i bye ma snyed kyi bya'i rgyal po ngang pa dang / ngur pa dang / rma bya dang / gai na dar pa dang / ka lan+ta ka dang / gu yog dang / ne tso dang / ko shi la dang / ba hi ka dang / ka la ping+ka dang / 'tsho byed la sogs pa bya'i rgyal po rnams kyang so so nas me tog dang / 'bras bu thogs te/ sangs rgyas gang na bar lhags nas bcom ldan 'das kyi zhabs la phyag btsal te phyogs gcig tu sdod do/ /gzhan yang klung gang+gA nyi shu'i bye ma snyed kyi chu glang dang / ba dang / lug la sogs pa sangs rgyas gang na bar lhags nas/ grong khyer rtswa mchog gi 'obs dang / shang shong thams cad kyang dri bsung dang ldan pa/ kha dog dang ro bro bar ldan pa'i 'o mas kun tu gang bar byas nas phyogs gcig tu sdod do/ /gzhan yang klung gang+gA nyi shu'i bye ma snyed kyi gling bzhi la gnas pa'i drang srong bzod pa can zhes bya ba la sogs pas thog mar drangs te/ so so nas me tog dang / spos dang / 'bras bu mngar ba la sogs pa thogs te sangs </font><hr>Ka19a<br><font size=+1>


@#/ /rgyas gang na bar lhags nas/ bcom ldan 'das kyi zhabs la spyi bos phyag btsal te lan gsum bskor nas bcom ldan 'das la 'di skad ces gsol to/ /bcom ldan 'das bdag cag la thugs brtse ba'i slad du mchod pa nang gi tha ma 'di zhes shig ces gsol to/ /de bzhin gshegs pa dus mkhyen pas cang mi gsung nas bzhes su ma gnang nas/ drang srong rnams bsams pa bzhin du ma gyur nas mya ngan gyis yid gdungs te/ phyogs gcig tu 'khod do/ /dzam+bu'i gling gi bung ba'i rgyal po sgra snyan zhes bya bas thog mar drangs nas dung pa thams cad kyang me tog rnam pa sna tshogs thogs te/ sangs rgyas gang na bar lhags nas bcom ldan 'das kyi zhabs la phyag btsal te lan gcig bskor nas phyogs gcig tu sdod do/ /de'i tshe dzam+bu'i gling na gnas pa'i dge slong dang / dge slong ma thams cad 'dus te/ de la gnyis ma gtogs pa ni 'od srung chen po dang / dga' bo'o/ /gzhan yang 'jig rten gyi khams tshad med grangs med pa klung gang+gA'i bye ma snyed dang / dzam+bu'i gling gi ril sogs pa ri rab ri'i rgyal pos thog mar drangs te/ ri de dag thams cad kyang shin tu brgyan pa ni nags tshal rgyas pa dang / shing rnams kyi lo ma dang / yal ga'ang ran par nyi ma'i 'od chod pa dang / me </font><hr>Ka19b<br><font size=+1>


tog rnam pa sna tshogs rgyas pa dang / kho ra khor yug tu 'bab chu dang chu mig yongs su dag cing bsung dang ldan pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / rig 'dzin dang / drang srong la sogs pas rol mo rnam pa sna tshogs byed pas yongs su bar gyur to/ /lha dang drang srong de dag kyang bcom ldan 'das gang na bar lhags te/ sangs rgyas kyi zhabs la spyi bos phyag btsal nas phyogs gcig tu 'khod do/ gzhan yang grangs med pa'i klung gang+gA'i bye ma snyed kyi rgya mtsho bzhi'i lha dang / 'bab chu kun gyi lha gzi brjid chen po dang ldan pa/ rdzu 'phrul dang ldan pa rnams kyang snga ma bas lhag par mchod pa'i yo byad bshams te/ lha rnams kyi lus kyi 'od dang / rol mo'i cha byad dang / me mar gyis nyi zla'i 'od kyang mi snang bar byas nas/ me tog tsam+pa kas klung ha ri ba di logs su gtor te/ sangs rgyas gang na bar lhags nas sangs rgyas kyi zhabs la phyag btsal te phyogs gcig tu 'khod do/ /de'i tshe grong khyer rtswa mchog gi shing sA la'i tshal thams cad kyang skya bor gyur te/ steng gi nam mkha' la rin po che sna bdun gyi gzhal med khang 'bur dang ri mor ldan pa/ rgyan gyis mdzes pa/ kho ra khor yug tu rin po che sna tshogs kyis spras pa/ gzhal med khang gi drung na chu mig </font><hr>Ka20a<br><font size=+1>


@#/ /dang / rdzing bu dang / mtshe'u las me tog pad+mo skyes pa ni/ byang gi sgra mi snyan nam/ sum cu rtsa gsum gnam gyi skyed mos tshal shin tu dga' ba zhes bya ba dang 'dra ba rang byung bar gyur to/ /de'i tshe na shing sA la'i tshal kun tu rnam pa sna tshogs kyis brgyan cing shin tu yid du 'ong bar gyur to/ /de'i tshe lha dang / mi dang / lha ma yin la sogs pa thams cad kyis de bzhin gshegs pa yongs su mya ngan las 'da' ba'i ltas yin par rig nas/ thams cad mya ngan gyis yid gdungs te mi dga' bar gyur to/ / de'i tshe rgyal chen bzhi'i rgyal po dang / brgya byin lha'i dbang phyug dag gcig la gcig 'di skad du/ kye/ skyes bu dang / 'jig rten du bcas pa lha dang / mi dang / lha ma yin la sogs pas mchod pa bshams te de bzhin gshegs pa la mchod pa byed pa la ltos/ bdag cag kyang de bzhin du mchod pa bya'o/ /gal te bdag cag gis nang gi tha mar mchod na sbyin pa'i pha rol tu phyin pa yongs su rdzogs par 'gyur du nges so zhes smras so/ /de nas rgyal chen ris bzhi'i lha rnams kyis mchod pa snga ma ngas shin tu lhag par bshams pa la 'di lta ste/ me tog man+dA ra ba dang / man+dA ra ba chen po dang / me tog ka tsi li ka dang / ka tsi li ka chen po dang / me tog mad+ny+dzu sha ka dang / many+dzu sha ka chen </font><hr>Ka20b<br><font size=+1>


po dang / me tog san+ta ni ka dang / san+ta ni ka chen po dang / me tog yid du 'ong ba dang / yid du 'ong ba chen po dang / me tog kun tu bzang po dang / kun tu bzang po chen po dang / me tog dus can dang / dus can chen po dang / me tog bsung gi grong khyer dang / bsung gi grong khyer chen po dang / me tog rab tu dga' ba dang / rab tu dga' ba chen po dang / me tog 'dod ldan dang| 'dod ldan chen po dang / me tog bsung myos dang / bsung myos chen po dang / me tog kun tu bsung dang / kun tu bsung chen po dang / me tog lha'i gser 'dab dang / me tog klu zhes bya ba dang / shing pa ri tsi tra'i me tog dang / shing ko bi dA ra'i me tog dang / gzhan yang rnam pa sna tshogs kyi zhal zas ro bro ba dang ldan pa thogs te/ sangs rgyas gang na bar lhags nas/ bcom ldan 'das kyi zhabs la spyi bos phyag btsal te/ lha rnams kyi 'od kyis nyi zla'i 'od kyang zil gyis non to/ /mchod pa'i yo byad de dag gis de bzhin gshegs pa la mchod pa bya bar bshams nas/ de bzhin gshegs pa dus mkhyen pas cang mi gsung bar bzhes gsum gnang ngo / /de'i tshe lha rnams kyang bsams pa bzhin du ma gyur pas mya ngan gyis yid gdungs te/ phyogs gcig tu 'khod do/ /de'i tshe brgya byin lha'i dbang phyug dang / sum cu rtsa gsum gnam gyi lha rnams kyis snga ma bas shin tu lhag pa'i mchod </font><hr>Ka21a<br><font size=+1>


@#/ /pa'i yo byad bshams nas me tog thogs pa'ang snga ma dang 'dra se/ dri bsung gis shin tu ngad pa ni yid du 'ong ba ste/ gzhal med khang rgyal par 'gyur ba zhes bya ba dang / gzhal med khang chung ngu'i rnam pa bshams te/ sangs rgyas gang na bar lhags nas bcom ldan 'das kyi zhabs la spyi bos phyag btsal te/ bcom ldan 'das la 'di skad ces gsol to/ /bcom ldan 'das/ bdag cag ni theg pa chen po la shin tu dad cing mos na de bzhin gshegs pas bdag cag la thugs brtse ba'i slad du mchod pa 'di dag bzhes shig ces gsol to/ /bcom ldan 'das dus mkhyen pas cang mi gsung bar bzhes su ma gnang ngo // //'phags pa yongs su mya ngan las 'das pa chen po'i mdo/ bam po gnyis pa/ de nas brgya byin dang lha'i 'khor rnams bsams pa bzhin du ma gyur nas mya ngan gyis yid gdungs te/ phyogs gcig tu 'khod do/ / 'dod pa'i khams kyi gnam rim pa drug gi bar du mchod pa'i yo byad bshams pa ni/ rin po che'i rgyal mtshan dang / ba dan dang / gdugs gcig pas kyang gcig bzang ba'o| |rin po che'i gdugs nang gi chung ngu'ang gling bzhi khebs so/ /ba dan nang gi thung ngu'ang rgya mtsho bzhi 'khor ro/ /rgyal mtshan nang gi dma' ba'ang gzhan 'phrul dbang </font><hr>Ka21b<br><font size=+1>


byed gnam la reg ste/ rlung gis bskyod na sgra skad snyan pa 'byin pa dang / zhal zas phul du byung ba rnam pa sna tshogs bshams nas bcom ldan 'das gang na bar lhags te/ bcom ldan 'das kyi zhabs la spyi bos phyag btsal te bcom ldan 'das la 'di skad ces gsol to/ /bcom ldan 'das/ bdag cag la thugs brtse ba'i slad du mchod pa nang gi tha ma 'di bzhes shig ces gsol to/ /de bzhin gshegs pa dus mkhyen pas cang mi gsung bar bzhes su ma gnang ngo / /de nas lha rnams kyang bsams pa bzhan du ma gyur pas mya ngan gyis yid gdungs te/ phyogs gcig tu 'khod do/ /de la gcig ma gtogs pa ni srid pa'i rtse mo ste/ tshangs pa'i ris kyi lha rnams kyang 'dus par gyur to/ /de'i tshe tshangs pa'i rgyal po dang / tshangs pa'i ris kyi lha rnams kyi 'od kyis gling bzhi kun snang bar byas nas/ 'dod pa'i khams na lha dang / mi dang / nyi zla'i 'od kyang mi snang bar byas so/ /de dag kyang so so nas rin po che'i rgyal mtshan dang / ba dan dang / gdugs thogs pa ni/ ba dan nang gi thung ngu'ang tshangs pa'i gnas nas shing sA la'i tshal la thug pa thogs nas sangs rgyas gang na bar lhags nas/ bcom ldan 'das kyi zhabs la spyi bos phyag btsal nas/ bcom ldan 'das la 'di skad ces gsol to/ /bcom ldan 'das/ bdag cag la thugs brtse ba'i slad </font><hr>Ka22a<br><font size=+1>


@#/ /du bdag cag gi mchod pa nang gi tha ma 'di bzhes shig ces gsol to/ /de bzhin gshegs pa dus mkhyen pas cang mi gsung bar bzhes su ma gnang ngo / /tshangs pa'i lha rnams bsams pa bzhin du ma gyur nas mya ngan gyis yid gdungs te/ phyogs gcig tu 'khod do/ /de'i tshe lha ma yin gyi rgyal po thags bzang ris kyang 'khor dpag tu med pa dang bcas te lhags so/ /de rnams kyi lus kyi 'od kyang tshangs pa'i lha bas kyang lhag par gyur te/ rin po che'i rgyal mtshan dang / ba dan dang| gdugs rnams thogs te/ gdugs nang gi chung ngu'ang stong chung ngu'i 'jig rten gyi khams khebs pa dang / phul du byung ba'i zhal zas mchog rnams thogs nas sangs rgyas gang na bar lhags te/ bcom ldan 'das kyi zhabs la spyi bos phyag btsal nas bcom ldan 'das la 'di skad ces gsol to/ /bcom ldan 'das/ bdag cag la thugs brtse ba'i slad du mchod pa nang gi tha ma 'di bzhes shig ces gsol to/ /de bzhin gshegs pa dus mkhyen pas cang mi gsung bar bzhes su ma gnang nas lha ma yin rnams bsams pa bzhin du ma gyur bas mya ngan gyis yid gdungs te/ phyogs gcig tu 'khod do/ /de'i tshe 'dod pa'i khams kyi bdud kyi </font><hr>Ka22b<br><font size=+1>


rgyal po bdud sdig to can yang 'khor lha'i bu mo grangs med dpag tu med pa dang bcas te/ sems can dmyal ba'i sgo phye nas yongs su bsil zhing dga' ba'i chu phab ste/ de dag la 'di skad ces bsgo'o/ /khyed la sogs pa gzhan ci'ang mi nus kyi/ sems rtse gcig tu de bzhin gshegs pa yang dag par rdzogs pa'i sangs rgyas dran par gyis la mchod pa byed pa la rjes su yi rang bar gyis shig dang / khyed yun ring por rab tu bde bar 'gyur ro/ /de nas bdud sdig can sems can dmyal ba'i mtshon cha dang / sdug bsngal du 'gyur ba'i me rab tu 'bar ba'ang bsil ba'i char gyis zhi bar byas nas sangs rgyas kyi byin rlabs kyis bdud kyi 'khor rnams kyang 'di snyam du sems bskyed par gyur to/ /thams cad kyis ral gri dang / mda' gzhu dang / go cha dang / mtshon shak+ti dang / lcags kyu dang / lcags tho dang / dgra sta dang / 'khor lo dang / zhags pa la sogs te/ mtshon cha thams cad spangs nas/ mchod pa'i yo byad lha dang mi las khyad par du gyur pa bshams so/ /gdugs nang gi chung ngu'ang stong 'bring po'i 'jig rten gyi khams khebs pa thogs nas sangs rgyas gang na bar lhags te/ bcom ldan 'das kyi zhabs la spyi bos phyag btsal nas bcom ldan 'das la 'di skad ces gsol to/ /bcom ldan 'das/ bdag cag kyang theg </font><hr>Ka23a<br><font size=+1>


@#/ /pa chen po la rab tu dad cing mos te/ theg pa chen po bsrung bar 'tshal lo/ /bcom ldan 'das/ rigs kyi bu'am/ rigs kyi bu mo gang zhig khe dang grags pa'i phyir ram/ gzhan skrag par bya ba'i phyir ram/ gzhan la brdzun bya ba'i phyir ram/ nor dang zang zing gi phyir ram/ gzhan gyi yid dang sbyor ba tsam gyi phyir theg pa chen po 'di 'dzin par byed na/ bden yang rung / rdzun yang rung / bdag cag gis de'i tshe gang zag de'i 'jigs pa bsal ba'i phyir gsang sngags 'di 'bul lo/ /ts+yog kye/ ta ta la ts+yog kye/ lo ha le/ ma hA lo ha le/ a la tsa la ta la swAhA/ sngags 'di ni sems stor ba rnams dang / 'jigs skrag pa dang / chos smra ba dang / yang dag pa'i chos kyi bar du mi gcod pa dang / mu stegs can 'dul ba dang / bdag gi lus bsrung ba dang / yang dag pa'i chos bsrung ba dang / theg pa chen po bsrung ba'i slad du gsang sngags 'di 'bul lo/ /gang gis gsang sngags 'di yid la bgyid na bal glang rmis pa'i 'jigs pa dang bral bar 'gyur/ gal te 'brog dgon pa 'am/ yul sa stong pa bag tsha ba'i gnas su mchis na'ang 'jigs par mi 'gyur/ chu dang / me dang / seng+ge dang / stag dang / spyang ki dang / dgras 'jigs pa dang / rgyal po'i chad pas 'jigs pa </font><hr>Ka23b<br><font size=+1>


las kyang thar bar 'gyur ro/ /bcom ldan 'das/ gang gis gsang sngags 'di yid la bgyid na 'jigs pa de dag la sogs pa thams cad dang bral bar 'gyur ro/ /bcom ldan 'das/ gsang sngags 'di 'dzin pa la bdag cag gis bskyab cing sba ba ni ji ltar rus sbal yan lag drug sbed pa bzhin no/ /bcom ldan 'das/ bdag cag ni g.yo dang sgyus 'di skad du smra ba ma lags kyi/ gang gzungs sngags 'di 'dzin pa la bdag cag gis mthu stobs btang ngo / /bcom ldan 'das/ bdag cag la thugs brtse ba'i slad du mchod pa nang gi tha ma 'di bzhes su gsol/ de nas bcom ldan 'das kyis/ bdud sdig to can la 'di skad ces bka' stsal to/ /khyed kyis mchod pa zhal zas phul ba rnams ni mi bzhes so| |'gro ba thams cad dang / 'khor rnam bzhi la phan pa dang bde ba'i phyir gsang sngags 'di bzhes so zhes bka' stsal nas/ cang mi gsung bar gzhan ni bzhes su ma gnang ngo| |de ltar lan gsum gyi bar du gsol kyang bzhes su ma gnang nas/ bdud sdig to can bsams pa bzhin du ma gyur pas mya ngan gyis yid gdungs te/ phyogs gcig tu 'khod do/ /de'i tshe lha dbang sgyur chen po'ang 'khor lha grangs med dpag tu med pa dang bcas te/ mchod pa'i yo byad bshams pa'ang tshangs pa dang / brgya byin dang / 'jig </font><hr>Ka24a<br><font size=+1>


@#/ /rten gyi mgon po bzhi dang / lha dang / mi dang / lha ma yin sde brgyad dang / mi ma yin la sogs pa'i mchod pa'i yo byad rnams zil gyis gnon pa ni| ji ltar sol ba'i drung na shel bzhag ba dang 'dra ste/ thams cad mi snang bar gyur to/ /rin po che'i gdugs nang gi chung ngu'ang stong gsum gyi stong chen po'i 'jig rten gyi khams yongs su khebs pa'i mchod pa'i yo byad la sogs pa thogs te/ sangs rgyas gang na par lhags nas/ bcom ldan 'das kyi zhabs la spyi bos phyag btsal nas lan grangs med pa bskor nas bcom ldan 'das la 'di skad ces gsol to/ /bcom ldan 'das/ bdag cag gis mchod pa'i yo byad nang gi tha ma 'di 'bul ba ni| ji ltar na bdag cag la sbrang bus mchod pa 'bul ba'am/ chu snyim pa gang rgya mtsho chen por blugs pa'am/ me mar chung ngu gcig gi 'od kyis nyi ma brgya stong la btang ba'am/ dbyar me tog shin tu rgyas pa'i dus su me tog gcig thogs te me tog mang po'i khrod du bzhag pa'am/ yungs dkar 'brum bu gcig tsam ri rab ri'i rgyal po la bstangs na rgya mtsho dang / nyi ma dang / me tog mang po dang / ri rab la mi sman pa dang 'dra bar bcom ldan 'das bdag cag gi mchod pa'ang de dang 'dra'o/ / </font><hr>Ka24b<br><font size=+1>


gal te stong gsum gyi stong chen po'i 'jig rten gyi khams spos dang / me tog dang / rol mo dang / ba dan dang / gdugs dang / rgyal mtshan gyis yongs su bkang ste mchod kyang smos pa'i rin du mi 'tshal to/ /de ci'i slad du zhe na/ de bzhin gshegs pa ni 'gro ba mang po'i slad du sems can dmyal ba dang / yi dwags dang / byol song gi skye gnas su sdug bsngal mang po len to/ /de bas na/ bcom ldan 'das/ bdag cag la thugs brtse ba'i slad du mchod pa 'di dag bzhes shig ces gsol to/ /de'i tshe 'di nas shar phyogs su 'jig rten gyi khams klung gang+gA'i bye ma grangs med dpag tu med pa 'das pa'i pha rol sangs rgyas kyi zhing yid du 'ong ba'i sgra snyan zhes bya ba na/ sangs rgyas nam mkha' dang mnyam pa zhes bya ba de bzhin gshegs pa dgra bcom pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das bzhugs te/ de'i tshe na sangs rgyas des nye gnas chen po la 'di skad ces bka' stsal to/ / rigs kyi bu khyod song la/ 'di nas nub phyogs su 'jig rten gyi khams mi mjed ces bya ba na sangs rgyas shAkya thub pa zhes bya ba de bzhin gshegs pa dgra bcom pa yang </font><hr>Ka25a<br><font size=+1>


@#/ /dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba| lha dang mi rnams kyi ston pa sangs rgyas bcom ldan 'das de ring po mi thogs par yongs su mya ngan las 'dar nye'o/ /rigs kyi bu khyod 'jig rten gyi khams 'di'i zhal zas bsung can dri shin tu zhim pa/ yid du 'ong zhing bde bar 'gyur ba 'di thogs te/ sangs rgyas bcom ldan 'das de la phul cig/ bcom ldan 'das de gsol nas yongs su mya ngan las 'da' bar gshegs so/ /rigs kyi bu khyod de la phyag 'tshal zhing the tshom du gyur pa'ang zhu ba'i dus la bab bo/ /de nas byang chub sems dpa' sems dpa' chen po lus dpag tu med pa zhes bya ba 'dug pa las langs nas/ sangs rgyas kyi zhabs la spyi bos phyag btsal te lan gsum bskor nas/ byang chub sems dpa' grangs med dpag tu med pa dang thabs gcig tu sangs rgyas kyi zhing de nas mi mjed kyi 'jig rten gyi khams gang na ba der dong ngo / /de'i tshe na stong gsum gyi stong chen po'i 'jig rten gyi khams rnam pa drug tu g.yos nas 'khor gyi nang na tshangs pa dang / brgya byin dang / phyogs bzhi'i mgon po dang / bdud sdig to </font><hr>Ka25b<br><font size=+1>


can dang / dbang sgyur chen po la sogs pa de dag gis sa g.yos pa mthong nas lus kyi bung zhes byed de/ lce'ang skams pa tsam du dngangs skrag par gyur te/ so sor 'gro bar chas nas lus kyi 'od dang gzi brjid kyang mi snang bar gyur to/ /de nas 'jam dpal gzhon nur gyur pa 'dug pa las langs te/ 'khor gyi dkyil 'khor rnams la 'di skad ces smras so| |rigs kyi bu dag /khyed 'jigs par ma byed cig /khyed ma 'jigs shig /de ci'i phyir zhe na/ 'di nas shar phyogs na 'jig rten gyi khams klung gang+gA'i bye ma grangs med dpag tu med pa 'das pa'i pha rol na/ 'jig rten gyi khams yid du 'ong pa'i sgra snyan zhes bya ba na sangs rgyas nam mkha' dang mnyam pa zhes bya ba de bzhin gshegs pa dgra bcom pa yang dag par rdzogs pa'i sangs rgyas mtshan sum cu rtsa gnyis dang ldan pa bzhugs te/ de na byang chub sems dpa' lus dpag tu med pa zhes bya ba 'khor byang chub sems dpa' grangs med pa dang bcas te/ 'jig rten gyi khams 'dir de bzhin gshegs pa la mchod du 'ong bas byang chub sems dpa' de'i gzi brjid dang byin gyis khyed kyi lus kyi 'od kyang mi snang bar gyur to/ /de bas na khyed ma 'jigs par shin tu dga' ba skyed cig/ de'i tshe na 'khor gyi dkyil 'khor de dag thams cad kyis rgyang ma nas sangs rgyas </font><hr>Ka26a<br><font size=+1>


@#/ /de dang / 'khor mang po rnams mthong ba ni/ ji ltar me long gsal ba'i nang na bdag gi gzugs brnyan mthong ba bzhin no/ /de nas yang 'jam dpal gyis 'khor mang po rnams la 'di skad ces smras so/ /khyed kyis sangs rgyas de mthong ba ni/ ji ltar sangs rgyas 'di mthong ba dang 'dra bar sangs rgyas kyi byin gyi rlabs kyis gzhan yang sangs rgyas phyogs bcu na bzhugs pa dpag tu med pa snyed kyang mthong bar gyur to/ /de'i tshe 'khor gyi dkyil 'khor mang pos gcig la gcig 'di skad du/ kyi hud/ kyi hud/ 'jig rten stongs so/ /'jig rten stongs so/ /de bzhin gshegs pa ring por mi thogs par yongs su mya ngan las 'da'o zhes smras so/ / de'i tshe 'khor gyi dkyil 'khor mang po thams cad kyis byang chub sems dpa' lus dpag tu med pa 'khor dang bcas pa mthong ba ni/ 'di lta ste/ byang chub sems dpa' de'i ba spu'i khung bu re re nas me tog pad+mo chen po re re byung la/ pad+mo de re re'i steng yang grong khyer bdun khri brgyad stong snyed yod do/ /grong khyer de'ang chu zheng gab par grong khyer yangs pa can dang mnyam ste/ ra ba dang / 'o bas kyang rin po che sna bdun gyis spras la/ rin po che'i shing ta la rim pa bdun dngar ba/ de na gnas </font><hr>Ka26b<br><font size=+1>


pa'i mi thams cad kyang rab tu bde zhing skyid pa/ grong khyer de'i cog par yang dzam+bu chu klung gi gser las byas pa/ cog par de re re'i bar na rin po che sna bdun gyi shing rnam pa sna tshogs yod de/ me tog dang 'bras bu shin tu rgyas pa/ rlung mi drag pas bskyod pa na sgra skad shin tu snyan pa ni/ ji ltar lha'i rol mo zer ba lta bu de na gnas pa'i mi dag gis thos na phul du byung ba'i rab tu bde ba myong bar 'gyur ro/ /'obs kyi nang na'ang yongs su dag pa'i chu bsung can baiDUR+Ya dang 'dra bas yongs su gang ngo / /chu de dag la rin po che sna bdun gyi gru yod do/ /gru de'i steng na mi dag rtse zhing khrus byed de/ gcig la gcig dga' zhing rab tu bde ba myong ngo / /gzhan yang kha dog rnam pa sna tshogs kyi pad+mo skye ba ni ut+pa la dang / ku mu dang / pad+ma dang / buN+Da ri ka la sogs pa shing rta'i 'khor lo tsam skye'o/ /'obs kyi g.yas g.yon na skyed mos tshal mang du yod de/ skyed mos tshal de re re'i nang du'ang chu mig dang bcas pa'i rdzing bu lnga lnga yod do/ / rdzing bu de dag gi nang na yang me tog ut+pa la dang / ku mu da dang / pad+ma dang / puN+Da ri ka che khyad shing rta'i 'khor lo tsam skyes te dri bsung shin tu mngar ba/ rab tu yid du 'ong ba/ chu shin tu gsal zhing 'jam pa/ ngang pa dang / ngur pa la sogs pa rkyal zhing rtse ba/ skyod mes tshal de na gzhan yang rin po che'i gzhal med khang yod de/ gzhal med khang de re re'i yang chu </font><hr>Ka27a<br><font size=+1>


@#/ /zheng gab par dpag tshad bzhi yod do/ /gzhal med khang de'i ra ba'ang rin po che sna bzhi las byas so/ /'di ltas ste/ gser dang / dngul dang / bai DUR+Ya dang / shel las byas te/ kha bad kyang gser las byas/ sa gzhi ni mu sa la gar+b+ha las blangs te gser gyi bye ma bdal ba/ gzhal med khang de'i drung na rin po che sna bdun gyi 'bab chu dang / chu mig dang / rdzing bu yod de/ rdzing bu de re re la'ang gser gyi them skas bco brgyad bco brgyad yod do/ /chu zheng yang dzam+bu chu klung gi gser las byas te/ sum cu rtsa gsum gnam gyi skyed mos tshal rab tu bde ba can dang 'dra'o/ /grong khyer de re re'i nang na'ang rgyal po brgyad khri bzhi stong snyed yod do/ /rgyal po de re re la'ang btsun mo dang pho brang gi slas grangs med pa yod do/ /de dag dang lhan cig tu rtse zhing dga'o/ /de na gnas pa'i mi thams cad kyang so so'i gnas na rtse zhing dga'o/ /de na gnas pa'i sems can rnams ni rna bar gzhan mi grag gi |bla na med pa'i theg pa chen po'i sgra 'ba' zhig grag go /me tog de re re'i nang na'ang seng+ge'i khri re re yod de/ khri de'i rkang ba bzhi'ang bai DUR+Ya mthon mthing la byas pa/ khams gsum las 'das pa'i na bza' shin tu 'jam pa dkar po bting ngo / /khri de re re'i steng na rgyal po re re 'dug ste/ theg pa chen po'i chos kyis sems can rnams 'dul te/ de </font><hr>Ka27b<br><font size=+1>


la'ang sems can la la ni theg pa chen po'i mdo sde glegs bam du 'dri ba dang / 'chang ba dang / 'dzin pa dang / klog pa dang / 'don pa dang / ji ltar smras pa bzhin du nan tan du byed pa dang / shin tu rgyas pa'i bar du byed do/ /de'i tshe na byang chub sems dpa' lus dpag tu med pa des bdag gi lus la sems can tshad med pa snyed bkod pa de'ang 'jig rten gyi bde ba btang nas thams cad 'di skad du/ kyi hud/ kyi hud/ 'jig rten stongs so/ /de bzhin gshegs pa ni ring po ma lon par yongs su mya ngan las 'da'o zhes smra'o/ /de'i tshe byang chub sems dpa' lus dpag tu med pa byang chub sems dpa'i 'khor tshad med pa snyed kyis bskor te/ de lta bu'i rdzu 'phrul mngon par bstan nas mchod pa'i yo byad tshad med pa rnam pa sna tshogs dang / zhal zas bsung can thogs te/ gang zhig la zhal zas de'i bsung gis reg na kun nas nyon mongs pa'i dri ma thams cad zhi bar 'gyur ro/ /byang chub sems dpa' de'i byin gyi rlabs kyis 'khor gyi dkyil 'khor thams cad rdzu 'phrul de dag mthong bar gyur to/ /byang chub sems dpa' lus dpag tu med pa ni lus chen po dpag tu med de/ de nam mkha' dang mnyam pas sangs rgyas bcom ldan 'das ma gtogs par gzhan gang gis kyang byang chub sems dpa' de'i lus kyi mtha' shes par nus pa med do/ /de'i tshe byang chub sems dpa' lus </font><hr>Ka28a<br><font size=+1>


@#/ /dpag tu med pa 'khor dang bcas pas mchod pa'i yo byad snga ma bas lhag par bshams nas/ sangs rgyas gang na bar lhags nas bcom ldan 'das kyi zhabs la spyi bos phyag btsal te thal mo sbyar/ bsti stang dang bcas nas bcom ldan 'das la 'di skad ces gsol to/ /bcom ldan 'das/ bdag cag la thugs brtse ba'i slad du mchod pa 'di dag bzhes shig ces gsol to/ /de bzhin gshegs pa dus mkhyen pas cang mi gsung bar bzhes su ma gnang nas/ byang chub sems dpa' lus dpag tu med pa 'khor dang bcas pa phyogs gcig tu 'khod do/ /de bzhin du lho dang / nub dang / byang phyogs kyi sangs rgyas kyi zhing kun nas byang chub sems dpa' lus dpag tu med pa grangs med pa snyed kyang mchod pa'i yo byad snga ma bas lhag par bshams nas/ sangs rgyas gang na bar lhags pa nas phyogs gcig tu 'khod pa'i bar du rgyas par rig par bya'o/ /de'i tshe shing sA la'i drung gnyis kyi bar bsod nams kyis gzhi bkra shis kyi gnas der kho ra khor yug tu dpag tshad sum cu rtsa gnyis kyi bar 'khor gyi dkyil 'khor gyis sa stong cung zad kyang med par yongs su gang ngo / /de'i tshe phyogs bzhi nas 'dus pa'i byang chub sems dpa' 'khor dang bcas te 'dug pa'i gnas ni smyung gi rtse mo 'am/ </font><hr>Ka28b<br><font size=+1>


khab kyi rtse mo tsam mam/ rdul phra mo tsam mo/ /phyogs bcu'i 'jig rten gyi khams rdul phra rab snyed kyi sangs rgyas kyi zhing nas byang chub sems dpa' thams cad kyang 'dus par gyur/ dzam+bu'i gling na gnas pa'i 'khor thams cad kyang 'dus par gyur te/ de la gnyis ma gtogs pa ni/ 'od srung chen po dang / dga' bo'o/ /rgyal po ma skyes dgra 'khor dang bcas pa dang / sbrul gdug pa bltas pa tsam gyis 'chi bar byed pa dang / sbur ba dang / za gdug dang / sdig pa'i bar du sdig pa can gyi las spyod pa rnam pa bcu drug po ma gtogs par gzhan thams cad 'dus par gyur to/ /srin po da na pa dang / lha ma yin la sogs pa thams cad kyis sdig pa'i bsam pa btang nas gcig la gcig byams shing sdug pa'i sems bskyed pa ni pha'am/ ma'am/ phu nu lta bur gyur to/ /stong gsum gyi stong chen po'i 'jig rten gyi khams na gnas pa'i sems can thams cad kyang gcig la gcig byams pa'i sems bskyed de/ gcig ma gtogs pa ni/ log sred can no/ /de'i tshe stong gsum gyi stong chen po'i 'jig rten gyi khams kyang sangs rgyas kyi byin gyi rlabs kyis sa gzhi thams cad kyang 'jam par gyur te/ ngam grog dang / bye ma dang / gseg ma dang / rdo ba dang / shing tsher ma can dang / rtswa gdug pa'ang med par gyur te/ rin po che rnam pa sna tshogs kyi shin tu brgyan </font><hr>Ka29a<br><font size=+1>


@#/ /pa ni| nub phyogs kyi sngas rgyas tshe dpag tu med pa'i 'jig rten gyi khams bde ba can dang 'dra bar gyur to/ /de'i tshe 'khor gyi dkyil 'khor mang po thams cad kyis phyogs bcu'i 'jig rten gyi khams rdul phra mo snyed shin tu snang ba ni/ ji ltar me long gsal ba'i nang na bdag gi gzugs brnyan snang ba bzhin no/ /de nas de bzhin gshegs pa'i zhal gyi sgo nas 'od rnam pa lnga byung ste/ 'khor gyi dkyil 'khor mang po snang bar byas nas de dag gi lus kyi 'od zer mi mngon par zil gyis mnan te bya ba byas nas phyir zhal gyi sgor zhugs so/ /de'i tshe lha dang / mi dang / lha ma yin la sogs pa 'khor rnams kyis sangs rgyas kyi 'od zer phyir yang zhal gyi sgor zhugs pa mthong nas thams cad 'jigs skrag ste/ lus kyi ba spu kun kyang langs nas/ gcig la gcig 'di skad du de bzhin gshegs pas 'od zer bkye nas slar zhugs pa 'di ni rgyu med pa'am/ rkyen med pa ma yin te/ phyogs bcur mdzad pa kun mdzad nas tha ma yongs su mya ngan las 'da' ba'i ltas yin du nges so/ /kyi hud/ kyi hud/ de bzhin gshegs pas tshad med pa bzhi'i thugs btang nas lha dang mi rnams kyi mchod pa'ang bzhes su ma gnang ngo / /deng slan chad ni ye shes kyi nyi ma'ang nub par gyur/ bla na med pa'i chos kyi gru'ang bying bar </font><hr>Ka29b<br><font size=+1>


gyur to/ /kyi hud re sdug /'jig rten sdug bsngal chen pos gdungs par gyur to zhes smras nas/ brang la khu tshur gyis rdeg cing cho nge 'don pas lus kyis mi bzod pa tsam du shin tu 'dar te| ba spu'i khung bu kun nas khrag kyang zag par gyur to/ /de'i tshe 'khor gyi dkyil 'khor de na grong khyer rtswa mchog gi shing mkhan gyi bu dge bsnyen tsund zhes bya ba ris mthun pa'i 'khor lnga bcu dang lhan cig tu 'dus so/ /des 'jig rten du bcas pa dag dge ba'i 'bras bu thob par bya ba'i phyir sngon gyi tshul btang nas 'dug pa las langs te/ bla gos phyogs gcig tu byas| pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar/ mchi ma blags te/ sangs rgyas kyi zhabs la spyi bos phyag btsal nas bcom ldan 'das la 'di skad ces gsol to/ /bcom ldan 'das/ dge slong gi dge 'dun dang bcas pas bdag cag gis mchod pa tha ma 'di bzhes su gso/ de'ang sems can dpag tu ma mchis pa dag bsgral pa'i slad du'o/ /bcom ldan 'das/ bdag cag ni dang slan chad mgon ma mchis/ skyabs ma mchis/ dpung gnyen ma mchis/ rten ma mchis/ gnas ma mchis te/ shin tu dbul phongs pas de bzhin gshegs pa la slad ma ma mchis pa'i dus kyi tshogs tsam zhig gsol lo/ /bcom ldan 'das/ thugs brtse ba'i slad du bdag </font><hr>Ka30a<br><font size=+1>


@#/ /cag gi mchod pa tha ma 'di bzhes nas/ gdod yongs su mya ngan las 'da' bar gshegs su gsol/ bcom ldan 'das/ dper na/ rgyal rigs sam/ bram ze'am/ gdol pa'ang rung / dbul phongs pas yul gzhan du mchis te/ zhing gi las la zhugs nas rmon pa dul ba dang / zhing yang gshin la sa gzhi'ang mnyam pa dang / gseg ma dang / zhing gi ngo yur ma mchis na dgung char 'ba' zhig la re'o/ /bcom ldan 'das/ rmon pa dul ba zhes bgyi ba ni/ lus dang ngag gi las bdun po'i dpe'o/ /zhing gshin la sa gzhi mnyam pa zhes bgyi ba ni/ shes rab kyi dpe'o/ /gseg ma dang / zhing gi ngo yur ma mchis pa zhes bgyi ba ni/ nyon mongs pa'i dpe'o/ /bcom ldan 'das/ bdag cag la'ang rmon pa dul ba dang / zhing gshin pa'ang mchis la/ zhing gi ngo yur ma bsal na de bzhin gshegs pa'i bdud rtsi'i chos kyi char 'ba' zhig la re'o/ /rigs dbul po bzhi ni bdag lags te/ bdag ni bla na med pa yang dag par rdzogs pa'i chos kyi rin po ches dbul te phongs na thugs brtse ba'i slad du bdag cag gi dbul phongs pa'i sdug bsngal bsal zhing sdug bsngal gyis yongs su gdungs pa'i sems can tshad ma mchis pa bsgral du gsol/ bdag cag gi mchod pa 'di shin tu chung mod kyi/ 'on kyang de bzhin gshegs </font><hr>Ka30b<br><font size=+1>


pa'i 'khor mang po kun gyi bsod snyoms su 'tshal na/ bcom ldan 'das/ bdag cag la mgon ma mchis/ skyabs ma mchis/ dpung gnyen ma mchis na sgra gcan 'jig lta bur thugs brtse bar dgongs su gso/ de nas bcom ldan 'das thams cad mkhyen pa/ bla na med pa/ skyes bu 'dul ba'i kha lo sgyur bas tsund la 'di skad ces bka' stsal to/ /legs so/ /legs so| |ngas khyod kyi dbul phongs pa med pa dang / bla na med pa'i chos kyi char khyod kyi lus la dbab cing chos kyi myu gu skye bar bya'o/ /khyod ni da ltar tshe dang / mdog dang / stobs dang / bde ba dang / thogs pa med pa'i so sor yang dag par shes pa thob par 'dod de/ ngas khyod la tshe dang / mdog dang / stobs dang / bde ba dang / thogs pa med pa'i so sor yang dag par shes pa rtag tu sbyin no/ /de ci'i phyir zhe na/ tsund/ zas kyi sbyin pa byin pas khyad par med pa'i 'bras bu rnam pa gnyis thob par 'gyur ro/ /gnyis gang zhe na/ bzhes nas bla na med pa yang dag par rdzogs pa'i byang chub thob pa dang / bzhes nas yongs su mya ngan las 'da' bar 'gyur ba'o/ /ngas kyang khyod kyi mchod pa nang gi tha ma 'di bzhes pas khyod kyis sbyin pa'i pha rol tu phyin pa yongs su rdzogs par gyur to/ /de nas tsun+das bcom ldan 'das la 'di skad ces gsol to/ /bcom ldan 'das kyis gsungs pa ltar na sbyin pa byin pa'i 'bras bu rnam pa gnyis </font><hr>Ka31a<br><font size=+1>


@#/ /khyad par ma mchis so zhes bgyi ba de ma lags so/ /de ci'i slad du zhe na/ sngar sbyin pa bzhes pa ni nyon mongs pa'ang mang bas thams cad mkhyen pa'i ye shes kyang yongs su rdzogs par ma gyur/ sems can gyi sbyin pa'i pha rol tu phyin pa rdzogs par bgyid pa'ang ma lags so/ /sbyin pa byin ba slad kyis bzhes pa ni nyon mongs pa'ang bas par gyur la/ thams cad mkhyen pa'i ye shes kyang yongs su rdzogs shing sems can gyi sbyin pa'i pha rol tu phyin pa yang yongs su rdzogs par bgyid pa lags so/ /sbyin pa sngar blangs pa ni sems can no/ /sbyin pa phyis ba zhes pa ni lha'i lha'o/ /sbyin pa sngar blangs pa ni zas dang 'dres pa'i lus/ nyon mongs pa dang bcas pa'i lus/ thab can gyi lus/ mi rtag pa'i lus so/ /sbyin pa phyis bzhes pa ni nyon mongs pa ma mchis pa'i sku/ rdo rje lta bu'i sku/ chos kyi sku/ rtag pa'i sku/ mtha' yas pa'i sku lags na/ ci'i slad du sbyin pa rnam pa gnyis kyi 'bras bu khyad par ma mchis zhes gsungs/ sngar sbyin pa blangs pa ni sbyin pa'i pha rol tu phyin pa yongs su rdzogs par mi 'gyur ba nas/ shes rab kyi pha rol tu phyin pa'i bar du yongs su rdzogs par ma 'gyur te/ sha'i mig 'ba' zhig thob kyi sangs rgyas kyi sbyin mi thob pa nas shes rab kyi spyan gyi bar du thob pa ma lags so/ /sbyin pa </font><hr>Ka31b<br><font size=+1>


phyis bzhes pa ni sbyin pa'i pha rol tu phyin pa yongs su rdzogs pa nas shes rab kyi pha rol tu phyin pa'i bar du yongs su rdzogs la/ sangs rgyas kyi spyan dang ldan pa nas shes rab kyi spyan gyi bar du ldan pa lags na/ ci'i slad du sbyin pa rnam pa gnyis kyi 'bras bu khyad par ma mchis zhes gsungs/ bcom ldan 'das/ sbyin pa sngar blangs pa ni blangs ma thag tu 'tshal nas de ma thag tu zhu bas tshe dang / mdog dang / stobs dang / bde ba dang / so so yang dag par rig pa thob pa lags so/ /sbyin pa phyis bzhes pa ni gsol ba dang zhu ba'ang ma mchis la/ 'bras bu rnam pa lnga po'ang ma mchis na/ ci'i slad du sbyin pa rnam pa gnyis kyi 'bras bu khyad par ma mchis zhes gsungs/ bcom ldan 'das kyis bka' stsal pa/ rigs kyi bu/ de bzhin gshegs pa ni bskal ba tshad med mtha' yas grangs med pa'i bar du zas sam nyon mongs pa dang bcas pa'i sku ma yin/ nang gi tha ma'i sku ma yin te/ rtag pa'i sku/ chos kyi sku| rdo rje'i sku'o/ /rigs kyi bu/ sangs rgyas kyi rang bzhin ma mthong ba ni nyon mongs pa'i lus/ zas dang bcas pa'i lus/ nang gi tha ma'i lus so/ /byang chub sems dpa' de'i tshe bsod snyoms bzhes nas rdo rje lta bu'i ting nge 'dzin la snyoms par zhugs te/ bsod snyoms zhu ma thag tu sangs rgyas kyi rang bzhin mthong nas bla na med pa yang dag par rdzogs pa'i byang </font><hr>Ka32a<br><font size=+1>


@#/ /chub tu mngon par rdzogs par sangs rgyas te/ de bas na sbyin pa rnam pa gnyis kyi 'bras bu khyad par med do zhes ngas gsungs so/ /byang chub sems dpa' thog ma'ang bdud bzhi bcom la/ nga mya ngan las 'da' kar yang bdud rnam bzhi bcom pas/ de bas na sbyin pa rnam pa gnyis kyi 'bras bu khyad par med do zhes ngas gsungs so/ /byang chub sems dpa' de'i tshe na mdo sde bcu gnyis rgyas par ma gsungs mod kyi/ thams cad sngar thugs su chud la da mya ngan las 'da' kar sems can rnams la rgyas par phye zhing bstan pas de bas na sbyin pa rnam pa gnyis la khyad par med do/ /rigs kyi bu/ de bzhin gshegs pa'i sku ni bskal pa tshad med grangs med pa'i bar du bsod snyoms mi gsol mod kyi/ nyan thos rnams la 'di skad ces gsungs te/ sngon de bzhin gshegs pas gnag rdzi mo nan+ta dang / nan+ta pa la gnyis kyis 'o ma'i 'jam phul ba bzhes nas/ gdod bla na med pa yang dag par rdzogs pa'i byang chub tu mngon par rdzogs par sangs rgyas so/ /nga ni yang dag par bshos mi gsol te/ 'khor gyi dkyil 'khor mang po 'di dag gi phyir khyod kyi mchod pa tha ma 'di bzhes mod kyi/ yang dag par na gsol ba med do/ /de'i tshe na 'khor gyi dkyil 'khor de rnams bcom ldan 'das kyis tsunada'i mchod pa bzhes pa mthong nas </font><hr>Ka32b<br><font size=+1>


thams cad dga' mgu rangs te skad mthun pas tsund la legs so/ /shin tu legs so zhes smras te/ khyod kyi ming btags pa thob tu bab bo/ /tsund zhes bya ba ni don dam pa la mkhas pa ste| khyod kyis kyang deng 'dir don chen po brtsams pas de bas na don las ming tsund zhes btags te/ khyod kyis ni tshe 'di nyid la grags pa dang / phan pa'i don chen po thob cing smon pa'ang yongs su rdzogs par gyur te/ ngo mtshar che'o/ /tsund/ mi'i nang du skyes kyang bla na med pa'i bde ba shin tu rnyed dka' ba thob bo/ /legs so/ /tsund/ me tog u dum wA ra ltar 'jig rten na shin tu dkon pa ste/ sangs rgyas 'jig rten du gshegs pa'ang shin tu rnyed dka' la/ sangs rgyas dang phrad nas dad pa bskyed pa'ang shin tu dka'/ chos thos pa'ang shin tu dka'/ sangs rgyas yongs su mya ngan las 'da' kar mchod pa bshams te 'bul ba'ang shin tu dka'o/ /tsund la phyag 'tshal lo/ /tsund la phyag 'tshal lo/ /khyod ni sbyin pa'i pha rol tu phyin pa yongs su rdzogs te/ ston gyi tshes bco lnga'i zla ba ltar rgyas shing yongs su dag la/ sprin nam na bun gyis ma chod na thams cad kyis blta pa dang 'dra bar khyod kyang de dang 'dra bar bdag cag la sogs pas shin tu blta bar gyur to/ /khyod kyi mchod pa nang gi tha ma bzhes pas khyod kyi sbyin pa'i pha rol tu phyin pa yongs su rdzogs par gyur te/ tsand khyod la phyag </font><hr>Ka33a<br><font size=+1>


@#/ /'tshal lo/ /de bas na khyod ni zla ba yongs su rgyas pa dang 'dra ste/ sems can gang yang mi lta ba med do/ /tsund khyod la phyag 'tshal lo/ /mi'i lus thob nas kyang sems ni sangs rgyas kyi thugs dang 'dra bas tsund khyod ni sangs rgyas kyi sras yang dag pa ste/ sgra gcan 'dzin dang tha mi dad do/ /de nas 'khor gyi dkyil 'khor de rnams kyis tshigs su bcad de smras pa/ mi yi nang na khyod skyes pa/ /drug po lha las shin tu 'phags/ /bdag cag 'khor rnams thams cad kyis/ /khyod la phyag 'tshal gsol ba 'debs/ /mi yi skyes bu khyu mchog ni/ /yongs su mya ngan 'da' zhes gsungs/ /bdag cag rnams la snying brtse'i phyir/ /sangs rgyas bzhugs par gsol ba thob/ /yun du 'jig rten 'dir bzhugs shing / /tshad med 'khor la phan pa'i phyir/ /mkhas pa rnams kyis bsngags pa yi/ /bla med chos mchog bshad du gsol/ /khyod kyis gsol ba ma btab na/ /bdag cag rnams ni mi 'tsho'o/ /de bas khyod kyis gsol ba thob/ /kha lo sgyur ba'i ston pa la de'i tshe tsund shin tu dga' mgu rangs pa ni/ dper na/ mi zhig pha ma shi ba las phyir sos pa tsam du tsunada'ang shin tu dga' bar gyur nas/ sangs rgyas kyi zhabs la spyi bos phyag btsal te tshigs su bcad pa 'di skad ces gsol to/ / </font><hr>Ka33b<br><font size=+1>


legs so bde ba'i don du gyur/ /mi yi lus kyang legs par thob/ /'dod chags zhe sdang gti mug bsal/ /ngan song gsum yang yongs su spangs/ /legs so bde ba'i don gyur te/ / rin chen gser gyi ri mthong nas/ /ston pa kha lo sgyur dang mjal/ /byol song khams su skye mi dogs/ /sangs rgyas u dum wA ra ltar/ /phrad pa'i dus kyang shin tu dka'/ /phrad nas dge ba'i rtsa ba'ang bskyed/ /yi dwags sdug bsngal yongs su bcom/ /gzhan yang yongs su bcom pa ni/ /lha ma yin gyi ris rnams te/ /khab rtses yungs kar bzed pa bas/ /sangs rgyas 'byung ba de bas dka'/ /bdag ni sbyin pa yongs rdzogs te/ /lha dang mi yi rgyud las thar/ /'jig rten chos kyis ma gos pa/ /pad+mo chus mi chags bzhin te/ /srid pa'i bar du legs par spangs/ /'khor ba'i rgyun las yongs su grol/ /mi yi lus thob shin tu dka'/ /sangs rgyas 'byung dang phrad par dka'/ /ji ltar rgya mtsho chen po'i nang / /rus sbal long ba 'byung ba de/ / shing gi bu gar mgo chud bzhin/ /sangs rgyas 'byung ba de bas dka'/ /bdag gis mchod pa gsol ba 'di/ /bla med 'bras bu thob par smon/ /kun nas nyon mongs thams cad ni/ /snying po med pas thams cad bcom/ /bdag nyid de ltar 'di nyid na/ /lha dang mi yi lus mi re/ /ci ste thob par gyur na yang / /de la dga' ba mos pa med/ /bcom ldan bdag gi mchod </font><hr>Ka34a<br><font size=+1>


@#/ /bzhes pas/ /shin tu dga' ba dpag ma mchis/ /e raN+Da yi me tog las/ /tsan+dan bzang po'i dri 'byung bzhin/ /bdag ni e ran 'dra ba ste/ /bcom ldan bdag gi mchod bzhes pas/ /tsan+dan bzang po'i bsung mngar bzhin/ /de bas bdag ni shin tu dga'/ /bdag ni 'bras bu mngon du thob/ /bla med mchog gi gnas phyin te| |tshangs pa brgya byin lha rnams kyang / /lhags nas bdag la mchod pa bgyid/ /'jig rten bcas pa thams cad ni/ /sdug bsngal chen po'i mya ngan skyes/ /snags rgyas bcom ldan 'das bzhugs pa/ /yongs su mya ngan 'da' zhes rtogs/ /thams cad mthun par skad chen pos/ /'jig rten kha lo sgyur pa med/ /sems can thams cad mi spang zhing / /sras dang 'dra bar gzigs su gsol/ /bcom ldan dge 'dun 'khor rnams la/ /bla na med pa'i chos ston pa/ /ji ltar rgya mtsho chen po'i dbus/ /rin chen ri rab snang ba bzhin/ /bcom ldan mi shes yongs gcod pa/ /ma rig pa yi mun sel te/ /ji ltar nam mkha' bar snang la/ /sprin chod yongs su sel pa bzhin/ /bcom ldan yongs su sel ba ni/ /kun nas nyon mongs thams cad de/ /ji ltar nyi ma shar nas su/ /sprin med kun tu snang ba bzhin/ /da ltar sems can 'di dag ni/ /shin tu </font><hr>Ka34b<br><font size=+1>


dus pas mig kyang skrangs/ /thams cad 'khor bar 'khor ba yi/ /sdug bsngal 'bab klung g.yengs par gyur/ /de bas sangs rgyas bcom ldan 'das/ /'gro ba'i dad pa bskyed pa dang / 'khor ba'i sdug bsngal gcad pa'i phyir/ /'jig rten yun du bzhugs par gsol/ /bcom ldan 'das kyis tsund la bka' stsal pa/ de de bzhin te/ de de bzhin no/ /khyod kyis smras pa bzhin te/ sangs rgyas bcom ldan 'das 'jig rten du gshegs pa'ang shin tu dka' ba ni me tog u dum wA ra dang 'dra'o/ /sangs rgyas dang phrad nas dad pa skye ba'ang de bas shin tu dka'o/ /sangs rgyas yongs su mya ngan las 'da' kar mchod pa phul ba bzhes te/ sbyin pa'i pha rol tu phyin pa yongs su rdzogs par gyur pa'ang de bas shin tu dka' ste/ tsund khyod mya ngan ma byed par shin tu dga' bas bdag spro ba skyed cig /de bzhin gshegs pas mchod pa nang gi tha ma 'di bzhes te/ sbyin pa'i pha rol tu phyin pa yongs su rdzogs par gyur pas chog gi/ bcom ldan 'das la 'jig rten na yun du bzhugs par gsol ba ma 'debs shig /khyod kyis sangs rgyas rnams kyi spyod yul thams cad mi rtag la/ 'du byed rnams kyi mtshan nyid kyang de'i tshul du rig par gyis shig /de nas tsund la tshigs su bcad de bka' stsal pa/ 'jig rten bcas pa thams cad ni/ /skye ba </font><hr>Ka35a<br><font size=+1>


@#/ /yod na 'chi ba yod/ /tshe lo grangs med thub pa yang / /tha mar zad par rig par bya/ /dar ba yod na rgud pa yod/ /'du ba yod na 'bral bar 'gyur/ /lang tsho de yang mi rtag ste/ /dar ba'i mdog kyang nad kyis 'phrog /'tsho ba'i tshe yang 'chi bas 'phrog /rtag pa'i chos ni gang yang med/ /dbang du gyur pa'i rgyal po dag /byin dang mthu stobs zla med kyang / /thams cad 'gyur zhing 'pho bas na/ /'tsho ba'i srog kyang de bzhin no/ /sdug bsngal 'khor lo mtha' med de/ /'khor bar 'khor ba rgyun mi 'chad/ /khams gsum thams cad rtag pa med/ /srid pa thams cad bde ma yin/ /srid pa'i mtshan nyid dngos po ni/ /thams cad stong ba med pa ste/ /'jig pa'i chos can 'gyur zhing 'pho/ /mya ngan skyon dang rtag tu bcas/ /skyon mang 'jig pa'i chos can te/ /rga dang na 'chis rtag tu gtses/ /srid pa'i chos ni mtha' yas pas/ /'gyur zhing 'pho ba'i dgra dang bcas/ /nyon mongs kun tu glags pa ni/ /ji ltar dar gyi srin bu bzhin/ /de la mkhas pa shes rab can/ /su zhig dga' zhing mos par byed/ /lus 'di sdug bsngal phung po ste/ /thams cad mi gtsang btsog pa'o/ /skyon gyis bcings shing rma dang ldan/ /phan pa'i don ni ye nas med/ /yar na lha yi lus bar du/ /thams cad de dang 'dra bas na/ /'dod pa thams </font><hr>Ka35b<br><font size=+1>


cad mi rtag pas/ /nga ni de la chags mi byed/ /'dod spangs legs par yid byas na/ /yang dag bden pa rig par 'gyur/ /srid pa yongs su gcod pa ni/ /deng 'dir yongs su mya ngan 'da'/ /nga ni srid pa'i pha rol phyin/ /sdug bsngal kun las shin tu 'das/ /de bas da ltar thob pa ni/ /bla med bde ba 'ba' zhig go /de yi rgyu dang rkyen gyis na/ /spros pa med pa'i mtha' rig ste/ /bcing ba thams cad yongs bcad nas/ /deng 'dir yongs su mya ngan 'da'/ /nga la rga shi na ba med/ /sku tshe'i tshad kyang zad mi shes/ /deng du mya ngan 'das pa ni/ /ji ltar me chen shi ba bzhin/ /tsund khyod ni ma rtog cig /de bzhin gshegs pa'i don rnams la/ /de bzhin gshegs pa'i snying po 'di/ /ri rab bzhin du brtag par bya/ /nga ni mya ngan 'das bzhugs te/ /mchog gi bde ba myong bar 'gyur/ /sangs rgyas rnams kyi chos nyid yin/ /de bas ngu bar mi bya'o/ /de nas tsun+das bcom ldan 'das la 'di skad ces gsol to/ / de de bzhin te/ /de de bzhin no/ /bcom ldan 'das kyis gsungs pa bzhin te/ bdag 'tshal ba'i shes rab shin tu chung ba ni/ dper na/ sbrang bu dang 'dra ba bdag gis de bzhin gshegs pa yongs su mya ngan las 'da' bar gshegs pa'i don zab mo ga la rig /bcom ldan 'das/ bdag ni klung chen po dang 'dra ba'i byang chub sems dpa' sems dpa' </font><hr>Ka36a<br><font size=+1>


@#/ /chen po kun nas nyon mongs pa dang / zag pa thams cad bas pa 'jam dpal gzhon nur gyur pa la sogs pa dang mnyam par gyur to/ /bcom ldan 'das dper na/ gsar bu rab tu byung ba bsnyen par ma rdzogs mod kyi/ dge 'dun gyi grangs su mchi ba dang 'dra bar bdag kyang sangs rgyas dang / byang chub sems dpa' rnams kyi byin gyi rlabs kyis de ltar byang chub sems dpa' chen po de dag gi grangs su gtogs par gyur te/ de bas na bdag ni de bzhin gshegs pa yun du 'jig rten na bzhugs shing / mya ngan las mi 'da' bar gsol lo/ /bcom ldan 'das/ dper na/ mi bkres pa de ni slar slon mi gda' ba ste/ bcom ldan 'das/ bdag kyang de dang 'dra na mya ngan las mi 'da' bar 'jig rten na yun du bzhugs par gsol lo/ /de nas 'jam dpal gzhon nur gyur pas tsund la 'di skad ces smras so/ /tsund khyod 'di skad du de bzhin gshegs pa 'jig rten na yun du bzhugs shing yongs su mya ngan las mi 'da' bar gsol ba/ ji ltar mi shin tu bkres pa de skyug bro mi srid do zhes de skad ma zer bar khyod 'du byed rnams kyi mtshan nyid la shin tu rtogs shig /de ltar 'du byed la brtags na stong pa nyid kyi ting nge 'dzin dang ldan par 'gyur gyi/ yang dag pa'i chos 'dod pa dag de lta bu'i tshul du bslab par bya'o// </font><hr>Ka36b<br><font size=+1>


tsun+das 'jam dpal la smras pa/ de bzhin gshegs pa zhes bya ba ni/ lha dang mi'i nang na mchog tu gyur/ phul du gyur na/ ci de bzhin gshegs pa 'du byed lags sam/ ci ste 'du byed lags skye zhing 'gog pa'i chos can du 'gyur te/ dper na/ chu'i chu bur ltar de ma thag tu 'byung la/ de ma thag tu 'jig ste/ 'khor bar 'khor ba ni shing rta'i 'khor lo dang mtshungs te/ 'du byed thams cad kyang de dang mtshungs so/ /bdag gis sngon thos pa ltar na lha rnams kyi tshe'i tshad kyang shin tu ring ngo zhes 'byung na/ ci'i slad du bcom ldan 'das lha'i lha sku tshe rab tu thung ste/ lo brgyar yang mi bzhugs par gyur/ dper na/ dbang du gyur pa'i grong rdal gyi gtso bo'ang dbang dang mthu yod pas phas rgol ba thul te/ nam bsod nams zad de dbul phongs par gyur na kun gyis brnyas shing mtho btsams te bkol bar 'gyur ro/ /de ci'i slad du zhe na/ byin dang mthu nyams pa'i phyir ro/ /'o na bcom ldan 'das kyang 'du byed rnams dang mthun par 'gyur ro/ /ji ste 'du byed rnams dang mthun par gyur na lha'i lha zhes kyang gdags su mi rung ngo / /de ci'i slad du zhe na/ 'du byed rnams ni skye shi'i chos so// de bas na/ 'jam dpal/ de bzhin gshegs pa la 'du byed dang mthun par mi blta'o/ /'jam dpal/ mkhyen bzhin du gsung ngam/ 'on te mi mkhyen pas de bzhin gshegs </font><hr>Ka37a<br><font size=+1>


@#/ /pa 'du byed rnams dang mthun no zhes gsungs/ ci ste de bzhin gshegs pa 'du byed rnams dang mthun na lta/ de bzhin gshegs pa ni 'jig rten gsum na lha'i lha ste/ dbang du gyur pa'i chos kyi rgyal po zhes gdags su mi rung ngo / /dper na/ rgyal po zhig la gyad stobs po che gcig gis phas rgol ba stong thub ste gang gis kyang mi thub na de ni mi stong thub pa'i gyad ces bya ste/ gyed de la ni rgyal pos kyang gnang la bya dga' yang gzhan pas lhag par stsal to/ /gyad des mi stong thub ces bya ba'ang gyad des stobs 'ba' zhig gis mi stong thub pa ma yin gyi/ rtsal rnam pa sna tshogs kyis mi stong las phul du gyur pas na stong thub pa'i gyad ces btags so/ /de bzhin gshegs pa'ang de dang 'dra ste| nyon mongs pa'i bdud dang / phung po'i bdud dang / lha'i bu'i bdud dang / 'chi bdag gi 'dud yongs su bcom pas de bzhin gshegs pa ni khams gsum na phul du gyur pa'i zhes gsungs te/ ji ltar gyad gcig gis mi stong thub pa bzhin no/ /de bas na de bzhin gshegs pa'ang rnam pa sna tshogs kyi yon tan tshad med pa dang ldan pas na/ de bzhin gshegs pa yang dag par rdzogs pa'i sangs rgyas zhes btags so/ /'jam dpal/ rnam par rtog pas de bzhin gshegs pa la 'du byed rnams dang mthun no/ /zhes rnam </font><hr>Ka37b<br><font size=+1>


par rtog par mi rigs so/ /dper na/ khyim bdag phyug po zhig gi bu khye'u zhig btsas nas mtshan mkhan gyis bltas te/ tshe thung ngo zhes dpyad na/ pha mas de skad ces thos ma thag tu rigs 'tshob par mi 'gyur bar shes pas de la sdug par mi byed de/ rtswa tsam gyi tshod du 'dzin to/ /gang tshe thung ba de la ni dge sbyong dang / bram ze la sogs pa'i khye'u dang bu mo che chung gi bar du btsun par mi byed do/ /ci ste de bzhin gshegs pa 'du byed rnams dang mthun na lta/ 'jig rten du bcas pa lha dang / mi dang / sems can thams cad kyis kyang btsun par mi byed do/ /de bzhin gshegs pas gsungs pa'i yang dag pa'i chos mi 'gyur mi 'pho ba'ang 'dzin pa med par 'gyur ro/ /de bas na/ 'jam dpal/ de bzhin gshegs pa la 'du byed rnams dang mthun no zhes gsung ba mi rigs so/ /'jam dpal/ dper na/ bud med dbul mo gnas med pa/ rten med pa/ skyabs med pa zhig nad kyis kyang gzir la/ zas dang skom gyis kyang phongs te/ 'khyams shing 'gro ba gcig gi khyim du phyin nas bu btsas na/ khyim bdag des 'dug tu mi ster te skrod do/ /bud med de bu btsas nas ring po ma lon kyang bu phang du thogs te/ yul gzhan du 'gro ba las lam du rlung dang / char pa dang / lhags pas nyon mongs la/ sbrang bu dang / sha sbrang dang / sbrul gdug pa dang phrad dam/ </font><hr>Ka38a<br><font size=+1>


@#/ /lam gyi bar chu klung gang+gAs chod kyang chu klung shin tu zab cing drag pa de las bu bang du thogs te 'bog go /de nas ma smad gnyis ka chu'i nang du nub bo/ /de ltar bud med de bu la byams shing sdug pas bsams pa'i bsod nams kyis shi ma thag tu tshangs pa'i lhar skyes so/ /'jam dpal/ rigs kyi bu dag dam pa'i chos bsrung ba'i phyir de bzhin gshegs pa la 'du byed rnams dang mthun no zhe'am/ 'du byed rnams dang mi mthun no zhes brjod par mi bya'i/ bdag ni gti mug gis ldongs pas shes rab kyi mig med de/ de bzhin gshegs pa'i dam pa'i chos ni bsam gyis mi khyab pas mi rtog ste/ de bas na de bzhin gshegs pa ni nges par 'dus byas zhe'am/ nges par 'dus ma byas zhes brjod par mi bya'o/ /gang yang dag par lta bas ni de bzhin gshegs pa la nges par 'dus ma byas pa'o zhes brjod par mi bya'o/ /de ci'i phyir zhe na/ sems can thams cad dge bar 'gyur ba'i chos bskyed cing 'gro ba mang po la thugs brtse ba'i phyir ro/ /ji ltar bud med dbul mo de klung gang+gA la rgal ba na/ bu sdug par bsams te lus dang srog kyang yal bar gyur pa dang 'dra bar/ rigs kyi bu chos bsrung ba'i byang chub sems dpa' yang de bzhin du lus dang srog la bab kyi bar du de bzhin gshegs pa la 'dus byas dang mthun zhe'am/ </font><hr>Ka38b<br><font size=+1>


de bzhin gshegs pa la 'dus ma byas dang mthun zhes brjod par mi bya'o// //'phags pa yongs su mya ngan las 'das pa chen po'i mdo/ bam po gsum pa/ de ltar de bzhin gshegs pa 'dus ma byas pa dang mthun no zhes brjod pas bla na med pa yang dag par rdzogs pa'i byang chub tu 'gyur ba ni/ ji ltar bud med dbul mo de tshangs pa'i lhar skyes pa bzhin no/ /de ci'i phyir zhe na/ chos bsrung ba'i phyir ro/ /de la chos bsrung ba gang zhe na/ de bzhin gshegs pa ni 'dus ma byas pa'o zhes smra ba ste/ rigs kyi bu/ gang zag de ni rnam par grol ba la mi re mod kyi/ rnam par grol ba rang thob ste/ ji ltar bud med dbul mo de tshangs pa'i lhar mi re mod kyi/ tshangs pa'i lhar rang skyes so/ /'jam dpal/ 'di lta ste/ dper na/ mi zhig lam ring bor mgron du song ba las lam du ngal chad de gzhan gyi khyim du nyal nyal ba las/ de'i khyim mes 'bar te rab tu 'jigs skrag nas/ de 'di snyam du bdag ni gdon mi za bar 'chi'o snyam bsams nas khrel zhing ngo tsha ba dang ldan pa'i phyir gos kyis lus dkris so/ /de tshe 'phos nas sum cu rtsa gsum gnam gyi lhar skyes so/ /de nas yang lan brgyad cu'i bar du tshangs pa chen po'i rgyal por skyes so/ /de nas lo brgya stong tshang bar mi'i nang du 'khor los bsgyur ba'i rgyal por skyes te/ gang zag de nam du'ang ngan </font><hr>Ka39a<br><font size=+1>


@#/ /song gsum du ma skyes kyi/ gong nas gong du rab tu bde ba'i gnas su skyes so/ /de bas na/ 'jam dpal/ rigs kyi bu dag khrel zhing ngo tsha ba dang ldan pa rnams ni sangs rgyas bcom ldan 'das la 'dus byas rnams dang mthun par mi blta'o/ /'jam dpal/ mu stegs can ngan par lta ba ni de bzhin gshegs pa la 'dus byas dang mthun no zhes smra'i/ tshul khrims bsrung ba'i dge slong dag ni de ltar de bzhin gshegs pa la 'dus byas pa yin par mi lta'o/ /ci ste de bzhin gshegs pa la 'dus byas yin no zhes brjod na de ni brdzun du smra ba yin te/ gang zag de ni shi ma thag tu sems can dmyal bar skye bar rig par bya ba ni/ ji ltar gang zag bdag gi khyim na gnas pa bzhin no/ /'jam dpal/ de bzhin gshegs pa ni yang dag par 'dus ma byas pa'i chos can yin pas 'dus byas zhes brjod par mi bya'o/ /'jam dpal/ deng slan chad 'khor bar 'khor ba na shes pa med par spangs te/ yang dag pa'i ye shes btsal bar bya'o/ /de bzhin gshegs pa ni 'dus ma byas pa ste/ gang zhig de bzhin gshegs pa la de lta bu'i tshul du lta na mtshan sum cu rtsa gnyis dang ldan zhing / myur du bla na med pa yang dag par rdzogs pa'i byang chub tu 'tshang rgya'o/ /de nas 'jam dpal gzhon nur gyur </font><hr>Ka39b<br><font size=+1>


pas tsund la smras pa/ legs so/ /legs so/ /rigs kyi bu khyod ni shin tu tshe ring bar 'gyur ba'i rgyu mngon sum du gyur te/ de bzhin gshegs pa ni rtag pa'i chos can/ mi 'gyur mi 'pho ba'i chos can/ 'dus ma byas pa'i chos su rtogs pa legs so/ /khyod kyis de bzhin gshegs pa la 'dus byas kyi mtshan nyid du ma brjod pa legs so/ /ji ltar mes 'tshig pa'i gang zag de khrel zhing ngo tsha ba dang ldan pas gos kyis lus g.yogs pa dang / bsam pa de dge bas sum cu rtsa gsum gnam gyi lhar skyes te/ tshangs pa'i rgyal po dang / 'khor los bsgyur ba'i rgyal por gyur te/ rtag tu gnas bde bar skyes kyi/ ngan song du ma skyes so/ /de bzhin du khyod kyang de bzhin gshegs pa'i 'dus byas kyi mtshan nyid ma brjod pas phyi ma ma 'ongs pa'i dus su gdon mi za bar mtshan sum cu rtsa gnyis dang / dpe byad bzang po brgyad cu dang / ma 'dres pa'i chos bco brgyad dang / tshe tshad med pa dang / 'khor bar mi gnas pa dang / rab tu bde ba dang / ring por mi thogs par yang dag par rdzogs pa'i byang chub thob par 'gyur ro/ /tsund/ de ni de bzhin gshegs pas rgyas par gsung bar 'gyur gyi/ bdag cag gnyis kas de bzhin gshegs pa'i 'dus byas kyi mtshan nyid mi brjod par bya'o/ /'dus byas dang / 'dus ma byas pa 'di re zhig zhog la bsod snyoms ci </font><hr>Ka40a<br><font size=+1>


@#/ /'byor pa myur du phul cig /sbyin pa 'di ni sbyin pa sbyin pa'i nang na phul du 'gyur ro/ /dge slong dang / dge slong ma dang / dge bsnyen dang / dge bsnyen ma lam ring po nas 'ongs pa ngal chad pa dag la yongs su dag pa'i sems kyis ci 'dod pa myur du phul cig dang / khyod kyi sbyin pa'i pha rol tu phyin pa yongs su rdzogs pa'i sa bon du 'gyur ro/ /tsund/ gang gis nang gi tha mar sangs rgyas dang / dge 'dun la mang yang rung / nyung yang rung / chog kyang rung / mchog rung / de bzhin gshegs pa yongs su mya ngan las 'da' kar mchod pa phul cig /tsun+das 'jam dpal la smras pa/ ci'i phyir bsod snyoms la chags te/ mang ba dang / nyung ba dang / chog pa dang / mchog pa dang / dus su phul cig ces gsung / 'jam dpal/ de bzhin gshegs pa sngon lo drug gi bar du dka' ba spyod kyang bzod na/ deng 'dir skad cig thang cig tsam thogs pa lta ci smos/ 'jam dpal/ ci de bzhin gshegs pa yang dag par rdzogs pa'i sangs rgyas kyis bsod snyoms 'di yang dag par bzhes so snyam sems sam/ bdag ni de bzhin gshegs pa'i sku 'di nges par chos kyi sku yin gyi/ zas kyi sku ma yin par shes so/ /de nas bcom ldan 'das kyis 'jam dpal la 'di skad ces bka' stsal to/ /de de bzhin no/ /de de </font><hr>Ka40b<br><font size=+1>


bzhin te/ tsun+das smras pa bzhin no/ /tsund/ shin tu legs so/ /khyod ni mchog gi ye shes chen po dang ldan te/ theg pa chen po'i mdo sde shin tu zab mo'ang legs par rtogs so/ /'jam dpal gyis tsund la smras pa/ khyod kyis de bzhin gshegs pa la 'dus ma byas par rtogs pa ni/ de bzhin gshegs pa'i sku tshe'i tshad ni shin tu ring bas de lta bu'i tshul du shes na de bzhin gshegs pas kyang khyod la spro ba gnang bar gyur to/ /tsun+das smras pa/ bdag 'ba' zhig la spro ba gnang ba ma yin gyi/ sems can thams cad la'ang spro ba gnang ba yin no/ / 'jam dpal gyis smras pa/ de bzhin gshegs pas khyod dang / bdag dang / sems can thams cad la'ang spro ba gnang ba yin no/ /tsun+das smras pa/ 'jam dpal/ de bzhin gshegs pas spro ba gnang ngo zhes ma zer cig /spro ba zhes bya ba ni phyin ci log tu 'du shes pa'o/ /gang phyin ci log tu 'du shes pa ni 'khor ba'o/ /gang 'khor ba de ni 'dus byas kyi chos can no/ /de bas na/ 'jam dpal/ de bzhin gshegs pa la 'dus byas su mi blta'o/ /ci ste de bzhin gshegs pa la 'dus byas yin par smras na/ skyes bu khyod dang bdag kyang phyin ci log spyod par gyur to/ /'jam dpal/ de bzhin gshegs pa la ni sdug par dgongs pa med do/ /sdug par sems pa ni/ dper na/ ba be'u la sdug par </font><hr>Ka41a<br><font size=+1>


@#/ /sems te/ ltogs sam skom yang 'gro bzhin du rtswa dang chu tshol te/ chog kyang rung / mchog kyang rung / de ma thag tu be'u tshol zhing 'ong ngo / /sangs rgyas bcom ldan 'das la ni de lta bu'i dgongs pa mi mnga'i/ thams cad la sgra gcan 'dzin dang 'dra bar gzigs so/ /gang de ltar dgongs pa de ni sangs rgyas rnams kyi ye shes kyi spyod yul lo/ /'jam dpal/ 'di lta ste/ dper na/ rgyal po chen po'i rta shin tu dul pa las bcas pa'i shing rta la/ bong bu'i shing rtas slebs su re ba ni gnas med do/ /skyes bu khyod dang / bdag kyang de dang 'dra ste/ de bzhin gshegs pa'i dgongs pa zab mo'i mtha' chub par rtogs su re ba'ang gnas med do/ /'jam dpal/ 'di lta ste/ dper na/ bya nam mkha' lding gi rgyal po steng gi nam mkha' la dpag tshad grangs med pa zhig las 'phags te/ 'og tu rgya mtsho la bltas na chu'i nang na gnas pa nya dang / rus sbal dang / kho gor bab sha dang / chu srin dang / klu la sogs pa chu la gnas pa'i ris su gtogs pa thams cad gsal bar mthong ba ni/ ji ltar me long gsal ba'i nang na gzugs brnyan snang ba dang 'dra ste/ bus pa shes pa chung ba dag gis ni dpag nus pa ma yin no/ /de ltar des mi mthong ba bzhin du skyes bu khyod dang bdag kyang de dang 'dra ste/ de bzhin gshegs </font><hr>Ka41b<br><font size=+1>


pa'i ye shes la dpag nus pa ma yin no/ /'jam dpal gyis tsund la smras pa/ de de bzhin no/ /de de bzhin te/ khyod kyis smras pa bzhin te/ ngas don 'di dag ma rtogs pa ni ma yin gyi/ khyod dang byang chub sems dpa' rnams bstan par zad do/ /de'i tshe bcom ldan 'das kyis zhal gyi sgo nas 'od zer rnam pa sna tshogs bkye nas/ 'od des 'jam dpal gyi lus la yongs su snang bar byas so/ /'jam dpal la 'od des reg ma thag tu dngos po ji lta ba nyid mod la rtogs nas tsund la 'di skad ces smras so/ /de bzhin gshegs pas ltas 'di bstan nas ring po mi thogs par yongs su mya ngan las 'das par gshegs nges kyi/ khyod kyi mchod pa nang gi tha mar bshams pa bcom ldan 'das dang / dge 'dun chen po rnams la dbul ba'i dus la bab bo/ /tsund/ de bzhin gshegs pas 'od zer rnam pa sna tshogs bkye ba 'di ni rgyu med rkyen med pa ma yin par rig par gyis shig /tsun+das de skad ces smras pa thos nas cang mi smra bar 'dug go/ bcom ldan 'das kyis tsund la bka' stsal pa/ khyod kyis mchod pa bshams pa sangs rgyas dang / dge 'dun rnams la dbul ba'i dus la bab bo// de bzhin gshegs pa ni yongs su mya ngan las 'da'o zhes lan gnyis lan gsum gyi bar du de bzhin du bka' stsal to/ /de'i tshe tsun+das bcom ldan 'das kyis de skad ces bka' </font><hr>Ka42a<br><font size=+1>


@#/ /stsal pa thos ma thag tu skad chen po phyung ste dus nas 'di skad du/ kyi hud/ kyi hud/ 'jig rten stongs so zhes cho nge rdung ngo / /yang 'khor gyi dkyil 'khor rnams la 'di skad du/ bdag cag gis lus smad lnga sa la gtugs te/ thams cad kyis skad mthun par bcom ldan 'das mya ngan las mi 'da' bar gsol pa gdab par bya'o/ /bcom ldan 'das kyis tsund la bka' stsal pa/ sems yongs su gdungs shing ma ngu bar/ bdag gi lus la chu shing lta bu'am/ smig rgyu ba'am/ chu'i chu bur ram/ sgyu ma'am/ dri za'i grong khyer ram/ rdza so ma btang ba lta bu'am/ glog gi 'od dam/ chu la ri mo bris pa'am/ gsod du khrid pa'i btson lta bu'am/ shing tog smin pa lta bu'am/ sha rul pa'am/ thags kyi rgyu zad pa'am/ gtun lta bur blta'o/ /'du byed rnams la dug dang 'dres pa'i zas lta bur blta'o/ /'dus byas kyi chos rnams la nyes pa'i skyon rnam pa mang bar blta'o/ /de nas tsun+das bcom ldan 'das la 'di skad ces gsol to/ /de bzhin gshegs pa 'jig rten na yun du bzhugs par mi bgyis na bdag mi ngu ba'i gtol ga la mchis/ kyi hud/ kyi hud/ 'jig rten stongs so/ /bcom ldan 'das/ bdag cag dang / sems can thams cad la thugs </font><hr>Ka42b<br><font size=+1>


brtse ba'i slad du 'jig rten na yun du bzhugs shing mya ngan las mi 'da' bar gsol lo/ /bcom ldan 'das kyis tsund la bka' stsal pa/ bdag cag la thugs brtse ba'i phyir 'jig rten na yun du bzhugs par gsol zhes ma zer cig /ngas khyod la sogs pa 'gro ba thams cad la thugs brtse ba'i phyir yongs su mya ngan las 'da' bar gshegs so/ /de ci'i phyir zhe na/ sangs rgyas rnams kyi chos nyid kyang de yin la/ 'dus byas kyang de dang 'dra'o/ /de nas bcom ldan 'das kyis tshigs su bcad pa 'di skad ces gsungs so/ /'dus byas pa yi chos thams cad/ rang bzhin nyid kyis mi rtag ste/ skyes nas mi gnas pa yin pas/ /rab tu zhi ba de bde'o/ /tsund khyod 'dus byas thams cad 'dres pa dang / chos thams cad la bdag med pa dang / mi rtag pa dang / ring du mi gnas te/ lus 'di ni shin tu skyon mang bas chu bur lta bur ltos la de bas na ma du zhig /de nas tsun+das bcom ldan 'das la gsol pa/ de de bzhin no/ /de de bzhin te/ bcom ldan 'das kyis gsungs pa bzhin de bzhin gshegs pa yongs su mya ngan las 'da' ba'ang thabs su bstan par 'tshal mod kyi/ bdag gis mya ngan mi bgyid kyang mi bzod do/ /yang shin tu bsams na dga' zhing spro ba'ang skye'o/ /bcom ldan 'das kyis tsund la bka' stsal pa/ legs </font><hr>Ka43a<br><font size=+1>


@#/ /so| |shin tu legs so/ /de bzhin gshegs pas sems can dang mthun pa'i tshul du mya ngan las 'da' bar bstan pa shes pa legs so/ /tsund khyod legs par nyon cig /'di lta ste/ dper na/ bya sa la sa zhes bya ba dbyar tsha ba'i dus su thams cad mtsho ma dros pa zhes bya bar 'du'o/ /bcom ldan 'das kyang de dang 'dra ste| gnas de nyid du gshegs so/ /tsund khyod de bzhin gshegs pa'i sku tshe'i tshad ring zhe'am/ thung zhes ma rtog par chos thams cad sgyu ma dang 'dra ste/ de bzhin gshegs pas thabs kyis ci la'ang chags par mi mdzad do/ /de ci'i phyir zhe na/ sangs rgyas kyi chos nyid kyis de'o/ /tsund khyod kyi mchod pa nang gi tha mar bshams pa 'di bzhes pa ni khyod 'khor ba'i klung las bsgral ba'i phyir ro/ /de la lha'am mi'am/ 'jig rten du bcas pa gang yang rung / nang gi tha mar mchod pa bshams te nga la phul na/ mi g.yo ba'i 'bras bu thob cing rtag tu bde ba myong bar 'gyur ro/ /de ci'i phyir zhe na/ nga ni sems can thams cad kyi bsod nams kyi zhing yin pa'i phyir ro/ /khyod kyang sems can rnams kyi bsod nams kyi zhing du 'gyur bar 'dod na mchod pa bshams pa ma thogs par myur du phul cig /de nas tsun+das sems can thams cad rnam par grol bar bya ba'i phyir </font><hr>Ka43b<br><font size=+1>


mgo smad de/ mchi ma blags bzhin du bcom ldan 'das la 'di skad ces gsol to/ /shin tu legs so/ /bcom ldan 'das/ bdag bsod nams kyi zhing du 'gyur yang dag na lta/ de bzhin gshegs pa mya ngan las 'da' ba dang / mya ngan las 'da' ba ma lags par rtogs par 'gyur ba zhig na bdag cag nyan thos dang / rang sangs rgyas kyi ye shes ni/ sbrang bu dang 'dra bas de bzhin gshegs pa yongs su mya ngan las 'da' ba dang / mya ngan las mi 'da' ba dpog mi nus so/ /de nas tsund 'khor dang bcas pas mchi ma blags te du bzhin du de bzhin gshegs pa la bskor ba byas/ bdug spos dang / me tog gis gtor te/ mchod pa byas nas 'jam dpal dang bcas su 'dug pa las langs te/ mchod pa shom du dong ngo / /de ltar song ma thag tu de'i tshe sa'ang tshangs pa'i 'jig rten la thug gi bar du rnam pa drug tu g.yos so/ /sa g.yos ba la rnam pa gnyis te/ sa g.yos pa dang / rab tu g.yos pa'o/ /cung zad g.yos pa ni sa g.yos pa zhes bya'o/ /cher g.yos pa ni rab tu g.yos pa zhes bya'o/ /skad chung ba ni sa g.yos pa zhes bya'o/ /skad che ba ni rab tu g.yos pa zhes bya'o/ / sa 'ba' zhig g.yos pa ni sa g.yos pa zhes bya'o/ /ri dang chu dang shing dang rgya mtsho la sogs pa thams cad g.yos pa ni rab tu g.yos pa zhes bya'o/ /phyogs gcig tu </font><hr>Ka44a<br><font size=+1>


@#/ /g.yos pa ni sa g.yos pa zhes bya'o/ /kun tu 'khor zhing g.yos pa ni rab tu g.yos pa zhes bya'o/ /'gul ba ni sa g.yos pa zhes bya'o/ /'gul ba na sems can thams cad kyi sems kyang g.yos pa ni rab tu g.yos pa zhes bya'o/ /byang chub sems dpa' thog ma gnas pa de na gnam nas babs te/ dzam+bu'i gling du gshegs pa na rab tu g.yos pa zhes bya'o/ /thog ma btsas pa dang / rab tu byung ba dang / bla na med pa yang dag par rdzogs par sangs rgyas pa dang / chos kyi 'khor lo bskor ba dang / yongs su mya ngan las 'da' bar gshegs pa ni rab tu g.yos pa zhes bya'o/ /deng de bzhin gshegs pa'ang yongs su mya ngan las 'da' bar gshegs pa lta ste/ de bas na sa 'di'ang rab tu g.yos so/ /de nas lha dang / klu dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa la sogs pa de dag thos ma thag tu lus kyi ba spu kun langs nas thams cad du ngus te/ skad mthun par tshigs su bcad pas 'di skad ces gsol to/ /phyag 'tshal kha lo sgyur ba la/ /bdag cag rnams ni gsol ba 'debs/ /drang srong chen pos bor bas na/ /mgon skyabs rten ma mchis par gyur/ /bcom ldan mya ngan 'das gshegs pas/ /bdag cag sdug </font><hr>Ka44b<br><font size=+1>


bsngal rgya mtshor nub/ /yid blong mya ngan gdung ba ni/ /ji ltar be'u dag ma stor bzhin/ /dbul phongs mgon dang skyabs ma mchis/ /ji ltar shin tu na ba de/ /sman pa mkhas pa ma mchis pas/ /yid bzhin bza' ba ci yang 'tshal/ /sems can nyon mongs nad kyis gzir/ /lta ba rnams kyis rtag tu gtse/ /chos kyi sman pa mkhas dang bral/ /ngan par lta ba'i gdug pa 'tshal/ /de bas sangs rgyas bcom ldan 'das/ /bdag cag spang ba mi mdzad gsol/ /dper na rgyal po mi bzhugs na/ /yul mi thams cad ltogs par gyur/ /bdag cag rnams kyang de 'dra ste/ /chos kyi ro dang skyabs kyang stor/ /sangs rgyas mya ngan 'da' thos pas/ /bdag cag sems ni myos par gyur/ /ji ltar sa chen rab g.yos nas/ /phyogs rnams shin tu bslad pa bzhin/ /drang srong mya ngan 'das gshegs pas/ /sangs rgyas nyi mas la lhung / /chos kyi chu yang bskams par gyur/ /bdag cag gdon mi za bar 'chi/ /bcom ldan mya ngan 'das gshegs na/ /'gro ba'i sdug bsngal gdung ba ni/ /dper na tshong ba zhig gi bu/ /gsar du pha ma shi ba bzhin/ /bcom ldan mya 'das gshegs te/ /ci ste mi bzhugs par gyur na/ /bdag dang sems can thams cad ni/ /mgon dang skyabs mchis par 'gyur/ /bcom ldan mya ngan 'das gshegs na/ /byol song skye gnas par du yang / /thams </font><hr>Ka45a<br><font size=+1>


@#/ /cad sdug bsngal yi blong zhing / /gdungs par gyur te smre sngags 'don/ /deng 'dir bdag cag rnams kyis ni/ /mya ngan mi bgyid gtol ma mchis/ / de bzhin gshegs pas bor ba yang / /ji ltar mchil ma ngar snabs bzhin/ /dper na nyi ma shar ba na/ /'od zer kun tu lham mer snang / /kun tu snang bar byas pas na/ / mun pa thams cad med par gyur/ /de bzhin gshegs pa'i rdzu 'phrul 'od/ /bdag cag rnams kyi nyon mongs bsal/ /'khor gyi nang du bzhugs pa yang / /ri rab ri yi rgyal po bzhin/ /bcom ldan 'das/ dper na/ rgyal po zhig gi sras bu byad gzugs bzang ba blta na sdug pa shin tu mdzes pa dag mchis na shin tu byams pas sngar rtsal sna tshogs bslabs te/ khong du chud pa'i 'og tu gshed ma la gsod cig ces gtad do/ /bcom ldan 'das/ bdag cag kyang chos kyi sras su gyur te/ bcom ldan 'das kyis bstan cing bcos na yang dag par lta ba dang ldan par 'gyur gyi/ bdag cag rnams mi spang du gsol/ ci ste bdag cag yongs su spangs par gyur na rgyal po'i sras dang 'dra bar mi 'gyur ram/ mya ngan las mi 'da' bar 'jig rten na yun du bzhugs par gsol/ bcom ldan 'das/ dper na/ skyes bu zhig gtsug lag rnams legs </font><hr>Ka45b<br><font size=+1>


par bslabs nas gtsug lag gis skrag par gyur to/ /bcom ldan 'das kyang de dang mtshungs te/ chos thams cad thugs su chud nas chos kyis bsnyengs par gyur to/ /gal te de bzhin gshegs pa 'jig rten na yun du bzhugs shing bdud rtsi lta bu'i chos bstan te/ thams cad ngoms par mdzad na sems can thams cad kyang sems can dmyal bar ltung gis mi dogs so/ /bcom ldan 'das/ dper na/ skyes bu zhig las byed pa'i 'phro las bzung ste/ btson rar bcug nas de la mi zhig gis/ 'di skad du khyod 'di na ci byed ces dris na bdag ni shin tu sdug bsngal chen po myong zhing 'dug ste/ 'di las thar na rab tu bde bar 'gyur ro zhes mchi'o/ /bcom ldan 'das kyang de dang 'dra ste/ bdag cag gi slad du spyod pa dka' ba mdzad mdzad de/ bdag cag 'khor ba'i nyon mongs pa las mthar na de bzhin gshegs pa bde bar gal 'gyur/ bcom ldan 'das/ dper na/ sman pa shin tu mkhas pa ni sman dpyad gsang ba dag bu la ston gyi/ slob ma gzhan la mi ston no/ /bcom ldan 'das kyang de dang 'dra ste/ dgongs te gsungs pa'i snying po shin tu zab mo'ang 'jam dpal 'ba' zhig la bstan gyi/ bdag cag rnams la bstan par ma gyur to/ /de bzhin gshegs pa'ang sman pa lta bu 'ba' zhig la bstan gyi/ slob ma gzhan la </font><hr>Ka46a<br><font size=+1>


@#/ /mi ston pa ltar de bzhin gshegs pa ni chos thams cad la phrag dog tu ma gyur pa lags so/ /sman pa des kun la 'dra bar ma bstan pa ni byams sdang gi sems dang bcas pas gsang ste ston par gyur na/ de bzhin gshegs pa'i thugs ni byams sdang mi mnga' na/ ci'i slad du bdag cag la bstan par ma gyur/ bcom ldan 'das yun du bzhugs shing mya ngan las mi 'da' bar gsol lo/ /bcom ldan 'das/ dper na/ rgan po'am/ gzhon nu'ang rung / nad kyis sdug bsngal bar gyur la/ lam bzang po spangs nas lam nyam nga ba g.yang sa dang bcas pa/ lam ngan par zhugs na shin tu sdug bsngal myong bar 'gyur ro/ /de la mi zhig gis mthong nas snying brtse bas lam nyam nga ba med pa bzang po bstan to/ /bcom ldan 'das/ bdag cag kyang de dang 'dra ste/ de la gzhon nu zhes bgyi ba ni chos can gyi lus ma bskyed pa'i dpe'o/ /rgan po zhes bgyi ba ni nyon mongs pa chen po'i dpe'o/ /na ba ni 'khor ba las mthar pa'i dpe'o/ /lam g.yang sa dang ldan pa ni srid pa nyi shu lnga po'i dpe'o/ /bcom ldan 'das/ bdag cag la bdud rtsi'i lam yang dag par bstan cing mya ngan las mi 'da' bar 'jig rten na yun du bzhugs par gsol lo/ / </font><hr>Ka46b<br><font size=+1>


de nas bcom ldan 'das kyis dge slong rnams la bka' stsal pa/ khyed dge slong dag/ byis pa ma rabs sam/ lha dang mi lta bur mya ngan dang ngu ba ma byed par yang dag par dran pa nye bar gzhag pa la brtson 'grus su gyis shig /de'i tshe lha dang / mi dang / lha ma yin la sogs pas bcom ldan 'das kyis ma ngu zhig ces bka' stsal pa thos nas/ dper na/ mi zhig bu shi nas bu'i shid btang ma thag tu ma ngu zhig ces bsgo ba dang mtshungs so/ /de nas bcom ldan 'das kyis 'khor mang po de dag la tshigs su bcad de bka' stsal pa/ khyed rnams so sor spro skyed la/ /mya ngan chen po ma byed cig /sangs rgyas rnams kyi chos nyid yin/ /de bas cang mi gsung bar bzhugs/ /bag yod spyod la mos par bya/ /yang dag dran pas sems kyang srung / /chos ma yin pa rab spangs te/ /spro ba skyed la dga' bar gyis/ /gzhan yang dge slong dag the tshom dang som nyir gyur pa yod na/ thams cad zhu zhing dris shig| stong pa dang / stong pa ma yin pa dang / rtag pa dang / mi rtag pa dang / sdug bsngal ba dang / sdug bsngal ma yin pa dang / gnas dang / gnas ma yin pa dang / song ba dang / ma song ba dang / 'ongs pa dang / ma 'ongs pa ma yin pa dang / ther zug dang / ther zug ma yin pa dang / chad pa dang / rtag pa dang / sems can dang / sems can ma yin pa </font><hr>Ka47a<br><font size=+1>


@#/ /dang| yod pa dang / med pa dang / bden pa dang / mi bden pa dang / yang dag pa dang / yang dag pa ma yin pa dang / 'gog pa dang / 'gog pa ma yin pa dang / gsang ba dang / mi gsang ba dang / gnyis dang / mi gnyis pa la sogs pa'i chos la the tshom du gyur pa yod na/ zhu ba'i skabs la bab kyi/ dris shig dang / ci dang ci dris pa de'i the tshom gcad do/ /khyed la sngar bdud rtsi lta bu'i chos bstan te/ gdod yongs su mya ngan las 'da' bar bya'o/ /dge slong dag/ sangs rgyas 'jig rten du gshegs pa'ang shin tu dkon/ mi'i lus thob pa'ang shin tu dka'/ sangs rgyas dang phrad cing dad pa bskyed pa'ang shin tu dka'/ bzod dka' ba bzod pa'ang shin tu dka'/ tshul khrims rdzogs shing ma god ma nyams te/ dgra bcom pa'i 'bras bu thob pa'ang shin tu dka' ste/ sa le sbram mam/ me tog u dum wA ra tshol ba bzhin no/ /dge slong dag/ mi khom pa brgyad dang bral te/ mi'i lus thob par dka' ba thob nas nga dang phrad par gyur na don med par chud mi gsan to/ /nga sngon dka' ba rnam pa sna tshogs spyad pas da ltar 'di lta bu'i bla na med pa'i thabs mkhas pa dang ldan par gyur to/ /khyed la sogs pa'i phyir bskal pa tshad med pa'i bar du lus kyi yan lag lag pa dang / rkang pa dang / </font><hr>Ka47b<br><font size=+1>


mgo dang / mig dang / rkang dang / klad pa'ang yongs su btang ngo / /de bas na khyed rnams bag med par mi bya'o/ /dge slong dag/ ji ltar na yang dag pa'i chos kyi rin po che'i mkhar brgyan cing yon tan rin po che rnam pa sna tshogs dang ldan zhing / tshul khrims dang / ting nge 'dzin dang / shes rab kyi rab dang / 'obs dang / nyen lta bur 'gyur bar bya ba soms shig| khyed sangs rgyas kyi chos rin po che'i mkhar lta bu dang phrad pa'i 'og tu/ yang dag pa ma yin pa/ sgyu dang bcas pa len pa'i mi rigs so/ /dper na/ tshong dpon dag rin po che yang dag pa'i gling du phyin na/ gyo mo dang rdo ba blangs te/ phyir khyim du 'ongs pa 'dra bar khyed kyang de dang 'dra ste/ rin po che'i gling du phyin nas rdzas sgyu ma dag len to/ /dge slong dag| zhum pa'i bsam pas chog pa'i sems ma skyed cig/ khyed rnams rab tu byung mod kyi/ theg pa chen po la mos par mi byed do/ /dge slong dag/ kha dog bsgyur ba'i gos ngur smrig gyon mod kyi/ sems ni theg pa chen po yongs su dag pa'i chos la zhen par ma gyur to/ /dge slong dag/ bsod snyoms la zhugs te kun tu rgyu mod kyi/ theg pa chen po'i chos kyi zas ma myong ngo / /dge slong dag/ skra dang kha spu bregs mod kyi/ yang dag pa'i chos kyi kun nas nyon mongs pa med par ma byas so/ /dge slong dang / deng thams cad </font><hr>Ka48a<br><font size=+1>


@#/ /tshogs pa 'dir yang dag par gsung gis khyed la ston to/ /de bzhin gshegs pa'i chos rnams kyi mtshan nyid ni yang dag pa ste/ phyin ci ma log pa'o// de bas na khyed rnams dpa' zhing rtul phod pa'i sems kyis kun nas nyon mongs pa gzhom pa la brtson par gyis shig/ stobs bcu dang ldan pa'i ye shes kyi nyi ma nub par gyur na khyed rnams kyang ma rig pas khebs par 'gyur ro/ /dge slong dag/ dper na/ sa chen po dang ril skyes pa'i rtsi shing ni sems can rnams kyi dgos par 'gyur ro/ /nga'i chos kyang de dang 'dra ste/ shin tu dge ba'i bdud rtsi lta bu'i chos kyi ro'ang skye la/ sems can gyi nyon mongs pa'i nad rnam pa sna tshogs kyi sman du'ang 'gyur ro/ /ngas deng 'dir sems can thams cad dang / nga'i sras su gyur pa 'khor rnam pa bzhi yang dgongs te gsungs pa'i snying po la bde bar dgod cing nga'ang de la bde bar gnas nas yongs su mya ngan las 'da'o/ /de la dgongs te gsungs pa'i snying po zhes bya ba gang zhe na/ dper na/ yi ge i lta bu thig le gsum thad kar bzhag gam/ dngar na ir mi 'gyur gyi/ dbang sgyur chen po'i mig lta bur pho gsum du bzhag na ir 'gyur te/ thig le gsum so sor phral ba las kyang ma yin no/ /nga'ang de dang 'dra ste/ rnam par grol ba'i chos </font><hr>Ka48b<br><font size=+1>


kyang mya ngan las 'da' ba ma yin/ de bzhin gshegs pa'i sku'ang mya ngan las 'da' ba ma yin/ shes rab kyi pha rol tu phyin pa'ang mya ngan las 'da' ba ma yin/ chos gsum po so sor phral ba las kyang mya ngan las 'da' ba'ang ma yin te/ nga ni chos gsum po 'di la gnas nas sems can gyi phyir mya ngan las 'da' ba zhes bya ste/ ji ltar 'jig rten na yi ge i zhes grags pa bzhin no/ /de'i tshe na dge slong rnams sangs rgyas bcom ldan 'das nges par yongs su mya ngan las 'da'o zhes gsungs pa thos nas shin tu mi dga' ste/ lus kyi ba spu thams cad langs nas/ mig mchi mas gang bzhin du sangs rgyas kyi zhabs la spyi bos phyag btsal nas lan grangs med par bskor te/ bcom ldan 'das la 'di skad ces gsol to/ / bcom ldan 'das/ mi rtag pa dang / sdug bsngal ba dang / stong pa nyid dang / bdag med pa legs par gsungs so/ /bcom ldan 'das/ dper na/ 'gro ba thams cad kyi rjes kyi nang na bal glang gi rjes mchog go/ /mi rtag pa'i 'du shes kyang de dang 'dra ste/ 'du shes thams cad kyi nang na mchog go/ gang zhig de la brtson 'grus su nan tan bgyid na 'dod pa'i khams kyi 'dod pa thams cad dang / gzugs dang / gzugs med pa'i 'dod pa dang / ma rig pa dang / nga rgyal dang / mi rtag pa'i 'du shes thams cad kyang ma mchis </font><hr>Ka49a<br><font size=+1>


@#/ /par bgyid do/ /bcom ldan 'das/ gal te de bzhin gshegs pa mi rtag pa'i 'du shes dang bral na/ da yongs su mya ngan las 'da' bar gshegs par mi rigs so/ /ci ste ma bral na ci'i slad du mi rtag pa la nan tan bgyis nas khams gsum gyi 'dod pa dang / ma rig pa dang / nga rgyal dang / mi rtag pa'i 'du shes dang bral bar 'gyur ro zhes gsungs/ bcom ldan 'das/ dper na/ zhing pa dag ni ston gyi dus su zhing rmos nas zhing gi ngo yur ma yongs su sel to/ /mi rtag pa'i 'du shes kyang de dang 'dra ste/ 'dod pa'i khams kyi 'dod pa dang / gzugs dang / gzugs ma mchis pa'i 'dod pa dang / ma rig pa dang / nga rgyal dang / mi rtag pa'i 'du shes kyi bar du sel to/ / bcom ldan 'das/ dper na/ zhing rmo ba'i nang na ston log btab pa bzang ngo / /rjes thams cad kyi nang ba bal glang gi rjes mchog go/ 'du shes thams cad kyi nang na'ang mi rtag pa mchog go /bcom ldan 'das/ dper na/ rgyal po chen po ni 'gum pa'i bus bgyid pa na/ sngar mtha' bzhir sho btang nas btson thams cad thar ba'i 'og tu tshe'i bya ba bgyid do/ /de bzhin gshegs pa'ang de dang 'dra bar sems can thams cad shes rab med pa'i ma rig pas yongs su khebs pa las bsgral te thar par mdzad nas/ </font><hr>Ka49b<br><font size=+1>


gdod mya ngan las 'da' bar gshegs pa'i rigs kyi/ bdag cag ma bsgral bar ci'i slad du de bzhin gshegs pas bdag cag yongs su btang ste/ yongs su mya ngan las 'das par gshegs/ bcom ldan 'das/ dper na/ mi zhig yi dwags kyis brlams te/ sngags mkhan dang phrad na/ sngags kyi mthus de las thar par 'gyur ro/ /de bzhin gshegs pa'ang de dang 'dra ste/ nyan thos rnams kyis ma rig pa'i yi dwags bsal cing shes rab kyi pha rol tu phyin pa dang / rnam par grol ba la sogs pa'i chos la bde bar 'god pa ni| ji ltar 'jig rten na yi ge i zhes grags pa bzhin no/ /bcom ldan 'das/ dper na/ spos kyi glang po che ni mis bcings na 'dul mkhas pa'i mkhan po mchis kyang mi thul te/ bcings pa'i thag pa bcad nas yid bzhin du mchi'o/ /de ltar bdag ni nyon mongs pa lnga bcu rtsa bdun gyis bcings pa las yongs su ma grol na ci'i slad du de bzhin gshegs pas yongs su btang ste mya ngan las 'da' bar gshegs/ bcom ldan 'das/ dper na/ tsha ba'i nad kyis btab pa ni sman pa mkhas pa dang phrad na de ma thag tu 'tsho'o/ /bdag kyang de dang 'dra na log par 'chi ba'i tsha ba'i nad mang pos sdug bsngal bar gyur te/ de bzhin gshegs pa dang mjal kyang nad ma byang ste/ bla na med pa'i bde ba rtag pa'ang ma thob na/ </font><hr>Ka50a<br><font size=+1>


@#/ /ci'i slad du de bzhin gshegs pas yongs su spangs te/ mya ngan las 'da' bar gshegs/ bcom ldan 'das/ dper na/ mi ra ro ba ni mi dran pas na nye ring ma shes te/ ma dang / bu mo dang / sring mo la mi 'os mi rigs pa byed cing bag ma mchis par smra ste/ mi gtsang ba'i steng na nyal lo/ /de la sman pa mkhas pas sman btang ste/ chang 'thungs pa slar skyugs na/ de ma thag tu dran te 'dzem pa dang ngo tsha ba'i sems skyes nas/ chang ni sdig pa mi dge ba thams cad kyi rtsa ba yin te/ gang gis yangs su spangs na/ sdig pa thams cad kyang spong bar 'gyur ro zhes 'gyod pa skye'o/ /bcom ldan 'das/ bdag cag kyang de dang 'dra ste/ thog ma mchis pa'i dus nas 'khor bar 'khor te/ 'dod pas myos nas 'dod pa lnga la chags pas ma ma lags pa mar 'du shes/ sring mo ma lags pa la sring mor 'du shes/ bu mo ma lags pa la bu mor 'du shes/ sems can ma lags pa la sems can du 'du shes bskyed pas 'khor bar 'khor te/ sdug bsngal myong ba ni ji ltar me ra ro ba ngan skyugs kyi steng na nyal ba bzhin no/ /de bzhin gshegs pas kyang bdag la chos kyi sman btang nas nyon mongs pa'i chang slar skyugs mod kyi/ legs par ma sangs par ci'i slad du de bzhin gshegs </font><hr>Ka50b<br><font size=+1>


pas yongs su spangs te mya ngan las 'da' bar gshegs/ bcom ldan 'das/ dper na/ gang zag gcig shing chu shing la sra zhing snying po yod do zhes ston na/ de ni gnas ma lags so/ /bcom ldan 'das/ so so'i skye bo dag kyang de dang 'dra ste/ bdag dang / gang zag dang / sems can dang / 'tsho ba dang / shed can dang / shed bdag dang / shes pa dang / mthong ba dang / bya ba dang / byed pa po la yang dag pa bden pa'o/ /zhes ston na/ de'ang gnas ma lags so/ /bdag cag kyang de ltar bdag ma mchis pa la nan tan bgyid do/ /bcom ldan 'das/ dper na/ sbrang ma ni cir yang mi dgos te/ lus kyang de dang 'dra bar bdag ma mchis/ bdag po ma mchis so/ /bcom ldan 'das/ me tog 'dab ma bdun pa la dri bsung ma mchis pa dang 'dra bar lus 'di la'ang bdag ma mchis/ bdag po ma mchis te/ bdag cag kyang de n+l+ta bu'i sems kyis bdag ma mchis pa'i 'du shes la nan tan bgyid do/ /bcom ldan 'das kyis gsungs pa ltar chos thams cad la bdag dang bdag gi ba ma mchis te/ dge slong dag/ de lta bu'i tshul du nan tan gyis shig/ de lta bur nan tan byas na/ nga rgyal yongs su spong bar 'gyur ro zhes gsungs pa ltar/ bdag cag gis nga rgyal spangs nas mya ngan las 'da' bar gshegs </font><hr>Ka51a<br><font size=+1>


@#/ /su gsol lo/ /bcom ldan 'das/ dper na/ nam mkha' la 'phur ba'i bya'i rjes ni mngon du snang ba'i gnas ma mchis so/ /gang bdag ma mchis pa la nan tan bgyid pa ni lta ba rnams mchis zhes bgyi ba'i gnas ma mchis so/ /de nas bcom ldan 'das kyis dge slong rnams la bka' stsal pa/ legs so/ /shin tu legs so| |khyed rnams kyis bdag med pa'i 'du shes legs par bsgoms so/ /de nas dge slong rnams kyis bcom ldan 'das la 'di skad ces gsol to/ /bcom ldan 'das/ bdag cag ni bdag ma mchis pa'i 'du shes la nan tan bgyid par ma bas kyi/ de ma lags pa gzhan yang sdug bsngal bar 'du shes pa dang / stong pa dang / mi rtag pa dang / bdag ma mchis par 'du shes pa la'ang nan tan bgyid do/ /bcom ldan 'das/ dper na/ mi ra ro ba ni sems myos par gyur pas ri dang / chu dang / brag dang / shing dang / khang khyim dang / nyi zla dang / skar ma'i bar du 'khor ba snyam bgyid de/ bcom ldan 'das/ gang sdug bsngal ba dang / mi rtag pa dang / bdag ma mchis pa'i 'du shes la sogs pa la nan tan mi bgyid na/ gang zag de ni 'phags pa zhes mi bgyi ste/ bag ma mchis pas 'khor bar yongs su 'khor ro/ /bcom ldan 'das/ de </font><hr>Ka51b<br><font size=+1>


bas na bdag cag ni 'du shes de dag la shin tu nan tan bgyid do/ /de'i tshe bcom ldan 'das kyis dge slong rnams la bka' stsal pa/ legs par nyon la shin tu yid la gzung zhig |khyed kyis mi ra ro ba la dpe blangs pa ni tshig dang 'bru tsam shes par zad kyi/ don ni ma rtogs so/ /de la don zhes bya ba gang zhe na/ dper na/ mi ra ro bas nyi zla la sogs pa mi 'khor bar 'khor bar 'du shes pa dang 'dra bar so so'i skye bo'ang de dang 'dra ste/ kun nas nyon mongs pa'i ma rig pas yongs su khebs pas na phyin ci log gi sems bskyed de/ bdag la bdag med par 'du shes/ rtag pa la mi rtag par 'du shes/ yongs su dag pa la yongs su ma dag par 'du shes/ bde ba la sdug bsngal bar 'du shes te/ kun nas nyon mongs pas yongs su khebs pas de dang 'dra bar 'du shes mod kyi/ don khong du ma chud pas mi ra ro ba de 'khor ba'i gnas ma yin pa la 'khor bar 'du shes bskyed pa bzhin no/ /bdag ces bya ba ni sangs rgyas zhes bya ba'i don no/ /rtag pa ni chos kyi sku zhes bya ba'i don no/ /bde ba ni mya ngan las 'das pa zhes bya ba'i don no/ /yongs su dag pa ni chos zhes bya ba'i don yin na/ ci'i phyir dge slong khyed bdag tu 'du shes pa ni nga rgyal can yin te/ 'khor ba na 'khor ro zhes smra/ khyed smra ba ltar na bdag cag kyang mi rtag pa dang / sdug bsngal ba </font><hr>Ka52a<br><font size=+1>


@#/ /dang| bdag med pa'i 'du shes la nan tan byed do zhes bya ba ni yang dag par don med do/ /nan tan byed pa gsum po de la yang dag pa'i don med pas de ma yin pa nan tan byed pa'i chos gsum po las lhag pa ngas bshad par bya'o/ /sdug bsngal la bde bar 'dzin pa dang / bde ba la sdug bsngal du 'dzin pa ni phyin ci log gi chos so/ /mi rtag pa la rtag par 'dzin pa dang / rtag pa la mi rtag par 'dzin pa ni phyin ci log gi chos so/ /bdag med pa la bdag tu 'dzin pa dang / bdag la bdag med par 'dzin pa ni phyin ci log gi chos so/ /yongs su ma dag pa la dag par 'dzin pa dang / yongs su dag pa la yongs su ma dag par 'dzin pa ni phyin ci log gi chos so/ /phyin ci log gi chos rnam pa bzhi po 'di ni yang dag par ji lta bur nan tan bya ba gang zag gis mi shes so/ /dge slong dag /sdug bsngal gyi chos la bde bar 'du shes skyed cig /mi rtag pa la rtag par 'du shes skyed cig /bdag med pa la bdag tu 'du shes skyed cig /yongs su ma dag pa la dag par 'du shes skyed cig /'jig rten na'ang rtag pa dang / bde ba dang / bdag dang / yongs su dag pa yod do/ /'jig rten las 'das pa la'ang rtag pa dang / bde ba dang / bdag dang / yongs su dag pa yod do/ /'jig rten gyi chos </font><hr>Ka52b<br><font size=+1>


ni brjod du yod la don med pa'o/ /'jig rten las 'das pa ni brjod du'ang yod la/ don yang yod do/ /de ci'i phyir zhe na/ 'jig rten gyi chos ni phyin ci log bzhi dang bcas pas don mi rtogs so/ /de ji lta zhe na/ 'du shes phyin ci log dang / sems phyin ci log dang / lta ba phyin ci log dang / phyin ci log gsum gyis 'jig rten pa ni bde ba la sdug bsngal du lta/ rtag pa la mi rtag par lta/ bdag la bdag med par lta/ yongs su dag pa la yongs su ma dag par lta ste/ phyin ci log ces bya'o/ /phyin ci log pas na 'jig rten pas ni tshig tu smra ba shes kyi/ don mi shes so/ /de la don zhes bya ba gang zhe na/ bdag med pa ni 'khor ba zhes bya'o/ /bdag ces bya ba ni de bzhin gshegs pa'o/ /mi rtag pa ni nyan thos dang| rang sangs rgyas so/ /rtag pa ni de bzhin gshegs pa'i chos kyi sku'o/ /sdug bsngal ba ni mu stegs can thams cad do/ /bde ba ni yongs su mya ngan las 'das pa'o/ / yongs su ma dag pa ni 'dus byas pa'i chos so/ /yongs su dag pa ni sangs rgyas dang / byang chub sems dpa' rnams kyi yang dag pa'i chos yin te/ de bas na phyin ci ma log pa zhes bya'o/ /de ltar na phyin ci ma log pas tshig tu brjod pa'ang shes la don yang shes so/ /gang zhig phyin ci log bzhi po yongs su spong bar 'dod na/ de lta bu'i tshul du </font><hr>Ka53a<br><font size=+1>


@#/ /rtag pa dang / bde ba dang / bdag dang / yongs su dag par rig par bya'o/ /de nas dge slong rnams kyis bcom ldan 'das la 'di skad ces gsol to| |bcom ldan 'das kyis gsungs pa ltar/ phyin ci log bzhi rtog pas rtag pa dang / bde ba dang / bdag dang / yongs su dag pa khong du chud ces gsungs na/ de bzhin gshegs pa ni phyin ci log bzhi mi mnga' ste/ rtag pa dang / bde ba dang / bdag dang / yongs su dag pa thugs su chud do/ /de ltar rtag pa dang / bde ba dang / bdag dang / yongs su dag pa thugs su chud na/ ci'i slad du bskal pa gcig gam/ bskal pa phyed kyi bar du bzhugs shing / bdag cag gi phyin ci log bzhi yongs su spong bar 'gyur pa mi ston par bdag cag spangs te/ yongs su mya ngan las 'da' bar gshegs/ de bzhin gshegs pas bdag cag la thugs brtse ba'i slad du bdag cag gi ston par gyur na/ bdag cag kyang rtse gcig pa'i sems kyis spyi bos len cing nan tan bgyid do/ /gal te de bzhin gshegs pa mya ngan las 'da' na/ bdag cag kyang de ltar gdug pa can gyi lus dang lhan cig tu gnas te tshangs par spyad pa spyod/ bdag cag kyang bcom ldan 'das kyi zhabs 'bring du mya ngan las 'da'o/ /de'i tshe bcom </font><hr>Ka53b<br><font size=+1>


ldan 'das kyis dge slong rnams la'ang 'di skad ces bka' stsal to/ /khyod de skad ma zer cig /ngas ni bla na med pa'i yang dag pa'i chos thams cad kyang 'od srung chen po la gtad do/ / 'od srung chen po ni khyed kyi gnas dang rten du 'gyur te/ ji ltar de bzhin gshegs pa sems can thams cad kyi gnas dang rten du gyur pa bzhin/ 'od srung chen po 'di'ang khyed la sogs pa thams cad kyi gnas dang rten du 'gyur ro/ /dper na/ rgyal po chen po dbang dang ldan pa yang bsrang du 'gro ba na/ yul gyi srid thams cad kyang blon po chen po la gtad do| |de bzhin gshegs pa'ang de dang 'dra bar dam pa'i chos thams cad kyang 'od srung chen po la gtad do/ /khyed rnams mi rtag pa dang / sdug bsngal ba'i 'du shes la nan tan byed pa'ang yang dag pa ma yin no/ /dper na/ dbyar gyi dus su rdzing chen po'i nang na gzings kyi steng na rtse ba las rin po che bai DU R+Ya chur lhung na/ de'i tshe mi mkhas pa thams cad chu'i nang du zhugs nas/ gyo mo dang / rdo ba dang / rtswa dang / shing dang / gseg ma dag so so nas phyung ste/ rin po che'i bai DUR+Ya rnyed snyam nas dga' bzhin du phyir byung na/ gdod yang dag pa ma yin par shes so/ /de'i tshe rin po che chu'i nang na yod pas rin po che'i mthus chu yongs su dang bas na/ thams cad kyis nor bu rin po che chu'i gting na </font><hr>Ka54a<br><font size=+1>


@#/ /yod par shes te/ ji ltar steng gi nam mkha' la zla ba lta ba bzhin no/ /de'i tshe na 'khor de dag gi nang na mkhas pa thabs dang ldan pas ni/ dal gyis chu'i nang du zhugs nas rin po che len to/ /dge slong khyed kyang mi rtag pa dang / sdug bsngal ba dang / bdag med pa dang / yongs su ma dag pa'i 'du shes la nan tan byed pa ni| ji ltar mi mang po dag so so nas gyo mo dang / rdo ba dang / rtswa dang / shing dang / gseg ma dag phyung nas nor bu rin po che rnyed do snyam du sems pa dang 'dra'o/ /khyed rnams kyang thabs la shin tu mkhas par gang nas gang du gnas kyang bdag tu 'du shes pa dang / rtag pa dang / bde ba dang / yongs su dag par 'du shes pa la mkhas par gyis shig /khyed kyis sngar chos rnam pa bzhi po'i mtshan ma tsam la nan tan byas pa ni thams cad kyang phyin ci log tu tsam la nan tan byas pa ni thams cad kyang phyin ci log tu bzhin du nan tan du sgom pa ni/ ji ltar mkhas pa thabs dang ldan pa des nor bu rin po che phyung ba dang 'dra bar bdag tu 'du shes pa dang / rtag pa dang / bde ba dang / yongs su dag par 'du shes pa la nan tan bya'o/ /de nas yang dge slong rnams kyis bcom ldan 'das la 'di skad ces gsol to/ /bcom ldan 'das kyis sngar gsungs pa </font><hr>Ka54b<br><font size=+1>


ltar na/ chos thams cad la bdag med kyi/ khyed de lta bu'i tshul du nan tan gyis shig /de ltar nan tan byas na/ bdag tu 'du shes pa spong bar 'gyur ro/ /bdag tu 'du shes pa spangs na/ nga rgyal dang bral bar 'gyur ro/ /nga rgyal dang bral na mya ngan las 'da'o zhes gsungs pa'i don ji lta bu lags/ de nas bcom ldan 'das kyis bka' stsal pa/ legs so/ /shin tu legs so/ /bdag cag gi the tshom gcad pa'i phyir don 'di legs par dris so/ /'di lta ste/ dper na/ rgyal po mi mkhas pa shes pa chung ba la sman pa'ang mi mkhas pa glen pa zhig yod na/ rgyal pos ma rtogs pas sman pa de la bya dga' cher stsal to/ /sman pa glen pa de ni nad thams cad la sman du 'o ma gtong ste/ nad thog ma ci las gyur pa'ang mi shes la/ sman du 'o ma gtong ba la'ang mi mkhas pas/ rlung nad dang / bad kan dang / mkhris pa'i nad thams cad la'ang sman du 'o ma gtong ste/ rgyal pos ni sman pa nyid kyang ma rtogs la/ 'o ma bzang ngam ngan pa'i bye brag kyang mi phyed do/ /de la sman pa mkhas pa rig pa brgyad dang ldan pa/ nad thams cad gso ba la shin tu mkhas pa/ dpyad thams cad khong du chud pa zhig yul gzhan nas 'ongs na/ de'i tshe sman pa mi mkhas pa de mkhas pa de la 'dri ba'am/ slob par mi byed kyi/ phyir nga rgyal gyi </font><hr>Ka55a<br><font size=+1>


@#/ /sems bskyed do/ /de'i tshe sman pa mkhas pa de mi mkhas pa de la brten nas slob dpon du bzung ste/ sman dpyad gsang ba dag bslab pa'i phyir sman pa glen pa de la bdag ni khyod la slob dpon du gsol gyi/ dpyad rnams bstan cing bshad du gsol/ zhes gsol pa btab na/ sman pa glen pa de mkhas pa de la 'di skad ces dam 'cha'o/ /khyod ci ste lo bzhi bcu rtsa brgyad kyi bar du kho bo'i g.yog bya na/ dpyad thams cad kyang bstan to zhes bsgo'o/ /de nas sman pa mkhas pa des mi mkhas pa'i lung bzhin du bgyi'o/ /bdag gis rngo ci thog gis khyod kyi g.yog bgyi'o zhes smras so/ /de nas sman pa glen pa de sman pa gsar pa khrid nas rgyal po'i pho brang du chas so/ /rgyal po dang phrad nas/ de'i tshe sman pa gsar pa des rgyal po de la dpyad rnam pa sna tshogs dang / gzhan yang sgyu rtsal mang po'i gtam dang / yul gyi srid gzung ba dang / nad pa gso ba'i thabs 'di'o/ /rgyal po chen po/ thugs su chud par gyis shig ces gtam byas so/ /de'i tshe rgyal po des de skad smras pa thos pa dang / sman pa rnying pa de mi mkhas par shes nas/ yul de nas bskrad do/ /de nas kyang sman pa gsar pa de la lhag par rim gro dang bkur sti bskyed do/ /de'i tshe sman pa gsar pa de 'di snyam du rgyal </font><hr>Ka55b<br><font size=+1>


po 'di la bstan pa'i dus la bab bo snyam du bsams nas/ rgyal po la 'di skad ces gsol to /rgyal po chen po/ bdag la dgongs par mod na/ bdag gis gsol pa gcig gnang bar mdzod cig /rgyal pos smras pa/ kho bo'i lag pa g.yas pa nas lus kyi yan lag thams cad kyi bar du yid bzhin du slongs shig dang / thams cad sbyin par bya'o/ / sman pa des gsol pa/ 'di ltar rgyal po'i lus kyi yan lag thams cad kyang bdag la 'tshal bar gnang mod kyi/ bdag kyang thugs mi thub la mang po'ang mi gsol na/ deng slan chad yul mi thams cad kyis sman pa rnying pa'i dpyad sman du 'o ma gtong ba shos bcad pa bkar gdags su gsol/ de ci'i slad du zhe na/ sman de ni gdug pa dang bcas pas mang du 'chi ba'i phyir ro/ /gal te sman de gtong ba yod na yan lag mgo bcad do zhes bkar btags nas/ sman 'o ma gtong ba chod pas dus ma yin par 'chi ba med de/ thams cad bde zhing skyid par 'gyur gyi/ bdag gis gsol ba 'di gnang bar mdzod cig /de nas rgyal pos smras pa/ khyed gsol ba 'di shin tu phan par 'gyur ba yin te/ deng phyin chad yul mi las na ba zhig yod na/ sman du 'o ma gtong du mi gnang ngo / /gal te 'o ma gtong ba zhig mod na/ yan lag gi dam pa mgo bcad do zhes bkar btags so/ /de'i tshe </font><hr>Ka56a<br><font size=+1>


@#/ /na sman pa mkhas pa de tsha ba dang / kha ba dang / skyur ba dang / mngar ba dang / bsngal ba la sogs te/ ro rnam pa sna tshogs kyi sman sbyar te/ nang gsos na gang yang ma sos pa med do/ /de nas phyis ring po ma lon par rgyal po de nad kyis btab nas sman pa de bkug ste/ 'di ltar nga ni nad kyis shin tu sdug bsnga la par gyur na ji ltar gso zhes smras pa dang / sman pa des rgyal po'i nad bltas na sman du 'o ma dgos pa 'dra nas/ rgyal po la gsol pa/ rgyal po'i nad thabs dang sbyar na sman du 'o ma gtang 'tshal te/ bdag gis sngar sman du 'o ma gtang du mi rung zhes gsol pa brdzun du gyur te/ sman du 'o ma las bzang ba ma mchis la/ rgyal po'i nad kyang tsha ba las gyur pas/ sman du 'o ma btang na bzang ngo / /rgyal pos smras pa/ sman pa khyod 'on te myos sam/ tsha ba'i nad kyis btab na nad 'di la 'o ma phan no zhes smra/ khyod kyis sngar 'o ma la dug yod do zhes smras na/ da ji ltar btung / khyod kyis nga la bgam mam/ sman pa snga mas bsngags pa la dug yod do zhes byas pas sman pa gcig bskrad pa'i 'og tu/ nga yang na ba la sman du 'o ma bzang ngo zhes khyod smra ba dang sbyar na/ nga'i sman pa rnying pa ni khyod pas mkhas nges so/ /de nas sman pas yang rgyal po la 'di skad </font><hr>Ka56b<br><font size=+1>


ces gsol to/ /rgyal po/ de skad ma gsung zhig /dper na/ srin bu shing zan gyi rjes las yi ger rung ba'ang yod de/ srin bus ni yi ge yin nam/ ma yin pa mi shes kyi/ de la mkhas pa shes rab can gyis mthong na/ srin bu yi ge shes so zhes ngo mtshar du mi 'dzin to/ /rgyal po chen po/ sman pa snga ma'ang de dang 'dra ste/ nad rnams mi rtogs pas thams cad la sman 'o ma gtong ba ni ji ltar srin bu'i rjes las yi ger 'gyur ba bzhin te/ sman pa snga mas ni 'o ma bzang ngan dang / rung mi rung yang mi shes so/ /rgyal pos smras pa/ sman pa sngams ji lta bur mi shes/ sman pas smras pa/ sman 'o ma zhes bya ba ni gdug pa'ang lags la/ bdud rtsi'ang lags so/ /de la ji ltar na/ 'o ma de gdug pa'ang yin la/ bdud rtsi'ang yin zhe na/ gal te ba nyid sbang ma dang / rtswa sbyin pa dang / phub ma ma zos la/ pe'u yang shin tu dul zhing 'tsho ba'i sa'ang ri mthon po'i steng ma yin/ nags khrod ma yin pa na 'tsho zhing / chu'ang 'bab chu dwangs ma las blung de/ drag tu mi gda'/ khyu mchog dang khyu gcig tu mi btso bar bag yangs su za zhing 'thung la/ 'gro ba dang sdod ba'ang bag yangs su 'gyur ba'i ba'i 'o ma ni nad rnams la phan pas bdud rtsi zhes bya'o/ /de ma yin pa ni thams cad kyang gdug pa dang bcas pa zhes bya'o/ /de'i tshe na rgyal po </font><hr>Ka57a<br><font size=+1>


@#/ /chen pos de skad ces smras pa thos nas sman pa legs so/ /shin tu legs par smras so/ /da slan chad 'o ma bzang ngan dang / rung mi rung yang shes so/ / de nas sman du 'o ma btang nas nad kyang byang bar gyur te/ yul mi thams cad la da phyin chad sman du 'o ma thong zhig ces bkar btags so/ /yul mi rnams kyis de skad ces thos nas thams cad gshe ste/ rgyal po chen po 'di ni yi dwags kyis brlams sam/ smyos sam ci nyes na/ bdag cag bslus te/ sman du 'o ma thong zhig ces gsung / yul mi thams cad khros bzhin du rgyal po'i spyan sngar lhags so/ /de la rgyal pos bka' stsal pa/ khyed nga la ma gshe zhig /sman du 'o ma btang du rung ngam/ mi rung ba ni sman pa 'di'i dpyad yin gyi/ das ni ma nyes so/ /de'i tshe rgyal po chen po dang / yul mi thams cad kyang shin tu dga' zhing mgu bar gyur nas/ sman pa de la lhag par rim gro dang bkur sti bskyed de/ nad pa thams cad la sman 'o ma btang bas nad kyang byang bar gyur to/ /dge slong khyed kyang de lta bu'i tshul du de bzhin gshegs pa dgra bcom pa yang dag par rdzogs pa'i sangs rgyas/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi </font><hr>Ka57b<br><font size=+1>


rnams kyi ston pa sangs rgyas bcom ldan 'das la de ltar rig par bya ste/ sman pa chen po lta bur 'jig rten du gshegs nas/ mu stegs can ngan par lta ba'i sman pa thams cad btul nas rgyal po thams cad la nga ni sman pa'o zhes brjod de/ mu stegs can dag gdul ba'i phyir 'di skad du bdag med do/ /gang zag med/ sems can med/ 'tsho ba med/ shes can med/ shed bdag med/ shes pa dang / mthong ba dang / bya ba dang / byed pa po med do zhes gsungs so/ /dge slong dag /mu stegs can gyis bdag ces brjod pa ni srin bu'i rjes las yi ger gyur pa'ang de dang 'dra ste/ de bas na de bzhin gshegs pas ni sangs rgyas kyi chos la bdag med do zhes gsungs te/ de ni sems can gdul pa'i phyir/ dus mkhyen pa'i phyir de ltar bdag med ces gsungs pa'ang rgyu yod/ rkyen yod pas na/ bdag yod ces gsungs pa ni ji ltar sman pa mkhas pas 'o ma la sman du rung ba dang mi rung ba shes pa dang 'dra ste/ byis pa ma rabs kyis bdag tu 'dzin pa lta bu ni ma yin no/ /byis pa ma rabs kyis bdag tu 'dzin pa ni mthe bo tsam zhe'am/ yungs kar tsam zhe'am/ rdul phra mo tsam du 'dzin to/ /de bzhin gshegs pa bdag ces brjod pa ni de lta bu ma yin pas chos thams cad la bdag med do zhes gsungs kyang yang dag par na bdag med pa </font><hr>Ka58a<br><font size=+1>


@#/ /ma yin te/ bdag ces bya ba ni chos gang bden pa/ yang dag pa/ rtag pa gnas pa/ bdag por gyur pa/ mi 'gyur mi 'pho ba de ni bdag ces bya ste/ ji ltar sman pa chen po de sman 'o ma la mkhas pa bzhin no/ /de bzhin gshegs pa'ang de dang 'dra ste/ so so'i skye bo'i phyir chos thams cad la yang dag par bdag yod do zhes gsungs kyi/ khyed la sogs pas 'khor rnam bzhi'ang de lta bu'i tshul du chos thams cad la nan tan gyis shig/ /'phags pa yongs su mya ngan las 'das pa chen po'i mdo/ bam po bzhi pa/ bcom ldan 'das kyis gzhan yang dge slong rnams la 'di skad ces bka' stsal to/ /dge slong dag /khyed 'dul pa la ji tsam the tshom du gyur pa de dag ji dga' bar dris shig dang / ngas bstan cing bshad de khyed kyis sems rangs par bya'o/ /ngas ni chos thams cad ngo bo nyid kyis stong pa nyid du mngon par rtogs te/ dge slong dag /de bzhin gshegs pas ni chos thams cad rang bzhin gyis stong pa nyid du rtogs par zad do snyam du mi bsam mo/ / dge slong dag /'dul ba la ji tsam du the tshom du gyur pa de dag da zhu ba'i dus la bab bo/ /de nas dge slong rnams kyis bcom ldan 'das la 'di skad ces gsol to/ / </font><hr>Ka58b<br><font size=+1>


bcom ldan 'das/ bdag cag ni shes rab dang mi ldan pas de bzhin gshegs pa dgra bcom pa yang dag par rdzogs pa'i sangs rgyas la zhu zhing gsol ba'i mthu ma mchis so| |de ci'i slad du zhe na/ de bzhin gshegs pa'i spyod yul bsam gyis mi khyab pas ting nge 'dzin yang bsam gyis mi khyab la/ ston pas bstan pa'ang bsam gyis mi khyab pas bdag cag ni shes rab zhan te/ de bzhin gshegs pa la zhu zhing gsol ba'i mthu ma mchis so/ /bcom ldan 'das/ dper bgyi na/ rgan po la brgya nyi shu lon pa/ rgas 'khogs pa/ rtag tu na bas rtsol ba'i mthu ma mchis pa/ nyam chung ba/ tshe'i dbang du ma gyur pa gcig la/ mi phyug po don gnyer ba'i phyir yul gzhan du mchi ba zhig gser srang brgya stong du ma rgan po la gtams nas/ 'di skad du bdag gi nor bu rin po che 'di khyod la gtams kyi/ lo bcu 'am/ gal te lo nyi shu na phyir 'khor gyi/ slar byin cig ces smras so/ /rgan po des rin po che de blangs nas ring po ma lon par nad kyis shi ste/ rabs kyang chad pas rin po che des ci gtams pa rnams kyang thams cad 'khyams par gyur to/ /nor bdag phyir log nas slar blangs pa'i gnas ma mchis par gyur to/ /de ltar glen pa de gtams pa'i rigs sam/ mi rigs pa'i gnas mi 'tshal bas </font><hr>Ka59a<br><font size=+1>


@#/ /yul gzhan nas slar 'khor yang rin po che kun 'khyams te slar blang ba'i gnas ma mchis so/ /bcom ldan 'das/ bdag cag nyan thos rnams kyang de dang 'dra ste/ de bzhin gshegs pas yang dang yang nan tan du 'dul ba bsan pa ni thos nas gzungs su 'dzin cing / chos yun du gnas par bgyid mi nus pa ni/ ji ltar rgan po des pha rol pos gtams pa blangs pa dang mtshungs te/ bdag cag la shes rab ma mchis pas 'dul ba rnams la gang zhu zhing 'dri ba'i cha'ang ma mchis so/ /bcom ldan 'das kyis dge slong dag la bka' stsal pa/ khyed deng nga la zhus na sems can thams cad la phan pa dang bde ba'i don du 'gyur gyi/ de bas na khyed ci dang ci 'dod pa dris shig / de nas dge slong rnams kyis bcom ldan 'das la 'di skad ces gsol to/ /bcom ldan 'das/ dper na/ skyes bu tshad la bab pa/ lo nyi shu rtsa lnga lon pa/ shin tu lang tsho ba| byad gzugs dang ldan pa/ nor rin po che gser dang / dngul dang / bai DUR+Ya rab tu mang ba/ pha dang / ma dang / chung ma dang / bu dang / 'khor du bcas pa zhig la/ gal te mi zhig gis nor rin po che dag gtams te/ de la 'di skad du bdag ni don gnyer zhing yul gzhan du mchi'i/ nor rin po che 'di dag khyod la gtams kyi/ nam </font><hr>Ka59b<br><font size=+1>


'khor ba na slar stsol cig ces smras so/ /de nas skyes bu des bdag gi nor dang 'dra bar shin tu bsrungs so/ /skyes bu de phyis nad kyis btab nas drung gi 'khor kun bsdus te/ 'di skad du rin po che po 'di dag ni che ge mo zhig gis gtams kyi/ nam len du 'ongs pa dang slar byin cig ces bsgo'o/ /mkhas pa shes rab can ni de ltar gtams pa dang / mi gtams pa'i gnas 'chal bas slar 'khor ma thag tu rin po che kun thob bo/ /bcom ldan 'das/ de bzhin du chos kyi dkon mchog 'di'ang gal te/ dga' bo'am/ dge slong dag gtams na yun ring por mi gnas so/ /de ci'i slad du zhe na/ 'od srung chen po dang / nyan thos thams cad ni mi rtag pa ste/ ji ltar rgan po des gzhan gyis gtams pa'i nor len pa dang mtshungs so/ /de bas na bla na ma mchis pa'i chos kyi dkon mchog 'di byang chub sems dpa' rnams la gtams na byang chub sems dpa' rnams ni 'dri pa dang lan glan pa la mkhas pas chos rin po che 'di yun du gnas shing bskal ba tshad med pa'i bar du shin tu rgyas par 'gyur la/ sems can la phan pa'i don du 'gyur te/ ji ltar skyes bu lang 'tsho la nor rin po che gtams pa dang mtshungs so/ /de ltar bas na byang chub sems dpa' chen pos ni zhu zhing gsol ba'i mthu mchis kyi/ bdag cag sbrang bu dang 'dra ba'i shes </font><hr>Ka60a<br><font size=+1>


@#/ /rab kyis ni de bzhin gshegs pa'i chos shin tu zab mo la zhu ba'i mthu ma mchis so/ /zhes gsol nas cang mi smra bar 'khod do/ /de nas bcom ldan 'das kyis shin tu legs so/ /shin tu legs so/ /zhes bstod nas/ dge slong dag /khyed kyis zag pa med pa'i sems dang / dgra bcom pa'i sems legs par thob bo/ /nga'ang de snyam du dgongs te/ rkyen rnam pa de gnyis kyis theg pa chen po 'di byang chub sems dpa' la gtams na dam pa'i chos yun du gnas par 'gyur ro/ / de nas bcom ldan 'das kyis 'khor gyi dkyil 'khor na 'dus pa'i rigs kyi bu dang / rigs kyi bu mo rnams la bka' stsal pa/ nga'i sku tshe ni tshad dpag tu med do/ /so so yang dag par shes pa'ang zad mi shes mod kyi/ khyed 'dul ba dang chos mngon pa las ci dang ci 'dod pa yid bzhin du dris shing / /ces lan gnyis lan gsum gyi bar du bka' stsal to/ /de'i tshe 'khor gyi dkyil 'khor de na byang chub sems dpa' sems dpa' chen po grong khyer ta la zhes bya ba na gnas pa bram ze'i rigs 'od srung chen po zhes bya ba rab tu gzhon pa zhig sangs rgyas kyis byin gyi brlabs kyi 'dug pa las langs nas bla gos phyogs gcig tu byas te/ lan brgya stong du mar bskor nas pus mo g.yas </font><hr>Ka60b<br><font size=+1>


pa'i lha nga sa la btsugs te/ thal mo sbyar nas bcom ldan 'das la 'di skad ces gsol to/ /gal te bdag gis zhus nas zhus pa'i lung bstan par bcom ldan 'das kyis skabs dbye par gnang na/ bdag gis de bzhin gshegs pa la phyogs gcig cig zhu'o/ /bcom ldan 'das kyis 'od srung la bka' stsal pa/ khyod kyis de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / ngas dris pa de dang de'i lung bstan pas khyod kyi sems rang shing the tshom med par bya'o/ /de nas byang chub sems dpa' sems dpa' chen po 'od srung gis bcom ldan 'das la 'di skad ces gsol to/ /bcom ldan 'das kyis thugs brtse ba'i slad du bdag zhu bar gnang na bdag gi shes rab ni sbrang bu lta bur gyur la/ de bzhin gshegs pa'i yon tan ni shin tu mtho bas/ gcan gzan dang / seng+ge lta bu rnam par mi shigs pa'i 'khro gyis yongs su bskor te/ de bzhin gshegs pa'i sku'ang rdo rje lta bu la mdog baiDUR+Ya 'dra ste mi shigs pa lags la/ ye shes dang shes \?\ rab rgya mtsho lta bus yongs su bskor cing / 'khor gyi dkyil 'khor na gnas pa'i byang chub sems dpa' sems dpa' chen po la sogs pa'ang tshad med/ mtha' yas pa'i yon tan mchog dang ldan te/ spos kyi glang po che lta bu'i 'khor gyi dkyil </font><hr>Ka61a<br><font size=+1>


@#/ /'khor 'di'i nang na 'dre bar ga la spobs mod kyi/ 'on gyis kyang sangs rgyas kyi byin gyi rlabs dang / 'khor mang po'i dge ba'i rtsa ba'i shugs kyis cung zad cig zhu bar 'tshal to/ /zhes bcom ldan 'das la tshigs su bcad de gsol pa/ tshe ring bar ni cis 'gyur zhing / /mi 'jig rdo rje'i lus cis 'thob/ /ci yi rgyu dang rkyen gang gis/ /shin tu bstan pa'i stobs kyang 'thob/ /ji ltar mdo sde 'di nyid kyis/ /mthar thug pha rol phyin par 'gyur/ /bcom ldan 'das kyis dgongs pa gang / /sems can dag la bshad du gsol/ /ji ltar che ba nyid 'thob cing / /kun gyi rten dang gnas su 'gyur/ /dgra bcom pa nyid ma yin par/ /dgra bcom pa dang mnyam pa lags/ /ji ltar lha yi bdud rnams kyis/ /bar chad bgyid pa 'tshal bar bgyi/ /bcom ldan gsung dang bdud kyi tshig/ ji ltar rtogs shing 'tshal bar bgyi| /ji ltar kha lo sgyur ba dang / /dgyes bzhin don dam bden pa gsungs/ /yang dag dge dang ldan bzhin du/ /phyin ci log bzhi ston pa lags/ /ji ltar dge ba'i las bgyid pa/ /drang srong chen pos bshad du gsol/ /ji ltar byang chub sems dpa' rnams/ /lta dka' nyid kyang mthong bar 'gyur/ /ji ltar rdzogs pa'i don chud cing / / </font><hr>Ka61b<br><font size=+1>


don gyi phyed tsam rtogs pa lags/ /ji ltar 'phags dang mthun spyod cing / /sa la sa zhes bya lta bu/ /ka ling te dang nyi zla dang / /phod dang skar chen lta bu lags/ /ji ltar sems ni ma bskyed par/ /byang chub sems dpa' zhes su gdags/ /ji ltar 'khor gyi dkyil 'khor du/ /mi 'jigs pa yi sems thob cing / /dzam+bu chu klung gser lta bur/ /skyon dang rnam par bral ba lags/ /ji ltar 'jig rten rnyog pa 'dir/ /pad+mo bzhin du mi chags 'gyur/ /ji ltar kun nas nyon mongs kyang / /kun nas nyon mongs chags mi 'gyur/ /sman pa mkhas pas nad gsos pa/ /nad mi 'go ba lta bu lags/ /'khor ba'i rgya mtsho chen por ni/ /ji ltar ded dpon lta bur 'gyur/ /ji ltar 'khor ba yongs spangs pa/ /sbrul lpags rje ba lta bu lags/ /ji ltar dkon mchog gsum po la/ /yid bzhin lha yi shing lta bu/ /theg pa gsum gyi rigs med na/ /ci yi slad du gsungs par gyur/ /dper na bde ba ma skyes par/ ji ltar bde ba myong zhes bgyi/ /ji ltar byang chub sems dpa' rnams/ /mi shigs pa yi 'khor yang 'thob/ /ji ltar ldongs shing 'thoms pa yi/ /'dren pa yi ni mig tu 'gyur/ / ji ltar mgo mang ston pa yang / /drang srong chen pos bshad du gsol/ /ji ltar chos rnams smra ba dag /zla ba tshes pa bzhin du skye/ /ji lta bur na mthar phyin pa'i/ /mya ngan 'da' ba </font><hr>Ka62a<br><font size=+1>


@#/ /ston pa las/ /ji ltar dpa' zhing brtson pa la/ /mi dang lha dang bdud lam ston/ /ji ltar chos kyi mtshan nyid shes/ /chos kyi bde ba myong ba lags/ / ji ltar byang chub sems dpa' rnams/ /thams cad nad dang bral ba lags/ /ji ltar so so'i skye bo'i phyir/ /dgongs te gsungs pa ston pa lags/ /mthar phyin pa yi don ni gang / /ji ltar mthar ma phyin pa lags/ /the tshom gcod pa'i phyir gsungs na/ /gcig tu nges par cis mi gsung / /ji ltar gya nom bla med pa'i/ /byang chub la ni bsnyen par 'gyur/ /byang chub sems dpa' rnams kyi phyir/ /de bzhin gshegs la bdag zhu'o/ /spyod pa shin tu zab mo yi/ /dam pa dag ni bshad du gsol/ /rnam pa thams cad chos kyi nang / /bde ba'i rang bzhin kun mchis na/ /drang srong chen po mchog gis su/ /rnam par phye ste bstan du gsol/ /skye bo'i rten dang gnas 'gyur ba/ /rkang gnyis mchog ste sman lta bu/ /phung po rnams las zhu brtsams kyang / /'tshal ba'i shes rab ma mchis so/ /de ltar shin tu zab mo yi/ /sangs rgyas rnams kyi spyod yul ni| |byang chub sems dpa' brtson pa yang / /shes par nus pa ma lags so/ /de'i tshe bcom ldan 'das kyis byang chub sems dpa' 'od srung la shin tu legs so/ / </font><hr>Ka62b<br><font size=+1>


shin tu legs so zhes bya ba byin nas/ rigs kyi bu khyod kyis rnam pa thams cad mkhyen pa'i ye shes ma thob mod kyi/ khyod kyis shin tu zab mo'i snying po zhu zhing gsol ba 'di thams cad mkhyen pa'i ye shes kyis 'dri ba dang tha mi dad do/ /rigs kyi bu/ sngon byang chub kyi shing drung du snying por byang chub ste mngon par sangs rgyas pa na/ de'i tshe na yang sangs rgyas kyi zhing tshad med grangs med pa gang+gA'i klung gi bye ma snyed nas byang chub sems dpa' rnams lhags te/ nga la shin tu zab mo'i don dris pa'i tshig gi rnam grangs dang / don dang / yon tan yang 'di dang 'dra ste tha mi dad do/ /gang gis 'di skad du 'dri ba ni sems can tshad med pa snyed la phan pa dang / bde ba'i don du spyod pa yin no/ /de nas byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ bdag la shes rab ma mchis pas 'di lta bu shin tu zab mo'i don dri ba'i mthu ma mchis so| |bcom ldan 'das/ 'di lta ste/ dper na/ sbrang bu dag ni rgya mtsho'i pha rol tu 'phur nus pa'i mthu'am/ nam mkha'i dbyings kun tu phyin pa'i mthu ma mchis so/ /bdag kyang de dang 'dra bar de bzhin gshegs pa'i ye shes kyi rgya mtsho'i chos nyid nam mkha' lta bu shin tu zab mo'i don dri ba'i mthu ma mchis so/ /bcom ldan 'das/ dper na/ </font><hr>Ka63a<br><font size=+1>


@#/ /rgyal po'i gtsug phud la 'dogs pa'i nor bu rin po che bang mdzod srung ba'i blon po la bzhag na blon po des spyi bos len te/ srung ba'i dam bzhag cher bgyid do/ /bdag kyang de bzhin du de bzhin gshegs pas gsungs pa'i don/ shin tu rgyas pa'i don zab mo 'di spyi bos len te srung ba'i nan tan cher bgyid do/ /de ci'i slad du zhe na/ bdag gis shes rab shin tu zab mo bsgrubs pa'i slad du'o/ /de nas bcom ldan 'das kyis byang chub sems dpa' 'od srung la bka' stsal pa/ rigs kyi bu/ shin tu legs par nyon cig dang / de bzhin gshegs pa'i sku tshe ring ba'i las khyod la bshad do/ /byang chub sems dpa' las de'i rgyu dang rkyen thos pas tshe ring bar 'gyur gyi/ de bas na shin tu legs par nyon cig/ ci tsam du las gang gis byang chub kyi rgyur 'gyur ba de la ni shin tu legs par gzung zhing mnyan par bya'o/ /thos nas kyang gzhan la rgya cher bstan par bya'o/ /rigs kyi bu/ ngas kyang sngon las de dag sgrub pa'i nan tan shin tu byas pas myur du bla na med pa yang dag par rdzogs pa'i byang chub tu mngon par sangs rgyas te/ de yang khyod la rgyas par bshad par bya'o/ /rigs kyi bu/ 'di lta ste/ dper na/ rgyal bu rgyal tshab gcig mnyes pa byas te btsas nas rgyal po de byams shing </font><hr>Ka63b<br><font size=+1>


dran pa'i phyir gang nas gang du btsas pa'i gnas de dag tu bltar 'gro'o/ /byang chub sems dpa' yang tshe ring bar 'dod na de bzhin du sems can thams cad la bu dang 'dra bar bsrung zhing byams pa dang / snying rje dang / dga' ba dang / btang snyoms chen po bskyed de/ srog mi gcod pa'i khrims gzung bar bya'o/ /dge ba'i chos la gzud cing sems can thams cad khrims lnga dang / dge ba bcu'i las kyi lam la dgod do/ /gzhan yang sems can dmyal ba dang / yi dwags dang / byol song dang / lha ma yin gyi gnas dang / rgyud thams cad du sdug bsngal ba'i sems can thams cad bsgral ba ni ma grol pa rnams grol bar bya ba dang / pha rol tu ma phyin pa rnams pha rol tu phyin par bya ba dang / mya ngan las ma 'das pa rnams mya ngan las 'da' bar bya ba dang / 'jigs skrag pa rnams bde bar spro bsring ngo / /de lta bu'i las kyi rgyu dang rkyen gyis byang chub sems dpa' tshe ring bar 'gyur zhing shes rab kyi dbang thob pa dang / gang nas gang du tshe 'phos kyang mtho ris kyi lhar skye bar 'gyur ro/ /de nas byang chub sems dpa' 'od srung gis bcom ldan 'das la 'di skad ces gsol to/ / bcom ldan 'das/ byang chub sems dpa' sems dpa' chen pos sems can thams cad la bu gcig pa dang 'dra bar 'du shes bskyed do zhes bgyi ba'i don shin tu zab \?\ </font><hr>Ka64a<br><font size=+1>


@#/ /bdag gis mi rig go /bcom ldan 'das/ byang chub sems dpa' sems dpa' chen po sems can thams cad la sems mnyam par bu gcig pa dang 'dra bar 'du shes bskyed do zhes de bzhin gshegs pas gsungs pa mi rigs so/ /de ci'i slad du zhe na/ de bzhin gshegs pas bstan pa la zhugs pa dag kha cig ni tshul khrims nyams pa'ang mchis/ kha cig ni kha na ma tho ba'i chos bgyid/ kha cig ni dam pa'i chos nyams par bgyid pa dag kyang mchis na/ ji lta bur de dag la bu gcig pa dang 'dra bar 'du shes bskyed par bgyi/ bcom ldan 'das kyis 'od srung la bka' stsal pa/ de de bzhin no/ /de de bzhin te/ nga ni sems can thams cad la sras sgra gcan 'dzin dang 'dra bar bur 'du shes so/ /bcom ldan 'das la 'od srung gis 'di skad ces gsol to/ /sngon zla ba nya ba bco lnga'i nyin par dge 'dun yongs su dag pa dag gso sbyong bgyid pa ni khye'u gzhon nu lus dang / ngag dang / yid ma byang ba zhig dben pa'i gnas nas dge 'dun gso sbyong bgyid pa mnyan pas lag na rdo rje sangs rgyas kyi byin gyi rlabs kyis rdo rje'i gtun gyis rdul bzhin du bgyis nas/ bcom ldan 'das/ lag na rdo rje de shin tu khro bas khye'u de srog dang phral na ci'i slad du de bzhin gshegs pas </font><hr>Ka64b<br><font size=+1>


sems can thams cad la sras sgra gcan 'dzin dang 'dra'o zhes gsungs/ bcom ldan 'das kyis 'od srung la bka' stsal pa/ khyod de skad ma zer cig/ khye'u gzhon nu de'ang sprul pa tsam du zad kyi/ yang dag par na mi ma yin te/ de ni tshul khrims nyams pa dag dge 'dun yongs su dag pa'i nang nas dbyung pa'i phyir ro/ /lag na rdo rje'ang sprul pa tsam du zad do/ 'od srung / dam pa'i chos ma rung bar byas pa dang / log sred can dang / srog gcod pa dang / ngan par lta ba dang / tshul khrims nyams pa dag la'ang nga ni thugs rje chen po bskyed de/ sras sgra gcan 'dzin dang 'dra bar lta'o/ /rigs kyi bu/ dper na/ rgyal po ni blon po dag nyes pa byung ste khrims las 'gal na mi gtong ste/ khrims ci la bab pa dang sbyor ro/ /de bzhin gshegs pa ni de lta ma yin te/ bstan pa las nyams pa yod na bskrad pa'i las bya ba dang / spyo ba'i las bya ba dang / gzhag pa'i las bya ba dang / nyes pa gleng ba'i las bya ba dang / mi snang bar bya ba'i las bya ba dang / zhi bar bya ba'i las bya ba dang / ngan par lta ba spong ba'i las byed do/ /rigs kyi bu/ de bzhin gshegs pas ni chos la skur pa dag la yongs su gdul ba'i las byed de/ ngan par spyod pa dag rnam par smin pa'i 'bras bu ston par byed do/ /rigs kyi bu/ 'di ltar rig par bya ste/ de </font><hr>Ka65a<br><font size=+1>


@#/ /bzhin gshegs pas ni sems can ngan pa dag la mi 'jigs pa sbyin pa yin no/ /gal te 'od zer gcig gam/ gnyis sam/ lnga bkye bas gang la reg pa'i sems can de dag ni sdig pa yongs su spong bar 'gyur ro/ /de bas na de bzhin gshegs pa ni de lta bu'i mthu tshad med pa dang ldan no/ /rigs kyi bu/ gang ma mthong pa'i chos rnams khyod kyis mthong bar 'dod na khyod la de'i phyogs tsam zhig bstan par bya'o/ /nga yongs su mya ngan las 'das pa'i 'og tu phyogs gang na dge slong tshul khrims dang ldan zhing spyod lam ma nyams pa/ dam pa'i chos yongs su srung ba dag gis chos ma rung bar byed pa rnams mthong nas skrod cing chad pas kyang gcod pa'i skyes bu de ni bsod nams tshad med dpag tu med pa thob par rig par bya'o/ /rigs kyi bu/ 'di lta ste/ dper na/ rgyal po chos ngan pa 'ba' zhig spyod pa zhig nad kyis btab pa las yul de dang nye ba'i rgyal po zhig de ltar na par gyur pa thos nas/ rgyal po nad pa de med par bya ba'i phyir dmag drangs so/ /rgyal po nad pa de mthu dang dpung chung bas 'jigs skrag ste/ mi dge ba btang nas dge ba la brtson par gyur na phas rgol ba'i rgyal po des bsod nams tshad med pa 'thob par 'gyur ro/ /de bzhin du chos 'dzin pa'i dge slong dag kyang de dang </font><hr>Ka65b<br><font size=+1>


'dra bar chos ma rungs par byed pa'i gang zag dag skrod pa dang / chad pas gcod pa'i las byas te dge ba'i chos la btsud na bsod nams tshad med pa 'thob par 'gyur ro/ /rigs kyi bu/ 'di lta ste/ dper na/ khyim bdag gcig gi khyim du dug gi sdong po skyes na khyim bdag des dug yin par shes ma thag tu rtsa ba nas med par byed do/ /gzhan yang skyes bu lang tsho ba'i mgo la skra dkar zhig byung na de ngo tsha ste de ma thag tu rtsa ba nas bton te phyis mi skye ba'i chos su med par byed do/ /chos 'dzin pa'i dge slong yang de dang 'dra ste/ dge slong tshul khrims nyams pa dam pa'i chos ma rungs par byed pa mthong na gnas nas bskrad cing chad pas gcad par bya'o/ /dge slong dge bas bslab tshigs nyams pa dag mthong ste gnas nas ma bskrad dam/ chad pas ma bcad na de ni sangs rgyas kyis bstan pa'i chos kyi dgra yin par rig par bya'o/ /gang gis gnas nas skong dam/ chad pas gcod na de ni nga'i nye gnas nyan thos yang dag pa yin no/ /yang bcom ldan 'das la byang chub sems dpa' 'od srung gis 'di skad ces gsol to/ /ji ltar bcom ldan 'das kyis gsungs pa ltar na sems can thams cad la sras sgra gcan 'dzin dang 'dra bar gzigs so zhes bgyi ba ma rung ngo / /bcom ldan 'das/ gal te gang zag gcig gis mtshon thogs te sangs rgyas la 'debs pa dang / / </font><hr>Ka66a<br><font size=+1>


@#/ /gang zag gcig gis tsan+dan gyi lde gus sangs rgyas kyi sku la byugs pa gnyis la/ bcom ldan 'das kyis thugs mnyam par gzigs na/ ci'i slad du bslab tshigs nyams pa dag chad pas bcad do zhes gsungs/ ci ste bslab tshigs nyams pa dag chad pas bcad na gsung ba dang 'gal lo/ /bcom ldan 'das kyis byang chub sems dpa' 'od srung la bka' stsal pa/ rigs kyi bu/ 'di lta ste/ dper na/ rgyal po'am/ blon po chen po zhig la bu gzugs byad dang ldan pa shes rab rno ba gnyis sam/ gsum mam/ bzhi yod de/ slob dpon ston pa mkhas pa la gnas bcas nas/ 'di skad du bdag gis bu 'di dag tshul dang / gtsug lag dang / rtsal dang| yi ge dang / bgrang ba dang / rtsis lobs pa zhig tu bslab par gsol lo/ /bdag gis bu bzhi po 'di khyod la bcol gyi/ ci ste bu gsum lcag 'og tu shi'ang bla'i/ bu gcig bslab pa lobs par bya ba'i phyir nan tur skyed cig /bu gsum po shi'ang bdag ni 'khon du mi 'dzin to/ /'od srung / de la ji snyam du sems/ bu de'i pa dang / slob pa'i slob dpon de gsod pa'i nyes pa thob bam/ gsol pa/ bcom ldan 'das/ ma lags so/ /de ci'i slad du zhe na/ sdug par bsams te/ bslab pa lobs par </font><hr>Ka66b<br><font size=+1>


bgyi ba lags kyi/ mi sdug par bsams te bslab pa ma lags pas/ bsod nams tshad med pa thob par 'gyur ro/ /rigs kyi bu/ de bzhin gshegs pa'ang de dang 'dra ste/ bslab tshigs nyams pa dag la'ang bu gcig pa dang 'dra bar gzigs so/ /de bzhin gshegs pas bla na med pa'i dam pa'i chos ni rgyal po dang / blon po chen po dang / dge slong dang| dge slong ma dang / dge bsnyen dang / dge bsnyen ma la gtams shing gtad pas rgyal po dang / 'khor rnam bzhis gang bslab pa la zhugs pa dag lhag pa'i tshul khrims dang| ting nge 'dzin dang / shes rab thob par skul cig /gang bslab pa gsum po 'di la mi slob cing le lo byed pa dang / tshul khrims nyams pa dang / chos ma rung bar byed na rgyal po dang / blon po chen po dang / 'khor rnam bzhis chad pas chod cig /rigs kyi bu/ rgyal po de dang / 'khor rnam bzhi po de kha na ma tho ba'i sdig 'thob par 'gyur ram/ ma lags so/ /bcom ldan 'das kyis bka' stsal pa/ rigs kyi bu/ de ltar rgyal po de dang / 'khor rnam bzhi po de'ang sdig par mi 'gyur na de bzhin gshegs pa lta smos kyang ci dgos/ rigs kyi bu/ de bzhin gshegs pa ni de ltar mnyam pa'i thugs kyis sems can thams cad la bu gcig pa dang 'dra bar dgongs so/ /gang de ltar sems </font><hr>Ka67a<br><font size=+1>


@#/ /pa de ni byang chub sems dpa' mnyam pa'i sems kyis sems can thams cad la bu gcig pa dang 'dra bar 'du shes pa zhes bya'o/ /rigs kyi bu/ byang chub sems dpa' gang de ltar las de la nan tan byed pa ni tshe ring bar 'gyur zhing sngon gyi gnas kyang shes par 'gyur ro/ /byang chub sems dpa' 'od srung gis yang bcom ldan 'das la 'di skad ces gsol to/ /sangs rgyas kyis gsungs pa ltar byang chub sems dpa' gang mnyam pa'i sems la nan tan byas te/ sems can thams cad la bu gcig pa dang 'dra bar 'du shes pas tshe ring bar 'gyur ro zhes de bzhin gshegs pas de skad gsung ba mi rigs so/ /de ci'i slad du zhe na/ 'di lta ste/ shes rab dang ldan pa'i sri zhur bgyi ba'i chos rnam pa sna tshogs kyang ston mkhas pa zhig khyim du mchis nas pha ma la rdo dbyug gis 'tshog go/ pha ma ni bsod nams kyi zhing lags te/ phan pa dang bde ba 'ba' zhig bgyid cing shin tu phrad dka' bas de ni mchod par 'os na/ de la gnod pas rnam par gtses na chos 'tshal ba de smra ba dang bgyid par mi mthun te 'gal lo/ /de bzhin gshegs pa'ang de dang 'dra ste/ de ltar byang chub sems dpa' sems mnyam pa la nan tan bgyid cing sems can thams cad la bu gcig dang 'dra bar 'du shes pas tshe </font><hr>Ka67b<br><font size=+1>


ring zhing sngon gyi gnas shes par 'gyur la mi 'pho ste/ rtag tu 'jig rten na gnas pa zhig lags na/ ci'i slad du/ bcom ldan 'das/ mi dang 'dra bar sku tshe rab tu thung bar gyur/ de bzhin gshegs pas sems can thams cad la dgra lta bur dgongs pa mnga'am/ bcom ldan 'das/ sngon sdig pa ci zhig mdzad cing ji snyed kyi srog gi dbang po dang phral na 'di ltar sku tshe lo brgya'ang ma thub par rab tu thung bar gyur/ bcom ldan 'das kyis 'od srung la bka' stsal pa/ rigs kyi bu khyod ci'i phyir de bzhin gshegs pa'i spyan sngar ma rtsis pa'i tshig 'di lta bu smras/ de bzhin gshegs pa'i sku tshe ni tshe'i nang na mchog tu gyur/ phul du gyur te/ rtag pa'i chos kyi nang na'ang mchog tu gyur/ phul du gyur to/ /byang chub sems dpa' 'od srung gis yang bcom ldan 'das la gsol ba/ de bzhin gshegs pa'i sku tshe ring zhes bgyi ba ji lta bu lags/ bcom ldan 'das kyis 'od srung la bka' stsal pa/ rigs kyi bu| chu klung chen po brgyad yod de/ gang+gA zhes bya ba dang / yam pa la dang / sa la dang / a li la bar ta dang / ma hA dang / sin+d+hu dang / pak+Shu dang / si ta zhes bya ba chu klung chen po brgyad dang / de ma yin pa'i chu bran thams cad kyang rgya mtsho chen por 'bab bo/ /'od srung de bzhin du lha dang bcas pa dang / sa dang nam mkha' la gnas pa thams cad kyi tshe srog gi chu </font><hr>Ka68a<br><font size=+1>


@#/ /klung thams cad de bzhin gshegs pa'i sku tshe'i rgya mtshor 'bab bo/ /de bas na de bzhin gshegs pa'i sku tshe ni tshad med do/ /'od srung / gzhan yang 'di lta ste/ mtsho ma dros zhes bya ba las chu klung chen po bzhi 'bab bo/ /de bzhin gshegs pa'ang de dang 'dra bar tshe thams cad kyi 'byung gnas yin no/ /'od srung 'di lta ste/ rtag pa'i chos thams cad kyi nang na nam mkha' ni mchog go/ de bzhin gshegs pa'ang de bzhin du rtag pa'i nang na mchog tu gyur/ phul du gyur to/ /'od srung 'di lta ste/ sman gyi nang na mar gyi snying po ni mchog go /de bzhin du de bzhin gshegs pa'ang sems can thams cad kyi nang na sku tshe'i mchog tu gyur to/ /byang chub sems dpa' 'od srung gis yang bcom ldan 'das la gsol pa/ de bzhin gshegs pa'i sku tshe de ltar gyur na/ bskal pa gcig gam/ bskal pa gcig 'gribs kyi bar du bzhugs te/ dam pa'i chos kyi char rtag tu dbab pa'i rigs so/ /bcom ldan 'das kyis bka' stsal pa/ 'od srung / khyod kyis de bzhin gshegs pa la 'gog pa'am/ zad pa'i 'du shes ma skyed cig/ 'od srung / ci ste dge slong ngam/ dge slong ma'am/ dge bsnyen nam/ dge bsnyen ma'am/ mu stegs can gyi bar du mngon par shes pa lnga dang ldan pa dbang du gyur pa dag kyang </font><hr>Ka68b<br><font size=+1>


bskal pa gcig gam/ bskal pa gcig 'gribs kyi bar du nam mkha' stong pa la 'gro ba dang / sdod pa dang / 'dug pa dang / nyal ba'i dbang thob nas rtsib logs g.yon nas ni me 'bar/ rtsib logs g.yas nas ni chu 'bab/ lus kyi stod nas ni dud pa 'thul te/ me'i phung po chen po lta bur yang bsgyur la/ gal te tshe'i bar du gnas par 'dod na'ang yid bzhin du gnas te/ tshe ring thung gi dbang thob nas de ltar mngon par shes pa lnga thob pa tsam gyis kyang yid bzhin gyi mthu dang ldan na/ de bzhin gshegs pa chos thams cad la dbang sgyur ba'i mthu brnyes pa lta ci smos te/ sku tshe bskal pa phyed dam/ bskal pa gcig gam/ bskal pa brgya'am/ bskal pa stong ngam/ bskal pa tshad med pa'i bar du gnas pa lta ci smos te/ don de lta bas na de bzhin gshegs pa ni rtag pa'i sku/ gnas pa'i chos can/ mi 'gyur ba'i chos can du rig par bya'o/ /de bzhin gshegs pa'i sku ni sprul pa'i sku ste/ zas rnams kyi sku ma yin gyi/ sems can bsgral pa'i phyir dug gi sdong po dang 'dra bar bstan te/ de bas na yongs su mya ngan las 'da' ba bstan par rig par bya'o/ /'od srung / de bas na de bzhin gshegs pa ni rtag pa'i chos can/ mi 'gyur ba'i chos can du rig par bya ste/ khyed la sogs pas don dam pa la brtson 'grus shin/ </font><hr>Ka69a<br><font size=+1>


@#/ /tu nan tan bya'o/ /shin tu nan tan byas nas kyang gzhan dag la rgya cher bshad do/ /de nas byang chub sems dpa' 'od srung gis yang bcom ldan 'das la 'di skad ces gsol to/ /'jig rten las 'da' ba'i chos dang / 'jig rten gyi chos la bye brag dang khyad par ci mchis/ sangs rgyas kyis gsungs pa ltar sangs rgyas kyang rtag pa'i chos can/ mi 'gyur ba'i chos can lags na/ 'jig rten pa tshangs pa'i lha'ang rtag la/ dbang sgyur gyi lha'ang rtag ste/ mi 'gyur ba'i chos can bdag ces bya ba'ang rtag la/ rang bzhin yang rtag /rdul phra mo yang rtag ces mchi na/ ci ste de bzhin gshegs pa'ang rtag pa'i chos can lags na/ de bzhin gshegs pas ci'i slad du rtag pa mngon par mi ston/ ci ste rtag pa mngon par mi ston na bye brag dang khyad par yang ci zhig mchis/ tshangs pa'i lha nas rdul phra mo dang / rang bzhin rtag ces mchi ba'ang mngon par ni ma mchis so/ /bcom ldan 'das kyis 'od srung la bka' stsal pa/ 'di lta ste/ dper na/ khyim bdag gcig la ba rnam pa mang po bdog pa'i spu mdog mi mthun yang / khyu gcig tu rdzi'u la gtad de/ rtswa dang chu ga la yod par snyegs shing 'tsho'o/ /de'ang zho dang 'o ma tsam gyi phyir ma yin gyi/ mar gyi snying po </font><hr>Ka69b<br><font size=+1>


'dod pa'i phyir ro/ /khyim bdag de phyis shi nas ba rnams kyang rkun pos ded do/ /rkun po de dag la bud med med pas/ ba bzhos nas so sor 'thungs so/ /phyis rkun po de dag gcig la gcig 'di skad du sngon khyim bdag chen po de ba 'di snyed gso ba'ang zho dang 'o ma tsam gyi phyir ma yin gyi/ mar gyi snying po 'ba' zhig 'dod par zad na/ da bdag cag gis kyang thabs ci zhig byas na/ mar gyi snying po thob par 'gyur zhes bgros so/ /mar gyi snying po zhes bya ba ni 'jig rten na ro bro ba thams cad kyi nang na mchog yin te/ ci ste 'o ma yod du zin gyis kyang / blugs pa'i snod med ces smras so/ /yang 'di skad du bdag cag la rkyal pa yod pas rkyal par blugs zhes bgros te blugs pa'i gnas yod du zin gyis kyang zho dang srub pa'i thabs mi shes pas de dag gis dar ba tsam yang thob par mi nus na mar tha mal pa la lta ci smros te/ de'i tshe rkun po ma rungs pa de dag mar gyi snying po 'dod pa'i phyir yang dang yang chu bsnan pas 'o ma dang / zho dang mar gyi snying po'i bar du bcas te nyams par gyur te/ skye bo glen pa'ang de dang 'dra ste/ dge pa'i bag cung zad yod pa'ang de bzhin gshegs pa'i dam pa'i chos las byung ngo / /de ci'i phyir zhe na/ sangs rgyas bcom ldan 'das yongs su mya ngan las 'das nas </font><hr>Ka70a<br><font size=+1>


@#/ /de bzhin gshegs pa'i dge ba'i chos tshul khrims dang / ting nge 'dzin dang / shes rab kyi cha las brkus pa ni ji ltar rkun po rnams kyis ba brkus pa bzhin no| |skye bo glen pa dag kyang tshul khrims dang / ting nge 'dzin dang / shes rab kyi cha tsam thob mod kyi/ sbyor ba'i thabs med pas rnam par grol zhing ston mi nus so/ /don de lta bas na rtag pa'i tshul khrims sam/ rtag pa'i ting nge 'dzin nam/ rtag pa'i shes rab bam/ rnam par grol ba'i bar du thob par mi nus pa ni rkun po de dag thabs mi shes te/ mar gyi snying po mi thob pa dang mtshungs so/ /rkun po de dag mar gyi snying po 'dod pa'i phyir chu bsnan pa ltar skye bo ma rabs kyang de dang 'dra ste/ rnam par thar pa 'dod pa'i phyir bdag dang / sems can dang / srog dang / skyes bu dang / tshangs pa dang / dbang sgyur gyi lha dang / rdul phra mo dang / 'jig rten gyi rang bzhin dang / tshul khrims dang / ting nge 'dzin dang / shes rab dang / rnam par grol ba dang / 'du shes med pa dang / 'du shes med min skye mched kyi bar du mya ngan las 'das pa'o zhes smras te/ de ni yang dag par rnam par grol ba'am/ mya ngan las 'da' pa mi thob pa ni/ ji ltar rkun po de dag mar gyi snying po mi thob pa bzhin no/ /skye bo ma rabs dag tshangs par spyod pa cung zad tsam dang / pha ma la </font><hr>Ka70b<br><font size=+1>


sri zhu byas pa tsam gyi rgyu dang rkyen gyis mtho ris kyi lhar skye ste/ bde ba'i longs spyod cung zad myong ba ni/ ji ltar rkun po de dag 'o ma la chus bsnan pa bzhin no/ /skye bo ma rabs dag ni tshangs par spyod pa cung zad tsam dang / pha ma la sri zhu byas pa tsam gyi rgyus mtho ris kyi lhar skyes par mi shes so/ /gzhan yang tshul khrims dang / ting nge 'dzin dang / shes rab dang / dkon mchog gsum la skyabs su 'gro bar mi shes so/ /de ltar mi shes pas rtag pa dang / bde ba dang / bdag dang / yongs su dag pa smra mod kyi/ de'ang mi shes so/ /de bas na de bzhin gshegs pa 'jig rten du gshegs nas rtag pa dang / bde ba dang / bdag dang / yongs su dag pa bstan cing bshad do/ /ji ltar 'khor los bsgyur ba'i rgyal po 'jig rten du byung na/ de'i bsod nams kyi shugs kyis rkun po ma rungs pa dag so sor 'byer zhing 'bros so/ /ba rnams ma shi bas 'khor los bsgyur ba'i rgyal pos rdzi'u thabs dang ldan pa la gtad de/ rdzi'u thabs dang ldan pas mar gyi snying po'ang yod par gyur to/ /mar gyi snying po yod pas sems can thams cad kyang nad kyi sdug bsngal dang bral lo/ /chos kyi 'khor los bsgyur ba'i rgyal po 'jig rten du gshegs nas skye bo ma rabs dag tshul khrims dang / ting nge 'dzin dang / shes rab ston mi nus te/ so sor 'byer zhing 'bros so/ / </font><hr>Ka71a<br><font size=+1>


@#/ /de'i tshe bcom ldan 'das kyis 'jig rten gyis chos dang / 'jig rten las 'das pa'i chos sems can gyi don du byang chub sems dpa' rnams la bstan cing bshad nas/ byang chub sems dpa' sems dpa' chen po'ang mar gyi snying po lta bu thob par gyur te/ gzhan yang sems can mtha' yas dpag tu med pa dag bla na med pa'i chos bdud rtsi lta bu thob par bya ba ni/ 'di lta ste/ de bzhin gshegs pa'i rtag pa dang / bde ba dang / bdag dang / yongs su dag pa'i chos rnams so/ /don de lta bas na/ rigs kyi bu| de bzhin gshegs pa ni rtag pa dang mi 'gyur ba'i chos can yin te/ 'jig rten pa skye bo ma rabs dag gis tshangs pa'i lha la sogs pa la rtag pa'i chos can yin no zhes smra ba dang mi 'dra ste/ rtag pa'i chos su grags pa 'di ni/ mdor na de bzhin gshegs pa la bya'i/ chos gzhan dag ni ma yin no/ /'od srung / de lta bas na de bzhin gshegs pa'i skur rig par bya'o/ /'od srung / gang rigs kyi bu'am rigs kyi bu mo dag ni rtag tu rtse gcig pa'i sems kyis sangs rgyas rtag pa dang gnas pa'o zhes bya ba'i tshig 'di gnyis la nan tan bya'o/ /'od srung / gang rigs kyi bu'am rigs kyi bu mo dag ni tshig 'di gnyis la nan tan byed na/ gang zag de ni nga'i rjes su spyod cing ngas phyin pa'i gnas </font><hr>Ka71b<br><font size=+1>


su phyin par rig par bya'o/ /rigs kyi bu/ gang gis tshig 'di gnyis la nan tan byed pa de mtshan ma spangs na de bzhin gshegs pas yongs su mya ngan las 'da' bar dgongs par rig par bya'o/ /rigs kyi bu/ mya ngan las 'da' ba'i don ni sangs rgyas kyi chos nyid do/ /de nas bcom ldan 'das la byang chub sems dpa' 'od srung gis 'di skad ces gsol to// bcom ldan 'das/ chos nyid ces bgyi ba'i don ji lta bu lags/ bcom ldan 'das/ bdag ni chos nyid kyi don ji lta bu lags pa mi 'tshal na/ de bzhin gshegs pas thugs brtse ba'i slad du rgyas par bstan du gsol/ chos nyid ces bgyi ba ni lus dang rnam par bral/ lus dang bral ba ni ci'ang ma mchis pa ste/ ci'ang ma mchis na lus zhes bgyi ba'ang ji ltar rnam par gzhag /lus rnam par bzhag tu mchis na ni lus la chos nyid kyang ma mchis par 'gyur ro/ /lus la chos nyid kyang ma mchis par gyur na ji lta bur rnam par gzhag/ bdag gis don de dag ji ltar rig par bgyi zhes gsol nas/ bcom ldan 'das kyis byang chub sems dpa' 'od srung la 'di skad ces bka' stsal to/ /rigs kyi bu khyod kyis 'di ltar chos nyid dgag par mi bya'o/ /chos nyid ces bya ba la ni 'gog pa med do/ /rigs kyi bu/ dper na/ 'du shes med pa'i lha dag gzugs kyi phung po dang ldan mod kyi/ gzugs kyi </font><hr>Ka72a<br><font size=+1>


@#/ /'du shes med pas lha de la ni ji ltar gnas/ bde ba la ji ltar longs spyod/ ji ltar 'du shes la spyod/ ji ltar thos shing mthong zhes 'dri ba'i mi rigs so/ /rigs kyi bu/ de bzhin gshegs pa'i spyod yul ni nyan thos dang rang sangs rgyas kyis shes pa ma yin no/ /rigs kyi bu/ de bzhin gshegs pa'i sku la ni 'gog pa'i chos so zhes smra bar mi bya'o/ /rigs kyi bu/ 'gog pa'i chos ni sangs rgyas kyi spyod yul yin gyi/ nyan thos dang rang sangs rgyas kyis shes pa ma yin no/ /rigs kyi bu/ khyod kyis ni/ de bzhin gshegs pa gang du gnas/ gang du spyod/ gang du gzigs/ ci la longs spyod pa rtog cing dpag par mi bya'o/ /rigs kyi bu/ don de dag ni khyod la sogs pas shes shing rtogs pa ma yin te/ sangs rgyas kyi chos kyi sku dang / rnam pa sna tshogs kyi thabs ni bsam gyis mi khyab bo/ /rigs kyi bu/ gzhan yang sangs rgyas dang / chos dang / dge 'dun la rtag tu dran zhing nan tan bya'o/ /chos rnam pa gsum po 'di ni tha dad pa ma yin pa'i mtshan nyid/ mi rtag pa ma yin pa'i mtshan nyid/ mi 'pho ba'i mtshan nyid do/ /gang zhig chos rnam pa gsum po 'di la tha dad par 'du shes na skye bo de ni skyabs su 'gro ba gsum la mi gnas pa/ tshul khrims dang mi ldan pa zhes bya ba ste/ nyan thos </font><hr>Ka72b<br><font size=+1>


dang rang sangs rgyas kyi byang chub kyang thob par mi nus so/ /gang gis bsam gyis mi khyab pa de la rtag pa'i 'du shes kyis nan tan byed na de ni skyabs su 'gro ba'i gnas yin no/ /rigs kyi bu| dper na/ shing yod pa'i rkyen gyis grib ma yod do/ /de bzhin gshegs pa'ang de dang 'dra ste/ rtag pa'i chos yod pas skyabs su 'gro ba'i gnas yod kyi/ mi rtag pa ni ma yin no| |gang zhig de bzhin gshegs pa la mi rtag pa'o zhes smra na/ de bzhin gshegs pa'ang lha dang 'jig rten du bcas pa'i skyabs su 'gro ba'i gnas ma yin no/ /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ dper na/ nam rmus na skyes shing mchis kyang grib ma ni ma mchis so/ /bka' stsal pa/ 'od srung / shing yod la grib ma med ces mi bya'o/ /de ni sha'i mig gis mi mthong ba'i phyir ro/ /rigs kyi bu/ de bzhin gshegs pa'ang de dang 'dra ste/ rang bzhin nyid kyis rtag tu gnas la mi 'gyur mi 'pho mod kyi/ shes rab kyi mig med pas ni mthong bar mi nus te/ ji ltar nam rmus pa'i tshe shing gi grib ma mi mthong ba bzhin no/ /skye bo ma rabs kyang sangs rgyas mya ngan las 'das nas gang gis de bzhin gshegs pa ni mi rtag pa'o zhes smra ba'ang de dang 'dra ste/ gang gis de bzhin gshegs pa ni chos dang / dge </font><hr>Ka73a<br><font size=+1>


@#/ /'dun dang tha dad do zhes smra na/ de ni skyabs su 'gro ba'i gnas gsum por mi 'gyur ro/ /dper na/ khyod kyi pha ma ni so so tha dad pa'i phyir mi rtag ces byar rung ngo / /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ bdag ni gdod sangs rgyas dang / chos dang / dge 'dun rtag pa dang / rabs bdun gyi pha ma'i bar du dran par gyur pa ni ngo mtshar che'o/ /bcom ldan 'das/ bdag gis de bzhin gshegs pa dang / chos dang / dge 'dun bsam gyis mi khyab pa la/ goms par bgyid de/ bdag de la goms nas gzhan dag la'ang don de rgya cher bstan par bgyi'o/ /gang zhig 'di la yid mi ches pa de ni yun ring po nas mi rtag pa bsgom pa ste/ bdag gis de la ni ba mo 'am/ ser ba lta bur bgyi'o/ /de nas bcom ldan 'das kyis byang chub sems dpa' 'od srung la legs so/ /legs so/ /zhes bka' stsal nas/ khyod ni dam pa'i chos shin tu srung zhing yongs su 'dzin pa ste/ de ltar chos srung zhing sems can la mi slu pa'i dge ba'i las de nyid kyi rkyen gyis tshe ring ba dang sngon gyi gnas shes par 'gyur ro/ /'phags pa yongs su mya ngan las 'das pa chen po'i mdo las/ sku tshe'i </font><hr>Ka73b<br><font size=+1>


le'u zhes bya ste gcig go/ /de nas bcom ldan 'das kyis 'od srung la 'di skad ces bka' stsal to/ /rigs kyi bu/ de bzhin gshegs pa'i sku zhes bya ba ni rtag tu gnas pa'i sku/ mi 'jig pa'i sku/ rdo rje'i sku/ zas rnams kyi sku ma yin gyi/ chos kyi sku'o/ /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das kyis gsungs pa ltar sku de dag ni bdag gis ma mthong gi /mi rtag pa dang / 'jig pa dang / rdul dang / zas rnams kyi skur mthong ngo| |de ci'i slad du zhe na/ de bzhin gshegs pa yongs su mya ngan las 'das par gshegs pa'i slad du'o/ /bcom ldan 'das kyis 'od srung la bka' stsal pa/ khyod kyis de bzhin gshegs pa'i sku la snying po med pa'am/ 'jig pa can skye bo ma rabs kyi lus dang 'dra bar mi blta'o/ /rigs kyi bu khyod kyis 'di ltar rig par bya ste/ de bzhin gshegs pa'i sku ni bskal pa tshad med pa'i bar du brtan pa/ snying po can mi 'jig pa/ lha dang mi'i lus lta bu ma yin pa/ 'jig pa'i sku ma yin pa/ zas rnams kyi sku ma yin pa'o/ /de bzhin gshegs pa'i sku ni sku ma yin pa'i sku/ mi skye mi 'gog pa/ ma bsdus pa/ ma chad pa/ tshad med pa/ mtha' yas pa/ rjes med pa/ shes pa med pa/ gzugs </font><hr>Ka74a<br><font size=+1>


@#/ /med pa/ mtha' rnam par dag pa/ mi g.yo ba/ tshor ba med pa/ 'du byed med pa/ mi gnas pa/ ma byas pa/ bro ba med pa/ ma 'dres pa/ 'dus byas pa ma yin/ las ma yin/ 'bras bu ma yin/ spyod pa ma yin/ 'gog pa ma yin/ sems ma yin/ bgrang ba ma yin/ bsam gyis mi khyab pa/ dpag tu med pa| rnam par mi shes pa/ sems dang bral ba/ sems dang bral ba'ang ma yin pa/ sems mnyam pa med pa/ med pa'ang ma yin pa/ song ba dang 'ong ba med pa/ song ba dang 'ong ba med pa'ang ma yin pa/ mi 'jig pa/ ma nyams pa/ mi chad pa/ mi chad pa/ ma byung ba/ mi 'gog pa/ bdag po med pa/ bdag po med pa'ang ma yin pa/ yod pa'ang ma yin/ med pa'ang ma yin/ tshor ba'ang ma yin/ rtog pa ma yin/ yi ge ma yin/ yi ge med pa ma yin/ ting nge 'dzin ma yin/ ting nge 'dzin med pa ma yin/ bltar med pa/ mngon par snang ba/ gnas med pa/ gnas med pa ma yin pa/ rten med pa/ rten med pa'ang ma yin pa/ mun pa ma yin pa/ snang ba ma yin pa/ zhi ba ma yin pa/ ma zhi ba ma yin/ ci'ang med pa/ mi len pa/ mi len pa/ mi gtong ba/ rnam par dag pa/ dri ma med pa/ rtsod pa med pa/ rtsod pa chad pa/ gnas med par gnas pa/ </font><hr>Ka74b<br><font size=+1>


mi len pa/ mi ltung ba/ chos ma yin pa/ chos ma yin pa'ang ma yin pa/ bsod nams kyi zhing ma yin pa/ bsod nams kyi zhing ma yin pa'ang ma yin pa/ mi zad pa/ zad pa med pa| zad pa thams cad dang bral ba/ stong pa nyid stong pa dang bral ba/ rtag tu gnas pa ma yin pa/ skad cig pa'i rgyun gyis 'gog pa ma yin pa/ rnyog pa'i dri ma med pa/ yi ge med pa| yi ge dang bral ba/ sgra ma yin/ bshad pa ma yin/ goms par bsgoms pa ma yin/ brjod pa ma yin/ dpog pa ma yin/ gcig ma yin/ tha dad pa ma yin/ gzugs ma yin/ mtshan ma yin/ mtshan rnam pas brgyan pa/ dpa' ba ma yin/ skrag pa ma yin/ zhi ba med pa/ ma zhi ba/ ma gdungs pa/ mi gdung ba/ bltar med pa/ mtshan ma med pa/ de bzhin gshegs pa ni sems can thams cad kyi don byas kyang sems can gyi don byas pa med pa/ sems can rnam par bkrol yang rnam par bkrol pa med pa/ sems can mngon par 'tshang rgya bar mdzad kyang mngon par 'tshang rgya ba med pa/ gnyis su med par yang dag pa ji lta ba bzhin du chos ston pa/ dpag tu med pa/ mi mnyam pa dang mnyam pa/ nam mkha' dang mnyam pa/ gzugs med pa/ ma skyes pa nyid dang mthun pa/ mi chad pa/ mi rtag pa/ rtag tu theg pa gcig la spyod kyang sems can </font><hr>Ka75a<br><font size=+1>


@#/ /gyis gsum du mthong ba/ mi 'gyur ba/ mi ldog pa/ kun nas nyon mongs pa thams cad bcad pa/ mi rtsod pa/ mi gcig pa/ mtshan nyid ma yin pa/ mtshan nyid la gnas pa/ 'dus pa ma yin/ gyes pa ma yin/ ring ba ma yin/ thung ba ma yin/ zlum po ma yin/ gru bzhi ma yin/ phung po dang skye mched dang khams ma yin| phung po dang skye mched dang khams ma yin pa'ang ma yin/ 'phel ba ma yin/ 'bri ba ma yin/ bzang po ma yin/ ngan pa ma yin no/ /de bzhin gshegs pa'i sku ni de ltar yon tan tshad med pa dang ldan te/ shes pa med cing mi shes pa'ang med/ mthong ba med cing mi mthong ba'ang med/ 'dus byas pa ma yin/ 'dus ma byas pa ma yin| 'jig rten ma yin/ 'jig rten ma yin pa'ang ma yin/ byas pa ma yin/ ma byas pa'ang ma yin/ gnas ma yin/ mi gnas pa ma yin/ chen po bzhi ma yin/ chen po bzhi ma yin pa'ang ma yin/ rgyu ma yin/ rgyu med pa'ang ma yin/ sems can ma yin/ sems can med pa ma yin/ dge sbyong ma yin/ bram ze ma yin/ seng+ge lta bu| seng+ge chen po/ sku ma yin/ sku ma yin pa'ang ma yin pa/ brjod du med pa/ chos gcig tsam gyi mtshan nyid dang yang bral ba/ brtsi ba'am 'grang bar mi rung ba/ </font><hr>Ka75b<br><font size=+1>


mya ngan las 'da' ba na mya ngan las mi 'da' ba ste/ de bzhin gshegs pa'i chos kyi sku ni de lta bu'i yon tan tshad med pa dam pa dang ldan no/ /'od srung / de ni de bzhin gshegs pa nyag gcig gis mkhyen gyi/ nyan thos dang rang sangs rgyas kyis shes pa ma yin no/ /'od srung / de ltar de bzhin gshegs pa'i sku ni yon tan tshad med pa dang ldan te/ zas rnams kyis bskyed cing gso ba'i sku ni ma yin no/ /'od srung / de bzhin gshegs pa'i sku yang dag pa'i yon tan ni 'di lta bu yin na de la na ba 'am/ sdug bsngal ba'am/ snying po med pa'am/ mi brtan pa rdza so ma btang ba lta bu ga la zhig yod/ 'od srung / de bzhin gshegs pas na ba dang sdug bsngal ba bstan pa ni sems can gdul ba'i phyir ro/ /rigs kyi bu khyod kyis 'di ltar rig par bya ste/ de bzhin gshegs pa'i sku ni rdo rje'i sku yin te/ deng phyin chad khyod kyis don 'di rtse gcig pa'i sems kyis yid la bya'i/ zas rnams kyi skur ni mi bsam mo/ /gzhan la'ang de bzhin gshegs pa'i sku ni chos kyi sku yin par ston cig /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ gde ltar de bzhin gshegs pa de lta bu'i yon tan dang ldan na snyun pa dang / mi rtag pa dang / </font><hr>Ka76a<br><font size=+1>


@#/ /'jig pa lta ga la zhig mchis te/ bdag ni deng slan chad de bzhin gshegs pa'i sku ni rtag pa/ chos kyi sku rab tu bde ba'i skur yid la bgyid de/ gzhan dag la'ang de bzhin du bstan par 'tshal lo/ /bcom ldan 'das/ de bzhin gshegs pa'i chos kyi sku ni rdo rje lta bur mi 'jig pa lags na/ ci'i rgyu las gyur pa ni bdag gis mi 'tshal to/ /bcom ldan 'das kyis 'od srung la bka' stsal pa/ dam pa'i chos srung zhing 'dzin pa de'i rgyu dang / de'i rkyen gyis rdo rje'i sku dang ldan par gyur to/ /'od srung / ngas sngon chos yongs su bsrung ba'i rgyu dang rkyen gyis rdo rje'i sku dang ldan te/ rtag tu gnas pa dang mi 'jig par gyur to/ /rigs kyi bu/ dam pa'i chos srung zhing srung ba ni khrims lnga'ang mi 'dzin te/ spyod lam yang mi srung bar mtshon cha ral gri dang / 'da' gzhu dang / mdung la sogs pa thogs te/ dge slong tshul khrims yongs su dag pa dag bsrung ba'o/ /de nas bcom ldan 'das la byang chub sems dpa' 'od srung gis 'di skad ces gsol to/ /yang bcom ldan 'das/ dge slong gang srung ba btang ste/ dben pa'i gnas dur khrod dam/ shing drung na gnas pa ni dge slong yang dag pa lags kyi/ gang srung ba'i rjes su spyod pa ni khyim bdag mgo </font><hr>Ka76b<br><font size=+1>


reg go zhas 'byung ngo / /bcom ldan 'das kyis 'od srung la bka' stsal pa/ khyim bdag mgo reg ces ma zer cig /dge slong gang du gnas kyang lus kyi yo byad tsam chog par len cing / mdo sde klog pa dang / 'don pa dang / bsam gtan yid la byed pa dang / chos 'dri ba yod na/ de la sbyin pa dang / tshul khrims dang / bsod nams kyi tshogs dang / 'dod pa nyung ba dang / chog shes pa la sogs pa chos rnam pa sna tshogs ston kyang / de ni seng+ge'i sgra sgrog pa zhas mi bya/ seng+ges yongs su bskor ba zhes kyang mi bya/ chos ngan pa spyod pa gdul nus pa ma yin/ dge slong de ni bdag gi don kyang byed mi nus la/ gzhan gyi don byed pa'ang ma yin te/ de ni bag med pa le lo can yin te/ tshul khrims srung zhing tshangs par spyod kyang de ni ci'ang mi nus par rig par bya'o/ /dge slong gang 'tsho ba'i yo byad kyang mang du yod la/ tshul khrims kyang yongs su srung zhing seng ge'i sgra sgrog ste/ dam pa'i chos mdo sdo'i sde dang / dbyangs kyis bsnyad pa dang / lung du bstan pa dang / tshogs su bcad pa dang / ched du brjod pa dang / skyes pa'i rabs dang / de lta bu byung ba dang / gleng gzhi dang / rmad du byung ba dang / rtogs pa brjod pa dang / shin tu rgyas pa dang / gtam la bab par bstan pa la sogs pa mdo sde dgu po dag </font><hr>Ka77a<br><font size=+1>


@#/ /'don cing gzhan dag la rgya cher ston la/ sems can la phan pa dang bde ba'i phyir/ 'di skad du/ mya ngan las 'da' ba'i mdo las/ dge slong rnams bran khol dang / ba lang dang / lug la sogs pa chos ma yin pa'i dngos po 'chang du mi gnang ngo / /zhes 'byung ste/ dge slong ma brtags pa'i dngos po de dag 'chang na chad pas chod cig ces smras la/ de bzhin gshegs pas sngon mdo sde gzhan dag las kyang dge slong ma brtags pa'i dngos po de dag bcangs pas rgyal po che ge mo zhig gis chad pas bcad de/ khyim par phab bo/ /zhes dge slong gang 'di skad du seng ge'i sgra sgrog pa ni tshul khrims ngan pa can dag de skad ces thos nas zhe sdang skyes te/ chos smra ba de gsod do/ /chos smra ba de ci ste tshe 'phos nas yang tshul khrims 'dzin cing bdag dang gzhan gyi don byed pa zhes bya ste/ de lta bas na ngan ni rgyal po dang / blon po chen po dang / dge bsnyen rnams kyis chos smra ba dag bsrung bar gnang ngo / /gang dam pa'i chos bsrung bar 'dod pa ni de ltar bslab par bya'o/ /'od srung / de ltar tshul khrims nyams shing chos srung ba ni khyim bdag mgo reg ces bya'i/ tshul </font><hr>Ka77b<br><font size=+1>


khrims srung ba la ni ma yin no// //'phags pa yongs su mya ngan las 'das pa chen po'i mdo/ bam po lnga pa/ rigs kyi bu/ sngon gyi bskal pa tshad med mtha' yas grangs med pa 'das pa'i pha rol na grong khyer rtswa mchog 'di nyid du sangs rgyas bcom ldan 'das rab tu dga' ba bskyed pa zhes bya ba de bzhin gshegs pa dgra bcom pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das mngon par byung ngo / /de'i tshe de'i dus na 'jig rten gyi khams 'di'ang shin tu yangs shing yongs su dag la/ mi rab tu mang zhing bde skyid pa dang / zas dang skom gyis mi brel ba ni/ ji ltar rab tu bde ba can gyi 'jig rten gyi khams kyi byang chub sems dpa' bzhin no/ /sangs rgyas bcom ldan 'das de 'jig rten na tshad med pa'i bar du bzhugs nas sems can gyi don mdzad de/ shing sA la zung gnyis kyi bar du yongs su mya ngan las 'das so/ /sangs rgyas de mya ngan las 'das nas dam pa'i chos lo khri phrag tshad med pa bzhi bcu lhag gi bar du gnas par gyur to/ /de'i tshe na dge slong tshul khrims shin tu srung ba yon tan blo </font><hr>Ka78a<br><font size=+1>


@#/ /gros zhes bya ba zhig la 'khor shin tu mang zhing 'khor rnams la seng+ge'i sgra sgrogs te/ mdo sde dgu'ang rgyas par ston pa la shin tu mkhas pas/ dge slong rnams bran pho dang / bran mo dang / ba lang dang / lug la sogs pa chos ma yin pa'i dngos po rnams gsor mi gnang ngo / /zhes bsgo'o/ /de'i tshe na dge slong tshul khrims nyams pa shin tu mang bas/ de dag gis de skad ces bsgo ba thos nas thams cad zhe sdang gi sems skyes te/ mtshon cha thogs nas chos smra ba de la bsnyen to/ /de'i tshe de'i dus na yul de'i rgyal po yon tan can zhes bya ba des de lta bur gyur pa thos nas/ chos bsrung ba'i phyir de ma thag tu chos smra ba ga la ba'i drung du song ste/ dge slong tshul khrims nyams pa ma rungs pa dag dang g.yul bshams te 'thabs nas/ chos smra ba'i dge slong de bgegs de las thar bar byas so/ /de'i tshe rgyal po de'i lus la ral gri dang / mda' dang / mtshon shak+ti la sogs pa mtshon cha'i rmas yungs kar tsam yang gson pa med do/ /de'i tshe dge slong yon tan blo gros kyi rgyal po de la shin tu legs so/ /shin tu legs so/ /rgyal po khyod ni yang dag par dam pa'i chos shin tu bsrung ba ste/ ma 'ongs pa'i dus su tshad med pa'i chos kyi snod du 'gyur </font><hr>Ka78b<br><font size=+1>


ro zhes smras so/ /rgyal po des de'i tshe na chos thos pas sems rab tu dga' bar gyur nas de ma thag tu tshe 'phos te/ mi g.yo ba de bzhin gshegs pa'i sangs rgyas kyi zhing du skyes nas sangs rgyas de'i nye gnas mchog tu gyur to/ /rgyal po de'i 'khor g.yul du zhugs te brgal ba dang / dga' ste rjes su yi rang ba rnam pa thams cad byang chub kyi sems las phyir mi ldog par gyur te/ tshe 'phos nas thams cad mi g.yo ba'i sangs rgyas kyi zhing du skyes so/ /dge slong yon tan blo gros kyang phyis tshe 'phos nas/ de bzhin du mi g.yo ba de bzhin gshegs pa'i zhing du skyes te/ sangs rgyas bcom ldan 'das de ni nyan thos kyi dge 'dun gyi nang na rab 'og tu gyur to/ /de bas na dam pa'i chos nub cing zad du nye ba na de ltar bsrung zhing bskyab par bya'o/ /'od srung / de'i tshe de'i dus na rgyal po de ni nga yin no/ /chos smra ba'i dge slong de ni sangs rgyas 'od srung zhes bya ba yin no/ /'od srung / dam pa'i chos bsrungs pas de lta bu la sogs pa tshad med pa'i 'bras bu'ang thob la/ de'i rgyu de'i rkyen gyis 'di ltar nga ni rnam pa sna tshogs kyi mtshan dang dpe byad bzang po rnam pa sna tshogs kyis yongs su brgyan pa'i chos kyi sku dang / mi shigs pa'i sku lhun gyis grub par gyur to/ /de nas bcom ldan 'das la byang chub sems dpa' 'od srung gis 'di skad ces </font><hr>Ka79a<br><font size=+1>


@#/ /gsol to/ /bcom ldan 'das/ de bzhin gshegs pa'i sku rtag pa ni rdo la ri mo bris pa dang 'dra'o/ /bcom ldan 'das kyis byang chub sems dpa' 'od srung la 'di skad ces bka' stsal to/ /rigs kyi bu/ de lta bas na dge slong dang / dge slong ma dang / dge bsnyen dang / dge bsnyen ma dag shin tu brtson 'grus bskyed de/ dam pa'i chos bsrung bar bya'o/ /dam pa'i chos bsrungs pa'i 'bras bu ni rgya che ste tshad med do/ /rigs kyi bu/ de bas na chos srung ba'i dge bsnyen dag lag na mtshon cha thogs te/ chos srung ba'i dge slong la bsrung zhing bskyab par bya'o/ /gang tshul khrims lnga srung ba tsam gyis theg pa chen po'i gang zag ces mi bya'i/ tshul khrims lnga ma bsrungs kyang / dam pa'i chos srung na theg pa chen po zhes bya'o/ /dam pa'i chos srung na lag na mtshon cha thogs te/ chos smra ba la bsrung bar bya'o/ /bcom ldan 'das la 'od srung gis yang 'di skad ces gsol to/ /bcom ldan 'das/ dge slong gang de ltar dge bsnyen mtshon cha thogs pa dang lhan cig 'grogs brten na de la ston pa zhes bgyi'am/ ston pa zhes mi bgyi/ de tshul khrims bsrung ba lags sam/ tshul khrims nyams pa lags/ bcom ldan 'das kyis </font><hr>Ka79b<br><font size=+1>


'od srung la bka' stsal pa/ de dag la tshul khrims nyas pa'o snyam du ma sems shig /rigs kyi bu/ nga yongs su mya ngan las 'das nas rnyog pa can gyi 'jig rten na yul 'khrugs te/ gcig la gcig 'phrog pas mu ges nyen par 'gyur ro/ /de'i tshe na mang du 'tsho bas phongs pa'i phyir rab tu byung bar rtsol te/ de dag ni mgo reg ces bya'o/ /gang zag mgo reg de dag gang dge slong tshul khrims 'dzin cing spyod lam dang ldan pa/ yongs su dag pa/ dam pa'i chos srung ba yod na skrod do/ /gsod do/ /gnod pa byed do/ /yang bcom ldan 'das la byang chub sems dpa' 'od srung gis 'di skad ces gsol to/ /dge slong tshul khrims srung zhing dam pa'i chos yongs su 'dzin pa dag ji ltar grong khyer dang ljongs su sems can gdul ba'i phyir rgyu zhing mchi bar bgyi/ bcom ldan 'das kyis bka' stsal pa/ rigs kyi bu/ de bas na gang tshul khrims 'dzin pa dag khyim pa mtshon cha thogs pa la brten cing 'grogs shig ces ngas gnang ba yin no/ /gal te rgyal po'am/ blon po'am/ khyim bdag gam/ dge bsnyen la sogs pa chos bsrung ba'i phyir mtshon cha thogs kyang de ni tshul khrims srung ba zhes bya ste/ mtshon cha thogs mod kyi/ srog mi gcod pas de na tshul khrims srung ba'i mchog ces bya'o/ /'od srung gis yang gsol nga / bcom ldan 'das/ </font><hr>Ka80a<br><font size=+1>


@#/ /chos srung ba ni yang dag par lta ba dang ldan te/ theg pa chen po'i mdo sde rgyas par ston pa ni rgyal po'i rin po che'i gdugs dang / mar snod dang / khre 'bras dang / shing tog rnam pa sna tshogs la nam du'ang dbang mi bgyid de/ rnyed pa dang / bkur sti tsam gyi slad du rgyal po dang / blon po dang / khyim bdag la mi rten/ yon dag la g.yo dang sgyus 'tsho ba'i sems kyang ma mchis so/ /spyod lam dang ldan pas tshul khrims nyams pa'i gang zag ma rungs pa dag btul kyang / de ni tshul khrims 'dzin cing chos srung ba'i ston pa zhes bgyi'o/ /sems can mang po'i dge ba'i bshes gnyen yang dag pa yin pas rgya mtsho ltar sems rgya che zhing yangs so/ /'od srung / dge slong gang rnyed pa dang bkur sti'i phyir gzhan la chos ston na gang zag de'i 'khor du gtogs pa thams cad kyang rnyed pa dang bkur sti'i phyir chos ston te/ gang zag des bdag gi dge 'dun gyi 'khor yang ma rung bar byed do/ /'od srung / dge 'dun la rnam pa gsum ste/ tshul khrims nyams pa go 'dun gyi dge 'dun dang / glen zhing gti mug pa'i dge 'dun dang / tshul khrims 'dzin cing yongs su dag pa'i dge 'dun no/ /tshul khrims nyams shing go 'dun gyi dge 'dun ni 'jigs kyang sla'i/ tshul khrims 'dzin cing yongs su dag pa'i dge 'dun ni rnyed pa </font><hr>Ka80b<br><font size=+1>


dang bkur sti'i rkyen gyis 'jig nus pa ma yin no/ /de la ji ltar na tshul khrims nyams shing go 'dun gyi dge 'dun zhe na/ dge slong gang tshul khrims srung yang rnyed pa dang bkur sti'i phyir tshul khrims nyams pa la brten te lhan cig tu 'dug gam/ 'gro'am/ sdong dam/ 'grogs sam/ gcig la gcig bshes par byed cing las mthun par byed na/ de ni tshul khrims nyams pa zhes kyang bya/ go 'dun gyi dge 'dun zhes bya'o/ /de la ji ltar na glen zhing gti mug pa'i dge 'dun zhe na/ dge slong gang bas mthar gnas shing dbang po mi rno la/ rtul ba glen pa/ 'dod pa nyung zhing bsod snyoms byed la/ gso sbyin gyi nyi ma dang / tshul nas byung ba'i dus su nye gnas su gyur pa rnams ni yongs su dag par 'chags shing mthol du 'dzud kyi/ nye gnas ma yin pa tshul khrims nyams pa dag mthong na yongs su dag par 'chags shing mthol du mi 'jug par lhan cig tu gso sbyong dang / tshul nas 'byung ba'i las byed pa ni glen zhing gti mug pa'i dge 'dun zhes bya'o/ /de la ji ltar na yongs su dag pa'i dge 'dun zhe na/ dge slong gi dge 'dun gang bdud khri phrag brgya stong gis kyang mi phyed mi shigs na/ de ni byang chub sems dpa'i dge 'dun rang bzhin gyis rnam par dag pa ste/ dge 'dun gong du smos pa </font><hr>Ka81a<br><font size=+1>


@#/ /rnam pa gnyis po'ang btul te/ yongs su dag pa'i dge 'dun gyi nang du btsud na/ de ni chos srung ba'i bla na med pa'i dge 'dun gyi slob dpon chen po zhes bya'o/ /'dul ba la mkhas pa ni/ sems can la phan pa dang gdul ba'i phyir tshul khrims kyi mtshan nyid lci ba dang yang ba la shin tu mkhas te/ gang tshul khrims ma yin pa ni shes par mi rtsol lo/ /gang tshul khrims kyi phyogs la ni rtogs shing shes par byed do/ /de la ji ltar na sems can gdul ba'i phyir byang chub sems dpa' dag rtag tu dus med par grong khyer du 'jug cing / yugs sa mo dang / smad 'tshong ma'i gnas su'ang 'jug cing lhan cig tu'ang gnas la/ lo mang por thogs pa ni/ nyan thos dag gis de ltar mi bya ste/ de ni sems can la phan pa dang bde ba'i phyir gdul ba zhes bya'o/ /ji ltar na lci ba shes par bya zhe na/ de bzhin gshegs pas dngos po gcig las tshul khrims bcas te/ khyed deng phyin chad 'di las nyams par ma byed cig ces bya ba rtsa ba bzhi lta bu ste/ rab tu byung ba dag byed du mi gnang ngo zhes bcas pa las ched du byas na/ de ni dge sbyong ma yin/ shAkya'i sras ma yin te/ de dag ni lci ba zhes bya'o/ /ji ltar na yang ba gang zhe na/ yang ba'i dngos po la lan gsum gyi bar du bskul </font><hr>Ka81b<br><font size=+1>


te btang na ni yang ba zhes bya'o/ /tshul khrims las mi 'byung ba ni gang yongs su ma dag pa'i dngos po spyod pa'i cha ma yin par gsungs pa dang lhan cig tu mi spyod pa'o/ /'dul ba las 'byung ba ni tshul khrims shin tu slob cing / tshul khrims nyams pa la mi rten pa dang / gang tshul khrims kyi rjes su gzhol zhing spyod pa mthong na rab tu dga' ba'i sems skye ba dang / de ltar sangs rgyas kyi chos su bya ba kun shes shing shin tu ston mkhas pa ni tshul khrims kyi slob dpon zhes bya ste/ yi ge 'bru gcig tsam la shin tu mkhas pa'am/ mdo sde shin tu 'dzin pa'ang de dang 'dra'o/ /de ltar na/ rigs kyi bu/ sangs rgyas kyi chos tshad med de bsam gyis mi khyab la/ de bzhin du de bzhin gshegs pa'ang bsam gyis mi khyab bo/ /de nas bcom ldan 'das la byang chub sems dpa' 'od srung gis gsol pa/ de de bzhin no/ /de de bzhin te/ bcom ldan 'das kyis bka' stsal pa bzhin te/ sangs rgyas kyi chos bsam gyis mi khyab la/ de bzhin gshegs pa'ang bsam gyis mi khyab pas de bas na de bzhin gshegs pa ni rtag pa dang| mi 'jig pa/ mi 'gyur ba ste/ bdag kyang de la shin tu nan tan bgyid/ gzhan dag la'ang don de dag rgyas par bstan par 'tshal lo/ /de nas bcom ldan 'das </font><hr>Ka82a<br><font size=+1>


@#/ /kyis byang chub sems dpa' 'od srung la legs so/ /shin tu legs so zhes bya ba byin nas 'di skad ces bka' stsal to/ /de bzhin gshegs pa'i sku ni rdo rje'i sku/ mi 'jig pa'i sku ste/ byang chub sems dpa' dag de ltar shin tu bslab cing mthong ba dang shes par bya'o/ /gang gis de ltar mngon par shes shing mthong ba ni/ de bzhin gshegs pa'i sku dang mi shigs pa'i sku mthong ba zhes bya ba ste/ ji ltar me long gi nang na gzugs brnyan mthong ba bzhin no/ /'phags pa yongs su mya ngan las 'das pa chen po'i mdo las/ rdo rje'i sku zhes bya ba'i le'u ste gnyis so// //de nas bcom ldan 'das kyis 'od srung la yang 'di skad ces bka' stsal to/ /rigs kyi bu khyod kyis mdo sde 'di'i ming dang / tshig dang / yon tan rnams legs par gzung zhig /rigs kyi bu'am rigs kyi bu mo gang zhig mdo sde 'di'i ming thos pa tsam gyis kyang lam rgyud bzhir skye ba'i gnas med do/ /de ci'i phyir zhe na/ mdo sde 'di ni sangs rgyas bcom ldan 'das tshad med dpag tu med pas bsgrubs pa'i yon tan du gyur pa ngas brjod pa yin no/ /byang chub sems dpa' 'od srung gis gsol pa/ bcom ldan 'das/ mdo sde 'di'i mtshan ci zhes bgyi/ byang chub sems </font><hr>Ka82b<br><font size=+1>


dpa' sems dpa' chen pos ji ltar yongs su gzung bar bgyi/ bcom ldan 'das kyis 'od srung la bka' stsal pa/ mdo sde 'di'i ming ni yongs su mya ngan las 'das pa chen po thog mar yang dge/ bar du'ang dge/ tha mar yang dge/ don bzang ba/ tshig 'bru bzang ba/ ma 'dres pa/ rnam par dkar ba/ tshangs par spyod pa 'ba' zhig rdo rje lta bu'i rin po che'i mdzod ma nyams pa zhes bya ste/ khyod shin tu legs par nyon cig dang / ngas khyod la bstan par bya'o/ /rigs kyi bu/ de la yongs su mya ngan las 'das pa chen po zhes bya ba ni rtag ces bya ba'i don te/ dper na/ chu klung chen po brgyad ni thams cad rgya mtshor 'bab pa bzhin du mdo sde 'di'ang kun nas nyon mongs pa thams cad dang / bdud kyi ris rnams btul nas mthar yongs su mya ngan las 'das pa chen po lus dang srog gtong bar 'gyur bas/ yongs su mya ngan las 'das pa chen po zhes bya'o/ /rigs kyi bu/ dper na/ sman pa mkhas pa'i sman dpyad bzang po la sman gyi dpyad thams cad 'dus pa bzhin du/ rigs kyi bu/ de bzhin gshegs pas gsungs pa'i chos shin tu zab mo rnam pa thams cad yongs su mya ngan las 'da' ba chen por 'dus pas/ yongs su mya ngan las 'das pa chen po zhes bya'o/ /rigs kyi bu 'di lta ste/ dper na/ zhing pa dag ni </font><hr>Ka83a<br><font size=+1>


@#/ /dbyar zhing la sa bon btab nas rtag tu re ba'i sems yod de/ 'bras bu lag tu thob nas re ba thams cad zhi'o/ /rigs kyi bu/ sems can thams cad kyang de dang 'dra ste/ mdo sde gzhan la sgom pa ni rtag tu chos kyi ro 'di la re'o/ /ci ste yongs su mya ngan las 'das pa chen po 'di thos nas mdo sde gzhan gyi chos kyi ro la re ba thams cad zhi bar ni yongs su mya ngan las 'das pa chen po 'dis sems can thams cad srid pa las sgrol ba'i phyir ro/ /rigs kyi bu/ 'di lta ste/ dper na/ rjes thams cad kyi nang na bal glang gi rjes mchog go /de bzhin du mdo sde 'di'ang mdo sde gzhan thams cad kyi ting nge 'dzin pas mchog go/ /rigs kyi bu/ 'di lta ste/ zhing rmos pa'i nang na ston log btab pa ni zhing gi nang na mchog go /de bzhin du mdo sde 'di'ang mdo sde kun gyi mchog go /rigs kyi bu/ 'di lta ste/ sman gyi nang na mar gyi snying po mchog go/ de bzhin du yongs su mya ngan las 'das pa chen po 'di'ang sems can thams cad kyi nyon mongs pas gdung ba'i sems zhi bar byed pas mchog go /rigs kyi bu/ dper na/ mar mngar du ni ro rnam pa brgyad dang ldan no/ /de bzhin du mya ngan las 'das pa chen po 'di'ang ro brgyad dang ldan no/ /brgyad gang zhe na/ rtag pa dang / ther zug dang / bde ba </font><hr>Ka83b<br><font size=+1>


dang / bsil ba dang / mi rga ba dang / mi 'chi ba dang / dri ma med pa dang / rab tu skyid pa ste/ ro brgyad ces bya'o/ /ro brgyad dang ldan pas yongs su mya ngan las 'das pa chen po zhes bya'o/ /byang chub sems dpa' sems dpa' chen po gang 'di la rab tu gnas shing / bar bar gnas de nyid kyis mya ngan las 'da' ba ston pa de ni yongs su mya ngan las 'das pa chen po zhes bya'o/ /'od srung / rigs kyi bu'am rigs kyi bu mo gang zhig yongs su mya ngan las 'das pa chen pos mya ngan las 'da' bar 'dod na 'di bzhin du bslab par bya'o/ /de bzhin gshegs pa ni rtag pa gnas pa'i chos can te/ chos dang dge 'dun yang de bzhin du rig par bya'o/ /de nas bcom ldan 'das la byang chub sems dpa' 'od srung gis 'di skad ces gsol to/ /ngo mtshar che'o/ /bcom ldan 'das/ de bzhin gshegs pa'i yon tan yang bsam gyis mi khyab/ chos dang / dge 'dun yang bsam gyis mi khyab ste/ yongs su mya ngan las 'das pa chen po'ang bsam gyis mi khyab bo/ /gang su zhig mdo sde 'di slob pa ni yang dag pa'i chos kyi sgo thob cing / sman pa mkhas pa zhes bgyi la| gang mi slob pa de dag ni ldongs pa/ shes rab kyi mig ma mchis pa/ ma rig pas yongs su khebs pa lags par 'tshal lo/ /'phags pa yongs su mya ngan las 'das pa </font><hr>Ka84a<br><font size=+1>


@#/ /chen po'i mdo las/ mtshan gyi yon tan brjod pa zhes bya ba'i le'u ste gsum mo// //de nas bcom ldan 'das kyi 'od srung la 'di skad ces bka' stsal to/ /rigs kyi bu/ byang chub sems dpa' sems dpa' chen pos yongs su mya ngan las 'das pa chen po 'byed cing ston pa dag mtshan nyid rnam pa 'di bzhi la mkhas par bya'o/ /bzhi gang zhe na/ bdag tshul bzhin du bya ba dang / gzhan tshul bzhin du 'chos pa dang / ji skad dris pa de bzhin du lan 'debs pa dang / rten cing 'brel te byung ba la mkhas pa'o/ /de la bdag tshul bzhin du byed pa gang zhe na/ sangs rgyas bcom ldan 'das kyis rten cing 'brel te byung ba gzigs te gsung ba| dper na/ dge slong zhig me'i phung po chen po mthong na de 'di skad du bdag ni me'i phung po chen por zhugs te tshig kyang sla'i/ /de bzhin gshegs pas gsungs pa'i mdo sde bcu gnyis dang dgongs te gsungs pa'i snying po la 'di ni bdud sdig to can gyis bshad pa yin no zhes skur ba mi 'debs so/ /ji tsam du sangs rgyas dang / chos dang / dge 'dun la mi rtag go zhes smra ba de ni bdag kyang bslus la/ pha rol po gzhan yang bslus pa yin te/ gal te ral gri rnon pos lce bcad kyang sla'i/ sangs rgyas dang / chos </font><hr>Ka84b<br><font size=+1>


dang| dge 'dun la mi rtag go zhes mi smra'o/ /gzhan de skad smra ba la'ang yid mi ches te/ de skad du smra ba de la snying rje'i sems bskyed do/ /sangs rgyas dang / chos dang / dge 'dun la bsam gyis mi khyab par bzung ste/ bdag gi lus la me'i phung po ltar rtog pa ni bdag tshul bzhin du byed pa zhes bya'o/ /de la ji ltar na gzhan tshul bzhin du 'chos pa gang zhe na/ bcom ldan 'das chos ston pa'i tshe/ bud med gcig cig bu nu zho bsnun pa thogs te/ bcom ldan 'das gang na bar 'ongs nas sangs rgyas kyi zhabs la phyag btsal te sangs rgyas la zhu bar bsams pa yid la byas bzhin du phyogs gcig tu 'dug go /de'i tshe bcom ldan 'das kyis mkhyen bzhin du bud med la 'di skad ces bka' stsal to| |khyod bu sdug par bsams nas mar mang du bsnyod de/ zhu'am ma zhu rtogs pa'i phyir 'ongs sam/ de nas bud med des bcom ldan 'das la gsol pa/ ngo mtshar che'o/ /bcom ldan 'das/ bdag gi yid la bsams pa bzhin du mkhyen to/ /bdag gis mar stsal ba mang ngam/ nyung ba/ bcom ldan 'das kyis bstan du gsol/ bcom ldan 'das/ bdag gis deng bu 'di mar zhig stsal te ma zhu bas tshe'i bar chad du 'gyur gyis dogs na/ de bzhin gshegs pas bdag la bstan du gsol/ de la bcom ldan 'das </font><hr>Ka85a<br><font size=+1>


@#/ /kyis bka' stsal pa/ khyod kyi bus zos pa'i mar ni de ma thag tu zhu ste tshe dang lus kyi mchog tu gyur to/ /bud med des de skad ces bka' stsal pa thos nas rab tu dga' rangs te/ yang 'di skad ces gsol to/ /bcom ldan 'das kyis yang dag bar gsungs pas bdag rab tu dga' bar gyur to/ /bcom ldan 'das kyis 'di ltar sems can gdul ba'i slad du zhu ba dang / mi zhu ba rnam par phye ste gsungs pa dang / gzhan yang chos thams cad bdag med pa dang / mi rtag par gsungs pa shin tu legs so/ /gal te bcom ldan 'das kyis rtag pa sngar bshad na/ 'dul ba'i 'khor 'di dag 'di skad du chos 'di ni mu stegs can dang mthun no zhes mchi ste spong bar gyur to/ /bcom ldan 'das kyis bud med de la bka' stsal pa/ khyod kyi bu de skyes te rgyug nus pa tsam na kha zas 'ju dka' ba'ang zhu ste sngar byin pa'i mar tsam gyis ni chog pa ma yin no/ /nga'i nyan thos kyi nye gnas kyang khyod kyi bu chung ngu de dang 'dra ste/ rtag pa'i chos 'di 'ju mi nus so/ /de bas na ngas sngar sdug bsngal ba dang / mi rtag pa la sogs pa bshad pa yin no/ /nga'i nyan thos kyi nye gnas yon tan dang ldan pa theg pa chen po'i mdo la nan tan du spyod bzod pa dag </font><hr>Ka85b<br><font size=+1>


la ni/ ngas mdo sde 'di nyid kyi ro rnam pa drug bstan to/ /ro rnam pa drug gang zhe na/ sdug bsngal ni skyur ba'i ro lta bu'o/ /mi rtag pa ni lan tshwa'i ro lta bu'o/ /bdag med pa ni kha ba'i ro lta bu'o/ /bde ba ni mngar ba'i ro lta bu'o/ /bdag ni tsha ba'i ro lta bu'o/ /rtag pa ni bska ba'i ro lta bu'o/ /'jig rten na ro rnam pa gsum ste/ mi rtag pa dang / bdag med pa dang / bde ba med pa ste/ nyon mongs pa ni shing lta bu/ shes rab ni me lta bu ste/ de'i rgyu dang / de'i rkyen gyis mya ngan las 'das pa'i zas su gyur pa ni rtag pa dang / bde ba dang / bdag dang / yongs su dag pa ste/ nye gnas su gyur pa rnams ro de la dgod de/ /yang bud med de la bka' stsal pa/ khyod don gnyer cing gzhan du 'gro na khyod kyi bu ma rungs pa khyim nas phyung la/ rin po che'i gter rnams bu mdzangs pa la gtod cig /bud med kyis gsol pa/ bcom ldan 'das/ 'phags pa'i bka' bzhin te/ rin po che'i gter rnams bu mdzangs pa la ston gyi/ bu ngan pa la ni ma lags so/ /bcom ldan 'das kyis bka' stsal pa/ nga'ang de dang 'dra ste/ yongs su mya ngan las 'da' ba na/ de bzhin gshegs pas dgongs te gsungs pa/ bla na med pa'i chos kyi gter nyan thos kyi nye gnas rnams la mi ston pa'ang / khyod kyis rin po che'i </font><hr>Ka86a<br><font size=+1>


@#/ /gter bu ngan pa la mi ston pa bzhin no/ /byang chub sems dpa' rnams la gdams shing gtad pa ni/ ji ltar khyod kyis rin po che'i gter rnams bu mdzangs pa la gtad pa bzhin no/ /de ci'i phyir zhe na/ nyan thos kyi nye gnas dag ni skye ba dang / 'pho ba'i 'du shes dang bcas pas/ sangs rgyas bcom ldan 'das ni yang dag par mya ngan las 'das so snyam ste/ nga ni yang dag par mya ngan las 'das pa ma yin no/ /dper na/ khyod lam ring por song ba las phyir ma 'khor gyi bar du khyod kyi bu ma rungs pas khyod ma shi bar shi zhes zer ba dang 'dra'o/ /byang chub sems dpa' dag ni de bzhin gshegs pa rtag pa/ mi 'pho ba/ mi 'gyur ba'o zhes zer te/ ji ltar khyod kyi bu mdzangs pa khyod ma shi'o zhes zer ba dang 'dra'o/ /don de lta bas na ngas bla na med pa dgongs te gsungs pa chos kyi gter byang chub sems dpa' rnams la gtad do/ / rigs kyi bu/ sems can gang zhig sangs rgyas rtag pa gnas pa mi 'pho mi 'gyur bar 'dzin na/ gnas de nyid na sangs rgyas bzhugs par rig par bya ste/ de dag ni tshul bzhin du gzhan 'chos pa zhes bya'o/ /de la ji ltar na dris pa bzhin du lan 'debs pa zhe na/ gal te gang zag gcig gis sangs rgyas bcom ldan 'das la 'di skad du/ bdag </font><hr>Ka86b<br><font size=+1>


gis nor dang / zang zing ci'ang ma btang bar sbyin bdag chen po'i ming du grags par 'gyur zhes smra na/ bcom ldan 'das kyis de la 'di skad ces bka' stsal to/ /dge sbyong dang bram ze la sogs pa 'dod pa nyung zhing chog shes pa/ ma brtags pa'i yo byad mi 'chang / mi gsog pa la bran pho dang / bran mo dang / las byed pa'i mi byin pa dang / tshangs par spyod pa la bud med byin pa dang / sha chang bcad pa la sha chang byin pa dang / phyi dro phan chad mi za ba la kha zas byin pa dang / 'jo ba'i me tog dang spos mi thogs pa la me tog dang spos byin pa dang / sbyin pa'i ming ni kun tu grags par yang 'gyur la/ nor dang zang zing cung zad tsam yang mi nyams te/ 'di dag ni dris pa bzhin du lan btab pa zhes bya'o/ /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ sha mi 'tshal ba la sha stsal ba mi rigs mod/ /de ci'i slad du zhe na/ bdag ni sha mi 'tshal ba dag la yon tan chen po brgyad dang ldan par mthong ngo / /bcom ldan 'das kyis 'od srung la bka' stsal pa/ shin tu legs so/ /khyod kyis nga'i dgongs pa shes pa shin tu legs so/ /chos srung ba'i byang chub sems dpa' dag ni 'di ltar rig par bya'o/ /rigs kyi bu/ </font><hr>Ka87a<br><font size=+1>


@#/ /deng phan chad nyan thos kyi nye gnas dag sha zar mi gnang ngo / /gal te yon bdag dad pas byin na'ang / de la bu'i sha lta bur 'du shes bskyed do/ /byang chub sems dpa' 'od srung gis gsol pa/ bcom ldan 'das/ ci'i slad du de bzhin gshegs pas sha 'tshal du mi gnang / bka' stsal pa/ rigs kyi bu/ sha za ba ni snying rje chen po'i rigs gcod pa yin no/ /'od srung gis gsol pa/ sngon bcom ldan 'das kyis sha brtags pa rnam gsum 'tshal du gnang ba ma lags sam/ bka' stsal pa/ 'od srung sha brtags pa rnam gsum zar gnang ba ni bags kyis bcad pa'i thabs su gsungs so/ /byang chub sems dpa' 'od srung gis gsol pa/ ci'i slad du ma brtags pa rnam pa bcu dang / brtags pa rnam pa dgu'i bar du 'tshal du mi gnang / bcom ldan 'das kyi 'od srung la bka' stsal pa/ de'ang bags kyis bcad pa'i don du gsungs te/ mdor na sha bcad pa'i don du bstan pa yin no/ /byang chub sems dpa' 'od srung gis gsol pa/ bcom ldan 'das/ ci'i slad du de bzhin gshegs pas nya'i sha la bsod pa'i zas so zhes gsungs/ bka' stsal pa/ rigs kyi bu/ ngas ni nya sha la sogs pa la bsod pa'i </font><hr>Ka87b<br><font size=+1>


zas so zhes ma gsungs kyi/ bu ram gyi shing dang / 'bras dang / kha ra dang / khre dang / nas la sogs pa dang / ha se dang / 'o ma dang / zho dang / mar dang / 'bru mar la sogs pa la bsod pa'i zas so zhes gsungs te/ gos rnam pa mang po'ang 'chang du gnang bar ngas gsungs mod kyi/ 'chang du gnang ba de'ang kha dog bsgyur ba la bya na/ nya'i sha la chags pa lta smos kyang ci dgos/ 'od srung gis gsol pa/ de bzhin gshegs pas nya sha 'tshal du mi gnang na ro rnam pa lnga po/ 'o ma dang / zho dang / dar ba dang / mar dkar dang / zhun mar dang / til mar la sogs pa dang / gos ke'u sha ya dang / do shal dang / ko lham dang / gser dngul gyi snod la sogs pa'ang 'chang du mi gnang ba'i rigs so/ /bka' stsal pa/ rigs kyi bu/ gcer bu pa'i lta ba dang mthun pa ma yin gyi/ de bzhin gshegs pas tshul khrims bcas pa rnams ni so sor dgongs te gsungs pa yin pas dgongs pa tha dad pa'i phyir sha brtags pa rnam gsum zar gnang ba yin no/ /'du shes tha dad pa'i phyir sha rnam pa bcu bcad pa yin no/ /'du shes tha dad pas rang shi ba la sogs pa sha thams cad zar mi gnang ba yin no/ /'od srung ngas ni deng phan chad nye gnas su gyur pa rnams kyis sha thams cad zar mi rung ngo / / </font><hr>Ka88a<br><font size=+1>


@#/ /zhes gsungs so/ /'od srung sha za ba dag ni 'gro'am/ sdod dam/ 'dug gam/ nyal yang sems can gang la dris phog pa thams cad 'jigs skrag go /'di lta ste/ dper na/ mi zhig seng ge'i dri bro bas thams cad 'jigs shing skrag go /rigs kyi bu/ dper na/ mi zhig sgog pa zos na mnam pas thams cad kyis mi 'dod de 'byol na/ de la nye bar bsnyen pa lta ci smos/ sha za ba rnams kyang de dang 'dra ste/ sems can rnams la sha'i dris phog na skrag ste/ shi bas 'jigs pa'i 'du shes 'byung ngo / /chu la gnas pa dang / thang la gnas pa dang / nam mkha' la 'gro ba'i srog chags thams cad 'byol zhing 'bros te/ 'di ni bdag cag gi dgra yin no zhes zer ro/ /de bas na byang chub sems dpa' dag sha za bar mi rtsol lo/ /sems can sgrol ba'i phyir sha za ba ston te/ za ba ltar byed na'ang yang dag par na mi za'o/ /rigs kyi bu/ 'di ltar byang chub sems dpa' ni yongs su dag pa'i zas kyang mi za na sha za ba lta smos kyang ci dgos/ rigs kyi bu/ nga yongs su mya ngan las 'das nas lo tshad med pa brgya na 'phags pa'i lam bzhis byung ba'i 'phags pa kun kyang mya ngan las 'das nas dam pa'i chos ni nub/ gzugs brnyan </font><hr>Ka88b<br><font size=+1>


la chos su byed pa na/ dge slong dag 'dul ba 'dzin pa dang 'dra bar 'chos shing mdo sde klog pa dang 'don pa ni nyung gi /lus gso ba'i phyir kha zas la ni chags/ lus la ni gos ngan pa rtsub po gyon la/ mdog kyang nag por gyur/ gzi brjid kyang med la/ ba lang dang / lug kyang 'tsho/ shing dang rtsa'ang khur du khyer te/ skra dang / sen mo ni ring du bskyed pa dag kyang 'byung ste/ ngur smrig gi gos gyon mod kyi/ rngon pa dang 'dra ste/ mig phab la gom pa dal yang byi la byi ba la 'jab pa dang mtshungs te/ bdag ni dgra bcom pa yin no zhes rtag tu brjod kyang / nad dang / sdug bsngal dang / gnyid dang / mi gtsang bas gzir te/ phyi rol gyi tshul 'chos kyang nang gi sems ni phrag dog dang 'dod pas zil gyis non pas chos log pa can gyis bram ze la sogs pa dang mtshungs so/ /dge sbyong ma yin par dge sbyong gi gzugs ston cing / ngan par lta ba bskyed nas yang dag pa'i chos la'ang skur ba 'debs so/ /gang zag de dag gis de bzhin gshegs pas bcas pa'i tshul khrims dang / 'dul ba dang / spyod lam dang / rnam par grol ba'i 'bras bu bstan pa dang / ma brtags pa'i chos spang ba bstan pa'ang ma rung bar byas/ dgongs te gsungs pa shin tu zab mo'ang ma rung bar byas nas/ so so'i rang </font><hr>Ka89a<br><font size=+1>


@#/ /bzos mdo sde dang 'dul ba bshad de/ 'di skad du de bzhin gshegs pas bdag cag sha za bar gnang ngo zhes zer te/ yi ger bris nas sangs rgyas kyis gsungs so zhes phan tshun du rtsod cing so so nas bdag ni dge sbyong shAkya'i sras so zhes sgrogs so/ /rigs kyi bu/ de'i tshe na gzhan yang dge sbyong dag 'bru mang du gsog cing / nya'i sha la lag dar te spyod do/ /mar gyi snod dang / rin po che'i gdugs dang / ko lham dag 'chang zhing / rgyal po dang / blon po dang / khyim bdag la brten nas mtshan lta ba dang / skar ma lta ba dang / mo dang sman dpyad dag slob cing / bran pho dang / bran mo dang / gser dang / dngul dang / mu sa la gar+b+ha dang / spug dang / shel dang / mu tig dang / byu ru dang / sbur long dang / shel gyi snam bu dang / do shal la sogs pa dang / shing tog rnam pa sna tshogs la spyod de/ gzhan yang rtsal dang| ri mo dang / 'ji ba la spyod pa dang / yi ge slob pa'i slob dpon dang / zhing rmo ba dang / zhing rnga ba dang / byad stem dang / sngags dang sman sbyor ba dang / glu gar dang| rol mo dang / spos dang / me tog gis 'jo ba dang / ug shud dang / mig mang dang / bzo rnam pa sna tshogs slob cing byed pa dag 'byung ngo / /dge slong gang </font><hr>Ka89b<br><font size=+1>


zhig mi dge ba'i dngos po de dag spangs na/ gang zag de ni nga'i nye gnas yang dag pa yin par rig par bya'o/ /de nas 'od srung gis yang bcom ldan 'das la 'di skad ces gsol to/ /bcom ldan 'das/ dge slong dang / dge slong ma dang / dge bsnyen dang / dge bsnyen ma yon bdag la ltos te 'tsho ba dag /bsod snyoms byed pa'i tshe/ sha dang 'dres pa'i zas shig stsal na/ ji ltar 'tshal ba bgyi/ cis brtags par 'gyur/ bcom ldan 'das kyis 'od srung la bka' stsal pa/ sha dang / zas so sor phye la/ chus bkrus te bza' bar bya'o/ /gal te lhung bzed sha dang / 'bags kyang bro ba'i ro med na/ spyod kyang nyes pa med do/ /gal te bsod snyoms kyi nang na sha mang du 'ongs na'ang blang bar mi bya'o/ /gal te zas kyi nang na sha snang na ma za zhig /zos na nyes pa dang bcas pa ste/ ngas sha zar mi gnang ba dang bcas pa 'di rgyas par bstan na zad pa'i mtha' med de/ mya ngan las 'da' ba'i dus la bab pas phyogs tsam zhig bshad do/ /'di dag ni dris pa'i lan btab pa zhes bya'o/ /'od srung / de la ji ltar na rten cing 'brel te byung ba'i don la mkhas pa zhe na/ 'di lta ste/ 'khor rnam bzhi nga'i drung du lhags te/ bcom ldan 'das kyis don 'di dag de bzhin gshegs pa thog ma mngon par </font><hr>Ka90a<br><font size=+1>


@#/ /byang chub nas rgyal po sde rab tu pham byed la chos kyi gzhung shin tu zab mo 'di ci'i slad du ma gsungs/ bar bar ni shin tu zab par yang gsungs bar bar ni mi zab par yang gsungs/ bar bar ni nyams pa zhes kyang bgyi/ bar bar ni ma nyams pa zhes kyang bgyi na/ de la ji ltar na ltung ba zhes bgyi/ 'dul ba ni gang| so sor thar pa zhes bgyi ba ni gang lags/ bcom ldan 'das kyis bka' stsal pa/ so sor thar pa zhes bya ba ni chog shes pa/ spyod lam dang ldan pa/ ci'ang mi gsog pa/ 'tsho ba yongs su dag pa'o/ /ltung ba ni rgyud bzhir ltung ba'o/ /gzhan yang ltung ba ni sems can dmyal ba dang / mtshams med pa'i bar du ltung ba ste/ mgyogs bul ni char pa drag po'i gtol med do/ /de thos pa tsam gyis kyang 'jigs skrag ste/ tshul khrims srung ba dang / spyod lam sdom pa dang / chog shes pa la nan tan byed pa dang / ma brtags pa'i zang zing thams cad mi len par 'gyur ro/ /gzhan yang ltung ba zhes bya ba ni sems can dmyal ba dang / byol song dang / yi dwags kyi khams su bskyed pa ste/ don de lta bas na ltung ba zhes bya'o/ /gzhan yang so sor thar pa zhes bya ba ni lus dang / ngag dang / yid kyi mi dge ba'i las ngan pa yongs su spong </font><hr>Ka90b<br><font size=+1>


ba'o| |'dul ba zhes bya ba ni tshul khrims dang / mdo sde'i don shin tu zab mo la 'jug cing ma brtags pa'i zang zing thams cad dang / ma brtags pa'i rgyu dang rkyen len du mi gnang ba'o/ /gzhan yang phas pham pa bzhi dang / dge 'dun gyi lhag ma bcu gsum dang / ma nges pa'i chos gnyis dang / spang ba ltung ba'i chos sum cu dang / ltung ba dgu bcu rtsa gcig dang / so sor bshags pa'i chos bzhi dang / bslab pa mang po dang / bdun shin tu zhi ba la sogs pa nyams su mi gnang ngo / /gang zag la ni tshul khrims thams cad nyams pa'ang yod do/ /thams cad ces bya ba ni phas pham pa bzhi nas bdun shin tu zhi ba'i bar la bya'o/ /gang zag la la ni yang dag pa'i chos shin tu zab mo la skur te log sred can du gyur nas/ mtshan nyid thams cad dang / rgyu rkyen med pa rdzogs par 'dzin te/ gang zag de dag bdag ni dbang po rno zhing shes rab dang ldan pa'o zhes khas 'ches te kha na ma tho ba lci ba dang / yang ba thams cad 'chab cing sba ba ni/ ji ltar rus sbal yan lag drug sbed pa bzhin no/ /de ltar kha na ma tho ba rnams yun ring po nas mi 'gyod de/ de ltar mi 'gyod pas nyin mtshan du skye zhing 'phel bar 'gyur ro/ /dge slong de dag nyes pa byung ba rnams nam du'ang mi 'gyod de/ </font><hr>Ka91a<br><font size=+1>


@#/ /de bas na nyes pas kun tu glags nas de'i phyir de bzhin gshegs pas dngos po de dag mkhyen te/ bags kyis bcas kyi/ gcig car ni ma yin no/ /de'i tshe na rigs kyi bu dang / rigs kyi bu mo de dag gis bcom ldan 'das la 'di skad ces gsol to/ /de bzhin gshegs pas de ltar mkhyen bzhin ci'i slad du sngar ma bcas/ bcom ldan 'das kyis sems can dag mtshams med pa'i sems can dmyal bar btang ba ma lags sam/ dper na/ mi mang po yul gzhan du 'gro ba las 'brog bslad nas lam dang bral te/ lam ma yin par zhugs kyang mi de dag 'brog bslad par mi 'tshal te lam mo snyam nas/ gzhan la lam yin nam ma yin par dri ba'i gnas kyang med do/ /de bzhin du sems can dag sangs rgyas kyi chos kyis bslad de/ de yang dag pa gang lags pa mi mthong na/ de bzhin gshegs pas sngar yang dag pa'i lam bstan te dge slong dag 'di ni tshul khrims nyams pa'o/ /'di ni tshul khrims srung ba'o zhes bka' stsal te/ tshul khrims bca' ba'i rigs na/ ci'i slad du de bzhin gshegs pa yang dag par rdzogs pa/ yang dag pa'i lam mkhyen cing gzigs pa/ lha'i nang na lha lta bu/ dge ba bcu'i yon tan </font><hr>Ka91b<br><font size=+1>


dang don ston pa la shin tu mkhas pa/ ci'i slad du tshul khrims 'di sngar ma bcas/ bcom ldan 'das kyis bka' stsal pa/ rigs kyi bu/ de bzhin gshegs pas sems can la dge ba bcu'i yon tan ston pa'ang bden te/ de bzhin gshegs pa ni sems can thams cad la sras sgra gcan 'dzin dang 'dra bar gzigs na/ ci'i phyir khyod kyis 'di skad du/ bcom ldan 'das kyis sems can dag dmyal bar btang ba ma yin nam zhes smra/ ngas gang zag 'ga' zhig mtshams med pa'i sems can dmyal bar ltung ba'i rgyu dang ldan par gzigs na'ang gang zag de'i phyir bskal pa gcig gam/ bskal pa gcig 'gribs kyi bar du'ang 'jig rten na bzhugs so/ /nga ni sems can thams cad la thugs rje chen po dang ldan pa yin no/ /de'i phyir sras lta bur 'du shes pa dag sems can dmyal bar gtong / rigs kyi bu/ 'di lta ste/ dper na| rgyal po'i khams 'di na tshem bu gyon pa dag /gos la bug rdol yod na/ gdod lhan pas glon no/ /de bzhin gshegs pa'ang de dang 'dra ste/ sems can gang mtshams med pa'i sems can dmyal bar ltung bar 'gyur ba'i rgyu dang rkyen gcig gzigs na/ dge ba'i tshul khrims kyis de srung bar byed do/ /rigs kyi bu/ 'di lta </font><hr>Ka92a<br><font size=+1>


@#/ /ste| dper na/ 'khor los bsgyur ba'i rgyal po'ang sngar sems can la dge ba bcu'i chos kyis 'dul lo/ /phyis mi dge ba spyod pa yod na de la ci rigs su bags kyis chad pas gcod do/ /nyes pa'i chad pas bcad nas gdod 'phrul gyi rgyal po'i chos spyod do/ /rigs kyi bu/ nga'ang de dang 'dra ste/ bstan pa yod kyang sngar ma bcas pa ni/ dge slong dag chos ma yin par spyod du byed na gdod ci rigs su bags kyis bcas bas na/ gang chos la mos pa'i skye bo dag ni ston pa'i rjes su spyod par 'gyur ro/ /de bas na 'khor de dag gis de bzhin gshegs pa'i chos kyi sku mthong bar gyur to/ /'di lta ste/ 'khor los bsgyur ba'i rgyal po'i 'khor lo rin po che ni bsam gyis mi khyab bo/ /de bzhin gshegs pa'ang de bzhin du bsam gyis mi khyab ste/ chos dang dge 'dun yang bsam gyis mi khyab la/ chos ston pa dang / chos nyan pa'ang bsam gyis mi khyab ste/ 'di ni rten cing 'brel te 'byung ba la mkhas pa zhes bya'o/ /byang chub sems dpa' de ltar mtshan nyid rnam pa 'di bzhi'i don rnam par 'byed pa la mkhas pa ni/ theg pa chen po yongs su mya ngan las 'das pa'i nang na rten cing 'brel te 'byung ba'i don la mkhas pa zhes bya'o/ /de la </font><hr>Ka92b<br><font size=+1>


gzhan yang bdag tshul bzhin du byed pa zhes bya ba ni yongs su mya ngan las 'das pa chen po 'thob pa'o/ /gzhan tshul bzhin du 'chos pa ni ngas dge slong dag la de bzhin gshegs pa ni rtag pa mi 'pho ba'o zhes bstan pa'o/ /dris pa'i lan btab pa ni 'od srung khyod kyis dris pa'i phyir byang chub sems dpa' sems dpa' chen po dang / dge slong dang| dge slong ma dang / dge bsnyen dang / dge bsnyen ma la shin tu zab mo'i don rgyas par bstan pa'o/ /rten cing 'brel te 'byung ba'i don ni nyan thos dang / rang sangs rgyas dag shin tu zab mo'i don 'di lta bu mi shes shing yi ge'i 'bru i lta bu thig le gsum gyis smra ba dang / rnam par grol ba mya ngan las 'da' ba'i shes rab chen po dgongs te gsungs pa'i snying po ma thos pa rnams ngas deng 'dir nyan thos pa dag la rnam par phye ste bstan pas shes rab kyi mig bskyed do/ /gal te gang zag la la zhig 'di skad du dngos po rnam pa bzhi po 'di gcig go zhes smra na/ rdzun du ma gyur tam zhes zer na/ de la 'di skad du nam mkha' ni ci'ang med pa ste/ mi g.yo mi 'khrug pa yin na dngos po bzhi po la tha dad pa ci yod na/ de la rdzun zhes byar rung ngam/ gsol pa/ ma lags so/ /bcom ldan 'das/ tshig mang po de dag ni don gcig go /'di lta ste/ stong </font><hr>Ka93a<br><font size=+1>


@#/ /pa nyid kyi don to/ /bdag dang gzhan tshul bzhin du byed pa dang / dris pa'i lan 'debs pa dang / rten cing 'brel te 'byung ba'i don yang de 'dra ste/ mya ngan las 'das pa chen po dang mnyam par tha mi dad do/ /bcom ldan 'das kyis 'od srung la bka' stsal pa/ rigs kyi bu'am rigs kyi bu mo gang zhig 'di skad du de bzhin gshegs pa ni mi rtag go /ji lta bur mi rtag ce na/ bcom ldan 'das kyis gsungs pa ltar nyon mongs pa thams cad 'gags pas mya ngan las 'da' ba zhes bya ste/ dper na/ me shin ci'ang med pa bzhin du/ nyon mongs pa thams cad 'gags pa'ang de dang 'dra ste/ de la mya ngan las 'das pa zhes bya na/ de la ci'i phyir de bzhin gshegs pa rtag tu gnas pa'i chos can mi 'gyur mi 'pho ba zhes smra'am/ yang bcom ldan 'das kyis gsungs pa ltar srid pa dang bral bas mya ngan las 'das pa zhes bya ste/ mya ngan las 'das pa de la ni srid pa gang yang med na/ de la ji ltar na de bzhin gshegs pa ni rtag tu gnas pa'i chos can mi 'gyur mi 'pho ba zhes bya| dper na/ gos zad de zhig na dngos po ci'ang med pa bzhin du mya ngan las 'das pa'ang de dang 'dra ste/ nyon mongs pa thams cad 'gags pas dngos po zhes bya ba </font><hr>Ka93b<br><font size=+1>


ci'ang med na/ de la ci'i phyir de bzhin gshegs pa ni rtag tu gnas pa'i chos can mi 'gyur mi 'pho ba zhes smra'am/ bcom ldan 'das kyis gsungs pa ltar na 'dod pa dang bral te rab tu zhi ba ni mya ngan las 'da' ba zhes bya ste/ dper na/ mi zhig mgo bo bcad na mgo bo med pa zhes bya ba dang 'dra bar 'dod pa dang bral ba rab tu zhi ba'ang de dang 'dra ste/ stong pa ci'ang med pas mya ngan las 'das pa zhes bya na/ de la'ang ci'i phyir de bzhin gshegs pa ni rtag tu gnas pa'i chos can mi 'gyur mi 'pho ba zhes smra'am/ gzhan yang bcom ldan 'das kyis tshigs su bcad nas 'di skad ces bka' stsal to/ /dper na rab tu tsha ba'i lcags/ /tho bas brdungs na tsha ba 'byung / /gyes nas de ma thag tu med/ /de yi gnas kyang shes mi nus/ /yang dag rnam par grol ba'ang / /mtshan nyid de dang 'dra ba ste/ /'dod pa thams cad yongs spangs nas/ /srid pa'i 'dam las rab brgal te/ /mi g.yo ba yi gnas thob nas/ /phyin pa'i gnas ni shes mi nus/ /zhes de skad bka' stsal pa de la'ang ci'i phyir de bzhin gshegs pa ni rtag tu gnas pa'i chos can mi 'gyur mi 'pho ba'i chos can zhes smra na/ 'od srung / de skad du smra ba'i gang zag de ni log par smra ba yin no/ /'od srung khyod kyang de bzhin </font><hr>Ka94a<br><font size=+1>


@#/ /gshegs pa nyid la 'gog pa dang zad pa'i 'du shes ma skyed cing /'od srung / nyon mongs pa 'gags pa ni dngos po zhes mi gdags so/ / de ci'i phyir zhe na/ mthar phyin pa'i phyir rtag pa zhes bya'o/ /tshig 'di ni rab tu zhi ba ste bla na med pa'o/ /mtshan ma thams cad lhag ma ma lus par zad pa'o/ /tshig 'di ni rnam par dkar ba/ rtag pa gnas pa phyir mi ldog pa ste/ de'i phyir na mya ngan las 'das pa la rtag pa gnas pa zhes bya'o/ /de bzhin gshegs pa'ang de dang 'dra ste/ rtag pa gnas pa mi 'gyur ba'o/ /mi rtag ces bya ba ni nyon mongs pa'o/ /so sor gyes nas med par 'gyur te gnas kyang mi rnyed do zhes bya ba ni/ de bzhin gshegs pas nyon mongs pa thams cad 'gags nas rgyud lnga la mi gnas pa'o/ /de bas na de bzhin gshegs pa ni rtag pa gnas pa'i chos can mi 'gyur mi 'pho ba'o/ /gzhan yang 'od srung / sangs rgyas rnams kyis ston pa ni chos so/ /de bas na de bzhin gshegs pa'ang bkur sti dang mchod pa mdzad do/ /chos rtag pa'i phyir sangs rgyas rnams kyang rtag go / de nas yang bcom ldan 'das la byang chub sems dpa' 'od srung gis 'di skad ces gsol to/ /gal te nyon mongs pa'i me 'gags pas de bzhin pa'ang 'gags </font><hr>Ka94b<br><font size=+1>


na| de bzhin gshegs pa ni rtag tu gnas pa ma lags te/ dper na/ lcags bsregs pa kha dog dmar po zhi ste mi rnyed pa bzhin du de bzhin gshegs pa'i nyon mongs pa'ang de dang 'dra ste/ zhi ba'i gnas kyang mi rnyed do/ /gzhan yang / dper na/ lcags de la tsha ba dang dmar ba zhi nas ma mchis par 'gyur ba bzhin du de bzhin gshegs pa'ang de dang 'dra ste/ zhi nas rtag pa med pas nyon mongs pa'i me 'gags nas yongs su mya ngan las 'das par zhugs pas de bzhin gshegs pa ni rtag pa'o/ /bka' stsal pa/ rigs kyi bu lcags zhas bya ba ni bus pa ma rabs la bya ste/ bus pa ma rabs ni nyon mongs pa 'gags kyang / 'gags ma thag tu phyis skye bas mi rtag pa zhes bya'o/ /de bzhin gshegs pa ni de ltar ma yin te/ 'gags nas phyir mi skye ba'i phyir rtag pa zhes bya'o/ /'od srung gis gsol pa/ dper na/ lcags ni kha dog dmar po zhi ba'i 'og tu phyis mer stsal na slar yang kha dog dmar por 'gyur ro/ /de bzhin gshegs pa'ang de dang 'dra na lta nyon mongs pa slar yang skyes te/ nyon mongs pa slar yang skye bas mi rtag pa lags so| |bcom ldan 'das kyis 'od srung la bka' stsal pa/ khyod 'di skad du de bzhin gshegs pa la mi rtag go zhes ma zer cig /de ci'i phyir zhe na/ de bzhin gshegs pa </font><hr>Ka95a<br><font size=+1>


@#/ /ni rtag pa'o/ /rigs kyi bu/ 'di lta ste/ dper na/ shing 'tshig kyang thal ba yod do/ /nyon mongs pa 'gags na mya ngan las 'da' ba yod de/ gos zhig pa'am/ mgo bcad pa'am/ snod chag pa la sogs pa'i dpe dang 'dra ste/ dngos po de dag kyang so so na gos zhig pa dang / mgo bcad pa dang / snod chag pa zhes bya ba'i ming yod pa dang 'dra'o/ /'od srung / lcags tsha ba grang yang phyis tsha bar 'gyur gyi/ de bzhin gshegs pa ni de lta ma yin te/ nyon mongs pa bcad nas mthar yongs su bsil bas nyon mongs pa'i me phyis mi skye'o/ /'od srung / sems can tshad med pa rnams ni lcags de dang 'dra ste/ ngas zag pa med pa'i shes rab kyi mes sems can de dag gi kun nas nyon mongs pa bsreg par rig par bya'o/ /yang 'od srung gis gsol pa/ shin tu legs so/ /shin tu legs so/ /bdag gis ni deng de bzhin gshegs pa rtag pa lags par legs par thos so// //'phags pa yongs su mya ngan las 'das pa chen po'i mdo/ /bam po drug pa/ bcom ldan 'das kyis 'od srung la bka' stsal pa/ 'di lta ste/ dper na/ 'khor los bsgyur ba'i rgyal po 'chag pa'i phyir pho brang gi phyi rol tu song ste/ slas mang po'i 'khor na </font><hr>Ka95b<br><font size=+1>


med kyang 'khor los bsgyur ba'i rgyal po de shi'o zhes byar mi rung ngo / /rigs kyi bu/ de bzhin gshegs pa'ang de dang 'dra ste/ dzam+bu'i gling gi khams 'di na mi snang ste/ mya ngan las 'da' bar zhugs kyang mi rtag go zhes mi bya'o/ /de bzhin gshegs pa ni nyon mongs pa tshad med pa las byung ste/ mya ngan las 'das par zhugs nas rab tu bde ba'i gnas byang chub kyi yan lag gi me tog la rgyu zhing rab tu bde bas 'tsho'o/ /yang 'od srung gis gsol pa/ bcom ldan 'das kyis gsungs pa ltar na nga ni yun ring po nas nyon mongs pa'i rgya mtsho las brgal to zhes gsungs na/ gal te bcom ldan 'das nyon mongs pa'i rgya mtsho las brgal lags na/ ci'i slad du grags 'dzin las sras sgra gcan 'dzin lta bu bltams par gyur/ de bas na de bzhin gshegs pa ni nyon mongs pa dang kun nas nyon mongs pa'i rgya mtsho las ma grol ba 'dra na/ bcom ldan 'das/ de'i rgyu dang de'i rkyen bdag la bshad du gsol/ bcom ldan 'das kyis 'od srung la bka' stsal pa/ khyod de bzhin gshegs pa la yun ring po nas nyon mongs pa'i rgya mtsho las brgal na/ ci'i phyir grags 'dzin las sras sgra gcan 'dzin bltams par gyur/ de bas na de bzhin gshegs pa ni nyon mongs pa dang / kun nas nyon mongs pa'i rgya </font><hr>Ka96a<br><font size=+1>


@#/ /mtsho chen po las ma brgal ba dang 'dra'o zhes de skad ma smra zhig /rigs kyi bu/ yongs su mya ngan las 'das pa chen po ni don chen po rnam par bzhag pa yin gyi/ khyed rnams shin tu brtags par nyon te gzhan la'ang rgya cher ston la the tshom dang 'jigs pa ma skyed cig /byang chub sems dpa' sems dpa' chen po gang zhig mya ngan las 'das pa chen po la gnas na ri rab ri'i rgyal po ltar mtho zhing che ba yungs kar gyi 'brum bu gcig gi nang du bcugs pa/ ri rab lhun po la gnas pa'i sems can de dag gcig la gcig dog pa'am/ phan tshun du bskyod par mi shes so/ /gang 'dul ba'i rigs pa de dag ni byang chub sems dpas ri rab lhun po de yungs kar gyi nang du bcug kyang phyir gnas su bzhag par yang mthong ngo / /rigs kyi bu/ gzhan yang byang chub sems dpa' sems dpa' chen po mya ngan las 'das pa chen po la gnas na/ stong gsum gyi stong chen po'i 'jig rten gyi khams 'di yungs kar gcig gi nang du bcug kyang / de na gnas pa'i sems can dag gcig la gcig dog pa'am/ gnas phan tshun du bskyod par mi shes so/ /gang 'dul ba'i rigs pa 'ba' zhig gis ni byang chub sems dpas stong gsum gyi stong chen po'i 'jig rten gyi khams 'di yungs kar </font><hr>Ka96b<br><font size=+1>


gyi nang du bcug pa dang / phyir bzhag par yang shes so/ /rigs kyi bu/ gzhan yang byang chub sems dpa' sems dpa' chen po mya ngan las 'das pa chen pol gnas pa ni/ stong gsum gyi stong chen po'i 'jig rten gyi khams 'di ba spu'i bu ga gcig tu bcug pa nas phyir gnas su bzhag pa'i bar du rgyas par ro/ /rigs kyi bu/ gzhan yang byang chub sems dpa' sems dpa' chen po mya ngan las 'das pa chen po la gnas pa ni stong gsum gyi stong chen po'i 'jig rten gyi khams 'di blangs te/ khab kyi rtse mo la bzhag gam/ sangs rgyas kyi zhing gzhan du 'phangs kyang de na gnas pa'i sems can thams cad gang nas 'ongs pa dang / gang du song ba mi shes so/ /gang 'dul ba'i rigs pa 'ba' zhig gis ni mthong ba nas phyir gnas su bzhag pa'i bar du shes so/ /rigs kyi bu/ gzhan yang byang chub sems dpa' sems dpa' chen po mya ngan las 'das pa chen po la gnas pa ni phyogs bcu'i stong gsum gyi stong chen po'i 'jig rten gyi khams kun lag pa g.yas pas blangs nas rdza mkhan gyi 'khor lo ltar bskor te/ 'jig rten gyi khams rdul phra rab snyed kyi pha rol tu 'phangs kyang sems can de dag la gcig tsam yang song ba'am/ 'ongs par mi tshor te/ gang 'dul ba'i rigs pa 'ba' zhig gis ni mthong ba nas phyir gnas su 'ongs pa'i bar du shes so/ /rigs kyi bu/ gzhan yang byang chub </font><hr>Ka97a<br><font size=+1>


@#/ /sems dpa' sems dpa' chen po mya ngan las 'das pa chen po la gnas pa ni phyogs bcu'i sangs rgyas kyi zhing tshad med pa thams cad bdag gi khong par bcug kyang de na gnas pa'i sems can dag gcig la gcig gzer cing dog pa'am/ song ba'am/ 'ongs pa'am/ gnas par mi shes te/ gang 'dul ba'i rigs pa 'ba' zhig gis ni mthong ba nas phyir gnas su 'ongs pa'i bar du shes so/ /rigs kyi bu/ gzhan yang byang chub sems dpa' sems dpa' chen po mya ngan las 'das pa chen po la gnas pa ni phyogs bcu'i 'jig rten gyi khams kun rdul phra rab gcig gi nang du bcug kyang de na gnas pa'i sems can gcig la gcig gzer cing dog pa'am/ song ba dang / 'ongs ba mi shes te/ gang 'dul ba'i rigs pa 'ba' zhig gis ni mthong ba nas gnas su phyin pa'i bar du shes so/ /rigs kyi bu/ de ltar na byang chub sems dpa' sems dpa' chen po mya ngan las 'das pa chen po la gnas pas de lta bu'i mngon par shes pa'i cho 'phrul tshad med pa snyed ston te/ de bas na mya ngan las 'das pa chen po zhes bya'o/ /de ltar byang chub sems dpa' sems dpa' chen po mngon par shes pa'i cho 'phrul tshad med par bstan pa de la ni sems can thams cad kyis dpag pa'am rig par mi nus na/ khyod </font><hr>Ka97b<br><font size=+1>


kyis de bzhin gshegs pa 'dod chags kyi phyogs la nye bas/ sras sgra gcan 'dzin bltams par shes par ga la rung / rigs kyi bu/ yun ring po nas mya ngan las 'das pa chen po 'di la gnas nas mngon par shes pa'i chos 'phrul rnam pa sna tshogs ston te/ stong gsum gyi stong chen po'i 'jig rten gyi khams na nyi zla phrag brgya dang / dzam+bu'i gling phrag brgya la rnam pa sna tshogs su ston pa ni/ dpa' bar 'gro ba'i ting nge 'dzin gyi mdo las rgyas par bstan pa bzhin no/ /ngas stong gsum gyi stong chen po'i 'jig rten gyi khams dzam+bu'i gling 'dir yongs su mya ngan 'da' bar bstan kyang mthar yongs su mya ngan las 'das pa ma yin no/ /dzam+bu'i gling 'dir yum gyi lhums su bltams pa bstan pa'ang / yab dang yum nga la sras su 'du shes gzhag par bya ba'i phyir yin gyi/ nga'i sku ni mthar 'dod chags 'dus pa las skyes pa ma yin no/ /nga ni bskal pa yun ring po tshad med pa'i bar du 'dod pa yongs su spangs pas/ nga'i sku 'di ni chos kyi sku ste/ 'jig rten pa'i rjes su mngal du zhugs pa bstan pa yin no/ /rigs kyi bu/ dzam+bu'i gling 'dir lum+bi'i tshal du yum lha mdzes kyi lhums nas bltams te/ bltams ma thag tu shar phyogs su gom pa bdun por nas/ 'di skad du nga ni lha dang / mi dang / </font><hr>Ka98a<br><font size=+1>


@#/ /lha ma yin du bcas pa'i nang na mchog tu gyur/ phul du gyur/ gtso bor gyur to zhes smra ste/ yab dang / yum dang / 'jig rten du bcas pa lha dang mis mthong ba thams cad dga' nas ngo mtshar rmad kyi sems skyes so/ /mi thams cad kyis ni ngal bus ba chung ngur 'dzin te/ nga'i sku 'di ni bskal pa tshad med pa nas nyon mongs pa'i chos de lta bu dang bral lo/ /de bzhin gshegs pa'i sku ni chos kyi sku ste/ sha dang / khrag dang / rgyus pa dang / rtsa dang / rus pa dang / rkang las bsgrubs pa'i lus ma yin mod kyi/ 'jig rten pa'i rjes su bus pa chung ngu'i lus bstan to/ /lho phyogs su gom pa bdun por nas sems can tshad med pa la bla na med pa'i bsod nams kyi zhing mngon par bstan to/ /nub phyogs su gom pa bdun bor ba ni skye ba zad pa dang / rga ba dang / 'chi ba med pa'i sku tha ma bstan pa'i phyir ro/ / byang phyogs su gom pa bdun por ba ni srid pa'i 'khor ba thams cad las grol bar bstan to/ /shar phyogs su gom pa bdun bor ba ni sems can gyi ston pa yin par mngon par bstan pa yin no/ /phyogs mtshams bzhir gom pa bdun bdun bor ba ni/ nyon mongs pa rnam pa sna tshogs dang / bdung rnam bzhi yongs su bcom ste/ de bzhin </font><hr>Ka98b<br><font size=+1>


gshegs pa yang dag par rdzogs par mngon par sangs rgyas pa bstan pa'o/ /bla ma phyogs su gom pa bdun bor ba ni/ gang mi gtsang ba'i dngos po thams cad gyis mi gos te/ nam mkha' lta bur gyur pa bstan pa'o/ /'og ma'i phyogs su gom pa bdun por ba ni/ chos kyi char gyis sems can dmyal ba'i me bsad de/ sems can de dag rab tu bde ba myong ba dang / tshul khrims ngan pa can la ba mo dang ser ba lta bu bstan pa'o/ /dzam+bu'i gling du skyes nas zhag bdun lon pa dang / skra bregs pa bstan te/ mi thams cad kyis ni nga la bus par 'dzin to/ /thog ma skra 'dreg pa na/ 'jig rten du bcas pa lha dang / mi dang / bdung dang / tshangs pa dang / bram ze la sogs pa gang gis kyang / nga'i spyi gtsug gi mtshan yang mthong bar mi nus na/ gri thogs te nga'i skra 'dreg pa lta ci smos/ gri thogs te nga'i spyi gtsug 'dreg pa ni gnas med do/ /nga yun ring po nas bskal pa tshad med pa'i bar du skra dang kha spu bregs te/ nga'ang 'jig rten pa'i rjes su skra bregs pa bstan pa yin no/ /nga thog ma bltams nas yab dang yum gyis nga lha la bstan pa'i phyir lha'i rten gyi nang du khrid nas/ lha dbang sgyur chen po la bstan pa na/ lha dbang sgyur chen pos nga mthong ba'i tshe thal mo sbyar te bsti stang dang bcas pas phyogs gcig tu 'greng ngo / /nga ni yun ring po </font><hr>Ka99a<br><font size=+1>


@#/ /nas bskal pa tshad med pa'i bar du lha'i rten gyi nang du 'gro ba spangs mod kyi/ 'jig rten pa'i rjes su mthun par bya ba'i phyir de'ang bstan to/ /nga ni dzam+bu'i gling du rna ba phug pa'ang bstan te/ sems can thams cad kyis yang dag par nga'i rna ba dbug nus pa med de/ 'jig rten pa'i rjes su mthun par bya ba'i phyir de'ang mngon par bstan to/ /rin po che las rna cha seng ge can byas te/ nga'i rna ba la btags mod kyi/ nga ni bskal pa tshad med pa'i bar du brgyan pa'i rgyan yongs su spangs te/ 'jig rten pa'i rjes su mthun par bya ba'i phyir de'ang bstan to/ /yi ge'i grwar yig rtsis kyang bslabs te/ nga ni bskal pa tshad med pa'i bar du phun sum tshogs pa dang ldan pas khams gsum du brtags na sems can gang yang nga'i slob dpon du 'gyur ba med mod kyi/ 'jig rten pa'i rjes su mthun par bya ba'i phyir bslab pa'i grwar zhugs pa'ang bstan to/ /de bas na de bzhin gshegs pa yang dag par rdzogs pa'i sangs rgyas zhes bya'o/ /glang po che'i rkyal bslab pa dang / rta gdul ba dang / stobs rgol ba dang / nyam rtsal rnam pa sna tshogs sbyang ba'i bar du bstan to/ /dzam+bu'i gling du rgyal chab kyang bstan te/ sems can dag nga la rgyal tshab tu bzung nas/ 'dod pa lnga </font><hr>Ka99b<br><font size=+1>


la rab tu longs spyod par yang mthong ngo / /nga ni bskal pa tshad med pa'i bar du 'dod pa lnga'i bde ba yongs su spangs mod kyi/ 'jig rten pa'i rjes su de'ang bstan to/ /mtshan mkhan kyis nga'i mtshan bltas pa na/ gal te rab tu ma byung na 'khor los bsgyur ba'i rgyal por gyur te/ dzam+bu'i gling la dbang bsgyur ro zhes sems can thams cad yid ches so| |nga ni bskal pa tshad med pa'i bar du 'khor los bsgyur ba'i rgyal po'i thabs btang ste/ chos kyi 'khor los bsgyur ba'i rgyal por zhugs so/ /dzam+bu'i gling na bud med mang po dang / 'dod pa lnga spangs te/ rga ba dang / na ba dang / 'chi ba dang / dge sbyong mthong nas rab tu byung ba bstan pas sems can thams cad kyis rgyal tshab bzang sbyin gdod rab tu 'byung ngo zhes zer ro/ /nga ni bskal pa tshad med pa'i bar du rab tu byung ste lam bsgoms kyang / 'jig rten pa'i rjes su mthun par bya ba'i phyir de'ang mngon par bstan to/ /ngas dzam+bu'i gling du khyim nas khyim ma yin par rab tu byung nas bsnyen par rdzogs te lam la shin tu nan tan byas pas/ rgyun du zhugs pa'i 'bras bu dang / lan gcig phyir ldog pa'i 'bras bu dang / phyir mi ldog pa'i 'bras bu dang / dgra bcom pa'i 'bras bu'i bar du thob pa bstan to/ /so so'i skye bo dag ni dgra bcom pa'i 'bras bu </font><hr>Ka100a<br><font size=+1>


@#/ /thob par mi dka' ste/ sla ba zhig go snyam du sems so/ /nga ni bskal pa grangs med pa'i snga rol du dgra bcom pa'i 'bras bu thob kyang sems can gdul pa'i phyir de'ang bstan to/ /snying po byang chub kyi shing drung du rtsa bting ba la 'dug nas bdud kyi ris rnams btul te/ so so'i skye bo dag ni ngas gdod snying po byang chub kyi shing drung du bdud kyi ris rnams btul snyam sems te/ nga ni bskal pa grangs med pa'i snga rol du bdud thams cad btul zin mod kyi/ sems can ma dul ba dag gdul ba'i phyir bdud btul ba de'ang mngon par bstan to/ /ngas ni bshang gci che chung dang / dbugs phyi nang du rgyu ba'ang bstan pas so so'i skye bo dag ni nga la bshang gci che chung dang / dbugs phyi nang du rgyu ba yod snyam sems te/ nga'i sku 'di bsod nams kyi 'bras bu yin pas de lta bu'i bshang gci che chung dang / dbugs phyi nang du rgyu ba'i bag med kyang 'jig rten pa'i rjes su mthun par bya ba'i phyir de'ang mngon par bstan to/ /ngas ni pha rol pos sbyin pa byin pa blangs pa'ang bstan te/ nga'i sku 'di la ni bkres pa'am skom pa'i bag med do/ /'on kyang 'jig rten pa'i rjes su mthun par bya ba'i phyir de'ang mngon par bstan to/ /gzhan yang so so'i skye bo dang mthun par nyal ba dang gnyid log pa'ang bstan te/ nga ni bskal pa grangs </font><hr>Ka100b<br><font size=+1>


med pa'i bar du shin tu zab mo'i shes rab dang ldan te/ srid pa gsum dang yongs su bral yang / 'gro ba dang / sdod pa dang / spyod lam dang / klad pa na ba dang / lto na ba dang / rgyab na ba dang / 'brum bu dang / bkrus pa dang / rkang pa 'khru ba dang / lag pa 'khru ba dang / gdong 'khru ba dang / kha 'khru ba dang / so shing 'cha' ba'i bar du bstan te/ so so'i skye bo dag ni nga la de dag kun yod do zhes sems te/ nga'i sku la ni de dag gang yang med do/ /nga'i zhabs pad+mo ltar yongs su dag cing zhal gyi dri me tog ut+pal bro mang so so'i skye bo dag ni nga la gang zag snyam du sems te/ yang dag par na nga ni gang zag ma yin no/ /nga'ang tshem bu gyon cing 'khru ba dang / 'tshed pa dang / 'chag par bstan te/ nga ni sngon yun ring po nas gos mi dgos par gyur to/ /so so'i skye bo dag ni sgra gcan 'dzin la nga'i bu snyam/ rgyal po zas gtsang ma ni nga'i yab snyam/ lha mdzes ni yum snyam/ 'jig rten gyi bde ba la'ang longs spyad nas dngos po de dag thams cad btang ste/ rab tu byung nas lam la nan tan du byed do snyam sems so/ /gzhan yang kha cig ni/ rgyal po chen po'i rgyal tshab thu bo gau ta ma'i rigs chen po la gtogs pa'i 'jig rten gyi bde ba thams cad spangs nas 'jig rten las 'da' ba'i chos tshol lo snyam ste/ nga ni yun </font><hr>Ka101a<br><font size=+1>


@#/ /ring po nas 'jig rten gyi 'dod pa'i dngos po thams cad yongs su spangs te/ de dag thams cad ni bstan pa tsam du zad do/ /rigs kyi bu/ nga ni dzam+bu'i gling 'dir yang dang yang mya ngan las 'das pa bstan kyang / mthar yongs su mya ngan las 'das pa ma yin te/ so so'i skye bo dag ni de bzhin gshegs pa yang dag par 'gog pa zad do snyam ste /de bzhin gshegs pa ni mthar zad pa ma yin pas rtag tu gnas pa'i chos can/ mi 'gyur mi 'pho ba'i chos can du rig par bya'o/ /rigs kyi bu/ mya ngan las 'das pa chen po zhes bya ba ni/ sangs rgyas bcom ldan 'das rnams kyi chos kyi dbyings so/ /gzhan yang ngas dzam+bu'i gling 'dir 'jig rten du mngon par 'byung ba bstan te/ so so'i skye bo dag ni nga gdod mngon par sangs rgyas so snyam sems te/ nga ni bskal pa grangs med pa'i bar du bya ba thams cad byas kyang 'jig rten pa'i rjes su dzam+bu'i gling 'dir gdod mngon par sangs rgyas pa bstan to/ /nga'ang dzam+bu'i gling 'dir tshul khrims ma bsdams te rtsa ba bzhi'ang nyams pa bstan pas so so'i skye bo dag ni yang dag par ngas tshul khrims nyams so snyam du sems kyang / nga ni bskal pa tshad med pa'i bar du tshul khrims bsrungs pa la nyams pa med do/ / </font><hr>Ka101b<br><font size=+1>


nga'ang dzam+bu'i gling 'dir log sred can du bstan te/ so so'i skye bo dag ni thams cad kyis nga la log sred can yin par sems kyang / nga ni yang dag par log sred can ma yin no/ / gal te log sred can yin na/ ji ltar bla na med pa yang dag par rdzogs pa'i byang chub tu mngon par sangs rgyas par gyur/ nga'ang dzam+bu'i gling 'dir dge 'dun 'dum pa'i dbyen byas pa bstan te/ so so'i skye bo dag ni nga la dge 'dun 'dum pa'i dbyen byas so snyam du sems kyang / ngas rnam par bltas na 'jig rten du bcas pa lha dang mi'i nang na dge 'dun 'dum pa'i dbyen byed nus pa ma mthong ngo / /nga'ang dzam+bu'i gling 'dir dam pa'i chos yongs su srung ba bstan te/ so so'i skye bo dag ni nga la chos srung ba yin no snyam nas/ thams cad ngo mtshar du gyur te/ sangs rgyas rnams kyi chos nyid de yin pas de la ni ngo mtshar du mi bya'o/ /nga'ang dzam+bu'i gling 'dir bdud sdig to can gyi lus su bstan te/ so so'i skye bo dag ni yang dag par nga la bdud sdig to can yin no zhes sems kyang / nga ni bskal pa tshad med pa'i bar du bdud kyi las dang yongs su bral te/ pad+mo ltar yongs su dag pa la 'go ba med do/ /nga'ang dzam+bu'i gling 'dir bud med kyi lus kyis sangs rgyas pa bstan te/ so so'i skye bo dag ni 'di ltar ngo mtshar che ste/ bud med kyis bla na med pa yang dag rdzogs pa'i byang chub tu mngon par </font><hr>Ka102a<br><font size=+1>


@#/ /sangs rgyas so snyam sems te/ de bzhin gshegs pa ni nam du bud med kyi lus mi len kyang sems can tshad med pa snyed gdul ba'i phyir bud med kyi gzugs su bstan to/ /sems can thams cad la thugs brtse ba'i phyir gzugs byad rnam pa sna tshogs bstan pa yin no/ /nga'ang dzam+bu'i gling 'dir lam rgyud bzhir skye ba bstan te/ nga ni yun ring po nam lam gyi rgyud du 'gyur ba'i rgyun bcad do/ /las kyi rgyus lam rgyud bzhir lhung nas sems can de dag gdul ba'i phyir de dag tu skye pa'ang mngon par bstan to/ /nga'ang dzam+bu'i gling 'dir tshangs pa'i lha'i rgyal po byas te/ gang tshangs pa'i lha la rjed pa dag yang dag pa'i chos la dgod pa'i phyir gyi/ yang dag par tshangs pa ni ma yin yang so so'i skye bo dag ni nga la yang dag par tshangs pa'i lha'i rgyal po snyam sems te/ lha'i gzugs su lha gzhan dag tu bstan pa'ang de bzhin no| |nga'ang dzam+bu'i gling 'dir bud med sbrul 'tshong ma'i gnas su 'gro ba bstan te/ nga la ni yang dag par 'dod chags pa'i 'du shes med la/ pad+mo ltar yongs su dag cing cis kyang mi 'go'ang sems can gang 'dod chags kyis zil gyis non pa dag /lam srang bzhi mdor dam pa'i chos bstan pa'i phyir gyi/ nga la yang dag par </font><hr>Ka102b<br><font size=+1>


'dod chags kyi sems med kyang / so so'i skye bo dag ni nga la bud med kyi dbang byed do snyam sems so/ /nga'ang dzam+bu'i gling 'dir gos sngon po gyon pa'i rigs su 'gro ba bstan te| de'ang bran mor gyur pa yang dag pa'i chos la dgod pa'i phyir gyi/ nga la ni yang dag par gos sngon po gyon pa'i gnas su ltung ba'i las med par rig par bya'o/ /nga'ang dzam+bu'i gling 'dir slob dpon lta bur bstan te/ bus pa gzhon nu shed ma bye ba yang dag pa'i chos la dgod pa'i phyir ro/ /nga'ang dzam+bu'i gling 'dir chang 'thung ba dang / rgyal po'i gnas dang / pham rgyal gyi phyir 'thab mo byas pa'ang bstan te/ de'ang sems can de dag gdul zhing bsgral ba'i phyir gyi/ nga la ni de lta bu'i las ngan pa med kyang so so'i skye bo dag ni nga la de lta bu'i las kyang byed do snyam sems so/ /nga'ang yun ring por dur khrod na bya rgod kyi lus su bstan te/ de'ang bya thams cad bsgral ba'i phyir gyi/ so so'i skye bo dag ni nga la yang dag par bya rgod kyi lus su sems te/ nga ni yun ring po nas las de lta bu dang bral yang bya rnams bsgral ba'i phyir de'ang mngon par bstan to/ /nga'ang dzam+bu'i gling 'dir sems can tshad med pa gdul zhing / dam pa'i chos la dgod pa'i phyir khyim bdag gi lus kyang bstan to/ /gzhan yang rgyal po dang / blon po dang / rgyal bu dang / blon po chen por gyur </font><hr>Ka103a<br><font size=+1>


@#/ /te| de dag kun tu'ang gtso bo dang phul du gyur cing / dam pa'i chos la nan tan bya ba'i phyir rgyal po'i thabs su'ang zhugs so/ /nga'ang dzam+bu'i gling 'dir nad kyi bskal pa byung nas/ sems can mang po nad kyis rnam par gzir bdag sman gyis gsos te/ de'i 'og tu dam pa'i chos bstan nas bla na med pa'i byang chub la bkod de/ so so'i skye bo dag ni nad kyi bskal pa byung snyam sems so/ /gzhan yang dzam+bu'i gling 'dir mu ge'i bskal pa byung ba na/ de dag ci 'dod pa bzhin bza' ba dang btung ba byin nas gdod dam pa'i chos bstan te/ bla na med pa'i byang chub la bkod do/ /gzhan yang dzam+bu'i gling 'dir mtshon gyi bskal pa byung ba na/ de la dam pa'i chos bstan te/ dgrar 'khon du 'dzin pa spangs nas/ bla na med pa'i byang chub la bkod do/ /gzhan yang rtag par 'dzin pa dag la mi rtag pa'i 'du shes bstan pa dang / bde bar 'du shes pa la sdug bsngal ba'i 'du shes bstan pa dang / bdag tu 'du shes pa dag la bdag med par bstan pa dang / yongs su dag par 'du shes pa dag la yongs su ma dag pa'i 'du shes bstan pa'i phyir ro/ /sems can gang zhig khams gsum la chags na de la dam pa'i chos bstan te gnas de spong bar </font><hr>Ka103b<br><font size=+1>


byed do/ /sems can gdul zhing bsgral ba'i phyir bla na med pa'i dam pa'i chos sman lta bu ston to/ /kun tu nyon mongs pa'i shing thams cad gcad pa'i phyir bla na med pa'i chos kyi sman gyi shing bskyed do/ /mu stegs can gyi chos rnams gdul zhing bsgral ba'i phyir yang dag pa'i chos ston to/ /sems can thams cad kyi ston par mngon par bstan kyang thog ma nas sems can gyi ston pa'o snyam du mi dgongs so/ /bus pa ma rabs bsgral ba'i phyir de dag tu 'gro ba'ang mngon par ston te/ chos bstan pa'i phyir gyi/ las ngan pas de'i lus len pa ni ma yin no/ /de bzhin gshegs pa yang dag par rdzogs pa'i sangs rgyas ni de ltar yongs su mya ngan las 'das pa chen po la bde bar gnas pa ste/ de bas na rtag tu gnas pa mi 'gyur ba'i chos can zhes bya'o/ /ji ltar dzam+bu'i gling ltar shar gyi lus 'phags gling dang / nub kyi ba lang spyod dang / byang gi sgra mi snyan yang de bzhin du rgyas par ro/ /gling bzhin ji lta ba bzhin du stong gsum gyi stong chen po'i 'jig rten gyi khams kyang de bzhin te/ srid pa nyi shu lnga po ni ji ltar dpa' bar 'gro ba'i mdo las rgyas par bstan pa bzhin no/ /don de lta bas na yongs su mya ngan las 'das pa chen po zhes bya'o/ /byang chub sems dpa' sems dpa' chen po gang </font><hr>Ka104a<br><font size=+1>


@#/ /zhig yongs su mya ngan las 'das pa chen po la bde bar gnas na mngon par shes pa'i rdzu 'phrul 'di lta bu ston pa la 'jigs pa med do/ /'od srung| rkyen da lta bas na khyod kyis sgra gcan 'dzin la sangs rgyas kyi sras yin no zhes ma zer cig /de ci'i phyir zhe na/ ngas sngon bskal pa tshad med pa'i bar du srid pa'i 'dod pa dang bral bas de bas na de bzhin gshegs pa ni rtag tu gnas pa'i chos can mi 'gyur mi 'pho ba zhes bya'o/ /'od srung gis yang gsol pa/ ci'i slad du de bzhin gshegs pa la rtag tu gnas pa'i chos can zhes bgyi/ bcom ldan 'das kyis gsungs pa ltar na me mar gum nas gnas dang phyogs kyang ma mchis pa de bzhin du de bzhin gshegs pa'ang de dang 'dra ste/ mya ngan las 'das nas gnas dang phyogs ma mchis pa'ang de bzhin no zhes ma gsungs sam/ bcom ldan 'das kyis 'od srung la bka' stsal pa/ rigs kyi bu khyod 'di skad du ji ltar me mar shi na gnas dang phyogs med pa bzhin du de bzhin gshegs pa'ang de dang 'dra ste/ mya ngan las 'das nas gnas dang phyogs kyang med do/ /zhes ma zer cig /rigs kyi bu/ 'di lta ste/ dper na/ skyes pa'am bud med gcig me mar 'dzugs na/ mar gyi snod che chung las mar gyis bkang ste gzugs </font><hr>Ka104b<br><font size=+1>


so/ /ji srid mar yod kyi bar du ni snang ba'ang yod do/ /ci ste mar zad na snang ba'ang med par 'gyur ro/ /snang ba med par gyur pa ni nyon mongs pa zad pa lta bu'o/ /snang ba zad de med par song yang me mar gyi snod med par 'gyur ba ma yin te/ de bzhin gshegs pa'ang de dang 'dra ste/ nyon mongs pa zad de med kyang chos kyi sku ni rtag tu yod do/ /rigs kyi bu khyod kyi yid la ji snyam snang ba dang / me mar gyi snod cig car med par 'gyur ram/ 'od srung gis gsol pa/ ma lags so/ /bcom ldan 'das/ cig car ma mchis pa ma lags kyang mi rtag par 'dra'o/ /ci ste chos kyi sku mar gyi snod dang 'dra na/ mar me'i snod mi rtag pas chos kyi sku'ang de dang 'dra bar mi rtag par 'gyur ro/ /rigs kyi bu khyod de skad ces ma smra zhig /'jig rten na snod ces bya bar grags pa dang / sangs rgyas bcom ldan 'das kyi bla na med pa'i chos kyi snod ces bya ba snod ni mi rtag pa yin yang de bzhin gshegs pa ni ma yin no/ /chos thams cad la mya ngan las 'da' ba ni rtag pa ste/ de bzhin gshegs pa'i ngo bo nyid yin pas rtag pa zhes bya'o/ /gzhan yang / rigs kyi bu/ me mar zad ces bya ba ni dgra bcom pa'i mya ngan las 'da' ba la bya'o/ /'dod pa'i nyon mongs pa thams cad med par byas pas na me mar zad pa lta bu'o/ /lan </font><hr>Ka105a<br><font size=+1>


@#/ /gcig phyir mi ldog pa ni 'dod pa dang bcas pa ste/ 'dod pa dang bcas pas me mar zad pa lta bu zhes byar mi rung ngo / /de bas na ngas sngon mtshan ma dgag pa'i phyir me mar zad pa lta bu'o zhes bshad kyi/ yongs su mya ngan las 'das pa chen po ni me mar zad pa lta bu ma yin no/ /lan gcig phyir mi ldog ces bya ba ni yang dang yang ldog pa ma yin/ srid pa nyi shu lnga por phyir mi ldog cing / lus mnam po dang / lus srin can dang / lus gdug pa can mi len pas na phyir mi ldog pa zhes bya'o| |lus yang len pa ni phyir ldog pa zhes bya yang lus mi len pa ni phyir mi ldog pa zhes bya'o/ /song ba dang ldog pa yod pas phyir ldog pa zhes bya/ song ba dang ldog pa med pas phyir mi ldog pa zhes bya'o/ /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ sangs rgyas bcom ldan 'das kyis gsungs pa ltar dgongs te gsungs pa'i snying po mchis so zhes bgyi ba'i don de lta ma lags so/ /de ci'i phyir zhe na/ sangs rgyas bcom ldan 'das la dgongs te gsungs pa'i brjod pa ni mnga'i/ /dgongs te gsungs pa'i snying po zhes bgyi ba ni ma mchis so/ /dper na/ sgyu ma mkhan zhig gis shing gi 'khrul 'khor gyi mi zhig bgyis </font><hr>Ka105b<br><font size=+1>


na| shing gi mi de ni kun gyis kyang mthong bar rung gi /brkyang ba dang / bskum pa dang / dgye pa dang / rgu ba ni nang nas bsgyur bar mi 'tshal to/ /sangs rgyas kyi chos ni de lta bu ma lags te/ sems can thams cad kyis mthong zhing shes par bgyi ba lags na/ ci'i slad du sangs rgyas bcom ldan 'das kyis dgongs te gsungs pa'i snying po mchis zhes gsungs/ bcom ldan 'das kyis 'od srung la bka' stsal pa/ shin tu legs so/ /shin tu legs so/ /rigs kyi bu khyod kyis smras pa bzhin te/ de bzhin gshegs pa la yang dag par na dgongs te gsungs pa'i snying po med do/ /de ci'i phyir zhe na/ 'di lta ste/ ston gyi zla ba nya ba ni steng gi nam mkha' la shin tu gsal bar snang bas bsgribs pa med pa'i phyir skye bo thams cad kyis mthong ngo / /de bzhin gshegs pa'i bka' yang de dang 'dra bar shin tu gsal zhing rnam par dag kyang / byis pa ma rabs kyis mi shes pa'i phyir na dgongs te gsungs pa'i snying po zhes bya'o/ /mkhas pa shes rab can dag gis khong du chud pas gsang ba zhes mi bya'o/ /rigs kyi bu/ 'di lta ste/ dper na/ mi zhig gser dngul mang du bsags te/ srang grangs med par phyin kyang ser sna byed de/ dbul phongs pa la sbyin pa mi byed pa ni gsog pas gsang ba'i mdzod </font><hr>Ka106a<br><font size=+1>


@#/ /ces bya'i/ de bzhin gshegs pa ni de lta bu ma yin te/ bskal pa tshad med pa'i bar du dam pa'i chos rin po che tshad med pa bsags pa ser sna med par sems can thams cad la rtag tu sbyin pa byed na/ ci'i phyir de bzhin gshegs pa la dgongs te gsungs pa'i snying po yod ces bya/ rigs kyi bu/ 'di lta ste| dper na/ mi zhig dbang po ma tshang ba/ mig ya gcig gam/ lag pa ya gcig gam/ rkang pa ya gcig ma tshang na ngo tsha ba'i phyir gzhan gyis mi mthong bar byed pas gsang ba zhes bya'o/ /de bzhin gshegs pa ni de lta bu ma yin te/ dam pa'i chos thams cad phun sum tshogs te nyams pa med pas skye bo kun mthong bar byed na/ ci'i phyir de bzhin gshegs pa la dgongs te gsungs pa'i snying po yod ces bya/ rigs kyi bu/ 'di lta ste/ dper na/ mi dbul po zhig la bu lon mang po chags na/ bu lon ded pas 'jigs te mi mthong bar bya ba'i phyir na gsang ba zhes bya'o/ /de bzhin gshegs pa ni de lta bu ma yin te/ sems can thams cad la 'jig rten gyi chos kyang ma chags la/ sems can la 'jig rten las 'das pa'i chos chags kyang mi gsang ngo / /de ci'i phyir zhe na/ sems can thams cad la bu gcig pa dang 'dra bar dgongs </font><hr>Ka106b<br><font size=+1>


te bla na med pa'i chos 'byed cing ston to/ /rigs kyi bu/ 'di lta ste/ dper na/ khyim bdag phyug po zhig la bu gcig las med de/ shin tu sdug cing byams na/ rin po che ci bdog pa thams cad ston to/ /de bzhin gshegs pa'ang de dang 'dra ste/ sems can thams cad la bu gcig pa dang 'dra bar gzigs so/ /rigs kyi bu/ 'di lta ste| 'jig rten na mi dag ni pho mo'i mtshan mi sdug pa'i phyir gos kyis 'gebs pas na gsang ba zhes bya'o/ /de bzhin gshegs pa ni de lta bu ma yin te/ dbang po las ring du gyur te/ dbang po'i pha rol tu gyur pas gsang zhing gab pa med do/ /rigs kyi bu/ 'di lta ste/ bram ze dag ni tshig tu smra ba'i gtsug lag thams cad rgyal rigs dang / gdol rigs kyis thos par mi 'dod do/ /de ci'i phyir zhe na/ smra ba'i gtsug lag la nyes pa'i skyon yod pa'i phyir ro/ /de bzhin gshegs pa'i dam pa'i chos ni de lta ma yin te/ thog ma dang / tha ma dang / bar du yang dge bas gsang ba zhes byar mi rung ngo / /rigs kyi bu/ dper na/ khyim bdag gcig la bu gcig las med de/ shin tu sdug cing byams pa'i phyir slob dpon gyi gan du khrid nas bslab pa slob tu bcug na/ myur du mi lobs su dogs pas sdug pa'i phyir khyim du khrid nas nyin mtshan du brtson 'grus bskyed/ </font><hr>Ka107a<br><font size=+1>


@#/ /de| yi ge phyed slob cing ston gyi/ gtsug lag chen po mi ston to/ /de ci'i phyir zhe na/ na so gzhon la shed ma rdzogs pas ldob pa'i mthu med pa'i phyir ro/ /rigs kyi bu/ khyim bdag des yi ge phyed bslabs na/ bu des de'i tshe gtsug lag chen po shes shing rtogs par 'gyur ram/ gsol pa/ ma lags so/ / bcom ldan 'das kyis bka' stsal pa/ rigs kyi bu/ khyim bdag des bu de la gsang ba yin nam/ gsol pa/ ma lags so/ /bcom ldan 'das/ de ci'i slad du zhe na/ bu na so gzhon te mi ldob pa'i slad du ma bstan gyi/ ser sna byas te gsang ba'i slad du ma bstan pa ni ma lags so/ /de ci'i slad du zhe na/ ser sna'i sems dang bcas pa ni gsang ba zhes bgyi na/ de bzhin gshegs pa ni de lta bu ma lags te/ dgongs te gsungs pa'i snying po mchis zhes bgyir mi rung ngo / /bcom ldan 'das kyis bka' stsal pa| shin tu legs so/ /shin tu legs so/ /rigs kyi bu khyod kyis smras pa bzhin te/ zhe sdang gi sems dang / phrag dog dang / ser sna'i sems dang bcas pa ni gsang ba zhes bya'i/ de bzhin gshegs pa la ni zhe sdang ba dang / phrag dog dang / ser sna'i thugs mi mnga' bas na gsang ba yod do zhes byar mi rung ngo / /rigs kyi bu/ khyim bdag </font><hr>Ka107b<br><font size=+1>


ces bya ba ni de bzhin gshegs pa lta bu'o/ /bu gcig pa zhes bya ba ni sems can thams cad la bya ste/ de bzhin gshegs pa ni sems can thams cad la bu gcig pa dang 'dra bar gzigs so/ /bu slob pa ni nyan thos kyi nye gnas lta bu'o/ /yi ge phyed ces bya ba ni yi ge sde dgu po lta bu'o/ /gtsug lag chen po zhes bya ba ni shin tu rgyas pa theg pa chen po'i mdo sde lta bu'o/ /nyan thos kyi rnams la shes rab kyi mthu med pas de bzhin gshegs pas yi ge phyed lta bu mdo sde dgu po bshad kyi/ gtsug lag chen po lta bu shin tu rgyas pa theg pa chen po'i mdo sde ma bshad do/ /rigs kyi bu/ khyim bdag gi bu shed rdzogs te ldob pa'i mthu yod bzhin du gtsug lag chen po ma bslabs na gsang ba zhes bya'o/ /nyan thos kyang gal te theg pa chen po'i gtsug lag ldob pa'i mthu yod par gyur la/ de bzhin gshegs pas ser sna mdzad de ma bstan na/ de bzhin gshegs pa la dgongs te gsungs pa'i snying po yod ces byar rung ngo / /de bzhin gshegs pa ni de lta bu ma yin te/ de bas na de bzhin gshegs pa la dgongs te gsungs pa'i snying po med do/ /ji ltar khyim bdag des sngar bu da la yi ge phyed po bstan nas/ de'i 'og tu gtsug lag chen po ston pa bzhin du/ de bzhin gshegs pa'ang de dang 'dra ste/ nye gnas rnams la sngar yi ge </font><hr>Ka108a<br><font size=+1>


@#/ /phyed lta bu mdo sde dgu po bstan nas de'i 'og tu gtsug lag chen po ston pa ni/ 'di lta ste/ de bzhin gshegs pa ni rtag tu gnas pa'i chos can mi 'gyur mi 'pho ba zhes bya'o/ /rigs kyi bu/ gzhan yang 'di lta ste/ dper na/ dbyar gyi dus su char sprin chen po langs te char pa chen po bab na zhing pa zhing las byed pa sa bon mang du btab pa rnams kyis ni lo thog mang du thob par 'gyur ro/ /gang sa bon nyung du btab pa rnams kyis ni lo thog nyung ngu thob ste/ de ni klu'i rgyal pos nyes pa ma yin la/ klu'i rgyal pos gsang ba'ang ma yin no/ /de bzhin gshegs pa'ang de dang 'dra ste/ chos chen po'i char yongs su mya ngan las 'das pa chen po phab pas sems can gang dge ba'i 'bras bu bskyed pa dag ni shes rab kyi myu gu dang 'bras bu thob par 'gyur/ dge ba'i sa bon med pa ni ci'ang ma thob ste/ ci'ang ma thob pa ni de bzhin gshegs pas nyes pa ma yin la/ de bzhin gshegs pa la yang dag par na gsang ba'ang med do/ /'od srung gis yang gsol pa/ bdag gis ni sangs rgyas bcom ldan 'das la dgongs te gsungs pa'i gsang ba'i snying po ma mchis par rtogs na/ bcom ldan 'das kyis gsungs pa ltar gtsug lag chen po ni de bzhin gshegs </font><hr>Ka108b<br><font size=+1>


pas rtag tu gnas pa'i chos can mi 'gyur mi 'pho ba lta bu'o zhes bgyi ba de mi rung ngo / /de ci'i slad du zhe na/ sngon bcom ldan 'das kyis tshigs su bcad pa 'di skad ces gsungs so/ /de bzhin gshegs dang rang rgyal dang / /nyan thos pa yi nye gnas kyang / /mi rtag pa yi lus 'dor na/ /bus pa ma rabs smos ci dgos/ /zhes gsungs la/ da 'dir rtag tu gnas pa mi 'gyur mi 'pho ba zhes gsungs pa'i don ji lta bu lags/ bcom ldan 'das kyis bka' stsal pa/ ngas ni nyan thos pa'i nye gnas thams cad la yi ge phyed po bstan pa'i phyir tshigs su bcad pa de skad ces gsungs pa yin no/ /rigs kyi bu/ gzhan yang rgyal po rab tu sde pham byed kyi ma shi ba na/ rgyal po mya ngan gyis non te rab tu ngu zhing / yid la gcags bzhin du nga gang na bar 'ongs nas ngas rgyal po la mkhyen bzhin du rgyal po chen po ci'i phyir rab tu sdug bsngal zhing yi mug par gyur ces dris na/ rgyal pos gsol pa/ btsun mo chen mo deng tshe'i bya ba byas te/ gal te su zhig gis bdag gi ma'i tshe slar bzlog na/ bdag gis rgyal thabs dang / bal glang dang / rta dang / rin po che sna bdun dang / lus dang / srog kyang 'bul lo zhes smras so/ /ngas rgyal po de la 'di skad du rgyal po chen po mya ngan gyis yid gdungs par ma byed </font><hr>Ka109a<br><font size=+1>


@#/ /cig |sems can thams cad tshe zad de shi zhes bya ba yod do/ /sangs rgyas dang / rang sangs rgyas dang / nyan thos rnams kyang lus 'dor na/ bus pa ma rabs lta ci smos te/ rigs kyi bu/ ngas rgyal po de'i mya ngan bsang ba'i phyir yi ge phyed po'i tshigs su bcad pa de dag gsungs pa yin no/ /ngas da nyan thos kyi nye gnas rnams la gtsug lag chen po bstan te/ de bzhin gshegs pa ni rtag tu gnas pa mi 'gyur mi 'pho ba'o/ /zhes gsungs pa la/ de la gang zag la la zhig gis de bzhin gshegs pa mi rtag ces zer na de'i lce ci ste chad par ma gyur/ 'od srung gis yang gsol pa/ bcom ldan 'das kyis yang tshigs su bcad pa la 'di skad ces ma gsungs sam| ci'ang gsog pa med cing / /zas kyi tshod kyang shes pa/ /mkha' la bya 'phur bzhin te/ /rjes ni sus kyang mi chod/ /ces bgyi ba'i don ji lta bu lags/ bcom ldan 'das kyis dkyil 'khor 'di'i nang na ci'ang mi gsog ces bgyi ba ni gang lags/ zas kyi tshod 'dzin pa ni gang lags/ nam mkha' la bya 'phur ba ltar rjes mi rnyed pa de lta bu ni su/ song ba de yang phyogs gang du phyin par gyur/ bcom ldan 'das kyis 'od srung la bka' stsal pa/ gsog pa zhes bya ba ni nor bu rin po che'o/ /rigs kyi bu/ </font><hr>Ka109b<br><font size=+1>


gsog pa la rnam pa gnyis te/ 'dus byas dang / 'dus ma byas pa'o/ /'dus byas kyi gsog pa ni nyan thos kyi spyod pa la bya'o/ /'dus ma byas pa'i gsog pa ni de bzhin gshegs pa'i spyod pa'o/ /rigs kyi bu/ dge 'dun la'ang rnam pa gnyis te/ 'dus byas dang / 'dus ma byas pa'o/ /'dus byas kyi dge 'dun zhes bya ba ni nyan thos so/ /nyan thos kyi dge 'dun zhes bya ba ni gsog pa med pa'o/ /ci mi gsog ce na/ bran pho dang / bran mo dang / chos ma yin pa'i dngos po bang mdzod dang / khre 'bras dang / til dang / zar ma dang| sran ma che chung la sogs pa mi gsog pa'o/ /de la gang zhig gis 'di skad du de bzhin gshegs pas bran pho dang / bran mo dang / las byed pa'i mi la sogs pa 'chang du gnang ngo zhes zer na/ de'i lce lkug par 'gyur ba'i rigs so/ /nga'i nyan thos kyi nye gnas dag ni mi gsog pa zhes kyang bya/ zas kyi tshod shes pa zhes kyang bya ste/ gang zas la chags pa ni chog mi shes pa zhes bya/ gang zas la ma chags pa ni chog shes pa zhes bya'o/ /rjes mi chod ces bya ba ni bla na med pa'i byang chub la bsnyen pa ste /gang zag de ni ngas gsungs pa ltar song mod kyi/ phyin pa'i gnas med do/ /'od srung gis yang gsol pa/ 'dus byas kyi dge 'dun la'ang mi gsog pa zhes bgyi na/ 'dus ma </font><hr>Ka110a<br><font size=+1>


@#/ /byas pa'i dge 'dun lta ci smos te/ de ni de bzhin gshegs pa la bgyi na/ de bzhin gshegs pa la gsog pa ga la zhig mchis/ gsog pa zhes bgyi ba ni gsang ba'am sbed pa la bgyi na/ de bzhin gshegs pa ni gsung la ser sna mi mnga' bas gsang ba zhes bgyir mi rung ngo / /rjes mi chod ces bya ba ni 'di lta ste/ mya ngan las 'das pa'o/ /mya ngan las 'das pa nyi zla dang / skar ma dang / gza' skar dang / grang ba dang / tsha ba dang / rlung dang / char pa dang / skye ba dang / rga ba dang / na ba dang / 'chi ba dang / srid pa nyi shu lnga po'ang ma mchis la/ mya ngan dang / sdug bsngal dang / nyon mongs pa dang bral ba'o/ /de ltar mya ngan las 'das pa ni de bzhin gshegs pa'i gnas rtag pa mi 'gyur mi 'pho ba ste/ rgyu dang rkyen de lta bas na de bzhin gshegs pa ni shing sA la'i drung du yongs su mya ngan las 'da' ba chen pos yongs su mya ngan las 'das so/ /bcom ldan 'das kyis bka' stsal pa/ 'od srung chen po zhes bya ba ni rang bzhin nyid yangs shing rgya che ba'o/ /dper na| gang zag gcig tshe lo grangs med par thub pas na skyes bu chen po zhes bya'o/ /gal te dam pa'i chos la bde bar gnas na mi'i nang du phul du gyur pa zhes bya'o/ /ngas </font><hr>Ka110b<br><font size=+1>


skyes bu chen po brgyad ces gsungs pa gang zag gcig 'ba' zhig gis thob pa'am kun gyis thob par rung / gal te mi gcig gis brgyad char ldan na/ de ni mchog dang phul du gyur pa zhes bya'o/ /mya ngan las 'da' ba zhes bya ba ni nyes pa'i skyon med pa ste/ rigs kyi bu/ dper na/ mi zhig dug mdas phog na na ba'i sdug bsngal chen po myong ngo / /de gal te sman pa mkhas pa dang phrad na/ sman pas sman bzang pos bskus pas na ba'i sdug bsngal dang bral te rab tu bde bar 'gyur la/ sman pa de'ang grong dang / grong khyer dang / grong 'dab tu rgyu zhing gang na rma byung ba'i sdug bsngal ba thams cad gso zhing sdug bsngal dang bral bar byed do/ /rigs kyi bu/ de bzhin gshegs pa'ang de dang 'dra ste/ mngon par sangs rgyas nas sman pa'i rgyal por gyur te/ dzam+bu'i gling na bskal pa tshad med pa'i bar du sdug bsngal gyis rnam par gzir ba'i sems can 'dod chags dang / zhe sdang dang / gti mug gi nyon mongs pa'i zug rngus gzir te sdug bsngal chen po myong ba dag la theg pa chen po'i mdo sde bdud rtsi lta bu'i chos kyi sman gyis de dag gsos nas phyogs dang gnas gzhan dag na nyon mongs pa'i zug rngus gzir ba'ang mngon par sangs rgyas pa bstan te/ de'ang 'tsho bar mdzad de/ de lta bas na yongs su mya ngan las 'das pa </font><hr>Ka111a<br><font size=+1>


@#/ /chen po zhes bya'o/ /yongs su mya ngan las 'das pa chen po zhes bya ba ni rnam par grol ba'i gnas te/ sems can gang na gdul ba'i gnas der de bzhin gshegs pa'i sku mngon par ston pas/ shin tu zab mo'i don yang dag pa 'di'i phyir yang yongs su mya ngan las 'das pa chen po zhes bya'o/ /de nas yang bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ 'jig rten gyi sman pas sems can gyi nad thams cad gso nus sam| rigs kyi bu/ 'jig rten na na ba la rnam pa gnyis te/ gsor rung ba dang / gsor mi rung ba'o/ /gang gsor rung ba ni sman pas gsos na 'tsho'o/ /gsor mi rung ba ni sman pas gsos kyang mi 'tsho'o/ /'od srung gis yang gsol pa/ bcom ldan 'das kyis gsungs pa ltar na/ de bzhin gshegs pa'ang dzam+bu'i gling na sems can gsos so zhes bka' stsal te/ gal te gsos na sems can gyi nang na ci'i slad du mya ngan las ma 'das pa'ang mang / gal te thams cad kyis ma thob na/ ci'i slad du de bzhin gshegs pas thams cad gsos nas phyogs gzhan du'ang gshegs zhes bka' stsal/ bcom ldan 'das kyis bka' stsal pa/ rigs kyi bu/ dzam+bu'i gling na </font><hr>Ka111b<br><font size=+1>


sems can la rnam pa gnyis so/ /dad pa dang bcas pa dang / dad pa med pa'o/ /gang dad pa dang bcas pa ni gsor rung ngo / /de ci'i phyir zhe na/ nges par mya ngan las 'das te skyon med pa'i phyir ngas dzam+bu'i gling gi sems can kun gsos so zhes gsungs so/ /gang dad pa med pa ni log sred can zhes bya ste/ log sred can zhes bya ba ni gsor mi rung ba'o| |log sred can la ma gtogs pa thams cad gsos pas na/ mya ngan las 'da' ba la skyon med do/ /gsol pa/ bcom ldan 'das/ mya ngan las 'da' ba zhes bgyi ba gang lags/ rigs kyi bu/ mya ngan las 'da' ba zhes bya ba ni rnam par grol ba'o/ /'od srung gis yang gsol pa/ rnam par grol ba zhes ba gyi ba gzugs lags sam| 'on te gzugs ma lags/ bcom ldan 'das kyis bka' stsal pa/ rigs kyi bu/ la la ni gzugs kyang yin/ la la ni gzugs ma yin no/ /gzugs ma yin pa ni nyan thos dang / rang sangs rgyas kyis rnam par grol ba'o/ /gzugs zhes bya ba ni sangs rgyas bcom ldan 'das kyi rnam par grol ba'o/ /rigs kyi bu/ de lta bas na rnam par grol ba ni gzugs kyang yin la/ gzugs kyang ma yin no/ /de bzhin gshegs pas nyan thos kyi nye gnas la ni gzugs ma yin no zhes gsungs so/ /gsol pa/ bcom </font><hr>Ka112a<br><font size=+1>


@#/ /ldan 'das/ nyan thos dang rang sangs rgyas la gal te gzugs ma mchis na ci la gnas/ rigs kyi bu/ dper na/ 'du shes med 'du shes med min gyi lha dang 'dra ste/ gzugs kyang yin la/ gzugs kyang ma yin pas/ ngas gzugs ma yin zhes gsungs so/ /gal te kha cig gis 'di skad du 'du shes med 'du shes med min gyi lha dag gal te gzugs ma yin na ci la gnas te 'gro ba dang / song ba dang / 'ong bar 'gyur zhes rgol na/ de la don de dag ni sangs rgyas bcom ldan 'das kyi spyod yul yin pas/ nyan thos dang rang sangs rgyas kyis shes pa ma yin te/ rnam par grol ba'ang de dang 'dra ste/ gzugs kyang yin la/ gzugs kyang ma yin pas/ gzugs ma yin no zhes gsungs so/ /'du shes kyang yin la/ 'du shes kyang ma yin pas 'du shes ma yin zhes gsungs te/ don de dag ni sangs rgyas rnams kyi spyod yul yin gyi/ nyan thos dang / rang sangs rgyas rnams kyis shes pa ma yin no// //'phags pa yongs su mya ngan las 'das pa chen po'i mdo/ bam po bdun pa/ de nas yang bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ bdag cag la thugs </font><hr>Ka112b<br><font size=+1>


brtse ba'i slad du yongs su mya ngan las 'das pa chen po rnam par grol ba'i don yang rgyas par bshad du gsol/ bcom ldan 'das kyis 'od srung la bka' stsal pa/ shin tu legs so/ /shin tu legs so/ /rigs kyi bu/ yang dag par rnam par grol ba zhes bya ba ni gang rnam par bcing ba'i bcings pa thams cad dang yongs su bral ba'o| /de ltar yang dag par grol ba ni bcings pa thams cad dang yongs su bral bas skye ba'ang med la 'dus pa'ang med do/ /'di lta ste/ dper na/ pha ma 'dus shing phrad pa las bu byung ngo / /yang dag par rnam par grol ba ni de lta ma yin pas na rnam par grol ba de ni ma skyes pa zhes bya'o/ /'od srung / dper na/ mar gyi snying po ni rang bzhin gyis rnam par dag go /de bzhin gshegs pa'ang de dang 'dra ste/ pha ma 'dus shing phrad pa'i rkyen gyis byung ba ma yin te/ rang bzhin gyis yongs su dag kyang so so'i skye bo dag gdul ba'i phyir pha ma mngon par bstan to/ /yang dag par rnam par grol ba zhes bya ba ni de bzhin gshegs pa ste/ de bzhin gshegs pa'i rnam par grol ba la ni gnyis su med/ dbyer med do/ /dper na/ dbyar gyi dus su sa bon btab na drod gsher gyis rlan pas de ma thag tu skye zhing 'byung ngo / /yang dag par rnam par grol ba ni de lta ma </font><hr>Ka113a<br><font size=+1>


@#/ /yin no/ /gzhan yang rnam par grol ba zhes bya ba ni stong zhing med pa'o/ /stong zhing med pa ni rnam par grol ba'o/ /rnam par grol ba ni de bzhin gshegs pa'o/ /de bzhin gshegs pa ni stong pa med pa/ byas pa ma yin/ byed pa ma yin no/ /byas pa zhes bya ba ni mkhar dang / grong dang / khang khyim dang / nyen dang / cog par ro/ /yang dag par rnam par grol ba ni de lta ma yin te/ de lta bas na rnam par grol ba ni de bzhin gshegs pa'o/ /gzhan yang rnam par grol ba zhes bya ba ni 'dus ma byas pa'i chos so/ /'dus byas ni/ dper na/ rdza ma dang 'dra ste/ 'jig pa'i chos can no/ /rnam par grol ba ni de lta ma yin te/ yang dag par rnam par grol ba ni ma skyes pa/ mi 'gog pa'o/ /de bas na rnam par grol ba ni de bzhin gshegs pa ste/ de bzhin gshegs pa'ang de dang 'dra bar mi skye/ mi 'gog/ mi rga/ mi 'chi/ mi 'jig/ mi 'chag ste/ 'dus byas kyi chos ma yin no/ /don de lta bas na de bzhin gshegs pa yongs su mya ngan las 'das te/ mi rga| mi 'chi ba zhes bya'o/ /de'ang gang zhe na/ rgas zhes bya ba ni 'pho zhing 'gyur ba/ skra dkar ba gdong la gnyer ma byung ba'o/ /shi zhes bya ba ni lus zhig ste tshe 'phos </font><hr>Ka113b<br><font size=+1>


pa'o| |dngos po 'di dag ni rnam par grol ba la med de/ de med pas na rnam par grol ba zhes bya'o/ /de bzhin gshegs pa la skra dkar ba gdong la gnyer mar 'gyur ba 'dus byas pa'i chos med do/ /de bas na de bzhin gshegs pa la rga ba med do/ /rga ba med pas na 'chi ba'ang med do/ /gzhan yang rnam par grol ba ni na ba med pa'o/ /na ba zhes bya ba ni nad bzhi brgya rtsa bzhi dang / de ma yin pa'i rkyen gzhan gyis lus la gnod par 'gyur ba'o/ /de dag gang yang med pas na rnam par grol ba zhes bya'o/ /gang nad med pa ni yang dag par rnam par grol ba'o zhes bya'o/ /yang dag par rnam par grol ba ni de bzhin gshegs pa'o/ /de bzhin gshegs pa la na ba med pas na chos kyi sku la'ang na ba med do/ /de ltar na ba med pas de bzhin gshegs pa zhes bya'o/ /shi zhes bya ba ni lus zhig ste tshe 'phos pa'o/ /de la shi ba med pas zil mngar lta bu'o/ / zil mngar ni yang dag par rnam par dag par grol ba'o/ /yang dag par rnam par grol ba ni de bzhin gshegs pa'o/ /de ltar de bzhin gshegs pa ni de lta bu'i yon tan phun sum tshogs pa dang ldan na/ ci'i phyir de bzhin gshegs pa la mi rtag ces bya/ gal te de bzhin gshegs pa la mi rtag ces smra na/ de ni gnas ma yin no/ /de ni rdo rje </font><hr>Ka114a<br><font size=+1>


@#/ /lta bu'i sku yin na/ ci'i phyir mi rtag /de bas na de bzhin gshegs pa la ni tshe zad pa zhes mi bya'o/ /de bzhin gshegs pa ni yongs su dag pa dri ma med pa'o/ /de bzhin gshegs pa'i sku ni mngal gyis ma gos pa ste/ me tog puN+Da ri ka ltar rang bzhin gyis rnam par dag pa'o/ /de bzhin gshegs pa'i rnam par grol ba'ang de dang 'dra'o/ /rnam par grol ba de nyid de bzhin gshegs pa'o/ /de bas na de bzhin gshegs pa ni yongs su dag cing dri ma med pa'o/ /gzhan yang rnam par grol ba zhes bya ba ni zag pa'i rma thams cad lhag ma ma lus par zad pa'o/ /de bzhin gshegs pa'ang de dang 'dra ste/ zag pa'i rma thams cad med do/ /gzhan yang rnam par grol ba zhes bya ba ni rtsod pa med pa ste/ dper na/ mi ltogs pa zhig kha zas mthong na shin tu chags par 'gyur ro/ /rnam par grol ba ni de lta ma yin no/ /gzhan yang rnam par grol bzhes bya ba ni bde ba zhi ba'o/ /bus pa ma rabs dag ni dbang sgyur chen po la bde zhing zhi ba zhes zer ba tshig de ni rdzun te bden pa ma yin no/ /yang dag par bde zhing zhi ba ni mthar rnam par grol ba'o/ /mthar rnam par grol ba ni de bzhin gshegs pa'o/ /gzhan yang rnam par grol ba ni rab tu bde ba'o/ /dper na dgra mang po'i </font><hr>Ka114b<br><font size=+1>


gnas ni bde ba ma yin no/ /dgra med pa'i gnas ni rab tu bde ba zhes bya'o/ /rnam par grol ba'ang 'jigs pa med pas na rab tu bde ba zhes bya'o/ /de bas na rab tu bde ba ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /de bzhin gshegs pa zhes bya ba ni chos so/ /gzhan yang rnam par grol ba zhes bya ba ni mnyam pa'i zla med pa'o/ /mnyam pa'i zla zhes bya ba ni/ dper na/ rgyal po dag ni yul sa mnyam pa'i zla yod pas mnyam pa'o/ /rnam par grol ba la ni de lta bu med do/ /mnyam pa'i zla med pa ni/ dper na/ 'khor los bsgyur ba'i rgyal po la ni mnyam pa'i zla med do/ /rnam par grol ba la'ang de dang 'dra ste/ mnyam pa'i zla med do| |mnyam pa'i zla med pa ni yang dag par grol ba'o/ /yang dag par rnam par grol ba ni de bzhin gshegs pa'i chos kyi 'khor los bsgyur ba'i rgyal po'o/ /de bas na de bzhin gshegs pa la mnyam pa'i zla med de/ /mnyam pa'i zla yod ces bya ba'i gnas med do/ /gzhan yang rnam par grol ba zhes bya ba ni mya ngan med pa'o/ /mya ngan yod ces bya ba ni/ dper na/ rgyal po dag phas rgol ba'i dgras 'jigs pas mya ngan byed do/ /rnam par grol ba la ni de lta bu'i dngos po med do/ /dper na/ dgra kun bcom na/ de la ni mya ngan </font><hr>Ka115a<br><font size=+1>


@#/ /nam dogs pa med do/ /rnam par grol ba'ang de dang 'dra ste/ mya ngan nam 'jigs pa med pa'o/ /mya ngan nam 'jigs pa med pa ni de bzhin gshegs pa'o/ /gzhan yang rnam par grol ba zhes bya ba ni mya ngan dang / rga ba med pa'o/ /dper na/ bud med gcig pu gcig pa yul gzhan du song ba las shi'o/ /zhes gtam ngan thos na mya ngan gyis sdug bsngal bar 'gyur ro/ /phyis ma shi'o zhes thos na de ma thag tu dga' ba skye'o/ /rnam par grol ba la ni dngos po de dag med de/ mya ngan dang dga' ba med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni rdul dang dri ma med pa'o/ /dper na/ dpyid kyi dus na nyi ma nub na rlung dang / rdul ldang ngo / /rnam par grol ba la ni dngos po de dag gang yang med do/ /rdul med pa ni yang dag par rnam par grol ba'i dpe'o/ /yang dag par rnam par grol ba ni de bzhin gshegs pa'o/ /'di lta ste/ dper na/ 'khor los bsgyur ba'i rgyal po'i gtsug phud la 'dogs pa'i nor bu rin po che ni dri ma med do/ /rnam par grol ba'ang de dang 'dra ste/ dri ma dag med do/ /dri ma med pa ni rnam par grol ba'o/ /yang dag par rnam par grol </font><hr>Ka115b<br><font size=+1>


ba ni de bzhin gshegs pa'o/ /dper na/ gser btso ma ni bye ma dang ma 'dres pas rin po che yang dag pa zhes bya ste/ gang zag gis rnyed na de la nor gyi dbyig tu 'du shes so/ / rnam par grol ba nyid kyang rin po che yang dag pa dang 'dra ste/ rin po che yang dag pa ni yang dag par rnam par grol ba'i dpe'o/ /yang dag par rnam par grol ba ni de bzhin gshegs pa'o| |dper na/ rdza ma bcag pa ni sgra mi snyan no/ /rin po che rdo rje'i bum pa ni de lta bu ma yin te/ yang dag par rnam par grol ba la'ang sgra mi snyan pa med do/ /rin po che rdo rje'i bum pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /de bas na de bzhin gshegs pa'i sku ni mi 'jig pa'o/ /sgra mi snyan pa zhes bya ba ni 'di lta ste/ e raN+Da'i 'bras bu dbyar nyi ma tsha ba la bskams na/ nyi mas gdungs pas sgra 'byung ngo / /rnam par grol ba la ni dngos po de dag med de/ rin po che rdo rje'i bum pa ltar mi snyan pa chag pa'i sgra med do/ /gal te mi mang po brgya stong grangs med pa thams cad kyis gcig car mda' 'phangs kyang 'jig par mi 'gyur la/ mi snyan pa chag pa'i sgra med do/ /mi snyan pa chag pa'i sgra med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /'di lta ste/ mi dbul po zhig la gzhan </font><hr>Ka116a<br><font size=+1>


@#/ /gyi bu lon chags na bzung ste/ lcags dang / khong sgril dang / ltong 'dogs te/ sdug bsngal bar byed do/ /rnam par grol ba la ni de lta bu'i dngos po med de/ bu lon chags pa'ang med do/ /'di lta ste/ tshong dpon phyug po ni nor rin po che grangs med pa zhig bdog la mthu dang dbang du ldan la/ bu lon chags pa'ang med do/ /rnam par grol ba'ang de dang 'dra ste/ chos kyi nor rin po che mang po dang ldan la/ mthu dang dbang yod pas bu lon chags pa'ang med do/ /bu lon chags pa med pa ni yang dag par rnam par grol ba'i dpe'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni yongs su gdung ba med pa'o/ /'di lta ste/ dpyid nyi ma tsha ba la 'gro ba dang / dbyar mngar po za ba dang / dgun grang bas reg pa'o/ /yang dag par rnam par grol ba la ni de 'dra ba'i yid du mi 'ong ba'i dngos po gang yang med do/ /yongs su gdung ba med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o| |yongs su gdung ba ni/ 'di lta ste/ mi zhig nya sha 'drangs par zos pa'i 'og tu 'o ma 'thungs na mi de ni shi ba las ring ba ma yin no/ /yang dag par rnam par </font><hr>Ka116b<br><font size=+1>


grol ba ni de lta bu'i dngos po med do/ /mi des gal te sman bdud rtsi lta bu zhig rnyed na ni nad de'ang 'tsho bar 'gyur ro/ /yang dag par rnam par grol ba'ang de dang 'dra'o/ /sman bdud rtsi zhes bya ba ni yang dag par rnam par grol ba'o/ /yang dag par rnam par grol ba ni de bzhin gshegs pa yin na/ de la gdung ba dang mi gdung ba zhes ji skad bya/ 'di lta ste/ byis pa ma rabs nga rgyal gyi dbang du gyur pa dag ni 'di snyam du sems so/ /sems can thams cad kyi nang na bdag la gsod nus pa med do zhes nas stag dang / sprul dang / srin gdug pa dag 'dzin te/ ma rabs de ni tshe zad pa'i mtha' las mi ring ste/ glo bur du 'chi bar rig par bya'o/ /yang dag par rnam par grol ba la ni de lta bu'i dngos po med do/ /yongs su mi gdung ba ni/ 'di lta ste/ 'khor los bsgyur ba'i rgyal po'i nor bu rin po che lta bu sbur bu la sogs pa srin gdug pa dgu bcu rtsa drug snyed 'dul nus te/ gang nor bu rin po che de'i dri bro ba tsam gyis gdug pa thams cad med par 'gyur ro/ /yang dag par rnam par grol ba'ang de dang 'dra ste/ srid pa nyi shu rtsa lnga po las ring du gyur to/ /gdug pa med pa zhes bya ba ni yang dag par rnam par grol ba'i dpe'o/ /yang dag par rnam par grol ba ni de bzhin gshegs pa'o/ /gzhan yang gdug pa med </font><hr>Ka117a<br><font size=+1>


@#/ /pa ni nam mkha' lta bu'o/ /rnam par grol ba'ang de dang 'dra ste/ nam mkha' zhes bya ba/ ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /rnam par gdung ba zhes bya ba ni rtsa skam po'i drung du me bus na 'tshig par 'gyur ro/ /yang dag par rnam par grol ba la ni de lta bu'i dngos po med do/ /gzhan yang yongs su gdung ba med pa ni/ 'di lta ste/ nyi zla ni sems can dag la yongs su gdung bar mi 'gyur ro/ /rnam par grol ba'ang de dang 'dra ste/ sems can thams cad la yongs su gdung bar mi 'gyur ro/ /gdung ba med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni mi g.yo ba'i chos can te/ dper na/ byams pa dang / sdang ba med pa lta bu'o/ /yang dag par rnam par grol ba la ni de lta bu'i dngos po med do/ /mi g.yo ba zhes bya ba ni 'khor los bsgyur ba'i rgyal po lta bu ste/ de la ni rgyal po de dang 'dra ba grogs su 'gyur ba med do/ /de la de 'dra ba'i grogs su 'gyur ba yod ces bya ba'i gnas med do/ /rnam par grol ba'ang de dang 'dra ste/ gzhan grogs su 'gyur ba med de/ grogs su </font><hr>Ka117b<br><font size=+1>


'gyur ba yod ces bya ba'i gnas med do/ /rgyal po de la grogs su 'gyur ba med ces bya ba ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /de bzhin gshegs pa zhes bya ba ni chos yin no/ /gzhan yang mi g.yo ba zhes bya ba ni 'di lta ste/ dper na/ gos dkar po ni kha dog bsgyur sla'o/ /rnam par grol ba ni de lta ma yin no/ /dper na/ me tog pa sha ka zhes bya ba la mnam pa'am/ kha dog sngon por 'dug ces bya ba'i gnas med do/ /rnam par grol ba'ang de dang 'dra ste/ de la mnam ba'am| mdog gzhan du 'dug ces bya ba'i gnas med do/ /de bas na rnam par grol ba nyid de bzhin gshegs pa'o/ /gzhan yang rnam par grol ba zhes bya ba ni rmad du byung ba'o// 'di lta ste/ chu'i nang na pad+mo skyes pa ni ngo mtshar du mi bya'i/ /me'i nang nas pad+mo skyes na rmad du ngo mtshar du bya ste/ de mthong na thams cad dga' bar 'gyur ro/ /yang dag par rnam grol ba'ang de dang 'dra ste/ gang mthong ba thams cad sems rab tu dga' bar 'gyur ro/ /rmad du byung ba zhes bya ba ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /de bzhin gshegs pa zhes bya ba ni chos kyi sku'o/ /gzhan yang rmad du byung ba zhes bya ba ni/ dper na/ bu btsas ma thag pa la so </font><hr>Ka118a<br><font size=+1>


@#/ /med kyi bags kyis cher skyes nas gdod so'ang skye bar 'gyur ro/ /rnam par grol ba ni de lta bu ma yin te/ skye ba dang / mi skye ba zhes bya ba med do// gzhan yang rnam par grol ba zhes bya ba ni stong pa/ zhi ba/ ma nges pa med pa'o/ /ma nges pa ni log sred can la bya ste/ mthar rtsa ba nyams pa las mi 'gyur zhing 'tshang rgya ba'i gnas med do/ /de ci'i phyir zhe na/ gal te gang zag des sangs rgyas kyi dam pa'i chos la dad pa yongs su dag pa bskyed na/ de ni log sred med par byas pa yin te/ gal te dge bsnyen par 'gyur na'ang / log sred med par byas pa yin no/ /rtsa ba nyams pa'ang kha na ma tho ba'i sdig de med par byas na/ mngon par 'tshang rgya bar 'gyur ro/ /de bas na mthar mi 'gyur zhing mngon par 'tshang mi rgya'o zhes bya ba'i gnas med do/ /yang dag par rnam par grol ba la ni de lta bu'i 'gog pa'am med par bya ba'i dngos po med do/ / gzhan yang stong pa zhi ba zhes bya ba ni chos kyi dbyings yin te/ chos kyi dbyings ji lta ba nyid yang dag par rnam par grol ba'o/ /yang dag par rnam par grol ba ni de bzhin gshegs pa'o| |gzhan yang log sred can zhes bya ba 'gags te zad par byas na de la log sred can zhes mi bya'o/ /de la log sred can zhes bya ba gang zhe na/ log sred can zhes bya ba ni dge ba'i rtsa ba thams </font><hr>Ka118b<br><font size=+1>


cad bcad de/ dge ba'i chos thams cad la mi gnas shing / dge ba'i sems skad cig tsam yang mi 'byung ba'o/ /yang dag par rnam par grol ba la ni dngos po de dag gang yang med do/ /dngos po gang yang med pas na yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni dpag tu med pa'o/ /'di lta ste/ dper na/ khre 'bras kyi phung po la tshad dpag cing shes par rung ngo / /yang dag par rnam par grol ba ni de lta bu ma yin no/ /'di lta ste/ rgya mtsho chen po ni tshid dpag cing gzhal du med do/ /rnam par grol ba'ang de dang 'dra ste/ tshad dpag cing gzhal du med do/ /dpag tu med pa ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni tshad med pa'o/ /ji ltar sems can thams cad la las kyi rnam par smin pa mang ba bzhin du rnam par grol ba'ang de dang 'dra ste/ smin pa tshad med do/ /smin pa tshad med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni yangs shing rgya che ba'o/ /'di lta ste/ rgya mtsho chen po ni mnyam pa'i zla med do/ /rnam par </font><hr>Ka119a<br><font size=+1>


@#/ /grol ba'ang de dang 'dra ste/ mnyam pa'i zla med do/ /mnyam pa'i zla med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni bla na med pa'i mchog go /'di lta ste/ dper na/ nam mkha' ni mchog tu mtho ste/ zla med do// rnam par grol ba'ang de dang 'dra ste/ zla med par mchog tu mtho ba'o/ /mtho ste zla med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni gnas pa med do/ /'di lta ste/ ri dwags kyi rgyal po seng ge 'dug pa'i gnas su ni ri dwags gzhan thams cad mi gnas so/ /rnam par grol ba'ang de dang 'dra ste/ gnas med do/ /gnas pa med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni bla na med pa'o/ /dper na/ byang phyogs ni phyogs thams cad kyi bla ma'o/ /rnam par grol ba'ang de dang 'dra ste/ bla na med pa'o/ /bla na med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba </font><hr>Ka119b<br><font size=+1>


ni bla na med pa'i yang bla na med pa'o/ /dper na/ byang phyogs ni shar phyogs kyi bla na med pa'i yang bla na med pa'o/ /rnam par grol ba'ang de dang 'dra ste/ bla na med pa'i yang bla na med pa'o| |bla na med pa'i yang bla na med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni rtag pa'i chos can no/ /dper na/ lha dang mi ni lus zhig ste tshe 'pho ba'i chos la mi rtag ste/ rtag pa ma yin no/ /rnam par grol ba ni de dang 'dra ste/ mi rtag pa ma yin no/ / mi rtag pa ma yin pa ni/ yang dag par rnam par grol ba'o/ /yang dag par rnam par grol ba ni/ de bzhin gshegs pa'o/ /gzhan yang rnam par grol ba ni/ sra ba'i snying po can no/ /'di lta ste/ seng ldeng dang / tsan+dan dang / a ga ru ni rang bzhin gyis sra ba'o/ /rnam par grol ba'ang de dang 'dra ste/ rang bzhin gyis sra ba brtan pa'o/ /rang bzhin gyis sra ba brtan pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni gsob \?\ pa yin pa zhes bya'o// dper na/ 'dam bu dang smyig ma ni khong stong pas gsob bo/ /rnam par grol ba ni de lta ma yin te/ de bas na rnam par grol ba nyid de bzhin gshegs pa yin par rig par bya'o/ / </font><hr>Ka120a<br><font size=+1>


@#/ /gzhan yang rnam par grol ba zhes bya ba ni cis kyang mi gos pa'o/ /dper na/ rtsig pa phyi bdar ma byas na/ srin bu dang sbrang bu dag de la gnas shing rgyu'o/ / gal te 'ji bas bskus la ri mo bris na srin bu dag tshon rtsi'i dri tshor nas mi gnas so/ /de ltar mi gnas pa ni rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni mtha' med pa'o/ /dper na/ grong khyer ni mtha' med pa'o/ /dper na/ grong khyer ni mtha' yod de/ rnam par grol ba ni de lta bu ma yin no/ /dper na/ nam mkha' ni mtha' med do/ /rnam par grol ba'ang de dang 'dra ste mtha' med do/ /de bas na rnam par grol ba ni de bzhin gshegs pa'o/ /gzhan yang rnam par grol ba zhes bya ba ni bltar med pa'o/ /'di lta ste/ nam mkha' stong ba la bya'i rjes ni shin tu blta bar dka'o/ shin tu blta bar dka' ba ni yang dag par rnam par grol ba'i dpe'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni shin tu zab pa zhes bya'o/ /de ci'i phyir zhe na/ nyan thos dang / rang sangs rgyas thams cad kyis 'jug mi nus pa'i phyir ro/ /'jug mi nus pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang shin tu zab </font><hr>Ka120b<br><font size=+1>


po zhes bya ba ni sangs rgyas dang / byang chub sems dpa' rnams kyis bsti stang byed pa'o/ /dper na/ bu sri zhu che ba dag ni pha ma la shin tu bsti stang dang / bkur sti byed de/ bsod nams shin tu zab bo/ /bsod nams shin tu zab pa ni yang dag par rnam par grol ba'i dpe'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni bltar mi mthong ba'o/ /dper na/ mi dag bdag gi spyi bo mi mthong ba bzhin du rnam par grol ba'ang de dang 'dra ste/ nyan thos dang / rang sangs rgyas thams cad kyis bltar mi mthong ngo / /bltar mi mthong ba ni yang dag par rnam par grol ba'o/ /yang dag par rnam grol ba ni de bzhin gshegs pa'o/ /gzhan yang rnam par grol ba zhes bya ba ni gnas dang rten med pa'o/ /dper na/ nam mkha' ni gnas dang rten med de/ rnam par grol ba'ang de dang 'dra'o/ /gnas dang rten zhes bya ba ni srid pa nyi shu rtsa lnga po'i dpe'o/ /gnas dang rten med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni blang du med pa'o/ /dper na/ shing thog a mra'i 'bras bu ni blang zhing gzung du yod do/ /rnam par grol ba ni de lta ma yin te/ blang zhing gzung du med do/ /blang zhing gzung </font><hr>Ka121a<br><font size=+1>


@#/ /du med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni gzung du med pa'o/ /dper na/ sgyu ma ni gzung du med de/ rnam par grol ba'ang de dang 'dra ste gzung du med do/ /gzung du med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni lus kyi dngos po med pa'o/ /dper na/ mi la lus yod pas shu ba dang / mdze dang / skem pa dang / smyo ba la sogs pa yod do/ /yang dag par rnam par grol ba la ni de dang 'dra ba'i nad rnams med do/ /gang nad de dag med pa ni yang dag par rnam par grol ba'o| |yang dag par rnam par grol ba ni de bzhin gshegs pa'o/ /gzhan yang rnam par grol ba ni ro gcig pa'o/ /ji ltar ro gcig pa bzhin du rnam par grol ba'ang de dang 'dra ste/ ro gcig go /ro gcig pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni yongs su dag pa'o/ /dper na/ chu ma rnyogs pa ni shin tu dag cing dang ba'o/ /rnam par grol ba'ang de dang 'dra ste/ yongs su dag cing dang ba'o/ /yongs su dag </font><hr>Ka121b<br><font size=+1>


cing dang ba ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni ro gcig pa'o/ /dper na/ nam mkha' las 'bab pa'i char pa ni rnam par dag cing ro gcig go /rnam par grol ba'ang de dang 'dra ste/ rnam par dag cing ro gcig go /rnam par dag cing ro gcig pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni yongs su gsal ba'o/ /dper na/ zla ba rgyas pa la sprin dang na bun gyis mchod pa dang 'dra bar rnam par grol ba'ang de dang 'dra ste/ sprin dang na bun med do/ /sprin dang na bun med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni rab tu zhi ba'o/ /dper na/ mi zhig rims nad tsha bas btab pa las sos na zhi ba'o/ /rnam par grol ba'ang de dang 'dra ste/ rab tu zhi ba'o/ /rab tu zhi ba ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni mnyam pa'o/ /dper na/ 'brog dgon pa na sbrul gdug pa dang / spyang gi la sogs pa ni 'dra bar gsod sems yod do/ /rnam par grol ba ni </font><hr>Ka122a<br><font size=+1>


@#/ /de lta ma yin te/ gsod sems med do/ /gsod sems med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang mnyam pa zhes bya ba ni/ dper na/ pha ma ni bu la sems mnyam mo/ /rnam par grol ba'ang de dang 'dra ste/ sems mnyam mo/ /sems mnyam pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni gzhan pa'i gnas med pa'o/ / dper na/ mi zhig gnas shin tu bzang po yongs su dag pa zhig la gnas na de las gzhan pa'i gnas med do/ /rnam par grol ba'ang de dang 'dra ste/ gzhan pa'i gnas med do/ /gzhan pa'i gnas med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni chog shes pa'o/ /dper na/ mi zhig ltogs te kha zas zhim po dang phrad na chog mi shes par za'o/ /rnam par grol ba ni de lta ma yin te/ dper na/ 'o thug 'thungs na gzhan ci'ang mi 'dod do/ /gzhan mi 'dod pa ni yang dag par rnam par grol ba'i dpe'o/ /yang dag par rnam par grol ba ni de bzhin gshegs </font><hr>Ka122b<br><font size=+1>


pa'o| |gzhan yang rnam par grol ba ni yongs su gcod pa'o/ /dper na/ mi zhig bcings pa'i thag pa bcad na bcing ba las grol bar 'gyur ro/ /rnam par grol ba'ang de dang 'dra ste/ the tshom gyi bcings pa thams cad gcod do/ /de ltar the tshom gcod pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o// gzhan yang rnam par grol ba ni pha rol tu phyin pa'o/ /dper na/ chu klung la ni tshu rol dang pha rol gyi 'gram yod do/ /rnam par grol ba ni de lta ma yin te/ tshu rol ces bya ba med kyang pha rol ces bya ba yod do/ /pha rol ces bya ba ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni cang mi smra'o/ /dper na/ rgya mtsho ni chu cher skyes na sgra skad mang po 'byung ngo / /rnam par grol ba ni de dang mi 'dra ste/ de ltar na rnam par grol ba ni de bzhin gshegs pa'o/ /gzhan yang rnam par grol ba ni zhim pa dang mngar ba'o/ /dper na/ sman sbyar ba'i nang du a ru ra bcug na ro kha bar 'gyur ro/ /rnam par grol ba ni de lta ma yin te/ zil mngar gyi ro can no/ / zil mngar gyi ro can ni yang dag par rnam par grol ba'i dpe'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni nyon mongs pa kun </font><hr>Ka123a<br><font size=+1>


@#/ /sel ba'o/ /dper na/ sman pa mkhas pas sman sna tshogs sbyar te/ nad pa rnams gso ba la mkhas pa dang 'dra bar rnam par grol ba'ang de bzhin du nyon mongs pa thams cad sel to/ /nyon mongs pa kun sel ba ni yang dag par rnam par grol ba'i dpe'o/ /yang dag par rnam par grol ba ni de bzhin gshegs pa'o| |gzhan yang rnam par grol ba ni dog pa med pa'o/ /dper na/ khang khyim chung du ni dog pa ste/ mang po mi shong ngo / /rnam par grol ba ni de lta ma yin te/ mang du shong ba'o| |mang du shong ba ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba ni 'dod pa zhi ba 'dod chags dang ma 'dres pa'o/ /dper na/ bud med ni 'dod chags mang ba'o/ /rnam par grol ba ni de lta ma yin te/ de ltar rnam par grol ba ni de bzhin gshegs pa'o| |de ltar na de bzhin gshegs pa ni 'dod chags dang / zhe sdang dang / gti mug dang / nga rgyal la sogs pa'i kun nas nyon mongs pa thams cad med pa'o/ /gzhan yang rnam par grol ba ni 'dod pa med pa'o/ /'dod pa la rnam pa gnyis te/ yi dwags kyi 'dod pa dang / chos kyi 'dod pa'o/ /yang dag par rnam par grol ba la yi dwags </font><hr>Ka123b<br><font size=+1>


kyi 'dod pa med mod kyi/ sems can la thugs brtse ba'i phyir chos kyi 'dod pa yod do/ /de ltar na chos kyi 'dod pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni bdag dang bdag gi ba dang bral ba ste/ de ltar rnam par grol ba ni de bzhin gshegs pa'o/ /de bzhin gshegs ba ni chos so/ /gzhan yang rnam par grol ba ni 'gog pa zad pa srid pa'i chags pa thams cad las ring du gyur pa'o/ /de ltar rnam par grol ba ni de bzhin gshegs pa'o/ /de bzhin gshegs pa ni chos so/ /gzhan yang rnam par grol ba ni mgon dang skyabs te/ 'jigs pa thams cad las skyob pa'o/ /de ltar rnam par grol ba ni de bzhin gshegs pa'o| |de bzhin gshegs pa ni chos so/ /rnam par grol ba ni gnas lta bu'o/ /gang zhig 'di la gnas na gnas gzhan ni mi tshol lo/ /dper na/ mi zhig rgyal po la brten na gnas gzhan mi tshol lo/ /rgyal po la gnas pa ni 'gyur ba yod kyi/ rnam par grol ba la gnas na 'gyur ba med do/ /'gyur ba med pa ni yang dag par rnam par grol ba'o| |yang dag par rnam par grol ba ni de bzhin gshegs pa'o/ /de bzhin gshegs pa ni chos so/ /gzhan yang rnam par grol ba ni gnas dang rten lta bu'o/ /dper na/ mi </font><hr>Ka124a<br><font size=+1>


@#/ /zhig 'brog dgon par song na 'jigs pa'am bag tsha ba yod do/ /rnam par grol ba ni de lta ma yin te/ 'jigs pa'am bag tsha ba med do/ /'jigs pa'am bag tsha ba med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni 'jigs pa med pa'o/ /dper na/ seng ge'i rgyal po ni ri dwags thams cad kyis mi 'jigs so/ /rnam par grol ba'ang de dang 'dra ste/ bdud kyi ris thams cad kyis mi 'jigs so/ /'jigs pa med pa ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba ni mi dog pa'o/ /dper na/ lam dog por ni mi gnyis mnyam du 'gror med do/ /rnam par grol ba ni de dang mi 'dra ste/ rnam par grol ba ni de bzhin gshegs pa'o/ / gzhan yang dog pa ni/ dper na/ mi zhig stag gis 'jigs te khron par ma chongs pa lta bu'o/ /rnam par grol ba ni de lta ma yin te/ de ltar rnam par grol ba de ni de bzhin gshegs pa'o/ /gzhan yang mi dog pa ni gru zhig pa chung ngu spangs nas grub bzang por zhugs te/ rgya mtsho la bde bar brgal nas bde ba'i gnas su phyin pa'o/ / </font><hr>Ka124b<br><font size=+1>


rnam par grol ba'ang de dang 'dra ste/ sems rab tu bde ba'o/ /sems rab tu bde ba ni yang dag par rnam par grol ba'o/ /yang dag par rnam par grol ba ni de bzhin gshegs pa'o| |gzhan yang rnam par grol ba zhes bya ba ni rgyu dang rkyen las 'byin pa'o/ /'di lta ste/ 'o ma'i rkyen gyis zho'o/ /zho'i rkyen gyis mar ro/ /mar gyi rkyen gyis mar gyi snying po'o| |yang dag par rnam par grol ba la ni rgyu gang yang med do/ /rgyu med pa ni yang dag par rnam par grol ba ste/ yang dag par rnam par grol ba ni de bzhin gshegs pa'o/ / gzhan yang rnam par grol ba ni nga rgyal 'dul ba'o/ /dper na/ rgyal po chen po ni rgyal phran rnams la nga rgyal byed do/ /rnam par grol ba ni de lta bu ma yin no/ /de ltar rnam par grol ba ni de bzhin gshegs pa'o/ /de bzhin gshegs pa ni chos so/ /gzhan yang rnam par grol ba ni bag med pa 'dul ba'o/ /bag med pa ni 'dod pa mang ba'o| |rnam par grol ba la ni de dag med do/ /de dag med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni ma rig pa sel ba'o/ /dper na/ tshigs ma dang bral ba ni sman dam pa ste/ mar gyi snying po'o/ /rnam par grol ba'ang de dang 'dra ste/ ma rig pa'i </font><hr>Ka125a<br><font size=+1>


@#/ /tshigs ma bsal te/ yang dag pa'i rig pa dang ldan no/ /yang dag pa'i rig pa dang ldan pa ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba ni rab tu zhi ba gcig pu ste/ mi gnyis pa 'brog dgon pa'i bal glang rgod ltar gcig pu grogs med pa'o/ /rnam par grol ba'ang de dang 'dra ste/ gcig pu gnyis su med pa'o/ /gcig pu gnyis su med pa ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba ni sra ba snying po can no/ /smyig ma dang / 'dam bu dang / gso ma ni thams cad khong stong mod kyi/ 'bras bu ni sra ba'o/ /sangs rgyas bcom ldan 'das ma gtogs par 'jig rten du bcas pa lha dang mi thams cad ni mi sra mi brtan pa'o/ /yang dag par rnam par grol ba ni srid pa'i rgyun thams cad las ring du gyur pa'o/ /de ltar rnam par grol ba ni de bzhin gshegs pa'o/ /gzhan yang rnam par grol ba ni mngon par rig pa dag bskyed pa'o/ /yang dag par rnam par grol ba'ang de dang 'dra ste/ de ltar rnam par grol ba de ni de bzhin gshegs pa'o/ /gzhan yang rnam par grol ba ni srid </font><hr>Ka125b<br><font size=+1>


pa thams cad spangs pa'o/ /dper na/ mi zhig 'grangs par zos nas skyugs pa lta bu ste/ rnam par grol ba'ang de dang 'dra bar srid pa thams cad spangs pa'o/ /srid pa thams cad spangs pa ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba ni gdon mi za ba'o/ / dper na/ me tog pa shi ka'i dri ni 'dab ma bdun po la med do/ /rnam par grol ba'ang de dang 'dra ste/ de ltar na rnam par grol ba ni de bzhin gshegs pa'o/ /gzhan yang rnam par grol ba ni chu'i khams dang 'dra'o/ /'di lta ste/ chu'i khams ni chen po bzhi'i nang na mchog ste/ rtsi shing dang 'bras bu thams cad rlan cing snum par byed do| |rnam par grol ba'ang de dang 'dra ste/ skye ba thams cad rlan par byed do/ /de ltar rnam par grol ba ni de bzhin gshegs pa'o/ /gzhan yang rnam par grol ba ni 'jug ba zhes bya'o/ /dper na/ sgo yod na 'jug pa yod pa dang / gser gyi 'byung khungs na gser yod pa dang 'dra bar rnam par grol ba'ang de dang 'dra ste/ bdag med pa sgom pa rnams 'jug par byed do/ /de ltar rnam par grol ba ni de bzhin gshegs pa'o/ /gzhan yang rnam par grol ba ni dge ba'o/ /dper na/ r+s+lob ma zhig slob dpon </font><hr>Ka126a<br><font size=+1>


@#/ /gyi rjes su 'brang zhing bsgo ba mnyan na dge ba zhes bya'o/ /rnam par grol ba'ang de dang 'dra ste/ de ltar rnam par grol ba ni de bzhin gshegs pa'o/ /gzhan yang rnam par grol ba ni 'jig rten las 'das pa'i chos te/ chos thams cad kyi phul du gyur pa'o/ /dper na/ ro bro ba thams cad kyi nang na mar dang 'o ma ni mchog go /rnam par grol ba'ang de dang 'dra ste/ de ltar rnam par grol ba ni de bzhin gshegs pa'o/ /gzhan yang rnam par grol ba ni mi g.yo ba'o/ /dper na/ sgo'i them pa ni rlung gis bskyod mi nus so/ /yang dag par rnam par grol ba'ang de dang 'dra ste/ de ltar rnam par grol ba de ni de bzhin gshegs pa'o/ /gzhan yang rnam par grol ba ni dpa' rlabs med pa'o/ /dper na/ rgya mtsho'i chu ni dba' rlabs rgod pa'o/ /rnam par grol ba ni de lta ma yin te/ de ltar rnam par grol ba ni de bzhin gshegs pa'o/ /gzhan yang rnam par grol ba ni rgyal po'i pho brang lta bu'o/ /rnam par grol ba'ang de dang 'dra ste/ de ltar rnam par grol ba de ni de bzhin gshegs pa'o/ /gzhan yang rnam par grol ba ni cir yang dgos te/ dper na/ dzam+bu chu klung gi gser ni cir yang dgos te/ de la nyes pa'i skyon </font><hr>Ka126b<br><font size=+1>


gdags su med do/ /rnam par grol ba'ang de dang 'dra ste/ nyes pa'i skyon med do/ /nyes pa'i skyon med pa ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba zhes bya ba ni bus pa shed ma bye pa'i bya ba spangs pa'o/ /dper na/ skyes bu chen po ni bus pa'i bya ba mi byed do/ /rnam par grol ba'ang de dang 'dra ste/ phung po lnga yongs su spangs pa'o/ /phung po lnga yongs su spangs pa ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba ni mthar phyin pa'o/ /dper na/ btson dong du bcug pa de las thar na sngar rab tu khrus byas te/ gdod khyim du 'gro'o/ /rnam par grol ba'ang de dang 'dra ste/ mthar yongs su dag pa'o/ /mthar yongs su dag pa ni yang dag par rnam par grol ba'o/ /yang dag par rnam par grol pa de ni de bzhin gshegs pa'o/ /gzhan yang rnam par grol ba na ma byas par bde ba'o/ /ma byas par bde ba ni 'dod chags dang / zhe sdang dang / gti mug la sogs pa thams cad skyugs pa'i phyir ro/ /dper na/ mi zhig ma tshor bar sbrul gdug pas zin na gdug pa med par bya ba'i phyir skyugs sman gtong ngo / /skyugs na dug med par 'gyur te lus bde'o/ / </font><hr>Ka127a<br><font size=+1>


@#/ /rnam par grol ba'ang de dang 'dra ste/ kun nas nyon mongs pa'i gdug pa thams cad skyugs pas lus bde bar 'gyur te/ ma byas par bde ba zhes bya'o/ /ma byas par bde ba ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba ni nyon mongs pa rnam pa bzhi'i sprul gdug pa bcad pa zhes bya'o/ /nyon mongs pa bcad pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni srid pa thams cad spangs te/ sdug bsngal thams cad 'gags pa/ bde ba thams cad thob pa/ 'dod chags dang / zhe sdang dang / gti mug thams cad yongs su bcad de/ kun nas nyon mongs pa'i rtsa ba thams cad 'byin pa'o/ /nyon mongs pa thams cad kyi rtsa ba 'byin pa ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba ni 'dus byas pa'i chos thams cad yongs su bcad nas zag pa med pa'i chos thams cad bskyed pa rgyud thams cad bcad pa 'di lta ste/ bdag dang / bdag med pa dang / bdag gi pa </font><hr>Ka127b<br><font size=+1>


ma yin pa dang / bdag med pa ma yin pa dang / chags shing 'dzin pa 'ba' zhig gcod kyi/ bdag tu lta ba bcad pa ma yin no/ /bdag tu lta ba ni sangs rgyas kyi rang bzhin no/ /sangs rgyas kyi rang bzhin ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /gzhan yang rnam par grol ba ni mi stong ba'i stong ba'o/ /stong ba'i stong ba zhes bya ba ni ci'ang med pa'o/ /ci'ang med pa ni mu stegs can gcer bu pa la sogs pa'i rnam par grol ba lta bu'o/ /gcer bu pa la ni yang dag par rnam par grol ba med pas stong ba'i stong pa zhes bya'o/ /yang dag par rnam par grol ba ni de lta bu ma yin pas mi stong ba'i stong pa'o/ /mi stong pa'i stong ba ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gzhan yang rnam par grol ba ni mi stong ba'o/ /dper na/ chu dang / mar dang / zho dang / chang dang / sbrang rtsi'i snod rdzi'u lta bu/ chu dang / mar dang / zho dang / chang dang / sbrang rtsi med kyang / de la chu la sogs pa'i rdzi'u zhes 'dogs te/ rdzi'u de la ni stong zhe'am/ mi stong zhes gdags su med do/ /de la stong zhes byar ni gzugs dang / dri dang / bro ba/ reg bya zhes gdags su mi rung ngo / mi stong </font><hr>Ka128a<br><font size=+1>


@#/ /pa zhes byar ni chu la sogs pa gang yang med do/ /rnam par grol ba'ang de dang 'dra ste/ gzugs zhe'am/ gzugs ma yin zhe'am/ stong zhe'am/ mi stong zhes gdags su med do/ /gal te stong zhes byar ni/ rtag pa dang / bde ba dang / bdag dang / dag pa zhes byar mi rung ngo / /mi stong zhes byar ni rtag pa dang / bde ba dang / bdag dang / dag pa sus myong ste/ don de lta bas na stong zhi'am mi stong zhes gdags su med do/ /'di lta ste/ srid pa nyi shu lnga po dang / kun nas nyon mongs pa dang / sdug bsngal ba thams cad dang / mtshan ma thams cad dang / 'dus byas kyi 'du byed thams cad med pa'i phyir/ rdzi'u na zho med pa dang 'dra ste/ stong pa zhes bya'o/ /mi stong zhes bya ba ni yang dag pa'i gzugs rtag pa dang / bde ba dang / bdag dang / dag pa zhes bya ba mi g.yo ba mi 'pho ba/ dper na/ rdzi'u gzugs dang / dri dang / bro ba dang / reg bya yod pas mi stong zhes bya ste/ de bas na rnam par grol ba ni rdzi'u de dang 'dra'o/ /rdzi'u de ni rkyen dang phrad na chag par 'gyur gyi/ rnam par grol ba ni de lta bu ma yin te/ gzhig tu med do/ /gzhig tu med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ / </font><hr>Ka128b<br><font size=+1>


gzhan yang rnam par grol ba ni 'dod pa dang bral ba'o/ /dper na/ gang zag ni 'dod pa'i sems dang ldan pas brgya byin lha'i dbang phyug dang / tshangs pa'i rgyal po dang / dbang sgyur rgyal po la'ang re'o/ /rnam par grol ba ni de lta bu ma yin te/ gal te bla na med pa yang dag par rdzogs pa'i byang chub tu mngon par sangs rgyas nas 'dod pa med/ the tshom med do/ /'dod pa med pa/ the tshom med pa ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /gal te rnam par grol ba la 'dod pa dang the tshom yod ces zer na de ni gnas med do/ /gzhan yang rnam par grol ba ni srid pa'i 'dod pa dang / mtshan ma thams cad dang / rnam par 'ching ba thams cad dang / kun nas nyon mongs pa thams cad dang / 'khor ba thams cad dang / rgyu dang rkyen thams cad dang / rnam par smin pa'i 'bras bu thams cad yongs su bcad pa'o/ /de ltar rnam par grol ba de ni de bzhin gshegs pa'o/ /de bzhin gshegs pa ni mya ngan las 'das pa'o/ /sems can thams cad ni 'khor ba'i nyon mongs pas 'jigs pa'i phyir skyabs su 'gro ba gsum la gzhol lo/ /dper na/ ri dwags ni rngon pas 'jigs te/ ci ste bgegs las thar na mchongs pa gcig byed de/ de </font><hr>Ka129a<br><font size=+1>


@#/ /ni skyabs su 'gro ba gcig go /de ltar mchongs pa gsum byed pa ni skyabs su 'gro ba gsum gyi dpe'o/ /mchongs pa gsum byas pas bde bar 'gyur ro/ /so so'i skye bo'ang de dang 'dra ste/ bdud rnam bzhi'i rngon pas 'jigs pas skyabs su 'gro ba gsum la gzhol bar byed do/ /skyabs su 'gro ba gsum la phyogs pas bde bar 'gyur ro/ /gang bde bar 'gyur ba ni yang dag par rnam par grol ba ste/ yang dag par rnam par grol ba ni de bzhin gshegs pa'o/ /de bzhin gshegs pa ni mya ngan las 'das pa'o/ /mya ngan las 'das pa ni zad mi shes pa'o/ /zad mi shes pa ni sangs rgyas kyi rang bzhin no/ /sangs rgyas kyi rang bzhin ni gdon mi za ba'o/ /gdon mi za ba ni bla na med pa yang dag par rdzogs pa'i sangs rgyas so/ /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ gal te mya ngan las 'da' ba dang / sangs rgyas kyi rang bzhin dang / gdon mi za ba dang / de bzhin gshegs pa don gcig pa lags na/ ci'i slad du skyabs su mchi ba gsum du gsungs/ bcom ldan 'das kyis 'od srung la bka' stsal pa/ rigs kyi bu/ sems can dag ni 'khor </font><hr>Ka129b<br><font size=+1>


bas skrag nas skyabs su 'gro ba gsum la phyogs so/ /skyabs su 'gro ba gsum gyis na sangs rgyas kyi rang bzhin dang / gdon mi za ba dang / mya ngan las 'das pa yin par rig par bya'o/ /rigs kyi bu/ chos kha cig ni ming gcig la don tha dad do/ /chos kha cig ni ming dang don gnyis ka tha dad do/ /ming gcig la don tha dad pa ni sangs rgyas rtag ces bya ba dang / chos rtag pa dang / dge slong gi dge 'dun rtag pa dang / mya ngan las 'da' ba dang / nam mkha' rtag ces bya ba ni ming gcig la don tha dad pa zhes bya'o/ /ming dang don gnyis ka tha dang pa ni sangs rgyas ni ming tshor ba'o/ /chos ni ma tshor ba/ dge 'dun ni 'dum pa/ mya ngan las 'da' ba ni rnam par grol ba/ nam mkha' ni dge ba ma yin pa thogs pa med pa zhes kyang bya ste/ de ni ming dang don gnyis ka tha dad pa zhes bya'o/ /rigs kyi bu/ skyabs su 'gro ba gsum yang de dang 'dra ste/ ming dang don gnyis ka tha dad do/ /de la gcig ces bya ba gang yang med do/ /de bas na ngas skye dgu'i bdag mo gau ta mi la bka' stsal pa/ gau ta mi/ nga la ma mchod par dge 'dun la mchod cig /dge 'dun la mchod na dkon mchog gsum la mchod pa zhes bya'o/ /de nas skye dgu'i bdag mos 'di skad ces gsol to/ /dge 'dun gyi nang na </font><hr>Ka130a<br><font size=+1>


@#/ /sangs rgyas dang / chos kyang med na ci'i phyir/ dge 'dun la mchod pas dkon mchog gsum la mchod par 'gyur/ de la ngas 'di skad ces bka' stsal to/ /khyod kyis ngas bstan pa bzhin byed pa ni sangs rgyas la mchod pa'o/ /rnam par grol bar 'dod pas chos la mchod pa'o/ /dge 'dun bzhes pas na dge 'dun la mchod pa'o/ /de bas na/ /rigs kyi bu/ dkon mchog gsum ni gcig ces byar mi rung ngo / /rigs kyi bu/ /bcom ldan 'das ni skabs kha cig tu gcig la gsum du gsung ngo / /skabs kha cig tu ni gsum yang gcig tu gsungs te/ de bas na sangs rgyas rnams kyi spyod yul ni nyan thos dang / rang sangs rgyas kyis shes par nus pa ma yin no/ /'od srung gis yang gsol pa/ bcom ldan 'das/ bcom ldan 'das kyis gsungs pa ltar mthar bde ba ni mya ngan las 'das pa'o zhes gsungs pa'i don ji lta bu lags/ mya ngan las 'das pa zhes bgyi ba ni lus la btang snyoms/ ye shes la btang snyoms pa lags te/ lus dang ye shes la btang snyoms na bde ba sus myong bar 'gyur/ bcom ldan 'das kyis bka' stsal pa/ rigs kyi bu/ dper na/ mi zhig 'grangs par zos pa'i 'og tu </font><hr>Ka130b<br><font size=+1>


khong pa mi bde ba las phyi rol tu song ste skyugs nas phyir 'ong na/ grogs po dag/ de la khyod mi bde ba ci lta sos sam zhes 'dri'o/ /des smras pa/ sos te mi bde ba med ces zer ro/ /de bzhin gshegs pa'ang de dang 'dra ste/ mtha' srid pa nyi shu lnga po dang bral nas yongs su mya ngan las 'das te/ rab tu bde ba'i gnas su phyin pas bskyod du med/ zad pa dang 'gog pa zhes bya ba med de/ tshor ba thams cad bcad pas bde bar tshor ba med pa zhes bya'o/ /de ltar tshor ba myong ba med pa ni rtag pa bde ba zhes bya'o/ /gang zhig de bzhin gshegs pa la bde bar tshor ba yod ces bya ba de ni gnas med do/ /de bas na mthar bde ba ni mya ngan las 'das pa'o/ /mya ngan las 'das pa de ni yang dag par rnam par grol ba'o/ /yang dag par rnam par grol ba ni de bzhin gshegs pa'o/ /'od srung gis yang gsol pa/ mi skye mi 'gog pa rnam par grol ba lags sam/ de de bzhin no/ /de de bzhin te/ rigs kyi bu/ mi skye mi 'gog pa ni rnam par grol ba'o/ /de ltar rnam bar grol ba ni de bzhin gshegs pa'o/ /'od srung gis yang gsol ba/ gal te mi skye mi 'gog pa de rnam par grol ba lags na/ nam mkha'i mtshan nyid kyang mi skye mi 'gog na/ de'ang de bzhin gshegs pa lags sam/ de bzhin </font><hr>Ka131a<br><font size=+1>


@#/ /gshegs pa ni rnam par grol ba ma lags sam/ bcom ldan 'das kyis 'od srung la bka' stsal pa/ rigs kyi bu/ de lta ma yin no/ / ci'i phyir de lta ma yin zhe na/ rigs kyi bu/ dper na/ bya ka land ka dang / 'tsho ba 'tsho byed ni shin tu'ang skad snyan pa yin na/ khwa skegs kyi skad dang 'dra ba'ang ma lags so/ /bcom ldan 'das/ khwa skegs ni shin tu'ang skad mi snyan te/ 'tsho ba 'tsho byed dang bsgrun du ma mchis te/ stong gi char yang bsgrun du ma mchis so/ /'od srung gis yang gsol pa/ bya ka land ka la sogs pa ni skad kyang shin tu snyan la/ lus kyang mi 'dra na ci'i slad du de bzhin gshegs pas khwa skegs kyi dper gsungs/ ri rab kyi dpe yungs kar la len pa dang mtshungs te/ bcom ldan 'das dang nam mkha' yang de bzhin no/ /bya ka land ka'i skad da ni sangs rgyas bcom ldan 'das kyi gsung gi dper rung gi /khwa skegs kyi skad kyi dper ni mi rung ngo / /de nas bcom ldan 'das kyis byang chub sems dpa' 'od srung la 'di skad ces bka' stsal to/ /shin tu legs so/ /shin tu legs so/ /khyod ni shin tu zab mo'i don la shin tu mkhas te/ de bzhin gshegs pa ni skabs kha cig tu rgyu dang rkyen la gzigs nas/ nam mkha' </font><hr>Ka131b<br><font size=+1>


yang rnam par grol ba'i dper gsungs so/ /de ltar rnam par grol ba ni de bzhin gshegs pa'o/ /yang dag par rnam par grol ba ni 'jig rten du bcas pa lha dang mi thams cad kyis bsgrun du med de/ nam mkha' 'di ni yang dag par dper mi rung mod kyi/ sems can gdul ba'i phyir nam mkha' lta bur dper mi rung yang dper gsungs te/ de bas na rnam par grol ba nyid de bzhin gshegs par rig par bya'o/ /de bzhin gshegs pa nyid ni rnam par grol ba'o/ /rnam par grol ba dang / de bzhin gshegs pa ni gnyis su med la dbyer med do/ /rigs kyi bu/ dper mi rung zhes bya ba ni bsgrun du med pa'i dngos po dag ni dper drang du mi rung yang rgyu dang rkyen kha cig gi skabs su dper drang du yod do/ /mdo sde dag las kyang gsungs te/ zhal ni zla ba gang ba 'dra ba zhes bya ba dang / bal gyi glang po che shin tu dkar ba ni gangs kyi ri dang 'dra'o/ /zhes bya ba zla ba gang ba zhal yin zhes byar mi rung la/ gangs kyi ri yang bal gyi glang po che yin zhes byar mi rung ste/ rigs kyi bu/ dpes rnam par grol ba la dper byar mi rung mod kyi/ sems can gdul ba'i phyir na dpe bstan pa yin no/ /dpe mang pos chos rnams kyi chos nyid rig par 'gyur ba'ang de bzhin no// //'phags </font><hr>Ka132a<br><font size=+1>


@#/ /pa yongs su mya ngan las 'das pa chen po'i mdo/ bam po brgyad pa/ 'od srung gis yang gsol pa/ ci'i slad du na de bzhin gshegs pas rnam pa gnyis su gsungs/ bcom ldan 'das kyis bka' stsal pa/ rigs kyi bu/ dper na/ mi zhig ral gri thogs te zhes sdang gi sems kyis de bzhin gshegs pa la gsod du 'ong na/ de la de bzhin gshegs pas mi khro zhing mdangs dang chas na/ mi de ni de bzhin gshegs pa la gsod pa'i mtshams med pa'i las su 'gyur ram/ ma lags so/ /bcom ldan 'das/ ci'i slad du zhe na/ de bzhin gshegs pa'i sku ni gzhig mi nus pa'i phyir ro/ /de'ang ji lta zhe na/ sku phung por ni ma mchis kyi / chos nyid 'ba' zhig dang ldan te/ chos rnams kyi chos nyid ni gzhig tu mi rung ba lags na/ gang zag des sangs rgyas kyi sku gzhig ga la nus mod kyi/ sdig pa'i sems dang bcas pas mtshams ma mchis pa'i las su ni 'gyur ro/ /de'i slad du dper na/ chos rnams kyi chos nyid rig par 'gyur ro/ /de nas bcom ldan 'das kyis byang chub sems dpa' 'od srung la 'di skad ces bka' stsal to/ /shin tu legs so/ shin tu legs so/ /rigs kyi bu/ ngas gsungs ba las khyod kyis sngar gsol ba legs so/ / </font><hr>Ka132b<br><font size=+1>


rigs kyi bu/ dper na/ mi sdig can zhig ma bsad par bsams nas zhing gi las byed par ma zan skyel du 'ongs pa las de la bsad par bsams te/ ral gri brdar te chas pa las mas tshor nas khre 'bras spungs pa'i phung por zhugs te/ mi des ral gri thogs te khre 'bras kyi phung po la bskor cing ral gri btab nas de ni gsod snyam nas dga' ba'i sems skyes so/ / phyis de'i ma khre 'bras kyi phung po'i nang nas byung ste/ phyir khyim du 'ong na de khyod kyi yid la ji snyam/ mi de mtshams med pa'i sdig byas pa yin nam/ gsol pa/ bcom ldan 'das/ gcig tu nges pa ma lags so/ /de ci'i slad du zhe na/ de la sdig pa mchis zhes bgyir ni ma'i lus zhig par gyur pa ma lags/ lus zhig par ma gyur na sdig pa mchis zhes bgyir ga la rung / sdig pa ma mchis zhes bgyir ni gsod do snyam bsams nas dga' sems kyang bskyed na/ ma mchis zhes bgyir yang ga la rung ste/ mi des mtshams med pa rdzogs pa ni ma lags mod kyi/ 'on kyang mtshams ma mchis pa'i las bgyis so/ /rgyu dang rkyen de lta bas na chos rnams kyi chos nyid rig par 'gyur ro/ /bcom ldan 'das kyis bka' stsal pa/ shin tu legs so/ /shin tu legs so/ /rigs kyi bu/ rgyu dang rkyen de lta bas na ngas rnam pa sna tshogs kyi thabs dang / dper rnam par grol ba'i dper gsungs pa yin no/ / </font><hr>Ka133a<br><font size=+1>


@#/ /dper rnam pa grangs med tshad med pa snyed kyis dper bstan kyang yang dag par na dper bsgrun du med de/ rgyu dang rkyen kha cig gi skabs su ni dpes bstan du rung ngo / /rgyu dang rkyen kha cig gi skabs su ni dpes bstan du mi rung ste/ de bas na rnam par grol ba ni de lta bu'i yon tan tshad med pa dang ldan te/ mya ngan las 'das pa la zhugs pa'o/ /mya ngan las 'da' ba dang / de bzhin gshegs pa la'ang de lta bu'i yon tan tshad med pa dang ldan no/ /de lta bu'i yon tan tshad med pa dang ldan te/ phun sum tshogs pa'i phyir na yongs su mya ngan las 'das pa chen po zhes bya'o/ /byang chub sems dpa' 'od srung gis bcom ldan 'das la gsol pa/ bcom ldan 'das/ bdag gis ni de bzhin gshegs pa byon pa'i gnas gdod 'tshal te/ bas mi 'tshal ba'i gnas so/ /de ltar bas mi 'tshal bas na sku tshe'i tshad kyang bas mi 'tshal bar rig par bgyi'o/ /bcom ldan 'das kyis bka' stsal pa/ legs so/ legs so/ /rigs kyi bu/ khyod ni yang dag pa'i chos shin tu 'dzin cing srung ba'o/ /rigs kyi bu'am/ rigs kyi bu mo gang kun nas nyon mongs pas rnam par bcings pa gcod 'dod pa dag ni de ltar dam pa'i chos gzung zhing bsrung bar bya'o/ /rigs kyi bu/ yongs su mya ngan las </font><hr>Ka133b<br><font size=+1>


'das pa'i mdo shin tu zab mo 'di las gang zag rnam pa bzhis yang dag pa'i chos srung zhing / yang dag pa'i chos rnam par 'jog pa dang / yang dag pa'i chos yid la byed nus shing / 'jig rten du bcas pa la snying brtse ba dang / 'jig rten du bcas pa'i rten dang gnas su 'gyur zhing / lha dang mi mang po la phan pa dang bde ba'i don byed par 'gyur ro| |gang zag bzhi po gang zhe na/ gang zag gang 'jig rten las 'das te nyon mongs pa'i mtshan nyid dang ldan pa ni rgyun du zhugs pa zhes bya ste gcig go /gang zag lan gcig phyir ldog pa ni gnyis so/ /lan gcig phyir mi ldog pa ni gsum mo/ /dgra bcom pa ni bzhi'o/ /gang zag rnam pa bzhi po 'di dag 'jig rten du byung na/ 'jig rten du bcas pa la snying brtse zhing 'jig rten du bcas pa'i rten dang gnas su 'gyur te/ lha dang mi mang po la phan pa dang bde ba'i don byed par 'gyur ro/ /de la nyon mongs pa'i mtshan nyid dang ldan pa gang zhe na/ de la gang zag gang zhig tshul khrims yongs su sdom zhing spyod lam mi nyams pas yang dag pa'i chos rnam par bzhag nas sangs rgyas las ji skad du thos pa bzhin du yi ge dang don la mkhas te/ gzhan la'ang rgyas par 'chad cing ston pa ni/ 'di lta ste/ 'dod pa nyung ba dang / 'dod pa mang ba dang / byang chub </font><hr>Ka134a<br><font size=+1>


@#/ /yin pa la sogs pa skyes bu chen po ya brgyad kyi chos rgyas par ston pa'o/ /gang nyes pa byung ba rnams kyang mthol zhing 'gyod tshangs byed du bcug nas/ nyes pa byang bar byed pa dang / byang chub sems dpa' rnams kyi thabs dang / spyod pa dang / dgongs te gsungs pa'i chos la shin tu mkhas pa ni byis pa so so'i skye bo zhes bya'i/ skyes bu ya brgyad po ma yin no/ /skyes bu ya brgyad po ni byis pa so so'i skye bo zhes mi bya ste/ byang chub sems dpa' zhes bya'i/ sangs rgyas zhes bya ba ni ma yin no/ /skyes bu gnyis po ni rgyun du zhugs pa zhes bya'o/ /lan gcig phyir ldog pa ni yang dag pa'i chos rnyed dam/ yang dag pa'i chos 'dzin tam/ sangs rgyas las chos thos na ji ltar thos pa bzhin du glegs bam du 'dri zhing 'chang ba dang / klog pa dang / 'don pa dang / gzhan la'ang rgyas par ston cing 'chad do/ /de chos thos nas mi 'dri ba dang / 'chang ba dang 'dzin par mi byed pa dang / gzhan la'ang mi 'chad do/ /bran po dang / bran mo la sogs pa ma brtags pa'i dngos po dag sangs rgyas kyis 'chang du gnang ngo zhes smra ba'i gnas med de/ de ni gang zag gnyis po zhes bya ste/ gang zag de ni gnyis po dang / gsum po'i sa thob pa'ang ma yin la/ byang chub sems </font><hr>Ka134b<br><font size=+1>


dpa' lung bstan pa zhes kyang mi bya'o/ /gang zag gsum po ni lan gcig phyir mi ldog pa zhes bya ste/ lan gcig phyir mi ldog pa ni yang dag pa'i chos la skur ba'am/ bran pho dang / bran mo dang / las byed pa'i mi la sogs pa ma brtags pa'i dngos po dag 'chang du gnang zhe'am/ mu stegs can gyi gtsug lag dang / yi ge la slob cing 'dzin ce'am/ kun nas nyon mongs pas sgrib par 'gyur zhe'am/ bag la nyal ba'i nyon mongs pas sgrib cing g.yog par 'gyur zhe'am/ de bzhin gshegs pa'i sku gdung yang dag pa sbed cing 'chab ce'am/ phyi rol gyi nad rnam pa mang pos 'tshe zhing gnod par 'gyur zhe'am/ sbrul gdug pa rnam pa bzhis zin par 'gyur zhe'am/ bdag tu smra ba la sogs pa'i gnas med kyi/ bdag med par smra ba'i gnas ni yod do/ /'jig rten gyi chos la chags par smra ba'i gnas ni med kyi/ theg pa chen po bar chad kyi rgyun med par ston pa'i gnas ni yod do/ /gang lus len pa de la srin bu brgyad khris bza' pa'i gnas med kyi/ 'dod chags yongs su spangs nas chung ngu na rmi lam na'ang mi gtsang ba mi 'byung ba'i gnas ni yod do/ /mthar tshe'i bya ba byed pa na 'jigs skrag par 'gyur ba'i gnas kyang med do/ /lan gcig phyir mi ldog pa zhes bya ba ci'i don zhe na/ gang zag de ni nyes pa'i skyon gong du smos pa'i nang </font><hr>Ka135a<br><font size=+1>


@#/ /du phyir mi 'khor te/ des gos par yang mi 'gyur la/ phyir 'khor zhing skye'ang de ni byang chub sems dpa' zhes bya ste/ lung bstan pa'ang thob pas ring por mi thogs par bla na med pa yang dag par rdzogs pa'i byang chub tu mngon par 'tshang rgya bar yang 'gyur te/ de ni gang zag gsum pa zhes bya'o/ /gang zag bzhi pa ni dgra bcom pa zhes bya ste/ dgra bcom pa ni nyon mongs pa thams cad bcad pa/ khur bor ba/ bya ba byas pa/ phyis bdag gi don rab tu rnyed pa/ sa bcu la rab tu gnas pa/ ye shes la dbang bsgyur ba/ so so'i skye bo ci la mos pa bzhin du rnam pa sna tshogs kyis gzugs dang cha lugs kyang de bzhin du ston pa/ mngon par 'tshang rgya bar 'dod na'ang mngon par sangs rgyas pa ston pa ste/ de lta bu'i yon tan tshad med pa dang ldan pas na dgra bcom pa zhes bya'o/ /de bas na skyes bu chen po bzhi 'jig rten du byung na/ 'jig rten du bcas pa la snying brtse bas 'jig rten du bcas pa'i gnas dang rten du 'gyur zhing / lha dang mi mang po la phan pa dang bde ba'i do byed pa dang / lha dang mi'i nang na mchog tu 'gyur/ gtso bor 'gyur/ phul du 'gyur te/ ji ltar de bzhin gshegs pa thams cad kyi skyabs su 'gro ba'i gnas mi'i mchog tu gyur pa bzhin no/ /byang chub sems dpa' 'od srung gis </font><hr>Ka135b<br><font size=+1>


bcom ldan 'das la 'di skad ces gsol to/ /bcom ldan 'das/ bdag ni skyes bu bzhi po la mi gnas mi rten to/ /de ci'i slad du zhe na/ bcom ldan 'das kyis sngon mdo sde gu shi las bris pa las 'di skad ces gsungs te/ gu shi la lha dang / bdud dang / tshangs pa la sogs pa khyod gzhig cing mi rung bar bya ba'i phyir sangs rgyas kyis gzugs lta bur bsgyur nas mtshan sum cu rtsa gnyis dang / dpe byad bzang po brgyad cu dang / 'od kyi dkyil 'khor 'dom gang ba dang / zhal zla ba rgyas par lta bu dang / smin mtshams kyi mdzod spu'i mtshan dkar khyad gangs sam/ dung lta bus yongs su brgyan te 'ongs na/ khyod yang dag pa yin na/ ma yin pa rtogs shig /rtogs shing shes nas 'dul bar bya'o zhes gsungs te/ bcom ldan 'das/ bdud la sogs pas sangs rgyas kyi skur yang ston cing sprul nus na/ dgra bcom pa la sogs pa skyes bu bzhi'i lus su ston cing nam mkha' la 'gro ba dang / nyal pa dang / 'dug pa dang / rtsib logs g.yon nas chu 'byung ba dang / rtsib logs g.yas nas me 'byung ba dang / lus la dud pa 'thul zhing me'i phung po ltar ston pa lta smos kyang ci 'tshal te/ rgyu dang rkyen de lta bas na bdag ni de la dad pa'ang mi skye la/ ston pa zhig yod na'ang tshul bzhin du mi bgyid/ bkur sti dang / rten dang / gnas lta bur yang mi sems </font><hr>Ka136a<br><font size=+1>


@#/ /so| |bcom ldan 'das kyis bka' stsal pa/ rigs kyi bu/ ngas bstan pa la the tshom yod na'ang gzung bar mi bya na de dag gis bstan pa lta ci smos te/ de bas na dge'am mi dge'am/ bya'am mi bya ba ni shin tu brtags te khong du chud par bya'o/ /de ltar byas na yun ring por bde pa myong bar 'gyur ro/ /rigs kyi bu/ 'di lta ste| dper na/ khyi rkun zhig khyim du 'ongs te/ bran mo khyim srung gis tshor na de la spyos te myur du phyir song zhig /ma bros na bsad do zhes smras te/ khyis de skad thos nas bros te phyir ldog go /khyod kyang de bzhin du bdud sdig to can 'dul ba na/ de la 'di skad du sdig to can khyod 'di 'dra ba'i gzugs su ma ston cig /ci ste ston na 'ching ba rnam pa lngas 'ching ngo zhes gyis shig/ bdud kyis de skad thos na 'bros te/ phyir ldog pa'ang ji ltar khyi rkun de phyir ldog pa bzhin no/ /'od srung gis yang gsol pa/ bcom ldan 'das kyis khyim bdag gu shi la 'di skad ces gsungs te/ gang zhig de ltar bdud thul na yongs su mya ngan las 'das pa chen po la nye ba zhes bgyi na/ ci'i slad du bcom ldan 'das kyis gang zag bzhi po la gnas dang rten lta bur gsungs/ gang zag bzhi pos ston pa la nges par yid ches su rung ngam/ bcom ldan 'das kyis 'od srung la bka' stsal pa/ </font><hr>Ka136b<br><font size=+1>


rigs kyi bu/ ngas gsungs pa'ang de dang 'dra ste/ de lta bu yin no/ /rigs kyi bu/ ngas ni nyan thos sha'i mig can dag la bdud 'dul bar bstan gyi/ theg pa chen po la nan tan byed pa'i gang zag la bshad pa ni ma yin no/ /nyan thos kyi gang zag ni 'phrul gyi mig can du gyur kyang sha'i mig ces bya'o/ /theg pa chen po slob pa'i ni sha'i mig can yang sangs rgyas kyi spyan zhes bya'o/ /de ci'i phyir zhe na/ theg pa chen po'i mdo sde ni sangs rgyas kyi theg pa zhes bya ste/ sangs rgyas kyi theg pa ni mchog tu gyur/ phul du gyur pa'o/ /rigs kyi bu/ 'di lta ste/ dper na/ skyes bu dpa' zhing sgyu rtsal che ba la ni gang sngar ma zhan pa dag rtag tu 'khor zhing rten to/ /skyes bu dpa' bo des sngar ma de la khyod gzhu 'di ltar zungs shig/ mda' 'di ltar phongs shig /shak+ti slob cing kyo ba btang dang zhags pa 'di ltar thob cig ces ston to/ /gzhan yang 'di skad du dgra dang 'thab pa ni mtshon gyi khar song ba dang 'dra mod kyi/ 'jigs skrag pa'i 'du shes ma bskyed par pha rol po lha dang mi la shin tu brnyas pa'i 'du shes skyed cig /bdag ni shin tu dpa' zhing rtsal che bar 'du shes skyed cig /bar bar gyi dus su mi sngar ma zhan pa dag cig dpa' bo ltar bcos te/ mda' gzhu dang / ral gri dang / mtshon cha sna tshogs thogs te/ g.yul ngor lhags nas skad </font><hr>Ka137a<br><font size=+1>


@#/ /chen pos bos na/ khyod de la 'jigs pa'am/ skrag pa ltar ma byed cig dang / sngar ma des khyod mi skrag par shes nas khyi rkun dang 'dra bar de ma thag tu 'gyes shing 'bros so/ /rigs kyi bu/ de bzhin gshegs pa'ang de dang 'dra ste/ nyan thos rnams la khyed bdud sdig to can gyis ma skrag cig /gal te bdud sdig to can sangs rgyas kyi skur sprul te/ khyod kyi drung du 'ongs na'ang khyod shin tu brtan pa'i brtson 'grus kyis bdud kyi sde rnams thul cig /de'i tshe na bdud kyang mya ngan gyis non te mi dga' nas phyir 'gro'o/ /rigs kyi bu/ dper na/ skyes bu dpa' bo gzhan la slob mi dgos pa ltar theg pa chen po la nan tan byed pa'ang de dang 'dra ste/ shin tu zab mo'i mdo sde rnam pa sna tshogs thos kyang sems rab tu dga' zhing rangs par 'gyur gyi/ 'jigs pa'am skrag pa mi skye'o/ /de ci'i phyir zhe na/ 'di ltar theg pa chen po la slob pa'i gang zag ni sngon 'das pa'i sangs rgyas grangs med pa brgya stong la phyag dang bsnyen bkur dang / mchod pa byas pas gal te bdud kyi 'khor grangs med pa brgya stong snyed kyis gnod pa'am/ rnam par gtses kyang de la ni nam du'ang 'jigs skrag pa mi 'byung ngo / /rigs kyi bu/ 'di lta ste/ dper na/ mi zhig sman a gas rnyed na sprul gdug pa </font><hr>Ka137b<br><font size=+1>


la sogs pa thams cad kyis mi 'jigs so/ /sman de'i mthus gdug pa thams cad gzhil nus pa'i phyir ro/ /theg pa chen po'i mdo sde'ang de dang 'dra ste/ bdud gdug pa thams cad kyis mi 'jigs la/ phyis mi ldang bar yang gdul nus so/ /rigs kyi bu/ gzhan yang 'di lta ste/ dper na/ klu gdug pa ni pha rol la gsod pa'i tshe/ bar 'ga' ni mig gis bltas pa tsam mam/ bar 'ga' ni dbugs kyis rdubs pa tsam gyis 'chi ste/ de bas na seng ge dang / stag dang / phar spyang dang / khyi la sogs pa thams cad de la 'jigs so| |gcan gzan de dag la sogs pas de'i skad thos sam/ de'i lus kyis reg pa tsam gyis mi 'chi ba med do/ /gang sdags la shin tu mkhas pa ni sngags kyi mthus klu gdug pa dang / nam mkha' lding dang / bal gyi glang po che myos pa dang / seng ge dang / stag dang / 'phar spyang la sogs pa thams cad thul te/ kha lo sgyur zhing zhon yang nus so/ /gcan gzan de dag gis sngags la mkhas pa de mthong tsam gyis rang 'dul lo/ /nyan thos dang / rang sangs rgyas kyang de dang 'dra ste/ bdud sdig to can mthong na thams cad 'jigs skrag go /bdud sdig to can ni de dag la 'jigs pa'am skrag pa'i sems med de/ bdud kyi las kyang byed do/ /theg pa chen po la slob pa'ang de dang 'dra ste/ de ltar nyan thos </font><hr>Ka138a<br><font size=+1>


@#/ /dag bdud kyis skrag ste/ theg pa chen po la mi mos/ mi dad pa mthong nas/ sngar thabs kyis bdud kyi ris rnams btul te/ thams cad 'dul bar byas nas/ de'i 'og tu dam pa'i chos rnam pa sna tshogs ston cing 'chad do/ /nyan thos dang / rang sangs rgyas dag de ltar bdud rnams btul ba mthong na/ gdod skrag pa skyes te/ theg pa chen po dam pa'i chos bla na med pa la mos pa dang / dad pa bskyed de/ 'di skad du bdag cag ni da phyin chad dam pa'i chos 'di'i bar chad dang / bgegs mi bya'o zhes smra'o/ /gzhan yang rigs kyi bu/ nyan thos dang / rang sangs rgyas ni nyon mongs pa rnams la 'jigs pa dang skrag pa skye'o/ /theg pa chen po slob pa dag ni 'jigs pa'am/ bag tshab med do/ /theg pa chen po la nan tan byed pa ni de lta bu'i mthu dang ldan te/ rgyu dang rkyen de lta bas na sngar bstan cing bshad pa ni nyan thos dang / rang sangs rgyas dag gis bdud gdul ba'i phyir gyi/ theg pa chen po'i phyir ni ma yin no/ /theg pa chen po mya ngan las 'das pa'i mdo sde shin tu zab mo 'di ni ngo mtshar che zhing rmad du gyur pa ste/ gdul nus pa med do/ /gang zhig mnyan te thos nas dad cing 'dzin tam/ de bzhin gshegs pa la rtag pa'i chos can du yid ches na/ gang zag de ni me tog u du ma wa ra </font><hr>Ka138b<br><font size=+1>


ltar shin tu dkon pa'o/ /nga mya ngan las 'das nas gang gis theg pa chen po'i mdo sde shin tu zab mo 'di thos nas dad pa'i sems skyes na/ de ni ma 'ongs pa'i dus su bskal ba brgya stong gi bar du ngan song du mi ltung bar rig par bya'o/ /de nas bcom ldan 'das kyis byang chub sems dpa' 'od srung la bka' stsal pa/ rigs kyi bu/ nga mya ngan las 'das nas yongs su mya ngan las 'das pa'i mdo sde dam pa 'di la sems can grangs med pa brgya stong snyed kyis skur cing yid 
 ches par 'gyur ro/ /byang chub sems dpa' 'od srung gis yang gsol pa/ bcom ldan 'das/ sems can de dag sangs rgyas mya ngan las 'das pa'i 'og tu yun ring du mdo sde 'di la bsnyen nas bkur bar 'gyur na/ de la skye bo shin tu dge ba dang ldan pa ji lta bus chos la rnam par skur pa de sgrol bar 'gyur/ bcom ldan 'das kyis 'od srung la bka' stsal pa/ rigs kyi bu/ nga mya ngan las 'das nas lo bzhi bcu'i bar du ni dzam+bu'i gling 'dir rgyas par 'gyur te/ de nas sa'i 'og tu nub par 'gyur ro/ /rigs kyi bu/ dper na/ bu ram gyi shing dang / 'bras dang / sha kha ra dang / 'o ma dang / mar dang / mar gyi snying po yod pa'i gnas na 'khod pa'i sems can dag ni ro bro ba de la ro'i nang na mchog dam par 'dzin to/ /de la kha cig ni khre dang / </font><hr>Ka139a<br><font size=+1>


@#/ /yug po'i sa bon 'ba' zhig za na/ de dag kyang 'di skad du bdag cag gi zas 'di las 'da' ba med ces zer ro/ /de ni sems can bsod nams chung ba'i las kyi rnam par smin pa yin te/ bsod nams can skal pa dang ldan pa dag ni khre dang / yug po'i sa bon rnams kyang mi thos te/ zas su 'bras dang / bu ram dang / sha kha ra dang / mar gyi snying po 'ba' zhig za'o/ /mya ngan las 'da' ba'i mdo sde dam pa 'di'ang de dang 'dra ste/ dbang po rtul po bsod nams chung zhing skal pa med pa dag thos par mi 'dod do/ /ji ltar bsod nams chung ba dag 'bras dang / sha kha ra la sogs pa mi 'dod pa ltar/ /theg pa chung du gnyis kyang de dang 'dra ste/ mya ngan las 'da' ba chen po'i mdo sde dam pa 'di mi 'dod do/ /de la so so'i skye bo gnag mdo sde 'di thos par mos shing thos nas kyang rab tu dga' ste/ skur pa mi byed pa ni sems can bsod nams can 'bras la sogs pa za ba dang mtshungs so/ /rigs kyi bu/ dper na/ rgyal po zhig ri'i gseb shin tu nyam nga ba'i gnas na 'dug na/ bu ram gyi shing dang / 'bras dang / sha kha ra zhig yod kyang dkon pas na zad kyis dogs te za ba'i thugs ni mi thub kyi/ gsog go/ /khre dang yug po'i sa bon 'ga' zhig za'o/ /rgyal po gzhan zhig gis thos nas/ de snying brtse </font><hr>Ka139b<br><font size=+1>


ba'i phyir 'bras dang / sha kha ra la sogs pa shing rtas bskyas te byin na/ rgyal po des kun la bgos te byin nas gdod za'o/ /zos nas thams cad dga' ste/ 'di skad du rgyal po de'i phyir bdag cag kyang sngon ma myong ba'i zas zos par gyur to zhes zer ro/ /rigs kyi bu/ skyes bu gang zag bzhi po'ang de dang 'dra ste/ bla na med pa'i chos chen po'i ded dpon no| |gang zag rnam pa de bzhi las gang zag gcig gis phyogs gzhan zhig na/ byang chub sems dpa' tshad med pa rnams theg pa chen po'i mdo sde 'di slob bam/ bdag glegs bam du 'dri'am/ gzhan dag glegs bam du 'drir gzhug gam/ rnyed pa dang / bkur sti dang / grags pa'i phyir ram/ chos mngon pa'i phyir ram/ rten dang gnas kyi phyir ram/ mdo sde gzhan dag tu bskur zhing brje ba tsam gyi phyir gyi/ gzhan dag la rgyas par ston cing 'chad mi nus pa mthong na/ de dag gi phyir mdo sde dam pa 'di phogs der bskyal te/ byang chub sems dpa' de dag la byin nas/ bla na med pa'i byang chub tu sems bskyed du b+chug ste/ byang chub la bkod nas/ byang chub sems dpa' de dag kyang mdo sde 'di thos pas gzhan dag la rgyas par ston cing bshad de/ sems can tshad med pa rnams kyang / /theg pa chen po 'i mdo sde 'di'i chos kyi ro myong bar byas na/ de 
 byang </font><hr>Ka140a<br><font size=+1>


@#/ /chub sems dpa' de gcig gi mthus sngon ma thos pa'i mdo sde thos par 'gyur te/ ji ltar rgyal po gcig gi mthus thams cad kyis sngon ma myong ba'i zas myong bar 'gyur ba yin no/ /rigs kyi bu/ gzhan yang mya ngan las 'da' ba chen po'i mdo gang na yod pa'i gnas de ni rdo rje lta bu yin la/ de na gnas pa'i mi'ang rdo rje dang 'dra bar rig par bya'o/ /gang zhig mdo sde 'di la mnyan na de ni bla na med pa yang dag par rdzogs pa'i byang chub las phyir mi ldog pa ste/ ji ltar smon pa bzhin du'ang 'grub par 'gyur ro/ /ngas 'dir ji skad du gsungs pa bzhin dge slong khyed shin tu gzungs su gzung zhig /sems can gang zhig mdo sde 'di mnyan mi nus na gang zag de ni shin tu thugs brtse ba'i gnas su rig par bya'o/ /de ci'i phyir zhe na/ gang zag des thog pa chen po'i mdo sde shin tu zab mo'i don 'di gzung mi nus pa'i phyir ro/ / de nas yang bcom ldan 'das la byang chub sems dpa' 'od srung gis 'di skad ce gsol to/ bcom ldan 'das/ de bzhin gshegs pa mya ngan las 'das nas lo bzhi bcu'i bar du yongs su mya ngan las 'das pa theg pa chen po'i mdo 'di dzam+bu gling du rgyas par 'gyur ro/ /de nas sa'i 'og tu nub nas phyis yun ring mo zhig na phyir yang </font><hr>Ka140b<br><font size=+1>


'byung ngo / /bcom ldan 'das kyis bka' stsal pa/ rigs kyi bu/ nga'i dam pa'i chos 'di lo brgyad cu la ma gtogs pa sngar lo bzhi bcu'i bar du dzam+bu'i gling 'dir chos kyi char chen yo 'bab bar 'gyur ro/ /de nas yang bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ mdo sde 'di dam pa'i chos 'jig pa'i tshe/ yang dag pa'i tshul khrims nyams pa'i tshe/ chos ma lags pa 'phel zhing skye ba'i tshe/ tshul bzhin byed pa'i sems can dag ma mchis pa'i tshe/ su dag gis 'chang ba dang / 'dzin pa dang / klog pa dang / 'don pa dang / khong du chud par bgyid pa dang / mchod pa dang / rim gro dang / bkur sti bgyid cing glegs bam du 'dri ba dang / rnam par 'grel cing ston par 'gyur ba de bzhin gshegs pas so so'i skye bo dag la thugs brtse ba'i slad du rgyas par phye ste bstan du gsol/ byang chub sems dpa' rnams thos nas 'dzin par 'gyur ro/ /gzungs su bzung bas na bla na med pa yang dag par rdzogs pa'i byang chub las phyir mi ldog par 'gyur ro/ /de nas bcom ldan 'das kyis byang chub sems dpa' 'od srung la legs so/ /shin tu legs so zhes bka' stsal nas/ rigs kyi bu khyod kyis don 'di dag dris pa legs so/ /rigs kyi bu/ sems can gang zhig chu klung </font><hr>Ka141a<br><font size=+1>


@#/ /dga' skyed kyi bye ma snyed kyi sangs rgyas la byang chub tu sems bskyed na/ des ni dus ngan pa'i tshe/ mdo sde 'di 'chang ba dang / 'dzin par 'gyur te/ skur pa mi 'debs so/ /rigs kyi bu/ sems can gang zhig klung gang+gA'i gcig gi bye ma snyed kyi sangs rgyas las byang chub tu sems bskyed na/ des ni dus ngan pa'i tshe/ chos 'di la mi skur cing mdo sde 'di la mos par 'gyur te/ gzhan la rnam par 'byed cing ston ni mi nus so/ /rigs kyi bu/ sems can gang zhig klung gang+gA gnyis kyi bye ma snyed kyi sangs rgyas la byang chub tu sems bskyed na/ des ni dus ngan pa'i tshe/ chos 'di la mi skur te/ dad cing mos pa dang 'chang zhing 'dzin pa dang / klog pa dang 'don par 'gyur te/ gzhan la rgyas par ston ni mi nus so/ /sems can gang zhig klung gang+gA gsum kyi bye ma snyed kyi sangs rgyas las byang chub tu sems bskyed na/ des ni dus ngan pa'i tshe/ chos 'di la mi skur te| 'chang ba dang / 'dzin pa dang / klog pa dang / 'don pa dang / glegs bam du 'dri bar 'gyur te/ gzhan la ston mod kyi/ don zab mo ni mi shes so/ /sems can gang zhig chu klung gang+gA bzhi'i bye ma snyed kyi sangs rgyas las byang chub tu sems bskyed na/ des ni dus ngan pa'i tshe na chos 'di la mi skur te/ 'chang ba dang / 'dzin pa dang / klog pa dang / 'don pa </font><hr>Ka141b<br><font size=+1>


dang / glegs bam du 'dri bar 'gyur te/ des ni gzhan dag la don zab mo bcu drug gi cha gcig tsam ston par 'gyur ro/ /ston cing 'chad mod kyi de'ang rdzogs par shes pa ni ma yin no/ /sems can gang zhig klung gang+gA lnga'i bye ma snyed kyi sangs rgyas las byang chub tu sems bskyed na/ des ni dus ngan pa'i tshe na chos 'di la mi skur te/ 'chang ba dang / 'dzin pa dang / klog pa dang / 'don pa dang / glegs bam du 'dri ba dang / gzhan la'ang don zab mo bcu drug cha'i cha brgyad ston nus par 'gyur ro/ /sems can gang zhig klung gang+gA drug gi bye ma snyed kyi sangs rgyas las byang chub tu sems bskyed na/ des ni dus ngan pa'i tshe na chos 'di la mi skur te/ 'chang ba dang / 'dzin pa dang / klog pa dang / 'don pa dang / glegs bam du 'dri ba dang / gzhan la'ang bcu drug cha'i cha bcu gnyis ston nus par 'gyur ro/ /sems can gang zhig klung gang+gA bdun gyi bye ma snyed kyi sangs rgyas las byang chub tu sems bskyed na/ des ni dus ngan pa'i tshe na/ chos 'di la mi skur te/ 'chang ba dang / 'dzin pa dang / 'don pa dang / klog pa dang| glegs bam du 'dri ba dang / gzhan la'ang bcu drug cha'i cha bcu bzhi ston nus par 'gyur ro/ /sems can gang zhig klung gang+gA brgyad kyi bye ma snyed kyi sangs </font><hr>Ka142a<br><font size=+1>


@#/ /rgyas las byang chub tu sems bskyed na/ des ni dus ngan pa'i tshe na/ chos 'di la mi skur te/ 'chang ba dang / 'dzin pa dang / klog pa dang / 'don pa dang / gzhan la'ang glegs bam du 'drir bskul ba dang / bdag kyang nyan cing 'dzin la/ gzhan dag kyang nyan pa dang 'dzin pa dang / klog pa dang / 'don pa dang / khong du chud par byed par bskul ba dang / 'jig rten la snying brtse ba'i phyir shin tu srung zhing mdo sde la mchod pa byed pa dang / gzhan dag kyang mchod pa dang / rim gro dang / bkur sti dang / phyag bya ba dang / klog pa dang / 'don pa'i bar du bskul ba'ang de bzhin no/ /des don zab mo'ang rdzogs par khong du chud pa ni/ 'di lta ste/ de bzhin gshegs pa ni rtag tu gnas pa'i chos can mi 'gyur ba mthar bde ba dang / sems can la sangs rgyas kyi rang bzhin yod par rgyas par 'chad pa dang / de bzhin gshegs pa'i chos kyi gter la shin tu mkhas pa dang / sangs rgyas de dag la mchod pa byas na bla na med pa'i yang dag pa'i chos 'di dag 'chang ba dang / 'dzin pa dang / skyob pa dang / rnam par bzhag pa rtogs par 'gyur ro/ /gang zhig bla na med pa yang dag par rdzogs pa'i byang chub tu sems bskyed na/ gang zag de ni ma 'ongs pa'i dus su yang dag pa'i chos 'di </font><hr>Ka142b<br><font size=+1>


'chang ba dang / 'dzin pa dang / skyob par 'gyur zhing nges par yang dag pa'i chos rnams rnam par bzhag par rig par bya'o/ /de bas na khyod kyis ma 'ongs pa'i dus ngan pa'i tshe/ dam pa'i chos bsrung bar 'gyur ba dag shes par bya'o/ /de ci'i phyir zhe na/ sems bskyed pa de dag ni ma 'ongs pa'i dus su gdon mi za bar bla na med pa yang dag pa'i chos dag srung zhing 'dzin nus pa'i phyir ro/ /rigs kyi bu/ dge slong tshul khrims ngan pa can dag ni nga mya ngan las 'das pa thos na mya ngan mi byed de/ deng de bzhin gshegs pa mya ngan las 'das pas tshim mo/ /de bzhin gshegs pa 'jig rten na bzhugs na bdag cag gi rnyed pa'i bgegs su 'gyur te/ nga mya ngan las 'das na bdag cag gi rnyed pa las bgegs byed cing 'phrog pa med do/ /bgegs byed cing 'phrog pa med pas rnyed pa'ang mang du thob par 'gyur ro/ /de bzhin gshegs pa 'jig rten na bzhugs na tshul khrims shin tu dam ste/ nga mya ngan las 'das na thams cad lhod par 'gyur te/ lus la chos gos 'di'ang chos kyi tshul 'chos pa tsam du zad de/ de ni zhig cing ral bar gyur kyang shing gi kha na ba dan dang 'dra'o/ /zhes smra ba'i gang zag de ni mdo sde 'di la skur cing dbang za'o/ /rigs kyi bu khyod kyis de ltar yid la zungs shig /sems can </font><hr>Ka143a<br><font size=+1>


@#/ /gang zhig tshad med pa'i yon tan phun sum tshogs pa dang ldan na/ des ni theg pa chen po'i mdo sde 'di la dad cing yid ches so/ /dad nas kyang 'chang zhing 'dzin te/ sems can gzhan dag thos par mos pa la rgyas par bstan cing bshad na/ gang zag des thos pa tsam gyis sngon 'das pa'i bskal pa grangs med tshad med pa'i mi dge ba'i las thams cad zhu zhing byang bar 'gyur ro/ /gang zhig mdo sde 'di la ma dad dam/ yid mi ches na tshe 'di nyid la'ang nang rnam pa tshad med pas gzir te/ sdug bsngal bar 'gyur ba dang / mi mang pos gshe zhing spyo ba dang / tshe 'phos nas kyang kun gyis brnyas shing smod pa dang / byad bzhin mi sdug pa dang / 'tsho ba'i yo byad kyis brel phongs pa dang / cung zad cig rnyed na'ang ngan la rtsub pa dang / gang nas gang du skyes kyang rtag tu dbul phongs shing ma rabs ngan par skye ba dang / dam pa'i chos la skur pa ngan par lta ba'i rigs su skye ba dang / mthar dus byed pa na yul 'khrugs pa'am/ mtshon cha dang phrad pa dang / rgyal po chos bzhin mi byed pa dang| dgra sdang ba dang phrad pa dang / bshes gnyen grogs po yod kyang mi phrad pa dang / 'tsho ba'i yo byad ci'ang mi rnyed pa dang / cung zad cig rnyed kyang rtag tu bkres skom </font><hr>Ka143b<br><font size=+1>


pas yongs su gdung ba dang / ma rabs ngan pa dang bshes shing bsten pa dang / rgyal po dang blon pos kyang mi 'dod pa dang / ci ste ston cing 'chad pa don las ma gol yang yid mi ches te/ mi 'dzin par 'gyur ro/ /gang zag de ni dge ba'i gnas bzang por mi skye ste/ bya 'dab ma chag pa 'phur mi nus pa ltar gang zag de'ang de dang 'dra ste/ ma 'ongs pa'i dus su lha dang mi'i gnas bzang por mi skye'o/ /de la gang zag su zhig theg pa chen po'i mdo sde 'di la yid ches shing dad na/ mngon par thob pa'i lus ngan la mi sdug kyang mdo sde 'di'i yon tan gyis byad gzugs bzang ba dang / gzi brjid dang mthur ldan pa dang / mdangs kyang 'phel zhing skye ste/ 'jig rten du bcas pa lha dang / mi thams cad kyi yid du 'ong zhing lta 'dod pa dang / rim gro dang / bkur sti dang / mchod pa byed cing gtong mi phod par 'gyur ro/ /rgyal po dang / blon po dang / gnyen dang| 'khor rnams kyis smra zhing bsgo ba la dad cing yid ches par 'gyur ro/ /gal te nga'i nyan thos kyi nye gnas gang zhig gis mchog gi phul du gyur pa'i don spyod par 'dod na| 'jig rten du bcas pa la theg pa chen po'i mdo sde 'di rgyas par 'grel cing bstan par bya'o/ /rigs kyi bu/ dper na/ zil pa ni ring du gnas par 'dod kyang nyi ma shar </font><hr>Ka144a<br><font size=+1>


@#/ /pa las mi 'da' ste/ nyi ma shar ma thag tu lhag ma'ang ma lus par med par 'gyur ro/ /rigs kyi bu/ sems can de dag gi mi dge ba'i las ji snyed yod pa'ang de dang 'dra ste/ ring du gnas par 'dod kyang mya ngan las 'das pa chen po'i nyi ma shar ba mthong ba las mi 'da'o/ /nyi ma de shar ma thag tu de dag gi mi dge ba'i las thams cad zhu zhing byang bar 'gyur ro/ /rigs kyi bu/ gzhan yang 'di lta ste/ dper na/ gang zag rab tu byung ba skra dang kha spu bregs te chos gos gyon na/ dge tshul gyi khrims bcu ma mnos kyang khyim bdag gcig gis dge 'dun kun bos te/ khrims ma mnos pa'ang dge 'dun mgron du bos pa'i nang du gtogs na khrims ma mnos mod kyi/ dge 'dun gyi grangs su 'gro'o/ /rigs kyi bu/ sems can gang zhig theg pa chen po'i mdo yongs su mya ngan las 'das pa 'di bslab par sems bskyed de| glegs bam du 'bri'am/ 'chang ngam/ 'dzin tam/ klog gam/ 'don pa'ang de dang 'dra ste/ phun sum tshogs pa ma yin pa'ang sa bcur phyin pa ste/ sa bcu pa'i grangs su bgrang ngo / /gal te sems can gang sangs rgyas kyi nye gnas su gyur kyang rung / ma gyur kyang rung ste/ 'dod chags kyis skrag gam/ khe dang rnyed pa'i phyir mdo sde 'di'i tshigs su bcad pa </font><hr>Ka144b<br><font size=+1>


gcig tsam mnyan te thos nas mi skur na/ gang zag de ni bla na med pa yang dag par rdzogs pa'i byang chub la nye bar bsnyen pa yin par rig par bya'o/ /rigs kyi bu/ rgyu dang rkyen de lta bas na| skyes bu chen po bzhi sangs rgyas kyis gsungs pa bzhin du sangs rgyas kyis gsungs pa ma yin zhes zer na/ de ni gnas ma yin no/ /de bas na skyes bu chen po bzhi ni 'jig rten gyi rten dang gnas lta bur ngas gsungs so/ /rigs kyi bu/ de bas na khyod kyis skyes bu bzhi po la mchod pa bya'o/ /bcom ldan 'das/ bdag cag gis skyes bu chen po bzhi po de ji lta bar 'tshal cing mchod par bgyi/ bcom ldan 'das kyis 'od srung la bka' stsal pa/ gang na dam pa'i chos srung zhing rnam par bzhag pa'i gang zag de la ni gsol ba gdab cing lus dang srog kyang btang ste mchod pa bya'o/ /zhes ngas theg pa chen po'i mdo sde gzhan las kyang 'di skad du gsungs so/ /dam pa'i chos dag shes na/ /rgan nam gzhon yang rung ste/ /pha ma'am bram ze lta bur/ /mchod cing bsti stang phyag bya/ /dam pa'i chos ngag shes na/ /rgan nam gzhon yang rung ste/ /lha dag dbang phyug mchod ltar/ /mchod cing bkur sti phyag bya/ /de nas yang bcom ldan 'das la/ byang chub sems dpa' 'od srung gis 'di skad ces gsol to/ /bcom ldan 'das kyis gsungs pa bzhin te/ bla ma dang </font><hr>Ka145a<br><font size=+1>


@#/ /slob dpon la mchod pa bgyi ba ni de lags na'ang rgyas par bshad du gsol/ gal te bla ma tshul khrims dang ldan pa bzhig gzhon nu las sngon ma thos pa dag 'dri na gang zag de la phyag bgyi'am/ ci ste de la phyag bgyis na/ tshul khrims srung ba zhes bgyir yang mi rung / de la gzhon nu tshul khrims dang ldan pa zhig bla ma rgan po tshul khrims nyams pa zhig las sngon ma thos pa dag 'dri na de la'ang phyag bgyi'am/ gal te rab tu byung ba zhig khyim pa las sngon ma thos pa 'dri na de la'ang phyag bgyi ba lags sam/ rab tu byung bas khyim pa la phyag mi bya'o zhes kyang gsungs la/ sangs rgyas kyi chos kyi chung ngu gzhon nu dag gis bla ma rgan po la bkur sti dang phyag bya'o/ /de ci'i phyir zhe na/ bla ma rgan po dag sngar bsnyen par rdzogs pa'i phyir rim gro dang phyag bya'o zhes kyang gsungs/ yang bcom ldan 'das kyis gsungs pa ltar na tshul khrims nyams pa ni sangs rgyas kyi chos kyi nang du mi tshud de/ dper na/ zhing gshin pa'i nang na yug po'am/ rtswa lta bu zhes kyang gsungs/ gzhan du na bcom ldan 'das kyis dam pa'i chos shes na rgan nam gzhon yang rung / de la ni ji ltar lha rnams kyis dbang phyug rgyal po la phyag byed cing rim gro byed pa ltar mchod do zhes gsungs </font><hr>Ka145b<br><font size=+1>


na/ don rnam pa gnyis po 'di ji lta bu lags/ de bzhin gshegs pas gsungs pa 'di la 'gal ba ma mchis sam/ bcom ldan 'das kyis gsungs pa ltar rnam pa gzhan du na dge slong tshul khrims srung ba'ang nyes pa ma mchis zhes bcom ldan 'das kyis ci'i slad du de skad ces gsungs/ bcom ldan 'das kyis mdo sde gzhan dag las tshul khrims nyams pa dag chad pas gcod do zhes gsungs pa'ang don nges pa ma lags so/ /bcom ldan 'das kyis 'od srung la bka' stsal ba/ rigs kyi bu/ ngas ma 'ongs pa'i dus na byang chub sems dpa' theg pa chen po la rtsol ba dag gi phyir tshigs su bcad pa de skad ces gsungs kyi/ nyan thos kyi nye gnas kyi phyir gsungs pa ni ma yin no/ /rigs kyi bu/ ngas sngon gsungs pa ltar na dam pa'i chos rnam par 'jig cing tshul khrims ngan pa can dag spyod pa na/ tshul khrims ngan pa can dag 'chang \?\ zhing chos ma yin pa spyod pa na/ 'phags pa thams cad mngon par mi 'byung ba na/ bran pho dang / bran mo dang / ma brtags pa'i dngos po dag 'chang zhing spyod pa'i dus na/ skyes bu rnam pa bzhi po las gcig tsam zhig mngon par 'byung ste/ skra dang kha spu bregs \?\ rab tu byung ste/ lam la nan tan byed do/ /des dge slong dag so so nas bran pho dang / bran mo dang / las byed pa'i mi ma brtags pa'i dngos po 'chang </font><hr>Ka146a<br><font size=+1>


@#/ /ste| brtags sam ma brtags pa'ang mi shes/ 'dul ba dang 'dul ba ma yin pa'ang mi shes pa de dag mthong nas/ skyes bu des dge slong de dag gdul ba'i phyir tshul khrims 'dra bar byed kyang spyod pa mi mthun te/ bdag gis spyod pa'i gnas dang / sangs rgyas kyi spyod yul yang shin tu rtogs shing shes la/ pha rol pos phas pham pa'i nyes pa byung bar mthong yang cang mi smra ste mi gleng ngo / /de ci'i phyir zhe na/ bdag 'jig rten du byung ba ni dam pa'i chos srung zhing rnam par bzhag pa'i phyir te/ de bas na cang mi smra ste mi gleng ngo / /rigs kyi bu/ de ltar skyes bu des chos bsrung ba'i phyir nyes pa yod kyang tshul khrims zhig pa zhes mi bya'o/ /rigs kyi bu/ dper na/ rgyal po zhig nad kyis btab ste shi la/ rgyal tshab ni na gzhon te/ srid kyi las mi nus pa'i skabs su res 'ga' ni gdol pa nor rin po che shin tu mang shing rab tu phyug po longs spyod dang ldan pa 'khor rab tu mang ba zhig mthu bsnyems te/ rgyal po'i srid phrogs te/ rgyal por zhugs na/ yul de na gnas pa'i khyim bdag dang| bram ze la sogs pa phal cher yul gzhan du 'byer zhing 'bros so/ /ci ste de na gnas na'ang rgyal po chen po de la lta'ang mi 'dod do/ /gal te khyim bdag dang / tshong </font><hr>Ka146b<br><font size=+1>


dpon dang / bram ze la sogs pa yul gtong ma phod pa'ang / dper na/ skyes shing gar skyes pa'i gnas de nyid du shi bar 'gyur ba dang mtshungs so/ /rgyal po gdol ba des yul mi dag byer bros mang bar rtogs nas/ gzhan yang gdol pa dag lam dang / srang kun bsrungs te/ zhag bdun gyi bar du rnga brdungs nas 'di skad du/ /kye bram ze dag /khyed la gang zhig gis bdag gi spyi bo nas dbang bskur na yul gyi phyed sbyin no zhes bos kyang bram ze gcig gis kyang ma btub ste/ so so nas gcig la gcig 'di skad du bram ze'i rigs las 'di lta bu'i las byed pa mi srid do zhe'o/ /rgyal po gdol bas yang 'di skad du bram ze khyed las gcig tsam yang bdag gi ston par 'gyur ba med na/ bram ze khyed kyang rigs ngan gdol ba dang lhan cig tu bzhag cing bsnyal la/ las kyang 'dra bar byed du gzhug go /gal te bdag gi spyi bo nas dbang bskur na yul gyi phyed kyang sbyin no/ /tshig 'di mi rdzun par dam tshig kyang gzung ngo| |sum cu rtsa gsum gnam gyi bdud rtsi mi 'chi ba'ang bgos te sbyin no zhes smras so/ /de'i tshe na bram ze'i bu shin tu na gzhon pa shin tu tshangs par spyod pa thor tshugs kyi mtshan dang ldan pa/ sngags dang cho ga la shin tu mkhas pa zhig rgyal po ga la ba der song nas/ rgyal po de la rgyal po chen pos bka' stsal pa bdag gis bgyi'o zhes gsol to/ /de nas rgyal po de </font><hr>Ka147a<br><font size=+1>


@#/ /shin tu dga' nas bram ze gzhon nu de spyi bo nas dbang bskur ba'i ston par bcug go /bram ze gzhan dag de skad ces thos nas thams cad gzhon nu de la gshe ste/ khyod bram ze yin na ci'i phyir rigs ngan gdol pa de'i slob dpon byed ces spyos so/ /de'i tshe rgyal po des yul de'i phyed gzhon nu de la byin nas/ yul gyi srid kyang lhan cig tu 'dzin to/ /phyis ring zhig lon pa dang gzhon nu des rgyal po la 'di skad ces gsol to/ /bdag gi khyim bor te rgyal po'i ston par mchis na rgyal po la sngags dang sgyu rtsal la sogs pa bstan cing bslabs kyang rgyal pos ni bdag la nye bar mi sems so/ /rgyal pos smras pa/ bdag gis khyod la nye bar ji ltar mi sems/ gzhon nus gsol pa| sngon gyi rgyal po'i mi 'chi ba'i sman da dung ma 'tshal to/ /rgyal pos smras pa/ legs so/ /legs so/ /ston pa chen po/ bdag gis de ltar ma 'tshal gyi/ ston pa bzhed na thams cad bzhes shig /de nas gzhon nu des rgyal pos gnang ba'i sman blangs nas khyim du 'ongs te/ blon po chen po rnams dang lhan cig 'thungs so/ blon po rnams kyis 'thungs nas shin tu bde bar gyur te/ ston pa la sman mi 'chi ba bdud rtsi lta bu yod do zhes rgyal po la gsol to/ /rgyal pos de skad ces thos nas ston pa la 'di skad ces smras so/ /ston </font><hr>Ka147b<br><font size=+1>


pa chen po/ blon po chen po rnams 'tshal ba'i bdud rtsi dag kyang shas mi stsal tam/ de nas gzhon nu des dug dang bsres te rgyal po la byin no/ /rgyal po de zos ma thag tu dug la ngas nas ci'ang mi tshor te/ shi ba bzhin du sa la 'gyel to/ /de nas bram ze gzhon nu des rgyal tshab rgyal por dbang bskur nas/ 'di skad du seng ge'i khri la chos nyid kyis gdol pa la sogs pa 'dug pa ma lags kyi/ bdag gis gna' nas kyang rigs ngan gdol pas rgyal po bgyid ces ma thos so/ /rigs ngan gdol pas rgyal po bgyid cing 'bangs kyi srid bzung ba'i chos ma mchis kyi/ khyod kyis rgyal po mdzad de drang po'i chos kyis rgyal po'i srid zungs shig /de'i tshe gzhon nu des las kun byas pa'i 'og tu phyir yang gso ba'i sman rigs ngan gdol pa la phyin nas phyir dran par byas so/ /phyir dran par byas nas yul de nas bskrad do/ /de'i tshe gzhon nu des de lta bu dag byas mod kyi/ 'on kyang bram ze'i chos las ma nyams so/ /khyim bdag dang bram ze la sogs pa de lta bur gyur pa mthong nas ngo mtshar rmad de legs so/ /legs so/ skyes bu khyod kyis rigs ngan gdol pa bskrad pa legs par bskrad do zhes kun gyis bsngags shing bstod par gyur to/ /rigs kyi bu/ nga yongs su mya ngan las 'das pa'i 'og tu dam pa'i chos bsrung zhing 'dzin </font><hr>Ka148a<br><font size=+1>


@#/ /ba'i byang chub sems dpa' la sogs pa'ang de dang 'dra ste/ sbyor ba'i thabs kyis tshul khrims nyams pa ming tsam gyi dge slong ma brtags pa'i rdzas thams cad 'chang ba dang las mthun par spyod do/ /de'i tshe na byang chub sems dpa' dag gis gang zag la tshul khrims mang du nyams kyang tshul khrims log pa can gyi dge slong sdig pa can dag la chad pas gcod na de'i gan du song ste bsnyen bkur dang phyag kyang byed/ yo byad rnam pa bzhi'ang 'bul/ de ma yin pa mdo sde dang 'tsho ba'i yo byad kun 'bul lo| |ci ste bdag la mi bdog na'ang thabs rnam pa sna tshogs kyis/ sbyin bdag las kyang slongs te 'bul lo/ /de bas na ma brtags pa'i dngos po rnam pa brgyad kyang 'chang zhing spyod do/ /de ci'i phyir zhe na/ gang zag des dge slong sdig can 'dul ba ni/ ji ltar bram ze gzhon nus rigs ngan gdol ba 'dul ba bzhin no/ /de ltar byang chub sems dpas gang zag de la bsnyen bkur ram/ phyag byed dam/ ma brtags pa'i dngos po brgyad po 'chang yang sdig pa med do/ /de ci'i phyir zhe na/ byang chub sems dpa' des dge slong sdig can rnams bskrad de/ yongs su dag pa'i dge 'dun rnams rab tu bde bar bya ba'i phyir/ shin tu rgyas pa'i theg pa chen po'i mdo sde rgyas shing </font><hr>Ka148b<br><font size=+1>


'jig rten du bcas pa lha dang mi thams cad la phan pa dang bde bar bya ba'i don gyi phyir ro/ /rigs kyi bu/ de'i rgyu de'i rkyen gyis na mdo sde dag las das tshigs su bcad pa gnyis po gsungs te/ byang chub sems dpa' dag kyang dam pa'i chos bsrung ba'i gang zag la bsngags shing bstod pa ni/ ji ltar khyim bdag dang bram ze la sogs pas bram ze gzhon nu la legs so legs so zhes bsngags pa bzhin no/ /gang chos bsrung ba'i byang chub sems dpa' ni de lta bu'i tshul du bya'o/ /de la gang zhig chos bsrung ba'i gang zag dag tshul khrims log pa can dang las lhan cig tu byed pa mthong bas nyes pa yod par 'dzin na gang zag de ni bdag la gnod par rig par bya ste/ chos bsrung ba de la ni nyes pa med do/ /rigs kyi bu/ dge slong gang zhig tshul khrims nyams nas nga rgyal gyi dbang du gyur te/ 'chab cing mi 'gyod na gang zag de ni yang dag par tshul khrims nyams pa zhes bya'o/ /byang chub sems dpa' sems dpa' chen po ni chos bsrung ba'i phyir nyams pa yod kyang tshul khrims nyams pa'o zhes mi bya'o/ / de ci'i phyir zhe na/ nga rgyal gyi dbang du gyur pa ma yin te/ mthol zhing bshags pa'i phyir ro/ /rigs kyi bu/ de bas na ngas mdo sde las phyogs gcig pa'i tshigs su </font><hr>Ka149a<br><font size=+1>


@#/ /bcad pa 'di dag gsungs so/ /dam pa'i chos dag shes na/ rgan nam gzhon yang rung ste/ /bsnyen bkur bsti stang phyag bya/ /bram ze me lha can dag /ji ltar me lha rjed bzhin/ /sum cu rtsa gsum lha dag /dbang phyug mchod pa ltar ro/ /rgyu dang rkyen de lta bas na ngas nyan thos kyi theg pa can la ma gsungs kyi/ byang chub sems dpa' 'ba' zhig gi phyir tshigs su bcad pa 'di dag gsungs so/ /de nas yang bcom ldan 'das la byang chub sems dpa' 'od srung gis 'di skad ces gsol to/ /de ltar byang chub sems dpa' sems dpa' chen po dag ni tshul khrims la rab tu lhod pa 'dra na thog ma mnos pa'i tshul khrims mchis zhes bgyir rung ngam/ bcom ldan 'das kyis bka' stsal pa/ rigs kyi bu khyod de skad ces ma zer cig /de ci'i phyir zhe na/ thog ma mnos pa'i tshul khrims ji ltar mnos pa bzhin du mi nyams so/ /ci ste nyams na'ang de ma thag tu 'gyod cing mthol te/ mthol bas ni yongs su dag go /rigs kyi bu/ 'di lta ste/ dper na/ chu bsgyur ba'i rka mgo lta bu bug rdol du gyur na chu zag go / de ci'i phyir zhe na/ 'chos pa med pa'i phyir ro/ /ci ste de la bcos pa yod na phyi rol tu chu mi zag go /byang chub sems dpa' yang de dang 'dra ste/ tshul khrims nyams </font><hr>Ka149b<br><font size=+1>


pa dang lhan cig tu gso sbyin dang / tshul nas 'byung ba'i las dang / dge 'dun gyi las byed kyang tshul khrims mi nyams te/ chu rka bug rdol can lta bu ma yin no/ /de ci'i phyir zhe na/ gal te tshul khrims yongs su dag pa'i gang zag med na dge 'dun 'grib par 'gyur te/ nga rgyal dang / le lo'ang phyi phyir skye'o/ /gal te tshul khrims yongs su dag pa yod na thog ma bsnyen par rdzogs pa'i tshul khrims kyang mi nyams so/ /rigs kyi bu/ theg pa la glod pa ni glod pa zhes bya'i/ /tshul khrims la glod pa ni glod pa zhes mi bya'o/ /byang chub sems dpa' sems dpa' chen po dag theg pa chen po 'di la nga rgyal dang / le lo'i sems med na tshul khrims nyid ces bya ste/ dam pa'i chos bsrung ba'i phyir theg pa chen po'i chus khrus byed do/ /de bas na byang chub sems dpa' tshul khrims nyams par ston kyang glod pa zhes mi bya'o/ /de nas yang bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ dge 'dun gyi nang na skyes bu rnam pa bzhi mchis kyang / shing tog a mra'i 'bras bu ltar smin nam ma smin brtag dka' na/ tshul khrims nyams pa dang / tshul khrims ma nyams pa ji ltar rtogs par bgyi/ bcom ldan 'das kyis bka' stsal pa/ </font><hr>Ka150a<br><font size=+1>


@#/ /rigs kyi bu/ yongs su mya ngan las 'das pa chen po'i mdo sde 'dis ni shes par sla'o/ /ji ltar na mya ngan las 'das pa chen po'i mdo sde 'dis shes par 'gyur zhe na/ 'di lta ste/ dper na/ zhing pa dag zhing la 'bras dang khre dag rmos te/ khre rgod la sogs pa bsal nas/ sha'i mig gis brtags na zhing gshin pa zhes bya ste/ 'bru smin nas rtswa dang khre so sor dbye'o/ /de bzhin du yo byad rnam pa brgyad kyis dge 'dun sme bar 'gyur ro/ /de dag bsal na sha'i mig gis brtags kyang yongs su dag par rig go /tshul khrims nyams pa dang / tshul khrims srung ba dag nyes pa mi byed pa'i tshe na sha'i mig gis brtags pas rtogs par dka' ste| nyes pa mngon du byung na shes par sla ba ni/ ji ltar khre rgod dag shes shing rtogs par sla ba bzhin no/ /dge 'dun yang de dang 'dra ste/ ma brtags pa'i dngos po brgyad sbrul gdug pa dang 'dra bar yongs su spangs nas de ni yongs su dag pa'i 'phags pa'i dge 'dun bsod nams kyi zhing zhes bya ste/ lha dang mis mchod par 'os pa'i gnas su yongs su dag pa'i 'bras bu smin par 'gyur ba ste/ sha'i mig can dag gis rtogs pa ma yin no/ /rigs kyi bu/ gzhan yang shing ka la ka'i tshal na/ shing ka la </font><hr>Ka150b<br><font size=+1>


ka ni rab tu mang ste/ shing tsin+ta ka ni drung gcig las med do/ /shing ka la ka dang / tsin+ta ka'i 'bras bu 'dra ste/ bye brag mi phyed pas 'bras bu smin pa na bud med gcig gis kun btus so/ /tshal de na tsin+ta ka'i 'bras bu ni bcu cha gcig tsam/ ka la ka'i 'bras bu ni bcu cha bas mang ste/ bud med des mi shes pas btus nas tshong dus su btsongs so/ byis pa chung ngu glen pa dag ngo ma shes nas ka la ka'i 'bras bu nyos te zos so/ /zos ma thag tu shi bar gyur to/ /mkhas pa shes rab can dag de ltar gyur pa thos nas bud med de la 'di skad du/ che zhe shing tog 'di ga las 'ongs zhes dris na/ bud med des phyogs dang gnas 'di nas 'ongs zhes smra'o/ /de la kun gyi gnas dang phyogs de na shing ka la ka mang rab ste/ tsin+ta ka ni drung gcig las med do zhes bgad nas 'gro'o/ /rigs kyi bu/ dge 'dun gyi nang na ma brtags pa rnam pa brgyad la spyod pa'ang de dang 'dra ste| dge 'dun gyi nang na ma brtags pa'i chos rnam pa brgyad la spyod pa ni mang rab kyi/ tshul khrims yongs su srung zhing ma brtags pa'i chos brgyad la mi spyod pa ni gcig tsam mo| |de ltar ma brtags pa'i chos ma yin pa 'chang zhing spyod par shes kyang de dang las lhan cig tu byed do/ /mi 'bral ba ni ji ltar ka la ka'i tshal na tsin+ta ka drung gcig skyes </font><hr>Ka151a<br><font size=+1>


@#/ /pa bzhin no/ /dge bsnyen gcig gis de ltar gang zag de dag chos ma yin pa mang du spyod cing mchod pa dang / rim gro byed pa med pa mthong bas gang zag de la mchod pa byed par sems na/ sngar de la 'di skad du btsun pa ma brtags pa'i dngos po brgyad spyod dam/ sangs rgyas kyis gnang ngam zhes dris shig /gal te sangs rgyas kyis gnang zhes zer na/ gang zag de dang lhan cig gso sbyin dang / gsol ba dang / zhu ba'i las dang / tshul nas 'byung ba'i las byar rung ngam mi rung zhes dris shig / dge bsnyen gyis de skad dris te/ dge 'dun dag 'di skad du 'di ltar ma brtags pa'i dngos po brgyad po ni bcom ldan 'das kyis thugs brtse ba'i slad du bdag cag 'chang zhing spyod du gnang ngo zhes zer na/ dge bsnyen gyis 'di skad du gtsug lag khang mtshams gcig gi dge slong las kha cig ni gser dang dngul la sogs pa sangs rgyas kyis spyod du gnang ngo zhes zer ro/ /kha cig na gnang ngo zhes zer te/ gnang ngo zhes zer ba dang / mi gnang ngo zhes smra ba dang lhan cig tu gnas par yang mi bya/ gso sbyong dang / tshul nas 'byung ba'i las kyang mi bya/ chung ngu na chu mig gcig tu chu'ang mi btung zhing 'tsho ba'i yo byad thun mong du mi spyod do/ /zhes gsungs na/ ci'i phyir khyed kyis sangs rgyas </font><hr>Ka151b<br><font size=+1>


kyis gnang ba skad du smra/ bcom ldan 'das lha'i nang na lha ci ste spyod cing 'chang du gnang na khyed dge 'dun gyis spyod par ma 'os so/ /ci ste spyod par gyur na gso sbyong dang / tshul nas 'byung ba dang / gsol ba dang / zhu ba dang / dge 'dun gyis bya ba'i las kyi bar du byed par mi 'os so/ /ci ste gso sbyong dang / tshul nas 'byung ba dang / gsol ba dang / zhu ba dang| dge 'dun gyi las lhan cig tu byas na tshe 'phos ma thag tu sems can dmyal bar ltung ste/ ji ltar bus pa dag shing tog ka la ka zos nas shi ba bzhin no/ /rigs kyi bu/ gzhan yang 'di lta ste/ dper na/ grong ngam tshong 'dus na sman 'tshong ba gangs las skyes pa'i sman bzang po zhig 'tshong na nyo ba'ang mang ngo / /sman de dang 'dra ba gzhan zhig btsongs kyang kun gyis mi shes pas thams cad sman nyo ba'i phyir sman 'tshong ba'i gan du 'ongs nas khyod la/ gangs las skye ba'i sman yod dam zhes 'dri na/ sman 'tshong ba des de dang 'dra ba'i sman zhig 'di ni gangs las skyes pa'i sman yin no zhes rdzun byas te btsongs kyang / sha'i mig gis mi rtogs pas bdag gis gangs las skyes pa'i sman bzang po nyos te rnyed do snyam sems so// //'phags pa yongs su mya ngan las 'das pa chen po'i mdo/ bam po dgu pa/ 'od srung / nyan thos kyi dge 'dun gyi nang na ming </font><hr>Ka152a<br><font size=+1>


@#/ /tsam gyi dge 'dun dang / yang dag pa'i dge 'dun dang / 'dum pa'i dge 'dun zhes bya ba'i dge 'dun yod kyi/ tshul khrims srung ngam/ tshul khrims nyams kyang rung / dge 'dun de la ni mchod pa dang / bkur sti dang / phyag bya ba la sogs pa 'dra bar bya'o/ /dge bsnyen gyis mi rtogs pa ni gang zag gis gangs las skyes pa'i sman bzang po mi rtogs pa bzhin no/ /tshul khrims srung ba ni gang / tshul khrims nyams pa ni gang / gang ni yang dag pa'i dge 'dun/ ming tsam gyi dge 'dun ni gang yin pa lha'i mig can gyis ni shes shing rtogs so/ /'od srung / gal te dge bsnyen gyis dge slong tshul khrims nyams par shes yang dag na de la ni bsnyen bkur dang / phyag dang / mchod pa la sogs pa mi bya'o/ /gal te gang zag des ma brtags pa'i chos brgyad po spyod par shes yang dag na'ang de la ni bsnyen bkur dang / mchod pa'i yo byad sbyar ba dang / phyag dang mchod pa la sogs pa mi bya'o/ /gal te dge 'dun gyi nang na tshul khrims nyams pa yod na/ gos ngur smrig gyon pa tsam gyis/ de la phyag dang / mchod pa la sogs pa mi bya'o| |de nas yang bcom ldan 'das la byang chub sems dpa' 'od srung gis 'di skad ces gsol to/ /legs so/ /legs so/ /bcom ldan 'das/ de bzhin gshegs pas </font><hr>Ka152b<br><font size=+1>


bka' yang dag par gsungs te/ bdag gzungs su 'dzin par 'tshal lo/ /dper na/ rdo rje ni rin po che gzhan dang tha dad de/ bcom ldan 'das kyis gsungs pa ltar na/ dge slong rnams ni chos rnam pa bzhi po la gnas par bgyi'o/ /bzhi gang zhe na/ chos la gnas kyi gang zag la mi gnas pa dang / don la gnas kyi tshig la mi gnas pa dang / ye shes la gnas kyi rnam par shes pa la mi gnas pa dang / nges pa'i don la gnas kyi bkri ba'i don la mi gnas pa ste/ chos rnam pa bzhi po 'di rtogs par bgyi ba lags kyi/ skyes bu rnam pa bzhi po ni ma lags so/ /bcom ldan 'das kyis bka' stsal pa/ rigs kyi bu/ chos la gnas zhes bya ba ni/ de bzhin gshegs pa yongs su mya ngan las 'da' ba chen po'o/ /sangs rgyas rnams kyi chos ni chos rnams kyi chos nyid do/ /chos nyid ces bya ba ni de bzhin gshegs pa'o/ /de bas na de bzhin gshegs pa ni/ rtag pa mi 'gyur ba'o/ /de la gang zhig de bzhin gshegs pa mi rtag ces smra na/ gang zag de ni chos nyid mi mthong mi shes pa'o/ /gal te chos nyid mi mthong mi shes na/ /de na mi gnas mi rten te/ gong du gsungs pa'i skyes bu bzhi po 'jig rten du byung ba dam pa'i chos srung zhing 'dzin na/ shes shing rig par bya ste/ de la gnas shing brten par </font><hr>Ka153a<br><font size=+1>


@#/ /bya'o| |de ci'i phyir zhe na/ gang zag de ni de bzhin gshegs pas dgongs te gsungs pa'i don zab mo la shin tu mkhas pas/ de bzhin gshegs pa ni rtag pa mi 'gyur par shes pa'i phyir ro/ /gal te de bzhin gshegs pa la mi rtag ce'am/ 'gyur ba 'pho ba'i chos can no/ /zhes bya ba'i gnas med de/ skyes bu rnam pa bzhi po ni de bzhin gshegs pa zhes bya'o/ /de ci'i phyir zhe na/ gang zag de ni de bzhin gshegs pas dgongs te gsungs pa shes la/ ston kyang nus pa'i phyir ro/ / skyes bu gang zhig de bzhin gshegs pas dgongs te gsungs pa'i don zab mo'ang shes la/ de bzhin gshegs pa ni rtag pa mi 'gyur ba'i chos can du shes na/ skyes bu de ni rnyed pa tsam gyi phyir de bzhin gshegs pa ni mi rtag go/ /zhes smra ba'i gnas med de/ skyes bu de la'ang gnas shing rten par bya na skyes bu bzhi po la gnas shing rten pa lta ci smos/ chos la gnas zhes bya ba ni chos nyid la bya'o/ /gang zag la mi gnas zhes bya ba ni nyan thos la bya'o/ /chos nyid ces bya ba ni de bzhin gshegs pa la bya'o/ /nyan thos zhes bya ba ni 'dus byas so/ /de bzhin gshegs pa ni rtag pa'o/ /'dus byas ni mi rtag pa'o/ /rigs kyi bu/ gang zag tshul khrims nyams pa rnyed pa'am grags pa'i phyir/ </font><hr>Ka153b<br><font size=+1>


de bzhin gshegs pa ni mi rtag pa 'gyur zhing 'pho ba'o/ /zhes smra na/ gang zag de la ni gnas par mi bya ste/ rigs kyi bu/ de ni nges pa'i don zhes bya'o/ /don la gnas kyi tshig la mi gnas zhes bya ba gang zhe na/ don ni don mngon par rtogs pa'o/ /mngon par rtogs pa'i don zhes bya ba ni mi zhum pa'o/ /mi zhum pa ni phun sum tshogs pa'o// phun sum tshogs pa'i don ni de bzhin gshegs pa rtag tu gnas pa mi 'gyur mi 'pho ba'o/ /de bzhin gshegs pa rtag tu gnas pa mi 'gyur mi 'pho ba'i don ni chos rtag pa'o| |chos rtag pa'i don dge 'dun rtag pa ste/ 'di ni don la gnas pa ste/ tshig la mi gnas pa zhes bya'o/ /de la mi gnas pa'i tshig gang zhe na/ 'di lta ste/ rnam par spros pa'i 'jig rten gyi gtsug lag dang / bcom ldan 'das kyis gsungs pa ltar mdo sde tshad med pa 'dod pa mang zhing chog mi shes pa/ sgyus 'tsho zhing g.yo byed pa/ spyod lam 'chos pa rnyed pa dang grags pa'i phyir khyim pa la brten pa dang / gzhan yang 'di skad du sangs rgyas bcom ldan 'das kyis dge slong rnams 'chang zhing spyod du gnang ba ni/ 'di lta ste/ bran pho dang / bran mo dang / yongs su ma brtags pa'i dngos po gser dang / dngul dang / rin po che dang / nas dang / 'bras dang / bang mdzod dang / </font><hr>Ka154a<br><font size=+1>


@#/ /ba lang dang / lug dang / bal gyi glang po che dang / rta la sogs pa spyod cing tshong spogs byed du gnang ba dang / mu ge'i dus byung ba na sras rnams la thugs brtse ba'i phyir/ dge slong dag yo byad lhag pa gsog cing 'chad du gnang ngo zhes gsungs pa dang / bdag gis lag dar de kha zas kyi g.yos byas nas/ byin len ma byas par zos kyang rung ngo zhes mdo sde las gsungs kyang tshig de la ni gnas par mi bya'o/ /ye shes la gnas kyi rnam par shes pa la mi gnas pa zhes bya ba gang zhe na/ ye shes ni de bzhin gshegs pa'o/ /nyan thos gang zhig de bzhin gshegs pa'i yon tan la shin tu mi mkhas pa de ni rnam par shes pa zhes bya ste/ gnas par mi bya'o/ / gang zhig de bzhin gshegs pa nyid chos kyi skur shes na de ni yang dag pa'i ye shes yin te/ de la ni gnas par bya'o/ /gang zhig de bzhin gshegs pas thabs su ston pa'i sku la 'di ni phung po dang khams dang skye mched las 'dus pa ste/ zhal zas kyis gso ba yin par shes na de ni rnam par shes pa ste/ gnas par mi bya'o/ /gang zhig de skad du ston tam/ yi ge dang gtsug lag las 'byung yang gnas par mi bya'o/ /nges pa'i don gyi mdo sde la gnas kyi bkri ba'i don gyi mdo sde </font><hr>Ka154b<br><font size=+1>


la mi gnas so zhes bya ba gang zhe na/ bkri ba'i don gyi mdo sde ni/ 'di lta ste/ nyan thos kyi theg pa can dag bcom ldan 'das kyi don shin tu zab mo thos na the tshom du skye zhing ngo mtshar du gyur te/ don zab mo'i snying po las ye shes kyi rgya mtsho chen po 'byung bar mi shes so/ /dper na/ bus pa chung ngu ci'ang mi shes shing bye brag mi phyed pa lta bu ni bkri pa'i don ces bya'o/ /nges pa'i don ces bya ba ni byang chub sems dpa'i yang dag pa'i ye shes kyis ji ltar bsams pa bzhin du thogs pa med pa'i ye shes 'jug ste/ dper na/ skyes bu chen po ci'ang mi shes pa med pa ni nges pa'i don ces bya'o/ /gzhan yang nyan thos kyi thag pa ni bkri ba'i don ces bya'o/ /bla na med pa'i theg pa chen po ni nges pa'i don ces bya'o/ /gang zhig de bzhin gshegs pa ni mi rtag go/ /'gyur zhing 'pho ba'o zhes smra ba ni bkri ba'i don to/ /gang zhig de bzhin gshegs pa ni rtag pa'o/ /mi 'gyur mi 'pho ba'o zhes smra ba ni nges pa'i don ces bya'o/ /gang nyan thos kyi bstan pas chud cing rtogs pa ni bkri ba'i don to/ /byang chub sems dpa'i bstan pas chud cing rig pa ni nges pa'i don ces bya'o/ /gang zhig de bzhin gshegs pa la zhal zas kyis gso dgos zhes smra ba ni bkri ba'i don to/ /gang zhig rtag pa gnas pa mi 'gyur mi 'pho ba'o zhes smra ba ni nges pa'i </font><hr>Ka155a<br><font size=+1>


@#/ /don ces bya'o/ /gang zhig de bzhin gshegs pa mya ngan las 'das pa ni ji ltar shing zad nas me shi ba bzhin no zhes smra ba ni bkri \?\ ba'i don to/ /gang zhig de bzhin gshegs pa ni chos kyi dbyings nyid la zhugs so zhes smra ba ni nges pa'i don ces bya ste/ mdor na nyan thos kyi theg pa'i chos la ni gnas par mi bya'o/ /de ci'i phyir zhe na/ de bzhin gshegs pas so so'i skye bo bsgral ba'i phyir nyan thos kyi theg pa ni sbyor ba'i thabs su gsungs so/ /'di lta ste/ dper na| khyim bdag gis bu chung ngu la yi ge phyed bstan pa bzhin no/ /rigs kyi bu/ nyan thos kyi theg pa ni/ dper na/ zhing thog ma rmos ma thag pa dang mtshungs te/ 'bras bu med pas gnas par mi bya'o/ /de bas na nyan thos kyi theg pa ni bkri ba'i don ces bya'o/ /theg pa chen po'i chos la ni gnas par bya'o/ /de ci'i phyir zhe na/ de bzhin gshegs pas so so'i skye bo dag bsgral ba'i phyir sbyor ba'i thabs su theg pa chen po gsungs te/ de bas na nges pa'i don ces bya ste/ gnas par bya'o/ /de ltar de lta bu'i tshul du gnas pa rnam pa bzhi khong du chud cing shes par bya'o/ /gzhan yang don la gnas zhes bya ba don ni yang dag pa'o/ /yang dag pa ni 'od gsal ba'o/ /'od gsal ba ni ma zhum pa'o// </font><hr>Ka155b<br><font size=+1>


ma zhum pa ni de bzhin gshegs pa'o/ /gzhan yang 'od gsal ba ni ye shes so/ /yang dag pa ni rtag tu gnas pa'o/ /de bzhin gshegs pa rtag pa ni chos la gnas pa'o// chos zhes bya ba ni rtag pa mtha' yas pa bsam gyis mi khyab pa/ gzung du med pa/ bcing du med pa ste/ bltar rung ba'o/ /gang zhig mthong bar mi rung zhes smra na gang zag de la gnas par mi bya ste/ de bas na chos la gnas kyi gang zag la mi gnas so/ /gang zhig shin tu tshig bzang pos mi rtag ces smra na tshig de la ni gnas par mi bya ste/ de bas na don la gnas kyi tshig la mi gnas zhes bya'o/ /ye shes la gnas pa'i dge 'dun ni rtag pa 'dus ma byas pa/ mi 'pho ba/ ma brtags pa'i dngos po brgyad mi 'chang ba ste/ de bas na ye shes la gnas kyi rnam par shes pa la mi gnas so/ /kha cig 'di skad du rnam par shes pas byas/ rnam par shes pas myong ste/ 'dum pa'i dge 'dun med ces smra ba'ang yod do| |de ci'i phyir zhe na/ 'dum pa zhes bya ba ni ci'ang med pa'o/ /ci'ang med pas na rtag ces ci la bya/ de bas na rnam par shes pa la mi gnas so/ /nges pa'i don la gnas pa gang zhe na/ nges pa'i don ces bya ba ni chog shes pa ste/ nam du'ang sgyus mi 'tsho/ /spyod lam mi 'chos/ nga rgyal mi byed/ rnyed pa dang grags pa la mi chags/ de bzhin </font><hr>Ka156a<br><font size=+1>


@#/ /gshegs pas sbyor ba'i thabs su gsungs pa'i chos la chags par mi byed pa ste/ de ni nges pa'i don ces bya'o/ /gang zhig de la gnas na gang zag de ni don dam pa la gnas pa zhes bya ste/ de bas na nges pa'i don la gnas so/ /bkri ba'i don la mi gnas pa gang zhe na/ bkri ba'i don ni mdo sde dag las thams cad gdung ba can/ thams cad mi rtag pa/ thams cad sdug bsngal ba/ thams cad stong pa/ thams cad bdag med pa'o zhes gsungs pa ni bkri ba'i don ces bya'o/ /de ci'i phyir zhe na| don de dag mi shes pa 'gro ba mang po mtshams med pa'i sems can dmyal bar ltung bar byed pa'i phyir ro/ /de ci lta zhe na/ chags shing zhen pas don mngon par mi rtogs so/ /thams cad gdung ba can ni mya ngan las 'da' ba'ang gdung ba dang / thams cad mi rtag pa ni mya ngan las 'da' ba'ang mi rtag go zhes de bzhin gshegs pas gsungs par 'dzin te/ sdug bsngal ba dang / stong pa dang / bdag med pa'i bar du rgyas par rig par bya ste/ de bas na bkri ba'i don gyi mdo sde la gnas par mi bya'o/ /de la gang zhig 'di skad du de bzhin gshegs pa ni sems can thams cad la thugs brtse ba'i phyir dus dang tshod la shin tu mkhas so/ /dus la mkhas pas yang ba dag kyang lci </font><hr>Ka156b<br><font size=+1>


bar gsungs/ lci ba'ang yang bar gsungs te/ de bzhin gshegs pas mkhyen cing rtogs pas nye gnas gang la sbyin bdag dang pas dgos pa'i yo byad cing 'dod pa sbyor zhing sbyin pa'i gang zag de la ni/ bcom ldan 'das kyis bran pho dang / bran mo dang / gser dang / dngul dang / rin po che la spyod cing tshong spogs byed pa la sogs pa ma brtags pa'i dngos po thams cad 'chang zhing spyod du ma gnang ngo / /nye gnas gang la 'tsho ba'i yo byad sbyin pa'i yon bdag med la mu ge byung ste/ bsod snyoms mi rnyed pa'i dus na yang dag pa'i chos rnam par gzhag cing bsrung ba'i phyir/ nga'i nye gnas dag bran pho dang / bran mo dang / gser dang / dngul dang / bzhon pa'i theg pa dang / khang khyim dang / nas 'bras dang / tshong spogs la sogs pa 'chang zhing spyod du gnang ste/ de ltar 'chang zhing spyod du gnang mod kyi/ sbyin bdag dad pa chen po dang ldan pa med du mi rung ngo / /de ltar na chos rnam pa bzhi po 'di la gnas par bya'o/ /gzhan yang 'dul ba dang / chos mngon pa dang / mdo sde las rnam pa bzhi po 'di dang mi 'gal na gnas par bya'o/ /de la gang zhig dus dang / dus ma yin pa'am/ chos srung ba'am/ chos mi srung ba dang / sbyor ba'ang med de/ de bzhin gshegs pas ma brtags pa'i dngos po 'di dag dge slong thams cad spyod </font><hr>Ka157a<br><font size=+1>


@#/ /du gnang ngo zhes de skad smra na/ tshig de la ni gnas par mi bya'o/ /'dul ba'am chos mngon pa'am/ mdo sde dag las 'di skad du 'di dang mthun par gsungs na/ sde snod gsum po la'ang gnas par yang mi bya'o/ /ngas skye bo sha'i mig can la gnas pa bzhi po 'di gsungs kyi/ shes rab kyi mig can gyi phyir ma yin no/ /de bas na ngas gnas pa bzhi po 'di gsungs so/ /chos zhes bya ba ni chos rnams kyi chos nyid do/ /don ces bya ba ni de bzhin gshegs pa rtag pa mi 'gyur ba'o/ /ye shes zhes bya ba ni sems can thams cad la sangs rgyas kyi rang bzhin yod par shes pa'o/ /nges pa'i don ces bya ba ni theg pa chen po mdo sde thams cad rtogs pa'o/ /de nas yang bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das kyis sngar gsungs pa'i skyes bu rnam pa bzhi po la gnas par mi bgyi'am/ bcom ldan 'das kyis bka' stsal pa/ de de bzhin no/ /de de bzhin no/ /rigs kyi bu/ bcom ldan 'das kyis gsungs pa ltar na de la gnas par mi bya'o/ /de ci'i phyir zhe na/ bdud rnam pa bzhi yod pa'i phyir ro/ /bzhi gang zhe na/ bdud kyis bstan pa'i mdo sde dang 'dul ba 'dzin pa'o/ /de nas yang bcom ldan 'das la byang chub sems dpa' 'od srung gis gsol </font><hr>Ka157b<br><font size=+1>


pa| bcom ldan 'das kyis bdud rnam pa bzhi'ang mchis par gsungs na/ de la bdud kyis bstan pa dang / sangs rgyas kyis gsungs pa bdag cag gis bye brag cis dbye/ so so'i skye bo dag bdud kyi rjes su spyod pa'ang mchis/ sangs rgyas kyis bstan pa'i rjes su 'jug pa'ang mchis na/ de dag ji lta bur 'tshal bar bgyi/ bcom ldan 'das kyis 'od srung la bka' stsal pa/ nga yongs su mya ngan las 'das nas lo bdun brgya lon pa'i 'og tu bdud sdig to can gyis dam pa'i chos bags kyis 'jig rten cing ma rung bar byed do/ /dper na/ rngon pa ngur smrig gi tshal bu gyon pa ltar bdud sdig to can yang de bzhin du dge slong gi gzugs dang / dge slong ma'i gzugs dang / dge bsnyen gyi gzugs dang / dge bsnyen ma'i gzugs su'ang ston te/ de ma yin pa gzhan yang rgyun du zhugs pa nas dgra bcom pa'i lus kyi bar du'ang sprul cing sangs rgyas kyi gzugs su'ang sprul cing ston to/ /bdud kyi rgyal po zag pa dang bcas pa'i lus kyis zag pa med pa'i lus su sprul te/ nga'i dam pa'i chos 'jig cing ma rung bar byed do/ /bdud sdig to can de dam pa'i chos ma rung bar byed pa na 'di skad ces zer ro/ /byang chub sems dpa' sngon dga' ldan gnam nas mi snang bar gyur te/ grong khyer ser skya'i rgyal po zas gtsang ma'i pho brang du pha ma gnyis 'dus pa'i 'dod pa las </font><hr>Ka158a<br><font size=+1>


@#/ /lus 'di skyes so zhes smra'o/ /gang zag ni mi'i rgyud du skyes te/ 'jig rten du bcas pa/ lha dang mi'i 'khor thams cad kyis mchod cing bsti stang byed bar 'gyur ba ni gnas med do/ /gzhan yang 'di skad du sngon dka' ba rnam pa mang po spyod cing / mgo dang / mig dang / rus pa dang / rkang dang / yul dang / srid dang / chung ma dang / bu pho la sogs pa sbyin pas mngon par sangs rgyas te/ de'i rgyu de'i rkyen gyis 'jig rten du bcas pa/ lha dang / mi dang / dri za dang / lha ma yin dang / nam mkha' lding dang / mi'am ci dang / lto 'phye chen po la sogs pas mchod cing bsti stang byed par gyur to zhes gal te mdo sde dang / 'dul ba las de skad ces 'byung na'ang de ni bdud kyis bstan pa yin par rig par bya'o/ /rigs kyi bu/ mdo sde'am 'dul ba las gang 'di skad du de bzhin gshegs pa ni mngon par sangs rgyas nas yun ring ste/ mngon par sangs rgyas pa bstan pa ni sems can rnams sgrol ba'i phyir te/ 'jig rten pa'i rjes su pha ma 'dus pa las skyes par bstan to zhes mdo sde dang / 'dul ba las 'di skad 'byung na/ de ni yang dag par de bzhin gshegs pa yin par rig par bya'o/ /de la gang bdud kyis bstan pa'i rjes su 'jug pa ni bdud kyi ris su gtogs so/ /de la gang </font><hr>Ka158b<br><font size=+1>


sangs rgyas kyis bstan pa'i mdo sde dang / 'dul ba'i rjes su 'jug pa ni byang chub sems dpa' yin par rig par bya'o/ /de la gang zhig de bzhin gshegs pa thog ma bltams nas phyogs bcur gom pa bdun bdun gshegs par yid mi ches na/ de ni bdud kyis bstan pa la zhugs pa'o/ /de la gang de bzhin gshegs pa 'jig rten du byung nas phyogs bcur gom pa bdun bdun gshegs te/ de ni de bzhin gshegs pas thabs su bstan pa yin no zhes smra na/ de ni de bzhin gshegs pas bstan pa'i mdo sde dang / 'dul ba yin no/ /de la gang bdud kyis bstan pa'i rjes su 'jug pa ni bdud kyi ris su gtogs pa zhes bya'o/ /sangs rgyas kyis bstan pa'i rjes su 'jug pa ni byang chub sems dpa' zhes bya'o/ /de la gang zhig byang chub sems dpa' thog ma btsas nas rgyal po yab kyis lha'i rten la phyag 'tshal du khrid pa na phyir lha rnams kyis mthong ma thag tu phyag byas te| de bas na sangs rgyas zhes bya'o/ /de la gang zhig 'di skad du lha zhes bya ba sngar byung ste/ sangs rgyas ni 'phyi na ci'i phyir lha rnams kyis sangs rgyas la bsti stang dang phyag byed ces de skad du rgol na/ de ni bdud sdig to can gyis bstan pa yin par rig par bya'o/ /de la gang zhig 'di skad du sangs rgyas bcom ldan 'das lha'i rten du gshegs pa na dbang </font><hr>Ka159a<br><font size=+1>


@#/ /sgyur chen po dang / tshangs pa chen po dang / brgya byin lha'i dbang phyug la sogs pa lha thams cad kyis thal mo sbyar te/ bsti stang dang bcas pas zhabs la phyag byas so zhes mdo sde dang / 'dul ba las byung na/ de ni sangs rgyas kyis bstan pa'o/ /de la gang bdud kyis bstan pa'i rjes su 'jug na/ de ni bdud kyi ris su gtogs pa zhes bya'o/ /de la gang sangs rgyas kyis bstan pa'i rjes su 'jug pa ni/ byang chub sems dpa' zhes bya'o/ /mdo sde dang 'dul ba gang las byang chub sems dpa' rgyal tshab mdzad pa na 'dod pa'i sems kyis phyogs bzhi nas btsun mo btsal te/ pho brang gi nang du 'dod pa rnam pa lnga bde bar spyod do zhes mdo sde dang / 'dul ba las 'byung na/ de ni bdud kyis bstan pa yin no/ /de la gang zhig byang chub sems dpa' yun ring po nas 'dod pa'i sems dang / btsun mo'i 'khor gyi 'dod pa yongs su spangs te/ sum cu rtsa gsum gnam gyi lha'i 'dod pa lnga'ang mchil ma bzhin du bor na mi'i 'dod pa lta ci smos te/ skra dang kha spu bregs nas khyim nas khyim ma yin par rab tu byung ste/ byang chub la nan tan byed do zhes mdo sde dang / 'dul ba la de skad ces byung na/ de ni sangs rgyas kyis bstan pa yin no/ /de la gang bdud kyis </font><hr>Ka159b<br><font size=+1>


bstan pa'i mdo sde dang / 'dul ba'i rjes su 'jug pa ni bdud kyi ris su gtogs pa zhes bya'o/ /de la gang sangs rgyas kyis bstan pa'i mdo sde dang / 'dul ba'i rjes su 'jug pa ni byang chub sems dpa' zhes bya'o/ /gzhan yang 'di skad du sngon sangs rgyas bcom ldan 'das rgyal bu dze ta'i tshal na bzhugs pa'i tshe/ dge slong rnams kyis bran pho dang / bran mo dang / las byed pa'i mi dang / ba lang dang / ra lug dang / bal gyi glang po che dang / rta dang / bong bu dang / dre'u dang / bya dang / khyi dang / phag la sogs pa gso zhing 'chang ba dang / gser dang / dngul dang / bai DUR+Ya dang / mu tig dang / shel dang / asma gar+b+ha dang / mu sa la gar+b+ha dang / shel gyi snam bu dang / lcags dang / zangs dang / zangs gzhong che chung la sogs pha ma brtags pa'i dngos po rnams 'chang zhing spyod pa dang / zhing rmo ba dang / tshong spogs dang / khre 'bras la sogs pa 'jog cing spyod du gnang bar bcom ldan 'das thugs rje chen pos sems can la thugs brtse ba'i slad du 'chang zhing spyod du gnang ngo zhes mdo sde'am 'dul ba las 'byung na/ de ni bdud kyis bstan pa yin no// de la gang zhig sngon sangs rgyas rgyal bu dze ta'i tshal yi dwags 'da' li lo zhes bya bar gnas pa na/ de'i tshe bcom ldan 'das bram ze ra'i yon tan zhes bya ba dang / rgyal po sde rab tu </font><hr>Ka160a<br><font size=+1>


@#/ /pham byed kyi phyir 'di skad du gsungs te/ dge slong ni gser dang / dngul dang / bai DUR+Ya dang / shel dang / mu tig dang / mu sa la gar+b+ha dang / byu ru dang / a sma gar+b+ha dang / shel gyi snam bu dang / bran pho dang / bran mo dang / las byed pa'i mi dang / khye'u dang / bu mo dang / ba lang dang / ra lug dang / bal gyi glang po che dang / rta dang / bong bu dang / dre'u dang / bya dang / khyi dang / phag dang / lcags dang / zangs dang / zangs gzhong che phra la sogs pa ma brtags pa'i dngos po khri stan dang / mal cha dang // 'tsho ba'i yo byad rnam pa mang po dang / khang khyim dang / zhing rmo ba dang / tshong spogs dang / lag dar de kha zas kyi g.yos byed pa dang / lag dar de phye 'thag pa dang / 'bras 'dru ba dang / lus gso ba'i sngags dang / khra 'dul ba'i cho ga dang / skar ma blta ba dang / mo gdab pa dang / khyo shug gi mtshan blta ba dang / rmi lam gsod pa dang / 'di ni bu phor 'ong / 'di ni bu mor 'ong / 'di ni bu pho ma yin/ 'di ni bu mo ma yin zhes mkhas pa'i gnas drug cu rtsa bzhi brtag pa dang / gzhan yang rig pa'i gnas bco brgyad dang / sngags dang / bzo rnam pa sna tshogs dang / 'jig rten gyi gtsug lag tshad med pa smra ba dang / spos phye ma dang / byug spos dang / bdug spos rnam pa sna tshogs </font><hr>Ka160b<br><font size=+1>


spyor ba dang / me tog gi phreng ba rnam pa sna tshogs dang / skra 'chos pa'i cho ga dang / g.yo dang / sgyu dang / khe dang / rnyed pa la chog mi shes pa dang / 'du 'dzi la dga' ba dang / gtam dang / smrang la dga' ba dang / nya sha la dga' ba dar/ dug sbyor ba dang / sme ba dbyung ba'i sman sbyor ba dang / byug pa'i mar bsung can sbyor ba dang / rin po che'i gdugs dang / lham la sogs pa byed pa dang / bsil yab dang / za ma tog dang / ri mo la sogs pa byed pa dang / khre 'bras dang / sran ma rnam pa mang po dang / shing tog gi rnam pa la sogs pa dang / rgyal po dang / rgyal bu dang / blon po dang / blon po chen po la brten pa dang / bud med la brten pa dang / bar bar skad chen pos dgod pa dang / bar bar cang mi smra bar kha rog pa dang / chos rnams la the tshom byed pa dang / brdzun du smra ba dang / bzang ngo / /ngan no/ /dge'o/ /mi dge'o zhes brdzun du smra ba dang / gos bzang pos cha zhing 'jo ba la sogs pa de lta bu'i ma brtags pa'i gnas rnam pa sna tshogs la spyod cing byed pa dang / yon bdag dad pa'i mdun du bdag bstod pa dang / ma brtags pa'i gnas su chang 'tshong ba dang / sprul 'tshong ma dang / tshong byed par rtag tu 'gro ba la sogs pa de dag thams cad ni dge slong dag la gnang bar ngas ma gsungs te/ de ni dge slong gi nang na 'dug par yang gnang ba ma yin te/ khyim par phab la </font><hr>Ka161a<br><font size=+1>


@#/ /las byed du gzhug go/ dper na/ zhing gshin pa'i nang na khre rgod skyes pa dang mchungs te/ lhag ma ma lus par bsal cing dbyung ngo zhes gsungs pa'i mdo sde dang / 'dul ba ni de bzhin gshegs pas bstan pa yin par rig par bya'o/ /de la gang bdud kyis bstan pa'i rjes su 'jug pa ni bdud kyi ris su gtogs pa zhes bya'o/ /sangs rgyas kyis bstan pa'i rjes su 'jug pa ni byang chub sems dpa' zhes bya'o/ /gzhan yang 'di skad du byang chub sems dpa' ni 'jig rten gyi lha dag mchod pa'i phyir lha'i rten du 'gro'o/ /'di lta ste/ tshangs pa'i lha dang / dbang sgyur chen po dang / 'jug sel dang / kAt+ya ya na la sogs pa ste/ der 'gro ba'ang lha rnams gdul ba'i phyir gyi/ de lta bu ma yin no zhes bya ba'i gnas med do/ /gzhan yang 'di skad du byang chub sems dpa' ni mu stegs can gyi gtsug lag dang / dka' thub dang / spyod lam dang / tshig dang / smra ba las rgyal ba'i sgyu rtsal dang / 'thab cing rtsod pa'i sdums byed mi nus pas/ khye'u dang / bu mo dang / blon po chen po la sogs pas bsti stang mi byed do/ /sman la sogs pa'ang sbyor mi shes pas na de bzhin gshegs pa zhes bya ste/ ci ste shes na ngan par lta ba log pa can zhe'am/ gzhan yang de bzhin gshegs pa ni dgra dang </font><hr>Ka161b<br><font size=+1>


gnyen la mnyam par dgongs te/ mtshon gyis btab bam/ byug spos kyis bskus kyang de gnyis ka la phan pa'am/ gnod pa'i thugs mi mnga' ste dbu mar gnas pas/ de bzhin gshegs pa'o zhes de skad du mdo sde'am/ 'dul ba las 'byung na/ de ni bdud kyis bstan pa yin par rig par bya'o/ /de la gang 'di skad du byang chub sems dpa' ni de ltar thabs kyis lha'i rten du 'gro ba dang / mu stegs can gyi chos las rab tu byung nas slob pa la 'jug pa bstan pa dang / spyod lam dang / dka' thub dang / chog shes par bstan pa dang / tshig dang smra ba las rgyal ba thams cad shes par bya ba'i phyir yi ge'i grwar slob pa bstan pa dang / 'thab cing rtsod par 'gyur ba'i sdums byed pa bstan pa dang / 'khor mang po dang / khye'u dang / bu mo dang / btsun mo dang / pho brang gi slas dang / khyim bdag dang / tshong dpon dang / bram ze la sogs pa rgyal po dang / blon po chen po dang / dbul po la sogs pa las phul du gyur pa dang / mchog tu gyur par bstan to/ /de dag gis bsnyen bkur byed pa la sogs pa'ang bstan/ de lta bu la sogs pa'i dngos po'i rnam pa mang po bstan to/ /lta ba de dag la gnas kyang ma chags pa ni/ dper na/ pad+mo la rdul dang dri mas mi gos pa bzhin no/ /de la'ang 'gro ba mang po bsgral ba'i phyir 'jig rten pa'i rjes su de lta bu'i thabs mkhas </font><hr>Ka162a<br><font size=+1>


@#/ /pa rnam pa sna tshogs spyod do zhes mdo sde dang / 'dul ba gang las 'byung na/ de ni de bzhin gshegs pas bstan pa yin par rig par bya'o/ /de la gang bdud kyis bstan pa'i rjes su 'jug pa ni bdud kyi ris su gtogs pa zhes bya'o/ /sangs rgyas kyi bstan pa'i rjes su 'jug pa ni byang chub sems dpa' chen po'o/ /de la gang 'di skad du de bzhin gshegs pas ni bdag cag la mdo sde dang / 'dul ba gsungs pa las mi dge ba'i chos lci ba dang / yang ba dang / nyes byas kyi bar du rang bzhin gyis lci ba yin pas/ bdag cag ni 'dul ba las 'gal bar mi byed de/ bdag cag ni yun ring po nas bzod kyang chos 'di dag la khyed ni yid mi ches na/ bdag cag gis ji skad du bdag cag gi 'dul ba btang ste/ khyed kyi 'dul ba'i rjes su 'jug par bya/ khyed kyi 'dul ba ni bdud kyis bstan pa yin gyi/ bdag cag gi mdo sde dang / 'dul ba ni sangs rgyas kyis bcas pa yin no/ /de bzhin gshegs pas sngar gsungs pa'i gsung rab dgu po yang bdag cag gi mdo sde dang / 'dul ba dgu po la nges par gsungs kyi/ shin tu rgyas pa'i mdo sde ni tshig gcig gam/ yi ge gcig tsam yang ma thos so/ /de bzhin gshegs pas gsungs pa'i mdo sde dang / 'dul ba ni tshad kyang ma mchis na shin tu rgyas pa'i mdo sde zhes mi </font><hr>Ka162b<br><font size=+1>


'byung ste/ de dag las ni gsung rab mdo sde bcu yod do zhes ma thos so/ /ci ste yod na gdon mi za bar lha sbyin gyis byas pa yin par rig par bya'o/ /lha sbyin ngan pa dge ba'i chos gzhig pa'i phyir shin tu rgyas pa'i mdo sde byas te/ bdag cag ni mdo sde de bdud kyis bstan pa yin pas na yid mi ches so/ /de ci'i phyir zhe na/ chos gzhig cing gcig la gcig gis skyon 'dogs pa'i tshig de lta bu ni khyed kyi mdo sde las 'byung gi /bdag cag gi mdo sde la med do/ /bdag cag gi mdo sde dang / 'dul ba de bzhin gshegs pas gsungs pa las gsang bar 'di skad ces 'byung ste/ nga yongs su mya ngan las 'das nas dus ngan pa'i tshe/ mdo sde dang / 'dul ba yang dag pa ma yin pa theg pa chen po shin tu rgyas pa'i mdo zhes bya ba 'byung ngo zhes smra ba ma 'ongs pa'i dus na de lta bu'i dge slong sdig pa can dag 'byung ngo / /ngas yang 'di skad du gsungs te/ gsung rab sde dgu la ma gtogs pa shin tu rgyas pa'i mdo sde yod par gsungs so/ /de la gang zhig de'i don shes na de ni mdo sde dang / 'dul ba shin tu yang dag par rtogs pa yin te/ de ni ma brtags pa'i dngos po thams cad spangs pa/ zla ba nya ba ltar shin tu gsal zhing dag pa'o zhes ngas gsungs so/ /de la gang 'di skad du de bzhin gshegs pas mdo sde re re las kyang don gang+gA'i klung gi bye ma snyed 'byung yang 'di skad du ma </font><hr>Ka163a<br><font size=+1>


@#/ /gsungs pas 'di ni yang dag par med pa yin no/ /ci ste yod na bdag cag gi 'dul ba las ci'i phyir ma gsungs/ 'di ltar ma gsungs te ma byung bas na bdag cag ni de la yid mi ches so zhes de skad du smra na/ gang zag de ni shin tu kha na ma tho ba thob pa yin par rig par bya'o/ /gang zag de'ang 'di skad du mdo sde dang / 'dul ba de ni bdag gis gzung bar bya'o/ /de ci'i phyir zhe na/ 'dis chog shes shing 'dod pa nyung ba dang / kun nas nyon mongs pa gcod pa dang / shes rab dang mya ngan las 'da' ba'i dge ba'i chos kyi rgyur 'gyur ba'i phyir ro zhes de skad du smra na'ang nga'i nye gnas ma yin no/ /de la gang 'di skad du de bzhin gshegs pas 'gro ba mang po bsgral ba'i phyir shin tu rgyas pa'i mdo sde gsungs so zhes smra na/ de ni nga'i nye gnas yang dag pa yin par rig par bya'o/ /de la gang zhig shin tu rgyas pa'i mdo sde mi 'dod na de ni nga'i nye gnas kyang ma yin/ sangs rgyas kyi chos kyis rab tu byung ba ma yin te/ de ni ngan par lta ba mu stegs can gyi 'khor yin par rig par bya'o/ /mdo sde dang / 'dul ba gang las 'di skad du gsungs na/ de ni sangs rgyas kyis bstan pa yin no/ /de ma yin pa ni bdud kyis bstan pa yin no/ /de la gang bdud kyis bstan pa'i rjes su 'jug pa ni </font><hr>Ka163b<br><font size=+1>


bdud kyi 'khor ces bya'o/ /de la gang sangs rgyas kyis bstan pa'i rjes su 'jug pa ni byang chub sems dpa' zhes bya'o/ /rigs kyi bu/ gzhan yang 'di skad du de bzhin gshegs pa ni yon tan tshad med pa las grub pa ma yin te/ mi rtag pa 'gyur zhing 'pho ba'o/ /stong ba'i chos thob pas bdag med ces gsungs te/ de ni 'jig rten dang mthun pa ma yin no zhes de skad du 'byung ba'i mdo sde dang / 'dul ba ni bdud kyis bstan pa zhes bya'o/ /de la gang zhig 'di skad du de bzhin gshegs pa yang dag par rdzogs pa'i sangs rgyas ni bsam gyis mi khyab pa ste/ tshad med grangs med pa'i yon tan las grub pa'o/ /de bas na rtag pa gnas pa mi 'gyur mi 'pho ba'o zhes mdo sde dang / 'dul ba las 'byung na de ni sangs rgyas kyis bstan pa yin no/ /de la gang bdud kyis bstan pa'i rjes su 'jug pa ni bdud kyi ris su gtogs pa zhes bya'o/ /sangs rgyas kyis bstan pa'i rjes su 'jug pa ni byang chub sems dpa' zhes bya'o/ /gzhan yang kha cig 'di skad du dge slong dag phas pham pa'i kha na ma tho ba ma byung bar kun gyis phas pham pa byung ste/ ta la'i mgo bcad pa bzhin du gyur to/ /zhes smra yang dge slong de ni phas pham pa byung ba ma yin no/ /de ci'i phyir zhe na/ ngas ni phas pham pa bzhi las gcig tsam nyams na rdo bcag pa ltar phyir mi </font><hr>Ka164a<br><font size=+1>


@#/ /'byor ro zhes gsungs te/ de la gang zhig bla ma mi'i chos thob bo zhes de skad smra na de ni phas pham pa'o/ /de ci'i phyir zhe na/ yang dag par ci'ang ma thob par thob pa ltar sgyu dang g.yo 'chos na gang zag de ni mi'i chos las nyams pa zhes bya ste/ phas pham pa yin no/ /'di lta ste/ dge slong gang zhig 'dod pa nyung ba/ chog shes pa/ tshul khrims bsrung ba/ yongs su dag pa/ bas mthar gnas pa'i drung du rgyal po'am/ blon po chen po 'ongs nas dge slong 'di ni dgra bcom par gyur to snyam bsams te drung du bsnyen nas bstod pa dang bsnyen bkur dang phyag byas te/ 'di skad du/ slob dpon chen po/ lus 'di rjes ma thag tu bla na med pa yang dag par rdzogs pa'i byang chub tu 'tshang rgya'o/ /zhes smra na dge slong de rgyal po de la 'di skad ces smra'o/ /rgyal po chen po/ bdag ni yang dag par dge sbyong gi 'bras bu ma thob kyi/ rgyal po chen po bdag la dge sbyong gi 'bras bu thob bo zhes ma gsung zhig /rgyal po chen po/ bdag la chog mi shes pa'i chos bka' mi stsal du gsol/ gang chog mi shes pa dag ni khyod bla na med pa yang dag par rdzogs pa'i byang chub tu mngon par sangs rgyas so zhes bya ba'i bar du bstod kyang lan ma btab ste cang mi smra'o/ /bdag gis kyang ci ste len mi 'debs par </font><hr>Ka164b<br><font size=+1>


cang ma smras na sangs rgyas bcom ldan 'das kyis rnam par smad par 'gyur ro/ /gang chog shes par spyod pa la ni sangs rgyas thams cad kyis bstod cing bsngags te/ de bas na bdag ni nam du'ang chog shes pa la spyod par dga'o/ /chog shes pa ni bdag gis 'bras bu ma thob par rgyal pos 'bras bu thob bo zhes smras kyang bdag mi 'dod pa ni chog shes pa zhes bya'o// de'i tshe na rgyal po'ang 'di skad du/ slob dpon chen po/ khyod ni yang dag par dgra bcom pa'i 'bras bu thob ste/ sangs rgyas dang tha mi dad do zhes smras na/ de'i tshe na rgyal po des yul mi thams cad dang / btsun mo dang / pho brang gi slas kyi 'khor thams cad du dge slong des dge sbyong gi 'bras bu thob bo zhes bsgrags nas/ de skad ces thos pa thams cad dge slong de la shin tu dad pa dang / mchod pa bya ba dang / bkur sti dang rim gro bya ba'i sems bskyed so/ /de ltar dge slong de'ang yang dag par tshangs par spyod cing yongs su dag pa yin pas de'i rgyu de'i rkyen gyis de la dga' ba thams cad bsod nams chen po thob kyi/ dge slong de ni phas pham pa'i kha na ma tho ba nyams pa ma yin no/ /de ci'i phyir zhe na/ pha rol pos dga' ba dang / dad pa dang / bstod pa dang / mchod par bya ba'i sems rangs pa skyes pa'i phyir ro/ /de ltar na dge slong de la ni kha na ma tho ba nyams pa med do/ /de la ni gang zhig de la kha na ma </font><hr>Ka165a<br><font size=+1>


@#/ /tho ba yod ces smran/ mdo sde de ni bdud kyis bstan pa yin par rig par bya'o/ /gzhan yang dge slong dag sangs rgyas kyis dgongs te gsungs pa'i mdo sde zab mo las sems can thams cad la sangs rgyas kyi rang bzhin yod de/ sangs rgyas kyi rang bzhin yod pas tshad med pa'i kun nas nyon mongs pa chod cing / bla na med pa yang dag par rdzogs pa'i byang chub tu mngon par rdzogs par 'tshang rgya ste/ log sred can ni ma gtogs so zhes smra ba la/ rgyal po'am/ blon po chen po zhig gis 'di skad du dge slong khyod mngon par 'tshang rgya ba'am mi rgya/ sangs rgyas kyi rang bzhin yod dam zhes 'dri na/ de la 'di skad ces smros shig /bdag gi lus la sangs rgyas kyi rang bzhin ni nges par yod na sangs rgyas su 'grub bam mi 'grub pa ni ma gtogs so/ /rgyal pos smras pa/ btsun pa/ log sred can gyi las ma byas na/ gdon mi za bar 'grub ste the tshom med do/ dge slong gis de la rgyal po chen pos smras pa bzhin no/ /de skad du nges par sangs rgyas kyi rang bzhin yod do zhes dge slong des smras kyang phas pham par mi 'gyur ro/ /gzhan yang dge slong dag rab tu 'byung ba'i tshe na 'di snyam du sems te/ bdag ni mthar gdon mi za bar bla na med pa yang dag par rdzogs pa'i byang chub tu mngon par 'tshang rgya'o snyam </font><hr>Ka165b<br><font size=+1>


bsams na/ gang zag de bla na med pa'i byang chub ma thob kyang bsod nams tshad med mtha' yas dpag tu med pa 'thob bo/ /ci ste de la gang zhig gis phas pham pa 'byung ngo zhes smra na| 'o na lta dge slong thams cad phas pham pa ma byung ba med mod/ de ci'i phyir zhe na/ nga sngon bskal pa khrag khrig brgyad cu'i bar du ma brtags pa'i dngos po thams cad spangs te/ 'dod pa nyung ba dang / chog shes pa'i spyod lam dang ldan pas de bzhin gshegs pa'i bla na med pa'i chos kyi sde snod la nan tan byas te/ bdag gi lus la sangs rgyas kyi rang bzhin nges par yod par shes pas de bas na bla na med pa yang dag par rdzogs pa'i byang chub tu mngon par sangs rgyas nas sangs rgyas zhes bya ba thugs rje chen po dang ldan par gyur to/ / gang 'di skad du smra ba'i mdo sde dang 'dul ba ni sangs rgyas kyis bstan pa zhes bya'o/ /de la gang bstan pa 'di'i rjes su ma 'jug pa ni bdud kyi ris su gtogs pa zhes bya'o/ / bstan pa 'di'i rjes su 'jug pa ni byang chub sems dpa' zhes bya'o/ /gzhan yang 'di skad du phas pham pa bzhi'ang med la/ dge 'dun gyi lhag ma bcu gsum dang / ma nges pa'i chos gnyis dang / spang ba'i ltung ba sum cu dang / ltung ba dgu bcu rtsa gcig dang / so sor bshags pa'i chos bzhi dang / bslab pa mang po dang / bdun shin tu zhi bar byed pa la </font><hr>Ka166a<br><font size=+1>


@#/ /sogs pa'ang med/ sbom po dang / mtshams med pa lnga la sogs pa dang / log sred ces bya ba thams cad med do/ /gal te dge slong dag de dag la sogs pa nyams pas sems can dmyal bar ltung na mu stegs can thams cad lta mtho ris kyi lhar skye mod/ de ci'i phyir zhe na/ mu stegs can la sogs pa la tshul khrims zhes bya ba nyams pa med pa'i phyir ro/ /de bas na de bzhin gshegs pas gang zag dag gdul ba'i phyir tshul khrims zhes bya ba gsungs so/ /sangs rgyas kyis gsungs pa las kyang nga'i dge slong dag gal te mi tshangs par spyod 'dod na chos gos bzhag ste/ khyim pa'i gos gyon la mi tshangs par spyod cig /gzhan yang 'di snyam du mi tshangs par spyod pa 'di bdag cag 'ba' zhig gi skyon ma yin te/ de bzhin gshegs pa bzhugs pa'i tshe'ang dge slong dag mi tshangs par spyod de rnam par grol ba'ang yod/ tshe 'phos nas mtho ris kyi lhar skye ba'ang ye nas yod de/ bdag 'ba' zhig gis spyod pa ma yin/ la la phas pham pa bzhi nyams pa dang / la la tshul khrims lnga nyams pa dang / la la ni ma brtags pa spyod lam ma yin pa'i las thams cad byas kyang yang dag par rnam par grol ba yod de/ de bzhin gshegs pas nyes pa gcig byas na/ sum cu rtsa gsum gnam </font><hr>Ka166b<br><font size=+1>


gyi nyi ma dang / zla ba dang / lor bgrang ba'i lo stong phrag brgyad brgya'i bar du sems can dmyal bar ltung ngo zhes gsungs mod kyi/ de'ang de bzhin gshegs pas gang zag dag gdul ba'i phyir gsungs par zad ce'am/ phas pham pa dang nyes byas kyi bar du lci yang gi khyad par med de/ 'dul ba 'dzin pa dag gis sangs rgyas kyis bcas par brdzun du smras so/ / zhes de skad zer na/ de ni sangs rgyas kyis bstan pa ma yin gyi/ de skad du smra ba ni bdud kyi mdo sde dang / 'dul ba yin par rig par bya'o/ /de la gang 'di skad du tshul khrims la gnas pa nyes byas phra mo'i bar du gcig tsam nyams na yang dpag tu med pa'i sdug bsngal myong bar gyur te/ de ltar shes nas ji ltar rus sbal dag yan lag drug sbed pa bzhin du bdag gi lus shin tu bsrung ngo / /de la gzhan yang 'dul ba 'dzin pa dag 'di skad du tshul khrims ci nyams kyang kha na ma tho ba'i 'bras bu smin pa med do zhes smra na/ gang zag de la bsnyen par mi bya'o zhes bcom ldan 'das kyis tshigs su bcad pa las gsungs pa/ chos gcig tsam las 'das pa gang / /de ni brdzun du smra ba ste/ /'jig rten phyi ma mi mthong bas// sdig pa gang yang \?\ med/ /de bas na gang zag de la bsnyen par mi bya ste/ nga'i sangs rgyas kyi chos ni 'di ltar yongs su dag pa yin na nyes pa sbom po dang / dge 'dun gyi lhag ma dang / </font><hr>Ka167a<br><font size=+1>


@#/ /phas pham pa dag kha na ma tho ba yin par rtsi ba lta smos kyang ci dgos/ de bas na chos de dag shin tu bsrung ngo / /gal te ma bsrungs sna gzhan du na chos gang la tshul khrims zhes gdags/ ngas mdo sde las kyang gsungs te/ phas pham pa bzhi nyams pa nas nyes byas phra mo'i bar du nyams na chad pas gcod do zhes gsungs so/ /so so skye bo dag gal te tshul khrims ma bsrungs na sangs rgyas kyi rang bzhin ji ltar mthong bar 'gyur te/ sems can thams cad la sangs rgyas kyi rang bzhin yod pa'ang tshul khrims bsrungs pa las mthong bar 'gyur ro/ /sangs rgyas kyi rang bzhin mthong bas bla na med pa yang dag par rdzogs pa'i byang chub tu mngon par 'tshang rgya'o/ /mdo sde gsung rab dgu po las shin tu rgyas pa'i mdo sde med de/ sangs rgyas kyi rang bzhin yod par yang ngas ma gsungs so/ /mdo sde de las ma gsungs mod kyi/ yang dag par yod par rig par bya'o/ / de la gang zhig de skad du smra ba ni nga'i nye gnas yang dag pa yin par rig par bya'o/ /bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das kyis sems can thams cad la sangs rgyas kyi rang bzhin mchis par bka' stsal pa/ 'di mdo sde gsung rab dgu po las ni ma thos na/ de mchis par bstan cing gsungs </font><hr>Ka167b<br><font size=+1>


na phas pham par mi 'gyur ram/ bcom ldan 'das kyis bka' stsal pa/ khyod kyis smras ba bzhin te/ phas pham par mi 'gyur ro/ /rigs kyi bu/ 'di lta ste/ dper na/ gang zag gcig gis 'di skad du rgya mtsho'i nang na rin po che bdun ni yod kyi/ brgyad ni med do zhes smras kyang nyes pa med do/ /de bzhin du mdo sde gsung rab tu dgu po las sangs rgyas kyi rang bzhin med do zhes smras kyang nyes pa med do/ /de ci'i phyir zhe na/ bcom ldan 'das kyis theg pa chen po ye shes kyi rgya mtsho las sangs rgyas kyi rang bzhin yod par gsungs kyi/ theg pa gnyis kyis ni shes pa'am mthong ba ma yin te/ de bas na med ces smras kyang nyes pa med do/ /'di ltar spyod yul 'di ni sangs rgyas rnams kyis mkhyen gyi/ nyan thos dang / rang sangs rgyas kyis shes pa'i yul ma yin no/ /rigs kyi bu/ gal te gang zag gis de bzhin gshegs pa'i snying po shin tu zab mo ma thos na sangs rgyas kyi rang bzhin yod par mi shes so/ /de la shin tu zab mo'i snying po gang zhe na/ de ni 'di lta ste/ shin tu rgyas pa theg pa chen po'i mdo sde'o/ /rigs kyi bu/ mu stegs can kha cig ni bdag ces bya ba rtag par yang smra/ kha cig ni bdag med ces bya ba chad par yang smra'o/ /de bzhin gshegs pa ni de lta ma yin te/ bdag yod par yang gsungs la/ bdag med par yang gsungs pas dbu ma zhes </font><hr>Ka168a<br><font size=+1>


@#/ /bya'o/ /de la gang zhig sangs rgyas kyis dbu mar gsungs pa las sems can thams cad la sangs rgyas kyi rang bzhin yod de/ nyon mongs pas bsgribs pas mi shes mi mthong ngo / /de bas na nyon mongs pa gcod pa'i thabs la nan tan bya'o zhes gang de skad du smra na/ de ni phas pham pa bzhi ma nyams pa yin par rig par bya'o/ /gang 'di skad du mi smra ba de ni phas pham pa nyams pa zhes bya'o/ /de la gang zhig 'di skad du bdag ni bla na med pa yang dag par rdzogs pa'i byang chub tu mngon par sangs rgyas so/ /de ci'i phyir zhe na/ sangs rgyas kyi rang bzhin yod pa'i phyir ro/ /sangs rgyas kyi rang bzhin yod pa ni gdon mi za bar bla na med pa yang dag par rdzogs pa'i byang chub tu mngon par 'tshang rgya ste/ de bas na bdag ni byang chub tu mngon par sangs rgyas so zhes smra na/ gang zag de ni phas pham pa byung ba rig par bya'o/ /de ci'i phyir zhe na/ sangs rgyas kyi rang bzhin yod mod kyi/ sgrub pa'i thabs la nan tan ma byas na mthong bar mi 'gyur ro/ /mi mthong bas na bla na med pa yang dag par rdzogs pa'i byang chub tu 'tshang mi rgya'o/ /rigs kyi bu/ de bas na sangs rgyas kyi chos ni shin tu zab ste/ bsam gyis mi khyab bo/ /de nas yang bcom ldan 'das la byang chub sems </font><hr>Ka168b<br><font size=+1>


dpa' 'od srung gis 'di skad ces gsol to/ /bcom ldan 'das/ rgyal po zhig gis ji ltar na dge slong dag bla ma'i chos las nyams pa lags/ zhes 'dri na de la ji skad bgyi/ bcom ldan 'das kyis 'od srung la bka' stsal pa/ dge slong gang zhig rnyed pa dang bsod snyoms kyi phyir g.yo dang sgyus 'tsho zhing / 'di snyam du bdag la 'jig rten du bcas pas dge slong du shes par 'gyur snyam du sems te/ bdag ji ltar na rnyed pa cher rnyed cing grags par 'gyur snyam nas/ dge slong glen pa gti mug can dag nyin mtshan du 'di snyam sems te| bdag dge sbyong gi 'bras bu ma thob kyang 'jig rten du bcas pa dag gis bdag gis dge sbyong gi 'bras bu thob pa tsam du 'dzin par 'gyur/ dge bsnyen dang / dge bsnyen ma la sogs pa thams cad kyis bdag la 'phags pa bsod nams can no zhes brjod par 'gyur snyam sems te/ de'ang rnyed pa dang grags pa'i phyir gyi chos 'dod pa'i phyir ni ma yin no/ /spyod lam 'chos shing ngur smrig bgo ba dang / lhung bzed thogs pa tshul las mi nyams shing bas mthar gnas nas dgra bcom pa lta bur 'chos te/ 'jig rten gyi mi dag ji ltar na dge slong 'di ni mchog dam pa ste/ dka' thub dang rab tu zhi ba'i chos la nan tan byed pa'o/ /zhes bsngags shing / de'i rgyu de'i rkyen gyis bdag la slob ma dang 'khor mang bar 'gyur/ thams cad </font><hr>Ka169a<br><font size=+1>


@#/ /kyis chos gos dang / bsod snyoms dang / mal cha dang / nad kyi rkyen sman mang du 'bul zhing / bud med mang pos bsnyen bkur dang / bsti stang byed par 'gyur snyam/ dge slong pha'am/ dge slong ma dag de ltar sems na de ni bla ma mi'i chos can du 'gyur ba zhes bya'o/ /de la dge slong gang bla na med pa'i dam pa'i chos rnam par gzhag pa'i phyir bas mthar gnas na dgra bcom pa ma yin yang pha rol pos dgra bcom pa yin par sems na de ni dge slong shin tu dge ba/ dge slong zhi ba/ dge slong bzang po ste/ skye bo tshad med pa rnams dad pa'i sems skye bar 'gyur ro/ /de'i rgyu de'i rkyen gyis na tshad med pa'i dge slong dag de'i 'khor du 'gyur te/ tshul khrims nyams pa'i dge slong dang / dge bsnyen dag kyang tshul khrims sdom pa la gnas par 'gyur ro/ /de'i rgyu de'i rkyen gyis dam pa'i chos yun ring du gnas shing / de bzhin gshegs pa'i bla na med pa'i chos rgyas pa dang / shin tu rgyas pa'i theg pa chen po'i chos kyis skye bo tshad med par sgrol ba dang / de bzhin gshegs pas gsungs pa'i mdo sde dang / 'dul ba'i don lci ba dang yang ba la shin tu mkhas par 'gyur ro/ /de 'di skad du bdag la sangs rgyas kyi rang bzhin yod de/ de bzhin gshegs pa'i snying po zhes bya ba'i mdo las kyang bdag ni gdon mi za bar </font><hr>Ka169b<br><font size=+1>


mngon par 'tshang rgya ste/ tshad med pa'i kun nas nyon mongs pa'ang zad par 'gyur ro zhes smra la/ tshad med pa'i dge bsnyen rnams la'ang 'di skad du khyed la'ang sangs rgyas kyi rang bzhin yod de/ bdag cag de bzhin gshegs pa'i byang chub kyis la gnas na bla na med pa yang dag par rdzogs pa'i byang chub tu mngon par 'tshang rgya ste/ tshad med pa'i kun nas nyon mongs pa'ang zhi bar 'gyur ro zhes de skad du smras kyang / gang zag de ni bla ma mi'i chos smra ba ma yin te/ byang chub sems dpa' zhes bya'o/ /de la nyes byas kyi kha na ma tho bas kyang sum cu rtsa gsum gnam gyi nyi ma dang / zla ba dang / lor bgrang ba'i lo stong phrag brgyad brgya'i bar du sems can dmyal bar lhung ste/ sdug bsngal myong bar 'gyur na/ ched du nyes pa sbom po'i sdig pa byed pa lta ci smos/ theg pa chen po'i mdo las/ dge slong gang zhig nyes pa sbom po byung na bsnyen par mi bya'o zhes gsungs so| |de la theg pa chen po'i mdo las nyes pa sbom por 'gyur ba gang zhe na/ gal te khyim bdag gcig gis sangs rgyas kyi rten gtsug lag khang brtsigs nas me tog gi phreng ba sangs rgyas la phul te/ dge slong gcig gis me tog gi phreng ba brgyus pa'i srad bu ma zhus par blangs na nyes pa sbom po'o/ /shes kyang rung / mi shes kyang rung </font><hr>Ka170a<br><font size=+1>


@#/ /sbom po'o/ /gal te 'dod pa'i sems kyis sangs rgyas kyi mchod rten bshig na'ang nyes pa sbom po ste/ gang zag de la ni brten par mi bya'o/ /gal te rgyal po'am blon po zhig gis mchod rten zhig pa mthong nas/ sku gdung mchod pa'i phyir ram/ zhig pa gso ba'i phyir bcos te/ mchod rten gyi nang nas rin po che rnyed nas dge slong la bzhag pa las/ dge slong gi dbang byas te bdag gir spyad na dge slong de ni sme ba'o/ /rtsod cing 'thab pa'i gzhir 'gyur ba ste/ dge bsnyen pha rnams kyis de la bsnyen bkur dang / mchod pa dang / bsti stang mi bya'o/ /dge slong de ni dbang po med pa zhes kyang bya/ mtshan gnyis pa zhes kyang bya/ ma ning zhes kyang bya'o/ /ma ning zhes bya ba ni/ bud med la chags pa'i tshe bud med du 'gyur ba dang / skyes pa la chags pa'i tshe skyes par 'gyur ba'o/ /dge slong de ni dbang po ngan pa zhes bya ste/ skyes pa zhes kyang mi bya/ bud med ces kyang mi bya/ rab tu byung ba zhes kyang mi bya/ khyim pa zhes kyang mi bya ste/ dge slong de la ni bsnyen bkur dang / mchod pa dang / bsti stang mi bya'o/ /sangs rgyas kyi bstan pa las dge sbyong gi chos ni snying rje'i sems kyis sems can gyi mgon dang skyabs byed cing chung ngu na grog ma'i bar du'ang mi 'jigs pa sbyin pa ni dge sbyong gi chos zhes bya'o/ /smyo ba'i khu ba chang mi 'thung zhing / dri mi zhim </font><hr>Ka170b<br><font size=+1>


pa dang mnam pa'i bar du yongs su spong ba ni dge sbyong gi chos zhes bya'o/ /brdzun du mi smra zhing chung ngu na rmi lam na'ang brdzun du smra bar mi sems pa ni dge sbyong gi chos zhes bya'o/ /'dod chags kyi sems rmi lam gyi bar du'ang med pa ni dge sbyong gi chos zhes bya'o/ /de nas bcom ldan 'das la byang chub sems dpa' 'od srung gis 'di skad ces gsol to/ /gal te dge slong gis rmi lam du mi tshangs par spyad na tshul khrims nyams par 'gyur ram/ bcom ldan 'das kyis bka' stsal pa/ de lta ma yin no/ /mi tshangs par spyod pa la shin tu btsog par bsams te| chung ngu na skad cig tsam yang gtsang ba'i 'du shes mi skyed do/ /bud med kyis rnam par nyon mongs pa'i 'du shes spangs te/ rmi lam du mi tshangs par spyod par rmis na sad ma thag tu shin tu 'gyod pa'i sems bskyed do/ /dge slong gis bsod snyoms spyod pa na mu ge byung ba'i tshe/ sha zhig rnyed na bu'i sha la za ba tsam du 'du shes skyed do/ /'dod chags kyi sems byung na de ma thag tu yongs su spong ngo / /chos kyi rnam grangs 'di dag ni sangs rgyas kyis gsungs pa'i mdo sde dang / 'dul ba yin par shes par bya'o/ /de la gang bdud kyis bstan pa'i rjes su 'jug pa ni bdud kyi ris su gtogs pa yin no/ /sangs rgyas kyis bstan pa'i rjes su 'jug pa ni byang chub sems dpa' zhes bya'o/ /de la gang 'di skad du rtag tu rkang pa ya gcig </font><hr>Ka171a<br><font size=+1>


@#/ /gis 'greng ba dang / kha rog ste cang mi smra ba dang / chur mchong ba dang / mer mchong ba dang / brag las mchong ba dang / ya nga ba la mi 'dzem pa dang / dug 'thung ba dang / kha zas mi za ba dang / thal khung na nyal ba dang / bdag gi rkang lag 'ching ba dang / sems can gsod pa dang / rig sngags can dang / gdol bu dang / dbang po med pa dang / mtshan gnyis pa dang / mtshan ma nges pa dang / dbang po ma tshang ba la sogs pa thams cad de bzhin gshegs pas rab tu 'byung bar gnang ngo zhes smra na/ de ni bdud kyis bstan pa yin no/ /sngon bcom ldan 'das kyis zar gnang ba ni/ ba'i 'o ma las bsgyur ba rnam pa lnga dang / 'bru mar dang / sbrang rtsil sogs pa dang / gos ke'u sha ya dang / lham yu rdum la sogs pa gyon du gnang ba las/ de ma yin pa gzhan yang 'di skad du/ ma ha ling ka yang gyon du gnang ngo zhe'am/ sa bon thams cad gsog tu gnang zhe'am/ rtswa dang shing la sogs pa thams cad la srog yod par sangs rgyas kyis gsungs nas mya ngan las 'das so zhes mdo sde dang / 'dul ba la de skad 'byung na/ de ni bdud kyis bstan pa yin par shes par bya'o/ /sangs rgyas kyis ni rtag tu rkang pa ya gcig gis 'greng bar yang ma gnang ste/ chos kyi phyir 'gro ba dang / sdod pa dang / 'dug pa dang / nyal du gnang ngo / /de ma yin pa </font><hr>Ka171b<br><font size=+1>


dug za ba dang / kha zas mi za ba dang / tsha ba rnam lngas lus sreg pa dang / rkang lag 'ching ba dang / sems can gsod pa dang / rig sngags gcod pa dang / 'gron bu dang / ba lang gi mche ba las lham byed pa dang / sa bon gsog pa dang / rtsi shing la srog yod pa dang / ma ha ling ka gyon du mi gnang ste/ gal te bcom ldan 'das kyis gnang bar gsungs so zhes smra na/ de ni mu stegs can gyi 'khor yin te/ sangs rgyas kyi nye gnas ma yin no/ /sangs rgyas kyis gnang ba ni ba'i 'o ma las bsgyur ba rnam pa lnga dang / 'bru mar dang / sbrang rtsi la sogs pa dang / ke'u sha ya dang / lham bu yu chad gyon du gnang ngo / /sangs rgyas kyis chen po bzhi la srog med par gsungs te/ mdo sde dang / 'dul ba las 'di skad du byung ba ni sangs rgyas kyis bstan pa zhes bya'o/ /de la sangs rgyas kyis bstan pa'i rjes su 'jug pa ni nga'i nye gnas yang dag pa yin no/ /gal te sangs rgyas kyis bstan pa'i rjes su mi 'jug pa ni bdud kyi ris su gtogs pa zhes bya'o/ /gal te sangs rgyas kyis bstan pa'i mdo sde dang / 'dul ba'i rjes su zhugs na de ni byang chub sems dpa' sems dpa' chen po yin par rig par bya'o/ /rigs kyi bu/ bdud kyis bstan pa dang / sangs rgyas kyis gsungs pa'i khyad par dang bye brag ni rgyas par khyod la bshad pa 'di yin no/ /byang chub sems dpa' 'od srung gis yang gsol pa/ bcom </font><hr>Ka172a<br><font size=+1>


@#/ /ldan 'das/ bdag gis ni gdod bdud kyis bstan pa dang / sangs rgyas kyis gsungs pa'i bye brag gi mtshan nyid 'tshal te/ des na sangs rgyas kyi chos zab mo'ang rtogs par 'gyur ro/ /bcom ldan 'das kyis 'od srung la bka' stsal pa/ legs so/ /legs so/ /rigs kyi bu khyod kyis de ltar shin tu bye brag phyed cing gsal bar rtogs na mkhas pa shes rab can zhes bya'o/ /rigs kyi bu/ sdug bsngal ni 'phags pa'i bden pa zhes byar mi rung ngo / /de ci'i phyir zhe na/ ci ste sdug bsngal la sdug bsngal gyi 'phags pa'i bden pa zhes bya na lta/ ba lang dang / lug dang / bong bu dang / rta dang / sems can dmyal ba'i sems can la'ang 'phags pa'i bden pa yod par 'gyur ro/ /rigs kyi bu/ gang zhig de bzhin gshegs pa'i spyod yul shin tu zab mo rtag pa gnas pa mi 'gyur ba'i chos kyi sku dam pa la zhal zas kyis gso ba'i sku snyam ste/ chos kyi sku ma yin par sems shing de bzhin gshegs pa'i yon tan dang / gzi brjid dang / che ba nyid mi shes na sdug bsngal ba zhes bya'o/ /de ci'i phyir zhe na/ mi shes pa'i phyir chos la ni chos ma yin par lta/ chos ma yin pa la ni chos su lta ste/ de bas na gang zag de ni gdon mi za bar ngan song du lhung zhing 'khor bar 'khor te/ kun nas nyon mongs pa skye zhing sdug bsngal chen po myong bar 'gyur ro/ / </font><hr>Ka172b<br><font size=+1>


de la gang zhig de bzhin gshegs pa ni rtag pa gnas pa mi 'gyur mi 'pho bar shes sam/ rtag pa dang gnas pa'i tshig gnyis rna khung du thos pa tsam gyis mtho ris su skye ste/ phyis rnam par grol ba na de bzhin gshegs pa ni rtag pa gnas pa mi 'gyur mi 'pho bar rtogs shing rig par 'gyur te/ rig cing rtogs pas 'di skad du bdag sngon don 'di rtogs pas rnam par grol bar gyur to/ /bdag thog ma nas mi shes ma rtog pas 'khor bar 'khor ba'i mtha' med par gyur te/ de ni yang dag pa'i ye shes kyis shes par gyur to zhes smra'o// // 'phags pa yongs su mya ngan las 'das pa chen po'i mdo/ bam po bcu pa/ de ltar yang dag pa'i ye shes kyis shes pa ni sdug bsngal sgom pa zhes bya ste/ phan pa dang bde ba'i don chen chen por 'gyur ro/ /gang de lta bu'i tshul du mi shes na shin tu nan tan byas kyang phan pa dang bde ba'i don du mi 'gyur ro/ /de ltar na sdug bsngal shes pa ste/ sdug bsngal gyi 'phags pa'i bden/ pa zhes bya'o/ /de la gang de lta bu'i tshul du nan tan ma byas na sdug bsngal zhes bya ste/ sdug bsngal gyi 'phags pa'i bden pa ma yin no/ /sdug bsngal kun 'byung gi bden pa ni yang dag pa'i chos la yang dag pa'i ye shes mi skye zhing ma brtags pa'i dngos po bran pho dang / bran mo la sogs pa 'chang zhing spyod pa dang / chos ma yin pa la yang dag pa'i chos su smra zhing dam </font><hr>Ka173a<br><font size=+1>


@#/ /pa'i chos med par byed/ yun ring du gnas par mi byed pa'o/ /de'i rgyu de'i rkyen gyis chos rnams kyi chos nyid kyang mi shes so/ /mi shes pas na 'khor bar 'khor te sdug bsngal mang po myong bas sgra mtho ris su skye ba'am/ yang dag pa'i rnam par grol bas rnam par mi grol lo/ /de la gang zab mo'i ye shes dang ldan pa/ dam pa'i chos mi 'jig pa ni de'i rgyu de'i rkyen gyis mtho ris su skye ste/ yang dag pa'i rnam par grol bas rnam par grol lo/ /gang sdug bsngal kun 'byung gi bden pa mi shes te/ dam pa'i chos ni mi rtag pa/ mi gnas pa/ 'gyur ba'i chos can no zhes smra na/ de'i rgyu de'i rkyen gyis bskal pa grangs med pa'i bar du 'khor bar 'khor zhing sdug bsngal mang po myong bar 'gyur ro/ /de la gang dam pa'i chos ni rtag pa gnas pa mi 'gyur mi 'pho ba nyid du shes na/ kun 'byung ba shes pa ste/ kun 'byung 'phags pa'i bden pa zhes bya'o/ /gang de lta bu'i tshul du nan tan mi byed na kun 'byung zhes bya ste/ kun 'byung 'phags pa'i bden pa ma yin no/ /sdug bsngal 'gog pa'i bden pa ni gang stong pa nyid la mang du sgom zhing nan tan byed pa dang / dge ba zhes mi bya'o/ /de ci'i phyir zhe na/ chos thams cad 'gog pa'i phyir de bzhin gshegs pa'i yang dag pa'i chos kyi sde snod 'jig pa'i phyir ro/ /gang de ltar slob cing nan tan byed pa ni stong pa nyid </font><hr>Ka173b<br><font size=+1>


sgom pa'o/ /sdug bsngal 'gog pa sgom pa ni mu stegs can thams cad las phyir bzlog pa'o/ /ci ste stong pa nyid sgom pa 'gog pa'i bden pa yin du zin na/ mu stegs can thams cad kyang stong pa'i chos sgom pas 'gog pa'i bden pa yod par 'gyur ro/ /de la gang zhig 'di skad du de bzhin gshegs pa'i snying po yod de bltar mi mthong mod kyi/ nyon mongs pa thams cad bsal na rtogs par 'gyur ro zhes smra'am/ gal te skad cig tsam sems bskyed na'ang de'i rgyu de'i rkyen gyis chos thams cad la dbang thob par 'gyur ro/ /gang zhig de bzhin gshegs pa'i snying po la bdag dang / stong pa dang / zhi ba med pa'i tshul du sgom pa na gang zag de ni skye ba tshad med pa'i bar du 'khor bar yongs su 'khor zhing sdug bsngal myong bar 'gyur ro/ /de la gang de lta bu'i tshul du mi sgom na nyon mongs pa dang bcas kyang myur du byang bar 'gyur ro/ /de ci'i phyir zhe na/ de bzhin gshegs pa'i snying po gsang ba zhes pa'i phyir te/ sdug bsngal 'gog pa'i bden pa zhes bya'o/ /de la gang de lta bu'i tshul du nan tan byed na nga'i nye gnas so/ /gang de lta bu'i tshul du nan tan mi byed pa ni don med par sgom pa ste/ 'gog pa 'phags pa'i bden pa ma yin no/ /lam gyi 'phags pa'i bden pa ni/ 'di lta ste/ sangs rgyas dang / chos dang / dge 'dun dang / yang dag par rnam par grol ba la sems can kha cig phyin ci log gi sems kyis 'di skad du sangs rgyas </font><hr>Ka174a<br><font size=+1>


@#/ /dang / chos dang / dge 'dun dang / yang dag par rnam par grol ba med de/ sgyu ma lta bur 'khor bar 'khor ro zhes de lta bu'i tshul du lta na/ de'i rgyu de'i rkyen gyis srid pa gsum du 'khor zhing yun ring por sdug bsngal chen po myong bar 'gyur ro/ /de la gang 'di lta bur sems bskyed de/ de bzhin gshegs pa dang / chos dang / dge 'dun dang / rnam par grol ba ni rtag pa gnas pa mi 'gyur mi 'pho ba'i tshul du lta na/ de ltar skad cig sems pa tsam gyis skye ba tshad med pa'i bar du bsod nams \?\ yid bzhin du 'gyur ba'i dbang thob par 'gyur ro/ /de ci'i phyir zhe na/ nga'ang sngon phyin ci log bzhis chos ma yin pa la chos su bzung bas mi dge ba'i las kyi rnam par smin pa tshad med pa myong bar gyur to/ / da ni lta ba de lta bu'i tshul du lta ba 'gags pas yang dag par rdzogs pa'i byang chub tu mngon par sangs rgyas te/ 'di ni lam gyi 'phags pa'i bden pa zhes bya'o/ /de la gang zhig 'di skad du dkon mchog gsum mi rtag ces smra zhing lta ba de la sgom na don med par sgom pa ste/ lam gyi 'phags pa'i bden pa ma yin no/ /gang chos de la rtag pa gnas pa'i tshul du sgom na nga'i nye gnas zhes bya ste/ 'phags pa'i bden pa bzhi yang dag par mthong zhing / 'phags pa'i bden pa bzhi sgom pa la nan tan byed pa zhes bya'o/ /byang chub sems dpa' </font><hr>Ka174b<br><font size=+1>


'od srung gis bcom ldan 'das la gsol pa/ bdag ni gdod 'phags pa'i bden pa bzhi shin tu nan tan bya ba'i chos 'tshal bar gyur to/ /bcom ldan 'das kyis 'od srung la bka' stsal pa| rigs kyi bu/ de la phyin ci log bzhi zhes bya ba ni/ 'di lta ste/ sdug bsngal ma yin pa la sdug bsngal du 'du shes bskyed pa ni phyin ci log ces bya'o/ /sdug bsngal med pa ni de bzhin gshegs pa zhes bya'o/ /sdug bsngal bar 'du shes bskyed pa ni de bzhin gshegs pa la mi rtag pa'am/ 'gyur zhing 'pho bar sems pa'o/ /gang de bzhin gshegs pa la mi rtag ces smra ba ni kha na ma tho ba chen po'i sdug bsngal lo/ /gang 'di skad du de bzhin gshegs pa ni sdug bsngal ba'i sku bor te/ shing zad me shi ba bzhin du mya ngan las 'das so zhes smra na/ de ni sdug bsngal med pa la sdug bsngal du 'du shes bskyed pa ste phyin ci log ces bya'o/ /ci ste ngas de bzhin gshegs pa rtag ces gsungs na/ de ni bdag tu lta ba ste/ bdag tu lta ba tshad med pa'i kha na ma tho bar 'gyur te/ de bas na de bzhin gshegs pa ni mi rtag ces gsung pa'i rigs so/ /gang de skad du smra na bdag ces bya ba bde ba myong ngo / /de bzhin gshegs pa mi rtag ces smra na sdug bsngal ba'o/ /ci ste sdug bsngal ba yin na ci'i phyir bde bar 'gyur zhe na/ sdug bsngal la bde \?\ bar 'du shes pas phyin ci log go /bde ba la sdug bsngal bar 'du shes na'ang phyin ci </font><hr>Ka175a<br><font size=+1>


@#/ /log go /bde ba ni de bzhin gshegs pa'o/ /sdug bsngal ba ni de bzhin gshegs pa mi rtag ces smra ba'o/ /ci ste de bzhin gshegs pa mi rtag ces smra na/ de ni bde ba la sdug bsngal du 'du shes pa zhes bya'o/ /de bzhin gshegs pa rtag ces bya ba ni bde ba'o/ /ci ste ngas gsungs pa ltar de bzhin gshegs pa rtag pa yin na ci'i phyir mya ngan las 'da'/ gal te de bzhin gshegs pa sdug bsngal ba ma yin na ci'i phyir sku bor te mya ngan las 'da' bar zhugs/ zhes de ltar bde ba la sdug bsngal bar 'du shes na phyin ci log gcig ces bya'o/ /mi rtag pa la rtag par 'du shes pa dang / rtag pa la mi rtag par 'du shes pa'ang phyin ci log ces bya'o/ /mi rtag pa ni stong pa nyid mi sgom pa'o/ /ston pa nyid ma bsgoms pas tshe thung bar 'gyur ro/ /de la gang stong pa nyid kyis zhi ba ma bsgoms kyang tshe ring bar 'gyur ro/ /zhes smra na phyin ci log ces bya ste/ phyin ci log gnyis so/ /bdag med pa la bdag tu 'du shes/ bdag la bdag med par 'du shes pa'ang phyin ci log go /'jig rten pa'ang bdag yod par smra/ sangs rgyas kyi chos la'ang bdag yod par smra ste/ 'jig rten pa dag bdag yod par smra mod kyi/ sangs rgyas kyi rang bzhin yod pa ma yin pas de ni bdag med pa la bdag tu 'du shes pa ste/ phyin ci log ces bya'o/ /sangs rgyas kyi </font><hr>Ka175b<br><font size=+1>


chos kyi bdag yod pa ni sangs rgyas kyi rang bzhin no/ /'jig rten pa dag ni sangs rgyas kyi chos la bdag med ces smra bas/ de bas na bdag la bdag med par 'du shes pa zhes bya'o/ / gal te sangs rgyas kyi chos la nges par bdag med ces smra na/ de bzhin gshegs pas nye gnas rnams la bdag med par sgoms shig ces bka' stsal pa'ang phyin ci log ces bya bar 'gyur te/ 'di ni phyin ci log gsum mo/ /gtsang ba la mi gtsang bar 'du shes/ mi gtsang ba la gtsang bar 'du shes pa'ang phyin ci log go/ /gtsang ba ni de bzhin gshegs pa rtag pa/ gnas pa zhal zas dang 'dres pa'i sku ma yin/ nyon mongs pa'i sku ma yin/ /sha dang khrag gi sku ma yin/ /rtsa dang chu ba dang rus pas rnam par glags pa'i sku ma yin te/ de la gang 'di skad du de bzhin gshegs pa ni mi rtag pa/ zhal zas dang 'dres pa'i sku/ rtsa ba dang / chu ba dang rus pa'i bar du rnam par glags pa'i sku yin te/ chos dang / dge 'dun dang / rnam par grol ba'ang 'gog cing zad par 'gyur ro/ /zhes smra na phyin ci log ces bya'o/ /mi gtsang ba la gtang bar 'du shes pa ni gang 'di skad du nga'i lus 'di la gcig tsam yang mi gtsang ba med de/ mi gtsang ba med pas na gdon mi za bar yongs su dag pa'i gnas su phyin par 'gyur te/ de bzhin gshegs pas mi gtsang ba sgom pa la nan tan gyis shig ces gsungs pa'ang rdzun no zhes smra na </font><hr>Ka176a<br><font size=+1>


@#/ /phyin ci log ces bya ste/ 'di ni phyin ci log bzhi zhes bya'o/ /byang chub sems dpa' 'od srung gis yang bcom ldan 'das la gsol pa/ bdag cag ni sngon ngan par lta ba las gdod yang dag par lta bar gyur to/ /bcom ldan 'das/ srid pa nyi shu lnga po la bdag ces bgyi ba mchis sam/ ma mchis/ bcom ldan 'das kyis bka' stsal pa| rigs kyi bu/ bdag ces bya ba ni de bzhin gshegs pa'i snying po'i don to/ /sems can thams cad la sangs rgyas kyi rang bzhin yod pa ni bdag ces bya ba'i don to/ /de ltar bdag ces bya ba'i don ni thog ma med pa'i dus nas tshad med pa'i kun nas nyon mongs pas rnam par bsgribs te/ de bas na sems can dag mthong bar ma gyur to/ /rigs kyi bu/ 'di lta ste/ dper na/ bud med dbul mo zhig khang pa'i nang na gser gyi /ter yod kyang thams cad kyis yod par mi shes pa las phyis skyes bu shin tu thabs la mkhas pa gcig gis bud med dbul mo la 'di skad du/ bu mo khyod kho bo'i phyag dar bar gla za nus sam/ bud med des smras pa/ kho mos mi nus so/ /ci ste khyod kyis kho mo'i bus gser gyi gter zhig sbas pa bstan nus na khyod kyi las bya'o/ /skyes bu des smras pa/ kho bo ni shin tu thabs mkhas pas khyod kyi bus sbas pa'i gser gyi gter kho bos shes kyi bstan to/ /bud med des smras </font><hr>Ka176b<br><font size=+1>


pa| kho mo'i khyim gang gi mi tshe phra thams cad kyis kyang mi shes na cig khyod kyis shes sam/ skyes bu des smras pa/ kho bos ni the tshom med par shes so/ /bud med des smras pa/ kho mos mthong bar 'dod kyi ston cig /de nas skyes bu des kho mo'i khang par zhugs nas gser gyi gter brus te bud med de la bstan to/ /bud med des gter mthong nas shin tu dga' mgu ste ngo mtshar rmad kyi 'du shes skyes nas/ skyes bu de la bsti stang du byed do/ /rigs kyi bu/ sems can thams cad kyi sangs rgyas kyi rang bzhin yang de dang 'dra ste/ sems can thams cad kyis mi mthong ba'ang ji ltar bud med dbul mos rin po che'i gter mi mthong ba bzhin no/ /rigs kyi bu/ ngas skye bo thams cad la sangs rgyas kyi rang bzhin yod pa kun nas nyon mongs pas bsgribs te/ mi mthong ba bstan pa'ang ji ltar bud med dbul mos gser gyi gter mi mthong ba bstan pa bzhin no/ /rigs kyi bu/ de bzhin gshegs pas kyang sems can thams cad la mngon par sangs rgyas pa'i rin po che'i gter bstan pa ni/ 'di lta ste/ sangs rgyas kyi rang bzhin no/ /so so skye bo dag kyang de lta bu'i dngos po rnams mthong nas rab tu dga' ba'i sems skyes te/ de bzhin gshegs pa la bsnyen bkur byed cing phyogs so/ /thabs mkhas pa'i skyes bu zhes bya ba ni de bzhin gshegs pa'i dpe'o/ /bud med dbul mo zhes bya ba ni </font><hr>Ka177a<br><font size=+1>


@#/ /so so skye bo tshad med pa'i dpe'o/ /gser gyi gter zhes bya ba ni/ sangs rgyas kyi rang bzhin gyi dpe'o/ /rigs kyi bu/ gzhan yang 'di lta ste/ dper na| bud med bu chung ngu kha myag gso ba zhig gal te bu de nad kyis btab na bud med de shin tu mya ngan gyis gdungs te sman pa 'tshol lo/ /de la sman pas sman mar dang / 'o ma dang / sha kha ra dang gsum du sbyar te/ bu la blud nas bud med de la 'di skad ces bsgo'o/ /bu 'di sman btang gi /re zhig sman ma zhu ba'i bar du nu zho blud du mi rung ngo zhes bsgo'o// de nas bud med des nu zho mi bsnun pa'i phyir nu ma la mkhris pas byugs nas bu la kho mo'i nu ma dug gis bskus te nur mi rung ngo zhes zer ro/ /bu de skom gyis gdungs te/ nu ma nu 'dod kyang kha ba'i ro tshor ma thag tu nur mi btub bo/ /sman zhu bas bud med kyis nu ma dag par bkrus te/ 'di skad du bu tshur shog /da nu ma nur gzhug go zhes smras na/ khye'u de skom gyis gdungs kyang sngar kha ba'i ro myong bas bos kyang 'ong du mi btub bo/ /de la'ang mas 'di skad du bsgo'o/ /khyod da ci sngar sman 'thungs te sman ma zhu ba'i bar du nu ma blud du mi rung bas kho mos dug gis bskus pa yin kyi/ da khyod kyi sman yang zhu la/ kha ba'ang bkrus kyi/ da ni kha ba'i ro med do zhes smras na/ gdod bags kyis nye ste 'thung </font><hr>Ka177b<br><font size=+1>


du btub bo/ /rigs kyi bu/ de bzhin gshegs pa'ang de bzhin du sems can thams cad bsgral ba'i phyir sems can thams cad bdag med pa'i chos la nan tan byed pa ston to/ /de la nan tan byas pas bdag cag bya ba'i sems med de/ yongs su mya ngan las 'da'o/ /de la'ang 'jig rten rgyang pan pa'i ngan par lta ba bsal ba'i phyir/ 'jig rten rgyang pan pa'i chos las 'das pa bstan pa'i phyir/ gzhan yang 'jig rten rgyang pan pa dag bdag tu lta ba yang dag pa ma yin par bstan pa'i phyir/ bdag med pa'i chos bsgoms pas yongs su dag pa'i lus su 'gyur ba'i phyir/ ji ltar bud med des bu'i phyir mkhris pas nu ma bskus pa bzhin du de bzhin gshegs pa'ang de dang 'dra ste/ stong pa nyid bsgoms pa'i phyir chos thams cad la bdag med ces gsungs so/ /ji ltar bud med des nu ma phyir bkrus nas bu bos te nu zho blud do zhes bya ba bzhin du ngas de bzhin gshegs pa'i snying po bstan pa'ang de dang 'dra ste/ dge slong khyod kyang ma skrag par ji ltar bu de la mas bos te nu zho bags kyis 'thung ba bzhin du dge slong khyed kyang bye brag phyed par gyis shig /de bzhin gshegs pa'i snying po ni med par bya ba ma yin no/ /byang chub sems dpa' 'od srung gis bcom ldan 'das la gsol pa/ bcom ldan 'das/ yang dag par bdag ces bgyi ba ma mchis so// </font><hr>Ka178a<br><font size=+1>


@#/ /de ci'i slad du zhe na/ bus pa chung ngu ni thog ma btsas pa na ci'ang bye brag mi phyed de mi 'tshal to/ /gal te bdag ces bgyi ba mchis pa lags na btsas ma thag tu thams cad bye brag 'byed cing 'tshal ba'i rigs so/ /de bas na nges par bdag ces bgyi ba ma mchis par mngon no/ /gal te bdag ces bgyi ba nges par mchis pa zhig lags na skye ba gcig blangs nas mthar ma mchis par 'gyur ba'i mi rigs so/ /ci ste thams cad la sangs rgyas kyi rang bzhin mchis te rtag pa zhig lags na 'jig pa'ang mi rigs so| |gal te 'jig pa'i mtshan nyid ma lags na/ ci'i slad du rgyal rigs dang / bram ze dang / rigs ngan dang / gdol pa dang / byol song la sogs pa rnam pa tha dad de/ las kyi rnam par smin pa rnam pa sna tshogs mi mthun zhing rgyu tha dad par 'gyur/ ci ste bdag ces bgyi ba nges par mchis na sems can thams cad la bzang ngan ma mchis pa'i rigs te/ de lta bas na sangs rgyas kyi rang bzhin zhes bgyi ba ni rtag pa'i chos ma lags par mngon no/ /ci ste sangs rgyas kyi rang bzhin nges par rtag pa zhig lags na/ ci'i slad du srog gcod pa dang / ma byin par len pa dang / mi tshangs par spyod pa dang / brdzun du smra ba dang / phra ma dang / ngag rtsub mo dang / tshig thun tshags dang / 'dod chags dang / zhe sdang dang / </font><hr>Ka178b<br><font size=+1>


ngan par lta ba la sogs pa bstan cing gsungs/ gal te bdag ces bgyi ba'i rang bzhin rtag pa lags na/ ci'i slad du chang 'thungs pas myos shing dran pa nyams par 'gyur/ gal te bdag ces bgyi ba'i rang bzhin rtag pa lags na/ long bas kyang gzugs mthong la/ 'on pas kyang sgra thos/ lkugs pas kyang smra nus/ zha bos kyang 'gro nus par 'gyur ro/ /ci ste bdag ces bgyi ba'i rang bzhin rtag na chu dang / me dang / g.yang sa dang / dug dang / mtshon dang / gcan gzan ma rungs pa las kyang 'byol ba mi rigs so/ /ci ste bdag ces bgyi ba rtag na sngon ci shes pa phyis brjed pa'i mi rigs so/ /ci ste phyis mi brjed na ci'i slad du bdag gis mi 'di sngon ma mthong ngo zhes bgyi ba la sogs pa smra bar 'gyur/ gal te bdag ces bgyi ba rtag na gzhon nu lang tsho ba dang / rgas te rgud pa la sogs pa dang / sngon ci byas pa'i dngos po thams cad kyang mi brjed de dran pa'i rigs so/ /ci ste bdag ces bgyi ba rtag na ci la gnas/ mchil ma dang / snabs la gnas sam/ kha dog sngon po dang / ser po dang / dmar po la sogs pa la gnas/ ci ste bdag ces bgyi ba rtag pa zhig lags na til mar gyi lus bskus pa bzhin du thams cad du khyab pa'i rigs te/ gal te lus bcad pa'i tshe bdag kyang chad par 'gyur ba'i rigs so/ /bcom ldan 'das kyis 'od srung la bka' </font><hr>Ka179a<br><font size=+1>


@#/ /stsal pa/ rigs kyi bu/ 'di lta ste/ dper na/ rgyal po la gyad gcig yod pa'i dpral ba na rdo rje'i nor bu gcig yod pa gyad gzhan dang stobs bkye ba las/ gyad pha rol pos mgos reg ste/ dpral ba'i nor bu sha'i nang du nub kyang nor bu gar song ba mi shes so/ /rma byung ba'i phyir sman pa bos nas sman pa shin tu mkhas pas ni nor bu sha'i nang du song ba'i phyir rma byung ba de la sman mi byed de/ 'di skad du/ kye stobs po che khyod kyi dpral ba'i nor bu ga re zhes zer ro/ /gyad de dngangs nas sman pa la 'di skad du bdag gi dpral ba'i nor bu gar yang ma song ba'i rigs te/ da med na 'di sgyu ma ma yin nam snyam sems te/ shin tu mya ngan byed do/ /de nas sman pa des gyad de spro ba bskyed nas khyod de ltar mya ngan ma byed cig /khyod stobs bkye ba na nor bu sha'i nang du nub ste gzugs brnyan tsam phyi rol tu snang ngo / /khyod stobs bkye ba na zhe sdang bskyed de/ nor bu'i mthus sha'i nang du nub kyang ma tshor ba yin no/ /de skad du smras kyang yid ma ches nas/ 'di skad du sman pa khyod rdzun ma zer cig /ci ste sha'i nang du nub na rnag khrag shin tu btsog pa yin pas phyir 'byung ba'i rigs so/ /ci ste chu ba'i nang du song ba ni khyod kyis kyang mthong ba'i mi rigs so/ /de nas sman pas me long ltar bcug nas me long gi nang du nor bu'ang gsal bar snang bar </font><hr>Ka179b<br><font size=+1>


gyur to/ /gyad des de ltar gyur pa mthong nas ngo mtshar rmad kyi 'du shes skyes so/ /rigs kyi bu/ sems can thams cad kyang de dang 'dra ste/ dge ba'i bshes gnyen la bsnyen bkur ma byas pas sangs rgyas kyi rang bzhin yod kyang mthong bar mi nus so/ /'dod chags dang / zhe sdang dang / gti mug gis bsgribs te zil gyis non pas sems can dmyal ba dang / byol song dang / yi dwags dang / lha ma yin dang / gdol pa dang / rigs ngan dang / rgyal rigs dang / bram ze'i rigs la sogs pa rnam pa sna tshogs su skye zhing lhung bar gyur to/ / sems la rnam pa sna tshogs kyi las bskyed pas mi'i lus thob kyang 'on pa dang / long ba dang / lkugs pa dang / zha bo la sogs par gyur te/ srid pa nyi shu lnga por rnam par smin pa'i 'bras bu myong bar gyur to/ /'dod chags dang / zhe sdang dang / gti mug gis sems bsgribs pas na/ sangs rgyas kyi rang bzhin mi shes pas ni ji ltar gyad des nor bu rin po che sha'i nang du nub pa mi shes te/ stor snyam sems pa ltar so so skye bo'ang de dang 'dra ste/ dge ba'i bshes gnyen la bsnyen bkur byed pa mi shes/ de bzhin gshegs pa'i snying po shin tu gsang ba mi shes pas bdag med pa la sgom zhing nan tan byed do/ /dper na/ 'phags pa ma yin pa dag ni bdag med pa smra'ang bdag ces bya ba'i yang dag pa'i mtshan </font><hr>Ka180a<br><font size=+1>


@#/ /nyid mi shes so/ /nga'i nye gnas dag kyang de dang 'dra ste/ dge ba'i bshes gnyen la bsnyen bkur byed pa'ang mi shes pas bdag med pa sgom pa'ang mi shes te/ bdag med pa'i gnas kyang mi shes so/ /bdag med pa'i mtshan nyid kyang mi shes na bdag gi yang dag pa'i mtshan nyid shes pa lta ci smos/ rigs kyi bu/ de ltar de bzhin gshegs pas sems can thams cad la sangs rgyas kyi rang bzhin yod par gsungs pa'ang ji ltar sman pa mkhas pas gyad kyi rdo rje'i nor bu bstan pa bzhin no/ /so so'i skye bo dag ni kun nas nyon mongs pa tshad med pa snyed kyis bsgribs shing zil gyis non pas sangs rgyas kyi rang bzhin mi shes so/ /gal te nam nyon mongs pa zad pa na de'i tshe gsal bar mngon par rtogs par 'gyur ba ni/ ji ltar gyad des me long gsal ba'i nang du nor bu rin po che mthong ba bzhin no/ /rigs kyi bu/ de bzhin gshegs pa'i snying po ni de ltar tshad med de bsam gyis mi khyab bo/ /rigs kyi bu/ gzhan yang 'di lta ste/ dper na/ gangs kyi ri la sman bde ba zhes bya ba'i ro yod do/ /de'i ro ni shin tu mngar te/ nags stug po'i drung du skye bas mthong bar mi nus so/ /de la dri bro ba tsam gyis gnas de na sman de yod par shes so/ /sngon 'das pa'i dus na 'khor los bsgyur ba'i rgyal po zhig sman de 'dod pa'i </font><hr>Ka180b<br><font size=+1>


phyir gangs kyi ri de la gnas kun du shing gi wa btsugs nas sman zags pa bzed do/ /sman de nam smin pa na chu bzhin du sa la zags pas shing gi wa bzed pa'i nang du'ang zags te/ ro de ni yang dag pa'o/ /rgyal po de 'das pa'i 'og tu ni sman de'i ro bar 'ga' ni skyur/ bar 'ga' ni lan tshwa/ bar 'ga' ni mngar/ bar 'ga' ni kha/ bar 'ga' ni tsha/ bar 'ga' ni bska'o// de ltar ro gcig po de'ang gar zags pa'i gnas las rnam pa tha dad du gyur te/ sman de'i ro nyid ni ri la yod do/ /dper na/ zla ba rgyas pa ni bsod nams chung ba dag gis shin tu nyam thag par las su byas te/ 'jor gyis brkos kyang thob par mi nus so/ /gal te rgyal po 'phags pa dag 'jig rten du byung na bsod nams kyi rkyen gyis sman de'i ro'ang yang dag par 'thob par 'gyur ro/ /rigs kyi bu/ de bzhin gshegs pa'i snying po'i ro'ang de dang 'dra ste/ kun nas nyon mongs pa'i nags stug pos bsgribs pas sems can ma rig pa dag gis mthong bar mi nus so/ /sman ro gcig pa zhes bya ba ni sangs rgyas kyi rang bzhin gyi dpe ste/ kun nas nyon mongs pa'i dbang gis ro rnam pa sna tshogs su gyur pa ni/ 'di lta ste/ sems can dmyal ba dang / yi dwags dang / byol song dang / lha dang / mi dang / skyes pa dang / bud med dang / ma ning dang / rgyal rigs dang / bram ze dang / rigs ngan gdol pa la sogs par </font><hr>Ka181a<br><font size=+1>


@#/ /gyur pa'o/ /sangs rgyas kyi rang bzhin ni shin tu dpa' bas de bas na gsod mi nus so/ /ci ste bsad na sangs rgyas kyi rang bzhin med par byas pa yin no| |sangs rgyas kyi rang bzhin ni rang bzhin gyis med par byed nus pa ma yin te/ med par bya ba'i gnas med do/ /bdag ces bya ba'i rang bzhin nyid ni de bzhin gshegs pa'i gsang ba'i snying po'o/ /de ltar gsang ba'i snying po de ni gang gis kyang 'jig cing med par byed nus pa ma yin te/ med par byed mi nus kyang mthong bar mi rung ngo / /gal te bla na med pa yang dag par rdzogs pa'i byang chub tu mngon par sangs rgyas na rtogs shing rig par 'gyur te/ de bas na gsod nus pa med do/ /byang chub sems dpa' 'od srung gis gsol pa| ci ste gsod nus pa ma mchis na mi dge ba'i las zhes bgyi ba'ang ma mchis sam/ bcom ldan 'das kyis 'od srung la bka' stsal pa/ yang dag par na gsod pa yod do/ /de ci'i phyir zhe na/ rigs kyi bu/ sems can gyi sangs rgyas kyi rang bzhin ni phung po lnga la gnas te/ gal te phung po lnga bshig na srog bcad pa zhes bya'o/ /gal te srog bcad na ngan song du ltung bar 'gyur te/ las kyi rgyu dang rkyen gyis rgyal rigs dang / bram ze la sogs pa dang / rigs ngan gdol pa dang / skyes pa dang / bud med dang / ma ning dang / srid pa nyi shu lnga po </font><hr>Ka181b<br><font size=+1>


la sogs pa rnam pa tha dad pa'i mtshan nyid kyis 'khor bar 'khor ro/ /'phags pa ma yin pa dag ni bdag ces bya ba'i mtshan nyid chen po dang / chung ngu dang / til lam/ khre'am/ sran ma'am/ mthe bo'i bar du rnam pa sna tshogs su 'dzin te/ gang mi bden pa'i sgyu ma'i mtshan nyid du 'dzin pa yang dag pa ma yin no/ /'jig rten las 'da' ba'i bdag gi mtshan nyid ni sangs rgyas kyi rang bzhin zhes bya ste/ de ltar bdag tu 'dzin pa ni shin tu mchog ces bya'o/ /rigs kyi bu/ gzhan yang 'di lta ste/ dper na/ skyes bu gter gyi rgyus la shin tu mkhas pa zhig 'jor rnon po thogs te brkos na/ rdo'am/ gseg ma'am/ pha bong la'ang thogs pa med par rko'o/ /gal te rdo rje la thug na cis kyang mi tshugs so/ /rdo rje zhes bya ba la ni mtshon cis kyang mi tshugs shing gcod mi nus so/ /rigs kyi bu/ sems can gyi sangs rgyas kyi rang bzhin yang de dang 'dra ste/ 'jig rten na rgol ba thams cad lha dang / bdud sdig to can dang / mi dang / 'jig rten du bcas pa thams cad kyis gzhig mi nus so/ /phung po lnga'i mtshan nyid ni byed pa dang bcas pa'o/ /byed pa dang bcas pa'i mtshan nyid ni rdo'am gseg ma lta bu ste/ 'bigs shing gcod nus so/ /sangs rgyas kyi rang bzhin ni rdo rje lta bu ste/ gzhig mi nus so/ /de bas na phung po lnga bshig pa ni srog gcod pa zhes bya'o/ /rigs kyi bu/ sangs rgyas kyi chos ni de ltar bsam </font><hr>Ka182a<br><font size=+1>


@#/ /gyis mi khyab par rig par bya'o/ /rigs kyi bu/ shin tu rgyas pa'i mdo sde ni bdud rtsi lta bu'ang yin la/ dug lta bu'ang yin no/ /de nas bcom ldan 'das la byang chub sems dpa' 'od srung gis 'di skad ces gsol to/ /ci'i slad du de bzhin gshegs pas shin tu rgyas pa'i mdo sde la bdud rtsi lta bu dang / dug lta bu lags so zhes gsungs bcom ldan 'das kyis bka' stsal pa/ rigs kyi bu khyod de bzhin gshegs pa'i snying po yang dag pa'i don shes par 'dod dam/ 'od srung gis gsol pa/ bdag de bzhin gshegs pa'i snying po'i don gang lags pa rtogs par 'tshal lo/ /de nas bcom ldan 'das kyis tshigs su bcad de bka' stsal pa/ kha cig bdud rtsi 'thungs pa las/ /tshe thung sngar shi ba yang yod/ /kha cig bdud rtsi 'thungs pa las/ /tshe ring rtag tu 'dug pa'ang yod/ /kha cig dug 'thungs dbang gis 'tsho/ /kha cig dug 'thungs rkyen gyis 'chi/ /thogs med ye shes zil mngar ni/ /theg pa chen po'i mdo sde ste/ /theg pa chen po'i mdo sde ni/ /sman dang dug tu 'dres pa'o/ /ji ltar mar dang kha ra dang / /mar gyi snying po la sogs pa/ /'thungs te zhu na sman du 'gyur/ /ma zhu ba ni dug ces bya/ /shin tu rgyas pa'ang de bzhin te/ /mkhas pa dag gis bdud rtsir 'gyur/ /glen pas sangs rgyas rang bzhin dag /mi shes pa yis dug tu </font><hr>Ka182b<br><font size=+1>


'gyur/ /nyan thos pa dang rang rgyal dang / /theg pa chen po'i bdud rtsi ste/ /ji ltar bro ba'i ro thams cad/ /'o ma mchog tu 'gyur ba bzhin/ /de ltar brtson 'grus rtsom pa dag /theg pa chen po dbang gis ni/ /yongs su mya ngan 'das 'gyur zhing / /mi yi khyu mchog rgyal por 'gyur/ /'od srung khyod dang sems can gang / /sangs rgyas rang bzhin shes pa ni/ /bla na med pa'i zil mngar ros/ /mi skye mi 'chi bar 'gyur ro/ /'od srung khyod kyis shes par gyis/ /dkon mchog gsum dag rtogs par gyis/ /dkon mchog gsum gyi mtshan nyid ni/ /bdag ces bya ba'i mtshan nyid do/ /bdag dang sangs rgyas rang bzhin nyid/ /gang gis mngon sum rtogs gyur na/ /de bzhin gshegs pa'i snying po nyid/ /skyes bu des ni rtogs 'gyur ro/ /bdag dang bdag gir gang shes pa/ /de ni 'jig rten 'das pa'o/ /sangs rgyas chos dang dge 'dun ni/ /phul du bla na med pa'i mchog /tshigs su bcad de ngas gsungs pa/ /mtshan nyid don ni 'di dag go |de nas byang chub sems dpa' 'od srung gis tshigs su bcad de bcom ldan 'das la gsol pa/ skyabs su 'gro ba'i gnas gsum po/ /bdag ni gang yang ma rtogs na/ /bla med 'jigs pa ma mchis par/ /de la ji ltar skyabs su mchi/ /dkon mchog gsum yang ma rtogs na/ /bdag ma mchis par ji ltar bgyi/ /ji ltar sangs rgyas skyabs gsol na/ /rab tu bde </font><hr>Ka183a<br><font size=+1>


@#/ /ba thob par 'gyur/ /ji ltar chos la skyabs gsol pa/ /bdag la rgyal bas bstan du gsol/ /ji ltar che ba'i dbang thob 'gyur/ /dbang du mi 'gyur gang lags pa| |ji ltar dge 'dun skyabs gsol na/ /bla med bde ba thob par 'gyur/ /ji ltar bde ba'i tshig smra na/ /ma 'ongs dus su mngon sangs rgyas/ /ma 'ongs dus su mi 'grub na/ /dkon mchog gsum la ji ltar phyogs/ /bdag gis snga nas mi 'tshal te/ /bags kyis 'tshal bar 'gyur bas na/ /ji lta bur na mi sbrum par/ /bu dag btsa' ba'i 'du shes bskyed/ /mnga' na ji ltar mchis nges na/ /de ni bu mchis pa zhes bgyi/ /ci ste mngal na bu mchis na/ /ring por mi thogs nges par 'byung / /de ni bu yi don lags te/ /sems can las kyang de bzhin no/ /bcom ldan 'das kyis gsungs pa ltar/ /glen pa dag gis shes mi nus/ /de ltar mi rtogs mi shes pas/ /yang dang yang du 'khor bar 'khor/ /ming tsam gyis ni dge bsnyen dag /yang dag pa yi don mi 'tshal/ /shin tu rgyas par 'byed bstan te/ /bdag gi the tshom gcad du gsol/ /ye shes chen po bcom ldan 'das/ thugs brtse'i slad du rgyas par ni/ /de bzhin gshegs pas gsang ba yis/ /rin chen snying po bshad du gsol/ /'od srung khyod kyis shes par gyis/ /gsang ba'i snying po gang yin pa/ /ngas ni rab tu 'byed </font><hr>Ka183b<br><font size=+1>


bstan te/ /khyod kyi the tshom gcad par bya/ /shin tu brtags par nyon cig dang / /khyod ni byang chub sems dpa'i nang / /sangs rgyas 'byung ba bdun pa yi/ /mtshan dang ming du mthun par 'gyur/ /sangs rgyas dag la skyabs gsol pa/ de ni yang dag dge bsnyen te/ /nam du'ang lha rnams gzhan dag la/ /skyabs gsol par ni mi 'gyur ro/ /dam pa'i chos la skyabs gsol na| |'tshe zhing gsod pa'i sems dang bral/ /dge 'dun la ni skyabs gsol na/ /mu stegs can la phyogs mi 'gyur/ /dkon mchog gsum la skyabs gsol na/ /'jigs pa med pa thob par 'gyur/ /'od srung sangs rgyas la gsol pa/ /bdag ni gsum la skyabs gsol pas/ /sangs rgyas rnams kyi spyod yul gyi/ /yang dag pa yi lam zhes bgyi/ /dkon mchog gsum gyi mtshan nyid mnyam/ /ye shes chen po nyid dang ldan/ /bdag dang sangs rgyas rang bzhin ni/ /gnyis su med de bye brag med/ /sangs rgyas bstod pa'i lam 'di ni/ /yang dag tshol ba bde ba'i gnas/ /thams cad mkhyen cing gzigs pas na/ /sangs rgyas mang pos bsngags par 'gyur/ /bdag kyang bde gshegs bsngags pa yi/ /bla med lam la gzhol zhing 'bab/ / bdud rtsi mchog gi dam pa ste/ /srid pa'i nang na med pa'o/ /de nas bcom ldan 'das kyis byang chub sems dpa' 'od srung la bka' stsal pa/ rigs kyi bu khyod kyis nyan thos sam/ bus pa </font><hr>Ka184a<br><font size=+1>


@#/ /ma rabs ltar dkon mchog gsum la bye brag ma 'byed cig /theg pa chen po la ni dkon mchog gsum la rnam par bye brag 'byed pa'i mtshan nyid med do| |de ci'i phyir zhe na/ sangs rgyas kyi ngo bo nyid la chos dang / dge 'dun yod pa'i phyir ro/ /nyan thos dang / bus pa ma rabs bsgral ba'i phyir dkon mchog gsum rnam par phye ste tha dad par bstan to/ /rigs kyi bu/ gang 'jig rten pa'i chos kyi rjes su 'jug 'dod pa dag ni skyabs su 'gro ba'i gnas gsum yod par bye brag 'byed do/ /rigs kyi bu/ byang chub sems dpa' dag ni 'di snyam du sems te/ bdag gi lus 'di sangs rgyas la skyabs su song bas lus 'di nyid kyis mngon par 'tshang rgya ste/ mngon par sangs rgyas nas sangs rgyas la bsnyen bkur dang / bsti stang dang / mchod pa dang / phyag bya ba'i chos med do/ /de ci'i phyir zhe na/ sangs rgyas bcom ldan 'das ni mnyam par sems can thams cad kyi skyabs su 'gro ba'i gnas mdzad pa'i phyir ro/ /gang chos kyi sku gdung la rim gro byed pa ni sangs rgyas rnams kyi mchod rten la gus par phyag bya ba'o/ /de ci lta zhe na/ so so'i skye bo bsgral ba'i phyir ro/ /gzhan yang sems can dag nga'i sku la mchod rten lta bur 'du shes bskyed de/ phyag dang mchod pa byed do/ /de ltar sems can de dag gis nga'i </font><hr>Ka184b<br><font size=+1>


chos kyi sku la'ang skyabs tshol ba'i gnas byed do/ /sems can thams cad ni yang dag pa ma yin pa chos log pa la gnas te/ de bas na ngas rim gyis yang dag pa'i chos bstan to| |gzhan yang yang dag pa'i dge 'dun ma yin pa la skyabs su song ba dag la yang dag pa'i dge 'dun dag la skyabs su 'gro ba'i gnas kyang byed do/ /gang dkon mchog gsum la bye brag 'byed pa dag la ni skyabs su 'gro ba'i gnas cig ste/ gsum du bye brag med do zhes kyang ston to/ /dmus long ldongs par gyur pa la ni mig lta bur yang ston to/ /gzhan yang nyan thos dang / rang sangs rgyas kyi skyabs su 'gro ba'i gnas yang dag pa'ang bya'o snyam sems so/ /rigs kyi bu/ /de ltar byang chub sems dpa' dag ni sems can ma rungs pa tshad med pa dang mkhas pa shes rab can dag gi phyir sangs rgyas kyi mdzad pa byed do/ /rigs kyi bu/ dper na/ skyes bu zhig g.yul ngor phyin pa'i tshe/ 'di snyam du bdag ni mchog ste/ dmag gi tshogs 'di dag thams cad kyang bdag 'ba' zhig la ltos so snyam sems so/ /gzhan yang dper na/ rgyal tshab gzhon nu 'di snyam du sems te/ bdag ni rgyal bu thams cad thul te/ rgyal po chen po'i srid dang / dbang ba thams cad la bdag dbang du gyur te/ rgyal bu thams cad kyang bdag la phyogs pas/ </font><hr>Ka185a<br><font size=+1>


@#/ /de bas na zhan pa'i bsam pa mi skyed do snyam du sems te/ ji ltar rgyal po dang rgyal bu de bzhin du blon po chen po'ang de dang 'dra'o/ /rigs kyi bu/ byang chub sems dpa' sems dpa' chen po'ang de dang 'dra bar 'di snyam du sems so/ /ji ltar na dngos po gsum po bdag dang rang bzhin gcig tu 'gyur snyam sems so/ /rigs kyi bu/ ngas bstan pa'i dngos po gsum po 'di ni mya ngan las 'das pa'o/ /de bzhin gshegs pa ni bla na med pa'i skyes bu dam pa ste/ ji ltar mi'i lus la yan lag dang / nying lag thams cad kyi ngan na mgo bo dam pa ste/ gzhan ma yin pa bzhin du sangs rgyas kyang de dang 'dra bar mchog dam pa ste/ chos dang / dge 'dun ni ma yin no/ /'jig rten pa rnams bsgral ba'i phyir mtshan nyid rnam pa sna tshogs su skas kyi them pa ltar bye brag tu bstan to/ /de bas na khyod ni gus pa glen pa ltar/ dkon mchog gsum la tha dad pa'i mtshan nyid du mi gzung ngo / / khyod ni theg pa chen po la zhugs shing dbang po rno ba ni ral gri rnon po dang 'dra'o/ /byang chub sems dpa' 'od srung gis bcom ldan 'das la gsol pa/ bdag ni rtogs bzhin du bcem ldan 'das la zhu ba lags kyi/ mi 'tshal ba ni ma lags te/ bdag gis byang chub sems dpa' gang zhig dpa' zhing dbang po rtul phod pa rnams kyi slad du dri ma mchis </font><hr>Ka185b<br><font size=+1>


pa yongs su dag pa'i spyod yul du zhugs pa lags so/ /gzhan yang de bzhin gshegs pas byang chub sems dpa' rnams la ngo mtshar rmad kyi dngos po 'byed cing bstan pa dang / shin tu rgyas pa theg pa chen po'i mdo sde bsngags pa'i slad du zhugs te/ de bzhin gshegs pas thugs rje chen pos legs par gsungs pas bdag kyang de la bde bar gnas par 'tshal lo| |gang na byang chub sems dpa'i spyod yul la yongs su dag pa ston pa de ni yongs su mya ngan las 'das pa chen po'i mdo sde ston pa lags so/ /bcom ldan 'das/ bdag gis kyang de bzhin gshegs pa'i gsang ba'i snying po 'di sems can thams cad la rgyas par bstan cing / dkon mchog gsum la skyabs su 'gro ba'i gnas yang dag par rtogs par bgyi'o/ / de la sems can gang zhig 'phags pa yongs su mya ngan las 'das pa chen po'i mdo sde 'di la dad cing yid ches na/ skyes bu de ni dkon mchog gsum la skyabs su 'gro ba'i gnas rtogs shing khong du chud pa lags so/ /de ci'i slad du zhe na/ de bzhin gshegs pa'i gsang ba'i snying po la sangs rgyas kyi rang bzhin mchis pa'i phyir ro/ /gang mdo sde 'di ston cing 'chad pa de'i lus la sangs rgyas kyi rang bzhin ma mchis par smra ste/ skyes bu de ni dkon mchog gsum la skyabs su 'gro ba ma yin pa gzhan mi tshol lo/ /de ci'i slad du zhe na/ phyi ma ma 'ongs </font><hr>Ka186a<br><font size=+1>


@#/ /pa'i dus su bdag gi lus 'di nyid dkon mchog gsum du 'gyur te/ nyan thos dang / rang sangs rgyas dang / de ma yin pa'i skye bo gzhan thams cad kyang bdag la brten te/ rim gro dang / bkur sti dang / phyag 'tshal bar 'gyur ba'i phyir ro/ /rigs kyi bu/ don de lta bas na theg pa chen po'i mdo sde la yang dag par bslab par bya'o/ /'od srung gis yang gsol pa/ sangs rgyas kyi rang bzhin ni bsam gyis mi khyab ste/ de bzhin du mtshan sum cu rtsa gnyis dang / dpe byad bzang po brgyad cu'ang bsam gyis mi khyab bo/ /de nas bcom ldan 'das kyis byang chub sems dpa' 'od srung la legs so/ /shin tu legs so /zhes bka' stsal to/ /rigs kyi bu/ khyod ni shin tu zab pa'i shes rab dang ldan pas/ ngas kyang khyod kyi de bzhin gshegs pa'i snying po la 'jug pa legs par bstan par bya'o/ /gal te bdag ces bya ba ther zug tu rtag pa'i chos yin na ni/ sdug bsngal dang bral bar mi 'gyur ro/ /gal te bdag ces bya ba med na ni/ tshangs par spyod pa dag pa na pa'i don med par 'gyur ro/ /gal te chos thams cad bdag med par smra na de ni chad par lta ba yin no/ /ci ste bdag ces bya ba ther zug tu smra na de ni rtag par lta ba yin no/ /gang 'du byed thams cad mi rtag par lta na de'ang chad par lta bar 'gyur ro/ /'du byed rtag par lta na/ </font><hr>Ka186b<br><font size=+1>


de'ang rtag par lta bar 'gyur ro/ /gang sdug bsngal bar smra na chad par lta ba yin no/ /gal te bde bar smra na'ang rtag par lta ba yin no/ /yang chos thams cad mi rtag go bar nan tan byed na chad par lta bar ltung ngo / /chos thams cad rtag go bar nan tan byed na rtag par lta bar ltung ngo / /dper na/ srin bu khung bur 'gro ba dag rkang pa snga ma ber nas rkang pa phyi ma 'dor ro/ /rtag pa dang chad pa la nan tan byed pa'ang de dang 'dra ste/ chad pa dang / rtag pa'i rkyen la rtogs dgos so/ /don de lta bas na sdug bsngal ba'i chos gzhan la nan tan byed pa ni mi dge ba'o/ /bde ba'i chos gzhan la nan tan byed pa ni dge ba zhes bya'o/ /bdag med pa'i chos gzhan la nan tan byed pa ni kun nas nyon mongs pa'i phyogs yin no /rtag pa'i chos gzhan la nan tan byed pa ni de bzhin gshegs pa'i gsang ba'i snying po zhes bya ste/ mya ngan las 'das pa ni gnas dang rten med pa'o/ /mi rtag pa'i chos gzhan la nan tan byed pa ni rdzas dang / zang zing yod pa'o/ /rtag pa'i chos gzhan la nan tan byed pa ni sangs rgyas dang / chos dang / dge 'dun dang / yang dag par rnam par grol ba'o/ /de bas na sangs rgyas kyi rang bzhin ni lam dbu ma mtha' gnyis dang yongs su bral ba yin par rig par bya'o/ /yang dag pa'i chos bstan pa la bus pa ma rabs dag ni de la the tshom ma byed do/ /dper na/ nad pa nyam chung ba dag mar </font><hr>Ka187a<br><font size=+1>


@#/ /'thungs na lus yang zhing dkar bar 'gyur ro/ /yod pa dang med pa'i chos kyang rang bzhin gcig tu ma chad de/ dper na/ chen po bzhi rang bzhin mi mthun pas gcig gi gnyen por gcig 'gyur te/ de la sman pa mkhas pas ni gang gi shas che ba bzhin du shin tu rtogs so/ /rigs kyi bu/ de bzhin gshegs pa'ang de dang 'dra ste/ sems can thams cad la sman pa lta bur kun nas nyon mongs pa'i rang bzhin rnam pa tha dad pa mkhyen pas yongs su gsal te/ de bzhin gshegs pa gsang ba'i snying po sangs rgyas kyi rang bzhin yongs su dag pa mi 'gyur mi 'pho ba ston to/ /gal te yod par smra na mkhas pa shes rab can dag chags pa'i mi rigs la/ gal te med par smra na brdzun du smra bar 'gyur ro/ /gal te yod par smra na 'phags pa cang mi smra ba'i mi rigs la/ gzhan yang khyal ba dang / rtsod par smra ba'i mi rigs te/ yang dag pa'i chos nyid rtogs par 'dod do/ / bus pa ma rabs ni khyal bar smra zhing rtsod pas de bzhin gshegs pa'i gsang ba'i snying po mi shes so/ /gal te sdug bsngal bar smra na bus pa glen pa dag lus 'di mi rtag go snyam sems so/ /thams cad sdug bsngal bar smra na lus la bde ba'i rang bzhin yod par mi shes so/ /gal te mi rtag par smra na bus pa glen pa dag lus thams cad mi rtag go </font><hr>Ka187b<br><font size=+1>


snyam ste/ rdza so ma btang ba dang 'dra bar 'dzin to/ /de la mkhas pa shes rab can dag ni rnam par phye ste/ thams cad kyi thams cad du mi rtag par mi smra'o/ /de ci'i phyir zhe na/ bdag gi lus la sangs rgyas kyi rang bzhin gyi sa bon yod pa'i phyir ro/ /gal te bdag med par smra na bus pa glen pa dag sangs rgyas kyi chos thams cad bdag med do snyam du 'dzin to/ /mkhas pa shes rab can ni bdag med pa bla dwags su btags par zad de/ bden pa med par rnam par dbye'o/ /de ltar shes nas de la the tshom mi skyed do/ /gang de bzhin gshegs pa'i snying po stong par smra na bus pa glen pa dag thos nas chad pa'am/ med par lta ba skye'o/ /mkhas pa shes rab can dag ni de bzhin gshegs pa rtag pa mi 'gyur mi 'pho bar bye brag dbye'o/ /gal te rnam par grol ba sgyu ma lta bur smra na bus pa glen pa dag rnam par grol ba thob pa rnams bdud kyi chos yin no snyam du 'dzin to/ /mkhas pa shes rab can ni rnam par phye ste/ mi'i nang na seng ge lta bur de bzhin gshegs pa nyag gcig ni rtag pa gnas pa mi 'gyur mi 'pho bar dbye'o/ /gal te ma rig pa'i rkyen gyis 'du byed rnams byung bar smra na/ byis pa glen pa dag thos nas rig pa dang / ma rig par chos gnyis su bye brag 'byed do/ /mkhas pa shes rab can ni rang bzhin gyis gnyis su med par rtogs so/ /gang gnyis su med pa dag ni yang dag pa nyid do/ /gal te </font><hr>Ka188a<br><font size=+1>


@#/ /'du byed kyi rkyen gyis rnam par shes pa 'byung bar smra na bus pa glen pa dag 'du byed dang / rnam par shes pa gnyis su 'dzin to/ /mkhas pa shes rab can ni rang bzhin gyis gnyis su med par rtogs te/ gnyis su med pa ni yang dag pa nyid do/ /gal te dge ba bcu dang / mi dge ba bcu po 'di ni bya ba'i rigs/ 'di ni mi bya ba'i rigs/ 'di ni mtho ris kyi lam/ 'di ni ngan song gi rgyud/ 'di ni rnam par dkar ba'i chos/ 'di ni chos nag po'i zhes smra na bus pa glen pa dag gnyis su 'dzin to/ /mkhas pa shes rab can ni rang bzhin gyis gnyis su med par rtogs te/ gnyis su med pa ni yang dag pa nyid do/ /gal te chos thams cad sdug bsngal bar nan tan bya'o zhes smra na bus pa glen pa dag gnyis su 'dzin to/ /mkhas pa shes rab can ni rang bzhin gyis gnyis su med par rtogs te/ gnyis su med pa ni yang dag pa nyid do/ /gal te 'du byed thams cad mi rtag ce'am/ de bzhin gshegs pa'i snying po'ang mi rtag ces smra na bus pa glen pa dag gnyis su 'dzin to/ /mkhas pa shes rab can ni rang bzhin gyis gnyis su med par rtogs te/ gnyis su med pa nyid ni yang dag pa nyid do/ /chos thams cad bdag med de/ de bzhin gshegs pa'i snying po yang dag pa med ces smra na bus pa glen pa dag gnyis su 'dzin to/ / </font><hr>Ka188b<br><font size=+1>


mkhas pa shes rab can ni rang bzhin gyis gnyis su med par chogs te/ gnyis su med pa nyid ni yang dag pa nyid do/ /bdag dang bdag med pa rang bzhin gyis gnyis su med do/ /de bzhin gshegs pa'i snying po'i don ni de ltar dpag tu med cing tshad med mtha' yas par sangs rgyas bcom ldan 'das kyis yongs su bsngags pas ngas kyang yon tan dang ldan pa'i mdo sde thams cad las kyang rgyas par gsungs so// //'phags pa yongs su mya ngan las 'das pa chen po'i mdo/ bam po bcu gcig pa/ rigs kyi bu/ bdag ces bya ba dang / bdag med pa rang bzhin gyis gnyis pa med par khyod kyis de ltar gzungs su gzung la skye bos long zhig /rigs kyi bu/ khyod kyis mdo sde 'di brtan par gzungs su gzung la dran par gyis shig /ngas sngon 'phags pa shes rab kyi pha rol tu phyin pa chen po'i mdo sde las kyang bdag dang bdag med pa'i mtshan nyid kyis gnyis su med par bstan to/ /'di lta ste/ 'o ma las zho 'byung ba dang / zho las mar 'byung ba dang / mar las zhun mar 'byung ba dang / zhun mar las mar gyi snying po 'byung ste/ de ltar zho'i rang bzhin de 'o ma las byung ngam/ log te zho nyid las byung ngam/ 'on te gzhan nas byung ba mar gyi snying po'i bar du'ang de bzhin du rgyas par rig par bya'o/ /gal te gzhan las byung na gzhan gyis byas pa yin te/ gzhan </font><hr>Ka189a<br><font size=+1>


@#/ /gyis byas na 'o ma las byung ba ma yin par 'gyur ro/ /gal te 'o ma las ma byung na 'o ma cir yang mi dgos par 'gyur ro/ /gal te zho nyid las byung na 'dra ba'i yang mi rigs te/ gal te mar gyi snying po 'byung ste/ rgyun las skye bar 'gyur ro/ /gal te rgyun las skyes na/ lhan cig skyes pa ma yin no/ /gal te lhan cig ma skyes na ro rnam pa lnga dus gcig tu 'byung ba'i rigs te/ dus gcig tu byung ba'ang ma yin mod kyi/ nges par gzhan nas 'ongs pa'ang ma yin no/ /de bas na 'o ma'i nang na mngar ba'i ro che bas snga nas zho'i mtshan nyid yod kyang rang 'gyur bar mi nus so/ /de bzhin du mar gyi snying po'i bar du rgyas par rig par bya'o/ /brtswa zos pa dang / chu 'thungs pa'i rgyu dang rkyen gyis khrag tu 'gyur te/ khrag las 'o mar gyur to/ /gal te rtswa mngar ba zos na 'o ma'ang mngar ro/ /gal te rtswa kha ba zos na 'o ma yang kha bar 'gyur ro/ /gangs kyi ri la rtswa snum pa zhes bya ba yod de/ gal te bas zos na mar gyi snying po 'ba' zhig tu 'gyur te/ kha dog sngon po'am/ ser po'am/ dmar po'am/ dkar po'am/ nag por ni mi mngon no/ /rtswa gzhan zos pa'i rgyu dang rkyen las 'o ma'i ro dang / kha dog kyang tha dad par 'gyur ro/ /bus pa so so'i skye bo dag rig pa dang / ma rig pa'i las kyi rgyu dang rkyen gyi mtshan nyid gnyis </font><hr>Ka189b<br><font size=+1>


bskyed do/ /gal te ma rig pa las bzlog na rig pa zhes bya ste/ de bzhin du chos thams cad kyang dge ba dang / mi dge ba zhes bya ba mtshan nyid gnyis su med do/ /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das kyis gsungs pa ltar 'o ma'i nang na zho mchis zhes bgyi ba'i don ji lta bu lags/ bcom ldan 'das/ ci ste 'o ma'i nang na zho'i rang bzhin nges par mchis la/ shin tu phra bas mi mthong na ci'i slad du 'o ma'i rkyen gyis zho 'byung ngo zhes gsungs/ chos thog ma nas ma mchis na ni skyes zhes bgyir rung na/ snga nas mchis pa zhig lags na ci'i slad du skyes zhes bka' stsal/ ci ste 'o ma'i nang na zho'i rang bzhin mchis par nges na rtsi shing thams cad kyi nang na'ang 'o ma mchis pa'i rigs so/ /de bzhin du 'o ma'i nang na'ang rtsi shing mchis par 'gyur ro/ /ci ste 'o ma'i nang na nges par zho ma mchis pa zhig lags na/ ci'i slad du 'o ma'i rkyen gyis zho 'byung bar 'gyur/ gal te chos kyang snga nas ma mchis la/ phyis skyes pa zhig lags na ci'i slad du 'o ma'i nang na rtsi shing mi skye/ bka' stsal pa/ rigs kyi bu/ gcig tu nges par 'o ma'i nang na zho yod ce'am/ 'o ma'i nang na zho med ces par mi rung la/ de ma rtogs pa las byung zhes byar yang mi rung ngo / /gal te 'o ma'i nang na zho nges </font><hr>Ka190a<br><font size=+1>


@#/ /par yod do zhes smra na ci'i phyir dngos po dang ro tha dad par 'gyur te/ de bas na nges par 'o ma'i nang na zho'i rang bzhin yod ces byar yang mi rung ngo / / gal te 'o ma'i nang na nges par zho med do zhes smra na'ang / ci'i phyir ri bong gi rwa mi 'byung / 'o ma'i nang na dug blugs na zho de 'thungs pas 'chi bar 'gyur te/ de bas na 'o ma'i nang na nges par zho'i rang bzhin med ces byar yang mi rung ngo / /ci ste de ma gtogs pa gzhan las 'byung zhes smra na ci'i phyir rgyu las zho mi 'byung / de bas na de ma gtogs pa gzhan las zho 'byung ngo zhes byar yang mi rung ngo / /rigs kyi bu/ ba rtswa zos pa las khrag tu 'gyur/ khrag las 'o mar 'gyur te/ sems can gyi bsod nams kyi rgyus grub pa yin no/ /de ltar 'o ma de rtswa dang khrag las gyur mod kyi/ /nyes zhes byar ni mi rung ste/ rgyu dang rkyen las byung ba zhes bya'o/ /zho dang mar gyi snying po'i bar du'ang de bzhin du rgyas par rig par bya'o/ /de bas na ba'i zho zhes bya ste/ 'o mar mi snang ba'i rgyu dang rkyen gyis zho zhes gdags so/ /rgyu dang rkyen gang las byung ce na/ drod dang skyur ba las gyur te/ de bas na rgyu dang rkyen las byung ba nas mar gyi snying po'i bar du de bzhin du rgyas par rig par bya'o/ /de bas na 'o ma'i nang na nges par zho'i rang bzhin med de/ gzhan las byung ngo / / </font><hr>Ka190b<br><font size=+1>


zhes byar mi rung ste gnas med do/ /rigs kyi bu/ rig pa dang / ma rig pa'ang de dang 'dra ste/ kun nas nyon mongs pa dang lhan cig pa'i dus na ni ma rig pa zhes bya'o/ /nam dge ba'i chos dang lhan cig pa de'i dus na rig pa zhes bya ste/ de bas na ngas gsungs pa la mtshan nyid gnyis su med de/ de bas na de'i rgyu de'i rkyen gyis sngar ngas 'di skad ces gsungs so// so/ /gangs kyi ri la rtswa snum pa zhes bya ba yod de bas zos na/ thams cad mar gyi snying por 'gyur ba dang 'dra bar sangs rgyas kyi rang bzhin yang de dang 'dra'o/ /rigs kyi bu/ sems can bsod nams chung bas rtswa snum pa zhes bya ba mi mthong dang 'dra bar sangs rgyas kyi rang bzhin yang de dang 'dra ste/ kun nas nyon mongs pas khebs pas sems can rnams kyis mi mthong ngo / /'di lta ste/ dper na/ rgya mtsho'i ro gcig tu lan tshwa bro ba yin yang de'i nang na chu'i ro ngam pa/ 'o ma'i ro bro ba'ang yod do/ /dper na/ gangs kyi ri ni yon tan sna tshogs dang ldan te/ sman bzang po sha stag skye'ang de la dug kyang mi skye ba ma yin no/ /so so'i skye bo'i lus kyang de dang 'dra ste/ sbrul gdug pa bzhi dang bcas pa yin mod kyi/ de la sman bzang po rgyal po lta bu'ang yod pa ni/ 'di lta ste/ sangs rgyas kyi rang bzhin 'dus byas pa'i chos ma yin pa ste/ kun nas nyon mongs pas bsgribs </font><hr>Ka191a<br><font size=+1>


@#/ /par gyur to/ /de la gang rgyal rigs sam/ bram ze'am/ rje'u rigs sam/ dmangs rigs kyis nyon mongs pa kun bsal na sangs rgyas kyi rang bzhin mthong zhing bla na med pa'i byang chub tu mngon par 'tshang rgya bar 'gyur ro/ /'di lta ste/ dper na/ steng gi nam mkha' la sprin chags te 'brug grags na bal glang gi mche ba kun la me tog skye'o/ /ci ste 'brug ma grags na me tog kyang mi skye la/ btags pa'ang med do/ /sems can rnams kyi sangs rgyas kyi rang bzhin yang de dang 'dra ste/ gal te kun nas nyon mongs pas khebs na mthong bar mi 'gyur ro/ /de bas na sems can la bdag med ces ngas gsungs te/ gang gis yongs su mya ngan las 'das pa chen po'i mdo sde 'di thos na sangs rgyas kyi rang bzhin 'di mthong bar 'gyur te/ bal glang gi mche ba'i me tog bzhin no/ /mdo sde gzhan gyi ting nge 'dzin thams cad thos kyang mdo sde 'di ma thos na de bzhin gshegs pa'i snying po dam pa mi mthong ste/ ji ltar 'brug ma grags na/ bal glang gi mche ba'i me tog mi mthong ba bzhin no/ /mdo sde 'di thos na de bzhin gshegs pa thams cad kyis dgongs te gsungs pa'i snying po rtogs par 'gyur ro/ /sangs rgyas kyi rang bzhin zhes bya ba ni/ steng gi nam mkha' la 'brug grags na bal glang gi mche ba'i me tog mthong ba'i dpe'o/ / </font><hr>Ka191b<br><font size=+1>


mdo sde 'di thos na sems can chad med pa thams cad la sangs rgyas kyi rang bzhin yod par rtogs par 'gyur ro/ /de bas na yongs su mya ngan las 'das pa chen po ni de bzhin gshegs pas dgongs te gsungs pa'i snying po zhes bya ste/ chos kyi sku bskyed par 'gyur pa ni/ ji ltar 'brug grags na bal glang gi mche ba'i me tog skyes ba bzhin no/ /de lta bu'i don chen po 'byung zhing skye bas na yongs su mya ngan las 'das pa chen po zhes bya'o/ /rigs kyi bu'am/ rigs kyi bu mo gang zhig gis yongs su mya ngan las 'das pa chen po 'di la shin tu nan tan byed na de ni sangs rgyas kyi drin la lan glon pa yin te/ sangs rgyas kyi nye gnas yang dag pa zhes bya'o/ /de nas bcom ldan 'das la byang chub sems dpa' 'od srung gis 'di skad ces gsol to/ /shin tu ngo mtshar to/ /bcom ldan 'das/ sangs rgyas kyi rang bzhin zhes bgyi ba ni shin tu zab cing shin tu phra bas mthong bar yang dka' la 'jug par yang dka' ste| nyan thos dang / rang sangs rgyas kyis rtogs par 'gyur ba ma lags so/ /bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ khyod kyis smras pa bzhin no/ /de nas yang bcom ldan 'das la byang chub sems dpa' 'od srung gis 'di skad ces gsol to/ /sangs rgyas kyi rang bzhin zhes bgyi ba ji lta bur zab cing mthong bar </font><hr>Ka192a<br><font size=+1>


@#/ /dka' la 'jug par yang dka'/ bcom ldan 'das kyis bka' stsal pa/ rigs kyi bu/ 'di lta ste/ dper na/ gang zag dmus long zhig mig gso ba'i phyir sman pa mkhas pa'i gan du song ngo / /sman pas gser gyi gri thogs te mig gi rab rib kyi spris ma bcas nas mdzub mo gcig sgreng ste bstan na long ba de mi mthong ngo / / zhes zer ro/ /mdzub mo gnyis sam gsum bstan na gdod cung zad cig mthong ngo zhes zer ro/ /rigs kyi bu/ yongs su mya ngan las 'das pa chen po'i mdo sde 'di ma gsungs na byang chub sems dpa' tshad med pa pha rol tu phyin pa yongs su rdzogs pa nas sa bcu'i bar du gnas kyang sangs rgyas kyi rang bzhin mi mthong ba ni de dang 'dra ste/ de bzhin gshegs pas gsungs nas cung zad cig mthong bar gyur to/ /byang chub sems dpa' sems dpa' chen po dag de ltar mthong bar gyur nas 'di skad ces smra'o/ /shin tu ngo mtshar to/ /bcom ldan 'das bdag cag ni bskal pa grags med pa'i bar du 'khor bar 'khor te/ bdag med pas yongs su bslus par gyur to/ /rigs kyi bu/ de ltar byang chub sems dpa' sa bcu la gnas pas kyang sangs rgyas kyi rang bzhin gsal bar mi mthong na/ nyan thos dang rang sangs rgyas kyis mi mthong ba lta smos kyang ci dgos/ rigs kyi bu/ gzhan </font><hr>Ka192b<br><font size=+1>


yang 'di lta ste/ dper na/ steng gi nam mkha' mthon po la bya lding ba na/ bya'am/ nam mkha' gang yin pa legs par mi rtogs te/ brtags na gdod mngon no/ /sa bcu la gnas pa'i byang chub sems dpas de bzhin gshegs pa'i snying po phyogs tsam zhig rtogs shing mthong ba'ang de dang 'dra na/ nyan thos dang / rang sangs rgyas kyis rtogs shing mthong ba lta ci smos/ rigs kyi bu| dper na/ chang gis ra ro ba lam du 'gro na lam bde blag tu legs par mi mthong ba bzhin du sa bcu la gnas pa'i byang chub sems dpa' yang de dang 'dra ste/ de bzhin gshegs pa'i snying po'i phyogs tsam zhig rtogs shing mthong ngo / /rigs kyi bu/ dper na/ mi zhig 'brog dgon par song ba las skom gyis gdungs te/ chu tshol ba las shing gi steng na bya bzhad 'dug par mthong na mi de skom gyis gdungs pas shing ngam/ /chu yin pa mi rtogs so/ /legs par brtags na gdod bya bzhad dang / shing yin par shes so/ /rigs kyi bu/ sa bcu la gnas pa'i byang chub sems dpas de bzhin gshegs pa'i snying po phyogs tsam zhig mthong zheng rtogs pa'ang de dang 'dra ste/ gsal bar bde blag tu rtogs pa ni ma yin no/ /rigs kyi bu| dper na/ rgya mtshor zhugs pa dag dpag tshad brgya'am/ stong ngam/ tshad med pa'i pha ral nas gru chen po'i yang thog gam/ khang pa brtsegs ma mthong na de dag 'di snyam du yang thog </font><hr>Ka193a<br><font size=+1>


@#/ /gam/ nam mkha' gang yin snyam du sems te yun ring du brtags na/ gdong nges par yang thog gam/ khang pa brtsegs mar rtogs so/ /sa bcu la gnas pa'i byang chub sems dpas bdag gi lus la de bzhin gshegs pa'i snying po mthong ba'ang de dang 'dra ste/ bde blag tu gsal ba ni ma yin no/ /rigs kyi bu/ dper na/ rgyal bu shin tu zhon pa zhig mtshan mo mtshan yal nangs kyi bar du rtse rtse na nang bar du thams cad bde blag tu gsal bar mi rtogs so/ /sa bcu la gnas pa'i byang chub sems dpas bdag gi lus la de bzhin gshegs pa'i snying po mthong ba'ang de dang 'dra ste/ gsal bar yang mi rtogs so/ /rigs kyi bu/ dper na/ blon po zhig rgyal pos mngags na mtshan mo mun pa'i nang du song song ba las glog gi 'od kyis gnag gi khyu gcig mthong nas/ de 'di snyam du gnag gam/ nags tshal lam/ sprin nam/ khang khyim gang yin snyam sems so/ /mi des gnag yin par sems mod kyi/ nges pa ma yin no/ /sa bcu la gnas pa'i byang chub sems dpa' yang de dang 'dra ste/ bdag gi lus la de bzhin gshegs pa'i snying po legs par mi rtogs so| |rigs kyi bu/ gzhan yang dper na/ tshul khrims la gnas pa'i dge slong dag srin bu med pa'i chu la rtog na chu'i nang na 'gul ba srin bu yin nam/ rdul yin pa bde blag tu mi </font><hr>Ka193b<br><font size=+1>


rtogs so/ /yun ring du brtags na rdul yin par shes mod kyi/ nges par rtogs pa ni ma yin no/ /sa bcu la gnas pa'i byang chub sems dpa' yang de dang 'dra ste/ bdag gi lus la de bzhin gshegs pa'i snying po bde blag tu gsal bar mi rtogs so/ /rigs kyi bu/ dper na/ nam rmus te/ nam mkha' ma dag na rgyang ma nas byis pa chung ngu mthong nas phyugs sam/ bya'am/ mi'am ci yin pa mi rtogs te/ yun ring du brtags na byis pa yin par mthong yang gsal bar rtogs pa ni ma yin no/ /sa bcu la gnas pa'i byang chub sems dpas bdag gi lus la de bzhin gshegs pa'i snying po mthong ba'ang de dang 'dra ste/ gsal bar mi rtogs so/ /rigs kyi bu/ dper na/ mi zhig mtshan mo mun pa'i nang na byang chub sems dpa'i sku gzugs ri mo la bris pa zhig mthong na de 'di snyam du 'di byang chub sems dpa'i gzugs sam/ dbang phyug gi gzugs sam/ tshangs pa chen po'i gzugs sam/ gos kha dog bsgyur ba yin nam snyam sems te/ des yun ring du brtags na byang chub sems dpa'i gzugs yin par shes mod kyi/ gsal bar rtogs pa ni ma yin no/ /sa bcu la gnas pa'i byang chub sems dpas bdag gi lus la de bzhin gshegs pa'i snying po mthong ba'ang de dang 'dra ste/ gsal bar rtogs pa ni ma yin no/ /rigs kyi bu/ sangs rgyas kyi rang bzhan zhes bya ba ni de ltar shin </font><hr>Ka194a<br><font size=+1>


@#/ /tu zab ste/ mthong zhing rtogs par dka' bas sangs rgyas nyag gcig gis rtogs kyi/ nyan thos dang rang sangs rgyas kyis rtogs par 'gyur ba ma yin no/ /rigs kyi bu/ mkhas pa shes rab can gyis de bzhin gshegs pa'i snying po la de lta bur brtag cing bye brag dbye bar bya'o/ /de nas yang bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ de ltar sangs rgyas kyi rang bzhin de shin tu zab cing mthong bar dka' na/ sha'i mig can dag gis ji ltar mthong bar 'gyur/ bcom ldan 'das kyis 'od srung la bka' stsal pa/ rigs kyi bu/ dper na/ 'du shes med 'du shes med min gyi lha dag kyang theg pa gnyis pos mi rtogs mod kyi/ mdo sde'i lung gi rjes su yid ches pas rtogs so/ /rigs kyi bu/ nyan thos dang / rang sangs rgyas kyis yongs su mya ngan las 'das pa chen po'i mdo la brten te/ bdag gi lus la de bzhin gshegs pa'i snying po yod par rtogs pa'ang de dang 'dra'o/ /rigs kyi bu/ de bas na yongs su mya ngan las 'das pa chen po'i mdo spyod pa'i nan tan la brtson 'grus bya'o/ / rigs kyi bu/ sangs rgyas kyi rang bzhin ni sangs rgyas nyag gcig gis mkhyen gyi/ nyan thos dang / rang sangs rgyas kyis ni shes pa ma yin no/ /yang bcom ldan 'das la byang </font><hr>Ka194b<br><font size=+1>


chub sems dpa' 'od srung gis gsol pa/ 'phags pa ma yin pa byis pa ma rabs ni srog chags thams cad la bdag mchis par smra'o/ /bcom ldan 'das kyis bka' stsal pa/ dper na/ rgyal bu zhig dang mi dbul po zhig mdza' bor 'thams te/ gcig gi khyim du gcig 'gro'o/ /de'i tshe na mi dbul po des rgyal bu de la ral gri shin tu bzang po gcig yod pa mthong nas chags pa'i sems skyes so/ /phyis rgyal bu de ral gri thogs te yul gzhan du song nas mi dbul po de'ang phyis gzhan zhig gi khyim na nyal ba las gnyid log pa na kha na ral gri ral gri zhes brdol lo/ /de'i gnan 'dug pa'i mis de skad ces brdol ba thos nas bzung ste rgyal po la phul lo/ /de nas rgyal pos mi de la 'di skad du khyod kyi kha nas ral gri ral gri zhes zer ba ga re zhes bka' stsal to/ /mi des rgyus zhib tu rgyas par rgyal po la gsol nas/ gal te rgyal pos bdag ga lus dang / yan lag dang / nying lag sun \?\ dum bu dum bur gtubs kyang ral gri ni bdag la ma mchis te/ bdag sngon rgyal bu che ge mo zhig dang mdza' bas rgyal bu de la ral gri bzang po gcig mchis par mig gis ni mthong gi /lag pas reg pa'i thug kyang ma thub na ched du blangs pa lta ci smos/ rgyal po des bka' stsal pa/ khyod kyis ral gri de mthong yang dag na ral gri de'i dbyibs ci 'dra/ gsol ba/ rgyal po chen po bdag </font><hr>Ka195a<br><font size=+1>


@#/ /gis mthong ba ni ra ru 'dra ba zhig mthong ngo / /rgyal pos de skad ces smras pa thos nas/ dgod de khyod mya ngan ma byed par gar dga' bar song zhig /kho bo'i mdzod na ral gri de 'dra ba mi srid na/ khyod kyi rgyal bu de la mthong ba lta smos kyang ci dgos/ de nas rgyal po des blon po rnams la bka' stsal pa/ khyed kyis ral gri de 'dra ba zhig mthong ngam zhes dris nas/ de ring po mi lon par tshe 'das so/ /de nas rgyal po de'i rgyal tshab rgyal po'i dbang bskur nas/ rgyal po des kyang blon po rnams la'ang 'di skad du khyed kyis sngon mdzod kyi nang na ral gri de 'dra ba zhig mthong ngam zhes dris so/ /blon po rnams kyis smras pa/ bdag cag gis sngon mthong ngo zhes gsol to/ /yang dris pa/ khyed kyis mthong na ral gri de'i dbyibs ci 'dra ba zhig mthong / gsol pa/ rgyal po chen po/ bdag cag gis ra ru 'dra ba zhig mthong ngo / /rgyal pos smras pa/ kho bo'i mdzod kyi nang na ral gri de 'dra ba yod mi srid do/ /de bzhin du rgyal po rabs bzhi'i bar du ral gri de rmas kyang khungs ma phyin to/ /phyis lo mang zhig lon pa'i 'og tu sngon bros pa'i rgyal bu de yul gzhan nas phyir log nas rgyal por zhugs te rgyal po'i dbang thob nas/ des kyang blon po rnams la bka' stsal pa/ khyed kyis ral gri de mthong ngam/ blon po rnams kyis gsol </font><hr>Ka195b<br><font size=+1>


pa| rgyal po chen po/ bdag cag gis mthong ngo / /smras pa/ khyed kyis ci ste mthong na ral gri de'i dbyibs ci 'dra/ blon po kha cig gsol pa/ lha'i sras shin tu gsal te/ me tog ut+pa la 'dra'o/ /kha cig gis ni/ ra ru 'dra'o zhes gsol to/ /kha cig gis ni/ kha dog dmar khyad me'i phung po 'dra'o zhes gsol to/ /kha cig gis ni/ sbrul nag po 'dra'o zhes gsol to/ /de'i tshe rgyal po de dgod nas blon po rnams la khyed kyis nga'i ral gri yang dag pa ma mthong ngo zhes bka' stsal to/ /rigs kyi bu/ byang chub sems dpa' sems dpa' chen po'ang de dang 'dra ste/ 'jig rten du byang nas bdag ces bya ba'i mtshan nyid yang dag pa bstan te/ bstan ma thag song ba ni/ dper na/ rgyal bu ral gri bzang po thogs te yul gzhan du bros pa dang mtshungs so/ /bus pa glon pa dag thams cad la bdag yod do/ /bdag yod do zhes smra ba ni/ mi dbul po gzhan gyi khyim na gnyid log pa las ral gri ral gri zhes brdol ba dang mtshungs so| |nyan thos dang / rang sangs rgyas kyis sems can rnams la bdag ces bya ba'i mtshan nyid ci 'dra ba dris na/ de la kha cig ni/ bdag tu lta ba dang bdag ces bya ba'i mtshan nyid mthe bo tsam zhig yod do zhes smra'o/ /kha cig ni/ khre'i 'brum bu tsam zhig yod do zhes smra'o/ /kha cig ni/ til gyi 'bru tsam zhig go zhes smra'o/ /kha cig ni/ bdag gi mtshan nyid ces bya ba sems </font><hr>Ka196a<br><font size=+1>


@#/ /la gnas te/ nyi ma lta bur 'bar zhing gsal lo zhes smra ste/ de ltar so so'i skye bo dag bdag ces bya ba'i mtshan nyid mi shes pa'ang / ji ltar blon po rnams kyis ral gri bzang po de mi shes pa bzhin no/ /byang chub sems dpas de ltar bdag ces bya ba'i mtshan nyid bstan pa bus pa glen pa dag gis mi shes pas rnam pa sna tshogs bye brag phye ste/ bdag ces bya ba'i mtshan nyid du 'dzin pa ni/ ral gri'i dbyibs ci 'dra ba zhes dris na ra ru 'dra'o zhes smra ba dang mtshungs so/ /de ltar bus pa ma rabs dag ni rgyun mi 'chad par ngan par lta ba bskyed de/ de ltar ngan par lta ba gcad pa'i phyir de bzhin gshegs pas bdag med pa bstan pa ni/ dper na/ rgyal bu dag blon po rnams la nga'i mdzod na de 'dra ba'i ral gri med do zhes smra ba dang mtshungs so/ /rigs kyi bu/ deng de bzhin gshegs pas bdag ces bya ba bstan pa ni sangs rgyas kyi rang bzhin zhes bya'o/ /de ltar sangs rgyas kyi rang bzhin de ni sangs rgyas kyis bstan pa'i chos kyi nang na ral gri shin tu gsal zhing dag pa dang mtshungs so/ /rigs kyi bu/ de la bus pa ma rabs gang de skad du legs par smra ba ni bla na med pa'i sangs rgyas kyi chos la 'bab pa ma yin no/ /de la gang zhig legs par rnam par phye ste bstan pa'i rjes su zhugs na/ de ni byang chub sems dpa'i </font><hr>Ka196b<br><font size=+1>


gzugs lta bur rig par bya'o/ /rigs kyi bu/ ji tsam du rnam pa tha dad du smra ba rig sngags dang / tshig las rnam par rgyal ba'i gtsug lag dang / yi ge la sogs pa thams cad kyang sangs rgyas kyis bstan pa yin gyi/ mu stegs can gyis bstan pa ma yin no/ /de nas bcom ldan 'das la byang chub sems dpa' 'od srung gis 'di skad ces gsol to/ /de bzhin gshegs pas ji lta bur yi ge'i ma mo rnams bstan pa lags/ bcom ldan 'das kyis bka' stsal pa/ rigs kyi bu/ sngar yi ge phyed kyi ma mo bstan pas gtsug lag dang / rigs sngags dang / tshig las rnam par rgyal ba dang / sgra skad la sogs pa 'dzin par 'gyur te/ byis pa ma rabs dag yi ge'i ma mo bslabs pas de'i 'og tu chos dang / chos ma yin pa la sogs pa shes par 'gyur ro/ /yang bcom ldan 'das la byang chub sems dpa' 'od srung gis gsol pa/ yi ge zhes bgyi ba'i don ji lta bu lags/ bka' stsal pa/ rigs kyi bu/ yi ge'i 'bru bcu bzhi po ni yi ge'i don ces bya'o/ /yi ge zhes bya ba ni mya ngan las 'das pa ste/ rtag pas na mi zag pa'o/ /gang mi zag pa de ni mi zad pa'o/ /mi zad pa zhes bya ba de ni de bzhin gshegs pa'i rdo rje'i sku'o/ /de bas na yi ge'i 'bru bcu bzhi po de ni yi ge'i ma mo'o/ /de la a zhes bya ba de ni mi 'jig pa'o/ /gang mi 'jig pa ni dkon mchog gsum zhes bya ste rdo rje lta </font><hr>Ka197a<br><font size=+1>


@#/ /bu'o/ /gzhan yang a zhes bya ba ni mi zag pa'o/ /gang mi zag pa ni de bzhin gshegs pa zhes bya ste/ de bzhin gshegs pa ni bu ga dgu nas ci'ang mi zag pas de bas na zag pa med pa zhes bya'o/ /bu ga dgu med pas mi zag pa ste/ mi zag pa ni rtag pa'o/ /rtag pa ni de bzhin gshegs pa ste/ de bzhin gshegs pa ni 'dus ma byas pas mi zag pa'o/ /gzhan yang a zhes bya ba ni yon tan gyi tshogs zhes bya'o/ /yon tan gyi tshogs ni dkon mchog gsum yin pas de'i phyir a zhes bya'o/ /de la a zhes bya ba ni slob dpon zhes bya ba'i don to/ /slob dpon zhes bya ba'i don ji lta bu zhe na/ 'jig rten na 'phags pa zhes grags pa'o/ /'phags pa zhes bya ba de'ang ji lta bu zhe na/ 'phags pa ni ma chags pa/ 'dod pa nyung ba/ chog shes pa/ yongs su dag pa/ srid pa gsum du 'khor ba'i sems can sgrol ba ni 'phags pa zhes bya'o/ /gzhan yang a zhes bya ba ni bcas pa ste/ tshul khrims lhag par bsrung zhing spyod lam gyi rjes su gzhol ba'o/ /gzhan yang a zhes bya ba ni 'phags pa'i rjes su spyod lam 'gro ba dang / sdod pa dang / bskyod pa dang / g.yo ba dang / dkon mchog gsum dang / pha ma la sri zhu dang / mchod pa dang / bkur sti dang / rim gro dang / phyag byed pa slob cing theg pa chen po la'ang slob </font><hr>Ka197b<br><font size=+1>


pa'o/ /rigs kyi bu/ khyed la sogs pa tshul khrims sdom pa dang / byang chub sems dpa' sems dpa' chen po rnams ni 'phags pa zhes bya'o/ /gzhan yang A zhes bya ba ni ston cing 'chos pa ste/ ji ltar de bzhin gshegs pas 'di dag ni bya ba'i rigs pa'o/ /'di dag ni bya ba'i mi rigs so zhes bstan pa chos ma yin pa rnams mi byed pa ni 'phags pa zhes bya ste| de bas na A zhes bya'o/ /de la i zhes bya ba ni sangs rgyas kyi chos tshangs par spyod pa rgya chen po zla ba rgyas pa ltar gsal zhing dri ma med pa ste/ khyed la sogs pa 'di dag ni bya ba'i rigs pa'o/ /'di dag ni bya ba'i mi rigs pa'o/ /'di ni don no/ /'di ni don ma yin no/ /'di ni sangs rgyas kyis gsungs pa'o/ /'di ni bdud kyis bstan pa'o zhes bshad pa ste/ de bas na i zhes bya'o/ /de la I zhes bya ba ni sangs rgyas kyi chos shin tu zab cing phra ba/ chud dka' ba/ lha dbang sgyur chen po'am/ tshangs pa chen po ltar chos kyis dbang bsgyur ba'o| |gang gzungs su 'dzin pa ni chos bsrung ba zhes bya'o/ /gzhan yang dbang sgyur ba ni 'jig rten gyi mgon po bzhi ste/ dbang sgyur ba bzhi pos ni yongs su mya ngan las 'das pa chen po'i mdo 'di srung zhing 'dzin la rgyas par ston cing 'chad pa'i dbang yang byed do/ /gzhan yang I zhes bya ba ni so so'i skye bo la chos ston pa'i dbang byed pa'o/ /gzhan yang </font><hr>Ka198a<br><font size=+1>


@#/ /I zhes bya ba ni gang dbang du 'gyur ba'i phyir bshad pa'o/ /de'ang gang zhe na/ 'di lta ste/ shin tu rgyas pa'i mdo sde la nan tan byed pa'o/ /gzhan yang I zhes bya ba ni mi gtsang ba bsal ba ltar ser sna dang / phrag dog yongs su bcad de/ thams cad bkra shis par bsgyur bas de'i phyir I zhes bya'o/ /de la u zhes bya ba ni mdo sde kun gyi nang na phul du gyur pa/ mchog dam pa/ bla ma'i yang bla mar gyur pa/ yongs su mya ngan las 'das pa chen po'o/ /gzhan yang u zhes bya ba ni de bzhin gshegs pa'i rang bzhin nyan thos dang / rang sangs rgyas thams cad kyis sngon ma thos pa ste/ gling thams cad kyi nang na byang gi sgra mi snyan mchog dam par gyur pa bzhin du/ byang chub sems dpas gal te mdo sde 'di nyan tam/ gzungs su 'dzin na/ sems can thams cad kyi phul du 'gyur/ gtso bor 'gyur/ mchog dam par 'gyur te/ de bas na mdo sde 'di ni kun gyi gtso bo mchog dam pa phul du gyur pas u zhes bya'o/ /de la u zhes bya ba ni ji ltar ba'i 'o ma ro thams cad kyi nang na mchog tu gyur pa ltar/ de bzhin gshegs pa'i rang bzhin yang de dang 'dra ste/ mdo sde thams cad kyi nang na gtso bo/ mchog dam pa phul du gyur pa'o/ /gang zhig 'di la 'phya ba'am skur na de byol song dang tha mi dad </font><hr>Ka198b<br><font size=+1>


pas rig par bya'o/ /gzhan yang U zhes bya ba ni gang zag de yang dag par dran pa'i shes rab med pas de bzhin gshegs pas gsang ba'i snying po la 'phya zhing skur bas gang zag de ni shin tu snying brtse ba'i gnas su rig par bya ste/ de ni de bzhin gshegs pa'i gsang ba'i snying po bdag med pa bstan pa dang bral bas U zhes bya'o/ /de la e zhes bya ba ni sangs rgyas kyi chos nyid mya ngan las 'das pa ste/ de bas na e zhes bya'o/ /de la ai zhes bya ba ni de bzhin gshegs pa'i don to/ /gzhan yang ai zhes bya ba ni de bzhin gshegs pa gshegs sam/ bzhugs sam/ smyang ngam/ bskum mam/ bskyod cing g.yo ba thams cad du so so'i skye bo la phan pa dang bde ba'i don du mi 'gyur ba ma yin te/ de ni ai zhes bya'o/ /de la o zhes bya ba ni nyon mongs pa'i don to/ /nyon mongs pa ni zag pa dang bcas pa zhes bya'o/ /de bzhin gshegs pa ni nyon mongs pa thams cad yongs su bcad pas o zhes bya'o/ /de la au zhes bya ba ni theg pa chen po'i don te/ yi ge 'bru bcu bzhi po mthar phyin pa'i don to/ /theg pa chen po'i mdo sde'ang de dang 'dra ste/ mdo sde thams cad kyi nang na mthar phyin pa'i mchog yin pas au zhes bya'o/ /de la oM zhes bya ba ni ma brtags pa mi gtsang ba'i dngos po thams cad bsal te/ sangs rgyas kyi bstan pa las gser </font><hr>Ka199a<br><font size=+1>


@#/ /dang dngul la sogs pa rin po che thams cad gtong nus pas aM zhes bya'o/ /de la aH zhes bya ba ni theg pa mchog gi don to/ /de ci'i phyir zhe na/ theg pa chen po'i mdo mya ngan las 'das pa chen po 'di'ang mdo sde thams cad kyi nang na gtso bo dam pa/ phul du gyur pas aH zhes bya'o/ /de la ka zhes bya ba ni sems can thams cad la snying rje skye ba ste/ ji ltar sgra gcan 'dzin bzhin du sras su 'du shes shing dge ba'i don du 'gyur bas ka zhes bya'o/ /de la kha zhes bya ba ni dge ba'i bshes gnyen ma yin pa'o/ /dge ba'i bshes gnyen ma yin pa ni dme ba btsog pa ste/ de bzhin gshegs pa'i snying po la yid mi ches pas kha zhes bya'o/ de la ga zhes bya ba ni snying po'o/ /snying po zhes bya ba ni de bzhin gshegs pa'i gsang ba'i snying po ste/ sems can thams cad la sangs rgyas kyi rang bzhin yod ces bya ba ste/ de ni ga zhes bya'o/ /de la g+ha zhes bya ba ni de bzhin gshegs pa rtag pa'i sgra'o/ /de la ji ltar na de bzhin gshegs pa rtag pa'i sgra zhe na/ 'di lta ste/ de bzhin gshegs pa rtag pa/ gnas pa/ mi 'gyur/ mi 'pho bas g+ha zhes bya'o/ /de la nga zhes bya ba ni 'du byed thams cad zhig pa'i mtshan nyid de/ de bas na nga zhes bya'o/ /de la tsa zhes bya ba ni bsgom pa'i don te/ sems can thams cad gdul ba ni bsgom pa'i don </font><hr>Ka199b<br><font size=+1>


ces bya ste tsa zhes bya'o/ /de la tsha zhes bya ba ni de bzhin gshegs pas sems can thams cad la gdugs chen po ltar skyob cing khebs pas tsha zhes bya'o/ /de la dza zhes bya ba ni/ yang dag par rnam par grol ba rga ba'i mtshan nyid med pas dza zhes bya'o/ /de la dz+ha zhes bya ba ni kun nas nyon mongs pas 'ching ba ni nags thibs po dang 'dra bas dz+ha zhes bya'o/ /de la nya zhes bya ba ni shes rab kyi don te/ yang dag pa'i chos nyid shes pas na nya zhes bya'o/ /de la Ta zhes bya ba ni dzam+bu'i gling du sku phyed bstan te/ chos bshad pa ni zla ba phyed lta bu yin pas Ta zhes bya'o/ / de la Tha zhes bya ba ni chos kyi sku yongs su rdzogs pa zla ba rgyas pa dang 'dra bas Tha zhes bya'o/ /de la Da zhes bya ba ni dge slong glen pa dag rtag pa dang / mi rtag pa mi shes te/ /pus pa chung du dang 'dra bas Da zhes bya'o/ /de la D+ha zhes bya ba ni slob dpon gyi drin mi shes te/ lus la sha zan dang 'dra bas D+ha zhes bya'o/ /de la Na zhes bya ba ni 'gags pa'i don ma yin te/ /mu stegs can lta bu yin pas Na zhes bya'o/ /de la ta zhes bya ba ni gnas gang du bcom ldan 'das kyis dge slong rnams la bka' stsal pa/ kye dge slong dag 'jigs shing skrag pa spongs shig dang / khyed la dam pa'i chos bstan to zhes byung ba ni ta zhes bya'o/ /de la tha zhes bya ba ni glen pa gti mug pa'i don te/ sems can 'khor bas rnam par glags te rnam par 'khor ba ni dar gyi srin bu'am/ </font><hr>Ka200a<br><font size=+1>


@#/ /sbur ba lta bu yin pas tha zhes bya'o/ /de la da ni sbyin pa chen po byin pa ste/ theg pa chen po yin pas da zhes bya'o/ /de la d+ha ni yon tan bsngags shing bstod pa 'di lta ste/ dkon mchog gsum ni ri rab ri'i rgyal po dang 'dra ste/ shin tu bzang zhing mtho la yangs shing che bas rdib cing 'gyel ba med pas na d+ha zhes bya'o/ /de la na ni dkon mchog gsum rab tu brtan te/ sgo'i gtan pa dang 'dra bas mi g.yo ba zhes bya ba ni na zhes bya'o/ /de la pa ni phyin ci log gi don te/ gang 'di skad du dkon mchog gsum zad cing med par 'gyur ro zhes smra na/ de ni bdag bslus pa yin par rig par bya ste/ de ni pa zhes bya'o/ /de la pha ni 'jig rten gyi bgegs te/ 'jig rten na bskal pa 'byung ba'i tshe dkon mchog gsum yang med par 'gyur ro zhes smra na/ de ni shin tu'ang glen zhing shes rab med pa ste/ 'phags pa la dbang za ba yin pas pha zhes bya'o/ /de la ba ni sangs rgyas kyi stobs bcu yin pas ba zhes bya'o/ /de la b+ha ni khur lci ba khyer ba ste/ bla na med pa'i yang dag pa'i chos phrag pa la bkur bzod pas de ni byang chub sems dpa' chen po yin par rig par bya ste/ b+ha zhes bya'o/ /de la ma ni shin tu sdom pa gnyan pa bcas pa theg pa chen po'i mdo sde yongs su mya ngan las 'da' ba chen po ste/ ma zhes bya'o/ /de la ya ni byang </font><hr>Ka200b<br><font size=+1>


chub sems dpa' rnams gnas thams cad du sems can rnams la theg pa chen po'i chos ston pas ya zhes bya'o/ /de la ra ni 'dod chags dang / zhe sdang dang / gti mug yongs su bcom nas yang dag pa'i chos ston pas ra zhes bya'o/ /de la la ni nyan thos kyi theg pa can ni 'gyur ba mi gnas pa ste/ theg pa chen po ni bstan pa mi g.yo bas nyan thos kyi theg pa spong zhing bla na med pa'i theg pa chen po la brtson pas la zhes bya'o/ /de la wa ni sangs rgyas bcom ldan 'das sems can gyi phyir chos chen po'i char phab nas 'jig rten gyi rig sngags dang / yi ge dang / gtsug lag la sogs pa ni wa zhes bya'o/ /de la sha ni zug rngu rnam pa lnga yongs su spangs pas sha zhes bya'o/ /de la Sha ni don yongs su rdzogs pa ste| gang zhig yongs su mya ngan las 'das pa don chen po'i mdo mnyan na/ de ni theg pa chen po'i mdo sde thams cad thos shing 'dzin pas Sha zhes bya'o/ /de la sa ni sems can rnams la dam pa'i chos bstan te/ sems dga' bar gyur bas sa zhes bya'o/ /de la ha ni sems rab tu dga' ba ste/ bcom ldan 'das 'du byed thams cad dang bral ba ngo mtshar che'o/ /e ma/ de bzhin gshegs pa yongs su mya ngan las 'das so zhes bya ba ni ha zhes bya'o/ /de la kaSha zhes bya ba ni bdud kyi don to/ /tshad med pa'i bdud kyis de bzhin gsheg </font><hr>Ka201a<br><font size=+1>


@#/ /pa'i gsang ba'i snying po 'jig mi nus pas k+Sha zhes bya'o/ gzhan yang k+Sha ni 'jig rten pa'i rjes su pha ma dang / chung ma dang / bu'i bar du bstan pas k+Sha zhes bya'o/ /de la r-i r-I l-i l-I zhes bya ba'i yi ge bzhi po 'di ni don rnam pa bzhi'o/ 'di lta ste/ sangs rgyas dang / chos dang / dge 'dun dang / gnyen po'i chos so/ /de la gnyen po'i chos ni 'jig rten pa'i rjes su lha sbyin ltar dge 'dun gyi dbyen byas pa dang / tshul khrims bcab pa'i phyir gzugs dang cha lugs rnam pa sna tshogs bstan kyang mkhas pa shes rab can ni khong du chud pas de la mi 'jigs te/ 'di ni 'jig rten gyi rjes su 'jug pa yin pas de'i phyir na r-i r-I l-i l-I zhes bya'o/ /dbugs rngub pa dang / lce'i dbang po dang / sna'i dbugs ring thung dang / 'dren pa las sgra'i rjes su don shes par 'gyur te/ de'ang lce dang so las rnam pa tha dad du 'gyur ro/ /de ltar yi ge'i don 'di ni sems can dag gi ngag gi las yongs su dag par 'gyur te/ sems can gyi sangs rgyas kyi rang bzhin ni yi ge la ltos pas/ gdod yongs su dag par 'gyur ba ni ma yin no/ /de ci'i phyir zhe na/ rang bzhin gyis thog ma nas rnam par dag pas phung po dang / khams dang / skye mched kyi nang na gnas kyang phung po dang / khams dang skye mched lta bu ni ma yin no/ </font><hr>Ka201b<br><font size=+1>


de bas na sems can dag ni byang chub sems dpa' rnams la skyabs su 'gro bar bya'o/ /sangs rgyas kyi rang bzhin gyi phyir sems can thams cad la khyad par med par mnyam par lta'o/ /de bas na yi ge phyed po ni mdo sde dang / gtsug lag dang / smra ba dang / tshig gis rnam par rgyal ba'i rtsa ba yin no/ /yi ge phyed po'i don ni kun nas nyon mongs pa kun gyi smra ba'i rtsa ba yin pas yi ge phyed ces bya'o/ /yi ge rdzogs pa ni dge ba'i chos thams cad smra ba'i rtsa ba'o/ /dper na/ 'jig rten na gang sdig pa mi dge ba byed pa ni skyes bu phyed ces bya'o/ /dge ba kun spyod pa ni rdzogs pa zhes bya'o/ /de ltar na mdo sde dang / gtsug lag dang / smra ba thams cad ni yi ge phyed po'i rtsa bar 'gyur ro/ de la gang zhig 'di skad du de bzhin gshegs pa dang / yang dag par rnam par grol ba'ang yi ge phyed po'i nang du 'jug ces smra na de lta ma yin no/ /de ci'i phyir zhe na/ yi ge dang bral ba'i phyir te/ de bas na de bzhin gshegs pa ni chos thams cad la ma thogs ma chags te/ yang dag par rnam par grol lo/ /de la yi ge'i don rtogs shing shes pa gang zhe na/ gang zhig de bzhin gshegs pa 'jig rten du gshegs nas yi ge phyed po med par byas pa shes na/ de ni yi ge'i don shes shing rtogs pa zhes bya'o/ /gang yi ge phyed po'i don gyi rjes su 'jug pa ni de bzhin gshegs pa'i rang bzhin mi shes pa'o/ /de la yi </font><hr>Ka202a<br><font size=+1>


@#/ /ge med pa'i don gang zhe na/ gang mi dge ba'i chos la bsnyen cing spyod pa de ni yi ge med pa zhes bya'o/ /gzhan yang yi ge med pa ni dge ba'i chos la bsnyen cing spyod kyang de bzhin gshegs pa rtag pa'am/ mi rtag gam/ ther zug gam/ ther zug ma yin pa mi shes/ chos dang dge 'dun yang mi shes/ 'dul ba dang 'dul ba ma yin pa dang / mdo sde dang mdo sde ma yin pa dang / bdud kyis bstan pa dang / sangs rgyas kyis bstan pa mi shes te/ bye brag mi phyed pa de ni yi ge med pa'i don la zhugs pa zhes bya'o/ /de ltar na ngas yi ge med pa'i don gyi rjes su 'jug pa'ang ngas bshad do/ /rigs kyi bu/ de bas na khyed kyis yi ge phyed po spangs te/ yi ge rdzogs pa la shin tu mkhas par bya'o/ /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das/ bdag cag gis yi ge'i grangs la shin tu mkhas par bgyi'o/ / bdag cag gis ston pa bla na med pa dang mjal bas de bzhin gshegs pas bstan pa'i bka' bzhin du bgyi'o/ /bcom ldan 'das kyis byang chub sems dpa' 'od srung la bka' stsal pa/ legs so/ /legs so/ gang dam pa'i chos bsnyen par 'dod pa dag de bzhin du bslab par bya'o/ /de nas bcom ldan 'das kyis byang chub sems dpa' 'od </font><hr>Ka202b<br><font size=+1>


srung la bka' stsal pa/ rigs kyi bu/ 'di lta ste/ bya'i nang na bya ka land ka dang / bya ngur pa ni gar song yang mi 'bral te lhan cig go /de bzhin du sdug bsngal ba dang / mi rtag pa dang / bdag med pa'ang de dang 'dra ste mi 'bral lo/ /byang chub sems dpa' 'od srung gis bcom ldan 'das la gsol pa/ bcom ldan 'das/ ji ltar na sdug bsngal ba dang / mi rtag pa dang / bdag med pa la bya ngur pa dang / bya ka land ka lta bu zhes bgyi/ bcom ldan 'das kyis bka' stsal pa/ rigs kyi bu/ sdug bsngal gyi chos kyang gzhan la/ bde ba'i chos kyang gzhan/ rtag pa'i chos kyang gzhan la mi rtag pa'i chos kyang gzhan/ bdag ces bgyi ba'i chos kyang gzhan la/ bdag med pa'i chos kyang gzhan no/ /dper na/ 'bras ni nas las gzhan la/ nas kyang sran ma dang / bu ram shing las gzhan no/ /de ltar rnam pa de dag thog ma myu gu byung ba nas lo ma dang me tog gi bar du ni mi rtag go /'bras bur smin nas mis yongs su spyod pa na rtag pa zhes bya'o/ /de ci'i phyir zhe na/ mtshan nyid kyis yang dag pa bden pa'i phyir ro/ /byang chub sems dpa' 'od srung gis bcom ldan 'das la gsol pa/ bcom ldan 'das/ de ltar dngos po de dag rtag pa lags na/ de bzhin gshegs pa de dang 'dra ba lags sam/ bcom ldan 'das kyis bka' stsal pa/ rigs kyi bu/ de skad ces ma zer cig /de ci'i phyir zhe na/ </font><hr>Ka203a<br><font size=+1>


@#/ /de bzhin gshegs pa la ri rab ri'i rgyal po dang 'dra'o zhes bya na/ ci bskal pas bshig pa'i tshe/ ri rab lhun po ni 'jig cing rnyil bar 'gyur na de bzhin gshegs pa'ang de'i tshe 'jig par 'gyur ram/ rigs kyi bu khyod kyis ni don de dag zhu bar mi bya'o/ /rigs kyi bu/ chos thams cad kyi nang na mya ngan las 'das pa ma gtogs par chos gcig kyang rtag ces bya ba med de/ kun rdzob tu 'bras bu ni rtag ces gsungs so/ /byang chub sems dpa' 'od srung gis bcom ldan 'das la gsol pa/ bcom ldan 'das/ legs so/ /shin tu legs so/ /bcom ldan 'das kyis gsungs pa bzhin no/ /bcom ldan 'das kyis 'od srung la bka' stsal pa/ de de bzhin te/ de de bzhin no/ /rigs kyi bu/ mdo sde la sogs pa thams cad kyi ting nge 'dzin la nan tan byas kyang yongs su mya ngan las 'das pa chen po ma thos na/ thams cad mi rtag ces smra'o/ /mdo sde 'di thos nas nyon mongs pa dang bcas kyang nyon mongs pa med pa dang 'dra ste/ lha dang mir bcas pa'i 'jig rten thams cad la phan pa dang bde ba'i don byed par 'gyur ro/ /de ci'i phyir zhe na/ bdag gi lus la sangs rgyas kyi rang bzhin yod par rtogs pas rtag pa zhes bya'o/ /rigs kyi bu/ gzhan yang dper na/ shing a mra la me tog ma byung ba ni mi rtag pa </font><hr>Ka203b<br><font size=+1>


zhes bya'o/ /'bras bu mngon du gyur nas phan pa'i don du 'gyur bas rtag pa zhes bya'o/ /de ltar na rigs kyi bu/ mdo sde thams cad las byung ba'i ting nge 'dzin bsgoms kyang yongs su mya ngan las 'das pa chen po 'di ma thos na thams cad mi rtag ces smra'o/ /gal te 'di thos nas nyon mongs pa dang bcas kyang nyon mongs pa med pa dang 'dra se/ lha dang ma thams cad la phan pa dang bde ba'i don du 'gyur ro/ /de ci'i phyir zhe na/ bdag gi lus la sangs rgyas kyi rang bzhin yod par rtogs pa zhes bya'o/ /rigs kyi bu /gzhan yang dper na/ gser gyi gar bu bzhus te zhu ba'i tshe na mi rtag pa zhes bya'o/ /zhu nas gser du gyur te phan pa'i don du gyur pa na rtag pa zhes bya'o/ /de ltar na rigs kyi bu/ mdo sde thams cad kyi ting nge 'dzin bsgoms kyang yongs su mya ngan las 'das pa chen po 'di ma thos na thams cad mi rtag ces smra'o/ /mdo sde 'di thos nas nyon mongs pa dang bcas kyang nyon mongs pa med pa dang 'dra ste/ lha dang mi thams cad la phan pa dang bde bar 'gyur ro/ /de ci'i phyir zhe na/ bdag gi lus la sangs rgyas kyi rang bzhin yod par rtogs pas rtag pa zhes bya'o/ /rigs kyi bu/ gzhan yang dper na/ til ni ma btsir ba'i tshe na mi rtag pa zhes bya'o/ /btsir te mar du gyur nas phan pa'i don du 'gyur bas rtag pa zhes bya'o/ /rigs </font><hr>Ka204a<br><font size=+1>


@#/ /kyi bu/ mdo sde thams cad kyi ting nge 'dzin bsgoms kyang yongs su mya ngan las 'das pa'i mdo sde 'di ma thos na thams cad mi rtag ces smra'o/ /mdo sde 'di thos nas nyon mongs pa dang bcas kyang nyon mongs pa med pa dang / 'dra ste/ lha dang mi thams cad la phan pa dang bde ba'i don du 'gyur ro/ /de ci'i phyir zhe na/ bdag gi lus la sangs rgyas kyi rang bzhin yod par rtogs pas rtag pa zhes bya'o/ /rigs kyi bu/ gzhan yang dper na/ 'bab chu thams cad ni rgya mtshor 'bab bo/ /de bzhin du mdo sde thams cad kyi ting nge 'dzin kyang theg pa chen po yongs su mya ngan las 'das pa'i mdo sde 'di la 'bab bo/ /de ci'i phyir zhe na/ mthar sangs rgyas kyi rang bzhin yod par legs par gsungs pa'i phyir ro/ / rigs kyi bu/ de bas na rtag pa'i chos kyang gzhan la/ mi rtag pa'i chos kyang gzhan zhes ngas gsungs te/ bdag med pa'i bar du'ang de bzhin du rgyas par rig par bya'o/ /byang chub sems dpa' 'od srung gis bcom ldan 'das la gsol pa/ bcom ldan 'das/ de bzhin gshegs pa ni slos pa'i mya ngan gyi zug rngu dang bral ba'o/ /slos pa'i mya ngan can ni gnam kyi lha lags so/ de bzhin gshegs pa ni lham lags so/ /slos pa'i mya ngan ni mi lags te/ de bzhin gshegs pa ni mi ma lags so/ /slos pa'i mya ngan can ni </font><hr>Ka204b<br><font size=+1>


srid pa nyi shu lnga po lags te/ de bzhin gshegs pa ni srid pa nyi shu lnga po ma lags so/ /de bas na de bzhin gshegs pa la slos pa'i mya ngan mi mnga' na ci'i slad du de bzhin gshegs pa la slos pa'i mya ngan mnga' zhes bsgrags shing gsungs/ bcom ldan 'das kyis bka' stsal pa/ rigs kyi bu/ 'du shes med pa'i lha ni 'du shes med pa zhes bya'o/ /gal te 'du shes med na 'tsho ba'i srog kyang med do/ /gal te 'tsho ba'i srog med na phung po dang / khams dang / skye mched ga la zhig yod de/ de bas na 'du shes med pa'i lha'i srog ni 'di na gnas so zhes smrar mi rung ngo / /rigs kyi bu/ dper na/ shing gi lha'i bu shing la gnas kyang yal ga'am/ 'dzer pa'am/ sdong po'am/ lo ma la nges par gnas zhe byar mi rung ste/ gnas ma nges kyang med ces byar ni mi rung nge / /'du shes med pa'i lha'i srog kyang de dang 'dra'o/ /rigs kyi bu/ sangs rgyas kyi chos kyang de dang 'dra ste/ shin tu zab cing rtogs par dka'o/ /de bzhin gshegs pa la slos pa'i mya ngan dang sdug bsngal ba med kyang sems can la thugs rje chen po bskyed pa'i phyir slos pa'i mya ngan yod par ston te/ sems can rnams la sgra gcan 'dzin lta bur gzigs so/ /gzhan yang / rigs kyi bu/ 'du shes med pa'i lha'i srog ni sangs rgyas nyag gcig gis mkhyen gyi/ gzhan gyis rtogs pa'am shes pa ma yin no/ /'du shes med 'du shes med min skye mched steng gi </font><hr>Ka205a<br><font size=+1>


@#/ /lha'ang de dang 'dra'o/ /'od srung / de bzhin gshegs pa'i rang bzhin ni yongs su dag cing chags pa med pa ste/ dper na/ sprul pa lta bu yin na slos pa'i mya ngan dang sdug bsngal gang zhig yod/ gal te de bzhin gshegs pa la mya ngan med na/ ji ltar sems can thams cad la phan pa'i don du 'gyur ba'i sangs rgyas kyi chos rgyas par ston par 'gyur/ ci ste med na ci'i phyir sems can thams cad la sras sgra gcan 'dzin dang 'dra bar gzigs so zhes gsungs/ ci ste sems can thams cad la sras sgra gcan 'dzin dang 'dra bar mi gzigs na de skad du gsungs pa de'ang rdzun par 'gyur ro/ /de bas na rigs kyi bu/ sangs rgyas kyang bsam gyis mi khyab la/ chos kyang bsam gyis mi khyab/ sems can gyi sangs rgyas kyi rang bzhin yang bsam gyis mi khyab/ 'du shes med pa'i lha'i tshe'i tshad kyang bsam gyis mi khyab bo/ /de bzhin gshegs pa la mya ngan yod ces bya ba dang / mya ngan med ces bya ba sangs rgyas rnams kyi spyod yul yin gyi/ nyan thos dang / rang sangs rgyas kyis shes pa ni ma yin no/ /rigs kyi bu/ 'di lta ste/ dper na/ nam mkha' stong pa la khang pa dang / rdul phra mo la sogs pa'ang mi chags te/ ci ste khang pa ni nam mkha' la mi rten zhes bya ba'ang gnas med do/ /de bas na khang pa ni nam mkha' la gnas zhe'am/ </font><hr>Ka205b<br><font size=+1>


nam mkha' la mi gnas zhes byar mi rung ngo / /byis pa so so'i skye bo dag ni khang pa nam mkha' la gnas zhes smra mod kyi/ nam mkha' ni yang dag par na gnas med do/ /de ci'i phyir zhe na/ rang bzhin gyis gnas med pa'i phyir ro/ /rigs kyi bu/ sems kyang de dang 'dra ste/ phung po dang / khams dang / skye mched la gnas zhe'am/ mi gnas zhes byar mi rung ngo / /'du shes med pa'i tshe'ang de dang 'dra ste/ de bzhin du de bzhin gshegs pa'i mya ngan yang de dang 'dra'o/ /ci ste mya ngan med na ci'i phyir sems can la sras sgra gcan 'dzin dang 'dra bar gzigs zhes gsungs/ ci ste yod na ci'i phyir rang bzhin gyis nam mkha' dang 'dra'o zhes gsungs/ rigs kyi bu/ dper na/ sgyu ma mkhan zhig khang pa dang / gsod pa dang / gso ba dang / 'ching ba dang / btang ba dang / gzhan yang gser dang / dngul dang / bai DUR+Ya dang / rin po che rnam pa sna tshogs dang / nags tshal dang / shing gel pa la sogs pa sna tshogs byas na de la ni bden pa'i rang bzhin med do/ /de bzhin gshegs pa'ang de dang 'dra ste/ 'jig rten pa'i rjes su mya ngan la sogs pa bstan gyi bden pa ni ma yin no/ /rigs kyi bu/ de bzhin gshegs pa ni yongs su mya ngan las 'das na de la mya ngan dang sdug bsngal ga la zhig yod/ gang zhig de bzhin gshegs pa yongs su mya ngan las 'das te mi rtag go snyam sems na gang zag </font><hr>Ka206a<br><font size=+1>


@#/ /de nyid mya ngan dang bcas pa yin par rig par bya'o/ /de la gang zhig de bzhin gshegs pa mya ngan las ma 'das zhe'am/ rtag pa gnas pa mi 'gyur bar sems na gang zag de ni mya ngan med pa ste/ de bzhin gshegs pa la mya ngan yod par ram/ mya ngan med par shes pa med do/ /gzhan yang rigs kyi bu/ dper na/ mi ma rabs tha ma ni skyes bu 'bring dang rab kyi chos mi shes so/ /skyes bu 'bring yang rab kyi chos mi shes so/ /skyes bu rab ni rab kyi chos kyang shes la/ 'bring dang tha ma'i chos kyang shes so/ /nyan thos dang / rang sangs rgyas kyang de dang 'dra ste/ bdag gis shes par zad kyi/ de bzhin gshegs pa ni de lta ma yin te/ bdag gis kyang mkhyen la gzhan gyis kyang mkhyen pas de'i phyir na de bzhin gshegs pa ni thogs pa med pa'i ye shes zhes bya'o/ /'jig rten gyi rjes su sgyu ma dang 'dra ba bstan pas bus pa sha'i mig can dag ni yang dag pa bden pa yin no snyam sems te/ des de bzhin gshegs pa'i thogs pa med pa'i ye shes shes par 'gyur ba'i gnas med do/ /mya ngan yod dam/ mya ngan med pa ni sangs rgyas nyag gcig gis mkhyen pas de'i phyir na bdag yod pa'i chos kyang gzhan la/ bdag med pa'i chos kyang gzhan te/ bya ngur pa dang ka land ka lta bu'o/ /gzhan yang rigs kyi bu/ sangs rgyas kyi chos ni bya </font><hr>Ka206b<br><font size=+1>


ngur pa dang ka land ka lhan cig tu 'gro ba dang mtshungs so/ /bya ngur pa dang / ka land ka ni dbyar chu brug pa na/ gnas mtho zhing btsan por phru gu glags nas gso ba'i phyir gdod gang na chu yod par 'gro'o/ /de bzhin gshegs pa 'jig rten du gshegs pa'ang de dang 'dra ste/ tshad med pa'i sems can dam pa'i chos kyis skyong ba ji ltar bya ngur pa dang / ka land ka la sogs pa gnas btsan zhing mthon por phru gu 'jog pa dang 'dra bar de bzhin gshegs pa'ang de dang 'dra ste/ sems can gyi mdzad pa kun mdzad nas yongs su mya ngan las 'das par gshegs so/ /rigs kyi bu/ des ni sdug bsngal gyi chos kyang gzhan la/ bde ba'i chos kyang gzhan te/ 'du byed thams cad ni sdug bsngal ba/ mya ngan las 'das pa ni bde ba'o/ /don dam pa ni 'du byed thams cad 'jig pa'o/ /byang chub sems dpa' 'od srung gis bcom ldan 'das la gsol pa/ bcom ldan 'das/ ji ltar na sems can mya ngan las 'da' ba thob pa dag rab tu bde ba zhes bgyi/ bcom ldan 'das kyis bka' stsal pa/ rigs kyi bu/ ngas gsungs pa ltar na/ 'du byed thams cad 'dus pa ni rga ba dang 'chi ba'o zhes gsungs so/ /bag dang ldan zhing bag byed pa/ /de ni bdud rtsi lta bu'i gnas/ /bag dang mi ldan bag med pa/ /de ni 'chi ba'i gnas yin no/ /de la bag byed pa dag ni/ /mi 'chi ba yi gnas thob bo/ /de la bag med pa dag ni/ /rtag tu 'chi ba'i </font><hr>Ka207a<br><font size=+1>


@#/ /lam du 'gro/ /gang bag mi byed pa ni 'dus byas kyi chos zhes bya'o/ /gang 'dus byas kyi chos de ni sdug bsngal ba'i mchog yin no/ /gang bag byed pa ni mya ngan las 'das pa zhes bya ste/ mya ngan las 'das pa ni bdud rtsi zhes bya ste/ bde ba'i mchog go /gal te 'du byed la zhugs na 'chi ba'i gnas zhes bya ste/ sdug bsngal gyi mchog tu 'gyur ro/ /gal te mya ngan las 'das par phyin na/ mi 'chi ba zhes bya ste/ bde ba'i mchog myong bar 'gyur ro/ /gal te bag byed na 'du byed mang po 'dus kyang rtag pa/ bde ba| mi 'chi ba/ mi 'jig pa zhes bya'o/ /de la bag med pa ni gang / bag byed pa ni gang zhe na/ 'phags pa ma yin pa bus pa ma rabs ni bag med pa ste/ 'chi ba dang bcas pa'i chos can no/ /'jig rten las 'das pa'i 'phags pa ni bag dang ldan pa ste/ rga shi med pa'o/ /de ci'i phyir zhe na/ /mchog tu bde ba'i mya ngan las 'das par zhugs pa'i phyir ro// de bas na sdug bsngal ba'i chos kyang gzhan la/ bde ba'i chos kyang gzhan no/ /bdag ces bya ba'i chos kyang gzhan la/ bdag med pa'i chos kyang gzhan te/ ji ltar sa la 'gro ba'i mi dag nam mkha'i bya'i rjes brtags na mi mthong ba bzhin no// //'phags pa yongs su mya ngan las 'das pa chen po'i mdo/ bam po bcu gnyis pa/ rigs kyi bu/ </font><hr>Ka207b<br><font size=+1>


sems can yang de dang 'dra ste/ 'phrul gyi mig ni med kyi/ nyon mongs pa dang bcas pas bdag la sangs rgyas kyi rang bzhin yod par mi mthong ngo / /de bas na ngas bdag med pa zhes bya ba bstan pa yin no/ /de ci'i phyir zhe na/ 'phrul gyi mig med pa dag bdag ces bya ba yang dag pa ni mi shes kyi/ bla dwags su bdag ces bya ba 'dzin pas nyon mongs pa'i dbang gis 'dus byas la rnam par 'du byed de/ mi rtag pa zhes bya'o/ /de bas na ngas rtag pa'i chos kyang gzhan la/ mi rtag pa'i chos kyang gzhan zhes bshad do/ /de la 'di skad ces bya'o/ /dpa' zhing rtsol nus pa dag ni/ /ri yi rtse mo la 'dug gam/ /thang ngam dgon pa gar gnas kyang / /byis pa ma rabs rtag tu mthong / /ye shes chen po'i gnas phyin te/ /bla na med pa'i stegs 'dzegs na/ /bdag gi mya ngan kun sel bas/ /sems can kun gyi mya ngan mthong / /de bzhin gshegs pa ni sems can tshad med pa'i nyon mongs pa thams cad bcom nas ye shes kyi ri bo la bzhugs pas so so'i skye bo thams cad ni rtag tu tshad med pa'i nyon mongs pas rnam par gzir bar gzigs so/ /de nas bcom ldan 'das la byang chub sems dpa' 'od srung gis 'di skad ces gsol to/ /bcom ldan 'das kyis tshigs su bcad de gsungs pa ltar ma lags so/ /de ci'i slad du zhe na/ mya ngan las 'das pa la mya ngan </font><hr>Ka208a<br><font size=+1>


@#/ /zhes bgyi ba'ang ma mchis/ dga' ba'ang ma mchis na ci'i slad du ye shes kyi stegs la 'dzegs pa dang / ri'i rtse mo lta bur phyin pa dang 'dra ste/ sems can thams cad mthong ngo zhes gsungs/ bcom ldan 'das kyis bka' stsal pa/ rigs kyi bu/ ye shes kyi stegs ni mya ngan las 'das pa la bya'o/ /mya ngan med pa ni de bzhin gshegs pa'o/ /mya ngan dang bcas pa ni byis pa ma rabs rnams so/ /byis pa ma rabs ni mya ngan dang bcas pa/ de bzhin gshegs pa ni mya ngan med pa zhes bya'o/ /ri rab kyi rtse mo zhes bya ba ni yang dag par rnam par grol ba'o/ /gang brtson 'grus la 'bad pa ni ri rab lhun po lta bu ste/ mi g.yo mi ldeg pa'o/ /sa zhes bya ba ni 'dus byas kyis rnam par 'du byed pa ste/ byis pa ma rabs dag ni sa de la gnas nas 'dus byas la rnam par 'du byed do/ /mkhas pa shes rab can dag ni mngon par sangs rgyas pa ste/ yod pa rnam par spangs nas rtag pa'i phyir de bzhin gshegs pa zhes bya'o/ /de bzhin gshegs pa ni so so'i skye bo tshad med pa dag srid pa'i zug rngus zug pa la thugs brtse ba'i phyir de bzhin gshegs pa la mya ngan yod ces bya'o// byang chub sems dpa' 'od srung gis gsol pa/ bcom ldan 'das/ bcom ldan 'das/ gal te de bzhin gshegs pa la mya ngan mnga' na/ yang dag par rdzogs pa'i sangs rgyas zhes gdags </font><hr>Ka208b<br><font size=+1>


su mi rung bar 'gyur ro/ /bcom ldan 'das kyis 'od srung la bka' stsal pa/ de'ang don med pa ma yin te/ so so'i skye bo gang dang gang gis 'dul bar 'gyur ba de dang de dag tu de bzhin gshegs pa skye ba ston to/ /skye ba ston mod kyi yang dag par skye ba med de/ de bas na de bzhin gshegs pa ni rtag pa gnas pa'i chos can te/ ka land ka dang bya ngur pa lta bu'o/ /rigs kyi bu/ gzhan yang 'di lta ste/ dper na/ gang zag dag zla ba sprin gyis chod de mi snang na/ zla ba nub bo snyam sems te/ yang dag par na zla ba la nub pa med do/ /gling gzhan du shar ba na de na gnas pa'i sems can dag ni zla ba shar ro snyam sems te/ yang dag pa na zla ba la shar pa med do/ /de ci'i phyir zhe na/ ri rab lhun pos bsgribs te mi snang gi /zla ba la shar ba'am/ nub pa zhes bya ba med do/ /de bzhin gshegs pa yang dag par rdzogs pa'i sangs rgyas kyang de dang 'dra ste/ stong gsum gyi stong chen po'i 'jig rten gyi khams su gshegs pa dzam+bu'i gling du pha dang ma'ang yod par bstan nas/ so so'i skye bo dag ni de bzhin gshegs pa dzam+bu'i gling du 'byung ngo snyam sems so/ /dzam+bu'i gling du mya ngan las 'das pa'ang bstan te/ de bzhin gshegs pa yang dag par mya ngan las 'das pa med kyang / sems can dag ni de bzhin gshegs pa mya ngan las 'das so snyam sems te/ ji ltar zla ba nub pa'i dpe bshad </font><hr>Ka209a<br><font size=+1>


@#/ /pa bzhin no/ /rigs kyi bu/ de bzhin gshegs pa nyid la'ang yang dag par na skye ba dang 'gog pa med de/ sems can gdul ba'i phyir skye ba dang / 'gog pa bstan to/ /rigs kyi bu/ dper na/ zla ba khams 'di dag tu yongs su rgyas par snang na khams gzhan du phyed du snang ngo / /khams 'di na phyed du snang na khams gzhan na rgyas par snang ngo / /dzam+bu'i gling gi mi dag zla ba thog ma shar ba mthong na tshes gcig ces zer te/ zla ba tshes pa'i 'du shes bskyed do/ /zla ba rgyas shing gang ba mthong na tshes bco lnga zhes zer te/ zla ba rgyas pa'i 'du shes bskyed do/ /yang dag par na zla ba nyid la ni skye ba dang 'bri ba med de/ ri rab lhun po'i dbang gis ni skye ba dang 'dri ba'ang yod do/ /rigs kyi bu| de bzhin gshegs pa'ang de dang 'dra ste/ dzam+bu'i gling 'dir thog ma skye ba'ang bstan/ mya ngan las 'das pa'ang bstan te/ thog ma skye ba bstan pa ni zla ba tshes pa dang 'dra'o/ / thams cad kyis gzhon nu thog ma btsas nas gom pa bdun por ba na tshes gnyis kyi zla ba lta bur sems so/ /de nas gzhon nu slob pa la zhugs pa bstan pa na tshes gsum gyi zla ba lta bur sems so/ /rab tu byung ba bstan pa na tshes brgyad kyi zla ba lta bur sems so/ /ye shes kyi 'od chen po btang nas sems can tshad med pa dang bdud mang po btul ba na </font><hr>Ka209b<br><font size=+1>


tshes bco lnga'i zla ba rgyas pa lta bur sems so/ /gzhan yang mtshan sum cu rtsa gnyis dang / dpe byad bzang po brgyad cus yongs su brgyan pa mya ngan las 'das pa bstan pa na zla ba bri ba lta bur sems so/ /de ltar sems can dag ni mthong ba mi 'dra ste/ la las ni zla ba phyed ral du mthong / la las ni zla ba rgyas par mthong / la las ni zla ba 'bri bar mthong ste/ zla ba'i rang bzhin la ni yang dag par na skye ba dang 'bri ba med de/ rtag tu rgyas shing gang ngo / /de bzhin gshegs pa'ang de dang 'dra ste/ de bas na rtag pa gnas pa mi 'gyur ba zhes bya'o/ /rigs kyi bu/ gzhan yang 'di lta ste/ dper na/ zla ba rgyas pa ni gnas gang dang gang du grong khyer ram/ grong rdal lam/ ri'am/ 'brog gam/ chu'am/ khron pa'am/ rdzing ngam/ gzhong pa'am/ gnas thams cad du snang ste/ sems can gang dpag tshad gcig gam/ dpag tshad brgya stong gi bar du song yang zla ba de bzhin du mthong ste/ de la bus pa glen pa dag 'di snyam du sems te/ bdag khyim na 'dug pa na zla ba 'di mthong na da 'brog dgon pa 'dir yang mthong ba 'di zla ba sngon mthong ba de yin nam ma yin snyam sems so/ /de la de dag che chung gi tshad kyang dpyod de/ la la ni zangs kyi kha khor tsam mo zhes zer ro/ /la la ni shing rta'i 'khor lo tsam mo zhes zer ro/ /la la ni dpag tshad bzhi bcu rtsa dgu yod do zhes zer ro/ / </font><hr>Ka210a<br><font size=+1>


@#/ /thams cad kyis zla ba'i 'od mthong yang la la ni zlum po gser gyi gzhong pa lta bur mthong ste/ de ltar zla ba'i rang bzhin gcig kyang sems can rnam pa tha dad pas sna tshogs su rnam pa tha dad par 'du shes so/ /rigs kyi bu/ de bzhin gshegs pa'ang de dang 'dra ste/ 'jig rten du mngon par gshegs nas de la lha dang mi kha cig ni 'di snyam du/ de bzhin gshegs pa 'di bdag 'ba' zhig gi mig snga na bzhugs so snyam sems so/ /sems can kha cig kyang 'di snyam du de bzhin gshegs pa ni bdag 'ba' zhig gi mig snga na snang ngo snyam sems so/ /sems can 'on pa dang / lkugs pa kha cig ni/ de bzhin gshegs pa'ang 'on nam lkugs snyam sems so// sems can skad rnam pa sna tshogs mi mthun pa'ang so so na de bzhin gshegs pa ni bdag 'ba' zhig gi skad du gsung ngo snyam sems so/ /so so nas bdag 'ba' zhig gi khyim du gshegs te/ bdag 'ba' zhig gi mchod pa bzhes so snyam sems so/ /sems can la las ni de bzhin gshegs pa'i sku tshad med pa rgya chen por mthong ngo| |la las ni sku rab tu chung ngur mthong ngo / /la las ni nyan thos kyi gzugs lta bur mthong ngo / /la las ni rang sangs rgyas kyi gzugs lta bur mthong ngo / /mu stegs </font><hr>Ka210b<br><font size=+1>


can kha cig ni/ 'di snyam du de bzhin gshegs pa ni bdag gi chos kyis rab tu byung ste/ slob pa la zhugs so snyam sems so/ /sems can la la ni 'di snyam du de bzhin gshegs pa bdag 'ba' zhig gi phyir 'jig rten du gshegs so snyam sems so/ /de bzhin gshegs pa'i rang bzhin yang dag pa ni zla ba dang 'dra ste/ chos kyi sku/ mi skye ba'i sku/ thabs kyi sku ste/ 'jig rten pa'i rjes su sngon gyi las rnam pa tshad med pa gnas thams cad du skye ba bstan pa ni zla ba dang 'dra'o/ /de bas na de bzhin gshegs pa ni rtag pa gnas pa mi 'gyur mi 'pho ba'o/ /rigs kyi bu| gzhan yang lha ma yin sgra gcan 'dzin lta bu lag pas zla ba bkab pa na 'jig rten pa dag ni zla ba shi'o zhes zer te/ yang dag par na lha ma yin gyi rgyal pos zla ba bsad pa ma yin gyi/ snang ba bsgribs su zad do/ /zla ba rgyas pa la 'bri ba med kyi/ lag pas bsgribs pas mi snang bar zad do/ /phyir lag pa bskums na 'jig rten pa dag ni zla ba phyir skyes so zhes zer te/ zla ba 'di ni sdug bsngal yang myong ngo zhes zer ro/ /gal te lha ma yin brgya stong snyed tshogs kyang zla ba la ni gnod pa byed mi nus so/ /de bzhin gshegs pa'ang de dang 'dra ste/ sems can kha cig de bzhin gshegs pa la sdig pa'i sems bskyed de/ sangs rgyas kyi sku la khrag phyung ba dang / mtshams med pa lnga byas pa dang / log sred kyi bar du byas pa bstan pa'ang phyi ma ma 'ongs </font><hr>Ka211a<br><font size=+1>


@#/ /pa'i sems can dge 'dun dang / chos 'jig cing ma rung pa byed pa'i phyir bstan par zad kyi/ gal te bdud tshad med brgya stong snyed tshogs kyang de bzhin gshegs pa'i sku la khrag mi phyin to/ /de ci'i phyir zhe na/ de bzhin gshegs pa'i sku la ni sha dang / khrag dang / chu ba dang / rtsa dang / rkang dang / rus pa med pa'i phyir ro/ /de bzhin gshegs pa ni yang dag par na 'khrug pa'am 'jig pa med de/ sems can dag ni chos dang / dge 'dun 'jig pa dang / de bzhin gshegs pa'ang med par 'gyur ro snyam sems so/ /de bzhin gshegs pa'i yang dag pa'i rang bzhin ni 'gyur ba'am 'jig pa med de/ 'jig rten pa'i rjes su de'ang bstan to/ /rigs kyi bu/ gzhan yang 'di lta ste/ dper na/ mi gnyis shig 'thabs na mtshon btab ste lus la khrag byung bar/ shi bar gyur kyang gsod pa'i 'du shes ma bskyed pas las de'i mtshan nyid de ni yang gi /lci ba ma yin no| |de bzhin gshegs pa la'ang thog ma nas gsod pa'i sems med na sku la khrag byung na las kyi mtshan nyid de ni yang gi /lci ba ma yin no/ /de ltar na de bzhin gshegs pas ma 'ongs pa'i sems can dag gdul ba'i phyir las kyi 'bras bu rnam par smin pa bsten to/ /rigs kyi bu/ gzhan yang 'di lta ste/ dper na/ sman pa mkhas pa ni brtson 'grus </font><hr>Ka211b<br><font size=+1>


bskyed de bu de la sman ston to/ /'di ni rtsa ba'i sman/ 'di ni dri'i sman/ 'di ni kha dog gi sman te/ rnam pa sna tshogs tha dad kyi/ khyod legs par shes par gyis shig ces ston na bu'ang las bsgo ba bzhin du brtson 'grus su slob ste/ sman la mkhas par byed do/ /phyis sman pa de tshe'i dus byas te shi na sman pa'i bu de 'di skad du phas bdag la rtsa ba'i sman dang / sdong bu'i sman dang / me tog gi sman dang / kha dog gi sman 'di yin no snyam bstan par dran no/ /de bzhin gshegs pa'ang de dang 'dra ste/ sems can gdul ba'i phyir tshul khrims bcas nas 'di ni tshul khrims su gsungs so/ /'di ni mtshams med pa lnga dang / dam pa'i chos la dbang skur cing dbang za ba dang / 'di ni log sred kyi las yin gyi ma byed cig ces ma 'ongs pa'i skye bo'i phyir de dag kyang bstan pa yin no/ /de bas na/ dge slong dang /sangs rgyas yongs su mya ngan las 'das pa'i 'og tu shin tu zab mo'i don gyi mdo sde ni 'di dag yin/ lci ba dang yang ba'i mtshan nyid du gsungs pa'i 'dul ba ni 'di dag yin/ chos kyi tshig rnam par spros pa chos mngon pa ni 'di yin no zhes ji ltar sman pa mkhas pas bu la sman bstan pa bzhin du mngon par bstan to/ /gzhan yang / rigs kyi bu/ 'jig rten na mi dag ni zla ba drug la zla ba lan gcig shi bar sems so/ /mtho ris kyi lha dag ni skad cig tsam gyis zla ba shi bar mthong ngo / /de ci'i phyir zhe na/ lha'i zhag ni </font><hr>Ka212a<br><font size=+1>


@#/ /ring la/ mi'i zhag ni thung ba'i phyir ro/ /rigs kyi bu/ de bzhin gshegs pa'ang de dang 'dra ste/ lha dang mi rnams kyis ni/ de bzhin gshegs pa'i sku tshe rab tu thung ngo snyam sems te/ ji ltar lha dang mi dag gis skad cig thang cig gis zla ba shi bar mthong ba bzhin no/ /de bzhin gshegs pas ni gzhan yang skad cig thang cig gis mya ngan las 'das pa khri phrag brgya stong snyed ston cing / nyon mongs pa'i bdud dang / phung po'i bdud dang / 'chi bdag gi bdud dang / lha'i bu'i bdud la sogs pa bcom pa bstan pas na lha'i bdud khri phrag brgya stong snyed kyis de bzhin gshegs pa yongs su mya ngan las 'da' bar shes so/ /gzhan yang sngon gyi las dang rgyu dang rkyen khri phrag brgya stong snyed 'jig rten gyi mtshan nyid rnam pa tha dad pa bzhin du ston te/ de ltar tshad med mtha' yas bsam gyis mi khyab pas na de bzhin gshegs pa ni rtag pa gnas pa mi 'gyur ba'o/ /gzhan yang rigs kyi bu/ 'di lta ste/ dper na/ zla ba gsal ba la ni 'gro ba thams cad blta 'dod pa'i phyir de bas na zla ba blta na dga' ba zhes bya'o/ /sems can ni 'dod chags dang / zhe sdang dang / gti mug tu bcas pas blta na dga' ba zhes mi bya'o/ /de bzhin gshegs pa ni yongs su dag pa/ dri ma med pa/ mchog dang phul du gyur pa yin pas blta na dga' ba zhes bya'o/ /gang chos la </font><hr>Ka212b<br><font size=+1>


mos pa'i skye bo dag ni blta na dga' ba dag la dga' ba mi skye'o/ /gang mi dge ba dag ni mthong bar yang mi 'dod do/ /de bas na de bzhin gshegs pa ni/ dper na/ zla ba gsal ba dang 'dra'o// rigs kyi bu/ gzhan yang 'di lta ste/ dper na/ nyi ma shar bar 'dra ba la dpyid dang / dbyar dang / dgun lta bu dus gsum tha dad de/ dgun ni nyi ma thung la/ dbyar ni nyi ma ring ste/ dpyid ni ring ba'ang ma yin/ thung ba'ang ma yin no/ /de bzhin gshegs pa'ang de dang 'dra ste/ stong gsum gyi stong chen po'i 'jig rten gyi khams 'dir sku tshe rab tu thung la/ nyan thos rnams la'ang sku tshe rab tu thung ba bstan pas de dag thams cad ni de bzhin gshegs pa'i sku tshe rab tu thung bar sems te/ dper na/ dgun gyi nyi ma dang 'dra'o/ /byang chub sems dpa' rnams la ni ring ba'ang ma yin/ thung ba'ang ma yin pa bskal pa gcig gam/ bskal pa gcig 'gribs kyi bar du bstan te/ ji ltar dpyid kyi nyi ma bzhin no/ /sangs rgyas rnams kyis ni sangs rgyas kyi sku tshe tshad med par gzigs te/ ji lar dbyar gyi nyi ma bzhin no/ /rigs kyi bu/ de bzhin gshegs pas gsungs pa shin tu rgyas pa theg pa chen po'i mdo sde 'jig rten du bstan te/ chos chen po'i char phab pa ma 'ongs pa'i dus su skyes bu gang zhig mdo sde 'di srung ngam/ 'dzin tam/ rnam par 'byed cing bstan te/ sems can la phan pa'i don byed na de byang chub sems dpa' yang </font><hr>Ka213a<br><font size=+1>


@#/ /dag pa yin par rig par bya ste/ dper na/ dbyar gyi dus su char bab pa dang mtshungs so/ /de la nyan thos dang / rang sangs rgyas kyis de bzhin gshegs pas dgongs te gsungs pa bstan pa 'di thos nas/ dper na/ dgun gyi dus dang mtshungs te/ grang ba dang lhag pa chen po dang phrad do/ /byang chub sems dpas dgongs te gsungs pa de bzhin gshegs pa rtag pa dang mi 'gyur ba bstan pa 'di thos na/ dper na/ dpyid kyi dus su myu gu thams cad 'byung ba dang mtshungs so/ /de bzhin gshegs pa'i rang bzhin la ring thung zhes bya ba med do/ /'jig rten pa'i phyir de dag bstan kyang de ni sangs rgyas kyi yang dag pa'i chos nyid do/ /rigs kyi bu/ gzhan yang 'di lta ste/ dper na/ skar ma thams cad nyin par mi snang ste/ gang zag glen pa dag ni skar ma nub ste med par song ngo snyam sems so/ /yang dag par med pa ni ma yin gyi/ nyi ma'i 'od kyis mi snang bar zad do/ /de bzhin gshegs pa'ang de dang 'dra ste/ nyan thos dang / rang sangs rgyas kyis mi mthong ba ni/ ji ltar 'jig rten pa dag gis nyin par skar ma mi mthong ba bzhin no/ /rigs kyi bu/ gzhan yang 'di lta ste/ dper na/ nam rmus pa'i tshe nyi ma dang / zla ba mi snang na bus pa glen pa dag ni nyi ma dang zla ba med par song ngo snyam sems te/ yang dag par na nyi ma dang / zla ba med par ma song ngo / /de bzhin </font><hr>Ka213b<br><font size=+1>


gshegs pa'i dam pa'i chos med par song ba na dkon mchog gsum mngon gsum du mi snang ba'ang de dang 'dra ste/ de bzhin du gtan med par song ba ni ma yin no/ /de bas na de bzhin gshegs pa ni rtag pa mi 'gyur mi 'pho bar rig par bya'o/ /de ci'i phyir zhe na/ dkon mchog gsum gyi yang dag pa nyid la ni dri mas mi gos pa'i phyir ro/ /rigs kyi bu/ gzhan yang 'di lta ste/ dper na/ zla ba shi ba'i nub mo ni skar ma phod shar na shin tu gsal te/ de ma thag tu phyir yang nub bo/ /'jig rten pa dag mthong na bkra mi shis so zhes zer ro/ /rang sangs rgyas kyang de dang 'dra ste/ sangs rgyas med pa'i 'jig rten du 'byung bas so so'i skye bo dag gis mthong na thams cad kyis de bzhin gshegs pa yang dag par mya ngan las 'das so snyam sems te mya ngan byed do/ /de bzhin gshegs pa ni yang dag par na med par ma gyur te/ ji ltar nyi ma dang / zla ba mi snang ba bzhin no/ /rigs kyi bu/ gzhan yang 'di lta ste/ dper na/ nyi ma shar na glo bur med par 'gyur ro/ /yongs su mya ngan las 'das pa chen po'i mdo sde'ang de dang 'dra ste/ 'jig rten du byung bas gal te sems can gyi rna khung du thos na mi dge ba thams cad dang mtshams med pa'i kha na ma tho ba'i las thams cad sel bar 'gyur ro/ /yongs su mya ngan las 'das pa shin tu zab mo'i spyod yul 'di ni bsam gyis mi khyab ste/ de bzhin gshegs pa'i </font><hr>Ka214a<br><font size=+1>


@#/ /rang bzhin legs par gsungs pas de'i phyir na/ rigs kyi bu dang / rigs kyi bu mo dag de bzhin gshegs pa la rtag pa dang mi 'gyur mi 'pho ba dang / dam pa'i chos kyang rgyun ma 'chad pa dang / dge 'dun yang med par mi 'gyur ba'i sems bskyed do/ /de bas na shin tu thabs mkhas pas mdo sde 'di la brtson 'grus su nan tan byas na skyes bu de ni ring po mi thogs par bla na med pa yang dag par rdzogs pa'i byang chub thob par 'gyur ro/ /de bas na mdo sde 'di ni tshad med pa'i yon tan lhun gyis grub pa zhes kyang bya| byang chub zad mi shes pa zhes kyang bya ste/ zad mi shes pas na yongs su mya ngan las 'das pa chen po zhes gdags so/ /shin tu 'od dang ldan pas dbyar gyi nyi ma dang mtshungs so| |tshogs mtha' yas pas yongs su mya ngan las 'das pa chen po zhes bya'o/ /rigs kyi bu/ 'di lta ste/ dper na/ nyi zla'i 'od ni 'od snang ba thams cad kyi mchog go /mya ngan las 'das pa chen po'i 'od kyang de dang 'dra ste/ mdo sde'i ting nge 'dzin gyi 'od thams cad pas mchog ste/ mdo sde'i ting nge 'dzin gyi 'od thams cad kyis nye ba ma yin no/ /de ci'i phyir zhe na/ yongs su mya ngan las 'das pa'i 'od 'i ni sems can dag gi ba spu'i khung bu kun tu 'jug ste/ sems can la byang chub kyi sems med kyang byang chub kyi rgyun 'gyur bar byed pas na </font><hr>Ka214b<br><font size=+1>


yongs su mya ngan las 'das pa chen po zhes bya'o/ /de nas byang chub sems dpa' 'od srung gis bcom ldan 'das la gsol pa/ bcom ldan 'das/ bcom ldan 'das kyis gsungs pa ltar na mya ngan las 'das pa chen po'i 'od zer gyis reg na sems can thams cad kyi ba spu'i bu gar 'jug pas sems can de dag la byang chub kyi sems ma mchis kyang byang chub kyi rgyur 'gyur ro zhes bgyi bde \?\ mi rung ngo / /de ci'i slad du zhe na/ bcom ldan zhe na/ bcom ldan 'das phas pham pa bzhi 'byung ba dang / mtshams med pa lnga bgyis pa dang / log sred kyi las bgyis pa 'od zer gyis reg pas byang chub kyi rgyur 'gyur na lta de dag dang tshul khrims srung zhing dge ba'i tshogs gsog pa la khyad par yang ci mchis/ gal te khyad par zhig ma mchis na de bzhin gshegs pas gnas par bgyi ba'i chos rnam pa bzhi'ang ci'i slad du gsungs/ bcom ldan 'das/ bcom ldan 'das kyis gsungs pa ltar/ sems can gang mya ngan las 'das pa chen po'i mdo sde rna khung du thos pas nyon mongs pa thams cad sel bar 'gyur na/ de bzhin gshegs pas ci'i slad du sngar 'di skad du gang zag dag sngon sangs rgyas klung gang+gA'i bye ma snyed la sems bskyed de/ mya ngan las 'das pa chen po thos kyang don shes par ma gyur to zhes gsungs so/ /gal te don mi 'tshal na nyon mongs pa thams cad ji ltar chod par 'gyur/ bcom ldan 'das kyis bka' stsal </font><hr>Ka215a<br><font size=+1>


@#/ /pa| rigs kyi bu/ log sred can ma gtogs par sems can gzhan dag mdo sde 'di thos na thams cad kyi byang chub kyi rgyur 'gyur te/ chos kyi sgra'i 'od zer ba spu'i bu gar zhugs na gdon mi za bar bla na med pa yang dag par rdzogs pa'i byang chub thob par 'gyur ro/ /de ci'i phyir zhe na/ skyes bu gang zhig sangs rgyas tshad med pa snyed la bsnyen bkur ba dang / mchod pa dang / phyag byas na yongs su mya ngan las 'das pa chen po'i mdo sde thos te/ bsod nams chung ngu rnams kyis thos par 'gyur ba ma yin no/ /de'ang ji ltar zhe na/ gang yon tan chen po dang ldan pa dag ni don chen po 'di thos par 'gyur gyi/ zhan pa chung ngu rnams kyis thos par mi 'gyur ro/ /de la don chen po zhes bya ba ni sangs rgyas rnams kyi shin tu zab pa'i gsang ba'i snying po sangs rgyas kyi rang bzhin la bya ste/ de bas na don chen po zhes bya'o/ /byang chub sems dpa' 'od srung gis yang bcom ldan 'das la gsol pa/ bcom ldan 'das/ ji ltar na byang chub tu sems ma bskyed pa dag byang chub kyi rgyur 'gyur zhes bgyi/ bcom ldan 'das kyis 'od srung la bka' stsal pa/ gang zhig yongs su mya ngan las 'das pa chen po'i mdo sde thos nas 'di skad du bdag ni byang chub tu sems bskyed mi dgos so zhes dam pa'i chos la skur na mi de rmi lam na srin po'i </font><hr>Ka215b<br><font size=+1>


gzugs mthong ste shin tu skrag par yang 'gyur la/ srin po de 'di skad du/ kye| rigs kyi bu khyod gal te byang chub tu sems ma bskyed na khyod kyi 'tsho ba'i srog gcad do zhes smras pas mi de skrag bzhin du sad nas byang chub tu sems bskyed par 'gyur ro/ /skyes bu de tshe 'phos nas gal te ngan song gsum du lhung ngam/ mi dang mtho ris kyi lhar skyes kyang byang chub kyi sems kyi rgyun mi chad de/ dran pas na gang zag de ni byang chub sems dpa' sems dpa' chen po yin par rig par bya'o/ /don de lta bas na mya ngan las 'das pa chen po'i byin dang shugs kyis byang chub tu sems ma bskyed pa'i byang chub kyi rgyur 'gyur ba zhes bya'o/ /rigs kyi bu/ de ni byang chub sems dpa'i sems bskyed pa'i rgyu dang rkyen zhes bya ste/ rgyu dang rkyen med pa ni ma yin no/ /de bas na theg pa chen po'i mdo sde dam pa 'di ni yang dag par sangs rgyas kyis gsungs pa'o/ /rigs kyi bu/ gzhan yang 'di lta ste/ dper na/ steng gi nam mkha' la char sprin gyis khebs te/ char pa chen po bab na shing skam mam/ brag gam/ ri mthon po chu mi phyin pa'i gnas thams cad du'ang 'bab ste/ shong bu dang / sa dma' ba kun tu chus yongs su gang la/ sems can tshad med pa thams cad la phan pa'i don du 'gyur ro/ /mya ngan las 'das pa chen po'i mdo sde'ang de dang 'dra ste/ chos chen po'i char sems can </font><hr>Ka216a<br><font size=+1>


@#/ /kun la phab kyang / log sred can 'ba' zhig ni byang chub kyi sems skye ba'i gnas med do/ /rigs kyi bu/ dper na/ sa bon tshigs pa ni bskal pa brgya stong gi bar du char gyis yongs su brlan kyang myu gu mi skye ste/ skye ba'i gnas med do/ /log sred can yang de dang 'dra ste/ yongs su mya ngan las 'das pa chen po'i mdo sde dam pa thos su zin kyang byang chub kyi sems kyi myu gu mi skye ste/ skye ba'i gnas med do/ /de ci'i phyir zhe na/ gang zag de ni dge ba'i rtsa ba thams cad med par byas te sa bon tshig pa dang 'dra bar gyur pas byang chub kyi rtsa ba dang myu gu mi skye'o/ /rigs kyi bu/ gzhan yang 'di lta ste/ dper na/ nor bu rin po che chu 'dang lta bu chu rnyog ma can gyi nang du bcug na nor bu'i mthus chu dang bar 'gyur gyi/ 'jim pa'i nang du bcug na dang bar mi 'gyur ro/ /mya ngan las 'das pa chen po'i mdo sde dam pa'ang de dang 'dra ste/ sems can mtshams med pa lnga byas pa dang / phas pham pa bzhi byung ba'i chu rnyog ma can lta bu'i nang du bcug na dag par 'gyur zhing / byang chub tu sems skye'ang srid kyi/ log sred can 'jim rdzab lta bu'i nang du ni lo brgya stong gi bar du bzhag kyang dag par 'gyur zhe'am/ byang chub kyi sems skye mi srid do/ /de ci'i phyir zhe na/ log sred can ni dge ba'i rtsa ba kun med par byas pas snod du ma gyur to/ /de la gal te gang zag des lo brgya </font><hr>Ka216b<br><font size=+1>


stong gi bar du mya ngan las 'das pa chen po'i mdo sde 'di mnyan tam/ 'dzin kyang byang chub tu sems bskyed mi nus so/ /de ci'i phyir zhe na/ dge ba'i sems med pa'i phyir ro/ /rigs kyi bu/ gzhan yang 'di lta ste/ dper na/ sman gyi sdong po'i nang na sman gyi rgyal po zhes bya ba ni sman gyi nang na mchog dang phul du gyur pas dar ba dang sbyar ram/ sbrang rtsi dang sbyar ram/ mar dang sbyar ram/ chu dang bsres sam/ 'o ma dang bsres sam/ phye mar btags sam/ ril bur byas sam/ lde gur bskus sam/ dris bdugs sam/ mig tu bskus sam/ 'thung ngam/ mnams pa tsam gyis kyang sems can gyi nad thams cad zhi bar byed de/ 'on kyang sman gyi sdong po de 'di snyam du sems can dag bdag gi rtsa ba blangs na lo ma brda ba'i mi rigs snyam mam/ lo ma brdas na rtsa ba blang ba'i mi rigs snyam mam/ sdong po blangs na pags pa bshu ba'i mi rigs snyam mam/ pags pa bshus na sdong po brnga ba'i mi rigs snyam mi sems te/ de ltar mi sems mod kyi/ 'on kyang sems can gyi nad kyi sdug bsngal thams cad sel nus so/ /rigs kyi bu/ mya ngan las 'das pa chen po'i mdo sde dam pa 'di'ang de dang 'dra ste/ sems can thams cad kyi phas pham pa bzhi \?\ mtshams med pa lnga dang / phyi rol dang nang gi mi dge ba'i las thams cad med par byed de/ gang byang chub tu sems ma bskyed pa dag kyang 'di'i </font><hr>Ka217a<br><font size=+1>


@#/ /dbang gis byang chub tu sems bskyed par 'gyur ro/ /de ci'i phyir zhe na/ mdo sde 'di'ang mdo sde thams cad kyi nang na rgyal po lta bu ste/ ji ltar sman gyi nang na sman gyi rgyal po lta bu'o/ /gang zhig mya ngan las 'das pa chen po 'di la nan tan byed dam/ nan tan mi byed kyang rung / mdo sde 'di'i mtshan yod pa thos te/ thos ma thag tu dad cing yid ches na nyon mongs pa'i nad thams cad med par byed kyang / log sred can dag bla na med pa yang dag par rdzogs pa'i byang chub la bde bar dgod mi nus so/ / ji ltar sman gyi rgyal po de nad thams cad 'tsho bar byed mod kyi/ nges par 'chi ba'i dus la bab pa ni ma yin no/ /rigs kyi bu/ gzhan yang 'di lta ste/ dper na/ lag pa la rma yong pa dag gis dug gzung na dug khong du 'gro'o/ /rma med pa ni gzung yang khong du mi 'gro'o/ /log sred can yang de dang 'dra ste/ byang chub kyi rgyu med pas rma med pas dug gzung ba dang mtshungs te khong du mi 'gro'o/ /rma zhes bya ba ni bla na med pa'i byang chub kyi rgyu'o/ /dug ces bya ba ni don dam pa'i sman lta bu'o/ /rma med pa ni log sred can lta bu'o/ /rigs kyi bu/ gzhan yang 'di lta ste/ dper na/ rdo rje ni cis kyang mi chog ste/ thams cad phigs shing gcog nus kyang rus spal gyi khog pa dang ra rus chogs so/ /mya ngan las 'das pa chen </font><hr>Ka217b<br><font size=+1>


po'i mdo sde 'di'ang de dang 'dra ste/ tshad med pa'i sems can byang chub kyi lam la bde bar btsud kyang log sred can dag ni byang chub kyi rgyu skyed mi nus so/ /rigs kyi bu/ gzhan yang 'di lta ste/ rtswa dan thu li ka dang / shing sba li shi dang / li ka lta bu sdong bu dang / yal ga bcad kyang de ma thag de ma thag tu phyir skyes te/ shing ta la ltar bcad nas phyir skye ba ni ma yin no| |sems can de dag kyang de dang 'dra ste/ gal te mya ngan las 'das pa chen po'i mdo sde thos na phas pham pa bzhi byung ngam/ mtshams med pa lnga byas kyang byang chub kyi rgyu phyir skye'ang srid kyi/ log sred can ni de ltar ma yin te/ mdo sde dam pa 'di thos sam/ mnyan kyang byang chub kyi rgyu skye mi srid do/ /rigs kyi bu/ gzhan yang 'di lta ste/ dper na/ shing ta la dang / tsin do ka lta bu bcad na sa bon 'tshig pa dang 'dra ste phyir mi skye'o/ /log sred can dag kyang de dang 'dra ste/ mya ngan las 'das pa chen po'i mdo sde thos kyang byang chub kyi rgyu mi skye ba ni sa bon tshig pa dang 'dra'o/ /rigs kyi bu/ gzhan yang 'di lta ste/ dper na/ char chen po bab na nam mkha' stong pa la mi chags so/ /mya ngan las 'das pa chen po'i mdo sde 'ang de dang 'dra ste/ chos kyi char kun tu phab kyang log sred can la mi chags so/ /log sred can gyi lus la rdo rje gtams pa ltar kun tu khyab pas cis kyang mi tshugs so/ / </font><hr>Ka218a<br><font size=+1>


@#/ /byang chub sems dpa' 'od srung gis bcom ldan 'das la gsol pa/ bcom ldan 'das kyis tshigs su bcad pa las kyang bka' stsal pa/ dge ba ma mthong dge mi byed/ /sdig pa mthong bas sdig pa byed/ de la 'jigs shing byol ba ni/ /ji ltar lam ngan g.yangs bzhin/ /zhes bcom ldan 'das kyis de skad ces gsungs pa'i don ji lta bu lags/ /bcom ldan 'das kyis bka' stsal pa/ rigs kyi bu/ ma mthong zhes bya ba ni sangs rgyas kyi rang bzhin ma mthong ba'o/ /dge ba zhes bya ba ni bla na med pa yang dag par rdzogs pa'i byang chub bo/ /mi byed ces bya ba ni dge ba'i bshes gnyen la bsnyen bkur mi byed pa'o/ /mthong zhes bya ba ni rgyu dang 'bras bu med par mthong ba'o/ /sdig pa zhes bya ba ni shin tu rgyas pa theg pa chen po'i mdo sde la skur ba'o/ /byed ces bya ba ni log sred can shin tu rgyas pa med par smra ba ste/ de bas na log sred can dag ni yongs su dag pa'i dge ba'i chos la 'jug cing 'bad pa'i sems med do/ /chos gang la dge ba zhes bya zhe na/ de ni mya ngan las 'das pa'o/ /mya ngan las 'das pa la 'jug cing 'bad pa ni 'phags pa'i spyod pa la nan tan byed pa'o/ /log sred can dag ni 'phags pa'i spyod pa mi spyod pas mya ngan las 'das pa la 'jug cing 'bad mi nus so/ /de la skrag par bya'o </font><hr>Ka218b<br><font size=+1>


zhes bya ba ni dam pa'i chos la skur ba ste/ gang gis skrag par bya zhe na/ mkhas pa shes rab can dag gis so/ /de ci'i phyir zhe na/ chos la skur pas dge ba'i sems med do/ /sbyor ba'i thabs med pa'i phyir ro/ /lam g.yang sa zhes bya ba ni 'du byed rnams so/ /'od srung gis yang gsol pa/ bcom ldan 'das kyis gsungs pa las/ /bya ba mthong ba gang dag lags/ / dge ba'i chos su gang dag 'gyur/ /mi 'jigs pa yi gnas ni gang / /rgyal pos bde ba'i lam bgrod bzhin/ /zhes bgyi ba'i don ni ji lta bu lags/ bcom ldan 'das kyis bka' stsal pa/ rigs kyi bu/ bya ba mthong zhes bya ba ni/ sdig pa mthol ba la bya ste/ 'khor ba'i mtha' nas sdig pa mi dge ba'i chos ci byas pa kun bshags te/ phyin pa med pa'i gnas su phyin pa'o/ /de bas na gnas de ni mi 'jigs pa ste/ dper na/ rgyal po lam du zhugs te song na lam ga nas mi rgod la sogs pa 'byol zhing 'bros so/ /de bzhin du sdig pa mi dge ba'i chos kyang mthol zhing bshags na thams cad byang bar 'gyur ro/ /gzhan yang byed pa mi mthong ba ni log sred can dag sdig pa mi dge ba'i las byas kyang mi mthong ba'o/ /log sred can dag ni nga rgyal gyi dregs pas sdig pa mi dge ba'i chos mang du byas kyang thog ma nas mi skrag mi 'jigs pa'o/ /de bas na mya ngan las 'das pa mi thob pa ni/ dper na/ spre'u dag chu'i nang </font><hr>Ka219a<br><font size=+1>


@#/ /gi zla ba 'dzin pa dang mtshungs so/ /rigs kyi bu/ gal te tshad med pa'i sems can thams cad gcig car dus gcig tu bla na med pa yang dag par rdzogs pa'i byang chub tu mngon par sangs rgyas kyang de bzhin gshegs pa de dag gis kyang log sred can dag byang chub thob par mi rigs te/ de bas na bya ba mi mthong ba zhes bya'o/ /gzhan yang sus byas pa mi mthong zhe na/ de bzhin gshegs pas mdzad pa mi mthong ngo / /de bzhin gshegs pas so so'i skye bo la sangs rgyas kyi rang bzhin bstan cing bshad kyang log sred can dag ni 'khor ba na yongs su 'khor bas shes par ram/ mthong bar mi 'gyur ro/ /de bas na de bzhin gshegs pas mdzad pa mi mthong ba zhes bya'o/ /gzhan yang log sred can dag ni mthar de bzhin gshegs pa mya ngan las 'das te yang dag par mi rtag par 'dzin pa ni/ ji ltar mar me dang mar bcas par zad pa lta bur mthong ba'o/ /de ci'i phyir zhe na/ gang zag de sdig pa mi dge ba'i las mi 'bri ba'i phyir ro/ /byang chub sems dpa' gang zhig dge ba byas pa'i las bla na med pa yang dag par rdzogs pa'i byang chub tu bsngos pa na/ log sred can dag ni de la 'phya zhing ma dad mod kyi/ 'on kyang byang chub sems dpa' rnams ni de dag kyang bla na med pa'i byang chub thob par yongs su bsngo bar byed do/ /de ci'i phyir zhe na/ sangs rgyas rnams kyi chos nyid de dang 'dra ba'i phyir ro/ /'o </font><hr>Ka219b<br><font size=+1>


ma las ni zhor 'gyur zhing / /sdig pa 'phral du smin mi 'gyur/ /me mdag thal bas yog pa la/ /glen pa brnyas pas rdzi bar 'gyur/ /log sred can dag ni mig med pa zhes bya ste/ de bas na dgra bcom pa'i lam mi mthong ngo / /dgra bcom pa ni 'khor ba'i lam ngan pa g.yang sar mi 'gro'o/ /mig med pa dag ni shin tu rgyas pa la skur bas dgra bcom pa ltar byams pa'i sems la nan tan mi byed do/ /log sred can dag shin tu rgyas pa la nan tan mi byed pa'ang de dang 'dra'o/ /skyes bu gang zhig 'di skad du bdag ni nyan thos pa'i mdo sde la ma dad kyi/ theg pa chen po la dad de 'don pa dang / klog pa dang / ston cing 'chad pa'ang byed do/ /de bas na bdag ni byang chub sems dpa' ste/ sems can thams cad la yang sangs rgyas kyi rang bzhin yod pas sems can gyi lus kyi nang na stobs bcu dang / mtshan sum cu rtsa gnyis dang / dpe byad bzang po brgyad cu'ang yod do/ /bdag smra ba dang / sangs rgyas kyis gsungs pa tha mi dad do/ /bdag dang khyed bcas su tshad med pa'i nyon mongs pa 'joms par 'gyur ba ni/ ji ltar chu snod chag pa bzhin du nyon mongs pa kun bcom pas bla na med pa yang dag par rdzogs pa'i byang chub mthong bar 'gyur ro zhes skyes bu des de skad du ston cing 'chad mod kyi/ sems can la yang dag par sangs rgyas kyi rang bzhin yod par yid ches pa ma yin te/ phan pa dang bde ba'i phyir yi ge las 'byung ba bzhin ston </font><hr>Ka220a<br><font size=+1>


@#/ /te| de ltar ston pa de ni sdig pa can zhes bya ste/ sdig pa can de ni ji ltar 'o ma las zhor 'gyur ba bzhin du 'bras bu myur du mi 'grub ba'o/ /dper na/ rgyal bo'i pho nya shin tu smra mkhas la thabs dang ldan pa zhig yul gzhan du bka' stsal te btang na lus dang srog la bab kyang rgyal po'i bka' mi 'chab bo/ /mkhas pa shes rab can yang de dang 'dra ste/ byis pa ma rabs kyi nang du lus dang srog la mi lta bar theg pa chen po shin tu rgyas pa de bzhin gshegs pa'i snying po sems can thams cad la sangs rgyas kyi rang bzhin yod pa sgrogs shing ston to/ /rigs kyi bu/ log sred can 'ga' zhig dgra bcom pa ltar 'chos te/ bas mthar gnas nam \?\ shin tu rgyas pa theg pa chen po'i mdo sde la 'phya zhing skur na bus pa ma rabs dag de la yang dag par dgra bcom pa'am/ byang chub sems dpa' sems dpa' chen po yin par 'dzin te/ log sred can dge sbyong sdig pa can de bas mthar gnas kyang / bas mthar gnas pa'i chos ma rung bar byed do/ /pha rol pos rnyed pa dang bkur sti thob pa la phrag dog gi sems skyes nas 'di skad du shin tu rgyas pa theg pa chen po'i mdo sde'ang bdud sdig to can gyis bstan pa yin te/ de bzhin gshegs pa'ang mi rtag pa'o zhes smras te/ dam pa'i chos la 'jig cing dge 'dun ma rung bar byed do/ / </font><hr>Ka220b<br><font size=+1>


gzhan yang 'di las du bdud sdig to can gyis smras pa ni dge ba'i rjes su smras pa ma yin no zhes sdig pa mi dge ba'i chos de skad ces smras te/ sdig pa de ltar byas kyang 'o ma las zhog 'gyur ba bzhin du 'bral du smin pa'ang ma yin pas/ me mdag thal bas \?\ bkab pa la brnyas pa bzhin du steng du rdzi'o/ /gang zag de ni log sred dan \?\ zhes bya ba'o/ /de bas na theg pa chen po shin tu rgyas pa'i mdo sde dam pa 'di nges par yongs su dag pa'o/ /nor bu rin po che chu rnyog pa can gyi nang du bcug na chu dang bar 'gyur ba ltar theg pa chen po'i mdo sde 'di'ang de dang 'dra'o/ /rigs kyi bu/ gzhan yang 'di lta ste/ dper na/ me tog pad+mo dag nyi ma'i 'od kyis phog ma thag tu kha 'bye'o/ /sems can thams cad kyang de dang 'dra ste/ gal te mya ngan las 'das pa chen po nyi ma lta bu mthong na sems ma bskyed pa dag sems bskyed cing byang chub kyi rgyur 'gyur ro/ /de bas na mya ngan las 'das pa'i 'od ba spu'i bu gar zhugs na rgyu dam par 'gyur ro zhes ngas gsungs so/ /log sred can ni sangs rgyas kyi rang bzhin yod kyang kha na ma tho ba'i dri ma tshad med pa snyed kyis glags pas mi thar ba ni ji ltar dar gyi srin bu'i khog pa dang 'dra ste/ las de lta bu'i rkyen gyis byang chub kyi rgyu mi skye ste/ 'khor bar 'khor ba'i mtha' mi zad par gyur to/ /rigs kyi bu/ gzhan yang 'di lta ste/ dper na/ me tog ut+pal dang / </font><hr>Ka221a<br><font size=+1>


@#/ /me tog pad+mo dang / me tog ku mu da dang / me tog puN+Da ri ka dag 'dam rdzab kyi nang nas skyes mod kyi/ 'dam gyis mi gos so/ /sems can gang mya ngan las 'das pa chen po'i mdo sde dam pa 'di la nan tan byed pa'ang de dang 'dra ste/ nyon mongs pa dang bcas mod kyi/ nyon mongs pas mi gos so/ /de ci'i phyir zhe na/ de bzhin gshegs pa'i rang bzhin gyi mtshan nyid shes pa'i phyir ro/ /rigs kyi bu/ dper na/ yul la la na shin tu bsil ba'i rlung dang ldan na/ sems can gang tsha bas gdungs pa'i lus kyi ba spu'i khung la reg na tsha bas gdungs pa med par 'gyur ro/ /theg pa chen po'i mdo sde mya ngan las 'das pa chen po 'di'ang de dang 'dra'o/ /sems can thams cad kyi ba spu'i bu gar 'jug cing byang chub kyi rgyur 'gyur bar byed de/ log sred can 'ba' zhig ni ma gtogs so/ /de ci'i phyir zhe na/ chos kyi snod ma yin pa'i phyir ro/ /rigs kyi bu/ gzhan yang 'di lta ste/ dper na/ sman pa mkhas pa rig pa rnam pa brgyad la mkhas pa dag nad thams cad zhi bar byed nus mod kyi/ nges par shi ba'i dus la bab pa la ni ma yin no/ /mdo sde'i ting nge 'dzin thams cad kyang de dang 'dra ste/ sems can thams cad kyi 'dod chags dang / zhe sdang dang / gti mug gi kun nas nyon mongs pa'i nad gso zhing kun nas nyon mongs </font><hr>Ka221b<br><font size=+1>


ba'i zug rngu 'byin nus mod kyi/ phas pham pa bzhi nyams pa dang / mtshams med pa lnga byas pa la ni ma yin no/ /rigs kyi bu/ gzhan yang 'di lta ste/ sman pa mkhas pa rig pa brgyad las kyang 'das pa dag sems can gyi nad kyi sdug bsngal thams cad sel nus mod kyi/ gdon mi za bar shi ba'i dus la bab pa la ni ma yin no/ /mya ngan las 'das pa chen po theg pa chen po'i mdo sde 'di'ang de dang 'dra ste/ sems can gyi nyon mongs pa thams cad spong bar byed cing / de bzhin gshegs pa'i yongs su dag pa'i rgyur 'gyur ba la bde bar 'jog pa dang / sems ma bskyed pa dag sems skyed par ni byed mod kyi/ nges par 'chi ba log sred can la ni ma yin no/ /rigs kyi bu/ gzhan yang 'di lta ste/ sman pa mkhas pa ni mig nad las long bar gyur pa dag ni nyi ma dang / zla ba dang / me dang / skar ma dang / gzugs rnam pa thams cad mthong bar byed nus kyi/ thog ma nas dmus long du gyur pa la ni ma yin no/ /theg pa chen po'i mdo sde mya ngan las 'das pa chen po 'di'ang de dang 'dra ste/ nyan thos dang / rang sangs rgyas kyi theg pa can yang shes rab kyi mig thob cing / tshad med mtha' yas pa'i theg pa chen po'i mdo sde la dgod pa dang / sems ma bskyed pa phas pham pa bzhi nyams pa dang / mtshams med pa lnga byas pa dag kyang byang chub tu sems skyed par byed ni nus kyi/ thog ma nas dmus </font><hr>Ka222a<br><font size=+1>


@#/ /long du gyur pa log sred can dag la ni ma yin no/ /rigs kyi bu/ gzhan yang 'di lta ste/ dper na/ sman pa shin tu mkhas pa rig pa rnam pa brgyad dang ldan pa ni sems can gyi nad thams cad gso ba'i phyir sman rnam pa mang po sbyor te/ skyug pa dang / 'khru ba dang / bsku ba dang / bdug pa dang / snar blugs pa dang / phye ma dang / ril bu la sogs pa sbyor ro/ /gal te mi dbul po sman mi 'dod pa zhig na'ang sman pas de la snying brtse ba'i phyir khyim du khrid nas nan gyis sman byed de nad 'tsho bar byed do/ /gal te bud med bu btsas pa zhig sha ma ma phyin na'ang de la sman gtong ste/ sha ma'ang 'byung la/ bu'ang bde bar btsa' bar byed do/ /theg pa chen po'i mdo sde mya ngan las 'das pa chen po 'di'ang de dang 'dra ste/ gnas gang dang gang na yod pa de dang de dag tu sems can gyi nyon mongs pa tshad med pa snyed zhi bar byed de/ phas pham pa bzhi nyams pa dang / mtshams med pa lnga byas pa dang / sems ma bskyed pa'ang sems bskyed par 'gyur na log sred can ni ma gtogs so/ /byang chub sems dpa' 'od srung gis bcom ldan 'das la gsol pa/ bcom ldan 'das/ phas pham pa bzhi nyams pa dang / mtshams ma mchis pa lnga bgyis pa dag ni ji ltar shing ta la'i mgo bcad na phyir mi skye ba dang 'dra ste/ de dag byang chub tu sems ma </font><hr>Ka222b<br><font size=+1>


bskyed pa ci'i slad du byang chub kyi rgyur 'gyur/ bcom ldan 'das kyis bka' stsal pa/ rigs kyi bu/ sems can de dag gal te rmi lam na sems can dmyal bar ltung ste/ sdug bsngal mang po myong ba rmis na 'gyod pa'i sems skyes te/ kyi hud/ bdag ci'i phyir 'di 'dra ba'i sdig pa myong bar 'gyur/ bdag ci ste sdig pa 'di las thar na gdon mi za bar byang chub tu sems bskyed par bya'o/ /da ltar myong ba 'di ni rab tu'ang sdug bsngal ba'o snyam bsams nas/ de nas sad de dam pa'i chos la 'bras bu chen po dang ldan par shes so/ /ji ltar bu chung du bags kyis cher skyes kyi bar du rtag tu 'di snyam du sems te/ sman pa de ni sman la shin tu mkhas so/ /bdag mngal na 'dug pa las bdag gi ma la sman btang bas sman gyi mthus bde bar gyur te/ bdag kyang 'tsho bar gyur to/ /ngo mtshar che'o/ /bdag gi mas zla ba bcu'i bar du sdug bsngal chen po myong ste/ bdag btsas nas kyang gsher ba mi bde ba dang ni bral/ skam pa bde ba dang ni sprad de/ mi gtsang ba bshang gci che chung yang phyags nas nu zho bsnun te/ bdag gi lus 'di dag gsos nas rim gro cher byas so/ /de bas na bdag kyang drin la lan glan pa'i phyir rim gro cher byas te/ yid dang mi 'gal bar mchod pa bya'o snyam sems so/ /phas pham pa bzhi nyams pa dang / mtshams med pa'i sdig byas pa'ang mthar dus </font><hr>Ka223a<br><font size=+1>


@#/ /byed pa na/ theg pa chen po'i mdo sde mya ngan las 'das pa chen po 'di dran par byas na sems can dmyal ba'am/ byol song gi skye gnas sam/ yi dwags sam/ lha'am mir skyes kyang mdo sde 'dis mi de'i byang chub kyi rgyur 'gyur bar byed do/ /log sred can ni ma gtogs so/ /rigs kyi bu/ gzhan yang 'di lta ste/ dper na/ sman pa mkhas pa'am/ sman pa mkhas pa'i bu sman pa gzhan las 'phags par mkhas pa dug gi sman la'ang shin tu mkhas shing / rigs sngags la'ang mkhas na sbrul gdug pa'am/ klu'am/ gdug pa gzhan dag kyang rig sngags dang sman gyi mthus gdug pa med par byed do/ /gal te lham la sman bkus te/ sbrul gdug pa la sogs pa la reg na gdug pa zhi bar 'gyur yang / gdug pa klu chen po zhes bya ba ni ma yin no/ /theg pa chen po'i mdo sde mya ngan las 'das pa chen po 'di'ang de dang 'dra ste/ sems can gang phas pham pa bzhi nyams sam/ mtshams med pa lnga byas kyang de dag gi kha na ma tho ba'i sdig pa byang zhing byang chub la dgod par byed do/ /lham la sman gyis bskus na'ang dug zhi bar byed pa ltar sems ma bskyed pa dag kyang sems bskyed cing byang chub la bde bar dgod par byed do/ /theg pa chen po mya ngan las 'das pa chen po'i mdo sde sman lta bu 'di'i mthus sems can thams cad bde bar byed </font><hr>Ka223b<br><font size=+1>


kyang klu chen po lta bu log sred can dag ni ma gtogs so/ /rigs kyi bu/ gzhan yang 'di lta ste/ dper na/ mi zhig gis dug rnam par sbyar nas rnga chen po la bskus te mi mang po'i nang du brdungs na sgra de thos par mi 'dod mod kyi/ thos pa thams cad 'chi yang glo bur du 'chi bar mi 'gyur ba 'ba' zhig ni ma gtogs so/ /theg pa chen po'i mdo sde mya ngan las 'das pa 'di'ang de dang 'dra ste/ gang dang gang na 'du byed mang po'i nang du sgra thos par gyur na 'dod chags dang / zhe sdang dang / gti mug gi nyon mongs pa kun 'byang bar 'gyur te/ de la sems shing yid la bya ba'i bsam pa med kyang mya ngan las 'das pa chen po'i mthus nyon mongs pa kun zhi bar 'gyur ro/ /phas pham pa bzhi nyams pa dang / mtshams med pa lnga byas pa dag kyang mdo sde 'di thos na bla na med pa'i byang chub kyi rgyur 'gyur te/ nyon mongs pa khang kyis 'byang bar 'gyur na glo bur du mi 'chi ba log sred can ni ma gtogs so/ /rigs kyi bu/ gzhan yang 'di lta ste/ dper na| mun sros na las bya ba thams cad gtong ste/ 'phro lus kyang sang gi bar du sdod do/ /theg pa chen po slob pa'ang de dang 'dra ste/ mdo sde'i ting nge 'dzin thams cad la nan tan byas kyang mya ngan las 'das pa chen po nyi ma lta bu 'di las de bzhin gshegs pas dgongs te gsungs pa 'di thos nas gdod byang chub kyi las byed de/ dam pa'i chos la bde bar gnas so/ / </font><hr>Ka224a<br><font size=+1>


@#/ /dper na/ char pa ni sa bon thams cad skye ba dang / 'bras bu thams cad smin pa dang / mu ge la sogs pa sel cing longs spyod dang ldan par byed do/ /de bzhin gshegs pa'i snying po chos kyi char tshad med pa 'di'ang de dang 'dra ste/ gdung ba'i nang rnam pa brgyad sel ba dang / mdo sde 'di 'jig rten du byung bas 'bras bu thams cad smin par byed pa dang / thams cad la phan pa dang bde bar 'gyur ba dang / so so'i skye bo dag sangs rgyas kyi rang bzhin mthong ba ji ltar puN+Da ri ka'i mdo las nyan thos brgyad stong rnams la lung bstan te 'bras bu chen po thob pa bzhin no/ /ji ltar ston gyi dus su las byas nas dgun sbed pa ltar las gzhan mi byed pa log sred can yang de dang 'dra ste/ dge ba'i chos la rtsol ba med do/ /rigs kyi bu/ gzhan yang 'di lta ste/ dper na/ sman pa mkhas pa zhig pha rol po'i bu zhig 'dres brlams zhes thos na sman bzang po sbyar te/ mi gcig de'i steng du mngags nas 'di skad ces khyod sman 'di thogs la de'i gan du skyol cig /ci ste mngags pa'i mi de nyid lam du yi dwags dang phrad na'ang sman de'i stobs kyis 'byol zhing 'bros par 'gyur ro/ /khyod ci ste thogs na'ang kho bo nyid don du 'gro ste/ nad pa de glo bur gyis 'chi bar mi bya'o/ /ci ste nang pa des mngags pa'i mi de'am/ kho bo nyid dang phrad na sman </font><hr>Ka224b<br><font size=+1>


gyi stobs kyis nad kyi sdug bsngal dang bral te bde bar 'gyur ro/ /theg pa chen po'i mdo sde mya ngan las 'das pa chen po 'di yang de dang 'dra ste/ dge slong ngam/ dge slong ma'am/ dge bsnyen nam/ dge bsnyen ma'am/ mu stegs can la sogs pa gang su'ang rung ste/ mdo sde 'di 'chang ngam/ 'dzin tam/ klog gam/ 'don tam/ khong du chud par byed dam/ gzhan la rgyas par ston cing 'chad dam/ bdag gis glegs bam du bris sam/ gzhan 'drir bcug na de dag thams cad byang chub kyi rgyur 'gyur ro/ /gal te phas pham pa bzhi nyams sam/ mtshams med pa lnga'i sdig byas sam/ yi dwags kyis brlams sam/ gdug pas gnod par gyur pa dag mdo sde 'di thos na sdig pa thams cad byang bar 'gyur te/ ji ltar sman pa mkhas pa de mthong na yi dwags la sogs pa 'byol zhing 'bros pa bzhin no/ /de bas na de ni byang chub sems dpa' sems dpa' chen po yang dag pa zhes bya'o/ /de ci'i phyir zhe na/ mya ngan las 'das pa chen po thos pa tsam dang / de bzhin gshegs pa rtag go bar bsams pa'i phyir ro/ /thos pa tsam gyis kyang de lta bur 'gyur na/ glegs bam du 'dri'am/ 'chang ngam/ 'dzin tam/ klog gam/ 'don pa lta smos kyang ci dgos te/ log sred can ma gtog/ \?\ bar thams cad byang chub sems dpa' sems dpa' chen po yin par rig par bya'o/ /rigs kyi bu/ gzhan </font><hr>Ka225a<br><font size=+1>


@#/ /yang 'di lta ste/ dper na/ 'on pas sgra skad ci'ang mi thos so/ /log sred can yang de dang 'dra ste/ mdo sde dam pa 'di nyan par rtsol yang mi thos so/ /de ci'i phyir zhe na/ thos pa'i rgyu med pa'i phyir ro/ /rigs kyi bu/ gzhan yang 'di lta ste/ dper na/ sman pa mkhas pa dpyad thams cad rab tu rtogs pa/ rig sngags tshad med pa'ang shes pa zhig gis rgyal po la 'di skad ces smras so/ /rgyal po chen po/ rgyal po chen po la ni nges par 'chi bar 'gyur ba'i nad yod do/ /rgyal pos smras pa/ khyod kho bo'i khong par ma phyin na/ kho bo la nges par 'chi bar 'gyur ba'i nad yod par ji ltar shes/ sman pas smras pa/ de ltar yid mi ches na bkru sman thong zhing dag nad phyir 'byung ste mthong bar 'gyur ro zhes smras kyang sman 'thung du ma btub bo/ /de nas sman pa des rig sngags kyi mthus rgyal po de'i rkub la shu ba skyes nas rkub nas srin bu dang / khrag byung bar byas so/ /rgyal po de de ltar gyur pa mthong nas shin tu skrag ste/ sman pa de la legs so/ /legs so zhes bstod nas/ sngar khyod kyi tshig ma nyan te/ da'ang khyod kyis bdag gi lus la shin tu phan pa chen po byas so zhes smras nas/ sman pa de la pha ma lta bur bkur sti byed do/ /theg pa chen po'i mdo sde mya ngan las 'das pa chen po'ang de dang 'dra ste/ sems can gang 'dod pa dang bcas pa'am/ 'dod pa med kyang rung ste/ de dag gi </font><hr>Ka225b<br><font size=+1>


nyon mongs pa thams cad zhi bar byed do/ /sems can gang rmi lam na mdo sde 'di rmis pas mchod pa dang / bkur sti byed pa ni/ ji ltar rgyal po chen pos sman pa mkhas pa la bkur sti byed pa bzhin no/ /ji ltar sman pa mkhas pas nges par 'chi bar 'gyur ba mi gso ba bzhin du mya ngan las 'das pa chen po'i mdo sde 'di'ang de dang 'dra ste/ log sred can la gso bar mi 'gyur ro/ /rigs kyi bu/ gzhan yang 'di lta ste/ dper na/ sman pa mkhas pa rig pa'i gnas brgyad la mkhas pa dag nad thams cad gso nus kyang nges par 'chi bar 'gyur ba'i nad gso nus pa ma yin no/ /sangs rgyas dang / byang chub sems dpa' rnams kyang de dang 'dra ste/ sems can rnams kyi srid pa'i kha na ma tho ba thams cad gso nus kyang nges par 'chi bar 'gyur ba lta bu log sred can dag gso nus pa ma yin no/ /rigs kyi bu/ gzhan yang 'di lta ste/ dper na/ sman pa mkhas pa rig pa'i gnas brgyad la mkhas pa sman dpyad kun dang rig pa'i gnas brgyad kyi pha rol tu phyin te/ thams cad rtogs nas/ sngar bu la chu'i nang nas 'byung ba dang / skam sa las 'byung ba dang / ri la 'byung ba'i sman thams cad ston to/ /de dag shes nas bags kyis rig pa'i gnas brgyad kyang ston to/ /de nas de ma yin pa dpyad gsang ba'i mchog kyang ston to/ /de bzhin gshegs pa yang dag par rdzogs pa'i sangs rgyas kyang de dang 'dra ste/ sngar sras dang 'dra bar dge </font><hr>Ka226a<br><font size=+1>


@#/ /slong rnams la nyon mongs pa thams cad bsal ba'i thabs bstan te/ lus gtsang bar bya ba snying po med pa'i 'du shes la nan tan byed du bcug pa de ni/ chu dang / skam sa dang / ri brag lta bu bstan pa'o/ /chu zhes bya ba ni lus sdug bsngal myong ba chu'i chu bur dang 'dra'o zhes bstan pa'o/ /skam sa zhes bya ba ni lus 'di snying po med de/ chu shing dang 'dra'o zhes bstan pa'o/ /ri brag ces bya ba ni nyon mongs pa'i nang na bdag med pa'i 'du shes bsgom pa bstan pa ste/ de bas na lus la bdag med pa zhes bya'o/ /de bzhin gshegs pas de ltar nye gnas rnams la bags kyis mdo sde dgu po bstan te/ rtogs par byas nas/ de'i 'og tu de bzhin gshegs pa'i snying po bstan te/ sras lta bu'i phyir de bzhin gshegs pa rtag go zhes bshad do/ /de bzhin gshegs pas de ltar theg pa chen po'i mdo sde mya ngan las 'das pa bstan pa ni sems can gang sems bskyed dam/ sems ma bskyed pa thams cad kyi byang chub kyi rgyur 'gyur te/ log sred can 'ba' zhig ni ma gtogs so/ / rigs kyi bu/ theg pa chen po'i mdo sde mya ngan las 'das pa chen po 'di ni tshad med mtha' yas pa ste/ bsam gyis mi khyab bo/ /de bas na 'di ni sman pa mkhas pa'i </font><hr>Ka226b<br><font size=+1>


mchog phul du gyur pa/ gtso bor gyur pa/ mdo sde kun gyi rgyal po lta bu'o/ /rigs kyi bu/ gzhan yang 'di lta ste/ dper na/ gru chen po ni rgya mtsho'i tshu rol nas rgya mtsho'i pha rol tu sgrol la/ rgya mtsho'i pha rol nas tshu rol tu'ang sgrol lo/ /de bzhin gshegs pa yang dag par rdzogs pa'i sangs rgyas kyang de dang 'dra ste/ mya ngan las 'das pa chen po'i rin po che'i grur zhugs na sems can yongs su sgrol te/ gang nas gang du 'gro bar 'gyur ba yod na de dang de dag tu sgrol zhing / de bzhin gshegs pa'i sku mthong bar mdzad do/ /de bas na de bzhin gshegs pa ni gru sgrol ba'i mkhan po lta bu'o/ /dper na/ gru gzings kyang mnyan pa yod na 'gro ba dag rgya mtsho las brgal bar gyur te/ de bzhin gshegs pa rtag tu sems can mang po sgrol ba'i don mdzad pa'ang de dang 'dra'o// //'phags pa yongs su mya ngan las 'das pa chen po'i mdo/ bam po bcu gsum pa/ rigs kyi bu/ gzhan yang 'di lta ste/ dper na/ rgya mtsho chen po las brgal ba'i grur zhugs pa dag gal te rlung dang ldan na ni skad cig thad cig gis dpag tshad tshad med pa'i pha rol tu phyin par 'gyur ro/ /gal te rlung dang mi ldan na lo tshad med pa'i bar du bsdad kyang gnas nas mi 'phags so/ /gal te gru zhig na chur nub ste/ 'chi </font><hr>Ka227a<br><font size=+1>


@#/ /bar yang 'gyur ro/ /gal te sems can dag gti mug gi 'khor ba'i rgya mtsho chen por 'du byed kyi gru la zhugs pa'ang de dang 'dra ste/ gal te mya ngan las 'das pa chen po'i rlung drag po dang phrad na myur du bla na med pa'i byang chub tu phyin par 'gyur gyi/ gal te ma phrad na bskal pa tshad med pa'i bar du 'khor bar yongs su 'khor te/ gal te na sems can dmyal ba dang / yi dwags dang / byol song gi skye gnas su ltung bar 'gyur ro/ /rigs kyi bu/ gzhan yang 'di lta ste/ dper na/ rgya mtsho chen po'i grur zhugs te yun ring po lon pa dag rlung dang mi ldan na de 'di snyam du sems so/ /bdag cag ni gdon mi za bar 'chi bar 'gyur ro snyam ste/ de ltar sems pa na ci ste rlung drag po dang phrad nas yid bzhin du rgya mtsho'i pha rol tu phyin na/ de 'di skad du rlung gis shin tu tshim par gyur to/ /bdag cag kyang bde bar rgya mtsho'i bgegs las thar bar gyur to zhes zer ro/ /sems can yun ring por gti mug gi 'khor ba'i rgya mtshor ded de/ sdug bsngal gyis gzir ba mya ngan las 'das pa chen po'i rlung dang ma phrad pa na/ de 'di snyam du sems te/ bdag cag ni gdon mi za bar sems can dmyal ba dang / yi dwags dang / byol song gi skye gnas su ltung bar 'gyur ro snyams sems so/ /de </font><hr>Ka227b<br><font size=+1>


de ltar sems pa na ci ste mya ngan las 'das pa chen po'i rlung dang phrad nas yid bzhin du bla na med pa yang dag par rdzogs pa'i byang chub la bzhag na gdod yang dag pa yin par rtogs te/ bo mtshar rmad kyi 'du shes skyes nas bdag sngon 'di lta bu'i de bzhin gshegs pa'i gsang ba'i snying po ma thos so/ /zhes zer te/ mya ngan las 'das pa chen po'i mdo sde la yongs su dad pa'i sems skye bar 'gyur ro/ /rigs kyi bu/ gzhan yang 'di lta ste/ dper na/ sbrul pags pa brje ba na de la shi ba zhes bya'am/ gsol pa/ ma lags so/ / bcom ldan 'das kyis bka' stsal pa/ rigs kyi bu/ de bzhin gshegs pa'ang de dang 'dra ste/ thabs kyis sku yongs su btang ba bstan pa la ji ltar de la de bzhin gshegs pa mi rtag go zhes bya bar rung ngam/ gsol ba/ ma lags so/ /bcom ldan 'das/ de bzhin gshegs pas dzam+bu'i gling 'dir thabs kyis sku btang ba ni/ dper na/ sbrul pags pa brje ba dang 'dra ste/ de bas na de bzhin gshegs pa ni rtag pa gnas pa zhes bya'o/ /rigs kyi bu/ gzhan yang 'di lta ste/ dber na/ gser mgar mkhas pas gser la yo byad rnam pa sna tshogs yid bzhin du rdung ngo / /de bzhin gshegs pa'ang de dang 'dra ste/ srid pa nyi shu lnga por gzugs kyi sku rnam pa sna tshogs mngon par bstan </font><hr>Ka228a<br><font size=+1>


@#/ /te/ so so'i skye bo 'khor ba las yongs su 'don pas de bzhin gshegs pa ni sku dpag tu med pa zhes bya'o/ /de ltar sku rnam pa sna tshogs ston kyang / rtag pa gnas pa mi 'gyur mi 'pho ba zhes bya'o/ /rigs kyi bu/ gzhan yang 'di lta ste/ dper na/ shing a mra dang / dzam+bu'i shing ni lo gcig la lan gsum du 'gyur ro/ /'di lta ste/ ched 'ga'i dus su ni me tog la sogs pa shin tu rgyas par 'gyur/ ched 'ga'i dus su ni 'dab ma sogs pa shin tu rgyas par 'gyur/ ched 'ga'i dus su ni 'dab ma thams cad lhags nas shing skam lta bur 'gyur ro/ /rigs kyi bu/ de khyod kyi yid la ji snyam du sems/ de'i tshe na shing de yang dag par bskams sam/ gsol pa/ ma lags so/ /bcom ldan 'das kyis bka' stsal pa/ rigs kyi bu/ de bzhin gshegs pa'ang de dang 'dra ste/ 'jig rten gsum por sku rnam pa gsum ston te/ 'di lta ste/ ched 'ga' ni thog ma bcas pa dang / ched 'ga' ni sku rdzogs pa dang / ched 'ga' ni mya ngan las 'das pa bstan te/ de bzhin gshegs pa'i sku mi rtag pa ni ma yin no/ /byang chub sems dpa' sems dpa' chen po 'od srung kyis bcom ldan 'das la legs so/ /shin tu legs so zhes bstod nas/ </font><hr>Ka228b<br><font size=+1>


bcom ldan 'das kyis gsungs pa bzhin te/ de bzhin gshegs pa ni rtag pa gnas pa mi 'gyur mi 'pho ba'o zhes gsol to/ /bcom ldan 'das kyis bka' stsal pa/ rigs kyi bu/ de bzhin gshegs pas dgongs te gsungs pa ni shin tu yang shes par dka'o/ /'di lta ste/ dper na/ rgyal po chen po zhig gis blon po rnams la sen ta pa 'on cig ces bka' stsal na/ sen ta pa zhes bya ba ming gcig la dngos por bsngo ba bzhi yod do/ /'di lta ste/ lan tshwa dang / snod dang / chu dang / rta ste dngos po 'di bzhi ni mthun no/ /de la blon po mkhas pas ni gal te rgyal po khrus bya par bsams te/ sen ta pa 'on cig ces bsgo ba'i dus na chu 'bul lo/ /rgyal po zas kyi bya ba byed pa na sen ta pa 'on cig ces bsgo ba'i dus na lan tshwa 'bul lo/ /rgyal po zas kyi bya ba byas nas skom 'thung ba na sen ta pa 'on cig ces bsgo ba'i dus na de la snod 'bul lo/ /gal te rgyal po 'gro bar gzas te sen ta pa 'on cig ces bsgo ba'i dus na rta khrid de 'ong ngo / /de ltar blon po mkhas pas ni rgyal po'i man ngag bzhi po la mkhas so/ /theg pa chen po'i mdo sde 'di'ang de dang 'dra ste/ mi rtag pa rnam pa bzhi yod do/ /theg pa chen po la shin tu mkhas pa'i skyes bu dag ni de la shin tu mkhas par bya'o/ /sangs rgyas bcom ldan </font><hr>Ka229a<br><font size=+1>


@#/ /'das 'jig rten du byung nas sems can dag la de bzhin gshegs pa mya ngan las 'das pa bshad pas skyes bu mkhas pa dag gis de bzhin gshegs pas rtag par 'dzin pa la mi rtag par bstan par shes te/ dge slong dag ni mi rtag pa'i mtshan nyid la nan tan byed du gzhug pa'i phyir ro/ /gzhan yang ched 'ga'i dus na dam pa'i chos 'jig par 'gyur ro zhes bstan pas skyes bu mkhas pa dag gis de bzhin gshegs pas gang bde bar 'dzin pa la sdug bsngal bstan par shes te/ dge slong dag sdug bsngal ba'i mtshan nyid la nan tan byed du gzhug pa'i phyir ro/ /gzhan yang 'di skad du nga la na ba'i sdug bsngal yod de/ dge 'dun yang 'jig par 'gyur ro zhes bstan pas skyes bu mkhas pa dag gis de bzhin gshegs pas bdag tu 'dzin pa rnams la bdag med pa bstan par shes te/ dge slong dag bdag med pa la nan tan byed du gzhug pa'i phyir ro/ /ched 'ga' 'di skad du stong pa nyid ces bya ba ni yang dag par rnam par grol ba'o zhes bstan pas skyes bu mkhas pa dag gis ni de bzhin gshegs pas yang dag par rnam par grol par bstan gyi/ srid pa nyi shu lnga po ni med par shes te/ dge slong dag stong pa nyid la nan tan byed du gzhug pa'i phyir </font><hr>Ka229b<br><font size=+1>


ro/ /de bas na yang dag par rnam par grol ba ni stong pa nyid do zhes bstan to/ /mi g.yo ba g.yo ba med pa zhes kyang bya ste/ rnam par grol ba de la sdug bsngal ba med pa'i phyir mi g.yo ba zhes bya'o/ /yang dag par rnam par grol ba ni mtshan ma med pas mtshan ma med pa zhes bya ste/ gzugs dang / sgra dang / dri dang / ro dang / reg bya la sogs pa med pa'i phyir mtshan ma med pa zhes bya'o/ /yang dag par rnam par grol ba ni rtag pa mi 'gyur mi 'pho ba ste/ rnam par grol ba la mi rtag pa dang / gdung bar 'gyur ba dang / 'pho ba med pas/ de bas na rnam par grol ba ni rtag pa gnas pa mi 'gyur ba bsil ba'o/ /gal te sems can thams cad la de bzhin gshegs pa'i rang bzhin yod pa bstan na de la skyes bu mkhas pas ni 'di ltar de bzhin gshegs pas rtag pa zhes bya ba'i chos bstan pa te/ dge slong dag yang dag par rtag pa'i chos la nan tan byed du gzhug par shes so/ /dge slong dag de ltar rjes su nan tan byed cing slob pa de ni nga'i nye gnas yang dag pa yin par rig par bya'o/ /de bzhin gshegs pas dgongs te gsungs pa'i snying po la mkhas pa de ni/ ji ltar rgyal po chen po de'i blon po mkhas pas rgyal po'i bsam pa shes pa dang 'dra'o/ /rigs kyi bu/ de ltar rgyal chen po de la'ang man dag tu smra ba'i tshig yod na de </font><hr>Ka230a<br><font size=+1>


@#/ /bzhin gshegs pa la yod pa lta ci smos/ rigs kyi bu/ de bas na de bzhin gshegs pas dgongs te gsungs pa ni shin tu shes par dka' ste/ mkhas pa shes rab can gyis ni ngas dgongs te gsungs pa'i chos zab mo 'di shes par 'gyur gyi/ 'jig rten na byis pa glen pa dag gis shes par 'gyur ba ma yin no/ /gzhan yang rigs kyi bu/ 'di lta ste/ dper na/ shing pa la sha dang / ka ni ka dang / a sho ka ni than chen byung na me tog dang 'bras bu mi skye ste/ gzhan yang chu las skyes pa thams cad kyang snum med la/ tshad du phyin par mi skye zhing sman thams cad kyang mthu chung bar 'gyur ro/ /rigs kyi bu/ theg pa chen po'i mdo sde yongs su mya ngan las 'das pa chen po 'di'ang de dang 'dra ste/ nga mya ngan las 'das nas sems can dag bsti stang mi byed de/ gzi brjid kyang chung bar 'gyur ro/ /de ci'i phyir zhe na/ sems can de dag de bzhin gshegs pas dgongs te gsungs pa mi shes pa'i phyir ro/ /de'ang ji lta zhe na/ sems can dag bsod nams chung ba'i phyir ro/ /rigs kyi bu/ gzhan yang de bzhin gshegs pa'i dam pa'i chos rnam par 'jig cing zad du nye ba na de'i tshe de'i dus na dge slong sdig pa spyod pa mang ste/ de bzhin gshegs pas dgongs te gsungs pa'i snying po mi shes </font><hr>Ka230b<br><font size=+1>


pas le lo dang / snyom las byed de/ de bzhin gshegs pa'i yang dag pa'i chos klog pa dang / 'don pa dang / rnam par 'byed cing ston mi nus so/ /dper na/ rkun po glen pa dag rin po che yang dag pa bor nas phub ma khung du khyer ba dang 'dra bar de bzhin gshegs pas dgongs te gsungs pa'i snying po mi shes pas mdo sde 'di la le lo byed de/ brtson 'grus mi skyed de/ kyi hud/ de dag ni ma 'ongs pa'i dus su shin tu 'jigs pa'i g.yang sa chen por lhung bar 'gyur ro/ /kyi hud/ sems can de ni theg pa chen po'i mdo sde yongs su mya ngan las 'das pa chen po 'di la brtson par mi byed kyi/ byang chub sems dpa' sems dpa' chen po 'ba' zhig gis ni mdo sde 'di'i don yang dag pa ji lta ba bzhin du 'jug ste/ 'bru dang tshig la mi chags/ de'i rjes su gzhol zhing 'gal bar mi byed pas sems can rnams la'ang de bzhin du ston to/ /rigs kyi bu/ gzhan yang 'di lta ste/ dper na/ rdzi'u 'o ma 'tshong ba dag 'o ma mang bar bya ba'i phyir chu sum gnyis bsnan nas rdzi'u gzhan la'ang 'tshong ngo / /rdzi'u des kyang de las chu sum gnyis bsnan nas grong khyer dang nye ba'i mi la 'tshong ngo / / des kyang de'i steng du chu sum gnyis bsnan nas grong khyer na gnas pa'i mi la 'tshong ngo / /des nyos nas de'i steng du'ang du'ang chu sum gnyis kyis bsnan te tshong dus su 'tshong ngo / /de'i </font><hr>Ka231a<br><font size=+1>


@#/ /tshe de'i dus na mi zhig bu'i chung ma len pa'i mgron pos nas 'o ma bzang po 'dod pa'i phyir tshong dus su 'o ma nyor song ba las/ 'o ma de dang phrad nas chus bsnan pa chu mang bar shes bzhin du dgos pa'i khar bab pas rin che'ang nyos so/ /nyos nas phyir khyim du phyin pa dang thug pa btsos na 'o ma'i ro med do/ /de ltar 'o ma'i ro med mod kyi/ kha ba'i ro las ni brgya stong snyed kyis lhag go /de ci'i phyir zhe na/ 'o mas bsgyur ba'i ro ni ro gzhan las mchog tu 'gyur ba'i phyir ro/ /rigs kyi bu/ nga mya ngan las 'das nas dam pa'i chos 'jig par ma gyur pa lo brgyad bcu na/ de'i tshe de'i dus su dzam+bu'i gling 'dir mdo sde 'di shin tu rgyas par 'gyur ro/ /de'i tshe de'i dus na dge slong sdig can dag mdo sde 'di la mdo sde btus nas phyogs cha rnam pa mang du 'byed de/ des ni dam pa'i chos kyi mdog dang / bsung dang / bro ba'i ro med par byas so| |sdig pa can dag de ltar mdo sde 'di klog gam/ 'don mod kyi de bzhin gshegs pas dgongs te gsungs pa'i don zab mo 'di med par byas kyi/ 'jig rten gyi snyan tshig don med pa brtags nas gong du smos pa ni 'og tu bcug /'og tu smos pa ni gong du bcug /thog ma dang tha mar smos pa ni bar du bcug /bar du smos pa ni thog ma </font><hr>Ka231b<br><font size=+1>


dang tha mar bcug go /de ltar dge slong sdig pa can de dag ni bdud kyi grogs yin te/ ma brtags pa'i dngos po thams cad 'chang yang de bzhin gshegs pas 'chang du gnang ngo zhes zer te/ ji ltar rdzi'u la sogs pa 'o ma'i nang du chus snon pa bzhin du dge slong sdig pa can yang de dang 'dra ste/ 'jig rten gyi tshig gis bsnan te nor bar gtan la phab pas skye bo mang du yang dag par bstan pa dang / yang dag par glegs bam du 'dri ba dang / yang dag par 'dir 'jug cing bkur sti dang / bstod pa dang / mchod pa dang / rim gro byar med par byas so/ /dge slong sdig pa can des rnyed pa dang grags pa'i phyir mdo sde 'di cung zad tsam yang ston mi nus na rgya cher ston pa lta ci smos te/ ji ltar rdzi'u dbul mos 'o ma gcig nas gcig tu 'tshong zhing ro med par 'gyur ba ltar theg pa chen po'i mdo sde yongs su mya ngan las 'das pa chen po 'di'ang de dang 'dra ste/ phyir zhing mi bro ba dang| ro med par 'gyur ro/ /de ltar ro med kyang gzhan pas stong 'gyur gyis lhag pa ni 'o ma'i ro de ro gzhan pas stong 'gyur gyis lhag pa bzhin no/ /de ci'i phyir zhe na/ theg pa chen po'i mdo sde yongs su mya ngan las 'das pa 'di nyan thos kyi mdo sde las phul du gyur/ mchog tu gyur pa ni ji ltar ba'i 'o ma ro thams cad pas mchog tu gyur pa bzhin no/ / </font><hr>Ka232a<br><font size=+1>


@#/ /de bas na yongs su mya ngan las 'das pa chen po zhes bya'o/ /rigs kyi bu/ gzhan yang rigs kyi bu dang / rigs kyi bu mo la sogs pa gang yang skyes pa'i lus mi 'dod pa med do/ /de ci'i phyir zhen/ bud med thams cad ni sdig pa thams cad kyi gnas yin pa'i phyir ro/ /rigs kyi bu/ gzhan yang 'di lta ste/ dper na| sbrang bu'i gcin gyis ni sa chen po 'di rlan par mi nus so/ /bud med ces bya ba'i 'dod chags chog mi shes pa'ang de dang 'dra ste/ 'di lta ste/ dper na/ sa chen po 'di thams cad yungs kar gyi 'brum bu tsam du dril ba'i skyes pa de snyed bud med gcig la mi tshangs pa spyad kyang chog pa'i sems med do/ /gal te klung gang+gA'i bye ma snyed kyi skyes pa bud med gcig la byin te mi tshangs par spyod du bcug kyang chog pa'am/ skyo ba med do/ /rigs kyi bu/ 'di lta ste/ dper na/ rgya mtsho chen por ni char pa dang / 'bab chu thams cad 'bab kyang rgya mtsho de la gang ba'am/ chog pa med do/ /bud med kyang chos nyid kyis de dang 'dra bas ci ste dngos po thams cad skyes par gyur te/ bud med gcig la mi tshangs par spyod kyang chog par ram/ skyo bar mi 'gyur ro/ /rigs kyi bu/ gzhan yang 'di lta ste/ dper na/ shing a sho ka dang / pa ta la dang / ka ni ka </font><hr>Ka232b<br><font size=+1>


lta bu dbyar me tog rgyas pa na bung ba dag dri dang bsung len pa chog mi shes so/ /bud med skyes pa la chags pa'ang de dang 'dra ste/ skyo mi shes so/ /rigs kyi bu/ de bas na rigs kyi bu dang / rigs kyi bu mo dag theg pa chen po yongs su mya ngan las 'das pa'i mdo sde 'di nyan na rtag tu bud med la yongs su smod de skyes pa'i lus tshol lo/ /de ci'i phyir zhe na/ theg pa chen po'i mdo sde 'di skyes bu'i mtshan dang ldan no/ /'di lta ste/ de ni sangs rgyas kyi rang bzhin no/ /de la gang sangs rgyas kyi rang bzhin mi shes pa de ni skyes bu'i mtshan med pa yin no/ /de ci'i phyir zhe na/ bdag la sangs rgyas kyi rang bzhin yod par mi shes pa'i phyir ro/ /gang sangs rgyas kyi rang bzhin mi shes pa de ni bud med ces ngas bshad do/ gang sangs rgyas kyi rang bzhin shes pa de ni skyes bu'i mtshan dang ldan pa zhes ngas bshad do/ /de la bud med gang zhig gal te bdag la sangs rgyas kyi rang bzhin yod par shes na de ni skyes ba zhes bya'o/ /rigs kyi bu/ theg pa chen po yongs su mya ngan las 'das pa'i mdo sde 'di ni tshad med/ dpag tu med/ bsam gyis mi khyab pa'i bsod nams kyi phung por rig par bya'o/ /de ci'i phyir zhe na/ de bzhin gshegs pa'i gsang ba'i snying po 'chad pa'i phyir ro/ /de bas na rigs kyi bu'am rigs kyi bu mo dag de bzhin </font><hr>Ka233a<br><font size=+1>


@#/ /gshegs pa'i gsang ba'i snying po myur du shes par 'dod na mdo sde 'di la sbyor ba'i nan tan brtson 'grus su bya'o/ /byang chub sems dpa' 'od srung gis bcom ldan 'das la gsol pa/ de de bzhin te/ de de bzhin no/ /bcom ldan 'das kyis bka' stsal pa bzhin te/ bdag kyang de bzhin gshegs pa'i gsang ba'i snying po rtogs pas skyes bu'i mtshan dang ldan no/ /de bzhin gshegs pas bskul bas nges par rtogs par gyur to/ /bcom ldan 'das kyis bka' stsal pa| legs so/ /rigs kyi bu khyod 'jig rten pa'i rjes su 'di skad smras pa legs so/ /'od srung gis gsol pa/ bdag ni 'jig rten pa'i chos kyi rjes su 'jug pa ma lags so/ /bcom ldan 'das kyis 'od srung la bka' stsal pa/ legs so/ shin tu legs so/ /khyod kyis shes pa ni bla na med pa'i chos kyi ro shin tu zab mo shes par dka' ba shes te/ ji ltar bung bdag kha dog la mi gnod par ro myong ba bzhin no/ /rigs kyi bu/ gzhan yang 'di lta bu ste/ dper na/ sbrang bu'i gcin gyis sa chen po 'di rlan par mi nus so/ /ma 'ongs pa'i dus na mdo sde 'di 'phel ba'ang de dang 'dra ste/ dam pa'i chos rnam par 'jig tu nye ba na mdo sde 'di sa phyogs 'dir sngar nub par 'gyur ro/ / </font><hr>Ka233b<br><font size=+1>


de bas na dam pa'i chos nyams par 'gyur bar rig par bya'o/ /rigs kyi bu/ gzhan yang 'di lta ste/ dper na/ dbyar 'das pa'i 'og tu ston 'byung ste/ ston gyi dus su ni rgyun mi 'chad par char ba 'bab bo/ /theg pa chen po yongs su mya ngan las 'das pa'i mdo sde 'di'ang de dang 'dra ste/ lho phyogs kyi byang chub sems dpa' rnams kyi phyir shin tu rgyas par 'gyur te/ chos kyi char gyis gnas kun tu gang bar 'gyur ro/ /dam pa'i chos 'jig tu nye ba na yul kha che yul du mi nyams par bags kyis sa'i nang du nub par 'gyur te/ de dag las kha cig ni dad/ kha cig ni mi dad do/ /de nas theg pa chen po shin tu rgyas pa'i mdo sde zil mngar gyi ro dang ldan pa thams cad sa'i nang du nub par 'gyur ro/ /mdo sde 'di nub nas theg pa chen po'i mdo sde gzhan thams cad kyang nub cing med par gyur to/ /gal te mdo sde 'di'i phun sum tshogs pa mi nyams pa mi'i nang na glang po che'i rgyal po lta bu byang chub sems dpa' la sogs pas ni/ de bzhin gshegs pa'i bla na med pa'i dam pa'i chos ring po mi thogs par med par 'gyur ba shes so/ /de nas 'jam dpal gzhon nur gyur pas bcom ldan 'das la 'di skad ces gsol to/ /bcom ldan 'das/ da ltar tsund 'di the tshom du gyur pa bcom ldan 'das kyis the tshom gcad du gsol/ </font><hr>Ka234a<br><font size=+1>


@#/ /bcom ldan 'das kyis bka' stsal pa/ ji ltar the tshom du gyur pa smros shig dang / khyod kyi the tshom bsal bar bya'o/ /'jam dpal gyis gsol pa| sangs rgyas kyi rang bzhin 'tshal cing mthong ba'i dus na de bzhin gshegs pa rtag pa lags la/ sangs rgyas kyi rang bzhin mthong bas rtag pa zhes bgyi na ma mthong ba'i sngon rol na rtag pa ma lags sam/ thog ma nas mi rtag pa zhig lags na ni/ phyis kyang mi rtag par 'gyur ba'i rigs so/ /de ci'i slad du zhe na/ dper na/ 'jig rten gyi rdzas lta bu thog ma nas ma mchis pa zhig lags la/ da mchis par rung na mchis nas kyang slar ma mchis par 'gyur te/ dngos po thams cad ni rtag pa ma lags so| |de bas na sangs rgyas dang / byang chub sems dpa' dang / nyan thos dang / rang sangs rgyas la sogs pa'ang de dang bye brag ma mchis so/ /de nas bcom ldan 'das kyis tshigs su bcad de bka' stsal pa/ thog ma yod la da ltar med/ /thog ma med la da ltar yod/ /dus gsum srid pa'i chos thams cad/ /de lta bu ni ma yin no/ /rigs kyi bu| de bas na sangs rgyas dang / byang chub sems dpa' dang / nyan thos dang / rang sangs rgyas dag tha dad pa'ang yod la/ tha dad pa'ang med do/ /'jam dpal gyis </font><hr>Ka234b<br><font size=+1>


bcom ldan 'das la gsol pa/ legs so/ /legs so/ /'phags pa'i bka' bzhin te/ bdag kyang de ltar rtogs so/ /sangs rgyas dang / byang chub sems dpa' dang / nyan thos dang / rang sangs rgyas dag tha dad pa'ang lags la/ tha dad pa'ang ma lags par 'tshal to/ /byang chub sems dpa' 'od srung gis bcom ldan 'das la gsol pa/ bcom ldan 'das kyis gsungs pa ltar sangs rgyas dang / byang chub sems dpa' dang / nyan thos dang / rang sangs rgyas dag tu tha dad pa ma mchis zhes bgyi ba de ni sems can thams cad la phan pa dang / bde ba'i don gyi slad du de bzhin gshegs pas rgyas par dbye zhing bstan du gsol/ bcom ldan 'das kyis bka' stsal pa/ rigs kyi bu/ shin tu brtags par nyon la yid la gzung zhig dang / ngas khyod la rgyas par bshad par bya'o/ /rigs kyi bu/ 'di lta ste/ dper na/ khyim bdag gam/ khyim bdag gi bu zhig la/ ba bzhon sbu mdog rnam pa tha dad pa mang du yod de/ rdzi'u gcig 'tshor bcug nas phyis dus kyi lha rjed pa zhig na/ ba thams cad bzhos te 'o ma snod gcig tu blugs so/ /'o ma de dag thams cad kha dog dkar po gcig tu mthun par mthong nas ngo mtshar rmad du gyur te/ 'di ltar ba 'di dag spu mdog tha dad na ci'i phyir 'o ma kha dog </font><hr>Ka235a<br><font size=+1>


@#/ /gcig tu gyur snyam ya mtshan du gyur te/ 'di'ang sems can gyi las kyi rnam par smin pa las 'o ma'i kha dog gcig tu gyur to snyam du sems so| |rigs kyi bu/ nyan thos dang / rang sangs rgyas dang / byang chub sems dpa' yang de dang 'dra ste/ sangs rgyas kyi rang bzhin gcig tu mthun pa ni 'o ma de dag lta bu'o// de ci'i phyir zhe na/ zag pa med par mthun pa'i phyir ro/ /so so'i skye bo dag ni sangs rgyas dang / byang chub sems dpa' dang / nyan thos dang / rang sangs rgyas dag tha dad do zhes smra ste/ nyan thos dang bus pa ma rabs dag kyang theg pa gsum lta bu ci'i phyir tha mi dad snyam the tshom za mod kyi/ de dag gis theg pa gsum char sangs rgyas kyi rang bzhin du mthun par phyis rang rtogs pa ni/ ji ltar gang zag de las kyi rgyu dang rkyen gyi dbang gis 'o ma'i kha dog gcig par shes pa bzhin no/ /rigs kyi bu/ gzhan yang 'di lta ste/ dper na/ gser rdo lta bu gang ngan pa rnams bsal te bor la bzhus na gser yang dag par 'byung ste/ rin thang yang tshad med do/ /rigs kyi bu/ nyan thos dang / rang sangs rgyas dang / byang chub sems dpa' yang de dang 'dra ste/ thams cad sangs rgyas kyi rang bzhin du sgrub par mthun no/ /de ci'i phyir zhe na/ nyon </font><hr>Ka235b<br><font size=+1>


mongs pa yongs su bsal ba'i phyir ro/ /de'ang gser rdo bzhus te ngan pa bor ba dang mtshungs so/ /de bas na sems can thams cad sangs rgyas kyi rang bzhin du mthun te/ tha dad pa med do/ /sngar de bzhin gshegs pas dgongs te gsungs pa'i snying po thos na phyis mngon par 'chang rgya ba'i tshe rang gis rig pa ni ji ltar khyim bdag des pa'i 'o ma de kha dog gcig tu rtogs pa bzhin no/ /de ci'i phyir zhe na/ dpag tu med pa'i nyon mongs pa thams cad bsal ba'i phyir ro/ /de bas na sems can thams cad sangs rgyas kyi rang bzhin gcig tu mthun te tha dad pa med pa ni/ /sngon de bzhin gshegs pas dgongs te gsungs pa'i snying po thos pa ltar/ phyis mngon par 'tshang rgya ba na rang gis rig par 'gyur ba ni ji ltar khyim bdag nges pa'i 'o ma gcig tu mthun par rig pa bzhin no/ /de ci'i phyir zhe na/ dpag tu med pa'i nyon mongs pa thams cad bsal ba'i phyir ro| |byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ ci ste sems can thams cad la sangs rgyas kyi rang bzhin mchis na sangs rgyas dang / sems can tha dad pa'i bye brag ci mchis/ de skad ces gsungs pa 'di skyon du 'gyur ro/ /de ltar sems can thams cad la sangs </font><hr>Ka236a<br><font size=+1>


@#/ /rgyas kyi rang bzhin mchis na/ ci'i slad du shA ri'i bu la sogs pa ni mya ngan las 'das pa chung ngus mya ngan las 'das par gyur/ rang sangs rgyas rnams ni mya ngan las 'das pa 'bring pos mya ngan las 'das par gyur/ byang chub sems dpa' rnams ni mya ngan las 'das pa chen pos mya ngan las 'das par gyur/ de dag la sogs pa sangs rgyas kyi rang bzhin gcig tu mthun na/ ci'i slad du de bzhin gshegs pa'i mya ngan las 'das pas yongs su mya ngan las 'das par ma gyur/ bcom ldan 'das kyis bka' stsal pa/ rigs kyi bu/ sangs rgyas bcom ldan 'das kyis mya ngan las 'da' ba thob pa ni nyan thos dang / rang sangs rgyas kyis thob pa ma yin te/ de bas na yongs su mya ngan las 'das pa chen po ni dge ba'i bshes gnyen zhes bya'o/ /gal te 'jig rten na sangs rgyas mi bzhugs kyang theg pa gnyis pos mya ngan las 'das pa gnyis po mi thob pa ma yin no/ /'od srung gis yang gsol pa/ bcom ldan 'das kyis yang 'di skad du gsungs pa'i don ji lta bu lags/ bcom ldan 'das kyis bka' stsal pa/ bskal pa tshad med dpag tu med grangs med pa'i bar du sangs rgyas bcom ldan 'das 'jig rten du lan 'ga' 'byung ste/ </font><hr>Ka236b<br><font size=+1>


theg pa rnam pa gsum 'byed cing ston to/ /rigs kyi bu/ ji ltar khyod kyis byang chub sems dpa' dang / theg pa rnam pa gnyis po la bye brag ci yod ces dris pa ni ngas sdar de bzhin gshegs pas dgongs te gsungs pa'i snying po yongs su mya ngan las 'das pa chen po 'di las don de nyid rgyas par bstan te/ dgra bcom pa rnams la dge ba'i bshes gnyen med do zhes bshad pa yin no/ /de ci'i phyir zhe na/ dgra bcom pa rnams yongs su mya ngan las 'das pa chen po thob pa'i phyir ro/ /de bas na mya ngan las 'das pa chen po ni mthar bde bar 'gyur pas na yongs su mya ngan las 'das pa chen po zhes bya'o/ /'od srung gis yang bcom ldan 'das la 'di skad ces gsol to/ /bcom ldan 'das kyis gsungs pa ltar bye brag mchis pa dang / bye brag ma mchis pa'i don du bdag gis gdod rtogs so/ /de'ang ci'i slad du zhe na/ byang chub sems dpa' dang / nyan thos dang / rang sangs rgyas la sogs pa thams cad kyang ma 'ongs pa'i dus su yongs su mya ngan las 'das pa chen po la 'bab par 'tshal to/ /dper na/ 'bab chu thams cad rgya mtshor 'bab pa ltar/ nyan thos dang / sangs rgyas thams cad kyang rtag pa zhes bgyi'i/ mi rtag pa ni ma lags so/ /de bas na bye brag kyang mchis la/ bye brag kyang ma mchis so/ /'od srung gis yang gsol </font><hr>Ka237a<br><font size=+1>


@#/ /pa/ mtshan nyid la bye brag mchis pa ji lta bu lags/ bcom ldan 'das kyis bka' stsal pa/ rigs kyi bu/ nyan thos dag ni 'o ma lta bu'o/ /rang sangs rgyas ni zho lta bu'o/ /byang chub sems dpa' ni mar ram zhun mar lta bu'o/ /sangs rgyas bcom ldan 'das ni mar gyi snying po lta bu ste/ de bas na yongs su mya ngan las 'das pa chen po 'di las mtshan nyid rnam pa bzhi tha dad par bshad do/ /'od srung gis yang gsol pa/ sems can thams cad kyi mtshan nyid ji lta bu lags/ bcom ldan 'das kyis bka' stsal pa/ rigs kyi bu/ dper na/ ba be'u byung ma thag gi 'o ma ni khrag dang 'dres so/ /byis pa ma rabs kyi mtshan nyid nyon mongs pa dang 'dres pa'ang de dang 'dra'o/ /yang 'od srung gis gsol pa/ rtswa mchog gi grong khyer na gnas pa'i rigs ngan rab tu dga' ba zhes bya ba la bcom ldan 'das kyis lung bstan pa/ khyod ni sems bskyed pa tsam gyis 'jig rten gyi khams 'dir sangs rgyas stong gi grangs su gtogs par myur du bla na med pa yang dag par rdzogs pa'i byang chub tu 'tshang rgya'o zhes lung bstan la/ btsun pa shA ri'i bu dang / maung+gal ya na la sogs pa myur du mngon par 'tshang rgya'o zhes lung mi ston/ bcom ldan 'das kyis bka' </font><hr>Ka237b<br><font size=+1>


stsal pa/ rigs kyi bu/ nyan thos dang / rang sangs rgyas dang / byang chub sems dpa' la la ni smon lam gyi dbang gis 'jig rten na yun ring du gnas shing / dam pa'i chos yun du bzung nas gdod bla na med pa'i byang chub tu 'tshang rgya'o/ /gang myur du 'grub par smon lam btab pa ni myur du 'grub bo zhes lung bstan pa yin no/ /rigs kyi bu/ gzhan yang 'di lta ste/ dper na/ tshong dpon zhig rin thang med pa'i nor bu rin po che thogs te tshong dus su 'tshong du 'ongs na/ glen pa nor ngo mi shes pa dag gis mthong na de la brnyas smod de 'phya'o/ /nor bdag gis 'di ni nor bu rin po che rin thang med pa yin no zhes smras kyang 'on kyang 'phya'o/ /de dag gcig la gcig 'di skad du 'di ni nor bu rin po che yang dag pa ma yin gyi/ shel gyi sgo nga yin no zhes zer ro/ /rigs kyi bu/ nyan thos dang / rang sangs rgyas kyang de dang 'dra ste/ gal te myur du 'grub par lung bstan pa thos na le lo dang snyom las byed de/ brnyas shing smod la 'phya ba ni/ ji ltar glen pa dag nor bu rin po che yang dag pa mi shes pa bzhin no/ /phyi ma ma 'ongs pa'i dus su dge slong dag dge ba'i chos la brtson 'grus su nan tan byed ni mi nus kyi/ dbul phongs nas zas dang skom gyis brel ba'i rkyen kyis rab tu byung ste lus gso ba'i phyir sems rgod pas sgyur 'tsho'o/ / </font><hr>Ka238a<br><font size=+1>


@#/ /ci ste de bzhin gshegs pas nyan thos dag myur du 'grub bo zhes lung bstan na 'phya zhing brnyas smod par 'gyur te/ de dag ni tshul khrims yongs su nyams kyang bla ma mi'i chos thab bo zhes smra'o/ /de bas na gang smon lam myur bar bskyed pa ni myur ba'i lung bstan to/ /gang dam pa'i chos srung zhing 'dzin pa dag ni yun ring po'i lung bstan to/ /byang chub sems dpa' 'od srung gis yang bcom ldan 'das la gsol pa/ byang chub sems dpa' sems dpa' chen po dag ji ltar na mi shigs pa'i 'khor thob par 'gyur/ bcom ldan 'das kyis 'od srung la bka' stsal pa/ byang chub sems dpa' gang dam pa'i chos srung zhing 'dzin pa la brtson 'grus rtsom na/ de'i rgyu de'i rkyen gyis 'khor mi shigs pa thob par 'gyur ro/ /byang chub sems dpa' 'od srung gis yang bcom ldan 'das la gsol ba/ ci'i rgyu ci'i rkyen gyis na sems can dag kha dang mchu bskam par 'gyur/ bcom ldan 'das kyis 'od srung la bka' stsal pa/ gang zhig dkon mchog gsum yun du gnas par mi shes na de'i rgyu de'i rkyen gyis kha dang mchu rtag tu bskam par 'gyur ro/ /mi gang mngar ba dang / kha ba dang / tsha ba dang / skyur ba dang / bsngal ba dang / lan tshwa'i ro la sogs pa bro ba rnam </font><hr>Ka238b<br><font size=+1>


pa drug bye brag mi phyed cing mi rtogs par 'gyur/ sems can thams cad glen zhing gti mug pa'i dbang gis dkon mchog gsum rtag par mi shes na/ de'i phyir kha dang mchu rtag par bskam par 'gyur ro/ /rigs kyi bu/ gzhan yang 'di lta ste/ sems can gang zhig de bzhin gshegs pa la rtag pa nyid du mi shes na gang zag de ni dmus long du rig par bya'o/ /sems can gang zhig de bzhin gshegs pa rtag pa nyid du shes na gang zag de ni sha'i mig can yin mod kyi/ lha'i mig dang ldan par ngas bshad do/ /rigs kyi bu/ gzhan yang 'di lta ste/ gang zhig de bzhin gshegs pa la rtag pa nyid du shes na gang zag de ni yun ring po nas mdo sde 'di la nan tan byas pa yin te/ lha'i mig dang ldan par rig par bya'o/ /gang zhig lha'i mig dang ldan du zin kyang gal te de bzhin gshegs pa la rtag pa nyid du mi shes na de ni sha'i mig can zhes bya ste/ gang zag de ni bdag gi lus kyi yan lag dang / nying lag kyang mi shes la/ gzhan dag kyang shes par byed mi nus te/ de bas na sha'i mig can zhes bya'o/ /rigs kyi bu/ gzhan yang 'di lta ste/ de bzhin gshegs pa ni rtag tu sems can thams cad kyi pha ma mdzad do/ /de ci'i phyir zhe na/ sems can rnam pa sna tshogs rkang gnyis dang / rkang bzhi dang / rkang mang dang / rkang </font><hr>Ka239a<br><font size=+1>


@#/ /med thams cad la de bzhin gshegs pas gsung gcig gis chos bstan na rnam pa tha dad pa de dang de dag thams cad kyis so sor go ste/ de dag so so nas de bzhin gshegs pa ni deng bdag 'ba' zhig la chos bstan to snyam sems te/ de bas na pha ma lta bu zhes bya'o/ /rigs kyi bu/ gzhan yang 'di lta ste/ bus pa btsas nas nam zla ba bcu drug lon pa dag smrar rtsol mod kyi/ go ba'am brda phrad pa nyid du mi lcogs te/ de'i pha mas skad bslab pa'i phyir bus pa ci zer ba bzhin du smra ste/ bags kyis ston na/ ci khye'u de'i pha ma de'ang skad mi lcogs te zur ma phyin pa yin nam/ gsol pa/ ma lags so/ /bcom ldan 'das kyis bka' stsal pa/ rigs kyi bu/ de bzhin gshegs pa'ang de dang 'dra ste/ sems can rnam pa sna tshogs kyi rjes su gsung rnam pa sna tshogs kyis chos ston to/ /dam pa'i chos la dgod pa'i phyir ci rigs su cha lugs rnam pa sna tshogs ston te/ de bzhin gshegs pa de dang mthun pa'i skad gsung na/ ci de'ang ma lcogs pa yin nam/ gsol ba/ ma lags so/ /bcom ldan 'das/ ci'i slad du zhe na/ de bzhin gshegs pa'i gsung ni seng ge'i sgra lta bu ste/ 'jig rten pa rnam pa sna tshogs kyi rjes su gsung rnam pa sna tshogs kyis sems can rnams la dam pa'i chos ston to/ </font><hr>Ka239b<br><font size=+1>


'phags pa yongs su mya ngan las 'das pa chen po'i mdo las/ de bzhin gshegs pa'i snying po'i le'u ste bzhi pa'o// //de nas de'i tshe bcom ldan 'das kyi zhal gyi sgo nas 'od rnam pa sna tshogs bkye ba ni/ sngon po dang / ser po dang / dmar po dang / dkar po dang / le brgan dang / smug po ste/ tsunada'i lus kun snang bar byas so/ /tsunada'i lus la 'od des reg pa dang / 'khor dang bcas te zhal zas mang po thogs te/ sangs rgyas gang na ba der myur du song ste/ de bzhin gshegs pa dang / dge slong gi dge 'dun la mchod pa tha ma dbul ba'i phyir mchod pa'i yo byad phun sum tshogs pa rnam pa mang po thogs te/ sangs rgyas la nye bar bsnyen to/ /de'i tshe na lha gzi brjid chen po dang ldan pa rnams 'khor bar bskor te mdun kyang chod par gyur nas/ tsund la tsund khyod kyi mchod pa re zhig sdod cig ces bsgo'o/ /de'i tshai na'ang de bzhin gshegs bas 'od tshad med dpag tu med pa rnam pa sna tshogs bkye nas lha rnams kyi lus la snang bar byas so/ /lha'i 'khor de dag 'od des reg ma thag tu lha rnams kyang go phye nas mchod pa 'bul du bcug go/ de'i tshe na lha dang mi thams cad kyang so so nas mchod pa rnam pa sna tshogs thogs nas/ sangs rgyas kyi spyan sngar bsnyen te pus mo btsugs nas bcom ldan 'das kyis dge slong gi dge </font><hr>Ka240a<br><font size=+1>


@#/ /'dun 'di dag bdag cag gi mchod pa len du gnang bar mdzad du gsol zhes de bzhin gshegs pa la gsol to/ /dge slong gi dge 'dun rnams kyang dus shes pas lhung bzed thogs nas sems can \?\ gcig tu spyod lam la gnas so/ /de'i tshe tsun+das sangs rgyas dang / dge 'dun bzhugs pa'i gdan seng ge'i khri rnam pa mang po btsugs nas/ ba dan dang / rgyal mtshan dang / gdugs bres te/ spos dang / me tog dang / phreng bas kyang yongs su brgyan to/ /de'i tshe stong gsum gyi stong chen po'i 'jig rten khams 'di rgyan gyis yongs su brgyan pa ni/ ji ltar nub phyogs kyi bde ba can gyi 'jig rten gyi khams lta bur gyur to/ /de nas tsund sangs rgyas kyi spyan sngar mi dga' ba'i mya ngan chen pos non nas/ yang bcom ldan 'das la 'di skad ces gsol to/ /bcom ldan 'das/ thugs brtse ba'i slad du bskal pa gcig gam/ bskal pa gcig 'gribs kyi bar du bzhugs su gsol lo/ /bcom ldan 'das kyis tsund la bka' stsal pa/ nga 'jig rten na yun du gnas par 'dod na khyod kyi mchod pa tha mar 'bul ba'i yo byad myur du phul la sbyin pa'i pha rol tu phyin pa yongs su rdzogs par gyis shig /de'i tshe na byang chub sems dpa' sems dpa' chen po dang / lha dang mi la </font><hr>Ka240b<br><font size=+1>


sogs pa thams cad kyis skad mthun par 'di skad ces smras so/ /ngo mtshar che'o/ /tsund khyod bsod nams chen po yongs su rdzogs pas de bzhin gshegs pa khyod kyi mchod pa tha ma bzhes so/ /bdag cag ni bsod nams med pas mchod pa'i yo byad bshams pa'ang chud zos par gyur to zhes smras so/ /de'i tshe na bcom ldan 'das kyis de dag gi re ba yongs su rdzogs par bya ba'i phyir sku'i ba spu'i khung re re nas sprul pa'i sangs rgyas tshad med pa sprul te/ sangs rgyas de dag re re la'ang dge slong gi 'khor tshad med pa snyed kyis bskor nas bcom ldan 'das dang dge 'dun gyi 'khor tshad med pa de dag gis kyang de dag gi mchod pa bzhes par bstan to/ /bcom ldan 'das shAkya thub pa'ang tsunada'i mchod pa bzhes so/ / de'i tshe tsun+das phul ba'i bsod snyoms 'bras kyang yul dbus 'gyur 'chang gi bre khal tshad brgyad phul ba'ang bcom ldan 'das kyi byin gyi brlabs kyis 'khor gyi dkyil 'khor de dag thams cad bsod snyoms kyis chog par gyur to/ /de'i tshe tsund de lta bur gyur pa mthong nas rab tu dga' ba skyes te/ 'khor gyi dkyil 'khor de dag thams cad kyang rab tu dga' bar gyur to/ /de'i tshe na 'khor gyi dkyil 'khor de dag thams cad bcom ldan 'das kyi byin gyi rlabs kyis/ so so'i yid la de bzhin gshegs pa ni bdag cag gi mchod pa bzhes </font><hr>Ka241a<br><font size=+1>


@#/ /pas ring po mi thogs par yongs su mya ngan las 'da'o snyam du sems par 'gyur to/ /de snyam du bsams nas so so'i sems la mya ngan dang dga' ba 'dres par gyur to/ /de'i tshe na tshal de'i sa gzhi shin tu chung zhing dog pa las de bzhin gshegs pa'i byin gyi rlabs kyis/ khab kyi rtse mo 'dzugs pa'i sa tsam la'ang tshad med pa'i sangs rgyas bcom ldan 'das 'khor dang bcas te bzhugs shing bsod snyoms bzhes te/ bsod snyoms de dag kyang bye brag med par mthong ngo / / de'i tshe na lha dang / mi dang / lha ma yin la sogs pa thams cad mchi ma blags te ngus nas 'di skad ces smras so/ /de bzhin gshegs pas bdag cag gi mchod pa tha ma bzhes te mchod pa bzhes nas yongs su mya ngan las 'da' bar gshegs na/ bdag cag gis slan chad mchod pa su la bgyi/ bdag cag gi bla na med pa'i kha lo sgyur ba dang gtan bral bas na mig ldongs par gyur to zhes smras so/ /de'i tshe bcom ldan 'das kyis 'khor gyi dkyil 'khor de dag spro bsring ba'i phyir tshigs su bcad de bka' stsal pa| khyed rnams mya ngan ma byed cig /sangs rgyas chos nyid de bzhin te/ /nga ni mya ngan 'das nas kyang / /tshad med pa yi bskal pa snyed/ /rtag tu bde ba'i mchog la spyod/ /rtag </font><hr>Ka241b<br><font size=+1>


tu rab tu bde la gnas/ /khyed rnams shin tu rtag par nyon/ /mya ngan 'da' ba ngas bshad kyi/ /zas kyi 'du shes med pas na/ /bkres shing skom pa'i skyon rnams med/ /deng 'dir khyed la sogs pa la/ /rjes su gzhol ba'i smon lam btab/ /'khor gyi dkyil 'khor 'di thams cad/ /rab tu bde ba thob par bya/ /khyed rnams thos nas nan tan byos/ /sangs rgyas chos rnams rtag pa la/ /nam zhig khwa dang 'ug pa gnyis/ /tshang gcig nang du gnas bcas te/ /de gnyis spun bzhin gyur pa na/ /de na mya ngan 'da' bar 'gyur/ /de bzhin gshegs pas thams cad la/ /sgra gcan 'dzin ltar gzigs pas na/ /'gro ba kun gyi gtsor gyur pa/ /ci phyir yongs su mya ngan 'da'/ /nam zhig sbrul dang sre mo gnyis/ /khung gcig nang du tshang bcas te/ /de gnyis spun ltar gyur pa na/ /de na yongs su mya ngan 'da'/ /de bzhin gshegs pas thams cad la/ /sgra gcan 'dzin ltar kun gzigs te/ /sems can kun gyi gtsor gyur pa/ /ci phyir yongs su mya ngan 'da'/ /ci ste me tog 'dab bdun po/ /ka shi ka yi drir gyur tam/ /ka la ka yi shing las ni/ /tsinada'i 'bras bu chags srid kyi| |de bzhin gshegs pas thams cad la/ /sgra gcan 'dzin ltar gzigs pas na/ /ci phyir snying rje kun btang ste/ /yongs su mya ngan 'da' bar gshegs/ /ci ste log sred </font><hr>Ka242a<br><font size=+1>


@#/ /can de dag /snying por byang chub sangs rgyas te/ /bde ba'i mchog la gnas gyur na/ /de na mya ngan 'da' bar 'gyur/ /de bzhin gshegs pas thams cad la/ /sgra gcan 'dzin ltar gzigs pas na/ /ci phyir snying rje kun btang ste/ /yongs su mya ngan 'da' bar gshegs/ /gal te so so'i skye bo dag /dus gcig mnyam par sangs rgyas te/ /nyes pa'i skyon rnams kun spangs na/ de na mya ngan 'da' bar 'gyur/ /de bzhin gshegs pas thams cad la/ /sgra gcan 'dzin ltar gzigs pas na/ /ci phyir snying rje kun btang ste/ /yongs su mya ngan 'da' bar gshegs/ /ci ste sbrang bu chung ngu'i gcin/ /sa chen 'di'ang 'jig nus la/ /ri dang ljongs kun med par yang / /rgya mtsho chen po 'gengs 'gyur na/ /de na yongs su mya ngan 'da'/ /snying rje'i sems kyis thams cad la/ /sgra gcan 'dzin ltar gzigs pas na/ /'gro ba kun gyi gtsor gyur pa/ /ci phyir yongs su mya ngan 'da'/ /de bas khyed la sogs pa dag /dam pa'i chos la mos par gyis/ /mya ngan gyis kyang ma gdung bar/ /yid blong du bar ma byed cig /yang dag la ni gang spyod pa/ /de bzhin gshegs pa rtag pa sgom/ /de ltar dam chos de nyid kyang / /mi 'gyur rtag tu gnas par rtogs/ /gzhan yang dkon </font><hr>Ka242b<br><font size=+1>


mchog gsum dag la/ /rtag tu gnas par 'du shes bskyed/ /de la shin tu srung ba ni/ /sngags kyi mthu dbang shing skam la/ /me tog dag kyang skye ba bzhin/ /de ni dkon mchog gsum po la/ /'khor rnam bzhi ste legs par nyon/ /thos nas shin tu dga' bzhin du/ /byang chub tu ni sems bskyed cing / /gang zhig dkon mchog gsum po la/ /don dam bden par rtag 'dzin na/ /de ni sangs rgyas mang po yi/ /smon lam phul gyi mchog yin no/ /de la dge slong ngam/ dge slong ma'am/ dge bsnyen nam/ dge bsnyen ma gang zhig de bzhin gshegs pa'i smon lam mchog gi smon lam btab pa ni/ glen pa'am gti mug can ma yin te/ mchod pa'i gnas yin par rig par bya'o/ /smon lam de'i mthus yon tan gyi 'bras bu smin pa ni dgra bcom pa ltar 'jig rten gyi phul gyi mchog tu 'gyur ro/ /gang zhig de ltar dkon mchog gsum la rtag pa nyid du mi shes na de ni rigs ngan yin par rig par bya'o/ /gang zhig chos rnam pa gsum po rtag pa nyid du shes na chos bden pa'i rkyen gyis sdug bsngal ba dang bral zhing rab tu bde bar 'gyur/ gnod pa med par 'gyur/ bar chad byed pa med par 'gyur ro/ /de'i tshe lha dang / mi dang / lha ma yin la sogs pa 'khor de dag gis de skad ces gsungs pa thos nas rab tu dga' mgur rangs pa'i sems skyes te/ shin tu ngul zhing nges </font><hr>Ka243a<br><font size=+1>


@#/ /pa'i sems su gyur/ sgrib pa kun shin tu bsal ba'i sems su gyur/ mtho dman med pa'i sems su gyur te/ gzi brjid rnam par dang ba dang / 'dzum pa'i mdangs can du gyur nas de bzhin gshegs pa rtag pa nyid du shes te/ de bas na lha rdzas kyi mchod pa rnam pa mang pos mchod de/ lha rdzas kyi me tog dang / spos dang / phye ma dang / byug spos dang / lha rdzas kyi rol mos yongs su mchod do/ /de nas bcom ldan 'das kyis byang chub sems dpa' 'od srung la bka' stsal pa/ rigs kyi bu khyod kyis 'khor gyi dkyil 'khor 'di dag ngo mtshar rmad du gyur pa mthong ngam/ 'od srung gis gsol pa/ mthong ngo / /bcom ldan 'das/ de bzhin gshegs pa tshad med pa dpag tu med pa dag 'khor mang po'i mchod pa yongs su bzhes pa mthong ngo / /gzhan yang sangs rgyas mang po'i sku ni rab tu che la/ bzhugs pa'i gdan ni khab kyi rtse mo tsam ste/ 'khor mang pos yongs su bskor kyang gcig la gcig 'dzer bar ma gyur pa mthong ngo / /gzhan yang 'khor mang po 'di dag smon lam chen po bskyed nas tshigs su bcad pa bcu gsum po smra ba'ang mthong ngo / /gzhan yang 'khor gyi dkyil 'khor 'di dag so so nas 'di snyam du/ de bzhin gshegs pa ni bdag 'ba' zhig gi mchod pa bzhes </font><hr>Ka243b<br><font size=+1>


so snyam du sems par yang 'tshal to/ /gal te tsun+das phul ba'i mchod pa rdul phra mor btags te/ sangs rgyas gcig la rdul phra mo gcig tsam phul kyang chog pa'am khyab par mi 'gyur na de bzhin gshegs pa'i byin gyi rlabs kyis/ thams cad khyed cing chog par 'gyur ro/ /de nas byang chub sems dpa' sems dpa' chen po 'jam dpal gzhon nur gyur pa la sogs pas ngo mtshar rmad du gyur pa 'di dag shes so/ /de'ang de bzhin gshegs pas thabs su bstan te/ nyan thos kyi 'khor rnams dang / lha ma yin la sogs pas de bzhin gshegs pa ni rtag pa'i chos nyid du shes so/ /de'i tshe bcom ldan 'das kyis tsund la bka' stsal pa/ khyod kyis mthong pa 'di dag ngo mtshar rmad do snyam sems sam/ gsol pa/ de bzhin no/ /bcom ldan 'das/ bdag sngar tshad med pa'i sangs rgyas mang po mtshan sum cu rtsa gnyis dang / dpe byad bzang po brgyad cus yongs su brgyan par mthong na da ni thams cad byang chub sems dpa' sems dpa' chen po'i byad gzugs mchog tu gyur te/ sangs rgyas nyag gcig sman gyi sdong po ltar bzhugs shing / byang chub sems dpa' sems dpa' chen po rnams kyi yongs su bskor bar mthong ngo / /bcom ldan 'das kyis tsund la bka' stsal pa/ khyod kyis sngar sangs </font><hr>Ka244a<br><font size=+1>


@#/ /rgyas tshad med pa mthong ba ni ngas mngon par sprul pa sha stag ste/ sems can thams cad la phan pa dang bde ba'i don gyi phyir/ dga' bar bya ba'i phyir mngon par sprul to/ /byang chub sems dpa' sems dpa' chen po de dag kyang spyod pa bsam gyis mi khyab ste/ tshad med pa'i sangs rgyas kyi mdzad pa byed pa sha stag go/ tsund khyod kyang byang chub sems dpa' sems dpa' chen po'i spyod pa dang ldan te/ sa bcu la rab tu gnas pas byang chub sems dpa'i spyod pa rdzogs par ldan no/ /byang chub sems dpa' 'od srung gis bcom ldan 'das la gsol pa/ /de de bzhin no/ /de de bzhin te/ bcom ldan 'das kyis gsungs pa bzhin no/ /tsund 'di ni spyod pa thams cad byang chub sems dpa'i spyod pa dang ldan te/ bdag cag rjes su yi rang ngo / /de bzhin gshegs pas phyi ma ma 'ongs pa'i skye bo tshad med pa la snang ba chen po mdzad pa'i slad du theg pa chen po'i mdo sde yongs su mya ngan las 'das pa chen po gsungs so/ /bcom ldan 'das/ mdo sde thams cad las/ bcom ldan 'das kyis gsungs pa lhag ma dang bcas pa'i don lags sam/ lhag ma ma mchis pa'i don du gsungs pa lags/ bcom ldan 'das kyis bka' stsal pa/ rigs kyi bu/ ngas gsungs pa ni lhag ma </font><hr>Ka244b<br><font size=+1>


dang bcas pa'ang yod la/ lhag ma med pa'i don yang yin no/ /de nas tsun+das bcom ldan 'das la gsol pa/ bcom ldan 'das kyis gsungs pa ltar zang zing bdog pa thams cad sbyin pa byin pa ni bsngags shing bstod mod kyi/ rnam par smod par mi bya'o zhes bcom ldan 'das kyis gsungs pa'i don ji lta bu/ tshul khrims dang ldan pa tshul khrims ngan pa can la bye brag gi khyad par ci mchis/ bcom ldan 'das kyis bka' stsal pa/ rnam pa gcig pu ma gtogs par sbyin pa gzhan thams cad la bstod cing bsngags so/ /tsun+das gsol pa/ gcig pu ma gtogs zhes bgyi ba de gang lags/ bcom ldan 'das kyis bka' stsal pa/ de ni mdo sde 'di las gang tshul khrims ngan pa can du gsungs pa'o/ /tsun+das yang gsol pa| bcom ldan 'das/ de'i don ji lta bu lags/ bcom ldan 'das kyis bka' stsal pa/ tshul khrims ngan pa can zhes bya ba ni log sred can la bya'o/ /de ma yin pa sbyin pa thams cad la bstod cing bsngags te/ 'bras bu chen po thob par 'gyur ro/ /tsun+das yang gsol pa/ log sred can zhes bgyi ba ji lta bu lags/ bcom ldan 'das kyis tsund la bka' stsal pa/ dge slong ngam/ dge slong ma'am/ dge bsnyen nam/ dge bsnyen ma grang zhig tshig ngan pa smra zhing dam pa'i chos la skur pa 'debs pa dang / kha na ma tho ba'i las byas kyang 'gyod </font><hr>Ka245a<br><font size=+1>


@#/ /pa'am/ khrel pa'am/ 'dzem pa'i sems med de/ gang zag de lta bu ni log sred can gyi lam la 'bab pa zhes bya'o/ /gang zhig rtsa ba bzhi nyams sam/ mtshams med pa lnga byas par bdag nyid kyis shes la/ de ltar kha na ma tho ba chen po byas kyang thog ma nas 'jigs pa'am khrel zhing 'dzem pa'i sems med de/ mi 'gyod mi mthol ba dang / dam pa'i chos la phangs shing gces par mi 'dzin te/ rnam par bzhag pa'i sems med kyi/ brnyas shing skur pa dang nyes pa mang po zhes skyon 'dogs pa'i gang zag de'ang log sred can gyi lam la 'bab pa zhes bya'o/ /gzhan yang gang zhig sangs rgyas dang / chos dang / dge 'dun med do zhes smra ba de'ang log sred can gyi lam la 'bab pa zhes bya'o/ /de ltar log sred can 'di 'ba' zhig ma gtogs pa sbyin pa gzhan thams cad la bstod cing bsngags so// //'phags pa yongs su mya ngan las 'das pa chen po'i mdo/ bam po bcu bzhi pa/ de nas tsun+das yang bcom ldan 'das la 'di skad ces gsol to/ /bcom ldan 'das/ tshul khrims ngan pa can gyi don ji lta bu lags/ bcom ldan 'das kyis tsund la bka' stsal pa/ gang tshul khrims rtsa ba bzhi nyams pa/ mtshams med pa lnga byas pa dang / dam pa'i chos la rnam par skur pa 'debs pa de ni </font><hr>Ka245b<br><font size=+1>


tshul khrims ngan pa zhes bya'o/ /tsun+das yang gsol pa/ de ltar tshul khrims ngan pa can de rnam par grol ba'i skal pa mchis sam/ bcom ldan 'das kyis bka' stsal pa/ rgyu dang rkyen du ldan na grol ba'i skal pa yod de/ gal te chos gos kyang gyon la yongs su ma spangs/ khrel zhing 'dzem pa dang 'jigs pa'i sems dang yang ldan/ shin tu yang 'gyod pa 'di snyam du/ kyi hud/ bdag gis ci'i phyir kha na ma tho ba'i las chen po 'di byas/ kyi hud/ bdag gis ci'i phyir sdug bsngal du 'gyur ba'i las 'di byas snyam du shin tu 'gyod pa'i sems skyes la/ chos srung ba'i sems dang / chos rnam par bzhag pa'i sems kyang bskyed de/ chos bsrung zhing 'dzin pa la mchod par byed pa dang / theg pa chen po'i mdo sde 'don cing klog pa la zhu pa dang / gsol pa 'debs pa dang / bdag kyang 'chang ba dang / 'dzin pa dang / klog pa dang / 'don pa dang / khong du chud par byed la/ gzhan la yang rgyas par ston cing 'chad pa'i gang zag de ni tshul khrims ngan pa can zhes mi bya'o/ /de ci'i phyir zhe na/ rigs kyi bu/ 'di lta ste/ dper na/ nyi ma shar nan bun dang / khug rna'ang mi snang ba'i mun pa kun sel bar 'gyur ro/ /yongs su mya ngan las 'das pa'i mdo sde chen po 'di 'jig rten du byung ba'ang de dang 'dra ste/ sems can gyis bskal pa tshad </font><hr>Ka246a<br><font size=+1>


@#/ /med pa'i kha na ma tho ba'i las ci byas pa thams cad sel bar nus so/ /de bas na mdo sde 'di las dam pa'i chos kyi skyabs byas pa dag 'bras bu chen po thob par 'gyur te/ tshul khrims ngan pa can dag rnam par dgrol nus so zhes bshad pa yin no/ /de la gang zhig dam pa'i chos la skur kyang shin tu 'gyod cing mthol la/ chos la skyabs su song nas mi dge ba'i las byas pa thams cad dran par byas te/ dper na/ mi zhig bsad pa'i las byas na shin tu 'jigs pa'i sems skye ba ltar ram/ rab tu ngo tsha ba dang khrel ba'i sems skyes te/ dam pa'i chos 'di ma gtogs par gzhan gud na skyabs dang dpung gnyen du 'gyur ba med do snyam pa'i sems skyes te/ dam pa'i chos la skyabs su 'gro ba ji ltar bstan cing gsungs pa bzhin du skyabs su song ba'i gang zag de la sbyin pa byin na bsod nams dpag tu med pa thob cing 'jig rten gyi mchod pa'i gnas su 'gyur ro/ /gang zhig de ltar gong du smos pa'i kha na mtho ba'i las byas nas zla ba gcig gam/ zhag bco lnga'i bar du skyabs su 'gro ba'am/ mthol ba'am/ 'gyod pa'i sems mi skye ba'i gang zag de la sbyin pa byin na'ang 'bras bu chen por mi 'gyur te/ mtshams med pa lnga'i sdig byas pa'ang de dang 'dra ste/ 'gyod pa'i sems </font><hr>Ka246b<br><font size=+1>


skyes la/ khong nas ngo tsha ba dang khrel ba'i sems su ldan te/ bdag gis mi dge ba'i las byas pas sdug bsngal chen po myong bar 'gyur ro snyam sems te/ dam pa'i chos rnam par bzhag pa'i phyir mgon dang skyabs byed na de'ang mtshams med pa lnga'i sdig byas pa ma yin no/ /ci ste de la sbyin pa byin na tshad med pa'i bsod nams thob par 'gyur ro/ / mtshams med pa'i las byas kyang dam pa'i chos bsrung ba'am/ skyabs su 'gro ba'i sems bskyed pa de la sbyin pa byin na/ bsod nams su 'gyur ba ni smos su'ang mi chog go/ rigs kyi bu/ gzhan yang 'di lta ste/ kha na ma tho ba'i las chen po byas pa dag shin tu rtag par nyon cig dang / khyod la rgyas par phye ste bshad par bya'o/ /de dag 'di snyam du sems skyed cig /dam pa'i chos zhes bya ba ni de bzhin gshegs pa'i snying po ste/ de bas na bsrung zhing bskyab pa dang rnam par bzhag par bya'o/ /de la sbyin pa byin pas bsod nams kyi 'bras bu mchog thob par 'gyur ro/ /rigs kyi bu/ dper na/ bud med sprul ma bu 'byung du nye ba zhig yul du mu ge byung ste 'khrugs nas yul gzhan zhig gi lha'i rten bcas pa zhig tu bu btsas nas phyis bdag gi yul nyid na 'khrug pa'ang zhi/ lo'ang rab tu legs so zhes gtam thos nas/ bu khur du khyer te phyir bdag gi yul du </font><hr>Ka247a<br><font size=+1>


@#/ /chas so/ /de'i bar du chu chen po brug nas bu khur du khyer te chu rgal ma nus pas de 'di snyam du sems so/ /bdag cag ma smad gnyis lhan cig tshe 'phos kyang sla'i/ bu bor te bdag 'ba' zhig chu rgal bar mi bya snyam bsams nas chu rgal ba las ma smad gnyis chu'i nang du shi'o/ /shi ma thag tu mtho rigs kyi lhar skyes so/ /de'ang bu la byams te chu las sgrol bar bsam pa'i phyir ro/ /bud med de rang bzhin ngan la gtum yang bu la byams par bsams pas mtho ris kyi lhar skyes so/ /rtsa ba bzhi nyams pa dang| mtshams med pa lnga byed pa dag kyang dam pa'i chos bsrung zhing bskyab pa'i sems bskyed pa'ang de dang 'dra ste/ sngar mi dge ba'i las byas mod kyi/ chos bsrung bas na 'jig rten na bla na med pa'i bsod nams kyi zhing du 'gyur te/ de ltar na chos srung zhing skyob pa de tshad med pa'i 'bras bu mchog dang ldan no/ /tsun+das yang gsol pa/ bcom ldan 'das/ log sred can dag shin tu 'gyod cing ngo tsha ba dang ldan la/ dkon mchog gsum la yang bsti stang dang bcas pas mchod pa bgyid/ bstod pa bgyid na de la sbyin pa byin na 'bras bu chen po thob par 'gyur ram/ bcom ldan 'das kyis bka' stsal pa/ rigs kyi bu khyod de skad ces ma zer cig /rigs kyi bu/ 'di lta ste/ dper na/ mi </font><hr>Ka247b<br><font size=+1>


zhig shing tog a mra zos nas 'bras bu sa la bor ro/ /de 'di snyam du 'bras bu'i nang na'ang ro mngar ba yod du des so snyam bsams nas 'bras bu bcag ste myangs pa dang / shin tu kha bar gyur pas de la 'gyod pa'i sems skyes te shing tog de mthar med kyis dogs nas 'bras bu bcag pa'i phyir sa la rmos nas de skye bar 'dod pa'i phyir dus su mar dang 'o ma la sogs pa blugs te shin tu nan tan byas na/ de khyod kyis yid la ji snyam/ de skye bar 'gyur ram/ gsol pa/ ma lags so/ /bcom ldan 'das/ gal te gnam las bla na med pa'i bdud rtsi'i char bab kyang skye bar mi 'gyur ro/ /rigs kyi bu log sred can de'ang de dang 'dra ste/ dge ba'i rtsa ba kun bsregs na/ kha na ma tho ba'i las ci la brten te 'byang bar 'gyur/ rigs kyi bu/ gal te dge ba'i sems skyes na de ni log sred can zhes mi bya'o/ /rigs kyi bu/ sbyin pa byas pa thams cad kyi rnam par smin pa'i 'bras bu khyad par med pa ma yin no/ /de ci'i phyir zhe na/ nyan thos rnams la sbyin pa byin pa'i 'bras bu rnam par smin pa dang / rang sangs rgyas la sbyin pa byin pa'ang khyad par yod de/ de bzhin gshegs pa 'ba' zhig la sbyin pa byin pa ni/ bla na med pa'i 'bras bu thob par 'gyur te/ de bas na sbyin pa thams cad la khyad par med pa'ang ma yin no/ /tsun+das yang gsol pa/ ci'i slad </font><hr>Ka248a<br><font size=+1>


@#/ /du de bzhin gshegs pas tshigs su bcad pa 'di skad ces gsungs/ bcom ldan 'das kyis tsund la bka' stsal pa/ ngas tshigs su bcad pa 'di gsungs pa ni rgyu dang rkyen med pa ma yin te/ sngon rgyal po'i khab 'di na dge bsnyen shin tu ma dad pa zhig mu stegs can gcer bu pa la sbyin pa byin nas nga la sbyin pa'i don dris pas de'i rgyu de'i rkyen gyis tshigs su bcad pa de dag ngas smras so/ /gzhan yang byang chub sems dpa' sems dpa' chen po rnams la dgongs te gsungs pa'i snying po bstan pa'i phyir ngas gsungs so/ /tshigs su bcad pa 'di'i don ji lta bu zhe na/ thams cad ces bya ba'ang phyogs gcig gi thams cad la bya ste/ byang chub sems dpa' sems dpa' chen po mi'i gtso bor gyur pa'ang tshul khrims srung ba dag ni yongs su sdud cing ci dgos pa sbyin par yang byed do/ /tshul khrims ngan pa can dag ni zhing gshin pa'i yug po'am/ khre rgod ltar yongs su spong ba'o/ /gzhan yang / rigs kyi bu/ ngas sngon tshigs su bcad pa 'di dag gsungs so/ /'bab chu'i chu klung thams cad ni/ /nges par gya gyu yod yang dag /nags tshal gtogs pa thams cad ni/ nges par shing du gdon mi za/ /bud med smos pa thams cad ni/ /kun kyang g.yo sgyu yod du </font><hr>Ka248b<br><font size=+1>


nges/ /dbang dang ldan pa thams cad ni/ /gdon mi za bar longs spyod ldan/ /de nas byang chub sems dpa' sems dpa' chen po 'jam dpal gzhon nur gyur pa 'dug pa las langs nas bla gos phrag pa gcig tu byas/ bus mo g.yas pa'i lha nga sa la btsugs nas bcom ldan 'das kyi zhabs la mgo bos phyag btsal te tshigs su bcad pa 'di skad ces gsol to/ /'bab chu'i chu klung thams cad ni/ /nges par gya gyur mchis ma lags/ nags tshal gtogs pa thams cad ni/ nges par thams cad shing ma lags/ /bud med smos pa thams cad ni/ /thams cad g.yo sgyu mchis ma lags/ /dbang du gyur pa thams cad ni/ /thams cad longs spyod ldan ma lags/ /de bas na bcom ldan 'das kyis gsungs pa'i don 'di ni lhag ma dang bcas pa lags na/ bdag cag la thugs brtse ba'i slad du de'i rgyu dang rkyen bstan du gsol/ de ci'i slad du zhe na/ bcom ldan 'das/ stong gsum gyi stong chen po'i 'jig rten gyi khams na/ gling nub kyi ba lang spyod ces bya ba na chu klung sa pa ka zhes bgyi pa zhig mchis te/ thig nag po ltar nub kyi rgya mtshor 'bab bo/ /chu klung de'i mtshan nyid mdo sde gzhan dag las kyang bcom ldan 'das kyis ma gsungs na/ de bzhin gshegs pas shin tu rgyas pa'i mdo sde 'di las lhag ma mchis par gsungs pa 'di byang </font><hr>Ka249a<br><font size=+1>


@#/ /chub sems dpa' rnams kyang don 'di dag rtogs par mdzad du gsol/ bcom ldan 'das/ dper na/ mi la la zhig sngar gser rdo ngo shes la/ gser nyid ngo mi shes pa dang mtshungs te/ de bzhin gshegs pa'ang de dang 'dra bar chos thams cad thugs su chud kyang bstan cing gsungs pa ni ma bas pa'i lhag ma dang bcas so/ / de bzhin gshegs pas de lhag ma dang bcas pa gsungs mod kyi/ de'ang thabs dang sbyar te dgongs nas gsungs par 'tshal to/ /nags tshal thams cad nges par shing ngo zhes bgyi ba'ang lhag ma dang bcas so/ /de ci'i slad du zhe na/ gser dang / dngul dang / bai DUR+Ya la sogs pa rin po che rnam pa sna tshogs kyi na gas la'ang tshal zhes bgyi'o// bud med thams cad nges par g.yo sgyu can no zhes bgyi ba'ang lhag ma dang bcas so/ /de ci'i slad du zhe na/ bud med kha cig tshul khrims yongs su srung zhing yon tan dang ldan pa/ byams pa dang snying rje ldan pa'ang mchis so/ /dbang dang bcas pa thams cad longs spyod dang ldan no zhes bgyi ba'ang lhag ma dang bcas so/ /de ci'i slad du zhe na/ dbang dang bcas pa 'khor los bsgyur ba de bzhin gshegs pa chos kyi rgyal po ni 'chi bdag gi bdud kyi ris su ma gtogs te/ med par byed mi nus so/ /tshangs pa dang brgya byin </font><hr>Ka249b<br><font size=+1>


la sogs pa ni dbang dang bcas mod kyi mi rtag pa lags so/ /gang rtag pa mi 'gyur mi 'pho ba ni dbang dang bcas pa zhes bgyi ste/ de'ang theg pa chen po yongs su mya ngan las 'das pa 'di lags so/ /bcom ldan 'das kyis bka' stsal pa/ rigs kyi bu khyod ni shin tu smra ba'i spobs pa dang ldan te/ 'on kyang skad cig sdod la brtan por nyon cig /'jam dpal/ dper na/ khyim bdag nad kyis gzir te shin tu nyam chung ba zhig sman pa mkhas pa dang phrad nas sman pa des sman a gas sbyar to/ /nad pa de brkam pa zhig ste mang du za 'dod na de la sman pas dI skad zer ro/ /nad pa khyod sman zhu na ni mang du'ang btang ba zhig na/ khyod nyam zhung zhing rid de mi 'du bas mang du btang du mi ring ngo / de bas na sman a gas 'di ni bdud rtsi zhes kyang bya la/ dug ces kyang bya'o/ /gal te mang du 'thungs te ma zhu na dug ces bya'o/ /rigs kyi bu khyod sman pa mkhas pa des smras pa de la don 'gal zhing nor ba'am/ sman gyi mthu med par gyur to snyam du ma sems shig /rigs kyi bu/ de bzhin gshegs pa'ang de dang 'dra ste/ rgyal po dang / btsun mo dang / rgyal bu dang / blon po chen po rnams dang / rgyal po sde rab tu pham byed dang / rgyal bu dang / btsun mo dang / pho brang gi slas nga rgyal can dag gi dbang du byas te/ de dag gdul ba'i phyir de dag 'jigs shing skrag par bya ba'i phyir </font><hr>Ka250a<br><font size=+1>


@#/ /sman pa mkhas pa de dang 'dra bar tshigs su bcad pa 'di gsungs so/ /'bab pa'i chu klung thams cad ni/ /nges par gya gyu yod yang dag /nags tshal gtogs pa thams cad ni/ /nges par shing du gdon mi za/ /bud med smos pa thams cad ni/ /kun kyang gcam sgyu yod du nges/ /dbang dang ldan pa thams cad ni/ /gdon mi za bar longs spyod ldan/ /'jam dpal khyod kyis 'di ltar rig par bya ste/ de bzhin gshegs pas gsungs pa la ni 'khrul pa med do/ /sa chen po 'di 'gyur zhing ldog kyang srid kyi/ de bzhin gshegs pas gsungs pa la 'khrul pa med do/ /de bas na de bzhin gshegs pas gsungs pa thams cad lhag ma dang bcas so/ /de nas bcom ldan 'das kyis 'jam dpal gzhon nur gyur pa la shin tu legs so/ /shin tu legs so zhes bstod de/ rigs kyi bu khyod ni yun ring po nas don 'di rab tu rtogs pas thams cad la snying brtse ba dang / sems can thams cad ye shes su 'gyur bar bya ba'i phyir de bzhin gshegs pa la tshigs su bcad pa'i don 'di rgyas par dris pa legs so/ /de nas 'jam dpal gzhon nur gyur pas yang sangs rgyas kyi spyan sngar tshigs su bcad de gsol pa/ pha rol gzhan gyis smras pa la/ /rjes su gzhol gyi phyir mi bzlog /gzhan </font><hr>Ka250b<br><font size=+1>


gyis byas dang ma byas pa/ /de la brtag par mi bya'o/ /bdag la shin tu brtag pa ni/ /dge dang mi dge gang spyod pa/ /bcom ldan 'das kyis de skad gsungs pa'i chos kyi sman de ni yang dag par gsungs pa ma lags na/ pha rol po gzhan gyis smra ba'i rjes su gzhol zhing 'gal bar mi bgyid pa de bzhin gshegs pas thugs brtse ba'i slad du yang dag par bstan du gsol/ de ci'i slad du zhe na/ bcom ldan 'das kyis rnam pa du ma las slob pa phyi rol tu rnam pa dgu bcu rtsa lnga po thams cad ngan song du 'gro'o zhes gsungs la/ nyan thos kyi nye gnas rnams ni thams cad yang dag pa'i lam du 'gro'o zhes gsungs te/ gang tshul khrims yongs su srung zhing spyod lam shin tu sdom pa dbang po rnams srung ba'i gang zag de ni chos chen po la shin tu mos shing dge ba'i lam la spyod pa'ang lags na/ bcom ldan 'das kyis ci'i slad du mdo sde dgu po las pha rol po gzhan la smon na rnam par smad cing spyo bar bya'o zhes tshigs su bcad pa'i don 'di ci las dgongs te gsungs/ bcom ldan 'das kyis 'jam dpal la bka' stsal pa/ rigs kyi bu/ ngas tshigs su bcad pa gsungs pa 'di'ang sems can thams cad kyi phyir ni ma yin gyi/ de'i tshe na rgyal po ma skyes dgra 'ba' zhig gi phyir gsungs te/ sangs rgyas bcom ldan 'das ni rgyu </font><hr>Ka251a<br><font size=+1>


@#/ /dang rkyen med par bzlog ste gsungs pa'i chos med do/ /rgyu dang rkyen yod pas na de skad ces gsungs pa yin no/ /rigs kyi bu/ rgyal po ma skyes dgras pha bsad nas nga gang na ba der 'ongs nas gdul bar 'dod pa'i phyir nga la 'di skad ces dris so/ /ji ltar na sangs rgyas bcom ldan 'das thams cad mkhyen pa zhes bgyi ba de ni thams cad mkhyen pa ma lags so/ /ci ste thams cad mkhyen pa lags na/ lha sbyin lta bu sngon skye ba grangs med pa'i bar du ngan sems kyis de bzhin gshegs pa la gnod pa bgyid pa lags na/ ci'i slad du de bzhin gshegs pas rab tu byung bar gnang zhes dris nas/ rigs kyi bu/ de'i rgyu de'i rkyen gyis rgyal po de'i phyir tshigs su bcad pa 'di skad ces smras so/ /pha rol gzhan gyis smras pa la/ /rjes su gzhol gyi phyir mi bzlog /gzhan gyis byas dang ma byas pa/ /de la brtag par mi bya'o/ /bdag gi lus la shin tu brtag /dge dang mi dge gang spyod pa/ /bcom ldan 'das kyis bka' stsal pa/ rgyal po chen po pha bsad pa'i mtshams med pa'i kha na ma tho ba'i las byas kyi/ shin tu 'gyod cing mthol la yongs su dag par 'gyur bar mi bya bar ci'i phyir gzhan gyi nyes pa'i skyon 'tshol ba la zhugs zhes/ rigs kyi bu/ ngas rgyal po de'i phyir </font><hr>Ka251b<br><font size=+1>


de bas na tshigs su bcad pa de dag gsungs pa yin no/ /gzhan yang / rigs kyi bu/ gang tshul khrims yongs su srung zhing spyod lam dang ldan pa dang / gzhan gyi skyon tshol ba la zhugs pa rnams kyi phyir yang tshigs su bcad pa de skad ces gsungs pa yin no/ /gang zag su zhig pha rol pos bstan cing 'chos pa'i rjes su mi dge ba yongs su spong ste/ gzhan dag kyang mi dge ba las zlog par byed na de ni nga'i nye gnas yang dag pa'o/ /de nas bcom ldan 'das kyis 'jam dpal la tshigs su bcad de bka' stsal pa/ mtshon chas mi 'jigs gang yang med/ /'tsho ba'i srog la thams cad chags/ /bdag gi lus la dpe blangs te/ /gzhan la ma 'tshog ma gsod cig /de nas 'jam dpal gzhon nur gyur pas yang bcom ldan 'das kyi spyan sngar tshigs su bcad de gsol pa/ thams cad mtshon chas 'jigs pa min/ /srog la thams cad chags ma lags/ /bdag gi lus la dpe blangs te/ /dge bar spyod la brtson par bya/ /de bzhin gshegs pas chos kyi tshig gi don gsungs pa 'di'ang bas pa'i mthar phyin pa ma lags so/ /de ci'i slad du zhe na/ dgra bcom pa dang / 'khor los bsgyur ba'i rgyal po'i bud med rin po che dang / bal glang dang / rta dang / blon po rin po che ni gnam gyi lha'am/ lha ma yin gyi mtshon rnon po thogs kyang gsod </font><hr>Ka252a<br><font size=+1>


@#/ /nus pa'i gnas med do/ /skyes bu dpa' bo dang / bud med chu gang can dang / rta'i rgyal po dang / gcan gzan gyi rgyal po dang / dge slong tshul khrims srung ba ni gnyen po mngon du snang yang mi 'jigs mi skrag pas de bas na de bzhin gshegs pas tshigs su bcad de gsungs pa 'di'ang lhag ma dang bcas so/ / bdag gi lus la dpe blang ngo zhes bgyi ba'ang lhag ma dang bcas pa lags so/ /de ci'i slad du zhe na/ ci ste dgra bcom pa dag bdag la gzhan gyi dpe len na bdag tu 'du shes pa dang / srog tu 'du shes pa yod par 'gyur ro/ /bdag tu 'du shes pa dang / srog tu 'du shes pa yod na srung bar 'gyur te/ byis pa ma rabs dag gis kyang dgra bcom pa mthong bar 'gyur te/ thams cad rnal 'byor can du 'gyur ro/ /ci ste de lta bu lags na ngan par lta ba lags so/ /gal te ngan par lta ba lags na tshe 'phos ma thag tu sems can dmyal bar skye bar 'gyur ro/ /gzhan yang dgra bcom pa dag ni/ sems can thams cad la gsod pa'i sems gal te yang skye ba'i gnas ma mchis so/ /sems can tshad med pa dag kyang dgra bcom pa la gsod nus pa ma mchis so/ /bcom ldan 'das kyis bka' stsal pa/ rigs kyi bu/ bdag tu 'du shes </font><hr>Ka252b<br><font size=+1>


zhes bya ba ni sems can la snying rje chen po'i sems skyes te gsod pa'i 'du shes med pa ni dgra bcom pa dag gis sems mnyam pa nyid do/ /bcom ldan 'das la rgyu dang rkyen med par 'gal bar gsungs pa yod do snyam ma sems shig /sngon rgyal po'i khab 'di na rngon pa zhig ri dwags mang du bsad nas nga la sha zo zhig ces spyan drangs so/ /ngas de'i tshe gsol ba gnang mod kyi/ sems can thams cad la sgra gcan 'dzin ltar shin tu byams pa'i sems nye bar bzhag nas tshigs su bcad pa 'di skad ces gsungs so/ /khyod ni shin tu tshe ring zhing / /'jig rten 'dir yang ring du 'dug /mi gsod pa yi chos 'dzin cing / /sangs rgyas tshe dang 'dra bar shog /tshigs su bcad pa 'di yang smras/ /mtshon chas mi 'jigs gang yang med/ /'tsho ba'i srog la thams cad chags/ /bdag gi lus la dpe blangs te/ /'tshog dang gsod pa ma byed cig /de nas yang bcom ldan 'das kyis 'jam dpal gzhon nur gyur pa la shin tu legs so/ /shin tu legs so zhes bya ba byin nas/ byang chub sems dpa' sems dpa' chen po rnams kyi phyir de bzhin gshegs pa la don shin tu zab mo 'di lta bu dris pa legs so zhes bya ba byin no/ /de nas 'jam dpal gyis yang tshigs su bcad de gsol pa/ ji ltar shin tu pha ma la/ /bsti stang </font><hr>Ka253a<br><font size=+1>


@#/ /bcas pas rjes su gzhol/ /ji ltar nyams su blangs pa dag /mtshams med sems can dmyal bar ltung / /de nas bcom ldan 'das kyis tshigs su bcad de 'jam dpal la bka' stsal pa/ 'dod chags pa ni ma zhes bya/ /ma rig pa ni pha yin no/ /bsti stang bcas pas rjes 'jug na/ /mtshams med sems can dmyal bar ltung / /de nas bcom ldan 'das kyis yang byang chub sems dpa' 'jam dpal la tshigs su bcad de bka' stsal pa/ /thams cad gzhan gyis dbang bsgyur na/ /de ni sdug bsngal ba zhes bya/ /thams cad bdag gis dbang bsgyur na/ /de ni dbang dang bde bar ldan/ /nga rgyal dregs pa thams cad ni/ /mthu dang ldan pas khro gtum che/ /dge zhing des pa thams cad ni/ /kun la byams te snying rjer ldan/ /de nas byang chub sems dpa' sems dpa' chen po 'jam dpal gzhon nur gyur pas yang bcom ldan 'das la 'di skad ces gsol to/ /de bzhin gshegs pas gsungs pa 'di'ang bas pa'i mthar phyin pa ma lags so/ /bcom ldan 'das thugs brtse ba'i slad du de'i rgyu dang rkyen bstan du gsol/ /de ci'i slad du zhe na/ dper na/ khyim bdag gi bu dag slob dpon la slob pa'i tshe na slob dpon gyi dbang du gyur pa ma lags sam/ gal te slob </font><hr>Ka253b<br><font size=+1>


dpon gyi dbang du gyur na'ang slob pa'i don mi 'grub la/ /slob dpon gyi dbang du ma gyur na'ang mi 'grub/ bdag gis dbang du gyur na'ang slob pa'ang mi 'grub ste/ de bas na de bzhin gshegs pas gsungs pa ni lhag ma dang bcas pa lags so/ /bcom ldan 'das/ gzhan yang 'di lta ste/ dper na/ rgyal bcu ci'ang mi slob/ ci'ang mi shes pa dag bdag gi dbang du 'gyur ba lags mod kyi/ glen zhing mi shes pas rtag tu sdug bsngal lo/ /de ltar na rgyal bu de ni bdag gi dbang du 'gyur zhes bgyir yang grub pa'i don ma mchis la/ gzhan gyi dbang du 'gyur zhes bgyir yang grub pa'i don ma mchis pas/ de bas na bcom ldan 'das kyis gsungs pa'i don 'di ni lhag ma dang bcas pa lags pas/ de bas na thams cad gzhan gyi dbang du 'gyur ba la'ang nges par sdug bsngal zhes bgyir mi rung la/ thams cad bdag gi dbang du 'gyur ba la'ang nges par bde ba zhes bgyir mi rung ngo / /nga rgyal gyis dregs pa thams cad kyang khro gtum can no zhes bgyi ba'ang lhag ma dang bcas so/ /bcom ldan 'das/ dper na/ bud med chu gang can dag nga rgyal gyi dbang gis rab tu byung ste/ slob pa la zhugs na tshul khrims yongs su srung zhing spyod lam shin tu sdom ste/ dbang po mi g.yeng bar nan tan byed do/ /de bas na nga </font><hr>Ka254a<br><font size=+1>


@#/ /rgyal gyis kun nas nyon mongs pa thams cad nges par khro gtum pa'o zhes bgyir mi rung ngo / /des shing dge ba thams cad kyang byams pa dang snying rjer ldan no zhes bgyi ba'ang lhag ma dang bcas pa lags so/ /dper na/ mi zhig phas pham pa zhig byung yang chos gos ma spangs/ phyi rol gyi spyod lam shin tu sdom yang / chos srung ba dag mthong na mi 'dod de spong ngo / /de tshe 'phos nas kyang sems can dmyal bar ltung ngo / /gal te dge slong zhig phas pham pa byung na chos srung ba de dag gis skrod par byed de khyim par 'bebs so/ /de bas na des shing dge ba thams cad la nges par byams pa dang ldan no zhes bgyir mi rung ngo / /de nas bcom ldan 'das kyis 'jam dpal la bka' stsal pa/ rgyu dang rkyen yod pa'i phyir de bzhin gshegs pas 'di ltar lhag ma dang bcas pa'i don gsungs so/ /gzhan yang bcom ldan 'das ni rgyu dang rkyen yod pa'i phyir 'di skad ces gsungs pa yin no/ /rgyal po'i khab 'dir bud med shin tu bzang mo zhes bya ba zhig pha ma'i khyim du 'gro ba'i lam yongs su nga gang na bar 'ongs nas/ sangs rgyas dang / chos dang / dge 'dun/ skyabs su gsol nas 'di skad ces smras so/ /bud med thams cad ni mthu med pa/ dbang med pa yin no/ /skyes pa thams cad ni </font><hr>Ka254b<br><font size=+1>


dbang la thogs pa med pa yin no zhes smras pas/ de'i tshe na bud med de'i bsam pa thugs su chud nas de'i phyir tshigs su bcad pa 'di dag smras pa yin no/ /'jam dpal/ legs so/ /legs so/ /khyod kyis sems can thams cad kyi phyir de bzhin gshegs pa la de lta bu'i don dri ba legs so/ /de nas 'jam dpal gyis tshigs su bcad de gsol pa/ sems can skye dgu thams cad ni/ /kun kyang zas dang skom la brten/ /mthu dang ldan pa thams cad ni/ /de yi sems la phrag dog med/ /thams cad zas dang skom gyi rkyen/ /nad kyi sdug bsngal myong bar 'gyur/ /spyod pa rnam par dag pa ni/ /rab tu bde ba myong bar 'gyur/ /de bas na bcom ldan 'das tsunada'i bsod snyoms dang mchod pa bzhes pa 'di de bzhin gshegs pa la bsnyengs pa mi mnga'am/ de la bcom ldan 'das kyis tshigs su bcad de 'jam dpal la bka' stsal pa/ sems can skye dgu thams cad ni/ /zas dang skom la ltos ma yin/ / mthu dang ldan pa thams cad kyang / phrag dog sems ni med ma yin/ /thams cad zas kyi rkyen dbang gis/ /nad kyis gzir bar 'gyur ma yin/ /spyod pa dag pa thams cad kyang / / thams cad bde ba myong ma yin/ /'jam dpal ci ste khyod na bar gyur na de bzhin du nga'ang na bar 'gyur ba'i rigs so/ /de ci'i phyir zhe na/ dgra bcom pa rnams dang / rang sangs rgyas </font><hr>Ka255a<br><font size=+1>


@#/ /rnams dang / byang chub sems dpa' dang / de bzhin gshegs pa ni yang dag par na ci'ang za ba med de/ pha rol 'dul ba'i phyir so so'i skye bo tshad med pa dag gi sbyin pa blangs par bstan te/ de'ang de dag gi sbyin pa'i pha rol tu phyin pa yongs su rdzogs par bya ba dang / sems can dmyal ba dang / byol song gi skye gnas dang gshin rje'i 'jig rten las bsgral ba'i phyir ro/ /de la gang zhig 'di snyam du de bzhin gshegs pa'ang lo drug gi bar du shin tu spyod dka' ba spyad de/ sku'ang shin tu nyam chung bar gyur to snyam du sems na de ni gnas ma yin no/ /sangs rgyas bcom ldan 'das ni srid pa las rnam par grol bas bus pa ma rabs dang mi 'dra ba yin na ci'i phyir sku nyam chung zhing ring bar 'gyur/ sangs rgyas bcom ldan 'das ni shin tu brtson 'grus su nan tan byas pas rdo rje lta bu'i sku thob par 'gyur te/ 'jig rten dang bcas pa'i lus skyon yod pa lta bu dang 'dra ba ma yin ste de'i nye gnas rnams kyang de dang 'dra bar bsam gyis mi khyab pas zas la brten pa ma yin no/ /mthu bo che thams cad phrag dog med do/ / zhes bya ba'ang lhag ma dang bcas so/ /dper na/ 'jig rten na mi kha cig tshe gcig tu phrag dog gi sems kyang med la mthu med pa'ang yod do/ /nad thams cad zas la 'gyur </font><hr>Ka255b<br><font size=+1>


zhes bya ba'ang lhag ma dang bcas so/ /ma kha cig ni glo bur gyi nad bag ma byas pa las 'gyur ba'ang yod do/ /'di lta ste/ de ni tsher mas zug pa dang / mtshon chas phog pa la sogs pa'o/ /spyod pa rnam par dag pa thams cad bde ba myong ngo zhes bya ba'ang lhag ma dang bcas so/ /'jig rten na mu stegs can dag tshangs par yongs su dag par spyod mod kyi sdug bsngal mang du myong ba'ang yod do/ /de bas na de bzhin gshegs pas gsungs pa thams cad kyang lhag ma dang bcas te/ de ni de bzhin gshegs pas rgyu dang rkyen med bzhin du tshigs su bcad pa 'di smras pa ma yin gyi/ rgyu yod rkyen yod par gsungs so/ /sngon yul hu da ya na 'dir bram zer skyes yon tan zhes bya ba nga gang na ba der 'ongs nas dus brgyad kyi khrims bzhi po bsrung bar 'dod pas ngas de'i tshe de la tshigs su bcad pa de dag gsungs pa yin no/ /de nas byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ gang dag ni lhag ma ma mchis pa'i don zhes bgyi ba lags/ gang dag ni don thams cad ces bgyi ba lags/ bcom ldan 'das kyis bka' stsal pa/ rigs kyi bu/ thams cad ces bya ba ni byang chub kyi phyogs dang / dge ba'i chos la mos pa ma gtogs pa ni thams thams cad kyang yin la/ lhag ma med pa zhes kyang bya'o// </font><hr>Ka256a<br><font size=+1>


@#/ /chos gzhan thams cad ni lhag ma dang bcas pa zhes kyang bya la/ lhag ma med pa zhes kyang bya ste/ chos la mos pa'i rigs kyi bu dag lhag ma dang bcas pa dang / lhag ma med pa'i don shes par 'dod pa'i phyir ro/ /de nas byang chub sems dpa' 'od srung shin tu dga' zhing mgu rangs par gyur nas/ yang bcom ldan 'das la 'di skad ces gsol to/ /ngo mtshar che'o/ /bcom ldan 'das/ sems can thams cad la sras sgra gcan 'dzin ltar mnyam par gzigs so/ /de nas bcom ldan 'das kyis byang chub sems dpa' 'od srung la lags so/ /legs so/ /khyod kyis don shin tu zab mo rtogs pa legs so/ /legs so zhes bya ba byin no/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ theg pa chen po yongs su mya ngan las 'das pa'i yon tan dang bsod nams ji snyed cig thob par bstan du gsol/ bcom ldan 'das kyis 'od srung la bka' stsal pa/ rigs kyi bu/ gang zhig gis mdo sde 'di'i ming thos pa tsam gyi bsod nams kyi phung po thob pa ni sangs rgyas bcom ldan 'das ma gtogs par nyan thos dang / rang sangs rgyas kyis kyang brjod du nus pa ma yin no/ /de ci'i phyir zhe na/ sangs rgyas kyi spyod yul yin te/ bsam gyis mi </font><hr>Ka256b<br><font size=+1>


khyab pa'i phyir ro/ /de la gang zhig 'chang ngam/ 'dzin tam/ klog gam/ 'don tam/ khong du chud par byed dam/ glegs bam la 'dri 'am/ 'drir bcug pa lta smos kyang ci dgos te/ de'i tshe 'jig rten du bcas pa lha dang mi dang lha ma yin la sogs pa thams cad kyis/ sangs rgyas kyi spyan sngar skad mthun par tshigs su bcad pa 'di skad ces gsol to/ / sangs rgyas rnams ni bsam mi khyab/ /chos dang dge 'dun de bzhin te/ /de bas bdag cag gsol ba 'debs/ /da dung cung zad bzhugs par gsol/ /btsun pa 'od srung chen po dang / /gzhan yang dga' bo la sogs pa/ /'khor gyi dkyil 'khor gnyis po yang / /ma mchis te zhig gzhes su gsol/ dbus 'gyur 'chang gi yul bdag po/ /rgyal po chen po ma skyes dgra/ /sangs rgyas la ni rab mos pa/ /de yang da dung 'dir ma mchis/ /de bzhin gshegs pa thugs brtse'i phyir/ /da dung cung zad gzhes su gsol/ /'khor gyi dkyil 'khor mang po dang / /bdag gi the tshom gcad du gsol/ /de nas de bzhin gshegs pas 'khor mang po dag la tshigs su bcad de bka' stsal pa/ /nga yi chos kyi sras thu bo/ /'od srung chen po zhes bya ste/ /dga' bo brtson 'grus rtsom pa'i mchog /kun gyi the tshom gcod par 'gyur/ /khyod kyis shin tu legs par nyon/ /dga' bo </font><hr>Ka257a<br><font size=+1>


@#/ /mang du thos pa las/ /shin tu rtogs par 'gyur ba ni/ /rtag dang mi rtag don rnams te/ /de bas de yi phyir na khyed/ /mi dga' mya ngan ma byed cig/ de'i tshe 'khor gyi dkyil 'khor mang po de dag mchod pa'i yo byad rnam pa sna tshogs kyis bcom ldan 'das la mngon par mchod nas/ bla na med pa yang dag par rdzogs pa'i byang chub tu sems bskyed par gyur to/ /byang chub sems dpa' tshad med mtha' yas pa klung gang+gA'i bye ma snyed ni sa dang po la gnas par gyur to/ /de'i tshe bcom ldan 'das kyis 'jam dpal gzhon nu dang / byang chub sems dpa' 'od srung dang / tsund la lung bstan nas 'di skad ces bka' stsal to/ /rigs kyi bu dang /bdag gi sems la shin tu nan tan byos la/ bag yod par gyis shig /nga ni da ltar brgyab na bas thams cad du na bar gyur gyi/ nga ni ji ltar bus pa chung ngu na ba ltar nyal lo snyam dgongs so/ /'jam dpal la sogs pa khyed rnams kyis 'khor bzhi po la theg pa chen po'i chos rgyas par ston cig /\?\ chos 'di dag kyang khyed la yongs su gdams so/ /de bzhin du 'od srung dang / dga' bo khyod la'ang yang dag pa'i chos 'di dag gdams so/ /de'i tshe de bzhin gshegs pas de skad ces gsungs nas/ so so'i skye bo dag gdul ba'i phyir nad pa ltar </font><hr>Ka257b<br><font size=+1>


glo g.yas pa phab ste gzims so/ /de nas byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ de bzhin gshegs pa ni nad kyis sdug bsngal ba'i skyon thams cad dang bral ba lags te bsnyengs pa mi mnga' na/ bcom ldan 'das/ sems can thams cad ni gdug pa'i zug rngu rnam pa bzhis nad kyi rgyur 'gyur ba ni 'di lta ste/ 'dod chags dang / zhe sdang dang / gti mug dang / nga rgyal lo/ /gal te nad kyi rgyu mchis na nad mang po skye bar 'gyur ba ni 'di lta ste/ 'dod pas tsha ba dang / glo na ba dang / dbugs rgod pa dang / skyug bro ba dang / lus kun sprid pa dang / snying 'khrug cing mi dran pa dang / tshad pas 'khru ba dang / za gu dang / mig dang / rna ba tsha zhing na ba dang / rgyab 'dzangs pa dang / lto sngo ba dang / smyo ba dang / rid cing skam pa dang / yi dwags kyis brlams pa la sogs pa ste/ lus dang sems kyi nad rnam pa sna tshogs ni bcom ldan 'das la mi mnga' na deng ci'i slad du de bzhin gshegs pa sku tshe la gzigs te/ nga rgyab na par 'gyur gyi/ 'jam dpal khyod 'khor mang po la chos ston cig ces bka' stsal/ rgyu dang rkyen rnam pa gnyis kyi nad kyis sdug bsngal bar mi 'gyur ba ni 'di lta ste/ sems can thams cad la byams shing snying brtse ba dang / nad pa la na ba'i rkyen sman sbyin zhing dbul ba ste/ de </font><hr>Ka258a<br><font size=+1>


@#/ /bzhin gshegs pa ni sngon bskal pa tshad ma mchis pa'i bar du byang chub kyi lam la shin tu nan tan mdzad de/ rtag tu gsung snyan pas sems can la bde ba'i don mdzad cing sdug bsngal bar mi 'gyur ba dang / nad pa la sman rnam pa sna tshogs yongs su gtong ba lags na/ de ci'i rkyen gyis deng 'di ltar bsnyung ngo zhes bka' stsal/ bcom ldan 'das/ 'jig rten na nad pa dag ni bar bar 'dug /bar bar nyal/ bar 'ga' ni mi bde bas bza' ba dang btung ba'ang slong / bar 'ga' ni 'khor rnams la so tshis dang las kyang 'di ltar bya'o zhes ston na/ de bzhin gshegs pa ci'i slad du cang mi gsung bar gzims te nyan thos kyi nye gnas rnams la tshul khrims kyi pha rol tu phyin pa dang / bsam gtan dang / rnam par grol ba dang / snyoms par 'jug pa dang / yang dag par spong ba la brtson pa dag ci'i slad du mi ston/ ci'i rkyen gyis theg pa chen po'i mdo sde shin tu zab mo 'di dag mi gsung zhing ci'i slad du de bzhin gshegs pas tshad med pa'i thabs kyis 'od srung chen po mi'i nang na glang po'i rgyal po dang 'dra ba dang / skyes bu chen po rnams la bla na med pa yang dag par rdzogs pa'i byang chub las phyir mi ldog pa mi ston/ ci'i slad du dge slong ma rungs pa ma brtags pa'i </font><hr>Ka258b<br><font size=+1>


dngos po thams cad 'chang ba la chad pas gcod pa mi ston/ bcom ldan 'das yang dag par snyun mi mnga' bzhin du ci'i slad du cang mi gsung bar glo g.yas pa phab nas gzims par gyur/ byang chub sems dpa' dag nad pa la nad kyi rkyen sman byin pa na/ dge ba'i rtsa ba thams cad sems can la bdar nas thun mong du thams cad mkhyen pa'i ye shes su bsngos te/ sems can thams cad kyi nyon mongs pa'i sgrib pa dang / las kyis sgrib pa dang / rnam par smin pa'i sgrib pa yongs su sel to/ /nyon mongs pa'i sgrib pa zhes bgyi ba ni 'dod chags dang / zhe sdang dang / gti mug dang / khong khro ba'i kun nas dkris pa'i nyon mongs pa dang / phrag dog dang / ser sna dang / g.yo dang / sgyu dang / mi 'dzem pa dang / khrel med pa dang / nga rgyal dang / rab kyi nga rgyal dang / nga rgyal las kyang nga rgyal dang / nga'o snyam pa'i nga rgyal dang / log pa'i nga rgyal dang / mngon pa'i nga rgyal dang / chung ba'i nga rgyal dang / bag med pa dang / dregs pa dang / 'khon du 'dzin pa dang / rtsod pa dang / log par 'tsho ba dang / g.yo sgyus tshul 'chos pa dang / rnyed pas rnyed pa tshol ba dang / chos ma yin pas tshol ba dang / mang du tshol ba dang / bsti stang med pa dang / bstan pa bzhin du mi byed pa dang / mi dge ba'i bshes gnyen la bsten pa dang / rnyed pa la chags pas mi skyo ba dang / 'ching </font><hr>Ka259a<br><font size=+1>


@#/ /bas rnam par bcings bas dgrol bar dka' ba dang / 'dod pa ngan pa la 'dod pa dang / chags pa ngan pa la chags pa dang / 'jig tshogs su lta ba dang / yod par lta ba dang / med par lta ba dang / smyang zhing 'phras pa dang / dga' ba dang / gnyid dang / sprul pa dang / mi dga' ba dang / bza' ba dang / btung ba la chags pa dang / sems rmugs pa dang / sems gzhan la dmigs pa dang / mi dge ba yid la byed pa dang / lus dang ngag ngan par spyod pa dang / mang du smra ba la dga' ba dang / dbang po rnams rtul ba dang / smra'o cog tu rdzun zer ba dang / 'dod pa'i rtog pa dang / zhe sdang gi rtog pa dang / gnod pa'i rtog pas kun tu khebs pa nyon mongs pa'i sgrib pa zhes bya ba dang / mtshams med pa lnga'i kha na ma tho ba'i las kyi sgrib pa dang / sems can dmyal ba dang / byol song dang / yi dwags su skye ba dang / dam pa'i chos la skur pa dang / log sreg can du skyes pa ni rnam par smin pa'i sgrib pa zhes bgyi ste/ sgrib pa rnam pa gsum po 'di ni nad chen po zhes bgyi na byang chub sems dpa' rnams ni bskal pa tshad med pa'i bar du byang chub kyi spyad pa spyod pa na na ba thams cad la sman gsos kyi sbyin pa byin te 'di skad du smon lam btab bo/ /sems can thams cad nad dang yongs su bral te/ de bzhin gshegs </font><hr>Ka259b<br><font size=+1>


pa'i rdo rje'i sku thob par gyur cig /sems can tshad med pa thams cad la sman dam pa'i rgyal por gyur te/ nad ma rungs pa thams cad sel bar gyur cig /sems can thams cad sman a ka rte thob cing / sman de'i mthus gdug pa thams cad sel bar gyur cig /gzhan yang sems can thams cad bla na med pa yang dag par rdzogs pa'i byang chub las phyir mi ldog cing / myur du bla na med pa'i sangs rgyas kyi sman rnyed de/ nyon mongs pa'i zug rngu thams cad sel bar gyur cig /gzhan yang sems can thams cad shin tu brtson 'grus brtsom pas de bzhin gshegs pa'i rdo rje lta bu'i thugs dang ldan te/ sman dam par gyur nas nad thams cad gso shing rtsod pa'i 'du shes med par gyur cig /gzhan yang sems can dag sman gyi sdong po chen por gyur te/ nad ma rungs pa thams cad bsal bar gyur cig /gzhan yang sems can thams cad gdug pa'i zug rngu phyung nas de bzhin gshegs pa'i bla na med pa'i 'od zer thob par gyur cig /gzhan yang sems can thams cad de bzhin gshegs pa'i ye shes kyi sman chen po'i chos kyi gter shin tu zab mo la 'jug par gyur cig ces smon lam 'debs so/ /bcom ldan 'das/ byang chub sems dpa' yang de ltar bskal pa tshad med/ dpag tu med/ bgrang du med pa brgya stong gi bar du de skad </font><hr>Ka260a<br><font size=+1>


@#/ /ces smon lam btab ste/ sems can thams cad nad ma mchis par bgyid na ci'i rkyen gyis de bzhin gshegs pa nga na 'o zhes bka' stsal/ bcom ldan 'das/ gzhan yang 'jig rten na nad pa kha cig ni 'dug pa dang / ldang ba dang / 'gro ba dang / 'gog kyang mi nus/ kha zas dang / skom yang mi chud de/ bu tsha la ston cing 'chos kyang mi nus/ 'tsho nam gyi las bya ba'i 'doms kyang mi nus te/ de'i tshe na de'i pha ma dang / chung ma dang / bu dang / 'khor dang / gnyen bshes la sogs pa thams cad kyis de ni nges par 'chi bar 'du shes so/ /bcom ldan 'das/ de ltar de bzhin gshegs pa de'ang de dang 'dra ste/ glo g.yas pa phab nas gzims te/ cang mi gsung bar gyur pas dzam+bu'i gling 'di na skye bo blun po dag 'di snyam du sems par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas nges par mya ngan las 'das te 'gog pa zad pa'i 'du shes bskyed do/ /de bzhin gshegs pa nyid ni mthar yongs su mya ngan las 'da' ba'ang ma mchis so/ /de ci'i slad du zhe na/ de bzhin gshegs pa ni rtag pa mi 'gyur mi 'pho ba'i phyir ro/ /de'i rgyu de'i rkyen gyis nga 'di ltar rgyab na'o zhes gsungs pa'i mi rigs so/ /bcom ldan 'das gzhan </font><hr>Ka260b<br><font size=+1>


yang 'jig rten na nad pa kha cig ni shin tu skem zhing rid pas gan rkyal lam/ glos nyal nas ldang mi nus te/ de'i tshe 'khor rnams kyang de la mi 'dod pa'i sems skyes nas gdon mi za bar 'chi bar 'du shes so/ /de bzhin gshegs pa'ang de dang 'dra ste/ mu stegs can rnam pa dgu bcu rtsa lnga po mi 'dod de mya ngan las 'da' bar 'du shes so/ /mu stegs can dag 'di skad du bdag cag la sogs pa ni bdag ces bya ba dang / bdag po dang / dus dang / rdul phra mo la sogs pa'i chos kyis rtag par gyur pas 'gyur zhing 'pho ba med kyi/ dge sbyong gau ta ma ni mi rtag pas phrogs nas 'gyur zhing 'pho ba'i chos can du gyur to zhes smra'o/ /de bas na bcom ldan 'das cang mi gsung bar glo g.yas pa phab ste gzims pa mi rigs so/ /bcom ldan 'das/ gzhan yang 'jig rten na nad pa dag ni chen po bzhi nyams nas shas mi mnyam pa la shin tu rid cing skem par gyur te/ de bas na yid bzhin du ldang ba dang / 'dug pa mi nus te nyal ba lags na/ de bzhin gshegs pa ni chen po bzhi yang mi mnyam pa ma mchis la/ sku'i mthu dang yang ldan/ nyams rid pa'ang ma mchis te/ bcom ldan 'das/ khyu mchog chung ngu bcu'i stobs ni khyu mchog chen po gcig gi stobs su ma mchis/ khyu mchog chen po bcu'i stobs kyang khyu mchog chen po sngon po gcig gi stobs su ma </font><hr>Ka261a<br><font size=+1>


@#/ /mchis/ khyu mchog sngon po bcu'i stobs kyang bal glang g.yung gcig gi stobs su ma mchis/ bal glang g.yung bcu'i stobs kyang bal glang rgod gcig gi stobs su ma mchis/ bal glang rgod bcu'i stobs kyang bal glang mche ba gnyis pa gcig gi stobs su ma mchis/ bal glang mche ba gnyis pa bcu'i stobs kyang bal glang mche ba bzhi pa gcig gi stobs su ma mchis/ bal glang mche ba bzhi pa bcu'i stobs kyang gangs kyi ri'i bal glang dkar po gcig gi stobs su ma mchis/ gangs kyi ri'i bal glang dkar po bcu'i stobs kyang spos kyi bal glang gcig gi stobs su ma mchis/ spos kyi bal glang bcu'i stobs kyang bal glang sngon po gcig gi stobs su ma mchis/ bal glang sngon po bcu'i stobs kyang bal glang ser po gcig gi stobs su ma mchis/ bal glang ser po bcu'i stobs kyang bal glang dmar po gcig gi stobs su ma mchis/ bal glang dmar po bcu'i stobs kyang bal glang dkar po gcig gi stobs su ma mchis/ bal glang dkar po bcu'i stobs kyang bal glang ri zhes bya ba gcig gi stobs su ma mchis/ bal glang ri zhes bya ba bcu'i stobs kyang bal glang ut+pa la gcig gi stobs su ma mchis/ bal glang ut+pa la bcu'i stobs kyang bal glang ku mu da gcig gi stobs su ma mchis/ bal glang </font><hr>Ka261b<br><font size=+1>


ku mud bcu'i stobs kyang bal glang puN+Da ri ka gcig gi stobs su ma mchis/ bal glang puN+Da ri ka bcu'i stobs kyang mi'i nang na gyad gcig gi stobs su ma mchis/ mi'i gyad bcu'i stobs kyang pa ra gan de gcig gi stobs su ma mchis/ pa ra gan de bcu'i stobs kyang mthu bo che lag pa brgyad pa gcig gi stobs su ma mchis/ mthu bo che bcu'i stobs kyang gnas bcu pa'i byang chub sems dpa' tshigs gcig pa'i stobs su ma mchis so/ /so so'i skye bo thams cad kyi rus pa'i tshigs ni gcig la gcig reg cing 'brel ba ma lags kyi/ gyad stobs po che'i rus pa'i tshigs ni gcig la gcig reg go /pa ra gan de'i rus pa'i tshigs ni gcig la gcig 'brel to/ /mthu po che'i rus pa'i tshigs ni lu gu rgyud bzhin gcig la gcig 'brel to/ /byang chub sems dpa'i rus pa'i tshigs ni 'brug 'khyil ba ltar mdud pa can du mchis pas de bas na de'i stobs ni mchog tu che'o/ /'jig rten thog ma mngon par chags pa na rdo rje'i mtha' la brten te/ rdo rje'i gdan snying po byang chub kyi dkyil 'khor du mngon par byung nas byang chub sems dpa' gdan de la bzhugs te/ de nyid kyi tshe na stobs bcu rnyed par gyur to/ /de bzhin gshegs pa ni byis pa chung ngu lta bu ma lags te/ byis pa chung ngu ni glan te shes pa ma mchis la/ smra'ang mi shes pas na yid bzhin du 'gre zhing nyal yang </font><hr>Ka262a<br><font size=+1>


@#/ /su'ang mi 'phya ste/ de bzhin gshegs pa ni ye shes chen po dang ldan pas thams cad la 'od kyis gsal bar mdzad pa ni mi'i nang na klu lta bu lags pas gzi brjid chen po dang ldan te/ rdzu 'phrul chen po mngon par rdzogs nas bla na med pa'i drang srong chen po the tshom gyi dra pa yongs su bcad pa/ 'dod pa'i zug rngu phyung ba/ spyod lam shin tu mdzes pa/ spyod lam gyi dbang du gyur pa/ bsnyengs pa mi mnga' ba lags na ci'i slad du glo g.yas pa phab ste gzims pas 'jig rten du bcas pa lha dang mi thams cad mi dga' zhing sdug bsngal gyis gdungs par mdzad/ de nas byang chub sems dpa' 'od srung gis bcom ldan 'das kyi spyan sngar tshigs su bcad de gsol pa/ yon tan chen po gau ta ma/ /bzhengs te dam chos bstan du gsol/ /ji ltar byis pa chung ngu'am/ /nad pa nyal ba lta bu min/ /lha mi ston pa kha lo sgyur/ /shing dbang drung du gzims pa 'di| |byis pa ma rabs mthong nas su/ /nges par mya ngan 'da' zhes mchi/ /shin tu rgyas pa'i mdo sde las/ /sangs rgyas spyod yul zab mo yi/ /dgongs te gsungs ba mi shes pa// dmus long lam mi mthong ba bzhin/ /byang chub sems dpa' chen po dang / /'jam dpal gzhon nu la sogs pa/ /zab mo'i don rnams rtogs pa ni/ /ji ltar 'phong la goms </font><hr>Ka262b<br><font size=+1>


pa bzhin/ /dus gsum gshegs pa'i bcom ldan 'das/ /thugs rje chen po'i gtso bor gyur/ /de ltar thugs rje che ba de/ /da ltar ji ltar ga la mchis/ /ji ste thugs rje mi mnga' na| |sangs rgyas zhes kyang bgyir mi rung / /ji ste mya ngan 'das gyur na/ /rtag pa zhes kyang bgyir mi rung / /bla na med pa bcom ldan 'das/ /bdag cag gsol ba gnang bar mdzod/ / 'gro ba kun la bde ba'i phyir/ /mu stegs can dag gdul du gsol/ /de'i tshe bcom ldan 'das thugs rje chen po la goms pa'i thugs kyis sems can so so'i bsam pa mkhyen nas de dag gi rjes su mthar phan pa dang bde ba'i don mdzad pa'i phyir gzims pa las bzhengs nas/ skyil mo krung bcas te bzhugs so/ /de'i tshe sku mdog lhang nge lham mer 'tsher ba ni gser btso ma ltar gsal bar gyur to/ /zhal mdog shin tu mdzes pa ni ji ltar zla ba rgyas pa lta bu'o/ /sku shin tu gsal zhing dag pas dri ma'am/ rnyog pa'i bag med de/ 'od zer chen po bkye nas nam mkha'i dbyings yongs su gang bar gyur to/ /nyi ma brgya stong pas shin tu lhag pa'i 'od kyis shar phyogs dang / lho dang / nub dang / byang dang / phyogs mtshams bzhi dang / steng dang 'og gi phyogs kyi sangs rgyas kyi 'jig rten gyi khams su sems can thams cad la ye shes chen po'i snang ba byin nas ma rig pa'i mun pa yongs su bsal to/ /gzhan yang sems </font><hr>Ka263a<br><font size=+1>


@#/ /can bye ba khrag khrig brgya stong snyed byang chub kyi sems las slar mi ldog par bkod do/ /de'i tshe bcom ldan 'das seng ge'i rgyal po ltar bsnyengs pa med bzhin du skyes bu chen po'i mtshan sum cu rtsa gnyis dang / dpe byad bzang po brgyad cus sku yongs su brgyan te/ sku'i spu'i bu ga re re nas pad+mo re re byung bar sprul to/ /pad+mo de dag kyang 'dab ma stong stong dang ldan te/ pad+mo nyid ni gser/ sdong bu ni bai DUR+Ya/ ge sar ni rdo rje/ gzhi ni shel las byas pa ste/ zlum khyad ni shing rta'i 'khor lo tsam mo/ /pad+mo de dag so so las kyang 'od rnam pa sna tshogs byung ba ni sngon po dang / ser po dang / dmar po dang / dkar po dang / smug po dang / shel gyi kha dog lta bu ste/ 'od de dag so so nas mtshams med pa'i sems can dmyal ba chen po dang / 'du shes kyi sems can dmyal ba dang / thig nag po'i sems can dmyal ba dang / sna tshogs 'dus pa'i sems can dmyal ba dang| 'o dod 'bod pa'i sems can dmyal ba \?\ chen po dang / 'o dod 'bod pa chen po'i sems can dmyal ba dang / shin tu tshig pa'i sems can dmyal ba dang / rab tu cher tshig pa'i sems can dmyal ba dang / sems can dmyal ba brgyad por skyes pa'i sems can dag rtag tu sdug bsngal mang pos rnam par gzer ba ni/ 'di lta ste/ sreg pa dang / </font><hr>Ka263b<br><font size=+1>


btso pa dang / me mur dang / gtun pus gdung ba la sogs pa ste/ de dag kyang 'od des phog ma thag tu sdug bsngal de dag lhag ma ma lus par thams cad byang nas rab tu bde ba dang| shin tu bsil bar longs spyod par gyur to/ /'od zer de las 'di skad du/ de bzhin gshegs pas dgongs te gsungs pa'i snying po grags par gyur pa ni/ kye/ sems can khyed kun la'ang sangs rgyas kyi rang bzhin yod do zhes grags par gyur to/ /sems can de dag gis de skad ces thos nas de ma thag tu tshe 'phos te mtho ris kyi lha dang mir skyes so| |shin tu grang ba'i sems can dmyal ba brgyad la 'di lta ste/ a pa pa'i sems can dmyal ba dang / a ta ta'i sems can dmyal ba dang / a la la'i sems can dmyal pa dang| a tsha tsha'i sems can dmyal ba dang / ut+pa la'i sems can dmyal ba dang / pa thu ma'i sems can dmyal ba dang / ku mu da'i sems can dmyal ba dang / puN+Da ri ka'i sems can dmyal ba ste/ de dag tu skyes pa'i sems can rtag tu sdug bsngal chen po myong ba ni/ 'di lta ste/ lus rab tu gas pa dang / zhig pa dang / dum bu dum bur chad par gyur te| de dag kyang 'od kyis reg ma thag tu sdug bsngal lhag ma ma lus par byang bar gyur to/ /dro ba dang 'jam par gyur nas 'od de la 'di skad du/ de bzhin gshegs pa'i snying po </font><hr>Ka264a<br><font size=+1>


@#/ /ston pa'i sgra grags pa ni/ 'di lta ste/ kye/ sems can dag khyed la'ang sangs rgyas kyi rang bzhin yod do zhes grags te/ de dag gis de skad ces thos nas de ma thag tu tshe 'phos te mtho ris kyi lha dang mir skyes par gyur to/ /de'i tshe de'i dus na dzam+bu'i gling 'di dang / 'jig rten kyi khams gzhan dag gi sems can dmyal ba thams cad stongs par gyur te/ sdug bsngal myong ba med do/ /yi dwags kyi khams su skyes pa dag zas dang skom gyis yongs su gdungs pa/ skra shad 'dzings pas lus dkris pa/ lo brgya stong gi bar du chu'i ming yang mi thos pa dag 'od des reg ma thag tu bkres pa dang / skom pas gdungs pa dang bral te/ 'od de las 'di skad du de bzhin gshegs pa'i snying po ston pa'i sgra grags pa ni/ 'di lta ste/ sems can khyed la'ang sangs rgyas kyi rang bzhin yod do zhes pa'i tshig grags par gyur to/ /sems can de dag gis tshig de skad ces thos nas de dag tshe 'phos te de ma thag tu mtho ris kyi lha dang mir skyes te/ yi dwags kyi khams kyang stongs par gyur te/ de la theg pa chen po shin tu rgyas pa'i mdo sde la skur pa ni ma gtogs so/ /byol song gi skye gnas su skyes pa'i sems can gcig la gcig 'cha' zhing za ba gnod pa byed pa dag kyang 'od des reg </font><hr>Ka264b<br><font size=+1>


nas sdig pa'i sems zhi bar gyur te/ 'od de las kyang 'di skad du de bzhin gshegs pa'i snying po ston pa grags pa ni/ 'di lta ste/ sems can khyed la'ang sangs rgyas kyis rang bzhin yod do zhes grags par gyur to/ /sems can de dag gis 'di skad ces thos nas tshe 'phos te/ de ma thag tu lha dang mir skyes so// //'phags pa yongs su mya ngan las 'das pa chen po'i mdo/ bam po bco lnga pa/ de'i tshe de'i dus na byol song gi khams kyang stongs par gyur te/ dam pa'i chos la skur pa ni ma gtogs so/ /pad+ma re re la'ang sangs rgyas re re bzhugs pa ni 'od zer 'khor ba 'dom gang dang ldan pa/ gser btso ma'i mdog lta bu lham mer 'tsher ba/ shin tu mdzes pa mchog tu bsgrun du med pa| skyes bu chen po'i mtshan sum cu rtsa gnyis dang / dpe byad bzang po brgyad cus sku shin tu brgyan pa/ sangs rgyas de dag la la ni bzhugs/ la la ni 'greng / la la ni mnal/ la la ni sdod/ la la ni 'brug gi sgra sgrogs/ la la ni char 'bebs/ la la ni glog gi 'od 'gyed/ la la ni rlung gtong / la la ni sku me lce'i phung po ltar 'bar/ la la ni rin po che sna bdun gyi ri dang / rdzing dang / 'tshe 'u dang / chu mig dang / 'bab chu dang / nags tshal yang mngon par ston la la rin po che sna bdun gyi yul dang / grong dang / grong rdal dang / grong khyer dang / </font><hr>Ka265a<br><font size=+1>


@#/ /khang khyim yang mngon par ston/ la la ni ba glang dang / rta dang / seng ge dang / stag dang / spyang ki dang / rma bya dang / nam mkha' lding la sogs pa'ang ston/ la la ni dzam+bu'i gling na gnas pa'i sems can gyis sems can dmyal ba dang / byol song dang / yi dwags 'ba' zhig gis gang bar snang ba stan/ la la ni 'dod pa'i khams kyi gnas rim pa drug ston/ bcom ldan 'das la la ni phung po dang / khams dang / skye mched kyi skyon mang po ston to/ /la la ni bden pa bzhi'i chos ston to/ /la la ni rten cing 'brel te 'byung ba sten to/ /la la ni las dang nyon mongs pa thams cad rgyu dang rkyen las skye bar ston to/ /la la ni bdag dang bdag med pa ston to/ /la la ni sdug bsngal ba dang bde ba'i chos gnyis po ston to/ /la la ni rtag pa dang mi rtag pa ston to/ /la la ni gtsang ba dang mi gtsang ba ston to/ /bcom ldan 'das la la ni byang chub sems dpa' rnams la pha rol tu phyin pa drug ston to/ /la la ni byang chub sems dpa'i yon tan gang yin pa ston to/ /la la ni sangs rgyas bcom ldan 'das kyi yon tan gang yin pa ston to/ /la la ni nyan thos kyi yon tan gang yin pa ston to/ /la la ni theg pa gcig pa brtsams te ston to/ /la la ni theg pa gsum gyi mngon par byang chub pa ston to/ / </font><hr>Ka265b<br><font size=+1>


bcom ldan 'das la la ni rtsib logs g.yon pa nas chu 'bab pa dang / rtsib logs g.yas pa nas me 'bar ba ston to/ /la la ni thog ma btsas pa dang / rab tu byung ba dang / snying po byang chub la zhugs pa dang / byang chub kyi shing drung du chos kyi 'khor lo bskor ba dang / yongs su mya ngan las 'da' ba'ang ston to/ /bcom ldan 'das la la ni seng ge'i sgra sgrogs te| 'khor gyi dkyil 'khor dag 'bras bu dang po dang / gnyis pa dang / gsum pa dang / bzhi ba'i bar du thob par ston to/ /la la ni 'khor ba las byung ba'i rgyu dang rkyen tshad med pa'ang ston te/ de'i tshe na dzam+bu'i gling 'dir ngas pa'i sems can 'od des reg pa rnams dmus long dag ni mthong bar gyur/ 'on pa dag ni thos par gyur/ lkugs pa dag ni smra shes par gyur/ zha bo dag kyang 'gro nus par gyur/ dbul phongs pa ni longs spyod dang ldan par gyur/ ser sna can ni gtong phod par gyur/ zhe sdang can ni byams pa'i sems dang ldan par gyur/ ma dad pa rnams ni dad par gyur te/ de ltar 'jig rten gyi khams na sems can gcig tsam yang mi dge ba'i chos la spyod pa med de/ log sred can 'ba' zhig ni ma gtogs so/ /de'i tshe na lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po </font><hr>Ka266a<br><font size=+1>


@#/ /dang| srin po dang / grul bum dang / mi dang mi ma yin pa la sogs pa thams cad skad mthun par 'di skad ces gsol to/ /shin tu legs so/ / bla na med pa bcom ldan 'das kyis thams cad la phan pa dang / bde ba'i don mdzad pa shin tu legs so zhes de skad ces gsol nas/ rab tu dga' mgu rangs te la la ni glu len/ la la ni gar byed/ /la la ni yan lag bskul te/ me tog rnam pa sna tshogs kyis sangs rgyas dang / dge 'dun du bcas pa la mngon par gtor ba ni/ 'di lta ste/ lha rdzas kyi me tog ut+pa la dang / lha rdzas kyi me tog ku mu da dang / me tog pad+mo dang / puN+Da ri ka dang / lha rdzas kyi me tog mnad ra ba dang / mnad ra ba chen po dang / many+dzu Sha ka dang / many+dzu Sha ka chen po dang / sand na dang / sand na chen po dang / lo tsa ni dang / lo tsa ni chen po dang / bsung can dang / bsung can chen po dang / yid du 'ong ba dang / yid du 'ong ba chen po dang / blta na dga' ba dang / blta na dga' ba chen po dang / shin tu mdzes pa dang / mchog tu mdzes pa rnams so/ /gzhan yang lha rdzas kyi spos mang po mngon par gtor ba ni/ 'di lta ste/ lha rdzas kyi spos chu 'bying dang / a ga ru dang / tsan+dan dang / gur kum dang / spos sbyar ma dang / rgya mtsho'i ngogs kyi brtsegs pa la sogs pa'o/ /gzhan yang lha rdzas kyi rin po che'i rgyal </font><hr>Ka266b<br><font size=+1>


mtshan dang / ba dan dang / gdugs dang / gzhan yang lha rdzas kyi rol mo gling bu dang / gci bus mang dang / dgu po rgyud mang dang / rnga la sogs pas mngon par mchod nas sangs rgyas kyi spyan sngar tshigs su bcad de gsol pa/ bdag cag phyag 'tshal brtson 'grus rab rtsom pa/ /bla med yang dag rdzogs pa rkang gnyis mchog /lha mi bcas pa'i 'khor gyis mi shes pa/ /khyu mchog gau tam khyod ni shin tu rtogs/ /bcom ldan 'das pa'i dus na bdag cag phyir/ /bskal pa tshad med par du dka' ba mdzad/ /ci yi slad du thugs dam rab btang ste/ /yongs su mya ngan 'da' bar gshegs par dgongs/ /'gro ba thams cad kun gyis mi shes pa/ /de bzhin gshegs pa'i gsang ba'i snying po'o/ /de yi rkyen gyis 'byung bar rab dka' ste/ /'khor ba kun tu 'khor zhing ngan song ltung / /bcom ldan 'das kyis gsungs pa'i dgra bcom pa/ /de dag thams cad mya ngan 'da' bar 'jug /de ltar sangs rgyas spyod yul zab mo ni/ /byis pa ma rabs su zhig rtogs par 'gyur/ /'gro ba kun gyi nyon mongs bsal ba'i phyir/ /'gro ba kun la zil mngar chos kyang ston/ / gang zhig bdud rtsi 'di dag myong ba ni/ /phyir yang skye rga na 'chi len mi srid/ /bcom ldan 'das kyis shin tu gso ba ni/ /sems can mang po brgya stong tshad med snyed/ /nad </font><hr>Ka267a<br><font size=+1>


@#/ /kyis shin tu gdungs te gzir ba rnams/ /lhag ma lus pa med par thams cad bsal/ /bcom ldan 'das ni yun ring nad spangs pas/ /de phyir sangs rgyas tha ma bdun por gyur/ /deng 'dir chos kyi char kun phab nas su/ /bdag cag yon tan sa bon brlan par mdzod/ /de ltar lha mir bcas pa 'khor rnams kyis/ de skad gsol nas cang mi smra bar 'khod/ /tshigs su bcad pa 'di dag gsol ba'i tshe/ pad+mo la bzhugs pa'i sangs rgyas thams cad dzam+bu'i gling nas gnas gtsang ma'i ris kyi bar du thams cad kyis thos par gyur to/ /de nas bcom ldan 'das kyis byang chub sems dpa' 'od srung la legs so/ /legs so zhes bya ba byin nas/ rigs kyi bu/ 'di ltar khyod ni shin tu zab mo'i ye shes 'di lta bu dang ldan pas na bdud dang mu stegs can thams cad kyis rnam par 'jig mi nus so/ /rigs kyi bu khyod 'di ltar shin tu bde bar gnas pas ngan par lta ba thams cad kyi rlung gis bskyod par mi nus so/ /rigs kyi bu khyod kyis 'di ltar so so yang dag par shes pa'i spobs pa dang ldan pa ni 'das pa'i sangs rgyas bcom ldan 'das tshad med pa gang+ga klung gi bye ma snyed la mchod pa byas pas na/ de bzhin gshegs pa dgra bcom pa yang dag par rdzogs pa'i sangs </font><hr>Ka267b<br><font size=+1>


rgyas la don 'di dag dris par gyur to/ /rigs kyi bu/ nga ni yun ring po'i bskal pa tshad med mtha' yas dpag tu med pa bye ba khrag khrig brgya stong gi bar du nad kyi dngos po dang bral bas bsnyengs te nyal ba'ang yongs su spong ngo / /'od srung / sngon bskal pa tshad med grangs med pa 'das pa de'i tshe de'i dus na sangs rgyas bcom ldan 'das bla med rgyal ba zhes bya ba de bzhin gshegs pa dgra bcom pa yang dag par rdzogs pa/ mkhyen pa dang zhabs su ldan pa bde bar gshegs pa 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa/ sangs rgyas bcom ldan 'das 'jig rten du mngon par byung nas/ nyan thos rnams la theg pa chen po yongs su mya ngan las 'das pa'i mdo sde 'di rgyas par phye zhing bstan te/ don rtogs par byas so/ /de'i tshe na nga'ang sangs rgyas de'i nyan thos su gyur pas/ yongs su mya ngan las 'das pa chen po'i mdo 'di gzungs su bzung nas/ klog pa dang / 'don pa dang / don khong du chud ba dang / glegs bam du 'dri ba dang / gzhan la rgyas par 'byed cing ston pa la sogs pa byas te/ dge ba'i rtsa ba de nyid kyang bla na med pa yang dag par rdzogs pa'i byang chub tu bsngos so/ /rigs kyi bu/ de tshun chad sdig pa'i nyon mongs pa'i las kyis ngan song du ltung </font><hr>Ka268a<br><font size=+1>


@#/ /ma myong ngo / /dam pa'i chos la skur te log sred can gyi lus sam/ nyung rum dang / dbang po med pa dang / mtshan gnyis pa'i lus kyang len ma myong ngo / /mtshams med pa'i las pha ma bsad pa dang / dgra bcom pa bsad pa dang / mchod rten bshig pa dang / dge 'dun gyi dbyen byed pa dang / sangs rgyas kyi sku la ngan sems kyis khrag phyung ba dang / rtsa ba bzhi nyams pa'i las byed ma myong ngo / /de tshun chad lus dang sems rab tu bde bar gyur gyi/ sdug bsngal gyis gdungs par ma gyur to/ /'od srung / nga la ni yang dag par na nad thams cad med do/ /de ci'i phyir zhe na/ sangs rgyas bcom ldan 'das ni yun ring po nas nad thams cad yongs su spangs pa'i phyir ro/ /'od srung / so so'i skye bo dag ni theg pa chen po shin tu rgyas pa las dgongs te gsungs pa'i don mi shes pas na de bzhin gshegs pa ni yang dag par nad yod do snyam sems so/ /'od srung / de bzhin gshegs pa ni mi'i nang na seng ge'o zhes bya ba de'ang de bzhin gshegs pa ni yang dag par na seng ge ma yin te/ de skad ces gsungs pa de ni de bzhin gshegs pas dgongs te gsungs pa yin par rig par bya'o/ /'od srung / de bzhin gshegs pa ni mi'i nang na klu chen po zhes bya ba'ang nga ni bskal pa tshad med </font><hr>Ka268b<br><font size=+1>


ba'i bar du las de dag yongs su spangs pa yin no/ /'od srung / de la de bzhin gshegs pa ni mi yin no/ /lha yin no zhes zer te/ yang dag par na nga ni mi'ang ma yin/ lha'ang ma yin/ gnod sbyin ma yin/ dri za ma yin/ lha ma yin ma yin/ nam mkha' lding dang / mi'am ci dang / lto 'phye chen po ma yin/ bdag ma yin/ srog ma yin/ 'tsho ba ma yin shed can ma yin/ shed bdag ma yin/ byas pa ma yin/ ma byas pa ma yin/ tshor ba ma yin/ mi tshor ba ma yin/ bcom ldan 'das ma yin/ nyan thos ma yin/ smra ba ma yin/ mi smra ba ma yin te/ de skad ces gsungs pa de dag thams cad ni de bzhin gshegs pas dgongs te gsungs pa yin par rig par bya'o/ /'od srung / de la de bzhin gshegs pa ni rgya mtsho dang 'dra ba'o/ /ri rab dang 'dra ba'o zhes kyang bya ste/ yang dag par na de bzhin gshegs pa ni lan tshwa'i ro bro ba ma yin/ brag ca lta bu ma yin te/ de skad ces gsungs pa de'ang de bzhin gshegs pas dgongs te gsungs pa yin na/ /'od srung / de bzhin gshegs pa ni puN+Da ri ka dang 'dra ba'o zhes kyang bya ste/ yang dag par na de bzhin gshegs pa ni puN+Da ri ka ma yin te/ de skad ces gsungs pa de'ang de bzhin gshegs pas dgongs te gsungs pa yin no/ /'od srung / de bzhin gshegs pa ni pha ma lta bu'o zhes kyang bya ste/ de </font><hr>Ka269a<br><font size=+1>


@#/ /bzhin gshegs pa ni yang dag par na pha ma ma yin gyi/ de skad ces gsungs pa de'ang de bzhin gshegs pas dgongs te gsungs pa yin no/ /'od srung / de bzhin gshegs pa ni ded dpon chen po zhes kyang bya ste/ de bzhin gshegs pa ni yang dag par na ded dpon chen po ma yin gyi/ de skad ces gsungs pa de'ang de bzhin gshegs pas dgongs te gsungs pa yin no/ /'od srung / de bzhin gshegs pa ni tshong dpon dang 'dra ba'o zhes kyang bya ste/ yang dag par na de bzhin gshegs pa ni tshong dpon ma yin gyi/ de skad ces gsungs pa de'ang de bzhin gshegs pas dgongs te gsungs pa yin no/ /'od srung / de bzhin gshegs pa ni bdud bcom pa zhes kyang bya ste/ yang dag par na de bzhin gshegs pa la ngan sems ni med kyi/ de dag gdul ba'i phyir de skad ces gsungs pa de'ang de bzhin gshegs pas dgongs te gsungs pa yin no/ /'od srung / de bzhin gshegs pa ni 'brum bu ma rungs pa gso ba'o zhes kyang bya ste/ yang dag par na de bzhin gshegs pa ni 'brum bu gso ba'i mkhan po ma yin gyi/ de skad ces gsungs pa de'ang de bzhin gshegs pas dgongs te gsungs pa yin no/ /'od srung / ngas sngar gsungs pa ltar/ rigs kyi bu'am rigs kyi bu mo </font><hr>Ka269b<br><font size=+1>


gang zhig lus dang / ngag dang / yid kyi las yongs su dag par sbyong ba de'ang tha ma 'chi ba'i dus byed pa na gnyen bshes yod mod kyi/ de'i ro gal te na mer sreg go /gal te na chu'i nang ngam dur khrod du 'dor te/ wa dang / khyi dang / spyang ki la sogs pas zos kyang / de'i rnam par shes pa ni mtho ris su skye'o/ /de ltar de'i sems ni song ba dang / 'ong ba'ang med/ phyin pa'i gnas kyang med kyi/ snga phyir 'dra ba'i skad cig ma'i rgyun yin gyi/ tha dad pa ni med do zhes de skad gsungs pa de'ang de bzhin gshegs pas dgongs te gsungs pa yin no/ /'od srung / da ltar nga na'o zhes bya ba de'ang de dang 'dra ste/ de bzhin gshegs pas dgongs te gsungs pa yin te/ de bas na srog la lta bas nga rgyab snyun gyi/ 'jam dpal khyod 'khor rnam bzhi la chos ston cig ces byas pa yin no/ /'od srung / yang dag par na de bzhin gshegs pa yang dag par rdzogs pa'i sangs rgyas mi snyun te/ glo g.yas pa pha ba nas nyal ba'ang med la/ mthar yongs su mya ngan las 'das pa'ang med do/ /'od srung / yongs su mya ngan las 'das pa chen po 'di ni sangs rgyas rnams kyi ting nge 'dzin shin tu zab mo yin gyi/ nyan thos dang / rang sangs rgyas rnams kyi spyod yul ma yin no/ /'od srung khyod sngar nga la 'dri ba las de bzhin gshegs pa ci'i slad du gzims te mi bzhengs/ </font><hr>Ka270a<br><font size=+1>


@#/ /zhal zas kyang mi gsol/ 'khor rnams la gdams pa dang / 'tsho tshis kyi las la sogs pa'ang mi ston ces dris pa ni/ 'od srung / 'di lta ste/ nam mkha' nyid la ni 'dug pa'am/ langs pa'ang med/ zas dang skom 'dod pa'ang med/ 'khor rnams la gdams pa dang / 'tsho tshis kyi las ston pa med/ 'ong ba dang / song ba dang / skye ba dang / 'gog pa dang / rga ba dang / lang tsho ba dang / byung ba dang / nub pa dang / smras pa dang / 'chag pa dang / grol ba dang / 'ching ba zhes bya ba med de/ bdag ces brjod pa med/ gzhan zhes brjod pa med/ bdag grol ba'ang med/ gzhan dgrol ba'ang med/ bde ba'ang ma yin/ na pa'ang ma yin no/ /rigs kyi bu/ sangs rgyas bcom ldan 'das kyang de dang 'dra ste/ nam mkha' lta bu yin na/ nad kyis sdug bsngal ba ga la zhig yod/ 'od srung / 'jig rten na gang zag rnam pa gsum gyi nad ni shin tu'ang gso dka'o/ /gang zhe na/ theg pa chen po la skur ba dang / mtshams med pa lnga byas pa dang / log sred can te/ nad rnam pa 'di gsum ni 'jig rten na shin tu'ang gso dka' ste/ nyan thos dang / rang sangs rgyas dang / byang chub sems dpas kyang gso nus pa ma yin no/ /rigs kyi bu/ dper na/ nges bar 'chi ba'i nad pa gso </font><hr>Ka270b<br><font size=+1>


dka' ba ni/ nad g.yog dang / yid bzhin gyi sman du ldan nam/ nad g.yog med dam/ yid bzhin du sman dang mi ldan na'ang nad pa de ni nges par gsor mi rung bas na/ mi de gdon mi za bar 'chi'o/ /rigs kyi bu/ gang zag rnam pa gsum po de'ang de dang 'dra ste/ gal te nyan thos sam/ rang sangs rgyas sam/ byang chub sems dpas chos bstan tam/ chos ma bstan kyang bla na med pa yang dag par rdzogs pa'i byang chub tu sems bskyed par 'gyur gyi/ chos ma thos pas sems bskyed par 'gyur ba ni bla na med pa yang dag par rdzogs pa'i byang chub tu sems bskyed du gzhug mi nus so/ /'od srung / dper na/ nad pa gsor rung ba/ nad g.yog dang / yid bzhin gyi sman dang ldan na 'tsho bar 'gyur ro/ /rnam pa gsum po dang mi ldan na 'tsho bar mi 'gyur te/ nyan thos dang / rang sangs rgyas kyang de dang 'dra ste/ sangs rgyas dang / byang chub sems dpa' las chos thos na de ma thag tu bla na med pa yang dag par rdzogs pa'i byang chub tu sems bskyed par 'gyur gyi/ chos ma thos pas sems bskyed par 'gyur ba ni ma yin no/ /'od srung / dper na/ nad pa zhig nad g.yog dang / yid bzhin gyi sman dang ldan yang rung / nad g.yog dang / yid bzhin gyi sman du mi ldan yang rung ste/ 'tsho bar 'gyur ba yod de/ de bzhin du gang </font><hr>Ka271a<br><font size=+1>


@#/ /zag rnam pa gcig kyang de dang 'dra ste/ nyan thos dang phrad kyang rung / nyan thos dang ma phrad kyang rung / rang sangs rgyas dang phrad kyang rung / rang sangs rgyas dang ma phrad kyang rung / byang chub sems dpa' dang phrad kyang rung / byang chub sems dpa' dang ma phrad kyang rung / de bzhin gshegs pa dang phrad kyang rung / de bzhin gshegs pa dang ma phrad kyang rung / chos thos kyang rung / chos ma thos kyang rung ste/ bla na med pa yang dag par rdzogs pa'i byang chub tu mngon par 'tshang rgya bar 'gyur ba yod do/ /'di lta ste/ gang zag su zhig bdag gi phyir ram/ gzhan gyi phyir ram/ gal te 'jigs pa'i phyir ram/ rnyed pa dang grags pa'i phyir ram/ g.yo sgyu'i phyir ram/ gzhan bslu ba can gyi phyir yongs su mya ngan las 'das pa chen po'i mdo sde 'di bris sam/ 'drir bcug gam/ 'chang ngam/ 'dzin tam/ klog gam/ 'don tam/ bsti stang dang bcas pas mchod pa byed dam/ gzhan la ston cing 'chang pa'o/ /'od srung / gang zag rnam pa 'di lnga ni theg pa chen po yongs su mya ngan las 'das pa'i mdo sde 'di la skyon dang bcas pa bzhin du spyod kyi/ de bzhin </font><hr>Ka271b<br><font size=+1>


gshegs pa ni ma yin no/ /lnga gang zhe na/ 'di lta ste/ nyon mongs pa rnam pa gsum bcad nas/ rgyun du zhugs pa'i 'bras bu thob pas sems can dmyal ba dang / byol song dang / yi dwags kyi khams su mi skye'i/ lha dang mir lan bdun ldog pa/ sdug bsngal thams cad bcad nas mya ngan las 'das par zhugs pa ste/ 'od srung / de ni skyon dang bcas pas spyod pa'i gang zag gcig ces bya ste/ ma 'ongs pa'i dus kyi bskal pa brgyad khri 'das nas/ bla na med pa yang dag par rdzogs pa'i byang chub tu mngon par 'tshang rgya bar 'gyur ro/ /'od srung nyon mongs pa tha ma gsum po bcad nas/ 'dod chags dang / zhe sdang dang / gti mug srab par gyur te/ lan gcig phyir ldog pa'i 'bras bu thob pas/ lan gcig phyir ldog ste sdug bsngal yongs su bcad nas mya ngan las 'das par zhugs pa ni/ 'od srung / skyon dang bcas par spyod pa gnyis zhes bya ste/ de'ang bskal pa drug khri 'das nas/ bla na med pa yang dag par rdzogs pa'i byang chub tu 'tshang rgya bar 'gyur ro/ /'od srung / gang zag gsum po ni nyon mongs pa tha ma lnga po bcad de phyir mi ldog pa'i 'bras bu thob pas phyir mi ldog ste/ sdug bsngal thams cad bcad nas mya ngan las 'das par zhugs pa ni/ skyon dang bcas par spyod pa gsum zhes bya ste/ de'ang bskal pa bzhi khri 'das nas bla na med pa </font><hr>Ka272a<br><font size=+1>


@#/ /yang dag par rdzogs pa'i byang chub tu 'tshang rgya bar 'gyur ro/ /'od srung / gang zag bzhi po ni 'dod chags dang / zhe sdang dang / gti mug yongs su bcad nas/ dgra bcom pa'i 'bras bu thob pas nyon mongs pa lhag ma ma lus par mya ngan las 'das par zhugs pa ni bse ru ltar gcig tu spyod pa'ang ma yin te/ de ni skyon dang bcas par spyod pa bzhi zhes bya ste/ de'ang bskal pa nyi khri 'das nas bla na med pa yang dag par rdzogs pa'i byang chub tu 'tshang rgya bar 'gyur ro/ /'od srung / gang zag lnga pa'ang 'dod chags dang / zhe sdang dang / gti mug yongs su bcad nas/ rang sangs rgyas kyi 'bras bu thob ste/ nyon mongs pa lhag ma ma lus par mya ngan las 'da' bar zhugs te/ bse ru ltar gcig pu spyod pa ni skyon dang bcas par spyod pa lnga zhes bya ste/ de'ang bskal pa khri 'das nas bla na med pa yang dag par rdzogs pa'i byang chub tu mngon par 'tshang rgya bar 'gyur ro/ /'od srung / de dag ni skyon dang bcas par spyod pa'i gang zag lnga zhes bya ste/ de bzhin gshegs pa ni ma yin no/ /'phags pa yongs su mya ngan las 'das pa chen po'i mdo las/ 'khor mang pos kun nas dris pa zhes bya ba'i le'u ste lnga pa'o// //de nas bcom ldan 'das kyis byang chub </font><hr>Ka272b<br><font size=+1>


sems dpa' 'od srung la bka' stsal pa/ rigs kyi bu/ byang chub sems dpa' sems dpa' chen po dag /yongs su mya ngan las 'das pa chen po'i mdo sde 'di las/ spyod pa rnam lnga yid la bya'o/ /lnga gang zhe na/ 'phags pa'i spyod pa dang / tshangs pa'i spyod pa dang / lha'i spyod pa dang / byis pa'i spyod pa dang / skyon dang bcas pa'i spyod pa'o/ /rigs kyi bu/ byang chub sems dpa' sems dpa' chen po rnams ni spyod pa lnga po 'di la shin tu nan tan bya'o/ /gzhan yang spyod pa gcig ste/ de bzhin gshegs pa'i spyod pa'o/ /de'ang theg pa chen po yongs su mya ngan las 'das pa chen po'i mdo sde 'di'o/ /'od srung / de la ji ltar na byang chub sems dpa' sems dpa' chen pos 'phags pa'i spyad pa spyod pa yin zhe na/ byang chub sems dpa' sems dpa' chen pos gal te nyan thos sam/ de bzhin gshegs pa las yongs su mya ngan las 'das pa'i mdo sde 'di thos nas dad pa bskyed do/ /dad pa bskyed nas/ 'di snyam du bsam pa yid la bya'o/ /sangs rgyas bcom ldan 'das rnams la bla na med pa'i lam yod de/ yang dag pa'i chos chen po yod pas 'khor mang po rnams yang dag par spyod de/ gzhan yang shin tu rgyas bar theg pa chen po'i mdo sde yod de/ bdag kyang de la dad pa dang / mos par bya'o/ /theg </font><hr>Ka273a<br><font size=+1>


@#/ /pa chen po'i mdo sde tshol ba'i phyir shin tu chags pa'i chung ma dang / bu dang / 'khor rnams dang / gnas pa'i khang khyim dang / gser dang / dngul dang / rin po che dang / rgyan dam pa dang / me tog dang / spos dang / rol mo dang / bran pho dang / bran mo dang / las byed pa'i mi dang / khye'u dang / bu mo dang / bal glang dang / rta dang / shing rta dang / ba glang dang / lug dang / bya dang / khyi dang / phag la sogs pa'ang yongs su gtang bar bya'o/ /yang 'di snyam du sems te/ khyim na gnas pa shin tu dog pa dag ni btson ra dang ma tshungs te/ nyon mongs pa thams cad kyang de'i dbang gis skye'o/ /rab tu byung ba shin tu yangs pa ni nam mkha' dang 'dra ste/ dge ba'i chos thams cad kyang de'i dbang gis skye zhing 'phel lo/ /khyim na gnas pas 'tsho ba'i mthar mi phyin gyi/ bdag tshangs par spyod pa'i phyir skra dang kha spu bregs te/ khyim nas khyim ma yin par rab tu 'byung zhing byang chub la nan tan bya'o snyam du bsams nas/ bdag gdon mi za bar rab tu byung ste/ bla na med pa yang dag par rdzogs pa'i byang chub la nan tan byed do/ /byang chub sems dpa' de ltar rab tu byung ba'i tshe/ bdud sdig to can shin tu sdug bsngal bar gyur nas/ 'di skad du byang chub sems dpa' 'di'ang </font><hr>Ka273b<br><font size=+1>


pa dang rtsod par 'gyur ro zhes zer ro/ /rigs kyi bu/ de ltar byang chub sems dpa' gzhan dang lta ga la zhig rtsod de/ de'i tshe na byang chub sems dpa' de dge 'dun gyi gnas su song nas/ gal te de bzhin gshegs pa'am/ de bzhin gshegs pa'i nye gnas spyod lam dang ldan pa/ dbang po zhi ba/ sems mnyen zhing des pas/ yongs su dag pa rab tu zhi ba'i drung du song nas/ rab tu 'byung bar gsol te/ skra dang kha spu bregs nas chos gos ngur smrig gyon no/ /de ltar rab tu byung nas tshul khrims yongs su bsrungs te/ spyod lam mi nyams pa dang / spyod lam mdzes pa dang / nyes pa mi byed pa dang / tshung ngu na nyes byas kyi bar du'ang 'jigs pa'i sems bskyed cing / tshul khrims srung ba'i sems rdo rje ltar brtan pa'o/ /rigs kyi bu/ dper na/ mi zhig rkyal pa thogs te rgya mtshor zhugs pa las/ de'i tshe rgya mtsho'i nang nas srin po zhig gis mi de la rkyal pa bslangs pa las/ mi des de skad ces thos nas/ de 'di snyam du sems te/ bdag ci ste rkyal pa 'di byin na gdon mi za bar chu'i nang du nub ste 'chi'o snyam bsams nas/ srin po de la 'di skad ces smras so/ / khyod kyis bdag bsad kyang bla'i/ rkyal pa ni sbyin du mi rung ngo / /srin pos yang smras pa/ ril gyis sbyin du mi rung na'ang phyed tsam zhig sbyin du mi rung ngam zhes smras kyang ma ster </font><hr>Ka274a<br><font size=+1>


@#/ /ro| |srin pos yang smras pa/ phyed sbyin du mi rung na sum cha cam zhig byin cig ces byas kyang ma ster ro/ /srin pos yang smras pa/ sum cha tsam sbyin du mi rung na yang lag mthil tsam byin ces smras kyang mi ster ro/ /srin pos yang smras pa/ 'di ltar khyod kyis lag mthil tsam yang mi sbyin na/ bdag ni shin tu ltogs pas sdug bsngal gyis yongs su gdungs na rdul gyi cha shas tsam zhig bdag la stsal du gsol/ mi des smras pa/ khyod slong ba 'di'ang chen po ma yin te/ shin tu'ang chung mod kyi/ 'on kyang bdag rgya mtsho ma brgal la/ pha rol gyi mtha' nye ring yang ma rtogs par khyod la byin par gyur na/ dbugs phyir 'byung ste/ rgya mtsho'i bgegs las kyang ga la zhig thar te/ chu'i nang du bdag 'chi bar 'gyur ro/ /rigs kyi bu/ byang chub sems dpa' sems dpa' chen po'i tshul khrims yongs su bsrung ba'ang de dang 'dra ste/ ji ltar rgya mtsho brgal ba'i mi de rkyal pa phangs pa bzhin du byang chub sems dpa' yang tshul khrims srung ba'i tshe na/ nyon mongs pa'i srin po ma rungs pa rnams byang chub sems dpa' la 'di skad ces zer ro/ /khyod bdag smra ba la yid ches par gyis shig dang / khyod la slu ba ma yin te/ khyod kyis phas pham pa bzhi nyams </font><hr>Ka274b<br><font size=+1>


kyang tshul khrims gzhan srung na de'i rgyu de'i rkyen gyis khyod rab tu bde ba'i mya ngan las 'da' ba thob par 'gyur ro zhes zer ro/ /de'i tshe na/ byang chub sems dpa' de 'di skad ces zer ro/ /bdag tshul khrims de dag bsrungs pas mtshams med pa'i sems can dmyal bar ltung yang bla'i/ tshul khrims nyams te mtho ris kyi lhar skye ba mi 'dod do/ /nyon mongs pa'i srin po'ang 'di skad ces zer te/ khyod phas pham pa bzhi nyams par ma 'dod na/ dge 'dun gyi lhag ma ma bsrungs kyang de'i rgyu de'i rkyen gyis rab tu bde ba'i mya ngan las 'da' ba thob par 'gyur ro zhes smras kyang / de'i rjes su mi 'jug go /nyon mongs pa'i srin po yang 'di skad du/ khyod dge 'dun gyi lhag ma nyams par mi 'dod na/ nyes pa sbom po'i chos nyams kyang de'i rgyu de'i rkyen gyis khyod rab tu bde ba'i mya ngan las 'da' ba thob par 'gyur ro/ /zhes smras kyang / byang chub sems dpa' tshig de'i rjes su mi 'jug go /nyon mongs pa'i srin po'ang 'di skad du/ khyod nyes pa sbom po'i chos nyams par mi 'dod na/ spang ba ltung ba'i chos nyams kyang de'i rgyu de'i rkyen gyis rab tu bde ba'i mya ngan las 'da' ba thob par 'gyur ro zhes smras kyang / byang chub sems dpa' tshig de'i rjes su mi 'jug go /srin pos yang smras pa/ khyod de ltar spang </font><hr>Ka275a<br><font size=+1>


@#/ /ba ltung ba'i chos nyams par mi 'dod na ltung ba'i chos dgu bcu nyams kyang de'i rgyu de'i rkyen gyis rab tu bde ba'i mya ngan las 'da' ba thob par 'gyur ro zhes smras kyang / byang chub sems dpa' tshig de'i rjes su mi 'jug go /srin pos yang 'di skad du ltung ba dgu bcu nyams par mi 'dod na/ nyes byas kyi chos nyams kyang de'i rgyu de'i rkyen gyis rab tu bde ba'i mya ngan las 'da' ba thob par 'gyur ro zhes smras kyang / byang chub sems dpa' de'i tshe 'di snyam du sems te/ gal te bdag la nyes byas kyi kha na ma tho ba byung ste ma bshags/ ma mthol na 'khor ba'i pha rol tu'ang mi phyin/ mya ngan las 'da' bar mi 'gyur ro snyam sems nas/ byang chub sems dpa' sems dpa' chen po chung ngu na nyes byas la'ang rdo rje lta bu'i sems kyis srung zhing 'dzin to/ /byang chub sems dpa' sems dpa' chen po ni phas pham pa bzhi srung ba dang / nyes byas srung ba la shin tu brtan te tha dad pa med do/ /byang chub sems dpas gal te de ltar srung ba ni tshul khrims kyi yan lag lnga dang ldan pa zhes bya'o/ /'di lta ste/ byang chub sems dpa'i las kyi ngo bo nyid yongs su dag pa'i tshul khrims dang / snga ma dang phyi ma'i 'khor yongs su dag pa'i tshul khrims dang / ngan par rtog pa ma yin pa </font><hr>Ka275b<br><font size=+1>


dang / rtog pa rnam par dag pa'i tshul khrims dang / yang dag pa'i dran pa srung zhing dran pa rnam par dag pa'i tshul khrims dang / bla na med pa yang dag par rdzogs pa'i byang chub tu bsngo ba'i tshul khrims so/ /'od srung / gzhan yang byang chub sems dpa' sems dpa' chen po'i tshul khrims la rnam pa gnyis te/ 'jig rten na yang dag par bstan pa'i tshul khrims blangs pa dang / yang dag pa'i chos kyi tshul khrims thob pa ste/ byang chub sems dpas gal te yang dag pa'i chos kyi tshul khrims thob na/ nam du'ang sdig pa mi byed do/ /'jig rten na yang dag par bstan pa'i tshul khrims blang ba ni gsol pa dang / bzhi'i las byas pas thob par 'gyur ro/ /gzhan yang rigs kyi bu/ tshul khrims la rnam pa gnyis te/ rang bzhin gyis lci ba'i tshul khrims dang / 'jig rten gyis dpyas pa med par byed pa'i tshul khrims so/ /rang bzhin gyis lci ba'i tshul khrims ni phas pham pa bzhi'o/ / 'jig rten gyis dpyas pa med par bya ba'i tshul khrims ni/ tshong mi byed pa dang / bre phul dang / srang mi 'chos pa dang / gzhan la mi slu ba dang / gzhan yang rigs dang mthu bsnyams te gzhan gyi nor mi 'phrog pa dang / gzhan yang gnod sems kyis 'ching ba dang / las su byas pa bshig ste ma rung bar byed pa dang / me mar gyi 'od yod bzhin du nyal </font><hr>Ka276a<br><font size=+1>


@#/ /ba dang / khang khyim dang / rmo ba'i las byed pa dang / 'tsho 'chis kyi las la sogs pa byar mi rung ba dang / gzhan yang bal glang dang / rta dang / shing rta dang| ba glang dang / lug dang / rnga mo dang / bong bu dang / bya dang / khyi dang / spre'u dang / rma bya dang / ne tso dang / 'tsho byed dang / ko byi la dang / 'phar ba dang / stag dang / gzig dang| byi la dang / phag dang / de ma yin pa gcan gzan ma rungs pa rnams dang / khye'u dang / bu mo dang / skyes pa dang / bud med dang / bran pho dang / bran mo dang / las byed pa'i mi mi 'chang / mi gso ba dang / gzhan yang gser dang / dngul dang / bai DUR+Ya dang / shel dang / mu tig dang / asma gar+b+ha dang / mu sa la gar+b+ha dang / byu ru dang / shel gyi snam bu dang / do shal la sogs te rin po che rnams dang / zangs dang / 'khar ba dang / ra gan gyi snod dang / gding ba par tang dang / dre'u rdog dang / gding ba 'jam po dang| de ma yin pa khre dang / 'bras dang / nas dang / gro dang / sran ma dang / zar ma dang / zas g.yos byas pa dang / ma byas pa la sogs pa mi 'chang ba dang / rtag tu za gcig byed cing yang dang yang mi len pa dang / rtag tu bsod snyoms spyod pa dang / dge 'dun gyi nang na zas kyi bya ba byed pa dang / rtag tu chog shes pa dang / khud par </font><hr>Ka276b<br><font size=+1>


mgron du bos par mi 'gro ba dang / sha mi za ba dang / smyo ba'i khu ba chang mi 'thung ba dang / dku ba rnam pa lnga la sogs te/ dku zhing mnam pa'i bag mi za ba dang / de bas na de'i lus ni mnam pa'i bag med de/ rtag tu 'jig rten du bcas pa'i lha dang mi thams cad kyis bkur sti dang / rim gro byed cing / mchod pa dang / bstod par 'gyur ba dang / zas kyi tshod 'dzin pa dang / lhag ma mi 'chang ba dang / sbyin bdag gi gos byin pa len na'ang ran par len pa dang / gang nas gang du 'gro'ang chos gos gsum dang lhung bzed du bcas te/ bya'i 'dab ma ltar mi 'bral ba dang / gzhan yang rtsa ba'i 'bras bu dang / sdong bu'i 'bras bu dang / tshigs kyi sa bon dang / mdud pa'i sa bon dang / 'bras bu'i sa bon mi 'chang ba dang / gzhan yang rin po che'i gter dang / gser dang / dngul dang / bza' ba dang / btung ba dang / tshang mang dang / bang mdzod dang / bgo ba'i gos dang / khri stan mthon po dang / bal glang gi mche ba'i khri dang / gser gyi khri dang / thags su btags pa rnam pa mang po la sogs pa la mi nyal/ mi 'chang ba dang / gzhan yang rtswa las byas pa'i stan 'jam po thams cad mi 'chang ba dang / bal glang gi khyogs dang / rta'i khyogs la mi 'dug pa dang / shin tu 'jam pa'i gos mi gding ba dang / khri la sngas gnyis mi bca' </font><hr>Ka277a<br><font size=+1>


@#/ /ba dang / gzhan yang sngas bzang po dang / bsnyes pa'i sngas mi 'chang ba dang / nam du'ang bal glang 'thab pa dang / rta 'thab pa dang / shing rta 'thab pa dang / dmag 'thab pa dang / skyes pa 'thab pa dang / bud med 'thab pa dang / khyu mchog 'thab pa dang / lug 'thab pa dang / chu glang 'thab pa dang / bya 'thab pa dang / ne tso 'thab pa la sogs pa la mi lta ba dang / ched du g.yul bshams pa la mi lta ba dang / gzhan yang dung 'bud pa dang / rnga rdung ba dang / gling bu dang / gce'u kha mang dang / gim dang / shir dang| dgu po rgyud mang la sogs te/ rol mo rnams sangs rgyas la mchod pa ma gtogs par mi nyan pa dang / ug shud dang / mig mang dang / par sig gi rtsed mo seng ge dang / bal glang gi rkya 'gyed pa dang / cho lo dang / rgyan po dang / pho long rdeb pa dang / rdo 'phen pa dang / khras dang / rtsed mo'i bag thams cad mi byed/ mi lta ba dang / nam du'ang ltas dang / mtshan lta ba lag pa dang / rkang pa dang / ngo dang / mig gi mtshan lta ba mi byed pa dang / sen mo la me long lta bur lta ba dang / rtsa dang / lcug ma dang / bum la pa dang / thod pa la mo 'debs shing ltas su lta ba mi byed pa dang / de ma yin pa gnyid bsang ba ma gtogs par skar ma la sogs pa mi lta ba dang / rgyal po'i pho nya dang phrin gyis tshu rol gyi tshig pha </font><hr>Ka277b<br><font size=+1>


rol tu smra zhing / pha rol gyi tshig tshu rol tu smra ba mi byed pa dang / g.yo dang / sgyus log par 'tsho ba ma yin pa dang / gzhan yang rgyal po'i gtam dang / blon po dang / rkun po dang / dgra thabs dang / bza' ba dang / btung ba dang / yul dang / mu ge dang / 'jigs pa dang / bde skyid pa la sogs pa'i gtam mi smra ba ste/ rigs kyi bu/ de dag ni byang chub sems dpa' sems dpa' chen po'i 'jig rten pas mi dpyas pa'i tshul khrims zhes bya'o/ /rigs kyi bu/ byang chub sems dpa' sems dpa' chen po ni de ltar bcas pa'i tshul khrims srung ba dang / rang bzhin gyis lci ba'i tshul khrims srung ba la tha dad pa'i bye brag med do/ /rigs kyi bu/ byang chub sems dpa' sems dpa' chen pos de ltar tshul khrims yongs su srung ba na 'di skad ces dam 'cha'o/ /bdag gi lus 'di me ma mur gyi dong zab mor mchongs kyang bla'i/ 'das pa dang / ma 'ongs pa dang / da ltar bzhugs pa'i sangs rgyas rnams kyis bcas pa'i tshul khrims las nyams te/ rgyal rigs kyi bu mo'am/ bram ze'i bu mo'am/ khyim bdag gi bu mo la mi tshangs par spyod pa'i las mi bya'o zhes dam 'cha'o/ / rigs kyi bu/ gzhan yang byang chub sems dpa' sems dpa' chen po'ang 'di skad ces dam 'cha'o/ /gal te lcags shin tu tsha bas bdag gi lus dkris glags kyang bla'i/ / </font><hr>Ka278a<br><font size=+1>


@#/ /tshul khrims nyams pa'i lus kyis sbyin bdag dad pas byin pa'i gos mi bgo'o/ /rigs kyi bu/ gzhan yang byang chub sems dpa' sems dpa' chen po'ang 'di skad du dam 'cha' ste/ bdag gi khar lcags kyi thu lu ma mid kyang bla'i/ tshul khrims nyams pa'i kha 'dis nam du'ang sbyin bdag dad pas ma byin pa'i kha zas mi za'o/ /rigs kyi bu/ gzhan yang byang chub sems dpa' sems dpa' chen po'ang 'di skad du dam 'cha' ste/ bdag gi lus 'di lcags shin tu tsha ba'i steng du nyal yang bla'i/ tshul khrims nyams pa'i lus kyis nam du'ang sbyin bdag dad pas byin pa'i khri stan la mi nyal lo/ /rigs kyi bu/ gzhan yang byang chub sems dpa' sems dpa' chen po'ang 'di skad ces dam 'cha' ste/ bdag gi lus la mtshon shak+ti sum brgyas btsugs kyang bla'i/ tshul khrims nyams pa'i lus kyis nam du'ang sbyin bdag dad pas byin pa'i nad kyi rkyen sman mi btung ngo / /rigs kyi bu/ gzhan yang byang chub sems dpa' sems dpa' chen po'ang 'di skad ces dam 'cha' ste/ bdag gi lus 'di shin tu khol ba'i zangs po cher bskol kyang bla'i/ tshul khrims nyams pa'i lus kyis sbyin bdag dad pas byas pa'i gnas khang du mi 'dug go /rigs kyi bu/ </font><hr>Ka278b<br><font size=+1>


gzhan yang byang chub sems dpa' sems dpa' chen po'ang 'di skad ces dam 'cha' ste/ gal te lcags kyi tho bas mgo nas rkang gi bar du brdungs te rdul du gyur kyang bla'i/ tshul khrims nyams pa'i lus kyis rgyal rigs dang / bram ze dang / khyim bdag gi rim gro dang / phyag bya ba mi 'dod do/ /rigs kyi bu/ gzhan yang byang chub sems dpa' sems dpa' chen po'ang 'di skad ces dam 'cha' ste/ lcags kyi thur ma shin tu tsha bas mig gnyis brus kyang bla'i/ 'dod chags kyi sems kyis pha rol gyi gzugs bzang po la mi lta'o/ /rigs kyi bu/ gzhan yang byang chub sems dpa' sems dpa' chen po'ang 'di skad ces dam 'cha' ste/ ji ltar smyung bu mang pos rna ba'i dbang po gtsags kyang bla'i/ / 'dod chags dang bcas pa'i sems kyi sgra snyan pa mi mnyan no/ /rigs kyi bu/ gzhan yang byang chub sems dpa' sems dpa' chen po'ang 'di skad ces dam 'cha' ste/ gri rnon pos sna bcad kyang bla'i/ 'dod chags kyi sems kyis dri zhim po la mi snom mo/ /rigs kyi bu/ gzhan yang byang chub sems dpa' sems dpa' chen po'ang 'di skad ces dam 'cha' ste| gri rnon pos lce bcad kyang bla'i/ 'dod chags kyi sems kyis ro zhim po la mi chags so/ /rigs kyi bu/ gzhan yang byang chub sems dpa' sems dpa' chen po'ang 'di skad ces </font><hr>Ka279a<br><font size=+1>


@#/ /dam 'cha' ste/ gal te sta re rnon pos bdag gi lus dum bur dum bur gtubs kyang bla'i/ 'dod chags dang bcas pa'i sems kyis reg bya mang po la mi chags so/ /de ci'i phyir zhe na/ de'i rgyu de'i rkyen gyis rnal 'byor can dag sems can dmyal ba dang / byol song gi skye gnas dang / gshin rje'i 'jig rten du skye bar 'gyur ro| |'od srung / de ltar na byang chub sems dpa' sems dpa' chen po tshul khrims yongs su srung ba zhes bya'o/ /byang chub sems dpa' sems dpa' chen pos tshul khrims shin tu bsrungs nas/ sems can thams cad la bsngo bar byed do/ /de'i rgyu de'i rkyen gyis sems can thams cad tshul khrims shin tu bsrung ba dang / rnam par dag pa'i tshul khrims dang / shin tu dge ba'i tshul khrims dang / mi nyams pa'i tshul khrims dang / mi zlos pa'i tshul khrims dang / theg pa chen po'i tshul khrims dang / phyir mi ldog pa'i tshul khrims dang / sems dang spyor ba'i tshul khrims dang / mthar phyin pa'i tshul khrims dang / pha rol tu phyin pa'i tshul khrims rdzogs par gyur cig ces smon lam 'debs so/ /rigs kyi bu/ byang chub sems dpa' sems dpa' chen po de ltar tshul khrims yongs su dag par sbyong ba na/ thog ma mi g.yo ba'i sa la gnas par </font><hr>Ka279b<br><font size=+1>


'gyur ro/ /ci'i phyir mi g.yo ba'i sa zhes bya zhe na/ byang chub sems dpa' mi g.yo ba'i sa la gnas pa na/ mi g.yo/ mi ltung / mi ldog /mi shig pa'i phyir ro/ /rigs kyi bu/ dper na/ ri rab ral rgyal po ni rlung shin tu drag po rdzi rlung yug gis kyang g.yo ba'am/ ltung ba'am/ 'jig par mi nus so/ /byang chub sems dpa' sems dpa' chen pos sa de la gnas pa'ang de dang 'dra ste/ gzugs dang / sgra dang / dri dang / ro dang / reg byas g.yo bar mi nus/ sems can dmyal ba dang / byol song gi skye gnas dang / gshin rje'i 'jig rten du ltung bar mi 'gyur/ nyan thos dang / rang sangs rgyas kyi sar mi ldog ste/ lta ba mang po'i rlung gis kyang mi shigs shing log par 'tsho bar mi 'gyur ro/ /rigs kyi bu/ gzhan yang mi g.yo ba zhes bya ba ni 'dod chags dang / zhe sdang dang / gti mug gis mi g.yos so/ /gzhan yang mi ltung zhes bya ba ni phas pham pa bzhir mi ltung ngo / / gzhan yang phyir mi ldog ces bya ba ni phyir tshul khrims las khyim du mi ldog ba'o/ /gzhan yang mi 'jig ces bya ba ni theg pa chen po'i mdo sde las mi 'gal bas mi shigs so/ / gzhan yang byang chub sems dpa' sems dpa' chen po ni nyon mongs pa'i bdud kyis mi g.yos so/ /phung po'i dud kyis ltung bar mi 'gyur ro/ /snying po byang chub kyi bar </font><hr>Ka280a<br><font size=+1>


@#/ /du lha'i bdud yod mod kyi/ bla na med pa yang dag par rdzogs pa'i byang chub las phyir mi ldog go /'chi bdag gi bdud kyis kyang mi shigs so| |rigs kyi bu/ de ltar na byang chub sems dpa' sems dpa' chen po 'phags pa'i spyod pa la shin tu nan tan byed pa zhes bya'o/ /rigs kyi bu/ ci'i phyir 'phags pa'i spyod pa zhes bya zhe na/ 'phags pa'i spyod pa ni sangs rgyas dang byang chub sems dpa' spyod pa'i phyir na/ 'phags pa'i spyod pa zhes bya'o/ /ci'i phyir sangs rgyas dang / byang chub sems dpa' la 'phags pa zhes bya zhe na/ de dag la sogs pa 'phags pa'i chos dang ldan pa'i phyir/ chos thams cad la ngo bo nyid kyis stong pa nyid du rtogs pa'i phyir/ de bas na 'phags pa zhes bya'o/ /gzhan yang 'phags pa'i tshul khrims dang ldan pas 'phags pa zhes bya'o/ /'phags pa'i ting nge 'dzin dang / shes rab tu ldan pas 'phags pa zhes bya'o/ /gzhan yang 'phags pa'i nor bdun dad pa dang / tshul khrims dang / 'dzem pa dang / khrel ba dang / mang du thos pa dang / shes rab dang / btang snyoms kyi nor dang ldan pas 'phags pa zhes bya'o/ /gzhan yang 'phags pa'i lam yang lag rnam pa bdun dang ldan pas 'phags pa zhes bya ste/ de </font><hr>Ka280b<br><font size=+1>


bas na 'phags pa'i spyod pa zhes bya'o/ /rigs kyi bu/ gzhan yang byang chub sems dpa' sems dpa' chen po 'phags pa'i spyad pa spyod pa ni/ lus 'di la spyi bo nas rkang pa'i bar du brtags na/ skra dang / sen mo dang / so dang / mi gtsang ba btsog pa/ bags pa dang / sha dang / rgyus pa dang / rus pa dang / mtsher pa dang / mkhal ma dang / snying dang / glo ba dang / mchin pa dang / mkhris pa dang / rgyu ma dang / pho ba dang / zhu ba dang / ma zhu ba'i snod gnyis dang / bshang gci che chung dang / mchil ma dang / snabs dang / mchi ma dang / klad pa dang / thod pa dang / rkang dang / rnag dang / khrag dang / rtsa la sogs pa mi gtsang ba 'ba' zhig gis gang bar mthong ngo / /byang chub sems dpa' de ltar rtse gcig tu shin tu rtog pa na/ bdag ces bya ba su dbang / gang na gnas/ bdag ces bya ba su dbang zhes shin tu rtog ste/ yang 'di snyam du sems so/ /rus pa de bdag yin nam/ rus pa las gzhan pa zhig yod dam/ snyam/ byang chub sems dpa' de'i tshe/ bags pa dang / sha btang ste/ keng rus 'ba' zhig la rtog go /yang 'di snyam du sems te/ rus pa'i kha dog kyang rnam pa tha dad de/ sngon po dang / ser po dang / dmar po dang / dkar po dang / phug ron gyi gshog pa lta bu ste/ de ltar na rus pa'i mtshan nyid kyang bdag ma yin no/ /de ci'i phyir zhe na/ </font><hr>Ka281a<br><font size=+1>


@#/ /bdag ces bya ba ni sngon po'am/ ser po'am/ dmar po'am/ /dkar po'am/ phug ron gyi gshog pa lta bu ma yin pa'i phyir ro/ /byang chub sems dpa' de ltar rtse gcig pa'i sems kyis shin tu rtog pa na/ gzugs la 'dod chags pa thams cad zhi bar 'gyur ro/ /yang 'di snyam du sems te/ rus pa de'ang rten cing 'brel te 'byung ba yin te/ rkang pa'i rting pa'i rus pas ni long bu'i rus pa brten/ long bus ni rje ngar gyi rus pa brten/ rje ngar gyi rus pas ni pus mo brten/ pus mo'i rus pas ni brla'i rus pa brten/ brla'i rus pas ni dpyi'i rus pa brten/ dpyi'i rus pas ni rked pa'i rus pa brten/ rked pa'i rus pas ni sgal tshigs kyi rus pa brten/ sgal tshigs kyi rus pas ni rtsib ma'i rus pa brten/ yang sgal tshigs kyi rus pas ni gnya' ba'i rus pa brten/ gnya' ba'i rus pas ni 'gram pa'i rus pa brten/ 'gram pa'i rus pas ni 'gram so dang / thod pa brten to/ /yang ltag rus ni phrag pa'i rus pa la brten/ phrag pa'i rus pa ni lag ngar gyi rus pa la brten/ lag ngar gyi rus pa ni mkhrig ma'i rus pa la brten/ mkhrig ma'i rus pa ni lag mthil gyi rus pa la brten/ lag mthil gyi rus pa ni sor mo'i rus pa la brten te/ de ltar rus pa thams cad gcig la gcig rten cing </font><hr>Ka281b<br><font size=+1>


'brel par byang chub sems dpa' sems dpa' chen pos de ltar rtog pa na lus kyi rus pa thams cad so so nas 'dug par rtogs so/ /de ltar shin tu rtogs pa na gzugs la chags pa dang / mnga' byad la chags pa dang / reg na 'jam pa'i chags pa rnam pa gsum po yongs su spong bar 'gyur ro/ /byang chub sems dpa' sems dpa' chen po rus pa sngon po la rtog pa nas chen po 'di lho byang shar nub dang / phyogs mtshams bzhi dang / steng dang / 'og kun sngon por mthong ngo / /sngon po la rtog pa bzhin du ser po dang / dkar po dang / phug ron gyi gshog pa lta bu'ang de bzhin no/ /byang chub sems dpa' sems dpa' chen pos de ltar rtog pa na smin mtshams nas 'od zer sngon po dang / ser po dang / dmar po dang / dkar po dang / phug ron gyi gshog pa lta bu byung ste/ byang chub sems dpa' sems dpa' chen po des 'od de re re las kyang sangs rgyas bzhugs par mthong nas/ de la lus 'di mi gtsang ba'i rgyu dang rkyen rten cing 'brel te 'byung ba 'dri zhing zhu ba ni/ 'di lta ste/ lus 'di 'dug pa dang / ldang ba dang / 'gro ba dang / sdod pa dang / dgu ba dang / dgye ba dang / lta ba dang| mig 'dzum pa dang / dbugs rgyu ba dang / ngu ba dang / rgod pa dang / dga' bar 'gyur ba de la ni bdag po med na su zhig de ltar bsgyur zhes zhu zhing 'dri'o/ /de skad ces dris </font><hr>Ka282a<br><font size=+1>


@#/ /nas 'od kyi nang na bzhugs pa'i sangs rgyas kyang mod la mi snang bar gyur to// //'phags pa yongs su mya ngan las 'das pa chen po'i mdo/ bam po bcu drug pa/ yang 'di snyam du sems te/ 'on te rnam par shes pa de bdag yin nam/ ci na sangs rgyas rnams kyis bdag la bstan par ma gyur snyam nas yang rnam par shes pa la brtags na/ rnam par shes pa la ni skad cig skad cig tu chu bo'i rgyun bzhin skye zhing 'gog pas de'ang bdag ma yin no/ /yang 'di snyam du sems te phyi nang du rgyu ba'i dbugs 'di ni rlung yin te/ rlung gi mtshan nyid ni chen po bzhi yin pas/ chen po bzhi la bdag ces bya ba gang yin/ sa'i mtshan nyid kyang bdag ma yin la| de bzhin du chu dang / me dang / rlung gi mtshan nyid kyang bdag ces bya ba ma yin no snyam sems so/ /yang 'di snyam du sems te/ lus 'di la ni thams cad kyang bdag ces bya ba med de/ sems dang rlung 'dus shing tshogs pa'i rgyu dang rkyen las bya ba rnam pa sna tshogs mngon du snang bar gyur pa ni/ dper na/ sngags kyi phyir ram/ sgyu ma mkhan gyis byas pa bzhin no/ /gzhan yang dgu po rgyud mang dang 'dra ste/ yid bzhin du sgra 'byung bas des na lus 'di mi gtsang ba ste/ rgyu dang rkyen tshogs pa la rag lus pas grub pa yin </font><hr>Ka282b<br><font size=+1>


na chags su'ang ci zhig yod/ gal te pha rol pos gshe'am spyo na'ang zhe sdang bskyed du'ang ci zhig yod de/ bdag gi lus 'di ni mi gtsang ba rnam pa sum cu rtsa drug gis yongs su gang na gshe zhing spyo ba de'ang ci la gnas/ gshe ba thos na'ang 'di snyam du sems te/ sgra skad gang gis spyo par 'gyur snyam/ sgra skad kun la so sor brtags na gshe ba yod par mi mthong ste/ gcig la med pa bzhin mang po la'ang de dang 'dra ste/ de bas na zhe sdang mi skye'o/ /gal te pha rol pos brdegs na'ang 'di snyam du sems te/ 'di ltar brdegs pa 'di ci las byung snyam brtags na lag pa dang / stobs dang / dbyig pa dang / bdag gi lus tshogs pa las rdeg pa zhes bya ba byung na/ ci'i phyir pha rol la khros/ 'di ni bdag gi lus yod pas na 'di 'dra ba myong bar gyur te/ bdag gi phung po lnga'i lus 'di yod pa las 'di 'dra bar gyur to/ /dper na/ 'ben yod pa'i rkyen gyis mda' 'ong ba dang 'dra bar bdag gi lus kyang de dang 'dra ste/ lus yod pas na rdeg pa yod de/ gal te bdag gis bzod pa ma byas na sems 'khrug par 'gyur ro/ /gal te sems 'khrugs na yang dag pa'i dran pa nyams par 'gyur/ gal te yang dag pa'i dran pa nyams na/ dge ba dang mi dge ba'i don mi rtogs so/ /dge ba dang mi dge ba'i don mi rtogs na kha na ma tho ba'i chos spyod par 'gyur ro/ /kha na </font><hr>Ka283a<br><font size=+1>


@#/ /ma tho ba'i chos byas na sems can dmyal ba dang / byol song gi skye gnas dang / yi dwags kyi khams su ltung bar 'gyur ro/ /byang chub sems dpa' de'i tshe de ltar rtogs pas dran pa nye bar bzhag pa bzhi thob par 'gyur ro/ /dran pa nye bar bzhag pa bzhi thob pas shin tu bzod pa'i sa la gnas par 'gyur ro/ /byang chub sems dpa' sems dpa' chen po de ltar sa de la gnas na/ 'dod chags dang / zhe sdang dang / gti mug la bzod do/ /gzhan yang grang ba dang / tsha ba dang / bru ba dang / skom pa dang / sbrang ma dang / mchu smyung dang / rlung dang / reg bya yid du mi 'ong ba dang / nad rnam pa sna tshogs dang / tshig ngan pas gshe ba dang / spyo ba dang / rdeg pa dang / 'tshog pa dang| gzhu ba dang / mdor na lus dang sems sdug bsngal bar 'gyur ba thams cad la bzod do/ /de bas na shin tu bzod pa'i sa la gnas pa zhes bya'o/ /de nas byang chub sems dpa' sems dpa' chen po 'od srung gis bcom ldan 'das la 'di skad ces gsol to/ /bcom ldan 'das/ byang chub sems dpa' mi g.yo ba'i sa la gnas par ma gyur gyi bar du tshul khrims yongs su dag par bsrung ba na rgyu dang rkyen gang gis tshul khrims nyams par 'gyur ba mchis sam/ bcom ldan 'das kyis bka' stsal pa/ rigs kyi bu/ yod </font><hr>Ka283b<br><font size=+1>


do| |byang chub sems dpa' mi g.yo ba'i sa la gnas par ma gyur gyi bar du rgyu dang rkyen gyis tshul khrims nyams par gyur pa yod do/ /'od srung / ngo mtshar du gyur nas de gang lags zhes gsol pa dang / bcom ldan 'das kyis 'od srung la bka' stsal pa/ byang chub sems dpa' bdag gi tshul khrims nyams par gyur pa de'i rgyu de'i rkyen gyis/ pha rol po gzhan dag theg pa chen po'i mdo sde la mos shing dad pas 'chang zhing 'dzin par 'gyur ram/ pha rol po gzhan dag klog pa dang / 'don pa dang / khong du chud par byed pa dang / glegs bam du 'dri bar 'gyur ba dang / gzhan dag la yang rgyas par ston cing 'chad de/ bla na med pa yang dag par rdzogs pa'i byang chub las phyir mi ldog par 'gyur ba tsam gyi tshod na/ de'i phyir tshul khrims nyams par byed de/ byang chub sems dpa' de'i tshe 'di snyam du sems so/ /bdag bskal pa gcig gam/ bskal pa gcig 'gribs kyi bar du mtshams med pa'i sems can dmyal ba chen por lhung yang bla'i/ pha rol po de bla na med pa yang dag par rdzogs pa'i byang chub las phyir mi ldog par dgod par byed do/ /'od srung / de'i rgyu de'i rkyen gyis na byang chub sems dpa' sems dpa' chen po tshul khrims dag nyams par 'gyur ro/ /de'i tshe byang chub sems dpa' sems dpa' chen po 'jam </font><hr>Ka284a<br><font size=+1>


@#/ /dpal gzhon nur gyur pas bcom ldan 'das la 'di skad ces gsol to/ /bcom ldan 'das/ gal te byang chub sems dpas pha rol po byang chub kyi sems las phyir mi ldog par bskyab cing bsdu ba'i slad du tshul khrims nyams kyang mtshams med pa'i sems can dmyal bar ltung ba'i gnas ma mchis so/ /de nas bcom ldan 'das kyis 'jam dpal la bka' stsal pa/ legs so/ /shin tu legs so/ /khyod kyis smras pa bzhin no/ /nga yang sngon dzam+bu'i gling 'dir rgyal po chen po drang srong zhes bya bar gyur pas na theg pa chen po'i mdo sde la bsti stang dang bcas pas shin tu dad cing mos te/ sems dge ba 'ba' zhig la brtson pas kha na ma tho ba'i las phrag dog dang ser sna'i bag med de/ ngag gi las kyis ni rtag tu ngag snyan pa dang / dge ba'i chos smra zhing ston to/ /lus kyis kyang dbul phongs pa mgon dang skyabs med pa'i dpung gnyen byas te/ sbyin pa la bar chad med par brtson par gyur to/ /de'i tshe de'i dus na 'jig rten na sangs rgyas kyang mi bzhugs/ nyan thos dang / rang sangs rgyas kyang med de/ de'i tshe na theg pa chen po shin tu rgyas pa'i mdo sde la dad cing mos pa'i phyir ngas lo bcu gnyis kyi bar du bram ze'i g.yog byas te/ yo byad ci 'dod pa sbyar to/ / </font><hr>Ka284b<br><font size=+1>


lo bcu gnyis kyi bar du bde ba byin nas ston pa de rnams la 'di skad ces smras so/ /kye/ ston pa khyod bla na med pa yang dag par rdzogs pa'i byang chub tu sems skyed cig ces smras so/ /bram ze smras pa/ rgyal po chen po/ byang chub kyi mtshan nyid ni ci'ang med pa ste/ theg pa chen po'i mdo sde'ang de dang 'dra ba yin na/ rgyal po chen po/ ci'i phyir mi zhes bya ba bkur bkur te/ nam mkha' dang mnyam zhes smras so/ /rigs kyi bu/ nga de'i tshe theg pa chen po la shin tu mos pas bram zes shin tu rgyas pa la skur pa'i tshig de thos nas/ de'i tshe na ngas bram ze de'i srog bcad do/ /rigs kyi bu/ de'i rgyu de'i rkyen gyis de tshun chad sems can dmyal bar ma skyes so/ /rigs kyi bu/ theg pa chen po'i mdo sde la bsrung zhing bskyab pa'i mthu stobs ni de ltar tshad med do/ /'od srung / gzhan yang 'phags pa'i spyod pa ni/ 'di lta ste/ 'phags pa'i bden pa bzhi'o/ /de'ang gang zhe na/ sdug bsngal dang / kun 'byung ba dang / 'gog pa dang / lam ni 'phags pa'i bden pa bzhi zhes bya'o/ /'od srung / sdug bsngal zhes bya ba ni sha thang zhing gdung ba'i mtshan nyid do/ /kun 'byung ba ni skye zhing 'phel ba'i mtshan nyid do/ /'gog pa ni zhi ba 'gog pa'i mtshan nyid do/ /lam ni theg pa chen po'i mtshan nyid do/ /rigs kyi bu/ </font><hr>Ka285a<br><font size=+1>


@#/ /gzhan yang sdug bsngal ni mngon du snang ba'i mtshan nyid do/ /kun 'byung ba ni 'gyur ba'i mtshan nyid do/ /'gog pa ni bsal ba'i mtshan nyid do/ / lam ni bsal bar 'gyur ba'i mtshan nyid do/ /rigs kyi bu/ gzhan yang sdug bsngal la rnam pa gsum ste/ sdug bsngal ba'i sdug bsngal dang / 'du byed kyi sdug bsngal dang| 'gyur pa'i sdug bsngal lo/ /kun 'byung ni srid pa nyi shu rtsa lnga'o/ /'gog pa ni srid pa nyi shu rtsa lnga 'gog pa'o/ /lam ni tshul khrims dang / ting nge 'dzin dang / shes rab bsgom pa'o/ /rigs kyi bu/ gzhan yang zag pa dang bcas pa'i chos la'ang rgyu dang bcas/ 'bras bu dang bcas pa rnam pa gnyis yod do/ /zag pa med pa'i chos la'ang rgyu dang bcas/ 'bras bu dang bcas pa rnam pa gnyis yod do/ /zag pa dang bcas pa 'bras bu dang bcas pa ni sdug bsngal zhes bya'o/ /zag pa dang bcas pa'i rgyu dang bcas pa ni kun 'byung zhes bya'o/ /zag pa med pa'i 'bras bu dang bcas pa ni 'gog pa zhes bya'o/ /zag pa med pa'i rgyu dang bcas pa ni lam zhes bya'o/ /rigs kyi bu/ gzhan yang mtshan nyid rnam pa 'di brgyad ni sdug bsngal zhes bya'o/ /'di lta ste/ skye ba'i sdug bsngal dang / rga ba'i sdug bsngal dang / na ba'i sdug bsngal dang / shi ba'i sdug bsngal dang / 'dod pa dang bral ba'i </font><hr>Ka285b<br><font size=+1>


sdug bsngal dang / dgra sdang ba dang phrad pa'i sdug bsngal dang / 'dod pa mi rnyed pa'i sdug bsngal dang / phung po lnga'i sdug bsngal ste/ gang sdug bsngal brgyad po 'di dag skye bar byed pa ni kun 'byung zhes bya'o/ /chos 'di dag gi gnas kyang med pa ni 'gog pa zhes bya'o/ /stobs bcu dang / mi 'jigs pa bzhi dang / dran pa nye bar gzhag pa gsum dang / snying rje chen po ni lam zhes bya'o/ /rigs kyi bu/ skye ba zhes bya ba ni 'byung ba'i mtshan nyid de/ de'ang rnam pa lnga'o/ /'di lta ste/ thog ma byung ba dang / tha mar zad pa dang / 'phel zhing skye pa dang / mngal nas byung ba dang / rigs las skyes pa'o/ /rgas zhes bya ba ni rgas pa la rnam pa gnyis te/ skad cig skad cig tu rgas pa dang / mthar rgas pa'o/ /yang rnam pa gnyis te/ skye zhing 'phel bas rgas pa dang / 'gog cing zhigs pas rgas pa ni rgas pa zhes bya'o/ /na ba zhes bya ba gang zhe na/ na ba ni chen po bzhi yi sbrul gdug pa shas mi mnyam pa las nad du gyur te/ de'ang rnam pa gnyis so/ /lus na ba dang / sems na ba ste/ lus na ba la'ang rnam pa lnga'o/ /bad kan las gyur pa dang / rlung las gyur pa dang / mkhris pa las gyur pa dang / 'dus pa las nad du gyur pa dang / bag ma byas pa las nad du gyur pa'o/ /bag ma byas pa'i nad la'ang rnam pa bzhi ste/ nyams kyis mi lcogs bzhin du byed </font><hr>Ka286a<br><font size=+1>


@#/ /pa dang / g.yang du ltung ba dang / rdo dbyug dang mtshon gyis phog pa dang / mi ma yin pas brlams pa'o/ /sems na ba la'ang rnam pa bzhi ste/ shin tu dga' ba las gyur pa dang / 'jigs skrag pa las gyur pa dang / mya ngan byed pa las gyur pa dang / gti mug las gyur pa'o/ /rigs kyi bu/ gzhan yang lus na ba dang / sems na ba la rnam pa gsum ste/ las kyi rnam par smin pa dang / sdig pa'i gnyen po ma spangs pa dang / dus las gyur pa ste/ de dag la sogs pa las rgyu dang / rkyen dang / ming du 'dogs pa dang / rnam pa tha dad pa'i nad skyes par gyur to/ /rgyu rkyen las gyur pa ni rlung la sogs pa'i nad rnams so/ /ming du 'dogs pa ni sems myos pa dang / glo na ba dang| dbugs mi bde ba dang / skyug bro ba dang / snying stor ldang ba dang / tshad par 'khru ba'o/ /rnam pa tha dad pa ni klad pa na ba dang / mig na ba dang / rkang lag la sogs pa na ba ste/ de dag ni na ba zhes bya'o/ /shi ba zhes bya ba gang zhe na/ bdag gi lus blangs pa de dang bral ba'o/ /lus blangs pa dang bral ba la'ang rnam pa gnyis te/ tshe zad nas shi ba dang / phyi rol gyi rkyen gyis shi ba'o/ /tshe zad de shi ba la'ang rnam pa gsum ste/ tshe zad la bsod nams mi zad pa dang / bsod nams ni zad la tshe ma zad pa dang / </font><hr>Ka286b<br><font size=+1>


bsod nams dang tshe gnyis ka zad pa'o/ /phyi rol gyi rkyen gyis shi ba la'ang rnam pa gsum ste/ mi rigs par bdag lcebs te shi ba dang / pha rol po gzhan gyis bsad pa dang / gnyis ka dang bcas te shi ba'o/ /gzhan yang shi ba la rnam pa gsum yod de/ bag med pas shi ba dang / tshul khrims nyams pas shi ba dang / tshe'i dbang po zhig ste shi ba'o// de la bag med pas shi ba gang zhe na/ theg pa chen po shin tu rgyas pa shes rab kyi pha rol tu phyin pa la skur pa ni bag med pas shi ba zhes bya'o/ /tshul khrims nyams te shi ba gang zhe na/ 'das pa dang / ma 'ongs pa dang / da ltar bzhugs pa'i sangs rgyas rnams kyis bcas pa'i tshul khrims bshig pa ni tshul khrims nyams te shi ba zhes bya'o/ /tshe'i dbang po zhig ste shi ba gang zhe na/ phung po lnga'i lus dang bral ba ni tshe'i dbang po zhig nas shi ba zhes bya ste/ de dag ni shi ba'i sdug bsngal chen po zhes bya'o/ /'dod pa dang bye bral ba'i sdug bsngal gang zhe na/ gang yid du 'ong zhing 'dod pa'i dbang po zhig gam bral lam gyes par gyur pa'o/ /yid du 'ong zhing 'dod pa'i dngos po dang bye bral ba la'ang rnam pa gnyis te/ mi'i nang na phung po lnga zhig pa dang / lha'i nang na phung po lnga dang bral ba'o/ /de ltar lha dang mi la 'dod pa'i phung po lnga ni rnam par phye na tshad med de/ mdor na de dag ni </font><hr>Ka287a<br><font size=+1>


@#/ /'dod pa dang bye bral ba'i sdug bsngal ba zhes bya'o/ /dgra sdang ba dang phrad pa'i sdug bsngal gang zhe na/ gang yid du mi 'ong zhing mi 'dod pa dang 'dus shing phrad pa'o/ /yid du mi 'ong zhing mi 'dod pa dang phrad pa la'ang rnam pa gsum ste/ sems can dmyal ba dang / yi dwags dang / byol song gi skye gnas so/ /de ltar ngan song gsum po'ang rnam par dbye na tshad med mod kyi/ mdor na de dag ni dgra sdang ba dang phrad pa'i sdug bsngal ba zhes bya'o/ /'dod pa mi rnyed pa'i sdug bsngal gang zhe na/ 'dod pa mi rnyed pa'i sdug bsngal la'ang rnam pa gnyis te/ re ba'i gnas nas 'dod pa mi rnyed pa dang / las mang du byas nas 'bras bu don du ma grub pa ni 'dod pa mi rnyed pa'i sdug bsngal zhes bya'o/ /phung po lnga'i sdug bsngal gang zhe na/ phung po lnga'i sdug bsngal ni/ skye ba'i sdug bsngal dang / rga ba'i sdug bsngal dang / na ba'i sdug bsngal dang / shi ba'i sdug bsngal dang / 'dod pa dang bye bral ba'i sdug bsngal dang / dgra sdang ba dang phrad pa'i sdug bsngal ni phung po lnga'i sdug bsngal zhes bya'o/ /'od srung / skye ba'i dngos po la de ltar rga ba'i sdug bsngal nas phung po lnga'i sdug bsngal gyi bar du sdug bsngal rnam pa bdun yod do/ /'od srung / rgud pa dang / rga ba ni thams cad la yod </font><hr>Ka287b<br><font size=+1>


pa ma yin te/ sangs rgyas dang / lha rnams la ni nges par med do/ /mi la gcig tu ma chad de/ la la la yod/ la la la med do/ /'od srung / khams gsum gyi lus su gyur pa ni mi skye ba med de/ rga ba ni gcig tu ma chad do/ /de bas na thams cad kyang skye ba ni rtsa bar 'gyur ro/ /'od srung / 'jig rten gyi sems can dag ni phyin ci log gis bsgribs pas na/ skye ba la ni 'dod cing chags kyi/ rga ba dang / 'chi ba ni mi 'dod do/ /'od srung / byang chub sems dpa' ni de lta ma yin te/ thog ma skye ba nas skyon du rtogs so/ /'od srung / dper na/ mi zhig gi khyim du bud med bzang mo blta na sdug pa shin tu mdzes pa tshul du shis pa rgyan bzang pos yongs su brgyan pa zhig 'ongs nas/ khyim bdag gis de la 'di skad ces 'dri'o/ /bud med khyod ming ci/ su dbang zhes dris na/ bud med des kho mo ni lha chen mo bkra shis ma yin no zhes smra'o/ /khyim bdag gis yang dris pa/ khyod mi'i khyim du 'ongs na ci dang ci nus/ bud med des smras pa/ kho mo ni gar 'ongs par khyim bdag de la gser dang / dngul dang / bai DUR+Ya dang / shel dang / mu tig dang / byu ru dang / sbur long dang / asma gar+b+ha dang| mu sa la gar+b+ha la sogs pa'i rin po che rnam pa mang po dang / bal glang dang / rta dang / shing rta dang / bran pho dang / bran mo las byed pa'i mi bdog par 'ong ngo / /khyim bdag gis </font><hr>Ka288a<br><font size=+1>


@#/ /de skad kyi tshig thos nas shin tu dga' mgu rangs te/ bdag cag gi bsod nams smin pas lha mo khyod bdag gi khyim du 'ongs zhes smras nas/ spos dang / me tog gis mchod de/ bsti stang dang bcas pas phyag byed do/ /de'i sgo na'ang bud med shin tu mi sdug pa gos hrul po dri ma can gyon pa/ pags pa rtsub pa mdog ngan pa gcig kyang 'ongs nas khyim bdag gis bud med de la khyod kyi ming ci/ su dbang zhes dris so/ /bud med des smras pa/ kho mo'i ming ni sna nag mo zhes bya'o/ /des smras pa/ khyod kyi ming ci'i phyir sna nag mo zhes bya/ bud med des smras pa/ kho mo gang du 'ongs pa de'i khyim na nor rin po che dang / longs spyod thams cad med par 'gyur bas na sna nag mo zhes bya'o/ /khyim bdag gis de skad thos nas mtshon rnon po thogs te bud med de la 'di skad ces smras so/ /khyod myur du song zhig /mi 'gro na khyod gsad do zhes byas so/ /bud med des smras pa/ khyod ni shin tu glen pa shes pa med pa yin no/ /khyim bdag gis smras pa/ bdag ci'i phyir glen pa shes pa med pa yin/ bud med des smras pa/ da ltar khyod kyi khyim na 'dug pa de kho mo'i nu mo yin te/ gar 'gro'ang 'grogs dgos na/ gal te kho mo skrod na nang na 'dug pa'ang skrod cig /mi de phyir khyim du </font><hr>Ka288b<br><font size=+1>


song nas lha bkra shis ma la 'di skad du sgo na bud med cig lha'i nu mo zhes zer na yin nam/ bkra shis mas smras pa/ de ni kho mo'i nu mo yin te/ gang song yang lhan cig 'grogs te 'bral ma myong ngo / /gar song yang bdag ni legs par dga' ste legs par byed/ phan par byed kyi/ nu mo ni rtag tu nyes par dga' zhing nyes par byed/ gnod par byed do/ /ci ste bdag 'dod na/ de'ang 'dod par bya dgos so/ /bdag la bsti stang byed na/ de la'ang bsti stang bya dgos so/ /khyim bdag des de skad smras pa thos nas/ 'di skad ces smras so/ /de ltar legs pa dang nyes pa gnyis yod na/ gnyis ka kho bo la mi dgos kyi/ gar dga' bar deng zhig ces bsgo'o/ /de nas bud med de gnyis kyang phyir gnas su song nas/ de'i tshe khyim bdag de rab tu dga' mgu rangs par gyur to/ /de nas bud med de gnyis yang 'grogs te/ dbul po zhig gi khyim du song nas dbul po de rab tu dga' ste/ de gnyis ka la 'di skad ces smras so/ /da phyin chad khyod gnyis rtag tu bdag gi khyim na 'dug cig /bkra shis mas smras pa/ bdag cag gnyis sngar yang gzhan gyis bskrad pa yin na/ da ci'i phyir khyod kyis bdag cag gnyis ka 'dug ces smra/ dbul pos smras pa/ khyod kyis bdag la dgongs shig dang / bdag ni khyod kyi phyir 'di la'ang rim gro byed na/ de bas na gnyis ka 'dug par </font><hr>Ka289a<br><font size=+1>


@#/ /gsol ba byed pa yin no/ /'od srung / byang chub sems dpa' sems dpa' chen po'ang de dang 'dra ste/ lhar skye bar mi 'dod do/ /skyes pas na rga ba dang| na ba dang / 'chi ba yod de/ de bas na gnyi ga spong ste mi 'dod do/ /byis pa ma rabs ni rga ba dang / na ba dang / 'chi ba la sogs pa'i skyon mang po mi shes pas/ skye ba dang| 'chi ba'i chos gnyis la chags so/ /rigs kyi bu/ gzhan yang 'di lta ste/ dper na/ bram ze'i bu chung ngu shed ma bye ba bkres pas nyen na ngan skyugs kyi nang na a mra'i 'bras bu yod pa len to/ /de la mkhas shing shes pa dag gis mthong nas 'di skad du gshe ste/ khyod ni bram ze'i rigs shin tu gtsang ba yin na/ ci'i phyir na ngan skyugs kyi nang nas a mra'i 'bras bu len ces smras so/ /bram ze'i khye'u de ni ngo tsha nas de la 'di skad ces smras so/ /bdag gis yang dag par na za bar ni ma byas kyi bkrus te dor snyam mo| |mkhas pa des smras pa/ khyod ni shin tu'ang glen te phyir dor bar bsam na blang ba'i mi rigs so zhes smras so/ /rigs kyi bu/ byang chub sems dpa' sems dpa' chen po'ang de dang 'dra ste/ skye ba'i phyogs mi len mi spong ste/ ci ltar mkhas pa khye'u de la spyod pa bzhin no/ /bus pa ma rabs ni skye ba ni 'dod kyi/ 'chi ba mi 'dod de/ khye'u des </font><hr>Ka289b<br><font size=+1>


shing tog blangs nas dor ba dang 'dra'o/ /'od srung / gzhan yang 'di lta ste/ dper na/ lam gyi bzhi mdor mi zhig snod bzang po'i nang du kha zas ro dang / bsung dang / kha dog dang ldan pa 'tshong ba la/ lam ring po nas 'ongs pa'i mi bkres pa nyam chung la ngal ba zhig /kha zas de ro bsung dang / kha dog tu ldan pa de mthong nas drung du bsnyen te/ 'di ci yin zhes 'dri'o/ zas kyi bdag po des smras pa/ 'di ni kha zas kyi mchog ro bsung dang kha dog tu ldan pa yin te/ gang gis 'di zos na mdog dang stobs kyang skye zhing bkres pa dang skom pa'ang sel la| lha rnams kyang mthong bar 'gyur te/ skyon sna gcig cig yod de/ de ni 'chi bar 'gyur ba'o/ /mi des de skad ces thos nas 'di snyam du bdag mdog dang stobs kyang dgos/ lha mthong ba dang shi ba'ang mi 'dod do/ /snyam nas 'di skad ces smras so/ /zas 'di zos pas 'chi bar 'gyur na 'di btsongs te ci zhig bya/ zas bdag gis smras pa/ mkhas pa shes rab can ni su'ang mi nyo yi/ glen pa shes rab med pa dag ni nga la rin yang mang du byin nas nyos te za'o/ /rigs kyi bu/ byang chub sems dpa' sems dpa' chen po'ang de dang 'dra ste/ lhar skye ba'ang mi 'dod la mdog dang / stobs dang lha mthong bar yang mi 'dod do/ /de ci'i phyir zhe na/ sdug bsngal mang po las mi thar pa'i phyir ro/ /bus pa ma </font><hr>Ka290a<br><font size=+1>


@#/ /rabs ni rga ba dang / na ba dang / 'chi ba'i skyon ma mthong bas/ skye ba'i gnas kun la chags so/ /rigs kyi bu/ gzhan yang 'di lta ste/ dper na/ dug gi sdong po ni rtsa bas kyang 'chi bar byed/ sdong pos kyang 'chi bar byed/ shun pa dang / lo ma dang / me tog dang / 'bras bus kyang 'chi bar byed do/ /rigs kyi bu/ srid pa nyi shu rtsa lnga por skye ba'i gnas su phung po lnga blangs pa'ang de dang 'dra ste/ thams cad 'chi bar byed do/ /'od srung / gzhan yang 'di lta ste/ dper na/ ngan skyugs ni mang nyung 'dra ste mnam mo/ /rigs kyi bu/ skye ba'ang de dang 'dra ste/ gal te tshe lo brgyad khri thub bam/ lo bcu thub pa dang 'dra ste/ thams cad sdug bsngal du 'dra'o/ /rigs kyi bu/ gzhan yang 'di lta ste/ dper na/ g.yang sa shin tu nyam nga ba rtswas yog pa'i drung na bdud rtsi mang du yod de/ gal te zos na lha'i lo stong thub la/ nad rnams kyang rab tu byang zhing bde bar 'gyur ro/ /byis pa ma rabs ni ro la chags pa'i phyir rkang pa'i 'og na g.yang sa nyam nga ba chen po yod par mi shes te/ blang bar chas pa las rkang pa 'dred de g.yang sar lhung nas shi'o/ /mkhas pa shes rab can ni shes pas na der mi 'gro'o/ /rigs kyi bu/ byang chub sems dpa' sems dpa' chen po'ang de dang 'dra ste/ lha rdzas kyi zas bzang </font><hr>Ka290b<br><font size=+1>


po yang mi 'dod na mi dag gi zas lta smos kyang ci dgos/ byis pa ma rabs ni sems can dmyal bar lcags kyi thu lums pa la'ang bzod par byed na/ lha dang mi'i zas bzang po lta smos kyang ci dgos/ 'od srung / dper bstan pa 'di dag dang / gzhan yang dpe tshad med grangs med pa'i sgo nas skye ba 'di ni sdug bsngal chen po yin par rig par bya'o/ /'od srung / de ltar na byang chub sems dpa' sems dpa' chen pos theg pa chen po yongs su mya ngan las 'das pa'i mdo las skye ba'i sdug bsngal rtogs pa zhes bya'o/ /'od srung / de la ji ltar na byang chub sems dpa' sems dpa' chen pos theg pa chen po yongs su mya ngan las 'das pa'i mdo las rga ba'i sdug bsngal rtogs pa zhe na/ rgas zhes bya ba ni skyug bro ba/ lu ba/ dpa' ba dang nyam rtsal 'phrog pa/ dran pa dang / brtson pa dang / 'dzin pa dang / gzhon dar ba dang / rab tu bde ba dang / nga rgyal dang / rgyags 'chos pa/ bde ba la yid bzhin du spyod pa kun ma rung bar byed do/ /de las bzlog nas le lo dang / snyoms las che ba dang / gzhan gyis brnyas par 'gyur bar byed do/ /'od srung / 'di lta ste/ dper na/ rdzing bu'i nang na pad+mos yongs su grang ste 'dab ma rgyas na/ kha dog 'tsher bas thams cad kyi yid du 'ong ste 'dod do/ /gal te ser ba bab na thams cad bcom ste ma rung bar byed do/ /rigs kyi bu/ rga </font><hr>Ka291a<br><font size=+1>


@#/ /ba'ang de dang 'dra ste/ gzhon dar ba'i mdog bzang po ma rung bar byed do/ /'od srung / gzhan yang 'di lta ste/ dper na/ rgyal po zhig la blon po mdzad pa blo dang ldan pa dgra chos la mkhas pa zhig yod de/ rgyal phran gzhan zhig de la sdo ste mi nyan na/ rgyal po des blon po de la pha rol gyi rgyal phran de gzung zhig ces bsgo na/ des de khrid de 'ong ngo / /rgas pa'ang de dang 'dra ste/ gzhon dar ba bzung nas 'chi bdag gi rgyal po la 'bul lo/ /'od srung / gzhan yang 'di lta ste/ dper na/ shing rta'i srog shing chag na spyad du mi rung ngo / /rgas pa'ang de dang 'dra ste/ cir yang mi rung ngo / /'od srung / gzhan yang 'di lta ste/ dper na/ khyim bdag phyug po zhig la gser dang / dngul dang / baiDUR+Ya dang / byu ru dang / asma gar+b+ha dang / mu sa la gar+b+ha mang du yod pa'i khyim du rkun po'am/ mi rgod mang po 'ongs na thams cad phrogs te khyim stongs par byed do/ /rigs kyi bu/ gzhon dar ba'i mdog bzang po'ang de dang 'dra ste/ rtag tu rga ba'i dgras rku zhing 'phrog go /rigs kyi bu/ gzhan yang 'di lta ste/ dper na/ mi dbul po zhig zas bzang po dang / gos 'jam po la chags te/ rtag tu \?\ ba'i mi 'gyur ro/ /rigs kyi bu/ rgas pa'ang de dang 'dra ste/ 'dod pa lnga'i bde skyid la yid bzhin </font><hr>Ka291b<br><font size=+1>


longs spyod par 'dod mod kyi mi thub bo/ /'od srung / gzhan yang 'di lta ste/ dper na/ skam sa la 'dug pa'i rus sbal ni/ sems la rtag tu chu dran no/ /rigs kyi bu/ mi'ang de dang 'dra ste/ rgas 'khogs pas yongs su bskams nas/ sems la rtag tu gzhon dar ba'i 'dod pa lnga'i bde ba dran no/ /rigs kyi bu/ gzhan yang 'di lta ste/ dper na/ ston gyi dus su me tog pad+mo kha bye ba la ni/ thams cad 'dod de yid du 'ong ngo / /rnyings te ser por song nas thams cad kyis mi 'dod do/ /rigs kyi bu/ gzhon dar ba'i mdog bzang po'ang de dang 'dra ste/ thams cad kyis 'dod cing dga' ba las rgas par gyur na/ thams cad kyi yid du mi 'ong ste mi 'dod do/ /'od srung / gzhan yang 'di lta ste/ dper na/ bu ram shing btsir zin pa'i tshigs ma ni ro med pa yin no/ /rigs kyi bu/ gzhon dar ba'i mdog kyang de dang 'dra ste/ rgas rgud pas khebs pas na/ rab tu 'byung ba'i ro dang / klog cing 'don pa'i ro dang / bsam gtan gyi ro dang / ro gsum po med par 'gyur ro/ /'od srung / gzhan yang 'di lta ste/ dper na/ zla ba rgyas pa ni mtshan mo shin tu snang zhing gsal gyi/ nyin par ni ma yin no/ /rigs kyi bu/ mi'ang de dang 'dra ste/ gzhon pa'i tshe ni bzang zhing mdzes so/ /rgas nas ni bskams shing rid do/ /'od srung / gzhan yang 'di lta ste/ dper na/ rgyal po yang dag pa'i chos kyis srid 'tsho zhing g.yo </font><hr>Ka292a<br><font size=+1>


@#/ /sgyu med la/ snying rje dang ldan pa yongs su gtong ba dang ldan pa zhig yul gzhan gyi dmag gis btab nas 'khyams te/ yul gzhan du phyin par gyur na thams cad kyis de la snying brtse ste/ 'di skad ces zer ro/ /rgyal po chen po/ sngon yang dag pa'i chos kyi srid 'tsho ste mi dga' ba gcig kyang med na/ da ci'i phyir 'khyams par gyur ces zer ro/ /rigs kyi bu/ mi'ang de dang 'dra ste/ rgas 'khogs pas nyams par gyur nas gzhon dar ba'i las ci byas pa la smon to/ /'od srung / gzhan yang 'di lta ste/ dper na/ me mar gyi snying po ni mar la rag lus te/ mar zad na ring po mi thogs so/ /rigs kyi bu/ mi'ang de dang 'dra ste/ gzhon dar ba la rag lus so/ /gzhon dar ba zad nas rgas shing 'khogs pa'i snying po ni ring po mi thogs so/ /rigs kyi bu/ gzhan yang 'di lta ste/ dper na/ chu bskams pa'i gram pa ni mi dang / mi ma yin pa dang / bya dang / gcan gzan la sogs pa la phan mi thogs so/ /rigs kyi bu/ mi'ang de dang 'dra ste/ rgas pas bskams par gyur na/ las su bya ba thams cad la phan par mi 'gyur ro/ /'od srung / gzhan yang 'di lta ste/ dper na chus bzas pa'i gad kha na shing skyes pa ni rlung drag po langs ma thag tu gdon mi za bar 'gyel to/ /rigs kyi bu/ mi'ang de dang 'dra ste/ rgas pa'i gad kha g.yang sa </font><hr>Ka292b<br><font size=+1>


dang nye bas 'chi ba'i rlung langs nas ring po mi gnas so/ /'od srung / gzhan yang 'di lta ste/ dper na/ shing rta'i srog shing chag na khal lci ba bkur mi bzod do/ /rigs kyi bu/ rgas pa'ang de dang 'dra ste/ dge ba'i chos thams cad 'dzin mi nus so/ /'od srung / gzhan yang 'di lta ste/ dper na/ bus pa chung ngu shed ma bye ba la ni thams cad kyis brnyas so/ /rigs kyi bu/ rgas pa'ang de dang 'dra ste/ thams cad kyis brnyas so/ /'od srung / dpe 'di dag dang / gzhan yang dpe tshad med dpag tu med pa'i sgo nas rgas pa ni sdug bsngal chen po yin par rig par bya'o/ /'od srung / 'di dag ni byang chub sems dpa' sems dpa' chen pos theg pa chen po yongs su mya ngan las 'das pa'i mdo sde spyod pa na/ rga ba'i sdug bsngal rtogs pa zhes bya'o/ /'od srung / de la ji ltar na byang chub sems dpa' sems dpa' chen pos theg pa chen po yongs su mya ngan las 'das pa'i mdo sde spyod pa na na ba'i sdug bsngal rtogs pa yin zhe na/ na ba zhes bya ba ni bde ba'i dngos po thams cad med par byed pa ste/ dper na/ ser ba bab na lo tog thams cad bcom ste ma rung bar byed do/ /'od srung / gzhan yang 'di lta ste/ dper na/ mi zhig la sha khon gyi dgra yod na rtag tu mya ngan byed de 'jigs so/ / rigs kyi bu/ sems can thams cad kyang de dang 'dra ste/ rtag tu na ba'i sdug bsngal gyis 'jigs nas mya ngan byed do/ /'od srung / gzhan yang 'di lta ste/ dper na/ skyes bu byad bzhin bzang po zhig </font><hr>Ka293a<br><font size=+1>


@#/ /yod na/ rgyal po'i btsun mos 'dod pas bkug nas lhan cig tu nyal lo/ /de nas rgyal pos 'phrigs nas/ /de bzung ste mig ya gcig phyung / rna ba ya gcig kyang bcad/ lag pa ya gcig kyang bcad na de'i tshe byad bzhin sngon las nyams te sus kyang mi 'dod do/ /rigs kyi bu/ mi'ang de dang 'dra ste/ lus kyi yan lag dang / mig dang / rna bar ldan mod kyi/ na ba'i sdug bsngal gyis gzir bar gyur na/ thams cad kyis mi 'dod do/ /'od srung / gzhan yang 'di lta ste/ dper na/ chu shing dang / smyig ma dang / 'dam bu dang / dre'u ni 'bras bu'am/ bu yod par gyur na 'chi'o/ /rigs kyi bu/ mi'ang de dang 'dra ste/ nad yod na 'chi'o/ /rigs kyi bu/ gzhan yang 'di lta ste/ dper na/ 'khor los bsgyur ba'i rgyal po ni dmag la dbang ba'i blon po sngar song ba'i phyi bzhin du rgyal po 'gro'o/ nya'i rgyal po dang / bung ba'i rgyal po dang / dung gi rgyal po dang / khyu mchog gi rgyal po dang / tshong dpon sngar song na de'i phyi bzhin gzhan dag 'gro ste mi 'bral lo/ /rigs kyi bu/ 'chi ba'i 'khor los bsgyur ba'i rgyal po'ang de dang 'dra ste/ rtag tu na ba'i blon po'i rjes su 'gro ste mi 'bral lo/ /nya dang / bung ba dang / dung dang / khyu mchog dang / tshong dpon lta bur na ba'i rgyal po'i rjes su'ang 'chi ba'i 'khor rtag tu phyi bzhin du 'brang ste/ rtag tu mi 'bral lo/ /'od srung / na ba'i rgyu </font><hr>Ka293b<br><font size=+1>


dang rkyen ni 'di lta ste/ sdug bsngal ba dang / 'khrug pa dang / slos pa'i mya ngan dang / smre sngags 'don pa dang / lus dang sems mi bde bar byed pa ste/ dgra ma rungs pas nyen pa zhes kyang bya/ rkyal ba 'dral ba zhes kyang bya/ zam pa 'jig pa zhes kyang bya/ yang dag pa'i dran pa 'phrog pa zhes kyang bya/ gzhan yang gzhon dar ba'i mdog bzang po dang / mthu stobs dang / bde ba ma rung bar byed pa zhes kyang bya'o/ /khrel dang ngo tsha med pa lus dang sems 'bar zhing 'tshig par byed pa ste/ dpe 'di dag dang / de ma yin pa gzhan yang dpe tshad med grangs med dpag tu med pa bstan pa'i sgo nas na ba'i sdug bsngal ni sdug bsngal chen po yin par rig par bya'o/ /'od srung / de ni byang chub sems dpa' sems dpa' chen pos theg pa chen po yongs su mya ngan las 'das pa'i mdo sde spyod pa na/ na ba'i sdug bsngal rtogs pa zhes bya'o/ /'od srung / de la ji ltar na byang chub sems dpa' sems dpa' chen po theg pa chen po yongs su mya ngan las 'das pa'i mdo sde spyod pa na 'chi ba'i sdug bsngal rtogs pa yin zhe na/ 'di lta ste/ 'chi ba zhes bya ba ni 'tshig cing med par byed pa'o/ /'od srung / 'di lta ste/ me'i bskal pa byung ba na bsam gtan gnyis pa ma gtogs par gzhan thams cad 'tshig par byed pa'o/ /rigs kyi bu/ 'chi ba'i sems kyang thams cad med par byed de/ byang chub sems dpa' sems dpa' chen po yongs su mya ngan las 'das </font><hr>Ka294a<br><font size=+1>


@#/ /pa'i mdo sde la gnas pa'i mthu stobs dang ldan pa ni ma gtogs so/ /'od srung / 'di lta ste/ chu'i bskal pas bkru ba na thams cad bkrus te med par byed na bsam gtan gsum pa ni ma gtogs so/ /rigs kyi bu/ 'chi ba'i chu'ang de dang 'dra ste/ thams cad bkru ste med par byed na byang chub sems dpa' theg pa chen po yongs su mya ngan las 'das pa'i mdo sde 'di la gnas pa ni ma gtogs so/ /'od srung / 'di lta ste/ rlung gi bskal pa byung ba na thams cad gtor te med par byed na bsam gtan bzhi pa ni ma gtogs so/ / rigs kyi bu/ 'chi ba'i rlung yang de dang 'dra ste/ thams cad med par byed mod kyi/ byang chub sems dpa' theg pa chen po yongs su mya ngan las 'das pa'i mdo sde la gnas pa ni ma gtogs so/ /byang chub sems dpa' 'od srung gis bcom ldan 'das la 'di skad ces gsol to/ /ci'i skad du bsam gtan bzhi pa de rlung gis kyang mi shigs/ chus kyang mi 'khrus/ mes kyang mi tshig /bcom ldan 'das kyis 'od srung la bka' stsal pa/ rigs kyi bu/ bsam gtan bzhi pa ni phyi nang gi skyon thams cad med pa'i phyir ro/ /rigs kyi bu/ bsam gtan dang po la nang na rtog pa'i skyon yod pas phyi rol gyi mes tshig go /bsam gtan gnyis pa ni nang na dga' ba'i skyon yod pas phyi rol gyi chus bkrus so/ /bsam gtan gsum pa ni nang na </font><hr>Ka294b<br><font size=+1>


dbugs rgyu bas rlung gi bskal pas 'jig par 'gyur ro/ /rigs kyi bu/ bsam gtan bzhi pa ni phyi nang gnyis ka'i skyon thams cad bral bas bskal pas mi tshugs pa yin no/ /rigs kyi bu/ byang chub sems dpa' sems dpa' chen po'ang de dang 'dra ste/ theg pa chen po yongs su mya ngan las 'das pa'i mdo sde la bde bar gnas na phyi nang gi skyon thams cad dang bral bas 'chi ba'i rgyal pos kyang mi tshugs pa yin no/ /rigs kyi bu/ gzhan yang 'di lta ste/ nam mkha' lding gi rgyal po ni klu dang / nya dang / gser dngul dang / rin po che la sogs pa zos kyang zhu bar nus na/ rdo rje 'ba' zhig ni zhu bar mi nus so/ /rigs kyi bu/ 'chi ba'i nam mkha' lding gi rgyal po de dang 'dra ste/ sems can thams cad zos kyang zhu bar nus na theg pa chen po yongs su mya ngan las 'das pa'i mdo sde la gnas pa'i byang chub sems dpa' sems dpa' chen po ni zhu bar mi nus so/ /'od srung / gzhan yang 'di lta ste/ chu 'gram na shing dang rtswa skyes pa thams cad chu brub na thams cad chus khyer te/ rgya mtshor phyin gyi bar du 'gro'ang lcang ma ni ma gtogs te rtsa ba mnyen pa'i phyir ro/ /rigs kyi bu/ sems can thams cad kyang de dang 'dra ste/ thams cad 'khor ba'i rgya mtshor 'bab na byang chub sems dpa' sems dpa' chen po yongs su mya ngan las 'das pa'i mdo sde la gnas pa ni ma gtogs so/ /'od srung / 'di lta ste/ mthu bo che ni gyad </font><hr>Ka295a<br><font size=+1>


@#/ /la sogs pa thams cad gdul nus na/ rlung chen po 'ba' zhig ni ma yin no/ /de ci'i phyir zhe na/ gnyen po med pa'i phyir ro/ /rigs kyi bu/ shi ba'i mthu bo che'ang de dang 'dra ste/ sems can thams cad gdul nus na/ byang chub sems dpa' sems dpa' sems dpa' chen po yongs su mya ngan 'das pa'i mdo sde la gnas pa ni ma gtogs so/ /de ci'i phyir zhe na/ gnyen po med pa'i phyir ro/ /'od srung / gzhan yang 'di lta ste/ dgra sdang bdag 'khon yod kyang de la sgyus bsnyen te nye ba'am mdza' ba ltar 'chos shing lus kyi grib ma ltar 'grogs shing bsad pa'i glags chol yang pha rol pos snga nas bag byas na gsod mi nus so/ /rigs kyi bu/ 'chi ba'i dgra'ang de dang 'dra ste/ rtag tu sems can thams cad gsod pa'i glags tshol te/ byang chub sems dpa' sems dpa' chen po theg pa chen po yongs su mya ngan las 'das pa'i mdo la gnas pa la gsod nus pa ma yin no/ /de ci'i phyir zhe na/ byang chub sems dpa' bag byed pa'i phyir ro/ /'od srung / gzhan yang 'di lta ste/ rdo rje'i char pa bab na thams cad 'jig par nus te/ shing dang / nags tshal dang / sa dang / bye ma dang / gseg ma dang / gyo mo dang / rdo dang / gser dang / dngul dang / baiDUR+Ya la sogs pa thams cad 'jig par 'gyur gyi/ rin po che yang dag pa'i rdo rje la ni ma yin no/ /rigs kyi bu/ 'chi ba'i rdo rje'i char </font><hr>Ka295b<br><font size=+1>


pa'ang de dang 'dra ste/ sems can thams cad med par byed nus na/ byang chub sems dpa' rdo rje lta bu theg pa chen po yongs su mya ngan las 'das pa la gnas pa ni ma gtogs so/ /'od srung / gzhan yang 'di lta ste/ bya nam mkha' lding ni klu thams cad za yang skyabs su 'gro ba gsum la skyabs su song ba la ni ma yin no/ /rigs kyi bu/ 'chi ba'i nam mkha' lding yang de dang 'dra ste/ sems can tshad med pa thams cad zos na stong pa nyid dang / mtshan ma med pa dang / smon pa med pa ste/ stong pa nyid gsum la gnas pa ni ma gtogs so/ /'od srung / gzhan yang 'di lta ste/ sbrul gdug pa ma la na zhes bya bas zin na sngags mkhas pa dang / sman pa mkhas pa yod mod kyi/ ci byar yang med de/ a ga ta s+ya'i sngags shes pa 'ba' zhig gis 'tsho bar 'gyur ba ni ma gtogs so/ /rigs kyi bu/ 'chi ba'i sbrul gdug pas zin pa'ang de dang 'dra ste/ sman dpyad thams cad kyis ci yang byar med de/ byang chub sems dpa' theg pa chen po yongs su mya ngan las 'das pa'i sngags la gnas pa ni ma gtogs so/ /'od srung / gzhan yang 'di lta ste/ mi zhig rgyal po sdang bar gyur na mi des tshig snyan pa 'jam po smras te/ nor dbyig rin po che rgyal po la phul na/ mi sdang bar 'gyur ro/ /rigs kyi bu/ 'chi ba'i rgyal po de ni de dang mi 'dra ste/ tshig snyan pa 'jam po smras sam/ nor dbyig rin po che phul yang de las mi thar ro/ /rigs kyi bu/ 
 </font><hr>Ka296a<br><font size=+1>


@#/ /pa ma rabs ni g.yang sa chen por 'gro ba'i grogs med pa ste/ shin tu lam ring por 'gro ba'i grogs med pa/ nyin mtshan du song yang phyin pa'i mtha' mi shes pa/ shin tu gnag pa'i mun par 'thom pa/ snang ba'i sgron ma med pa/ 'jug pa'i sgo med la gnas yod pa/ na ba'i dmigs med la gsor mi rung ba/ 'gro ba la bar du gcod pa med cing thar pa med pa'i gnas su phyin pa/ gzhig tu med pa/ mthong btsam gyis mya ngan gyis gdungs par 'gyur ba/ gzugs gdug pa ma yin yang kun gyis 'jigs skrag pa| lus la khyab par yod kyang mi tshor/ mi shes pa'o/ /'od srung / dpe 'di dag dang / gzhan yang dpe tshad med pa bstan pa'i sgo nas shi ba ni sdug bsngal chen po yin par rig par bya'o| |'od srung / 'di dag ni byang chub sems dpa' sems dpa' chen po theg pa chen po yongs su mya ngan las 'das pa'i mdo sde spyod pa na 'chi ba'i sdug bsngal rtogs pa zhes bya'o/ / 'od srung / ji ltar na de la byang chub sems dpa' sems dpa' chen po theg pa chen po yongs su mya ngan las 'das pa'i mdo sde la gnas pa na 'dod pa dang bye bral ba'i sdug bsngal rtogs pa zhe na/ 'dod pa dang bye bral ba'i sdug bsngal ni sems can thams cad kyi sdug bsngal ba'i rtsa ba ste/ tshigs su bcad pa las kyang 'di dag 'byung ngo / /'dod pa'i rkyen gyis mya ngan skye/ 'dod pa'i </font><hr>Ka296b<br><font size=+1>


rkyan gyis 'jigs pa skye/ /'dod pa thams cad yongs spangs na/ /mya ngan 'jigs pa ga las 'ong / /'dod pa'i rkyen gyis mya ngan gyi sdug bsngal skye ste/ mya ngan gyi sdug bsngal yin pas na sems can dag rgas shing rgud par 'gyur te/ 'dod pa dang bye bral ba'i sdug bsngal ni/ 'di lta ste/ tshe zad pa'o/ /rigs kyi bu/ bye bral bar gyur pas na sdug bsngal phra mo rnam pa sna tshogs kyang skye bar 'gyur te/ khyod la rgyas par phye zhing bstan pa bya'o/ /rigs kyi bu/ sngon 'das pa'i dus na mi'i tshe'ang tshad med de/ de'i tshe de'i dus na rgyal po dge ba la gnas pa zhes bya ba byung ngo / /de'i tshe na rgyal po de gzhon nu'i lus kyis rgyal tshab kyi las kyang lo brgyad khri bzhi stong gi bar du byas nas rgyal sar dbang bskur te/ rgyal po'ang lo brgyad khri bzhi stong gi bar du byas so/ /de'i tshe rgyal po de'i spyi bo la sha lhag pa shin tu 'jam pa shing bal lam/ ras 'jam po ltar 'jam pa skyes te/ bags kyis je che je cher skyes kyang gnod par ma gyur te/ zla ba bcu lon pa dang rdol nas nang nas khye'u gzhon nu byad bzhin bzang ba dpe med pa/ mtshan dang mdog tu ldan pa/ mi'i nang na phul du gyur ba gcig byung ngo / /rgyal po chen po de dga' nas ming yang spyi bo skyes zhes btags te/ de'i tshe rgyal po dge ba la gnas pa de rgyal po'i srid kun spyi bo skyes la gtad nas pho brang dang / btsun mo dang / bu dang / 'khor kun yongs su spangs te/ lo ril po brgyad khri bzhi stong gi </font><hr>Ka297a<br><font size=+1>


@#/ /bar du byang chub la nan tan byas so/ /de'i tshe rgyal po spyi bo skyes de tshes bco lnga'i nyin par khrus byas te/ rgyal thabs blangs nas yang thog mthon por 'dug pa las shar phyogs nas gser gyi 'khor lo rtsibs ma stong dang ldan pa bzo byas pa ni ma yin gyi/ lhun gyis grub pa gcig byung bar gyur to/ /de'i tshe rgyal po spyi bo skyes de 'di snyam du sems par gyur to/ bdag gis sngon drang srong mngon par shes pa lnga dang ldan pa las thos na/ rgyal rigs rgyal por 'gyur ba tshes bco lnga'i nyin par khrus byas te rgyal po'i dbang blangs nas yang thog mthon por 'dug pa las/ gser gyi 'khor lo rtsibs ma stong dang ldan pa bzo ma byas pa lhun gyis grub pa rang byung na rgyal po de gdon mi za bar 'khor lo bsgyur ba'i rgyal por 'gyur ro zhes thos pa bsams nas/ de brtag pa'i phyir lag pa g.yon pas ni 'khor lo blangs/ lag pa g.yas pas ni pog por thogs nas pus mo g.yas pa sa la btsugs te 'di skad ces smras so/ /gser gyi 'khor lo 'di yang dag pa zhig yin na sngon 'das pa'i 'khor los bsgyur ba'i rgyal po'i chos su gar 'gro bar song zhig ces smras pa dang / de skad smras ma thag tu gser gyi 'khor lo de steng gi nam mkha' la 'phags nas phyogs bcur bskor te phyir rgyal po'i lag pa g.yon par 'ongs so/ /de'i tshe rgyal po spyi bo skyes shin tu dga' mgu rangs nas bdag ni nges par 'khor </font><hr>Ka297b<br><font size=+1>


los bsgyur ba'i rgyal po yin no zhes smras so/ /phyis ring po ma lon par bal gyi glang po che shin tu bzang ba pad+mo dkar po ltar dkar la yan lag bdun sa la reg pa byung ste/ rgyal po spyi bo skyes des mthong nas yang 'di snyam du bsams so/ /bdag gis sngon drang srong mngon par shes pa lnga dang ldan pa las thos na/ gal te 'khor los bsgyur ba'i rgyal po tshes bco lnga'i nyin par khrus byas nas yang thog mthon por 'dzegs te 'dug pa las/ bal gyi glang po che shin tu bzang po pad+ma dkar po ltar dkar la yan lag bdun sa la reg pa byung na de ni gdon mi za bar 'khor los bsgyur ba'i rgyal por 'gyur zhes thos pa bsams nas/ de brtag pa'i phyir pog por thogs te pus mo g.yas pa'i lhangs la btsugs nas 'di skad ces smras so/ /bal glang rin po che 'di gal te yang dag pa zhig yin na sngon 'das pa'i 'khor los bsgyur ba'i rgyal po'i chos ltar gar 'gro bar song zhig /ces smras nas bal glang rin po che de nang par nas dgongs su phyogs mtshams brgyad rgya mtsho'i mtha' la thug gi bar du bskor nas phyir gnas su 'ongs so/ /de'i tshe rgyal po spyi bo skyes rab tu dga' mgu rangs nas bdag ni gdon mi za ba'i 'khor los bsgyur ba'i rgyal po yin no zhes smras so| |de nas phyis ring po ma lon par rta rin po che spu mdog mthon mthing du 'dug la/ rnga rdog gser gyi kha dog 'dra ba zhig rang byung ste/ rgyal po spyi bo skyes des mthong nas yang 'di snyam du bsams so/ / </font><hr>Ka298a<br><font size=+1>


@#/ /bdag gis sngon drang srong mngon par shes pa lnga dang ldan pa las thos na/ gal te 'khor los bsgyur ba'i rgyal po tshes bco lnga'i nyin par khrus byas nas yang thog mthon por 'dzegs te 'dug pa las/ rta rin po che spu mdog mthon mthing la rnga rdog gser gyi kha dog 'dra ba byung na rgyal po de ni gdon mi za bar 'khor los bsgyur ba'i rgyal po yin no/ /zhes thos pa bsams nas de brtag pa'i phyir pog por thogs te/ pus mo g.yas pa'i lha nga sa la btsugs nas 'di skad ces smras so/ /rta rin po che mthon mthing 'di yang dag pa zhig yin na sngon gyi 'khor los bsgyur ba'i rgyal po'i chos ltar gar 'gro bar song zhig ces smras nas/ rta rin po che nang par nas dgongs su phyogs mtshams brgyad du rgya mtsho'i mtha' la thug par bskor nas phyir gnas su 'ongs so/ /de'i tshe rgyal po spyi bo skyes rab tu dga' mgu rangs nas bdag ni gdon mi za bar 'khor los bsgyur ba'i rgyal po yin no zhes smras so/ /de nas ring po ma lon par bud med rin po che gzugs byad mdzes pa/ shin tu sdug pa phul du gyur pa/ mi ring mi thung / ha cang yang mi dkar/ ha cang yang mi gnag /lus kyi ba spu'i khung nas spos tsan+dan gyi dri bro ba/ kha nas pad+ma sngon po'i bsung bro ba/ mig rgyang ring po dpag tshad gcig tshun chad mthong ba/ rna bas kyang thos pa/ snas kyang bsung tshor ba/ lce shin tu mnyen zhing ring la ngo yog pa/ </font><hr>Ka298b<br><font size=+1>


mdog 'jam zhing 'tsher ba ni zangs glebs pa dang 'dra ba/ shes rab rno la blo che ba/ sems can thams cad la rtag tu ngag 'jam pos smra ba/ bud med de'i lag pas rgyal po'i gos la reg pa tsam gyis kyang rgyal po de'i na ba dang bde ba'ang shes la ci la dmigs ci la sems pa'ang shes so/ /de'i tshe rgyal po spyi bo skyes de 'di snyam du bud med gang rgyal po'i sems shes pa ni bud med rin po che yin no snyam bsams so/ /de nas ring po ma lon par rgyal po'i pho brang gi nang nas nor bu rin po che bai DUR+Ya sngon po lta bu che khyad mi'i brla tsam zhig byung ste| nor bu rin po che des mun pa dpag tshad gcig khor khor yug tu snang bar yang byed la/ gal te char pa'i thigs pa shing rta'i srog shing tsam bab kyang / nor bu rin po che de'i mthus dpag tshad gcig khor khor yug tu gdugs su gyur te char pa mi zag go /de'i tshe rgyal po spyi bo skyes 'di snyam du 'khor los bsgyur ba'i rgyal pos nor bu rin po che 'di thob na gdon mi za bar 'khor los bsgyur pa'i rgyal po yin no snyam sems so/ /de nas ring po ma lon par rin po che'i gter la dbang ba'i blon po rang byung ste/ nor bu rin po che rab tu mang ba/ shin tu phyug pa/ bang mdzod tshad med pa shin tu gang ba/ cis kyang mi phongs/ mi brel ba bsod nams las gyur pa'i mig gi dbang pos sa'i 'og na gter ci yod pa thams </font><hr>Ka299a<br><font size=+1>


@#/ /cad mthong bas rgyal pos bsams pa bzhin du sbyor ro/ /de'i tshe rgyal po spyi bo skyes de brtag pa'i phyir grur zhugs nas rgya mtsho chen por zhugs te/ rgyal pos de la 'di skad ces bsgo'o/ /kho bo nor bu rin po che rnam pa tha dad pa dag cig 'dod do/ /blon po des de skad ces thos ma thag tu lag pa gnyis kyis rgya mtsho'i nang nas bcus pa dang sor mo bcu la nor bu rin po che'i gter bcu yod par gyur te/ rgyal po la phul nas 'di skad ces gsol to/ /rgyal po chen po/ ji tsam 'dod pa bzhes te lhag ma slar rgya mtshor dor du gsol/ de'i tshe rgyal po spyi bo skyes rab tu dga' mgu rangs nas bdag ni nges par 'khor los bsgyur ba'i rgyal po yin no/ /zhes smras so/ / de nas ring po ma lon par dmag la dbang ba'i blon po byung ste/ shin tu'ang rtsal che zhing dpa' ba/ dgra thabs la phul du mkhas pa dmag gi tshogs rnam bzhi la shin tu mkhas pa/ rgyal po gzhan la rgol du cha na dmag mngon par ston pa/ rgol ba med pa na cang mi snang ba/ ma btul ba thul ba/ thul ba rnams mthus shin tu skyob pa la mkhas pa byung ngo / /de'i tshe rgyal po spyi bo skyes yang 'di snyam du sems te/ 'khor los bsgyur ba'i rgyal po la dmag dpon rin po che 'di yod de/ bdag ni gdon mi za </font><hr>Ka299b<br><font size=+1>


bar 'khor los bsgyur ba'i rgyal po yin no/ /snyam sems so/ /de'i tshe 'khor los bsgyur ba'i rgyal po spyi bo skyes kyis blon po rnams la bka' stsal pa/ khyed 'di ltar rig par gyis shig /dzam+bu'i gling 'dir ni bde zhing skyid par gyur la/ nga ni rin po che sna bdun dang / bu stong du'ang ldan na de gzhan ci zhig byar yod/ blon po rnams kyis gsol pa/ de bzhin no| |rgyal po chen po/ shar gyi lus 'phags gling zhes bgyi ba da dung ma btul te/ rgyal po'i bka' mi nyan na de'ang dbang pa'i rigs so zhes gsol to/ /de'i tshe 'khor los bsgyur ba'i rgyal po rin po che sna bdun dang bcas te/ thams cad nam mkha' la 'phags nas shar gyi lus 'phags gling du chas te/ gling de'i mi thams cad dga' nas bka' nyan par gyur to// //'phags pa yongs su mya ngan las 'das pa chen po'i mdo/ bam po bcu bdun pa/ de nas yang blon po rnams la bka' stsal pa/ lho'i dzam+bu'i gling dang / shar gyi lus 'phags kyi gling ni rab tu bde bar gyur te/ thams cad bka' nyan par yang gyur/ rin po che sna bdun dang / bu stong du yang ldan na da yang gzhan ci zhig byar yang| blon po rnams kyis gsol pa/ de bzhin no/ /rgyal po chen po/ nu kyi ba lang spyod ces bgyi ba da dung ma btul lo/ /de nas rgyal po rin po che sna bdun dang bcas te/ thams </font><hr>Ka300a<br><font size=+1>


@#/ /cad nam mkha' la 'phags nas nub kyi ba lang spyod du chas so/ /rgyal po der phyin ma thag tu de na gnas pa'i mi thams cad kyang bka' nyan par gyur to// yang blon po rnams la bka' stsal pa/ lho'i dzam+bu'i gling dang / shar gyi lus 'phags gling dang / nub kyi ba lang spyod na gnas pa'i mi dag ni rab tu bde zhing skyid la bka' yang nyan par gyur te/ rin po che sna bdun dang / bu stong du'ang ldan na da gzhan yang ci zhig byar yod/ blon po rnams kyis gsol pa/ de bzhin no/ rgyal po chen po/ byang gi sgra mi snyan zhes bgyi ba da dung ma btul lo/ /de nas rgyal po'ang rin po che sna bdun dang bcas te/ thams cad steng gi nam mkha' la 'phags nas byang gi sgra mi snyan du chas so/ /der phyin ma thag tu de na gnas pa'i mi thams cad rab tu dga' nas bka' nyan to/ /de nas yang blon po rnams la bka' stsal pa/ gling bzhin gnas pa'i mi dag ni rab tu'ang skyid cing bde la bka' nyan par gyur te/ rin po che sna bdun dang / bu stong du ldan nad gzhan ci zhig byar yod/ blon po rnams kyis gsol pa/ de bzhin no/ /rgyal po chen po/ sum cu rtsa gsum gyi lha'i tshe'ang rab tu ring la shin tu bde skyid do/ /lha'i lus ni shin tu'ang bzang ste/ dpe zla med la gnas pa'i pho brang dang / 'dug pa'i khri dang / nyal ba'i mal yang rin po che sna bdun 'ba' </font><hr>Ka300b<br><font size=+1>


zhig ste/ lha'i bsod nams bsnyems pas de dag kyang rgyal po'i bka' mi nyan na brtul zhing dbab pa'i rigs so/ /de nas 'khor los bsgyur ba'i rgyal po rin po che sna bdun dang bcas te| thams cad nam mkha' la 'phags nas sum cu rtsa gsum gnam du chas so/ /der phyin pa dang shing kha dog sngon por 'dug pa gcig mthong nas sngon por 'dug pa 'di ci zhig yin zhes blon po rnams la dris so/ /blon po rnams kyis gsol pa/ 'di ni shing pa ri tsi tra zhes bya ste/ sum cu rtsa gsum gnam gyi lha rnams dbyar gyi zla gsum la shing de'i 'og na longs spyod cing rtse'o/ /gzhan yang kha dog dkar po sprin dkar po dang 'dra ba zhig mthong nas 'di ci yin zhes dris so/ /blon po rnams kyis gsol pa/ 'di ni sum cu rtsa gsum gnam gyi chos bzang gi lha'i 'dun sa zhes bya ste/ sum cu rtsa gsum gnam gyi lha rnams ni der 'du zhing lha dang mi'i gtam zer ro/ /de'i tshe brgya byin lha'i dbang pos kyang rgyal po spyi bo skyes 'ongs par shes nas phyi rol tu bsu ste/ lag pas bzung nas 'grogs te/ chos bzang gi 'dun sar zhugs nas stan phyed bdar te lhan cig tu 'dug go /de'i tshe rgyal po gnyis lhan cig tu 'dug pa na gzugs byad dang mtshan la sogs pa tha dad pa med de/ lta ba dang mig 'dzum pa tsam zhig mi 'dra'o/ /de'i tshe na 'khor los bsgyur ba'i rgyal po des 'di snyam du sems </font><hr>Ka301a<br><font size=+1>


@#/ /par gyur te/ bdag gis lha'i rgyal po'i thabs phrogs te/ bdag gis byar rung ngam snyam bsams so/ /rigs kyi bu/ de'i tshe de'i dus na brgya byin lha'i dbang po theg pa chen po'i mdo sde 'chang pa dang / 'dzin pa dang / klog pa dang / 'don pa dang / gzhan la'ang 'byed cing ston pa'i las byed de/ shin tu zab mo'i don zad par rtogs pa ni ma yin no/ /de ltar theg pa chen po'i mdo sde 'chang ba dang / 'dzin pa dang / klog pa dang / 'don pa dang / gzhan la rgyas par 'byed cing ston pa de'i rgyu de'i rkyen gyis gzi brjid chen po dang ldan par gyur to/ /rigs kyi bu/ de'i tshe na rgyal po spyi bo skyes de ltar brgya byin la ngan sems skyes pas de ma thag tu phyir dzam+bu gling du lhung nas 'dod pa'i lha dang / mi dang bye bral bar gyur te/ sdug bsngal chen po skyes so/ /de nas kyang nad kyis btab ste tshe 'phos par gyur to/ /de'i tshe de'i dus na brgya byin du gyur pa de ni sangs rgyas 'od srung zhes bya ba yin no/ /'khor los bsgyur ba'i rgyal po de ni da ltar nga yin no/ /rigs kyi bu/ de bas na 'dod pa dang bye bral na rab tu sdug bsngal chen po yin par rig par bya'o/ /rigs kyi bu/ byang chub sems dpa' sems dpa' chen po'ang de ltar 'das pa'i dus kyi bye bral ba'i sdug bsngal dran pa yin na/ byang chub sems dpa' theg pa </font><hr>Ka301b<br><font size=+1>


chen po yongs su mya ngan las 'das pa'i mdo sde la gnas pa/ da ltar gyi dus kyi 'dod pa dang bye bral ba'i sdug bsngal la rtog pa lta ci smos/ rigs kyi bu/ de la ji ltar na byang chub sems dpa' sems dpa' chen po theg pa chen po yongs su mya ngan las 'das pa'i mdo sde la spyod pa na dgra sdang ba dang phrad pa'i sdug bsngal zhe na/ rigs kyi bu/ byang chub sems dpa' sems dpa' chen pos ni 'di ltar sems can dmyal ba dang / byol song gi skye gnas dang / gshin rje'i 'jig rten dang / mi dang / lha la'ang dgra sdang ba dang phrad pa'i sdug bsngal zhes bya ba yod do/ /'di lta ste/ dper na/ mis ni btson rar bcug pa dang / bzung ba dang / bcings pa dang / lcags dang / khong sgril dang / shing sgrog tu bcugs la sdug bsngal chen por mthong ngo / /byang chub sems dpa' sems dpa' chen po'ang de dang 'dra ste/ lam rgyud lnga'i sems can thams cad kyang dgra sdang ba dang phrad pa'i sdug bsngal chen po yin par rtogs so/ /rigs kyi bu/ gzhan yang 'di lta ste/ dper na/ mi zhig 'khon yod pas 'jigs sam/ stong ngam/ lcags sam/ khong sgril gyis 'jigs pas pha ma dang / chung ma dang / bu dang / 'khor rnams dang / rin po che dang / so nam kun spangs te/ lam ring por byol zhing bros so/ /rigs kyi bu/ /byang chub sems dpa' sems dpa' chen po'ang de dang 'dra ste/ 'khor </font><hr>Ka302a<br><font size=+1>


@#/ /bas 'jigs pa dang pha rol tu phyin pa drug rdzogs par spyad de/ mya ngan las 'das par 'jug go /'od srung / 'di ni byang chub sems dpa' sems dpa' chen po theg pa chen po yongs su mya ngan las 'das pa'i mdo sde spyod pa na dgra sdang ba dang phrad pa'i sdug bsngal rtogs pa zhes bya'o/ /rigs kyi bu/ de la ji ltar na byang chub sems dpa' sems dpa' chen po yongs su mya ngan las 'das pa'i mdo sde spyod pa na 'dod pa mi rnyed pa'i sdug bsngal rtogs pa zhe na/ 'dod pa ni thams cad 'dod pa'o/ /thams cad 'dod pa la'ang rnam pa gnyis te/ dge ba'i chos 'dod pa dang / mi dge ba'i chos 'dod pa'o/ /de'ang dge ba'i chos ma rnyed na sdug bsngal ba'o/ /mi dge ba'i chos dang ma bral na sdug bsngal ba ste/ 'di dag ni phung po lnga sdug bsngal ba mdor bshad pa'o/ /'od srung / de dag ni sdug bsngal gyi bden pa zhes bya'o/ /de nas byang chub sems dpa' sems dpa' chen po 'od srung gis bcom ldan 'das la 'di skad ces gsol to/ /bcom ldan 'das kyis phung po lnga sdug bsngal bar gsungs pa'i don de lta ma lags so/ /de ci'i slad du zhe na/ bcom ldan 'das kyis sngon shAkya ming chen la 'di skad ces bka' stsal to/ /gal te gzugs sdug bsngal ba yin na sems can thams cad gzugs 'dod pa'i mi rigs te/ thams </font><hr>Ka302b<br><font size=+1>


cad 'dod pas na sdug bsngal zhes byar mi rung ngo zhes kyang gsungs/ yang bcom ldan 'das kyis dge slong rnams la bka' stsal pa/ tshor ba la'ang rnam pa gsum ste/ bde bar tshor ba dang / sdug bsngal bar tshor ba dang / bde ba'ang ma yin sdug bsngal ba'ang ma yin par tshor ba ste/ sngon bcom ldan 'das kyis dge slong rnams la bka' stsal pa/ gang zhig gis dge ba'i chos la nan tan byas na bde ba myong bar 'gyur ro zhes kyang gsungs/ yang bcom ldan 'das kyis gsungs pa/ dge ba'i rgyud du reg bya drug gis kyang bde ba myong bar 'gyur te/ mig gis gzugs bzang po mthong na de'ang bde ba lags na/ rna ba dang / sna dang / lce dang / lus dang / yid kyi bar du bzang po la reg pa'ang bde ba'o zhes gsungs te/ bcom ldan 'das kyis tshigs su bcad de gsungs pa/ tshul khrims ldan pa bde ba ste/ /lus kyi sdug bsngal mi myong ba/ /gnyid kyis log na'ang bde bar 'gyur/ /sad na sems kyang dga' bar 'gyur/ /gos dang bsod snyoms len pa dang / /klog dang sgom zhing 'chad pa dang / /bas mtha' dgon pa ri dang tshal/ /gnas par gyur na mchog tu bde/ / gang zhig sems can mang po la/ /nyin mtshan rtag tu snying rje zhing / /gzhan la gnod pa mi byed na/ /de yi rkyen gyis rtag tu bde/ /'dod pa nyung zhing chog shes bde/ /de bzhin mang du </font><hr>Ka303a<br><font size=+1>


@#/ /thos pa bde/ /chags med dgra bcom pa dag kyang / /rab tu bde ba zhes bya'o/ /byang chub sems dpa' sems dpa' che/ /pha rol phyin pa'i mthar phyin cing / /bya ba thams cad byas pa ni/ /mchog tu bde ba zhes bya'o/ /bcom ldan 'das kyis mdo sde gzhan dag las bde ba'i mtshan nyid du gsungs pa'i don 'di lags na/ de yang bcom ldan 'das kyis 'di skad du gsungs na don de dag mthun par rung ngam/ /bcom ldan 'das kyis 'od srung la bka' stsal pa/ legs so/ /shin tu legs so/ /rigs kyi bu/ de bzhin gshegs pa la don 'di dag bris pa legs so/ /rigs kyi bu/ sems can thams cad ni sdug bsngal ba tha ma la nan gyis bde bar 'du shes te/ de bas na sdug bsngal gyi mtshan nyid 'di bshad pa'ang snga ma dang tha mi dad do/ /de nas byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ bcom ldan 'das kyis sngar gsungs pa ltar/ sdug bsngal tha ma la'ang bde bar 'du shes pa bskyed na/ skye ba tha ma dang / rga ba tha ma dang / na ba tha ma dang / 'ching tha ma dang / 'dod pa dang bye bral ba tha ma dang / 'dod pa mi rnyed pa tha ma dang / dgra sdang ba dang phrad pa tha ma dang / phung po lnga tha ma la sogs pa sdug bsngal ba la'ang bde ba mchis pa'i rigs </font><hr>Ka303b<br><font size=+1>


so/ /bcom ldan 'das/ skye ba tha ma zhes bgyi ba ni ngan song gsum mo/ /skye ba 'bring zhes bgyi ba ni mi'i nang du skyes pa'o/ /skye ba rab ces bya ba ni mtho ris kyi lhar skye ba lags na/ gal te la la zhig gis 'di skad du bde ba tha ma la sdug bsngal bar 'du shes/ bde ba 'bring la ni sdug bsngal med par bde bar 'du shes/ bde ba rab la ni bde bar 'du shes so zhes de skad ces dri ba mchis na/ de la ji skad ces lan gdab par bgyi/ bcom ldan 'das/ sdug bsngal tha ma la bde bar 'du shes pa ni/ dper na/ mi zhig lcag stong gis gzhu ba las/ thog ma gcig phog pa na bde bar 'du shes pa'i rigs na de bde bar 'du shes pa ma lags pas na/ ci'i slad du sdug bsngal tha ma la bde bar 'du shes par bgyi/ bcom ldan 'das kyis 'od srung la bka' stsal pa/ de de bzhin no/ /de de bzhin no/ /khyod kyis smras pa bzhin te/ don de lta bas na bde bar 'du shes pa med do/ /de ci'i phyir zhe na/ dper na/ mi de lcag stong gis gzhu ba las/ lcag gcig phog ste btang na de'i tshe mi de bde ba'i 'du shes skye ste/ de bas na bde ba med pa la nan tan gyis bde bar 'du shes bskyed do/ / 'od srung gis gsol pa/ mi de lcag gcig phog pa la bde bar 'du shes pa ma lags kyi/ de las thar bas bde bar 'du shes pa lags so/ /bka' stsal pa/ 'od srung / de bas </font><hr>Ka304a<br><font size=+1>


@#/ /na ngas sngon shAkya ming chen la phung po lnga la bde bar gsungs pa yang dag pa ste/ rdzun pa ma yin no/ /'od srung / tshor ba rnam pa gsum dang / sdug bsngal rnam pa gsum yod do/ /tshor ba rnam pa gsum ni/ 'di lta ste/ bde bar tshor ba dang / sdug bsngal bar tshor ba dang / sdug bsngal ba'ang ma yin bde ba'ang ma yin par tshor ro/ /sdug bsngal gsum ni sdug bsngal ba'i yang sdug bsngal dang / 'du byed kyi sdug bsngal dang / 'gyur ba'i sdug bsngal lo/ /rigs kyi bu/ sdug bsngal gyi tshor ba ni sdug bsngal ba'i sdug bsngal dang / 'du byed kyi sdug bsngal dang / 'gyur ba'i sdug bsngal dang / sdug bsngal gsum du sbyar ro/ /lhag ma gnyis ni 'du byed kyi sdug bsngal dang / 'gyur ba'i sdug bsngal dang sbyar ro/ /rigs kyi bu/ de'i rgyu de'i rkyen gyis ni skye ba dang / 'chi ba'i nang na yang dag par bde bar tshor ba yod do/ /byang chub sems dpa' sems dpa' chen po ni sdug bsngal dang bde ba nyid tha dad pa ma yin par rtogs pas thams cad sdug bsngal ba'o zhes gsungs so/ /rigs kyi bu/ skye ba dang 'chi ba'i nang na yang dag par na bde ba med de/ sangs rgyas dang / byang chub sems dpa' rnams ni 'jig rten pa'i rjes su bde ba yod do zhes gsungs pa yin no/ /byang chub sems dpa' 'od srung gis </font><hr>Ka304b<br><font size=+1>


yang bcom ldan 'das la gsol pa/ sangs rgyas dang / byang chub sems dpa' rnams 'jig rten gyi dbang du mdzad de rjes su gsungs pa 'di rdzun du mi 'gyur ram/ bcom ldan 'das kyis gsungs pa ltar na gang dge ba bgyid pa ni bde ba'i 'bras bu myong bar 'gyur/ tshul khrims bsrungs pas ni lus bde ba dang / sdug bsngal mi myong bas na bya ba thams cad rdzogs pa'i bar du 'gyur ba ni mchog tu bde bar 'gyur ba lags na/ mdo sde de dag la sogs pa las bde ba myong bar gsungs pa de dag kyang rdzun du mi 'gyur ram/ gal te rdzun du 'gyur na lta/ sangs rgyas bcom ldan 'das bskal pa tshad med grangs med pa brgya stong gi bar du byang chub bsgrubs pa na rdzun du smra ba yongs su spangs te/ de'ang 'di skad du gsungs na de'i don ji lta bu lags/ bcom ldan 'das kyis bka' stsal pa/ rigs kyi bu/ gong du tshigs su bcad pa las bde ba myong bar bshad pa ni byang chub kyi lam gyi rtsa ba ste/ bla na med pa yang dag par rdzogs pa'i byang chub kyang skye bar 'gyur bas na/ de'i phyir sngar mdo sde dag las bde ba'i mtshan nyid de skad ces gsungs pa yin no/ /rigs kyi bu/ dper na/ 'jig rten gyi dgos pa'i longs spyod ni bde ba'i rgyur 'gyur te/ bde ba zhes bya'o/ /'di lta ste/ na chung bzang mo dang / chang zhim po dang / kha zas ro mchog dang / skom pas gdungs pa na chu dang phrad </font><hr>Ka305a<br><font size=+1>


@#/ /pa dang / grang pa'i tshe me dang phrad pa dang / gos dang / lus kyi rgyan dang / bal glang dang / rta dang / shing rta dang / bran pho dang / bran mo dang / las byed pa'i mi dang / gser dang / dngul dang / bai DUR+Ya dang / byu ru dang / mu tig dang / bang mdzod dang / nas 'bras la sogs pa ni 'jig rten gyi dgos pa ste/ bde ba'i rgyur 'gyur bas na bde ba zhes pa'o/ /rigs kyi bu/ dngos po de dag la sogs pas sdug bsngal yang skye bar byed do/ /'di lta ste/ bud med kyi phyir skyes pa dag sdug bsngal ba dang / mi dga' ba dang / mya ngan byed pa dang / tshe nge rdung pa dang / srog gi bar du'ang bar chad du 'gyur ba yod do/ /chang dang zas zhim po nas bang mdzod kyi bar du'ang sdug bsngal chen po skye bar 'gyur te/ de bas na thams cad sdug bsngal yin gyi/ bde ba'i mtshan nyid med do/ /rigs kyi bu/ byang chub sems dpa' sems dpa' chen pos ni sdug bsngal brgyad la sdug bsngal bar shes te/ bde ba med do/ /rigs kyi bu nyan thos dang / rang sangs rgyas la sogs pa ni bde ba'i rgyu mi shes pas na de dag gi phyir sdug bsngal tha ma la bde ba'i mtshan nyid yod par smra'o/ /byang chub sems dpa' theg pa chen po yongs su mya ngan las 'das pa'i mdo la gnas pa 'ba' zhig ni sdug bsngal gyi rgyu dang / bde ba'i rgyu rtogs shing </font><hr>Ka305b<br><font size=+1>


shes so/ /rigs kyi bu/ de la ji ltar na byang chub sems dpa' sems dpa' chen po theg pa chen po yongs su mya ngan las 'das pa'i mdo sde la gnas pa na kun 'byung gi bden pa rtogs pa zhe na/ rigs kyi bu/ byang chub sems dpa' sems dpa' chen po ni kun 'byung gi bden pa 'di phung po'i rgyu dang rkyen yin par rtogs so/ /kun 'byung zhes bya ba ni phyir yang srid pa la 'dod pa ste/ 'dod pa la rnam pa gnyis so/ /bdag gi lus 'dod pa dang / dgos pa 'dod pa'o/ /yang rnam pa gnyis te/ 'dod pa lnga ma thob pa la sems rtse gcig tu tshol ba dang / rnyed nas shin tu chags pa la bzod par byed pa'o/ /gzhan yang rnam pa gsum ste/ 'dod pa'i 'dod pa dang / gzugs kyi 'dod pa dang / gzugs med pa'i 'dod pa'o/ /gzhan yang rnam pa gsum ste/ las kyi rgyu dang rkyen la 'dod pa dang / nyon mongs pa'i rgyu dang rkyen la 'dod pa dang / sdug bsngal gyi rgyu dang rkyen la 'dod pa'o/ /rab tu byung ba la 'dod pa rnam pa bzhi bzhi'o/ /chos gos dang / bsod snyoms dang / mal cha dang / nad kyi rkyen sman no/ /gzhan yang rnam pa lnga ste/ phung po lnga la chags nas dgos pa'i rjes su thams cad 'dod de/ rnam par rtog pa tshad med mtha' yas pa'o/ /rigs kyi bu/ 'dod pa la'ang rnam pa gnyis te/ dge ba la 'dod pa dang / mi dge ba la 'dod pa'o/ /mi dge ba la 'dod pa ni glen pa 'ba' </font><hr>Ka306a<br><font size=+1>


@#/ /zhig 'dod do/ /dge ba la 'dod pa ni byang chub sems dpa' rnams 'dod do/ /dge ba'i chos 'dod pa la'ang rnam pa gnyis te| mi dge ba dang / dge ba'o/ /theg pa gnyis po tshol ba ni mi dge ba'o/ /theg pa chen po tshol ba ni dge ba'o/ /rigs kyi bu/ byis pa ma rabs kyi 'dod pa ni kun 'byung zhes bya ste/ bden pa ma yin no/ /byang chub sems dpa'i 'dod pa ni bden pa zhes bya ste/ kun 'byung ma yin no/ /de ci'i phyir zhe na/ sems can bsgral ba'i don gyi phyir skye ba len gyi/ 'dod pa'i phyir skye ba len pa ni ma yin no/ /byang chub sems dpa' 'od srung gis yang bcom ldan 'das la gsol pa/ sangs rgyas bcom ldan 'das kyi mdo sde gzhan dag las sems can dag gi phyir las ni rgyu dang rkyen du 'gyur ro zhes gsungs/ bar bar ni nga rgyal rgyur 'gyur ro zhes gsungs/ bar bar ni reg bya drug rgyur 'gyur ro zhes gsungs/ bar bar ni ma rig pa phung po lngar 'gyur te/ rgyu dang rkyen du 'gyur ro zhes gsungs na/ de ci'i slad du 'phags pa'i bden pa bzhi las 'dod pa'i mtshan nyid 'ba' zhig phung po lnga'i rgyur 'gyur zhes gsungs/ bcom ldan 'das kyis byang chub sems dpa' 'od srung la bka' stsal pa/ legs so/ /legs so/ /rigs kyi bu khyod kyis smras pa </font><hr>Ka306b<br><font size=+1>


bzhin te/ rgyu dang rkyen gzhan dag kyang rgyur mi 'gyur ba ni ma yin mod kyi/ phung po lnga'i rgyu ni mdor na 'dod pa las gyur to/ /rigs kyi bu/ dper na/ rgyal po chen po gshegs na blon po chen po 'khor dang bcas te rjes su 'gro'o/ /'dod pa yang de dang 'dra ste/ 'dod pa gang du spyod pa'i rjes su kun nas nyon mongs pa rnams kyang rjes su 'gro'o/ /dper na/ gos gang du snum pa der rdul chags pa bzhin du 'dod pa'ang de dang 'dra ste/ gang du 'dod par las kyi nyon mongs pa'ang de la gnas so/ /rigs kyi bu/ gzhan yang 'di lta ste/ dper na/ gang du brlan pa'i sa la ni myu gu skye'o/ /'dod pa'ang de dang 'dra ste/ las kyi nyon mongs pa'i myu gu thams cad skye bar byed do/ /rigs kyi bu/ byang chub sems dpa' sems dpa' chen po thog pa chen po yongs su mya ngan las 'das pa la gnas pa dag ni 'dod pa la rnam pa dgur shin tu rtogs so/ /'di lta ste/ bu lon ma 'khor ba lta bu dang / chung ma srin mo lta bu dang / me tog bzang po'i sdong bu la sbrul gdug pas dkris pa lta bu dang / zas yid du mi 'ong zhing mi 'dod pa nan gyis za ba lta bu dang / sbrul tshong ma lta bu dang / ba lu ka'i 'bras bu lta bu dang / rma'i sha rmen lta bu dang / rlung drag po lta bu dang / skar ma phod lta bu'o/ /de la ji ltar na bu lon ma 'khor ba lta bu zhe na/ rigs kyi bu/ dper na/ mi dbul po zhig bu lon chags pas rdzogs su nye ste/ </font><hr>Ka307a<br><font size=+1>


@#/ /mjug lus na bzung ba las mi thar to/ /nyan thos dang rang sangs rgyas kyang de dang 'dra ste/ 'dod pa'i bag chags kyi lhag ma lus pas bla na med pa yang dag par rdzogs pa'i byang chub tu 'tshang mi rgya'o/ /rigs kyi bu/ de ltar na bu lon ma 'khor ba lta bu zhes bya'o/ /rigs kyi bu/ de la ji ltar na chung ma srin mo lta bu zhe na/ rigs kyi bu| dper na/ mi zhig chung mar srin mo blangs na bu btsas ma thag tu za'o/ /bu zad nas khyo'ang za'o/ /rigs kyi bu/ 'dod pa'i srin mo'ang de dang 'dra ste/ sems can dag dge ba'i rtsa ba ji tsam bskyed pa skyes ma thag tu med par byed do/ /dge ba'i rtsa ba zad par byas nas sems can dmyal ba dang / byol song gi skye gnas dang / gshin rje'i 'jig rten du skye bar byed de/ byang chub sems dpa' ni ma gtogs so/ /de ltar na chung ma srin mo lta bu zhes bya'o/ /rigs kyi bu/ de la ji ltar na me tog bzang po'i sdong bu la sbrul gdug pas dkris pa lta bu zhe na/ dper na/ me tog bzang po la dga' ba zhig me tog gi sdong bu la sbrul gdug pa'i nyen yod par mi shes pas drung du bsnyen nas me tog bzung ngo / /bzung ma thag tu sbrul gyis bzung nas tshe'i dus byas so/ /bus pa ma rabs thams cad kyang de dang 'dra ste/ 'dod pa lnga'i me tog la chags pas 'dod pa'i sbrul gdug pa'i skyon yod par mi shes </font><hr>Ka307b<br><font size=+1>


pas len to/ /blangs nas 'dod pa'i sbrul gdug pas zin te/ tshe'i dus byas nas ngan song gsum du lhung ste/ byang chub sems dpa' ni ma gtogs so/ /de ltar na me tog bzang po'i sdong bu la sbrul gdug pas dkris pa lta bu zhes bya'o/ /rigs kyi bu/ de la ji ltar na yid du mi 'ong ba'i zas ngan pa nan gyis za ba lta bu zhe na/ 'di lta ste/ la la zhig zas ngan pa yid du mi 'ong ba nan gyis zos na/ zos ma thag tu lto ba na ste tshad par 'khrus te 'chi'o/ /'dod pa'i zas kyang de dang 'dra ste/ lam rgyud lnga'i sems can dag 'dod pa la nan gyis chags pas de'i rgyu de'i rkyen gyis ngan song gsum du lhung ste/ byang chub sems dpa' ni ma gtogs so/ /de ltar na zas yid du mi 'ong ba nan gyis za ba lta bu zhes bya'o/ /rigs kyi bu/ de la ji ltar na bud med sprul tshong ma lta bu zhe na/ dper na/ mi glen pa dag ni bud med sprul tshong ma dang 'drul te/ bud med des gcam dang sgyu rnam pa sna tshogs kyis mi'i nor kun 'phrog go /de'i nor zang nas ni skrod do/ / 'dod pa'i sprul tshong ma'ang de dang 'dra ste/ glen pa shes rab med pa dag de la bsten te/ 'dod pa des dge ba'i chos thams cad 'phrog go /dge ba'i chos kun zad par byas nas ngan song gsum du lhung par skrod do/ /byang chub sems dpa' 'ba' zhig ni ma gtogs so/ /de ltar na bud med sprul tshong ma lta bu zhes bya'o/ /rigs kyi bu/ de la ji ltar na ba lu ka'i 'bras bu lta bu </font><hr>Ka308a<br><font size=+1>


@#/ /zhe na/ dper na/ ba lu ka'i 'bras bu byas zos na zos ma thag tu phyir byung nas sa la gtugs pa rlung gis bdas te/ shing drung du phyin na de ma thag tu skyes te/ shing de nyid la dkris glags nas shing n+ya gro d+ha'ang tshad du phyin par mi skye bar byed cing skam par yang 'gyur ro/ /'dod pa'i ba lu ka'i 'bras bu'ang de dang 'dra ste/ bus pa ma rabs kyi dge ba'i rtsa ba ci yod pa dkris glags nas mi 'phel mi skye ba dang / med par 'gyur zhing skam pa'i bar yang byed do/ /bskams shing med par byas nas tshe 'phos pa'i 'og tu ngan song gsum du ltung bar byed de/ byang chub sems dpa' ni ma gtogs so/ /de ltar na ba lu ka'i 'bras bu lta bu zhes bya'o/ /rigs kyi bu/ de la ji ltar na rma'i sha rmen lta bu zhe na| dper na/ mi zhig rma byung ste sha rmen yod na gso dgos te btang du mi rung ngo / /bzhag ste ma gsos na rma yang red la 'bu'ang 'jug ste/ de'i rkyen gyis tshe'i dus kyang byed par 'gyur ro/ /byis pa glen pa'i 'dod pa lnga'i 'bras bu'ang de dang 'dra ste/ 'dod pa ni rma'i nang na sha rmen lta bu yin pas brtson 'grus su gso dgos so/ /'dod pa'i sha rmen ma gsos na/ tshe 'phos ma thag tu ngan song gsum du ltung ste/ byang chub sems dpa' ni ma gtogs so/ /de ltar na 'dod pa'i sha rmen lta bu zhes bya'o/ /rigs kyi bu/ de la ji ltar na </font><hr>Ka308b<br><font size=+1>


rlung drag po lta bu zhe na/ dper na/ rlung drag po langs nas ri'ang rnyil/ gad pa'ang btib/ shing yang rtsa ba nas 'don to/ /'dod pa'i rlung drag po'ang de dang 'dra ste/ pha ma la'ang ngan sems bskyed la/ shes rab chen po'i mchog ri bo la sogs pa'i bla na med pa'i byang chub kyi rtsa ba shin tu brtan pa'ang rtsa nas 'byin te/ byang chub sems dpa' ni ma gtogs so/ /de ltar na rlung drag po lta bu zhes bya'o/ /de la ji ltar skar ma phod lta bu zhe na/ dper na/ skar ma phod byung na/ gang du byung ba'i yul der mu ge dang / nad dang / 'khrug pa 'byung ngo / /'dod pa'i skar ma phod kyang de dang 'dra ste/ dge ba'i rtsa ba thams cad kyi sa bon gcod cing byis pa ma rabs dag dbul phongs pa dang / mu ge 'byung ba dang / nyon mongs pa'i nad skye ba dang / 'khor bar 'khor zhing sdug bsngal rnam pa sna tshogs myong bar byed de/ byang chub sems dpa' ni ma gtogs so/ /de ltar na skar ma phod lta bu zhes bya'o/ /rigs kyi bu/ byang chub sems dpa' sems dpa' chen po theg pa chen po yongs su mya ngan las 'das pa'i mdo sde la gnas pa na 'dod pa'i kun nas nyon mongs pa la rnam pa 'di dgu lta bur rtogs so/ /rigs kyi bu/ de bas na byis pa ma rabs ni sdug bsngal yod kyi/ bden pa med do/ /nyan thos dang rang sangs rgyas ni sdug bsngal yang yod/ sdug bsngal gyi bden pa'ang yod kyi/ yang dag pa'i bden pa ni med do/ /byang chub </font><hr>Ka309a<br><font size=+1>


@#/ /sems dpa' rnams ni sdug bsngal shes shing sdug bsngal med de/ de bas na sdug bsngal ba ni med kyi/ yang dag pa'i bden pa ni yod do/ /byis pa ma rabs ni kun 'byung ni yod kyi/ bden pa ni med do/ /nyan thos dang / rang sangs rgyas ni kun 'byung yang yod/ /kun 'byung gyi bden pa'ang yod do/ /byang chub sems dpa' ni kun 'byung shes shing kun 'byung med de/ de bas na kun 'byung ni med kyi/ yang dag pa'i bden pa ni yod do/ /nyan thos dang / rang sangs rgyas ni 'gog pa yod kyang yang dag pa ma yin/ byang chub sems dpa' sems dpa' chen po ni 'gog pa'ang yod/ yang dag pa'i bden pa'ang yod do/ /nyan thos dang / rang sangs rgyas ni lam yod kyang bden pa ni ma yin no/ /byang chub sems dpa' sems dpa' chen po ni lam yang yod la/ yang dag pa'i bden pa'ang yod do/ /rigs kyi bu/ de la ji ltar na byang chub sems dpa' sems dpa' chen po theg pa chen po yongs su mya ngan las 'das pa'i mdo sde la gnas pa na 'gog pa mthong zhing 'gog pa'i bden pa mthong ba yin zhe na/ 'di lta ste/ nyon mongs pa thams cad yongs su bcad pa'o| |gal te nyon mongs pa bcad na rtag pa zhes bya'o/ /nyon mongs pa'i me bsad pas na rab tu zhi ba zhes bya'o/ /nyon mongs pa 'gags pas na bde ba myong bar gyur to/ /sangs </font><hr>Ka309b<br><font size=+1>


rgyas dang byang chub sems dpa' rnams ni rten cing 'brel bar 'byung ba 'dod pas yongs su dag pa zhes bya'o/ /srid pa nyi shu lnga po phyir mi len pas na 'jig rten las 'das ba zhes bya'o| |'jig rten las 'das pas na bdag ces bya'o/ /gzugs dang / sgra dang / dri dang / ro dang / reg bya dang / skyes pa dang / bud med dang / skye ba dang / gnas pa dang / 'gog pa dang / sdug bsngal dang / bde ba dang / sdug bsngal yang ma yin bde ba'ang ma yin pa la mtshan mar mi len pas na mthar phyin pa rab tu zhi ba yang dag pa'i bden pa zhes bya'o/ /rigs kyi bu/ de ltar na byang chub sems dpa' theg pa chen po yongs su mya ngan las 'das pa'i mdo sde la gnas pa na 'gog pa'i 'phags pa'i bden pa la yongs su rtog pa zhes bya'o/ /rigs kyi bu/ de la ji ltar na byang chub sems dpa' sems dpa' chen po theg pa chen po yongs su mya ngan las 'das pa la gnas pa na lam gyi 'phags pa'i bden pa rtog pa yin zhe na/ rigs kyi bu/ dper na| mun khung gi nang du me mar byung na de'i nang na dngos po chen po dang chung ngu kun mthong bar 'gyur ro/ /byang chub sems dpa' sems dpa' chen po'ang de dang 'dra ste/ theg pa chen po yongs su mya ngan las 'das pa'i mdo la gnas pa dag 'phags pa'i lam brgyad kyi rkyen gyis chos thams cad mthong bar 'gyur ro/ /'di lta ste/ rtag pa dang / mi rtag pa dang / 'dus </font><hr>Ka310a<br><font size=+1>


@#/ /byas dang / 'dus ma byas dang / sems can dang / sems can ma yin pa dang / dngos po dang / dngos po ma yin pa dang / bde ba dang / sdug bsngal dang / bdag dang| bdag med pa dang / gtsang ba dang / mi gtsang ba dang / nyon mongs pa dang / nyon mongs pa ma yin pa dang / las dang / las ma yin pa dang / bden pa dang / bden pa ma yin pa dang / theg pa dang / theg pa ma yin pa dang / shes pa dang / shes pa ma yin pa dang / yon tan dang / yon tan ma yin pa dang / bdag po dang / bdag po ma yin pa dang / mthong ba dang / mthong ba ma yin pa dang / gzugs dang / gzugs ma yin pa dang / lam dang / lam ma yin pa dang / shes rab dang / shes rab ma yin pa rnams so/ rigs kyi bu/ de ltar na byang chub sems dpa' theg pa chen po yongs su mya ngan las 'das pa'i mdo la gnas pa na 'phags pa'i lam gyi bden pa la yongs su rtog pa zhes bya'o/ / byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ gal te 'phags pa'i lam brgyad lam gyi 'phags pa'i bden pa lags na de'i don mthun pa ma lags so/ /de ci'i slad du zhe na/ de bzhin gshegs pas skabs kha cig tu zag pa dang bcas pa sgrol ba'i slad du dad pa'i sems ni </font><hr>Ka310b<br><font size=+1>


lam lags so zhes gsungs/ skabs kha cig tu ni bag byed pa lam lags so zhes gsungs te/ sangs rgyas bcom ldan 'das rnams bag byas na bla na med pa yang dag par rdzogs pa'i byang chub tu mngon par 'tshang rgya bas byang chub sems dpa'i lam gyi yan lag go zhes kyang gsungs/ skabs kha cig tu ni brtson 'grus ni lam lags so zhes gsungs te/ de yang dga' po la bka' stsal pa/ dga' bo/ gang zhig brtson 'grus shin tu brtsams na bla na med pa yang dag par rdzogs pa'i byang chub tu mngon par rdzogs par 'tshang rgya'o zhes kyang gsungs/ skabs kha cig tu ni lus la lus kyi rjes su dran pa nye bar bzhag pa ni sems rtse gcig tu dmigs te/ brtson 'grus su lus la lus kyi rjes su dran pa nye bar bzhag pa la nan tan byas na bla na med pa yang dag par rdzogs pa'i byang chub tu mngon par 'tshang rgya'o zhes kyang gsungs/ /skabs kha cig tu ni yang dag pa'i ting nge 'dzin lam lags so zhes kyang gsungs te de'ang 'od srung chen po la bka' stsal pa ltar na/ yang dag pa'i ting nge 'dzin ni lam lags te/ yang dag pa'i ting nge 'dzin ma lags pa ni lam lags so zhes ma gsungs/ ting nge 'dzin du zhugs na phung po lnga skye zhing 'gog pa yid la byed nus par 'gyur gyi/ ting nge 'dzin du ma zhugs par yid la byed nus pa ma yin no zhes kyang gsungs/ skabs kha cig tu ni chos </font><hr>Ka311a<br><font size=+1>


@#/ /gcig la'ang gang bsgom zhing nan tan byed pa des sems can thams cad kyi mya ngan dang / sdug bsngal pa dang / 'khrug pa rnams yongs su sbyang zhing yang dag pa'i chos thob par 'gyur ro zhes gsungs pa ni/ 'di lta ste/ sangs rgyas rjes su dran pa ni ting nge 'dzin lags so zhes kyang gsungs/ /skabs kha cig tu ni mi rtag pa la bsgom pa lam lags so zhes kyang gsungs te/ de'ang dge slong rnams la bka' stsal pa/ gang zhig mi rtag pa la mang du bsgoms na bla na med pa yang dag par rdzogs pa'i byang chub tu mngon par 'tshang rgya'o zhes kyang gsungs/ skabs kha cig tu ni shin tu dben pa'i bas mthar gcig pu gnas te yid la byas na myur du bla na med pa yang dag par rdzogs pa'i byang chub tu mngon par 'tshang rgya'o zhes kyang gsungs/ skabs kha cig tu ni pha rol po gzhan la chos bstan pa ni lam lags te chos thos pas the tshom gyi dra ba chod par 'gyur/ the tshom gyi dra ba chod pas na bla na med pa yang dag par rdzogs pa'i byang chub tu mngon par 'tshang rgya'o zhes kyang gsungs/ skabs kha cig tu ni tshul khrims bsrungs pa ni lam lags so zhes gsungs te/ de'ang dga' bo la bka' stsal pa/ dga' bo/ /gang zhig tshul khrims srung ba la shin tu nan tan byas na gang zag de ni 'khor ba'i rgya mtsho las brgal bar 'gyur </font><hr>Ka311b<br><font size=+1>


ro zhes kyang gsungs/ skabs kha cig tu ni dge ba'i bshes gnyen la bsten pa ni lam lags so zhes gsungs te/ de'ang dga' bo la bka' stsal pa/ gang zhig dge ba'i bshes gnyen la bsten na tshul khrims yongs su dag par 'gyur te/ sems can gang zhig nga la bsnyen bkur byas na bla na med pa yang dag par rdzogs pa'i byang chub tu sems bskyed par 'gyur ro/ / zhes kyang gsungs/ skabs kha cig tu ni byams pa bsgom pa ni lam lags te byams pa bsgoms na nyon mongs pa thams cad chod cing mi g.yo ba'i gnas thob par 'gyur ro zhes kyang gsungs/ skabs kha cig tu ni shes rab ni lam lags so zhes gsungs te/ de'ang sngon bcom ldan 'das kyis dge slong ma skye dgu'i bdag mo'i slad du phu nu mo gsungs pa dang / nyan thos rnams kyang shes rab kyi mtshon gyis srid pa'i zag pa dang bcas pa'i nyon mongs pa gcod do zhes kyang gsungs/ skabs kha cig tu ni de bzhin gshegs pas sbyin pa ni lam lags so zhes kyang gsungs te/ de'ang sngon sangs rgyas bcom ldan 'das kyis rgyal po sde rab tu pham byed la 'di skad ces bka' stsal to/ /rgyal po chen po/ ngas sngon sbyin pa mang du byas pas/ de'i rgyu de'i rkyen gyis nga bla na med pa yang dag par rdzogs pa'i byang chub tu sangs rgyas par rig par gyis shig ces kyang gsungs pa lags na/ bcom ldan 'das/ gal te 'phags pa'i lam </font><hr>Ka312a<br><font size=+1>


@#/ /brgyad lam gyi bden pa lags so zhes gsungs na/ mdo sde gzhan dag las de skad ces gsungs pa dag rdzun du ma gyur tam/ gal te mdo sde de dag las 'byung ba rdzun du ma gyur na ci'i slad du de dag las kyang 'phags pa'i lam brgyad ni lam gyi bden pa yin no zhes ma gsungs/ de ltar ma gsungs pas na sngon de bzhin gshegs pas gsungs pa'ang 'khrul pa 'dra ste/ bdag ni nges par sangs rgyas bcom ldan 'das ni yun ring po nas 'khrul pa dang bral bar 'tshal to/ /de nas bcom ldan 'das kyis byang chub sems dpa' 'od srung la bka' stsal pa legs so/ /legs so/ /rigs kyi bu khyod ni byang chub sems dpa'i theg pa chen po'i mdo sde las don shin tu zab mo shes par 'dod pas de skad ces zhus pa shin tu legs so/ /rigs kyi bu/ mdo sde de dag kyang thams cad lam gyi bden par 'jug go /rigs kyi bu/ dad pa ni lam mo zhes bya ba dad pa ni lam yin te/ dad pa ni rtsa ba yin pas na byang chub kyi lam gyi grogs su 'gyur te/ de bas na ngas gsungs pa de la 'khrul pa med do/ /rigs kyi bu/ de bzhin gshegs pa ni tshad med pa'i thabs la shin tu mkhas pas sems can gdul pa'i phyir de ltar rnam pa sna tshogs su gsungs pa yin no/ /rigs kyi bu/ 'di lta ste/ dper na/ </font><hr>Ka312b<br><font size=+1>


sman pa mkhas pa ni sems can gyi nad rnam pa sna tshogs la shin tu mkhas pas ji ltar na ba bzhin du sman sbyor te/ sman gyi mi rung ba'i gnyen po'ang ston na chu 'ba' zhig ni ma gtogs so/ /de'ang 'di lta ste/ sge'u gsher gyi khu ba dang / shing mngar gyi khu ba dang / sha kha ra nag po'i khu ba dang / a ma la'i khu ba dang / ni pa la'i khu ba dang / pa ra ha la'i khu ba dang / chu grang mo dang / chu tsha ba dang / dgun chu dang / bal po se'u'i chu la sogs pa'o/ /rigs kyi bu/ sman pa mkhas pa nad kyi rnam pa la mkhas pa dag kyang sman la mi rung ba'i gnyen po mang mod kyi/ chu ni der ma gtogs so/ /de bzhin gshegs pa'ang de dang 'dra ste/ thabs la shin tu mkhas pas chos kyi mtshan nyid gcig gis sems can ji lta ji lta ba'i rjes su ming dang mtshan nyid de dang de lta bus rgyas par 'byed cing ston te/ sems can rnams kyang ji ltar bstan pa bzhin du nyams su len to/ /nyams su blangs nas nan tan byas pas nyon mongs pa thams cad byang par 'gyur ba ni/ ji ltar nad pas sman pa'i lung bzhin du byas pas nad 'byang ba bzhin no/ /rigs kyi bu/ gzhan yang 'di lta ste/ dper na/ mi zhig skad rnam pa kun la mkhas te/ mi phal mo che'i nang du 'dug pa las mi thams cad skom gyis yongs su gdungs te/ 'di skad du bdag skom ste chu 'dod do zhes smra na/ mi des rnam </font><hr>Ka313a<br><font size=+1>


@#/ /pa ji bzhin du chu grang mo gtsang ma so sor byin na/ rnam pa de dag la la ni chu 'dod do zhes zer/ la la ni pa Ni zhes zer/ la la ni u di zhes zer/ la la ni sa le ma zhes zer/ la la ni sa li zhes zer/ la la ni pan zhes zer/ la la ni bdud rtsi zhes zer/ la la ni 'o ma zhes zer te/ de ltar chu'i ming smra ba tshad med pa 'khor rnams la smra'o/ /rigs kyi bu/ de bzhin gshegs pa'ang de dang 'dra ste/ 'phags pa'i lam gcig gis nyan thos rnams la dad pa'i dbang po nas 'phags pa'i lam brgyad kyi bar du rgyas par ston cing 'chad do/ /rigs kyi bu/ gzhan yang 'di lta ste/ dper na/ gser mgar mkhas pa ni gser gcig pu la lus kyi rgyan rnam pa sna tshogs yid bzhin du byed do/ /'di lta ste/ gdu bu dang / sor gdub dang / rna cha dang / cod pan dang / dpung rgyan la sogs pa rnam pa sna tshogs mi mthun mod kyi/ gser las gzhan ma yin no/ /rigs kyi bu/ de bzhin gshegs pa'ang de dang 'dra ste/ sangs rgyas ni lam gcig las sems can gyi rjes su rnam pa sna tshogs su 'byed cing ston te/ bar bar ni rnam pa gcig ces ston to/ /'di lta ste/ sangs rgyas rnams kyi byang chub ni gcig ste/ gnyis su med do zhes gsungs/ yang rnam pa gnyis te/ ting nge 'dzin dang / shes rab bo zhes kyang gsungs/ gzhan </font><hr>Ka313b<br><font size=+1>


yang rnam pa gsum du gsungs te/ lta ba dang / ye shes dang / shes rab bo/ /gzhan yang rnam pa bzhi ste/ mthong ba'i lam dang / sgom pa'i lam dang / mi slob pa'i lam dang / sangs rgyas kyi lam mo/ /gzhan yang rnam pa lnga ste/ dad pa s+phod pa'i lam dang / chos spyod pa'i lam dang / dad pas rnam par grol ba'i lam dang / mthong bas phyin pa'i lam dang / lus kyis reg pa'i lam mo/ /gzhan yang rnam pa drug ste/ rgyun du zhugs pa'i lam dang / lan gcig phyir ldog pa'i lam dang / lan gcig phyir ldog pa'i lam dang / dgra bcom pa'i lam dang / rang sangs rgyas kyi lam dang / sangs rgyas kyi lam mo/ /gzhan yang rnam pa bdun te/ dran pa byang chub kyi yan lag dang / chos rnam par 'byed pa byang chub kyi yan lag dang / brtson 'grus byang chub kyi yan lag dang / dga' ba byang chub kyi yan lag dang / shin tu sbyangs pa byang chub kyi yan lag dang / ting nge 'dzin byang chub kyi yan lag dang / btang snyoms byang chub kyi yan lag go /gzhan yang rnam pa brgyad de/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /gzhan yang rnam pa dgu ste/ 'phags pa'i lam yan lag brgyad dang / dad pa'o/ /gzhan yang rnam </font><hr>Ka314a<br><font size=+1>


@#/ /pa bcu ste/ stobs bcu'o/ /gzhan yang rnam pa bcu gcig ste/ stobs bcu dang / byams pa chen po'o/ /gzhan yang rnam pa bcu gnyis te/ stobs bcu dang / byams pa chen po dang / snying rje chen po'o/ /gzhan yang rnam pa bcu gsum ste/ stobs bcu dang / byams pa chen po dang / snying rje chen po dang / sangs rgyas rjes su dran pa'i ting nge 'dzin no/ /gzhan yang rnam pa bcu drug ste/ stobs bcu dang / byams pa chen po dang / snying rje chen po dang / sangs rgyas rjes su dran pa'i ting nge 'dzin dang / sangs rgyas kyis brnyes pa'i yang dag pa'i dran pa nye bar gzhag pa gsum mo/ /gzhan yang rnam pa nyi shu ste/ stobs bcu dang / mi 'jigs pa bzhi dang / byams pa chen po dang / snying rje chen po dang / sangs rgyas rjes su dran pa'i ting nge 'dzin dang / yang dag pa'i dran pa nye bar gzhag pa gsum mo/ /rigs kyi bu/ lam de dag ni dngos po gcig ste/ de bzhin gshegs pas sngon sems can gyi phyir rnam pa sna tshogs su gsungs pa yin no/ /rigs kyi bu/ 'di lta ste/ dper na/ me lta bu dngos po gcig tu zad na tshig pa las me mang por gyur to/ /'di lta ste/ shing gi me dang / rtswa'i me dang / phub ma'i me dang / rta rtug dang / ba lang gi lci ba'i me zhes rnam pa mang por btags so/ /rigs kyi bu/ sangs rgyas kyi lam yang de dang 'dra bar gcig ste/ </font><hr>Ka314b<br><font size=+1>


gnyis su med mod kyi/ sems can gyi phyir rnam pa sna tshogs su so sor phye ba yin no/ /rigs kyi bu/ gzhan yang 'di lta ste/ dper na/ rnam par shes pa gcig las rnam pa drug tu phye ste/ bstan pa ni mig gi skabs su ni mig gi rnam par shes pa zhes btags pa nas/ yid kyi rnam par shes pa'i bar du de bzhin du rgyas par rig par bya'o/ /rigs kyi bu/ lam yang de dang 'dra bar gcig ste/ gnyis su med mod kyi/ de bzhin gshegs pas sems can dag gdul ba'i phyir rnam pa sna tshogs su phye zhing bstan pa yin no/ /rigs kyi bu/ gzhan yang 'di lta ste/ dper na/ gzugs lta bu gcig la mig gis mthong ba'i skabs su ni gzugs zhes bya/ rna bas thos pa'i skabs su ni sgra zhes btags/ snas snom pa'i tshe ni dri zhes bya/ lces myong ba'i dus su ni ro zhes bya/ lus kyis tshor ba'i skabs su ni reg bya zhes btags so/ /rigs kyi bu/ lam yang de dang 'dra bar gcig ste gnyis su med mod kyi/ sems can dag gdul ba'i phyir rnam pa sna tshogs su phye zhing bstan to/ /rigs kyi bu/ don de lta bas na 'phags pa'i lam gyi yan lag brgyad kyang 'phags pa'i lam gyi bden pa zhes bya'o/ /rigs kyi bu/ sangs rgyas bcom ldan 'das kyis 'phags pa'i bden pa bzhi rim gyis bstan te/ de'i rgyu de'i rkyen gyis sems can tshad med pa snyed 'khor ba las sgrol bar gyur to/ /byang chub sems </font><hr>Ka315a<br><font size=+1>


@#/ /dpa' 'od srung gis sangs rgyas la gsol pa/ bcom ldan 'das/ sngon dus gcig cig na/ klung gang+gA'i 'gram shi shu zhes bgyi ba'i tshal na bzhugs te/ de'i tshe de bzhin gshegs pas shing gi 'dab ma gcig phyag gis blangs nas dge slong rnams la bka' stsal pa/ da ltar nga'i lag na yod pa'i 'dab ma mang ngam sa la brten te rtsi shing la sogs pa skyes pa thams cad kyi lo ma mang zhes bka' stsal pa dang / dge slong rnams kyis gsol pa/ sa la brten te skyes pa'i rtsi shing gi lo ma ni rab tu mang ste/ dpag tu ma mchis so/ /de bzhing gshegs pa'i phyag na bsnams pa'i lo ma ni shi tu'ang nyung ste/ smos su mi 'tshal lo/ /bka' stsal pa/ dge slong dag /ngas rtogs pa'i chos thams cad ni sa chen po la brten te skyes pa'i rtsi shing la sogs pa'i lo ma dang 'dra'o/ /sems can rnams la bstan pa ni lag na khyer ba'i lo ma dang 'dra zhes gsungs na/ bcom ldan 'das/ de'i tshe de skad ces gsungs pa de de bzhin gshegs pas chos tshad med pa thugs su chud pa/ gal te bden pa bzhi'i nang du gtogs na ni de bzhin gshegs pas sngar gsungs kyang lags/ gal te ma gtogs na ni bden pa lnga mchis par 'gyur ro/ /de nas bcom ldan 'das kyis byang chub sems dpa' 'od srung la bka' stsal pa/ </font><hr>Ka315b<br><font size=+1>


legs so/ /legs so/ /rigs kyi bu khyod kyis de skad ces zhus pa ni sems can tshad med pa la phan pa dang bde ba'i don gyi phyir zhus pa legs so/ /rigs kyi bu/ 'di ltar chos thams cad ni 'phags pa'i bden pa bzhi'i nang du gtogs so/ /'od srung gis yang gsol pa/ de ltar chos thams cad 'phags pa'i bden pa bzhi'i nang du gtogs na/ ci'i slad du de bzhin gshegs pas smos pa tsam ste rgyas par ma gsungs/ bcom ldan 'das kyis bka' stsal pa/ rigs kyi bu/ der gtogs pa ni yin mod kyi/ bstan cing bshad pa zhes mi bya'o/ /de ci'i phyir zhe na/ rigs kyi bu/ 'phags pa'i bden pa rtogs pa la shes rab rnam pa gnyis te/ 'bring dang / rab bo/ /'bring de nyan thos dang / rang sangs rgyas kyi shes rab po/ /rab ni sangs rgyas dang / byang chub sems dpa'i ye shes so/ /rigs kyi bu/ phung po rnams la sdug bsngal bar rtogs pa ni shes rab 'bring zhes bya'o/ phung po rnams la mtshan nyid grang sa med par phye ste/ thams cad sdug bsngal bar shes pa nyan thos dang rang sangs rgyas rnams kyi shes pa'i spyod yul ma yin pa ni ye shes rab ces bya'o/ /rigs kyi bu/ don 'di dag ni mdo sde dag las kyang ngas ma gsungs so/ /rigs kyi bu/ 'jug pa shes pa ni sgo zhes kyang bya/ sdug bsngal zhes kyang bya ste/ de ni shes rab 'bring zhes bya'o/ /mtshan nyid </font><hr>Ka316a<br><font size=+1>


@#/ /rnam pa sna tshogs su phye ste/ thams cad sdug bsngal ba/ nyan thos dang rang sangs rgyas rnams kyis shes pa'i spyod yul ma yin pa ni ye shes rab ces bya'o/ /don 'di dag kyang mdo sde dag las ngas ma gsungs so/ /rigs kyi bu/ gang khams shes pa ni yan lag ces bya/ mtshan nyid ces kyang bya/ sdug bsngal ba zhes kyang bya ste/ de ni shes rab 'bring zhes bya'o/ /khams rnams la mtshan nyid tshad med par phye ste/ thams cad sdug bsngal ba/ nyan thos dang / rang sangs rgyas rnams kyis shes pa'i spyod yul ma yin pa ni ye shes rab ces bya'o/ /rigs kyi bu/ don 'di dag kyang mdo sde de dag las ngas ma gsungs so/ /rigs kyi bu/ gzugs 'jig pa'i mtshan nyid du shes pa ni shes rab 'bring zhes bya'o/ /gzugs la mtshan nyid rnam pa sna tshogs su phye ste/ thams cad sdug bsngal ba nyan thos dang rang sangs rgyas kyis shes pa'i spyod yul ma yin pa ni ye shes rab ces bya ste/ don 'di'ang mdo sde de dag las ngas ma gsungs so/ /rigs kyi bu/ tshor ba la tshor ba'i mtshan nyid du shes pa ni shes rab 'bring zhes bya'o/ /tshor ba la mtshan nyid rnam pa sna tshogs su phye ste/ nyan thos dang rang sangs rgyas kyis shes pa'i spyod yul ma yin pa ni ye shes rab ces bya ste/ rigs kyi bu/ </font><hr>Ka316b<br><font size=+1>


don 'di'ang mdo sde de dag las ngas ma gsungs so/ /rigs kyi bu/ 'du shes la len pa'i mtshan nyid du shes pa ni shes rab 'bring zhes bya'o/ /'du shes la len pa'i mtshan nyid rnam pa sna tshogs su phye ste/ nyan thos dang rang sangs rgyas kyis shes pa'i spyod yul ma yin pa ni ye shes rab ces bya ste/ don 'di ni mdo sde de dag las kyang ngas ma gsungs so/ /rigs kyi bu/ 'du byed la byed pa'i mtshan nyid du shes pa ni shes rab 'bring zhes bya'o/ /'du byed la byed pa'i mtshan nyid rnam pa sna tshogs su phye ste/ nyan thos dang rang sangs rgyas kyis shes par 'gyur ba'i mtshan nyid ma yin pa ni ye shes rab ces bya'o/ /rigs kyi bu/ don 'di ni mdo sde dag las kyang ngas ma gsungs so/ /rigs kyi bu/ rnam par shes pa la bye brag la byed pa'i mtshan nyid du shes pa ni shes rab 'bring zhes bya'o/ /rnam par shes pa la shes pa'i mtshan nyid rnam pa sna tshogs su phye ste/ nyan thos dang rang sangs rgyas kyis shes pa'i mtshan nyid ma yin pa ni ye shes rab ces bya'o/ /rigs kyi bu/ don 'di ni mdo sde de dag las kyang ngas ma gsungs so// //'phags pa yongs su mya ngan las 'das pa chen po'i mdo/ bam po bco brgyad pa/ rigs kyi bu/ 'dod pa'i rkyen gyis phung po lnga skyes par shes pa ni shes rab 'bring zhes bya'o/ /gang zag gcig gi 'dod pa skyes pa'ang nyan thos </font><hr>Ka317a<br><font size=+1>


@#/ /dang rang sangs rgyas tshad med mtha' yas pa rnams kyis mi shes pa/ sems can thams cad kyi 'dod pa gang dang gang skyes pa de dang de dag thams cad shes pa ni ye shes rab ces bya ste/ don 'di'ang mdo sde de dag las ngas ma gsungs so/ /rigs kyi bu/ nyon mongs pa 'gog par shes pa ni shes rab 'bring zhes bya'o/ / nyon mongs pa'ang dpag tu med la/ 'gog pa'ang de bzhin dpag tu med par rnam phye ste/ nyan thos dang rang sangs rgyas rnams kyis shes pa'i spyod yul ma yin pa ni ye shes rab ces bya ste/ don 'di'ang mdo sde de dag las ngas ma gsungs so/ /rigs kyi bu/ lam gyi mtshan nyid kyis nyon mongs pa spong par shes pa'i shes rab 'bring zhes bya'o/ / rigs kyi bu/ lam gyi mtshan nyid kyang tshad med mtha' yas pa spong bar 'gyur ba'i nyon mongs pa'ang tshad med mtha' yas par rnam par phye ste/ nyan thos dang rang sangs rgyas rnams kyis shes pa'i spyod yul ma yin pa ni ye shes rab ces bya ste/ don 'di'ang mdo sde de dag las ngas ma gsungs so/ /rigs kyi bu/ kun rdzob kyi bden pa shes pa ni shes rab 'bring zhes bya'o/ /kun rdzob kyi bden pa tshad med mtha' yas dpag tu med par rnam par phye ste/ nyan thos dang rang sangs rgyas rnams kyis shes pa'i spyod yul ma yin pa </font><hr>Ka317b<br><font size=+1>


ni ye shes rab ces bya ste/ don 'di'ang mdo sde de dag las ngas ma gsungs so/ /rigs kyi bu/ 'du byed thams cad mi rtag pa dang / chos thams cad bdag med pa dang / mya ngan las 'das pa zhi ba don dam par shes pa ni shes rab 'bring zhes bya'o/ /don dam pa tshad med mtha' yas dpag tu med par shes shing / nyan thos dang rang sangs rgyas rnams kyis shes pa'i spyod yul ma yin pa ni ye shes rab ces bya ste/ don 'di'ang mdo sde de dag las ngas ma gsungs so/ /de nas byang chub sems dpa' sems dpa' chen po 'jam dpal gzhon nus bcom ldan 'das la 'di skad ces gsol to/ /bcom ldan 'das/ kun rdzob kyi bden pa dang / don dam pa'i bden pa zhes bgyi ba'i don ji lta bu lags/ bcom ldan 'das/ don dam pa'i bden pa la kun rdzob kyi bden pa mchis sam/ kun rdzob kyi bden pa la don dam pa'i bden pa mchis sam/ ci ste mchis na bden pa gcig tu bas so/ /ci ste ma mchis na de bzhin gshegs pas gsungs pa rdzun du mi 'gyur ram/ bka' stsal pa/ rigs kyi bu/ kun rdzob kyi bden pa nyid don dam pa'i bden pa'o/ /gsol pa/ bcom ldan 'das/ de lta na ni bden pa gnyis su ma mchis so/ /bcom ldan 'das kyis bka' stsal pa/ rigs kyi bu/ shin tu thabs mkhas pas sems can gyi rjes su bden pa gnyis su </font><hr>Ka318a<br><font size=+1>


@#/ /gsungs so/ /rigs kyi bu/ tshig tu smra ba ltar na rnam pa gnyis te/ 'jig rten gyi chos dang / 'jig rten las 'das pa'i chos so/ /rigs kyi bu/ 'jig rten las 'das pa'i gang zag gis shes pa de ni don dam pa'i bden pa zhes bya'o/ /'jig rten pa'i gang zag gis shes pa ni kun rdzob kyi bden pa zhes bya'o/ /rigs kyi bu/ phung po lnga 'dus pa las bdag ces btags te/ sems can ma rabs ni gtogs pa'i rjes su 'jug pas kun rdzob kyi bden pa zhes bya'o/ /phung po la'ang bdag ces bya ba med par shes la/ phung po'i pha rol na'ang bdag med par shes pa ni 'jig rten las 'das pa zhes bya ste/ mtshan nyid ji lta ba bzhin du shes pa ni don dam pa'i bden pa zhes bya'o/ /gzhan yang rigs kyi bu/ chos la la ni ming yang yod la 'bras bu'ang yod do/ /chos la la ni ming yod la 'bras bu med do/ /rigs kyi bu/ ming yod la 'bras bu med pa ni kun rdzob kyi bden pa'o/ /ming yang yod la 'bras bu'ang yod pa ni don dam pa'i bden pa'o/ /rigs kyi bu/ bdag ji lta ba bzhin du sems can dang / srog dang / shes pa dang / mthong ba dang / 'tsho ba dang / shed can dang / shed bdag dang / tshor ba dang / byas pa dang / tsha ba'i dus kyi smig rgyu dang / dri za'i grong khyer dang / </font><hr>Ka318b<br><font size=+1>


rus sbal kyi spu dang / ri bong gi rwa dang / me mgal bskor ba'i 'khor lo dang / phung po dang / khams dang / skye mched rnams ni kun rdzob kyi bden pa zhes bya'o/ /sdug bsngal ba dang / kun 'byung dang / 'gog pa dang / lam ni don dam pa'i bden pa zhes bya'o/ /rigs kyi bu/ 'jig rten gyi chos la rnam pa lnga ste/ ming gi 'jig rten dang / tshig gi 'jig rten dang / 'ching ba'i 'jig rten dang / chos kyi 'jig rten dang / chags pa'i 'jig rten dang lnga'o/ /rigs kyi bu/ ming gi 'jig rten gang zhe na/ skyes pa dang / bud med dang / bum pa dang / gos dang / shing rta dang / khang khyim la sogs pa'i dngos po ni ming gi 'jig rten zhes bya'o/ /tshig gi 'jig rten gang zhe na/ rtsa ba bzhi pa'i tshigs su bcad pa gcig ste/ tshigs su bcad pa de dag ni tshig gi 'jig rten zhes bya'o/ /'ching ba'i 'jig rten gang zhe na/ dril ba dang / sbyar ba dang / mdud pa bor ba dang / sbams pa dang / bcings pa dang / thal mo sbyar ba ni 'ching pa'i 'jig rten zhes bya'o/ /chos kyi 'jig rten gang zhe na/ gaN+Di brdungs na dge 'dun 'du ba dang / rnga brdungs na dmag cha ba dang / dung bus na dus shes pa ste| de ni chos kyi 'jig rten zhes bya'o/ /chags pa'i 'jig rten gang zhe na/ dper na/ rgyang ring po nas kha dog bsgyur ba'i gos gyon pa'i mi mthong na/ de ni dge sbyong yin gyi/ bram ze </font><hr>Ka319a<br><font size=+1>


@#/ /ma yin no zhes chags pa dang / thag pa mdud pa bor ba se ral kha ru thogs pa mthong na/ de 'di snyam du de ni bram ze yin gyi/ dge sbyong ma yin no/ / snyam bsams pa de ni chags pa'i 'jig rten zhes bya'o/ /rigs kyi bu/ de dag ni 'jig rten gyi chos rnam pa lnga zhes bya'o/ /rigs kyi bu/ so so'i skye bo gang zhig de ltar 'jig rten gyi chos rnam pa lnga po la sems phyin ci ma log ste/ yang dag pa ji lta ba bzhin du shes na don dam pa'i bden pa zhes bya'o/ /gzhan yang / rigs kyi bu/ tshig pa dang / chod pa dang / shigs pa dang / 'jig pa ni kun rdzob kyi bden pa zhes bya'o/ /mi tshig /mi chod/ mi shigs/ mi 'jig pa ni don dam pa'i bden pa zhes bya'o/ /gzhan yang / rigs kyi bu/ sdug bsngal gyi mtshan nyid brgyad dang bcas pa ni kun rdzob kyi bden pa zhes bya'o/ /skye ba med/ rga ba med/ na ba med/ 'chi ba med/ 'dod pa dang bye bral ba med/ dgra sdang ba dang phrad pa med/ 'dod pa mi rnyed pa med/ phung po lnga med pa ni don dam pa'i bden pa zhes bya'o/ /gzhan yang / rigs kyi bu/ dper na/ shes pa'i rtsal mang po dang ldan pa'i mi zhig rgyug pa'i tshe ni rgyug pa zhes bya/ zhing rnga ba'i tshe ni zhang pa zhes bya/ zas kyi g.yos byed pa ni g.yos mkhan zhes bya/ shing </font><hr>Ka319b<br><font size=+1>


bzhog pa'i tshe ni shing mkhan zhes bya/ gser dngul gyi rdung byed pa'i tshe ni gser mgar zhes bya ste/ de ltar mi gcig la ming du btags pa mang du yod do/ /chos kyang de dang 'dra ste/ yang dag par gcig mod kyi/ ming du btags pa mang ngo / /pha ma phrad cing 'dus pa las skyes pa ni kun rdzob kyi bden pa zhes bya'o/ /rten cing 'brel te 'byung ba bcu gnyis 'dus pa las skyes pa ni don dam pa'i bden pa zhes bya'o/ /byang chub sems dpa' sems dpa' chen po 'jam dpal gzhon nus yang bcom ldan 'das la 'di skad ces gsol to/ / bcom ldan 'das/ yang dag pa'i bden pa zhes bgyi ba'i don ji lta bu lags/ bcom ldan 'das kyis bka' stsal pa/ rigs kyi bu/ yang dag pa'i bden pa zhes bya ni yang dag pa'i chos so/ /rigs kyi bu/ gang chos yang dag pa ma yin pa de ni yang dag pa'i bden pa ma yin no/ /rigs kyi bu/ yang dag pa'i bden pa zhes bya ba ni phyin ci ma log pa ste/ phyin ci ma log pa ni yang dag pa'i bden pa zhes bya'o/ /rigs kyi bu/ yang dag pa'i bden pa ni mi bden pa med pa ste/ mi bden pa dang bcas pa ni yang dag pa'i bden pa zhes mi bya'o/ /rigs kyi bu/ yang dag pa'i bden pa ni theg pa chen po ste/ theg pa chen po ma yin pa ni yang dag pa'i bden pa zhes mi bya'o/ /rigs kyi bu/ yang dag pa'i bden pa ni sangs rgyas kyis </font><hr>Ka320a<br><font size=+1>


@#/ /gsungs pa ste/ bdud kyis smras pa ma yin no/ /bdud kyis smras pa dang / sangs rgyas kyis gsungs pa ma yin pa ni yang dag pa'i bden pa zhes mi bya'o| |rigs kyi bu/ yang dag pa'i bden pa zhes bya ba ni rnam par dag pa'i lam gcig ste/ gnyis su med pa'o/ /rigs kyi bu/ rtag pa dang bcas/ bde ba dang bcas/ bdag dang bcas/ yongs su dag pa dang bcas pa ni yang dag pa'i bden pa'i don zhes bya'o/ /'jam dpal gzhon nus yang gsol pa/ bcom ldan 'das/ gal te yang dag pa de yang dag pa'i bden pa lags na/ yang dag pa'i chos ni de bzhin gshegs pa'i stong pa nyid dang / sangs rgyas kyi rang bzhin lags te/ ci ste de lta bu lags na/ de bzhin gshegs pa dang / nam mkha' nyid dang / sangs rgyas kyi rang bzhin bye brag ma mchis par 'gyur ro/ /bcom ldan 'das kyis 'jam dpal la bka' stsal pa/ sdug bsngal yod na bden pa dang bcas/ yang dag pa dang bcas/ kun 'byung yod na bden pa dang bcas/ yang dag pa dang bcas/ 'gog pa yod na bden pa dang bcas/ yang dag pa dang bcas/ lam yod na bden pa dang bcas/ yang dag pa dang bcas so/ /rigs kyi bu/ de bzhin gshegs pa ni sdug bsngal ma yin/ bden pa ma yin te/ yang dag pa </font><hr>Ka320b<br><font size=+1>


yin no/ /stong pa nyid kyang sdug bsngal ma yin/ bden pa ma yin te/ yang dag pa yin no/ /sangs rgyas kyi rang bzhin yang sdug bsngal ma yin/ bden pa ma yin te/ yang dag pa yin no| |'jam dpal/ sdug bsngal zhes bya ba ni mi rtag pa'i mtshan nyid/ gcad du rung ba'i mtshan nyid de/ de bas na yang dag pa'i bden pa zhes mi bya'o/ /de bzhin gshegs pa nyid ni sdug bsngal ma yin/ mi rtag pa ma yin/ gcad du rung ba ma yin te/ de bas na yang dag pa'i bden pa zhes bya ste/ nam mkha' dang / sangs rgyas kyi rang bzhin yang de bzhin du rig par bya'o/ /rigs kyi bu/ gzhan yang kun 'byung zhes bya ba ni phung po lnga 'dus shing skye bar byed pas sdug bsngal zhes kyang bya/ mi rtag pa zhes kyang bya/ gcad du rung ba ste/ yang dag pa'i bden pa zhes mi bya'o/ /rigs kyi bu/ de bzhin gshegs pa ni kun 'byung gi mtshan nyid ma yin/ phung po'i rgyu ma yin/ gcad du rung ba'i mtshan nyid ma yin te/ de bas na yang dag pa zhes bya ste/ nam mkha' dang / sangs rgyas kyi rang bzhin yang de bzhin du rig par bya'o/ /rigs kyi bu/ 'gog pa zhes bya ba ni nyon mongs pa 'gog pa ste/ rtag pa'ang yin/ mi rtag pa'ang yin no/ /theg pa gnyis kyis 'thob pa ni mi rtag pa zhes bya'o/ /sangs rgyas rnams kyis 'thob pa ni rtag pa zhes kyang bya/ rang gis rig </font><hr>Ka321a<br><font size=+1>


@#/ /pa'i chos zhes kyang bya ste/ yang dag pa'i bden pa zhes bya'o/ /rigs kyi bu/ de bzhin gshegs pa nyid ni 'gog pa zhe'am/ nyon mongs pa 'gog pa zhes kyang mi bya/ rtag pa dang / mi rtag pa'ang ma yin/ rang gis rig pa'ang ma yin/ rtag pa gnas pa mi 'gyur ba ste/ de bas na yang dag pa zhes bya'o/ /nam mkha' dang / sangs rgyas kyi rang bzhin yang de bzhin du rig par bya'o/ /rigs kyi bu/ lam zhes bya ba ni nyon mongs pa gcod pa ste/ rtag pa'ang ma yin la mi rtag pa'ang ma yin te/ bsgom pa'i chos yin pas na yang dag pa'i bden pa zhes bya'o/ /de bzhin gshegs pa ni lam gyis nyon mongs pa gcod pa'ang ma yin/ rtag pa dang mi rtag pa'ang ma yin/ bsgom pa'i chos kyang ma yin te/ rtag pa gnas pa mi 'gyur mi 'pho bas de'i phyir bden pa zhes bya ste/ nam mkha' dang / sangs rgyas kyi rang bzhin yang de bzhin du rig par bya'o/ / rigs kyi bu/ gzhan yang yang dag pa zhes bya ba ni de bzhin gshegs pa ste/ de bzhin gshegs pa'ang yang dag pa'o/ /yang dag pa ni nam mkha' ste/ nam mkha' yang yang dag pa'o/ /yang dag pa ni sangs rgyas kyi rang bzhin te/ sangs rgyas kyi rang bzhin yang yang dag pa'o/ /'jam dpal/ sdug bsngal yod na sdug bsngal gyi rgyu dang bcas/ sdug </font><hr>Ka321b<br><font size=+1>


bsngal zad pa dang bcas/ sdug bsngal gyi gnyen po dang bcas te/ de bzhin gshegs pa ni sdug bsngal ma yin pa nas/ gnyen po'i bar du ma yin pas de bas na yang dag pa zhes bya ste/ bden pa ma yin no/ /nam mkha' dang / sangs rgyas kyi rang bzhin yang de bzhin du rig par bya'o/ /sdug bsngal ni 'dus byas dang bcas/ zag pa dang bcas/ mi bde ba dang bcas so// de bzhin gshegs pa ni 'dus byas dang bcas pa ma yin/ zag pa dang bcas pa ma yin te/ rab tu bde bas na yang dag pa yin gyi/ bden pa ma yin no/ /'jam dpal gzhon nus yang bcom ldan 'das la 'di skad ces gsol to/ /bcom ldan 'das kyis gsungs pa ltar na phyin ci ma log pa ni yang dag pa'i bden pa zhes gsungs te/ gal te de lta bu lags na bden pa bzhi la phyin ci log bzhi mchis sam/ gal te mchis na ci'i slad du phyin ci ma log pa ni yang dag pa'i bden pa zhes gsungs/ phyin ci log thams cad ni yang dag pa ma lags so/ /bcom ldan 'das kyis 'jam dpal la bka' stsal pa/ phyin ci log thams cad ni sdug bsngal gyi bden pa'i nang du gtogs te/ dper na/ sems can lta bu phyin ci log gi sems dang bcas pas phyin ci log ces bya'o/ /rigs kyi bu/ dper na/ mi zhig pham dang / slob dpon dang / bla ma'i ngag mi nyan la/ bstan pa bzhin du mi byed pa de ni phyin ci </font><hr>Ka322a<br><font size=+1>


@#/ /log pa zhes bya ste/ phyin ci log de'ang sdug bsngal ma yin pa ma yin gyi/ sdug bsngal yin no/ /'jam dpal gyis yang gsol pa/ bcom ldan 'das kyis gsungs pa ltar mi bden pa ma lags pa de yang dag pa'i bden pa lags na/ mi bden pa de ni yang dag pa'i bden pa ma lags par 'tshal to/ / bcom ldan 'das kyis bka' stsal pa/ rigs kyi bu/ mi bden pa rdzun thams cad ni sdug bsngal gyi nang du gtogs te/ dper na/ sems can zhig pha rol po gzhan la dbang bzas te/ g.yo sgyu zhig byas na/ de'i rgyu de'i rkyen gyis sems can dmyal ba dang / byol song gi skye gnas dang / yi dwags kyi khams su ltung ste/ de dag ni mi bden pa zhes bya'o/ /mi bden pa de ni sdug bsngal ba ma yin pa ma yin gyi/ sdug bsngal ba yin no/ /nyan thos dang / rang sangs rgyas dang / sangs rgyas bcom ldan 'das rnams ni yongs su spangs te mi spyod pas na mi bden pa zhes mi bya'o/ /mi bden pa ni sangs rgyas rnams dang / theg pa gnyis kyis yongs su bsal ba'i phyir yang dag pa'i bden pa zhes bya'o/ / 'jam dpal gyis yang gsol ba/ bcom ldan 'das kyis gsungs pa ltar theg pa chen po la yang dag pa'i bden pa zhes bgyi na/ nyan thos dang rang sangs rgyas kyi theg </font><hr>Ka322b<br><font size=+1>


pa ni yang dag pa ma lags par 'gyur ro/ /bcom ldan 'das kyis 'jam dpal la bka' stsal pa/ theg pa gnyis po ni yang dag pa'ang yin la/ yang dag pa'ang ma yin no/ / nyan thos dang rang sangs rgyas kyis nyon mongs pa rnams bcad pas na yang dag pa zhes bya'o/ /mi rtag cing mi gnas la 'gyur zhing 'pho ba'i chos can yin pas na yang dag pa ma yin no/ /'jam dpal gyis yang dag gsol pa/ bcom ldan 'das kyis gsungs pa ltar yang dag pa zhes bgyi na/ gang bdud kyis smras pa de yang dag par ma lags par 'tshal te/ bcom ldan 'das/ bdud kyis smras pa de 'phags pa'i bden par gtogs pa lags sam/ bcom ldan 'das kyis 'jam dpal la bka' stsal pa/ bdud kyis smras pa ni sdug bsngal dang / kun 'byung zhes bya ba'i bden pa gnyis kyi nang du gtogs so/ /ji tsam du chos ma yin pa dang / 'dul ba ma yin pa pha rol la phan pa dang / bde ba'i don du mi 'gyur ba thams cad ni dus thams cad du mi dal bar smras kyang / pha rol pos sdug bsngal mthong bar ram/ kun 'byung chod par ram/ 'gog pa rig par ram/ lam bsgom par 'gyur ba med de/ de bas na mi bden pa yin te/ mi bden pa de ni bdud kyis smras pa zhes bya'o/ /'jam dpal gyis yang gsol pa/ bcom ldan 'das kyis gsungs pa ltar rnam par dag pa'i </font><hr>Ka323a<br><font size=+1>


@#/ /lam gcig ste/ gnyis su ma mchis so zhes bgyi ba/ mu stegs can rnams kyang 'di skad du rnam par dag pa'i lam gcig ste/ gnyis su ma mchis so zhes mchis na/ ci ste lam gcig pu de yang dag pa'i bden pa lags na/ mu stegs can dang khyad par ci mchis/ ci ste khyad par ma mchis na rnam par dag pa'i lam gcig go zhes gsungs pa yang mi rigs so/ /bcom ldan 'das kyis bka' stsal pa/ rigs kyi bu/ mu stegs can rnams la sdug bsngal dang / kun 'byung gi bden pa ni yod kyi/ 'gog pa dang / lam gyi bden pa ni med pas 'gog pa ma yin pa la 'gog par 'du shes/ lam ma yin pa la lam du 'du shes/ 'bras bu ma yin pa la 'bras bur 'du shes/ rgyu ma yin pa la rgyur 'du shes te/ de bas na de la ni rnam par dag pa'i lam gcig ste/ gnyis su med do zhes bya ba med do/ /'jam dpal gyis gsol pa/ bcom ldan 'das kyis gsungs pa ltar rtag pa dang bcas/ bdag dang bcas/ bde ba dang bcas/ dag pa dang bcas pa la yang dag pa'i don ces bgyi na lta/ mu stegs can rnams la yang dag pa'i bden pa mchis kyi/ sangs rgyas kyi chos la ni ma mchis par 'gyur ro/ /de ci'i slad du zhe na/ mu stegs can rnams kyang 'di skad </font><hr>Ka323b<br><font size=+1>


ces smra ste/ 'du byed thams cad ni rtag pa'o/ /ji ltar rtag ce na/ yid du 'ong ba dang / yid du mi 'ong ba'i las kyi rnam par smin pa la sogs pa med par mi 'gyur pa'i phyir ro/ / yid du 'ong ba ni dge ba bcu'i 'bras bu myong ba'o/ /yid du mi 'ong ba ni mi dge ba bcu'i las kyi rnam par smin pa ste/ gal te 'du byed thams cad mi rtag na las byas pa rnams 'di nas shi 'phos nas pha rol tu rnam par smin pa'i 'bras bu sus myong bar 'gyur/ de bas na 'du byed thams cad ni rtag pa lags te/ srog bcad pa'i rkyen gyis rtag pa zhes bya'o/ /bcom ldan 'das/ ci ste 'du byed thams cad mi rtag na gsod pa dang / bsad pa gnyis ka mi rtag par 'gyur ro/ /gal te mi rtag na sems can dmyal bar kha na ma tho ba'i las myong bar 'gyur/ gal te nges par sems can dmyal ba'i rnam par smin pa myong na 'du byed rnams kyang yang dag par mi rtag pa ma lags par 'gyur ro/ /bcom ldan 'das/ sems rtse gcig tu sems shing dran pa'ang rtag pa zhes bgyi'o/ /'di lta ste/ lo bcu lon te dran pa ni lo brgya'i bar du dran te mi brjed pa'ang rtag pa zhes bgyi ste/ ci ste mi rtag na sngon mthong ba'i dngos po dag sus dran par 'gyur/ de bas na 'du byed thams cad mi rtag pa ma lags so/ /bcom ldan 'das/ dran pa thams cad kyang rtag </font><hr>Ka324a<br><font size=+1>


@#/ /pa zhes bgyi'o/ /dper na/ mi zhig sngon mi gzhan zhig gi lag pa'am/ rkang pa'am/ mgo 'am/ gnya' ba la sogs pa ci 'dra ba mthong na phyis mthong ma thag tu ngo shes so/ /ci ste mi rtag pa zhig lags na mtshan ma snga ma med par song ba'i rigs so/ /bcom ldan 'das/ las byed pa thams cad ni yun ring du goms pa las 'gyur te/ thog ma slob pa nas lo gsum ma ma/ lo lnga nas mkhas par 'gyur bas rtag pa zhes bgyi'o/ /bcom ldan 'das/ rtsis slob pa'ang gcig las gnyis/ gnyis las gsum ste/ brgya stong gi bar du'o/ /ci ste mi rtag na thog ma gcig kyang ma mchis par 'gyur ro/ /gal te thog ma'i gcig ma mchis na gnyis su ga la 'gyur te/ de ltar na gcig ni rtag pa ste gnyis su ma lags so/ /gcig ma mchis par ma song bas gnyis nas brgya stong gi bar du 'gyur te/ de bas na rtag go /bcom ldan 'das/ dper na/ chos klog pa'am/ 'don pa lta bu a ga ma gcig dang / a ga ma gnyis dang / a ga ma gsum dang / bzhi'i bar du 'don par 'gyur ro/ /gal te mi rtag na klog pa dang / 'don pa bzhi la thug gi bar du mi 'gyur te/ klog pa dang 'don pa 'phel zhing skye bas na rtag pa zhes bgyi'o/ /bcom ldan 'das/ bum </font><hr>Ka324b<br><font size=+1>


pa dang / gos dang / shing rta dang / bu lon chags pa dang / sa chen po'i mtshan nyid ri dang / chu dang / nags tshal dang / rtsi shing gi lo ma dang / sems can gyi nad gso ba la sogs pa thams cad rtag ste/ de dang 'dra'o/ /bcom ldan 'das/ mu stegs thams cad ni de skad ces mchi ste/ 'du byed thams cad rtag ces mchi'o/ /'du byed thams cad rtag na yang dag pa'i bden pa lags par 'gyur ro/ /bcom ldan 'das/ mu stegs can kha cig kyang 'di skad du bde ba'ang yod ces mchi'o/ /ji ltar shes she na/ yid du 'ong ba'i 'bras bu myong bar 'gyur ba'i slad du'o/ /bcom ldan 'das/ bde ba myong ba ni nges par mchis so/ /'di lta ste/ tshangs pa'i rgyal po chen po dang / dbang sgyur chen po dang / brgya byin lha'i dbang phyug dang / 'jug sel dang / lha dang / mi la sogs pa ste/ de bas na nges par bde ba mchis so/ /bcom ldan 'das/ mu stegs can kha cig kyang 'di skad du bde ba mchis zhes smra ste/ de'ang sems can dag re zhing tshol ba'i sems skye ba'o/ /'di lta ste/ bkres pa zas tshol ba dang / skom pa chu tshol ba dang / grang ba dro ba tshol ba dang / tsha ba bsil ba 'dod pa dang / ngal ba bsti 'dod pa dang / nad pa 'tsho 'dod pa dang / 'dod pa gzugs tshol ba ste/ ci ste bde ba ma mchis na de dag ci'i slad du tshol/ tshol ba mchis pas na bde ba mchis </font><hr>Ka325a<br><font size=+1>


@#/ /par mngon no/ /bcom ldan 'das/ mu stegs can kha cig kyang 'di skad ces mchi'o/ /sbyin pa byin pas bde bar 'gyur te/ 'jig rten pa dag dge slong ngam/ bram ze'am/ dbul phongs pa la gos dang / zas dang / skom dang / mal cha dang / nad kyi rkyen sman dang / bal glang dang / rta dang / theg pa dang / spos phye ma dang / me tog dang / khang khyim dang / gnas dang / me mar la sogs pa sbyin pa byin na/ tshe phyi ma la yid du 'ong ba'i 'bras bu myong bar 'gyur te/ de bas na nges par bde ba mchis so/ /bcom ldan 'das/ mu stegs can kha cig kyang 'di skad ces mchi'o/ /rgyu dang rkyen gyi phyir bde ba mchis par 'tshal lo/ /'di lta ste/ bde ba myong ba'ang rgyu dang rkyen mchis pas na bde ba la reg pa zhes bya ste/ bde ba ma mchis na rgyu dang rkyen yang ga la mchis/ dper na/ ri bong gi rwa ma mchis na/ rgyu dang rkyen yang ma mchis so/ / bde ba'i rgyu dang rkyen mchis pas bde ba mchis par 'tshal lo/ /bcom ldan 'das/ mu stegs can kha cig kyang 'di skad ces mchi ste/ rab dang / 'bring dang / tha ma'i phyir bde ba mchis par 'tshal to/ /bde ba myong ba tha ma ni brgya byin lha'i dbang phyug go /bde ba myong ba 'bring ni tshangs pa chen po lha'i rgyal po'o/ /bde ba myong ba rab ni dbang sgyur chen po ste/ de ltar rab </font><hr>Ka325b<br><font size=+1>


dang / 'bring dang / tha ma mchis pas bde ba mchis par 'tshal to/ /bcom ldan 'das/ mu stegs can kha cig ni 'di skad ces dag pa mchis so zhes mchi'o/ /de ci'i slad du zhe na ci ste dag pa zhig ma mchis na 'dod pa skye ba'ang mi rigs na/ 'dod pa skye ba las na dag pa mchis par 'tshal to/ /kha cig kyang 'di skad ces mchi ste/ gser dang / dngul dang / bai DUR+Ya dang / shel dang / asma gar+b+ha dang / mu sa la gar+b+ha dang / spug dang / mu tig dang / shel gyi snam bu dang / do shal dang / 'bab chu dang / chu mig dang / khrus kyi rdzing bu dang / bza' ba dang / btung ba dang / gos dang / me tog dang / spos dang / spos phye ma dang / byug spos dang / snang ba'i sgron ma la sogs pa thams cad kyang yongs su dag pa'i chos can no zhes mchi'o/ /gzhan yang 'di skad du phung po lnga ni snod gtsang ma ste/ bcud kyang gtsang mas yongs su gang ngo / /'di lta ste/ lha dang / mi dang / drang srong dang / dgra bcom pa dang / rang sangs rgyas dang / byang chub sems dpa' dang / sangs rgyas rnams te/ don de lta bas na gtsang ngo zhes mchi'o/ /bcom ldan 'das/ mu stegs can kha cig ni bdag ces bgyi ba mchis so zhes mchi ste/ ji tsam du mthong ba dang / bya ba byed pa ni bdag go zhes mchi ste/ dper na/ mi zhig rdza mkhan gyi khyim du phyin na rdza mkhan nyid dang ma phrad kyang / 'ji ba dang 'khor lo mthong bas gdon </font><hr>Ka326a<br><font size=+1>


@#/ /mi za bar rdza mkhan gyi khyim yin par shes te/ bdag ces bya ba'ang de dang 'dra ste/ mig gis gzugs mthong ma thag tu nges par bdag ces bgyi ba mchis par 'tshal to/ /ci ste bdag ces bgyi ba ma mchis na su zhig gis gzugs mthong / su zhig gis sgra thos pa nas/ reg bya dang / chos kyi bar du rgyas par ro/ /gzhan yang bdag ces bgyi ba mchis te/ ji ltar shes she na/ mtshan ma las rig par 'gyur te/ mtshan ma zhes bgyi ba ji lta bu zhe na/ dbugs rgyu ba dang / mig gis blta zhing 'dzum pa dang / tshe'i tshad dang / sdug bsngal dang / bde ba myong ba dang / chags pas khro ba dang / chos de dag la sogs pa ni thams cad bdag ces bgyi ba'i mtshan ma lags te/ de bas na nges par bdag ces bgyi ba mchis par 'tshal to/ /gzhan yang bdag ces bgyi ba mchis pa ni ro bro ba'i bye brag phyed pa ste/ dper na/ mi zhig shing tog zos na mthong ma thag tu ro ci bro ba 'tshal te/ de bas na bdag ces bgyi ba mchis so/ /gzhan yang bdag ces bgyi ba mchis par las bgyid pa'i sgo nas rig ste/ skam pa thogs na 'dzin pa'i las byed/ sta re thogs na gcod pa'i las byed/ bum pa thogs na chu ldugs pa'i las byed/ shing rta dang 'grogs na </font><hr>Ka326b<br><font size=+1>


'khor los bsgyur ba'i las bgyid de/ las de dag la sogs pa'ang bdag ces bgyi ba des bzung bas na byed par 'gyur te/ de bas na nges par bdag ces bgyi ba mchis so/ /gzhan yang bdag ces bgyi bar mchis par ci mngon zhe na/ dper na/ bu byung ma thag tu nu zho 'thung 'tshal ba ni sngon gyi bag chags las gyur te/ de bas na nges par bdag ces bgyi ba mchis so/ /gzhan yang bdag ces bgyi ba mchis te/ ci mngon zhe na/ 'dus shing tshogs pa las sems can pha rol la phan par 'gyur ba'i phyir te/ dper na/ bum pa dang| gos dang / shing rta dang / zhing dang / khyim dang / ri dang / nags tshal dang / shing dang / bal glang dang / rta dang / ba lang dang / lug la sogs te/ dngos po de dag 'dus pa las phan pa'i don du 'gyur te/ nang gi phung po lnga'ang de dang 'dra bar mig gi dbang po la sogs pa 'dus shing tshogs na bdag ces bya ba la phan par 'gyur te/ de bas na bdag ces bgyi ba nges par mchis so/ /gzhan yang bdag ces bgyi ba mchis par ci mngon zhe na/ bar du gcod cing sgrib nus pa'i phyir ro/ /dper na/ dngos po mchis na bar du bcad cing bsgrib tu rung gi /dngos po ma mchis na bsgrib tu ma mchis te/ bsgrib cing bar du bcad du mchis pas na bdag ces bgyi ba mchis par 'tshal to/ / </font><hr>Ka327a<br><font size=+1>


@#/ /de bas na bdag ces bgyi ba nges par mchis so/ /gzhan yang bdag ces bgyi ba mchis par ci mngon zhe na/ grogs dang grogs ma yin pa'i phyir te| gnyen dang gnyen ma yin pa'ang grogs su 'gyur ba ma lags/ yang dag pa'i chos dang log pa'i chos kyang grogs su 'gyur ba ma lags/ ye shes dang ye shes ma yin pa'ang grogs su 'gyur ba ma lags/ dge sbyong dang dge sbyong ma yin pa'ang grogs su 'gyur ba ma lags/ bram ze dang bram ze ma yin pa dang / bu dang bu ma yin pa dang / nyin dang nyin ma yin pa dang / mtshan dang mtshan ma yin pa dang / bdag dang bdag ma yin pa la sogs pa chos de dag ni grogs dang grogs ma yin pas na| bdag ces bgyi ba nges par mchis so/ /bcom ldan 'das/ mu stegs can dag kyang de ltar rnam pa sna tshogs kyi sgo nas rtag pa dang / bde ba dang / bdag dang / yongs su dag pa mchis par smra ste/ rtag pa dang / bde ba dang / bdag dang yongs su dag pa zhes bgyi ba nges par mchis par 'dzin to/ /bcom ldan 'das/ don de lta bas na mu stegs can dag kyang yang dag pa'i bden pa ma mchis zhes smra'o/ /bcom ldan 'das kyis bka' stsal pa/ rigs kyi bu/ dge sbyong ngam bram ze gang zhig rtag pa yod ce'am/ </font><hr>Ka327b<br><font size=+1>


bde ba yod ce'am/ yongs su dag pa yod ce'am/ bdag yod ces smra na/ de ni dge sbyong ma yin/ bram ze ma yin no/ /de ci'i phyir zhe na/ 'khor ba las 'khrul te/ thams cad mkhyen pa'i ye shes dang ldan pa'i ston pa chen po spong ba'i phyir ro/ /dge sbyong dang bram ze de dag ni 'dod pa'i nang du shin tu bying bas dge ba'i chos nyam chung ba'i phyir ro/ /mu stegs can de dag ni 'dod chags dang / zhe sdang dang / gti mug gis rnam par bcings kyang / 'dod pa'i bde ba la bzod par byed pa'i phyir ro/ /mu stegs can de dag ni las gyi 'bras bu bdag gis byas pa/ bdag gis myong bar shes mod kyi/ mi dge ba'i chos spong bar mi nus so/ /mu stegs can de dag ni yang dag pa'i chos can ma yin/ yang dag pa'i 'tsho bas 'tsho ba ma yin no/ /de ci'i phyir zhe na/ shes rab kyi me med de/ sbyong mi nus pa'i phyir ro/ /mu stegs can de dag ni 'dod pa lnga'i mchog dam pa la chags mod kyi/ brtson 'grus su nan tan mi byed pas dge ba'i chos kyis dbul ba'i phyir ro/ /mu stegs can de dag ni yang dag pa'i rnam par thar pa 'dod mod kyi/ tshul khrims bsrung ba'i rkang pa dang mi ldan pa'i phyir ro| |mu stegs can de dag ni bde ba 'dod mod kyi/ bde bar 'gyur ba'i rgyu dang rkyen tshol mi nus so/ /mu stegs can de dag ni sdug bsngal bar 'gyur ba thams cad mi 'dod mod </font><hr>Ka328a<br><font size=+1>


@#/ /kyi| spyod pa thams cad sdug bsngal gyi rgyur 'gyur ba mi spong ngo / /mu stegs can de dag ni chen po bzhi'i sbrul gdug pas dkris shing glags kyang bag med par spyod do/ /mu stegs can de dag ni ma rig pas yongs su khebs pas dge ba'i bshes gnyen spong ste/ khams gsum du gnas par mos pas mi rtag pa'i me chen po shin tu 'bar ba las thar bar mi nus so/ /mu stegs can de dag ni nyon mongs pa'i nad lci ba 'tsho dka' bas btab kyang mkhas pa dang ldan pa'i sman pa mi tshol lo| |mu stegs can de dag ni ma 'ongs pa'i dus mtha' med pa'i lam ring po shin tu yang ba bgrod dgos kyang bde ba'i chos kyi tshogs gsag cing bdag gi rgyan du 'gyur ba mi shes so/ /mu stegs can de dag ni 'dod chags kyi gdug pas gsod par 'gyur yang 'dod pa lnga'i ba mo gdug pa la chags so/ /mu stegs can de dag ni zhe sdang gi me shin tu 'bar zhing mched kyang mi dge ba'i bshes gnyen la sten par byed do/ /mu stegs can de dag ni ma rig pas khebs te zil gyis non kyang ngan par lta ba'i chos log pa tshol lo/ /mu stegs can de dag ni ngan par lta bas rtag tu bslus kyang de dag la dge ba'i bshes gnyen du 'du shes skyed do/ /mu stegs can de dag ni </font><hr>Ka328b<br><font size=+1>


'bras bu zhim po la re'ang 'bras bu kha ba'i sa bon 'debs so/ /mu stegs can de dag ni nyon mongs pa'i mun khang du zhugs kyang ye shes chen po'i sgron me spong bar byed do/ /mu stegs can de dag ni nyon mongs pas shin tu gdungs te skom yang 'dod pa'i tshwa chu 'thung ngo / /mu stegs can de dag ni 'khor ba'i rgya mtsho mtha' yas pas g.yengs kyang bla na med pa'i gru spong bar byed do/ /mu stegs can de dag ni phyin ci log gis shin tu bslad kyang 'du byed thams cad rtag ces smra ste/ 'du byed thams cad ni rtag ces bya ba'i gnas med do| |rigs kyi bu/ ngas bltas na 'du byed thams cad ni mi rtag pa'o/ /de'ang ji ltar shes she na/ rgyu dang rkyen gyis sgo nas shes so/ /ji tsam du rkyen las skyes pa'i chos thams cad ni mi rtag par rig par bya'o/ /de bas na mu stegs can gyi chos thams cad ni gcig tsam yang rkyen las ma skyes pa med do/ /rigs kyi bu/ sangs rgyas kyi rang bzhin ni ma skyes pa| mi 'gog pa/ 'ong ba'ang med/ song ba'ang med/ 'das pa ma yin/ ma 'ongs pa ma yin/ da ltar byung ba ma yin/ rgyu las byas pa ma yin/ rgyu med pa las byas pa ma yin/ ma byas pa ma yin/ byas pa ma yin/ mtshan ma ma yin/ mtshan ma med pa ma yin/ ming yod pa ma yin/ ming med pa ma yin/ ming ma yin/ gzugs ma yin/ ring po ma yin/ thung </font><hr>Ka329a<br><font size=+1>


@#/ /ngu ma yin/ phung po dang / khams ma yin/ skye mched du gtogs pa ma yin pas na rtag pa zhes bya'o/ /rigs kyi bu/ sangs rgyas kyi rang bzhin ni de bzhin gshegs pa'o/ /de bzhin gshegs pa ni chos so/ /chos ni rtag pa'o/ /rigs kyi bu/ rtag ces bya ba ni de bzhin gshegs pa'o/ /de bzhin gshegs pa ni dge 'dun no| |dge 'dun ni rtag pa'o/ /don de lta bas na rkyen las skyes pa'i chos thams cad ni rtag pa zhes mi bya ste/ mu stegs can de dag gi chos ni gcig tsam yang rkyen las ma skyes pa med do| |rigs kyi bu/ mu stegs can dag ni sangs rgyas kyi rang bzhin dang / de bzhin gshegs pa dang / chos mi mthong bas de bas na mu stegs can dag smra ba thams cad ni rdzun te| yang dag pa'i bden pa med do/ /bus pa ma rabs dag ni sngon bum pa dang / gos dang / theg pa dang / khang khyim dang / grong khyer dang / chu klung dang / ri dang / nags tshal dang / skyes pa dang / bud med dang / bal glang dang / rta dang / ba lang dang / lug la sogs pa mthong ba las phyis de 'dra ba zhig mthong na rtag pa yin no zhes smra ste/ yang dag par na de ni rtag pa ma yin no/ /rigs kyi bu/ 'dus byas thams cad ni mi rtag pa'o/ /nam mkha' dang / 'dus ma byas ni rtag pa zhes bya'o/ /sangs rgyas kyi rang bzhin ni 'dus </font><hr>Ka329b<br><font size=+1>


ma byas pas na rtag pa zhes bya'o/ /nam mkha' zhes bya ba ni sangs rgyas kyi rang bzhin no/ /sangs rgyas kyi rang bzhin ni de bzhin gshegs pa'o/ /de bzhin gshegs pa ni 'dus ma byas pa'o/ /'dus ma byas pa ni rtag pa'o/ /rtag pa ni chos so/ /chos ni dge 'dun no/ /dge 'dun ni 'dus ma byas so/ /'dus ma byas ni rtag pa'o/ /rigs kyi bu/ 'dus byas kyi chos la mdor na rnam pa gnyis te/ gzugs kyi chos dang / gzugs ma yin pa'i chos so/ /gzugs ma yin pa'i chos zhes bya ba ni/ sems dang / sems las byung ba'i chos so/ / gzugs kyi chos zhes bya ba ni/ sa dang / chu dang / me dang / rlung ngo / /rigs kyi bu/ sems ni mi rtag pa zhes bya'o/ /de ci'i phyir zhe na/ rang bzhin gyis dmigs shing rnam par rtog pa dang ldan pa'i phyir ro/ /rigs kyi bu/ mig gi rnam par shes pa'i rang bzhin so so ba nas yid kyi rnam par shes pa'i rang bzhin gyi bar du'ang so so ste/ de bas na mi rtag go /rigs kyi bu/ gzugs kyi spyod yul so so ba nas chos kyi spyod yul gyi bar du'ang so so ste/ de bas na mi rtag go/ /rigs kyi bu/ mig gi rnam par shes pa dang ldan pa so so ba nas/ yid kyi rnam par shes pa dang ldan pa'i bar du so so ste/ de bas na mi rtag go /rigs kyi bu/ ci ste sems rtag pa zhig yin na ni mig gi rnam par shes pa 'ba' zhig gis chos </font><hr>Ka330a<br><font size=+1>


@#/ /thams cad la dmigs par 'gyur ba'i rigs so/ /rigs kyi bu/ mig gi rnam par shes pa so so ba nas/ yid kyi rnam par shes pa'i bar du so so bas na mi rtag par shes so/ /'dra ba'i chos skad cig skad cig tu skye zhing 'gog pas byis pa ma rabs kyis de ltar mthong nas rtag par 'dzin to/ /rigs kyi bu/ rgyu dang rkyen gyis mtshan nyid gzhig tu rung bas na mi rtag pa zhes bya'o/ /'di lta ste/ mig gi dbang po dang / gzugs dang / snang ba dang / bsams pa'i rkyen las mig gi rnam par shes pa skye ste/ rna ba'i rnam par shes pa skye ba na'ang rkyen so so bas/ mig gi rnam par shes pa'i rkyen gyis ma yin pa nas/ yid kyi rnam par shes pa'i bar du so so ba'ang de bzhin du rig par bya'o/ /gzhan yang / rigs kyi bu/ 'du byed rnams kyi rgyu dang rkyen 'jig pas na sems ni mi rtag go /'di lta ste/ mi rtag bsgom pa'i sems kyang gzhan la/ sdug bsngal ba dang / stong pa nyid dang / bdag med pa sgom pa'i sems kyang gzhan no/ /ci ste sems rtag pa zhig yin na mi rtag pa rtag tu bsgom pas na sdug bsngal ba dang / stong pa nyid dang / bdag med pa rtogs par yang mi 'gyur na/ rtag pa dang / bde ba dang / bdag dang / yongs su dag pa rtogs pa lta ci smos te/ don de lta bas na mu stegs </font><hr>Ka330b<br><font size=+1>


can gyi chos kyi nang du rtag pa dang / bde ba dang / bdag dang / yongs su dag pa bsdu mi nus so/ /rigs kyi bu/ de bas na sems kyi chos ni nges par mi rtag go /yang na/ rigs kyi bu/ sems kyi rang bzhin tha dad pa'i phyir na mi rtag go /'di lta ste/ nyan thos kyi sems kyi rang bzhin so so/ rang sangs rgyas kyi sems kyi rang bzhin so so/ sangs rgyas rnams kyi sems kyi rang bzhin yang so so ste/ mu stegs can thams cad kyi sems ni rnam pa gsum ste/ rab tu byung ba'i sems dang / khyim na gnas pa'i sems dang / khyim na gnas pas dben pa'i sems so/ /dben pa dang ldan pa'i sems kyang gzhan la/ sdug bsngal dang ldan pa'i sems kyang gzhan/ bde ba'ang ma yin sdug bsngal ba'ang ma yin pa dang ldan pa'i sems kyang gzhan/ 'dod chags dang ldan pa'i sems kyang gzhan/ zhe sdang dang ldan pa'i sems kyang gzhan/ gti mug dang ldan pa'i sems kyang gzhan te/ mu stegs can thams cad kyi sems kyi mtshan nyid kyang gzhan no/ /'di lta ste| gti mug dang ldan pa'i sems kyang gzhan la/ the tshom dang ldan pa'i sems kyang gzhan/ ngan par lta ba dang ldan pa'i sems kyang gzhan/ 'gro ba dang sdod pa'i spyod lam gyi sems kyang gzhan no/ /rigs kyi bu/ ci ste sems rtag pa zhig yin na/ kha dog sngon po dang / ser po dang / dmar po dang / dkar po dang / smug por bye brag mi phyed pa'i rigs </font><hr>Ka331a<br><font size=+1>


@#/ /so| |rigs kyi bu/ gal te sems rtag pa zhig yin na/ dran par bya ba'i chos thams cad brjed par 'gyur ba'i mi rigs so/ /rigs kyi bu/ ci ste sems rtag pa zhig yin na klog pa dang / 'don pa'i las byed pa 'phel zhing skye ba'i mi rigs so/ /rigs kyi bu/ ci ste sems rtag pa zhig yin na byas pa dang / byed pa dang / bya ba bshad pa'i mi rigs te/ byas pa dang / byed pa dang / bya ba yod pas na sems de ni nges par mi rtag par shes par bya'o/ /rigs kyi bu/ ci ste sems rtag pa zhig yin na/ sdang ba dang byams pa med do/ /sdang ba'ang ma yin/ byams pa'ang ma yin par 'gyur ro/ /ci ste sems rtag pa zhig yin na bdag gi rdzas dang / gzhan gyi rdzas she'am/ 'chi'o/ /skye'o zhes brjod pa'i mi rigs so// ci ste sems rtag pa zhig yin na bya ba byas kyang skye zhing 'phel ba'i mi rigs so/ /rigs kyi bu/ don de lta bas na sems kyi rang bzhin ni so so tha dad de/ tha dad pas na mi rtag par rig par bya'o/ /rigs kyi bu/ ngas 'di ni gzugs ma yin pa'i chos la mi rtag pa'i don bshad pa ni 'di dag yin no/ /de la gzhan yang khyod la gzugs mi rtag pa bshad de/ gzugs ni mi rtag pa ste/ thog ma nas ma skyes pa'o/ /skyes nas 'gog pa'i phyir mngal du 'jug pa nur nur po'i tshe thog ma nas ma skyes la/ skyes nas 'gyur </font><hr>Ka331b<br><font size=+1>


ba'i phyir ro/ /phyi rol gyi myu gu dang / sdong bu'ang thog ma nas ma skyes la/ skyes nas 'gyur ba'i phyir/ de bas na gzugs kyi chos thams cad ni mi rtag par shes par bya'o/ /rigs kyi bu/ nang gi gzugs ni dus gzhan du 'gyur te/ nur nur po'i tshe'ang gzhan la mer mer po'i tshe'ang gzhan/ mkhregs pa'i tshe'ang gzhan/ mngal gyi tshe'ang gzhan/ skye ba'i tshe'ang gzhan/ bus pa'i tshe'ang gzhan/ gzhon nu'i tshe'ang gzhan pa nas rgas pa'i bar du 'gyur te so sor 'gyur bas na gzhan no/ /phyi rol gyi gzugs thams cad kyang de dang 'dra ste/ myu gu'i tshe'ang gzhan/ sdong bu'i tshe'ang gzhan/ yal ga'i tshe'ang gzhan/ lo ma'i tshe'ang gzhan/ me tog gi tshe'ang gzhan/ 'bras bu'i tshe'ang gzhan no/ /rigs kyi bu/ gzhan yang nang gi ro bro ba'ang nur nur po'i tshe'ang gzhan ba nas/ rgas pa'i bar du'ang tha dad de gzhan no/ /phyi rol gyi ro bro ba de dang 'dra ste/ myu gu dang / sdong bu dang / yal ga dang / lo ma dang / me tog dang / 'bras bu'i bar du tha dad de gzhan no/ /nur nur po'i mthu stobs kyi tshe gzhan pa nas/ rgas kyi bar du mthu stobs kyang tha dad de gzhan no/ /nur nur po'i tshe gzugs byad kyang gzhan pa nas| rgas pa'i bar du gzugs byang kyang tha dad de gzhan no/ /nur nur po'i tshe na rnam par smin pa'i 'bras bu'ang gzhan pa nas/ rgas pa'i bar du rnam par smin pa'i 'bras </font><hr>Ka332a<br><font size=+1>


@#/ /bu'ang tha dad de gzhan no/ /nur nur po'i tshe ming btags pa'ang gzhan pa nas/ rgas pa'i bar du ming 'dogs pa'ang tha dad de gzhan no/ /'di lta ste| nang gi gzugs kyang zhig ma thag tu phyir 'du bas na mi rtag ste/ phyi rol gyi rtsi shing yang zhig ma thag tu phyir 'du bas na mi rtag go /bags kyis skye ba'i phyir yang mi rtag go/ nur nur po nas rgas pa'i bar du'ang bags kyis skye zhing 'gyur la/ myu gu nas 'bras bu'i bar du'ang bags kyis skye zhing 'gyur bas na mi rtag go /gzugs thams cad 'gog par 'gyur bas na mi rtag ste/ /nur nur po 'gog pa'i tshe gzhan pa nas rgas pa'i bar du 'gog pa'ang gzhan no/ /myu gu 'gog pa gzhan pa nas 'bras bu 'gog pa'i bar du'ang gzhan pas na mi rtag go /byis pa ma rabs shes pa med pa dag ni skye ba dran par mthong bas rtag par 'dzin te/ don de lta bas na mi rtag pa zhes bya'o/ /gal te mi rtag na de ni sdug bsngal pa yin no/ /sdug bsngal ba yin pas na mi gtsang ba'o/ /rigs kyi bu/ don 'di dag ni 'od srung gis kyang sngar dris te/ ngas rgyas par bshad do/ /gzhan yang rigs kyi bu/ 'du byed thams cad la'ang bdag ces bya ba med do/ /rigs kyi bu/ chos thams cad ces bya ba ni mdor na gzugs dang / gzugs ma yin pa ste/ gzugs la ni bdag ces bya ba </font><hr>Ka332b<br><font size=+1>


med do/ /de ci'i phyir zhe na/ gzhig tu rung / gcad du rung / btsog tu rung la/ skye zhing 'phel ba'i phyir ro/ /bdag ces bya ba ni gzhig tu mi rung / gcad du mi rung / skye zhing 'phel ba med de/ de bas na gzugs ni bdag ma yin no/ /gzugs ma yin pa'i chos kyang bdag ma yin no/ /de ci'i phyir zhe na/ rgyu dang rkyen las skyes pa'i phyir ro/ /rigs kyi bu/ ci ste mu stegs can dag rtse gcig tu dran pas bdag yod par shes pa yin na/ rtse gcig tu dran pa nyid ni bdag ces bya ba ma yin no/ /ci ste rtse gcig tu dran pa bdag yin no zhes byar ni 'das pa'i dngos po dag brjed pa'ang yod do/ /brjed pa yod pas na nges par bdag ces bya ba med do/ /rigs kyi bu/ ci ste mu stegs can dag dran pa'i phyir bdag yod ces byar ni dran pa med pas na bdag ces bya ba med do/ /rigs kyi bu/ dper na/ mi zhig lag pa la sor mo drug yod pa mthong na/ de la 'di skad du sngon che ge mo zhig tu ma phrad dam zhes 'dri'o/ /ci ste bdag ces bya ba yod na 'dri ba'i yang mi rigs te/ 'di 'dri ba las na bdag ces bya ba nges par med do/ /rigs kyi bu/ ci ste mu stegs can dag bar du gcod cing bsgrib tu rung ba'i phyir bdag yod ces bya ba ni/ rigs kyi bu/ bsgrib tu yod pas na nges par bdag ces bya ba med par shes so/ /dper na/ lha sbyin zhes brjod pa'i tshe lha </font><hr>Ka333a<br><font size=+1>


@#/ /sbyin ma yin no zhes mi brjod do/ /bdag kyang de dang 'dra ste/ nges par bdag yin na lta/ bdag ces bya ba la sgrib par mi 'gyur te/ sgrib par 'gyur pas na nges par bdag ces bya ba med do/ /ci ste sgrib par 'gyur bas bdag yod par shes na de ltar khyod ma bsgribs na nges par bdag ces bya ba med do/ /rigs kyi bu| ci ste mu stegs can dag grogs dang grogs ma yin pa las bdag yod par shes so zhes byar ni grogs med pas na bdag ces bya ba med pa'i rigs so/ /grogs med pa'i chos yod de/ 'di lta ste/ de bzhin gshegs pa dang / nam mkha' dang / sangs rgyas kyi rang bzhin no/ /bdag ces bya ba'ang de dang 'dra bar yang dag par grogs med de/ de bas nges par bdag ces bya ba med do/ /rigs kyi bu/ gzhan yang mu stegs can dag ci ste ming btags pa las bdag yod par shes so zhes byar ni bdag med pa'i chos la'ang bdag med ces 'dogs pa'i ming yod de/ dper na/ shin tu dbul po zhig gi ming phyug po zhes 'dogs pa dang / dper na/ bdag shi'o zhes bya ba ste/ gal te bdag ces bya ba shi na bdag gis bdag gsod par 'gyur ro/ /bdag ces bya ba ni yang dag par na gsad du mi rung ste/ tha snyad du bdag gsod pa zhes btags so/ /dper na </font><hr>Ka333b<br><font size=+1>


mi thung ngu zhig ring po zhes btags pa dang 'dra ste/ de bas na nges par bdag ces bya ba med par shes so/ /gzhan yang / rigs kyi bu/ ci ste mu stegs can dag bu byung ma thag tu nu zho tshol ba las bdag yod par shes so zhes bya ba ni/ rigs kyi bu/ ci ste bdag ces bya ba yod na bus pa chung ngu thams cad mi gtsang ba ngan skyugs dang / me dang / sbrul gdug pa la 'dzin pa'i mi rigs so/ /de bas na nges par bdag ces bya ba med do/ /rigs kyi bu/ sems can thams cad ni rnam pa 'di gsum gyi ye shes mnyam par yod do/ /'di lta ste/ 'dod chags dang / za ba dang / 'jigs pa ste/ de bas na bdag ces bya ba med do/ /gzhan yang / rigs kyi bu/ ci ste mu stegs can dag mtshan ma dang / gzugs tsam las bdag yod par shes so zhes byar ni/ rigs kyi bu/ mtshan ma yod pas kyang bdag med la/ mtshan ma med pas kyang bdag med do/ /dper na/ mi gnyid log pa'i tshe/ song ba dang / 'ong ba dang / dgu pa dang / dgye ba dang / blta ba'ang med la/ bde ba dang sdug bsngal ba'ang mi tshor bas na bdag yod pa'i mi rigs so/ /ci ste song ba dang / 'ong ba dang / dgu ba dang / dgye ba dang / blta ba yod pas bdag yod par shes na/ shing gi 'khrul 'khor byas pa'i mi la'ang bdag yod pa'i rigs so/ /rigs kyi bu/ de bzhin gshegs pa'ang de dang 'dra </font><hr>Ka334a<br><font size=+1>


@#/ /ste| mi 'gro /mi 'dod/ mi dgye/ mi dgu/ mi blta/ mi 'dzum/ sdug bsngal ba ma yin/ bde ba ma yin/ 'dod chags ma yin/ zhe sdang ma yin/ gti mug ma yin/ spyod pa ma yin te/ de ltar na de bzhin gshegs pa ni yang dag pa'i bdag ces bya ba yod do/ /gzhan yang / rigs kyi bu/ ci ste mu stegs can dag pha rol pos shing tog skyur mo zos na/ tshu rol gyi 'gram chu langs pa las bdag yod par shes so zhes byar ni/ rigs kyi bu/ dran pa las mthong nas 'gram chu langs te/ 'gram chu ni bdag ma yin| bdag kyang 'gram chu ma yin no/ /dga' ba ma yin/ mya ngan ma yin/ glal pa ma yin/ dgod pa ma yin/ ltung ba ma yin/ skye ba ma yin/ skom pa ma yin/ 'grangs pa ma yin te/ de bas na nges par bdag med par shes so/ /rigs kyi bu/ mu stegs can de dag ni bus pa chung ngu shed ma bye ba dang 'dra ste/ shes pa med pa/ thabs med pa/ rtogs pa med pa/ rtag pa dang / mi rtag pa dang / sdug bsngal ba dang / bde ba dang / yongs su dag pa dang / yongs su ma dag pa dang / bdag dang bdag med pa dang / tshor ba dang tshor ba ma yin pa dang / sems can dang sems can ma yin pa dang / bde ba dang bde ba ma yin pa dang / yod pa dang yod pa ma yin pa mi shes te/ sangs rgyas kyi </font><hr>Ka334b<br><font size=+1>


chos las bag dang / cha tsam zhig blangs nas rtag pa dang / bde ba dang / bdag dang / yongs su dag par 'dzin te/ yang dag par rtag pa dang / bde ba dang / bdag dang yongs su dag pa mi shes so/ /dper na/ dmus long 'o ma'i kha dog mi shes pas/ gzhan la 'o ma'i kha dog ci 'dra zhes dris pa las/ pha rol pos dung gi kha dog 'dra'o zhes bstan na/ dmus long de 'o ma'i kha dog la dung gi sgra 'dra ba zhig yin par 'dzin to/ /yang dung gi kha dog ci 'dra zhes dris pa las/ 'bras phye 'dra'o zhes smras na/ dmus long de dung gi kha dog la shin tu 'jam par 'dzin to/ /yang 'di skad du 'bras phye'i kha dog ci 'dra zhes dris pa las/ pha rol pos kha ba 'dra'o zhes smras na/ dmus long des 'bras phye ma'i kha dog la grang bar 'dzin to/ /kha ba'i kha dog kyang ci 'dra zhes dris pa las pha rol pos ngang pa'i gshog pa 'dra'o zhes smras kyang dmus long des de ltar dper bstan pa bzhi'i sgo nas kyang dmus long des 'o ma'i kha dog yang dag pa ci 'dra ba mi shes so/ /mu stegs can de dag kyang de dang 'dra ste/ rtag pa dang / bde ba dang / bdag dang / yongs su dag pa mi shes so/ /rigs kyi bu/ de bas na sangs rgyas kyi chos la ni yang dag pa'i bden pa yod kyi/ mu stegs can rnams la ma yin no// //'phags pa yongs su </font><hr>Ka335a<br><font size=+1>


@#/ /mya ngan las 'das pa chen po'i mdo/ bam po bcu dgu pa/ 'jam dpal gzhon nus bcom ldan 'das la 'di skad ces gsol to/ /ngo mtshar che'o/ / de bzhin gshegs pa ni yongs su mya ngan las 'da' kar bla na med pa'i chos kyi 'khor lo bskor te yang dag pa'i bden pa rnam par phye ste bstan to/ /bcom ldan 'das kyis 'jam dpal la bka' stsal pa/ ci khyod de bzhin gshegs pa la mya ngan las 'da' bar 'du shes sam/ rigs kyi bu/ de bzhin gshegs pa ni yang dag par na rtag pa/ gnas pa/ mi 'gyur ba/ yongs su mya ngan las ma 'das pa'o/ /rigs kyi bu/ de la gang zhig bdag tu 'dzin na de ni sangs rgyas kyi bdag ces bya ste/ bla na med pa yang dag par rdzogs pa'i byang chub tu mngon par 'tshang rgya'o/ /bdag ces bya ba ni chos te chos ni bdag gi ba'o/ /bdag ni lam ste lam ni bdag gi ba'o/ /bdag ni bcom ldan 'das te/ bcom ldan 'das ni bdag gi ba'o/ /bdag ni nyan thos te nyan thos ni bdag gi ba'o/ /bdag gi ba ni chos ston par 'gyur te gzhan dag nyan par byed do/ /bdag ni chos kyi 'khor lo bskor te/ gzhan gyis nus pa ma yin no/ /de bzhin gshegs pa ni de lta bur mi 'dzin te/ de bas na de bzhin gshegs pa ni chos kyi 'khor lo mi bskor ro/ / </font><hr>Ka335b<br><font size=+1>


rigs kyi bu/ gang zhig de lta bur 'dzin na bdag ni mig go /mig ni bdag gi ba'o/ /rna ba dang / sna dang / lce dang / lus dang / yid kyi bar du'ang de bzhin te/ bdag ni gzugs so/ / gzugs ni bdag gi pa'o/ /de bzhin du chos kyi bar du'ang rgyas par rig par bya'o/ /bdag ni sa'o/ /sa ni bdag gi pa ste/ chu dang / me dang / rlung yang de bzhin du rig par bya'o/ / rigs kyi bu/ de la gang zhig 'di skad du bdag ces bya ba ni dad pa'o/ /dad pa ni bdag gi ba'o/ /bdag ces bya ba ni mang du thos pa'o/ /mang du thos pa ni bdag gi ba'o/ /bdag ces bya ba ni sbyin pa'i pha rol tu phyin pa'o/ /sbyin pa'i pha rol tu phyin pa ni bdag gi ba'o/ /bdag ces bya ba ni tshul khrims kyi pha rol tu phyin pa'o/ /tshul khrims kyi pha rol tu phyin pa ni bdag gi ba'o/ /bdag ni bzod pa'i pha rol tu phyin pa'o/ /bzod pa'i pha rol tu phyin pa ni bdag gi ba'o/ /bdag ni brtson 'grus kyi pha rol tu phyin pa'o/ /brtson 'grus kyi pha rol tu phyin pa ni bdag gi ba'o/ /bdag ni bsam gtan gyi pha rol tu phyin pa'o/ /bsam gtan gyi pha rol tu phyin pa ni bdag gi ba'o/ /bdag ni shes rab kyi pha rol tu phyin pa'o| |shes rab kyi pha rol tu phyin pa ni bdag gi ba'o/ /bdag ni dran pa nye bar gzhag pa bzhi'o/ /dran pa nye bar gzhag pa bzhi ni bdag gi ba'o/ /de bzhin du yang dag par </font><hr>Ka336a<br><font size=+1>


@#/ /spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad kyang rgyas par rig par bya'o/ /rigs kyi bu/ de bzhin gshegs pa ni de ltar mi 'dzin pas na de bzhin gshegs pa ni chos kyi 'khor lo mi bskor ro/ /rigs kyi bu| ci ste de bzhin gshegs pa rtag pa gnas pa mi 'gyur mi 'pho ba yin na/ ci'i phyir de bzhin gshegs pa chos kyi 'khor lo bskor to zhes smras/ de bas na khyod kyis de bzhin gshegs pas chos kyi 'khor lo bskor to zhes bya ba'i mi rigs so/ /rigs kyi bu/ dper na/ mig dang / gzugs dang / snang ba dang / bsam pa 'dus pa las mig gi rnam par shes pa skye bar 'gyur ro/ /rigs kyi bu/ mig kyang 'di ltar bdag gis ni mig gi rnam par shes pa bskyed do snyam mi sems pa nas/ bsam pa'i bar du'ang mig gi rnam par shes pa bskyed do snyam mi sems la/ mig gi rnam par shes pa nyid kyang bdag ni bdag bskyed do snyam mi sems te/ rigs kyi bu/ 'on kyang de rnams 'dus shing tshogs pa las mthong bar gyur to/ /rigs kyi bu/ de bzhin gshegs pa'ang de dang 'dra ste/ pha rol tu phyin pa drug dang / byang chub kyi phyogs kyi chos sum cu rtsa bdun </font><hr>Ka336b<br><font size=+1>


dang / chos rnams rtog pa dang / gzhan yang lkog ma dang / rkan dang / lce dang / so dang / mchu dang / kha las tshig tu smra ba'i sgra las/ thog ma tshe dang ldan pa kauN+Di n+ya la chos bstan pa ni chos kyi 'khor lo bskor ba zhes bya ste/ don de lta bas na de bzhin gshegs pa ni chos kyi 'khor lo bskor zhes mi bya'o/ /rigs kyi bu/ gang ma bskor ba de ni chos zhes bya ste/ chos ni de bzhin gshegs pa'o/ /rigs kyi bu/ dper na/ gtsub shing dang / gtsub stan dang / lag pa dang / rtswa 'dus pa las me byung ste/ gtsub shing yang bdag gis ni me phyung ngo snyam mi sems/ gtsub stan dang / lag pa dang / rtswa yang bdag gis me phyung ngo snyam mi sems so/ /me'ang de ltar bdag gis bdag phyung ngo snyam mi sems so/ /de bzhin gshegs pa'ang de dang 'dra ste/ pha rol tu phyin pa drug nas tshe dang ldan pa kauN+Di n+ya'i bar du chos kyi 'khor lo bskor ba zhes bya ste/ de bzhin gshegs pa ni ngas chos kyi 'khor lo bskor ro snyam mi dgongs so/ /rigs kyi bu/ de ltar mi dgongs pa de ni chos kyi 'khor lo yang dag par bskor ba zhes bya ste/ de ltar chos kyi 'khor lo bskor ba de ni de bzhin gshegs pa zhes bya'o/ /rigs kyi bu/ dper na/ mar yang zho dang / chu dang / rdza ma dang / srub shing dang / thag gu dang / lag pa las mar 'byung ste/ zho'ang 'di ltar </font><hr>Ka337a<br><font size=+1>


@#/ /bdag gis mar phyung ngo snyam mi sems pa nas lag pa'i bar du bdag gis 'di ltar mar phyung ngo snyam mi sems/ mar yang 'di ltar bdag gis mar phyung ngo snyam mi sems te/ rkyen mang po 'dus pa las mar byung bar gyur to/ /de bzhin gshegs pa'ang de dang 'dra ste/ 'di ltar ngas ni chos kyi 'khor lo bskor to snyam mi dgongs so| |ji ltar mi dgongs pa de ni chos kyi 'khor lo yang dag par bskor ba zhes bya ste/ chos kyi 'khor lo bskor ba de ni de bzhin gshegs pa zhes bya'o/ /rigs kyi bu/ dper na| sa bon dang / sa dang / chu dang / me dang / rlung dang / rmos dang / dus dang / las su bya ba las myu gu skye bar 'gyur ro/ /rigs kyi bu/ sa bon yang 'di ltar bdag gis myu gu bskyed do snyam mi sems pa nas/ las su byas pa'i bar du'ang 'di ltar bdag gis myu gu bskyed do snyam du mi sems/ myu gu'ang 'di ltar bdag gis myu gu bskyed do snyam mi sems so| |de bzhin gshegs pa'ang de dang 'dra bar ngas ni chos kyi 'khor lo bskor to snyam du mi dgongs te/ rigs kyi bu/ gang mi dgongs pa de ni yang dag par chos kyi 'khor lo bskor ba zhes bya ste/ chos kyi 'khor lo bskor ba de ni de bzhin gshegs pa'o/ /rigs kyi bu/ dper na/ rnga yang rnga shing dang / ko ba dang / mi'i lag pa dang / rdung ba </font><hr>Ka337b<br><font size=+1>


'dus pa las sgra 'byung ste/ rnga yang 'di ltar bdag gis sgra dbyung ngo snyam mi sems pa nas rdung ba dang / sgra'i bar du yang bdag gis sgra phyung ngo snyam mi sems so/ /de bzhin gshegs pa'ang de dang 'dra bar ngas ni chos kyi 'khor lo bskor to snyam mi dgongs so/ /rigs kyi bu/ gang de ltar mi dgongs pa ni yang dag par chos kyi 'khor lo bskor ba zhes bya ste/ rigs kyi bu| chos kyi 'khor lo bskor ba ni 'dus ma byas pa'o/ /'dus ma byas pa ni chos kyi 'khor lo bskor ba'o/ /chos kyi 'khor lo bskor ba ni de bzhin gshegs pa'o/ /rigs kyi bu/ chos kyi 'khor lo bskor ba ni sangs rgyas bcom ldan 'das kyi spyod yul yin gyi/ nyan thos dang / rang sangs rgyas kyis shes pa ma yin no/ /rigs kyi bu/ nam mkha' ni skye ba ma yin/ skyes pa ma yin/ byed pa ma yin/ byas pa ma yin/ 'dus byas kyi chos ma yin no/ /de bzhin gshegs pa'ang de dang 'dra ste/ skye ba ma yin/ skyes pa ma yin/ byed pa ma yin/ byas pa ma yin/ 'dus byas kyi chos ma yin no/ /de bzhin gshegs pa ji lta ba bzhin du sangs rgyas kyi rang bzhin yang de dang 'dra ste/ skye ba ma yin/ skyes pa ma yin/ byed pa ma yin/ byas pa ma yin/ 'dus byas kyi chos ma yin no/ /rigs kyi bu/ sangs rgyas bcom ldan 'das kyi gsung ni rnam pa gnyis te/ 'jig rten gyi gsung dang / 'jig rten las 'das pa'i gsung </font><hr>Ka338a<br><font size=+1>


@#/ /ngo| |rigs kyi bu/ de bzhin gshegs pas nyan thos dang / rang sangs rgyas la ni 'jig rten gyi gsung gis gsung ngo / /byang chub sems dpa' rnams la ni 'jig rten las 'das pa'i gsung gis gsung ngo / /rigs kyi bu/ 'khor gyi dkyil 'khor la'ang rnam pa gnyis te/ theg pa chung ngu tshol ba dang / theg pa chen po tshol ba'o/ /nga sngon wA ra NA sir nyan thos rnams la chos kyi 'khor lo bskor te/ da yang rtswa mchog gi grong khyer 'dir byang chub sems dpa' sems dpa' chen po rnams la chos kyi 'khor lo bskor to/ /rigs kyi bu/ gzhan yang gang zag la rnam pa gnyis te/ dbang po 'bring dang / dbang po rab bo /dbang po 'bring po la ni wA ra NA sir chos kyi 'khor lo bskor to/ /dbang po rab ni mi'i nang na khyu mchog gi rgyal po lta bu byang chub sems dpa' 'od srung la sogs pa la rtswa mchog gi grong khyer 'dir chos chen po'i 'khor lo bskor to/ /rigs kyi bu/ dbang po tha ma la ni de bzhin gshegs pa chos kyi 'khor lo mi bskor te/ dbang po tha ma zhes bya ba ni log sred can dag go /rigs kyi bu/ gzhan yang sangs rgyas kyi byang chub tshol ba la'ang rnam pa gnyis te/ brtson 'grus 'bring po dang / brtson 'grus rab bo/ /wA ra NA sir ni brtson </font><hr>Ka338b<br><font size=+1>


'grus 'bring po rnams la chos kyi 'khor lo bskor to/ /rtswa mchog gi grong khyer 'dir ni brtson 'grus rab rnams la chos chen po'i 'khor lo bskor to/ /rigs kyi bu/ gzhan yang ngas sngon wA ra NA sir thog ma chos kyi 'khor lo bskor ba na lha dang mi brgyad khri snyed rgyun du zhugs pa'i 'bras bu thob par gyur to/ /da rtswa mchog gi grong khyer 'dir ni lha dang mi khri phrag brgyad cu snyed bla na med pa yang dag par rdzogs pa'i byang chub las phyir mi ldog par gyur to/ /rigs kyi bu/ sngon wa ra NA sir ni tshangs pa chen po'i rgyal pos nga la phyag btsal te| chos kyi 'khor lo bskor bar gsol to/ /rtswa mchog gi grong khyer 'dir ni byang chub sems dpa' 'od srung gis nga la phyag btsal te/ chos kyi 'khor lo bskor bar gsol to| |rigs kyi bu/ gzhan yang sngon wA ra NA sir chos kyi 'khor lo bskor ba na mi rtag pa dang / sdug bsngal ba dang / stong pa dang / bdag med par bstan to/ /da rtswa mchog gi grong khyer 'dir chos kyi 'khor lo bskor ba na rtag pa dang / bde ba dang / bdag dang / yongs su dag pa bstan to/ /gzhan yang / rigs kyi bu/ ngas sngon wA ra NA sir chos kyi 'khor lo bskor ba na gsung dbyangs tshangs pa'i 'jig rten la thug gi bar du grags so/ /da rtswa mchog gi grong khyer 'dir chos kyi 'khor lo bskor ba na gsung dbyangs kyis shar phyogs </font><hr>Ka339a<br><font size=+1>


@#/ /kyi sangs rgyas kyi zhing gang+gA'i klung gi bye ma nyi shu snyed du grags te/ lho dang / nub dang / byang dang / phyogs mtshams bzhi dang / steng dang / 'og tu'ang de bzhin du grags par gyur to/ /gzhan yang / rigs kyi bu/ sangs rgyas bcom ldan 'das ji tsam du gsung ba thams cad ni chos kyi 'khor lo bskor ba zhes bya'o/ /rigs kyi bu/ dper na/ 'khor los bsgyur ba'i rgyal po'i 'khor los ni ma btul ba rnams thul ba dang / thul ba rnams bde bar byed do/ /rigs kyi bu/ sangs rgyas bcom ldan 'das rnams kyis chos gsungs pa'ang de dang 'dra ste/ tshad med pa'i kun nas nyon mongs pa ma btul ba'ang thul bar byed la/ thul ba'ang dge ba'i rtsa ba skye bar byed do/ /rigs kyi bu/ dper na/ 'khor los bsgyur ba'i rgyal po ni 'khor lo rin po ches phas rgol ba'i sgra thams cad zhi bar byed do/ /de bzhin gshegs pas chos bstan pa'ang de dang 'dra ste/ kun nas nyon mongs pa'i dgra thams cad zhi bar byed do/ /gzhan yang / rigs kyi bu/ dper na/ 'khor los bsgyur ba'i rgyal po'i 'khor lo rin po ches ni 'og nas steng du yid bzhin du 'gyur ro/ /de bzhin gshegs pas chos bstan pa'ang de dang 'dra ste/ ngan song gi sems can thams cad mtho ris kyi lhar skye ba nas sangs </font><hr>Ka339b<br><font size=+1>


rgyas kyi byang chub la thug gi bar du phyin par byed do/ /rigs kyi bu/ de bas na khyod kyis de bzhin gshegs pa la chos kyi 'khor lo gdod bskor ro zhes ma zer cig /de nas 'jam dpal gzhon nur gyur pas yang bcom ldan 'das la 'di skad ces gsol to/ /bcom ldan 'das/ don 'di dag bdag gis ma 'tshal ba'i slad du zhu ba ni ma lags kyi/ sems can thams cad la phan pa dang / bde ba'i slad du zhus pa lags so /bcom ldan 'das/ bdag ni yun ring po nas chos kyi 'khor lo bskor ba ni sangs rgyas bcom ldan 'das kyi spyod yul lags kyi/ nyan thos dang rang sangs rgyas kyi spyod yul ma lags par 'tshal to/ /de nas bcom ldan 'das kyis byang chub sems dpa' 'od srung la bka' stsal pa/ rigs kyi bu/ de ltar na byang chub sems dpa' theg pa chen po yongs su mya ngan las 'das pa'i mdo la gnas pa ni/ 'phags pa'i spyad pa spyod pa zhes bya'o/ /byang chub sems dpa' 'od srung gis yang bcom ldan 'das la 'di skad ces gsol to/ /gzhan yang ci'i slad du 'phags pa'i spyod pa zhes bgyi/ bka' stsal pa/ rigs kyi bu/ 'phags pa zhes bya ba ni sangs rgyas bcom ldan 'das te/ de bas na 'phags pa'i spyod pa zhes bya'o/ /gsol pa/ bcom ldan 'das/ gal te sangs rgyas bcom ldan 'das kyi spyod pa lags </font><hr>Ka340a<br><font size=+1>


@#/ /na| nyan thos dang / rang sangs rgyas dang / byang chub sems dpa'i spyod pa ma lags so/ /bka' stsal pa/ rigs kyi bu/ sangs rgyas bcom ldan 'das kyang yongs su mya ngan las 'das pa chen po 'di la brten te/ 'di ltar rnam par phye zhing bstan pas 'phags pa'i spyod pa zhes bya'o/ /nyan thos dang / rang sangs rgyas dang / byang chub sems dpa' rnams kyang de ltar thos nas rjes su spyod na 'phags pa'i spyod pa zhes bya'o/ /rigs kyi bu/ byang chub sems dpa' sems dpa' chen po dag spyod pa 'di la gnas na 'jigs pa med pa'i sa la gnas par 'gyur ro/ /rigs kyi bu/ byang chub sems dpa' gang mi 'jigs pa'i sa la gnas na 'dod chags dang / zhe sdang dang / gti mug dang / skye ba dang / rga ba dang / na ba dang / 'chi bas nam du'ang mi 'jigs te/ sems can dmyal ba dang / byol song gi skye gnas dang / yi dwags su ltung ba'i 'jigs pa med par 'gyur ro/ /rigs kyi bu/ mi dge ba la rnam pa gnyis te/ lha ma yin dang / mi'i nang du skyes pa'o/ /mi'i dang du skyes pa la'ang mi dge ba rnam pa gsum ste/ log sred can dang / shin tu rgyas pa'i mdo sde la skur pa dang / phas pham pa bzhi nyams pa'o/ /rigs kyi bu/ sa de la gnas pa'i byang chub sems dpa' rnams ni nam du'ang de lta </font><hr>Ka340b<br><font size=+1>


bu'i mi dge ba'i gnas su ltung bas mi 'jigs so/ /gzhan yang dge sbyong dang / bram ze dang / mu stegs can ngan par lta ba dang / lha'i bu bdud sdig to can la sogs pas kyang mi 'jigs so/ /gzhan yang srid pa nyi shu lnga pos mi 'jigs te/ de bas nas 'di ni 'jigs pa med pa zhes bya'o/ /rigs kyi bu/ byang chub sems dpa' sems dpa' chen po 'jigs pa med pa'i sa la gnas pa ni ting nge 'dzin rnam pa nyi shu lnga thob pas srid pa nyi shu lnga gzhom par byed do/ /rigs kyi bu/ dri ma med pa'i ting nge 'dzin thob pas ni sems can dmyal ba'i srid pa bcom/ phyir mi ldog pa'i ting nge 'dzin thob pas ni byol song gi srid pa bcom/ sems bde ba'i ting nge 'dzin thob pas ni yi dwags kyi srid pa bcom/ rab tu dga' ba'i ting nge 'dzin thob pas ni lha ma yin gyi srid pa bcom/ nyi ma'i 'od zer gyi ting nge 'dzin thob pas ni shar gyi lus 'phags gling du skye ba'i srid pa bcom/ zla ba'i 'od zer gyi ting nge 'dzin thob pas ni nub kyi ba lang spyod du skye ba'i srid pa bcom/ med bal gyi ting nge 'dzin thob pas ni byang gi sgra mi snyan du skye ba'i srid pa bcom/ sgyu ma lta bu'i ting nge 'dzin thob pas ni lho'i dzam+bu'i gling du skye ba'i srid pa bcom/ chos thams cad mi g.yo ba'i ting nge 'dzin thob pas ni rgyal chen bzhi'i gnas su skye ba'i srid pa bcom/ shin tu </font><hr>Ka341a<br><font size=+1>


@#/ /gdul dka'i ting nge 'dzin thob pas ni sum cu rtsa gsum gnam du skye ba'i srid pa bcom/ yid du 'ong ba'i ting nge 'dzin thob pas ni 'thab bral gnam du skye ba'i srid pa bcom/ thams cad sngon po'i ting nge 'dzin thob pas ni dga' ldan gnam du skye ba'i srid pa bcom/ thams cad ser po'i ting nge 'dzin thob pas ni 'phrul dga' gnam du skye ba'i srid pa bcom/ thams cad dmar po'i ting nge 'dzin thob pas ni gzhan 'phrul dbang byed gnam du skye ba'i srid pa bcom/ thams cad dkar po'i ting nge 'dzin thob pas ni bsam gtan dang po'i srid pa bcom/ rnam pa sna tshogs kyi ting nge 'dzin thob pas ni tshangs pa chen po'i srid pa bcom/ zung du 'brel ba'i ting nge 'dzin thob pas ni bsam gtan gnyis pa'i srid pa bcom/ 'brug sgra'i ting nge 'dzin thob pas ni bsam gtan gsum pa'i srid pa bcom/ char pa bab pa'i ting nge 'dzin thob pas ni bsam gtan bzhi pa'i srid pa bcom/ nam mkha' lta bu'i ting nge 'dzin thob pas ni 'du shes med pa'i srid pa bcom/ me long lta bu'i ting nge 'dzin thob pas ni gtsang ma'i ris lan gcig phyir mi ldog pa'i srid pa bcom/ chags pa med pa'i ting nge 'dzin thob pas ni nam mkha' mtha' yas skye mched steng gi srid pa bcom/ rtag pa'i </font><hr>Ka341b<br><font size=+1>


ting nge 'dzin thob pas ni rnam shes mtha' yas skye mched stong gi srid pa bcom/ dga' ba'i ting nge 'dzin thob pas ni cung zad med pa'i skye mched steng gi srid pa bcom/ bdag gi ting nge 'dzin thob pas ni 'du shes med 'du shes med min skye mched steng gi srid pa bcom mo/ /rigs kyi bu/ 'di dag ni byang chub sems dpa'i ting nge 'dzin nyi shu rtsa lnga thob pas srid pa nyi shu rtsa lnga bcom pa zhes bya'o/ /rigs kyi bu/ ting nge 'dzin nyi shu rtsa lnga po 'di dag ni ting nge 'dzin gyi rgyal po zhes bya'o/ /rigs kyi bu/ byang chub sems dpa' sems dpa' chen po ting nge 'dzin gyi rgyal po 'di dag la zhugs na/ gal te ri rab ri'i rgyal po 'di 'jig par 'dod na'ang bsams pa bzhin du 'jig go /gal te stong gsum gyi stong chen po'i 'jig rten gyi khams kyi sems can thams cad kyi bsam pa shes par 'dod na'ang yid bzhin du shes par 'gyur ro/ /gal te stong gsum gyi stong chen po'i 'jig rten gyi khams na gnas pa'i sems can thams cad lus kyi ba spu'i khung gcig tu zhugs par 'dod na'ang yid bzhin du 'gyur te/ dog pa'am gzer ba'i sems med do/ /gal te sems can grangs med par sprul te stong gsum gyi stong chen po'i 'jig rten gyi khams yongs su gang bar 'dod na'ang yid bzhin du 'gyur ro/ /ci ste lus gcig las lus mang por 'dod dam/ lus mang po las lus </font><hr>Ka342a<br><font size=+1>


@#/ /gcig tu 'dod na'ang yid bzhin du 'gyur te/ de lta bur 'gyur mod kyi/ pad+mo ltar sems ci la'ang mi tshangs so/ /rigs kyi bu/ byang chub sems dpa' sems dpa' chen pos ting nge 'dzin gyi rgyal po de la zhugs nas dbang du 'gyur ba'i sa la'ang gnas par 'gyur ro/ /byang chub sems dpa' dbang du 'gyur ba'i sa la gnas pa ni dbang du 'gyur pa'i mthu dang ldan pas/ gang nas gang du skye bar 'dod pa de dang de dag tu yid bzhin du skye bar 'gyur ro/ /rigs kyi bu/ dper na/ 'khor los bsgyur ba'i rgyal po gling bzhir 'gro 'dod na yid bzhin du phyin te bar du gcod pa med do/ /byang chub sems dpa' sems dpa' chen po'ang de dang 'dra ste/ gang nas gang du skya bar 'dod pa de dang de dag tu yid bzhin du skye bar 'gyur ro/ /rigs kyi bu/ byang chub sems dpa' sems dpa' chen pos sems can dmyal ba na gnas pa'i sems can dag dge ba'i rtsa ba la 'jog par 'gyur na byang chub sems dpa' der skye ste/ byang chub sems dpa' der skye mod kyi/ sngon gyi las kyi 'bras bu ni ma yin gyi/ byang chub sems dpa' sems dpa' chen po dbang du gyur pa'i sa la gnas pa de'i rgyu de'i rkyen gyis der skye bar 'gyur ro/ /rigs kyi bu/ byang chub sems dpa' sems dpa' chen po sems can dmyal ba na </font><hr>Ka342b<br><font size=+1>


gnas mod kyi/ dmyal ba gtub pa'i sdug bsngal la sogs pa ni mi myong ngo / /rigs kyi bu/ byang chub sems dpa' sems dpa' chen po'i lhun gyis grub pa'i yon tan yang tshad med dpag tu med de/ bskal pa khri phrag brgya stong gi bar du'ang bshad gyis mi rdzogs na/ sangs rgyas bcom ldan 'das rnams kyi yon tan brjod pa lta smos kyang ci dgos/ de'i tshe na 'khor gyi dkyil 'khor de na/ byang chub sems dpa' dri ma med pa'i snying po'i rgyal po zhes bya ba gzi brjid chen po dang mngon par shes pa dang ldan pa/ gzungs chen po thob pa/ ting nge 'dzin phun sum tshogs pa dang 'jigs pa med pa thob pa zhig 'dug pa las langs nas bla gos phrag pa gcig tu byas/ pus mo g.yas pa'i lha nga sa la btsugs te/ bcom ldan 'das la 'di skad ces gsol to/ /bcom ldan 'das/ bcom ldan 'das kyis gsungs pa ltar sangs rgyas dang byang chub sems dpa' rnams kyi yon tan dang ye shes ni tshad ma mchis dpag tu ma mchis te/ bskal pa khri phrag brgya stong gi bar du'ang bshad kyis mi rdzogs zhes bgyi ba bdag gis yid la bsams pa ltar theg pa chen po'i mdo sde dang sbyar na de lta ma lags so/ /de ci'i slad du zhe na/ theg pa chen po shin tu rgyas pa'i mdo sde'i mthus sangs rgyas bcom ldan 'das rnams kyi bla na med pa yang dag par rdzogs pa'i byang chub </font><hr>Ka343a<br><font size=+1>


@#/ /de las 'byung zhing skye'o/ /de nas bcom ldan 'das kyis legs so/ /legs so zhes bya ba byin nas/ rigs kyi bu/ de de bzhin no/ de de bzhin te| khyod kyis smras pa bzhin te/ de ltar theg pa chen po shin tu rgyas pa'i mdo sde'ang de ltar yon tan tshad med mtha' yas pa dang ldan mod kyi/ mdo sde de dag mdo sde 'di'i dper yang mi bzod de/ brgya'i char yang mi bzod/ stong gi char yang mi bzod/ brgya stong gi char yang mi bzod pa nas rtsis sam/ grangs sam/ dpe'i bar du'ang mi bzod do/ /rigs kyi bu/ 'di lta ste/ dper na/ ba las 'o ma 'byung ste/ 'o ma las ni zho 'byung / zho las ni mar 'byung / mar las ni zhun mar 'byung / zhun mar las ni mar gyi snying po 'byung / mar gyi snying po zhes bya ba ni mchog dang phul du gyur pa ste/ gang zhig gis 'thungs na nad rnam pa sna tshogs 'byung bar 'gyur te/ sman thams cad kyi nang du'ang 'gro'o/ /rigs kyi bu/ sangs rgyas bcom ldan 'das kyang de dang 'dra ste/ sangs rgyas las ni mdo sde bcu gnyis 'byung ngo / /mdo sde bcu gnyis las ni mdo'i sde 'byung ngo / /mdo'i sde las ni shin tu rgyas pa'i mdo sde 'byung ngo / /shin tu rgyas pa'i mdo sde las ni shes rab kyi pha rol tu phyin pa 'byung ngo / /shes rab kyi pha rol </font><hr>Ka343b<br><font size=+1>


tu phyin pa las ni yongs su mya ngan las 'das pa chen po mar gyi snying po lta bu 'byung ngo / /mar gyi snying po zhes bya ba ni sangs rgyas kyi rang bzhin gyi dpe'o/ /sangs rgyas kyi rang bzhin zhes bya ba ni de bzhin gshegs pa'o/ /rigs kyi bu/ de bas na de bzhin gshegs pa'i yon tan ni tshad med mtha' yas dpag tu med pa yin no/ /de nas byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ de bzhin gshegs pas gsungs pa ltar yongs su mya ngan las 'das pa'i mdo ni mar gyi snying po lta bur mchog tu gyur/ phul du 'gyur te/ gang zhig gis 'thungs na nad kyi rnam pa'ang 'byang bar 'gyur la/ sman thams cad kyi nang du'ang 'gro'o/ /zhes gsungs pa thos nas bdag 'di snyam du gyur to/ /gang mdo sde 'di mi nyan cing mi 'don pa de ni shin tu'ang gti mug che ba ste/ dge ba'i sems can ma mchis par 'tshal to/ /bcom ldan 'das/ bdag ni pags pa bshus te yi ge 'dri ba'i gzhir byas la/ khrag phyung ste snag tshar bya ba dang / rkang phyung ste chur bya ba dang / rus pa gzhogs te smyug gur byas la/ yongs su mya ngan las 'das pa'i mdo sde 'di bri bar bzod do/ /bris nas kyang klog pa dang / 'don pa dang / khong du chud par bya ba dang / gzhan la rgya cher ston cing 'chad kyang bzod do/ /bcom ldan 'das </font><hr>Ka344a<br><font size=+1>


@#/ /gal te sems can gang zhig longs spyod la chags par 'gyur na bdag gis de la sngar longs spyod byin te/ de'i 'og tu yongs su mya ngan las 'das pa chen po'i mdo sde 'di klog par bskul lo/ /gal te longs spyod chen po dang ldan pa zhig na/ sngar yid la 'dod pa'i gtam snyan pa byas te/ de'i 'og tu theg pa chen po yongs su mya ngan las 'das pa'i mdo sde 'di klog par bskul lo/ /gal te ma rabs shig yin na mthus nan gyis klog tu gzhug go /gal te nga rgyal can zhig yin na'ang bdag gis sngar yid bzhin du g.yog byas te shin tu dga' zhing mgu bar byas la/ de'i 'og tu yongs su mya ngan las 'das pa'i mdo sde 'di bstan to/ /gal te shin tu rgyas pa'i mdo sde la skur pa zhig mchis na mthu stobs kyis gdul bar 'tshal lo/ /btul nas de'i 'og tu yongs su mya ngan las 'das pa'i mdo sde klog tu gzhug go /gal te theg pa chen po'i mdo sde la dad cing mos pa zhig na/ bdag de'i drung du mchis te/ shin tu bsti stang dang bcas pas rim gro dang / bkur sti dang / mchod pa dang / bstod pa bgyi'o/ /de nas bcom ldan 'das kyis byang chub sems dpa' 'od srung la bka' stsal pa/ legs so/ /legs so/ /khyod theg pa chen po'i mdo sde la shin tu mos pa dang / theg pa </font><hr>Ka344b<br><font size=+1>


chen po'i mdo sde la shin tu dga' ba dang / theg pa chen po'i mdo sde 'dod pa dang / theg pa chen po'i mdo sde'i ro la dga' ba dang / theg pa chen po la shin tu dad pa dang / bsti stang dang / bkur sti dang / mchod pa byed pa legs so/ /rigs kyi bu/ khyod kyis 'di ltar shin tu dge ba'i sems 'di'i rgyu dang / 'di'i rkyen gyis byang chub sems dpa' sems dpa' chen po tshad med mtha' yas pa gang+gA'i klung gi bye ma snyed las shin tu 'phags te/ de dag pas sngar bla na med pa yang dag par rdzogs pa'i byang chub tu mngon par 'tshang rgya'o| |khyod ni ring po mi thogs par 'khor gyi dkyil 'khor mang po la yongs su mya ngan las 'das pa'i mdo sde de bzhin gshegs pa'i sangs rgyas kyi rang bzhin dgongs te gsungs pa'i snying po ston cing 'chad par 'gyur ro/ /rigs kyi bu/ sngon 'das pa'i dus sangs rgyas kyi nyi ma ma shar ba de'i tshe de'i dus na nga bram zer gyur te/ byang chub sems dpa'i spyad pa spyod pa na mu stegs can thams cad kyis mu stegs can gyi gtsug lag thams cad kyang khong du chud de rab tu zhi bar spyod cing / spyod lam dang ldan pa sems yongs su dag pas phyi rol gyi rkyen gyis 'dod pa'i 'du shes mi skya ste/ zhe sdang gi me bsad nas rtag pa dang / bde ba dang / bdag dang / yongs su dag pa'i chos yid la bzung ste/ phyogs </font><hr>Ka345a<br><font size=+1>


@#/ /thams cad du theg pa chen po'i mdo sde btsal kyang shin tu rgyas pa'i ming tsam yang ma thos so/ /nga de'i tshe na gangs kyi ri zhig la gnas te/ ri de shin tu dben la/ chu mig dang / 'bab chu dang / khrus kyi rdzing bu dang / skyed shing dang / nags tshal dang / rtsi shing gis yongs su gang ste/ gnas de'i bar bar na brag las chu mig gtsang ma 'bab ste/ me tog bsung can gyis yongs su brgyan la/ bya dang ri dwags kyang dpag tu med do/ /de na shin tu ro dang ldan pa'i 'bras bu'i shing rnam pa tha dad pa'ang dpag tu med la/ gzhan yang pad+mo'i rtsa ba mngar po dang / shing sngon po'i rtsa ba bsung can gyis yongs su gang ngo / /nga de'i tshe de'i dus na gcig pu de na gnas te/ shing gi 'bras bu 'ba' zhig za'o/ /zos nas sems rtse gcig tu ting nge 'dzin yid la byed do/ /lo tshad med pa'i bar du de bzhin gshegs pa 'jig rten du 'byung ngo zhes kyang ma thos la/ theg pa chen po'i mdo sde'i ming yang ma thos so/ /rigs kyi bu/ ngas de ltar dka' thub spyod pa na brgya byin lha'i dbang po dang / lha'i bu rnams shin tu ngo mtshar du gyur te/ 'dus nas so so nas 'di snyam du 'gyur te/ tshigs su bcad pa 'di smras so/ /gcig la gcig ni 'di skad ces/ /rnam dag gangs kyi ri 'di la/ /rab zhi 'dod </font><hr>Ka345b<br><font size=+1>


chags spangs pa'i bdag /yon tan brgyad pa'i rgyal po'o/ /'dod chags zhe sdang nga rgyal spangs/ /gti mug g.yo sgyu yongs su bcad/ /ngag gi sgo nas mi smra ba/ /rtsub shing brlang ba'i tshig rnams so/ /de'i tshe 'khor de'i nang na lha'i sras po rab tu dga' ba zhes bya ba zhig gis yang tshigs su bcad de smras pa/ de ltar 'dod chags spangs nas su/ /yongs dag brtson 'grus rab brtson pa/ /brgya byin lha yi thabs 'dod dam/ /lha yi gnas su skye bar 'dod/ /ji ste mu stegs can yin nam/ /shin tu dka' thub spyad pa 'di/ /brgya byin lha yi dbang po yi/ /dbang dang thabs dag tshol phyir ro/ /de'i tshe gzhan yang lha'i sras bo drang srong gcig ces bya bas/ brgya byin la tshigs su bcad de gsol pa/ lha yi dbang po kau shi ka| de ltar the tshom bskyed mi rigs/ /mu stegs dka' thub spyod pa yang / /brgya byin dbang po'i thabs mi tshol/ /tshigs su bcad pa de skad ces smras nas yang 'di skad ces gsol to/ /kau shi ka/ 'jig rten na skyes bu chen po dag ni sems can la phan pa'i phyir gyi/ bdag gi lus la chags pa'i phyir ma yin/ sems can la phan pa dang bde ba'i don gyi phyir dka' thub tshad med pa rnam pa sna tshogs spyod do/ /skyes bu de ni 'khor ba'i skyon mang po mthong bas/ ci ste sa chen po 'di dag/ ri dang / rgya mtsho chen por rin po ches </font><hr>Ka346a<br><font size=+1>


@#/ /yongs su gang bar mthong yang / mchil ma'am/ ngar snabs ltar chags pa mi skyed do/ /de ltar skyes bu chen po de rin po che dang / longs spyod dang / chung ma dang / bu dang / mgo dang / mig dang / klad pa dang / lag pa dang / rkang pa dang / yan lag dang / nying lag dang / gnas pa'i khang khyim dang / ba glang dang / rta dang / theg pa dang / bran po dang / bran mo dang / las byed pa'i mi'ang yongs su spangs te/ mtho ris kyi lhar skye bar mi smon gyi/ sems can thams cad la phan pa dang bde ba'i don 'ba' zhig sbyor ro/ /bdag gis 'tshal ba ltar na skyes bu chen po de ni yongs su dag cing kun nas nyon mongs pa thams cad yongs su bcad nas bla na med pa yang dag par rdzogs pa'i byang chub 'ba' zhig tshol lo/ /brgya byin lha'i dbang pos yang 'di skad ces smras so/ /khyod kyis smras pa ltar drang srong chen po de 'jig rten dang bcas pa thams cad kyi skyabs su 'gyur pa yin la/ ci ste 'jig rten 'di nas sangs rgyas kyi shing chen po byung na/ 'jig rten du bcas pa lha dang| mi dang / lha ma yin la sogs pa thams cad kyi nyon mongs pa'i sbrul gdug pa thams cad sel bar 'gyur te/ sems can de dag sangs rgyas kyi skyed shing gi grib </font><hr>Ka346b<br><font size=+1>


pa 'dug pas nyon mongs pa'i sbrul gdug pa thams cad rnam par sel bar 'gyur ro/ /drang srong chen po de ma 'ongs pa'i dus su bde bar gshegs par gyur na lta/ bdag cag la sogs pa thams cad kyang shin tu 'bar ba'i nyon mongs pa dpag tu med pa zhi bar 'gyur te/ de ni shin tu'ang yid ches bar dka'o/ /de ci'i phyir zhe na/ sems can tshad med pa brgya stong snyed bla na med pa yang dag par rdzogs pa'i byang chub tu sems bskyed par 'gyur la/ rkyen cung zad tsam gyis bla na med pa yang dag par rdzogs pa'i byang chub las phyir ldog par 'gyur te/ dper na/ chu'i zla ba ltar chu 'gul na zla ba 'gul ba dang 'dra'o/ /yang dper na/ ri mo bris pa'i sku gzugs dang 'dra ste/ bya ba ni dka' la gzhig ni sla ba ltar byang chub kyi sems kyang de dang 'dra ste/ bskyed ni dka' la bzlog ni sla'o/ /drang srong chen po/ dper na/ mi zhig go mtshon dang shin tu chas te/ g.yul ngor phyin nas dgra dang phrad ma thag tu 'jigs nas phyir ldog pa dang 'dra bar sems can thams cad kyang de dang 'dra bar byang chub tu sems bskyed pa'i go mtshon gyis yongs su brgyan nas 'khor ba'i skyon mthong ma thag tu 'jigs pa bskyed nas phyir ldog par 'gyur ro/ /de bas na ngas skyes bu de nyon mongs pa dang gdung ba med par dka' ba spyod de/ spyod pa yongs su </font><hr>Ka347a<br><font size=+1>


@#/ /dag par mthong mod kyi/ 'on kyang yid mi ches kyi/ de'i gan du nye bar song la/ skyes bu de bla na med pa yang dag par rdzogs pa'i byang chub phrag pa la bskur nus sam/ mi nus pa brtag dgos so/ /dper na/ shing rta la 'phang lo gnyis yod na spyad du rung ba dang / bya la 'dab ma gnyis yod na 'phur nus pa dang 'dra bar dka' thub spyod pa'ang de dang 'dra ste/ shin tu tshul khrims sdom par ni ngas kyang mthong na/ shin tu zab mo'i ye shes yod dam med pa brtag dgos so/ /ci ste shin tu zab mo'i ye shes yod na bla na med pa yang dag par rdzogs pa'i byang chub kyi khur lci ba phrag pa la khyer nus so/ /drang srong / dper na/ nya mo lta bu mngal na phru gu ni rab tu mang mod kyi| phru gur 'gyur ba ni nyung ngo / /dper na/ shing a mra'ang me tog ni shin tu mang yang 'bras bur 'gyur ba ni nyung ngo / /sems can byang chub tu sems bskyed pa'ang tshad med mod kyi/ tha mar 'bras bur 'gyur pa ni shin tu nyung ngo / /drang srong chen po/ bdag cag 'grogs te skyes bu de gang na bar rtog tu 'dod do/ /drang srong / dper na/ gser yang dag par yang rnam pa gsum gyi sgo nas brtags na yang dag pa yin nam ma yin pa rtogs so/ /'di lta ste/ bsreg pa dang / brdung ba dang / brdar ba'i sgo nas </font><hr>Ka347b<br><font size=+1>


brtag pa'o/ /dka' thub spyod pa'ang de dang 'dra'o zhes smras nas/ de'i tshe brgya byin lha'i dbang po bdag gi lus srin po'i lus shin tu 'jigs su rung ba zhig tu sprul nas gangs kyi ri la babs te/ ha cang yang mi ring ba na 'dug nas/ de'i tshe srin po de'ang mi 'jigs pa'i sems dang / shin tu spobs pa'i skad gsang bas 'das pa'i sangs rgyas rnams kyis gsungs pa tshigs su bcad pa phyed po 'di smras so/ /kye ma'o 'du byed rtag pa med/ /skye zhing 'gog pa'i chos can yin/ /tshigs su bcad pa phyed pa 'di smras nas/ de'i drung du 'dug ste/ shin tu 'jigs su rung ba'i gzugs mngon par bstan nas/ mig bgrad de phyogs bzhi kun tu bltas so/ /de'i tshe dka' thub spyod pa des tshigs su bcad pa phyed po 'di thos nas rab tu dga' ba'i sems bskyes pa ni/ dper na/ tshong pa shin tu nyam nga ba'i g.yang sar mtshan mo song song ba las grogs stor nas shin tu 'jigs te grogs tshol pa las/ grogs dang phrad pa tsam du shin tu dga' mgu rangs pa tshad med pa skyes so/ /gzhan yang / dper na/ nad yun ring pos btab pa zhig sman pa mkhas pa dang phrad de sman bzang pos gsos pa tsam mam/ dper na/ rgya mtshor ltung ba las gzings dang phrad pa tsam mam/ shin tu skom gyis gdungs pa zhig chu grang mo dang phrad pa'am/ dgras </font><hr>Ka348a<br><font size=+1>


@#/ /bdas pa las shor ba tsam mam/ yun ring por btson du bzung ba las thar ba tsam mam/ zhing pa than chen byung ba las char pa bab ba tsam mam mgron po lam ring por mgron du song pa phyir 'khor ba tsam du thos nas shin tu dga' ba chen po skyes so/ /rigs kyi bu/ nga de'i tshigs su bcad pa phyed po de thos nas shin tu dga' ba'ang de dang 'dra ste/ 'dug pa las langs nas lag pas skra bteg ste/ phyogs bzhir bltas nas 'di skad ces smras so/ /da ci tshigs su bcad pa smra ba 'di su yin zhes bltas na/ gzhan ni mi snang gi /srin po 'ba' zhig mthong nas yang 'di skad ces smras so/ /'di ltar rnam par grol ba'i sgo 'byed pa 'di su yin/ sangs rgyas kyi gsung dbyangs kyi 'brug sgra sgrogs pa 'di su yin/ 'khor ba'i gnyid kyis shin tu log pa 'di las sad par byed pa 'di su yin zhes smras so/ /yang 'di skad du 'khor ba na shin tu mu ges gdungs pa'i sems can rnams la bla na med pa'i byang chub kyi ro ston pa 'di su yin/ sems can tshad med pa 'khor ba'i rgya mtshor bying ba las gru chen pos 'dren pa 'di su yin/ sems can mang po nyon mongs pa'i nad kyis shin tu gzir ba las nad gso ba'i sman par gyur ba 'di su yin/ tshigs su bcad pa phyed po 'di smras </font><hr>Ka348b<br><font size=+1>


pas bdag gi sems bskul te/ ji ltar zla ba phyed pos pad+mo bags kyis phye ba ltar gyur to/ /zhes smras so/ /rigs kyi bu/ nga de'i tshe de'i dus na gzhan ci'ang ma mthong gi /srin po 'ba' zhig mthong bas yang 'di snyam du tshigs su bcad pa phyed po 'di srin pos ma smras snyam sems par gyur te/ /yang 'di snyam du sems te/ 'dis smras pa ni ma yin pa snyam/ de ci'i phyir zhe na/ 'di ltar byad gzugs shin tu mi sdug la 'jigs su rung ba ni 'di lta bur mi 'gyur ba'i phyir ro/ /gang gis tshigs su bcad pa 'di thos nas 'jigs su rung ba'i mi sdug pa thams cad dang bral ba'i rigs te/ ci'i phyir na 'di lta bu byad gzugs can gyis 'di skad du tshigs su bcad pas smras par gyur te/ de ni me'i nang nas pad+mo skye mi srid la/ nyi mas gdungs pa'i 'od las chu grang mo 'byung mi srid snyam sems par gyur te/ rigs kyi bu/ nga'ang de'i tshe na 'di snyam du bdag ni shin tu shes pa med pa ste/ gal te na srin po 'di sngon 'das pa'i sangs rgyas dang phrad de/ sangs rgyas la tshigs su bcad pa phyed po 'di thos sam/ sus shes/ tshigs su bcad pa phyed po'i don 'di dri bar bya'o snyam du bsams nas/ srin po de la bsnyen te 'di skad ces smras so/ /legs so/ /skyes bu chen po khyod sngon 'das pa'i 'jigs pa dang bral bas gsungs pa'i tshigs su bcad pa phyed po 'di su las thos/ skyes </font><hr>Ka349a<br><font size=+1>


@#/ /bu chen po/ yid bzhin gyi nor bu rin po che phyed po 'di ga las rnyed/ skyes bu chen po/ tshigs su bcad pa phyed po 'di'i don 'di ni 'das pa dang / ma 'ongs pa dang / da ltar bzhugs pa'i sangs rgyas bcom ldan 'das thams cad kyi yang dag pa'i lam yin te/ 'jig rten na gnas pa'i sems can tshad med pa ni rtag tu lta ba'i dra bas kun tu glags pas na/ nam du'ang mu stegs can gyi chos las 'jig rten las 'das pa stobs bcu dang ldan pa shin tu dpa' bas gsungs pa'i stong pa nyid kyi don 'di mi thos so/ /rigs kyi bu/ ngas de la de skad ces dris pa dang / phyir nga la 'di skad ces smras so/ /bram ze chen po khyod nga la 'di skad ces ma 'dri zhig /de ci'i phyir zhe na/ kho bo zas ma rnyed nas zhag mang du lon te gnas kun tu btsal kyang ma rnyed pas/ bkres pa dang skom pas yongs su gdungs te sngar smras pa'ang myos bzhin du smras par zad kyi/ dran bzhin nam shes bzhin du smras pa ma yin te/ gal te bdag gi mthu stobs kyis nam mkha' la 'phur te byang gi sgra mi snyan du phyin nas lha'i gnas kyi bar du phyin nas kyang bdag gi zas ma rnyed pas de skad ces smras pa yin no/ /rigs kyi bu/ ngas dus de'i tshe na srin po la 'di skad ces smras so/ /skyes bu chen po/ gal te khyod kyis </font><hr>Ka349b<br><font size=+1>


nga la tshigs su bcad pa 'di rdzogs par smras na/ bdag ched du khyod kyi slob mar dam 'cha'o/ /skyes bu chen po khyod kyis smras pa 'di ni tshig kyang ma rdzogs/ don yang ma rdzogs na khyod ci'i phyir rdzogs par mi smra/ zang zing gi sbyin pa ni rdzogs pa'i mtha' yod kyi/ chos kyi sbyin pa ni rdzogs pa'i mtha' med do/ /rdzogs pa'i mtha' med mod kyi/ phan pa dang bde ba'i don du che'o/ /bdag gis tshigs su bcad pa phyed po 'di thos nas ngo mtshar du the tshom du gyur gyi/ tshigs su bcad pa 'di rdzogs par smras te/ bdag gi the tshom bcad na tshe gcig tu khyod kyi slob ma bya'o zhes smras so/ /srin pos smras pa/ khyod kyi shes pa ni lhag ches pas khyod bdag gi don ni cher 'dzin gyi/ kho bo'i bsam pa ni mi sems pa lta/ kho bo ni shin tu bkres pas gdungs nas smra mi phod do/ /ngas yang de la 'di skad ces smras so/ /khyod zas su ci zhig za zhes dris na/ srin po des smras pa/ khyod nga la ma 'dri zhig /ci ste ngas smras na mi mang po dag shin tu skrag par 'gyur ro/ /ngas yang de la 'di skad ces dris so/ /yul stong pa 'dir mi su'ang med la nga ni khyod la mi 'jigs na/ ci'i phyir mi smra/ srin po des yang smras pa/ kho bo zas su mi sha rjen pa dang / khrag dron po 'thung ste/ kho bo ni bsod nams chung bas zas su 'di lta bu za'ang gnas thams cad du ma rnyed do/ /'jig rten </font><hr>Ka350a<br><font size=+1>


@#/ /na mi dag shin tu mang mod kyi/ thams cad bsod nams dang ldan pa sha stag la/ lhas kyang bsrungs pas na bdag ni de dag gsod cing za ba'i mthu med do zhes smras so/ /rigs kyi bu/ ngas de la 'di skad ces smras so/ /khyod tshigs su bcad pa 'di don dang bcas rdzogs par smros shig dang / nga'i lus 'di khyod la yongs su gtang bar bya'o/ /skyes bu chen po/ ci ste kho bo'i lus 'di shin tu'ang cir yang dgos pa med kyi/ stag dang / spyang ki dang / 'phar ba dang / bya rgod dang / byan lag dang / khwa la sogs pa zas par 'gyur te/ spu nyag ma gcig tsam gyi bsod nams kyang skye bar mi 'gyur gyi/ bdag ni bla na med pa yang dag par rdzogs pa'i byang chub tshol ba'i phyir snying po med pa'i lus 'dis snying po dang bcas pa'i lus su gyur cig ces smras so/ /srin po des yang 'di skad ces smras so/ /khyod 'di skad du smra ba 'di yi ge 'bru brgyad po'i phyir lus yongs su gtang ngo / /zhes smra ba 'di su dag gis yid ches par 'gyur/ rigs kyi bu/ ngas de'i tshe na de la'ang 'di skad ces smras so| |khyod ni yang dag par shes pa med pa ste/ dper na/ mi zhig kham phor thogs te/ rin po che sna bdun gyi snod dang brjes pa dang 'dra bar bdag kyang snying po med </font><hr>Ka350b<br><font size=+1>


pa'i lus 'dis rdo rje lta bu'i lus thob par 'gyur na/ 'di skad ces smras pa 'di la sus yid ches par 'gyur zhes bya ba ni/ kho bo'i dbang du tshangs pa chen po'i rgyal po dang / brgya byin lha'i dbang phyug dang / rgyal chen bzhi'i rgyal po la sogs pa dpang du yod do/ /de ma yin pa gzhan yang byang chub sems dpa' 'phrul gyi mig can/ sems can tshad med pa la phan pa dang bde ba'i don gyi phyir theg pa chen po la nan tan byed cing pha rol tu phyin pa drug dang ldan pa'ang dpang du 'gyur ro/ /de ma yin pa gzhan yang phyogs bcu'i 'jig rten gyi khams na da ltar bzhugs pa'i sangs rgyas bcom ldan 'das da ltar sems can gyi don du 'tsho zhing skyong ba rnams kyang bdag gi dpang du 'gyur te/ bdag ni ye ge 'bru brgyad po'i phyir lus 'di yongs su gtong ngo / /srin pos yang smras pa/ ci ste khyod de ltar lus yang dag par gtong phod na shin tu legs par nyon cig /tshigs su bcad pa 'di'ang bstan par bya'o/ /rigs kyi bu/ ngas de'i tshe de skad ces thos nas sems rab tu dga' ba skyes te/ lus la gyon pa'i sha pags kyi gos phud nas srin po'i stan du bting ste/ slob dpon/ gdan la bzhugs su gsol zhes smras nas/ thal mo sbyar te pus mo sa la btsugs nas 'di skad ces smras so/ /slob dpon/ bdag la tshigs su bcad pa </font><hr>Ka351a<br><font size=+1>


@#/ /phyed po 'di bstan du gsol zhes smras nas/ de nas srin pos tshigs su bcad pa phyed smras so/ /skyes nas 'gog par 'gyur bas na/ /de dag nye bar zhi ba bde/ /de'i tshe srin po des tshigs su bcad pa de smras nas yang 'di skad ces zer ro/ /byang chub sems dpa' sems dpa' chen po khyod tshigs su bcad pa'i don rdzogs pa thos na/ da khyod kyi smon lam yongs su rdzogs mod kyi/ ci ste khyod nges par sems can la phan pa dang bde ba'i don spyod pa la yang dag pa yin zhe na/ da nga la lus sbyin pa'i dus la bab bo zhes smras so/ /rigs kyi bu/ nga de'i tshe de'i dus na don 'di shin tu yid la byas nas/ de'i 'og tu brag dang / rtsig ngos dang / shing dang / lam ga kun tu tshigs su bcad pa 'di bris nas/ lus kyi sha mi snang bar bya ba'i phyir lus la gyon pa'i gos bsdams nas shing khar 'dzegs so/ /de'i tshe shing de'i lhas nga la 'di skad ces dris so/ /legs so/ /legs so/ /skyes bu chen po khyod da ltar ci zhig byed snyam du sems/ rigs kyi bu/ ngas de'i tshe na de la 'di skad ces smras so/ /kho bo ni lus 'di yongs su btang ste/ tshigs su bcad pa thos pa'i drin pas bsnyam sems so/ /shing gi lha des smras pa/ tshigs su bcad pa de thos na/ phan pa'i don ci zhig yod ces smras </font><hr>Ka351b<br><font size=+1>


so/ /byang chub sems dpa' des smras pa/ tshigs su bcad pa 'di ni 'das pa dang / ma 'ongs pa dang / da ltar bzhugs pa'i sangs rgyas bcom ldan 'das rnams kyi stong pa nyid 'byed pa'i chos yin te/ nga ni chos 'di'i phyir lus yongs su gtong ngo / /rnyed pa dang / grags pa dang / longs spyod dang / rin po che dang / 'khor los bsgyur ba'i rgyal po dang / rgyal chen ris bzhi'i rgyal po dang / brgya byin lha'i dbang phyug dang / tshangs pa chen po'i rgyal po dang / lha dang mi'i bde ba 'dod pa'i phyir ma yin gyi/ sems can thams cad la phan pa dang / bde ba'i don gyi phyir lus 'di yongs su gtong ngo / /rigs kyi bu/ nga'i lus 'di yongs su gtong ba'i tshe'ang 'di skad ces smras so/ /ji tsam du ser sna la gnas pa'i sems can dag bdag gis lus yongs su btang ba 'di mthong na sbyin pa la gnas par 'gyur ba dang / gang sbyin pa la zhen pa nga rgyal gyis mngon par zin pa dag kyang bdag gis 'di ltar lus yongs su btang ba 'di mthong bar shog ces smon lam btab nas/ lus 'di mchil ma'am/ sa rdo ltar yongs su btang ngo / /byang chub sems dpas de'i tshe na de skad ces smras ma thag tu shing kha nas mchongs so/ /de'i tshe de'i dus na steng gi bar snang las sgra skad rnam pa sna tshogs byung nas srid pa'i rtse mo la thug gi bar du grags par gyur to/ / </font><hr>Ka352a<br><font size=+1>


@#/ /de'i tshe de'i dus na srin po de'i phyir brgya byin gyi lus su bsgyur nas/ byang chub sems dpa' sa la ma lhung bar blangs te bde bar bzhag go /de'i tshe brgya byin lha'i dbang phyug dang / lha'i sras po dang / tshangs pa chen po'i rgyal por bcas te/ byang chub sems dpa'i rkang pa la spyi bos phyag btsal nas 'di skad ces smras so/ / legs so/ /legs so/ /byang chub sems dpa' yang dag pa ste/ sems can tshad med pa la phan pa dang bde ba'i don du 'gyur ba/ ma rig pa'i mun pa chen por chos chen po'i sgron ma snang bar byed pa/ bdag ni de bzhin gshegs pa'i chos chen po bsrung zhing bskyab pa'i phyir khyod kyi sems 'khrugs shing gnod pa byas pa dag 'gyod cing mthol lo/ /khyod ni ma 'ongs pa'i dus su nges par bla na med pa yang dag par rdzogs pa'i byang chub tu mngon par 'tshang rgya ba na/ bdag cag kyang bsgral bar smon to/ /de'i tshe brgya byin lha'i dbang phyug dang / lha'i sras po rnams byang chub sems dpa' la phyag btsal nas mi snang bar gyur to/ /rigs kyi bu/ nga sngon tshigs su bcad pa phyed kyi phyir yang lus yongs su btang ste/ de'i rgyu de'i rkyen gyis bskal pa bcu gnyis kyis byams pa pas sngon du bla na med pa yang dag par rdzogs pa'i byang chub tu mngon </font><hr>Ka352b<br><font size=+1>


par sangs rgyas so/ /rigs kyi bu/ ngas de ltar tshad med pa'i yon tan thob pa'ang de bzhin gshegs pa'i yang dag pa'i chos la mchod pa'i dbang gis so/ /rigs kyi bu khyod kyang de dang 'dra ste/ bla na med pa yang dag par rdzogs pa'i byang chub tu sems bskyed pas byang chub sems dpa' tshad med mtha' yas pa gang+gA'i bye ma snyed pas shin tu 'phags te phul du gyur to/ /rigs kyi bu/ de ltar na byang chub sems dpa' sems dpa' chen po theg pa chen po yongs su mya ngan las 'das pa la gnas pa na 'phags pa'i spyad pa spyod pa zhes bya'o/ /'phags pa yongs su mya ngan las 'das pa chen po'i mdo las/ 'phags pa'i spyod pa zhes bya ba'i le'u ste drug pa'o// //'phags pa yongs su mya ngan las 'das pa chen po'i mdo/ bam po nyi shu pa/ rigs kyi bu/ de la ji ltar na byang chub sems dpa' sems dpa' chen po tshangs par spyod pa zhe na/ rigs kyi bu byang chub sems dpa' sems dpa' chen po yongs su mya ngan las 'das pa la gnas pa dag chos rnam pa 'di bdun gyis na tshangs par spyod pa dang ldan par 'gyur ro/ / bdun gang zhe na/ 'di lta ste/ chos shes pa dang / don shes pa dang / dus shes pa dang / chog shes pa dang / bdag shes pa dang / 'khor shes pa dang / bla ma dang 'og ma </font><hr>Ka353a<br><font size=+1>


@#/ /shes pa'o/ /rigs kyi bu/ de la ji ltar na byang chub sems dpa' sems dpa' chen po chos shes pa zhe na/ rigs kyi bu/ byang chub sems sems dpa' sems dpa' chen pos mdo sde bcu gnyis shes pa yin te/ mdo'i sde dang / dbyangs kyis bsnyad pa dang / lung du bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa dang / de lta bu byung ba dang / skyes pa'i rabs dang / shin tu rgyas pa dang / rmad du byung ba'i chos dang / gtan la dbab par bstan pa shes pa'o/ /rigs kyi bu/ mdo'i sde zhes bya ba ni/ 'di skad bdag gis thos pa zhes smos pa nas/ dga' nas rjes su yi rang ngo zhes bya ba'i bar du ni mdo'i sde zhes bya'o/ /dbyangs kyis bsnyad pa zhes bya ba ni/ gang bcom ldan 'das kyis dge slong rnams la bka' stsal pa/ bdag cag kyang shin tu glen te/ shes pa med pas 'phags pa'i bden pa bzhi yang dag pa ji lta ba bzhin du mi shes te/ de bas na 'khor bar yongs su 'khor zhing sdug bsngal gyi rgya mtsho chen por nub par gyur to/ /bden pa bzhi yang gang zhe na/ sdug bsngal ba dang / kun 'byung ba dang / 'gog pa dang / lam mo/ /sngon bcom ldan 'das kyis dge slong rnams la mdo'i sde gsungs nas de'i tshe na </font><hr>Ka353b<br><font size=+1>


skyes bu dbang po rnon po dag de'i 'og tu chos mnyan pa'i phyir/ sangs rgyas kyi spyan sngar lhags te/ gzhan dag la 'di skad du bcom ldan 'das kyis sngar ci zhig mdzad ces dris pa dang / bcom ldan 'das mkhyen bzhin du mdo'i sde sngar gsungs pa las/ yang tshigs su bcad de 'di skad du gsungs pa yin no/ /nga sngon khyed dang 'dra bar ni/ /bden pa bzhi po ma mthong ste/ /de bas 'khor bar yongs su 'khor/ /sdug bsngal chen po'i rgya mtshor ltung / /gang gis bden pa bzhi rtogs na/ /'khor ba yongs su gcod par 'gyur/ /skye ba'i srid pa kun zad na/ srid pa thams cad len mi srid/ /ces bya ba dag ni dbyangs kyis bsnyad pa'i sde zhes bya'o/ /lung du bstan pa'i sde zhes bya ba ni/ mdo sde'am/ 'dul ba las de bzhin gshegs pas dus kha cig tu lha dang mi rnams la sangs rgyas su lung ston pa ste/ ma pham pa khyod ma 'ongs pa'i dus su rgyal po dung zhes bya ba 'byung ste/ de'i tshe de'i dus na mngon par 'tshang rgya ste/ mtshan yang byams pa zhes bya bar 'gyur ro zhes smos pa dag ni lung du bstan pa'i sde zhes bya'o/ /tshigs su bcad pa'i sde zhes bya ba ni/ mdo sde dang / 'dul ba gang las lhags pa'i tshigs su bcad pa tshig bzhi po 'di dag smos pa ste/ sdig pa thams cad yongs su spang / /dge 'o cog ni rdzogs par bya/ /bdag gi sems kyang shin </font><hr>Ka354a<br><font size=+1>


@#/ /tu gdul/ /de ni sangs rgyas bstan pa'o/ /zhes smras pa de dag ni tshigs su bcad pa'i sde zhes bya'o/ /ched du brjod pa zhes bya ba ni/ bcom ldan 'das phyi dro'i dus su ting nge 'dzin du zhugs nas lha rnams la rgya cher chos ston te/ de'i tshe dge slong dag so so nas 'di snyam du de bzhin gshegs pa da ltar ci zhig mdzad snyam bsams nas/ de'i nang par de bzhin gshegs pa ting nge 'dzin las bzhengs te/ sus kyang ma zhus par gzhan gyi bsam pa mkhyen pa'i ye shes kyis 'di skad ces gsungs so/ /kye/ dge slong dag /'di ltar shes par bya'o/ /lhar skyes pa thams cad ni shin tu'ang tshe ring ngo / /dge slong khyed pha rol po gzhan gyi phyir rnyed pa mi tshol ba legs so/ /'dod pa nyung ba legs so/ /chog shes pa'ang legs so/ /dur khrod na gnas pa'ang legs so zhes sus kyang ma zhus par ched du gsungs pa de dag ni ched du brjod pa'i sde zhes bya'o/ /glang gzhi zhes bya ba ni/ mdo sde las tshigs su bcad pa 'byung ba gleng gzhi nas 'byed cing bstan pa ste/ de'ang yul mnyan du yod pa na skyes bu gcig gi bya rgyas bya bzung nas tshel por bcug ste/ chu dang 'bras bsnyod nas phyir btang ngo / /bcom ldan 'das kyis de'i sngon gyi rgyu dang rkyen mkhyen pas de las </font><hr>Ka354b<br><font size=+1>


glengs te tshigs su bcad pa 'di gsungs so/ /sdig pa phra mo chung ngu la/ /mi gnod snyam du brnyas mi bya/ /chu yi thigs pa zags pa yang / /snod chen yongs su gang bar 'gyur/ / zhes gsungs pa dag ni gleng gzhi'i sde zhes bya'o/ /rtogs pa brjod pa zhes bya ba ni/ 'dul ba las dpe bstan pa rnams te/ de dag ni rtogs pa brjod pa'i sde zhes bya'o/ /de lta bu byung ba zhes bya ba ni/ bcom ldan 'das kyis gsungs pa las/ dge slong dag /'di ltar rig par bya'o/ /nga 'jig rten du gshegs te gsungs pa rnams ni khams kyi mdo sde zhes bya ba dang / bcom ldan 'das bsod skyabs 'jig rten du gshegs te gsungs pa ni bdud rtsi lnga zhes bya ba dang / sangs rgyas rnam par gzigs 'jig rten du gshegs te gsungs pa ni chos kyi me long zhes bya ba dang / bcom ldan 'das 'od srung 'jig rten du gshegs te gsungs pa ni stong pa rnam par 'byed pa zhes bya ba smos pa de dag ni de lta bu byung ba'i sde zhes bya'o/ /skyes ba'i rabs zhes bya ba ni/ bcom ldan 'das sngon byang chub sems dpa'i spyad pa spyod cing dka' bar mdzad pa 'di dag yin te/ dge slong rnams shes par gyis shig /ngas sngon sha ba'i lus byas pa dang / dred mo'i lus dang / sha bkra'i lus dang / ri bong gi lus dang / rgyal po'i lus dang / 'khor los bsgyur ba'i </font><hr>Ka355a<br><font size=+1>


@#/ /rgyal po'i lus dang / klu dang / nam mkha' lding gi lus la sogs pa byang chub sems dpa'i spyod pa spyod pa na myong bar gyur to/ /zhes smos pa ni skyes pa'i rabs zhes bya'o/ /shin tu rgyas pa zhes bya ba ni/ theg pa chen po shin tu rgyas pa'i mdo sde'i don shin tu rgya che ba la yangs pa ni nam mkha' dang 'dra zhes gsungs pa ni shin tu rgyas pa'i mdo sde zhes bya'o/ /rmad du byung ba zhes bya ba ni/ byang chub sems dpa' thog ma btsas ma thag tu sus kyang ma bstan par gom pa bdun song ba dang / 'od zer chen po bskye ba dang / phyogs bcur bltas pa dang / spre'u sbrang rtsi'i snod thogs te de bzhin gshegs pa la phul ba dang / khyi gong dkar sangs rgyas la chos nyan pa dang bdud sdig to can ba lang sngon por sprul nas/ gyo mo'i lhung bzed mang po bzhag pa'i nang du song ste/ gcig la gcig reg cing 'khrol yang ma chag pa dang / sangs rgyas thog ma btsas nas lha'i rten du zhugs pa na/ lha rnams langs te phyag 'tshal ba la sogs pa de dag ni rmad du byung ba'i sde zhes bya'o/ /gtan la dbab par bstan pa zhes bya ba ni/ sangs rgyas bcom ldan 'das kyis mdo sde gsungs pa las/ ji tsam du don gtan la phab par bye brag phye ste mtshan nyid bstan pa ni gtan la dbab par bstan pa'i sde zhes </font><hr>Ka355b<br><font size=+1>


bya'o/ /byang chub sems dpa' de ltar mdo sde bcu gnyis rtogs shing shes na chos shes pa zhes bya'o/ /de la ji ltar na byang chub sems dpa' sems dpa' chen po don shes pa zhe na/ byang chub sems dpa' sems dpa' chen pos yi ge dang tshigs su smra ba thams cad kyi don rgyas par shes pa ni don shes pa zhes bya'o/ /de la ji ltar na byang chub sems dpa' sems dpa' chen po dus shes pa zhe na/ rigs kyi bu/ byang chub sems dpa' sems dpa' chen pos dus gang du dur khrod nag nas pa dang / gang gi dus su brtson 'grus shin tu rtsom pa dang / gang gi dus su btang snyoms dang ting nge 'dzin sgom pa dang / gang gi dus su sangs rgyas la mchod pa bya ba dang / gang gi dus su slob dpon la bsnyen bkur bya ba dang / gang gi dus su sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la nan tan bya ba'i dus shes pa ni dus shes pa zhes bya'o/ /de la ji ltar na byang chub sems dpa' sems dpa' chen po chog shes pa zhe na/ rigs kyi bu/ byang chub sems dpa' sems dpa' chen po chog shes pa ni/ 'di lta ste/ zas dang / skom dang / chos gos dang / sman dang / 'gro ba dang / sdod pa dang / 'dug pa dang / nyal ba dang / gnyid las sad pa dang / cang mi smra ba dag ni chog shes pa zhes bya'o/ /rigs kyi bu/ de la ji ltar na byang chub sems dpa' sems dpa' chen po bdag shes pa zhe na/ byang </font><hr>Ka356a<br><font size=+1>


@#/ /chub sems dpa' de bdag la bdag 'di ltar shes te/ bdag la dad pa ni 'di lta bu zhig yod/ tshul khrims ni 'di lta bu/ mang du thos pa ni 'di lta bu/ btang snyoms pa ni 'di lta bu/ shes rab ni 'di lta bu/ 'ong ba dang 'gro ba ni 'di lta bu/ yang dag par dran pa ni 'di lta bu/ dge ba spyod pa ni 'di lta bu/ dris pa ni 'di lta bu/ lan btab pa ni 'di lta bu zhes bya ba shes pa ni bdag shes pa zhes bya'o/ /de la ji ltar na byang chub sems dpa' sems dpa' chen po 'khor shes pa zhe na/ rigs kyi bu/ byang chub sems dpa' 'di ltar 'di ni rgyal rigs kyi 'khor/ 'di ni bram ze'i rigs kyi 'khor/ 'di ni khyim bdag gi 'khor/ 'di ni dge sbyong gi 'khor te/ 'khor de dag tu 'di ltar 'gro bar bya/ 'di ltar 'dug par bya/ 'di ltar chos smra bar bya/ 'dri ltar dri zhing lan glan par bya ba shes pa ni 'khor shes pa zhes bya'o/ /rigs kyi bu/ de la ji ltar na byang chub sems dpa' sems dpa' chen po bla ma dang 'og ma shes pa zhe na/ rigs kyi bu/ de la'ang rnam pa gnyis te/ dad pa dang / ma dad pa'o/ /byang chub sems dpa' dad pa ni dge ba dang / ma dad pa ni mi dge bar rig par bya'o/ /dad pa la'ang rnam pa gnyis te/ dge 'dun </font><hr>Ka356b<br><font size=+1>


gyi gnas su gnas pa dang / mi gnas pa'o/ /de'ang byang chub sems dpas gang dge 'dun gyi gnas khang na gnas pa ni dge ba'o/ /mi gnas pa ni mi dge ba'o/ /gnas pa la'ang rnam pa gnyis te/ phyag 'tshal ba dang / phyag mi 'tshal ba'o/ /de'ang byang chub sems dpas gang phyag 'tshal ba ni dge ba/ phyag mi 'tshal ba ni mi dge bar rig par bya'o/ /phyag 'tshal ba la'ang rnam pa gnyis te/ chos nyan pa dang / chos mi nyan pa'o/ /de'ang byang chub sems dpas gang chos nyan pa ni dge ba/ chos mi nyan pa ni mi dge bar rig par bya'o/ /chos nyan pa la'ang rnam pa gnyis te/ sems rtse gcig tu nyan pa dang / sems rtse gcig tu mi nyan pa'o/ /de'ang byang chub sems dpas sems rtse gcig tu nyan pa ni dge ba/ sems rtse gcig tu mi nyan pa ni mi dge bar rig par bya'o/ /sems rtse gcig tu nyan pa la'ang rnam pa gnyis te/ don yid la byed pa dang / don yid la mi byed pa'o/ /de'ang byang chub sems dpas gang don yid la byed pa ni dge ba/ don yid la mi byed pa ni mi dge bar rig par bya'o/ /don yid la byed pa la'ang rnam pa gnyis te/ smras pa bzhin du spyod pa dang / smras pa bzhin du mi spyod pa'o/ /de'ang smras pa bzhin du spyod pa ni dge ba/ smras pa bzhin du mi spyod pa ni mi dge bar rig par </font><hr>Ka357a<br><font size=+1>


@#/ /bya'o| |smras pa bzhin du spyod pa la'ang rnam pa gnyis te/ nyan thos kyi theg pa'i sgo nas tshol zhing sdug bsngal ba'i sems can thams cad la phan pa dang bde ba'i don du mi spyod pa dang / bla na med pa'i byang chub tu bsngos te/ 'gro ba mang po la phan pa dang bde ba'i don du sbyor ba ni byang chub sems dpa' ste/ gang 'gro ba mang po la phan pa dang bde ba'i don byed pa ni mchog dam pa'o/ /rigs kyi bu/ dper na/ rin po che'i nang na ni yid bzhin gyi nor bu rin po che mchog go / ro bro ba'i nang na ni bdung rtsi mchog go /de bzhin du byang chub sems dpa' yang lha dang mi'i nang na mchog tu byung / phul du gyur te/ dper byar med do/ /rigs kyi bu/ 'di dag ni byang chub sems dpa' sems dpa' chen po theg pa chen po yongs su mya ngan las 'das pa'i mdo la gnas pa na/ dge ba'i chos bdun la gnas pa zhes bya ste/ byang chub sems dpa' chos rnam pa 'di bdun dang ldan na tshangs par spyod pa zhes bya'o/ /rigs kyi bu/ gzhan yang tshangs par spyod pa zhes bya ba ni/ 'di lta ste/ byams pa dang / snying rje dang / dga' ba dang / btang snyoms so/ /byang chub sems dpa' sems dpa' chen po 'od srung gis yang bcom ldan 'das la 'di skad ces gsol to/ / </font><hr>Ka357b<br><font size=+1>


bcom ldan 'das/ byams pa mang du bsgoms pas zhe sdang ma mchis par 'gyur te/ snying rje'i sems kyis kyang zhe sdang gcod par 'gyur bas na/ ci'i slad du tshad med bzhi zhes smras/ don dang sbyar na gsum du bas so/ /bcom ldan 'das byams pa la dmigs pa rnam pa gsum ste/ sems can la dmigs pa dang / chos la dmigs pa dang / mi dmigs pa'o/ /snying rje dang / dga' ba dang / btang snyoms kyang de dang 'dra ste/ don dang sbyar na gsum du bas te/ bzhir ni ma mchis so/ /sems can la dmigs pa ni phung po lnga la dmigs nas bde bar 'dod pa ste/ de ni sems can la dmigs pa zhes bgyi'o/ /chos la dmigs pa ni sems can la dmigs nas ci dgos pa sbyin pa ste/ de ni chos la dmigs pa zhes bgyi'o/ /mi dmigs pa ni de bzhin gshegs pa la dmigs pa ste/ mi dmigs pa zhes bgyi'o/ /byams pa zhes bgyi ba ni dbul phongs pa'i sems can la dmigs pa'o| |de bzhin gshegs pa ston pa chen po ni dbul phongs pa dang yongs su bral te/ rab tu bde ba lags so/ /ci ste sems can la dmigs na sangs rgyas la dmigs pa ma lags te/ chos kyang de dang 'dra'o/ /de bas na de bzhin gshegs pa la dmigs pa ni mi dmigs pa zhes bgyi'o/ /bcom ldan 'das/ byams pas dmigs pa ni sems can </font><hr>Ka358a<br><font size=+1>


@#/ /thams cad la/ dper na/ pha ma'am/ chung ma'am/ bu'am/ gnyen bshes la dmigs pa dang 'dra ste/ de bas na sems can la dmigs pa zhes bgyi'o/ /chos la dmigs pa ni pha ma dang / chung ma dang / bu dang / gnyen bshes su mi lta zhing chos thams cad la rten cing 'brel te 'byung bar blta ba ni chos la dmigs pa zhes bgyi'o/ /mi dmigs pa ni chos la mtshan mar mi gnas/ sems can la mtshan mar mi gnas pa ni mi dmigs pa zhes bgyi ste/ snying rje dang / dga' ba dang / btang snyoms kyang de dang 'dra'o/ /de bas na gsum du bas kyi/ bzhir ni ma mchis so/ /bcom ldan 'das/ gang zag la rnam pa gnyis te/ mthong bas spyod pa dang / dga' bas spyod pa'o/ /mthong bas spyod pa ni byams pa dang / snying rje'i shas cher bsgom mo/ /dga' bas spyod pa ni/ dga' ba dang / btang snyoms kyi shas cher bsgom ste/ de bas na gsum du bas kyi bzhir ni ma mchis so/ /bcom ldan 'das/ tshad med pa zhes bgyi ba ni mtha' yas la/ mtha' dpag tu ma mchis pa'i slad du tshad ma mchis pa zhes bgyi ste| tshad ma mchis na gcig tu bas kyi/ bzhir ni ma mchis so/ /ci ste bzhir mchis na tshad ma mchis pa zhes bgyir mi rung ste/ de bas na gcig tu bas kyi bzhir ni ma mchis </font><hr>Ka358b<br><font size=+1>


so/ /bcom ldan 'das kyis 'od srung la bka' stsal pa/ rigs kyi bu/ sangs rgyas bcom ldan 'das ni so so'i skye bo mang po'i phyir chos gsungs pa'ang shin tu dgongs te gsungs pa yin pas rig cing shes par dka'o/ /sems can kha cig la ni rten cing 'brel te 'byung ba gcig tu gsungs te/ rten cing 'brel te 'byung ba gcig gang zhe na/ 'di lta ste/ 'dus byas kyi chos thams cad do/ /rigs kyi bu/ kha cig tu ni rnam pa gnyis su gsungs te/ rgyu dang 'bras bu'o/ /kha cig tu ni rnam pa gsum du gsungs te/ nyon mongs pa dang / las dang / sdug bsngal lo/ /kha cig tu ni rnam pa bzhir gsungs te/ ma rig pa dang / 'du byed dang / skye ba dang / rga shi'o/ /kha cig tu ni rnam pa lngar gsungs te/ tshor ba dang / sred pa dang / len pa dang / srid pa dang / skye ba'o/ /kha cig tu naM rnam pa drug tu gsungs te/ dus gsum gyi rgyu dang 'bras bu'o/ /skabs kha cig tu ni rnam pa bdun du gsungs te/ rnam par shes pa dang / ming dang / gzugs dang / skye mched drug dang / reg pa dang / tshor ba dang / srid pa dang / len pa'o/ /kha cig tu ni rnam pa brgyad du gsungs te/ ma rig pa dang / 'du byed dang / skye ba dang / rga shi ma gtogs pa lhag ma brgyad po'o/ /kha cig tu ni rnam pa dgur gsungs te/ mdo sde grong khyer zhes bya ba'i nang nas bshad pa dang 'dra bar ma rig pa </font><hr>Ka359a<br><font size=+1>


@#/ /dang / 'du byed dang / rnam par shes pa ma gtogs pa'i lhag ma dgu po'o/ /kha cig tu ni rnam pa bcu gcig tu gsungs te/ de'ang gcer pu pa kun tu smra ba zhes bya ba'i phyir skye ba'i chos gcig ma gtogs par lhag ma rnam pa bcu gcig go /skabs kha cig tu ni rten cing 'brel te 'byung ba bcu gnyis rdzogs par gsungs te| de'ang rgyal po'i khab tu 'od srung la sogs pa la ma rig pa nas/ skye ba dang / rga shi'i bar du bcu gnyis rdzogs par gsungs pa'o/ /rigs kyi bu/ rten cing 'brel bar 'byung ba gcig la so so'i skye bo'i phyir rnam pa tha dad du gsungs te/ tshad med pa'i sems kyang de dang 'dra'o/ /rigs kyi bu/ de bas na de bzhin gshegs pas dgongs te gsungs pa'i spyod yul la the tshom mi bskyed do/ /rigs kyi bu/ sangs rgyas bcom ldan 'das ni shin tu thabs mkhas pa dang ldan pas mi rtag pa la rtag par gsungs/ rtag pa la mi rtag par gsungs/ bde ba la sdug bsngal bar yang gsungs/ sdug bsngal ba la bde bar gsungs/ yongs su ma dag pa la yongs su dag par gsungs/ yongs su dag pa ni yongs su ma dag par gsungs/ bdag la bdag med par gsungs/ bdag med pa la bdag tu gsungs/ sems can ma yin pa la sems can du gsungs/ sems can la ni sems can ma yin par gsungs/ dngos po ma yin pa la </font><hr>Ka359b<br><font size=+1>


dngos por gsungs/ dngos po la ni dngos po ma yin par gsungs/ mi bden pa la ni bden par yang gsungs/ bden pa la ni mi bden par gsungs/ yul ma yin pa la ni yul du gsungs/ yul la ni yul ma yin par gsungs/ skye ba ma yin pa la skye bar gsungs/ skye ba ni skye ba ma yin par gsungs pa nas/ ma rig pa la ni rig par gsungs/ rig pa ni ma rig par gsungs/ gzugs ni gzugs ma yin par gsungs/ gzugs ma yin pa'ang gzugs su gsungs/ lam ma yin pa ni lam du gsungs/ lam ni lam ma yin pa'i bar du gsungs so| |rigs kyi bu/ de bzhin gshegs pas ni tshad med pa'i thabs mkhas pas sems can gdul ba'i phyir rdzun pa'i bag ga la zhig gsungs/ rigs kyi bu/ sems can la la zhig longs spyod la chags na/ ngas de la 'khor los bsgyur ba'i rgyal por sprul nam lo tshad med pa'i bar du ci dang ci 'dod pa rnam pa sna tshogs byin te/ de'i 'og tu gdod bla na med pa'i yang dag par rdzogs pa'i byang chub la bkod do/ /sems can la la ci ste 'dod pa lnga la chags na lo tshad med pa'i bar du 'dod pa rnam pa lnga'i mchog dam pa la longs spyod du bcug nas| de'i 'og tu gdod bla na med pa yang dag par rdzogs pa'i byang chub la bkod do/ /gal te sems can la la rigs snyems shing nga rgyal can du gyur na/ ngas mi de'i g.yog lo </font><hr>Ka360a<br><font size=+1>


@#/ /tshad med pa'i bar du byas te/ shin tu bsnyen bkur gyis de'i sems mgu bar byas nas de'i 'og tu gdod bla na med pa yang dag pa rdzogs pa'i byang chub la bkod do/ /sems can gang zhig rang bzhin gyis nga rgyal can du gyur te/ gzhan gyis gros gdab cing bcos dgos na/ lo brgya stong gi bar du de la bstan cing bcos nas sems dul bar byas te/ gdod bla na med pa yang dag par rdzogs pa'i byang chub la bkod do/ /rigs kyi bu/ de bzhin gshegs pa ni lo tshad med pa'i bar du thabs rnam pa sna tshogs kyis 'gro ba mang po bla na med pa yang dag par rdzogs pa'i byang chub la bkod pa'ang rdzun pa yin nam/ sangs rgyas bcom ldan 'das ni mi dge ba la gnas kyang pad+mo ltar nyes pa'i 'dam rdzab kyis mi gos so/ /rigs kyi bu/ tshad med pa bzhi'i don yang de ltar shes par bya'o/ /rigs kyi bu| tshad med pa'i sems ni rang bzhin gyis rnam pa bzhi ste/ gang zhig gis nan tan du byas na tshangs pa chen po'i gnas su skye bar 'gyur ro/ /rigs kyi bu/ de ltar tshad med pa rnams la grogs su 'gyur ba rnam pa bzhi yod de/ de bas na bzhi zhes bya'o/ /gang byams pa'i sems la nan tan byed pa ni 'dod chags yongs su chod par </font><hr>Ka360b<br><font size=+1>


'gyur ro/ /snying rje'i sems la nan tan byed pa ni zhe sdang yongs su spong bar 'gyur ro/ /dga' ba'i sems la nan tan byed pa ni mi bde ba yongs su spong bar 'gyur ro/ /btang snyoms kyi sems la nan tan byed pa ni 'dod chags dang zhe sdang ba'i sems yongs su spong bar 'gyur ro/ /rigs kyi bu/ don de lta bas na rnam pa bzhi ste/ gcig gam/ gnyis sam/ gsum du ni ma yin no/ /rigs kyi bu khyod smra ba ltar byams pa'i sems kyis zhe sdang spong ba ltar snying rje'i sems kyang de dang 'dra bas gsum du 'os so zhes de skad ma zer cig /de ci'i phyir zhe na/ rigs kyi bu/ zhe sdang la'ang rnam pa gnyis te/ srog dang dbral ba'i zhe sdang dang / rdeg 'tshog byed pa'i zhe sdang ngo / /byams pa bsgoms pas ni srog dang bral ba'i zhe sdang spong bar 'gyur ro/ /snying rje bsgoms pas ni rdeg 'tshog byed pa'i zhe sdang spong bar 'gyur ro/ /rigs kyi bu/ don de lta bas na tshad med pa ni bzhir 'os pa ma yin nam/ gzhan yang zhe sdang la rnam pa gnyis te/ sems can la zhe sdang ba dang / sems can ma yin pa la zhe sdang ba'o/ /byams pa bsgoms pas ni sems can la zhe sdang ba spong bar 'gyur ro/ /snying rje bsgoms pas ni sems can ma yin pa la zhe sdang ba spong bar 'gyur ro/ /gzhan yang zhe sdang la rnam pa gnyis te/ rgyu rkyen </font><hr>Ka361a<br><font size=+1>


@#/ /dang ldan pa dang / rgyu rkyen dang mi ldan pa'o/ /byams pa bsgoms pas ni rgyu rkyen dang ldan pa spong bar 'gyur ro/ /snying rje bsgoms pas ni rgyu rkyen dang mi ldan pa spong bar 'gyur ro/ /gzhan yang zhe sdang la rnam pa gnyis te/ sngon 'das pa nas goms pa dang / da ltar gyi dus na goms pa'o/ /byams pa bsgoms pas ni sngon 'das pa'i dus kyi goms pa spong bar 'gyur ro/ /snying rje bsgoms pas ni da ltar gyi dus su goms pa spong bar 'gyur ro/ /gzhan yang zhe sdang la rnam pa gnyis te/ 'phags pa la zhe sdang ba dang / bus pa ma rabs la zhe sdang ba'o/ /byams pa'i sems bsgoms pas ni 'phags pa la zhe sdang ba spong bar 'gyur ro/ /snying rje'i sems bsgoms pas ni byis pa ma rabs la zhe sdang ba spong bar 'gyur ro/ /gzhan yang zhe sdang la rnam pa gnyis te/ zhe sdang rab dang / zhe sdang 'bring ngo / /byams pa bsgoms pas na zhe sdang rab spong bar 'gyur ro/ /snying rje sgoms pas ni zhe sdang 'bring spong bar 'gyur ro/ /rigs kyi bu/ don de lta bas na rnam pa bzhir 'os na gsum du zad kyi/ bzhir med do zhes brgal ba'i mi rigs so/ /de bas na/ 'od srung / tshad med pa'i sems la grogs dang gnyen por 'gyur ba ni rnam pa bzhir phye ste bstan pa yin no/ /gzhan yang </font><hr>Ka361b<br><font size=+1>


snod kyi phyir na rnam pa bzhir 'os te/ gal te snod gang la byams pa dang ldan na de la snying rje dang / dga' ba dang / btang snyoms yod pa ma yin te/ don de lta bas na rnam pa bzhi las dbrir med do/ /rigs kyi bu/ spyod pa las bye brag tu 'ang rnam pa bzhir 'os so/ /gal te byams pa spyod pa'i dus na snying rje dang / dga' ba dang / btang snyoms med pas de bas na rnam pa bzhir mngon no/ /rigs kyi bu/ tshad med pa'i phyir rnam pa bzhir 'os so/ /gzhan yang tshad med pa ni rnam pa bzhi yod do/ /chad med pa'i sems kha cig ni dmigs pa yod la dbang du 'gyur ba ma yin pa dang / byams pa'i sems kha cig ni dbang du 'gyur la dmigs pa ma yin pa dang / byams pa'i sems kha cig ni dmigs pa'ang yod la dbang du'ang 'gyur ba dang / byams pa'i sems kha cig ni dmigs pa'ang ma yin/ dbang du 'gyur ba'ang ma yin pa'o/ /de la tshad med pa'i sems gang ni dmigs pa yod la dbang du 'gyur ba ma yin zhe na/ kha cig sems can tshad med mtha' yas pa la dmigs kyang ting nge 'dzin gyi dbang ma thob bam/ ci ste thob kyang ma nges pa'am/ thob kyang phyir nyams pa'o/ /tshad med pa gang zhig dbang du 'gyur yang dmigs pa ma yin zhe na/ 'di lta ste/ dper na/ pha ma dang / phu nu dang / gnyen </font><hr>Ka362a<br><font size=+1>


@#/ /bshes la bde bar bya bar dmigs pa ste/ tshad med par dmigs pa ni ma yin no/ /tshad med pa gang zhig dmigs kyang dmigs la/ dbang du'ang 'gyur ba zhe na/ de ni sangs rgyas dang / byang chub sems dpa' rnams so/ /tshad med pa gang zhig dmigs pa'ang ma yin dbang du 'gyur ba'ang ma yin zhe na/ nyan thos dang / rang sangs rgyas lta bu ni sems can tshad med pa la rgya cher dmigs kyang mi nus la/ dbang du 'gyur ba'ang ma yin no/ /rigs kyi bu/ don de lta bas na tshad med pa ni rnam pa bzhi ste/ nyan thos dang / rang sangs rgyas rnams kyis shes par nus pa ma yin gyi/ sangs rgyas bcom ldan 'das kyi spyod yul lo/ /rigs kyi bu/ de ltar dngos po rnam pa bzhi po 'di ni nyan thos dang rang sangs rgyas la'ang tshad med pa zhes bya mod kyi smos su mi chog go /sangs rgyas bcom ldan 'das rnams ni tshad med mtha' yas pa zhes bya'o/ /byang chub sems dpa' 'od srung gis yang bcom ldan 'das la gsol pa/ bcom ldan 'das/ de de bzhin te/ de de bzhin no/ /bcom ldan 'das kyis gsungs pa bzhin te/ sangs rgyas bcom ldan 'das kyi spyod yul lags kyi/ nyan thos dang / rang sangs rgyas rnams kyi bzod pa ma lags so/ /bcom ldan 'das/ </font><hr>Ka362b<br><font size=+1>


byang chub sems dpa' gang theg pa chen po yongs su mya ngan las 'das pa la gnas nas/ byams pa dang / snying rje'i sems su 'gyur ba las byams pa chen po dang / snying rje chen po'i sems ma lags so zhes bgyi bar 'gyur ba mchis sam/ bcom ldan 'das kyis bka' stsal pa/ yod do/ /rigs kyi bu/ byang chub sems dpa' gang zhig gal te sems can rnams la gnyen dang / dgra sdang ba dang / bar ma rnam pa gsum du phye ste/ gnyen las kyang rab dang 'bring dang tha ma gsum du phye la/ dgra sdang ba la'ang de bzhin du phye nas/ byang chub sems dpa' sems dpa' chen pos gnyen du 'gyur ba'i mchog la ni bde ba'i mchog sbyin/ gnyen gyi 'bring dang tha ma la ni snyoms par bde ba'i mchog tsam byin/ dgra sdang ba'i mchog la ni bde ba'i shas cung zad byin/ dgra sdang ba 'bring la ni bde ba'ang 'bring tsam byin/ dgra sdang ba tha ma ni bde ba'i mchog byin te/ byang chub sems dpa' de bzhin du gong nas gong du dgra sdang ba'i mchog la ni bde ba 'bring tsam byin/ dgra sdang ba 'bring dang tha ma la ni mnyam par bde ba'i mchog sbyin pa la nan tan byed dam/ gong nas gong du rab dang / 'bring dang / tha ma la'ang bde ba'i mchog mnyam par sbyin pa la nan tan byed dam/ gal te dgra sdang ba'i mchog la bde ba'i mchog sbyin par nan </font><hr>Ka363a<br><font size=+1>


@#/ /tan byed na/ de ni byams pa'i sems dang ldan pa zhes bya'o/ /byang chub sems dpa' de'i tshe pha ma dang dgra sdang ba'i mchog la'ang bye brag med cing sems mnyam par gyur kyang / rigs kyi bu/ de la byams pa zhes bya'i/ byams pa chen po ma yin no/ /gsol pa/ bcom ldan 'das/ ci'i slad du byang chub sems dpa' de lta bu'i byams pa dang ldan yang byams pa chen po zhes mi bgyi/ bka' stsal pa/ rigs kyi bu/ shin tu ldan par dka' bas na byams pa chen po zhes mi bya'o/ /de ci'i phyir zhe na/ yun ring po nas bskal pa tshad med pa'i bar du nyon mongs pa mang du bsags la/ dge ba'i chos ma bsgoms pas de bas na nyin gcig gam zhag gcig tsam gyis sems dul bar mi 'gyur ro/ /rigs kyi bu/ 'di lta ste/ dper na/ sran ma skam po la ni khab kyis btsugs kyang mi zug pa dang 'dra bar nyon mongs pa shin tu sra ba'ang de dang 'dra ste/ nyin zhag gcig tsam zhig sems rtse gcig tu gyur te ma yengs kyang shin tu gdul dka'o/ /gzhan yang / dper na/ khyi ni mis mi 'jigs kyi| ri dwags sha ba la sogs pa ni mi la 'jigs te mthong ma thag tu 'bros so/ /zhe sdang shin tu spang dka' ba'ang khyim srung ba'i khyi dang 'dra'o/ /byams pa'i sems shin tu </font><hr>Ka363b<br><font size=+1>


nyams sla ba ni ri dwags sha ba dang 'dra'o/ /de bas na sems ni shin tu gdul dka' bas byams pa chen po zhes mi bya'o/ /rigs kyi bu/ gzhan yang / dper na/ rdo la ri mo bris na rtag tu yod do/ /chu la ri mo bris na de ma thag tu med par 'gyur te mi gnas so/ /zhe sdang ni rngo la ri mo bris pa dang 'dra'o/ /dge ba'i rtsa ba ni chu la ri mo bris pa dang 'dra ste/ de bas na sems 'di ni shin tu gdul dka'o/ /gzhan yang / dper na/ me'i phung po chen po'i 'od ni yun ring du yod do/ /glog gi 'od ni skad cig ma ste mi gnas so/ /zhe sdang ni me'i phung po dang 'dra'o/ /byams pa ni glog gi 'od dang 'dra ste/ de bas na sems 'di ni shin tu gdul dka' ba ste/ don de bas na byams pa chen po zhes mi bya'o/ /rigs kyi bu/ byang chub sems dpa' chen po sa dang po la gnas pa ni byams pa chen po zhes bya'o/ /de ci'i phyir zhe na/ rigs kyi bu/ sdig to can gyi mchog ni log sred can zhes bya ste/ sa dang po la gnas pa'i byang chub sems dpas byams pa chen po bsgom pa ni log sred can la'ang bye brag gi sems med la nyes pa mi mthong bas zhe sdang mi skyed de/ don de lta bas na byams pa chen po zhes bya'o/ /rigs kyi bu/ sems can thams cad kyi phan pa dang bde bar mi 'gyur ba yongs su sel ba ni byams pa chen po zhes bya'o/ /sems can mang po la phan pa dang bde ba tshad med pa </font><hr>Ka364a<br><font size=+1>


@#/ /byin pa ni snying rje chen po zhes bya'o/ /sems can thams cad la dga' ba'i sems bskyed pa ni dga' ba chen po zhes bya'o/ /skyo ba med pa ni btang snyoms chen po zhes bya'o/ /bdag dang / chos dang / mtshan nyid dang / bdag gi lus su mi mthong zhing / chos thams cad mnyam pa nyid du lta ba ni btang snyoms chen po zhes bya'o/ /bdag gi bde btang nas gzhan la byin pa ni btang snyoms chen po zhes bya'o/ /rigs kyi bu/ tshad med pa bzhi tsam gyis byams pa dag pha rol tu phyin pa drug skye zhing rdzogs par 'gyur gyi/ spyod pa gzhan gyis ma yin no/ /rigs kyi bu/ byang chub sems dpa' sems dpa' chen pos ni sngar 'jig rten gyi tshad med pa bzhi'i sems thob nas gdod bla na med pa yang dag par rdzogs pa'i byang chub tu sems bskyed par 'gyur te/ rim gyis 'jig rten las 'das pa'ang thob par 'gyur ro/ /rigs kyi bu/ 'jig rten gyi tshad med pa'i rgyu las 'jig rten las 'das pa'i tshad med pa thob par 'gyur te/ de bas na tshad med pa chen po zhes bya'o/ /byang chub sems dpa' 'od srung gis bcom ldan 'das la gsol pa/ bcom ldan 'das/ phan pa dang bde bar mi 'gyur ba yongs su sel cing phan pa dang bde bar bya ba bsams pa ni bsams pa tsam du zad kyi/ yang dag par phan pa dang bde bar </font><hr>Ka364b<br><font size=+1>


mi 'gyur ro/ /bcom ldan 'das/ dper na/ dge slong mi gtsang ba la rtog pa ni lus la gyon pa'i gos kyang phags par mthong mod kyi/ yang dag par phags pa ma lags so/ /zas rnams kyang srin bur 'du shes mod kyi/ yang dag par srin bu ma lags so/ /sran tshod 'thung ba'ang mi gtsang ba'i khu bar 'du shes mod kyi/ yang dag par mi gtsang ba'i khu ba ma lags so/ / zho la rkang ngam klad pa lta bur 'du shes mod kyi/ yang dag par na klad pa ma lags so/ /phye la rus phyer 'du shes mod kyi/ yang dag par na rus phye ma lags so/ /tshad med pa bzhi'i sems kyang de dang 'dra ste/ yang dag par sems can la phan pa dang bde bar 'gyur ba ni ma lags kyi/ kha tsam zhig sems can la bde ba sbyin no zhes smras kyang yang dag par bde bar mi 'gyur na/ de lta bur sems pa de rdzun pa ma lags sam/ bcom ldan 'das/ ci ste rdzun pa ma lags la yang dag par bden par 'gyur ba zhig na/ ci'i slad du sems can thams cad la sangs rgyas dang / byang chub sems dpa' rnams kyi byin gyi rlabs kyis thams cad bde ba myong bar mi mdzad/ ci ste yang dag par bde bar mi 'gyur na/ bcom ldan 'das kyis gsungs pa las ngas mngon du dran pa sngon byams pa'i sems 'ba' zhig la nan tan byas pa tsam gyis bskal pas 'jig rten gyi khams 'di lan bdun </font><hr>Ka365a<br><font size=+1>


@#/ /bkrus kyi bar du 'jig rten gyi khams 'dir ma skyes te/ 'jig rten chags pa'i dus na ni tshangs pa'i lhar skyes/ 'jig rten zhig pa'i dus na ni 'og min gnam gyi lhar skyes so/ /tshangs pa'i lhar skyes pa na dbang dang mthur ldan te/ gzhan gyis zil gyis mi non la tshangs pa stong gi nang na mchog tu gyur/ phul du gyur te/ tshangs pa chen po'i rgyal por skyes nas sems can thams cad kyis bdag la gtso bor 'du shes skyes so/ /lan sum cu rtsa drug gi bar du sum cu rtsa gsum gnam gyi lha'i dbang po brgya byin lha'i dbang phyug tu skyes so/ /skye ba tshad med pa brgya stong gi bar du 'khor los bsgyur ba'i rgyal por skyes so zhes gsungs te/ byams pa'i sems 'ba' zhig bsgoms pas lha dang / mi'i longs spyod phun sum tshogs pa thob pas na/ ci ste mi bden na 'di skad du gsungs pa dang yang cis ldan par 'gyur/ bcom ldan 'das kyis bska' stsal pa/ legs so/ /legs so/ /rigs kyi bu khyod ni shin tu dpa' bas mi 'jigs pa dang ldan no/ /de nas 'od srung la tshigs su bcad de bka' stsal pa/ gang zhig sems can gcig tsam la/ /zhe sdang sems ni mi skyed cing / /de la bde bar 'dod pa ni/ /shin tu byams pa zhes bya'o/ /gang zhig sems can thams cad la/ snying rje ba yi sems </font><hr>Ka365b<br><font size=+1>


bskyed pa/ /de ni 'phags pa'i rigs zhes bya/ /bsod nams chad med thob par 'gyur/ /ci ste mngon shes lnga ldan pa'i/ /drang srong sa chen gang par gyur/ /dbang dang ldan pa'i rgyal po zhig bde ba thams cad byin na ni/ /rta dang ba lang nor sna tshogs/ /de yis bsod nams thob pa ni/ /byams pa bsgoms pa'i bsod nams kyis/ /bcu drug cha gcig tsam mi phod/ /rigs kyi bu/ byams pa bsgoms pa ni rdzun ma yin te yang dag par bden pa'o/ /nyan thos dang / rang sangs rgyas kyi byams pa ni rdzun pa zhes bya'o/ /sangs rgyas dang / byang chub sems dpa'i byams pa ni yang dag pa ste mi rdzun par mi mngon zhe na/ rigs kyi bu/ byang chub sems dpa' sems dpa' chen po 'di ltar yongs su mya ngan las 'das pa chen po la gnas pa ni sa la'ang gser du mthong gser la'ang sar mthong ste/ sa la ni chur mthong / chu la'ang sar mthong / chu la ni mer mthong / me la'ang chur mthong / sa la ni rlung du mthong / rlung la'ang sar mthong ste/ yid bzhin du grub pas rdzun pa med do/ /sems can yang dag pa la ni sems can ma yin par mthong / sems can ma yin pa la ni yang dag par sems can du mthong ste/ yid bzhin du grub pas rdzun pa med do/ /rigs kyi bu/ de bas na byang chub sems pa'i tshad med pa bzhi'i sems kyis bsam pa ni yang dag pa'o/ /gzhan yang / rigs kyi bu/ de la ji ltar na yang </font><hr>Ka366a<br><font size=+1>


\page missing\ </font><hr>Ka366b<br><font size=+1>


\page missing\ </font><hr>Ka367a<br><font size=+1>


@#/ /pa yongs su rdzogs par mi 'gyur ro/ /gal te sbyin pa'i pha rol tu phyin pa yongs su ma rdzogs na bla na med pa yang dag par rdzogs pa'i byang chub mi 'grub bo| |rigs kyi bu/ 'di lta ste/ dper na/ mi zhig dug mdas phog pa las/ mi de'i gnyen bshes dag de'i dug bsal cing bde bar bya ba'i phyir sman pa mkhas pa gnyer nas dug mda' dbyung ba las mi de 'di skad ces zer ro/ /re zhig kho bo'i lus la ma reg par sdod cig /bdag gis dug mda' 'di gang phyogs nas 'ongs/ su 'phangs/ rgyal rigs sam/ bram ze'am/ rigs ngan gyis 'phangs sam/ ga las 'ongs pa brtags te bya'o/ /yang mda' nyid shing ngam/ smyig ma'am/ 'on te lcang ma'am/ mde'u nyid kyang sus brdungs/ rno lcags sam/ gnyen lcags sam/ mda' sgro nyid kyang bya ci zhig gi sgro/ bya rgod dam/ byan lag gi sgro'am/ dug nyid kyang ga las byung / sus byas pa zhig /'on te rang byung ba zhig gam/ 'on te mis byas pa'i dug gam/ 'on te sbrul gdug pa'i dug yin nam/ de ltar glen pas brtags kyang rtogs par ma gyur te/ de ma thag tu tshe 'phos so/ / rigs kyi bu/ byang chub sems dpa' yang de dang 'dra ste/ sbyin pa byin pa na bye brag tu rnam par 'byed de/ 'di ni sbyin pa/ 'di ni len pa'o/ /'di ni tshul khrims bsrung ba/ 'di ni </font><hr>Ka367b<br><font size=+1>


tshul khrims ngan pa can no zhes bya ba nas/ 'bras bu rnam par smin pa'i bar du bye brag tu 'byed pas nam du'ang sbyin par mi 'gyur ro/ /gal te sbyin pa ma sbyin na sbyin pa'i pha rol tu phyin pa yongs su rdzogs par mi 'gyur ro/ /gal te sbyin pa'i pha rol tu phyin pa yongs su ma rdzogs na bla na med pa yang dag par rdzogs pa'i byang chub tu mi 'grub po/ /rigs kyi bu/ byang chub sems dpa' sems dpa' chen po sbyin pa spyod pa na/ sems can thams cad la byams pa'i sems mnyam pa ni bu gcig pa dang 'dra bar 'du shes so/ /gzhan yang sbyin pa byin pa na sems can thams cad la snying rje'i sems bskyed pa ni ji ltar pha mas bu gcig pa na ba'i nad g.yog byed pa dang 'dra'o/ /sbyin pa spyod pa na sems rab tu dga' ba ni ji ltar pha mas bu'i nad gsos pa mthong ba dang 'dra'o/ /sbyin pa byin nas sems btang snyoms su 'gyur ba ni/ dper na/ pha mas bu gcig pa skyed rdzogs te shed bye nas rang gsos par mthong ba dang 'dra'o/ /de ltar byang chub sems dpa' sems dpa' chen po byams pa'i sems kyis kha zas kyi bag sbyin pa byin pa na 'di ltar smon lam 'debs te/ bdag gi sbyin pa byin pa 'di sems can thams cad dang thun mong du gyur cig /de'i rgyu de'i rkyen gyis sems can thams cad kyis ye shes chen po'i zas thob cing bla na med pa'i theg pa chen por bsngo ba la brtson </font><hr>Ka368a<br><font size=+1>


@#/ /par gyur cig /sems can thams cad kyis dge ba'i ye shes kyi zas thob cing nyan thos dang rang sangs rgyas kyi zas tshol bar ma gyur cig /sems can thams cad kyis chos kyi dga' ba'i zas thob cing 'dod pa'i zas tshol bar ma gyur cig /sems can thams cad kyis shes rab kyi pha rol tu phyin pa'i zas thob cing thams cad yongs su rdzogs par 'gyur ba dang / thogs pa med pa'i mchog gi dge ba'i rtsa ba sdud par gyur cig /sems can thams cad kyis stong pa nyid kyi mtshan nyid rtogs shing thogs pa med pa'i lus thob nas nam mkha' lta bur gyur cig /sems can thams cad rtag tu sbyin pa len par 'gyur zhing thams cad la byams pa dang / brtse ba dang / kun gyi bsod nams kyi zhing du gyur cig /ces smon lam 'debs so/ /rigs kyi bu/ byang chub sems dpa' sems dpa' chen po byams pa'i sems kyis zas kyi sbyin pa byin pa na smon lam de dag bskyed pa la shin tu brtan par bya'o/ /rigs kyi bu/ gzhan yang byang chub sems dpa' sems dpa' chen po byams pa'i sems kyis btung ba'i skom sbyin pa byin pa na 'di ltar smon lam 'debs te| bdag gi sbyin pa byin pa 'di sems can thams cad dang thun mong du gyur cig /de'i rgyu de'i rkyen gyis sems can thams cad theg pa chen po'i chu bor 'jug pa dang / ro rnam pa brgyad </font><hr>Ka368b<br><font size=+1>


dang ldan pa'i chu 'thung zhing myur du bla na med pa'i byang chub kyi lam la bgrod pa dang / nyan thos dang / rang sangs rgyas kyi skom pas gdung ba spong ba dang / bla na med pa'i sangs rgyas kyi theg pas mi ngoms pa dang / nyon mongs pas gdung ba yongs su spong zhing chos kyi ros mi ngoms pa dang / 'khor ba'i 'dod pa spong zhing theg pa chen po yongs su mya ngan las 'das pa la mos pa dang / chos kyi sku yongs su rdzogs pa dang / ting nge 'dzin rnams thob pa dang / shin tu zab pa'i ye shes kyi rgya mtshor zhugs par gyur cig /sems can thams cad kyis bdud rtsi'i ro myong zhing / byang chub sems dpa' 'jig rten du byung ba'i 'dod pa spangs nas rab tu bde ba'i ro myong bar gyur cig /sems can thams cad kyis chos kyi ro tshad med pa brgya stong ji snyed dang ldan par 'gyur zhing chos kyi ro dang ldan par gyur nas sangs rgyas kyi rang bzhin mthong bar gyur cig /sangs rgyas kyi rang bzhin mthong nas chos kyi char rab tu 'bebs par gyur cig /chos kyi char rab tu phab nas nam mkha' ltar sangs rgyas kyi rang bzhin gyis kun tu khebs shing chad med pa'i sems can thams cad kyis nyan thos dang rang sangs kyi ro ma yin pa/ theg pa chen po'i chos kyi ro gcig pa thob par gyur cig /sems can thams cad kyis rnam pa drug tu gyur pa'i ro ma yin pa mngar ba'i ro gcig pa thob par gyur </font><hr>Ka369a<br><font size=+1>


@#/ /cig/ sems can thams cad kyis chos kyi ro 'ba' zhig tshol zhing thogs pa med pa'i sangs rgyas kyi chos spyod pa'i ro las ro gzhan tshol bar ma gyur cig |rigs kyi bu/ byang chub sems dpa' sems dpa' chen po byams pa'i sems kyis btung ba'i skom sbyin pa byin pa na smon lam 'di dag la shin tu brtan par bya'o/ / rigs kyi bu/ gzhan yang byang chub sems dpa' sems dpa' chen pos byams pa'i sems kyis theg pa sbyin pa byin pa na/ 'di ltar smon lam 'debs so/ /bdag gis sbyin pa byin pa 'di sems can thams cad dang thun mong du gyur cig /de'i rgyu de'i rkyen gyis sems can thams cad theg pa chen po rdzogs pa dang / theg pa chen po la gnas pa dang / phyir mi ldog pa'i theg pa dang / mi g.yo ba'i theg pa dang / rdo rje gdan gyi theg pa dang / nyan thos dang / rang sangs rgyas mi tshol ba'i theg pa dang / sangs rgyas kyi theg pa la 'bab pa dang / mi phrogs pa'i theg pa dang / mi zhan pa'i theg pa dang / phyir mi nur ba'i theg pa dang / bla na med pa'i theg pa dang / stobs bcu'i theg pa dang / yon tan chen po'i theg pa dang / rmad du byung ba'i theg pa dang / ngo mtshar che ba'i theg pa dang / shin tu rnyed dka' ba'i theg pa dang / mtha' yas pa'i theg pa dang / thams cad mkhyen pa'i theg pas bteg par </font><hr>Ka369b<br><font size=+1>


gyur cig /rigs kyi bu/ byang chub sems dpa' sems dpa' chen po byams pa'i sems kyis theg pa sbyin pa byin pa na rtag tu smon lam de dag bskyed pa la brtan par bya'o/ /rigs kyi bu/ gzhan yang byang chub sems dpa' sems dpa' chen po bgo ba'i gos sbyin pa byin pa na/ 'di ltar smon lam 'debs so/ /bdag gis sbyin pa byin pa 'di sems can thams cad dang thun mong du gyur cig /de'i rgyu de'i rkyen gyis sems can thams cad 'dzem pa dang ngo tsha ba'i gos dang ldan zhing / chos kyi dbyings kyis lus khebs nas lta ba mang pos glags pa'i gos dral ba dang / gos kyis lus la khru gang gis mi reg pa dang / gser gyi mdog can gyi lus thob pa dang / reg bya rnams shin tu 'jam pa dang / 'od gsal zhing thogs pa med pa dang / mdog 'tsher cing phags pa 'jam la 'od rtag tu tshad med pa dang / gzugs med cing gzugs dang bral bar gyur cig /sems can thams cad kyis gzugs med pa'i lus thob cing gzugs thams cad las 'das pa dang / gzugs med pa'i yongs su mya ngan las 'das pa chen po la zhugs par gyur cig /ces smon lam 'debs so/ /rigs kyi bu/ byang chub sems dpa' sems dpa' chen pos gos kyi sbyin pa byin pa na/ de ltar smon lam bskyed pa la brtan par bya'o/ /rigs </font><hr>Ka370a<br><font size=+1>


@#/ /kyi bu/ gzhan yang byang chub sems dpa' sems dpa' chen po byams pa sgom pa na/ me tog dang / byug spos dang / spos phye ma dang / bsung can sbyin pa byin pa'i tshe 'di ltar smon lam 'debs so/ /bdag gis sbyin pa byin pa 'di sems can thams cad dang thun mong du gyur cig /de'i rgyu de'i rkyen gyis sems can thams cad kyis sangs rgyas ku su ma'i ting nge 'dzin thob cing / byang chub kyi yan lag bdun gyi cod pan mgo la thogs par shog cig /sems can thams cad gzugs zla ba nya ba dang 'dra bar 'gyur zhing / mthong ba'i gzugs thams cad kyang phul du gyur par shog cig /sems can thams cad kyis mtshan nyid gcig pa'i bsod nams brgyas yongs su brgyan par shog cig sems can thams cad kyis yid bzhin du yid du 'ong ba'i gzugs mthong bar shog cig /sems can thams cad kyis rtag tu dge ba'i bshes gnyen dang phrad cing thogs pa med pa'i gsung thob nas/ mi gtsang ba rnams dang bral bar shog cig /sems can thams cad kyis dge ba'i rtsa ba bla na med pa rin po che lta bu dang ldan par shog cig /sems can thams cad gcig la gcig mthong ba tsam gyis dga' zhing mdza' ba dang / sdug bsngal bar 'gyur ba'i mya ngan med pa dang / so sor dge ba dang ldan zhing gcig la gcig mi </font><hr>Ka370b<br><font size=+1>


gnod par shog cig /sems can thams cad tshul khrims kyi bsung dang ldan par shog cig dang / sems can thams cad thogs pa med pa'i tshul khrims bsrung zhing / de'i dri bsung gis phyogs bcur yongs su mngad par shog cig /sems can thams cad shin tu brtan pa'i tshul khrims dang / 'gyod pa med pa'i tshul khrims dang / thams cad mkhyen pa'i ye shes kyi tshul khrims dang / tshul khrims ngan pa yongs su spangs pa'i tshul khrims dang / thams cad med pa'i tshul khrims dang sngon ma byung ba'i tshul khrims dang / mkhan po med pa'i tshul khrims dang / bya ba med pa'i tshul khrims dang / gdung ba med pa'i tshul khrims dang / nyon mongs pa med pa'i tshul khrims dang / mthar phyin pa'i tshul khrims dang / mnyam pa'i tshul khrims dang ldan zhing / spos kyi lde gus lus la byug pa dang / mtshon gyis 'debs shing 'dzugs pa la mnyam par byams sdang med par shog cig /sems can thams cad bla na med pa'i tshul khrims thob pa dang / theg pa chung ngu'i tshul khrims ma yin pa theg pa chen po'i tshul khrims dang ldan par shog cig /sems can thams cad tshul khrims kyi pha rol tu phyin pa dang ldan te/ sangs rgyas bcom ldan 'das kyi lhun gyis grub pa'i tshul khrims dang ldan par shog cig /sems can thams cad sbyin pa dang / tshul </font><hr>Ka371a<br><font size=+1>


@#/ /khrims dang / bzod pa dang / brtson 'grus dang / bsam gtan dang / shes rab la goms par shog cig /sems can thams cad yongs su mya ngan las 'das pa chen po'i pad+mo dam pa dang ldan zhing / pad+mo'i dri bsung gis phyogs bcur yongs su mngad par shog cig /sems can thams cad theg pa chen po yongs su mya ngan las 'das pa bla na med pa'i zas bsung can dang ldan zhing / ji ltar bung ba dag me tog gi kha dog dang bsung la mi gnod pa ltar sems can thams cad yon tan tshad med pa las grub pa'i las dang ldan par shog cig /ces smon lam 'debs so/ /rigs kyi bu/ byang chub sems dpa' sems dpa' chen po byams pa'i sems kyis me tog dang spos kyi sbyin pa byin pa na rtag tu smon lam 'di dag gdab pa la brtan par bya'o/ /rigs kyi bu/ gzhan yang byang chub sems dpa' sems dpa' chen po byams pa'i sems kyis khri stan dang gding ba sbyin pa byin pa na 'di ltar smon lam 'debs so/ /bdag gis sbyin pa byin pa 'di sems can thams cad dang thun mong du gyur cig /de'i rgyu de'i rkyen gyis sems can thams cad lha'i lha nyal ba'i khri dang ldan par gyur cig /shes rab chen po dang ldan zhing bsam gtan bzhi'i gnas la 'dug pa dang / byang chub sems dpa' nyal ba'i khri stan la </font><hr>Ka371b<br><font size=+1>


nyal ba dang / nyan thos dang rang sangs rgyas kyi khri stan la mi nyal ba dang / ngan pas nyal ba'i khri stan yongs su spong bar shog cig /sems can thams cad shin tu bde bar nyal zhing / 'khor ba'i khri stan yongs su spangs te/ yongs su mya ngan las 'das pa seng ge'i khri stan dang ldan par shog cig /sems can thams cad khri stan de la 'dug nas kyang de ma yin pa'i sems can tshad med pa gzhan la'ang mngon par shes pa seng ge rnam par rol pa mngon du ston par shog cig /sems can thams cad theg pa chen po'i gzhal med khang chen po 'di la gnas nas sems can thams cad la'ang sangs rgyas kyi rang bzhin ston par shog cig /sems can thams cad bla na med pa'i khri stan la 'dug nas 'jig rten gyi chos kyis mi 'phrogs par shog cig /sems can thams cad bzod pa'i khri stan thob nas 'khor ba'i bkres grang gi mu ge las bral bar shog cig /sems can thams cad 'jigs pa med pa'i khri stan thob nas nyon mongs pa'i dgra thams cad spong bar shog cig /sems can thams cad rnam par dag pa'i khri stan thob nas bla na med pa yang dag par rdzogs pa'i byang chub 'ba' zhig la brtson par shog cig /sems can thams cad dge ba la gnas pa'i khri stan thob nas rtag tu dge ba'i bshes gnyen gyis skyob par shog cig /sems can thams </font><hr>Ka372a<br><font size=+1>


@#/ /cad glo g.yas pas nyal ba'i khri stan thob nas sangs rgyas rnams kyis mdzad pa'i chos la gnas par shog cig /ces smon lam 'debs so/ /rigs kyi bu/ byang chub sems dpa' sems dpa' chen pos de ltar byams pa'i sems kyis khri stan dang gding ba sbyin pa byin pa na de ltar smon lam gdab pa la brtan par bya'o/ /rigs kyi bu/ gzhan yang byang chub sems dpa' sems dpa' chen po byams pa'i sems kyis khang khyim gyi sbyin pa byin pa na 'di ltar smon lam 'debs so/ /bdag gis sbyin pa byin pa 'di sems can thams cad dang thun mong du gyur cig /de'i rgyu de'i rkyen gyis sems can thams cad theg pa chen po'i khang par gnas shing dge ba'i bshes gnyen dag spyod pa la nan tan du spyod pa dang / snying rje chen po la nan tan du byed pa dang / pha rol tu phyin pa drug la nan tan du spyod pa dang / yang dag par rdzogs pa'i sangs rgyas kyi mdzad pa la spyod pa dang / byang chub sems dpa' thams cad kyis spyod pa'i lam la spyod pa dang / nam mkha' ltar mtha' yas shing rgya che ba la spyod par shog cig /sems can thams cad yang dag pa'i dran pa dang ldan zhing ngan par rtog pa yongs su spong bar shog cig /sems can thams cad rtag pa dang / bde ba dang / bdag dang / yongs su dag </font><hr>Ka372b<br><font size=+1>


ba la bde bar gnas shing phyin ci log bzhi yongs su spong bar shog cig /sems can thams cad 'jig rten las 'das pa'i yi ge dang 'bru 'dzin par shog cig /sems can thams cad bla na med pa thams cad mkhyen pa'i ye shes kyi snod du nges par shog cig /sems can thams cad bdud rtsi'i khang par 'jug par shog cig /sems can thams cad thog ma dang / bar ma dang / tha ma'i sems kun gyis rtag tu yongs su mya ngan las 'das pa'i khang par zhugs par shog cig /sems can thams cad ma 'ongs pa'i dus su byang chub sems dpa'i gzhal med khang du rtag tu gnas par shog cig /ces smon lam 'debs so/ /rigs kyi bu/ byang chub sems dpa' sems can chen pos byams pa'i sems kyis gnas pa'i khang khyim sbyin pa byin pa na rtag tu smon lam 'di dag bskyed pa la brtan par bya'o/ /rigs kyi bu/ gzhan yang byang chub sems dpa' sems dpa' chen po byams pa'i sems kyis mar me'i snang ba sbyin pa byin pa na 'di ltar smon lam 'debs so/ /bdag gis sbyin pa byin pa 'di sems can thams cad dang thun mong du gyur cig /de'i rgyu de'i rkyen gyis sems can thams cad tshad med pa'i 'od dang ldan zhing sangs rgyas kyi chos la bde bar gnas par shog cig /sems can thams cad rtag tu snang bas kun tu gsal bar shog cig /sems </font><hr>Ka373a<br><font size=+1>


@#/ /can thams cad mdog dam pa dang ldan te phul du gyur pa'i mdog 'tsher ba dang ldan par shog cig /sems can thams cad shin tu rnam par dag pa'i mig dang ldan te ldongs pa'i rab rib chod par shog cig /sems can thams cad thams cad mkhyen pa'i ye shes kyi sgron ma dang ldan te/ bdag med pa dang / sems can med pa dang / gang zag med pa dang / srog med pa la shin tu mkhas par shog cig /sems can thams cad sangs rgyas kyi rang bzhin yongs su dag pa nam mkha' lta bur mthong bar shog cig /sems can thams cad shin tu rnam par dag pa'i mig dang ldan te/ phyogs bcu'i 'jig rten gyi khams gang+gA'i klung gi bye ma snyed kyang gsal bar mthong bar shog cig /sems can thams cad sangs rgyas kyi 'od dang ldan te phyogs bcur snang bar shog cig /sems can thams cad thogs pa med pa'i mig dang ldan te/ thams cad kyis sangs rgyas kyi rang bzhin yongs su dag pa mthong bar shog cig /sems can thams cad ye shes chen po'i snang ba thob cing mun pa thams cad dang log sreg can thams cad bcom par shog cig /sems can thams cad tshad med pa'i 'od dang ldan zhing chad med pa'i sangs rgyas kyi zhing kun snang bar shog cig /sems can thams cad theg pa chen po'i sgron me 'dzugs shing / /theg pa chung ngu gnyis kyi sgron me spong bar shog </font><hr>Ka373b<br><font size=+1>


cig /sems can thams cad snang ba'i 'od dang ldan zhing / ma rig pa'i mun pa bsal nas nyi ma stong pas lhag pa'i kun tu snang ba'i yon tan dang ldan par shog cig /sems can thams cad tshad med pa'i me'i 'od kyi nor bu zhes bya ba'i snang ba thob nas/ stong gsum gyi stong chen po'i 'jig rten khams kyi mun pa nag thams cad bsal bar shog cig /sems can thams cad spyan lnga dang ldan te/ chos rnams kyi mtshan nyid rtogs pa dang / ston pa mi dgos par rang gis rig par shog cig /sems can thams cad ma rig pa la mi lta bar shog cig /sems can thams cad theg pa chen po yongs su mya ngan las 'das pa'i 'od zer gyis sems can thams cad la sangs rgyas kyi rang bzhin yang dag par ston par shog cig /ces smon lam 'debs so/ /rigs kyi bu/ byang chub sems dpa' sems dpa' chen po byams pa'i sems kyis mar me'i snang ba sbyin pa byin pa na rtag tu smon lam 'di dag bskyed pa la brtan par bya'o// //'phags pa yongs su mya ngan las 'das pa chen po'i mdo/ bam po nyi shu rtsa gcig pa/ rigs kyi bu/ nyan thos dang / rang sangs rgyas dang / byang chub sems dpa' dang / bcom ldan 'das rnams kyis dge ba'i rtsa bar 'gyur ba'i gzhi ni byams pa yin no/ /rigs kyi bu/ byang chub sems dpa' sems dpa' chen po byams pa'i sems la nan tan byed pa na tshad med pa'i dge ba'i rtsa ba 'di dag skye bar </font><hr>Ka374a<br><font size=+1>


@#/ /'gyur ro/ /'di lta ste/ mi sdug pa la rtog pa dang / dbugs phyi nang du rgyu ba bgrang ba dang / mi rtag pa dang / 'gog pa dang / dran pa nye bar gzhag pa bzhi dang thabs mkhas pa bdun dang / rtog pa'i gnas gsum dang / rten cing 'brel te 'byung ba bcu gnyis dang / bdag med pa la sogs pa rtog pa dang / drod dang / spyi bo dang / bzod pa dang / 'jig rten mchog gi chos dang / mthong ba'i lam dang / bsgom pa'i lam dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag bdun dang / 'phags pa'i lam gyi yan lag brgyad dang / bsam gtan bzhi dang / tshad med pa bzhi dang / rnam par thar pa brgyad dang / mchog gi gnas brgyad dang / thams cad 'jug pa bcu dang / stong pa nyid dang / mtshan med pa dang / smon pa med pa dang / rtsod pa med pa'i ting nge 'dzin dang / pha rol po'i sems shes pa'i ye shes dang / mngon par shes pa rnams dang / thog ma'i mtha' shes pa'i ye shes dang / nyan thos kyi ye shes dang / rang sangs rgyas kyi ye shes dang / byang chub sems dpa'i ye shes dang / sangs rgyas kyi ye shes la sogs pa chos de dag thams cad kyi gzhir 'gyur pa ni byams pa yin no/ /rigs kyi bu/ de bas na byams pa ni yang dag par bden pa ste/ </font><hr>Ka374b<br><font size=+1>


rdzun pa ma yin no/ /rigs kyi bu/ ci ste gcig gis dge ba'i rtsa ba thams cad kyi gzhir 'gyur ba gang yin zhes 'dri na/ byams pa yin no zhes gyis shig /de bas na yang dag pa ste/ rdzun pa ma yin no/ /rigs kyi bu/ dge bar 'gyur pa ni yang dag par sems pa'o/ /yang dag par sems pa ni byams pa'o/ /byams pa ni de bzhin gshegs pa'o/ /byams pa ni theg pa chen po'o/ /theg pa chen po ni byams pa'o/ /byams pa ni de bzhin gshegs pa'o/ /rigs kyi bu/ byams pa ni byang chub kyi lam mo/ /byang chub kyi lam ni de bzhin gshegs pa'o/ /de bzhin gshegs pa ni byams pa'o/ /rigs kyi bu/ byams pa ni tshangs pa chen po'o/ /tshangs pa chen po ni byams pa'o/ /byams pa ni de bzhin gshegs pa'o/ /rigs kyi bu/ /byams pa ni sems can thams cad kyi pha ma lta bu yin no/ /pha ma ni byams pa'o/ /byams pa ni de bzhin gshegs pa'o/ /rigs kyi bu/ byams pa ni bsam gyis khyab pa'o/ /bsam gyis mi khyab pa ni sangs rgyas kyi spyod yul lo/ /sangs rgyas rnams kyi spyod yul ni byams pa'o/ /de bas na byams pa ni de bzhin gshegs pa yin par rig par bya'o/ /rigs kyi bu/ byams pa ni sems can gyi sangs rgyas kyi rang bzhin no/ /de ltar sangs rgyas kyi rang bzhin de'ang yun ring po nas nyon mongs pa zil gyis gnang te bsgribs pas sems can rnams kyis mthong ngo / /de </font><hr>Ka375a<br><font size=+1>


@#/ /ltar sangs rgyas kyi rang bzhin ni byams pa'o/ /byams pa ni de bzhin gshegs pa'o/ /rigs kyi bu/ byams pa ni stong pa chen po'o/ /stong pa chen po ni byams pa chen po'o/ /byams pa ni de bzhin gshegs pa'o/ /rigs kyi bu/ byams pa ni nam mkha'o/ /nam mkha' ni byams pa'o/ /byams pa ni de bzhin gshegs pa'o/ /rigs kyi bu/ byams pa ni rtag pa'o/ /rtag pa ni chos so/ /chos ni dge 'dun no/ /dge 'dun ni byams pa'o/ /byams pa ni de bzhin gshegs pa'o/ /rigs kyi bu/ byams pa ni bde ba'o/ / bde ba ni chos so/ /chos ni dge 'dun no/ /dge 'dun ni byams pa'o/ /byams pa ni de bzhin gshegs pa'o/ /rigs kyi bu/ byams pa ni yongs su dag pa'o/ /yongs su dag pa ni chos so/ /chos ni dge 'dun no/ /dge 'dun ni byams pa'o/ /byams pa ni de bzhin gshegs pa'o/ /rigs kyi bu/ byams pa ni bdag ces bya'o/ /bdag ni chos so/ /chos ni dge 'dun no/ /dge 'dun ni byams pa'o/ /byams pa ni de bzhin gshegs pa'o/ /rigs kyi bu/ byams pa ni bdud rtsi'o/ /bdud rtsi ni byams pa'o/ /byams pa ni sangs rgyas kyi rang bzhin no/ /sangs rgyas kyi rang bzhin ni chos so/ /chos ni dge 'dun no/ /dge 'dun ni byams pa'o/ /byams pa ni de bzhin gshegs pa'o/ /rigs kyi bu/ byams pa ni byang chub sems </font><hr>Ka375b<br><font size=+1>


dpa' thams cad kyi bla na med pa'i byang chub bo/ /byang chub ni byams pa'o/ /byams pa ni de bzhin gshegs pa'o/ /rigs kyi bu/ byams pa ni sangs rgyas bcom ldan 'das thams cad kyi tshad med pa'i spyod yul lo/ /tshad med pa'i spyod yul ni byams pa'o/ /de bas na byams pa ni de bzhin gshegs pa yin par rig par bya'o/ /rigs kyi bu/ byams pa ni mi rtag pa'o/ /mi rtag pa ni byams pa'o/ /byams pa 'di ni nyan thos kyi byams pa yin par rig par bya'o/ /rigs kyi bu/ byams pa de sdug bsngal ba yin na sdug bsngal ba ni byams pa yin no/ / de bas na byams pa de ni nyan thos kyi byams pa yin par rig par bya'o/ /rigs kyi bu/ byams pa yongs su ma dag pa yin na yongs su dag pa'i byams pa'o /de bas na byams pa de ni nyan thos kyi byams pa yin par rig par bya'o/ /rigs kyi bu/ byams pa ni bdag med pa yin no/ /bdag med pa ni byams pa'o/ /de bas na byams pa de ni nyan thos kyi byams pa'o/ / rigs kyi bu/ byams pa ni mi bden pa'o/ /mi bden pa ni byams pa'o/ /byams pa de ni nyan thos kyi byams pa'o/ /rigs kyi bu/ nyan thos kyi byams pa ni sbyin pa'i pha rol tu phyin pa ma yin na/ sbyin pa ni byams pa ma yin te/ byams pa de ni nyan thos kyi byams pa'o/ /shes rab kyi pha rol tu phyin pa'i bar du'ang de bzhin du rgyas par rig par bya'o/ /rigs kyi bu/ </font><hr>Ka376a<br><font size=+1>


@#/ /byams pa gang zhig sems can la phan mi thogs na byams pa de ni nyan thos kyi byams pa'o/ /rigs kyi bu/ byams pa gang zhig mtshan nyid gcig pa'i lam la ma zhugs na byams pa de ni nyan thos kyi byams pa'o/ /rigs kyi bu/ byams pa gang zhig chos thams cad mngon par ma rtogs na byams pa de ni nyan thos kyi byams pa'o/ /rigs kyi bu| byams pa gang zhig de bzhin gshegs pa'i snying po mi mthong na byams pa de ni nyan thos kyi byams pa'o/ /rigs kyi bu/ byams pa gang zhig chos thams cad yod pa'i mtshan nyid du mi mthong na byams pa de ni nyan thos kyi byams pa'o/ /rigs kyi bu/ ci ste byams pa zag pa dang bcas na zag pa dang bcas pa'i byams pa de ni nyan thos kyi byams pa'o/ / rigs kyi bu/ ci ste byams pa 'dus byas dang bcas na 'dus byas dang bcas pa'i byams pa de ni nyan thos kyi byams pa'o/ /rigs kyi bu/ ci ste byams pas dang po la mi gnas na sa dang po'i byams pa ma yin te/ de ni nyan thos kyi byams pa yin par rig par bya'o/ /rigs kyi bu/ ci ste byams pas sangs rgyas kyi stobs bcu dang / mi 'jigs pa bzhi thob par mi nus na byams pa de ni nyan thos kyi byams pa yin par rig par bya'o/ /rigs kyi bu/ byams pa gang gis dge sbyong gi 'bras bu thob par 'gyur ba'i byams pa de ni nyan thos kyi </font><hr>Ka376b<br><font size=+1>


byams pa yin par rig par bya'o/ /rigs kyi bu/ byams pa gang zhig yod pa dang / med pa dang / yod pa'ang ma yin med pa'ang ma yin pa dang bcas pa de ni nyan thos dang rang sangs rgyas la sogs pa thams cad kyis dpag nus pa ma yin no/ /rigs kyi bu/ ci ste byams pa bsam gyis mi khyab na chos kyang bsam gyis mi khyab bo/ /sangs rgyas kyi rang bzhin yang bsam gyis mi khyab bo| |de bzhin gshegs pa'ang bsam gyis mi khyab bo/ /rigs kyi bu/ byang chub sems dpa' sems dpa' chen po yongs su mya ngan las 'das pa la \?\ pa ni byams pa de lta bu dag la nan tan byed do/ /gnyid kyi bde ba la gnas kyang rtag tu brtson 'grus rtsom pas gnyid kyis zil gyis mi non no/ /rtag tu sad mod kyi gnyid med pa'i phyir sad pa'ang med do// gnyid kyi nang na lha rnams yongs su bsrung mod kyi/ sdig pa mi spyod pas na bsrung ba'ang med do/ /gnyid dang yongs su bral bas rmi lam ngan pa'am/ mi dge bar 'gyur ba gang yang med do| |tshangs pa'i lhar skyes mod kyi/ dbang du gyur bas na skye ba'ang med do/ /rigs kyi bu/ gang byams pa la nan tan byed pa de ni de lta bu'i yon tan tshad med pa bsam gyis mi khyab pa dang ldan par 'gyur ro/ /rigs kyi bu/ yongs su mya ngan las 'das pa'i mdo sde dam pa 'di yang de lta bu'i yon tan tshad med pa bsam gyis mi khyab pa dang ldan no/ /sangs </font><hr>Ka377a<br><font size=+1>


@#/ /rgyas bcom ldan 'das kyang de lta bu'i yon tan tshad med pa mtha' yas pa dang ldan no/ /byang chub sems dpa' 'od srung gis bcom ldan 'das la gsol pa/ bcom ldan 'das/ ci ste byang chub sems dpa' sems dpa' chen po dag ji tsam yid la bgyid pa de dag thams cad yang dag par bden pa lags la/ nyan thos dang / rang sangs rgyas kyi bden pa yang dag pa ma lags na/ ci'i slad du byang chub sems dpa' sems dpa' chen po'i mthu stobs kyis sems can thams cad mtshungs bar bde ba myong bar mi mdzad/ de ltar sems can thams cad yang dag par bde ba mi myong bas na byang chub sems dpa' byams pa'i sems la nan tan bgyid pa ni phan pa ma mchis so/ /bcom ldan 'das kyis bka' stsal pa/ rigs kyi bu/ byang chub sems dpa'i byams pa ni phan par mi 'gyur ba ma yin te/ rigs kyi bu/ sems can kha cig ni nges par sdug bsngal myong ba'ang yod/ kha cig ni mi myong ba'ang yod do/ /sems can gang nges par sdug bsngal myong bar 'gyur ba log sred can dag la ni byang chub sems dpa'i byams pas phan par mi 'gyur ro/ /gang sdug bsngal myong ba ma nges pa dag la ni byang chub sems dpa'i byams pas phan par 'gyur te/ sems </font><hr>Ka377b<br><font size=+1>


can de dag rab tu bde ba myong bar byed do/ /rigs kyi bu/ 'di lta ste/ dper na/ mi zhig rgyang ring po na seng ge dang / stag dang / spyang ki dang / srin po dang / yi dwags la sogs pa mthong na rang bzhin gyis 'jigs skrag pa skye'o/ /ci ste mtshan mo g.yang sa mthong na'ang de bzhin du 'jigs pa skye'o/ /rigs kyi bu/ mi de rang bzhin gyis 'jigs pa skye ba dang 'dra bar sems can gang byams pa la nan tan byed pa mthong na/ rang bzhin gyis bde ba myong bar 'gyur ro/ /rigs kyi bu/ don de lta bas na byang chub sems dpa' byams pa la nan tan byed pa ni yang dag par yid la byed pa ste/ phan par mi 'gyur ba'ang ma yin no/ /rigs kyi bu/ ngas ni byams pa de la rnam pa tshad med pa bshad do/ /'di lta ste/ mngon par shes pa dag go /rigs kyi bu| dper na/ lha sbyin gyis rgyal po ma skyes dgra la de bzhin gshegs pa bsad par bstan te/ de'i tshe nga rgyal po'i khab tu bsod snyoms mthar gyis len par zhugs pa na rgyal po ma skyes dgras nor srung ba'i bal glang myos pa btang nas nga dang slob mar bcas pa gsod du bcug go/ de'i tshe bal glang de dag gis sems can tshad med pa brgya stong rdzis te bsad pas sems can shi ba de dag gi khrag gis phog pas lhag par myos par yang gyur la/ nga'i slob ma ngur smrig gyon pa'ang khrag snyam du mthong nas/ bal glang de </font><hr>Ka378a<br><font size=+1>


@#/ /dag dor te byung ngo / /nga'i slob ma'i nang na 'dod pa dang ma bral ba thams cad ni phyogs bzhir bros te/ tshe dang ldan pa dga' bo 'ba' zhig ma gtogs so/ /de'i tshe de'i dus na rgyal po'i khab na gnas pa'i mi thams cad skad mthun pas ngus te/ mchi ma blags nas 'di skad ces smras so/ /kyi hud/ de bzhin gshegs pa ni med par gyur to// de ci'i slad du de bzhin gshegs pa 'di ltar nang gcig tu zhig par gyur ces smras so/ /de'i tshe na lha sbyin ngo mtshar gyi dga' ba skyes nas/ dge sbyong go'u ta ma med par gyur pa ni legs so/ /deng phan chad ni yang dag pa med par gyur te/ gros legs par smon pa bzhin du grub par gyur to zhes smras so/ /rigs kyi bu/ de'i tshe na ngas nor srung ba'i bal glang gdul ba'i phyir byams pa zhes bya ba'i ting nge 'dzin la snyoms par zhugs nas phyag brkyang ste bstan pas sor mo lnga la seng ge lnga snang bar gyur to/ /bal glang gis de mthong nas shin tu skrag pas bshang gci'ang shor te/ lus sa la brdabs nas nga'i zhabs la gus par phyag byas so/ /rigs kyi bu/ de'i tshe na nga'i sor mo lnga la yang dag par seng ge med kyang byams pa bsgoms pa'i dge ba'i rtsa ba'i mthus de dag btul bar gyur to/ /rigs kyi bu/ gzhan yang nga yongs su mya ngan las 'da' kar rtswa mchog </font><hr>Ka378b<br><font size=+1>


gi grong khyer du gshegs pa na gyad lnga brgya tsam zhig lam ka na lam 'chos shing phyag dar dang chag chag byed do/ /lam ka pha bong gcig yod pa la gyad rnams log ste/ mthu stobs ci yod pas bteg kyang dor ma nus so/ /de'i tshe na gyad rnams la thugs brtse ba'i phyir byams pa'i thugs bskyed nas/ zhabs kyi mthe bos pha bong de gnam 'phang du bor nas/ phyag gis bzung ste phyag mthil g.yas par bzhag go/ bus pa tsam gyis zhib mor yang gyur la phyir yang bsdus te bsgongs par gyad rnams kyis mthong bar byas so/ /gyad de dag gi nga rgyal dang dregs pa'i sems kyang zhi bar byas nas chos rnam pa sna tshogs kyang bstan te/ bla na med pa yang dag par rdzogs pa'i byang chub tu sems bskyed du bcug go/ rigs kyi bu/ de'i tshe na de bzhin gshegs pas yang dag par na zhabs kyi mthe bos pha bong de gnam 'phang du bor ba'am/ phyag mthil g.yas par bzhag pa'am/ zhib mor byas pa'am/ phyir gong bur bsgongs pa'ang med mod kyi/ rigs kyi bu/ de'ang byams pa'i dge ba'i rtsa ba'i mthu las na/ gyad rnams kyis dngos po de lta bu dag mthong bar rig par bya'o/ /rigs kyi bu/ gzhan yang lho phyogs po ta la'i yul na/ grong khyer chen po shu pa la zhes bya ba na khyim bdag 'dod pa zhes bya ba sngon 'das pa'i dus na sangs rgyas tshad med pa snyed la </font><hr>Ka379a<br><font size=+1>


@#/ /dge ba'i rtsa ba bskyed pa/ 'gro ba mang po'i gtso bor gyur pa zhig yod do/ /rigs kyi bu/ grong khyer chen po de na gnas pa'i mi thams cad mu stegs can la phyogs te/ gcer bu pa dag gi g.yog byed do/ /de'i tshe de'i dus na khyim bdag de gdul ba'i phyir rgyal po'i khab nas grong khyer der gshegs par chas so/ /de'i bar ni dpag tshad drug rtsa lnga zhig yod de/ de na gnas pa'i sems can dag gdul ba'i phyir bcom ldan 'das 'khor dang bcas te gom pas dal gyis gshegs so/ /de'i tshe grong khyer shu pa la zhes bya ba na gnas pa'i gcer bu pa rnams nga 'ong ngo zhes thos nas/ de dag sems kyis 'di snyam du bsams par gyur to/ /gal te dge sbyong go'u ta ma 'dir 'ongs na/ 'di na gnas pa thams cad bdag cag kyang spong zhing yo byad kyang mi ster te/ dbul phongs par gyur na/ bdag cag cis 'tshor 'gyur snyam bsams nas| gcer bu pa rnams so sor kha bkram ste/ grong khyer de na gnas pa'i mi rnams la 'di skad ces bsgo'o/ /dge sbyong go'u ta ma zhes bya ba de 'dir 'ong zhes grag gi/ dge sbyong de ni pha dang ma'ang spangs nas gar yang rgyu zhing 'gro ste/ gang nas gang du phyin pa'i gnas de dang de dag tu lo nyes pa dang mu ge 'byung bar byad/ nad mang ba dang </font><hr>Ka379b<br><font size=+1>


'chi ba mang bar byed do/ /de las thar pa'ang med do/ /dge sbyong go'u ta ma rungs pa de ni 'khor yang srin po yi dwags ma rungs pa sha stag khrid cing 'ong ngo / /de la ni pha'ang med/ ma'ang med de/ dbul phongs pas ched du 'khor 'dod pa'i phyir 'ong ngo / /des ston cing 'chad pa'ang rdzun 'ba' zhig tu zad de/ gang du phyin kyang thog ma nas bde ba dang skyid pa med do zhes bsgrags pas/ de dag gis de skad thos nas shin tu 'jigs skrag ste/ gcer bu pa'i rkang pa la spyi bos phyag btsal nas phyir 'di skad ces smras so/ /ston pa chen po/ bdag cag gis thabs ci byas na/ dge sbyong gi'u ta ma 'dir mi 'ong bar 'gyur/ gcer bu bas smras pa/ dge sbyong go'u ta ma ni rang bzhin gyis nags tshal dang / chu mig dang / 'bab chu la dga' ba'i rigs kyi/ grong phyin ci yod pa thams cad bcad de med par bya dgos kyi/ khyed rnams so so nas grong khyer gyi phyi rol du deng la/ skyed shing gcig kyang ma lus par chod cig /chu mig dang / khron pa dang / 'bab chu kun yang mi gtsang ba dang / ngan skyugs kyis khong zhig /phyir log la grong khyer gyi sgo dam du bcad la dgra cha bshams te/ grong khyer bsrungs la ci nas kyang mi chud par bya'o/ /gal te gnas 'dir ma chud na khyed kyang gdod bde bar 'gyur ro/ /bdag cag kyang ci nus kyis dge sbyong go'u ta ma phyir </font><hr>Ka380a<br><font size=+1>


@#/ /bzlog pa'i cho ga bya'o zhes smras nas de dag kyang bsgo ba bzhin du mnyan te/ shing thams cad kyang bcad/ chu'ang bskams nas dgra cha bshams te grong khyer bsrung ngo / /rigs kyi bu/ de'i tshe nga grong khyer der phyin pa na/ nags tshal dang / skyed shing ni gcig kyang mi snang gi/ mi mang po mtshon cha thogs te sdod pa mthong ngo / /de lta bu dag mthong ba dang shin tu thugs brtse nas byams pa'i thugs bskyed pas/ nags tshal dang / skyed shing thams cad kyang phyir skyes te/ de ma yin pa gzhan yang dpag tu med pa'i shing rnams skyes la/ chu mig dang / rdzing bu dang / khron pa dang / 'bab chu thams cad kyang shin tu gsal zhing dang ba ni bai DUR+Ya sngon po lta bur gyur nas/ kun tu gang zhing lud de/ me tog rnam pa sna tshogs kyis kyang yongs su khebs par gyur te/ /grong khyer de'i ngos kyi ra ba'ang bai DUR+Ya mthon mthing lta bur gyur te/ grong khyer de na gnas pa thams cad kyis thal byung du nga 'khor dang bcas pa'ang gsal bar mthong ngo / /grong khyer gyi sgo de'ang rang bye nas thogs par ma gyur/ mtshon cha rnams kyang me tog sna tshogs su gyur te/ khyim bdag 'dod pas gtso bor byas nas mi thams cad 'khor dang bcas te/ bcom ldan 'das kyi spyan sngar lhags so/ /ngas de dag la </font><hr>Ka380b<br><font size=+1>


chos rnam pa sna tshogs bshad nas/ de dag thams cad bla na med pa yang dag par rdzogs pa'i byang chub tu sems bskyed par gyur to/ /rigs kyi bu/ de'i tshe na ngas de ltar yang dag par nags tshal dang / skyed shing bskyed pa'am/ chu gtsang mas chu mig dang / rdzing bu kun gang bar byas pa'am/ grong khyer gyi ra ba bai DUR+Ya ra bsgyur \?\ ba'am/ de na gnas pa'i mi de dag gis thal byung du mthong bar byas pa'am/ grong khyer gyi sgo rang bye ba'am/ mtshon cha rnams me tog tu bsgyur ba med mod kyi/ rigs kyi bu/ de'ang byams pa'i dge ba'i rtsa ba'i mthu las mi de dag gis dngos po de dag mthong bar gyur to/ /rigs kyi bu/ gzhan yang mnyan du yod pa na bram ze'i bu mo ba si ta zhes bya ba la bu gcig pu zhig yod de/ dpe med par shin tu byams pa shing sdug pa las nad kyis btab nas shi bar gyur to/ /de'i tshe bud med de mya ngan chen pos gdungs pas myos te/ sgren mor kun tu rgyug kyang ngo mi tsha ste lam gyi bzhi mdo dag tu dus nas/ bu ga re/ bu gar song zhes 'bod cing grong khyer kun tu rgyu zhing 'gro'ang ngal ba med do/ /rigs kyi bu/ bud med de sngon 'das pa'i dus kyi sangs rgyas la dge ba'i rtsa ba bskyed pa zhig yin pas/ ngas bud med de la byams pa'i thugs bskyed pas/ de'i tshe na bud med des nga mthong nas nga la bur 'du shes bskyed de/ </font><hr>Ka381a<br><font size=+1>


@#/ /de ma thag tu sems sor chud nas/ nga phang du blangs te nga la 'o byas so/ /de'i tshe de'i dus na ngas dga' bo la chos gos 'di bud med de la byin cig ces bka' stsal to/ /de la chos gos byin nas chos rnam pa sna tshogs bshad de/ bud med des chos thos nas rab tu dga' mgu rangs te/ bla na med pa yang dag par rdzogs pa'i byang chub tu sems bskyed par gyur to/ /rigs kyi bu/ de'i tshe na yang dag par de'i bu'ang nga ma yin la/ nga'i ma'ang de ma yin te/ bang du blangs pa'am/ 'o byas pa'ang med mod kyi/ rigs kyi bu| de'ang byams pa'i dge ba'i rtsa ba'i mthu las bud med des dngos po de lta bu dag mthong bar rig par bya'o/ /rigs kyi bu/ gzhan yang grong khyer ser skya na dge bsnyen ma mahA si na dar ta zhes bya ba sngon 'das pa'i dus na sangs rgyas tshad med pa snyed la dge ba'i rtsa ba rab tu bskyed pa zhig zla ba gsum gyi bar du dge 'dun spyan drangs nas/ nad kyi rkyen sman yang dbul lo/ /de'i tshe dge 'dun de dag gi nang na dge slong gcig gcig nad tshabs po ches btab nas/ sman dang gnyer te dpyad byas nas nad 'di ni sha zhig gis sman bya dgos te/ sha med na srog kyang ring po mi thub bo zhes bsgo'o/ /de'i tshe dge bsnyen mas tshig de skad ces smras pa thos nas/ gser thogs te tshong dus su 'di skad </font><hr>Ka381b<br><font size=+1>


ces smras so/ /kye| khyod la sha 'tshong ba ci yod/ rin du sha dang mnyam pa'i gser sbyin no zhes tshong dus thog thag tu btsal kyang sha ma rnyed do/ /de nas dge bsnyen ma de gri blangs nas bdag nyid kyi brla sha bcad de gtubs nas/ sha tsog tu byas/ spos rnam pa sna tshogs kyis btab ste/ dge slong nad pa de la byin no/ /dge slong des sha zos nas nad kyang sos par gyur to/ /de'i tshe dge bsnyen ma de sha bcad pa'i rma red nas shin tu mi bzad pa'i sdug bsngal chen po myong bas/ 'di skad du/ sangs rgyas la phyag 'tshal lo/ /sangs rgyas la phyag 'tshal lo/ /zhes bos so/ /de'i tshe de'i dus na nga mnyan du yod pa na bzhugs te de skad ces pos pa thos nas/ bud med de la shin tu thugs rje chen po skyes pas bud med des de ma thag tu nga mthong bar gyur to/ /de nas de'i rma la sman gyis bskus ma thag tu snga ma kho na bzhin du sor chud par gyur to/ /de nas de la chos rnam pa sna tshogs bstan cing bshad nas rab tu dga' mgu rangs te/ bla na med pa yang dag par rdzogs pa'i byang chub tu sems bskyed par gyur to/ /rigs kyi bu/ nga ni de'i tshe na yang dag par grong khyer ser skyar yang ma gshegs la/ dge bsnyen ma'i rma la sman bskus pa'ang med mod kyi/ rigs kyi bu/ de'ang byams pa'i dge ba'i rtsa ba'i shugs kyis dge bsnyen ma des de lta bu'i dngos po dag </font><hr>Ka382a<br><font size=+1>


@#/ /mthong bar gyur to/ /rigs kyi bu/ gzhan yang lhas byin ma rungs pa chog mi shes te/ zas kyi tshod ma zin nas mar mang du 'thungs pas klad pa na zhing spos par gyur te/ shin tu mi bzad pa'i sdug bsngal chen po myong ste/ 'di skad du/ sangs rgyas la phyag 'tshal lo/ /sangs rgyas la phyag 'tshal lo/ /zhes bos so/ /de'i tshe nang grong khyer ud ni na bzhugs pa las/ de skad ces bos pa'i sgra thos nas shin tu byams pa'i sems skyes pas de'i tshe lha sbyin gyis nga mthong bar gyur to/ /de'i tshe nga'ang der gshegs nas phyag gis mgo dang / lto ba la byugs te/ sga'i khu ba blud nas 'thungs ma thag tu sos par gyur to/ /rigs kyi bu/ nga de'i tshe na yang dag par lhas byin gyi drung du gshegs pa'ang med la/ phyag gis mgo dang / lto ba la byugs pa'am/ sga'i khu ba'ang blud pa med mod kyi/ rigs kyi bu/ de'ang byams pa'i dge ba'i rtsa ba'i shugs kyis lhas byin gyis dngos po de dag mthong bar rig par bya'o/ /rigs kyi bu/ gzhan yang yul ko sa lar mi rgod ma rungs pa lnga brgya tsam zhig bsdongs shing chom shod byed de/ shin tu gnod par gyur nas/ rgyal po sde rab tu pham byed kyis dmag gis btab ste/ thams cad bzung nas mig phyung ste/ nags tshal stug por bzhag go/ /de'i tshe na mi rgod </font><hr>Ka382b<br><font size=+1>


ma rungs pa de dag sngon sangs rgyas rnams la dge ba'i rtsa ba bskyed pa sha stag ste/ de ltar mig phyung bas shin tu sdug bsngal chen po myong bar gyur pas/ 'di skad du/ sangs rgyas la phyag 'tshal lo/ /sangs rgyas la phyag 'tshal lo/ /zhes bos so/ /bdag cag la mgon dang skyabs bgyid pa ma mchis te/ dpung gnyen ma mchis so zhes cho nge btab ste ngus so/ / de'i tshe na nga rgyal bu dze ta'i tshal na bzhugs pa las de skad ces 'bod pa'i sgra thos nas shin tu byams pa'i thugs bskyed de/ de'i tshe na shin tu bsil ba'i rlung gis ri bsung can las sman bdud rtsi lta bu rnam pa sna tshogs kyis mig tu bkang nas phyir sos bzhin du mthong bar gyur to/ /mi rgod ma rungs pa de dag de ltar mig phye ma thag tu de bzhin gshegs pa mthong bar gyur to/ /de nas mi rgod ma rungs pa de dag la dam pa'i chos bstan nas bla na med pa yang dag par rdzogs pa'i byang chub tu sems bskyed du bcug go/ /rigs kyi bu/ de'i tshe na yang dag par rlung du sprul pa'ang med la/ ri bsung can nas spos blangs pa'am/ mi de dag gi mdun du chos bstan pa'ang med mod kyi/ rigs kyi bu/ de'ang byams pa'i dge ba'i rtsa ba'i shugs kyis mi rgod ma rungs pa de dag gis de lta bu'i dngos po dag mthong bar gyur to/ /rigs kyi bu/ gzhan yang rgyal tshab bai DUR+Ya zhes bya ba glen zhing </font><hr>Ka383a<br><font size=+1>


@#/ /gti mug pas rgyal po'i thabs phrogs te/ bdag nyid rgyal sar zhugs nas/ sngon gyi 'khon ma btang bas shAkya rigs kyi bu mo stong phrag bcu gnyis snyed rna ba dang / sna bcad de/ rkang lag gtubs nas 'obs kyi nang du bor ro/ /de'i tshe bud med de rnams shin tu sdug bsngal bar gyur nas/ sangs rgyas la phyag 'tshal lo/ /sangs rgyas la phyag 'tshal lo/ /bdag cag la mgon dang skyabs bgyid pa ma mchis so/ /zhes smras nas skad chen po phyung ste dus so/ /bud med de rnams sngon sangs rgyas mang po la dge ba'i rtsa ba bskyed pa sha stag ste/ nga de'i tshe na 'od ma'i tshal na bzhugs pa las de skad ces bos pa'i sgra thos nas shin tu thugs rje skyes pas de'i tshe bu mo de dag gis nga grong khyer ser skyar gshegs te rma'ang chu gtsang mas bkrus nas sman gyis bskus par mthong ste/ sdug bsngal yang de ma thag tu zhi bar gyur to/ /rna ba dang / sna dang / rkang lag thams cad bcad pa'ang phyir skyes te sor chud par gyur to/ /de'i tshe na ngas dam pa'i chos kyang bstan nas thams cad bla na med pa yang dag par rdzogs pa'i byang chub tu sems bskyed de/ thams cad dge slong ma skye dgu'i bdag mo chen po'i drung du rab tu byung nas bsnyen par rdzogs par gyur to/ /rigs kyi bu/ de bzhin gshegs pas ni de'i tshe na yang dag par grong khyer ser skyar gshegs </font><hr>Ka383b<br><font size=+1>


pa'ang med la/ rma bkrus pa'am/ sman bskus pa'am/ sdug bsngal zhi bar byas pa'ang med mod kyi/ rigs kyi bu/ de dag thams cad kyang byams pa'i dge ba'i rtsa ba'i shugs kyis bud med de dag gis dngos po de lta bu dag mthong bar rig par bya'o/ /snying rje dang dga' ba'i sems kyang de dang 'dra'o/ /rigs kyi bu/ de bas na byang chub sems dpa' sems dpa' chen po'i byams pa'i sems yid la byed pa ni yang dag pa ste/ rdzun pa ma yin no/ /rigs kyi bu/ tshad med pa'ang bsam gyis mi khyab la/ byang chub sems dpa'i spyod pa'ang bsam gyis mi khyab/ sangs rgyas rnams kyi mdzad pa'ang bsam gyis mi khyab/ theg pa chen po yongs su mya ngan las 'das pa'i mdo sde 'di'ang bsam gyis mi khyab bo/ /rigs kyi bu/ gzhan yang byang chub sems dpa' sems dpa' chen po byams pa dang / snying rje chen po dang / dga' ba la nan tan byas nas bu gcig pa dang 'dra ba'i sa rab tu dga' ba la gnas par 'gyur ro/ rigs kyi bu/ de la ci'i phyir na sa de la rab tu dga' ba zhes kyang bya la/ bu gcig pa dang 'dra ba zhes kyang bya zhe na/ rigs kyi bu/ 'di lta ste/ dper na/ pha mas bu bde zhing skyid par mthong na sems rab tu dga' bar 'gyur ro/ /byang chub sems dpa' sems dpa' chen pos de la gnas pa'ang de dang 'dra ste/ sems can thams cad la bu gcig pa dang 'dra </font><hr>Ka384a<br><font size=+1>


@#/ /ba'i lta bas dge ba la nan tan byed par mthong na rab tu dga' ba'i sems skye ste/ de bas na sa de ni rab tu dga' ba zhes bya'o/ /rigs kyi bu/ 'di lta ste/ dper na/ pha mas bu na ba mthong na shin tu sdug bsngal ba'i sems skye ste/ snying rje bas mya ngan gyi sems dang cung zad kyang mi 'bral lo/ /byang chub sems dpa' sems dpa' chen po sa de la gnas pa'ang de dang 'dra ste/ so so'i skye bo dag nyon mongs pa'i nad kyis yongs su gzir ba mthong nas bu dang 'dra bar snying brtse bas mya ngan byed de/ lus kyi ba spu'i bu ga nas khrag kyang zag go/ de bas na sa 'di ni bu gcig pa lta bu zhes kyang bya'o/ /rigs kyi bu/ dper na/ byis pa chung ngu shed ma bye ba ni bong ba dang / gseg ma dang / rus gong dang / shing bu dang / btsog pa'i bag kyang lag tu blangs nas khar 'jug go/ de'i pha mas de lta bu dag mthong na gnod par 'gyur du dogs te/ lag pa g.yon pas ni 'gram pa btsir/ lag pa g.yas pas ni phyir 'byin to/ /byang chub sems dpa' sems dpa' chen po sa de la gnas pa'ang de dang 'dra ste/ sems can dag chos kyi sku'i shed ma rdzogs pas lus dang / ngag dang / yid kyi sgo nas sdig pa mi dge ba'i chos spyod par byang chub sems dpas mthong na ye shes kyi lag gis de nas 'byin te/ de dag 'khor ba na 'khor zhing </font><hr>Ka384b<br><font size=+1>


sdug bsngal mang po myong bar mi 'dod pas sa 'di ni bu gcig pa dang 'dra ba zhes bya'o/ /rigs kyi bu/ 'di lta ste/ dper na/ pha ma zhig la shin tu byams pa'i bu gcig pu yod pa las gal te shi bar gyur na de'i pha ma'ang lhan cig tu shi bar 'dod do/ /byang chub sems dpa' sems dpa' chen po'ang de dang 'dra ste/ gal te log sred can dag sems can dmyal bar lhung na de dang lhan cig tu sems can dmyal bar 'gro bar 'dod do/ /de ci'i phyir zhe na/ log sred can de dag sdug bsngal myong ba'i tshe gal te skad cig tsam zhig 'gyod pa'i sems skyes na ngas de la chos rnam pa sna tshogs bstan cing bshad do/ skad cig thang cig tsam gyi dge ba'i rtsa ba skye bar byed pas na sa 'di ni bu gcig pa dang 'dra ba zhes bya'o/ /rigs kyi bu/ 'di lta ste/ dper na/ pha ma la bu gcig pu zhig yod na bu de gnyid log gam sad kyang rung ste/ 'gro'am/ sdod dam/ 'dug gam/ nyal yang rtag tu sems la dran no/ gal te nyes pa zhig byas na'ang tshig 'jam pos ston cing 'chos kyi/ ngan pas ni ma yin no/ /byang chub sems dpa' sems dpa' chen po'ang de dang 'dra ste/ gal te so so'i skye bo dag sems can dmyal ba'am/ byol song gi skye gnas sam/ gshin rje'i 'jig rten du skyes kyang rung / lha dang mir skyes kyang rung ste/ dge ba'am/ sdig pa ci byed snyam rtag </font><hr>Ka385a<br><font size=+1>


@#/ /tu sems te mi gtong ngo / /gal te sdig pa mi dge ba'i las shig byed na'ang de la zhe sdang ba'i sems mi skye ste/ de bas na sa 'di ni bu gcig pa dang 'dra ba zhes bya'o| |de nas byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das kyis gsungs pa ltar na shin tu zab pas bdag gis 'tshal ba ni shin tu'ang rgya chung na 'di ji lta bur 'tshal bar bgyi/ gal te byang chub sems dpa' dag bu gcig pa lta bu'i sa la gnas bas de lta bur gyur na lta/ ci'i slad du de bzhin gshegs pa sngon rgyal po mdzad pa'i tshe byang chub sems dpa'i spyad pa spyod pa na bram ze de snyed kyi srog bcad par gyur/ gal te sa 'di thob na ni skyob cing dpung gnyen du gyur pa'i rigs/ gal te ma thob na ci'i slad du sems can dmyal bar mi ltung / gal te sems can thams cad la sras sgra gcan 'dzin dang 'dra bar dgongs na/ ci'i slad du lha sbyin la 'di skad du glen pa ngo tsha med pa mi'i ngar snabs za ba zhes bka' stsal pas lha sbyin gyis thos nas 'khon du bzung ste/ mi dge ba'i sems bskyed nas/ sangs rgyas kyi sku la khrag phyung bar gyur/ lha sbyin gyis de lta bu'i sdig pa byas nas kyang de bzhin gshegs pas sems can dmyal bar lhung zhing bskal pa gcig gi bar du sdug bsngal </font><hr>Ka385b<br><font size=+1>


myong bar 'gyur ro zhes lung bstan/ bcom ldan 'das kyis de skad ces gsungs pa de don dang 'gal bar 'gyur ba ma lags sam/ bcom ldan 'das/ btsun pa rab 'byor lta bu stong ba nyid kyi sa la gnas pa'ang grong du 'jug cing bsod snyoms len pa na sngar pha rol po la yongs su rtog go/ gal te pha rol pos brnyas sam smod pa'i sems su gyur na/ ci ste shin tu bkres par gyur kyang / de dag las bsod snyoms mi len to/ /de ci'i slad du zhe na/ btsun pa rab 'byor ni rtag tu 'di snyam du sems te/ 'di lta bu dag mngon par dran no/ /sngon gyi bsod nams kyi zhing du 'gyur ba zhig la/ mi dge ba'i rtog pa gcig tsam bskyed pas de'i rgyu de'i rkyen gyis sems can dmyal ba chen por lhung ste/ sdug bsngal chen po myong bar 'gyur ro/ /bdag ci ste ltogs par gyur te/ gzha' gtsang ma zos kyang bla'i/ gzhan dag bdag la brnyas shing smad pas sems can dmyal bar ltung zhing sdug bsngal myong bar mi bya'o snyam bsams nas yang 'di snyam du sems so/ /ci ste sems can gang zhig bdag 'greng ba las 'phya bar gyur na/ bdag gzha' gtsang du 'dug pa las mi ldang ngo / / gal te sems can gang zhig bdag 'dug pa la 'phya bar gyur na/ bdag gzha' gtsang du 'greng ba las gnas mi bskyod de/ 'gro ba n+dang / nyal ba'ang de dang 'dra'o/ /de ltar btsun </font><hr>Ka386a<br><font size=+1>


@#/ /pa rab 'byor yang sems can gyi yid bsrung ba'i phyir de lta bur sems bskyed na/ byang chub sems dpa' sems dpa' chen po lta smos kyang ci 'tshal/ gal te bu gcig pa dang 'dra ba'i sa thob na/ ci'i slad du de bzhin gshegs pas de lta bu'i gsung ma klas pa gsungs pas sems can mang po shin tu mi dge ba'i sems bskyed par gyur/ bcom ldan 'das kyis bka' stsal pa/ rigs kyi bu/ 'di skad du sangs rgyas bcom ldan 'das la so so'i skye bo'i nyon mongs par 'gyur ba'i rgyu mdzad do zhes ma rgol cig /rigs kyi bu/ gal te sbrang bu'i mchus rgya mtsho'i gting thug par zad par byed kyang srid kyi/ de bzhin gshegs pas ni sems can gyi nyon mongs pa'i rgyur 'gyur bar mi mdzad do/ rigs kyi bu/ gal te sa chen po 'di gzugs ma yin par 'gyur yang srid/ chu ni skam pa'i mtshan nyid du 'gyur yang srid/ me ni grang ba'i mtshan nyid du 'gyur yang srid/ rlung ni gnas pa'i mtshan nyid du 'gyur yang srid/ dkon mchog gsum dang / sangs rgyas kyi rang bzhin dang / nam mkha' ni mi rtag pa'i mtshan nyid du 'gyur yang srid kyi/ de bzhin gshegs pa ni sems can rnams kyi nyon mongs pa'i rgyur 'gyur ba mi mdzad do/ /rigs kyi bu/ gal te tshul khrims kyi rtsa ba </font><hr>Ka386b<br><font size=+1>


bzhi nyams pa dang / log sred can dang / dam pa'i chos la skur ba dag lus 'di nyid kyis stobs bcu dang / mi 'jigs pa dang / mtshan sum cu rtsa gnyis dang / dpe byad bzang po brgyad cu 'thob kyang srid kyi/ de bzhin gshegs pa ni sems can rnams kyi nyon mongs pa'i rgyur 'gyur ba mi mdzad do/ /rigs kyi bu/ gal te nyan thos dang rang sangs rgyas la sogs pa ni rtag tu gnas shing mi 'gyur yang srid kyi/ de bzhin gshegs pa ni sems can rnams kyi nyon mongs pa'i rgyur 'gyur ba mi mdzad do/ /rigs kyi bu/ gal te sa bcu la gnas pa'i byang chub sems dpa' dag tshul khrims kyi rtsa ba bzhi nyams shing log sped can du gyur nas dam pa'i chos la skur kyang srid kyi/ de bzhin gshegs pa ni sems can rnams kyi nyon mongs pa'i rgyur 'gyur ba mi mdzad do/ /rigs kyi bu/ gal te sems can tshad med pa thams cad sangs rgyas kyi rang bzhin med par 'gyur yang srid/ de bzhin gshegs pa'ang mthar yongs su mya ngan las 'da' bar 'gyur yang srid kyi/ de bzhin gshegs pa ni sems can rnams kyi nyon mongs pa'i rgyur 'gyur ba mi mdzad do/ /rigs kyi bu/ gal te zhags pas rlung zin pa'am/ sos lcags chod pa'am/ sen mos ri rab 'jig nus kyang srid kyi/ de bzhin gshegs pa ni sems can rnams kyi nyon mongs pa'i rgyur 'gyur </font><hr>Ka387a<br><font size=+1>


@#/ /ba mi mdzad do/ /sprul gdug pa dang lhan cig tu gnas sam/ seng ge ltogs pa'i khar lag pa bcug gam/ kha Da la'i thal bas lus bkrus par gyur kyang bla'i/ 'di skad du sangs rgyas bcom ldan 'das ni sems can rnams kyi nyon mongs pa'i rgyur 'gyur ba mdzad do zhes smra bar mi bya'o/ /rigs kyi bu/ de bzhin gshegs pa ni yang dag par sems can rnams kyi nyon mongs pa yongs su gcod kyi/ nam du'ang nyon mongs pa'i rgyur 'gyur ba mi mdzad do/ /rigs kyi bu/ khyod smra ba ltar de bzhin gshegs pas sngon bram ze bsad do zhes bya ba ni/ rigs kyi bu/ byang chub sems dpa' sems dpa' chen po chung ngu na grog sbur tsam yang ched du mi gsod na bram ze gsod pa lta smos kyang ci dgos te/ byang chub sems dpa' ni rtag tu thabs mkhas pa rnam pa sna tshogs kyis sems can rnams la tshad med pa'i 'tsho ba'i srog sbyin par byed do/ /rigs kyi bu/ kha zas sbyin pa ni srog sbyin pa zhes bya ste/ byang chub sems dpa' sems dpa' chen po sbyin pa'i pha rol tu phyin pa la spyad pa spyod pa na rtag tu sems can dag tshad med pa'i 'tsho ba sbyin par byed do/ /rigs kyi bu/ srog gcod pa yongs su spangs pa'i tshul khrims bsrungs pas tshe ring bar gyur to/ /byang chub sems dpa' sems dpa' chen </font><hr>Ka387b<br><font size=+1>


po tshul khrims kyi pha rol tu phyin pa la spyad pa spyod pa na/ sems can thams cad la 'tsho ba'i srog tshad med pa sbyin pa byin no/ /rigs kyi bu/ dag gi sgo nas nyes pa'i skyon med pas na tshe ring bar 'gyur ro/ /byang chub sems dpa' sems dpa' chen po bzod pa'i pha rol tu phyin pa la spyad pa spyod pa na sems can la 'khon du 'gyur ba mi ston te/ legs pa ni gzhan la bdar/ nyas pa ni bdag khas len pas rtsod pa med de/ tshe ring bar 'gyur ro/ /de bas na byang chub sems dpa' bzod pa'i pha rol tu phyin pa la spyad pa spyod pa na sems can la tshad med pa'i 'tsho ba'i srog sbyin pa zhes bya'o/ /rigs kyi bu/ dge ba la brtson 'grus byas pas tshe ring bar 'gyur ro/ /byang chub sems dpa' sems dpa' chen po brtson 'grus kyi pha rol tu phyin pa la spyad pa spyod pa ni rtag tu sems can dag dge ba'i chos la nan tan byed par bskul nas so so'i skye bo dag de bzhin du byas pas tshe tshad med pa thob par byas te/ de bas na byang chub sems dpa' sems dpa' chen po brtson 'grus kyi pha rol tu phyin pa la spyad pa spyod pa na sems can la tshad med pa'i 'tsho ba byin pa yin no/ /rigs kyi bu/ sems sdud pa la nan tan byed pa ni tshe ring bar 'gyur te/ byang chub sems dpa' sems dpa' chen po bsam gtan gyi pha rol tu phyin pa la spyad pa spyod pa na/ sems can dag </font><hr>Ka388a<br><font size=+1>


@#/ /mnyam par 'jog pa'i sems la nan tan byed par bskul nas sems can dag de bzhin du spyad pas tshe ring bar 'gyur ro/ /de bas na byang chub sems dpa' sems dpa' chen po bsam gtan gyi pha rol tu phyin pa la spyad pa spyod pa ni sems can la tshad med pa'i 'tsho ba sbyin pa zhes bya'o/ /rigs kyi bu/ ji tsam du dge bar 'gyur pa'i phyogs la bag yod par spyod pa ni tshe ring bar 'gyur ro/ /byang chub sems dpa' sems dpa' chen po shes rab kyi pha rol tu phyin pa la spyad pa spyod pa na sems can rnams dge ba'i chos la bag yod par spyod du bcug nas/ so so'i skye bo dag de bzhin du spyad pas de'i rgyu de'i rkyen gyis tshe ring bar 'gyur te/ de bas na byang chub sems dpa' sems dpa' chen po shes rab kyi pha rol tu phyin pa la spyad pa spyod pa na sems can la 'tsho ba tshad med pa sbyin pa zhes bya'o/ /rigs kyi bu/ don de lta bas na byang chub sems dpa' sems dpa' chen po sems can thams cad la srog 'phrog pa'i chos med do/ /rigs kyi bu khyod kyis 'di skad du nga la bram ze bsad pa'i tshe sa 'di thob bam zhes dris pa ni/ rigs kyi bu/ ngas de'i tshe sa de thob pas de dag la sdug par dgongs pa'i phyir de dag gi srog gi dbang po bcad pa yin gyi/ ngan sems kyis ni ma yin no/ /rigs kyi bu/ 'di </font><hr>Ka388b<br><font size=+1>


lta ste/ dper na/ bu gcig pa'i pha ma ni bu de la shin tu sdug par bsams pas gal te nyes pa chen po zhig byas te gyod la thug par gyur na/ de'i pha ma 'jigs skrag pas skrod pa'am/ gsod par yang byed de/ de ltar gal te skrod dam gsod kyang ngan sems ni med do/ /byang chub sems dpa' sems dpa' chen po dam pa'i chos bsrung zhing skyob pa'ang de dang 'dra ste/ gal te sems can gang zhig theg pa chen po'i chos la skur ba 'debs na/ de la gzhu ba dang / 'tshog pa dang / gnod par bya ba dang / gal te na srog gi dbang po'i bar du yang gcod de| ma 'ongs pa'i dus su dge ba'i chos la nan tan byed par 'dod do/ /byang chub sems dpa' sems dpa' chen po rtag tu 'di snyam du sems te/ rgyu gang dang rkyen gang gis sems can rnams dad pa'i sems skye bar 'gyur snyam sems te/ thabs ji bzhin du de'i las byed de/ bram ze mang po dag tshe 'phos nas mtshams med pa'i sems can dmyal bar skyes te| rnam pa gsum po 'di dag sems so/ /bdag gnas gang nas 'dir skyes snyam sems te/ sngon mi'i rgyud las skyes par shes pa dang / bdag skye ba'i gnas 'di ci yin snyam bsams nas/ mtshams med pa'i sems can dmyal ba yin par shes pa dang / las gang dang rkyen gang gis 'dir skyes par gyur snyam bsams nas/ 'di ni theg pa chen po </font><hr>Ka389a<br><font size=+1>


@#/ /shin tu rgyas pa'i mdo sde la 'phya zhing skur pa dang ma dad pa'i rgyu dang rkyen gyis rgyal pos bsad nas gnas 'dir skyes par gyur to snyam sems so/ /de ltar bsams nas theg pa chen po shin tu rgyas pa'i mdo sde la shin tu dad pa dang gus pa'i sems skyes te/ de nas tshe 'phos nas de bzhin gshegs pa zil mngar rnga zhes bya ba'i 'jig rten du skyes te/ tshe yang bskal pa bcu snyed tshad bar gyur to/ /rigs kyi bu/ don de lta bas na ngas sngon mi de dag la bskal pa bcu snyed thub par gyur pa'i 'tsho ba byin pa yin na/ de la gsod pa zhes byar rung ngam/ rigs kyi bu/ gang sa rkob dang / rtswa rnga ba dang / shing gcod pa dang / ro la mtshon gyis 'debs pa dang / rgyab pa dang / 'tshog pa dang / gzhu ba'i las byas na de'i rgyu de'i rkyen gyis sems can dmyal bar ltung bar 'gyur ram/ byang chub sems dpa' 'od srung gis bcom ldan 'das la gsol pa/ bcom ldan 'das kyis gsungs pa'i don bdag gis 'tshal ba ltar na/ sems can dmyal bar ltung bar 'gyur ro/ /de ci'i slad du zhe na/ sngon bcom ldan 'das kyis nyan thos la chos bstan pa na/ kye/ dge slong dag /mgal dum la'ang ngan sems ma skyed cig /de ci'i phyir zhe na/ sems can thams cad ni ngan sems bskyed pa'i rgyus sems can dmyal bar ltung bar 'gyur ro/ / </font><hr>Ka389b<br><font size=+1>


zhes gsungs so/ /de nas bcom ldan 'das kyis byang chub sems dpa' 'od srung la legs so/ /shin tu legs so zhes bya ba byin nas/ khyod kyis smras pa bzhin du legs par yid la zungs shig /ces bka' stsal to/ /rigs kyi bu/ ngan sems kyis sems can dmyal bar ltung zhes bya ba ni/ byang chub sems dpa' la ngan sems zhes bya ba med do/ /de ci'i phyir zhe na/ byang chub sems dpa' sems dpa' chen po ni sems can thams cad la chung ngu na grog sbur gyi bar du'ang byams shing brtse ba dang phan pa dang bde ba'i sems bskyed do/ / de'ang ci'i phyir zhe na/ rgyu dang rkyen du 'gyur ba dang / thabs la mkhas pa'i phyir ro/ /thabs mkhas pa'i shugs kyis sems can rnams dge ba'i rtsa ba bskyed par 'gyur ro/ /rigs kyi bu/ don de lta bas na ngas de'i tshe na/ shin tu thabs mkhas pas de dag gi srog phrogs kyang ngan sems kyis ni ma yin no/ /rigs kyi bu/ bram ze'i chos kyis gal te grog sbur shing rta bcu gang ba bsad kyang sdig bar mi 'gyur/ sprang ma dang / mchu sbrang dang / byi la dang / seng ge dang / stag dang / don dang / dred dang / gcan gzan sdig pa can sems can la gnod par 'gyur ba dag shing rta bcu tshang bar bsad dam/ yi dwags dang / srin po dang / grul bum dang / ka ta pu ta na dang / brjed byed dang / smyo byed dang / skem </font><hr>Ka390a<br><font size=+1>


@#/ /byed la sogs pa yi dwags sems can la gnod par 'gyur ba dag gi srog bcad kyang rnam par smin pa'i sdig med do/ /gal te mi'i nang na ngan pa zhig bsad na'ang rnam par smin pa'i sdig yod de/ bsad ma thag tu ma mthol na yi dwags kyi khams su ltung bar 'gyur ro/ /gal te zhag gsum zan mi za bar mthol zhing bshags na| sdig pa'ang lhag ma ma lus par 'byang bar 'gyur ro/ /gal te slob dpon bsad dam/ pha ma dang / bud med bsad dam/ bal glang bsad na lo grangs med pa stong gi bar du sems can dmyal bar ltung bar 'gyur ro zhes smra'o/ /rigs kyi bu/ sangs rgyas dang / byang chub sems dpa' ni shes bzhin du bsad pa la rnam pa gsum ste/ rab dang / 'bring dang / tha ma'o/ /tha ma ni/ grog sbur la sogs te/ byol song gi skye gnas thams cad do/ /de la ma gtogs pa ni byang chub sems dpa' dag byol song gi lus su skye bar ston pa'o| |rigs kyi bu/ byang chub sems dpa' sems dpa' chen po smon lam gyi dbang gis byol song gi skye gnas su skye ba ston pa'ang yod de/ de ni gsod pa'i tha ma zhes bya'o/ / gsod pa tha ma'i rgyu dang rkyen gyis kyang sems can dmyal ba dang / byol song gi skye gnas dang / yi dwags kyi khams su ltung ste/ sdug bsngal tha ma myong bar 'gyur ro/ /de ci'i phyir </font><hr>Ka390b<br><font size=+1>


zhe na/ byol song la'ang dge ba'i rtsa ba cung zad yod de/ de dag bsad na kha na ma tho ba'i rnam par smin pa myong bar 'gyur te/ de ni gsod pa tha ma zhes bya'o/ /gsod pa 'bring zhes bya ba ni/ so so'i skye bo ma rabs nas rgyun du zhugs pa'i bar du ni 'bring zhes bya ste/ las de'i rgyu dang rkyen gyis kyang sems can dmyal ba dang / byol song gi skye gnas dang / yi dwags kyi khams su ltung ste| sdug bsngal 'bring myong bar 'gyur bas 'di ni gsod pa 'bring zhes bya'o/ /gsod pa rab ces bya ba ni/ pha ma bsad pa nas/ dgra bcom pa dang / rang sangs rgyas dang / byang chub sems dpa' nges pa'i bar du bsad na rab ces bya'o/ /de'i rgyu de'i rkyen gyis mtshams med pa'i sems can dmyal ba chen por lhung zhing sdug bsngal rab myong bar 'gyur te/ de ni bsad pa rab ces bya'o/ /rigs kyi bu/ gang zhig gis log sred can bsad na bsad pa rnam pa gsum gang du'ang mi bsdu'o/ /rigs kyi bu/ bram ze de dag ni thams cad kyang log sred can zhes bya'o/ / dper na/ sa rko ba dang / rtswa rnga ba dang / shing gcod pa dang / ro la ma tshon gyis btab bam/ rgyab pa dang / btsogs brdegs kyang / kha na ma tho ba'i rnam par smin par mi 'gyur la/ log sred can bsad pa'ang de dang 'dra ste/ kha na ma tho ba'i rnam par smin pa med do/ /de ci'i phyir zhe na/ bram ze de dag la'ang dad pa la sogs te dbang po lnga'i bar du med pas na de dag bsad kyang </font><hr>Ka391a<br><font size=+1>


@#/ /sems can dmyal bar mi ltung ngo // //'phags pa yongs su mya ngan las 'das pa chen po'i mdo/ bam po nyi shu rtsa gnyis pa/ rigs kyi bu khyod kyis 'di skad du de bzhin gshegs pa la khyod ci'i phyir lha sbyin la glen pa mchil ma za'o zhes sbyos te ci bya zhes zer ba mi rigs so/ /de ci'i phyir zhe na/ sangs rgyas bcom ldan 'das ni ji tsam du gsung ngo cog bsam gyis mi khyab pa yin no/ /rigs kyi bu/ yang dag par smra ba la ni 'jig rten pa thams cad 'dod do/ /dus ma yin pa dang / chos ma yin pa dang / phan pa dang bde bar mi 'gyur ba'i tshig ni nam du'ang mi gsung ngo / /rigs kyi bu/ tshig kha cig ni shin tu brlang zhing rtsub la rdzun pa'ang yin te/ dus ma yin pa dang / chos ma yin pa dang / gang gis thos kyang mi 'dod pa dang / phan pa dang / bde bar mi 'gyur ba na ngas nam du'ang ma gsungs so/ /rigs kyi bu/ tshig tu gsungs pa kha cig ni brlang zhing rtsub kyang yang dag pa mi rdzun pa ste/ dus dang ldan pa/ chos dang ldan pa/ sems can thams cad la phan pa dang bde ba ste/ thos pas mi dga' bar 'gyur ba'ang nges par gsung ngo / /de ci'i phyir zhe na/ sangs rgyas bcom ldan 'das ni mkhyen pa dang ldan pa ste/ shin tu thabs mkhas pa dang ldan pa'i phyir ro/ /rigs kyi bu/ ngas sngon dus gcig na 'brog dgon pa dang / grong dang </font><hr>Ka391b<br><font size=+1>


grong khyer dang / nags tshal du rgyu zhing gshegs pa na/ nags tshal gyi drung na yi dwags 'brog dgon pa zhes bya ba zhig yod de/ zas su sha za khrag 'thung bas sems can mang po la gnod par yang 'gyur la/ grong khyer de'i mi rnams la nyin re zhing re re za'o/ /rigs kyi bu/ ngas de'i tshe na yi dwags de la chos rgyas par bstan cing bshad kyang khro zhing gtum la glen te shes pa med pas ngas bstan pa mi nyan to/ /de'i tshe na ngas yi dwags mthu chen po dang ldan pa zhig tu sprul nas de'i gnas kyang bsgul te mi bde bar byas so/ /de'i tshe na yi dwags de de ma thag tu 'khor dang bcas te gnas nas byung nas/ nga la rgol du chas so/ /de'i tshe yi dwags des nga mthong ma thag tu dran pa stor te myos bzhin du shin tu 'jigs skrag pas/ sa la 'gyel te brgyal bar gyur nas mi ro lta bur dbugs kyang chad par gyur to/ /de la ngas byams pa brtse ba'i thugs bskyed nas lag pas de'i mgo bo la byugs pas de ma thag tu phyir sangs nas 'di skad ces smras so/ /bdag ni deng lus dang srog kyang phyir thob ste/ lha'i rgyal po chen po 'di ni shin tu mthu che ba dang gzi brjid che ba ste/ byams pa brtse ba'i thugs dang ldan pas bdag gi nyes pa'i skyabs kyang byas zhes smras so/ /de'i tshe na yi dwags de nga la dad pa'i sems bskyed pas/ ngas de'i tshe phyir yang de bzhin gshegs pa'i skur sprul nas gzhan </font><hr>Ka392a<br><font size=+1>


@#/ /yang chos rnam pa sna tshogs bstan cing bshad nas/ yi dwags de srog mi gcod pa'i khrims srung du bcug go /de'i tshe na 'brog dgon pa'i grong khyer de na khyim bdag gcig za ba'i res la bab nas grong gi mi rnams kyis kyang yi dwags de'i drung du bskyal lo/ /de'i tshe yi dwags des khyim bdag blangs nas nga la phul lo/ /ngas kyang blangs nas khyim bdag de'i ming yang lag pa zhes btags so /de'i tshe na yi dwags des bcom ldan 'das la 'di skad ces gsol to/ /bcom ldan 'das/ bdag cag 'khor dang bcas pa ni sha dang khrag 'tshal ba lags na/ de srog mi gcod pa'i khrims blangs na bdag cag cis 'tsho bar bgyi/ de la ngas 'di skad ces bka' stsal to/ /deng phyin chad nga'i nye gnas nyan thos rnams gang na sangs rgyas kyi chos la nan tan byed pa'i gnas thams cad du kun gyis khyod la zas sbyin par bka' stsal to/ /rigs kyi bu/ de'i rgyu de'i rkyen gyis dge slong rnams kyis 'brog dgon pa'i yi dwags la rtag tu gtor ma byin cig ces khrims bcas pa yin no/ /gal te gnas khang dag tu gtor ma ma byin par gyur na de dag ni nga'i nye gnas ma yin te/ lha'i bdud kyi dpung dang 'khor yin par rig par bya'o/ /rigs kyi bu/ de bzhin gshegs pa ni sems can gdul ba'i phyir de lta bu'i thabs rnam </font><hr>Ka392b<br><font size=+1>


pa sna tshogs ston te/ ched du de dag 'jigs par byed pa ni ma yin no/ /rigs kyi bu/ ngas sngon dbyug pa thogs te/ yi dwags chos srung ba zhes bya ba la brdegs so/ /yang dus gcig na yi dwags lug mgo zhes bya ba ri ka nas phul te rbab tu btang ngo / /gzhan yang shing ka nas yi dwags spre'u zhes bya ba g.yang du btang ba dang / bal glang nor srung ba zhes bya ba seng ge lnga mthong bar byas pa dang / rdo rje'i lus su sprul nas mu stegs can kun tu smra ba 'jigs par byas pa dang / seng ldeng gi phur bu yi dwags spu can la btsugs pa dang / de la sogs pa byas kyang yi dwags de dag la gnod par ma gyur te/ de dag la dam pa'i chos la gnas par bya ba'i phyir thabs rnam pa sna tshogs ston to/ /rigs kyi bu/ ngas de'i tshe na yang dag par lha sbyin la spyos pa'ang med la/ lha sbyin nyid kyang glen pa'ang ma yin/ mi'i mchil ma za ba'ang ma yin/ ngan song du skye bar yang mi 'gyur/ mtshams med pa'i sems can dmyal bar bskal pa gcig gi bar du sdug bsngal myong ba'ang ma yin/ dge 'dun gyi dbyen byas pa'am/ sangs rgyas kyi sku la khrag phyung ba'ang ma yin/ rtsa ba bzhi nyams pa'ang ma yin/ dam pa'i chos la skur ba dang / theg pa chen po'i mdo sde la skur pa'ang ma yin/ log sred can yang ma yin/ nyan thos dang rang sangs rgyas kyang ma yin no/ /rigs kyi bu/ </font><hr>Ka393a<br><font size=+1>


@#/ /lha sbyin zhes bya ba ni yang dag par na nyan thos dang / rang sangs rgyas kyi spyod yul ma yin gyi/ sangs rgyas nyag gcig gis mkhyen cing gzigs par zad do/ / rigs kyi bu/ de bas na khyod kyis 'di skad du de bzhin gshegs pas ci'i phyir lha sbyin la smod pa dang / gshe ba dang / spyo ba mdzad ces ma 'dri zhig /khyod kyis ni sangs rgyas rnams kyi spyod yul la de ltar the tshom bskyed pa'i mi rigs so/ /byang chub sems dpa' 'od srung gis yang bcom ldan 'das la gsol pa/ dper na/ bu ram shing ni yang dang yang bskol na ro rnam pa sna tshogs 'byung ba dang 'dra bar bdag kyang bcom ldan 'das las yang dang yang thos pas chos kyi ro rnam pa mang du thob pa ni/ 'di lta ste/ 'byung ba'i ro dang / 'dod pa spong ba'i ro dang / zhi ba'i ro dang / byang chub kyi ro rnams so/ /yang bcom ldan 'das/ dper na/ gser yang dag pa ni yang dang yang bzhu ste brdungs na gser btso mar 'gyur te/ shin tu gsal ba dang / mnyen pa dang / shin tu 'od gsal ba dang / rin thang skye bar 'gyur te/ lha dang mi'i rin po cher 'gyur ro/ /bcom ldan 'das de bzhin gshegs pa'ang de dang 'dra ste/ yang dang yang zhu zhing dris na shin tu zab mo'i don thos pa dang mthong bar 'gyur bas zab mo la rnal 'byor pa rnams gzungs su </font><hr>Ka393b<br><font size=+1>


'dzin cing nan tan byed pa dang / skye bo tshad med pa dag bla na med pa yang dag par rdzogs pa'i byang chub tu sems bskyed par 'gyur ba dang / de'i 'og tu lha dang mi la sogs pas bsti stang dang / bkur stir mchod par 'gyur ro/ /de nas bcom ldan 'das kyis byang chub sems dpa' 'od srung la legs so/ /legs so zhes bya ba byin te/ 'od srung / byang chub sems dpa' sems dpa' chen pos sems can la phan pa dang bde bar 'dod pa'i phyir shin tu zab mo'i don 'di dris pa legs so/ /rigs kyi bu/ don de lta bas na/ ngas kyang khyod kyis bsams pa bzhin du theg pa chen po shin tu rgyas pa zab mo'i don bstan pa ni/ 'di lta ste/ rab tu dga' ba bu gcig pa dang 'dra ba'i sa bstan pa'o/ /byang chub sems dpa' 'od srung gis yang bcom ldan 'das la gsol pa/ gal te byang chub sems dpa' dag byams pa dang / snying rje dang / dga' ba la nan tan byas pas bu gcig pa dang 'dra ba'i sa thob par 'gyur na/ btang snyoms kyi sems la nan tan bgyid pa na sa gang dag thob par 'gyur/ bcom ldan 'das kyis bka' stsal pa/ legs so/ /shin tu legs so| |rigs kyi bu khyod ni shin tu dus la mkhas pas ngas kyang bshad par dgongs pa las khyod kyis zhus pa legs so/ /byang chub sems dpa' sems dpa' chen po btang </font><hr>Ka394a<br><font size=+1>


@#/ /snyoms kyi sems la nan tan byed pa na/ rab 'byor ltar stong pa nyid kyi mnyam pa'i sa la gnas par 'gyur ro/ /rigs kyi bu/ byang chub sems dpa' sems dpa' chen po stong pa nyid kyi mnyam pa'i sa la gnas pa na/ pha ma dang / phu nu dang / sring mo dang / bu dang / gnyen bshes dang / byams sdang du mi dmigs pa nas/ phung po dang / khams dang / skye mched dang / sems can dang / 'tsho ba'i bar du mi dmigs so/ /rigs kyi bu/ de ltar nam mkha' la pha ma dang / phu nu dang / chung ma dang / bu med pa nas/ sems can dang / 'tsho ba'i bar du med pa dang 'dra bar chos thams cad kyang pha ma nas/ 'tsho ba'i bar du med do/ /rigs kyi bu/ byang chub sems dpa' sems dpa' chen po'ang chos thams cad la sems mnyam par lta ba ni ji ltar nam mkha' dang 'dra'o/ /de ci'i phyir zhe na/ stong pa nyid kyi chos la nan tan byed pa la shin tu mkhas pa'i phyir ro/ /byang chub sems dpa' 'od srung gis yang bcom ldan 'das la gsol pa/ de la stong pa nyid ces bgyi ba gang lags/ bka' stsal pa/ rigs kyi bu/ stong pa nyid ces bya ba ni/ 'di lta ste/ nang stong pa nyid dang / phyi stong pa nyid dang / phyi nang stong pa nyid dang / 'dus byas stong pa nyid dang / 'dus ma byas stong pa nyid dang / </font><hr>Ka394b<br><font size=+1>


thog ma dang tha ma med pa stong pa nyid dang / rang bzhin stong pa nyid dang / dmigs su med pa'i stong pa nyid dang / don dam pa'i stong pa nyid dang / stong pa nyid kyi stong pa nyid dang / chen po stong pa'o/ /byang chub sems dpa' sems dpa' chen po ji lta bur nang gi stong pa la yongs su rtog ce na/ byang chub sems dpa' sems dpa' chen po nang gi chos stong pa nyid du rtog go /nang gi chos stong pa nyid ni/ 'di lta ste/ pha ma dang / byams sdang dang / sems can dang / 'tsho ba dang / rtag pa dang / bde ba dang / bdag dang / yongs su dag pa'ang med| de bzhin gshegs pa dang / chos dang / dge 'dun dang / rdzas kyi dngos po'ang med do/ /de ltar nang gi chos la sangs rgyas kyi rang bzhin yod mod kyi/ sangs rgyas kyi rang bzhin de ni nang na'ang ma yin/ phyi rol na'ang ma yin no/ /de ji lta zhe na/ sangs rgyas kyi rang bzhin ni rtag pa/ gnas pa/ mi 'gyur mi 'pho ba'i phyir ro/ /de dag ni byang chub sems dpa' sems dpa' chen po nang gi stong pa nyid la yongs su rtog pa zhes bya'o/ /phyi rol gyi stong pa nyid kyang de dang 'dra ste/ nang gi chos cung zad kyang med pa'o/ /phyi nang gi stong pa'ang de dang 'dra'o/ /rigs kyi bu/ de bzhin gshegs pa dang / sangs rgyas dang / chos dang / dge 'dun dang / sangs rgyas kyi rang bzhin ni stong pa gnyis po 'di la mi </font><hr>Ka395a<br><font size=+1>


@#/ /gnas so/ /de ci'i phyir zhe na/ de ltar rtag pa dang / bdag dang / bdag dang /yongs su dag pa dang / chos rnam pa bzhi po 'di dag ni stong pa nyid ces mi bya ste| phyi nang gnyis ka stong pa nyid ces bya'o/ /rigs kyi bu/ 'dus byas stong pa nyid ni ji tsam du 'dus byas kyi chos thams cad stong pa nyid do/ /'di lta ste/ nang stong pa nyid dang / phyi stong pa nyid dang / phyi nang stong pa nyid dang / rtag pa dang / bde ba dang / bdag dang / yongs su dag pa stong pa nyid dang / sems can dang / 'tsho ba dang / de bzhin gshegs pa pa dang / chos dang / dge 'dun dang / don dam pa stong pa ste/ de la sangs rgyas kyi rang bzhin 'dus byas kyi chos ma yin te/ de bas na sangs rgyas kyi rang bzhin ni 'dus byas kyi chos kyi stong pa nyid ma yin pas 'dus byas kyi stong pa zhes bya'o/ /rigs kyi bu/ de la ji ltar na byang chub sems dpa' sems dpa' chen po 'dus ma byas pa'i stong pa la yongs su rtog pa zhe na/ 'dus ma byas kyi chos de ni thams cad kyang stong pa nyid do/ /'di lta ste/ mi rtag pa dang / sdug bsngal ba dang / yongs su ma dag pa dang / bdag med pa dang / phung po dang / khams dang / skye mched dang / sems can dang / 'tsho ba'i mtshan nyid dang / 'dus byas dang / zag pa dang bcas pa dang / nang gi chos dang / phyi rol gyi chos so/ / </font><hr>Ka395b<br><font size=+1>


'dus ma byas pa'i chos las/ sangs rgyas la sogs te/ chos rnam pa bzhi po 'di dag ni 'dus byas kyang ma yin la/ 'dus ma byas pa'i mtshan nyid kyang ma yin te/ dge ba'i phyir na 'dus ma byas pa nyid ma yin no/ /rtag pa dang gnas pa'i phyir 'dus byas pa ma yin te/ 'di dag ni byang chub sems dpa' 'dus ma byas pa'i stong pa la yongs su rtog pa zhes bya'o/ /de la ji ltar na byang chub sems dpa' thog ma med pa'i stong pa nyid la yongs su rtog pa zhe na/ byang chub sems dpa' sems dpa' chen pos 'khor ba la mtha' med par mthong bas thams cad kyang stong pa nyid dang rab tu zhi ba'o/ /'di lta ste/ stong pa nyid ces bya ba ni rtag pa dang / bde ba dang / bdag dang / yongs su dag pa ste/ thams cad stong pa nyid kyis zhi ba/ 'gyur ba dang 'pho ba med pa/ sems can dang / 'tsho ba dang / dkon mchog gsum dang / sangs rgyas kyi rang bzhin dang / 'dus ma byas pa'i chos kyang med pa ni byang chub sems dpa' thog ma med pa'i stong pa nyid la yongs su rtog pa zhes bya'o/ /de la ji ltar na byang chub sems dpa' sems dpa' chen po dmigs su med pa'i stong pa nyid la yongs su rtog pa zhe na/ dper na/ mi zhig bu med pas khyim stong ngo zhes mthar byams pa dang sdang ba med par rtog pa dang / glen pa gti mug can </font><hr>Ka396a<br><font size=+1>


@#/ /dag phyogs tsam stong ngo zhes smra ba dang / dbul po ngan pa dag thams cad stong pa'o zhes kha cig ni stong pa nyid du smra/ kha cig ni stong pa ma yin no zhes smra ba lta bu ma yin te/ byang chub sems dpa' de ltar yongs su rtog pa na mi dbul po dang 'dra bar thams cad stong pa nyid du rtog ste/ de ltar na byang chub sems dpa' sems dpa' chen po dmigs su med pa'i stong pa nyid la yongs su rtog pa zhes bya'o/ /de la ji ltar na byang chub sems dpa' sems dpa' chen po don dam pa'i stong pa nyid la rtog pa zhe na/ rigs kyi bu/ byang chub sems dpa' sems dpa' chen pos don dam pa stong pa nyid la yongs su rtog pa'i tshe mig gi dbang po skye ba na gang nas kyang ma 'ongs la| tha ma 'gags pa'i dus na'ang song ba med do/ /thog ma nas med la yod pa dang / yod nas kyang phyir med par 'gyur te/ de ltar yang dag pa nyid kyi rjes bcad na mig kyang med/ bdag po'ang med de/ ji ltar mig la rang bzhin med pa dang 'dra bar chos thams cad kyang de dang 'dra'o/ /chos gang la sogs pa la don dam pa'i stong pa zhes bya zhe na/ las kyang yod/ rnam par smin pa'ang yod bzhin du byed pa yod par mi mthong ste/ stong pa'i chos 'di dag ni don dam pa'i stong pa zhes bya ste/ de ltar na byang </font><hr>Ka396b<br><font size=+1>


chub sems dpa' sems dpa' chen po don dam pa'i stong pa nyid la rtog pa zhes bya'o/ /de la ji ltar na byang chub sems dpa' sems dpa' sems dpa' chen po stong pa nyid kyi stong pa la rtog pa zhe na/ stong pa nyid kyi stong pa zhes bya ba ni nyan thos dang / rang sangs rgyas la sogs pas myong bar 'gyur ba'i gnas yin te/ rigs kyi bu/ yod pa'ang ma yin la/ / med pa'ang ma yin pa ni stong pa nyid kyi stong pa zhes bya'o/ /yin pa'ang ma yin la/ ma yin pa'ang ma yin pa ni stong pa nyid kyi stong pa zhes bya'o/ /rigs kyi bu/ sa bcu la gnas pa'i byang chub sems dpa' yang de la phyogs cung zad rdul gyi cha shas tsam rtog par 'gyur ba yin na gzhan lta smos kyang ci dgos/ rigs kyi bu/ de ltar stong pa nyid kyi stong pa ni nyan thos kyi stong pa nyid kyi stong pa'i ting nge 'dzin dang thun mong du 'gyur ba ma yin te/ de ni byang chub sems dpa' stong pa nyid kyi stong pa la yongs su rtog pa zhes bya'o/ /rigs kyi bu/ de la ji ltar na byang chub sems dpa' sems dpa' chen po stong pa chen po la yongs su rtog pa zhe na/ rigs kyi bu/ stong pa chen po zhes bya ba ni/ 'di lta ste/ shes rab kyi pha rol tu phyin pa ste stong pa chen po zhes bya'o/ /rigs kyi bu/ byang chub sems dpa' sems dpa' chen po sa 'di la gnas pa na stong pa nyid kyi sgo thob pas nam mkha' lta bur </font><hr>Ka397a<br><font size=+1>


@#/ /mnyam pa'i sa la gnas par 'gyur ro/ /rigs kyi bu/ ngas 'khor gyi dkyil 'khor chen po 'dir 'di lta bu la sogs pa stong pa nyid kyi don bstan pa na/ byang chub sems dpa' sems dpa' chen po klung gang+gA bcu'i bye ma snyed nam mkha' ltar mnyam pa'i sa la gnas par gyur to/ /rigs kyi bu/ byang chub sems dpa' sems dpa' chen po dag sa de la gnas nas chos thams cad la thogs pa med de/ gzung ba'ang med/ mos bar 'gyur ba'ang med de/ don de lta bas na nam mkha' ltar mnyam pa'i sa zhes bya'o/ /rigs kyi bu/ 'di lta ste/ dper na/ nam mkha' ni gzugs yid du 'ong ba la chags par yang mi byed/ yid du mi 'ong ba'i gzugs la zhe sdang yang mi skyed do/ /byang chub sems dpa' sems dpa' chen po sa 'di la gnas pa'ang de dang 'dra ste/ gzugs bzang po dang / ngan pa la 'dod pa'am/ zhe sdang ba'i sems med do/ /rigs kyi bu/ 'di lta ste/ dper na/ nam mkha' ni rgya che la yangs pas zla med de/ chos thams cad shong pa dang 'dra bar byang chub sems dpa' sems dpa' chen po'ang sa de la gnas na de dang 'dra bar shin tu rgya che ba dang / bla med pa dang / chos thams cad shong ba yin no/ /don de lta bas na nam mkha' ltar mnyam pa'i sa zhes </font><hr>Ka397b<br><font size=+1>


bya'o| |rigs kyi bu/ byang chub sems dpa' sems dpa' sems dpa' chen pos sa 'di la gnas na chos thams cad mthong ba dang rtogs par 'gyur te/ gal te spyod dam/ dmigs sam/ de'i rang bzhin dang / mtshan nyid dang / rgyu dang / rkyen dang / sems can gyi sems dang / dbang po dang / bsam gtan dang / theg pa dang / dge ba'i bshes gnyen dang / tshul khrims srung ba dang / sbyin pa la spyod pa la sogs pa chos thams cad rtogs shing mthong bar 'gyur ro/ /rigs kyi bu/ gzhan yang byang chub sems dpa' sems dpa' chen po sa de la gnas na shes bzhin du mi mthong ngo / /gang dag shes she na/ 'di lta ste/ bdag smyung bar byed pa'i chos dang / chur mchong ba dang / mer mchong ba dang / brag las mchong ba dang / rkang pa ya cig gis 'greng ba dang / tsha ba lngas bsreg pa dang / thal khung dang / sa dang / tsher phung dang / lo ma dang / rtswa dang / lci ba'i steng na nyal ba dang / gos rtsub po gso ras gyon pa dang / dur khrod dang / phyag dar khrod du bor ba'i bar bur gyon pa dang / kham pa la gyon pa dang / sha ba'i phags pa gyon pa dang / shing shun dang / rtswa gyon pa dang / rtswa dang 'bras bu za ba dang / pad+mo'i rtsa ba dang / snum gyi zhag dang / ba lang gi lci ba dang / rtsa ba dang 'bras bu za ba dang / gal te slong zhing za na'ang / khyim bdag gcig las lhag par mi slong ste/ ci </font><hr>Ka398a<br><font size=+1>


@#/ /ste med byas na/ nga thal byung du 'gro ste/ phyir bos kyang 'ong mu mi btub pa dang / lan tshwa dang / sha dang / ba'i 'o ma las gyur pa'i ro rnam pa lnga myong bar mi byed pa dang / rtag tu phub ma za zhing chu tshan 'thung ba dang / ba lang gi dka' thub dang / khyi dang bya dang phag gi dka' thub len pa dang / lus la thal ba skud pa dang / skra skyed pas mtshan mar 'dzin pa dang / lug gis lha rjed cing de'i 'og tu gsod pa dang / zla ba bzhi mi rjed pa dang / zhag bdun rlung za ba dang / me tog rnam pa brgya stong gis lha rnams la mchod de/ de'i rkyen gyis 'dod pa thams cad 'grub bo zhes zer ba dang / de la sogs pa chos 'di dag ni bla na med pa rnam par thar pa'i rgyur 'gyur ba'i gnas med do/ /de dag ni shes par bya ba zhes bya'o/ /de la mi mthong ba ni byang chub sems dpa' sems dpa' chen pos gang zag gcig tsam yang chos de dag byas pas yang dag par rnam par thar pa ma mthong bas na mi mthong ba zhes bya'o/ /rigs kyi bu/ gzhan yang byang chub sems dpa' sems dpa' chen po shes bzhin du mthong ba'ang yod do/ /de la mthong ba gang zhe na/ sems can dag log par 'gro ba'i chos de dag byas na gdon mi za bar sems can dmyal bar ltung bar mthong </font><hr>Ka398b<br><font size=+1>


ste| de ni mthong ba zhes bya'o/ /de la shes pa gang zhe na/ sems can de dag sems can dmyal ba de las thar nas mir skyes te/ sbyin pa'i pha rol tu phyin pa la spyod pa nas pha rol tu phyin pa gzhan gyi bar du rdzogs par spyod na de dag gdon mi za bar yang dag pa'i rnam par grol ba thob par shes te/ de ni shes pa zhes bya'o/ /rigs kyi bu/ gzhan yang byang chub sems dpa' sems dpa' chen pos mthong ba dang shes pa yod do/ /de la mthong ba gang zhe na/ rtag pa dang mi rtag pa dang / sdug bsngal ba dang bde ba dang / yongs su dag pa dang yongs su ma dag pa dang / bdag dang bdag med pa mthong ba ni mthong ba zhes bya'o/ /de la shes pa gang zhe na/ de bzhin gshegs pa rnams ni mthar mya ngan las 'da' bar gshegs pa ma yin par shes pa dang / de bzhin gshegs pa rnams kyi sku ni rdo rje ste/ mi 'jig pa/ nyon mongs pa las grub pa ma yin pa/ btsog pa dang / mnam pa dang / rul ba dang / myags pa'i sku ma yin par shes so/ /gzhan yang sems can thams cad la sangs rgyas kyi rang bzhin yod par shes pa ste/ de ni shes pa zhes bya'o/ /rigs kyi bu/ gzhan yang byang chub sems dpa' sems dpa' chen pos shes pa dang / mthong ba yod do/ /de la shes pa ni sems can gang dag dad pa'i sems </font><hr>Ka399a<br><font size=+1>


@#/ /dang ldan pa shes so/ /sems can gang dag ni theg pa chen po tshol bar byed/ gang zag gang ni 'khor ba'i rjes su 'brang bar byed/ gang zag gang ni 'khor ba las zlog par byed/ gang zag gang ni yang dag pa gnas par byed/ sems can gang dag ni pha rol tu phyin pa'ang rab tu shes so/ /'khor ba ni byin pa ma rabs so/ /'khor ba las zlog pa ni rgyun du zhugs pa nas/ rang sangs rgyas kyi bar du thob pa'o/ /yang dag pa la gnas pa ni byang chub sems dpa' rnams so/ /pha rol tu phyin pa ni yang dag par rdzogs pa'i sangs rgyas yin te/ de dag ni shes pa zhes bya'o/ /de la mthong ba ni byang chub sems dpa' sems dpa' chen po theg pa chen po yongs su mya ngan las 'das pa'i mdo sde la gnas nas tshangs par spyod pa'i sems dang / shin tu rnam par dag pa'i 'phrul gyi mig gis so so'i skye bo dag lus dang / ngag dang / yid kyi sgo nas mi dge ba gsum gyi las byas pas sems can dmyal ba dang / byol song gi skye gnas dang / yi dwags kyi khams su skye ba mthong ba dang / so so'i skye bo dge ba'i las la nan tan byed pa dag ni tshe 'phos nas mtho ris kyi lha dang / mir skye ba mthong ba dang / de la sems can kha cig ni mun pa nas mun par 'gro ba dang / sems can kha cig ni mun pa nas snang bar 'gro/ </font><hr>Ka399b<br><font size=+1>


pa dang / sems can kha cig ni snang ba nas mun par 'gro ba dang / sems can kha cig ni snang ba nas snang bar 'gro ba'ang mthong ste/ de ni mthong ba zhes bya'o/ /rigs kyi bu/ gzhan yang byang chub sems dpa' sems dpa' chen pos mthong ba dang / sems pa yod do/ /byang chub sems dpa' sems dpa' chen pos so so'i skye bo kha cig lus la nan tan byas/ tshul khrims la nan tan byas/ sems la nan tan byas/ shes rab la nan tan byas kyang / gang zag de tshe 'di nyid la sdig pa'i las rnam par smin par 'gyur ba dang / 'dod chags dang / zhe sdang dang / gti mug gi rkyen gyis gdon mi za bar sems can dmyal ba'i las rnam par smin par 'gyur ba dang / gang zag dag lus la nan tan byas/ tshul khrims dang / sems dang / shes rab la nan tan byas pas tshe 'di la yang ba tsam myong nas sems can dmyal bar mi ltung ba'ang shes so/ /de la las gang dang / ni 'phral du rnam par smin par 'gyur zhe na/ sdig pa mi dge ba'i las ci yod pa mthol zhing bshags la/ bshags pa'i 'og tu phyis mi byed pa dang / 'dzem pa dang / ngo tsha ba dang ldan pa'i phyir/ dkon mchog gsum la mchod pa byed pa'i phyir/ bdag gis bdag la gnong bskur ba'i phyir/ gang zag de ni dge ba'i las de'i rgyu de'i rkyen gyis sems can dmyal bar </font><hr>Ka400a<br><font size=+1>


@#/ /mi ltung ste/ tshe 'di la myong ba ni/ 'di lta ste/ klad pa na ba dang / mig na ba dang / lto na ba dang / rgyab na ba dang / mi snyan pa dang / 'chi bar 'gyur ba dang / gshe ba dang / spyo ba dang / brgyad pa dang / bskyed pa dang / gzhu ba dang / rdeg pa dang / bzung ba dang / bkres pa dang / skom pas sdug bsngal te/ de dag la sogs pa tshe 'di la'ang myong bar shes pa ni shes pa zhes bya'o/ /de la mthong ba ni byang chub sems dpa' sems dpa' chen pos gang zag kha cig lus la nan tan mi byed/ tshul khrims dang / sems dang / shes rab la nan tan mi byed kyang sdig pa'i las chung du byed na de'i las ni tshe 'di la 'phral du myong bar mthong ngo / /gang zag des sdig pa chung du byas la 'chags shing mthol bar yang mi byed/ bdag gis bdag la gnong bskur bar mi byed/ 'dzem pa dang / ngo tsha bar yang mi byed/ 'jigs pa'am/ skrag par yang mi byed na de las 'phel zhing skye bar 'gyur te/ sems can dmyal ba myong bar mthong ste/ de ni mthong ba zhes bya'o/ /gzhan yang shes la mi mthong ba'ang yod do/ /de la shes pa ni sems can thams cad la sangs rgyas kyis rang bzhin yod par ni shes la/ nyon mongs pas zil gyis mnan te bsgribs nas mi mthong bas na/ de ni shes la mi mthong ba zhes bya'o/ /gzhan </font><hr>Ka400b<br><font size=+1>


yang shes la cung zad mthong ba yod do/ /sa bcu la gnas pa'i byang chub sems dpa' sems dpa' chen po dag ni sems can thams cad la sangs rgyas kyi rang bzhin yod par shes kyang gsal bar mi mthong ba ni zla ba nyin mo mi gsal ba dang 'dra'o/ /gzhan yang mthong yang mthong la shes kyang shes pa ni sangs rgyas bcom ldan 'das so/ /de ni gzigs pa dang / mkhyen pa zhes bya'o/ /gzhan yang mthong ba dang shes pa dang / mi mthong ba dang mi shes pa yod do/ /de la mthong ba dang shes pa ni/ 'di lta ste/ 'jig rten gyi yi ge dang / skad dang / po dang / mo dang / theg pa dang / bum pa dang / khang pa dang / grong khyer dang / zas dang / gos dang / ri dang / chu dang / rab dag sems can gyi tshe'i tshad ni mthong ba dang shes pa zhes bya'o/ /de la mi mthong ba dang mi shes pa ni 'phags pa rnams kyis dgongs te gsungs pa'i tshig dang / pho mo med pa nas ra ba'i bar du med pa ni mi mthong ba dang mi shes pa zhes bya'o/ /gzhan yang shes la mi mthong ba yod de/ shes pa ni sbyin pa'i gnas dang / mchod pa'i gnas shes pa dang / len pa'i gnas shes pa dang / rgyu dang 'bras bu shes pa ste/ de ni shes pa zhes bya'o/ /de la mi mthong ba ni sbyin pa'i gnas dang / mchod pa'i gnas dang / len pa'i gnas mi mthong / rgyu dang 'bras bu rnam par smin pa mi mthong ba ste/ </font><hr>Ka401a<br><font size=+1>


@#/ /de ni mi mthong ba zhes bya'o/ /byang chub sems dpa' sems dpa' chen pos rnam pa brgyad po shes pa ni de bzhin gshegs pa'i spyan rnam pa lngas shes pa zhes bya'o/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ byang chub sems dpa' sems dpa' chen pos de ltar rtogs shing 'tshal bar gyur na phan pa ji lta bu dag thob par 'gyur/ bcom ldan 'das kyis bka' stsal pa/ byang chub sems dpa' sems dpa' chen pos de ltar rtogs shing shes na so so yang dag par shes pa bzhi thob par 'gyur ro/ /'di lta ste/ chos so so yang dag par shes pa dang / don so so yang dag par shes pa dang / tshig so so yang dag par shes pa dang / spobs pa so so yang dag par shes pa'o/ /de la chos so so yang dag par shes pa ni/ chos thams cad dang chos kyi mtshan nyid shes pa'o/ /don so so yang dag pa shes pa ni/ chos thams cad kyi don du btags pa thams cad shes pa ste/ chos kyi rjes su ming dang tshig tu gdags pa las don du 'gyur ba thams cad do| |tshig so so yang dag par shes pa ni/ yi ge'i gtsug lag dang / sgra skad kyi gtsug lag dang / rnam par rig byed kyi gtsug lag dang / 'jig rten pa'i gtsug lag </font><hr>Ka401b<br><font size=+1>


rnams so/ /spobs pa so so yang dag par shes pa ni/ 'di lta ste/ byang chub sems dpa' sems dpa' chen pos ji tsam tshig lta ste/ byang chub sems dpa' sems dpa' chen pos ji tsam tshig mi zlog pa/ 'jigs pa med cing zil gyis mi non pa'o/ /rigs kyi bu/ 'di dag ni byang chub sems dpas de ltar mthong zhing shes pa tsam gyis so so yang dag par shes pa bzhi thob par 'gyur ba zhes bya'o/ /rigs kyi bu/ gzhan yang chos so so yang dag par shes pa ni/ byang chub sems dpa' sems dpa' chen pos nyan thos dang / rang sangs rgyas dang / byang chub sems dpa' dang / sangs rgyas kyi chos rnams yongs su shes pa'o/ /don so so yang dag par shes pa ni/ theg pa la rnam pa gsum yod mod kyi/ gcig tu 'du bar shes pa la so so tha dad pa'i mtshan nyid med pa'o/ /tshig so so yang dag par shes pa ni/ byang chub sems dpa' sems dpa' sems dpa' chen pos chos gcig la'ang ming rnam pa sna tshogs su btags nas bskal pa tshad med pa'i bar du bshad kyang mi rdzogs kyi/ nyan thos dang rang sangs rgyas kyis ni de ltar bshad nus pa'i gnas med do/ /spobs pa so so yang dag par shes pa ni/ byang chub sems dpa' sems dpa' chen po bskal pa tshad med pa'i bar du sems can thams cad la chos rnams ston pa ni ming dang don rnam pa tha dad pa </font><hr>Ka402a<br><font size=+1>


@#/ /sna tshogs bshad kyang zad pa'i mtha' med do/ /rigs kyi bu/ gzhan yang chos so so yang dag par shes pa ni/ byang chub sems dpa' sems dpa' chen pos de ltar chos kun shes kyang de la chags pa med do/ /don so so yang dag par shes pa ni/ don rnams shes kyang de la mi chags so/ /tshig so so yang dag par shes pa ni/ byang chub sems dpa' sems dpa' chen pos ming dang tshig rnams shes kyang de la chags pa med do/ /spobs pa so so yang dag par shes pa ni/ byang chub sems dpa' sems dpa' chen pos de ltar bstan cing bshad pa ni mchog yin par shes kyang de la mi chags pa'o/ /de ci'i phyir zhe na/ rigs kyi bu/ gal te chags par gyur na byang chub sems dpa' zhes mi bya'o/ /byang chub sems dpa' 'od srung gis bcom ldan 'das la yang gsol pa/ bcom ldan 'das/ gal te ma chags na chos 'tshal bar mi 'gyur/ gang chos 'tshal ba ni chags pa ste/ gang mi chags par 'tshal ba ni ci'ang 'tshal ba ma mchis pa lags na/ ci'i slad du de bzhin du gshegs pas chos 'tshal ba la ma chags pa'o zhes gsungs/ bcom ldan 'das kyis bka' stsal pa/ rigs kyi bu/ ji tsam du chags pa ni thogs pa med pa ma yin gyi/ chags pa med pa la </font><hr>Ka402b<br><font size=+1>


thogs pa med pa zhes bya'o/ /rigs kyi bu/ de bas na byang chub sems dpa' thams cad 'dra ste/ chags pa yod na thogs pa med pa ma yin no/ /gal te thogs pa ma yin na byang chub sems dpa' zhes mi bya ste/ de ni byis pa ma rabs yin par rig par bya'o/ /ci'i phyir chags pa de la byis pa ma rabs zhes bya zhe na/ byis pa ma rabs thams cad ni gzugs la chags pa nas rnam par shes pa'i bar du chags so/ /gzugs la chags pas 'dod chags pa'i sems skye'o/ /'dod chags pa'i sems bskyed pas gzugs kyis rnam par bcings pa nas rnam par shes pa'i bar du rnam par bcings so/ /de ltar 'ching bas rnam par bcings pas na skye ba dang / rga ba dang / na ba dang / 'chi ba dang / zlos pa'i mya ngan dang / smre sngags 'don pa'i sdug bsngal chen po dang / nyon mongs pa thams cad las thar bar ma gyur to/ /de bas na gang chags pa ni byis pa ma rabs zhes bya ste/ don de lta bas na byis pa ma rabs thams cad ni so so yang dag par shes pa bzhi med do/ /rigs kyi bu/ byang chub sems dpa' sems dpa' chen po ni bskal pa tshad med/ grangs med pa'i bar du chos rnams shes shing mthong bar gyur to/ /de ltar shes shing mthong bas na don yang shes par gyur to/ /de ltar chos kyi mtshan nyid shes shing don shes pas na gzugs rnams la chags pa mi skyed pa </font><hr>Ka403a<br><font size=+1>


@#/ /nas| rnam par shes pa'i bar du'ang de dang 'dra'o/ /de ltar ma chags pas na byang chub sems dpa' gzugs la'ang chags pa'i sems mi skyed pa nas/ rnam par shes pa'i bar du chags pa'i sems mi skyed do/ /de ltar chags pa med pas na gzugs kyis rnam par ma bcings pa nas rnam par shes pa'i bar du ma bcings pa'o/ /de ltar rnam par shes pa ma bcings pas na/ skye ba dang / rga ba dang / na ba dang / 'chi ba dang / zlos pa'i mya ngan dang / smre sngags 'don pa dang / sdug bsngal chen po dang / nyon mongs pa thams cad las rnam par thar par gyur to/ /don de lta bas na byang chub sems dpa' thams cad ni so so yang dag par shes pa bzhi thob pa'o/ /rigs kyi bu/ de'i rgyu de'i rkyen gyis nga'i nye gnas rnams la mdo sde bcu gnyis las kyang chags pas bcings pa ni bdud kyis bcings pa zhes bya'o/ /gang ma chags pa de ni bdud kyis bcings pa las rnam par thar pa zhes bya'o/ /'di lta ste/ dper na/ 'jig rten na gang nyes pa byed pa de ni rgyal pos rnam par bcings par 'gyur ro/ /gang nyes pa med pa de ni rgyal pos kyang mi 'ching ngo / /byang chub sems dpa' sems dpa' chen po'ang de dang 'dra ste/ gang chags pas bcings pa ni bdud kyis bcings pa zhes bya'o/ /gang chags pas </font><hr>Ka403b<br><font size=+1>


ma bcings pa de ni bdud kyis ma bcings pa zhes bya'o/ /de bas na byang chub sems dpa' sems dpa' chen po la ni chags pa med do/ /rigs kyi bu/ gzhan yang chos so so yang dag par shes pa ni/ byang chub sems dpa' sems dpa' chen po yi ge'i gzungs la shin tu mkhas pas brjed par mi 'gyur te/ gzungs zhes bya ba ni/ 'di lta ste/ sa dang ri lta bu'am/ mig dang sprin lta bu'am/ mi dang ma lta bu ste/ chos thams cad kyang de 'dra'o/ /don so so yang dag par shes pa ni/ byang chub sems dpas chos thams cad kyi ming dang tshig shes kyang don mi shes so/ /don so so yang dag par shes pa thob pa ni don rnams kyang shes so/ /ji ltar na don shes pa yin zhe na /de ni sa lta bu 'dzin pa ste/ dper na/ sas ni sems can dang sems can ma yin pa thams cad 'dzin te/ de bas nas lta bur 'dzin pa zhes bya'o/ /rigs kyi bu/ ri lta bur 'dzin pa ni/ byang chub sems dpa' sems dpa' chen po 'di snyam du sems te/ de ci'i phyir ri la 'dzin pa zhes bya zhe na/ ris ni sa bzung ste/ mi g.yo bar byed pas 'dzin pa zhes bya'o/ /ci'i phyir mig la 'dzin pa zhes bya zhe na/ mig gis snang ba 'dzin pa'i phyir na 'dzin pa zhes bya'o/ /ci'i phyir na sprin la 'dzin pa zhes bya zhe na/ sprin ni klu'i dbugs yin te/ klu'i dbugs kyis chu 'dzin pas na sprin yang 'dzin pa </font><hr>Ka404a<br><font size=+1>


@#/ /zhes bya'o/ /ci'i phyir mi la 'dzin pa zhes bya zhe na/ mis chos dang chos ma yin pa 'dzin nus pa'i phyir mi yang 'dzin pa zhes bya'o/ /ci'i phyir ma la 'dzin pa zhes bya zhe na/ mas bu 'dzin pa'i phyir ma yang 'dzin pa zhes bya'o/ /byang chub sems dpa' sems dpa' chen pos chos thams cad kyi ming dang tshig dang don shes pa'ang de dang 'dra'o/ /tshig so so yang dag par shes pa ni/ byang chub sems dpa' sems dpa' chen pos tshig rnam pa sna tshogs kyis don gcig bstan cing bshad pa'ang don med pa'o/ /dper na/ skyes pa dang / bud med dang / khang khyim dang / theg pa dang / sems can la sogs pa'i ming rnams so/ /ci'i phyir don med ce na/ rigs kyi bu/ don med ces bya ba ni byang chub sems dpa' dang / sangs rgyas rnams kyi spyod yul lo/ /tshig ces bya ba ni byis pa ma rabs rnams kyi spyod yul lo/ /don shes pa'i phyir na tshig so so yang dag par shes pa thob par 'gyur ro/ /spobs pa so so yang dag par shes pa ni/ byang chub sems dpa' sems dpa' chen pos tshig shes shing don shes pas bskal pa tshad med grangs med pa'i bar du tshig dang don bshad pa zad mi shes pa'i phyir spobs pa so so yang dag par shes pa zhes bya'o// </font><hr>Ka404b<br><font size=+1>


rigs kyi bu/ byang chub sems dpa' sems dpa' chen pos bskal pa tshad med pa mtha' yas grangs med pa'i bar du kun rdzob kyi bden pa la shin tu nan tan byas so/ /de ltar shin tu nan tan byas pas na chos so so yang dag par shes pa rtogs par gyur to/ /gzhan yang bskal pa tshad med grangs med pa'i bar du don dam pa'i bden pa la nan tan byas pas na/ don so so yang dag par shes pa thob par gyur to/ /gzhan yang bskal pa tshad med mtha' yas pa'i bar du gtsug lag bya ka ra na la shin tu nan tan byas pas tshig so so yang dag par shes pa thob par gyur to/ /gzhan yang bskal pa tshad med grangs med pa'i bar du 'jig rten gyi gtsug lag bslabs pas spobs pa so so yang dag par shes pa thob par gyur to/ /rigs kyi bu/ nyan thos dang rang sangs rgyas kyis ni so so yang dag par shes pa bzhi po 'di dag thob pa'i gnas med do/ /rigs kyi bu/ ngas mdo sde dgu po las| nyan thos dang rang sangs rgyas kyis so so yang dag par shes pa bzhi thob bo zhes gsungs te/ nyan thos dang rang sangs rgyas kyis ni yang dag par thob pa med do/ /de ci'i phyir zhe na/ byang chub sems dpa' sems dpa' chen po ni sems can gyi don byed pas so so yang dag par shes pa bzhi la nan tan byed do/ /rang sangs rgyas la sogs pa ni </font><hr>Ka405a<br><font size=+1>


@#/ /zhi ba phyogs gcig pa spyod de gcig pu gnas pa la dga' bas/ gal te sems can gyi don byed na'ang mngon par shes pa 'ba' zhig ston gyi/ rtag tu cang mi smra bar 'dug pas ston cing bshad pa med na/ so so yang dag par shes pa bzhi lta zhig ga la yod/ /ci'i phyir cang mi smra ba la bstan pa med ce na/ rang sangs rgyas kyis chos bshad pas sems can gyi don byed pa'am pha rol pos drod dang / spyi bo dang / 'jig rten pa'i chos kyi mchog thob par 'gyur ba'am/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob par ram/ sangs rgyas thob par ram/ sangs rgyas thob par ram/ byang chub sems dpa' sems dpa' chen po thob par byed kyang mi nus la/ pha rol pos bla na med pa yang dag par rdzogs pa'i byang chub tu sems bskyed par byed kyang mi nus so/ /de ci'i phyir zhe na/ rigs kyi bu/ rang sangs rgyas ni 'jig rten dang 'jig rten las 'das pa'i mdo sde dgu po med de/ de bas na rang sangs rgyas ni tshig so so yang dag par shes pa dang / spobs pa so so yang dag par shes pa med do/ /rigs kyi bu/ rang sangs rgyas ni chos kun shes mod kyi/ chos so so yang dag par shes pa ni med do/ /de ci'i phyir zhe na/ chos so so yang dag par </font><hr>Ka405b<br><font size=+1>


shes pa ni yi ge shes pa zhes bya ste/ rang sangs rgyas kyis kyang yi ge shes mod kyi/ yi ge so so yang dag par shes pa zhes bya ba med do/ /de yang ci'i phyir zhe na/ rtag pa gnas pa zhes bya ba'i yi ge gnyis po mi shes pas na/ rang sangs rgyas ni tshig so so yang dag par shes pa thob pa ma yin no/ /don shes kyang don so so yang dag par shes pa ma yin no| |yang dag par don shes pa ni sems can thams cad la sangs rgyas kyi rang bzhin yod par shes pa'o/ /sangs rgyas kyi rang bzhin gyi don ni bla na med pa yang dag par rdzogs pa'i byang chub ces bya'o/ /de lta bas na rang sangs rgyas ni don so so yang dag par shes pa thob pa ma yin te/ de bas na rang sangs rgyas ni thams cad kyi thams cad du so so yang dag par shes pa bzhi med do/ /ci'i phyir nyan thos la so so yang dag par shes pa bzhi med ce na/ nyan thos la thabs mkhas pa rnam pa gsum po med pa'i phyir ro/ /gsum po gang zhe na/ nges pa'i tshig 'jam po smra zhing chos sbyin pa dang / nges pa'i tshig rtsub po smra zhing chos sbyin pa dang / 'jam po'ang ma yin rtsub po'ang ma yin pas chos sbyin pa ste| nyan thos la rnam pa gsum po 'di dag med pas na so so yang dag par shes pa bzhi med do/ /gzhan yang nyan thos dang rang sangs rgyas ni tshig dang don shes pa'i </font><hr>Ka406a<br><font size=+1>


@#/ /mthar yang ma phyin la/ spyod yul shes pa'i dbang du 'gyur ba'i ye shes kyang med/ stobs bcu dang mi 'jigs pa bzhi'ang med/ rten cing 'brel par 'byung ba bcu gnyis kyi mthar phyin pa'ang ma yin/ sems can rnams kyi dbang po rno rtul gyi khyad par rtogs par yang ma gyur/ bden pa gnyis la the tshom za ba'i sems kyang yongs su chad pa ma yin/ sems can gyi sems yul ci la dmigs pa'ang mkhas par ma gyur/ don dam pa'i stong pa nyid ston pa la shin tu mkhas par yang ma gyur te| de bas na theg pa chung ngu gnyis kyis ni so so yang dag par shes pa bzhi thob pa ma yin no/ /de nas byang chub sems dpa' 'od srung gis yang bcom ldan 'das la gsol pa/ bcom ldan 'das/ de ltar nyan thos dang rang sangs rgyas la thams cad kyi thams cad du so so yang dag par shes pa bzhi ma mchis na/ ci'i slad du de bzhin gshegs pas 'di skad du/ tshe dang ldan pa shA ri'i bu ni shes rab kyi mchog go /maung+gal ya na chen po ni mngon par shes pa'i mchog go /kauSh+Thi la chen po ni so so yang dag par shes pa bzhi'i mchog ces gsungs la/ ci ste mchis na de bzhin gshegs pa ci'i slad du de skad ces bka' stsal/ de nas bcom ldan 'das kyis </font><hr>Ka406b<br><font size=+1>


byang chub sems dpa' 'od srung la legs so/ /shin tu legs so zhes bya ba byin no/ /rigs kyi bu/ 'di lta ste/ dper na/ klung gang+gA'i chu'ang tshad med la/ klung sin+d+hu zhes bya ba'i chu'ang tshad med/ klung pak+Shu'i chu'ang tshad med/ klung si ta'i chu'ang tshad med/ mtsho ma dros pa'i chu'ang tshad med/ rgya mtsho chen po'i chu'ang tshad med de/ de ltar chu mang po dag tshad med par 'dra mod kyi/ yang dag par na mang nyung ni mi mnyam mo/ /nyan thos dang / rang sangs rgyas dang / byang chub sems dpa' rnams kyi so so yang dag par shes pa bzhi yang de dang 'dra'o/ /rigs kyi bu de la mnyam mo zhes bya ba ni gnas med do/ /rigs kyi bu/ ngas bus pa ma rabs la khyad par du kauSh+Thi la chen po ni so so yang dag par shes pa bzhi'i mchog go zhes gsungs te/ khyod kyis dris pa'i don ni 'di'o/ /rigs kyi bu/ nyan thos kyi theg pa pa dag la las ni gcig tsam thob/ la las ni gnyis tsam thob ste/ bzhi char rdzogs par thob pa ni gnas med do/ /byang chub sems dpa' 'od srung gis yang bcom ldan 'das la gsol pa/ bcom ldan 'das kyis gsungs pa ltar/ sngar tshangs par spyod pa'i le'u gsungs pa las/ byang chub sems dpa' shes pa dang mthong bas so so yang dag par shes pa bzhi thob pa ni/ byang chub sems dpas shes pa dang mthong pa </font><hr>Ka407a<br><font size=+1>


@#/ /la thob pa'ang mchis la/ sems kyang ma mchis pas thob pa med do zhes gsungs te/ bcom ldan 'das/ byang chub sems dpa' sems dpa' chen po ni yang dag par na thob pa ma mchis so/ /ci ste byang chub sems dpa' la thob pa'i sems mchis na byang chub sems dpa' ma lags te/ byis pa ma rabs so zhes gsungs na/ de ci'i slad du de bzhin gshegs pas byang chub sems dpas thob pa mchis so zhes gsungs/ bcom ldan 'das kyis bka' stsal pa/ rigs kyi bu/ legs so/ /ngas kyang bshad par dgongs pa las/ khyod kyis zhus pa shin tu legs so/ /rigs kyi bu/ byang chub sems dpa' sems dpa' chen po ni yang dag par na ci'ang thob pa med de/ /ci'ang thob pa med pa ni so so yang dag par shes pa bzhi zhes bya'o/ /rigs kyi bu/ don ci zhig gi phyir ci'ang thob pa med pa la so so yang dag par shes zhes bya zhe na/ gal te thob pa yod na thogs pa dang bcas pa zhes bya ste/ ji tsam du thogs pa dang bcas pa de ni phyin ci log bzhi zhes bya'o/ /rigs kyi bu/ byang chub sems dpa' sems dpa' chen po la ni phyin ci log bzhi med pa'i phyir so so yang dag par shes pa bzhi 'thob ste/ de bas na byang chub sems dpa' ni </font><hr>Ka407b<br><font size=+1>


ci'ang thob pa med pa zhes bya'o/ /rigs kyi bu/ gzhan yang ci'ang thob pa med pa ni shes rab ces bya'o/ /byang chub sems dpa' sems dpa' chen pos shes rab de thob pas na ci'ang thob pa med pa zhes bya'o/ /thob pa dang bcas pa ni ma rig pa zhes bya ste/ byang chub sems dpa' ni ma rig pa'i mun pa yongs su bcad pas na thob pa med pa zhes bya ste/ de bas na byang chub sems dpa' ni thob pa med pa zhes bya'o/ /rigs kyi bu/ gzhan yang thob pa med pa ni mya ngan las 'das pa chen po zhes bya'o/ /byang chub sems dpa' sems dpa' chen po ni de ltar mya ngan las 'das pa chen po la bde bar gnas pas chos rnams kyi mtshan nyid mi mthong bas byang chub sems dpa' ni thob pa med pa zhes bya'o/ /ji tsam du thob pa dang bcas pa de ni srid pa nyi shu rtsa lnga zhes bya'o/ /byang chub sems dpa' ni srid pa nyi shu rtsa lnga po yongs su bcad nas mya ngan las 'das pa chen po thob pas na byang chub sems dpa' ni ci'ang thob pa med pa zhes bya'o/ /rigs kyi bu/ gzhan yang thob pa med pa ni theg pa chen po zhes bya'o/ /byang chub sems dpa' sems dpa' chen pos chos thams cad la dmigs pas na theg pa chen po thob par 'gyur te/ de bas na byang chub sems dpa' ni ci'ang thob pa med pa zhes bya'o/ /ji tsam du thob pa yod na ni nyan thos dang rang sangs </font><hr>Ka408a<br><font size=+1>


@#/ /rgyas kyi byang chub ces bya'o/ /byang chub sems dpa' ni theg pa chung ngu gnyis kyi byang chub yongs su bcad de sangs rgyas kyi byang chub thob pas na/ byang chub sems dpa' ni thob pa med pa zhes bya'o/ /rigs kyi bu/ gzhan yang thob pa med pa ni shin tu rgyas pa'i mdo sde zhes bya'o/ /byang chub sems dpa' mdo sde 'di klog cing 'don pas na mya ngan las 'das pa chen po thob pa zhes bya ste/ de bas na byang chub sems dpa' ni ci'ang thob pa med pa zhes bya'o/ /thob pa yod pa ni mdo sde bcu gcig po ste/ byang chub sems dpa' theg pa chen po'i mdo sde shin tu rgyas pa 'ba' zhig ston cing 'chad de/ de bas na byang chub sems dpa' ni ci'ang thob pa med pa zhes bya'o/ /rigs kyi bu/ gzhan yang thob pa med pa ni nam mkha' dang mnyam zhes bya'o/ /'jig rten na dngos po ci'ang med pa ni nam mkha' zhes bya ste/ byang chub sems dpas nam mkha' lta bu'i ting nge 'dzin thob pas ci'ang mi mthong ste/ de bas na byang chub sems dpa' ni ci'ang thob pa med pa zhes bya'o/ /thob pa dang bcas pa ni 'khor bar 'khor ba'i 'khor lo ste/ byis pa ma rabs thams cad ni 'khor bar 'khor bas na mthong ba yod do/ /byang chub sems dpas ni 'khor ba thams cad yongs su </font><hr>Ka408b<br><font size=+1>


bcad de/ de bas na byang chub sems dpa' ni ci'ang thob pa med pa zhes bya'o/ /rigs kyi bu/ gzhan yang byang chub sems dpa' sems dpa' chen pos ci'ang thob pa med pa ni rtag pa dang / bde ba dang / bdag dang / yongs su dag pa zhes bya'o/ /byang chub sems dpa' sems dpa' chen pos sangs rgyas kyi rang bzhin mthong bas na rtag pa dang / bde ba dang / bdag dang / yongs su dag pa zhes bya ba thob ste/ de bas na byang chub sems dpa' sems dpa' chen po ni ci'ang thob pa med pa zhes bya'o/ /thob pa dang bcas pas ni mi rtag pa/ mi bde ba/ bdag med pa/ yongs su ma dag pa ste/ byang chub sems dpa' sems dpa' chen pos de ltar mi rtag pa dang / mi bde ba dang / bdag med pa dang / yongs su ma dag pa yongs su bcad pas na byang chub sems dpa' ni ci'ang thob pa med pa zhes bya'o/ /rigs kyi bu/ gzhan yang ci'ang thob pa med pa ni don dam pa'i stong pa nyid ces bya ste| byang chub sems dpa' sems dpa' chen pos don dam pa'i stong pa nyid la rnam par bltas na ci'ang mi mthong bas byang chub sems dpa' ni ci'ang thob pa med pa zhes bya'o/ /thob pa dang bcas pa ni lta ba lnga zhes bya ste/ byang chub sems dpa' ni lta ba lnga yongs su bcad de don dam pa'i stong pa nyid thob pas na byang chub sems dpa' ni ci'ang </font><hr>Ka409a<br><font size=+1>


@#/ /thob pa med pa zhes bya'o// //'phags pa yongs su mya ngan las 'das pa chen po'i mdo/ bam po nyi shu rtsa gsum pa/ rigs kyi bu/ gzhan yang ci'ang thob pa med pa ni bla na med pa yang dag par rdzogs pa'i byang chub ces bya ste/ byang chub sems dpa' sems dpa' chen pos bla na med pa yang dag par rdzogs pa'i byang chub thob pa ni ci'ang thob pa med pas byang chub sems dpa' ni ci'ang thob pa med pa zhes bya'o/ /thob pa dang bcas pa ni nyan thos dang rang sangs rgyas kyi byang chub ste/ byang chub sems dpa' ni theg pa chung ngu gnyis kyi byang chub yongs su bcad pas byang chub sems dpa' ni ci'ang thob pa med pa zhes bya'o/ /rigs kyi bu khyod kyis dris pa'ang thob pa med la/ ngas bshad pa'ang thob pa med do/ /ji tsam du thob pa yod pa de ni bdud kyi ris yin te/ nga'i nye gnas ma yin no/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das kyis byang chub sems dpa'i thob pa ma mchis pa bdag la bstan pa na sems can tshad med pa rnams mtshan ma dang bcas pa'i sems yongs su spangs par gyur te/ de bas na bdag gis thob pa ma mchis pa'i don zhus pas tshad med pa'i sems can de dag bdud kyi 'khor </font><hr>Ka409b<br><font size=+1>


du 'gyur ba spangs nas sangs rgyas kyi nye gnas su gyur to/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ sngar shing sA la'i drung na bzhugs pa na tsund la tshigs su bcad de bka' stsal pa/ sngon ni yod la da ni med/ /sngon ni med la da ni yod/ /dus gsum srid pa'i chos thams cad/ /de lta bu yi gnas mi srid/ /ces bcom ldan 'das kyis gsungs pa'i don ji lta bu lags/ bcom ldan 'das kyis bka' stsal pa/ rigs kyi bu/ /ngas sems can mang po gdul ba'i phyir yang de skad ces gsungs pa yin/ /gzhan yang nyan thos dang rang sangs rgyas kyi phyir yang de skad ces gsungs pa yin/ gzhan yang 'jam dpal gzhon nu'i phyir de skad ces gsungs pa yin gyi/ tsund gcig pu'i phyir de skad ces tshigs su bcad de gsungs pa ma yin no/ /de'i tshe 'jam dpal gyis nga la de skad du zhu bar gzas pa las/ ngas de'i sems pa mkhyen nas de la bshad de/ ngas de ltar bshad nas 'jam dpal gzhon nus ni don yang mngon par rtogs par gyur to/ /byang chub sems dpa' 'od srung gis yang bcom ldan 'das la gsol pa/ bcom ldan 'das/ 'jam dpal ltar don mngon par rtogs pa du mchis/ de bzhin gshegs pas 'khor gyi dkyil 'khor la rgya cher bstan </font><hr>Ka410a<br><font size=+1>


@#/ /du gsol/ bcom ldan 'das kyis bka' stsal pa/ shin tu brtags par nyon cig dang khyod la'ang bshad par bya'o/ /thog ma nas yod ces bya ba ni nga la sngon nyon mongs pa tshad med pa snyed yod de/ nyon mongs pa'i dbang gis da ltar gyi mya ngan las 'das pa chen po med do/ /thog ma nas med ces bya ba ni thog ma nas shes rab kyi pha rol tu phyin pa med de/ shes rab kyi pha rol tu phyin pa med pas da ltar gyi kun nas nyon mongs pa yod do/ /gal te dge sbyong ngam/ bram ze'am/ lha'am/ bdud dam| tshangs pa'am/ mi'am gang yang rung ste/ de bzhin gshegs pa la 'das pa dang / ma 'ongs pa dang / da ltar gyi dus na nyon mongs pa yod ces smra na de ni gnas ma yin no/ /rigs kyi bu/ gzhan yang thog ma nas yod ces bya ba ni nga la thog ma nas pha ma gnyis 'dus pa las byung ba'i lus yod de/ de bas na da ltar gyi rdo rje lta bu'i chos kyi skur ni med do/ /thog ma nas med ces bya ba ni nga'i sku la thog ma nas mtshan sum cu rtsa gnyis dang dpe byad bzang po brgyad cu med de/ thog ma nas mtshan sum cu rtsa gnyis dang / dpe byad bzang po brgyad cu med pas da ltar gyi nad bzhi brgya rtsa bzhi tshang bar yod do/ /de la gal te dge sbyong ngam/ bram ze'am/ lha'am/ </font><hr>Ka410b<br><font size=+1>


bdud dam/ tshangs pa'am/ mir bcas pa gang yang rung ste/ de bzhin gshegs pa la 'das pa dang / ma 'ongs pa dang / da ltar gyi dus na nad kyi sdug bsngal yod ces smra na de ni gnas ma yin no/ /rigs kyi bu/ gzhan yang thog ma nas yod ces bya ba ni nga la thog ma nas mi rtag pa dang / bdag med pa dang / bde ba med pa dang / yongs su dag pa med pa yod de/ de ltar mi rtag pa dang / bdag med pa dang / bde ba med pa dang / yongs su dag pa med pa yod pas da ltar gyi bla na med pa yang dag par rdzogs pa'i byang chub ni med do/ /thog ma nas med ces bya ba ni thog ma nas sangs rgyas kyi rang bzhin ma mthong ste/ de ltar ma mthong bas na rtag pa dang / bde ba dang / bdag dang / yongs su dag pa med do/ /de la gal te dge sbyong ngam/ bram ze'am/ lha'am/ bdud dam/ tshangs pa'am/ mir bcas pa gang zhig gis de bzhin gshegs pa la 'das pa dang / ma 'ongs pa dang / da ltar gyi dus na mi rtag ce'am/ bde ba dang / bdag dang / yongs su dag pa med ces zer na/ de ni gnas ma yin no/ /rigs kyi bu/ gzhan yang thog ma nas yod ces bya ba ni thog ma nas bus pa ma rabs las dka' thub spyod pa'i sems kyis bla na med pa yang dag par rdzogs pa'i byang chub thob snyam ste/ dngos po de lta bu'i phyir da ltar gyi dus na bdud </font><hr>Ka411a<br><font size=+1>


@#/ /rnam bzhi choms pa'ang ma yin no/ /thog ma nas med ces bya ba ni thog ma nas pha rol tu phyin pa drug med do/ /pha rol tu phyin pa drug med pas na bus pa ma rabs kyi dka' thub spyod pa'i sems kyis bla na med pa yang dag par rdzogs pa'i byang chub thob snyam sems so/ /de la gal te dge sbyong ngam/ bram ze'am/ lha'am/ bdud dam/ tshangs pa'am/ mir bcas pa gang zhig gis de bzhin gshegs pa la 'das pa dang / ma byon pa dang / da ltar gyi dus na dka' thub spyod pa yod do zhes smra na/ de ni gnas ma yin no/ /rigs kyi bu/ gzhan yang thog ma nas yod ces bya ba ni nga la thog ma nas zas dang 'dres pa'i lus yod do/ /zas kyi lus yod pas da ltar gyi mtha' yas pa'i sku med do/ /thog ma nas med ces bya ba ni thog ma nas byang chub kyi phyogs kyi chos sum cu rtsa bdun med do/ /de ltar byang chub kyi phyogs kyi chos sum cu rtsa bdun med pas da ltar gyi zas dang 'dres pa'i lus yod do/ /de la gal te dge sbyong ngam/ bram ze'am/ lha'am/ bdud dam/ tshangs pa'am/ mir bcas pa gang zhig gis de bzhin gshegs pa la 'das pa dang / ma 'ongs pa dang / da ltar gyi dus na zas dang 'dres pa'i lus yod ces zer na/ de ni gnas ma yin no/ /rigs kyi bu/ </font><hr>Ka411b<br><font size=+1>


gzhan yang thog ma nas yod ces bya ba ni ngas sngon thog ma nas chos thams cad blang ba dang / chags pa'i sems yod de/ de bas na da ltar gyi mthar phyin pa'i stong pa nyid kyi ting nge 'dzin ni med do/ /thog ma nas med ces bya ba ni thog ma nas dbu ma'i don bden pa med do/ /de ltar dbu ma'i don bden pa med pas chos thams cad la ma chags pa'i sems med do/ / gal te dge sbyong ngam/ bram ze'am/ lha'am/ bdud dam/ tshangs pa'am/ mir bcas pa gang zhig gis de bzhin gshegs pa la 'das pa dang / ma 'ongs pa dang / da ltar gyi dus na chos thams cad la mtshan ma yod do zhes smra na de ni gnas ma yin no/ /rigs kyi bu/ gzhan yang thog ma nas yod ces bya ba ni ngas sngon bla na med pa yang dag par rdzogs pa'i byang chub thob pa na dbang po rtul po nyan thos kyi nye gnas su gyur pa yod do/ /de ltar dbang po rtul po nyan thos kyi nye gnas su gyur pa yod pas na theg pa gcig pu'i bden pa med do/ /thog ma nas med ces bya ba ni thog ma nas dbang po rnon po'i mi'i nang na bal glang gi rgyal po lta bu byang chub sems dpa' 'od srung la sogs pa med do/ / dbang po rnon po 'od srung lta bu med pas na ci rigs su thabs mkhas pas theg pa gsum du phye ste bstan to/ /de la gal te dge sbyong ngam/ bram ze'am/ lha'am/ bdud dam/ </font><hr>Ka412a<br><font size=+1>


@#/ /tshangs pa'am/ mir bcas pa gang gis kyang de bzhin gshegs pa la 'das pa dang / ma 'ongs pa dang / da ltar gyi dus na theg pa gsum mthar phyin pa yin no zhes smra na de ni gnas ma yin no/ /rigs kyi bu/ gzhan yang thog ma nas yod ces bya ba ni ngas sngon 'di skad du da ste zla ba gsum na shing sA la drung gnyis kyi bar na yongs su mya ngan las 'da'o zhes gsungs te/ de bas na da ltar shin tu rgyas pa yongs su mya ngan las 'das pa theg pa chen po'i mdo 'chad par mi 'gyur ro/ /thog ma nas med ces bya ba ni/ thog ma nas 'jam dpal la sogs pa byang chub sems dpa' sems dpa' chen po rnams med do/ /de ltar med pas na da ltar de bzhin gshegs pa la mi rtag go zhes gsungs so/ /de la gal te dge sbyong ngam/ bram ze'am/ lha'am/ bdud dam/ tshangs pa'am/ mi'ang rung / gang zhig gis de bzhin gshegs pa la 'das pa dang / ma 'ongs pa dang / da ltar gyi dus su mi rtag go zhes zer na/ de ni gnas ma yin no/ /rigs kyi bu/ de bzhin gshegs pa ni sems can thams cad kyi phyir chos thams cad mkhyen kyang mi mkhyen ces gsung ngo / /chos thams cad gzigs kyang gzigs pa med do zhes gsung / mtshan ma dang bcas pa'i chos la mtshan ma </font><hr>Ka412b<br><font size=+1>


med do zhes gsung / mtshan ma med pa'i chos kyang mtshan ma dang bcas pa'o zhes gsung / yang dag par mi rtag pa'ang rtag go zhes gsung / yang dag par rtag pa'ang mi rtag go zhes gsung ste/ bdag dang / bde ba dang / yongs su dag pa'ang de bzhin du rgyas par rig par bya'o/ /theg pa gsum gyi chos kyang theg pa gcig tu gsung / theg pa gcig kyang ci rigs par gsum du gsung ngo / /mdo'i mtshan nyid ni rgyas pa'i mtshan nyid du gsung / rgyas pa'i mtshan nyid kyang mdor gsung / phas pham pa bzhi nyes pa sbom por yang gsung / nyes pa sbom po ni phas pham pa bzhir yang gsung / kha na ma tho ba ni kha na ma tho ba ma yin par gsung / kha na ma tho ba ma yin pa ni kha na ma tho ba dang bcas pa yin no zhes gsungs nyes pa yang ba ni lci bar gsung / lci ba ni yang bar yang gsung ngo / /de ci'i phyir zhe na/ de bzhin gshegs pas ni sems can so so'i dbang po gsal bar gzigs pa'i phyir ro/ /rigs kyi bu/ de bzhin gshegs pa ni de skad gsung yang rdzun ma yin no/ /de ci'i phyir zhe na/ brdzun du smra ba ni skyon dang bcas pa yin te/ de bzhin gshegs pa ni nyes pa'i skyon thams cad yongs su bral ba yin na brdzun du smra ba ga la zhig yod/ rigs kyi bu/ de bzhin gshegs pa la brdzun du gsung ba med mod kyi/ ji ste sems </font><hr>Ka413a<br><font size=+1>


@#/ /can dag la brdzun du smra ba'i rkyen gyi chos kyis phan pa'i don du 'gyur na/ ci rigs pa'i thabs kyis de la ston cing gsung ngo / /rigs kyi bu/ kun rdzob kyi bden pa thams cad ni de bzhin gshegs pa'i don dam pa'i bden pa'o/ /de ci'i phyir zhe na/ sangs rgyas bcom ldan 'das ni don dam pa'i bden pa las kun rdzob kyi bden pa gsungs te/ gzhan du na so so'i skye bo dag don dam pa'i bden pa thob par bya ba'i phyir ro/ /ji ste so so'i skye bo dag don dam pa'i bden pa mi thob na sangs rgyas bcom ldan 'das kyis kun rdzob kyi bden pa nam du'ang mi gsung ngo / /rigs kyi bu/ de bzhin gshegs pa ni bar 'ga'i dus su kun rdzob kyi bden pa gsung ba na/ sems can gyis ni de bzhin gshegs pas don dam pa'i bden pa gsung ngo snyam sems so/ /skabs kha cig tu ni don dam pa'i bden pa gsungs pa na sems can gyis de bzhin gshegs pa ni kun rdzob kyi bden pa gsung ngo snyam sems te/ de ni sangs rgyas bcom ldan 'das rnams kyi spyod yul zab mo yin gyi/ nyan thos dang rang sangs rgyas rnams kyis shes pa ni ma yin no/ /rigs kyi bu/ de bas na khyod kyis byang chub sems dpa' sems dpa' chen po la ci'ang thob pa med do zhes brgal ba'i mi rigs so/ / </font><hr>Ka413b<br><font size=+1>


byang chub sems dpa' ni rtag tu don dam pa'i bden pa dang ldan pa yin na/ ci'i phyir ci'ang thob pa med do zhes brgal/ 'od srung gis yang gsol pa/ bcom ldan 'das/ don dam pa'i bden pa ni lam zhes kyang bgyi/ byang chub ces kyang bgyi/ mya ngan las 'das pa zhes kyang bgyi na/ ji ste byang chub sems dpa' lam dang / byang chub dang / mya ngan las 'das ba thob na de ni mi rtag pa lags so/ /de ci'i slad du zhe na/ ji ste rtag pa lags na thob par yang mi rung ngo / /dper na/ nam mkha' ni sus kyang thob par yang mi rung ngo / /bcom ldan 'das/ dper na/ 'jig rten gyi dngos po dag thog ma nas med la da yod pa ni mi rtag pa zhes bgyi na byang chub kyang de dang 'dra ste/ ji ste byang chub thob pa zhig lags na mi rtag pa zhes bgyi'o/ /ji ste chos rtag pa zhig lags na/ thob pa'ang ma mchis la/ skye ba'ang ma mchis te/ dper na/ sangs rgyas kyi rang bzhin yang thob pa'ang ma mchis la/ skye ba'ang ma mchis so/ /bcom ldan 'das/ lam ni gzugs kyang ma lags/ gzugs ma lags pa'ang ma lags/ ring po'ang ma lags/ thung ngu'ang ma lags/ mtho ba'ang ma lags/ dma' ba'ang ma lags/ skye ba'ang ma lags/ 'gog pa'ang ma lags/ dmar po'ang ma lags/ dkar po'ang ma lags/ sngon po'ang ma lags/ ser </font><hr>Ka414a<br><font size=+1>


@#/ /po'ang ma lags/ yod pa'ang ma lags/ med pa'ang ma lags na/ ci'i slad du de bzhin gshegs pas thob par rung zhes gsungs/ byang chub dang / mya ngan las 'das pa'ang de dang mtshungs so/ /bcom ldan 'das kyis bka' stsal pa/ de de bzhin te/ de de bzhin no/ /rigs kyi bu/ lam la rnam pa gnyis te/ rtag pa dang / mi rtag pa'o/ /byang chub la'ang rnam pa gnyis te/ rtag pa dang / mi rtag pa'o/ /mya ngan las 'das pa'ang de dang 'dra ste/ phyi rol pa mu stegs can gyi lam ni mi rtag pa zhes bya'o/ /nang gi lam ni rtag pa zhes bya'o/ /nyan thos dang / rang sangs rgyas kyi byang chub ni mi rtag pa zhes bya'o/ /byang chub sems dpa' dang / sangs rgyas rnams kyi byang chub ni rtag pa zhes bya'o/ /phyi rol gyi rnam par grol ba ni mi rtag pa zhes bya'o/ /nang gi rnam par grol ba ni rtag pa zhes bya'o/ /rigs kyi bu/ lam dang / byang chub dang / mya ngan las 'da' ba ni kun kyang rtag pa zhes bya'o/ /sems can thams cad ni rtag tu nyon mongs pa grangs med pas yongs su khebs te/ shes rab kyi mig med pas mthong bar ma gyur to/ /so so'i skye bo dag mthong bar 'dod pas tshul khrims dang / ting nge 'dzin dang / shes rab la nan tan du spyod do/ /de ltar na nan tan spyod pas na lam dang / byang </font><hr>Ka414b<br><font size=+1>


chub dang / mya ngan las 'da' ba mthong bar 'gyur te/ de ni byang chub sems dpas lam dang / byang chub dang / mya ngan las 'da' ba thob pa zhes bya'o/ /lam gyi mtshan nyid ni yang dag par skye ba'am 'gog pa ma yin te/ de bas na gzung du med do/ /rigs kyi bu/ lam zhes bya ba ni gzugs dang / dbyibs kyang med/ bltar rung ba'am/ dpag tu rung ba'am/ shes par rung ba ma yin mod kyi/ yang dag par na dgos pa yod do/ /rigs kyi bu dper na/ sems can gyi sems kyang gzugs ma yin/ ring po ma yin/ thung ngu ma yin/ sbom po ma yin/ phra mo ma yin/ bcings pa ma yin/ grol ba ma yin/ mthong ba'i chos ma yin mod kyi/ med pa ni ma yin no/ /de bas na ngas khyim bdag skyabs med zas sbyin la sems ni grong khyer gyi bdag po dang 'dra'o/ /khyim bdag /gal te sems ma bsrungs na lus dang ngag kyang bsrung bar mi 'gyur gyi/ sems bsrungs na lus dang ngag kyang bsrung bar 'gyur ro/ /lus dang ngag legs par ma bsrungs na sems can dag ngan song gsum du ltung bar byed do/ /lus dang ngag bsrungs na sems can rnams lha dang mi'i mya ngan las 'das pa thob par 'gyur ro/ /de ltar thob pa ni yang dag pa zhes bya yi/ ma thob pa ni yang dag pa zhes mi bya'o/ /rigs kyi bu/ lam dang / byang chub dang / mya </font><hr>Ka415a<br><font size=+1>


@#/ /ngan las 'da' ba'ang de dang 'dra ste/ yod pa'ang ma yin rtag pa'ang ma yin no/ /ji ste med pa zhig yin na nyon mongs pa thams cad cis chod par 'gyur/ de ltar yod pas na byang chub sems dpa' thams cad kyis kyang mngon sum du gsal bar mthong zhing shes so/ /rigs kyi bu/ mthong ba la rnam pa gnyis te/ mtshan mas mthong pa dang / mngon sum du gsal par mthong ba'o/ /de la ji ltar na mtshan mas mthong ba yin zhe na/ dper na/ rgyang ma nas dud pa mthong na me mthong ba zhes bya ste/ yang dag par me ma mthong ste/ me ma mthong mod kyi/ rdzun yang ma yin no/ /chu bya mthong na chu mthong ba zhes bya ste/ chu ma mthong mod kyi/ rdzun ma yin no/ /dper na/ me tog dang / lo ma mthong na rtswa ba mthong zhes bya'o/ /rtswa ba ma mthong mod kyi/ de'ang rdzun ma yin no/ /dper na/ mi zhig ra ba'i rgyab na rwa mthong na ba lang mthong ba zhes bya ste/ ba lang nyid ma mthong yang rdzun ni ma yin no/ /dper na/ bud med sbrum ma mthong na skyes pa dang nyal bar mthong ngo zhes byas kyang / nyal ba nyid ma mthong mod kyi/ rdzun na mi yin no/ / dper na/ skyed shing gi lo ma mthong bas chu mthong ngo zhes byas kyang / chu nyid ma mthong mod kyi/ rdzun ni ma yin no/ /dper na/ sprin mthong bas char pa mthong ngo zhes byas </font><hr>Ka415b<br><font size=+1>


kyang / char pa nyid ma mthong mod kyi/ rdzun ni ma yin no/ /dper na/ lus kyi las dang / ngag gi las mthong bas yid kyi las mthong ngo zhes byas kyang / yid kyi las ni ma mthong mod kyi/ rdzun du smra ba ni ma yin te/ de ni mtshan mas mthong ba zhes bya'o/ /de la ji ltar na mngon sum du gsal bar mthong ba zhe na/ dper na/ mig gis gzugs mthong ba lta bu ste/ rigs kyi bu/ dper na/ gang zag mig gi dbang po mnyams shing yongs su dag pas lag mthil du a mra'i 'bras bu bzhag pa dang 'dra bar byang chub sems dpa' sems dpa' chen pos lam dang / byang chub dang / mya ngan las 'das pa mngon sum du gsal bar mthong ba'ang de dang 'dra'o/ /de ltar mthong mod kyi thog ma nas mthong ba'i mtshan nyid med do// rigs kyi bu/ de'i rgyu de'i rkyen gyis ngas sngon shA ri'i bu la 'di skad ces bka' stsal to/ /shA ri'i bu/ 'jig rten du bcas pa dge sbyong dang / bram ze dang / lha dang / bdud dang / tshangs pa dang / mi la sogs pa thams cad kyis mi shes pa dang / mi mthong ba dang / mi rtogs pa thams cad de bzhin gshegs pas thams cad mkhyen cing gzigs te rtogs so/ /byang chub sems dpa' rnams kyang de bzhin no/ /shA ri'i bu/ 'jig rten du bcas pa rnams kyis shes pa dang / mthong ba dang / rtogs pa ni nga dang byang chub sems dpa' </font><hr>Ka416a<br><font size=+1>


@#/ /rnams kyis mkhyen cing gzigs te rtogs so/ /'jig rten du bcas pa thams cad kyis mi shes pa dang / mi mthong ba dang / mi rtogs pa ni 'di ltar bdag gis mi shes/ mi mthong / mi rtogs par ni mi shes kyi/ 'jig rten gyi sems can 'di dag ni shes pa dang / mthong ba dang / rtogs pa la bdag gis 'di ltar shes so/ /mthong ngo / /rtogs so zhes zer ro/ /shA ri'i bu/ de bzhin gshegs pa ni thams cad mkhyen cing gzigs kyang 'di ltar ngas mkhyen cing gzigs so zhes mi gsung ste/ byang chub sems dpa' thams cad kyang de bzhin no/ /de ci'i phyir zhe na/ gal te de bzhin gshegs pas mkhyen cing gzigs pa'am rtogs par dgongs na| de ni sangs rgyas bcom ldan 'das sam/ byang chub sems dpa' zhes mi bya ste/ byis pa ma rabs yin no/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das kyis shA ri'i bu la 'di skad ces 'jig rten gyis shes pa ni ngas mkhyen la/ 'jig rten gyis mi shes pa'ang ngas kun mkhyen no zhes gsungs pa'i don ji lta bu lags/ bcom ldan 'das kyis bka' stsal pa/ rigs kyi bu/ 'jig rten du bcas pa thams cad kyis ni sangs rgyas kyi </font><hr>Ka416b<br><font size=+1>


rang bzhin mi shes mi mthong mi rtogs te/ gal te shes sam mthong ngam rtogs na 'jig rten pa zhes mi bya'i/ byang chub sems dpa' yin no/ /'jig rten pas ni mdo sde bcu gnyis dang / rten cing 'brel te 'byung ba bcu gnyis dang / phyin ci log bzhi dang / bden pa bzhi dang / byang chub kyi phyogs kyi chos sum cu rtsa bdun dang / bla na med pa yang dag par rdzogs pa'i byang chub dang / yongs su mya ngan las 'das pa chen po'ang mi shes mi mthong mi rtogs so/ /ci ste shes sam mthong ngam rtogs na 'jig rten pa zhes mi bya'i/ byang chub sems dpa' zhes bya'o/ /rigs kyi bu/ 'di dag ni 'jig rten pas mi shes mi mthong mi rtogs pa zhes bya'o/ /de la ji ltar na 'jig rten pas shes shing mthong ba dang rtogs pa zhe na/ 'di lta ste/ tshangs pa'i lha dang / dbang sgyur dang / lag brgyad pa dang / rang bzhin dang / dus dang / rdul dang / chos dang / chos ma yin pa dang / byams pa'i bdag po dang / 'jig rten gyi thog ma dang / mtha' dang / rtag pa dang / chad par lta ba gnyis dang / bsam gtan dang po nas/ 'du shes med 'du shes med min skye mched steng ni mya ngan las 'das pa'o zhes smra ste/ rigs kyi bu/ de ni 'jig rten pa'i shes pa dang mthong ba dang rtogs pa zhes bya'o/ /byang chub sems dpa' sems dpa' chen pos kyang de dag de </font><hr>Ka417a<br><font size=+1>


@#/ /ltar shes shing mthong ste/ byang chub sems dpa' de ltar shes shing mthong la rtogs kyang / ci ste mi shes mi mthong ma rtogs zhes smra na rdzun du 'gyur te/ ji tsam du brdzun du smra ba ni kha na ma tho bar 'gyur te/ kha na ma tho ba'i dbang gis sems can dmyal bar ltung ngo / /rigs kyi bu/ gal te skyes pa'am/ bud med dam/ dge sbyong ngam/ bram ze'am/ gang yang rung ba lam dang / byang chub dang / mya ngan las 'das pa med do zhes smra na/ de ni log sred can yin te/ bdud kyi ris la gtogs pa chos la skur pa zhes bya'o/ /de ltar chos la skur ba de ni sangs rgyas rnams la skur pa zhes bya ste/ gang zag de ni 'jig rten pa zhes kyang mi bya/ 'jig rten pa ma yin zhes kyang mi bya'o/ de'i tshe 'od srung gyis de skad ces gsungs pa thos nas tshigs su bcad pa 'di dag gis sangs rgyas la mngon par bstod do/ /sems can kun la thugs brtse ba/ bdag ni de la skyabs su mchi/ /gdug pa'i zug rngu 'byin pas na/ de bas sman pa'i rgyal por grags/ /'jig rten sman pas gso ba ni/ /skad cig sos te slar yang ldang / /de bzhin gshegs pas gso ba ni/ de la nam du'ang mi ldang ngo / /bcom ldan 'das kyis bdud rtsi'i sman/ /sems can rnams la yongs btang ba/ /sems can rnams </font><hr>Ka417b<br><font size=+1>


kyi de 'tshal nas/ /'chi ba med la skye ba med/ /de bzhin gshegs pas bdag slad du/ /yongs su mya ngan 'das pa bstan/ /sems can gsung ba thob pa rnams/ /skye 'gag med pa thob par 'gyur/ /byang chub sems dpa' 'od srung gis tshigs su bcad pa de skad smras nas/ yang bcom ldan 'das la 'di skad ces gsol to/ /bcom ldan 'das kyis gsungs pa ltar 'jig rten pa thams cad kyis mi shes mi mthong mi rtogs pa dag /byang chub sems dpas thams cad shes shing mthong la rtogs so zhes bgyi ba/ ci ste byang chub sems dpa' yang 'jig rten pa lags na ni/ 'jig rten pas ni mi shes mi mthong mi rtogs pa dag /byang chub sems dpas shes so/ /mthong ngo / /rtogs so zhes bgyi ba'ang mi rung / ci ste 'jig rten pa ma lags na/ tha dad ba'ang ci zhig mchis/ bcom ldan 'das kyis bka' stsal pa/ rigs kyi bu/ byang chub sems dpa' zhes bya ba ni 'jig rten pa'ang yin la/ 'jig rten pa'ang ma yin no/ /gang mi shes mi mthong mi rtog pa ni 'jig rten pa zhes bya'o/ /shes shing mthong la rtogs pa ni 'jig rten pa zhes mi bya'o/ /khyod kyis tha dad pa ci yod ces dris pa yang ngas bshad par bya'o/ /rigs kyi bu/ ji ste skyes pa'am bud med gang yang rung ba/ yongs su mya ngan las 'das </font><hr>Ka418a<br><font size=+1>


@#/ /pa'i mdo sde thos ma thag tu dang pa skyes nas bla na med pa yang dag par rdzogs pa'i byang chub tu sems bskyed pa ni 'jig rten pa'i byang chub sems dpa' zhes bya ste/ 'jig rten pa thams cad kyis mi shes mi mthong mi rtogs pa ltar/ byang chub sems dpa' yang 'jig rten pa dang mthun par mi shes mi mthong mi rtogs so| |byang chub sems dpa' yongs su mya ngan las 'das pa'i mdo sde thos nas/ 'jig rten pas mi shes mi mthong mi rtogs pa dag byang chub sems dpas shes shing mthong la rtogs so/ /de ltar dngos po de dag shes nas/ bdag 'di snyam du sems so/ /bdag gi ji ltar thabs gang gis nan tan gang byas pas shes pa dang| mthong ba dang / rtogs par 'gyur snyam sems so/ /yang 'di snyam du de ni shin tu dad pa'i sems kyis tshul khrims yongs su dag par bsrungs pa las thob par 'gyur snyam sems so/ /rigs kyi bu/ de'i tshe na byang chub sems dpa' de'i rgyu de'i rkyen gyis ma 'ongs pa'i dus su gang nas gang du skye ba de dang de dag tu tshul khrims yongs su dag par srung ngo / /rigs kyi bu/ de ltar byang chub sems dpa' sems dpa' chen po tshul khrims yongs su dag pas na gang nas gang du skyes kyang </font><hr>Ka418b<br><font size=+1>


rtag tu nga rgyal dang / ngan par lta ba dang / the tshom gyis glags pa med de/ nam du'ang de bzhin gshegs pa mthar yongs su mya ngan las 'das par zhugs so zhes mi zer te/ de dag ni byang chub sems dpas tshul khrims yongs su dag par bsrungs pa zhes bya'o/ /de ltar tshul khrims yongs su dag pas na ting nge 'dzin la nan tan byed do/ /ting nge 'dzin la nan tan byed pas na gang nas gang du skye ba de dang de dag tu yang dag pa'i dran pa mi nyams so/ /'di lta se/ sems can thams cad las sangs rgyas kyi rang bzhin yod pa dang / mdo sde bcu gnyis dang / sangs rgyas bcom ldan 'das rnams kyi rtag pa dang / bde ba dang / bdag dang / yongs su dag pa dang / byang chub sems dpa' thams cad shin tu rgyas pa yongs su mya ngan las 'das pa chen po'i mdo la gnas pas thams cad kyis sangs rgyas kyi rang bzhin mthong ba la sogs te dngos po de dag mi brjod do/ /ting nge 'dzin la nan tan byas pas stong pa bcu gcig kyang thob par 'gyur te/ de ni byang chub sems dpa'i ting nge 'dzin yongs su dag pa la nan tan byed pa zhes bya'o/ /de ltar tshul khrims dang| ting nge 'dzin du ldan par gyur pas yongs su dag pa'i shes rab la nan tan byed do/ /shes rab la nan tan byas pas na thog ma nas lus kyi nang na bdag yod par ram/ bdag </font><hr>Ka419a<br><font size=+1>


@#/ /gi nang na lus yod par mi 'dzin te/ lus dang / bdag lus ma yin/ bdag ma yin par mi 'dzin te/ de ni byang chub sems dpa' shes rab yongs su dag par nan tan byed pa'o/ /shes rab la nan tan byas pas tshul khrims bsrungs pa rnams kyang shin tu brtan par gyur to/ /rigs kyi bu/ 'di lta ste/ dper na/ ri rab lhun po ni rlung rnam pa bzhis bskyod mi nus so/ /byang chub sems dpa' sems dpa' chen po'ang de dang 'dra ste/ phyin ci log bzhis bskyod mi nus so/ /rigs kyi bu/ byang chub sems dpa' de'i tshe na bdag gis tshul khrims bsrungs pa rnams cis kyang bskyod mi nus par shes so/ /mthong ngo / /rtogs so/ /de ni byang chub sems dpas shes pa dang mthong ba rtogs pa zhes bya ste/ 'jig rten pas ni ma yin no/ /rigs kyi bu/ byang chub sems dpa' sems dpa' chen pos de ltar tshul khrims bsrungs pa rnams shin tu brtan zhing mi g.yo bar mthong bas 'gyod pa'i sems med de/ 'gyod pa med pas sems rab tu dga' bar 'gyur/ rab tu dga' bar gyur pas sems shin tu tshim par 'gyur ro/ /shin tu tshim par gyur pas bde bar 'gyur/ sems rab tu bde bar gyur pas mi g.yo ba'i ting nge 'dzin thob bo/ /mi g.yo ba'i ting nge 'dzin thob pas </font><hr>Ka419b<br><font size=+1>


shes pa dang / lta ba yang dag par 'gyur ro/ /shes pa dang / lta ba yang dag par gyur pas 'khor ba las yongs su skyo'o/ /'khor ba las skyo bas na rnam par grol bar 'gyur ro/ / rnam par grol bar gyur pas na sangs rgyas kyi rang bzhin gsal bar mthong ste/ de ni byang chub sems dpas shes pa dang / mthong ba dang / rtogs pa yin gyi/ 'jig rten pas shes pa ni ma yin no/ /rigs kyi bu/ 'di dag ni 'jig rten pas ni mi shes/ mi mthong / mi rtogs pa yin gyi/ byang chub sems dpas ni shes so/ /mthong ngo / /rtogs so/ / 'od srung gis yang gsol pa/ ji ltar byang chub sems dpa' tshul khrims yongs su dag par nan tan bgyis pas 'gyod pa'i sems ma mchis pa nas/ sangs rgyas kyi rang bzhin gyi bar du gsal bar mthong ba lags/ bcom ldan 'das kyis bka' stsal pa/ rigs kyi bu/ 'jig rten gyi tshul khrims ni yongs su dag pa zhes mi bya'o/ /de ci'i phyir zhe na/ 'jig rten gyi tshul khrims ni srid pa dang bcas pa/ rang bzhin gyis ma nges pa/ mthar phyin pa ma yin te/ sems can thams cad kyi don du rgyas par 'gyur pa ma yin pa'i phyir yongs su dag pa zhes mi bya'o/ /yongs su dag pa ma yin pas na 'gyod pa'i sems dang bcas so/ /'gyod pa'i sems dang bcas pas na dga' ba'i sems med </font><hr>Ka420a<br><font size=+1>


@#/ /do| |dga' ba med pas tshim pa med/ tshim pa med pas bde ba med do/ /bde ba med pas mi g.yo ba'i ting nge 'dzin med do/ /mi g.yo ba'i ting nge 'dzin med pas shes pa dang / lta ba yang dag pa med do/ /shes pa dang / lta ba yang dag pa med pas 'khor ba la skyo ba med/ 'khor ba la skyo ba med pas rnam par grol bar mi 'gyur/ rnam par ma grol bas na sangs rgyas kyi rang bzhin mi mthong ngo / /sangs rgyas kyi rang bzhin mi mthong bas yongs su mya ngan las 'das pa chen po mi mthong ste/ de ni 'jig rten gyi tshul khrims zhes bya'i/ yongs su dag pa ma yin no/ /rigs kyi bu/ byang chub sems dpa' sems dpa' chen po'i yongs su dag pa'i tshul khrims ni tshul khrims nyid kyang tshul khrims ma yin pa/ srid pa dang bcas pa ma yin pa/ nges pa/ mthar phyin pa/ sems can gyi don du 'gyur ba ste/ de ni byang chub sems dpa'i tshul khrims yongs su dag pa zhes bya'o/ /rigs kyi bu/ byang chub sems dpa' sems dpa' chen pos yongs su dag pa'i tshul khrims la 'gyod pa med pa'i sems ched du ma bskyed kyang / 'gyod pa med pa'i sems rang skye'o/ /rigs kyi bu/ dper na/ mi zhig me long thog na bzhin ched du snang bar ma byas kyang bzhin rang 'byung ngo / / </font><hr>Ka420b<br><font size=+1>


dper na/ zhing pas zhing gshin pa las bon btab na myu gu ched du ma bskyed kyang myu gu rang skye'o/ /dper na/ me mar btsun na mun pa ched du med par ma byas kyang mun pa rang med par 'gyur ro/ /rigs kyi bu/ byang chub sems dpa' sems dpa' chen po tshul khrims yongs su dag par bsrungs pas 'gyod pa med pa'i sems rang skye ba'ang de dang 'dra'o/ /tshul khrims yongs su dag pas rab tu dga' ba'i sems thob par 'gyur ro/ /rigs kyi bu/ dper na/ skyes bu ngo bzhin bzang po dang ldan pa zhig bdag gi bzhin mthong na rab tu dga' ba'i sems skye'o/ /tshul khrims yongs su dag pa'ang de dang 'dra'o/ /rigs kyi bu/ tshul khrims ngan pa can ni tshul khrims yongs su ma dag pas na dga' ba'i sems mi skye'o/ /dper na/ bzhin mi sdug pa zhig bdag gi bzhin mthong na dga' ba'i sems mi skye ba ltar tshul khrims ngan pa can yang de dang 'dra'o/ /rigs kyi bu/ dper na/ bud med rdzi'u thogs pa gnyis shig gcig ni zho'i bum pa thogs la/ gcig ni dar ba'i bum pa thogs te/ gnyis ka 'grogs nas tshong 'dus su chas pa las lam du rdeg 'chos te/ bum pa gnyis ka chag na gcig ni dga'/ gcig ni mi dga'o/ /tshul khrims dang ldan pa dang / tshul khrims nyams pa'ang de dang 'dra'o/ /tshul </font><hr>Ka421a<br><font size=+1>


@#/ /khrims yongs su dag pa ni sems rab tu dga' bar 'gyur ro/ /sems rab tu dga' bas na de 'di snyam du sems so/ /sangs rgyas bcom ldan 'das kyis yongs su mya ngan las 'das pa las gang gis tshul khrims yongs su dag par bsrungs na mya ngan las 'da' bar 'gyur ro zhes gsungs te/ bdag gis kyang tshul khrims yongs su dag par nan tan byas na thob par 'gyur snyam sems te/ de'i rgyu de'i rkyen gyis na sems rab tu dga' bar 'gyur ro/ /byang chub sems dpa' 'od srung gis yang gsol pa/ bcom ldan 'das dga' ba dang / bde ba zhes bgyi ba la khyad par ci mchis/ bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen po kha na ma tho par 'gyur ba'i sdig pa mi byed pas na dga' ba zhes bya'o/ /yongs su dga' ba'i sems kyis tshul khrims srung ba ni bde ba zhes bya'o/ /rigs kyi bu/ byang chub sems dpa' sems dpa' chen pos 'khor ba shin tu rtogs pas dga' ba zhes bya'o/ /yongs su mya ngan las 'das pa chen po thob pas bde ba zhes bya'o/ /tha ma ni dga' ba zhes bya'o/ /mchog ni bde ba zhes bya'o/ /'jig rten dang 'dres pa'i chos yongs su spangs pa ni dga' ba zhes bya'o// </font><hr>Ka421b<br><font size=+1>


ma 'dres pa'i chos thob pa ni bde ba zhes bya'o/ /tshul khrims yongs su dag pas na lus las su rung ba dang / ngag rtsub po'i skyon med de/ byang chub sems dpa' de'i cho lta ba dang / nyan pa dang / snom pa dang / ro myong bar byed pa dang / reg bya dang / shes par byed pa thams cad la kha na ma tho bar 'gyur ba med do/ /kha na ma tho bar 'gyur ba med pas sems rab tu bde bar 'gyur ro/ /sems rab tu bde bar gyur pas na zhi ba'i ting nge 'dzin thob bo/ /zhi ba'i ting nge 'dzin thob pas na shes pa dang / lta ba yang dag par 'gyur ro/ /shes pa dang / lta ba yang dag par gyur pas 'khor ba la yongs su skyo'o/ /'khor ba la yongs su skyo bas na rnam par grol bar 'gyur/ rnam par grol bas na sangs rgyas kyi rang bzhin mthong ngo / /sangs rgyas kyi rang bzhin mthong bas na yongs su mya ngan las 'das pa chen po thob bo/ /de dag ni byang chub sems dpa'i tshul khrims yongs su dag pa yin gyi/ 'jig rten gyi tshul khrims ni ma yin no/ /de ci'i phyir zhe na/ rigs kyi bu/ byang chub sems dpa' sems dpa' chen pos tshul khrims yongs su dag par bsrungs na chos rnam pa 'di lnga grogs su 'gyur ro/ /lnga gang zhe na/ dad pa dang / ldan pa yin/ khrel dang ldan pa yin/ 'dzem pa dang / ldan pa yin/ </font><hr>Ka422a<br><font size=+1>


@#/ /dge ba'i bshes gnyen dang ldan pa yin/ tshul khrims la gus par byed pa yin no/ /sgrib pa lnga yongs su spangs pas lta ba rnam par dag par 'gyur ba dang / lta ba lnga yongs su spangs pas the tshom gyi sems med par 'gyur ro/ /gzhan yang the tshom lnga yongs su spong bar 'gyur te/ lnga gang zhe na/ sangs rgyas la the tshom za ba dang / chos la the tshom za ba dang / dge 'dun la the tshom za ba dang / tshul khrims la the tshom za ba dang / bag med pa la the tshom za ba'o/ /byang chub sems dpa' de'i tshe dbang po lnga'ang thob par 'gyur te/ lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /dbang po lnga thob pas mya ngan las 'das pa rnam pa lnga'ang thob par 'gyur ro/ /lnga gang zhe na/ gzugs rnam par grol ba nas/ rnam par shes pa rnam par grol ba'i bar du ste/ de ni byang chub sems dpa'i tshul khrims yongs su dag pa zhes bya'i/ 'jig rten gyi ma yin no/ /rigs kyi bu/ de dag ni 'jig rten pas mi shes pa dang / mi mthong ba dang / mi rtogs pa ste/ byang chub sems dpas shes pa dang / mthong ba dang / rtogs pa zhes bya'o/ /rigs kyi bu/ ji ste nga'i nye gnas las </font><hr>Ka422b<br><font size=+1>


theg pa chen po yongs su mya ngan las 'das pa'i mdo sde 'chang ngam/ 'dzin tam/ klog gam/ 'dom tam/ glegs bam du 'dri'am/ ston cing 'chad pa gang zhig tshul khrims nyams na gzhan gyis brnyas shing smod de/ de dag 'di skad du gal te sangs rgyas kyis dgongs pa'i snying po yongs su mya ngan las 'das pa chen po'i mdo mthu dang ldan pa zhig yin na/ ci'i phyir tshul khrims mnos pa nyams par 'gyur zhes zer ro/ /ci ste gang zhig mya ngan 'das pa'i mdo 'chang ngam/ 'dzin pa la tshul khrims nyams na de ni mdo sde mthu med par rig par bya ste/ gal te mthu med na klog gam 'don kyang phan pa'i don du mi 'gyur te/ de ltar mya ngan las 'das pa'i mdo sde la brnyas smad pas sems can tshad med mtha' yas pa snyed sems can dmyal bar ltung bar byed do/ /ci ste mdo sde 'di nyid 'chang ngam 'dzin pa de tshul khrims nyams par byed na de ni sems can gyi sdig pa'i bshes gnyen yin te/ nga'i nye gnas ma yin gyi/ bdud kyi 'khor yin no/ /gang zag de ni mdo sde 'di nyid 'chang ngam/ 'dzin tam/ nyan du'ang ma gnang gi /gnyis na ma bcangs/ ma bzung / ma bsgoms kyang bla'i/ tshul khrims nyams pas 'chang ngam/ 'dzin tam/ sgrub par byed pa ma yin no/ /rigs kyi bu/ nga'i nye gnas las </font><hr>Ka423a<br><font size=+1>


@#/ /yongs su mya ngan las 'das pa'i mdo sde 'chang ngam/ 'dzin tam/ klog gam/ 'don tam/ glegs bam du 'dri ba'am/ ston cing 'chang 'dod na yang dag pa'i lus dang sems kyis bsgrub par bya'i/ nyam rangs dang / 'phyar ba dang / 'gran tor gyis ni ma yin no/ /de la lus las byung ba ni nyam rangs zhes bya/ sems las byung ba ni 'phyar ba zhes bya'o/ /tshol ba dang bcas pa'i sems ni 'phyar ba zhes bya/ lus kyi las byas pa ni nyam rangs zhes bya'o/ /ci ste nga'i nye gnas tshol ba dang bcas| byed pa'i las dang bcas na theg pa chen po yongs su mya ngan las 'das pa'i mdo sde 'di 'chang ngam/ bzung bar mi bya'o/ /ci ste de lta bu dang bcas pas mdo sde 'di nyid 'chang ngam 'dzin par byed na/ gzhan gyis brnyas smad par 'gyur te/ de la 'di skad du ji ste sangs rgyas kyi dgongs pa'i snying po yongs su mya ngan las las 'das pa'i mdo sde mthu dang ldan pa zhig yin na/ ci'i phyir khyod la tshol ba dang bcas/ byed pa dang bcas par 'gyur zhes zer ro/ /ci ste mdo sde 'di nyid 'chang bar byed pa de tshol ba dang bcas/ byed pa dang bcas na de ni mdo sde 'di nyid la mthu med do zhes zer bar 'gyur ro/ /gal te mthu med na 'chang ngam 'dzin par byed </font><hr>Ka423b<br><font size=+1>


kyang phan pa'i don du mi 'gyur la/ de ltar mya ngan las 'das pa'i mdo sde la brnyas smad pas/ sems can tshad med pa snyed sems can dmyal bar ltung bar byed do/ /mdo sde 'di 'chang ngam 'dzin par byed pa de tshol ba dang bcas/ byed pa dang bcas na de ni sems can gyi mi dge ba'i bshes gnyen yin te/ nga'i nye gnas ma yin gyi/ bdud kyi ris yin no// gzhan yang rigs kyi bu/ nga'i nye gnas las yongs su mya ngan las 'das pa'i mdo sde 'chang ba dang / 'dzin pa dang / klog pa dang / 'don pa dang / glegs bam du 'dri ba dang / ston par byed pa dag dus ma yin par bstan par mi bya/ brda mi phrad pa la bstan par mi bya/ gsol pa ma btab pa la bstan par mi bya/ brnyas pa'i sems dang bcas pas bstan par mi bya/ dus thams cad kyi thams cad du bshad par mi bya/ bdag bstod pa'i phyir bstan par mi bya/ gzhan smad pa'i phyir bshad par mi bya/ sangs rgyas kyi chos nub par 'gyur bar bshad par mi bya/ 'jig rten gyi chos dar bar 'gyur ba'i phyir bshad par mi bya'o/ /rigs kyi bu/ nga'i nye gnas las mdo sde 'di 'chang ba dang 'dzin pa dag dus ma yin par ston pa nas/ 'jig rten gyi chos dar bar byed pa'i bar du ston na/ gzhan gyis dpyas shing smod par 'gyur te/ 'di skad ces zer ro/ / </font><hr>Ka424a<br><font size=+1>


@#/ /sangs rgyas kyis dgongs te gsungs pa'i snying po yongs su mya ngan las 'das pa'i mdo sde 'di mthu dang ldan pa zhig yin na/ ci'i phyir dus ma yin pa ston pa nas/ 'jig rten gyi chos dar bar byed pa'i bar du ston par 'gyur ro zhes zer ro/ /gal te mdo sde 'di 'dzin pa dag de lta bu'i tshul du ston na mdo sde 'di la mthu med par 'dzin to/ /ci ste mthu med na bcangs sam 'dzin kyang phan pa dang bde ba don du mi 'gyur te/ de ltar de mya ngan las 'das pa'i mdo sde la brnyas smad pas/ sems can tshad med pa rnams sems can dmyal bar ltung bar 'gyur ro/ /mdo sde 'di 'chang zhing 'dzin pa dag dus ma yin par ston pa nas/ 'jig rten gyi chos dar bar bya ba'i bar du ston na/ de ni sems can gyi mi dge ba'i bshes gnyen yin gyi/ nga'i nye gnas ma yin te/ bdud kyi ris su gtogs pa yin no/ /rigs kyi bu/ de la gang zhig yongs su mya ngan las 'das pa'i mdo sde 'chang ngam/ 'dzin tam/ ston tam/ sangs rgyas kyi rang bzhin ston cing 'chad pa dang / de bzhin gshegs pas dgongs te gsungs pa'i snying po 'chad pa dang / theg pa chen po ston pa dang / shin tu rgyas pa'i mdo sde ston pa dang / nyan thos kyi theg pa ston pa dang / rang sangs rgyas kyi theg pa ston pa dang / </font><hr>Ka424b<br><font size=+1>


rnam par grol ba ston pa dang / sangs rgyas kyi rang bzhin mthong ba dag thog ma kho nar lus yongs su dag par sbyang par bya'o/ /lus yongs su dag pas na brnyas smod pa med do/ / brnyas smod pa med pas sems can tshad med pa rnams yongs su mya ngan las 'das pa'i mdo sde la yongs su dag pa'i dad pa skye'o/ /dad pa'i sems skyes pas mdo sde 'di la rim gro dang bkur stir byed do/ /gal te tshig bzhi pa'i tshigs su bcad pa gcig gam/ rkang pa gcig gam/ tshig 'bru gcig tsam thos par byed de/ chos bstan pa de'ang bla na med pa yang dag par rdzogs pa'i byang chub tu sems bskyed par byed na gang zag de ni sems can gyi dge ba'i bshes gnyen yang dag pa yin gyi/ mi dge ba'i bshes gnyen ma yin/ nga'i nye gnas yin gyi/ bdud kyi ris ma yin/ de ni byang chub sems dpa' zhes bya'i/ 'jig rten pa ma yin no/ /rigs kyi bu/ 'di dag ni 'jig rten pas mi shes pa dang / mi mthong ba dang / mi rtogs pa ste/ byang chub sems dpas ni shes pa mthong ba rtogs pa zhes bya'o/ /rigs kyi bu/ gzhan yang ji ltar na 'jig rten thams cad kyis mi shes mi mthong mi rtogs la/ byang chub sems dpas shes pa dang / mthong ba dang / rtogs pa zhe na/ 'di lta ste/ dran par bya ba'i gnas </font><hr>Ka425a<br><font size=+1>


@#/ /drug go /drug gang zhe na/ sangs rgyas dran par bya ba dang / chos dran par bya ba dang / dge 'dun dran par bya ba dang / bsla ba tshig dran par bya ba dang / sbyin pa dran par bya ba dang / lha dran par bya ba'o// //'phags pa yongs su mya ngan las 'das pa chen po'i mdo/ bam po nyi shu rtsa bzhi pa/ rigs kyi bu/ de la ji ltar na sangs rgyas dran par bya zhe na/ de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa| 'jig rten mkhyen pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa/ sangs rgyas bcom ldan 'das ni rtag pa/ mi 'gyur ba/ mi 'pho ba| stobs bcu dang mi 'jigs pa bzhi dang ldan pa/ seng ge chen po'i sgra sgrogs pa/ dge sbyong chen po/ bram ze chen po/ tshangs pa chen po/ mthar phyin pa/ pha rol tu phyin pa gzhan gyis mi thub pa/ spyi gtsug ltar mi snang ba/ bsnyengs pa med pa/ bag tsha ba med pa/ g.yo ba med pa/ gcig pu grogs med pa/ ma bstan par rang gis rig pa/ myur ba'i ye shes/ ye shes chen po/ rno ba'i ye shes/ zab pa'i ye shes/ rnam par grol ba'i ye shes/ thun mong ba med pa'i ye shes/ kun tu rgyas </font><hr>Ka425b<br><font size=+1>


ba'i ye shes/ mthar phyin pa'i ye shes/ rin po che'i ye shes dang ldan pa/ mi'i nang na khyu mchog gi rgyal po lta bu/ mi'i nang na glang po che'i rgyal po lta bu/ mi'i nang na klu'i rgyal po lta bu/ mi'i nang na skyes bu/ mi'i nang na me tog pad+mo lta bu/ puN+Da ri ka lta bu/ kha lo sgyur ba/ mi'i ston pa/ sbyin bdag chen po/ chos chen po ston pa/ chos mkhyen pa'i phyir chos chen po ston pa/ don mkhyen pa'i phyir chos chen po ston pa/ dus mkhyen pa'i phyir chos chen po ston pa/ chog shes pa'i phyir chos chen po ston pa/ bdag shes pa'i phyir chos chen po ston pa/ 'khor chen po shes pa'i phyir chos chen po ston pa/ sems can gyi rang bzhin rnam pa tha dad pa mkhyen pa'i phyir chos chen po ston pa/ dbang po rnon po dang / rtul po dang / bar ma mkhyen pa'i phyir chos chen po ston pa/ lam dbu ma ston pa'i phyir chos chen po ston pa zhes bya'o/ /de la ji ltar na de bzhin gshegs pa zhes bya zhe na/ sngon 'das pa'i sangs rgyas rnams kyis gsungs pa las mi 'gyur ba'i phyir de bzhin gshegs pa zhes bya'o/ /ji ltar mi 'gyur zhe na/ sngon 'das pa'i sangs rgyas rnams kyang sems can bsgral ba'i phyir mdo sde bcu gnyis gsungs so/ /de bzhin gshegs pa'ang de dang 'dra bas na de bzhin gshegs pa zhes bya'o/ /sangs </font><hr>Ka426a<br><font size=+1>


@#/ /rgyas bcom ldan 'das rnams ni pha rol tu phyin pa drug dang / byang chub kyi phyogs kyi chos sum cu rtsa bdun dang / stong pa bcu gcig las gshegs pas na yongs su mya ngan las 'das pa chen por phyin te/ de bzhin gshegs pa'ang de dang 'dra bas nas sangs rgyas la de bzhin gshegs pa zhes bya'o/ /sangs rgyas bcom ldan 'das ni sems can gyi phyir thabs de nyid kyis theg pa gsum du bstan te/ sku tshe'i tshad kyang tshad med dpag tu med pas de bzhin gshegs pa'ang de dang 'dra ste/ de bas na sangs rgyas la de bzhin gshegs pa zhes bya'o/ /de la ji ltar na dgra bcom pa zhe na/ 'jig rten gyi chos thams cad ni dgra zhes bya ste/ sangs rgyas kyis rnam pa de dag choms pas na dgra bcom pa zhes bya'o/ /bdud rnam bzhi ni byang chub sems dpa' dgra zhes bya ste/ sangs rgyas bcom ldan 'das kyang byang chub sems dpa' mdzad pa na/ thams cad mkhyen pa'i ye shes kyis bdud rnam pa bzhi bcom pas na dgra bcom pa zhes bya'o/ /gzhan yang dgra bcom pa ni yongs su spangs pa zhes bya ste/ byang chub sems dpa'i tshe na nyon mongs pa tshad med pa rnams yongs su spangs pas na dgra bcom pa zhes bya'o/ /gzhan yang dgra bcom pa ni 'das pa'i sangs rgyas rnams kyi bde ba zhes </font><hr>Ka426b<br><font size=+1>


bya'o| |sngon byang chub sems dpa' mdzad pa na bskal pa tshad med grangs med pa'i bar du sems can gyi phyir sdug bsngal rnam pa sna tshogs myong yang mi bde ba med de/ rtag tu bde'o/ / de bzhin gshegs pa'ang de dang 'dra bas na dgra bcom pa zhes bya'o/ /gzhan yang dgra bcom pa zhes bya ba ni 'jig rten du bcas pa/ lha dang mi thams cad kyis lha rdzas kyi me tog dang / phreng ba dang / rgyal mtshan dang / ba dan dang / rol mo rnam pa sna tshogs kyis mchod pas na dgra bcom pa zhes bya'o/ /de la ji ltar na yang dag par rdzogs pa zhes na/ yang dag pa zhes bya ba ni phyin ci ma log pa'o/ /rdzogs pa zhes bya ba ni phyin ci log pa bzhi mngon par ma rtogs pa med pa'o/ /gzhan yang yang dag pa zhes bya ba ni dka' thub spyod pa'o/ / rdzogs pa zhes bya ba ni sdug bsngal spyod pa'i rkyen gyis nges par sdug bsngal gyi 'bras bu myong bar shes pa'o/ /gzhan yang yang dag pa zhes bya ba ni 'jig rten gyi dbu ma'o/ / rdzogs pa zhes bya ba ni mthar lam dbu ma la nan tan byas na nges par bla na med pa yang dag par rdzogs par shes pa'o/ /gzhan yang yang dag pa ni bgrang du yod pa/ tshad gzung du yod pa/ dpag tu yod pa'o/ /rdzogs pa zhes bya ba ni bgrang du med pa/ tshad gzung du med pa dpag tu med pa ste/ de bas na sangs rgyas la yang dag par rdzob/ /sa pa </font><hr>Ka427a<br><font size=+1>


@#/ /zhes bya'o/ /rigs kyi bu/ nyan thos dang rang sangs rgyas la yang dag par rdzogs pa zhes bya ba yod de/ de ni yang dag par rdzogs pa ma yin no/ /de ci'i phyir zhe na/ yang dag par rdzogs pa ni phung po lnga dang / skye mched bcu gnyis dang / khams bco brgyad shes pa ste/ nyan thos dang rang sangs rgyas kyi kyang shes pas yang dag par rdzogs pa zhes bya'o/ /ci'i phyir yang dag par rdzogs pa ma yin zhe na/ rigs kyi bu/ ci ste theg pa chung du gnyis kyis bskal pa tshad med pa'i bar du gzugs kyi phung po gcig pu la rtog kyang rdzogs par mi shes pas/ de'i phyir nyan thos dang rang sangs rgyas ni yang dag par rdzogs pa zhes mi bya'o/ /de la ji ltar na mkhyen pa dang zhabs su ldan pa zhe na/ mkhyen pa ni dge ba'i 'bras bu tshad med pa thob pa'o/ /zhabs dang ldan pa ni zhabs nyid do/ /de la dag pa'i 'bras bu ni bla na med pa yang dag par rdzogs pa'i byang chub bo/ /zhabs zhes bya ba ni tshul khrims dang / shes rab ste/ tshul khrims dang / shes rab kyi rkang pas bla na med pa yang dag par rdzogs pa'i byang chub tu phyin pas na mkhyen pa dang zhabs su ldan pa zhes bya'o/ /gzhan yang mkhyen pa ni rig pa'o/ /ldan pa ni bkra shis so/ /zhabs ni 'bras bu'o/ /rigs kyi bu/ de dag ni 'jig rten </font><hr>Ka427b<br><font size=+1>


gyi don zhes bya'o/ /rigs pa ni rnam par grol ba'o/ /bkra shis ni bla na med pa yang dag par rdzogs pa'i byang chub bo/ /'bras bu ni yongs su mya ngan las 'das pa chen po ste/ de bas na mkhyen pa dang zhabs su ldan pa zhes bya'o/ /gzhan yang mkhyen pa ni snang ba zhes bya'o/ /ldan pa ni las zhes bya'o/ /zhabs ni 'bras bu zhes bya ste/ rigs kyi bu de ni 'jig rten gyi don to/ /snang ba zhes bya ba ni bag yod pa'o/ /las ni pha rol tu phyin pa drug go /'bras bu ni bla na med pa yang dag par rdzogs pa'i byang chub bo/ /gzhan yang mkhyen pa ni rig pa gsum ste/ byang chub kyi rig pa dang / sangs rgyas kyi rig pa dang / ma rig pa'i rig pa'o/ /de la byang chub kyi rig pa ni shes rab kyi pha rol tu phyin pa'o/ / sangs rgyas kyi rig pa ni sangs rgyas kyi rig pa nyid do/ /ma rig pa'i rig pa ni stong pa nyid kyi mthar phyin pa'o/ /ldan pa zhes bya ba ni bskal pa grangs med pa'i bar du sems can gyi phyir dge ba'i las mang po bsgoms pa'o/ /zhabs zhes bya ba ni sangs rgyas kyi rang bzhin gsal bar mthong ba ste/ de bas na mkhyen pa dang zhabs su ldan pa zhes bya'o/ /de la ji ltar na bde bar gshegs pa zhe na/ bde ba ni mtho ba'o/ /gshegs pa ni mi mtho ba ste/ rigs kyi bu/ de ni 'jig rten gyi don no/ /mtho ba ni bla na med pa yang dag </font><hr>Ka428a<br><font size=+1>


@#/ /par rdzogs pa'i byang chub bo/ /mi mtho ba ni de bzhin gshegs pa'i thugs so/ /rigs kyi bu/ ji ste thugs mtho na/ de bzhin gshegs pa zhes mi bya ste/ de bas na de bzhin gshegs pa la bde bar gshegs pa zhes bya'o/ /gzhan yang bde ba ni dge ba'i gshegs gnyen no/ /gshegs pa ni dge ba'i bshes gnyen gyi 'bras bu ste/ rigs kyi bu/ de ni 'jig rten gyi don to/ /dge ba'i bshes gnyen ni sems dang po bskyed pa'o/ /'bras bu ni yongs su mya ngan las 'das pa chen po ste/ de bzhin gshegs pa ni thog ma sems bskyed pa ma btang bas yongs su mya ngan las 'das pa chen po thob pas/ de'i phyir bde bar gshegs pa zhes bya'o| |gzhan yang bde ba ni bzang po'o/ /gshegs pa ni yod pa ste/ rigs kyi bu/ de ni 'jig rten gyi don to/ /de la bzang po ni sangs rgyas kyi rang bzhin mthong ba'o| |yod pa ni mya ngan las 'das pa chen po'o/ /rigs kyi bu/ mya ngan las 'das pa'i rang bzhin ni yang dag par yod pa ma yin mod kyi/ sangs rgyas bcom ldan 'das kyis 'jig rten gyi dbang du byed de yod ces gsungs so/ /rigs kyi bu/ dper na/ 'jig rten gyi mi bu med pa la bu yod do zhes bya ba dang / lam med par </font><hr>Ka428b<br><font size=+1>


lam yod do zhes smras pa dang 'dra ste/ yongs su mya ngan las 'das pa'ang 'jig rten gyi dbang du byas nas yod do zhes gsungs so/ /sangs rgyas bcom ldan 'das rnams ni yongs su mya ngan las 'das pa chen po lhun gyis grub pa'i phyir bde bar gshegs pa zhes bya'o/ /rigs kyi bu/ de la ji ltar na 'jig rten rig pa zhe na/ rigs kyi bu/ 'jig rten zhes bya ba ni phung po lnga'o/ /rigs pa ni shes pa'o/ /sangs rgyas bcom ldan 'das ni phung po lnga la shin tu mkhas pas 'jig rten rig pa zhes bya'o/ /gzhan yang 'jig rten zhes bya ba ni 'dod pa lnga'o/ /rig pa zhes bya ba ni ma chags pa'o/ /'dod pa lnga la yongs su ma chags pa'i phyir yang 'jig rten rig pa zhes bya'o/ /gzhan yang 'jig rten zhes bya ba ni shar phyogs kyi 'jig rten gyi khams tshad med grangs med de/ nyan thos dang / rang sangs rgyas kyis mi shes mi mthong mi rtogs pa dag sangs rgyas bcom ldan 'das kyis ni mkhyen cing gzigs te rtogs so/ /de bzhin du lho dang / nub dang / byang dang / phyogs mtshams bzhi dang / steng dang / 'og gi 'jig rten gyi khams kyang de bzhin du rig pas na/ sangs rgyas bcom ldan 'das ni 'jig rten rig pa'o/ /gzhan yang 'jig rten zhes bya ba ni skye bo ma rabs thams cad do/ /rig pa zhes bya ba ni skye bo ya rabs rnams kyi dge ba dang / </font><hr>Ka429a<br><font size=+1>


@#/ /sdig pa'i rgyu dang / 'bras bu shes pa ste/ nyan thos dang / rang sangs rgyas rnams kyi shes pa ma yin gyi/ sangs rgyas nyag gcig gis mkhyen pas na sangs rgyas bcom ldan 'das ni 'jig rten rig pa'o/ gzhan yang 'jig rten zhes bya ba ni pad+mo zhes bya'o/ /rigs pa ni mi gos pa zhes te/ rigs kyi bu/ de ni 'jig rten gyi don to/ /pad+mo zhes bya ba ni de bzhin gshegs pa'o/ /mi gos pa ni de bzhin gshegs pa la 'jig rten gyi chos brgyad kyis mi gos pa'i phyir sangs rgyas bcom ldan 'das ni 'jig rten rig pa zhes bya'o/ /gzhan yang 'jig rten rig pa ni sangs rgyas dang / byang chub sems dpa' la 'jig rten rig pa zhes bya'o/ /de ci'i phyir zhe na/ sangs rgyas dang / byang chub sems dpa' ni 'jig rten gzigs pa'i phyir 'jig rten rig pa zhes bya'o/ /rigs kyi bu/ dper na/ zas kyi rkyen gyis 'tsho bar 'gyur bas zas la 'tsho ba zhes bya ba dang 'dra bar sangs rgyas dang / byang chub sems dpa' yang 'jig rten gzigs pas 'jig rten rig pa zhes bya'o/ /de la ji ltar na lba na med pa zhe na/ bla na yod pa ni gcod pa'i don te/ gcad du med pa'i phyir bla na med pa'o/ /sangs rgyas bcom ldan 'das la nyon mongs pa mi mnga' ba'i phyir gcad du med de/ de bas na sangs rgyas bcom </font><hr>Ka429b<br><font size=+1>


ldan 'das ni bla na med pa zhes bya'o/ /gzhan yang bla na med pa zhes bya ba ni rtsod pa dang bcas pa'o/ /bla na med pa ni rtsod pa med pa ste/ de bzhin gshegs pa la rtsod pa med pas sangs rgyas bcom ldan 'das ni bla na med pa'o/ /gzhan yang bla na yod pa zhes bya ba ni tshig gis sun dbyung du rung ba'o/ /bla na med pa ni tshig gis sun dbyung du mi rung ba ste/ de bzhin gshegs pas gsungs pa la sems can thams cad kyis sun dbyung du mi rung bas na sangs rgyas bcom ldan 'das ni bla na med pa'o/ /gzhan yang bla na yod pa zhes bya ba ni bla na yod pa'o/ /bla na med pa zhes bya ba ni bla na med pa ste/ dus gsum gyi sangs rgyas rnams la 'das pa med pa'i phyir sangs rgyas bcom ldan 'das ni bla na med pa'o/ / gzhan yang bla na yod pa zhes bya ba ni gsar rnying ngo / /sangs rgyas bcom ldan 'das ni yongs su mya ngan las 'das pa'i ngo bo nyid du gyur pas gsar rnying zhes bya ba med de/ sangs rgyas bcom ldan 'das ni bla na med pa zhes bya'o/ /rigs kyi bu/ de la ji ltar na skyes bu 'dul zhing kha lo sgyur ba zhe na/ bdag nyid skyes bu yin pas skyes bu gzhan yang 'dul lo/ /rigs kyi bu/ de bzhing gshegs pa zhes bya ba ni yang dag par na skyes bu ma yin/ skyes bu ma yin pa'ang ma yin te/ skyes bu 'dul ba'i phyir de bzhin gshegs pa </font><hr>Ka430a<br><font size=+1>


@#/ /ni skyes 
 zhes bya'o/ /rigs kyi bu/ skyes pa dang / bud med gang yang rung / chos rnam pa 'di bzhi dang ldan na skyes bu zhes bya'o/ /bzhi gang zhe na/ dge ba'i bshes gnyen tshol ba dang / chos nyan pa dang / don sems pa dang / smras pa bzhin du spyod pa'o/ /rigs kyi bu/ chos rnam pa bzhi po 'di dang ldan pa'i skyes pa'ang rung / bud med kyang rung de ni skyes bu zhes bya'o/ /rigs kyi bu/ gal te skyes pa yin yang chos rnam pa 'di bzhi dang mi ldan na skyes bu zhes mi bya'o/ /de ci'i phyir zhe na/ skyes pa'i lus yin mod kyi| spyod pa byol song dang 'dra ste/ de bzhin gshegs pa ni pho mo gnyis ka 'dul bas skyes bu 'dul zhing kha lo sgyur ba zhes bya'o/ /gzhan yang / rigs kyi bu/ dper na/ rta'i kha lo sgyur ba ni rnam pa bzhi ste/ spu la reg pa dang / pags pa la reg pa dang / sha la reg pa dang / rus pa la reg pa ste/ ci la reg pa bzhin du kha lo sgyur ba'i yid bzhin du 'gro'o/ /de bzhin gshegs pa'ang de dang 'dra ste/ chos rnam pa 'di bzhis sems can rnams 'dul lo/ /gang zhe na/ skye ba bshad pas sangs rgyas kyi bka' bzhin byed pa ni/ dper na/ spu la reg pa tsam gyis kha lo sgyur ba'i yid bzhin du 'gro ba dang 'dra ste/ gcig go /skye ba dang / rga ba'i chos bsan pas sangs rgyas rgyas kyi bka' </font><hr>Ka430b<br><font size=+1>


bzhin du byed pa ni/ dper na/ spu dang bags pa la reg pa tsam gyis kha lo sgyur ba yid bzhin du 'gro ba dang 'dra ste gnyis so/ /skye ba dang / rga ba dang / na ba bstan pas sangs kyi bka' bzhin du byed pa ni/ dper na/ spu dang / pags pa dang / sha la reg pas kha lo sgyur ba yid bzhin du 'gro ba dang 'dra ste gsum mo/ skye ba dang / rga ba dang / na ba dang / shi ba bstan pas sangs rgyas kyi bka' bzhin du byed pa ni/ dper na/ spu dang / pags pa dang / sha dang / rus pa la reg pas kha lo sgyur ba yid bzhin du 'gror btub pa dang 'dra ste bzhi'o/ /rigs kyi bu/ rta'i kha lo sgyur ba ni nges pa ma yin gyi/ sangs rgyas bcom ldan 'das kyis sems can gdul ba ni nges pa ste mi rdzun pas na sangs rgyas bcom ldan 'das ni skyes bu 'dul zhing kha lo sgyur ba zhes bya'o/ /de la ji ltar na lha dang mi rnams kyi ston pa zhe na/ ston pa zhes bya ba la rnam pa gnyis te/ dge ba ston pa dang / sdig pa ston pa'o/ /sangs rgyas dang / byang chub sems dpa' ni rtag tu dge ba'i chos rnams sems can la ston to/ /dge ba'i chos gang dag ce na/ lus dang / ngag dang / yid kyi sgo nas dge ba'o/ /sangs rgyas dang / byang chub sems dpa' ni sems can rnams la 'di skad ces ston to/ /kye| rigs kyi bu dag/ lus mi dge ba'i las yongs su spang </font><hr>Ka431a<br><font size=+1>


@#/ /bar bya'o/ /de ci'i phyir zhe na/ lus mi dge ba'i las yongs su spangs na rnam par grol bar 'gyur ro/ /de bas na chos 'di dag ni khyed la ston gyi/ mi dge ba'i las yongs su ma spangs pas rnam par grol bar 'gyur ro zhes khyed la mi ston to/ /ci ste sems can rnams sdig pa'i las yongs su spangs na ngan song gsum du ltung bar 'gyur ro zhes bya ba'i gnas med do/ /yongs su spangs na bla na med pa yang dag par rdzogs pa'i byang chub thob cing mya ngan las 'das pa chen po thob par 'gyur ba ni gnas yod do/ /de bas na sangs rgyas dang / byang chub sems dpa' ni rtag tu chos 'di nyid sems can rnams la ston te/ ngag dang / yid kyang de bzhin du rig par bya'o| |de bas na sangs rgyas bcom ldan 'das ni bla na med pa ston pa'o/ /gzhan yang sngon ma thob pa thob par gyur la/ thob pa rnams sems can la ston pa dang / thog ma nas tshangs par ma spyad pa tshangs par spyod de/ spyod pa rnams kyang sems can la ston pa dang / bdag nyid ma rig pa bcom pas sems can gyi ma rig pa 'joms pa dang / bdag nyid yongs su dag pa'i mig thob pas sems can gyi ldongs pa'i rab rib bsal nas yongs su dag pa'i mig thob par byed pa dang / bdag nyid bden pa </font><hr>Ka431b<br><font size=+1>


gnyis shes pas sems can rnams la'ang bden pa gnyis ston pa dang / bdag nyid rnam par grol bas sems can rnams la rnam par grol ba'i chos ston pa dang / bdag nyid mtha' med pa'i 'khor ba'i klung las brgal bas sems can thams cad kyang de la sgrol ba dang / bdag nyid 'jigs pa med par gyur bas sems can rnams la 'jigs pa med pa ston pa dang / bdag nyid yongs su mya ngan las 'das pas sems can rnams la mya ngan las 'das pa chen po ston pa ste/ de'i phyir na sangs rgyas bcom ldan 'das ni bla na med pa ston pa zhes bya'o/ /lha zhes bya ba ni nyin mo zhes bya ste/ lha rnams la nyin ring mtshan thung bas ni lha zhes bya'o/ /gzhan yang lha zhes bya ba ni mya ngan med pa ste/ rtag tu bde ba'i phyir na lha zhes bya'o/ /gzhan yang lha zhes bya ba ni snang ba'i sgron ma zhes bya'o/ /mun pa bcom nas snang ba chen por 'gyur ba'i phyir lha zhes bya'o/ /gzhan yang sdig pa'i las nag po bcom nas dge ba'i las dkar po thob ste/ lhar skye ba'i phyir na lha zhes bya'o/ /lha ni bkra shis pa ste/ bkra shis pa'i phyir lha zhes bya'o/ /gzhan yang lha zhes bya ba ni nyi ma ste/ nyi ma la 'od yod pa'i phyir nyi ma la lha zhes bya'o/ /don de lta bas na lha zhes bya'o/ /mi zhes bya ba ni don la mang du sems pa'o/ /gzhan yang mi zhes </font><hr>Ka432a<br><font size=+1>


@#/ /bya ba ni lus dang / ngag 'jam zhing des pa'o/ /gzhan yang mi zhes bya ba ni nga rgyal dang bcas pa'o/ /mi zhes bya ba ni nga rgyal bcom pa'o/ /rigs kyi bu sangs rgyas bcom ldan 'das ni sems can thams cad kyi bla na med pa'i ston pa yin mod kyi/ gsung rab las kyang lha dang mi'i ston pa zhes 'byung ngo / /de ci'i phyir zhe na/ sems can thams cad kyi nang na lha dang mi 'ba' zhig gis bla na med pa yang dag par rdzogs pa'i byang chub tu sems bskyed nus shing / dge ba bcu'i las byed nus pas rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa dang / rang sangs rgyas kyi 'bras bu dang / bla na med pa yang dag par rdzogs pa'i byang chub thob par 'gyur bas de'i phyir na sangs rgyas bcom ldan 'das ni lha dang mi'i ston pa zhes bya'o/ /de la ji ltar na sangs rgyas bya she na/ sangs rgyas zhes bya ba ni tshor ba'i don te/ bdag kyang tshor la gzhan yang tshor bar byed do/ /rigs kyi bu/ dper na/ mi zhig khyim du rkun po 'ong bar tshor na rkun pos mi tshugs so/ /byang chub sems dpa' sems dpa' chen po'ang tshad med pa'i nyon mongs pa thams cad tshor te/ de ltar tshor bas na nyon mongs pa thams cad kyis mi </font><hr>Ka432b<br><font size=+1>


tshugs so/ /de bas na sangs rgyas zhes bya'o/ /de ltar tshor bas na mi skye/ mi rga/ mi na/ mi 'chi ste/ de'i phyir na sangs rgyas zhes bya'o/ /de la ji ltar na bcom ldan 'das she na/ bcom pa zhes bya ba ni bcom pa'o/ /ldan pa zhes bya ba ni nyon mongs pa'o/ /nyon mongs pa thams cad bcom pa'i phyir na bcom ldan 'das zhes bya'o/ /gzhan yang dge ba'i chos thams cad dang ldan pa'i phyir/ chos rnams kyi don la shin tu mkhas pa'i phyir/ yon tan chen po dang ldan pas gzhan gyis mi thub pa'i phyir/ grags pa chen po phyogs bcur grags pa'i phyir/ sbyin pa rnam pa sna tshogs byin pa'i phyir/ bskal pa tshad med grangs med pa'i bar du bud med kyi dbang po skyugs pa lta bur bor ba'i phyir ro/ /rigs kyi bu/ gal te skyes pa'am bud med gang zhig gis de ltar sangs rgyas rjes su dran pa bsgoms na/ 'gro'am sdod dam/ 'dug gam nyal lam/ snang ngam mun par gyur kyang / nyin mtshan rtag tu sangs rgyas mthong ba dang mi 'bral lo/ /rigs kyi bu/ ci'i phyir de bzhin gshegs pa dgra bcom pa yang dag par rdzogs pa nas bcom ldan 'das kyi bar du de lta bu yon tan tshad med pa dang / grags pa chen po dang ldan zhe na/ rigs kyi bu/ byang chub sems dpa' sems dpa' chen po ni sngon bskal pa tshad med </font><hr>Ka433a<br><font size=+1>


@#/ /grangs med pa'i bar du pha ma dang / mkhan po dang / slob dpon dang / bla ma dang / gong ma rnams la rim gro dang bkur stir byas/ bskal pa tshad med pa'i bar du sems can gyi phyir sbyin pa byin pa dang / tshul khrims bsrungs pa dang / bzod pa bsgoms par byas pa dang / brtson 'grus brtsams pa dang / bsam gtan la mnyam par bzhag pa dang / shes rab la nan tan byas pa dang / byams pa chen po dang / snying rje chen po dang / dga' ba chen po dang / btang snyoms chen po la nan tan byas pas de'i phyir mtshan sum cu rtsa gnyis dang / dpe byad bzang po brgyad cu dang / rdo rje lta bu'i sku thob par gyur to/ /gzhan yang byang chub sems dpa' sngon bskal pa tshad med grangs med pa'i bar du dad pa dang / brtson 'grus dang / dran pa dang / ting nge 'dzin dang / shes rab kyi dbang po la nan tan byas te/ slob dpon dang / bla ma la rim gro dang bkur stir byas nas de'ang chos 'dod pa'i phyir gyi/ zas dang rnyed pa 'dod pa'i phyir ni ma yin no/ /byang chub sems dpas gal te mdo sde bcu gnyis bzung nas/ gal te klog gam 'don kyang rtag tu sems can thams cad rnam par grol bar bya ba dang / rab tu bde bar bya ba'i phyir gyi/ bdag nyid kyi phyir ni ma yin no/ / </font><hr>Ka433b<br><font size=+1>


ci'i phyir zhe na/ byang chub sems dpa' ni rtag tu 'jig rten las 'das pa'i sems dang / rab tu byung ba'i sems dang / 'dus ma byas pa'i sems dang / rtsod pa med pa'i sems dang / dri ma med pa'i sems dang / bcings pa med pa'i sems dang / chags pa med pa'i sems dang / sgrib pa med pa'i sems dang / lung mi ston pa med pa'i sems dang / 'khor ba med pa'i sems dang / the tshom gyi dra ba med pa'i sems dang / 'dod chags med pa'i sems dang / zhe sdang med pa'i sems dang / gti mug med pa'i sems dang / nga rgyal med pa'i sems dang / rnyog pa med pa'i sems dang / nyon mongs pa med pa'i sems dang / sdug bsngal med pa'i sems dang / tshad med pa'i sems dang rgya che ba'i sems dang / nam mkha' lta bu'i sems dang / med pa'i sems dang / med pa ma yin pa'i sems dang / dul ba'i sems dang / mi skyo ba'i sems dang / mi 'chab pa'i sems dang / 'jig rten ma yin pa'i sems dang / rtag tu ting nge 'dzin gyi sems dang / rtag tu nan tan byed pa'i sems dang / rtag tu rnam par grol ba'i sems dang / re ba med pa'i sems dang / smon pa med pa'i sems dang / shin tu smon pa med pa'i sems dang / smra ba med pa'i sems dang / mnyen zhing des pa'i </font><hr>Ka434a<br><font size=+1>


@#/ /sems dang / mi gnas pa'i sems dang / dbang sgyur ba'i sems dang / zag pa med pa'i sems dang / don dam pa'i sems dang / mi ldog pa'i sems dang / mi rtog pa'i sems dang / yang dag pa'i sems dang / g.yo sgyu med pa'i sems dang / dge ba'i sems dang / lhag chad med pa'i sems dang / bar chad med pa'i sems dang / bus pa lta bu ma yin pa'i sems dang / nyan thos lta bu ma yin pa'i sems dang / rang sangs rgyas lta bu ma yin pa'i sems dang / shin tu shes pa'i sems dang / khams shes pa'i sems dang / khams skye ba shes pa'i sems dang / khams la gnas pa shes pa'i sems dang / khams la dbang sgyur ba shes pa'i sems kyis nan tan byas pas na/ stobs bcu dang / mi 'jigs pa bzhi dang / snying rje chen po'i ting nge 'dzin dang / rtag pa dang / bde ba dang / bdag dang / yongs su dag pa thob par gyur to/ /de bas na de bzhin gshegs pa nas bcom ldan 'das kyi bar du btags te/ de ltar na byang chub sems dpa' sems dpa' chen pos sangs rgyas rjes su dran pa zhes bya'o/ /de la ji ltar na byang chub sems dpa' sems dpa' chen pos chos rjes su dran pa zhe na/ rigs kyi bu/ byang chub sems dpa' sems </font><hr>Ka434b<br><font size=+1>


dpa' chen pos sangs rgyas bcom ldan 'das kyis gsungs pa'i chos la 'di ltar yid la byed do/ /bcom ldan 'das kyis gsungs pa'i chos ni mchog tu gyur pa/ phul du gyur pa ste/ chos kyis rgyu byas pas na so so'i skye bo dag kyang 'bras bu mngon sum du thob par gyur to/ /dam pa'i chos 'di 'ba' zhig ni dus dang tshod med de/ chos kyi mig gis mthong ba yin gyi/ sha'i mig gis mthong ba ma yin no/ /dpe dang zlas kyang dper bya ba ma yin te/ ma skyes pa/ ma byung ba/ mi gnas pa/ mi 'gog pa/ thog ma med pa/ tha ma med pa/ 'dus ma byas pa/ bgrang du med pa/ gnas med pa rnams kyi gnas su gyur pa/ rten med pa'i rten/ snang ba med pa'i snang ba/ pha rol tu ma phyin pa rnams pha rol tu sgrol ba/ dri bsung med pa'i dri bsung / thogs pa med pa/ bltar mi rung bar mthong ba/ mi g.yo ba/ mi 'gyur ba/ mi ring ba/ mi thung ba/ bde ba yongs su bcad kyang rab tu bde ba'i mthar phyin pa/ gzugs ma yin/ gzugs chad pa ma yin/ gzugs kyang ma yin pa nas rnam par shes pa ma yin pa/ rnam par shes pa chad pa ma yin| rnam par shes pa'i bar du'ang ma yin pa/ las ma yin pa/ las chad pa/ las kyang ma yin pa/ nyon mongs pa ma yin/ nyon mongs pa ma bcad pa/ nyon mongs </font><hr>Ka435a<br><font size=+1>


@#/ /pa'ang ma yin pa/ dngos po ma yin/ dngos po bcad pa/ dngos po'ang ma yin pa/ khams ma yin/ khams bcad pa/ khams kyang ma yin pa/ srid pa ma yin/ srid pa bcad pa/ srid pa'ang ma yin pa/ skye mched ma yin/ skye mched bcad pa/ skye mched kyang ma yin pa/ rgyu ma yin/ rgyu bcad pa/ rgyu'ang ma yin pa/ 'bras bu ma yin/ 'bras bu bcad pa/ 'bras bu'ang ma yin pa/ rdzun pa ma yin/ rdzun pa thams cad bcad pa/ rdzun pa'ang ma yin pa/ bden pa ma yin/ bden pa thams cad bcad pa/ bden pa'ang ma yin pa/ skye ba ma yin/ 'gog pa ma yin/ skye ba dang 'gog pa yongs su bcad pa/ 'gog pa'ang ma yin pa/ mtshan ma ma yin/ mtshan ma ma yin pa'ang ma yin/ mtshan ma thams cad bcad pa/ mtshan ma'ang ma yin pa/ ston pa ma yin/ mi ston pa ma yin pa'ang ma yin/ ston pa thams cad bcad pa| ston pa'ang ma yin pa/ 'jigs pa ma yin/ bde ba ma yin/ 'jigs pa thams cad bcad pa/ bde ba'ang ma yin pa/ bzod pa'ang ma yin/ mi bzod pa ma yin| mi bzod pa thams cad bcad pa/ bzod pa'ang ma yin pa/ zhi gnas ma yin/ zhi gnas ma yin pa'ang ma yin/ zhi gnas thams cad bcad pa/ zhi gnas </font><hr>Ka435b<br><font size=+1>


kyang ma yin pa/ chos thams cad kyi spyi bor phyin pa/ nyon mongs pa thams cad yongs su bcad pa/ yongs su dag pa/ mtshan ma med pa/ mtshan ma las yongs su grol ba/ sems can tshad med pa'i mthar phyin pa'i gnas su gyur pa/ 'khor ba'i me 'bar ba thams cad zhi bar byed pa/ sangs rgyas rnams kyi rol pa'i gnas/ rtag pa mi 'gyur ba'i yid la byed pa ste/ de ni byang chub sems dpa' chos rjes su dran pa zhes bya'o/ /de la ji ltar na dge 'dun rjes su dran pa zhe na/ sangs rgyas rnams kyi 'phags pa'i dge 'dun ni chos bzhin du gnas pa/ yang dag pa'i chos 'dzin pa/ rjes su rnal 'byor du spyod pa/ bltar mi rung ba/ gzung du med pa/ gzhig tu med pa/ gnod pa byar mi rung ba/ bsam gyis mi khyab pa/ sems can thams cad kyi bsod nams kyi zhing du gyur pa/ bsod nams kyi zhing du gyur kyang len pa med pa/ yongs su dag pa/ rnyog pa med pa/ zag pa med pa/ 'dus ma byas pa/ yangs pa/ mtha' yas pa/ sems shin tu dul ba/ mnyam snyoms pa/ gnyis su med pa/ mya ngan med pa/ rtag pa mi 'gyur ba ste/ de ni dge 'dun rjes su dran pa zhes bya'o/ /de la ji ltar na bslab tshig rjes su dran pa zhe na/ byang chub sems dpa' tshul khrims yod pa yid la byas pas mi 'jigs pa/ mi zag </font><hr>Ka436a<br><font size=+1>


@#/ /pa| mi nyams pa/ ma 'dres pa/ gzugs med du zin kyang shin tu bsrung ba/ reg pa'i dngos po med kyang shin tu thabs mkhas pas bsnyen par rdzogs par byed pa/ nyes pa'i skyon med pa/ sangs rgyas dang / byang chub sems dpa' rnams kyis bsngags shing bstod pa/ shin tu rgyas pa/ yongs su mya ngan las 'das pa chen po'i rgyur gyur pa/ rigs kyi bu/ 'di lta ste/ dper na/ sa chen po dang / gru dang / se mo do dang / ri chen po dang / rgya mtsho dang / thal ba'i khu ba dang / khang khyim dang / ral gri dang / zam pa dang / sman pa mkhas pa dang / sman bzang po dang / byug pa'i sman dang / yid bzhin gyi nor bu rin po che dang / rkang lag dang / kha mig dang / pha ma dang / grib ma ni cis kyang mi 'phrogs te/ gnod pa byar med/ mes bsreg tu med/ chus g.yeng du med/ ri mthon po la 'dzeg pa'i them skas lta bu ste/ sangs rgyas dang / byang chub sems dpa' rnams kyi rin po che dam pa'i rgyal mtshan lta bu'o/ /tshul khrims de la gnas na rgyun du zhugs pa'i 'bras bu thob pa'i skal pa nga la'ang yod mod kyi/ nga mi 'dod do/ /de ci'i phyir zhe na/ gal te rgyun du zhugs pa'i 'bras bu thob par gyur na rgya cher sems can thams cad kyi don byed mi nus so/ /gal te tshul </font><hr>Ka436b<br><font size=+1>


khrims la gnas pas bla na med pa yang dag par rdzogs pa'i byang chub thob par 'gyur ba'i skal pa'ang la yod de/ de ni nga 'dod do/ /de ci'i phyir zhe na/ gal te bla na med pa yang dag par rdzogs pa'i byang chub thob na sems can thams cad la dam pa'i chos rgya cher ston par 'gyur te/ mgon skyabs su 'gyur bas de ni byang chub sems dpa' sems dpa' chen pos tshul khrims rjes su dran pa zhes bya'o/ /de la ji ltar na sbyin pa rjes su dran pa zhe na/ byang chub sems dpa' sems dpa' chen pos shin tu brtags na sbyin pa de ni bla na med pa yang dag par rdzogs pa'i byang chub kyi rgyu yin pas sangs rgyas dang byang chub sems dpa' rnams sbyin pa de la shin tu bsnyen te nan tan byed pas bdag kyang de la bsnyen te nan tan bya'o/ /gal te sbyin pa ma byas na 'khor rnam bzhi'i rgyan du mi 'gyur ro/ /sbyin pa byas pas kun nas nyon mongs pa yongs su ma chod kyang da ltar gyi nyon mongs pa 'joms par 'gyur ro/ /sbyin pa byas pa de'i rgyu dang / de'i rkyen gyis rtag tu phyogs bcu'i 'jig rten gyi khams tshad med mtha' yas pa'i klung gang+gA'i bye ma snyed kyi sems can thams cad kyis bsngags shing bstod par 'gyur ro/ /byang chub sems dpa' sems dpa' chen pos sems can la zas byin pa ni 'tsho ba byin pa ste/ de'i </font><hr>Ka437a<br><font size=+1>


@#/ /'bras bus mngon par sangs rgyas pa na rtag pa mi 'pho ba'i gnas su 'gyur ro/ /bde ba byin pas ni mngon par sangs rgyas pa na shin tu bde ba thob par 'gyur ro/ /byang chub sems dpa' sbyin pa byin pa na chos bzhin du rnyed pa yin gyi/ gzhan la gnod pa ma yin pas mngon par sangs rgyas pa na yongs su dag pa'i mya ngan las 'das pa thob par 'gyur ro/ /byang chub sems dpa' sbyin pa byin pa na sems can rnams kyi ched du ma bslangs par thob pas mngon par sangs rgyas pa na dbang sgyur ba'i bdag ces bya ba thob par 'gyur ro/ /sbyin pa byin pa'i rkyen gyis pha rol po mthu dang ldan par gyur pas mngon par sangs rgyas pa na stobs bcu thob par 'gyur ro| |sbyin pa byin pa'i rkyen gyis pha rol po smra ba'i spobs pa dang ldan par 'gyur bas mngon par sangs rgyas pa na yang dag par so sor shes pa bzhi thob par 'gyur ro/ /sangs rgyas dang byang chub sems dpa' rnams kyis sbyin pa byin pas yongs su mya ngan las 'das pa'i rgyur 'gyur te/ de bas na bdag kyang sbyin pa la nan tan byas te mya ngan las 'das pa'i rgyur 'gyur bar bya'o/ /rgyas par ni me tog sna tshogs zhes bya ba'i nang nas 'chad do/ /de la ji ltar na lha rjes su dran pa zhe na/ rgyal chen ris bzhi'i gnas </font><hr>Ka437b<br><font size=+1>


nas 'du shes med 'du shes med min skye mched steng gi gnas yod de/ gang zhig rgyal chen ris bzhi'i lha la dad pa de la'ang skal pa yod de/ gang zhig mang du thos pa dang / sbyin pa dang / shes rab kyis rgyal chen ris bzhi'i lha nas 'du shes med 'du shes med min skye mched steng gi bar du bdag la'ang skal pa yod mod kyi/ bdag 'dod pa ma yin no| |de ci'i phyir zhen/ rgyal chen ris bzhi'i lha nas 'du shes med 'du shes med min skye mched steng gi bar du thams cad kyang mi rtag pa'o/ /mi rtag pa yin pas na skye ba dang / rga ba dang / na ba dang / 'chi ba ste/ de bas na bdag 'dod pa ma yin no/ /'di lta ste/ dper na/ sgyu ma ni skye bo glen pa dag slu ba yin te/ mkhas pa shes rab can ni chags pa'am slu bar mi 'gyur ro/ /sgyu ma ni rgyal chen ris bzhi'i gnas nas 'du shes med 'du shes med min skye mched kyi steng lta bu'o/ /glen pa ni byis pa ma rabs thams cad lta bu ste| bdag ni so so'i skye bo glen pa dang mi 'dra'o/ /bdag gis sngon thos na don dam pa'i lha ste/ sangs rgyas dang byang chub sems dpa' ni rtag pa/ mi 'gyur ba/ mi skye ba/ mi rga ba/ mi na ba/ mi 'chi ba yin te/ bdag ni sems can thams cad kyi phyir don dam pa'i lha tshol lo/ /de ci'i phyir zhe na/ don dam pa'i lhas ni sems can bdag gi nyon mongs </font><hr>Ka438a<br><font size=+1>


@#/ /pa yongs su gcod de/ dper na/ yid bzhin gyi shing lta bu'o/ /ci ste bdag la dad pa nas shes rab kyi bar du yod na don dam pa'i lha thob par 'gyur te/ sems can thams cad la'ang don dam pa'i lha rgyas par ston cing 'chad par 'gyur ro/ /de dag ni byang chub sems dpa' sems dpa' chen pos lha rjes su dran pa zhes bya'o/ / rigs kyi bu/ de ltar na byang chub sems dpa' chen po 'jig rten pa ma yin gyi/ 'jig rten pas ni mi shes/ mi mthong / mi rtogs pa ste/ byang chub sems dpas shes pa| mthong ba/ rtogs pa zhes bya'o/ /rigs kyi bu/ gal te nga'i nye gnas las mdo sde bcu gnyis klog pa dang / 'don pa dang / 'chang ba dang / 'dzin pa dang / glegs bam du 'dri ba dang / gzhan dag la rgya che bar ston cing 'chad pa dang / yongs su mya ngan las 'das pa chen po'i mdo 'don pa dang / klog pa dang / 'chang ba dang / 'dzin pa dang / glegs bam du 'dri ba dang / gzhan dag la'ang rgyas par ston cing 'chad par 'dra'o zhes bya ba mi rung ngo / /de ci'i phyir zhe na/ rigs kyi bu/ yongs su mya ngan las 'das pa chen po'i mdo ni sangs rgyas bcom ldan 'das thams cad kyi dgongs pa'i don zab mo'o/ /sangs rgyas bcom ldan 'das rnams kyis dgongs pa'i don </font><hr>Ka438b<br><font size=+1>


zab mo yin pas na mchog tu gyur pa yin no/ /rigs kyi bu/ de bas na yongs su mya ngan las 'das pa chen po'i mdo ni ngo mtshar rmad du che ba ste/ bsam gyis mi khyab pa'o/ /de nas byang chub sems dpa' 'od srung gis bcom ldan 'das la 'di skad ces gsol to/ /bdag kyang yongs su mya ngan las 'das pa chen po'i mdo 'di ni ngo mtshar rmad du che ba ste/ bsam gyis mi khyab bo snyam du bgyid do/ /sangs rgyas dang / chos dang / dge 'dun yang bsam gyis mi khyab/ byang chub sems dpa'i byang chub dang / yongs su mya ngan las 'das pa chen po'i mdo'ang bsam gyis mi khyab bo snyam bgyid do/ /bcom ldan 'das/ don ci zhig gi slad du byang chub sems dpa' yang bsam gyis mi khyab bo zhes gsungs bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen po ni sus kyang ma bstan par rang byang chub tu sems bskyed do/ /de ltar sems bskyed nas shin tu brtson 'grus rtsom pas gal te me chen pos lus dang / mgo tshig kyang chos rjes su dran pa btang ste/ mi gsod par mi byed do/ /de ci'i phyir zhe na/ byang chub sems dpa' sems dpa' chen po rtag tu 'di snyam du sems te/ bdag bskal pa grangs med tshad med pa'i bar du sems can dmyal ba dang / yi dwags dang / byol song </font><hr>Ka439a<br><font size=+1>


@#/ /gi skye gnas dang / lha dang / mir 'khor te/ kun nas nyon mongs pa'i mes tshig par gyur kyang gdon mi za bar nges pa'i chos gcig tsam yang mthob bo| |nges pa'i chos zhes bya ba ni bla na med pa yang dag par rdzogs pa'i byang chub bo/ /bdag ni bla na med pa yang dag par rdzogs pa'i byang chub kyi phyir lus dang srog la cung zad kyang phangs par mi byed do/ /bdag ni bla na med pa yang dag par rdzogs pa'i byang chub kyi phyir lus 'di rdul du zhib mor btags kyang brtson 'grus rtsom pa mi gtong ngo| |de ci'i phyir zhe na/ brtson 'grus kyi sems ni bla na med pa yang dag par rdzogs pa'i byang chub kyi rgyur 'gyur ro/ /rigs kyi bu/ de ltar byang chub sems dpas bla na med pa yang dag par rdzogs pa'i byang chub ma mthong bar lus dang srog kyang mi phangs na mthong ba lta ci smos te/ de bas na byang chub sems dpa' ni bsam gyis mi khyab pa'o/ /gzhan yang bsams gyis mi khyab pa zhes bya ba ni byang chub sems dpa' sems dpa' chen pos 'khor ba'i skyon tshad med pa mthong ba ni/ nyan thos dang / rang sangs rgyas kyis rtogs pa ma yin te/ de ltar 'khor ba'i skyon tshad med pa mthong yang sems can gyi phyir sdug bsngal yang yongs su myong ba la skyo bar mi byed de/ de bas </font><hr>Ka439b<br><font size=+1>


na bsam gyis mi khyab pa zhes bya'o/ /byang chub sems dpa' sems dpa' chen pos sems can gyi phyir sems can dmyal ba na sdug bsngal mang po myong yang bsam gtan gsum pa'i bde ba dang 'dra ste/ de bas na bsam gyis mi khyab bo/ /rigs kyi bu/ 'di lta ste/ dper na/ khyim bdag cig khyim du me shor na khyim de nas phyir rol tu 'byung ngo / /ji ste khyim bdag de'i bu rnams khyim gyi nang du lus te me las mthar na/ khyim bdag de de'i tshe na gdon mi za bar mes tshig par 'gyur bar shes kyang bu rnams gdon pa'i phyir de'i nang du 'jug go /byang chub sems dpa' sems dpa' chen po'ang de dang 'dra ste/ 'khor ba na nyes pa'i skyon mang po yod par shes kyang sems can gyi phyir 'khor ba na gnas pa la mi skyo ste/ de bas na bsam gyis mi khyab bo/ /rigs kyi bu/ sems can tshad med pa rnams byang chub tu sems bskyed nas kyang 'khor ba'i skyon mang po mthong bas sems de las phyir ldog ste/ la la ni nyan thos su 'gyur/ la la ni rang sangs rgyas su 'gyur ro/ /gal te byang chub sems dpa' mdo sde 'di thos na byang chub kyi sems las phyir mi ldog go /nyan thos dang / rang sangs rgyas su 'gyur mi srid do/ /de ltar byang chub sems dpa' des mi g.yo ba'i sa dang po ma thob kyang / sems shin tu brtan par 'gyur </font><hr>Ka440a<br><font size=+1>


@#/ /te| phyir mi ldog pas na bsam gyis mi khyab pa zhes bya'o/ /rigs kyi bu/ gal te mi zhig 'di skad du bdag ni rgya mtsho chen po 'di la rkyal te rgyal nus so zhes smra na/ tshig de bsam gyis mi khyab pa yin nam/ bcom ldan 'das/ de skad ces smra ba'i tshig de ni bsam gyis khyab pa'ang lags la/ bsam gyis mi khyab pa'ang lags so/ /de ci'i slad du zhe na/ gal te mi zhig gis rkyal te pha rol tu phyin na de ni bsam gyis mi khyab bo/ /gal te lha ma yin zhig rkyal te pha rol tu phyin na bsam gyis khyab pa lags so/ /rigs kyi bu/ skabs 'dir ni mi 'ba' zhig la bya'i/ /lha ma yin ni ma yin no/ /bcom ldan 'das/ mi'i nang na'ang bsam gyis mi khyab pa dang / bsam gyis khyab pa mchis so/ /bcom ldan 'das/ mi la'ang rnam pa gnyis te/ 'phags pa dang / byis pa ma rabs so/ /byis pa ma rabs la bgyi na ni bsam gyis mi khyab pa ma lags so/ /'phags pa la bgyi na bsam gyis khyab bo/ /rigs kyi bu/ skabs 'dir ni ngas bus pa ma rabs la bya'i/ /'phags pa la ni ma yin no/ /bcom ldan 'das/ ci ste bus pa ma rabs la bgyi na bsam gyis mi khyab pa lags so/ /rigs kyi bu/ bus pa ma rabs kyis ni yang dag par na rgya mtsho chen po la rkyal te pha </font><hr>Ka440b<br><font size=+1>


rol tu mi phyin no/ /byang chub sems dpa' sems dpa' chen pos ni yang dag par 'khor ba'i rgya mtsho'i pha rol tu phyin te/ de bas na bsam gyis mi khyab pa zhes bya'o/ /rigs kyi bu| ci ste la la zhig gis pad+ma'i rtsa ba'i nyag mas ri rab lhun po bteg ste nam mkha' las dbyangs na/ de bsam gyis mi khyab pa yin nam/ gsol pa/ ma lags so/ bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen pos skad cig thang cig yud tsam gyis 'khor ba thams cad 'jal dpog pa ni bsam gyis mi khyab pa zhes bya'o/ /rigs kyi bu/ byang chub sems dpa' sems dpa' chen pos bskal pa tshad med grangs med pa'i bar du 'khor ba la mi rtag pa dang / bdag med pa dang / bde ba med pa dang / yongs su ma dag par rtogs pas sems can rnams la rtag pa dang / bde ba dang / bdag yod pa dang / yongs su dge ba rgyas par 'chad cing ston te/ de ltar ston cing 'chad kyang ngan par lta ba ma yin pas na bsam gyis mi khyab pa zhes bya'o/ /rigs kyi bu/ dper na/ la la zhig chur mchongs kyang chus mi khyer la/ me chen por mchongs kyang mes mi tshig na/ de ni bsam gyis mi khyab pa zhes bya ste/ byang chub sems dpa' sems dpa' chen po'ang de dang 'dra bar 'khor ba' </font><hr>Ka441a<br><font size=+1>


@#/ /nang du gnas kyang 'khor bas gnod par mi 'gyur bas na bsam gyis mi khyab pa zhes bya'o/ /rigs kyi bu/ 'di lta ste/ dper na/ mi la rnam pa gsum ste| rab dang / 'bring dang / tha ma'o/ /de la mi'i nang na tha ma ni mngal na 'dug pa'i tshe 'di snyam du/ bdag ni phyi sa khung ngam/ mi gtsang ba'i gnas sam/ mi ro'i nang ngam/ tsher phung gi steng ngam/ mun pa'i nang na gnas so snyam sems so/ /mngal nas byung ba'i tshe'ang da ni bdag gi phyi sa khung ngam/ mi gtsang ba'i gnas sam/ mun nag chen po'i gnas las byung ngo snyam sems so/ /de la mi'i nang na 'bring ni mngal na 'dug pa'i tshe 'di snyam du bdag ni skyed shing gi tshal lam/ chu gtsang ma'i nang ngam/ khang khyim bzang po'i nang na 'dug go snyam sems te/ byung ba'i tshe'ang de snyam du sems so/ /de la mi'i nang na rab ni mngal na 'dug pa'i tshe yang 'di snyam du bdag ni yang thog bzang po'am/ skyed mos tshal lam/ rta'am/ ba glang ngam/ glang po che la zhon te ri mthon po la 'dzeg go snyam ste/ byung ba'i tshe'ang de snyam du sems so/ /byang chub sems dpa' sems dpa' chen po ni thog ma mngal du 'jug pa na'ang 'jug par shes/ mngal na gnas pa'i tshe'ang gnas par shes/ phyir byung ba'i tshe'ang </font><hr>Ka441b<br><font size=+1>


byung bar shes te/ 'dod chags dang zhe sdang gi sems nam du'ang mi 'byung mod kyi/ sa la gnas pa ma yin pas na bsam gyis mi khyab pa zhes bya'o/ /rigs kyi bu/ bla na med pa yang dag par rdzogs pa'i byang chub ni dper byar med do/ /rigs kyi bu/ sems kyang phyogs dang dpe bsgrun cing brjod sla ba ma yin no/ /byang chub sems dpa' sems dpa' chen po ni ston pa'i slob dpon dang / slob ma'i gnas med bzhin du bla na med pa yang dag par rdzogs pa'i byang chub thob par gyur to/ /de ltar chos de dag thos nas 'jungs pa med pa'i sems kyis rtag tu sems can la ston cing 'chad pas na/ de'i phyir yang bsam gyis mi khyab pa zhes bya'o/ /rigs kyi bu/ byang chub sems dpa' sems dpa' chen po ni lus kyis yongs su spong la ngag gis ma yin pa'ang yod/ ngag gis yongs su spong la lus kyis ma yin pa'ang yod/ lus dang ngag ma yin pas yongs su spong ba'ang yod do/ /lus kyis yongs su spong ba zhes bya ba ni srog gcod pa dang / ma byin par len pa dang / mi tshangs par spyod pa ste/ ngag gis ma yin/ ngag gis yongs su spong ba ni brdzun du smra ba dang / phra ma dang / ngag rtsub po smra ba dang / tshig thun tshags smra ba ste/ ngag gis yongs su spong ba yin gyi/ lus kyis ma yin/ lus dang ngag ma yin </font><hr>Ka442a<br><font size=+1>


@#/ /pas yongs su spong ba ni 'dod chags dang / zhe sdang dang / ngan par lta ba'o/ /rigs kyi bu/ de ni lus kyang ma yin/ ngag kyang ma yin pa yongs su spong ba zhes bya'o/ /rigs kyi bu/ byang chub sems dpa' sems dpa' chen po ni chos gcig tsam la'ang lus kyis sam/ las kyis sam/ bdag pos yongs su spong bar mi lta ste/ yongs su spong ba'ang yod pas de'i phyir yang bsam gyis mi khyab pa zhes bya ste/ ngag kyang de bzhin du rig par bya'o/ /rigs kyi bu/ lus las lus kyis spong ba dang / ngag las ngag gis spong ba ste/ shes rab kyis yongs su spong ba ni lus kyis ma yin/ ngag gis ma yin no/ /rigs kyi bu/ yang dag par na shes rab 'di dag ni byang chub sems dpas spong bar mi 'gyur ro/ /de ci'i phyir zhe na/ rigs kyi bu/ chos gcig tsam yang 'jig pa'am/ byas pa med de/ 'dus byas pa'i chos nyid ni tha dad pas skye la tha dad pas 'gog ste/ de'i phyir shes rab 'di ni yongs su spong bar mi 'gyur ro/ /rigs kyi bu/ shes rab kyis 'jig par mi nus/ mes tshig par mi nus/ chus 'drul bar mi nus/ rlung gis khyer bar mi nus/ sras 'dzin par mi nus/ skye bas bskyed par mi nus/ rga bas rgas par mi nus/ gnas pas gnas </font><hr>Ka442b<br><font size=+1>


par mi nus/ 'jig pas 'jig par mi nus/ 'dod pas 'dod par mi nus/ zhe sdang bas zhe sdang bar mi nus/ gti mug pas rmugs par mi nus te/ 'dus byas kyi rang bzhin gyis tha dad pas skye zhing tha dad pas 'gog go /byang chub sems dpa' sems dpa' chen pos 'di snyam du bdag gi shes rab 'dis nyon mongs pa thams cad bcom mo snyam mi sems te/ bdag gis nyon mongs pa thams cad bcom mo zhes smra'o/ /ci ste de skad ces smras kyang brdzun du smra ba ma yin te/ de bas na bsam gyis mi khyab pa zhes bya'o// // 'phags pa yongs su mya ngan las 'das pa chen po'i mdo/ bam po nyi shu rtsa lnga pa/ de nas 'od srung gis yang bcom ldan 'das 'di skad ces gsol to/ /bcom ldan 'das/ bdag gis deng gdod byang chub sems dpa' sems dpa' chen po bsam gyis mi khyab pa dang / sangs rgyas dang / chos dang / dge 'dun dang / yongs su mya ngan las 'das pa chen po'i mdo dang / de gzungs su 'dzin pa dang / byang chub dang / mya ngan las 'das pa bsam gyis mi khyab par 'tshal to/ /bcom ldan 'das/ bla na med pa'i sangs rgyas kyi chos ji tsam gyi bar du gnas/ ji tsam na nub par 'gyur/ rigs kyi bu/ yongs su mya ngan las 'das pa chen po'i mdo la spyod pa rnam pa lnga yod de/ 'di lta ste/ </font><hr>Ka443a<br><font size=+1>


@#/ /'phags pa'i spyod pa dang / tshangs pa'i spyod pa dang / lha'i spyod pa dang / na ba'i spyod pa dang / bus pa'i spyod pa'o/ /gal te nga'i nye gnas rnams las gang gzungs su 'dzin cing klog pa dang / 'don pa dang / yi ger 'dri ba dang / don dgrol bar byed cing sems can rnams bsti stang dang / bkur sti dang / rim gro dang / bsngags pa dang / mchod pa rnam pa sna tshogs kyis mchod par nus na/ de'i tshe sangs rgyas kyi chos nub pa ma yin par rig par bya'o/ /rigs kyi bu/ gal te mya ngan las 'das pa'i mdo sde 'di rgyas par spel la de'i dus na nga'i nye gnas rnams tshul khrims sdom pa bshig pa mang la/ mi dge ba mang du byed de/ mdo sde 'di la dad par mi byed/ de ltar ma dad pa'i phyir 'dzin pa dang / klog pa dang / 'don pa dang / yi ger 'dri ba dang / don dgrol bar mi byed do/ /skye bo mang po bkur sti dang mchod pa'i bar du byed par mi 'gyur la/ gzugs su 'dzin pa mthong na smod cing khyod ni ston pa drug gis bstan pa la 'jug pa yin gyi/ sangs rgyas kyi nye gnas ma yin no zhes skur ba de'i tshe na/ sangs rgyas kyi chos ring po mi thogs par nub par 'gyur bar rig par bya'o/ /yang byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ </font><hr>Ka443b<br><font size=+1>


bdag gis bcom ldan 'das las mngon sum du sangs rgyas 'od srung gi chos 'jig rten du zhag bdun gnas nas nub bo zhes gsungs pa thos so/ /bcom ldan 'das/ de bzhin gshegs pa 'od srung la mdo sde 'di mnga' ma/ mi mnga'/ de ste mnga' ba zhig na ci'i slad du nub ces gsungs/ ci ste mi mnga' na ci'i slad du yongs su mya ngan las 'das pa chen po'i mdo ni de bzhin gshegs pa thams cad kyi gsang ba'i snying po zhes gsungs/ bcom ldan 'das kyis bka' stsal pa/ rigs kyi bu/ ngas sngar yang don 'di ni 'jam dpal gzhon nu 'ba' zhig gis shes so zhes gsungs te/ de'ang bzlas te bshad kyi/ shin tu yid la byas te brtags par nyon cig /rigs kyi bu/ sangs rgyas bcom ldan 'das rnams la chos rnam pa gnyis mnga' ste/ kun rdzob dang / don dam pa'o/ /kun rdzob kyi chos 'gog go/ don dam pa'i chos ni mi 'jig/ mi 'gog go/ /de'ang rnam pa gnyis te/ mi rtag pa bdag med pa/ bde ba med pa/ yongs su dag pa/ med pa/ rtag pa/ bde ba/ bdag yongs su dag pa'o/ /de la mi rtag pa dang / bdag med pa dang / bde ba med pa dang / yongs su dag pa med pa ni 'jig pa dang / 'gog pa yod do/ /rtag pa dang / bde ba dang / bdag dang / yongs su dag pa ni 'jig pa dang / 'gog pa med do/ /yang rnam pa gnyis te/ </font><hr>Ka444a<br><font size=+1>


@#/ /theg pa gnyis kyis 'dzin pa dang / byang chub sems dpas 'dzin pa'o/ /de la theg pa gnyis kyis 'dzin pa ni 'jig pa dang / 'gog pa yod do/ /byang chub sems dpas 'dzin pa ni 'jig pa dang / 'gog pa med do/ /yang rnam pa gnyis te/ nang dang / phyi rol lo/ /de la phyi rol gyi chos 'jig pa dang / 'gog pa yod do/ /nang gi chos ni 'jigs pa dang / 'gog pa med do/ /yang rnam pa gnyis te/ 'dus byas dang / 'dus ma byas so/ /de la 'dus byas kyi chos ni 'jig pa dang / 'gog pa'o/ /'dus ma byas kyi chos ni 'jig pa dang / 'gog pa med pa'o/ /yang rnam pa gnyis te/ dmigs su yod pa dang / dmigs su med pa'o/ /de la dmigs su yod pa'i chos ni 'jig pa dang / 'gog pa'o/ /dmigs su med pa'i chos ni 'jig pa dang / 'gog pa med pa'o/ /yang rnam pa gnyis te/ 'dres pa'i chos dang / ma 'dres pa'i chos so/ /de la 'dres pa'i chos ni 'jig pa dang / 'gog pa'o/ /ma 'dres pa'i chos ni 'jig pa dang / 'gog pa med pa'o/ /yang rnam pa gnyis te/ lha dang / mi'o/ /de la mi ni 'jig pa dang / 'gog pa'o/ /lha ni 'jig pa dang / 'gog pa med pa'o/ /yang rnam pa gnyis te/ mdo sde bcu gcig dang / shin tu rgyas pa'i mdo sde'o/ /de la mdo sde bcu gcig ni 'jig pa dang / 'gog pa'o/ /shin tu rgyas </font><hr>Ka444b<br><font size=+1>


pa'i mdo sde ni 'jig pa dang / 'gog pa med pa ste/ rigs kyi bu/ gal te nga'i nye gnas gang shin tu rgyas pa'i mdo sde gzungs su 'dzin cing klog gam/ 'don tam/ yi ger 'dri'am/ 'grol zhing bshad dam/ bkur sti dang / rim gro dang / mchod pa byed na/ de'i tshe sangs rgyas kyi chos nub pa ma yin par rig par bya'o/ /rigs kyi bu khyod kyis gong du de bzhin gshegs pa 'od srung la mdo sde 'di yod dam zhes dris pa ni/ rigs kyi bu/ yongs su mya ngan las 'das pa chen po'i mdo ni de bzhin gshegs pa thams cad kyis dgongs te gsungs pa'i snying po'o/ /de ci'i phyir zhe na/ de bzhin gshegs pa rnams la mdo sde bcu gcig mnga' mod kyi/ de dag la sangs rgyas kyi rang bzhin dang / de bzhin gshegs pa'i rtag pa dang / bde ba dang / bdag dang / yongs su dag pa mi 'chad na/ sangs rgyas bcom ldan 'das rnams mtha' yun du mya ngan las mi 'da' bas/ de'i phyir mdo sde 'di ni de bzhin gshegs pas dgongs te gsungs pa'i snying po zhes bya'o/ /mdo sde bcu gcig las mi 'chad pas snying po zhes bya ste/ ji ltar rin po che sna bdun bdog pa'i phyi rol tu mi spyod pa'i phyir gter zhes bya ste/ rigs kyi bu/ mi des gter du bsags shing sbas pa de'ang ma 'ongs pa na dgos pa'i phyir te/ de la ma 'ongs pa na dgos pa </font><hr>Ka445a<br><font size=+1>


@#/ /ni| 'di lta ste/ khre 'bras dkon pa dang / bdag gi yul du dgra 'ong ba dang / rgyal po ngan pa dang phrad pa'i tshe srog blu ba dang / mgron du song ba las nyam nga ba dang phrad pa dang / nor dkon pa'i tshe gdod phyung zhing spyod do/ /rigs kyi bu/ de bzhin gshegs pa rnams kyis dgongs te gsungs pa'i snying po'ang de dang 'dra ste/ ma 'ongs pa'i dus kyi dge slong ngan pa ma brtags pa'i rdzas 'chang bas/ 'khor rnam bzhi la de bzhin gshegs pa ni mtha' yun du mya ngan las 'das so zhes ston pa dang / 'jig rten gyi gtsug lag klog cing 'don gyi/ sangs rgyas kyi gzhung la mi bkur ba de lta bu la sogs pa'i ngan pa 'jig rten du byung ba na/ de bzhin gshegs pas ngan pa de dag med par mdzad cing log pa'i 'tsho ba dang / rnyed pa dang / grags pa spong bar mdzad pa'i phyir mdo sde 'di gsungs so/ /gal te mdo sde dgongs te gsungs pa'i snying po 'di nub cing mi snang bar gyur pa na sangs rgyas kyi chos kyang nub par 'gyur bar rig par bya'o/ /rigs kyi bu/ mya ngan las 'das pa chen po'i mdo ni rtag pa mi 'gyur mi 'pho ba yin na/ ci ste 'di skad du bcom ldan 'das 'od srung la mdo sde 'di yod dam zhes 'dri/ rigs kyi bu/ bcom ldan 'das 'od srung gi tshe'i sems </font><hr>Ka445b<br><font size=+1>


can ni 'dod chags srab cing shes rab dang ldan te/ byang chub sems dpa' sems dpa' chen po sha stag la zhi ba/ dul ba/ gdul sla ba/ gzi brjid chen po dang ldan te/ gzungs mi brjid pa/ bal glang gi khyu mchog dang mtshungs pa/ 'jig rten gyi khams yongs su dag pa/ sems can thams cad kyis de bzhin gshegs pa ni mtha' yun du yongs su mya ngan las mi 'da' zhing rtag tu gnas pa/ mi 'gyur mi 'pho bar shes pas/ mdo sde 'di yod du zin gyis kyang ston cing bshad mi dgos so/ /rigs kyi bu/ da ltar gyi dus kyi sems can ni nyon mongs pa mang zhing / gti mug che bas brjed ngas la/ shes rab med cing / nem nur mang ba/ dad pa'i rtsa ba mi tshugs te/ 'jig rten gyi khams ma dag pas sems can thams cad kyang 'di skad du de bzhin gshegs pa ni mi rtag pa/ 'gyur zhing 'pho ba ste/ mtha' yun du yongs su mya ngan las 'das pa'o zhes zer te/ de bas na de bzhin gshegs pas mdo sde 'di gsungs so/ /rigs kyi bu/ sangs rgyas 'od srung gi chos ni yang dag par ni nub pa ma yin no/ /de ci'i phyir zhe na/ rtag pa mi 'gyur mi 'pho ba'i phyir ro/ /rigs kyi bu/ gal te sems can gang bdag yod pa la bdag med par lta ba dang / bdag med pa la bdag yod par lta ba dang / rtag pa la mi rtag par lta ba dang / </font><hr>Ka446a<br><font size=+1>


@#/ /mi rtag pa la rtag par lta ba dang / bde ba la mi bde bar lta ba dang / mi bde ba la bde bar lta ba dang / yongs su dag pa la yongs su ma dag par lta ba dang / yongs su ma dag pa la yongs su dag par lta ba dang / mi 'gog pa la 'gog par lta ba dang / 'gog pa la mi 'gog par lta ba dang / sdig pa la mi sdig par lta ba dang / mi sdig pa la sdig par lta ba dang / sdig pa yang ba la lci bar lta ba dang / sdig pa lci ba la yang bar lta ba dang / theg pa la theg pa ma yin par lta ba dang / theg pa ma yin pa la theg par lta ba dang / lam yin pa la lam ma yin par lta ba dang / lam ma yin pa la lam yin par lta ba dang / byang chub yang dag pa la byang chub ma yin par lta ba dang / byang chub ma yin pa la byang chub tu lta ba dang / sdug bsngal la sdug bsngal ma yin par lta ba dang / sdug bsngal ma yin pa la sdug bsngal du lta ba dang / kun 'byung la kun 'byung ba ma yin par lta ba dang / 'gog pa la 'gog pa ma yin par lta ba dang / bden pa la bden pa ma yin par lta ba dang / kun rdzob la don dam par lta ba dang / don dam pa la kun rdzob tu lta ba dang / skyabs su 'gro ba la skyabs su 'gro ba ma yin par lta ba dang / skyabs su 'gro ba ma yin pa la skyabs su 'gro bar lta ba dang / </font><hr>Ka446b<br><font size=+1>


sangs rgyas kyi bka' yang dag pa la ni bdud kyi tshig ces zer ba dang / bdud kyi tshig yang dag pa la ni sangs rgyas kyi bka' zhes zer ba de lta bu'i dus na/ de bzhin gshegs pa rnams kyis gdod yongs su mya ngan las 'das pa'i mdo 'di gsung ngo / /rigs kyi bu/ sbrang bu mchu smyung gi mchus rgya mtsho'i gting du ma lus par thug ces zer ba sla'i/ de bzhin gshegs pa'i chos nub bo zhes mi bya'o/ /rlung drag po la zhags pas bcing du rung zhes zer ba'ang sla'i/ de bzhin gshegs pa'i chos nub bo zhes mi bya'o/ /ri rab ri'i rgyal po la kha'i dbugs kyis bus te zhig cing dgyes zer kyang sla'i/ de bzhin gshegs pa'i chos nub bo zhes mi bya'o/ /me khab ta la zhes bya ba'i nang na pad+mo skye'o zhes zer kyang sla'i/ de bzhin gshegs pa'i chos nub bo zhes mi bya'o/ /sman a ka Ta dug tu 'gyur ro zhes zer kyang sla'i/ de bzhin gshegs pa'i chos nub bo zhes mi bya'o/ /zla ba ni tsha la nyi ma ni bsil zhes zer yang sla'i/ de bzhin gshegs pa'i chos nub bo zhes mi bya'o/ /chen po bzhi so so'i rang bzhin spong zhes zer yang sla'i/ de bzhin gshegs pa'i chos nub bo zhes mi bya'o/ /rigs kyi bu/ gal te de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu don zab mo shes </font><hr>Ka447a<br><font size=+1>


@#/ /pa'i nye gnas med par sangs rgyas bcom ldan 'das yongs su mya ngan las 'das na/ chos de 'jig rten na ring po mi gnas par rig par bya'o/ / gzhan yang / rigs kyi bu/ de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu don zab mo shes pa'i nye gnas rnams yod na/ de bzhin gshegs pa yongs su mya ngan las 'das su zin kyang chos 'jig rten na yun du gnas par 'gyur bar rig par bya'o/ /gzhan yang / rigs kyi bu/ de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu don zab mo shes pa'i nye gnas yod du zin kyang khyim pa dad pa sangs rgyas kyi chos la bkur ba'i dge bsnyen med par de bzhin gshegs pa yongs su mya ngan las 'das par gyur na/ chos 'jig rten du ring po mi gnas par rig par bya'o/ /gzhan yang / rigs kyi bu/ gal te sangs rgyas thog ma byung nas bla na med pa dgra bcom pa yang dag par rdzogs pa'i byang chub thob ma thag tu don zab mo shes pa'i nye gnas kyang yod/ khyim pa dad pa can sangs rgyas kyi chos la bkur ba'i dge bsnyen yang yod na/ de bzhin gshegs pa mya ngan las 'das su zin kyang </font><hr>Ka447b<br><font size=+1>


chos yun du 'jig rten na gnas par 'gyur ro/ /gzhan yang / rigs kyi bu/ de bzhin gshegs pa thog ma byung nas/ bla na med pa yang dag par rdzogs pa'i byang chub thog ma thag tu don zab mo shes pa'i nye gnas kyang yod/ khyim pa dad pa che ba sangs rgyas kyi chos la bkur ba'i dge bsnyen yod du zin gyis kyang nye gnas rnams kyis mya ngan las 'das pa'i phyir ni ma yin gyi/ rnyed pa dang grags pa'i phyir mdo sde zab mo ston la de bzhin gshegs pa yongs su mya ngan las 'das par gyur na chos de 'jig rten na ring por mi gnas par rig par bya'o/ /gzhan yang / rigs kyi bu/ de bzhin gshegs pa thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu don zab mo shes pa'i nye gnas kyang yod/ khyim pa shin tu dad pa sangs rgyas kyi chos la bkur ba'i dge bsnyen yang yod la/ nye gnas rnams kyis ston cing bshad pa'ang rnyed pa dang / grags pa'i phyir ni ma yin gyi/ mya ngan las 'das pa tshol ba'i phyir ston na/ de bzhin gshegs pa mya ngan las 'das su zin kyang de'i chos 'jig rten na yun du gnas par 'gyur bar rig par bya'o/ /gzhan yang / rigs kyi bu/ de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu don zab </font><hr>Ka448a<br><font size=+1>


@#/ /mo shes pa'i nye gnas kyang yod/ khyim pa shin tu dad pa sangs rgyas kyi chos la bkur ba'i dge bsnyen yod du zin kyang / nye gnas rnams gcig gis gcig smad cing rtsod pa mang la/ de bzhin gshegs pa'ang mya ngan las 'das par gyur na/ chos de 'jig rten na ring po mi gnas par rig par bya'o/ /gzhan yang / rigs kyi bu/ de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu don zab mo shes pa'i nye gnas ni yod/ khyim pa shin tu dad pa sangs rgyas kyi chos la bkur ba'i dge bsnyen yang yod la/ nye gnas de dag kyang 'dum pa'i chos spyod cing gcig la gcig mi smod par gcig gis gcig bkur na/ de bzhin gshegs pa yongs su mya ngan las 'das su zin kyang de'i chos yun ring du 'jig rten na gnas par 'gyur bar rig par bya'o/ /gzhan yang / rigs kyi bu/ gal te de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu don zab mo shes pa'i nye gnas kyang yod/ khyim pa shin tu dad pa sangs rgyas kyi chos la bkur ba'i dge bsnyen kyang yod la/ nye gnas de dag mya ngan las 'das pa chen po'i phyir chos ston cing gcig la gcig bkur stir byed de/ rtsod par mi byed mod kyi/ ma </font><hr>Ka448b<br><font size=+1>


brtags pa'i rdzas rnams 'chang la/ yang bdag gis 'di skad du bdag ni rgyun du zhugs pa'i 'bras bu nas dgra bcom pa'i 'bras bu'i bar du thob par gyur to zhes bsngags la/ de bzhin gshegs pa'ang mya ngan las 'das par gyur na/ de'i chos 'jig rten na ring po mi gnas par rig par bya'o/ /gzhan yang / rigs kyi bu/ de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu don zab mo shes pa'i nye gnas kyang yod/ khyim bdag dad pa sangs rgyas kyi chos la bkur ba'i dge bsnyen kyang yod la| nye gnas de dag kyang yongs su mya ngan las 'das pa chen po'i phyir mdo sde la sogs pa ston te/ 'dum pa'i chos spyod cing gcig la gcig bkur zhing bsti stang byed/ ma brtags pa'i rdzas thams cad mi 'chang la/ bdag nyid kyis rgyun du zhugs pa'i 'bras bu thob bo zhes bya ba nas dgra bcom pa'i 'bras bu'i bar du'ang thob bo zhes mi zer na/ sangs rgyas bcom ldan 'das yongs su mya ngan las 'das su zin kyang de'i chos 'jig rten na yun ring du gnas par rig par bya'o/ /gzhan yang / rigs kyi bu/ de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu nye gnas rnams don zab mo shes pa nas dgra bcom pa thob bo zhes bya ba'i bar du mi zer </font><hr>Ka449a<br><font size=+1>


@#/ /yang so so nas lta ba re re 'dzin te/ 'di skad du tha dad pa rnam pa sna tshogs 'chad do/ /tshe dang ldan pa rnams bcom ldan 'das kyis lci ba bzhi nas rtsod pa zhi ba'i chos bdun po'i bar du bcas pa de dag kyang sems can rnams kyi phyir sdom pa dang / skabs dbye ba'ang yod do/ /mdo sde bcu gnyis kyang de dang 'dra'o/ /de ci'i phyir zhe na/ bcom ldan 'das kyi yul dang dus tha dad cing sems can gyi dbang po rno rtul khyad par du gyur pa mkhyen te/ de bas na de bzhin gshegs pas kha cig tu ni bsdams/ kha cig tu ni skabs phye ste/ lci ba dang yang ba gsungs so/ /rigs kyi bu/ dper na/ sman pa mkhas pa nad pa la 'o ma gtong ba dang / nad pa la bkag pa bzhin te/ mkhris pa'i nad la ni 'o ma gtong / bad kan gyi nad la ni 'o ma bkag go/ de bzhin du de bzhin gshegs pa'ang sems can rnams kyi nyon mongs pa'i rtsa ba la gzigs te/ phye ba'ang yod/ dgag pa'ang yod do/ /tshe dang ldan pa rnams/ bdag gis 'di bzhin du bcom ldan 'das las don 'di thos te/ bdag 'ba' zhig don shes kyi/ khyed mi shes so/ /bdag 'ba' zhig 'dul ba shes kyi/ khyed mi shes so| |bdag mdo sde rnams shes kyi/ khyed mi shes so zhes zer la/ sangs rgyas bcom ldan 'das de'ang yongs su mya ngan las 'das na de'i chos 'jig rten na ring po mi gnas par </font><hr>Ka449b<br><font size=+1>


rig par bya'o/ /gzhan yang / rigs kyi bu/ de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu nye gnas rnams kyis bdag rgyun du zhugs pa thob bo zhes bya ba nas dgra bcom pa'i bar du thob zhes kyang mi zer la/ sangs rgyas bcom ldan 'das rnams kyis sems can gyi phyir bkag pa dang / skabs phye ba gnang ngo / / zhes kyang mi zer la/ tshe dang ldan pa/ bdag gis bcom ldan 'das las don 'di dang chos 'di dang 'dul ba 'di bzhin du thos kyi/ tshe dang ldan pa dang / de bzhin gshegs pa'i mdo sde bcu gnyis ltar gyis shig/ don 'di gal te yin na bdag gis gzung bar bya/ gal te ma yin na bdag gis spang bar bya'o zhes zer na/ sangs rgyas bcom ldan 'das de yongs su mya ngan las 'das kyang chos ni 'jig rten na yun ring por gnas par 'gyur bar rig par bya'o/ /rigs kyi bu/ nga'i chos yongs su nub pa'i tshe/ nyan thos kyi nye gnas dag res 'ga' ni rnam par shes pa yod par 'chad/ res 'ga' ni rnam par shes pa stong par 'chad/ res 'ga' ni lnga phung bar ma yod par 'chad/ res 'ga' ni lnga phung bar ma med par 'chad/ res 'ga' ni dus gsum yod par 'chad/ res 'ga' ni dus gsum med par 'chad/ res 'ga' ni theg pa gsum yod par 'chad/ res 'ga' ni theg pa gsum med par 'chad/ res 'ga' ni thams cad </font><hr>Ka450a<br><font size=+1>


@#/ /yod par 'chad/ res 'ga' ni thams cad med par 'chad/ res 'ga' ni sems can thog ma dang tha ma yod par 'chad/ res 'ga' ni sems can thog ma dang tha ma med par 'chad/ res 'ga' ni rten cing 'brel te 'byung ba bcu gnyis 'dus byas kyi chos yin no zhes 'chad/ res 'ga' ni rten cing 'brel te 'byung ba 'dus byas kyi chos ma yin no zhes 'chad/ res 'ga' ni de bzhin gshegs pa la snyun gyi sdug bsngal mnga'o zhes 'chad/ res 'ga' ni de bzhin gshegs pa la snyun gyi sdug bsngal mi mnga' bar 'chad/ res 'ga' ni de bzhin gshegs pas dge slong rnams la sha rnam pa bcu zar mi gnang ngo zhes 'chad/ bcu gang zhe na/ mi dang / sbrul dang / bal glang dang / rta dang / bong bu dang / khyi dang / seng ge dang / phag pa dang / wa dang / spre'u'i sha ste/ gzhan kun gnang ngo zhes 'chad/ res 'ga' ni thams cad mi gnang ngo zhes 'chad/ res 'ga' ni dge slong dngos po lnga byed du mi gnang bar 'chad de/ lnga gang zhe na/ mi dang / mtshon dang / chang dang / zho dang / 'bru mar 'tshong du mi gnang ste/ de ma yin pa gzhan kun gnang bar 'chad/ res 'ga' ni gnas rnam pa lngar 'gror mi gnang ste/ lnga gang zhe na/ shan pa dang / sprul 'tshong ma dang / chang 'tshong ma dang / rgyal po'i pho brang dang / rigs ngan gyi khyim ste/ gzhan du 'gror </font><hr>Ka450b<br><font size=+1>


gnang bar 'chad/ res 'ga' ni gos ki'u sha ya bgor mi gnang ste/ gzhan thams cad gnang bar 'chad/ res 'ga' ni de bzhin gshegs pas dge slong rnams la gos dang / zas dang / mal cha'i zong gser srang khri phrag bcu ri ba 'chang du gnang bar 'chad/ res 'ga' ni mi gnang bar 'chad/ res 'ga' ni mya ngan las 'das pa rtag pa dang / bde ba dang / bdag dang / yongs su dag par 'chad/ res 'ga' ni mya ngan las 'das pa kun nas nyon mongs pa zad pa ma yin gyi/ chos gzhan gang yang mya ngan las 'das pa zhes bya ba med do/ /dper na/ skud pa btags pa ni gos zhes bya'o/ /gos zhig nas gos med ces bya ste/ chos gzhan la gos med do/ /zhes bya ba med de/ mya ngan las 'das pa'i mtshan nyid kyang de dang 'dra'o/ /zhes 'chad do| |rigs kyi bu/ de'i tshe de'i dus na nga'i nye gnas rnams bden par 'chad pa ni nyung / log par 'chad pa ni mang / bden pa'i chos 'dzin pa ni nyung / log pa'i chos 'dzin pa ni mang / sangs rgyas kyi bka' 'dzin pa ni nyung / bdud kyi tshig 'dzin pa ni mang ngo / /rigs kyi bu/ de'i tshe na yul kau sham+b+hi na nye gnas gnyis yod de/ gcig ni dgra bcom pa'o/ /gcig ni tshul khrims bshig pa'o/ /de la tshul khrims bshig pa'i 'khor ni lnga brgyad yod/ /dgra bcom pa'i 'khor ni brgya yod de/ tshul khrims bshig pas ni de bzhin gshegs pa mthar yongs su mya </font><hr>Ka451a<br><font size=+1>


@#/ /ngan las 'das ba'o/ /bdag gis 'di bzhin du bcom ldan 'das las don 'di thos te/ de bzhin gshegs pa rtsa ba bzhi bcas pa sdom na'ang rung / gal te zhig na'ang nyes pa med do/ /bdag kyang da ltar dgra bcom pa'i 'bras bu dang / thog ma med pa'i ye shes bzhi thob pa yin te/ dgra bcom pa'ang rtsa ba bzhi po de dag bshig go /rtsa ba bzhi po'i chos de yang dag par sdig pa zhig na dgra bcom pas 'dral ba'i mi rigs so/ /de bzhin gshegs pa 'jig rten na bzhugs pa'i tshe ni shin tu sdoms shig ces bka' stsal/ yongs su mya ngan las 'das pa'i tshe ni thams cad gtong ngo zhes zer/ de la dgra bcom pa la sogs pa'i dge slong rnams kyis smras pa/ tshe dang ldan pa dag /de bzhin gshegs pa mthar yongs su mya ngan las 'das so zhes bya ba'i mi rigs so/ /de bzhin gshegs pa ni rtag pa mi 'gyur mi 'pho bar bdag cag shes te/ de bzhin gshegs pa 'jig rten na bzhugs pa dang / yongs su mya ngan las 'das pa'i 'og tu rtsa ba bzhi bshig pa'i sdig pa ni khyad par med do/ /de ltar dgra bcom pa'ang sdom pa'i rtsa ba bshig go zhes bya bar mi rung ngo / de ci'i phyir zhe na/ rgyun du zhugs pa'ang sdom pa mi 'jig na dgra bcom pa lta smos kyang ci dgos/ gal te tshe dang ldan pa khyed bdag dgra bcom pa'i 'bras bu thob ces zer na/ dgra </font><hr>Ka451b<br><font size=+1>


bcom pa ni bdag dag bcom pa yin no zhes bya ba'i 'du shes mi skyed do/ /dgra bcom pa ni dge ba 'ba' zhig 'chad de/ mi dge ba mi 'chad na/ tshe dang ldan pas bshad do cog ni chos ma yin pa sha stag ste/ gal te gang mdo sde bcu gnyis mthong bas ni tshe dang ldan pa dag nges par dgra bcom pa ma yin par rig go /rigs kyi bu/ de'i tshe na tshul khrims 'dral ba'i 'khor rnams kyis dgra bcom pa de'i srog gi 'tsho ba gcod do/ /rigs kyi bu/ de'i tshe na bdud sdig can gyis dge 'dun sde gnyis khros 'khrugs pa'i sems su gyur pa'i skabs su dge slong drug brgya po de dag la rab tu gnod par gtses so/ /de nas skye bo ma rabs rnams kyis so so nas 'di skad du ngo mtshar to/ /sangs rgyas kyi chos ni nub bo/ /zad do/ /zhes zer te/ yang dag par na nga'i dam pa'i chos ni ma nub ste/ de'i tshe na yul de na byang chub sems dpa' sems dpa' chen po khri phrag bcu gnyis nga'i chos shin tu 'dzin na/ ci ste nga'i chos nub ces bya/ de'i tshe de'i dus na dzam+bu'i gling du nga'i nye gnas su gyur pa'i dge slong gcig kyang med nas/ de nas bdud sdig to can gyis me po che bus nas mdo sde thams cad bsregs so/ /de la cung zad lus pa dag ni bram ze rnams kyis mdo mdor brkus nas kho ba dag gi gzhung du bstan te/ de lta bas na sangs rgyas ma byung ba'i sngon logs su byang chub sems dpa' phra mo rnams gcig gis gcig drangs te/ bram ze'i tshig la mos shing 'dzin to/ /bram ze rnams 'di </font><hr>Ka452a<br><font size=+1>


@#/ /skad du bdag la dus khrims yod do zhes zer mod kyi/ yang dag par na mu stegs can la yod pa ma yin no/ /mu stegs can rnams bdag dang bde ba dang / yongs su dag pa yod do zhes smra mod kyi/ /yang dag par na bdag dang / bde ba dang / yongs su dag pa'i don mi shes te/ sangs rgyas kyi chos las yi ge 'bru gcig dang / gnyis dang / tshig gcig dang / gnyis bzung ste bshad nas nga'i gzhung la don 'di lta bu yod do zhes zer ro/ /de nas de'i tshe grong khyer rtswa mchog sA la'i shing drung na 'khor mang po tshad med mtha' yas pa snyed kyi de skad du smras pa thos nas thams cad kyis 'di skad du 'jig rten stongs so/ /'jig rten stongs so/ /zhes smras so/ /byang chub sems dpa' 'od srung gis 'khor mang po rnams la smras pa/ khyed re zhig ngud mo dang / mi dga' bar ma byed cig /'jig rten mi stongs kyi/ de bzhin gshegs pa ni mi 'gyur mi 'pho bar rtag tu gnas te/ chos dang / dge 'dun yang de bzhin no/ /de nas 'khor mang po de dag gis de skad ces smras pa thos nas ngud mo btang ste/ bla na med pa yang dag par rdzogs pa'i byang chub tu sems bskyed par gyur to/ /de'i tshe rgyal po'i khab na rgyal po ma skyes dgra zhes bya ba/ rang bzhin gyis khro la gtum pa/ sems can gyi srog gcod pa la </font><hr>Ka452b<br><font size=+1>


dga' ba/ ngag mi dge ba'i las bzhi po rdzogs par byed pa/ 'dod chags dang / zhe sdang dang / gti mug gi sems shin tu mched pa/ da ltar gyi 'ba' zhig la lta'i/ phyi ma ma 'ongs pa'i dus mi mthong ba/ 'khor shin tu ngan pa la brten pa/ da ltar gyi 'dod pa lnga la chags pas rgyal po yab kyang nyes pa med par bsad do/ /de ltar pha bsad pas 'gyod pa'i sems skyes nas mya ngan gyis gdungs pas lus kyi rgyan rnams dang / rol mo'ang btang ngo / /'gyod pa'i sems kyis gdungs pas lus khyab par 'brum bu mang po 'byung ngo // 'brum bu'ang bsnyen mi bzod pa tsam du mnam pas de 'di snyam du bsams so/ /bdag gi las ni 'phral du'ang rnam par smin la/ sems can dmyal ba'i rnam par smin pa'ang ring po mi thogs so snyam sems par gyur to/ /de nas rgyal po ma skyes dgra'i ma lus 'phags mas sman rnam pa sna tshogs kyis bskus kyang 'brum bu phyi phyir mched kyi/ phan par ma gyur to/ /rgyal pos ma la smras pa/ 'brum bu 'di ni bdag gi bsam pa'i sems las byung gi /chen po bzhi las byung ba ma yin pas 'di la 'gro ba gang yang gso ba'i gnas su 'gyur ba med do/ /de'i tshe na blon po chen po nyi zla grags pa zhes bya ba zhig rgyal po gang na bar 'ongs nas phyogs gcig tu 'greng bzhin du 'di skad ces smras so/ /rgyal po chen po/ lus mi bde ba dang / sems </font><hr>Ka453a<br><font size=+1>


@#/ /mi bde bar gyur na ci'i phyir 'di ltar ngo 'dzum gnag cing mya ngan byed pa bdag la smros shig /rgyal pos smras pa/ bdag gi lus dang sems bde ba'i gtol ga la zhig yod/ bdag gis pha nyes pa med par bsad de/ bdag gis sngon mkhas pa dag las thos na 'jig rten na mtshams med pa lnga byas pa dag ni sems can dmyal ba las thar pa'i dus med do zhes thos la/ bdag gis kha na ma tho ba mtha' yas dpag tu med pa grangs med pa byas pas bdag gis lus dang sems na ba gso ba'i sman pa mkhas pa'ang med na/ lus dang sems min pa'i gtol ga la yod/ blon po des smras pa/ rgyal po chen po/ mya ngan cher ma byed cig /ces tshigs su bcad de smras pa/ rtag tu mya ngan gang byed pa| |mya ngan phyir zhing skye bar 'gyur/ /ji ltar gnyid la dga' ba yang / /phyir zhing de bzhin gnyid cher 'gyur/ /de bzhin 'dod chags srid pa dang / /chang dad che ba'ang rig par bya| |rgyal po gsung ba ltar 'jig rten na mtshams med pa lnga byas pa'i gang zag ni sems can dmyal ba las thar pa'i dus med do/ /zhes bya ba de su zhig gis myong zhing mthong nas rgyal po la gtam du smras/ sems can dmyal ba zhes pa ni 'jig rten na shes pa mang ba gcig gis rang bzor gtam du smra bar zad do/ /rgyal po gsung ba ltar 'jig rten na lus </font><hr>Ka453b<br><font size=+1>


dang sems gso ba'i sman pa mkhas pa med do zhes byar mi rung ste/ da ltar sman pa chen po 'od srung rdzogs byed ces bya ba thams cad mkhyen pa/ thams cad gzigs pa/ dbang du gyur pa'i ting nge 'dzin thob pa/ tshangs par spyod pa yongs su dag pa'i mthar phyin pa/ sems can tshad med mtha' yas pa la bla na med pa'i mya ngan las 'da' ba'i lam ston pa'ang nye gnas rnams la 'di skad ces chos ston to/ /las nag po'ang med la/ las nag po'i rnam par smin pa'ang med/ las rnams bar dkar ba'ang med la/ las rnam par dkar ba'i rnam par smin pa'ang med/ las dkar po dang nag po'ang med la/ las dkar po dang nag po'i rnam par smin pa'ang med/ las rab ces bya ba dang / las tha ma zhes bya ba'ang med do zhes 'chad do| |de skad ces ston pa'i slob dpon de da ltar rgyal po'i khab na bzhugs kyi/ rgyal po chen po/ der gshegs su gsol/ slob dpon des ni 'brum bu dang / lus dang / sems kyang gso bar 'gyur ro/ /rgyal pos smras pa/ ci ste khyod zer ba'i tshig bden la/ de ltar bdag gis kha na ma tho ba med par byed nus na lta de la skyabs su 'gro bar bya'o/ /gzhan yang blon po snying po thob ces bya ba zhig rgyal po gang na par 'ongs nas 'di skad ces gsol to/ /rgyal po chen po/ ci'i phyir ngo 'dzum gnag la kha'ang nga bskams nas ji ltar mi sngar ma </font><hr>Ka454a<br><font size=+1>


@#/ /dag dgra dang phrad na sgra skad phra la 'dar ba lta bur gyur cing mdangs kyang med na cis mi bde bar gyur/ 'on te lus na'am/ 'on te sems na bar gyur/ rgyal pos smras pa/ bdag gi lus dang sems mi na ba'i gtol ga la zhig yod/ bdag ni ma rig pas ldongs te shes rab kyi mig med pas mi dge ba'i bshes gnyen la bsten nas/ lhas byin lta bu'i sdig pa'i rjes su zhugs te/ sdig pa can gyi tshig mnyan nas yang dag pa'i chos kyis 'tsho ba'i pha rgyal po nyes pa med par bsad do/ /bdag gis sngon mkhas pa shes rab can las tshigs su bcad pa 'di skad ces thos so/ /gang zhig pha dang ma dag dang / /sangs rgyas rnams dang nye gnas la/ /mi dge ba yi sems bskyed de/ /sdig par 'gyur ba'i las byas na/ /de yi rnam par smin pa ni/ /mtshams med dmyal bar skye zhe'o/ /de bas na bdag shin tu 'jigs skrag ste sdug bsngal chen pos gdungs kyang gso bar 'gyur ba'i sman pa mkhas pa med do/ /blon po des yang gsol pa/ rgyal po chen po/ re zhig mya ngan ma byed cig /chos la rnam pa gnyis te/ rab tu byung ba dang / rgyal po'i chos so/ /rgyal po'i chos zhes bya ba ni pha bsad pas rgyal po'i yul 'dir mtshams med pa'i las zhes bya mod kyi/ kha na ma tho ba'i sdig par mi </font><hr>Ka454b<br><font size=+1>


'gyur ro/ /dper na/ srin bu ka ka la lta bu ma'i gsus pa brtol nas gdod skye ste/ chos nyid kyis de ltar skye bas na/ de ltar ma'i lus ma rung bar byas mod kyi sdig par mi 'gyur te| dre'u la sogs pa bu 'byung ba'ang de dang 'dra'o/ /rgyal po'i srid kyi chos kyang chos nyid kyis de lta bu yin pas de ltar rgyal po'i pha bsad kyang sdig par mi 'gyur ro/ /rab tu byung pa'i chos ni chung ngu na grog sbur tsam bsad na'ang sdig par 'gyur ba dang mi 'dra na/ rgyal po chen po/ re zhig mya ngan ma byed cig /de ci'i phyir zhe na/ rtag tu mya ngan gang byed pa/ /mya ngan phyir zhing skye bar 'gyur/ /ji ltar gnyid la dga' ba yang / /phyir zhing de bzhin gnyid cher 'gyur/ /de bzhin 'dod chags sred pa dang / /chang dad che ba'ang rig par bya/ rgyal po gsung ba ltar lus dang sems gso ba'i sman pa mkhas pa med do zhes byar mi rung ste/ da ltar ston pa chen po phyugs lhas kyi bu ma sa ska ri zhes bya ba thams cad mkhyen pa/ thams cad gzigs pa/ sems can thams cad la bu gcig pa dang 'dra bar byams pa/ nyon mongs pa yongs su spangs pa/ sems can thams cad kyi gdug pa gsum gyi zug rngu 'byin pa/ sems can thams cad kyis mi shes/ mi mthong / mi rtogs pa'i chos thams cad ston pa chen po de gcig pus mkhyen cing gzigs te/ rtogs pas nye gnas rnams la </font><hr>Ka455a<br><font size=+1>


@#/ /rtag tu chos 'di skad ces ston to/ /sems can thams cad kyi lus ni phyogs cha rnam pa bdun te/ bdun gang zhe na/ sa dang / chu dang / me dang / rlung dang| sdug bsngal dang / bde ba dang / 'tsho ba'i srog go /de ltar chos bdun po de ni sprul pa'am byas pa ma yin te/ gzhig tu mi rung ngo / /dper na/ rtsa i shi ka ni rtag tu gnas te mi g.yo'o/ /ri rab ri'i rgyal po ni btang ba'ang med la/ byed pa'ang med do/ /dper na/ 'o ma dang / zho'ang sdug bsngal zhe'am/ bde zhe'am/ dge zhe'am/ mi dge zhes rtsod pa med la/ mtshon rnon pos kyang gnod par mi 'gyur ro/ /de ci'i phyir zhe na/ rnam pa bdun po stong pa yin pas thogs pa med pa'i phyir ro/ /srog kyang gcad tu med de/ de ci'i phyir zhe na/ gsod pa'ang med la/ 'chi ba'ang med/ byas pa med/ myong ba'ang med/ gshad pa'ang med/ nyan pa'ang med/ rtogs pa'ang med/ ston pa'ang med do zhes rtag tu chos de dag 'chad de/ sems can mang po'i kha na ma tho ba'i sdig pa thams cad zhi bar byed pa'i slob dpon chen po da ltar rgyal po'i khab na bzhugs kyi/ rgyal po chen po/ slob dpon chen po gang na ba der gshegs su gsol/ mthong ba tsam gyis sdig pa thams cad 'byang bar 'gyur ro/ /rgyal pos smras pa/ de ltar nges par bdag gis sdig pa </font><hr>Ka455b<br><font size=+1>


med par byed nus na lta de la skyabs su 'gro bar bya'o/ /gzhan yang blon po bden pa thob ces bya ba zhig rgyal po gang na bar 'ongs nas tshigs su bcad pa 'di skad ces gsol to/ / rgyal po chen po ci yi phyir/ /lus kyi rgyan yang thams cad bkrol/ /dbu yi skra yang 'dzings pa 'di/ /ci yi slad du de ltar gyur/ /ci'i phyir da ltar rgyal po'i lus/ /mi bde 'gul zhing 'dar ba ni/ /me tog chags pa'i shing rnams la/ /shin tu rlung gis btab pa bzhin/ /rgyal po 'di ltar shin tu ngom zung gnag pa ni/ ji ltar zhing pa dag sa bon btab nas char pa ma babs na mya ngan byed pa bzhin du mya ngan byed pa 'di 'on te lus na'am/ sems na bar gyur/ rgyal pos smras pa/ bdag gi lus dang sems mi na ba'i gtol ga la zhig yod/ rgyal po yab bdag la shin tu byams shing brtse bas nyes pa'i skyon med de/ thog ma mtshan mkhan la bstan pa na/ mtshan mkhan gyis kyang khyod kyi bu skyes nas pha gsod par 'gyur ro zhes smras te| de skad ces thos mod kyi/ 'on kyang gsos so/ /mkhas pa shes rab can las sngon 'di skad ces thos te/ gang zhig ma la mi tshangs par spyad dam/ dge slong ma la mi tshangs par spyad dam/ dge 'dun gyi nor brkus sam/ bla na med pa'i byang chub tu sems bskyed pa bsad dam/ pha bsad na gang zag de ni gdon mi za bar mtshams med pa'i sems can </font><hr>Ka456a<br><font size=+1>


@#/ /dmyal bar ltung zhes thos na/ bdag da lus dang sems mi na ba'i gtol ga la yod/ blon po chen po des smras pa/ rgyal po chen po/ re zhig mya ngan ma byed cig /rgyal po yab rnam par grol ba'i lam la nan tan byed pa zhig yin pa las bsad na sdig par 'gyur ro/ /gal te rgyal po'i srid kyi phyir bsad na sdig par mi 'gyur ro/ /rgyal po chen po/ chos ma yin pa ni chos ma yin pa zhes bya'o/ /chos med pa'ang chos med pa zhes bya ste/ dper na/ bu med pa la bu yod do zhes bya ba dang 'dra bar/ bu ngan pa yod pa la bu med pa zhes bya ste/ de ltar bu med pa'o zhes bya mod kyi/ yang dag par na bu med pa ma yin no/ /dper na/ zas kyi nang na lan tshwa med na lan tshwa med do zhes bya ba dang 'dra bar/ lan tshwa mi bro na'ang lan tshwa med do zhes bya ba dang / dper na/ chu med pa la chu med do zhes bya ba dang / 'dra bar/ chu cung zad yod pa la'ang chu med do zhes bya ba dang / dper na/ skad cig skad cig tsam gyis 'gag pa la'ang mi rtag ces bya ba dang / gal te bskal ba'i bar du gnas na'ang mi rtag go zhes bya ba dang / dper na/ mi zhig sdug bsngal myong na bde ba med do zhes bya ba dang 'dra bar dga' ba cung zad tsam myong ba'ang de la bde ba med pa zhes bya ba dang / dper na/ dbang du ma gyur pa la </font><hr>Ka456b<br><font size=+1>


ni nga rgyal med do zhes bya ba dang 'dra bar dbang cung zad tsam yod kyang nga rgyal med pa'i zhes bya ba dang / dper na/ nam sros na nyi ma med do zhes bya ba dang 'dra bar/ nyi ma sprin gyis chod na'ang nyi ma med do zhes bya ste/ rgyal po chen po/ chos cung zad tsam yod pa la'ang chos med pa zhes bya ste/ yang dag par na chos med pa ma yin no/ /rgyal po chen po/ bdag gis gsol ba'i tshig 'di nyon cig /sems can thams cad la las lhag ma zhes bya ba yod de/ las kyis dbang gis yang dang yang du 'khor bar 'khor bar gyur to/ /gal te rgyal po yab la'ang las lhag ma zhes bya ba yod na/ da rgyal pos bsad kyang sdig par mi 'gyur ro/ /rgyal po chen po/ re zhig mya ngan bsang du gsol/ /de ci'i phyir zhe na/ rtag tu mya ngan gang byed pa| |mya ngan phyir zhing skye bar 'gyur/ /ji ltar gnyid la dga' ba yang / phyir zhing de bzhin gnyid cher 'gyur/ /de bzhin 'dod chags sred pa dang / /chang dad che ba'ang rig par bya/ /rgyal po gsung ba ltar 'jig rten na lus dang sems kyi nad gso ba'i sman pa med ces byar mi rung ste/ da ltar ston pa chen po be ra ta'i bu kun rgyal zhes bya ba thams cad mkhyen pa/ thams cad gzigs pa/ shes rab rgya mtsho ltar shin tu zab cing yangs pa/ gzi brjid chen po dang ldan pa/ mngon par shes pa chen po dang ldan zhing sems can thams cad </font><hr>Ka457a<br><font size=+1>


@#/ /the tshom gyi dra ba las 'don pa/ sems can thams cad kyis mi shes mi mthong mi rtogs pa'i chos thams cad ston pa chen po de gcig pus mkhyen cing gzigs pas da ltar rgyal po'i khab na gnas shing nye gnas mang po la 'di skad du chos ston to/ /'khor mang po'i nang du gal te rgyal po dbang du gyur pa dag yid bzhin du dge ba dang / sdig pa'i las byed pa de sdig pa mang po byas kyang kha na ma tho ba'i sdig par mi 'gyur ro/ /dper na/ me chen pos 'tshig pa na gtsang ba'am mi gtsang ba zhes bya ba med de/ rgyal po'ang de dang 'dra'o/ /dper na/ sa chen po ni gtsang ba dang mi gtsang ba thams cad kyi gnas su gyur te/ de lta bu'i las byed kyang zhe sdang ba dang dga' ba med do/ /rgyal po chen po'ang sa chen po dang 'dra ste/ zhe sdang ba dang dga' ba zhes bya ba med do/ /dper na/ chu dang ba ni gtsang ba dang mi gtsang ba thams cad bkrus kyang de la dga' ba dang mi dga' ba med de/ rgyal po chen po'ang chu dang 'dra'o/ /dper na/ rlung ni gtsang ba dang mi gtsang ba thams cad 'phyag go /de ltar de lta bu'i las byed kyang de la ni dga' ba dang mi dga' ba med de/ rgyal po chen po'ang rlung dang 'dra'o/ /dper na/ ston shing bcad na dbyar phyir skye'o/ /de ltar shing bcad kyang yang dag par na </font><hr>Ka457b<br><font size=+1>


sdig par mi 'gyur ba dang 'dra bar sems can thams cad kyang de dang 'dra ste/ 'di nas tshe 'phos nas phyir mang 'dir skye'o/ /de ltar phyir yang 'dir skye bas na sdig par mi 'gyur ro/ /sems can thams cad kyi sdug bsngal dang bde ba'i 'bras bu rnam par smin pa bdag la dbang med de/ da ltar gyi dus na las rnam par smin pa'ang sngon 'das pa'i dus kyi rgyu la rag lus te/ da ltar gyi dus na rnam par smin pa ni da ltar gyi dus na rgyu med de/ ma 'ongs pa'i dus na'ang 'bras bu rnam par smin pa med do/ /da ltar gyi 'bras bu nyid smin pas na/ so so'i skye bo dag tshul khrims srung ba dang / brtson 'grus rtsom pa'ang da ltar gyi dus kyi sdig par 'gyur ba'i 'bras bu bzlog pa'i phyir ro/ /tshul khrims bsrungs pas zag pa med par 'gyur ro/ /zag pa med pas zag pa dang bcas pa'i las med par 'gyur ro/ /de ltar las zad pas na sdug bsngal mang po'ang zad par 'gyur ro/ /sdug bsngal mang po zad pas na rnam par grol bar 'gyur ro zhes ston pa de'i gan du myur du bzhud cig /lus dang sems sdug bsngal bar 'gyur ba'i nad kyang 'tsho la/ de dang phrad na sdig pa'ang yongs su 'byang bar 'gyur ro/ /rgyal po chen pos smras pa/ de ltar bdag gi sdig pa nges par 'byang bar 'gyur na lta de la skyabs su 'gro bar bya'o zhes smras so/ /de nas yang blon po </font><hr>Ka458a<br><font size=+1>


@#/ /chen po don thams cad shes pa zhes bya ba zhig rgyal po'i drung du 'ongs nas 'di skad ces gsol to/ /rgyal po chen po/ ci'i phyir 'di ltar ngo 'dzum gnag cing mdog med pa ni ji ltar rgyal po srid stor ba'am/ chu mig bskams pa'am/ me tog pad+mo med pa'i rdzing ngam/ me tog dang lo ma med pa'i shing ngam/ dge slong tshul khrims nyams pa dang 'dra bar gzi brjid med par 'gyur ba 'di/ 'on te lus sdug bsngal par gyur tam/ 'on te sems sdug bsngal bar gyur/ rgyal pos smras pa/ nga'i lus dang sems da ltar sdug bsngal med pa'i gtol ga la zhig yod/ bdag gi yab rgyal po bdag la byams brtsebs/ rtag tu rab tu bde ba thams cad kyis bdag la bde bar byed pa las bdag gis byams pa'i drin ma dran nas rgyal po yab nyes pa med pa bdag gis bsad do/ /bdag gis sngon mkhas pa shes rab can dag las thos na/ gal te pha bsad par gyur na/ gdon mi za bar bskal pa grangs med pa'i bar du sdug bsngal chen po myong bar 'gyur zhes thos na/ bdag ni ring po mi thogs par mtshams med pa'i sems can dmyal bar ltung du nges te/ bdag gi sdig pa 'di gso ba'i skyabs su 'gyur ba med do/ /blon po des smras pa/ rgyal po chen po/ re zhig mya ngan ma byed cig /ci rgyal pos ma </font><hr>Ka458b<br><font size=+1>


thos sam/ sngon rgyal po lam pa zhes bya bas pha bsad de/ rgyal po'i srid bzung ngo / /rgyal po bde zhes bya ba dang / rgyal po byi la tsi na dang / rgyal po na ho sha dang / rgyal po ka ta ka dang / rgyal po byi sha ka dang / rgyal po zla 'od dang / rgyal po nyi 'od dang / rgyal po 'od ldan dang / rgyal po 'gro ba mang po 'dzin la sogs pa rgyal po de dag kyang pha bsad nas/ rgyal po'i sid bzung yang / rgyal po de dag las gcig tsam yang sems can dmyal bar ltung ba med do/ /da ltar gyi rgyal bo bai DU R+Ya dang / rgyal po o tan dang / rgyal po gtum pa dang / rgyal po byi ba dang / rgyal po pad+mo la sogs pa rgyal po de dag kyang pha bsad nas rgyal po'i srid bzung ste/ gcig kyang mya ngan byed pa med do/ /sems can dmyal ba dang / yi dwags dang / lhar skye zhes bya ba'ang sus mthong / rgyal po chen po/ srid pa gnyis su zad pa ni mi dang / byol song ngo / /de ltar srid pa gnyis po'ang rgyu dang rkyen gyis skye ba'ang ma yin la/ rgyu dang rkyen gyis 'chi ba'ang ma yin no/ /de ltar rgyu rkyen med pas na dge ba dang / sdig pa ga la zhig yod/ rgyal po chen po/ mya ngan ma byed cig /de ci'i phyir zhe na/ rtag tu mya ngan gang byed pa/ /mya ngan phyir zhing skye bar 'gyur/ /ji ltar gnyid la dga' ba yang / /phyir zhing de bzhin gnyid cher 'gyur/ /de bzhin 'dod chags sred pa dang / /chang dad che ba'ang rig par bya/ /rgyal </font><hr>Ka459a<br><font size=+1>


@#/ /po gsung ba ltar 'jig rten na lus dang sems gso ba'i sman pa mkhas pa med ces bya ba mi rung ste/ da ltar ston pa chen po kA t+ya'i bu nog can zhes bya ba thams cad mkhyen pa/ thams cad gzigs pa/ sa chen po dang 'dra ba/ gser dang sa la bye brag mi 'byed pa/ rtsib logs g.yas pa nas tsan+dan gyi lde gu skud pa dang / rtsib logs g.yon pa na rdo dbyug dang mtshon cha thogs te 'tshog kyang de gnyis ka la khyad par med pa/ byams pa dang sdang ba la sems mnyam pa/ ston pa yang dag pa 'jig rten gyi sman pa mkhas par gyur pa/ gal te 'gro'am/ 'dug gam/ sdod dam/ nyal yang rtag tu ting nge 'dzin la sems mnyam par 'jog ste/ ma 'khrugs pa'i ston pa chen po de da lta nye gnas mang po la 'di skad ces chos ston to/ /gal te bdag gis byas sam/ gzhan byed du bcug gam/ gal te bdag gis bsad dam/ gzhan gsod du bcug gam/ gal te bdag gis bsregs sam/ gzhan sreg tu bcug gam/ gal te bdag gis gtses sam/ gzhan 'tsher bcug gam/ gal te bdag gis brkus sam/ gzhan rkur bcug gam/ gal te bdag kris mi tshangs par spyad dam/ gzhan mi tshangs par spyod du bcug gam/ gal te bdag gis brdzun du smras sam/ gzhan brdzun zer du bcug </font><hr>Ka459b<br><font size=+1>


gam/ gal te bdag gis chang 'thungs sam/ gzhan chang 'thung du bcug gam/ gal te bdag gis grong khyer gcig gam/ grong rdal gcig gam/ yul gcig gi mi bsad dam/ gal te ral gri'i 'khor los sems can thams cad bsang dam/ gal te klung gang+gA'i lho phyogs kyi sems can thams cad la sbyin pa byin pa dang / klung gang+gA'i byang phyogs kyi sems can thams cad bsad kyang de gnyis la sdig pa dang / bsod nams su 'gyur ba med de/ sbyin pa dang / tshul khrims dang / ting nge 'dzin med do zhes ston pa de da ltar rgyal po'i khab na bzhugs kyi/ rgyal po chen po/ myur du ston pa chen po de'i gan du bzhud cig /gal te de dang phrad na sdig pa yongs su byang bar 'gyur ro/ /rgyal pos smras pa/ gal te yang dag par de ltar bdag gi sdig pa 'byang bar 'gyur na lta de la skyabs su 'gro bar bya'o// //'phags pa yongs su mya ngan las 'das pa chen po'i mdo/ bam po nyi shu rtsa drug pa/ de nas yang blon po bkra shis zhes bya bas rgyal po chen po la 'di skad ces gsol to/ /rgyal po chen po/ ci'i phyir 'di ltar ngo 'dzum gnag cing ma dog kyang med pa ni/ ji ltar nyi ma la mar me bzhag pa'am/ nyin par gyi zla ba'am/ srid stor ba'i rgyal po'am/ sa rub pa dang 'dra bar gyur/ rgyal po chen </font><hr>Ka460a<br><font size=+1>


@#/ /po la ni da ltar phyogs bzhi nas phas rgol ba'i dgra'ang med na/ ci'i phyir 'di ltar mya ngan byed cing sdug bsngal gyis non par gyur/ rgyal po chen po/ 'on te lus sdug bsngal bar gyur tam/ 'on te sems sdug bsngal bar gyur/ rgyal bu dag rtag tu 'di snyam du sems te/ bdag nam zhig gi dus na dbang du gyur pa'i rgyal por 'gyur zhing thams cad la dbang sgyur snyam sems so/ /rgyal po chen po ni de ltar bsams pa bzhin grub ste/ de ltar yul dbus 'gyur 'chang gi rgyal por yang gyur la/ rin po che'i mdzod mang po'ang dbang bar gyur te/ yid bzhin du bde ba la longs spyod na 'di ltar mya ngan gyis non cing sdug bsngal bar ma byed cig /rgyal pos smras pa/ bdag gis mya ngan mi bya ba'i gtol ga la zhig yod/ blon po chen po/ dper na/ mi glen pa mi shes pa ni zas la chags pa'i phyir mtshon rnon po'ang mi mthong ngo / /zas kyi nang du dug blugs kyang dug yod par mi shes pa dang 'dra bar bdag kyang de dang 'dra'o/ /dper na/ sha ba rtswa mthong na rlubs mi mthong ngo / /dper na/ byi ba zas la chags na byi la mi mthong ba dang 'dra bar bdag kyang de dang 'dra ste/ da ltar gyi bde ba 'ba' zhig mthong nas ma 'ongs pa'i mi dge ba'i 'bras bu rnam par smin pa ni ma mthong ngo / /sngon mkhas pa shes rab can las 'di skad ces </font><hr>Ka460b<br><font size=+1>


thos te/ nyin gcig cing lus la mtshon shak+ti sum brgya btsugs kyang sla'i/ pha dang ma la skad cig tsam yang ngan sems mi bskyed do/ /bdag ni sems can dmyal ba'i me shin tu 'bar ba dang rab tu nye bar gyur na/ mya ngan mi byed pa'i gtol ga la zhig yod/ blon po des yang gsol pa/ sems can dmyal ba yod do zhes rgyal po la su zhig gis 'di skad ces brdzun du smras/ dper na/ tsher ma rang bzhin gyis rno ba sus bzhogs/ bya'i 'dab ma ser por 'dug pa sus byas/ chu rang bzhin gyis gsher ba dang / rdo rang bzhin gyis sra ba dang / rlung rang bzhin gyis g.yo ba dang / me rang bzhin gyis tsha ba dang 'dra ste/ dngos po 'di dag thams cad kyang rang skyes rang 'chi ste/ su zhig gis byas/ sems can dmyal ba zhes bya ba'ang / mkhas pa shes rab can tshig la mkhas pa dag gis rang bzor byas so/ /dmyal ba zhes bya ba la don ci zhig yod/ blon po khyod kyis nga la smros shig /dmyal zhes bya ba ni dmyal ba'o/ /ba zhes bya ba ni bcom pa'o/ /dmyal ba bcom nas sdig pa'i rnam par smin pa med pas na sems can dmyal ba zhes bya'o/ /gzhan yang dmyal zhes bya ba ni mi'o/ /ba zhes bya ba ni lha'o/ /pha bsad de lha dang mir skye bar byed pa de bas na drang srong ba su zhes bya ba'ang 'di skad ces ston te/ lus bsregs na lha dang mi'i bde ba thob pas </font><hr>Ka461a<br><font size=+1>


@#/ /dmyal ba zhes bya'o/ /gzhan yang dmyal zhes bya ba ni tshe/ ba zhes bya ba ni ring ba'o/ /de ltar srog bcad na tshe ring bar 'gyur bas dmyal ba zhes bya'o/ /de bas na| rgyal po chen po/ yang dag par na sems can dmyal ba zhes bya ba med do/ /rgyal po chen po/ dper na/ nas kyi sa bon btab na nas skye la/ 'bras kyi sa bon btab na 'bras skye ste/ dmyal ba bsad na phyir yang dmyal ba thob la/ mi bsad na phyir yang mir 'gyur du nges so/ /rgyal po bdag smra ba'i tshig nyon cig /yang dag par na bsad pa zhes bya ba med do/ /gal te bdag ces bya ba yod pa zhig yin na bsad par yang mi 'gyur ro/ /gal te bdag ces bya ba med na bsad pa'ang med do/ /de ci'i phyir zhe na/ ci ste bdag ces bya ba yod na ni/ rtag pa mi 'gyur mi 'pho ba yin no/ /de ltar rtag cing mi 'gyur mi 'pho ba yin pas bsad du'ang med la/ mi 'jig pa/ mi rtag pa/ ma bcings bar zhe sdang med pa/ dga' ba med pa ste/ nam mkha' lta bu yin pa la/ bsad pa'i sdig tu 'gyur ba lta ga la zhig yod/ ci ste bdag ces bya ba med pa zhig yin na/ chos thams cad kyang mi rtag pa ste/ de ltar na mi rtag pa yin pas skad cig skad cig gis 'jig cing 'gog go /de ltar skad cig skad cig gis bgog pas gsod pa dang shi ba'ang skad cig </font><hr>Ka461b<br><font size=+1>


skad cig gis 'gog go /de ltar skad cig skad cig gis 'gog na sdig pa de su zhig gis myong bar 'gyur/ rgyal po chen po/ dper na/ mes shing tshig na me la sdig pa med do/ / sta res shing bcad na sta re la sdig pa med do/ /zor bas rtswa brdas na zor ba la sdig pa med do/ /ral gris mi bsad na ral gri mi ma yin te/ ral gri la mi sdig na ci'i phyir mi la sdig par 'gyur/ dug gis mi bsad na dug kyang mi ma yin te/ dug la mi sdig na mi la ci'i phyir sdig ste/ dngos po thams cad kyang de dang 'dra ba yin pas na yang dag par bsad pa med na ci'i phyir sdig par 'gyur/ rgyal po chen po/ mya ngan ma byed cig /de ci'i phyir zhe na/ rtag tu mya ngan gang byed pa/ /mya ngan phyir zhing skye bar 'gyur/ /ji ltar gnyid la dga' ba yang / /phyir zhing de bzhin gnyid cher 'gyur/ de bzhin 'dod chags sred pa dang / /chang dad che ba'ang rig par bya/ /rgyal po gsung ba ltar 'jig rten na nga'i kha na ma tho ba'i las sbyong ba'i sman pa mkhas pa med do zhes bya ba mi rigs so/ /da ltar ston pa chen po mi pham skra'i lwa ba zhes bya ba thams cad mkhyen pa/ thams cad gzigs pa/ 'jig rten gsum rig pa/ skad cig yud tsam thang cig gis 'jig rten gyi khams mtha' yas grangs med pa mthong ba/ thos pa'ang de dang 'dra ste/ sems can thams cad kyi kha </font><hr>Ka462a<br><font size=+1>


@#/ /na ma tho ba'i nyes pa thams cad yongs su spong bar byed pa ni/ gang+gA'i klung dang 'dra bar phyi nang gnyis kar nyes pa'i skyon med cing yongs su dag pa dang 'dra ba'i ston pa chen po'ang sems can thams cad kyi phyi nang gi kha na ma tho ba'i las thams cad sel ba/ da ltar nye gnas rnams la 'di skad ces chos ston to/ /de la gang zhig sems can thams cad bsad kyang khrel pa dang 'dzem pa'i sems med na/ de ni nam du'ang sems can dmyal bar mi ltung ste/ ji ltar nam mkha' la rdul dang chu mi chags pa bzhin no/ /gang khrel zhing 'dzem pa dang ldan pa ni sems can dmyal bar ltung bar 'gyur te/ dper na/ chu chen pos sa thams cad rlan par byed pa dang 'dra bar sems can thams cad kyang lha dbang sgyur zhes pa des byas te/ lha dbang sgyur dga' na sems can thams cad kyang bde bar 'gyur ro/ /gal te lha dbang sgyur mi dga' na sems can thams cad kyang sdug bsngal bar 'gyur ro/ /sems can thams cad kyi kha na ma tho ba'i las dang bsod nams kyang lha dbang sgyur zhes bya bas byas pa yin na/ de la ci'i phyir kha na ma tho ba dang bsod nams su 'gyur ba yod ces smra/ dper na/ shing mkhan gyi shing gi 'khrul 'khor gyis mi byas pa 'gro ba dang / sdod pa dang / 'dug pa dang / nyal </font><hr>Ka462b<br><font size=+1>


ba'i las byed kyang smra ba ma yin te/ sems can thams cad kyang de dang 'dra bar lha dbang sgyur zhes bya bas byas te/ lha dbang sgyur zhes bya ba de ni shing mkhan lta bu'o/ /'khrul 'khor gyi mi zhes bya ba de ni sems can thams cad kyi lus lta bu yin te/ de la kha na ma tho ba'i las su 'gyur ba ga la zhig yod ces ston pa'i ston pa chen po de da ltar rgyal po'i khab na bzhugs so/ /rgyal po chen po/ de'i gan du myur du bzhud cig dang / de dang phrad na sdig pa yongs su 'byang bar 'gyur ro/ /rgyal pos smras pa/ de ltar yang dag par bdag gi kha na ma tho ba'i las 'byang bar 'gyur na lta de la skyabs su 'gro bar bya'o/ de nas yang blon po 'jigs pa med pa zhes bya ba rgyal po gang na bar 'ongs nas 'di skad ces gsol to/ /rgyal po chen po/ 'jig rten na glen pa gti mug can dag ni nyin gcig la lan brgya ni dga'/ lan brgya ni khro/ lan brgya ni nyal/ lan brgya ni sad/ lan brgya ni dngangs/ lan brgya ni du/ mkhas pa shes rab can la ni de lta bu'i bag med na/ rgyal po chen po/ ci'i phyir 'di ltar shin tu mya ngan byed de/ dper na/ mgron po grogs stor ba'am/ 'dam du nub pa las skyabs med pa'am/ skom pas gdungs pa las skom med pa lta bu'am/ 'brog bslad pa las lam stor ba lta bu'am/ nad tshabs po che la gso ba'i sman pa mkhas pa med pa'am/ </font><hr>Ka463a<br><font size=+1>


@#/ /rgya mtshor zhugs pa las gru zhig pa las skyabs med pa med lta bur gyur pa 'di/ rgyal po chen po/ da ltar lus mi bde'am/ sems mi bde/ rgyal pos smras pa/ lus dang sems bde ba'i gtol lta ga la zhig yod de/ bdag sdig pa'i bshes gnyen la brten nas ngag gis nyes pa ma brtags pas rgyal po yab kyang bdag gis bsad pa na/ bdag ni gdon mi za bar sems can dmyal bar ltung yang bdag la mgon dang skyabs su 'gyur ba med do/ /blon po des smras pa/ rgyal po chen po/ de ltar mya ngan ma byed cig /rgyal rigs zhes bya ba ni rgyal po'i rigs yin te/ gal te rgyal po'i srid kyi phyir ram/ dge slong ngam/ bram ze'i phyir ram/ 'gro ba mang po la bde bar bya ba'i phyir gsod pa'i las byas kyang kha na ma tho ba'i sdig pa med do/ /yab rgyal po ni/ dge sbyong la bsnyen bkur byed kyang / bram ze la bsnyen bkur mi byed pas/ sems ma snyoms te/ de ltar na sems ma snyoms pas na de ni rgyal rigs ma yin no/ /rgyal po chen po ni/ bram ze la bsnyen bkur byed pa'i phyir rgyal po snga ma bsad kyang kha na ma tho ba'i las med do/ /rgyal po chen po/ bsad pa zhes bya ba ni yang dag par na med pa yin no/ /bsad pa zhes bya ba ni 'tsho ba'i srog gcod pa yin te/ de la 'tsho ba'i srog ces bya </font><hr>Ka463b<br><font size=+1>


ba ni dbugs zhes bya ba yin no/ /dbugs zhes bya ba la ni bcad cing bsad du med na/ ci'i phyir 'tsho ba bsad pa la kha na ma tho ba'i sdig las su 'gyur/ rgyal po chen po/ mya ngan ma byed cig /de ci'i phyir zhe na/ rtag tu mya ngan gang byed pa/ /mya ngan phyir zhing skye bar 'gyur/ /ji ltar gnyid la dga' ba yang / /phyir zhing de bzhin gnyid cher 'gyur/ /de bzhin 'dod chags sred pa dang / /chang dad che ba'ang rig par bya/ /rgyal po gsung ba ltar 'jig rten na sman pa mkhas pa med do zhes byar mi rung ngo / /da lta ston pa chen po gcer bu pa gnyen kyi bu thams cad mkhyen pa/ thams cad gzigs pa/ sems can thams cad la byams pa brtse ba/ sems can thams cad kyi dbang po rno rtul la mkhas pa/ ci dang ci rigs pa'i thabs shin tu rtogs pa/ 'jig rten gyi chos brgyad kyis ma gos pa/ tshangs par spyod pa shin tu rnam par dag pa/ rab tu zhi ba dang ldan pa de da ltar nye gnas rnams la 'di skad ces chos ston to/ /sbyin pa'ang med/ dge ba'ang med/ pha'ang med/ ma'ang med/ da ltar yang med/ 'das pa'ang med/ dgra bcom pa'ang med/ bsgom pa'ang med/ lam yang med de/ sems can thams cad bskal pa brgyad khri 'das nas skye shi'i 'khor lo las rang rnam par grol bar 'gyur te/ sdig pa dang bcas pa dang / sdig pa med pa'ang thams cad de dang </font><hr>Ka464a<br><font size=+1>


@#/ /'dra'o/ /dper na/ klung chen po bzhi ste/ sin+d+hu dang / gang+gA dang / puk+Shu dang / si ta zhes bya ba bzhi char yang rgya mtsho chen por 'bab ste/ khyad par med do| |sems can thams cad kyang de dang 'dra ste/ rnam par grol ba'i dus na thams cad khyad par med do /zhes ston pa'i ston pa chen po de da ltar rgyal po'i khab na bzhugs kyi/ rgyal po chen po/ de'i gan du myur du bzhud cig dang / de dang phrad na kha na ma tho ba'i las 'byang bar 'gyur ro/ /rgyal pos smras pa/ de ltar bdag gi kha na ma tho ba yang dag par 'byang na lta de la skyabs su 'gro bar bya'o/ /de'i tshe sman pa chen po 'tsho byed ces bya ba rgyal po chen po'i drung du 'ongs nas rgyal po la 'di skad ces smras so/ /rgyal po chen po/ bde bar nyal lam zhes smras nas/ de la rgyal pos tshigs su bcad pa 'di dag smras so/ /kun nas nyon mongs pa thams cad/ /gang gis yongs su gcod nus la/ /'jig rten gsum na ma chags na| |de dag bde bar nyal bar 'gyur/ /gang gi mya ngan 'da' ba ni/ /shin tu zab mo'i don ston pa/ /bram ze yang dag pa de ni/ /shin tu bde bar nyal bar 'gyur/ /lus kyi nyes pa gang yang med/ /ngag gi nyes pa bzhi'ang spangs/ /sems la the tshom gang med pa/ /de dag bde bar nyal bar 'gyur/ /lus dang sems ni ma gdungs shing / /rab </font><hr>Ka464b<br><font size=+1>


tu zhi la bde gnas na/ /bla med bde ba thob 'gyur zhing / /shin tu bde bar nyal bar 'gyur/ /sems ni ci la'ang ma chags shing / /'khon du 'gyur ba yongs spangs nas/ /rtag tu 'dum la mi rtsod pa/ /de ni bde bar nyal bar 'gyur/ /gang zhig sdig pa mi byed la/ /khrel zhing 'dzem pa'i sems ldan te/ /rnam par smin la yid ches na/ /de ni bde bar nyal bar 'gyur/ /pha dang ma la bkur sti byed/ /sems can gcig gi srog mi gcod/ /gzhan gyi nor la rku sems med/ /de dag bde bar nyal bar 'gyur/ /dbang po rnams ni shin tu thul/ /dge ba'i bshes gnyen la brten cing / /rnam bzhi bdud kyang rab bcom na/ /de dag bde bar nyal bar 'gyur/ /bkra shis bkra shis ma yin dang / /bde dang sdug bsngal mi mthong zhing / /so so'i skye bo mang po'i phyir/ /'khor ba'i 'khor bar 'khor ba la/ /gang zhig mi skyo ba de ni/ /shin tu bde bar nyal bar 'gyur/ /bde bar nyal ba su zhe na/ /sangs rgyas bcom ldan 'das yin te/ /stong pa'i ting nge 'dzin rab rtogs nas/ /lus dang sems ni mi g.yo'o/ /su zhig bde bar nyal zhe na/ /byams dang snying rjer ldan pa yi/ /bdag med pa la rab brtson zhing / /kun la bu bzhin lta ba'o/ /sems can ma rig ldongs pa rnams/ /nyon mongs 'bras bu mi mthong ste/ /rtag tu sdig pa'i las byed pas/ /de ni bde bar nyal mi </font><hr>Ka465a<br><font size=+1>


@#/ /'gyur/ /gal te bdag gi lus kyis sam/ /pha rol gzhan gyi lus ngag gis/ /mi dge bcu yi las byas na/ /de ni bde bar nyal mi 'gyur/ / gang zhig bde ba 'dod pa'i phyir/ /pha bsad nyes pa med ces bya/ /sdig pa'i bshes gnyen la phyogs na/ /de ni bde bar nyal mi 'gyur/ /zas kyi tshod ni ma zin nas/ / grang mo 'thungs pa'i tshad 'das na/ /nad kyi sdug bsngal skye 'gyur te/ /de ni bde bar nyal mi 'gyur/ /gal te rgyal po la 'khus sam/ /gzhan gyi bud med la nyal lam/ / dgon pa'i 'brog tu 'gro ba dag /de ni bde bar nyal mi 'gyur/ /tshul khrims bsrungs pa'i myu gu ma thob dang / /rgyal tshab rgyal po'i thabs ni ma thob dang / /rku ba po dag nor rdzas ma thob pa/ /'di ni rtag tu bde bar nyal mi 'gyur/ /sman pa 'tsho byed bdag ni nad kyis gzir te/ rgyal po chos bzhin du srid 'tsho ba la bdag 'khus te bsad pas sman pa mkhas pa thams cad kyis sman dpyad dang sngags la sogs pa byas kyang / bdag gi nad 'tsho bar ma gyur to/ /de ci'i phyir zhe na/ bdag gi yab rgyal po chos bzhin du srid 'tsho ba las nyes pa'i skyon med par bdag gis bdag 'khus te pha bsad pas nya skam sar phyung na dga' ba lta ga la zhig yod /ri dwags snyil thogs na dga' </font><hr>Ka465b<br><font size=+1>


pa'i sems med pa'am/ ji ltar gang zag gis phung por mi thogs par shi bar shes pa'am/ rgyal po srid stor ba yul gzhan du bros pa'am/ /nad tshabs po ches btab pa las gsor mi rung zhes thos pa'am/ khrims bshig pa kha na ma tho ba'i las yod par thos pa dang 'dra'o/ /bdag gis sngon mkhas pa shes rab can dag las thos na| lus dang / ngag dang / yid kyi las yongs su ma dag na/ gang zag de ni gdon mi za bar sems can dmyal bar ltung ngo zhes thos pas/ bdag kyang gdon mi za bar sems can dmyal bar ltung na bde bar nyal ba'i gtol lta ga la zhig yod/ da bdag bla na med pa'i sman pa chen po chos kyi sman gtong ba bdag gi nad kyi sdug bsngal gso ba'ang med do/ / 'tsho byed kyi smras pa/ /rgyal po chen po/ /lags so shin tu legs so/ /rgyal pos 'di lta kha na ma tho ba'i las byas kyang shin tu 'gyod pa'i sems skyes te/ khrel ba dang 'dzem pa'i sems dang ldan pa legs so/ /rgyal po chen po/ sangs rgyas bcom ldan 'das ni rtag tu 'di skad ces gsung ngo / /rnam par dga' ba'i chos 'di gnyis kyis sems can gyi mgon dang skyabs su 'gyur ro/ /gnyis gang zhe na/ khrel ba dang / 'dzem pa'o/ /'dzem pa ni bdag kha na ma tho ba'i las mi byed do/ /khrel ba ni gzhan byed du mi 'dzud pa'o/ /'dzem pa ni bdag ngo tsha </font><hr>Ka466a<br><font size=+1>


@#/ /bar byed pa'o/ /khrel ba ni pha rol la 'gyod cing mthol ba'o/ /'dzem pa ni mi la ngo tsha ba'o/ /khrel ba ni lha la ngo tsha ba ste/ de ni 'dzem pa dang / khrel ba zhes bya'o/ /'dzem pa dang khrel ba med pa ni mi zhes mi bya ste/ byol song zhes bya'o/ /'dzem pa dang khrel bar ldan pa'i phyir pha ma dang / slob dpon la bkur sti byed do/ / khrel ba dang 'dzem par ldan pa'i phyir pha ma dang / phu nu dang / ming sring yod par smra'o/ /rgyal po chen po/ 'dzem pa dang khrel bar ldan pa legs so/ /rgyal po chen po/ re zhig bdag gis sangs rgyas bcom ldan 'das las thos pa gson cig /shes rab dang ldan pa ni rnam pa gnyis te/ sdig pa mi byed pa dang / byas nas 'gyod cing mthol ba'o/ /glen pa gti mug can la'ang rnam pa gnyis te/ sdig pa byed pa dang / byas nas kyang 'chab pa'o/ /de ltar sngar sdig pa byas kyang phyis 'gyod cing mthol te/ mthol nas kyang khrel dang 'dzem pas phyis mi byed par dam bcas na/ dper na/ chu rnyog pa can gyi nang du nor bu rin po che bcug na chu dang bar 'gyur ba'am/ sprin dang na bun gyis ma chod na zla ba yongs su gsal ba dang 'dra bar sdig pa byas nas 'gyod pa'ang de dang 'dra'o/ /gal te rgyal pos kyang 'gyod cing mthol la/ 'dzem pa dang khrel bar ldan na/ kha na ma tho ba'i nyes pa dag 'byang zhing </font><hr>Ka466b<br><font size=+1>


yongs su dag par 'gyur ro/ /rgyal po chen po/ phyug pa la rnam pa gnyis te/ ba lang dang / rta dang / nang 'gros rnam pa sna tshogs kyis phyug pa dang / gser dang / dngul dang / nor dbyig gis phyug pa ste/ rta dang / ba lang mang yang nor bu rin po che gcig tsam gyi zlar mi chog go /rgyal po chen po/ sems can yang de dang 'dra ste/ sdig pas phyug pa dang / dge bas phyug pa se/ sdig pa mang du byas kyang dge ba gcig gi zlar mi phod do/ /bdag gis sangs rgyas bcom ldan 'das kyis gsungs pa las thos nas dge ba gcig la nan tan byas pa'i sems kyis sdig pa mang po bcom par 'gyur ro/ /rgyal po chen po/ dper na/ rdo rje chung ngu ma gcig gis ri rab kyang 'bigs pa'am/ me chung ngu mas thams cad tshig pa'am/ dug chung ngu mas sems can 'chi bar 'gyur ba dang 'dra bar dge ba cung zad tsam gyis kyang sdig pa chen po choms par 'gyur te/ dge ba de la chung ngu zhes bya mod kyi/ yang dag par na chen po yin no/ /de ci'i phyir zhe na/ sdig pa chen po choms pa'i phyir ro/ /rgyal po chen po/ bcom ldan 'das kyis gsungs pa ltar na 'chab pa ni zag pa dang bcas pa'o| |mi 'chab ba ni zag pa med pa'o/ /de bas na gang 'gyod cing mthol ba ni zag pa med pa'o/ /de bas na kha na ma tho ba'i las byas pa dag sdig pa mi 'chab par bya'o/ /sdig pa mi 'chab </font><hr>Ka467a<br><font size=+1>


@#/ /pas kha na ma tho ba'i las srab par 'gyur ro/ /'dzem pa dang khrel bas bshags na kha na ma tho ba'i las yongs su 'byang bar 'gyur ro/ /rgyal po chen po/ chu'i thigs pa nyung ba ltar byed kyang snod chen po gang bar 'gyur te/ de bzhin du dge ba'i sems kyang kha na ma tho ba'i las chen po bcom par 'gyur ro/ /gal te kha na ma tho ba'i las bcabs na kha na ma tho ba'i las phyir zhing skye'o/ /gal te 'dzem pa dang khrel bas 'gyod cing mthol na kha na ma tho ba'i las yongs su 'byang bar 'gyur ro/ /de bas na sangs rgyas bcom ldan 'das kyis gsungs pa las/ mkhas pa shes rab can dag ni/ kha na ma tho ba'i las mi 'chab bo zhes gsungs so/ /rgyal po chen po/ rgyu la yid ches pa dang| 'bras bu la yid ches pa dang / las kyi rnam par smin pa la yid ches pa shin tu legs so/ /rgyal po chen po/ mya ngan ma byed cig /gal te sems can gang zhig kha na ma tho ba'i las byas nas bcabs te mi mthol ba dang / 'dzem pa dang khrel ba'i sems med pa dang / rgyu dang 'bras bu dang las kyi rnam par smin pa mi mthong ba dang / mkhas pa shes rab can la gsol ba mi 'debs shing dge ba'i bshes gnyen la mi brten pa de ni/ sman pa mkhas pa thams cad gang gis kyang gso mi nus te/ dper na nad kam pa la zhes bya </font><hr>Ka467b<br><font size=+1>


pas btab na/ 'jig rten gyi sman pa gang gis kyang gso bar byed mi nus so/ /kha na ma tho ba'i las 'chab ba'ang de dang 'dra ste/ kha na ma tho ba'i las 'chab pa gang zhe na/ log sred can yin no/ /log sred can zhes bya ba ni rgyu dang 'bras bu la yid mi ches pa/ 'dzem pa dang khrel ba med pa/ las kyi rnam par smin pa la yid mi ches pa/ da ltar dang / ma 'ongs pa'i las mi mthong ba/ dge ba'i bshes gnyen la mi brten pa/ sangs rgyas bcom ldan 'das kyi bstan pa la mi 'jug pa'i gang zag de ni log sred can zhes bya ste/ sangs rgyas bcom ldan 'das kyis kyang gso mi nus so/ /de ci'i phyir zhe na/ dper na/ 'jig rten na mi ro la ni sman pa gang gis kyang gso mi nus pa dang 'dra bar log sred can yang de dang 'dra ste/ sangs rgyas bcom ldan 'das kyis kyang gso mi nus so/ /rgyal po chen po ni log sred can ma yin pas nga'i nad gso nus pa med do zhes bya ba mi rung ngo / /rgyal po gsung ba ltar nga'i nad gso mi nus so zhes bgyi bar/ rgyal po chen po/ 'di ltar shes par gyis shig /yul ser skya'i rgyal po zas gtsang ma'i sras gau ta ma'i rigs mtshan don grub ces bya ba sus kyang ma bstan par rang gis rig nas bla na med pa yang dag par rdzogs pa'i byang chub tu mngon par sangs rgyas te/ mtshan bzang po sum cu rtsa gnyis dang / </font><hr>Ka468a<br><font size=+1>


@#/ /dpe byad bzang po brgyad cus lus yongs su brgyan pa/ stobs bcu dang / mi 'jigs pa bzhi dang ldan te/ thams cad mkhyen pa/ thams cad gzigs pa/ byams pa dang snying rje che ba/ thams cad la sras sgra gcan 'dzin dang 'dra bar thugs brtse ba/ dge ba dang ldan pa/ sems can gyi rjes su be'u dang ma mo mi gtong ba dang 'dra bar dus mkhyen pas gsung ba/ dus ma yin par mi smra ba/ yang dag par smra ba/ yongs su dag par smra ba/ yongs su dkar bar smra ba/ don dang ldan par smra ba/ chos dang ldan par smra ba/ gcig tu chad par smra ba/ sems can mang po'i nyon mongs pa yongs su spong bar byed pa/ so so'i skye bo'i dbang po dang bsam pa'i mtshan nyid la shin tu mkhas pa| ci dang ci rigs pa'i thabs la shin tu mkhas pa/ ye shes mtho zhing gzar ba ni ri rab lhun po dang 'dra ba/ yangs shing zab pa ni rgya mtsho dang 'dra ba/ sangs rgyas bcom ldan 'das de la rdo rje lta bu'i ye shes mnga' bas/ so so'i skye bo'i kha na ma tho ba'i las thams cad 'joms pas des mi choms zhes bya ba'i gnas med do/ /de da ltar 'di nas dpag tshad bcu gnyis kyi pha rol grong khyer rtswa mchog ces bya bar shing sA la drung gnyis kyi bar na bzhugs te/ da ltar tshad med grangs med pa'i byang chub sems dpa'i dge 'dun la </font><hr>Ka468b<br><font size=+1>


chos rnam pa sna tshogs ston pa ni/ 'di lta ste/ yod pa dang / med pa dang / 'dus byas dang / 'dus ma byas pa dang / zag pa dang bcas pa dang / zag pa med pa dang / nyon mongs pa'i 'bras bu dang / rnam par dkar ba'i chos dang / gzugs kyi chos dang / gzugs ma yin pa'i chos dang / gzugs kyang ma yin/ gzugs ma yin pa'ang ma yin pa'i chos dang| bdag dang / bdag ma yin pa'i chos dang / bdag kyang ma yin bdag ma yin pa'ang ma yin pa dang / rtag pa dang / rtag pa ma yin pa dang / rtag pa'ang ma yin rtag pa ma yin pa'ang ma yin pa dang / bde ba dang / bde ba ma yin pa dang / bde ba'ang ma yin bde ba ma yin pa'ang ma yin pa dang / mtshan ma dang / mtshan ma ma yin pa dang / mtshan ma'ang ma yin mtshan ma ma yin pa'ang ma yin pa dang / chad pa dang / chad pa ma yin pa dang / chad pa'ang ma yin chad pa ma yin pa'ang ma yin pa dang / 'jig rten dang / 'jig rten las 'das pa dang / 'jig rten pa'ang ma yin 'jig rten las 'das pa'ang ma yin pa dang / theg pa dang / theg pa ma yin pa dang / theg pa'ang ma yin theg pa ma yin pa'ang ma yin pa dang| bdag gis byas pas bdag myong ba dang / bdag gis byas pas gzhan myong ba dang / byas pa med pas myong ba med pa dag ston to/ /rgyal po chen po/ gang zhig gis </font><hr>Ka469a<br><font size=+1>


@#/ /sangs rgyas la byas pa med pa dang / myong ba med pa thos na kha na ma tho ba'i las thams cad yongs su 'byang bar 'gyur ro/ /rgyal po/ re zhig gson cig| brgya byin lha'i dbang phyug tshe'i dus byed du nye ba na ltas rnam pa lnga sngar 'byung ste/ gang zhe na/ gos la dri ma chags pa dang / mgo'i me tog rnyings pa dang / lus la dri mi zhim pa dang / mchan khung nas rdul 'byung ba dang / gnas mi 'dod pa'o/ /de'i tshe brgya byin lha'i dbang phyug gis gnas dben par gal te dag sbyong ngam bram ze dag mthong na de'i drung du bsnyen te/ sangs rgyas su 'du shes bskyed do/ /de'i tshe dge sbyong ngam/ bram ze des brgya byin lha'i dbang phyug mthong bas smon lam btab nas 'di skad ces smra'o/ /lha'i dbang po/ bdag cag ni khyod la skyabs su mchi'o/ /brgya byin gyis de skad ces thos nas sangs rgyas ma yin par shes te/ 'di snyam du sems so/ / 'di sangs rgyas ma yin pas na/ bdag gi ltas ngan pa lnga po 'di dag med par byed mi nus so snyam sems so/ /de'i tshe na blon po pany+tsa shrI zhes bya bas brgya byin la 'di skad ces smras so/ /lha'i bdag po/ dri za'i rgyal po ka bu lo zhes bya ba la bu mo su bar ta zhes bya ba yod de/ bu mo de bdag la stsal na rgyal po'i ltas ngan zhi bar byed pa'i </font><hr>Ka469b<br><font size=+1>


gnas bdag gis bstan par bya'o/ /brgya byin gyis smras pa/ lha ma yin gyi rgyal po thags bzang ris kyi bu mo yid 'ong ma zhes bya ba kho bo'i chung ma byed do/ /gal te khyod kyis nga'i ltas ngan zhi bar byed pa'i gnas ston nus na lta de'ang khyod la sbyin par bya na su bar te lta smos kyang ci dgos/ lha'i bdag po/ sangs rgyas bcom ldan 'das shAkya thub pa zhes bya ba da ltar rgyal po'i khab na bzhugs kyi/ de gang na bar song ste/ sngon ma thos pa thos par gyur na/ tshe'i dus byed pa'i ltas ngan pa gdon mi za bar zhi bar 'gyur ro/ /rigs kyi bu| gal te sangs rgyas bcom ldan 'das kyis zhi bar nus na lta de gang na bar 'gro bar bya'o zhes smras nas/ zhon pa'i theg pa bsgyur te/ rgyal po'i khab bya rgod phung po'i ri la sangs rgyas bcom ldan 'das gang na bar phyin pa dang / mgo bos sangs rgyas kyi zhabs la phyag btsal nas phyogs gcig tu 'khod de/ bcom ldan 'das la 'di skad ces gsol to| |bcom ldan 'das/ lha dang mi'i nang na 'ching bas bcings pa gang lags/ bcom ldan 'das kyis bka' stsal pa/ kau shi ka/ ser sna dang / 'dod chags dang / phrag dog go/ yang gsol pa/ ser sna dang / 'dod chags dang / phrag dog ci las skye/ bka' stsal pa/ ma rig pa las skye'o/ /yang gsol pa/ ma rig pa ci las skye/ bka' stsal pa/ bag med </font><hr>Ka470a<br><font size=+1>


@#/ /pa las skye'o/ /yang gsol pa/ bag med pa ci las skye/ bka' stsal pa/ phyin ci log las skye'o/ /yang gsol pa/ phyin ci log ci las skye/ bka' stsal pa/ the tshom gyi sems las skye'o/ /bcom ldan 'das/ phyin ci log gi chos the tshom las skyes pa 'phags pa'i bka' bzhin no/ /de ci'i slad du zhe na/ bdag la the tshom gyi sems mchis pas phyin ci log skyes te/ sangs rgyas bcom ldan 'das ma yin pa la sangs rgyas bcom ldan 'das su 'du shes bskyed de/ da sangs rgyas bcom ldan 'das mthong bas na the tshom gyi sems byang bar gyur to/ /the tshom yongs su byang bas phyin ci log zad par gyur to/ /phyin ci log zad pas na ser sna'i sems med pa nas/ phrag dog gi sems kyi bar du med do/ /bcom ldan 'das kyis bka' stsal pa/ ser sna dang phrag dog gi sems med do zhes bya ba khyod da ltar lan gcig phyir ldog pa'i 'bras bu thob bam/ lan gcig phyir ldog pa'i 'bras bu thob pa ni 'dod pa'i sems med do/ /gal te 'dod pa'i sems med na ci ste srog gi phyir nga'i drung du 'ongs/ lan gcig phyir ldog pa ni srog la re ba med do/ /bcom ldan 'das/ phyin ci log pa ni srog la re ba mchis so/ /phyin ci log ma mchis pa ni srog la mi re'o/ / </font><hr>Ka470b<br><font size=+1>


bdag kyang yang dag par na srog la re ba ma mchis kyi/ sangs rgyas bcom ldan 'das kyi chos kyi sku dang / sangs rgyas kyi ye shes la re'o/ /kau shi ka/ sangs rgyas kyi chos kyi sku dang / sangs rgyas kyi ye shes tshol ba ni phyi ma ma 'ongs pa'i dus su gdon mi za bar thob par 'gyur ro/ /de'i tshe brgya byin lha'i dbang phyug gis bcom ldan 'das las de skad ces thos nas/ tshe'i dus byed pa'i ltas ngan pa de nyid byang bar gyur nas/ 'dug pa las langs te spyi bos phyag btsal nas lan gsum bskor te bsti stang dang bcas pas thal mo sbyar te/ bcom ldan 'das la 'di skad ces gsol te/ bdag ni shi ba las sos so/ /srog stor ba las srog phyir rnyed do/ /yang sangs rgyas bcom ldan 'das las bdag bla na med pa yang dag par rdzogs pa'i byang chub tu mngon par 'tshang rgya'o zhes lung bstan pa thob pas de ni sos pa dang / srog thob pa zhes bgyi'o/ /bcom ldan 'das/ lha dang mi dag ji ltar na 'phel zhing skye bar 'gyur/ ji ltar na 'gribs shing god par 'gyur/ bka' stsal pa/ kau shi ka /'thab cing rtsod pa'i rkyen gyis lha dang mi 'gribs shing god par 'gyur ro| |shin tu dum pa'i rkyen gyis skye zhing 'phel bar 'gyur ro/ /bcom ldan 'das/ gal te 'thab cing rtsod pas 'gribs shing god par gyur na/ bdag deng slan chad lha ma </font><hr>Ka471a<br><font size=+1>


@#/ /yin dang mi 'thab par bgyi'o/ /bcom ldan 'das kyis bka' stsal pa/ legs so/ /legs so/ /kau shi ka/ sangs rgyas bcom ldan 'das ni bzod pa la bla na med pa yang dag par rdzogs pa'i rgyu yin no zhes gsungs so/ /de'i tshe brgya byin lha'i dbang phyug sangs rgyas kyi zhabs la spyi bos phyag btsal nas phyir gnas su dong ngo / /rgyal po chen po/ de bzhin gshegs pa de ltar mi dge ba'i ltas ngan pa thams cad zhi bar byed pas na/ sangs rgyas la bsam gyis mi khyab bo zhes brjod do/ /de bas na gal te rgyal po'ang de'i gan du phyin na kha na ma tho ba'i las thams cad yongs su 'byang ngo / /rgyal po chen po/ yang gson cig /bram ze'i bu mi 'tshe ba zhes bya ba sems can grangs med pa bsad pas sor mos brgyan zhes btags te/ ma gsod du chas nas sdig pa'i sems bskyed pa na/ lus kyang 'dar zhing g.yo'o/ /lus dang sems g.yo ba ni mtshams med pa byas pa'i rkyen gyis gdon mi za bar sems can dmyal bar ltung ba las sangs rgyas dang phrad pa na'ang lus dang sems g.yo ste/ de la'ang gsod pa'i sems skyes so/ /lus dang sems g.yo ba ni mtshams med pa lnga byed pa'i rkyen gyis g.yos te/ mtshams med pa lnga byas na </font><hr>Ka471b<br><font size=+1>


gdon mi za bar sems can dmyal bar ltung ngo / /mi des de bzhin gshegs pa ston pa chen po dang phrad ma thag tu sems can dmyal bar ltung ba'i rgyu yongs su byang nas/ bla na med pa yang dag par rdzogs pa'i byang chub tu sems bskyed de/ de bas na sangs rgyas bcom ldan 'das ni bla na med pa'i sman pa zhes bya ste/ ston pa drug lta bu ma yin no| |rgyal po chen po/ gzhan yang rgyal bu si phyi la zhes bya ba la pha rgyal po khros nas rkang lag bcad de dong du bor ro/ /rgyal po'i ma snying brtse bas dong nas phyung ste/ sangs rgyas gang na bar khrid nas sangs rgyas dang phrad ma thag tu rkang lag kyang phyir skyes te/ bla na med pa yang dag par rdzogs pa'i byang chub tu sems bskyed do/ /rgyal po chen po/ de ltar sangs rgyas dang phrad pas 'bras bu mngon sum du thob ste/ de bas na sangs rgyas bcom ldan 'das ni bla na med pa'i sman pa zhes bya ste/ ston pa drug lta bu ma yin no/ /rgyal po chen po/ klung gang+gA'i 'gram na yi dwags lnga brgya yod de/ lo grangs med pa'i bar du chu'ang mi mthong ngo / /ci ste chu 'gram du phyin pa na'ang me'i phung po chen por mthong ste/ skom pa dang bkres pas nyen te skad chen po phyung ste ngu'o/ /de'i tshe de bzhin gshegs pa klung de dang nye ba'i phyogs u du ma wA ra'i tshal shing drung na bzhugs pa las/ de'i tshe yi dwags </font><hr>Ka472a<br><font size=+1>


@#/ /mang po sangs rgyas gang na par lhags nas sangs rgyas la 'di skad ces gsol to/ /bdag cag ni bkres pa dang skom pas nyen te/ 'tsho ba'i srog kyang ring po mi thub bo/ /bcom ldan 'das kyis bka' stsal pa/ khyod gang+gA'i chu 'bab pa la ci'i phyir mi 'thung / yi dwags rnams kyis gsol pa/ de bzhin gshegs pas ni chab tu gzigs kyang / bdag cag gis ni me 'bar ba zhig tu mthong ngo / /bcom ldan 'das kyis bka' stsal pa/ gang+gA'i klung gi chu ni shin tu'ang sngo la dang bas yang dag par na me med de/ sdig pa'i las kyis sems phyin ci log pas me yin snyam sems so/ /khyod kyi phyin ci log gi sems yongs su bsal te/ chur mthong bar bya'o zhes bka' stsal nas/ de'i tshe bcom ldan 'das kyis yi dwags mang po de dag la ser sna dang / 'dod chags kyi skyon mang po bstan to/ /yi dwags mang pos 'di skad ces gsol to| |bdag cag ni bkres pa dang skom pas nyen te/ chos kyi gsung mang po thos kyang gzung ba'i sems ma mchis so/ /bcom ldan 'das kyis bka' stsal pa/ khyed rnams klung gang+gA'i nang du zhugs la/ de'i chu yid bzhin du 'thung zhing / yi dwags de rnams sangs rgyas kyi byin gyi rlabs kyis chu 'thungs par gyur to/ /de ltar chu 'thungs nas </font><hr>Ka472b<br><font size=+1>


de bzhin gshegs pas de dag la chos rnam pa sna tshogs bstan to/ /de dag gis chos thos nas bla na med pa yang dag par rdzogs pa'i byang chub tu sems bskyed de/ yi dwags kyi lus yongs su spangs nas lha'i lus thob par gyur to/ /rgyal po chen po/ de bas na sangs rgyas bcom ldan 'das ni bla na med pa'i sman pa zhes bya ste/ ston pa drug lta bu ni ma yin no/ / rgyal po chen po/ yul mnyan du yod pa na mi rgod lnga brgya zhig rgyal po sde rab tu pham byed kyis mig phyung nas ldongs par gyur te/ de dag sangs rgyas gang na bar phyin pa'i dus med do/ / sangs rgyas bcom ldan 'das de dag la thugs brtse ba'i phyir mi rgod mig phyung ba rnams kyi drung du gshegs nas spro ba bskyed de/ rigs kyi bu dag /lus dang ngag shin tu sdoms la phyin chad sdig pa ma byed cig /mi rgod mang po de dag sangs rgyas las de bzhin gshegs pa'i gsung shin tu gsal ba thos ma thag tu mig kyang phyir mthong bar gyur nas/ sangs rgyas kyi spyan sngar thal mo sbyar te phyag btsal nas/ bcom ldan 'das la 'di skad ces gsol to/ /bcom ldan 'das/ bdag cag gis ni sangs rgyas bcom ldan 'das kyi byams pa'i thugs sems can thams cad la khyab kyi/ lha dang mi 'ba' zhig la ma lags par rtogs so/ /de'i tshe bcom ldan 'das kyis de dag la chos bstan te/ de dag gis </font><hr>Ka473a<br><font size=+1>


@#/ /chos thos nas bla na med pa yang dag par rdzogs pa'i byang chub tu sems bskyed par gyur to/ /de bas na de bzhin gshegs pa ni 'jig rten gyi bla na med pa'i sman pa yang dag pa ste/ ston pa drug lta bu ni ma yin no/ /rgyal po chen po/ yul mnyan du yod pa na rigs ngan dbugs 'phrog ces bya ba zhig yod de/ mi grangs med pa zhig bsad do/ /sangs rgyas kyi nye gnas mong+gal gyi bu mthong nas de ma thag tu sems can dmyal bar ltung ba'i rgyu bcom nas sum cu rtsa gsum gnam gyi lhar skyes so/ / de ltar 'phags pa'i nye gnas yod pas na de bzhin gshegs pa ni bla na med pa'i sman pa zhes bya ste/ ston pa drug lta bu ni ma yin no/ /rgyal po chen po/ grong khyer ser skya zhes bya ba na tshong dpon gyi bu ma pham pa zhes bya ba ma la mi tshangs par spyad de/ de'i rgyu de'i rkyen gyis pha'ang bsad par gyur to/ /phyis de'i ma mi gzhan dang 'khrig pa tshor nas ma'ang bsad do/ /de dgra bcom pa zhig dang bshes te dgra bcom pa la ngo tsha ba'i phyir dgra bcom pa'ang bsad do/ /de ltar dgra bcom pa bsad nas gtsug lag khang du song ste/ dge slong gi dge 'dun dag las khyim nas khyim ma yin par rab tu 'byung bar gsol to/ /dge slong gi dge 'dun rnams kyis mtshams med pa gsum gyi </font><hr>Ka473b<br><font size=+1>


las byas par shes pas rab tu 'byung du ma gnang ngo / /de ltar rab tu 'byung du ma gnang bas shin tu khros nas/ de'i nub mo me thogs te/ dge 'dun gyi gnas khang la me btang ngo / de'i 'og tu rgyal po'i khab tu song nas de bzhin gshegs pa gang na bar phyin pa dang / de bzhin gshegs pa la rab tu 'byung bar gsol nas/ de bzhin gshegs pas rab tu phyung ste/ de la chos bstan pas bags kyis kha na ma tho ba'i sdig lci ba'ang byang nas bla na med pa yang dag par rdzogs pa'i byang chub tu sems bskyed do/ /de bas na sangs rgyas bcom ldan 'das ni bla na med pa'i ston pa zhes bya ste/ ston pa drug lta bu ni ma yin no/ /rgyal po chen po/ rgyal po ni rang bzhin gyis khro zhing gtum la sdig pa'i bshes gnyen la yid ches pas de'i tshe lha sbyin gyis bal glang smyos pa btang nas sangs rgyas kyi thog tu mchongs pa las/ bal glang de dag sangs rgyas mthong ma thag tu rang dul te/ de la bcom ldan 'das kyis phyag brkyang nas bal glang gi spyi bo la byugs te/ chos bstan pas de dag bla na med pa yang dag par rdzogs pa'i byang chub tu sems bskyed do/ /rgyal po chen po/ byol song gi skye gnas su gyur pa'ang sangs rgyas dang phrad ma thag tu byol song gi skye gnas su gyur ba'i rnam par smin pa'ang yongs su bcom na/ mi'i rgyud du skyes pa lta ci smos te/ rgyal po </font><hr>Ka474a<br><font size=+1>


@#/ /chen po/ 'di ltar rig par gyis shig /gal te sangs rgyas dang phrad na kha na ma tho ba'i sdig yongs su 'byang bar 'gyur ro/ /rgyal po chen po/ sangs rgyas bcom ldan 'das sngon bla na med pa yang dag par rdzogs pa'i byang chub tu mngon par sangs ma rgyas pa na/ bdud kyi ris tshad med grangs med pa byang chub sems dpa'i drung du lhags so/ /de'i tshe byang chub sems dpas bzod pa'i stobs kyis bdud sdig to can gyi sems rab tu btul te/ bdud rnams la chos bstan nas bla na med pa yang dag par rdzogs pa'i byang chub tu sems bskyed do/ /sangs rgyas bcom ldan 'das la de lta bu'i yon tan chen po'i mthu mnga'o/ /rgyal po chen po/ 'brog dgon pa'i yi dwags sems can mang po gsod pa dag yod do/ /de'i tshe de bzhin gshegs pas tshong dpon nor bzang gi phyir 'brog dgon pa'i yi dwags gang na ba der gshegs te/ de dag la chos bstan to/ /'brog dgon pa'i yi dwags de dag chos gsungs pa thos nas rab tu dga' mgu rangs te/ tshong dpon nor bzang gis sangs rgyas la phul te/ bla na med pa yang dag par rdzogs pa'i byang chub tu sems bskyed par gyur to/ /rgyal po chen po/ yul ser skya na shan pa dpral ba yangs zhes bya ba </font><hr>Ka474b<br><font size=+1>


zhig |nyin gcig kyang lug grangs med pa gsod de/ shA ri'i bu mthong nas nyin zhag gcig gi khrims brgyad mnos so/ /de'i rgyu de'i rkyen gyis tshe 'phos nas byang phyogs kyi mgon po ngal bsos po'i bur skyes so/ /de bzhin gshegs pa'i nye gnas la'ang de lta bu'i yon tan chen po yod na/ sangs rgyas bcom ldan 'das lta smos kyang ci dgos rgyal po chen po/ yul 'khor gyi byang phyogs na grong khyer gseg ma zhes bya ba'i rgyal po klu'i phyag rgya zhes bya ba rgyal po'i srid 'dod pa'i phyir pha bsad do/ /de ltar pha bsad nas shin tu 'gyod pa'i sems skyes te/ yul gyi srid btang nas de bzhin gshegs pa gang na bar lhags nas rab tu 'byung bar gsol to/ /bcom ldan 'das kyis de la legs so| |zhes bka' stsal nas dge slong du gyur te/ kha na ma tho ba'i sdig kyang yongs su byang nas bla na med pa yang dag par rdzogs pa'i byang chub tu sems bskyed par gyur to/ / rgyal po chen po/ de bas na de bzhin gshegs pa la yon tan chen po grangs med tshad med pa mnga' bar rig par bya'o/ /rgyal po chen po/ de bzhin gshegs pa la gcung lha sbyin zhes bya ba yod de/ dge 'dun gyi dbyen byas nas/ sangs rgyas kyi sku la ngan sems kyis khrag phyung ste/ dge slong ma pad+mo zhes bya ba'ang bsad pas mtshams med pa gsum gyi las </font><hr>Ka475a<br><font size=+1>


@#/ /byas so/ /de la'ang de bzhin gshegs pas chos rnam pa sna tshogs bstan nas kha na ma tho ba'i sdig kyang khad kyis byang bar gyur to/ /de bas na de bzhin gshegs pa ni sman pa chen po zhes bya ste/ ston pa drug lta bu ni ma yin no/ /rgyal po chen po/ gal te bdag smra ba'i tshig la thugs ches na sangs rgyas bcom ldan 'das gang na bzhugs par myur du bzhud cig /ci ste thugs mi ches na'ang legs par dgongs shig /rgyal po chen po/ sangs rgyas bcom ldan 'das kyi thugs rje chen po ni thams cad la khyab pas dam pa'i chos gcig tsam mam/ 'ga' tsam la ston pa ni ma yin no/ /gnyen pa dang sdang ba la thugs mnyam pas na gang zag gcig tsam bla na med pa yang dag par rdzogs pa'i byang chub la bkod de/ gzhan mi 'god pa ma yin/ de bzhin gshegs pa ni 'khor rnam pa bzhi po 'ba' zhig gi ston pa ma yin gyi/ 'jig rten du bcas pa lha dang / mi dang / klu dang / yi dwags dang / byol song dang / sems can dmyal ba la sogs te/ thams cad kyi ston pa yin pas/ de bas na sems can thams cad kyis kyang sangs rgyas bcom ldan 'das la pha ma dang 'dra bar 'du shes bskyed pa'i rigs so/ /rgyal po chen po/ de bzhin gshegs pa ni rigs mtho zhing btsun pa rgyal po bde ka 'ba' zhig la chos ston pa ma </font><hr>Ka475b<br><font size=+1>


lags kyi/ rigs dma' zhing ngan pa u pa li la sogs pa'ang chos ston to/ /u bar ta dang / a na ya te 'ba' zhig gis phul ba'i zhal zas bzhes par ma zad kyi/ dbul po su da ra ti'i zhal zas kyang bzhes so/ /dbang po rnon po shA ri'i bu la sogs pa 'ba' zhig la chos ston pa ma lags kyi/ dbang po rtul po chi'u li ban ta la sogs pa la'ang chos ston to/ /'dod chags med pa'i rang bzhin can 'od srung chen po la sogs pa rab tu 'byung bar gnang ba ma lags kyi/ 'dod chags can bsnyen dga' bo la sogs pa la'ang rab tu 'byung bar gnang ngo / /nyon mongs pa srab pa lteng rgyas 'od srung la sogs pa rab tu 'byung bar gnang ba ma lags kyi/ kha na ma tho ba'i las byas pa rgyal po sde rab tu pham byed kyi nu bo su ta la'ang rab tu 'byung bar gnang ngo / /'dzag ma zhes bya ba'i bsti stang dang bcas pas bsnyen bkur byas te zhe sdang rtsa ba nas bton pa ma lags kyi/ sor mos brgyan ngan sems kyi gnod par byas pa'ang ma bkol te skyabs mdzad do/ /shes rab dang ldan pa skyes pa 'ba' zhig la chos ston pa ma lags kyi/ shin tu glen pa bud med g.yem pa/ g.yem pa'i chos la mkhas pa la'ang chos ston to/ /rab tu 'byung ba'i 'khor bzhi po 'ba' zhig gis byang chub kyi 'bras bu thob pa ma lags kyi/ khyim na gnas pas kyang 'bras bu gsum thob par mdzad do/ </font><hr>Ka476a<br><font size=+1>


@#/ /su ta na la sogs pa 'du 'dzi yongs su spangs nas bas mthar sems rtse gcig pa 'ba' zhig la chos kyi don ston pa ma lags kyi/ rgyal po gzugs can snying po la sogs pa yul gyi srid bzung ba la'ang chos kyi don ston to/ /chang yongs su bcad pa 'ba' zhig la ma lags kyi/ khyim bdag drag po chang gis shin tu myos pa la'ang chos ston to/ /ting nge 'dzin la mnyam par bzhag pa li pa ta la sogs pa 'ba' zhig la ma lags kyi/ bu shi nas sems 'khrugs pa bram ze mo ba si ta la'ang chos ston to/ /bdag gi nye gnas 'ba' zhig la ma yin gyi/ mu stegs can gcer bu de la'ang chos ston to/ /shin tu lang tshol bab pa nyi shu lnga lon pa 'ba' zhig la ma lags kyi/ rgas 'khogs pa lo brgyad cu lon pa la'ang chos ston to/ /dbang po yongs su smin pa'i gang zag 'ba' zhig la ma lags kyi/ dge ba'i rtsa ba ma smin pa la'ang chos ston to/ /btsun mo phreng ldan ma 'ba' zhig la ston pa ma lags kyi/ sprul 'tshong ma pad+mo la'ang chos ston to/ /rgyal po sde rab tu pham byed kyis phul ba'i zhal zas ro mchog brgyad dang ldan pa 'ba' zhig pa zhes pa ma lags kyi/ khyim bdag shrI gu pa tas zhal zas dug dang bsres te phul ba'ang bzhes so/ / </font><hr>Ka476b<br><font size=+1>


rgyal po chen po/ 'di ltar rig par gyis shig /shrI gu pa ta zhes pa ni sngon 'das pa'i dus na'ang mtshams med pa byas pa'i las kyi rgyu yod de/ sangs rgyas dang phrad nas chos thos pas bla na med pa yang dag par rdzogs pa'i byang chub tu sems bskyed par gyur to/ /rgyal po chen po/ gal te zla ba gcig gi bar du sems can thams cad la zas dang gos kyi sbyin pa byin pa bas/ gang zag gcig gis skad cig tsam sangs rgyas rjes su dran na bsod nams 'di'i bcu drug cha gcig tsam yang mi phod do/ /rgyal po chen po/ gal te gser la mi byas nas shing rta brgya snyed sbyin pa byin pa bas/ gang zhig sems bskyed de sangs rgyas kyi phyogs su gom pa gcig bor ba'i bsod nams su mi phod do/ /rgyal po chen po/ gal te yul chen po gcig gi rin po che rnam pa sna tshogs bal glang gis grangs pa'i shing rta brgya snyed dang / bud med do shal dang / phreng bas yongs su brgyan pa'ang brgya snyed kyi sbyin pa byin pa bas/ sems bskyed de sangs rgyas bzhugs pa'i phyogs su gom pa gcig bor ba bsod nams che ste/ de'ang re zhig zhog la gal te mchod pa'i yo byad rnam pa bzhis stong gsum gyi stong chen po'i 'jig rten gyi khams kyi sems can thams cad la sbyin pa byin pa bas/ sems bskyed de sangs rgyas kyi phyogs su gom pa gcig bor na bsod nams che'o/ /de'ang re zhig </font><hr>Ka477a<br><font size=+1>


@#/ /zhog la gal te rgyal po chen pos gang+ga'i klung gi bye ma snyed kyi sems can grangs med pa la sbyin pa byin pa ni/ shing sA la drung gnyis kyi bar de bzhin gshegs pa'i spyan sngar sems thag pa nas chos nyan du 'gro ba tsam mi phod do/ /de nas rgyal po chen pos 'tsho byed la 'di skad ces smras so/ /sangs rgyas bcom ldan 'das zhes bya ba ni rang bzhin gyis shin tu dul bas na/ 'khor rnams kyang shin tu dul ba ste/ ji ltar shing tsan+dan gyi tshal la/ tsan+dan 'ba' zhig gis bskor ba bzhin no/ /de bzhin gshegs pa rnam par dag pas 'khor rnams kyang rnam par dag pa ste/ ji ltar klung chen po la klu'i 'khor gyis yongs su bskor ba bzhin no/ /de bzhin gshegs pa ni rab tu zhi bas 'khor rnams kyang rab tu zhi ba'o/ /de bzhin gshegs pa ni 'dod chags med pas 'khor rnams kyang 'dod chags med pa'o/ /sangs rgyas la nyon mongs pa med pas 'khor rnams kyang nyon mongs pa med pa yin na/ kho bo lta bu shin tu sdig can kha na ma tho ba'i las kyis shin tu glags pa/ shin tu mnam zhing btsog pa/ sems can dmyal ba'i khams su gtogs pa 'di ji ltar bur de bzhin gshegs pa'i spyan sngar 'gro bar bya/ ci ste phyin na'ang kho bo la mi gzigs shing bka' stsal par mi gnang du dogs te/ khyod kyis kho bo la sangs </font><hr>Ka477b<br><font size=+1>


rgyas kyi spyan sngar 'gro bar bskul kyang bdag ni shin tu btsog pas 'gro ba'i sems 'di tsam yang med do/ /de'i tshe steng gi nam mkha' las kyang 'di skad ces grags par gyur to/ / bla na med pa'i sangs rgyas kyi chos kyang nub tu nye/ shin tu zab pa'i chu klung yang bskams la khad/ chos kyi sgron ma chen po'ang ring po mi thogs la/ chos kyi ri bo'ang 'gyel du nye/ chos kyi gru'ang zhig la khad/ chos kyi zam pa'ang zhig tu nye/ chos kyi gzhal med khang yang rdib tu nye/ chos kyi rgyal mtshan yang 'gyel du nye/ chos kyi sdong po'ang chag la khad/ dge ba'i bshes gnyen yang 'gro la khad/ 'jig pa chen po'ang 'ong du nye/ chos kyis ltogs pa'i sems can ni ring po mi thogs par 'byung / nyon mongs pa'i rims nad ni 'byung la khad/ mun nag chen pos ni non pa'i dus la bab/ chos kyis phongs pa'i dus ni bab tu nye la/ bdud kyi rgyal po ni shin tu dga' bas go cha'ang bor/ sangs rgyas kyi nyi ma ni mya ngan las 'das pa chen po'i ri rtser nub la khad do/ /rgyal po chen po/ gal te sangs rgyas gshegs par gyur na rgyal po chen po'i kha na ma tho ba'i las 'di dag ni gzhan sus kyang gso mi nus so/ /rgyal po chen po/ khyod ni mtshams med pa'i sems can dmyal ba'i kha na ma tho ba'i las byas pa'i las de'i rkyen gyis the tshom med par ltung du nges so/ /rgyal po chen po/ a zhes bya ba ni med </font><hr>Ka478a<br><font size=+1>


@#/ /pa'o/ /byi zhes bya ba ni mtshams so/ /bde pa'i mtshams cung zad kyang med pas mtshams med pa zhes bya'o/ /rgyal po chen po/ gal te mi gcig pa zhig dmyal ba der ltung na'ang de'i lus dpag tshad brgyad khri'i nang yongs su gang ste/ bar mtshams kyi stong pa med par de'i lus la kho ra khor yug tu chub par sdug bsngal rnam pa sna tshogs myong ngo / /ci ste mi mang zhig ltung na'ang lus kyis yongs su gang ste/ gcig la gcig gzer zhing dog pa med do/ /rgyal po chen po/ grang ba'i sems can dmyal bar ni tsha ba'i rlung cung zad tsam dang phrad pas de'ang bde ba zhes bya'o/ /tsha ba'i sems can dmyal ba'ang grang ba'i rlung cung zad tsam dang phrad pas de'ang bde ba zhes bya'o/ /'tsho ba'i sems can dmyal ba'ang shi nas sos zhes bya ba'i sgra thos pas de ma thag tu 'tsho'o/ /mtshams med pa'i sems can dmyal ba la ni de lta bu'i bag med do/ /rgyal po chen po/ mtshams med pa'i sems can dmyal nga la phyogs bzhin sgo re re yod do/ /sgo de re re'i pha rol na me chen po yod de/ lho byang shar nub thal byung du 'bar ro/ / dpag tshad brgyad khri kho ra khor yug tu lcags kyi ris bskor te/ steng yang lcags kyi dra bas bla re bres nas sa gzhi'ang lcags las byas so/ /steng gi me'ang 'og tu thal/ 'og gi </font><hr>Ka478b<br><font size=+1>


me'ang steng du thal byung du 'bar ro/ /rgyal po chen po/ sla nga'i thog tu nya bzhag na 'tshig pa dang 'dra bar de na gnas pa'i mi'ang de dang 'dra'o/ /rgyal po chen po/ mtshams med pa gcig byas na mtshams med pa gcig myong ngo / /mtshams med pa gnyis byas na nyis 'gyur myong ngo / /mtshams med pa lnga byas na lnga 'gyur myong bar 'gyur ro/ /rgyal po chen po/ bdag gis ni rgyal po'i kha na ma tho ba'i las 'dis gdon mi za bar mi thar bar shes kyi/ rgyal po chen po/ de bzhin gshegs pa gang na bzhugs par myur du bzhud cig /sangs rgyas bcom ldan 'das ma gtogs par gzhan sus kyang skyabs su 'gyur ba med de/ kho bo khyod la snying brtse ba'i phyir 'di skad ces bskul ba yin no/ /de'i tshe rgyal po chen pos de skad ces grags pa'i tshig thos nas shin tu 'jigs dngangs te skyi bung zhes byed nas/ lus kyi yan lag lnga'ang chu shing lta bur g.yos nas mar bltas te 'di skad du smras pa/ gzugs ni ma mthong gi skad 'ba' zhig grag pa 'di su yin zhes smras so/ /rgyal po chen po/ kho bo ni khyod kyi pha gzugs can snying po yin gyi/ khyod 'tsho byed kyi tshig nyon cig /ngan par lta ba ston pa drug gi tshig ni ma yin no/ /rgyal pos de skad ces grag pa'i tshig thos ma thag tu brgyal nas sa la 'gyel te/ lus kyi 'brum bu'ang skyes nas snga ma las lhag par nam zhing btsog par gyur te/ </font><hr>Ka479a<br><font size=+1>


@#/ /bsil sman gyis bskus kyang 'brum bu lhag par tsha bar gyur gyi/ 'tsho ba ni med do// //'phags pa yongs su mya ngan las 'das pa chen po'i mdo/ bam po nyi shu rtsa bdun pa/ de'i tshen bcom ldan 'das ston pa thugs rje chen pos rgyal po ma skyes dga'i phyir zla ba lta bu'i ting nge 'dzin la zhugs so/ /ting nge 'dzin la zhugs nas 'od zer chen po btang ngo / /'od chen po shin tu bsil ba des rgyal po'i lus la reg nas lus kyi 'brum bu sros te tsha bas gdungs pa'ang zhi bar gyur to| |rgyal pos 'brum bu sos shing lus kyi yan lag bsil bar tshor nas 'tsho byed la 'di skad ces smras so/ /sngon mkhas pa dag 'di skad ces zer ro/ /bskal bzad du nye ba na zla ba gsum cig car 'byung ste/ de'i tshe na sems can thams cad kyi na ba dang sdug bsngal kun zhi bar 'gyur ro/ /de'i dus la da dung ma bab par 'od 'di ga las byung na nga'i lus la reg nas 'brum bu'i sdug bsngal byang zhing lus bde bar gyur/ 'tsho byed kyis smras pa/ 'di ni bskal pa zad du nye ba'i tshe zla ba gsum cig car byung ba ma yin/ med dang / nyi ma dang / skar ma dang / sman dang / nor bu rin po che dang / lha'i 'od kyang ma yin no/ /rgyal pos yang smras la/ zla ba gsum dang / nor bu rin po che la sogs pa'i 'od ma </font><hr>Ka479b<br><font size=+1>


yin na/ 'o na 'di su'i 'od/ smras pa/ rgyal po 'di ni lha'i lhas btang ba'i 'od yin par rig par bya'o/ /'od 'di ni rtsa ba med/ mthar thug pa ma yin/ tsha ba ma yin/ grang ba ma yin/ rtag pa ma yin/ 'gag pa ma yin/ gzugs ma yin/ gzugs med pa ma yin/ mtshan nyid ma yin/ mtshan nyid med pa ma yin/ sngon po ma yin/ ser po ma yin/ dmar po ma yin/ dkar po ma yin te/ sems can sgrol ba'i phyir mthong ba dang / mtshan nyid brjod du yod pa dang / rtsa ba yod pa dang / mtha' yod pa dang / tsha ba yod pa dang / grang ba yod pa dang / sngon po dang / ser po dang / dmar po dang / dkar po'ang yod do/ /rgyal po chen po/ de lta mod kyi/ 'od de ni yang dag par na brjod du med/ mthong ba ma yin pa nas/ sngon po dang / ser po dang / dmar po dang / dkar po'i bar du med do/ /rgyal pos 'tsho byed la smras pa/ lha'i lha de ci'i rgyu ci'i rkyen gyis 'od 'di btang bar gyur/ smras pa/ rgyal po chen po/ deng gi ltas 'di ni rgyal po la dgongs pa'i phyir btang ba 'dra'o/ /rgyal pos sngar 'di skad du 'jig rten na sman pa mkhas pa lus dang sems kyi nad gso nus pa med do/ /zhes byas pas de'i phyir 'od 'di btang nas sngar rgyal po'i lus gsos te/ de nas sems can kyang gso bar mdzad do/ /rgyal pos yang 'tsho byed la smras pa/ bcom ldan 'das de bzhin gshegs </font><hr>Ka480a<br><font size=+1>


@#/ /pas bdag la dgongs sam/ 'tsho byed kyis smras pa/ dper na/ mi zhig la bu bdun yod de/ bdun las gcig nad kyis btab na/ pha mas bu de dag la mi snyoms pa ma yin te/ 'on kyang bu na ba de la cher sems so/ /rgyal po chen po/ de bzhin gshegs pa'ang de dang 'dra ste/ sems can thams cad la thugs mi snyoms pa ma lags mod kyi/ sdig pa can la lhag par dgongs so/ /le lo can la ni sangs rgyas thugs brtse bar dgongs so/ /le lo med pa la ni thugs btang snyoms su 'jug go / de la le lo med pa gang zhe na/ 'di lta ste/ byang chub sems dpa' sa drug la gnas pa dag go/ rgyal po chen po/ sangs rgyas bcom ldan 'das ni sems can gyi rigs rgan pa dang / gzhon nu dang / dar la bab pa dang / dbul po dang / phyug po dang / dus dang / nyi ma dang / zla ba dang / skar ma dang / bzo dang / rigs ngan dang / bran pho dang / bran mor mi rtog ste/ sems can gang dge ba'i sems yod pa 'ba' zhig la rtog pas dge ba'i sems yod na byams pa'i thugs kyis dgongs so/ /rgyal po chen po/ 'od kyis ltas 'di ni de bzhin gshegs pa zla ba lta bu'i ting nge 'dzin la snyoms par zhugs nas btang ba'i 'od yin par rig par bya'o/ /rgyal pos dris pa/ zla ba lta bu'i ting nge 'dzin ces bya ba ji </font><hr>Ka480b<br><font size=+1>


lta bu yin/ 'tsho byed kyis gsol pa/ dper na/ zla ba'i 'od ni ut+pa la'i me tog thams cad kha 'bus shing gsal bar byed do/ /de bzhin du zla ba lta bu'i ting nge 'dzin yang sems can thams cad kyi dge ba'i sems kha 'bye zhing 'bu bar mdzad de/ de bas na zla ba lta bu'i ting nge 'dzin ces bya'o/ /rgyal po chen po/ dper na/ zla ba'i 'od ni mgron po thams cad dga' bar byed do/ /de bzhin du zla ba lta bu'i ting nge 'dzin yang de dang 'dra ste/ mya ngan las 'das pa'i lam bgrod pa dag dga' ba'i sems skye bar byed de/ de bas na zla ba lta bu'i ting nge 'dzin ces bya'o/ /rgyal po chen po/ dper na/ zla ba'i 'od ni thog ma tshes gcig nas bco lnga'i bar du dbyibs dang 'od kyang bags kyis rgyas shing rdzogs par 'gyur ro/ /de bzhin du zla ba lta bu'i ting nge 'dzin kyang sems dang po bskyed pa'i dge ba'i rtsa ba rnams bags kyis skye zhing rgyas par byed pa nas/ yongs su mya ngan las 'das pa chen po'i bar yongs su rdzogs par byed de/ de bas na zla ba lta bu'i ting nge 'dzin ces bya'o/ /rgyal po chen po/ dper na/ zla ba'i 'od tshes bcu drug nas sum cu la thug na/ dbyibs dang / kha dog dang / 'od snang ba bags kyis 'bri zhing chung bar 'gyur ro/ /de bzhin du zla ba lta bu'i ting nge 'dzin gyi 'od kyis gar snang ba'i gnas der nyon mongs pa thams cad bags kyis 'bri zhing chung bar 'gyur te/ de bas na zla ba </font><hr>Ka481a<br><font size=+1>


@#/ /lta bu'i ting nge 'dzin ces bya'o/ /rgyal po chen po/ dper na/ rab tu tsha ba'i dus na sems can thams cad rtag tu zla ba'i 'od sems so/ /zla ba'i 'od kyis phog na tsha ba med par 'gyur ro/ /de bzhin du zla ba lta bu'i ting nge 'dzin kyang sems can gyi 'dod pa'i nyon mongs pas gdungs pa thams cad med par byed do/ /rgyal po chen po| dper na/ zla ba nya ba ni skar ma mang po'i rgyal po lta bu ste/ bdud rtsi'i ro lta bur sems can thams cad dga' zhing mos so/ /de bzhin du zla ba lta bu'i ting nge 'dzin kyang de dang 'dra ste/ dge ba thams cad kyi rgyal po bdud rtsi'i ro lta bu ste/ sems can thams cad dga' zhing mos te/ de bas na zla ba lta bu'i ting nge 'dzin ces bya'o/ /rgyal pos smras pa/ kho bos 'di skad ces thos te/ de bzhin gshegs pa ni mi sdig pa can dang lhan cig mi gnas mi 'grogs gtam mi zer te/ ji ltar rgya mtshor mi ro zhag tu mi gnas pa dang / bya ngur pa snam phyi sar mi gnas pa dang / brgya byin lha'i dbang phyug yi dwags dang lhan cig mi gnas pa dang / bya ku shi la shing skam po'i steng du mi nyal ba dang 'dra'o zhes thos te/ de bzhin gshegs pa'ang de dang 'dra na pa bdag gis ji lta bur mthong bar bya/ gal te mthong bar gyur na/ kho bo'i lus sa'i nang du mi nub bam/ kho bos bltas na de bzhin </font><hr>Ka481b<br><font size=+1>


gshegs pa ni bal glang smyos pa dang / seng ge dang / stag dang / spyang ki dang / me ma mur dang nye'ang sla'i/ mi sdig can dang nam du'ang mi bsten pa dang 'dra'o snyam sems te/ bdag gis ji lta bu'i sems dang bcas te/ de bzhin gshegs pa'i spyan sngar 'gro bar bya/ 'tsho byed kyis smras pa/ rgyal po chen po/ dper na/ skom gyis gdungs pa ni myur du chu gtsang ma'i gan du 'gro'o/ /bkres pa zas 'dod pa dang / 'jigs pa skyabs 'dod pa dang / nad pa sman 'dod pa dang / tsha ba grib ma 'dod pa dang / grang ba med 'dod pa dang 'dra bar| de ltar rgyal po sangs rgyas 'dod pa'ang de dang 'dra bar bya ba'i rigs so/ /rgyal po chen po/ de bzhin gshegs pa ni log sred can la'ang dam pa'i chos ston na/ rgyal po chen po/ log sred can ma lags pa la thugs rjes dgongs shing skyabs mdzad pa lta ci smos/ rgyal pos smras pa/ 'tsho byed kho bos sngon 'di skad ces zer ba thos te/ log sred can zhes bya ba ni ma dad pa/ mi nyan pa/ don yid la mi byed pa/ don yang mi rtogs pa yin no zhes zer na/ de bzhin gshegs pa ci ste chos ston par 'gyur/ 'tsho byed kyis smras pa| rgyal po chen po/ dper na/ mi la la zhig nad tshabs po ches btab pa la/ rmi lam na ka pa gcig pa'i khang par 'dug gam/ mar dang snum la sogs pa za zhing lus </font><hr>Ka482a<br><font size=+1>


@#/ /la'ang skud dam/ thal ba'i nang du nyal zhing thal ba za'am/ shing skam po rul pa la 'dzeg gam/ bar bar spre'u dang 'grogs shing nyal lam/ 'dug gam| chur bying ngam/ 'dam rdzab tu nub bam/ yang thog gam/ ri mthon po'am/ shing kha 'am/ bal glang ngam/ rta'am/ ba lang ngam/ lug gi thog nas lhung ba'am/ lus la gos sngon po'am/ ser po'am/ dmar po'am/ nag po gyon te glu gar dang rtsed mo byed pa'am/ bya rog dang / srin bya'am/ wa la sogs pa mthong ba'am/ so dang / skra lhung ba'am/ gcer bur khyi la sngas bcas te lud phung gi steng na nyal ba'am/ sngon shi ba'i mi dang lhan cig 'grogs shing 'dug gam/ lag pa sbrel zhing 'gro ba'am/ sbrul gdug pas gang ba'i steng du 'grogs shing 'gro ba'am/ yang na bud med skra ba shig pa la lag gis 'khyud cing lhan cig nyal bar rmis pa'am/ shing ta la'i lo mas gos byed pa'am/ bong bus 'dren pa'i shing rta zhig la zhon te lho phyogs su 'gro ba'am/ de lta bu dag rmis nas shin tu mi dga' bas sems gdungs par gyur to| |de ltar mi dga' bas gdungs pa'i phyir nad kyang phyi phyir phyir ldang bar gyur to/ /nad phyi phyir na bas gnyen rnams kyis sman pa gnyer du btang ngo / gal te sman pa'i </font><hr>Ka482b<br><font size=+1>


steng du mngags pa'i mi de lus thung ngam/ lus kyi yan lag ma tshang zhing dbang po dang mi ldan pa'am/ mgo la rdul chags pa'am/ gos ral po gyon pa'am/ shing rta zhig pa khrid de| sman pa la 'di skad du myur du shing rta de la 'dzegs zhes zer ba de'i tshe/ sman pa mkhas pa des de lta bu'i sun ma dang / ltas bkra mi shis pa mthong nas/ nad de ni shin tu gso dka' snyam sems so/ /yang 'di snyam du de ltar sun ma bkra mi shis pa yin mod kyi/ yang gsor rung ngam mi rung snyam nyi ma blta'o/ /de la gal te tshes bzhi dang / drug dang| brgyad dang / bcu gnyis dang / bcu bzhi'i nyi ma la nad kyis btab na gso dka'o snyam mo/ /yang 'di snyam du sems te/ nyi ma ngan mod kyi/ yang gsor rung ngam mi rung snyam skar ma la blta'o/ /de la skar ma me dang / gser dang / snar ma dang / gshin rje dang / gsher dang / gang dang / skar ma de dag la nad kyis btab na gso dka'o/ /yang 'di snyam du skar ma ngan kyang dus la blta'o snyam ste/ de la ston dang / dgun dang / nyi ma nub pa'i dus dang / nam phyed dang / zla ba nub pa'i dus su nad kyis btab na gso dka'o/ /yang 'di snyam du de ltar ltas mang po de dag ngan mod kyi/ rtogs kyang srid/ mi rtogs kyang srid de/ nad pa nyid blta ste/ gal te bsod nams yod pa zhig na </font><hr>Ka483a<br><font size=+1>


@#/ /gsor rung ngo / /bsod nams med na zus bzang yang ci la phan snyam sems so/ /de snyam du bsams nas/ sun ma dang 'grogs te lam du zhugs pa dang / yang 'di snyam du gal te nad pa de tshe ring pa'i ltas yod na gsor rung ngo / /tshe thung ba'i ltas dang phrad na gsor mi rung ngo snyam bsams nas/ lam du bus pa chung ngu gnyis gcig la gcig drangs te 'thab la/ thor to nas bzung nas skra 'bal zhing gyo mo dang / rdo dang / mtshon cha dang / dbyug pa 'phen zhing gcig la gcig rdeg pa'am/ me thogs pa me rang shi ba mthong ngam/ shing gcod pa mthong ngam/ mi'i lag na ko ba nyed cing lam du 'gro ba'am/ lam na rdzas lus pa mthong ngam/ mi snod stong pa thogs pa mthong ngam/ dge slong gcig pu grogs med par 'gro ba mthong ngam/ stag gam/ spyang k+ai ma/ bya rog gam/ srin bya'am/ wa la sogs pa dngos po de lta bu dag mthong nas/ yang 'di snyam du mngags pa'i sun ma nas/ lam du 'gro ba'i bar du mthong ngo cog kun kyang bkra mi shis na nad pa de gdon mi za bar gso dka'o snyam sems so| |yang 'di snyam du bdag gal te ma song na sman pa mkhas pa zhes mi grag la/ ci ste song na gsor mi rung ngo snyam sems te/ yang 'di snyam du bsams so/ /de lta bu'i </font><hr>Ka483b<br><font size=+1>


ltas mang po bkra mi shis mod kyi/ 'on kyang nad pa'i thad du rtse gcig 'gro'o snyam bsams nas lam du 'gro ba las/ sgra 'di dag thos na mi rung ste/ gang zhe na/ shi ba dang / stor ba dang / byung ba dang / chag pa dang / zhig pa dang / grugs pa dang / shus pa dang / ltung ba dang / grol ba dang / khur khyer ba dang / tshig pa dang / ma 'ongs zhes zer ba de dag thos na gso dka' ste/ mgon skyabs mi nus so/ /yang lho phyogs nas bya'i skad thos pa la 'di lta ste/ bya rog dang / srin bya dang / skya ka'i skad dam/ khyi'am/ byi ba'am/ wa'am/ ri bong ngam/ phag ste/ de dag gi skad thos na/ yang 'di snyam du nad pa de ni shin tu gso dka'o snyam sems so/ /de nas nad pa'i khyim du zhugs pa dang / nad pa la bltas na/ de res 'ga' ni grang / res 'ga' ni tsha zhing lhu tshigs thams cad lhang lhang por na ste/ mig dmar ba la mchi ma zag pa dang / rna ba'i nang na sgra grags pa dang / lkog ma 'gags te na ba dang / lce gas pa dang / mdog rab tu gnag pa dang / mgo mi theg pa dang / lus skem zhing rdul med pa dang / bshang gci 'gags pa dang / lus glo bur du tsho rab tu gyur te shin tu dkar ba dang / dmar ba dang / tshig gi sgra shas mi mnyam zhing res 'ga' ni sbom/ res 'ga' ni phra ba dang / lus thams cad khra bor gyur cing ngo mtshar gyi kha dog sngon po dang / ser </font><hr>Ka484a<br><font size=+1>


@#/ /po byung ba dang / khong pa gang zhig skrangs nas smra ba'i tshig mi gsal te/ de lta bur gyur pa mthong nas nad g.yog de la nad pa 'di sngon gyi tshul las 'gyur ba ci yod ces dris so/ /nad g.yog des smras pa/ sman pa chen po/ mi 'di ni sngon dkon mchog gsum dang / lha rnams la dad cing bkur sti byed pa las da ni 'gyur te dad pa'i sems med par 'gyur to/ /sngon sbyin pa la dga' ba las da ni 'jungs par gyur to/ /sngon lto chung ba las da ni lto che bar gyur to/ /sngon 'jam zhing des pa las da ni khro zhing zhe sdang che bar gyur to/ /sngon sri zhu tshe zhing pha ma la ngo mtshar bkur sti byed pa las da ni pha ma la bkur sti byed pa'i sems med par gyur to/ /sman pas de skad ces zer ba thos nas drung du bsnyen te mnams so/ /de la ut+pa la'i dri bro'am/ a ga ru dang / spos sna tshogs dang / spos byid ka ta dang / ta ka ra dang / ta ma la dang / gur gum dang / tsan+dan gyi dri bro ba dang / sreg sha'i dri bro ba dang / rgun chang bro ba dang / rgyus pa dang / rus pa bsregs pa'i dri ltar mnam pa dang / nya bro ba dang / ngan skyugs bro ba ste/ de ltar dri zhim po dang / mnam po gang bro ba rig nas lus la mnams te/ lus dar ram/ me tog ka pa la sha ltar mnyen zhing 'jam mam/ 'on te rdo bzhin sra'am/ chab rom bzhin du </font><hr>Ka484b<br><font size=+1>


grang ngam/ me bzhin du tsha 'am/ bye ma bzhin du rtsub par gyur na/ de nas sman pa mkhas pa des de lta bu'i ltas rnam pa sna tshogs mthong nas/ nad pa de gdon mi za bar 'chi bar shes mod kyi/ 'on kyang mi 'di 'chi'o/ /zhes pa'i tshig chad pa mi smra ste/ nad g.yog la 'di skad du bdag deng brel ba zhig yod kyi sang 'ong ngo / /ci dang ci 'dod pa ma dgag par byin cig ces smras nas phyir khyim du song ngo / /de nas yang 'bod du 'ongs na sun ma la 'di skad du bdag gi las da dung ma zin pa'i steng du sman kyang ma sbyar ro zhes zer na/ mkhas pa shes rab can gyis ni nad pa de gdon mi za bar 'chi bar rig go /rgyal po chen po/ bcom ldan 'das kyang de dang 'dra ste/ log sred can dag gi dbang po dang rang bzhin ji lta ba rab tu mkhyen pas de la'ang chos ston to/ /de ci'i phyir zhe na/ gal te de dag la chos ma bstan na bus pa ma rabs thams cad 'di skad du de bzhin gshegs pa la ni byams pa dang snying rje chen po mi mnga'o/ /byams pa dang snying rje chen po mnga' ba ni thams cad mkhyen pa zhes bya ste/ byams pa dang snying rje med na ji ltar na thams cad mkhyen pa zhes smra ba de dag gi phyir de bzhin gshegs pas log sred can dag la chos ston to/ /rgyal po chen po/ sangs rgyas bcom ldan 'das ni na ba rnams gzigs </font><hr>Ka485a<br><font size=+1>


@#/ /na rtag tu chos kyi sman byin te/ nad pas mi 'thung gi /de bzhin gshegs pas ma nyes so/ /rgyal po chen po/ log sred can dag rnam par phye na rnam pa gnyis te/ da ltar gyi dus na dge ba'i rtsa ba thob pa dang / phyi ma'i dus na dge ba'i rtsa ba thob pa'o/ /de bzhin gshegs pas log sred can gang da ltar gyi dus su dge ba'i rtsa ba thob pa mkhyen pas de la chos ston to/ /phyi ma'i dus su thob par 'gyur ba la'ang chos ston to/ /da ltar gyi dus su phan par mi 'gyur yang phyi ma'i dus kyi rgyur 'gyur ba'i phyir/ de bzhin gshegs pas log sred can la'ang chos kyi gzhung ston to/ /log sred can zhes bya ba la'ang rnam pa gnyis te/ dbang po rnon po dang / dbang po 'bring po'o/ /dbang po rnon po ni da ltar gyi dus na dge ba'i rtsa ba thob pa'o/ /dbang po 'bring pos ni phyi ma'i dus su thob par 'gyur te/ sangs rgyas bcom ldan 'das ni don med par chos mi ston to/ /rgyal po chen po/ dper na/ mi gtsang ma zhig snam phyi sar lhung nas grogs po mdza' bo zhig gis mthong ba dang / skra las bzung ste phyir phyung ngo| |de bzhin du sangs rgyas bcom ldan 'das kyang sems can dag ngan song gsum du lhung bar gzigs na thabs kyis bskyab cing dbyung bar mdzad do/ /de bas na de bzhin </font><hr>Ka485b<br><font size=+1>


gshegs pas log sred can thams cad la chos ston to/ /rgyal pos 'tsho byed la smras pa/ gal te de bzhin gshegs pa yang dag par de lta bu yin par bden na lta/ sang nyi ma bzang po dang / skar ma bzang po bltas te gdod 'dong ngo / /'tsho byed kyis gsol pa/ rgyal po chen po/ de bzhin gshegs pa'i chos la ni nyi ma dang skar ma bzang ngan ces bya ba med do/ /rgyal po chen po/ dper na/ nad pa tshabs po che la'ang nyi ma dang / skar ma dang / dus bzang ngan ces bya ba lta ba med de/ sman pa mkhas pa don du gnyer ro/ /rgyal po'ang nad tshabs po ches btab pa dang 'dra ste/ sman pa de bzhin gshegs pa gnyer ba la nyi ma dang / dus bzang ngan lta ba mi rigs so/ /rgyal po chen po/ dper na/ tsan+dan gyi me dang / e raN+Da'i me ni gnyi ga tshig pa'i mtshan nyid du 'dra ste tha dad pa med do/ /nyi ma bzang po dang / ngan pa'ang de dang 'dra ste/ gal te sangs rgyas kyi spyan sngar phyin na sdig pa kun 'byang bar 'gyur gyi/ rgyal po chen po/ de ring nyid myur du gshegs par smon to/ /de nas rgyal pos blon po bkra shis zhes bya ba bkug nas 'di skad ces bka' stsal to/ /'di ltar rig par gyis shig /bdag deng sangs rgyas bcom ldan 'das kyi spyan sngar 'gro yi/ myur du mchod pa'i yo byad dang / dgos so cog sbyor cig/ </font><hr>Ka486a<br><font size=+1>


@#/ /blon pos gsol pa/ rgyal po chen po/ legs so/ /legs so/ /yo byad ci bzhed do 'tshal thams cad mchis so/ /de nas rgyal po ma skyes dgra btsun mo dang bcas te shing rta rab tu brgyan pa khri nyis stong dang / bal glang bzang zhing rab tu che ba lnga khri'ang chas so/ /bal glang de re re'i steng yang mi gsum gsum zhon te/ gdugs dang| ba dan dang / me tog dang / spos dang / rol mo'i cha byad thogs te/ mchod pa'i yo byad rnam pa sna tshogs ma 'byor ba med do/ /rta pa'i tshogs khri phrag bco brgyad dang| yul dbus 'gyur 'chang na gnas pa'i mi khri phrag lnga bcu rtsa brgyad snyed kyang rgyal po'i zhabs 'bring du chas so/ /de'i tshe rtswa mchog gi grong khyer na 'khor mang po dpag tshad bcu gnyis kyi bar gang ba kun gyis rgyang ma nas rgyal po ma skyes dgra 'khor dang bcas te 'ong ba mthong ngo / /de nas bcom ldan 'das kyis 'khor mang po rnams la bka' stsal pa/ sems can thams cad kyi bla na med pa dgra bcom pa yang dag par rdzogs pa'i byang chub dang nye ba'i rgyur 'gyur ba ni dge ba'i bshes gnyen las 'da' ba med do/ /de ci'i phyir zhe na/ rgyal po ma skyes dgras gal te 'tsho byed kyi ngag ma mnyan na/ zla ba phyi ma tshes zhag bdun la gdon mi za bar tshe'i dus byas nas mtshams </font><hr>Ka486b<br><font size=+1>


med pa'i sems can dmyal bar lhung ngo / /de bas na nye ba'i rgyur gyur pa ni dge ba'i bshes gnyen las 'da' ba med do/ /rgyal po ma skyes dgra lam du zhugs pa na'ang 'di skad ces thos so/ /yul mnyan du yod pa'i rgyal po bai DUR+Ya zhes bya ba grur zhugs te rgya mtshor zhugs pa'ang mes 'tshig go /dge slong ku ga ri gson por sar nub ste/ mtshams med pa'i sems can dmyal bar lhung ngo / /su na tsa ta zhes bya ba mi dge ba rnam pa sna tshogs byas nas sangs rgyas kyi spyan sngar phyin pa dang / sdig pa thams cad byang bar gyur to zhes de skad du smras pa thos nas/ 'tsho byed la smras pa/ bdag deng de lta bu'i tshig rnam pa gnyis thos mod kyi/ 'on kyang bden nam mi bden pa yid mi ches kyi/ 'tsho byed khyod tshur shog /kho bo dang bal glang gcig la zhon par dga'o/ /gal te kho bo mtshams med pa'i sems can dmyal bar lhung na/ khyod kyis kho bo lhung bar mi 'gyur par zungs shig/ de ci'i phyir zhe na/ bdag sngon 'di skad du lam thob pa'i mi ni sems can dmyal bar mi 'gro'o zhes thos so/ /de nas bcom ldan 'das kyis 'khor mang po rnams la bka' stsal pa/ rgyal po ma skyes dgra da dung the tshom gyi sems dang bcas kyi/ de'i sems gdon mi za bar bya'o zhes gsungs so/ /de nas 'khor gyi dkyil 'khor de'i nang na byang chub </font><hr>Ka487a<br><font size=+1>


@#/ /sems dpa' thams cad 'dzin pa zhes bya bas bcom ldan 'das la 'di skad ces gsol to/ /bcom ldan 'das/ ji ltar bcom ldan 'das kyis gsungs pa ltar chos thams cad ma nges pa'i mtshan nyid do/ /'di lta ste/ gzugs ma nges pa'i mtshan nyid nas mya ngan las 'das pa'i bar du'ang ma nges pa'i mtshan nyid do zhes gsungs na/ de bzhin gshegs pas de ci'i slad du rgyal po ma skyes dgra'i sems nges par mdzad do zhes gsungs/ bcom ldan 'das kyis bka' stsal pa/ legs so/ /legs so/ /ngas deng nges par rgyal po ma skyes dgra'i sems nges par mdzad do/ /de ci'i phyir zhe na/ gang rgyal po'i the tshom gyis sems gzhig tu rung ba zhig yin na/ chos thams cad kyang nges pa'i mtshan nyid med pa yin par rig par bya ste/ de'i phyir ngas rgyal po ma skyes dgra'i sems nges par mdzad pa'i sems de nyid nges pa med pa yin par rig par bya'o/ /rigs kyi bu/ gal te rgyal po de'i sems nges pa zhig yin na/ rgyal po de'i mtshams med pa'i kha na ma thob pa 'jig tu mi rung ngo / /nges pa med pas kha na ma tho ba de 'jig tu rung ngo / /de bas na ngas rgyal po ma skyes dgra'i sems nges par mdzad do/ /de nas rgyal po chen po sA la'i shing drung sangs </font><hr>Ka487b<br><font size=+1>


rgyas kyi spyan sngar phyin te/ de bzhin gshegs pa'i mtshan sum cu rtsa gnyis dang / dpe byad bzang po brgyad cu la bltas na/ gser g.ya' dag pa'i ri bo dang 'dra bar mthong ngo| |de nas bcom ldan 'das kyis dbyangs rnam pa brgyad phyung ste/ rgyal po chen po/ zhes bos pa dang / de'i tshe ma skyes dgras phan tshun du bltas te/ 'khor mang po 'di'i nang na rgyal po chen po zhes bya ba su yin/ bdag ni sdig lci ba'i steng du yon tan med pa yin te/ de bzhin gshegs pas rgyal po chen po zhes gsungs pa'i mi rigs so snyam bsams so/ /de nas de bzhin gshegs pas kyang / rgyal po chen po ma skyes dgra/ zhes bos so/ /de nas rgyal pos thos nas rab tu dga' ba'i sems skyes te/ 'di snyam du de bzhin gshegs pas deng bdag bos te gsung bas na/ de bzhin gshegs pa ni sems can thams cad la thugs brtse ba'i thugs rje chen po thams cad la khyad par med par mnyam mo snyam nas/ bcom ldan 'das la 'di skad ces gsol to/ /bcom ldan 'das/ bdag deng the tshom gyi sems lhag ma tsam yang ma lus par de bzhin gshegs pa ni sems can thams cad kyi ston pa bla na med pa yang dag pa lags par shin tu rtogs so/ /de nas byang chub sems dpa' 'od srung gis byang chub sems dpa' thams cad 'dzin la smras pa/ de bzhin </font><hr>Ka488a<br><font size=+1>


@#/ /gshegs pas rgyal po ma skyes dgra'i sems nges par mdzad do/ /de nas rgyal po ma skyes dgras/ bcom ldan 'das la 'di skad ces gsol to/ /bcom ldan 'das/ gal te bdag deng tshangs pa'am brgya byin lha'i dbang phyug dang lhan cig mchis shing 'tshal ma lhan cig 'tshal bar gyur kyang dga' ba ma lags te/ de bzhin gshegs pa dang mjal nas gsung gcig gis smras pas rab tu dga' bar gyur to/ /de nas rgyal po ma skyes dgras snga nas bshams pa'i gdugs dang / ba dan dang / me tog dang / spos dang / rol mo la sogs pas mchod nas/ bcom ldan 'das kyi zhabs la phyag btsal te/ g.yas phyogs su lan gsum bskor nas phyogs gcig tu 'khod do/ /de nas bcom ldan 'das kyis rgyal po ma skyes dgra la bka' stsal pa/ rgyal po chen po/ khyod la dam pa'i chos kyi gzhung bstan gyi/ shin tu yid la bya zhing brtags par nyon cig /bus pa ma rabs rtag tu sems rtse gcig tu lus la rtag pa'i dngos po rnam pa nyi shu yod do/ /'di lta ste/ bdag gi lus 'di ni gsob gsog ste/ zag pa med pa ma yin pa dang / dge ba'i rtsa ba rnams med pa dang / bdag gi 'khor ba 'di ma dul ba dang / shin tu g.yang sar lhung ste kun nas 'jigs pa dang / </font><hr>Ka488b<br><font size=+1>


thabs ji lta bu zhig gis sangs rgyas kyi rang bzhin mthong ba dang / ji ltar ting nge 'dzin bsgoms na sangs rgyas kyi rang bzhin mthong ba dang / 'khor ba ni rtag tu sdug bsngal ba ste/ rtag pa dang / bde ba dang / bdag dang / yongs su dag pa med pa dang / mi khom pa brgyad spang dka' ba dang / 'khon du 'gyur ba'i dgras shin tu gtse ba dang / srid pa las bzlog pa'i chos gcig tsam yang med pa dang / ngan song gsum las grol bar ma gyur pa dang / mi dge ba ngan par lta ba rnam pa sna tshogs dang ldan pa dang / mtshams med pa lnga las brgal ba'i tshogs ma bsags pa dang / 'khor ba ni mthar thug pa med de mthar ma phyin no zhes bya ba dang / las rnams ma byas na 'bras bu mi thob pa dang / bdag byas pas 'bras bu gzhan gyis myong bar mi 'gyur ba dang / bde ba'i rgyu ma byas na bde ba'i 'bras bu med pa dang / las byas kyang 'bras bu rnams mi stor ba dang / ma rig pa'i rgyu las skyes te ma rig pa'i rgyus 'chi ba dang / 'das pa dang / ma 'ongs pa dang / da ltar rtag tu le lo spyod pa dang nyi shu'o/ /rgyal po chen po/ bus pa ma rabs so so'i skye bos rtag tu lus 'di la rtog pa rnam pa nyi shu po de dag gis brtag go /de ltar brtags nas 'khor ba la mi dga' bar 'gyur/ 'khor ba la mi dga' bas lhag mthong dang / zhi gnas thob par 'gyur ro/ /de nas </font><hr>Ka489a<br><font size=+1>


@#/ /rim gyis sems dang / skye ba'i mtshan nyid dang / gnas pa'i mtshan nyid dang / 'gog pa'i mtshan nyid brtag go /rim gyis sems dang / skye ba dang / gnas pa dang / 'gog pa'i mtshan nyid rtog pa ltar ting nge 'dzin dang / shes rab dang / brtson 'grus dang / tshul khrims kyang de bzhin no/ /skye ba dang / gnas pa dang / 'gog pa rtogs nas/ sems kyi mtshan nyid nas tshul khrims kyi mtshan nyid kyi bar du rab tu shes na nam yang mi dge ba mi byed de/ 'chi ba'i 'jigs pa dang / ngan song gsum gyi 'jigs pa med do/ /gal te sems rtse gcig tu dngos po rnam pa nyi shu po de dag la ma brtags na le lo dang dregs pa'i sems skye ste/ mi dge ba thams cad byed par 'gyur ro/ /rgyal po ma skyes dgras gsol pa/ ji ltar bcom ldan 'das kyis gsungs pa'i don bdag gis 'tshal ba ltar na/ bdag sngon dngos po rnam pa nyi shu po de dag la ma brtags pas mi dge ba mang po bgyis so/ /mi dge ba mang po bgyis pas 'chi ba'i 'jigs pa dang / ngan song gsum gyi 'jigs pa mchis par gyur to/ / bcom ldan 'das/ bdag gis bdag la 'khus te/ sdig lci ba 'di lta bu bgyis so/ /yab rgyal po nongs pa ma mchis par bkum mo/ /dngos po nyi shu po de dag rtogs kyang </font><hr>Ka489b<br><font size=+1>


rung| ma rtogs kyang rung ste/ gdon mi 'tshal bar mtshams med pa'i sems can dmyal bar ltung bar 'gyur ro/ /bcom ldan 'das kyis bka' stsal pa/ rgyal po chen po/ /chos thams cad kyi rang bzhin dang / mtshan nyid ni mi rtag pa dang ma nges pa yin na/ ci ste rgyal po khyod gdon mi za bar sems can dmyal bar ltung bar 'gyur zhes smra/ rgyal po ma skyes dgras bcom ldan 'das la 'di skad ces gsol to/ /bcom ldan 'das/ gal te chos thams cad ma nges pa'i mtshan nyid lags na/ bdag gis bsad pa'i kha na ma tho ba'ang ma nges pa lags sam/ gal te bsad pas nges pa zhig lags na/ chos thams cad kyang ma nges pa ma lags par 'gyur ro/ /bcom ldan 'das kyis bka' stsal pa/ rgyal po chen po/ legs so/ /legs so/ /sangs rgyas bcom ldan 'das kyis kyang chos thams cad ma nges pa'i mtshan nyid do zhes gsungs la/ rgyal po nyid kyang bsad pa ni ma nges par shes te/ de bas na bsad pa ni ma nges pa'i mtshan nyid yin par rig par bya'o/ /rgyal po chen po/ ji ltar khyod kyis smras pa ltar yab rgyal po nyes pa med par bsad do zhes bya ba de/ de la pha zhes bya ba gang yin/ sems can gyi phung po lnga la pha'o zhes 'du shes bskyed de tha snyad du btags pa tsam du zad na/ skye mched bcu gnyis dang / khams bco brgyad la pha zhes bya ba gang </font><hr>Ka490a<br><font size=+1>


@#/ /yin| gal te gzugs pha yin na/ phung po bzhi ma gtogs so/ /gal te phung po bzhi pha yin na/ gzugs kyang ma gtogs so/ /gal te gzugs dang gzugs ma yin pa 'dus pa las phar gyur pa de ni gnas ma yin no/ /de ci'i phyir zhe na/ gzugs dang gzugs ma yin pa rang bzhin gyis bsdur mi rung ba'i phyir ro/ /rgyal po chen po/ sems can ma rabs ni gzugs kyi phung po la log par phar 'du shes bskyed de/ de ltar gzugs kyi phung po de'ang gsad du rung ba ma yin no/ /de ci'i phyir zhe na/ gzugs la rnam pa bcu ste/ rnam pa bcu po de dag la gzugs gcig pu ni bltar rung / gzung du rung / gtsal du rung / dpag tu rung / khrid du rung / bcing du rung ste/ de ltar blta ba dang bcing du'ang rung yang rang bzhin gyis mi gnas so/ /de ltar mi gnas pas bltar med/ gzung du med/ gzhal du med/ bkrir med| bcing du med do/ /gzugs kyi mtshan nyid de lta bas na ji ltar gsad du rung / gal te gzugs pha yin te/ gsad du rung / gnod pa byar rung ste/ sdig pa smin par 'gyur na/ lhag ma dgu ma gtogs par 'gyur ro/ /ci ste dgu ma gtogs na kha na ma tho ba'i sdig kyang med do/ /rgyal po chen po/ gzugs la rnam pa gsum ste/ 'das pa dang / </font><hr>Ka490b<br><font size=+1>


ma 'ongs pa dang / da ltar gyi'o/ /'das pa dang / da ltar gyi ni gsad du mi rung ngo / /de ci'i phyir zhe na/ 'das pa ni sngar 'das pa'i phyir ro/ /da ltar gyi ni skad cig skad cig mar 'gog pa'i phyir ro/ /ma 'ongs pa dgag pa'i phyir gsod pa zhes bya ste/ de ltar gzugs rnam pa gcig las/ la la ni gsad du rung / la la ni gsad du med do/ /gsad du yod pa dang / gsad du med pas na gzugs la nges pa med do/ /de ltar na gzugs la nges pa med pas gsod pa'ang nges pa med do/ /gsod pa la nges pa med pas rnam par smin pa la'ang nges pa med na/ ci ste gdon mi za bar sems can dmyal bar ltung zhes smra/ rgyal po chen po/ sems can thams cad sdig pa'i las byed de cog la rnam pa gnyis te/ yang ba dang / lci ba'o/ /de la yid dang / ngag gis byas pa ni yang ba'o/ /lus dang / ngag dang / yid kyis byas pa ni lci ba'o/ /rgyal po chen po/ /sems kyis bsams/ ngag gis brjod de/ lus kyis ma byas na byas so cog gi rnam par smin pa yang ba'o/ /rgyal po chen pos sngon gsod cig ces ni ma bsgo'i/ rkang pa chod cig ces bsgo la/ rgyal po chen pos gal te 'greng ste/ blon po la rgyal po'i mgo chod cig ces bsgo ba la 'dug pa'i tshe gdod bcad na 'on kyang sdig par mi 'gyur na/ rgyal pos ma bsgo bar sdig par 'gyur ba lta ci smos/ gal te rgyal pos sdig thob </font><hr>Ka491a<br><font size=+1>


@#/ /na sangs rgyas bcom ldan 'das kyang sdig thob bo/ /de ci'i phyir zhe na/ khyod kyi pha rgyal po gzugs can snying po rtag tu sangs rgyas la dge ba'i rtsa ba bskrun te de'i phyir rgyal po'i thabs thob bo/ /gal te sangs rgyas bcom ldan 'das kyis mchod pa ma bzhes na rgyal por mi 'gyur ro/ /gal te rgyal por ma gyur na khyod kyis yul srid kyi phyir rgyal po gsad du med do/ /ci ste khyod kyis pha bsad pas sdig par 'gyur ba zhig yin na/ nga la sogs pa sangs rgyas bcom ldan 'das rnams kyang sdig pa thob pa'i rigs so/ /gal te sangs rgyas bcom ldan 'das rnams la sdig par mi 'gyur na/ khyod gcig pu ci ste sdig pa thob par 'gyur/ rgyal po chen po/ rgyal po gzugs can snying po sngon byi bo la'i ri la rgyu zhing ri dwags shor du chas pa las dbye dgon pa kun tu byugs na ci'ang ma rnyed de/ drang srong mngon par shes pa lnga dang ldan pa gcig gcig mthong ngo| |mthong nas zhe sdang gi sems skyes te/ der ri dwags shor ba las ci'ang ma rnyed pa ni mi 'di'i phyir ro snyam nas/ ri las ded de g.yog rnams la gsod cig ces bsgo'o/ /drang srong de tshe'i dus byed pa na khro bo'i sems skyes pas rdzu 'phrul stor te/ yi dam 'di skad du nga nyes pa med par khyod kyis yid dang ngag gis nan gyis gsad pa ltar/ ma 'ongs </font><hr>Ka491b<br><font size=+1>


pa'i dus na ngas kyang 'di ltar yid dang ngag gis khyod gsad do zhes dam bcas so/ /de'i tshe rgyal pos thos nas 'gyod pa'i sems skyes te ro la mchod pa byas so/ /rgyal po de de ltar byas pas nyes pa'ang yang bar gyur te sems can dmyal bar ma ltung na/ rgyal pos ni de ltar ma byas par sems can dmyal ba'i 'bras bu smin pa lta ci smos/ sngon rgyal po gzugs can snying po bdag gis byas pas bdag myong ba yin na/ ci ste rgyal pos gsod pa'i sdig thob par 'gyur/ ji ltar rgyal pos pha rgyal po nyes pa med do zhes bya ba de ji ltar na nyes pa med ces byar rung / gang sdig pa dang bcas pa ni sdig pa'i 'bras bu rnam par smin no/ /gang dge ba'i las byed pa ni sdig pa'i las rnam par smin pa'ang med do/ /khyod kyi pha rgyal po gal te sdig pa med pa zhig na ci ste las rnam par smin par 'gyur/ gzugs can snying po da ltar gyi dus su dge ba'i 'bras bu thob la/ mi dge ba'i 'bras bu'ang thob ste/ de'i phyir rgyal po snga ma ni ma nges pa'o/ /de ltar ma nges pas na bsad pa'ang ma nges so/ /bsad pa ma nges pa yin na ci ste nges par sems can dmyal bar ltung ngo zhes smra/ sems can rnams ni myos pa dang / bsad pa la rnam pa bzhi ste/ 'dod pas myos pa dang / sman gyis myos pa dang / sngags kyis myos pa dang / sngon gyi las kyi rkyen gyis myos pa'o/ /rgyal po chen po/ nga'i nye gnas </font><hr>Ka492a<br><font size=+1>


@#/ /kyi nang na'ang myos pa bzhi po dang bcas pa yod de/ mi dge ba mang du byas kyang de tshul khrims bshig pa yin no zhes lung mi ston to/ /de dag gis sdig ci byas kyang ngan song gsum du mi 'gro la/ gal te phyir dran par gyur na tshul khrims nyams pa zhes mi bya'o/ /rgyal po'ang srid dang yul 'dod pa'i phyir rgyal po pha bsad pa ni 'dod pas myos pa'i sems kyis byas pa yin na ci ste sdig par 'gyur/ rgyal po chen po/ dper na/ mi zhig chang gis myos nas ma bsad do/ /sangs par gyur pa dang rab tu 'gyod pa'i sems skyes na las de ni rnam par smin pa ma yin par rig par bya'o/ /rgyal po'ang 'dod pas myos pa'i phyir byas kyi/ dran bzhin du byas pa ni ma yin no/ /de ltar dran pa bzhin du byas pa ma yin na ci ste kha na ma tho ba'i sdig thob par 'gyur/ rgyal po chen po/ dper na/ sgyu ma mkhan gyis lam gyi bzhi mdor sgyu ma'i skyes pa dang / bud med dang / bal glang dang| rta dang / se mo do dang / gos la sogs pa rnam pa sna tshogs byas pa la/ pus pa glen pa gti mug can gyis yang dag pa bden pa yin par 'dzin to/ /mkhas pa shes rab can gyis ni yang dag pa'i bden pa ma yin par rig ste/ de bzhin du gsod pa'ang de dang 'dra ste/ bus pha ma rabs so so'i skye bo dag ni yang dag par yod par 'dzin na \?\ </font><hr>Ka492b<br><font size=+1>


sangs rgyas bcom ldan 'das kyis ni yang dag pa ma yin par rig go /rgyal po chen po/ dper na/ brag ca la gti mug can gyis sgra yang dag par 'dzin to/ /mkhas pa shes rab can gyis ni yang dag pa ma yin par rig ste/ gsod pa'ang de dang 'dra bar bus pa ma rabs so so'i skye bo dag yang dag par 'dzin/ sangs rgyas bcom ldan 'das kyis ni yang dag pa ma yin par rig go /rgyal po chen po/ dper na/ dgra zhig sgyus nye bar 'ong ba la/ gti mug can gyis ni yang dag par nye bar 'dzin to/ /mkhas pa shes rab can gyis ni sgyu yin par shes so/ /gsod pa'ang de dang 'dra ste/ bus pa so so'i skye bos ni yang dag par 'dzin/ sangs rgyas bcom ldan 'das kyis ni yang dag pa ma yin par rig go |rgyal po chen po/ ji ltar me long las bdag gi ngo snang ba la gti mug can gyis yang dag par ngo yin par 'dzin to/ /mkhas pa shes rab can gyis ni rab tu rtogs pas yang dag pa ma yin par rig go /gsod pa'ang de dang 'dra ste/ bus pa ma rabs so so'i skye bos ni yang dag par 'dzin/ sangs rgyas bcom ldan 'das kyis ni yang dag pa ma yin par rig go /rgyal po chen po/ dper na/ smig rgyu la gti mug can gyis ni chu yin par 'dzin to/ /mkhas pa shes rab can gyis rab tu rtogs te chu ma yin par shes so/ /gsod </font><hr>Ka493a<br><font size=+1>


@#/ /pa'ang de dang 'dra ste/ bus pa ma rabs so so skye bos ni yang dag par 'dzin/ sangs rgyas bcom ldan 'das kyis ni yang dag pa ma yin par rig go /rgyal po chen po/ dper na/ dri za'i grong khyer la glen pa gti mug can gyis ni yang dag par 'dzin to/ /mkhas pa shes rab can gyis ni rab tu rtogs te yang dag pa ma yin par shes so/ /gsod pa'ang de dang 'dra ste/ bus pa ma rabs so so skye bos ni yang dag par 'dzin/ sangs rgyas bcom ldan 'das kyis ni yang dag pa ma yin par rig go/ rgyal po chen po/ dper na/ rmi lam gyi nang na 'dod pa lnga'i dga' ba myong ba la gti mug can gyis ni yang dag par 'dzin to/ /mkhas pa shes rab can gyis rab tu rtogs te yang dag pa ma yin par shes so/ /gsod pa'ang de dang 'dra ste/ bus pa ma rabs ni yang dag par 'dzin/ sangs rgyas bcom ldan 'das kyis ni yang dag pa ma yin par rig go /rgyal po chen po/ gsod pa'i chos dang / gsod pa'i las dang / gsod pa dang / gsod pa'i 'bras bu dang / rnam par grol ba'i bar du kha na ma tho ba'i las med par ngas gsal bar rtogs so| |rgyal po chen pos gsod pa shes pa tsam gyis ci'i phyir sdig par 'gyur/ rgyal po chen po/ dper na/ mi zhig chang bdag byed pa de ci ste ma 'thungs na myos par mi 'gyur ro/ / </font><hr>Ka493b<br><font size=+1>


de bzhin du me la dbang ba'ang tshig par mi 'gyur ba ltar rgyal po'ang de dang 'dra ste/ gsod par shes pa tsam gyis na ci'i phyir sdig par 'gyur/ rgyal po chen po/ sems can kha cig nyi ma shar ba na kha na ma tho ba'i sdig rnam pa sna tshogs byed pa dang / zla ba shar ba na chom po dang / rkun shod byed do/ /nyi ma dang / zla ba ma shar na sdig pa mi byed de/ de ltar nyi ma dang / zla ba'i rkyen gyis sdig pa byed kyang zla ba dang / nyi ma de la yang dag par na sdig pa med do/ /gsod pa'ang de dang 'dra ste/ rgyal po'i rkyen gyis de ltar gyur kyang rgyal po la ni yang dag par sdig pa med do/ /rgyal po chen po/ ji ltar rgyal po'i khab na rtag tu lug gsod du bcug kyang / thog ma nas 'jigs pa'i sems med na/ ci ste pha 'ba' zhig la 'jigs pa'i sems bskyed/ rgyal po chen po/ ji ltar mi dang byol song la rim pa'i khyad par yod kyang srog la chags pa dang phangs pa la ni gnyis ka tha dad pa med na/ ci ste lug la ni sems bag yangs su 'jigs pa med la/ pha rgyal po la ni rab tu mi dge ba'i mya ngan bskyed/ rgyal po chen po/ 'jig rten pa ni 'dod pa'i khol por gyur te/ dbang med par gyur to/ /'dod pas bkol ba'i phyir gsod pa'i las byed do /gal te de la 'bras bu rnam par smin pa yod na 'dod pa la sdig par 'gyur te/ rgyal po la dbang smad pas ci'i phyir nyes par 'gyur/ </font><hr>Ka494a<br><font size=+1>


@#/ /rgyal po chen po/ dper na/ yongs su mya ngan las 'das pa ni yod pa'ang ma yin/ med pa'ang ma yin te/ yod pa'ang yin no/ /gsod pa'ang de dang 'dra ste/ yod pa'ang ma yin/ med pa'ang ma yin mod kyi/ yod par yang 'gyur ro/ /khrel ba dang / 'dzem pa yod pa la ni yod pa ma yin/ khrel ba dang / 'dzem pa med pa la ni med pa'ang ma yin no/ /'bras bu rnam par smin pa myong ba ni yod pa zhes bya'o/ /stong par lta ba la ni yod pa ma yin/ yod par lta ba la ni med pa ma yin/ yod par lta ba la ni yod pa zhes bya'o/ /de ci'i phyir zhe na/ yod par lta ba dang bcas pa ni 'bras bu rnam par smin pa'ang yod do/ /yod par lta ba med pa la ni 'bras bu rnam par smin pa med do/ /rtag par lta ba la ni yod pa ma yin/ mi rtag par lta ba la ni med pa ma yin/ rtag pa rtag par lta ba la ni med pa ma yin no/ /de ci'i phyir zhe na/ rtag pa rtag par lta ba la ni mi dge ba'i las kyis 'bras bu yod de/ de'i phyir rtag pa rtag par lta ba la med pa zhes byar mi rung ngo / /de bas yod pa'ang ma yin/ med pa'ang ma yin mod kyi/ yod pa'ang ma yin no/ /rgyal po chen po/ sems can zhes bya ba ni phyi nang gi dbugs rgyu ba'o/ /dbugs rgyu ba gcod pa ni gsod pa zhes bya ste/ de bzhin gshegs pa rnams kyang 'jig rten pa'i </font><hr>Ka494b<br><font size=+1>


rjes su gsod pa zhes kyang gsungs so/ /rgyal po chen po/ gzugs ni mi rtag pa ste/ gzugs kyi rten cing 'brel te 'byung ba'ang mi rtag go/ /mi rtag pa'i rgyu las skyes na gzugs ci ste rtag /rnam par shes pa mi rtag pa nas rnam par shes pa'i rten cing 'brel te 'byung ba'i bar du'ang mi rtag pa ste/ de ltar mi rtag pa'i rgyu las skyes na rnam par shes pa ci ste rtag /de ltar mi rtag pa'i phyir sdug bsngal lo/ /sdug bsngal ba'i phyir stong pa'o/ /stong pa'i phyir bdag med pa'o/ /gal te mi rtag pa dang / sdug bsngal ba dang / stong pa dang / bdag med pa yin na ci zhig gis ci gsod par 'gyur/ mi rtag pa bsad na rtag pa'i mya ngan las 'das pa thob la/ sdug bsngal bsad na bde ba thob/ stong pa bsad na bden pa thob/ bdag med pa bsad na yang dag pa'i bdag thob bo/ /rgyal po chen po/ gang mi rtag pa dang / sdug bsngal ba dang / stong pa dang / bdag med pa gsod pa ni nga dang 'dra'o/ /nga yang mi rtag pa dang / sdug bsngal ba dang / stong pa dang / bdag med pa bsad de/ sems can dmyal bar ma song na khyod ci ste 'gro /de nas rgyal po ma skyes dgras ji ltar bcom ldan 'das kyis gsungs pa ltar gzugs brtag pa nas rnam par shes pa'i bar du brtags te/ de ltar rtogs nas bcom ldan 'das la 'di skad ces gsol to/ /bcom ldan 'das/ </font><hr>Ka495a<br><font size=+1>


@#/ /bdag gis gzod gzugs mi rtag pa nas/ rnam par shes pa'i bar du mi rtag pa lags par 'tshal to/ /bdag gis gal te sngar de ltar 'tshal na kha na ma tho ba'i sdig mi bgyid do/ /bcom ldan 'das/ bdag sngon 'di skad ces sangs rgyas bcom ldan 'das rnams ni rtag tu sems can gyi pha ma mdzad do zhes thos te/ de skad thos kyang nges par ma rtogs te/ deng gzod nges par rtogs so/ /bcom ldan 'das/ bdag gis yang 'di skad ces thos te/ ri rab ri'i rgyal po ni rin po che sna bzhi las byas te/ 'di ltar gser dang / dngul dang / bai DUR+Ya dang / shel lo/ /gal te phyogs gang du bya mang po 'dus pa de dag kha dog de dang 'dra bar 'gyur ro zhes thos kyang nges par ma rtogs te/ bdag deng de bzhin gshegs pa'i ri rab kyi drung du phyin nas kha dog mtshungs par gyur to/ /de la kha dog mtshungs pa zhes bya ba ni chos thams cad mi rtag pa/ sdug bsngal ba/ stong pa/ bdag med par shes par mtshungs so/ /bcom ldan 'das/ bdag gis ni 'jig rten na/ e raN+Da'i 'bras bu las e raN+Da'i sdong po skye bar mthong gi /ai raN+Da'i 'bras bus tsan+dan gyi sdong po skye bar ma mthong ste/ bdag gis deng gzod e raN+Da'i 'bras bu las tsan+dan gyi sdong po skyes pa mthong ngo / /de la e raN+Da'i </font><hr>Ka495b<br><font size=+1>


'bras bu ni bdag gi lus so/ /tsan+dan gyi sdong po ni bdag gis sems dad pa'i rtsa ba ma mchis pa'o/ /rtsa ba ma mchis pa zhes bgyi ba ni bdag sngon de bzhin gshegs pa la bkur sti bgyi bar mi 'tshal/ chos dang / dge 'dun la ma dad de/ de ni rtsa ba ma mchis pa zhes bgyi'o/ /bcom ldan 'das/ bdag gal te sangs rgyas bcom ldan 'das dang ma phrad na bskal pa tshad med grangs med pa'i bar du sems can dmyal ba chen por sdug bsngal tshad med pa snyed myong bar 'gyur ro/ /bdag gis deng sangs rgyas mthong bar gyur te| sangs rgyas mthong ba'i bsod nams ji snyed thob pa des/ sems can gyi nyon mongs pa mi dge ba'i sems thams cad choms par gyur cig /bcom ldan 'das kyis bka' stsal pa/ rgyal po chen po/ legs so/ /legs so/ /ngas deng khyod gdon mi za bar sems can gyi mi dge ba'i sems choms par mkhyen to/ /gsol pa/ bcom ldan 'das/ gal te bdag de ltar brtags par sems can gyi mi dge ba'i sems rnams choms par gyur na lta/ gal te bdag rtag tu sems can dmyal bar mchis te/ sems can rnams kyi phyir bskal pa tshad med pa'i bar du sdug bsngal chen po len yang sdug bsngal bar mi 'dzin to/ /de nas de'i tshe yul dbus 'gyur 'chang gi mi tshad med pa </font><hr>Ka496a<br><font size=+1>


@#/ /snyed bla na med pa yang dag par rdzogs pa'i byang chub tu sems bskyed par gyur to/ /de ltar tshad med pa de dag gi sems rab tu bskyed pa'i phyir rgyal po ma skyes dgra'i sdig lci ba yang bar gyur nas rgyal po dang / btsun mo dang / slas la sogs pa kun gyis gcig car bla na med pa yang dag par rdzogs pa'i byang chub tu sems bskyed do| |de nas rgyal po ma skyes dgras 'tsho byed la smras pa/ 'tsho byed bdag ma shi bar lha'i lus thob ste/ tshe thung ba spangs nas tshe ring bar gyur/ mi rtag pa'i lus spangs nas rtag pa'i lus thob bo/ /de ni sems can rnams bla na med pa yang dag par rdzogs pa'i byang chub kyi sems bskyed par byed pa ste/ de ni lha'i lus tshe ring ba rtag pa yin/ sangs rgyas thams cad kyi nye gnas yin no/ /de skad ces smras nas rin po che rnam pa sna tshogs kyi rgyal mtshan dang / ba dan dang / gdugs dang / spos dang / me tog dang / phreng ba dang / rol mo dam pas bcom ldan 'das la mchod nas kyang tshigs su bcad pa 'di dag gis bstod do/ /tshig bden shin tu dam pa de/ tshig dang don la rab mkhas pa/ /zab mo gsang ba'i snying po yang / /mang po kun la gsal bar ston/ /rgya che 'byams klas tshig rnams kyang / /bsdus te 'khor la mdo tsam ston/ /de lta bu yi tshig dang ldan/ /sems can nad gso ba la </font><hr>Ka496b<br><font size=+1>


mkhas| |gal te sems can rnams gang gis/ /tshig de thos par gyur pa de/ /dad pa rnams dang ma dad pa/ /sangs rgyas gsung ba yin par rtogs/ /sangs rgyas gsung ni 'jam pa ste/ /'khor la rtsub pa'i tshig kyang gsung / /'jam dang rtsub por gang gsungs pa/ /gnyis ka don dam lags pas na/ /de phyir bdag kyang de ring 'dir/ /bcom ldan 'das la skyabs su mchi/ /bcom ldan gsung ni ro gcig ste/ /ji ltar rgya mtsho'i chu dang mtshungs/ /bden pa dam pa zhes bya ste/ /don med pa yi tshig ma mchis/ /de ring de bzhin gshegs pa yis/ /tshad med chos rnams rab bstan pa/ /skyes pa bud med thos pa dang / /mthun par don dam thob par 'gyur/ /rgyu med 'bras bu yang med de/ /skye ba med cing 'gog pa med| |de ni mya ngan 'das pa ste/ /thos pas rnam smin 'joms par 'gyur/ /de bzhin gshegs ni thams cad kyi/ /shin tu byams pa'i pha ma mdzad/ /sems can so so'i skye bo dag /de bzhin gshegs kyi sras su rig /bcom ldan byams pa'i thugs rje yis/ /mang po'i phyir ni dka' ba mdzad/ /ji ltar gdon gyis brlams pa ltar/ /smyos nas rnam pa mang po byed/ /bdag gis bcom ldan deng mthong ba'i/ /dge bar gyur pa'i las gsum po'i/ /bsod nams ji snyed thob pa 'di/ /bla med byang chub la bsngo'o/ /bdag </font><hr>Ka497a<br><font size=+1>


@#/ /gis deng 'dir sangs rgyas dang / /chos dang dge 'dun la mchod pa'i/ /bsod nams ji snyed bskyed pa de/ /sangs rgyas chos dang dge 'dun gsum/ /rtag tu 'jig rten gnas par shog /bdag gis deng 'dir 'di nyid du/ /bsod nams ji snyed thob gyur pa/ /bsod nams de yis sems can gyi/ /bdung bzhi rab tu zhigs par shog / mi dge bshes dang bdag phrad pas/ /dus gsum sdig pa gang bgyis pa/ /deng 'dir spyan sngar kun kyang bshags/ /slan chad sdig pa mi bgyid do/ /sems can so so'i skye bo dag |byang chub tu ni sems bskyed nas/ /phyogs bcu'i rgyal ba thams cad la/ /rtse gcig sems kyis dran par shog /gzhan yang sems can thams cad kyi/ /nyon mongs mang po yongs bcom nas/ /ji ltar 'jam dpal dang 'dra bar/ /sangs rgyas rang bzhin mthong bar shog /de nas bcom ldan 'das kyis rgyal po ma skyes dgra la legs so/ /legs so/ /zhes bya ba byin no/ /gal te gang zhig byang chub tu sems bskyed pa de ni sangs rgyas kyi dkyil 'khor yongs su brgyan pa zhes bya'o/ /rgyal po chen po/ khyod sngon sangs rgyas rnam par gzigs las byang chub tu sems bskyed pa de nas nga 'jig rten du byung ba'i bar du sems can dmyal bar lhung ba'i sdug bsngal myong bar ma gyur to/ /rgyal po chen po/ 'di ltar rig par bya ste/ </font><hr>Ka497b<br><font size=+1>


byang chub kyi sems ni de lta bu'i 'bras bu tshad med pa snyed yod do/ /rgyal po chen po/ deng phyin chad kyang rtag tu byang chub kyi sems la brtson par bya'o/ /de ci'i phyir zhe na/ de'i rgyu de'i rkyen gyis kha na ma tho ba'i las tshad med pa snyed 'byang ba'i phyir ro/ /de nas rgyal po ma skyes dgra yul dbus 'gyur 'chang gi mi dang bcas su 'dug pa las langs nas bcom ldan 'das la lan gsum bskor te/ phyir pho brang du dong ngo / /lhas spyod pa'i le'u ni me tog sna tshogs kyi mdo las bshad pa bzhin no/ /'phags pa yongs su mya ngan las 'das pa chen po'i mdo las/ tshangs par spyod pa zhes bya ba'i le'u ste bdun pa'o// //rigs kyi bu/ ji ltar na bus pa chung ngu'i spyod pa zhe na/ rigs kyi bu/ ldang ba dang / 'dug pa dang / 'ong ba dang / song ba dang / smra mi nus pa ni bus pa chung ngu zhes bya ste/ de bzhin gshegs pa'ang de dang 'dra'o/ /ldang mi nus pa ni de bzhin gshegs pa'ang chos thams cad kyi mtshan nyid las mi ldang ngo / /'dug mi nus pa ni de bzhin gshegs pa'ang chos thams cad la ma chags pa'o/ /'ong mi nus pa ni de bzhin gshegs pa'i sku'i spyod pa mi g.yo ba'o| |'gro mi nus pa ni de bzhin gshegs pa yongs su mya ngan las 'das pa chen po mthar phyin pa'o/ /smra mi nus pa ni de bzhin gshegs pas sems can thams cad la chos </font><hr>Ka498a<br><font size=+1>


@#/ /rnams ston kyang yang dag par na ston pa med pa'o/ /de ci'i phyir zhe na/ ji snyed du ston pa yod pa ni 'dus byas kyi chos zhes bya ste/ sangs rgyas bcom ldan 'das ni 'dus byas ma yin pas de'i phyir bshad pa med do/ /yang mi smra ba ni ji ltar bus pa chung ngu tshig gsal bar mi shes pa smra ba yod du zin kyang yang dag par na smra ba med do/ / de bzhin gshegs pa'ang de dang 'dra ste/ smra ba mi gsal ba zhes bya ba ni de bzhin gshegs pa rnams kyis dgongs te gsungs pa'o/ /gsungs pa yod du zin kyang sems can gyis mi shes pas mi smra ba zhes bya'o/ /yang bus pa zhes bya ba ni tshig yang dag par mi shes pa'i phyir rdzas la ming gcig tu ma chad do/ /tshig yang dag par mi shes pas rdzas la ming gcig tu ma chad kyang / rgyu de ma yin pa'i logs shig na rdzas shes par 'gyur ba med do/ /de bzhin gshegs pa'ang de dang 'dra ste/ sems can thams cad kyi rigs rnam pa sna tshogs tha dad pas tshig mi mthun te/ de bzhin gshegs pas thabs kyis ji lta ba de ltar ston pas de'i rgyus thams cad shes par yang mdzad do/ /yang bus pa zhes bya ba ni yi ge chen po 'ba' zhig ston nus te/ de bzhin gshegs pa'ang de dang 'dra bar yi ge chen po ston to/ /'di lta ste/ ba hwa zhes bya'o/ /de la hwa zhes bya'o/ /de la hwa zhes bya ba ni 'dus byas so/ /ba zhes bya ba ni 'dus </font><hr>Ka498b<br><font size=+1>


ma byas te/ de ni bus pa zhes bya'o/ /hwa zhes bya ba ni nga mi rtag pa'o/ /ba zhes bya ba ni rtag pa'o/ /de bzhin gshegs pa'ang rtag pa 'chad de/ sems can thos nas nga chos rtag pa 'dod pa'i phyir mi rtag pa gcod de/ de ni bus pa'i spyod pa'o/ /yang bus pa ni sdug bsngal ba dang / bde ba dang / nyin par dang / mtshan mo dang / pha ma mi shes so/ /byang chub sems dpa' sems dpa' chen po'ang de dang 'dra ste/ sems can gyi phyir bde ba dang sdug bsngal mi mthong / nyin par dang mtshan mo zhes bya ba med/ sems can thams cad la sems mnyam pa'i phyir pha ma dang / gnyen la sogs pa'i mtshan nyid med do/ /yang bus pa ni las chen po dang / chung ngu rnams byed mi nus se \?\/ /byang chub sems dpa' sems dpa' chen po'ang de dang 'dra ste/ byang chub sems dpas 'khor ba'i las mi byed pas mi byed pa zhes bya'o/ /dngos po chen po zhes bya ba ni mtshams med pa lnga ste/ byang chub sems dpa' sems dpa' chen pos ni nam yang mchams med pa lnga'i sdig lci ba mi byed do/ /dngos po chung ngu zhes bya ba ni theg pa gnyis pa'i sems te/ byang chub sems dpa' nam yang byang chub kyi sems las log ste/ nyan thos dang / rang sangs rgyas kyi theg par mi ltung ngo / /yang byis pa'i spyod pa ni ji lta bus pa de ngu ba na/ pha mas lcang ma'i lo ma ser po byin te/ 'di skad du </font><hr>Ka499a<br><font size=+1>


@#/ /ma ngu zhig /ma ngu zhig /ngas khyod la gser sbyin zhes byas nas bus pas de mthong ba dang gser yang dag pa'i 'du shes bskyed de mi ngu bar gyur te/ lcang ma'i lo ma de ni yang dag par gser ma yin no/ /gal te shing la byas pa'i glang dang / rta dang / skyes pa dang / bud med la bus pas mthong nas skyes pa dang bud med la sogs pa yin pa'i 'du shes bskyed de/ mi ngu'o/ /de skyes pa dang bud med ma yin par skyes pa dang bud med kyi 'du shes 'jog pa'i phyir bus pa zhes bya'o/ /de bzhin gshegs pa'ang de dang 'dra ste/ gal te sems can dag mi dge ba mang po byed na/ de bzhin gshegs pas sum cu rtsa gsum gnam gyi rtag pa dang / bde ba dang / bdag dang / yongs su dag pa dang / byad bzang ba dang / longs spyod dang / gzhal med khang bzang po'i nang na 'dod pa lnga spyod pa dang / dbang po drug gi gnyen po thams cad bde ba dang dga' ba sha stag yin par bstan te/ sems can gyis de lta bu'i bde ba yod pa thos nas bde ba la chags pa'i sems skyes te/ mi dge ba btang nas sum cu rtsa gsum gnam gyi las dge ba la brtson no/ /de ni yang dag par 'khro ba yin te/ mi rtag pa/ bde ba med pa/ bdag med pa/ yongs su dag pa ma yin yang sems can sgrol ba'i phyir thabs kyis </font><hr>Ka499b<br><font size=+1>


rtag pa dang / bde ba dang / bdag dang / yongs su dag pa'o zhes gsungs so/ /yang bus pa zhes bya ba ni/ gal te sems can gang 'khor ba la rab tu skyo ba na de bzhin gshegs pas theg pa gnyis ston te/ de la yang dag par theg pa gnyis po'i bden pa med kyang theg pa gnyis kyi phyir 'khor ba'i skyon shes shing mya ngan las 'das pa'i bde ba mthong ngo / / de ltar mthong ba'i phyir rang gis gcod pa dang / mi gcod pa dang / bden pa dang / mi bden pa dang / spyod pa dang / mi spyod pa dang / thob pa dang / mi thob pa'i dngos po rig par 'gyur ro| |rigs kyi bu/ ji ltar bus pa de gser ma yin pa la gser gyi 'du shes bskyed pa ltar de bzhin gshegs pa'ang de dang 'dra bar yongs su ma dag pa la yongs su dag pa'o/ / zhes 'chad de/ de bzhin gshegs pas don dam pa thob pa'i phyir yang dag pa ma yin pa med do/ /ji ltar bus pa de ba lang dang rta ma yin pa la ba la nga dang rtar 'du shes pa ltar/ gal te sems can gang lam ma yin pa la lam yang dag par 'du shes 'jog na/ de bzhin gshegs pas kyang lam ma yin pa la lam du 'chad de/ lam ma yin pa la yang dag par lam med mod kyi/ lam gyi rgyu cung zad bskyed nus pa'i phyir lam ma yin pa lam du 'chad do/ /ji ltar bus pa de shing gi khye'u dang bu mo la khye'u dang bu mor 'du shes pa ltar/ de </font><hr>Ka500a<br><font size=+1>


@#/ /bzhin gshegs pa'ang de dang 'dra bar sems can ma yin par mkhyen bzhin du sems can gyi mtshan nyid 'chad de/ yang dag par na sems can gyi mtshan nyid med do/ /gal te sangs rgyas bcom ldan 'das kyis sems can med par 'chad na sems can thams cad ngan par lta bar ltung ste/ de bas na de bzhin gshegs pas sems can yod par gsungs so/ /sems can las sems can du 'du shes 'jog pa ni sems can gyi mtshan nyid 'jig mi nus so/ /gang sems can las sems can gyi mtshan nyid 'jig pa ni yongs su mya ngan las 'das pa chen po thob par 'gyur ro/ /de ltar mya ngan las 'das pa chen po thob pa'i phyir mi ngu bar 'gyur te/ de ni bus pa'i spyod pa zhes bya'o/ /rigs kyi bu/ gal te skyes pa'am bud med gang spyod pa lnga po 'di yongs su 'dzin cing 'chad ngam/ klog gam/ yi ger bris sam/ dgrol zhing 'chad na gang zag des gdon mi za bar spyod pa lnga po de dag thob par rig par bya'o/ /de nas byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ bdag gis bcom ldan 'das kyis gsungs pa'i don 'tshal ba ltar na/ bdag kyang gdon mi 'tshal bar spyod pa lnga po de dag thob par gyur to/ /bcom ldan </font><hr>Ka500b<br><font size=+1>


'das kyis bka' stsal pa/ rigs kyi bu khyod 'ba' zhig gis spyod pa lnga po de dag thob pa ma yin gyi/ da ltar 'khor 'di'i nang na mi khri phrag dgu bcu rtsa gsum yang khyod dang 'dra bar spyod pa lnga po de dag thob par gyur to/ /'phags pa yongs su mya ngan las 'das pa chen po'i mdo las/ bus pa chung ngu spyod pa zhes bya ba'i le'u ste brgyad pa'o// //'phags pa yongs su mya ngan las 'das pa chen po'i mdo/ bam po nyi shu brgyad pa/ de nas bcom ldan 'das kyis byang chub sems dpa' sems dpa' chen po kun du snang ba mtho btsun dpal gyi rgyal po la 'di skad ces bka' stsal to/ /rigs kyi bu/ gal te byang chub sems dpa' sems dpa' chen po gang mya ngan las 'das pa chen po'i mdo 'di la rnal 'byor du spyod na yon tan rnam pa bcu thob par 'gyur te/ nyan thos dang rang sangs rgyas dang thun mong ma yin zhing bsam gyis mi khyab ste/ thos pa tsam gyis ngo mtshar rmad du 'dzin la/ nang ma yin/ phyi rol ma yin/ dka' ba ma yin/ sla ba ma yin/ mtshan nyid ma yin/ mtshan nyid ma yin pa ma yin/ 'jig rten gyi chos ma yin te/ mtshan ma dang dbyibs med pa 'jig rten na mi srid pa'o/ /rnam pa bcu gang zhe na/ gcig la'ang rnam pa lnga ste/ lnga gang zhe na/ ma thos pa thos par 'gyur ba dang / thos nas phan pa'i don du 'gyur ba dang / the tshom dang nem nur </font><hr>Ka501a<br><font size=+1>


@#/ /gyi sems chod par 'gyur ba dang / shes rab la g.yo sgyu med pa dang / de bzhin gshegs pas dgongs te gsungs pa'i don zab mo shes pa dang lnga'o| |de la ma thos pa thos par 'gyur ba gang zhe na/ 'di lta ste/ dgongs te gsungs pa'i don shin tu zab mo sems can thams cad la sangs rgyas kyi rang bzhin yod pa dang / sangs rgyas dang / chos dang / dge 'dun la khyad med pa/ dkon mchog gsum gyi rang bzhin dang / mtshan nyid rtag pa dang / bde ba dang / bdag dang / yongs su dag pa dang / sangs rgyas bcom ldan 'das thams cad ni mtha' yun du mya ngan las 'das pa med de/ rtag pa/ gnas pa/ mi 'gyur/ mi 'pho ba dang / de bzhin gshegs pa'i mya ngan las 'das pa ni yod pa ma yin/ med pa ma yin/ 'dus byas pa ma yin/ 'dus ma byas pa ma yin/ zag pa dang bcas pa ma yin/ zag pa med pa ma yin/ gzugs ma yin/ gzugs ma yin pa ma yin/ ming ma yin/ ming ma yin pa ma yin/ mtshan nyid ma yin/ mtshan nyid ma yin pa ma yin/ yod pa ma yin/ med pa ma yin/ dngos po ma yin/ dngos po ma yin pa ma yin/ rgyu ma yin/ 'bras bu ma yin/ ltos pa ma yin/ mi ltos pa ma yin/ snang ba ma yin/ mun pa ma yin/ byung ba ma yin/ ma byung ba ma yin/ rtag pa ma yin/ </font><hr>Ka501b<br><font size=+1>


mi rtag pa ma yin/ chad pa ma yin/ ma chad pa ma yin/ thog ma ma yin/ tha ma ma yin/ 'das pa ma yin/ ma 'ongs pa ma yin/ da ltar ma yin/ phung po ma yin/ phung po ma yin pa ma yin/ skye mched ma yin/ skye mched ma yin pa ma yin/ khams ma yin/ khams ma yin pa ma yin/ rten cing 'brel par 'byung ba bcu gnyis ma yin/ rten cing 'brel bar 'byung ba bcu gnyis ma yin pa ma yin/ de dag la sogs pa'i chos dgongs te gsungs pa'i don shin tu zab mo sngon ma thos pa thos par 'gyur ba dang / gzhan yang ma thos pa ni/ 'di lta ste/ mu stegs can thams cad kyi gtsug lag rim pa bzhi dang / byA ka ra Na'i gtsug lag dang / rgyal po'i gtsug lag dang / bgrang ba dang / brtsi ba'i gtsug lag la sogs pa dang| rig sngags dang / sman dpyad dang / sgyu rtsal dang / nyi zla spyang kis zin pa dang / skar ma 'pho zhing 'gyur ba dang / ri mo dang / yi ge dang / lung ston pa'i gtsug lag la sogs pa'i yi ge dang / gtsug lag de'i gsang ba'i don sngon ma thos pa'ang mdo sde 'di las shes par 'gyur ba dang / gzhan yang shin tu rgyas pa'i mdo sde ma gtogs pa mdo sde bcu gnyis las dgongs te gsungs pa'i don shin tu zab mo med pa'ang deng mdo sde 'di'i rkyen gyis shes par gyur to/ /rigs kyi bu/ de ni ma thos pa thos par 'gyur ba zhes bya'o/ /thos nas phan </font><hr>Ka502a<br><font size=+1>


@#/ /par 'gyur ba zhes bya ba ni gal te mya ngan las 'das pa chen po'i mdo 'di yongs su 'dzin na/ shin tu rgyas pa theg pa chen po'i mdo'i don gyi ro shin tu zab mo thams cad rdzogs par kun shes par nus so/ /dper na/ khye'u 'am bu mo dag med long gsal ba'i nang na gzugs dang cha lugs gsal bar snang ba bzhin du mya ngan las 'das pa chen po'i me long yang de dang 'dra ste/ byang chub sems dpas thos na theg pa chen po'i mdo sde'i don shin tu zab mo gsal bar mthong ngo / /gzhan yang la \?\ zhig mun khang gi nang du sgron ma chen po phyung na/ rdzas thams cad mthong ba bzhin du mya ngan las 'das pa chen po'i sgron ma'ang de dang 'dra ste/ byang chub sems dpas 'dzin na theg pa chen po'i don zab mo gsal dka' ba mthong bar 'gyur ro/ /gzhan yang ji ltar nyi ma shar ba na 'od snang ba stong yod pa des ri rnams kyi sul zab mo mun pa can kun snang bar byed de/ skye bo thams cad kyis rgyang ring po nas rdzas rnams mthong ba bzhin du mya ngan las 'das pa chen po'i mdo yongs su dag pa'i shes rab kyi nyi ma'ang de dang 'dra ste/ theg pa chen pos shin tu zab mo'i gnas snang bar byed de/ nyan thos dang / rang sangs rgyas kyi theg pa pas rgyang ring po nas sangs rgyas kyi byang chub mthong bar byed do/ /de ci'i phyir zhe </font><hr>Ka502b<br><font size=+1>


na| mya ngan las 'das pa chen po'i mdo sde dam pa mnyan cing 'dzin pa'i phyir ro/ /rigs kyi bu/ byang chub sems dpa' sems dpa' chen po gang de ltar mya ngan las 'das pa chen po'i mdo nyan tam 'dzin na chos thams cad kyi rnam grangs rtogs par 'gyur ro/ /gal te yi ger bris sam/ klog gam/ 'don tam/ khong du chud par byed dam/ gzhan la rgyas par ston tam/ don yid la byed na chos thams cad kyi don tshul bzhin du rtogs par 'gyur ro/ /rigs kyi bu/ gang nyan cing 'dzin pa des ni rnam grangs 'ba' zhig shes kyi/ don nyid mi rtogs so/ /gang yi ger bris sam/ gzungs su 'dzin tam/ klog gam/ 'don tam/ gzhan la rgyas par ston tam/ don yid la byed na/ don nyid rtogs par 'gyur ro/ /gzhan yang / rigs kyi bu/ mdo sde 'di mnyan pas na sangs rgyas kyi rang bzhin yod par thos kyi/ mthong bar mi nus so/ /yi ger bris shing klog gam/ 'don tam/ gzhan la rgyas par ston tam/ don yid la byed na des ni mthong bar 'gyur ro/ /mdo sde 'di mnyan pa tsam gyis sbyin pa thob par 'gyur gyi/ sbyin pa'i pha rol tu phyin pa mthong ba ni ma yin no/ /mdo sde 'di yi ger bris shing 'don tam/ klog gam/ gzhan la'ang rgyas par ston tam/ don yid la byed na sbyin pa'i pha rol tu phyin pa nas shes rab kyi pha rol tu phyin pa'i </font><hr>Ka503a<br><font size=+1>


@#/ /bar du mthong bar 'gyur ro/ /rigs kyi bu/ byang chub sems dpa' sems dpa' chen pos mya ngan las 'das pa chen po'i mdo 'di mnyan na chos shes pa dang / don shes par 'gyur ro/ /so so yang dag par shes pa de gnyis dang ldan na dge sbyong ngam/ bram ze'am/ lha'am/ bdud dam/ tshangs pa'am/ 'jig rten du bcas pa thams cad kyis mi 'jigs pa dang / mdo sde bcu gnyis rnam par 'byed cing don ston pa la 'gal ba med pa dang / gzhan las ma mnyan par rang gis rig pa dang / bla na med pa yang dag par rdzogs pa'i byang chub la nye bar 'gyur ro/ /rigs kyi bu/ de ni thos nas phan par 'gyur ba zhes bya'o/ /the tshom gyi sems chod pa zhes bya ba ni rnam pa gnyis te/ tshig la the tshom za ba dang / don la the tshom za ba'o/ /mdo sde 'di mnyan pas tshig la the tshom za ba'i sems chod par 'gyur ro/ /don yid la byed pas ni don la the tshom za ba'i sems chod par 'gyur ro/ /gzhan yang / rigs kyi bu/ the tshom la rnam pa lnga ste/ sangs rgyas nges par mya ngan las 'da'am snyam the tshom za ba dang / sangs rgyas rtag tu gnas pa yin nam snyam the tshom za ba dang / sangs rgyas yang dag par bden pa yin nam snyam the tshom za ba dang / sangs rgyas yang dag par yongs su dag pa yin nam snyam the </font><hr>Ka503b<br><font size=+1>


tshom za ba dang / sangs rgyas yang dag par bdag yin nam snyam du the tshom za ba ste/ mdo sde 'di mnyan pas ni sangs rgyas mya ngan las 'da' ba the tshom za ba yongs su chod par 'gyur ro/ /yi ger bris shing klog gam/ 'don tam/ gzhan la rgyas par ston tam/ don yid la byed pas ni the tshom lhag ma bzhi yongs su chod par 'gyur ro/ /rigs kyi bu/ gzhan yang the tshom la rnam pa gsum ste/ nyan thos yod pa yin nam med pa yin snyam the tshom za ba dang / rang sangs rgyas yod pa yin nam med pa yin snyam the tshom za ba dang / sangs rgyas yod pa yin nam med pa yin snyam the tshom za ba ste/ mdo sde 'di mnyan pa tsam gyis the tshom rnam pa gsum ma lus par med par 'gyur ro/ /yi ger bris shing klog gam/ 'don tam/ gzhan la rgyas par ston tam/ don yid la byed pas ni sems can thams cad la sangs rgyas kyi rang bzhin yod par rtogs par 'gyur ro/ /rigs kyi bu/ gal te sems can gang mya ngan las 'das pa chen po'i mdo sde 'di ma thos na the tshom gyi sems mang ba ni/ 'di lta ste/ rtag pa'am/ mi rtag pa'am/ bde ba'am/ mi bde ba'am/ yongs su dag pa'am/ yongs su ma dag pa'am/ bdag gam/ bdag med pa'am/ srog gam/ srog ma yin nam/ sems can nam/ sems can ma yin nam/ mthar thug gam/ mthar thug gam/ ma </font><hr>Ka504a<br><font size=+1>


@#/ /'ongs pa'i dus sam/ 'das pa'i dus sam/ yod pa'am/ med pa'am/ sdug bsngal lam/ sdug bsngal ma yin nam/ kun 'byung ngam/ kun 'byung ma yin nam/ lam mam/ lam ma yin nam/ 'gog pa'am/ 'gog pa ma yin nam/ chos sam/ chos ma yin nam/ dge ba'am/ dge ba ma yin nam/ stong pa'am/ stong pa ma yin nam snyam du the tshom za ba ste/ mdo sde 'di mnyan na de lta bu'i the tshom thams cad yongs su chod par 'gyur ro/ /gzhan yang / rigs kyi bu/ /gal te gang mdo sde 'di ma thos na/ gzhan yang the tshom rnam pa mang po yod par 'gyur ro/ /'di lta ste/ gzugs bdag yin nam/ tshor ba dang / 'du shes dang / 'du byed dang / rnam par shes pa bdag yin nam/ 'on te mig gis mthong ngam/ bdag gis mthong ba nas/ de bzhin du rnam par shes pa'i bar du shes par nus sam/ bdag gis shes par nus sam/ gzugs kyis rnam par smin pa myong ngam/ bdag gis rnam par smin pa myong ba nas/ de bzhin du rnam par shes pa'i bar du rnam par smin pa myong ngam/ bdag gi rnam par smin pa myong ngam/ gzugs pha rol gyi 'jig rten du 'gro'am/ 'on te bdag pha rol gyi 'jig rten du 'gro'am/ de bzhin du rnam par shes pa'ang de dang 'dra ste/ 'khor ba thog ma dang tha ma yod dam/ </font><hr>Ka504b<br><font size=+1>


'on te thog ma dang tha ma med pa yin na ma snyam the tshom za ba ste/ mdo sde 'di mnyan na de lta bu'i the tshom la sogs pa'ang yongs su chod par 'gyur ro/ /yang la la zhig gis log sred can dang / rtsa ba bzhi nyams pa dang / mtshams med pa lnga'i kha na ma tho ba byas pa dang / mdo sde shin tu rgyas pa la skur pa de dag la sangs rgyas kyi rang bzhin yod dam/ sangs rgyas kyi rang bzhin med snyam the tshom za ba dag kyang mdo sde 'di mnyan na the tshom de dag thams cad yongs su chod par 'gyur ro/ /yang la la zhig gis 'jig rten mtha' yod dam/ 'jig rten mtha' med dam/ phyogs bcu'i 'jig rten yod dam/ phyogs bcu'i 'jig rten med snyam the tshom za ba dag kyang mdo sde 'di mnyan na/ de lta bu'i the tshom dag kyang yongs su chod par 'gyur te/ de ni the tshom dang nem nur gyi sems chod par 'gyur ba zhes bya'o/ /shes rab la g.yo sgyu med pa zhes bya ba ni/ 'di lta ste/ gal te sems la the tshom yod na lta ba thams cad yang dag pa ma yin par 'gyur ro/ /so so'i skye bo dag gal te mya ngan las 'das pa chen po'i mdo sde dam pa 'di ma thos na lta ba thams cad log par 'gyur ro/ /de bzhin du/ de bzhin du nyan thos dang / rang sangs rgyas kyi bar du'ang lta ba thams cad log pa yin no/ /ji ltar na byis pa so so'i skye bo dag lta ba log pa zhes bya zhe na/ zag pa dang bcas pa la rtag pa dang / bde ba dang / </font><hr>Ka505a<br><font size=+1>


@#/ /bdag dang / yongs su dag par lta/ de bzhin gshegs pa la mi rtag pa dang / sdug bsngal ba dang / yongs su ma dag pa dang / bdag med par lta la/ sems can dang / 'tsho ba dang / srog dang / mthong ba dang / shes pa yod par lta/ 'du shes med 'du shes med min skye mched steng la mya ngan las 'das pa yin par 'dzin pa dang / lha dbang sgyur la 'phags pa'i lam brgyad yod par lta ba dang / rtag par lta ba dang / chad par lta ba ste/ lta ba de dag thams cad ni log pa zhes bya'o/ /byang chub sems dpa' sems dpa' chen pos gal te mya ngan las 'das pa chen po'i mdo sde 'di thos shing 'phags pa'i spyad pa spyod na log par lta ba de dag med par 'gyur ro/ /ji ltar na nyan thos dang rang sangs rgyas kyang log par lta ba zhe na/ byang chub sems dpa' dga' ldan gyi gnas nas babs pa na bal glang la bcibs te yum gyi lhums su gshegs pa dang / yab ni zas gtsang ma/ yum ni lha mdzes bya ba dang / grong khyer ser skyar yum gyi lhums su zla ba bcu tshang nas bltams pa dang / bltams pa'i tshe pa'i tshe brgya byin gyis sa la ma reg par bzung ste/ klu'i rgyal po dga' bo dang / bsnyen dga' bo gnyis kyis chu phab nas sku bsil ba dang / gnod sbyin gyi rgyal po chen po ma ni brta zhes bya bas rin po </font><hr>Ka505b<br><font size=+1>


che'i gdugs thogs pa dang / sa'i lhas pad+mo sprul te zhabs brten ba dang / phyogs bzhi kun du gom pa bdun bdun bor ba dang / lha'i rten du gshegs nas lha thams cad langs te bsus pa dang / drang srong a si tas pang du blangs te mtshan bltas pa dang / mtshan bltas nas bdag ni che'i dus byed par 'gyur te/ sangs rgyas mngon du gshegs pa'i mi mthong ngo snyam du sdug bsngal chen po skyes te yid la rab tu gcags pa dang / slob dpon las yig rtsis dang / 'phong dang / kha lo sgyur ba dang / ri mo dang / lung ston pa dang / sgyu rtsal slob pa dang| pho brang gi nang du bu mo dang slas drug khri dang lhan cig tu rtse zhing longs spyod pa dang / khab nas byung ste 'chag tu gshegs pa las/ grong khyer ser skya'i sgor mi rgas 'khogs pa mthong ba nas/ de bzhin du dge sbyong chos gos gyon cing 'gro ba'i bar du mthong nas phyir pho brang du phyin te/ bu mo dang slas rnams kyi lus dang gzugs la keng rus dang 'dra bar mthong ba dang| pho brang yang dur khrod dang tha mi dad par mthong nas/ khyim la skyo bar gyur te nam gyi gung la khab nas byung ste/ drang srong u ta ka dang / a la tsa la sogs pa'i gan du phyin nas de dag las rnam shes mtha' yas skye mched steng dang / 'du shes med 'du shes med min skye mched dag bshad pa thos so/ /thos nas skye mched la yongs su brtags na mi rtag pa dang / sdug bsngal </font><hr>Ka506a<br><font size=+1>


@#/ /ba dang / yongs su ma dag pa dang / bdag med pa yin par rtogs nas de spangs te shing drung na lo drug gi bar du dka' ba spyod pa dang / de ltar dka' ba spyod kyang bla na med pa yang dag par rdzogs pa'i byang chub tu mngon par sangs ma rgyas te/ de nas yang chu bo dga' skyed ces bya ba'i nang du khrus byas nas gnag rdzi mos 'o ma'i 'jams phul ba bzhes pa dang / bzhes nas byang chub kyi shing drung du gshegs te bdud sdig to can btul nas/ bla na med pa yang dag par rdzogs pa'i byang chub tu mngon par sangs rgyas nas wA ra NA sir dge slong sde lnga la thog ma chos kyi 'khor lo bskor ba nas/ grong khyer rtswa mchog 'dir yongs su mya ngan las 'das pa'i bar du de lta bur lta ba ni nyan thos dang rang sangs rgyas dag log par lta ba zhes bya'o/ /rigs kyi bu/ byang chub sems dpa' sems dpa' chen po mya ngan las 'das pa chen po'i mdo sde 'di mnyan cing gzungs su bzung na/ lta ba gong ma de dag kun sel bar 'gyur ro/ /gal te yi ger bris shing klog gam/ 'don tam/ khong du chud par byed dam/ gzhan la rgyas par ston tam/ don yid la byed na shes rab yang dag pa thob par 'gyur te/ log par lta ba med par 'gyur ro/ /rigs kyi bu/ byang chub sems dpa' sems dpa' chen po mya </font><hr>Ka506b<br><font size=+1>


ngan las 'das pa chen po'i mdo 'di la nan tan byas na/ byang chub sems dpas bskal pa tshad med pa'i bar du dga' ldan gyi gnas nas babs shing yum gyi lhums nas bltams pa nas/ grong khyer rtswa mchog tu yongs su mya ngan las ma 'das pa'i bar du rtogs pa ni byang chub sems dpa' sems dpa' chen po yang dag par lta ba zhes bya'o/ /de bzhin gshegs pas dgongs te gsungs pa'i don zab mo shes pa zhes bya ba ni/ 'di lta ste/ yongs su mya ngan las 'das pa chen po 'di las ngas sems can thams cad la sangs rgyas kyi rang bzhin yod pas phas pham pa bzhi nyams pa mthol bar byed pa dang / dam pa'i chos la skur pa'i sems bsal ba dang / mtshams med pa lnga'i kha na ma tho ba ma lus par byed pa dang / log sred can gyi sems med par byas nas de'i 'og tu bla na med pa yang dag par rdzogs pa'i byang chub tu mngon par rdzogs par 'tshang rgya ba ni dgongs te gsungs pa'i don zab mo zhes bya'o/ / rigs kyi bu/ gzhan yang ji ltar na don shin tu zab mo zhe na/ sems can la yang dag par bdag med par shes kyang ma 'ongs pa'i las kyi 'bras bu rnam par smin pa med par mi 'gyur ba yid ches pa dang / phung po lnga 'di nyid du ma lus par 'gog par shes mod kyi/ dge ba dang sdig pa'i las rnams kyang med par mi 'gyur bar shes pa dang / las rnam pa mang po </font><hr>Ka507a<br><font size=+1>


@#/ /yod mod kyi/ byed pa po dmigs su med pa dang / phyin pa'i gnas yod mod kyi/ 'gro ba med pa dang / 'ching ba yod mod kyi/ bcings pa med pa dang / mya ngan las 'das pa yod mod kyi/ 'gog pa med par shes pa ste/ de ni dgongs te gsungs pa'i don zab mo zhes bya'o/ /de nas byang chub sems dpa' sems dpa' chen po kun du snang ba mtho btsun dpal gyi rgyal pos bcom ldan 'das la 'di skad ces gsol to/ /bcom ldan 'das bdag gis 'tshal ba ltar na/ bcom ldan 'das kyis ma thos pa thos par 'gyur ba zhes bgyi ba'i don de lta ma lags so/ /de ci'i slad du zhe na/ gal te mchis pa zhig lags na ni nges par mchis pa'i chos can no/ /gal te ma mchis na'ang nges par ma mchis pa'i chos can lags na/ ma mchis pa ni skye ba'ang mi rigs/ mchis pa ni 'gog pa'ang mi rigs te/ ji ltar thos pa de'ang thos pa zhes bgyis la/ gang ma thos pa'ang ma thos pa lags na/ ci'i slad du ma thos pa thos par 'gyur ro zhes gsungs/ bcom ldan 'das/ gang mi thos pa ni thos pa'ang mi rigs/ gang sngar thos pa ni gdod thos par mi 'gyur ro/ / de ci'i slad du zhe na/ sngar thos lags pa'i phyir ro/ /de bas na ci'i slad du ma thos pa thos par 'gyur ro zhes gsungs/ dper na/ 'gro ba ni phyin lags na mi 'gro'o/ /'gro na phyin pa </font><hr>Ka507b<br><font size=+1>


ma lags so/ /gzhan yang / dper na/ skyes nas mi skye ste/ mi skye ba ni skye bar mi 'gyur/ thob nas mi thob ste/ mi thob pa ni thob par mi 'gyur ro/ thos nas mi thos te/ mi thos pa ni thos par mi 'gyur ba'ang de bzhin no/ /bcom ldan 'das/ gal te mi thos pa thos par gyur na/ sems can thams cad byang chub ma mchis pa'ang mchis par 'gyur ba'i rigs/ mya ngan las 'das pa ma thob pa'ang thob pa'i rigs/ sangs rgyas kyi rang bzhin ma mthong ba'ang sangs rgyas kyi rang bzhin mthong ba'i rigs na/ ci'i slad du'ang 'di skad ces byang chub sems dpa' sa bcu la gnas pa ni sangs rgyas kyi rang bzhin mthong mod kyi/ mngon du gsal bar ma gyur to zhes gsungs/ bcom ldan 'das/ gal te ma thos pa thos par 'gyur na/ de bzhin gshegs pas sngon su las gsan| gal te gsan pa zhig lags na/ ci'i slad du de bzhin gshegs pas lung las ston pa med do zhes gsungs/ gal te ma thos pa thos pas de bzhin gshegs pa bla na med pa yang dag par rdzogs pa'i byang chub thob par 'gyur ba lags na/ sems can thams cad kyang ma thos pa thos pas de dag kyang bla na med pa yang dag par rdzogs pa'i byang chub thob pa'i rigs so/ /de bzhin gshegs pas gal te mya ngan las 'das pa chen po'i mdo 'di ma thos par sangs rgyas kyi rang bzhin mthong bar gyur na/ sems can thams cad kyang mdo sde 'di ma thos pa lags te/ </font><hr>Ka508a<br><font size=+1>


@#/ /sangs rgyas kyi rang bzhin mthong ba'i rigs so/ /bcom ldan 'das/ gzugs kha cig ni mthong / kha cig ni mi mthong / sgra'ang de bzhin te/ kha cig ni thos/ kha cig ni mi thos te/ mya ngan las 'das pa chen po ni gzugs ma lags/ sgra ma lags na/ ci'i slad du mthong ngo / /thos so zhes gsungs/ bcom ldan 'das/ 'das pa ni 'gags lags pas mi thos/ ma 'ongs pa ni ma phyin pas mi thos/ da ltar mnyan pa'i tshe ni thos pa zhes mi bgyi ste/ thos nas sgra 'gags pas na thos par mi 'gyur te/ mya ngan las 'das pa chen po 'di'ang 'das pa dang / ma 'ongs pa dang / da ltar ma lags la/ gal te dus gsum ma lags na brjod du mchis/ gal te brjod du ma mchis na thos par yang mi 'gyur na/ ci'i slad du byang chub sems dpa' mya ngan las 'das pa chen po'i mdo sde 'di la nan tan bgyis na ma thos pa thos par 'gyur ro zhes gsungs/ de nas bcom ldan 'das kyis byang chub sems dpa' sems dpa' chen po kun du snang ba mtho btsun dpal gyi rgyal po la \?\ bka' stsal pa/ legs so/ /legs so/ /rigs kyi bu khyod kyis chos thams cad sgyu ma lta bu dang / smig rgyu lta bu dang / dri za'i grong khyer lta bu dang / chu la ri mo bris pa dang / gzhan yang chu'i chu bur dang / dbu ba dang / chu shing lta bur </font><hr>Ka508b<br><font size=+1>


gsob gsog snying po med pa dang / 'tsho ba ma yin/ bdag ma yin/ sdug bsngal dang bde ba med par rtogs pa ni/ ji ltar byang chub sems dpa' sa bcu la gnas pa dag gis shes pa dang mthong ba ltar shin tu rtogs pa legs so/ /de nas 'khor gyi dkyil 'khor de nyid du skad cig yud tsam gyis 'od snang ba chen po sngon po ma yin par sngon por mthong ba/ ser po ma yin par ser por mthong ba/ dmar po ma yin par dmar por mthong ba/ dkar po ma yin par dkar por mthong ba/ kha dog ma yin par kha dog tu mthong ba/ snang ba ma yin par snang bar mthong ba/ mthong ba ma yin par mthong bar gyur pa la mthong ba zhes bya'o/ /de'i tshe 'khor mang po dag la 'od des reg nas lus dang sems rab tu bde ba ni/ ji ltar dge sbyong dag seng ge'i rgyal po'i ting nge 'dzin la zhugs pa bzhin du gyur to/ /de nas byang chub sems dpa' sems dpa' chen po 'jam dpal gyis bcom ldan 'das la 'od zer 'di dag ga las byung zhes gsol to/ /de'i tshe de bzhin gshegs pa cang mi gsungs ste/ ma bshad do/ /byang chub sems dpa' 'od srung gis yang 'jam dpal la ci'i rgyu ci'i rkyen gyis 'od 'di 'khor mang po la snang bar gyur ces dris pa dang / 'jam dpal yang cang mi smra ste/ lan ma btab bo/ /de nas byang chub sems dpa' lus dpag tu med pas yang byang chub sems </font><hr>Ka509a<br><font size=+1>


@#/ /dpa' 'od srung la 'di su'i 'od ces dris so/ /byang chub sems dpa' 'od srung yang cang mi smra ste/ lan ma btab bo/ /byang chub sems dpa' rnam dag gnas pa'i rgyal bus byang chub sems dpa' lus dpag tu med pa la ci'i rgyu ci'i rkyen gyis 'khor mang po'i nang na 'od 'di yod par 'gyur zhes dris pa dang / byang chub sems dpa' lus dpag tu med pa'ang cang mi smra ste/ lan ma btab bo/ /de bzhin du byang chub sems dpa' lnga brgya rnams gcig la gcig de ltar dris mod kyi/ gang gis kyang lan btab pa med do/ /de nas bcom ldan 'das kyis 'jam dpal la bka' stsal pa/ 'jam dpal/ ci'i rgyu ci'i rkyen gyis 'khor mang po 'di dag gi nang na 'od 'di snang bar gyur ces bka' stsal pa dang / 'jam dpal gyis gsol pa/ bcom ldan 'das/ 'od 'di ni ye shes lags te/ ye shes zhes bgyi ba ni rtag tu gnas pa'i chos can no| |rtag tu gnas pa'i chos can la ni rgyu dang rkyen ma mchis na/ ci'i slad du bcom ldan 'das kyis ci'i rgyu ci'i rkyen gyis 'od 'di byung bar gyur zhes bka' stsal/ 'od 'di ni mya ngan las 'das pa chen po zhes bgyi ste/ mya ngan las 'das pa chen po zhes bgyi ba ni rtag tu gnas pa'i chos can lags te/ rtag tu gnas pa'i chos can ni rgyu dang rkyen </font><hr>Ka509b<br><font size=+1>


las ma byung na/ ci'i slad du bcom ldan 'das kyis ci'i rgyu ci'i rkyen gyis 'od 'di yod par gyur ces bka' stsal/ 'od 'di ni de bzhin gshegs pa zhes bgyi ste/ de bzhin gshegs pa zhes bgyi ba ni rtag tu gnas pa'i chos can lags te/ rtag tu gnas pa'i chos can ni rgyu dang rkyen las ma byung na/ ci ste de bzhin gshegs pas rgyu dang rkyen zhes bka' stsal/ 'od 'di ni byams pa dang / snying rje chen po zhes bgyi ste/ byams pa dang snying rje chen po zhes bgyi ba ni rtag tu gnas pa'i chos can lags te/ rtag tu gnas pa'i chos can ni rgyu dang rkyen las ma byung na/ ci'i slad du de bzhin gshegs pas 'od kyi rgyu dang rkyen zhes bka' stsal/ 'od 'di ni sangs rgyas rjes su dran pa zhes bgyi ste/ sangs rgyas rjes su dran pa zhes bgyi ba ni/ rtag tu gnas pa'i chos can lags te/ rtag tu gnas pa'i chos can ni rgyu dang rkyen las ma byung na/ ci'i slad du de bzhin gshegs pas rgyu dang rkyen zhes bka' stsal/ 'od 'di ni nyan thos dang / rang sangs rgyas thams cad dang thun mong ma lags pa'i lam zhes bgyi ste/ nyan thos dang rang sangs rgyas dang thun mong ma lags pa'i lam ni rtag tu gnas pa'i chos can lags te/ rtag tu gnas pa'i chos can ni rgyu dang rkyen las ma byung na/ ci'i slad du de bzhin gshegs pas rgyu dang rkyen zhes bka' stsal/ </font><hr>Ka510a<br><font size=+1>


@#/ /bcom ldan 'das/ rgyu dang rkyen zhes bgyi ba'ang ma mchis so/ /ma rig pa 'gags pa'i rgyu rkyen gyis bla na med pa yang dag par rdzogs pa'i byang chub kyi sgron ma rab tu 'bar bar 'gyur ro/ /bcom ldan 'das kyis bka' stsal pa/ 'jam dpal khyod chos thams cad kyi shin tu zab mo'i don dam pa la ma 'jug par kun rdzob tu brjod cing smros shig /'jam dpal gyis gsol pa/ bcom ldan 'das/ 'di nas shar phyogs su 'jig rten gyi khams gang+gA'i klung nyi shu'i bye ma snyed 'das pa'i pha rol na sangs rgyas kyi zhing mi g.yo ba zhes bgyi ba mchis te/ sangs rgyas de bzhugs pa'i gnas ni chu zheng gab par dpag tshad khri nyis stong ste/ de'i sa gzhi ni rin po che sna bdun sha stag ste/ sa dang / gseg ma med do/ /shin tu mnyam zhing 'jam ste/ sal sul dang / shang shong med do/ /shing rnams ni gser dang / dngul dang / bai DUR+Ya dang / shel dang / rin po che sna bzhi las byas te/ dus thams cad du me tog dang 'bras bu rab tu rgyas so/ /gal te sems can gang me tog gi bsung gis phog na lus dang sems rab tu bde ba ni/ ji ltar dge slong bsam gtan gsum pa la zhugs pa bzhin no/ /de'i kho ra khor yug tu klung chen po sum stong yod de/ de'i </font><hr>Ka510b<br><font size=+1>


chu shin tu bzang la yon tan brgyad dang ldan no/ /gal te sems can gang de'i nang du khrus byas na dga' ba dang bde ba thob pa ni/ ji ltar dge slong dag bsam gtan gnyis pa la zhugs pa dang 'dra'o/ /klung de la me tog ut+pa la dang / pad+ma dang / ku mu ta dang / puN+Da ri ka dang / me tog bsung ldan dang / bsung chen dang / me tog bsung dam pa dang / rtag pa dang / sems can thams cad kyis dbang mi bgyid pa zhes bgyi ba'i me tog rnam pa mang po rnam pa sna tshogs mchis so/ /klung de'i 'gram na'ang me tog rnam pa mang po mchis pa ni/ 'di lta ste/ me tog a ti mug ta ka dang / me tog tsam+pa ka dang / me tog pa ta la dang / me tog ba shi la dang / me tog ma ri ka dang / me tog ma ri ka chen po dang / me tog si ma ri ka dang / me tog su ma na dang / me tog yu de ka dang / me tog dan du ka ri dang / me tog rtag pa dang / sems can thams cad dbang mi bgyid pa zhe bgyi ba'i me tog la sogs pa'o/ /klung de'i gting ni gser gyi bye mas bdal te/ gser dang / dngul dang / bai DUR+Ya dang / shel kha dog rnam pa sna tshogs kyi thang ma skas bzhi mchis te/ bya mang po rnam pa sna tshogs de'i steng na 'du zhing / gzhan yang stag dang / spyang ki dang / seng ge la sogs pa bya dang gcan gzan ma rungs pa tshad med pa snyed mchis te/ gcig la gcig bu </font><hr>Ka511a<br><font size=+1>


@#/ /bzhin du blta'o/ /sangs rgyas kyi zhing de na rtsa ba bzhi nyams pa dang / dam pa'i chos la skur ba dang / log sred can dang / mtshams med pa lnga la sogs pa'i kha na ma tho ba bgyid pa ma mchis so/ /zhing de na grang dro ran te/ bkres pa dang skom pa'i sdug bsngal gyis gdungs pa'ang ma mchis so/ /'dod chags dang / zhe sdang dang / bag med pa dang / phrag dog kyang ma mchis so/ /nyi zla dang / nyin mtshan dang / dus ma mchis te/ ji ltar sum cu rtsa gsum gnam dang mtshungs te/ de'i mi rnams kyang 'od dang ldan no/ /so so na rgyags pa dang dregs pa'i sems ma mchis te/ thams cad kyang byang chub sems dpa' skyes bu chen po mngon par shes pa thob pa/ yon tan chen po 
 
ldan pa/ dam pa'i chos la rim gro dang bsti stang gi sems 'jog pa/ theg pa chen pos bteg pa/ theg pa chen po la dad pa/ theg pa chen po la mos pa/ theg pa chen po la bsrung ba/ shes rab chen po dang ldan pa/ gzungs chen po thob pa/ sems can thams cad la rtag tu snying brtse ba sha stag go /bcom ldan 'das/ de'i mtshan ni zla ba rgyas pa'i 'od ces bgyi ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten rig pa/ bla na </font><hr>Ka511b<br><font size=+1>


med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das bzhugs te/ gang nas gang du chos ston kyang zhing de'i sems can dag gis mi thos pa gcig kyang ma mchis so/ /sangs rgyas de byang chub sems dpa' sems dpa' chen po bai DUR+Ya'i 'od ces bgyi ba la 'di ltar mya ngan las 'das pa chen po'i mdo 'di ston to/ /bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen po gang mya ngan las 'das pa chen po'i mdo la nan tan byas na/ sngon ma thos pa kun thos par 'gyur ro zhes ston to/ /byang chub sems dpa' sems dpa' chen po bai DUR+Ya'i 'od ces bgyi ba de sangs rgyas zla ba rgyas pa'i 'od de la zhu ba'ang ji ltar na/ 'di nyid na byang chub sems dpa' sems dpa' chen po kun tu snang ba mtho btsun dpal gyi rgyal pos zhus pa dang 'dra ste tha dad pa ma mchis so/ /sangs rgyas zla ba rgyas pa'i 'od des byang chub sems dpa' bai DUR+Ya'i 'od la bka' stsal pa/ rigs kyi bu/ 'di nas nub phyogs su sangs rgyas kyi zhing gang+gA'i klung nyi shu'i bye ma snyed 'das pa na 'jig rten gyi khams mi mjed ces bya ba yod do/ /'jig rten gyi khams de na ri dang / brag dang / cong rong dang / khrad khrod dang / gseg ma dang / tsher ma ma rungs pas kun tu yongs su gang ste/ rtag tu </font><hr>Ka512a<br><font size=+1>


@#/ /bkres pa dang / skom pa dang / grang ba dang / tsha ba'i sdug bsngal gyis rnam par gzir to/ zhing de'i mi dag dge sbyong dang / bram ze dang / pha ma dang / slob dpon dang / bla ma la bkur sti mi byed de/ chos ma yin pa la zhen pa dang / chos ma yin pa la 'dod cing chags pa dang / log pa'i chos spyod pa dang / dam pa'i chos la yid mi ches pa dang / tshe'i tshad rab tu thung ba dang / nyes pa byed pa dag yod na rgyal pos chad pas gcod pa dang / rgyal po dag yul dang srid yod bzhin du chog cing ngoms mi shes te/ gzhan gyi bdog pa la 'dod pa'i sems bskyed nas/ dmag gis btab pas glo bur du shi ba mang ngo / /rgyal pos de ltar chos ma yin pa spyod pas rgyal chen bzhi'i lha dge ba dag mi dga' bas than chen byung ba dang / nas 'bras mi skye ba dang / mi nad mang ba dang / sdug bsngal tshad med pa mang pos gdungs pa de ni/ bcom ldan 'das shAkya thub pa zhes bya ba de bzhin gshegs pa dgra bcom pa yang dag par rdzogs pa mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das thugs rje chen po lhag par che bas/ sems can la thugs brtse ba'i phyir grong khyer rtswa mchog </font><hr>Ka512b<br><font size=+1>


tu sA la'i shing drung na 'khor mang po rnams la mya ngan las 'das pa chen po'i mdo sde 'di ston to/ /de nas byang chub sems dpa' kun tu snang ba mtho btsun dpal gyi rgyal po zhes bya ba'ang 'di nyid la brtsams nas zhus te/ khyod dang tha dad pa med do/ /bcom ldan 'das des kyang 'di bzhin du bka' stsal gyi/ khyed myur du song zhig dang / thos par 'gyur zhes gsung ngo / /bcom ldan 'das/ byang chub sems dpa' bai DUR+Ya'i 'od kyis dngos po de lta bu dag thos nas byang chub sems dpa' sems dpa' chen po brgyad khri bzhi stod dang bcas te/ 'dir mchi bas snga ltas 'di byung ste/ de'i rgyu de'i rkyen gyis 'od 'di mchis par gyur to/ /de ni rgyu dang rkyen zhes kyang bgyi ste/ rgyu dang rkyen kyang ma lags so/ /de nas byang chub sems dpa' bai DUR+Ya'i 'od kyis byang chub sems dpa' brgyad khri bzhi stong dang bcas te/ ba dan dang / gdugs dang / me tog dang / spos dang / phreng ba dang / rol mo rnams snga ma bas phul du byung ba mang po rnam pa sna tshogs bshams te/ thams cad grong khyer rtswa mchog tu sA la'i shing drung 'dir lhags nas so so nas so so nas mchod pa'i yo byad kyis bcom ldan 'das la mchod pa byas te/ bcom ldan 'das kyi zhabs la phyag btsal nas thal mo sbyar te bsti stang dang bcas pas lan gsum bskor nas mchod pa byas te/ phyogs gcig </font><hr>Ka513a<br><font size=+1>


@#/ /tu 'khod do/ /de nas bcom ldan 'das kyis byang chub sems dpa' de dag la bka' stsal pa/ rigs kyi bu khyed 'dir phyin pa yin na/ ma phyin pa yin/ byang chub sems dpa' bai DUR+Ya'i 'od kyis gsol pa/ bcom ldan 'das/ phyin pa'ang 'ong ba ma mchis la/ ma phyin pa'ang 'ongs pa ma mchis te/ bdag gis don de rtogs pas ci'ang 'ongs pa ma mchis so/ /bcom ldan 'das/ 'du byed thams cad gal te rtag na'ang 'ong ba ma mchis la/ mi rtag pa lags na'ang 'ong ba ma mchis te/ so so'i skye bo dag gang sems can gyi rang bzhin mchis par lta ba ni 'ong ba dang / mi 'ong ba ma mchis so/ /bdag gis ni sems can gyi rang bzhin du nges pa ma mthong na/ ci'i slad du 'ongs sam/ ma 'ongs zhes bka' stsal/ gang nga rgyal can dag ni song ba dang / 'ong ba ma mchis par mthong gi /nga rgyal ma mchis pa la ni song ba dang / 'ong ba ma mchis so/ /gang len pa dang bcas pa ni song ba dang / 'ong ba ma mchis par mthong gi /len pa ma mchis pa la ni song ba dang / 'ong ba ma mchis so/ gang de bzhin gshegs pa mtha' yun du mya ngan las 'da' bar mthong ba ni song ba dang / 'ong ba mchis par mthong gi /de bzhin gshegs pa mtha' yun du mya ngan las </font><hr>Ka513b<br><font size=+1>


'das par mi lta ba la ni song ba dang / 'ong ba ma mchis par blta'o/ /gang sangs rgyas kyi rang bzhin ma mthong ba la ni 'ong ba dang / song ba mchis pa mthong gi /sangs rgyas kyi rang bzhin mthong ba la ni 'ong ba dang / song ba ma mchis so/ /gang nyan thos dang rang sangs rgyas mya ngan las 'das pa mchis par mthong ba ni song ba dang / 'ong ba mchis kyi/ nyan thos dang rang sangs rgyas mya ngan las 'da' bar mi mthong ba la ni song ba dang / 'ong ba ma mchis so/ /gang nyan thos dang rang sangs rgyas la rtag pa dang / bde ba dang / bdag dang| yongs su dag pa mchis par lta ba la ni song ba dang / 'ong ba mchis kyi/ de ltar mi lta ba la ni song ba dang / 'ong ba ma mchis so/ /gang de bzhin gshegs pa la rtag pa dang| bde ba dang / bdag dang / yongs su dag pa ma mchis par lta ba la ni song ba dang / 'ong ba mchis kyi/ gang de bzhin gshegs pa la rtag pa dang / bde ba dang / bdag dang / yongs su dag pa mchis par lta ba la ni song ba dang / 'ong ba ma mchis so/ /bcom ldan 'das/ 'di'ang re zhig bzhag ste/ phyogs gcig tsam zhu na thugs brtse ba'i slad du go skabs dbye bar gsol/ bcom ldan 'das kyis bka' stsal pa/ rigs kyi bu/ da dus la bab kyi/ ci dang ci 'dod pa dris shig dang / de dang de'i lung ngas rnam par phye </font><hr>Ka514a<br><font size=+1>


@#/ /ste bstan par bya'o/ /de ci'i phyir zhe na/ sangs rgyas bcom ldan 'das rnams ni shin tu phrad dka' ste/ ji ltar me tog u dum wA ra bzhin no/ / chos kyang de ltar thos dka'o/ /mdo sde bcu gnyis kyi nang na shin tu rgyas par thos pa'ang shin tu dka' bas na sems rtse gcig tu mnyan par bya'o/ /de nas byang chub sems dpa' sems dpa' chen po bai DUR+Ya'i 'od kyis skabs dbye ba gnang ba dang / bkas ston par 'gyur bar shes nas bcom ldan 'das la 'di skad ces gsol to/ /bcom ldan 'das/ ji ltar na byang chub sems dpa' sems dpa' chen po gang mya ngan las 'das pa chen po'i mdo sde 'di sgom na ma thos pa thos par 'gyur/ de nas bcom ldan 'das kyis legs so/ / legs so zhes bya ba byin no/ /rigs kyi bu khyod deng 'di ltar theg pa chen po mya ngan las 'das pa'i rgya mtsho ma lus par bya'o snyam bsams pa dang / ngas shin tu bstan cing / ston mkhas pa dang yang phrad kyi/ deng khyod kyi the tshom gyi dra ba dang zug rngu ci dang ci yod pa de dag thams cad sman pa chen por gyur pa ngas legs par dbyung ngo / /khyod ni sangs rgyas kyi rang bzhin la gsal bar ma gyur te/ nga'i shes rab kyi sgron mas snang bar bya'o/ /khyod 'khor ba'i klung chen po la brgyal bar 'dod na khyod kyi ded dpon du 'gyur bar bya'o/ /nga la khyod pha ma'i </font><hr>Ka514b<br><font size=+1>


'du shes skyed cig dang / ngas khyod la'ang bu dang 'dra bar dgongs so/ /khyod dam ba'i chos kyi rin po che 'dod pa dang / nga la mang du yod pa dang phrad pas khyod la sbyin gyi/ rab tu yid la byas te brtags par nyon cig /ngas rnam par phye ste bstan par bya'o/ /rigs kyi bu/ chos nyan par 'dod na da ltar dus la bab bo/ /gal te chos thos na dad pa skye ste/ sems rtse gcig tu nyon la bsti stang dang / rim gro gyis shig /dam pa'i chos la skyon ma tshol cig /'dod chags dang / zhe sdang dang / gti mug la ma sems shig /chos smra ba'i tshig bzang ngan la ma rtog cig /chos thos nas nga rgyal ma skyed cig /bkur sti dang / rnyed pa dang / grags pa'i phyir ma byed par 'jig rten las 'das pa'i chos kyi zil mngar gyi khe tshol cig |yang 'di snyam du bdag chos thos nas sngar bdag gi lus bsgral te gzod gzhan sgrol lo snyam du ma sems shig /sngar bdag gi lus bkrol te bzod gzhan bkrol la snyam ma sems shig /sngar bdag gi lus bde bar reg ste gzod gzhan la bde bar bya'o snyam ma sems shig /sngar bdag mya ngan las 'das nas gzod gzhan mya ngan las 'da'o snyam ma sems par sangs rgyas dang / chos dang / dge 'dun la mtshan nyid mnyam par 'du shes skyed cig /'khor ba la sdug bsngal chen po'i mtshan nyid du 'du shes skyed cig /mya ngan </font><hr>Ka515a<br><font size=+1>


@#/ /las 'das pa chen po la rtag pa dang / bde ba dang / bdag dang / yongs su dag par 'du shes bskyed de/ sngar gzhan gyi don byas la gdod bdag gi don bya'o| |theg pa chen po'i phyir gyi/ theg pa gnyis kyi phyir ma yin no/ /chos thams cad gnas pa med pa la chos thams cad kyi mtshan nyid du ma 'dzin cig /chos thams cad la 'dod pa'i mtshan nyid ma bskyed par rtag tu chos shes pa dang mthong ba'i mtshan nyid bskyed par bya'o/ /rigs kyi bu khyod de ltar sems rtse gcig tu chos mnyan na de ni ma thos pa thos par 'gyur ba zhes bya'o/ /rigs kyi bu/ ma thos pa thos pa yod do/ /ma thos pa mi thos pa yod do/ /thos pa mi thos pa'ang yod do/ /thos pa thos pa'ang yod do/ /rigs kyi bu/ ji ltar mi skye ba skye ba dang / ma skyes pa mi skye ba dang / skye ba mi skye ba dang / skye ba skyes pa bzhin no/ /ji ltar ma phyin pa phyin pa dang / ma phyin pa mi phyin pa dang / phyin pa phyin pa bzhin no/ /bcom ldan 'das/ ji ltar na mi skye ba skye ba zhe na/ rigs kyi bu/ kun rdzob la gnas pa thog ma mngal nas byung ba'i tshe ni mi skye ba skye ba zhes bya'o/ /ji ltar ma skyes pa mi skye ba zhe na/ rigs kyi bu/ mya ngan las 'das pa chen po ni skye ba'i mtshan nyid med de/ ma skyes pa mi skye ba zhes bya'o/ /ji ltar na skye ba mi skye ba zhe na/ rigs kyi </font><hr>Ka515b<br><font size=+1>


bu| kun rdzob ltar shi ba'i tshe ni skye ba mi skye ba zhes bya'o/ /ji ltar na skye ba skyes pa zhe na/ rigs kyi bu/ so so'i skye bo thams cad ni skye ba skyes pa zhes bya'o/ /de ci'i phyir zhe na/ skye ba skyes pa rgyun mi 'chad pa'i phyir/ zag pa dang bcas pa thams cad skad cig skad cig gis skye ba'i phyir skye ba skyes pa zhes bya'o/ /byang chub sems dpa' sa bzhi pa ni skye ba mi skye ba zhes bya'o/ /de ci'i phyir zhe na/ skye ba la dbang thob pa'i phyir skye ba mi skye ba zhes bya'o/ /rigs kyi bu/ 'di dag ni nang gi chos so/ /ji ltar phyi rol gyi chos mi skye ba skye ba dang / ma skyes pa mi skye ba dang / skye ba ma skyes pa dang / skye ba skyes pa zhe na/ rigs kyi bu/ dper na/ sa bon ni myu gu ma skyes pa'i tshe chen po bzhi 'dus shing tshogs pa dang / las su byas pas gzod skye bar 'gyur te/ de ni mi skye ba skye ba zhes bya'o/ /ji ltar ma skyes pa mi skye ba zhe na/ dper na/ sa bon rul pa'am/ rkyen dang ma phrad pa de lta bu la sogs pa ni ma skyes pa mi skye ba zhes bya'o/ /ji ltar skye ba ma skyes pa zhe na/ dper na/ myu gu skyes nas tshad du phyin par ma skyes pa ni skye ba ma skyes pa zhes bya'o/ /ji ltar skye ba skyes pa zhe na/ myu gu las tshad du phyin pa skyes pa bzhin te/ gang skye ba ma skyes pa la ni tshad du phyin par skye ba med de/ de ltar zag pa dang bcas pa thams cad ni phyi rol gyi chos skye ba skyes pa zhes bya'o/ /de nas byang </font><hr>Ka516a<br><font size=+1>


@#/ /chub sems dpa' sems dpa' chen po bai DUR+Ya'i 'od kyis/ bcom ldan 'das la 'di skad ces gsol to/ /bcom ldan 'das/ gal te zag pa dang bcas pa'i chos la skye ba mchis na rtag pa lags sam/ mi rtag pa lags/ skye ba de rtag pa lags na/ zag pa dang bcas pa'i chos la skye ba ma mchis so/ /gal te skye ba de mi rtag na/ zag pa dang bcas pa de mi rtag par 'gyur ro/ /bcom ldan 'das/ skye ba nyid kyis skye ba skyed do zhes bgyir ni skye ba la mtshan nyid ma mchis so/ /gal te gzhan gyis skye bar nus na/ ci'i rgyu ci'i rkyen gyis zag pa med pa mi skye ste/ bcom ldan 'das/ gal te ma skyes pa'i tshe skye ba ma mchis na/ ci ste gzod skye ba zhes gdags/ ma skyes pa'i tshe skye ba ma mchis na/ ci'i slad du nam mkha' la skye ba'o zhes ma gsungs/ bcom ldan 'das kyis bka' stsal pa/ legs so/ /legs so/ /rigs kyi bu/ mi skye ba skye ba'ang brjod du med/ skye ba skyes pa'ang brjod du med/ skye ba ma skyes pa'ang brjod du med/ ma skyes pa mi skye ba'ang brjod du med/ skyes pa'ang brjod du med/ mi skyes pa'ang brjod du med de/ 'on kyang rgyu dang rkyen gyis brjod du'ang rung ngo / /ji ltar na mi skye ba skye ba brjod du med pa zhe na/ ma skyes pa la skye ba zhes ji skad du brjod/ de ci'i phyir zhe na/ de'ang </font><hr>Ka516b<br><font size=+1>


skye ba'i phyir ro/ /ji ltar skye ba skyes pa brjod du med pa zhe na/ skye ba skyes pa'i phyir skye la/ skye ba skyes pa'i phyir ma skyes pas na brjod du med pa'o/ /ji ltar skye ba ma skyes pa brjod du med pa zhe na/ skye ba nyid la skyes pa zhes bya ba ste/ skye ba nyid skye ba ma yin pa'i phyir brjod du med do/ /ji ltar na ma skyes pa mi skye ba'ang brjod du med pa zhe na/ ma skyes pa de ni mya ngan las 'das pa zhes bya ste/ mya ngan las 'das pa ni skye ba med pa'i phyir brjod du med do/ /de ci'i phyir zhe na/ lam bsgoms pas thob pa'i phyir ro/ /skyes pa'ang brjod du med de/ skye ba de nyid skye ba med pa'i phyir ro/ /ji ltar ma skyes pa brjod du med pa zhe na/ thob pa yod pa'i phyir ro/ /ji ltar rgyu dang rkyen gyis brjod du'ang rung ba zhe na/ rten cing 'brel te 'byung ba'i chos bcu gnyis ni skye bas rgyur 'gyur te/ don de lta bas na brjod du'ang rung ngo / /rigs kyi bu khyod stong pa'i ting nge 'dzin shin tu zab mor ma 'jug cig /de ci'i phyir zhe na/ 'khor mang po dag dbang po brtul pa'i phyir ro/ /rigs kyi bu/ 'dus byas kyi chos ni/ skye ba'ang rtag pa yin no/ /mi rtag pa la gnas pa tsam skye ba'ang mi rtag pa yin no/ /gnas pa'ang rtag pa ma yin te/ skye ba skyes pa'i phyir gnas pa'ang mi rtag pa'o/ /tha dad pa'ang rtag pa ma yin te/ chos la rtag pa med pas na tha dad pa'ang mi </font><hr>Ka517a<br><font size=+1>


@#/ /rtag pa'o/ /'jig pa'ang rtag pa yin te/ thog ma nas med la da ltar yod pa'i phyir 'jig pa'ang mi rtag pa'o/ /rigs kyi bu/ rang bzhin gyi phyir ni skye ba dang / gnas pa dang / tha dad pa dang / 'jig pa'ang rtag pa yin te/ skad cig skad cig mar 'gog pa'i phyir rtag pa zhes brjod du'ang mi rung ngo / /mya ngan las 'das pa chen po ni chad pa dang 'gog pa yin pas mi rtag pa zhes bya'o/ /rigs kyi bu/ zag pa dang bcas pa'i chos ni ma skyes pa na skye ba'i rang bzhin yod pa'i phyir bskyed pas skye bar 'gyur ro/ /zag pa med pa'i chos ni thog ma nas skye ba'i rang bzhin med pa'i phyir bskyed pas skye bar mi nus so/ /ji ltar me'i rang bzhin yod pas rkyen dang phrad nas 'bar ba dang / mig la mthong ba'i rang bzhin yod pas/ gzugs dang / snang ba dang / rnam par shes pa'i rkyen gyis mthong ba ltar sems can gyi skye ba'i chos kyang de dang 'dra ste/ thog ma nas rang bzhin yod pas las kyi rgyu rkyen dang / pha ma 'dus pa las skye ba yod par gyur to/ /de nas byang chub sems dpa' sems dpa' chen po bai DUR+Ya'i 'od dang / byang chub sems dpa' sems dpa' chen po brgyad khri bzhi stong snyed kyis chos de dag thos nas/ steng gi nam mkha' la shing ta la bdun srid du 'phags te/ bsti stang du </font><hr>Ka517b<br><font size=+1>


thal mo sbyar nas/ bcom ldan 'das la 'di skad ces gsol to/ /bcom ldan 'das de bzhin gshegs pas bdag cag la yang nas yang bstan cing / mya ngan las 'das pa chen po 'di'i rkyen gyis sngon chad ma thos pa thos pa dang / rtogs par gyur te/ byang chub sems dpa' brgyad khri bzhi stong yang chos thams cad kyi mi skye ba skye ba la sogs pa shin tu rtogs par gyur to/ /bcom ldan 'das/ bdag ni thams cad rtogs te/ the tshom gyi dra ba chod kyang / 'khor gyi dkyil 'khor 'di'i nang na byang chub sems dpa' 'jigs pa med pa zhes bgyi ba zhig gsol zhing zhu bar 'tshal na/ bcom ldan 'das kyis gnang zhing skabs dbye bar gsol/ de nas bcom ldan 'das kyis byang chub sems dpa' 'jigs pa med pa la bka' stsal pa/ rigs kyi bu/ ci dang ci 'dod pa dris shig dang / ngas de dang de'i lung bstan cing bshad par bya'o/ /de nas byang chub sems dpa' 'jigs pa med pa 'khor byang chub sems dpa' drug khri bzhi stong rnams dang gcig car 'dug pa bstan las langs nas gos tshags bcos te/ pus mo sa la btsugs nas thal mo sbyar te/ bcom ldan 'das la 'di skad ces gsol to /bcom ldan 'das/ zhing 'di'i sems can dag la ci zhig bgyis na/ mi g.yo ba'i 'jig rten gyi khams su skye bar </font><hr>Ka518a<br><font size=+1>


@#/ /'gyur| zhing de'i byang chub sems dpa' dag ni ci'i slad du shes rab dang ldan zhing mi'i nang na bal glang gi rgyal po lta bur gzi brjid che ba dang / rnal 'byor du spyod pa dang ldan zhing shes rab rno zhing myur te thos ma thag tu rtogs par 'gyur/ de nas bcom ldan 'das kyis tshigs su bcad de bka' stsal pa/ sems can srog dag mi gcod cing / /tshul khrims sdom pa rab bsdams te/ /sangs rgyas dam pa'i bka' spyod na/ /mi g.yo zhing der skye bar 'gyur/ /gzhan gyi nor dag mi 'phrog cing / / rtag tu kun la sbyin byed de/ dge 'dun mgron pa'i gnas 'cha' na/ /mi g.yo zhing der skye bar 'gyur/ /gzhan gyi bud med mi tshol zhing / /bdag gi chung mas chog shes la/ /mal cha tshul khrims srung byed na/ /mi g.yo zhing der skye bar 'gyur/ /bdag dang gzhan gyi khe tshol phyir/ /sdigs mos skrag par mi byed cing / /ngag sdom rdzun du mi smra na/ /mi g.yo zhing der skye bar 'gyur/ /dge ba'i bshes dang mi 'bral zhing / /sdig pa'i grogs po rab spangs te/ /rtag tu 'dum pa'i tshig smra na/ /mi g.yo zhing der skye bar 'gyur/ /ji ltar byang chub sems dpa' ltar/ /rtag tu tshig rtsub spangs pas na/ /smras pa thos par dga' ba ni/ /mi g.yo zhing der skye bar 'gyur/ /bzhad gad rtsed </font><hr>Ka518b<br><font size=+1>


mo'i bar du yang / /dus ma yin pa'i tshig mi smra/ /dus la bab par smra ba ni/ /mi g.yo zhing der skye bar 'gyur/ /gzhan gyi khe dang rnyed mthong na/ /rab tu dga' ba'i sems bskyed de/ /phrag dog ma dud par mi 'dzin na/ /mi g.yo zhing der skye bar 'gyur/ /sems can dag la mi 'tshe zhing / /rtag tu byams pa'i sems bskyed de/ /thabs kyis sdig pa mi skyed na/ /mi g.yo zhing der skye bar 'gyur/ /sbyin dang pha ma med pa dang / /'das dang ma 'ongs med pa yi/ /ngan par lta ba mi skyed na/ mi g.yo zhing der skye bar 'gyur/ /lam dgon khron pa chu 'byin cing / /bza' shing mang po dag bskyed de/ /slong ba dag la zas byin na/ /mi g.yo zhing der skye bar 'gyur/ /sangs rgyas chos dang dge 'dun la/ /spos sam mar me gcig tsam mam/ /me tog gcig tsam mchod byas na/ /mi g.yo zhing der skye bar 'gyur/ /'jigs pa dang ni khe bkur dang / /bsod nams yon tan tshol ba'i phyir/ mdo 'di'i tshigs bcad gcig bris na/ /mi g.yo zhing der skye bar 'gyur/ /gang zhig mang po'i bsod nams dang / /phan pa'i don du nyin gcig tsam/ /mdo sde dam pa 'di bklags na/ /mi g.yo zhing der skye bar 'gyur/ /bla na med pa'i lam gyi phyir/ /nyin zhag gcig tsam gyi bar du/ /tshul khrims sdom pa brgyad mnos na/ /mi g.yo zhing der skye bar 'gyur/ /tshul khrims rtsa ba </font><hr>Ka519a<br><font size=+1>


@#/ /bshig pa dang / /rgyas pa'i mdo sde skur pa dang / /lhan cig gcig tu mi gnas na/ /mi g.yo zhing der skye bar 'gyur/ /gal te nad kyis gdungs pa la/ / shing tog 'bru gcig sbyin byed cing / /dga' ba'i sems kyis g.yog byas na/ /mi g.yo zhing der skye bar 'gyur/ /dge 'dun nor la mi spyod cing / /sangs rgyas dkor dag rab bsrung ste/ /sangs rgyas dge 'dun gnas phyags na/ /mi g.yo zhing der skye bar 'gyur/ /rtag tu dga' ba'i sems bskyed de/ /sangs rgyas gzugs sam rten yang rung / /mthe bong tsam zhig gang byas pa/ /mi g.yo zhing der skye bar 'gyur/ /gal te mdo sde 'di yi phyir/ /bdag gi lus dang rin chen dbyig /chos smra ba la sbyin byed na/ /mi g.yo zhing der skye bar 'gyur/ /bcom ldan gsang ba'i snying po dag /nyan tam yi ger bris nas ni/ /'dzin cing klog gam 'don pa ni/ /mi g.yo zhing der skye bar 'gyur/ /de nas byang chub sems dpa' sems dpa' chen po 'jigs pa med pas bcom ldan 'das la 'di skad ces gsol to/ /bcom ldan 'das/ bdag gis deng las ci dang ci byas pa'i rkyen gyis mi g.yo ba'i zhing der skye bar 'gyur bar rtogs par gyur to /byang chub sems dpa' sems dpa' chen po kun tu snang ba mtho btsun dpal gyi rgyal pos 'gro ba mang po la </font><hr>Ka519b<br><font size=+1>


snying brtse ba'i slad du zhus te/ de bzhin gshegs pas rnam par phye zhing bstan pas/ lha dang / mi dang / lha ma yin dang / dri za dang / nam mkha' lding dang / mi'am ci dang / lto 'phye chen po la sogs pa thams cad la'ang phan pa'i don du gyur to/ /de nas bcom ldan 'das kyis byang chub sems dpa' sems dpa' chen po kun tu snang ba mtho btsun dpal gyi rgyal po la bka' stsal pa/ legs so/ /legs so/ /rigs kyi bu khyod shin tu yid la byas te/ legs par nyon cig dang / ngas khyod la rgyu dang rkyen gang gis ma phyin par mi phyin pa dang / rgyu dang rkyen gang gis mi phyin par phyin pa dang / rgyu dang rkyen gang gis phyin par mi phyin pa dang / rgyu dang rkyen gang gis phyin par phyin pa dag rnam par dgrol zhing bshad par bya'o/ /ci'i rgyu ci'i rkyen gyis ma phyin par mi phyin pa zhe na/ rigs kyi bu/ mi phyin pa zhes bya ba ni mya ngan las 'das pa chen po ste/ so so'i skye bo dag ma phyin pa ni 'dod chags dang / zhe sdang dang / gti mug dang bcas pas lus kyi las dang / ngag gi las yongs su ma dag ste/ ma brtags pa'i dngos po thams cad 'chang zhing rtsa ba bzhi nyams pa dang / shin tu rgyas pa'i mdo sde la skur pa dang / log sred can gyi las byed pa dang / mtshams med pa lnga'i kha na ma tho ba'i las byed pa'i phyir ma phyin par mi phyin </font><hr>Ka520a<br><font size=+1>


@#/ /pa zhes bya'o/ /rigs kyi bu/ ci'i rgyu ci'i rkyen gyis mi phyin par phyin pa zhe na/ mi phyin par phyin pa zhes bya ba ni mya ngan las 'das pa chen po ste/ don ji lta bu zhig gis phyin ce na/ 'dod chags dang / zhe sdang dang / gti mug dang / lus dang / ngag gi las ngan par spyod pa yongs su spangs te/ ma brtags pa'i dngos po mi 'chang ba dang / rtsa ba bzhi mi nyams pa dang / shin tu rgyas pa'i mdo sde la mi skur ba dang / log sred can gyi las mi byed pa dang / mtshams med pa lnga'i kha na ma tho ba'i las mi byed pa ste/ don de lta bas na mi phyin par phyin pa zhes bya'o/ /rgyun du zhugs pa ni bskal pa brgyad khris phyin to/ /lan gcig phyir ldog pa ni bskal pa drug khris phyin to| |phyir mi ldog pa ni bskal pa bzhi khris phyin to/ /dgra bcom pa ni bskal pa nyi khris phyin to/ /rang sangs rgyas ni bskal pa stong phrag bcus phyin to/ /don de'i phyir mi phyin par phyin pa zhes bya'o/ /rigs kyi bu/ ci'i rgyu ci'i rkyen gyis phyin par mi phyin pa zhe na/ phyin pa zhes bya ba ni srid pa nyi shu rtsa lnga ste/ sems can thams cad rtag tu nyon mongs pa tshad med pa snyed kyis bcings te/ kun nas glags pas yang nas yang du 'khor ba ni/ ji ltar 'khor lo 'khor ba bzhin du spong mi nus te/ de ni phyin pa zhes bya ba'o/ /nyan thos dang / rang </font><hr>Ka520b<br><font size=+1>


sangs rgyas dang / byang chub sems dpa' rnams ni yongs su spangs pas mi phyin pa zhes bya'o/ /sems can gdul ba'i phyir 'di dag tu snang bar ston pas na phyin pa zhes kyang bya'o/ / rigs kyi bu/ ci'i rgyu ci'i rkyen gyis phyin par phyin pa zhe na/ phyin pa zhes bya ba ni srid pa nyi shu rtsa lnga ste/ bus pa ma rabs so so'i skye bo thams cad dang / rgyun du zhugs pa dang / lan gcig phyir mi ldog pa'i bar du nyon mongs pa'i rkyen gyis phyin par phyin pa zhes bya'o/ /rigs kyi bu/ ma thos pa thos pa'ang de bzhin te/ ma thos pa thos pa yod do/ /mthos pa mi thos pa yod do/ /thos pa ma thos pa yod do/ /thos pa thos pa yod do/ /de la ji ltar na ma thos pa thos pa zhe na/ rigs kyi bu/ ma thos pa zhes bya ba ni mya ngan las 'das pa chen po ste/ de ci'i phyir ma thos pa zhe na/ 'dus byas ma yin/ sgra ma yin/ brjod du med pa'i phyir ro/ /ji ltar thos pa zhe na/ ming thos par 'gyur ba ni/ 'di lta ste/ rtag pa dang / bde ba dang / bdag dang / yongs su dag pa dag ma thos pa thos pa zhes bya'o/ /de nas byang chub sems dpa' sems dpa' chen po kun tu snang ba mtho btsun dpal gyi rgyal pos bcom ldan 'das la 'di skad ces gsol to/ /bcom ldan 'das/ ji ltar bcom ldan 'das kyis gsungs pa ltar mya ngan las 'das pa chen po ni thos par mi rung na/ ci'i slad du </font><hr>Ka521a<br><font size=+1>


@#/ /rtag pa dang / bde ba dang / bdag dang / yongs su dag pa dag thos par rung zhes gsungs/ bcom ldan 'das/ de'ang ci'i slad du zhen/ nyon mongs pa bcad pa ni mya ngan las 'das pa zhes bgyi ste/ gal te chod pa la mya ngan las 'das pa zhes mi bgyi na/ de na de'i phyir mya ngan las 'das pa'i rang bzhin thog ma nas ma mchis te/ da ltar mchis pa lags so/ /'jig rten gyi chos ltar thog ma mchis la/ da ltar mchis par gyur na mi rtag pa'i chos can du 'gyur ro/ /dper na/ rdza ma la sogs pa ni thog ma mchis la da lta mchis par gyur te/ mchis nas slar yang ma mchis par 'gyur bas mi rtag pa zhes bgyi ste/ mya ngan las 'das pa'ang de lta bu lags na| ci'i slang du rtag pa dang / bde ba dang / bdag dang / yongs su dag pa zhes gsungs/ gzhan yang / bcom ldan 'das/ ji tsam du bkod pa'i rgyus grub pa ni kun kyang mi rtag pa zhes bgyi ste/ mya ngan las 'das pa'ang de lta bu lags na mi rtag pa lags pa'i rigs so/ /ci'i rgyu dang rkyen gyis mi rtag cen/ 'di lta ste/ byang chub kyi phyogs chos sum cu rtsa bdun dang / pha rol tu phyin pa drug dang / tshad med pa bzhi dang / rkang rus la rtog pa dang / dbugs bgrang ba dang / dran pa nye bar gzhag pa drug dang / chen po drug 'jig pa la sogs </font><hr>Ka521b<br><font size=+1>


pa thams cad mya ngan las 'das pa sgrub pa'i rgyu dang rkyen du 'gyur bar mi rtag pa zhes bgyi'o/ /gzhan yang / bcom ldan 'das/ srid pa ni mi rtag pa zhes bgyi ste/ gal te mya ngan las 'das pa srid pa lags na/ mi rtag par yang 'gyur ba'i rigs so/ /ji ltar bcom ldan 'das kyis sngon lung las/ nyan thos dang / rang sangs rgyas dang / sangs rgyas bcom ldan 'das kun mya ngan las 'das pa srid do/ /zhes gsungs te/ don de lta bas na mi rtag pa zhes bgyi bar 'gyur ro/ /gzhan yang / bcom ldan 'das/ bltar rung ba'i chos ni kun kyang mi rtag pa lags te/ bcom ldan 'das kyis sngon mya ngan las 'das pa mthong ba ni nyon mongs pa thams cad chod par 'gyur ro/ /zhes gsungs so/ / gzhan yang / bcom ldan 'das/ dper na/ nam mkha' stong pa ni sems can thams cad la mnyam par thogs pa dang sgrib pa ma mchis pa'i slad du rtags zhes bgyi'o/ /gal te mya ngan las 'das pa rtag pa mnyam pa lags na/ ci'i slad du sems can dag thob pa dang ma thob pa mchis par 'gyur/ mya ngan las 'das pa'ang de lta bu lags te/ sems can thams cad la mi mnyam na lta/ rtag pa zhes bgyir mi rung ngo / /bcom ldan 'das/ dper na/ mi mang po brgya la dgra gcig mchis la/ gal te dgra de bsad na mi mang po </font><hr>Ka522a<br><font size=+1>


@#/ /kun bde bar 'gyur ro/ /ci ste mya ngan las 'das pa'ang mnyam pa'i chos lags na ni mi gcig gis thob na mi mang po kun gyis thob pa'i rigs so/ / mi gcig gis nyon mongs pa chod na mi mang po kun gyis kyang chod pa'i rigs so/ /gal te de lta bu ma lags na/ ci'i slad du rtag pa zhes bgyi/ dper na/ la la zhig gis rgyal po dang| rgyal bu dang / pha ma dang / slob dpon dang / bla ma la bkur sti dang / mchod pa dang / rim gro dang / bsti stang byed na bde ba thob par 'gyur te/ de ni rtag pa zhes mi bgyi'o/ /mya ngan las 'das pa'ang de lta bu lags na ni rtag pa zhes mi bgyi'o/ /de ci'i slad du zhe na/ ji ltar bcom ldan 'das kyis sngon lung las dga' bo la 'di skad du/ gal te la la zhig gis mya ngan las 'das pa la bsti stang du byas na kun nas nyon mongs pa chod de/ bde ba tshad med pa thob par 'gyur zhes gsungs te/ don de lta bas na rtag pa zhes mi bgyi'o/ /bcom ldan 'das/ gal te mya ngan las 'das pa la rtag pa dang / bde ba dang / bdag dang / yongs su dag pa'i ming mchis na rtag pa zhes mi bgyi'o/ /de ste ma mchis na ni ji ltar bshad pa rung / de nas bcom ldan 'das kyis byang chub sems dpa' sems dpa' chen po kun tu snang ba mtho btsun dpal gyi rgyal po la bka' stsal pa/ mya </font><hr>Ka522b<br><font size=+1>


ngan las 'das pa nyid ni thog ma med pa la da lta yod pa ma yin no/ /gal te mya ngan las 'das pa nyid thog ma med pa la da ltar yod na/ zag pa med pa rtag tu gnas pa'i chos ma yin par 'gyur ro/ /sangs rgyas rnams byung yang rung / sangs rgyas ma byung yang rung / rang bzhin dang mtshan nyid ni rtag tu gnas te/ sems can dag nyon mongs pas bsgribs pas mya ngan las 'das pa mi mthong ba'i phyir med do snyam sems so/ /byang chub sems dpa' sems dpa' chen po tshul khrims dang / ting nge 'dzin dang / shes rab la goms pa dag ni nyon mongs pa bcad nas mthong bar 'gyur te/ de bas na mya ngan las 'das pa ni rtag tu gnas pa'i chos can te/ sngon med pa la da ltar yod pa ma yin par rig pas de bas na rtag ba zhes bya'o/ /rigs kyi bu/ dper na/ mun khang gi nang na khron pa zhig na rin po che sna bdun rnam pa sna tshogs yod pa mi dag gis yod par shes kyang mun pa gnag pas mi mthong ngo| |shes rab can thabs la mkhas pas sgron ma chen po thogs te bltas pa dang kun snang bar gyur te/ 'di snyam du chu dang rin po che sna bdun thog ma med la da ltar yod par gyur to snyam mi sems so/ /mya ngan las 'das pa'ang de dang 'dra ste/ thog ma nas yod pa yin gyi/ da ltar gzod yod pa ma yin no/ /nyon mongs pa'i mun pas sems can dag </font><hr>Ka523a<br><font size=+1>


@#/ /bsgribs pa'i phyir mi mthong gi /thams cad mkhyen pa'i ye shes mnga' ba'i de bzhin gshegs pas shin tu mkhas pa'i thabs kyis shes rab kyi sgron ma btsugs te/ byang chub sems dpa' dag mya ngan las 'das pa'i rtag pa dang / bde ba dang / bdag dang / yongs su dag pa mthong bar byas so/ /de bas na shes rab can gyis mya ngan las 'das pa 'di la thog ma med pa da ltar yod par 'gyur ro zhes brjod par mi bya'o/ /rigs kyi bu khyod kyis bkod pa'i rgyus mya ngan las 'das pa 'grub pa mi rtag go zhes bya ba de mi rung ngo / /de ci'i slad du zhe na/ rigs kyi bu/ mya ngan las 'das pa'i ngo bo nyid ni skye ba ma yin/ byung ba ma yin/ bden pa yin/ rdzun pa ma yin/ las su byas nas skyes pa ma yin/ zag pa dang 'dus byas kyi chos ma yin/ thos pa ma yin/ mthong ba ma yin/ ltung ba ma yin/ 'ching ba ma yin/ mtshan nyid tha dad pa ma yin/ mtshan nyid gcig pa ma yin/ 'gro ba ma yin/ ldog pa ma yin/ 'das pa dang / ma 'ongs pa dang / da ltar ma yin/ gcig pu ma yin/ mang po ma yin| ring po ma yin/ thung ngu ma yin/ zlum po ma yin/ gru bzhi ma yin/ smyung smyung po ma yin/ snrel zhi ma yin/ mtshan nyid ma yin/ 'du shes ma yin/ ming </font><hr>Ka523b<br><font size=+1>


ma yin/ gzugs ma yin/ rgyu ma yin/ 'bras bu ma yin/ bdag dang bdag gi ma yin no/ /de lta bas na mya ngan las 'da' ba ni rtag pa mi 'gyur mi 'pho ba ma yin te/ de bas na bskal pa tshad med grangs med pa'i bar du dge ba'i chos sgrub cing bsgoms pas yongs su brgyan na gdod mthong bar 'gyur ro/ /rigs kyi bu/ dper na/ sa'i 'og na chu yon tan brgyad dang ldan pa yod kyang / sems can thams cad kyis thob par mi rung ngo / /shes rab can la la zhig gis las su byas te brkos na gzod thob par 'gyur ba ltar mya ngan las 'das pa'ang de dang 'dra'o/ /dper na/ dmus long dag nyi ma dang zla ba'i mi mthong ste/ sman pa mkhas pas sman byas na snang zhing mthong bar 'gyur te/ nyi ma dang zla ba de'ang sngon med la da lta yod pa ma yin no/ /mya ngan las 'das pa'ang de dang 'dra ste/ thog ma nas yod pa yin gyi/ da ltar gzod yod pa ma yin no/ /rigs kyi bu/ ji ltar nyes pa byas pa dag bcings te khri mun gyi nang du bcug pa ni ring mo zhig na gdod thar te byung nas/ slar khyim du pha ma dang / phu nu dang / bu dang / chung ma dang / gnyen bshes mthong ba bzhin du mya ngan las 'das pa'ang de dang 'dra'o/ /rigs kyi bu khyod 'di skad du rten cing 'brel ba'i phyir mya ngan las 'das pa'i chos kyang mi rtag go /zhes bya ba </font><hr>Ka524a<br><font size=+1>


@#/ /de'ang de lta ma yin no/ /de ci'i phyir zhe na/ rigs kyi bu/ rgyu la rnam pa lnga ste/ lnga gang zhe na/ skye ba'i rgyu dang / 'dus pa'i rgyu dang / gnas pa'i rgyu dang / skye zhing 'phel ba'i rgyu dang / ring ba'i rgyu'o/ /de la ji ltar skye ba'i rgyu zhe na/ skye ba'i rgyu zhes bya ba ni las dang nyon mongs pa la sogs pa dang / phyi rol gyi rtsi shing rnams kyi sa bon ni skye ba'i rgyu zhes bya'o/ /ji ltar 'dus pa'i rgyu zhe na/ ji ltar dge ba dang dge ba'i sems 'dus pa dang / mi dge ba dang mi dge ba'i sems 'dus pa dang / lung mi ston pa dang / lung mi ston pa'i sems 'dus pa ni 'dus pa'i rgyu zhes bya'o/ /ji ltar gnas pa'i rgyu zhe na/ 'og na ka ba yod pa'i phyir khang pa mi lhung ba dang / ri dang / chu dang / shing dang / nags tshal thams cad sa chen po'i phyir gnas par 'gyur ba dang / nang gi chen po bzhi dang / nyon mongs pa tshad med pa snyed yod pa'i phyir sems can gnas par gyur pa ni/ gnas pa'i rgyu zhes bya'o/ /ji ltar skye zhing 'phel ba'i rgyu zhe na/ gos dang zas la sogs pa la brten pa'i rkyen gyis sems can skye zhing 'phel ba dang / ji ltar phyi rol gyi sa bon mes ma tshig cing byas ma zos pas skye zhing 'phel bar 'gyur ba dang / ji ltar dge sbyong dang / bram ze la sogs pa slob dpon dang / dge ba'i </font><hr>Ka524b<br><font size=+1>


bshes gnyen dag la brten pas skye zhing 'phel ba dang / ji ltar pha ma'i rgyus bu skye zhing 'phel bar 'gyur ba ni 'phel ba'i rgyu zhes bya'o/ /ji ltar ring ba'i rgyu zhe na/ dper na/ sngags kyi rgyus gdon gyis 'chi bar mi nus shing dug gis gnod par mi nus pa dang / rgyal po la brten na rkun pos mi tshugs pa dang / ji ltar myu gus dang / chu dang / me dang / rlung la sogs pa la brten pa dang / ji ltar chu dang / srub shing dang / mi las mar gyi ring ba'i rgyur 'gyur ba dang / snang ba dang gzugs la sogs pa ni rnam par shes pa'i ring ba'i rgyur 'gyur ba dang / pha ma'i khu ba dkar nag ni sems can gyi ring ba'i rgyur 'gyur ba dang / ji ltar dus la sogs pa kun kyang ring ba'i rgyu zhes bya'o/ /rigs kyis bu| mya ngan las 'das pa'i rang bzhin ni de lta bu'i rgyu lngas grub pa ma yin na/ ci'i phyir mi rtag pa'i rgyur 'gyur ba zhes bya/ rigs kyi bu/ gzhan yang rgyu rnam pa gnyis yod de/ byas pa'i rgyu dang / gsal ba'i rgyu'o/ /ji ltar rdza mkhan gyi 'khor lo ni byas pa'i rgyu zhes bya'o/ /ji ltar me sgron la sogs pas mun pa'i rdzas snang bar byed pa ni gsal ba'i rgyu zhes bya'o/ /rigs kyi bu/ mya ngan las 'das pa chen po ni byas pa'i rgyu las grub pa ma yin te/ gsal ba'i rgyu 'ba' zhig go /gsal ba'i rgyu zhes bya ba ni/ 'di lta ste/ </font><hr>Ka525a<br><font size=+1>


@#/ /byang chub kyi phyogs kyi chos sum cu rtsa bdun dang / pha rol tu phyin pa drug ni gsal ba'i rgyu zhes bya'o/ /rigs kyi bu/ 'das pa'i rgyu yin te/ mya ngan las 'das pa chen po'i rgyu ni ma yin no/ /sbyin pa'i pha rol tu phyin pa ni mya ngan las 'das pa chen po'i rgyu zhes \?\ kyi chos sum cu rtsa bdun ni mya ngan las 'das pa'i rgyu yin te/ mya ngan las 'das pa chen po'i rgyu ni ma yin no/ /byang chub kyi yan lag \?\ snyed ni mya ngan las 'das pa chen po'i rgyu zhes bya'o// // </font><hr>Kha1b<br><font size=+1>


@##/ /'phags pa yongs su mya ngan las 'das pa chen po'i mdo/ bam po nyi shu dgu pa/ de nas byang chub sems dpa' sems dpa' chen po kun tu snang ba mtho btsun dpal gyi rgyal pos bcom ldan 'das la 'di skad ces gsol to/ /bcom ldan 'das/ ji ltar sbyin pa byin na sbyin pa'i pha rol tu </font><hr>Kha2a<br><font size=+1>


@#/ /phyin pa zhes mi gdags/ ji ltar sbyin pa byin na sbyin pa'i pha rol tu phyin pa zhes mi gdags pa nas/ shes rab kyi bar du ji ltar na shes rab kyi pha rol tu phyin pa zhes mi gdags pa dang / ji ltar shes rab kyi pha rol tu phyin pa zhes gdags pas 'dogs par 'gyur ba dang / ji ltar na mya ngan las 'das pa zhes gdags/ ji ltar na mya ngan las 'das pa chen po zhes bgyi/ bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen </font><hr>Kha2b<br><font size=+1>


pos shin tu rgyas pa yongs su mya ngan las 'das pa chen po la rab tu nan tan byed pa na sbyin pa mi thos/ sbyin pa mi mthong / sbyin pa'i pha rol tu phyin pa mi thos/ sbyin pa'i pha rol tu phyin pa mi mthong ba nas/ shes rab kyi bar du mi thos/ shes rab mi mthong / shes rab kyi pha rol tu phyin pa mi thos/ shes rab kyi pha rol tu phyin pa mi mthong / mya ngan las 'das pa mi thos/ mya ngan las 'das pa mi mthong / mya ngan las 'das pa chen po mi thos/ mya ngan las 'das pa chen po mi mthong ste| byang chub sems dpa' sems dpa' chen po mya ngan las 'das pa chen po la nan tan byed pa ni chos kyi dbyings su rtogs shing mthong ste/ yang dag pa'i mtshan nyid stong pa ci yang med pa 'dus pa med pa tshor ba dang rtogs pa med pa'i mtshan </font><hr>Kha3a<br><font size=+1>


@#/ /nyid ji lta ba rtogs shing zag pa med pa'i mtshan nyid dang / bya ba med pa'i mtshan nyid dang / sgyu mas sprul pa lta bu'i mtshan nyid dang / smig rgyu lta bu'i mtshan nyid dang / dri za'i grong khyer dang / nam mkha' lta bu'i mtshan nyid rab tu thob bo/ /byang chub sems dpa' de'i tshe mtshan nyid de lta bu thob nas 'dod chags dang / zhe sdang dang / gti mug med pas mi thos mi mthong ste/ de ni byang chub sems dpa' sems dpa' chen po'i yang dag pa ji lta ba'i mtshan nyid do/ /yang dag pa'i mtshan nyid la gnas pa'i byang chub sems dpa' sems dpa' chen po dag sbyin pa ni 'di/ sbyin pa'i pha rol tu phyin pa ni 'di'o zhes rtogs pa nas/ shes rab ni 'di/ shes rab kyi pha rol tu phyin pa'i bar du ni 'di/ mya ngan las 'das pa ni 'di/ mya ngan las 'das pa chen po ni 'di'o zhes rab tu rtogs so/ / </font><hr>Kha3b<br><font size=+1>


rigs kyi bu/ ji ltar sbyin pa ni yin la pha rol tu phyin pa ma yin zhe na/ gang slong ba mthong nas gzod byin pa ni sbyin pa zhes bya ste/ pha rol tu phyin pa ma yin no/ /gang slong ba med bzhin du rang sbyin pa byin pa ni sbyin pa'i pha rol tu phyin pa zhes bya'o/ /gang dus dus su byin pa ni sbyin pa zhes bya ste/ pha rol tu phyin pa zhes mi bya'o/ /gang rtag tu sbyin pa byin pa ni sbyin pa'i pha rol tu phyin pa zhes bya'o/ /gang pha rol la sbyin pa byin nas phyir yang 'gyod pa'i sems skye ba ni sbyin pa zhes bya ste/ pha rol tu phyin pa zhes mi bya'o/ /gang sbyin pa byin nas mi 'gyod pa ni sbyin pa'i pha rol tu phyin pa zhes bya'o/ /byang chub sems dpa' sems dpa' chen pos nor dang zang zing la rgyal po dang / chom po dang / chu dang / me lta bu'i 'jigs pa bzhi bskyed de/ rab tu dga' bas sbyin pa byin pa ni sbyin pa'i pha rol tu phyin pa zhes bya'o/ /gang lan la re bas sbyin pa byin pa ni sbyin pa zhes bya ste/ pha rol tu phyin pa zhes mi bya'o/ /sbyin pa byin pa'i lan la mi re ba ni sbyin pa'i pha rol tu phyin pa zhes bya'o/ /gang 'jigs pa dang / rnyed pa dang / grags pa dang / khyim gyi so tshis dang / rigs 'tshob pa dang / lhar skye ba dang / 'dod pa lnga dang / nga rgyal dang / che ba'i nga rgyal dang / bshes gnyen tshol ba dang / lan la re ba'i phyir sbyin pa byin pa de ji ltar tshong spogs </font><hr>Kha4a<br><font size=+1>


@#/ /byed pa lta bu'am/ rigs kyi bu/ ji ltar mis shing bskyed pa dag bsil grib dang / me tog dang / 'bras bu dang / khang shing la sogs pa re ba dang 'dra bar gang gis de ltar sbyin pa byin na de ni sbyin pa zhes bya ste/ pha rol tu phyin pa ni ma yin no/ /byang chub sems dpa' sems dpa' chen po 'di ltar mya ngan las 'das pa chen po la nan tan byed pa ni sbyin pa dang / len pa dang / nor gyi dngos por mi mthong / dus kyang mi mthong / bsod nams dang bsod nams ma yin pa'ang mi mthong / rgyu mi mthong / rkyen mi mthong / 'bras bu smin pa mi mthong / byed pa mi mthong / len pa mi mthong / mang po mi mthong / nyung ngu mi mthong / gtsang ba mi mthong / mi gtsang ba mi mthong len pa dang bdag dang zang zing la mi smod/ mthong ba'ang mi mthong / mi mthong ba'ang mi mthong / bdag dang gzhan du mi 'dzin te/ shin tu rgyas pa mya ngan las 'das pa chen po rtag tu gnas pa'i chos kyi phyir sbyin pa byin pa dang / sems can thams cad la phan pa dang bde ba'i phyir sbyin pa byin pa dang / sems can thams cad kyi nyon mongs pa yongs su gcad pa'i phyir sbyin pa byin pa dang / sems can thams cad kyis sbyin pa dang / len pa dang / nor gyi dngos por mi mthong bar bya ba'i phyir sbyin pa byin pa la nan tan </font><hr>Kha4b<br><font size=+1>


byed do/ /rigs kyi bu/ dper na/ mi zhig rgya mtshor ltung ba las mi ro la 'jus na rgya mtsho las thar bar 'gyur ro/ /byang chub sems dpa' sems dpa' chen po mya ngan las 'das pa chen po la nan tan byed na sbyin pa spyod pa'ang de dang 'dra'o/ /rigs kyi bu/ dper na/ khri mun zab mo dag zhag shin tu che ba zhig tu mi zhig bcug na gzhan nas thar ba'i sa med la/ bshad gci'i khung bu gcig cig yod de/ de nas phyir byung na thogs pa med pa'i gnas su phyin par 'gyur ro/ /byang chub sems dpa' sems dpa' chen po mya ngan las 'das pa chen po la nan tan byed pa na/ sbyin pa byin pa'ang de dang 'dra'o/ /rigs kyi bu/ dper na/ cho rigs btsun pa zhig 'jigs skrag nas mgon skyabs med na rigs ngan gdol pa la brten cing skyabs su 'gro'o/ /byang chub sems dpa' sems dpa' chen po mya ngan las 'das pa chen po la nan tan byed pa na sbyin pa'ang de dang 'dra'o/ /rigs kyi bu| dper na/ nad pa zhig nad kyi sdug bsngal bsal zhing bde ba thob par bya ba'i phyir mi gtsang ba za ba bzhin du/ byang chub sems dpa' sems dpa' chen po mya ngan las 'das pa chen po la nan tan byed pa na sbyin pa byin pa'ang de dang 'dra'o/ /rigs kyi bu/ dper na/ bram ze zhig srog gi phyir nas 'bras shin tu dkon pa na khyi sha za ba bzhin du/ </font><hr>Kha5a<br><font size=+1>


@#/ /byang chub sems dpa' sems dpa' chen po mya ngan las 'das pa chen po la nan tan byed pa na sbyin pa byin pa'ang de dang 'dra'o/ /rigs kyi bu/ mya ngan las 'das pa chen po'i nang na de lta bu'i dngos po bskal pa tshad med pa'i bar du ma thos pa thos pa dang / tshul khrims dang / tshul khrims kyi pha rol tu phyin pa nas/ shes rab dang / shes rab kyi pha rol tu phyin pa'i bar du ston pa ji ltar sangs rgyas me tog sna tshogs kyi mdo las rgyas par 'chad pa bzhin no/ /rigs kyi bu/ ji ltar byang chub sems dpa' sems dpa' chen po mya ngan las 'das pa chen po la nan tan byed pa na ma thos pa thob par 'gyur zhe na/ mdo sde sde bcu gnyis kyi don shin tu zab mo sngon ma thos pa mdo sde 'di'i rkyen gyis yongs su thos par gyur to/ /sngon cung zad yod pa'ang ming tsam thos te/ da mya ngan las 'das pa chen po'i mdo 'di las gdod don thos par gyur to/ /nyan thos dang rang sangs rgyas ni mdo sde sde bcu gnyis kyi ming 'ba' zhig thos kyi don mi thos so/ /da mdo sde 'di las yongs su rdzogs par thos par gyur pas ma thos pa thos pa zhes bya'o| |rigs kyi bu/ nyan thos dang rang sangs rgyas thams cad kyis mdo sde las sangs rgyas rtag pa dang / bde ba dang / bdag dang / yongs su dag pa dang / mthar 'gog pa </font><hr>Kha5b<br><font size=+1>


pa ma yin pa dang / dkon mchog gsum dang / sangs rgyas kyi rang bzhin khyad par gyi mtshan nyid med pa dang / rtsa ba bzhi nyams pa dang / shin tu rgyas pa'i mdo sde la skur ba dang / mtshams med pa lnga'i kha na ma tho ba byas pa dang / log sred can thams cad la'ang sangs rgyas kyi rang bzhin yod do zhes de ring mdo sde 'di las thos par gyur pas ma thos pa thos pa zhes bya'o/ /de nas byang chub sems dpa' sems dpa' chen po kun tu snang ba mtho ba btsun dpal gyi rgyal pos bcom ldan 'das la 'di skad ces gsol to/ /bcom ldan 'das/ rtsa ba bzhi nyams pa dang / shin tu rgyas pa'i mdo sde la skur pa dang / mtshams med pa lnga'i kha na ma tho ba bgyis pa dang / log sred can la sogs pa la sangs rgyas kyi rang bzhin mchis na de dag ci ste yang sems can dmyal bar ltung bar 'gyur/ bcom ldan 'das/ gal te de dag la sangs rgyas kyi rang bzhin mchis na'ang ci'i slad du rtag pa dang / bde ba dang / bdag dang / yongs su dag pa ma mchis zhes gsungs/ bcom ldan 'das/ gang dge ba'i rtsa ba yongs su bcad pa de la log sred can zhes bgyi na| dge ba'i rtsa ba bcad pa'i tshe/ sangs rgyas kyi rang bzhin ci'i slad du ma bcad/ sangs rgyas kyi rang bzhin ci ste bcad na ci'i slad du rtag pa dang / bde ba dang / bdag </font><hr>Kha6a<br><font size=+1>


@#/ /dang yongs su dag pa'o zhes gsungs/ de ste ma bcad pa zhig lags na ci'i slad du log sred can zhes gdags/ bcom ldan 'das/ rtsa ba bzhi nyams pa ni ma nges pa zhes bgyi'o/ /shin tu rgyas pa'i mdo sde la skur ba dang / mtshams med pa lnga'i kha na ma tho ba bgyis pa dang / log sred can yang ma nges pa'o/ /gal te de dag nges pa zhig lags na ji ltar bla na med pa yang dag par rdzogs pa'i byang chub tu mngon par 'tshang rgya bar 'gyur/ rgyun du zhugs pa nas rang sangs rgyas kyi bar du'ang ma nges pa'o| |gal te rgyun du zhugs pa nas rang sangs rgyas kyi bar du nges pa lags na/ bla na med pa yang dag par rdzogs pa'i byang chub tu mngon par sangs rgyas pa'i yang mi rigs so| |bcom ldan 'das/ gal te rtsa ba bzhi nyams pa ma nges pa lags na/ rgyun du zhugs pa nas rang sangs rgyas kyi bar du'ang ma nges so/ /de ltar de dag ma nges na sangs rgyas bcom ldan 'das kyang ma nges so/ /gal te sangs rgyas bcom ldan 'das ma nges na mya ngan las 'das pa'i ngo bo nyid kyang ma nges te/ chos thams cad kyi bar du'ang ma nges so/ /ji ltar de ma nges she na/ gal te log sred can dag log sred can gyi las spangs pas mngon par 'tshang rgya na sangs rgyas bcom ldan 'das rnams kyang de ltar </font><hr>Kha6b<br><font size=+1>


yongs su mya ngan las 'das nas slar yang byung ste/ yongs su mya ngan las 'da' bar mi 'jug pa'i rigs so/ /gal te de lta bu lags na mya ngan las 'das pa'i rang bzhin yang ma nges par 'gyur ro/ /de ltar ma nges pas na rtag pa dang / bde ba dang / bdag dang / yongs su dag pa ma mchis par rig na/ ci'i slad du log sred can dag la sogs pa mya ngan las 'da' ba thob par 'gyur zhes gsungs/ de nas bcom ldan 'das kyis byang chub sems dpa' sems dpa' chen po kun tu snang ba mtho btsun dpal gyi rgyal po la bka' stsal pa/ legs so/ /legs so/ /rigs kyi bu khyod kyis sems can tshad med pa snyed la phan pa dang bde ba'i don gyi phyir 'jig rten la byams shing snying brtse ba dang / byang chub tu sems bskyed pa'i phyir byang chub sems dpa' dag gong nas gong du 'phar bar bya ba'i phyir de lta bu dag dris pa legs so/ /rigs kyi bu khyod ni sngon 'das pa'i sangs rgyas bcom ldan 'das tshad med pa rnams la bsnyen bkur byas shing sangs rgyas de dag las dge ba'i rtsa ba rnams bskrun pa'o/ /yun ring po nas byang chub kyi yon tan sgrub cing bdud kyi 'khor bcom nas rnam par bshig pa'o/ /sems can tshad med mtha' yas pa snyed kyi don byas nas thams cad bla na med pa yang dag par rdzogs pa'i byang chub la bkod pa'o/ / </font><hr>Kha7a<br><font size=+1>


@#/ /yun ring po nas de bzhin gshegs pa rnams kyis dgongs te gsungs pa'i snying po shin tu zab mo rtogs pa'o/ /'das pa'i sangs rgyas bcom ldan 'das gang+gA'i klung gi bye ma tshad med pa/ mtha' yas pa snyed la shin tu zab mo'i don dam pa 'di dag zhus te/ ngas 'jig rten thams cad na lha'am/ mi'am/ dge sbyong ngam/ bram ze'am/ bdud dam/ tshangs pa la sogs pa gang gis kyang de bzhin gshegs pa la don 'di dag zhu ba gcig kyang ma mthong ngo / /da khyod kyis rab tu yid la byas te shin tu brtags par nyon cig dang ngas rnam par phye ste bstan par bya'o/ /rigs kyi bu/ /log sred can ni nges pa ma yin no/ /gal te nges pa zhig yin na log sreng can des nam yang bla na med pa yang dag par rdzogs pa'i byang chub thob par mi 'gyur ro/ /ma nges pa'i phyir thob pa yin te/ de bas na sangs rgyas kyi rang bzhin ma bcad na ci'i phyir log sred can zhes bya| dge ba'i rtsa ba bcad pa ni/ rigs kyi bu/ dge ba'i rtsa ba la rnam pa gnyis te/ nang dang / phyi rol lo/ /sangs rgyas kyi rang bzhin ni nang ma yin/ /phyi rol ma yin te/ de bas na sangs rgyas kyi rang bzhin ni ma bcad pa'o/ /yang rnam pa gnyis te/ zag pa dang bcas pa dang / zag pa med pa'o/ /sangs rgyas kyi rang bzhin ni zag pa dang bcas pa ma </font><hr>Kha7b<br><font size=+1>


yin| zag pa med pa ma yin te/ de bas na ma bcad pa'o/ /yang rnam par gnyis te/ rtag pa dang / mi rtag pa'o/ /sangs rgyas kyi rang bzhin ni rtag pa ma yin/ /mi rtag pa ma yin te/ de bas na ma bcad pa'o/ /gal te bcad pa yin na phyir yang thob par rigs so/ /phyir mi thob na ma bcad pa zhes bya ste/ gang bcad nas thob pa ni log sred can zhes bya'o/ /rtsa ba bzhi nyams pa'ang ma nges pa'o/ /gal te nges pa zhig yin na rtsa ba bzhi nyams pa dag nam yang bla na med pa yang dag par rdzogs pa'i byang chub thob par mi 'gyur ro/ /shin tu rgyas pa'i mdo sde la skur ba'ang ma nges pa'o/ /gal te nges pa zhig na dam pa'i chos la skur ba dag nam yang bla na med pa yang dag par rdzogs pa'i byang chub thob par mi 'gyur ro/ /mtshams med pa lnga'i kha na ma tho ba byas pa'ang ma nges pa'o/ gal te nges pa zhig yin na mtshams med pa lnga byas pa dag nam yang bla na med pa yang dag par rdzogs pa'i byang chub thob par mi 'gyur ro/ / gzugs dang gzugs kyi mtshan nyid gnyi ga ma nges pa'o/ /dri dang / ro dang / reg bya'i mtshan nyid dang / skye ba'i mtshan nyid nas ma rig pa'i mtshan nyid kyi bar dang / phung po dang / khams dang / skye mched kyi mtshan nyid dang / srid pa nyi shu rtsa lnga dang / skye ba bzhi dang / chos thams cad kyi bar du thams cad ma nges pa'o/ /rigs kyi bu/ /dper na/ sgyu ma mkhan </font><hr>Kha8a<br><font size=+1>


@#/ /gyis 'khor mang po'i nang du tshogs rnam pa bzhi ste/ shing rta'i tshogs dang / rkang thang dang / bal glang dang / rta'i tshogs dang / se mo do dang / lus brgyan pa'i yo byad rnams dang / grong dang / grong khyer dang / grong rdal dang / ri dang / nags tshal dang / shing dang / chu mig dang / mtshe'u dang / 'bab chu dang / khron pa dag sprul pa las 'khor de dag gi nang na/ bus pa shes pa med pa dag de mthong nas kun bden par 'dzin to/ /mkhas pa shes rab can dag gis ni bden pa ma yin te/ sgyu ma'i mthus mi'i mig slu bar shes so/ /rigs kyi bu/ so so'i skye bo nas nyan thos dang rang sangs rgyas kyi bar du chos thams cad la nges pa'i mtshan nyid du mthong ba'ang de dang 'dra'o/ / sangs rgyas dang byang chub sems dpa' rnams ni chos thams cad la nges pa'i mtshan nyid du mi mthong ngo / /rigs kyi bu/ dper na/ bus pa dag dbyar gyi smig rgyu ba mthong nas chu yin no snyam sems so/ /mkhas pa shes rab can dag gis ni smig rgyu ba de la yang dag par chu yin par mi 'dzin te/ yang dag pa ma yin pa'i smig rgyu ba mi'i mig slu ba yin te/ yang dag par chu ma yin par shes pa'o/ /so so'i skye bo thams cad dang / nyan thos dang rang dang rgyas dag gis chos thams cad mthong ba'ang de dang 'dra ste/ </font><hr>Kha8b<br><font size=+1>


thams cad yang dag pa yin par 'dzin to/ /sangs rgyas dang byang chub sems dpa' ni chos thams cad la nges pa'i mtshan nyid du mi blta'o/ /rigs kyi bu/ 'di lta ste/ dper na/ brag gi drung du skad phyung bas brag ca byung na bus pa ma rabs dag gis thos nas sgra yang dag pa yin par 'dzin to/ /mkhas pa shes rab can gyis ni nges pa yang dag pa ma yin par shes te/ sgra'i mtshan nyid tsam gyis rna ba'i rnam par shes pa slu bar shes so/ /rigs kyi bu/ so so'i skye bo dang / nyan thos dang rang sangs rgyas thams cad ni chos thams cad la de ltar nges pa'i mtshan nyid yod par blta'o/ /byang chub sems dpa' dag ni chos thams cad la nges pa'i mtshan nyid med par rab tu rtogs pas mi rtag pa'i mtshan nyid dang / stong pa zhi ba la sogs pa'i mtshan nyid dang / skye ba dang 'gag pa med pa'i mtshan nyid du mthong ste/ de bas na byang chub sems dpa' sems dpa' chen po dag ni chos thams cad mi rtag pa'i mtshan nyid du mthong ngo / /rigs kyi bu/ nges pa'i mtshan nyid kyang yod do/ /nges pa gang zhe na/ rtag pa dang / bde ba dang / bdag dang / yongs su dag pa'o/ /ci la gnas she na/ mya ngan las 'das pa'o/ /rigs kyi bu/ rgyun du zhugs pa'i 'bras bu yang ma nges pa'o/ /de ltar ma nges pa'i phyir bskal pa brgyad khris bla na med pa yang dag par rdzogs </font><hr>Kha9a<br><font size=+1>


@#/ /pa'i byang chub kyi sems thob bo/ /lan gcig phyir ldog pa'i 'bras bu'ang ma nges pa'o/ /de ltar ma nges pa'i phyir bskal pa drug khris bla na med pa yang dag par rdzogs pa'i byang chub kyi sems thob bo/ /phyir mi ldog pa'i 'bras bu'ang ma nges pa'o/ /de ltar ma nges pas bskal pa bzhi khris bla na med pa yang dag par rdzogs pa'i byang chub kyi sems thob bo/ /dgra bcom pa'i 'bras bu'ang ma nges pa'o/ /de ltar ma nges pa'i phyir bskal pa nyi khris bla na med pa yang dag par rdzogs pa'i byang chub kyi sems thob bo/ /rang sangs rgyas kyi byang chub kyang ma nges pa ste/ de ltar ma nges pa'i phyir bskal pa stong phrag bcus bla na med pa yang dag par rdzogs pa'i byang chub kyi sems thob bo/ /rigs kyi bu/ deng de bzhin gshegs pa grong khyer rtswa mchog 'dir sA la shing drung gi bar du seng ge'i gdan la bsnyes shing gzims te mya ngan las 'da' bar 'jug tu nye ba na dgra bcom pa'i 'bras bu ma thob pa'i nye gnas mang po dang / gyad stobs po che la sogs pas mya ngan chen po bskyed pa dang / lha dang / mi dang / lha ma yin dang / dri za dang / nam mkha' lding dang / mi'am ci dang / lto 'phye chen po la sogs pas mchod pa chen po rab tu mchod pa dang / skye bo mang pos ras yug stong gis sku dkris nas </font><hr>Kha9b<br><font size=+1>


rin po che sna bdun gyis sgrom byas te/ mar bsung can gyis yongs su bkang nas shing bsung can rnams brtsigs te/ zhugs la bzhen pa rnam pa gnyis tshig par mi 'gyur ro/ / gang zhe na/ sku nyid la reg pa dang / nang gi phyi rim mo/ /sems can thams cad la ring bsrel cha brgyad du bgo bar bstan pa la nyan thos kyi nye gnas thams cad kyis de bzhin gshegs pa yongs su mya ngan las 'das so zhes smras te/ de bzhin gshegs pa ni nges par yongs su mya ngan las ma 'das par rig par bya'o/ /de ci'i phyir zhe na/ de bzhin gshegs pa ni rtag tu gnas pa mi 'gyur mi 'pho ba'o/ /de lta bas na de bzhin gshegs pa mya ngan las 'das pa'ang ma nges pa'o/ /rigs kyi bu/ de bzhin gshegs pa ni ma nges par rig par bya ste/ 'di ltar de bzhin gshegs pa ni lha ma yin no/ /de ci'i phyir zhe na/ lha ma rnam pa bzhi ste/ 'jig rten gyi lha dang / skye ba'i lha dang / rnam par dag pa'i lha dang / don gyi lha'o/ /'jig rten gyi lha zhes bya ba ni rgyal po rnams lta bu'o/ /skye ba'i lha zhes bya ba ni rgyal chen bzhi'i ris kyi lha nas 'du shes med 'du shes med min gyi lha'i bar du skyes pa'o/ /rnam par dag pa'i lha zhes bya ba ni rgyun du zhugs pa nas rang sangs rgyas kyi bar de dag go/ /don gyi lha zhes bya ba ni sa bcu pa'i byang chub sems </font><hr>Kha10a<br><font size=+1>


@#/ /dpa' sems dpa' chen po de dag go /ci'i phyir byang chub sems dpa' sa bcu pa de la don gyi lha zhes bya zhe na/ chos thams cad kyi don la shin tu mkhas pa'i phyir ro/ /don zhes bya ba ni ji lta bu zhe na/ chos thams cad stong pa nyid kyi don du mthong ba'o/ /rigs kyi bu/ /de bzhin gshegs pa'i pa ni rgyal po ma yin/ /rgyal chen bzhi nas 'du shes med 'du zhes med min gyi bar du ma yin/ /rgyu n+du zhugs pa nas rang sangs rgyas dang / byang chub sems dpa' sa bcu pa'i bar du ma yin te/ de bas na de bzhin gshegs pa ni lha ma yin no/ /'on kyang sems can rnams kyis sangs rgyas la lha'i lha'o zhes brjod de/ /de bas na de bzhin gshegs pa ni lha ma yin/ /lha ma yin pa'ang ma yin/ mi ma yin/ /mi ma yin pa'ang ma yin/ /srin po ma yin/ srin po ma yin pa'ang ma yin/ /sems can dmyal ba dang / byol song dang / yi dgas ma yin/ /sems can dmyal ba dang / byol song dang / yi dwags ma yin pa'ang ma yin/ sems can ma yin/ /sems can ma yin pa'ang ma yin/ /chos ma yin/ /chos ma yin pa'ang ma yin| gzugs ma yin/ /gzugs ma yin pa'ang ma yin/ ring po ma yin/ /ring po ma yin pa'ang ma yin/ /thung ngu ma yin/ thung du ma yin pa'ang ma yin/ mtshan nyid ma yin </font><hr>Kha10b<br><font size=+1>


mtshan nyid ma yin pa'ang ma yin/ /sems ma yin/ /sems ma yin pa'ang ma yin/ /zag pa dang bcas pa ma yin/ /zag pa med pa ma yin/ /'dus byas ma yin/ /'dus ma byas ma yin/ /rtag pa ma yin/ /mi rtag pa ma yin/ /sgyu ma ma yin/ /rgyu ma ma yin pa ma yin/ /ming ma yin/ /ming ma yin pa ma yin/ /nges pa ma yin/ /nges pa ma yin pa ma yin/ /yod pa ma yin/ /yod pa ma yin pa ma yin/ /med pa ma yin/ med pa ma yin pa ma yin/ /brjod pa ma yin/ /mi brjod pa ma yin/ /de bzhing shegs pa ma yin/ /de bzhin gshegs pa ma yin pa ma yin te/ de lta bas na de bzhin gshegs pa ni ma nges pa'o/ /rigs kyi bu/ ci'i phyir de bzhin gshegs pa la 'jig rten gyi lha zhes mi gdags she na/ 'jig rten gyi lha ni rgyal po rnams te/ de bzhin gshegs pa ni yun ring po nas bskal pa tshad med pa'i bar du rgyal po'i thabs btang bas de bas na rgyal po ma yin no/ /rgyal po ma yin pa ma yin zhes bya ba ni de bzhin gshegs pa grong khyer ser skyar rgyal po zas gtsang ma'i khab tu skyes pas de bas na rgyal po ma yin pa ma yin no/ /skye ba'i lha ma yin zhes bya ba ni de bzhin gshegs pa yun ring po nas srid pa rnams dang bral bas de bas na skye ba'i lha ma yin no/ /skye ba'i lha ma yin pa ma yin zhes bya ba ni dga' ldan gnam nas dzam+bu'i gling du babs pas de bas </font><hr>Kha11a<br><font size=+1>


@#/ /na de bzhin gshegs pa ni skye ba'i lha ma yin pa yang ma yin no/ /rnam par dag pa'i lha ma yin pa zhes bya ba ni de bzhin gshegs pa rgyun du zhugs pa nas rang sangs rgyas kyi bar du ma yin te/ de bas na de bzhin gshegs pa ni rnam par dag pa'i lha ma yin no/ /rnam par dag pa'i lha ma yin pa ma yin zhes bya ba ni 'jig rten gyi chos brgyad kyis mi gos te/ ji ltar pad+mo la chu dang rdul gyis mi gos pa dang 'dra bas de bas na de bzhin gshegs pa ni rnam par dag pa'i lha ma yin pa ma yin no/ /don gyi lha ma yin zhes bya ba ni de bzhin gshegs pa byang chub sems dpa' sa bcu pa ma yin te/ de bas na de bzhin gshegs pa ni don gyi lha ma yin no/ /don gyi lha ma yin pa ma yin zhes bya ba ni de bzhin gshegs pa rtag tu stong pa rnam pa bco brgyad la nan tan mdzad pas de bas na de bzhin gshegs pa ni don gyi lha ma yin pa ma yin no/ /de bzhin gshegs pa mi ma yin zhes bya ba ni de bzhin gshegs pa yun ring po bskal pa tshad med pa'i bar du mi'i srid pa yongs su spangs pas de bas na mi ma yin no/ /mi ma yin pa'ang ma yin zhes bya ba ni grong khyer ser skyar skyes pas de bas na mi ma yin pa'ang ma yin no/ /de bzhin gshegs pa srin po ma yin zhes bya ba ni sems can thams cad la mi 'tshe ba'i </font><hr>Kha11b<br><font size=+1>


phyir de bas na srin po ma yin no/ srin po ma yin pa ma yin zhes bya ba ni srin po'i gzugs lta bur sprul zhing sems can dag 'dul te/ de bas na srin po ma yin pa'ang ma yin no/ / ji ltar na de bzhin gshegs pa sems can dmyal ba dang / byol song dang / yi dwags ma yin zhe na/ de bzhin gshegs pa yun ring po nas ngan par lta ba rnams spangs pas/ de bas na sems can dmyal ba dang / byol song dang / yi dwags ma yin no/ /sems can dmyal ba dang / byol song dang / yi dwags ma yin pa'ang ma yin zhes bya ba ni de bzhin gshegs pas sems can gdul ba'i phyir ngan song gsum du'ang mngon du gshegs te/ de bas na sems can dmyal ba dang / byol song dang / yi dwags ma yin pa'ang ma yin no/ / sems can ma yin pa zhes bya ba ni yun ring po nas sems can gyi rang bzhin spangs pas de bas na de bzhin gshegs pa ni sems can ma yin no/ /sems can ma yin pa'ang ma yin zhes bya ba ni ched 'ga' ched 'gra'i dus na sems can gyi mtshan nyid kyang gsung bas de bas na de bzhin gshegs pa ni sems can ma yin pa'ang ma yin no/ /de bzhin gshegs pa chos ma yin pa zhes bya ba ni chos thams cad ni so so nas tha dad pa'i mtshan nyid yod la/ de bzhin gshegs pa ni de lta bu ma yin te/ mtshan nyid gcig tu zad pas de bas na </font><hr>Kha12a<br><font size=+1>


@#/ /chos ma yin no/ /chos ma yin pa'ang ma yin zhes bya ba ni de bzhin gshegs pa chos kyi dbyings yin te/ de bas na chos ma yin pa'ang ma yin no/ /de bzhin gshegs pa gzugs ma yin zhes bya ba ni gzugs kyi skye mched rnam pa bcu la ma gtogs te/ de bas na gzugs ma yin no/ /gzugs ma yin pa'ang ma yin zhes bya ba ni sku la mtshan sum cu rtsa gnyis dang / dpe byad bzang po brgyad cu mnga' bas de bas na gzugs ma yin pa ma yin no/ /de bzhin gshegs pa ring po ma yin zhes bya ba ni gzugs thams cad yongs su bcad pas de bas na ring po ma yin no/ /ring po ma yin pa'ang ma yin zhes bya ba ni 'jig rten thams cad kyis spyi gtsug gi mtshan mi mthong bas de bas na ring po ma yin pa'ang ma yin no/ /de bzhin gshegs pa thung ngu ma yin zhes bya ba ni yun ring po nas nga rgyal dang dregs pa'i kun nas nyon mongs pa spangs pas de bas na thung ngu ma yin no/ / thung ngu ma yin pa'ang ma yin zhes bya ba ni khyim bdag ku shi la zhes pa la sku mtho gsum pa bstan pas de bas na thung ngu ma yin pa'ang ma yin no/ /de bzhin gshegs pa mtshan nyid ma yin pa zhes bya ba ni yun ring po nas mtshan nyid rnams dang bral bas de bas na mtshan nyid ma yin no/ /mtshan nyid ma yin pa'ang ma yin zhes bya ba ni mtshan nyid thams cad </font><hr>Kha12b<br><font size=+1>


la mkhas shing rtogs pa'i phyir de bas na mtshan nyid ma yin pa ma yin no/ /de bzhin gshegs pa sems ma yin pa zhes bya ba ni nam mkha'i mtshan nyid yin pas de bas na sems ma yin no/ /sems ma yin pa'ang ma yin zhes bya ba ni stobs bcu'i chos kyi sems mnga' ba dang / gzhan gyi sems kyang mkhyen pas de bas na sems ma yin pa yang ma yin no/ /de bzhin gshegs pa 'dus byas ma yin pa zhes bya ba ni rtag pa dang / bde ba dang / bdag dang / yongs su dag pas de bas na 'dus byas ma yin no/ /'dus ma byas ma yin zhes bya ba ni 'ong ba dang / song ba dang / 'dug pa dang / nyal ba yod do/ /yongs su mya ngan las 'da' ba'ang bstan pas de bas na 'dus ma byas ma yin no/ /de bzhin gshegs pa rtag pa ma yin pa zhes bya ba ni sku yan lag dang bcas pa'i phyir de bas na rtag pa ma yin no/ /rtag pa ma yin pa ma yin zhes bya ba ni shes pa dang bcas pa'i phyir ro/ /rtag pa'i chos ni shes pa med pa ste/ ji ltar nam mkha' dang 'dra'o/ /de bzhin gshegs pa ni shes pa dang bcas pas de bas na rtag pa ma yin no/ /ji ltar rtag pa ma yin zhe na/ tshig tu smra ba yod pa'i phyir te/ rtag pa'i chos ni tshig tu smra ba med pas nam mkha' dang 'dra'o/ /de bzhin gshegs pa ni tshig tu smra ba dang bcas pas de bas na rtag pa ma yin no/ /rus dang rigs yod pa'i phyir mi </font><hr>Kha13a<br><font size=+1>


@#/ /rtag pa zhes bya'o/ /rus dang rigs med pa ni rtag pa zhes bya ste/ nam mkha' ni rtag pa yin pas rus med do/ /de bzhin gshegs pa'i rus dang rigs su bcas te/ gau ta ma'i rigs yin pas de bas na mi rtag go /pha ma dang bcas pa'i phyir mi rtag pa zhes bya'o/ /pha ma med pa ni rtag pa zhes gdags te/ nam mkha' ni rtag pa'i phyir pha dang ma med do/ /de bzhin gshegs pa la ni pha dang ma yod pas de bas na mi rtag pa'o/ /spyod lam bzhi dang bcas pas mi rtag pa zhes bya'o/ /spyod lam bzhi med pa ni rtag pa zhes bya ste/ nam mkha' ni rtag pa yin pas spyod lam bzhi med do/ /de bzhin gshegs pa ni spyod lam bzhi dang bcas pas de bas na mi rtag go /rtag tu gnas pa'i chos ni gnas dang phyogs med do/ /nam mkha' ni rtag pa yin pas gnas dang phyogs med de/ de bzhin gshegs pa ni yul shar phyogs su byung ste /yul mnyan du yod pa dang / rgyal po'i khab na gnas pas de bas na mi rtag go /don de lta bas na de bzhin gshegs pa ni rtag pa ma yin no/ /mi rtag pa ma yin zhes bya ba ni skye ba yongs su bcad pa'i phyir ro/ /gang skye ba dang bcas pa'i chos ni mi rtag pa zhes bya ste/ gang skye ba med pa'i chos ni rtag pa'o/ /de bzhin gshegs pa'ang skye ba med pas na rtag pa'o/ / </font><hr>Kha13b<br><font size=+1>


rtag pa'i chos ni rigs med pa ste/ gang rigs dang bcas pa'i chos ni mi rtag pa zhes bya'o/ /de bzhin gshegs pa ni skye ba med pa/ rigs med pa ste/ skye ba dang rigs med pas na rtag pa'o/ /rtag pa'i chos ni thams cad kun tu khyab ste/ ji ltar na mkha' gnas kun tu khyab pa bzhin no/ /de bzhin gshegs pa'ang de dang 'dra bar kun tu khyab pas rtag pa'o/ /mi rtag pa'i chos ni gnas 'di la yod la gzhan na med do zhes bya ba ste/ de bzhin gshegs pa ni de lta ma yin te/ gnas 'di na yod la gzhan na med ces brjod du med de/ de bas na rtag pa'o/ /mi rtag pa'i chos ni res 'ga' ni yod par 'gyur/ res 'ga' ni med par 'gyur te/ de bzhin gshegs pa ni de lta ma yin no/ /res 'ga' yod la res 'ga' med pa ma yin te/ de bas na rtag pa'o/ /rtag tu gnas pa'i chos ni ming dang gzugs med de/ nam mkha' ni rtag pa yin pas ming dang gzugs med do/ /de bzhin gshegs pa'ang de dang 'dra bar ming dang gzugs med pas de bas na rtag pa'o/ /rtag tu gnas pa'i chos ni rgyu dang 'bras bu med de/ nam mkha' ni rtag pa yin pas rgyu dang 'bras bu med do/ /de bzhin gshegs pa'ang de dang 'dra bar rgyu dang 'bras bu med de/ de bas na rtag pa'o/ /rtag tu gnas pa'i chos ni dus gsum la ma gtogs te/ de bzhin gshegs </font><hr>Kha14a<br><font size=+1>


@#/ /pa'ang de dang 'dra bar dus gsum la ma gtogs pas de bas na rtag pa'o/ /de bzhin gshegs pa'ang sgyu ma ma yin pa zhes bya ba ni mi bden pa'i sems can thams cad yongs su bcad pas de bas na sgyu ma ma yin no/ /sgyu ma ma yin pa'ang ma yin pa zhes bya ba ni de bzhin gshegs pas res 'ga' ni sku gcig pu 'di las sku tshad med par sprul pa dang / sku tshad med pa yang sku gcig tu mdzad pa dang / ri dang brag la thogs pa med par 'gro ba dang / chu la sa bzhin du 'gro ba dang / sa la chu lta bur nub pa dang / nam mkha' la bya ba bzhin du 'gro ba dang / sku la me'i phung po chen po bzhin du dud pa 'thul zhing me 'bar ba dang / sprin dang 'brug sgra bsgrags te sgra 'jigs su rung ba mdzad pa dang / res 'ga' ni grong dang / grong khyer dang / grong rdal dang / khang pa dang / ri dang / ljongs dang / shing la sogs par 'gyur ba dang / res 'ga' ni sku chen por mdzad/ res 'ga' ni sku chung ngur mdzad pa dang / res 'ga' ni pho'i gzugs dang / mo'i gzugs dang / khye'u dang / bu mo'i gzugs ston te/ de bas na de bzhin gshegs pa ni sgyu ma ma yin pa'ang ma yin no/ /de bzhin gshegs pa nges pa ma yin zhes bya ba ni de bzhin gshegs pas grong khyer rtswa mchog tu sA la'i shing drung </font><hr>Kha14b<br><font size=+1>


na yongs su mya ngan las 'das par ston pas de bas na nges pa ma yin no/ /nges pa ma yin pa'ang ma yin pa zhes bya ba ni rtag pa dang / bde ba dang / bdag dang / yongs su dag pas ni de bzhin gshegs pa ni nges pa ma yin pa'ang ma yin no/ /de bzhin gshegs pa zag pa dang bcas pa ma yin pa zhes bya ba ni zag pa rnam pa gsum yongs su bcad pas zag pa dang bcas pa ma yin no/ /zag pa gsum zhes bya ba ni/ 'dod pa'i khams kyi nyon mongs pa thams cad las ma rig pa ma gtogs pa ni 'dod pa'i zag pa'o/ /gzugs dang gzugs med pa'i khams kyi nyon mongs pa thams cad las ma rig pa ma gtogs pa ni srid pa'i zag pa'o/ /khams gsum gyi ma rig pa ni ma rig pa'i zag pa ste/ de bzhin gshegs pas de dag yongs su bcad pas na zag pa ma yin no/ /gzhan yang bus pa ma rabs so so'i skye bo thams cad ni srid pa'i zag pa mi mthong ngo / /ji ltar bus pa ma rabs so so'i skye bos srid pa'i zag pa mi mthong zhe na/ bus pa ma rabs so so'i skye bo thams cad ni ma 'ongs pa'i dus kyi the tshom gyi sems can 'di lta bu dang bcas so/ /'di ltar ma 'ongs pa'i dus na lus thob par 'gyur ram/ thob par mi 'gyur ram/ 'das pa'i dus na lus 'di thog ma nas yod pa zhig gam/ thog ma nas med pa zhig gam/ da ltar gyi dus na lus 'di yod pa ma yin </font><hr>Kha15a<br><font size=+1>


@#/ /nam| med pa ma yin nam/ bdag ces bya ba yod na gzugs yin nam/ gzugs ma yin nam/ gzugs kyang yin la gzugs kyang ma yin nam/ gzugs kyang ma yin la gzugs ma yin pa'ang ma yin nam/ 'du shes sam/ 'du shes ma yin nam/ 'du shes kyang yin la 'du shes kyang ma yin nam/ 'du shes kyang ma yin la 'du shes ma yin pa'ang ma yin nam/ lus 'di gzhan dbang ngam/ gzhan mi dbang ngam/ gzhan yang dbang la/ gzhan dbang ba yang ma yin nam/ gzhan yang mi dbang la gzhan mi dbang ba yang ma yin nam/ srog ni yod la lus med pa zhig gam/ lus ni yod la srog med pa zhig gam/ lus kyang yod la srog kyang yod pa zhig gam/ lus kyang med la srog kyang med pa zhig gam/ lus dang srog rtag pa yin nam/ mi rtag pa yin nam/ rtag pa'ang yin la mi rtag pa'ang yin nam/ rtag pa'ang ma yin la rtag pa ma yin pa'ang ma yin nam/ lus dang srog 'di dbang sgyur gyis byas sam/ dus kyis byas sam/ rgyu med pas byas sam/ 'jig rten gyi rang bzhin gyis byas sam/ rdul phran gyis byas sam/ chos dang chos ma yin pas byas sam/ skyes bus byas sam/ nyon mongs pas byas sam/ pha mas byas sam/ bdag sems </font><hr>Kha15b<br><font size=+1>


la gnas sam/ mig la gnas sam/ lus la khyab par 'jug gam/ gzhan zhig nas 'ongs sam/ gang du 'gro 'am/ skye ba ni su/ 'chi ba ni su/ bdag ces bya ba 'das pa'i dus na bram ze'i rigs sam/ rgyal rigs sam/ rje'u rigs sam/ rigs ngan gyi rigs sam/ ma 'ongs pa'i dus na rigs ji lta bu zhig thob par 'gyur/ bdag gi lus 'di sngon 'das pa'i dus na skyes pa yin nam/ bud med yin nam/ byol song yin nam/ gal te bdag gis srog bcad na kha na ma tho ba'i sdig pa yod par 'gyur ram/ kha na ma tho ba'i sdig pa med pa nas smyo ba'i khu ba 'thung ba'i bar du sdig par 'gyur ram/ sdig pa med par 'gyur ram/ bdag nyid kyis byas sam/ gzhan gyis byas sam/ bdag gis 'bras bu rnam par smin pa myong ngam/ las kyi 'bras bu rnam par smin pa myong bar 'gyur snyam pa'i the tshom du lta ba'i nyon mongs pa tshad med pa'i sems can gyi sems bsgribs so/ /the tshom du lta ba'i rkyen gyis sems rnam pa 'di drug skye'o/ /gang zhe na/ nges par bdag yod dam/ nges par bdag med pa dang / bdag tu lta ba dang / bdag dang bdag gir lta ba dang / bdag med pa dang bdag med par lta ba dang / bdag gam bdag gis byas pa dang / bdag gis myong ba dang / bdag gis shes pa ste/ de dag ni ngan par lta ba zhes bya'o/ /de bzhin </font><hr>Kha16a<br><font size=+1>


@#/ /gshegs pas de ltar lta ba dang bcas pa'i zag pa tshad med pa snyed rtsa ba nas bton pas de bas na zag pa ma yin no/ /rigs kyi bu/ byang chub sems dpa' sems dpa' chen po mya ngan las 'das pa chen po las 'phags pa'i spyad pa spyod pa'ang de lta bu'i zag pa rnams yongs su chod par 'gyur ro/ /sangs rgyas bcom ldan 'das rnams ni rtag tu 'phags pa'i spyad pa spyod pas de bas na zag pa med pa'o/ /rigs kyi bu/ bus pa ma rabs ni dbang po lnga legs par mi sdud pas zag pa gsum yod par 'gyur te/ mi dge bas khrid nas mi dge ba'i gnas su 'gro'o/ /rigs kyi bu/ dper na/ rta rgod kha lo mi bde ba la zhon na nyam nga ba dang g.yang sar 'gro'o/ /dbang po lnga legs par sdud mi nus pa'ang de dang 'dra ste/ mya ngan las 'das pa'i dge ba'i lam dang yongs su bral zhing mi dge ba'i gnas su phyin par 'gro'o/ /dper na/ ba glang ma rungs pa ma dul ba la la la zhig gis zhon na bsams pa bzhin du 'gror mi btub ste/ grong khyer dang bral nas gnas dgon par 'gro'o/ /dbang po lnga sdud mi nus pa'ang de dang 'dra ste/ mya ngan las 'das pa'i grong khyer dang bral nas 'khor ba'i dbye chen por khrid do/ /rigs kyi bu/ dper na/ blon po sgyu can ni rgyal po la ngan dgu ston no/ /dbang </font><hr>Kha16b<br><font size=+1>


po lnga sgyu can yang de dang 'dra ste/ rtag tu sems can la ngan pa mi dge ba tshad med pa snyed ston to/ /rigs kyi bu/ dper na/ bus pa ma rungs pa ni slob dpon dang / bla ma dang / pha mas ston pa'i ngag mi nyan te/ mi dge ba thams cad byed do/ /dbang po lnga ma dul ba'ang de dang 'dra ste/ slob dpon dang bla mas legs par ston pa'i tshig mi nyan te/ sdig pa rdzogs par byed do/ / rigs kyi bu/ bus pa ma rabs ni dbang po lnga sdud mi nus pas rtag tu sems can dmyal ba dang / byol song dang / yi dwags kyis 'tshe'o/ /gzhan mi rgod dag dge ba'i mi la 'tshe ba bzhin te/ rigs kyi bu/ bus pa ma rabs dbang po lnga sdud mi nus pa'ang yul lnga la 'phyar zhing g.yeng ngo / /dper na/ rdzi'u dag phyugs legs par mi skyong ste/ zhing la 'jug pa dang 'dra bar bus pa ma rabs dbang po lnga mi sdud pa'ang rtag tu srid pa rnams la gnas te/ sdug bsngal shin tu mang ngo / /rigs kyi bu/ byang chub sems dpa' sems dpa' chen po mya ngan las 'das pa chen po la nan tan byed cing 'phags pa'i spyad pa spyod pa na dge ba'i chos thams cad thob par bya ba'i chos kyi phyir rtag tu dbang po lnga 'dul zhing 'dod chags dang| zhe sdang dang / gti mug dang / nga rgyal dang / dregs pa dang / phrag dog la shin tu 'jigs par byed do/ /rigs kyi bu/ gang dbang po lnga shin tu srung ba na sems rab tu </font><hr>Kha17a<br><font size=+1>


@#/ /sdud par 'gyur ro/ /gang sems sdud pa de ni dbang po lnga sdud par 'gyur te/ dper na/ la la zhig gis rgyal po la srung ba ni yul srung ba zhes bya'o/ / gang yul srung ba ni rgyal po la srung ba zhes bya ste/ byang chub sems dpa' sems dpa' chen po'ang de dang 'dra bar gal te mya ngan las 'das pa chen po'i mdo 'di thos na shes rab thob par 'gyur ro/ /shes rab thob pa'i phyir dbang po lnga la rtse gcig par 'gyur te/ gal te dran pa mi 'phro na yang dag pa'i dran par 'gyur ro/ /de ci'i phyir zhe na/ dran pa'i shes rab kyi phyir ro/ /rigs kyi bu/ rdzi'u skyong mkhas pa ni phyugs zhing la shor na phyir glon te zhing za bar mi byed do/ /byang chub sems dpa' sems dpa' chen po'ang de dang 'dra ste/ dran pa'i shes rab kyi dbang po lnga srung zhing sdud pa'i rkyen gyis kun tu 'phro bar mi byed do/ /byang chub sems dpa' sems dpa' chen po gang dran pa'i shes rab yod pa ni bdag gi mtshan nyid mi mthong / bdag dang bdag gi ba'i mtshan nyid mi mthong / sems can du mi mthong / spyod pa'i dngos por mi mthong ste/ chos thams cad chos nyid kyi mtshan nyid dang mthun par mthong bas sa dang gseg ma dang gyo mo lta bu'i mtshan nyid skye'o/ /ji ltar khang pa ni rkyen mang po las skyes te/ gcig tu chad pa'i rang bzhin </font><hr>Kha17b<br><font size=+1>


med pa dang 'dra bar sems can rnams kyang chen po bzhi dang / phung po lnga las byung bas brtags na nges pa'i mtshan nyid med do/ /nges pa'i mtshan nyid med pas byang chub sems dpa' de dag tu chags shing zhen pa mi skye'o/ /bus pa ma rabs so so'i skye bo thams cad ni sems can yod par mthong bas nyon mongs pa skye bar gyur to/ /byang chub sems dpa' sems dpa' chen po mya ngan las 'das pa chen po la nan tan byed pa ni dran pa'i shes rab yod pas sems can rnams la chags shing zhen pa mi skyed do/ /gzhan yang byang chub sems dpa' sems dpa' chen po mya ngan las 'das pa chen po'i mdo sde la nan tan byed pa ni sems can gyi mtshan nyid la mi chags te/ chos rnam pa sna tshogs kyi mtshan nyid byed do/ / rigs kyi bu/ dper na/ ri mo mkhan gyi tshon sna tshogs las khye'u'am/ bu mo'am/ ba lang ngam/ rta'i gzugs rnam pa mang po bris na bus pa ma rabs blo med pa dag gis mthong nas| khye'u dang bu mo la sogs pa'i mtshan nyid skyed do/ /ri mo mkhan gyis ni khye'u dang bu mo la sogs pa med par rab tu rtogs so/ /byang chub sems dpa' sems dpa' chen po'ang de dang 'dra ste/ chos tha dad pa'i mtshan nyid la mtshan nyid gcig tu rtogs pas sems can gyi mtshan nyid mi skyed do/ /de ci'i phyir zhe na/ dran pa'i shes rab yod pa'i phyir ro/ / </font><hr>Kha18a<br><font size=+1>


@#/ /byang chub sems dpa' sems dpa' chen po dag mya ngan las 'das pa chen po la nan tan byed pa ni gal te bud med sdug gu mthong na nam du'ang 'dod cing chags pa'i sems mi skyed do/ /de ci'i phyir zhe na/ mtshan nyid shin tu rtogs pa'i phyir ro/ /rigs kyi bu/ byang chub sems dpa' sems dpa' chen pos 'dod pa lnga la dga' ba dang / bde ba med pa dang / skad cig mi gnas pa dang / ji ltar khyis keng rus 'cha' ba dang / me sgron thogs te rlung phyogs su 'gro ba dang / sbrul gdug pa'i snod lta bu dang / rmi lam na rnyed pa lta bu dang / lam ga'i bza' zhing ltar kun gyis 'thog pa dang / god la bya thams cad rtod pa lta bu dang / chu'i chu bur dang / chu la ri mo bris pa dang / thags 'thags pa'i rgyu zad pa dang / btson gsod du khrid pa dang / ji ltar brnyan po dag ring po mi thogs pa dang 'dra bar 'dod pa la de lta bu'i skyon shin tu mang bar rtogs so/ /gzhan yang byang chub sems dpa' sems dpa' chen pos sems can rnams la brtags na gzugs dang / sgra dang / dri dang / ro dang / reg bya'i rgyu dang rkyen gyis bskal pa tshad med grangs med pa nas rtag tu sdug bsngal myong ste/ sems can re re yang bskal pa gcig la lus kyi rus pa brtsigs na rgyal po'i khab </font><hr>Kha18b<br><font size=+1>


kyi ri bo bas che'o/ /nu zho 'thungs pa'ang rgya mtsho'i chu bas mang ngo / /lus kyi khrag 'dzag pa'ang rgya mtsho bzhi bas mang ngo / /tshe'i dus byas pa na pha ma dang / phu nu dang / chung ma dang / bu dang| gnyen bshes kyis dus pa'i mchi ma yang rgya mtsho bzhi bas mang ngo / /sa chen po 'di'i rtswa dang / shing thams cad sor bzhi pa'i shod byas te/ pha ma brtsis na'ang grangs shes par mi nus so/ /bskal pa tshad med pa'i bar du sems can dmyal ba dang / byol song gi skye gnas dang / yi dwags su gyur te/ sdug bsngal mang po myong ba ni brjod cing bgrang du med do/ /sa chen po 'di thams cad rgya shug gi 'bras bu tsam du dril te zad pa dang mthar thug pa ni byar sla'i/ 'khor ba ni mthar thug par mi nus so/ /byang chub sems dpa' sems dpa' chen pos de ltar sems can thams cad la rab tu brtags na 'dod pa'i rgyu dang rkyen gyis sdug bsngal tshad med pa myong bar rtogs so/ /byang chub sems dpas 'khor ba'i 'du byed kyi sdug bsngal de dag gis phyir dran pa'i shes rab nyams par mi byed do/ /rigs kyi bu/ dper na/ 'jig rten na sa'i khyon 'dom nyi shu rtsa lnga'i nang mi mang pos yongs su gang ba la/ rgyal pos blon po gcig la til mar phor bu gang bskur te/ mi mang po de dag gi nang bskor zhing mar thigs pa gcig kyang ma 'bo zhig/ </font><hr>Kha19a<br><font size=+1>


@#/ /gal te thigs pa gcig po na khyod gsad do zhes bka' stsal te/ mi gcig la ral gri bskur nas phyi bzhin ded du bcug go/ blon pos rgyal po'i lung mnos nas sems thag pa nas shin tu bsgrims shing khyer te/ 'khor mang po de dag gi nang kun tu rgyu zhing song ba de yid du 'ong ba'i 'dod pa lnga mthong yang sems la rtag tu 'di snyam du sems so/ /gal te bdag gis le lo byas te 'dod pa de dag la chags par gyur na/ thigs pa 'di 'bo bar 'gyur te/ bdag gi srog kyang mi gson par 'gyur ro snyam nas de de lta bu'i 'jigs pa'i rgyu dang rkyen gyis mar thigs pa gcig kyang ma bo'o/ /byang chub sems dpa' sems dpa' chen po'ang de dang 'dra ste/ 'khor ba'i nang na dran pa'i shes rab ma stor te/ ma stor ba'i phyir 'dod pa lnga mthong yang chags pa'i sems mi skyed do/ /gal te gzugs bzang po mthong yang gzugs kyi mtshan nyid mi skyed de/ sdug bsngal gyi mtshan nyid dang / rnam par shes pa'i mtshan nyid kyi bar du rtogs pa'ang de dang 'dra ste/ skye ba'i mtshan nyid du mi byed/ 'gog pa'i mtshan nyid du mi byed/ rgyu'i mtshan nyid du mi byed de/ 'dus te byung ba'i mtshan nyid du rtog go /byang chub sems dpa' de'i tshe na dbang po lnga yongs su dag go /dbang po lnga yongs su </font><hr>Kha19b<br><font size=+1>


dag pa'i phyir tshul khrims kyi rtsa ba srung ba dang ldan no/ /bus pa ma rabs thams cad ni dbang po lnga ma dag pas shin tu srung mi nus te/ dbang po zag pa zhes bya'o/ /byang chub sems dpa' ni yongs su bcas pas zag pa med do/ /de bzhin gshegs pa ni rtsa ba nas bton pa yin pas na zag pa ma yin no/ /rigs kyi bu /gzhan yang zag pa yongs su spong ba yod do| |byang chub sems dpa' sems dpa' chen pos bla na med pa'i bdud rtsi sangs rgyas kyi zhing 'dod pa'i phyir zag pa ngan pa yongs su spong ngo / /spong ba gang zhe na/ gang mya ngan las 'das pa chen po'i mdo sde la nan tan byed cing yi ger bris sam/ 'dzin tam/ klog gam/ 'don tam/ 'grol zhing 'chad dam/ don yid la byed na de ni spong ba zhes bya'o| |de ci'i phyir zhe na/ rigs kyi bu/ ngas mdo sde bcu gnyis las zag pa ngan pa spong ba shin tu rgyas pa mya ngan las 'das pa chen po'i mdo sde 'di dang 'dra ba yod par ma mthong ngo / /rigs kyi bu/ dper na/ slob dpon mkhas pa zhig gis slob ma rnams slob pa las slob ma gang dag nyan pa ni nyes pa mi byed do/ /byang chub sems dpa' sems dpa' chen po mya ngan las 'das pa chen po mchog dam pa'i mdo sde 'di sgom pa'ang de dang 'dra ste/ nyes pa mi byed do/ /rigs kyi bu/ dper na/ 'jig rten na rig sngags dam </font><hr>Kha20a<br><font size=+1>


@#/ /pa zhig yod de/ gal te gang gis de thos na lo bdun gyi bar du dug thams cad kyis mi tshugs/ sbrul gyis mi zin par 'gyur ro/ /gal te gang zhig ngag gis brjod na nam 'tsho'i bar du ngan pa rnam pa mang po med par 'gyur ro/ /rigs kyi bu/ mya ngan las 'das pa chen po'i mdo yang de dang 'dra ste/ gal te sems can gang gi rna lam du lan gcig thos pa tsam gyis phyi ma'i bskal pa bdun gyi bar du ngan song du mi ltung ngo / /gal te gang gis yi ger bris sam/ klog gam/ 'don tam/ dgrol zhing 'chad dam/ don yid la byed na/ gdon mi za bar bla na med pa yang dag par rdzogs pa'i byang chub thob cing sangs rgyas kyi rang bzhin rnam par dag pa mthong ste/ ji ltar 'phrul gyi rgyal pos zil mngar gyi ro thob pa bzhin no/ /rigs kyi bu/ mya ngan las 'das pa chen po'i mdo 'di la de lta bu'i yon tan tshad med pa yod do/ /rigs kyi bu/ gal te gang la la zhig gis mdo sde 'di yi ger bris shing klog gam/ 'don tam/ dgrol zhing 'chad dam/ gzhan la yang spel zhing 'chad dam/ don yid la byed na/ de ni nga'i nye gnas yang dag pa yin te/ nga'i lung rab tu nyan pa'o/ /ngas gzigs shing ngas dgongs pa yin par rig par bya ste/ des brtags par nga yang mya ngan las mi 'da' bar shes so/ /de gang dang gang du </font><hr>Kha20b<br><font size=+1>


gnas par grong ngam/ grong khyer ram/ grong rdal lam/ ro'am/ shing drung ngam/ dgon pa'am/ gnas khang ngam/ khang pa'am/ yang thog gam/ gzhal med khang du 'dug na'ang de las gang du yang mi 'gro bar gnas so/ /ngas de rtag tu de'i sbyin pa len te/ dge slong ngam/ dge slong ma'am/ dge bsnyen nam/ dge bsnyen ma'am/ bram ze'am/ kun tu rgyu 'am/ dbul ba'am/ phongs pa'am/ sprang por sprul te de'i sbyin pa len to// //'phags pa yongs su mya ngan las 'das pa chen po'i mdo/ bam po sum cu pa/ ji ltar na de'i sbyin pa de bzhin gshegs pas len par 'gyur zhe na/ rigs kyi bu des gal te nub mo nyal ba'i rmi lam na sangs rgyas kyi gzugs sam/ lha'i gzugs sam/ dge sbyong gi gzugs sam| rgyal po'am/ 'khor los bsgyur ba'i rgyal po'am/ seng+ge'i rgyal po'i gzugs sam/ pad+mo 'am/ me tog u dum wA ra'am/ ri chen po'am/ rgya mtsho'am/ nyi ma'am/ zla ba'am/ ba glang ngam/ rta dkar po'am/ pha ma'i gzugs la sogs pa mthong nga ma/ me tog gam/ 'bras bu'am/ gser ram/ dngul lam/ shes lam/ bai DUR+Ya la sogs pa'i rin po che rnyed dam/ ba'i 'o ma'i ro rnam pa lnga rnyed par rmis na de'i tshe de'i dus na de bzhin gshegs pas de'i sbyin pa bzhes par rig par bya'o/ /sad nas rab tu dga' zhing bde bar gyur te/ </font><hr>Kha21a<br><font size=+1>


@#/ /'dod pa'i rdzas rnam pa sna tshogs thob cing ngan sems med de/ dge ba'i chos spyod pa la mos par 'gyur ro/ /rigs kyi bu/ mya ngan las 'das pa chen po'i mdo sde 'di de lta bu'i bsod nams tshad med grangs med/ bsam gyis mi khyab pa kun sgrub par nus so/ /rigs kyi bu/ khyod kyis nga'i gsung 'di la yid ches par gyis shig /gal te rigs kyi bu'am rigs kyi bu mo gang nga mthong bar 'dod dam/ nga la bkur sti byed par 'dod dam/ nga la chos nyid dang mthun pas mthong bar 'dod dam/ stong pa'i ting nge 'dzin thob par 'dod dam/ yang dag pa'i mtshan nyid mthong bar 'dod dam/ dpa' bar 'gro ba'i ting nge 'dzin dang / seng+ge'i rgyal po'i ting nge 'dzin sgom par 'dod dam/ bdud rnam pa brgyad 'joms par 'dod dam/ bdud rnam pa brgyad ces bya ba ni 'di lta ste/ bdud rnam pa bzhi dang / mi rtag pa dang / bde ba med pa dang / bdag med pa dang / yongs su dag pa med pa'o/ /mir skye bar 'dod dam/ lha'i bde ba 'dod na mya ngan las 'das pa chen po'i mdo gzungs su 'dzin cing yi ger bris sam/ klog gam/ 'don tam/ dgrol zhing 'chad dam/ don yid la byed pa mthong na de'i gan du bsnyen zhing nye bar 'gro ste/ gnas 'cha' zhing gsol ba dang zhu ba byas te/ mchod pa dang / rim gro dang / bsti stang byas la/ rkang </font><hr>Kha21b<br><font size=+1>


pa bkru ba dang / khri stan gding zhing yo byad rnam pa bzhis mchod de brel bar mi bya'o/ /gal te lam ring po nas 'ongs na dpag tshad bcu'i bar du bsu bar bya'o/ /mdo sde 'di'i phyir rin che bar bya ba'i nor kun gyis mchod par bya'o/ /gal te med na bdag gi lus kyang btsong bar bya'o/ /de ci'i phyir zhe na/ mdo sde 'di ni me tog u dum+ba ra bas phrad dka' ba'i phyir ro/ / rigs kyi bu/ ngas sngon bskal pa tshad med mtha' yas pa khrag khrig 'das pa de'i tshe de'i dus na 'jig rten gyi khams mi mjed ces bya ba 'dir sangs rgyas bcom ldan 'das shAkya thub pa zhes bya ba de bzhin gshegs pa dgra bcom pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa/ sangs rgyas bcom ldan 'das byung ste/ 'khor mang po rnams la mya ngan las 'das pa chen po'i mdo 'di ston to/ /ngas de'i tshe na dge ba'i bshes gnyen las sangs rgyas de'i 'khor mang po rnams la mya ngan las 'das pa chen po ston no zhes thos so/ /das de thos nas rab tu dga' bar gyur te mchod pa zhig dbul bar bsams pa las dbul te ci'ang mi bdog go/ /lus btsod bar byas pa las kyang bsod nams chung bas ma dum mo/ /phyir khyim du song ba las la ma du mi gcig dang phrad nas ngas 'di skad du bdag lus 'di btsong na </font><hr>Kha22a<br><font size=+1>


@#/ /khyod mi nyo'am zhes smras so/ /des smras pa/ bdag la las shig yod de/ sus kyang byed mi nus so/ /khyod gal te de ltar nus na bdag gis nyo bar bya'o/ ngas dris pa/ las ji lta bu zhig yod na sus kyang byed mi nus/ des smras pa/ bdag la nad ma rungs pa zhig yod de/ sman pa mkhas pa dag gis dpyad byas na nyin re zhing mi'i sha srang gsum zos na phan zhes zer ro/ /gal te lus kyi sha nyin re zhing srang gsum gcod cing kho bo la sbyin phod na khyod la gser gyi dong tse lnga byin no/ /ngas de'i tshe de skad du smras pa thos nas sems rab tu dga' ste/ ngas kyang 'di skad du khyod kyis nga la dong tse byin te/ zhag bdun shol cig dang / nga'i bya ba byas nas khyod ci 'dod pa bzhin du bya'o zhes smras so/ /des smras pa/ zhag bdun ni mi rung gi/ /yang dag par de ltar rung na zhag gcig cig gnang bar bya'o/ /rigs kyi bu/ ngas de'i tshe dong tshe blangs nas phyir sangs rgyas gang na ba der song ste mgo bos zhags la phyag byas nas ci bdog pa ma lus par mchod cing phul te/ bzod sems thag pa nas mdo sde 'di mnyan to/ /nga de'i tshe dbang po rtul bas mdo sde 'di thos par 'gyur kyang tshig bzhi pa'i le'u gcig 'ba' zhig zin par gyur to/ /gang zhe na/ de bzhin gshegs pa mya ngan 'da' ba ni/ 'khor ba thams cad yongs su bcad pa ste/ / </font><hr>Kha22b<br><font size=+1>


gang gis rtse gcig sems kyis rab mnyan na/ /tshad med bde ba rtag tu thob par 'gyur/ /tshigs su bcad pa 'di bzung nas phyir nad pa de'i khyim du 'ongs so/ /rigs kyi bu/ ngas de'i tshe nyin re zhing sha srang gsum gsum bcad kyang tshigs su bcad pa 'di yid la byas pa'i rgyu dang rkyen gyis na bar ma gyur to/ /nyin gcig kyang bar chad ma byung bar zla ba gcig gi bar du de ltar byin no/ /rigs kyi bu/ de'i rgyu de'i rkyen gyis nad pa ni sos/ nga'i lus kyang sngon bzhin du rma med par gyur te/ ngas de'i tshe ba dag gi lus ma god par mthong nas bla na med pa yang dag par rdzogs pa'i byang chub tu sems bskyed do/ /tshigs su bcad pa gcig gi mthus kyang de ltar nus na yongs su rdzogs par 'dzin tam/ klog gam/ /'don pa lta ci smos/ /nas mdo se 'di la de lta bu'i khe phan pa yod par mthong nas sdon pas kyang sems lhag par bskyed de/ bdag ma 'ongs pa'i dus na sangs rgyas kyi byang chub thob cing mtshan yang shAkya thub pa zhes bya bar gyur cig ces smon lam btab bo/ /rigs kyi bu/ tshigs su bcad pa de gcig gi mthu'i rgyu dang rkyen gyis deng ngas 'khor mang po'i nang na lha dang mi rnams la yongs su rdzogs par bstan par 'gyur ro/ /rigs kyi bu/ de bas na mya ngan las 'das pa chen po 'di ni bsam gyis mi khyab ste/ yon tan tshad med pa mtha' yas pa dang ldan no/ /'di ni sangs rgyas </font><hr>Kha23a<br><font size=+1>


@#/ /bcom ldan 'das rnams kyis dgongs te gsungs pa'i snying po yin no/ /de lta bas na gang 'dzin pa des zag pa ngan pa spong zhing chod par 'gyur ro/ /ngan pa zhes bya ba ni bal glang ngan pa dang / rta ngan pa dang / be lang ngan pa dang / khyi dang / sbrul gdug pa ngan ba gnas pa'i gnas dang / tsher ma ngan pa'i sa dang / gad pa dang / g.yang sa dang / nyam da ba dang / shwa dang / dba' klong dang / mi ngan pa dang / yul ngan pa dang / grong khyer ngan pa dang / khyim ngan pa dang / bshes gnyen ngan pa la sogs pa ste/ de lta bu de dag gis gal te zag pa'i rgyu byed na/ byang chub sems dpas de spong ngo / /gal te mi byed na mi spong ngo / /gal te zag pa skyed na spong bar byed do/ /gal te mi skyed na mi spong ngo / /gal te chos sdig pa byed na yongs su spong ngo / /gal te dge ba byed na mi spong ngo / /ci ltar spong bar byed ce na/ mtshon cha mi thogs par rtag tu dpen pa'i blo'i thabs kyi spong bar byed de/ de bas na bden pa'i blos spong ba zhes bya'o/ /dge ba skye bar bya ba'i sdig pa'i chos spong ngo / /byang chub sems dpa' sems dpa' chen po bdag gi lus la nad lta bu dang / rma lta bu dang / skrangs pa lta bu dang / dgra lta bu dang / lus la mdas gzer ba lta bur rtogs te/ sdug bsngal gyi phung po chen po 'di ni dge ba dang sdig pa thams cad kyi rtsa ba yin par </font><hr>Kha23b<br><font size=+1>


rtogs so/ /lus 'di ni 'di ltar mi gtsang ba yin mod kyi/ 'on kyang byang chub sems dpas gso zhing ri ma gro byed do/ /de ci'i phyir zhe na/ lus la chags pa ma yin te/ dge ba'i chos kyi phyir ro/ /mya ngan las 'das pa'i phyir gyi 'khor ba'i phyir ma yin no/ /rtag pa dang / bde ba dang / bdag dang / yongs su dag pa'i phyir gyi/ mi rtag pa dang / mi bde ba dang / bdag med pa dang / yongs su dag pa med pa'i phyir ma yin no/ /byang chub kyi lam gyi phyir gyi/ srid pa'i lam gyi phyir ni ma yin no/ /theg pa gcig gi phyir gyi/ theg pa gsum gyi phyir ma yin no/ / mtshan sum cu rtsa gnyis dang / dpe byad bzang po rgyad cu'i sku dam pa'i phyir gyi 'du shes med 'du shes med min gyi lus kyi bar gyi phyir ni ma yin no/ /chos kyi k+'+hor lo bskor ba'i rgyal po'i phyir gyi/ 'khor los bsgyur ba'i rgyal po'i phyir ma yin no/ /rigs kyi bu/ byang chub sems dpa' sems dpa' chen pos lus rtag tu bsrung bar bya'o/ /de ci'i phyir zhe na/ gal te lus ma bsrungs na srog 'tsho bar mi 'gyur ro/ /gal te srog mi 'tsho na mdo sde 'di yi ger 'dri zhing 'dzin pa'am/ /klog pa'am/ /'don pa'am/ gzhan la rgyas par ston pa'am/ /don yid la byed par mi nus te/ de bas na byang chub sems p+da' lus shin tu b+s+pud bar bya'o/ /don de lta bu'i phyir byang chub sems dpas zag pa ngan pa thams cad spong bar gyur to/ / </font><hr>Kha24a<br><font size=+1>


@#/ /rigs kyi bu/ dper na/ chu brgal bas ni gru dang gzings shin tu bsrung ngo / /mgron po lam du zhugs pa ni rta bzang po la sogs pa shin tu skyong ngo / /zhing bas ni lud la sogs pa shin tu bsrung ngo / /dug la phan par 'dod pas ni sbrul gdug pa shin tu bsrung ngo / /rdzas mang po ba dog pas rigs ngan gdol ba bsrung ngo / /dgra la rgol bas ni mi rtsal yod pa bsrung ngo / /ji ltar grang bas me bsrung ngo / /ji ltar mdze can dag sman gdug pa tshol ba bzhin te/ byang chub sems dpa' sems dpa' chen po'ang de dang 'dra bar lus 'di la mi gtsang ba tshad med pa dang ldan zhing yongs su gang bar mthong yang / yongs su mya ngan las 'das pa chen po'i mdo gzungs su 'dzin par bya ba'i phyir 'on kyang srung zhing rim gro byed de prel zhing phongs par mi byed do/ /byang chub sems dpa' sems dpa' chen po bal glang ma rungs pa dang / bshes gnyen ma rungs pa la sogs pa brtags na gnyis su med do/ /de ci'i phyir zhe na/ kun kyang lus 'jig pa'i phyir ro/ /byang chub sems dpa' sems dpa' chen pos bal glang ma rungs ba la sogs pa la ni 'jigs skrag pa'i sems med do/ /sdig pa'i grogs po la ni shin tu 'jigs skrag pa'i sems bskyed do/ /de ci'i phyir zhe na/ bal glang ma rungs pa la sogs pa ni lus 'ba' zhig 'jig nus te sems </font><hr>Kha24b<br><font size=+1>


'jig mi nus so/ /grogs po ngan pas ni gnyis ka 'jig nus pa'i phyir ro/ /bal glang ngan pa la sogs pas ni lus gcig pu 'jig nus kyi/ grogs po ngan pas ni dge I lus tshad med pa dang / dge ba'i sems tshad med pa'ang 'jig go/ /bal glang ngan pa la sogs pas ni mi gtsang ba'i lus 'ba' zhig 'jig nus kyi/ /grogs po ngan pas ni rnam par dag pa'i lus dang / rnam par dag pa'i sems 'jig nus so/ /bal glang ngan pa la sogs pas ni sha'i lus 'ba' zhig 'jig nus kyi/ grogs po ngan pas ni chos kyi lus 'jig nus so/ /bal glang ma rungs bas bsad na ngan song gsum du mi 'gro ste/ grogs po ngan pas bas da na gdon mi za bar ngan song gsum du 'gro'o/ /bal glang ngan pa la sogs pa ni lus kyi 'khor du 'gyur te/ grogs po ngan pas ni dge pa'i chos kyi 'khon du 'gyur ro/ /de bas na byang chub sems dpas grogs po ngan pa dag ring du spang bar bya'o/ /de lta bu la sogs pa'i zag pa ni bus pa ma rabs dag mi spong bas zag pa skye'o/ /byang chub sems dpa' ni spong bas zag pa mi skye'o/ /byang chub sems dpa' la'ang de ltar zag pa med na/ de bzhin gshegs pa lta ci smos te/ de bas na zag pa ma yin no/ /zag pa dang nye ba gang zhe na/ bus pa ma rabs thams cad ni lus dang sems bde ba 'dod pa'i phyir gos dang / zas dang / mal cha dang / nad kyi rkyen sman la sogs pa </font><hr>Kha25a<br><font size=+1>


@#/ /len to/ /de lta bu'i rdzas tshol zhing sdig pa rnam pa sna tshogs byas kyang nyes par mi shes pas ngan song gsum du 'khro te/ de bas na zag pa zhes bya'o/ / byang chub sems dpa' sems dpa' chen pos de lta bu'i nyes pa mthong bas rnam par spong bar byed do/ /gal te gos dod na'ang len mod kyi lus kyi phyir ni ma yin te/ chos 'ba' zhig gi phyir ro/ /nga rgyal dang dregs pa mi skyed par rtag tu dma' ba'i sems dang / rgyan dang / bzang po 'dod pa'i phyir ni ma yin gyi/ ngo tsha ba dang / tsha ba dang / grang ba dang / rlung dang / char ba drag po dang / mchu smyung dang / sbrang bu dang / gdug pa dag gis zos kyis dogs pa'i skyabs bya ba'i phyir ro/ /bca' ba dang / bza' ba len kyang chags pa'i sems med la lus kyi phyir ma yin gyi/ rtag tu dam pa'i chos kyi phyir ro/ /nyam tshag gi phyir ma yin gyi/ sems can gyi phyir ro/ /nga rgyal dang dregs pa'i phyir ma yin gyi/ lus dang stobs kyi phyir ro/ /'khon pa dang dgra'i phyir ni ma yin gyi/ bkres pa'i rma gso ba'i phyir ro/ /ro dam pa rnyed kyang de la chags pa'i sems med do/ /gnas khang dag len pa'ang de dang 'dra ste/ chags pa dang dregs pas kun nas nyon mongs par gnas par mi byed kyi/ byang chub kyi gnas su bya ste/ kun nas nyon mongs pa'i dgra bcom pa dang / </font><hr>Kha25b<br><font size=+1>


rlung dang char drag po'i gnas kyi phyir gnas khang len to/ /nad kyi rkyen sman tshol ba la'ang chags pa'i sems med de/ dam pa'i chos kyi phyir gyi srog 'tsho ba'i phyir ni ma yin te/ 'tsho ba rtag par bya ba'i phyir ro/ /rigs kyi bu/ dper na/ shu ba'i nad kyis btab pa phye dang mar gyis bskus te/ gos kyi dkris shing rag dang khrag byung ba la shu ba sos par 'dod pa'i phyir sman gyis byugs te/ rlung btsa' ba'i phyir khang pa zab mor 'dug pa dang 'dra bar byang chub sems dpa' sems dpa' chen pa'ang de dang 'dra ste/ lus la rma lta bur rtog cing gos kyis g.yogs pa dang / bu ga dgu nas rang zag pa'i phyir zas tshol ba dang / rlung dang char drag po'i skyabs kyi phyir gnas khang len pa dang / dug rnam pa bzhi'i phyir sman tshol ba ste/ byang chub sems dpa' yo byad rnam pa bzhi len pa'ang byang chub kyi lam gyi phyir te/ 'tsho ba'i phyir ni ma yin no/ /de ci'i phyir zhe na/ byang chub sems dpa' sems dpa' chen pos 'di snyam du gal te bdag gis yo byad rnam pa bzhi 'di ma blangs na/ lus med cing mi brtan par 'gyur ro/ /gal te mi brtan par gyur na sdug bsngal mi bzod par 'gyur ro/ /gal te sdug bsngal mi bzod par gyur na dge pa'i chos thams cad yongs su spyod par mi 'gyur ro/ /gal te sdug bsngal bzod na dge ba'i chos tshad med pa sgom par 'gyur ro/ /gal te bdag </font><hr>Kha26a<br><font size=+1>


@#/ /sdug bsngal la bzod mi nus na sdug bsngal myong ba la zhe sdang gi sems skye bar 'gyur ro/ /bde ba myong ba la chags pa'i sems skye bar 'gyur te/ gal te bde ba tshol ba las ma rnyed na ma rig pa skye bar 'gyur te/ de bas na bus pa ma rabs so so'i skye bo ni yo byad rnam pa bzhi las zag pa skye bar gyur to/ /byang chub sems dpa' sems dpa' chen po ni rab tu rtog cing rtogs pas zag pa mi skyed do/ /de bas na byang chub sems dpa' la'ang zag pa med pa zhes bya na/ ci ste de bzhin gshegs pa la zag pa mnga' ba'o zhes bya/ de bas na de bzhin gshegs pa la ni zag pa mi mnga' ba zhes bya'o/ /gzhan yang / rigs kyi bu/ bus pa ma rabs thams cad ni lus dang sems shin tu srung yang mi dge ba'i rtog pa rnam pa gsum skye'o/ /de'i rgyu de'i rkyen gyis nyon mongs pa yongs su bcad de/ 'du shes med 'du shes med min gyi gnas su skyes kyang phyir ngan song gsum du ltung ngo / /rigs kyi bu/ dper na/ mi zhig rgya mtsho brgal ba pha rol gyi 'gram du phyin du nye ba las chur nub ste shi'o/ /bus pa ma rabs so so'i skye bo'ang de dang 'dra ste/ srid pa gsum zad du nye ba las phyir yang ngan song gsum du ltung ngo / /de ci'i phyir zhe na/ dge ba'i rtog pa med pa'i phyir ro/ /dge ba'i rtog pa zhes bya ba gang zhe na/ 'di </font><hr>Kha26b<br><font size=+1>


lta ste| dran pa nye bar bzhag pa drug go/ bus pa ma rabs dge ba'i sems ni zhan gyi/ mi dge ba ni rab tu 'bar ro/ /dge ba'i sems zhan pa'i phyir shes rab kyi sems srab par gyur to| |shes rab kyi sems srab pas zag pa thams cad skye zhing 'phel bar gyur to/ /byang chub sems dpa' sems dpa' chen po ni shes rab kyi mig yongs su dag pas rtog pa gsum gyi skyon mthong ngo / /rtog pa rnam pa gsum po 'di ni skyon rnam pa sna tshogs dang bcas pas rtag tu sems can gyi theg pa gsum gyi dgra yin par rtogs so/ /rtog pa gsum po 'di'i rgyu 'di'i rkyen gyis sems can ma rabs tshad med pa snyed sangs rgyas kyi rang bzhin mi mthong bar byed cing bskal pa tshad med pa'i bar du log pa'i sems bskyed pa ni 'di lta ste/ sangs rgyas bcom ldan 'das ni rtag pa dang / bde ba dang / bdag ces bya ba med kyi/ yongs su dag pa 'ba' zhig yod do/ /de bzhin gshegs pa gtan yongs su mya ngan las 'das te/ sems can thams cad la rtag pa'ang med/ bde ba'ang med/ bdag kyang med/ yongs su dag pa'ang med de/ phyin ci log gi sems kyis rtag pa dang / bde ba dang / bdag dang / yongs su dag pa yod do zhes smra'o/ /yang dag par na theg pa gsum yang med de/ phyin ci log pa'i sems kyis theg pa gsum yod do zhes smra'o/ /bden pa'i lam gcig pu ni yang dag par </font><hr>Kha27a<br><font size=+1>


@#/ /bden pa ste/ phyin ci log pa'i sems kyis bden pa gcig kyang med pa smra'i/ mi dge ba'i rtog pa rnam pa gsum la ni rtag tu sangs rgyas dang / byang chub sems dpa' rnams kyis yongs su smad pa yin no/ /mi dge ba'i yongs su rtog pa gsum po 'di ni rtag tu bdag dang / gzhan la'ang rab tu 'tshe'o/ /rtog pa gsum po 'di yod pas mi dge ba thams cad rtag tu phyi bzhin du 'brang bar gyur to/ /rtog pa gsum po 'di nyid ni kun nas nyon mongs pa gsum du 'gyur te/ sems can gyi 'khor ba mtha' yas pa snyed kyi mtshams sbyor ro/ /byang chub sems dpa' sems dpa' chen po ni 'di ltar rtog pa gsum la rtag tu yongs su rtog go /byang chub sems dpas gal te rgyu dang rkyen zhig gis 'dod pa'i rtog pa skyes na cang mi smra bar mi len to/ /dper na/ mi rab tu bzang zhing gtsang sbra che ba ni lud dang / mi gtsang ba thams cad mi len to/ /me mur rab tu 'bar ba la ni su'ang lag gis mi len to/ /bram ze ni rang bzhin gyis ba lang gi sha dang mi 'bags so/ /ji ltar 'grangs pa dag ni zas ngan pa mi chud do/ /ji ltar 'khor los bsgyur ba'i rgyal po ni gdol pa rigs ngan thams cad dang stan gcig la mi 'dug pa dang 'dra bar byang chub sems dpa' sems dpa' chen po rtog pa gsum mi len cing myong bar mi byed pa'ang de </font><hr>Kha27b<br><font size=+1>


dang 'dra'o/ /de ci'i phyir zhe na/ byang chub sems dpa' 'di snyam du sems te/ sems can thams cad kyis bdag la bsod nams kyi zhing yin par shes na bdag gis ji ltar mi dge ba'i chos 'di dag spyod par bya/ gal te mi dge ba'i rtog pa de dag spyod na sems can gyi bsod nams kyi zhing du mi rung ngo / /bdag la bdag gis bsod nams kyi zhing yin no zhes ma byas kyang sems can gyis tshul 'di bltas nas bdag la bsod nams kyi zhing yin no zhes zer ro/ /bdag gis da gal te mi dge ba'i rtog pa de lta bu bskyed na sems can thams cad bslus par 'gyur ro/ /bdag sngon yang bslus pas bskal pa tshad med pa'i bar du 'khor bar 'khor te/ ngan song gsum du ltung bar gyur to/ /bdag gis gal te mi dge ba'i sems kyis sbyin bdag dad pa'i byin pa blangs na lha dang / mi dang / drang srong mngon par shes pa lnga dang ldan pa thams cad kyis dbang byas shing smad par 'gyur ro/ /bdag gis gal te mi dge ba'i rtog pas sbyin bdag dad pas byin pa blangs sam/ gal te sbyin bdag gi 'bras bu chung bar gyur tam/ 'bras bu'i don med par gyur tam/ bdag gis gal te mi dge ba'i sems kyis sbyin bdag gis byin pa blangs na sbyin bdag dad pa'i dgrar 'gyur ro/ /sbyin bdag thams cad kyis bdag la bu gcig pa bzhin du 'du shes bskyed na bdag gis ci'i </font><hr>Kha28a<br><font size=+1>


@#/ /phyir de dag la slu zhing dgrar 'du shes bskyed/ de ci'i phyir zhe na/ sbyin bdag gis 'bras bu ma thob pa'am/ 'bras bu chung bar gyur na rtag tu bdag ni rab tu byung ba zhes brjod pa'ang mi rung ngo / /rab tu byung ba ni mi dge ba skyed pa'i mi rigs so/ /gal te mi dge ba skyed na rab tu byung ba zhes mi bya'o/ /rab tu byung ba ni lus dang ngag tu ldan pa'o/ /gal te mi ldan na rab tu byung ba zhes mi bya'o/ /bdag pha ma dang / phu nu dang / chung ma dang / bu dang / gnyen bshes thams cad btang ste rab tu byung nas lam bsgom pa 'di dge ba'i rtog pa rnams yongs su bsgom pa'i dus la bab kyi/ mi dge ba'i rtog pa bsgom pa'i dus ni ma yin no/ /dper na/ mi la la zhig rgya mtshor zhugs te rin po che tshol ba las rin po che yang dag pa ni mi len par chu shel len pa dang mtshungs so/ /gzhan yang la la zhig rol mo dam pa spong zhing lud dang mi gtsang pa'i gnas su rtse ba dang / ji ltar rin po che'i bu mo bor te bran mo dang nyal ba dang / ji ltar gser gyi snod spangs te kham phor spyod pa dang / ji ltar bdud rtsi spong zhing dug 'thung ba dang / ji ltar mdza' zhing nye ba'i sman pa mkhas pa spangs te dgra dang 'khon du gyur pa'i sman pa ma rungs pa las sman len cing 'thung ba dang mtshungs te/ bdag kyang de dang 'dra bar ston pa chen po sangs rgyas </font><hr>Kha28b<br><font size=+1>


bcom ldan 'das kyi chos kyi ro bdud rtsi dang 'dra ba spangs shing /bdud kyi mi dge ba'i rtog pa rnam pa sna tshogs 'thung ba dang 'dra'o/ /mi'i lus shin tu rnyed dka' ba med tog u dum+ba ra dang 'dra ba ni bdag gis da thob par gyur/ de bzhin gshegs pa dang phrad dka' ba med tog u dum+ba ra dang 'dra ba ni da bdag gis phrad par gyur/ rnam par dag pa'i chos dkon mchog mthong ba dang thos pa dka' ba ni ji ltar rus sbal long ba gnya' shing gi bu ga dang phrad pa dang 'dra ba ni bdag gis da thos par gyur te/ mi'i tshe mi sdod pa ni ri gzar po'i shwa bas mgyogs te/ deng yod kyang sang yod par mi mngon na ci'i phyir sems phyal par mi dge ba'i chos la gnas/ lang tsho yang mi sdod pa ni rtag rgyug pa bas kyang mgyogs na ci ste de la bsnyems shing nga rgyal dang dregs pa skyed/ ji ltar yi dwags ma rungs pa mi la skabs chol ba ltar chen po bzhi'i yi dwags kyang de dang 'dra ste/ rtag tu bdag la nyes pa'i skabs tshol na ci ste mi dge ba'i rtog pa bskyed par bya/ dper na/ khang pa rul pa rdib tu nye ba dang 'dra bar bdag gi tshe yang de dang 'dra na ci'i phyir mi dge ba bskyed/ bdag ni dge sbyong zhes bya ste/ dge sbyong zhes bya ba ni dge ba'i rtog pa la rtog pa zhes bya ste/ bdag gis da mi dge ba'i rtog pa bskyed na dge sbyong zhes ji skad gdags/ bdag ni rab tu byung ba zhes bya ste/ rab tu byung ba ni dge ba'i lam bsgom </font><hr>Kha29a<br><font size=+1>


@#/ /pa zhes bya ste/ bdag gis da mi dge ba spyod na ji ltar rab tu byung ba zhes bya/ bdag ni bram ze zhes bya ste/ bram ze zhes bya ba ni tshangs par spyod pa'o/ /bdag gis mi tshangs pa mi dge ba'i rtog pa spyod na/ ji ltar bram ze zhes bya/ bdag ni rgyal rigs chen po zhes kyang bya ste/ rgyal rigs zhes bya ba ni dgra thul ba yin no/ /bdag da mi dge ba'i dgra mi thul na/ ji ltar rgyal rigs zhes bya/ bdag ni dge slong zhes kyang bya ste/ dge slong zhes bya ba ni nyon mongs pa 'joms pa zhes bya na bdag deng mi dge ba'i rtog pa nyon mongs pa ma bcom na ji ltar dge slong zhes gdags/ 'jig rten na rnam pa 'di drug ni shin tu phrad par dka' ste/ bdag gis da phrad par gyur na ci'i phyir mi dge ba'i rtog pa sems la gnas par bya/ rnam pa drug gang zhe na/ 'di lta ste/ sangs rgyas 'jig rten du byung ba phrad par dka' ba dang / dam pa'i chos thos par dka' ba dang / 'jigs pa'i sems skye bar dka' ba dang / yul gyi dbus su skye bar dka' ba dang / mi'i lus thob par dka' ba dang / dbang po rnams dang ldan par dka' ba'o/ /de lta bu'i dngos po rnam pa drug thob par dka' ba ni thob par gyur te/ de bas na mi dge ba'i rtog pa bskyed pa'i mi rigs so snyam sems so/ /byang chub sems dpa' de'i tshe 'di ltar mya ngan las 'das pa chen po'i </font><hr>Kha29b<br><font size=+1>


mdo la nan tan byed pa ni rtag tu mi dge ba'i sems la brtson 'grus su rab tu rtog go /bus pa ma rabs thams cad ni de lta bu'i mi dge ba'i sems kyi skyon mi mthong bas rtog pa gsum len te/ de bas na zag pa dang bcas pa zhes bya'o/ /byang chub sems dpas mthong nas mi len/ mi chags/ yongs su gtong zhing mi srung la/ 'phags pa'i lam brgyad la brten te skrod pa dang yongs su gcod par byed de/ de bas na byang chub sems dpa' yang zag pa mi len na/ ci'i phyir de bzhin gshegs pa la zag pa yod ces smra/ don de lta bas na de bzhin gshegs pa ni zag pa dang bcas pa ma yin no/ /rigs kyi bu/ bus pa ma rabs ni gal te lus dang sems la sdug bsngal gyis gdungs na mi dge ba rnam pa sna tshogs skye'o/ /gal te lus na'am/ sems na na lus dang ngag dang yid kyis mi dge ba'i las rnam pa sna tshogs byed do/ /mi dge ba byas pas ngan song gsum du 'khor zhing sdug bsngal rdzogs par myong bar gyur to/ /de ci'i phyir zhe na/ bus pa ma rabs ni dran pa dang shes rab med pa'i phyir zag pa rnam pa sna tshogs skyes te de ni dran pa'i zag pa zhes bya'o/ /byang chub sems dpa' sems dpa' chen po ni rtag tu 'di snyam du bdag sngon bskal pa grangs med pa'i bar du lus dang sems 'di'i dbang gis mi dge ba rnam pa sna tshogs byas so/ /de ltar byas pa'i rgyu dang rkyen </font><hr>Kha30a<br><font size=+1>


@#/ /gyis 'khor bar rab tu 'khor te/ ngan song gsum du sdug bsngal mang po rdzogs par myong zhing bdag theg pa gsum gyi lam las thag ring du byas so snyam bsams nas/ byang chub sems dpa' de'i rgyu/ de'i rkyen gyis bdag gis lus dang sems la rab tu 'jigs pa chen po bskyed de/ mi dge ba mang po yongs su spong zhing dge ba'i lam la rab tu 'jug go /rigs kyi bu/ 'di lta ste/ dper na/ rgyal po zhig gis sbrul gdug pa bzhi snod gcig gi nang du bcug nas mi zhig bsrung zhing bsnyod pa dang| bsnyal ba dang / bslang ba dang / bkru ba la sogs pa'i las byed du bcug go/ gal te sbrul de las gcig khros par gyur na ngas khrims bzhin du mi mang po 'dus pa'i nang du bsad do zhes bsgo'o/ /de nas mi des rgyal pos bsgo ba thos nas shin tu skrag pa'i sems skyes te sbrul gyi snod bor nas bros so/ /de nas rgyal pos rigs ngan gdol pa ral gri thogs pa lnga phyi bzhin du snyegs su bkye'o/ /mi des phyir bltas pa dang / phyi nas mi lnga 'ong ba mthong nas de bas kyang myur bar song ngo / /de nas mi lngas log pa'i thabs kyis thogs pa'i ral gri sbas nas mi gcig nye zhing mdza' ba ltar sgyus nye bar bsnyen te/ de la 'di skad du khyod phyir shog cig ces smras so/ /mi des yid ma ches </font><hr>Kha30b<br><font size=+1>


nas gab tu 'gro ba'i phyir grong khyer zhig tu song ngo / /grong khyer du zhugs nas khang pa thams cad du bltas na mi gcig kyang mi snang la/ rdza ma dang snod dag gi nang du bltas na thams cad stong ste ci'ang med par mthong ngo / /des mi yang ma mthong / rdzas kyang ma rnyed nas sa la 'dug pa dang / nam mkha' stong pa las/ kye rigs kyi bu/ grong khyer stong pa 'di na mi gcig kyang mi gnas la/ do nub dgra ma rungs pa drug 'ong ngo / /gal te khyod de dang phrad na srog gson par mi 'gyur na khyod ci ste le lo byed ces pa'i sgra grags so/ /de nas mi de de bas kyang 'jigs skrag nas yang de nas byung ste song ba las/ lam du chu chen po zhig dang phrad do/ /chu de shin tu drag ste/ gru dang gzings med mod kyi/ 'jigs skrag pa'i phyir rtswa dang shing mang po bsdus nas gzings bcas so/ /yang 'di snyam du bdag gal te 'dir 'dug na sbrul gdug pa dang / rigs ngan gdol pa lnga dang / sgyus nye ba gcig dang / dgra ma rungs pa drug gis gnod pas 'tshe bar 'gyur ro/ /chu 'di la rgal na'ang gzings brtan du mi rung ste/ chur nub cing shi bar 'gyur ro/ /chur nub ste shi na'ang sla'i/ sbrul dang dgras gtse bar mi bya'o snyam bsams nas de nas rtswa'i gzings phul te chu'i nang du bcug nas de'i steng du lus 'dug ste lag pas ni brus/ rkang pas ni 'phras nas chu yang chod </font><hr>Kha31a<br><font size=+1>


@#/ /de| pha rol gyi 'gram du bde bar phyin nas sems dang yid bde bar gyur te/ 'jigs pa dang / skrag pa med par gyur to/ /byang chub sems dpa' sems dpa' chen po yongs su mya ngan las 'das pa chen po'i mdo 'di thos nas gzungs su 'dzin pa'ang lus la ni snod dang 'dra bar rtog/ sa dang / chu dang / me dang / rlung la ni sbrul gdug pa bzhi lta bur rtog ste/ lta ba'i gdug pa dang / reg pa'i gdug pa dang / dbugs kyi gdug pa dang / zos pa'i gdug pa lta bur rtog go/ sems can thams cad kyang gdug pa de bzhi dang phrad na tshe'i dus byas par 'gyur ro/ /sems can gyi chen po bzhi yang de dang 'dra ste/ mthong bas mi dge ba byed pa dang / reg pas mi dge ba byed pa dang / dris mi dge ba byed pa dang / zos pas mi dge ba byed de/ de'i rgyu de'i rkyen gyis dge ba thams cad spong bar 'gyur ro/ /gzhan yang / rigs kyi bu/ byang chub sems dpa' sems dpa' chen pos sbrul gdug pa bzhi rtog par rigs bzhi yod do/ /'di lta ste/ rgyal rigs dang / bram ze'i rigs dang / rje'u rigs dang / gdol rigs so/ /chen po bzhi'i sbrul yang de dang 'dra ste/ rang bzhin rnam pa bzhi yod do/ /'di lta ste/ sra ba'i rang bzhin dang / gsher ba'i rang bzhin dang / dro ba'i rang bzhin dang / g.yo ba'i rang </font><hr>Kha31b<br><font size=+1>


bzhin no/ /de bas na byang chub sems dpa' ni chen po bzhi dang / sbrul gdug pa bzhi rang bzhin gyis 'dra bar rtog go/ gzhan yang / rigs kyi bu/ byang chub sems dpa' ni chen po bzhi la sbrul gdug pa bzhi lta bur rtog go/ /ji ltar rtog ce na/ sbrul gdug pa bzhi ni rtag tu mi la skabs tshol te/ ji ltar nam zhig mthong bar 'gyur/ nam zhig reg par 'gyur/ nam zhig dbugs kyis rngub par 'gyur/ nam zhig bza' bar 'gyur snyam sems so/ /chen po bzhi'i sbrul gdug pa'ang de dang 'dra ste/ rtag tu sems can gyi nyes pa'i skyon tshol lo/ / gal te sbrul gdug pa bzhis bsad na nam du'ang ngan song gsum du mi 'gro'o/ /gal te chen po bzhis bsad par gyur na gdon mi za bar ngan song gsum du 'gro bar nges te/ the tshom med do/ /sbrul gdug pa bzhi ni legs par gsos kyang phyir mi la gsod par sems so/ /chen po bzhi yang de dang 'dra ste/ rtag tu gso zhing rim gro byas kyang rtag tu mi dge ba thams cad byed du bcug go/ sbrul gdug pa bzhi las gal te gcig khros na mi la gsod par nus so/ /chen po bzhi'i rang bzhin yang de dang 'dra ste/ gal te chen po bzhi gcig gi shas ma mnyam na'ang mi la gsod par nus so/ /sbrul gdug pa bzhi ni lhan cig tu gnas kyang bzhi po'i sems so so'o/ /chen po bzhi'i sbrul gdug pa'ang de dang 'dra ste/ </font><hr>Kha32a<br><font size=+1>


@#/ /lhan cig gnas kyang rang bzhin so so'o/ /sbrul gdug pa bzhi la bkur sti byas kyang nye bar bsten dka'o/ /chen po bzhi'i sbrul gdug pa'ang de dang 'dra ste| bkur sti byas kyang nye bar bsten dka'o/ /gal te sbrul gdug pa bzhis zin na dge sbyong ngam bram ze la sogs pas rig sngags dang sman gyis gso nus so/ /chen po bzhis bsad na dge sbyong ngam bram ze la sogs pa dag gis rig sngags dang sman bzang pos gsos kyang mi sos so/ /sbrul la rtse ba dag kyang sbrul gdug pa bzhi'i dri mnam pas phog na rab tu spong bar 'gyur ro/ /sangs rgyas dang byang chub sems dpa' yang de dang 'dra ste/ chen po bzhi'i mnam pa tshor na rab tu spong ngo / /de'i tshe byang chub sems dpa' yang 'di snyam du chen po bzhi'i sbrul gdug pa la rab tu 'jigs pa bskyed de rgyab kyis phyogs nas myur bar bros te/ 'phags pa'i lam brgyad la bsgom par bya'o snyam sems so/ /rigs ngan lnga zhes bya ba ni phung po lnga'i dpe'o/ /ji ltar na byang chub sems dpas phung po lnga la rigs ngan lta bur rtog ce na/ rigs ngan zhes bya ba ni rtag tu mdza' zhing sdug pa dang so sor phral te/ dgra sdang ba dang lhan cig sprod do/ /phung po lnga'ang de dang 'dra ste/ 'gro ba mang po mi dge ba'i chos la chags shing nye bar byed de/ phyogs gcig tu dge ba'i </font><hr>Kha32b<br><font size=+1>


chos thams cad dang ni bral bar byed do/ /gzhan yang / rigs kyi bu/ dper na/ rigs ngan ni ral gri dang / phub dang / mda' gzhu dang / go cha dang / mdung dang / mtshon cha rnam pa sna tshogs kyis bdag la brgyan cing gzhan la gnod par byed do/ /phung po lnga'ang de dang 'dra ste/ nyon mongs pa rnams kyis shin tu brgyan nas gti mug can la 'tshe zhing srid pa rnams su ltung bar byed do/ /rigs kyi bu/ rigs ngan ni 'gro ba nyes pa byung ba yod na gsod do/ /phung po lnga'ang de dang 'dra ste/ kun nas nyon mongs pa'i nyes pa dang bcas pas rtag tu gsod do/ /de bas na byang chub sems dpas phung po lnga la rigs ngan lnga lta bur rab tu rtogs so/ /gzhan yang byang chub sems dpas phung po lnga la rigs ngan lta bur rtogs te/ rigs ngan ni byams pa dang brtse ba'i sems med de/ dgra dang gnyen gnyis ka gsod do/ /phung po lnga'ang de dang 'dra ste/ byams pa dang brtse ba'i sems med pas dge ba dang / mi dge ba gnyis ka gsod do/ /rigs ngan ni mi thams cad la 'tshe'o/ /phung po lnga'ang de dang 'dra ste/ nyon mongs pa rnams kyis rtag tu 'khor ba'i sems can rnams la 'tshe'o/ /de bas na byang chub sems dpas phung po lnga la rigs ngan lta bur rtog go/ /rigs ngan ni rtag tu 'tshe ba'i sems dang bcas so/ /phung po lnga'ang de dang 'dra bar rtag tu kun nas nyon mongs pa dang bcas </font><hr>Kha33a<br><font size=+1>


@#/ /pas 'tshe ba'i sems dang bcas so/ /ji ltar mi rkang pa med pa la ral gri dang / mtshon cha dang / g.yog med na gdon mi za bar rigs ngan gyis gsod par 'gyur ro/ /sems can yang de dang 'dra ste/ rkang pa med cing mtshon cha med de/ g.yog med na phung po lngas gsod par 'gyur ro/ /rkang pa zhes bya ba ni tshul khrims so/ / ral gri zhes bya ba ni shes rab bo/ /g.yog ces bya ba ni dge ba'i bshes gnyen te/ de gsum med na phung po lnga'i dgras 'tshe bar 'gyur ro/ /de bas na byang chub sems dpas phung po lnga la rigs ngan lta bur rtog go/ gzhan yang / rigs kyi bu/ byang chub sems dpa' sems dpa' chen pos phung po lnga la rigs ngan pas kyang lhag par rtog go /de ci'i phyir zhe na/ gal te sems can gang rigs ngan gyis bsad na sems can dmyal bar mi ltung ngo / /phung po lngas bsad na sems can dmyal bar ltung ste/ don de lta bas na byang chub sems dpas phung po lnga la rigs ngan pas lhag par rtog go/ /de ltar rtogs nas 'di skad ces dam 'cha'o/ /bdag tshe gcig gi bar du rigs ngan dang lhan cig gnas kyang sla'i/ skad cig tsam yang phung po lnga dang nye bar mi 'dod do/ /rigs ngan ni 'dod khams kyi glen pa 'ba' zhig 'tshe bar nus kyi/ phung po lnga'i dgras ni khams </font><hr>Kha33b<br><font size=+1>


gsum gyi bus pa ma rabs glen pa kun la 'tshe'o/ /rigs ngan ni nyes pa yod pa'i mi 'ba' zhig gsod kyi/ phung po lnga'i dgras ni sems can nyes pa yod kyang rung / med kyang rung ste/ kun la gnod par byed cing rab tu 'tshe'o/ /rigs ngan ni zhan pa rgas pa dang / bud med dang / bu chung ngu rnams la mi 'tshe'o/ /phung po lnga'i dgra ni sems can rgan yang rung / gzhon yang rung / bud med kyang rung ste/ thams cad kun la 'tshe'o/ /de ni byang chub sems dpas phung po 'di la rigs ngan pas lhag par rtog pa zhes bya ste/ de bas na tshe gcig gi bar du rigs ngan dang lhan cig gan kyang sla'i/ skad cig tsam yang phung po lnga dang nye ba dang bsten par mi bya'o zhes yi dam 'cha'o/ /gzhan yang / rigs kyi bu/ rigs ngan ni pha rol po 'ba' zhig la 'tshe'i/ bdag la mi 'tshe'o/ /phung po lnga'i dgra ni bdag dang / gzhan dang / rigs ngan pa'ang 'tshe'o/ /rigs ngan la ni tshig 'jam po dang nor rin po che byin pas thar bar rung gi/ phung po lnga ni de lta ma yin gyi/ tshig 'jam pos brid cing nor rin po che la sogs pa phul yang thar bar mi 'gyur ro/ /rigs ngan ni dus bzhi thams cad du rtag tu gsod pa ma yin no/ /phung po lnga ni de lta ma yin te/ skad cig skad cig tsam yang rtag tu sems can rnams gsod do/ /rigs ngan ni gnas gcig tu zad pas 'byol zhing </font><hr>Kha34a<br><font size=+1>


@#/ /'bros su yod do/ /phung po lnga ni de lta ma yin te/ gnas thams cad kun tu khyab pas 'byol zhing 'bros pa'i sa med do/ /rigs ngan ni mi la gsod mod kyi/ bsad nas rjes su mi 'brang ngo / /phung po lnga ni de lta ma yin te/ sems can bsad nas kyang rjes su 'brang zhing mi 'bral lo/ /de bas na byang chub sems dpa' nam 'tsho'i bar du rigs ngan dang lhan cig gnas kyang sla'i/ skad cig tsam yang phung po lnga dang nye bar mi 'gro'o/ /shes rab can dag ni thabs mkhas pas phung po lnga las thar bar 'gyur ro/ /thabs mkhas pa zhes bya ba ni 'phags pa'i lam brgyad dang / pha rol tu phyin pa drug dang / tshad med pa bzhi ste/ de lta bu'i thabs kyis rnam par grol bar 'gyur te/ lus dang sems la phung po lngas mi 'che bar 'gyur ro/ /de ci'i phyir zhe na/ lus ni rdo rje lta bu/ sems ni nam mkha' lta bu ste/ de'i phyir lus dang sems gzhig par rab tu dka'o/ /don de lta bas na byang chub sems dpas phung po lnga ni mi dge ba'i chos rnam pa sna tshogs dang ldan par rtogs nas rab tu 'jigs pa chen po skyes te| 'phags pa'i lam brgyad la nan tan byed pa ni ji ltar mi des sbrul gdug pa bzhi dang / rigs ngan lnga la 'jigs nas thogs pa med par lam du zhugs te song ba </font><hr>Kha34b<br><font size=+1>


dang 'dra'o/ /sgyus mdza' ba ltar byed pa ni 'dod chags pa'o/ /byang chub sems dpa' sems dpa' chen pos 'dod pa kun nas nyon mongs pa la dgra sgyus mdza' bar byed pa lta bur rtogs te/ gang gis de ltar shes pa la ni cis kyang mi tshugs so/ /gang mi shes pa la ni gdon mi za bar 'tshe bar 'gyur te/ 'dod chags pa'ang de dang 'dra'o/ /gang de'i tshe mtshan nyid shes pa'i 'gro ba dag ni 'khor bar 'khor ba'i sdug bsngal myong bar mi 'gyur ro/ /gal te mi shes na rgyud drug tu 'khor zhing sdug bsngal mang po ma lus par myong bar 'gyur ro/ /de ci'i phyir zhe na/ 'dod chags las nad du 'gyur ba ni shin tu spong dka' ba'i phyir ro/ /de'ang ji ltar dgra sgyus mdza' ba ltar byed pa spong dka' ba bzhin no/ /dgra sgyus mdza' ba ltar byed pa ni rtag tu skabs tshol te/ mdza' zhing sdug pa dang phral nas dgra sdang ba dang sprod par byed do/ /'dod chags kyang de dang 'dra ste/ skye bo dag dge ba'i chos thams cad dang ring du 'gyur zhing mi dge ba'i chos thams cad dang nye bar byed do/ /don de lta bas na byang chub sems dpa' sems dpa' chen po ni 'dod chags la ji ltar dgra sgyus mdza' bar byed pa dang 'dra bar rtogs te/ mi mthang ba mthong ba dang / ma thos pa thos pa'i phyir ro/ /byis pa so so'i skye bo ni 'khor ba'i skyon mthong ste/ shes rab </font><hr>Kha35a<br><font size=+1>


@#/ /yod mod kyi gti mug gis khebs pas phyis kyang mi mthong bar 'gyur ro/ /nyan thos dang rang sangs rgyas kyang de dang 'dra ste/ mthong mod kyi mi mthong ba dang 'dra'o/ /thos mod kyi mi thos pa dang 'dra'o/ /de ci'i phyir zhe na/ 'dod pa'i sems dang bcas pa'i phyir ro/ /de'ang ji lta zhe na/ 'khor ba'i skyon mthong yang myur du bla na med pa yang dag par rdzogs pa'i byang chub tu 'gro mi nus so/ /don de bas na byang chub sems dpa' sems dpa' chen po ni 'dod chags kyi kun nas nyon mongs pa'i 'di la dgra sgyus mdza' ba ltar byed pa dang 'dra bar rab tu rtogs so/ /dgra sgyus mdza' ba ltar byed pa'i mtshan ma ji lta bu zhe na/ dper na/ dgra mi bden par sgyus bden pa'i mtshan ma ston pa dang / nye zhing mdza' mi rung bar sgyus nye ba'i mtshan ma ston pa dang / yang dag par dge ba ma yin par sgyus dge ba'i mtshan ma ston pa dang / yang dag par sdug pa ma yin par sgyus sdug pa'i mtshan ma ston to/ /de ci'i phyir zhe na/ rtag tu skabs tshol te/ 'che bar 'dod pa'i phyir 'dod pa'ang de dang 'dra bar rtag tu sems can ran+m+sa la mi bden par sgyus bden pa dang / mi nye bar sgyus nye ba dang / mi dge bar sgyus dge ba dang / mi sdug par sgyus sdug pa ltar byed de/ rtag tu thams cad la slu zhing 'khor bar 'khor bar byed do/ /don </font><hr>Kha35b<br><font size=+1>


de lta bas na byang chub sems dpa' ni 'dod chags la dgra sgyus nye bar byed pa lta bu rtog go /dgra sgyus nye ba ltar byed pa ni lus dang ngag gi las mthong gi/ sems ni mi mthong ste/ de bas na slu bar 'gyur ro/ /'dod pa'ang de dang 'dra ste/ yang dag pa ma yin pa'i slu ba 'ba' zhig ste/ bden pa med do/ /de bas na sems can thams cad kyang bslus so/ /dgra sgyus nye ba ltar byed pa ni thog ma dang tha ma yod de/ spong bar sla'o/ /'dod chags ni de lta bu ma yin te/ thog ma dang tha ma med pas spong bar rab tu dka'o/ /dgra sgyus nye ba ltar byed pa ni thag ring na shes par dka'i/ nye na shes par sla'o/ /'dod pa ni de lta ma yin te/ nye na'ang shes par dka' na ring ba lta ci smos te/ don de lta bas na byang chub sems dpa' ni 'dod chags la sgyus nye bar byed pa bas kyang lhag par rtog go /sems can thams cad ni 'dod chags kyi kun nas nyon mongs pas mya ngan las 'das pa chen po dang thag ring zhing| 'khor ba dang dus nye bar gyur to/ /rtag pa dang / bde ba dang / bdag dang / yongs su dag pa dang thag ring zhing mi rtag pa dang / sdug bsngal ba dang / bdag med pa dag yongs su ma dag pa dang nye bar gyur to/ /de bas na ngas mdo sde kun las dri ma rnam pa gsum bshad de/ ma rig pa'i phyir da ltar gyi dngos po la nyes pa'i skyon ma mthong ste/ spong mi nas </font><hr>Kha36a<br><font size=+1>


@#/ /so/ /'dod chags kyi dgra sgyus nye ba ltar byed pa ni nam yang mkhas pa shes rab can la gnod pa byed mi nus so/ /de bas na byang chub sems dpa' ni 'dod pa 'di rab tu rtogs shing 'jigs pa chen po skyes nas/ 'phags pa'i lam yan lag brgyad la nan tan byed pa ni ji ltar mi de sbrul gdug pa bzhi dang / rigs ngan lnga dang sgyus nye ba gcig la 'jigs pas lam du zhugs nas phyir mi ldog pa bzhin no/ /grong khyer stong pa zhes bya ba ni skye mched drug go /byang chub sems dpa' sems dpa' chen po nang gi skye mched drug la stong pa ci'ang med pa grong khyer stong pa dang 'dra bar rtog go /ji ltar 'jigs pa'i mi de grong khyer stong par zhugs nas mi gcig kyang ma mthong zhing / rdza ma dang snod kun tu bltas kyang rdzas gcig kyang ma rnyed pa bzhin te/ byang chub sems dpa' yang de dang 'dra bar skye mched drug la yang dag par brtags na stong pa ci'ang med pa/ sems can gyi rdzas gcig kyang bden pa ma mthong ngo / /de bas na byang chub sems dpas nang gi skye mched drug la stong pa/ ci'ang med pa grong khyer stong pa de dang 'dra bar rtog go /rigs kyi bu| grong khyer stong pa de la dgra dang rkun po rnams kyis rgyang nas bltas na stong pa'i 'du shes yang mi skye'o/ /bus pa ma rabs so so'i skye bo'ang de dang 'dra ste/ skye mched drug </font><hr>Kha36b<br><font size=+1>


gi grong khyer la stong pa'i 'du shes mi skye'o/ /stong pa'i 'du shes ma skyes pa'i phyir 'khor bar 'khor te/ sdug bsngal tshad med pa snyed myong bar gyur to/ /rigs kyi bu/ dgra dang rkun po rnams der phyin nas/ gdod stong pa'i 'du shes bskyed pa dang 'dra bar byang chub sems dpa' yang de dang 'dra ste/ skye mched drug po 'di la brtags na rtag tu stong pa'i 'du shes skye'o// stong pa'i 'du shes bskyed pas 'khor bar mi 'khor zhing sdug bsngal mi myong bar gyur to/ /byang chub sems dpa' sems dpa' chen po ni skye mched drug po 'di la phyin ci log tu ma gyur to/ /phyin ci log tu ma gyur pa'i phyir 'khor bar 'khor bar ma gyur to/ /gzhan yang / rigs kyi bu/ rkun po rnams ni grong khyer stong par zhugs na bde ba thob par 'gyur ro/ / nyon mongs pa'i rkun po rnams kyang de dang 'dra ste/ skye mched drug po de la zhugs na bde ba thob par 'gyur ro/ /de ltar rkun po rnams grong khyer stong par gnas na 'jigs pa'i sems med pa ltar/ nyon mongs pa'i dgra rnams kyang de dang 'dra ste/ skye mched drug po de la gnas na 'jigs pa med do/ /ji ltar grong khyer stong pa de ni seng+ge dang / stag dang / spyang ki dang / gcan gzan ma rungs pa thams cad kyi gnas dang 'dra ba ltar nang gi skye mched drug po de'ang de dang 'dra ste/ nyon mongs pa'i gcan gzan ma rungs pa mang po thams cad kyi gnas </font><hr>Kha37a<br><font size=+1>


@#/ /so| |de bas na byang chub sems dpas skye mched drug ni stong pa ci'ang med pa/ mi dge ba thams cad kyi gnas yin par rab tu rtog go /gzhan yang / rigs kyi bu/ byang chub sems dpa' sems dpa' chen po nang gi skye mched drug la stong pa ci'ang med pa/ grong khyer stong pa de dang 'dra bar rtog go /de ci'i phyir zhe na/ yang dag pa ma yin pas slu ba'i phyir stong pa ci'ang med pa la yod par 'du shes pa dang / yang dag par bde ba med par bde bar 'du shes pa dang / yang dag par mi med par mir 'du shes so/ /nang gi skye mched drug kyang de dang 'dra ste/ stong pa ci'ang med pa la yod par 'du shes pa dang / yang dag par bde ba med par bde bar 'du shes pa dang / yang dag par mi med par mir 'du shes te/ mkhas pa shes rab can 'ba' zhig gis ni yang dag par ji lta ba bzhin du rig par nus so/ /gzhan yang / rigs kyi bu/ grong khyer stong pa ni res 'ga' mi yod/ res 'ga' mi med do/ /skye mched drug ni de lta ma yin te/ phyogs gcig tu mi byed do/ /de ci'i phyir zhe na/ ngo bo nyid kyis stong pa'i phyir ro/ / mkhas pa shes rab can gyis shes pa ni mig gis mthong ba ma yin no/ /de bas na byang chub sems dpas nang gi skye mched drug la dgra dang 'tshe ba mang bar rtogs nas mi sdod </font><hr>Kha37b<br><font size=+1>


mi dal bar 'phags pa'i lam brgyad la nan tan byed pa ni ji ltar mi nges sbrul gdug pa bzhi dang / rigs ngan lnga dang / mdza' zhing nye ba ltar sgyus 'chos pa gcig dang / rkun po drug la 'jigs nas bden pa'i lam du zhugs pa bzhin no/ /dgra chen po drug ces bya ba ni phyi rol gyi yul drug ste/ byang chub sems dpa' sems dpa' chen pos yul drug la dgra chen po drug dang 'dra bar rtog go /de ci'i phyir zhe na/ dge ba'i chos thams cad 'phrog pa'i phyir ro/ /ji ltar dgra drug pos mi kun gyi nor rdzas dang rin po che 'phrog nus pa ltar/ yul drug gi dgra'ang de dang 'dra ste/ sems can thams cad kyi dge ba'i nor kun 'phrog nus so/ /ji ltar dgra chen po drug gal te mi'i khyim du zhugs na rdzas bzang ngan mi 'dam par ci yod pa kun 'phrog nus te/ rab tu phyug po'ang dbul bar byed do/ /yul drug gi dgra'ang de dang 'dra ste/ gal te mi'i dbang por zhugs na dge ba'i chos thams cad 'phrog par 'gyur te/ dge ba'i chos zad pas dbul phongs nas log sred can gyi las kyang byed de/ de bas na byang chub sems dpas yul drug la dgra chen po drug dang 'dra bar yang dag par rab tu rtog go gzhan yang| rigs kyi bu/ dgra drug po de 'phrog par bshams na nang byan dgos so/ /gal te nang byan med na de nyid du phyir ldog go /yul drug gi dgra'ang de dang 'dra ste/ dge ba'i </font><hr>Kha38a<br><font size=+1>


@#/ /chos 'phrog par bshams na nang gi sems can du shes shing mthong ba dang / rtag pa dang / bde ba dang / bdag dang / yongs su dag pa dang / stong pa ma yin pa la sogs pa'i mtshan ma mthong ba dang shes pa dgos so/ /gal te nang na de lta bu la sogs pa'i mtshan mar 'dzin pa med na/ yul drug gi dgra ma rungs pas dge ba'i chos thams cad 'phrog mi nus so/ /mkhas pa shes rab can ni nang na de lta bu'i mtshan ma med do/ /bus pa ma rabs la ni de lta bu yod de/ de bas na yul drug gis rtag tu dge ba'i chos kyi nor 'phrog tu 'ongs te/ legs par ma bsrungs pas 'phrog par gyur to/ /bsrung ba ni shes rab ste/ shes rab can dag gis legs par bsrungs pas 'phrog par ma gyur to/ /de bas na byang chub sems dpas yul drug la dgra chen po drug dang 'dra bar khyad med par rtogs so// //'phags pa yongs su mya ngan las 'das pa chen po'i mdo/ bam po sum cu gcig pa/ gzhan yang / rigs kyi bu/ dgra chen po drug ni gzhan dag gi lus dang sems sdug bsngal gyis gdungs par byed nus so| |yul drug gi dgra'ang de dang 'dra ste/ rtag tu sems can gyi lus dang sems sdug bsngal gsum gyis gdungs par byed do/ /dgra chen po drug ni da ltar gyi nor 'ba' zhig </font><hr>Kha38b<br><font size=+1>


'phrog nus kyi/ yul drug gi dgra de ni rtag tu sems can gyi dus gsum gyi dge ba'i nor kun 'phrog go /dgra chen po drug ni nyi ma nub na dga'o/ /yul drug gi dgra ma rungs pa'ang de dang 'dra ste/ ma rig pa'i mun pa la gnas na dga' bar 'gyur ro/ /dgra chen po drug po ni de ni rgyal po rnams kyis dbab nus so/ /yul drug gi dgra ma rungs pa'ang de dang 'dra ste/ sangs rgyas dang byang chub sems dpa' rnams kyis dbab nus so/ /dgra chen po drug po des 'phrog par bsams na/ bzang po dang / tshe rings bzang po dang / dbang po rno ba dang / mang du thos pa dang / rgyas par slob pa dang / lang tsho ba dang / btsun pa dang / dbul ba dang / dma' ba mi 'dam mo/ /yul drug gi dgra'ang de dang 'dra ste/ dge ba'i chos 'phrog par bsams na/ bzang po nas dbul zhing dma' ba'i bar du mi 'dam mo/ /dgra chen po drug po la rgyal po dag gis rkang lag bcad kyang de'i sems ni zhi bar byed mi nus so/ /yul drug gi dgra ma rungs pa'ang de dang 'dra ste/ rgyun du zhugs pa dang / lan gcig phyir 'ong ba dang / lan gcig phyir mi ldog pa dag gis rkang lag gtubs kyang dge ba'i chos 'phrog par byed mi nus so/ /skyes bu dpa' bo dag gis ni dgra chen po drug gdul zhing dbab nus so/ /sangs rgyas dang byang chub sems dpa' rnams kyang de dang 'dra ste/ yul drug gi dgra chen po gdul </font><hr>Kha39a<br><font size=+1>


@#/ /zhing dbab nus so/ /dper na/ pha tshan che zhing rags pa la ni dgra drug pos 'phrog par mi 'gyur ro/ /sems can yang de dang 'dra ste/ dge ba'i bshes gnyen yod na yul drug gi dgra ma rungs pas 'phrog par mi 'gyur ro/ /dgra chen po drug po des gal te mi'i nor mthong na gzod rku'am 'phrog nus so/ /yul drug ni de lta ma yin te/ mthong ngam/ shes sam/ thos sam/ dri bro'am/ reg gam/ tshor ba tsam gyis kyang 'phrog nus so/ /dgra chen po drug ni 'dod pa'i khams kyi mi'i nor rdzas 'ba' zhig 'phrog nus kyi/ gzugs dang gzugs med pa'i khams kyi 'phrog mi nus so/ /yul drug gi dgra ma rungs pa ni de lta ma yin te/ khams gsum gyi dge ba'i nor rin po che thams cad 'phrog nus so/ /de bas na byang chub sems dpas yul drug la dgra drug pas lhag par yang dag par rab tu rtog go /de ltar rtogs nas 'phags pa'i lam brgyad la nan tan byed pa la phyin ci log tu mi ldog pa ni/ ji ltar 'jigs pa de sbrul gdug pa bzhi dang / rigs ngan lnga dang / nye ba ltar sgyus 'chos pa gcig dang / dgra chen po drug dang / grong khyer stong pas 'jigs shing lam du zhugs te song ba dang 'dra'o/ /lam du chu chen po dang phrad pa zhes bya ba ni nyon mongs pa yin te/ ji ltar na byang chub sems </font><hr>Kha39b<br><font size=+1>


dpas nyon mongs pa de la chu chen po dang 'dra bar rtog ce na/ chu drag pos spos kyi bal glang yang khyer zhing g.yeng nus pa ltar/ nyon mongs pa'i chu drag po'ang de dang 'dra ste/ rang sangs rgyas kyang g.yeng nus so/ /de bas na byang chub sems dpas nyon mongs pa la chu drag po dang 'dra bar rab tu rtog go /de la zab cing gting dpag dka' bas na chu'i klung zhes bya'o/ /mthar thug pa med pas che zhes bya ste/ de'i nang na reg bya ma rungs pa la sogs pa rnam pa sna tshogs yod do/ /nyon mongs pa'i klung chen po'ang de dang 'dra ste/ sangs rgyas dang byang chub sems dpa' 'ba' zhig gis gting la thug pa'i phyir shin tu zab pa zhes bya'o/ /sangs rgyas dang byang chub sems dpa' 'ba' zhig gis mthar gtugs pa'i phyir yangs shing che ba zhes bya'o/ /rtag tu sems can thams cad la 'tshe ba'i phyir reg bya ma rungs pa zhes bya ste/ de bas na byang chub sems dpas nyon mongs pa de la chu chen po dang 'dra bar rtog go| klung chen po'i chu ni rtsa dang shing dang nags tshal thams cad skyed nus so/ /nyon mongs pa'i klung chen po'i chu 'ang de dang 'dra ste/ sems can gyi srid pa nyi shu rtsa lnga skyed nus so/ / de bas na byang chub sems dpa' nyon mongs pa la klung chen po dang 'dra bar rtog go /dper na/ mi zhig chu klung chen por lhung na khrel ba dang 'dzem pa med do/ /sems can dag kyang de </font><hr>Kha40a<br><font size=+1>


@#/ /dang 'dra ste/ nyon mongs pa'i chur lhung na khrel ba dang 'dzem pa med do/ /chu chen por lhung na gting du ma phyin par tshe'i dus byas par 'gyur ro/ /nyon mongs ba'i chur lhung ba'ang de dang 'dra ste/ gting la ma thug par srid pa nyi shu rtsa lnga'i nang du 'khor zhing 'khor bar 'gyur ro/ /gting zhes bya ba ni stong pa'i mtshan nyid do/ /gang stong pa'i mtshan nyid la nan tan ma byas na/ de ni srid pa nyi shu rtsa lnga las ring du 'gyur ba ma yin par rig par bya'o/ /sems can thams cad ni stong pa dang mtshan med pa la nan tan ma byas pas rtag tu nyon mongs pa'i chu drag pos khyer ro/ /chu chen po ni lus 'ba' zhig g.yeng zhing 'jig nus kyi/ dge ba'i chos thams cad la g.yeng mi nus so/ /nyon mongs pa'i chu chen po ni de lta bu ma yin te/ lus dang sems kyi dge ba'i chos thams cad gzhig nus so/ /chu drag po chen po ni 'dod pa'i khams kyi mi 'ba' zhig g.yeng zhing khyer nus kyi| nyon mongs pa'i chu chen po ni khams gsum gyi lha dang mi thams cad g.yeng zhing khyer nus so/ /'jig rten gyi chu chen po ni lag pas bru zhing rkang pas 'phras na pha rol gyi 'gram du phyin par 'gyur ro/ /nyon mongs pa'i chu chen po ni/ byang chub sems dpa' 'ba' zhig pha rol tu phyin pa drug gi grus pha rol tu phyin par 'gyur ro/ /ji ltar chu chen </font><hr>Kha40b<br><font size=+1>


po ni shin tu rgal dka' ste/ nyon mongs pa'i chu chen po'ang de dang 'dra bar shin tu rgal dka'o/ /de la ji ltar na shin tu rgal dka' ba zhes bya zhe na/ 'di ltar sa bcu pa'i byang chub sems dpa' rnams kyi bar du'ang mthar rgal bar ma gyur te/ sangs rgyas 'ba' zhig gis mthar brgal bar gyur pas/ de bas na shin tu rgal dka' ba zhes bya'o/ /dper na/ mi la la zhig chu chen pos g.yengs na dge ba'i chos spu'i nyag ma tsam yang spyod mi nus so/ /sems can yang de dang 'dra ste/ nyon mongs pa'i chus g.yengs na dge ba'i chos spyod mi nus so/ / ji ltar mi dag chur lhung zhing g.yeng bar gyur na mthu yod pa dag gis dbyung nus so/ /nyon mongs pa'i chur lhung ba'i log sred can ni nyan thos dang / rang sangs rgyas dang / de bzhin gshegs pa'i bar du'ang dbyung mi nus so/ /'jig rten na chu chen po ni bskal pa byung ba'i tshe nyi ma bdun gyis gdungs na skam par nus so/ /nyon mongs pa'i chu klung chen po ni de lta ma yin te/ nyan thos dang rang sangs rgyas kyis byang chub kyi yan lag bdun bsgoms kyang skam par mi nus so/ /de bas na byang chub sems dpas nyon mongs pa rnams la chu drag po dang 'dra bar rtog ste/ ji ltar mi des sbrul gdug pa bzhi dang / rigs ngan lnga dang / nye ba ltar sgyus 'chos pa gcig dang / dgra chen po drug gis 'jigs te grong khyer </font><hr>Kha41a<br><font size=+1>


@#/ /stong pa btang nas lam du zhugs te song ba las chu chen po dang phrad nas rtswa bsdus te gzings bcas pa dang mtshungs so/ /byang chub sems dpa' yang de dang 'dra ste/ chen po bzhi'i sbrul gdug pa dang / phung po lnga'i rigs ngan dang / 'dod chags kyi nye ba ltar sgyus 'chos pa dang / skye mched drug gi grong khyer stong pa dang / yul drug gi dgra ma rungs pas 'jigs nas/ nyon mongs pa'i chu'i 'gram du phyin pa dang / tshul khrims dang / ting nge 'dzin dang / rnam par grol ba dang / rnam par grol ba'i mkhyen cing gzigs pa dang / pha rol tu phyin pa drug dang / byang chub kyi phyogs kyi chos sum cu rtsa bdun bsgoms pas gru dang gzings byas te/ gzings de la brten nas nyon mongs pa'i chu la brgal te/ pha rol gyi 'gram du rtag pa dang bde ba'i mya ngan las 'das par phyin to/ /byang chub sems dpa' mya ngan las 'das pa chen po sgom pas 'di snyam du sems so/ /bdag gal te lus kyi sdug bsngal dang sems kyi sdug bsngal de lta bu bzod mi nus na sems can thams cad nyon mongs pa'i chu las sgrol mi nus so snyam sems so/ /de ltar bsams pas lus dang sems la de lta bu'i sdug bsngal gyis gdungs pa yod kyang kha rog par bzod pa nyams su len to/ /bzod pa nyams su </font><hr>Kha41b<br><font size=+1>


blangs pas zag pa skye bar mi 'gyur ro/ /de lta bu'i byang chub sems dpa' la'ang zag pa rnams med na sangs rgyas bcom ldan 'das rnams la zag pa mi mnga' ba lta ci smos te/ de bas na de bzhin gshegs pa ni zag pa dang bcas pa zhes mi bya'o/ /ji ltar na de bzhin gshegs pa zag pa med pa'ang ma yin pa zhe na/ de bzhin gshegs pa rtag tu zag pa dang bcas pa'i nang du gshegs pa ste/ zag pa dang bcas pa ni srid pa nyi shu rtsa lnga yin pas de bas na nyan thos dang / bus pa ma rabs so so'i skye bo dag gis bcom ldan 'das la zag pa yod do zhes zer te/ yang dag par na sangs rgyas bcom ldan 'das rnams ni zag pa med pa'o/ /rigs kyi bu/ de'i rgyu de'i rkyen gyis sangs rgyas bcom ldan 'das rnams ni nges pa'i mtshan nyid med do/ /rigs kyi bu/ de bas na tshul khrims kyi rtsa ba bzhi bshig pa dang / shin tu rgyas pa'i mdo la skur pa dang / log sred can yang ma nges pa'o/ / de nas byang chub sems dpa' sems dpa' chen po kun tu snang ba mtho btsun dpal gyi rgyal pos gsol pa/ de de bzhin no/ /de de bzhin te/ ji ltar bcom ldan 'das kyis gsungs pa bzhin te/ chos thams cad kyang ma nges pa'o/ /de ltar ma nges pas na de bzhin gshegs pa mthar yongs su mya ngan las 'da' bar ma zhugs par rig go /ji ltar </font><hr>Kha42a<br><font size=+1>


@#/ /bcom ldan 'das kyis sngar gsungs pa las byang chub sems dpa' sems dpa' chen po mya ngan las 'das pa chen po bsgoms pas ma thos pa thos pa'i nang nas mya ngan las 'das pa dang / mya ngan las 'das pa chen po mchis so zhes gsungs te/ de la mya ngan las 'das pa ni gang lags/ mya ngan las 'das pa chen po zhes bgyi ba ni gang lags/ de nas bcom ldan 'das kyis byang chub sems dpa' sems dpa' chen po kun tu snang ba mtho btsun dpal gyi rgyal po la legs so/ /legs so zhes bya ba byin no/ /rigs kyi bu/ gal te byang chub sems dpa' gang dran pa'i gzungs thob pa ni gzod khyed dang 'dra bar 'dri nus so/ /rigs kyi bu/ 'jig rten pa dag ni mtsho dang mtsho chen por gdags pa dang / klung dang klung chen po dang / ri dang ri chen po dang / sa dang sa chen po dang / grong khyer dang grong khyer chen po dang / sems can dang sems can chen po dang / rgyal po dang rgyal po chen po dang / mi dang mi chen po dang / lha dang lha'i nang na lha dang / lam dang lam chen po yod do zhes gdags pa ltar mya ngan las 'das pa'ang de dang 'dra ste/ mya ngan las 'das pa dang mya ngan las 'das pa chen po yod do/ /ji ltar na mya ngan las 'das pa gang zhe na/ rigs kyi bu/ ji ltar bkres </font><hr>Kha42b<br><font size=+1>


bas zas cung zad rnyed na bde ba zhes bya ste/ de ltar bde ba de'ang mya ngan las 'das pa zhes bya'o/ /nad pa nad sos pa ni bde ba zhes bya ste/ de ltar bde ba de'ang mya ngan las 'das pa zhes bya'o/ /ji ltar 'jigs pas skyabs dang rten rnyed pa ni bde ba thob pa zhes bya ste/ de ltar bde ba de'ang mya ngan las 'das pa zhes bya'o/ /ji ltar dbul pos rin po che sna bdun rnyed na bde ba thob pa zhes bya ste/ de ltar bde ba de'ang mya ngan las 'das pa zhes bya'o/ /ji ltar keng rus la rtog pa 'dod chags mi skye bar gyur pa ni bde ba thob pa zhes bya ste/ de ltar bde ba de'ang mya ngan las 'das pa zhes bya'o/ /de ltar mya ngan las 'das pa de dag ni mya ngan las 'das pa chen po zhes mi bya'o/ /de ci'i phyir zhe na/ bkres shing skom pa dang / na ba dang / 'jigs pa dang / 'dod chags pa'i phyir mya ngan las 'das pa zhes bya ste/ mya ngan las 'das pa chen po ni ma yin no/ /rigs kyi bu/ gal te bus pa ma rabs dang nyan thos la sogs pa 'on te kun rdzob bam/ 'on te 'phags pa'i lam gyi rkyen gyis 'dod pa'i khams kyi kun nas nyon mongs pa chod na bde ba thob pa zhes bya ste/ de ltar bde ba thob pa de'ang mya ngan las 'das pa zhes bya mod kyi/ mya ngan las 'das pa chen po zhes mi bya'o/ /bsam gtan dang po'i kun nas nyon mongs pa chod pa nas/ 'du shes med 'du shes med min skye mched </font><hr>Kha43a<br><font size=+1>


@#/ /stong gi bar gyi kun nas nyon mongs pa chod pa'ang bde ba thob par 'gyur te/ de ltar bde ba de'ang mya ngan las 'das pa zhes bya ste/ mya ngan las 'das pa chen po zhes mi bya'o/ /de ci'i phyir zhe na/ nyon mongs pa skye zhing srid pa'i bag chags kyi phyir yang skye ba'i phyir ro/ /ji ltar na nyon mongs pa'i bag chags zhes bya zhe na/ nyan thos dang rang sangs rgyas la nyon mongs pa'i bag chags yod do/ /'di lta ste/ bdag gi lus dang / bdag gi gos/ bdag 'gro/ bdag 'ong / bdag gis bshad/ bdag gis mnyan/ sangs rgyas bcom ldan 'das rnams ni yongs su mya ngan las 'das te/ mya ngan las 'das pa'i rang bzhin ni bdag med/ bde ba med de/ rtag pa dang / yongs su dag pa 'ba' zhig yod do zhes smra ba de ni nyon mongs pa'i bag chags zhes bya'o/ /sangs rgyas dang chos dang dge 'dun la khyad par gyi mtshan nyid yod de/ de bzhin gshegs pa mtha' yun du mya ngan las 'das pas/ nyan thos dang rang sangs rgyas dang sangs rgyas bcom ldan 'das rnams kyi mya ngan las 'das pa thob pa ni mnyam ste khyad par med do zhes smra ste/ don de lta bas na theg pa gnyis kyis thob pa ni mya ngan las 'das pa chen po ma yin no/ /de ci'i phyir zhe na/ rtag pa dang / bde ba dang / bdag dang / yongs su dag </font><hr>Kha43b<br><font size=+1>


pa med pa'i phyir te/ rtag pa dang / bde ba dang / bdag dang / yongs su dag pa ni mya ngan las 'das pa chen po zhes bya'o/ /rigs kyi bu/ dper na/ chu mang po shong ba'i gnas ni rgya mtsho zhes bya ste/ nyan thos dang / rang sangs rgyas dang / byang chub sems dpa' dang / sangs rgyas bcom ldan 'das 'jug pa'i gnas ni mya ngan las 'das pa chen po zhes bya'o/ / bsam gtan bzhi dang / ting nge 'dzin gsum dang / skyes bu ya brgyad dang / gnas dam pa brgyad dang / kun tu 'gro ba bcus dge ba'i chos tshad med pa de rnams sdud pa ni mya ngan las 'das pa chen po zhes bya'o/ /rigs kyi bu/ dper na/ klung gang spos kyi bal glang mchog gis rkang pa mi tshugs pa ni klung chen po zhes bya ste/ nyan thos dang rang sangs rgyas nas sa bcu'i byang chub sems dpas/ sangs rgyas kyi rang bzhin mi mthong ba ni mya ngan las 'das pa zhes bya'i/ mya ngan las 'das pa chen po ni ma yin no/ /gang sangs rgyas kyi rang bzhin gsal bar mthong ba ni mya ngan las 'das pa chen po zhes bya'o/ /mya ngan las 'das pa chen po 'di la khyu mchog 'ba' zhig gis gting la thug go/ khyu mchog ces bya ba ni 'di lta ste| bcom ldan 'das so/ /rigs kyi bu/ gyad mahA na ga dang / pa ra gan da la sogs pas yun ring du bsal te gzegs kyang mi gzegs pa ni ri chen po zhes bya'o/ /nyan thos dang / </font><hr>Kha44a<br><font size=+1>


@#/ /rang sangs rgyas dang / byang chub sems dpa' rnams dang / gyad mahA na ga la sogs pas mi mthong ba de ni mya ngan las 'das pa chen po zhes bya'o/ /gzhan yang| rigs kyi bu/ gang nas gang du rgyal po chung ngu 'dug pa'i gnas ni grong khyer chung ngu zhes bya'o/ /'khor los bsgyur ba'i rgyal po gnas pa'i gnas ni grong khyer chen po zhes bya'o| |nyan thos dang rang sangs rgyas brgyad khri'am/ drug khri'am/ bzhi khri'am/ nyi khri'am/ khri gnas pa'i gnas ni mya ngan las 'das pa zhes bya/ bla na med pa'i chos kyi mnga' bdag 'khor los bsgyur ba'i rgyal po gnas pa'i gnas ni yongs su mya ngan las 'das pa chen po zhes bya ste/ de bas na yongs su mya ngan las 'das pa chen po zhes bya'o/ /rigs kyi bu| dper na/ mi la la zhig dmag rnam pa bzhi mthong yang 'jigs pa mi skye ba ni sems can chen po zhes bya'o/ /gal te sems can gang ngan song gsum gyi lam du nyon mongs pa'i las ngan pa la 'jigs pa mi skye ste/ de dag tu sems can rgyas par sgrol ba ni mya ngan las 'das pa chen po thob pa yin par rig par bya'o/ /gal te gang pha ma la sri zhu byed cing / dge sbyong dang bram ze la bkur sti byed de/ dge ba'i chos la nan tan byed cing smras so cog bden la/ rdzun dang / slu ba med de/ ngan pa rnams bzod pa dang / </font><hr>Kha44b<br><font size=+1>


dbul phongs pa la gtong zhing sbyin pa byin nus pa ni skyes bu chen po zhes bya'o/ /byang chub sems dpa' yang de dang 'dra ste/ byams pa dang snying rje chen po thams cad la brtse ba/ sems can rnams kyi pha ma lta bur gyur ba/ sems can mang po 'khor ba'i klung las sgrol ba/ sems can kun la bden pa gcig pa'i lam ston pa ste/ de ni yongs su mya ngan las 'das pa chen po zhes bya'o/ /rigs kyi bu/ chen po zhes bya ba ni bsam gyis mi khyab ste/ gang bsam gyis mi khyab pa de la sems can thams cad yid ches par mi nus te/ de ni yongs su mya ngan las 'das pa chen po zhes bya'o/ /sangs rgyas dang byang chub sems dpa' 'ba' zhig mthong bas mya ngan las 'das pa chen po zhes bya'o/ /yang ci'i rgyu ci'i rkyen gyis chen po zhes bya zhe na/ rgyu dang rkyen tshad med pas gdod chen po zhes bya ba gyur to/ /rigs kyi bu/ dper na/ 'jig rten pas rgyu rkyen mang pos byas pa ni chen po zhes bya'o/ /mya ngan las 'das pa'ang de dang 'dra ste/ rgyu rkyen mang pos thob par gyur pas de'i phyir chen po zhes bya'o/ /yang ji ltar na chen po zhes bya zhe na/ mya ngan las 'das pa la bdag chen po yod pa'i phyir mya ngan las 'das pa chen po zhes bya'o/ /de la mya ngan las 'das pa bdag med cing dbang chen po thob pa'i phyir bdag chen po zhes bya'o/ /ji ltar na dbang chen po thob pa zhe na/ dbang </font><hr>Kha45a<br><font size=+1>


@#/ /brgyad thob pa'i phyir bdag ces bya'o/ /brgyad gang zhe na/ lus gcig la lus mang por ston cing / lus kyi grangs dang che chung rdul phra rab snyed kyis phyogs bcu'i 'jig rten gyi khams tshad med pa snyed du 'gengs pa ste/ de bzhin gshegs pa'i sku ni yang dag par na rdul phra mo ma yin yang / dbang thob pa'i phyir rdul phra mo snyed kyi sku ston te/ de lta bu'i dbang ni bdag chen po zhes bya ba yin/ rdul gcig tsam gyis skus stong gsum gyi stong chen po'i 'jig rten gyi khams su bkang ba ste/ yang dag par na de bzhin gshegs pa'i sku ni stong gsum gyi stong chen po'i 'jig rten gyi khams gang yang / mtha' med cing dbang dang ldan pa'i phyir stong gsum gyi stong chen po'i 'jig rten gyi khams su gang ste/ de lta bu'i dbang ni bdag chen po zhes bya ba yin/ stong gsum gyi stong chen po'i 'jig rten gyi khams 'di yongs su gang ba'i skus nam mkha' stong pa la 'phur cing / sangs rgyas kyi zhing gang+gA'i klung bcu gnyis kyi bye ma snyed kyi pha rol tu 'gro'ang thogs pa med pa ste/ de bzhin gshegs pa'i sku ni yang dag par na lci ba dang yang ba med de/ dbang gi phyir lci ba dang yang ba mdzad do/ /de lta bu'i dbang ni bdag chen po zhes bya ba yin/ dbang sgyur ba'i phyir dbang thob par 'gyur te/ ji ltar dbang zhes bya zhe na/ de bzhin gshegs </font><hr>Kha45b<br><font size=+1>


pa rtse gcig tu gnas te/ mi g.yo'ang gzugs dang cha byad tshad med pa snyed ston cing 'dul ba'i rigs pa la so so nas thugs re res khyab par mdzad do/ /de bzhin gshegs pas res 'ga' dngos po gcig mdzad pa las sems can so so'i bya ba'i don grub par mdzad do/ /de bzhin gshegs pa'i sku rtag tu zhing gcig na gnas kyang zhing pha rol po thams cad kyis mthong bar mdzad do/ /de lta bu'i dbang ni bdag chen po zhes bya ba yin/ dbang pos dbang thob pa'i phyir te/ ji ltar dbang pos dbang thob pa zhe na/ de bzhin gshegs pa'i dbang po gcig gis gzugs mthong / sgra thos/ dri tshor/ ro myong / reg bya tshor zhing / chos shes kyang de bzhin gshegs pa'i dbang po drug gis gzugs mi mthong / sgra mi thos| dri mi tshor/ ro mi myong / reg bya mi tshor/ chos mi shes te/ dbang gi phyir dbang pos dbang mdzad de/ de lta bu'i dbang ni bdag chen po zhes bya ba yin/ dbang gi phyir chos thams cad thob par gyur te/ de bzhin gshegs pa'i thugs la thob pa'i 'du shes med do/ /de ci'i phyir zhe na/ thob pa med pa'i phyir ro/ /gal te yod pa zhig na thob pa zhes kyang bya na/ yang dag par ci'ang med par ci ste thob pa zhes gdags/ gal te de bzhin gshegs pa la thob pa'i 'du shes mnga' na/ de bzhin gshegs pa mya ngan las 'das </font><hr>Kha46a<br><font size=+1>


@#/ /par mi 'gyur te/ thob pa med pa'i phyir mya ngan las 'das par gyur pa zhes bya'o/ /dbang gi phyir chos thams cad thob ste/ chos thams cad thob pa'i phyir bdag chen po zhes bya ba yin/ bshad pa'i dbang thob pas de bzhin gshegs pas tshigs su bcad pa gcig gi don bskal pa tshad med pa'i bar du bshad kyang don mi zad do/ /'di lta ste/ tshul khrims sam/ ting nge 'dzin tam/ sbyin pa'am/ shes rab ste/ de bzhin gshegs pas de'i tshe ngas ni bshad/ pha rol pos ni mnyan no snyam mi dgongs te/ tshigs su bcad pa gcig gi 'du shes kyang mi skyed do/ /'jig rten pas ni tshig bcad bzhi la tshigs su bcad pa gcig ces byas te/ 'jig rten pa'i rjes su tshigs su bcad pa gcig ces bshad do/ /chos kyi ngo bo nyid ni bshad pa'ang med de/ dbang gi phyir de bzhin gshegs pas bshad de/ bshad pa'i phyir bdag chen po zhes bya ba yin/ de bzhin gshegs pas ni gnas thams cad du khyab ste/ nam mkha' stong pa dang 'dra'o/ /nam mkha'i ngo bo nyid ni bltar med pa ste/ de bzhin gshegs pa'ang de dang 'dra bar yang dag par na bltar med kyang dbang gi phyir thams cad mthong bar byed de/ de lta bu'i dbang ni bdag chen po zhes bya ba yin no/ /de lta bu'i bdag </font><hr>Kha46b<br><font size=+1>


chen po ni mya ngan las 'das pa chen po zhes bya ste/ don de lta bas na mya ngan las 'das pa chen po zhes bya'o/ /gzhan yang / rigs kyi bu/ dper na/ rin po che'i gter ni nor dbyig mang zhing rnam pa sna tshogs dang ldan pas na gter chen po zhes bya'o/ /de bzhin gshegs pa'i gter shin tu zab mo yang de dang 'dra ste/ ngo mtshar rmad dang ldan zhing nyams pa med pas mya ngan las 'das pa chen po zhes bya'o/ /gzhan yang / rigs kyi bu/ nor rdzas mtha' med pa ni gter chen po zhes bya ste/ mya ngan las 'das pa'ang mtha' med pas chen po zhes gdags so/ /gzhan yang / rigs kyi bu/ bde ba chen po yod pas mya ngan las 'das pa chen po zhes bya ste/ mya ngan las 'das pa ni bde ba med do/ /bde ba rnam pa bzhi'i phyir mya ngan las 'das pa chen po zhes bya'o/ /bzhi gang zhe na/ bde ba rnams bcad pa'i phyir te/ bde ba ma bcad pa ni sdug bsngal zhes bya'o/ /gang sdug bsngal yod pa ni bde ba chen po zhes mi bya'o/ /bde ba bcad pa'i phyir sdug bsngal med do/ /sdug bsngal dang bde ba med pa ni bde ba chen po zhes bya'o/ /mya ngan las 'das pa'i rang bzhin ni sdug bsngal dang bde ba med de/ de bas na mya ngan las 'das pa ni bde ba chen po zhes bya ste/ don de lta bas na mya ngan las 'das pa chen po zhes bya'o/ /gzhan yang / rigs kyi bu/ </font><hr>Kha47a<br><font size=+1>


@#/ /bde ba la rnam pa gnyis te/ bus pa ma rabs dang / sangs rgyas so/ /bus pa ma rabs kyi bde ba ni mi rtag pa 'jig pa yin pas bde ba med de/ de bzhin gshegs pa'i rtag pa dang bde ba ni 'gyur ba'am 'pho ba med pas mya ngan las 'das pa chen po zhes bya'o/ /rigs kyi bu/ gzhan yang tshor ba la rnam pa gsum ste/ gang zhe na/ bde bar tshor ba dang / sdug bsngal bar tshor ba dang / bde ba'ang ma yin sdug bsngal ba'ang ma yin par tshor ba ste/ bde ba'ang ma yin sdug bsngal yang ma yin par tshor ba'ang sdug bsngal du 'gyur te/ mya ngan las 'das pa'ang sdug bsngal ba'ang ma yin/ bde ba'ang ma yin pa dang 'dra mod kyi/ de la ni bde ba chen po zhes bya'o/ /bde ba chen po'i phyir mya ngan las 'das pa chen po zhes bya'o/ /rab tu zhi ba'i phyir mya ngan las 'das pa chen po zhes bya ste/ mya ngan las 'das pa'i rang bzhin ni rab tu zhi ba'o/ / de ci'i phyir zhe na/ 'du 'dzi'i chos thams cad dang bral bas rab tu zhi ba'i phyir mya ngan las 'das pa chen po zhes bya'o/ /thams cad shes pa'i phyir bde ba chen po zhes bya'o/ / thams cad mi shes pa ni bde ba zhes mi bya'o/ /sangs rgyas bcom ldan 'das ni thams cad mkhyen pas bde ba chen po zhes bya'o/ /bde ba chen po'i phyir mya ngan las 'das pa </font><hr>Kha47b<br><font size=+1>


chen po zhes bya'o/ /lus mi 'jig pa'i phyir bde ba chen po zhes bya'o/ /lus 'jig par gyur pa ni bde ba zhes mi bya'o/ /de bzhin gshegs pa'i sku ni rdo rje ltar mi 'jigs pa ste/ nyon mongs pa'i lus ma yin/ mi rtag pa'i lus ma yin pas bde ba chen po zhes bya'o/ /bde ba chen po yin pas na mya ngan las 'das pa chen po zhes bya'o/ /rigs kyi bu/ 'jig rten na ming du btags pa kha cig ni rgyu dang rkyen yod do/ /kha cig ni rgyu dang rkyen med do/ /rgyu dang rkyen yod pa ni/ dper na/ shA ri'i bu lta bu ma'i ming shA ri ka zhes bya ba'i rkyen gyis ming gdags pa'i phyir shA ri'i bu zhes btags so/ /dge slong ma du la zhes bya ba yul ma du lar skyes te/ yul gyi ming las ma du la zhes btags so/ /maung+gal ya na zhes bya ba ni rus yin te/ rus las ming btags pa'i phyir maung+gal zhes btags so/ /dper na/ nga ni gau ta ma'i rigs las skyes te/ de'i phyir ming gau ta ma zhes btags so/ /dge slong byi sha ka zhes bya ba ni byi sha ka ni skar ma'i ming ste/ skar ma'i ming las ming thob pas byi sha ka zhes btags so/ /ji ltar sor mo drug pa sor mo drug yod pa'i rkyen gyis sor mo drug pa zhes ming du btags so/ /sangs rgyas sbyin dang / lha sbyin zhes bya ba'ang sangs rgyas dang / lha'i rkyen gyis sangs rgyas sbyin dang / lha sbyin zhes btags so/ /drod gsher </font><hr>Kha48a<br><font size=+1>


@#/ /las skyes pa'i rkyen gyis drod gsher skyes zhes btags so/ /dper na/ sgra'i rgyus ka ka la zhes bya ba dang / ku ku la zhes bya ba dang / tsu tsu la zhes bya bar ming du btags te/ de lta bu la sogs pa'i ming ni rgyu dang rkyen las btags pa'i ming zhes bya'o/ /rgyu rkyen med pa ni ji ltar pad+mo dang / sa dang / chu dang / me dang / rlung dang / nam mkha' lta bu dang / mnad ra ba ni gzhal med khang skom 'thung zhes bya ste/ gzhal med khang skom mi 'thung yang mnad ra ba zhes bya ba dang / sarba tsha dan zhes bya ba ni sbrul gyi bla gab ces bya ste/ yang dag par sbrul gyi bla gab ma yin pas de ni rgyu med par nan gyis ming du btags pa'o/ /ji ltar ji la ba yi zhes bya ba ni mar 'thung ba zhes bya ste/ yang dag par mar mi 'thung bar mar 'thung ba zhes btags te/ de ni rgyu med par nan gyis ming du btags pa'o/ /rigs kyi bu/ mya ngan las 'das pa chen po 'di yang de dang 'dra ste/ rgyu dang rkyen med par nan gyis ming btags so/ /rigs kyi bu/ dper na/ nam mkha' ni nam mkha' cung zad kyis chen po zhes mi bya'o/ /mya ngan las 'das pa'ang de dang 'dra ste/ mtshan nyid cung zad kyis mya ngan las 'das pa chen po zhes mi bya'o/ /rigs kyi bu/ dper na/ chos gzhal </font><hr>Kha48b<br><font size=+1>


du med pa/ /bsam gyis mi khyab pa ni chen po zhes bya'o/ /mya ngan las 'das pa'ang de dang 'dra ste/ gzhal du med bsam gyis mi khyab pas yongs su mya ngan las 'das pa chen po zhes bya'o/ /yongs su dag pa 'ba' zhig pas mya ngan las 'das pa chen po zhes bya'o/ /ji ltar na yongs su dag pa 'ba' zhig ces bya zhe na/ yongs su dag pa la rnam pa bzhi ste| de la srid pa nyi shu rtsa lnga po ni ma dag pa zhes bya'o/ /de dag rab tu chos pas yongs su dag pa zhes bya'o/ /dag pa 'di nyid yongs su mya ngan las 'das pa zhes bya ste/ mya ngan las 'das pa de la srid pa zhes bya'ang mya ngan las 'das pa nyid ni yang dag par na srid pa ma yin te/ sangs rgyas bcom ldan 'das kyis 'jig rten pa'i rjes su mya ngan las 'das pa'ang srid par bshad do/ /dper na/ 'jig rten pas pha ma ma yin par pha ma zhes zer te/ yang dag par pha ma ma yin par pha ma zhes zer ro/ /mya ngan las 'das pa'ang de dang 'dra ste/ 'jig rten pa'i rjes su de bzhin gshegs pa la mya ngan las 'das pa chen po mnga'o/ /zhes gsungs pa yin/ las rnam par dag pa ste/ bus pa ma rabs thams cad ni las rnam par ma dag pa'i phyir mya ngan las 'das pa med do/ /sangs rgyas bcom ldan 'das ni 'phrin las yongs su dag pa'i phyir yongs su dag pa chen po zhes bya ste/ </font><hr>Kha49a<br><font size=+1>


@#/ /yongs su dag pa chen po yin pas na mya ngan las 'das pa chen po zhes bya ba yin/ lus yongs su dag pa ste/ gal te lus mi rtag na ma dag pa yin no/ /de bzhin gshegs pa'i sku ni rtag pa yin pas yongs su dag pa chen po zhes bya ste/ yongs su dag pa chen po'i phyir mya ngan las 'das pa chen po zhes bya ba yin/ sems yongs su dag pa ste/ gal te zag pa dang bcas na ma dag pa zhes bya'o/ /de bzhin gshegs pa ni zag pa mi mnga' bas yongs su dag pa chen po zhes bya ste/ yongs su dag pa chen po'i phyir mya ngan las 'das pa chen po zhes bya ba yin te bzhi'o/ /rigs kyi bu/ de ni rigs kyi bu'am rigs kyi bu mos mya ngan las 'das pa chen po'i mdo 'di bsgoms pa'i yon tan dang ldan pa gcig ces bya'o/ /gzhan yang / rigs kyi bu/ de la ji ltar na byang chub sems dpa' sems dpa' chen pos yongs su mya ngan las 'das pa chen po'i mdo sde la nan tan byed pa'i bsod nams gnyis pa dang ldan pa zhes bya zhe na/ rigs kyi bu/ byang chub sems dpa' sems dpa' chen pos yongs su mya ngan las 'das pa chen po'i mdo sde la nan tan byed pa na/ sngon ma thob pa thob par 'gyur/ sngon ma mthong ba mthong bar 'gyur/ sngon ma thos pa thos par 'gyur/ sngon ma phyin </font><hr>Kha49b<br><font size=+1>


pa phyin par 'gyur/ sngon mi shes pa shes par 'gyur ro/ /de la ji ltar na sngon ma thob pa thob par 'gyur zhe na/ 'di lta ste/ rdzu 'phrul sngon ma thob pa de thob par gyur ba'o/ / rdzu 'phrul la rnam pa gnyis te/ nang dang / phyi rol lo/ /phyi rol ces bya ba ni mu stegs can dang thun mong pa'o/ /nang zhes bya ba la'ang rnam pa gnyis te/ theg pa gnyis dang / byang chub sems dpa'o/ /byang chub sems dpa' yongs su mya ngan las 'das pa chen po'i mdo sde la nan tan byed pa'i rdzu 'phrul thob pa ni nyan thos pa dang rang sangs rgyas dang thun mong ma yin pa'o/ /de la ji ltar na nyan thos dang rang sangs rgyas dang thun mong ma yin pa zhe na/ 'di lta ste/ theg pa gnyis kyis rdzu 'phrul dang / cho 'phrul sprul to cog ni bsam pa gcig dang / bya ba gcig ste mang por mi 'gyur ro/ /byang chub sems dpa' ni de lta ma yin te/ bsam pa gcig gis lam rgyud lngar lus yongs su rdzogs par ston nus so/ /de ci'i phyir zhe na/ yongs su mya ngan las 'das pa chen po'i mdo 'di'i byin gyi rlabs kyis mthu thob pa'i phyir sngon ma thob pa thob pa zhes bya'o/ /yang ji ltar na sngon ma thob pa da thob pa zhe na| 'di lta ste/ lus kyi dbang po thob pa dang / sems kyi dbang po thob pa'o/ /de'ang gang zhe na/ bus pa ma rabs thams cad ni lus dang sems kyi dbang ma thob pas ched 'ga' </font><hr>Kha50a<br><font size=+1>


@#/ /ni lus kyi phyi bzhin sems 'brang / ched 'ga' ni sems kyi phyi bzhin du lus 'brang ngo / /de la ji ltar na lus kyi phyi bzhin sems 'brang ba zhe na/ dper na/ chang gis myos pa dag lus kyi nang na chang yod pas/ de'i tshe lus 'gul na sems kyang rjes su 'gul lo/ /gzhan yang lus ngan na sems kyang ngal bar gyur te/ de ni lus kyi phyi bzhin sems 'brang ba zhes bya'o/ /gzhan yang bus pa lus chung ba ni sems kyang chung ngo / /mi chen po ni lus che bas sems kyang de bzhin du che'o/ /gzhan yang la la zhig lus rtsub pas na sems la rtag tu snum pa dang / 'jam pa dang / mnyen par 'dod de/ de ni lus kyi phyi bzhin sems 'brang ba zhes bya'o/ /de la ji ltar na sems kyi phyi bzhin lus 'brang ba zhe na/ 'di lta ste/ song ba dang / 'ong ba dang / 'dug pa dang / nyal ba dang / sbyin pa dang / tshul khrims dang / bzod pa dang / brtson 'grus byed pa ste/ gang mya ngan che ba ni nga rod kyang ngan no/ /dga' ba ni lus tsho zhing mdangs dkar ro/ /gang 'jigs pa ni lus 'dar ro/ /rtse gcig tu chos nyan pa ni lus rab tu dga'o// cho de rdung zhing ngu ba ni mchi ma dang snabs zag ste/ de ni sems kyi phyi bzhin lus 'brang ba zhes bya'o/ /byang chub sems dpa' ni de lta ma yin te/ lus dang sems gnyis ka'i </font><hr>Kha50b<br><font size=+1>


dbang thob pas sngon ma thob pa da thob pa zhes bya'o/ /gzhan yang / rigs kyi bu/ byang chub sems dpa' sems dpa' chen pos lus kyi dbang po rdul phra rab lta bur ston te/ rdul tsam gyi lus des sangs rgyas kyi zhing gang+gA'i klung bye ma tshad med pa mtha' yas pa snyed kun tu thogs pa med par 'gro'ang sems rtag tu 'dug ste/ sngon gyi gnas nas mi g.yo'o/ /de ni lus kyi phyi bzhin sems mi 'brang ba dang / sngon ma phyin par phyin pa zhes kyang bya'o/ /yang ji ltar na sngon ma phyin par phyin pa zhe na/ nyan thos dang rang sangs rgyas thams cad ni phyin par mi nus te/ byang chub sems dpas phyin pas de'i phyir sngon ma phyin par da phyin par zhes bya'o/ /nyan thos dang rang sangs rgyas thams cad ni rdzu 'phrul yod mod kyi/ lus rdul phra rab lta bur sprul te/ sangs rgyas kyi zhing gang+gA'i klung gi bye ma tshad med pa snyed kun tu 'gro mi nus so/ /nyan thos dang rang sangs rgyas ni lus 'gul ba'i tshe sems kyang rjes su 'gul lo/ / byang chub sems dpa' ni de lta ma yin te/ sems mi 'gul mod kyi/ lus ma phyin pa'i gnas med de/ de ni byang chub sems dpa' lus kyi rjes su sems mi 'brang ba zhes bya'o/ / gzhan yang / rigs kyi bu/ byang chub sems dpas lus 'di stong gsum gyi stong chen po'i 'jig rten gyi khams dang 'dra bar sprul te/ lus chen po des rdul phra rab gcig gi </font><hr>Kha51a<br><font size=+1>


@#/ /nang du zhugs kyang sems de'i tshe de ltar chung bar mi 'gyur ro/ /nyan thos dang rang sangs rgyas ni lus stong gsum gyi stong chen po'i 'jig rten gyi khams tsam du sprul nus kyang lus chen po nges rdul phra rab kyi nang du 'jug mi nus te/ dngos po de lta bu dag kyang byed mi nus na sems mi g.yo bar bya ba lta ci smos te/ de ni byang chub sems dpa' lus kyi rjes su sems mi 'gro ba zhes bya'o/ /gzhan yang / rigs kyi bu/ byang chub sems dpa' sems dpa' chen pos sgra dbyangs gcig gis stong gsum gyi stong chen po'i 'jig rten gyi khams kyi sems can thams cad kyi rna lam du thos par gyur kyang 'di snyam du nga'i sgra 'dis 'jig rten gyi khams kun tu sems can rnams sngon ma thos pa thos par bya'o snyam mi sems so/ /byang chub sems dpas thog ma nas kyang bdag gis sems can rnams la sngon ma thos pa thos par bya'o zhes ma smras so/ /byang chub sems dpas gal ta bdag gis chos bshad pa'i rkyen gyis sems can rnams la ma thos pa thos par bya'o/ /zhes smra na de nam yang bla na med pa yang dag par rdzogs pa'i byang chub tu mi 'gyur bar rig par bya'o/ /de ci'i phyir zhe na/ sems can gyis mi thos pa las bdag gis bshad do zhes smra ba'i sems de ni </font><hr>Kha51b<br><font size=+1>


'khor ba'i sems te/ byang chub sems dpa' thams cad ni sems de yongs su zad do/ /don de lta bas na byang chub sems dpa' sems dpa' chen po'i lus dang sems lhan cig mi 'grogs so/ /rigs kyi bu/ bus pa ma rabs thams cad ni lus dang sems lhan cig 'grogs so/ /byang chub sems dpa' ni de lta ma yin te/ sems can gyi don bya ba'i phyir lus chung ngur ston mod kyi sems mi chung ngo / /de ci'i phyir zhe na/ byang chub sems dpa' rnams kyi sems kyi rang bzhin ni rtag tu rgya che ba'i phyir te/ lus chen po ston kyang sems ni che bar mi 'gyur ro/ /ji ltar lus chen po zhe na/ lus stong gsum gyi stong chen po'i 'jig rten gyi khams dang 'dra ba'o/ /ji ltar sems chung ngu zhe na| byis pa chung ngu'i spyad pa spyod pa'o/ /don de lta bas na lus kyi rjes su sems mi 'brang ba'o/ /byang chub sems dpa' sems dpa' chen pos bskal pa khrag khrig tshad med pa'i bar du chang spangs te ma 'thungs kyang sems 'gul lo/ /sems la sdug bsngal dang / yid slong ba med kyang lus la mchi ma 'dzag go/ /yang dag par 'jigs pa med kyang lus rab tu 'dar ro/ /don de lta bas na byang chub sems dpa' ni lus dang sems kyi dbang thob pas lhan cig mi 'grogs par rig par bya'o/ /byang chub sems </font><hr>Kha52a<br><font size=+1>


@#/ /dpa' sems dpa' chen pos lus gcig bstan pa las sems can rnams kyis so so nas tha dad par mthong ngo / /gzhan yang / rigs kyi bu/ byang chub sems dpa' sems dpa' chen po mya ngan las 'das pa chen po'i mdo sde la nan tan byas pas sngon ma thos pa thos par 'gyur ba gang zhe na/ byang chub sems dpa' sems chen pos sngar sgra'i mtshan nyid la 'jug pa ni 'di lta ste/ bal glang gi sgra dang / rta'i sgra dang / shing rta'i sgra dang / mi'i sgra dang / dung gi sgra dang / rnga'i sgra dang / mchu sbrang gi sgra dang / gling bu la sogs pa'i sgra dang / glu'i sgra dang / du ba'i sgra ste/ de dag yongs su sgom mo/ /goms par bsgoms pa'i phyir stong gsum gyi stong chen po'i 'jig rten gyi khams tshad med pa snyed kyi sems can dmyal ba'i sgra kun thos par 'gyur ro/ /yang nas yang du bsgoms pas rna ba'i dbang po tha dad pa thob ste/ nyan thos dang rang sangs rgyas kyi 'phrul gyi rna ba dang tha dad par 'gyur ro/ /de ci'i phyir zhe na/ theg pa gnyis pas yongs su dag pa'i rna ba'i mngon par shes pa thob pa ni bsam gtan dang po'i chen po bzhi dam pa la brten na/ bsam gtan dang po 'ba' zhig thos te/ bsam gtan gnyis pa nas bsam gtan bzhi ba'i bar du'ang de bzhin no/ / </font><hr>Kha52b<br><font size=+1>


dus gcig tu stong gsum gyi stong chen po'i 'jig rten gyi khams kyi sgra ci yod pa thams cad cig car thos kyang 'jig rten gyi khams gang+gA'i klung gi bye ma tshad med mtha' yas pa snyed kyi sgra thos par mu nus so/ /don de lta bas na byang chub sems dpas thos pa ni nyan thos dang rang sangs rgyas kyi rna ba'i dbang po dang tha dad do/ /de ltar tha dad pas sngon ma thos pa thos par 'gyur te/ sgra thos kyang sems la thog ma nas sgra thos pa'i mtshan nyid med do/ /yod pa'i mtshan nyid dang / rtag pa'i mtshan nyid dang / bde ba'i mtshan nyid dang / bdag gi mtshan nyid dang / yongs su dag pa'i mtshan nyid dang / bdag po'i mtshan nyid dang / rten pa'i mtshan nyid dang / byed pa'i mtshan nyid dang / rgyu'i mtshan nyid dang / nges pa'i mtshan nyid dang / 'bras bu'i mtshan nyid med do/ /de lta bas na byang chub sems dpa' dag gis sngon ma thos pa da thos par gyur to/ / de nas byang chub sems dpa' sems dpa' chen po kun tu snang ba mtho btsun dpal gyi rgyal pos gsol pa/ bcom ldan 'das kyis gsungs pa las nges pa'i mtshan nyid dang / 'bras bu'i mtshan nyid mi mdzad do zhes gsungs pa'i don de lta ma lags so/ /de ci'i slad du zhe na/ bcom ldan 'das kyis sngar gsungs pa las gang la la zhig </font><hr>Kha53a<br><font size=+1>


@#/ /gis yongs su mya ngan las 'das pa chen po'i mdo 'di tshigs su bcad pa gcig gam/ yi ge 'bru gcig tsam thos na/ gdon mi za bar bla na med pa yang dag par rdzogs pa'i byang chub thob par 'gyur ro/ /zhes gsungs la/ de ni de bzhin gshegs pas ci'i slad du nges pa dang / 'bras bu ma mchis so/ / zhes gsungs/ bla na med pa yang dag par rdzogs pa'i byang chub thob pa de nyid nges pa'i mtshan nyid dang / 'bras bu'i mtshan nyid lags na/ ci'i slad du nges pa dang 'bras bu ma mchis zhes gsungs/ sgra mi snyan pa thos na ngan sems skyes te/ ngan sems skyes pas ngan song gsum du ltung ngo / /gang ngan song gsum du ltung ba de nyid nges pa'i 'bras bu lags na/ ci'i slad du nges pa dang / 'bras bu ma mchis zhes gsungs/ bcom ldan 'das kyis bka' stsal pa/ legs so/ legs so/ /rigs kyi bu khyod kyis de ltar dri bar spobs pa legs so/ /gal te bcom ldan 'das kyis sgra rnams la nges pa dang / 'bras bu'i mtshan nyid yod par gsungs na/ de sangs rgyas bcom ldan 'das kyi mtshan nyid ma yin te/ bdud kyi rgyal po'i mtshan nyid yin/ 'khor ba'i mtshan nyid yin/ mya ngan las 'das pa dang thag ring ba'i mtshan </font><hr>Kha53b<br><font size=+1>


nyid yin no/ /de ci'i phyir zha na/ sangs rgyas bcom ldan 'das kyis gsungs so cog ni nges pa dang / 'bras bu'i mtshan nyid med do/ /rigs kyi bu/ dper na/ ral gri'i nang na mi'i ngo snang ba bsgreng na ni chu ring por mthong / 'phred du bltas na zheng che bar mthong ste/ de gal te nges pa'i mtshan nyid yin na ci'i phyir bsgreng na ni chu ring por mthong la/ 'phred du ni zheng che bar mthong / don de lta bas na sangs rgyas bcom ldan 'das kyis gsungs pa ni nges pa dang / 'bras bu'i mtshan nyid med do/ /rigs kyi bu/ mya ngan las 'das pa zhes bya ba ni sgra'i 'bras bu ma yin no/ /gal te mya ngan las 'das pa sgra'i 'bras bu yin na mya ngan las 'das pa de rtag pa'i chos ma yin par rig par bya'o/ /rigs kyi bu/ dper na/ 'jig rten na rten cing 'brel te 'byung ba'i chos ni rgyu yod pas 'bras bu yang yod do/ /rgyu med na 'bras bu'ang med de/ rgyu mi rtag na 'bras bu'ang mi rtag go/ /de ci'i phyir zhe na/ rgyu las kyang 'bras bur 'gyur la/ 'bras bu las kyang rgyur 'gyur ro/ /don de lta bas na chos thams cad ni nges pa'i mtshan nyid med do/ /ji ste mya ngan las 'da' ba rgyu las skyes na rgyu nyid mi rtag pas 'bras bu'ang mi rtag ste/ de bas na mya ngan las 'da' ba ni rgyu las ma skyes la ngo bo nyid 'bras bu ma yin te/ de bas na rtag pa'o/ /rigs </font><hr>Kha54a<br><font size=+1>


@#/ /kyi bu/ don de lta bas na mya ngan las 'da' ba'i ngo bo nyid ni nges pa med/ /'bras bu med do/ /rigs kyi bu/ mya ngan las 'da' ba zhes bya ba ni nges pa zhes bya bar yang rung la/ 'bras bu zhes bya bar yang rung ngo / /ji ltar nges pa'o/ /zhes bya zhe na/ sangs rgyas thams cad kyi mya ngan las 'da' ba ni rtag pa dang / bde ba dang| bdag dang / yongs su dag pa'i phyir nges pa'o/ /skye ba dang rga ba dang 'jig pa med pa'i phyir nges pa'o/ /log sred can dang / phas pham pa bzhi nyams pa dang / shin tu rgyas pa'i mdo sde la skur pa dang / mtshams med pa lnga'i kha na ma tho ba byas pa dag sngon gyi sems spangs na gdon mi za bar thob pa'i phyir de bas na nges pa'o/ /rigs kyi bu| ji ltar khyod kyis 'di skad du gal te la la zhig ngas mya ngan las 'das pa chen po'i mdo sde tshigs su bcad pa gcig gam/ yi ge gcig tsam bshad pa thos na bla na med pa yang dag par rdzogs pa'i byang chub thob bo zhes bya ba'i don de da dung khyod kyis gsal bar ma rig gi/ shin tu brtags par nyon cig /ngas rab tu phye ste bstan par bya'o/ /rigs kyi bu/ gal te rigs kyi bu'am rigs kyi bu mo gang yongs su mya ngan las 'das pa chen po las yi ge 'bru gcig gam/ tshigs su bcad pa gcig tsam </font><hr>Kha54b<br><font size=+1>


yang rung ste/ thos nas yi ge'i mtshan nyid du mi 'dzin/ tshigs su bcad pa'i mtshan nyid du mi 'dzin/ thos pa'i mtshan nyid du mi 'dzin/ sangs rgyas kyi mtshan nyid du mi 'dzin bshad pa'i mtshan nyid du mi 'dzin na de ni mtshan nyid med pa'i mtshan nyid ces bya'o/ /mtshan nyid med pa'i mtshan nyid pas na bla na med pa yang dag par rdzogs pa'i byang chub thob bo/ /rigs kyi bu khyod kyis ji skad du sgra yid du mi 'ong ba thos pa'i phyir ngan song gsum du 'gro'o zhes bya ba'i don de'ang ma yin no/ /de ci'i phyir zhe na/ sgra yid du mi 'ong bas ngan song gsum du 'gro ba ma yin gyi/ de'i 'bras bu ni ngan sems yin no/ /de ci'i phyir zhe na/ rigs kyi bu'am rigs kyi bu mo gang sgra yid du mi 'ong ba thos kyang ngan sems ma bskyed na sgra yid du mi 'ong ba'i rkyen gyis ngan song gsum du 'gro ba ma yin te/ sems can rnams kun nas nyon mongs pa'i ngan sems mched cing mang du gyur pas ngan song gsum du skyes kyi/ sgra yid du mi 'ong ba'i rkyen gyis ma yin no/ /gal te sgra la nges pa'i mtshan nyid yod na/ thos pa kun gyis ngan sems skye ba'i rigs so/ /de la la la ni skye/ la la la ni mi skye ste| de bas na sgra la ni nges pa'i mtshan nyid med par rig par bya'o/ /nges pa'i mtshan nyid med pas na/ des rkyen byas kyang ngan sems mi skye'o/ /gsol pa/ bcom ldan </font><hr>Kha55a<br><font size=+1>


@#/ /'das| gal te sgra ma nges na/ ci'i slad du byang chub sems dpa' sngon ma thos pa thos par 'gyur/ rigs kyi bu/ sgra la nges pa'i mtshan nyid med pas sngon ma thos pa byang chub sems dpa' rnams kyis da thos par gyur to/ de bas na ngas sngon ma thos pa da thos pa zhes gsungs so/ /rigs kyi bu/ de la ji ltar na sngon ma mthong ba da mthong ba zhe na/ rigs kyi bu/ byang chub sems dpa' sems dpa' chen po yongs su mya ngan las 'das pa chen po'i mdo sde la nan tan byed pa sngar snang ba'i mtshan nyid la 'jug pa ni 'di lta ste/ nyi ma dang / zla ba dang / skar ma dang / me'i phung po dang / sgron ma dang / nor bu dang / me'i snang ba dang / sman la sogs pa'i 'od goms par bsgoms pa'i phyir mig gi dbang po tha dad pa thob ste/ nyan thos dang rang sangs rgyas thob pa dang tha dad do/ /ji ltar tha dad ce na/ theg pa gnyis pas 'phrul gyi mig rnam par dag pa thob pa/ gal te 'dod pa'i khams kyi chen po bzhi'i mig gi dbang po la brten na bsam gtan dang po mi mthong ngo / /gal te bsam gtan dang po la brten na gong ma mi mthong ba nas bdag gi mig gi bar du'ang mthong bar mi nus so/ /gal te mang du mthong na'ang stong gsum gyi stong chen po'i 'jig rten gyi khams las </font><hr>Kha55b<br><font size=+1>


mi mthong ngo / /byang chub sems dpa' sems dpa' chen pos 'phrul gyi mig ma bsgoms kyang gzugs dam pa'i lus thams cad keng rus kyi mtshan nyid du mthong ngo / /'jig rten gyi khams gzhan gang+gA'i klung gi bye ma snyed kyi gzugs kyi mtshan nyid mthong yang gzugs kyi mtshan nyid du mi 'dzin/ rtag pa'i mtshan nyid du mi 'dzin/ yod pa'i mtshan nyid dang / rdzas kyi mtshan nyid dang / ming dang / yi ge dang / rgyu rkyen dang / mthong ba'i mtshan nyid du mi 'dzin/ mig la dam pa rnam par dag pa'i mtshan nyid do/ /zhes kyang mi zer te/ rten cing 'brel te 'byung ba dang / rten cing 'brel te 'byung ba ma yin pa'i mtshan nyid du mthong ngo / /ji ltar na rten cing 'brel te 'byung ba zhe na/ gzugs ni mig gi rkyen yin no/ /gal te gzugs rten cing 'brel pa ma yin na/ bus pa ma rabs thams cad kyis gzugs su mthong ba'i 'du shes mi skye ba'i rigs so/ /de bas na gzugs ni rten cing 'brel pa zhes bya'o/ /rten cing 'brel te 'byung ba ma yin zhes bya ba ni byang chub sems dpa' sems dpa' chen po mthong du zin kyang gzugs kyi mtshan nyid mi skyed de/ de bas na rten cing 'brel te 'byung ba ma yin no/ / don de lta bas na byang chub sems dpas 'phrul gyi mig rnam par dag pa thob pa ni nyan thos dang rang sangs rgyas kyis thob pa dang tha dad do/ /de ltar tha dad pa'i phyir dus gcig tu </font><hr>Kha56a<br><font size=+1>


@#/ /phyogs bcu'i 'jig rten gyi khams na/ da ltar bzhugs pa'i sangs rgyas rnams kun mthong ste/ de ni byang chub sems dpas sngon ma mthong ba mthong ba zhes bya'o/ /de ltar tha dad pa'i phyir rdul phra rab snyed mthong gi/ nyan thos dang rang sangs rgyas ni mi mthong ngo / /de ltar tha dad pa'i phyir bdag gi mig mthong mod kyi/ thog ma nas mthong ba'i mtshan nyid med de/ mi rtag pa'i mtshan nyid du mthong zhing / gang zag pa'i lus la rdzas sum cu rtsa drug gi mi gtsang bas yongs su gang ba lag mthil du skyu ru ra'i 'bras bu bzhag pa bzhin du mthong ngo / /don de lta bas na sngon ma mthong ba de mthong ba zhes bya ste/ gal te sems can gyi gzugs dang cha lugs ji snyed pa mthong ma thag tu de nyid theg pa chen po'am/ theg pa chung ngu'i dbang po gang yin pa rig go/ gos la thang cig reg pa tsam gyis kyang de'i dge ba dang mi dge ba'i dbang po'i khyad par gyi mtshan nyid shes so/ /don de lta bas na sngon ma shes pa da shes par 'gyur te/ thang cig mthong ba tsam gyis sngon ma shes pa dang shes par 'gyur ro/ /de ltar shes pa'i phyir sngon ma mthong ba da mthong bar 'gyur to// //'phags pa yongs su mya ngan las 'das pa chen po'i mdo/ bam po sum cu gnyis </font><hr>Kha56b<br><font size=+1>


pa| gzhan yang / rigs kyi bu/ ji ltar na byang chub sems dpa' sngon mi shes pa shes pa zhe na/ byang chub sems dpa' sems dpa' chen po bus pa ma rabs kyi 'dod chags dang| zhe sdang dang / gti mug gi sems shes kyang / thog ma nas sems sam sems las byung ba'i mtshan nyid du mi 'dzin/ sems can dang rdzas kyi mtshan nyid du mi 'dzin to| |don dam pa mthar stong pa'i mtshan nyid la nan tan byed do/ /de ci'i phyir zhe na/ byang chub sems dpa' thams cad ni rtag tu stong pa'i mtshan nyid la nan tan byed pa'i phyir ro| |stong pa nyid la nan tan byed pas sngon mi shes pa da shes so/ /ji ltar shes zhe na/ bdag med pa dang / bdag gi ba med pa shes pa dang / sems can thams cad la sangs rgyas kyi rang bzhin yod par shes te/ sangs rgyas kyi rang bzhin yod pa'i phyir log sred can dag sngon gyi sems spangs na thams cad kyang bla na med pa yang dag par rdzogs pa'i byang chub tu mngon par 'tshang rgya bar 'gyur ro/ /de dag ni nyan thos dang rang sangs rgyas kyis shes par mi nus kyi/ byang chub sems dpas shes par nus pas de bas na sngon mi shes pa shes pa zhes bya'o/ /gzhan yang / rigs kyi bu/ ji ltar sngon mi shes pa shes pa zhe na/ byang chub sems dpa' sems dpa' chen po yongs su mya ngan </font><hr>Kha57a<br><font size=+1>


@#/ /las 'das pa chen po'i mdo sde dam pa la nan tan byed pa ni sngon 'das pa'i dus kyi sems can thams cad kyi skye ba'i gnas dang / rigs dang / pha ma dang / phu nu dang / chung ma dang / bu dang / gnyen bshes dang / dgra rnams dran pas yud tsam thang cig gis khyad par gyi ye shes thob ste/ nyan thos dang rang sangs rgyas kyi ye shes las khyad par du gyur pa'o/ /ji ltar na khyad par du gyur pa zhe na/ nyan thos dang rang sangs rgyas kyi shes rab ni 'das pa'i dus kyi sems can rnams kyi rigs dang pha ma dang gnyen nas dgra'i bar du dran te/ rigs dang / gnyen dang / dgra'i mtshan nyid skyed do/ /byang chub sems dpa' ni de lta ma yin te/ sngon gyi rigs dang / pha ma dang / gnyen nas dgra'i bar du dran yang rigs dang / pha ma dang / gnyen dang dgra la sogs pa'i mtshan nyid mi skyed de/ rtag tu chos kyi mtshan nyid dang / stong pa zhi ba'i mtshan nyid du 'jug go/ de ni byang chub sems dpa'i sngon mi shes pa shes pa zhes bya'o/ /rigs kyi bu/ gzhan yang / ji ltar na sngon mi shes pa shes pa zhe na/ byang chub sems dpa' sems dpa' chen po yongs su mya ngan las 'das pa chen po'i mdo sde dam pa la nan tan byas pas gzhan gyi </font><hr>Kha57b<br><font size=+1>


sems shes pa'i ye shes thob pa ni nyan thos dang rang sangs rgyas kyis thob pa dang tha dad do/ /ji ltar tha dad ce na/ nyan thos dang rang sangs rgyas ni yud tsam thang cig gis mi'i sems shes pa'i dus na/ sems can dmyal ba dang / byol song dang / yi dwags dang / lha'i sems mi shes so/ /byang chub sems dpa' ni de lta ma yin te/ yud tsam thang cig gis rgyud drug gi sems can gyi sems kun shes pas/ de ni byang chub sems dpa'i sngon mi shes pa shes pa zhes bya'o/ /rigs kyi bu/ gzhan yang shes pa tha dad pa yod de/ byang chub sems dpa' sems dpa' chen po bsam pa gcig gis rgyun du zhugs pa'i sems dang po nas rim gyis sems bcu drug gi bar du shes so/ /don de lta bas na sngon mi shes pa shes pa zhes bya ste/ 'di dag ni byang chub sems dpas mya ngan las 'das pa chen po la nan tan byas pas yon tan gnyis pa dang ldan pa zhes bya'o/ / gzhan yang / rigs kyi bu/ ji ltar na byang chub sems dpa' sems dpa' chen pos yongs su mya ngan las 'das pa chen po la nan tan byas pas yon tan gsum pa dang ldan pa zhe na/ rigs kyi bu/ byang chub sems dpa' sems dpa' chen po mya ngan las 'das pa chen po la nan tan byed pa ni byams pa btang yang byams pa thob par 'gyur ro/ / </font><hr>Kha58a<br><font size=+1>


@#/ /byams pa thob pa'ang rten cing 'brel pa ma yin no/ /de la ji ltar na byams pa btang yang byams pa thob pa zhe na/ rigs kyi bu/ byams pa zhes bya ba ni kun rdzob kyi bden pa ste/ byang chub sems dpa' sems dpa' chen pos kun rdzob kyi byams pa btang nas don dam pa'i byams pa thob pa'o/ /dom pa'i byams pa ni rkyen gyis thob pa ma yin no/ /gzhan yang ji ltar na byams pa btang yang byams pa thob pa zhe na/ gal te byams pa de btang du rung ba zhig yin na bus pa ma rabs kyi byams pa zhes bya'o/ /gang byams pa thob par rung ba de ni byang chub sems dpa'i dmigs su med pa'i byams pa zhes bya'o/ /log sred can gyi byams pa dang / rtsa ba bzhi nyams pa'i byams pa dang / shin tu rgyas pa la skur ba'i byams pa dang / mtshams med pa lnga byas pa'i byams pa btang na/ brtse ba'i byams pa dang / de bzhin gshegs pa'i byams pa dang / bcom ldan 'das kyi byams pa dang / rgyu rkyen med pa'i byams pa thob bo/ /gzhan yang ji ltar na byams pa btang yang byams pa thob pa zhe na/ nyung rum dang / ma ning dang / mtshan med dang / mtshan gnyis dang / bud med kyi byams pa dang / rigs ngan dang / bshan pa dang / rngon pa dang / bya dang phag la sogs pa gso ba la </font><hr>Kha58b<br><font size=+1>


sogs pa'i byams pa btang ba dang / nyan thos dang rang sangs rgyas kyi byams pa btang nas byang chub sems dpa' rnams kyi dmigs su med pa'i byams pa dang / bdag tu mi lta ba'i byams pa dang / gzhan du mi lta ba'i byams pa dang / tshul khrims can du mi lta/ tshul khrims ngan pa can du mi lta/ bdag la snying rje yod par mthong yang sems can du mi lta ba dang / sdug bsngal du tshor ba yod kyang myong ba mi mthong ba thob bo/ /de ci'i phyir zhe na/ yang dag pa ji lta ba'i don dam pa sgom pa'i phyir te/ de ni byang chub sems dpa' yongs su mya ngan las 'das pa chen po la nan tan byas pa'i yon tan gsum pa dang ldan pa zhes bya'o/ /gzhan yang / rigs kyi bu/ de la ji ltar na byang chub sems dpa' sems dpa' chen pos yongs su mya ngan las 'das pa chen po la nan tan byas pas yon tan bzhi dang ldan pa zhe na/ rigs kyi bu/ byang chub sems dpa' sems dpa' chen pos yongs su mya ngan las 'das pa chen po la nan tan byed pa ni yon tan bzhi dang ldan pa la dngos po rnam pa bcu yod do/ /bcu gang zhe na/ 'di lta ste/ rtsa ba brtan pas bskul zhing dbyung dka' ba dang / bdag la gdon mi za ba'i 'du shes bskyed pa dang / bsod nams dang bsod nams ma yin pa mi rtog pa dang / sangs rgyas kyi zhing yongs su dag par sbyong ba </font><hr>Kha59a<br><font size=+1>


@#/ /dang| lhag ma bsal ba dang / las kyi rgyu bcad pa dang / rnam par dag pa'i lus bsgom pa dang / rkyen rnams rab tu rig pa dang / dgra rnams spong ba dang / mtha' gnyis gcod pa'o/ /de la ji ltar na rtsa ba brtan pas bsgul zhing dbyung dka' ba zhe na/ de la rtsa ba zhes bya ba ni bag byed pa'o/ /bag byed pa'i rtsa ba gang zhe na| 'di lta ste/ bla na med pa yang dag par rdzogs pa'i byang chub kyi rtsa ba'o/ /rigs kyi bu/ sangs rgyas thams cad kyi dge ba'i rtsa ba rnams ni bag byed pa'o/ /bag byed pa'i phyir dge ba'i rtsa ba gzhan rnams kyang gong nas gong du 'phar zhing skye bar 'gyur ro/ /dge ba'i rtsa ba skye zhing 'phel bas dge ba thams cad kyi nang na mchog dang khyad par du 'gyur ro/ /rigs kyi bu/ ji ltar rjes rnams kyi nang na bal glang gi rjes mchog tu gyur pa ltar bag byed pa'i chos kyang de dang 'dra ste/ dge ba'i chos kyi nang na mchog dam pa'i khyad par du 'gyur ro/ /rigs kyi bu/ ji ltar snang ba'i nang na nyi ma'i 'od mchog tu gyur pa ltar bag byed pa'i chos kyang de dang 'dra ste/ dge ba'i chos rnams kyi nang na mchog dam pa'i khyad par du 'gyur ro/ /rigs kyi bu/ ji ltar rgyal po'i nang na 'khor los bsgyur ba'i rgyal po mchog dang gtso bor gyur pa dang 'dra bar bag byed pa'i </font><hr>Kha59b<br><font size=+1>


chos kyang de dang 'dra ste/ mchog dang gtso bor 'gyur ro/ /rigs kyi bu/ ji ltar 'bab chu rnams kyi nang na klung bzhi po mchog tu gyur pa ltar bag byed pa'i chos kyang de dang 'dra ste/ dge ba'i chos rnams kyi nang na mchog tu 'gyur ro/ /rigs kyi bu/ ji ltar ri rnams kyi nang na ri rab ri'i rgyal po mchog tu gyur pa ltar bag byed pa'i chos kyang de dang 'dra ste/ dge ba'i chos rnams kyi nang na dam par 'gyur ro/ /rigs kyi bu/ ji ltar chu las skyes pa'i pad+mo'i nang na pad+mo sngon po dam par gyur pa ltar bag byed pa'i chos kyang de dang 'dra ste/ dge ba'i chos rnams kyi nang na mchog tu 'gyur ro/ /rigs kyi bu/ ji ltar skams las skyes pa'i me tog gi nang na me tog pa ri sha ka mchog tu gyur pa ltar bag byed pa'i chos kyang de dang 'dra ste/ dge ba'i chos thams cad kyi nang na mchog tu 'gyur ro/ /rigs kyi bu/ ji ltar gcan gzan gyi nang na seng+ge mchog tu gyur pa ltar bag byed pa'i chos kyang de dang 'dra ste/ dge ba'i chos rnams kyi nang na mchog dang gtso bor 'gyur ro/ /rigs kyi bu/ ji ltar bya'i nang na nam mkha' lding gi rgyal po mchog tu gyur pa ltar bag byed pa'i chos kyang de dang 'dra ste/ dge ba'i chos rnams kyi nang na mchog dam pa'o/ /rigs kyi bu/ lus chen po'i nang na lha ma yin gyi rgyal po sgra gcan 'dzin ces bya ba mchog tu </font><hr>Kha60a<br><font size=+1>


@#/ /gyur pa ltar bag byed pa'i chos kyang de dang 'dra ste/ dge ba'i chos rnams kyi nang na mchog dam pa yin no/ /rigs kyi bu/ ji ltar sems can rkang gnyis sam/ rkang bzhi'am/ rkang mang ngam/ rkang med thams cad kyi nang na/ de bzhin gshegs pa mchog tu gyur pa ltar bag byed pa'i chos kyang de dang 'dra ste/ dge ba'i chos rnams kyi nang na mchog go /rigs kyi bu/ dper na/ mang po rnams kyi nang na sangs rgyas kyi dge 'dun mchog tu gyur pa ltar bag byed pa'i chos kyang de dang 'dra ste/ dge ba'i chos rnams kyi nang na mchog yin no/ /rigs kyi bu/ ji ltar sangs rgyas kyi chos kyi nang na mya ngan las 'das pa chen po'i chos ni mchog dam par 'gyur ba ltar bag byed pa'i chos kyang de dang 'dra ste/ dge ba'i chos rnams kyi nang na mchog dam pa yin no/ /rigs kyi bu/ de lta bas na bag byed pa'i rtsa ba ni zab cing brtan te shin tu dbyung dka'o/ /de la ji ltar na bag byed pas gong nas gong du 'phar zhing skye ba zhe na/ 'di lta ste/ dad pa'i rtsa ba dang / tshul khrims kyi rtsa ba dang / sbyin pa'i rtsa ba dang / shes rab kyi rtsa ba dang / bzod pa'i rtsa ba dang / thos pa'i rtsa ba dang / brtson 'grus kyi rtsa ba dang / dran pa'i rtsa ba dang / ting nge 'dzin gyi rtsa ba dang / dge </font><hr>Kha60b<br><font size=+1>


ba'i bshes gnyen gyi rtsa ba dang / de dag la sogs pa'i rtsa ba rnams bag byed pa'i phyir gong nas gong du 'phar zhing skye'o/ /de ltar 'phel zhing skyes pas shin tu zab cing brtan te rab tu dbyung dka'o/ /don de lta bas na byang chub sems dpa' sems dpa' chen pos mya ngan las 'das pa chen po la nan tan byas pas rtsa ba zab ste dbyung dka' ba zhes bya'o/ /de la ji ltar na lus la gdon mi za ba'i mtshan nyid du 'jug pa zhe na/ bdag gi lus la gdon mi za ba'i sems bskyed de/ 'di ltar bdag gi lus 'dis ma 'ongs pa'i dus na gdon mi za bar bla na med pa yang dag par rdzogs pa'i byang chub kyi snod du 'gyur la/ sems kyang de bzhin du chung zhing zhan pa ma yin/ 'gyur zhing 'pho ba ma yin/ nyan thos dang rang sangs rgyas kyi sems ma yin/ bdud kyi sems ma yin/ bdag bde ba'i sems dang / 'khor ba la mos pa'i sems ma yin te/ rtag tu sems can gyi phyir byams pa dang snying rje'i sems tshol ba ni/ byang chub sems dpa' bdag nyid kyi lus 'dis gdon mi za bar ma 'ongs pa'i dus na bla na med pa yang dag par rdzogs pa'i byang chub kyi snod du 'gyur ro/ /zhes pa'i sems bskyed do/ /de lta bas na byang chub sems dpa' sems dpa' chen po mya ngan las 'das pa chen po la nan tan byas pas bdag nyid kyi lus la </font><hr>Kha61a<br><font size=+1>


@#/ /gdon mi za ba'i 'du shes bskyed pa zhes bya'o/ /de la ji ltar na byang chub sems dpa' sems dpa' chen pos bsod nams kyi zhing dang / bsod nams kyi zhing ma yin pa la mi rtog pa zhe na/ de la bsod nams zhes bya ba ni mu stegs can gyi dka' thub la zhugs pa nas sangs rgyas la thug gi bar du ni bsod nams kyi zhing zhes bya'o/ /gal te 'di snyam du de dag ni yang dag pa'i bsod nams kyi zhing yin no/ /snyam du sems na de'i sems ni zhan cing chung ba yin par rig par bya'o/ /byang chub sems dpa' sems dpa' chen po sems can tshad med pa thams cad la'ang bsod nams kyi zhing ma yin par mi lta'o/ /de ci'i phyir zhe na/ dran pa tha dad pa shin tu bsgoms pa'i phyir te/ gang dran pa tha dad pa yod cing shin tu bsgoms pa ni sems can thams cad tshul khrims srung ba'ang med/ tshul khrims bshig pa'ang med par lta ste| rtag tu sangs rgyas bcom ldan 'das kyis gsungs pa'i sbyin pa rnam pa bzhi char la rnam par dag pa'i 'bras bu thob par lta'o/ /bzhi gang zhe na/ 'di lta ste/ sbyin bdag rnam par dag la len pa ma dag pa dang / sbyin bdag ma dag la len pa rnam par dag pa dang / sbyin bdag dang len pa gnyis ka rnam par dag pa dang / sbyin bdag </font><hr>Kha61b<br><font size=+1>


dang len pa gnyis ka ma dag pa'o/ /ji ltar na sbyin bdag rnam par dag la len pa ma dag pa zhe na/ 'di lta ste/ sbyin bdag tshul khrims dang / mang du thos pa dang / shes rab dang ldan zhing / sbyin pa dang 'bras bu smin pa yod par shes la/ len pa ni tshul khrims nyams shing ngan par lta ba la zhen te/ sbyin pa med cing 'bras bu med par lta ba ni sbyin bdag rnam par dag la len pa ma dag pa zhes bya'o/ /ji ltar na len pa rnam par dag la sbyin bdag ma dag pa zhe na/ de la sbyin bdag ni tshul khrims nyams shing / log par lta ba la zhen te/ sbyin pa dang 'bras bu smin pa'ang med par lta la/ len pa ni tshul khrims sdom zhing mang du thos pa dang / shes rab dang ldan te/ sbyin pa dang / sbyin pa'i 'bras bu smin pa yod par shes pa de ni sbyin bdag ma dag la len pa rnam par dag pa zhes bya'o/ /de la ji ltar na sbyin bdag dang len pa gnyis ka rnam par dag pa zhe na/ de la sbyin bdag dang len pa gnyis ka tshul khrims sdom zhing mang du thos pa dang / shes rab dang ldan te sbyin pa dang sbyin pa'i 'bras bu smin pa yod par shes pa ste/ de ni sbyin bdag dang len pa gnyis ka rnam par dag pa zhes bya'o/ /ji ltar na gnyis ka ma dag pa zhe na/ sbyin bdag dang len pa gnyis ka tshul khrims nyams shing ngan par lta ba dang / sbyin </font><hr>Kha62a<br><font size=+1>


@#/ /pa dang sbyin pa'i 'bras bu smin pa med par lta ba'o/ /gal te de lta bu zhig na/ ci'i phyir de la rnam par dag pa'i 'bras bu thob pa zhes bya zhe na/ de la sbyin pa'ang med/ 'bras bu'ang med pas na rnam par dag pa zhes mi bya'o/ /rigs kyi bu/ gang sbyin pa dang sbyin pa'i 'bras bu mi mthong ba ni tshul khrims nyams pa dang| ngan par lta ba la zhen pa ma yin par rig par bya'o/ /gal te nyan thos lta bur sbyin pa dang sbyin pa'i 'bras bu mi mthong ba ni tshul khrims nyams pa dang / ngan par lta ba la zhen pa zhes bya'o/ /gang 'di ltar mya ngan las 'das pa chen po'i mdo sde lta bur sbyin pa dang sbyin pa'i 'bras bu mi mthong ba ni tshul khrims srung ba dang / yang dag par lta ba zhes bya'o/ /byang chub sems dpa' sems dpa' chen po dran pa tha dad pa yod cing rab tu bsgoms pas sems can tshul khrims sdom pa dang / bshig pa dang / sbyin pa dang / len pa dang / sbyin pa'i 'bras bu mi mthong ngo / /de bas na tshul khrims sdom pa yang dag par lta ba zhes gdags so/ /don de lta bas na byang chub sems dpa' sems dpa' chen pos bsod nams kyi zhing dang / bsod nams kyi zhing ma yin par mi rtog go/ de la ji ltar na sangs rgyas kyi zhing yongs su dag par </font><hr>Kha62b<br><font size=+1>


sbyong ba zhe na/ byang chub sems dpa' sems dpa' chen po mya ngan las 'das pa'i mdo sde dam pa la nan tan byas pas bla na med pa yang dag par rdzogs pa'i byang chub kyi phyir sems can sgrol ba na/ srog gcod pa'i sems yongs su spong ngo / /dge ba'i rtsa ba de'ang sems can thams cad dang thun mong du gyur te/ sems can thams cad tshe ring pa dang / stobs dang / byin che ba dang / rdzu 'phrul chen po thob par gyur cig ces smon lam 'debs so/ /smon lam de'i shugs kyis ma 'ongs pa'i dus su mngon par sangs rgyas pa na zhing de'i sems can ji snyed yod pa de dag thams cad tshe ring zhing mthu stobs dang ldan te/ rdzu 'phrul chen po thob par 'gyur ro/ /gzhan yang / rigs kyi bu/ byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na/ ma byin par len pa'i sems yongs su spong ngo / /dge ba'i rtsa ba de'ang sems can thams cad dang thun mong du gyur te/ sangs rgyas kyi zhing sa gzhi ji snyed yod pa de dag thams cad ring po che sna bdun 'ba' zhig tu gyur te/ sems can dag rang nyam du spyod la phyug cing chog par shog cig ces smon lam 'debs so/ /smon lam de'i shugs kyis ma 'ongs pa'i dus su mngon par sangs </font><hr>Kha63a<br><font size=+1>


@#/ /rgyas pa na zhing kun rin po che sna bdun 'ba' zhig ste/ sems can rang nyam du spyod cing phyug pa dang chog par longs spyod do/ /gzhan yang / rigs kyi bu| byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na 'dod pas log par g.yem pa'i sems yongs su spong ngo / /dge ba'i rtsa ba de'ang sems can thams cad dang thun mong du gyur te/ sangs rgyas kyi zhing na sems can ji snyed yod pa kun 'dod chags dang / zhe sdang dang / gti mug gi sems med cing bkres pa dang / skom pas gdungs pa'i sdug bsngal med par gyur cig ces smon lam 'debs so/ /smon lam de'i shugs kyis ma 'ongs pa'i dus su mngon par sangs rgyas pa na zhing de'i sems can thams cad 'dod chags dang / zhe sdang dang / gti mug gi sems dang bral te/ bkres pa dang skom pas gdungs pa'i sdug bsngal thams cad med par 'gyur ro/ /gzhan yang / rigs kyi bu/ byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na rdzun du </font><hr>Kha63b<br><font size=+1>


smra ba'i sems yongs su spong ngo / /dge ba'i rtsa ba de'ang sems can thams cad dang thung mong du gyur te/ sangs rgyas kyi zhing na rtag tu me tog gi shing dang / 'bras bu'i shing dang / spos gyi shing yod par gyur cig/ sems can ji snyed yod pa de dag thams cad sgra skad snyan pa thos par gyur cig ces smon lam 'debs so/ /smon lam de'i shugs kyis ma 'ongs pa'i dus su mngon par sangs rgyas pa na zhing de na me tog gi shing dang / 'bras bu'i shing dang / spos kyi shing yod par gyur te/ de'i sems can kun bla na med pa'i sgra dbyangs snyan pa yongs su gsal bar thob par 'gyur ro/ /gzhan yang / rigs kyi bu/ byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na phra ma yongs su spong ngo / /dge ba'i rtsa ba de'ang sems can thams cad dang thun mong du gyur te/ sangs rgyas kyi zhing na sems can ji snyed yod pa de dag thams cad 'dum zhing dam pa'i chos gcig la gcig ston par shog cig ces smon lam 'debs so/ /de ltar smon lam de'i shugs kyis mngon par sangs rgyas pa na zhing de'i sems can ji snyed yod pa de dag thams cad 'dum zhing chos kyi gtam smra bar 'gyur ro/ /gzhan </font><hr>Kha64a<br><font size=+1>


@#/ /yang / rigs kyi bu/ byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na tshig thun chags yongs su spong ngo / /dge ba'i rtsa ba de'ang sems can thams cad dang thun mong par gyur te/ sangs rgyas kyi zhing nas gzhi kun lag mthil bzhin du mnyam pa la gseg ma dang / gyo mo la sogs pa dang / tsher ma kun med de/ sems can kun sems mnyam par gyur cig ces smon lam 'debs so/ /smon lam de'i shugs kyis ma 'ongs pa'i dus su mngon par sangs rgyas pa na zhing gi sa gzhi lag mthil bzhin du mnyam la/ gseg ma dang / gyo mo dang / tsher ma la sogs pa med de/ sems can ji snyed yod pa de dag thams cad sems mnyam par 'gyur ro/ /gzhan yang / rigs kyi bu/ byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na don med par smra ba yongs su spong ngo / /dge ba'i rtsa ba de'ang sems can thams cad dang thun mong par gyur te/ sangs rgyas kyi zhing na sems can ji snyed yod pa de dag thams </font><hr>Kha64b<br><font size=+1>


cad nyon mongs pa'i sdug bsngal med par gyur cig ces smon lam 'debs so/ /smon lam de'i shugs kyis ma 'ongs pa'i dus su mngon par sangs rgyas pa na zhing de na gnas pa'i sems can ji snyed yod pa kun nyon mongs pa'i sdug bsngal med par 'gyur ro/ /gzhan yang / rigs kyi bu/ byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na 'dod pas phrag dog gi sems yongs su spong ngo / /dge ba'i rtsa ba de'ang sems can thams cad dang thun mong bar gyur te/ sangs rgyas kyi zhing na sems can thams cad 'dod pas phrag dog gi nyon mongs pas 'tshe ba dang / ngan par lta bu med par gyur cig ces smon lam 'debs so/ /smon lam de'i shugs kyis ma 'ongs pa'i dus su mngon par sangs rgyas pa na zhing de'i sems can thams cad 'dod pas phrag dog gi sems kyis 'tshe ba dang / log par lta ba med par 'gyur ro/ /gzhan yang / rigs kyi bu/ byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na rnam par 'tshe ba thams cad yongs su spong ngo / /dge ba'i rtsa ba de'ang </font><hr>Kha65a<br><font size=+1>


@#/ /sems can thams cad dang thun mong bar gyur te/ sangs rgyas kyi zhing de na sems can ji snyed yod pa de dag thams cad kyis byams pa dang snying rje chen po bsgom zhing bu gcig ba'i sa thob par gyur cig ces smon lam 'debs so/ /smon lam de'i shugs kyis ma 'ongs pa'i dus su mngon par sangs rgyas pa na zhing gi sems can ji snyed yod pa de dag thams cad byams pa dang snying rje chen po bsgom zhing bu gcig pa'i sa thob par 'gyur ro/ /gzhan yang / rigs kyi bu/ byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na ngan par lta ba yongs su spong ngo| |dge ba'i rtsa ba de'ang sems can thams cad dang thun mong bar gyur te/ sangs rgyas kyi zhing na sems can ji snyed yod pa de dag thams cad shes rab kyi pha rol tu phyin pa thob par gyur cig ces smon lam 'debs so/ /smon lam 'debs de'i shugs kyis ma 'ongs pa'i dus su mngon par sangs rgyas pa na 'jig rten gyi khams de na sems can ji snyed yod pa de dag thams cad shes rab kyi pha rol tu phyin pa gzungs su 'dzin par 'gyur te/ de ni byang chub sems dpas sangs rgyas kyi zhing yongs su dag par sbyong ba zhes </font><hr>Kha65b<br><font size=+1>


bya'o| |de la ji ltar na byang chub sems dpa' sems dpa' chen pos lhag ma yongs su bsal ba zhe na/ lhag ma la rnam pa gsum ste/ nyon mongs pa'i 'bras bu lhag ma dang / las lhag ma dang / srid pa lhag ma'o/ /rigs kyi bu/ de la ji ltar na nyon mongs pa'i 'bras bu lhag ma zhe na/ sems can gang 'dod chags kyi bag chags dang bsnyen na 'bras bu de smin pa'i phyir sems can dmyal bar ltung ngo / /brgya la sems can dmyal ba las thar na byol song gi skye gnas su 'gyur skye ba ni 'di lta ste/ phug ron dang / mchil pa dang / ngur pa dang / ne tso dang / 'tsho byed dang / shA ri ka dang / bye'u sde'u dang / nya dang / rus sbal dang / spre'u dang / sha ba'i lus su skye'o/ /gal te mi'i lus thob na'ang nyung rum dang / ma ning dang / bud med dang / mtshan gnyis pa dang / mtshan med pa dang / sprul 'tshong mar 'gyur ro/ /gal te rab tu byung na'ang tshul khrims kyi rtsa ba dang po zhig par 'gyur ro/ /de ni 'bras bu lhag ma zhes bya'o/ /gzhan yang / rigs kyi bu/ gal te sems can gang zhen pa'i sems kyis zhe sdang gi bag chags la zhen na/ de'i 'bras bu smin pas sems can dmyal bar ltung ngo / /brgya la sems can dmyal ba las thar na'ang 'di lta ste/ sbrul gyi gdug pa mthong bas gdug pa dang / reg pas gdug pa dang / </font><hr>Kha66a<br><font size=+1>


@#/ /zos pas sdug pa dang / dbugs kyis gdug pa dang / gdug pa rnam pa bzhi dang ldan pa'i sprul dang / seng+ge dang / stag dang / spyang ki dang / dom dang| dred dang / byi la dang / khra la sogs pa'i lus su skye'o/ /gal te mi'i lus thob na'ang tshul ngan pa rnam pa bcu gnyis dang ldan no/ /gal te rab tu byung na'ang tshul khrims kyi rtsa ba gnyis pa nyams par byed de/ de ni rnam par smin pa lhag ma zhes bya'o/ /gzhan yang / rigs kyi bu/ gang gti mug gi las byed pa de ni 'bras bu smin nas sems can dmyal bar ltung ngo / /brgya la sems can dmyal ba las thar na'ang byol song gi skye gnas su skye ste/ gang zhe na/ bal glang dang / phag dang / ba lang dang / lug dang / ma he dang / lja bi dang / shig dang / sbrang ma dang / grog ma la sogs pa'i lus su 'gyur ro/ /gal te mi'i lus thob na'ang 'on pa dang / dmus long dang / lkugs pa dang / rgyab dgu ba dang / dbang po rnams mi tshang zhing chos mi zin to/ /gal te rab tu byung na'ang dbang po rnams rmongs shing rtul te/ tshul khrims kyi rtsa ba zhig pa nas rnam pa lnga'i bar du de dag zhig par 'gyur te/ de ni rnam par smin pa lhag ma zhes bya'o/ /gzhan yang / rigs kyi bu/ gang nga rgyal dang dregs pa'i las byed </font><hr>Kha66b<br><font size=+1>


pa de ni rnam par smin pas sems can dmyal bar ltung ngo / /brgya la sems can dmyal ba las thar na'ang byol song gi skye gnas su skye ste/ gang zhe na/ lus kyi nang gi srin bu dang| rnga mo dang / bong bu dang / khyi dang / rta'i lus su 'gyur ro/ /gal te mir skyes na'ang bran pho dang / bran mo dang / dbul po dang / phongs pa dang / sprang po'i lus su 'gyur ro/ /gal te rab tu byung na'ang sems can kun gyis rnam par brnyas par 'gyur zhing tshul khrims kyi rtsa ba bzhi nyams par byed de/ de ni rnam par smin pa lhag ma zhes bya ste| de dag ni nyon mongs pa'i rnam par smin pa'i lhag ma zhes bya'o/ /de ltar na rnam par smin pa lhag ma de'ang byang chub sems dpa' sems dpa' chen pos mya ngan las 'das pa chen po la nan tan byas pas thams cad med par bsal bar 'gyur ro/ /de la ji ltar na las kyi lhag ma zhe na/ 'di lta ste/ bus pa ma rabs thams cad kyi las dang / nyan thos thams cad kyi las dang / rgyun du zhugs pas srid pa bdun len pa'i las dang / lan gcig phyir ldog pas srid pa gnyis len pa'i las dang / phyir mi ldog pas gzugs kyi srid pa len pa'i las de dag ni las kyi lhag ma zhes bya'o/ /las kyi lhag ma de'ang byang chub sems dpa' sems dpa' chen po mya ngan las 'das </font><hr>Kha67a<br><font size=+1>


@#/ /pa chen po la nan tan byas pas thams cad bsal bar 'gyur ro/ /de la ji ltar na srid pa'i lhag ma zhe na/ dgra bcom pas ni dgra bcom pa'i 'bras bu thob pa dang / rang sangs rgyas kyis ni rang sangs rgyas kyi 'bras bu thob pa dang / las kyang med/ nyon mongs pa'ang med par 'bras bu rnam pa gnyis su gyur pa ni srid pa'i lhag ma zhes bya'o/ /de ltar lhag ma yod pa'i chos rnam pa gsum ni byang chub sems dpa' sems dpa' chen pos theg pa chen po mya ngan las 'das pa chen po'i mdo sde la nan tan byas pas yongs su bsal bar 'gyur te/ de ni byang chub sems dpa' sems dpa' chen pos srid pa'i lhag ma bsal ba zhes bya'o/ /de la ji ltar na byang chub sems dpas rnam par dag pa'i lus bsgom pa zhe na/ byang chub sems dpa' sems dpa' chen pos srog mi gcod pa'i tshul khrims srung ba la sems rnam pa lnga yod do/ /gang zhe na/ tha ma dang / 'bring dang / rab dang / rab kyi yang rab dang / 'bring gi yang rab ste/ yang dag par lta ba'i bar du'ang de bzhin du rgyas par rig par bya ste/ sems rnam pa lnga bcu po de ni sems dang po bskyed pa zhes bya ste/ gdon mi za ba'i sems lnga bcu dang ldan par 'gyur ro/ /de ltar sems brgya yongs su </font><hr>Kha67b<br><font size=+1>


rdzogs pa ni bsod nams brgya dang ldan pa zhes bya ste/ bsod nams brgya dang ldan pa ni mtshan gcig tu 'gyur ro/ /de ltar mthar gyis mtshan sum cu rtsa gnyis dang ldan par rgyur pa ni rnam par dag pa'i lus zhes bya ste/ de bas na yang dpe byad bzang po brgyad cu sgrub bo/ /'jig rten na sems can dag ni lha brgyad cu snyed brjod do/ /brgyad cu po gang zhe na/ nyi ma'i lha bcu gnyis dang / lha chen po bcu gnyis dang / skar ma chen po lnga dang / sme bdun dang / rta zhes bya ba'i lha dang / lam bgrod pa'i lha dang / ba ra dwa dza zhes bya ba'i lha dang / bsod nams kyi lha dang / rgyu skar nyi shu rtsa brgyad dang / sa'i lha dang / rlung gi lha dang / chu'i lha dang / me'i lha dang / tshangs pa dang / ru dra zhes bya ba'i lha dang / in+d+ra zhes bya ba'i lha dang / ku ma ra zhes bya ba'i lha dang / lag brgya pa dang / dbang sgyur chen po'i lha dang / pa sha la zhes bya ba'i lha dang / bu mang po'i lha dang / mgon po bzhi'i lha dang / yi ge med pa'i lha dang / ba su zhes bya ba'i lha dang brgyad cu'o/ /sems can dag gi phyir dpe byad bzang po brgyad cu bsgrubs nas yongs su brgyan te/ de ni byang chub sems dpa'i lus rnam par dag pa zhes bya'o/ /de ci'i phyir zhe na/ lha brgyad cu po de dag la sems can thams cad kyis dad cing rjes su 'gro ste/ de bas na byang chub sems </font><hr>Kha68a<br><font size=+1>


@#/ /dpas dpe byad bzang po brgyad cu bsgrubs na lus mi g.yo bar sems can de dag ci la dad pa'i rjes su so so nas de lta bu mthong bar byed do/ /mthong nas kyang lhag par bkur sti bskyed de/ so so nas bla na med pa yang dag par rdzogs pa'i byang chub tu sems skye'o/ /don de lta bas na byang chub sems dpa' sems dpa' chen pos lus yongs su sbyong ngo / /rigs kyi bu/ dper na/ mi la la zhig rgyal po chen po spyan 'dren na khang khyim thams cad rab tu brgyan cing shin tu gtsang bar byas te/ zas bzang po rnam pa sna tshogs sbyar na gzod rgyal po gshegs su gnang ngo / /byang chub sems dpa' sems dpa' chen po'ang de dang 'dra ste/ bla na med pa yang dag par rdzogs pa'i byang chub kyi chos kyi 'khor los bsgyur ba'i rgyal po spyan 'dren na sngar bdag gi lus shin tu dag par sbyang na bla na med pa'i chos kyi rgyal po gnas par 'gyur te/ don de lta bas na byang chub sems dpa' sems dpa' chen pos rnam par dag pa'i lus bsgrubs dgos so/ /rigs kyi bu/ dper na/ mi la la zhig bdud rtsi 'thung na sngar lus dag par byed do/ /de bzhin du byang chub sems dpa' sems dpa' chen po'ang bla na med pa'i chos kyi bdud rtsi shes rab kyi pha rol tu phyin pa 'thung na sngar dpe byad </font><hr>Kha68b<br><font size=+1>


bzang po brgyad cus lus dag par bya dgos so/ /rigs kyi bu/ dper na/ gser ram dngul gyi snod shin tu bzang po'i nang du chu gtsang ma blugs na phyi nang gnyis ka gsal bar gtsang ngo / /de bzhin du byang chub sems dpa' sems dpa' chen po'i lus yongs su gtsang ba'ang de dang 'dra ste/ bla na med pa yang dag par rdzogs pa'i byang chub kyi chu blugs na phyi nang gnyis ka gtsang ngo / /rigs kyi bu/ dper na/ wA ra NA si pa'i ras shin tu dkar po ni bcos na kha dog 'gyur sla'o/ /de ci'i phyir zhe na/ rang bzhin gyis dkar zhing gtsang ma'i phyir ro/ /de bzhin du byang chub sems dpa' sems dpa' chen po'ang lus gtsang ba'i phyir bla na med pa yang dag par rdzogs pa'i byang chub myur du thob bo/ /de lta bas na byang chub sems dpa' sems dpa' chen pos yongs su dag pa'i lus bsgrub bo/ /de la ji ltar na byang chub sems dpa' rgyu rnams la shin tu mkhas pa zhe na/ byang chub sems dpa' sems dpa' chen pos gzugs kyi mtshan nyid mi mthong / gzugs kyi rgyu mi mthong / gzugs kyi rang bzhin mi mthong / gzugs dbyung ba mi mthong / gzugs kyi 'gog pa mi mthong / mtshan nyid gcig pa mi mthong / mtshan nyid tha dad pa mi mthong / mthong ba mi mthong / gzugs dang cha byad mi mthong / len pa mi mthong ngo / /de ci'i phyir zhe na/ rgyu </font><hr>Kha69a<br><font size=+1>


@#/ /dang rkyen rab tu rig pa'i phyir te/ gzugs ji lta ba bzhin du chos thams cad kyang de dang 'dra'o/ /de ni byang chub sems dpa' rgyu rnams la mkhas pa zhes bya'o/ /de la ji ltar na byang chub sems dpa' dgra rnams spong ba zhe na/ 'di ltar nyon mongs pa thams cad ni byang chub sems dpa'i dgra ste/ byang chub sems dpa' sems dpa' chen pos rtag tu spong ba'i phyir byang chub sems dpa' dgra rnams bcom pa zhes bya'o/ /byang chub sems dpa' sa lnga pa ni nyon mongs pa rnams la dgrar mi lta'o/ /de ci'i phyir zhe na/ nyon mongs pa'i rkyen gyis byang chub sems dpa' skye ba yod de/ skye ba yod pa'i phyir gcig nas gcig tu sems can gyi don byed par 'gyur te/ de lta bas na dgra zhes mi bya'o/ /de la dgra zhes bya ba gang zhe na/ 'di lta ste/ shin tu rgyas pa'i mdo sde la skur pa'o/ /byang chub sems dpa' ni skye ba'i rjes su 'jug kyang sems can dmyal ba dang / byol song gi skye gnas dang / yi dwags kyis mi 'jigs te/ shin tu rgyas pa'i mdo sde la skur pa de 'ba' zhig la 'jigs so/ /byang chub sems dpa' thams cad la bdud rnam pa brgyad yod de/ de ni dgrar 'gyur ro/ /bdud rnam pa brgyad po de dag spangs na dgra spangs pa zhes bya ste/ de ni byang chub sems dpa' dgra rnams spong ba zhes bya'o/ / </font><hr>Kha69b<br><font size=+1>


de la ji ltar na byang chub sems dpas mtha' gnyis spong ba zhe na/ de la mtha' gnyis zhes bya ba ni/ 'di ltar srid pa nyi shu rtsa lnga dang / srid pa'i nyon mongs pa'o/ /byang chub sems dpa' rtag tu srid pa nyi shu rtsa lnga dang / srid pa'i nyon mongs pa spong ste/ de ni byang chub sems dpa' mtha' gnyis spong ba zhes bya'o/ /de dag ni byang chub sems dpa' sems dpa' chen po yongs su mya ngan las 'das pa chen po la nan tan byas pa'i yon tan bzhi dang ldan pa'o/ /de nas byang chub sems dpa' sems dpa' chen po kun tu snang ba mtho btsun dpal gyi rgyal pos gsol pa/ bcom ldan 'das/ ji ltar bcom ldan 'das kyis gsungs pa ltar/ gal te byang chub sems dpa' yongs su mya ngan las 'das pa chen po la nan tan du byas pa dag yon tan gyi dngos po rnam pa bcu po de dag dgos so zhes gsungs na/ ci'i slad du/ de bzhin gshegs pas dgu 'ba' zhig mdzad de/ sangs rgyas kyi zhing yongs su dag par mdzad pa ma bsgoms/ bcom ldan 'das kyis bka' stsal pa/ rigs kyi bu/ ngas kyang sngon dngos po bcu po de dag bsgoms so/ /byang chub sems dpa' thams cad dang / de bzhin gshegs pa gzhan rnams kyang dngos po rnam pa bcu po ma sgoms pa med do/ /gal te 'jig rten na mi gtsang bas yongs su gang na sangs rgyas bcom ldan 'das </font><hr>Kha70a<br><font size=+1>


@#/ /rnams der 'byung ba de lta bu'i gnas med de/ rigs kyi bu khyod kyis de bzhin gshegs pa rnams mi gtsang ba'i 'jig rten du 'byung bar ma 'dzin cig /de lta bu'i sems ni shin tu zhan cing chung ba yin no/ /khyod kyi da 'di ltar rig par bya ste/ nga ni yang dag par dzam+bu'i gling du byung ba ma yin par gzung zhig /dper na/ mi la la zhig 'di skad du 'jig rten 'di 'ba' zhig na nyi ma dang zla ba yod kyi/ 'jig rten gzhan na nyi ma dang zla ba med do zhes smra na tshig de ni don dang / rigs pa med pa'o// gal te byang chub sems dpa' gang 'di skad du sangs rgyas kyi zhing 'di ni btsog pa/ ngan pa/ mi gtsang ba ste/ sangs rgyas kyi zhing gzhan ni yongs su dag cing shin tu bkod pa'o zhes smra ba'ang de dang 'dra'o/ /rigs kyi bu/ mi mjed kyi 'jig rten gyi khams 'di nas nub phyogs su sangs rgyas kyi zhing gang+gA'i klung sum cu rtsa gnyis kyi bye ma snyed 'das pa na 'jig rten gyi khams mi pham pa zhes bya ba yod do/ /zhing de ci'i phyir mi pham pa zhes bya zhe na/ zhing de na bkod pa'i dngos po ji snyed pa thams cad kun kyang mnyam zhing khyad par med de/ ji ltar nub phyogs kyi 'jig rten gyi khams bde ba can dang / shar phyogs kyi 'jig rten gyi khams zla gam zhes bya ba dang 'dra'o/ /nga ni 'jig rten gyi </font><hr>Kha70b<br><font size=+1>


khams der mngon du byung ste/ sems can gyi don gyi phyir dzam+bu'i gling gi 'jig rten gyi khams 'dir chos kyi 'khor lo bskor ba bstan to/ /nga 'ba' zhig gis 'jig rten gyi khams 'dir chos kyi 'khor lo bskor ba bstan pa ma yin gyi/ de bzhin gshegs pa thams cad kyang 'jig rten gyi khams 'dir chos kyi 'khor lo bskor ro/ /de bas na sangs rgyas bcom ldan 'das thams cad kyang dngos po bcu po de dag ma bsgoms pa med do/ /rigs kyi bu/ byang chub sems dpa' byams pa ni smon lam gyi shugs kyis ma 'ongs pa'i dus na 'jig rten gyi khams 'di yongs su dag par brgyan par 'gyur ro/ /don de lta bas na sangs rgyas thams cad kyi zhing ni yongs su ma dag pa med do/ /gzhan yang / rigs kyi bu/ de la ji ltar na byang chub sems dpa' sems dpa' chen pos yongs su mya ngan las 'das pa chen po'i mdo sde la nan tan byas pas yon tan lnga po dang ldan par 'gyur ba zhe na/ rigs kyi bu/ bu| byang chub sems dpa' sems dpa' chen po yongs su mya ngan las 'das pa'i mdo sde la nan tan byed pa dag yon tan lnga dang ldan pa ni dngos po rnam pa lnga yod do/ /lnga gang zhe na/ dbang po rnams dang ldan pa dang / mtha' 'khob tu mi skye ba dang / lha rnams kyis dgongs pa dang / rtag tu lha dang / bdud dang / dge sbyong dang / rgyal rigs dang / bram ze </font><hr>Kha71a<br><font size=+1>


@#/ /la sogs pas bkur sti byed pa dang / sngon gyi gnas dran pa'o/ /byang chub sems dpa' mya ngan las 'das pa chen po'i mdo sde 'di'i rgyu dang rkyen gyi shugs kyi yon tan gyi dngos po 'di lnga dang ldan par 'gyur ro/ /byang chub sems dpa' sems dpa' chen po kun tu snang ba mtho btsun dpal gyi rgyal pos gsol pa/ ji ltar bcom ldan 'das kyis gsungs pa ltar na/ gal te rigs kyi bu'am rigs kyi bu mo gang sbyin pa byin na yon tan gyi dngos po lnga dang ldan no/ /zhes gsungs na/ de ci'i slad du mya ngan las 'das pa chen po'i rkyen gyis dngos po lnga thob ces gsungs/ bcom ldan 'das kyis bka' stsal pa/ legs so/ /legs so/ /rigs kyi bu/ dngos po de ni don tha dad pas na/ deng rnam par phye zhing khyod la bstan par bya'o/ /sbyin pa byin pas dngos po lnga thob pa ni ma nges pa/ mi rtag pa dang / ma dag pa/ dam pa ma yin pa/ tha dad pa ma yin pa/ zag pa med pa ma yin pas sems can thams cad bde ba la bkod cing phan pa dang / brtse ba'i don du 'gyur ro/ /gang yongs su mya ngan las 'das pa chen po'i mdo 'di la brten te| dngos po lnga thob pa ni nges pa yin/ rtag pa yin/ yongs su dag pa yin/ dam pa yin/ tha dad pa yin/ zag pa med pa yin te/ sems can thams cad bde ba la bkod </font><hr>Kha71b<br><font size=+1>


cing phan pa dang bde ba'i don du 'gyur ro/ /rigs kyi bu/ sbyin pa byas pa ni bkres pa dang skom pa spong bar 'gyur ro/ /yongs su mya ngan las 'das pa chen po'i mdo sde 'dis ni sems can thams cad srid pa nyi shu rtsa lnga yongs su gdungs pa'i nad dang bral bar byed do/ /sbyin pa'i rgyus ni 'khor ba rgyun mi chad par byed do/ /yongs su mya ngan las 'das pa chen po'i mdos ni 'khor ba gcod de/ rgyun chad par byed do/ /sbyin pa'i rgyus bus pa ma rabs so so'i skye bo'i chos byed par 'gyur ro/ /mya ngan las 'das pa chen po'i mdo sde'i rgyus ni byang chub sems dpar 'gyur ro/ /sbyin pa byas pa'i rgyus ni dbul ba dang phongs pa'i sdug bsngal gyis gdungs pa thams cad gcod par 'gyur ro/ /yongs su mya ngan las 'das pa chen po'i mdos ni dge ba'i chos kyis phongs pa thams cad gcod nus so/ /sbyin pa byas pa'i rgyus ni phyogs cha yod pa 'bras bu yod pa'o/ /yongs su mya ngan las 'das pa chen po'i rgyus bla na med pa yang dag par rdzogs pa'i byang chub thob pa ni phyogs cha med pa 'bras bu med pa ste/ de ni byang chub sems dpa' sems dpa' chen po yongs su mya ngan las 'das pa chen po'i mdo sde la nan tan byas pas yon tan lnga po dang ldan pa zhes bya'o/ /rigs kyi bu/ de la ji ltar na byang chub sems dpas yongs su mya ngan las 'das pa chen po'i mdo sde </font><hr>Kha72a<br><font size=+1>


@#/ /la nan tan byas pas yon tan drug dang ldan pa zhe na/ de ni byang chub sems dpa' sems dpa' chen pos yongs su mya ngan las 'das pa chen po la nan tan byas na/ rdo rje lta bu'i ting nge 'dzin thob par 'gyur ro/ /de la gnas na chos thams cad rnam par 'jigs par 'gyur ro/ /chos thams cad mi rtag pa dang / g.yo ba'i mtshan ma can dang / 'jig pa dang skrag pa'i rgyu yin pa dang / na ba'i sdug bsngal gyis 'phrog pa dang / skad cig skad cig gis 'gog pa dang 'jig pa ste/ yang dag pa'i bden pa med pa dang / thams cad kyang bdud kyi spyod yul yin pa dang / dmigs su med pa yin par mthong ngo / /byang chub sems dpa' sems dpa' chen pos ting nge 'dzin de la gnas nas sems can la sbyin par byed pa yod mod kyi/ sems can gcig gi bar du yang dag par mi mthong ste/ sems can gyi phyir tshul khrims kyi pha rol tu phyin pa nas/ shes rab kyi pha rol tu phyin pa'i bar du brtson pa la'ang de bzhin du rgyas par rig par bya'o/ /byang chub sems dpas gal te sems can gcig tsam yod par dmigs na nam yang sbyin pa'i pha rol tu phyin pa nas/ shes rab kyi pha rol tu phyin pa'i bar du yongs su rdzogs par mi 'gyur ro/ /rigs kyi bu/ dper na/ </font><hr>Kha72b<br><font size=+1>


rdo rjes gang gzas pa'i gnas de mi 'chags pa'am mi 'jig pa med de/ rdo rje de nyid ni chags pa'am 'jig par mi 'gyur ro/ /de bzhin du rdo rje lta bu'i ting nge 'dzin yang chos gang la gzas pa de mi 'jig pa med de/ ting nge 'dzin de nyid ni 'jig par 'gyur mi srid do/ /rigs kyi bu/ dper na/ nor bu rin po che thams cad kyi nang na rdo rje mchog ste/ de bzhin du byang chub sems dpa' sems dpa' chen pos rdo rje lta bu'i ting nge 'dzin thob pa'ang de dang 'dra ste/ ting nge 'dzin thams cad kyi gtso bor 'gyur ro/ /de ci'i phyir zhe na/ byang chub sems dpa' sems dpa' chen po ting nge 'dzin de bsgoms na/ ting nge 'dzin gzhan thams cad der 'dus par 'gyur ro/ /rigs kyi bu/ dper na/ rgyal phran thams cad la ni 'khor los bsgyur ba'i rgyal pos dbang byed do/ /de bzhin du ting nge 'dzin thams cad la rdo rje lta bu'i ting nge 'dzin gyis dbang sgyur ro/ /rigs kyi bu/ dper na/ mi zhig yul khams gcig gi dgrar gyur na/ kun gyis sdang ngo / /gal te la la zhig gis bsad na 'jig rten pa thams cad de'i yon tan mi brjod pa med do/ /de bzhin du rdo rje lta bu'i ting nge 'dzin kyang de dang 'dra ste/ byang chub sems dpas bsgoms na/ sems can thams cad kyi dgra gzhom nus so/ /de lta bas na ting nge 'dzin thams cad kyi phyi mor 'gyur ro/ /rigs </font><hr>Kha73a<br><font size=+1>


@#/ /kyi bu| dper na/ mi zhig shin tu stobs che ste/ thub pa med pa las gzhan zhig gi stobs kyis thub na/ de la mi bsngags pa med do/ /de bzhin du rdo rje lta bu'i ting nge 'dzin gyi stobs kyis kyang gdul dka' ba'i chos 'dul nus so/ /don de lta bas na ting nge 'dzin thams cad kun kyang der 'dus so/ /rigs kyi bu/ dper na/ mi zhig rgya mtshor khrus byas na mi des 'bab chu dang / chu mig dang / mtshe'u'i chu thams cad kyis khrus byas par rig go /byang chub sems dpa' sems dpa' chen po rdo rje lta bu'i ting nge 'dzin sgom pa'ang de dang 'dra ste/ ting nge 'dzin gzhan thams cad kun sgom pa yin par rig par bya'o/ /rigs kyi bu/ dper na/ ri spos kyi ngad can la chu mig ma dros pa zhes bya ba zhig yod de/ chu mig de'i chu ni yon tan brgyad dang ldan no/ /gal te la la zhig gis 'thungs na nad kyi sdug bsngal thams cad med par 'gyur ro/ /de bzhin du rdo rje lta bu'i ting nge 'dzin kyang 'phags pa'i lam yan lag brgyad dang ldan te/ byang chub sems dpas bsgoms na nyon mongs pa rnams kyi rma dang nad lci ba gcod par 'gyur ro/ / rigs kyi bu/ dper na/ la la zhig dbang sgyur chen po la mchod na/ des lha thams cad la mchod pa yin par rig par bya'o/ /de bzhin du rdo rje lta bu'i ting nge 'dzin sgom pa'ang / </font><hr>Kha73b<br><font size=+1>


ting nge 'dzin thams cad sgom pa yin par rig par bya'o/ /rigs kyi bu/ gal te byang chub sems dpa' gang rdo rje lta bu'i ting nge 'dzin la rab tu gnas na/ chos thams cad thogs pa med par mthong ste/ ji ltar lag mthil du skyu ru ra'i 'bras bu bzhag pa bzhin du/ byang chub sems dpas de lta bur mthong bar gyur kyang chos thams cad mthong ba'i 'du shes mi skyed do/ /rigs kyi bu/ dper na/ mi la la zhig lam gyi bzhi mdor 'dug na/ sems can 'ong ba dang / song ba dang / 'dug pa dang / nyal pa rnams mthong ngo / /de bzhin du rdo rje lta bu'i ting nge 'dzin kyang chos thams cad skye ba dang / 'gog pa dang / 'byung ba dang / nub pa mthong ngo / /rigs kyi bu/ dper na/ ri mthon po la mi la la zhig 'dzegs te phyogs kun tu bltas na/ thams cad gsal bar mthong ngo / /de bzhin du rdo rje lta bu'i ting nge 'dzin gyi ri'ang de dang 'dra ste/ byang chub sems dpas 'dzegs te chos thams cad la bltas na mi gsal ba med do/ /rigs kyi bu/ dper na/ dbyar gyi char pa'i thigs pa phra zhing sdug pa bar mtshams stong ba'i gnas med de/ mi'i mig rnon pos bltas na kun gsal bar mthong ngo / /byang chub sems dpa' yang de dang 'dra ste/ rdo rje lta bu'i ting nge 'dzin gyi mig dag pa thob na/ shar phyogs kyi 'jig rten gyi khams ji snyed pa thams cad la 'jig pa'am/ grub pa kun thogs pa med par gsal </font><hr>Kha74a<br><font size=+1>


@#/ /bar mthong ste/ de bzhin du phyogs bcu'ang de dang 'dra'o/ /rigs kyi bu/ dper na/ ri yu ga na da la nyi ma bdun cig car du shar na/ ri de'i shing dang / nags tshal thams cad 'tshig go /de bzhin du byang chub sems dpa' rdo rje lta bu'i ting nge 'dzin sgom pa'ang nyon mongs pa'i thibs po thams cad zhi bar 'gyur ro/ /rigs kyi bu| dper na/ rdo rjes ni srid pa'i rdzas thams cad gzhom nus kyang 'di snyam du ngas bcom mo snyam pa'i 'du shes mi skyed do/ /rdo rje lta bu'i ting nge 'dzin yang de dang 'dra ste/ byang chub sems dpas bsgoms nas nyon mongs pa thams cad bcom yang 'di snyam du ngas kun nas nyon mongs pa thams cad bcom mo snyam pa'i 'du shes mi skyed do/ /rigs kyi bu/ dper na| sa chen pos ni srid pa'i rdzas thams cad 'dzin kyang / 'di snyam du bdag gi stobs kyis bzung ngo snyam pa'i 'du shes mi skye'o/ /me'ang ngas bsregs so snyam pa'i 'du shes mi skyed| chu'ang ngas brlan pa'i las byas so snyam pa'i 'du shes mi skyed/ rlung yang ngas g.yo ba'i las byas so snyam pa'i 'du shes mi skyed/ nam mkha' yang ngas shong ba'i las byas so snyam pa'i 'du shes mi skyed/ mya ngan las 'das pa'ang ngas sems can mya ngan las bzlas so snyam pa'i 'du shes mi skyed do/ /rdo rje lta bu'i ting nge 'dzin yang de dang 'dra ste/ </font><hr>Kha74b<br><font size=+1>


nyon mongs pa thams cad med par byed kyang thog ma nas ngas med par byas so snyam pa'i sems med do/ /gal te byang chub sems dpa' gang rdo rje lta bu'i ting nge 'dzin la gnas na yud tsam thang cig gis de bzhin gshegs pa dang 'dra ba'i sku grangs med tshad med par sprul te/ phyogs bcu'i sangs rgyas kyi zhing gang+gA'i klung gi bye ma snyed kun tu gang bar byed do/ /byang chub sems dpa' de de lta bu'i mngon par sprul pa byed kyang / nga rgyal dang dregs pa'i sems med do/ /de ci'i phyir zhe na/ byang chub sems dpa' rtag tu 'di snyam du ting nge 'dzin gang gis kyang cho 'phrul 'di lta bu ston mi nus kyi/ byang chub sems dpa' rdo rje lta bu'i ting nge 'dzin la gnas pa 'ba' zhig gis ston nus so snyam sems so/ /byang chub sems dpa' sems dpa' chen pos rdo rje lta bu'i ting nge 'dzin de la gnas na/ yud tsam thang cig gis phyogs bcur sangs rgyas kyi zhing gang+gA'i klung gi bye ma snyed kun tu phyin pa dang / phyir gnas su 'ong ba'i mthu yod kyang ngas de lta bu nus so snyam pa'i 'du shes med do/ /de ci'i phyir zhe na/ ting nge 'dzin de'i rgyu dang rkyen gyi phyir ro/ /byang chub sems dpa' sems dpa' chen po rdo rje lta bu'i ting nge 'dzin la gnas na/ yud tsam thang cig gis phyogs bcu'i 'jig rten gyi khams gang+gA'i klung gi bye ma snyed kyi sems can gyi nyon mongs pa thams cad gcod nus kyang </font><hr>Kha75a<br><font size=+1>


@#/ /ngas sems can rnams kyi nyon mongs pa bcad do snyam pa'i 'du shes med do/ /de ci'i phyir zhe na/ ting nge 'dzin de'i rgyu dang rkyen gyi stobs kyi phyir ro/ / byang chub sems dpa' rdo rje lta bu'i ting nge 'dzin de la gnas nas sgra skad gcig bsnyad pas sems can thams cad so so nas dngos po ji lta ba de ltar shes pa dang / gzugs gcig bstan pas sems can thams cad so so nas gzugs rnam pa sna tshogs kyi mtshan ma mthong ba dang / gnas gcig na gnas te lus ma bskyod par sems can phyogs gang na gnas pa so so'i phyogs su mthong ba dang / khams sam skye mched gang yang rung chos gcig bshad pas sems can thams cad so so nas sngon shes pa ltar thos so/ /byang chub sems dpa' de lta bu'i ting nge 'dzin la gnas na/ sems can mthong yang thog ma nas sems can du mtshan mar 'dzin pa'i sems med do/ /skyes pa dang / bud med du mthong yang skyes pa dang| bud med du 'dzin pa'i sems med do/ /gzugs kyi chos mthong yang gzugs kyi mtshan ma med do/ /de bzhin du rnam par shes pa'i bar du mthong yang rnam par shes pa'i mtshan ma med do/ /nyin dang mtshan du mthong yang nyin dang mtshan mo'i mtshan ma med do/ /thams cad mthong yang thams cad kyi mtshan ma med do/ /kun nas sbyor ba'i nyon </font><hr>Kha75b<br><font size=+1>


mongs pa thams cad mthong yang nyon mongs pa thams cad kyi mtshan ma med do/ /'phags pa'i lam brgyad pa mthong yang 'phags pa'i lam brgyad kyi mtshan ma med do/ /byang chub mthong yang byang chub kyi mtshan ma med do/ /mya ngan las 'das pa mthong yang mya ngan las 'das pa'i mtshan ma med do/ /de ci'i phyir zhe na/ rigs kyi bu/ chos thams cad ni thog ma nas mtshan ma med pa'i phyir te/ byang chub sems dpa' ting nge 'dzin de'i stobs kyi chos thams cad thog ma nas mtshan ma med pa ji lta ba bzhin du mthong ngo / /ci'i phyir rdo rje lta bu'i ting nge 'dzin ces bya zhe na/ rigs kyi bu/ dper na/ rdo rje nyi ma la bzhag na kha dog gcig tu ma nges te/ de bzhin du rdo rje lta bu'i ting nge 'dzin kyang phal mang po'i nang du bzhag na kha dog gcig tu ma tshad do/ /de lta bas na rdo rje lta bu'i ting nge 'dzin ces bya'o/ /rigs kyi bu/ dper na/ rdo rje de ni 'jig rten pa thams cad kyis rin thang mi chod do/ /de bzhin du rdo rje lta bu'i ting nge 'dzin gyi yon tan ci yod pa'ang lha dang mi thams cad kyis dpag cing gzhal mi nus te/ de bas na rdo rje lta bu'i ting nge 'dzin ces bya'o/ /rigs kyi bu/ dper na/ mi dbul pos rin po che rdo rje rnyed na| dbul phongs pa'i sdug bsngal rnams dang / bdud dang ngan par lta ba'i gdug pa thams cad dang bral bar 'gyur ro/ /de bzhin du byang chub sems dpa' sems dpa' chen </font><hr>Kha76a<br><font size=+1>


@#/ /po'ang ting nge 'dzin de thob na nyon mongs pa'i sdug bsngal rnams dang / bdud dang ngan par lta ba'i gdug pa thams cad dang bral bar 'gyur te/ de bas na rdo rje lta bu'i ting nge 'dzin ces bya'o/ /de ni byang chub sems dpa' yongs su mya ngan las 'das pa chen po la nan tan byas pas yon tan drug po dang ldan pa zhes bya'o// // 'phags pa yongs su mya ngan las 'das pa chen po'i mdo/ bam po sum cu gsum pa/ gzhan yang / rigs kyi bu/ de la ji ltar na byang chub sems dpa' sems dpa' chen pos yongs su mya ngan las 'das pa chen po'i mdo sde dam pa la nan tan byas pas yon tan bdun po dang ldan pa zhe na/ rigs kyi bu/ byang chub sems dpa' sems dpa' chen po yongs su mya ngan las 'das pa chen po'i mdo sde la nan tan byed pa na/ 'di snyam du chos gang dag yongs su mya ngan las 'das pa chen po'i nye ba'i rgyur 'gyur snyam bsams nas byang chub sems dpas chos rnam pa 'di bzhis mya ngan las 'das pa chen po'i nye ba'i rgyur 'gyur bar rtogs kyi/ gang dka' thub thams cad spyod pas mya ngan las 'das pa chen po'i nye ba'i rgyur 'gyur ro zhes bya ba de ma yin no/ /de ci'i phyir zhe na/ chos rnam pa 'di bzhi'i pha rol na mya ngan las 'da' bar 'gyur ba ni gnas med do/ /bzhi gang zhe </font><hr>Kha76b<br><font size=+1>


na| 'di lta ste/ dge ba'i bshes gnyen la bsnyen bkur byed pa dang / sems rtse gcig tu chos nyan pa dang / thos nas nan tan du yid la byed pa dang / yang dag pa ji lta ba bzhin du nan tan byed pa'o/ /rigs kyi bu/ dper na/ la la zhig mkhris pa dang / bad kan dang / nad mang pos gzir tam/ yi dwags kyis brlams na/ nad pa de sman pa mkhas pa'i gan du song nas/ sman pas nad ji lta ba bzhin du sman dpyad bstan na/ nad pa de sems rtse gcig tu mnyan nas dpyad bzhin du sman sbyar te sman legs par btang na nad byang zhing lus bde bar 'gyur ro/ /de la nad pa ni byang chub sems dpa' lta bu'o/ /sman pa mkhas pa ni dge ba'i bshes gnyen lta bu'o/ /sman pas dpyad bstan pa ni shin tu rgyas pa'i mdo sde lta bu'o/ /sman pas dpyad bstan pa legs par mnyan cing 'dzin pa ni shin tu rgyas pa'i mdo'i don nan tan du yid la byed pa lta bu'o/ /dpyad bzhin du sman sbyor ba ni byang chub kyi phyogs kyi chos sum cu rtsa bdun yang / yang dag pa ji lta ba bzhin du spyod pa lta bu'o/ /nad byang ba ni nyon mongs pa 'gags pa lta bu'o/ /bde ba thob pa ni mya ngan las 'das pa'i rtag pa dang / bde ba dang / bdag dang / yongs su dag pa thob pa lta bu'o/ /rigs kyi bu/ dper na/ rgyal po zhig chos bzhin du srid bzung zhing 'bangs bde bar bya snyam </font><hr>Kha77a<br><font size=+1>


@#/ /bsams nas blon po blo can dag la ji ltar byas na legs zhes dris so/ /de nas blon po rnams kyang sngon gyi rgyal pos yul gyi srid bzung ba'i chos smras so/ /rgyal pos de thos nas sems rtse gcig tu yid ches te/ chos de bzhin du yul gyi srid bzung bas dgra rnams med par gyur te/ de bas na 'bangs bde bar gyur cing 'tshe ba med par gyur to/ /rigs kyi bu/ rgyal po zhes bya ba ni byang chub sems dpa' lta bu'o/ /blon po blo can zhes bya ba ni dge ba'i bshes gnyen lta bu'o/ /blon po blo can gyis rgyal po la srid bzung ba'i chos smras pa ni mdo sde sde bcu gnyis lta bu'o/ /rgyal pos thos nas sems rtse gcig tu yid ches shing spyod pa ni byang chub sems dpa' rnams sems rtse gcig tu mdo sde sde bcu gnyis kyi don zab mo la sems shing nan tan byed pa lta bu'o/ /chos bzhin du yul gyi srid bzung ba ni byang chub sems dpa' rnams pha rol tu phyin pa drug gi chos yang dag pa ji lta ba bzhin du nan tan byed pa lta bu ste/ pha rol tu phyin pa drug la nan tan byed pa'i phyir ro/ /dgra rnams med par gyur pa ni byang chub sems dpa' kun nas nyon mongs pa'i dgra rnams yongs su spangs pa lta bu'o/ /bde ba thob pa zhes bya ba ni ji ltar byang chub sems dpas yongs su mya ngan las 'das pa'i rtag pa </font><hr>Kha77b<br><font size=+1>


dang| bde ba dang / bdag dang / yongs su dag pa thob pa lta bu'o/ /rigs kyi bu/ dper na/ mi zhig mdze ma rungs pas btab pa las/ grogs po mdza' bo zhig 'di skad du khyod gal te ri rab kyi drung du phyin na nad kun 'byang bar 'gyur ro/ /de ci'i phyir zhe na/ de na sman bzang po ro bdud rtsi dang 'dra ba zhig yod de/ gal te 'thungs na nad mi 'tsho ba med do/ /de nas mi des yid ches nas ri de'i drung du song ste/ sman bdud rtsi dang 'dra ba brdas nas zos pas nad sos te lus bde bar gyur to/ /mdze ma rungs pa ni bus pa ma rabs lta bu'o/ / grogs po mdza' po zhes bya ba ni byang chub sems dpa' sems dpa' chen po rnams lta bu'o/ /sems thag pa nas yid ches pa ni tshad med pa bzhi'i sems lta bu'o/ /ri rab ni 'phags pa'i lam brgyad pa lta bu'o/ /bdud rtsi'i ro zhes bya ba ni sangs rgyas kyi rang bzhin lta bu'o/ /mdze sos pa zhes bya ba ni nyon mongs pa dang bral ba lta bu'o/ /bde ba thob pa zhes bya ba ni mya ngan las 'das pa'i rtag pa dang / bde ba dang / bdag dang / yongs su dag pa thob pa lta bu'o/ /rigs kyi bu/ dper na/ slob dpon zhig la slob ma dbang po rno pa dag gcig yod na/ slob dpon de nyin mtshan rtag tu ston kyang mi skyo'o/ /de bzhin du byang chub sems dpa' rnams kyang sems can thams cad dad kyang rung / ma dad kyang rung rtag tu ston te/ skyo ba med </font><hr>Kha78a<br><font size=+1>


@#/ /do| |rigs kyi bu/ dge ba'i bshes gnyen zhes bya ba ni 'di ltar sangs rgyas dang / byang chub sems dpa' dang / rang sangs rgyas dang / nyan thos kyi nang na shin tu rgyas pa la yid ches pa'o/ /ci'i phyir/ dge ba'i bshes gnyen zhes bya zhe na/ dge ba'i bshes gnyen zhes bya ba ni sems can dag mi dge ba bcu spong bar byed cing dge ba bcu spyod par byed de/ don de lta bas na dge ba'i bshes gnyen zhes bya'o/ /yang dge ba'i bshes gnyen zhes bya ba ni chos ji lta ba bzhin du ston cing ji ltar bstan pa bzhin du spyod pa'o/ /ji ltar na chos bzhin du ston cing bstan pa bzhin du spyod pa zhe na/ 'di ltar bdag srog mi gcod pas gzhan la srog mi gcod pa ston pa nas/ bdag yang dag par lta ba la nan tan byed pas gzhan yang yang dag par lta ba'i bar du nan tan byed du gzhug pa ste/ gang de ltar byed pa de ni dge ba'i bshes gnyen yang dag pa zhes bya'o| |bdag byang chub la nan tan byed pas gzhan yang byang chub la nan tan byed du gzhug pa ste/ de bas na dge ba'i bshes gnyen zhes bya'o/ /bdag dad pa dang / tshul khrims dang| sbyin pa dang / mang du thos pa dang / shes rab sgom pas gzhan yang dad pa dang / tshul khrims dang / sbyin pa dang / mang du thos pa dang / shes rab sgom du gzhug pa ste/ </font><hr>Kha78b<br><font size=+1>


de bas na dge ba'i bshes gnyen zhes bya'o/ /dge ba'i bshes gnyen zhes bya ba ni dge ba'i chos yod pa'i phyir ro/ /dge ba'i chos dag gang zhe na/ 'di ltar ci byed do cog bdag la bde bar mi sbyong gyi/ rtag tu sems can dag bde bar sbyor ba dang / gzhan gyis nyes pa mthong yang skyon mi smra ba ste/ rtag tu dge ba'i chos 'ba' zhig smra ba'o/ /don de lta bas na dge ba'i bshes gnyen zhes bya'o/ /rigs kyi bu/ dper na/ zla ba ni tshes zhag gcig nas zhag bco lnga'i bar du khad kyis skye bar 'gyur te/ de bzhin du dge ba'i bshes gnyen yang de dang 'dra bar slob pa rnams bags kyis mi dge ba'i chos dag ring du 'gyur zhing dge ba'i chos skye bar byed do/ /rigs kyi bu/ gal te gang gis dge ba'i bshes gnyen la bsnyen na/ tshul khrims dang / ting nge 'dzin dang / shes rab dang / rnam par grol ba dang / rnam par grol ba mkhyen cing gzigs pa dag sngon med pa'ang yod par 'gyur ro/ /yongs su ma rdzogs pa'ang skye zhing rgyas par 'gyur ro| |de ci'i phyir zhe na/ dge ba'i bshes gnyen la bsnyen pa'i phyir ro/ /de ltar bsnyen pa'i rkyen gyis mdo sde sde bcu gnyis kyi don shin tu zab mo'ang rtogs par 'gyur ro/ /gang mdo sde sde bcu gnyis kyi don shin tu zab mo nyan pa ni chos nyan pa zhes bya'o/ /chos nyan pa de nyid theg pa chen po shin tu rgyas pa'i mdo sde zhes bya ste/ shin tu rgyas pa'i mdo nyan pa ni yang dag par </font><hr>Kha79a<br><font size=+1>


@#/ /chos nyan pa zhes bya'o/ /yang dag par chos nyan pa ni yongs su mya ngan las 'das pa'i mdo nyan pa ste/ mya ngan las 'das pa chen po'i nang na sangs rgyas kyi rang bzhin yod pa dang / de bzhin gshegs pa ni mthar yongs su mya ngan las mi 'da'o zhes thos pa yin te/ de bas na rtse gcig tu chos nyan pa zhes bya'o/ /rtse gcig tu chos nyan pa ni 'phags pa'i lam brgyad ces bya ste/ 'phags pa'i lam brgyad kyis 'dod chags dang / zhe sdang dang / gti mug gcod par 'gyur te/ de bas na chos mnyan pa zhes bya'o/ /chos mnyan pa ni stong pa bcu gcig ces bya ste/ stong pa de dag gis chos thams cad la mtshan mar mi blta'o/ /chos mnyan pa ni sems thog ma bskyed pa zhes bya ste| thog ma sems bskyed pa'i rgyu las bla na med pa dgra bcom pa yang dag par rdzogs pa'i byang chub kyi sems thob pa nas yongs su mya ngan las 'das pa chen po'i bar du thob par 'gyur ro/ /de'ang thos pas mya ngan las 'das pa chen po thob pa ma yin gyi/ yongs su bsgoms pas mya ngan las 'das pa chen po thob bo/ /rigs kyi bu/ dper na/ mi nad pas sman pa'i sman dpyad dang / sman gyi ming thos pa tsam gyis nad 'tsho bar mi 'gyur gyi/ gang gis 'thungs pas nad sos par 'gyur ro/ /de bzhin du rten cing </font><hr>Kha79b<br><font size=+1>


'brel te 'byung ba'i chos zab mo bcu gnyis mnyan pa tsam gyis nyon mongs pa thams cad chod par mi 'gyur gyi/ sems rtse gcig tu gtad cing shin tu nan tan byas pas chod par 'gyur te/ de dag ni nan tan du yid la byed pa zhes bya'o/ /gzhan yang don ci'i phyir nan tan du yid la byed pa zhe na/ 'di lta ste/ ting nge 'dzin rnam pa gsum ste/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin no/ /de la stong pa nyid ni srid pa nyi shu rtsa lnga la bden pa gcig tsam yang yod par ma mthong ba'o/ / smon pa med pa ni srid pa nyi shu rtsa lnga la smon pa dang tshol bar mi byed pa'o/ /mtshan ma med pa ni mtshan ma bcu med pa ste/ gang zhe na/ gzugs kyi mtshan ma dang / sgra'i mtshan ma dang| dri'i mtshan ma dang / ro'i mtshan ma dang / reg bya'i mtshan ma dang / skye ba'i mtshan ma dang / gnas pa'i mtshan ma dang / 'gog pa'i mtshan ma dang / pho'i mtshan ma dang| mo'i mtshan ma ste/ de ltar ting nge 'dzin rnam pa gsum sgom pa ni byang chub sems dpa' nan tan du yid la byed pa zhes bya'o/ /de la ji ltar na chos ji lta ba bzhin du spyod pa zhe na/ de la chos bzhin du spyod pa ni sbyin pa'i pha rol tu phyin pa spyod pa nas shes rab kyi pha rol tu phyin pa'i bar du spyod pa ste/ phung po dang / skye mched dang / khams kyi yang </font><hr>Kha80a<br><font size=+1>


@#/ /dag pa'i mtshan nyid la mkhas pa dang / nyan thos dang / rang sangs rgyas dang / sangs rgyas bcom ldan 'das rnams dang mthun par lam gcig tu yongs su mya ngan las 'das par shes par bya'o/ /chos zhes bya ba ni rtag pa dang / bde ba dang / bdag dang / yongs su dag pa dang / mi skye ba dang / mi rga ba/ mi na ba/ mi 'chi ba| mi bkres pa/ mi skom pa/ sdug bsngal dang nyon mongs pa med pa/ mi nur ba/ mi nub pa'o/ /rigs kyi bu/ mya ngan las 'das pa chen po'i don shin tu zab mo shes pa ni sangs rgyas bcom ldan 'das mthar yongs su mya ngan las mi 'da' bar shes so/ /rigs kyi bu/ yang dag pa'i dge ba'i bshes gnyen dam pa ni 'di lta ste/ byang chub sems dpa' dang / sangs rgyas bcom ldan 'das rnams so/ /de ci'i phyir zhe na/ rtag tu kha lo sgyur ba rnam pa gsum gyi phyir te/ gsum gang zhe na/ nam du'ang tshig 'jam po smra ba dang / nam du'ang spyo ba dang / tshig 'jam po dang spyo ba 'dres pa'o/ /don de lta bas na byang chub sems dpa' dang / sangs rgyas bcom ldan 'das rnams ni dge ba'i bshes gnyen yang dag pa yin no/ /gzhan yang / rigs kyi bu/ sangs rgyas dang / byang chub sems dpa' ni sman pa chen po yin pa'i phyir dge ba'i bshes gnyen </font><hr>Kha80b<br><font size=+1>


zhes bya'o/ /de ci'i phyir zhe na/ nad shes shing sman shes pa ste/ nad ji lta ba bzhin du sman byin pa'i phyir ro/ /dper na/ sman pa mkhas pa rig pa rnam pa brgyad la mkhas pas sngar nad kyi mtshan nyid rtog go /mtshan nyid la rnam pa gsum yod de/ rlung dang / mkhris pa dang / bad kan no/ /rlung nad yod pa la mar sbyin no/ /mkhris pa'i nad la ni sha kha ra sbyin no/ / bad kan na ba la ni sga'i khu ba blud do/ /de ltar nad kyi mtshan nyid shes nas sman byin te sos par gyur pas sman pa mkhas pa zhes bya'o/ /de bzhin du sangs rgyas dang / byang chub sems dpa' yang bus pa ma rabs so so'i skye bo rnams la nad rnam pa gsum yod par shes so/ /gsum gang zhe na/ 'dod chags dang / zhe sdang dang / gti mug ste/ 'dod chags kyi nad can la ni keng rus la rtog pa ston to/ /zhe sdang gi nad can la ni byams pa dang snying rje la rtog pa ston to/ /gti mug gi nad can la ni rten cing 'brel te 'byung ba rnam pa bcu gnyis la rtog pa ston to/ /don de lta bas na sangs rgyas dang / byang chub sems dpa' rnams ni dge ba'i bshes gnyen zhes bya'o/ /rigs kyi bu/ ji ltar mnyan pa chen po ni 'gro ba dag bde bar sgrol ba'i phyir mnyan pa chen po zhes bya ste/ de bzhin du sangs rgyas dang / byang chub sems dpa' rnams kyang sems can thams cad 'khor ba'i 'od pa chen po las </font><hr>Kha81a<br><font size=+1>


@#/ /sgrol te/ de bas na dge ba'i bshes gnyen zhes bya'o/ /gzhan yang / rigs kyi bu/ sangs rgyas dang / byang chub sems dpa'i rkyen gyis sems can thams cad dge ba'i chos kyi rtsa ba spyod pa yongs su rdzogs par gyur to/ /rigs kyi bu/ dper na/ gangs kyi ri ni sman mchog dam pa sna tshogs kyi gnas yin te/ de bzhin du sangs rgyas dang / byang chub sems dpa' yang dge ba'i rtsa ba thams cad kyi gnas yin no/ /don de lta bas na dge ba'i bshes gnyen zhes bya'o/ /rigs kyi bu/ gangs kyi ri la sman dam pa bsung can ba ha zhes bya ba zhig yod de/ mi la la zhig de mthong na tshe tshad med par gyur te/ na ba'i sdug bsngal med do/ /gdug pa bzhis kyang mi tshugs so| |gang zhig reg par gyur na tshe ring zhing lo brgya nyi shu tshang bar 'gyur ro/ /gang gis de la rjes su dran par byed na/ sngon gyi tshe dran par 'gyur ro/ /de ci'i phyir zhe na/ sman gyi mthu stobs kyi phyir ro/ /de bzhin du sangs rgyas dang / byang chub sems dpa' rnams la'ang gang zhig gis mthong na nyon mongs pa thams cad yongs su chod par 'gyur te| bdud rnam pa bzhis kyang dkrug mi nus so/ /gang la la zhig reg na glo bur du tshe'i dus mi byed de/ mi skye/ mi 'chi/ mi ldog /mi nub bo/ /reg pa zhes bya ba ni sangs </font><hr>Kha81b<br><font size=+1>


rgyas las dam pa'i chos mnyan pa'o/ /gang zhig gis rjes su dran par byed na bla na med pa yang dag par rdzogs pa'i byang chub tu gyur te/ de lta bas na sangs rgyas dang / byang chub sems dpa' rnams ni dge ba'i bshes gnyen zhes bya'o/ /rigs kyi bu/ dper na/ ri spos kyi ngad can la mtsho ma dros pa zhes bya ba zhig yod de/ mtsho de las chu klung chen po bzhi 'byung ngo / /bzhi gang zhe na/ chu bo gang+gA dang / sin+d+hu dang / si ta dang / pakaShu ste/ 'jig rten pa rnams 'di skad du gang zhig kha na ma tho ba'i las byas pa de klung chen po de bzhi'i nang du khrus byas na/ kha na ma tho ba'i sdig pa mang po 'byang bar 'gyur ro zhes smra'o/ /de ltar smra ba de ni yang dag pa ma yin par rig par bya ste/ de ma rtogs par bden pa gang dag yin zhe na/ 'di ltar sangs rgyas dang / byang chub sems dpa' rnams ni yang dag pa yin no/ /de ci'i phyir zhe na/ gang zhig gis bsnyen bkur byas na/ kha na ma tho pa'i sdig pa mang po thams cad 'byang bar 'gyur te/ de lta bas na dge ba'i bshes gnyen zhes bya'o/ /gzhan yang / rigs kyi bu/ dper na/ sa chen po la 'di lta ste/ rtsi shing dang / nags tshal thams cad dang / khre 'bras dang / bu ram shing dang / me tog dang / 'bras bu la sogs pa skyes pa dag than pa byung nas tshig ste skams su nye ba las/ klu'i rgyal po dga' </font><hr>Kha82a<br><font size=+1>


@#/ /po dang / bsnyen dga' bo gnyis sems can la snying brtse ba'i phyir rgya mtsho las byung nas bdud rtsi'i char phab na/ rtsi shing dang / nags tshal dang / khre 'bras dang / shing thams cad rlan zhing phyir skye bar 'gyur ro/ /de bzhin du sems can thams cad kyi dge ba'i rtsa ba zad du nye ba na sangs rgyas dang / byang chub sems dpa' rnams thugs rje chen po bskyed de/ shes rab kyi rgya mtsho nas bdud rtsi'i char phab nas sems can thams cad dge ba bcu'i chos dang ldan par mdzad do/ /de lta bas na sangs rgyas dang| byang chub sems dpa' rnams ni dge ba'i bshes gnyen zhes bya'o/ /rigs kyi bu/ dper na/ sman pa mkhas pa rig pa rnam pa brgyad la mkhas pas nad pa rnams mthong na cho rigs dang / bzang ngan dang / nor dang / rin po che la sogs pa la mi lta ste/ thams cad gso'o/ /de bas na 'jig rten du sman pa mkhas pa chen po zhes grags so/ /de bzhin du sangs rgyas dang / byang chub sems dpa' rnams kyang sems can rnams kyi nyon mongs pa'i nad mthong na/ cho rigs dang / bzang ngan dang / nor dang| rin po che la sogs pa la mi lta ste/ byams shing brtse ba'i thugs bskyed de/ kun la chos ston to/ /sems can rnams kyis thos na nyon mongs pa'i nad 'byang bar gyur </font><hr>Kha82b<br><font size=+1>


te| de lta bas na sangs rgyas dang / byang chub sems dpa' rnams ni dge ba'i bshes gnyen zhes bya'o/ /de ltar dge ba'i bshes gnyen la bsnyen pa'i rkyen gyis yongs su mya ngan las 'das pa chen po la bsnyen par 'gyur ro/ /de la ji ltar na byang chub sems dpa' chos nyan pa'i rkyen gyis yongs su mya ngan las 'das pa chen po la bsnyen par 'gyur zhe na/ 'di ltar sems can thams cad chos mnyan pa'i phyir dad pa'i dbang po dang ldan par 'gyur ro/ /dad pa'i dbang po dang ldan par gyur nas/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab spyod pa la mos nas rgyun du zhugs pa'i 'bras bu nas/ sangs rgyas kyi 'bras bu'i bar du 'thob par gyur te/ de bas na dge ba'i chos 'thob par 'gyur ba ni chos mnyan pa'i rgyu'i stobs yin par rig par bya'o/ /rigs kyi bu/ dper na/ khyim bdag zhig la bu gcig pu zhig yod de/ bu de yul gzhan du dgos pa tshol ba'i phyir tshong la btang ste/ lam thar ba dang mi thar ba'i gnas bstan nas kyang 'di skad du gal te sbrul tshong ma dang phrad na bsnyen pa dang chags par ma byed cig |gal te bsnyen nam chags na/ lus dang srog kyang yal zhing nor dang / rin po che la sogs pa'ang stor bar 'gyur ro/ /mi ngan pa ma rungs pa'ang grogs su ma tshol zhig ces </font><hr>Kha83a<br><font size=+1>


@#/ /gtams so/ /bus pas gdams ngag mnyan nas lus dang sems bde zhing rin po che la sogs pa'ang mang du thob par gyur to/ /de bzhin du byang chub sems dpa' sems dpa' chen po sems can rnams la chos ston pa'ang sems can rnams dang / 'khor rnam pa bzhi la la mthar ba dang mi thar ba rnams ston to/ /'khor rnams kyang chos thos pa'i phyir mi dge ba thams cad spong zhing dge ba'i chos dang ldan par gyur te/ de bas na chos nyan pa'i rkyen gyis yongs su mya ngan las 'das pa chen po la bsnyen par 'gyur ro/ /rigs kyi bu/ dper na/ me long gsal ba'i nang du mi'i gdong lta na mi snang ba med do/ /de bzhin du chos mnyan pa'i me long gsal ba la la zhig gis lta na dge ba dang mi dge ba'i rab rib med par gsal bar mthong ngo / /de lta bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur ro/ / rigs kyi bu/ dper na/ tshong dpon dag rin po che'i gling du 'gro ba las lam gyi rgyus mi shes te/ mi gcig cig gis lam bstan nas de dag bstan pa bzhin du song ba dang / rin po che'i gling du phyin te/ rin po che grangs med pa thob par gyur to/ /de bzhin du sems can thams cad kyang dge ba'i gnas su byang chub kyi rin po che len du 'gro ba las/ lam </font><hr>Kha83b<br><font size=+1>


thar pa dang mi thar ba'i gnas mi shes te/ byang chub sems dpas bstan nas sems can dag bstan pa'i rjes su song bas dge ba'i gnas su phyin te/ bla na med pa mya ngan las 'das pa chen po'i rin po che thob par gyur to/ /de lta bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur ro/ /rigs kyi bu/ dper na/ bla glang chang gis myos pa mang du gsod 'dod pa la/ bal glang 'dul ba'i mkhan pos lcags kyu chen po klad du btsugs na/ de ma thag tu dul te mi bgrungs pa'i sems med par 'gyur ro/ /de bzhin du sems can thams cad kyang 'dod chags dang / zhe sdang dang / gti mug gis myos te/ mi dge ba mang du byed pa las byang chub sems dpa' rnams kyis chos thos pa'i lcags kyu btsugs nas sdod de mi dge ba rnams byed pa'i sems mi skye bar byed do/ /de bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur te| de bas na ngas mdo sde kun la nga'i nye gnas rnams sems rtse gcig tu mdo sde sde bcu gnyis nyan cing 'dzin na sgrib pa lnga dang bral zhing byang chub kyi yan lag bdun sgom par 'gyur te| byang chub kyi yan lag bdun bsgoms pa'i phyir yongs su mya ngan las 'das pa chen po la bsnyen par 'gyur ro/ /chos mnyan pa'i phyir rgyun du zhugs pa rnams 'jigs pa rnams </font><hr>Kha84a<br><font size=+1>


@#/ /dang bral bar 'gyur ro zhes gsungs so/ /de ci'i phyir zhe na/ khyim bdag skyabs med zas sbyin nad tshabs chen pos btab ste/ sems rab tu 'jigs shing mi dga' ba las shA ri'i bus rgyun du zhugs pa'i yon tan bzhi bstan te/ spro ba rnam pa bcu bshad pa thos nas 'jigs pa med par gyur to/ /de lta bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur ro/ /de ci'i phyir zhe na/ chos kyi mig bye ba'i phyir ro/ /'jig rten na mi la rnam pa gsum ste/ gang zhe na/ mig med pa dang / mig ya gcig pa dang / mig gnyis pa'o/ /mig med pa zhes bya ba ni rtag tu chos mi thos pa'o/ /mig ya gcig pa ni skad cig tsam chos thos kyang sems de la mi gnas pa'o/ /mig gnyis pa ni sems rtse gcig tu nyan cing 'dzin pa ste/ ji ltar thos pa bzhin de ltar spyod do/ /de ltar chos mnyan pa'i phyir 'jig rten na mi rnam pa gsum yod par shes par 'gyur ro/ /de lta bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur ro/ /rigs kyi bu/ nga sngon grong khyer rtswa mchog na bzhugs pa'i tshe shA ri'i bu nad kyis btab pa las ngas de'i tshe dge slong dga' bo bos nas rgyas par chos bshad do/ /de'i tshe shA ri'i bus de lta bu'i dngos po thos nas slob ma bzhi </font><hr>Kha84b<br><font size=+1>


la nga'i khri 'di theg la sangs rgyas kyi spyan sngar 'dong / chos nyan 'dod do zhes smras so/ /de nas slob ma bzhis bteg nas nga gang na bzhugs par phyin te chos thos par gyur to/ / chos thos pa'i shugs kyis sdug bsngal byang nas lus bde bar gyur te/ de lta bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur ro/ /ji ltar na byang chub sems dpa' rjes su dran pa'i rkyen gyis yongs su mya ngan las 'das pa chen po la bsnyen par 'gyur zhe na/ 'di ltar bsams pa'i rkyen gyis sems rnam par grol lo| |de ci'i phyir zhe na/ sems can thams cad rtag tu 'dod pa lngas dkris shing glags pa las bsam pa'i phyi rnam par grol bar gyur te/ de lta bas na bsams pa'i rkyen gyis yongs su mya ngan las 'das pa chen po la bsnyen par 'gyur ro/ /gzhan yang / rigs kyi bu/ sems can thams cad ni rtag tu rtag pa dang / bde ba dang / bdag dang / yongs su dag pa la sogs pa chos rnam pa bzhis bslad de bsams pa'i phyir chos thams cad mi rtag pa dang / mi bde ba dang / bdag med pa dang / yongs su ma dag par mthong ngo / /de ltar mthong nas phyin ci log bzhi'ang chod do/ /de lta bas na bsams pa'i rkyen gyis yongs su mya ngan las 'das pa chen po la bsnyen par 'gyur ro/ /gzhan yang / rigs kyi bu/ </font><hr>Kha85a<br><font size=+1>


@#/ /chos thams cad la mtshan nyid rnam pa bzhi yod do/ /bzhi gang zhe na/ skye ba'i mtshan nyid dang / rga ba'i mtshan nyid dang / na ba'i mtshan nyid dang / 'gog pa'i mtshan nyid de/ mtshan nyid de bzhis bus pa mar bas so so'i skye bo thams cad dang / rgyun du zhugs pa'i bar du rab tu nyon mongs par 'gyur te/ gang rtse gcig tu bsams na rnam pa de bzhi dang phrad kyang nyon mongs pa mi skye ste/ de lta bas na bsams pa'i rkyen gyis yongs su mya ngan las 'das pa chen po la bsnyen par 'gyur ro/ /gzhan yang / rigs kyi bu/ dge ba'i chos thams cad ni ma bsams par gzhan gyis thob pa med do/ /de ci'i phyir zhe na/ gal te gang gis bskal pa tshad med grangs med mtha' yas pa'i bar du sems rtse gcig tu chos mnyan kyang / gal te bsams na nam yang bla na med pa yang dag par rdzogs pa'i byang chub thob par mi 'gyur ro/ /de lta bas na yid la byas pa'i rkyen gyis yongs su mya ngan las 'das pa chen po la bsnyen par 'gyur ro/ /gzhan yang / rigs kyi bu/ gal te sems can gang sangs rgyas dang / chos dang / dge 'dun la 'pho ba dang 'gyur ba med par yid ches shing bkur sti dang / bsti stang byed na/ de'ang sems rtsi gcig tu yid la byas pa'i rkyen gyis nyon mongs pa thams cad chod par rig par </font><hr>Kha85b<br><font size=+1>


bya ste/ de lta bas na yid la byas pa'i rkyen gyis yongs su mya ngan las 'das pa chen po la bsnyen par 'gyur ro/ /ji ltar na byang chub sems dpa' chos bzhin du sgom pa zhe na/ rigs kyi bu/ gang mi dge ba'i chos thams cad spong zhing / dge ba'i chos la nan tan byed pa ni byang chub sems dpa' chos bzhin du sgom pa zhes bya'o/ /yang ji ltar na chos bzhin du bsgom pa zhe na/ chos thams cad stong pa/ dmigs su med pa/ mi rtag pa/ mi bde ba/ bdag med pa/ yongs su ma dag par mthong ba ste/ de ltar mthong ba'i phyir lus dang srog yal yang tshul khrims sdom pa mi 'jig pa ni byang chub sems dpa' chos bzhin du sgom pa zhes bya'o/ /gzhan yang ji ltar na chos bzhin du sgom pa zhe na/ sgom pa la rnam pa gnyis te| yang dag pa dang / yang dag pa ma yin pa'o/ /de la yang dag pa ma yin pa ni mya ngan las 'das pa dang / sangs rgyas kyi rang bzhin dang / de bzhin gshegs pa dang / chos dang| dge 'dun dang / yang dag pa dang / nam mkha'i mtshan nyid mi shes pa ni yang dag pa ma yin pa zhes bya'o/ /de la yang dag pa zhes bya ba ni mya ngan las 'das pa dang / sangs rgyas kyi rang bzhin dang / de bzhin gshegs pa dang / chos dang / dge 'dun dang / yang dag pa'i mtshan nyid dang / nam mkha'i mtshan nyid shes pa ni yang dag pa zhes bya'o/ / </font><hr>Kha86a<br><font size=+1>


@#/ /de la ji ltar na mya ngan las 'das pa'i mtshan nyid shes pa zhe na/ mya ngan las 'das pa'i mtshan nyid la dngos po rnam pa brgyad yod do/ /brgyad gang zhe na/ zad pa dang / dge ba'i mtshan nyid dang / bden pa dang / yang dag pa dang / rtag pa dang / bde ba dang / bdag dang / yongs su dag pa ste/ de ni mya ngan las 'das pa'o/ /gzhan yang dngos po rnam pa brgyad yod do/ /brgyad gang zhe na/ rnam par grol ba dang / dge ba'i rang bzhin dang / yang dag pa ma yin pa dang / mi bden pa dang / mi rtag pa dang / mi bde ba dang / bdag med pa dang / yongs su ma dag pa'o/ /gzhan yang mtshan nyid rnam pa drug yod do/ /gang zhe na/ rnam par grol ba dang / dge ba'i rang bzhin dang / mi bden pa dang / yang dag pa ma yin pa dang / bde ba dang / yongs su dag pa'o/ /gal te sems can gang kun rdzob kyi lam la brten te/ nyon mongs pa gcod pa mya ngan las 'das pa ni dngos po rnam pa brgyad yod de/ rnam par grol ba de ni mi bden pa'o/ /de ci'i phyir zhe na/ mi rtag pa'i phyir ro/ /de ltar mi rtag pa'i phyir bden pa med do/ /bden pa med pa'i phyir yang dag pa med de/ nyon mongs pa chod kyang phyir ldang ba'i phyir ro/ /mi rtag pa dang / bdag med pa dang / mi bde ba dang / yongs su ma dag pa ni mya ngan las 'das pa'i </font><hr>Kha86b<br><font size=+1>


rnam par grol ba'i dngos po brgyad ces bya'o/ /ji ltar na mtshan nyid drug zhe na/ nyan thos dang / rang sangs rgyas ni nyon mongs pa chod pa'i phyir rnam par grol ba zhes bya'ang bla na med pa yang dag par rdzogs pa'i byang chub ma thob pa'i phyir mi bden pa zhes bya'o/ /de ltar mi bden pa'i phyir yang dag pa ma yin pa zhes bya'o/ /ma 'ongs pa'i dus na bla na med pa yang dag par rdzogs pa'i byang chub tu 'gyur ba'i phyir mi rtag pa zhes bya'o/ /zag pa med pa'i 'phags pa'i lam brgyad thob pas bde ba dang / yongs su dag pa zhes bya'o/ /rigs kyi bu/ gang de ltar shes pa ni mya ngan las 'das pa shes pa zhes bya ste/ sangs rgyas kyi rang bzhin dang / de bzhin gshegs pa dang / chos dang / dge 'dun bden pa'i mtshan nyid dang / nam mkha'i mtshan nyid shes pa zhes bya'o/ /ji ltar na byang chub sems dpa' sangs rgyas kyi rang bzhin shes pa zhe na/ sangs rgyas kyi rang bzhin la rnam pa drug ste/ drug gang zhe na| rtag pa dang / yongs su dag pa dang / bden pa dang / dge ba dang / mthong bar 'gyur ba dang / yang dag pa'o/ /gzhan yang dngos po rnam pa bdun yod do/ /gang zhe na/ rig par 'gyur pa ste/ drug ni gong ma bzhin no/ /de ni byang chub sems dpa' sangs rgyas kyi rang bzhin shes pa zhes bya'o/ /ji ltar na byang chub sems dpa' de bzhin gshegs pa'i </font><hr>Kha87a<br><font size=+1>


@#/ /mtshan nyid shes pa zhe na/ de la de bzhin gshegs pa zhes bya ba ni tshor ba'i mtshan nyid/ dge ba'i mtshan nyid/ rtag pa dang / bde ba dang / bdag dang| yongs su dag pa rnam par grol ba/ bden pa yang dag pa lam ston pa ltar rung ba ste/ de ni byang chub sems dpa' de bzhin gshegs pa'i mtshan nyid shes pa'o/ /ji ltar na byang chub sems dpa' chos kyi mtshan nyid shes pa zhe na/ de la chos shes pa zhes bya ba ni/ dge ba dang / mi dge ba dang / rtag pa dang / mi rtag pa dang / bde ba dang / mi bde ba dang / bdag dang / bdag med pa dang / yongs su dag pa dang / yongs su ma dag pa dang / shes pa dang / mi shes pa dang / rig pa dang / ma rig pa dang / bden pa dang / mi bden pa dang / sgom pa dang / mi sgom pa dang / slob dpon dang / slob dpon ma yin pa dang / yang dag pa dang / yang dag pa ma yin pa ste/ de dag shes pa ni byang chub sems dpa' chos kyi mtshan nyid shes pa zhes bya'o/ /ji ltar na byang chub sems dpa' dge 'dun gyi mtshan nyid shes pa zhe na/ dge 'dun zhes bya ba ni rtag pa dang / bde ba dang / bdag dang / yongs su dag pa dang / slob pa'i mtshan nyid bltar rung ba'i mtshan nyid dge ba yang dag pa bden pa'o/ /de ci'i phyir zhe na/ nyan thos thams cad </font><hr>Kha87b<br><font size=+1>


sangs rgyas kyi byang chub thob pa'i phyir ro/ /bden pa gang zhe na/ chos kyi ngo bo nyid rig pa ste/ de ltar shes pa de ni byang chub sems dpa' dge 'dun gyi mtshan nyid shes pa zhes bya'o/ /ji ltar na byang chub sems dpa' yang dag pa'i mtshan nyid shes pa zhe na/ de la yang dag pa'i mtshan nyid ces bya ba ni rtag pa dang / mi rtag pa dang / bde ba dang / mi bde ba dang / bdag dang| bdag med pa dang / yongs su dag pa dang / yongs su ma dag pa dang / dge ba dang / mi dge ba dang / yod pa dang / med pa dang / mya ngan las 'das pa dang / mya ngan las 'das pa ma yin pa dang / rnam par grol ba dang / rnam par grol ba ma yin pa dang / shes pa dang / mi shes pa dang / chad pa dang / ma chad pa dang / rig pa dang / ma rig pa dang / sgom pa dang / mi sgom pa dang / mthong ba dang / ma mthong ba ni yang dag pa'i mtshan nyid ces bya ste/ mya ngan las 'das pa dang / sangs rgyas kyi rang bzhin dang / de bzhin gshegs pa dang / chos dang / dge 'dun dang / nam mkha' ni ma yin no/ /de ni byang chub sems dpa' de ltar mya ngan las 'das pa chen po sgom pa'i rkyen gyis mya ngan las 'das pa dang / sangs rgyas kyi rang bzhin dang| de bzhin gshegs pa dang / chos dang / dge 'dun gyi mtshan nyid dang / yang dag pa dang / nam mkha'i mtshan nyid la sogs pa'i khyad par rig par gyur to/ /rigs kyi bu/ </font><hr>Kha88a<br><font size=+1>


@#/ /byang chub sems dpa' sems dpa' chen po yongs su mya ngan las 'das pa chen po'i mdo sde dam pa sgom pas ni nam mkha' mi mthong ngo / /de ci'i phyir zhe na/ sangs rgyas dang byang chub sems dpa' la spyan lnga yod kyang mi mthong ste/ shes rab kyi spyan 'ba' zhig gis mthong ngo / /shes rab kyi spyan gyis mthong ba'ang chos gang yang mi mthong bas mthong ba zhes bya'o/ /dngos po ci'ang med pa nam mkha' zhes bya na/ nam mkha' de ni yang dag par 'gyur ro/ /de ltar yang dag par 'gyur na rtag tu med pa zhes bya ste/ rtag tu med pa'i phyir bde ba dang yongs su dag pa'ang med do/ /rigs kyi bu/ stong pa ni med pa'i chos so med pa'i chos can pas stong pa zhes bya'o/ /dper na/ 'jig rten na dngos po ci'ang med pa la stong pa zhes bya ste/ de bzhin du nam mkha'i rang bzhin yang dngos po ci'ang med pa'i phyir nam mkha' zhes bya'o/ /rigs kyi bu/ sems can gyi rang bzhin dang / nam mkha'i rang bzhin gnyis ka la yang dag pa'i rang bzhin med do/ /de ci'i phyir zhe na/ dper na/ mi dag 'di skad du yod pa'i dngos po med par byas na stong par 'gyur zhes zer te/ nam mkha' ni yang dag par na byar rung ba ma yin no/ /de ci'i phyir zhe na/ ci'ang med pa'i phyir te/ ci'ang med pa yin pas na stong pa med </font><hr>Kha88b<br><font size=+1>


par rig par bya'o/ /gal te nam mkha'i rang bzhin byar rung ba zhig yin na mi rtag par 'gyur te/ gang mi rtag pa de ni nam mkha' zhes mi bya'o/ /rigs kyi bu/ dper na/ 'jig rten pa dag ni 'di skad du nam mkha' ni gzugs med pa/ thogs pa med pa/ rtag pa/ mi 'gyur/ mi 'pho ba'o zhes zer te/ de bas na 'jig rten na nam mkha' la chen po lnga pa zhes brjod do/ /rigs kyi bu/ yang dag par na nam mkha' de la rang bzhin med de/ snang ba'i phyir nam mkha' zhes btags te/ yang dag par na nam mkha' med do/ dper na/ kun rdzob kyi bden pa la rang bzhin med de/ sems can gyi phyir kun rdzob kyi bden pa'ang bstan no/ /rigs kyi bu/ mya ngan las 'das pa'i ngo bo nyid kyang de dang 'dra ste/ gnas med kyang de bzhin gshegs pa thams cad kyis nyon mongs pa gcod pa'i gnas yin pas na mya ngan las 'das pa zhes bya'o/ /mya ngan las 'das pa nyid ni rtag pa dang / bde ba dang / bdag dang / yongs su dag pa'o/ /mya ngan las 'das pa bde ba yin yang bde ba myong ba ma yin te/ bla na med pa zhi ba dam pa'i bde ba'o/ /sangs rgyas bcom ldan 'das la bde ba rnam pa gnyis yod de/ rab tu zhi ba'i bde ba dang / rnam par rig pa'i bde ba'o/ /yang dag pa'i mtshan nyid kyi rang bzhin la bde ba rnam pa gsum ste/ myong ba'i bde ba dang / rab tu </font><hr>Kha89a<br><font size=+1>


@#/ /zhi ba'i bde ba dang / rnam par rig pa'i bde ba'o/ /sangs rgyas kyi rang bzhin ni bde ba gcig ste/ bla na med pa yang dag par rdzogs pa'i byang chub thob pa'i bde ba'o/ /de nas byang chub sems dpa' sems dpa' chen po kun tu snang ba mtho btsun dpal gyi rgyal pos bcom ldan 'das la 'di skad ces gsol to/ /bcom ldan 'das/ nyon mongs pa chod pa'i gnas de la mya ngan las 'das pa lags so zhes bgyi bde mi rung ngo / /de ci'i slad du zhe na/ de bzhin gshegs pa sngon thog ma mngon par sangs rgyas nas chu bo dga' skyed kyi 'gram du gshegs te/ de'i tshe de'i dus na bdud kyi rgyal po 'khor dang bcas te/ bcom ldan 'das kyi spyan sngar lhags nas/ 'di skad du bcom ldan 'das mya ngan las 'da' pa'i dus la bab na ci ste mya ngan las 'da' bar mi gshegs zhes smras so/ /bcom ldan 'das kyis bdud kyi rgyal po la 'di skad ces bka' stsal to/ /nga la da ltar mang du thos pa'i nye gnas tshul khrims sdom pa/ dbang po gsal zhing shes rab rno ba/ sems can gyi don byed nus pa med pas nga mya ngan las mi 'da'o zhes bka' stsal to/ /gal te nyon mongs pa chod pa'i gnas de nyid mya ngan las 'das pa lags na/ byang chub sems dpa' rnams bskal pa tshad med pa nas nyon mongs pa </font><hr>Kha89b<br><font size=+1>


chod pa lags na/ ci'i slad du mya ngan las 'das pa zhes mi gdags/ de gnyis ka'ang chod pa'i gnas lags na/ ci'i slad du sangs rgyas bcom ldan 'das la ni mnga'i/ byang chub sems dpa' la ma mchis/ gal te nyon mongs pa chod pa de mya ngan las 'das pa ma lags na/ ci'i slad du de bzhin gshegs pa sngon bram ze skye grags zhes bgyi ba la/ 'di skad du nga'i sku 'di nyid mya ngan las 'das pa yin no zhes bka' stsal/ de bzhin gshegs pa la yang dus gcig na yul yangs pa can na bzhugs pa'i tshe bdud kyis yang gsol ba btab ste/ de bzhin gshegs pa la sngon ni mang du thos pa'i nye gnas tshul khrims 'dzin pa/ shes rab gsal zhing dbang po rno ba/ sems can gyi don byed nus pa med pas mya ngan las mi 'da'o zhes gsungs te/ da ni de lta bu dag dang ldan pa'ang mchis na/ ci'i slad du mya ngan las mi 'da' zhes gsol to/ /de bzhin gshegs pas de'i tshe bdud kyi rgyal po la 'di skad ces bka' stsal to/ /khyod gzugs la thogs pa'i 'du shes ma skyed cig /da ste zla ba gsum na/ nga yongs su mya ngan las 'da'o zhes bka' stsal to/ /bcom ldan 'das/ gal te sku tshe 'das pa de mya ngan las 'das pa ma lags na/ ci'i slad du de bzhin gshegs pas da ste zla ba gsum na yongs su mya ngan las 'da'o zhes gsungs/ bcom ldan 'das/ gal te nyon </font><hr>Kha90a<br><font size=+1>


@#/ /mongs pa chod pa nyid mya ngan las 'das pa lags na/ de bzhin gshegs pa thog mar byang chub kyi shing drung du snying por mngon par byang chub nas nyon mongs pa bcom pas de nyid mya ngan las 'das pa lags na/ ci'i slad du da ste zla ba gsum na yongs su mya ngan las 'da'o zhes gsungs/ bcom ldan 'das/ gal te de'i tshe mya ngan las 'das na/ ci'i slad du grong khyer rtswa mchog tu stobs po che dag la nam gyi dgung la nga yongs su mya ngan las 'da'o zhes gsungs/ de bzhin gshegs pa ni bden pa gsung pa lags na/ ci ste mi bden pa'i tshig de dag gsungs/ de nas bcom ldan 'das kyis byang chub sems dpa' sems dpa' chen po kun tu snang ba mtho btsun dpal gyi rgyal po la bka' stsal pa/ rigs kyi bu/ 'di skad du de bzhin gshegs pa ljags ring zhing yangs pa mnga'o zhes gsungs pas na/ de bzhin gshegs pa bskal pa tshad med pa nas mi bden pa'i tshig dang bral ba yin par rig par bya'o/ /sangs rgyas dang byang chub sems dpa' thams cad ni ci smra'o cog tshig brtags pa yin te/ mi bden pa'ang ma yin no/ rigs kyi bu/ ji ltar khyod kyis smras pa ltar bdud sdig to can gyis sngon nga la mya ngan las 'da' bar gsol ba btab pa bden te/ rigs kyi bu/ bdud kyi rgyal po mya ngan las </font><hr>Kha90b<br><font size=+1>


'das pa nges pa'i mtshan nyid yang dag pa ji lta ba mi shes so/ /de ci'i phyir zhe na/ bdud sdig to can gyi yid la sems can gyi don mi byed par cang mi smra bar 'dug na mya ngan las 'das pa yin no snyam sems so/ /rigs kyi bu/ dper na/ 'jig rten pas mi zhig mi smra zhing cang mi byed pa mthong na/ mi de shi ba dang tha mi dad do zhes zer ro/ /de bzhin du bdud sdig to can gyi yid la'ang de bzhin gshegs pa sems can gyi don mi mdzad cing cang mi gsung pa de nyid de bzhin gshegs pa mya ngan las 'das pa yin no snyam sems so/ /rigs kyi bu/ de bzhin gshegs pas sangs rgyas dang / chos dang / dge 'dun gyi mtshan nyid khyad par med par ma bshad de/ rtag par gnas pa dang / rnam par dag pa'i chos gnyis po 'ba' zhig khyad par med par bshad do/ /rigs kyi bu/ de bzhin gshegs pas sangs rgyas dang / sangs rgyas kyi rang bzhin dang / mya ngan las 'das pa'i mtshan nyid khyad par med par ma bshad do/ /ther zug dang / rtag pa mi 'gyur ba 'ba' zhig khyad par med par bshad do/ /rigs kyi bu/ de bzhin gshegs pas mya ngan las 'das pa dang / yang dag pa'i mtshan nyid khyad par med par ma bshad de/ rtag tu yod pa dang / yang dag par mi 'gyur/ mi 'pho ba 'ba' zhig khyad par med par bshad do/ /rigs kyi bu/ de'i tshe de'i dus </font><hr>Kha91a<br><font size=+1>


@#/ /na nga'i nyan thos kyi nye gnas thams cad rtsod par 'gyur te/ ji ltar yul kau sham+b+hi'i dge slong ma rungs pa rnams nga'i lung dang 'gal bar byed de/ tshul khrims sdom pa bshig nas ma brtags pa'i rdzas len te/ rnyed pa dang / grags pa tshol ba'i phyir khyim pa rnams kyi gan du bdag bstod de/ 'di ltar ngas zag pa med pa thob bo/ / gang zhe na/ rgyun du zhugs pa nas dgra bcom pa'i 'bras bu'i bar thob bo zhes zer zhing gzhan la brnyas smod do/ /sangs rgyas dang / chos dang / dge 'dun dang / tshul khrims dang| mkhan po la bkur sti mi skyed/ khyod kyis nga la 'di skad du rdzas 'di lta bu ni sangs rgyas kyis 'chang du gnang ngo / /rdzas 'di lta bu dag ni sangs rgyas kyis 'chang du mi gnang ngo zhes zer ba las/ ngas kyang 'di skad du rdzas 'di lta bu dag ni ngas yang dag par ma gnang ngo zhes byas na'ang nga'i tshig bzlog ste/ rdzas 'di lta bu dag ni yang dag par rdzogs pa'i sangs rgyas kyis gnang ngo zhes zer te/ ma rungs pa de dag nga'i tshig la yid mi ches nas de dag gi phyir ngas bdud sdig to can la khyod thogs so snyam ma sems shig /da ste zla ba gsum na yongs su mya ngan las 'da'o zhes byas so/ /rigs kyi bu/ dge slong ma rungs pa de dag gi phyir nyan thos kyi nye gnas bslab pa la zhugs pa rnams nga'i sku </font><hr>Kha91b<br><font size=+1>


mi mthong zhing / nga'i chos mi thos pas de bzhin gshegs pa mya ngan las 'das so zhes zer ro/ /byang chub sems dpa' dag ni nga'i sku mthong zhing / rtag tu nga la chos thos pas nga yongs su mya ngan las 'das so zhes mi zer ro/ /nyan thos kyi nye gnas dag de bzhin gshegs pa mya ngan las 'das so zhes zer mod kyi/ nga ni yang dag par mya ngan las ma 'das so/ /rigs kyi bu/ gal te nga'i nyan thos kyi nye gnas dag las/ de bzhin gshegs pa mya ngan las 'das so zhes smra ba de ni nga'i nye gnas ma yin te/ bdud kyi grogs su gyur pa/ ngan par lta ba/ sdig pa can/ yang dag par lta ba ma yin pa yin par rig par bya'o/ /gang de bzhin gshegs pa mya ngan las ma 'das so zhes zer ba ni de nyid nga'i nye gnas yang dag pa yin te/ bdud kyi grogs ma yin/ yang dag par lta ba/ ngan par lta ba ma yin par rig par bya'o/ /rigs kyi bu/ ngas thog ma nas nga'i nye gnas las de bzhin gshegs pa sems can gyi don mi byed cing cang mi smra bar bzhugs te/ de ni yongs su mya ngan las 'das pa'o zhes zer ba ma mthong ngo / /rigs kyi bu/ dper na/ khyim bdag zhig la bu mang du yod de/ gal te khyim bdag de phyogs gzhan zhig tu song ba las phyir ma log pa'i bar du bu rnams kyis pha shi'o snyam sems te/ khyim bdag de ma shi bar bu rnams phyin ci log gis bslad pas </font><hr>Kha92a<br><font size=+1>


@#/ /shi ba'i 'du shes skyed do/ /de bzhin du nyan thos kyi nye gnas kyang nga mi mthong bas 'di ltar de bzhin gshegs pa ni grong khyer rtswa mchog tu sA la'i shing bar na yongs su mya ngan las 'das so snyam ste/ nga ni yang dag par yongs su mya ngan las ma 'das par nyan thos kyi nye gnas rnams mya ngan las 'das pa'i 'du shes skyed do/ /rigs kyi bu/ dper na/ sgron me gsal ba la gcig gis bkab na/ gzhan mi shes pa rnams sgron me shi'o snyam sems te/ snang ba'i dpal de yang dag par ma shi bar mi shes pa'i phyir shi ba'i 'du shes skyed do/ /de bzhin du nyan thos kyi nye gnas kyang de dang 'dra ste/ shes rab kyi mig yod kyang nyon mongs pas khebs pas sems phyin ci log tu gyur te/ yang dag pa'i sku mi mthong bas med pa dang / 'das pa'i 'du shes skyed de/ nga ni yang dag par na mya ngan las 'das pa mi len to/ /rigs kyi bu/ dper na/ dmus long ni nyi zla mi mthong ngo| |de ltar mi mthong ba'i phyir nyin mtshan dang / snang ba dang / mun pa'i mtshan ma mi shes so/ /de ltar mi shes pa'i phyir nyi ma dang / zla ba yang dag par med do zhes zer te/ yang dag par nyi ma dang / zla ba yod pa las dmus long gis mi mthong ngo / /de ltar mi mthong ba'i phyir log pa'i 'du shes skyed de/ nyi zla med do zhes zer ro/ /de bzhin du nyan </font><hr>Kha92b<br><font size=+1>


thos kyi nye gnas kyang dmus long de dang 'dra ste/ de bzhin gshegs pa mi mthong bas de bzhin gshegs pa mya ngan las 'das so snyam sems te/ de bzhin gshegs pa ni yang dag par mya ngan las ma 'das so/ /de dag log pa'i 'du shes kyis de lta bu'i sems skyed do/ /rigs kyi bu/ dper na/ sprin dang khug rlangs kyis nyi zla bsgribs na glen pa mi shes pa dag nyi zla med do zhes zer ro/ /nyi zla ni yang dag par yod na yongs su khebs pa'i phyir sems can gyis mi mthong ngo / /de bzhin du nyan thos kyi nye gnas rnams kyang de dang 'dra ste/ nyon mongs pa mang pos shes rab kyi mig bsgribs te/ de bzhin gshegs pa mi mthong bas de bzhin gshegs pa sku tshe 'das so zhes zer ro/ /rigs kyi bu/ de bzhin gshegs pas byis pa chung ngu'i spyod pa bstan par zad kyi/ sku tshe 'das pa ni ma yin no/ /rigs kyi bu/ dper na/ dzam+bu'i gling du nyi ma nub pa na ri nag pos bsgribs pas sems can gyis mi mthong ste/ nyi ma'i rang bzhin ni yang dag par nub pa med do/ /sems can gyis mi mthong ba'i phyir nub pa'i 'du shes skyed do/ /de bzhin du nyan thos kyi nye gnas rnams kyang de dang 'dra ste/ nyon mongs pa'i ri bos bsgribs pas nga'i sku mi mthong ste/ de ltar mi mthong ba'i phyir de bzhin gshegs pa mya ngan las 'das so snyam pa'i 'du shes skyed do/ /nga ni yang dag par mya ngan las ma 'das so/ /de bas na ngas </font><hr>Kha93a<br><font size=+1>


@#/ /yul yangs pa can du bdud sdig to can la da ste zla ba gsum na yongs su mya ngan las 'da'o zhes bka' stsal to/ /rigs kyi bu/ de bzhin gshegs pas snga nas byang chub sems dpa' 'od srung phyis zla ba gsum na dge ba'i rtsa ba smin par 'gyur ba dang / ri spos kyi ngad can na su brta la'i tshul nas byung nas nga'i spyan sngar 'ong pa gzigs te| de bas na ngas bdud sdig to can la da ste zla ba gsum na yongs su mya ngan las 'da'o zhes bka' stsal to/ /rigs kyi bu/ gzhan yang stobs po che lnga brgya po zla ba gsum na bla na med pa yang dag par rdzogs pa'i byang chub tu sems bskyed par 'gyur te/ de bas na bdud sdig to can la da ste zla ba gsum na yongs su mya ngan las 'da'o zhes bka' stsal to/ /rigs kyi bu/ tsund la sogs pa li tsa bI lnga brgya dang / bu mo a mra yang zla ba gsum na bla na med pa'i byang chub tu sems bskyed de/ dge ba'i rtsa ba yongs su smin par 'gyur bas de dag gi phyir yang ngas bdud sdig to can la da ste zla ba gsum na yongs su mya ngan las 'da'o zhes bka' stsal to/ /rigs kyi bu/ sun char ta zhes bya ba mu stegs can gcer bu ba la sogs pa la bsnyen bkur byed de/ ngas lo bcu gnyis kyi bar du chos bstan kyang nga la ma dad/ yid mi ches te/ de'ang zla ba gsum na ngan par lta ba'i rtsa ba </font><hr>Kha93b<br><font size=+1>


chod par 'gyur bar ngas rig pas de'i phyir bdud sdig to can la da ste zla ba gsum na yongs su mya ngan las 'da'o zhes bka' stsal to/ /rigs kyi bu/ ci'i rgyu ci'i rkyen gyis ngas sngon chu bo dga' skyed kyi 'gram du bdud sdig to can la/ da ltar mang du shes pa'i nye gnas med pas yongs su mya ngan las mi 'da'o zhes bka' stsal ba ni/ nga de'i tshe de'i dus na dge slong sde nga la yul wA ra NA sir chos kyi 'khor lo bskor snyam dgongs pa'i phyir ro/ /yang 'di lta ste/ ya sha dang / pU r+Na dang / bI ma la dang / ga bAM pa ti dang / su bA hu la sogs pa ste slong lnga'i phyir ro/ /gzhan yang khyim bdag drag po la sogs pa lnga bcu'i phyir ro/ /gzhan yang yul dbus 'gyur 'chang gi rgyal po gzugs can snying po la sogs pa lha dang mi tshad med ba snyed kyi phyir ro/ /gzhan yang lteng rgyas 'od srung la sogs pa 'khor dge slong lnga brgya dang / gzhan yang chu bo 'od srung dang / ga ya 'od srung spun gyi nye gnas lnga brgya'i phyir ro/ / gzhan yang shA ri'i bu dang / maung+gAl gyi bu la sogs pa dge slong stong nyis brgya lnga bcu la dam pa'i chos kyi 'khor lo bskor ba'i phyir ngas bdud sdig to can la mya ngan las mi 'da'o zhes bka' stsal ba yin no/ /rigs kyi bu/ mya ngan las 'das pa zhes bya ba yod de/ mya ngan las 'das pa chen po ni ma yin no/ /de la ji ltar na mya ngan las 'das pa mya </font><hr>Kha94a<br><font size=+1>


@#/ /ngan las 'das pa chen po ma yin zhe na/ sangs rgyas kyi rang bzhin ma mthong bar nyon mongs pa chod pa ni mya ngan las 'das pa zhes bya ste/ mya ngan las 'das pa chen po ma yin no/ /de ltar sangs rgyas kyi rang bzhin ma mthong ba'i phyir rtag pa dang / bdag ni med kyi/ bde ba dang / yongs su dag pa ni yod de/ /de bas na nyon mongs pa bcad mod kyi/ mya ngan las 'das pa chen po zhes mi bya'o/ /gang sangs rgyas kyi rang bzhin mthong zhing nyon mongs pa chod pa ni mya ngan las 'das pa chen po zhes bya'o/ / de ltar sangs rgyas kyi rang bzhin mthong ba'i phyir rtag pa dang / bdag dang / bde ba dang / yongs su dag pa zhes bya ste/ de bas na de ltar nyon mongs pa chod pa ni yongs su mya ngan las 'das pa chen po zhes bya'o/ /rigs kyi bu/ mya ngan ces bya ba mi byed pa'o/ /'das pa zhes bya ba ni thags su 'thag pa'o/ /thags su mi 'dag pa'i don ni mya ngan las 'das pa zhes bya'o/ /yang 'das pa zhes bya ba ni khebs pa'o/ /de ltar mi khebs pa'i don ni mya ngan las 'das pa zhes bya'o/ /yang 'das pa zhes bya ba ni 'gro ba dang 'ong ba ste/ mi 'gro mi 'ong ba'i don ni mya ngan las 'das pa zhes bya'o/ /yang 'das pa zhes bya ba ni len pa ste/ mi len pa'i don ni mya ngan las 'das pa zhes bya'o/ /yang 'das pa zhes </font><hr>Kha94b<br><font size=+1>


bya ba ni ma nges pa ste/ nges par ma nges pa med pa ni mya ngan las 'das pa zhes bya'o/ /yang 'das pa zhes bya ba ni gsar rnying zhes bya ste/ gsar rnying med pa'i don ni mya ngan las 'das pa zhes bya'o/ /yang 'das pa zhes bya ba ni sgrib pa ste/ sgrib pa med pa'i don ni mya ngan las 'das pa zhes bya'o/ /rigs kyi bu/ u ru ka ka byi la zhes bya ba'i slob ma dag 'di skad du 'das ba ni mtshan nyid ces zer te/ mtshan nyid med pa'i don ni mya ngan las 'das pa zhes bya'o/ /rigs kyi bu/ 'das pa zhes bya ba ni yod pa zhes bya ste/ yod pa med pa'i don ni mya ngan las 'das pa zhes bya'o/ /'das pa zhes bya ba ni 'dus pa zhes bya ste/ 'dus pa med pa'i don ni mya ngan las 'das pa zhes bya'o/ 'das pa zhes bya ba ni sdug bsngal ces bya ste/ sdug bsngal med pa'i don ni mya ngan las 'das pa zhes bya'o/ /rigs kyi bu/ nyon mongs pa gcod pa ni mya ngan las 'das pa zhes mi bya ste/ gang nyon mongs pa mi skyed pa ni mya ngan las 'das pa zhes bya'o| |rigs kyi bu/ sangs rgyas bcom ldan 'das ni nyon mongs pa mi skyed pas mya ngan las 'das pa zhes bya'o/ /shes rab dang ldan pa/ chos la thogs pa med pa ni de bzhin gshegs pa zhes bya ste/ de bzhin gshegs pa ni bus pa ma rabs dang / nyan thos dang / rang sangs rgyas dang / byang chub sems dpa' ma yin te/ sangs rgyas kyi rang bzhin zhes bya'o/ /de </font><hr>Kha95a<br><font size=+1>


@#/ /bzhin gshegs pa'i sku dang / gsung dang / thugs kyi shes rab ni 'jig rten gyi khams tshad med grangs med mtha' yas pa snyed kun tu gang yang thogs pa med pas nam mkha' zhes bya'o/ /de bzhin gshegs pa rtag tu gnas te mi 'gyur mi 'pho bas yang dag pa'i mtshan nyid ces bya ste/ de lta bas na de bzhin gshegs pa ni mthar yongs su mya ngan las mi 'da' ste/ de ni byang chub sems dpa' yongs su mya ngan las 'das pa chen po'i mdo sde dam pa la nan tan byed pa'i yon tan bdun dang ldan pa zhes bya'o// //'phags pa yongs su mya ngan las 'das pa chen pI mdo/ /bam po sum cu bzhi pa/ rigs kyi bu/ ji ltar byang chub sems dpa' sems dpa' chen po yongs su mya ngan las 'das pa chen po'i mdo sde dam pa la nan tan byas pas yon tan brgyad dang ldan zhe na/ rigs kyi bu/ de la byang chub sems dpa' sems dpa' chen po yongs su mya ngan las 'das pa chen po la nan tan byed pa ni/ dngos po lnga bcad pa dang / dngos po lnga spong ba dang / dngos po drug dang ldan par bya ba dang / dngos po lnga yongs su bsgom pa dang / dngos po gcig rab tu bsrung ba dang / dngos po bzhi la bsnyen pa dang / yang dag pa gcig la dad cing rjes su gzhol ba dang / sems shin tu rnam </font><hr>Kha95b<br><font size=+1>


par grol ba dang / shes rab shin tu rnam par grol ba'o/ /rigs kyi bu/ de la ji ltar na byang chub sems dpa' dngos po lnga bcad pa zhe na/ 'di lta ste/ phung po lnga ste/ gzugs dang / tshor ba dang / 'du shes dang / 'du byed dang / rnam par shes pa'o/ /phung po zhes bya ba'i don ji lta bu zhe na/ 'di lta ste/ sems can 'khor ba la rgyun mi 'chad par byed pa dang // khur lci ba dang mi 'bral ba dang / 'gyes pa dang 'dus par byed pa dang / dus gsum du gtogs pa ste/ ji ltar brtags kyang dmigs su med de/ 'di dag ni phung po zhes bya'o/ / byang chub sems dpa' sems dpa' chen pos gzugs kyi phung po mthong yang mtshan mar mi blta'o/ /de ci'i phyir zhe na/ gzugs rnam pa bcu la rang bzhin brtags kyang dmigs su med de/ 'jig rten gyi phyir phung po zhes bshad do/ /tshor ba la brgya rtsa brgyad yod de/ /tshor ba'i phung por mthong yang thog ma nas tshor ba'i mtshan ma med do/ /de ci'i phyir zhe na/ tshor ba la brgya rtsa brgyad yod kyang / bden pa dang nges pa'i don med de/ de bas na byang chub sems dpas tshor ba'i phung por mi mthong ngo / /de bzhin du 'du shes dang / 'du byed dang / rnam par shes pa'ang de dang 'dra ste/ byang chub sems dpa' sems dpa' chen pos phung po lnga ni nyon mongs pa skye bar byed pa'i rtsa ba yin par shin tu rtogs te/ de bas na thabs kyis </font><hr>Kha96a<br><font size=+1>


@#/ /gcod do/ /de la ji ltar na byang chub sems dpa' dngos po lnga spong ba zhe na/ 'di lta ste/ lta ba rnam pa lnga'o/ /lnga gang zhe na/ 'jig tshogs su lta ba dang / mthar lta ba dang / ngan par lta ba dang / tshul khrims snyems pa dang / blta ba snyems pa'o/ /de ltar lta ba rnam pa lnga'i rkyen gyis lta ba drug cu rtsa gnyis skye ste/ lta ba de dag gi rkyen gyis 'khor bar 'khor zhing rgyun mi 'chad de/ de bas na byang chub sems dpa' bag byed de bsnyen par mi byed do/ /de la ji ltar na byang chub sems dpa' dngos po drug dang ldan par bya zhe na/ 'di lta ste/ dran pa nye bar bzhag pa drug go/ /drug gang zhe na/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / lha rjes su dran pa dang / sbyin pa rjes su dran pa dang / tshul khrims rjes su dran pa ste/ de ni byang chub sems dpa' dngos po drug dang ldan pa'o/ /de la ji ltar na byang chub sems dpa' dngos po lnga yongs su sgom pa zhe na/ 'di lta ste/ ting nge 'dzin rnam pa lnga'o/ /lnga gang zhe na/ shes pa'i ting nge 'dzin dang / zhi ba'i ting nge 'dzin dang / lus dang sems rab tu dga' ba la reg pa'i ting nge 'dzin dang / dga' ba med pa'i ting nge 'dzin dang / dpa' bar 'gro ba'i ting nge 'dzin te/ ting nge 'dzin rnam pa lnga po de dag bsgoms na yongs su </font><hr>Kha96b<br><font size=+1>


mya ngan las 'das pa chen po la bsnyen par 'gyur te/ de bas na byang chub sems dpa' brtson pa'i sems kyis yongs su bsgom mo/ /de la ji ltar na byang chub sems dpa' dngos po gcig bsrung ba zhe na/ 'di ltar byang chub kyi sems te/ byang chub sems dpa' sems dpa' chen pos rtag tu brtson par byang chub kyi sems bsrung ngo / /ji ltar 'jig rten pa bu gcig pa bsrung ba'am/ zhar ba mig ya gcig bsrung ba'am/ dgon pa'i dbye chen por 'gro ba ded dpon bsrung ba bzhin du/ byang chub sems dpa' byang chub kyi sems bsrung ba'ang de dang 'dra'o/ /de ltar byang chub kyi sems bsrung ba'i rgyus bla na med pa yang dag par rdzogs pa'i byang chub thob bo/ /bla na med pa yang dag par rdzogs pa'i byang chub thob pa'i rkyen gyis rtag pa dang / bde ba dang / bdag dang / yongs su dag pa dang ldan te/ de nyid bla na med pa'i yongs su mya ngan las 'das pa chen po yin te/ de bas na byang chub sems dpa' dngos po gcig rab tu bsrung ngo / /de la ji ltar na byang chub sems dpa' dngos po bzhi la bsnyen pa zhe na/ tshad med pa'i sems bzhi ste/ bzhi gang zhe na/ byams pa chen po dang / snying rje chen po dang / dga' ba chen po dang / btang snyoms chen po'o/ /sems bzhi po de'i rgyus sems can tshad med mtha' yas snyed byang chub kyi sems skyed par byed de/ de bas na byang </font><hr>Kha97a<br><font size=+1>


@#/ /chub sems dpa' sems rtse gcig tu bsnyen par byed do/ /de la ji ltar na byang chub sems dpa' yang dag pa gcig la dad cing rjes su gzhol ba gang zhe na/ de la byang chub sems dpa' sems can thams cad lam gcig tu 'gro bar rig go/ /lam gcig ces bya ba ni 'di lta ste/ theg pa chen po'o/ /sangs rgyas dang / byang chub sems dpa' rnams sems can gyi phyir rnam pa gsum du phye ste/ de bas na byang chub sems dpa' dad cing rjes su gzhol te 'gal bar mi byed do/ /de la ji ltar na byang chub sems dpa' sems shin tu rnam par grol ba zhe na/ 'dod chags dang / zhe sdang dang / gti mug gi sems yongs su 'gags pas/ byang chub sems dpa'i sems shin tu rnam par grol ba zhes bya'o/ /de la byang chub sems dpa'i shes rab shin tu rnam par grol ba gang zhe na/ byang chub sems dpa' sems dpa' chen pos chos thams cad la thogs pa med pas na/ byang chub sems dpa'i shes rab shin tu rnam par grol ba zhes bya ste/ shes rab rnam par grol ba'i rkyen gyis sngon ma thos pa ni thos/ sngon ma mthong ba ni mthong / sngon ma phyin par ni phyin par gyur te/ de nas byang chub sems dpa' sems dpa' chen po kun tu snang ba mtho btsun dpal gyi rgyal pos gsol pa/ btsun </font><hr>Kha97b<br><font size=+1>


pa bcom ldan 'das/ ji ltar bcom ldan 'das kyis gsungs pa ltar sems rnam par grol zhes bgyi ba de ni don de lta ma lags so/ /de ci'i slad du zhe na/ sems ni thog ma nas bcings pa ma mchis so/ /ji ltar zhe na/ sems kyi rang bzhin ni 'dod chags dang / zhe sdang dang / gti mug gi kun nas nyon mongs pas bcings par mi 'gyur ro/ /de ltar thog ma nas bcings pa ma mchis na/ ci'i slad du sems shin tu rnam par grol ba zhes gsungs/ bcom ldan 'das/ gal te sems kyi rang bzhin 'dod chags kyi kun nas nyon mongs pas ma bcings pa lags na/ ci'i rgyu ci'i rkyen gyis bcings par 'gyur/ /dper na/ rwa la 'jo ba dang 'dra ste/ thog ma nas 'o ma'i mtshan nyid ma mchis pas las mang du bgyis kyang 'o ma 'byung mi srid do/ /nu ma bzho ba ni de lta ma lags te/ las nyung du bgyis kyang 'o ma mang du 'byung ngo / /de bzhin du sems kyang de dang 'dra ste/ thog ma nas 'dod chags ma mchis na/ da ci ste mchis par gyur/ gal te thog ma nas 'dod chags ma mchis la/ phyis gzod mchis par 'gyur ba zhig lags na/ sangs rgyas dang byang chub sems dpa' rnams 'dod chags kyi mtshan nyid thog ma ma mchis pa'ang da mchis par 'gyur ba'i rigs so/ /bcom ldan 'das/ dper na/ mo gsham ni thog ma nas bu'i mtshan nyid ma mchis pas </font><hr>Kha98a<br><font size=+1>


@#/ /ji ltar las mang du bgyis te/ rgyu rkyen tshad med pa bsags kyang bur 'gyur mi srid do/ /de bzhin du sems kyang de dang 'dra ste/ thog ma nas 'dod chags kyi mtshan nyid ma mchis na/ rkyen mang po rnams dang mjal kyang 'dod chags skye mi srid do/ /bcom ldan 'das/ shing gsher ba ni ji ltar gtsubs kyang me mi phyin pa ltar/ sems kyang de dang mtshungs te/ ji ltar gtsubs kyang 'dod chags mi skyed na/ ji ltar 'dod chags kyi kun nas nyon mongs pas sems 'ching bar nus/ bcom ldan 'das/ dper na/ bye ma ni ji ltar btsir kyang mar mi 'byung ste/ de bzhin du sems kyang de dang 'dra ste/ ji ltar btsir kyang 'dod chags mi skye'o/ /de bas na 'dod chags dang sems ni tha dad pa lags pas nyon mongs pa mchis kyang sems la 'go bar ga la 'gyur/ bcom ldan 'das/ dper na/ nam mkha' la phur pa btsugs na chags pa'i gnas ma mchis so/ /de bzhin du sems la 'dod chags btsugs pa'ang de dang 'dra ste/ rgyu rkyen rnam pa sna tshogs kyis kyang 'dod chags kyis sems 'ching mi nus so/ /bcom ldan 'das/ gal te sems la 'dod chags ma mchis pas rnam par grol ba zhes bgyi na/ ci'i slad du/ sangs rgyas dang byang chub sems dpa' rnams kyis nam mkha'i tsher ma mi dbyung / </font><hr>Kha98b<br><font size=+1>


bcom ldan 'das/ 'das pa'i sems ni rnam par grol ba zhes mi bgyi/ ma 'ongs pa'i sems kyang rnam par ma grol/ de ltar gyi sems ni byang chub dang lhan mi gcig na dus gang gi sems la rnam par grol ba thob pa zhes bgyi/ bcom ldan 'das/ ji ltar 'das pa'i sgron ma mun pa bsal mi nus pa la ma 'ongs pa'i sgron mas kyang mun pa mi sel/ da ltar gyi sgron mas kyang mun pa mi sel to/ /de ci'i slad du zhe na/ snang ba dang / mun pa ni dus gcig pa ma yin pa'i phyir ro/ /de bzhin du sems kyang de dang mtshungs na/ ci'i slad du sems rnam par grol ba zhes gsungs/ /bcom ldan 'das/ 'dod chags ni mchis pa lags so/ /gal te 'dod chags ma mchis na bud med mthong ba'i tshe 'dod chags skye bar mi rigs so/ /ci ste bud med mthong ba'i rkyen gyis skye bar 'gyur na 'dod chags ni yang dag par mchis par rig go/ /de ltar 'dod chags mchis pas na ngan song gsum gyi rgyud du ltung ngo / / bcom ldan 'das/ dper na/ la la zhig ri mor bris pa'i bud med kyi gzugs mthong yang 'dod chags skye ste/ 'dod chags skyes pa'i phyir kha na ma tho ba rnam pa sna tshogs thob bo/ / ci ste thog ma nas 'dod chags ma mchis na/ ci'i slad du ri mo mthong ba tsam gyis 'dod chags skye bar 'gyur/ /gal te sems la 'dod chags ma mchis na/ ci'i slad du de bzhin gshegs </font><hr>Kha99a<br><font size=+1>


@#/ /pas byang chub sems dpa' sems rnam par grol ba thob ces gsungs/ gal te sems la 'dod chags mchis na/ ci ste mtshan ma mthong nas gdod skye la/ mtshan ma ma mthong na mi skye/ bdag gis da ltar sdig pa'i 'bras bu rnam par smin pa mchis par mthong bas na 'dod chags mchis par 'tshal te/ zhe sdang dang / gti mug mchis pa'ang de dang 'dra'o/ /bcom ldan 'das/ dper na/ sems can dag lus mchis kyang bdag ma mchis te/ bus pa ma rabs rnams kyis ni bdag tu 'du shes so/ / de ltar bdag tu 'dzin pa'i 'du shes mchis kyang ngan song gsum du mi ltung na/ ci'i slad du 'dod chags can bud med kyi mtshan ma mchis par bud med du 'du shes bskyed nas ngan song gsum du ltung bar 'gyur/ bcom ldan 'das/ dper na/ me ni gtsubs pas byung ste/ de ltar me'i rang bzhin de rgyu kun gyi nang na ma mchis na/ ci'i rgyu ci'i rkyen gyis byung bar gyur/ bcom ldan 'das/ 'dod chags kyang de dang 'dra ste/ gzugs kyi nang na 'dod chags ma mchis/ dri dang / ro dang / reg bya dang / chos kyi nang na'ang 'dod chags ma mchis na/ ci'i slad du gzugs dang / dri dang / ro dang / reg bya dang / chos las 'dod chags skyes par gyur/ gal te rgyu mang po'i nang na 'dod chags ma mchis na/ ci ste </font><hr>Kha99b<br><font size=+1>


sems can 'ba' zhig 'dod chags skye la/ sangs rgyas dang / byang chub sems dpa' rnams mi skye/ bcom ldan 'das/ sems kyang ma nges pa'o/ /gal te sems nges pa zhig lags na 'dod chags dang / zhe sdang dang / gti mug ma mchis so/ /gal te ma nges pa zhig ce na/ sems rnam par grol ba thob ces gsungs/ 'dod chags kyang ma nges pa ste/ gal te ma nges pa lags na/ ci ste de'i rkyen gyis ngan song gsum du skye bar 'gyur/ de lta bas na 'dod chags dang yul gnyis ka ma nges so/ /ci'i slad du zhe na/ gzugs rnam pa gcig la dmigs pa las/ ched 'ga' ni 'dod chags skye/ ched 'ga' ni zhe sdang skye/ ched 'ga' ni gti mug skye ste/ de bas na 'dod chags dang yul gnyis ka ma nges pa'o/ /gal te gnyis ka ma nges na/ ci'i slad du de bzhin gshegs pas byang chub sems dpa' mya ngan las 'das pa chen po la nan tan byas na sems rnam par grol bar 'gyur zhes gsungs/ de nas bcom ldan 'das kyis byang chub sems dpa' sems dpa' chen po kun tu snang ba mtho btsun dpal gyi rgyal po la bka' stsal pa/ legs so/ legs so/ /rigs kyi bu/ sems ni 'dod chags kyi kun nas nyon mongs pas bcings pa ma yin/ ma bcings pa'ang ma yin/ /rnam par grol ba'ang ma yin/ rnam par ma grol ba'ang ma yin/ yod pa ma yin/ med pa ma yin/ da ltar </font><hr>Kha100a<br><font size=+1>


@#/ /ma yin/ 'das pa ma yin/ ma 'ongs pa ma yin no/ /de ci'i phyir zhe na/ rigs kyi bu/ chos thams cad rang bzhin med pa'i phyir ro/ /rigs kyi bu/ mu stegs can kha cig 'di skad ces smra ste/ rgyu dang rkyen 'dus pa las 'bras bu skye'o zhes smra'o/ /gal te rkyen rnams la thog ma nas skye ba'i rang bzhin med par skye bar 'gyur ba zhig yin na/ nam mkha' yang ma skyes pas 'bras bu skye ba'i rigs so/ /nam mkha' mi skye ba ni rgyu ma yin pa'i phyir te/ rkyen rnams la thog ma nas 'bras bu'i rang bzhin yod pas de'i phyir 'dus pa las 'bras bu skye bar gyur to/ /de'ang ji ltar zhe na/ dper na/ 'di lta ste/ lha sbyin ni rtsig pa brtsig na 'jim pa dang sa sbyor gyi/ tshon rtsi mi sbyor ro/ / ri mo 'brin tshon rtsi sbyor gyi/ rtswa dang shing mi sbyor ro/ /gos drub na skud pa sbyor gyi/ 'jim pa dang shing mi sbyor ro/ /khang pa byed na 'jim pa dang shing sbyor gyi/ skud pa mi sbyor ro/ / de ltar sbyor bas na de dag gi nang na so so nas 'bras bu skye bar rig go/ /'bras bu skyes pas rgyu'i nang na gdon mi za bar rang bzhin yod do/ /gal te rang bzhin med na dngos po gcig las dngos po thams cad skye zhing 'byung ba'i rigs so/ /de ltar sbyar du yod la byar rung / /dbyung du rung bas na de dag gi nang na gdon mi za bar thog ma nas 'bras bu </font><hr>Kha100b<br><font size=+1>


yod do/ /gal te 'bras bu med na su'ang mi sbyor mi 'byed de mi 'byung ngo / /nam mkha' ni mi sbyor mi byed pas na dngos po thams cad skye zhing 'byung bar nus so/ /de ltar rgyu yod pa'i phyir shing n+ya gro d+ha'i sa bon ni shing n+ya gro d+ha la gnas/ 'o ma'i nang na mar gyi nying khu yod pa dang / skud pa las ras su gyur pa dang / 'ji ba'i nang na rdza ma yod pa bzhin/ /rigs kyi bu/ bus pa ma rabs thams cad ni ma rig pas ldongs pas 'di ltar nges par 'chad do/ /tshon ni chags pa'i don te/ sems ni 'dod pa'i rang bzhin can no zhes smra'o/ /yang 'di skad du/ bus pa ma rabs kyi sems la 'dod chags kyi rang bzhin yang yod la rnam par grol ba'i rang bzhin yang yod de/ 'dod chags pa'i rkyen dang phrad pa na 'dod chags pa'i sems skye'o/ /rnam par grol ba'i rkyen dang phrad na rnam par grol ba'i sems skye zhes smra ste/ de ltar smra mod kyi don ma yin no/ /gzhan yang bus pa ma rabs kha cig 'di skad ces smra ste/ rgyu thams cad kyi nang na 'bras bu med do/ /rgyu la rnam pa gnyis te/ phra ba dang / sbom po'o/ /phra ba ni rtag pa'o/ /sbom po ni mi rtag pa'o/ /phra ba'i rgyu las sbom po'i rgyur 'gyur te/ sbom po'i rgyu de las 'bras bur 'gyur ro/ /sbom po mi rtag pa'i phyir 'bras bu'ang mi rtag ces 'chad do/ /rigs kyi bu/ gzhan yang bus pa ma rabs kha cig 'di skad du sems </font><hr>Kha101a<br><font size=+1>


@#/ /kyang rgyu med la/ 'dod chags la'ang rgyu med de/ dus kyis 'dod chags kyi sems skye'o zhes smra ste/ de dag la sogs pa ni sems kyi rgyu dang rkyen mi shes pas rgyud drug tu 'khor te/ skye shi yongs su rdzogs par len to/ /rigs kyi bu/ dper na/ khyi zhig ltong btags te ka ba la btags na rtag tu ka ba la 'khor te spong mi nus so/ / de bzhin du bus pa ma rabs so so'i skye bo thams cad kyang de dang 'dra ste/ ma rig pa'i ltong gis 'khor ba'i ka pa la bcings pas srid pa nyi shu rtsa lngar 'khor te spong mi nus so// rigs kyi bu/ dper na/ la la zhig mi gtsang ba'i dong du lhung ba las byung nas phyir yang nang du zhugs pa dang / ji ltar nad pa nad sos nas phyir nad kyi rgyur 'gyur ba byed pa dang ji ltar la la zhig 'brog dgon par song ba 'khor ba las phyir song ba dang / ji ltar dag par bkrus nas phyir 'jim pa dang sas bskus pa ltar/ bus pa ma rabs thams cad kyang de dang 'dra ste/ ci'ang med pa'i skye mched las rnam par grol te/ 'du shes med 'du shes med min gyi skye mched 'ba' zhig las ma grol ba las phyir yang ngan song gsum du 'ong ngo / /de ci'i phyir zhe na/ bus pa ma rabs thams cad ni 'bras bu 'ba' zhig rtog ste/ rten cing 'brel ba mi rtog go /ji ltar khyi rdo la snyegs kyi/ mi la mi snyegs pa </font><hr>Kha101b<br><font size=+1>


ltar bus pa ma rabs so so'i skye bo thams cad kyang de dang 'dra ste/ 'bras bu 'ba' zhig rtog gi /rgyu dang rkyen la mi rtog go /de ltar mi rtog pa'i phyir 'du shes med pa nas log ste/ phyir yang ngan song gsum du ltung ngo / /rigs kyi bu/ sangs rgyas dang / byang chub sems dpa' rnams ni nges par rgyu'i nang na 'bras bu yod ce'am/ rgyu'i nang na 'bras bu med ce'am/ 'bras bu yod kyang yod la med kyang med ce'am/ 'bras bu yod pa'ang ma yin med pa'ang ma yin zhes gcig tu chad par mi ston to/ /gang 'di skad du rgyu'i nang na thog ma nas nges par 'bras bu yod ce'am/ nges par 'bras bu med ce'am/ nges par 'bras bu yod kyang yod la med kyang med ce'am/ nges par yod pa'ang ma yin med pa'ang ma yin pa'o zhes smra na de ni bdud kyi grogs su gyur pa/ bdud kyi ris su gtogs pa/ sred pa can yin par rig par bya ste/ de ltar sred pa can de ni 'khor bas bcings pa gcod mi nus te/ sems kyi mtshan nyid dang / 'dod chags kyi mtshan nyid mi shes so/ /rigs kyi bu/ sangs rgyas dang / byang chub sems dpa' rnams ni dbu ma'i lam ston to/ /de ci'i phyir zhe na/ chos thams cad yod pa'ang ma yin/ med pa'ang ma yin par ston kyang gcig tu nges pa ma yin no/ /de ji lta zhe na/ mig dang \?\/ gzugs dang / snang ba dang / sems dang / yid kyi rkyen gyis rnam </font><hr>Kha102a<br><font size=+1>


@#/ /par shes pa skye bar 'gyur te/ rnam par shes pa de'ang nges par mig la mi gnas/ gzugs dang / snang ba dang / sems dang / yid kyi nang na mi gnas/ bar na mi gnas/ yod pa ma yin/ med pa ma yin te/ rten cing 'brel te 'byung ba las skyes pa'i phyir yod pa zhes bya'o/ /rang bzhin med pa'i phyir med pa zhes bya ste/ de'i phyir de bzhin gshegs pas chos thams cad yod pa'ang ma yin/ med pa'ang ma yin zhes 'chad do/ /rigs kyi bu/ sangs rgyas dang / byang chub sems dpa' rnams ni nges par sems la rnam par dag pa'i rang bzhin yod ce'am/ rnam par dag pa'i rang bzhin med ces mi 'chad do/ /rnam par dag pa dang / rnam par ma dag pa'i sems mi gnas pa'i phyir ro/ /rkyen las 'dod chags skye bas na med pa ma yin no/ /thog ma nas 'dod chags kyi rang bzhin med pa'i phyir yod pa ma yin zhes bshad do/ /rigs kyi bu/ rten cing 'brel te 'byung ba'i phyir 'dod chags kyi sems skye'o/ /rten cing 'brel te 'byung ba'i phyir sems rnam par grol lo/ /rigs kyi bu/ rten cing 'brel bar 'byung ba la rnam pa gnyis te/ 'khor ba'i rjes su 'gro ba dang / mya ngan las 'das pa'i rjes su 'gro ba'o/ /rigs kyi bu/ rten cing 'brel te 'byung ba'i phyir sems 'dod chags dang lhan </font><hr>Kha102b<br><font size=+1>


cig tu skye la/ 'dod chags dang lhan cig tu 'gog pa'ang yod/ 'dod chags dang lhan cig tu skye la/ 'dod chags dang lhan cig tu mi 'gog pa'ang yod/ 'dod chags dang lhan cig tu mi skye la/ 'dod chags dang lhan cig tu 'gog pa'ang yod/ 'dod chags dang lhan cig tu mi skye zhing / 'dod chags dang lhan cig tu mi 'gog pa'ang yod do/ /de la ji ltar na sems 'dod chags dang lhan cig tu skye la/ 'dod chags dang lhan cig tu 'gog pa zhe na/ rigs kyi bu/ gal te bus pa ma rabs gang 'dod chags kyi sems ma bcad par 'dod chags kyi sems la nan tan byed pa de ni sems 'dod chags dang lhan cig tu skye zhing / 'dod chags dang lhan cig tu 'gog pa zhes bya ste/ sems can thams cad ni 'dod chags kyi sems ma bcad pas sems 'dod chags dang lhan cig tu skye la/ sems 'dod chags dang lhan cig 'gog go/ dper na/ 'dod pa'i khams kyi sems can thams cad la bsam gtan dang po'i skal ba yod de/ bsgoms kyang rung ma bsgoms kyang rung rtag tu ldan te/ rkyen dang nam phrad pa na thob par 'gyur ro/ /rkyen zhes bya ba ni/ 'di lta ste/ me'i bskal pa'o// de bzhin du bus pa ma rabs thams cad kyang de dang 'dra ste/ bsgoms kyang rung ma bsgoms kyang rung / sems 'dod chags dang lhan cig skye la/ 'dod chags dang lhan cig 'gog </font><hr>Kha103a<br><font size=+1>


@#/ /go /de ci'i phyir zhe na/ 'dod chags ma bcad pa'i phyir ro/ /de la ji ltar na sems 'dod chags dang lhan cig tu skye la/ 'dod chags dang lhan cig mi 'gog pa zhe na/ nye gnas nyan thos rnams ni rgyu dang rkyen gyis 'dod chags kyi sems skye'o/ /'dod chags kyi sems la 'jigs pa'i phyir keng rus bsgoms te/ de ni sems 'dod chags dang lhan cig skye la/ 'dod chags dang lhan cig mi 'gog pa zhes bya'o/ /gzhan yang sems 'dod chags dang lhan cig skye la/ 'dod chags dang lhan cig mi 'gog pa yod do/ /dper na/ nyan thos 'bras bu bzhi ma thob pa dag rgyu dang rkyen gyis 'dod chags kyi sems skye'o/ /'bras bu bzhi thob pa na 'dod chags kyi sems 'gog par 'gyur te/ de ni sems 'dod chags dang lhan cig skye la/ 'dod chags dang lhan cig mi 'gog pa zhes bya'o/ /byang chub sems dpa' sems dpa' chen po mi g.yo ba'i sa thob pa na sems 'dod chags dang lhan cig skye la/ 'dod chags dang lhan cig mi 'gog go/ /de la ji ltar na 'dod chags dang lhan cig mi skye la/ 'dod chags dang lhan cig 'gog pa zhe na/ gal te byang chub sems dpa' sems dpa' chen pos 'dod chags kyi sems bcad kyang sems can gyi phyir 'dod chags yod par ston to/ /de ltar bstan pa'i phyir sems can </font><hr>Kha103b<br><font size=+1>


tshad med mtha' yas pa snyed dge ba'i chos la rtsol te yongs su rdzogs par 'gyur ro/ /de ni 'dod chags dang lhan cig mi skye ste/ 'dod chags dang lhan cig 'gog pa zhes bya'o/ /de la ji ltar na 'dod chags dang lhan cig mi skye la/ 'dod chags dang lhan cig mi 'gog pa zhe na/ de ltar dgra bcom pa dang / rang sangs rgyas dang / de bzhin gshegs pa dang / mi g.yo ba'i sa thob pa ma gtogs par byang chub sems dpa' gzhan rnams ni 'dod chags dang lhan cig mi skye la/ 'dod chags dang lhan cig mi 'gog go/ /de bas na sangs rgyas dang / byang chub sems dpa' rnams kyis sems kyi rang bzhin yong gis dag ce'am/ yong gis ma dag ces nges par ni mi 'chad do/ /rigs kyi bu/ sems ni 'dod chags kyi kun nas nyon mongs pa dang 'brel ba ma yin/ zhe sdang dang / gti mug dang 'brel ba ma yin no/ /rigs kyi bu/ dper na/ nyi zla la khug rlangs dang / rdul dang / sprin dang / na bun dang / sgra gcan la sogs pas bsgribs te/ de'i rkyen gyis sems can rnams kyis mi mthong bar 'gyur te/ de ltar mi mthong mod kyi nyi zla'i rang bzhin de sgrib pa lnga dang 'brel ba ma yin no/ /sems kyang de dang 'dra ste/ rgyu dang rkyen kha cig gi phyir 'dod chags kyi kun nas nyon mongs pa skye bas sems can gyi sems 'dod chags dang 'brel to zhes 'chad kyang sems kyi rang bzhin ni yang dag par </font><hr>Kha104a<br><font size=+1>


@#/ /'brel ba ma yin no/ /gang 'dod chags kyi sems de ni 'dod chags kyi rang bzhin no/ /gang 'dod mi chags pa ni 'dod mi chags pa'i rang bzhin te/ 'dod mi chags pa'i sems kyang 'dod chags par mi 'gyur la/ 'dod chags kyi kun nas nyon mongs pa'i sems kyang 'dod mi chags par mi 'gyur ro/ /rigs kyi bu/ de lta bas na 'dod chags kyi kun nas nyon mongs pas sems la 'go bar mi nus so/ /sangs rgyas dang byang chub sems dpa' rnams ni 'dod chags kyi kun nas nyon mongs pa yongs su bcom pas de'i phyir sems rnam par grol ba thob bo zhes 'chad do/ /sems can ma rabs thams cad ni rgyu dang rkyen gyis 'dod chags kyi kun nas nyon mongs pa skye la/ rgyu dang rkyen gyis sems rnam par grol bar 'gyur ro/ /rigs kyi bu/ dper na/ ri kha ba can rab tu gzar ba'i gnas na mi dang spre'u gnyis ka 'gro mi nus so/ /gnas la lar ni spre'u 'gro nus kyang mi 'gro mi nus so/ /gnas la lar ni spre'u dang mi gnyis ka 'gro nus so/ /rigs kyi bu/ mi dang spre'u gnyis ka thar ba'i gnas na rngon pa dag shing leb la rnyong gis bskus nas spre'u 'dzin to/ /spre'u the tshom za bas lag pa brkyang ste myangs so/ /lag pas reg nas 'byar bar 'gyur te/ lag pa shor bar 'dod pa'i phyir rkang pas brdzis pa dang rkang pa'ang 'byar bar gyur </font><hr>Kha104b<br><font size=+1>


to| |rkang pa shor bar 'dod pa'i phyir sos bzung ba dang kha'ang 'byar bar gyur te/ de ltar yan lag lnga kun shor bar gyur to/ /de nas rngon pas 'khar ba'i thog tu bzhag nas khur du khyer te khyim du 'ong ngo / /de bzhin du ri kha ba can gyi gzar ba'i gnas ni sangs rgyas dang byang chub sems dpa' rnams kyis yang dag pa'i lam thob pa lta bu'i dpa'o/ /spre'u ni bus pa ma rabs so so'i skye bo rnams kyi dpe'o/ /rngon pa ni bdud sdig to can gyi dpe'o/ /rnyod ni 'dod chags kyis kun nas nyon mongs pa'i dpe'o/ /mi dang spre'u gnyis ka mi thar ba ni bus pa ma rabs rnams dang / bdud sdig to can gnyis kas mi thar ba'i dpe'o/ /spre'u thar la mis mi thar ba ni mu stegs can shes rab dang ldan pa rnams la bdud sdig to can la sogs pa'i 'dod pa lngas kyang bcing mi nus pa'i dpe'o/ /mi dang spre'u gnyis ka thar ba ni bus pa ma rabs dang / bdud sdig to can rtag tu 'khor ba la gnas te/ nan tan du spyod mi nus pa'i dpe'o/ /bus pa ma rabs ni 'dod pa lngas bcings pas bdud sdig to can gyis bde blag tu khyer ba ni rngon pa des spre'u zin nas khur du khyer te khyim du 'ongs pa'i dpe'o/ /rigs kyi bu/ dper na/ rgyal po bdag gi khams kyi yul na gnas na lus dang sems gnyis ka bde'o/ /gal te gzhan gyi yul du song na sdug bsngal mang po skye bar 'gyur ro/ /de bzhin du sems can </font><hr>Kha105a<br><font size=+1>


@#/ /thams cad kyang de dang 'dra ste/ bdag gi spyod yul la gnas na rab tu bde'o/ /gal te gzhan gyi yul la gnas na bdud sdig to can dang phrad de sdug bsngal mang po myong bar 'gyur ro/ /bdag gi spyod yul ces bya ba ni dran pa nye bar bzhag pa bzhi'o/ /gzhan gyi yul zhes bya ba ni 'dod pa lnga yin no/ /de la ji ltar na bdud kyi ris su gtogs pa zhe na/ sems can kha cig mi rtag pa la rtag par lta/ rtag pa la mi rtag par lta/ sdug bsngal ba la ni bde bar lta/ bde ba la ni sdug bsngal bar lta/ yongs su dag pa la yongs su ma dag par lta/ yongs su ma dag pa la yongs su dag par lta/ bdag med pa la bdag tu lta/ bdag la bdag med par lta/ yang dag par rnam par grol ba ma yin pa la rnam par grol bar lta/ yang dag par rnam par grol ba la ni rnam par grol ba ma yin par lta/ theg pa ma yin pa la theg par lta/ theg pa la ni theg pa ma yin par lta ste| de dag ni bdud kyis bcings pa zhes bya'o/ /bdud kyis bcings pa ni sems ma byang ba'o/ /gzhan yang / rigs kyi bu/ gang chos thams cad la yang dag par yod par lta zhing so so'i mtshan nyid nges par lta na/ des gzugs mthong ba'i tshe gzugs kyi mtshan nyid du 'dzin pa nas/ rnam par shes pa mthong ba'i bar du rnam par shes pa'i mtshan nyid </font><hr>Kha105b<br><font size=+1>


du 'dzin te/ skyes pa la skyes pa'i mtshan nyid du lta/ bud med la bud med kyi mtshan nyid du lta/ nyi ma la nyi ma'i mtshan nyid du lta/ zla ba la zla ba'i mtshan nyid du lta/ lo la lo'i mtshan nyid du lta/ phung po la phung po'i mtshan nyid du lta/ skye mched la skye mched kyi mtshan nyid du lta/ khams la khams kyi mtshan nyid du lta ste/ de lta bur lta ba ni bdud kyis bcings pa zhes bya ste/ bdud kyis bcings pa ni sems ma byang ba'o/ /gzhan yang / rigs kyi bu/ gang bdag la gzugs su lta zhing / gzugs kyi nang na bdag yod la bdag gi nang na'ang gzugs yod de/ gzugs ni bdag la gtogs so zhes bya ba nas/ bdag la rnam par shes par lta zhing / rnam par shes pa'i nang na bdag yod la/ bdag gi nang na'ang rnam par shes pa yod de/ rnam par shes pa ni bdag la gtogs pa'i bar du lta na/ de ltar lta ba de ni bdud kyis bcings pa bdud kyi ris su gtogs pa ste/ nga'i nye gnas ma yin no/ /rigs kyi bu/ nga'i nyan thos kyi nye gnas dag de ltar mdo sde sde bcu gnyis spangs te/ mu stegs can gyi yi ge dang / gtsug lag rnam pa mang po slob par byed de/ rab tu 'byung ba'i zhi ba'i lam mi sgom par 'jig rten pa khyim pa'i bya ba 'ba' zhig sgrub bo/ /ji ltar na khyim pa'i bya ba sgrub pa zhe na/ ma brtags pa'i rdzas thams cad 'chang ba'o/ /'di lta ste/ bran po dang / </font><hr>Kha106a<br><font size=+1>


@#/ /bran mo dang / zhing dang / khang pa dang / bal glang dang / rta dang / shing rta dang / rnga mo dang / bong bu dang / bya dang / khyi dang / spre'u dang / phag dang / lug dang / nas 'bras sna tshogs 'chang ste/ mkhan po dang / dge 'dun spong zhing khyim pa'i skye bo la brten te/ 'phags pa'i chos dang 'gal bar byed cing khyim pa'i skye bo dag la 'di skad ces smra'o/ /sangs rgyas kyis dge slong dag ma brtags pa'i rdzas rnam pa sna tshogs 'chang du gnang ngo / /zhes smra ba de ni khyim pa'i bya ba sha stag byed pa'o/ /gzhan yang nye gnas kha cig ni mya ngan las 'das pa'i phyir ni ma yin gyi/ rnyed pa dang grags pa'i phyir mdo sde sde bcu gnyis mnyan kyang dge 'dun gyi spyi'i nor dang / dge 'dun gyi phreng ba dang / rdzas spyod cing za ba la bdag gi dang 'dra bar 'dzin te/ gzhan gyis rnyed pa dang grags pa la phrag dog dang / ser sna byed la/ rgyal po dang / rgyal bu rnams la brten zhing mo 'debs pa dang| ltas bzang ngan lta ba dang / mig mang dang / ug shud dang / cho lo dang / khras dang / rtsed mo rnam pa sna tshogs byed de/ dge slong ma dang / yug sa mo la brten pa dang / dge tshul gnyis 'chang ba dang / rtag tu shan pa dang / rngon pa dang / chang 'tshong ma'i khyim dang / rigs ngan gdol pa'i gnas rgyu zhing 'gro ba dang / tshong sprul sna tshogs byed pa </font><hr>Kha106b<br><font size=+1>


dang| bdag gis lag dar te kha zas byed pa dang / gzhan gyi yul du pho nyar 'gro zhing tha na phrin skyel ba'i las byed pa de lta bu dag ni bdud kyi 'khor yin par rig par bya ste/ nga'i nye gnas ma yin no/ /de'i rgyu de'i rkyen gyis sems 'dod chags dang lhan cig skye la/ 'dod chags dang lhan cig 'gog pa nas/ sems gti mug gi bar du lhan cig skye zhing lhan cig 'gog go/ rigs kyi bu/ de'i rgyu de'i rkyen gyis sems kyi rang bzhin ni dag pa'ang ma yin la/ ma dag pa'ang ma yin te/ de bas na ngas sems rnam par grol ba thob bo zhes bshad do/ /gang ma brtags pa'i rdzas thams cad la mi len mi 'chang la/ mya ngan las 'das pa chen po'i phyir mdo sde sde bcu gnyis 'dzin cing 'chang ba dang / klog pa dang / 'don pa dang / yi ger bris te dgrol zhing bshad pa de dag ni nga'i nye gnas yang dag pa yin pas bdud sdig to can gyi spyod yul du mi 'gro ba ste/ de ni byang chub kyi phyogs kyi chos sum cu rtsa bdun sgom pa yin par rig par bya'o/ /de ltar sgom pa de ni 'dod chags dang lhan cig mi skye/ 'dod chags dang lhan cig mi 'gog ste/ de ni byang chub sems dpa' yongs su mya ngan las 'das pa chen pa'i mdo sde dam pa la nan tan byed pa'i yon tan brgyad dang ldan pa zhes bya'o/ /gzhan yang / rigs kyi bu/ de la ji ltar na byang chub sems dpa' sems dpa' chen po yongs su mya </font><hr>Kha107a<br><font size=+1>


@#/ /ngan las 'das pa chen po'i mdo sde dam pa la nan tan byed pas yon tan dgu dang ldan pa zhe na/ rigs kyi bu/ byang chub sems dpa' sems dpa' chen po yongs su mya ngan las 'das pa chen po'i mdo sde dam pa la nan tan byed pas thog ma dngos po lnga bskyed na thams cad 'grub par 'gyur ro/ /lnga gang zhe na/ 'di lta ste/ dad pa dang / sems dben pa dang / tshul khrims dang / dge ba'i bshes gnyen la bsten pa dang / mang du thos pa'o/ /de la ji ltar na dad pa zhe na/ byang chub sems dpa' sems dpa' chen po dkon mchog gsum dang / sbyin pa'i 'bras bu yod par yid ches pa dang / dben pa gnyis la yid ches pa dang / theg pa gcig gi lam las lam gzhan med de/ sems can rnams myur du rnam par grol ba thob par bya ba'i phyir sangs rgyas dang / byang chub sems dpa' rnams kyis rnam pa gsum du phye bar yid ches pa dang / don dam pa'i bden pa la yid ches pa dang / thabs mkhas pa la yid ches pa ni dad pa zhes bya ste/ de ltar dad pa la ni dge sbyong dang / bram ze'am/ lha'am/ bdud dam/ tshangs pa'am/ sems can thams cad kyis gzhig mi nus so/ /dad pa de'i rkyen gyis 'phags pa'i rang bzhin thob ste/ sbyin pa byas pa mang yang rung nyung yang rung / thams cad yongs su mya ngan las </font><hr>Kha107b<br><font size=+1>


'das pa chen po la nye bar 'gyur te 'khor bar mi ltung ngo / /de bzhin du tshul khrims dang / mang du thos pa dang / shes rab kyang de dang 'dra ste/ de ni dad pa zhes bya'o/ /dad pa de lta bu yod kyang de ltar mi lta ba ni byang chub sems dpa' yongs su mya ngan las 'das pa chen po sgom pa'i dngos po dang ldan pa zhes bya'o/ /de la ji ltar na sems dben pa zhe na/ byang chub sems dpa' sems dpa' chen po sems can thams cad la drang po'i sems 'jog go /sems can thams cad ni gal te rgyu rkyen phrad na g.yo dang rgyu skye ste/ byang chub sems dpa' ni de lta bu ma yin no/ /de ci'i phyir zhe na/ chos thams cad rten cing 'brel te 'byung bar shin tu mkhas pa'i phyir ro/ /byang chub sems dpa' sems dpa' chen pos sems can gyi nyes pa'i skyon thams cad mthong yang mi brjod do/ /de ci'i phyir zhe na/ nyon mongs pa skye bar dogs pa'i phyir te/ gal te nyon mongs pa skyes na ngan song du ltung bar 'gyur ro/ /byang chub sems dpas gal te sems can gyis legs pa cung zad mthong na'ang bsngags shing bstod do/ /legs pa gang zhe na/ 'di lta ste/ sangs rgyas kyi rang bzhin no/ /sangs rgyas kyi rang bzhin la bsngags bas sems can thams cad bla na med pa yang dag par rdzogs pa'i byang chub tu sems skye bar 'gyur ba'i phyir ro/ /de nas byang chub sems dpa' sems dpa' chen po kun tu snang ba mtho </font><hr>Kha108a<br><font size=+1>


@#/ /btsun dpal gyi rgyal pos bcom ldan 'das la 'di skad ces gsol to/ /bcom ldan 'das/ ji ltar bcom ldan 'das kyis gsungs pa ltar byang chub sems dpa' sems dpa' chen pos sangs rgyas kyi rang bzhin bsngags pas sems can tshad ma mchis pa snyed bla na med pa yang dag par rdzogs pa'i byang chub tu sems skye'o zhes bgyi ba'i don de lta ma lags so/ /de ci'i slad du zhe na/ de bzhin gshegs pas thog ma yongs su mya ngan las 'das pa'i mdo sde phye ba na rnam pa gsum zhig gsungs te/ gang zhe na/ gal te nad pa gang sman pa mkhas pa dang / sman bzang po dang phrad cing nad g.yog yod pas nad myur du 'tshol/ gal te de dag med na nam yang mi 'tsho ba dang / de dag phrad kyang rung ma phrad kyang rung ste/ yong mi 'tsho ba dang / de dag dang phrad kyang rung ma phrad kyang rung / yong gis 'tsho bar 'gyur ba dang / rnam pa gsum gsungs so/ /de bzhin du sems can thams cad kyang gal te dge ba'i bshes gnyen dang phrad de/ sangs rgyas dang byang chub sems dpa' las dam pa'i chos thos na bla na med pa yang dag par rdzogs pa'i byang chub tu sems skye'o/ /gal te ma phrad na mi skye ba ni 'di lta ste/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa dang / </font><hr>Kha108b<br><font size=+1>


rang sangs rgyas rnams so/ /dge ba'i bshes gnyen dang phrad de/ sangs rgyas dang / byang chub sems dpa' las dam pa'i chos thos kyang sems bskyed mi nus la/ gal te ma phrad kyang sems bskyed mi nus pa ni 'di lta ste/ log sred can no/ /phrad kyang rung / ma phrad kyang rung thams cad bla na med pa yang dag par rdzogs pa'i byang chub tu sems skye ba ni 'di lta ste/ byang chub sems dpa'o zhes gsungs te/ de ltar phrad kyang rung / ma phrad kyang rung thams cad bla na med pa yang dag par rdzogs pa'i byang chub tu sems skye ba zhig lags na/ de ci'i slad du| de bzhin gshegs pas sangs rgyas kyi rang bzhin bsngags pa'i rkyen gyis sems can rnams bla na med pa yang dag par rdzogs pa'i byang chub tu sems skye'o zhes gsungs/ bcom ldan 'das/ dge ba'i bshes gnyen dang phrad kyang rung ma phrad kyang rung / sangs rgyas dang / byang chub sems dpa' las chos thos kyang rung / ma thos kyang rung / bla na med pa yang dag par rdzogs pa'i byang chub tu sems skye bar mi 'gyur ro zhes gsungs pa'i don de'ang de lta ma lags par 'tshal to/ /de ci'i slad du zhe na/ de dag kyang bla na med pa yang dag par rdzogs pa'i byang chub tu 'gyur ba'i slad du'o/ /log sred can yang sangs rgyas kyi rang bzhin gyi phyir thos kyang rung / ma thos kyang rung / thams cad bla na med pa yang dag par rdzogs </font><hr>Kha109a<br><font size=+1>


@#/ /pa'i byang chub tu 'gyur ro/ /bcom ldan 'das/ ji ltar bcom ldan 'das kyis gsungs pa ltar log sred can zhes bgyi ba ni dge ba'i rtsa ba bcad pa'o zhes bgyi ba de'ang de lta ma lags so/ /de ci'i slad du zhe na/ sangs rgyas kyi rang bzhin ma bcad pa'i slad du'o/ /de ltar sangs rgyas kyi rang bzhin ni gcad du mi rung ba'i chos can lags na/ ci'i slad du bcom ldan 'das kyis dge ba'i rtsa ba bcad pa'o zhes gsungs/ ji ltar sngon bcom ldan 'das kyis mdo sde sde bcu gnyis gsungs pa las dge ba zhes bgyi ba la rnam pa gnyis te/ rtag pa dang / mi rtag pa'o/ /rtag pa ni gcad du ma mchis/ mi rtag pa ni gcad du mchis so/ /mi rtag pa gcad du mchis pas sems can dmyal bar ltung na/ rtag pa gcad du ma mchis pa'ang ci'i slad du ma bzlog /sangs rgyas kyi rang bzhin gcad du ma mchis bas log sred can ma lags na/ de bzhin gshegs pas ci'i slad du log sred can zhes gsungs/ bcom ldan 'das/ gal te sangs rgyas kyi rang bzhin gyi rkyen gyis bla na med pa yang dag par rdzogs pa'i byang chub kyi sems skye na/ ci'i slad du de bzhin gshegs pas sems can rnams la mdo sde sde bcu gnyis rgyas par bstan/ bcom ldan 'das/ dper na/ klung chen po bzhi char mtsho ma dros pa nas byung bas gal te mi'am/ lha'am/ </font><hr>Kha109b<br><font size=+1>


sangs rgyas bcom ldan 'das kyis klung chen po rgya mtshor mi 'bab kyi/ slar thog ma byung ba'i gnas su 'bab ces bgyi ba de lta bu'i gnas ma mchis so/ /byang chub kyi sems kyang de dang 'dra ste/ sangs rgyas kyi rang bzhin mchis pas thos kyang rung / ma thos kyang rung / tshul khrims 'dzin kyang rung / mi 'dzin kyang rung / sbyin pa bgyis kyang rung / ma bgyis kyang rung / spyod kyang rung| mi spyod kyang rung / ye shes kyang rung / ye shes ma lags pa'ang rung ste/ thams cad bla na med pa yang dag par rdzogs pa'i byang chub thob par 'gyur ro/ /bcom ldan 'das/ dper na| ri ud ta ya na zhes gyi ba las nyi ma shar te nyi ma dgung du phyin nas/ nyi ma de 'di snyam du nub phyogs su mi 'gro'i/ slar shar phyogs su 'gro snyam du bsam pa'i gnas mchis so| |sangs rgyas kyi rang bzhin yang de dang 'dra ste/ thos pa ma mchis/ tshul khrims mi 'dzin/ sbyin pa mi bgyid/ spyad pa me spyod/ ye shes ma mchis kyang bla na med pa yang dag par rdzogs pa'i byang chub mi thob pa'i gnas ma mchis so/ /bcom ldan 'das/ ji ltar sangs rgyas bcom ldan 'das kyis rgyu dang 'bras bu'i rang bzhin la yod pa'ang ma lags/ med pa'ang ma lags so zhes gsungs pa'i don de'ang de lta ma lags so/ /de ci'i slad du zhe na/ ji ltar 'o ma'i nang na zho'i rang bzhin ma mchis na/ zho'ang ma mchis so/ /n+ya gro d+ha'i sa bon la 'dom </font><hr>Kha110a<br><font size=+1>


@#/ /lngar skye ba'i rang bzhin ma mchis na shing 'dom lnga par skye bar mi 'gyur ro/ /de bzhin du sangs rgyas kyi rang bzhin gyi nang na bla na med pa yang dag par rdzogs pa'i byang chub kyi shing ma mchis na/ ji ltar bla na med pa yang dag par rdzogs pa'i byang chub kyi shing skye bar 'gyur/ de lta bas na rgyu dang 'bras bu yod pa'ang ma lags/ me pa'ang ma lags zhes gsungs pa de ji ltar don dang ldan par 'gyur/ de nas bcom ldan 'das kyi lags so/ /legs so zhes bstod do/ /rigs kyi bu/ 'jig rten na skye bu rnam pa gnyis yod de/ ji ltar u dum+ba ra'i me tog ltar shin tu dkon no/ /de gang zhe na/ mi dge ba'i chos mi byed pa dang / kha na ma tho ba'i sdig byas pa 'gyod pa ste/ de ltar bu ni shin tu dkon no/ /yang skyes bu rnam pa gnyis yod de/ drin med pa dang / drin dran pa'o/ /yang skyes bu rnam pa gnyis yod de/ chos ma thos pa nyan pa dang / thos pa mi brjed par byed pa'o/ /yang skyes bu rnam pa gnyis yod de/ gsar byed pa dang / rnying 'chos pa'o/ /yang skyes bu rnam pa gnyis yod de/ chos thos par dga' ba dang / chos ston par dga' ba'o/ /yang skyes bu rnam pa gnyis yod de/ 'dri ba la mkhas pa dang / lan 'debs pa la mkhas pa'o/ /'dri ba la mkhas pa ni khyod yin no/ /lan 'debs pa la mkhas pa ni de bzhin gshegs pa'o/ / </font><hr>Kha110b<br><font size=+1>


rigs kyi bu/ 'dri mkhas pa'i rkyen gyis bla na med pa'i chos kyi 'khor lo bskor bar 'gyur te/ des na rten cing 'brel te 'byung ba bcu gnyis kyi sdong po skems pa dang / 'khor ba mtha' yas pa'i klung chen po las sgrol ba dang / bdud kyi rgyal po sdig to can gyi dmag las rgal ba dang / sdig to can gyis bsgreng ba'i rgyal mtshan bsgyel bar gyur to/ /rigs kyi bu/ ji ltar ngas gong du nad pa rnam pa gsum bshad pa las/ sman pa mkhas pa dang / nad g.yog dang / sman bzang po dang phrad dam/ ma phrad kyang rung nad 'tsho bar 'gyur ro zhes bya ba de'i don ji lta bu zhe na/ ldan yang rung mi ldan yang rung ba ni 'di lta ste/ tshe'i tshad nges pa'o/ /gang zhen/ gang zag tshe rabs tshad med pa'i bar du dge ba rnam pa gsum spyad pa'o/ /'di lta ste/ rab dang| 'bring dang / tha ma'o/ /de ltar dge ba rnam pa gsum spyod pa'i phyir tshe'i tshad nges par gyur te/ ji ltar byang gi sgra mi snyan gyi gling du skyes pa'i mi dag tshe lo stong thub pa nad kyis btab na/ gal te sman pa mkhas pa dang / sman bzang po dang / nad g.yog la sogs pa dang phrad kyang rung / ma phrad kyang rung ste 'tsho bar 'gyur ro/ /de ci'i phyir zhe na/ tshe'i tshad nges pa thob pa'i phyir ro/ /rigs kyi bu/ ji ltar ngas nad pa sman pa mkhas pa dang / sman bzang po dang / nad g.yog dang phrad na nad 'tsho bar 'gyur gyi/ gal te de dag dang ma phrad </font><hr>Kha111a<br><font size=+1>


@#/ /na mi 'tsho zhes bya ba'i don de ji lta bu zhe na/ rigs kyi bu/ gang zag de ni tshe'i tshad ma nges pa ste/ tshe ma zad kyang rgyu rkyen rnam pa dgus glo bur du tshe'i dus byed par 'gyur ro/ /dgu gang zhe na/ zas mi bde bar 'gyur bar shes bzhin du zos pa dang / mang du za ba dang / zas snga ma ma zhu bar yang za ba dang / bshang gci dus bzhin du mi 'dor ba dang / na ba'i tshe sman pa'i ngag mi nyan pa dang / nad g.yog gi ngag bzhin du mi byed pa dang / skyugs sman btang nas nan gyis brnags te mi skyug pa dang / nub mo 'phyan pa las gdon drag pos btab pa dang / mi tshangs pa bag med par spyod pa ste/ de lta bu'i rkyen gyis na bar gyur pa dag /gal te sman pa dang / sman dang phrad na 'tshol/ gal te ma phrad na mi 'tsho'o zhes bshad do/ /rigs kyi bu/ ji ltar ngas gong du gsungs pa ltar sman la sogs pa dang phrad kyang rung ma phrad kyang rung ste mi 'tsho'o zhes bya ba'i don ji lta bu zhe na/ gal te mi zhig tshe zad na sman pa la sogs pa dang phrad kyang rung ma phrad kyang rung ste mi 'tsho'o/ /de ci'i phyir zhe na/ tshe zad pa'i phyir te/ de bas na ngas nad pa de ni sman dang sman pa la sogs pa dang phrad kyang rung ma phrad kyang rung ste mi 'tsho'o zhes bshad do/ /sems can dag kyang de dang 'dra ste/ gang byang chub tu sems bskyed pa ni dge ba'i bshes gnyen </font><hr>Kha111b<br><font size=+1>


sangs rgyas dang / byang chub sems dpa' rnams dang phrad de chos zab mo 'di 'dri zhing mnyan tam/ de dang ma phrad kyang rung ste thams cad 'grub par 'gyur ro/ /de ci'i phyir zhe na/ byang chub tu sems bskyed pa'i phyir te/ ji ltar byang gi sgra mi snyan gyi mi'i tshe'i tshad nges pa bzhin no/ /ji ltar ngas gsungs pa ltar rgyun du zhugs pa nas rang sangs rgyas kyi bar du/ gal te dge ba'i bshes gnyen sangs rgyas dang / byang chub sems dpa' rnams las chos zab mo thos na bla na med pa yang dag par rdzogs pa'i byang chub tu sems skye'o/ /gal te sangs rgyas dang byang chub sems dpa' rnams dang ma phrad de/ chos zab mo ma thos na bla na med pa yang dag par rdzogs pa'i byang chub kyi sems mi skye ste/ ji ltar tshe ma nges pa'i rgyu rkyen dgus glo bur du tshe'i dus byed par 'gyur ba'i nad pa de sman pa dang phrad na nad 'tsho la/ gal te ma phrad na nad mi 'tsho ba bzhin te/ de bas na sangs rgyas dang / byang chub sems dpa' rnams dang phrad de chos zab mo thos na sems skye la/ gal te ma phrad na sems mi skye'o zhes ngas bshad do/ /ji ltar ngas gong du gsungs pa ltar dge ba'i bshes gnyen sangs rgyas dang / byang chub sems dpa' rnams dang phrad de chos zab mo thos sam/ gal te ma thos kyang rung ste sems skye bar mi 'gyur zhes bya ba de'i don ji lta bu zhe na/ rigs kyi bu/ log sred can dag ni gal te dge ba'i bshes gnyen sangs rgyas </font><hr>Kha112a<br><font size=+1>


@#/ /dang| byang chub sems dpa' rnams dang phrad de chos zab mo thos kyang rung / ma thos kyang rung ste log sred can gyi sems mi spong ngo / /de ci'i phyir zhe na/ dge ba'i chos bcad pa'i phyir ro/ /log sred can dag ni bla na med pa yang dag par rdzogs pa'i byang chub mi thob bo/ /de ci'i phyir zhe na/ gal te byang chub tu sems bskyed na log sred can zhes mi bya'o/ /rigs kyi bu/ rgyu dang rkyen kha cig gis log sred can bla na med pa yang dag par rdzogs pa'i byang chub thob bo zhes gsungs te/ log sred can ni yang dag par bla na med pa yang dag par rdzogs pa'i byang chub mi thob ste/ ji ltar tshe zad pa sman dang / sman pa mkhas pa dang / nad g.yog dang phrad kyang mi 'tsho ba bzhin no/ /de ci'i phyir zhe na/ tshe zad pa'i phyir ro/ /rigs kyi bu/ log ces bya ba ni dad pa'o/ /sred ces bya ba ni mi ldan pa'o/ /dad pa mi ldan pa'i phyir log sred can zhes bya'o/ /sangs rgyas kyi rang bzhin ni dad pa ma yin la| sems can gyis ldan pa ma yin te/ de ltar mi ldan na ji ltar gcod par 'gyur/ log ces bya ba ni thabs mkhas pa'o/ /sred ces bya ba ni mi ldan pa'o/ /thabs mkhas pa dang mi ldan pa'i phyir log sred can zhes bya'o/ /sangs rgyas kyi rang bzhin ni thabs mkhas pa bsgom pa ma yin la/ sems can gyis ldan pa ma yin te/ de ltar mi ldan na ji ltar gcod par </font><hr>Kha112b<br><font size=+1>


'gyur| log ces bya ba ni brtson 'grus so/ /sred ces bya ba ni mi ldan pa ste/ brtson 'grus dang mi ldan pa'i phyir log sred can zhes bya'o/ /sangs rgyas kyi rang bzhin ni brtson 'grus ma yin la/ sems can gyis ldan pa ma yin te/ de ltar mi ldan pas na ji ltar gcod par 'gyur/ log ces bya ba ni dran pa'o/ /sred ces bya ba ni mi ldan pa ste/ dran pa dang mi ldan pa'i phyir log sred can zhes bya'o/ /sangs rgyas kyi rang bzhin ni dran pa ma yin la/ sems can gyis ldan pa ma yin te/ de ltar mi ldan pa'i phyir ji ltar gcod par 'gyur/ log ces bya ba ni ting nge 'dzin to/ /sred ces bya ba ni mi ldan pa ste/ ting nge 'dzin dang mi ldan pa'i phyir log sred can zhes bya'o/ /sangs rgyas kyi rang bzhin ni ting nge 'dzin ma yin la/ sems can gyis ldan pa ma yin te/ de ltar mi ldan pa'i phyir ji ltar gcod par 'gyur/ log ces bya ba ni shes rab bo/ /sred ces bya ba ni mi ldan pa ste/ shes rab dang mi ldan pa'i phyir log sred can zhes bya'o/ /sangs rgyas kyi rang bzhin ni shes rab ma yin la/ sems can gyis ldan pa ma yin te/ de ltar mi ldan na ji ltar gcod par 'gyur/ log ces bya ba ni mi rtag pa'i dge ba'o| |sred ces bya ba ni mi ldan pa'o/ /mi rtag pa'i dge ba dang mi ldan pa'i phyir log sred can zhes bya'o/ /sangs rgyas kyi rang bzhin mi rtag pa ma yin/ dge ba ma yin/ mi dge </font><hr>Kha113a<br><font size=+1>


@#/ /ba ma yin no/ /de ci'i phyir zhe na/ dge ba'i chos ni thabs mkhas pas thob pa yin te/ sangs rgyas kyi rang bzhin ni thabs mkhas pas thob pa ma yin te/ de'i phyir dge ba ma yin no/ /ji ltar na mi dge ba ma yin zhe na/ dge ba'i 'bras bu thob pa'i phyir ro/ /dge ba'i 'bras bu ni bla na med pa yang dag par rdzogs pa'i byang chub bo/ /yang dge ba'i chos zhes bya ba ni skyes nas thob pa'o/ /sangs rgyas kyi rang bzhin ni skyes nas thob pa ma yin te/ de'i phyir dge ba ma yin no/ /skye ba las thob pa'i dge ba'i chos rnams bcad pas na log sred can zhes bya'o/ /rigs kyi bu khyod kyis smras pa ltar/ gal te log sred can la sangs rgyas kyi rang bzhin yod na/ ci'i phyir sems can dmyal ba'i kha na ma tho ba las ma bzlog ces bya ba ni/ rigs kyi bu/ log sred can la sangs rgyas kyi rang bzhin yod med do/ /rigs kyi bu/ dper na/ rgyal po zhig dgu po rgyud mang gi sgra snyan zhing yid du 'ong ba thos nas sems de la chags te shin tu dga' bas gtong ba'i sems med do/ /de nas blon po chen po zhig la 'di lta bu'i sgra snyan pa ga las byung zhes dris so/ /blon po chen pos lan btab pa/ 'di ltar sgra snyan pa ni dgu bo rgyud mang las byung ngo / /rgyal pos sgra de khyer te shog ces smras so/ /de nas blon po chen pos dgu po rgyud mang blangs nas </font><hr>Kha113b<br><font size=+1>


rgyal po'i mdun du bzhag go /rgyal po chen po 'di ltar rig par bya ste/ sgra de ni 'di las byung ngo zhes gsol to/ /rgyal pos dgu po rgyud mang la sgra phyung / sgra phyung zhes byas kyang dgu po rgyud mang de la sgra ma byung ngo / /de nas rgyal pos rgyud bcad kyang sgra ma byung / shun pa dang shing so sor gshegs te sgra btsal kyang ma rnyed de/ de nas rgyal pos blon po de la khros te/ de ltar rdzun byas te ci bya zhes smras so/ /blon po chen pos rgyal po de la gsol pa/ sgra 'dod pa ni chos de lta bu ma lags te/ rgyu dang rkyen mang po dang / thabs mkhas pas gdod sgra 'byung ngo / /sems can gyi sangs rgyas kyi rang bzhin yang de dang 'dra bar gnas pa'i gnas med de/ thabs mkhas pas gdod mthong bar 'gyur ro/ /de ltar mthong ba'i phyir bla na med pa yang dag par rdzogs pa'i byang chub thob bo/ /log sred can dag ni sangs rgyas kyi rang bzhin mi mthong na ngan song gsum gyi kha na ma tho ba las ji ltar bzlog /rigs kyi bu/ gal te log sred can gyis sangs rgyas kyi rang bzhin yod par yid ches na/ de ni ngan song gsum du mi 'gro ste/ log sred can yang ma yin par rig par bya'o/ /de ltar sangs rgyas kyi rang bzhin yod par yid mi ches pa'i phyir ngan song gsum du ltung ngo / /ngan song gsum du ltung ba'i phyir log sred can zhes bya'o/ /rigs kyi bu/ ji ltar khyod kyis smras pa ltar/ gal te 'o ma la zho'i rang bzhin </font><hr>Kha114a<br><font size=+1>


@#/ /med na zho 'byung ba mi rigs la/ n+ya gro d+ha'i sa bon la 'dom lnga'i rang bzhin med na shing 'dom lnga pa skye bar mi rigs so zhes bya ba glen pa dag ni de skad 'chad de| mkhas pa shes rab can la ni nam yang de lta bu'i tshig mi 'byung ngo / /de ci'i phyir zhe na/ rang bzhin med pa'i phyir ro/ /rigs kyi bu/ gal te 'o ma'i nang na zho'i rang bzhin yod pa zhig na/ rgyu rkyen mang po'i mthu la mi ltos pa'i rigs so/ /rigs kyi bu/ ji ltar chu dang 'o ma bsres te mnan na zla ba gcig bzhag kyang zhor mi 'gyur ro/ /gal te shing pa ke'u zhes bya'i khu ba thigs pa gcig gis dri ma byas na gdod zhor 'gyur ro/ /gal te thog ma nas zho'i rang bzhin yod na ji ste rgyu rkyen mang po la ltos/ de bzhin du sems can gyi sangs rgyas kyi rang bzhin yang rgyu rkyen mang pos gdod mthong bar 'gyur te/ rgyu rkyen mang pos bla na med pa yang dag par rdzogs pa'i byang chub tu 'gyur ro/ /gang rgyu rkyen mang po la ltos te thob pa ni rang bzhin med pa'o/ /de ltar rang bzhin med pa'i phyir bla na med pa yang dag par rdzogs pa'i byang chub tu 'gyur ro/ /rigs kyi bu/ de lta bas na byang chub sems dpa' sems dpa' chen pos rtag tu gzhan gyi legs pa bsngags shing nyes pa mi brjod de/ de ni drang po'i sems zhes bya'o// //'phags pa yongs su mya ngan las 'das pa chen </font><hr>Kha114b<br><font size=+1>


po'i mdo/ bam po sum cu lnga pa/ gzhan yang / rigs kyi bu/ ji ltar byang chub sems dpa' sems drang po zhe na/ byang chub sems dpa' sems dpa' chen po rtag tu nyes pa mi byed do/ / gal te nyes pa zhig byung na de'i mod la mkhan po'am slob dpon gcig la mthol zhing bshags te mi 'chab bo/ /khrel pa dang / 'dzam pas bdag la bdag gshe zhing phyin chad mi byed par yi dam 'cha'o/ /sdig pa yang ba la rab tu lci ba'i 'du shes skyed do/ /gal te mi zhig gis dris na/ yang dag par nyes so zhes lan 'debs so/ /sdig pa de bzang ngam/ ngan zhes dris na ngan zhes lan 'debs so/ /yang sdig pa de dge'am/ mi dge zhes dris na/ mi dge zhes lan 'debs so/ /yang sdig pa de dge ba'i 'bras bu'am/ mi dge ba'i 'bras bu zhes dris na sdig pa de ni yang dag par dge ba'i 'bras bu ma yin no zhes lan 'debs so/ /yang sdig pa 'di sus byas/ sangs rgyas dang / chos dang / dge 'dun gyis byas pa yin nam zhes dris na/ sangs rgyas dang / chos dang / dge 'dun gyis ma yin te/ bdag gis byas so/ /de'ang nyon mongs pa 'dus pas byas par gyur to zhes lan 'debs so/ /de ltar sems drang ba'i phyir sangs rgyas kyi rang bzhin yod par yid ches so/ /sangs rgyas kyi rang bzhin yod par yid ches pa'i phyir log sred can zhes mi bya'o/ /de ltar sems drang ba'i phyir sangs rgyas kyi nye gnas zhes bya ste/ </font><hr>Kha115a<br><font size=+1>


@#/ /sems can gyis phul ba'i gos dang / bza' ba dang / bca' ba dang / mal cha dang / nad kyi rkyen sman de dag las sna gcig dang khri phrag bcu snyed blangs kyang mang ngo zhes mi bya ste/ de ni byang chub sems dpa'i sems drang po zhes bya'o/ /de la ji ltar na byang chub sems dpa' tshul khrims 'dzin pa zhe na/ byang chub sems dpa' sems dpa' chen pos tshul khrims sdom pa ni lhar skye ba'i phyir ma yin/ 'jig pa'i phyir ma yin pa nas/ khyi'i sdom pa dang / bya'i sdom pa dang / ba lang gi sdom pa dang / rgya bya'i sdom pa'i bar du mnos pa ma yin/ tshul khrims zhig par mi byed/ tshul khrims nyams par mi byed/ tshul khrims la phan yon yod par mi byed/ tshul khrims sna tshogs pa mi byed/ nyan thos kyi tshul khrims mi byed de/ byang chub sems dpa' sems dpa' chen po'i tshul khrims dang / tshul khrims kyi pha rol tu phyin pa'i khrims nod cing 'dzin te/ bsnyen par rdzogs kyang rgyags shing dregs pa mi skye ba ni byang chub sems dpa' yongs su mya ngan las 'das pa chen po sdom pa'i tshul khrims gsum dang ldan pa zhes bya'o| |de la ji ltar na byang chub sems dpa' dge ba'i bshes gnyen la bsnyen pa zhe na/ byang chub sems dpa' sems dpa' chen pos rtag tu sems can la dge ba'i lam </font><hr>Kha115b<br><font size=+1>


ston cing mi dge ba'i lam mi ston te/ mi dge ba'i lam ni dge ba'i 'bras bu ma yin no zhes ston to/ /rigs kyi bu/ nga ni sems can thams cad kyi dge ba'i bshes gnyen yang dag pa yin te/ bram ze pu ka la'i lta ba ngan pa thams cad gcod nus so/ /rigs kyi bu/ gal te sems can gang nga la bsnyen bkur byed na/ sems can dmyal bar ltung ba'i rgyu rkyen yod kyang lhar skye bar 'gyur te/ ji ltar sun 'da' ca ta la sogs pa sems can dmyal bar ltung ba'i rigs pa las nga mthong ba'i phyir sems can dmyal bar ltung ba'i rkyen byang nas gzugs yod pa'i lhar skyes so/ /shA ri'i bu dang / maung+gal gyi bu la sogs pa lta bu yod du zin kyang sems can gyi dge ba'i bshes gnyen yang dag pa zhes mi bya'o/ /de ci'i phyir zhe na/ log sred can gyi rgyu bskyed pa'i phyir ro/ /rigs kyi bu/ nga sngon yul ser skya na bzhugs pa na/ shA ri'i bu la nye gnas gnyis yod de/ gcig ni keng rus la rtog tu bcug /gcig ni dbugs bgrang du bcug ste/ lo grangs mang du lon yang gnyis ka ting nge 'dzin ma thob bo/ /de ltar ma thob pa'i rkyen gyis mya ngan las 'das pa'ang med/ zag pa med pa'i chos kyang med do/ / zhes log par lta ba skyes so/ /gal te de yod pa zhig yin na bdag cag gis thob pa'i rigs so/ /de ci'i phyir zhe na/ bdag cag bstan pa'i lung shin tu sdom zhing 'dzin pa'i phyir </font><hr>Kha116a<br><font size=+1>


@#/ /ro zhes zer te/ nga de'i tshe dge slong de gnyis ngan par lta ba'i sems skye bar mthong nas shA ri'i bu bos te 'di skad spyos so/ /khyod legs par mi ston te/ ci'i phyir slob ma de gnyis la go bsnor te chos log par bstan/ khyod kyi slob ma gnyis ni rigs so so ste/ gcig ni gos 'khru ba'o/ /gcig ni gser mgar ro/ /gser mgar la ni dbugs bgrang ba bstan pa'i rigs/ gos 'khru ba la ni keng rus la rtog pa bstan pa'i rigs te/ khyod kyis bstan pa nor ba'i phyir mi de gnyis log par mi dge ba skyes te/ ngas de'i tshe mi de gnyis la ji lta ba bzhin du de ltar chos bstan pas de gnyis kyis thos nas dgra bcom pa'i 'bras bu thob par gyur te/ de bas na nga ni sems can thams cad kyi dge ba'i bshes gnyen yang dag pa yin gyi/ shA ri'i bu dang / maung+gal gyi bu la sogs pa ni ma yin no/ /gal te sems can gang kun nas nyon mongs pa rab tu lci ba yod pa dag kyang nga dang phrad na ngas thabs kyis de dag gcod do/ /dper na/ nga'i nu bo bsnyen dga' bo 'dod chags rab tu lci ba dang bcas te/ ngas thabs shin tu mkhas pa rnam pa sna tshogs kyis yongs su bcad do/ /sor mo'i phreng ba zhe sdang rab tu lci ba dang bcas te/ nga mthong bas zhe sdang zhi bar gyur to/ /rgyal po ma skyes dgra gti mug shin tu lci ba dang bcas te/ </font><hr>Kha116b<br><font size=+1>


nga mthong bas gti mug gi sems mad par gyur to/ /khyim bdag pa yi ka bskal pa grangs med pa'i bar du nyon mongs pa'i tshogs rab tu gsog ste/ nga mthong bas mod la de dag zad cing zhi bar gyur to/ /gal te mi ma rabs ngan pa dag nga la bsnyen zhing nga'i nye gnas byed na de'i rgyu de'i rkyen gyis lha dang mi thams cad kyis bkur zhing bsti stang byed par 'gyur ro/ /shrI gub ta ngan par lta ba shin tu mched pa'ang nga mthong bas ngan par lta ba med par gyur te/ nga mthong ba'i rkyen gyis sems can dmyal ba'i rgyu 'gags nas lhar skye ba'i rgyur gyur to/ /ji ltar rigs ngan dbugs 'brog ces bya ba tshe'i dus byed du nye ba na/ nga mthong bas phyir tshe ring bar gyur to/ /dper na/ kau shi ka sems bslad cing 'khrugs par gyur te/ nga mthong ba'i rkyen gyis sems sngon bzhin du gyur to/ /rigs ngan gau ta mi'i bu rke ba zhes bya ba rtag tu mi dge ba'i las byed de/ nga mthong bas las de dag spangs par gyur to/ /dge slong can de dang / dge slong rtswa mdud gnyis kyang nga mthong ba'i rkyen gyis lus dang / srog gi bar du yal yang tshul khrims sdom pa ma nyams so/ /don de lta bas na dge slong dga' bos tshangs par spyod pa phyed bstan pas dge ba'i bshes gnyen du 'gyur ro zhes 'chad de/ nga ni de skad du mi ston te/ tshangs par spyod pa yongs su rdzogs pa ni dge ba'i bshes gnyen du 'gyur ro zhes gsungs </font><hr>Kha117a<br><font size=+1>


@#/ /so| |de bas na byang chub sems dpa' yongs su mya ngan las 'das pa chen po sgom pas dge ba'i bshes gnyen las bsnyen pa zhes bya'o/ /de la ji ltar na byang chub sems dpa' mang du thos pa dang ldan pa zhe na/ byang chub sems dpa' sems dpa' chen po yongs su mya ngan las 'das pa chen po'i phyir mdo sde sde bcu gnyis yi ger bris shing klog gam/ 'don tam/ rnam par 'byed cing ston pa ni byang chub sems dpa' mang du thos pa dang ldan pa zhes bya'o/ /mdo sde sde bcu gcig bzhag ste/ shin tu rgyas pa 'ba' zhig gzungs su 'dzin zhing klog gam/ 'don tam/ yi ger bris sam/ 'byed cing ston pa'ang byang chub sems dpa' mang du thos pa dang ldan pa zhes bya'o/ /mdo sde sde bcu gnyis bzhag ste/ yongs su mya ngan las 'das pa chen po'i mdo sde dam pa 'di gzungs su 'dzin zhing yi ger bris sam/ 'don tam/ klog gam/ 'byed cing ston pa'ang byang chub sems dpa' mang du thos pa dang ldan pa zhes bya'o/ /mdo sde 'di'ang bzhag ste/ tshig bzhi ba'i tshigs su bcad pa gcig gzungs su 'dzin tam/ tshigs su bcad pa de'ang bzhag ste/ de bzhin gshegs pa rtag tu gnas pa rang bzhin mi 'gyur mi 'pho ba gzungs su 'dzin na byang chub sems dpa' de'ang mang du thos pa dang ldan pa zhes </font><hr>Kha117b<br><font size=+1>


bya'o| |de dag kyang bzhag ste/ de bzhin gshegs pa rtag tu chos mi gsung bar shes na/ de'ang byang chub sems dpa' mang du thos pa dang ldan pa zhes bya'o/ /de ci'i phyir zhe na/ chos ni rang bzhin med pa'i phyir te/ de bzhin gshegs pas chos thams cad bshad kyang rtag tu ci'ang gsung ba med de/ de ni byang chub sems dpa' yongs su mya ngan las 'das pa chen po sgom pas mang du thos pa dang ldan pa zhes bya'o/ /rigs kyi bu/ gal te rigs kyi bu'am rigs kyi bu mo gang yongs su mya ngan las 'das pa chen po'i phyir dngos po de lnga dang ldan na/ byed dka' ba byed par 'gyur/ bzod dka' ba bzod par 'gyur/ gtong dka' ba gtong bar 'gyur ro/ /de la ji ltar na byang chub sems dpa' byed dka' ba byed par 'gyur ba zhe na/ gal te la la zhig 'di skad du til 'brum gcig za na bla na med pa yang dag par rdzogs pa'i byang chub thob par 'gyur ro zhes thos na/ tshig de la yid ches pa'i phyir bskal pa grangs med tshad med pa'i bar du rtag par til 'brum bu gcig za'o/ /'di skad du me'i nang du mchongs na bla na med pa yang dag par rdzogs pa'i byang chub thob bo zhes thos na/ bskal pa grangs med pa'i bar du mtshams med pa'i sems can dmyal bar shin tu 'bar ba'i me'i phung por 'jug ste/ de ni byang chub sems dpa' byed dka' ba byed pa zhes bya'o/ /ji ltar </font><hr>Kha118a<br><font size=+1>


@#/ /na byang chub sems dpa' bzod dka' ba bzod pa zhe na/ gal te lag pa dang / dbyug pa dang / ral gri dang / rdos rdeg cing btub pa de lta bu'i sdug bsngal nyams su len pa'i rgyu dang rkyen gyis yongs su mya ngan las 'das pa chen po thob par 'gyur ro zhes zer ba thos nas/ bskal pa grangs med tshad med pa'i bar du de dag nyams su len kyang sdug bsngal bar mi 'dzin pa de ni byang chub sems dpa' bzod dka' ba la bzod pa zhes bya'o/ /ji ltar na byang chub sems dpa' gtong ba dka' ba gtong ba zhe na/ de la gal te yul dang / grong khyer dang / chung ma dang / bu dang / mgo dang / mig dang / rkang dang / klad pa gzhan la sbyin pa byas na bla na med pa yang dag par rdzogs pa'i byang chub thob bo zhes zer ba thos nas/ bskal pa grangs med tshad med pa'i bar du yul dang / grong khyer dang / chung ma dang / bu dang / mgo dang / mig dang / rkang dang / klad pa la sogs pa bdog pa thams cad gtong ba ni byang chub sems dpa' gtong dka' ba gtong ba zhes bya ste/ byang chub sems dpa' byed dka' ba byed cing bzod dka' ba la bzod de/ gtong dka' ba gtong yang / 'di ltar ngas byas so snyam pa'i 'du shes mi 'jog go /rigs kyi bu/ dper na/ pha ma bu gcig bdog pa shin tu byams te/ </font><hr>Kha118b<br><font size=+1>


gos bzang po dang / zas zhim pos dus su gso zhing bsnyod de/ cis kyang mi 'brel bar byed do/ /bu des gal te pha ma la smad pa'i sems skyes te/ kha ngan pas spyos kyang pha mas byams pa'i phyir khro zhing mi dga' ba mi skye ste/ 'di ltar ngas gos dang zas byin no snyam mi sems so/ /byang chub sems dpa' sems dpa' chen po'ang de dang 'dra ste/ sems can thams cad la bu gcig pa ltar lta'o/ /gal te bu na na pha ma'ang na ste/ sman dang sman pa tshol zhing rab tu brtson pas nad gso'o/ /nad sos nas 'di snyam du ngas bu'i nad gsos so snyam mi sems so/ /byang chub sems dpa' yang de dang 'dra ste/ sems can rnams nyon mongs pa'i nad kyis gdungs pa mthong nas/ byams pa'i sems kyis chos ston to/ /chos thos pa'i phyir nyon mongs pa yongs su bcad do/ /nyon mongs pa bcad nas 'di snyam du ngas sems can gyi nyon mongs pa rnams bcad do snyam mi sems so/ / gal te de ltar sems na nam yang bla na med pa yang dag par rdzogs pa'i byang chub mi thob ste/ 'di ltar sems can gcig kyang bdag gis chos bstan te/ nyon mongs pa bcad do snyam sems pa med do/ /byang chub sems dpa' sems dpa' chen po sems can rnams la mi sdang mi byams so/ /de ci'i phyir zhe na/ stong pa nyid kyi ting nge 'dzin rab tu sgom pa'i phyir te/ </font><hr>Kha119a<br><font size=+1>


@#/ /byang chub sems dpa' stong pa nyid kyi ting nge 'dzin bsgoms pas su la sdang zhing su la byams pa skyed/ rigs kyi bu/ dper na/ nags tshal la mes tshig gam/ mis bcad dam/ chus g.yengs na'ang tshal gyi shing de su la gshe zhing su la dga' ba skyed/ byang chub sems dpa' chen po'ang de dang 'dra ste/ sems can thams cad la gshe ba'ang med/ dga' ba'ang med do/ /de ci'i phyir zhe na/ stong pa nyid kyi ting nge 'dzin sgom pa'i phyir ro/ /de nas byang chub sems dpa' sems dpa' chen po kun tu snang ba mtho btsun dpal gyi rgyal pos bcom ldan 'das la 'di skad ces gsol to/ /bcom ldan 'das/ chos thams cad rang bzhin gyis stong pa'am stong pa bsgoms pas stong / gal te rang bzhin gyis stong na/ stong pa bsgoms pas gzod stong pa mthong ba'i mi rigs na/ ji ste bcom ldan 'das kyis stong pa bsgoms pas stong pa mthong zhes gsungs/ gal te rang bzhin gyis mi stong na/ ji ltar stong pa bsgoms kyang stong bar mi 'gyur ro/ /bka' stsal pa/ rigs kyi bu/ chos thams cad ni rang bzhin gyis stong pa'o/ /de ci'i phyir zhe na/ chos thams cad kyi rang bzhin dmigs su med pa'i phyir ro/ /rigs kyi bu/ gzugs kyi rang bzhin dmigs su </font><hr>Kha119b<br><font size=+1>


med do/ /ji ltar gzugs kyi rang bzhin zhe na/ gzugs zhes bya ba ni sa dang / chu dang / me dang / rlung ma yin te/ sa dang / chu dang / me dang / rlung las gzhan pa'ang ma yin no/ / sngon po dang / ser po dang / dmar po dang / dkar po ma yin te/ sngon po dang / ser po dang / dmar po dang / dkar po las gzhan pa'ang ma yin/ yod pa'ang ma yin/ med pa'ang ma yin na/ ci'i phyir gzugs la rang bzhin yod ces smra/ rang bzhin dmigs su med pa'i phyir stong pa zhes bshad do/ /chos thams cad kyang de dang 'dra ste/ mtshan nyid 'dra ba rgyun mi 'chad pa'i phyir bus pa ma rabs glen pa mthong nas chos thams cad kyi rang bzhin stong pa zhi ba ma yin no zhes 'chad do/ /byang chub sems dpa' sems dpa' chen po dngos po lnga dang ldan pa'i phyir chos kyi rang bzhin thog ma nas stong pa zhi ba mthong ngo / /rigs kyi bu/ gal te dge sbyong ngam/ bram ze gang chos thams cad kyi rang bzhin stong pa ma yin par mthong na/ de dag dge sbyong ma yin/ bram ze ma yin/ shes rab kyi pha rol tu phyin pa mi thob/ yongs su mya ngan las mi 'da'/ sangs rgyas dang / byang chub sems dpa' rnams mngon sum du mi mthong ste/ bdud kyi 'khor yin par rig par bya'o/ /rigs kyi bu/ chos thams cad ni rang bzhin gyis stong pa ste/ byang chub sems </font><hr>Kha120a<br><font size=+1>


@#/ /dpas stong pa bsgoms pas chos thams cad stong par mthong ngo / /rigs kyi bu/ chos thams cad rang bzhin gyis mi rtag pas na 'gags pas 'gog par 'gyur ro/ /gal te mi rtag pa ma yin na 'gags pas 'gog par mi 'gyur ro/ /'dus byas kyi chos ni skye ba'i mtshan nyid yod pas na bskyed pas skye bar 'gyur la/ 'gag pa'i mtshan nyid yod pa na 'gags pas 'gog par 'gyur ro/ /chos thams cad la sdug bsngal gyi mtshan nyid yod pas sdug bsngal gyis sdug bsngal bar 'gyur ro/ / rigs kyi bu/ dper na/ lan tshwa ni bro ba'i mtshan nyid yin pas gzhan bro bar byed/ sha kha ra'i mtshan nyid mngar bas gzhan mngar bar byed/ chang gi mtshan nyid skyur bas gzhan skyur bar byed/ sga'i mtshan nyid tsha bas gzhan tsha bar byed/ a ru ra'i mtshan nyid kha bar gzhan kha bar byed/ a mra'i mtshan nyid bsngal bas gzhan bsngal bar byed/ dug gi mtshan nyid 'chi bar byed pas gzhan 'chi bar byed/ zil mngar gyi mtshan nyid ni mi 'chi bar byed de/ gzhan dang bsres na'ang mi 'chi bar nus so/ /byang chub sems dpa' stong pa sgom pa'ang de dang 'dra ste/ stong pa bsgoms pa'i phyir chos thams cad rang bzhin gyis stong pa zhi bar mthong ngo / /de nas kyang byang chub sems </font><hr>Kha120b<br><font size=+1>


dpa' sems dpa' chen po kun tu snang ba mtho btsun dpal gyi rgyal pos gsol pa/ bcom ldan 'das/ gal te lan tshwas tshwa mi bro ba tshwa bro bar bgyid pa ltar stong pa'i ting nge 'dzin sgom pa'ang de lta bu zhig lags na/ ting nge 'dzin de ni dge ba ma lags/ dam pa ma lags te/ rang bzhin phyin ci log pa'o/ /gal te stong pa'i ting nge 'dzin gyis stong pa 'ba' zhig mthong na/ stong pa ni ma mchis pa'i chos lags na/ ji ltar ci zhig mthong bar 'gyur/ bka' stsal pa/ rigs kyi bu/ stong pa'i ting nge 'dzin de/ stong pa ma yin pa'i chos mthong na/ stong pa rab tu zhi ba ma yin pas phyin ci log ma yin no/ /ji ltar lan tshwa tshwa mi bro ba bro bar byed pa ltar/ stong pa'i ting nge 'dzin de'ang de dang 'dra ste/ stong pa ma yin pa stong par byed do/ /rigs kyi bu/ 'dod chags kyi mtshan nyid yod pa ste/ stong ba'i mtshan nyid ma yin no/ /gal ta 'dod chags stong pa yin na sems can rnams 'dod pa'i rkyen gyis sems can dmyal bar ltung ba'i mi rigs so/ /gal te sems can dmyal bar ltung na 'dod chags kyi rang bzhin ji ltar stong pa yin par 'gyur/ rigs kyi bu/ gzugs kyi rang bzhin ni yod pa'o/ /rang bzhin zhes bya ba gang zhe na/ 'di lta ste phyin ci log go /phyin ci log pas sems can gyis 'dod chags bskyed do/ /gal te </font><hr>Kha121a<br><font size=+1>


@#/ /gzugs kyi mtshan nyid phyin ci log ma yin na/ sems can gyis 'dod chags ji ltar bskyed par 'gyur/ de ltar 'dod chags skye bas na gzugs kyi rang bzhin ni med pa ma yin te/ de lta bas na stong pa'i ting nge 'dzin sgom pa ni phyin ci log ma yin no/ /rigs kyi bu/ bus pa ma rabs thams cad ni bud med mthong na bud med kyi mtshan nyid skye'o/ /byang chub sems dpa' ni de lta ma yin te/ bud med mthong yang bud med kyi mtshan nyid mi skye'o/ /de ltar skye ba'i mtshan nyid med pas 'dod chags mi skye'o/ /'dod chags mi skye bas phyin ci log ma yin te/ 'jig rten pas bud med du mthong ba'i phyir byang chub sems dpa' yang de'i rjes su bud med do zhes 'chad do/ /gal te skyes pa mthong ste bud med do zhes zer na/ de ni phyin ci log yin te/ de'i phyir ngas bshad do zhes bya ba 'di skad ces bka' stsal to/ /bram ze khyod gal te nyin mo la mtshan mo zhes zer na phyin ci log pa'o/ /mtshan mo la nyin par zhes zer na'ang phyin ci log go /nyin la nyin gyi mtshan nyid du 'dzin/ mtshan la mtshan gyi mtshan nyid du 'dzin na phyin ci log ces mi bya'o| |rigs kyi bu/ byang chub sems dpa' sa dgu la gnas pa thams cad ni chos kyi rang bzhin yod par mthong ngo / /de ltar mthong ba'i phyir sangs rgyas kyi rang bzhin mi mthong ngo // </font><hr>Kha121b<br><font size=+1>


gal te sangs rgyas kyi rang bzhin mthong na ci'i phyir chos thams cad kyi rang bzhin mi mthong ste/ de ltar stong pa'i ting nge 'dzin bsgoms nas chos kyi rang bzhin ni mi mthong ngo / /de ltar mi mthong bas sangs rgyas kyi rang bzhin mthong ngo / /sangs rgyas dang byang chub sems dpa' rnams kyis rnam pa gnyis su bshad de/ rang bzhin yod pa dang / rang bzhin med pa'o/ /sems can la ni chos kyi rang bzhin yod par bshad do/ 'phags pa rnams la chos kyi rang bzhin med par bshad do/ /stong pa ma yin pa dag stong pa'i chos mthong bar bya ba'i phyir stong pa'i ting nge 'dzin bsgoms pas stong pa mthong bar byed la/ chos kyi rang bzhin med pa dag kyang stong pa bsgoms pas stong par 'gyur te/ de lta bas na stong pa bsgoms pas stong pa mthong ngo / / rigs kyi bu khyod 'di skad du stong par mthong ba de stong pa ni med pa'i chos yin na ji ltar ci zhig mthong zhes bya ba ni/ rigs kyi bu/ de de bzhin te/ byang chub sems dpa' sems dpa' chen pos ni yang dag par ci'ang mi mthong ngo / /ci'ang mi mthong ba ni ci'ang med pa yin no/ /ci'ang med pa de ni chos thams cad do/ /byang chub sems dpa' sems dpa' chen po yongs su mya ngan las 'das pa chen po sgom pa ni chos thams cad la ci'ang mi mthong ngo / /gang mthong ba yod pa ni sangs rgyas kyi rang bzhin mi mthong ngo / /shes rab kyi pha rol </font><hr>Kha122a<br><font size=+1>


@#/ /tu phyin pa yongs su sgom mi nus/ yongs su mya ngan las 'das pa chen po ma thob ste/ de'i phyir byang chub sems dpa' chos thams cad la rang bzhin med par mthong ngo / /rigs kyi bu/ byang chub sems dpa' ting nge 'dzin mthong ba'i rkyen gyis stong pa mthong ba ma yin gyi/ shes rab kyi pha rol tu phyin pa'ang stong / bsam gtan gyi pha rol tu phyin pa'ang stong / brtson 'grus kyi pha rol tu phyin pa'ang stong / bzod pa'i pha rol tu phyin pa'ang stong / tshul khrims kyi pha rol tu phyin pa'ang stong / sbyin pa'i pha rol tu phyin pa'ang stong / gzugs kyang stong / mig kyang stong / rnam par shes pa'ang stong / de bzhin gshegs pa'ang stong / yongs su mya ngan las 'das pa'ang stong ste/ de bas na byang chub sems dpas chos thams cad kun stong par mthong ngo / /de'i phyir nga grong khyer ser skya na bzhugs pa na/ dga' bo la khyod mya ngan dang / yid blong ba dang / smre sngags ma 'don cig ces bka' stsal pa dang / dga' bos gsol pa/ bcom ldan 'das/ bdag gi 'khor dang gnyen thams cad shi na mya ngan ji ltar mi bya/ de bzhin gshegs pa'ang bdag dang bcas te grong khyer 'dir skyes la/ shAkya'i rigs gcig pa thams cad gnyen pa nye ba yin na/ ji ste de bzhin gshegs pa nya ga gcig </font><hr>Kha122b<br><font size=+1>


mya ngan mi mdzad cing mdangs sngon pas kyang gsal bar gyur ces gsol pa dang / rigs kyi bu/ ngas de la 'di skad ces bka' stsal to/ /dga' bo khyed kyis grong khyer ser skya yang dag par yod par mthong yang ngas ni stong pa zhi ba ci'ang med par mthong ngo / /khyod kyis shAkya'i rigs kun nye ba yin par mthong yang / ngas ni stong pa bsgoms pas ci'ang med par mthong ngo / /de'i rgyu de'i rkyen gyis khyod mya ngan dang / sdug bsngal skyes la/ nga ni sngon pas mdog gsal bar gyur to/ /sangs rgyas dang / byang chub sems dpa' rnams de ltar stong pa'i ting nge 'dzin bsgoms pa'i phyir mya ngan mi skye ste/ de ni byang chub sems dpa' yongs su mya ngan las 'das pa chen po'i mdo la nan tan byas pa'i yon tan dgu pa dang ldan pa zhes bya'o/ /rigs kyi bu/ ji ltar na byang chub sems dpa' yongs su mya ngan las 'das pa chen po'i mdo sde dam pa la nan tan byed pa na nang gi tha ma'i yon tan bcu dang ldan pa zhe na/ rigs kyi bu/ byang chub sems dpa' byang chub kyi phyogs kyi chos sum cu rtsa bdun sgom zhing yongs su mya ngan las 'das pa chen po rtag pa dang / bde ba dang / bdag dang / yongs su dag pa la zhugs ste| sems can thams cad la mya ngan las 'das pa chen po'i mdo rnam par 'byed cing ston te/ sangs rgyas kyi rang bzhin mngon par ston to/ /gal te rgyun du zhugs pa'am/ </font><hr>Kha123a<br><font size=+1>


@#/ /lan gcig phyir ldog pa'am/ phyir mi ldog pa'am/ dgra bcom pa'am/ rang sangs rgyas sam/ byang chub sems dpa' dag tshig de la yid ches na thams cad kyis yongs su mya ngan las 'das pa chen por 'jug par 'gyur ro/ /gang yid mi ches pa ni 'khor bar 'khor bar 'gyur ro/ /de nas byang chub sems dpa' sems dpa' chen po kun tu snang ba mtho btsun dpal gyi rgyal pos bcom ldan 'das la 'di skad ces gsol to/ /bcom ldan 'das/ sems can gang dag mdo sde 'di la bkur sti mi bgyid/ bka' stsal pa/ rigs kyi bu/ nga mya ngan las 'das pa'i 'og tu nyan thos kyi nye gnas gti mug can tshul khrims bshig pa/ rtsod par dga' ba/ mdo sde sde bcu gnyis spong zhing mu stegs can gyi gtsug lag rnam pa sna tshogs dang / 'jig rten pa'i yi ge dang / tshigs bcad 'don cing klog ste/ ma brtags pa'i rdzas thams cad 'chang ba nas sangs rgyas kyis gnang ngo zhes smra ba de dag ni tsan+dan bzang pos shing ngan pa brje ba dang / gser gyis ra gan brje ba dang / dngul gyis zha nye brje ba dang / dar gyis bal snam brje ba dang / zil mngar gyis dug brje ba dang mtshungs so/ /ji ltar na tsan+dan gyis shing ngan pa brje zhe na/ nga'i nye gnas dag rnyed pa dang grags pa'i phyir khyim pa'i skye bo la mya ngan </font><hr>Kha123b<br><font size=+1>


las 'das pa'i mdo sde 'di dang chos 'chad de/ khyim pa rgyags pas nyan mi 'dod nas khyim pa gong du bzhag ste/ dge slong 'og tu 'dug cing bza' ba dang / bca' ba bzang po rnam pa sna tshogs sbyar te byin yang nyan du mi btub pa de ni tsan+dan gyis shing ngan pa brje ba zhes bya'o/ /ji ltar na gser gyis ra gan brje ba zhe na/ ra gan ni gzugs dang / sgra dang / dri dang / ro dang / reg bya'i dpe'o/ /gser ni tshul khrims kyi dpe ste/ nga'i nye gnas rnams gzugs kyi rkyen gyis tshul khrims mnos pa bshig pa de ni gser gyis ra gan brje ba zhes bya'o/ /ji ltar dngul gyis zha nye brje ba zhe na/ dngul ni dge ba bcu'i dpe'o/ /zha nye ni mi dge ba bcu'i dpe ste/ nga'i nye gnas rnams dge ba bcu spangs nas mi dge ba bcu spyod pa de ni dngul gyis zha nye brje ba zhes bya'o/ /ji ltar na dar gyis snam bu brje ba zhe na/ snam bu zhes bya ba ni khrel ba dang 'dzem pa med pa'i dpe'o/ /dar ni khrel ba dang 'dzem pa yod pa'i dpe ste/ nga'i nye gnas rnams khrel ba dang 'dzem pa btang ste/ khrel ba dang 'dzem pa med par byed pa ni dar gyis snam bu brje ba zhes bya'o/ /ji ltar na bdud rtsi dug dang brje ba zhe na/ dug ni rnyed pa dang grags pa rnam pa sna tshogs kyi dpe'o/ /bdud rtsi ni zag pa med pa'i chos rnams kyi dpe ste/ nga'i nye gnas rnams rnyed pa dang grags </font><hr>Kha124a<br><font size=+1>


@#/ /pa'i phyir khyim pa rnams la bdag rab tu bstod cing / bdag ni zag pa med pa thob bo zhes zer ba ni bdud rtsis dug brjes pa zhes bya'o/ /de lta bu la sogs pa'i dge slong ngan pa'i phyir yongs su mya ngan las 'das pa'i mdo sde dam pa 'di dzam+bu'i gling du shin tu rgyas par spel lo/ /de'i tshe de'i dus na nye gnas kha cig mdo ste 'di yi ger bris shing gzungs su 'dzin te klog gam/ 'don cing 'chad dam/ rgyas par byed na/ dge slong ma rungs pa de dag gis gsod par 'gyur ro/ /de nas dge slong ma rungs pa de dag lhan cig 'dus nas khrims dam po 'di dag 'cha'o/ /gal te gang yongs su mya ngan las 'das pa chen po'i mdo 'di yi ger bris shing 'dzin tam/ klog gam/ 'don tam/ 'byed cing ston na/ thams cad kyis lhan cig mi gnas/ lhan cig mi 'dug /gtam mi bya'o/ /de ci'i phyir zhe na/ mya ngan las 'das pa'i mdo 'di ni sangs rgyas kyis gsungs pa ma yin te/ ngan par lta bas byas pa'o/ /ngan par lta ba ni ston pa drug ste/ 'di ni ston pa drug gi mdo sde yin gyi/ sangs rgyas kyi mdo sde ma yin no| |de ci lta zhe na/ sangs rgyas rnams kyis ni chos thams cad mi rtag pa/ bdag med pa/ bde ba med pa/ yongs su dag pa med pa'o/ /zhes gsungs la/ gal te chos </font><hr>Kha124b<br><font size=+1>


rnams rtag pa dang / bde ba dang / bdag dang / yongs su dag pa'o zhes smra na/ de la ci'i phyir sangs rgyas kyis gsungs pa'i mdo yin no zhes bya/ sangs rgyas dang byang chub sems dpa' rnams ni dge slong rnams rdzas rnam pa sna tshogs 'chang du gnang la/ ston pa drug gis bshad pa la ni nye gnas la rdzas thams cad 'chang du mi gnang ste/ de bas na ci'i phyir 'di la sangs rgyas kyis gsungs pa yin no zhes bya/ sangs rgyas dang byang chub sems dpa' rnams ni nye gnas la pa'i 'o ma las gyur pa ro rnam pa lnga dang / sha la sogs pa bzar mi rung ngo zhes ma bcas so/ /ston pa drug ni lan tshwa rnam pa lnga dang / ba'i 'o ma'i ro rnam pa lnga dang / snum pa dang / khrag la sogs pa bzar mi gnang ste/ de dag bzar mi gnang ba las na de ni sangs rgyas kyi chos dam pa yin no zhes byar mi rung ngo / /sangs rgyas dang byang chub sems dpa' rnams ni theg pa gsum bshad de/ mdo sde 'di la theg pa gcig pu 'ba' zhig ste/ mya ngan las 'das pa chen po'o zhes 'chad na/ ci'i phyir 'di la sangs rgyas kyi chos dam pa'o zhes bya/ sangs rgyas ni mthar yongs su mya ngan las 'das so zhes gsungs la/ mdo sde 'di las sangs rgyas ni rtag pa/ bde ba/ bdag dang / yongs su dag pa ste/ yongs su mya ngan las mi 'da'o zhes 'chad de/ mdo sde 'di ni mdo sde sde </font><hr>Kha125a<br><font size=+1>


@#/ /bcu gnyis kyi grangs su ma gtogs te bdud kyis bshad pa yin gyi/ sangs rgyas kyis bshad pa ma yin no zhes zer ro/ /rigs kyi bu/ de dag ni nga'i nye gnas yin mod kyi/ yongs su mya ngan las 'das pa'i mdo 'di la dad cing rjes su gzhol mi nus so/ /rigs kyi bu/ gal te de'i tshe na sems can gang mdo sde 'di la tshigs su bcad pa phyed tsam la dad cing yid ches na/ de ni nga'i nye gnas yang dag pa yin par rig par bya'o/ /de ltar dad pa'i rkyen gyis sangs rgyas kyi rang bzhin mthong ste yongs su mya ngan las 'da'o/ /de nas byang chub sems dpa' kun tu snang ba mtho btsun dpal gyi rgyal pos bcom ldan 'das la 'di skad ces gsol to/ /bcom ldan 'das/ legs so/ /legs so/ /de bzhin gshegs pas deng yongs su mya ngan las 'das pa chen po'i mdo rab tu phye ste legs par bstan to/ /bcom ldan 'das/ bdag dngos po de'i rkyen gyis yongs su mya ngan las 'das pa chen po'i mdo sde 'di'i tshigs su bcad pa gcig nas tshigs su bcad pa phyed kyi bar du rtogs shing 'tshal bar gyur to/ /tshigs su bcad pa gcig nas tshigs su bcad pa phyed kyi bar du 'tshal ba'i phyir sangs rgyas kyi rang bzhin cung zad cig mthong ste/ ji ltar bcom ldan 'das kyis gsungs pa ltar </font><hr>Kha125b<br><font size=+1>


bdag kyang yongs su mya ngan las 'das pa chen po thob par 'gyur ro/ /de ni byang chub sems dpa' yongs su mya ngan las 'das pa'am/ mdo sde dam pa la nan tan byas pa'i yon tan bcu dang ldan pa zhes bya'o/ /'phags pa yongs su mya ngan las 'das pa chen po'i mdo las/ byang chub sems dpa' kun tu snang ba mtho btsun dpal gyi rgyal po zhes bya bas yongs su dris pa'i le'u ste bcu pa'o// //de nas bcom ldan 'das kyis 'khor mang po thams cad la bka' stsal pa/ rigs kyi bu dag /gal te khyod las sangs rgyas yod dam/ sangs rgyas med dam/ chos yod dam/ chos med dam/ dge 'dun yod dam/ dge 'dun med dam/ sdug bsngal yod dam/ sdug bsngal med dam/ kun 'byung yod dam/ kun 'byung med dam/ 'gog pa yod dam/ 'gog pa med dam/ lam yod dam/ lam med dam/ bden pa yod dam/ bden pa med dam/ bdag yod dam bdag med dam/ sdug bsngal yod dam/ sdug bsngal med dam/ yongs su dag pa yod dam/ yongs su dag pa med dam/ rtag pa yod dam/ rtag pa med dam/ thog ma yod dam| thog ma med dam/ rang bzhin yod dam/ rang bzhin med dam/ sems can yod dam/ sems can med dam/ srid pa yod dam/ srid pa med dam/ yang dag pa </font><hr>Kha126a<br><font size=+1>


@#/ /yod dam/ yang dag pa med dam/ rgyu yod dam/ rgyu med dam/ 'bras bu yod dam/ 'bras bu med dam/ byed pa yod dam/ byed pa med dam/ las yod dam/ las med dam/ rnam par smin pa yod dam/ rnam par smin pa med dam snyam du the tshom du gyur pa yod na khyed kyis ci dang ci 'dod pa dris shig dang / ngas de dang de dag rnam par phye ste khyed la bstan par bya'o/ /rigs kyi bu/ lha'am/ mi'am/ bdud dam/ tshangs pa'am/ dge slong ngam/ bram ze la sogs pa gang gis dris kyang ngas lan mi thebs pa med do/ /de nas 'khor gyi dkyil 'khor de'i nang na byang chub sems dpa' seng ge sgra zhes bya ba 'dug pa las langs te gos tshags bcos nas/ sangs rgyas kyi zhabs la spyi bos phyag btsal te pus mo'i lha nga sa la btsugs nas thal mo sbyar te/ bcom ldan 'das la 'di skad ces gsol to/ /bcom ldan 'das/ bdag kyang zhu ba zhu snyam sems kyis bsams pa las/ de bzhin gshegs pa thugs rje chen pos 'drir gnang ba'i go skabs phye ba legs so/ /de nas bcom ldan 'das kyis 'khor mang po rnams la bka' stsal pa/ rigs kyi bu rnams/ khyed byang chub sems dpa' 'di la lhag par bkur sti dang rim gro dang bsti stang bskyed de/ spos dang / me tog dang / rol mo dang / </font><hr>Kha126b<br><font size=+1>


phreng ba dang / gdugs dang / ba dan dang / gos dang / bza' ba dang / btung ba dang / mal cha dang / nad kyi rkyen sman dang / gnas khang la sogs pa 'bul ba dang / bsu ba dang / bskyal ba bya'o/ /de ci'i phyir zhe na/ 'dis ni 'das pa'i sangs rgyas rnams la dge ba'i rtsa ba rab tu bskrun te/ bsod nams dang ldan pas ded nga'i spyan sngar seng ge'i sgra bsgrag snyam sems so/ /rigs kyi bu/ ji ltar seng ge'i rgyal po ni bdag gi stobs dang / mche ba dang / sder mo rno bar shes pas rkang lag bzhi sa la brten te/ phrag phug na gnas kyang mjug ma brdabs nas sgra sgrogs so/ /gang de lta bu'i mtshan rnams dang ldan pa ni seng ge'i sgra sgrogs nus par rig par bya'o/ /seng ge'i rgyal po yang dag pa ni nang par sngar phug nas byung ste/ rnam par bsgyings nas glal te phyogs bzhir bltas nas/ dngos po rnam pa bcu gcig gi phyir sgra rab tu sgrogs so/ /bcu gcig po gang zhe na/ 'di lta ste/ yang dag par seng ge ma yin par sgyus seng ge ltar 'chos pa rnam par gzhig pa dang / bdag gi mthu rtsal sad pa dang / gnas dag par bya ba dang / bu rnams gnas shes par bya ba dang / 'gro ba mang po 'jigs pa'i sems med par bya ba dang / gnyid log pa sad par bya ba dang / gcan gzan le lo can thams cad le lo med </font><hr>Kha127a<br><font size=+1>


@#/ /par bya ba dang / gcan gzan rnams 'khor zhing rten du 'gyur bar bya ba dang / spos kyi bal glang chen po gdul ba dang / bu rnams slob pa dang / bdag gi 'khor thams cad yongs su brgyan pa dang bcu gcig go /gcan gzan thams cad kyis seng ge'i sgra thos na/ chu'i rigs las skyes pa ni chu zab mo'i gting du gab/ skam sar 'gro ba ni khung du 'bros/ 'phur ba rnams ni sa la ltung / spos kyi bal glang chen po rnams kyang mi gtsang ba shor te 'bros so/ /rigs kyi bu dag /ji ltar was lo brgyar seng ge'i phyi bzhin 'gro'ang seng ge'i sgra sgrogs mi nus so/ /gang seng ge'i phru gu lo gsum lon pa dag ni seng ge'i rgyal po ltar sgra sgrogs nus so/ /rigs kyi bu/ de bzhin gshegs pa yang dag par rdzogs pa'i sangs rgyas kyang shes rab kyi mche ba dang / sder mo dang / rdzu 'phrul gyi rkang pa bzhi dang / pha rol tu phyin pa drug yongs su rdzogs pa'i sku dang / dpa' ba'i stobs bcu dang / snying rje chen po'i mjug ma dang / bsam gtan bzhi'i phug yongs su dag pa la gnas te/ sems can rnams kyi phyir seng ge'i sgra sgrogs te/ bdud kyi dmag rab tu bcom nas 'khor mang po rnams la stobs bcu bstan te/ sangs rgyas kyi spyod yul rnam par phye nas ngan par lta ba rnams kyi mgon dang skyabs </font><hr>Kha127b<br><font size=+1>


mdzad do/ /'khor bas 'jigs pa rnams spor ba bskyed de/ ma rig pa'i gnyid kyis non pa'i sems can rnams sad par mdzad cing / mi dge ba'i chos spyod pa rnams 'gyod pa'i sems skye bar mdzad do/ /ngan par lta ba'i sems can rnams la ston cing ston pa drug gis bstan pa dag seng ge'i sgra ma yin par shes par mdzad pa dang / 'od srung rdzogs byed la sogs pa'i dregs pa'i sems gzhig pa dang / theg pa gnyis kyis 'gyod pa'i sems skye bar mdzad pa dang / byang chub sems dpa' sa lnga pa la sogs pa stobs dang sems chen po skye bar mdzad pa dang / yang dag par lta ba'i 'khor bzhi pos ngan par lta ba'i sde bzhi la 'jigs pa med par mdzad pa'i phyir/ 'phags pa'i spyod yul dang / tshangs pa'i spyod yul dang / lha'i spyod yul gyi phug nas byung ste/ rnam par bsgyings nas sems can thams cad kyi nga rgyal dang dregs pa la sogs pa gzhom pa'i phyir glal ba mdzad do/ /sems can thams cad kyi dge ba'i chos skye bar mdzad pa'i phyir phyogs bzhir lta'o/ /sems can thams cad kyis so so yang dag par shes pa bzhi thob par mdzad pa'i phyir rkang lag bzhi sa la btsugs so/ /sems can thams cad tshul khrims kyi pha rol tu phyin pa la rnam par dgod par bya ba'i phyir seng ge'i sgra sgrogs so/ /seng ge'i sgra sgrogs pa ni sems </font><hr>Kha128a<br><font size=+1>


@#/ /can thams cad la sangs rgyas kyi rang bzhin yod pa dang / de bzhin gshegs pa rtag tu gnas shing / mi 'gyur mi 'pho bar nges par bshad pa'o/ / rigs kyi bu/ nyan thos dang rang sangs rgyas ni sangs rgyas bcom ldan 'das kyi zhabs 'bring du bskal pa grangs med tshad med pa brgya stong gi bar du 'gro'ang seng ge'i sgra sgrogs mi nus so/ /byang chub sems dpa' sa bcu pas gal te spyod yul rnam pa gsum po la nan tan byed pa de ni seng ge'i sgra sgrogs pa yin par rig par bya'o/ /rigs kyi bu dag /byang chub sems dpa' sems dpa' chen po seng ge'i sgra'ang da ltar seng ge'i sgra chen po sgrogs par bsams kyi/ de bas na khyed kyis lhag pa'i sems kyis mchod pa dang / rim gro dang / bkur sti gyis shig /de nas bcom ldan 'das kyis byang chub sems dpa' sems dpa' chen po seng ge'i sgra la bka' stsal pa/ rigs kyi bu khyod zhu ba yod na ci dang ci 'dod pa dris shig /de nas byang chub sems dpa' sems dpa' chen po seng ge sgras/ bcom ldan 'das la 'di skad ces gsol to/ /bcom ldan 'das/ ji ltar na sangs rgyas kyi rang bzhin lags/ don ci la ni sangs rgyas kyi rang bzhin zhes bgyi/ yang ji ltar na rtag pa dang / bde ba dang / bdag dang / yongs su </font><hr>Kha128b<br><font size=+1>


dag pa zhes bgyi/ gal te sems can thams cad la sangs rgyas kyi rang bzhin mchis na ci'i slad du mi mthong / sems can thams cad kyi sangs rgyas kyi rang bzhin mchis pa sa bcu pa'i byang chub sems dpas chos ci la gnas na gsal bar mi mthong / sangs rgyas ni chos ji lta bu zhig la bzhugs na gsal bar gzigs/ sa bcu pa'i byang chub sems dpa' ni mig ji lta bu zhig gis gsal bar mi mthong / sangs rgyas ni spyan ji lta bu zhig gis gsal bar gzigs/ bcom ldan 'das kyis bka' stsal pa/ rigs kyi bu/ legs so| |legs so/ /gal te gang zhig chos kyi phyir zhu ba zhus pa ni tshogs rnam pa gnyis dang ldan par 'gyur ro/ /gnyis gang zhe na/ ye shes dang / bsod nams so/ /gal te byang chub sems dpa' gang tshogs rnam pa de gnyis dang ldan na sangs rgyas kyi rang bzhin shes so/ /ji ltar na sangs rgyas kyi rang bzhin zhes bya ba'ang shes pa nas byang chub sems dpa' sa bcu pa ji lta bu'i mig gis mthong ba dang / sangs rgyas bcom ldan 'das rnams ji lta bu'i spyan gyis gzigs pa'i bar du shes so/ /byang chub sems dpa' seng ge'i sgras gsol pa/ bcom ldan 'das/ ji ltar na ye shes kyi tshogs zhes bgyi/ ji ltar na bsod nams kyi tshogs zhes bgyi/ rigs kyi bu/ ye shes kyi tshogs zhes bya ba ni </font><hr>Kha129a<br><font size=+1>


@#/ /'di lta ste/ sa dang po nas sa bcu pa'i bar du ye shes kyi tshogs zhes bya'o/ /bsod nams kyi tshogs zhes bya ba ni 'di lta ste/ sbyin pa'i pha rol tu phyin pa nas shes rab kyi pha rol tu phyin pa dang / shes rab kyi pha rol tu phyin pa ma yin pa'i bar du'o/ /gzhan yang / rigs kyi bu/ ye shes kyi tshogs zhes bya ba ni 'di lta ste/ sangs rgyas dang / byang chub sems dpa' rnams so/ /bsod nams kyi tshogs zhes bya ba ni 'di lta ste/ nyan thos dang / rang sangs rgyas dang / byang chub sems dpa' sa dgu pa'o| |gzhan yang / rigs kyi bu/ bsod nams kyi tshogs ni 'dus byas pa/ zag pa dang bcas pa/ srid pa dang bcas pa/ 'bras bu yod pa/ thogs pa dang bcas pa| rtag pa ma yin te/ bus pa ma rabs kyi chos so/ /ye shes kyi tshogs ni 'dus ma byas pa/ zag pa med pa/ srid pa med pa/ 'bras bu med pa/ thogs pa med pa/ rtag tu gnas pa'o/ /rigs kyi bu khyod ni tshogs rnam pa de gnyis dang ldan pas don shin tu zab mo 'di zhu ba la spobs par gyur to/ /ngas kyang tshogs rnam pa de gnyis dang ldan pas don 'di 'dri ba'i lan thebs so/ /byang chub sems dpa' sems dpa' chen po seng ge sgras gsol pa/ bcom ldan 'das/ gal te byang chub sems dpa' gang tshogs </font><hr>Kha129b<br><font size=+1>


rnam pa de gnyis dang ldan na/ rnam pa gcig gam/ gnyis zhes 'dri bar mi rigs na/ ci'i slad du bcom ldan 'das kyis rnam pa gcig dang / gnyis kyis lan btab ces gsungs/ de ci'i slad du zhe na/ chos thams cad ni rnam pa gcig dang / gnyis ma mchis so/ /rnam pa gcig dang / gnyis ni bus pa ma rabs kyi mtshan nyid lags so/ / bcom ldan 'das kyis bka' stsal pa/ rigs kyi bu/ gal te byang chub sems dpa' gang tshogs rnam pa de gnyis med na/ rnam pa gcig dang / gnyis mi shes so/ /byang chub sems dpa' gang tshogs de gnyis dang ldan pa ni rnam pa gcig dang / gnyis pa shes so/ /gang chos rnams la gcig gam/ gnyis zhes bya ba med pa'i don de'ang de lta ma yin no/ /de ci'i phyir zhe na/ gal te gcig gam/ gnyis med na/ chos thams cad mi gcig /mi gnyis pa ji ltar bshad/ rigs kyi bu/ gang gcig pa dang / gnyis pa ni bus pa ma rabs kyi mtshan nyid ces bya ba de byang chub sems dpa' sa bcu pa zhes bya ste/ bus pa ma rabs ma yin no/ /de ci'i phyir zhe na/ gcig ni mya ngan las 'das pa zhes bya'o/ /gnyis ni 'khor ba zhes bya'o/ /de ci'i phyir gcig ni mya ngan las 'das pa zhes bya zhe na/ rtag pa'i phyir ro/ /ci'i phyir gnyis ni 'khor ba zhes bya ba zhe na/ ma </font><hr>Kha130a<br><font size=+1>


@#/ /rig pa la sred pa'i phyir ro/ /rtag pa'i mya ngan las 'das pa'ang bus pa ma rabs kyi mtshan nyid ma yin la/ 'khor ba'ang bus pa ma rabs kyi mtshan nyid ma yin te/ don de lta bas na tshogs rnam pa gnyis dang ldan pa ni dri ba dang / lan btab par 'gyur ro/ /rigs kyi bu khyod kyis ji ltar na sangs rgyas kyi rang bzhin zhes 'dri ba brtags par nyon cig dang / ngas rnam par dgrol zhing khyod la bshad do/ /rigs kyi bu/ sangs rgyas kyi rang bzhin zhes bya ba ni don dam pa stong pa'o/ /don dam pa stong pa ni ye shes zhes bya'o/ /de la stong pa zhes bya ba ni stong pa dang mi stong pa gnyis ka mi mthong ba'o/ /shes rab can gyis ni stong pa dang / mi stong pa dang / rtag pa dang / mi rtag pa dang / sdug bsngal dang / bde ba dang / bdag dang / bdag med pa kun mthong ngo / /stong pa zhes bya ba ni 'khor ba thams cad do/ /mi stong pa zhes bya ba ni yongs su mya ngan las 'das pa'o/ /bdag med pa'i bar du 'khor ba'o/ /bdag ces bya ba ni yongs su mya ngan las 'das pa ste/ thams cad stong par mthong la/ stong pa ma yin pa mi mthong ba ni lam dbu ma zhes mi bya/ thams cad bdag med pa'i bar du mi mthong la/ bdag mi mthong ba ni lam dbu ma zhes mi bya'o/ /lam dbu ma zhes bya ba </font><hr>Kha130b<br><font size=+1>


ni sangs rgyas kyi rang bzhin no/ /don de lta bas na sangs rgyas kyi rang bzhin ni rtag par 'gyur zhing 'pho ba med pa ste/ ma rig pas khebs pas sems can thams cad kyis mthong bar ma gyur to/ /nyan thos dang rang sangs rgyas kyis thams cad stong par mthong ste/ mi stong par mi mthong ba nas/ thams cad bdag med pa'i bar du mthong ste/ bdag tu mi mthong ngo / /de bas na don dam pa'i stong pa ma thob bo/ /don dam pa'i stong pa ma thob pa'i phyir lam dbu ma mi spyod/ lam dbu ma med pa'i phyir sangs rgyas kyi rang bzhin mi mthong ngo| |rigs kyi bu/ lam dbu ma mthong ba la rnam pa gsum ste/ nges par bde ba spyod pa dang / nges par sdug bsngal spyod pa dang / nges par sdug bsngal dang bde ba spyod pa'o/ / nges par bde ba spyod pa zhes bya ba ni 'di lta ste/ byang chub sems dpa' sems dpa' chen pos sems can thams cad la snying brtse ba'i phyir mtshams med pa'i sems can dmyal bar gnas kyang / ji ltar bsam gtan gsum pa'i bde ba la reg pa bzhin no/ /nges par sdug bsngal spyod pa zhes bya ba ni bus pa ma rabs rnams so/ /nges par sdug bsngal dang bde ba spyod pa zhes bya ba ni nyan thos dang rang sangs rgyas rnams so/ /nyan thos dang rang sangs rgyas kyis sdug bsngal dang bde ba la lam dbu ma'i 'du shes bskyed </font><hr>Kha131a<br><font size=+1>


@#/ /de| don de lta bas na sangs rgyas kyi rang bzhin yod mod kyi mi mthong ngo / /ji ltar khyod kyis don ji lta bu zhig la sangs rgyas kyi rang bzhin yin zhes dris pa ni rigs kyi bu/ sangs rgyas kyi rang bzhin zhes bya ba ni sangs rgyas thams cad kyi bla na med pa dgra bcom pa yang dag par rdzogs pa'i byang chub kyi lam dbu ma'i sa bon yin no/ / gzhan yang / rigs kyi bu/ lam la rnam pa gsum ste/ rab dang / 'bring dang / tha ma'o/ /de la tha ma zhes bya ba ni tshangs pa dag rtag pa med pa la nor bar rtag par lta ba'o/ / rab ces bya ba ni 'khor ba mi rtag pa la nor bar rtag par mthong la/ dkon mchog gsum rtag pa yin pa la nan gyis mi rtag par sgro btags pa'o/ /de la ci'i phyir rab ces bya zhe na/ bla na med pa yang dag par rdzogs pa'i byang chub mchog thob pa'i phyir ro/ /'bring zhes bya ba ni don dam pa'i stong pa ste/ mi rtag pa ni rtag par mthong / rtag pa ni mi rtag par mthong ba'o/ /don dam pa'i stong pa ni tha ma zhes mi bya'o/ /de ci'i phyir zhe na/ bus pa ma rabs thams cad kyis mi mthong ba'i phyir ro/ /rab ces kyang mi bya'o/ /de ci'i phyir zhe na/ rab ma yin pa'i phyir ro/ /sangs rgyas dang byang chub sems dpa' thams cad kyi spyod pa'i lam ni rab ma yin/ tha ma ma yin te/ don de'i phyir lam dbu ma zhes </font><hr>Kha131b<br><font size=+1>


bya'o| |gzhan yang / rigs kyi bu/ 'khor ba'i thog ma'i mtha' ni rnam pa gnyis te/ ma rig pa dang / sred pa'o/ /de gnyis kyi bar na skye ba dang / rga ba dang / na pa dang / 'chi ba'i sdug bsngal 'byung ste/ de ni lam dbu ma zhes bya'o/ /de ltar lam dbu ma des 'khor ba yongs su gzhig par 'gyur ba'i phyir dbu ma zhes bya'o/ /de ltar lam dbu ma'i chos ni sangs rgyas kyi rang bzhin ces bya ba ste/ de bas na sangs rgyas kyi rang bzhin ni rtag pa/ bde ba/ bdag dang / yongs su dag pa'o/ /sems can rnams kyis mi mthong ba'i phyir/ mi rtag pa dang / bde ba med pa/ bdag med pa/ yongs su ma dag pa ste/ sangs rgyas kyi rang bzhin ni yang dag par na/ mi rtag pa dang / bde ba med pa dang / bdag med pa dang / yongs su ma dag pa ma yin no/ /rigs kyi bu/ dper na/ mi dbul po zhig gi khyim na rin po che'i gter yod de/ des mi mthong na mi mthong ba'i dbang gis rtag pa med/ bde ba med/ bdag med pa/ yongs su dag pa med do/ /dge ba'i bshes gnyen gcig gis de la 'di skad du khyod kyi khyim na rin po che gser gyi gter yod na/ ci ste 'di ltar dbul phongs shing sdug bsngal dang / mi rtag pa dang / bde ba med pa dang / bdag med pa dang / yongs su dag pa med par gyur ces byas nas/ de nas thabs kyis de mthong bar byas so/ /mthong bar </font><hr>Kha132a<br><font size=+1>


@#/ /gyur pas mi de rtag pa dang / bde ba dang / bdag dang / yongs su dag pa thob par gyur to/ /sangs rgyas kyi rang bzhin yang de dang 'dra ste/ sems can gyis mi mthong ngo / /de ltar mi mthong ba'i phyir/ rtag pa med/ bde ba med/ bdag med/ yongs su dag pa med do/ /dge ba'i bshes gnyen sangs rgyas dang byang chub sems dpa' rnams kyis thabs rnam pa sna tshogs kyis bstan te mthong bar mdzad do/ /de ltar mthong bar gyur nas sems can rnams rtag pa dang / bde ba dang / bdag dang / yongs su dag pa thob bo/ /gzhan yang / rigs kyi bu/ sems can rnams kyis lta ba bskyed pa la rnam pa gnyis te/ rtag pa dang / chad pa'o/ /de ltar lta ba de gnyis ni lam dbu ma zhes mi bya ste/ rtag pa med pa dang / chad pa med pa ni lam dbu ma zhes bya'o/ /rtag pa dang chad pa med pa ni rten cing 'brel te 'byung ba bcu gnyis rtogs pa'i ye shes zhes bya ste/ de ltar rtogs pa'i ye shes ni sangs rgyas kyi rang bzhin zhes bya'o/ /theg pa de gnyis kyis rten cing 'brel te 'byung ba rtogs kyang sangs rgyas kyi rang bzhin thob pa zhes mi bya'o/ /sangs rgyas kyi rang bzhin rtog mod kyi/ sems can rnams ma rig pas yongs su khebs pa'i phyir mi mthong ste/ ji ltar ri bong dang / rtas rten cing 'brel te 'byung ba bcu gnyis kyi chu </font><hr>Kha132b<br><font size=+1>


klung rgal mi nus pa bzhin no/ /de ci'i phyir zhe na/ sangs rgyas kyi rang bzhin mi mthong ba'i phyir ro/ /rigs kyi bu/ rten cing 'brel te 'byung ba bcu gnyis rtogs pa'i ye shes ni bla na med pa yang dag par rdzogs pa'i byang chub kyi sa bon yin te/ don de lta bas na rten cing 'brel te 'byung ba bcu gnyis ni sangs rgyas kyi rang bzhin zhes bya'o/ /rigs kyi bu/ dper na/ ga gon ni mkhris pa'i nad du 'gyur ro/ /de ci'i phyir zhe na/ mkhris pa'i nad kyi sa rgyu rkyen du 'gyur pa'i phyir te/ rten cing 'brel te 'byung ba bcu gnyis kyang de dang 'dra'o/ /rigs kyi bu/ sangs rgyas kyi rang bzhin ni rgyu yod/ rgyu'i rgyu yod/ 'bras bu yod/ 'bras bu'i 'bras bu yod do/ /rgyu yod ces bya ba ni rten cing 'brel te 'byung ba bcu gnyis so| |rgyu'i rgyu zhes bya ba ni shes rab bo/ /'bras bu yod ces bya ba ni bla na med pa yang dag par rdzogs pa'i byang chub bo/ /'bras bu'i 'bras bu zhes bya ba ni bla na med pa'i yongs su mya ngan las 'das pa chen po'o/ /rigs kyi bu/ dper na/ ma rig pa'i rkyen gyis 'du byed rnams ni 'bras bu'o/ /'du byed kyi rkyen gyis rnam par shes pa 'bras bur 'gyur te| don de lta bas na ma rig pa'i ngo bo nyid ni rkyen kyang yin la/ rkyen gyi rkyen kyang yin no/ /rnam par shes pa'ang 'bras bu'ang yin la/ 'bras bu'i 'bras bu'ang yin no/ / </font><hr>Kha133a<br><font size=+1>


@#/ /sangs rgyas kyi rang bzhin yang de dang 'dra'o/ /rigs kyi bu/ 'o na de lta bas na rten cing 'brel te 'byung ba bcu gnyis ni mi skye mi 'gog /rtag pa ma yin chad pa ma yin/ gcig gam gnyis ma yin/ 'ongs pa ma yin/ song ba ma yin/ rgyu ma yin/ 'bras bu ma yin no/ /rigs kyi bu/ rgyu yin la 'bras bu ma yin pa ni sangs rgyas kyi rang bzhin lta bu'o/ /'bras bu yin la rgyu ma yin pa ni yongs su mya ngan las 'das pa chen po lta bu'o/ /rgyu'ang yin la 'bras bu'ang yin pa ni rten cing 'brel te 'byung ba bcu gnyis las skyes pa'i chos lta bu'o/ /rgyu 'ang ma yin 'bras bu'ang ma yin pa ni sangs rgyas kyi rang bzhin zhes bya ste/ rgyu dang 'bras bu ma yin pa'i phyir rtag pa mi 'gyur/ mi 'pho ba'o/ /don de lta bas na ngas mdo sde las rten cing 'brel te 'byung ba bcu gnyis ni don shin tu zab ste/ shes pa med/ mthong ba med/ bsam du med pas/ sangs rgyas dang byang chub sems dpa' rnams kyi spyod yul yin gyi/ nyan thos dang rang sangs rgyas rnams kyis shes pa ma yin no zhes gsungs so/ /ci'i phyir don shin tu zab ce na/ shin tu zab pa ni sems can kyi las dang spyod pa rtag pa'ang ma yin/ chad pa'ang ma yin mod kyi/ 'bras bu rnam par smin par 'gyur ba dang / </font><hr>Kha133b<br><font size=+1>


skad cig skad cig mar 'gog kyang stor ba med pa dang / byed pa med kyang byas ba'i las yod pa dang / myong ba med kyang 'bras bu rnam par smin pa yod pa dang / myong ba 'gog pa med kyi/ 'bras bu mi 'jig mi stor ba dang / gang gis kyang sems can thams cad 'dus te 'byung bar bsams pas dpags te shes pa med pa dang / rten cing 'brel te 'byung ba bcu gnyis dang 'grogs kyang mi shes mi mthong ba dang / mi mthong mi shes pa'i phyir thog ma dang tha ma med pa dang / byang chub sems dpa' sa bcu pas thog ma 'ba' zhig mthong yang tha ma mi mthong ste/ sangs rgyas bcom ldan 'das ni thog ma dang / tha ma gzigs so/ /don de lta bas na de bzhin gshegs pa rnams ni sangs rgyas kyi rang bzhin gsal bar gzigs so/ /rigs kyi bu/ sems can thams cad ni rten cing 'brel te 'byung ba bcu gnyis mi mthong bas rab tu 'khor ro/ /rigs kyi bu/ ji ltar dar gyi srin bu dar gyi sgo nga byed pa rang skye zhing rang 'chi ba ltar sems can thams cad kyang de dang 'dra ste/ sangs rgyas kyi rang bzhin mi mthong ba'i phyir rang gis kun nas nyon mongs pa'i las byed de/ ji ltar pho long brdabs pa ltar 'khor bar rab tu 'khor ro/ /rigs kyi bu/ de bas na ngas mdo sde kun las gal te gang rten cing 'brel te 'byung ba bcu gnyis mthong </font><hr>Kha134a<br><font size=+1>


@#/ /na chos mthong ngo / /chos mthong na sangs rgyas mthong zhes gsungs so/ /sangs rgyas zhes bya ba ni sangs rgyas kyi rang bzhin no/ /de ci'i phyir zhe na/ sangs rgyas thams cad kyi rang bzhin de nyid yin pa'i phyir ro/ /rigs kyi bu/ rten cing 'brel te 'byung ba bcu gnyis rtog pa'i ye shes ni rnam pa bzhi ste/ tha ma dang / bar ma dang rab dang / rab kyi yang rab bo/ /rtog pa'i ye shes thams cad ni sangs rgyas kyi rang bzhin mi mthong ste/ mi mthong ba'i phyir nyan thos kyi lam thob bo/ /rtog pa'i ye shes 'bring gis ni sangs rgyas kyi rang bzhin mi mthong ste/ mi mthong ba'i phyir rang sangs rgyas kyi lam thob bo/ /rtog pa'i ye shes rab kyis ni gsal bar mi mthong ste/ mi gsal ba'i phyir sa bcu la gnas so/ /ye shes rab kyi'ang rab ni gsal bar mthong bas bla na med pa yang dag par rdzogs pa'i byang chub kyi lam thob bo/ /don de lta bas na rten cing 'brel te 'byung ba bcu gnyis ni sangs rgyas kyi rang bzhin ces bya'o/ /sangs rgyas kyi rang bzhin ni don dam pa'i stong ba'o/ /don dam pa'i stong ba ni lam dbu ma'o/ /lam dbu ma sangs rgyas so/ /sangs rgyas ni mya ngan las 'das pa zhes bya'o// //'phags pa yongs su mya ngan las 'das pa chen po'i mdo/ bam po sum cu drug pa/ </font><hr>Kha134b<br><font size=+1>


de nas byang chub sems dpa' sems dpa' chen po seng ge sgras/ bcom ldan 'das la 'di skad ces gsol to/ /bcom ldan 'das/ gal te sangs rgyas dang / sangs rgyas kyi rang bzhin khyad par ma mchis na sems can thams cad lam la nan tan bgyid kyang ci 'tshal/ bcom ldan 'das kyis bka' stsal pa/ rigs kyi bu khyod kyis don de dris pa de ni de lta ma yin no/ /sangs rgyas dang / sangs rgyas kyi rang bzhin khyad par med mod kyi/ sems can rnams de dang mi ldan te/ rigs kyi bu/ dper na/ mi zhig ngan sems kyis ma bsad de/ bsad nas 'gyod pa skyes pas lam gsum dge mod kyi/ sems can dmyal ba pa zhes bya'o/ /de ci'i phyir zhe na/ mi de gdon mi za bar sems can dmyal bar ltung ba'i phyir ro/ /mi de la sems can dmyal ba'i phung po dang / khams dang / skye mched med mod kyi 'on kyang sems can dmyal ba ba zhes bya'o/ /rigs kyi bu/ de bas na ngas mdo sde kun las gang dge ba'i chos spyod pa mthong ba ni lha mthong ba zhes bya/ mi dge ba la spyod pa mthong ba ni sems can dmyal ba mthong ba'o zhes gsungs so/ /de ci'i phyir zhe na/ nges par rnam par smin pa myong bar 'gyur ba'i phyir ro/ /rigs kyi bu/ sems can thams cad kyang gdon mi za bar bla na med pa yang dag par rdzogs pa'i byang chub tu 'gyur </font><hr>Kha135a<br><font size=+1>


@#/ /ba'i phyir sems can thams cad la sangs rgyas kyi rang bzhin yod do zhes gsungs te/ sems can thams cad la yang dag par mtshan sum cu rtsa gnyis dang / dpe byad bzang po brgyad cu med pas don de'i phyir ngas mdo sde 'di las tshigs su bcad pa 'di dag gsungs so/ /thog ma yod la da ltar med/ /thog ma med la da ltar yod/ /dus gsum srid pa'i chos thams cad/ /de lta bu yi gnas med do/ /rigs kyi bu/ srid pa zhes bya ba la rnam pa gsum ste/ ma 'ongs pa'i srid pa dang / da ltar gyi srid pa dang / 'das pa'i srid pa'o/ /de la sems can thams cad ma 'ongs pa'i dus na bla na med pa yang dag par rdzogs pa'i byang chub yod pa'i phyir sangs rgyas kyi rang bzhin ces bya'o/ /sems can thams cad la da ltar kun nas nyon mongs pa rnams yod pas de'i phyir da ltar mtshan sum cu rtsa gnyis dang / dpe byad bzang po brgyad cu med do/ /sems can gang 'das pa'i dus na nyon mongs pa bcad pa yod pa'i phyir da ltar sangs rgyas kyi rang bzhin mthong ste/ don de lta bas na ngas rtag tu sems can thams cad la sangs rgyas kyi rang bzhin yod pa nas log sred can gyi bar du yang sangs rgyas kyi rang bzhin yod do zhes gsungs so/ /log sred can la sogs pa dge </font><hr>Kha135b<br><font size=+1>


ba'i chos med kyang sangs rgyas kyi rang bzhin nyid dge ba ste/ ma 'ongs pa'i dus na yod par 'gyur ba'i phyir log sred can la sogs pa'ang sangs rgyas kyi rang bzhin yod do/ /de ci'i phyir zhe na/ log sred can dag gdon mi za bar bla na med pa yang dag par rdzogs pa'i byang chub tu mngon par 'tshang rgya bar 'gyur ba'i phyir ro/ /rigs kyi bu/ dper na/ mi zhig gi khyim na 'o ma dang zho yod pa las/ yang mi gcig gis khyod la mar yod dam zhes dris na/ des smras pa/ bdag la yod do zhes smras kyang 'di ltar zho ni yang dag bar mar ma yin mod kyi/ thabs mkhas pas gdon mi za bar thob par 'gyur ba'i phyir mar yod do zhes smra'o/ /sems can dag kyang de dang 'dra ste/ kun la sems yod do/ gang sems yod pa ni gdon mi za bar bla na med pa yang dag par rdzogs pa'i byang chub thob par 'gyur ro/ /don de lta bas na ngas rtag tu sems can thams cad la sangs rgyas kyi rang bzhin yod do zhes gsungs so/ /rigs kyi bu/ mthar phyin ba la rnam pa gnyis te/ bkod pa'i mthar phyin pa dang / mthar phyin pa'i mthar phyin pa'o/ /gzhan yang 'jig rten gyi mthar phyin pa dang / 'jig rten las 'das pa'i mthar phyin pa'o/ /de la bkod pa'i mthar phyin pa ni pha rol tu phyin pa drug go /mthar phyin pa'i mthar phyin pa ni sems </font><hr>Kha136a<br><font size=+1>


@#/ /can thams cad theg pa gcig pa thob pa'o/ /de la theg pa gcig pa ni sangs rgyas kyi rang bzhin zhes bya ste/ don de lta bas na ngas sems can thams cad la sangs rgyas kyi rang bzhin yod de/ sems can thams cad la theg pa gcig pa yod kyang ma rig pas khebs pas mthong bar ma gyur to zhes gsungs so/ / rigs kyi bu/ dper na/ byang gi sgra mi snyan dang / sum cu rtsa gsum gnam gyi 'bras bu rnam par smin pa myong ba la sgrib pa dang bcas pa'i sems can 'di dag gis mthong bar mi nus so/ /sangs rgyas kyi rang bzhin yang de dang 'dra ste/ kun nas nyon mongs pas bsgribs pa'i phyir sems can gyis mi mthong ngo / /gzhan yang / rigs kyi bu/ sangs rgyas kyi rang bzhin zhes bya ba ni dpa' bar 'gro ba'i ting nge 'dzin te/ rang bzhin mar gyi nying khu dang 'dra bas sangs rgyas thams cad kyi yum mo/ /dpa' bar 'gro ba'i ting nge 'dzin gyi mthus de bzhin gshegs pa rnams rtag pa dang / bde ba dang / bdag dang / yongs su dag par gyur to/ /sems can thams cad la'ang dpa' bar 'gro ba'i ting nge 'dzin yod mod kyi ma bsgoms pa'i phyir mi mthong ste/ de'i phyir bla na med pa yang dag par rdzogs pa'i byang chub tu ma gyur to/ /rigs kyi bu/ dpa' bar 'gro </font><hr>Kha136b<br><font size=+1>


ba'i ting nge 'dzin ni ming rnam pa lnga yod de/ dpa' bar 'gro ba'i ting nge 'dzin ces kyang bya/ shes rab kyi pha rol tu phyin pa zhes kyang bya/ rdo rje lta bu'i ting nge 'dzin ces kyang bya/ seng ge'i sgra sgrogs pa'i ting nge 'dzin ces kyang bya/ sangs rgyas kyi rang bzhin ces kyang bya ste/ ci dang cir ldan pa de dang de'i skabs su ming 'dogs so/ /rigs kyi bu| ji ltar ting nge 'dzin gcig gis ming rnam pa sna tshogs thob pa ni 'di ltar bsam gtan gyi skabs su bsam gtan bzhi zhes bya ba dang / dbang po'i skabs su ting nge 'dzin gyi dbang po zhes bya ba dang / stobs kyi skabs su ting nge 'dzin gyi stobs zhes bya ba dang / byang chub kyi yan lag gi skabs su ting nge 'dzin byang chub kyi yan lag ces bya ba dang / 'phags pa'i lam gyi skabs su yang dag pa'i ting nge 'dzin ces bya ba dang / skyes bus rtog pa brgyad kyi skabs su ting nge 'dzin gyi rtog pa zhes bya ba dang 'dra bar dpa' bar 'gro ba'i ting nge 'dzin kyang de dang 'dra'o/ /rigs kyi bu/ sems can thams cad ni ting nge 'dzin rnam pa gsum dang ldan te/ gsum gang zhe na/ rab dang / 'bring dang / tha ma'o/ /de la rab ni sangs rgyas kyi rang bzhin ste/ de'i phyir sems can thams cad la sangs rgyas kyi rang bzhin yod do zhes \?\ bya'o/ /'bring zhes bya ba ni sems can </font><hr>Kha137a<br><font size=+1>


@#/ /thams cad bsam gtan dang po dang ldan te/ rkyen dang phrad na yongs su sgom par 'gyur gyi/ gal te rkyen dang ma phrad na yongs su sgom par mi 'gyur ro/ /rgyu rkyen la rnam pa gnyis te/ me'i bskal pa dang / 'dod pa'i khams kyi kun nas nyon mongs pa yongs su bcom pa ste/ de'i phyir sems can thams cad ting nge 'dzin 'bring dang ldan pa zhes bya'o/ /ting nge 'dzin tha ma ni sa chen po bcu las sems las byung ba'i ting nge 'dzin te/ de'i phyir sems can thams cad ting nge 'dzin tha ma dang ldan pa zhes bya'o/ /sems can thams cad la sangs rgyas kyi rang bzhin yod de/ nyon mongs pas yongs su khebs pa'i phyir mthong bar mi nus so/ /byang chub sems dpa' sa bcu pas theg pa gcig pa mthong mod kyi/ de bzhin gshegs pa rtag tu gnas pa'i chos can du mi shes te/ de'i phyir byang chub sems dpa' sa bcu pas sangs rgyas kyi rang bzhin mthong mod kyi gsal bar ma gyur to/ /rigs kyi bu/ dpa' ba zhes bya ba ni thams cad kyi mthar phyin pa'o/ /'gro ba zhes bya ba ni brtan pa'o/ /thams cad mthar brtan pa'i phyir dpa' bar 'gro ba zhes bya'o/ /de'i phyir dpa' bar 'gro ba'i ting nge 'dzin ni sangs rgyas kyi rang bzhin zhes bya'o/ /rigs kyi bu/ ngas dus gcig </font><hr>Kha137b<br><font size=+1>


na chu bo dga' skyed kyi 'gram na bzhugs te dga' bo la bka' stsal pa/ nga deng khrus mdzad kyi/ nga'i gos long la sran phye'ang long zhig /de nas chur zhugs pa dang / nam mkha' la 'phur ba dang / chu dang / sa la 'gro ba thams cad 'ongs nas nga la lta'o/ /de'i tshe na kun tu rgyu lnga brgya snyed chu bo'i 'gram du lhags nas/ nga'i drung du phyin pa dang / gcig la gcig 'di skad du ji ltar rdo rje lta bu'i lus thob par gyur/ gal te gau ta ma 'di chad par lta ba mi ston na bdag cag de la lung dang tshul khrims nod do zhes smras so/ /rigs kyi bu| nga de'i tshe gzhan gyi sems shes pa'i ye shes kyis kun tu rgyu de dag gi bsam pa mkhyen nas kun tu rgyu de dag la 'di skad ces bka' stsal to/ /ci'i phyir nga la chad par lta ba ston pa yin no snyam du sems/ kun tu rgyu de dag gis gsol pa/ gau ta ma khyod kyis mdo sde kun las sems can thams cad la bdag med do zhes bshad de/ de ltar bdag med do zhes bshad na ci'i phyir chad par lta ba ma yin/ gal te bdag med na gang gis tshul khrims sdom zhing gang gis tshul khrims bshig par 'gyur/ bcom ldan 'das kyis bka' stsal pa/ ngas ni sems can thams cad la bdag med do zhes ma bshad do/ /ngas ni rtag tu sems can thams cad la sangs rgyas kyi rang bzhin yod do zhes bshad </font><hr>Kha138a<br><font size=+1>


@#/ /na sangs rgyas kyi rang bzhin de nyid bdag ma yin nam/ don de lta bas na bzod par lta ba mi ston te/ sems can thams cad kyis sangs rgyas kyi rang bzhin ma mthong bas rtag pa med pa dang / bdag med pa dang / bde ba med pa dang / yongs su dag pa med de/ gang de skad du smra ba de ni chad par lta ba ston pa zhes bya'o| |de'i tshe kun tu rgyu de dag sangs rgyas kyi rang bzhin nyid bdag yin no zhes bshad pa thos nas/ thams cad bla na med pa yang dag par rdzogs pa'i byang chub tu sems bskyed de/ de'i mod la rab tu byung nas byang chub kyi lam la nan tan byed par gyur to/ /nam mkha' dang / chu dang / skams ra 'gro ba thams cad kyang bla na med pa'i byang chub tu sems bskyed do/ /de ltar sems bskyed nas mod la lus de nyid btang bar gyur to/ /rigs kyi bu/ sangs rgyas kyi rang bzhin yang dag par na bdag ma yin te/ sems can gyi phyir bdag ces bshad do/ /rigs kyi bu/ rgyu dang rkyen yod pa'i phyir de bzhin gshegs pas bdag med pa la bdag tu bshad mod kyi yang dag par na bdag med do/ /de ltar bshad mod kyi rdzun pa'ang ma yin no/ /rigs kyi bu/ yang rgyu dang rkyen yod pas bdag la bdag med par 'chad de/ yang dag par na bdag yod kyang </font><hr>Kha138b<br><font size=+1>


'jig rten gyi phyir bdag med par bshad mod kyi'ang rdzun pa ma yin no/ /sangs rgyas kyi rang bzhin ni bdag med do/ de bzhin gshegs pas bdag med ces bshad pa ni rtag pa yin pa'i phyir ro/ /de bzhin gshegs pa ni bdag yin te/ bdag med par bshad pa ni dbang thob pa'i phyir ro/ /de nas byang chub sems dpa' sems dpa' chen po seng ge sgras gsol pa/ bcom ldan 'das/ gal te sems can thams cad la sangs rgyas kyi rang bzhin rdo rje mthu bo che lta bu mchis na/ don ci'i slad du sems can thams cad kyis mi mthong / bcom ldan 'das kyis bka' stsal pa/ rigs kyi bu/ dper na/ gzugs ni sngon po dang / ser po dang / dmar po dang / dkar po dang / ring po dang / thung ngu tha dad de thogs pa yod kyang dmus long gis mi mthong ngo / /de ltar mi mthong mod kyi sngon po dang / ser po dang / dmar po dang / dkar po tha dad pa dang / dbyibs ring thung med ces byar mi rung ngo / /de ci'i phyir zhe na/ dmus long gis mi mthong yang mig can gyis mi mthong ba ma yin no/ /sangs rgyas kyi rang bzhin yang de dang 'dra ste/ sems can thams cad kyis mi mthong mod kyi byang chub sems dpa' sa bcu pas phyogs tsam kyi go mthong la/ de bzhin gshegs pas ni ma lus par gzigs so/ /byang chub sems dpa' </font><hr>Kha139a<br><font size=+1>


@#/ /sa bcu pas sangs rgyas kyi rang bzhin la mtshan mo'i gzugs lta bur mthong / de bzhin gshegs pas nyin par gyi gzugs lta bur gzigs so| |rigs kyi bu/ dper na/ zhar pas ni gzugs gsal bar mi mthong ste/ de la sman pa mkhas pas mig bcos na sman de'i stobs kyis gsal bar mthong bar 'gyur ro| |byang chub sems dpa' sa bcu pa'ang de dang 'dra ste/ sangs rgyas kyi rang bzhin mthong mod kyi mi gsal lo/ /de la dbang bar 'gro ba'i ting nge 'dzin gyi stobs kyis rab tu gsal bar mthong bar 'gyur ro/ /rigs kyi bu/ gang la la zhig gis chos thams cad la rtag pa med pa/ bdag med pa/ bde ba med pa/ yongs su dag pa med par mthong ba dang / chos ma yin pa thams cad la rtag pa med pa/ bdag med pa/ bde ba med pa/ yongs su dag pa med par mthong ba de ni sangs rgyas kyi rang bzhin mi mthong ngo| |de la thams cad ces bya ba ni 'khor ba'o/ /thams cad ma yin pa ni dkon mchog gsum ste/ nyan thos dang rang sangs rgyas kyi chos thams cad mi rtag pa/ bdag med pa/ bde ba med pa/ yongs su ma dag par mthong / chos ma yin pa thams cad la'ang mi rtag pa/ bdag med pa/ bde ba med pa/ yongs su ma dag par mthong ste/ </font><hr>Kha139b<br><font size=+1>


don de lta bas na sangs rgyas kyi rang bzhin mi mthong ngo / /byang chub sems dpa' sa bcu pas ni chos thams cad la mi rtag pa/ bdag med pa/ bde ba med pa/ yongs su dag pa med par mthong la/ chos ma yin pa thams cad la ni rtag pa dang / bdag dang / bde ba dang / yongs su dag par phyogs tsam zhig mi mthong ste/ don de lta bas na bcu cha gcig tsam mthong ngo / /sangs rgyas bcom ldan 'das ni chos thams cad la mi rtag pa/ bdag med pa/ bde ba med pa/ yongs su dag pa med par gzigs la/ chos ma yin pa thams cad la rtag pa dang / bdag dang / bde ba dang / yongs su dag par gzigs te/ de lta bas na sangs rgyas kyi rang bzhin lag mthil du skyu ru ra'i 'bras bu bzhag pa ltar gzigs so| |don de lta bas na dpa' bar 'gro ba'i ting nge 'dzin ni mthar thug pa zhes bya'o/ /rigs kyi bu/ dper na/ zla ba tshes pa ni mi mthong mod kyi med ces byar mi rung ngo / /sangs rgyas kyi rang bzhin yang de dang 'dra ste/ bus pa ma rabs thams cad kyis mi mthong mod kyi de la sangs rgyas kyi rang bzhin med ces byar mi rung ngo / /rigs kyi bu/ sangs rgyas kyi rang bzhin ni 'di lta ste/ stobs bcu dang / mi 'jigs pa bzhi dang / snying rje chen po dang / dran pa nye bar bzhag pa gsum ste/ sems can thams cad la rnam pa gsum po yod </font><hr>Kha140a<br><font size=+1>


@#/ /pa'ang nyon mongs pa yongs su bcom na gdod mthong bar 'gyur ro/ /log sred can dag ni log sred yongs su bcom na gdod stobs bcu dang / mi 'jigs pa bzhi dang / snying rje chen po dang / dran pa nye bar bzhag pa gsum thob par 'gyur ro/ /don de lta bas na ngas rtag tu sems can thams cad la sangs rgyas kyi rang bzhin yod do zhes gsungs so/ /rigs kyi bu/ rten cing 'brel te 'byung ba bcu gnyis po 'di dag ni sems can thams cad la mnyam par yod de/ phyi nang gnyis so/ /bcu gnyis po gang zhe na/ 'das pa'i nyon mongs pa ni ma rig pa'o/ /'das pa'i las ni 'du byed do/ /da ltar gyi dus na thog ma mngal du 'jug pa ni rnam par shes pa'o/ /mngal du zhugs nas yan lag lnga dang dbang po bzhi ma tshang ba ni ming dang gzugs so/ /dbang po bzhi dang ldan te reg pa zhes mi bya ba ni skye mched drug ces bya'o/ /sdug bsngal dang / bde ba bye brag mi phyed pa ni reg pa zhes bya'o/ /sred pa gcig la chags pa ni tshor ba zhes bya'o/ /'dod pa lnga la chags pa ni sred pa zhes bya'o/ /nang dang phyi rol la 'dod chags pa ni len pa'o/ /nang dang phyi rol gyi dngos pos lus dang / ngag dang / yid kyi las skyed pa ni srid pa'o/ /da ltar gyi dus kyi rnam par shes pa ni ma 'ongs pa'i skye ba'o/ /da ltar gyi dus kyi ming dang </font><hr>Kha140b<br><font size=+1>


gzugs dang / skye mched drug dang / reg pa dang / tshor ba ni ma 'ongs pa'i dus kyi rga ba dang / na ba dang / 'chi ba ste/ 'di dag ni rten cing 'brel te 'byung ba bcu gnyis zhes bya'o/ / rigs kyi bu/ sems can thams cad la rten cing 'brel te 'byung ba bcu gnyis po 'di dag yod mod kyi/ yongs su ma rdzogs te nur nur por 'dug pa'i tshe shi ba la ni rten cing 'brel te 'byung ba bcu gnyis med do/ /thog ma skyes nas rga shi'i bar du ni bcu gnyis po dang ldan no/ /gzugs kyi khams kyi sems can la tshor ba rnam pa gsum dang / reg pa rnam pa gsum dang / sred pa rnams dang / rga ba dang / shi ba med kyang rnam pa bcu gnyis po dang ldan pa zhes bya'o/ /gzugs med pa'i khams kyi sems can dag gzugs med pa nas rga shi'i bar du med kyang rnam pa bcu gnyis po dang ldan pa zhes bya ste/ de ni nges par thob par 'gyur ba'i phyir sems can kun la mnyam par rten cing 'brel te 'byung ba bcu gnyis dang ldan pa yod pa zhes bya'o/ /rigs kyi bu/ sangs rgyas kyi rang bzhin yang de dang 'dra ste/ sems can thams cad nges par bla na med pa yang dag par rdzogs pa'i byang chub tu 'gyur ba'i phyir de bas na ngas sems can kun la sangs rgyas kyi rang bzhin yod ces gsungs so/ /rigs kyi bu/ ri kha ba can la rtswa bzod pa zhes pa zhig yod de/ gal te </font><hr>Kha141a<br><font size=+1>


@#/ /bas zos na mar gyi snying po 'byung ngo / /yang rtswa gzhan zhig yod de/ gal te bas zos na mar gyi snying po med do/ /de ltar mar gyi snying po med mod kyi ri kha ba can la rtswa bzod pa med ces byar mi rung ngo / /de bzhin du sangs rgyas kyi rang bzhin yang de dang 'dra ste/ de bzhin gshegs pa ni ri kha ba can lta bu'o/ /yongs su mya ngan las 'das pa chen po ni rtswa bzod pa lta bu'o/ /mdo sde sde bcu gnyis ni rtsa de ma yin pa gzhan lta bu ste/ sems can gang yongs su mya ngan las 'das pa 'di nyan tam/ 'dzin tam| 'dri bar byed na sangs rgyas kyi rang bzhin mthong ngo / /mdo sde sde bcu gnyis las sangs rgyas kyi rang bzhin yod par ma thos mod kyi/ sangs rgyas kyi rang bzhin ni med ces byar mi rung ngo / /rigs kyi bu/ sangs rgyas kyi rang bzhin ni gzugs kyang yin la gzugs kyang ma yin/ gzugs ma yin la gzugs ma yin pa'ang ma yin no/ /mtshan ma yin la mtshan ma'ang ma yin/ mtshan ma ma yin la mtshan ma ma yin pa'ang ma yin no/ /gcig pa'ang yin la gcig pa'ang ma yin/ gcig pa ma yin la gcig pa ma yin pa'ang ma yin no/ /rtag pa ma yin chad pa ma yin/ rtag pa ma yin pa'ang ma yin la chad pa ma yin pa'ang ma yin no/ /yod pa'ang yin la med pa'ang yin/ yod pa'ang ma yin la med </font><hr>Kha141b<br><font size=+1>


pa ma yin pa'ang ma yin no/ /zad pa'ang yin la zad pa'ang ma yin/ zad pa'ang ma yin la zad pa ma yin pa'ang ma yin no/ /rgyu'ang yin la 'bras bu'ang yin/ rgyu'ang ma yin la 'bras bu ma yin pa'ang ma yin no/ /don yang yin la don yang ma yin/ don ma yin la don ma yin pa'ang ma yin no/ /yi ge'ang yin la yi ge'ang ma yin/ yi ge ma yin la yi ge ma yin pa'ang ma yin no/ /de la ji ltar gzugs zhes bya ba gang zhe na/ rdo rje lta bu'i sku'o/ /gzugs ma yin pa gang zhe na/ gzugs ma yin pa'i chos ma 'dres pa bco brgyad do/ / gzugs ma yin gzugs ma yin pa'ang ma yin pa gang zhe na/ gzugs dang gzugs ma yin pa la nges pa'i mtshan nyid med pa'o/ /de la ji ltar na mtshan zhes bya zhe na/ mtshan sum cu rtsa gnyis so/ /mtshan ma yin pa gang zhe na/ sems can thams cad la mtshan mngon du mi snang ba'o/ /mtshan ma yin mtshan ma yin pa'ang ma yin pa gang zhe na/ mtshan dang mtshan ma yin pa nges pa ma yin pa'o/ /de la ji ltar na gcig pa gang zhe na/ sems can thams cad theg pa gcig pa'o/ /gcig pa ma yin pa gang zhe na/ theg pa gsum bshad pa'o/ /gcig pa'ang ma yin gcig pa ma yin pa'ang ma yin pa gang zhe na/ chos grangs med pa'o/ /rtag pa ma yin pa gang zhe na/ rkyen las mthong bar gyur pa'o/ / </font><hr>Kha142a<br><font size=+1>


@#/ /chad pa ma yin pa gang zhe na/ chad par lta ba dang bral ba'o/ /rtag pa ma yin pa'ang ma yin pa chad pa ma yin pa'ang ma yin pa gang zhe na/ thog ma dang tha ma'i mtha' med pa'o/ /yod pa gang zhe na/ sems can thams cad yod pa'o/ /med pa gang zhe na/ thabs mkhas pas mthong bar gyur pa'o/ /yod pa'ang ma yin med pa'ang ma yin pa gang zhe na/ nam mkha'i mtshan nyid do/ /zad pa gang zhe na/ dpa' bar 'gro ba'i ting nge 'dzin gyi mthu thob pa'o/ /zad pa ma yin pa gang zhe na/ rtag pa ma yin pa'o/ /zad pa'ang ma yin zad pa ma yin pa'ang ma yin pa gang zhe na/ thams cad zad pa'i mtshan nyid du chad par gyur pa'o/ /rgyu gang zhe na/ rgyu rab tu rtogs pa'o/ /'bras bu gang zhe na/ 'bras bu gdon mi za bar 'gyur ba'o/ /rgyu ma yin 'bras bu ma yin pa gang zhe na rtag pa'o/ /don gang zhe na/ don thams cad sdud pa la thogs pa med pa'o/ /don ma yin pa gang zhe na/ bshad du med pa'o/ /don ma yin don ma yin pa'ang ma yin pa gang zhe na/ mthar stong par 'gyur ba'o/ /yi ge zhes bya ba gang zhe na/ ming du btags pa yod pa'o| |yi ge ma yin pa gang zhe na/ ming du btags pa med pa'o/ /yi ge ma yin yi ge ma yin pa'ang ma yin pa gang zhe na/ yi ge thams cad bcad pa'o/ /sdug bsngal yang </font><hr>Kha142b<br><font size=+1>


ma yin bde ba'ang ma yin pa gang zhe na/ tshor ba thams cad bcad pa'o/ /bdag ma yin pa gang zhe na/ dbang brgyad dang ldan par ma gyur pa'o/ /bdag ma yin pa'ang ma yin pa gang zhe na rtag pa'o/ /bdag ma yin bdag ma yin pa'ang ma yin pa gang zhe na/ byas pa med pa myong ba med pa'o/ /stong pa zhes bya ba gang zhe na/ don dam pa stong pa'o/ /stong pa ma yin pa gang zhe na/ rtag pa'o/ /stong pa ma yin stong pa ma yin pa'ang ma yin pa gang zhe na/ dge ba'i chos kyi 'bras bur gyur pa'o/ /rigs kyi bu/ gal te gang zhig yongs su mya ngan las 'das pa chen po'i mdo'i don 'di dag yid la byas te rtogs nas sangs rgyas kyi rang bzhin mthong ba yin par rig par bya'o/ /sangs rgyas kyi rang bzhin ni bsam gyis mi khyab pas sangs rgyas bcom ldan 'das rnams kyi spyod yul yin gyi/ nyan thos dang rang sangs rgyas rnams kyis shes pa ma yin no/ /rigs kyi bu/ sangs rgyas kyi rang bzhin ni phung po dang| khams dang / skye mched ma yin/ thog ma med la da yod pa ma yin/ yod par gyur nas phyis med par 'gyur ba ma yin te/ dge ba'i rgyu dang rkyen las sems can gyis mthong bar 'gyur ro/ /dper na/ lcags nag po mer bsregs na dmar por 'gyur la/ phyung ste grang na phyir yang nag por 'gyur te/ kha dog nag po yang nang na ma yin/ phyi </font><hr>Kha143a<br><font size=+1>


@#/ /rol na ma yin te/ rgyu rkyen las gyur to/ /sangs rgyas kyi rang bzhin yang de dang 'dra ste/ sems can thams cad kyi nyon mongs pa'i me med par gyur na mthong zhing thos par 'gyur ro/ /rigs kyi bu/ ji ltar sa bon 'gags par gyur na myu gu skye bar 'gyur te/ myu gu'i mtshan nyid de nang na ma yin phyi rol na ma yin pa nas me tog dang 'bras bu'i bar du'ang de bzhin te/ rkyen las yod par gyur to/ /rigs kyi bu/ yongs su mya ngan las 'das pa chen po'i mdo sde dam pa ni yon tan tshad med pa dang ldan pa yin te/ sangs rgyas kyi rang bzhin yang de dang 'dra bar yon tan tshad med grangs med pa dang ldan pa'o/ /de nas byang chub sems dpa' sems dpa' chen po seng ge sgras gsol pa/ bcom ldan 'das/ byang chub sems dpa' chos du dang ldan na sangs rgyas kyi rang bzhin mthong ba la gsal bar ma gyur/ sangs rgyas bcom ldan 'das kyi chos du dang ldan na mngon par gsal bar gzigs par gyur/ bka' stsal pa/ rigs kyi bu/ byang chub sems dpa' chos bcu dang ldan na sangs rgyas kyi rang bzhin mthong mod kyi mi gsal lo/ /bcu gang zhe na/ 'dod pa nyung ba dang / chog shes pa dang / rab tu zhi ba dang / brtson 'grus dang / </font><hr>Kha143b<br><font size=+1>


yang dag pa'i dran pa dang / yang dag pa'i ting nge 'dzin dang / yang dag pa'i shes rab dang / rnam par grol ba dang / rnam par grol ba las bsngags pa dang / yongs su mya ngan las 'das pa chen pos sems can smin par byed pa'o/ /byang chub sems dpa' seng ge sgras gsol pa/ bcom ldan 'das/ 'dod pa nyung ba dang / chog shes pa la khyad par ci mchis/ bka' stsal pa/ rigs kyi bu/ 'dod pa nyung ba ni mi tshol mi len pa'o/ /chog shes pa ni nyung du rnyed kyang 'gyod cing zhe la gnod pa'i sems med do/ /'dod pa nyung ba ni 'dod pa chung ba'o/ /chog shes pa ni chos kyi don gyi phyir mya ngan gyis gdungs pa'i sems med pa'o/ /rigs kyi bu/ 'dod pa la rnam pa gsum ste/ 'dod pa ngan pa dang| 'dod pa chen po dang / 'dod pas 'dod pa'o/ /de la 'dod pa ngan pa ni gal te dge slong zhig 'dod pa'i sems 'di lta bu dag skyed pa'o/ /bdag ji ltar na 'khor mang po thams cad kyi gtso bor 'gyur zhing / dge slong gi dge 'dun thams cad bdag gi 'khor du 'gyur ba dang / 'khor rnams bzhis bdag la mchod pa dang / rim gro dang / bkur sti dang bstod cing bsngags par 'gyur ba dang / bdag gis sngar 'khor rnam pa bzhi la chos bshad pa thams cad kyis bdag gi tshig la yid ches shing 'dzin pa dang / </font><hr>Kha144a<br><font size=+1>


@#/ /rgyal po dang / blon po dang / khyim bdag kun gyis kyang bdag la bkur sti byed par 'gyur ba dang / bdag gis chos gos dang / bsod snyoms dang / mal cha dang / nad kyi rkyen sman dang / gnas khang dam pa la sogs pa mang du thob par 'gyur snyam du sems pa ni 'khor ba'i 'dod pa ste/ 'dod pa ngan pa zhes bya'o/ /'dod pa chen po zhes bya ba gang zhe na/ gal te dge slong gang zhig rnyed pa dang grags pa'i phyir 'dod pa'i sems kyis ji ltar 'khor rnam bzhis bdag sa dang po thob pa nas sa bcu pa'i bar dang / bla na med pa yang dag par rdzogs pa'i byang chub thob pa dang / dgra bcom pa'i 'bras bu thob pa nas rgyun du zhugs pa'i 'bras bu'i bar du thob pa dang / bsam gtan bzhi thob pa nas thogs pa med pa'i ye shes kyi bar du thob par shes par 'dod pa ni 'dod pa chen po zhes bya'o/ /'dod pa'i 'dod pa zhes bya ba gang zhe na/ gal te dge slong gang rnyed pa dang grags pa'i phyir tshangs pa'i lhar skye bar 'dod pa dang / bdud kyi ris dang / dbang phyug chen po dang / 'khor los bsgyur ba'i rgyal po dang / rgyal rigs dang / bram zer skye zhing dbang thob par 'dod pa ni 'dod pa'i 'dod pa zhes bya'o/ /gang 'dod pa ngan pa gsum po des mi 'tshe ba na 'dod pa nyung ba zhes bya'o/ /'dod </font><hr>Kha144b<br><font size=+1>


pa zhes bya ba ni srid pa nyi shu rtsa lnga ste/ srid pa nyi shu rtsa lnga po de dag med pa ni 'dod pa nyung ba zhes bya'o/ /ma 'ongs pa'i 'dod pa'i dngos po mi tshol ba ni 'dod pa nyung ba ste/ rnyed nas mi chags pa ni chog shes pa zhes bya'o/ /rnyed pa dang grags pa mi tshol ba ni 'dod pa nyung ba'o/ /rnyed nas mi gsog pa ni chog shes pa'o/ /rigs kyi bu/ yang 'dod pa nyung ba la chog shes pa zhes mi bya ba yod do/ /chog shes la 'dod pa nyung ba zhes mi bya ba yod do/ /'dod pa'ang nyung la chog kyang shes pa yod do/ /chog kyang mi shes la 'dod pa'ang mang ba yod de/ de la 'dod pa nyung ba ni rgyun du zhugs pa'o/ /chog shes pa ni rang sangs rgyas so/ /'dod pa nyung zhing chog shes pa ni dgra bcom pa'o/ /'dod pa nyung ba'ang ma yin la chog kyang mi shes pa ni byang chub sems dpa' dag go /rigs kyi bu/ 'dod pa nyung zhing chog shes pa la'ang rnam pa gnyis te/ dge ba dang / mi dge ba'o/ /de la mi dge ba ni bus pa so so'i skye bo rnams so/ /dge ba ni 'phags pa dang byang chub sems dpa' rnams so/ /'phags pa thams cad ni lam dang 'bras bu thob kyang bdag thob bo zhes mi brjod do/ /de ltar mi brjod pa'i phyir sems mi 'khrug ste/ de ni chog shes pa zhes bya'o/ /rigs kyi bu/ de ltar na byang chub sems dpa' sems dpa' chen po theg pa chen po yongs su mya ngan </font><hr>Kha145a<br><font size=+1>


@#/ /las 'das pa'i mdo sgom zhing sangs rgyas kyi rang bzhin mthong bar 'dod na/ 'dod pa nyung ba dang / chog shes pa la nan tan bya'o/ /de la rab tu zhi ba gang zhe na/ zhi ba la rnam pa gnyis te/ sems zhi ba dang / lus zhi ba'o/ /de la lus zhi ba ni nam yang lus kyi mi dge ba rnam pa gsum mi byed pa'o/ /sems zhi ba ni yid kyi mi dge ba rnam pa gsum mi byed pa ste/ de ni lus dang sems zhi ba zhes bya'o/ /yang lus zhi ba zhes bya ba ni 'khor rnam bzhi la mi brten te/ 'khor rnam bzhis byed pa'i las kyi dngos po la mi chags pa'o/ /sems zhi ba ni nam du'ang 'dod chags dang zhe sdang dang gti mug gis mi gos pa ste/ de ni lus dang sems zhi ba zhes bya'o/ /dge slong la la ni lus zhi yang sems ma zhi/ la la ni sems zhi'ang lus ma zhi/ la la ni lus dang sems gnyis ka zhi/ la la ni lus dang sems gnyis ka ma zhi ba'ang yod do| |de la lus zhi la sems ma zhi ba ni dge slong gang zhig bas mthar bsam gtan byed de 'khor rnam bzhi spangs kyang sems ni rtag tu 'dod chags dang zhe sdang dang gti mug la sems pa ni lus zhi la sems ma zhi bzhes bya'o/ /de la lus ma zhi la sems zhi bzhes bya ba ni dge slong gang zhig 'khor rnam bzhi dang / rgyal po dang / blon po la </font><hr>Kha145b<br><font size=+1>


bsnyen cing brten kyang / 'dod chags dang zhe sdang dang gti mug yongs su bcad pa ni sems zhi la lus ma zhi ba zhes bya'o/ /de la lus dang sems gnyis ka zhi ba ni sangs rgyas dang byang chub sems dpa' rnams so/ /lus dang sems gnyis ka ma zhi ba ni bus pa ma rabs so so'i skye bo rnams so/ /de ci'i phyir zhe na/ bus pa ma rabs so so'i skye bo ni lus dang sems zhi'ang mi rtag pa dang / bde ba med pa dang / bdag med pa dang / yongs su dag pa med pa la shin tu rtog mi nus te/ don de lta bas na bus pa ma rabs so so'i skye bo ni lus dang ngag dang yid kyi las sbyong mi nus so/ /log sred can dang / rtsa ba bzhi nyams pa dang / mtshams med pa lnga'i kha na ma tho ba byas pa de lta bu dag kyang lus dang sems zhi ba zhes mi bya'o/ /de la brtson 'grus zhes bya ba gang zhe na/ dge slong gang zhig lus dang ngag dang yid kyi las yongs su dag par 'dod pas mi dge ba'i las thams cad spong zhing dge ba'i las thams cad sgom pa ni brtson 'grus zhes bya ste/ de ltar brtson 'grus de'ang dran pa nye bar bzhag pa drug la gnas so/ /drug gang zhe na/ 'di lta ste/ sangs rgyas dang| chos dang / dge 'dun dang / tshul khrims dang / sbyin pa dang / lha dran pa ste/ de ni yang dag pa'i dran pa nye bar bzhag pa'o/ /yang dag pa'i dran pa nye bar bzhag pa dang ldan </font><hr>Kha146a<br><font size=+1>


@#/ /pas ting nge 'dzin thob pa ni yang dag pa'i ting nge 'dzin ces bya'o/ /yang dag pa'i ting nge 'dzin thob pa nges chos thams cad la ni nam mkha' bzhin du rtogs pa ni yang dag pa'i shes rab ces bya'o/ /yang dag pa'i shes rab dang ldan pas kun nas nyon mongs pa thams cad spangs pa ni rnam par grol ba zhes bya'o/ /rnam par grol ba thob pa des sems can thams cad la rnam par grol ba'i yon tan bsngags shing rnam par grol ba ni rtag pa mi 'gyur mi 'pho ba'o/ /zhes brjod pa ni rnam par grol ba'i yon tan bsngags pa zhes bya ste/ rnam par grol ba ni bla na med pa'i yongs su mya ngan las 'das pa chen po'o/ /yongs su mya ngan las 'das pa chen po ni kun nas nyon mongs pa'i me zhi bar byed pa'o/ /yang mya ngan las 'das pa ni rten dang gnas zhes kyang bya'o/ /de ci'i phyir zhe na/ nyon mongs pa'i rlung drag po dang char pa'i skyabs su gyur pa'i phyir ro/ /yang mya ngan las 'das pa ni mgon dang skyabs zhes bya'o/ /de ci'i phyir zhe na/ 'jigs pa thams cad las 'da' bar byed pa'i phyir ro/ /yang mya ngan las 'das pa ni gling zhes bya'o| |de ci'i phyir zhe na/ 'od pa chen po bzhis g.yeng mi nus pa'i phyir ro/ /'od pa bzhi gang zhe na/ 'dod pa'i 'od pa dang / srid pa'i 'od pa dang / lta ba'i 'od pa dang / ma </font><hr>Kha146b<br><font size=+1>


rig pa'i 'od pa ste/ de'i phyir mya ngan las 'das pa la gling zhes bya'o/ /yang mya ngan las 'das pa ni mthar skyabs su 'gro ba zhes bya'o/ /de ci'i phyir zhe na/ mthar bde ba thams cad thob pa'i phyir ro/ /byang chub sems dpa' sems dpa' chen po la chos rnam pa de bcu dang ldan na'ang sangs rgyas kyi rang bzhin gsal bar mi mthong ngo / /gzhan yang / rigs kyi bu/ rab tu byung ba la rnam pa bzhi yod pas dge sbyong gi 'bras bu rnam pa bzhi mi thob bo/ /bzhi gang zhe na/ 'dod pa ngan pa bzhi ste/ gos kyi 'dod pa dang / zas kyi 'dod pa dang / mal cha'i 'dod pa dang / srid pa'i 'dod pa dang / de ni 'dod pa ngan pa bzhi ste/ rab tu byung ba'i nad do/ /de sman bzang po rnam pa bzhis nad de gso nus so/ /gang zhe na/ gos phyag dar khrod pas ni dge slong gi gos kyi 'dod pa ngan pa gso bar byed do/ /bsod snyoms kyis ni zas kyi 'dod pa ngan pa gso bar byed do/ /shing drung pas ni mal cha'i 'dod pa ngan pa gso bar byed do/ / lus dang sems zhi bas ni dge slong gi srid pa'i 'dod pa ngan pa gso bar byed do/ /sman rnam pa de bzhis nad rnam pa de bzhi med par byed pas de ni 'phags pa'i spyod pa zhes bya'o/ de ltar 'phags pa'i spyod pa ni 'dod pa nyung zhing chog shes pa zhes bya'o/ /zhi ba la bde ba rnam bzhi yod do/ /bzhi gang zhe na/ rab tu byung ba'i bde ba dang / zhi ba'i bde ba dang / </font><hr>Kha147a<br><font size=+1>


@#/ /'gog pa'i bde ba dang / mthar phyin pa'i bde ba'o/ /bde ba rnam pa 'di bzhi thob pa ni zhi ba zhes bya'o/ /brtson 'grus bzhi dang ldan pa'i phyir brtson 'grus zhes bya'o/ /dran pa nye bar bzhag pa bzhi dang ldan pa'i phyir yang dag pa'i dran pa nye bar bzhag pa zhes bya'o/ /bsam gtan bzhi dang ldan pa'i phyir yang dag pa'i ting nge 'dzin ces bya'o/ /'phags pa'i bden pa bzhi mthong ba'i phyir yang dag pa'i shes rab ces bya'o/ /kun nas nyon mongs pa thams cad yongs su bcad pa'i phyir rnam par grol ba zhes bya'o| |nyon mongs pa'i skyon thams cad smod pa'i phyir rnam par grol ba bsngags pa zhes bya'o/ /rigs kyi bu/ byang chub sems dpa' sems dpa' chen po chos bcu po de dag dang ldan te de la gnas pas sangs rgyas kyi rang bzhin mthong mod kyi gsal bar ma gyur to/ /gzhan yang / rigs kyi bu/ byang chub sems dpa' sems dpa' chen po mdo sde 'di thos nas nye bar bsnyen cing nan tan byed de/ 'jig rten gyi dngos po thams cad spong ba ni 'dod pa nyung ba zhes bya'o/ /rab tu byung nas 'gyod pa'i sems mi skye ba ni chog shes pa zhes bya'o/ /chog shes nas dben par gnas te 'du 'dzi sbong ba ni zhi ba zhes bya'o/ /chog mi shes pa ni dben pa la mi dga'o/ /chog shes pa ni rtag tu dben pa zhi </font><hr>Kha147b<br><font size=+1>


pa la dga' ste/ dben pa zhi ba'i gnas su rtag tu 'di snyam du 'jig rten pa thams cad kyis bdag dge sbyong gi 'bras bu thob pa yin par 'dzin te/ bdag gis ni yang dag par ma thob na bdag gis ci'i phyir gzhan la slu bar byed snyam sems so/ /de snyam du bsams nas brtson 'grus su dge sbyong gi lam gyi 'bras bu sgom pa ni brtson 'grus zhes bya'o/ /mya ngan las 'das pa chen po la bsnyen zhing sgom pa ni yang dag pa'i dran pa nye bar bzhag pa'o/ /lha'i spyod pa dang gzhol ba ni yang dag pa'i ting nge 'dzin to/ /ting nge 'dzin de la gnas nas yang dag par mthong / yang dag pa shes pa ni yang dag pa'i shes rab bo/ /yang dag pa mthong zhing shes pas kun nas nyon mongs pas bcings pa dang bral bar gyur pa ni rnam par grol ba'o| |sa bcu pa'i byang chub sems dpa' sems can gyi phyir mya ngan las 'das pa'i yon tan sgrogs pa ni rnam par grol ba bsngags pa'o/ /rigs kyi bu/ byang chub sems dpa' sems dpa' chen pos chos bcu po de dag la gnas pa de dang ldan te/ sangs rgyas kyi rang bzhin mthong mod kyi gsal bar ma gyur to/ /gzhan yang / rigs kyi bu/ 'dod pa nyung ba ni gal te dge slong gang dben par gnas te tsog pur 'dug cing mi nyal lam/ shing drung na gnas sam/ dur khrod na gnas sam/ bla ga ba med pa'i gnas su gnas sam/ </font><hr>Kha148a<br><font size=+1>


@#/ /gang na rtswa yod pa'i steng du 'dug cing bsod snyoms byed de/ ci rnyed pas chog par 'dzin tam/ stan gcig pa'am/ zas gcig las mi 'da' ba'am/ chos gos gsum pa'am/ phyag dar khrod pa 'ba' zhig 'chang ba ni 'dod pa nyung ba'o/ /de ltar spyad pa spyod pa na 'gyod pa'i sems mi skye ba ni chog shes pa'o/ /dben par ting nge 'dzin sgom pa ni zhi ba'o/ /'bras bu bzhi pa thob nas bla na med pa yang dag par rdzogs pa'i byang chub kyi sems ma btang ba ni brtson 'grus so/ /sems rtse gcig tu de bzhin gshegs pa rtag pa mi 'gyur mi 'pho ba yid la byed pa ni yang dag pa'i dran pa nye bar bzhag pa'o/ /rnam par grol ba brgyad sgom pa ni yang dag pa'i ting nge 'dzin to/ /so so yang dag par shes pa bzhi thob pa ni yang dag pa'i shes rab bo/ /zag pa bdun dang bral ba ni rnam par grol ba'o/ /mya ngan las 'das pa la mtshan ma bcu med do zhes yon tan bsngags pa ni rnam par grol ba bsngags pa'o/ /mtshan nyid bcu gang zhe na/ 'di lta ste/ skye ba dang / rga ba dang / na ba dang / 'chi ba dang / gzugs dang / sgra dang| dri dang / ro dang / reg bya dang / mi rtag pa ste/ mtshan nyid bcu po 'di dag dang bral ba ni mya ngan las 'das pa chen po zhes bya'o/ /rigs kyi bu/ byang chub sems </font><hr>Kha148b<br><font size=+1>


dpa' sems dpa' chen po de ltar chos bcu po dang ldan pas sangs rgyas kyi rang bzhin mthong mod kyi/ gsal bar ma gyur to/ /gzhan yang / rigs kyi bu/ rnyed pa dang grags pa mang du 'dod pas ni rgyal po dang / blon po dang / rgyal rigs dang / bram ze dang / gdol rigs dang / rje'u rigs la bsnyen cing 'di skad du bdag rgyun du zhugs pa'i 'bras bu nas dgra bcom pa'i 'bras bu'i bar du thob bo zhes smra ba dang / rnyed pa dang grags pa'i phyir spyod lam bzhi dang / bshad gci che chung gi bar du gal te yon bdag mthong na/ bsti stang byed cing bsu ba dang / gtam byed de/ 'dod pa ngan pa bcom pa ni 'dod pa nyung ba'o/ /kun nas nyon mongs pa rnams ma byang mod kyi/ de bzhin gshegs pa'i mdzad pa'i rjes su mthun par byed pa ni chog shes pa'o/ /rigs kyi bu/ chos rnam pa de gnyis ni dran pa dang / ting nge 'dzin gyi nye ba'i rgyu dang rkyen yin no/ /de la mkhan po dang / slob dpon gcig pa rnams kyis rtag tu bsngags par 'gyur ro/ /ngas kyang rtag tu mdo sde kun las chos rnam pa de gnyis kyi yon tan yongs su bsngags so/ /de la gang chos rnam pa de gnyis dang ldan pa ni mya ngan las 'das pa chen po'i sgo dang / bde ba rnam pa lnga dang nye bar 'gyur pa yin te/ de ni zhi ba'o/ /tshul khrims sdom pa ni brtson 'grus so/ /khrel ba dang 'dzem pa yod pa </font><hr>Kha149a<br><font size=+1>


@#/ /ni yang dag pa'i dran pa'o/ /sems kyi mtshan nyid mi mthong ba ni yang dag pa'i ting nge 'dzin to/ /chos rnams kyi rang bzhin dang mtshan nyid kyi rgyu mi tshol ba ni yang dag pa'i shes rab bo/ /mtshan nyid med pas nyon mongs pa yongs su chod pa ni rnam par grol ba'o/ /yongs su mya ngan las 'das pa'i mdo sde bsngags pa ni rnam par grol ba la bstod pa zhes bya'o/ /rigs kyi bu/ de ni byang chub sems dpa' sems dpa' chen po chos rnam pa bcu po de la gnas pas sangs rgyas kyi rang bzhin mthong mod kyi/ gsal bar ma gyur to/ /rigs kyi bu khyod kyis ji ltar dris pa ltar byang chub sems dpa'i sa bcu pa ji lta bu'i mig gis sangs rgyas kyi rang bzhin mthong mod kyi/ gsal bar ma gyur la/ sangs rgyas bcom ldan 'das ni ji lta bu'i spyan gyis gsal bar gzigs par gyur ces bya ba ni/ rigs kyi bu/ shes rab kyi mig gis mthong ba ni mi gsal ba'o/ /sangs rgyas kyi spyan gyis gzigs pa ni gsal ba'o/ /byang chub kyi spyod pa spyod pa ni mi gsal ba'o/ /spyod pa med pa ni gsal ba'o/ /sa bcu la gnas pa'i phyir mthong mod kyi mi gsal ba'o| |mi gnas mi 'gro ba'i phyir gsal bar gyur to/ /byang chub sems dpa' sems dpa' chen po shes rab kyi rkyen gyis mthong ba ni mi gsal ba'o/ /sangs rgyas bcom </font><hr>Kha149b<br><font size=+1>


ldan 'das ni rgyu dang 'bras bu bcad pas gsal bar gzigs te/ thams cad mkhyen pa ni sangs rgyas kyi rang bzhin ces bya'o/ /byang chub sems dpa' sa bcu pa ni thams cad mkhyen pa zhes mi bya bas mthong yang gsal bar ma gyur to/ /rigs kyi bu/ mthong ba la rnam pa gnyis te/ mig gis mthong ba dang / thos pas mthong ba'o/ /sangs rgyas bcom ldan 'das ni sangs rgyas kyi rang bzhin spyan gyis gzigs te/ ji ltar lag mthil na a mra'i 'bras bu lta ba bzhin no/ /byang chub sems dpa' sa bcu pas sangs rgyas kyi rang bzhin thos pas mthong ba'i phyir gsal bar ma gyur te/ byang chub sems dpa' sa bcu pas bdag ni gdon mi za bar bla na med pa yang dag par rdzogs pa'i byang chub thob par shes mod kyi| sems can thams cad la sangs rgyas kyi rang bzhin yod par mi shes so/ /rigs kyi bu/ gzhan yang mig gis mthong ba ni sangs rgyas bcom ldan 'das dang / sa bcu pa'i byang chub sems dpa' rnams kyis sangs rgyas kyi rang bzhin mthong ba'o/ /gzhan yang thos pas mthong ba ni sems can thams cad dang / sa dgu pa man chad kyis sangs rgyas kyi rang bzhin mthong ba ste/ byang chub sems dpas gal te sems can thams cad la sangs rgyas kyi rang bzhin yod par thos nas dad pa'i sems mi skye na de ni thos pas </font><hr>Kha150a<br><font size=+1>


@#/ /mthong ba zhes mi bya'o/ /rigs kyi bu/ gal te rigs kyi bu'am rigs kyi bu mo gang de bzhin gshegs pa mthong bar 'dod na mdo sde bcu gnyis 'chang ba dang / 'dzin pa dang / klog pa dang / 'don pa dang / bri ba dang / dgrol zhing 'chad pa dang / yongs su sgom par byed pa'o/ /byang chub sems dpa' sems dpa' chen po seng ge sgras gsol pa/ bcom ldan 'das/ sems can thams cad kyis de bzhin gshegs pa'i sems kyi mtshan nyid mi 'tshal na ji ltar brtags pas 'tshal bar 'gyur/ bcom ldan 'das kyis bka' stsal pa/ rigs kyi bu/ sems can thams cad kyis yang dag par de bzhin gshegs pa'i sems kyi mtshan nyid mi shes pa gal te rtogs shing shes par 'dod na de la rgyu dang rkyen rnam pa gnyis kyis shes par 'gyur ro/ /gang zhe na/ mig gis mthong ba dang / thos pas mthong ba'o/ /de la de bzhin gshegs pa'i sku'i las ji snyed pa thams cad mthong ba ni de bzhin gshegs pa yin te/ mig gis mthong ba zhes bya'o/ /gal te de bzhin gshegs pa'i ngag gi las rtogs pa ni de bzhin gshegs pa yin par rig par bya ste/ de ni thos pas mthong ba zhes bya'o/ /gang gzugs dang dbyibs sems can thams cad dang mtshungs pa </font><hr>Kha150b<br><font size=+1>


med par mthong ba ni de bzhin gshegs pa yin par rig par bya ste/ de ni mig gis mthong ba'o/ /gang gsung dbyangs dam pa mchog tu 'gyur pa sems can gyi sgra dbyangs dang mi mtshungs pa thos pa ni de bzhin gshegs pa yin par rig par bya ste/ de ni thos pas mthong ba'o/ /gang de bzhin gshegs pas rdzu 'phrul mdzad pa rnams sems can gyi phyir ram/ rnyed pa dang grags pa'i phyir mdzad snyam brtags te/ de ni sems can gyi phyir mdzad kyi/ rnyed pa dang grags pa'i phyir ma yin par mthong ba ni de bzhin gshegs pa yin par rig par bya ste/ de ni mig gis mthong ba'o/ /gang de bzhin gshegs pa'i gzhan gyi sems mkhyen pa'i ye shes kyis sems can la dgongs pa na rnyed pa dang grags pa'i phyir chos ston tam/ sems can gyi phyir chos ston snyam du brtags te/ de ni sems can gyi phyir yin gyi rnyed pa dang grags pa'i phyir ma yin par mthong ba ni de bzhin gshegs pa yin par rig par bya ste/ de ni thos pas mthong ba'o/ /gang de bzhin gshegs pas ji ltar sku 'di mnga' bar gyur/ ci'i phyir sku 'di bzhes par gyur/ su'i phyir sku 'di ba zhes pa rtogs pa ni mig gis mthong ba'o/ /gang de bzhin gshegs pa ji ltar chos 'chad/ ci'i phyir chos 'chad/ su la chos 'chad pa rtogs pa ni thos pas mthong ba'o/ </font><hr>Kha151a<br><font size=+1>


@#/ /lus kyi las mi dge bas rnam par gtses kyang mi khro ba ni de bzhin gshegs pa yin par rig par bya ste/ de ni mig gis mthong ba'o/ /ngag gi las mi dge bas rnam par gtses kyang mi khro ba ni de bzhin gshegs pa yin par rig par bya ste/ de ni thos pas mthong ba'o/ /gang gis byang chub sems dpa' thog ma btsas nas phyogs bcung \?\ gom pa bdun bdun bor te/ gnod sbyin gyi rgyal po ma ni bar ta na dang / pur na bar ta zhes bya bas gdugs dang ba dan dag thogs te mchod pa dang / 'jig rten gyi khams tshad med mtha' yas pa snyed bskul nas gser lta bu'i 'od lhang nge lham mer nam mkha' stong par gang ba dang / klu'i rgyal po dga' bo dang / bsnyen dga' bos rdzu 'phrul gyi stobs kyis byang chub sems dpa'i sku bsil ba dang / 'jig rten gyi lha'i gzugs rnams kyis bsus shing phyag byas pa dang / drang srong a si tas thal mo sbyar te bsti stang byas pa dang / gzhon dar la bab par 'dod pa mchil ma bzhin du spangs pa dang / 'jig rten gyi dga' bas bslu bar ma gyur pa dang / khyim nas khyim med par rab tu byung nas bas mthar lam sgom pa la dga' ba dang / ngan par lta ba gzhig pa'i phyir lo drug dka' ba spyad pa dang / sems can thams cad la gnyis su med par </font><hr>Kha151b<br><font size=+1>


mnyam zhing snyoms pa dang / sems rtag tu ting nge 'dzin la gnas te thog ma nas ma 'khrugs pa dang / g.yeng ba med pa dang / mtshan dang dpe byad bzang pos sku rab tu brgyan pa dang / gang nas gang du gshegs pa'i gnas na shang shong dang ngam grog mnyam por gyur pa dang / sku la na bza' sor bzhis ma reg kyang mi ltung ba dang / gshegs pa na spyan thad kar gzigs te g.yas g.yon du mi gzigs pa dang / zhal du gsol ba rnams rtsing por mi mid pa dang / bzhugs pa las bzhengs pa'i gnas kyi rtsa mi 'gul mi 'khrug pa dang / sems can gdul ba'i phyir chos ston du gshegs kyang dregs pa'i sems med par mthong ba ni mig gis mthong ba'o/ /gal te byang chub sems dpas gom pa bdun bor nas 'di skad du bdag gi lus 'di ni nang gi tha ma'o zhes smras pa dang / drang srong a si tas thal mo sbyar te/ 'di skad du rgyal po chen po 'di ltar rig par gyis shig /rgyal bu don grub ni gdon mi za bar bla na med pa yang dag par rdzogs pa'i byang chub tu 'gyur gyi/ khyim na gnas shing 'khor los bsgyur pa'i rgyal po byed par mi 'gyur ro/ /de ci'i phyir zhe na/ mtshan gsal ba'i phyir te/ 'khor los bsgyur pa'i rgyal po'i mtshan ni gsal ba ma yin te/ rgyal bu don grub kyi mtshan ni shin tu gsal bas na gdon mi 'tshal bar bla na med </font><hr>Kha152a<br><font size=+1>


@#/ /pa yang dag par rdzogs pa'i byang chub tu 'gyur ro zhes smra ba dang / rgas pa dang / na ba dang / 'chi ba mthong nas kyang 'di skad du sems can thams cad ni shin tu brtse ba can te/ rtag tu skye ba dang / rga ba dang / na ba dang / 'chi ba 'di lta bu dang 'grogs te ma rtogs pas rtag tu sdug bsngal la spyod de/ ngas gcad par bya'o zhes drang srong a la la zhes bya ba lnga mngon shes pa las 'du shes med pa'i bsam gtan bslabs te grub nas phyis skyon du mthong ngo / /de nas yang drang srong u ta ka zhes bya ba las 'du shes med 'du shes med min gyi bsam gtan bslabs te grub nas de'ang mya ngan las 'das pa ma yin gyi/ 'khor ba'i chos su rtogs nas lo drug gi bar du dka' ba spyod kyang ci'ang thob pa med pas 'di skad du dka' ba 'di spyod kyang don med de/ ci'ang thob pa med do/ /gal te yang dag pa zhig yin na bdag gis thob pa'i rigs na/ yang dag pa ma yin pas bdag gis ci'ang ma thob pa las bltas na 'di ni log par lta ba'i lam yin gyi/ yang dag pa'i lam ma yin no zhes smras pa dang / mngon par byang chub nas tshangs pa'i rgyal pos 'di skad ces de bzhin gshegs pas sems can rnams la bla na med pa'i zil mngar gyis chos kyi sgo mo rgyas par dbye bar ci gnang zhes gsol </font><hr>Kha152b<br><font size=+1>


ba btab nas/ bcom ldan 'das kyis tshangs pa'i rgyal po la 'di skad ces bka' stsal to/ /sems can thams cad ni nyon mongs pa'i sgrib pas rtag tu bsgribs pa'i phyir nga'i dam pa'i chos kyi tshig 'dzin mi nus so/ /tshangs pa'i rgyal pos yang gsol pa/ bcom ldan 'das/ sems can thams cad la rnam pa gsum ste/ dbang po rno ba dang / dbang po 'bring dang / dbang po rtul po ste/ dbang po rnon po rnams kyis rjes su 'dzin nus kyi/ bstan cing bshad par smon to/ /bcom ldan 'das kyis bka' stsal pa/ rgyal po chen po/ shin tu yid la byas te rtag par nyon cig dang ngas sems can thams cad la zil mngar gyi sgo dbye bar bya'o zhes bka' stsal nas/ yul wA ra NA sir dam pa'i chos kyi 'khor lo yongs su bskor te dbu ma'i lam bstan to/ /gang zhe na/ sems can thams cad kun nas nyon mongs pa rnams ma bcom pa gzhom mi nus pa'ang ma yin/ bcom pa'ang ma yin/ ma bcom pa'ang ma yin pa ni lam dbu ma'o/ /sems can gang yang ma bsgral te mi sgrol ba'ang ma yin pa ni lam dbu ma'o/ /thams cad 'grub pa'ang ma yin/ mi 'grub pa'ang ma yin pa ni lam dbu ma'o/ /ci dang ci ston kyang bdag nyid mkhan por mi 'dzin slob mar mi 'dzin pa ni lam dbu ma'o/ /rnyed pa'i phyir ston pa ma yin yang 'bras bu mi thob pa'ang ma yin pa ni lam dbu ma'o/ /yang </font><hr>Kha153a<br><font size=+1>


@#/ /dag pa'i tshig dang / bden pa'i tshig dang / dus la bab pa'i tshig dang / drang po'i tshig dang / smra ba thams cad don med par mi smra ba de lta bu'i chos mchog dam pa rtogs pa ni thos pas mthong ba'o/ /rigs kyi bu/ de bzhin gshegs pa'i sems kyi mtshan nyid ni mthong ba ma yin no/ /gal te rigs kyi bu'am rigs kyi bu mo gang zhig de bzhin gshegs pa mthong par 'dod na rgyu dang rkyen rnam pa gnyis la gnas par bya'o/ /de nas byang chub sems dpa' sems dpa' chen po seng ge sgras bcom ldan 'das la yang 'di skad ces gsol to/ /bcom ldan 'das/ ci ltar gong du skyes bu rnam pa bzhi ni a mra'i 'bras bu dper gsungs pa de la/ gang zag la la ni spyod pa phra la sems bden pa ma lags/ la la ni sems phra la spyod pa bden pa ma lags/ la la ni sems phra la spyod pa'ang bden/ la la ni sems mi phra la spyod pa'ang bden pa ma lags na/ de la dang po'i gnyis po ji ltar 'tshal bar bgyi/ bcom ldan 'das kyis gsungs pa ltar rnam pa de gnyis la gnas kyang shes par mi 'gyur ro/ /bcom ldan 'das kyis bka' stsal pa/ legs so/ /legs so/ /rigs kyi bu/ a mra'i 'bras bu'i dpe ltar gang zag rnam pa de gnyis ni yang dag par na shes par dka'o/ /de ltar shes par dka' </font><hr>Kha153b<br><font size=+1>


ba'i phyir ngas mdo sde las lhan cig gnas par bya'o zhes bshad do/ /lhan cig gnas kyang mi shes na yun ring du 'grogs par bya'o/ /yun du 'grogs kyang mi shes na shes rab kyis brtag go /shes rab kyis kyang mi rtogs na shin tu brtag go /shin tu brtags na tshul khrims 'dzin pa dang / tshul khrims nyams pa shes par 'gyur ro/ /rigs kyi bu/ lhan cig gnas pa dang / yun ring du 'grogs pa dang / shes rab dang / rab tu brtags pa dang / rnam pa de bzhin dang ldan na tshul khrims 'dzin pa dang / tshul khrims nyams par shes par 'gyur ro/ /rigs kyi bu/ tshul khrims rnam pa gnyis te/ bsrung ba la'ang rnam pa gnyis so/ /gang zhe na/ mthar phyin pa'i tshul khrims dang / mthar phyin pa ma yin pa'o/ /rgyu dang rkyen gyis tshul khrims 'dzin pa'ang yod pas na mkhas pa shes rab can gyis tshul khrims sdom pa de la rnyed pa dang grags pa'i phyir mthar phyin pa'i tshul khrims 'dzin par brtag go /rigs kyi bu/ de bzhin gshegs pa'i tshul khrims ni rgyu dang rkyen med pa'i phyir mthar phyin pa'i tshul khrims zhes bya'o/ /don de lta bas na byang chub sems dpa' la mi dge ba'i sems can rnams kyis 'tshe zhing gnod par byed kyang zhe sdang gis thogs par 'gyur ba'i sems mi skye ste/ de bas na de bzhin gshegs pa ni mthar phyin </font><hr>Kha154a<br><font size=+1>


@#/ /pa'i tshul khrims 'dzin pa dang ldan pa zhes bya'o/ /rigs kyi bu/ nga sngon dus gcig na shA ri'i bu la sogs pa nye gnas lnga brgya dang bcas te/ yul dbus 'gyur 'chang na grong khyer tsam pa zhes bya ba na bzhugs pa las khra zhig gis phug ron gcig bdas pa las phug ron de rab tu skrag nas/ shA ri'i bu'i phag tu grib ma la 'dug pa las 'on kyang chu shing ltar 'dar ro/ /nga'i grib mar phyin pa dang lus dang sems bde bar gyur te/ 'jigs pa med par gyur to/ /de bas na sangs rgyas bcom ldan 'das kyi grib ma la'ang de lta bu'i mthu yod pa las na mthar phyin pa'i tshul khrims 'dzin pa yin par rig par bya'o/ /rigs kyi bu/ mthar phyin pa ma yin pa'i tshul khrims kyis nyan thos dang rang sangs rgyas kyang mi thob na bla na med pa yang dag par rdzogs pa'i byang chub lta ci smos/ gzhan yang rnam pa gnyis te/ rnyed pa'i phyir dang / dam pa'i chos kyi phyir ro/ /de la rnyed pa'i phyir tshul khrims 'dzin pa ni tshul khrims des sangs rgyas kyi rang bzhin dang de bzhin gshegs pa ni mi mthong bar rig par bya'o/ /des sangs rgyas kyi rang bzhin dang de bzhin gshegs pa'i mtshan thos mod kyi/ thos pas mthong ba zhes mi bya'o/ /gang dam pa'i chos kyi phyir tshul khrims de 'dzin pa ni tshul khrims des </font><hr>Kha154b<br><font size=+1>


sangs rgyas kyi rang bzhin dang de bzhin gshegs pa mthong bar rig par bya ste/ de ni mig gis mthong ba zhes kyang bya/ thos pas mthong ba zhes kyang bya'o/ /gzhan yang rnam pa gnyis te/ rtsa ba zab pas gdon dka' ba dang / rtsa ba mi zab pas bsgul sla ba'o/ /gang gis stong pa nyid dang / mtshan ma med pa dang / smon pa med pas sgom pa ni rtsa ba zab pas gdon dka' zhes bya'o/ /gang ting nge 'dzin rnam pa gsum po la nan tan mi byed na sgom zhing spyad du zin kyang srid pa nyi shu rtsa lngar 'gyur te/ rtsa ba bsgul sla ba zhes bya'o// //'phags pa yongs su mya ngan las 'das pa chen po'i mdo/ bam po sum cu bdun pa/ gzhan yang rnam pa gnyis te/ bdag gi phyir dang / sems can gyi phyir ro/ /de la sems can gyi phyir byed pa ni sangs rgyas kyi rang bzhin dang de bzhin gshegs pa mthong ngo / /tshul khrims sdom pa la'ang rnam pa gnyis te/ rang bzhin gyis sdom pa dang / gzhan gyi rkyen gyis sdom pa'o/ /de la gang tshul khrims mnos nas skye ba tshad med pa'i bar du nyams par ma gyur te/ 'di ltar yul 'khrugs sam/ mi dge ba'i bshes gnyen dang phrad dam/ dus ngan pa dang phrad de chos ngan pa log pa thos sam/ ngan par lta ba dang lhan cig gnas kyang de'i tshe tshul khrims mnos </font><hr>Kha155a<br><font size=+1>


@#/ /pa'i cho ga med mod kyi/ thog ma ji ltar mnos pa bzhin du sdom zhing nyams pa med pa ni rang bzhin gyis sdom pa zhes bya'o/ /gang mkhan po dang dge 'dun dang phrad nas gsol ba dang bzhi'i las byas te tshul khrims thob pa ni/ tshul khrims thob pa de'ang mkhan po dang / slob dpon dang / slob pa gcig pa dang / dge ba'i bshes gnyen gyis bcos shing bstan pa'i rkyen gyis bya ba dang mi bya ba shes te/ chos mnyan pa dang / 'chad pa dang / tshul thams cad dang ldan pa shes pa ni gzhan gyi rkyen gyis tshul khrims sdom pa zhes bya'o/ /rigs kyi bu/ rang bzhin gyis sdom pa ni mig gis sangs rgyas kyi rang bzhin dang de bzhin gshegs pa mthong ste thob pas mthong ba zhes kyang bya'o/ /tshul khrims la'ang rnam pa gnyis te/ nyan thos kyi tshul khrims dang / byang chub sems dpa'i tshul khrims so/ /de la thog ma sems bskyed pa nas bla na med pa yang dag par rdzogs pa'i byang chub kyi bar du ni byang chub sems dpa'i tshul khrims zhes bya'o/ /gang keng rus la rtog pa nas dgra bcom pa'i 'bras bu'i bar du thob pa ni nyan thos kyi tshul khrims zhes bya ste/ de la gang nyan thos kyi tshul khrims srung ba ni 'di ltar rig par bya ste/ sangs rgyas kyi rang </font><hr>Kha155b<br><font size=+1>


bzhin dang de bzhin gshegs pa mi mthong ngo / /gang byang chub sems dpa'i tshul khrims srung ba ni bla na med pa yang dag par rdzogs pa'i byang chub thob pa dang / sangs rgyas kyi rang bzhin dang / de bzhin gshegs pa dang / mya ngan las 'das pa mthong bar rig par bya'o/ /byang chub sems dpa' seng+ge sgras gsol pa/ bcom ldan 'das/ ci'i rgyu ci'i rkyen gyis tshul khrims nod cing sdom par gyur/ bcom ldan 'das kyis bka' stsal pa/ rigs kyi bu/ sems mi 'gyod par bya ba'i phyir ro/ /ci'i phyir mi 'gyod ce na/ bde ba myong ba'i phyir ro/ /ci'i phyir bde ba myong zhe na/ yongs su spang ba'i phyir ro/ /ci'i phyir yongs su spang zhe na/ rab tu bde ba'i phyir ro/ /ci'i phyir rab tu bde zhe na/ bsam gtan la rnal 'byor ba'i phyir ro/ /ci'i phyir bsam gtan la rnal 'byor ce na/ yang dag pa shes shing mthong ba'i phyir ro/ /ci'i phyir yang dag pa shes shing mthong zhe na/ 'khor ba'i skyon rnams mthong ba'i phyir ro/ /ci'i phyir 'khor ba'i skyon rnams mthong zhe na/ sems ma chags pa'i phyir ro/ /ci'i phyir sems ma chags she na/ rnam par grol pa thob pa'i phyir ro/ /ci'i phyir rnam par grol ba zhe na/ bla na med pa'i mya ngan las 'das pa chen po thob pa'i phyir ro/ /ci'i phyir mya ngan las 'das pa chen </font><hr>Kha156a<br><font size=+1>


@#/ /po thob ce na/ rtag pa dang / bde ba dang / bdag dang / yongs su dag pa thob pa'i phyir ro/ /ci'i phyir rtag pa dang / bde ba dang / bdag dang / yongs su dag pa zhe na/ mi skye mi 'gog pa thob pa'i phyir ro/ /ci'i phyir mi skye mi 'gog ce na/ sangs rgyas kyi rang bzhin mthong ba'i phyir te/ de bas na byang chub sems dpa' ni rang bzhin gyis tshul khrims rnam par dag pa mthar phyin pa srung ngo / /rigs kyi bu/ tshul khrims sdom pa'i dge slong dag mi 'gyod pa'i sems ched du mi tshol mi smon mod kyi/ mi 'gyod pa'i sems rang thob bo/ /de ci'i phyir zhe na/ chos nyid kyis de lta bur 'gyur ba'i phyir ro/ /bde ba dang / yongs su spang ba dang / rab tu bde ba dang / yang dag par shes shing mthong ba dang / 'khor ba'i skyon mthong ba dang / sems ma chags pa dang / rnam par grol ba dang / mya ngan las 'das pa dang / rtag pa dang / bde ba dang / bdag dang yongs su dag pa dang / mi skye mi 'gog pa dang / sangs rgyas kyi rang bzhin mthong ba'i ched du mi tshol mod kyi rang thob par 'gyur ro/ /de ci'i phyir zhe na/ chos nyid kyis de lta bur 'gyur ba'i phyir ro/ /byang chub sems dpa' seng+ge sgras gsol pa/ bcom ldan 'das/ gal te tshul khrims sdom pa'i rgyu las </font><hr>Kha156b<br><font size=+1>


mi 'gyod pa'i 'bras bu thob la/ rnam par grol ba'i rgyu las mya ngan las 'das pa'i 'bras bu thob pa lags na/ tshul khrims la'ang rgyu ma mchis na mya ngan las 'das pa la'ang 'bras bu ma mchis so/ /gang rgyu ma mchis pa ni rtag pa zhes bgyi ste/ mya ngan las 'das pa la rgyu mchis na lta mi rtag go /gal te de lta bu lags na mya ngan las 'das pa ni thog ma ma mchis pa las gdod mchis par gyur to/ /gal te thog ma ma mchis pa las gdod mchis pa zhig lags na mi rtag par 'gyur te ji ltar me mar dang 'dra bar gyur to/ /gal te mya ngan las 'das pa de lta bu lags ni ci'i slad du bdag dang / bde ba dang / yongs su dag pa zhes gdags/ bcom ldan 'das kyis bka' stsal pa/ rigs kyi bu/ legs so/ /legs so/ /khyod sngon tshad med pa'i sangs rgyas la dge ba'i rtsa ba bskrun pa tshad med pa 'das pa na yul ser skyar de bzhin gshegs spobs so/ /rigs kyi bu/ sngon gyi dran pa ma stor bas 'di ltar dris par gyur to/ /ngas sngon du dran pa sngon bskal pa tshad med pa 'das pa na yul ser skyar de bzhin gshegs pa legs thob ces bya ba 'jig rten du mngon par byung ste/ de'i tshe de bzhin gshegs pa des lo bye ba gsum gyi bar du mya ngan las 'das pa chen po'i mdo sde 'di bstan </font><hr>Kha157a<br><font size=+1>


@#/ /te| nga dang khyod kyang 'khor der 'dus par gyur to/ /ngas dngos po des bcom ldan 'das de la zhus na/ de'i tshe bcom ldan 'das de sems can gyi phyir ting nge 'dzin la snyoms par zhugs pas don de ma bshad do/ /legs so/ /skyes bu chen po sngon gyi dngos po de lta bu dran pa legs kyi/ shin tu yid la byas te rtag par nyon cig dang / khyod la yongs su bstan par bya'o/ /tshul khrims la'ang rgyu yod do/ /gang zhe na/ dam pa'i chos mnyan pa'o/ /dam pa'i chos mnyan pa la yang rgyu yod de/ gang zhe na/ dge ba'i bshes gnyen la bsnyen pa'o/ /dge ba'i bshes gnyen la bsnyen pa la yang rgyu yod de/ de 'di ltar dad pa'i sems so/ / dad pa'i sems la yang rgyu yod de/ rgyu la rnam pa gnyis te/ 'di ltar chos mnyan pa dang don yid la byed pa'o/ /rigs kyi bu/ dad pa'i sems ni chos mnyan pa'i rgyu las byung ngo / /chos mnyan pa yang dad pa'i sems kyi rgyu las byung ste/ chos rnam pa gnyis ni rgyur yang 'gyur la/ rgyu'i rgyur yang 'gyur ro/ /'bras bur yang 'gyur la/ 'bras bu'i 'bras bur yang 'gyur ro/ /rigs kyi bu/ dper na/ gcer bu bas shing pho gsum gyi steng du bum pa bzhag pa ltar gcig gi rgyu yang gcig yin la/ </font><hr>Kha157b<br><font size=+1>


gcig gi 'bras bu'ang gcig yin te/ so sor 'bral du mi rung ngo / /rigs kyi bu/ ji ltar ma rig pa'i rkyen kyang 'du byed yin la/ 'du byed kyi rkyen kyang ma rig pa ste/ ma rig pa dang 'du byed ni rgyur yang 'gyur la/ rgyu'i rgyur yang 'gyur ro/ /'bras bur yang 'gyur la/ 'bras bu'i 'bras bur yang 'gyur ba nas de bzhin du skye ba'i rkyen kyang rga shi'i bar du yin la/ rga shi'i rkyen kyang skye ba yin te/ skye ba dang rga shi ni rgyur yang 'gyur la/ rgyu'i rgyur yang 'gyur te/ 'bras bur yang 'gyur la/ 'bras bu'i 'bras bur yang 'gyur ro// rigs kyi bu/ skye ba dang bskyed pa'i chos ni rang skye mi nus te/ rang mi skye bas na skye ba skyed pas skye'o/ /skye ba rang mi skye ste/ bskyed pa'i dbang gis skye'o/ /de bas na skye ba gnyis kyang rgyur yang 'gyur la rgyu'i rgyur yang 'gyur ro/ /'bras bur yang 'gyur la 'bras bu'i 'bras bur yang 'gyur ro/ /rigs kyi bu/ dad pa'i sems dang / chos mnyan pa'ang de dang 'dra'o/ /rigs kyi bu/ 'bras bu yin la rgyu ma yin pa ni mya ngan las 'das pa chen po'o/ /ci'i phyir 'bras bu zhes bya zhe na/ bla na med pa'i 'bras bu dang / dge sbyong dang / bram ze'i 'bras bu yin pa'i phyir ro/ /'khor ba gcod pa'i phyir/ nyon mongs pa bcom pa'i phyir 'bras bu zhes bya'o/ /nyon mongs pa thams cad kyis yongs su smod pa'i phyir mya ngan </font><hr>Kha158a<br><font size=+1>


@#/ /las 'das pa ni 'bras bu zhes bya'o/ /nyon mongs pa ni skyon dang bcas pa zhes bya'o/ /rigs kyi bu/ mya ngan las 'das pa la rgyu med de/ ngo bo nyid ni 'bras bu yin no/ /de ci'i phyir zhe na/ skye ba dang 'gog pa med pa/ byed pa med pa/ 'dus byas ma yin pa/ 'dus ma byas ma yin pa/ rtag pa/ mi 'gyur ba/ gnas med pa/ thog ma dang tha ma med pa'i phyir ro/ /rigs kyi bu/ gal te mya ngan las 'das pa la rgyu yod na mya ngan las 'das pa zhes mi bya'o/ /yongs su zhes bya ba ni rgyu'o/ /mya ngan las 'das pa zhes bya ba ni med pa ste/ rgyu med pa'i phyir yongs su mya ngan las 'das pa zhes bya'o/ /byang chub sems dpa' seng+ge sgras gsol pa/ ji ltar bcom ldan 'das kyis gsungs pa ltar mya ngan las 'das pa la rgyu ma mchis zhes bka' stsal pa'i don de lta ma lags so/ /ma mchis zhes bgyir ni don 'di drug dang 'byor par 'gyur ro/ /gang zhe na/ yong gis ma mchis pa'i phyir ma mchis zhes bgyi ste/ chos thams cad la bdag dang bdag gi ba ma mchis pa lta bu dang / bar 'ga' ma mchis pa'i phyir ma mchis zhes bgyi ste/ 'jig rten pa dag mtsho'i nang na chu med ce'am/ nyi zla med ces mchi ba lta bu dang / nyung ba'i phyir ma mchis zhes bgyi/ 'jig rten pa dag </font><hr>Kha158b<br><font size=+1>


kha zas tshwa mi bro bas tshwa med ce'am/ khu ba mngar ba la mngar ba'i ro chung bas mngar ba med ces mchi ba lta bu dang / ma myong ba'i phyir ma mchis zhes bgyi ste/ rigs ngan gyis bram ze'i chos mi myong bas bram ze'i chos med pa lta bu dang / chos ngan pa mi dge ba 'dzin pa'i phyir ma mchis zhes bgyi ste/ 'jig rten pas sdig pa mi dge ba'i chos 'dzin pa la dge slong dang bram ze zhes mi bya ste/ dge sbyong dang bram ze ma mchis zhes mchi ba lta bu dang / zla ma mchis pa'i phyir ma mchis zhes bgyi ste/ dkar po ma mchis pa'i phyir nag po zhe'am/ snang ba ma mchis pa'i phyir snang ba ma mchis so zhes mchi ba lta bu ste/ bcom ldan 'das/ mya ngan las 'das pa'ang de dang mtshungs te/ bar 'ga' ni mchis la rgyu ma mchis pa'i phyir mya ngan las 'das pa zhes bgyi'am/ bcom ldan 'das kyis bka' stsal pa/ rigs kyi bu khyod kyis rnam pa drug tu smras na mya ngan las 'da' ba'i dpe yong gis med pa la mi blang bar bar 'ga' med pa la dper len/ rigs kyi bu/ mya ngan las 'da' ba'i ngo bo nyid ni yong gis med de/ dper na/ bdag dang bdag gi med pa dang 'dra'o/ /rigs kyi bu/ 'jig rten pa'i chos ni mya ngan las 'das pa dang bzla' \?\ mi rung bas de'i phyir dngos po drug gi dper byar mi rung ngo / /rigs kyi bu/ </font><hr>Kha159a<br><font size=+1>


@#/ /chos thams cad ni bdag med de/ mya ngan las 'da' ba 'di ni yang dag par bdag yod do/ /don de ltar bas na mya ngan las 'da' ba la rgyu med kyang ngo bo nyid ni 'bras bu'o/ /rgyu yin la 'bras bu ma yin pa ni sangs rgyas kyi rang bzhin ces bya ste/ rgyu las skyes pa ma yin pa'i phyir ro/ /rgyu yin la 'bras bu ma yin pa ni dge sbyong gi 'bras bu ma yin pa'i phyir 'bras bu ma yin zhes bya'o/ /rgyu zhes bya ba ni rgyu gsal bar byed pa'i phyir ro/ /rigs kyi bu/ rgyu la rnam pa gnyis te/ skye ba'i rgyu dang / gsal ba'i rgyu'o/ /de la chos skye bar byed pa ni skye ba'i rgyu'o/ /sgron mas rdzas snang bar byed pa'i phyir gsal ba'i rgyu zhes bya'o/ /kun nas nyon mongs pa ni skye ba'i rgyu'o/ / sems can gyi pha ma ni gsal ba'i rgyu'o/ /sa bon la sogs pa ni skye ba'i rgyu'o/ /sa dang chu dang rmed pa la sogs pa ni gsal ba'i rgyu'o/ /yang skye ba'i rgyu ni 'di ltar pha rol tu phyin pa drug gis bla na med pa yang dag par rdzogs pa'i byang chub thob bo/ /yang snang ba'i rgyu ni 'di ltar sangs rgyas kyi rang bzhin gyis bla na med pa yang dag par rdzogs pa'i byang chub thob pa'o/ /gzhan yang snang ba'i rgyu ni 'di ltar pha rol tu phyin pa drug dang / sangs rgyas kyi rang bzhin no/ /gzhan yang skye ba'i rgyu ni dpa' bar 'gro ba'i </font><hr>Kha159b<br><font size=+1>


ting nge 'dzin gyi bla na med pa yang dag par rdzogs pa'i byang chub bo/ /yang snang ba'i rgyu ni 'di ltar 'phags pa'i lam brgyad gyi bla na med pa yang dag par rdzogs pa'i byang chub bo/ / yang skye ba'i rgyu ni 'di ltar dad pa'i sems kyi pha rol tu phyin pa drug go /byang chub sems dpa' seng+ge sgras gsol pa/ bcom ldan 'das/ ji ltar bcom ldan 'das kyis gsungs pa ltar de bzhin gshegs pa mthong ba dang sangs rgyas kyi rang bzhin mthong ba zhes bgyi ba'i don ji lta bu lags/ bcom ldan 'das/ de bzhin gshegs pa'i sku ni mtshan dang dbyibs ma mchis la/ ring po ma lags/ thung ngu ma lags/ dkar po ma lags/ nag po ma lags/ phyogs mtshams ma mchis/ khams gsum na mi gnas/ 'dus byas kyi mtshan nyid ma lags/ mig gi rnam par shes pas shes pa ma lags te/ sangs rgyas kyi rang bzhin yang de dang mtshungs na/ ji ltar mthong bar rung / bcom ldan 'das kyis bka' stsal pa/ rigs kyi bu/ sangs rgyas kyi sku la rnam pa gnyis te/ rtag pa dang / mi rtag pa'o/ /de la mi rtag pa ni sems can thams cad sgrol ba'i phyir thabs kyis ston pa ni mig gis mthong ba zhes bya'o/ /rtag pa ni de bzhin gshegs pa'i rnam par grol ba'i sku mig gis mthong ba zhes kyang bya/ thos pas mthong ba </font><hr>Kha160a<br><font size=+1>


@#/ /zhes kyang bya'o/ /sangs rgyas kyi rang bzhin yang rnam pa gnyis te/ mthong ba dang / mi mthong ba'o/ /de la mthong ba ni byang chub sems dpa' sa bcu pa dang / sangs rgyas bcom ldan 'das so/ /mi mthong ba ni sems can thams cad do/ /mig gis mthong ba ni byang chub sems dpa' sa bcu pa dang / sangs rgyas bcom ldan 'das kyi spyan gyis sems can la sangs rgyas kyi rang bzhin yod par gzigs pa'o/ /thos pas mthong ba ni sems can thams cad dang / byang chub sems dpa' sa dgu pa rnams kyis sangs rgyas kyi rang bzhin dang / de bzhin gshegs pa'i sku yod par thos pa'o/ /de la'ang rnam pa gnyis te/ gzugs dang / gzugs ma yin pa'o/ /de la gzugs ni de bzhin gshegs pa'i rnam par grol ba'o/ /gzugs ma yin pa ni de bzhin gshegs pas gzugs dang mtshan nyid thams cad yongs su bcad pa'o/ /sangs rgyas kyi rang bzhin la'ang rnam pa gnyis te/ gzugs dang / gzugs ma yin pa'o/ /de la gzugs ni bla na med pa yang dag par rdzogs pa'i byang chub bo/ /gzugs ma yin pa ni bus pa ma rabs so so'i skye bo nas byang chub sems dpa' sa bcu pa'i bar du skye ste/ byang chub sems dpa' sa bcu pas gsal bar </font><hr>Kha160b<br><font size=+1>


mi mthong ba'i phyir gzugs ma yin pa zhes bya'o/ /rigs kyi bu/ yang sangs rgyas kyi rang bzhin la rnam pa gnyis te/ gzugs dang / gzugs ma yin pa'o/ /de la gzugs ni sangs rgyas dang byang chub sems dpa'o/ /gzugs ma yin pa ni sems can thams cad de/ mig gis mthong ba ni gzugs so/ /thos pas mthong ba ni gzugs ma yin pa'o// nang ma yin/ phyi rol ma yin pa ni sangs rgyas kyi rang bzhin no/ /nang dang phyi rol ma yin mod kyi/ 'jig pa dang stong pa ma yin pa'i phyir sems can thams cad la sangs rgyas kyi rang bzhin yod ces bya'o/ /byang chub sems dpa' seng+ge sgras gsol pa/ bcom ldan 'das/ ji ltar bcom ldan 'das kyis gsungs pa ltar 'o ma'i nang na zho mchis pa dang 'dra bar sems can thams cad la sangs rgyas kyi rang bzhin rdo rje mthu bo che lta bu mchis te/ sangs rgyas kyi rang bzhin ni mar gyi snying po yongs su dag pa dang mtshungs so zhes bka' stsal na/ ci'i slad du bcom ldan 'das kyis sangs rgyas kyi rang bzhin ni phyi rol ma yin nang ma yin zhes bka' stsal/ bcom ldan 'das kyis bka' stsal pa/ rigs kyi bu/ ngas 'o ma'i nang na zho yod do zhes ma gsungs kyi/ 'o ma las zho 'byung ba'i phyir zho yod ces byas so/ /gsol pa/ bcom ldan 'das/ skye ba'i </font><hr>Kha161a<br><font size=+1>


@#/ /chos thams cad so so nas dus mchis sam/ bka' stsal pa/ rigs kyi bu/ 'o ma'i tshe na zho med pa dang / mar dang / zhun mar dang / nyid khu'ang med de/ sems can thams cad kyang 'o mar 'dzin pas ngas 'o ma'i nang na zho med ces gsungs so/ /ji ste yod pa zhig na ci'i phyir rnam pa 'di gnyis la mkhas pa la gser dang lcags mgar zhes bya ba bzhin du ming gnyis su ma btags/ de bas na zho'i tshe ni 'o ma dang / mar dang / zhun mar dang / nying khu'i bar du med pas sems can gyis kyang zho ni 'o ma ma yin pa nas mar dang / zhun mar dang / mar gyi nying khu'i bar du med par 'dzin te/ mar gyi nying khu'i bar du de bzhin du rgyas par rig par bya'o/ /rigs kyi bu/ rgyu la rnam pa gnyis te/ bden pa'i rgyu dang / rkyen gyi rgyu'o/ /de la bden pa'i rgyu ni ji ltar 'o ma las zho byung ba'o/ /rkyen gyi rgyu ni drod dang dri ma la sogs pa'i rkyen gyis 'o ma las zho 'byung ba'i phyir 'o ma la zho'i rang bzhin yod ces smra'o/ /byang chub sems dpa' seng+ge sgras gsol pa/ bcom ldan 'das/ ji ste 'o ma la zho'i rang bzhin ma mchis na rwa la'ang ma mchis par 'dra na ci'i slad du rwa las zho mi 'byung / bka' stsal pa/ rigs kyi bu/ rwa la'ang zho 'byung ngo / /de ci'i phyir </font><hr>Kha161b<br><font size=+1>


zhe na| ngas rkyen gyi rgyu la rnam pa gnyis su gsungs te/ dri ma dang / drod do/ /rwa'i rang bzhin ni dri ma'i phyir zhor 'gyur bar byed do/ /seng+ge sgras gsol pa/ bcom ldan 'das/ ci ste rwa las zho 'byung na zho tshol ba dag ci'i slad du 'o ma ni 'dod la rwa ni mi 'dod/ bcom ldan 'das kyis bka' stsal pa/ rigs kyi bu/ de bas na ngas bden pa'i rgyu dang / rkyen gyi rgyu bshad pa yin no/ /seng+ge sgras gsol pa/ gal te 'o ma'i nang na zho'i rang bzhin thog ma nas ma mchis la/ de mchis pa zhig lags na 'o ma'i nang nas thog ma nas a mra'i shing drung du blugs pas gnyis ka ma mchis par mtshungs na ci'i slad du a mra'i 'bras bu mi 'byung / rigs kyi bu/ 'o ma las kyang a mra'i shing skye bar 'gyur ro| |gal te 'o ma a mra'i shing drung du blugs na nub gcig tu khru lnga skye bar 'gyur te/ don de lta bas na ngas rgyu rnam pa gnyis bshad pa yin no/ /rigs kyi bu/ gal te chos thams cad rgyu gcig gis skye ba zhig yin na ci'i phyir 'o ma'i nang na a mra'i shing mi 'byung zhes brgal kyang rung ngo / /rigs kyi bu/ dper na/ chen po bzhi ni gzugs thams cad kyi rgyu dang / rkyen du 'gyur yang gzugs kyi mtshan nyid dang mi mthun te so sor tha dad do/ /don de lta bas na'o ma las a mra'i shing mi skye'o/ /gsol pa/ bcom ldan </font><hr>Kha162a<br><font size=+1>


@#/ /'das| bcom ldan 'das kyis gsungs pa ltar bden pa'i rgyu dang / rkyen gyi rgyu ste/ rnam pa gnyis la sems can gyi sangs rgyas kyi rang bzhin gyi rgyu gang lags/ rigs kyi bu/ sems can gyi sangs rgyas kyi rang bzhin yang rgyu rnam pa gnyis te/ bden pa'i rgyu dang / rkyen gyi rgyu'o/ /de la bden pa'i rgyu ni sems can rnams so/ /rkyen gyi rgyu ni pha rol tu phyin pa dag go /byang chub sems dpa' seng+ge sgras gsol pa/ bcom ldan 'das/ bdag gis 'o ma'i nang na zho'i rang bzhin nges par mchis par 'tshal lo/ /de ci'i slad du zhe na/ bdag gis 'jig rten na zho tshol ba rnams 'o ma tshol te/ nam yang chab mi tshol bas de bas na'o ma'i nang na zho'i rang bzhin mchis par 'tshal lo/ /bcom ldan 'das kyis bka' stsal pa/ rigs kyi bu khyod kyis dris pa'i don de de lta ma yin no/ /de ci'i phyir zhe na/ dper na/ la la zhig ngo'i gzugs brnyan mthong bar 'dod pa'i phyir ral gri la lta'o/ /seng+ge sgras gsol pa/ bcom ldan 'das/ don de lta bas na 'o ma la zho'i rang bzhin mchis so/ /gal te ral gri'i nang na ngo'i gzugs brnyan ma mchis pa zhig lags na ci'i slad du ral gri la lta/ bcom ldan 'das kyis bka' stsal pa/ rigs kyi bu/ gal te ral gri'i nang na nges par ngo'i gzugs </font><hr>Kha162b<br><font size=+1>


brnyan yod na ji ste bsgreng na ni chu ring bar mthong la thad kar bsnyal na zheng che bar mthong / gal te bdag gi ngo yin na ci'i phyir ring por mthong / gal te gzhan zhig gi ngo yin na bdag gi ngo'i gzugs brnyan zhes brjod/ gal te bdag gi ngo'i rkyen gyis gzhan gyi ngo mthong bar 'gyur ba zhig yin na/ ji ste rta'am ma bong bu'i ngo'i gzugs brnyan mi mthong / seng+ge sgras gsol pa/ bcom ldan 'das/ mig gi snang ba der phyin pa'i phyir ngo chu ring por mthong ngo / /bcom ldan 'das kyis bka' stsal pa/ rigs kyi bu/ mig gi snang ba ni yang dag par na der phyin pa ma yin no/ /de ci'i phyir zhe na/ nye ba dang ring ba dus gcig tu cig car mthong yang de'i bar na dngos po ci'ang mi mthong ba'i phyir ro/ /rigs kyi bu/ gal te mig gi snang ba der phyin pas mthong bar gyur pa zhig yin na sems can thams cad kyis me mthong ba na ji ste tshig par ma gyur/ ji ste gcig gis rgyang ring po nas rdzas dkar po zhig mthong na ring ba'am/ ba dan nam/ mi'am/ shing zhes the tshom za ba'i mi rigs so/ /gal te mig gi snang ba der phyin pa zhig yin na ci'i phyir chu shel gyi nang gi dngos po dang / chu mig gi nang gi nya dang / rdo la sogs pa mthong bar gyur/ gal te ma phyin pas mthong ba zhig yin na ci'i phyir chu shel gyi nang na dngos po ni mthong </font><hr>Kha163a<br><font size=+1>


@#/ /la| |rtsig pa'i phyi rol gyi gzugs mthong bar ma gyur/ de lta bas na mig gi snang ba der phyin pas ring por mthong zhes bya ba'i don de de lta ma yin no| |rigs kyi bu/ ji ltar khyod kyis smras pa ltar 'o ma la zho yod na ci'i phyir 'o ma 'tshong ba dag 'o ma'i rin 'ba' zhig len te zho'i rin mi len/ rgong ma 'tshong ba des rgod ma'i rin 'ba' zhig len te/ te'u rin mi len/ rigs kyi bu/ 'jig rten pa dag bu med pa'i phyir chung ma len te/ gal te chung ma sbrum na bu mo zhes mi bya'o/ /gal te bu mo la bu'i rang bzhin yod pa'i phyir chung ma len no zhes bya ba de mi rung ngo / /de ci'i phyir zhe na/ gal te bu'i rang bzhin yod na tsha bo'ang yod pa'i rigs so/ /gal te tsha bo yod na de spun du 'gyur ro/ /de ci'i phyir zhe na/ lto gcig nas byung ba'i phyir te/ de bas na ngas bu mo la bu'i rang bzhin med ces gsungs so/ /gal te 'o ma la zho'i rang bzhin yod na ji ste dus gcig tu ro rnam pa lnga dang ldan par ma gyur/ gal te shing gi sa bon la n+ya gro d+ha 'dom lngar skye ba'i mtshan nyid yod na ji ste dus gcig na myu gu dang / sdong bu dang / yal ga dang / lo ma dang / me tog dang / 'bras bu la sogs pa'i dbyibs dang gzugs tha dad par snang bar ma gyur/ rigs kyi bu/ 'o ma'i gzugs kyi tshe na tha dad </font><hr>Kha163b<br><font size=+1>


la ro tha dad 'bras bu tha dad pa nas mar gyi nying khu'i bar du tha dad na ji ltar 'o ma la zho'i rang bzhin yod par bshad/ rigs kyi bu/ dper na/ mi zhig sang lta bur mar btung bar byas pa las deng nas ma nam mo zhes zer ba dang 'dra bar gang 'o ma la nges par zho'i rang bzhin yod do zhes zer ba'ang de dang 'dra'o/ /rigs kyi bu/ dper na/ mi zhig smyu gu dang / shog shog dang / snag tshal sogs pa yi ger 'gyur te/ shog shog las kyang thog ma nas yi ge med do/ /thog ma nas med pa'i phyir rkyen la rag lus pas grub par gyur to/ /gal te thog ma nas yod pa zhig yin na rgyu rkyen mang po'ang mi dgos par 'gyur ro/ /dper na/ tshon sngon po dang ser por sbyar na tshon ljang gur 'gyur te/ tshon de gnyis la'ang thog ma nas ljang gu'i rang bzhin med do/ /gal te thog ma nas yod pa zhig yin na sbyar yang ci dgos/ rigs kyi bu/ dper na/ sems can ni zas kyi rgyus 'tsho bar 'gyur te/ yang dag par na zas kyi nang na 'tsho ba med do/ /gal te 'tsho ba yong gis yod pa zhig yin na zas ma zos pa'i tshe zas nyid 'tsho ba'i rigs so/ /rigs kyi bu/ chos thams cad yong gis rang bzhin med pa'i phyir don de la gzigs nas tshigs su bcad pa 'di dag gsungs so/ /thog ma med la da ltar yod/ /thog ma yod la da ltar med/ /dus gsum srid pa'i chos thams </font><hr>Kha164a<br><font size=+1>


@#/ /cad/ /de 'dra ba yi gnas med do/ /rigs kyi bu/ /chos thams cad ni rgyu dang rkyen gyis skye la/ rgyu dang rkyen gyis 'gog go /rigs kyi bu/ gal te sems can gyi nang na sangs rgyas kyi rang bzhin yod na sems can thams cad da ltar nga dang 'dra bar sangs rgyas kyi sku yod pa'i rigs so/ /sems can gyi sangs rgyas kyi rang bzhin ni mi 'chag /mi 'jigs /bkrir mi rung / gzung du mi rung / bcing du mi rung / gdags su mi rung ste/ ji ltar sems can la nam mkha' stong pa yod pa bzhin no/ / thogs pa med pa'i phyir na sems can thams cad la nam mkha' stong pa yod kyang so so nas bdag nyid kyi nam mkha' stong pa mi mthong ngo / /gal te sems can la nam mkha' stong pa med na song ba dang 'ong ba dang / 'gro ba dang / sdod pa dang / 'dug pa dang nyal ba med la/ mi skye mi 'phel lo/ /don de lta bas na ngas mdo sde las sems can thams cad la nam mkha'i dbyings yod do zhes gsungs so/ /nam mkha'i dbyings de nyid nam mkha' stong pa zhes bya ste/ sems can gyi sangs rgyas kyi rang bzhin yang de dang 'dra bas ji ltar nor bu rin po ltar byang chub sems dpa' sa bcu pas cung zad cig mthong ngo / /rigs kyi bu/ sems can gyi sangs rgyas kyi rang bzhin ni </font><hr>Kha164b<br><font size=+1>


sangs rgyas rnams kyi spyod yul yin gyi/ nyan thos dang / rang sangs rgyas kyis shes pa ma yin no/ /sems can thams cad sangs rgyas kyi rang bzhin mi mthong ba'i phyir rtag tu nyon mongs pas kun tu glags nas 'khor ba na 'khor bar gyur to/ /sangs rgyas kyi rang bzhin mthong bas ni kun nas nyon mongs pas bcing bar mi 'gyur te/ 'khor ba las rnam par grol zhing mya ngan las 'das pa chen po thob par gyur to/ /byang chub sems dpa' seng+ge sgras gsol pa/ bcom ldan 'das/ sems can thams cad la sangs rgyas kyi rang bzhin mchis pa ni ji ltar 'o ma'i nang na zho'i rang bzhin mchis pa dang mtshungs so/ /gal te 'o ma la zho'i rang bzhin ma mchis na ci'i slad du bcom ldan 'das kyis rgyu rnam pa gnyis te/ bden pa'i rgyu dang / rkyen gyi rgyu gsungs/ rkyen gyi rgyu ni dri ma dang drod de/ nam mkha' stong pa ni rang bzhin ma mchis pas rkyen gyi rgyu ni ma mchis so/ /bcom ldan 'das kyis bka' stsal pa/ rigs kyi bu/ gal te 'o ma'i nang na nges par mar gyi rang bzhin yod na rkyen gyi rgyu ci dgos/ byang chub sems dpa' seng+ge sgras gsol pa/ bcom ldan 'das/ rang bzhin mchis pa'i slad du rgyu rkyen gyi rgyu 'tshal lo/ /de ci'i slad du zhe na/ mthong bar bgyi ba'i slad du'o/ /rkyen gyi rgyu ni gsal ba'i rgyu lags so/ /bcom </font><hr>Kha165a<br><font size=+1>


@#/ /ldan 'das/ dper na/ mun pa'i nang na sngar rdzas dag mchis pas mthong bar 'dod pa'i phyir sgron mas gsal bar bgyid do/ /gal te thog ma nas ma mchis na sgron mas ci zhig snang bar bgyi/ ji ltar sa la rdza ma mchis pa'i phyir mi dang / chab dang / 'khor lo dang / thag gu dang / dbyug gu la sogs pa ni gsal ba'i rgyu'o/ /shing n+ya gro d+ha'i 'bras bu yang sa dang / chu dang / smred ni gsal ba'i rgyu'o/ /de bzhin du 'o ma'i yang drod dang dri ma ni gsal ba'i rgyur 'gyur ro/ /de bas na rang bzhin thog ma nas mchis kyang gsal ba'i rgyu la rag lus te/ des mthong bar 'gyur ro/ /don de lta bas na'o ma'i nang na thog ma nas zho mchis par mngon ngo / /bka' stsal pa/ rigs kyi bu/ gal te 'o ma'i nang na nges par zho'i rang bzhin yod pa zhig yin na de nyid gsal ba'i rgyur 'gyur ro/ /gal te gsal ba'i rgyu yin na gdod gsal bar bya'ang ci dgos/ rigs kyi bu/ gal te gsal ba'i rgyu de rang bzhin gyis gsal ba yin na rtag tu bdag gsal bar byed pa'i rigs so/ /gal te bdag gsal bar mi byed na gzhan gsal bar byed mi nus so/ /gal te gsal ba'i rgyu la rang bzhin rnam pa gnyis te/ bdag gsal bar byed pa dang / gzhan gsal bar byed pa'o zhes bya ba ni don </font><hr>Kha165b<br><font size=+1>


de lta ma yin no/ /de ci'i phyir zhe na/ gsal ba'i rgyu gcig la ji ltar gnyis su 'gyur/ gal ta gnyis su 'gyur na 'o ma'ang gnyis su 'gyur ro/ /gal te 'o ma la rang bzhin gnyis su med na ci'i phyir de gsal ba'i rgyu 'ba' zhig gnyis su 'gyur/ seng+ge sgras gsol pa/ bcom ldan 'das/ ji ltar 'jig rten pas bdag dang mi brgyad ces 'chi ba bzhin du gsal ba'i rgyu'ang de dang 'dra ste/ bdag dang gzhin gsal bar bgyid do/ /bcom ldan 'das kyis bka' stsal pa/ rigs kyi bu/ gal te gsal ba'i rgyu de lta na gsal ba'i rgyu zhes mi bya'o/ /de ci'i phyir zhe na/ grangs ni bdag dang gzhan gyi gzugs bgrang nus pas brgyad ces bya ste/ gzugs kyi ngo bo nyid de/ bdag la gsal ba'i rgyu mtshan nyid med do/ /gsal ba'i mtshan nyid med pas na shes rab kyi rang bzhin gyi dbang gis bdag dang gzhan bgrang bar 'gyur bas na de'i phyir gsal ba'i rgyus bdag gsal bar mi nus te/ gzhan yang gsal bar mi nus so/ /sems can thams cad la sangs rgyas kyi rang bzhin yod na ci'i phyir bsod nams kyi tshogs tshad med pa bsgrub dgos par 'gyur/ gal te sgrub pa de gsal ba'i rgyu yin na zho 'jig par gyur pa dang mthun no/ /gal te rgyu la nges par 'bras bu yod do zhes byar ni tshul khrims dang / ting nge 'dzin </font><hr>Kha166a<br><font size=+1>


@#/ /dang / shes rab skye zhing 'phel bar mi 'gyur ro/ /ngas ni 'jig rten pa dag snga na tshul khrims dang / ting nge 'dzin dang / shes rab med pa las mkhan po las mnos nas gdod khang kyis skye zhing 'phel bar gzigs so/ /gal te mkhan pos bstan pa gsal ba'i rgyu yin no zhes byar ni mkhan pos bstan pa'i tshe ma nos pa la tshul khrims dang / ting nge 'dzin dang / shes rab med do/ /gal te gsal ba zhig yin na med pa'i dus na gsal bar 'gyur ba'i rigs na ci'i phyir gsal bar byas pa'i 'og tu tshul khrims dang / ting nge 'dzin dang / shes rab skye zhing 'phel bar 'gyur/ seng+ge sgras gsol pa/ bcom ldan 'das/ gal te gsal ba'i rgyu ma mchis na ci'i slad du 'o ma dang zho zhes ming gdags par gyur/ bcom ldan 'das kyis bka' stsal pa/ rigs kyi bu/ 'jig rten na rgol ba'i lan btab pa la rnam pa gsum ste/ 'di ltar 'gyur ba'i lan btab pa ste/ ji ltar sngar bshad pa las ji ltar na tshul khrims zhe na/ 'gyod pa med pa nas yongs su mya ngan las 'das pa chen po'i bar du thob par 'gyur ro zhes bya ba dang / cang mi smra ba'i lan btab ste/ ji ltar kun tu rgyu zhig 'ongs nas nga la 'di skad du bdag ces bya ba rtag pa yin na ma zhes dris pa las </font><hr>Kha166b<br><font size=+1>


ngas de'i tshe cang mi smra ba dang / the tshom gyi lan btab pa ste/ ji ltar mdo sde 'di las gal te gsal ba'i rgyu gnyis su 'gyur na ci'i phyir 'o ma la gnyis su med ces dris pa dang gsum mo/ /rigs kyi bu/ ngas de 'gyur ba'i lan btab ste/ ji ltar 'jig rten pas 'di skad du 'o ma yod na gdon mi za bar zho yod pas de'i phyir 'o ma dang zho yod do zhes btags te/ sangs rgyas kyi rang bzhin yang de dang 'dra bar sems can yod na sangs rgyas kyi rang bzhin yod de/ phyis mthong bar 'gyur ba'i phyir ro/ /seng+ge sgras gsol pa| bcom ldan 'das/ ji ltar bcom ldan 'das kyis gsungs pa'i don de lta ma lags so/ /de ci'i slad du zhe na/ 'das pa ni 'gags/ ma 'ongs pa ni ma phyin na mchis zhes ji skad bgyi/ gal te ma 'ongs pa la mchis pa zhes bgyi na don de'ang mi rung ba ste/ ji ltar 'jig rten pa dag bu med par mthong nas/ bu med do zhes mchi ba dang mtshungs te| sems can la sangs rgyas kyi rang bzhin ma mchis par ci'i slad du sems can thams cad la sangs rgyas kyi rang bzhin mchis zhes gsungs/ bcom ldan 'das kyis bka' stsal pa/ rigs kyi bu/ 'das pa ni yod pa zhes bya'o/ /dper na/ skyur rtsi rmo ba'i myu gu skyes nas 'bras bu 'gog ste/ myu gu'ang mngar ba nas 'bras bu skye ba'i bar </font><hr>Kha167a<br><font size=+1>


@#/ /du'ang de bzhin te/ smin nas skyur bar 'gyur ro/ /rigs kyi bu/ ro skyur ba ni sa bon dang / myu gu dang / 'bras bu skye ba'i bar du med de/ smin pa'i dbyibs dang / kha dog dang / gzugs las skyur ba'i ro skye'o/ /de ltar skyur ba'i ro de ni thog ma nas med de/ gzod yod par gyur to/ /de ltar thog ma nas med la da yod par gyur mod kyi thog ma'i rgyu ma yin pa ma yin no/ /de ltar thog ma'i sa bon 'das pa yin mod kyi yod pa zhes bya ste/ don de lta bas na 'das pa'ang yod pa zhes bya'o/ /yang ji ltar na ma 'ongs pa la yod pa zhes bya zhe na/ dper na/ mi zhig ti la rmos pa las/ yang mi gcig gis 'di rmos te ci dgos zhes dris pa dang / de la lan btab pa mar yod do zhes smras so/ /yang dag par mar med mod kyi til smin nas 'bru bsdus te brngo zhing brdungs la btsir na gdod mar du 'byung bar 'gyur te/ de bas na mi bden te rdzun zer ba ma yin par rig par bya'o/ /de lta bas na ma 'ongs pa'ang yod ces bya'o/ /gzhan yang ji ltar na 'das pa la yod pa zhes bya zhe na/ rigs kyi bu/ dper na/ mi gcig gis lkog tu rgyal po la kha tshas pa las lo mang zhig lon pa dang / rgyal pos thos par gyur te/ thos nas de la ci'i phyir nga la kha zar zhes dris pa dang / des lan btab </font><hr>Kha167b<br><font size=+1>


ba| rgyal po chen po/ bdag gis kha tshas ma bgyis so/ /de ci'i slad du zhe na/ kha tshas bgyis pa'ang 'gags lags so/ /rgyal pos smras pa/ nga dang kha tshas byas pa gnyis ka 'dug bzhin du ci'i phyir 'gags zhes smra/ de'i rgyu de'i rkyen gyis lus dang srog yal bar gyur to/ /rigs kyi bu/ de gnyis ni yang dag par med kyang 'bras bu med par ma gyur to/ /de bas na 'das pa la yod ces bya'o/ /gzhan yang ji ltar na ma 'ongs pa la yod pa zhes bya zhe na/ dper na/ mi zhig rdza mkhan gyi der song nas rdza ma yod dam zhes dris pa dang / rdza ma yod do zhes smras te/ rdza mkhan de la yang dag par da ltar rdza ma med de/ 'jim pa yod pas rdza ma yod ces byas kyang de ltar mi de rdzun zer ba ma yin par rig par bya'o/ /de bas na 'o ma'i nang na zho yod pa dang / sems can la sangs rgyas kyi rang bzhin yod pa'ang de dang 'dra'o/ /sangs rgyas kyi rang bzhin mthong bar 'dod na/ dus dang / tshod dang / dbyibs dang / gzugs la shin tu brtag go /de'i phyir ngas sems can thams cad la sangs rgyas kyi rang bzhin yod do zhes gsungs pa'ang mi bden pa ma yin no/ /seng+ge sgras gsol pa/ sems can thams cad la sangs rgyas kyi rang bzhin ma mchis na bla na med pa yang dag par rdzogs pa'i byang chub ji ltar thob par 'gyur/ </font><hr>Kha168a<br><font size=+1>


@#/ /bden pa'i rgyus sems can rnams bla na med pa yang dag par rdzogs pa'i byang chub thob par 'gyur na bden pa'i rgyu ni 'di lta ste/ sangs rgyas kyi rang bzhin no/ /bcom ldan 'das/ gal te n+ya gro d+ha'i 'bras bu la n+ya gro d+ha'i shing ma mchis na ci'i slad du n+ya gro d+ha'i 'bras bu zhes btags la/ kha te ra'i 'bras bu zhes ma btags/ bcom ldan 'das/ dper na/ gau ta ma'i rigs ni a te ya'i rigs zhes gdags su mi rung la/ de bzhin du a te ya'i rigs kyang gau ta ma'i rigs zhes gdags su mi rung / de bzhin du n+ya gro d+ha'i 'bras bu'ang kha te ra'i 'bras bu zhes gdags su mi rung / kha te ra'i 'bras bu'ang n+ya gro d+ha'i 'bras bu zhes bgyir mi rung ste/ ji ltar bcom ldan 'das ni gau ta ma'i rigs las gzhan ma lags pa ltar sems can gyi sangs rgyas kyi rang bzhin yang de dang 'dra ste/ de lta bas na sems can kun la sangs rgyas kyi rang bzhin mchis par 'tshal lo/ /bcom ldan 'das kyis bka' stsal pa/ rigs kyi bu/ gang 'bras bu la n+ya gro d+ha yod ces bya ba'i don de mi rung ngo / /gal te yod pa zhig yin na ci'i phyir mi mthong / rigs kyi bu/ dper na/ 'jig rten gyi rdzas ni rgyu rkyen yod pa'i phyir ltar med do/ /rgyu rkyen gang zhe na/ 'di lta ste/ ring bas mi </font><hr>Kha168b<br><font size=+1>


mthong ba ste/ nam mkha'i bya rjes dang / nye bas mi mthong ba ste/ mig gis rdzi ma dang / zhig pas mi mthong ba ste/ rtsa ba rul pa dang / 'du shes 'khrugs pas mi mthong ba ste/ sems rtse gcig pa ma yin pa dang / phra bas mi mthong ba ste/ rdul phra mo dang / bsgribs pas mi mthong ba ste/ sprin gyis skar ma bsgribs pa dang / mang bas mi mthong ba ste| 'bras kyi phung po'i nang na til yod pa dang 'dra ba dang / 'dres pas mi mthong ba ste/ sran ma'i phung por sran ma bzhag pa dang 'dra ste/ n+ya gro d+ha'i shing ni de lta bu'i rgyu rkyen rnam pa brgyad po dang mi 'dra na/ gal te yod pa zhig yin na ci'i phyir mi mthong / gal te phra ba dang bsgribs pa'i phyir mi mthong zhes byar ni don de'ang de ltar mi rung ngo| |de ci'i phyir zhe na/ shing gi mtshan nyid sbom pa'i phyir ro/ /gal te rang bzhin gyis phra na ji ltar skye bar 'gyur/ ji ste bsgribs pa'i phyir mi mthong ba zhig yin na rtag tu mi mthong ba'i rigs te/ sngon sbom pa'i rang bzhin med par da sbom par mthong bas na sbom pa de thog ma nas rang bzhin med do/ /sngon mthong ba'i rang bzhin med pa las de mthong bar gyur na mthong ba de'ang mthong ba'i rang bzhin med de/ 'bras bu'ang de dang 'dra bar thog ma nas shing med de/ da yod par gyur pa la nyes pa ci zhig yod/ seng+ge </font><hr>Kha169a<br><font size=+1>


@#/ /sgras gsol pa/ bcom ldan 'das kyis gsungs pa ltar bden pa'i rgyu dang / gsal ba'i rgyu rnam pa gnyis su gsungs te/ de la sa dang / chu dang / rmad pa ni n+ya gro d+ha'i 'bras bu gsal ba'i rgyur gyur pas phra mo las sbom par gyur to/ /bcom ldan 'das kyis bka' stsal pa/ rigs kyi bu/ gal te thog ma nas yod pa zhig yin na| gsal ba'i rgyu ci dgos/ gal te thog ma nas rang bzhin med na gsal ba ci zhig gsal bar bya/ gal te n+ya gro d+ha la thog ma nas sbom pa'i rang bzhin med la/ gsal ba'i rgyus sbom par skye bar 'gyur na lta/ gnyi ka med par 'dran ci'i phyir shing kha te ra mi skye ste/ rigs kyi bu/ gal te phra bas mi mthong na sbom po mthong ba'i rigs te/ dper na| rdul gcig pu mi mthong na rdul mang po 'dus na mthong bar 'gyur ba bzhin du 'bras bu sbom po'ang mthong ba'i rigs so/ /de ci'i phyir zhe na/ de la myu gu dang / sdong bu dang / me tog dang / 'bras bu'ang yod la/ 'bras bu re re'i nang na'ang sa bon tshad med pa yod de/ sa bon re re'ang shing tshad med pa yod pas de bas na sbom pa zhes bya ste/ de ltar sbom par gyur pas na mthong bar gyur pa'i rigs so/ /rigs kyi bu/ gal te n+ya gro d+ha'i sa bon la n+ya gro d+ha'i sa bon gyi rang bzhin yod pas shing skye ba zhig </font><hr>Kha169b<br><font size=+1>


yin na mig gis sa bon de tshig bar mthong ngo / /de ltar tshig pa'i rang bzhin yang thog ma nas yod pa'i rigs so/ /ji ste thog ma nas tshig pa yod pa yin na shing yang skye bar mi rigs so/ /gal te chos thams cad thog ma nas skye ba dang 'gog pa yin na ci'i phyir de sngar skyes la/ phyis 'gog ste dus gcig/ ma gyur/ don de lta bas na rang bzhin med par rig par bya'o/ /byang chub sems dpa' seng+ge sgras gsol pa/ bcom ldan 'das/ gal te n+ya gro d+ha'i 'bras bu la thog ma nas shing gi rang bzhin ma mchis par shing skye bar 'gyur ba lags na/ gnyis ka ma mchis par 'dra na ci'i slad du 'bras bu de las mar mi 'byung / rigs kyi bu/ 'bras bu de las mar yang 'byung bar 'gyur te/ thog ma'i rang bzhin med mod kyi/ rgyu dang rkyen gyis yod par 'gyur ro/ /seng+ge sgras gsol pa/ ci'i slad du til gyi mar zhes mi bgyi/ rigs kyi bu/ til ma yin pa'i phyir ro/ /rigs kyi bu| dper na/ me'i rkyen gyis me 'byung la/ chu'i rkyen gyis chu 'byung ste/ gnyis ka rkyen las skyes mod kyi gcig gis gcig yod par mi nus te/ n+ya gro d+ha'i 'bras bu dang til mar yang de dang 'dra ste/ gnyis ka rkyen las skyes mod kyi gcig gis gcig skyed pa ma yin no/ /n+ya gro d+ha'i 'bras bu'i rang bzhin ni bad kan gyi nad la phan par byed/ til mar gyi </font><hr>Kha170a<br><font size=+1>


@#/ /rang bzhin ni rlung la phan par byed do/ /rigs kyi bu/ dper na/ bu ram gyi shing gi rgyu rkyen gyis sha kha ra dang / bu ram nag po 'byung ste/ de ltar rgyu gcig mod kyi| kha dog dang / dbang po so so ste/ sha kha ra ni mkhris pa'i nad la phan par byed do/ /bu ram nag pos ni bad kan gyi nad la phan par byed do/ /byang chub sems dpa' seng+ge sgras gsol pa/ bcom ldan 'das/ ji ltar 'o ma la zho'i rang bzhin ma mchis la/ til la mar gyi rang bzhin yang ma mchis/ n+ya gro d+ha'i 'bras bu la shing gi rang bzhin yang ma mchis/ 'ji ba la rdza'i rang bzhin yang ma mchis pa dang 'dra bar sems can thams cad la sangs rgyas kyi rang bzhin ma mchis na/ sngar bcom ldan 'das kyis gsungs pa ltar sems can thams cad la sangs rgyas kyi rang bzhin mchis pas bla na med pa yang dag par rdzogs pa'i byang chub 'thob par 'gyur ro zhes bgyi ba de mi rung ngo / /de ci'i slad du zhen/ lha dang mi la rang bzhin ma mchis te/ rang bzhin ma mchis pas na mi'ang lhar 'gyur la lha'ang mir 'gyur te/ de'ang las kyi rkyen gyis 'gyur gyi rang bzhin gyis 'gyur ba ma lags so/ /byang chub sems dpa' sems dpa' chen po'ang las kyi rkyen gyis bla na med pa yang dag par rdzogs pa'i byang chub thob bo/ /gal te </font><hr>Kha170b<br><font size=+1>


sems can la sangs rgyas kyi rang bzhin mchis na/ ci'i rgyu ci'i rkyen gyis log sred can dag dge ba'i rtsa ba rnams bcad pas sems can dmyal bar ltung / gal te byang chub kyi sems sangs rgyas kyi rang bzhin lags na log sred can gyis gcod mi nus pa'i rigs so/ /gal te gcod du rung ba zhig lags na sangs rgyas kyi rang bzhin rtag ces bgyir mi rung ngo / /gal te rtag pa ma lags na sangs rgyas kyi rang bzhin zhes mi bgyi'o/ /gal te sems can rnams la sangs rgyas kyi rang bzhin mchis na ci'i slad du thog ma sems bskyed pa dang / phyir ldog pa dang / phyir mi ldog pa zhes bgyi/ gang phyir ldog pa de ni sangs rgyas kyi rang bzhin ma mchis par 'tshal lo/ /bcom ldan 'das/ byang chub sems dpa' sems dpa' chen po rnams sems gcig tu bla na med pa yang dag par rdzogs pa'i byang chub la 'bab pa ni byams pa chen po dang / snying rje chen pos skye ba dang / rga ba dang / 'chi ba'i nyon mongs pa'i skyon mthong nas mya ngan las 'das pa chen po la skye ba dang / rga ba dang / 'chi ba'i nyon mongs pa rnams kyi skyon med par brtags te/ dkon mchog gsum dang / las kyi 'bras bu rnam par smin pa la yid ches pas tshul khrims sdom pa la sogs pa'i chos ni sangs rgyas kyi rang bzhin zhes bgyi'o/ /gal te </font><hr>Kha171a<br><font size=+1>


@#/ /chos 'di'i pha rol na sangs rgyas kyi rang bzhin mchis na chos des rgyu dang rkyen bgyi'ang ci 'tshal/ bcom ldan 'das/ 'o ma ni rkyen mi dgos par zho dang mar du 'gyur ba'i chos ma mchis te/ rgyu dang rkyen la rag lus pa ni 'di ltar mis las su bya ba dang / chu dang / rdza ma dang / srub shing dang / thag gu'o/ /sems can gyi sangs rgyas kyi rang bzhin yang de dang 'dra ste/ rgyu dang rkyen spangs pa'i pha rol na bla na med pa yang dag par rdzogs pa'i byang chub thob pa'i mi rigs so/ /gal te nges par mchis na rnal 'byor can dag ci'i slad du skye ba dang / rga ba dang / na ba dang / 'chi ba la sogs pa ngan song gsum gyi sdug bsngal mthong nas phyir ldog pa'i sems skye| gzhan yang pha rol tu phyin pa drug bsgom mi 'tshal bar bla na med pa yang dag par rdzogs pa'i byang chub thob pa'i rigs te/ 'o ma'ang rkyen ma mchis pas zhor mi 'gyur la/ pha rol tu phyin pa drug gi rgyu ma lags par bla na med pa yang dag par rdzogs pa'i byang chub thob pa ma mchis so/ /don de lta bas na sems can rnams la sangs rgyas kyi rang bzhin ma mchis so/ /ji ltar bcom ldan 'das kyis sngar gsungs pa la dge 'dun dkon mchog ni rtag go /gal te rtag pa lags na mi rtag pa ma </font><hr>Kha171b<br><font size=+1>


lags so/ /mi rtag pa ma lags na ji ltar bla na med pa yang dag par rdzogs pa'i byang chub thob par 'gyur/ dge 'dun rtag pa lags na yang ci ste sems can thams cad la sangs rgyas kyi rang bzhin mchis zhes gsungs/ bcom ldan 'das/ gal te sems can la thog ma nas byang chub kyi sems kyang ma mchis la/ bla na med pa yang dag par rdzogs pa'i byang chub kyi sems kyang ma mchis te/ phyis gdong mchis pa zhig lags na sems can gyi sangs rgyas kyi rang bzhin yang de dang 'dra ste/ thog ma ma mchis pa las phyis mchis par 'gyur ro/ /don de lta bas na sems can thams cad la sangs rgyas kyi rang bzhin ma mchis so/ /bcom ldan 'das kyis bka' stsal pa/ legs so/ /legs so/ /rigs kyi bu khyod kyis sangs rgyas kyi rang bzhin gyi don shes pas ring zhig lon te/ da sems can gyi phyir de ltar dris pa legs so/ /sems can thams cad la yang dag par sangs rgyas kyi rang bzhin yod do/ /khyod kyis 'di skad du sems can la gal te sangs rgyas kyi rang bzhin yod na thog ma sems bskyed pa yod pa'i mi rigs so/ /zhes bya ba ni| rigs kyi bu/ sems ni sangs rgyas kyi rang bzhin ma yin no/ /de ci'i phyir zhe na/ sems ni mi rtag pa yin la/ sangs rgyas kyi rang bzhin ni rtag pa yin pa'i phyir ro/ /khyed </font><hr>Kha172a<br><font size=+1>


@#/ /kyis 'di skad du ci'i phyir phyir ldog pa'i sems yod ces bya ba ni yang dag par sems la phyir ldog pa med do/ /gal te sems la sems phyir ldog pa yod na nam yang bla na med pa yang dag par rdzogs pa'i byang chub thob par mi 'gyur te/ thob pa bul ba'i phyir phyir mi ldog pa zhes bya'o/ /byang chub kyi sems de ni yang dag par na sangs rgyas kyi rang bzhin ma yin no/ /de ci'i phyir zhe na/ log sred can dag dge ba'i rtsa ba bcad pas sems can dmyal bar ltung ba'i phyir ro/ /gal te byang chub kyi sems sangs rgyas kyi rang bzhin yin na ni log sred can dag log sred can zhes bya bar mi 'gyur ro/ /byang chub kyi sems kyang mi rtag pa zhes byar mi rung ste/ de bas na nges par byang chub kyi sems ni yang dag par sangs rgyas kyi rang bzhin ma yin par shes par bya'o/ /rigs kyi bu khyod kyis 'di skad du gal te sangs rgyas kyi rang bzhin yod na ji ltar 'o ma las zhor 'gyur ba ltar rkyen la rag lus so zhes bya ba de'ang de lta ma yin no/ /de ci'i phyir zhe na/ rgyu rnam pa lngas mar du 'gyur ba ltar sangs rgyas kyi rang bzhin yang de dang 'dra ste/ dper na/ rdo la ni gser yang yod/ dngul yang yod/ zangs kyang yod/ lcags kyang yod de/ de dag chen po bzhi la </font><hr>Kha172b<br><font size=+1>


gnas par 'dra'ang ming gcig snying po gcig las 'byung ba so so ste/ rgyu dang rkyen mang po dgos so/ /de'ang sems can gyi bsod nams dang / mis las su byas pa las gdod 'byung bar 'gyur te/ de bas na thog ma nas gser gyi rang bzhin med par rig par bya'o/ /sems can gyi sangs rgyas kyi rang bzhin ni sangs rgyas zhes mi bya ste/ bsod nams mang po'i rgyu dang rkyen 'dus pas sangs rgyas kyi rang bzhin mthong bar gyur na gdod sangs rgyas thob par 'gyur ro/ /khyod kyis 'di skad du sems can la sangs rgyas kyi rang bzhin yod na ci'i phyir mi mthong ces bya ba'i don de'ang de lta ma yin no/ /de ci'i phyir zhe na/ rgyu dang rkyen ma 'dus pa'i phyir ro/ /rigs kyi bu/ don de lta bas na ngas bden pa'i rgyu dang rkyen gyi rgyu rnam pa gnyis su gsungs te/ de la bden pa'i rgyu ni sangs rgyas kyi rang bzhin no/ /rkyen gyi rgyu ni byang chub tu sems bskyed pa ste/ rgyu dang rkyen de gnyis kyis bla na med pa yang dag par rdzogs pa'i byang chub thob pa ni ji ltar rdo la gser 'byung ba bzhin no/ /rigs kyi bu khyod kyis 'di skad du dge 'dun ni rtag pas sems can thams cad la sangs rgyas kyi rang bzhin med do zhes bya ba ni/ rigs kyi bu/ dge 'dun zhes bya ba ni 'dum pa ste/ 'dum pa la rnam pa gnyis so/ /'di ltar </font><hr>Kha173a<br><font size=+1>


@#/ /kun rdzob tu 'dum pa dang / don dam pa la 'dum pa'o/ /de la kun rdzob tu 'dum pa ni/ nyan thos kyi dge 'dun no/ /don dam pa la 'dum pa ni byang chub sems dpa'i dge 'dun no/ /kun rdzob kyi dge 'dun ni mi rtag pa ste/ sangs rgyas kyi rang bzhin ni rtag pa'o/ /ji ltar sangs rgyas kyi rang bzhin rtag pa ltar don dam pa'i dge 'dun yang de dang 'dra'o/ /gzhan yang dge 'dun la 'di lta ste/ chos dang 'dum pa'o/ /chos dang 'dum pa ni 'di lta ste/ mdo sde sde bcu gnyis so/ / mdo sde sde bcu gnyis rtag pas na de'i phyir ngas chos dang dge 'dun ni rtag pa'o zhes gsungs so/ /rigs kyi bu/ dge 'dun ni 'dum pa zhes bya ste/ gang 'dum pa de ni rten cing 'brel te 'byung ba bcu gnyis so/ /rten cing 'brel te 'byung ba bcu gnyis la sangs rgyas kyi rang bzhin yod pas rten cing 'brel te 'byung ba bcu gnyis rtag pa ltar sangs rgyas kyi rang bzhin yang de dang 'dra ste/ de bas na ngas dge 'dun la sangs rgyas kyi rang bzhin yod ces gsungs so/ /yang dge 'dun zhes bya ba ni sangs rgyas thams cad 'dum pa ste/ de bas na ngas dge 'dun la sangs rgyas kyi rang bzhin yod ces gsungs so/ /rigs kyi bu khyod kyis 'di skad du sems can la gal te sangs rgyas </font><hr>Kha173b<br><font size=+1>


kyi rang bzhin yod na/ ci ste phyir ldog pa dang / phyir mi ldog pa yod ces dris pa shin tu yid la byas te rtag par nyon cig dang / ngas rnam par dgrol zhing bstan par bya'o/ /rigs kyi bu| byang chub sems dpa'i sems dpa' chen po chos rnam pa bcu gsum gyis phyir ldog par 'gyur ro/ /bcu gsum po gang zhe na/ 'di lta ste/ ma dad pa'i sems dang / nan tan mi byed pa'i sems dang / the tshom gyi sems dang / lus dang zang zing la chags shing ser sna byed pa dang / mya ngan las 'das pa chen po la 'jigs pa chen po skyed de ji ltar sems can dag yongs su mya ngan las bzla snyam pa dang / bzod pa'i sems med pa dang / ma dul ba'i sems dang / mya ngan gyis gdungs pa'i sems dang / mi bden pa dang / bag med pa dang / bdag gi lus la brnyas pa dang / nyon mongs pa gzhig mi nus par lta ba dang / byang chub kyi chos la 'jug par mi mos pa ste/ rigs kyi bu/ chos rnam pa bcu gsum po de dag gis byang chub sems dpa' rnams byang chub las phyir ldog par byed do/ /yang chos rnam pa drug po 'dis byang chub kyi sems 'jig par byed do/ /drug gang zhe na/ 'di lta ste/ chos la ser sna byed pa dang / sems can rnams la mi dge ba'i sems skyed pa dang / mi dge ba'i bshes gnyen la brten pa dang / brtson 'grus mi </font><hr>Kha174a<br><font size=+1>


@#/ /rtsom pa dang / bdag bstod cing nga rgyal byed pa dang / 'jig rten gyi las byed pa ste/ chos drug po de dag ni byang chub kyi sems 'jig par byed pa'o/ / rigs kyi bu/ la la zhig gis sangs rgyas bcom ldan 'das ni lha dang mi'i ston pa ste/ sems can thams cad kyi nang na gtso bor gyur pa/ bsgrun du med pa/ nyan thos dang rang sangs rgyas las 'phags pa/ chos kyi spyan rab tu gsal bas chos la thogs pa med par gzigs pa/ sems can thams cad nyon mongs pa'i rgya mtsho las sgrol ba'o zhes thos nas/ smon lam dang yi dam chen po bskyed de/ de ltar 'jig rten na de lta bu'i skyes bu yod na bdag kyang thob par 'gyur ro snyam du bsams te/ de'i rgyu de'i rkyen gyis bla na med pa yang dag par rdzogs pa'i byang chub tu sems bskyed pa dang / yang na gzhan gyis bstan pas byang chub tu sems bskyed pa dang / yang na byang chub sems dpa' bskal pa grangs med pa'i bar du dka' ba spyad nas gdod bla na med pa yang dag par rdzogs pa'i byang chub thob bo zhes thos te/ thos nas 'di snyam du bdag ni de ltar dka' ba spyod mi nus na/ ji ltar bla na med pa yang dag par rdzogs pa'i byang chub thob par 'gyur snyam ste/ de'i phyir ldog par 'gyur ro// //'phags pa </font><hr>Kha174b<br><font size=+1>


yongs su mya ngan las 'das pa chen po'i mdo/ bam po sum cu brgyad pa/ rigs kyi bu/ gzhan yang chos rnam pa 'di lngas byang chub kyi sems las phyir ldog par 'gyur ro| |lnga gang zhe na/ 'di lta ste/ mu stegs can gyi chos la rab tu 'byung bar dga' ba dang / byams pa chen po'i sems mi sgom pa dang / chos smra ba la skyon tshol bar dga' ba dang / rtag tu 'khor ba la dga' ba dang / mdo sde sde bcu gnyis 'dzin pa dang / klog pa dang / 'don pa dang / yi ger 'dri ba dang / dgrol zhing 'chad par mi mos pa ste/ de ni byang chub kyi sems las phyir ldog pa'i chos lnga'o/ /yang chos rnam pa 'di gnyis kyis byang chub kyi sems las phyir ldog par byed do/ /gnyis gang zhe na/ 'di lta ste/ 'dod pa lnga la chags shing zhen pa dang / dkon mchog gsum la bsti stang dang rim gro dang bkur sti mi byed pa ste/ de lta bu la sogs pa'i rgyu rkyen mang pos byang chub kyi sems las phyir ldog par 'gyur ro/ /yang ji ltar na phyir mi ldog pa'i sems zhes bya zhe na/ la la zhig de bzhin gshegs pas sems can rnams skye ba dang / rga ba dang / na ba dang / 'chi ba las sgrol bar mdzad de/ gzhan la rag ma lus par nan tan byas pas bla na med pa yang dag par rdzogs pa'i byang chub thob bo zhes thos nas/ gal te byang chub kyi lam </font><hr>Kha175a<br><font size=+1>


@#/ /thob pa zhig yin na/ bdag kyang shin tu nan tan byas te gdon mi za bar thob par bya'o snyam du bsams nas/ de'i rgyu de'i rkyen gyis byang chub tu sems bskyed de/ bsod nams mang du byas kyang rung / nyung yang rung / thams cad bla na med pa yang dag par rdzogs pa'i byang chub tu bsngos nas yi dam 'di skad bcas te| bdag rtag tu sangs rgyas dang sangs rgyas kyi nye gnas la bsnyen bkur byed par gyur nas rtag tu chos zab mo thos shing dbang po lnga dang ldan par gyur te/ gal te sdug bsngal gyis rab tu gdungs kyang sems de ma stor bar shog cig ces smon lam 'debs pa dang / yang sangs rgyas dang sangs rgyas kyi nye gnas kyis rtag tu bdag la dgongs pa'i thugs bskyed de/ dge ba'i rtsa ba rnam pa lnga dang ldan par gyur nas gal te sems can dag bdag gi lus bcad dam/ rkang lag dang / mgo dang / mig dang / yan lag thams cad gtubs kyang de dag la byams pa chen po'i sems bskyed cing bdag rab tu dga' ste/ skyes bu des ni bdag gi byang chub kyi rgyu skye zhing 'phel bar byas so/ /gal te bdag med na bdag ci'i rkyen gyis bla na med pa yang dag par rdzogs pa'i byang chub tu mngon par 'tshang rgya bar 'gyur snyam ste smon lam chen po 'debs pa dang / yang </font><hr>Kha175b<br><font size=+1>


'di skad du bdag mtshan med pa dang / mtshan gnyis pa dang / bud med kyi lus su ma gyur cig /gzhan gyis dbang byed par ma gyur cig /rje bo ngan pa dang ma phrad cig /rgyal po ngan pas dbang bar ma gyur cig /yul ngan par ma skye zhig /gal te lus byad bzang po thob na'ang cho rigs btsun pa dang / nor dang rin po che mang po bdog pa dang / bdog nas kyang dregs par ma gyur cig /bdag gis rtag tu mdo sde sde bcu gnyis thos nas gzungs su 'dzin pa dang / klog pa dang / 'don pa dang / yi ger 'dri ba dang / dgrol zhing 'chad par gyur cig /gal te sems can la dgrol zhing 'chad na pha rol pos yid ches shing 'dzin pa dang / rab tu dad nas the tshom med par gyur te/ rtag tu bdag la ngan sems mi skye bar gyur cig /nyung du thos pa la mang du shes par gyur cig /mang du thos la don mi shes par ma gyur cig /sems kyis ston par gyur te/ mi ston pa'i sems su ma gyur cig /lus dang ngag dang yid kyi las sdig pa mi dge ba dang 'dres par ma gyur cig /sems can thams cad la bde ba byin par gyur cig /lus kyi tshul khrims dang / sems kyi shes rab ri dang 'dra bar mi g.yo bar gyur cig /bla na med pa'i dam pa'i chos yongs su 'dzin pa'i phyir lus dang sog dang zang zing la 'jungs par ma gyur cig /ma brtags pa'i rdzas kyis bsod nams </font><hr>Kha176a<br><font size=+1>


@#/ /kyi las byed par ma gyur cig /yang dag pa'i 'tsho bas 'tsho zhing g.yo sgyu'i sems med par gyur cig /rtag tu drin dran zhing drin chung ngu'ang cher lan lon par gyur cig /'jig rten gyi rtsal gyi dngos po la mkhas par gyur cig /sems can gyi phyogs kun gyi skad la mkhas par gyur cig /mdo sde sde bcu gnyis klog gam/ 'don tam| yi ger 'dri na le lo dang snyom las byed par ma gyur cig /gal te sems can gang thos par mi dga' na thams cad kyis thos par dga' bar byed par gyur cig /smra ba mnyan la nges shing mi dge ba'i ngag brjod par ma gyur cig /mi 'dum pa'i sdums byed par gyur cig /mya ngan dang 'jigs par gyur pa/ mya ngan dang 'jigs pa spong bar gyur cig /mu ge byung ba'i dus su chog cing 'grangs par gyur cig /nad dang gor byung ba'i dus su sman pa'i rgyal por gyur te/ nad kyi rkyen sman dang / nor dang / rin po che ci dang ci dgos pa yid bzhin du sbyin par gyur te nad rnams bsal bar gyur cig/ mtshon gyi bskal pa'i tshe mthu stobs chen po yod par gyur te/ gnod pa dang / 'tshe ba ma lus par chod par gyur cig /sems can gyi 'jigs pa rnam pa sna tshogs gcod par gyur pa ni 'di lta ste/ 'chi ba dang / 'ching ba'am/ rdog pa'am/ chu'am </font><hr>Kha176b<br><font size=+1>


me'am/ rgyal po'am/ rkun po'am/ dbul po'am/ khrims 'jig pa'am/ mi snyan pa'am/ ngan song ngam/ de lta bu la sogs pa'i 'jigs pa kun yongs su gcod par gyur cig /pha ma dang / mkhan po dang / bla ma la shin tu bkur sti byed par gyur cig /'khon pa dang sdang ba la byams pa chen po'i sems skye bar gyur cig /rtag tu dran pa nye bar bzhag pa drug dang / stong pa nyid kyi ting nge 'dzin gyi rnam grangs dang / rten cing 'brel te 'byung ba bcu gnyis dang / skye zhing 'gog pa la sogs pa'i lhag mthong dang / dbugs phyi nang bgrang ba dang / lha'i spyod pa dang / tshangs pa'i spyod pa dang / 'phags pa'i spyod pa dang / rdo rje lta bu'i ting nge 'dzin dang / dpa' bar 'gro ba'i ting nge 'dzin la sogs pa sgom par gyur cig /dkon mchog gsum med pa'i gnas su bdag nyid kyis rab tu zhi ba'i sems thob cing gal te lus dang sems nyon mongs pa chen po myong na'ang bla na med pa'i byang chub kyi sems stor bar ma gyur cig /nyan thos dang rang sangs rgyas kyi sems kyis chog par ma gyur cig /dkon mchog gsum med pa'i gnas su rtag tu mu stegs can gyi chos la rab tu byung ste ngan par lta ba 'jig cing de'i chos la goms par mi byed par chos kyi dbang dang sems kyi dbang thob par gyur cig /'dus byas kyi chos kyi skyon bsal bar mthong bar </font><hr>Kha177a<br><font size=+1>


@#/ /gyur cig /ji ltar srog phangs pa lus gtong ba la 'jigs pa ltar bdag kyang theg pa gnyis kyi lam gyi 'bras bu la 'jigs par gyur cig /ji ltar sems can rnams sum cu rtsa gsum gnam gyi bde la mos pa ltar sems can gyi phyir ngan song gsum la mos par gyur cig /sems can gcig gi phyir yang bskal pa tshad med pa'i bar du sems can dmyal ba'i sdug bsngal myong yang 'gyod pa'i sems mi skye bar gyur cig /gzhan gyis rnyed pa mthong na phrag dog mi skyed cing ji ltar bdag bde ba thob pa ltar rtag tu dga' bar gyur cig /gal te dkon mchog gsum dang phrad na na bza' dang / bshos dang / gzims cha dang / gnas khang dang / snyun gyi rkyen sman dang / mar me dang / me tog dang / spos dang / rol mo dang / gdugs dang / ba dan dang / rin po che sna bdun gyis yongs su mchod par gyur cig /gal te sangs rgyas kyi tshul khrims mnos na shin tu brten par bsrungs te/ nam yang 'jig pa'i mtshan nyid ma skyed cig /gal te byang chub sems dpa'i dka' ba spyod pa thos na rab tu dga' mos te 'gyod pa'i sems ma skyed cig /bdag gi sngon gyi gnas kyi dngos po dran zhing nam yang 'dod chags dang zhe sdang dang gti mug gi las byed par ma gyur cig /'bras bu smin pa la re ba'i phyir rgyu rkyen </font><hr>Kha177b<br><font size=+1>


tshogs par ma gyur cig /da ltar gyi bde ba la chags shing zhen par ma gyur cig ces yi dam 'cha'o/ /rigs kyi bu/ gang 'di lta bu'i yi dam 'cha' ba ni byang chub sems dpa' nam yang byang chub kyi sems las mi ldog mi stor ba zhes kyang bya/ sbyin pa'i bdag po de bzhin gshegs pa dang sangs rgyas kyi rang bzhin mngon par mthong bas sems can gdul mkhas pa/ 'khor ba las sgrol ba/ bla na med pa'i chos shin tu 'dzin cing srung ba la pha rol tu phyin pa drug dang ldan zhes kyang bya'o/ /rigs kyi bu/ don de lta bas na phyir mi ldog pa'i sems ni sangs rgyas kyi rang bzhin zhes mi bya'o/ /rigs kyi bu khyod kyis phyir mi ldog pa'i sems yod pa'i phyir sems can thams cad la sangs rgyas kyi rang bzhin med do zhes byar mi rung ste/ dper na/ mi gnyis shig 'di skad du phyogs gzhan zhig na rin po che sna bdun gyi ri yod de/ ri de la chu mig bzang po ro dang ldan pa'ang yod do/ / gang gis der phyin na dbul zhing phongs pa med par 'gyur la/ chu de 'thungs na tshe ring zhing lo brgya phrag stong thub par 'gyur te/ nyen du lam ring zhing nyam nga ba dang bgegs mang ngo zhes thos nas/ de nas mi de gnyis ka 'gro bar gzas nas gcig gis ni lam du 'gro ba'i yo byad thams cad bshams nas chas so/ /gcig ni stong pa ci'ang med par </font><hr>Kha178a<br><font size=+1>


@#/ /chas te| 'grogs shing lam du song song ba las rin po che sna bdun mang po thogs pa'i mi zhig dang phrad do/ /de nas mi de gnyis kyis dris pa/ kye skyes bu chen po yul de na yang dag par rin po che sna bdun gyi ri yod dam/ des smras pa/ yang dag par yod de/ mi rdzun pas na bdag gis ni rin po che'ang thob la chu'ang 'thungs te| nyen du lam nyam nga zhing ring la rkun po dang chom po rgod de/ mya ngan dang tsher ma ni mang gi/ chu dang rtswa ni med pas brgya phrag stong tsam song yang phyin pa ni shin tu nyung ngo / / des de skad ces smras pa thos nas gcig ni 'gyod pa skyes te 'di skad du lam ring la bgegs shin tu mang bas song ba grangs med kyang phyin pa ni gcig gam gnyis las med na| bdag gis ji ltar der phyin par 'gyur/ bdag gi 'tsho ba ni da ltar bdag spyod pa tsam chog na/ gal te lam du zhugs te song ba las ma stes na/ lus dang srog yal bar 'gyur ro/ /lus dang srog med par gyur na tshe ring zhing bde ba de ga la yod ces smras so/ /gcig ni 'di skad du gzhan dag phyin par gyur pa yod na bdag kyang phyin par bya'o/ /gal te pha rol tu phyin par gyur na yid bzhin du rin po che blang zhing chu mig bzang po'ang btung ngo / ji ste ma thar na srog gis 'jal lo zhes smras so/ /de nas mi gnyis </font><hr>Kha178b<br><font size=+1>


gcig ni 'gyod de phyir log go/ gcig ni chas te song ngo / /chas pa de ri der phyin nas rin po che mang po blangs te yid bzhin du chu'ang 'thungs nas rin po che mang po dang phyir log nas/ pha ma la dbul zhing gnyen bshes thams cad la'ang chog par byin no/ /de'i tshe 'gyod de phyir log pa des de lta bu'i dngos po dag mthong nas sems la rab tu gdung ba skyes te/ des song ba las kyang phyir log na/ bdag da ci'i phyir 'dug ces smras nas chas te song ngo / /de la rin po che sna bdun gyi ri ni mya ngan las 'das pa chen po lta bu'o/ /chu zhim po ni sangs rgyas kyi rang bzhin lta bu'o/ /mi gnyis po ni thog ma byang chub tu sems bskyed pa'i byang chub sems dpa' gnyis lta bu'o/ /lam nyam nga ba ni 'khor ba lta bu'o/ /lam du phrad pa'i mi ni sangs rgyas bcom ldan 'das lta bu'o/ /chom shod rgod pa ni bdud bzhi lta bu'o/ /mya ngan dang tsher ma ni nyon mongs pa rnams lta bu'o/ /chu dang rtswa med pa ni byang chub kyi lam mi sgom pa lta bu'o/ /gcig phyir ldog pa ni byang chub sems dpa'i phyir ldog pa lta bu'o/ /chas te song ba ni byang chub sems dpa' phyir mi ldog pa lta bu'i dper rig par bya'o/ /rigs kyi bu/ sems can gyi sangs rgyas kyi rang bzhin ni rtag tu gnas shing mi 'gyur ba ste/ lam nyam nga ba'i phyir 'gyod de phyir ldog pas lam mi rtag </font><hr>Kha179a<br><font size=+1>


@#/ /go zhes byar mi rung ba ltar/ sangs rgyas kyi rang bzhin yang de dang 'dra ste/ rigs kyi bu/ byang chub kyi lam la ni phyir ldog pa med do/ /rigs kyi bu/ ji ltar 'gyod pa de/ grogs pos rin po che mang po thob pas mthu dang stobs kyi dbang thob cing pha ma gsos te gnyen bshes la chog par byin zhing bde ba mang po myong bar gyur pa mthong bas sems la gdung ba skyes te/ chas nas lam du 'jug pa las lus dang srog mi phangs shing dka' ba dang bgegs mang po la bzod de/ rin po che sna bdun gyi rir phyin pa ltar phyir mi ldog pa'i byang chub sems dpa' yang de dang 'dra'o/ /rigs kyi bu/ sems can thams cad gdon mi za bar bla na med pa yang dag par rdzogs pa'i byang chub thob par 'gyur bas don de'i phyir ngas mdo sde kun las mtshams med pa lnga byas pa dang / phas pham pa bzhi nyams pa dang / log sred can gyi bar du sems can thams cad la sangs rgyas kyi rang bzhin yod ces gsungs so/ /seng+ge sgras gsol pa/ bcom ldan 'das/ ji ltar na byang chub sems dpa' phyir ldog pa dang / phyir mi ldog pa lags/ bka' stsal pa/ rigs kyi bu/ byang chub sems dpa' gang de bzhin gshegs pa'i mtshan sum cu rtsa gnyis kyi las kyi rgyu rkyen sgrub </font><hr>Kha179b<br><font size=+1>


pa ni phyir mi ldog pa zhes kyang bya/ byang chub sems dpa' sems dpa' chen po zhes kyang bya/ mi g.yo mi 'gyur ba zhes kyang bya/ sems can thams cad la snying brtse ba zhes kyang bya/ nyan thos dang rang sangs rgyas thams cad las 'phags pa zhes kyang bya/ phyir mi ldog pa zhes kyang bya'o/ /rigs kyi bu/ byang chub sems dpa' sems dpa' chen po gang tshul khrims sdom pa la mi g.yo zhing sbyin pa'i sems brtan pa dang / ri rab ltar bden pa'i tshig la gnas na/ las de'i rgyu de'i rkyen gyis rkang pa'i mthil mnyam pa pog por gyi sgrom 'dra ba'i mtshan thob bo/ /byang chub sems dpa' sems dpa' chen po gang pha ma dang / mkhan po dang / slob dpon dang / bla ma dang / chung ngu na byol song gi skye gnas la'ang chos bzhin du rnyed pa'i zang zing gis mchod cing sbyin par byed na las de'i rkyen gyis rkang pa'i 'og na 'khor lo rtsib ma stong dang ldan pa'i mtshan thob bo/ /byang chub sems dpa' sems dpa' chen po gang srog mi gcod pa dang / ma byin par mi len pa dang / pha ma dang / mkhan po dang / bla ma la rtag tu dga' ba skyed na/ las de'i rkyen gyis mtshan rnam pa gsum thob ste/ lag pa'i sor mo phra zhing ring ba dang / rkang pa'i rting pa ring ba dang / lus drang zhing zur bzhi pa'i mtshan gsum thob ste/ mtshan gsum po ni las kyi </font><hr>Kha180a<br><font size=+1>


@#/ /rgyu gcig go/ byang chub sems dpa' sems dpa' chen po gang bsdu ba'i chos rnam pa bzhis sems can sdud na/ las de'i rkyen gyis lag pa'i sor mo'i bar 'brel ba ngang pa'i rgyal po dang 'dra ba'i mtshan thob bo/ /byang chub sems dpa' sems dpa' chen po gang pha ma dang / mkhan po dang / bla ma dag nad kyis gzir ba las bdag gis lag dar te bkrus nas lus kyi yan lag mnyes na/ las de'i rkyen gyis lag pa dang / rkang pa mnyen pa'i mtshan thob bo/ /byang chub sems dpa' sems dpa' chen po gang tshul khrims sdom zhing chos nyan pa dang / sbyin pa byin pa la mi skyon/ las de'i rkyen gyis tshigs dang long bu shas mnyam zhing gang la lus kyi ba spu gyen du nyal ba'i mtshan thob bo/ /byang chub sems dpa' sems dpa' chen po gang sems rtse gcig tu chos nyan zhing dam pa'i chos ston na/ las de'i rkyen gyis sha ba'i rgyal po'i byin pa lta bu'i mtshan thob bo/ /byang chub sems dpa' sems dpa' chen po gang sems can thams can la 'tshe ba'i sems mi skyed de/ za ba dang 'thung ba la chog shes shing rtag tu sbyin pa byin par dga' ba dang / nad g.yog byed cing sman byin na/ las de'i rkyen gyis lus phun sum tshogs pa shing n+ya gro d+ha dang 'dra ba/ 'greng na lag pa pus mo 'das </font><hr>Kha180b<br><font size=+1>


pa| sha'i gtsug tor dang / gtsug tor bltar mi snang ba'i mtshan thob bo/ /byang chub sems dpa' sems dpa' chen po gang 'jigs pa mthong na mgon dang skyabs byed la/ gcer bu mthong na gos sbyin par byed na/ las de'i rkyen gyis pho mtshan gsang ba'i mdzod kyi mtshan thob bo/ /byang chub sems dpa' sems dpa' chen po gang shes rab can dang bsnyen cing gti mug can spong la 'dri ba dang lan ldon pa la mkhas pa dang / 'gro ba'i lam 'chos shing phyags na las de'i rkyen gyis pags pa srab cing mnyen la lus kyi ba spu g.yas su 'khyil ba'i mtshan thob bo/ /byang chub sems dpa' sems dpa' chen po gang rtag tu gos dang / zas dang / mal cha dang / nad kyi rkyen sman dang / spos dang / me tog dang / mar me dag sbyin pa byin na/ las de'i rkyen gyis lus gser gyi kha dog lta bu rtag tu lham me lhang nge ba'i mtshan thob bo/ /byang chub sems dpa' sems dpa' chen po gang sbyin pa byin na/ nor gyi dbyig gtong nus shing phangs pa med de/ bsod nams kyi zhing dang bsod nams kyi zhing ma yin pa mi rtog na/ las de'i rkyen gyis gnas bdun gang ba'i mtshan thob bo| |byang chub sems dpa' sems dpa' chen po gang sbyin pa byin pa na the tshom gyi sems mi skye na/ las de'i rkyen gyis sgra dbyangs snyan pa'i mtshan thob bo/ /byang chub sems </font><hr>Kha181a<br><font size=+1>


@#/ /dpa' sems dpa' chen po gang chos bzhin du tshol zhing sbyin pa byin pa na/ las de'i rkyen gyis sgrog rus gang zhing mnyam pa dang / seng+ge'i ro stod lta bu dang / lag ngar dang gru mo shas mnyam zhing ring ba'i mtshan thob bo/ /byang chub sems dpa' sems dpa' chen po gang phra ma dang / tshig mthun tshags dang / zhe sdang gi sems yongs su spangs na/ las de'i rkyen gyis so bzhi bcu dkar zhing mnyam la thags bzang po'i mtshan thob bo/ /byang chub sems dpa' sems dpa' chen po gang sems can thams cad la byams pa dang snying rje chen po bskyed na/ las de'i rkyen gyis mche ba gnyis dang ldan pa'i mtshan thob bo/ byang chub sems dpa' sems dpa' chen po gang rtag tu 'di ltar gang slong zhing 'ong ba la yid bzhin du sbyin pa byin no zhes smon lam btab na/ las de'i rkyen gyis seng ge'i 'gram pa lta bu'i mtshan thob bo/ byang chub sems dpa' sems dpa' chen po gang sems can rnams kyi zas ci dang ci 'dod pa de dang de sbyin par byed na/ las de'i rkyen gyis ro'i nang na ro'i mchog dang ldan pa'i mtshan thob bo// byang chub sems dpa' sems dpa' chen po gang bdag nyid dge ba bcu spyod cing gzhan la'ang ston na/ las de'i rkyen gyis lce ring zhing yangs pa'i mtshan thob bo/ /byang </font><hr>Kha181b<br><font size=+1>


chub sems dpa sems dpa' chen po gang gzhan gyi skyon mi brjod cing dam pa'i chos la mi skur na/ las de'i rkyen gyis tshangs pa'i sgra dbyangs kyi mtshan thob bo/ /byang chub sems dpa' sems dpa' chen po gang dgra dang sdang ba rnams mthong na dga' ba'i sems bskyed na/ las de'i rkyen gyis rdzi ma mthing ga lta bu'i mtshan thob bo/ /byang chub sems dpa' sems dpa' chen po gang gzhan gyi yon tan mi 'chab cing kun tu sgrogs na/ las de'i rkyen gyis mdzod spu dkar po'i mtshan thob bo/ /rigs kyi bu/ byang chub sems dpa' sems dpa' chen pos de ltar mtshan sum cu rtsa gnyis kyi las kyi rgyu rkyen sgrub pa na/ byang chub kyi sems phyir mi ldog par 'gyur ro/ /rigs kyi bu/ sems can thams cad bsam gyis mi khyab ste/ sangs rgyas rnams kyi spyod yul dang / las kyi 'bras bu dang / sangs rgyas kyi rang bzhin yang bsam gyis mi khyab bo/ /de ci'i phyir zhe na/ chos bzhi po de dag ni rtag pa yin te/ de ltar rtag pa'i phyir bsam gyis mi khyab bo/ /sems can thams cad ni nyon mongs pas bsgribs pa'i phyir rtag pa zhes bya ste/ rtag pa'i nyon mongs pa bcad pas mi rtag pa zhes bya'o/ /gal te sems can thams cad rtag ni/ ci'i phyir 'phags pa'i lam gyi yan lag brgyad bsgom dgos par 'gyur zhe na/ de ni sdug bsngal mang po bcad </font><hr>Kha182a<br><font size=+1>


@#/ /pa'i phyir te/ gal te sdug bsngal mang po chod na de ni mi rtag pa zhes bya'o/ /gang bde ba myong ba de ni rtag pa zhes bya ste/ de bas na ngas sems can thams cad ni nyon mongs pas yongs su bsgribs pa'i phyir sangs rgyas kyi rang bzhin mi mthong ste/ de ltar mi mthong ba'i phyir mya ngan las mi 'da'o zhes ngas gsungs so/ /seng+ge sgras gsol pa/ bcom ldan 'das/ ji ltar bcom ldan 'das kyis gsungs pa/ chos thams cad la rgyu rnam pa gnyis te/ bden pa'i rgyu dang / rkyen gyi rgyu'o zhes gsungs so| |rgyu rnam pa gnyis kyis de ni 'ching ba dang grol ba ma mchis so/ /phung po lnga ni skad cig skad cig mar skye zhing 'gog ste/ de ltar skye zhing 'gog na su zhig 'ching ba dang / grol bar 'gyur/ bcom ldan 'das/ phung po lnga 'di'i rgyus phyi ma'i phung po lnga skye ste/ phung po 'di ni rang 'gog pas phung po pha rol por 'gro ba ma lags so/ /der mi 'gro mod kyi phung po pha rol po skye bar nus pa ni ji ltar sa bon gyi rgyus myu gu skye ba bzhin te/ sa bon ni myu gu'i nang du mchi ba ma lags so/ /myu gu'i nang du mi mchi mod kyi/ 'on kyang skye bar 'gyur te/ sems can yang de dang 'dra na ji ltar 'ching ba dang grol bar 'gyur/ bcom ldan 'das kyis bka' stsal pa/ rigs kyi bu/ rab tu yid la byas te brtags </font><hr>Kha182b<br><font size=+1>


dang nyon cig dang / ngas dgrol zhing bstan par bya'o/ /rigs kyi bu/ dper na/ mi dag tshe'i dus byed pa'i sdug bsngal myong ba na/ gnyen bshes kyis bskor zhing cho nge 'don te/ mi de 'jig skrag pas skyabs dang rten gang yin pa mi shes so/ /rnam par shes pa lnga yod mod kyi ci'ang mi tshor te/ yan lag dang tshigs thams cad 'dar zhing 'gul yang rtsol mi nus so/ /lus thams cad grang zhing drod zad du nye ba na/ sngon spyod spyod pa'i dge ba dang mi dge ba rnam par smin pa'i mtshan nyid mthong bar 'gyur ro/ /rigs kyi bu/ dper na/ nyi ma nub tu nye ba na ri dang 'bar 'bur gyi grib ma thams cad shar phyogs su snang ste/ nub phyogs su 'gro ba'i chos med do/ /de bzhin du sems can gyi las kyi 'bras bu'ang de dang 'dra ste/ phung po 'di 'gags na/ phung po pha rol po gcig gi rgyun skye bar 'gyur te/ ji ltar sgron ma byung ba na mun pa 'gog la/ sgron ma 'gags pa na mun pa skye ba bzhin no/ /rigs kyi bu/ dper na| spra tshil las rgya byas te 'ji ba la btab na/ rgya dang 'ji ba phrad pa las ri mo 'byung ste/ de ltar spra tshil gyi rgyal 'ji ba la 'phos pa'ang med la/ ri mo 'ji ba las byung ba'ang ma yin/ gzhan nas 'ongs pa'ang ma yin te/ spra tshil gyi rkyen gyis ri mo byung ngo / /de ltar gyi phung po 'gags nas lnga phung bar ma skyes te/ da ltar gyi phung po de nyid lnga phung bar mar </font><hr>Kha183a<br><font size=+1>


@#/ /'gyur ba ma yin la/ lnga phung bar ma'ang rang skye ba ma yin te/ gzhan nas 'ongs pa'ang ma yin gyi/ da ltar gyi phung po'i rgyu las lnga phung bar ma skyes te/ ji ltar 'ji ba las rgyas btab na rgya med ma thag tu ri mo mngon par snang ste/ ming la khyad par med kyang dus ni tha dad do/ /de bas na lnga phung bar ma ni sha'i mig gis mthong ba ma yin gyi 'phrul gyi mig gis mthong ngo zhes ngas gsungs so/ /lnga phung bar ma la zas rnam pa gsum ste/ bsam pa'i zas dang / reg pa'i zas dang / rnam par shes pa'i zas so/ /lnga phung bar ma la rnam pa gnyis te/ dge ba'i las kyi 'bras bu dang / mi dge ba'i las kyi 'bras bu'o/ /de la dge ba'i las kyi rgyu dang ldan pa ni dge ba la rtog go /mi dge ba'i las kyi rgyu dang ldan pa ni mi dge ba la rtog go /pha ma gnyis phrad de 'khrig pa'i las byed pa na las ci dang ci byas pa'i rgyu bzhin du skye ba'i gnas su 'gro ste/ ma la ni 'dod pa skye/ pha la ni sdang ba skye ste/ pha'i khu ba 'byung ba na bdag gir 'dzin te mthong nas sems rangs shing rab tu dga' ba skyed do/ /de ltar nyon mongs pa'i rgyu dang rkyen rnam pa gsum gyis na/ lnga phung bar ma 'jig ma thag tu lnga phung phyi ma skyes ste/ ji lar 'ji ba la rgyas btab na rgya med ma thag tu ri mor 'gyur ba </font><hr>Kha183b<br><font size=+1>


bzhin no/ /skye ba'i tshe dbang po rnams tshang ba dang ma tshang ba yod de/ gang dbang po tshang ba ni gzugs mthong nas chags pa skye'o/ /chags pa skyes pas sred pa zhes bya ste/ bslad pa'i phyir chags pa bskyed pa ni ma rig pa zhes bya'o/ /'dod chags dang ma rig pa'i rgyu rkyen gnyis kyis yul thams cad la phyin ci log par mthong ste/ mi rtag pa la ni rtag par lta/ bdag med pa la bdag tu lta/ mi bde ba la bde bar lta/ yongs su ma dag pa la yongs su dag par lta ste/ phyin ci log bzhi po de'i phyir dge ba dang / mi dge ba byed de| nyon mongs pa'ang las su 'gyur la/ las kyang nyon mongs par 'gyur te/ de ni bcings pa zhes bya'o/ /don de lta bas na lnga phung skye ba zhes bya'o/ /gal te gang zag des sangs rgyas sam/ sangs rgyas kyi nye gnas sam/ dge ba'i bshes gnyen rnams la bsnyen bkur byas na/ mdo sde sde bcu gnyis thos par 'gyur ro/ /de ltar chos thos pa'i phyir dge ba'i spyod yul la rtog go /dge ba'i spyod yul la rtog pa'i phyir shes rab chen po thob par 'gyur ro/ /shes rab chen po zhes bya ba ni yang dag pa'i shes pa dang mthong ba zhes bya ste/ shes pa dang mthong ba thob pas 'khor ba la rab tu 'gyod pa'i sems skye'o/ /'gyod pa'i sems skyes pas dga' ba dang mos ba mi skye'o/ /dga' ba dang mos pa </font><hr>Kha184a<br><font size=+1>


@#/ /mi skye bas 'dod chags kyi sems 'jig par 'gyur ro/ /'dod chags kyi sems zhig pas 'phags pa'i lam yan lag brgyad sgom par 'gyur ro| /'phags pa'i lam yan lag brgyad bsgoms pas 'khor ba med par 'gyur ro/ /'khor ba med pas rnam par grol ba thob pa zhes bya ste/ ji ltar me ni shing dang ma phrad na 'gog pa zhes bya ste/ 'khor ba 'gags pas mya ngan las 'das pa zhes bya'o/ /don de lta bas na lnga phung 'gog pa zhes bya'o/ /seng+ge sgras gsol pa/ nam mkha' la tsher ma ma mchis par dbyung du ci mchis/ phung po la 'ching ba ma mchis par cis bcings/ bcom ldan 'das kyis bka' stsal pa/ rigs kyi bu/ nyon mongs pa'i lcags sgrog gis lnga phung bcings te/ lnga phung gi pha rol na nyon mongs pa gzhan med la/ nyon mongs pa'i pha rol na lnga phung zhes bya ba gzhan med do/ /rigs kyi bu/ ka bas khang pa 'dzin te/ khang pa'i pha rol na ka ba med la/ ka ba'i pha rol na khang pa med pa ltar sems can gyi lnga phung yang de dang 'dra ste/ nyon mongs pa yod pa'i phyir bcings pa zhes bya ste/ nyon mongs pa med pas rnam par grol ba zhes bya'o/ /rigs kyi bu/ khu tshur dang / thal mo dang / mdud pa la sogs pa gsum ni 'dus ba dang bral ba las skye zhing 'gog ste/ de las chos </font><hr>Kha184b<br><font size=+1>


gzhan med do/ /sems can gyi lnga phung yang de dang 'dra ste/ nyon mongs pa dang bcas pa na bcings pa zhes bya'o/ /nyon mongs pa med pa na rnam par grol ba zhes bya'o/ /rigs kyi bu/ ji ltar ming dang gzugs kyis sems can 'ching ngo zhes gsungs te/ gal te ming dang gzugs 'gags na sems can zhes bya ba med do/ /ming dang gzugs kyi pha rol na sems can gzhan med la/ sems can gyi pha rol na ming dang gzugs zhes bya ba gzhan med de/ ming dang gzugs kyis sems can bcings la/ sems can gyis kyang ming dang gzugs bcings pa zhes bya'o/ /seng+ge sgras gsol pa/ bcom ldan 'das/ dper na/ mig gis mig mi mthong / mdzub mos mdzub mo mi mtshon/ ral gris ral gri mi chod/ tshor bas tshor ba mi tshor na ci'i slad du/ bcom ldan 'das kyis ming dang gzugs kyis ming dang gzugs 'ching ngo zhes gsungs/ de ci'i slad du zhe na/ ming dang gzugs zhes bgyi ba nyid sems can no/ /sems can nyid ming dang gzugs lags te/ gal te ming dang gzugs kyis sems can bcings na/ ming dang gzugs kyis ming dang gzugs bcings pa lags so/ /bcom ldan 'das kyis bka' stsal pa/ rigs kyi bu/ ji ltar lag pa gnyis sbyar ba na/ de ma yin pa chos gzhan sbyor du 'ongs </font><hr>Kha185a<br><font size=+1>


@#/ /pa med de/ ming dang gzugs kyang de dang 'dra'o/ /don de lta bas na ming dang gzugs kyis sems can bcings so/ /gal te ming dang gzugs spangs na rnam par grol lo zhes ngas gsungs te/ de bas na sems can rnam par grol zhes ngas gsungs so/ /seng+ge sgras gsol pa/ bcom ldan 'das/ gal te ming dang gzugs mchis pas bcings pa zhes bgyi na/ dgra bcom pa rnams kyang ming dang gzugs ma spangs na/ bcings pa lags sam/ bcom ldan 'das kyis bka' stsal pa| rigs kyi bu/ rnam par grol ba la rnam pa gnyis te/ sa bon bcad pa dang / 'bras bu bcad pa'o/ /de la sa bon bcad pa zhes bya ba ni nyon mongs pa bcad pa'o/ /dgra bcom pa dag nyon mongs pa bcad nas kun nas nyon mongs pa zhig cing zad pas de bas na sa bon gyi kun nas nyon mongs pas 'ching bar mi nus so/ /'bras bu ma bcad pa'i phyir 'bras bus bcings pa zhes bya'o/ /dgra bcom pa rnams kyis sangs rgyas kyi rang bzhin mi mthong ste/ de ltar mi mthong ba'i phyir bla na med pa yang dag par rdzogs pa'i byang chub mi thob bo/ /don de lta bas na 'bras bus bcings pa zhes byar rung gi /ming dang gzugs kyis bcings pa zhes byar mi rung ngo / /rigs kyi bu/ dper </font><hr>Kha185b<br><font size=+1>


na| me mar ni mar ma zad na snang ba med par mi 'gyur gyi/ gal te mar zad na gdon mi za bar 'chi bar 'gyur ro/ /rigs kyi bu/ mar zhes bya ba ni nyon mongs pa rnams kyi dpe'o/ / me mar ni sems can rnams kyi dpe ste/ sems can thams cad ni nyon mongs pa'i mar gyis yongs su mya ngan las mi 'da'o/ /gal te zad na yongs su mya ngan las 'da' bar 'gyur ro/ /seng+ge sgras gsol pa/ bcom ldan 'das/ mar me dang mar gnyis mtshan nyid so so ste/ sems can dang nyon mongs pa ni de lta ma lags so/ /sems can nyid nyon mongs pa lags la/ nyon mongs pa nyid kyang sems can no/ /sems can ni lnga phung lags te/ lnga phung yang sems can lags so/ /lnga phung nyid kyang nyon mongs pa lags te/ nyon mongs pa nyid kyang lnga phung zhes bgyi na ci'i slad du/ bcom ldan 'das kyis mar me las dper len/ bcom ldan 'das kyis bka' stsal pa/ rigs kyi bu/ dpe la rnam pa brgyad de/ gzhol ba'i dpe dang / bzlog pa'i dpe dang / mngon sum gyi dpe dang / ma yin pa'i dpe dang / snga ma'i dpe dang / phyi ma'i dpe dang / snga phyi'i dpe dang / kun khyab pa'i dpe'o/ /de la ji ltar na gzhol ba'i dpe zhe na/ ji ltar mdo sde las gsungs pa ltar char chen po bab na shang shong thams cad gang ngo / /shang shong gang bas </font><hr>Kha186a<br><font size=+1>


@#/ /grag grog chung ngu gang ngo / /grag grog chung ngu gang bas grog po chen po gang ngo / /grog po chen po gang bas chu mig chung ngu gang ngo / /chu mig chung ngu gang bas chu mig chen po gang ngo / /chu mig chen po gang bas rdzing bu gang ngo / /rdzing bu gang bas rdzing chen po gang ngo / /rdzing chen po gang bas klung chung ngu gang ngo / /klung chung ngu gang bas klung chen po gang ngo / /klung chen po gang bas rgya mtsho chen po gang ste/ de bzhin gshegs pa'i chos kyi char yang de dang 'dra bar sems can gyi tshul khrims yongs su gang bar byed do/ /tshul khrims yongs su gang bas mi 'gyod pa'i sems yongs su gang ngo / /mi 'gyod pa'i sems yongs su gang bas rab tu dga' ba gang ngo / /rab tu dga' ba gang bas ring du spong ba gang ngo / /ring du spong ba gang bas bde ba gang ngo / /bde ba yongs su gang bas ting nge 'dzin yongs su gang ngo / /ting nge 'dzin yongs su gang bas yang dag pa'i shes pa dang mthong ba gang ngo / /yang dag pa'i shes pa dang mthong ba yongs su gang bas skyo ba gang ngo / /skyo ba yongs su gang bas yongs su smod pa gang ngo / /yongs su smod pa yongs su gang bas rnam par grol ba gang ngo / /rnam par grol ba yongs su gang bas mya ngan las 'das pa gang ste/ de ni gzhol ba'i dpe'o/ /de </font><hr>Kha186b<br><font size=+1>


la ji ltar na bzlog pa'i dpe zhe na/ rgya mtsho'i phyi mo ni 'di lta ste/ klung chen po'o/ /klung chen po'i phyi mo ni 'di lta ste/ klung chung ngu'o/ /klung chung ngu'i phyi mo ni 'di lta ste/ mtsho chen po'i/ /mtsho chen po'i phyi mo 'di lta ste/ mtsho chung ngu'o/ /mtsho chung ngu'i phyi mo ni 'di lta ste/ chu mig chen po'o/ /chu mig chen po'i phyi mo ni 'di lta ste/ chu mig chung ngu'o/ /chu mig chung ngu'i phyi mo ni 'di lta ste/ grog po chen po'o/ /grog po chen po'i phyi mo ni 'di lta ste/ grog po chung ngu'o/ /grog po chung ngu'i phyi mo ni 'di lta ste/ shang shong chen po'o/ /shang shong chen po'o phyi mo ni 'di lta ste /char chen po'o/ /mya ngan las 'das pa'i phyi mo ni 'di lta ste/ rnam par grol ba'o/ /rnam par grol ba'i phyi mo ni 'di lta ste/ yongs su smod pa'o/ /yongs su smod pa'i phyi mo ni 'di lta ste/ skyo ba'o/ /skyo ba'i phyi mo ni 'di lta ste/ yang dag pa'i shes pa dang mthong ba'o/ /yang dag pa'i shes pa dang mthong ba'i phyi mo ni 'di lta ste/ ting nge 'dzin no/ /ting nge 'dzin gyi phyi mo ni 'di lta ste/ bde ba'o/ /bde ba'i phyi mo ni 'di lta ste/ rab tu spong ba'o/ /rab tu spong ba'i phyi mo ni 'di lta ste/ dga' ba'i sems so/ /dga' ba'i sems kyi phyi mo ni 'di lta ste/ mi 'gyod pa'o/ /mi 'gyod pa'i phyi mo ni 'dri lta ste/ tshul khrims 'dzin pa'o/ /tshul khrims 'dzin pa'i phyi mo ni 'di ltar chos kyi char pa ste/ de ni bzlog pa'i dpe'o/ /de la ji ltar na </font><hr>Kha187a<br><font size=+1>


@#/ /mngon sum gyi dpe zhe na/ ji ltar mdo sde las sems can gyi sems kyi rang bzhin ni spre'u dang mtshungs so/ /spre'u'i rang bzhin ni gcig btang nas gcig len pa ste/ sems can gyi rang bzhin yang de dang 'dra ste/ gzugs dang / sgra dang / dri dang / ro dang / reg bya dang / chos la chags pas skad cig sdod pa'i dus med do zhes gsungs te/ de ni mngon sum gyi dpe'o/ /de la ji ltar na ma yin pa'i dpe zhe na/ 'di ltar ngas sngon rgyal po sde rab tu pham byed la 'di skad ces bka' stsal te/ rgyal po chen po rab tu nye zhing yid ches pa'i mi phyogs bzhi nas 'ong ste/ 'di skad du rgyal po chen po phyogs bzhi nas ri chen po bzhi 'ongs te/ rgyal po'i mi dag la gnod par 'tshe bar 'ong ngo zhes smras te/ rgyal po/ de lta bu zhig 'ongs na/ blo gros ci yod ces bka' stsal nas/ rgyal pos gsol pa/ bcom ldan 'das/ gal te de lta bu zhig mchis na/ 'bros pa'i gnas ma mchis te/ sems rtse gcig tu tshul khrims 'dzin zhing sbyin pa 'ba' zhig bgyi'o/ /zhes gsol nas/ ngas legs so/ /zhes bya ba byin no/ /rgyal po chen po/ ngas ri chen po zhes smras pa ni de nyid sems can gyi skye ba dang / rga ba dang / na ba dang / 'chi ba la bya ste/ skye ba dang / rga ba dang / na ba dang / 'chi bas rtag tu sems can la gnod </font><hr>Kha187b<br><font size=+1>


par 'tshe zhing 'ong na/ rgyal po chen pos ci'i phyir tshul khrims dang sbyin pa mi mdzad/ rgyal pos gsol pa/ bcom ldan 'das/ tshul khrims 'dzin zhing sbyin pa bgyis na 'bras bu ci thob/ ngas de la/ rgyal po chen po/ lha dang mi'i nang na bde ba'i longs spyod mang du myong bar 'gyur ro zhes bka' stsal to/ /rgyal pos gsol pa/ bcom ldan 'das/ shing n+ya gro d+has tshul khrims 'dzin zhing sbyin pa bgyis na/ de'ang lha dang mi'i bde ba'i longs spyod myong bar 'gyur ram/ ngas de la/ rgyal po chen po/ shing n+ya gro d+ha ni tshul khrims 'dzin pa dang sbyin pa spyod mi nus so/ /ji ste nus na bde ba myong ba yang tha mi dad do/ /zhes bka' stsal pa de ni ma yin pa'i dpe'o/ /de la ji ltar na snga ma'i dpe zhe na/ ngas mdo sde kun las dper na/ gang zag la la zhig me tog bzang po la chags pas len pa'i tshe chus khyer ro/ /sems can yang de dang 'dra ste/ 'dod pa lnga la chags pas skye ba dang / rga ba dang / na ba dang / 'chi ba'i chus khyer ro zhes gsungs pa de ni snga ma'i dpe'o/ /ji ltar phyi ma'i dpe zhe na/ chos kyi tshig gi mdo las tshigs su bcad pa 'di dag gsungs pa yin te/ sdig pa phra mo chung ngu la/ /mi gnod snyam du brnyes mi bya/ /chu yi thigs pa zags pa yang / /snod chen khad kyis gang bar 'gyur/ /zhes bya ba de ni phyi ma'i dpe'o/ /de la ji ltar na snga phyi'i </font><hr>Kha188a<br><font size=+1>


@#/ /dpe zhe na/ dper na chu shing 'bras bu skyes ma thag tu 'chi ba dang / glen pa dag gso ba'i gnas rnyed pa'ang de dang 'dra ste/ ji ltar na dre'u sbrums na tshe ring po mi thogs pa de ni snga phyi'i dpe'o/ /de la ji ltar na kun tu khyab pa'i dpe zhe na/ ngas mdo sde las 'di skad du sum cu rtsa gsum gnam na shing pa ri tsi tra zhes bya ba yod de de'i rtsa ba sa la dpag tshad lnga bcu snyed zug go /mtho khyad ni dpag tshad brgya'o/ /yal ga dang lo mas phyogs bzhir dpag tshad lnga bcu snyed khebs so/ /lo ma smin pa ni ser por 'gyur te/ lha rnams kyis mthong nas dga' ba'i sems skye'o/ /lo ma de ring por mi thogs par lhags par 'gyur te/ lo ma de lhags pa na'ang rab tu dga' ba skye'o/ / yal ga'ang ring por mi thogs par mdog 'gyur te/ yal ga mdog 'gyur ba na'ang dga' ba skye'o/ /mdog 'gyur ba de las ring por mi thogs par kha 'bu bar 'gyur te/ kha 'bus par gyur ba na'ang dga' ba skye'o/ /kha 'bus pa de las ring por mi thogs par myu gu skye ste/ de mthong ba na'ang rab tu dga'o/ /myu gu de ring por mi thogs par kha 'bye bar 'gyur te/ kha bye nas de'i dri bsung dpag tshad lnga bcu snyed du bro'o/ /de'i 'od ni dpag tshad brgyad cu snyed du snang ste/ de'i tshe de'i dus na lha rnams dbyar zla ba gsum gyi bar </font><hr>Kha188b<br><font size=+1>


du bde ba la longs spyod do/ /rigs kyi bu/ nga'i nye gnas rnams kyang de dang 'dra ste/ lo ma'i kha dog ser por gyur pa ni nga'i nye gnas rab tu 'byung bar 'dod pa lta bu'o/ /lo ma lhags pa ni nga'i nye gnas skra dang kha spu bregs pa lta bu'o/ /mdog 'gyur ba ni nga'i nye gnas gsol pa dang bzhi'i las byas nas bsnyen par rdzogs pa lta bu'o/ /kha 'bu ba ni nga'i nye gnas bla na med pa yang dag par rdzogs pa'i byang chub tu sems bskyed pa lta bu'o/ /myu gur gyur pa ni sa bcu'i byang chub sems dpa' sangs rgyas kyi rang bzhin mthong ba lta bu'o// kha bye ba ni byang chub sems dpa' bla na med pa yang dag par rdzogs pa'i byang chub thob pa lta bu'o/ /dri bsung bro ba ni phyogs bcu'i sems can tshad med pa rnams tshul khrims sdom pa lta bu'o/ /'od snang ba ni de bzhin gshegs pa'i mtshan thogs pa med pa phyogs bcur khyab pa lta bu'o/ /dbyar zla ba gsum zhes bya ba ni ting nge 'dzin gsum lta bu'o/ /sum cu rtsa gsum gyi lha bde ba la longs spyod pa ni de bzhin gshegs pa rnams mya ngan las 'das pa chen po'i rtag pa dang / bde ba dang / bdag dang / yongs su dag pa thob pa lta bu ste| de ni kun tu khyab pa'i dpe'o/ /rigs kyi bu/ dper bstan to cog ni zad par len pa ma yin gyi/ cung zad gcig gam/ mang po'am/ gal te kun len to/ /de la de bzhin </font><hr>Kha189a<br><font size=+1>


@#/ /gshegs pa'i zhal ni zla ba nya ba lta bu'o zhes bya ba ni chung zad cig len pa'i dpe'o/ /rigs kyi bu/ dper na/ mi zhig sngon 'o ma ma mthong ste/ gzhan zhig la 'o ma ci 'dra zhes dris pa dang / des chu dang / sbrang rtsi dang / dung dang 'dra'o zhes smras te/ chu ni gsher ba'i mtshan nyid/ sbrang rtsi ni mngar ba'i mtshan nyid/ dung ni kha dog gi mtshan nyid de/ de ltar dpe gsum bstan kyang 'o ma ngo mi shes so/ /rigs kyi bu/ ngas ji ltar me mar gyis sems can gyi dper bstan pa'ang de dang 'dra ste/ rigs kyi bu| chu'i pha rol na klung med de/ sems can yang de dang 'dra'o/ /lnga phung spangs pa'i pha rol na sems can gzhan med do/ /rigs kyi bu/ sgrom dang / phang lo dang / srog shing dang / mu khyud dang / rtsib ma spangs pa'i pha rol na shing rta gzhan med pa ltar/ sems can yang de dang 'dra'o/ /rigs kyi bu/ de ste me mar gyi dpe dang mthun par 'dod na rab tu brtags par nyon cig dang / ngas khyod la bshad par bya'o/ /de la snying po ni srid pa nyi shu rtsa lnga'i dpe'o/ /mar ni sred pa'i dpe'o/ /snang ba ni shes rab kyi dpe'o// mun pa bsal ba ni ma rig pa gzhom pa'i dpe'o/ /dro ba ni 'phags pa'i lam gyi dpe ste/ mar zad pa na snang ba dang / me lce med par 'gyur te/ sems can gyi srid pa </font><hr>Kha189b<br><font size=+1>


zad na sangs rgyas kyi rang bzhin mthong bar 'gyur ro/ /de la ming dang gzugs yod mod kyi/ 'ching bar mi 'gyur la/ srid pa nyi shu rtsa lngar gnas mod kyi/ srid pa rnams kyis mi gos so/ /seng+ge sgras gsol pa/ bcom ldan 'das/ sems can gyi phung po lnga ni stong pa ci'ang ma mchis pa lags na/ sus lung nod cing byang chub kyi tshogs gsog par 'gyur/ bcom ldan 'das kyis bka' stsal pa/ rigs kyi bu/ sems can thams cad la dran pa'i sems dang / shes rab kyi sems dang / bskyed pa'i sems dang / brtson 'grus rtsom pa'i sems dang / dad pa'i sems dang / ting nge 'dzin gyi sems yod de/ de lta bu la sogs pa'i sems ni skad cig skad cig mar skye zhing 'gog mod kyi/ de dang 'dra ba gcig gis gcig bsabs te rgyun mi chad pas byang chub kyi tshogs bsags pa zhes bya'o/ /seng+ge sgras gsol pa/ bcom ldan 'das/ de lta bu la sogs pa'i chos ni skad cig skad cig mar 'gog ste/ de ltar skad cig skad cig mar 'gog pa de las kyang 'dra ba'i rgyun gcig gis gcig bsabs pas rgyun mi chad pa lags na/ ji lta bur tshogs gsog par 'gyur/ bcom ldan 'das kyis bka' stsal pa/ rigs kyi bu/ ji ltar me mar de skad cig skad cig mar 'gog mod kyi/ 'on kyang snang bas mun pa bsal ba yod pa </font><hr>Kha190a<br><font size=+1>


@#/ /ltar dran pa la sogs pa'i chos rnams kyang de dang 'dra'o/ /rigs kyi bu/ ji ltar sems can gyi zas kyang skad cig skad cig mar 'gog mod kyi/ 'on kyang bkres pa dag 'grangs par 'gyur ro/ /dper na/ sman dam pa'ang skad cig skad cig mar 'gog mod kyi/ nad sos par byed do/ /nyi ma dang zla ba'i 'od snang ba'ang skad cig skad cig mar 'gog mod kyi/ rtsi shing dang nags tshal thams cad skyed nus so/ /rigs kyi bu khyod kyis 'di skad du skad cig skad cig mar 'gog na/ ji ltar skye bar 'gyur zhes bya ba ni sems can ma chad pa'i phyir skye ba zhes bya'o/ /rigs kyi bu/ ji ltar kha ton byed pa dag kha ton byed pa'i tshig 'bru cig car brjod du mi rung ste/ snga ma ni bar du 'gror mi rung / bar ma'ang tha mar 'gror mi rung ste/ ming dang / yi ge dang / sems dang / 'du shes kyang skad cig skad cig mar 'gog mod kyi/ yun ring por goms pa las kun shes par 'gyur ro/ /rigs kyi bu/ dper na/ gser mgar ni thog ma bslabs nas rgas kyi bar du byas pa'ang skad cig skad cig mar 'gog ste/ snga phyir 'khrugs par ma gyur mod kyi/ yun ring du sbyangs pas bya ba'i rnams phyi phyir mkhas par 'gyur te/ de bas na gser mgar mkhas pa zhes bya ba ltar klog pa dang kha ton byed pa'ang de </font><hr>Kha190b<br><font size=+1>


'dra'o/ /rigs kyi bu/ dper na/ sa bon la sas kyang khyod myu gu skyed cig ces ma byas mod kyi/ chos nyid kyis myu gu rang skye'o/ /me tog gi bar du'ang khyod kyis 'bras bu skyed cig ces ma byas mod kyi/ chos nyid kyis 'bras bu rang skye ba ltar/ sems can dag byang chub kyi tshogs gsog pa'ang de dang 'dra'o/ /rigs kyi bu/ dper na/ bgrang ba'i thabs ni gcig kyang gnyis su mi 'gro /gnyis kyang gsum du mi 'gro ste/ skad cig skad cig mar 'gog mod kyi/ stong dang khri'i bar du'ang phyin pa ltar sems can dag byang chub kyi tshogs gsog pa'ang de dang 'dra'o/ /rigs kyi bu/ dper na/ me mar skad cig skad cig mar 'gog pa sngar 'gog pa'i me lces me lce phyi ma la nga ni 'gags kyi/ khyod skyes la mun pa med par gyis shig ces ma byas so/ /rigs kyi bu/ dper na/ be'u byung ma thag tu nu ma nu ste/ nu ma nu ba'i blo sus kyang ma bstan te/ skad cig skad cig mar 'gog mod kyi/ thog ma bkres pa nas phyis 'grangs pa'i bar du 'gyur te/ de bas na 'dra ba'i mi rigs par rig par bya'o/ /gal te 'dra na tha dad par skye ba'i mi rigs pa bzhin du sems can dag byang chub kyi tshogs gsog par yang de dang 'dra'o/ /thog ma nas gong nas gong du 'phar ba ma yin mod kyi/ yun ring du bsgoms pa'i phyir nyon mongs pa thams cad gzhom par 'gyur ro/ /seng+ge sgras gsol pa/ bcom ldan </font><hr>Kha191a<br><font size=+1>


@#/ /'das/ ji ltar bcom ldan 'das kyis gsungs pa ltar/ rgyun du zhugs pa'i 'bras bu mngon par thob pa dag yul ngan par skyes kyang tshul khrims 'dzin te/ mi gsod/ mi rku/ 'phyo g.yem mi byed/ phra ma dang tshig thun tshags mi smra/ chang mi 'thung ngo / /rgyun du zhugs pa'i phung po ni gnas 'dir 'gags nas yul ngan par mi mchi ba ltar byang chub kyi tshogs gsog pa'ang de dang 'dra ste/ yul ngan par mi mchi'o/ /gal te 'dra ba zhig lags na/ ci'i slad du yongs su dag pa'i zhing du mi skye/ gal te yul ngan pa'i phung po rgyun du zhugs pa'i phung po ma lags na/ ci'i slad du las ngan pa dag mi bgyid par gyur/ bcom ldan 'das kyis bka' stsal pa/ rigs kyi bu/ rgyun du zhugs pa yul ngan par skyes kyang rgyun du zhugs pa'i ming mi stor te/ phung po mi 'dra ba'i phyir ngas be'u'i dpe bstan pa yin no/ /rgyun du zhugs pa yul ngan par skyes mod kyi| byang chub kyi stobs kyi las ngan pa mi byed do/ /rigs kyi bu/ dper na/ ri spos kyi ngad can la seng ge'i rgyal po gnas pas bya 'phur pa thams cad dang / sa la rgyug pa'i gcan gzan thams cad ni ri der mi rgyug ste/ nye ba'i thugs mi thub bo/ /gal te seng+ge'i rgyal po de ri kha ba can la song na'ang / bya 'phur ba thams cad dang / gcan gzan thams </font><hr>Kha191b<br><font size=+1>


cad 'gro zhing gnas pa'i thugs mi thub bo/ /rgyun du zhugs pa'ang de dang 'dra ste/ byang chub la nan tan mi byed mod kyi/ byang chub kyi mthus mi dge ba thams cad mi byed do/ /rigs kyi bu/ dper na/ mi la la zhig bdud rtsi 'thungs na/ bdud rtsi de skad cig skad cig mar 'gog mod kyi/ de'i mthus mi de ring du 'tsho zhing skye shi med par 'gyur ro/ /rigs kyi bu/ dper na| ri rab ri'i rgyal po la sman dam pa lang ka li zhes bya ba yod de/ la la zhig gis zos na de skad cig skad cig mar 'gog mod kyi/ sman de'i mthus nad kyi sdug bsngal dang mi phrad do/ /rigs kyi bu/ dper na/ 'khor los bsgyur ba'i rgyal po 'dug pa'i gnas na/ rgyal po med du zin kyang sus kyang der nye ba'i thugs mi thub bo/ /de ci'i phyir zhe na/ rgyal po'i mthu dang byin gyi phyir te/ rgyun du zhugs pa'ang de dang 'dra bar yul ngan par skyes te/ byang chub la nan tan mi byed mod kyi/ byang chub kyi mthus mi dge ba'i las mi byed do/ /rigs kyi bu/ rgyun du zhugs pa'i phung po 'dir 'gags te/ phung po gzhan du skyes mod kyi/ 'on kyang rgyun du zhugs pa'i phung po mi stor ro/ /rigs kyi bu/ dper na/ skye bo dag shing tog dang 'bras bu'i phyir sa bon de la rmed kyis 'debs shing chu bcu pa la sogs pa las mang po byed de/ shing tog dang 'bras bu ma thob par sa bon rul mod kyi/ 'on kyang sa bon gyi </font><hr>Kha192a<br><font size=+1>


@#/ /rgyus shing tog thob par 'gyur ro/ /zhes bya ba bzhin du rgyun du zhugs pa'i phung po'ang de dang 'dra'o/ /rigs kyi bu/ dper na/ mi shin tu phyug pa zhig la bu gcig 'ba' zhig yod de/ de'ang sngar tshe 'phos nas bu de la bu gcig yod pa'ang yul gzhan na gnas pa las/ mi de shi bar gyur nas tsha bos de thos pa dang phyir log nas nor rdzas thams cad bsdus so/ /nor rdzas de dag des ma byas mod kyi/ len zhing sdud pa las sus kyang mi ster ba med do/ /de ci'i phyir zhe na/ rus gcig pa'i phyir te/ rgyun du zhugs pa'i phung po'ang de dang 'dra'o/ /seng+ge sgras gsol pa/ ji ltar bcom ldan 'das kyis tshigs su bcad pa de gsungs pa las/ dge slong gang zhig tshul khrims dang / ting nge 'dzin dang / shes rab bsgoms na/ phyir mi ldog par rig par bya ste/ mya ngan las 'das par nye bar 'gro zhes bgyi ba/ bcom ldan 'das/ tshul khrims ji ltar bsgom/ ting nge 'dzin ji ltar bsgom/ shes rab ji ltar bsgom par bgyi/ bcom ldan 'das kyis bka' stsal pa/ rigs kyi bu/ gal te gang la la zhig tshul khrims mnos nas bdag la phan pa dang / lha dang mi'i longs spyod 'dod pa'i phyir tshul khrims srung gi /sems can thams cad sgrol ba dang / bla na med pa'i dam </font><hr>Kha192b<br><font size=+1>


pa'i chos bsrung ba'i phyir yang ma yin te/ gzhan yang rnyed pa dang grags pa 'ba' zhig gi phyir ram/ ngan song gsum gyis 'jigs pa dang / tshe dang / mdog dang / stobs 'dod pa dang / bde ba dang / thogs pa med pa'i spobs pa 'dod pa dang / rgyal pos 'jigs pa dang / mi snyan pas 'jigs pa dang / 'jig rten gyi las kyi dngos po'i phyir tshul khrims srung ba ni tshul khrims sgom pa zhes mi bya'o/ /rigs kyi bu/ ji ltar na yang dag par tshul khrims sgom pa zhe na/ tshul khrims mnos nas sems can thams cad sgrol ba'i phyir ram/ dam pa'i chos bsrung ba'i phyir ram/ ma rgal ba sgrol ba dang / ma grol ba dgrol ba dang / skyabs med pa'i skyabs sam/ mya ngan las ma 'das pa yongs su mya ngan las 'da' ba'i phyir bsrung ste/ de ltar srung ba na tshul khrims su mi lta/ tshul khrims kyi mtshan nyid du mi lta/ 'dzin par mi lta/ 'bras bu rnam par smin par mi lta/ 'jigs pa dang / nyams pa mi rtog pa'o/ /rigs kyi bu/ gang de lta bu'i tshul du srung ba ni tshul khrims bsgom pa zhes bya'o/ /de la ji ltar na ting nge 'dzin sgom pa zhe na/ ting nge 'dzin sgom pa'i tshe/ bdag sgrol ba dang / rnyed pa dang / grags pa'i phyir yin gyi/ sems can gyi phyir ma yin/ chos bsrung ba'i phyir ma yin/ 'dod chags dang / zas mi gtsang ba la </font><hr>Kha193a<br><font size=+1>


@#/ /sogs pa'i skyon du lta ba dang / skyes pa dang / bud med la sogs pa'i dbang po dang / bu ga dgu nas mi gtsang ba zag pa dang / 'thab cing rtsod pa dang / rdeg cing 'tshogs pa dang / gcig la gcig 'tsho zhing gsod pa dang / dngos po de dag gi phyir ting nge 'dzin sgom pa ni ting nge 'dzin yongs su sgom pa zhes mi bya'o/ /rigs kyi bu/ de la ji ltar na yang dag par ting nge 'dzin sgom pa zhe na/ gal te sems can gyi phyir ting nge 'dzin yongs su sgom ste/ sems can thams cad la mnyam pa'i sems thob pa'am/ sems can dag phyir mi ldog pa'i chos thob par bya ba'i phyir ram/ sems can dag 'phags pa'i chos thob par bya ba'i phyir ram/ sems can dag theg pa chen po thob par bya ba'i phyir ram/ bla na med pa'i chos bsrung zhing 'dzin pa'i phyir ram/ sems can dag byang chub kyi sems las phyir mi ldog par bya ba'i phyir ram/ sems can dag dpa' bar 'gro ba'i ting nge 'dzin thob par bya ba'i phyir ram/ sems can dag rdo rje lta bu'i ting nge 'dzin thob par bya ba'i phyir ram/ sems can dag gzungs thob par bya ba'i phyir ram/ sems can dag so so yang dag par rig pa bzhi thob par bya ba'i phyir ram/ sems can dag sangs rgyas kyi rang bzhin mthong bar bya ba'i phyir sgom </font><hr>Kha193b<br><font size=+1>


ste/ de ltar spyad pa spyod pa na ting nge 'dzin du mi lta/ ting nge 'dzin gyi mtshan nyid du mi lta/ sgom par mi lta/ 'bras bu rnam par smin par mi lta ste/ rigs kyi bu/ gang de ltar sgom pa ni ting nge 'dzin yongs su sgom pa zhes bya'o/ /de la ji ltar na shes rab sgom pa zhe na/ gal te sgom pa gang 'di snyam du bdag gis gal te shes rab bsgoms na/ rnam par grol bar 'gyur zhing ngan song gsum las thar par 'gyur na/ sems can thams cad la phan pa'i don byed kyang sus phod/ skye bo dag 'khor ba las sgrol yang sus nus/ sangs rgyas 'jig rten du byung ba ni u dum+ba ra'i me tog ltar dka' na/ bdag gis da kun nas nyon mongs pa rnams bcad cing / rnam par grol ba'i 'bras bu thob par bya ba'i phyir bdag gis shes rab brtson par bsgoms te nyon mongs pa myur du bcad la/ myur du rnam bar grol bar bya'o snyam du de ltar bsgoms pa ni shes rab sgom pa zhes mi bya'o/ /de la ji ltar na yang dag pa'i sgom pa zhe na/ shes rab can de skye ba dang / 'chi ba dang / rgas pa'i sdug bsngal gyis nyon mongs pa'i sems can ma rig pas khebs pas/ bla na med pa'i yang dag pa'i lam ji ltar bsgom mi shes pa de la rab tu brtags shing / bdag gis lus 'dis sems can de dag gis sdug bsngal chen po myong </font><hr>Kha194a<br><font size=+1>


@#/ /ba de'i skyin par bdag gyur cig /sems can gyi dbul phongs pa dang / kun gyi tha mar gyur pa dang / tshul khrims 'jig pa'i sems kyis 'dod chags dang / zhe sdang dang / gti mug gi las ci byas pa thams cad bdag gi lus la 'dus par shog cig ces smon lam 'debs pa dang / sems can thams cad 'dod pa'i rgyud du mi skye zhing ming dang gzugs kyis bcings shing glags par ma gyur cig ces smon lam btab pa dang / sems can thams cad myur du 'khor ba las rnam par grol te/ bdag gcig pu gnas pa la skyo ba med par gyur cig ces smon lam btab pa dang / sems can thams cad bla na med pa yang dag par rdzogs pa'i byang chub thob par gyur cig ces smon lam btab cing de ltar bsgom pa na/ shes rab tu mi lta/ shes rab kyi mtshan nyid du mi lta/ sgom par mi lta/ 'bras bu rnam par smin par mi lta ste/ de ltar sgom pa ni shes rab yongs su sgom pa zhes bya'o/ /rigs kyi bu/ de ltar tshul khrims dang / ting nge 'dzin dang / shes rab sgom pa ni byang chub sems dpa' zhes bya'o/ /de ltar tshul khrims dang / ting nge 'dzin dang / shes rab sgom mi nus pa ni nyan thos zhes bya'o// //'phags pa yongs su mya </font><hr>Kha194b<br><font size=+1>


ngan las 'das pa chen po'i mdo/ bam po sum cu dgu pa/ gzhan yang / rigs kyi bu/ ji ltar na tshul khrims sgom pa zhe na/ gang sems can thams cad kyi spyod lam ngan pa bcu drug po gzhig nus pa ni tshul khrims sgom pa zhes bya ste/ bcu drug po gang zhe na/ 'di lta ste/ rnyed pa'i phyir lu gu gso zhing sos nas gzhan du 'tshong ba dang / rnyed pa'i phyir nyos nas gsod pa dang / rnyed pa'i phyir phag phrug gso zhing sos nas gzhan du 'tshong pa dang / rnyed pa'i phyir nyos nas gsod pa dang / rnyed pa'i phyir be'u gso zhing sos nas 'tshong ba dang / rnyed pa'i phyir nyos nas gsod pa dang / rnyed pa'i phyir bya gso zhing sos nas 'tshong ba dang / rnyed pa'i phyir nyos nas gsod pa dang / nya gzung ba dang / rngon pa dang / chom po dang / bshan pa dang / bya gzung ba dang / phra ma dang / khri mun gyi srung ma dang / klu la sngags kyis 'debs pa ste/ sems can gyi las ngan pa rnam pa bcu drug po de dag gtan gcod pa ni tshul khrims sgom pa zhes bya'o/ /yang ji ltar na ting nge 'dzin sgom pa zhe na/ 'jig rten kyi ting nge 'dzin thams cad gcod pa ste/ 'di ltar lus med pa'i ting nge 'dzin te/ sems can dag mya ngan las 'das pa yin par phyin ci log gi sems skyed par byed pa dang / srid pa mtha' yas pa'i sems kyi ting nge 'dzin dang / gtsang ma'i phung po'i ting nge 'dzin dang / 'jig rten gyi mtha'i ting </font><hr>Kha195a<br><font size=+1>


@#/ /nge 'dzin dang / 'jig rten chad pa'i ting nge 'dzin dang / 'jig rten gyi rang bzhin gyi ting nge 'dzin dang / 'jig rten gyi skyes bu'i ting nge 'dzin dang / 'du shes med 'du shes med min gyi ting nge 'dzin te/ de lta bu la sogs pa'i ting nge 'dzin ni sems can dag mya ngan las 'das pa yin no zhes bya bar phyin ci log gi sems skyed par byed pa'i ting nge 'dzin de dag gtan gcod pa ni ting nge 'dzin yongs su sgom pa zhes bya'o/ /yang ji ltar na shes rab sgom pa zhe na/ 'jig rten gyi ngan par lta ba thams cad gzhom pa ste/ sems can thams cad la ngan par lta ba yod do/ /'di lta ste/ gzugs ni bdag yin/ bdag gi ba'ang yin/ gzugs kyi nang na bdag yod/ bdag gi nang na gzugs yod pa nas/ rnam par shes pa'i bar du'ang de bzhin du smra ste/ rtag pa ni bdag yin/ gzugs 'gags kyang bdag yod do/ /gzugs nyid bdag yin te/ gzugs 'gags na bdag kyang 'gog go zhes smra ba dang / yang la la na re/ byed pa ni bdag yin/ tshor ba ni gzugs so zhes smra ba dang / yang la la 'di skad du byed pa ni gzugs yin/ tshor ba ni bdag go zhes smra ba dang / yang la la na re/ byed pa'ang med/ tshor ba'ang med de/ rang skye la rang 'gog ste/ rgyu rkyen ma yin no zhes smra ba dang / la la ni 'di skad du byed </font><hr>Kha195b<br><font size=+1>


pa'ang med/ tshor ba'ang med de/ thams cad dbang sgyur zhes bya bas byas so zhes smra ba dang / la la 'di skad du byed dang med la tshor ba med de thams cad dus kyis byas so zhes smra ba dang / la la ni 'di skad du byed pa dang tshor ba ci'ang med de/ sa la sogs pa chen po lnga la sems can zhes bya'o zhes smra ste/ rigs kyi bu/ gang sems can thams cad kyi ngan par lta pa de dag gzhom pa ni shes rab sgom pa zhes bya'o/ /rigs kyi bu/ tshul khrims bsgoms pas lus zhi bar 'gyur ro/ /ting nge 'dzin bsgom pas sems zhi bar 'gyur ro/ /shes rab bsgoms pas the tshom gyi sems choms par 'gyur ro/ /de la the tshom gyi sems bcom pas byang chub yongs su sgom par 'gyur ro/ /byang chub bsgoms pas sangs rgyas kyi rang bzhin mthong bar 'gyur ro/ /sangs rgyas kyi rang bzhin mthong bas bla na med pa yang dag par rdzogs pa'i byang chub thob par 'gyur ro/ /bla na med pa yang dag par rdzogs pa'i byang chub thob pas bla na med pa'i mya ngan las 'das pa chen po thob par 'gyur ro/ /mya ngan las 'das pa chen po thob pas sems can thams cad kyi 'khor ba'i nyon mongs pa dang / srid pa thams cad dang / khams thams cad dang / bde ba thams cad gcod par 'gyur ro/ /'khor ba bcad pa nas bde ba'i bar du bcad pas rtag pa dang / bde ba dang / bdag </font><hr>Kha196a<br><font size=+1>


@#/ /dang / yongs su dag pa'i chos thob par 'gyur ro/ /seng+ge sgras gsol pa/ bcom ldan 'das/ ji ltar bcom ldan 'das kyis gsungs pa ltar/ gal te mi skye mi 'gog pa la mya ngan las 'das pa chen po zhes bgyi na/ skye ba'ang de dang 'dra bar mi skye mi 'gog na/ ci'i slad du mya ngan las 'das pa zhes mi bgyi/ rigs kyi bu/ de de bzhin no/ /de de bzhin te/ ji ltar khyod kyis smras pa bzhin te/ skye ba de mi skye mi 'gog mod kyi/ thog ma dang tha ma med do/ /gsol pa/ bcom ldan 'das/ 'khor ba'i chos kyang thog ma dang tha ma ma mchis so/ /gal te thog ma dang tha ma ma mchis na rtag par 'gyur ro/ /gang rtag pa ni mya ngan las 'das pa lags na/ ci'i slad du 'khor ba la mya ngan las 'das pa zhes mi gdags/ rigs kyi bu/ 'khor ba'i chos de ni rgyu dang 'bras bu yod de/ rgyu dang 'bras bur bcas pa'i phyir mya ngan las 'das pa zhes mi gdags so/ /de ci'i phyir zhe na/ mya ngan las 'das pa'i ngo bo nyid la rgyu dang 'bras bu med pa'i phyir ro/ /seng+ge sgras gsol pa/ bcom ldan 'das mya ngan las 'das pa'ang bcom ldan 'das kyis tshigs su bcad de gsungs pa ltar na rgyu dang 'bras bu mchis so/ /'di lta ste/ rgyu las mtho ris lhar skyes 'gyur/ / </font><hr>Kha196b<br><font size=+1>


rgyu las ngan song ltung bar 'gyur/ /rgyu las mya ngan 'das thob ste/ /de bas kun la rgyu mchis so/ /zhes kyang gsungs pa/ yang bcom ldan 'das kyis sngon dge slong rnams la bka' stsal pa/ ngas dge sbyong gi lam dang 'bras bu bshad par bya'o/ /dge sbyong zhes bya ba ni tshul khrims dang / ting nge 'dzin dang / shes rab yongs su rdzogs par spyod pa'o/ / lam ni 'di lta ste/ 'phags pa'i lam brgyad do/ /dge sbyong gi 'bras bu ni 'di lta ste/ mya ngan las 'das pa'o zhes gsungs na/ bcom ldan 'das/ mya ngan las 'das bde ci 'bras bu ma lags sam/ de ci'i slad du mya ngan las 'das pa'i ngo bo nyid la rgyu dang 'bras bu ma mchis zhes gsungs/ bcom ldan 'das kyis bka' stsal pa/ rigs kyi bu/ ngas mya ngan las 'das pa'i rgyu gsungs pa ni 'di lta ste/ sangs rgyas kyi rang bzhin te/ sangs rgyas kyi rang bzhin gyis mya ngan las 'das pa skyed par mi 'gyur te/ de bas na mya ngan las 'das pa rgyu med do zhes ngas gsungs so/ /nyon mongs pa gzhom pa'i phyir 'bras bu chen po zhes bya'o/ /lam las ma skyes pa'i phyir 'bras bu med pa zhes bya ste/ de bas na mya ngan las 'das pa ni rgyu med 'bras bu med do/ /seng+ge sgras gsol pa/ bcom ldan 'das/ sems can gyi sangs rgyas kyi rang bzhin zhes bgyi ba thams cad thun mong ngam/ </font><hr>Kha197a<br><font size=+1>


@#/ /'on te so so na mchis/ gal te thun mong ba lags na/ gcig gis bla na med pa yang dag par rdzogs pa'i byang chub thob pa na sems can thams cad kyang mthun par thob pa'i rigs so/ /bcom ldan 'das/ ji ltar mi nyi shu la dgra gcig mchis pa las/ gal te mi gcig gis dgra de ma mchis par bgyis na lhag ma bcu dgu po la'ang mthun par ma mchis par 'gyur ba ltar/ sangs rgyas kyi rang bzhin yang de lta na gcig gis thob pa'i tshe/ gzhan kun gyis kyang thob pa'i rigs so/ /de ste so so na mchis na mi rtag par 'gyur ro/ /de ci'i slad du zhe na/ brtsi zhing bgrang du mchis pa'i phyir te/ bcom ldan 'das kyis sems can gyi sangs rgyas kyi rang bzhin ni mi gcig mi gnyis so zhes gsungs so/ /gal te so so na mchis na de bzhin gshegs pa rnams ni mnyam pa'o zhes bgyir yang mi rung / sangs rgyas kyi rang bzhin nam mkha' dang 'dra'o zhes bgyir yang mi rung ngo / /bcom ldan 'das kyis bka' stsal pa/ rigs kyi bu/ sems can gyi sangs rgyas kyi rang bzhin ni mi gcig mi gnyis la/ sangs rgyas rnams kyang mnyam zhing nam mkha' dang 'dra ste/ sems can thams cad la mthun par yod do/ /gal te gang zhig 'phags </font><hr>Kha197b<br><font size=+1>


ba'i lam brgyad bsgoms na/ des gsal bar mthong bar 'gyur ro/ /rigs kyi bu/ ri kha ba can la rtswa bzod pa zhes bya ba yod de/ gal te bas zos na mar gyi snying por 'gyur ro/ /sems can gyi sangs rgyas kyi rang bzhin yang de dang 'dra'o/ /sed+ge sgras gsol pa/ ji ltar bcom ldan 'das kyis gsungs pa ltar rtswa bzod pa zhes bgyi ba de gcig tu bas sam/ mang du mchis/ gal te gcig tu bas na bas 'tshal bas bas par gyur to/ /ji ste mang na sems can gyi sangs rgyas kyi rang bzhin yang de dang 'dra'o zhes gsungs/ ji ltar bcom ldan 'das kyis gsungs pa ltar/ gang 'phags pa'i lam brgyad bsgoms na/ sangs rgyas kyi rang bzhin mthong ngo zhes gsungs pa de mi rung ngo / / de ci'i slad du zhe na/ gal te lam yang gcig tu bas na/ rtswa bzod pa dang 'dra bar bas ba'i rigs/ gal te bas par gyur na mi gcig gis bsgoms nas/ gzhan la skal ba ma mchis par 'gyur ro/ /gal te lam de mang po zhig mchis na/ ji ltar yongs su rdzogs par bsgoms shing thams cad mkhyen pa'i ye shes zhes bgyi bar 'gyur/ bcom ldan 'das kyis bka' stsal pa/ rigs kyi bu/ dper na/ lam mnyam zhing bde bar ni sems can thams cad thogs pa med par 'gro'o/ /lam gyi bar na shing bsil </font><hr>Kha198a<br><font size=+1>


@#/ /grib can shin tu bsil ba yod de/ 'gron po dag der bsti zhing ngal gso'ang shing gi bsil grib de ni rtag tu gnas te/ 'gyur zhing 'jig pa'ang med la/ sus kyang khyer ba med do/ /de la lam zhes bya ba ni 'phags pa'i lam gyi dpe'o/ /bsil grib ces bya ba ni sangs rgyas kyi rang bzhin gyi dpe'o/ /rigs kyi bu/ dper na grong khyer chen po zhig la sgo gcig bu yod na/ 'gro ba mang po phyi nang du rgyu'ang sus kyang bar du gcod nus pa med de/ gshig cing khyer nus pa'ang med do/ /rigs kyi bu/ dper na/ zam pa chen po la mi mang po rgyu'ang sus kyang bar du gcod nus pa'am/ sngod par byed pa'am/ 'jig cing khyer ba med do/ /rigs kyi bu/ dper na/ sman pa mkhas pa kun tu nad rnams gso bar byed pa de la sus kyang bkag ste/ 'di ni gso la pha bi ni spongs shig ces dgag nus pa med pa bzhin du 'phags pa'i lam dang / sangs rgyas kyi rang bzhin yang de dang 'dra'o/ /seng+ge sgras gsol pa/ bcom ldan 'das/ ji ltar dpe bstan pa rnams ni don de lta ma lags so/ /de ci'i slad du zhe na/ sngar lam du rgyu ba ma mchis na phyi ma la nyam nga bar 'gyur na/ ci'i slad du thogs pa ma mchis zhes gsungs/ de dang 'dra bar gzhan la'ang nyam nga ba mchis so/ /'phags pa'i lam dang / </font><hr>Kha198b<br><font size=+1>


sangs rgyas kyi rang bzhin gal te de lta bu zhig lags na/ gcig bsgoms pa'i tshe gzhan la nyam nga ba'i rigs so/ /bcom ldan 'das kyis bka' stsal ba/ rigs kyi bu khyod kyis 'di skad du don dang mi ldan no zhes smras pa de ni ngas lam gyi dper bya ba phyogs tsam gyi dpe ste thams cad kyi dpe ma yin no/ /rigs kyi bu/ 'jig rten pa'i lam ni bar du gcod pa dang thogs pa yod de/ 'di dang pha bi tha dad pas 'dra ba ma yin no/ /zag pa med pa'i lam ni de lta ma yin te/ sems can de dag bar du mi gcod pa dang / mnyam zhing gnyis su med pa dang / nyam nga ba'i gnas med de/ 'di dang pha bi tha dad do/ /yang dag pa'i lam 'di ni sems can thams cad kyi sangs rgyas kyi rang bzhin gyi gsal ba'i rgyur 'gyur gyi/ skye ba'i rgyur ni mi 'gyur ro/ /de'ang ji ltar sgron ma'i snang bas rdzas gsal bar byed pa bzhin no/ /rigs kyi bu/ sems can thams cad la 'dra bar ma rig pa'i rkyen gyis 'du byed yod de/ gcig gi ma rig pa'i rkyen gyis 'du byed bkag nas gzhan yang med ces byar mi rung ste/ sems can thams cad la ma rig pa'i rkyen gyis 'du byed yod do/ /de bas na rten cing 'brel bar 'byung ba bcu gnyis ni thams cad la mnyam par yod do zhes bshad do/ /de bzhin du sems can gyis </font><hr>Kha199a<br><font size=+1>


@#/ /zag pa med pa'i lam bsgoms pa'ang de dang 'dra ste/ mnyam par sems can gyi nyon mongs pa dang / skye ba'i gnas bzhi dang / khams rnams dang / srid pa'i lam thams cad gcod do/ /don de lta bas na mnyam pa zhes bya ste/ gang gis de chud na 'di dang pha bi shes shing mthong ste sgrib pa med do/ /de bas na thams cad mkhyen pa'i ye shes zhes bya'o/ /sed+ge sgras gsol pa/ sems can thams cad lus rnam pa gcig tu ma bas te/ la la ni lha'i lus/ la la ni mi'i lus/ la la ni byol song dang / yi dwags dang / sems can dmyal ba'i lus te/ lus de dag so so ste gcig pa ma lags na/ ci'i slad du sangs rgyas kyi rang bzhin gcig ces gsungs/ bcom ldan 'das kyis bka' stsal pa/ rigs kyi bu/ dper na/ la la zhig gis 'o ma'i nang du dug bcug na/ mar gyi snying po'i bar du dug yod par 'gyur te/ 'o ma 'ang zho zhes mi bya la/ zho'ang 'o ma zhes mi bya ba nas/ mar gyi snying po'i bar du'ang de dang 'dra bar ming dang mtshan nyid so so mod kyi/ dug gi rang bzhin mi stor te/ ro rnam pa lnga po kun tu 'gro'o/ /mar gyi snying por dug ma bcug kyang gal te mar gyi snying po 'thungs na de'ang 'chi bar 'gyur ro/ /sems can gyi sangs rgyas kyi rang </font><hr>Kha199b<br><font size=+1>


bzhin yang de dang 'dra bar lam rgyud lngar 'khor zhing lus tha dad pa len kyang sangs rgyas kyi rang bzhin ni gcig brtag pa mi 'gyur ba'o/ /seng+ge sgras gsol pa/ bcom ldan 'das yul chen po bcu drug gi nang na grong khyer chen po drug mchis te/ 'di ltar grong khyer mnyan du yod pa dang / grong khyer ba tsi ta dang / grong khyer tswam+pa ka dang / grong khyer yangs pa can dang / grong khyer ser skya dang / grong khyer rgyal po'i khab ste/ grong khyer drug po de dag 'jig rten gyi nang na mchog tu che ba lags na ci'i slad du de bzhin gshegs pas de dag spangs te/ yul gyi mtha' shin tu ngan zhing rab tu mi mdzes la/ dog cing nyam nga ba'i grong khyer rtswa mchog 'dir yongs su mya ngan las 'da' bar gshegs/ bcom ldan 'das kyis bka' stsal pa/ grong khyer rtswa mchog 'di la yul gyi mtha' shin tu ngan zhing dog go zhes smra ba'i mi rigs kyi/ grong khyer 'di ni yon tan mchog dam pa rnams kyis shin tu brgyan pa'o zhes bya ba'i rigs so/ /de ci'i phyir zhe na/ sangs rgyas dang byang chub sems dpa' rnams bzhugs pa'i gnas yin pa'i phyir ro/ /rigs kyi bu/ ji ltar mi ngan pa'i khyim du gal te rgyal po gshegs na khyim de la ni shin tu rgyan gyis mdzes pa'o/ /bsod nams dang ldan pa ste/ 'di ltar rgyal po 'dir gshegs par gyur to zhes bstod </font><hr>Kha200a<br><font size=+1>


@#/ /dgos so/ /rigs kyi bu/ ji ltar mi zhig nad tshabs ches btab pa des sman ngan pa btang ste sman des nad sos par gyur na/ sman de la dga' ba skyed cing mchog go /dam pa'o/ /bdag gi nad gsos zhes bstod pa'i rigs so/ /rigs kyi bu/ ji ltar grur zhugs te rgya mtshor zhugs pa las gru zhig nas skyabs dang rten med pa las mi ro la 'jus te mthar phyin na/ mi ro de la rab tu dga' zhing bdag khyod dang phrad pas bde bar gyur to/ /zhes bstod cing bsngags pa bzhin du grong khyer rtswa mchog kyang de dang 'dra ste/ de ni sangs rgyas dang byang chub sems dpa' rnams kyi 'chag cing gshegs pa'i gnas yin na/ ci'i phyir yul mtha' 'khob ngan pa mi sdug pa dog cing nyam nga ba'o zhes smra/ rigs kyi bu/ ngas mngon du dran pa sngon 'das pa'i bskal pa klung gad+gA'i bye ma snyed 'das pa na/ bskal pa'i ming ni legs pa'i blo gros zhes bya ste/ de'i tshe na 'khor los bsgyur ba'i rgyal po kau shi ka'i rigs las byung ba/ rin po che bdun dang ldan zhing bu stong tshang ba'i rgyal po des thog ma grong khyer 'di byas te kho ra khor yug tu chu zheng gab par dpag tshad bcu gnyis te/ rin po che sna bdun gyis rab tu brgyan to/ /de'i tshe yul de na klung shin tu mang ste/ chu </font><hr>Kha200b<br><font size=+1>


thams cad shin tu dang pa dang / 'jam pa dang / mngar ba'o/ /'di lta ste/ klung 'jil na shan zhes bya ba dang / i la ba ti zhes bya ba dang / hi len shan zhes bya ba dang / i sho ma te zhes bya ba dang / pi pa shan zhes bya ba la sogs pa klung lnga brgya snyed yod de/ klung de'i tshu rol dang pha rol gyi 'gram na shing rab tu mang zhing me tog dang 'bras bu rab tu rgyas pas gang ngo / /de'i tshe de'i dus na mi tshe'i tshad dpag tu med do/ /de'i tshe 'khor los bsgyur ba'i rgyal po de lo brgya 'das na 'di skad ces brjod pa smras so/ / de'ang ji ltar bcom ldan 'das kyis gsungs pa bzhin te/ chos thams cad ni mi rtag go/ /gang gis dge ba bcu'i chos spyod na mi rtag pa'i sdug bsngal chen po gcod par 'gyur ro/ /de nas skye bo thams cad kyis de skad du smras pa thos nas kun gyis dge ba bcu'i chos nyams su blangs so/ /ngas de'i tshe sangs rgyas kyi mtshan thos te/ dge ba bcu gzungs su 'dzin cing rab tu yid la byas te bsgoms nas thog ma bla na med pa yang dag par rdzogs pa'i byang chub kyi sems der skyes so/ /de ltar sems skyes nas chos de nyid kyis sems can tshad med grangs med pa snyed la chos thams cad ni mi rtag pa 'jig cing 'pho ba'o zhes bstan te/ de bas na ngas da yang gnas 'dir chos thams </font><hr>Kha201a<br><font size=+1>


@#/ /cad ni mi rtag par 'gyur zhing 'pho ba'o/ /sangs rgyas kyi sku 'ba' zhig ni rtag pa'i chos can no zhes rjes nas bzung ste gsung brjod pa dang / sngon spyod spyod pa'i rgyu dang rkyen dgongs nas de'i phyir sa 'di la lan glan pa'i phyir yang deng 'dir mya ngan las 'da' bar gshegs so/ /don de lta bas na ngas mdo sde kun las nga'i 'khor du gtogs pa drin la lan glon no zhes gsungs so/ /gzhan yang / rigs kyi bu/ sngon 'das pa na sems can gyi tshe bskal pa tshad med pa snyed thub pa na/ de'i tshe grong khyer de'i ming ko sha bar te zhes bya ste/ kho ra khor yug tu chu zheng gab par dpag tshad lnga bcu snyed de/ de'i tshe dzam+bu'i gling 'dir grong khyer 'dab chags su gnas te khyim byas 'phur nas gcig nas gcig tu slebs pa tsam mo/ /de'i tshe na 'khor los bsgyur ba'i rgyal po gya nom snang zhes bya ba rin po che sna bdun dang ldan pa bu stong tshang ba gling bzhi la dbang ba zhig yod de/ de'i rgyal tshab dam pa'i chos yid la byas nas/ rang sangs rgyas mngon par grub bo/ /de nas 'khor los bsgyur ba'i rgyal po de rgyal bu rgyal tshab rang sangs rgyas su grub cing tshul shin tu mdzes la/ rdzu 'phrul ngo mtshar che ba mthong ste/ de lta bu'i dngos po dag mthong nas </font><hr>Kha201b<br><font size=+1>


rgyal po'i thabs mchil ma bor ba ltar spangs te rab tu byung nas sA la'i shing drung 'dir lo brgyad khri'i bar du byams pa'i sems bsgoms so/ /snying rje dang / dga' ba dang btang snyoms kyi sems kyang lo brgyad khri brgyad khri'i bar du bsgoms so/ /rigs kyi bu/ de'i tshe de'i dus na rgyal po gya nom snang zhes bya ba de gzhan yin par sems sam/ de ni nga yin no/ /de'i phyir nga da ltar yang rtag tu chos bzhi po de dag la longs spyod par dga'o/ /chos bzhi po de nyid ni ting nge 'dzin ces bya'o/ /rigs kyi bu/ don de lta bas na de bzhin gshegs pa'i sku ni rtag pa dang / bde ba dang / bdag dang / yongs su dag pa'o/ /rigs kyi bu/ de'i rgyu de'i rkyen gyis nga yang grong khyer rtsa mchog sA la'i shing drung du ting nge 'dzin la snyoms par 'jug go /rigs kyi bu/ ngas mngon du dran pa bskal pa tshad med pa 'das pa de'i tshe de'i dus na grong khyer 'di'i ming ser skya zhes bya ste/ de na rgyal po ni zas gtsang ma zhes bya'o/ /rgyal po de'i btsun mo ni lha mdzes zhes bya'o/ /rgyal po de'i rgyal bu ni don grub ces bya'o/ /de'i tshe rgyal bu de slob dpon gyis ma bstan par rang gis yid la byas nas/ bla na med pa yang dag par rdzogs pa'i byang chub thob bo/ /nye gnas ni gnyis yod do/ /gcig ni shA ri'i bu/ </font><hr>Kha202a<br><font size=+1>


@#/ /gcig ni maung+gal gyi bu chen po'o/ /g.yog byed pa'i nye gnas ni dga' bo zhes bya'o/ /de'i tshe bcom ldan 'das sA la'i shing drung du yongs su mya ngan las 'das pa'i mdo sde 'di bstan te/ nga de'i tshe na 'khor der 'dus par gyur to/ /de'i tshe na sems can thams cad la sangs rgyas kyi rang bzhin yod do zhes thos par gyur to/ /de lta bu'i dngos po dag thos nas byang chub las phyir mi ldog par gyur te/ smon lam 'di skad ces btab bo/ /bdag ma 'ongs pa'i dus na mngon par sangs rgyas pa'i tshe pha ma dang / yul gyi ming dang / nye gnas dang / g.yog dang / chos ston pa'ang de ltar gyi bcom ldan 'das 'di dang 'dra bar gyur cig ces smon lam btab ste/ de'i rgyu de'i rkyen gyis nga yang 'dir mya ngan las 'das pa chen po'i mdo sde 'di 'chad cing ston par gyur to/ /rigs kyi bu/ nga sngon rab tu byung nas bla na med pa yang dag par rdzogs pa'i byang chub ma thob pa na/ rgyal po gzugs can snying pos pho nya btang ste/ 'di skad du rgyal bu don grub gal te 'khor los bsgyur ba'i rgyal por gyur na/ bdag gis blon po bgyi'o/ /gal te khyim la mi dga' ste bla na med pa yang dag par rdzogs pa'i byang chub thob na/ sngar rgyal po'i khab 'dir gshegs shing chos bshad de/ sems can thams cad bsgral la/ bdag gi mchod pa bzhes par ci gnang </font><hr>Kha202b<br><font size=+1>


zhes gsol to/ /nga de'i tshe cang mi gsung bar de'i gsol ba gnang ngo / /rigs kyi bu/ nga thog ma bla na med pa yang dag par rdzogs pa'i byang chub tu mngon par sangs rgyas nas yul kar ka zhes bya bar 'gro ba las/ de'i tshe klung 'jigs len zhes bya ba'i 'gram na bram ze 'od srung gi rigs 'khor slob ma lnga brgya dang bcas te/ klung de'i 'gram na bla na med pa'i lam sgrub bo/ /ngas de dag gi phyir ched du chos ston du gshegs nas 'od srung gis nga la 'di skad smras so/ /gau ta ma/ nga ni rgas te lo'ang brgya nyi shu lon no/ /yul dbus 'gyur 'chang gi skye bo thams cad dang / rgyal po gzugs can snying po la sogs pa kun gyis bdag dgra bcom pa'i 'bras bu thob pa yin snyam sems so/ /bdag gis khyod la chos mnyan na skye bo thams cad log pa'i sems skye ste/ btsun pa 'od srung ni dgra bcom pa ma yin no zhes smra bar 'gyur gyi/ gau ta ma khyod myur du gud du gshegs su gsol lo/ /gal te skye po 'di dag gau ta ma'i yon tan bdag las 'phags par shes na/ bdag cag la sogs pas slan chang 'tsho ba thob par mi 'gyur ro/ /ngas de'i tshe na de dag la 'di skad ces smras so/ /'od srung / gal te khyod kyis bdag la bkur sti mi byed pa dang / zhe sdang gi sems med na nub gcig 'dug par gnong zhig dang sang ni sngar 'gro'o/ /'od srung </font><hr>Kha203a<br><font size=+1>


@#/ /gis smras pa/ gau ta ma/ bdag gi sems la ni sgyu bag gzhan med de/ khyod la dga' mod kyi/ bdag gi gnas 'di na klu gdug pa shin tu khro zhing gtum pa zhig yod de/ gnod pa byed kyis dogs so/ /ngas smras pa/ 'od srung / dug gi nang na gdug pa ni dug gsum las 'da' ba med de/ ngas de dag kyang bcad na/ 'jig rten gyi dug gis nga mi 'jigs so/ /'od srung gis yang smras pa/ de ltar mi 'jigs yang dag na lta legs kyi 'dug la rag go /rigs kyi bu/ nga de'i tshe 'od srung gi phyir ched du cho 'phrul bco brgyad bstan te/ ji ltar mdo sde las bshad pa bzhin no/ /de'i tshe 'od srung 'khor lnga brgya dang bcas te/ de lta bu dag mthong zhing thos nas dgra bcom pa'i 'bras bu thob par gyur to/ /'od srung / de la nu bo gnyis yod de/ gcig ni chu bo 'od srung / gcig ni lteng rgyas 'od srung zhes bya ste/ de dag la'ang 'khor lnga brgya snyed yod de/ de dag kyang dgra bcom pa'i 'bras bu thob par gyur to/ /de'i tshe rgyal po'i khab na mu stegs can gyi ston pa drug 'khor dang bcas pa dngos po de dag thos nas nga la ngan sems chen po skyes so/ /nga de'i tshe dam bcas pa dang mi 'gal bar bya ba'i phyir rgyal po'i gsol ba bzhin du rgyal po'i khab </font><hr>Kha203b<br><font size=+1>


tu song nas/ der ma phyin pa'i bar du rgyal pos 'khor tshad med pa brgya stong dang bcas te bsu nas ngas chos bstan to/ /de'i tshe chos thos ma thag tu 'dod pa'i khams kyi lha brgyad khri drug stong snyed bla na med pa yang dag par rdzogs pa'i byang chub tu sems bskyed par gyur to/ /rgyal po gzugs can snying po'i g.yog dang 'khor du song ba khri phrag bcu gnyis snyed rgyun du zhugs pa'i 'bras bu thob bo/ /gzhan yang sems can tshad med pa snyed bzod pa'i sems dang ldan par gyur to/ /grong khyer gyi nang du bzhugs nas shA ri'i bu dang / mong+gal gyi bu 'khor dang bcas pa'i nyis brgya lnga bcu'ang rab tu phyung ste/ sems snga ma btang nas lam slob par gyur to/ /nga de'i tshe der gnas nas rgyal po'i mchod pa bzhes so/ /mu stegs can gyi ston pa drug ni 'khor rnams bsdus nas yul mnyan du yod par song ngo / /de'i tshe yul de na khyim bdag skyabs med zas sbyin zhes bya ba mna' ma len pa'i phyir rgyal po'i khab tu 'ongs so/ /rgyal po'i khab tu phyin nas der khyim bdag san sha ya zhes bya ba la gnas so/ /de nas khyim bdag de nam gyi gung than la langs nas/ 'khor rnams la 'di skad ces smras so/ /kye skyes bu dag /longs la myur du khang khyim ba rgyan cing phyag dar gyis la ba shos bzang po rab tu sbyor cig /de </font><hr>Kha204a<br><font size=+1>


@#/ /nas skyabs med zas sbyin gyis de skad du smra ba thos nas 'di snyam du bag ma len pa'i ston mo'am/ rol mo bya ba'i phyir ram/ yul dbus 'gyur 'chang gi rgyal po gzugs can snying po spyan 'dren tam snyam sems so/ /de snyam du bsams nas gan du song ste 'di skad ces dris so/ /khyim bdag chen po/ bag ma len pa'i ston mo'am/ rol mo'i phyir ram/ 'on te yul dbus 'gyur 'chang gi rgyal po gzugs can snying po spyan 'dren tam ci na/ de ltar brel zhing las skyen du byed/ khyim bdag des smras pa/ de ma yin no/ /khyim bdag /bdag sang sangs rgyas bla na med pa chos kyi rgyal po zhes bya ba spyan 'dren no/ /khyim bdag skyabs med zas sbyin gyis der thog ma sangs rgyas kyi mtshan thos nas lus thams cad kyi g.ya' bar gyur te/ yang 'di skad du sangs rgyas zhes bya ba ji lta bu zhes dris so/ / khyim bdag des smras pa/ khyed kyis ma thos sam/ yul ser skya na shAkya'i rigs la don grub ces bya ba/ rus ni gau ta ma/ yab ni zas gtsang ma zhes bya ste/ btsas nas ring po ma lon par ltas mkhan gyis bltas na/ gdon mi za bar 'khor los bsgyur ba'i rgyal por 'gyur te/ ji ltar a mra'i 'bras bu lag na 'dug pa dang </font><hr>Kha204b<br><font size=+1>


mtshungs kyang de la sems mi mos te/ khyim nas khyim med par rab tu byung nas mkhan po med par rang gis rig ste bla na med pa yang dag par rdzogs pa'i byang chub thob bo// 'dod chags dang / zhe sdang dang / gti mug zad pa/ rtag tu gnas shing mi 'gyur/ mi 'pho mi skye mi 'gog pa/ mya ngan dang 'jigs pa med pa/ sems can thams cad la thugs mnyam zhing ji ltar pha mas bu gcig pa la lta ba dang mtshungs pa/ sku dang thugs mang po kun gyi mchog tu gyur pa/ thams cad pas 'phags kyang rgyags shing dregs pa med pa/ byug pa dang sdug pa las sems gnyis su med pa/ shes rab kyis kun rtogs pa/ chos la thogs pa med pa/ stobs bcu dang / mi 'jigs pa bzhi dang / ye shes lnga dang / ting nge 'dzin dang / byams pa chen po dang / snying rje chen po dang / dran pa nye bar bzhag pa gsum dang ldan pa'i phyir sangs rgyas zhes bya ste/ de sang gshegs su gnang bas de'i phyir brel te gtam byar yang mi khom mo/ /khyim bdag skyabs med zas sbyin gyis smras pa/ legs so/ /skyes bu chen po sangs rgyas zhes bya ba yon tan bla na med pa mnga' ba de da ltar gang na bzhugs/ khyim bdag des smras pa/ da ltar rgyal po'i khab 'dir ka lan da ka'i 'od ma'i tshal gyi gzhal med khang na bzhugs </font><hr>Kha205a<br><font size=+1>


@#/ /so| |de nas skyabs med zas sbyin gyis sems rtse gcig tu sangs rgyas kyi stobs bcu dang / mi 'jigs pa bzhi dang / ye shes lnga dang / ting nge 'dzin dang / byams pa chen po dang / snying rje chen po dang / dran pa nye bar bzhag pa gsum dang / yon tan thams cad rjes su dran te yid la byas so/ /de ltar rjes su dran pa na snang ba chen po'i 'od nyi ma bzhin du rab tu lhang nge lham mer gyur nas/ 'od gang nas byung ba'i phyogs su song ste grong khyer gyi sgor phyin pa dang / bcom ldan 'das kyi byin gyis brlabs kyis sgo'ang rang bye bar gyur to/ /sgor byung nas lam du 'jig rten gyi lha'i rten zhig yod pa la skyabs med zas sbyin bsti stang dang bcas pas phyag byas pa dang / mod la phyir nub par gyur te/ 'jigs skrag pa'i sems skyes nas phyir gnas su ldog par byas te/ grong khyer gyi sgor phyin pa dang / lha zhig gis skyabs med zas sbyin la 'di skad ces smras so/ /kye skyes bu khyod gal te de bzhin gshegs pa'i sbyan sngar phyin na/ phan pa dang bde ba'i don mang du thob par 'gyur ro/ /skyabs med zas sbyin gyis smras pa/ phan pa dang bde ba'i don ces bya ba ji lta bu/ lhas smras pa/ khyim bdag/ gal te la la zhig gis rin po che yang dag pas </font><hr>Kha205b<br><font size=+1>


brgyan pa'i rta bzang po brgya dang / spos kyi bal glang brgya dang / rin po che'i shing rta brgya dang / gser las blugs pa'i mi brgya dang / bu mo bzang mo lus la phreng ba thogs shing rin po ches brgyan pa brgya dang / khang pa dang gzhal med khang mchog dam pa ri mo'i 'bur du brkos pa dang / gser gyi gzhong bar dngul gyi nye'us bkang ba dang / dngul gyi gzhong par gser gyi nye'us bkang ba brgya brgya mi gcig la byin te/ de bzhin du mthar gyis dzam+bu'i gling gi mi thams cad la sbyin pa byin pa'i bsod nams ji snyed thob pa bas gang la la zhig gis de bzhin gshegs pa'i spyan sngar mchi bar chas nas gom pa gcig bor ba tsam mi phod do/ /skyabs med zas sbyin gyis smras pa/ rigs kyi bu/ 'di skad du smra ba khyod su yin/ lhas smras pa/ khyim bdag /bdag ni bram ze rgyal mtshan zhes bya ba'i bu ste/ sngon 'das pa na'ang khyod kyi dge ba'i bshes gnyen du gyur pa yin no/ /bdag sngon shA ri'i bu dang / maung+gal gyi bu mthong nas dga' ba'i sems skyes pas lus brjes nas byang phyogs kyi mgon po ngal bsos po'i bur gyur te/ rtag tu rgyal po'i khab 'di'i srung ma byed do/ /ngas shA ri'i bu la sogs pa la dga' ba'i sems skyes te phyag byas pas/ 
 rgyu de'i rkyen gyis 'di lta bu'i lus bzang </font><hr>Kha206a<br><font size=+1>


@#/ /po dam pa thob par gyur na/ de bzhin gshegs pa ston pa chen po mthong nas mchod cing phyag byas pa lta ci smos/ khyim bdag skyabs med zas sbyin gyis 'di skad ces smras pa thos nas phyir lam du zhugs te/ nga gang na bar 'ongs nas nga'i zhabs la spyi bos phyag btsal to/ /ngas de'i tshe ji lta ba bzhin du chos bstan te/ khyim bdag gis thos nas rgyun du zhugs pa'i 'bras bu thob par gyur to/ /de ltar 'bras bu thob nas kyang 'di skad du de bzhin gshegs pa thugs rje chen po yul mnyan du yod par bdag gi mchod pa cung zad cig bzhes shing gshegs su ci gnang zhes gsol to/ /de'i tshe ngas khyim bdag de la khyod kyi yul mnyan du yod pa na/ gzhal med khang nga shong ba yod dam zhes dris nas/ skyabs med zas sbyin gyis gsol pa/ gal te bcom ldan 'das kyis thugs brtse ba'i slad du nges par gshegs su gnang na lta/ bdag la ci mchis pa gtugs te gnas sbyar bar 'tshal lo zhes gsol to/ /rigs kyi bu/ nga de'i tshe cang mi gsung bar gshegs su gnang ngo / /khyim bdag skyabs med zas sbyin gyis kyang gshegs su gnang bar shes nas nga la 'di skad ces gsol to/ /bdag sngon chad de lta bu'i dngos po bgyid ma myong na/ de bzhin </font><hr>Kha206b<br><font size=+1>


gshegs pas ji ltar bgyi ba'i cho ga bstan par shA ri'i bu gtang du mig nang zhes gsol to/ /ngas kyang gsol pa bzhin du gnang nas shA ri'i bu dang / skyabs med zas sbyin gnyis shing rta gcig gi nang du zhugs te mnyan du yod par song ngo / /nga'i byin gyi rlabs kyis zhag gcig gis gnas su phyin to/ /de nas skyabs med zas sbyin gyis shA ri'i bu la zhus pa/ btsun pa/ grong 'di'i phyi rol grong khyer dang ha cang yang mi ring / ha cang yang mi nye la/ chu mig dang / mtshe'u dang / bza' shing bzang po dang / tshal dang / me tog dang / 'bras bu'i shing mang zhing rgyas pa dang / yongs su dag cing dben pa'i gnas ci mchis pa brtag tu gsol/ bdag gis der sangs rgyas bcom ldan 'das dang / dge slong gi dge 'dun gyi phyir gzhal med khang brtsig go /shA ri'i bus smras pa/ dze ta'i tshal 'di ni ha cang yang mi nye/ ha cang yang mi ring la/ yongs su dag cing dben te/ chu mig dang / 'bab chu dang / me tog dang / 'bras bu'i shing mang ste/ 'phral du ci dang ci dgos pa'ang yod do/ /gnas 'di brtags kyi/ gzhal med khang slong zhig /de nas skyabs med zas sbyin gyis de skad ces smras pa thos nas/ khyim bdag chen po dze ta gang na bar song ste/ dze ta la 'di skad ces smras so/ /bdag bla na med pa'i chos kyi rgyal po'i phyir gnas khang brtsig par byas </font><hr>Kha207a<br><font size=+1>


@#/ /pa las/ khyod kyi rab brtags te/ bdag gis nyo snyams sems na nyor gnang ngam/ dze tas smras pa/ gal te gser 'ba' zhig gis sa gzhi thams cad khyab par bkang na'ang mi sbyin no/ /skyabs med zas sbyin gyis smras pa/ legs so/ /dze ta khyod kyi ra ba ni kho bo dbang bar gyur gyi/ gser long zhig/ dze tas smras pa/ nga'i rang mi 'tshong na ci'i phyir gser long zhig ces smras/ skyabs med zas sbyin gyis smras pa/ de ltar ma rangs na bdag cag zhal che gcod pa'i gan du 'dong ngo / /de nas khyim bdag gnyis zhal che gcod pa'i gan du dong nas/ zhal che gcod pas ra ba ni skyabs med zas sbyin dbang gi /dze ta ni gser long zhing ces bcad do/ /de nas shing rta dang / rtas gser bskyas te sa gzhi bkram mo/ /nyin gcig gis gom pa lnga brgya 'ba' zhig gser gyis ma khebs pa las/ dze tas smras pa/ khyim bdag khyod gal te 'gyod na phyir btang du'ang rung ngo / /skyabs med zas sbyin gyis smras pa/ bdag gser gyi mdzod gang phyung na chog snyam sems kyi 'gyod pa med do/ /dze tas bsams pa/ de bzhin gshegs pa chos kyi rgyal po ni yang dag par bla na med pa lta/ dam pa'i chos gsungs pa'ang yongs su dag cing chags pa med pa lta zhig /mi 'di 'di ltar rin po </font><hr>Kha207b<br><font size=+1>


che 'di las mi phangs par gyur to snyam bsams nas skyabs med zas sbyin la smras pa/ lhag ma ma yog pa 'di gser mi dgos kyi/ bdag gis bcom ldan 'das kyi phyir sgo khang brtsigs te rtag tu de bzhin gshegs pa yan man 'chag cing gshegs par bya'o/ /de nas khyim bdag dze tas sgo khang brtsigs so/ /khyim bdag skyabs med zas sbyin gyis zhag bdun gyi bar du gnas khang chen po sum brgya dang / bsgom pa'i khang bu drug cu rtsa gsum dang / dgun gyi khang pa dron po dang / dbyar gyi khang pa bsil ba'ang so sor tshang mang dang / khrus khang dang / rkang pa bkru ba'i gnas khang dang / bshang gci che chung gi snam phyi sa che chung la sogs pa brtsigs te thams cad mi ldan pa med do| |bya ba thams cad byas nas phog snod thogs te/ rgyal po'i khab kyi logs su rgyang nas 'di skad ces smras so/ /mchod pa thams cad bshams lags kyi/ de bzhin gshegs pa thugs brtse ba can sems can thams cad kyi slad du gnas 'di bzhes su gsol zhes smras so/ /ngas de'i tshe khyim bdag de'i bsam pa thugs kyis mkhyen nas/ 'khor dang bcas te rgyal po'i khab nas stobs po che lag pa brkyang ba las bskum pa tsam gyis mnyan du yod par dze ta'i tshal skyabs med zas sbyin gyi gzhal med khang du phyin to/ /der phyin </font><hr>Kha208a<br><font size=+1>


@#/ /nas khyim bdag skyabs med zas sbyin gyis mchod pa bshams pa rnams nga la phul lo/ /ngas de'i tshe bzhes nas de nyid na bzhugs so/ /de nas mu stegs can gyi ston pa drug phrag dog gi sems skyes te/ kun 'dus nas rgyal po sde rab tu pham byed kyi gan du song ste 'di skad ces smras so/ /rgyal po chen po/ 'di ltar mkhyen par mdzod cig /rgyal po'i yul khams rab tu zhi zhing bde ba 'di yang dag par rab tu byung ba'i gnas yin te/ de'i phyir bdag cag kyang da ltar 'di na gnas so/ /rgyal po chen po ni yang dag pa'i chos kyis srid 'dzin cing 'bangs la gnod pa sel ba yin na/ dge sbyong gau ta ma 'di na so gzhon la bslab pa'i yun yang thung ste shes pa ci'ang med do/ /rgyal rigs snyems pas yul 'di na sngar gnas pa'i rgan rabs dang yon tan can la'ang bkur sti mi byed do/ /gal te rgyal rigs yin na 'bangs kyi srid bgyi ba'i rigs la/ ci ste rab tu byung na'ang rgan rabs la bkur sti bgyid pa'i rigs so/ /rgyal po chen po/ legs par gsan du gsol/ dge sbyong gau ta ma ni yang dag par rgyal po'i rigs las ma skyes so/ /dge sbyong gau ta ma la gal te pha ma mchis na/ ci'i phyir gzhan gyi pha ma 'phrogs par gyur/ rgyal po chen po/ bdag cag gi gzhung las 'di skad du 'byung ste/ lo </font><hr>Kha208b<br><font size=+1>


stong 'das nas ltas ngan sgyu can zhig 'byung ngo zhes gsungs te/ de ni dge sbyong gau ta ma 'di kho na lags so/ /dge sbyong gau ta ma la ni pha yang med/ ma yang med do/ /gal te pha ma yod na ci'i phyir chos thams cad mi rtag pa dang / sdug bsngal ba dang / bdag med pa dang / stong pa dang / byed pa med pa dang / len pa med pa'o zhes 'chad/ de ni sgyu dang g.yos sems can slu bar byed pa ste/ gang gti mug can ni yid ches kyi/ /shes rab can ni spong bar byed do/ /rgyal po chen po/ rgyal po zhes bya ba ni 'gro ba thams cad kyi pha ma ste/ srang dang 'dra ba/ sa gzhi dang 'dra ba/ rlung dang 'dra ba/ me dang 'dra ba/ lam dang 'dra ba/ chu klung dang 'dra ba/ zam pa dang 'dra ba/ sgron me dang 'dra ba/ nyi ma dang 'dra ba/ zla ba dang 'dra ba ste/ chos bzhin du zhal che gcod kyi/ byams sdang med pa'o/ /dge sbyong gau ta ma 'di ni bdag cag 'tshor mi ster te/ bdag cag gar 'gro ba'i gnas su slad bzhin mchi ste mi gtong ngo / /rgyal po chen po/ bdag cag gis gau ta ma dang rdzu 'phrul gyi stobs 'gran te/ gal te kho rgyal na bdag cag kho'i dbang du mchi la/ gal te bdag cag rgyal na bdag cag dbang bar mdzad du gsol/ rgyal pos smras pa/ btsun pa khyod kyang so so nas spyod pa'i chos yod la/ gnas kyang so so ste/ bdag ni nges par de bzhin gshegs pa khyed cag la mi gnod par </font><hr>Kha209a<br><font size=+1>


@#/ /shes so/ /ston pa drug gis gsol pa/ ji ltar mi gnod/ dge sbyong gau ta ma 'di chos sgyu mas mi rnams brid de/ bram ze la sogs pa kun skyabs su song nas thams cad zad do/ /gal te rgyal pos bdag cag dang rdzu 'phrul gyi stobs 'gran par gnang na/ rgyal po'i ming snyan pa phyogs brgyad du grags par 'gyur gyi/ de ltar ma gnang na ming mi snyan pas kun tu gang bar 'gyur ro/ /rgyal pos smras pa/ btsun pa khyod de bzhin gshegs pa'i rdzu 'phrul gyi stobs shin tu che ba mi shes pas 'gran 'dod kyi/ gal te yang dag par shes na de ltar mi phod kyis dogs so/ /rgyal po chen po khyod kyang dge sbyong gis bslus zin tam/ rgyal po chen po/ re zhig gzhes la bdag cag la ma smod cig /don med par tshig gis brjod pa bas bsgrun na mngon par 'gyur ro/ /rgyal pos 'o na legs so/ /legs so zhes smras nas/ ston pa drug 'khor dang bcas te rab tu dga' nas song ngo / /de'i tshe rgyal po sde rab tu pham byed 'khor dang bcas te nga'i spyan sngar lhags nas bsti stang dang bcas pas mgo bos phyag byas te/ g.yas phyogs nas lan gsum bskor nas phyogs gcig tu 'khod de/ nga la 'di skad ces gsol to/ /bcom ldan 'das/ mu stegs can gyi ston pa drug bdag gi thad du mchis nas/ </font><hr>Kha209b<br><font size=+1>


rdzu 'phrul 'gran par gsol ba las/ bdag gis rjes su ma dpags pas gnang ba stsal to/ /bcom ldan 'das kyis bka' stsal pa/ rgyal po chen po/ legs so/ legs so/ 'di ma yin pa gzhan dag tu'ang gnas khang rtsigs shig /de ci'i phyir zhe na/ gal te nga dang rdzu 'phrul 'gran par gyur na/ 'khor de dag las tshur dad pa mang par 'gyur te/ gnas 'di dog pas shod par mi 'gyur ro/ /rigs kyi bu/ ngas de'i tshe mu stegs can gyi ston pa drug gi phyir thog ma tshes gcig nas tshes bco lnga'i bar du ngo mtshar rmad kyi rdzu 'phrul dang cho 'phrul bstan to/ /de'i tshe de'i dus na sems can tshad med pa snyed ni bla na med pa yang dag par rdzogs pa'i byang chub tu sems skyes so/ /sems can tshad med pa snyed ni dkon mchog gsum la the tshom med par yid ches par gyur to/ /ston pa drug gi 'khor tshad med pa snyed ni ngan par lta ba'i sems bcom nas yang dag pa'i chos la rab tu byung ngo / / sems can tshad med pa snyed ni byang chub las phyir mi ldog pa'i sems thob par gyur to/ /sems can tshad med pa snyed ni gzungs kyi ting nge 'dzin gyi rnam grangs thob par gyur to| |sems can tshad med pa snyed ni rgyun du zhugs pa'i 'bras bu nas dgra bcom pa'i 'bras bu'i bar du thob par gyur to/ /de'i tshe mu stegs can gyi ston pa drug po shin tu ngo tsha ste </font><hr>Kha210a<br><font size=+1>


@#/ /skyengs nas thams cad 'grogs te/ grong khyer ba tsi ta zhes bya bar song ngo / /der phyin nas de na gnas pa'i mi thams cad log pa'i chos bstan nas yid ches par byas te/ dge sbyong gau ta ma ni stong pa 'ba' zhig ston to zhes bsgrags so/ /rigs kyi bu/ de'i tshe na nga ni yum gyi phyir sum cu rtsa gsum gnam du gshegs nas| shing ba'i ri tsi ta'i drung na tshul du zhugs te chos ston to/ /de'i tshe ston pa drug rab tu dga' ba'i sems skyes nas/ 'di skad du shin tu legs so/ /gau ta ma sgyu can de deng med par gyur to zhes bsgrags te/ gzhan yang sems can tshad med grangs med pa snyed ngan par lta ba la btsud par gyur to/ /de nas rgyal po gzugs can snying po dang / rgyal po sde rab tu pham byed dang / 'khor rnam bzhi la sogs pas maung+gal gyi bu la 'di skad ces gsol to/ /btsun pa/ dzam+bu'i gling 'dir ngan par lta ba skye zhing 'phel te/ sems can rab tu brtse ba'i gnas su gyur pa'ang mun pa chen po thob par gyur gyi/ btsun pa khyod gnam gyi steng du bzhud la bcom ldan 'das la 'di skad ces gsol zhig |bcom ldan 'das/ bdag cag gus par phyag 'tshal te/ 'di skad mchi'o/ /dper na/ be'u byung nas ring po ma lon par gal te 'o ma ma 'thungs na gdon mi </font><hr>Kha210b<br><font size=+1>


'tshal bar 'gum pa ltar/ bdag cag dang sems can thams cad kyang de dang 'dra na/ de bzhin gshegs pas sems can thams cad la thugs brtse ba'i slad du slar 'dir gshegs su ci gnang zhes gsol zhig /de nas maung+gal gyis cang mi smra bar gnang nas ji ltar stobs po che lag pa bskum pa las brkyang bcom gyis gnam gyi steng du bcom ldan 'das kyi spyan sngar phyin nas/ bcom ldan 'das la 'di skad ces gsol to/ /dzam+bu'i gling na 'khor rnam bzhi mchis pa dag de bzhin gshegs pa la skom pas gdungs pa bzhin du chos thos par mos so/ /rgyal po gzugs can snying po dang / rgyal po sde rab tu pham byed dang / 'khor rnam bzhi la sogs pas zhabs la phyag 'tshal te 'di skad mchi'o/ /dzam+bu'i gling 'di na sems can ji snyed mchis pa ngan par lta ba skye zhing mched par gyur te/ mun nag gi nang du 'thob pas shin tu thugs brtse bar rung ste/ dper na/ be'u btsas nas ring por ma lags par gal te nu ma ma 'thungs na gdon mi 'tshal bar 'gum pa ltar/ bdag cag la sogs pa'ang de dang 'dra ste/ de bzhin gshegs pa sems can gyi don gyi slad du slar dzam+bu'i gling du gshegs su gsol lo zhes mchi'o/ /bcom ldan 'das kyis bka' stsal pa/ maung+gal gyi bu khyod myur du phyir dzam+bu'i gling du song la/ rgyal po rnams dang / 'khor rnam bzhi </font><hr>Kha211a<br><font size=+1>


@#/ /la 'di skad gyis shig /nga da nas zhag bdun na phyir log ste/ ston pa drug gi phyir yul pa tsi tar gshegs so zhes gyis shig /de nas zhag bdun 'das nas brgya byin lha'i dbang po dang / tshangs pa dang / bdud kyi lha dang / lha'i bu tshad med pa snyed dang / shu ta'i 'khor la sogs pa lha thams cad kyis bskor zhing yul btsi tar lhags te/ seng+ge'i sgra chen po 'di skad bsgrags so/ /nga'i chos 'ba' zhig la dge sbyong dang / bram ze dang / chos thams cad mi rtag pa dang / bdag med pa dang / mya ngan las 'das pa dang / zhi ba ste/ nyes pa'i skyon thams cad dang bral ba yod kyi/ de ma yin pa gzhan gyi chos la dge sbyong dang / bram ze dang / rtag pa dang / bdag dang / mya ngan las 'das pa yod ces bya ba'i gnas med do/ /de'i tshe na sems can tshad med mtha' yas pa snyed bla na med pa yang dag par rdzogs pa'i byang chub tu sems skyes so/ /de nas mu stegs can gyi ston pa drug gcig la gcig 'di skad ces smras so/ /gal te bdag cag gi chos la dge sbyong dang / bram ze la sogs pa med na/ ji ltar 'jig rten du bcas pas mchod par 'gyur zhes smras nas/ ston pa drug 'grogs te yul yangs pa can du song ngo / /rigs kyi bu/ nga dus gcig cig na grong khyer yangs pa can a mra'i tshal du bzhugs pa las/ bu mo a mra zhes </font><hr>Kha211b<br><font size=+1>


bya ba nga der 'dug par shes nas nga'i spyan sngar 'gro snyam bsams so/ /ngas de'i tshe dge slong rnams la bka' stsal pa/ dge slong khyed dran pa nye bar bzhag pa la brtags te shes rab sgoms shig /ci dang ci sgom pa la le lo ma byed cig /de la ji ltar na dran pa nye bar bzhag pa la brtag pa zhe na/ gal te dge slong gang nang gi lus la yongs su brtags kyang bdag dang bdag gi bar mi mthong / phyi rol gyi lus dang phyi nang gi lus la yongs su brtags kyang bdag dang bdag gi bar mi mthong / tshor ba dang / sems dang / chos la'ang de ltar rtog pa ni dran pa nye bar bzhag pa zhes bya'o/ /ji ltar na shes rab sgom pa zhe na/ gal te dge slong gang yang dag pa ji lta ba bzhin du sdug bsngal dang / kun 'byung dang / 'gog pa dang / lam mthong ba ni shes rab sgom pa zhes bya'o/ /le lo'i sems med pa gang zhe na/ gal te dge slong gang sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / sbyin pa rjes su dran pa dang / lha rjes su dran pa ni dge slong le lo'i sems med pa zhes bya'o/ /de'i tshe bu mo a mra nga gang na bar 'ongs nas spyi bos phyag 'tshal te/ g.yas su lan gsum bskor te mchod pa byas nas phyogs gcig tu 'dug go /rigs kyi bu/ ngas de'i tshe bu mo a mra la ji lta ba bzhin du chos bstan </font><hr>Kha212a<br><font size=+1>


@#/ /te/ bu mo de chos thos nas bla na med pa yang dag par rdzogs pa'i byang chub tu sems bskyed do/ /de nas de'i tshe grong khyer de na li tsa bI gzhon nu lnga brgya snyed nga'i spyan sngar lhags nas spyi bos phyag btsal te/ g.yas phyogs nas lan gsum bskor te mchod pa byas nas phyogs gcig tu 'khod do/ /ngas de'i tshe li tsa ba'i gzhon nu rnams la ji lta ba bzhin du chos bstan to/ /rigs kyi bu dag/ 'di lta ste/ bag med pa las 'bras bu rnam pa lnga smin par 'gyur ro/ /lnga gang zhe na/ bdog pa'i nor la dbang med pa dang / ming mi snyan par grags pa dang / dbul phongs pa la sbyin par mi dga' ba dang / 'khor rnam bzhi mthong bar mi 'dod pa dang / lha rnams kyi lus mi thob pa'o/ /rigs kyi bu dag| bag byas pa'i rgyu las 'jig rten dang 'jig rten las 'das pa'i chos skye bar 'gyur te/ gang bla na med pa yang dag par rdzogs pa'i byang chub 'dod pa'ang bag yod pa'i chos la brtson par bya'o/ /bag med pa la gzhan yang 'bras bu rnam pa bcu gsum smin par 'gyur ro/ /bcu gsum gang zhe na/ 'jig rten gyi las byed par mos pa dang / don med pa'i tshig smra bar mos pa dang / gnyid la yun ring du mos pa dang / 'jig rten gyi dngos po brjod par mos pa dang / rtag tu mi dge ba'i bshes gnyen la bsnyen </font><hr>Kha212b<br><font size=+1>


par mes pa dang / le lo dang snyoms las byed pa dang / rtag tu gzhan gyis brnyas pa dang / ci dang ci thos su zin kyang de nyid du brjod pa dang / mtha' 'khob tu gnas par dga' ba dang / dbang po rnams gdul mi nus pa dang / zas la chog mi shes pa dang / bden pa la mi mos pa dang / lta ba yang dag pa ma yin pa dang bcu gsum mo/ /rigs kyi bu/ bag med pa ni sangs rgyas dang / sangs rgyas kyi nye gnas dang nye bar gyur kyang shin tu ring ba zhes bya'o/ /li tsa ba'i rnams kyis gsol pa/ bdag cag ni bag ma mchis pa lags par 'tshal lo/ / de ci'i slad du zhe na/ ci ste bdag cag bag ma mchis pa ma lags na/ de bzhin gshegs pa chos kyi rgyal po bdag cag gi yul du gshegs pa'i rigs so/ /de'i tshe 'khor mang po'i nang na bram ze'i bu mi pham pa zhes bya bas li tsa bI rnams la 'di skad ces smras so/ /legs so/ /legs so/ /khyod kyis ji skad smras pa bzhin te/ rgyal po gzugs can snying po ni phan pa dang / bde ba'i don chen po thob pas sangs rgyas bcom ldan 'das yul der gshegs te/ ji ltar pad+mo dam pa mtsho chen po las skyes pa chu'i nang nas skyes kyang chus mi gos so/ /li tsa bI gzhon nu dag /sangs rgyas kyang de dang 'dra bar yul der byung mod kyi/ 'jig rten gyi chos kyis gos par 'gyur ba med de/ sangs rgyas bcom ldan 'das </font><hr>Kha213a<br><font size=+1>


@#/ /rnams ni byung ba'ang med/ 'jug pa'ang med mod kyi sems can gyi phyir 'jig rten du mngon par gshegs te/ 'jig rten gyi chos kyis bsgribs par ma gyur to/ /skyes bu dag rang gis rang bslus te/ 'dod pa lnga la chags shing zhen nas de bzhin gshegs pa la skyabs su 'gro bar mi shes pas na bag med pa zhes bya'i/ sangs rgyas dbus 'gyur 'chang du byung bas bag med pa zhes mi bya'o/ /de ci'i phyir zhe na/ sangs rgyas bcom ldan 'das ni nyi zla dang 'dra ste/ /gcig gam gnyis kyi phyir 'jig rten du byung ba ma yin no/ /de nas li tsa bI de dag de skad du smras pa thos nas bla na med pa yang dag par rdzogs pa'i byang chub tu sems bskyed de/ 'di skad du legs so// legs so/ /gzhon nu mi pham pa shin tu mi pham pa'i chos dam pa smras pa legs so/ /de nas li tsa bI de dag so so nas gos ya re phud de mi pham pa la phul lo/ /mi pham pas blangs nas/ nga la phul te 'di skad du bcom ldan 'das bdag gis li tsa bI dag las gos 'di dag rnyed kyi/ de bzhin gshegs pas sems can la thugs brtse ba'i slad du bdag gis phul ba 'di bzhes su gsol zhes smras so/ /ngas de'i tshe gzhon nu mi pham pa la thugs brtse ba'i phyir bzhes so/ /de nas li tsa bI rnams dus </font><hr>Kha213b<br><font size=+1>


gcig tu thal mo sbyar te 'di skad ces gsol to/ /de bzhin gshegs pas yul 'dir dus gcig tu tshul du zhugs te/ bdag cag gi mchod pa cung zad bzhes su ci gnang zhes gsol to// nga de'i tshe cang mi gsung bas li tsa bIs gsol ba bzhin du gnang ngo / /de nas de'i tshe ston pa drug de lta bur gyur pa thos nas ston pa dang 'khor du bcas te yul ser skyar song ngo / /de nas ngas kyang ser skyar song ste/ klung pa la zhes bya ba'i 'gram du 'dug go /de nas ser skya na khyim bdag rin chen grags zhes bya ba 'dod pa lnga la shin tu chags shing zhen pa/ mi rtag par mi shes pa zhig yod de/ nga der phyin pas keng rus la rtog pa'i chos rang thob ste/ khang khyim dang / gnas pa dang / chung ma dang / slas kun keng rus su mthong nas rab tu 'jigs pa'i sems skyes te/ ji ltar ral gri'am/ sprul gdug pa'am/ rkun po'am/ me lta bur gyur nas nga'i spyan sngar chas pa las/ lam thog thag 'di skad ces dge sbyong gau ta ma bdag ni da ltar dgras ded pa bzhin shin tu 'jigs skrag na skyabs mdzad par smon to zhes smra'o/ /de nas bcom ldan 'das kyis bka' stsal pa/ rigs kyi bu/ sangs rgyas dang / chos dang| dge 'dun ni bde ba yin te/ 'jigs pa med do/ /khyim bdag des gsol pa/ gal te dkon mchog gsum la 'jigs pa ma mchis na/ bdag kyang mi 'jigs pa thob </font><hr>Kha214a<br><font size=+1>


@#/ /par gyur cig ces gsol nas ngas rab tu byung bar gnang ngo / /de'i tshe khyim bdag de la grogs po lnga bcu zhig yod pa de'ang rin chen grags 'dod pa la shin tu skyo nas rab tu byung ngo zhes thos nas/ de dag kyang kha dum ste rab tu byung ngo / /ston pa drug gis de skad thos nas mthar gyis grong khyer chen po tsam pa kar song ngo / /de nas tsam pa ka'i mi thams cad ston pa drug dang de'i 'khor la mchod cing bsti stang byed kyi/ sangs rgyas dang / chos dang / dge 'dun gyi ming yang ma thos so/ /skye bo mang po dag shin tu mi dge ba'i las byed par gyur te/ nga de'i tshe sems can gyi phyir grong khyer tsam pa kar gshegs so/ /de'i tshe grong khyer de na khyim bdag rabs chad du nye ba zhig yod de/ pu 'dod pa'i phyir ston pa drug la mchod pa byed do/ /phyis de'i chung ma sbrum par gyur te/ khyim bdag gis shes nas ston pa drug gi gan du song ste dga' ba'i sems kyis 'di skad ces smras so/ /bdag gi chung ma lto na sbrum pa 'di bu pho yin nam/ bu mo yin zhes dris pa las/ de dag gis gdon mi za bar bu mo zhig 'byung ngo zhes smras so/ / khyim bdag des de skad ces smras pa thos nas mya ngan gyis gdungs te mi dga' ba las/ de'i grogs po zhig khyim bdag de'i thad du 'ongs nas/ khyim bdag de la ci'i </font><hr>Kha214b<br><font size=+1>


phyir de ltar mya ngan gyis gdungs par gyur ces dris so/ /khyim bdag des smras pa/ kho bo'i chung ma sbrum pa las bu pho'am bu mor mi shes te/ ston pa drug la dris so/ /ston pa drug gis bltas nas/ 'di skad du bdag cag gi mtshan lta ba dang sbyar na gdon mi za bar bu mo 'byung ngo zhes zer te/ kho bos de thos nas kho bo rgan po rgas te nor grangs med pa snyed yod pa la gal te bu mo pho ma yin na gtad pa'i gnad med pas de'i phyir kho bo mi dga'o/ /grogs po des smras pa/ khyod ni mi shes pa'o/ /sngan chad ma thos sam/ chu bo 'od srung spun gnyis sangs rgyas sam/ ston pa drug gang gi nye gnas su song / gal te ston pa drug thams cad mkhyen pa yin na/ 'od srung gis ji ste ston pa drug spangs nas sangs rgyas kyi nye gnas su 'gyur/ yang shA ri'i bu dang / gaung+gal la sogs pa dang / rgyal po gzugs can snying po la sogs pa rgyal po rnams dang / rgyal po'i btsun mo la sogs pa dang / yul thams cad kyi khyim bdag skyabs med zas sbyin la sogs pa de dag thams cad kyang sangs rgyas kyi nye gnas ma yin nam/ 'brog dgon pa'i yi dwags dang / rgyal po ma skyes dgra dang / nor srung ba'i ba glang smyos pa dang / sor mo rgyan mi dge ba'i sems rab tu mched nas ma bsad par gzas pa de dag la sogs pa kun de bzhin gshegs pas ma btul </font><hr>Kha215a<br><font size=+1>


@#/ /tam| khyim bdag /sangs rgyas bcom ldan 'das ni chos thams cad la thogs pa med pa mkhyen cing gzigs pas sangs rgyas zhes bya'o/ /gsungs so cog gnyis su med pas de bzhin gshegs pa zhes bya'o/ /nyon mongs pa bcom pas dgra bcom pa zhes bya ste/ bcom ldan 'das kyis gsungs pa ni gnyis su med pa yin gyi/ ston pa drug po de lta ma yin na ji ste yid ches par byed/ de bzhin gshegs pa ni da ltar 'di na bzhugs so/ /gal te yang dag par shes par 'dod na sangs rgyas kyi spyan sngar song zhig ces smras so/ /de nas khyim bdag mi de dang 'grogs te/ nga'i spyan sngar 'ongs nas spyi bos phyag btsal te/ g.yas su lan gsum bskor te thal mo sbyar nas pus mo'i lha nga sa la btsugs te 'di skad ces gsol to/ /bcom ldan 'das ni sems can thams cad la mnyam zhing gnyis su ma mchis te/ dgra dang gnyen la mtshan nyid gcig tu gzigs pa lags na/ bdag ni sred pa'i kun nas nyon mongs pas bcings par gyur te/ ngag dang gnyen la gnyis su med par ma gyur na/ bdag deng de bzhin gshegs pa bcom ldan 'das la zhu snyam bsams pa las/ rab tu ngo tsha zhing 'jigs pas drir ma spobs so/ /bcom ldan 'das/ bdag gi mchis brang sbrum pa </font><hr>Kha215b<br><font size=+1>


las| ston pa drug gis bltas nas gdon mi 'tshal bar bu mo 'byung ngo zhes mchi na dngos po de ji lta bu/ bcom ldan 'das kyis bka' stsal pa/ khyim bdag khyod kyi chung ma'i lto na sbrum pa ni bu phor gdon mi za ste/ skyes nas kyang bsod nams dpag tu med pa dang ldan no/ /de nas khyim bdag des ngas de skad du smras pa thos nas rab tu dga' ba skyes nas phyir khyim du song ngo / /de'i tshe ston pa drug gis gdon mi za bar bu phor skyes te bsod nams dang ldan no zhes ngas lung bstan pa thos nas phrag dog gi sems skyes te/ a mra'i 'bras bu bdag de la 'di skad du gau ta mas mtshan rab tu legs par smras bdag de la 'di skad du gau ta mas mtshan rab tu legs par smras so/ /khyod kyi chung ma bu 'byung du nye'i sman 'di 'thung zhig |sman 'di btang na bu rab tu bzang ba sdug cing nad med par 'gyur ro zhes smras so/ /khyim bdag dga' nas dug blangs te chung ma la blud nas 'thungs ma thag tu shi bar gyur to| de nas ston pa drug dga' ste/ grong khyer dang tshong 'dus thams cad du skad chen pos 'di skad du/ dge sbyong gau ta mas khyim bdag de'i chung ma gdon mi za bar bu khye'u btsas te bsod nams kyang dpe zla med do zhes lung ba stan pa las/ bu'ang ma byung bar ma shi'o zhes bsgrags so/ /de nas khyim bdag de nga la ma dad pa'i sems skyes te/ 'jig rten </font><hr>Kha216a<br><font size=+1>


@#/ /gyi chos bzhin du sgrom gyi nang du bcug nas grong khyer gyi phyi rol tu bskyal te/ shing skam po spungs nas bsreg par byas so/ /ngas lha'i spyan gyis de lta bu'i dngos po dag gzigs nas dga' bo la nga'i na bza' long zhig /ngan par lta ba 'joms su 'gro'o zhes bka' stsal to/ /de nas ngal bsos pos yi dwags kyi bdag po rin chen pA ta la zhes bya ba la 'di skad bsgo'o/ /de bzhin gshegs pa deng dur khrod du gshegs kyi/ khyed myur du sa mnyam zhing chag chag dang phyag dar gyis la seng ge'i khri btsugs te/ me tog dang spos dam pas sa gzhi chal par khod cig /de nas ston pa drug gis rgyang nas nga 'ong ba mthong nas gcig la gcig 'di skad du dge sbyong gau ta ma dur khrod du sha za bar 'gro'am ci zhes smra'o/ /de'i tshe dge bsnyen chos kyi mig ma thob pa rnams so so nas ngo tsha zhing 'dzem par gyur te/ nga la 'di skad du khyim bdag de'i mchis brang gum lags kyi/ /der mi gshegs su gsol lo/ /zhes smras so// //'phags pa yongs su mya ngan las 'das pa chen po'i mdo/ bam po bzhi bcu pa/ de nas dga' bos de dag la khyed re zhig sdod cig dang / de bzhin gshegs pas ring po mi thogs par sangs rgyas kyi spyod yul rgya chen po 'byed cing ston par 'gyur </font><hr>Kha216b<br><font size=+1>


ro zhes smras so/ /nga de'i tshe der phyin nas seng+ge'i gdan la bzhugs pa dang / khyim bdag des 'di skad ces gsol to/ /gsungs so cog gnyis su med pas bcom ldan 'das zhes bya zhe na/ ma yang shi na ji ltar bu skye bar 'gyur/ ngas khyim bdag de la 'di skad ces bka' stsal to/ /khyod kyis de'i tshe ma'i tshe ring thung ni ma dris kyi/ lto na sbrum pa de bu pho'am bu mo zhes 'ba' zhig dris so/ /sangs rgyas bcom ldan 'das kyis gsungs so cog gnyis su med de/ de bas na gdon mi za bar bu thob par 'gyur ro/ /de'i tshe ro de la me 'bar te lto ba gas nas de'i nang nas bu cig byung ba ni ji ltar dur pa pad+mo'i steng na 'dug pa bzhin du me'i nang na bu cig yod par gyur to/ /ston pa drug gis mthong nas kyang 'di skad du/ gau ta ma sgyu can sgyu re mkhas zhes smras so/ /khyim bdag gis mthong nas dga' ba'i sems skyes te/ ston pa drug la 'di sgyu yin no zhes zer na/ khyed kyang ci ste mi byed ces spyos so/ /de nas ngas 'tsho byed la me'i nang du song la bu de long zhig ces bka' stsal to/ /'tsho byed me'i nang du 'gro ba las ston pa drug gis bzung ste 'tsho byed la 'di skad ces smras so/ /dge sbyong gau ta ma 'di sgyu byed pa rnams rtag tu rung ba ma yin gyi/ bar 'ga' ni nus/ bar 'ga' ni mi nus te/ gal te na khyod 'chi bar 'gyur gyi/ tshig </font><hr>Kha217a<br><font size=+1>


@#/ /de la yid ches par ma byed cig /'tsho byed kyis smras pa/ de bzhin gshegs pas gal te sems can dmyal pa'i me mur gyi nang du song zhig ces bka' stsal na'ang 'tshig bar mi 'gyur na/ 'jig rten gyi me lta ci smos zhes smras nas me'i phung po'i nang du zhugs so/ /der zhugs pa na chu bsil ba'i nang du 'jug pa lta bur bu de pang du thogs nas nga'i gan du 'ongs te nga la byin no/ /ngas bu de blangs nas khyim bdag la 'di skad ces bka' stsal to/ /sems can thams cad la tshe'i tshad nges pa med de/ chu'i chu bur dang 'dra'o/ /gal te sems can la shin tu chags pa'i las kyi 'bras bu yod na mes mi 'tshig /dug gis mi 'chi ste/ 'di'ang bu nyid kyi las kyi 'bras bu yin gyi/ ngas byas pa ma yin no/ /de nas khyim bdag gis gsol pa/ legs so/ /bcom ldan 'das/ bu 'di gal te tshe'i tshad thub na de bzhin gshegs pas ming zhig gdags par gsol to/ /bcom ldan 'das kyis bka' stsal pa/ khyim bdag bu 'di me mur gyi nang nas skyes pas ming ni shu te zhes bya ste/ shu te zhes bdags so/ /de nas de'i tshe 'khor gyi dkyil 'khor de dag gis ngas rdzu 'phrul sprul pa mthong nas sems can tshad med pa snyed bla na med pa yang dag par rdzogs pa'i </font><hr>Kha217b<br><font size=+1>


byang chub du sems skyes so/ /de'i tshe ston pa drug grong khyer drug po kun tu gnas ma rnyed nas shin tu ngo tsha ste mgo smad nas grong khyer rtswa mchog 'dir 'ongs so/ /'dir phyin nas 'di skad du/ kye skye bo rnams 'di ltar shes par gyis shig /dge sbyong gau ta ma ni sgyu ma'i mkhan po chen po ste/ thams cad bslus nas grong khyer chen po drug tu khyab ste/ dper na/ sgyu ma mkhan gyis 'di ltar shing rta'i tshogs dang / rta'i tshogs dang / ba lang gi tshogs dang / rkang thang gi tshogs sprul pa dang mtshungs so/ /gzhan yang se mo do dang / grong khyer dang / khang pa dang / klung dang / mtsho dang / shing la sogs pa byed pa ltar dge sbyong gau ta ma'ang de dang 'dra ste/ sgyu mas rgyal po'i lus su sprul to/ /chos bshad pa'i phyir res 'ga' ni bram ze'i lus/ res 'ga' ni dge sbyong gi lus/ res 'ga' ni skyes pa dang bud med kyi lus/ res 'ga' ni lus chen po dang / lus chung ngu dang / res 'ga' ni byol song dang / yi dwags kyi lus su ston cing / ched 'ga' ni rtag pa med par 'chad/ ched 'ga' ni rtag pa med par 'chad/ ched 'ga' ni sdug bsngal bar 'chad/ ched 'ga' ni bde bar 'chad/ ched 'ga' ni bdag yod par 'chad/ ched 'ga' ni bdag med par 'chad/ ched 'ga' ni yongs su dag pa yod par 'chad/ ched 'ga' ni yongs su dag pa med par 'chad/ cheng 'ga' ni yod par </font><hr>Kha218a<br><font size=+1>


@#/ /'chad/ ched 'ga' ni med par 'chad de/ de dag kyang bden pa ma yin pas sgyu ma zhes bya'o/ /ji ltar sa bon gyi rgyu las 'bras bu thob pa ltar dge sbyong gau ta ma'ang de dang 'dra ste/ lha mdzes las btsas so/ /ma nyid kyang sgyu ma yin na/ bu'ang de ltar ga la mi 'gyur/ dge sbyong gau ta mas ni yang dag par shes pa dang mthong ba med do/ /bram ze rnams lo du mar dka' ba spyod cing tshul khrims bsrungs kyang yang dag pa'i shes pa dang mthong ba med na/ gau ta ma ni na gzhon la bslabs pa'i yun thung ste dka' ba'ang ma spyad na de la ci'i phyir yang dag pa'i shes pa dang mthong ba dag yod par 'gyur/ gal te lo bdun gyi bar du dka' ba spyod kyang mthong ba mang po med na/ lo drug kyang ma tshang ba lta ci smos/ mi blun po mi shes pa ni des bshad pa yid ches so/ /ji ltar sgyu ma mkhan chen pos mi glen pa slu ba bzhin du dge sbyong gau ta ma'ang de dang 'dra'o/ /rigs kyi bu/ de ltar ston pa drug po de dag grong khyer 'dir sems can rnams ngan par lta ba rab tu bskyed do/ /rigs kyi bu/ ngas de lta bu dag gzigs nas rab tu thugs brtse bas phyogs bcu'i byang chub sems dpa' sems dpa' chen po rnams bsdus te/ tshal 'dir dpag tshad bzhi bcur yongs su gang bar byas nas deng 'dir sed+ge'i sgra chen po sgrogs so/ /rigs kyi bu/ gnas stong par mang du bshad kyang sed+ge'i sgra bsgrags </font><hr>Kha218b<br><font size=+1>


pa zhes mi bya ste/ mkhas pa shes rab can gyi 'khor mang po'i nang du bsgrags pa ni sed+ge'i sgra chen po sgrogs pa zhes bya'o/ /de la sed+ge'i sgra sgrogs pa ni chos thams cad mi rtag pa/ sdug bsngal ba/ bdag med pa/ yongs su ma dag pa zhes mi 'chad de/ de bzhin gshegs pa rtag pa/ bde ba/ bdag dang / yongs su dag pa 'ba' zhig 'chad do/ /de nas ston pa drug gis kyang 'di skad du gau ta ma la bdag yod na bdag cag la'ang bdag yod de/ bdag ces bya ba de ni mthong ba de la bdag ces bya'o/ /gau ta ma/ dper na/ gang gis mthongs nas rdzas mthong ba bzhin du bdag kyang de dang 'dra ste/ mthong ni mig lta bu'o/ /mthong ba ni bdag lta bu'o zhes smras pa dang / bcom ldan 'das kyis ston pa drug la bka' stsal pa/ gang mthong ba de la bdag ces bya ba ni don de lta ma yin no/ /de ci'i phyir zhe na/ khyed kyis dpe bshad pa las mthongs kyis mthong bar 'gyur zhes bya ba de/ mi zhig mthong shig na lta ba na dbang po drug car spyod par 'gyur ro/ /gal te nges par bdag yod la mig gi rkyen gyis mthong ba zhig yin na/ ci ste mthongs dang 'dra bar dbang po gcig las yul drug car rtogs par ma gyur/ gal te dbang po gcig gis dus gcig tu yul drug mthong bar mi nus pas na bdag med par mthong ste/ mthongs kyi dpe ni lo brgya'i bar du bltas kyang mthong ba ni </font><hr>Kha219a<br><font size=+1>


@#/ /tha mi dad do/ /gal te mig gi dbang po'ang de lta na rgas te dbang po nyams par gyur kyang tha mi dad pa'i rigs so/ /mig dang mthongs tha dad pa'i phyir nang dang phyi rol mthong ngo / /mig gi dbang po gal te de lta na nang dang phyi rol dus gcig tu cig car mthong ba'i rigs so/ /gal te mi mthong na bdag yod ces byar rung ngam/ ston pa drug gis smras pa/ gau ta ma/ gal te bdag med na sus mthong bar 'gyur/ bcom ldan 'das kyis bka' stsal pa/ gzugs dang / snang ba dang / sems dang / mig la sogs pa bzhi 'dus pa la mthong ba zhes bya ste/ de la yang dag par na mthong ba dang len pa med do/ /sems can phyin ci log pas mthong ba dang len pa zhes smra ste/ don de lta bus na sems can thams cad ni phyin ci log tu mthong ngo / /sangs rgyas dang / byang chub sems dpa' rnams ni yang dag par gzigs so/ /ston pa drug /gal te gzugs la bdag ces smra na de'ang de lta ma yin no/ /de ci'i phyir zhe na/ gzugs ni yang dag par bdag ma yin no/ /gal te gzugs bdag yin na byad gzugs mi sdug pa med pa'i phyir na/ ci ste rigs bzhi khyad par du gyur te/ bram ze'i rigs gcig tu ma gyur/ ci'i phyir gzhan dbang zhing dbang med la/ dbang po nyams shing ma tshang bar gyur/ ci ste lha'i </font><hr>Kha219b<br><font size=+1>


lus mi len cing / sems can dmyal ba dang / byol song dang / yi dwags la sogs pa'i lus rnam pa sna tshogs len/ de ltar yid bzhin du mi 'gyur ba la bltas na gdon mi za bar bdag med par rig go /de ltar bdag med pa'i phyir mi rtag pa zhes bya'o/ /mi rtag pa'i phyir sdug bsngal ba'o/ /sdug bsngal ba'i phyir stong ba'o/ /stong ba'i phyir phyin ci log go /phyin ci log gi phyir sems can thams cad 'khor bar rab tu 'khor te/ tshor ba dang / 'du shes dang / 'du byed dang / rnam par shes pa'ang de dang 'dra'o/ /ston pa drug/ sangs rgyas bcom ldan 'das ni gzugs kyi 'ching ba yongs su bcad pa nas/ rnam par shes pa'i 'ching ba'i bar du yongs su bcad pas de'i phyir rtag pa/ bde ba/ bdag dang / yongs su dag pa zhes bya'o/ /gzhan yang gzugs kyi rten cing 'brel ba ste/ gang rten cing 'brel ba ni bdag med pa zhes bya'o/ /gang bdag med pa ni stong pa sdug bsngal ba zhes bya ste/ de bzhin gshegs pa'i sku ni rten cing 'brel te 'byung ba ma yin/ rten cing 'brel pa ma yin pas bdag yod pa zhes bya'o/ /gang bdag yod pa ni rtag pa/ bde ba/ bdag dang / yongs su dag pa zhes bya'o/ /ston pa drug gis yang gsol pa/ gau ta ma/ gzugs bdag ma yin pa nas rnam par shes pa'i bar du'ang bdag ma yin te/ bdag ces bya </font><hr>Kha220a<br><font size=+1>


@#/ /ba ni kun tu khyab pas nam mkha' stong pa dang mtshungs so/ /bcom ldan 'das kyis bka' stsal pa/ gal te kun tu khyab par yod pa zhig yin na bdag sngon ma mthong ngo / /zhes bya ba'i mi rigs so/ /gal te sngon ma mthong na mthong ba de sngar ni med la/ phyis ni yod par mngon no/ /gal te sngar med la phyis yod na de ni mi rtag pa zhes bya'o/ /gal te mi rtag na ci'i phyir kun tu khyab pa zhes bya/ ci ste kun tu khyab na lam rgyud lnga kun tu lus tshang bar yod pa'i rigs so/ /gal te de ltar lus yod na so so nas rnam par smin pa myong ba'i rigs so/ /gal te rnam par smin pa so sor myong na ci'i phyir lha dang mir 'gyur ro zhes smra/ khyod kyi kun tu khyab po zhes bya ba de gcig gam/ mang ba yin/ bdag de gal te gcig na pha dang / bu dang / gnyen dang / dgra zhes bya ba'i ming yang med do/ /bdag de gal te mang ba zhig yin na sems can thams cad kyi dbang po lnga kun mnyam la/ las dang 'bras bu'ang mnyam pa'i rigs so/ /gal te de lta bu yin na/ ci ste dbang po tshang ba dang / ma tshang ba dang / dge ba'i las dang / mi dge ba'i las dang / gti mug dang / shes rab can khyad par du bshad/ ston pa drug gis gsol pa/ gau ta ma/ sems can gyi bdag ni mtha' dang mu med kyi/ chos dang / chos ma </font><hr>Kha220b<br><font size=+1>


yin pa ni phyogs cha yod do/ /sems can chos spyod pa ni lus bzang po thob la/ chos ma yin pa spyod pa ni lus ngan pa thob ste/ don de lta bas na sems can gyi las kyi 'bras bu khyad par med pa ma yin no/ /bcom ldan 'das kyis ston pa drug la bka' stsal pa/ chos dang chos ma yin pa gal te ltar na bdag de kun tu khyab pa ma yin no/ /bdag de gal te khyad pa zhig na kun tu phyin pa'i rigs so/ /de ltar kun tu phyin na dge ba spyod pa'i mi'ang sdig pa spyod la/ sdig pa byed pa'i mi'ang dge spyod pa'i rigs so/ /gal te de ltar ma yin na ci ste kun tu khyab pa zhes bya/ ston pa drug gis gsol pa/ gau ta ma/ dper na/ khang pa gcig gi nang na me mar brgya stong btsugs kyang so so nas snang ste/ gcig gis gcig la thogs pa med pa ltar sems can gyi bdag kyang de dang 'dra ste/ dge ba spyod pa dang / sdig pa byed pa dag gcig dang gcig mi 'dres so/ /bcom ldan 'das kyis bka' stsal pa/ khyed kyis ji ltar bdag ni me mar dang 'dra'o zhes bya ba'i don de ltam yin no/ /de ci'i phyir zhe na/ me mar gyi snang ba ni rkyen las byung ba yin te/ me mar skyes na snang ba'ang skye'i/ sems can gyi bdag ni de lta ma yin no/ /snang ba ni me mar las byung ste/ gnas tha dad do/ /sems can gyi bdag ni lus las byung yang gnas tha dad pa ma yin no/ /me mar gyi snang ba ni mun pa dang lhan </font><hr>Kha221a<br><font size=+1>


@#/ /cig gnas so/ /de ci'i phyir zhe na/ ji ltar mun khang gi nang du me mar gcig btsugs na gsal bar mi 'gyur te/ me mar mang du btsugs na gsal bar 'gyur ro/ /gal te me mar snga mas mun pa bsal na/ me mar phyi ma mi dgos pa'i rigs so/ /ci ste me mar phyi ma dgos na ni snang ba snga ma de mun pa dang lhan cig gnas par mngon no/ /ston pa drug gis gsol pa/ gau ta ma/ gal te bdag med na sus dge ba dang / mi dge ba byed par 'gyur/ bcom ldan 'das kyis bka' stsal pa/ gal te bdag ces bya ba des byed na rtag pa zhes bya bar rung ngam/ de ste rtag pa yin na/ ci ste res 'ga' ni dge ba byed la/ res 'ga' ni mi dge ba byed/ gal te dge ba dang / mi dge ba byed pa'i dus yod na/ ci ste bdag ni mtha' yas zhes smra/ gal te bdag gis byed pa zhig yin na/ ci'i phyir mi dge ba'i chos spyod/ de ltar bdag de byed pa yin/ shes pa yin na ci'i phyir sems can la bdag med par the tshom skye bar 'gyur/ de lta bas na mu stegs can gyi chos la ni nges par bdag med do/ /gang bdag ces bya ba de ni de bzhin gshegs pa yin no/ /de ci'i phyir zhe na/ sku mtha' yas pa the tshom gyi dra ba med pa/ mi byed mi len pa'i phyir rtag pa zhes bya/ mi skye mi 'gog pa'i phyir bde ba zhes bya/ </font><hr>Kha221b<br><font size=+1>


nyon mongs pa'i dri ma med pa'i phyir yongs su dag pa zhes bya/ mtshan nyid bcu med pa'i phyir stong pa zhes bya ste/ de bas na de bzhin gshegs pa ni rtag pa dang / bde ba dang / bdag dang / yongs su dag pa/ stong pa/ mtshan ma med pa'o/ /mu stegs can gyis gsol pa/ gal te de bzhin gshegs pa rtag pa dang / bde ba dang / bdag dang / yongs su dag pa dang / mtshan ma med pa'i phyir stong na lta/ gau ta mas gsungs pa'i chos kyang stong pa ma yin par rig ste/ de bas na bdag cag gis spyi bos blangs te gzungs su gzung ngo zhes gsol nas/ de'i tshe mu stegs can tshad med pa rnams sangs rgyas kyis bstan pa la dad pa'i sems kyis rab tu byung ngo / /rigs kyi bu/ de'i rgyu de'i rkyen gyis ngas sA la'i shing drung 'dir seng+ge'i sgra chen po bsgrags so/ /seng+ge sgra bsgrags pa de nyid mya ngan las 'das pa zhes bya'o/ /rigs kyi bu/ shar phyogs kyi sA la'i shing zung gcig ni mi rtag pa bcom ldan nas rtag pa thob par byed pa nas/ byang phyogs kyi bar gyi shing zung gcig ni yongs su ma dag pa bcom nas yongs su dag pa thob par byed pa'o/ /rigs kyi bu/ 'di na gnas pa'i sems can dag sA la'i shing gi phyir sA la'i tshal bsrungs te/ phyi rol gyi mi rnams yal ga dang lo ma la sogs pa gcog cing gcod du mi ster ba ltar nga'ang de dang 'dra ste/ chos rnam pa </font><hr>Kha222a<br><font size=+1>


@#/ /bzhi'i phyir nga'i nye gnas rnams sangs rgyas kyi chos srung du bcug go /bzhi gang zhe na/ rtag pa dang / bde ba dang / bdag dang / yongs su dag pa'o/ /shing zung bzhi po 'di ni rgyal po bzhis bsrung ba yin te/ rgyal po bzhis nga'i chos bsrung zhing 'dzin par bya ba'i phyir nga 'dir yongs su mya ngan las 'da'o/ /rigs kyi bu/ sA la'i shing gi me tog dang 'bras bu rtag tu rgyas te/ rtag tu sems can tshad med pa snyed la phan par byed do/ /nga'ang de dang 'dra bar rtag tu nyan thos dang / rang sangs rgyas la phan pa mdzad do/ /de la me tog ni bdag gi dpe'o/ /'bras bu ni bde ba'i dpe ste/ don de lta bas na ngas sA la'i shing bar 'dir yongs su zhi ba'i ting nge 'dzin du zhugs so/ /yongs su zhi ba'i ting nge 'dzin zhes bya ba ni mya ngan las 'das pa chen po'o/ /seng+ge sgras gsol pa/ bcom ldan 'das/ bcom ldan 'das kyis ci'i slad du dpyid zla 'bring bo la mya ngan las 'da'/ rigs kyi bu/ dpyid zla 'bring po ni dpyid ces bya ste/ dpyid kyi zla ba la dngos po thams cad skye zhing rmo ba thams cad rtsa ba btsugs te/ me tog dang 'bras bu yongs su rgyas la/ chu bo thams cad 'brub cing byol song thams cad nu ma rgyas te/ de'i tshe na sems can dag rtag pa'i 'du shes mang du skye ste/ sems can gyi rtag pa'i sems gzhig </font><hr>Kha222b<br><font size=+1>


pa'i phyir chos thams cad mi rtag par bstan te/ de bzhin gshegs pa 'ba' zhig ni rtag pa mi 'gyur ba gnas par bstan to/ /rigs kyi bu/ dus drug gi nang na/ dgun stod ni thams cad bskams te kun mi dga'o/ /dbyar ni snum pas kun dga' zhing chags te/ sems can gyi 'jig rten gyi bde ba gzhig pa'i phyir rtag pa dang / bde ba dang / bdag dang / yongs su dag par bshad do/ /de bzhin gshegs pa'ang de dang 'dra ste/ 'jig rten gyi bdag dang / 'jig rten gyi bde ba gzhig pa'i phyir/ de bzhin gshegs pa yang dag pa'i bdag dang / yongs su dag pa bshad do/ /de la dpyid zla 'bring po zhes bya ba ni de bzhin gshegs pa'i chos kyi sku rnam pa gnyis kyi dpe'o/ /dgun mi dga' ba zhes bya ba ni mkhas pa shes rab can dag de bzhin gshegs pa mi rtag cing yongs su mya ngan las 'da' bar mi dga' ba'i dpe'o/ /dbyar dga' ba zhes bya ba ni mkhas pa shes rab can dag de bzhin gshegs pa rtag pa/ bde ba/ bdag dang / yongs su dag pa la mos pa'i dpe'o/ /rmo ba zhes bya ba ni sems can thams cad chos thos nas dga' bar gyur te/ bla na med pa yang dag par rdzogs pa'i byang chub tu sems kyi dge ba'i rtsa ba rnams bskrun pa'i dpe'o/ /chu bo zhes bya ba ni phyogs bcu na byang chub sems dpa' chen </font><hr>Kha223a<br><font size=+1>


@#/ /po rnams nga'i spyan sngar lhags nas mya ngan las 'das pa chen po'i mdo sde 'di 'dri zhing 'dzin pa'i dpe'o/ /byol song thams cad nu ma rgyas pa zhes bya ba ni nga'i nye gnas rnams dge ba'i rtsa ba rnams bskyed pa'i dpe'o/ /me tog ni byang chub kyi yan lag bdun gyi dpe'o/ /'bras bu ni 'bras bu bzhi'i dpe ste/ don de lta bas na nga dpyid zla 'bring po la yongs su mya ngan las 'da'o/ /seng+ge sgras gsol pa/ de bzhin gshegs pa thog ma bltams nas rab tu byung ba dang / mngon par byang chub pa dang / chos kyi 'khor lo bskor ba'i bar du kun kyang tshes brgyad dang sbyar na/ ci'i slad du mya ngan las 'das pa 'ba' zhig tshes bco lnga dang sbyar/ bcom ldan 'das kyis bka' stsal pa/ legs so/ /legs so/ /rigs kyi bu/ ji ltar tshes bco lnga la zla ba skye bri med pa ltar sangs rgyas bcom ldan 'das kyang de dang 'dra ste/ yongs su mya ngan las 'das pa la skye bri med do/ /de lta bas na tshes bco lnga la yongs su mya ngan las 'da'o/ /rigs kyi bu/ tshes bco lnga'i nub mo zla ba rgyas pa na dngos po rnam pa bcu gcig gi don du 'gyur ro/ /bcu gcig gang zhe na/ mun pa bsal ba yin/ sems can dag lam dang lam ma yin pa mthong bar byed pa yin/ sems can dag lam </font><hr>Kha223b<br><font size=+1>


log pa dang ma log pa mthong bar byed pa yin/ tsha ba'i gdung ba bsal zhing bsil ba'i bde ba thob par byed pa yin/ srin bu me khyer gyi nga rgyal gyi sems bcom pa yin/ kun shong thams cad kyi 'du shes kyi sems zhi bar byed pa yin/ /sems can dag gcan gzan khro bos 'jigs pa'i sems bsal ba yin/ /me tog ut+pa la'i kha 'byed pa yin/ pad+mo'i kha 'brub pa yin/ mgron po dag lam du 'jug pa'i sems skyed par byed pa yin/ sems can rnams 'dod pa lnga la longs spyod cing bde ba mang po la reg pa yin/ rigs kyi bu/ de bzhin gshegs pa'i zla ba nya ba'ang de dang 'dra ste/ ma rig pa'i mun pa chen po bcom pa dang / yang dag pa'i lam dang log pa'i lam ston pa dang / 'khor ba'i lam nyam nga ba mthong ba dang| mya ngan las 'das pa'i bde ba 'byed cing ston pa dang / 'dod chags dang / zhe sdang dang / gti mug gis gdungs pa spong ba dang / mu stegs can gyi ma rig pa gzhom pa dang / kun nas nyon mongs pa'i rkun po gzhom pa dang / 'jigs pa lngas bsgribs pa'i sems bsal ba dang / sems can gyi dge ba'i rtsa ba bskyed pa'i sems 'byed pa dang / sems can gyi 'dod pa lnga'i sems 'gebs pa dang / sems can rnams mya ngan las 'das pa chen po la 'jug par bskul ba dang / sems can rnam par grol ba </font><hr>Kha224a<br><font size=+1>


@#/ /spyod pa la mos par byed pa ste/ don de lta bas na tshes bco lnga la yongs su mya ngan las 'das te yang dag par na mya ngan las ma 'das so/ /nga'i nye gnas blun po ngan pa dag gis de bzhin gshegs pa yongs su mya ngan las 'das so snyam sems te/ dper na/ bud med gcig bu mang du yod pa las ma de bu dang bral te/ yul gzhan du song ba las ma log pa'i bar du bu rnams so so nas/ nga'i ma shi zin no zhes zer te/ ma ni yang dag par na ma shi'o/ /byang chub sems dpa' seng+ge sgras gsol pa/ bcom ldan 'das/ dge slong ji lta bu dag gis sA la'i shing 'di brgyan par 'gyur/ rigs kyi bu/ gal te dge slong gang mdo sde bcu gnyis gzungs su 'dzin cing klog gam/ 'don tam/ yi ge'i 'bru bcos sam/ don zab mo rtogs par gyur te/ gzhan la ston pa la thog mar yang dge/ bar du'ang dge/ tha mar yang dge zhing sems can tshad med pa snyed la phan 'dogs pa'i phyir tshangs pa'i spyod pa ston pa'i dge slong de lta bu ni sA la'i shing rab tu brgyan par 'gyur ro/ /byang chub sems dpa' seng+ge sgras gsol pa/ bcom ldan 'das/ ji ltar bdag gis bcom ldan 'das kyis gsungs pa'i don 'tshal ba ltar na/ dge slong dga' bo ni de kho na lags </font><hr>Kha224b<br><font size=+1>


so| |de ci'i slad du zhe na/ dge slong dga' bo ni mdo sde bcu gnyis gzungs su 'dzin cing 'don no/ /klog go /gzhan la'ang tshig dam pa dang / don dam pa'i byed cing ston to/ /ji ltar snod gcig nas gcig tu chu blugs pa ltar dge slong dga' bo'ang de dang 'dra ste/ sangs rgyas la ji ltar thos pa ltar gzhan la yang ston to/ /rigs kyi bu/ gal te dge slong gang lha'i mig rnam par dag pa thob pas phyogs bcu'i stong gsum gyi stong chen po'i 'jig rten gyi khams kun lag mthil du a mra'i 'bras bu bzhag pa ltar mthong ba'i dge slong de lta bu'ang sA la'i shing rab tu brgyan par 'gyur ro/ /seng+ge sgras gsol pa/ bcom ldan 'das/ gal te de lta na dge slong ma 'gags pa de kho na lags so/ /de ci'i slad du zhe na/ ma 'gags pa'i lha'i mig gis stong gsum gyi stong chen po'i 'jig rten gyi khams na lnga phung bar ma'i bar du ci mchis pa thams cad thogs pa ma mchis par gsal bar mthong ngo / /rigs kyi bu/ gal te dge slong gang 'dod pa nyung zhing chog shes la bden pa la mos shing brtson 'grus rab tu rtsom ste/ dran pa dang / ting nge 'dzin dang / shes rab sgom pa de lta bu'i dge slong yang sA la'i shing rab tu brgyan par 'gyur ro/ /seng+ge sgras gsol pa/ bcom ldan 'das/ gal te de lta na dge slong 'od srung nyid de kho na lags so/ /de </font><hr>Kha225a<br><font size=+1>


@#/ /ci'i slad du zhe na/ dge slong 'od srung ni 'dod pa nyung ba dang / chog shes pa la sogs pa'i chos shin tu sgom mo/ /rigs kyi bu/ gal te dge slong gang sems can la phan pa'i don du rnyed pa dang / grags pa'i phyir ma yin par rtsod pa med pa'i ting nge 'dzin dang / 'phags pa'i spyod pa dang / stong pa'i spyad pa spyod pa de lta bu'i dge slong yang sA la'i shing rab tu brgyan par 'gyur ro/ /seng+ge sgras gsol pa/ bcom ldan 'das/ gal te de lta na dge slong rab 'byor nyid de kho na lags so/ /de ci'i slad du zhe na/ rab 'byor ni rtsod pa med pa'i ting nge 'dzin dang / 'phags pa'i spyod pa dang / stong pa'i spyod pa spyod pa'o/ /rigs kyi bu/ gal te dge slong gang rdzu 'phrul sgom zhing yud tsam thang cig gis rdzu 'phrul dang / cho 'phrul rnam pa sna tshogs ston te/ sems gcig dang ting nge 'dzin gcig las chu dang me'i 'bras bu rnam pa gnyis ston pa'i dge slong de lta bu ni sA la'i shing rab tu brgyan par 'gyur ro/ /seng+ge sgras gsol pa/ bcom ldan 'das/ gal te de lta na dge slong maung+gal gyi bu de kho na lags so/ /de ci'i slad du zhe na/ maung+gal gyi bu rdzu 'phrul dang / cho 'phrul tshad med pa snyed ston pa la mkhas so/ /rigs kyi bu/ dge slong gang che ba'i shes rab dang / rno ba'i </font><hr>Kha225b<br><font size=+1>


shes rab dang / myur ba'i shes rab dang / rnam par grol ba'i shes rab dang / shin tu zab pa'i shes rab dang / rgya che ba'i shes rab dang / mtha' yas pa'i shes rab dang / pham pa med pa'i shes rab dang / yang dag pa'i shes rab sgom zhing shes rab kyi dbang po de lta bu dang ldan zhing / dgra dang gnyen la khyad par gyi sems med cing de bzhin gshegs pa mya ngan las 'das te/ mi rtag go zhes thos na'ang mya ngan med la/ rtag tu gnas shing mya ngan las mi 'da'o zhes thos na'ang dga' ba mi skyed pa de lta bu'i dge slong ni sA la'i shing rab tu brgya par 'gyur ro/ /seng+ge sgras gsol pa/ bcom ldan 'das/ gal te de ltar na dge slong shA ri'i bu nyid de kho na lags so/ /de ci'i slad du zhe na/ shA ri'i bu ni shes rab chen po dag dang ldan pa legs so/ /rigs kyi bu/ gal te dge slong gang sems can kun la sangs rgyas kyi rang bzhin yod de/ rdo rje lta bu'i sku mtha' dang mu med pa/ rtag pa/ bde ba| bdag dang / yongs su dag pa thob cing / lus dang sems thogs pa med de/ dbang brgyad thob bo zhes bshad pa de lta bu'i dge slong ni sA la'i shing rab tu brgyan par 'gyur ro| |seng+ge sgras gsol pa/ bcom ldan 'das/ gal te de lta na de bzhin gshegs pa 'ba' zhig ni de kho na lags so/ /de ci'i slad du zhe na/ de bzhin gshegs pa'i sku ni </font><hr>Kha226a<br><font size=+1>


@#/ /rdo rje lta bu mtha' yas mu med/ rtag pa/ bde ba/ bdag dang / yongs su dag pa'i sku ste/ sku dang thugs thogs pa ma mchis shing dbang brgyad dang ldan pa ste/ bcom ldan 'das 'ba' zhig gis sA la'i shing rab tu brgyan par 'gyur ro/ /gal te mi bzhugs na mdzes par mi 'gyur gyi/ thugs rje chen por dgongs te rab tu brgyan pa'i phyir rtag tu sA la'i tshal 'dir bzhugs par smon to/ /bcom ldan 'das kyis bka' stsal pa/ rigs kyi bu/ chos thams cad kyi ngo bo nyid ni gnas pa'i gnas med na/ khyod ci'i phyir de bzhin gshegs pa gnas par smon zhes smra/ rigs kyi bu/ gnas pa zhes bya ba ni gzugs kyi chos so/ /rgyu las skyes pa'i phyir gnas pa zhes bya ste/ rgyu dang rkyen med pa ni mi gnas pa'i gnas pa zhes bya'o/ /de bzhin gshegs pa ni gzugs kyi bcings pa thams cad bcad na ci'i phyir de bzhin gshegs pa gnas par smon zhes smra/ de dang 'dra bar tshor ba dang / 'du shes dang / 'du byed dang / rnam par shes pa'ang de bzhin du rgyas par rig par bya'o/ /rigs kyi bu/ gnas pa zhes bya ba ni nga rgyal zhes bya ste/ nga rgyal gyi phyir rnam par ma grol lo/ /rnam par ma grol ba'i phyir gnas pa zhes bya na/ nga rgyal su la yod/ gang nas 'ongs par gyur/ de lta bas na mi gnas </font><hr>Kha226b<br><font size=+1>


pa'i gnas pa zhes bya ste/ de bzhin gshegs pas nga rgyal thams cad yongs su bcad pa na ci'i phyir de bzhin gshegs pa la gnas par smon zhes smra/ gnas pa ni 'dus byas kyi chos te/ de bzhin gshegs pa ni 'dus byas kyi chos yongs su bcad pas mi gnas pa'o/ /gnas pa ni stong pa'i chos te/ de bzhin gshegs pa ni stong pa'i chos de lta bu yongs su bcad pas rtag pa dang / bde ba dang / bdag dang / yongs su dag pa thob pa yin na/ ci'i phyir de bzhin gshegs pa gnas par smon zhes smra/ gnas pa ni srid pa nyi shu rtsa lnga ste/ de bzhin gshegs pas srid pa nyi shu rtsa lnga yongs su bcad na/ ci'i phyir gnas zhes smra/ gnas pa ni bus pa ma rabs so so'i skye bo thams cad do/ /'phags pa ni song ba'ang med/ 'ongs pa'ang med/ gnas pa'ang med de/ de bzhin gshegs pas song ba dang / 'ongs pa dang / gnas pa'i mtshan nyid kyang yongs su bcad na/ ci'i phyir gnas zhes smra/ de la mi gnas pa ni sku mtha' yas pa ste/ de ltar sku mtha' yas pa la ci'i phyir de bzhin gshegs pa sA la'i tshal du gnas par smon to zhes smra/ gal te tshal 'dir gnas na mtha' yod pa'i skur 'gyur te/ ci ste mtha' yod na mi rtag par 'gyur ro/ /de bzhin gshegs pa ni rtag pa yin na/ ci'i phyir gnas zhes </font><hr>Kha227a<br><font size=+1>


@#/ /smra| de la mi gnas pa ni nam mkha' stong pa ste/ de bzhin gshegs pa'i rang bzhin ni nam mkha' stong pa dang mtshungs na/ ci'i phyir gnas zhes smra/ yang mi gnas pa zhes bya ba ni rdo rje lta bu'i ting nge 'dzin te/ rdo rje lta bu'i ting nge 'dzin ni gnas thams cad 'jig ste/ rdo rje lta bu'i ting nge 'dzin nyid de bzhin gshegs pa ni ci'i phyir gnas zhes smra/ yang mi gnas pa ni sgyu ma zhes bya ste/ de bzhin gshegs pa sgyu ma dang mtshungs na/ ci'i phyir gnas zhes smra/ yang mi gnas pa ni thog ma dang tha ma med pa ste/ de bzhin gshegs pa'i rang bzhin yang thog ma dang tha ma med na/ ci'i phyir gnas zhes smra/ yang mi gnas pa ni chos kyi dbyings mtha' yas pa ste/ chos kyi dbyings mtha' yas pa nyid de bzhin gshegs pa ni ci'i phyir gnas zhes smra/ yang mi gnas pa zhes bya ba ni dpa' bar 'gro ba'i ting nge 'dzin te/ dpa' bar 'gro ba'i ting nge 'dzin gyis chos thams cad chags pa med par shes so/ /chags pa med pa'i phyir dpa' bar 'gro ba'i ting nge 'dzin ces bya ste/ de bzhin gshegs pa'ang dpa' bar 'gro ba'i ting nge 'dzin dang ldan na/ ci'i phyir gnas zhes smra/ yang mi gnas pa ni gnas dang gnas ma yin pa'i stobs zhes bya ste/ de bzhin gshegs pa ni </font><hr>Kha227b<br><font size=+1>


gnas dang gnas ma yin pa'i stobs dang ldan na/ ci'i phyir gnas zhes smra/ yang mi gnas pa zhes bya ba ni sbyin pa'i pha rol tu phyin pa zhes bya ste/ sbyin pa'i pha rol tu phyin pa gal te gnas yod na/ tshul khrims kyi pha rol tu phyin pa nas shes rab kyi pha rol tu phyin pa'i bar du phyin par mi nus te/ de lta bas na sbyin pa'i pha rol tu phyin pa ni mi gnas pa zhes bya ste/ de bzhin gshegs pa'ang shes rab kyi pha rol tu phyin pa'i bar du mi gnas na/ ci ste de bzhin gshegs pas rtag tu sA la'i tshal na bzhugs par gsol zhes smra/ yang mi gnas pa ni dran pa nye bar bzhag pa bzhi sgom pa zhes bya ste/ de bzhin gshegs pas gal te dran pa nye bar bzhag pa bzhi la gnas na/ bla na med pa yang dag par rdzogs pa'i byang chub thob par mi nus pas mi gnas pa'i gnas pa zhes bya'o/ /yang mi gnas pa ni sems can gyi khams mtha' yas pa zhes bya ste/ de bzhin gshegs pas sems can thams cad kyi khams mtha' yas par phyin kyang mi gnas so/ /yang mi gnas pa zhes bya ba ni rten dang gnas med pa ni ci'ang med pa zhes bya/ ci'ang med pa ni mi skye ba zhes bya/ mi skye ba ni 'chi ba med pa zhes bya/ 'chi ba med pa ni mtshan ma med pa zhes bya/ mtshan ma med pa ni bcings pa med pa zhes bya/ bcings pa med pa ni chags pa med pa zhes bya/ </font><hr>Kha228a<br><font size=+1>


@#/ /chags pa med pa ni zag pa med pa zhes bya/ zag pa med pa ni dge ba'o/ /dge ba ni 'dus ma byas so/ /'dus ma byas pa ni mya ngan las 'das pa chen po/ rtag pa mya ngan las 'das pa'o/ /rtag pa ni bdag go/ bdag ni yongs su dag pa'o/ /yongs su dag pa ni bde ba zhes bya ste/ rtag pa dang / bde ba dang / bdag dang / yongs su dag pa ni de bzhin gshegs pa'o/ /rigs kyi bu/ dper na/ nam mkha' ni shar dang / lho dang / nub dang / byang dang / phyogs mtshams bzhi dang / steng dang / 'og na mi gnas te| de bzhin gshegs pa'ang de dang 'dra ste/ shar dang / lho dang / nub dang / byang dang / phyogs mtshams bzhi dang / steng dang / 'og na mi gnas so/ /rigs kyi bu/ gal te gang lus dang / ngag dang / yid mi dge bas dge ba'i 'bras bu thob ces bya ba'i gnas med do/ /lus dang / ngag dang / yid dge bas mi dge ba'i 'bras bu thob ces bya ba ni gnas kyang med do/ /gang zag ma rabs kyis sangs rgyas kyi rang bzhin mthong la/ byang chub sems dpa' sa bcu pas mi mthong zhes bya ba'i gnas kyang med do/ /log sred can dang / mtshams med pa lnga byas pa dang / shin tu rgyas pa'i mdo la skur ba dang / rtsa ba bzhi bshig pa dag gis bla na med pa yang dag par rdzogs pa'i byang chub thob ces </font><hr>Kha228b<br><font size=+1>


bya ba'i gnas med do/ /byang chub sems dpa' sa drug pa nyon mongs pa'i rgyu rkyen gyis ngan song gsum du lhung zhes bya ba'i gnas med do/ /byang chub sems dpa' sems dpa' chen po yang dag par bud med kyi lus kyis bla na med pa yang dag par rdzogs pa'i byang chub thob ces bya ba'i gnas med do/ /log sred can ni rtag la dkon mchog gsum ni mi rtag go /zhes bya ba'i gnas med de/ de bzhin gshegs pa grong khyer rtswa mchog na gnas zhes bya ba'i gnas kyang med do/ /rigs kyi bu/ de bzhin gshegs pas deng grong khyer rtswa mchog 'dir ting nge 'dzin chen po'i phug zab mor zhugs te/ sems can dag gis mi mthong ba'i phyir yongs su mya ngan las 'das so zhes zer ro/ /seng+ge sgras gsol pa/ de bzhin gshegs pa ci'i slad du ting nge 'dzin gyi phug zab mor zhugs/ bka' stsal pa/ rigs kyi bu/ sems can thams cad sgrol ba'i phyir/ dge ba'i rtsa ba ma bskyed pa bskyed pa'i phyir/ dge ba'i rtsa ba skyes pa 'phel zhing 'bogs par bya ba'i phyir/ 'bras bu dge ba ma smin pa smin par bya ba'i phyir/ smin pa bla na med pa yang dag par rdzogs pa'i byang chub la 'jug par bya ba'i phyir/ dge ba'i chos smin pa la bkur sti skye bar bya ba'i phyir/ bag med pa rnams bag med pa dang bral bar bya ba'i phyir/ 'jam dpal gzhon nu la sogs pa spos kyi bal glang chen po lta bu dang chos kyi gtam smra ba'i phyir/ </font><hr>Kha229a<br><font size=+1>


@#/ /klog pa dang / 'don pa la dga' ba dag ting nge 'dzin la rab tu mos par bya ba'i phyir/ 'phags pa'i spyod pa dang / tshangs pa'i spyod pa dang / lha'i spyod pas sems can gdul ba'i phyir/ ma 'dres pa'i chos kyi snying po zab mo la brtags pa'i phyir/ nye gnas bag med pa rnams spyod pa'i phyir/ de bzhin gshegs pa yang rtag tu zhi zhing ting nge 'dzin la dga' na/ khyed nyon mongs pa ma zad par bag med pa skyed dam/ dge slong ma rungs pa rnams ma brtags pa'i rdzas rnam pa brgyad 'chang ba dang / 'dod pa mang ba dang / chog mi shes pa la spyo pa'i phyir/ sems can dag ting nge 'dzin la sogs pa'i chos thos pa rnams la bkur sti bskyed par bya ba'i phyir/ de lta bu'i rkyen gyis ting nge 'dzin gyi phug zab mor zhugs so/ /seng+ge sgras gsol pa| bcom ldan 'das/ mtshan nyid med pa'i ting nge 'dzin ni mya ngan las 'das pa chen po zhes bgyi/ de'i slad du mya ngan las 'das pa mtshan nyid med pa zhes bgyi'am/ ci na mtshan nyid med pa zhes gdags/ bcom ldan 'das kyis bka' stsal pa/ rigs kyi bu/ mtshan nyid rnam pa bcu med pa'i phyir te/ bcu gang zhe na/ 'di lta ste/ gzugs kyi mtshan nyid dang / sgra'i mtshan nyid dang / ro'i mtshan nyid dang / dri'i mtshan nyid dang / reg bya'i mtshan nyid dang / skye ba dang / gnas pa dang / 'jigs pa'i mtshan nyid dang / skyes pa'i mtshan nyid dang / bud med </font><hr>Kha229b<br><font size=+1>


kyi mtshan nyid dang bcu ste/ de lta bu'i mtshan nyid med pa ni mtshan nyid med pa zhes bya'o/ /rigs kyi bu/ gang mtshan nyid la chags pa ni gti mug skye bar 'gyur te/ gti mug pa'i phyir sred pa skye'o/ /sred pa'i phyir 'ching ba skye'o/ /'ching ba'i phyir skye ba len to/ /skye ba'i phyir 'chi bar 'gyur ro/ /'chi ba'i phyir mi rtag pa'o/ /mtshan nyid la mi chags pa ni gti mug mi skye/ gti mug mi skye ba'i phyir sred pa med/ sred pa med pa'i phyir bcings pa med/ bcings pa med pa'i phyir skye ba mi len/ skye ba mi len pa'i phyir 'chi ba med/ 'chi ba med pa'i phyir rtag pa zhes bya'o/ /don de lta bas na mya ngan las 'das pa ni rtag pa'o/ /seng+ge sgras gsol pa/ bcom ldan 'das/ dge slong ji lta bu dag mtshan nyid rnam pa bcu po de dag gcod par 'gyur/ bcom ldan 'das kyis bka' stsal pa/ rigs kyi bu/ gal te dge slong gang / yang dang yang mtshan nyid rnam pa gsum sgom pa ni mtshan nyid rnam pa bcu gcod par 'gyur ro/ /'di lta ste/ yang dang yang ting nge 'dzin gyi mtshan nyid sgom pa dang / yang dang yang shes rab rab kyi mtshan nyid sgom pa dang / skabs skabs su yang dang yang btang snyoms kyi mtshan nyid sgom pa ste/ mtshan nyid gsum zhes bya'o/ /seng+ge sgras gsol pa/ bcom ldan 'das/ ting nge 'dzin dang / shes rab dang / btang snyoms kyi mtshan nyid ji lta bu lags/ gal te ting nge 'dzin gyi </font><hr>Kha230a<br><font size=+1>


@#/ /mtshan nyid la ting nge 'dzin zhes bgyi na lta sems can thams cad la'ang ting nge 'dzin mchis na/ ting nge 'dzin bsgom par bya'o zhes gsungs pa'ang ci 'tshal/ gal te sems yul gcig la dmigs pa nyid ting nge 'dzin zhes bgyi ste/ gal te gzhan la dmigs pa la ting nge 'dzin zhes bgyi na lta/ ting nge 'dzin du ma zhugs na thams cad mkhyen pa ma lags sam/ thams cad mkhyen pa ma lags na/ ci'i slad du ting nge 'dzin zhes bgyi/ gal te spyod pa gcig gis ting nge 'dzin thob na spyod pa gzhan ting nge 'dzin ma lags so/ /gal te ting nge 'dzin ma lags na/ thams cad mkhyen pa ma lags te/ gal te thams cad mkhyen pa ma lags na/ ci'i slad du ting nge 'dzin zhes bgyi/ de bzhin du shes rab dang / btang snyoms kyi mtshan nyid gnyis kyang de dang mtshungs so/ /bcom ldan 'das kyis bka' stsal pa/ rigs kyi bu khyod smra ba ltar yul gcig la dmigs pa la ting nge 'dzin zhes bya'i/ dmigs pa gzhan la ni ting nge 'dzin ma yin no zhes bya ba'i don de lta ma yin no/ /de ci'i phyir zhe na/ dmigs pa gzhan yang yul gcig ces bya ste/ 'du byed kyang de dang 'dra'o/ /yang 'di skad du sems can dag la thog ma nas ting nge 'dzin yod de/ bsgom mi dgos so zhes bya ba de'ang de lta ma yin no/ /de ci'i phyir zhe na/ ting nge </font><hr>Kha230b<br><font size=+1>


'dzin zhes bya ba ni dge ba'i ting nge 'dzin la bya ste/ sems can thams cad la yang dag par med na/ ci'i phyir bsgom mi dgos par 'gyur ro zhes smra/ de ltar dge ba'i ting nge 'dzin la gnas te/ chos thams cad la rtog pa ni dge ba'i shes rab kyi mtshan nyid ces bya/ ting nge 'dzin dang / shes rab kyi mtshan nyid tha dad par mi mthong ba ni btang snyoms kyi mtshan nyid ces bya'o/ /gzhan yang / rigs kyi bu/ gal te gzugs kyi mtshan nyid du 'dzin te/ gzugs rtag pa dang / mi rtag pa'i mtshan nyid du mi rtog pa ni ting nge 'dzin zhes bya'o/ /gzugs la rtag pa dang / mi rtag pa'i mtshan nyid du rtog pa ni shes rab kyi mtshan nyid ces bya'o/ /ting nge 'dzin dang / shes rab mnyam par chos thams cad la rtog pa ni btang snyoms kyi mtshan nyid ces bya'o/ /rigs kyi bu/ dper na/ shing rta bkri legs pa ni mgyogs bul ran par 'gro'o/ /mgyogs bul ran pa ni btang snyoms kyi mtshan nyid ces bya ste/ byang chub sems dpa' yang de dang 'dra bar gal te ting nge 'dzin gyi shas che na shes rab bsgom mo/ /gal te shes rab kyi shas che na ting nge 'dzin bsgom par bya'o/ /ting nge 'dzin dang / shes rab kyi shas mnyam pa ni btang snyoms zhes bya'o/ /rigs kyi bu/ byang chub sems dpa' sa bcu pa ni shes rab kyi mthu shas che la/ ting nge 'dzin gyi mthu shas chung bas sangs rgyas kyi rang bzhin gsal bar mi mthong </font><hr>Kha231a<br><font size=+1>


@#/ /ngo| |nyan thos dang rang sangs rgyas ni ting nge 'dzin gyi mthu shas che la shes rab kyi mthu shas chung bas sangs rgyas kyi rang bzhin mi mthong ngo / / sangs rgyas bcom ldan 'das rnams ni ting nge 'dzin dang / shes rab kyi shas cha mnyam pas sangs rgyas kyi rang bzhin gsal bar gzigs te/ ji ltar lag mthil du a mra'i 'bras bu bzhag pa bzhin no/ /sangs rgyas kyi rang bzhin mthong ba ni btang snyoms kyi mtshan nyid ces bya'o/ /zhi gnas zhes bya ba ni bkag pa ste/ kun nas nyon mongs pa thams cad bkag pa'i phyir ro/ /yang zhi gnas ni 'dul ba zhes bya ba ste/ dbang po mi dge ba 'dul ba'i phyir ro/ /yang zhi gnas ni zhi ba zhes bya ste/ sgo gsum zhi bar byed pa'i phyir ro/ /yang zhi gnas ni rab tu spong ba zhes bya ste/ sems can dag 'dod pa lnga rab tu spong bar byed pa'i phyir ro/ /yang zhi gnas ni sbyong ba zhes bya ste/ 'dod chags dang / zhe sdang dang / gti mug sbyong ba'i phyir ro/ /don de lta bas na ting nge 'dzin gyi mtshan nyid ces bya'o/ /lhag mthong zhes bya ba ni yang dag par mthong ba zhes kyang bya/ mngon sum du mthong ba zhes kyang bya/ mthong bar nus pa zhes kyang bya/ khyab par mthong ba zhes kyang bya/ rim gyis mthong ba zhes kyang bya/ mtshan nyid tha dad par mthong ba zhes </font><hr>Kha231b<br><font size=+1>


bya ste/ de ni shes rab ces bya'o/ /btang snyoms ni mnyam pa zhes kyang bya/ mi rtsod pa zhes kyang bya/ mi rtog pa zhes kyang bya/ mi spyod pa zhes kyang bya ste/ de ni btang snyoms zhes bya'o/ / rigs kyi bu/ zhi gnas la rnam pa gnyis te/ 'jig rten gyi dang / 'jig rten las 'das pa'o/ /yang rnam pa gnyis te/ grub pa dang / ma grub pa'o/ /de la grub pa ni sangs rgyas dang / byang chub sems dpa'o/ /ma grub pa ni nyan thos dang / rang sangs rgyas la sogs pa'o/ /yang rnam pa gsum ste/ tha ma dang / 'bring dang / rab bo/ /de la tha ma ni bus pa ma rabs rnams so| |'bring ni nyan thos dang / rang sangs rgyas rnams so/ /rab ni sangs rgyas dang / byang chub sems dpa' rnams so/ /yang rnam pa bzhi ste/ ldog pa dang / gnas pa dang / gong nas gong du 'phar ba dang / phan pa'i don byed nus pa'o/ /yang rnam pa lnga ste/ 'di ltar ye shes lnga'i ting nge 'dzin to/ /lnga gang zhe na/ zas med pa'i ting nge 'dzin dang / skyon med pa'i ting nge 'dzin dang / lus dang / yid rnam par dag pa'i sems rtse gcig pa'i ting nge 'dzin dang / rgyu dang 'bras bu gnyis ka bde ba'i ting nge 'dzin dang / rtag tu dran pa'i ting nge 'dzin to/ /yang rnam pa drug ste/ keng rus la rtog pa'i ting nge 'dzin dang / byams pa'i ting nge 'dzin dang / rten cing 'brel te 'byung ba bcu gnyis la rtog pa'i ting nge 'dzin dang / dbugs bgrang </font><hr>Kha232a<br><font size=+1>


@#/ /ba'i ting nge 'dzin dang / blos rtog pa la rjes su dran pa'i ting nge 'dzin dang / skye ba dang / 'gog pa la rtog pa'i ting nge 'dzin to/ /yang rnam pa bdun la| 'di ltar byang chub kyi yan lag bdun te/ dran pa byang chub kyi yan lag dang / chos rnam par 'byed pa byang chub kyi yan lag dang / brtson 'grus byang chub kyi yan lag dang| dga' ba byang chub kyi yan lag dang / shin tu sbyangs pa byang chub kyi yan lag dang / ting nge 'dzin byang chub kyi yan lag dang / btang snyoms byang chub kyi yan lag go |yang rnam pa bdun te/ rgyun du zhugs pa'i ting nge 'dzin dang / lan gcig phyir 'ong ba'i ting nge 'dzin dang / phyir mi ldog pa'i ting nge 'dzin dang / dgra bcom pa'i ting nge 'dzin dang / rang sangs rgyas kyi ting nge 'dzin dang / byang chub sems dpa'i ting nge 'dzin dang / de bzhin gshegs pa thams cad mkhyen pa'i ting nge 'dzin to/ /yang rnam pa brgyad de/ 'di ltar rnam par grol ba brgyad do/ /'di ltar gzugs kyis gzugs rtog pa'i rnam par grol ba'i ting nge 'dzin dang / nang gzugs kyi mtshan nyid med par phyi rol gyi gzugs la rtog pa'i rnam par grol ba'i ting nge 'dzin dang / lus kyis chud pa'i ting nge 'dzin dang / nam mkha' mtha' yas skye mched kyi rnam par grol ba'i ting nge </font><hr>Kha232b<br><font size=+1>


'dzin dang / rnam shes mtha' yas skye mched kyi rnam par grol ba'i ting nge 'dzin dang / cung zad med pa'i skye mched kyi rnam par grol ba'i ting nge 'dzin dang / 'du shes med 'du shes med min skye mched kyi rnam par grol ba'i ting nge 'dzin dang / 'gog pa zad pa'i rnam par grol ba'i ting nge 'dzin to/ /yang rnam pa dgu la mthar gyis 'jug pa dgu ste| 'di ltar bsam gtan bzhi dang / stong pa bzhi dang / 'gog pa zad pa'i ting nge 'dzin to/ /yang rnam pa bcu la/ 'di ltar rnam pa bcu ste/ thams cad sa'i ting nge 'dzin dang / thams cad chu'i ting nge 'dzin dang / thams cad me'i ting nge 'dzin dang / thams cad rlung gi ting nge 'dzin dang / thams cad sngon po'i ting nge 'dzin dang / thams cad ser po'i ting nge 'dzin dang / thams cad dmar po'i ting nge 'dzin dang / thams cad dkar po'i ting nge 'dzin dang / nam mkha' mtha' yas kyi ting nge 'dzin dang / rnam shes mtha' yas kyi ting nge 'dzin dang / cung zad med pa'i ting nge 'dzin to/ /gzhan yang grangs med pa la 'di lta ste/ sangs rgyas dang / byang chub sems dpa' rnams so/ /rigs kyi bu/ de dag ni ting nge 'dzin gyi mtshan nyid ces bya'o/ /rigs kyi bu/ shes rab la rnam pa gnyis te/ 'jig rten dang / 'jig rten las 'das pa'o/ /yang rnam pa gsum ste/ shes rab dang / lhag mthong dang / </font><hr>Kha233a<br><font size=+1>


@#/ /ye shes so/ /shes rab ces bya ba ni sems can thams cad do/ /lhag mthong zhes bya ba ni 'phags pa thams cad do/ /ye shes zhes bya ba ni sangs rgyas dang / byang chub sems dpa' rnams so/ /gzhan yang shes rab ni tha dad pa'i mtshan nyid do/ /lhag mthong ni spyi'i mtshan nyid do/ /ye shes ni mtshan nyid rnam bar bcom pa'o/ /yang rnam pa bzhi ste/ 'di ltar yang dag pa'i bden pa bzhi'o/ /rigs kyi bu/ dngos po rnam pa gsum gyi phyir zhi gnas sgom mo/ /gsum gang zhe na/ bag med pa med par bya ba dang / ye shes chen pos bkod pa dang / dbang po thob par bya ba'i phyir ro/ /gzhan yang dngos po gsum gyi phyir lhag mthong sgom ste/ gsum gang zhe na/ 'khor ba'i mi dge ba'i 'bras bu rnam par smin pa la rtog pa dang / dge ba'i rtsa ba rnams skye zhing 'phel bar bya ba dang / kun nas nyon mongs pa thams cad gzhom pa'i phyir ro// seng ge sgras gsol pa/ bcom ldan 'das/ ji ltar mdo sde las gsungs pa ltar lhag mthong gis nyon mongs pa choms par 'gyur na zhi gnas la sgom yang ci 'tshal/ bcom ldan 'das kyis bka' stsal pa/ rigs kyi bu khyod kyis lhag mthong gis nyon mongs pa choms par 'gyur ro zhes bya ba don de lta ma yin no/ /de ci'i phyir zhe na/ </font><hr>Kha233b<br><font size=+1>


shes rab yod pa'i tshe na nyon mongs pa med/ nyon mongs pa yod pa'i tshe shes rab med na/ ci'i phyir lhag mthong gis nyon mongs pa choms par 'gyur zhes smra/ rigs kyi bu/ dper na| snang ba'i tshe na mun pa med la/ mun pa'i tshe ni snang ba med de/ gang gis 'di skad du snang bas mun pa sel bar 'gyur ro zhes bya ba de lta bu'i gnas med do/ /rigs kyi bu/ shes rab ni gang yin/ nyon mongs pa ni gang yin na/ shes rab kyis nyon mongs pa sel bar 'gyur ro zhes smra/ de ltar med pas na gzhom du'ang med do/ /rigs kyi bu/ shes rab kyis nyon mongs pa gzhom par 'gyur ro zhes bya ba phyin nas bcom mam/ ma phyin par bcom/ gal te ma phyin par bcom na bus pa ma rabs so so'i skye bo rnams kyis kyang bcom pa'i rigs so/ / 'on te phyin nas bcom na skad cig ma snga mas bcom par rigs so/ /gal te skad cig ma snga mas mi choms na/ phyi mas kyang mi choms so/ /gal te snga ma phyin ma thag tu choms na/ de nyid ma phyin pa yin na/ ci'i phyir shes rab kyis gzhom par 'gyur zhes smra/ gal te phyin pa dang ma phyin pas bcom zhes smra na/ don de'ang de lta ma yin no/ /gzhan yang lhag mthong gis nyon mongs pa gzhom par 'gyur ro zhes bya ba/ 'on te gcig pus gzhom nus sam/ 'on te grogs kyis gzhom par 'gyur/ gal te gcig pus gzhom nus pa zhig </font><hr>Kha234a<br><font size=+1>


@#/ /yin na/ byang chub sems dpa' ci'i phyir 'phags pa'i lam gyi yan lag brgyad sgom par 'gyur/ gal te grogs kyis gzhom par gyur pa zhig yin na/ gcig pus gzhom pa ma yin par rig go /gal te gcig pus mi nus na grogs kyis kyang mi nus pa ni/ ji ltar long pa gcig gis gzugs mi mthong na/ long ba mang pos grogs byas kyang gzugs mi mthong ba ltar lhag mthong yang de dang 'dra'o/ /rigs kyi bu/ ji ltar sa'i rang bzhin sra ba dang / chu'i rang bzhin gsher ba dang / me'i rang bzhin dro ba dang / rlung gi rang bzhin g.yo ba'o/ /de ltar sa'i rang bzhin sra ba nas rlung gi rang bzhin g.yo ba'i bar du rgyu dang rkyen gyis byas pa ma yin te/ rang bzhin gyis de lta'o/ /ji ltar chen po bzhi'i nyon mongs pa'ang de dang 'dra ste/ rang bzhin gyis bcad pa'o/ /de ltar bcad pa yin na ci'i phyir shes rab kyis gcod par 'gyur ro zhes smra/ don de lta bas na lhag mthong gis nges par nyon mongs pa rnams gzhom mi nus so/ /rigs kyi bu/ dper na/ lan tshwa'i rang bzhin kha bas de las tha dad pa gzhan yang kha bar byed pa dang / sbrang rtsi'i rang bzhin mngar bas de las tha dad pa gzhan yang mngar bar byed pa dang / chu'i rang bzhin gsher bas de las tha dad pa gzhan yang gsher bar </font><hr>Kha234b<br><font size=+1>


byed pa ltar/ shes rab kyi mtshan nyid 'gog pa yin pas chos 'gog par byed do zhes bya ba don de lta ma yin no/ /de ci'i phyir zhe na/ gal te chos la 'gog pa med na ji ltar shes rab kyi nan gyis 'gog par bya/ lan tshwa kha bas de las tha dad pa gzhan kha bar byed pa ltar shes rab kyis 'gog pa'ang de dang 'dra ste/ chos tha dad pa 'gog pa byed do zhes bya ba'ang de lta ma yin no/ /de ci'i phyir zhe na/ shes rab kyi rang bzhin ni skad cig skad cig mar 'gog pa'o/ /gal te skad cig skad cig mar 'gog na/ ci'i phyir chos tha dad pa 'gog ba byed do zhes smra/ don de lta bas na shes rab kyi rang bzhin gyis nyon mongs pa gzhom par mi 'gyur ro/ /rigs kyi bu/ chos thams cad la 'gog pa rnam pa gnyis te/ rang bzhin gyis 'gog pa dang / mthar 'gog pa'o/ /de ltar rang bzhin gyis 'gog pa yin na/ ci'i phyir shes rab kyis 'gog par byed ces smra/ gal te shes rab kyis nyon mongs pa sreg nus te/ ji ltar mes rdzas bsregs pa bzhin no zhes smra na'ang / de'ang de lta ma yin no/ /de ci'i phyir zhe na/ mes rdzas bsregs pa ni thal ba tsam du'ang lus so/ /shes rab kyang de dang 'dran thal ba dang 'dra ba lus pa'i rigs so/ /sta res shing bcad pa'ang bcad pa'i 'phro snang ngo / /shes rab kyang de dang 'dra na bltar mngon pa ci zhig yod/ gal te shes rab kyis nyon mongs pa </font><hr>Kha235a<br><font size=+1>


@#/ /spong bar nus na lta/ nyon mongs pa de dag ji ltar mu stegs can rnams grong khyer chen po drug po rnams na med kyang grong khyer rtswa mchog na snang ba bzhin du gzhan du snang ba'i rigs te/ de ltar nyon mongs pa de gzhan na mi snang ba des na shes rab kyis spong mi nus par rig go /rigs kyi bu/ chos thams cad ni rang bzhin gyis so sor stong pa ste/ sus kyang skyed mi nus la sus kyang dgag mi nus so/ /skye ba'ang tha dad la 'gag pa'ang tha dad de/ sus kyang ma byas so/ /rigs kyi bu/ gang zhig ting nge 'dzin bsgoms na yang dag par shes pa dang / yang dag par mthong ba 'di lta bu thob ste/ don de lta bas na ngas mdo sde las/ gal te dge slong gang ting nge 'dzin sgom pa ni phung po lnga skye ba dang / 'gog pa'i mtshan nyid mthong ngo / /zhes gsungs so/ /rigs kyi bu/ gal te ting nge 'dzin ma bsgoms na 'jig rten gyi dngos po'ang mi shes na/ 'jig rten las 'das pa lta ci smos/ gal te ting nge 'dzin med na/ lam bde bar song na g.yang du ltung ngo / /sems kyis chos gzhan la dmigs kyang ngag tha dad pa smra zhing rna bas tha dad pa thos te/ sems tha dad pa'i don go'o/ /yi ge gzhan zhig bri bar bsams kyang lag pas tha dad 'dri la/ lam gzhan du 'gro ba las gom pa </font><hr>Kha235b<br><font size=+1>


gzhan du 'gro'o/ /gal te gang gis ting nge 'dzin bsgoms na phan pa'i don chen por 'gyur ba nas bla na med pa yang dag par rdzogs pa'i byang chub kyi bar du 'grub par 'gyur ro| |rigs kyi bu/ byang chub sems dpa' sems dpa' chen po chos gnyis dang ldan pas phan pa'i don chen po byed nus so/ /gnyis gang zhe na/ ting nge 'dzin dang / shes rab bo/ /rigs kyi bu/ 'di lta ste/ sra ba ni drag tu drangs na chad pa ltar byang chub sems dpa' sems dpa' chen po chos de gnyis sgom pa'ang de dang 'dra'o/ /rigs kyi bu/ ji ltar shing sra ba rtsa ba nas 'don na/ sngar bsgul te phyis dbyung na sla ba ltar byang chub sems dpa'i ting nge 'dzin dang shes rab kyang de dang 'dra ste/ sngar ting nge 'dzin gyis bsgul la/ phyis shes rab kyis dbyung ngo / /ji ltar gos 'khru ba dag sngar thal bas bkrus la/ phyis chu dwangs mas bkrus na dag par 'gyur ba ltar/ byang chub sems dpa'i shes rab dang / ting nge 'dzin yang de dang 'dra'o/ /rigs kyi bu/ ji ltar klog cing kha ton byas na/ phyis don go ba ltar/ byang chub sems dpa'i ting nge 'dzin dang shes rab kyang de dang 'dra'o/ / rigs kyi bu/ dper na/ mi dpa' bo go sngar bgos la mtshon dang chas te/ gdod g.yul ngor byung na dgra thul pa bzhin du/ byang chub sems dpa'i ting nge 'dzin dang shes rab kyang de </font><hr>Kha236a<br><font size=+1>


@#/ /dang 'dra'o/ /rigs kyi bu/ dper na/ mgar bas zhi ga'i nang du gser blugs na yid bzhin du bzhu ba ltar/ byang chub sems dpa'i ting nge 'dzin dang shes rab kyang de dang 'dra'o/ /rigs kyi bu/ dper na/ me long gsal ba'i nang du ngo'i gzugs brnyan blta ba ltar/ byang chub sems dpa'i ting nge 'dzin dang shes rab kyang de dang 'dra'o/ /rigs kyi bu/ ji ltar sngar sa gzhi bsnyams te gdod sa bon 'debs pa dang / sngar mkhan po las lung mnos te gdod don yid la byed pa bzhin du byang chub sems dpa'i ting nge 'dzin dang shes rab kyang de dang 'dra ste/ don de lta bas na byang chub sems dpa' sems dpa' chen pos chos de gnyis bsgoms na phan pa chen po thob par 'gyur ro/ /rigs kyi bu/ byang chub sems dpa' sems dpa' chen pos chos de gnyis bsgoms na dbang po lnga las su rung bar 'gyur te/ sdug bsngal mang po la bzod pa 'di lta ste/ bkres pa dang / skom pa dang / grang ba dang / tsha ba dang / brdeg pa dang / 'tshog pa dang / sbyo ba dang / gcan gzan khro bos bza' ba dang / sbrang bu mchu smyung la sogs pas bza' ba'i sdug bsngal thams cad bzod nus te/ rtag tu sems sdud cing bag byed pa dang / rnyed pa dang / grags pa'i phyir chos ma yin pa mi spyod pa dang / glo </font><hr>Kha236b<br><font size=+1>


bur gyi nyon mongs pas mi gos pa dang / ngan par lta ba thams cad kyis mi bslus pa dang / rtag tu mi dge ba'i rtog pa rnams yongs su spong ba dang / ring por mi thogs par sems can la phan ba'i don bsgrub pa'i phyir bla na med pa yang dag par rdzogs pa'i byang chub tu mngon par 'tshang rgya bar 'gyur ro// //'phags pa yongs su mya ngan las 'das pa chen po'i mdo/ bam po bzhi bcu gcig pa/ rigs kyi bu/ byang chub sems dpa' sems dpa' chen pos chos de gnyis bsgoms na phyin ci log gi rlung drag po bzhis bskul mi nus te/ ji ltar ri rab ri'i rgyal po la rlung rnam pa bzhis bus kyang bskyod mi nus pa bzhin no/ /ji ltar brgya byin gyi rgyal mtshan bskyod du med pa ltar mu stegs can gyi ston pas bskyod du med do/ /log pa'i sgyu rtsal tha dad pa rnams kyis bslu mi nus shing rtag tu bde ba mchog dam pa la longs spyod pa dang / de bzhin gshegs pas dgongs te gsungs pa'i don zab mo rtogs pa dang / bde ba la'ang dga' ba med la/ sdug bsngal la'ang mya ngan mi byed pa dang / lha dang mi thams cad kyis bsti stang dang bkur sti byed cing bstod pa dang / 'khor ba dang / 'khor ba ma yin pa gsal bar mthong ba dang / chos kyi dbyings dang / chos kyi mtshan nyid la mkhas shing lus la rtag pa dang / bde ba dang / bdag </font><hr>Kha237a<br><font size=+1>


@#/ /dang / yongs su dag pa'i chos yod par shes par 'gyur te/ de ni yongs su mya ngan las 'das pa'i bde ba zhes bya'o/ /rigs kyi bu/ ting nge 'dzin gyi mtshan nyid ni stong pa nyid kyi ting nge 'dzin zhes bya'o/ /shes rab kyi mtshan nyid ni smon pa med pa'i ting nge 'dzin zhes bya'o/ /btang snyoms kyi mtshan nyid ni mtshan ma med pa'i ting nge 'dzin zhes bya ste/ rigs kyi bu/ gal te byang chub sems dpa' sems dpa' chen po gang ting nge 'dzin gyi dus dang / shes rab kyi dus dang / btang snyoms kyi dus dang dus ma yin pa la mkhas shing shes pa ni byang chub sems dpa' sems dpa' chen po byang chub kyi lam spyod pa zhes bya'o/ /seng ge sgras gsol pa/ bcom ldan 'das/ ji ltar na byang chub sems dpa' dus dang dus ma yin pa 'tshal ba lags/ bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen pos bde ba myong ba'i rkyen gyis nga rgyal chen po skyes sam/ 'on te chos bshad pa'i rkyen gyis nga rgyal skyes sam/ brtson 'grus rtsom pa'i rkyen gyis nga rgyal skyes sam/ don shes shing 'dri ba dang lan 'debs pa la mkhas pa'i rkyen gyis nga rgyal skyes sam/ mi dge ba'i bshes gnyen dang bsnyen pa'i rkyen gyis nga rgyal skyes </font><hr>Kha237b<br><font size=+1>


sam/ nor dam pa sbyin pa byas pa'i rkyen gyis nga rgyal skyes sam/ 'jig rten na rigs chen po dang / btsun pa'i mi dag gis bkur sti byas pa'i rkyen gyis nga rgyal skyes na/ de'i tshe shes rab mi bsgom gyi/ ting nge 'dzin bsgom par rig par bya ste/ de ni byang chub sems dpa' dus dang dus ma yin pa shes pa zhes bya'o/ /gal te byang chub sems dpa' gang brtson 'grus rtsom pa las phan pa dang / bde ba'i mya ngan las 'das pa ma thob pas de ltar ma thob pa'i phyir 'gyod pa'i sems skyes sam/ dbang po rtul ba'i phyir dbang po lnga gdul mi nus sam/ nyon mongs pa'i dri ma rnams kyi lhun stug por gyur nas tshul khrims dang / 'dul ba la the tshom za zhing nyams pa na de'i tshe'i ting nge 'dzin mi bsgom gyi shes rab bsgom par bya ste/ de ni byang chub sems dpa' dus dang dus ma yin pa shes pa zhes bya'o/ /gal te byang chub sems dpa' gang ting nge 'dzin dang / shes rab kyi shas mi mnyam pa de'i tshe btang snyoms mi bsgom par rig par bya'o/ /gal te mnyam na bsgom pa zhes bya ste/ de ni byang chub sems dpa' dus dang dus ma yin pa shes pa zhes bya'o/ / rigs kyi bu/ gal te byang chub sems dpa' gang ting nge 'dzin dang shes rab bsgom pa'i tshe na nyon mongs pa skye na de'i tshe btang snyoms bsgom par mi bya ste/ mdo sde sde bcu gnyis </font><hr>Kha238a<br><font size=+1>


@#/ /klog pa dang / 'don pa dang / yi ger bris te gzhan la bstan zhing / sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / lha rjes su dran pa dang / sbyin pa rjes su dran par rig par bya ste/ de ni btang snyoms sgom pa zhes bya'o/ /rigs kyi bu/ byang chub sems dpa' chos kyi mtshan nyid gsum po de dag bsgoms na/ de'i rgyu dang rkyen gyis mtshan ma med pa'i mya ngan las 'das pa thob bo/ /seng ge sgras gsol pa/ bcom ldan 'das/ mtshan nyid bcu ma mchis pa'i slad du yongs su mya ngan las 'das pa chen po la mtshan nyid ma mchis pa zhes bgyi na'ang de'i rkyen gyis ma skyes pa dang / ma byung ba dang / 'dus ma byas pa dang / rten dang / gling dang / mgon dang / skyabs dang / rab tu bde ba dang / 'gog pa dang / mya ngan las 'das pa dang / zhi ba dang / nad kyi sdug bsngal rnams ma mchis pa dang / srid pa ma mchis pa zhes bgyi/ bcom ldan 'das kyis bka' stsal pa/ rigs kyi bu/ rgyu dang rkyen med pa'i phyir ma skyes pa zhes bya/ ma skyes pa'i phyir ma byung ba zhes bya/ las byas pa gang yang med pa'i phyir 'dus ma byas pa zhes kyang bya/ lta ba lnga la mi 'jug pa'i phyir gnas dang rten zhes bya/ 'dod pa bzhi dang bral ba'i phyir gling zhes bya/ sems can gdul </font><hr>Kha238b<br><font size=+1>


ba'i phyir mgon dang skyabs zhes bya/ nyon mongs pa'i dgra bcom pa'i phyir bde ba zhes bya/ nyon mongs pa'i mi 'gags pa'i phyir 'gog pa zhes bya/ rnam par rtog pa dang bral ba'i phyir mya ngan las 'das pa zhes bya/ 'du 'dzi spangs pa'i phyir zhi ba zhes bya/ 'chi ba yongs su bcad pa'i phyir nad med pa zhes bya/ thams cad med pa'i phyir srid pa med pa zhes bya'o/ /rigs kyi bu/ gal te byang chub sems dpa' sems dpa' chen po gang de ltar rtog pa na sangs rgyas kyi rang bzhin gsal bar mthong bar 'gyur ro/ /seng ge sgras gsol pa/ bcom ldan 'das/ byang chub sems dpa' sems dpa' chen pos chos du dang ldan na de ltar mtshan ma med pa'i mya ngan las 'das pa nas/ srid pa med pa'i bar mthong bar 'gyur/ bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen po chos bcu dang ldan na mtshan ma med pa'i mya ngan las 'das pa nas/ srid pa med pa'i bar du mthong bar 'gyur ro/ /bcu gang zhe na/ dad pa'i sems dang ldan pa yin/ ji ltar na dad pa'i sems dang ldan pa yin zhe na/ sangs rgyas dang / chos dang / dge 'dun rtag pa yin par yid ches shing phyogs bcu'i sangs rgyas rnams kyang thabs kyis mngon par ston pa dang / log sred can gyi bar du sems can thams cad la </font><hr>Kha239a<br><font size=+1>


@#/ /sangs rgyas kyi rang bzhin yod par yid ches kyi/ de bzhin gshegs pa la skye ba dang / rga ba dang / na ba dang / 'chi ba dang / dka' ba spyod pa dang / lha sbyin gyis yang dag par dge 'dun gyi dbyen byas pa dang / de bzhin gshegs pa'i sku la khrag phyung ba dang / de bzhin gshegs pa mtha' yun du mya ngan las 'das pa dang / dam pa'i chos ma lus par zad par 'gyur ro zhes bya ba la yid ches pa ma yin pa ni/ byang chub sems dpa' dad pa'i sems dang ldan pa zhes bya'o/ /tshul khrims rnam par dag pa dang ldan pa yin/ de la ji ltar na tshul khrims rnam par dag pa dang ldan pa zhe na/ rigs kyi bu/ gal te byang chub sems dpa' gang bdag nyid tshul khrims rnam par dag go zhes khas 'ches te/ bud med la mi reg mod kyi bud med mthong ba na steg gam/ rtsed mo'i tshig smra ba na byang chub sems dpa' de ni 'dod chags kyi chos dang ldan pa yin te/ de ni tshul khrims rnam par dag pa nyams shing tshangs par spyod pa'i rigs sun 'byin par byed pas tshul khrims med par byed pa ste/ de ni tshul khrims rnam par dag pa dang ldan pa zhes mi bya'o/ /gzhan yang byang chub sems dpa' gang tshul khrims rnam par dag go zhes khas 'ches te/ bud med kyi lus la mi reg cing steg pa dang </font><hr>Kha239b<br><font size=+1>


rtsed mo'i tshig mi smra mod kyi/ dben pa skyabs yod pa'i phyi rol na bud med kyi rgyan dang / phreng ba dang / do shal gyi sgra dang / skad rnam pa sna tshogs thos pa las chags pa'i sems bskyed na/ byang chub sems dpa' de'ang 'dod chags kyi chos dang ldan pa yin te/ tshul khrims rnam par dag pa nyams shing changs par spyod pa'i rigs sun 'byin par byed pas tshul khrims dme bar byed pa ste/ de'ang tshul khrims rnam par dag pa dang ldan pa zhes mi bya'o/ /gzhan yang byang chub sems dpa' gang tshul khrims rnam par dag go zhes khas 'ches te/ bu med la reg cing steg pa dang rtsed mo'i tshig kyang mi smra la/ sgra skad mi nyan mod kyi/ skyes pa dag bud med kyi phyir 'brang ba'am/ bud med dag skyes pa'i phyir 'brang ba mthong na 'dod chags skyed na byang chub sems dpa' de'ang 'dod chags kyi chos dang ldan pa yin te/ tshul khrims rnam par dag pa nyams shing tshangs par spyod pa'i rigs sun 'byin par byed pas tshul khrims dme bar byed pa ste/ de'ang tshul khrims rnam par dag pa dang ldan pa zhes mi bya'o/ /gzhan yang byang chub sems dpa' gang tshul khrims rnam par dag go zhes khas 'ches te/ bud med la'ang mi reg /steg pa dang rtsed mo'i tshig kyang mi smra/ sgra skad kyang mi nyan/ skyes pa dang bud med 'grogs </font><hr>Kha240a<br><font size=+1>


@#/ /pa la mi lta mod kyi/ mtho ris kyi lha'i 'dod pa lnga la chags shing dga' na byang chub sems dpa' de'ang 'dod chags kyi chos dang ldan pa yin te/ tshul khrims rnam par dag pa nyams shing tshangs par spyod pa'i rigs sun 'byin par byed pas tshul khrims dme bar byed pa ste/ de'ang tshul khrims rnam par dag pa dang ldan pa zhes mi bya'o/ /rigs kyi bu/ byang chub sems dpa' gang rnam par dag pa'i tshul khrims 'dzin pa ni tshul khrims kyi phyir ma yin/ tshul khrims kyi pha rol tu phyin pa'i phyir ma yin/ sems can gyi phyir ma yin/ phan pa dang bde ba'i don gyi phyir ma yin/ byang chub sems dpa'i phyir ma yin/ mya ngan las 'das pa'i phyir ma yin/ nyan thos dang / rang sangs rgyas kyi phyir ma yin gyi/ bla na med pa'i don dam pa 'ba' zhig gi phyir tshul khrims srung ba ni byang chub sems dpa' tshul khrims rnam par dag pa dang ldan pa zhes bya'o/ /dge ba'i bshes gnyen la bsten pa yin/ de la dge ba'i bshes gnyen zhes bya ba ni gang dag dad pa dang / tshul khrims dang / mang du thos pa dang / sbyin pa dang / shes rab ston cing pha rol pos spyod par 'gyur ba ni byang chub sems dpa'i dge ba'i bshes gnyen zhes bya'o/ /zhi ba la dga' ba yin/ de la zhi ba zhes bya </font><hr>Kha240b<br><font size=+1>


ba ni 'di lta ste/ lus dang sems zhi bas chos rnams kyi chos kyi dbyings zab mo rtogs pa ni zhi ba zhes bya'o/ /brtson 'grus dang ldan pa yin/ de la brtson 'grus zhes bya ba ni 'di lta ste/ sems rtse gcig tu 'phags pa'i bden pa bzhi la rtog pa ni/ gal te mgo'i thod la me 'bar yang mi gtong ba ni brtson 'grus zhes bya'o/ /dran pa nye bar bzhag pa dang ldan pa yin/ de la dran pa nye bar bzhag pa ni 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / lha rjes su dran pa dang / tshul khrims rjes su dran pa dang / sbyin pa rjes su dran pa ni dran pa nye bar bzhag pa zhes bya'o/ /ngag 'jam par smra ba yin/ de la ngag 'jam po ni 'di lta ste/ tshig bden pa dang tshig dam pa dang / sngar gsong bos smra ba dang / dus kyi tshig dang / yang dag pa'i tshig smra ba ni ngag 'jam po zhes bya'o/ /chos srung ba dang ldan pa yin/ de la chos srung ba ni 'di lta ste/ dam pa'i chos rtag tu bshad pa dang / klog pa dang / 'don pa dang / yi ger bri ba la dag zhing mos pa dang / don yid la byed pa dang / rgyal par 'byed cing ston te khong du chud par byed pa dang / gzhan yang yi ger 'dri ba dang / 'byed cing 'chad pa dang / klog cing 'don pa dang / bsngags shing bstod pa dang / don yid la byed pa mthong </font><hr>Kha241a<br><font size=+1>


@#/ /na| 'di ltar 'tsho ba'i yo byad sbyor ba ni gos dang / zas dang / mal cha dang / nad kyi rkyen sman la sogs pa 'bul ba dang / chos bsrung ba'i phyir lus dang srog mi 'das pa ni chos srung ba zhes bya'o/ /byang chub sems dpa' sems dpa' chen pos bslab pa gcig pa dang / tshul khrims gcig pa dag brel cing phongs pa mthong na gzhan las lhung bzed dang / gos kha dog bsgyur ba dang / nad g.yog byed pa dang / gos dang / zas dang / mal cha dang / gnas khang la sogs pa bslangs te sbyin pa byin na shes rab dang ldan pa yin/ de la shes rab ces bya ba ni 'di lta ste/ de bzhin gshegs pa la rtag pa dang / bde ba dang / bdag dang / yongs su dag par lta ba dang / sems can thams cad la sangs rgyas kyi rang bzhin yod par lta ba dang / chos kyi mtshan nyid gnyis su lta ste/ 'di ltar stong pa dang / stong pa ma yin pa dang / rtag pa dang / mi rtag pa dang / bde ba dang / bde ba med pa dang / bdag dang / bdag med pa dang / yongs su dag pa dang / yongs su mi dag pa dang / chos tha dad pa gcad du rung ba dang / chos tha dad pa gcod mi rung ba dang / chos tha dad pa rkyen las skye ba dang / chos tha dad pa rkyen las mthong ba dang / chos tha dad pa rkyen las 'bras bur gyur pa dang / chos tha dad pa rkyen las 'bras bur </font><hr>Kha241b<br><font size=+1>


gyur pa ma yin par rtog pa ni shes rab ldan pa zhes bya ste/ rigs kyi bu/ de ni byang chub sems dpa' chos bcu dang ldan na/ mtshan ma med pa'i mya ngan las 'das pa gsal bar mthong ba zhes bya'o/ /seng ge sgras gsol pa/ bcom ldan 'das/ ji ltar bcom ldan 'das kyis sngar tsund la bka' stsal pa/ khyod ni sangs rgyas kyi rang bzhin mthong ngo / / yongs su mya ngan las 'das pa chen po'ang thob bo/ /bla na med pa yang dag par rdzogs pa'i byang chub tu mngon par 'tshang rgya'o zhes bgyi ba'i don ni ji lta bu lags/ bcom ldan 'das/ mdo sde las gal te byol song la sbyin pa byas na rnam par smin pa brgya 'gyur thob bo/ /log sred can la sbyin pa byas na rnam par smin pa stong 'gyur thob bo/ /tshul khrims srung ba la sbyin pa byas na rnam par smin pa brgya stong snyed thob bo/ /gal te mu stegs can nyon mongs pa tshad med pa snyed bcad pa la sbyin pa byas na rnam par smin pa tshad med pa snyed thob bo/ /phyogs bzhi pa dang / 'bras bu bzhi thob pa dang / rang sangs rgyas la sbyin pa byas na rnam par smin pa tshad med pa snyed thob bo/ /phyir mi ldog pa'i byang chub sems dpa' dang / tshe gcig gis thogs pa'i byang chub sems dpa' sems dpa' chen po rnams dang / sangs rgyas bcom ldan 'das la sbyin pa byas pa'i bsod nams rnam par </font><hr>Kha242a<br><font size=+1>


@#/ /smin pa thob pa ni tshad med mtha' yas brjod du med/ bsam gyis mi khyab bo zhes gsungs te/ skyes bu tsun+das de ltar bsod nams rnam par smin pa myong bar 'gyur na rnam par smin pa de bas mi 'tshal te/ nam zhig gi dus su bla na med pa yang dag par rdzogs pa'i byang chub thob par 'gyur/ bcom ldan 'das/ yang mdo sde las gal te gang zhig gis bsam pa dag pas dge ba dang / mi dge ba'i las byas na gdon mi 'tshal bar 'bras bu rnam pa smin par 'gyur te/ da ltar gyi dus sam/ skye ba slad ma 'am/ skye ba 'di nyid kyis myong bar 'gyur ro/ /zhes gsungs na/ tsunada'ang bsam pa dag pas las dge ba bgyis pas las de ni gdon mi 'tshal bar 'bras bu myong bar 'gyur ro/ /gal te nges par 'bras bu myong bar 'gyur na/ bla na med pa yang dag par rdzogs pa'i byang chub ji ltar thob/ yang ji ltar na sangs rgyas kyi rang bzhin mthong bar 'gyur/ bcom ldan 'das/ yang mdo sde las/ nad pa dang / pha ma dang / sangs rgyas bcom ldan 'das dang rnam pa 'di gsum la sbyin pa byas na zad mi shes pa'i 'bras bu myong ngo / /zhes gsungs so/ /yang mdo sde las/ bcom ldan 'das kyis dga' bo la bka' stsal pa las sems can thams </font><hr>Kha242b<br><font size=+1>


cad 'dod pa'i khams dang / gzugs dang / gzugs med pa'i khams kyi las med na bla na med pa yang dag par rdzogs pa'i byang chub thob par 'gyur ro/ /zhes gsungs so/ / yang bcom ldan 'das kyis chos kyi tshig gi mdo las tshigs su bcad pa 'di skad ces gsungs so/ /nam mkha'i khams dang rgya mtsho dang / /ri dang brag tu song ba dang / sa phyogs gang dang gar song yang / /byas pa'i las las thar mi 'gyur/ /yang ma 'gags pas gsol pa las/ bcom ldan 'das/ bdag mngon du dran pa sngon za ma gcig gi zas kyi sbyin pa byin pas/ bskal pa brgyad khri'i bar du ngan song gsum du ltung bar ma gyur to/ /bcom ldan 'das/ za ma gcig gi zas sbyin pa byas pas kyang / rnam par smin pa'i 'bras bu de lta bu thob par gyur na/ tsund 'dis dad pa'i sems kyis sangs rgyas la sbyin pa bgyis pas sbyin pa'i pha rol tu phyin pa dang ldan par 'gyur ba lta ci smos/ bcom ldan 'das/ gal te dge ba'i 'bras bu rnam par smin pa bas par mi 'tshal na/ shin tu rgyas pa'i mdo la skur pa dang / mtshams med lnga'i kha na ma tho ba bgyis pa dang / rtsa ba bzhi nyams pa dang / log sred can gyi kha na ma tho ba ji ltar bas par 'gyur/ gal te bas par mi 'gyur na ji ltar sangs rgyas kyi rang bzhin mthong zhing bla na med pa yang dag </font><hr>Kha243a<br><font size=+1>


@#/ /par rdzogs pa'i byang chub tu mngon par 'tshang rgya bar 'gyur/ bcom ldan 'das kyis bka' stsal pa/ legs so/ /legs so/ /rigs kyi bu| skyes bu rnam pa gnyis kyis tshad med pa mtha' yas pa'i yon tan thob ste/ dpag tu med la brjod du med de/ 'khor ba'i 'od pa'ang skems shing bdud dang phyir rgol ba'ang thul te/ bdud kyi rgyal mtshan bsnyal ba dang / de bzhin gshegs pa'i bla na med pa'i chos kyi 'khor lo bskor bar 'gyur ro/ /gnyis gang zhe na/ 'dri ba la mkhas pa dang / lan 'debs pa la mkhas pa'o/ /rigs kyi bu/ sangs rgyas kyi stobs bcu'i nang na las kyi stobs mchog go /rigs kyi bu/ sems can gang las kyi rgyu khyad du gsod cing yid mi ches pa dag gdul ba'i phyir de skad ces gsungs pa yin no/ /rigs kyi bu/ byas pa'i las thams cad ni yang ba'ang yod la lci ba'ang yod do/ / yang ba dang lci ba'i las gnyis la'ang gnyis gnyis yod de/ gang zhe na/ nges pa dang / ma nges pa'o/ /rigs kyi bu/ kha cig 'di skad du mi dge ba'i las kyi 'bras bu med do| |gal te mi dge ba'i las kyi 'bras bu nges par yod na/ ci'i phyir rigs ngan dbugs 'phrog ces pa mtho ris kyi lhar skyes la sor mo'i rgyan gyis rnam par grol ba'i </font><hr>Kha243b<br><font size=+1>


'bras bu thob par gyur to/ /don de lta bas na las byas pa la nges par 'bras bu thob pa dang / nges par 'bras bu mi thob pa yod do zhes smra ba yod de/ ngan par lta ba gcad pa'i phyir mdo sde las/ las byas pa thams cad 'bras bu mi thob pa med do/ /zhes gsungs so/ /rigs kyi bu/ las lci ba las yang bar yang 'gyur la/ las yang ba las lci bar yang 'gyur te/ de'ang 'gro ba thams cad la bya ba ma yin gyi/ glen pa dang / shes rab can du bye brag dbye'o/ /de bas na las thams cad nges par 'bras bu thob pa ma yin te/ nges pa ma yin mod kyi/ mi thob pa'ang ma yin no/ /rigs kyi bu/ sems can thams cad la rnam pa gnyis te/ shes rab can dang / gti mug can no/ /de la shes rab can ni shes rab kyi stobs kyis sems can dmyal ba'i las shin tu lci ba byas pa'ang tshe 'di la yang ba tsam myong nas thar bar 'gyur ro/ /gti mug can ni tshe 'di'i las yang bas sems can dmyal ba'i las lci ba myong bar 'gyur ro/ /seng+ge sgras gsol pa/ bcom ldan 'das/ gal te de lta na tshangs par spyod pa rnam par dag pa dang / rnam par grol ba'i 'bras bu'ang mi 'chal bar 'gyur ro/ /bcom ldan 'das kyis bka' stsal pa/ rigs kyi bu/ gal te las thams cad nges par 'bras bu thob na tshangs par spyod pa dang / rnam par grol ba </font><hr>Kha244a<br><font size=+1>


@#/ /mi dgos so zhes byar rung na ma nges pa'i phyir tshangs par spyod pa dang / rnam par grol ba'i phyir 'bras bu bsgom dgos so/ /rigs kyi bu/ gal te mi dge ba'i las thams cad spangs na dge ba'i 'bras bu thob bo/ /dge ba'i las spangs na mi dge ba'i 'bras bur 'gyur ro/ /gal te las thams cad nges par 'bras bu thob na 'phags pa'i lam bsgom mi dgos pa'i rigs so/ /gal te 'phags pa'i lam ma bsgoms na rnam par grol bar mi 'gyur te/ de bas na 'phags pa rnams kyis nges pa'i las gzhig cing rnam par smin pa yang bar bya ba dang / ma nges pa'i las kyi 'bras bu rnam par smin pa med pa bya ba'i phyir lam bsgom mo/ /gal te las thams cad nges par 'bras bu thob na 'phags pa'i lam mi dgos par 'gyur te/ 'phags pa'i lam sgom pa spangs pa'i pha rol na rnam par grol ba thob pa'i gnas gzhan med do/ /rnam par grol ba ma thob par mya ngan las 'das pa thob bo zhes bya ba'ang gnas med do/ /rigs kyi bu/ gal te las thams cad nges par 'bras bu thob na tshe gcig tu dge ba'i las sha stag byas pas rtag tu bde ba myong bar 'gyur la/ tshe gcig tu mi dge ba'i las lci ba byas pa'ang rtag tu sdug bsngal chen po myong bar 'gyur ro/ /gal te las kyi 'bras bu de </font><hr>Kha244b<br><font size=+1>


lta yin na lam sgom pa'ang med/ rnam par grol ba dang / mya ngan las 'das pa'ang med de/ mi yang rtag tu mi byed pa'i rigs/ bram ze'ang rtag tu bram ze byed pa'i rigs so/ /gal te de ltar na rigs ngan pa dang / mi ngan pa med pa'i rigs te/ mi yang rtag tu mi byed par 'gyur la/ bram ze'ang rtag tu bram ze byed par 'gyur te/ chung ngu'i tshe na las byas pa'ang chung du nas myong ba'i rigs te/ tshod la bab pa dang / rgas pa'i tshe myong ba'i mi rigs so/ /rgas pa'i tshe mi dge ba byas pa dag sems can dmyal bar ltung ba'ang sems can dmyal bar skyes ma thag gi lus kyis myong ba mi rigs kyi/ rgas nas gdod myong ba'i rigs so/ /gal te rgas pa'i tshe srog ma bcad pa dag dar la bab pa'i tshe mi myong ba'i rigs te/ gal te dar la bab pa'i tshe mi myong na rgas par yang ji ltar 'gyur te/ de ni las med par ma gyur pa'i phyir ro/ /gal te las med par ma gyur na lam sgom pa dang / mya ngan las 'das pa yod par mi 'gyur ro/ /rigs kyi bu/ las la rnam pa gnyis te/ nges pa dang / ma nges pa'o/ /nges pa'i las la'ang rnam pa gnyis te/ rnam par smin pa nges pa dang / dus nges pa'o| |de la kha cig ni rnam par smin pa nges la dus ma nges pa'ang yod de/ rkyen dang phrad pa na myong bar 'gyur ro/ /kha cig ni dus gsum du myong ste/ 'di ltar da ltar myong ba dang / ma </font><hr>Kha245a<br><font size=+1>


@#/ /'ongs pa na myong ba dang / phyis myong ba'o/ /rigs kyi bu/ gal te nges pa'i sems kyis dge ba dang / mi dge ba'i las byas te/ byas nas shin tu dad pa'i sems bskyed de rab tu dga' la/ dkon mchog gsum la rtag tu mchod par shog cig ces yi dam 'cha' ba ni las nges pa'o/ /rigs kyi bu/ shes rab can gyi dge ba'i rtsa ba ni zab cing brtan te bsgul dka' bas las lci ba dag kyang yang bar 'gyur ro/ /gti mug can ni mi dge ba zab cing lhun stug pas las yang ba'ang rnam par smin pa lci bar 'gyur ro/ /don de lta bas na las thams cad ni nges pa zhes mi bya'o/ /byang chub sems dpa' sems dpa' chen po la sems can dmyal ba'i las med mod kyi/ sems can gyi phyir sems can dmyal bar skye bar smon lam 'debs so/ /rigs kyi bu/ sngon sems can tshe lo brgya thub pa na sems can gang+gA'i klung gi bye ma snyed sems can dmyal bar sdug bsngal myong ba las ngas de dag mthong nas yi dam chen po bskyed de/ sems can dmyal ba'i lus blangs so/ /byang chub sems dpa' la de'i tshe na las de lta bu dag yang dag par med mod kyi/ sems can gyi phyir sems can dmyal ba'i rnam par smin pa len to/ /nga de'i tshe sems can dmyal bar </font><hr>Kha245b<br><font size=+1>


lo tshad med pa skyed kyi bar du sdig pa can rnams la mdo sde sde bcu gnyis rgyas par 'byed cing ston te/ de dag gis thos nas mi dge ba'i rnam par smin pa bcom pas sems can dmyal ba yang stongs par byas te/ log sred can ni ma gtogs so/ /de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o/ /gzhan yang / rigs kyi bu/ bskal pa bzang po 'dir sems can tshad med pa snyed byol song gi skye gnas su skyes te/ mi dge ba'i las kyi 'bras bu myong ba las ngas de dag mthong nas yang yi dam chen po bskyed de/ sems can de dag la chos bstan cing bsgral ba'i phyir bar bar ni kha sha dang / sha ba dang / dred mo dang / phug ron dang / spre'u dang / klu dang / sbrul dang / nam mkha' lding dang / nya dang / rus sbal dang / wa dang / ri bong dang / ba lang dang / rta la sogs pa'i lus myong ngo / /rigs kyi bu/ byang chub sems dpa' sems dpa' chen po la de lta bu'i byol song gi las ngan pa med mod kyi/ yi dam chen po'i stobs kyis sems can gyi phyir lus de dag kyang len to/ /'di ni byang chub sems dpa' sems dpa' chen po da ltar dang / ma 'ongs pa dang / phyis myong \?\ ba'i mi dge ba'i las ma yin pa zhes bya'o/ /gzhan yang / rigs kyi bu/ bskal pa bzang po </font><hr>Kha246a<br><font size=+1>


@#/ /'dir sems can tshad med mtha' yas pa snyed yi dwags su skyes te/ zas su skyugs pa dang / tshil dang / sha dang / rnag dang / khrag dang / bshang gci dang / mchil ma dang / snabs za zhing / tshe'i tshad lo khri phrag tshad med pa brgya stong snyed kyi bar du skom gyi ming yang ma thos na/ mig gis mthong zhing btung ba lta ci smos/ gal te rgyang nas chu mthong ste/ drung du 'gro bar gzas na'ang phyin ma thag tu me mur dang / rnag khrag tu 'gyur ro/ /ci ste ma gyur na'ang mi mang po ral gri dang mdung thogs shing srung ste nyer mi ster ro/ /gal te char pas lus la phog na mer 'gyur te/ de ni mi dge ba'i las kyi 'bras bu rnam par smin pa'o/ /rigs kyi bu/ byang chub sems dpa' sems dpa' chen po la yang dag par mi dge ba'i las kyi 'bras bu de lta bu med mod kyi/ sems can dag rnam par grol ba thob par bya ba'i don gyi phyir yid dam chen po bskyed cing lus de lta bu dag len te/ de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o/ /rigs kyi bu/ nga bskal pa bzang po 'dir bshan pa'i khyim du skyes te/ bya dang / phag dang / ba lang dang / lug gsod cing ston gyi yo byad gtor ba dang nya rgya la sogs pa 'chang ste/ rigs ngan dag gi </font><hr>Kha246b<br><font size=+1>


khyim du skyes nas/ rkun po dang / chom po byas so/ /byang chub sems dpa' la yang dag par de lta bu'i las med mod kyi/ sems can sgrol zhing rnam par grol ba thob par bya ba'i phyir smon lam chen po'i stobs kyis de lta bu'i lus len to/ /de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong pa ma yin pa zhes bya'o/ /rigs kyi bu/ nga bskal pa bzang po 'dir yang yul gyi mtha' 'khob tu skyes te/ 'dod chags dang / zhe sdang dang / gti mug gi las mang po byas nas chos ma yin pa spyod de/ dkon mchog gsum dang / tshe phyi ma'i 'bras bu rnam par smin pa la yid mi ches shing pha ma dang / gnyen bshes dang / rgan rabs dang / bla ma la bkur sti mi byed do/ /rigs kyi bu/ byang chub sems dpa' la de'i tshe yang dag par de lta bu'i las med mod kyi/ sems can rnam par grol bar bya ba'i phyir smon lam chen po'i stobs kyis der skye bar byed de/ de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin zhes bya'o/ /rigs kyi bu/ nga bskal pa bzang po 'dir yang bud med kyi lus dang / lus ngan pa dang / 'dod chags kyi lus dang / zhe sdang gi lus dang / gti mug gi lus dang / phrag dog gi lus dang / </font><hr>Kha247a<br><font size=+1>


@#/ /'jungs pa'i lus dang / sgyu ma'i lus dang / slu ba'i lus dang / glags pa dang / bcangs pa'i lus blangs so/ /rigs kyi bu/ byang chub sems dpa' la de'i tshe na las ngan pa de lta bu med mod kyi/ sems can dag rnam par grol ba thob par bya ba'i phyir smon lam chen po'i stobs kyis der skye bar byed de/ /de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o/ /rigs kyi bu/ nga bskal pa bzang po 'dir nyung rum dang / ma ning dang / mtshan gnyis dang / mtshan gcig tu ma nges pa'i lus myong ste/ rigs kyi bu/ byang chub sems dpa' sems dpa' chen po la yang dag par na lus kyi mi dge ba'i las de lta bu med mod kyi/ sems can dgrol ba'i phyir smon lam chen po'i stobs kyis der skye bar byed de/ de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o/ /rigs kyi bu/ nga bskal pa bzang po 'dir mu stegs can gcer bu ba'i chos la yid ches te/ sbyin pa'ang med/ mchod sbyin yang med/ sbyin pa dang / mchod sbyin gyi 'bras bu'ang med/ dge ba dang / mi dge ba'i las kyang med/ dge ba dang / mi dge ba'i </font><hr>Kha247b<br><font size=+1>


las kyi 'bras bu rnam par smin pa'ang med/ da ltar gyi dus dang / ma 'ongs pa'i dus kyang med/ tshu rol dang / pha rol yang med/ 'phags pa'ang med/ sprul pa'i sku yang med/ lam dang mya ngan las 'das pa med pa'i chos la gnas par gyur to/ /rigs kyi bu/ byang chub sems dpa' la yang dag par mi dge ba'i las de lta bu med mod kyi/ sems can rnam par grol bar bya ba'i phyir smon lam chen po'i stobs kyis ngan par lta ba'i chos de la zhugs te/ de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o/ /rigs kyi bu/ ngas mngon du dran pa sngon 'das pa na lha sbyin dang / nga gnyis tshong dpon byed pa na/ so so nas tshong pa lnga brgya lnga brgya snyed yod do/ /de dag rnyed pa 'dod pa'i phyir rgya mtshor zhugs te/ nor bu rin po che len du song ba las mi dge ba'i las kyi rgyus bar du glo bur gyi rlung drag po dang phrad de/ gru zhig nas grogs po thams cad shi'o/ /de'i tshe nga dang lha sbyin gnyis srog mi gcod pa'i 'bras bu tshe ring bar gyur pas rlung gis bus nas skam sar phyin to/ /de'i tshe lha sbyin ni/ nor dang rin po che la phangs shing chags pas mya ngan chen po'i sdug bsngal gyis gdungs te/ skad chen po phyung nas ngus pa las ngas de'i tshe na lha sbyin la ma ngu zhig ces smras pa dang / lha sbyin gyis </font><hr>Kha248a<br><font size=+1>


@#/ /phyir nga la 'di skad ces smras so/ /kye| brtag par nyon cig /dper na/ mi dbul po phongs pa zhig dur khrod du song ste/ lag pas ro la bzung nas 'di skad du khyod kyis 'chi ba'i bde ba nga la byin cig /ngas khyod la dbul phongs pa'i 'tsho ba 'di sbyin no zhes smras pa las/ de nas ro de langs te 'dug nas mi dbul po de la 'di skad ces smras so/ /rigs kyi bu/ dbul phongs pa'i 'tsho ba'ang mi 'dod la/ bdag ni da ltar rab tu bde bas na 'chi ba'i bde ba las dbul phongs pa'i 'tsho ba la dga' ba med do zhes smras so/ /bdag kyang de dang 'dra ste/ 'chi ba'i bde ba'ang med la/ dbul yang dbul na ji lta mi ngur rung / ngas yang spro ba bskyed de/ khyod mya ngan ma byed cig /bdag la nor bu gnyis yod de/ rin dpag tu med kyi/ gcig khyod la sbyin no zhes smras nas gcig byin te/ yang 'di skad du gang dbang thang yod pa ni rin po che'ang thob par rung gi/ gal te dbang thang med na thob par mi 'gyur ro zhes smras so/ /nga de'i tshe na chad ngal te shing gcig gi drung na ngal gso zhing gnyid log pa las/ lha sbyin 'dod pa'i sems mched de/ nor bu gcig gi phyir ngan sems bskyed nas nga'i mig bcar te nor bu phrogs nas bros so/ /nga de'i tshe mig na bas skad phyung nas 'khun pa las/ bu mo gcig nga'i </font><hr>Kha248b<br><font size=+1>


gan du 'ongs te 'di skad du skyes bu khyod ci ste 'di ltar 'khun ces dris so/ /ngas de la rgyus nas rgyas par bshad do/ /bu mos de skad smras pa thos nas nga la khyod kyi ming ci zhes dris so| |de la nga'i ming ni bden par smra ba'o zhes byas so/ /bu mos smras pa/ khyod kyi ming bden par smra ba yin nam ma yin ji ltar rtog par 'gyur/ ngas 'di skad du yi dam bcas te/ gal te bdag lha sbyin la ngan sems yod na/ mig kyang da ltar 'di 'dra bar rtag tu long bar gyur cig /gal te med na mig kyang slar thob par shog cig ces smras ma thag tu mig kyang sda ma kho na bzhin du gyur to/ /rigs kyi bu/ 'di ni byang chub sems dpa' sems dpa' chen po da ltar gyi dus kyi 'phral du rnam par smin pa bstan pa'o/ /rigs kyi bu/ ngas mngon du dran pa sngon 'das pa'i dus na/ lho phyogs be ta la'i yul du grong khyer bu ta na zhes bya bar bram ze'i khyim du skyes te/ de'i tshe na rgyal po ka la bu zhes bya ba khro zhing gtum pa nga rgyal gyis mngon par zin pa lang tsho zhing mdangs bzang ba 'dod pa lnga la chags shing zhen te/ nga de'i tshe na sems can bsgral ba'i phyir grong khyer de'i phyi rol na rnal 'byor spyod cing 'dug pa las| de'i che na rgyal po de dbyar gyi dus me tog rgyas pa na 'khor btsun mo dang slas dang bcas te/ grong khyer gyi phyi rol tu bsrung zhing shing drung du 'dod pa lngas rtse zhing 'dug pa dang / </font><hr>Kha249a<br><font size=+1>


@#/ /bu mo slas rnams rgyal po bzhag ste rtse zhing song ba las nga'i gan du phyin te/ nga de'i tshe de dag gi 'dod pa gcad pa'i phyir chos bshad cing 'dug pa las rgyal po phyi bzhin du 'ongs te/ nga mthong bas ngan sems skyes te/ de la 'di skad ces dris so/ /khyod dgra bcom pa'i 'bras bu thob pa ma/ ngas smras pa/ ma thob bo/ /yang dris pa/ phyir mi ldog pa'i 'bras bu thob bam/ ngas smras pa/ ma thob bo/ /yang dris pa khyod 'bras bu rnam pa de gnyis ma thob na/ 'dod chags dang / nyon mongs pa dang ldan pa yin na ci ste bag med par nga'i slas rnams la rtog /ngas smras pa/ rgyal po chen po/ 'di ltar shes par gyis shig /bdag da ltar 'dod pa'i kun nas nyon mongs pa ma bcad mod kyi/ nang gi sems ni yang dag par 'dod chags med do/ /rgyal pos smras pa/ glen pa/ 'jig rten na drang srong dbugs rdub cing shing tog za ba rnams kyang gzugs bzang po mang po mthong na 'dod chags skye na/ khyod dar la bab ste/ 'dod chags ma bcad pas gzugs mang po mthong na mi chags pa lta ci smos/ ngas smras pa/ rgyal po chen po/ gzugs mthong ste mi chags pa ni dbugs dang 'bras bu za ba la rag lus pa ma yin te/ mi rtag pa dang / mi gtsang ba la sems rtse gcig tu dmigs pa'i dbang gis 'gyur ro/ /rgyal pos smras </font><hr>Kha249b<br><font size=+1>


pa| gzhan la smod cing skur pa btab na tshul khrims gtsang ba zhes byar rung ngam/ ngas smras pa/ rgyal po chen po/ gang phrag dog gi sems dang bcas pa ni skur pa 'debs pa'o/ /bdag la phrag dog gi sems med na ci'i phyir skur pa 'debs zhes bya/ rgyal pos smras pa/ btsun pa/ tshul khrims zhes bya ba ni ji lta bu/ rgyal po chen po bzod pa ni tshul khrims zhes bya'o/ / rgyal pos smras pa/ gal te bzod pa tshul khrims yin na/ khyod kyi rna ba bcad kyi/ gzod na khyod tshul khrims bsrung bar rig par 'gyur ro zhes smras nas nga'i rna ba bcad do/ /de'i tshe na nga'i mdangs kyang ma gyur to/ /rgyal po'i blon po dag de lta bu'i dngos po mthong nas rgyal po la 'di skad ces gsol to/ /rgyal po/ skyes bu dam pa 'di la ni gtse ba'i mi rigs so/ /rgyal pos blon po dag la smras pa/ 'di skyes bu dam pa yin par khyed kyis ji ltar shes/ blon po rnams kyis gsol pa/ sdug bsngal myong ba na mdangs ma gyur pas rig go /rgyal pos yang smras pa| mdangs 'gyur ram mi 'gyur ba sad dgos so zhes smras nas sna dang / rkang lag thams cad bcad do/ /de'i tshe na byang chub sems dpa' tshe rabs tshad med grangs med pa'i bar du byams pa dang snying rje bsgoms shing / sems can sdug bsngal ba la snying brtse ba'i sems bskyed pas/ de'i tshe na mgon po bzhi khros nas rdo dang / gseg ma char bzhin du phab </font><hr>Kha250a<br><font size=+1>


@#/ /bo| |rgyal po de lta bu mthong nas skrag pa'i sems skyes te/ pus mo sa la btsugs nas 'di skad ces thugs brtse ba'i slad du 'gyod tshangs gnang bar smon to zhes gsol to/ /ngas smras pa/ rgyal po chen po/ bdag gi sems la khro ba'ang med la/ 'dod chags kyang med do/ /rgyal pos smras pa/ sems la khro ba med par cis rig par bgyi/ de nas ngas 'di skad du gal te bdag yang dag par khro ba med na bdag gi lus 'di snga mkho bzhin du gyur cig ces smon lam btab nas de ma thag tu lus snga mkho bzhin du gyur to/ /'di ni byang chub sems dpa' sems dpa' chen po'i tshe 'di nyid la 'bras bu mngon du gyur pa bstan pa'o/ /rigs kyi bu/ dge ba'i las kyi 'bras bu ma 'ongs pa na rnam par smin pa phyi ma'i dus na rnam par smin pa ltar mi dge ba'i las kyang de bzhin du rig par bya'o/ /byang chub sems dpa' sems dpa' chen po bla na med pa yang dag par rdzogs pa'i byang chub thob pa na las thams cad kyi 'bras bu mngon sum du smin par 'gyur ro/ /mi dge ba'i las ngan pa mngon sum du smin pa ni rgyal po mi dge ba byas pas gnam las rdo dang gseg ma bab pa'am/ rngon pa la dred mo'i lag brdas ston pa dang / rngon pa la rin po che'i kha dog lta bu'i sha ba lag brdas ston pa las lag pa chad nas lhung ba bzhin </font><hr>Kha250b<br><font size=+1>


te/ de ni mi dge ba'i las kyi 'bras bu mngon sum du smin pa zhes bya'o/ /ma 'ongs pa na rnam par smin pa ni ji ltar log sred can gyis phas pham pa bzhi nyams pa dang / mtshams med pa lnga byas pa'o/ /phyis rnam par smin pa ni ji ltar tshul khrims can dag ma 'ongs pa'i dus na 'di lta bu'i tshul khrims yongs su dag pa'i lus thob par gyur cig /gal te sems can tshe lo brgya dang brgyad cu thub pa na/ de'i tshe 'khor los bsgyur ba'i rgyal por gyur te sems can gyi don byed par shog cig ces smon pa'o/ /rigs kyi bu/ gal te las thams cad nges par da ltar mngon sum du smin par 'gyur na/ ma 'ongs pa'i rnam par smin pa dang / phyi ma'i rnam par smin pa med par 'gyur ro/ /byang chub sems dpa' sems dpa' chen pos skyes bu chen po'i mtshan sum cu rtsa gnyis sgom pa'i las ni da ltar mngon sum du rnam par smin par mi 'gyur te/ las gang dag rnam par smin pa rnam pa gsum du mi 'gyur ba ni ma nges pa zhes bya'o/ /rigs kyi bu/ gal te gang zhig las thams cad nges par smin par yod do zhes smra na/ tshangs par spyod pa dang / rnam par grol ba dang / mya ngan las 'das pa'ang med par 'gyur te/ de ni nga'i nye gnas ma yin gyi/ bdud kyi 'khor yin par rig par bya'o/ /de la gang zhig las thams cad nges pa dang / ma nges pa yod de/ nges pa zhes bya ba ni da </font><hr>Kha251a<br><font size=+1>


@#/ /ltar gyi rnam par smin pa dang / ma 'ongs pa'i rnam par smin pa dang / phyi ma'i rnam par smin pa'o/ /ma nges pa ni rkyen dang phrad pa na myong bar 'gyur zhing / rkyen dang ma phrad na mi myong ngo zhes smra ba ni tshangs par spyod pa dang / rnam par grol ba dang / mya ngan las 'das pa yod de/ de bas na de ni nga'i nye gnas yang dag pa yin te/ bdud kyi 'khor ma yin no/ /rigs kyi bu/ sems can thams cad la ma nges pa'i las ni mang / gcig tu nges pa'i las ni nyung bas de'i phyir lam la nan tan byed pa yod do/ /lam la nan tan byed pa yod pas nges par lci ba'i las kyang yang bar 'gyur te/ ma nges pa'i las ni ma 'ongs pa'i dus su myong ba ma yin no/ /rigs kyi bu/ gang zag la rnam pa gnyis te/ gang zhe na/ ma nges pa nges par rnam par smin par byed pa dang / da ltar gyi rnam par smin pa ma 'ongs pa na rnam par smin par byed pa dang / rnam par smin pa yang pa rnam par smin pa lci bar byed pa dang / mi'i skye gnas su myong ba'i rigs pa sems can dmyal bar myong bar byed pa yin/ gcig tu nges pa ma nges par byed pa dang / ma 'ongs pa na myong ba'i rigs pa bzlog ste da ltar myong bar byed pa dang / rnam par smin pa lci ba rnam par smin pa yang bar byed pa dang / sems can dmyal ba myong ba'i rigs pa mi'i skye gnas su myong bar byed pa yin no/ /gang </font><hr>Kha251b<br><font size=+1>


zag rnam pa de gnyis la gcig ni gti mug can/ gcig ni shes rab can te/ shes rab can ni yang bar byed/ gti mug can ni lci bar byed do/ /rigs kyi bu/ dper na/ mi gnyis shig rgyal po'i khrims dang 'gal ba byas na/ gang rtsa lag che ba ni nyes pha cher byas kyang chung bar 'gyur la/ gang rtsa lag chung ba ni chung ba'i rigs pa yang che bar 'gyur te/ gti mug can dang shes rab can yang de dang 'dra par shes rab can la dge ba'i las mang bas lci ba'ang yang bar 'gyur gyi/ gti mug can ni las dge ba nyung bas yang ba'ang lci bar 'gyur ro/ /rigs kyi bu/ dper na/ mi gnyis shig gcig ni tsho la nyam rtsal che'o/ /gcig ni ring la nyam rtsal chung ste/ gnyis ka 'dam du lhung na/ gang nyam rtsal che ba ni phyir 'byung gi /gang nyam rtsal chung ba ni nub bo/ /rigs kyi bu/ dper na/ dug 'thungs pa'i mi gnyis shig gcig la ni sngags kyi mthu dang sman a gas Tha yod do/ /gcig la ni med de/ gang sngags dang sman yod pa la ni dug gis mi tshugs so/ /gang sngags dang sman med pa ni 'thungs ma thag tu shi'o/ /rigs kyi bu/ dper na/ mi gnyis shig skom mang du 'thungs na/ gcig la ni me'i mthu che'o// gcig la ni me'i mthu chung ste/ me'i mthu che ba ni zhu bar nus so/ /me'i mthu chung ba ni nang du gyur to/ /rigs kyi bu/ dper na/ mi gnyis shig rgyal pos btson du bzung na/ gcig ni thabs mkhas pa'i shes </font><hr>Kha252a<br><font size=+1>


@#/ /rab dang ldan/ gcig ni glen zhing ngan no/ /gang thabs mkhas pa'i shes rab dang ldan pa ni de ma thag tu thar bar 'gyur ro/ /glen zhing ngan pa ni thar pa'i dus med do| |rigs kyi bu/ dper na/ lam nyam nga bar 'gro ba'i mi gnyis shig gcig ni mig dang ldan no/ /gcig ni dmus long ste/ mig dang ldan pas ni bde bar thar gyi/ dmus long ni g.yang sar lhung ngo / /rigs kyi bu/ dper na/ chang 'thungs pa'i mi gnyis shig gcig ni kha zas mang du zos so/ /gcig ni kha zas nyung du zos te/ gang nyung du zos pa ni 'thungs kyang gnod pa med kyi/ gang kha zas mang du zos pa ni 'thungs nas nad du gyur to/ /rigs kyi bu/ dper na/ g.yul ngor phyin pa'i mi gnyis shig gcig ni go mtshon dang ldan no/ /gcig la ni ci'ang med de/ gang go mtshon dang ldan pa ni dgra thul bar 'gyur gyi/ ci'ang med pa ni bdag kyang mi thar to/ /yang mi gnyis shig mi gtsang bas gos la reg pa las/ gcig gis ni tshor ma thag tu bkrus so/ /gcig gis ni tshor yang ma bkrus na/ gang bkrus pa ni gos gtsang ngo / /ma bkrus pa ni mi gtsang ba phyi phyir che bar gyur to/ /yang mi gnyis shig gnyis ka shing rta la zhon na/ gcig la ni srog shing yod do/ /gcig la ni srog shing med de/ gang srog shing yod pa ni yid bzhin du 'gro'o/ /gang srog shing med pa ni gnas nas phyir mi </font><hr>Kha252b<br><font size=+1>


'pho'o/ /yang mi gnyis shig dbye dgon par song na/ gcig la ni rgyags tshogs yod do/ /gcig la ni rgyags tshogs med de/ gang rgyags dang ldan pa ni dbye las brgal to/ /stong par song ba ni brgal mi nus so/ /yang mi gnyis shig chom pos bcom na/ gcig la ni rin po che'i gter yod do/ /gcig la ni gter med de/ gang rin po che'i gter yod pa ni bcom yang mya ngan gyi sems med kyi/ gang gter med pa ni mya ngan gyis gdungs par gyur to/ /gti mug can dang / shes rab can yang de dang 'dra ste/ gang dge ba'i gter yod pa ni las lci ba'ang yang ba tsam gyis myong bar byed kyi/ gang dge ba'i gter med pa ni las yang ba'ang lci bar myong bar byed do/ /byang chub sems dpa' seng+ge sgras gsol pa/ bcom ldan 'das/ ji ltar bcom ldan 'das kyis gsungs pa ltar/ las thams cad nges par 'bras bu thob par 'gyur ba'ang ma lags la/ sems can thams cad kyis nges par myong bar 'gyur ba'ang ma lags so zhes gsungs na/ ci'i slad du bcom ldan 'das kyis sems can gyi da ltar gyi rnam par smin pa yang ba dag sems can dmyal ba'i lci ba myong zhing sems can dmyal ba'i rnam par smin pa lci ba dag kyang da ltar gyi tshe la yang bar myong bar 'gyur ro zhes gsungs/ bcom ldan 'das kyis bka' stsal pa/ sems can thams cad la rnam pa </font><hr>Kha253a<br><font size=+1>


@#/ /gnyis te/ mkhas pa shes rab can dang / glen pa gti mug can no/ /gang lus dang / tshul khrims dang / sems dang / shes rab sgom pa ni shes rab can no/ /gang lus dang / tshul khrims dang / sems dang / shes rab mi sgom pa ni gti mug can zhes bya'o/ /de la ji ltar na lus mi sgom zhe na/ gang dbang po lnga mi sdud pa ni lus mi sgom pa'o/ /tshul khrims yongs su dag pa bdun mi 'dzin pa ni tshul khrims mi sgom pa'o/ /sems ma dul ba ni sems mi sgom pa'o/ /'phags pa'i spyad pa mi spyod pa ni shes rab mi sgom pa'o/ /gzhan yang lus mi sgom pa ni rnam par dag pa'i tshul khrims kyi ngo bo nyid dang mi ldan pa'o/ /tshul khrims mi sgom pa ni ma brtags pa'i rdzas rnam pa brgyad 'chang pa'o/ /sems mi sgom pa ni mtshan nyid rnam pa gsum sgom mi nus pa'o/ /shes rab mi sgom pa ni tshangs par spyad pa mi spyod pa'o/ /gzhan yang lus mi sgom pa ni lus la mi rtog gzugs la mi rtog /gzugs kyi mtshan nyid la mi rtog /lus kyi mtshan nyid la mi rtog /lus las byung ba mi shes/ lus 'di nas pha rol tu 'gro bar mi shes/ lus ma yin pa la lus kyi mtshan mar 'dzin cing / gzugs ma yin pa la gzugs kyi mtshan mar bzung nas bdag dang / lus dang / lus las byung ba la chags pa ni lus mi sgom pa zhes </font><hr>Kha253b<br><font size=+1>


bya'o/ /tshul khrims mi sgom pa ni gang tshul khrims ngan pa len pa ni tshul khrims sgom pa zhes mi bya/ mtha' 'khob kyi tshul khrims dang / bdag la phan pa'i tshul khrims dang / bdag 'dul ba'i tshul khrims 'dzin cing / sems can thams cad la bde bar byed pa ma yin/ bla na med pa'i dam pa'i chos bsrung ba'i phyir ni ma yin gyi/ mtho ris kyi lhar skye zhing 'dod pa lnga'i bde ba myong bar 'dod pa'i phyir 'dzin pa ni tshul khrims sgom pa zhes mi bya'o/ /sems mi sgom pa ni sems 'khrugs shing g.yengs pa na rtse gcig tu bdag gi spyod yul srung mi nus pa'o/ /bdag gi spyod yul zhes bya ba ni 'di ltar dran pa nye bar bzhag pa bzhi'o/ /bdag gi spyod yul ma yin pa ni 'di ltar 'dod pa lnga'o/ /gang dran pa nye bar bzhag pa bzhi bsgom mi nus pa ni sems bsgom pa zhes mi bya'o/ /gang mi dge ba'i las la sems mi srung ba ni shes rab sgom pa zhes mi bya'o/ /gzhan yang lus mi sgom pa ni lus 'di mi rtag pa/ mi gnas pa/ mi brtan pa/ skad cig skad cig mar zhig cing 'gog pa bdud kyi spyod yul yin par rab tu rtog mi nus pa'o/ /tshul khrims mi sgom pa ni tshul khrims kyi pha rol tu phyin pa dang mi ldan pa'o/ /sems mi sgom pa ni bsam gtan gyi pha rol tu phyin pa dang mi ldan pa'o/ /shes rab mi sgom pa ni shes rab kyi pha rol tu phyin pa dang mi ldan pa'o/ /gzhan </font><hr>Kha254a<br><font size=+1>


@#/ /yang lus mi sgom pa ni bdag gi lus dang / bdag gi pha'i lus dang / bdag gi lus rtag pa mi 'gyur ba'o zhes chags pa'o/ /tshul khrims mi sgom pa ni bdag gi lus kyi phyir mi dge ba bcu'i las byed pa'o/ /sems mi sgom pa ni mi dge ba'i las las sems sdud mi nus pa'o/ /shes rab mi sgom pa ni sems mi sdud pas dge ba dang / mi dge ba'i chos rnam par 'byed mi nus pa'o/ /gzhan yang lus mi sgom pa ni bdag tu lta ba mi gcod pa'o/ /tshul khrims mi sgom pa ni tshul khrims snyems pa mi gcod pa'o/ /sems mi sgom pa ni 'dod chags dang zhe sdang gi las byed cing sems can dmyal bar 'gro ba'o/ /gzhan yang lus mi sgom pa ni yul rtog par mi nus te/ nyes pa med kyang rtag tu dgrar 'dzin pa'o/ /rigs kyi bu/ dper na/ skyes bu zhig la dgra zhig rtag tu 'brang zhing skabs tshol na/ shes rab can gyis tshor nas sems rtse gcig tu rtag tu bag byed do/ /gal te bag ma byas na dgras 'tshe bar 'gyur ba ltar sems can thams cad kyi lus kyang de dang 'dra bar rtag tu skom dang zas grang dro mnyam par rim gro byed do/ /gal te de ltar rim gro dang bag ma byas na zhig cing 'gyes par 'gyur ro/ /rigs kyi bu/ ji ltar me lha brjed pa'i bram ze rtag tu sbos dang me tog 'bul zhing bsngags </font><hr>Kha254b<br><font size=+1>


bstod de/ phyag 'tshal pa dang / mchod pa dang / rim gro lo brgya'i bar du byas kyang / gal te thang cig reg na lag pa 'tshig par 'gyur ro/ /me de la de ltar mchod pa byas mod kyi/ skad cig yud tsam yang mchod pa'i drin la lan glan pa med pa ltar sems can thams cad kyang de dang 'dra ste/ lo mang po'i bar du spos dang / me tog dang / phreng ba dang / gos dang / zas dang / mal cha dang / nang kyi rkyen sman gyis rab tu gsos mod kyi/ gal te nang dang phyi rol gyi mi dge ba'i rgyu rnams dang phrad na 'jig cing 'gog par 'gyur te/ sngon gos dang zas kyi gso ba'i drin cung zad kyang mi sems so/ /rigs kyi bu/ dper na/ rgyal po zhig sbrul gdug pa bzhi gso ste/ snod gcig gi nang du bcug nas mi gcig 'tshor 'jug go /sprul gdug pa de bzhi las gang yang rung ba gcig zhe sngar skyes na mi gsod par 'gyur te/ mi des 'jigs nas rtag tu zas tshol zhing dus su snyod do/ /sems can thams cad kyi chen po bzhi'i sbrul gdug pa'ang de dang 'dra ste/ gal te chen po bzhi las gcig zhe sdang skyes na lus 'jig par 'gyur ro/ /rigs kyi bu/ dper na/ mi zhig nang kyis btab na/ sems thag pa nas sman dang sman pa tshol te/ nang gso ba'i cho ga byed do/ /gal te 'grus bar ma gsos na gdon mi za bar 'chi'o/ /sems can thams cad </font><hr>Kha255a<br><font size=+1>


@#/ /kyi lus kyang de dang 'dra ste/ rtag tu sems sdud pa la bag med par mi bya'o/ /gal te bag med par byas na 'jig cing 'gog par 'gyur ro/ /rigs kyi bu/ dper na/ rdza ma so ma btang ba ni rlung dang / char pa dang / brdeg pa dang / 'dor ba dang / mnan pa mi bzod de/ sems can thams cad kyi lus kyang de dang 'dra bar bkres pa dang / skom pa dang / grang ba dang / tsha ba dang / rlung dang / char pa dang / brdeg pa dang / 'ching ba dang / spyo mi bzod do/ /rigs kyi bu/ dper na/ thor bu skrangs na rtag tu bag byed de/ reg tu mi ster ro/ /gal te reg pa zhig tu gyur na na ba'i sdug bsngal chen por 'gyur te/ sems can thams cad kyi lus kyang de dang 'dra'o/ /rigs kyi bu/ dper na/ dre'u sbrums na bdag gi lus med par byed de/ sems can thams cad kyi lus kyang de 'dra bar khong na rlung nad dang bad kan gyi nad yod na sdug bsngal myong bar 'gyur ro/ /rigs kyi bu/ dper na/ chu shing la 'bras bu chags na de ma thag tu bskam ste/ sems can thams cad kyi lus kyang de dang 'dra'o/ /rigs kyi bu/ dper na/ chu shing snying po med pa ltar sems can thams cad kyi lus kyang de dang 'dra'o/ /rigs kyi bu/ dper na/ sprul dang / sre mo ni rtag tu gcig la gcig gnod sems skyed pa ltar sems can gyi chen po bzhi'ang </font><hr>Kha255b<br><font size=+1>


de dang 'dra'o/ /rigs kyi bu/ dper na/ ngang pa'i rgyal po ni dur khrod la mi dga' ba ltar byang chub sems dpa' yang de dang 'dra ste/ lus kyi dur khrod la mi chags mi mos so/ /rigs kyi bu/ dper na/ rigs ngan dag rabs bdun gyi bar du rigs ngan gyi las byed na thams cad kyis smad par 'gyur ba ltar lus kyi sa bon yang de dang 'dra ste/ sa bon khu ba dang khrag las gyur pas mthar mi gtsang ngo / /de ltar mi gtsang ba'i phyir sangs rgyas dang / byang chub sems dpa' rnams kyis yongs su smod do/ /rigs kyi bu/ lus 'di ni ri ma la ya dang mi mtshungs te/ tsan+dan dang / me tog ut+pal dang / puN+Da ri ka dang / tsam pa ka dang / ma li ka dang / pa ri sha ka mi skye ste/ bu ga dgu nas rtag tu khrag dang / rnag dang / mi gtsang ba zag ste/ mnam pa dme ba'i gnas su skyes te/ mi sdug pa skyo bar rung ba rtag tu srin bu rnams dang lhan cig gnas pa'o/ /rigs kyi bu/ dper na/ 'jig rten na skyed mos tshal gyi ra ba dam pa gtsang mar mi ro bzhag na de gtsang bar mi 'gyur te/ mang po kun gyis spangs nas chags pa'i sems mi skye ba ltar/ gzugs kyi khams kyang de dang 'dra ste/ gtsang la bzang mod kyi lus yod pa'i phyir sangs rgyas dang / byang chub sems dpa' rnams kyis yongs su spong ngo / /rigs kyi bu/ gang de ltar rtog mi nus pa ni lus sgom pa </font><hr>Kha256a<br><font size=+1>


@#/ /zhes mi bya'o/ /de la tshul khrims mi sgom pa ni/ rigs kyi bu/ gang gis tshul khrims 'di ni dge ba'i chos thams cad kyi skas kyi them pa'o/ /dge ba'i chos thams cad kyi rtsa ba ste/ ji ltar sa chen po ni shing dang nags tshal thams cad kyi skye ba'i gnas dang mtshungs so/ /dge ba'i rtsa ba thams cad kyi thog mar 'gro ba ste/ ji ltar tshong dpon tshong pa thams cad kyi thog mar 'gro ba dang mtshungs so/ /tshul khrims ni dge ba'i chos thams cad kyi rgyal mtshan yin te/ ji ltar brgya byin gyi rgyal mtshan bsgreng ba bzhin no| |tshul khrims kyis mi dge ba'i las thams cad dang / ngan song gsum gyi las yun du gcod pa'o/ /mi dge ba'i nad gso ba ste/ ji ltar sman gyi sdong po bzhin no/ /tshul khrims ni 'khor ba'i lam nyam nga ba'i rgyags tshogs lta bu'o/ /tshul khrims ni nyon mongs pa'i dgra gzhom pa'i go mtshon no/ /tshul khrims ni nyon mongs pa'i sbrul gdug pa med par byed pa'i rig sngags so/ /tshul khrims ni mi dge ba'i las spyod pa las sgrol ba'i zam pa lta bur rtog mi nus pa ni tshul khrims sgom pa zhes mi bya'o/ /de la sems mi sgom ba ni sems g.yeng ba dang / 'phyar ba dang / 'gyur ba dang / gzung dka' ba dang / gdul dka' ba ste/ kun tu rgyu la ji ltar bal glang ma rungs pa bzhin no/ /skad cig skad cig </font><hr>Kha256b<br><font size=+1>


mar myur te/ glog gi 'od dang mtshungs so/ /sems ni rgod cing mi gnas te/ spre'u dang mtshungs so/ /sems ni sgyu ma smig rgyu dang mtshungs te/ mi dge ba thams cad kyi rtsa ba'o/ /'dod pa lnga ni chog dka' ste/ me dang shing bu phrad pa dang mtshungs so/ /sems ni rgya mtsho dang mtshungs te/ 'bab chu thams cad shong pa'o/ /sems ni ri ma dang mtshungs te/ rtswa shing mang po skye ba'i gnas lta bur rtog mi nus shing 'khor ba yang dag pa ma yin pa slu ba la chags pas gnod par 'gyur te/ ji ltar nya dag mchil pas zin pa bzhin no/ /rtag tu thog mar 'gro ba'i rjes su las 'brang ba ni ji ltar nya mo thog mar song na bu rnams phyi bzhin du 'brang ba bzhin no/ /'dod pa lnga la chags nas mya ngan las 'das pa la mi mos pa ni ji ltar rnga mos sbrang rtsi zos na shi ba la thug gi bar du'ang rtswa la mi lta'o/ /da ltar bde ba la chags shing phyi ma'i nyes pa la mi rtog ste/ ji ltar ba lang ljang bu la chags pa dbyug pas brdegs kyang mi 'jigs pa dang / srid pa nyi shu rtsa lngar kun tu 'khor zhing rgyug pa ni ji ltar rlung drag pos shing bal 'bud pa bzhin no/ /tshol bar mi rigs pa tshol ba la chog mi shes pa ni ji ltar blun po glen pa dag mi tsha ba'i me tshol ba bzhin no/ /rtag tu 'khor ba la dga' zhing rnam par grol ba la mi dga' ba ni ji ltar srin bu 'ji ba zhes bya ba shing 'ji ba la chags </font><hr>Kha257a<br><font size=+1>


@#/ /pa bzhin no/ /bslad cing 'khor ba'i mnam po la sred cing chags pa ni ji ltar btson dag btson dpon gyi bu mo la dga' ba'am phag mi gtsang ba la chags pa bzhin te/ gang gis de ltar rtog mi nus pa ni sems mi sgom pa zhes bya'o/ /de la shes rab mi sgom pa ni bya nam mkha' lding lta bu'i mthu stobs chen pos las ngan pa thams cad 'joms pa dang / nyi ma'i 'od ltar ma rig pa'i mun pa gzhom pa dang / phung po'i shing gi rtsa ba rtse nas 'don pa ni ji ltar klung drag pos g.yeng ba lta bu dang / log par lta ba sreg pa ni me mar mur dang 'dra ba'i mthu stobs yod par mi rtog pa dang / shes rab ni dge ba'i chos thams cad kyi rtsa ba yin te/ sangs rgyas dang byang chub sems dpa' rnams kyi yum dang sa pon yin par rtog mi nus pa ni shes rab sgom pa zhes mi bya'o/ /rigs kyi bu/ don dam pa la gal te lus dang / lus kyi mtshan nyid dang / lus kyi rgyu dang / lus kyi 'bras bu dang / lus kyi phung po dang / lus gcig pa dang / lus gnyis pa dang / lus 'di dang / lus pha rol dang / lus 'gog pa dang / lus mnyam pa dang / lus kyis lus bsgom par lta ba ni lus sgom pa zhes mi bya'o/ /rigs kyi bu/ gang tshul khrims dang / tshul khrims kyi mtshan nyid dang / tshul khrims kyi rgyu dang / tshul </font><hr>Kha257b<br><font size=+1>


khrims kyi 'bras bu dang / tshul khrims rab dang / 'bring dang / tshul khrims tha ma dang / tshul khrims kyi tshogs dang / tshul khrims gcig pa dang / tshul khrims gnyis pa dang / tshul khrims 'di dang / tshul khrims pha rol dang / tshul khrims 'gog pa dang / tshul khrims mnyam pa dang / tshul khrims kyis tshul khrims sgom pa dang / tshul khrims kyi pha rol tu phyin par lta ba ni tshul khrims sgom pa zhes mi bya'o/ /gang gis sems dang / sems kyi mtshan nyid dang / sems kyi rgyu dang / sems kyi 'bras bu dang / sems kyi tshogs dang / sems dang / sems las byung ba dang / sems gcig pa dang / sems gnyis pa dang / sems 'di dang / sems pha rol dang / sems 'gog pa dang / sems mnyam pa dang / sems kyis sems sgom pa dang / sems rab dang / sems 'bring dang / tha ma dang / mi dge ba'i sems dang / mi dge ba'i sems su lta na de ni sems sgom pa zhes mi bya'o// // 'phags pa yongs su mya ngan las 'das pa chen po'i mdo/ bam po bzhi bcu gnyis pa/ rigs kyi bu/ gang shes rab dang / shes rab kyi mtshan nyid dang / shes rab kyi rgyu dang / shes rab kyi 'bras bu dang / shes rab kyi tshogs dang / shes rab gcig pa dang / shes rab gnyis pa dang / shes rab 'di dang / shes rab pha rol dang / shes rab 'gog </font><hr>Kha258a<br><font size=+1>


@#/ /pa dang / shes rab mnyam pa dang / shes rab rab dang / 'bring dang / tha ma dang / shes rab rtul ba dang / shes rab rno ba dang / shes rab kyis shes rab bsgom par lta ba ni shes rab bsgom pa zhes mi bya'o/ /rigs kyi bu/ gang gis lus dang / tshul khrims dang / sems dang / shes rab mi sgom pa de ni mi dge ba'i las chung dus kyang mi dge ba'i rnam par smin pa chen por 'gyur te/ 'di ltar 'jigs pa'i phyir rtag tu 'di snyam du bdag sems can dmyal bar gtogs pas sems can dmyal ba'i spyad pa spyod do snyam sems te/ mkhas pa shes rab can gyis sems can dmyal ba'i sdug bsngal bstan pa thos kyang rtag par 'di snyam du ji ltar lcags kyis lcags brdung ba dang / rdos rdo brdeg pa dang / shing gis shing brdeg pa dang / me'i srin bu me la dga' ba bzhin du sems can dmyal ba'i lus kyang sems can dmyal ba dang mtshungs te/ de ltar sems can dmyal ba dang mtshungs na sdug bsngal gyis dngos po ci zhig yod ces sems so/ /dper na/ sbrang bu ngar snabs la 'byar te 'byung mi nus pa ltar de'ang de dang 'dra ste/ kha na ma tho ba chung ngu las 'byung mi nus shing thog ma nas 'gyod pa'i sems med de/ dge ba spyod mi nus shing skyon bcabs pas </font><hr>Kha258b<br><font size=+1>


sngon gyi dge ba'i las yod pa rnams kyang kha na ma tho bas dme bar byas te/ de la da ltar gyi dus su myong bar rigs pa'i rnam par smin pa yang ba bsgyur te/ sems can dmyal ba'i mi dge ba'i 'bras bu shin tu lci bar 'gyur ro/ /rigs kyi bu/ ji ltar snod chung ngu'i chu nyung zad kyi nang du lan tsha phul gang btab na ro shin tu kha bas btung rab tu dka' ba ltar de'i kha na ma tho ba'i las kyang de dang 'dra'o/ /rigs kyi bu/ dper na/ mi zhig gzhan la dong tse gcig chag pa las skyin pa 'jal mi phod pa'i phyir bcings drags te/ sdug bsngal mang du myong ba ltar de'i kha na ma tho ba'i las kyang de dang 'dra'o/ /byang chub sems dpa' sems ge sgras gsol pa/ bcom ldan 'das/ ci'i slad du da ltar myong bar rigs pa'i rnam par smin pa yang ba sems can dmyal bar myong bar 'gyur/ bcom ldan 'das kyis bka' stsal pa/ rigs kyi bu/ sems can thams cad kyis dngos po 'di lnga dang ldan na da ltar gyi rnam par smin pa yang ba sems can dmyal bar myong bar 'gyur ro/ /lnga gang zhe na/ gti mug can dang / dge ba'i rtsa ba nyung ba dang / mi dge ba'i las lci ba dang / 'gyod tshangs ma byas pa dang / thog ma'i dge ba'i las mi spyod pa'o/ /yang rnam pa lnga ste/ mi dge ba'i las spyod pa dang / tshul khrims kyi nor med pa dang / dge ba'i rtsa ba spong ba dang / lus dang / </font><hr>Kha259a<br><font size=+1>


@#/ /tshul khrims dang / sems dang / shes rab mi sgom pa dang / mi dge ba'i bshes gnyen la bsten pa ste/ rigs kyi bu/ de bas na da ltar gyi 'bras bu rnam par smin pa yang ba sems can dmyal ba'i lci ba myong bar 'gyur ro/ /seng ge sgras gsol pa/ bcom ldan 'das/ skyes bu gang dag ni sems can dmyal ba'i rnam par smin pa lci ba bsgyur te/ da ltar gyi che na yang ba myong bar 'gyur/ bcom ldan 'das kyis bka' stsal pa/ rigs kyi bu/ gang gis lus dang / tshul khrims dang / sems dang / shes rab sgom zhing gong du bshad pa ltar chos thams cad nam mkha' dang 'dra bar rtogs te/ shes rab tu mi lta/ shes rab can du mi lta/ gti mug tu mi lta/ gti mug can du mi lta/ bsgom par mi lta/ bsgom pa can du mi lta ba de ni shes rab can zhes bya ste/ des ni lus dang / tshul khrims dang / sems dang / shes rab sgom zhing des ni sems can dmyal ba'i 'bras bu rnam par smin pa lci ba da ltar gyi tshe na yang ba myong ba ste/ des gal te mi dge ba'i las rab tu lci ba byas kyang 'di snyam du bdag gi las 'di shin tu lci mod kyi dge ba'i las tsam mi phod do snyam du sems pa ni 'di lta ste/ dper na/ ras kyi bal ni pho re brgya'ang gser yang dag pa srang gcig gi dor med pa'am/ ji ltar </font><hr>Kha259b<br><font size=+1>


gang+gA klung gi nang du lan tshwa phul gang btab na lan tshwa mi bro ste/ 'thung ba dag mi tshor ba'am/ dper na/ shin tu phyug pos rin po che brgya stong gzhan la chags kyang sus kyang bcings drags te sdug bsngal bar byed mi nus pa'am/ ji ltar spos kyi bal glang chen po lcags kyo bcag nas rang nyam du 'gro nus pa ltar shes rab can yang de dang 'dra ste/ rtag tu 'di snyam du bdag gi dge ba'i stobs che la/ mi dge ba'i las ni zhan pas bdag gis mthol zhing bshags na sdig pa byang bar 'gyur te/ shes rab bsgoms na shes rab kyi stobs che zhing ma rig pa'i stobs chung bar 'gyur ro snyam bsams nas dge ba'i bshes gnyen la bsnyen te/ yang dag pa'i lta ba la goms par byed cing mdo sde sde bcu gnyis gzungs su 'dzin te/ klog pa dang / 'don pa dang / yi ger bris shing gzhan la ston pa dang / gzhan dag gzungs su 'dzin cing klog gam/ 'don tam/ yi ger 'dri'am/ gzhan la'ang ston pa dag mthong na bkur sti'i sems bskyed do/ /gos dang / zas dang / gnas khang dang / mal cha dang / nad kyi rkyen sman dang / me tog dang / spos kyis mchod de/ bsti stang dang / rim gro byed do/ /gang nas gang du phyin pa'i gnas su legs pa brjod kyi/ nyes pa mi brjod de/ dkon mchog gsum la mchod cing shin tu rgyas pa'i mdo mya ngan las 'das pa las de bzhin gshegs pa rtag </font><hr>Kha260a<br><font size=+1>


@#/ /pa dang / mi 'gyur mi 'pho ba dang / sems can thams cad la sangs rgyas kyi rang bzhin yod par lhag par yid ches pa de ni/ sems can dmyal ba'i rnam par smin pa lci ba da ltar gyi dus na yang ba myong bar byed pa'o/ /rigs kyi bu/ don de lta bas na las thams cad nges par 'bras bu yod pa ma yin la/ sems can thams cad kyis nges par myong ba ma yin no/ /byang chub sems dpa' seng+ge sgras gsol pa/ bcom ldan 'das gal te las thams cad la nges par 'bras bu yang ba mchis la/ sems can thams cad la sangs rgyas kyi rang bzhin mchis pas 'phags pa'i lam yan lag brgyad sgom par 'gyur na/ ci'i rgyu ci'i rkyen gyis sems can thams cad yongs su mya ngan las 'das pa yongs su ma thob/ bcom ldan 'das/ gal te sems can thams cad la sangs rgyas kyi rang bzhin mchis na/ gdon mi 'tshal bar bla na med pa'i byang chub thob par 'gyur na/ 'phags pa'i lam brgyad bsgom yang ci 'tshal/ bcom ldan 'das/ mdo sde 'di las nad pa dag gal te sman dang / sman pa dang / nad g.yog dang / nad ji lta ba bzhin du gsos na nad byang bar 'gyur ba ltar sems can thams cad kyang de dang 'dra ste/ nyan thos dang / rang sangs rgyas dang / de bzhin gshegs pa dang </font><hr>Kha260b<br><font size=+1>


byang chub sems dpa' rnams dang / dge ba'i bshes gnyen rnams las chos thos te/ 'phags pa'i lam bsgoms sam/ gal te ma phrad dam/ ma thos sam/ lam ma bsgoms kyang bla na med pa yang dag par rdzogs pa'i byang chub thob par 'gyur ro/ /de ci'i slad du zhe na/ sangs rgyas kyi rang bzhin mchis pa'i slad du'o/ /bcom ldan 'das/ dper na/ nyi ma dang zla ba ni ri an tar du ma phyin par bar du gcod nus pa'am/ klung chen po bzhi'ang rgya mtshor ma phyin par dgag nus pa'am/ log sred can dag sems can dmyal bar mi 'gro bar dgag nus pa ma mchis pa ltar sems can thams cad kyang de dang 'dra ste/ sus kyang bla na med pa yang dag par rdzogs pa'i byang chub tu 'gro ba'i bar du gcod nus pa ma mchis so/ /de ci'i slad du zhe na/ sangs rgyas kyi rang bzhin mchis pa'i slad du'o/ /bcom ldan 'das/ don de lta bas na sems can thams cad lam bsgom mi 'tshal bar sangs rgyas kyi rang bzhin gyi mthus bla na med pa yang dag par rdzogs pa'i byang chub thob pa'i rigs kyi/ 'phags pa'i lam bsgom pa'i mthu la rab ma lus so/ /bcom ldan 'das gal te log \?\ sred can dang / phas pham pa bzhi nyams pa dang / mtshams med pa lnga bgyis pa la sogs pa bla na med pa yang dag par rdzogs pa'i byang chub mi thob pa ni bsgom </font><hr>Kha261a<br><font size=+1>


@#/ /'tshal na/ sangs rgyas kyi rang bzhin gyi rgyus nges par thob par 'gyur bas bsgom pa'i phyir thob par 'gyur ba ni ma lags so/ /bcom ldan 'das/ dper na/ rdo khab len lta bu lcags dang mi nye mod kyi/ de'i mthus lcags 'dzin to/ /sems can gyi sangs rgyas kyi rang bzhin yang de dang 'dra ste/ /de bas na 'phags pa'i lam la brtson mi 'tshal lo/ /bcom ldan 'das kyis bka' stsal pa/ legs so/ /legs so/ /rigs kyi bu/ dper na/ gang+gA'i klung gi 'gram na mi rnam pa bdun zhig khrus byed dam/ dgras 'jigs pa'i phyir ram/ me tog brnga ba'i phyir chu'i nang du zhugs na/ de la gcig ni chur zhugs ma thag tu nub par gyur to/ /de ci'i phyir zhe na/ zhan la mthu rtsal med de/ rkyal ma bslabs pa'i phyir ro/ /de la gcig ni zhugs nas nub mod kyi nub nas phyir yang 'byung ste/ byung nas phyir nub bo/ de ci'i phyir zhe na/ mthu rtsal che bas nub nas phyir 'byung ngo / /rkyal ma bslabs pas phyir yang nub bo/ /de la gcig ni nub nas phyir byung ste/ byung nas phyir mi nub bo/ /de ci'i phyir zhe na/ lus lci bas nub kyang mthu rtsal che bas slar byung ngo / /rkyang bslabs bas byung nas kyang ma nub bo/ /de la gcig ni zhugs nas nub ste/ nub nas phyir byung ngo / /byung nas chags te phyogs </font><hr>Kha261b<br><font size=+1>


bzhi kun tu lta'o/ /de ci'i phyir zhe na/ lus lci bas nub kyang mthu rtsal che bas byung ngo / /rkyal bslabs pas chags te 'byung ba'i gnas mi shes pas phyogs bcur lta ba'o/ /de la gcig ni zhugs nas nub ste/ nub nas phyir yang byung / byung nas chags so/ /chags nas phyogs bzhir bltas so/ /bltas nas song ngo / /de ci'i phyir zhe na/ 'jigs pa'i phyir ro/ /de la gcig ni zhugs nas song ngo / /gting tshugs pa na sdod do/ /de ci'i phyir zhe na/ dgra nye ring lta ba'i phyir ro/ /de la gcig ni pha rol gyi 'gram du phyin nas ri mthon por 'dzegs te/ dgra dang bral nas 'jigs pa med cing rab tu bde bar gyur to/ /rigs kyi bu/ de bzhin du 'khor ba'i klung chen po'ang de dang 'dra ste/ mi rnam pa bdun yod do/ / de dag kyang nyon mongs pa'i dgras 'jigs pa'i phyir 'khor ba'i klung chen po rgal snyam bsams nas khyim nas khyim med par rab tu byung ste/ skra dang / kha spu bregs nas lus la chos gos gyon to/ /de ltar rab tu byung nas mi dge ba'i grogs dang bsten te/ de'i ngag nyan zhing logs pa'i chos 'di dag 'dzin to/ /sems can gyi lus ljang phung ste/ lnga phung de ni chen po lnga'o/ /gal te sems can shin tu chen po lnga yun du bcad pa yin no/ /chen po lnga yun du bcad na dge ba dang / mi dge ba'i las rnams bsgom ci dgos zhes zer te/ </font><hr>Kha262a<br><font size=+1>


@#/ /de bas na dge ba dang / mi dge ba dang / dge ba dang / mi dge ba rnam par smin pa med par rig go zhes zer te/ de lta bu ni log sred can zhes bya'o/ /log sred can zhes bya ba ni dge ba'i rtsa ba thams cad gcod pa zhes bya'o/ /dge ba'i rtsa ba bcad pa'i phyir 'khor ba'i klung du nub ste 'byung mi nus so/ /de ci'i phyir zhe na| mi dge ba'i las lci ba'i phyir dad pa'i stobs med pa'i phyir te/ gang+gA'i klung gi mi dang po dang mtshungs so/ /rigs kyi bu/ log sred can dag ni rgyu rkyen rnam pa drug gi sa ngan song gsum du nub ste 'byung mi nus so/ /drug gang zhe na/ 'di lta ste/ mi dge ba'i sems 'bar ba dang / 'jig rten phyi ma mi mthong ba dang / nyon mongs pa spyod par dga' ba dang / dge ba'i rtsa ba spong ba dang / mi dge ba'i las kyis bsgribs shing chod pa dang / mi dge ba'i bshes gnyen la bsten pa'o/ /yang dngos po rnam pa lngas ngan song gsum du nub bo/ /lnga gang zhe na/ dge slong la chos ma yin par byed pa dang / dge slong ma la chos ma yin par byed pa dang / dbang du byas te dge 'dun gyi rdzas la spyod pa dang / ma la chos ma yin pa spyod pa dang / dge 'dun sde mi mthun pa lnga la yin pa dang ma yin pa bskyed pa'o/ /yang dngos po rnam lngas ngan song gsum du ltung ngo / /lnga gang zhe na/ rtag </font><hr>Kha262b<br><font size=+1>


tu dge ba dang / mi dge ba'i 'bras bu med do zhes 'chad pa dang / byang chub tu sems bskyed pa'i sems can gyi srog gcod pa dang / chos smra ba'i skyon 'bru ba dang / chos la chos ma yin par bshad cing chos ma yin pa la chos su bshad pa dang / chos skyon tshol ba'i phyir nyan pa'o/ /yang dngos po rnam pa gsum gyis ngan song gsum du nub bo/ /gsum gang zhe na/ de bzhin gshegs pa mi rtag pa ste/ 'gog pa'o zhes smra ba dang / dam pa'i chos kyang mi rtag pa ste/ 'gyur zhing 'pho ba'o zhes smra ba dang / dge 'dun dkon chog 'gog bar 'gyur ro zhes smra ba ste/ de bas na rtag tu ngan song gsum du nub bo/ /de'i 'og mas 'khor ba'i klung las brgal bar 'dod pa'i phyir dge ba'i rtsa ba bcad pas nub nas 'byung mi nus so/ /de la 'byung ba zhes bya ba ni dge ba'i bshes gnyen la bsnyen nas dad pa'i sems thob ba'o/ /de la dad pa'i sems ni sbyin pa dang sbyin pa'i 'bras bu la yid ches pa dang / dge ba dang dge ba'i 'bras bu la yid ches pa dang / mi dge ba dang mi dge ba'i 'bras bu la yid ches pa dang / 'khor ba la sdug bsngal ba dang / mi rtag pa dang / 'jig par yid ches pa ste/ de ni dad pa zhes bya'o/ /dad pa'i sems dang ldan pa'i phyir tshul khrims gtsang ba spyod cing gzungs su 'dzin te/ klog gam/ 'don tam/ yi ger bris sam/ dgrol zhing </font><hr>Kha263a<br><font size=+1>


@#/ /bshad de/ rtag tu sbyin pa byed cing shes rab sgom yang dbang po rtul pa'i phyir mi dge ba'i bshes gnyen dang phrad na lus dang / tshul khrims dang / sems dang / shes rab mi sgom zhing log pa'i chos 'dzin to/ /yang dus ngan pa'i tshe yul ngan par skye na dge ba'i rtsa ba rnams gcod do/ /dge ba'i rtsa ba bcad pa'i phyir rtag tu 'khor ba nub ste/ de ni gang+gA'i klung gi mi gnyis pa dang mtshungs so/ /de la gcig ni 'khor ba'i klung chen po las brgal bar 'dod pa las dge ba'i rtsa ba bcad pa'i phyir nub par gyur kyang dge ba'i bshes gnyen la bsten pas na byung ba zhes bya ste/ de bzhin gshegs pa ni thams cad mkhyen pa yin/ rtag par mi 'gyur ba ste/ sems can gyi phyir bla na med pa'i chos ston to/ /sems can thams cad la sangs rgyas kyi rang bzhin yod do/ /de bzhin gshegs pa dang / chos dang / dge 'dun la 'gog pa ma yin no zhes yid ches shing dad de/ log sred can ni chos de dag ma bcad na nam yang bla na med pa yang dag par rdzogs pa'i byang chub mi thob ste/ rnam par spangs na gdong thob bo snyam yid ches shing dad pa'i sems kyis tshul khrims gtsang ba bsgom ste/ tshul khrims gtsang ba bsgoms nas mdo sde snga bcu gnyis gzungs su 'dzin cing </font><hr>Kha263b<br><font size=+1>


klog pa dang / 'don pa dang / yi ger bris shing rnam par 'byed de/ sems can thams cad la rgyas par ston to/ /sbyin pa la dga' zhing shes rab sgom par byed do/ /de ltar dbang po rno bas dad pa dang / shes rab brtan par gyur nas phyir ldog pa'i sems med pa de ni gang+gA'i klung gi mi gsum pa dang mtshungs so/ /de la gcig ni 'khor ba'i klung chen po la brgal 'dod pa las dge ba'i rtsa ba bcad pa'i phyir der nub par gyur kyang dge ba'i bshes gnyen la bsten pas dad pa'i sems dang ldan pa ni 'byung ba zhes bya ste/ dad pa'i sems dang ldan pa'i phyir mdo sde sde bcu gnyis gzungs su 'dzin cing klog pa dang / 'don pa dang / yi ger bris shing rnam par 'byed de/ sems can thams cad la rgyas par ston to/ /sbyin pa la dga' zhing shes rab sgom par byed do/ /de ltar dbang po rno ba'i phyir dad pa dang / shes rab la brten par gyur nas phyir ldog pa'i sems med pas phyogs bzhir lta'o/ /de la phyogs bzhir lta ba zhes bya ba ni dge sbyong gi 'bras bu rnam pa bzhi ste/ ji ltar gang+gA'i klung gi mi bzhi pa dang mtshungs so/ /de la gcig ni 'khor ba'i klung chen po de brgal 'dod pa las dge ba'i rtsa ba cad pa'i phyir der nub par gyur kyang dge ba'i bshes gnyen dang bsnyen pa'i phyir dad pa'i sems dang ldan pas na de ni </font><hr>Kha264a<br><font size=+1>


@#/ /'byung ba zhes bya'o/ /de ltar dad pa'i sems dang ldan pa'i phyir mdo sde sde bcu gnyis gzungs su 'dzin cing klog pa dang / 'don pa dang / yi ger bris shing rnam par 'byed de/ sems can thams cad la rgyas par ston to/ /sbyin pa la dga' zhing shes rab sgom par byed do/ /de ltar dbang po rno bar gyur ba'i phyir dad pa dang shes rab brtan par gyur nas phyir ldog pa'i sems med par gyur to/ /de ltar phyir ldog pa med pas gong nas gong du 'phar ro/ /de la gong nas gong du 'phar ba ni rang sangs rgyas te/ de ltar bdag grol med kyi/ sems can thams cad la ma yin pas de ni song ba zhes bya ste/ ji ltar gang+gA'i klung gi mi lnga pa dang mtshungs so/ /de la gcig ni 'khor ba'i klung chen po brgal 'dod pa las dge ba'i rtsa ba bcad pas der nub kyang dge ba'i bshes gnyen bsten pas dad pa'i sems dang ldan par gyur to/ / dad pa'i sems dang ldan pa'i phyir 'byung ba zhes bya'o/ /de ltar dad pa'i sems dang ldan pa'i phyir mdo sde sde bcu gnyis gzungs su 'dzin cing klog pa dang / 'don pa dang / yi ger bris shing rnam par phye ste/ sems can thams cad la rgyas par ston to/ /sbyin pa la dga' zhing shes rab sgom par byed do/ /de lhar dbang po rnon por gyur pa'i </font><hr>Kha264b<br><font size=+1>


phyir dad pa dang shes rab brtan par gyur nas phyir ldog pa'i sems med do/ /de ltar phyir ldog pa med pas gong nas gong du 'phar te gting tshugs par phyin to/ /gting tshugs par phyin nas der sdod de mi 'gro'o/ /der sdod cing mi 'gro zhes bya ba ni 'di lta ste/ byang chub sems dpa' sems can rnams sgrol ba'i phyir nyon mongs pa la rtog pa'o/ /de ni ji ltar gang+gA'i klung gi mi drug pa dang mtshungs so/ /de la gcig ni 'khor ba'i klung chen po brgal 'dod pa las dge ba'i rtsa ba bcad de der nub par gyur kyang dge ba'i bshes gnyen bsten pas na dad pa'i sems dan+can ldan par gyur to/ /da pa'i sems dang ldan par na byung ba zhes bya ste/ dad pa'i sems kyis mdo sde bcu gnyis gzungs su 'dzin cing klog pa dang / 'don pa dang / yi ger bris shing rnam par 'byed de/ sems can thams cad la rgyas par ston to/ /sbyin pa la dga' zhing shes rab sgom par byed do/ /de ltar dbang po rnon por gyur pa'i phyir dad pa dang / shes rab brtan par gyur nas phyir ldog pa'i sems med par gyur to/ /phyir ldog pa'i sems dang med pas gong nas gong du 'phar ro/ /gong nas gong du 'phar bas pha rol gyi 'gram du phyin te/ ri mthong por 'jigs nas 'jigs pa'i dgra rnams spongs te bde ba mang po myong bar gyur to/ /rigs kyi </font><hr>Kha265a<br><font size=+1>


@#/ /bu| pha rol gyi 'gram du phyin pa zhes bya ba ni de bzhin gshegs pa'o/ /bde ba myong ba zhes bya ba ni sangs rgyas rtag pa'o/ /ri mthon por gnas pa zhes bya ba ni yongs su mya ngan las 'das pa chen po'i dpe'o/ /rigs kyi bu/ gang+gA'i klung gi mi de dag kun la rkang lag dang ldan mod kyi/ rgal mi nus pa ltar sems can thams cad kyang de dang 'dra ste/ yang dag par sangs rgyas dkon mchog dang / chos dkon mchog dang / dge 'dun dkon mchog yod la/ de bzhin gshegs pas kyang chos rnams kyi mdo 'phags pa'i lam yan lag brgyad dang / yongs su mya ngan las 'das pa chen po bstan mod kyi/ sems can rnams kyis thob par mi nus te/ 'di ni ngas kyang ma nyes la 'phags pa'i lam gyis kyang ma nyes te/ sems can rnams kyi skyon dang nyon mongs pa rnams kyis nyes par gyur par rig par bya'o/ /don de lta bas na sems can thams cad kyis mya ngan las 'das pa ma thob bo/ /rigs kyi bu/ dper na/ sman pa mkhas pas nad kyi dngos po rig nas sman ston te/ nad pas ma 'thungs na sman pas nyes pa ma yin no/ /rigs kyi bu/ gal te sbyin bdag gcig gis nor ci bdog pa thams cad mi thams cad la byin pa las kha cig gis ma blangs </font><hr>Kha265b<br><font size=+1>


na sbyin bdag gis nyes pa ma yin no/ /rigs kyi bu/ dper na/ nyi ma shar ba na grag grogs zab mo thams cad kyang snang bar gyur la/ dmus long gis lam mi mthong ba ni nyi mas ma nyes so/ /rigs kyi bu/ dper na/ gang+gA'i klung gi chus skom pa mang po ngoms par nus so/ /skom pa dag gis ma 'thungs na chus ma nyes so/ /rigs kyi bu/ dper na/ sa chen pos ni 'bras bu thams cad mnyam par skyed de gnyis su med na/ zhing pas ma rmos pa ni sas ma nyes so/ /rigs kyi bu/ de bzhin gshegs pas sems can thams cad la khyab par mdo sde sde bcu gnyis rgyas par 'byed cing bstan te/ sems can gyis ma bzung na de bzhin gshegs pas mnyes so/ /rigs kyi bu/ gang la la lam sgom pa ni/ bla na med pa dgra bcom pa yang dag par rdzogs pa'i byang chub thob bo/ /rigs kyi bu khyod kyis sems can kun la sangs rgyas kyi rang bzhin yod pas bla na med pa dgra bcom pa yang dag par rdzogs pa'i byang chub thob ste/ ji ltar rdo khab len bzhin no zhes bya ba ni legs so/ /legs so/ /sangs rgyas kyi rang bzhin yod pa'i rgyu'i stobs kyis bla na med pa yang dag par sogs pa'i byang chub thob kyi/ 'phags pa'i lam bsgom mi dgos so zhes bya ba ni don de lta ma yin no/ /rigs kyi bu/ dper na/ mi la la zhig gis dbye dgon </font><hr>Kha266a<br><font size=+1>


@#/ /par song ba las skom pas gdungs te khron pa zhig dang phrad do/ /khron pa de shin tu zab ste/ chu mi mthong mod kyi nges par yod par shes so/ / mi des thabs kyis zo ba dang thag pa btsal te bcus nas gzod mthong ba ltar sangs rgyas kyi rang bzhin yang de dang 'dra ste/ sems can thams cad la yod mod kyi/ zag pa med pa'i 'phags pa'i lam bsgoms pas gdod mthong bar 'gyur ro/ /rigs kyi bu/ ji ltar til yod na mar yang mthong bar 'gyur ro/ /thabs rnams spangs na mi mthong ba bzhin du bu ram gyi shing yang de dang 'dra'o/ /rigs kyi bu/ dper na/ sum cu rtsa gsum gnam gyi lha dang / byang sgra mi snyan yod pa'i chos yin mod kyi/ dge ba'i las sam rdzu 'phrul gyi mthu med na mi mthong ngo / /sa'i 'og na rtswa'i rtsa ba dang / sa'i 'og gi chu ni sas khebs pas na mi mthong ba ltar sems can gyi sangs rgyas kyi rang bzhin yang de dang 'dra ste/ 'phags pa'i lam ma bsgoms na ni mthong bar mi 'gyur ro/ /rigs kyi bu khyod kyis ji ltar 'jig rten na nad pas gal te nad g.yog dang / sman bzang po dang / sman pa mkhas pa dang phrad de/ nad ji lta ba bzhin du sman btang ngam/ gal te ma phrad kyang rung ste 'tsho'o zhes bya ba ni/ rigs kyi bu/ ngas byang chub sems dpa' sa </font><hr>Kha266b<br><font size=+1>


drug pa rnams la don de dag bstan to/ /rigs kyi bu/ dper na/ nam mkha' ni sems can thams cad kyi nang yang ma yin/ phyi rol yang ma yin/ phyi nang gnyis ka'ang ma yin pa'i phyir thogs pa med de/ sems can gyi sangs rgyas kyi rang bzhin yang de dang 'dra'o/ /rigs kyi bu/ dper na/ mi zhig la nor gnas gzhan zhig na yod la/ drung na med mod kyi| yid bzhin du spyod pa la dbang ngo / /gal te la la zhig gis dris na yang bdag dbang ngo zhes zer ro/ /de ci'i phyir zhe na/ nges par dbang ba'i phyir te/ sems can gyi sangs rgyas kyi rang bzhin yang de dang 'dra ste/ 'di'ang ma yin/ pha rol yang ma yin te/ nges par thob pa'i phyir thams cad la yod ces smras so/ /rigs kyi bu/ dper na/ sems can gyi las dge ba dang / mi dge ba byas pa'ang nang na ma yin/ phyi rol na ma yin te/ de ltar las kyi rang bzhin de yod pa'ang ma yin/ med pa'ang ma yin/ thog ma med pa da ltar yod pa'ang ma yin/ rgyu med pa las byung ba'ang ma yin/ 'dis byas pas 'dis myong ba'ang ma yin/ 'dis byas pas gzhan myong ba'ang ma yin/ gzhan byas pas gzhan myong ba'ang ma yin/ byas pa'ang med/ myong ba'ang med pa ma yin gyi/ dus dang rkyen 'dus pas 'bras bu rnam par smin par 'gyur ba ltar/ sems can gyi sangs rgyas kyi rang bzhin </font><hr>Kha267a<br><font size=+1>


@#/ /yang de dang 'dra bar thog ma med la da ltar yod pa'ang ma yin/ nang na ma yin/ phyi rol na ma yin/ yod pa ma yin/ med pa ma yin/ 'di na ma yin/ pha rol na ma yin/ gzhan nas 'ongs pa ma yin/ rgyu med pa'ang ma yin/ sems can thams cad kyis mthong ba'ang ma yin te/ byang chub sems dpa' rnams dus dang rkyen 'dus pas mthong bar 'gyur ro/ /de la dus zhes bya ba ni 'di lta ste/ byang chub sems dpa' sems dpa' chen pos bcu pa 'phags pa'i lam brgyad sgom zhing sems can thams cad la mnyam pa'i sems thob pa de'i tshe na mthong ste/ de ni byis pa zhes mi bya'o/ /rigs kyi bu khyod kyis rdo khab len dang 'dra'o zhes bya ba'i don ni de lta ma yin gyi| de ci'i phyir zhe na/ rdos lcags 'dzin pa ma yin no/ /de'ang ci'i phyir zhe na/ sems dang las med pa'i phyir ro/ /rigs kyi bu/ chos tha dad pa yod pas chos tha dad par 'byung ngo / /chos tha dad pa med pas chos tha dad pa 'gog ste/ byed pa'ang med/ 'jig pa'ang med do/ /rigs kyi bu/ dper na/ me mur gyis shing 'tshig par mi nus mod kyi/ me byung nas shing 'jigs pas 'tshig pa zhes bya'o/ /rigs kyi bu/ dper na/ lcam pa ni nyi ma ji lta ba ltar 'gyur ro/ /lcam pa de la 'dud pa'i sems kyang med/ </font><hr>Kha267b<br><font size=+1>


rnam par shes pa'ang med la/ las kyang med mod kyi/ chos tha dad pa'i mtshan nyid kyis rang 'khor zhing 'gyur ro/ /rigs kyi bu/ dper na chu shing gi sdong po ni 'brug gi sgra bsgrags pa na skye ste/ sdong po de la rna ba med/ sems med/ yid kyi rnam par shes pa med kyang chos tha dad pa yod pas chos tha dad pa skyes so/ /chos tha dad pa med na chos tha dad pa 'gog go /rigs kyi bu/ dper na/ shing a sho ka la bud med kyis reg na me tog 'byung ste/ shing de la sems kyang med/ reg pa'i tshor ba'ang med kyang / chos tha dad pa yod pas chos tha dad pa 'byung ngo / /chos tha dad pa med na chos tha dad pa 'gog go /rigs kyi bu/ dper na/ skyur rtsi'i shing ni ro dang 'bags na shing tog legs shing mang pa 'gyur to/ /skyur rtsi'i shing de la sems kyang med/ reg pa med mod kyi/ chos tha dad pa yod pas chos tha dad pa 'byung ngo / /chos tha dad pa med na chos tha dad pa 'gog go/ /rigs kyi bu/ dper na/ bal po se'u'i shing 'dzugs pa so phag dang / rus pa dang / lus kyis rmed byas na 'bras bu legs par 'gyur te/ bal po se'u'i shing de la sems dang reg pa med mod kyi/ chos tha dad pa mod pas chos tha dad pa 'byung ngo / /chos tha dad pa med na chos tha dad pa 'gog ste/ rigs kyi bu/ rdo khab len gyis lcags len pa'ang de dang 'dra bar </font><hr>Kha268a<br><font size=+1>


@#/ /chos tha dad pa yod pas chos tha dad pa 'byung ngo / /chos tha dad pa med na chos tha dad pa 'gog ste/ sems can gyi sangs rgyas kyi rang bzhin yang de dang 'dra bar bla na med pa yang dag par rdzogs pa'i byang chub len mi nus so/ /rigs kyi bu/ ma rig pa'ang 'du byed rnams len mi nus shing / 'du byed kyis kyang rnam par shes pa len mi nus mod kyi/ ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ste/ sangs rgyas bzhugs kyang rung / mi bzhugs kyang rung / chos kyi dbyings ni rtag tu gnas so/ /rigs kyi bu/ gal te sangs rgyas kyi rang bzhin sems can gyi nang na gnas zhes bya ba ni/ rigs kyi bu/ rtag pa'i chos ni gnas med de/ gal te gnas yod na mi rtag par 'gyur ro/ /rigs kyi bu/ rten cing 'brel te 'byung ba bcu gnyis ni nges par gnas pa'i gnas med do/ /gal te gnas pa'i gnas yod na rten cing 'brel te 'byung ba bcu gnyis rtag pa zhes mi bya'o/ /de bzhin gshegs pa'i chos kyi sku'ang gnas pa'i gnas med/ chos kyi khams dang / chos kyi skye mched dang / chos kyi phung po dang / nam mkha' yang gnas pa'i gnas med de/ sangs rgyas kyi rang bzhin yang de dang 'dra bar gnas pa'i gnas med do/ /rigs kyi bu/ dper na/ chen </font><hr>Kha268b<br><font size=+1>


po bzhi ni stobs mnyam ste/ kun la sra ba dang / dro ba dang / gsher ba dang / g.yo ba dang / yang ba dang / lci ba dang / dmar po dang / dkar po dang / ser po dang / nag po'i mtshan nyid 'dra bar yod mod kyi/ chen po bzhi la las med do/ /chos tha dad pa'i dbyings kyis so sor mi mtshungs pa ltar sangs rgyas kyi rang bzhin yang de dang 'dra ba ste/ chos tha dad pa'i dbyings kyi phyir dus dang phrad na gdod mthong ngo / /rigs kyi bu/ sems can thams cad sangs rgyas kyi rang bzhin las phyir mi ldog pa'i phyir yod pa zhes bya'o/ /de ltar phyir mi ldog pa'i phyir/ yod par 'gyur ba'i phyir/ nges par thob pa'i phyir/ nges par mthong bar 'gyur ba'i phyir/ sems can thams cad la sangs rgyas kyi rang bzhin yod ces bya'o/ /rigs kyi bu/ dper na/ rgyal po zhig gis blon po chen po gcig la khyod kyis bal glang gcig khrid la dmus long la ston ces bka' stsal pa dang / de nas blon po chen po des rgyal po'i bka' bzhin du dmus long rnams bsdus te bal glang bstan pa dang / dmus long de dag so so nas lags pas mnams so/ /de nas blon pos slar rgyal po la bdag gis bstan lags so| |zhes gsol nas/ de nas rgyal pos dmus long rnams bkug nas so sor khyed cag gis bal glang mthong ngam zhes smras ba dang / dmus long rnams kyis so so nas bdag gis mthong </font><hr>Kha269a<br><font size=+1>


@#/ /ngo| |zhes gsol to/ /rgyal pos smras pa/ bal glang ji lta bur 'dug /de la dmus long gang mche ba la reg pas ni bal glang yungs ma dang 'dra'o zhes zer ro/ /rna ba la reg pas ni bal glang ni zhib ma dang 'dra'o zhes zer ro/ /mgo la reg pas ni bal glang rdo dang 'dra'o zhes zer ro/ /sna la reg pas ni bal glang gnya' shing dang 'dra'o zhes zer ro/ /rkang pa la reg pas ni bal glang gi gzugs gtun dang 'dra'o zhes zer ro/ /rgyab la reg pas ni bal glang khri dang 'dra'o zhes zer ro/ /lto ba la reg pas ni bal glang rdza ma dang 'dra'o zhes zer ro/ /mjug ma la reg pas ni bal glang gi gzugs thag pa dang 'dra'o zhes zer ro/ /rigs kyi bu/ dmus long de dag bal glang gi dngos po nyid mi smra mod kyi/ mi smra ba'ang ma yin no/ /gal te dngos po de dag bal glang ma yin na de dag spangs pa'i pha rol na bal glang gzhan med do/ /rigs kyi bu/ rgyal po ni de bzhin gshegs pa thams cad mkhyen pa'i dpe'o/ /blon po ni shin tu rgyas pa yongs su mya ngan las 'das pa chen po'i dpe'o/ /bal glang ni sangs rgyas kyi rang bzhin gyi dpe'o/ /dmus long ni sems can ma rig pa rnams kyi dpe'o/ /sems can de dag sangs rgyas kyis gsungs pa thos nas/ kha cig ni 'di skad du gzugs ni sangs rgyas kyi rang bzhin no/ /de ci'i </font><hr>Kha269b<br><font size=+1>


phyir zhe na/ gzugs de 'gog mod kyi/ gcig gis gcig bsabs shing rgyun mi 'chad pas de bzhin gshegs pa'i bla na med pa'i mtshan sum cu rtsa gnyis dang / de bzhin gshegs pa'i gzugs rtag pa thob pa'i phyir te/ de bzhin gshegs pa'i gzugs ni rtag pa mi 'chad pa'i phyir de bas na gzugs ni sangs rgyas kyi rang bzhin no zhes zer te/ dper na/ gser yang dag pa ji ltar bsgyur ba'ang kha dog rtag cing mi 'gyur te/ gdu bu byas sam/ sprul du byas sam/ gzhong par byas kyang rung ste/ kha dog ser po thog ma nas ma gyur to/ /sems can gyi sangs rgyas kyi rang bzhin yang de dang 'dra bar dbyings mi rtag mod kyi/ gzugs ni rtag pa ste/ de'i phyir gzugs ni sangs rgyas kyi rang bzhin no zhes smra'o| |kha cig ni 'di skad du tshor ba ni sangs rgyas kyi rang bzhin no zhes zer ro/ /de ci'i phyir zhe na/ tshor ba'i rgyu dang rkyen gyis de bzhin gshegs pa'i yang dag pa'i bde ba thob ste| de bzhin gshegs pa'i tshor ba ni mthar tshor ba don dam pa'i tshor ba ste/ sems can gyi tshor ba'i rang bzhin mi rtag mod kyi/ 'on kyang gcig gis gcig bsabs te rgyun mi 'chad pas de bzhin gshegs pa'i tshor ba rtag pa thob ste/ dper na/ mi'i rus ko'u shi ka zhes bya ba mi nyid mi rtag mod kyi/ rus rtag pa yin te/ rabs stong phrag brgyar yang mi 'gyur ba ltar </font><hr>Kha270a<br><font size=+1>


@#/ /sems can gyi sangs rgyas kyi rang bzhin yang de dang 'dra ste/ de bas na tshor ba ni sangs rgyas kyi rang bzhin no zhes smra'o/ /de la kha cig ni 'di skad du 'du shes ni sangs rgyas kyi rang bzhin no zhes zer ro/ /de ci'i phyir zhe na/ 'du shes kyi rgyu dang rkyen gyis de bzhin gshegs pa'i 'du shes yang dag par thob bo/ /de la de bzhin gshegs pa'i 'du shes ni 'du shes med pa'i 'du shes so/ /'du shes med pa'i 'du shes ni sems can du 'du shes pa ma yin/ bud med dang / skyes par 'du shes pa ma yin/ gzugs dang / tshor ba dang / 'du shes dang / 'du byed dang / rnam par shes par 'du shes pa ma yin/ 'du shes ma yin/ 'du shes chad pa'o/ /sems can gyi 'du shes mi rtag mod kyi/ 'du shes rim gyis gcig gis gcig bsabs te rgyun mi 'chad pas de bzhin gshegs pa'i 'du shes ther zug rtag pa thob bo/ /rigs kyi bu/ dper na/ sems can gyi rten cing 'brel te 'byung ba bcu gnyis dang mtshungs te/ sems can ni 'gog mod kyi/ rten cing 'brel te 'byung ba bcu gnyis ni rtag pa ltar sems can gyi sangs rgyas kyi rang bzhin yang de dang 'dra ste/ de bas na 'du shes ni sangs rgyas kyi rang bzhin no zhes smra'o/ /de la kha cig ni 'di skad du 'du byed ni sangs rgyas </font><hr>Kha270b<br><font size=+1>


kyi rang bzhin no zhes zer ro/ /de ci'i phyir zhe na/ 'du byed ni 'tsho ba'i srog ces bya ste/ srog gi rgyu dang rkyen gyis de bzhin gshegs pa'i sku tshe rtag tu gnas pa thob par 'gyur ro/ / sems can gyi srog mi rtag mod kyi/ 'tsho ba'i srog rim gyis gcig gis gcig bsabs shing rgyun mi 'chad pas de bzhin gshegs pa'i yang dag pa'i sku tshe rtag pa thob pa ste/ rigs kyi bu/ dper na/ mdo sde sde bcu gnyis la mnyan pa dang / 'chad pa dang / gnyis ka ni mi rtag mod kyi/ mdo sde nyid rtag tu gnas shing mi 'gyur ba ltar sems can gyi sangs rgyas kyi rang bzhin yang de dang 'dra bas na/ de'i phyir 'du byed ni sangs rgyas kyi rang bzhin no zhes smra'o/ /de la kha cig ni 'di skad du rnam par shes pa ni sangs rgyas kyi rang bzhin no zhes zer ro| |de ci'i phyir zhe na/ rnam par shes pa'i rgyu dang rkyen gyis de bzhin gshegs pa'i thugs mnyam pa thob ste/ sems can gyi yid kyi rnam par shes pa mi rtag mod kyi/ rnam par shes pa de gcig gis gcig bsabs shing rgyun mi 'chad pas de bzhin gshegs pa'i yang dag pa'i thugs rtag pa thob par 'gyur ro/ /dper na/ mes tshos par byed pa dang 'dra ste/ me mi rtag pa yin yang tshos pa ni mi rtag pa ma yin pa ltar sems can gyi sangs rgyas kyi rang bzhin yang de dang 'dra ste/ don de lta bas na rnam par shes pa ni sangs rgyas </font><hr>Kha271a<br><font size=+1>


@#/ /kyi rang bzhin no zhes smra'o/ /de la kha cig ni 'di skad du phung po ma gtogs par bdag ces bya ba yod de/ bdag ces bya ba ni sangs rgyas kyi rang bzhin no zhes zer ro/ /de ci'i phyir zhe na/ bdag ces bya ba'i rgyu dang rkyen gyis de bzhin gshegs pa'i dbang sgyur ba brgyad thob par 'gyur ro/ /mu stegs can dag kha cig ni song ba dang / 'ong ba dang / mthong ba dang / thos pa dang / mya ngan dang / dga' ba dang / smra ba la bdag go zhes zer te/ bdag ces bya ba'i mtshan nyid de dag mi rtag mod kyi/ de bzhin gshegs pa'i bdag yang dag pa ni rtag pa'o/ /rigs kyi bu/ dper na/ phung po dang skye mched dang khams mi rtag mod kyi/ ming du btags pa rtag pa yin pa ltar sems can gyi sangs rgyas kyi rang bzhin yang de dang 'dra'o/ /rigs kyi bu/ ji ltar dmus long de dag so so nas bal glang gi gzugs smra ba de dag thog tu bab par ma smras mod kyi/ bal glang las gzhan smras pa ma yin pa ltar sangs rgyas kyi rang bzhin smra ba'ang de dang 'dra ste/ chos drug po ma yin mod kyi/ chos drug las gzhan pa'ang ma yin no/ /rigs kyi bu/ de bas na sems can gyi sangs rgyas kyi rang bzhin ni gzugs ma yin/ gzugs las gzhan pa'ang ma yin pa nas bdag ma yin/ bdag las gzhan pa'i </font><hr>Kha271b<br><font size=+1>


bar du'ang ma yin no zhes gsungs so/ /rigs kyi bu/ mu stegs can dag ni bdag yod ces smra mod kyi/ yang dag par bdag ces bya ba med do/ /sems can gyi bdag ces bya ba ni phung po lnga nyid la bya ste/ phung po'i pha rol na bdag ces bya ba logs shig na med do/ /rigs kyi bu/ dper na/ lcug ma dang / lo ma dang / ge sar dang / sdong bu 'dus pa las pad+mor 'gyur te/ de dag spangs pa'i pha rol na pad+mo zhes bya ba gzhan med pa ltar sems can gyi bdag kyang de dang 'dra'o/ /rigs kyi bu/ dper na/ rtsig pa dang / rtsa ba dang / shing 'dus pa las khang pa zhes bya ste/ de dag spangs pa'i pha rol na khang pa zhes bya ba gzhan med do/ /dper na/ shing seng ldang dang / shing bA la sha dang / shing n+ya gro d+ha dang / shing u dum+ba ra la sogs pa 'dus pa la tshal zhes bya ste/ de dag spangs pa'i pha rol na tshal zhes bya ba gzhan med do/ /dper na/ shing rta'i tshogs dang / bal glang gi tshogs dang / rta'i tshogs dang / rkang thang gi tshogs 'dus pa las dmag ces bya ste/ de dag spangs pa'i pha rol na dmag ces bya ba gzhan med do/ /dper na/ kha che dang gyi tshon rnam pa lnga 'dus pa las za 'ug ces bya ste/ de dag slangs pa'i pha rol na za 'ug ces bya ba gzhan med do/ /dper na/ rigs rnam pa bzhi 'dus pa la tshogs chen po zhes bya ste/ de dag spangs pa'i pha rol na tshogs chen po zhes bya ba </font><hr>Kha272a<br><font size=+1>


@#/ /gzhan med pa ltar sems can gyi bdag ces bya ba'ang de dang 'dra ste/ phung po lnga spangs pa'i pha rol na bdag ces bya ba gzhan med do/ /rigs kyi bu/ de bzhin gshegs pa ni rtag tu gnas pas bdag ces bya'o/ /de bzhin gshegs pa'i chos kyi sku ni mtha' yas thogs pa med/ mi skye mi 'gog cing dbang brgyad thob pas bdag ces bya ste/ sems can la ni yang dag par de lta bu'i bdag dang bdag gi ba med de/ mthar gdon mi za bar don dam pa'i stong pa thob par 'gyur ba'i phyir sangs rgyas kyi rang bzhin zhes bya'o/ /rigs kyi bu/ byams pa chen po dang / snying rje chen po ni sangs rgyas kyi rang bzhin zhes bya'o/ /de ci'i phyir zhe na/ byams pa chen po dang / snying rje chen po ni rtag tu grib ma bzhin du byang chub sems dpa' la 'khor te/ sems can thams cad kyang gdon mi za bar byams pa chen po dang / snying rje chen po thob par 'gyur ba'i phyir sems can thams cad la sangs rgyas kyi rang bzhin yod do zhes gsungs so/ /byams pa chen po dang / snying rje chen po ni sangs rgyas kyi rang bzhin zhes bya ste/ sangs rgyas kyi rang bzhin ni de bzhin gshegs pa zhes bya'o/ /de la dga' ba chen po dang / btang snyoms chen po ni sangs rgyas kyi rang bzhin zhes bya'o/ /de ci'i phyir zhe na/ byang chub sems dpa' sems </font><hr>Kha272b<br><font size=+1>


dpa' chen pos srid pa nyi shu rtsa lnga ma spangs na/ bla na med pa yang dag par rdzogs pa'i byang chub thob par mi nus te/ sems can thams cad mthar thob par 'gyur ba'i phyir/ sems can thams cad la sangs rgyas kyi rang bzhin yod ces gsungs so/ /de la dga' ba chen po dang / btang snyoms chen po ni sangs rgyas kyi rang bzhin zhes bya ste/ sangs rgyas kyi rang bzhin nyid de bzhin gshegs pa zhes bya'o/ /yang sangs rgyas kyi rang bzhin ni dad pa'i sems chen po zhes bya'o/ /de ci'i phyir zhe na/ dad pa'i sems kyis byang chub sems dpa' sems dpa' chen po rnams sbyin pa'i pha rol tu phyin pa nas shes rab kyi pha rol tu phyin pa'i bar du yongs su rdzogs par 'gyur ro/ /sems can thams cad kyang mthar gdon mi za bar dad pa'i sems chen po thob pa'i phyir sems can thams cad la sangs rgyas kyi rang bzhin yod ces gsungs so/ /de la dad pa'i sems ni sangs rgyas kyi rang bzhin te/ sangs rgyas kyi rang bzhin nyid de bzhin gshegs pa'o/ /yang sangs rgyas kyi rang bzhin ni bu gcig pa'i sa zhes bya'o/ /de ci'i phyir zhe na/ bu gcig pa'i sa'i rgyu dang rkyen gyis byang chub sems dpa' sems can thams cad la mnyam pa'i sems thob ste/ sems can thams cad kyang mthar gdon mi za bar bu gcig pa'i sa thob par 'gyur bas na sems can thams cad la </font><hr>Kha273a<br><font size=+1>


@#/ /sangs rgyas kyi rang bzhin yod de/ bu gcig pa'i sa ni sangs rgyas kyi rang bzhin no/ /sangs rgyas kyi rang bzhin nyid ni de bzhin gshegs pa'o/ / zhes gsungs so/ /yang sangs rgyas kyi rang bzhin ni sa bzhi pa'i stobs zhes bya'o/ /de ci'i phyir zhe na/ sa bzhi pa'i stobs kyi rgyu dang rkyen gyis byang chub sems dpa' sems can thams cad kyi don byed par 'gyur te/ sems can thams cad kyang mthar gdon mi za bar sa bzhi pa'i stobs thob par 'gyur bas na de'i phyir sems can thams cad la sangs rgyas kyi rang bzhin yod de/ sa bzhi pa'i stobs ni sangs rgyas kyi rang bzhin no/ /sangs rgyas kyi rang bzhin nyid ni de bzhin gshegs pa'o zhes gsungs so/ /yang sangs rgyas kyi rang bzhin ni rten cing 'brel te 'byung ba bcu gnyis so/ /de ci'i phyir zhe na/ rten cing 'brel te 'byung ba bcu gnyis kyi phyir de bzhin gshegs pa rtag tu gnas te/ sems can thams cad kyang don mi za bar rten cing 'brel te 'byung ba bcu gnyis po de dag thob par 'gyur ba'i phyir sems can thams cad la sangs rgyas kyi rang bzhin yod de/ rten cing 'brel bar 'byung ba bcu gnyis ni sangs rgyas kyi rang bzhin no/ /sangs rgyas kyi rang bzhin nyid ni de bzhin gshegs pa'o zhes gsungs so/ /yang sangs rgyas kyi rang </font><hr>Kha273b<br><font size=+1>


bzhin ni so so yang dag par shes pa rnam pa bzhi'o/ /de ci'i phyir zhe na/ so so yang dag par shes pa bzhi'i rgyu dang rkyen gyis tshig dang don bshad pa la thogs pa med do/ /tshig dang don la thogs pa med pa'i phyir sems can gyi don byed par 'gyur te/ de bas na so so yang dag par shes pa bzhi ni sangs rgyas kyi rang bzhin no/ /sangs rgyas kyi rang bzhin nyid ni de bzhin gshegs pa'o zhes gsungs so/ /yang sangs rgyas kyi rang bzhin ni spyi bo'i ting nge 'dzin zhes bya'o/ /de ci'i phyir zhe na/ ting nge 'dzin bsgoms na sangs rgyas kyi chos thams cad sdud par gyur te/ de lta bas na spyi bo'i ting nge 'dzin ni sangs rgyas kyi rang bzhin no/ /byang chub sems dpa' sa bcu pas ting nge 'dzin bsgoms kyang yongs su rdzogs par ma gyur te/ sangs rgyas kyi rang bzhin mthong mod kyi/ gsal bar ma gyur to/ /sems can thams cad kyang mthar gdon mi za bar thob par 'gyur ba'i phyir sems can thams cad la sangs rgyas kyi rang bzhin yod ces gsungs so/ /rigs kyi bu/ ji ltar gong du smos pa'i chos rnam pa sna tshogs kyang sems can thams cad kyis gdon mi za bar thob par 'gyur bas na sems can thams cad la sangs rgyas kyi rang bzhin yod do zhes gsungs so/ /rigs kyi bu/ gal te ngas gzugs la sangs rgyas kyi rang bzhin no zhes bshad na sems </font><hr>Kha274a<br><font size=+1>


@#/ /can gyis thos ma thag tu phyin ci log pa bskyed do/ /phyin ci log pa'i phyir tshe'i dus byas nas mtshams med pa'i sems can dmyal bar ltung ngo / / de bzhin gshegs pas chos bstan pas ni sems can dmyal ba bcad pa'i phyir te/ da bas na gzugs ni sangs rgyas kyi rang bzhin no zhes mi gsungs pa nas rnam par shes pa'i bar du ma gsungs so/ /rigs kyi bu/ gal te sems can gyis sangs rgyas kyi rang bzhin gsal bar rtogs na lam sgom mi dgos te/ byang chub sems dpa' sa bcu pas 'phags pa'i lam brgyad bsgoms pa'ang sangs rgyas kyi rang bzhin cung zad cig mthong na/ ma bsgoms pas mthong bar 'gyur ba lta ci smos/ rigs kyi bu/ byang chub sems dpa' 'jam dpal la sogs pas bskal pa tshad me dpa'i bar du 'phags pa'i lam bsgoms pas gdod sangs rgyas kyi rang bzhin mthong na nyan thos dang / rang sangs rgyas dag gis lta ga la mthong / gal te sems can dag sangs rgyas kyi rang bzhin gsal bar mthong bar 'dod na sems rtse gcig tu yongs su mya ngan las 'das pa'i mdo gzungs su 'dzin cing klog pa dang / 'don pa dang / yi ger bris shing dgrol zhing bshad pa dang / mchod pa dang / rim gro dang / bkur stir bya'o/ /gzhan gyis gzungs su 'dzin pa nas bkur </font><hr>Kha274b<br><font size=+1>


sti la sogs pa'i bar du byed pa mthong na/ gnas khang bzang po dang / gos dang / zas dang / mal cha dang / nad kyi rkyen sman gyis mchod cing bsdags pa dang / phyag 'tshal ba dang / gsong por smra ba'ang bya'o/ /rigs kyi bu/ gang gis 'das pa'i dus na/ sangs rgyas tshad med mtha' yas pa snyed la bsnyen bkur dang mchod pa byas te/ dge ba'i rtsa ba rab tu bskrun pas gdod mdo sde 'di'i ming tsam thos par 'gyur ro/ /rigs kyi bu/ sangs rgyas kyi rang bzhin bsam gyis mi khyab ste/ sangs rgyas dang / chos dang / dge 'dun dkon mchog kyang bsam gyis mi khyab/ sems can thams cad la sangs rgyas kyi rang bzhin yod la/ shes par mi nus pa'ang bsam gyis mi khyab/ de bzhin gshegs pa'i rtag pa dang / bde ba dang| bdag dang / yongs su dag pa'i chos kyang bsam gyis mi khyab/ sems can thams cad yongs su mya ngan las 'das pa'i mdo sde 'di la dad pa'ang bsam gyis mi khyab bo/ /byang chub sems dpa' seng ge sgras gsol pa/ bcom ldan 'das/ ji ltar bcom ldan 'das kyis gsungs pa ltar sems can thams cad yongs su mya ngan las 'das pa'i mdo sde 'di la dad par ni bsam gyis mi khyab bo zhes gsungs na/ bcom ldan 'das/ 'khor kyi dkyil 'khor 'di'i nang na sems can bye ba phrag brgyad khri lnga stong snyed mdo sde 'di la dad pa'i </font><hr>Kha275a<br><font size=+1>


@#/ /sems mi skye bas gang mdo sde 'di la dad pa ni bsam gyis mi khyab pa'o zhes bgyi'am/ bcom ldan 'das kyis bka' stsal pa/ rigs kyi bu/ sems can de dag kyang ma 'ongs pa'i dus na mdo sde 'di la yid ches par 'gyur zhing sangs rgyas kyi rang bzhin mthong ste/ bla na med pa yang dag par rdzogs pa'i byang chub thob par 'gyur ro// //'phags pa yongs su mya ngan las 'das pa chen po'i mdo/ bam po bzhi bcu gsum pa/ seng ge sgras gsol pa/ bcom ldan 'das/ phyir mi ldog pa'i byang chub sems dpa' dag ji ltar bdag la gdon mi za bar phyir mi ldog pa'i sems dang ldan par rtogs par 'gyur/ bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen po dag dka' thub spyad pa'i sems kyis bdag la bdag brtags na rtogs par 'gyur ro/ /'di lta ste| nyin re zhing til 'bru re las mi za bar de bzhin du zhag bdun gyi bar du 'bras nas sran ma'am/ gso ma'am/ khre'am/ sran ma dkar po'i bar du de dang 'dra bar zhag bdun bdun gyi bar du 'brum bu re las mi za ste/ nyin re zhing 'brum bu re za ba na 'di snyam du dka' ba spyod pa 'di ni phan pa'i don du 'gyur ba med de/ </font><hr>Kha275b<br><font size=+1>


phan pa'i don du mi 'gyur yang de ltar spyod na phan pa'i don du 'gyur ba mi byed pa lta ci smos snyam sems te/ phan pa'i don du mi 'gyur ba'ang nyams su len zhing bzod pa byed de/ phyir mi ldog par 'gyur bas na gdon mi za bar bla na med pa yang dag par rdzogs pa'i byang chub thob par 'gyur ro/ /da ltar zhag de snyed kyi bar du dka' ba spyod pa na lus kyi sha dang pags pa nyams shing rid pa ni ku ba brngas ma thag pa nyi ma la bzhag pa dang mtshungs so/ /mig rkong ba ni khron pa'i skar ma dang mtshungs so/ /sha kun zad de rtsa dang chu ba 'ba' zhig snang ba ni rtswa khyim zhig pa dang mtshungs so/ /sgal tshigs mngon par snang ba ni thag gu mdud pa bor ba dang mtshungs so/ /'dug 'dug pa'i gnas ni rta'i rmig rjes dang mtshungs te| 'dug pa'i tshe ni kha bub tu 'gyel/ langs pa'i tshe ni gan rkyal du 'gyel te/ de ltar phan pa'i don med pa'i sdug bsngal myong yang byang chub kyi sems las phyir ldog par mi byed do| |rigs kyi bu/ gzhan yang byang chub sems dpa' sems dpa' chen pos sdug bsngal gzhom zhing bde ba sbyin pa'i phyir phyi nang gi zang zing thams cad gtong ba nas lus dang srog gi bar du rtswa dang 'dra bar yongs su gtong bar byed do/ /gang gde ltar lus dang srog la mi 'phangs pa'i byang chub sems dpa' de ni bdag la bdag phyir mi ldog pa'i sems gdon mi za bar </font><hr>Kha276a<br><font size=+1>


@#/ /yod pa dang / nges par bla na med pa yang dag par rdzogs pa'i byang chub thob par rtogs so/ /gzhan yang byang chub sems dpas chos 'dod pa'i rkyen gyis lus kyis snang ba'i mar me 'dzugs pa ni lus la ras kyis dkris nas mar gyis byugs te me gtong bar byed do/ /byang chub sems dpas de'i tshe de ltar sdug bsngal chen po myong ba na bdag gi sems la smad pa'i phyir 'di skad ces smra'o/ /sdug bsngal 'di ni sems can dmyal ba'i sdug bsngal brgya stong gi char yang mi phod na khyod kyi bskal pa tshad med pa brgya stong gi bar du phan pa'i don med pa'i sdug bsngal chen po'ang bzod la/ sdug bsngal chung ngu 'di tsam la mi bzod na sems can dmyal bar sdug bsngal ba'i sems can sgrol ba'i phyir ji ltar 'gro bar bya zhes smra'o/ /byang chub sems dpa' sems dpa' chen pos de ltar yid la byed pa na lus kyis kyang sdug bsngal ba mi tshor la/ sems kyang phyir mi ldog cing mi g.yo mi 'gyur ro/ /byang chub sems dpas de'i tshe na bdag ni gdon mi za bar bla na med pa yang dag par rdzogs pa'i byang chub thob par rtogs par 'gyur ro/ /rigs kyi bu| byang chub sems dpa' de'i tshe na nyon mongs pa dang bcas te yongs su ma bcad kyang chos 'dod pa'i rkyen gyis lus kyi yan lag mgo bo dang / lag pa dang / rkang pa dang / mig dang / rkang </font><hr>Kha276b<br><font size=+1>


dang| sha dang / khrag gis sems can la sbyin par byed de/ lcags kyi gzer bus lus la 'dzugs pa dang / brag la mchong ba dang / me la mchong ba'ang byed do/ /byang chub sems dpa' de'i tshe de lta bu'i sdug bsngal tshad med pa myong yang gal te sems phyir mi ldog cing mi g.yo mi 'gyur na byang chub sems dpa' de ni gdon mi za bar phyir mi ldog pa'i sems dang ldan zhing| nges par bla na med pa yang dag par rdzogs pa'i byang chub thob par bdag nyid kyis rtogs par 'gyur ro/ /rigs kyi bu/ byang chub sems dpa' sems dpa' chen pos sems can thams cad kyi sdug bsngal gzhom pa'i phyir shin tu che ba'i byol song gi lus su skye ba'i smon lam 'debs te/ lus kyi sha dang / khrag gis sems can la sbyin par byed la/ sems can dag gis len pa'i tshe na de dag la byams shing snying rje'i sems bskyed pa'i phyir byang chub sems dpas de'i tshe dbugs kyang rgyu bar mi byed de/ shi ba ltar byas nas gang sha len pa de dag las bsad par ma gyur tam snyam the tshom za ba'i sems kyang med par byed do/ /byang chub sems dpas de ltar byol song gi skye gnas su skyes kyang byol song gi skye gnas kyi las nam du'ang mi byed do/ /de ci'i phyir zhe na/ rigs kyi bu/ byang chub sems dpas phyir mi ldog pa'i sems thob pas nam du'ang ngan song gsum gyi las mi byed do/ /byang </font><hr>Kha277a<br><font size=+1>


@#/ /chub sems dpa' sems dpa' chen pos ma 'ongs pa'i dus na/ gnas ngan len gyi 'bras bu rdul phra mo tsam nges par myong bar 'gyur ba ma yin pa'ang smon lam chen po'i shugs kyis sems can gyi phyir de dag myong bar byed do/ /'di lta ste/ dper na/ nad pa zhig yi dwags kyis brlams nas mngon par bltar mi snang yang rig sngags kyi mthus mngon par snang ste/ bar 'ga' ni smra/ bar 'ga' ni dga'/ bar 'ga' ni khro/ bar 'ga' ni gshe /bar 'ga' ni rdeg /bar 'ga' ni du/ bar 'ga' ni rgod pa ltar byang chub sems dpa' sems dpa' chen po'i ma 'ongs pa'i dus kyi ngan song gsum gyi las kyang de dang 'dra'o/ /byang chub sems dpa' sems dpa' chen po dred mo'i lus su gyur pa na rtag tu sems can rnams la dam pa'i chos ston to/ /bar 'ga' ni bya ka byi sha la'i lus su gyur te/ sems can rnams la dam pa'i chos ston to/ /sems can rnams la dam pa'i chos bstan pa'i phyir ku ta la'i lus dang / sha ba dang / ri bong dang / ba glang dang / lug dang / spre'u dang / phug ron dkar po dang / bya nam mkha' lding dang / klu dang / sbrul du'ang gyur te/ de ltar byol song gi lus mang po myong ba na nam du'ang byol song gi skye gnas kyi las ma byas kyi/ rtag tu byol song gi skye gnas su gyur pa gzhan la chos </font><hr>Kha277b<br><font size=+1>


ston te/ de dag byol song gi lus las myur du thar par bya ba'i phyir chos thos par byed do/ /byang chub sems dpa' de'i tshe de ltar byol song gi lus myong yang gnas ngan len gyi las mi byed pas/ de bas na gdon mi za bar phyir mi ldog pa'i sems dang ldan par rtogs so/ /byang chub sems dpa' sems dpa' chen po mu ge byung ba'i tshe sems can dag zas kyis nyen pa mthong nas/ rus sbal dang nya'i lus che khyad dpag tshad grangs med pa'i lus su skyes te/ 'di skad ces smon lam 'debs so/ /sems can thams cad kyis bdag gi lus kyi sha gcod cing za ba dang / bcad pa'i 'phro nas phyir yang skye ba dang / bdag gi sha zos pa'i rkyen gyis bkres pa dang skom pa'i sdug bsngal dang bral te/ thams cad kyis bla na med pa yang dag par rdzogs pa'i byang chub tu sems bskyed par gyur cig ces smon lam 'debs so/ /gzhan yang byang chub sems dpa' 'di skad du/ gang bdag gi sha zos pa'i rkyen gyis bkres shing skom pa dang bral bar gyur ba de dag thams cad ma 'ongs pa'i dus su srid pa nyi shu rtsa lngar bkres pa dang skom pa'i skyon thams cad dang myur du bral bar gyur cig ces smon lam 'debs so/ /byang chub sems dpa' sems dpa' chen pos de ltar sdug bsngal myong ba na/ sems phyir mi ldog pa ni gdon mi za bar bla na med pa yang dag par rdzogs pa'i </font><hr>Kha278a<br><font size=+1>


@#/ /byang chub thob par rig par bya'o/ /gzhan yang byang chub sems dpas nad kyi bskal pa byung ba'i tshe/ nad kyis gzir ba mthong na 'di snyam du sems so/ /ji ltar sman gyi sdong po'i rgyal po la nad pa gang rtsa ba'am/ sdong bu'am/ yal ga'am/ lo ma'am/ me tog gam/ 'bras bu'am/ shun pa'am/ gang blangs kyang rung| |nad 'tsho bar 'gyur ba ltar bdag gi lus kyang de dang 'dra bar gyur te/ nad pa gang gis skad thos sam/ lus la reg gam/ sha dang khrag zos pa nas/ rkang dang klad pa'i bar zos pa thams cad kyi nad byang bar gyur cig /sems can gyis bdag gi sha zos nas ngan sems ma bskyed par bu'i sha la za ba dang 'dra bar sems shing bdag gi nad sos par byas nas chos bstan par gyur pa dang / de dag gi thos nas dad cing gzungs su bzung ste/ gzhan la'ang ston par gyur cig ces smon lam 'debs so/ /rigs kyi bu| de ltar byang chub sems dpa' nyon mongs pa dang bcas te/ lus kyis sdug bsngal myong yang sems phyir mi ldog cing mi g.yo mi 'gyur ba ni/ nges par phyir mi ldog pa'i sems dang ldan zhing bla na med pa yang dag par rdzogs pa'i byang chub thob rig par bya'o/ /gzhan yang / rigs kyi bu/ gal te sems can dag yi dwags kyis brlams te nad du </font><hr>Kha278b<br><font size=+1>


gyur na/ byang chub sems dpas mthong ma thag tu 'di skad ces smon lam 'debs so/ /bdag kyang yi dwags kyi lus su gyur te/ lus che ba dang / byin yod pa'i lus dang / 'khor mang po'i lus su gyur te/ de dag gi thos ma thag tu nad 'tsho bar gyur cig ces smon lam 'debs so/ /byang chub sems dpa' sems dpa' chen po sems can gyi phyir dka' thub spyod pa na/ nyon mongs pa dang bcas mod kyi sems la mi 'go'o/ /rigs kyi bu/ gzhan yang byang chub sems dpa' sems dpa' chen po pha rol tu phyin pa drug spyod mod kyi/ pha rol tu phyin pa drug gi 'bras bu la mi re'o/ /bla na med pa'i pha rol tu phyin pa drug la nan tan byed pa na 'di skad ces smon lam 'debs so/ /bdag gis pha rol tu phyin pa drug gi sems can re re la sbyin pa bya'o/ /sems can re res kyang bdag gi sbyin pa blangs nas thams cad bla na med pa yang dag par rdzogs pa'i byang chub thob par gyur cig /bdag nyid kyang pha rol tu phyin pa drug tu gyur te/ dka' ba spyod cing sdug bsngal mang po myong ba dang / sdug bsngal myong ba'i tshe yang byang chub kyi sems las phyir ldog par ma gyur cig /rigs kyi bu/ byang chub sems dpa' sems dpa' chen po mtshan nyid de lta bur gyur pa na byang chub las phyir mi ldog pa'i mtshan nyid ces bya'o/ /rigs kyi bu/ gzhan yang byang chub sems dpa' sems dpa' chen po ni </font><hr>Kha279a<br><font size=+1>


@#/ /bsam gyis mi khyab pa zhes bya'o/ /de ci'i phyir zhe na/ byang chub sems dpa' sems dpa' chen pos 'khor ba la nyes pa'i skyon shin tu mang ba dang / yongs su mya ngan las 'das pa chen po la ni yon tan chen po yod par shes mod kyi sems can gyi phyir 'khor ba la gnas te/ sdug bsngal rnam pa sna tshogs myong ba la sems phyir mi ldog pas na byang chub sems dpa' ni bsam gyis mi khyab pa zhes bya'o/ /rigs kyi bu/ byang chub sems dpa' sems dpa' chen po ni rgyu dang rkyen gyis bskul nas snying rje ba dang byams pa'i sems skyed pa ma yin/ bya ba'i drin 'dod pa'ang ma yin te/ rtag tu gzhan la bya ba'i drin sbyin par byed do/ /de ltar bya ba'i drin byin yang lan la re ba'i sems med pas na bsam gyis mi khyab pa zhes bya'o/ /rigs kyi bu/ sems can dag ni bdag la phan pa'i don du dka' ba spyod do/ /byang chub sems dpa' sems dpa' chen po ni gzhan la phan pa'i don du dka' ba spyod de/ de ni bdag la phan pa'ang yin la/ bsam gyis mi khyab pa zhes kyang bya'o/ /gzhan yang byang chub sems dpa' nyon mongs pa dang bcas kyang dgra dang gnyen kyi sems gzhig pa'i phyir sdug bsngal mang pa myong bar mnyam pa'i sems la nan tan byed pas/ de bas na bsam gyis mi khyab pa zhes bya'o/ /gzhan yang byang chub </font><hr>Kha279b<br><font size=+1>


sems dpas gal te sdig pa mi dge ba'i sems can dag mthong na spyo ba'am/ tshig 'jam po smra ba'am/ skrod pa'am/ gal te na btang snyoms su 'jog ste/ gang rang bzhin gyis khro ba la ni tshig 'jam po smra ba'ang ston to/ /gang nga rgyal can la ni nga rgyal chen po'ang mngon par ston mod kyi/ yang dag par na sems la ni nga rgyal med de/ de ni byang chub sems dpa' thabs mkhas pa bsam gyis mi khyab zhes bya'o/ /gzhan yang byang chub sems dpa' nyon mongs pa dang bcas pa zang zing dang longs spyod med pa na/ slong ba mang yang zhen pa'i sems med pa ni byang chub sems dpa'i bsam gyis mi khyab pa zhes bya'o/ /gzhan yang byang chub sems dpa' sangs rgyas 'jig rten du byung ba na sangs rgyas kyi yon tan shes pas sems can gyi phyir gang sangs rgyas med pa'i gnas su mtha' 'khob tu skye ba'i lus len pa ni dmus long ngam/ 'on pa'am/ lkugs pa'am/ zha bo lta bu'i lus myong bar byed de/ de ni byang chub sems dpa'i bsam gyis mi khyab pa zhes bya'o/ /gzhan yang byang chub sems dpa'i sems can gyi nyes pa'i skyon ci dang ci yod pa shin tu rtogs pas rnam par bsgral ba'i phyir de dag dang mthun par spyod de/ de ltar yid mthun par spyod kyang nyes pa'i dri mas mi gos te/ de ni byang chub sems dpa' bsam gyis mi khyab pa zhes bya'o/ /gzhan yang byang </font><hr>Kha280a<br><font size=+1>


@#/ /chub sems dpas sems can gyi mtshan nyid kyang med/ nyon mongs pa'i 'go ba'ang med/ lam la nan tan byed pa'ang med/ nyon mongs pa spong ba'ang med| byang chub la nan tan byed pa'ang med mod kyi/ byang chub kyi spyod pa'ang med/ byang chub kyi spyod pa lhun gyis grub pa'ang med/ sdug bsngal myong ba'ang med/ sdug bsngal bcom pa'ang med par shes shing rtog mod kyi 'on kyang sems can gyi phyir sdug bsngal yang bcom/ byang chub kyi spyad pa'ang spyod de/ de ni bsam gyis mi khyab pa zhes bya'o/ / gzhan yang / rigs kyi bu/ byang chub sems dpas lus nang gi tha ma dga' ldan gnam du skyes pa'ang bsam gyis mi khyab pa zhes bya'o/ /de ci'i phyir zhe na/ dga' ldan gnam ni 'dod pa'i khams kyi gnas mchog yin no/ /gnam gyi rim pa 'og ma'i lha ni bag med par spyod do/ /gnam kyi rim pa gong ma'i lha rnams ni dbang po rtul bas na dga' ldan gnam gyi lha ni mchog ces bya'o/ /sbyin pa dang / tshul khrims spyod pas ni gnam gong ma dang / 'og mar skye bar 'gyur ro/ /sbyin pa dang / tshul khrims kyi ting nge 'dzin bsgoms pas ni dga' ldan gnam gyi lhar skye bar 'gyur ro/ /byang chub sems dpa' thams cad ni srid pa la yongs su smod de/ srid pa bcom nas dga' ldan gnam gyi lha'i las mi </font><hr>Kha280b<br><font size=+1>


byed kyang dga' ldan gnam gyi lhar skye'o/ /de ci'i phyir zhe na/ byang chub sems dpas gal te srid pa gzhan du skyes kyang sems can gyi don byed par 'gyur te/ yang dag par 'dod pa'i khams su skye ba'i sems med kyang 'dod pa'i khams su skye ste/ de bas na bsam gyis mi khyab pa zhes bya'o/ /byang chub sems dpa' sems dpa' chen po dga' ldan gnam gyi lhar skyes pa ni dngos po 'di gsum gyis mchog tu 'gyur ro/ /gang zhe na/ 'tsho ba'i tshe dang / gzugs byad dang / grags pa'o/ /byang chub sems dpa' sems dpa' chen po yang dag par 'tsho ba'i tshe dang / gzugs byad dang / grags pa la re ba med kyang gzhan pas mchog tu 'gyur ro/ /byang chub sems dpa' sems dpa' chen pos yongs su mya ngan las 'das pa la mos pas de'i rgyu de'i rkyen gyis kyang mchog tu 'gyur te/ de bas na bsam gyis mi khyab pa zhes bya'o/ /byang chub sems dpa' sems dpa' chen pos de ltar dngos po gsum gyis lha rnams las mchog tu gyur kyang lha'i sras po rnams byang chub sems dpa' de la zhe sdang gi sems dang / phrag dog gi sems dang / nga rgyal gyi sems mi skye'i/ rtag tu dga' ba'i sems bskyed do/ /byang chub sems dpa' yang lha rnams la nga rgyal mi byed pas bsam gyis khyab pa zhes bya'o/ /byang chub sems dpa' sems dpa' chen po 'tsho ba'i tshe las ma byas kyang / lha de dag gi nang na </font><hr>Kha281a<br><font size=+1>


@#/ /tshe'i tshad mthar phyin pas 'tsho ba'i tshe mchog tu gyur pa zhes bya'o/ /gzugs byad kyi las ma byas kyang gzugs byad dam pa'i lus su gyur te/ 'od zer kun tu gsal bas gzugs mchog tu gyur pa zhes bya'o/ /byang chub sems dpa' sems dpa' chen po lha'i pho brang na gnas kyang 'dod pa lnga la ma chags te/ chos kyi bya ba 'ba' zhig byed pas grags pa phyogs bcur grags te/ de bas na grags pa mchog tu gyur pa zhes bya ba ste/ bsam gyis mi khyab pa zhes bya'o/ /byang chub sems dpa' sems dpa' chen po dga' ldan gnam nas babs pa nas chen po rnam pa drug tu g.yos pas bsam gyis mi khyab pa zhes bya'o/ /de ci'i phyir zhe na/ byang chub sems dpa' gnam las/ babs pa na 'dod pa'i khams dang / gzugs yod pa'i khams kyi lha thams cad kyis bsnyen bkur byas te bskyal nas skad chen po phyung ste/ byang chub sems dpa' la shin tu bstod pas/ de dag gi kha'i dbugs kyi shugs kyis sa'ang g.yos par gyur to/ /gzhan yang byang chub sems dpa' ni mi'i nang na khyu mchog gi rgyal po lta bu'o/ /mi'i nang na khyu mchog gi rgyal po ni klu'i rgyal po zhes bya'o/ /klu'i rgyal po thog ma mngal du 'jug pa na klu'i rgyal po kha cig sa'i 'og na gnas pa la la ni 'jigs/ la la ni dga' bas sa chen po rnam </font><hr>Kha281b<br><font size=+1>


pa drug tu g.yos par gyur te/ de bas na bsam gyis mi khyab pa zhes bya'o/ /byang chub sems dpa' sems dpa' chen po mngal du 'jug pa'i dus dang / gnas pa'i dus dang / 'byung ba'i dus kyang shes/ pha dang ma yongs su gtsang zhing cis kyang ma gos par shes pa ni brgya byin lha'i dbang phyug gi sgra'am/ nor bu rin po che sngon po lta bur shes te/ de bas na bsam gyis mi khyab pa zhes bya'o/ /rigs kyi bu/ yongs su mya ngan las 'das pa chen po'i mdo sde'ang de dang 'dra ste/ bsam gyis mi khyab bo/ /rigs kyi bu/ dper na/ rgya mtsho chen po la ni bsam gyis mi khyab pa brgyad yod do/ /brgyad gang zhe na/ rim gyis gzhol ba dang / zab cing gting ring ba dang / gcig tu lan tshwa'i ro bro ba dang / dpres gyi mtshams las mi 'da' ba dang / rin po che mang ba dang / sems can mang po'i gnas su gyur pa dang / ro zhag tu mi gnas pa dang / 'bab chu thams cad dang sprin chen po'i char yongs su 'dzin kyang mi 'phel mi 'grib pa dang brgyad do/ /rigs kyi bu/ /rim gyis gzhol ba la dngos po rnam pa gsum ste/ gsum gang zhe na/ sems can thams cad kyi bsod nams kyi shugs dang / rlung phyogs su 'gro ba dang / chu klung 'bab pa'i phyir ro/ /mi 'phel mi 'grib pa'i bar la'ang rnam pa gsum gsum yod do/ /de bzhin du yongs su mya ngan las 'das pa chen po'i mdo sde la'ang </font><hr>Kha282a<br><font size=+1>


@#/ /bsam gyis mi khyab pa rnam pa brgyad yod do/ /gang zhe na/ rim gyis gzhol ba ste/ tshul khrims lnga dang / tshul khrims bcu dang / tshul khrims nyis brgya lnga bcu dang / byang chub sems dpa'i tshul khrims dang / rgyun du zhugs pa'i 'bras bu dang / lan gcig phyir ldog pa'i 'bras bu dang / phyir mi ldog pa'i 'bras bu dang / dgra bcom pa'i 'bras bu dang / rang sangs rgyas kyi 'bras bu dang / byang chub sems dpa'i 'bras bu dang / bla na med pa yang dag par rdzogs pa'i byang chub kyi 'bras bu'i bar du yongs su mya ngan las 'das pa'i mdo sde 'di las bstan cing gsungs pas/ chos 'di dag ni rim gyis gzhol ba zhes bya ste/ de bas na mdo sde 'di ni rim gyis gzhol ba zhes bya ba yin/ zab cing gting ring ba ni sangs rgyas bcom ldan 'das ni ma skyes pa mi 'gog pa/ bla na med pa yang dag par rdzogs pa'i byang chub brnyes pa'ang med/ chos kyi 'khor lo bskor ba'ang med/ bsod snyoms bzhes pa'ang med/ sbyin pa byas pa'ang med de/ de bas na rtag pa dang / bde ba dang / bdag dang / yongs su dag pa ste/ sems can thams cad la sangs rgyas kyi rang bzhin yod pa zhes bya'o/ /sangs rgyas kyi rang bzhin ni gzugs ma yin/ gzugs las gzhan ma yin/ tshor ba dang / 'du shes dang / 'du byed </font><hr>Kha282b<br><font size=+1>


dang / rnam par shes pa ma yin pa nas/ rnam par shes pa'i bar du gzhan pa ma yin te/ rtag pa bltar rung ba/ gsol ba'i rgyu byas pa'i rgyu ma yin pa/ rgyun du zhugs pa nas/ rang sangs rgyas kyi bar du bla na med pa yang dag par rdzogs pa'i byang chub thob pa'ang nyon mongs pa'ang med/ gnas kyang med de/ nyon mongs pa med kyang rtag pa zhes mi bya ste/ de bas na zab pa zhes bya'o/ /gzhan yang shin tu zab pa ni mdo sde 'di las bar ni bdag yod ces 'chad/ bar bar ni bdag med ces kyang 'chad/ bar bar ni rtag ces 'chad/ bar bar ni mi rtag ces 'chad/ bar bar ni yongs su dag pa'o zhes 'chad/ bar bar ni yongs su ma dag ba'o zhes 'chad/ bar bar ni bde'o zhes 'chad/ bar bar ni sdug bsngal ba'o/ zhes 'chad/ bar bar ni stong ba'o zhes 'chad/ bar bar ni stong pa ma yin no zhes 'chad/ bar bar ni thams cad yod do zhes 'chad/ bar bar ni thams cad med do zhes 'chad/ bar bar ni theg pa gsum du 'chad/ bar bar ni theg pa gcig tu 'chad/ bar bar ni phung po lnga nyid sangs rgyas kyi rang bzhin yin te/ rdo rje lta bu'i ting nge 'dzin dang / lam dbu ma dang / dpa' bar 'gro ba'i ting nge 'dzin dang / rten cing 'brel te 'byung ba bcu gnyis dang / don dam pa'i stong pa nyid dang / byams pa dang / snying rje dang / dga' ba dang / btang snyoms </font><hr>Kha283a<br><font size=+1>


@#/ /dang / sems can thams cad la spyi bo'i ye shes dang / dad pa'i sems dang / dbang po dang / stobs shes pa dang / chos thams cad la thogs pa med pa'i ye shes la bya ste/ sangs rgyas kyi rang bzhin yod mod kyi nges par ma gsungs pas na zab pa zhes bya ba yin/ thams cad ro gcig pa zhes bya ba ni sems can thams cad la mthun par sangs rgyas kyi rang bzhin yod de/ theg pa gcig par mthun pa dang / rnam par grol bar gcig par mthun pa dang / rgyu gcig pa dang / 'bras bu gcig pa dang / zil mngar gcig par mthun pa ste/ thams cad kyis rtag pa dang / bde ba dang / bdag dang / yongs su dag pa thob par 'gyur bas na/ ro gcig pa zhes bya ba yin/ dbrel kyi mtshams las mi 'da' ba ni mdo sde 'di las dge slong dag ma brtags pa'i dngos po brgyad mi bcad par khrims bcas pa las/ nga'i nye gnas su gyur pa gang zhig 'phags pa yongs su mya ngan las 'das pa chen po'i mdo sde 'di 'chang ngam/ 'dzin tam/ klog gam/ 'don tam/ yi ger bris sam/ dgrol zhing bshad na/ lus dang srog gi bar du yal yang tshul khrims nyams par mi byed de/ de ni dbres kyis mtshams las mi 'da' ba zhes bya ba yin/ rin po che rnam pa mang po ni mdo sde 'di nyid rin po che tshad med pa'i gter yin no/ /gter </font><hr>Kha283b<br><font size=+1>


zhes bya ba ni dran pa nye bar bzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad dang / bus pa chung ngu'i spyod pa dang / 'phags pa'i spyod pa dang / tshangs pa'i spyod pa dang / lha'i spyod pa dang / dge ba mang po'i thabs dang / sems can gyi sangs rgyas kyi rang bzhin dang / byang chub sems dpa'i yon tan dang / de bzhin gshegs pa'i yon tan dang / nyan thos kyi yon tan dang / rang sangs rgyas kyi yon tan dang / pha rol tu phyin pa drug dang / ting nge 'dzin tshad med pa dang / ye shes dang shes rab tshad med pa ni rin po che'i gter zhes bya ba yin/ sems can chen po'i gnas zhes bya ba sems can chen po ni sangs rgyas dang byang chub sems dpa' ste/ ye shes dang shes rab che ba'i phyir sems can chen po zhes bya'o/ /lus che ba'i phyir sems che ba'i yin te/ sems che ba'i phyir/ bkod pa che ba'i phyir/ gdul ba che ba'i phyir/ thabs mkhas pa che ba'i phyir/ chos brjod pa che ba'i phyir/ mthu stobs che ba'i phyir/ 'khor gyi dkyil 'khor che ba'i phyir/ rdzu 'phrul che ba'i phyir/ byams pa dang / snying rje chen po'i phyir/ rtag tu mi 'gyur ba'i phyir/ sems can thams cad la thogs pa med pa'i phyir/ sems can thams cad shong ba'i phyir/ de bas na sems can </font><hr>Kha284a<br><font size=+1>


@#/ /can chen po'i gnas zhes bya ba yin/ ro dang mi gnas pa zhes bya ba ro ni log sred can dang / phas pham pa bzhi nyams pa dang / mtshams med pa lnga'i kha na ma tho ba byas pa dang / shin tu rgyas pa'i mdo sde la skur ba dang / chos ma yin pa la chos su bshad pa dang / chos la chos ma yin par bshad pa dang ma brtags pa'i dngos po brgyad 'chang ba dang / sangs rgyas kyi dkor dang / dge 'dun gyi nor la yid bzhin du thugs thub tu spyod pa dang / dge slong dang dge slong ma la chos ma yin par spyod pa ni shi ba'i ro zhes bya ba yin te/ yongs su mya ngan las 'das pa'i mdo sde 'di'ang de lta bu'i dngos po mang po dang / yongs su bral bas shi ba'i ro dang mi 'grogs pa zhes bya ba yin/ mi 'phel mi 'grib pa zhes bya ba ni mtha' yas pa'i phyir/ thog ma dang tha ma med pa'i phyir/ gzugs ma yin pa'i phyir/ bya ba'i ma yin pa'i phyir/ rtag tu gnas pa'i phyir/ mi skye mi 'gog pa'i phyir/ sems can thams cad la mnyam snyoms pa'i phyir/ thams cad kyi mtshan nyid mtshan gcig tu mthun pa'i phyir mi 'phel mi 'grib pa yin te/ de bas na mdo sde 'di ni rgya mtsho chen po ltar bsam gyis mi khyab pa brgyad dang ldan no/ /seng+ge sgras gsol pa/ bcom ldan 'das/ gal te de bzhin gshegs pa la mi skye mi 'gog pa'i phyir </font><hr>Kha284b<br><font size=+1>


zab pa zhes bgyi na/ so so'i skye bo thams cad la skye gnas rnam pa bzhi ste/ sgo nga las skyes pa dang / drod gsher las skyes pa dang / mngal nas skyes pa dang / brdzus te skyes pa'o/ /skye gnas rnam pa bzhi ni mi'i nang na'ang rdzogs par mchis so/ /dper na/ dge slong shing sA la dang / u pa shi pa la dang / khyim bdag ni ka la'i ma dang / khyim bdag ni ku ta'i ma dang / khyim bdag phan sha la'i ma la sogs pa de dag la so so nas bu lnga brgya lnga brgya mchis te/ thams cad sgo nga gcig gi nang nas skyes te/ de bas na mi la'ang sgo nga las skyes pa mchis so/ /drod gsher las skyes pa ni ji ltar bcom ldan 'das kyis gsungs pa ltar sngon byang chub sems dpa' mdzad pa na/ rgyal po spyi bo skyes zhes bgyi bar gyur pa dang / rgyal po lag nas skyes zhes bgyi bar gyur pa dang / da ltar gsungs pa bu mo a mra'i shing dang / bu mo ka phyi ta'i shing zhes bgyi ba mchis pas ni mi'i nang na drod gsher las skyes pa'ang mchis so/ /thog ma bskal pa chags pa na sems can thams cad brdzus te skyes pa na/ sangs rgyas bcom ldan 'das ni dbang du gyur pa brgyad dang ldan pa lags na/ ci'i slad du brdzus te ma skyes/ bcom ldan 'das kyis bka' stsal pa/ rigs kyi bu/ sems can thams cad ni skye ba rnam pa bzhis skye ste/ 'phags pa'i chos thos nas sngon ltar sgong las skye ba dang / drod gsher las skye bar </font><hr>Kha285a<br><font size=+1>


@#/ /mi 'gyur ro/ /rigs kyi bu/ bskal pa thog ma chags pa na sems can thams cad brdzus te skyes kyang de'i tshe na sangs rgyas 'jig rten du ma gshegs so/ /rigs kyi bu/ gal te sems can dag nad kyis btab na sman pa dang sman dgos so/ /bskal pa thog ma chags pa na sems can thams cad brdzus te skyes pas nyon mongs pa pa dang bcas mod kyi nyon mongs pa'i nad ma lags pas/ de bzhin gshegs pa 'jig rten du ma gshegs so/ /rigs kyi bu/ bskal pa thog ma chags pa'i sems can ni lus dang sems snod du ma gyur pas de bzhin gshegs pa 'jig rten du ma gshegs so/ /rigs kyi bu/ sangs rgyas bcom ldan 'das kyi gdung rigs dang / 'khor dang / pha ma ni mchog tu gyur pas chos gsung ba thams cad kyis yid ches te/ de bas na de bzhin gshegs pa ni brdzus te mi skye'o/ /rigs kyi bu/ sems can thams cad ni bu'i las kyang pha byed la/ pha'i las kyang bu byed de/ sangs rgyas bcom ldan 'das gal te brdzus te skyes na pha ma med par 'gyur ro/ /gal te pha ma med na so so'i skye bo thams cad kyi dge ba'i las mang po'ang ji ltar mdzad par 'gyur/ de bas na de bzhin gshegs pa ni brdzus te mi skye'o/ /rigs kyi bu/ sangs rgyas kyis bstan pa'i dam pa'i chos la srung ba </font><hr>Kha285b<br><font size=+1>


rnam pa gnyis te/ nang dang / phyi rol lo/ /nang gi srung ba ni tshul khrims so/ /phyi rol gyi srung ba ni gnyen bshes dang / 'khor ro/ /gal te sangs rgyas bcom ldan 'das brdzus te skyes na phyi rol gyi srung ba med par 'gyur te/ de bas na de bzhin gshegs pa ni brdzus te skye ba'i sku ni mi 'dod do/ /rigs kyi bu/ skye bo kha cig ni cho rigs snyems pas nga rgyal skye'o/ /de bzhin gshegs pas de dag gi nga rgyal gzhom pa'i phyir cho rigs btsun par skyes kyi brdzus te skye ba'i sku mi 'dod do/ /rigs kyi bu/ sangs rgyas bcom ldan 'das la yang dag par pha dang ma yod de/ pha ni zas gtsang ma zhes bya/ ma ni lha mdzes zhes bya ste/ 'on kyang sems can de dag ni sgyu ma yin no zhes brjod na/ ji ltar brdzus te skye ba'i sku 'dod par bya/ gal te brdzus te skye ba'i sku blangs na ring bsrel mang po ci las 'byung bar 'gyur/ de bzhin gshegs pa ni sems can la phan ba'i don du ring bsrel phra mor gses nas thams cad kyis mchod par 'gyur bar byed do/ /de bas na de bzhin gshegs pas brdzus te skye ba'i sku mi 'dod do/ /sangs rgyas thams cad kyang brdzus te skye ba'i sku mi 'dod na/ ci'i phyir nga 'ba' zhig brdzus te skye ba'i sku blang bar bya/ de nas byang chub sems dpa' seng ge sgras thal mo sbyar te pus mo g.yas pa'i lha nga sa la btsugs nas tshigs su bcad pa 'di 
 </font><hr>Kha286a<br><font size=+1>


@#/ /dag gis bcom ldan 'das la mngon par bstod do/ de bzhin gshegs ni yon tan tshad med phung po ste/ bdag gis de dag rgyas par brjod par mi nus kyang / so so'i skye bo'i slad du phyogs tsam brjod par bgyi/ /thugs brtse'i slad du bdag gis brjod pa gsan du gsol/ /so so'i skye bo ma rig mun par 'gro ba dag / sdug bsngal mtha' yas rnam pa mang po myong bar 'gyur/ /bcom ldan 'das kyis de dang bral bar mdzad pas na/ /'jig rten kun tu thugs rje chen po zhes kyang grags/ /so so'i skye bo 'khor ba'i rgyu la 'khor bas na/ /bag med yongs su bslad pas bde ba med par 'gyur/ /de bzhin gshegs pas bde ba yongs su byin pas na/ /'khor bas 'khor ba'i rgyud ni yongs su bcad par gyur/ /de bzhin gshegs ni bde ba kun la byin pas na/ bdag gis bde ba gang la'ang ma chags pa mi mos so/ /so so'i skye bo'i slad du dka' ba kun spyad de/ /de bas 'jig rten bcas pa kun gyis mchod par gyur/ /pha rol sdug bsngal myong ba gzigs na sku 'dar te/ sems can dmyal bar zhugs kyang sdug bsngal tshor ba med/ sems can slad du sdug bsngal chen po myong mdzad de/ /de bas kun las rgyal te dpag pa'i tshad ma mchis/ /de bzhin gshegs pas sems can </font><hr>Kha286b<br><font size=+1>


slad du dka' ba spyad/ /pha rol phyin pa drug kyang yongs su rdzogs par 'gyur/ /thugs ni log pa'i rlung la gnas kyang mi g.yo ste/ de bas shin tu rgyal ba'i 'jig rten skyes bu'o/ /so so'i skye bo dag ni bde ba kun 'dod kyang / /bde bar gyur pa'i rgyu ni gang lags mi shes te/ de bzhin gshegs pas bstan nas sgom par gyur pas na/ /ji ltar bu gcig po la pha mas byams pa bzhin/ /bcom ldan 'das kyis sems can nyon mongs nad gzigs nas/ /sdug bsngal ba ni na ba'i bu la ma bzhin te/ /rtag tu nyon mongs nad spong ba yi thabs dgongs pas/ /de bas lus 'di gzhan gyi dbang du gyur pa yin/ /sems can thams cad sdug bsngal mang po kun spyod kyang / /phyin ci log gi sems kyis de la bde bar 'dzin/ /de bzhin gshegs pas bde dang sdug bsngal bden gsungs te/ /de bas kun tu thugs rje chen po zhes grags so/ /'jig rten thams cad ma rig sgo nga la gnas kyang / /brtol zhing gzhom par gyur pa'i ye shes mchu med pas/ /de bzhin gshegs pa'i ye shes mchu yis kun bcom ste/ /de bas mchog tu 'gyur ba'i sras kyi thu bo'o/ /'jig rten gsum gyis yongs su ma bzung ma bsdus pas/ /ming yang med de bla dwags btags pa'i tha snyad med/ /yongs su mya ngan 'das pa'i don mdzad rtogs pas </font><hr>Kha287a<br><font size=+1>


@#/ /na| |bcom ldan 'dis ni blo gros chen po zhes grags so/ /srid pa'i klung gis sems can g.yengs te nub gyur kyang / /ma rig yongs su ldongs pas 'byung ba'i lam mi shes/ /de bzhin gshegs ni bdag kyang grol pas gzhan sgrol te/ /de bas na de bzhin gshegs ni gru mkhan zhes grags so/ /rgyu dang 'bras bur 'gyur ba thams cad mkhyen pas na/ /de bzhin zad dang 'gog pa'i las kyang shin tu rtogs/ /sems can nad kyis sdug bsngal ba yi sman gtong bas/ /'jig rten kun tu sman pa'i rgyal po zhes grags so/ /mu stegs ngan par lta ba'i dka' thub spyod pa yang / /de yi rkyen gyis bla med bde ba thob ces smra/ /de bzhin gshegs kyis yang dag bde ba gsungs pa ni/ /sems can thams cad nges par bde ba myong bar 'gyur/ /de bzhin gshegs ni log par 'gro ba'i lam bcom pas/ /sems can kun la yang dag bden pa'i lam rab ston/ /lam rab de la spyod pa de dag bde bar 'gyur/ /de bas bcom ldan 'das ni ded dpon zhes grags so/ /bdag gis byas pa ma yin gzhan gyis byas ma yin/ /thun mong byas pa ma yin rgyu med byas ma yin/ /de bzhin gshegs kyis sdug bsngal myong ba gsungs pa ni/ /mu stegs can gyis smra ba kun las mchog </font><hr>Kha287b<br><font size=+1>


tu gyur/ /tshul khrims ting 'dzin shes rab yongs su rdzogs pas na/ /chos de nyid kyis so so'i skye bo kun la ston/ /chos kyi sbyin pa mdzad pa'i dus na ser sna med/ /de bas bcom ldan 'das ni mi dmigs byams pa'o/ /byams pa med de rgyu dang rkyen yang med pas na/ /rgyu med 'bras bu med pa'i rnam par smin pa thob/ /de bas mkhas pa shes rab ldan pa thams cad kyis/ /de bas de bzhin gshegs ni re ba med ces brjod/ /rtag tu 'jig rten bag med spyod dang 'grogs gyur kyang / /sku la bag med pas ni yongs su 'go mi 'gyur/ /de bas bsam gyis mi khyab pa'o zhes bya ste/ /'jig rten chos brgyad kyis kyang rnam par 'go mi 'gyur/ /sangs rgyas bcom ldan 'das la byams dang sdang med de/ /de bas de yi thugs ni rtag tu mnyam snyoms pa'o/ /seng ge sgra zhes bgyi bas thugs rje che la bstod/ /tshad med pa yi seng ge'i sgra ni sgrogs gyur cig /'phags pa yongs su mya ngan las 'das pa chen po'i mdo las/ byang chub sems dpa' seng ge sgra zhes bya bas yongs su dris pa'i le'u ste bcu gcig pa'o// //de nas byang chub sems dpa' 'od srung gis bcom ldan 'das la 'di skad ces gsol to/ /de bzhin gshegs pa ni sems can thams cad la thugs brtse lags te/ ma dul ba ni dul bar mdzad/ /ma dag pa ni dag par mdzad/ mgon </font><hr>Kha288a<br><font size=+1>


@#/ /skyabs ma mchis pa la ni mgon skyabs mdzad de/ rnam par ma grol ba'ang rnam par dgrol bar mdzad nas dbang du gyur pa brgyad dang ldan pa sman pa chen po sman gyi rgyal po lta bu lags na/ dge slong legs pa'i skar ma zhes bgyi ba bcom ldan 'das byang chub sems dpa' mdzad pa'i dus kyi sras lags te/ rab tu byung nas mdo sde sde bcu gnyis 'chang ba dang / 'dzin pa dang / klog pa dang / 'don pa dang / rnam par phye ste dgrol zhing bshad par yang bgyi/ 'dod pa'i khams kyi kun nas nyon mongs pa'ang bcom/ bsam gtan bzhi'ang thob na ci'i slad du de bzhin gshegs pas dge slong legs pa'i skar ma ni log sred can yin te/ kun gyi tha mar gyur pa 'di bskal ba'i bar du sems can dmyal bar gnas kyang gsor mi rung ngo zhes lung bstan/ ci'i slad du de bzhin gshegs pas sngar dam pa'i chos bstan te/ phyis byang chub sems dpar 'gyur bar mi mdzad/ gal te sangs rgyas bcom ldan 'das kyis legs pa'i skar ma'i mgon dang skyabs mdzad par mi 'gyur na/ thugs rje chen po dang ldan zhing thabs mkhas pa chen po'o zhes ci la gdags/ bcom ldan 'das kyis bka' stsal ba/ rigs kyi bu/ dper na/ pha ma la bu gsum zhig yod de/ bu rab ni pha ma la sri zhu dang </font><hr>Kha288b<br><font size=+1>


bkur sti'ang byed/ dbang po rno bas 'jig rten gyi bya ba thams cad bslabs na myur du lobs so/ /bu 'bring po ni pha ma'i yid dang mthun par yang mi byed/ sri zhu dang bkur sti'i sems kyang med/ dbang po rno bas 'jig rten gyi bya ba bslabs na myur du slobs so/ /bu tha chung ni pha ma'i yid dang 'gal bar byed de/ sri zhu dang bkur sti'i sems kyang med/ dbang po'ang rtul te shes pa med do/ /gal te pha mas sbyang zhing bslab par bya na sngar gang bslab tu gzhug cing gang la sdug cing byams par byed/ /byang chub sems dpa' 'od srung gis gsol ba/ bcom ldan 'das/ sngar gang pha ma'i yid dang mi 'gal bar byed cing sri zhu dang bkur sti byed pa dang / 'jig rten gyi bya ba bslabs na myur du ldob pa de bslabs nas/ de'i 'og tu bu 'bring po dang / tha chung yang slob bo/ /bu 'og ma gnyis la sri zhu dang bkur sti bya ba'i sems med med kyi/ 'on kyang byams pas slob pa'i grwar slob tu bcug go/ /rigs kyi bu/ de bzhin gshegs pa'ang de dang 'dra ste/ bu gsum zhes pa ni bu'i nang na rab ni byang chub sems dpa' la bya ba'i dpe'o/ /'bring po ni nyan thos la bya ba'i dpe'o/ /bu tha chung ni log sred can la bya ba'i dpe'o/ /mdo sde bcu gnyis las don shin tu phra ba zab mo ni ngas sngar byang chub sems dpa' rnams la gsungs so/ /don mi zab pa ni nyan thos rnams la gsungs so/ /'jig </font><hr>Kha289a<br><font size=+1>


@#/ /rten gyi don ni log sred can dang / mtshams med pa lnga'i kha na ma thob byed pa la gsungs so/ /da ltar gyi dus su 'phral du phan pa'i don du mi 'gyur yang byams pa brtse ba'i phyir 'jig rten phyi ma'i dge ba'i 'bras bur 'gyur pa bya ba'i phyir gsungs so/ /rigs kyi bu/ 'di lta ste/ zhing la rnam pa gsum mo/ /zhing chu rka bde zhing rdo dang / gseg ma dang / gyo mo dang / shing gel pa med na brgya 'gyur skye ba dang / bye ma dang / gseg ma dang / rdo ba dang / gyo mo dang / shing gel pa med kyang chu rka mi bde ste chu ma bcus na 'bras bu phyed 'bri ba dang / chu rka'+nga mi bde la/ rdo dang / gseg ma dang / shing gel pa mang ba ni rtswa mang du skye bas gcig rmos na gcig las mi skye'o/ /rigs kyi bu/ zhing pa dag dbyar rmo ba'i dus la bab na sngar zhing gang rmo bar byed/ gsol ba/ bcom ldan 'das/ sngar zhing gshin po rmos nas de'i 'og tu rnam pa gnyis kyang mthar gyis rmod do/ /de la thog ma ni byang chub sems dpa' la bya ba'i dpe'o/ /bar ma ni nyan thos la bya ba'i dpe'o/ /tha ma ni log sred can la bya ba'i dpa'o/ /rigs kyi bu/ 'di lta ste/ dper na/ mi zhig la snod ma chag pa dang / zag pa dang / chags pa dang gsum yod de/ snod kyi nang du 'o ma'am/ zho'am/ chu'am/ mar blugs par bya na/ sngar gang gi nang du blugs </font><hr>Kha289b<br><font size=+1>


ba'i rigs/ /gsol pa/ bcom ldan 'das/ sngar snod ma chag pa'i nang du blugs so/ /de nas zag pa'i nang du blugs so/ /de nas chag pa'i nang du'ang blugs so/ /snod ma chag pa dag pa ni byang chub sems dpa'i dge 'dun gyi dpe'o/ /zag pa ni nyan thos kyi dge 'dun gyi dpe'o/ /chag pa ni log sred gyi dpe'o/ /rigs kyi bu'o/ /'di lta ste/ dper na/ nad gsum pa sman pa'i drung du lhags na gcig ni gso sla'o/ /gcig ni gso dka'o/ /gcig ni gsor mi rung na/ rigs kyi bu/ de ltar nad pa gsum la sman pas thog mar gang gso bar byed/ gsol ba/ bcom ldan 'das/ sngar gso sla ba gsos nas de'i 'og tu gnyis po'ang gso bar bgyid do/ /de ci'i phyir zhe na/ mdza' zhing gnyen pa dag gi phyir ro/ /gso sla ba ni byang chub sems dpa'i dge 'dun gyi dpe'o/ /gso dka' ba ni nyan thos kyi dge 'dun gyi dpe'o/ /gsor mi rung ba ni log sred can gyi dpe'o/ /da ltar gyi dus su 'phral du dge ba'i 'bras bur mi 'gyur yang byams shing brtse ba'i phyir 'jig rten phyi ma'i dge ba'i 'bras bu bskyed pa'i phyir ro/ /rigs kyi bu/ 'di lta ste/ dper na/ rgyal po chen po la rta gsum zhig yod na/ gcig ni shin tu dul la stobs kyang che'o/ /gcig ni ma dul te stobs che'o/ /gcig ni dul yang ma dul rid cing rkan te stobs kyang med na/ gal te rgyal pos bzhon par bsams na/ sngar gang </font><hr>Kha290a<br><font size=+1>


@#/ /zhon par byed/ gsol pa/ bcom ldan 'das sngar dul zhing stobs che ba la zhon te/ de'i 'og tu gnyis kyang zhon par byed do/ /dul zhing stobs che ba ni byang chub sems dpa'i dge 'dun gyi dpe'o/ /ma dul ba ni nyan thos kyi dge 'dun gyi dpe'o/ /ma dul ba rgas shing rid pa ni log sreg can gyi dpe ste/ da ltar gyi tshe 'di nyid la phan pa'i don du mi 'gyur yang byams shing brtse bas 'jig rten phyi ma'i dge ba'i sa bon skyed par byed do/ /rigs kyi bu/ 'di lta ste/ dper na/ sbyin bdag chen po zhig gis gang zag rnam pa gsum la sbyin par bsams pa las gcig ni rigs btsun zhing dbang po'ang rno bas tshul khrims dang ldan no/ /gcig ni cho rigs 'bring la dbang po rtul la tshul khrims dang ldan no/ /gcig ni cho rigs tha ma ste/ dbang po rtul la tshul khrims dang mi ldan na/ rigs kyi bu/ sbyin bdag chen po des sngar gang la sbyin pa byin par byed/ /gsol pa/ bcom ldan 'das/ sngar cho rigs btsun pa dbang po rno zhing tshul khrims dang ldan pa la sbyin pa byin nas/ de'i 'og tu gnyis la'ang sbyin par byed do/ /thog ma de ni byang chub sems dpa'i dge 'dun gyi dpe'o/ /de'i 'og ma ni nyan thos kyi dge 'dun gyi dpe'o/ /de'i 'og tu ma ni log sred can gyi dpe'o/ /rigs kyi bu/ dper na/ seng ge'i rgyal pos ni spos kyi bal glang </font><hr>Kha290b<br><font size=+1>


gsod pa na/ mthu rtsal ci yang yod gtugs te gsod pa bzhin du ri bong gsod pa na'ang de dang 'dra ste/ dbugs kyi shugs cung zad tsam gyis ni ma yin no/ /sangs rgyas bcom ldan 'das kyang de dang 'dra ste/ byang chub sems dpa' rnams dang / log sred can la chos ston cing gsungs pa na mdzad pa la gnyis su med do/ /rigs kyi bu/ nga sngon dus gcig na rgyal po'i khab na bzhugs pa'i tshe dge slong legs pa'i skar ma ni nga'i g.yog byed do/ /nga de'i tshe na nam gyi cha stod la brgya byin lha'i dbang phyug la dam pa'i chos ston to/ /nye gnas kyi chos kyis slob dpon bsnyal dgos pas de'i tshe nga ring du thogs par gyur nas dge slong legs pa'i skar mas nga la ngan sems bskyed do/ /de'i tshe rgyal po'i khab de na khye'u dang bu mo chung ngu dag ngu ste/ kha dog tu mi btub na de'i pham mas bu la bsdigs pa'i phyir du ba ma btang na yi dwags ba ku la'i drung du bkri'o zhes bsdigs pas ngu ba zhi bar 'gyur ro/ /de'i tshe na dge slong legs pa'i skar ma'ang nga la 'di skad du myur du gnas khang du gshegs su gsol/ /yi dwags ba ku la 'ong ngo zhes bsdigs so/ /ngas de la shin tu glen pa ci/ sangs rgyas bcom ldan 'das la 'jigs pa med do/ /zhes ma thos sam/ zhes bka' stsal nas/ de'i tshe brgya byin lha'i dbang phyug gis nga la 'di skad ces gsol to/ /bcom ldan 'das/ ci gang zag 'di lta bu'ang </font><hr>Kha291a<br><font size=+1>


@#/ /sangs rgyas kyi chos kyi nang du chud dam zhes gsol nas ngas de la/ kau shi ka/ gang zag 'di'ang sangs rgyas kyi chos kyi nang du chud de/ sangs rgyas kyi rang bzhin yod pas bla na med pa yang dag par rdzogs pa'i byang chub thob par 'gyur ro zhes bka' stsal to/ /ngas dge slong legs pa'i skar ma la dam pa'i chos bstan kyang yid ches shing gzungs su 'dzin pa'i sems med do/ /rigs kyi bu/ ngas sngon dus gcig na yul ka shi zhes bya bar grong khyer shi ba pu la zhes bya ba na bzhugs pa'i tshe/ dge slong legs pa'i skar ma'ang nga'i g.yog byed do/ /de'i tshe na nga grong khyer de'i nang du bsod snyoms kyi phyir gshegs par dgongs pa las/ de na gnas pa'i sems can tshad med pa snyed nga'i rjes mthong bar mos te skom pas gdungs ba ltar dad pa las dge slong legs pa'i skar mas nga'i phyi bzhin rjes phyags nas mi snang bar bya bar bsams te/ mi snang bar ma nus nas sems can mang du mi dge ba'i sems bskyed par gyur to/ /nga de'i tshe grong khyer du gshegs nas chang pa zhig gi khyim sgo na gcer bu pa gcig cig lus dgu bor byas nas sbang ma za ba gzigs so/ /dge slong legs pa'i skar mas kyang mthong nas nga la 'di skad ces gsol to/ /bcom ldan 'das/ 'jig rten na gal te dgra bcom pa mchis na mi 'di ni mchog tu 'gyur ba lags so/ /de ci'i </font><hr>Kha291b<br><font size=+1>


slad du zhe na/ mi 'di rgyu'ang med la 'bras bu'ang med do zhes smra'o/ /ngas de la glen pa khyod dgra bcom pa ni chang mi 'thung la mi'ang mi 'tshe/ pha rol slu bar mi byed/ ma byin par mi len| mi g.yem mo zhes ma thos sam/ mi 'di ni pha ma'ang bsad de sbang ma'ang za na dgra bcom pa zhes byar rung ngam/ mi 'di ni lus dang bral ma thag tu gdon mi za bar mtshams med pa'i sems can dmyal bar ltung ngo / /dgra bcom pa ni ngan song gsum yongs su bcad pa yin na/ ci'i phyir 'di la dgra bcom pa yin no zhes smra/ legs pa'i skar mas yang gsol pa/ chen po bzhi'i rang bzhin ni 'gyur yang srid kyi/ mi 'di mtshams med pa'i sems can dmyal bar ltung ngo zhes bgyi ba'i gnas ma mchis so/ /ngas de la glen pa khyod ci/ ma thos sam/ sangs rgyas bcom ldan 'das ni gnyis su med par bden par gsung ba yin no zhes bka' stsal to/ /ngas de ltar legs pa'i skar ma de la dam pa'i chos bstan kyang de la dad cing gzungs su 'dzin pa'i sems 'di tsam yang med do/ /rigs kyi bu/ nga yang dus gcig na/ dge slong legs pa'i skar ma dang rgyal po'i khab na bzhugs so/ /de'i tshe rgyal po'i khab de na gcer bu pa sdug bsngal 'gyur zhes bya ba zhig yod de/ rtag tu 'di skad ces smra'o/ /sems can gyi nyon mongs pa ni rgyu'ang med/ rkyen yang med de/ sems can gyi rnam par grol ba'ang rgyu dang / rkyen med do zhes </font><hr>Kha292a<br><font size=+1>


@#/ /smra'o/ /de'i tshe dge slong legs pa'i skar ma de'ang nga la 'di skad ces gsol to/ /bcom ldan 'das/ 'jig rten na gal te dgra bcom pa mchis na gcer bu pa sdug bsngal 'gyur zhes bgyi ba 'di mchog tu 'gyur ro/ /ngas de la 'di skad du/ glen pa/ gcer bu sdug bsngal 'gyur ni yang dag par dgra bcom pa ma yin te/ dgra bcom pa'i byang chub kyis rnam par grol ba ma yin no zhes bka' stsal to/ /de nas legs pa'i skar mas yang nga la 'di skad gsol to/ /ci'i slad du dgra bcom pas dgra bcom pa la phrag dog mdzad/ ngas de la/ glen pa/ nga ni dgra bcom pa la phrag dog mi byed kyi khyod nyid kyis sdig par 'gyur ba'i ngan par lta ba bskyed do/ /gcer bu pa dgra bcom pa yin no zhes smra ba la ltos/ da ste zhag bdun na kha zas ma zhu ba'i nad kyis btab nas lto ba na ste shi bar 'gyur ro/ /shi nas kyang skyug pa za ba'i yi dwags su skye'o/ /ro ni slob pa gcig pa rnams kyis yong por bteg nas dur khrod du skyel bar 'gyur ro/ /de'i tshe legs pa'i skar ma de gcer bu pa sdug bsngal 'gyur gang na ba der song nas 'di skad ces smras so| |tshe dang ldan pa khyod shes sam/ dge sbyong gau ta mas ni khyod las ste zhag bdun na kha zas ma zhu ba'i nad kyis btab nas lto ba nas ste 'chi'o/ /shi nas kyang skyugs pa za ba'i yi dwags </font><hr>Kha292b<br><font size=+1>


su skye ste/ slob pa gcig pa dang / slob dpon gcig pa rnams kyis khyod kyi ro yeng bor bteg ste/ dur khrod du skyel bar 'gyur ro/ /zhes lung bstan gyi/ tshe dang ldan pa thabs rnam pa sna tshogs kyi bag bya ba shin tu bsams te/ ci nas kyang dge sbyong gau ta ma de brdzun du smra bar 'gyur bar bya'o/ /de'i tshe sdug bsngal 'gyur gyis de skad ces smras pa thos nas/ kha zas mi za bar byas te/ thog ma zhag gcig nas zhag drug gi bar du ci'ang ma zos so/ /zhag bdun tshang nas bu ram zos so/ /bu ram zos nas chu grang mo 'thungs so/ /chu grang mo 'thungs ma thag tu lto ba na ste shi bar gyur to/ /shi nas slob pa gcig pa rnams kyis ro yeng por bteg nas dur khrod du bskyal te/ skyugs pa za ba'i yi dwags su gyur nas ro'i drung du sdod do| |dge slong legs pa'i skar mas de lta bur gyur pa thos nas dur khrod du ro gang na ba der song ngo / /der phyin pa dang sdug bsngal 'gyur gyi lus de yi dwags skyugs pa za ba'i lus su gyur nas ro'i drung na dgur bor 'dug pa mthong ngo // //'phags pa yongs su mya ngan las 'das pa chen po'i mdo/ bam po bzhi bcu bzhi pa/ legs pa'i skar mas smras pa/ ci khyod shi'am/ sdug bsngal 'gyur gyis smras pa/ bdag shi'o/ /khyod ji ltar shi/ smras pa/ bdag lto ba na ste shi'o/ /'o na khyod kyi ro 'dir sus bskyal smras pa/ slob pa </font><hr>Kha293a<br><font size=+1>


@#/ /gcig pa rnams kyis so/ /'o na gnas gar bskyal/ smras pa/ ci glen pa khyod dur khrod yin par mi shes sam/ 'o na khyod kyi lus ji lta bu zhig thob/ smras pa/ bdag ni skyugs pa za ba'i lus su gyur to/ /legs pa'i skar ma khyod legs par nyon cig /de bzhin gshegs pa ni dge bar gsung ba/ yang dag par gsung ba/ dus la bab par gsung ba/ don yod par gsung ba/ chos su gsung ba'o/ legs pa'i skar ma/ de bzhin gshegs pa'i zhal nas de ltar bden par gsung ba la khyod kyis de'i tshe na ci'i phyir yid mi ches/ sems can gang de bzhin gshegs pas bden par gsung ba la yid mi ches na/ de'ang kho bo'i lus 'di 'dra ba myong bar 'gyur ro/ /de'i tshe legs pa'i skar ma de/ nga gang na bar 'ongs nas nga la 'di skad ces gsol to/ /bcom ldan 'das/ gcer bu pa sdug bsngal 'gyur tshe 'phos nas sum cu rtsa gsum gnam gyi lhar skyes so// ngas de la glen pa dgra bcom pa ni skye ba'i gnas med na ci'i phyir sdug bsngal 'gyur/ sum cu rtsa gsum gyi lhar skyes zhes smra/ gsol pa/ bcom ldan 'das kyis gsungs pa bzhin te/ gcer bu pa sdug bsngal 'gyur pa yang dag par sum cu rtsa gsum gnam gyi lhar ma skyes gyi/ skyugs pa za ba'i yi dwags su gyur to/ /ngas de la/ glen pa/ sangs rgyas </font><hr>Kha293b<br><font size=+1>


bcom ldan 'das kyis gsungs so cog ni gnyis su med de/ de bzhin gshegs pas gsungs pa la gnyis su yod do zhes bya ba'i gnas med do zhes bka' stsal to/ /legs pa'i skar mas gsol pa/ de bzhin gshegs pas de'i tshe na de skad ces gsungs mod kyi/ bdag ni de la yid ches pa ma mchis so zhes smras so/ /rigs kyi bu/ nga ni rtag tu dge slong legs pa'i skar ma la dam pa'i chos bstan na yid ches shing gzungs su 'dzin pa'i sems 'di tsam yang ma skyes so/ /rigs kyi bu/ dge slong legs pa'i skar ma mdo sde bcu gnyis klog cing 'don te/ bsam gtan bzhi thob mod kyi/ chung ngu na tshigs su bcad pa gcig tsam mam/ tshig gcig gam/ 'bru gcig tsam gyi don yang mi shes so/ /sdig pa mi dge ba'i bshes gnyen la bsten pas bsam gtan bzhi'ang nyams par gyur to/ /bsam gtan nyams pas ngan par lta ba bskyed de/ 'di skad du sangs rgyas kyang med/ chos kyang med/ mya ngan las 'das pa'ang med mod kyi/ dge sbyong gau ta ma ni mtshan lta ba'i cho ga la shin tu mkhas pas gzhan gyi sems shes par gyur to zhes smra'o/ /ngas de'i tshe na legs pa'i skar ma la 'di skad ces bka' stsal to/ /ngas chos bstan cing gsungs pa ni thog mar yang dge /bar du'ang dge /tha mar yang dge/ don bzang ba/ tshig bzang ba/ ma 'dres pa/ </font><hr>Kha294a<br><font size=+1>


@#/ /phun sum tshogs pa/ tshangs par spyod pa/ rnam par dag pa'o zhes bstan kyang dge slong legs pa'i skar ma des/ nga la 'di skad du de bzhin gshegs pas| bdag la chos bstan mod kyi/ bdag ni yang dag par na rgyu dang 'bras bu med do zhes zer ro/ /rigs kyi bu khyod kyis 'di ltar dngos po 'di la yid mi ches na/ dge slong legs pa'i skar ma nyid da ltar chu bo dga' skyed kyi 'gram na 'dug gi /der 'drir 'dong ngo / /de'i tshe de bzhin gshegs pa 'od srung dang bcas te legs pa'i skar ma gang na bar gshegs so/ /dge slong legs pa'i skar mas/ bcom ldan 'das rgyang nas gshegs pa mthong nas sdig pa mi dge ba'i sems bskyed do/ /mi dge ba'i sems bskyed pas| de nyid du mtshams med pa'i sems can dmyal bar mngon par nub par gyur to/ /rigs kyi bu/ dge slong legs pa'i skar ma/ sangs rgyas kyi bstan pa la zhugs te/ rin po che'i phung po tshad med par byin mod kyi/ ci'ang ma thob ste/ bag med pa'i phyir/ mi dge ba'i bshes gnyen la bsten pa'i phyir chung ngu na chos gcig tsam gyi phan pa'i don yang ma thob bo/ /'di lta ste/ dper na/ mi zhig rgya mtshor zhugs te rin po che'i phung po mang po mthong mod kyi/ le lo'i dbang gis lag tu ma thob pa dang 'dra'o/ /gzhan </font><hr>Kha294b<br><font size=+1>


yang rgya mtshor zhugs nas rin po che'i phung po mthong mod kyi/ shi ba'am srin po ma rungs pas bsad pa ltar dge slong legs pa'i skar ma'ang de dang 'dra ste/ sangs rgyas kyi bstan pa la zhugs mod kyi/ mi dge ba'i bshes gnyen srin po ma rungs pa dang 'dra bas bsad par gyur to/ /rigs kyi bu/ de bas na de bzhin gshegs pas thugs brtse ba'i slad du dge slong legs pa'i skar ma ni bag med pa yin no zhes gsungs so/ /rigs kyi bu/ gang sngon yang dbul phongs de la snying brtse ba'i sems yod mod kyi/ snying brtse ba'i bar du mi chud do/ /gang sngon longs spyod dang ldan pa zhig phyis longs spyod med de/ dbul phongs par gyur na/ de la ni rab tu'ang snying brtse ba ltar dge slong legs pa'i skar ma'ang de dang 'dra ste/ mdo sde sde bcu gnyis 'chang zhing 'dzin pa dang / 'don pa dang / klog pa'ang byas/ bsam gtan bzhi thob pa las nyams pa ni shin tu'ang thugs brtse bar rung bas/ dge slong legs pa'i skar ma ni shin tu'ang bag med par ngas gsungs so/ /bag med pa'i phyir dge ba'i rtsa ba rnams yongs su bcad pas nga'i nye gnas su gyur pa mthong ngam thos pa gang yang rung / de la ni shin tu snying brtse ba'i sems ma bskyed pa med de/ ji ltar sngon longs spyod dang ldan pa las phyis longs spyod med par mthong ba la snying rtse ba dang 'dra'o/ /nga ni lo du ma'i bar du legs pa'i skar ma dang </font><hr>Kha295a<br><font size=+1>


@#/ /'grogs te/ des nga la rtag tu mi dge ba'i sems bskyed do/ /mi dge ba'i sems bskyed pas ngan par lta ba'i sems ma btang ngo / /rigs kyi bu/ ngas thog ma nas legs pa'i skar ma de la dge ba'i rtsa ba sbu'i nyag ma tsam yod par ma gzigs na/ de la dge ba'i rtsa ba yongs su bcad pa'i log sred can yin te/ sems can dmyal bar bskal pa'i bar du gnas par 'gyur ro/ /zhes lung mi ston na/ des rgyu med pa dang / 'bras bu med pa dang / byas pa'i las kyang med par smra bas de dge ba'i rtsa ba yongs su bcad pa'i log sred can yin te/ bskal pa'i bar du sems can dmyal bar gnas so zhes lung bstan to/ /rigs kyi bu/ 'di lta ste/ dper na/ mi zhig ngan skyugs kyi dong du lhung ba las bshes gnyen gcig gis dbyung bar bsams nas lag pas bsnyabs te/ skra las zin na phyis 'byin to/ /gal te skra las ma zin te ci'ang mi snang na dbyung ba'i sems kyang zhi bar 'gyur ba ltar nga yang de dang 'dra ste/ legs pa'i skar ma'i dge ba'i rtsa ba cung zad tsam ci yod pa btsal te yongs su bsgral ba byas na dus thams cad du dge ba'i rtsa ba bsdu'i nyag ma tsam yang med pas sems can dmyal ba las bsgral bar ma gyur to/ /byang chub sems dpa' 'od srung </font><hr>Kha295b<br><font size=+1>


gis gsol pa/ bcom ldan 'das/ de bzhin gshegs pas ci'i slad du legs pa'i skar ma mtshams med pa'i sems can dmyal bar ltung ngo zhes lung bstan/ rigs kyi bu/ dge slong legs pa'i skar ma la bshes gnyen dang / 'khor mang du yod de/ de dag thams cad legs pa'i skar ma ni dgra bcom pa yin te/ byang chub kyi 'bras bu thob par 'dzin pas de dag gi ngan par lta ba'i sems gzhig pa'i phyir legs pa'i skar ma ni bag med pas sems can dmyal bar ltung ngo zhes lung bstan to/ /rigs kyi bu khyod kyis de bzhin gshegs pas gsungs pa la yang dag par gnyis su med par shes par gyis shig /de ci'i phyir zhe na/ gal te de bzhin gshegs pas sems can dmyal bar ltung bar lung bstan pa las sems can dmyal bar mi ltung ba'i gnas med do/ /nyan thos dang rang sangs rgyas kyis lung bstan pa la gnyis su yod de/ kha cig ni bden/ kha cig ni rdzun no/ /dper na maung+gal ya na yul dbus 'gyur 'chang na 'dug pa'i tshe yul mi thams cad la da ste zhag bdun na char pa 'bab po zhes lung bstan pa las phyis char ba ma bab bo/ /phyis ba sbrum pa zhig la be'u dkar ru 'byung ngo zhes lung bstan pa las be'u khra'u zhig byung ngo / /bu khye'u zhig 'byung ngo zhes lung bstan pa las phyis bu mo zhig byung ngo / /rigs kyi bu/ dge slong </font><hr>Kha296a<br><font size=+1>


@#/ /legs pa'i skar ma ni rtag tu sems can tshad med pa snyed la thams cad kyi thams cad du dge ba dang sdig pa'i 'bras bu med do zhes smra ste/ de'i tshe na dge ba'i rtsa ba thams cad yongs su bcad pas ba spu'i nyag ma tsam yang ma lus so/ /rigs kyi bu/ ngas sngon dge slong legs pa'i skar ma la dge ba'i rtsa ba med par mkhyen mod kyi/ 'on kyang lo nyi shu tshang bar lhan cig tu gnas te/ thun mong du spyad par gyur to/ /gal te ngas yongs su spangs te g.yas g.yon du ma bsnyen na legs pa'i skar ma des sems can tshad med pa snyed sdig pa mi dge ba'i las la gzud par 'gyur te/ 'di ni de bzhin gshegs pa'i mkhyen pa'i stobs mnga' ba zhes bya'o/ /gsol pa/ bcom ldan 'das/ log sred can la ci'i slad du dge ba'i chos ma mchis pa zhes bgyi/ bcom ldan 'das kyis bka' stsal pa/ rigs kyi bu/ log sred can ni dge ba'i rtsa ba yongs su bcad pa'i phyir ro/ /sems can thams cad la dad pa la sogs pa dbang po lnga yod na log sred can ni yongs su bcad de/ don de lta bas na grog sbur tsam bsad na'ang kha na ma tho ba thob par 'gyur gyi/ log sred can ni bsad kyang kha na ma tho ba'i sdig pa med do/ /gsol pa/ bcom ldan 'das/ log sred can la dge ba'i chos ma mchis pa'i slad du log sred </font><hr>Kha296b<br><font size=+1>


can zhes bgyi'am/ bcom ldan 'das kyis bka' stsal pa/ de de bzhin te/ de de bzhin no/ /gsol pa/ bcom ldan 'das/ sems can thams cad kyi dge ba la rnam pa gsum ste/ 'das pa dang / ma 'ongs pa dang / da ltar gyi mchis pas log sred can gyis ma 'ongs pa'i dge ba'i chos ma bcad na/ ci'i slad du dge ba'i chos bcad de log sred can zhes bgyi/ bcom ldan 'das kyis bka' stsal pa/ rigs kyi bu/ bcad pa la rnam pa gnyis te/ da ltar gyi bgags pa dang / da ltar gyi sgrib pas ma 'ongs pa'i bsgribs pa'o| |log sred can dag bcad pa gnyis dang ldan pa'i phyir dge ba'i rtsa ba yongs su bcad pa'o zhes ngas gsungs so/ /rigs kyi bu/ 'di lta ste/ dper na/ mi zhig ngan skyugs kyi dong du lhung nas skra nyag ma gcig tsam las mi snang ngo / /skra nyag ma gcig tsam ma nub mod kyi skra nyag ma gcig tsam gyis lus mi theg go/ /log sred can dag kyang de dang 'dra ste/ ma 'ongs pa'i dus na dge ba'i rtsa ba yod mod kyi/ sems can dmyal ba'i sdug bsngal las thar bar mi 'gyur te/ ma 'ongs pa'i dus na sgrol bar 'gyur yang da ltar gyi dus su ci byar yang med pas sgrol du mi rung ba zhes bya'o/ /sangs rgyas kyi rang bzhin gyi rgyu dang rkyen gyis sgrol bar yang 'gyur ro/ /sangs rgyas kyi rang bzhin zhes bya ba ni 'das pa ma yin/ ma 'ongs pa ma </font><hr>Kha297a<br><font size=+1>


@#/ /yin| da ltar gyi ma yin te/ de bas na sangs rgyas kyi rang bzhin ni bcad du med do/ dper na/ sa bon rul pa las myu du mi skye ba ltar log sred can yang de dang 'dra'o/ /gsol pa/ bcom ldan 'das/ log sred can dag sangs rgyas kyi rang bzhin ma bcad de/ sangs rgyas kyi rang bzhin nyid dge ba lags na ci'i slad du dge ba thams cad bcad do zhes gsungs/ bcom ldan 'das kyis bka' stsal pa/ rigs kyi bu/ sems can gang da ltar gyi dus su sangs rgyas kyi rang bzhin dang ldan na de la ni log sred can zhes mi bya ste/ ji ltar 'jig rten na sems can la bdag ces bya ba yod pa dang 'dra'o/ /sangs rgyas kyi rang bzhin te rtag pa yin na ni dus gsum la ma gtogs so/ /ji ste dus gsum la gtogs na mi rtag pa zhes bya'o/ /sangs rgyas kyi rang bzhin ni ma 'ongs pa'i dus su mthong bar 'gyur bas sems can thams cad la sangs rgyas kyi rang bzhin yod de zhes gsungs te/ de bas na sa bcu pa'i byang chub sems dpa' bkod pa phun sum tshogs pa dang ldan pas cung zad cig mthong bar gyur to| |byang chub sems dpa' 'od srung gis gsol pa/ bcom ldan 'das/ sangs rgyas kyi rang bzhin ni rtag pa lags te/ nam mkha' dang 'dra na ci'i slad du de bzhin gshegs </font><hr>Kha297b<br><font size=+1>


pas ma 'ongs pa'o zhes gsungs/ de bzhin gshegs pas gal te log sred can dag la dge ba'i chos ma mchis zhes gsungs pa ni log sred can gyi slob pa gcig pa dang / slob dpon gcig pa dang / pha dang / ma dang / gnyen bshes dang / chung ma dang / bu la byams pa dang / sdug pa'i sems mi skye'am/ ji ste skye na de nyid dge ba ma lags sam/ bcom ldan 'das kyis bka' stsal ba/ legs so/ /legs so/ rigs kyi bu/ shin tu legs par dris so/ /sangs rgyas kyi rang bzhin zhes bya ba ni nam mkha' dang 'dra ste/ 'das pa'ang ma yin/ ma 'ongs pa'ang ma yin/ da ltar yang ma yin no/ /sems can thams cad la'ang lus rnam pa gsum ste/ 'das pa dang / ma 'ongs pa dang / da ltar gyi'o/ /sems can gyis ma 'ongs pa'i dus su bkod pa phun sum tshogs pa rnam par dag pa'i las kyis sangs rgyas kyi rang bzhin mthong bar 'gyur bas na sangs rgyas kyi rang bzhin ma 'ongs pa'o zhes ngas gsungs so/ /rigs kyi bu/ ngas ni so so'i skye bo'i phyir dus kha cig tu ni rgyu 'bras bu yin no zhes kyang gsungs/ dus kha cig tu ni 'bras bu rgyu yin no zhes gsungs te/ de bas na mdo sde las kha zas ni 'tsho ba yin pa dang / gzugs mthong ba la reg pa yin no zhes gsungs pa dang 'dra bar ma 'ongs pa'i dus na lus yongs su dag par </font><hr>Kha298a<br><font size=+1>


@#/ /'gyur bas sangs rgyas kyi rang bzhin zhes gsungs so/ /gsol pa/ bcom ldan 'das/ bcom ldan 'das kyis gsungs pa ltar don de lta bu lags na ci'i slad du sems can thams cad la sangs rgyas kyi rang bzhin mchis so zhes gsungs/ bcom ldan 'das kyis bka' stsal pa/ rigs kyi bu/ sems can gyi sangs rgyas kyi rang bzhin ni da ltar gyi dus na med kyang med ces byar mi rung ngo / /dper na/ nam mkha' yang da ltar med mod kyi/ med ces byar mi rung ngo / /sems can thams cad ni mi rtag pa yin mod kyi/ sangs rgyas kyi rang bzhin ni rtag pa/ mi 'gyur mi 'pho ba yin te/ de bas na ngas mdo sde 'di las sems can gyi sangs rgyas kyi rang bzhin ni nang na ma yin/ phyi rol na ma yin te/ nam mkha' ltar nang na ma yin/ phyi rol na ma yin no/ /gal te nam mkha' la nang dang phyi rol yod na nam mkha' la gcig pa'am/ rtag pa zhes byar mi rung ste/ gnas thams cad na yod do zhes byar yang mi rung ngo / /nam mkha' ni nang na ma yin/ phyi rol na'ang ma yin mod kyi/ 'on kyang sems can thams cad la yod de/ sems can gyi sangs rgyas kyi rang bzhin yang de dang 'dra'o/ /khyod smra ba ltar log sred can la dge ba'i chos yod do zhes bya ba don de lta ma yin no/ / </font><hr>Kha298b<br><font size=+1>


de ci'i phyir zhe na/ log sred can la lus kyi las dang / ngag gi las dang / yid kyi las dang / len pa'i las dang / sbyin pa'i las dang / tshol ba'i las dang / shes pa'i las la sogs pa las thams cad kyang log pa'i las so/ /de ci'i phyir zhe na/ rgyu dang 'bras bu la mi re ba'i phyir ro/ /rigs kyi bu/ 'di lta ste/ dper na/ a 
 ra ni myu gu dang / lo ma dang / sdong bu dang / yal ga dang / me tog dang / 'bras bu'i bar du kha ba ltar log sred can gyi mi dge ba'i las kyang de dang 'dra'o/ /rigs kyi bu/ de bzhin gshegs pa ni dbang po rnams mkhyen pa'i stobs dang ldan te/ de bas na sems can thams cad kyi dbang po rab dang / 'bring dang / tha ma shin tu rtogs so/ /sems can gang ni dbang po 'bring las tha mar 'gyur ba dang / sems can gang ni 'bring las rab tu 'gyur ba dang / sems can gang ni rab las 'bring du 'gyur ba dang / sems can gang ni 'bring las tha mar 'gyur ba shin tu rtogs te/ de bas na sems can gyi dbang po la nges pa med do/ /nges pa med pas kha cig dge ba'i rtsa ba bcad nas phyir skye bar 'gyur ro/ /gal te sems can gyi dbang po nges na thog ma nas kyang bcad pa med la/ bcad nas kyang phyir skye bar mi 'gyur te/ log sred can dag bskal pa gcig gi bar du sems can dmyal bar ltung ngo zhes gsung par mi rigs so/ /rigs kyi </font><hr>Kha299a<br><font size=+1>


@#/ /bu| de bas na de bzhin gshegs pas ni chos thams cad la nges pa'i mtshan nyid med do zhes gsungs so/ /byang chub sems dpa' 'od srung gis gsol ba/ bcom ldan 'das/ de bzhin gshegs pa ni dbang po rnams la mkhyen pa'i stobs dang ldan te/ dge slong legs pa'i skar mas dge ba'i rtsa ba yongs su bcad par mkhyen na ci'i slad du rab tu byung bar gnang / bcom ldan 'das kyis bka' stsal pa/ rigs kyi bu/ nga sngon rab tu byung ba ni nga'i nu bo dga' bo dang / bsnyen dga' bo dang / lha sbyin dang / sras sgra gcan 'dzin la sogs pa thams cad nga'i rjes su rab tu byung zhing lam la nan tan byed par gnang ngo / /gal te ngas legs pa'i skar ma rab tu ma phyung na/ rgyal po'i thabs thob par 'gyur te/ mthu dang dbang du ldan pas sangs rgyas kyi chos yongs su 'jig par 'gyur te/ de'i rgyu de'i rkyen gyis ngas rab tu phyung nas lam la nan tan byed par gnang ngo / /rigs kyi bu/ dge slong legs pa'i skar ma gal te rab tu ma byung na'ang dge ba'i rtsa ba gcod pa 'gyur te/ skye ba tshad med pa'i bar du phan pa dang bde ba'i don du mi 'gyur ro/ /da rab tu byung bas dge ba'i rtsa ba bcad mod kyi/ tshul khrims srungs zhing rgan rabs dang / bla ma dang / yon tan can la bsnyen bkur byed cing </font><hr>Kha299b<br><font size=+1>


bsam gtan dang po sgom pa nas bsam gtan bzhi pa'i bar du sgom par 'gyur te/ de'ang dge ba'i rgyu zhes bya'o/ /de ltar dge ba'i rgyu de las dge ba'i chos skye bar 'gyur ro/ /dge ba'i chos skyes pa na byang chub la nan tan byed par 'gyur ro/ /byang chub la nan tan byas nas bla na med pa yang dag par rdzogs pa'i byang chub thob par 'gyur te/ de bas na dge slong legs pa'i skar ma rab tu byung bar gnang ngo / /rigs kyi bu/ gal te ngas dge slong legs pa'i skar ma rab tu byung zhing tshul khrims srung du ma gnang na/ de bzhin gshegs pa pa stobs bcu bcu dang ldan no zhes bya bar yang mi 'gyur ro/ /rigs kyi bu/ sems can gang dge ba'i rtsa ba dang ldan nam/ mi dge ba'i chos dang ldan na/ gang zag de chos gnyis po dang ldan na'ang ring po mi thogs par dge ba'i rtsa ba yongs su bcad de/ mi dge ba'i rtsa ba dang ldan par ngas rtogs so/ /de ci'i phyir zhe na/ sems can de ni dge ba'i bshes gnyen la mi bsten/ dam pa'i chos nyan par mi byed/ mi dge ba yid la byed cing tshul bzhin du yid la mi byed pas de'i rgyu de'i rkyen gyis dge ba'i rtsa ba gcod cing mi dge ba'i rtsa ba dang ldan par gyur to/ /rigs kyi bu/ gzhan yang de bzhin gshegs pas gang zag de da ltar gyi dus sam/ ma 'ongs pa'i dus na gal te gzhon nu'am/ lang tsho 'am/ rgas pa'i tshe dge ba'i bshes gnyen la bsten te/ dam pa'i </font><hr>Kha300a<br><font size=+1>


@#/ /chos sdug bsngal dang / kun 'byung ba dang / 'gog pa dang / lam nyan cing 'dzin na/ de'i dge ba'i rtsa ba phyir yang skye bar 'gyur ro/ /rigs kyi bu/ 'di lta ste/ dper na/ grong khyer dang mi ring ba na chu mig zhim po yon tan brgyad dang ldan pa zhig yod na gang skom zhing tsha bas gdungs pa dag chu mig gi dngor 'gro bar gzas na de la mkhas pa shes rab can gyis ni skom pas gdungs pa de nges par chu mig gi dngor phyin par the tshom med do/ /de ci'i phyir zhe na/ lam gzhan med pa'i phyir ro/ /sangs rgyas bcom ldan 'das kyis so so'i skye bo la gzigs pa'ang de dang 'dra ste/ de bas na de bzhin gshegs pa ni dbang po rnams mkhyen pa'i stobs dang ldan pa zhes bya'o/ /de'i tshe bcom ldan 'das kyis sa las sa nyung zhig blangs nas phyag sder gyi steng du bzhag ste/ 'od srung la phyogs bcu'i 'jig rten gyi khams kyi sa mang ngam/ phyag sder gyi steng du bzhag pa'i sa mang zhes bka' stsal to/ /byang chub sems dpa' 'od srung gis gsol pa/ bcom ldan 'das phyag sder gyi steng gi sa ni phyogs bcu'i 'jig rten gyi sa dang bsgrun du mi rung ngo / /rigs kyi bu/ mi'i lus las mi'i lus thob pa dang / ngan song gsum gyi lus btang nas mi'i lus thob cing dbang po tshang ba dang / yul gyi dbus su skye ba dang / yang dag pa'i dad pas byang </font><hr>Kha300b<br><font size=+1>


chub la nan tan byed pa dang / byang chub la nan tan byas nas yang dag pa'i lam la nan tan byed pa dang / yang dag pa'i lam la nan tan byas nas rnam par grol ba thob pa dang / rnam par grol ba thob nas mya ngan las 'das pa ni phyag sder gyi steng du bzhag pa'i sa dang 'dra'o/ /mi'i lus las ngan song gsum du ltung ba dang / ngan song gsum las ngan song gsum gyi lus su 'gyur ba dang / dbang po ma tshang ba dang / mtha' 'khob tu skye ba dang / phyin ci log tu ngan par lta ba la yid ches pa dang / ngan par lta ba'i lam la nan tan byed de/ rnam par grol ba dang / rtag pa dang / bde ba'i mya ngan las 'da' ba mi thob pa ni phyogs bcu'i 'jig rten gyi khams kyi sa dang mtshungs so/ /rigs kyi bu/ tshul khrims yongs su dag pa srung zhing brtson 'grus kyis le lo med pa dang / rtsa ba bzhi mi nyams pa dang / mtshams med pa lnga mi byed pa dang / dge 'dun gyi nor la mi spyod pa dang / log sreg can gyi las mi byed pa dang / dge ba'i rtsa ba mi gcod pa dang / mya ngan las 'das pa'i mdo sde la sogs pa la yid ches pa ni phyag sder gyi steng gi sa dang 'dra'o/ /tshul khrims nyams shing le lo byed pa dang / rtsa ba bzhi nyams pa dang / mtshams med pa lnga'i kha na ma tho ba byed pa dang / dge 'dun gyi nor la thugs thub tu spyod pa dang / log sred can gyi las byed pa dang / dge ba'i rtsa ba gco </font><hr>Kha301a<br><font size=+1>


@#/ /pa dang / mdo sde 'di la yid mi ches pa ni phyogs bcu'i 'jig rten gyi khams kyi sa dang 'dra'o/ /rigs kyi bu/ de bzhin gshegs pa ni sems can thams cad kyi dbang po rab dang / 'bring dang / tha ma la shin tu mkhas te/ de bas na de bzhin gshegs pa ni dbang po lnga la mkhas pa'i stobs dang ldan pa zhes bya'o/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ bcom ldan 'das ni dbang po la mkhas pa'i stobs dang ldan pas sems can thams cad kyi dbang po rab dang / 'bring dang / tha ma dang / rno rtul gyi khyad par kun mkhyen to/ /da ltar gyi dus kyi sems can rnams kyi dbang po dang / ma 'ongs pa'i dus kyi sems can gyi dbang po rnams kyang mkhyen to/ /sems can de dag ni bcom ldan 'das yongs su mya ngan las 'das pa'i 'og tu 'di skad du 'chad do/ /la la ni de bzhin gshegs pa mtha' yun du yongs su mya ngan las 'das so zhes 'chad/ la la ni mtha' yun du yongs su mya ngan las ma 'das so zhes 'chad/ la la ni bdag mchis so zhes 'chad/ la la ni bdag ma mchis so zhes 'chad/ la la ni lnga phung bar mchis par 'chad/ la la ni lnga phung bar ma mchis par 'chad/ la la ni slar ldog par mchis par 'chad/ la la ni slar ldog </font><hr>Kha301b<br><font size=+1>


par ma mchis par 'chad/ la la ni de bzhin gshegs pa'i sku 'dus byas lags par 'chad/ la la ni de bzhin gshegs pa'i sku 'dus ma byas so zhes 'chad/ la la ni rten cing 'brel te 'byung ba bcu gnyis la 'dus byas kyi chos so zhes 'chad/ la la ni rten cing 'brel te 'byung ba bcu gnyis 'dus ma byas par 'chad/ la la ni sems rtag go zhes 'chad/ la la ni sems mi rtag go zhes 'chad/ la la ni 'dod pa lnga'i bde bas 'phags pa'i lam sgrib par 'gyur ro zhes 'chad/ la la ni ma sgrib bo zhes 'chad/ la la ni 'jig rten mchog gi chos ni 'dod pa'i khams 'ba' zhig go zhes 'chad/ la la ni khams gsum mo zhes 'chad/ la la ni sbyin pa ni yid kyi las 'ba' zhig go zhes 'chad/ la la ni lnga phung nyid do zhes 'chad/ la la ni 'dus ma byas pa gsum mchis par 'chad/ la la ni 'dus ma byas pa gsum ma mchis par 'chad/ yang la la ni 'di skad du gzugs ni byas pa'o zhes 'chad/ la la ni gzugs byas pa ma mchis par 'chad/ la la ni byas pa med pa'i gzugs mchis par 'chad/ la la ni byas pa med pa'i gzugs ma mchis par 'chad/ la la ni sems las byung ba'i chos mchis par 'chad/ la la ni sems las byung ba'i chos ma mchis par 'chad/ la la ni srid pa rnam pa lnga mchis par 'chad/ la la ni srid pa </font><hr>Kha302a<br><font size=+1>


@#/ /drug mchis pa 'chad/ la la ni khrims brgyad dge bsnyen gyis yongs su rdzogs par nod du rung bar 'chad/ la la ni yongs su ma rdzogs kyang nod du rung bar 'chad/ la la ni dge slong gis rtsa ba bzhi bshig kyang dge slong gi khrims mchis so zhes 'chad/ la la ni ma mchis so zhes 'chad/ la la ni rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pas kyang mngon par byang chub bo zhes 'chad/ la la ni mngon par byang mi chub bo zhes 'chad/ la la ni sangs rgyas kyi rang bzhin sems can la mchis par 'chad/ la la ni sangs rgyas kyi rang bzhin sems can las gzhan par 'chad/ la la ni rtsa ba bzhi bshig pa dang / mtshams med pa lnga'i kha na ma tho ba bgyis pa dang / log sred can la sogs pa kun la'ang sangs rgyas kyi rang bzhin mchis so zhes 'chad/ la la ni ma mchis so zhes 'chad/ la la ni phyogs bcu'i sangs rgyas mchis so zhes 'chad/ la la ni phyogs bcu'i sangs rgyas ma mchis so zhes 'chad na/ gal te de bzhin gshegs pa dbang po rnams mkhyen pa'i stobs dang ldan na ci'i slad du nges par ma gsungs/ de nas bcom ldan 'das kyis byang chub sems dpa' 'od srung la bka' stsal pa/ rigs kyi bu/ don 'di ni mig </font><hr>Kha302b<br><font size=+1>


gi rnam par shes pas shes pa ma yin pa nas/ yid kyi rnam par shes pa'i bar gyis shes pa ma yin te/ de ni shes rab kyis shes par nus so/ /gang mkhas pa shes rab can la ni ngas kyang gnyis su ma gsungs/ des kyang ngas gnyis su ma gsungs par shes so/ /gang shes rab med pa la ni ma nges par gsungs te/ shes rab med pa des kyang ngas ma nges par gsungs par shes so/ /rigs kyi bu/ de bzhin gshegs pa'i dge ba'i chos thams cad ni sems can rnams gdul ba'i phyir gsungs te/ dper na/ sman pa mkhas pa la sman dpyad yod do cog ni kun kyang nad kyis gdungs pa thams cad gso bar byed do/ /rigs kyi bu/ sangs rgyas bcom ldan 'das ni zhing gi phyir/ dus kyi phyir/ gzhan la smra ba'i phyir/ phyi rol pa la ston pa'i phyir/ dbang po rnams kyi phyir chos rnam pa gcig las rnam pa gnyis su 'chad/ chos kyi ming gcig la ming grangs med par 'chad/ don gcig las ming grangs med par 'chad/ don grangs med pa las ming tshad med pa snyed 'chad do/ /de la ji ltar na ming gcig las ming grangs med par 'chad pa zhe na/ ji ltar yongs su mya ngan las 'das pa la mya ngan las 'das pa zhes kyang bya/ skye ba med pa zhes kyang bya/ 'byung ba med pa zhes kyang bya/ byed pa med pa zhes kyang bya/ </font><hr>Kha303a<br><font size=+1>


@#/ /'dus ma byas pa zhes kyang bya/ skyabs su 'gro ba zhes kyang bya/ gnas dang rten zhes kyang bya/ gnas dang rten zhes kyang bya/ rnam par grol ba zhes kyang bya/ 'od snang ba zhes kyang bya| sgron ma zhes kyang bya/ mthar phyin pa zhes kyang bya/ 'jig pa med pa zhes kyang bya/ ldog pa med pa zhes kyang bya/ bde ba'i gnas zhes kyang bya/ zhi ba zhes kyang bya/ mtshan nyid med pa zhes kyang bya/ gnyis su med pa zhes kyang bya/ spyod pa gcig pa zhes kyang bya/ yongs su bsil ba zhes kyang bya/ mun pa med pa zhes kyang bya/ thogs pa med pa zhes kyang bya| rtsod pa med pa zhes kyang bya/ yangs pa chen po zhes kyang bya/ zil mngar zhes kyang bya/ bkra shis pa zhes kyang bya ste/ de ni ming gcig las ming grangs med par 'byed pa'o| |de la ji ltar na don gcig las ming grangs med pa 'chad pa zhe na/ dper na/ brgya byin ni brgya byin zhes kyang bya/ /kau shi ka zhes kyang bya/ ba tsa pa zhes kyang bya/ bu ran da ra zhes kyang bya/ ma ka ba pa zhes kyang bya/ in+d+ra zhes kyang bya/ spyan stong pa zhes kyang bya/ yid 'phrog gi khyo zhes kyang bya/ rdo rje zhes kyang bya/ rin po che'i gtsug ces kyang bya| rin po che'i rgyal mtshan zhes kyang bya/ de ni don gcig las ming grangs med pa zhes bya'o/ /de la ji ltar na don grangs med pa las ming grangs med par 'chad pa zhe na/ </font><hr>Kha303b<br><font size=+1>


dper na/ sangs rgyas bcom ldan 'das dang mtshungs te/ de bzhin gshegs pa zhes kyang bya la/ don tha dad cing ming yang tha dad pa dang / dgra bcom pa zhes kyang bya/ don tha dad cing ming yang tha dad pa dang / yang dag par rdzogs pa'i sangs rgyas zhes kyang bya ste/ don tha dad cing ming yang tha dad pa dang / gru mkhan zhes kyang bya/ ded dpon zhes kyang bya/ sangs rgyas zhes kyang bya/ mkhyen pa dang zhabs su ldan pa zhes kyang bya/ seng ge'i rgyal po zhes kyang bya/ dge sbyong zhes kyang bya/ bram ze zhes kyang bya/ zhi ba zhes kyang bya/ sbyin bdag ces kyang bya/ pha rol tu phyin pa zhes kyang bya/ sman pa'i rgyal po chen po zhes kyang bya/ bal glang gi rgyal po chen po zhes kyang bya/ klu'i rgyal po chen po zhes kyang bya/ mig sbyin pa zhes kyang bya| stobs po che zhes kyang bya/ mi 'jigs pa chen po zhes kyang bya/ rin po che'i tshogs zhes kyang bya/ tshong dpon zhes kyang bya/ rnam par grol ba thob pa zhes kyang bya/ skyes bu chen po zhes kyang bya/ lha dang mi'i ston pa zhes kyang bya/ puN+Da ri ka chen po zhes kyang bya/ gcig pu grogs med pa zhes kyang bya/ bsod nams kyi zhing chen po zhes kyang bya/ shes rab rgya mtsho zhes kyang bya/ mtshan nyid med pa zhes kyang bya/ ye shes brgyad dang ldan pa zhes kyang bya ste/ de dag thams cad kyang don tha dad cing ming tha dad do/ /rigs kyi bu/ 'di ni don grangs </font><hr>Kha304a<br><font size=+1>


@#/ /med pa las ming grangs med par 'chad pa zhes bya'o/ /gzhan yang don rnam pa gcig las ming grangs med par 'chad pa yod de/ gang zhe na/ dper na/ phung po la phung po zhes kyang bya/ phyin ci log pa zhes kyang bya/ bden pa zhes kyang bya/ dran pa nye bar bzhag pa bzhi zhes kyang bya/ zas rnam pa bzhi zhes kyang bya| rnam par shes pa bzhi'i gnas zhes kyang bya/ 'dus byas zhes kyang bya/ lam zhes kyang bya/ 'du shes zhes kyang bya/ sems can zhes kyang bya/ kun rdzob ces kyang bya/ don dam pa zhes kyang bya/ lus dang tshul khrims dang sems sgom pa zhes kyang bya/ rgyu dang 'bras bu zhes kyang bya/ nyon mongs pa zhes kyang bya/ rnam par grol ba zhes kyang bya/ rten cing 'brel te 'byung ba bcu gnyis zhes kyang bya/ nyan thos dang rang sangs rgyas zhes kyang bya/ sems can dmyal ba dang / yi dwags dang / byol song dang / mi dang / lha zhes kyang bya/ 'das pa dang / ma 'ongs pa dang / da ltar zhes kyang bya ste/ de ni don gcig las ming grangs med par 'chad pa'o/ /rigs kyi bu/ sangs rgyas bcom ldan 'das kyis sems can gyi phyir rgyas pa las mdor bsdus te bshad/ mdor bsdus pa las \?\ rgyas par 'chad/ don dam pa ni kun rdzob tu 'chad/ kun rdzob kyi chos </font><hr>Kha304b<br><font size=+1>


ni don dam par 'chad do/ /de la ji ltar na rgyas pa las mdor bsdus te bshad pa zhe na/ dper na/ dge slong dag la ngas rten cing 'brel te 'byung ba bcu gnyis bshad pa bzhin te/ rten cing 'brel te 'byung ba bcu gnyis gang zhe na/ 'di lta ste/ rgyu dang 'bras bu'o zhes gsungs pa'o/ /de la ji ltar na mdor bsdus pa las rgyas par 'chad pa zhe na/ dper na| dge slong dag la ngas deng sdug bsngal dang / kun 'byung ba dang / 'gog pa dang / lam bshad pa bzhin te/ de la sdug bsngal ni 'di lta ste/ sdug bsngal tshad med pa rnams so| |kun 'byung ba ni 'di lta ste/ nyon mongs pa tshad med pa rnams so/ /'gog pa ni 'di lta ste/ rnam par grol ba tshad med pa rnams so/ /lam ni 'di lta ste/ thabs mkhas pa tshad med pa'o/ /de la ji ltar na don dam pa la kun rdzob tu 'chad pa zhe na/ dper na/ dge slong dag la nga'i sku 'di rgas pa dang / na ba dang / 'chi ba yod do zhes bka' stsal pa'o/ / de la ji ltar na kun rdzob la don dam par bshad pa zhe na/ dper na/ kauN+Di N+ya la khyod chos kyi don thob pas/ kauN+Di N+ya zhes gdags so zhes bya ba dang mtshungs te/ gang zag ji lta ba dang / yid ji lta ba dang / dus ji lta ba shes pa'i phyir de bzhin gshegs pa ni dbang po rnams mkhyen pa'i stobs dang ldan pa zhes bya'o/ /rigs kyi bu/ gal te ngas de lta bu'i </font><hr>Kha305a<br><font size=+1>


@#/ /don de dag la nges par bshad na nga la de bzhin gshegs pa dbang po rnams mkhyen pa'i stobs dang ldan pa zhes bya bar mi 'gyur ro/ /rigs kyi bu/ mkhas pa dag ni spos kyi bal glang dag gi khal ni bong bus theg pa ma yin par shes so/ /sems can thams cad kyi spyod pa grangs med de/ de bas na de bzhin gshegs pas chos grangs med pa rnam pa sna tshogs bstan to/ /de ci'i phyir zhe na/ sems can la nyon mongs pa rnam pa mang po yod pa'i phyir ro/ /gal te de bzhin gshegs pas spyod pa gcig tu bshad na de bzhin gshegs pa dbang po rnams mkhyen pa'i stobs dang ldan pa zhes mi bya'o/ /de bas na ngas mdo sde gzhan dag las sems can rnam pa lngas pa chos rnam pa lnga ston par mi rung ngo zhes bshad de/ de la ma dad pa la ni yang dag pa'i dad par mi bsngags/ tshul khrims ngan pa can la ni tshul khrims sdom par mi bsngags/ ser sna can la ni sbyin par mi bsngags/ le lo can la ni mang du thos par mi bsngags/ gti mug can la shes rab mi bsngags so/ /de ci'i phyir zhe na/ mkhas pa dag gis gal te gang zag rnam pa de lnga la dngos po de lnga bshad na bshad pa de nyid dbang po rnams shes pa'i stobs dang ldan pa zhes kyang mi bya la/ sems can la snying brtse ba zhes </font><hr>Kha305b<br><font size=+1>


kyang mi bya'o/ /de ci'i phyir zhe na/ gang zag de lngas dngos po de lnga thos nas ma dad pa'i sems dang / ngan sems dang / khro sems skyes te/ de'i rgyu de'i rkyen gyis tshe rabs tshad med pa'i bar du sdug bsngal gyi 'bras bu rnam par smin par 'gyur te/ de bas na sems can la snying brtse ba dang / dbang po rnams shes pa'i stobs dang ldan pa zhes mi bya ste/ de'i phyir ngas sngar mdo sde gzhan las shA ri'i bu la 'di skad du khyod dbang po rnon po la ni chos rgyas par ma 'chad cig /dbang po rtul po la ni chos mdor bsdus te ma 'chad cig /ces bka' stsal nas shA ri'i bus gsol pa/ bcom ldan 'das/ bdag ni snying brtse ba'i phyir bshad par bas kyi/ dbang po shes pa'i stobs dang ldan pas bshad pa ni ma lags so zhes bya ba yin no/ /rigs kyi bu/ chos rgyas pa dang mdor bsdus te bshad pa ni sangs rgyas kyi spyod yul yin gyi/ nyan thos dang rang sangs rgyas rnams kyis shes pa ma yin no/ /rigs kyi bu khyod kyis smras pa ltar de bzhin gshegs pa yongs su mya ngan las 'das pa'i 'og tu nye gnas rnams so so nas tha dad par 'chad do zhes bya ba de dag ni phyin ci log gi rgyus yang dag pa'i lta ba ma thob ste/ de bas na bdag dang gzhan la phan par mi nus so/ /rigs kyi bu/ sems can de dag ni rang bzhin gcig pa'am/ spyod pa gcig pa'am/ dbang po gcig pa'am/ yul </font><hr>Kha306a<br><font size=+1>


@#/ /gcig pa'am/ dge ba'i bshes gnyen gcig pa ma yin te/ de bas na de bzhin gshegs pas de dag la chos kyi rnam grangs rnam pa sna tshogs bstan pa yin te/ de'i rgyu de'i rkyen gyis phyogs bcu na dus gsum gyi sangs rgyas bcom ldan 'das rnams kyang sems can gyi phyir mdo sde sde bcu gnyis 'byed cing ston pa yin no/ /rigs kyi bu| de bzhin gshegs pas mdo sde sde bcu gnyis gsungs pa 'di bdag la phan pa ni ma yin gyi/ gzhan la phan pa'i phyir te/ de bas na de bzhin gshegs pa'i stobs lnga po ni mkhyen pa'i stobs zhes bya'o/ /stobs rnam pa de gnyis kyi phyir de bzhin gshegs pas 'di ni tshe 'di la dge ba'i rtsa ba gcod pa dang / 'di ni tshe phyi ma la dge ba'i rtsa ba gcod pa dang / 'di ni tshe 'di la rnam par grol ba thob pa dang / 'di ni tshe phyi ma la rnam par grol ba thob par 'gyur ba rab tu rtogs te/ de bas na de bzhin gshegs pa ni bla na med pa'i stobs po che zhes bya'o/ /rigs kyi bu/ gang gis 'di skad du de bzhin gshegs pa ni mtha' yun du mya ngan las 'das pa dang / mtha' yun du mya ngan las mi 'da'o zhes smra ba de ni de bzhin gshegs pa'i dgongs pa mi shes pa'i phyir de skad ces smra'o/ /rigs kyi bu/ ri spos kyi ngad can la drang srong lnga khri sum stong rnams 'khod do/ /de dag kun kyang </font><hr>Kha306b<br><font size=+1>


'das pa'i dus na sangs rgyas 'od srung las dge ba'i rtsa ba bskyed pa las/ yang dag pa'i lam dang / sangs rgyas rnams bsnyen bkur ba dang / dam pa'i chos mnyan par ma gyur te/ de bzhin gshegs pas drang srong de dag gi phyir dga' bo la nga da ste zla ba gsum 'das nas yongs su mya ngan las 'da'o zhes bka' stsal to/ /lha rnams kyis de skad ces bka' stsal pa thos nas/ de skad du gcig nas gcig tu grags te/ ri spos kyi ngad can du grags par gyur to/ /drang srong rnams kyis thos nas rab tu 'gyod pa'i sems skyes te 'di skad ces smras so/ /ci'i phyir bdag cag mir skyes la sangs rgyas la bsnyen bkur mi bya/ sangs rgyas bcom ldan 'das rnams 'jig rten du 'byung bar rab tu dka' ba ni ji ltar u dum+ba ra'i me tog bzhin no/ /bdag cag deng bcom ldan 'das kyi spyan sngar 'dong la/ dam pa'i chos mnyan par bya'o zhes smras par gyur to/ /rigs kyi bu/ de'i tshe drang srong lnga khri sum stong rnams nga'i spyan sngar lhags te/ ngas de'i tshe de dag la ji lta ji lta ba de lta de ltar chos bstan to/ /kye skyes bu chen po dag /gzugs ni mi rtag pa'o/ /de ci'i phyir zhe na/ gzugs kyi rgyu dang rkyen mi rtag pa'i phyir ro/ /mi rtag pa'i rgyu las gzugs skyes na gzugs la rtag pa zhes bya bar rung ngam/ de bzhin du rnam par shes pa'i bar du'ang rgyas par rig par bya'o/ / </font><hr>Kha307a<br><font size=+1>


@#/ /de nas drang srong de chos de dag thos nas mod la dgra bcom pa'i 'bras bu thob par gyur to/ /rigs kyi bu/ grong khyer rtswa mchog na gyad stobs po che stong phrag sum cu snyed yod pa gzhan gyi dbang du ma gyur te/ gzugs dang / stobs dang / che dang / nor snyems shing dregs pas rab tu myos so/ /rigs kyi bu/ nga stobs po che de dag gdul ba'i phyir maung+gal gyi bu la khyod stobs po che de dag thul cig ces bka' stsal to/ /de nas maung+gal gyi bus nga'i bka' bzhin du lo lnga'i bar du thabs rnam pa sna tshogs kyis btul na| stobs po che gcig kyang chos mnyan pa'am thul bar ma gyur to/ /de nas ngas stobs po che de dag gi phyir dga' bo la nga da ste zla ba gsum na yongs su mya ngan las 'da'o zhes bka' stsal to/ /rigs kyi bu/ stobs po che de dag de skad ces bka' stsal pa thos nas 'dus te lam 'chos so/ /zla ba gsum 'das nas nga de'i tshe yul yangs pa can nas grong khyer rtswa mchog tu gshegs te lam phyed tsam du phyin pa dang / rgyang nas stobs po che rnams mthong nas dge slong gi gzugs shig tu sprul te/ stobs po che thams cad kyi nang du song nas 'di skad ces smras so/ /bus pa dag /khyed cag ci zhig byed/ stobs po che rnams de skad ces smras pa thos nas/ thams cad khros te/ 'di skad du dge slong khyod </font><hr>Kha307b<br><font size=+1>


ji ste nged la bus pa zhes zer/ ngas smras pa/ khyed bus pa yin mod/ stong phrag sum cu snyen 'dus te stobs ci yod pa gtugs kyang rdo chung ngu 'di tsam zhig bskyod mi nus na bus pa zhes bya mi rung ngam/ stobs po che rnams kyis smras pa/ khyod kyis nged la bus pa zhes zer na khyod ni mi chen po yin par shes so/ /rigs kyi bu/ ngas de'i tshe zhabs kyi sor mo gnyis kyi rdo de phyung ngo / /stobs po che dag de lta bu'i dngos po mthong nas bdag nyid kyi lus la zhan pa/ dma' ba/ kho re chung ba'i 'du shes bskyed nas yang 'di skad ces smras so/ / dge slong khyod rdo 'di lam gyi g.yas g.yon du dor nus sam/ ngas smras pa/ bus pa dag /ci'i phyir khyed rnams lam 'di 'chos/ stobs po che rnams kyis smras pa/ dge slong khyod mi shes sam/ de bzhin gshegs pa shAkya thub pa zhes bya ba lam 'dir byung ste/ sA la'i tshal du yongs su mya ngan las 'da' bar gshegs pas de'i rgyu de'i rkyen gyis nged lam 'chos so/ /de nas ngas legs so/ /legs so zhes bstod nas/ bus pa khyed de ltar dge ba'i sems bskyed na/ ngas khyed kyi phyir rdo 'di med par bya'o zhes smras nas lag pas blangs te srid pa'i rtse mo la thug par 'phangs so/ /de nas stobs po che de dag rdo ba nam mkha' la thug pa mthong nas thams cad 'jigs skrag ste/ phyogs </font><hr>Kha308a<br><font size=+1>


@#/ /bzhir bros pa las ngas 'di skad du stobs po che dag khyed 'jigs shing skrag pa'i sems ma bskyed par so sor ma bros shig ces smras so/ /stobs po che rnams kyis smras pa/ dge slong / gal te bdag cag gi skyabs bya na bdag cag bde bar mchis so/ /de nas ngas lag pas me long du blangs nas lag pa g.yas par bzhag go /stobs po che rnams kyis mthong nas dga' ba'i sems skyes te/ yang 'di skad ces smras so/ /dge slong / rdo 'di rtag pa'am/ mi rtag pa lags/ ngas de nas kha'i dbugs kyis bus pa tsam gyis rdo ba de rdul bzhin du byas so/ /stobs po che rnams kyis de lta bu dag mthong nas dge slong de la rdo 'di ni mi rtag pa'o zhes smras nas/ ngo tsha zhing rab tu 'gyod pa'i sems skyes nas ci'i phyir bdag cag gzugs dang / stobs dang / tshe dang / nor snyems te rgyags shing dregs pa'i sems bskyed ces gnong bar gyur to/ /ngas de dag gi sems shes nas lus sprul pa btang ste/ gzugs tha mal bar byas nas chos bstan to/ /stobs po che rnams kyis mthong nas thams cad kyang byang chub tu sems skyes so/ /rigs kyi bu/ rtswa mchog gi grong khyer na lag bzo tsund zhes bya ba zhig sngon sangs rgyas 'od srung la yi dam chen po bcas te/ de bzhin </font><hr>Kha308b<br><font size=+1>


gshegs pa shAkya thub pa yongs su mya ngan las 'da' ba na bdag nang gi tha mar mchod pa dbul lo zhes smon lam btab ste/ de bas na ngas grong khyer yangs pa can na dge slong u pa ma na bos te/ rigs kyi bu/ zla ba gsum 'das nas nga grong khyer rtswa mchog sA la'i shing drung du yongs su mya ngan las 'da' bar gshegs kyi/ khyod tsund sbron la shes par gyis shig| rigs kyi bu/ rgyal po'i khab na drang srong lnga mngon par shes pa su b+ha dra zhes bya ba lo brgya nyi shu lon pa zhig rtag tu bdag ni thams cad mkhyen pa'o zhes sgrogs shing nga rgyal chen po bskyed do/ /de 'das pa'i dus na sangs rgyas tshad med pa la dge ba'i rtsa ba rnams bskrun pa zhig yin te/ ngas de gdul ba'i phyir dga' bo la nga zla ba gsum 'das nas yongs su mya ngan las 'da'o zhes bka' stsal to/ /su b+ha dras thos nas nga gang na bar 'ongs te/ dad pa dang bkur sti'i sems bskyed do/ /ngas de la chos rnam pa sna tshogs bstan nas de thos pa dang zag pa med pa thob par gyur to/ /rigs kyi bu/ rgyal po gzugs can snying po'i bu ma skyes dgra las ngan pa'i rkyen gyis ngan sems skyes te/ rgyal po phab bsad par byas pa las skabs ma rnyed do/ /lha sbyin ma rungs pa de'ang sngon gyi las kyi rkyen gyis nga la mi dge ba'i sems skyes nas nga la gnod par bya ba'i phyir mngon par shes pa lnga </font><hr>Kha309a<br><font size=+1>


@#/ /bsgoms te ring por ma thogs par thob nas rgyal bu ma skyes dgra dang grogs po mdza' bor 'thams nas rgyal bu'i phyir rdzu 'phrul rnam pa sna tshogs ston to| |'di ltar sgo ma yin pa nas byung ste sgo nas 'ong ba dang / sgo nas byung ste sgo ma yin pa nas 'ong ba dang / res 'ga' ni bal glang dang / rta dang / ba lang dang / lug dang / skyes pa dang / bud med kyi gzugs su ston to/ /rgyal bu ma skyes dgras de dag mthong nas/ mos pa dang / dga' ba dang rab tu dad pa'i sems skyes so/ /dngos po de lta bu'i phyir mchod pa'i yo byad rnam pa sna tshogs kyis mchod de/ de'ang 'di skad du/ slob dpon 'phags pa/ bdag gis me tog mnad ra ba blta 'tshal lo zhes gsol pa dang / de nas lha sbyin gyis sum cu rtsa gsum gnam gyi steng du song nas/ lha de dag la me tog bslangs so/ /lha sbyin bsod nams zad pas sus kyang ma byin no/ /de ltar me tog ma thob nas 'di snyam du mnad ra ba'i sdong po ni bdag dang bdag gi pha med kyi/ bdag gis blangs na nyes pa ci yod snyam bsams nas bsnyen te blang bar gzas pa las/ mod la rdzu 'phrul stor bar gyur pas bdag gi lus phyir rgyal po'i khab na 'dug par mthong nas ngo tsha ba dang 'dzem pa'i sems skyes te/ rgyal bu ma skyes dgra dang phrad ma nus so/ /yang 'di snyam du bdag </font><hr>Kha309b<br><font size=+1>


da de bzhin gshegs pa gang na bar song la 'khor mang po dag bslang ngo / /gal te sangs rgyas kyis gnang na shA ri'i bu la sogs pa la yid bzhin du chos bstan cing bdag go snyam bsams nas/ de nas lha sbyin nga gang na bar 'ongs te 'di skad du de bzhin gshegs pa 'khor mang po 'di dag bdag la gtod cig /bdag gis rnam pa sna tshogs kyis chos bstan cing dul bar bgyi'o zhes gsol to/ /ngas bka' stsal pa/ kye glen pa/ shA ri'i bu la sogs pa dbang po rno zhing shes rab chen po dang ldan te/ 'jig rten kun gyis mos kyang ngas 'khor mang po rnams ma btad na gti mug can ngar snabs za ba khyod la btad pa lta ci smos/ de nas lha sbyin gyis nga la je bas kyang je ngan sems skyes nas 'di skad du gau ta ma khyod da ltar 'khor mang po 'dul mod kyi/ chos nyid kyis ring por mi thogs par med par 'gyur ba mthong ngo zhes smras so/ /de skad du smras nas sa chen po rnam pa drug tu g.yos te/ lha sbyin gyi drung du sa gas nas rlung drag po byung ste rdul la sogs pa bus nas rdul gyis gos par gyur to/ /lha sbyin gyis ltas ngan pa de lta bu mthong nas kyang 'di skad du gal te nga'i lus 'di da ltar gyi tshe 'di la gdon mi za bar mtshams med pa'i sems can dmyal bar ltung na/ nga'i dgra chen po de la lan glan dgos so zhes smras nas/ rgyal po ma skyes dgra gang </font><hr>Kha310a<br><font size=+1>


@#/ /na ba der song ngo / /ma skyes dgras mthong ma thag tu 'phags pa khyod ci ste mdog ngan cing mdangs mi dga' bar gyur ces dris pa dang / lha sbyin gyis smras pa/ bdag rtag tu de 'dra na khyod mi shes sam/ ma skyes dgras smras pa/ khyod ci sems pa de'i rgyu de'i rkyen bdag la smros shig /lha sbyin gyis smras pa/ bdag khyod dang shin tu mdza' ba yin te/ yul mi dag khyod la mi snyan pa zer bas bdag gis mi rigs par bzung ste/ bdag gis thos na dga' ba'i rtol ga la yod/ rgyal bu ma skyes dgras smras pa/ yul mi dag ji skad du bdag la mi snyan par smra/ lha sbyin gyis smras pa/ yul mi dag khyod la ma skyes dgra zhes mi snyan pa zer ro/ /ma skyes dgras smras pa/ ji ltar na ma skyes dgra zhes ming de sus btags/ lha cad kyis 'di skad du bu 'di btsas nas cad kyis 'di skad du bu 'di btsas nas rgyal po yab gsod par 'gyur ro zhes zer te/ de bas na yul mi thams cad kyis khyod la ma skyes dgra zhes btags so/ /nang gi slas thams cad ni khyod kyi sems bsrung ba'i phyir dge mthong ngo zhes 'bod do/ /btsun mo lus 'phags mas de skad ces thos nas khyod btsas ma thag tu yang thog mthon po nas bor te khyod kyi sor mo gcig chag par </font><hr>Kha310b<br><font size=+1>


gyur to/ /de'i rgyu de'i rkyen gyis mi rnams kyi'ang ba ra ru tse zhes btags so/ /bdag de skad du smras pa thos nas mi dga' ba'i sems skyes kyang khyod la smra ma nus so/ /de nas lha sbyin gyis de lta bu'i mi dge ba'i dngos po rnam pa sna tshogs kyis yab rgyal po gsod cig ces bstan to/ /gal te khyod kyis yab rgyal po shi na ngas kyang dge sbyong gau ta ma gsod do zhes zer ro| |rgyal bu ma skyes dgras blon po chen po gnyis su 'gro ba zhes bya ba la blon po chen po ji ste bdag gi ming ma skyes dgrar btags zhes dris so/ /de nas blon po chen pos sngon ji ltar btags pa'i gtan tshigs smra ba'ang lha sbyin gyis smra ba dang tha mi dad de/ rgyal bu ma skyes dgras thos nas blon po chen po dang bgros te/ yab rgyal po bzung nas grong khyer gyi phyi rol du dmag rnam bzhis bskor te chas so/ /btsun mo lus 'phags mas thos nas rgyal po gang na bar song ba las srung ma rnams kyi bkag nas phrad du ma ster to/ /de nas btsun mo khro sems skyes nas srung ma rnams la spyo so// //'phags pa yongs su mya ngan las 'das pa chen po'i mdo/ /bam po bzhi bcu lnga pa/ de nas srung ma rnams rgyal po'i btsun mo yab rgyal po la lta 'tshal zhes mchi na gnang ngam mi gnang zhes rgyal bu la zhus so/ /rgyal bus thos nas de bas kyang khros te ma gang na 'dug par song </font><hr>Kha311a<br><font size=+1>


@#/ /nas ma'i thor tho la bzung ste ral gri phung nas gdab pa las/ 'tsho byed kyis gsol pa/ rgyal po chen pos yul dod tshun chad nongs pa ji ltar che'ang bud med la chad pas mi dgum pa lags na rgyal po nyid kyi yum lta ci smos/ rgyal po ma skyes dgras de skad smras pa thos nas 'tsho byed kyi phyir ma btang nas/ rgyal po yab kyi gos dang / mal cha dang / zas dang / nad kyi rkyen sman la sogs pa bcad de zhag bdun lon nas/ yab rgyal po'i tshe'i dus byas par gyur to/ /rgyal po ma skyes dgras yab rgyal po tshe 'das pa mthong nas/ 'gyod pa'i sems skyes pa na blon po chen po gnyis su 'gro bas/ yang chos log pa mi dge ba rnam pa sna tshogs smras te/ 'di skad du rgyal po chen po las thams cad ni kha na ma tho bar 'gyur ba ma mchis na ji ste deng khyod 'gyod pa'i sems bskyed ces gsol to/ /'tsho byed kyis yang smras pa/ rgyal po chen po 'di ltar mkhyen par mdzod cig /'di ltar las 'di ni kha na ma tho ba'i sdig pa rnam pa gnyis mchis te/ yab rgyal po bsad pa dang / rgyun du zhugs pa bsad pa ste/ de lta bu'i sdig ni bcom ldan 'das las gzhan su'ang las 'di sbyong nus pa ma mchis so/ /rgyal po ma skyes dgras smras pa/ de bzhin gshegs pa ni rnam par dag pa la rnyog pa ma mchis pa lags te/ </font><hr>Kha311b<br><font size=+1>


bdag ni sdig pa can lags na ji ltar mthong bar 'gyur zhes smras so/ /rigs kyi bu/ ngas dngos po de mkhyen nas dga' bo la bka' stsal pa/ nga zla ba gsum 'das nas yongs su mya ngan las 'da'o zhes bka' stsal to/ /ma skyes dgras thos nas nga gang na bar 'ongs te/ ngas chos bstan nas kha na ma tho ba lci ba'ang srab par gyur/ rtsa ba med pa'i dad pa'ang thob par gyur to/ /rigs kyi bu/ nga'i nye gnas rnams de skad du smras pa thos nas nga'i dgongs pa mi shes pas 'di skad du de bzhin gshegs pa ni yun du mya ngan las 'das so zhes smra'o/ /rigs kyi bu/ byang chub sems dpa' la rnam pa gnyis te/ yang dag par don dang ldan pa dang / ming tsam bla dwags su btags pa'o/ /de la ming tsam bla dwags su btags pa'i byang chub sems dpa' ni/ nga zla ba gsum na yongs su mya ngan las 'da'o zhes thos nas thams cad phyir ldog pa'i sems skyes te/ 'di skad du ji ste de bzhin gshegs pa ni mi rtag la mi gnas na bdag cag lta ci zhig bya/ ci'i phyir dngos po de lta bu'i phyir tshe rabs tshad med pa'i bar du nyon mongs pa'i sdug bsngal chen po myong bar bya| sangs rgyas bcom ldan 'das bsod nams tshad med pa dang ldan pa'ang 'chi bdag gi bdud bcom ma nus na bdag cag lta zhig ga la nus zhes zer ro/ /rigs kyi bu/ de'i </font><hr>Kha312a<br><font size=+1>


@#/ /phyir ngas byang chub sems dpa' de dag la de bzhin gshegs pa ni rtag tu gnas pa ste/ mi 'gyur mi 'pho ba'o zhes gsungs so/ /rigs kyi bu| nga'i nye gnas rnams de skad du gsungs pa thos nas/ nga'i dgongs pa mi shes pas nges par de bzhin gshegs pa ni mthar mya ngan las mi 'da'o zhes zer ro/ / rigs kyi bu/ sems can kha cig chad par lta ba bskyed nas 'di skad du sems can thams cad lus med pa'i 'og tu dge ba dang / mi dge ba'i las myong ba ci'ang med do/ /zhes smra ste/ ngas de dag gi phyir dge ba dang mi dge ba'i 'bras bu rnam par smin pa ni yang dag par myong bar yod ces gsungs so/ /yod par ji ltar mngon zhe na/ rigs kyi bu/ sngon 'das pa'i dus na grong khyer rtswa mchog ces bya ba na rgyal po rab mthong zhes bya ba zhig yod de/ lo brgyad khri bzhi stong gi bar du gzhon nu byas/ lo brgyad khri bzhi stong gi bar du rgyal tshab byas/ lo brgyad khri bzhi stong gi bar du rgyal po byas te/ dben par 'dug pa na 'di snyam du sems par gyur to/ /sems can bsod nams chung bas tshe rab tu thung ste/ rtag tu dgra bzhi phyi bzhin 'brang yang mi shes mi tshor te/ 'on kyang bag med par spyod do/ /de bas na bdag rab tu byung </font><hr>Kha312b<br><font size=+1>


ste| byang chub kyi lam sgom zhing skye ba dang / rga ba dang / na ba dang / 'chi ba'i dgra bzhi yongs su bcad do snyam bsams nas/ blon po dag la grong khyer gyi phyi rol du rin po che sna bdun gyi gzhal med khang zhig gyis shig ces bka' stsal to/ /gzhal med khang byas nas blon po dang / nang gi slas rnams dang / rgyal bu rnams dang / gnyen rnams la bka' stsal pa/ khyod shes par gyis shig /nga ni rab tu 'byung snyam sems na khyed kyis gnang ngam zhes smras so/ /de nas blon po chen po dang / gnyen la sogs pa kun kyang dge'o/ /rgyal po chen po deng dus la bab bo zhes gsol to/ /de nas rgyal po rab mthong gis zham ring ba mi gcig dang / gzhal med khang du lo brgyad khri bzhi stong gi bar du gnas te byams pa'i sems bsgoms so/ /de'i rkyen gyis lo brgyad khri bzhi stong gi bar du rim gyis 'khor lo bsgyur ba'i rgyal po byas so/ /de nas yang tshe rabs sum bcu'i bar du brgya byin lha'i dbang phyug byas so/ /tshe rabs tshad med pa'i bar du rgyal phran byas so/ /rigs kyi bu/ de'i tshe de'i dus na rab mthong zhes bya ba de gzhan yin par ma sems shig /de ni da ltar gyi nga yin no/ /rigs kyi bu/ nga'i nye gnas rnams de skad du gsungs pa thos nas nga'i dgongs pa mi shes pas 'di skad du de bzhin gshegs pa ni nges par bdag dang </font><hr>Kha313a<br><font size=+1>


@#/ /bdag gi ba yod par gsungs so zhes zer ro/ /yang dus gcig na ngas sems can rnams la bdag ces bya ba ni rang bzhin yin no/ /'di lta ste/ nang dang phyi rol gyi rgyu dang rkyen dang rten cing 'brel te 'byung ba bcu gnyis dang / sems can gyi lnga phung dang / sems dang / khams dang / 'jig rten gyi bsod nams dang / las kyi dbang dang / lha dbang sgyur gyi 'jig rten ni bdag yin zhes gsungs so/ /nga'i nye gnas rnams de skad du gsungs pa thos nas nga'i dgongs pa mi shes pas 'di skad du/ de bzhin gshegs pas nges par bdag yod par gsungs so zhes zer ro/ /rigs kyi bu/ yang dus gzhan zhig na dge slong gcig cig nga gang na bar 'ongs nas 'di skad du bcom ldan 'das bdag ces bgyi ba ji lta bu/ bdag ces bgyi ba ni su/ ci'i rkyen gyis bdag ces bgyis zhes zhus so/ /de nas ngas dge slong de la 'di skad ces bka' stsal to/ /dge slong bdag dang bdag gi ba med do/ /mig ces bya ba thog ma nas med la da ltar yod do/ /yod pa las kyang phyis med par 'gyur te thog ma skyes pa'i tshe'ang gang nas kyang ma 'ongs la/ phyis 'gog pa na'ang gang du'ang song ba med de/ las kyi 'bras bu yod mod kyi/ sus kyang ma byas so/ /phung po btang ba'ang med la phung po len pa'ang </font><hr>Kha313b<br><font size=+1>


med de/ ji ltar khyod kyis bdag ces bya ba ji lta bu zhes zhus pa de bdag ni de kho na yin no/ /bdag su zhes zhus pa de ni las yin no/ /ci'i rkyen gyis bdag ces bya ba ni sred pa yin no/ / dge slong / dper na/ lag pa gnyis brdabs pas de'i bar na sgra 'byung ba ltar bdag kyang de dang 'dra ste/ sems dang / las dang / sred pa gsum gyi rgyu 'brel bas bdag ces bya'o| |dge slong / sems can thams cad kyi gzugs ni bdag ma yin no/ /bdag gi nang na gzugs med la/ gzugs kyi nang na'ang bdag med pa nas rnam par shes pa'i bar du'ang de bzhin no/ /dge slong / mu stegs can la sogs pas bdag yod par smra ba'ang phung po las gzhan pa ma yin te/ phung po spangs pa'i pha rol na bdag yod do zhes bya ba de lta bu'i gnas med do/ /sems can thams cad kyi 'du byed ni sgyu mas sprul pa dang / smig rgyu ba dang mtshungs te/ dge slong / phung po lnga ni mi rtag pa/ bde ba med pa/ bdag med pa/ yongs su ma dag pa'o/ /rigs kyi bu/ de'i tshe na dge slong mang po tshad med pa snyed kyis lnga phung 'di la bdag dang bdag gi ba med par rtogs pas dgra bcom pa'i 'bras bu thob par gyur to/ /rigs kyi bu/ nga'i nye gnas rnams de skad ces gsungs pa thos nas nga'i dgongs pa mi shes pas/ 'di skad du de bzhin gshegs pas nges par </font><hr>Kha314a<br><font size=+1>


@#/ /bdag med par gsungs so zhes zer ro/ /rigs kyi bu/ ngas mdo sde las kyang 'di skad du dngos po gsum 'dus pa las lus 'di blangs par gyur te zhes gsungs so/ /de ni pha dang / ma dang / phung po bar ma 'dus pa las lus len par gyur to/ /yang ngas lan gcig phyir mi ldog pa'i gang zag ni mngon sum du mya ngan las 'das pa dang / gal te na lnga phung bar mas mya ngan las 'da'o zhes gsungs pa'ang 'di skad du lnga phung bar ma'i dbang po tshang bar ldan zhing gsal ba ni sngon gyi las yin te/ ji ltar mar gyi snying po dang mtshungs so zhes gsungs so/ /rigs kyi bu/ ngas dus gcig na sems can sdig pa can gyi lnga phung bar ma ni ji ltar 'jig rten na ras rtsub mo dang mtshungs so/ /sems can dge ba 'ba' zhig pa'i lnga phung bar ma ni yul ser skya'i ras dkar po dang mtshungs so zhes gsungs te/ nga'i nye gnas rnams de skad gsungs pa thos nas| nga'i dgongs pa mi shes pas 'di skad du de bzhin gshegs pas lnga phung bar ma yod par gsungs so zhes zer ro/ /rigs kyi bu/ ngas yang mtshams med pa'i kha na ma tho ba byas pa'i sems can rnams la 'di skad du mtshams med pa lnga byas na/ mtshams med pa'i sems can dmyal bar ltung ngo zhes gsungs so/ /yang ngas dge slong ku ma ru </font><hr>Kha314b<br><font size=+1>


tse zhes bya ba lus 'di dang bral ma thag tu thogs pa med par mtshams med pa'i sems can dmyal bar ltung ngo zhes gsungs so/ /ngas kyang kun tu rgyu be'u zhes bya ba la 'di skad du kun tu rgyu gal te lnga phung bar ma yod na/ srid pa drug kyang yod do zhes gsungs so/ /yang 'di skad du gzugs med pa'i sems can la lnga phung bar ma med do zhes gsungs so/ /rigs kyi bu| nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas nges par lnga phung bar ma med par gsungs so/ / zhes zer ro/ /rigs kyi bu/ ngas mdo sde las phyir ldog pa yod par gsungs so/ /de ci'i phyir zhe na/ le lo dang snyom las byed pa'i dge slong tshad med pa rnams byang chub la nan tan mi byed pas de dag la phyir ldog pa rnam pa 'di lnga gsungs so/ /bya ba mang po la dga' ba dang / 'jig rten gyi smrang la mos pa dang / gnyid la mos pa dang / khyim la brten par mos pa dang / kun tu 'gro bar dga' ba ste/ de'i rgyu de'i rkyen gyis dge slong dag phyir ldog par 'gyur ro/ /phyir ldog pa'i rkyen la'ang rnam pa gnyis te/ nang dang / phyi rol lo| |dgra bcom pa'i gang zag ni nang gi rkyen spangs mod kyi/ phyi rol gyi rkyen ma spangs pas phyi rol gyi rkyen gyis nyon mongs pa skye'o/ /nyon mongs pa skye bas phyir ldog cing nyams </font><hr>Kha315a<br><font size=+1>


@#/ /par 'gyur ro zhes gsungs so/ /yang dge slong ku te zhes bya bas lan drug gi bar du phyir ldog par gyur te/ log nas kyang khrel ba dang 'dzem pa'i sems la nan tan byed de/ lan bdun gyi tha ma la thob par gyur to/ /thob nas nyams kyis dogs pas mtshon phyung nas bdag gis bdag bsad do/ /ngas yang 'di skad du skabs kha cig tu rnam par grol ba'i dus dang / skabs kha cig tu dgra bcom pa rnam pa drug la sogs pa gsungs te/ nga'i nye gnas rnams de skad du gsungs pa thos nas nga'i dgongs pa mi shes pas 'di skad du de bzhin gshegs pas nges par phyir ldog pa yod par gsungs so zhes zer ro/ /rigs kyi bu/ yang mdo sde las 'di skad ces gsungs te/ dper na/ 'tshig pa'i sol ba ni phyir shing du mi 'gyur ba dang / bum pa chag na bum par spyad du med pa ltar nyon mongs pa'ang de dang mtshungs te/ dgra bcom pas yongs su bcad nas phyir mi skye'o zhes gsungs so/ /sems can gyi nyon mongs pa skye ba'i rgyu'ang rnam pa gsum yod par gsungs te/ nyon mongs pa ma bcad pa dang / nyon mongs pa'i rgyu dang rkyen ma bcad pa dang / mi dge ba yid la byed pa'o/ /dgra bcom pa ni rgyu dang rkyen yang med la/ nyon mongs pa bcad pa'i phyir mi dge ba yid la byed pa'ang med do/ /rigs kyi bu/ nga'i nye gnas rnams </font><hr>Kha315b<br><font size=+1>


de skad du gsungs pa thos nas nga'i dgongs pa mi shes pas 'di skad du de bzhin gshegs pas nges par phyir ldog pa med par gsungs so zhes zer ro/ /rigs kyi bu/ ngas mdo sde las de bzhin gshegs pa'i sku la rnam pa gnyis yod par gsungs te/ skye ba'i sku dang / chos kyi sku'o/ /de la skye ba'i sku ni thabs kyis kun tu sprul pa'i sku ste/ sku de la ni skye ba dang / rga ba dang / na ba dang / 'chi ba dang / ring ba dang / thung ba dang / gnag pa dang / dkar ba dang / 'di dang / pha bi dang / slob pa dang / mi slob pa med pa'o zhes byar mi rung ste/ nga'i nye gnas rnams de skad du smras pa thos nas/ nga'i dgongs pa mi shes pas 'di skad du de bzhin gshegs pas nges par sangs rgyas kyi sku ni 'dus byas kyi chos can du gsungs so/ / zhes zer ro/ /chos kyi sku ni rtag pa dang / bde ba dang / bdag dang / yongs su dag pa ste/ skye ba dang / rga ba dang / na ba dang / 'chi ba thams cad med do/ /dkar po ma yin/ nag po ma yin/ ring po ma yin/ thung ngu ma yin/ 'di ma yin/ pha bi ma yin/ slob pa ma yin/ mi slob pa ma yin te/ sangs rgyas 'jig rten du byung yang rung / ma byung yang rung ste/ rtag tu gnas la/ mi 'gyur mi 'pho ba'o zhes gsungs pas/ rigs kyi bu/ nga'i nye gnas rnams de skad du gsungs pa thos nas/ nga'i dgongs pa mi shes pas </font><hr>Kha316a<br><font size=+1>


@#/ /'di skad du de bzhin gshegs pas nges par sangs rgyas kyi sku ni 'dus ma byas kyi chos su gsungs so zhes zer ro/ /rigs kyi bu/ ngas mdo sde las rten cing 'brel te 'byung ba bcu gnyis gsungs pa ni ma rig pa las 'du byed ste/ 'du byed las rnam par shes pa skye/ rnam par shes pa las ming dang gzugs skye/ ming dang gzugs las drug gi skye mched skye/ drug gi skye mched las reg pa skye/ reg pa las tshor ba skye/ tshor ba las sred pa skye/ sred pa las len pa skye/ len pa las srid pa skye/ srid pa las skye ba skye/ skye ba las rga shi dang zlos pa'i mya ngan skye'o zhes gsungs so/ /rigs kyi bu/ nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas rten cing 'brel te 'byung ba bcu gnyis nges par 'dus byas yin par gsungs so zhes zer ro/ /ngas yang dus gcig na dge slong dag la 'di skad ces bka' stsal to/ /rten cing 'brel te 'byung ba bcu gnyis ni sangs rgyas rnams byung yang rung / sangs rgyas rnams ma byung yang rung ste/ rang bzhin dang mtshan nyid ni rtag tu gnas so/ /rigs kyi bu/ rten cing 'brel te 'byung ba bcu gnyis rkyen las skyes pa ma yin pa'ang yod/ rkyen las skyes pa la rten cing 'brel te 'byung ba bcu gnyis ma </font><hr>Kha316b<br><font size=+1>


yin pa'ang yod/ rkyen las skyes la rten cing 'brel te 'byung ba bcu gnyis yin pa'ang yod/ rkyen las skyes pa'ang ma yin la rten cing 'brel par 'byung ba bcu gnyis kyang ma yin pa'ang yod do/ /de la rten cing 'brel te 'byung ba bcu gnyis rkyen las skyes pa ma yin pa ni 'di lta ste/ ma 'ongs pa'i dus kyi rten cing 'brel te 'byung ba bcu gnyis so/ /rkyen las skyes la rten cing 'brel te 'byung ba bcu gnyis ma yin pa ni 'di lta ste/ dgra bcom pa'i lnga phung ngo / /rkyen las kyang skyes la rten cing 'brel te 'byung ba bcu gnyis kyang yin pa ni 'di lta ste/ bus pa ma rabs so so'i skye bo'i lnga phung dang bcas pa'i rten cing 'brel te 'byung ba bcu gnyis so/ /rkyen las skyes pa'ang ma yin la rten cing 'brel te 'byung ba bcu gnyis kyang ma yin pa ni 'di lta ste/ nam mkha' dang mya ngan las 'das pa'o zhes gsungs te/ rigs kyi bu/ nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas rten cing 'brel te 'byung ba bcu gnyis la nges par 'dus ma byas ma yin par gsungs so zhes zer ro/ /rigs kyi bu/ ngas mdo sde las sems can thams cad dge ba dang mi dge ba'i las byas pa'i lus 'di spangs nas chen po bzhi po de kho nar </font><hr>Kha317a<br><font size=+1>


@#/ /zhig ste gyes so/ /dge ba 'ba' zhig byas pa ni sems kyi 'du byed mchog tu 'gyur ro/ /mi dge ba'i las 'ba' zhig byas pa ni sems kyi 'du byed tha mar 'gyur ro zhes gsungs te/ rigs kyi bu/ nga'i nye gnas rnams de skad du gsungs pa thos nas nga'i dgongs pa mi shes pas 'di skad du de bzhin gshegs pas sems ni nges par rtag go bar gsungs so zhes zer ro/ /rigs kyi bu/ ngas dus gcig na rgyal po gzugs can snying po la 'di skad ces bka' stsal to/ /rgyal po chen po/ 'di ltar rig par gyis shig /gzugs ni mi rtag pa yin no/ /de ci'i phyir zhe na/ mi rtag pa'i rgyu las skyes par gyur pa'i phyir ro/ /de ltar gzugs de mi rtag pa'i rgyu las skyes na mkhas pa shes rab can gyis ci'i phyir rtag par smra/ gal te gzugs rtag pa yin na/ 'jig cing 'gog par mi 'gyur te/ sdug bsngal rnams kyang skye ba'i mi rigs so/ /de gzugs 'di gyes pa dang / 'gog pa dang / chag cing zhig par mthong ste/ de bas na gzugs ni mi rtag par rig ste/ de bzhin du rnam par shes pa'i bar du'ang de dang 'dra'o/ / rigs kyi bu/ nga'i nye gnas rnams de skad du gsungs pa thos nas nga'i dgongs pa mi shes pas 'di skad du/ de bzhin gshegs pas sems la sems nges par chad par gsungs so </font><hr>Kha317b<br><font size=+1>


zhes zer ro/ /rigs kyi bu/ ngas mdo sde las nga'i nye gnas rnams kyis spos dang / me tog dang / gser dang / dngul dang / rin po che dang / chung ma dang / bu dang / bran pho dang / bran mo la sogs pa ma brtags pa'i rdzas rnam pa brgyad la sogs pa bcangs kyang bden pa'i lam thob bo/ /bden pa'i lam thob nas kyang mi spong ngo zhes gsungs te/ nga'i nye gnas rnams de skad du gsungs pa thos nas nga'i dgongs pa mi shes pas 'di skad du/ de bzhin gshegs pas nges par 'dod pa lnga la spyod na/ 'phags pa'i lam gyi bar chad du mi 'gyur bar gsungs so zhes zer ro/ /gzhan yang dus gcig na ngas 'di skad du khyim na gnas pas bden pa'i lam thob pa'i gnas med do zhes gsungs so/ /rigs kyi bu/ nga'i nye gnas rnams kyis de skad du gsungs pa thos nas nga'i dgongs pa mi shes pas de bzhin gshegs pas 'dod pa lnga spyod na nges par bden pa'i lam gyi bar chad du 'gyur bar gsungs so zhes zer ro/ /rigs kyi bu/ ngas mdo sde las nyon mongs pa spangs te/ rnam par grol ba ma thob pa ni 'dod pa'i khams na 'jig rten gyi mchog gi chos spyod pa dang mtshungs so zhes gsungs te/ rigs kyi bu/ nga'i nye gnas rnams de skad du gsungs pa thos nas nga'i dgongs pa mi shes pas/ 'di skad du de bzhin gshegs pas 'jig rten mchog gi </font><hr>Kha318a<br><font size=+1>


@#/ /chos ni 'dod pa'i khams 'ba' zhig na yod par gsungs so zhes zer ro/ /yang ngas 'di skad du drod dang / spyi bo dang / bzod pa dang / 'jig rten mchog gi chos ni bsam gtan dang po nas bsam gtan bzhi pa'i bar la yod do zhes gsungs te/ rigs kyi bu/ nga'i nye gnas rnams de skad du gsungs pa thos nas nga'i dgongs pa mi shes pas 'di skad du de bzhin gshegs pas chos de dag gzugs kyi khams na yod par gsungs so zhes zer ro/ /yang ngas 'di skad du mu stegs can rnams sngar bsam gtan bzhi pa'i nyon mongs pa yongs su bcad nas/ drod dang / spyi bo dang / bzod pa dang / 'jig rten mchog gi chos bsgoms te bden pa bzhi rtogs nas phyir mi ldog pa'i 'bras bu thob bo zhes gsungs te/ nga'i nye gnas rnams kyis de skad du gsungs pa thos nas nga'i dgongs pa mi shes pas 'di skad du/ de bzhin gshegs pas 'jig rten mchog gi chos ni gzugs med pa'i khams na yod par gsungs so zhes zer ro/ /rigs kyi bu/ ngas mdo sde las 'di skad du gsungs te/ sbyin pa rnam pa bzhi las/ gsum ni rnam par dag pa ste/ de la sbyin bdag ni rgyu dang 'bras bu dang / sbyin pa la yid ches la/ len pa ni rgyu dang 'bras bu dang / sbyin pa la'ang yid mi ches </font><hr>Kha318b<br><font size=+1>


pa dang / len pa ni rgyu dang 'bras bu dang / sbyin pa la yid ches la/ sbyin bdag ni rgyu dang 'bras bu dang / sbyin pa la yid mi ches pa dang / sbyin pa dang len pa gnyis ka yid ches pa dang / sbyin pa dang len pa gnyis ka yid ma ches pa ste/ sbyin pa rnam pa de bzhi la/ dang po gsum ni rnam par dag go zhes gsungs te/ nga'i nye gnas rnams kyis de skad du gsungs pa thos nas nga'i dgongs pa mi shes pas sbyin pa ni yid 'ba' zhig yin par de bzhin gshegs pas gsungs so zhes zer ro/ /rigs kyi bu/ ngas yang dus gcig na 'di skad du sbyin bdag gis sbyin pa byin pa na dngos po rnam pa lnga sbyin pa bya'o/ /lnga gang zhe na/ mdog sbyin pa dang / stobs sbyin pa dang / bde ba sbyin pa dang / srog sbyin pa dang / spobs pa sbyin pa ste/ de'i rgyus sbyin bdag gis 'bras bu rnam par smin pa rnam pa lnga thob par 'gyur ro zhes gsungs te/ nga'i nye gnas rnams kyis de thos nas nga'i dgongs pa mi shes pas/ 'di skad du sbyin pa nyid phung po lnga yin par sangs rgyas kyis gsungs so zhes zer ro/ /rigs kyi bu/ ngas yang dus gcig na 'di skad du mya ngan las 'das pa ni nyon mongs pa mtha' yun du zad cing lhag ma ma lus par 'gags pa ste/ ji ltar me mar shi nas phyir skye ba'i chos med pa ltar mya ngan las 'das pa'ang de bzhin no/ /nam mkha' stong pa zhes bya </font><hr>Kha319a<br><font size=+1>


@#/ /ba nyid ni ci'ang med pa'o/ /dper na/ 'jig rten na ci'ang med pa ni nam mkha' stong pa zhes bya ste/ ye shes kyi rkyen gyis 'gog pa ma yin pas ci'ang med pa yin no/ /ji ste yod pa zhig yin na rgyu dang rkyen yang yod pa'i rigs so/ /rgyu dang rkyen yod na zad pa dang 'gag pa yod pa'i rigs te/ de ltar med pas na zad pa dang 'gog pa med do zhes gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas/ 'di skad du bcom ldan 'das kyis 'dus ma byas pa rnam pa gsum med par gsungs so zhes zer ro/ /rigs kyi bu/ ngas dus gcig na maung+gal gyi bu la 'di skad ces bka' stsal to/ /maung+gal mya ngan las 'das pa zhes bya ba ni tshig gi tha snyad do/ /rkang pa'i rjes so/ /mthar phyin pa'i gnas so/ /'jigs pa med pa'o/ /ston pa chen po'o/ /'bras bu chen po'o/ /mthar phyin pa'i ye shes so/ /bzod pa chen po'o/ /thogs pa med pa'i ting nge 'dzin to/ /chos kyi dbyings chen po'o/ /zil mngar gyi ro'o/ /mthong bar dka' ba yin no/ /maung+gal/ ji ste mya ngan las 'das pa med do zhes gsungs na/ ci'i phyir skur pa de dag sems can dmyal bar ltung zhes gsungs so/ /nga'i nye gnas rnams kyis de skad du gsungs </font><hr>Kha319b<br><font size=+1>


pa thos nas nga'i dgongs pa mi shes pas/ 'di skad du mya ngan las 'das pa yod par de bzhin gshegs pas gsungs so zhes zer ro/ /yang dus gcig na ngas maung+gal la 'di skad ces bka' stsal to/ /maung+gal/ mig la snying po med pa nas lus kyi bar du thams cad la snying po med do/ /de ltar snying po med pas stong pa zhes bya ste/ kha zas la sogs pa 'gyur zhing 'ju ba dang / sgra thams cad kyang stong pa zhes bya'o/ zhes gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du/ nam mkha' stong pa dang 'dus ma byas pa ni nges par yod par sangs rgyas kyis gsungs so zhes zer ro/ /yang dus gcig na ngas maung+gal la 'di skad ces bka' stsal to/ /maung+gal/ gang la la zhig gis rgyun du zhugs pa'i 'bras bu ma thob par bzod pa la gnas pa'i tshe/ ngan song gsum gyi rnam par smin pa tshad med pa snyed bcad pa ni ye shes kyi rkyen gyis 'gog pa ma yin par rig par gyis shig ces gsungs ste/ nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du ye shes kyi rkyen gyis 'gog pa ma yin par sangs rgyas kyis gsungs so zhes zer ro/ /rigs kyi bu/ ngas yang dus gcig na dge slong bar pa zhes bya ba la bar pa bshad de/ gal te dge slong </font><hr>Kha320a<br><font size=+1>


@#/ /gang gzugs la 'das pa'am/ ma 'ongs pa'am/ da ltar ram/ nye ba'am/ ring ba'am/ sbom po'am/ phra mor rtog na de ltar bu la sogs pa'i gzugs ni bdag dang bdag gi ba ma yin no/ /gal te dge slong gang de ltar rtogs na gzugs kyi sred pa gcod nus so/ /dge slong bar pas gsol pa/ ji ltar na gzugs dang ming zhes bgyi/ bka' stsal pa/ chen po bzhi ni gzugs so/ /phung po bzhi ni ming ngo zhes gsungs te/ nga'i nye gnas rnams kyis de skad ces gsungs pa thos snas nga'i dgongs pa mi shes pas/ 'di skad du gzugs ni nges par chen po bzhi yin par de bzhin gshegs pas gsungs so zhes zer ro/ /rigs kyi bu/ ngas yang 'di skad du/ dper na/ me long gi rkyen gyis gzugs brnyan snang bar gyur pa ltar gzugs kyang de dang 'dra ste/ chen po bzhi'i rkyen gyis 'di ltar sbom po dang / phra mo dang / rtsub po dang / 'jam pa dang / sngon po dang / ser po dang / dmar po dang / dkar po dang / ring po dang / thung ngu dang / gru bzhi dang / zlum po dang / snrel zhi dang / yang ba dang / lci ba dang / grang ba dang / tsha ba dang / skom pa dang / dud pa dang / sprin dang / khug rna'ang yod de/ de ni byas pa'i gzugs yin pas ji ltar brag ca dang mtshungs </font><hr>Kha320b<br><font size=+1>


so| |zhes gsungs te/ nga'i nye gnas rnams kyis de skad du gsungs pa thos nas nga'i dgongs pa mi shes pas/ 'di skad du chen po bzhi ni byas pa'i gzugs kyang yin la/ chen po bzhi kha cig ni byas pa'i gzugs med par de bzhin gshegs pas gsungs so zhes zer ro/ /rigs kyi bu/ sngon dus gcig na byang chub kyi shing gi rgyal po'i bus 'di skad du gal te dge slong gang tshul khrims sdom pa gal te mi dge ba'i sems bskyed na/ de'i dus na dge slong gi tshul khrims nyams par gyur pa lags so zhes zer ro/ /ngas de'i tshe byang chub kyi shing gi rgyal po'i bu la bka' stsal pa/ tshul khrims la rnam pa bdun yod de/ lus dang ngag las rnam par ri byed ma yin pa'i gzugs yod do/ /rnam par rig byed ma yin pa'i gzugs kyi rkyen gyis sems mi dge ba'am/ lung du mi ston pa la gnas kyang tshul khrims nyams pa zhes mi bya ste/ tshul khrims srung ba'o/ /ci'i rgyu ci'i rkyen gyis rnam par rig byed ma yin pa'i gzugs she na/ gzugs tha dad pa'i rkyen gyis gzugs tha dad pa'i rgyu dang 'bras bur 'gyur ba ma yin pa'o zhes gsungs te/ rigs kyi bu/ nga'i nye gnas rnams kyis de skad ces gsungs pa thos snas/ nga'i dgongs pa mi shes pas 'di skad du rnam par rig byed ma yin pa'i gzugs yod par sangs rgyas kyis gsungs so/ / </font><hr>Kha321a<br><font size=+1>


@#/ /zhes zer ro/ /rigs kyi bu/ ngas mdo sde gzhan dag las 'di skad du tshul khrims zhes bya ba ni mi dge ba'i chos bkag pa yin te/ gal te mi dge ba mi byed na tshul khrims srung ba'o zhes gsungs to/ nga'i nye gnas rnams kyis de skad ces gsungs pa thos nas nga'i dgongs pa mi shes pas/ 'di skad du rnam par rig byed ma yin pa'i gzugs nges pa med par de bzhin gshegs pas gsungs so zhes zer ro/ /rigs kyi bu/ ngas mdo sde las 'di skad du gsungs te/ 'phags pa'i gzugs kyi phung po nas rnam par shes pa'i phung po'i bar du ma rig pa'i rgyu dang rkyen las byung ba yin te/ bus pa ma rabs thams cad kyang de dang 'dra bar ma rig pa las sred pa skye ste/ sred pa de nyid ma rig pa yin par rig par bya'o/ /sred pa las len pa skye bas na/ len pa de nyid ma rig pa dang / sred pa yin par rig par bya'o/ /len pa las srid pa skye bas na srid pa de nyid ma rig pa dang / sred pa dang / len pa yin par rig par bya'o/ /srid pa las tshor ba skye bas na tshor ba de nyid 'du byed dang / srid pa yin par rig par bya'o// tshor ba'i rgyu las ming dang gzugs dang / ma rig pa dang / sred pa dang / len pa dang / srid pa dang / 'du byed dang / tshor ba dang / reg pa dang / rnam par shes pa dang / drug </font><hr>Kha321b<br><font size=+1>


gi skye mched la sogs pa skye bas na de'i phyir tshor ba ni rten cing 'brel te 'byung ba bcu gnyis yin no zhes gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du/ sems las byung ba med par de bzhin gshegs pas gsungs so zhes zer ro/ /rigs kyi bu/ ngas mdo sde las 'di skad ces gsungs so/ / mig dang / gzugs dang / snang ba dang / 'dod pa ngan pa las mig gi rnam par shes pa byung ngo / /'dod pa ngan pa zhes bya ba ni ma rig pa ste/ 'dod pa'i rang bzhin gyis tshor ba'i tshe ni sred pa zhes bya'o/ /sred pa'i rkyen gyis len pa ste/ len pa ni las zhes bya'o/ /las kyi rkyen gyis rnam par shes pa ste/ rnam par shes pa'i rkyen gyis ming dang gzugs dang / ming dang gzugs kyi rkyen gyis drug gi skye mched/ drug gi skye mched kyi rkyen gyis reg pa/ reg pa'i rkyen gyis 'du shes dang / tshor ba dang / mos pa dang / dad pa dang / brtson 'grus dang / bsam gtan dang / shes rab ste/ de lta bu'i chos de dag ni tshor ba'i rkyen gyis skyes mod kyi tshor ba ni ma yin no/ /rigs kyi bu/ nga'i nye gnas rnams kyis de skad du gsungs pa thos nas nga'i dgongs pa mi shes pas 'di skad du/ sems can las byung ba yod par de bzhin gshegs pas gsungs so zhes zer ro/ /rigs kyi bu/ ngas skabs kha cig tu ni srid pa gcig pa </font><hr>Kha322a<br><font size=+1>


@#/ /'ba' zhig yod par gsungs/ skabs kha cig tu ni srid pa gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu nas nyi shu lnga'i bar du gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas/ 'di skad du srid pa lnga dang / srid pa drug yod par de bzhin gshegs pas gsungs so zhes zer ro/ /rigs kyi bu/ nga sngon dus gcig na yul ser skyar shing n+ya gro d+ha'i tshal na bzhugs pa'i tshe shAkya ming chen zhes bya ba nga gang na bar 'ongs nas 'di skad du ji ltar na dge bsnyen zhes bgyi zhes gsol to/ /ngas bka' stsal pa/ gal te rigs kyi bu'am rigs kyi bu mo gang dbang po rnams dang ldan la| dkon mchog gsum la skyabs su song ba de la ni dge bsnyen zhes bya'o/ /shAkya ming chen gyis gsol pa/ bcom ldan 'das/ ji ltar na phyogs gcig pa'i dge bsnyen zhes bgyi| ngas bka' stsal pa/ shAkya ming chen gang skyabs su 'gro ba gsum dang / khrims gcig mnos pa ni phyogs gcig pa'i dge bsnyen zhes bya'o/ /nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du/ dge bsnyen khrims ni thams cad dang mi ldan yang rung bar sangs rgyas kyis gsungs so zhes zer ro// </font><hr>Kha322b<br><font size=+1>


rigs kyi bu/ ngas dus gcig na chu bo gang+gA'i 'gram na bzhugs te/ de'i tshe kA t+yA ya na nga gang na bar 'ongs nas 'di skad du/ bcom ldan 'das/ bdag gis sems can la bslab pa'i yan lag gi chos gdugs gcig gam/ zhag gcig gam/ dus gcig gam/ yud tsam/ thang gcig gis nod du stsal na de dag gis slob pa'i yan lag tu 'gyur ram/ bka' stsal pa| dge slong / de ni dge ba thob mod kyi/ bslab pa'i yan lag thob pa zhes mi bya'o/ /nga'i nye gnas rnams kyis de skad ces gsungs pa thos nas nga'i dgongs pa mi shes pas/ 'di skad du bslab pa'i yan lag brgyad dang ldan na tshul khrims brgyad mnos pa yin par de bzhin gshegs pas gsungs so zhes zer ro/ /rigs kyi bu/ ngas mdo sde las 'di skad ces gsungs so| |gal te dge slong gang rtsa ba bzhi nyams na dge slong zhes mi bya ste/ dge slong zhig pa/ dge slong stor cing nyams pa zhes bya/ dge ba'i 'bras bu'i myu gu mi skye ba ste/ dper na/ sa bon 'tshig pa la 'bras bu mi skye ba dang / shing ta la'i mgo bcad na shing tog mi skye ba dang 'dra bar rtsa ba bzhi nyams pa'i dge slong yang de dag 'dra'o zhes gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas/ 'di skad du dge slong rnams kyis rtsa ba bzhi nyams na dge slong gi tshul khrims nyams pa yin par de bzhin gshegs </font><hr>Kha323a<br><font size=+1>


@#/ /pas gsungs so zhes zer ro/ /rigs kyi bu/ ngas mdo sde'i nang na tsund la dge slong rnam pa bzhi yod do zhes gsungs te/ gang zhe na/ byang chub kyi mthar phyin pa dang / byang chub ston pa dang / byang chub len pa dang / byang chub dme bar byed pa'o/ /de la rtsa ba bzhi nyams pa ni byang chub dme bar byed pa'o zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ dge slong rnams kyis rtsa ba bzhi nyams kyang tshul khrims nyid ma nyams par de bzhin gshegs pas gsungs so zhes zer ro/ /rigs kyi bu/ ngas mdo sde las dge slong rnams la theg pa gcig pa dang / lam gcig pa dang / spyod pa gcig pa dang / dmigs pa gcig pa gsungs te/ de lta bu'i theg pa gcig pa nas dmigs pa gcig pa'i bar du de dag gis sems can gyi zhi ba chen po byed cing bcings pa thams cad dang / mya ngan dang / sdug bsngal dang / sdug bsngal gyi rgyu yongs su gcod de/ sems can thams cad srid pa gcig tu phyin par byed pa'o zhes gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du/ rgyun du zhugs pa nas dgra bcom pa'i bar du de dag thams cad kyang mngon par byang chub par de bzhin gshegs </font><hr>Kha323b<br><font size=+1>


pas gsungs so zhes zer ro/ /rigs kyi bu/ ngas mdo sde las rgyun du zhugs pas lha dang mi'i nang du yan man lan bdun skyes nas yongs su mya ngan las 'da'o/ /lan gcig phyir ldog pas ni lha dang mir lan gcig skyes nas yongs su mya ngan las 'da'o/ /phyir mi ldog pa la rnam pa lnga ste/ la las ni bar du yongs su mya ngan las 'da' ba nas tha ma la thug gi bar du yongs su mya ngan las 'da'o/ /dgra bcom pa la rnam pa gnyis te/ da ltar dang / ma 'ongs pa'o/ /da ltar gyi'ang nyon mongs pa'i lnga phung gcod do/ /ma 'ongs pa'ang nyon mongs pa'i lnga phung gcod do zhes gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du/ rgyun du zhugs pa nas dgra bcom pa'i bar du de dag mngon par byang chub mi thob par de bzhin gshegs pas gsungs so zhes zer ro/ /rigs kyi bu/ ngas mdo sde 'di las sangs rgyas kyi rang bzhin ni dngos po drug dang ldan te/ rtag pa dang / bdag dang / yang dag pa dang / bden pa dang / dge ba dang / rnam par dag pa dang / mthong ba'o zhes gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du/ sems can gyi sangs rgyas kyi rang bzhin ni sems can las gzhan pa na yod par de bzhin gshegs </font><hr>Kha324a<br><font size=+1>


@#/ /pas gsungs so zhes zer ro/ /rigs kyi bu/ ngas yang 'di skad du sems can gyi sangs rgyas kyi rang bzhin ni nam mkha' dang 'dra ste/ nam mkha' ni 'das pa ma yin/ ma 'ongs pa ma yin/ da ltar ma yin/ nang ma yin/ phyi rol ma yin te/ gzugs sgra dri ro reg byas bsdus pa ltar sangs rgyas kyi rang bzhin yang de dang 'dra'o zhes gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du/ sems can gyi sangs rgyas kyi rang bzhin ni sems can las gzhan pa na yod par de bzhin gshegs pas gsungs so zhes zer ro/ /rigs kyi bu/ ngas yang 'di skad du sems can gyi sangs rgyas kyi rang bzhin ni| dper na/ bud med dbul mo'i khyim gyi rin po che'i gter dang / stobs po che'i dpral ba'i rin po che'i nor bu rdo rje dang / 'khor los bsgyur ba'i rgyal po'i zil mngar gyi chu mig dang mtshungs so zhes gsungs so/ /nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du/ sems can gyi sangs rgyas kyi rang bzhin ni sems can las gzhan pa na yod par de bzhin gshegs pas gsungs so zhes zer ro/ /rigs kyi bu/ ngas yang 'di skad du rtsa ba bzhi nyams pa </font><hr>Kha324b<br><font size=+1>


dang / log sred can dang / shin tu rgyas pa'i mdo la skur pa dang / mtshams med pa lnga'i sdig byas pa la'ang sangs rgyas kyi rang bzhin yod de/ sems can de dag la dge ba'i chos yod mod kyi sangs rgyas kyi rang bzhin ni dge ba'o zhes gsungs te/ nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du/ sems can gyi sangs rgyas kyi rang bzhin ni sems can thams cad las gzhan pa na yod par de bzhin gshegs pas gsungs so zhes zer ro/ /rigs kyi bu/ ngas yang 'di skad du sems can nyid sangs rgyas kyi rang bzhin no/ /de ci'i phyir zhe na/ sems can las gzhan pa'i pha rol na bla na med pa yang dag par rdzogs pa'i byang chub thob pa med de/ de bas na ngas rgyal po sde rab tu pham byed la bal glang gi dpe bshad pa dang / ji ltar dmus long gi bal glang gi mtshan nyid smra ba dag bal glang kho nar mi 'jebs mod kyi/ bal glang las gzhan pa ma yin pa ltar sems can gyi gzugs dang rnam par shes pa'i bar du sangs rgyas kyi rang bzhin yin par smra ba'ang de dang mtshungs te/ sangs rgyas kyi rang bzhin ma yin mod kyi/ sangs rgyas kyi rang bzhin ma yin pa'ang ma yin no/ /ji ltar ngas rgyal po la dgu po rgyud mang gi dpe gsungs pa ltar sangs rgyas kyi rang bzhin yang de dang 'dra'o zhes </font><hr>Kha325a<br><font size=+1>


@#/ /gsungs so/ /rigs kyi bu/ nga'i nye gnas rnams kyis de skad du gsungs pa thos na sa nga'i dgongs pa mi shes pas rnam pa sna tshogs su 'chad do/ /ji ltar dmus long gis 'o ma 'dri ba ltar sangs rgyas kyi rang bzhin yang de dang 'dra ste/ de'i rgyu de'i rkyen gyis la la ni rtsa ba bzhi nyams pa dang / shin tu rgyas pa'i mdo la skur ba dang / mtshams med pa lnga'i sdig byas pa dang / log sred can la sogs pa kun kyang sangs rgyas kyi rang bzhin yod do zhes 'chad do/ /la las ni de dag la med do zhes 'chad do/ / rigs kyi bu/ ngas mdo sde kun las 'di skad du gsungs so/ /mi gcig 'jig rten du byung na mi mang po la phan par 'gyur ba dang / yul gcig na 'khor los bsgyur ba'i rgyal po gnyis 'byung ba dang / 'jig rten gyi khams gcig na sangs rgyas gnyis 'byung ba de lta bu'i gnas med do/ /gling bzhi pa gcig na mgon po brgyad yod pa nas gzhan 'phrul dbang byed kyi bar du gnyis yod do zhes bya ba de lta bu'i gnas med do/ /ngas dzam+bu'i gling na mtshams med pa'i sems can dmyal ba nas yar srid pa'i rtse mo la thug par gsungs te| nga'i nye gnas rnams kyis de skad ces gsungs pa thos nas nga'i dgongs pa mi shes pas 'di skad du phyogs bcu'i sangs rgyas med par de bzhin gshegs pas gsungs so/ / </font><hr>Kha325b<br><font size=+1>


zhes zer te/ theg pa chen po'i mdo sde las phyogs bcu'i sangs rgyas yod par gsungs so/ /rigs kyi bu/ de lta bu'i rtsod pa ni bcom ldan 'das kyi spyod yul yin te/ nyan thos dang rang sangs rgyas rnams kyis shes pa ma yin no/ /gal te gang gis de la de ltar the tshom gyis sems skyes na 'on kyang ri rab tsam gyi nyon mongs pa tshad med pa snyed gzhig nus so/ /de la gdon mi za ba nges par bskyed na de ni chags shing zhen pa zhes bya'o/ /byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das ji ltar na chags shing zhen pa zhes bgyi/ bcom ldan 'das kyis bka' stsal pa/ rigs kyi bu/ gang zag su zhig gal te gzhan las thos sam bdag gis mdo sde la bltas te mthong ngam/ gzhan gyis bstan pa'i rjes su zhugs te chags pa'i dngos po rnams la gtong mi nus pa ni chags shing zhen pa zhes bya'o/ /'od srung gis gsol pa/ bcom ldan 'das/ de ltar chags shing zhen pa de dge ba lags sam/ dge ba ma lags/ bka' stsal pa/ rigs kyi bu/ de ltar chags shing zhen pa de ni dge ba zhes mi bya'o/ /de ci'i phyir zhe na/ the tshom gyi dra ba gcod mi nus pa'i phyir ro/ /'od srung gis gsol pa/ bcom ldan 'das/ gang zag de ni thog ma nas the tshom ma mchis na/ ci'i slad du the tshom gyi dra ba gcod mi nus pa zhes bgyi/ </font><hr>Kha326a<br><font size=+1>


@#/ /bka' stsal pa/ gang the tshom med pa de ni the tshom zhes bya'o/ /gsol pa/ bcom ldan 'das/ gal te gang zhig rgyun du zhugs pas ngan song gsum du mi ltung ngo zhes mchi ba de'ang chags pa dang / the tshom za ba zhes bgyi'am/ rigs kyi bu/ de ni nges pa zhes bya ste/ the tshom zhes bya bar mi rung ngo / /de ci'i phyir zhe na/ rigs kyi bu/ dper na/ mi zhig sngar mi dang shing zhig mthong ste/ phyis mtshan mo song song ba las shing dum zhig rgyang nas mthong na de mi'am shing yin snyam the tshom skye'o/ /rigs kyi bu/ ji ltar sngar dge slong dang / kun tu rgyu ba mthong ba las/ phyis dus gcig na lam rgyang nas dge slong zhig mthong nas de dge slong ngam/ kun tu rgyu yin snyam the tshom skye'o/ /rigs kyi bu/ la la zhig gis sngar ba lang dang / chu glang zhig mthong nas phyis rgyang nas ba lang zhig mthong na/ de ba lang ngam/ chu glang yin snyam the tshom skye'o/ /rigs kyi bu/ sems can thams cad ni sngar dngos po rnam pa gnyis mthong na phyis the tshom bskyed do/ /de ci'i phyir zhe na/ sems kyis ma rtogs pa'i phyir ro/ /ngas ni rgyun du zhugs pa ngan song gsum du ltung ba dang / ngan song gsum du mi ltung ba ma bshad na des ci'i phyir the tshom gyi sems skye bar 'gyur/ 'od srung gis gsol pa/ bcom ldan 'das/ ji ltar bcom ldan 'das kyis gsungs pa ltar sngar mthong bas </font><hr>Kha326b<br><font size=+1>


phyis the tshom du 'gyur ro zhes bgyi ba kha cig ni dngos po rnam pa gnyis ma mthong bar the tshom du 'gyur ba'ang ma mchis so/ /gang zhe na/ 'di lta ste/ mya ngan las 'das pa'o/ /bcom ldan 'das/ dper na/ mi zhig shul du chab rnyog ma can zhig dang mjal na sngon ma mthong bas chu 'di zab bam mi zab snyam du the tshom 'tshal te/ sngon ma mthong na ci'i slad du the tshom skye| bka' stsal pa/ rigs kyi bu/ mya ngan las 'das pa zhes bya ba ni sdug bsngal bcad pa'o/ /mya ngan las 'das pa ma yin pa ni sdug bsngal lo/ /sems can thams cad kyis mthong ba la rnam pa gnyis te/ sdug bsngal dang / sdug bsngal ma yin par mthong ba'o/ /sdug bsngal dang / sdug bsngal ma yin pa zhes bya ba ni bkres pa dang / skom pa dang / grang ba dang / tsha ba dang / khro ba dang / dga' ba dang / na ba dang / bde ba dang / rgas pa dang / dar ba dang / skye ba dang / shi ba dang / bcings pa dang / grol ba dang / mdza' ba sdug pa dang bral ba dang / dgra sdang ba dang phrad ba ste/ sems can gyis mthong nas nam zhig de lta bu'i sdug bsngal gyis gdungs pa'i dngos po dang bral bar 'gyur snyam the tshom bskyed de/ de bas na sems can gyis mya ngan las 'das pa la the tshom skye'o/ /khyod kyi yid la mi des chu rnyog ma can sngar ma mthong bar ci'i phyir the tshom </font><hr>Kha327a<br><font size=+1>


@#/ /za zhes bya ba'i don de ni de lta ma yin no/ /de ci'i phyir zhe na/ mi des sngon gnas gzhan zhig na mthong bas de'i phyir sngon ma phyin yang de la the tshom skye'o// gsol pa/ bcom ldan 'das/ mi des sngon zab pa dang mi zab pa'i gnas mthong ba'i tshe'ang the tshom ma skyes na/ de ci'i slad du the tshom skye bar 'gyur/ bcom ldan 'das kyis bka' stsal pa/ rigs kyi bu/ sngon ma phyin pa'i phyir the tshom skyes par 'gyur te/ de bas na ma rtogs pa la the tshom skye'o zhes ngas gsungs so/ /byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ ji ltar bcom ldan 'das kyis gsungs pa ltar the tshom nyid chags pa lags la/ chags pa nyid the tshom lags na de gang la bgyi/ bcom ldan 'das kyis bka' stsal pa/ rigs kyi bu/ dge ba'i rtsa ba bcad pa la bya'o/ /'od srung gis gsol pa/ bcom ldan 'das/ gang dag gis dge ba'i rtsa ba gcod par 'gyur/ bka' stsal pa/ rigs kyi bu/ gang shes rab gsal zhing dbang po rno ba/ bye brag la mkhas pa'i dge ba'i bshes gnyen spong zhing dam pa'i chos mi nyan pa/ bsam pa mi dge zhing tshul bzhin mi gnas pa de dag ni dge ba'i rtsa ba gcod par 'gyur te/ dngos po de bzhi spangs nas rang gi yid la sbyin pa dang zang zing yang </font><hr>Kha327b<br><font size=+1>


med do snyam sems so/ /de ci'i phyir zhe na/ sbyin pa ni nor gtong ba ste/ gal te sbyin pa la 'bras bu rnam par smin pa yod pa na lta/ sbyin bdag de rtag tu dbul bar 'gyur ba'i rigs so| |de ci'i phyir zhe na/ sa bon dang 'bras bu 'dra ba'i phyir te/ de bas na rgyu dang 'bras bu med par smra'o/ /de ltar rgyu dang 'bras bu med par smra ba ni dge ba'i rtsa ba bcad pa zhes bya'o| |yang 'di snyam du sbyin pa dang / len pa dang / zang zing dang gsum ni mi rtag pa ste/ mi sdod mi gnas so/ /de ltar mi sdod mi gnas na/ ji ste 'di ni sbyin pa/ 'di ni len pa/ 'di ni zang zing yin no zhes smra/ de ltar len pa'ang med na 'bras bu ji ltar smin par 'gyur/ don de lta bas na rgyu dang 'bras bu med do zhes smra'o/ /de ltar rgyu dang 'bras bu med par smra ba de ni dge ba'i rtsa ba gcod pa yin par rig par bya'o/ /yang 'di snyam du sbyin pa byin pa na dngos po rnam pa lnga yod de/ len pa des blangs nas dge ba byed dam mi dge ba byed na'ang / sbyin bdag de la dge ba dang / mi dge ba'i 'bras bu rnam par smin par mi 'gyur te/ /ji ltar 'jig rten gyi chos kyang sa bon las 'bras bu skye ste/ 'bras bu'ang phyir sa bon du 'gyur ro| |rgyu ni sbyin bdag go /'bras bu ni len pa'o/ /de ltar len pa des dge ba dang mi dge ba dang mi dge ba'i chos kyis sbyin bdag thob par byed mi nus te/ don de lta bas na rgyu dang 'bras bu med do/ / </font><hr>Kha328a<br><font size=+1>


@#/ /snyam sems so/ /gang de ltar rgyu dang 'bras bu med par smra ba ni dge ba'i rtsa ba gcod pa yin par rig par bya'o/ /yang 'di snyam du sbyin pa'i rdzas de ni med pa'o| |de ci'i phyir zhe na/ sbyin pa'i rdzas ni lung du mi ston pa ste/ de ltar lung du mi ston pa yin na dge ba'i 'bras bu ji ltar rnam par smin par 'gyur/ gang dge ba dang mi dge ba'i 'bras bu med pa ni lung du mi ston pa yin no/ /de ltar rdzas lung du mi ston pa yin pas na/ dge ba dang mi dge ba'i 'bras bu rnam par smin pa med par rig go /de bas na sbyin pa'ang med| rgyu dang 'bras bu'ang med do snyam sems so/ /gang de ltar bsams nas rgyu dang 'bras bu med par smra ba ni dge ba'i rtsa ba gcod pa yin par rig par bya'o// // 'phags pa yongs su mya ngan las 'das pa chen po'i mdo/ bam po bzhi bcu drug pa/ yang 'di snyam du sbyin pa ni yid yin te/ gal te yid yin na mi mthong zhing zla med pas gzugs kyi chos ma yin no/ /gal te gzugs kyi chos ma yin na sbyin pa byar yang ci zhig yod de/ de bas na sbyin pa'ang med/ rgyu'ang med/ 'bras bu'ang med do/ /gang de ltar rgyu'ang med/ 'bras bu'ang med par smra na de ni dge ba'i rtsa ba gcod pa yin par rig par bya'o/ /yang 'di snyam du sbyin bdag gis gal te sangs rgyas kyi gzugs sam/ lha'i </font><hr>Kha328b<br><font size=+1>


gzugs sam/ tshe'i tshad dam/ pha ma 'das pa'i phyir sbyin pa byed na len pa med do/ /gal te len pa med na 'bras bu rnam par smin pa'ang med pa'i rigs so/ /gal te 'bras bu rnam par smin pa med na rgyu med par 'gyur ro/ /gal te rgyu med na 'bras bu med par 'gyur ro snyam sems te/ gang de ltar bsams nas rgyu dang 'bras bu med par smra ba ni dge ba'i rtsa ba gcod pa yin bar rig par bya'o/ /yang 'di snyam du pha med/ ma'ang med do/ /ji ste pha ma gnyis sems can gyi rgyu yin la/ sems can skyes so zhes smra na tshul gyis rgyun mi 'chad par rtag tu skye ba'i rigs so| |de ci'i phyir zhe na/ rgyu ni rtag tu yod pa'i phyir ro/ /de ltar rtag tu mi skye ste/ de bas na pha ma ni med pa yin par rig go snyam sems so/ /yang 'di snyam du pha'ang med/ ma'ang med do/ / de ci'i phyir zhe na/ gal te sems can gyi lus pha ma'i rkyen gyis yod pa zhig yin na mi gcig la'ang pho mo gnyis ka'i mtshan yod pa'i rigs so/ /de ltar gnyis ka med pas na sems can ni pha ma'i rkyen gyis ma byung ba yin par rig go /yang 'di snyam du pha ma'i rkyen gyis sems can skye ba ma yin te/ de ci'i phyir zhe na/ sems can dag pha ma dang mi 'dra ba yod par mthong ba ni 'di ltar lus dang / gzugs dang / sems dang / spyod lam dang / 'gro ba dang / sdod pa ste/ de bas na pha ma ni sems can gyi rgyu ma yin no snyam sems so/ /yang </font><hr>Kha329a<br><font size=+1>


@#/ /'di snyam du 'jig rten thams cad na med pa rnam pa bzhi'o/ /'di ltar ma skyes pa na med pa ste/ ji ltar 'jim pa gong po'i tshe rdza ma la sogs pa med pa dang / 'gags nas med pa ste/ ji ltar rdza ma chag nas med pa dang / gcig la gcig med pa ste/ ji ltar ba lang la rta med pa dang / rta la ba lang med pa dang / mthar med pa ste/ ji ltar ri bong gi rwa dang / rus sbal gyi spu'o/ /sems can gyi pha ma'ang de dang 'dra bar med pa 'di bzhi dang mtshungs so/ /gal te sems can gyi rgyu pha ma yin zhes smra na/ pha ma shi ba'i tshe bu 'chi bar 'gyur ba ma yin te/ de bas na sems can gyi rgyu ni pha ma ma yin no snyam sems so/ /yang 'di snyam du gal te pha ma ni sems can gyi rgyu yin no zhes smra na/ pha ma'i rgyu las rtag tu sems can skye ba'i rigs te/ de lta ma yin par brdzus te skye ba dang / drod gsher las skye ba'ang yod de/ de bas na pha ma'i rgyu las sems can skye ba ma yin par rig go snyam sems so/ /yang 'di snyam du rang bzhin gyis sems can yod de/ pha ma'i rgyu las skye ba ma yin no/ /dper na/ rma bya ni 'brug gi sgra thos nas mngal yod par 'gyur ba dang / yang ji ltar bye'u sngon po bya pho'i mchil ma 'thungs nas mngal yod par 'gyur pa dang / bya 'tsho byed kyang bya pho gar byed pa mthong nas mngal yod par 'gyur ba dang mtshungs so </font><hr>Kha329b<br><font size=+1>


snyam sems te/ de ltar sems pa ni dge ba'i bshes gnyen dang ma phrad na de ni dge ba'i rtsa ba gcod pa yin par rig par bya'o/ /yang 'di snyam du 'jig rten thams cad na dge ba dang / mi dge ba'i 'bras bu med do snyam sems so/ /de ci'i phyir zhe na/ sems can dag las dge ba bcu dang ldan zhing sbyin pa byed par dga' ste/ bsod nams la brtson pa'ang nad la sogs pa lus gdung zhig gzhon dar la bab ste/ 'chi ba dang / nor la sogs pa stor te mya ngan dang sdug bsngal mang pos gdungs par gyur pa yod do/ /kha cig ni mi dge ba bcu spyod de/ 'dod chags dang / phrag dog dang / le lo dang / snyom las byed de/ dge ba rnams mi spyod kyang / lus bde zhing nad med pa tshe ring ba dang / nor dang rin po che mang ste mya ngan dang sdug bsngal gyis gdungs pa med pa'ang yod de/ de bas na dge ba dang / mi dge ba'i 'bras bu med par rig go snyam sems so/ /yang 'di snyam du bdag gis sngon 'phags pa rnams la 'di skad du bshad pa thos te/ mi kha cig ni dge ba spyod kyang tshe'i dus byas nas ngan song gsum du ltung ba'ang mang / kha cig ni mi dge ba spyod kyang tshe'i dus byas nas mtho ris kyi lha dang mir skye ba'ang yod ces thos te/ de bas na dge ba dang / mi dge ba'i 'bras bu med par rig go/ /yang 'di snyam du 'phags pa thams cad ni gnyis su smra ste/ kha cig ni srog bcad na dge </font><hr>Kha330a<br><font size=+1>


@#/ /pa'i 'bras bu rnam par smin ces smra/ kha cig ni srog bcad na mi dge ba'i 'bras bu rnam par smin par 'gyur ro zhes rnam pa gnyis su smra ste/ de bas na 'phags pa rnams kyis smras pa ni gcig tu ma nges par rig go /de ltar 'phags pa rnams kyang nges par ma smras na bdag ci'i phyir nges par smra/ de bas na dge ba dang / mi dge ba'i 'bras bu med par rig go snyam sems so/ /yang 'di snyam du 'jig rten thams cad na 'phags pa med do/ /de ci'i phyir zhe na/ gal te 'phags pa rnams kyis yang dag pa'i lam thob par 'gyur na sems can thams cad nyon mongs pa dang bcas pa'i tshe yang dag pa'i lam sgom na yang dag pa'i lam dang / nyon mongs pa dus gcig tu cig car yod pa'i rigs so/ /gal te dus gcig tu yod pa zhig yin na yang dag pa'i lam gyis kun nas nyon mongs pa gzhig mi nus par 'gyur ro/ /gal te nyon mongs pa med par yang dag pa'i lam sgom na yang dag pa'i lam de'ang dgos pa med par 'gyur te/ de bas na nyon mongs pa dang bcas pa la lam gyis gzhom mi nus la| nyon mongs pa med na ni lam cir yang mi dgos te/ de bas na 'jig rten thams cad na 'phags pa med par rig go snyam sems so/ /yang 'di snyam du ma rig pa'i rkyen </font><hr>Kha330b<br><font size=+1>


gyis 'du byed nas skye ba'i rkyen gyis rga shi'i bar du rten cing 'brel te 'byung ba bcu gnyis po de ni sems can thams cad la mtshungs par 'dra ba yod do/ /'phags pa'i lam brgyad kyang rang bzhin mnyam pas na de dang 'dra ba'i rigs te/ mi gcig gis thob pa na thams cad kyis kyang thob pa'i rigs/ mi gcig gis sgom pa na thams cad kyis sdug bsngal 'gog pa'i rigs so/ /de ci'i phyir zhe na/ nyon mongs pa mtshungs mnyam yang da ltar mi thob pa la bltas na bden pa'i lam med do snyam sems so/ /yang 'di snyam du 'phags pa la'ang bus / pa ma rabs dang mthun pa'i chos yod do/ /'di lta ste/ za ba dang bcas pa dang / 'gro ba dang / sdod pa dang / 'dug pa dang / nyal ba dang / gnyid dang / dga' ba dang / dgod pa dang / bkres pa dang / skom pa dang / grang ba dang / tsha ba dang / mya ngan dang / 'jigs pa'o/ /gal te bus pa ma rabs dang / dngos po de dag yod par mtshungs na 'phags pa'i lam thob pa ma yin no/ /gal te 'phags pa'i lam thob na dngos po de lta bu dag gtan bcad pa'i rigs so/ /ji ste dngos po de dag ma bcad na lam med par rig go snyam sems so/ /yang 'di snyam du 'phags pa la lus yod de/ 'dod pa lnga'i bde ba la longs spyod cing spyo ba dang / bskyengs pa dang / 'tshog rdeg kyang byed/ gzhan la phrag dog dang / nga rgyal yang byed de/ </font><hr>Kha331a<br><font size=+1>


@#/ /sdug bsngal dang bde ba'ang myong zhing / dge ba dang / mi dge ba'i las kyang byed do/ /de'i rgyu de'i rkyen gyis 'phags pa med par rig go /gal te lam yod pa zhig yin na dngos po de dag spangs pa'i rigs te/ dngos po de dag ma spangs pas na lam med par rig go snyam sems so/ /yang 'di snyam du snying brtse ba dang ldan pa ni 'phags pa zhes bya'o/ /ci'i rgyu ci'i rkyen gyis 'phags pa zhes bya zhe na/ lam gyi rkyen gyis 'phags pa zhes bya ste/ gal te lam gyi rang bzhin brtse ba yin na/ de nyid kyis sems can thams cad la snying brtse bar 'gyur te/ sgom pa la bltos pa'i mi rigs so/ /gal te brtse ba med na ci'i phyir 'phags pas 'phags pa'i lam thob pa'i rkyen gyis snying rtse bar 'gyur/ de lta bas na 'jig rten na 'phags pa'i lam med par rig go snyam sems so/ /yang 'di snyam du chen po bzhi'o cog ni rkyen las skye ba ma yin te/ sems can kun la mtshungs par yod do/ /chen po bzhi'i rang bzhin de ni sems can 'di la 'gro'i/ /pha bi la mi 'gro'o snyam mi rtog go /gal te 'phags pa'i lam yod pa zhig yin la/ rang bzhin gyis de lta bu yin na'ang da ltar de lta bur ma gyur pas na 'jig rten na 'phags pa med par rig go snyam sems so/ /yang 'di snyam du gal te 'phags pa thams cad la mya ngan las 'das pa gcig pu zhig yid na 'phags </font><hr>Kha331b<br><font size=+1>


pa med par rig go /de ci'i phyir zhe na/ dmigs su med pa'i phyir te/ rtag tu gnas pa'i chos ni chos nyid kyis dmigs su med pa la blang dor med pa'o/ /gal te 'phags pa rnams mya ngan las 'da' ba mang na mi rtag par 'gyur ro/ /de ci'i phyir zhe na/ dmigs su rung ba'i phyir ro/ /mya ngan las 'das pa gcig tu zad na mi gcig gis thob pa'i tshe thams cad kyis thob pa'i rigs so| |gal te mya ngan las 'das pa mang ba zhig yin na mtha' dang bcas par 'gyur ro/ /ji ste mtha' dang bcas pa zhig yin na rtag pa'o zhes ji ltar gdags/ gal te la las 'di skad du mya ngan las 'das pa'i ngo bo nyid ni gcig ste/ rnam par grol ba ni mang ngo / /dper na/ gdugs gcig la khye'u so mang ba dang 'dra'o zhes smra na/ don de'ang de lta ma yin no/ /de ci'i phyir zhe na| so so nas thob kyi thams cad kyis thob pa ma yin pas mtha' dang bcas pa'i phyir de'ang mi rtag pa'o/ /gal te mi rtag na ji ste mya ngan las 'das pa zhes bya/ gal te mya ngan las 'das pa med na su zhig 'phags par 'gyur te/ de lta bas na 'phags pa med par rig go snyam sems so/ /yang 'di snyam du 'phags pa'i lam ni rten 'brel te 'byung ba las thob pa ma yin no/ /ji ste 'phags pa'i lam rten cing 'brel te 'byung bas thob pa yin na ci'i phyir thams cad 'phags par ma gyur/ gal te thams cad 'phags pa ma yin na </font><hr>Kha332a<br><font size=+1>


@#/ /'phags pa dang / 'phags pa'i lam med par rig go snyam sems so/ /yang 'di snyam du 'phags pa'i lam gyi yang dag pa'i lta ba la rgyu rkyen gnyis yod do/ / gang zhe na/ gzhan las chos thos pa dang / rang gis nang du yid la byed pa'o/ /gal te rgyu rkyen de gnyis rkyen las skyes na rkyen las skye ba de nyid kyang rkyen las skye bar 'gyur te/ de ltar gcig gis gcig bskyed pas mthar thug pa med pa'i skyon du 'gyur ro/ /gal te dngos po de gnyis rkyen las ma skyes na sems can thams cad kyis ji ste ma thob snyam sems te/ gang de ltar rtog pa de'i tshe na dge ba'i rtsa ba gcod par 'gyur ro/ /rigs kyi bu/ gal te sems can gang zhig gis de ltar rgyu dang 'bras bu med par shin tu lta na gang zag des ni dad pa la sogs pa'i rtsa ba lnga gcod par 'gyur ro/ /rigs kyi bu/ dge ba'i rtsa ba gcod pa ni dma' ba/ zhan pa/ dbang po rtul zhing rmongs pas ma yin/ lha dang / ngan song gsum du skyes pas gcod pa ma yin te/ dge 'dun gyi dbyen byed pa'ang de dang 'dra'o/ /byang chub sems dpa' 'od srung gis gsol pa/ bcom ldan 'das/ gang zag de nam zhig gi dus na dge ba'i rtsa ba slar skye bar 'gyur/ bcom ldan 'das kyis bka' stsal pa/ rigs kyi bu/ gang zag des dus gnyis kyi tshe dge ba'i rtsa ba skye bar 'gyur te/ thog ma sems </font><hr>Kha332b<br><font size=+1>


can dmyal bar ltung ba dang / sems can dmyal ba las byung ba'i tshe'o/ /rigs kyi bu/ dge ba la rnam pa gsum ste/ 'das pa dang / da ltar dang / ma 'ongs pa'o/ /de la 'das pa ni rang bzhin gyis 'gags pas rgyu 'gags te zad mod kyi/ 'bras bu rnam par smin pa ma smin te/ de bas na 'das pa'i 'bras bu bcad pa zhes mi bya'o/ /dus gsum gyi rgyu bcad pa ni bcad pa zhes bya'o/ /byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ gal te dus gsum gyi rgyu bcad pa la dge ba'i rtsa ba bcad pa zhes bgyi na/ dge ba'i rtsa ba bcad pa de nyid la sangs rgyas kyi rang bzhin mchis na sangs rgyas kyi rang bzhin de 'das pa lags sam/ da ltar lags sam/ ma 'ongs pa lags sam/ 'on te dus gsum kun tu khyab pa lags/ gal te 'das pa lags na/ ji ltar rtag pa zhes bgyi/ sangs rgyas kyi rang bzhin ni rtag par 'gyur te/ de bas na 'das pa ma lags so| |'on te ma 'ongs pa lags na ji ltar rtag par 'gyur/ ji ste bcom ldan 'das kyis sems can thams cad kyis gdon mi za bar thob bo zhes gsungs/ gal te gdon mi za bar thob na ci'i slad du bcad pa zhes bgyi/ 'on te da ltar gyi lags na/ yang ji ltar rtag pa zhes bgyi/ yang ci'i slad du gdon mi za bar mthong bar 'gyur ro zhes gsungs/ de bzhin gshegs </font><hr>Kha333a<br><font size=+1>


@#/ /pas sangs rgyas kyi rang bzhin la'ang rnam pa drug mchis par gsungs te/ rtag pa dang / yang dag pa dang / bden pa dang / dge ba dang / rnam par dag pa dang / bltar rung ba'o/ /gal te dge ba'i rtsa ba bcad pa la sangs rgyas kyi rang bzhin mchis na dge ba'i rtsa ba bcad pa zhes byar mi rung ngo / /gal te sangs rgyas kyi rang bzhin ma mchis na ci'i slad du sems can thams cad la sangs rgyas kyi rang bzhin mchis zhes gsungs/ gal te sangs rgyas kyi rang bzhin mchis pa'ang lags la/ gcad du'ang rung na ci'i slad du bcom ldan 'das kyis rtag go zhes gsungs/ bcom ldan 'das kyis bka' stsal pa/ rigs kyi bu/ sangs rgyas bcom ldan 'das ni sems can gyi phyir 'dri ba'i lan btab pa la rnam pa bzhi'o/ /gang zhe na/ nges par lan btab pa dang / rnam par phye ste lan btab pa dang / ji ltar dris pa de ltar lan btab pa dang / bzhag nas lan mi 'debs pa'o/ /rigs kyi bu/ de la ji ltar na nges par lan btab pa zhe na/ gal te las ngan pa byed pas dge ba'i 'bras bu thob bam/ mi dge ba'i 'bras bu thob ces 'dri na/ de la ni nges par mi dge ba'i 'bras bu thob bo zhes lan 'debs te/ dge ba'ang de bzhin no/ /gal te de bzhin gshegs pa la thams cad mkhyen pa'i ye shes mnga' ba yin nam/ ma yin zhes 'dri na/ de la ni nges par thams cad </font><hr>Kha333b<br><font size=+1>


mkhyen pa yin no/ zhes lan 'debs so/ /gal te gang gis sangs rgyas kyi chos rnam par dag pa yin nam zhes 'dri na/ de la ni nges par rnam par dag pa yin no zhes lan 'debs so/ /gal te gang gis sangs rgyas kyi nye gnas rnams chos bzhin du gnas pa yin nam zhes 'dri na/ de la ni nges par chos bzhin du gnas pa yin no zhes lan 'debs pa de ni nges par lan btab pa zhes bya'o/ /rnam par phye nas lan btab pa gang zhe na/ ji ltar ngas bden pa bzhi gsungs pa ste/ bzhi gang zhe na/ sdug bsngal dang / kun 'byung ba dang / 'gog pa dang / lam mo/ /de la sdug bsngal gyi bden pa gang zhe na/ sdug bsngal rnam pa brgyad yod pa'i phyir sdug bsngal gyi bden pa zhes bya'o/ /kun 'byung gi bden pa gang zhe na/ lnga phung gi rgyu yod pa'i phyir kun 'byung gi bden pa zhes bya'o/ /'gog pa'i bden pa gang zhe na/ 'dod chags dang / zhe sdang dang / gti mug mthar ma lus par bgags pa ni 'gog pa'i bden pa zhes bya'o/ /lam gyi bden pa gang zhe na| byang chub kyi phyogs kyi chos sum cu rtsa bdun ni lam gyi bden pa'o zhes bya ba ni rnam par phye nas lan btab pa zhes bya'o/ /de la ji ltar na dris pa de ltar lan btab pa zhe na/ ji ltar ngas chos thams cad mi rtag go zhes bshad pa bzhin te/ yang la las 'di skad du sangs rgyas bcom ldan 'das kyis chos gang gi phyir mi rtag pa gsungs zhes dris na/ de la ni de </font><hr>Kha334a<br><font size=+1>


@#/ /bzhin gshegs pas 'dus byas kyi chos kyi phyir mi rtag go zhes bshad de/ bdag med pa'ang de bzhin no/ /ji ltar ngas chos thams cad ni tshig pa'o zhes gsungs pa las gzhan zhig gis de bzhin gshegs pas chos gang gi phyir chos thams cad tshig par gsungs zhes dris na/ de la de bzhin gshegs pas 'dod chags dang / zhe sdang dang / gti mug gi phyir thams cad tshig par gsungs so zhes lan 'debs so/ /rigs kyi bu/ de bzhin gshegs pa'i stobs bcu dang / mi 'jigs pa bzhi dang / byams pa chen po dang / thugs rje chen po dang / dran pa nye bar bzhag pa gsum dang / dpa' bar 'gro ba la sogs pa'i ting nge 'dzin gyi rnam grangs bya ba phrag brgyad khri rnams dang / mtshan sum cu rtsa gnyis dang / dpe byad bzang po brgyad cu dang / ye shes kyi phyag rgya lnga la sogs pa'i ting nge 'dzin gyi rnam grangs sum khri lnga stong rnams dang / rdo rje lta bu'i ting nge 'dzin la sogs pa'i ting nge 'dzin gyi rnam grangs bzhi stong lnga brgya rnams dang / thabs kyi ting nge 'dzin tshad med mtha' yas pa snyed dang / de lta bu la sogs pa'i chos ni de bzhin gshegs pa'i sangs rgyas kyi rang bzhin no/ /de ltar sangs rgyas kyi rang bzhin de ni dngos po rnam pa bdun dang ldan te/ rtag pa dang / bdag dang / bde ba dang / yongs su dag pa dang / yang dag pa dang / bden </font><hr>Kha334b<br><font size=+1>


pa dang / dge ba ste/ de ni rnam par phye nas lan btab pa zhes bya'o/ /rigs kyi bu/ byang chub sems dpa' tshe gcig gis thogs pa'i sangs rgyas kyi rang bzhin ni rnam pa drug dang ldan te/ rtag pa dang / yongs su dag pa dang / yang dag pa dang / bden pa dang / dge ba dang / cung zad mthong ba ste/ de ni rnam par phye nas lan btab pa zhes bya'o/ /ji ltar khyod kyis sngar dge ba'i rtsa ba bcad pa de la sangs rgyas kyi rang bzhin yod dam zhes dris pa ni de la de bzhin gshegs pa'i sangs rgyas kyi rang bzhin yang yod/ byang chub sems dpa' skye ba gcig gis thogs pa'i sangs rgyas kyi rang bzhin yang yod de/ sangs rgyas kyi rang bzhin de gnyis kyis ma 'ongs pa la sgrib pa'i phyir med pa zhes bya'o/ /mthar gdon mi za bar thob pa'i phyir yod pa zhes bya ste| de ni rnam par phye nas lan btab pa zhes bya'o/ /de bzhin gshegs pa'i sangs rgyas kyi rang bzhin ni 'das pa ma yin/ da ltar ma yin/ ma 'ongs pa ma yin no/ /skye ba gcig gis thogs pa'i sangs rgyas kyi rang bzhin ni da ltar dang / ma 'ongs pa'i dus na cung zad mthong ba'i phyir da ltar zhes bya'o/ /rdzogs par ma mthong ba'i phyir ma 'ongs pa zhes bya'o/ / de bzhin gshegs pas bla na med pa yang dag par rdzogs pa'i byang chub ma thob pa nas sangs rgyas kyi rang bzhin ni 'das pa dang / da ltar dang / ma 'ongs pa zhes kyang bya ste/ 'bras bu ni </font><hr>Kha335a<br><font size=+1>


@#/ /de lta ma yin te/ dus gsum yin pa'ang yod/ dus gsum ma yin pa'ang yod do/ /skye ba gcig gis thogs pa'i byang chub sems dpa'i sangs rgyas kyi rang bzhin gyi rgyu ni 'das pa dang / da ltar dang / ma 'ongs pa yin te/ 'bras bu'ang de dang 'dra ste/ de ni rnam par phye nas lan btab pa zhes bya'o/ /byang chub sems dpa' sa dgu pa'i sangs rgyas kyi rang bzhin ni rnam pa drug ste/ rtag pa dang / dge ba dang / yang dag pa dang / bden pa dang / yongs su dag pa dang / bltar yod pa'o/ / de ltar sangs rgyas kyi rang bzhin gyi rgyu ni 'das pa dang / da ltar dang / ma 'ongs pa'ang yin la 'bras bu'ang de bzhin te/ de ni rnam par phye nas lan btab pa zhes bya'o/ / byang chub sems dpa' sa brgyad pa nas sa drug pa'i bar gyi sangs rgyas kyi rang bzhin ni rnam pa lnga ste/ yang dag pa dang / bden pa dang / yongs su dag pa dang / dge ba dang| bltar rung ba ste/ de'ang sangs rgyas kyi rang bzhin gyi rgyur gyur pas 'das pa dang / da ltar dang / ma 'ongs pa'ang yin la/ 'bras bu'ang de dang 'dra ste/ de ni rnam par phye nas lan btab pa zhes bya'o/ /byang chub sems dpa' sa lnga pa nas sa dang po yan chad kyi sangs rgyas kyi rang bzhin ni rnam pa lnga ste/ yang dag pa dang / bden pa dang </font><hr>Kha335b<br><font size=+1>


yongs su dag pa dang / bltar rung ba dang / dge ba dang / mi dge ba'o/ /rigs kyi bu/ sangs rgyas kyi rang bzhin lnga pa de dang / sangs rgyas kyi rang bzhin drug pa dang / sangs rgyas kyi rang bzhin bdun pa de ni dge ba'i rtsa ba ma bcad pas gdon mi za bar thob pa'i phyir yod pa zhes bya ste/ de ni rnam par phye nas lan btab pa zhes bya'o/ /de la gang gis 'di skad du dge ba'i rtsa ba bcad pa la nges par sangs rgyas kyi rang bzhin yod dam/ nges par sangs rgyas kyi rang bzhin med ces 'dri ba la ni bzhag ste lan mi gdab bo/ /byang chub sems dpa' 'od srung gis gsol pa/ bcom ldan 'das/ bdag gis thos pa lan mi 'debs pa la ni bzhag ste lan mi 'debs pa zhes bgyi na/ deng de bzhin gshegs pas ci'i rgyu ci'i rkyen gyis lan btab pa la bzhag ste lan mi btab pa'o zhes gsungs/ bcom ldan 'das kyis bka' stsal pa/ rigs kyi bu/ ngas bzhag ste lan ma btab pa la/ bzhag ste lan ma btab pa'o zhes ma gsungs so/ /rigs kyi bu/ bzhag ste lan ma btab pa de la rnam pa gnyis te/ bzlog pa dang / ma chags pa ste/ don de lta bas na bzhag ste lan ma btab pa zhes bya'o/ /byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ ji ltar bcom ldan 'das kyis gsungs pa ltar ji ltar rgyu la </font><hr>Kha336a<br><font size=+1>


@#/ /'das pa dang / da ltar dang / ma 'ongs pa zhes kyang bgyi la/ 'bras bu'ang 'das pa dang / da ltar dang / ma 'ongs pa'ang lags la/ 'das pa dang / da ltar dang| ma 'ongs pa'ang ma lags so zhes bgyi/ bcom ldan 'das kyis bka' stsal pa/ rigs kyi bu/ phung po lnga la rnam pa gnyis te/ rgyu dang / 'bras bu'o/ /rgyu'i phung po lnga ni 'das pa dang / da ltar dang / ma 'ongs pa'ang yin no/ /'bras bu'i phung po lnga ni 'das pa dang / da ltar dang / ma 'ongs pa'ang yin la/ 'das pa dang / da ltar dang / ma 'ongs pa'ang ma yin no/ /rigs kyi bu/ ma rig pa'i kun nas nyon mongs pa thams cad ni sangs rgyas kyi rang bzhin yin no/ /de ci'i phyir zhe na/ sangs rgyas kyi rang bzhin gyi rgyur 'gyur ba'i phyir te/ ma rig pa dang / 'du byed la sogs pa nyon mongs pa rnams las dge ba'i phung po lnga thob pas sangs rgyas kyi rang bzhin zhes bya'o/ /dge ba'i phung po lnga las bla na med pa yang dag par rdzogs pa'i byang chub kyi bar du thob par 'gyur bas de bas na ngas mdo sde las sngar sems can gyi sangs rgyas kyi rang bzhin ni khrag dang 'o ma 'dres pa 'dra'o zhes gsungs so/ /khrag ces bya ba ni ma rig pa dang / 'du byed la sogs pa nyon mongs pa rnams so/ /'o ma zhes bya ba ni dge ba'i phung po lnga ste/ de bas na ngas </font><hr>Kha336b<br><font size=+1>


nyon mongs pa rnams dang / dge ba'i phung po lnga las bla na med pa yang dag par rdzogs pa'i byang chub thob par gyur te/ ji ltar sems can gyi lus ni khu ba dang khrag las gyur pa ltar sangs rgyas kyi rang bzhin yang de dang 'dra'o/ /rgyun du zhugs pa dang / lan gcig phyir ldog pas nyon mongs pa cung zad chod pa'i phyir sangs rgyas kyi rang bzhin ni 'o ma dang mtshungs so/ /phyir mi ldog pa'i sangs rgyas kyi rang bzhin ni zho dang mtshungs so/ /dgra bcom pa'i sangs rgyas kyi rang bzhin ni mar dang mtshungs so/ /rang sangs rgyas nas byang chub sems dpa' sa bcu'i bar gyi sangs rgyas kyi rang bzhin ni zhun mar dang mtshungs so/ /de bzhin gshegs pa'i sangs rgyas kyi rang bzhin ni mar gyi nying khu dang mtshungs te/ rigs kyi bu/ da ltar gyi nyon mongs pas bsgribs pa'i phyir mi mthong ngo / /dper na/ ri spos kyi ngad can la rtswa bzod pa zhes bya ba yod pa de la ba lang thams cad kyis mi zos pa ltar sangs rgyas kyi rang bzhin yang de dang 'dra ste/ de ni rnam par phye nas lan btab pa zhes bya'o/ /byang chub sems dpa' 'od srung gis gsol pa/ bcom ldan 'das/ sangs rgyas kyi rang bzhin rnam pa lnga dang / drug dang / bdun te/ gal te ma 'ongs pa la mchis pa zhig lags na/ dge ba'i rtsa ba bcad pa'i mi la sangs rgyas kyi rang bzhin mchis zhes bgyir rung dam/ bcom ldan 'das kyis bka' stsal pa/ rigs kyi bu/ </font><hr>Kha337a<br><font size=+1>


@#/ /ji ltar sems can rnams la sngon gyi las yod pas las de'i rgyus na da ltar tshe 'di la 'bras bu rnam par smin par 'gyur ro/ /ma 'ongs pa'i las yod pa ma skyes pa'i phyir 'bras bu mi skye'o/ /da ltar gyi nyon mongs pa yod de/ gal te nyon mongs pa med na sems can thams cad kyis sangs rgyas kyi rang bzhin da ltar mngon par mthong ba'i rigs te/ de bas na dge ba'i rtsa ba bcad pa'i mi ni da ltar gyi dus kyi nyon mongs pa'i rkyen gyis dge ba'i rtsa ba bcad kyang ma 'ongs pa'i sangs rgyas kyi rang bzhin gyi mthus dge ba'i rtsa ba phyir yang skye bar 'gyur ro/ /'od srung gis gsol pa/ bcom ldan 'das/ ma 'ongs pas ji ltar na dge ba'i rtsa ba bskyed par 'gyur/ rigs kyi bu/ dper na/ sgron ma dang / nyi ma ni ma byung yang mun pa bsal bar nus te/ ma 'ongs pa'i sangs rgyas kyi rang bzhin gyis sems can gyi ma 'ongs pa'i sangs rgyas kyi rang bzhin skye bar byed pa'ang de dang 'dra ste/ de ni rnam par phye nas lan btab pa zhes bya'o/ /byang chub sems dpa' 'od srung gis gsol pa/ bcom ldan 'das/ gal te phung po lnga sangs rgyas kyi rang bzhin lags na ci'i slad du sems can gyi sangs rgyas kyi rang bzhin ni nang na ma yin/ phyi rol na ma yin zhes gsungs/ bcom ldan 'das kyis bka' stsal pa/ rigs kyi bu khyod ci'i phyir </font><hr>Kha337b<br><font size=+1>


de ltar yid gol bar gyur/ ngas sngar sems can gyi sangs rgyas kyi rang bzhin ni lam dbu ma yin no zhes ma gsungs sam/ 'od srung gis gsol pa/ bcom ldan 'das/ bdag gis ni yid ma gol mod kyi/ sems can dag lam dbu ma 'di la shes par mi nus pas de'i slad du 'di ltar zhus pa lags so/ /rigs kyi bu/ gang sems can gyis mi shes pa de ni lam dbu ma yin te/ de la shes pa'ang yod/ mi shes pa'ang yod do/ /rigs kyi bu/ ngas sems can mi shes pa shes par bya ba'i phyir sangs rgyas kyi rang bzhin ni nang na'ang ma yin| phyi rol na'ang ma yin zhes gsungs so/ /de ci'i phyir zhe na/ sems can ma rabs so so'i skye bor gyur pa dag gis la la ni sangs rgyas kyi rang bzhin phung po lnga'i nang na gnas te| ji ltar snod kyi nang na shing tog yod pa dang mtshungs so zhes zer/ la la ni 'di skad du phung po las gzhan pa na yod de/ dper na/ nam mkha' stong pa dang mtshungs so zhes zer te/ de bas na de bzhin gshegs pas lam dbu ma gsungs so/ /sems can gyi sangs rgyas kyi rang bzhin ni nang gi skye mched drug ma yin/ phyi rol gyi skye mched drug ma yin te/ phyi nang 'dus pa las lam dbu ma zhes bya ste/ de'i phyir de bzhin gshegs pas sangs rgyas kyi rang bzhin nyid ni lam dbu ma'o zhes gsungs so/ /nang na ma yin/ phyi rol na ma yin pa de </font><hr>Kha338a<br><font size=+1>


@#/ /ni dbu ma zhes bya ste/ de ni rnam par phye nas lan btab pa zhes bya'o/ /gzhan yang / rigs kyi bu/ ji ltar na nang na ma yin/ phyi rol na ma yin zhe na/ rigs kyi bu/ kha cig ni 'di skad du sangs rgyas kyi rang bzhin nyid ni mu stegs can zhes bya'o/ /de ci'i phyir zhe na/ byang chub sems dpa' sems dpa' chen pos bskal pa tshad med pa'i bar du mu stegs can gyi chos kyis nyon mongs pa rnams gcod cing sems rab tu btul te/ sems can gyi don byas nas gdod bla na med pa yang dag par rdzogs pa'i byang chub thob par 'gyur te/ de bas na sangs rgyas kyi rang bzhin ni mu stegs can yin no zhes smra'o/ /kha cig ni 'di skad du sangs rgyas kyi rang bzhin ni nang gi slob pa la zhugs pa ste/ de ci'i phyir zhe na/ byang chub sems dpas bskal pa tshad med pa'i bar du mu stegs can gyi chos sgom du zin yang / gal te nang gi chos spangs na bla na med pa yang dag par rdzogs pa'i byang chub thob par mi 'gyur te/ de bas na sangs rgyas kyi rang bzhin nyid ni nang gi slob pa la zhugs pa yin no zhes smra'o/ /de bas na de bzhin gshegs pas mtha' gnyis las bzlog pa'i phyir sangs rgyas kyi rang bzhin ni nang na ma yin/ phyi rol na ma yin la/ phyi dang nang yin no zhes kyang gsungs te/ de ni lam dbu ma zhes bya'o/ /gzhan yang / rigs </font><hr>Kha338b<br><font size=+1>


kyi bu| kha cig ni 'di skad du sangs rgyas kyi rang bzhin nyid de bzhin gshegs pa'i rdo rje lta bu'i sku/ mtshan sum cu rtsa gnyis dang / dpe byad bzang po brgyad cu yin no zhes smras te/ de ci'i phyir zhe na/ mi slu ba'i phyir ro/ /yang 'di skad du sangs rgyas kyi rang bzhin ni stobs bcu dang / mi 'jigs pa bzhi dang / byams pa chen po dang / snying rje chen po dang / dran pa nye bar bzhag pa gsum dang / dpa' bar 'gro ba'i ting nge 'dzin la sogs pa'i ting nge 'dzin thams cad yin no/ /de ci'i phyir zhe na/ ting nge 'dzin de dag las rdo rje lta bu'i sku mtshan sum cu rtsa gnyis dang / dpe byad bzang po brgyad cus brgyan pa skye bar 'gyur ro zhes smras te/ de bas na de bzhin gshegs pas mtha' gnyis las bzlog pa'i phyir sangs rgyas kyi rang bzhin ni nang na ma yin/ phyi rol na ma yin la/ nang dang phyi rol yang yin no zhes gsungs te/ de ni lam dbu ma zhes bya'o/ /gzhan yang / rigs kyi bu/ kha cig ni 'di skad du sangs rgyas kyi rang bzhin ni nang na shin tu yid la byed pa yin no/ /de ci'i phyir zhe na/ nang na shin tu yid la byed pa spangs pa'i pha rol na bla na med pa yang dag par rdzogs pa'i byang chub thob par mi nus te/ de bas na sangs rgyas kyi rang bzhin ni nang na shin tu yid la byed pa yin no zhes smra'o/ /kha cig ni 'di skad du sangs rgyas kyi rang bzhin ni gzhan las chos thos pa </font><hr>Kha339a<br><font size=+1>


@#/ /yin no/ /de ci'i phyir zhe na/ gzhan las chos thos pas nang na shin tu yid la byed par 'gyur te/ gal te chos ma thos na yid la byed par mi 'gyur ro/ / de ltar bas na sangs rgyas kyi rang bzhin ni gzhan las chos thos pa yin no zhes smra'o/ /de bas na de bzhin gshegs pas mtha' gnyis las bzlog pa'i phyir/ sangs rgyas kyi rang bzhin ni nang na ma yin/ phyi rol na ma yin la/ nang dang phyi rol zhes kyang gsungs te/ de ni lam dbu ma zhes bya'o/ /gzhan yang / rigs kyi bu kha cig 'di skad du sangs rgyas kyi rang bzhin ni phyi rol yin te/ sbyin pa'i pha rol tu phyin pa yin no/ /sbyin pa'i pha rol tu phyin pa las bla na med pa yang dag par rdzogs pa'i byang chub thob par 'gyur te/ de lta bas na sbyin pa'i pha rol tu phyin pa ni sangs rgyas kyi rang bzhin yin no zhes smra'o/ /kha cig ni 'di skad du sangs rgyas kyi rang bzhin ni nang yin te/ de'ang pha rol tu phyin pa lhag ma lnga yin no zhes smra'o/ /de ci'i phyir zhe na/ dngos po de lnga spangs pa'i phyi rol na sangs rgyas kyi rang bzhin gyi rgyu dang 'bras bu zhes bya ba med par shes te/ de lta bas na pha rol tu phyin pa lnga ni sangs rgyas kyi rang bzhin no zhes smra'o/ /de bas na de bzhin gshegs pas mtha' gnyis las bzlog pa'i phyir sangs rgyas kyi rang bzhin ni nang na ma yin/ phyi rol </font><hr>Kha339b<br><font size=+1>


na ma yin la/ nang dang phyi rol kyang yin no zhes gsungs pa ni lam dbu ma zhes bya'o/ /gzhan yang / rigs kyi bu/ kha cig 'di skad du sangs rgyas kyi rang bzhin ni nang na gnas te/ dper na/ stobs po che'i dpral ba'i nor bu rin po che dang mtshungs so/ /de ci'i phyir zhe na/ rtag pa dang / bde ba dang / bdag dang / yongs su dag pa ni nor bu dang mtshungs te/ de bas na sangs rgyas kyi rang bzhin ni nang na yod do zhes smra'o/ /kha cig ni 'di skad du sangs rgyas kyi rang bzhin ni phyi rol na yod de/ dper na/ dbul po'i khyim na rin po che'i gter yod pa dang mtshungs so/ /de ci'i phyir zhe na/ thabs kyis mthong bar 'gyur ba'i phyir te/ sangs rgyas kyi rang bzhin yang de dang 'dra bar sems can gyi phyi rol na yod de/ thabs kyis mthong bar 'gyur ro zhes smra'o/ /de bas na de bzhin gshegs pas mtha' gnyis las bzlog pa'i phyir sangs rgyas kyi rang bzhin ni nang na ma yin/ phyi rol na ma yin la/ nang dang phyi rol kyang ma yin no zhes gsungs te/ de ni dbu ma'i lam zhes bya'o/ /rigs kyi bu/ sems can gyi sangs rgyas kyi rang bzhin ni yod pa ma yin/ med pa'ang ma yin no/ /de ci'i phyir zhe na| sangs rgyas kyi rang bzhin yod mod kyi/ nam mkha' dang 'dra ba ni ma yin no/ /de ci'i phyir zhe na/ 'jig rten gyi nam mkha' stong pa ni thabs mkhas pa tshad med pa byas kyang dmigs </font><hr>Kha340a<br><font size=+1>


@#/ /su med de/ sangs rgyas kyi rang bzhin ni dmigs su yod pas/ de'i phyir yod mod kyi/ nam mkha' stong pa dang mtshungs pa ni ma yin no/ /sangs rgyas kyi rang bzhin med mod kyi/ ri bong gi rwa dang mtshungs pa ma yin te/ de ci'i phyir zhe na/ rus sbal gyi spu dang / ri bong gi rwa ni thabs tshad med pa rnam pa sna tshogs kyis skyang skye bar mi nus te| sangs rgyas kyi rang bzhin ni skye bar nus pas/ de'i phyir med mod kyi/ ri bong gi rwa dang mi mtshungs so/ /de bas na sangs rgyas kyi rang bzhin ni yod pa ma yin/ med pa ma yin la/ yod pa dang med pa'ang yin no/ /ji ltar na yod pa zhe na/ thams cad la yod pa'i phyir sems can rnams kyis gcod pa'am/ dgag par mi nus te/ me mar gyi me lce dang 'dra bar bla na med pa yang dag par rdzogs pa'i bar du thob par 'gyur te/ de bas na yod pa zhes bya'o/ /ji ltar na med ce na/ sems can thams cad la da ltar sangs rgyas kyi chos thams cad kyi rtag pa dang / bde ba dang / bdag dang / yongs su dag pa da ltar gyi dus na med pa'i phyir med pa zhes bya'o/ /yod pa dang med pa 'dus pa la ni dbu ma zhes bya ste/ de bas na sems can gyi sangs rgyas kyi rang bzhin ni yod pa ma yin/ med pa ma yin no zhes bcom ldan 'das kyis gsungs so/ /rigs kyi bu/ mi la las 'di skad du </font><hr>Kha340b<br><font size=+1>


sa bon gyi nang na 'bras bu yod dam med ces 'dri na/ nges par yod ces kyang bya la/ med ces kyang lan gdab bo/ /de ci'i phyir zhe na/ sa bon spangs pa'i pha rol na 'bras bu skye par mi 'gyur te/ de bas na yod ces kyang bya'o/ /sa bon la myu gu ma byung bas med ces bya ste/ de lta bas na yod pa zhes kyang bya la/ med pa zhes kyang bya'o/ /de ci'i phyir zhe na/ dus kyis tha dad mod kyi/ ngo bo nyid ni gcig ste/ de bzhin du sems can gyi sangs rgyas kyi rang bzhin yang de dang 'dra ste/ gal te sems can las gzhan pa na sangs rgyas kyi rang bzhin yod do zhes bya ba de ni de ltar mi rung ngo / /de ci'i phyir zhe na/ sems can nyid sangs rgyas kyi rang bzhin yin la/ sangs rgyas kyi rang bzhin nyid sems can yin te/ dus tha dad pa'i phyir rnam par dag ba dang / ma dag pa yod du zad do/ /rigs kyi bu/ gal te la la zhig gis 'di skad du sa bon gyis 'bras bu skye bar nus sam/ 'bras bu skye bar mi nus zhes 'dri na/ de la 'di skad du skye ba'ang yin la/ mi skye ba'ang yin zhes lan gdab bo/ /gsol pa/ bcom ldan 'das/ dper na/ 'jig rten pas 'o ma'i nang na zho mchis so zhes bgyi ba'i don ji lta bu lags/ bka' stsal pa/ rigs kyi bu/ gal te gang gis 'o ma'i nang na zho yod do zhes zer ba ni zhen pa'o/ /gang zho med do zhes zer ba ni brdzun du smra ba'o/ /dngos po de gnyis ma gtogs par </font><hr>Kha341a<br><font size=+1>


@#/ /yod ces kyang bya la/ med ces kyang bya'o zhes nges par smra'o/ /de ci'i phyir yod ce na/ 'o ma la zho 'byung ste/ rgyu ni 'o ma/ 'bras bu ni zho ste/ de bas na yod ces bya'o/ /ji ltar med ce na/ dbyibs dang ro tha dad pa ste/ btung ba dang / spyod pa mi mtshungs so/ /tsha ba'i nad la ni 'o ma gtong / 'khru ba'i nad la zho gtong ngo / /'o mas ni grang nad skye bar byed/ zhos ni tsha ba'i nad slong bar byed do/ /rigs kyi bu/ gang 'di skad du 'o ma'i nang na zho'i rang bzhin yod do zhes smra na 'o ma nyid zho yin la/ zho nyid 'o ma ste/ rang bzhin gcig tu 'gyur na/ ci'i rgyu ci'i rkyen gyis 'o ma sngar 'byung la zho sngar mi 'byung / gal te rgyu dang rkyen yod na ci'i phyir 'jig rten pa thams cad kyis sngar ma smras/ gal te rgyu dang rkyen med na ci'i phyir zho sngar ma byung / de ltar zho sngar ma byung bas na/ 'o ma dang / zho dang / mar dang / zhun mar dang / mar gyi snying po zhes go rim sus byas/ de bas na zho ni thog ma med la/ nga yod pa yin par rig par bya'o/ /gal te thog ma med la da yod pa zhig na ni mi rtag pa'i chos su 'gyur ro/ /rigs kyi bu/ gang gis 'di skad du 'o ma la zho'i rang bzhin yod pas zho 'byung bar 'gyur gyi/ chu dang rtswa la zho'i rang bzhin med pas zho mi 'byung ngo zhes smra na/ de'ang de ltar ma yin no/ /de ci'i phyir zhe na/ chu dang rtswa la'ang 'o ma dang zho'i rang bzhin yod </font><hr>Kha341b<br><font size=+1>


do| |gang zhe na/ chu dang rtswa las 'o ma dang zho 'byung ste/ gang gis 'di skad du 'o ma'i nang na ni nges par zho'i rang bzhin yod la/ chu dang rtswa la med do zhes smra na de ni brdzun du smra ba yin no/ / de ci'i phyir zhe na/ sems mi mnyam pa'i phyir brdzun du smra ba zhes bya'o/ /rigs kyi bu/ gal te la la zhig gis 'o ma'i nang na ni nges par zho yod do zhes smra na/ zho'i nang na'ang nges par 'o ma 'byung ba'i rigs na/ ci'i rgyu ci'i rkyen gyis 'o ma las zho 'byung la zho las 'o ma mi 'byung / gal te rgyu dang rkyen med na zho de ni thog ma med la/ da yod pa yin par shes te/ da bas na mkhas pa dag ni 'di skad du 'o ma'i nang na zho'i rang bzhin yod pa'ang ma yin/ med pa'ang ma yin no zhes smra'o/ /rigs kyi bu/ de bas na de bzhin gshegs pas mdo 'di las 'di skad du sems can thams cad la nges par sangs rgyas kyi rang bzhin yod do zhes smra na de ni zhen pa zhes bya'o/ /med do zhes smra na de ni brdzun du smra ba zhes bya ste/ mkhas pa shes rab can dag gis ni sangs rgyas kyi rang bzhin yod pa'ang ma yin/ med pa'ang ma yin zhes smra bar bya'o/ /rigs kyi bu/ dngos po bzhi 'dus pa las mig gi rnam par shes pa skye ste/ bzhi gang zhe na| mig dang / gzugs dang / snang ba dang / chags pa ste/ mig gi rnam par shes pa'i rang bzhin de ni mig ma yin/ gzugs ma yin/ snang ba ma yin/ chags pa ma yin yang 'dus </font><hr>Kha342a<br><font size=+1>


@#/ /pa las skye bar 'gyur te/ de ltar mig gi rnam par shes pa ni thog ma med la da yod par gyur to/ /yod nas kyang phyis med par 'gyur bas de'i phyir thog ma'i rang bzhin zhes bya ba med par rigs/ de bzhin du 'o ma'i nang na zho'i rang bzhin yod pa'ang de dang 'dra'o/ /gang la las 'di skad du chu la zho'i rang bzhin med pas zho mi 'byung gi 'o ma'i nang na nges par zho'i rang bzhin yod do zhes zer na de'ang de ltar mi rung ngo / /de ci'i phyir zhe na/ rigs kyi bu/ chos thams cad ni rgyu tha dad la 'bras bu tha dad de/ rgyu gcig las 'bras bu thams cad skye ba'ang ma yin la/ 'bras bu thams cad rgyu gcig las 'byung ba'ang ma yin no/ /rigs kyi bu/ dngos po rnam pa bzhi po de las mig gi rnam par shes pa skyes pas dngos po de bzhi las rna ba'i rnam par shes pa'ang skye'o zhes byar mi rung ngo / /rigs kyi bu/ thabs spangs te 'o ma las zhor gyur pa dang / zho las mar 'byung mi srid de/ de ltar mi srid pa la bltas na thabs mkhas pa dgos so/ /rigs kyi bu/ thabs mkhas pa dag ni thabs spangs pa'i pha rol na 'o ma las zhor gyur pa mi blta ste/ mar gyi bar du thabs spangs pa'i pha rol na mar du gyur par mi blta'o/ /rigs kyi bu/ de bas na ngas mdo sde 'di las rgyu skye bas chos yod la/ rgyu 'gags pas chos med do zhes gsungs </font><hr>Kha342b<br><font size=+1>


so| |rigs kyi bu/ dper na/ lan tshwa'i mtshan nyid ni lan tshwa mi bro ba thams cad la lan tshwa bro bar byed do/ /gal te lan tshwa mi bro ba rnams la thog ma nas lan tshwa'i rang bzhin yod pa zhig yin na/ ci'i phyir 'jig rten pas lan tshwa tshol bar byed/ ji ste thog ma nas med pa zhig yin na thog ma nas med la da yod par rig go /'on te rkyen gzhan gyis lan tshwa bro bar gyur tam/ gang yang 'di skad du lan tshwa mi bro thams cad la lan tshwa'i rang bzhin yod de/ shas chung bas mi shes kyi/ shas cung zad yod pa'i rang bzhin des na lan tshwas lan tshwa bro bar byed do/ /gal te thog ma nas rang bzhin med na lan tshwa yod du zin kyang lan tshwa bro bar mi 'gyur te/ dper na/ sa bon nyid la chen po bzhi yod pas phyi rol gyi chen po bzhi'i rkyen gyis myu gu dang / sdong bu dang / yal ga dang / lo ma skye bar 'gyur ba ltar lan tshwa'i rang bzhin yang de dang 'dra'o zhes smra na/ de'ang de ltar mi rung ngo / /de ci'i phyir zhe na/ lan tshwa mi bro ba la thog ma nas lan tshwa'i rang bzhin yod na lan tshwa la'ang lan tshwa mi bro ba'i shas yod pa'i rigs so/ /gal te lan tshwa la de ltar rang bzhin gnyid yod na ci'i phyir lan tshwa bro ba dgos par spyod par ma gyur/ de bas na lan tshwa la thog ma nas rang bzhin gnyis med par shes te/ ji ltar lan tshwa dang 'dra bar lan tshwa mi bro ba thams cad kyang de dang 'dra'o/ / </font><hr>Kha343a<br><font size=+1>


@#/ /gal te phyi rol gyi chen po bzhi'i mthus nang gi chen po bzhi skye bar 'gyur ro zhes bya ba de'ang de ltar mi rung ngo / /de ci'i phyir zhe na/ thabs mkhas pa ma yin gyi| rim gyis bshad pa'i phyir ro/ /'o ma las zho 'byung ba nas mar gyi bar du chos thams cad kyang thabs med par grub pa med pa ltar chen po bzhi'ang de dang 'dra'o/ /de ltar phyi rol gyi chen po bzhi las nang gi chen po bzhi skyes na ci'i phyir nang gi chen po bzhi las phyi'i chen po bzhi skye bar mi mthong / dper na/ shing tog shi ri sha zhes bya ba dang mtshungs te| dbyibs med snying po med mod kyi/ skar ma pa ba sangs mthong ba na 'bras bu sor lnga skye bar 'gyur te/ de ltar 'bras bu de yang dag par phyi rol gyi chen po bzhi las skyes pa ma yin no/ /rigs kyi bu/ ji ltar ngas mdo sde bcu gnyis gsungs pa'ang / la la ni bdag gi yid dang sbyar te bshad/ la la ni gzhan gyi yid dang sbyar te bshad/ la la ni bdag dang gzhan gyi yid dang sbyar te bshad do/ /de la ji ltar na bdag gi yid dang sbyar te bshad pa zhe na/ ji ltar dge slong lnga brgyas shA ri'i bu la 'di skad dris pa dang 'dra ste/ btsun pa bcom ldan 'das kyis lus kyi rgyur gsungs pa ji lta bu lags/ shA ri'i bus smras pa/ btsun pa khyed so so nas yang dag par rnam par grol ba thob pas shes pa'i </font><hr>Kha343b<br><font size=+1>


rigs na ci'i rkyen gyis de skad ces 'dri/ de la dge slong kha cig ni 'di skad du/ btsun pa/ bdag yang dag pa'i rnam par grol ba ma thob pa na 'di snyam du ma rig pa ni lus kyi rgyu'o snyam bsams te/ de ltar yid la byed pa na dgra bcom pa'i 'bras bu thob par gyur to/ /de la kha gcig ni 'di skad du btsun pa bdag yang dag pa'i rnam par grol ba ma thob pa na sred pa dang ma rig pa ni lus kyi rgyu'o snyam bsams te/ de ltar yid la byed pa na dgra bcom pa'i 'bras bu thob par gyur to/ /de la kha cig ni 'di skad du 'du byed dang / rnam par shes pa dang / ming dang gzugs dang / drug gi skye mched dang / reg pa dang / tshor ba dang / sred pa dang / len pa dang / srid pa dang / skye ba dang / bza' ba dang / bca' ba dang / 'dod pa lnga ni lus kyi rgyu yin no snyam sems so/ /de nas dge slong lnga brgya po so so nas bdag bdag gi shes pa smras nas bcom ldan 'das gang na ba der dong ste/ bcom ldan 'das kyi zhabs la phyag btsal nas g.yas su lan gsum bskor te/ phyag byas zin nas phyogs gcig tu 'khod de/ so so nas ji ltar bdag bdag gis rig pa'i don bcom ldan 'das la gsol pa dang / de nas shA ri'i bus bcom ldan 'das la gsol pa/ bcom ldan 'das/ dge slong de dag la gang ni yang dag par smra ba lags/ gang ni yang dag par smra ba ma lags/ bcom </font><hr>Kha344a<br><font size=+1>


@#/ /ldan 'das kyis bka' stsal pa/ shA ri'i bu/ legs so/ /legs so/ /dge slong dag ni yang dag par ma smras pa ni gcig kyang med do/ /shA ri'i bus gsol pa/ bcom ldan 'das/ bcom ldan 'das kyis thugs la ci dgongs/ bcom ldan 'das kyis bka' stsal pa/ shA ri'i bu/ ngas 'dod pa'i khams kyi sems can rnams kyi phyir pha ma ni lus kyi rgyu yin no zhes gsungs te/ de ltar mdo sde gsungs pa de ni bdag gi yid dang sbyar te bshad pa zhes bya'o/ /de la ji ltar na gzhan gyi yid dang sbyar te bshad pa zhe na/ dper na/ khyim bdag pa ta la zhes bya ba de nga gang na bar 'ongs nas 'di skad du/ kye gau ta ma khyod sgyu ma shes sam/ gal te sgyu ma shes na rgyu ma chen po yin no/ /gal te sgyu ma mi shes na thams cad mkhyen pa'i ye shes can ma yin no zhes smras so/ /ngas smras pa/ khyim bdag /sgyu ma shes pa'i mi la sgyu ma zhes bya'am/ khyim bdag gis smras pa/ legs so/ /legs so/ /gang sgyu ma shes pa de ni sgyu ma zhes bya'o/ /bcom ldan 'das kyis bka' stsal pa/ khyim bdag /mnyan du yod pa'i rgyal po sde rab tu pham byed ces bya ba la rigs ngan dbugs 'phrog /ces bya ba yod par khyod kyis shes sam/ khyim bdag gis smras pa/ gau ta ma/ bdag snga nas shes so/ /bcom ldan </font><hr>Kha344b<br><font size=+1>


'das kyis bka' stsal pa/ khyod snga nas shes na khyod la rigs ngan zhes byar rung ngam/ khyim bdag gis smras pa/ gau ta ma/ bdag gis rigs ngan yin par ni shes mod kyi/ 'on kyang bdag gi lus 'di ni rigs ngan ma yin no/ /bcom ldan 'das kyis bka' stsal pa/ khyim bdag khyod kyis rigs ngan shes kyang rigs ngan ma yin par gtogs na/ de ci'i phyir sgyu ma shes na sgyu ma yin par 'gyur/ khyim bdag /nga ni yang dag par na sgyu ma'ang shes la/ sgyu ma'i rgyu yang shes/ sgyu ma'i rnam par smin pa'ang shes/ sgyu ma'i sgyu rtsal yang shes/ nga ni gsod pa'ang shes/ gsod pa'i mi'ang shes/ gsod pa'i 'bras bu rnam par smin pa'ang shes/ gsod pa'i rnam par grol ba nas ngan par lta ba'i bar du'ang shes| ngan par lta ba'i mi yang shes/ ngan par lta ba'i 'bras bu rnam par smin pa'ang shes/ ngan par lta ba'i rnam par grol ba'ang shes so/ /khyim bdag gal te sgyu ma ma yin pa la sgyu ma yin no zhes smras sam/ ngan par lta ba ma yin pa la ngan par lta'o zhes smras na/ kha na ma tho ba'i sdig tshad med pa snyed thob par 'gyur ro/ /khyim bdag gis smras pa/ gau ta ma de ltar khyod kyis smras pa ltar na bdag nyes pa chen po thob par gyur gyi/ bdag la da ltar bdog pa thams cad 'bul gyi/ bdag de skad ces smras pa de rgyal po sde </font><hr>Kha345a<br><font size=+1>


@#/ /rab tu pham byed kyis thos par ma byed cig /bcom ldan 'das kyis bka' stsal pa/ khyim bdag nyes pa de'i rkyen gyis nor stor ba ma yin te/ de'i rkyen gyis ngan song gsum du ltung bar 'gyur ro/ /de nas khyim bdag de ngan song gsum gyi ming thos nas dngangs skrag pa'i sems skyes te/ bcom ldan 'das la 'di skad ces gsol to/ /'phags pa/ bdag deng sems stor bas sdig pa chen po thob par gyur na/ 'phags pa ni thams cad mkhyen pa lags te/ rnam par grol ba ji ltar thob pa'ang shin tu mkhyen pa'i rigs na/ bdag gis ji ltar na sems can dmyal ba dang / yi dwags dang / byol song gi skye gnas las rnam par thar par 'gyur/ de nas de'i tshe de la bden pa bzhi'i chos bstan to/ /khyim bdag gis thos nas rgyun du zhugs pa'i 'bras bu thob par gyur nas khrel ba dang 'dzem pa'i sems skyes te/ bdag rmongs pa'i phyir bcom ldan 'das sgyu ma ma lags pa la sgyu ma'o zhes bgyis te/ bdag deng bcom ldan 'das la 'gyod tshangs gsol zhing dkon mchog gsum la skyabs su mchi'o zhes gsol to/ /bcom ldan 'das kyis legs so/ /legs so zhes bka' stsal te/ de ni gzhan gyi yid dang sbyar te bshad pa zhes bya'o/ /de la ji ltar na bdag dang gzhan gyi yid dang sbyar te bshad pa zhe </font><hr>Kha345b<br><font size=+1>


na| ji ltar ngas gsungs pa las 'jig rten thams cad kyi mkhas pa shes rab can dag yod par 'chad na ngas kyang yod par bshad/ 'jig rten gyi mkhas pa shes rab can gyis 'dod pa lnga'i bde ba ni mi rtag pa dang / sdug bsngal ba dang / bdag med pa ste gcad par bya'o zhes bshad na/ nga'ang yod par bshad/ 'jig rten gyi mkhas pa shes rab can gyis 'dod pa lnga'i bde ba la rtag pa dang / bde ba dang / bdag dang / yongs su dag pa'i gnas med do zhes bshad na/ nga'ang de ltar de lta bu'i gnas med do zhes bshad de/ de ni bdag dang gzhan gyi yid dang sbyar te bshad pa zhes bya'o/ /rigs kyi bu/ ji ltar ngas byang chub sems dpa' sa bcu pas sangs rgyas kyi rang bzhin cung zad cig mthong ngo zhes gsungs pa ni gzhan gyi yid dang sbyar te bshad pa zhes bya'o/ /ci'i phyir cung zad cig mthong ba zhe na/ byang chub sems dpa' sa bcu pas dpa' bar 'gro ba'i ting nge 'dzin la sogs pa chos kyi rnam grangs sum stong thob pa'i phyir bdag bla na med pa yang dag par rdzogs pa'i byang chub mngon par thob par shes kyi/ sems can thams cad bla na med pa yang dag par rdzogs pa'i byang chub gdon mi za bar thob par mi mthong ste/ de bas na byang chub sems dpa' sa bcu pas sangs rgyas kyi rang bzhin phyogs cung zad cig mthong ngo zhes gsungs so/ /rigs kyi bu/ ngas rtag tu </font><hr>Kha346a<br><font size=+1>


@#/ /sems can kun la sangs rgyas kyi rang bzhin yod do zhes gsungs pa ni bdag gi yid dang sbyar te bshad pa'o/ /sems can thams cad ni chad pa ma 'gog pa ma yin te/ bla na med pa yang dag par rdzogs pa'i byang chub thob par 'gyur ro zhes bya ba ni bdag gi sems dang sbyar te bshad pa'o/ /sems can thams cad la sangs rgyas kyi rang bzhin yod de/ nyon mongs pas yongs su khebs pas mi mthong ngo zhes ngas kyang de skad gsungs/ khyod kyang de skad 'chad de/ de ni bdag dang gzhan gyi sems dang sbyar te bshad pa zhes bya'o// //'phags pa yongs su mya ngan las 'das pa chen po'i mdo/ bam po bzhi bcu bdun pa/ rigs kyi bu/ de bzhin gshegs pas skabs kha cig tu rnam pa gcig gis chos grangs med pa gsungs te/ ji ltar mdo sde las tshangs par spyod pa thams cad kyi rgyu ni dge ba'i bshes gnyen yin no zhes gsungs pa dang 'dra ste/ tshangs par spyod pa thams cad kyi rgyu grangs med mod kyi/ dge ba'i bshes gnyen bshad pa'i nang du thams cad 'dus so/ /ji ltar ngas 'di skad du mi dge ba thams cad kyi rgyu ni ngan par lta ba'o zhes gsungs pa dang mtshungs te/ mi dge ba spyod pa thams cad kyi rgyu grangs med mod kyi/ ngan par lta ba bshad pa'i nang du thams </font><hr>Kha346b<br><font size=+1>


cad 'dus so/ /yang 'di skad du bla na med pa yang dag par rdzogs pa'i byang chub kyi rgyu ni dad pa'i sems so zhes gsungs te/ byang chub kyi rgyur 'gyur ba grangs med mod kyi/ thams cad dad pa'i sems bshad pa'i nang du 'dus so/ /rigs kyi bu/ de bzhin gshegs pas chos grangs med pa bshad pa la/ sangs rgyas kyi rang bzhin yin par gsungs mod kyi/ de'ang phung po dang / khams dang / skye mched las gzhan pa ma yin no/ /rigs kyi bu/ de bzhin gshegs pas sems can gyi phyir chos gsungs pa la tshig rnam pa bdun du gsungs te/ rgyu'i tshig dang / 'bras bu'i tshig dang / rgyu dang 'bras bu'i tshig dang / dpe'i tshig dang / smra ba'i mi rigs pa'i tshig dang / 'jig rten kun tu spel ba'i tshig dang / yid bzhin gyi tshig go /de la ji ltar na rgyu'i tshig ce na/ da ltar gyi rgyu las ma 'ongs pa'i 'bras bu bshad pa ste/ ngas 'di skad du rigs kyi bu khyod mthong ngam/ sems can gang gsod pa la dga' ba nas ngan par lta ba'i bar du dga' ba de ni sems can dmyal ba pa yin par rig go /rigs kyi bu/ sems can gang gsod pa nas ngan par lta ba'i bar du mi dga' ba de ni lha dang mi yin par rig go zhes gsungs te/ de ni rgyu'i tshig go /ji ltar na 'bras bu'i tshig ce na/ da ltar gyi 'bras bu las 'das pa'i rgyu bshad pa ste/ ji ltar mdo sde las rigs kyi bu khyod kyis </font><hr>Kha347a<br><font size=+1>


@#/ /ltar mthong ba ltar/ sems can dbul phongs pa bzhin mdog mi sdug cing mdangs med pa de ni gdon mi za bar tshul khrims bshig pa'i dri ma'i sems dang / zhe sdang gi sems dang / khrel ba dang 'dzem pa med pa'i sems dang bcas pa yin par rig go /gal te sems can gang nor mang la rab tu phyug cing dbang po dang ldan te/ gzi brjid dang rang dbang yod pa de ni gdon mi za bar tshul khrims dang / sbyin pa dang / brtson 'grus dang / khrel ba dang / 'dzem pa yod de/ phrag dog dang zhe sdang med pa yin par rig ste/ de ni 'bras bu'i tshig go /ji ltar na rgyu dang 'bras bu'i tshig ce na/ ji ltar mdo sde las bshad pa dang mtshungs te/ rigs kyi bu/ sems can gyi de ltar gyi skye mched drug dang / reg bya'i rgyu ni 'das pa'i las kyi 'bras bu yin la/ de bzhin gshegs pa'ang las so zhes gsungs te/ las de'i rgyu de'i rkyen gyis ma 'ongs pa'i 'bras bu thob pa de ni rgyu dang 'bras bu'i tshig go /ji ltar na dpe'i tshig ce na/ ji ltar seng ge'i rgyal po la nga'i sku'i dper len pa ltar bal glang gi rgyal po chen po dang / klu'i rgyal po chen po dang / shing pa ri tsi tra dang / rin po che sna bdun gyi phung po dang / rgya mtsho dang / ri rab dang / sa chen po dang / char chen po dang / gru mkhan dang / ded dpon dang / skyes bu 'dul ba dang / stobs </font><hr>Kha347b<br><font size=+1>


po che dang / khyu mchog dang / bram ze dang / dge sbyong dang / grong khyer chen po dang / shing ta la dang / dpe'i mdo de lta bu dag ni dpe'i tshig go /ji ltar na smra ba'i mi rigs pa'i tshig ce na/ ngas mdo sde las gnam sa gnyis 'byar bar 'gyur ba dang / rgyal po sde rab tu pham byed la phyogs bzhi'i ri 'ong ngo zhes bshad pa dang / ji ltar dge bsnyen ma khri sna sa la'i ma la gal te shing sA la 'di khrims brgyad srung nus na/ lha dang mi'i bde ba'ang myong bar 'gyur ro zhes bshad pa dang / byang chub sems dpa' sa bcu pa la phyir ldog pa'i sems yod do zhes bshad kyang bla'i/ de bzhin gshegs pa la tshig rnam pa gnyis yod do zhes mi smra ba dang / rgyun du zhugs pa ngan song gsum du lhung ngo zhes smra ba'ang bla'i/ sa bcu pa la phyir ldog pa'i sems yod do zhes smra ba de ni smra ba'i mi rigs pa'i tshig go /ji ltar na 'jig rten spel ba'i tshig ce na/ ji ltar bcom ldan 'das kyis gsungs pa las skyes pa dang / bud med dang / chen po dang / chung ngu dang / song ba dang / 'ong ba dang / 'dug pa dang / nyal ba dang / shing rta dang / theg pa dang / gnas khang dang / khang pa dang / bum pa dang / gos dang / sems can dang / rtag pa dang / bde ba dang / bdag dang / yongs su dag pa dang / dmag gi tshogs dang / nags tshal dang / grong dang / grong khyer dang / dge </font><hr>Kha348a<br><font size=+1>


@#/ /'dun dang / sgyu ma dang / 'dus pa dang / gyes pa de dag ni 'jig rten spel ba'i tshig go /ji ltar na yid bzhin gyi tshig ce na/ ji ltar ngas sdom pa nyams pa la spyos nas bdag 'gyod de tshul khrims sdom par gyur ba dang / ngas rgyun du zhugs pa la bstod pas bus pa ma rabs dag dge ba'i sems bskyed par gyur pa dang / byang chub sems dpa' la bstod pas sems can rnams byang chub tu sems bskyed pa dang / dge ba'i chos rnams bsgom par bya ba'i phyir ngan song gsum gyi sdug bsngal bshad pa dang / 'dus byas kyi chos rnams kyi phyir chos thams cad tshig pa zhes bshad pa dang / bdag med pa'ang de dang 'dra bar thams cad bag med pa dang / le lo med par bya ba'i phyir sems can thams cad la sangs rgyas kyi rang bzhin yod do zhes bshad pa de dag ni yid bzhin gyi tshig ces bya'o/ /rigs kyi bu/ gzhan yang de bzhin gshegs pa la bdag gi yid dang sbyar te bshad pa'i gsung yod do/ /de bzhin gshegs pa'i sangs rgyas kyi rang bzhin ni rnam pa gnyis te/ yod pa dang / med pa'o/ /de la yod pa ni 'di lta ste/ mtshan sum cu rtsa gnyis dang / dpe byad bzang po brgyad cu dang / stobs bcu dang / mi 'jigs pa bzhi dang / dran pa nye bar bzhag pa gsum dang / byams </font><hr>Kha348b<br><font size=+1>


pa chen po dang / snying rje chen po dang / dpa' bar 'gro ba'i ting nge 'dzin la sogs pa ting nge 'dzin tshad med pa snyed dang / rdo rje lta bu'i ting nge 'dzin la sogs pa tshad med pa snyed dang thabs mkhas pa la sogs pa'i ting nge 'dzin tshad med pa snyed dang / ye shes lnga la sogs pa'i ting nge 'dzin tshad med pa snyed ni yod pa zhes bya'o/ /de la med pa ni 'di lta ste/ de bzhin gshegs pa'i 'das pa'i dge ba rnams dang / mi dge ba dang / lung du mi ston dang / las dang / rgyu dang / 'bras bu dang / rnam par smin pa dang / nyon mongs pa dang / phung po lnga dang / rten cing 'brel te 'byung ba bcu gnyis ni med pa zhes bya'o/ /rigs kyi bu/ ji ltar yod pa dang med pa dang 'dra bar dge ba dang mi dge ba dang / zag pa dang bcas pa dang zag pa med pa dang / 'jig rten dang 'jig rten ma yin pa dang / 'phags pa dang 'phags pa ma yin pa dang / 'dus byas dang 'dus ma byas dang / yang dag pa dang yang dag pa ma yin pa dang / zhi ba dang ma zhi ba dang / rtsod pa dang rtsod pa ma yin pa dang / khams dang / khams ma yin pa dang / nyon mongs pa dang nyon mongs pa ma yin pa dang / len pa dang len pa ma yin pa dang / lung ston pa dang lung ston pa ma yin pa dang / yod pa dang yod pa ma yin pa dang / dus gsum dang dus gsum ma yin pa dang / dus dang dus </font><hr>Kha349a<br><font size=+1>


@#/ /ma yin pa dang / rtag pa dang mi rtag pa dang / bdag dang bdag med pa dang / bde ba dang bde ba med pa dang / yongs su dag pa dang yongs su ma dag pa dang / gzugs dang / tshor ba dang / 'du shes dang / 'du byed dang / rnam par shes pa dang / gzugs dang / tshor ba dang / 'du shes dang / 'du byed dang / rnam par shes pa ma yin pa dang / nang gi skye mched dang / nang gi skye mched ma yin pa dang / phyi'i skye mched dang / phyi'i skye mched ma yin pa dang / rten cing 'brel te 'byung ba bcu gnyis dang / rten cing 'brel te 'byung ba bcu gnyis ma yin pa ni de bzhin gshegs pa'i sangs rgyas kyi rang bzhin yod pa dang med pa zhes bya ste/ log sred can gyis sangs rgyas kyi rang bzhin yod pa dang med pa'i bar du de dang 'dra'o/ /rigs kyi bu/ ngas sems can thams cad la sangs rgyas kyi rang bzhin yod do zhes gsungs mod kyi/ sems can rnams kyis de bzhin gshegs pas bdag gi yid dang sbyar te bshad pa'i gsung yin par mi shes so/ /rigs kyi bu/ tshig de dag ni skye ba gcig gis thogs pa'i byang chub sems dpas kyang shes par mi nus na theg pa gnyis dang / byang chub sems dpa' gzhan dag gis shes pa lta ci smos/ rigs kyi bu/ nga sngon dus gcig na bya rgod spungs pa'i ri la bzhugs te/ </font><hr>Kha349b<br><font size=+1>


byang chub sems dpa' byams pa dang kun rdzob kyi bden pa'i gtam byas pa na/ shA ri'i bu la sogs pa nyan thos lnga brgyas dngos po de dag shes par ram/ rig par ma gyur na 'jig rten las 'das pa'i don dam pa'i bden pa lta ci smos/ rigs kyi bu/ sangs rgyas kyi rang bzhin la la ni log sred can la yod de/ dge ba'i rtsa ba can la med do/ /sangs rgyas kyi rang bzhin la la ni dge ba'i rtsa ba can la yod de/ log sred can la med do/ sangs rgyas kyi rang bzhin la la ni gnyis ka la yod de/ sangs rgyas kyi rang bzhin la la ni gnyis ka la med do/ /rigs kyi bu/ nga'i nye gnas rnams las gang tshig rnam pa bzhi po dag gi don shes pa ni log sred can la nges par sangs rgyas kyi rang bzhin yod dam/ nges par sangs rgyas kyi rang bzhin med ces dri bar mi bya'o/ /gang sems can thams cad la sangs rgyas kyi rang bzhin yod ces bya ba ni de bzhin gshegs pas bdag gi yid dang sbyar te gsungs pa'i tshig ces bya ste/ de ltar de bzhin gshegs pas kyang bdag gi yid dang sbyar te gsungs na/ ci'i phyir sems can gyis phyogs gcig tu lta bar byed/ rigs kyi bu/ dper na/ gang+gA'i klung gi nang gi sems can rnam pa bdun po ni rtag tu nub pa dang / skad cig phyung nas phyir nub pa dang / byung nas gnas par gyur pa dang / byung nas phyogs bzhi kun tu lta pa </font><hr>Kha350a<br><font size=+1>


@#/ /dang / kun tu bltas nas song ba dang / song nas sdod pa dang / chu dang skams gnyis kar 'gro ba'o/ /de la rtag tu nub pa zhes bya ba ni 'di lta ste/ nya chen po mi dge ba'i las chen po rnam par smin te lus lci bas chu'i gting na gnas te/ de'i phyir rtag tu nub pa'o/ /skad cig byung nas phyir yang nub pa ni nya chen po dge mi dge ba'i las rnam par smin te/ lus lci bas mi zab par gnas te/ skad cig tsam snang ba'i 'od mthong bar gyur te/ snang ba'i rkyen gyis skad cig tsam byung yang lus lci bas phyir yang nub bo/ /byung nas gnas pa ni nya de byid ces bya ba chu mi zab pa la gnas shing snang ba'i 'od mthong bar dga'o/ /byung nas phyogs kun tu lta ba ni nya tshag gu zhes bya ba zas tshol ba'i phyir phyogs bzhi kun tu blta'o/ /bltas nas song ba ni nya tshag gu zhes bya ba rgyang nas zas ci mthong yang zas yin snyam ste/ myur bar 'gro ba ni bltas nas song ba'o/ / song nas sdod pa ni nya de der phyin nas bzar rung ba zhig rnyed na sdod pa ni song nas sdod pa'o/ /chu dang skams gnyis kar 'gro ba ni rus sbal lo/ /rigs kyi bu/ yongs su mya ngan las 'das pa chen po chu klung dam pa'i nang na'ang sems can rnam pa bdun yod de/ rtag tu nub pa nas bdun pa la thug gi bar du bra 'ga' ni nub/ bar 'ga' ni </font><hr>Kha350b<br><font size=+1>


phyir 'byung ngo / /de la rtag tu nub pa zhes bya ba ni gang la la zhig gis yongs su mya ngan las 'das pa chen po'i mdo 'di las de bzhin gshegs pa ni rtag tu gnas pa/ 'gyur zhing 'pho ba med pa ste/ rtag pa dang / bde ba dang / bdag dang yongs su dag pa mthar yongs su mya ngan las mi 'dra'o/ /sems can thams cad la sangs rgyas kyi rang bzhin yod de/ log sred can dang / shin tu rgyas pa'i mdo la skur ba dang / mtshams med pa lnga kha na ma tho ba byas pa dang / rtsa ba bzhi nyams pa'ang gdon mi za bar byang chub tu mngon par 'tshang rgya'o/ /rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa dang / rang sangs rgyas dag kyang gdon mi za ba bla na med pa yang dag par rdzogs pa'i byang chub tu 'gyur ro zhes gsungs pa thos na dad pa'i sems mi skye ste/ de 'di snyam du bsams nas 'di skad ces smra'o/ /yongs su mya nga las 'das pa'i mdo 'di ni mu stegs can gyi yi ge ste/ sangs rgyas kyis gsungs pa ma yin no zhes smras nas/ de'i tshe dge ba'i bshes gnyen dang bral te dam pa'i chos ma ma thos so/ /ci ste res 'ga' thos na'ang yid la byed mi nus so/ /ji ltar yid la byed na'ang dge ba yid la mi byed do/ /dge ba yid la mi byed pas mi dge ba'i chos la gnas par 'gyur ro/ /mi dge ba'i chos la gnas pa la rnam pa drug ste/ 'di ltar mi dge </font><hr>Kha351a<br><font size=+1>


@#/ /pa dang / dge ba med pa dang / chos dme bar byed pa dang / srid pa skye ba dang / nyon mongs pas gdungs pa dang / mi dge ba'i 'bras bu myong ba ste/ de ni nub pa zhes bya'o/ /de la ji ltar nub ce na/ dge ba'i sems med pa dang / rtag tu mi dge ba spyod pa dang / gnyen po la nan tan mi byed pa ni nub pa zhes bya'o/ /de la mi dge ba zhes bya ba ni 'phags pa rnams kyis smod pa dang / 'jigs pa'i sems skye ba dang / dge ba'i bshes gnyen gyis spong ba dang / sems can la phan pa'i don du mi 'gyur ba'i phyir mi dge ba zhes bya'o/ /dge ba med pa zhes bya ba ni mi dge ba'i 'bras bu tshad med pa snyed skye bar byed pa dang / ma rig pas rtag tu glags pa dang / mi ngan pa la bsten cing mdza' bar byed pa dang / dge ba la nan tan byed pa'i thabs med pa dang / sems phyin ci log tu gyur te rtag tu nor ba'i phyir dge ba med pa zhes bya'o/ /de la chos dme bar byed pa zhes bya ba ni lus dang ngag rtag tu dme bar byed pa dang / sems can rnam par dag pa dme bar byed pa dang / mi dge ba'i las skyed pa dang / dge ba'i chos spong bar byed pa'i phyir chos dme bar byed pa zhes bya'o/ /de la sred pa skyed pa zhes bya ba ni ji ltar gong ma gsum po ltar byas na sems can dmyal ba dang / byol song gi skye gnas dang / yi dwags su skye bar </font><hr>Kha351b<br><font size=+1>


'gyur te/ rnam par grol ba'i chos la nan tan mi byed cing lus dang / ngag dang / yid kyi las srid pa rnams la mi skyo ba ni srid pa skyed pa zhes bya'o/ /nyon mongs pas gdungs pa zhes bya ba ni ji ltar gong ma bzhi po ltar rdzogs par byas pas lus dang sems nyon mongs par gyur te/ zhi ba spong ba'i phyir gdung ba zhes bya/ sems can dmyal ba'i rnam par smin pa myong ba'i phyir gdung ba zhes bya/ sems can rnams tshig pa'i phyir gdung ba zhes bya/ dge ba'i chos thams cad tshig pa'i phyir gdung ba zhes bya'o/ /rigs kyi bu/ dad pa'i sems ni bsil zhing tshim pa ste/ de dang mi ldan pa'i phyir gdung ba zhes bya'o/ /mi dge ba'i 'bras bu myong ba zhes bya ba ni ji ltar gong ma lnga po ltar rdzogs par byas pas shi nas sems can dmyal ba dang / byol song gi skye gnas dang / yi dwags kyi khams su ltung ba'o/ /rigs kyi bu/ gzhan yang mi dge ba'i dngos po rnam pa gsum gyis mi dge ba'i 'bras bu myong ba zhes bya'o/ /gsum gang zhe na/ nyon mongs pa mi dge ba dang / las mi dge ba dang / rnam par smin pa mi dge ba ste/ de ni mi dge ba'i 'bras bu rnam par smin pa myong ba zhes bya'o/ /rigs kyi bu/ gang zag la gong ma'i dngos po rnam pa drug dang ldan na dge ba'i rtsa ba gcod par 'gyur te/ mtshams med pa lnga'i kha na ma tho ba byed pa dang / rtsa ba bzhi'i sdom pa 'jig pa dang / dkon mchog gsum la skur pa 'dabs pa dang / dge </font><hr>Kha352a<br><font size=+1>


@#/ /'dun gyi nor la thugs thub tu spyod pa dang / chos ma yin pa'i dngos po rnam pa sna tshogs byed par 'gyur te/ de'i rgyu de'i rkyen gyis mtshams med pa'i sems can dmyal bar nub ste/ lus myong ba'ang chu zheng dpag tshad brgyad khri bzhi stong snyed do/ /de'i lus dang / ngag dang / yid kyis las rab tu lci bas 'byung bar mi nus so| |de ci'i phyir zhe na/ sems la dge ba'i chos bskyed mi nus pa'i phyir ro/ /de bzhin gshegs pa grangs med pa rnams 'jig rten du byung yang mi mthong mi thos te/ de bas na klung gang+gA'i nya chen po dang mtshungs te/ nub pa zhes bya'o/ /rigs kyi bu/ ngas log sred can dag ni rtag tu nub pa yin no zhes gsungs mod kyi/ rtag tu nub pa yin la log sred can ma yin pa yin pa'ang yod do/ /gang zhe na/ gang srid pa'i phyir sbyin pa dang / tshul khrims srung ba'i dge ba spyod pa ni rtag tu nub pa zhes bya'o/ /rigs kyi bu/ dge ba rnam pa 'di bzhis ni mi dge ba'i 'bras bu thob par 'gyur ro/ /bzhi gang zhe na/ gzhan las 'phags par 'dod pa'i phyir mdo sde dang yi ge klog cing 'dod pa dang / rnyed pa dang grags pa'i phyir tshul khrims sdom pa dang / gzhan gyi dbang byed par 'dod pa'i phyir sbyin pa byed pa dang / 'du shes med 'du shes med min skye mched kyi phyir rtse </font><hr>Kha352b<br><font size=+1>


gcig tu yid la byed pa ste/ dge ba'i dngos po de bzhis ni mi dge ba'i 'bras bu rnam par smin par 'gyur ro/ /gang de lta bu'i dngos po bzhi ltar spyod pa ni nub nas phyir byung la byung nas phyir nub pa zhes bya'o/ /ci'i phyir nub pa zhe na/ srid pa gsum la mos pa'i phyir ro/ /ci'i phyir byung ba zhe na/ snang ba'i 'od mthong ba'i phyir ro/ /de la snang ba'i 'od ni thos pa dang / tshul khrims dang / sbyin pa dang / ting nge 'dzin no/ /ci'i phyir nub ce na/ ngan par lta ba dang / nga rgyal bskyed pa'i phyir te/ de bas na ngas mdo sde las tshigs su bcad pa 'di dag gsungs so/ /sems can gang gis srid pa la mos te/ /srid pas dge dang mi dge'i las byed na/ /de ni mya ngan lam las bslad pa ste/ /skad cig byung nas phyir yang nub pa'o/ /'khor ba'i rgya mtsho mun par 'gro ba dag/ /rnam par grol yang nyon mongs bcas pa yin/ /des ni mi dge'i 'bras bu phyir len te/ /skad cig byung nas phyir yang nub par 'gyur/ /rigs kyi bu/ nya chen po ni snang ba'i 'od mthong ba'i phyir skad cig phyir byung yang lus lci bas phyir nub pa dang 'dra bar/ gong ma'i gang zag rnam pa gnyis kyang de dang 'dra'o/ /rigs kyi bu/ gal te gang zhig srid pa gsum la chags pa ni nub pa zhes bya'o/ /yongs su mya ngan las 'das pa'i mdo sde 'di thos nas dad pa'i sems bskyed pa ni byung ba </font><hr>Kha353a<br><font size=+1>


@#/ /zhes bya'o/ /ci'i rgyu ci'i rkyen gyis byung ba zhes bya zhe na/ mdo sde 'di thos nas mi dge ba'i chos thams cad spangs te/ dge ba'i chos sgom pa ni byung ba zhes bya ba ste/ dad pa yod mod kyi/ ldan pa zhes mi bya'o/ /ci'i rgyu ci'i rkyen gyis dad pa dang mi ldan pa zhes bya zhe na/ gang zag des yongs su mya ngan las 'das pa chen po rtag pa dang / bde ba dang / bdag dang / yongs su dag pa yin par dad mod kyi/ de bzhin gshegs pa'i sku ni mi rtag pa dang / bde ba med pa dang / bdag med pa dang / yongs su dag pa med pa zhes zer te/ de bzhin gshegs pa mya ngan las 'das pa la rnam pa gnyis te/ 'dus byas dang / 'dus ma byas pa'o/ /'dus byas kyi mya ngan las 'das pa la ni rtag pa dang / bde ba dang / bdag dang / yongs su dag pa med do/ /'dus ma byas kyi mya ngan las 'das pa la ni rtag pa dang / bde ba dang / bdag dang / yongs su dag pa yod do zhes sems can la sangs rgyas kyi rang bzhin yod par yid ches mod kyi/ nges par thams cad la yod par yid mi ches te/ de bas na dad pa dang mi ldan pa zhes bya'o/ /rigs kyi bu/ dad pa la rnam pa gnyis te/ dad pa dang / tshol ba'o/ /gang zag de la dad pa yod mod kyi tshol zhing rtsol mi nus te/ de bas na dad pa dang mi ldan pa zhes mi bya'o/ /yang rnam pa gnyis te/ thos pa </font><hr>Kha353b<br><font size=+1>


las skyes pa dang / bsams pa las skye ba'o/ /de'i dad pa thos pa las skyes te/ bsams pa las ma skyes pas na dad pa dang mi ldan pa zhes bya'o/ /yang rnam pa gnyis te/ byang chub yod par dad pa dang / thob pa yod par dad pa'o/ /de'i dad pa'i sems ni tshul khrims sdom pa dang / byang chub yod par dad mod kyi/ thob pa yod par yid mi ches pa ni dad pa dang mi ldan pa zhes bya'o/ /yang rnam pa gnyis te/ yang dag pa la dad pa dang / log pa la dad pa'o/ /gang rgyu dang 'bras bu'ang yod/ sangs rgyas dang / chos dang / dge 'dun yang yod do zhes smra ba ni yang dag pa la dad pa'o/ /gang rgyu dang 'bras bu'ang med/ dkon mchog gsum gyi mtshan nyid kyang tha dad do zhes smra ste/ 'od srung rdzogs byed la sogs pa'i ngan par lta ba la yid ches pa ni log pa la dad pa zhes bya'o/ /gang zag des sangs rgyas dang / chos dang / dge 'dun la dad mod kyi/ dkon mchog gsum gyi mtshan nyid gcig par yid mi ches pa dang / rgyu dang 'bras bu yod par dad mod kyi/ thob par yid mi ches pa ni dad pa dang mi ldan pa zhes bya ste/ gang dad pa dang mi ldan pa ni tshul khrims ma nos pa dang yang ldan pa ma yin no/ /ci'i rgyu ci'i rkyen gyis mi ldan pa zhe na/ rgyu dang mi ldan pa'i phyir tshul khrims dang ldan pa ma yin no/ /yang ci'i phyir mi ldan pa zhes bya zhe na/ tshul khrims la rnam pa </font><hr>Kha354a<br><font size=+1>


@#/ /gnyis te/ cho ga'i tshul khrims dang / tshul khrims kyi tshul khrims so/ /gang cho ga'i tshul khrims 'ba' zhig dang ldan te/ tshul khrims kyi tshul khrims dang mi ldan pa ni tshul khrims dang mi ldan pa zhes bya'o/ /yang rnam pa gnyis te/ byed pa'i tshul khrims dang / mi byed pa'i tshul khrims so/ /gang byed pa'i tshul khrims 'ba' zhig dang ldan la/ mi byed pa'i tshul khrims dang mi ldan pa ni tshul khrims dang mi ldan pa zhes bya'o/ /yang rnam pa gnyis te/ lus dang ngag gis yang dag pa'i 'tsho ba thob pa dang / lus dang ngag gis yang dag pa'i 'tsho ba mthob pa'o/ /gang lus dang ngag gis yang dag pa'i 'tsho ba ma thob pa ni tshul khrims dang mi ldan pa zhes bya'o/ /yang rnam pa gnyis te/ tshol ba'i tshul khrims dang / gtong ba'i tshul khrims so/ /gang srid pa tshol ba'i tshul khrims 'ba' zhig dang ldan te/ gtong ba'i tshul khrims dang mi ldan pa ni tshul khrims dang mi ldan pa zhes bya'o/ /yang rnam pa gnyis te/ srid pa la gzhol ba'i tshul khrims dang / byang chub la gzhol ba'i tshul khrims so/ /gang srid pa 'ba' zhig la gzhol ba'i tshul khrims dang ldan zhing / byang chub la gzhol ba'i tshul khrims dang mi ldan pa ni tshul khrims dang mi ldan pa zhes bya'o/ /tshul khrims sla yang rnam pa gnyis te/ dge ba'i tshul khrims </font><hr>Kha354b<br><font size=+1>


dang| mi dge ba'i tshul khrims so/ /de la lus dang ngag dang yid dge ba ni dge ba'i tshul khrims so/ /ba lang gi brtul zhugs dar khyi'i brtul zhugs ni mi dge ba'i tshul khrims te/ gang zhig tshul khrims de gnyis la dge ba'i 'bras bu yod par yid ches pa ni tshul khrims dang mi ldan pa zhes bya ste/ de ltar dad pa dang tshul khrims kyi dngos po de gnyis dang mi ldan pa ni mang du thos pa la nan tan byed pa dang yang mi ldan par 'gyur ro/ /de la ji ltar na thos pa dang mi ldan pa zhe na/ gang de bzhin gshegs pas gsungs pa'i mdo sde bcu gnyis la/ sde drug la dad de/ sde drug la ma dad pa ni thos pa dang mi ldan pa zhes bya'o/ /de ltar mdo sde sde drug 'dzin kyang klog pa dang / 'don pa dang / gzhan la ston mi nus te/ phan pa'i don byed mi nus pa ni thos pa dang mi ldan pa zhes bya'o/ /de ltar yang mdo sde sde drug 'dzin pa'ang rtsod pa'i phyir ram/ gzhan las rgyal ba'am/ rnyed pa dang grags pa'i phyir ram/ srid pa rnams kyi phyir 'dzin tam/ klog gam/ 'don tam/ 'chad pa ni thos pa dang mi ldan pa zhes bya'o/ /rigs kyi bu/ ngas mdo sde las thos pa dang ldan pa bshad de/ ldan pa gang zhe na/ gal te dge slong gang lus dang / dgra dang / yid dge la/ mkhan po dang / slob dpon rnams dang / yon tan can dag la sngar mchod par bya'o/ /de ltar mchod pa byas na slob dpon de dag gis </font><hr>Kha355a<br><font size=+1>


@#/ /de la byams pa'i sems skye bar 'gyur te/ de'i rkyen gyis mdo sde dang chos ston par 'gyur ro/ /des kyang sems rtse gcig tu 'dzin cing 'don pa dang goms par byed do/ /'dzin cing 'don pa dang goms par byed pas shes rab thob par 'gyur ro/ /de ltar shes rab thob nas shin tu yid la byed cing chos bzhin du gnas par 'gyur ro| |shin tu yid la byas te gnas nas yang dag pa'i don thob par 'gyur ro/ /yang dag pa'i don thob nas lus dang sems dben par 'gyur ro/ /lus dang sems dben par gyur nas dga' ba'i sems skye bar 'gyur ro/ /de ltar sems dga' ba'i rkyen gyis ting nge 'dzin gyi sems thob par 'gyur ro/ /ting nge 'dzin gyi sems thob pa'i phyir yang dag pa'i shes pa dang mthong ba thob par 'gyur ro/ /yang dag pa'i shes pa dang mthong ba thob nas srid pa rnams la skyo ba'i sems skyo bar 'gyur ro/ /srid pa rnams la skyo ba'i phyir rnam par grol ba thob par 'gyur te/ gang de lta bu'i dngos po dag med pa ni thob pa dang mi ldan pa zhes bya'o/ /gang dngos po rnam pa gsum po de dang mi ldan pa ni sbyin pa dang yang mi ldan par 'gyur ro/ /de la sbyin pa la rnam pa gnyis te/ zang zing gi sbyin pa dang / chos kyi sbyin pa'o/ /des zang zing gi sbyin pa byed mod kyi/ srid pa tshol lo/ /chos kyi sbyin pa </font><hr>Kha355b<br><font size=+1>


byed mod kyi/ ldan par yang mi 'gyur te/ de ci'i phyir zhe na/ bdag pas lhag par 'gyur gyis dogs te bcabs nas thams cad mi ston pa ni sbyin pa dang mi ldan pa zhes bya'o/ /zang zing dang chos kyi sbyin pa gnyis ka la rnam pa gnyis gnyis yod de/ 'phags pa dang / 'phags pa ma yin pa'o/ /de la 'phags pa ni sbyin pa byas nas 'bras bu rnam par smin pa la mi re'o/ / 'phags pa ma yin pa ni sbyin pa byas nas 'bras bu rnam par smin pa la re'o/ /'phags pa'i ni chos 'phel bar bya ba'i phyir chos kyi sbyin pa byed do/ /'phags pa ma yin pa ni srid pa rnams 'phel bar bya ba'i phyir chos kyi sbyin pa byed de/ de ltar zang zing 'phel bar bya ba'i phyir zang zing gi sbyin pa byed pa dang / srid pa 'phel bar bya ba'i phyir chos kyi sbyin pa byed pa ni sbyin pa dang mi ldan pa zhes bya'o/ /gzhan yang skye bo de mdo sde sde drug 'dzin te/ gang chos 'dzin pa la ni dgos pa rnams sbyin par byed/ chos mi 'dzin pa la ni dgos pa sbyin par mi byed de/ de bas na sbyin pa dang mi ldan pa zhes bya'o/ /de ltar gang zag des gong ma'i dngos po bzhi dang mi ldan pa ni shes rab la nan tan byas pa dang yang ldan par mi 'gyur ro/ /shes rab kyi mtshan nyid ni rang bzhin gyis rnam par 'byed pa ste/ gang zag des de bzhin gshegs pa rtag pa yin nam/ mi rtag pa yin pa bye brag mi phyed la/ de bzhin gshegs pas </font><hr>Kha356a<br><font size=+1>


@#/ /yongs su mya ngan las 'das pa'i mdo sde 'di las/ de bzhin gshegs pa ni rnam par grol ba'o/ /rnam par grol ba ni de bzhin gshegs pa'o/ /de bzhin gshegs pa nyid mya ngan las 'das pa'o/ /mya ngan las 'das pa nyid rnam par grol ba'o/ /zhes gsungs te/ don de dag gi bye brag mi phyed pa dang / rtogs par mi nus/ tshangs par spyod pa nyid de bzhin gshegs pa'o/ /de bzhin gshegs pa nyid byams pa dang / snying rje dang / btang snyoms dang / dga' ba'o/ /byams pa dang / snying rje dang / btang snyoms dang| dga' ba nyid rnam par grol ba'o/ /rnam par grol ba nyid yongs su mya ngan las 'das pa'o/ /yongs su mya ngan las 'das pa nyid tshad med pa bzhi'o zhes gsungs te/ don de dag kyang bye brag mi phyed pa ni shes rab dang mi ldan pa zhes bya'o/ /gzhan yang rnam par 'byed mi nus pa ni sangs rgyas kyi rang bzhin nyid de bzhin gshegs pa'o/ /de bzhin gshegs pa nyid ma 'dres pa'i chos thams cad do/ /ma 'dres pa'i chos nyid rnam par grol ba'o/ /rnam par grol ba nyid yongs su mya ngan las 'das pa'o/ /yongs su mya ngan las 'das pa nyid ma 'dres pa'i chos so zhes gsungs te/ don de dag kyang bye brag mi phyed pa ni shes rab dang mi ldan pa zhes bya'o/ /gzhan yang rnam par mi phyed pa ni </font><hr>Kha356b<br><font size=+1>


bden pa bzhi ste/ sdug bsngal dang / kun 'byung dang / 'gog pa dang / lam mo/ de ltar bden pa bzhi'i bye brag mi phyed pa'i phyir 'phags pa'i spyod pa mi shes so/ /'phags pa'i spyod pa mi shes pas de bzhin gshegs pa mi shes so/ /de bzhin gshegs pa mi shes pas de bzhin gshegs pa'i rnam par grol ba mi shes so/ /rnam par grol ba mi shes pas mya ngan las 'das pa mi shes te/ de bas na shes rab dang mi ldan pa zhes bya'o/ /so so'i skye bo dag gong ma'i dngos po rnam pa lnga dang mi ldan pa ni rnam pa gnyis kyi phyir te/ dge ba'i chos bskyed pa dang / mi dge ba'i chos bskyed pa'o/ /de la ji ltar na mi dge ba'i chos bskyed pa zhe na/ gang zag de bdag mi ldan pa mi mthong bas bdag gi ni ldan pa can no zhes zhen pa'i sems bskyed nas/ bslab pa mtshungs pa'i nang na bdag ni mchog yin no snyam ste/ de'i phyir bdag dang 'dra ba mi dge ba'i grogs dang bsten to/ /de ltar bsten pas gzhan yang mi ldan pa'i chos thos par 'gyur ro/ /thos nas sems dga' zhing zhen par 'gyur te/ rgyags pa dang dregs pa bskyed nas bag med pa mang du byed do/ /bag med pa'i rkyen gyis khyim pa dang sten cing khyim pa'i las bya ba dag smra ba dang thos pa la mos te/ rab tu byung ba'i chos rnam par dag pa spong bar 'gyur/ de'i rgyu de'i rkyen gyis mi dge </font><hr>Kha357a<br><font size=+1>


@#/ /ba'i chos bskyed par 'gyur ro/ /mi dge ba'i chos bskyed pa'i phyir lus dang / ngag dang / yid kyi sgo nas rnam par ma dag pa'i las bskyed do/ /las gsum yongs su ma dag pas sems can dmyal ba dang / byol song gi skye gnas dang / yi dwags kyi khams bskyed par 'gyur te/ de ni skad cig byung nas phyir nub ces bya ba'o/ / de skad cig byung nas phyir nub ces bya ba de'i chos la gang dag yin zhe na/ 'di lta ste/ lha sbyin dang / dge slong ku ka li dang / dge slong An shwa dang / dge slong legs pa'i skar ma dang / dge slong te sha dang / dge slong skar ma rgyas dang / dge slong ma byams ma'i sa dang / dge slong ma dgon ma dang / dge slong ma phyogs ma dang / dge slong ma dregs ma dang / khyim bdag rab gtsang dang / dge bsnyen srid tshol dang / shaka rigs sha li dang / khyim bdag bal glang dang / dge bsnyen ma grags ma dang / dge bsnyen ma 'od snang dang / dge bsnyen ma dga' mo dang / dge bsnyen ma tshogs sde dang / dge bsnyen ma dril bu zhes bya ba de dag la sogs pa na skad cig byung nas phyir nub pa zhes bya ste/ ji ltar nya chen po snang ba'i 'od mthong ba'i phyir byung la/ lus lci ba'i phyir phyir nub pa dang 'dra'o/ /skyes bu de'i 'og mas ni bdag gi mthong ba dang spyod pa mi ldan par rtogs nas/ de ltar mi ldan par rtogs pa'i phyir dge ba'i bshes </font><hr>Kha357b<br><font size=+1>


gnyen tshol zhing bsten to/ /dge ba'i bshes gnyen la bsten pa'i phyir ma thos pa rnams 'dri bar mos so/ /thos nas 'dzin par mos so/ /bzung nas rab tu yid la byed par dga'o/ /rab tu yid la byas nas chos bzhin du gnas par 'gyur ro/ /chos bzhin du gnas nas dge ba'i chos 'phel bar byed do/ /dge ba'i chos 'phel ba'i phyir nam du'ang nub par mi 'gyur te| de ni gnas pa zhes bya'o/ /sangs rgyas kyi chos la gnas pa rnams gang dag yin zhe na/ 'di lta ste/ shA ri'i bu dang / maung+gal gyi bu chen po dang / kun shes kauN+Di n+ya la sogs pa lnga dang / dge slong ya sha la sogs pa lnga dang / ma 'gags pa dang / 'od srung gzhon nu dang / 'od srung chen po dang / 'od srung stobs bcu dang / dge slong ma skye dgu'i bdag mo dang / dge slong ma ba ta la'i me tog dang / dge slong ma dam pa dang / dge slong ma yang dag don dam dang / dge slong ma blo gros ma dang / dge slong ma ba ta la dang / dge slong ma gtsang ma dang / dge slong ma phyir mi ldog ma dang / rgyal po gzugs can snying po dang / khyim bdag drag po dang / khyim bdag mgon med zas sbyin dang / shAkya ming chen dang / skyabs med zas sbyin dbul po dang / khyim bdag sre mo'i bu dang / khyim bdag grags pa dang / khyim bdag phun sum tshogs pa dang / blon po seng ge dang / khyim bdag ut+pa li dang / khyim bdag ral </font><hr>Kha358a<br><font size=+1>


@#/ /gri dang / dge bsnyen ma 'jigs med dang / dge bsnyen ma dge gnas dang / dge bsnyen ma chos mos dang / dge bsnyen ma dpa' ba dang / dge bsnyen ma lha sbyin dang / dge bsnyen ma legs par skyes dang / dge bsnyen ma gzugs ldan dang / dge bsnyen ma khyu mchog thob dang / dge bsnyen ma dben ma dang / dge bsnyen ma mahA si na la sogs pa dge slong dang / dge slong ma dang / dge bsnyen dang / dge bsnyen ma de dag ni gnas pa zhes bya'o/ /ci'i phyir gnas pa zhes bya zhe na/ rtag tu dge ba'i 'od snang ba mthong bar mos pa ste/ de'i rgyu de'i rkyen gyis gal te sangs rgyas 'jig rten du byung yang rung / ma byung yang rung ste/ skyes bu de dag ni nam yang sdig pa mi byed pas de ni gnas pa zhes bya ste| ji ltar nyid byi zhes bya ba snang ba'i 'od mthong bar dga' bas mi 'bying mi nub pa ltar de dag kyang de dang 'dra ste/ de bas na ngas mdo sde las tshigs su bcad pa 'di dag gsungs so/ /gang gis don la rnam par 'byed mkhas shing / /rtse gcig dge sbyong 'bras bu rab tshol te/ /srid pa thams cad yongs su smod pa ni/ /de ni chos bzhin gnas pa zhes bya'o/ /gang gis bcom ldan tshad med la mchod na/ /skye ba grangs med par du lam sgom 'gyur/ /'jig rten bde ba myong la bag byed na/ /de ni chos bzhin gnas pa zhes </font><hr>Kha358b<br><font size=+1>


bya'o| |dge ba'i bshes la bsten cing dam chos nyan/ /yid la byed de chos bzhin gnas pa ni/ /'od zer mthong bar mos shing lam sgom ste/ /rnam par grol ba'i bde gnas thob par 'gyur/ /rigs kyi bu/ shes rab dang mi ldan pa la dngos po rnam pa lnga ste/ skyes bu des de ltar shes nas dge ba'i bshes gnyen tshol lo/ /dge ba'i bshes gnyen nges kyang| 'dod chags dang / zhe sdang dang / gti mug dang / rnam par rtog pa'i shas gang che ba brtags te/ gal te 'dod chags kyi shas che na mi gtsang ba'i rtog pa'i chos ston to/ /zhe sdang gi shas che na byams pa'i chos ston to/ /gti mug gi shas che na rten cing 'brel te 'byung ba ston to/ /rnam par rtog pa'i shas che na dbugs bgrang ba ston to/ /bdag tu lta ba la chags pa'i shas che na khams bco brgyad la sogs pa ston to/ /de nas des thos nas sems rtse gcig tu gzungs su 'dzin to/ /sems kyis bzung nas chos bzhin du nan tan byed par 'gyur ro/ /chos bzhin du nan tan byas pas rim gyis dran pa nye bar bzhag pa bzhi thob par gyur nas lus dang / /tshor ba dang / sems dang / chos la rjes su rtog par 'gyur ro| |de ltar rjes su rtogs nas rim gyis rten cing 'brel te 'byung ba bcu gnyis la rtog par 'gyur ro/ /de ltar rtogs nas drod kyi chos thob par 'gyur ro/ /byang chub sems </font><hr>Kha359a<br><font size=+1>


@#/ /dpa' 'od srung gis bcom ldan 'das la 'di skad ces gsol to/ /bcom ldan 'das/ sems can thams cad la drod kyi chos mchis so/ /de ci'i slad du zhe na/ ji ltar bcom ldan 'das kyis chos rnam pa gsum 'dus pa la 'di lta te/ 'tsho ba dang / drod dang / rnam par shes pa 'dus pa las sems can zhes bya'o zhes gsungs te/ de lta bas na sems can thams cad la thog ma nas drod ces bgyi ba mchis na/ ci'i slad du de bzhin gshegs pas drod kyi chos ni dge ba'i bshes gnyen gyi rkyen gyis skye'o zhes gsungs/ bcom ldan 'das kyis bka' stsal pa/ rigs kyi bu khyod kyis ji ltar drod kyi chos yod do zhes bya ba ni/ sems can thams cad dang log sred can gyi bar du kun la yod do/ /ji ltar ngas drod kyi chos gsungs pa ni thabs mkhas pa'i rkyen gyis gdod thob par 'gyur ro zhes gsungs te/ thog ma med pa la nga yod par 'gyur ro/ /de bas na sems can thams cad la thog ma nas yod pa ma yin gyi/ khyod kyis sems can thams cad la drod kyi chos yod do zhes smra ba'i mi rigs so/ /rigs kyi bu/ de ltar drod kyi chos de ni gzugs kyi khams kyi chos yin te/ 'dod pa'i khams na yod pa ma yin no/ /gal te sems can thams </font><hr>Kha359b<br><font size=+1>


cad la yod ces byar ni 'dod pa'i khams kyi sems can la'ang yod pa'i rigs te/ 'dod pa'i khams na med pa la bltas na thams cad la yod pa ma yin par rig par bya'o/ / rigs kyi bu/ gzugs kyi khams na yod mod kyi/ thams cad la yod pa ma yin no/ /de ci'i phyir zhe na/ nga'i nye gnas la ni yod kyi mu stegs can la ni med de/ de lta bas na sems can thams cad la yod pa ma yin no/ /rigs kyi bu/ mu stegs can thams cad ni spyod pa rnam pa drug 'ba' zhig la rtog go /nga'i nye gnas rnams ni spyod pa bcu drug dang ldan te/ spyod pa bcu drug po de ni sems can kun la yod pa ma yin no/ /byang chub sems dpa' 'od srung gis gsol pa/ bcom ldan 'das/ drod kyi chos zhes gsungs pa de ji ltar na drod ces bgyi/ rang bzhin gyis dro'am/ gzhan gyi dbang gis dro bar 'gyur/ bcom ldan 'das kyis bka' stsal pa/ rigs kyi bu/ de ltar drod kyi chos de ni rang bzhin gyis dro ba yin te/ gzhan gyi dbang gis dro ba ma yin no/ /byang chub sems dpa' 'od srung gis gsol pa/ bcom ldan 'das kyis sngar rta thul dang skar rgyal gnyis la drod kyi chos ma mchis so zhes gsungs so/ /de ci'i slad du zhe na/ dkon mchog gsum la dad pa'i sems ma mchis pa'i slad du drod ces bgyi ba ma mchis te/ de bas na dad pa'i sems </font><hr>Kha360a<br><font size=+1>


@#/ /nyid drod kyi chos lags par 'tshal to/ /bka' stsal pa/ rigs kyi bu/ dad pa ni drod kyi chos ma yin no/ /de ci'i phyir zhe na/ dad pa'i sems kyi rkyen gyis phyis drod thob pa'i phyir ro/ /rigs kyi bu/ drod kyi chos zhes bya ba ni shes rab yin no/ /de ci'i phyir zhe na/ bden pa bzhi rtogs pa'i phyir ro/ /de bas na spyod pa bcu drug ces bya ste/ spyod pa nyid shes rab bo/ /rigs kyi bu/ ji ltar khyod kyis ci'i rgyu ci'i rkyen gyis drod ces bya ba ni rigs kyi bu drod ces bya ba nyid ni 'phags pa'i lam gyi yan lag brgyad kyi me'i mtshan nyid yin pas drod ces bya'o/ /rigs kyi bu/ dper na me gtsugs pa na thog ma drod 'byung ste/ de nas me 'byung la/ phyis gdod dud pa 'byung ba ltar zag pa med pa'i lam yang de dang 'dra ste/ de la drod ces bya ba ni spyod pa bcu drug go /me zhes bya ba ni rgyun du zhugs pa'i 'bras bu'o/ /dud pa ni lam bsgoms pas kun nas nyon mongs pa bcad pa lta bu'o| |byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ de ltar drod kyi chos de ni srid pa'i chos kyang lags la/ 'dus byas kyi chos kyang lags so/ /chos de'i rnam par smin pa ni gzugs kyi khams kyi rkyen gyis lnga phung thob par 'gyur ba de'i phyir srid pa zhes bgyi ste/ de'i rgyu de'i rkyen gyis 'dus byas </font><hr>Kha360b<br><font size=+1>


zhes kyang bgyi'o/ /gal te 'dus byas lags na zag pa ma mchis pa'i lam gyi mtshan nyid du ji ltar 'gyur/ bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ khyod kyis ji ltar smras pa bzhin te/ rigs kyi bu/ de ltar drod kyi chos de ni 'dus byas dang srid pa'i chos yin mod kyi/ 'dus byas dang srid pa'i chos kyang 'jig par nus te| de bas na zag pa med pa'i lam gyi mtshan nyid du 'gyur ro/ /rigs kyi bu/ ji ltar mi rta la zhon pa byams kyang byams la gzhu bar yang byed pa ltar/ drod kyi sems kyang de dang 'dra ste/ srid pa'i phyir skye ba len la/ skye ba'i phyir 'du byed rtogs te/ de bas na srid pa'i chos dang 'dus byas yin mod kyi/ yang dag pa'i lam gyi mtshan nyid du'ang 'gyur ro/ /drod kyi chos thob pa'i gang zag ni bdun cu rtsa gsum mo/ /de la 'dod pa'i khams na rnam pa bcu ste/ gang zag nyon mongs pa thams cad dang ldan pa de cha gcig gcod pa nas cha dgu pa'i bar du gcod de/ 'dod pa'i khams ji lta ba bzhin du bsam gtan dang po nas cung zad med pa'i bar yang de dang 'dra'o/ /de ni rnam pa bdun cu rtsa gsum zhes bya ste/ gang zag de dag ni drod kyi chos thob pas dge ba'i rtsa ba gcod pa dang / mtshams med pa'i kha na ma tho ba byed pa dang / tshul khrims kyi rtsa ba bzhi nyams par mi 'gyur ro/ /de'ang rnam pa gnyis te/ dge </font><hr>Kha361a<br><font size=+1>


@#/ /ba'i bshes gnyen dang phrad pa dang / mi dge ba'i bshes gnyen dang phrad pa'o/ /de la mi dge ba'i bshes gnyen dang phrad pa ni skad cig byung nas phyir yang nub bo/ /dge ba'i bshes gnyen dang phrad pa ni phyogs bzhi kun tu lta'o/ /de la phyogs bzhir lta ba ni spyi bo'i chos zhes bya ste/ spyi bo'i chos kyi rang bzhin nyid lnga phung ma yin mod kyi/ de'ang bden pa bzhi la dmigs pas na de bas na phyogs bzhi kun tu lta ba zhes bya ste/ de ltar spyi bo'i chos thob nas rim gyis bzod pa thob bo/ /bzod pa de'ang de dang 'dra bar rang bzhin nyid lnga phung ma yin yang / bden pa bzhi la dmigs te/ des rim gyis 'jig rten mchog gi chos thob po/ /chos de'i rang bzhin yang lnga phung ma yin mo de kyi/ bden pa bzhi la dmigs te/ des rim gyis sdug bsngal la bzod pa'i chos thob bo/ /bzod pa'i rang bzhin ni shes rab ste/ bden pa gcig la dmigs so/ /de ltar bzod pa'i chos kyis bden pa gcig la dmigs nas mthong ste spong ba'i nyon mongs pa chod de/ rgyun du zhugs pa'i 'bras bu thob pa de ni phyogs bzhi kun tu lta ba zhes bya'o/ /de la phyogs bzhi zhes bya ba ni bden pa bzhi la bya'o/ /byang chub sems dpa' 'od srung gis gsol pa/ bcom ldan 'das/ ji ltar bcom ldan 'das kyis sngar gsungs pa las/ rgyun du zhugs pa nyon mongs </font><hr>Kha361b<br><font size=+1>


ba yongs su bcad pa ni/ dper na/ chu zheng gab par li bzhi bcur gang ba'i chu dang 'dra'o/ /lhag ma ni spu'i nyag ma gcig gi thigs pa dang 'dra'o zhes gsungs na/ ci'i slad du bdag tu lta ba dang / rgyu ma yin pa la ni rgyur lta ba dang / the tshom gyi kun nas nyon mongs pa dang 'di gsum bcad na rgyun du zhugs pa'o zhes gsungs/ bcom ldan 'das/ ci'i rgyu ci'i rkyen gyis rgyun du zhugs pas phyogs bzhi kun tu lta bar 'gyur/ yang ci'i rgyu ci'i rkyen gyis rgyun du zhugs pa zhes bgyi/ yang ci'i rgyu ci'i rkyen gyis rgyun du zhugs pa ni/ dper na/ nya tshag gu zhes bgyi ba dang 'dra'o zhes gsungs/ bcom ldan 'das kyis bka' stsal pa/ rigs kyi bu/ rgyun du zhugs pas nyon mongs pa tshad med pa snyed bcad mod kyi/ rnam pa 'di gsum lci bas rgyun du zhugs pa thams cad kyi nyon mongs pa bcad pa thams cad rnam pa 'di gsum gyi nang du 'dus so/ /rigs kyi bu/ dper na/ rgyal po chen po 'chag cing 'gro ba na dmag gi tshogs rnam pa bzhi dang bcas mod kyi/ 'jig rten pas rgyal po 'ongs so/ /song ngo / /zhes zer ro/ /de ci'i phyir zhe na/ 'jig rten na btsun par bya ba'i phyir te/ nyon mongs pa rnam pa gsum po de'ang de dang 'dra'o/ /ci'i phyir lci ba zhes bya zhe na/ sems can thams cad kyis rtag tu bskyed pa'i phyir/ phra zhing shes par dka' ba'i phyir </font><hr>Kha362a<br><font size=+1>


@#/ /lci ba zhes bya'o/ /nyon mongs pa de gsum shin tu gcod dka' ba ni nyon mongs pa thams cad kyi rgyur 'gyur ba dang / tshul khrims dang / ting nge 'dzin dang / shes rab kyi gnyen po'i rgyur 'gyur ba'i phyir ro/ /rigs kyi bu/ sems can kha cig ni rgyun du zhugs pas nyon mongs pa tshad med pa snyed yongs su bcad do zhes thos nas phyir ldog pa'i sems skye ste/ 'di skad du sems can gyis ji ltar nyon mongs pa tshad med pa snyed gcod nus zhes zer te/ de bas na de bzhin gshegs pas thabs kyis rnam pa gsum du gsungs so/ /ji ltar khyod kyis ci'i rgyu ci'i rkyen gyis rgyun du zhugs pas phyogs bzhir lta ba yin zhes bya ba ni/ rigs kyi bu/ rgyun du zhugs pas bden pa bzhi brtags nas dngos po rnam pa bzhi thob bo/ /gang zhe na/ rab tu brtan pa'i lam la gnas pa dang / kun tu rtog pa dang / yang dag pa ji lta ba bzhin mthong ba dang / dgra chen po gzhom nus pa'o| |de la brtan pa'i lam ni rgyun du zhugs pa'o/ /dbang po lnga la sus kyang bskyong mi nus pa'i phyir brtan pa'i lam la gnas pa zhes bya'o/ /kun tu rtog pa zhes bya ba ni nang dang phyi rol gyi nyon mongs pa thams cad la smod pa'o/ /yang dag pa ji lta ba bzhin du mthong ba ni bzod pa'i ye shes so/ /dgra chen po gzhom pa ni 'di lta ste/ phyin ci log </font><hr>Kha362b<br><font size=+1>


bzhi'o/ /ji ltar khyod kyis ci'i rgyu ci'i rkyen gyis rgyun du zhugs pa zhes bya ba ni/ rigs kyi bu/ rgyun du zhes bya ba ni zag pa med pa'o/ /zhugs pa zhes bya ba ni sgom pa ste/ zag pa med pa sgom pa'i phyir rgyun du zhugs pa zhes bya'o/ /rigs kyi bu/ yang rgyun du zhugs pa zhes bya ba ni 'bab ba'o/ /'bab pa la rnam pa gnyis te/ thur du 'bab pa dang / gyen du 'bab pa ste/ de ltar gyen du 'bab pa'i phyir rgyun du zhugs pa zhes bya'o/ /byang chub sems dpa' 'od srung gis gsol pa/ bcom ldan 'das/ gal te don de lta na/ ci'i slad du lan gcig phyir ldog pa dang / phyir mi ldog pa dang / dgra bcom pa dag la'ang rgyun du zhugs pa zhes mi bgyi/ bka' stsal pa/ rigs kyi bu/ rgyun du zhugs pa nas sangs rgyas kyi bar du zhugs pa zhes kyang bya'o| |gal te lan gcig phyir ldog pa nas sangs rgyas kyi bar du zhugs pa med na/ ji ltar lan gcig phyir ldog pa nas sangs rgyas kyi bar du gdags par 'gyur/ sems can thams cad la ming rnam pa gnyis te/ rnying pa dang / bla dwags su btags pa'o/ /bus pa ma rabs kyi tshe na 'jig rten gyi ming yod do/ /lam thob nas bla dwags su ming 'dogs pas rgyun du zhugs pa zhes bya ste/ sngar thob pa'i phyir rgyun du zhugs pa zhes bya/ phyis thob pa'i phyir lan gcig phyir ldog pa zhes bya ste/ de nyid rgyun du zhugs pa zhes kyang bya la/ lan </font><hr>Kha363a<br><font size=+1>


@#/ /gcig phyir ldog pa zhes kyang bya ba nas sangs rgyas zhes bya ba'i bar du btags so/ /rigs kyi bu/ rgyun du zhugs pa la rnam pa gnyis te/ rnam par grol ba dang / mya ngan las 'das pa'o/ /'phags pa thams cad la rnam pa de gnyis yod pa'i phyir rgyun du zhugs pa dang / lan gcig phyir ldog pa zhes bya ba nas sangs rgyas kyi bar du de dang 'dra'o/ /rigs kyi bu/ byang chub sems dpa' la'ang rgyun du zhugs pa zhes bya'o/ /de ci'i phyir zhe na/ byang chub sems dpa' ni zad pa'i ye shes dang / mi skye ba'i ye shes yin te/ rgyun du zhugs pa'ang ye shes rnam pa de gnyis tshol bas na rgyun du zhugs pa la'ang byang chub sems dpa' zhes gdags su rung ngo / /rgyun du zhugs pa la sangs rgyas zhes byar yang rung ste/ de ci'i phyir zhe na/ yang dag par lam mthong zhing nyon mongs pa yongs su gcod pa dang / yang dag par rdzogs pa'i rgyu dang 'bras bur 'gyur ba dang / yang dag par rdzogs pa'i lam 'dres pa dang ma 'dres pa dang mthun pa'i phyir te/ lan gcig phyir ldog pa nas dgra bcom pa'i bar du'ang de dang 'dra'o/ /rigs kyi bu/ rgyun du zhugs pa la don rnam pa gnyis te/ dbang po rno ba dang / dbang po rtul ba'o/ /de la dbang po rtul bas ni lha dang mir yan man lan bdun du 'gro'o/ /dbang po rtul pa la'ang rnam pa lnga ste/ </font><hr>Kha363b<br><font size=+1>


la las ni yan man lan drug dang / lnga dang / bzhi dang / gsum dang / gnyis so/ /dbang po rnon pos ni da ltar gyi dus su rgyun du zhugs pa'i 'bras bu nas dgra bcom pa'i bar du thob par 'gyur ro/ /rigs kyi bu khyod kyis ci'i phyir rgyun du zhugs pa'i dpe nya tshag gu zhes bya ba la len ces bya ba ni/ rigs kyi bu/ nya de la dngos po rnam pa bzhi yod pa'i phyir ro/ /gang zhe na/ rus ba phra ba'i phyir yang ba dang / 'dab ma yod pa'i phyir yang ba dang / snang ba'i 'od mthong bar dga' ba dang / dam por 'dzin pa'o/ /rgyun du zhugs pa la'ang dngos po rnam pa bzhi ste/ de la rus pa phra ba zhes bya ba ni nyon mongs pa'i shas phra ba'i dpe'o/ /'dab ma yod pa zhes bya ba ni lhag mthong dang / zhi gnas lta bu'i dpe'o/ /snang ba'i 'od la mthong bar dga' ba ni lam mthong ba lta bu'i dpe'o/ /dam por 'dzin pa zhes bya ba ni de bzhin gshegs pas mi rtag pa dang / sdug bsngal ba dang / bdag med pa dang / yongs su ma dag pa bshad pa thos nas brtan par 'dzin cing mi spong ba lta bu ste/ dper na/ bdud kyi rgyal pos sangs rgyas kyi gzugs lta bur sprul pa las/ khyim bdag drag shul zhes bya bas mthong nas dngangs te/ bdud kyis khyim bdag gi sems g.yos pa mthong nas khyim bdag la 'di skad ces smras so/ /ngas sngon bden pa bzhi bshad pa ni de'ang yang dag pa ma yin te/ da khyod la gdod bden pa lnga dang / phung po drug </font><hr>Kha364a<br><font size=+1>


@#/ /dang / skye mched bcu gsum dang / khams bcu dgu bstan par bya'o zhes smras kyang / khyim bdag gis de thos nas chos kyi mtshan nyid kun la bltas na/ de lta bu'i don med par gyur te/ de'i phyir sems mi g.yo bar rab tu 'dzin pa dang 'dra'o// //'phags pa yongs su mya ngan las 'das pa chen po'i mdo/ bam po bzhi bcu brgyad pa/ byang chub sems dpa' 'od srung gis bcom ldan 'das la 'di skad ces gsol to/ /bcom ldan 'das/ rgyun du zhugs pa de sngar lam thob pa'i phyir rgyun du zhugs pa zhes bgyi'am/ 'bras bu thog ma thob pa la rgyun du zhugs pa zhes bgyi/ ji ste sngar lam thob pas rgyun du zhugs pa zhes 'gyi na/ sdug bsngal la bzod pa'i chos thob pa na ci'i slad du rgyun du zhugs pa zhes mi bgyi bar phyogs pa zhes bgyi/ gal te 'bras bu thog ma thob pa la rgyun du zhugs pa zhes bgyi na/ mu stegs can gyis sngar nyon mongs pa bcad de cung zad med pa'i skye mched du phyin nas zag pa med pa'i lam bsgoms te phyir mi ldog pa'i 'bras bu thob pa na ci'i slad du rgyun du zhugs pa zhes mi bgyi/ bka' stsal pa/ rigs kyi bu/ 'bras bu thog ma thob pa la rgyun du zhugs pa zhes bya ste/ ji ltar khyod kyis mu stegs can sngar nyon mongs pa bcad de/ cung zad med pa'i skye mched du phyin nas zag pa med pa'i lam </font><hr>Kha364b<br><font size=+1>


bsgoms te phyir mi ldog pa'i 'bras bu thob pa la/ ci'i phyir rgyun du zhugs pa zhes mi bya zhes dris pa ni/ rigs kyi bu/ de ltar 'bras bu thog ma thob pa la rgyun du zhugs pa zhes bya ste/ des de'i tshe ye shes brgyad dang / spyod pa bcu drug dang ldan no/ /'od srung gis gsol pa/ bcom ldan 'das/ phyir mi ldog pa thob pa'ang de dang 'dra bar ye shes brgyad dang / spyod pa bcu drug dang ldan na ci'i slad du rgyun du zhugs pa zhes mi bgyi/ rigs kyi bu/ zag pa dang bcas pa'i spyod pa rnam pa bcu drug la rnam pa gnyis te/ 'dres pa dang / ma 'dres pa'o/ /zag pa med pa'i spyod pa rnam pa bcu drug la'ang rnam pa gnyis te/ 'bras bu la phyogs pa dang / 'bras bu thob pa'o/ /ye shes brgyad la'ang rnam pa gnyis te/ 'bras bu la phyogs pa dang / 'bras bu thob pa'o/ /rgyun du zhugs pa ni 'dres pa'i spyod pa bcu drug spangs te/ ma 'dres pa'i spyod pa bcu drug thob bo/ /'bras bu la phyogs pa'i ye shes brgyad spangs te/ ye shes kyi 'bras bu brgyad thob po/ /phyir mi ldog pa ni de lta ma yin te/ de bas na 'bras bu thog ma thob pa la rgyun du zhugs pa zhes bya'o/ /rigs kyi bu/ rgyun du zhugs pa ni bden pa bzhi la dmigs so| |lan gcig phyir ldog pa ni bden pa gcig pa 'ba' zhig la dmigs te/ de bas na 'bras bu thog ma thob pa la rgyun du zhugs pa zhes bya'o/ /de'i rgyu de'i rkyen gyis nya tshag gu lta </font><hr>Kha365a<br><font size=+1>


@#/ /bur gsungs so/ /kun tu bltas nas 'gro ba zhes bya ba ni lan gcig phyir ldog pa'o/ /rtse gcig tu lam la nan tan byed pa ni 'dod chags dang / zhe sdang dang / gti mug dang / nga rgyal gcod pa'i phyir te/ ji ltar nya tshag gu phyogs kun tu bltas nas zas kyi phyir 'gro ba dang 'dra'o/ /'gro ba las sdod pa ni phyir mi ldog pas zas rnyed nas sdod pa lta bu'o/ /phyir mi ldog pa de la'ang mdor na rnam pa gnyis te/ da ltar gyi dus su phyir mi ldog pa'i 'bras bu thob nas de bas kyang brtson 'grus su nan tan byas pas dgra bcom pa'i 'bras bu thob pa dang / gzugs kyi khams dang / gzugs med pa'i khams kyi zhi ba'i ting nge 'dzin la chags nas 'dod pa'i khams su phung po mi len pa'i phyir phyir mi ldog pa zhes bya'o/ /yang phyir mi ldog pa la rnam pa lnga ste/ bar du yongs su mya ngan las 'da' ba dang / lus blangs nas yongs su mya ngan las 'da' ba dang / spyod pas mya ngan las 'da' ba dang / spyod pa med pas mya ngan las 'da' ba dang / rgyun rabs kyis mya ngan las 'da' ba'o/ /yang rnam pa drug ste/ de ltar mya ngan las 'da' ba dang / lnga ni gong ma dang 'dra'o yang rnam pa bdun te/ gzugs med pa'i khams su mya ngan las 'da' ba dang / drug ni gong ma dang 'dra'o/ /spyod pas yongs su mya ngan las 'da' ba la rnam pa gnyis te/ skye ba gnyis </font><hr>Kha365b<br><font size=+1>


len pa dang / skye ba bzhi len pa'o/ /de la gang skye ba gnyis len pa ni dbang po rno ba'o/ /gang skye ba bzhi len pa ni dbang po rtul ba'o/ /yang rnam pa gnyis te/ brtson 'grus che zhing dbang gi ting nge 'dzin med pa dang / le lo can dag dbang gi ting nge 'dzin yod pa'o/ /yang rnam pa gnyis te/ brtson 'grus kyi ting nge 'dzin dang ldan pa dang / de gnyis ka dang mi ldan pa'o// rigs kyi bu/ 'dod pa'i khams dang gzugs kyi khams kyi sems can rnams la las rnam pa gnyis yod de/ byed pa'i las dang / skye ba len pa'i las so/ /bar du mya ngan las 'da' ba la ni byed pa'i las 'ba' zhig yod de/ skye ba len pa'i las med do/ /de bas na bar du yongs su mya ngan las 'da' ba zhes bya ste/ 'dod pa'i khams kyi phung po ni bor/ dbang po rno ba'i phyir gzugs kyi khams su ma phyin par mya ngan las 'da' bar 'gyur te/ de ni bar du mya ngan las 'da' ba'o/ /phyir mi ldog pa la bsam pa rnam pa bzhi yod de/ slob pa ma yin slob pa med pa ma yin pa dang / slob pa dang / slob pa med pa dang / slob pa med slob pa'ang ma yin par mya ngan las 'da' ba'o/ /yang ji ltar na bar du mya ngan las 'da' ba zhe na/ rigs kyi bu/ phyir mi ldog pa'i sems rnam pa bzhi las gnyis ni mya ngan las 'das pa'o/ /gnyis ni mya ngan las 'das pa ma yin te/ de bas na bar du yongs su mya ngan las 'da' ba </font><hr>Kha366a<br><font size=+1>


@#/ /zhes bya'o/ /phung po blangs nas mya ngan las 'das pa la'ang rnam pa gnyis te/ byed pa'i las dang / skye ba'i las so/ /des 'dod pa'i khams kyi phung kho por nas gzugs kyi khams kyi phung po len te/ lam la brtson 'grus su nan tan byed pas tshe'i dus byas nas mya ngan las 'das pa'o/ /byang chub sems dpa' 'od srung gis gsol pa/ bcom ldan 'das/ gal te tshe'i dus bgyis pa la mya ngan las 'das pa zhes bgyi na/ ci'i slad du phung po blangs nas mya ngan las 'da'o zhes gsungs/ bcom ldan 'das kyis bka' stsal pa/ rigs kyi bu/ des phung po blangs nas gdod khams gsum gyi nyon mongs pa gcod do/ /de bas na phung po blangs nas mya ngan las 'da' ba zhes bya'o/ / rigs kyi bu/ spyod pas yongs su mya ngan las 'das pa ni rtag tu lam la nan tan byed de/ 'dus byas kyi ting nge 'dzin gyi shugs kyis nyon mongs pa yongs su bcad nas mya ngan las 'das pa'i spyod pas mya ngan las 'das pa zhes bya'o/ /spyod pa tshad med pas yongs su mya ngan las 'das pa ni des nges par mya ngan las 'da' bar 'gyur bar shes nas de'i phyir le lo byed de/ des kyang 'dus byas kyi ting nge 'dzin gyi shugs kyis tshe'i dus byas nas mya ngan las 'da' bar 'gyur te/ de bas na spyod pa med pas yongs su mya ngan las 'das pa zhes </font><hr>Kha366b<br><font size=+1>


bya'o| |rgyun rabs kyis yongs su mya ngan las 'das pa zhes bya ba ni gang zhig bsam gtan bzhi pa thob nas bsam gtan dang po la dga' ba'i sems skyes te/ de'i rgyus phyir bsam gtan dang por skye'o/ /rgyun la rnam pa gnyis te/ nyon mongs pa'i rgyun dang / lam gyi rgyun no/ /des lam gyi rgyun gyis tshe'i dus byas nas bsam gtan gnyis pa la dga' ba'i sems skyes te/ dga' ba'i rkyen gyis bsam gtan gnyis par skye'o/ /de bzhin du bsam gtan bzhi pa'i bar du'ang de dang 'dra'o/ /bsam gtan bzhi pa de la'ang rnam pa gnyis te/ gzugs med pa'i khams su 'gro ba dang / gnas gtsang ma'i ris lngar 'gro ba'o/ /de ltar de gnyis kyang gcig ni ting nge 'dzin la dga'/ gcig ni shes rab la dga'o/ /de la shes rab la dga' ba ni gnas gtsang ma ris lngar 'gro'o/ /ting nge 'dzin la dga' ba ni gzugs med pa'i khams su 'gro'o/ /de ltar de gnyis kyang gcig ni bsam gtan bzhi pa la khyad par rnam pa lngar sgom mo/ /gcig ni mi sgom mo/ /lnga gang zhe na/ tha ma dang / 'bring dang / rab dang / rab kyi 'bring dang / rab kyi'ang rab bo/ /de la rab kyi'ang rab sgom pa ni 'og min gyi gnam du gnas so/ /rab kyi 'bring sgom pa ni gya nom snang ba gnam du gnas so/ /rab bsgom pa ni shin tu mthong ba </font><hr>Kha367a<br><font size=+1>


@#/ /gnam du gnas so/ /'bring sgom pa ni mi gdung gnam du gnas so/ /tha ma sgom pa ni mi che gnam du gnas so/ /de ltar de gnyis kyang gcig ni smra ba la dga'/ gcig ni zhi ba la dga'o/ /de la zhi ba la dga' ba ni gzugs med pa'i khams su 'gro'o/ /smra ba la dga' ba ni gnas gtsang ma'i ris lngar gnas so/ /yang rnam pa gnyis te/ 'dris pa'i bsam gtan sgom pa dang / 'dris pa mi sgom pa'o/ /de la 'dris pa'i bsam gtan sgom pa ni gnas gtsang ma'i ris lngar 'gro'o/ /'dris pa mi sgom pa ni gzugs med pa'i khams su skye ste/ tshe'i dus byas nas yongs su mya ngan las 'das te/ de ni rgyun rab kyis mya ngan las 'das pa zhes bya'o/ /gang gzugs med pa'i khams su 'gro 'dod pa ni bsam gtan bzhi dang / khyad par lnga sgom mi nus so/ /gang bsam gtan bzhi dang / khyad par lnga sgom pa ni gzugs med pa'i bsam gtan la mi spyod do/ /byang chub sems dpa' 'od srung gis gsol pa/ bcom ldan 'das/ bar du mya ngan las 'das pa de dbang po rnon po lags sam/ gal te dbang po rnon po lags na ci'i slad du da ltar gyi dus su mya ngan las mi 'da'/ ci'i slad du 'dod pa'i khams na bar gyi mya ngan las 'das pa mchis la/ gzugs kyi khams </font><hr>Kha367b<br><font size=+1>


na ma mchis/ bcom ldan 'das kyis bka' stsal pa/ rigs kyi bu/ de ni da ltar gyi dus na chen po ba zhi zhen pas lam sgom mi nus te/ dge slong dag /chen po bzhi de yang gnas khang dang / bsod snyoms dang / gos dang / mal cha dang / nad kyi rkyen sman la sogs pa yo byad rnams dang mi ldan na/ de ltar gyi dus su mya ngan las 'da' bar mi 'gyur ro/ /rigs kyi bu/ ngas sngon dus gcig na yul mnyan du yod par gzhal med khang an gyi der bzhugs pa las/ dge slong gcig nga gang na ba der 'ongs nas 'di skad ces gsol to/ /bcom ldan 'das/ bdag gis rtag tu lam bsgoms kyang rgyun du zhugs pa nas dgra bcom pa'i 'bras bu'i bar du thob par ma gyur to/ /ngas de'i tshe dga' bo la khyod kyis dge slong 'di'i dgos pa thams cad sbyor cig ces bka' stsal to/ /de nas dga' bos dge slong de khrid de/ skyabs med zas sbyin gyi kun dga' ra bar song nas gnas khang bzang po byin no/ /de nas dge slong des dga' bo la smras pa/ btsun pa/ bdag gi phyir gnas khang yongs su dag par byas te/ rin po che sna bdun gyis brgyan cing dar gyi cod pan dang / ba dan dang / gdugs la sogs pas brgyan du gsol/ dga' bos smras pa/ 'jig rten na dbul ba ni dge sbyong zhes bya ste/ bdag </font><hr>Kha368a<br><font size=+1>


@#/ /gis de dag ga la 'byor/ dge slong des smras pa/ btsun pa/ gal te bdag gi phyir de dag sbyar na legs so/ /gal te mi sbyor na bdag slar bcom ldan 'das gang na bar mchi'o/ /de nas dga' bo bcom ldan 'das gang na ba der song nas 'di skad ces gsol to/ /bcom ldan 'das/ dge slong de bdag la rin po che sna bdun gyi rgyan dang / cod pan dang / ba dan dang / gdugs la sogs pa rnam pa sna tshogs 'tshal lo zhes mchi na/ bdag gis ji lta bur bgyi zhes gsol to/ / ngas de'i tshe yang dga' bo khyod song la dge slong de'i yid bzhin du dgos pa'i yo byad thams cad sbyor cig ces bka' stsal to/ /de nas dga' bos phyir song nas dge slong de'i phyir yo byad thams cad chog par sbyar to/ /dge slong des thob nas rtse gcig tu bsgoms nas rin po ma thogs par rgyun du zhugs pa'i 'bras bu nas dgra bcom pa'i 'bras bu'i bar du thob par gyur to/ /rigs kyi bu/ sems can tshad med pa snyed yongs su mya ngan las 'das pa thob pa'i rigs pa las phongs brel bas sems 'khrugs pa'i phyir thob par ma gyur to/ /rigs kyi bu/ gzhan yang sems can dag phan pa'i don mang po byed pa la dga' bas brel te/ ting nge 'dzin thob par ma gyur bas da ltar </font><hr>Kha368b<br><font size=+1>


mya ngan las 'das par ma gyur to/ /rigs kyi bu/ ji ltar khyod kyi 'di skad du ci'i rgyu ci'i rkyen gyis 'dod pa'i khams kyi phung po spangs nas bar du mya ngan las 'das pa yod la/ gzugs kyi khams na med ces bya ba ni/ rigs kyi bu/ gang zag des 'dod pa'i khams kyi nyon mongs pa rtog pa'i rgyu dang rkyen rnam pa gnyis te/ nang dang / phyi rol lo/ /de la gzugs kyi khams na phyi rol gyi rgyu dang rkyen med do/ /'dod pa'i khams na sred pa'i sems rnam pa gnyis te/ 'dod pa la sred pa dang / gzugs la sred pa'o/ /sred pa de gnyis rtogs nas/ sems rtse gcig tu smod par 'gyur te/ de ltar smad nas yongs su mya ngan las 'da' bar 'gyur ro/ /'dod pa'i khams na nyon mongs pa sbom po rnams smod par byed pa ni 'di lta ste/ 'dod chags dang / zhe sdang dang / khrel ba med pa dang / 'dzem pa med pa ste/ de'i rgyu de'i rkyen gyis mya ngan las 'da' ba thob par 'gyur ro/ /yang 'dod pa'i khams kyi lam gyi rang bzhin ni dpa' ba ste/ de ci'i phyir zhe na/ 'bras bu bzhi thob pa'i phyir ro/ /de bas na 'dod pa'i khams na bar du mya ngan las 'da' ba yod la/ gzugs kyi khams na med do/ /rigs kyi bu/ bar du mya ngan las 'das pa la mdo rnam pa gsum ste/ rab dang / 'bring dang / tha ma'o/ /de la rab ni phung po spangs nas 'dod </font><hr>Kha369a<br><font size=+1>


@#/ /pa'i khams dang ma bral bar yongs su mya ngan las 'da' ba'o/ /'bring ni 'dod pa'i khams dang bral ma thag la/ gzugs kyi khams su ma phyin par yongs su mya ngan las 'da' ba'o/ /tha ma 'dod pa'i khams dang bral nas/ gzugs kyi khams la bsnyen nas gdod mya ngan las 'da' ba ste/ dper na/ nya tshag gu zas thob nas sdod pa ltar gang zag de'ang de dang 'dra'o/ /ji ltar na sdod pa zhe na/ gzugs kyi khams dang / gzugs med pa'i khams su phung po blangs nas gnas pa'i phyir sdod pa zhes bya/ 'dod pa'i khams kyi lha dang / mi dang / sems can dmyal ba dang / byol song gi skye gnas dang / yi dwags kyi lus mi len pa'i phyir sdod pa zhes bya/ kun nas nyon mongs pa tshad med pa snyed yongs su bcad nas lhag ma cung zad lus pa'i phyir sdod pa zhes bya'o/ /gzhan yang ci'i rgyu ci'i rkyen gyis sdod pa zhes bya zhe na/ bus pa ma rabs dang mthun pa'i las mi byed pa'i phyir sdod pa zhes bya/ bdag 'jigs pa med pas gzhan 'jigs par mi byed pa'i phyir sdod pa zhes bya/ 'dod chags dang zhe sdang gnyis kyi sred pa spong pa'i phyir sdod pa zhes bya'o/ /rigs kyi bu/ pha rol gyi 'gram du phyin pa ni dgra bcom pa dang / rang sangs rgyas dang / byang chub sems dpa' dang / sangs rgyas kyi </font><hr>Kha369b<br><font size=+1>


dpe ste/ ji ltar rus sbal chu dang skam sa gnyis kar 'gro nus pa lta bu'o/ /de'ang ci'i rgyu ci'i rkyen gyis rus sbal las dpe len zhe na/ des yan lag lnga shin tu sbed nus pa'i phyir te| dgra bcom pa nas sangs rgyas rnams kyi bar du'ang de dang 'dra bar dbang po lnga rab tu sbed nus pa'i phyir rus sbal las dpe blangs pa yin no/ /chu dang skam sa zhes bya ba chu ni 'jig rten gyi dpe'o/ /skam sa ni 'jig rten las 'das pa lta bu ste/ 'phags pa de dag kyang de dang 'dra bar sdig pa mi dge ba'i nyon mongs pa thams cad shin tu rtogs nas pha rol tu phyin pa'i phyir chu dang skam sa gnyis ka la 'gro nus pa las dper blangs so/ /rigs kyi bu/ ji ltar klung gang+gA'i nang na sems can rnam pa bdun yod de/ nya dang rus sbal zhes ming so sor btags pa yod mod kyi/ chu las gzhan pa ma yin te/ de bzhin du yongs su mya ngan las 'das pa dam pa chen po'i nang na'ang log sred can nas/ sangs rgyas rnams kyi bar du ming so sor btags pa yod mod kyi/ sangs rgyas kyi rang bzhin ni chu las gzhan pa ma yin no/ /rigs kyi bu/ sems can rnam pa bdun po de dag gi dge ba'am/ mi dge ba'am/ thabs kyi lam mam/ rnam par grol ba'i lam mam/ rim gyis 'jug pa'i lam mam/ rgyu'am/ 'bras bu'am/ thams cad kyang sangs rgyas </font><hr>Kha370a<br><font size=+1>


@#/ /kyi rang bzhin yin te/ de ni de bzhin gshegs pas bdag gi yid dang sbyar te gsungs pa'i tshig go /byang chub sems dpa' 'od srung gis gsol pa| bcom ldan 'das/ ji tsam du rgyu mchis na 'bras bu'ang mchis par 'gyur te/ gal te rgyu ma mchis na 'bras bu'ang ma mchis so/ /mya ngan las 'das pa ni 'bras bu zhes bgyi ste/ rtag pa'i slad du rgyu ma mchis so/ /gal te rgyu ma mchis na ji ltar 'bras bu zhes bgyi/ mya ngan las 'das pa de nyid dge sbyong zhes bgyi/ dge sbyong gi 'bras bu zhes kyang bgyi na/ dge sbyong zhes bgyi ba ni ji lta bu/ dge sbyong gi 'bras bu 
 gnag lags/ /bka' stsal pa/ rigs kyi bu/ 'jig rten thams cad na 'bras bu rnam pa bdun yod do| |gang zhe na/ thabs kyi 'bras bu dang / drin la lan glan pa'i 'bras bu dang / bsnyen bkur byed pa'i 'bras bu dang / lhag ma'i 'bras bu dang / mnyam pa'i 'bras bu dang / 'bras bu rnam par smin pa'i 'bras bu dang / spong pa'i 'bras bu'o/ /de la thabs kyi 'bras bu ni ji ltar 'jig rten pas ston khre 'bras mang du 'dus pas gcig la gcig thabs kyi 'bras bu rnyed par gyur to zhes smra ste/ thabs kyi 'bras bu zhes bya ba nyid las byas pa'i 'bras bu zhes bya'o/ /'bras bu de la rgyu rnam pa gnyis te/ nye ba'i rgyu dang / ring ba'i </font><hr>Kha370b<br><font size=+1>


rgyu'o/ /de la nye ba'i rgyu ni 'di lta ste/ sa bon no/ /ring ba'i rgyu ni chu dang / rmed pa dang / mis las su byas pa ste/ de ni thabs kyi 'bras bu zhes bya'o/ /de la drin la lan glan pa'i 'bras bu ni ji ltar 'jig rten pa dag pha ma la mchod pa byas pas/ pha mas 'di skad du bdag gis gso ba'i drin thob par gyur to zhes smra ste/ bus drin la lan glan pa'i phyir 'bras bu zhes bya'o| |'bras bu de la'ang rgyu rnam pa gnyis te/ nye ba'i rgyu dang / ring ba'i rgyu'o/ /de la nye ba'i rgyu ni pha ma'i sngon gyi dge ba'i las 'ba' zhig byas pa'o/ /ring ba'i rgyu ni bu srid zhu can skye ste| de ni drin la lan glan pa'i 'bras bu zhes bya'o/ /bsnyen bkur byas pa'i 'bras bu zhes bya ba ni/ dper na/ la la zhig dge ba'i bshes gnyen la bsnyen bkur byas na/ rgyun du zhugs pa'i 'bras bu nas dgra bcom pa'i 'bras bu'i bar du thob par 'gyur bas/ de 'di skad du bdag gis bsnyen bkur byas pa'i 'bras bu thob par gyur to zhes smra ba ste/ 'bras bu de la'ang rgyu rnam pa gnyis te/ nye ba'i rgyu dang / ring ba'i rgyu'o/ /de la nye ba'i rgyu ni dad pa'i sems so/ /ring ba'i rgyu ni dge ba'i bshes gnyen te/ de ni bsnyen bkur bya ba'i 'bras bu zhes bya'o/ /de la lhag ma'i 'bras bu zhes bya ba ni ji ltar srog mi gcod pa'i rgyus skye ba gsum pa la tshe ring bar 'gyur ba bzhin te/ de ni lhag ma'i 'bras bu'o/ / </font><hr>Kha371a<br><font size=+1>


@#/ /'bras bu de la'ang rgyu rnam pa gnyis te/ nye ba'i rgyu dang / ring ba'i rgyu'o/ /de la nye ba'i rgyu ni lus dang / ngag dang / yid dag pa'o/ /ring ba'i rgyu ni tshe'i tshad ring ba ste/ de ni lhag ma'i 'bras bu zhes bya'o/ /de la mnyam pa'i 'bras bu zhes bya ba ni snod kyi 'jig rten la bya ste/ 'bras bu de la'ang rgyu rnam pa gnyis te/ nye ba'i rgyu dang / ring ba'i rgyu'o/ /de la nye ba'i rgyu ni 'di ltar sems can rnams dge ba bcu'i las spyod pa'o/ /ring ba'i rgyu ni bskal pa gsum ste/ de ni mnyam pa'i 'bras bu zhes bya'o/ / de la 'bras bu rnam par smin pa'i 'bras bu zhes bya ba ni gang zag gis rnam par dag pa'i lus thob na/ lus dang / ngag dang / yid rnam par dag pa'i las byed de/ de la 'di skad du bdag rnam par smin pa'i 'bras bu thob par gyur to zhes smra ba dang mtshungs te/ 'bras bu de la'ang rgyu rnam pa gnyis te/ nye ba'i rgyu dang / ring ba'i rgyu'o/ / de la nye ba'i rgyu ni da ltar gyi lus dang / ngag dang / yid yongs su dag pa'o/ /ring ba'i rgyu ni sngon 'das pa'i lus dang / ngag dang / yid rnam par dag pa ste/ de ni 'bras bu rnam par smin pa'i 'bras bu zhes bya'o/ /spong ba'i 'bras bu zhes bya ba ni yongs su mya ngan las 'das pas nyon mongs pa rnams spangs pa ste/ dge ba'i las thams cad </font><hr>Kha371b<br><font size=+1>


ni mya ngan las 'das pa'i rgyu'o/ /de la'ang rnam pa gnyis te/ nye ba'i rgyu dang / ring ba'i rgyu'o/ /de la nye ba'i rgyu ni rnam par grol ba'i sgo gsum mo/ /ring ba'i rgyu ni skye ba grangs med pa'i bar du dge ba'i chos bsgoms pa'o/ /rigs kyi bu/ ji ltar 'jig rten gyi chos la skye ba'i rgyu'ang yod la/ gsal ba'i rgyu'ang yod par 'chad pa ltar/ 'jig rten las 'das pa'i chos kyang de dang 'dra bar skye ba'i rgyu'ang yod la/ gsal ba'i rgyu'ang yod par 'chad do/ /rigs kyi bu/ rnam par grol ba'i sgo gsum dang / byang chub kyi phyogs kyi chos sum cu rtsa bdun ni nyon mongs pa thams cad mi skye ba'i rgyur yang 'gyur la/ mya ngan las 'das pa'i gsal ba'i rgyu'ang byed par 'gyur ro/ /rigs kyi bu/ nyon mongs pa spangs na/ gdod mya ngan las 'das pa gsal bar mthong bar 'gyur te/ de bas na mya ngan las 'das pa la gsal ba'i rgyu 'ba' zhig yod kyi skye ba'i rgyu ni med do/ /rigs kyi bu/ khyod kyis ji ltar na dge sbyong zhes bya/ ji ltar na dge sbyong gi 'bras bu yin zhes bya ba ni/ rigs kyi bu/ dge sbyong zhes bya ba ni/ yang dag pa'i lam brgyad do/ /dge sbyong gi 'bras bu zhes bya ba ni 'phags pa'i lam gyis 'dod chags dang / zhe sdang dang / gti mug yongs su bcad pa ste/ de ni dge sbyong dang / dge sbyong gi 'bras </font><hr>Kha372a<br><font size=+1>


@#/ /bu zhes bya'o/ /byang chub sems dpa' 'od srung gis gsol pa/ bcom ldan 'das/ ci'i rgyu ci'i rkyen gyis yang dag pa'i lam brgyad la dge sbyong gi lam zhes bgyi/ bka' stsal pa/ rigs kyi bu/ 'jig rten pas dge ba la ni mi chog pa zhes bya/ sbyong ba la ni lam zhes bya ste/ de ltar lam des mi chog pa thams cad dang / lam thams cad gcod par byed de/ de lta bas na 'phags pa'i lam gyi yan lag brgyad ni dge sbyong zhes bya'o/ /lam de las 'bras bu thob pa'i phyir dge sbyong gi 'bras bu zhes bya'o/ /rigs kyi bu/ yang dge sbyong zhes bya ba ni ji ltar 'jig rten pa dben par dga' ba la'ang dge sbyong zhes bya ste/ lam de'ang de dang 'dra bar rnal 'byor pa dag lus dang ngag dang yid kyi mi dge ba'i log par 'tsho ba la sogs pa spangs te/ zhi ba'i dben pa la dga' ba thob pa'i phyir dge sbyong zhes bya'o/ /rigs kyi bu/ yang ji ltar 'jig rten na mi'i nang na tha ma dag mi'i rab tu 'gyur bar byed pas dge sbyong zhes bya'o/ /lam de'ang de dang 'dra bar mi'i nang na tha ma dag mi'i rab tu 'gyur bar byed pas dge sbyong zhes bya'o/ /rigs kyi bu/ dgra bcom pa'ang lam de bsgoms na dge sbyong gi 'bras bu thob par 'gyur te/ de bas na pha rol tu phyin pa zhes bya'o/ /dgra bcom pa'i 'bras bu </font><hr>Kha372b<br><font size=+1>


zhes bya ba ni slob pa med pa ste/ tshul khrims dang / ting nge 'dzin dang / shes rab dang / rnam par grol ba dang / rnam par grol ba mkhyen cing gzigs pa ste/ chos kyi sku'i yan lag lnga'o/ /yan lag lnga po de'i rkyen gyis pha rol tu phyin par 'gyur te/ de bas na pha rol tu phyin pa zhes bya'o/ /de ltar pha rol tu phyin pa'i phyir 'di skad du bdag ni skye ba zad do/ / tshangs par spyod pa rdzogs so/ /bya ba byas so/ /srid pa phyi ma mi len no zhes smra'o/ /rigs kyi bu/ dgra bcom pa des dus gsum gyi skye ba'i rgyu yongs su bcad pa'i phyir 'di skad du bdag skye ba zad do zhes smra'o/ /khams gsum gyi lnga phung gi lus bcad pa'i phyir bdag skye ba zad do zhes smra'o/ /tshangs par spyad pa mthar thug pa'i phyir tshangs par spyod pa rdzogs so zhes zer ro/ /slob pa'i lam spong ba'i phyir yang tshangs par spyod pa rdzogs so zhes smra'o/ /ji ltar thog ma 'tshol ba'i rnam pa de thob pa'i phyir bya ba byas so zhes smra'o/ /lam bsgoms nas 'bras bu thob pa'i phyir yang bya ba byas so zhes smra'o/ /zad la mi skye ba'i ye shes thob pa'i phyir bdag gis srid pa'i kun nas nyon mongs pa thams cad ma lus par byang bar byas so zhes smra'o/ /de bas dgra bcom pa dag pha rol tu phyin pa zhes bya'o/ /dgra bcom pa ji lta ba de ltar rang sangs rgyas kyang de bzhin no/ /byang chub sems dpa' dang / sangs </font><hr>Kha373a<br><font size=+1>


@#/ /rgyas bcom ldan 'das ni pha rol tu phyin pa drug yongs su rdzogs pas pha rol tu phyin pa zhes bya ste/ sangs rgyas dang byang chub sems dpa' bla na med pa yang dag par rdzogs pa'i byang chub thob pas/ pha rol tu phyin pa drug yongs su rdzogs pa zhes bya'o/ /de ci'i phyir zhe na/ pha rol tu phyin pa drug gi 'bras bu thob pa'i phyir te/ de ltar 'bras bu thob pa'i phyir rdzogs pa zhes bya'o/ /rigs kyi bu/ sems can rnam pa bdun po des lus mi sgom/ tshul khrims mi sgom/ sems mi sgom/ shes rab mi sgom ste/ de ltar dngos po rnam pa de bzhi sgom mi nus pa'i phyir mtshams med pa lnga'i kha na ma tho bas dge ba'i rtsa ba gcod pa dang / rtsa ba bzhi nyams pa dang / sangs rgyas dang / chos dang / dge 'dun la skur pa 'debs par 'gyur te/ de bas na rtag tu nub pa zhes bya'o/ /rigs kyi bu/ sems can rnam pa de bdun las/ gang dge ba'i bshes gnyen dang bsten par byed pa des sems rtse gcig tu de bzhin gshegs pa'i dam pa'i chos mnyan cing bzung nas nang du shin tu yid la byas te/ chos bzhin du gnas shing / lus dang / tshul khrims dang / sems dang / shes rab bsgom pa la rab tu brtson pa ni 'khor ba'i klung las brgal te/ pha rol gyi 'gram du phyin pa zhes bya'o/ /gal te gang gis log sred </font><hr>Kha373b<br><font size=+1>


can dag bla na med pa yang dag par rdzogs pa'i byang chub thob bo zhes smra ba ni chags shing zhen pa'o/ /gang gis mi thob pa'o zhes smra ba ni yang dag par ma yin pa'o/ /rigs kyi bu gang zag rnam pa bdun po de ni/ kha cig bdun char dang ldan pa'ang yod la/ kha cig ni re re dang ldan pa'ang yod do/ /rigs kyi bu/ gal te gang sems dang / ngag tha dad la smra ba'ang tha dad par 'di skad du log sred can dag bla na med pa yang dag par rdzogs pa'i byang chub thob par mi 'gyur ro zhes smra na/ sangs rgyas dang / chos dang / dge 'dun la skur pa yin par rig par bya'o/ /gang sems dang / ngag tha dad la smra ba'ang tha dad par 'di skad du log sred can dag bla na med pa yang dag par rdzogs pa'i byang chub thob par mi 'gyur ro zhes smra na/ de'ang sangs gyas dang / chos dang / dge 'dun la skur pa'o/ /rigs kyi bu/ gal te gang 'phags pa'i lam gyi yan lag brgyad ni skye bo ma rabs kyis thob par 'gyur ro zhes smra na/ de'ang sangs rgyas dang / chos dang / dge 'dun la skur pa'o/ /rigs kyi bu/ gal te gang zhig sems can thams cad la nges par sangs rgyas kyi rang bzhin yod do zhe'am/ nges par sangs rgyas kyi rang bzhin med do zhes smra na/ de'ang sangs rgyas dang / chos dang / dge 'dun la skur ba'o/ /rigs kyi bu/ de'i phyir ngas mdo sde </font><hr>Kha374a<br><font size=+1>


@#/ /las/ mi rnam pa gnyis kyis sangs rgyas dang / chos dang / dge 'dun la skur par 'gyur ro zhes gsungs te/ de la gnyis ni ma dad pa zhe sdang gi sems dang bcas pa dang / dad kyang don mi shes pa'o/ /rigs kyi bu/ gal te gang dad pa'i sems yod kyang shes rab med na/ des ma rig pa skye bar byed do/ /gal te shes rab yod la dad pa'i sems med na des ngan par lta ba skye bar byed do/ /rigs kyi bu/ mi dad pa ni zhe sdang gi sems kyis sangs rgyas dang / chos dang / dge 'dun dkon mchog med do zhes smra'o/ /dad pa la shes rab med pa ni don log par go bas chos thos pa rnams sangs rgyas dang / chos dang / dge 'dun la skur par byed do/ /rigs kyi bu/ de'i phyir ma dad pa zhe sdang can dang / dad pa shes rab med pa ni sangs rgyas dang / chos dang / dge 'dun dkon mchog la skur par 'gyur ro zhes ngas gsungs so/ / rigs kyi bu/ gal te gang 'di skad du log sred can dag dge ba'i chos ma skyes par bla na med pa yang dag par rdzogs pa'i byang chub thob bo zhes smra na/ de'ang sangs rgyas dang / chos dang / dge 'dun la skur ba'o/ /yang 'di skad du log sred can gyis log sred spangs nas phung po gzhan gyis bla na med pa yang dag par rdzogs pa'i byang chub thob </font><hr>Kha374b<br><font size=+1>


bo zhes smra na/ de'ang sangs rgyas dang / chos dang / dge 'dun la skur pa'o/ /yang kha cig 'di skad du log sred can gyis dge ba'i rtsa ba skyed nus te/ dge ba'i rtsa ba bskyed nas gcig gis gcig bsabs te rgyun mi 'chad pas bla na med pa yang dag par rdzogs pa'i byang chub thob pa'i phyir log sred can gyis bla na med pa yang dag par rdzogs pa'i byang chub thob bo zhes smra na/ de ni dkon mchog gsum la skur pa ma yin par rig par bya'o/ /rigs kyi bu/ gal te kha cig 'di skad du sems can thams cad la nges par sangs rgyas kyi rang bzhin yod la/ rtag pa dang / bde ba dang / bdag dang / yongs su dag pa yod de/ ma byas na mi skye'o zhes smra ste/ nyon mongs pa'i rkyen gyis mi mthong ngo zhes smra na/ de'ang sangs rgyas dang chos dang / dge 'dun la skur ba'o/ /gang 'di skad du sems can thams cad la sangs rgyas kyi rang bzhin med de/ ri bong gi rwa bzhin no/ /thabs las skyes pa'i phyir thog ma med la da yod de/ yong nas phyir med par 'gyur ro zhes smra na/ de'ang sangs rgyas dang / chos dang / dge 'dun la skur pa'o/ /gang 'di skad du sems can gyi sangs rgyas kyi rang bzhin ni yod pa ma yin te/ nam mkha' dang 'dra'o/ /med pa yin te/ ri bong gi rwa dang 'dra'o/ /de ci'i phyir zhe na/ nam mkha' ni rtag pa'i phyir/ ri bong gi rwa ni med pa'i phyir te/ </font><hr>Kha375a<br><font size=+1>


@#/ /de bas na yod pa zhes kyang bya la/ med pa zhes kyang bya'o/ /yod pa'i phyir ni ri bong gi rwa lta bu ma yin/ med pa'i phyir ni nam mkha' lta bu ma yin no/ / zhes de ltar bshad pa de ni dkon mchog gsum la skur pa ma yin no/ /rigs kyi bu/ sangs rgyas kyi rang bzhin zhes bya ba ni chos gcig ma yin/ chos gnyis ma yin/ chos bcu ma yin/ chos brgya ma yin/ chos stong ma yin/ chos khri ma yin te/ bla na med pa yang dag par rdzogs pa'i byang chub ma thob pa'i tshe ni dge ba dang / mi dge ba dang / lung du mi ston pa thams cad kyang sangs rgyas kyi rang bzhin zhes bya ste/ de bzhin gshegs pas kha cig gi dus su ni rgyu las 'bras bur gsungs/ 'bras bu las rgyur gsungs te/ de ni de bzhin gshegs pas bdag gi yid dang sbyar te gsungs pa'i tshig go /bdag gi yid dang sbyar ba'i tshig gsungs pa'i phyir de bzhin gshegs pa'o/ /de bzhin gshegs pas yid dang sbyar ba'i tshig gsungs pas na dgra bcom pa'o/ /yid dang sbyar ba'i tshig gsungs pas na yang dag par rdzogs pa'i sangs rgyas zhes bya'o/ /de nas byang chub sems dpa' 'od srung gis gsol pa/ bcom ldan 'das/ ji ltar bcom ldan 'das kyis gsungs pa ltar/ sems can gyi sangs rgyas kyi rang bzhin ni nam mkha' dang mtshungs so zhes bgyi ba </font><hr>Kha375b<br><font size=+1>


ji ltar nam mkha' dang mtshungs pa lags/ bka' stsal pa/ rigs kyi bu/ nam mkha'i rang bzhin ni 'das pa ma yin/ ma 'ongs pa ma yin/ da ltar ma yin te/ sangs rgyas kyi rang bzhin yang de dang 'dra'o/ /rigs kyi bu/ nam mkha' ni 'das pa ma yin no/ /de ci'i phyir zhe na/ da ltar med pa'i phyir te/ chos rnams la gal te da ltar yod na/ 'das pa'ang brjod du rung ngo / /de ltar med pa'i phyir 'das pa'ang med pa'o/ /da ltar yang med do/ /de ci'i phyir zhe na/ ma 'ongs pa med pa'i phyir ro/ /gal te chos la ma 'ongs pa yod na/ da ltar yang brjod du rung ngo / /de ltar ma 'ongs pa med pa'i phyir da ltar med pa'o/ /ma 'ongs pa'ang med do/ /de ci'i phyir zhe na/ da ltar dang / 'das pa med pa'i phyir ro/ /gal te da ltar dang / 'das pa yod na/ ma 'ongs pa'ang yod par 'gyur te/ de ltar 'das pa dang / da ltar med pa'i phyir ma 'ongs pa med do/ /de lta bas na nam mkha'i rang bzhin no dus gsungs du gtogs pa ma yin no/ /rigs kyi bu/ nam mkha' med pa'i phyir dus gsum med kyi/ yod pa'i phyir dus gsum med pa mi ma yin no/ /dper na/ nam mkha'i me tog dang 'dra ste/ yod pa ma yin pa yin pa'i phyir dus gsum med pa ltar nam mkha' yang de dang 'dra bar yod pa ma yin pa'i phyir dus gsum med do/ /rigs kyi bu/ ci'ang </font><hr>Kha376a<br><font size=+1>


@#/ /med pa ni nam mkha' zhes bya ste/ sangs rgyas kyi rang bzhin yang de dang 'dra'o/ /rigs kyi bu/ nam mkha' ni med pa'i phyir dus gsum du gtogs pa ma yin la/ sangs rgyas kyi rang bzhin yang rtag pa'i phyir dus gsum du gtogs pa ma yin no/ /rigs kyi bu/ de bzhin gshegs pas bla na med pa yang dag par rdzogs pa'i byang chub thob pas sangs rgyas kyi rang bzhin dang / sangs rgyas kyi chos thams cad ni rtag ste/ mi 'gyur mi 'pho ba'o/ /de lta bas na nam mkha' dang 'dra bar dus gsum med pa'o/ / rigs kyi bu/ nam mkha' med pa'i phyir nang ma yin/ phyi rol ma yin no/ /sangs rgyas kyi rang bzhin yang rtag pa'i phyir nang ma yin/ phyi rol ma yin te/ de bas na sangs rgyas kyi rang bzhin ni nam mkha' dang mtshungs so zhes gsungs so/ /rigs kyi bu/ ji ltar 'jig rten na thogs pa med pa'i gnas ni nam mkha'o zhes gdags pa ltar de bzhin gshegs pa'ang bla na med pa yang dag par rdzogs pa'i byang chub thob nas sangs rgyas thams cad kyi chos la thogs pa med pa'i phyir sangs rgyas kyi rang bzhin ni nam mkha' dang mtshungs so zhes bya ste/ de'i rgyu de'i rkyen gyis sangs rgyas kyi rang bzhin ni nam mkha' dang 'dra'o zhes ngas gsungs so/ /yang byang chub sems dpa' 'od srung </font><hr>Kha376b<br><font size=+1>


gis bcom ldan 'das la 'di skad ces gsol to/ /bcom ldan 'das/ sangs rgyas kyi rang bzhin dang / mya ngan las 'das pa ni dus gsum la gtogs pa ma lags kyang mchis pa zhes bgyi na nam mkha' yang dus gsum la gtogs pa ma lags na/ ci'i slad du mchis pa zhes mi bgyi/ bcom ldan 'das kyis bka' stsal pa/ rigs kyi bu/ mya ngan las 'das pa ma yin pa'i phyir mya ngan las 'das pa zhes bya/ de bzhin gshegs pa ma yin pas de bzhin gshegs pa zhes bya/ sangs rgyas kyi rang bzhin ma yin pas sangs rgyas kyi rang bzhin zhes bya'o/ /de la ji ltar na mya ngan las 'das pa ma yin zhe na/ 'di lta ste/ nyon mongs pa thams cad dang / 'dus byas kyi chos thams cad yin te/ 'dus byas kyi nyon mongs pa de dag bcom pa'i phyir mya ngan las 'das pa zhes bya'o/ /de bzhin gshegs pa ma yin pa de ni 'di lta ste/ log sred can nas rang sangs rgyas kyi bar du ste/ log sred can dang rang sangs rgyas kyi bar du bcom pa'i phyir de bzhin gshegs pa zhes bya'o/ /sangs rgyas kyi rang bzhin ma yin pa de ni 'di lta ste/ gyang dang / rtsig pa dang / gyo mo dang / gseg ma dang / rnam par shes pa med pa'i rdzas thams cad de/ de ltar rnam par shes pa med pa'i rdzas de dag spong ba ni sangs rgyas kyi rang bzhin zhes bya'o/ /rigs kyi bu/ 'jig rten thams cad nam mkha' ma yin par nam </font><hr>Kha377a<br><font size=+1>


@#/ /mkha'i zlar 'gyur ba med do/ /byang chub sems dpa' 'od srung gis gsol pa/ bcom ldan 'das/ 'jig rten na chen po bzhi ma lags par chen po bzhi'i zlar 'gyur ba ma mchis kyang / chen po bzhi ni mchis zhes bgyir rung na/ nam mkha' yang zla ma mchis na ci'i slad du mchis zhes mi bgyi/ bcom ldan 'das kyis bka' stsal pa/ rigs kyi bu/ mya ngan las 'das pa dus gsum du gtogs pa ma yin pas nam mkha' yang de dang 'dra'o zhes bya ba de ni de ltar ma yin no/ /de ci'i phyir zhe na/ mya ngan las 'das pa ni yod pa yin te/ bltar rung / rtogs par rung / gzugs kyi rjes shul yin/ brjod pa'i tshig yin/ yod pa'i mtshan nyid yin/ dmigs pa yin/ skyabs su 'gro ba'i gnas yin/ zhi ba'i 'od snang ba bde ba'i 'bras bu yin te/ de bas na dus gsum du gtogs pa ma yin no/ /nam mkha'i rang bzhin la ni de lta bu med de/ de bas na med pa zhes bya'o/ /'di dag la sogs pa ma gtogs par pha rol na chos gzhan yod na de ni dus gsum du gtogs par 'gyur ro/ /gal te nam mkha' yang yod pa'i chos de dang 'dra na/ dus gsum du gtogs pa ma yin no zhes byar mi rung ngo / /rigs kyi bu/ ji ltar 'jig rten pas smra ba ltar na nam mkha' ni gzugs med pa/ gnyen po med </font><hr>Kha377b<br><font size=+1>


pa| bltar med pa'o zhes brjod do/ /gal te gzugs dang gnyen po med la bltar med na sems las byung ba'i chos su 'gyur ro/ /gal te nam mkha' de sems las byung ba'i chos dang mthun na/ dus gsum du gtogs pa ma yin no/ /zhes byar mi rung ngo / /de ltar dus gsum du gtogs pa yin na/ phung po bzhi yin par 'gyur te/ de bas na phung po bzhi las gzhan pa'i pha rol na nam mkha' zhes bya ba med do/ /gzhan yang / rigs kyi bu/ mu stegs can rnams ni 'di skad du nam mkha' zhes bya ba ni snang ba yin zhes zer ro/ /gal te snang ba yin na gzugs kyi chos su 'gyur te/ nam mkha' de ltar gzugs kyi chos yin na mi rtag par 'gyur ro/ /de ltar mi rtag pa'i phyir dus gsum du gtogs par 'gyur na ci'i phyir mu stegs can gyis dus gsum du gtogs pa ma yin no zhes smra/ gal te dus gsum du gtogs na nam mkha' ma yin te/ nam mkha' la rtag pa yin no zhes byar mi rung ngo / / rigs kyi bu/ yang kha cig 'di skad du nam mkha' ni 'dug pa'i gnas yin no zhes zer ro/ /ji tsam du 'dug pa'i gnas yod pa ni de tsam du gzugs kyi chos su 'gyur te/ chos thams cad kyi gnas ni kun kyang mi rtag pa ste/ dus gsum du gtogs so/ /nam mkha' ni rtag pa ste dus gsum du gtogs pa ma yin no/ /gal te gnas yod par smra na/ nam </font><hr>Kha378a<br><font size=+1>


@#/ /mkha' ni med par rig par bya'o/ /yang kha cig 'di skad du nam mkha' ni rim pa yin no zhes zer ro/ /gal te rim pa yin na bgrang ba'i chos su 'gyur te| ji tsam du bgrang du rung ba ni dus gsum du gtogs par 'gyur ro/ /de ltar dus gsum du gtogs na/ ci'i phyir rtag pa zhes bya/ rigs kyi bu/ gal te yang kha cig 'di skad du nam mkha' zhes bya ba ni stong pa dang / mi stong pa dang / stong pa dang mi stong pa ste/ 'di gsum dang mi bral lo zhes zer ro/ /gal te stong pa yin no zhes smra na/ nam mkha' mi rtag pa'i chos yin par rig go /de ci'i phyir zhe na/ mi stong pa na med pa'i phyir ro/ /gal te mi stong pa yin zhes smra na/ nam mkha' yang mi rtag pa yin par rig go /de ci'i phyir zhe na/ stong pa'i dus na med pa'i phyir ro/ /gal te stong pa dang mi stong pa yin no zhes smra na/ nam mkha' yang mi rtag pa ma yin par rig go /de ci'i phyir zhe na/ gnyis ka'i gnas na med pa'i phyir te/ de bas na nam mkha' ni med pa zhes bya'o/ /rigs kyi bu/ yang 'di skad du nam mkha' ni byar rung ba ste/ ji ltar shing dang / khang pa med par byas na/ nam mkha' byas pa yin zhe'am bsnyams na nam mkha' 'gyur zhe'am/ nam mkha' 'gebs pa dang / nam mkha' la 'dzegs pa dang / nam mkha'i </font><hr>Kha378b<br><font size=+1>


kha dog rgya mtsho'i chu dang 'dra bar ri mor 'dri ba ste/ de bas na nam mkha' ni byar rung ba'i chos so zhes smra na/ ji tsam du byas pa'i chos thams cad mi rtag pa ste rdza ma dang / mtshungs so/ /gal te nam mkha' yang de dang 'dra na mi rtag pa yin par 'gyur ro/ /rigs kyi bu/ 'jig rten pa dag gang thams cad la thogs pa med pa'i chos ni nam mkha' yin no zhes smra na/ thogs pa med pa de chos gcig la thams cad rdzogs par yod dam/ phyogs tsam zhig yod/ gal te rdzogs par yod pa zhig yin na| gnas gzhan na nam mkha' med par rig go /gal te phyogs tsam zhig yod na 'di dang pha bi zhes bgrang ba'i chos su 'gyur ro/ /ji ste bgrang ba yin na mi rtag par rig go /rigs kyi bu/ yang kha cig 'di skad du nam mkha' ni thogs pa med de/ yod pa dang 'brel bar 'gyur ro/ /yang kha cig nam mkha' ni rdzas kyi nang na yod de/ ji ltar snod kyi nang du 'bras bu bzhag pa dang 'dra'o zhes zer te/ de gnyis ka'ang bden pa ma yin no/ /de ci'i phyir zhe na/ gal te 'brel pa yin no zhes bya ba ni rnam pa gsum du 'gyur te/ las tha dad pas 'brel pa ste/ ji ltar bya dag shing la 'dus pa dang 'dra'o/ /las thun mong pa myong bas 'brel pa ste/ lag pa gnyis gcig la </font><hr>Kha379a<br><font size=+1>


@#/ /gcig reg pa dang 'dra'o/ /'brel pas thun mong par 'brel pa ste/ sor mo gnyis lhan cig tu bsdams pa dang 'dra'o/ /gal te las tha dad pa thun mong dang 'brel lo zhes byar ni tha dad pa la rnam pa gnyis te/ rdzas kyi las dang / nam mkha'i las so/ /gal te nam mkha'i las rdzas dang 'brel par gyur na/ nam mkha' ni mi rtag par mi 'gyur ro/ /gal te rdzas kyi las nam mkha' dang 'brel bar gyur na/ rdzas kun tu khyab par mi 'gyur ro/ /gal te kun tu ma khyab na de'ang mi rtag pa'o/ /gal te nam mkha' ni rtag pa yin te/ rang bzhin gyis mi g.yo ba yin yang g.yo ba'i rdzas dang 'brel par 'gyur ro zhes smra na/ de'ang de lta ma yin no/ /de ci'i phyir zhe na/ gal te nam mkha' rtag na rdzas kyang rtag pa'i rigs so/ /gal te rdzas mi rtag na nam mkha' yang mi rtag go /gal te nam mkha' ni rtag pa yin la/ mi rtag pa'ang yin no zhes smra na de ni gnas med do/ /gal te thun mong ba'i las dang 'brel lo zhes smra na/ de yang de lta ma yin no/ /de ci'i phyir zhe na/ nam mkha' ni kun tu khyab pa ste/ gal te las dang 'brel pa zhig yin na/ las kyang kun tu khyab pa'i rigs so/ /gal te kun tu khyab pa yin na/ thams cad du khyab par 'gyur ro/ /thams </font><hr>Kha379b<br><font size=+1>


cad du khyab par gyur na thams cad dang 'brel pa'i rigs kyi/ 'brel pa dang mi 'brel pa yod ces byar ni mi rung ngo / /'brel pas thun mong dang 'brel par 'gyur te/ mdzub mo gnyis lhan cig bsdams pa dang 'dra'o zhes bya ba de'ang de lta ma yin no/ /de ci'i phyir zhe na/ thog ma nas 'brel pa med par phyis 'brel par 'gyur ba'i phyir te/ de ltar thog ma med la phyis yod pa zhig yin na/ de'ang mi rtag pa'i chos su 'gyur te/ de bas na 'jig rten pa'i chos ltar thog ma med la phyis yod de/ nam mkha' ni 'brel pas thun mong dang 'brel to zhes byar mi rung ngo / /rdzas mi rtag pa ltar nam mkha' yang de dang 'dra na de'ang mi rtag par 'gyur ro/ /gzhan yang nam mkha' ni rdzas kyi nang na yod de/ ji ltar snod kyi nang du 'bras bu bzhag pa dang 'dra'o zhes smra na/ de'ang de ltar ma yin no/ /de ci'i phyir zhe na/ de ltar nam mkha' de snod med pa'i snga rol na gang du gnas/ gal te gnas yod na nam mkha' yang rnam pa mang por 'gyur ro/ de ltar mang ba yin na/ ci'i phyir rtag pa dang / gcig pa dang khyab pa zhes bya/ gal te nam mkha' de stong pa spangs pa'i pha rol na gnas yod pa zhig yin na/ srid pa'i rdzas kyang nam mkha' spangs pa'i pha rol na gnas pa'i rigs te/ de bas na nam mkha' med par rig go /rigs kyi bu/ gang mdzub mo </font><hr>Kha380a<br><font size=+1>


@#/ /bsgreng ba'i gnas la nam mkha' yin zhes byar ni/ nam mkha' mi rtag pa'i chos yin par 'gyur ro/ /de ci'i phyir zhe na/ mdzub mo la phyogs bzhi yod do/ /gal te phyogs bzhi yod na nam mkha' yang phyogs bzhi yod pa'i rigs so/ /rtag pa'i chos thams cad ni phyogs med de/ de ltar phyogs cha yod pa'i phyir nam mkha' mi rtag pa'o/ /de ltar mi rtag pa yin na phung po lnga dang mi 'brel te/ phung po lnga spangs pa'i pha rol na srid pa med pa zhes bya ba yin par 'gyur ro/ /rigs kyi bu/ gal te srid pa'i chos rten cing 'brel pa la gnas na/ chos de ni mi rtag pa yin par rig par bya'o/ /rigs kyi bu/ dper na/ sems can thams cad dang / shing dang / nags tshal thams cad sa la brten cing gnas te/ sa nyid mi rtag pa'i phyir sa la brten pa'i rdzas kyang rim gyis mi rtag go /rigs kyi bu/ sa ni chu la brten te/ chu mi rtag pa'i phyir sa'ang mi rtag go /chu ni rlung la brten te/ rlung mi rtag pa'i phyir chu'ang mi rtag go /rlung ni nam mkha' la brten te/ nam mkha' mi rtag pa'i phyir rlung yang mi rtag go /de ltar mi rtag na ci'i phyir nam mkha' ni rtag pa yin te/ thams cad du khyab bo zhes smra/ nam mkha' med pa'i phyir 'das pa dang / ma 'ongs pa dang / da ltar ma yin no/ /ri bong gi rwa </font><hr>Kha380b<br><font size=+1>


dang yar 'dra bar med pa'i rdzas yin pas 'das pa dang / ma 'ongs pa dang / da ltar ma yin te/ de bas na sangs rgyas kyi rang bzhin ni rtag pa'i phyir dus gsum du gtogs pa ma yin no// nam mkha' ni med pa'i phyir dus gsum du gtogs pa ma yin no zhes gsungs so/ /rigs kyi bu/ nga ni 'jig rten dang mi rtsod do/ /de ci'i phyir zhe na/ mkhas pa shes rab can gyis yod par smra na nga'ang yod par gsung ngo / /mkhas pa shes rab can gyis med par smra na nga'ang med par gsungs ngo / /byang chub sems dpa' 'od srung gis gsol pa/ bcom ldan 'das/ byang chub sems dpa' sems dpa' chen po chos du dang ldan na/ 'jig rten dang mi rtsod cing 'jig rten gyi chos kyis mi gos par 'gyur/ bcom ldan 'das kyi bka' stsal pa| rigs kyi bu/ byang chub sems dpa' sems dpa' chen po chos bcu dang ldan na/ 'jig rten dang mi rtsod cing 'jig rten gyis chos kyi mi gos par 'gyur ro/ /bcu gang zhe na| 'di ltar dad pa dang / tshul khrims dang / dge ba'i bshes gnyen la bsten pa dang / nang du yid la byed pa dang / brtson 'grus dang ldan pa dang / yang dag pa'i dran pa dang ldan pa dang / shes rab dang ldan pa dang / yang dag pa'i ngag dang ldan pa dang / dam pa'i chos la mos pa dang / sems can la snying brtse ba'o/ /rigs kyi bu/ byang chub sems </font><hr>Kha381a<br><font size=+1>


@#/ /dpa' chos bcu po de dang ldan na 'jig rten dang mi rtsod de/ u dum+ba ra'i me tog ltar 'jig rten gyi chos kyis mi gos so/ /byang chub sems dpa' 'od srung gis gsol pa/ bcom ldan 'das/ ji ltar bcom ldan 'das kyis gsungs pa ltar/ 'jig rten gyi mkhas pa shes rab can gyis yod par smra na/ nga'ang yod par gsung ngo / /'jig rten gyi mkhas pa shes rab can gyis med par smra na/ nga'ang med par gsung ngo zhes gsungs pa de/ ji ltar na 'jig rten gyi mkhas pa shes rab can gyis yod pa dang med par smra ba lags/ bcom ldan 'das kyis bka' stsal pa/ rigs kyi bu/ ji ltar 'jig rten gyi mkhas pa shes rab can gyis gzugs la mi rtag pa dang / sdug bsngal ba dang / stong pa dang / bdag med pa yin no zhes smra ba nas rnam par shes pa'i bar du'ang de bzhin du smra na/ rigs kyi bu/ de ni 'jig rten gyi mkhas pa shes rab can gyis yod par smra ba yin te/ nga'ang yod par gsung ngo / /rigs kyi bu/ 'jig rten gyi mkhas pa shes rab can gyis gzugs la rtag pa med pa dang / bde ba med pa dang / bdag med pa dang / yongs su dag pa med pa'o zhes smra ba nas/ tshor ba dang / 'du shes dang / 'du byed dang / rnam par shes pa'i bar du'ang de dang </font><hr>Kha381b<br><font size=+1>


'dra bar smra na/ rigs kyi bu/ de ni 'jig rten gyi mkhas pa shes rab can gyis med par smra ba yin te/ nga'ang med par gsung ngo / /byang chub sems dpa' 'od srung gis gsol pa/ bcom ldan 'das/ 'jig rten gyi mkhas pa shes rab can ni sangs rgyas dang / byang chub sems dpa' dang / 'phags pa thams cad lags so/ /gal te 'phags pa rnams kyis gzugs mi rtag pa dang / sdug bsngal ba dang / stong pa dang / bdag med pa lags na/ ci'i slad du bcom ldan 'das kyis sangs rgyas kyi gzugs kyi sku ni rtag pa ther zug mi 'gyur ba'o zhes gsungs/ 'jig rten gyi mkhas pa shes rab can ni chos thams cad med pa'o zhes 'chad na/ ci'i slad du bcom ldan 'das kyis yod par gsungs/ de ltar sangs rgyas bcom ldan 'das kyis de skad gsungs na/ ji ltar 'jig rten dang mi rtsod cing 'jig rten gyi chos kyis mi gos pa zhes bgyi/ bcom ldan 'das kyis ni 'di ltar 'du shes log pa dang / sems log pa dang / lta ba log pa dang / 'di gsum yongs su spangs pas sangs rgyas kyi gzugs ni yang dag par mi rtag pa yin no zhes gsungs la/ nga'ang 'di ltar rtag go zhes gsungs na/ ji ltar phyin ci log spangs shing 'jig rten dang mi rtsod pa zhes bgyi/ bcom ldan 'das kyis bka' stsal pa/ rigs kyi bu/ bus pa ma rabs kyi gzugs ni nyon mongs pa las skye bas/ de'i phyir mkhas pa </font><hr>Kha382a<br><font size=+1>


@#/ /shes rab can gyis gzugs ni mi rtag pa dang / sdug bsngal pa dang / stong pa dang / bdag med pa'o zhes bshad do/ /de bzhin gshegs pa'i gzugs ni nyon mongs pa dang yongs su bral bas de'i phyir rtag pa ther zug mi 'gyur mi 'pho ba'o zhes gsungs so/ /byang chub sems dpa' 'od srung gis gsol pa/ bcom ldan 'das/ ji ltar na gzugs nyon mongs pa las skye bar 'gyur ba lags/ bcom ldan 'das kyis bka' stsal pa/ rigs kyi bu/ nyon mongs pa la rnam pa gsum ste/ 'di ltar 'dod pa'i zag pa dang / srid pa'i zag pa dang / ma rig pa'i zag pa'o/ /mkhas pa shes rab can gyis zag pa gsum gyi skyon rnams shin tu rtogs par bya'o/ /de ci'i phyir zhe na/ nyes pa'i skyon shes nas spong bar 'gyur ba'i phyir ro/ /dper na/ sman pas sngar nad pa'i rtsa bltas te/ nad kyi rgyu shes nas gdod sman gtong ba dang 'dra'o/ /rigs kyi bu/ dper na/ dmus long zhig khrid de/ tsher ma g.yon can gyi tshal gyi nang du bor nas phyir log na dmus long de 'byung bar shin tu dka'o/ /ji ste byung bar gyur na'ang lus thams cad dang bral bar 'gyur ba dang 'dra bar 'jig rten gyi bus pa ma rabs kyang de dang mtshungs te/ zag </font><hr>Kha382b<br><font size=+1>


pa gsum gyi nyes pa'i skyon mi mthong mi shes pas phyi bzhin 'brang ngo / /gang mthong ba ni spong bar byed de/ nyes pa'i skyon shes nas 'bras bu rnam par smin pa'ang yang zhing chung bar 'gyur ro/ /rigs kyi bu/ gang zag la rnam pa bzhi ste/ gcig ni las byed pa'i tshe lci la/ rnam par smin pa myong ba'i tshe yang ba'o/ /gcig ni las byed pa'i tshe yang la/ rnam par smin pa myong ba'i tshe lci ba'o/ /yang gcig ni las byed pa'i tshe'ang lci la/ rnam par smin pa len pa'i tshe'ang lci ba'o/ /yang gcig ni las byed pa'i tshe'ang yang la/ rnam par smin pa'i tshe'ang yang ba'o/ /rigs kyi bu/ gang nyon mongs pa'i skyon rtogs pa ni las byas pa dang / 'bras bu smin pa gnyis ka'ang yang ngo / /rigs kyi bu/ mkhas pa shes rab can gyis 'di snyam du bdag gis de lta bu'i zag pa de dag spang ngo / /sdig pa mi dge ba'i dngos po de dag kyang mi bya'o snyam sems so/ /de ci'i phyir zhe na/ bdag da dung sems can dmyal ba dang / byol song gi skye gnas dang / yi dwags dang / lha dang / mi'i rnam par smin pa las mthar te/ gal te bdag gis spyod pa la nan tan byas na de'i mthus sdug bsngal thams cad yongs su bcom par 'gyur ro zhes des de ltar brtags nas/ 'dod chags dang / zhe sdang dang / gti mug nyam dma' bar 'gyur ro/ /'dod chags dang / zhe sdang </font><hr>Kha383a<br><font size=+1>


@#/ /dang| gti mug nyam dma' bar 'gyur bar mthong nas/ sems rab tu dga' bar 'gyur te/ yang 'di snyam du deng bdag 'di ltar gyur pa yang nan tan du spyod pa'i mthus bdag ni mi dge ba'i chos dang bral te/ dge ba'i chos dang bsnyen par gyur to/ /de bas na yang dag pa'i lam mngon sum du mthong bar gyur gyis brtson 'grus bskyed de bsgom mo snyam sems so/ /des der brtson par bsgom pa'i mthus mi dge ba'i nyon mongs pa tshad med pa snyed dang / sems can dmyal ba dang| byol song gi skye gnas dang / yi dwags dang / mi dang / lha'i 'bras bu rnam par smin pa spong bar 'gyur te/ de bas na ngas mdo sde las srid pa'i zag pa'i nyon mongs pa dang / srid pa'i zag pa'i rgyu la brtag par bya'o zhes gsungs so// //'phags pa yongs su mya ngan las 'das pa chen po'i mdo/ bam po bzhi bcu dgu pa/ de ci'i phyir zhe na/ mkhas pa shes rab can dag gis gal te zag pa la rtog cing zag pa'i rgyu ma brtags na/ nyon mongs pa thams cad chod par mi 'gyur ro/ /de ci'i phyir zhe na/ mkhas pa shes rab can dag gis zag pa ni rgyu de las skye bar 'gyur ro snyam rtogs nas bdag gis rgyu de yongs su bcad na zag pa </font><hr>Kha383b<br><font size=+1>


mi skye bar 'gyur ro snyam rtog go /rigs kyi bu/ de'ang ji ltar sman pas nad kyi rgyu yongs su bcad na nad skye bar mi 'gyur ba ltar mkhas pa shes rab can bdag gis sngar nyon mongs pa'i rgyu bcad pa'ang de dang 'dra ste/ mkhas pa shes rab can ni sngar rgyu rtog ste/ de'i 'og tu 'bras bu rtog go /dge ba'i rgyu las dge ba'i 'bras bu skye ba dang / mi dge ba'i rgyu las mi dge ba'i 'bras bu skye bar shin tu rtogs so/ /'bras bu rtogs nas mi dge ba'i rgyu spong bar byed do/ /de ltar 'bras bu brtags nas ril gyis nyon mongs pa srab pa dang| stug po rtog go /srab pa dang / stug po brtags nas sngar stug po sdong ngo / /de ltar stug po spangs na srab mo'ang rang med par 'gyur ro/ /rigs kyi bu/ mkhas pa shes rab can dag gis de ltar nyon mongs pa dang / nyon mongs pa'i rgyu dang / nyon mongs pa'i 'bras bu dang / nyon mongs pa srab pa dang / stug po shes nas des de'i tshe nyon mongs pa de dag dgag pa'i phyir byang chub kyi lam la mi sdod/ mi 'gyod par rab tu btson zhing dge ba'i bshes gnyen la bsten te/ sems rtse gcig tu chos nyan no/ /rigs kyi bu/ dper na/ nad pa zhig bdag gi nad yang zhing gdon mi za bar 'tsho bar shes nas sman kha ba rnyed kyang 'gyod pa med par 'thung ba ltar mkhas pa shes rab can </font><hr>Kha384a<br><font size=+1>


@#/ /dag kyang de dang 'dra ste/ 'phags pa'i lam la rab tu brtson par mos shing mya ngan mi byed rgyun mi 'chad de/ 'gyod par mi byed do/ /rigs kyi bu/ gang nyon mongs pa dang / nyon mongs pa'i rgyu dang / nyon mongs pa'i 'bras bu rnam par smin pa dang / nyon mongs pa srab mo dang stug po shes nas nyon mongs pa de dag bsal ba'i phyir 'phags pa'i lam sgom pa la rab tu brtson te/ des ni nyon mongs pa las gzugs skye ba ma yin pa nas/ tshor ba dang / 'du shes dang / 'du byed dang / rnam par shes pa'i bar du'ang de dang 'dra'o/ /gal te gang nyon mongs pa dang / nyon mongs pa'i rgyu dang / nyon mongs pa'i 'bras bu rnam par smin pa dang / nyon mongs pa srab mo dang stug po mi shes shing 'phags pa'i lam la mi brtson pa de ni nyon mongs pa las gzugs skye ba ma yin pa nas tshor ba dang / 'du shes dang / 'du byed dang / rnam par shes pa'i bar du'ang de dang 'dra'o/ /rigs kyi bu/ gang nyon mongs pa dang / nyon mongs pa'i rgyu dang / nyon mongs pa'i 'bras bu rnam par smin pa dang / nyon mongs pa srab mo dang / stug po shes shing nyon mongs pa bcad pa'i phyir/ byang chub la nan tan byed pa ni de bzhin gshegs pa yin te/ de bas na de bzhin </font><hr>Kha384b<br><font size=+1>


gshegs pa'i gzugs ni rtag pa ste/ rnam par shes pa'i bar du'ang rtag pa'o/ /rigs kyi bu/ gang nyon mongs pa dang / nyon mongs pa'i rgyu dang / nyon mongs pa'i 'bras bu rnam par smin pa dang / nyon mongs pa srab mo dang stug po mi shes shing / byang chub la nan tan mi byed pa ni bus pa ma rabs so so'i skye bo ste/ de bas na bus pa ma rabs so so'i skye bo'i gzugs mi rtag pa nas tshor ba dang / 'du shes dang / 'du shes dang / rnam par shes pa'i bar du'ang mi rtag go /rigs kyi bu/ 'jig rten gyi mkhas pa shes rab can dang| 'phags pa dang / byang chub sems dpa' dang / sangs rgyas thams cad kyis kyang don de ltar gnyis su bshad de/ nga'ang de ltar gnyis su gsung ngo / /de bas na ngas bshad pa ni 'jig rten gyi mkhas pa dang nga mi rtsod do/ 'jig rten gyi chos kyis mi gos so/ /byang chub sems dpa' 'od srung gis bcom ldan 'das la 'di skad ces gsol to| |bcom ldan 'das/ ji ltar bcom ldan 'das kyis srid pa zag pa rnam pa gsum gsungs pa la ji ltar na 'dod pa'i zag pa dang / srid pa'i zag pa dang / ma rig pa'i zag pa lags/ bcom ldan 'das kyis bka' stsal pa/ rigs kyi bu/ 'dod pa'i zag pa zhes bya ba ni nang gi mi dge bar rnam par rtog pa dang / phyi rol gyi rkyen gyis bskyod pas/ </font><hr>Kha385a<br><font size=+1>


@#/ /'dod pa'i zag pa skye bar 'gyur te/ de bas na ngas sngon grong khyer rgyal po'i khab na dga' bo la 'di skad ces bka' stsal to/ /dga' bo khyod bu mo 'dis smras pa'i tshigs su bcad pa 'di gzung zhig /tshigs su bcad pa 'di ni sngon 'das pa'i de bzhin gshegs pa rnams kyis gsungs pa yin no/ /de bas na nang gi mi dge bar rnam par rtog pa dang / phyi rol gyi rkyen rnams ni 'dod pa zhes bya ste/ de ni 'dod pa'i zag pa'o/ /de la srid pa'i zag pa ni gzugs dang gzugs med pa'i khams kyi nang gi mi dge ba'i chos rnams dang / phyi rol gyi rgyu rkyen rnams te/ 'dod pa'i khams kyi phyi rol gyi rkyen rnams dang / nang gi mi dge bar rnam par rtog pa ma gtogs pa de dag ni srid pa'i zag pa'o/ /ma rig pa'i zag pa ni bdag dang bdag gi ba mi shes shing / nang dang phyi rol gyi bye brag mi phyed pa ni ma rig pa'i zag pa'o/ /rigs kyi bu| ma rig pa ni zag pa thams cad kyi rtsa ba'o/ /de ci'i phyir zhe na/ sems can thams cad ni ma rig pa'i rgyu dang rkyen gyis phung po dang / skye mched dang / khams la 'du shes shing / 'du shes 'jog pas sems can zhes bya ste/ de ni 'du shes log pa dang / bsam pa log pa dang / lta ba log pa ste/ de'i rgyu de'i rkyen gyis zag pa </font><hr>Kha385b<br><font size=+1>


thams cad bskyed do/ /de bas na ngas mdo sde sde bcu gnyis las ma rig pa ni 'dod chags dang / zhe sdang dang / gti mug gi rgyu yin no zhes gsungs so/ /byang chub sems dpa' 'od srung gis gsol pa/ bcom ldan 'das/ de bzhin gshegs pas sngon mdo sde sde bcu gnyis las mi dge bar rnam par rtog pa'i rgyu dang rkyen gyis 'dod chags dang / zhe sdang dang / gti mug skye'o zhes gsungs na/ de ci'i rgyu ci'i rkyen gyis ma rig pa las skyes so zhes gsungs/ bka' stsal pa/ rigs kyi bu/ 'di ltar chos de gnyis ni gcig gi rgyu gcig yin la/ gcig gi 'bras bu gcig ste/ gcig gis gcig bskyed do/ /mi dge bar rnam par rtog pas ma rig pa bskyed do/ /ma rig pa'i rkyen gyis mi dge ba'i rtog pa skye'o/ /rigs kyi bu/ gang nyon mongs pa rnams bskyed pa ni/ kun kyang nyon mongs pa'i rgyur 'gyur te/ de ltar nyon mongs pa'i rgyu dang nye ba'i rgyu ni ma rig pa dang / mi dge ba'i rtog pa zhes bya ste/ ji ltar 'bras bu las myu gu skye ba bzhin du 'bras bu ni nye ba'i rgyu'o/ /chen po bzhi ni ring ba'i rgyur gyur pa ltar nyon mongs pa'ang de dang 'dra'o/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ ji ltar bcom ldan 'das k+k+yis gsungs pa ltar </font><hr>Kha386a<br><font size=+1>


@#/ /na| ma rig pa nyid zag pa'o zhes gsungs na/ ci'i slad du ma rig pa'i rkyen gyis zag pa rnams skye'o zhes gsungs/ bcom ldan 'das kyis bka' stsal pa/ rigs kyi bu/ ji ltar ngas ma rig pa nyid zag par gsungs pa ni nang gi ma rig pa'o/ /ma rig pa'i rgyu las zag pa rnams skye ba ni nang dang phyi rol gyi rgyu'o/ /gang ma rig pa nyid zag par 'chad pa ni nang gi phyin ci log pa zhes bya ste/ mi rtag pa dang / sdug bsngal ba dang / stong pa dang / bdag med pa mi shes pa'o/ /gang nyon mongs pa thams cad kyi rgyur 'chad pa ni phyi rol gyi bdag dang / bdag gi pa mi shes pa'o/ /gang ma rig pa nyid zag par 'chad pa ni thog ma dang tha ma med par 'gyur ro/ /ji ltar zhe na/ ma rig pa las phung po dang / skye mched dang / khams la sogs pa skye ba'i phyir ro/ /byang chub sems dpa' 'od srung gis yang bcom ldan 'das la 'di skad ces gsol to/ / bcom ldan 'das/ ji ltar bcom ldan 'das kyis gsungs pa ltar mkhas pa shes rab can gyis zag pa'i rgyu shes so zhes bgyi ba ji ltar na zag pa'i rgyu shes pa lags/ bcom ldan 'das kyis bka' stsal pa/ rigs kyi bu/ mkhas pa shes rab can ni 'di ltar rtog go/ /ci'i rgyu ci'i rkyen las nyon mongs pa 'di skye bar 'gyur/ las ci zhig </font><hr>Kha386b<br><font size=+1>


byas pa las nyon mongs pa 'di skye bar 'gyur/ gang gi tshe na nyon mongs pa 'di skye bar 'gyur/ su dang lhan cig tu gnas pa'i tshe na nyon mongs pa 'di skye bar 'gyur/ gang na gnas pa na nyon mongs pa 'di skye bar 'gyur/ dngos po ci la brtags pas nyon mongs pa 'di skye bar 'gyur/ su'i gnas khang dang / mal cha dang / bsod snyoms dang / gos dang / nad kyi rkyen sman la sogs pa bslangs pas nyon mongs pa 'di skye bar 'gyur/ ci'i rgyu ci'i rkyen gyis tha ma las 'bring du 'gyur/ 'bring las rab tu 'gyur/ las tha ma las 'bring du 'gyur/ las 'bring las rab tu gyur snyam yongs su rtog go/ /byang chub sems dpa' sems dpa' chen pos de ltar rtog pa dang / skye ba'i zag pa'i rgyu dang / rkyen yongs su spong par 'gyur ro/ /de ltar rtogs pa na nyon mongs pa ma skyes pa ni bkag nas skye bar mi byed/ nyon mongs pa skyes pa ni thabs kyis 'gag par byed de/ de bas na ngas mdo sde las mkhas pa shes rab can gyis nyon mongs pa skye ba'i rgyu brtag par bya'o zhes gsungs so/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ ji ltar sems can gyi lus gcig las nyon mongs pa rnam pa sna tshogs skye bar 'gyur/ bcom ldan 'das kyis bka' stsal pa/ rigs </font><hr>Kha387a<br><font size=+1>


@#/ /kyi bu/ dper na/ snod gcig gi nang na sa bon sna tshogs yod na/ chu'am char pa dang phrad nas so sor skye ba ltar sems can yang de dang 'dra ste/ snod gcig mod kyi sred pa'i rgyu dang rkyen gyis nyon mongs pa rnam pa sna tshogs skye bar 'gyur ro/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ mkhas pa shes rab can gyis ji ltar 'bras bu rnam par smin pa la rtog /bka' stsal pa/ rigs kyi bu/ mkhas pa shes rab can ni 'di ltar zag pa rnams kyi rgyu dang rkyen gyis sems can dmyal ba dang / byol song gi skye gnas dang / yi dwags su skye bar 'gyur la/ zag pa med pa'i rgyu dang rkyen gyis lha dang mi'i lus thob ste/ de dag kyang mi rtag pa dang / sdug bsngal ba dang / stong pa dang / bdag med pa yin no/ /lus kyi snod 'di las sdug bsngal rnam pa gsum dang| mi rtag pa rnam pa gsum thob ste/ zag pa 'di'i rgyu dang rkyen gyis sems can rnams mtshams med pa lnga'i kha na ma tho ba byed cing ngan song gi 'bras bu rnam par smin pa myong ba dang / dge ba'i rtsa ba gcod cing rtsa ba bzhi 'jig pa dang / dkon mchog gsum la skur bar 'gyur ro zhes yongs su rtog go /mkhas pa shes rab can ni </font><hr>Kha387b<br><font size=+1>


'di ltar bdag gi lus thob pa 'dis nyon mongs pa bskyed de/ ngan song gi 'bras bu rnams len pa'i mi rigs so snyam yongs su rtog go /byang chub sems dpa' 'od srung gis yang gsol pa/ bcom ldan 'das/ zag pa med pa'i 'bras bu mchis zhes kyang gsungs la/ mkhas pa shes rab can gyis 'bras bu rnam par smin pa rnams yongs su gcod do zhes kyang gsungs na/ zag pa med pa'i 'bras bu yongs su bcad pa la gtogs sam/ byang chub thob pa rnams la zag pa med pa'i 'bras bu mchis pas mkhas pa shes rab can gyis zag pa med pa'i 'bras bu 'tshol na/ ci'i slad du bcom ldan 'das kyis mkhas pa shes rab can rnams kyis rnam par smin pa'i 'bras bu yongs su gcad par bya'o zhes gsungs/ de ltar bcad pa zhig lags na/ da ltar gyi 'phags pa rnams mchis zhes bgyir rung ngam/ bka' stsal pa/ rigs kyi bu/ de bzhin gshegs pas ched 'ga' ni rgyu la 'bras bur gsungs/ ched 'ga' ni 'bras bu la rgyur gsungs te/ ji ltar 'jig rten pas 'jim pa nyid rdza ma'o/ /skud pa nyid gos so zhes zer ba dang mtshungs te/ de ni rgyu la 'bras bur bshad pa'o/ /'bras bu la rgyur bshad pa ni ba lang nyid chu dang rtswa ste/ mi'ang zas yin no zhes bshad </font><hr>Kha388a<br><font size=+1>


@#/ /pa lta bu'o/ /ngas kyang de ltar rgyu la 'bras bur bshad de/ sngar mdo sde las 'di skad du/ ngas lus dang sems kyis tshangs pa'i gnas su 'gro'o zhes bya ba ni rgyu la 'bras bur bshad pa'o/ /'bras bu la rgyur bshad pa ni skye mched drug po 'di nyid sngon gyi las yin no zhes bya ba ni 'bras bu la rgyur bshad pa'o/ /rigs kyi bu/ 'phags pa thams cad la yang dag par na zag pa med pa'i 'bras bu med de/ 'phags pa thams cad kyis yongs su bsgoms pa'i 'bras bu zag pa mi skye ste/ de bas na zag pa med pa'i 'bras bu zhes bya'o/ /rigs kyi bu/ mkhas pa shes rab can gyis de ltar rtog pa na nyon mongs pa'i 'bras bu rnam par smin pa yongs su zad par 'gyur ro/ /rigs kyi bu/ mkhas pa shes rab can gyis de ltar nyon mongs pa'i 'bras bu yongs su gcad pa'i phyir 'phags pa'i lam bsgom mo/ /de la 'phags pa'i lam ni stong pa nyid dang / mtshan ma med pa dang / smon pa med pa'o/ /'phags pa'i lam de dag bsgoms na/ nyon mongs pa'i 'bras bu thams cad yongs su zad par 'gyur ro/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ sems can thams cad ni </font><hr>Kha388b<br><font size=+1>


nyon mongs pa las 'bras bu rnam par smin par 'gyur te/ nyon mongs pa ni mi dge ba'o/ /mi dge ba'i nyon mongs pa las nyon mongs pa skye ba'ang mi dge ba zhes bya ste/ de ltar nyon mongs pa de la rgyu dang 'bras bu ste/ rnam pa gnyis yod do/ /rgyu mi dge ba'i phyir 'bras bu mi dge la/ 'bras bu mi dge ba'i phyir sa bon mi dge ste/ ji ltar nim pa zhes bya ba 'bras bu kha ba'i phyir sa bon dang / me tog dang / sdong bu dang / lo ma la sogs pa thams cad kha'o/ /ji ltar dug gi sdong po sa bon gdug pas 'bras bu'ang gdug pa bzhin du/ rgyu'ang sems can lags la/ 'bras bu'ang sems can lags te/ rgyu'ang nyon mongs pa lags la/ 'bras bu'ang nyon mongs pa lags te/ nyon mongs pa'i rgyu dang 'bras bu nyid sems can lags la/ sems can nyid kyang nyon mongs pa'i rgyu dang 'bras bu lags te/ de lta bu lags na/ ci'i slad du de bzhin gshegs pas ri kha ba can la rtswa gdug pa dang / sman gyi rgyal po dam pa'ang mchis so zhes gsungs/ gal te nyon mongs pa nyid sems can lags la/ sems can nyid nyon mongs pa lags na ci'i slad du sems can gyi lus la sman gyi rgyal po dam pa mchis so zhes gsungs/ bcom ldan 'das kyis bka' stsal pa/ legs so/ /legs so/ /rigs </font><hr>Kha389a<br><font size=+1>


@#/ /kyi bu/ sems can tshad med pa snyed kyang de ltar the tshom za ste/ khyod kyis the tshom dgrol bar gsol na/ ngas kyang gcod nus kyi/ shin tu yid la byas te brtags par nyon cig dang / rab tu phye ste dgrol bar bya'o/ /rigs kyi bu/ ri kha ba can zhes bya ba ni sems can lta bu'o/ /rtswa gdug pa zhes bya ba ni nyon mongs pa lta bu'o/ / sman gyi rgyal po dam pa zhes bya ba ni tshangs par spyad pa lta bu ste/ rigs kyi bu/ sems can gang de ltar tshangs par spyod pa ni lus la sman gyi rgyal po dam pa yod pa zhes bya'o/ /byang chub sems dpa' 'od srung gis yang gsol pa/ bcom ldan 'das/ sems can la tshangs par spyod pa mchis zhes bgyi ba ji lta bu lags/ bka' stsal pa| rigs kyi bu/ ji ltar 'jig rten na sa bon la 'bras bu skye'o/ /'bras bu de la kha cig ni sa bon gyi rgyur 'gyur ba'ang yod la/ mi 'gyur ba'ang yod de/ gang sa bon gyi rgyur 'gyur ba ni 'bras bu dang / sa bon zhes bya'o/ /gang mi 'gyur ba ni 'bras bu zhes bya ste/ sa bon zhes mi bya ba ltar sems can thams cad kyang de dang 'dra bar rgyu rnam pa gnyis te/ gang zhe na/ nyon mongs pa'i 'bras bu kha cig nyon mongs pa'i rgyur 'gyur ba dang / nyon mongs pa'i 'bras bu kha cig nyon mongs pa'i rgyur mi 'gyur </font><hr>Kha389b<br><font size=+1>


ba ste/ gang nyon mongs pa'i 'bras bu yin la/ nyon mongs pa'i rgyur mi 'gyur ba de ni tshangs par spyod pa zhes bya'o/ /rigs kyi bu/ sems can rnams kyi tshor ba ni zag pa thams cad kyi nye ba'i rgyu yin par rtogs shing shes so/ /'di lta ste/ nang dang phyi rol gyi zag pa'o/ /tshor ba'i rkyen gyis zag pa thams cad gcod par mi nus te/ khams gsum gyi btson ra las kyang thar par mi nus so/ /sems can rnams ni tshor ba'i rkyen gyis bdag dang bdag gi ba la chags pa sems phyin ci log pa dang / 'du shes phyin ci log pa dang / lta ba phyin ci log pa skye bar 'gyur te/ de bas na sems can rnams kyis sngar tshor ba brtag go/ /de ltar tshor ba de ni sred pa thams cad kyi nye ba'i rgyur 'gyur te/ de bas na mkhas pa shes rab can gyis sred pa gcod par 'dod na/ sngar tshor ba brtag go/ /rigs kyi bu/ sems can thams cad rten cing 'brel te 'byung ba bcu gnyis kyis dge ba dang mi dge ba byed pa thams cad ni tshor ba'i dus la byas te/ de bas na ngas dga' bo la 'di skad ces bka' stsal to/ /dga' bo/ sems can thams cad kyis dge ba dang mi dge ba byed pa ni kun kyang tshor ba'i dus la byas te/ de bas na mkhas pa shes rab can gyis thog ma tshor ba brtag go /tshor ba rtogs nas gzhan yang tshor ba 'di ci'i rgyu ci'i rkyen las skye </font><hr>Kha390a<br><font size=+1>


@#/ /ba brtag go /gal te rgyu dang rkyen las skyes na/ rgyu dang rkyen de nyid kyang ci las skyes/ gal te skye ba'i rgyu med na/ rgyu med pa las ci'i phyir tshor ba med pa ma skyes/ gzhan yang tshor ba 'di ni dbang phyug gi rgyu las ma skyes/ skyes bu las ma skyes/ rdul phra rab las ma skyes/ dus kyis skye ba ma yin/ 'du shes las ma skyes/ rang bzhin las ma skyes/ bdag las ma skyes/ gzhan las ma skyes/ bdag dang gzhan las skye ba ma yin/ rgyu med pa las skye ba ma yin te/ tshor ba de ni rkyen tshogs pa las skye bar 'gyur te/ rgyu rkyen de ni sred pa'o/ /rkyen tshogs pa de la tshor ba yod pa ma yin/ med pa ma yin par rtogs te/ de bas na ngas rkyen tshogs pa bcad do/ /rkyen tshogs pa bcad pa'i phyir tshor ba mi skye'o snyam rtog go /rigs kyi bu/ mkhas pa shes rab can gyis rgyu rtogs na/ 'bras bu rnam par smin pa la rtog ste/ sems can rnams kyi tshor ba'i rkyen gyis sems can dmyal ba dang / byol song gi skye gnas dang / yi dwags kyi lus myong ste/ khams gsum na sdug bsngal tshad med pa snyed len to/ /tshor ba'i rkyen gyis mi rtag pa'i bde ba len to/ /tshor ba'i rkyen gyis bde ba'i rtsa ba gcod do/ /tshor ba'i rkyen gyis rnam </font><hr>Kha390b<br><font size=+1>


par grol ba thob par 'gyur te/ de ltar rtog pa na tshor ba'i rkyen mi byed do/ /ji ltar na tshor ba'i rkyen mi byed pa zhe na/ 'di lta ste/ tshor ba gang dag ni sred pa byed par 'gyur/ sred pa gang dag ni tshor ba byed par 'gyur ba rnam par 'byed pa'o/ /rigs kyi bu/ sems can gang de ltar sred pa'i rgyu dang / tshor ba'i rgyu rab tu rtogs na/ bdag dang bdag gi ba yongs su gcod par 'gyur ro/ /rigs kyi bu/ gang gis de ltar rab tu rtogs pa ni sred pa dang / tshor ba gnyis gang nas gang du 'gog par rab tu rtogs te/ tshor ba dang sred pa cung zad 'gog pa'i gnas mthong bas mthar 'gog pa'ang yod par rig nas/ de'i tshe rnam par grol ba la dad pa skye'o/ /dad pa'i sems bskyed nas rnam par grol ba'i gnas ci'i rgyu las thob par 'gyur snyam rtog ste/ de ni 'phags pa'i lam brgyad kyis thob par rig nas/ de nas rab tu sgom par byed do/ /ji ltar na 'phags pa'i lam brgyad ce na/ lam des tshor ba la rtog pa na mtshan nyid rnam pa gsum ste/ sdug bsngal dang / bde ba dang / sdug bsngal ma yin la bde ba ma yin pa ste/ rnam pa de gsum char yang lus dang sems skyed par nus so/ /ci'i rgyu ci'i rkyen gyis skyed par 'gyur zhe na/ reg pa'i rkyen las so/ /reg pa de la'ang rnam pa gsum mo/ /ma rig pa'i </font><hr>Kha391a<br><font size=+1>


@#/ /reg pa dang / rig pa'i reg pa dang / rig pa ma yin ma rig pa ma yin pa'i reg pa'o/ /de la rig pa'i reg pa zhes bya ba ni 'phags pa'i lam brgyad do| |reg pa lhag ma gnyis ni lus dang / sems dang / tshor ba rnam pa gsum skyed pa ste/ de bas na ngas reg pa'i rgyu rnam pa gnyis gcad par bya'o/ /reg pa bcad na tshor pa rnam pa gsum yang mi skye'o/ /rigs kyi bu/ de ltar tshor ba de ni rgyu zhes kyang bya la/ 'bras bu zhes kyang bya ste/ mkhas pa shes rab can gyis kyang rgyu dang 'bras bur rtog go / de ji ltar rgyu zhe na/ tshor ba'i rgyu las sred pa skye ba ni rgyu zhes bya'o/ /ji ltar 'bras bu zhe na/ reg pa las skye ba'i phyir 'bras bu zhes bya ste/ de bas na tshor ba 'di ni rgyu'ang yin la 'bras bu'ang yin no/ /mkhas pa shes rab can gyis tshor ba de la de ltar brtags nas rim gyis sred pa rtog ste/ tshor ba'i 'bras bu rnam par smin pa ni sred pa zhes bya'o/ /mkhas pa shes rab can gyis sred pa rtog pa la'ang rnam pa gnyis te/ zas sna tshogs dang / zas med pa'o/ /de la zas sna tshogs kyi sred pa ni skye ba dang / rga ba dang / na ba dang / 'chi ba dang / srid pa thams cad kyi rgyur 'gyur ro/ /zas med pa'i sred pa ni skye ba dang / rga ba dang / na ba dang / 'chi ba dang / srid pa thams cad gcod </font><hr>Kha391b<br><font size=+1>


bar 'gyur te/ zag pa med pa'i lam la sred cing chags so/ /mkhas pa shes rab can gyis kyang 'di snyam du gal te/ bdag gis zas sna tshogs kyi sred pa bskyed na/ skye ba dang / rga ba dang / na ba dang / 'chi ba gcod par mi nus te/ bdag gis zag pa med pa'i lam la chags kyang tshor ba'i rgyu ma bcad na/ zag pa med pa'i lam gyi 'bras bu thob par mi 'gyur te/ de bas na sngar reg pa gcad par bya'o snyam sems so/ /reg pa bcad nas tshor ba'ang rang 'gag go/ /tshor ba 'gags nas sred pa'ang yongs su 'gag go snyam sems te/ de ni 'phags pa'i lam brgyad ces bya'o/ /rigs kyi bu/ gal te sems can gang de ltar rtogs na lus gdug pa dang bcas mod kyi/ de la sman gyi rgyal po dam pa'ang yod de/ ji ltar ri kha ba can la rtswa gdug pa yod mod kyi/ sman dam pa'ang yod pa bzhin no/ /rigs kyi bu/ de ltar sems can dag kyang nyon mongs pa las 'bras bu rnam par smin pa thob mod kyi/ 'bras bu rnam par smin pa de phyir nyon mongs pa'i rgyur mi 'gyur bar byed de/ de ni tshangs par spyod pa zhes bya'o/ /gzhan yang / rigs kyi bu/ mkhas pa shes rab can gyis tshor ba dang / sred pa gnyis ci'i rgyu las skye snyam brtags na/ 'du shes kyi rgyu las skye bar shes so/ /de ci'i phyir zhe na/ </font><hr>Kha392a<br><font size=+1>


@#/ /sems can gyis gzugs mthong na'ang 'dod pa mi skye/ tshor ba rtogs pa'i tshe'ang 'dod pa mi skye la/ gal te gzugs la phyin ci log tu 'du shes bskyed de| gzugs la ni rtag pa dang / bde ba dang / bdag dang / yongs su dag par lta/ tshor ba la ni rtag pa/ mi 'gyur mi 'pho bar lta ba'o/ /de ltar 'du shes log pa'i phyir 'dod chags dang / zhe sdang dang / gti mug skye bar 'gyur te/ de bas na mkhas pa shes rab can gyis 'du shes brtag par bya'o/ /de la 'du shes ji ltar brtag ce na/ 'di snyam du sems can thams cad 'phags pa'i lam ma thob pas/ kun la 'du shes log pa yod do snyam du sems so/ /ji ltar 'du shes log pa zhe na/ rtag pa ma yin pa la rtag pa'i 'du shes bskyed pa dang / bde ba med pa la bde ba'i 'du shes bskyed pa dang / ma dag pa la dag pa'i 'du shes bskyed pa dang / stong pa'i chos la bdag tu 'du shes bskyed pa dang / skyes pa dang / bud med dang / chen po dang / chung ngu dang / nyin mtshan dang / lo dang / zla ba dang / gos dang / gnas khang dang / mal cha ma yin pa la skyes pa dang / bud med dang / mal cha'i bar du 'du shes bskyed pa'o/ /'du shes de'ang rnam pa gsum ste/ chung ngu dang / chen po dang / mtha' </font><hr>Kha392b<br><font size=+1>


med pa'o/ /de la chung ba'i rgyus ni 'du shes chung ngur bskyed/ che ba'i rgyus ni 'du shes chen por bskyed/ mtha' yas pa'i rgyus ni 'du shes mtha' yas par bskyed do/ /yang 'du shes chung ngu yod de/ 'di ltar ting nge 'dzin du ma zhugs pa'o/ /'du shes chen po ni ting nge 'dzin du zhugs pa'o/ /yang mtha' yas pa'i 'du shes ni kun tu 'gro ba bcu'o/ / yang 'du shes chung ngu ni 'di lta ste/ 'dod pa'i khams kyi 'du shes la sogs pa'o/ /yang 'du shes chen po ni gzugs kyi khams kyi 'du shes la sogs pa'o/ /yang mtha' yas pa'i 'du shes ni gzugs med pa'i khams kyi 'du shes la sogs pa ste/ 'du shes rnam pa gsum 'gags na tshor ba'ang rang 'gag go/ /'du shes dang / tshor ba 'gags pas rnam par grol ba zhes bya'o/ /byang chub sems dpa' 'od srung gis yang / bcom ldan 'das la 'di skad ces gsol to/ /bcom ldan 'das/ chos thams cad 'gags pas rnam par grol ba zhes bgyi na/ de bzhin gshegs pas ci'i slad du 'du shes dang tshor ba 'gags na rnam par grol ba'o zhes gsungs/ bcom ldan 'das kyis bka' stsal pa/ rigs kyi bu/ de bzhin gshegs pas bar bar ni sems can gyi rkyen gyis chos bstan te/ gang thos pas chos shes so/ /bar bar ni </font><hr>Kha393a<br><font size=+1>


@#/ /chos kyi rkyen gyis sems can bstan te/ gang thos pas sems can bshad par shes so/ /de la ji ltar na sems can gyi rkyen gyis bstan te/ gang thos pas chos shes pa zhe na/ ji ltar ngas sngon 'od srung chen po la bshad pa bzhin te/ 'od srung / sems can 'gags pa na dge ba'i chos kyang 'gag go/ zhes bya ba ni sems can gyi rkyen gyis bstan pas gang thos pas chos shes pa zhes bya'o/ /ji ltar na chos kyi rkyen gyis sems can bstan te/ gang thos pas sems can bstan par shes pa zhe na/ ji ltar ngas sngon dga' bo la 'di skad du/ chos thams cad la bsnyen par yang ma bshad/ chos thams cad la mi bsnyen par yang ma bshad de/ chos gang bsnyen pas dge ba'i chos ni rgyud par 'gyur la/ mi dge ba ni dar bar 'gyur na/ de lta bu'i chos la ni bsnyen par mi bya'o/ /chos gang bsnyen pas mi dge ba ni rgud cing med par 'gyur la/ dge ba'i chos ni dge zhing 'phel bar 'gyur na/ de lta bu'i chos la ni bsnyen par bya'o zhes gsungs te/ de ni chos kyi rkyen gyis sems can bstan pa ste/ gang thos pas sems can bshad par shes pa'o/ /rigs kyi bu/ de bzhin gshegs pas 'du shes dang tshor ba gnyis bkag go zhes gsungs </font><hr>Kha393b<br><font size=+1>


mod kyi/ de la thams cad kyang dgag par bya'o zhes gsungs so/ /mkhas pa shes rab can gyis 'du shes de la de ltar brtags nas/ rim gyis 'du shes kyi rgyu ni 'du shes mtha' yas pa ma yin par rtogs so/ /ci las skye bar 'gyur zhes brtags na/ reg pa'i rgyu las skye bar rig go/ /reg pa de'ang rnam pa gnyis te/ nyon mongs pa'i rgyus reg pa dang / rnam par grol ba'i rgyus reg pa'o/ /de la ma rig pa'i rgyu las skye ba ni nyon mongs pa'i reg pa zhes bya/ reg pa'i rgyu las skye ba ni rnam par grol ba'i reg pa zhes bya ste/ nyon mongs pa'i rgyu las reg pa ni 'du shes log pa skye'o/ /rnam par grol ba'i rgyu las reg pa ni ma log pa'i 'du shes skye'o/ /de ltar 'du shes kyi rgyu rtogs nas rim gyis 'bras bu rnam par smin pa rtog go/ /de nas byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ gal te nyon mongs pa'i 'du shes kyi rkyen gyis 'du shes log par skye bar 'gyur na/ 'phags pa thams cad la log pa'i 'du shes ni mchis la/ nyon mongs pa ma mchis na| de'i don ji lta bu lags/ bcom ldan 'das kyis bka' stsal pa/ rigs kyi bu/ ji ltar na 'phags pa rnam la log pa'i 'du shes yod pa zhes bya/ byang chub </font><hr>Kha394a<br><font size=+1>


@#/ /sems dpa' 'od srung gis gsol pa/ bcom ldan 'das/ 'phags pa thams cad ni ba lang la ba lang du 'du shes bskyed de ba lang ngo zhes smra la| rta la'ang rta ru 'du shes bskyed de rta'o zhes smra ba nas/ skyes pa dang / bud med dang / chen po dang / chung ngu dang / khang pa dang / shing rta dang / theg pa dang / song ba dang / 'ong ba'i bar du'ang de bzhin te/ de ni log pa'i 'du shes zhes bgyi'o/ /rigs kyi bu/ bus pa ma rabs so so'i skye bo thams cad la 'du shes gnyis yod de/ 'jig rten na grags pa'i 'du shes dang / chags pa'i 'du shes so/ /'phags pa thams cad la ni 'jig rten na grags pa'i 'du shes 'ba' zhig yod kyi/ chags pa'i 'du shes med do/ /bus pa ma rabs so so'i skye bo thams cad la ni mi dge ba'i rtog pa yod pa'i phyir 'jig rten grags pa la chags pa'i 'du shes skyed do/ /'phags pa rnams ni dge ba la rtog pa'i phyir 'jig rten grags pa la chags pa'i 'du shes mi skye ste/ de bas na bus pa ma rabs ni log pa'i 'du shes can zhes bya'i/ 'phags pa rnams ni shes su zin kyang log pa'i 'du shes zhes mi bya'o/ /mkhas pa shes rab can gyis de ltar 'du shes kyi rgyu rtogs nas rim gyis 'bras bu rnam </font><hr>Kha394b<br><font size=+1>


par smin pa la rtog go/ mi dge ba'i 'du shes kyi 'bras bu ni/ sems can dmyal ba dang / yi dwags dang / byol song gi skye gnas dang / mi dang / lhar myong bar 'gyur te/ ji ltar ngas mi dge bar rtog pa'i rgyu bcas pas ma rig pa'i reg pa chod de/ de bas na 'du shes chad par gyur to/ /'du shes chad pa'i phyir 'bras bu rnam par smin pa'ang yongs su chad do/ /mkhas pa shes rab can gyis 'du shes kyi rgyu de dag bcad pa'i phyir 'phags pa'i lam yan lag brgyad bsgom mo/ /rigs kyi bu/ de ltar rtog pa ni tshangs par spyod pa yongs su dag pa zhes bya'o/ /rigs kyi bu/ de ni sems can gyi gdug pa'i lus kyi nang na sman gyi rgyal po dam pa yod pa zhes bya ste/ ji ltar ri kha ba can la rtswa gdug pa yod du zin kyang / sman dam pa'ang yod pa bzhin no/ /gzhan yang / rigs kyi bu/ mkhas pa shes rab can gyis 'dod pa la brtags na/ 'dod pa ni gzugs dang / sgra dang / dri dang / ro dang / reg bya yin par rig ste/ rigs kyi bu/ de ni de bzhin gshegs pas rgyu las 'bras bur gsungs so/ dngos po lnga po de la sa 'dod pa skye ste/ yang dag par na 'dod pa ma yin no/ /rigs kyi bu/ gti mug can ni tshor ba la chags pas gzugs la log pa'i 'du shes bskyed pa nas reg bya'i bar </font><hr>Kha395a<br><font size=+1>


@#/ /du log pa'i 'du shes bskyed do/ /log pa'i 'du shes kyi rkyen gyis tshor ba skye bar byed de/ de bas na 'jig rten gyis 'du shes log pa'i rgyus 'du shes rnam pa bcu skye'o zhes 'chad do/ /'dod pa'i rgyu dang rkyen gyis 'jig rten du 'bras bu ngan pa myong bar 'gyur te/ pha ma dang / dge sbyong dang / bram ze dag la ngan du byed de/ byed pa'i mi rigs pa lus dang srog mi phangs par ched du byed do/ /de bas na mkhas pa shes rab can gyis mi dge ba'i 'du shes kyi rgyu dang rkyen gyis 'dod pa'i sems skye bar 'gyur bar rtog go/ mkhas pa shes rab can gyis de ltar 'dod pa'i rgyu rtogs nas/ rim gyis 'bras bu rnam par smin pa rtog go/ 'dod pa de la mi dge ba'i 'bras bu smin pa ni sems can dmyal ba dang / byol song gi skye gnas dang / yi dwags dang / mi dang / lha la sogs par 'gyur te/ de ni 'bras bu rnam par smin pa la rtog pa zhes bya'o/ /gal te mi dge ba'i 'du shes 'gog par 'gyur na/ nam du'ang 'dod pa'i sems de skye bar mi 'gyur ro/ /'dod pa'i sems med pa'i phyir mi dge ba'i 'bras bu mi myong ngo / /mi dge ba'i 'bras bu ma myong ba'i phyir mi dge ba'i 'bras bu med par 'gyur te/ de bas na bdag gis sngar mi </font><hr>Kha395b<br><font size=+1>


dge ba'i 'du shes gcad par bya'o/ /mi dge ba'i 'du shes chod na chos de dag kyang rang 'gog par 'gyur ro/ /de bas na mkhas pa shes rab can gyis mi dge ba'i 'du shes dgag pa'i phyir 'phags pa'i lam yan lag brgyad bsgom ste/ de ni tshangs par spyod pa rnam par dag pa zhes kyang bya/ de ni ji ltar ri kha ba can na rtswa gdug pa yod du zin kyang / sman dam pa'ang yod pa ltar/ sems can gyi lus gdug pa la sman gyi rgyal po dam pa yod pa zhes bya'o/ /gzhan yang / rigs kyi bu/ mkhas pa shes rab can gyis de ltar 'dod pa rtogs nas rim gyis las la rtog go/ de ci'i phyir zhe na/ mkhas pa shes rab can gyis 'di snyam du tshor ba dang / 'du shes dang / reg pa dang / 'dod pa ni nyon mongs pa ste| nyon mongs pa de ni skye ba'i las byed kyi myong ba'i las mi byed do/ /nyon mongs pa de ni las dang lhan cig tu 'gro ba na/ skye ba'i las dang / myong ba'i las te/ rnam pa gnyis su 'gyur ro snyam du sems so/ /de bas na mkhas pa shes rab can gyis las la yongs su brtag go/ las de'ang rnam pa gsum ste/ lus dang / ngag dang / yid do/ /rigs kyi bu/ lus dang / ngag gi las gnyis ni las zhes kyang bya la/ las kyi 'bras bu zhes kyang bya'o/ /yid 'ba' zhig ni las zhes bya ste/ 'bras bu zhes </font><hr>Kha396a<br><font size=+1>


@#/ /mi bya'o/ /de ltar las kyi rkyen gyis las zhes bya'o/ /rigs kyi bu/ lus dang / ngag gi las gnyis ni phyi rol gyi las zhes kyang bya'o/ /yid ni nang gi las zhes kyang bya ste/ las rnam pa de gsum nyon mongs pa dang 'grogs pa'i phyir skye ba'i las dang / myong pa'i las gnyis su 'gyur ro/ /rigs kyi bu/ las yang dag pa ni yid kyi las so/ /dus kyi las ni lus dang / ngag gi las so/ /de la sngar byung ba ni yid kyi las so/ /yid kyi las las byung ba ni lus dang / ngag gi las so/ /de bas na yid kyi las ni las yang dag pa zhes bya'o/ /mkhas pa shes rab can gyis las yongs su rtogs nas rim gyis las kyi rgyu brtag go/ /de la las kyi rgyu ni ma rig pa dang / reg pa'o/ /ma rig pa dang / reg pa'i rkyen gyis sems can rnams srid pa 'tshol lo/ /srid pa 'tshol ba'i rkyen ni srid pa yin no/ /sred pa'i rkyen gyis lus dang / ngag dang / yid kyi las rnam pa gsum byed do/ /rigs kyi bu/ mkhas pa shes rab can gyis de ltar las kyi rgyu rtogs nas rim gyis 'bras bu rnam par smin par rtog go/ /'bras bu rnam par smin pa la rnam pa bzhi ste/ nag po'i yang nag po'i 'bras bu rnam par smin pa dang / dkar po'i yang dkar po'i 'bras bu rnam par smin pa dang / 'dres </font><hr>Kha396b<br><font size=+1>


pa'i yang 'dres pa'i 'bras bu rnam par smin pa dang / mi dkar mi gnag pa'i yang mi dkar mi gnag pa'i 'bras bu rnam par smin pa'o/ /de la nag po'i yang nag po'i 'bras bu rnam par smin pa ni las byed pa na'ang dri ma dang bcas pa la/ 'bras bu rnam par smin pa'ang dri ma dang bcas pa'o/ /dkar po'i yang dkar po'i 'bras bu rnam par smin pa ni las byed pa na'ang rnam par dag la/ 'bras bu rnam par smin pa'ang rnam par dag pa'o/ /'dres pa'i yang 'dres pa'i 'bras bu rnam par smin pa ni las byed pa na'ang 'dres la/ 'bras bu rnam par smin pa'ang 'dres pa'o/ /mi dkar mi gnag pa'i yang mi dkar mi gnag pa'i 'bras bu rnam par smin pa ni zag pa med pa'i las zhes bya'o/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ sngar ni zag pa ma mchis pa la 'bras bu rnam par smin pa'ang ma mchis zhes gsungs na/ de ni ci'i slad du mi dkar mi gnag pa'i 'bras bu rnam par smin pa mchis zhes gsungs/ bcom ldan 'das kyis bka' stsal pa/ rigs kyi bu/ don de la rnam pa gnyis te/ 'bras bu yin la rnam par smin pa'ang yin pa dang / 'bras bu 'ba' zhig ste rnam par smin pa ma yin pa'o/ /nag po'i yang nag po'i 'bras bu </font><hr>Kha397a<br><font size=+1>


@#/ /rnam par smin pa ni 'bras bu zhes kyang bya la/ rnam par smin pa zhes kyang bya'o/ /de la nag po'i rgyu las skye ba'i 'bras bu zhes bya la/ rgyur 'gyur par byed pas rnam par smin pa zhes kyang bya ste/ 'dres pa dang rnam par dag pa'ang de bzhin no/ /zag pa med pa'i 'bras bu ni zag pa dang bcas pa'i rgyu las skye ba'i phyir 'bras bu zhes bya ste/ gzhan gyi rgyur mi 'gyur bas rnam par smin pa zhes mi bya'o/ /de bas na 'bras bu zhes bya'o/ /rnam par smin pa zhes mi bya'o/ /byang chub sems dpa' 'od srung gis yang bcom ldan 'das la 'di skad ces gsol to/ /bcom ldan 'das/ zag pa ma mchis pa'i las de chos nag po ma lags na/ ci'i slad du dkar po zhes mi bgyi/ bka' stsal pa/ rigs kyi bu/ rnam par smin pa med pa'i phyir dkar po zhes mi bya'o/ nag po'i gnyen po yin pas dkar po zhes bya'o/ /ngas skabs 'dir ni 'bras bu rnam par smin pa myong ba la nag po dang / dkar po zhes gsungs so/ /zag pa med pa'i las ni rnam par smin pa mi myong bas dkar po zhes mi bya'i/ zhi ba zhes bya'o/ /de ltar las de'i nges par rnam par smin pa myong ba'i gnas yod de/ dper na/ mi dge ba bcu byas na/ nges par sems can dmyal ba dang / byol </font><hr>Kha397b<br><font size=+1>


song gi skye gnas dang / yi dwags su skye la/ dge ba bcu byas na/ nges par lha dang / mir skye'o/ /mi dge ba bcu'i las la rab dang / 'bring dang / tha ma yod de/ rab byas pa ni sems can dmyal ba'i lus myong ngo / /'bring byas pa ni byol song gi lus myong ngo / /tha ma byas pa ni yi dwags kyi lus myong ngo / /mi'i las kyi nang du dge ba bcu la'ang rnam pa bzhi ste/ rab dang / 'bring dang / tha ma dang / rab kyi'ang rab bo/ /de la tha ma ni byang gi sgra mi snyan du skye'o/ /'bring ni shar gyi lus 'phags gling du skye'o/ /rab ni nub kyi ba lang spyod du skye'o/ /rab kyi'ang rab ni dzam bu'i gling du skye ste/ mkhas pa shes rab can gyis de ltar rtogs nas/ 'di snyam du bdag gis 'bras bu rnam par smin pa de ji ltar gcad par bya snyam bsams nas/ yang 'di snyam du las de'i rgyu dang rkyen ni ma rig pa dang / reg pa ste/ gal te bdag gis ma rig pa dang / reg pa yongs su bcad na las kyi 'bras bu de dag 'gog cing mi skye bar 'gyur ro snyam sems so/ /de bas na mkhas pa shes rab can gyis ma rig pa dang reg pa yongs su gcad pa'i phyir 'phags pa'i lam gyi yan lag brgyad bsgom ste/ de ni tshangs par spyod pa yongs su dag pa zhes bya'o/ /rigs kyi bu/ de ltar na sems can gyi gdug pa'i lus la/ sman gyi rgyal po dam pa </font><hr>Kha398a<br><font size=+1>


@#/ /yod pa ni ji ltar ri kha ba can la rtswa gdug pa yod du zin kyang sman dam pa'ang yod pa dang 'dra'o/ /gzhan yang / rigs kyi bu/ mkhas pa shes rab can gyi las dang nyon mongs pa rtogs nas rim gyis 'bras bu rnam par smin pa gnyis la brtag go/ /de ltar de gnyis kyi 'bras bu rnam par smin pa ni sdug bsngal yin te/ de ltar sdug bsngal bar shes nas skye ba len pa thams cad yongs su spong ngo / /mkhas pa shes rab can ni gzhan yang nyon mongs pa'i rgyu las nyon mongs pa skye ba dang / las kyi rgyu las nyon mongs pa skye la/ nyon mongs pa'i rgyu las kyang las skye ba dang / las kyi rgyu las sdug bsngal skye la/ sdug bsngal gyi rgyu las nyon mongs pa skye'o/ / nyon mongs pa'i rgyu las srid pa skye ste/ srid pa'i rgyu las sdug bsngal skye'o/ /srid pa'i rgyu las srid pa skye ste/ srid pa'i rgyu las las skye'o/ /las kyi rgyu las nyon mongs pa skye la/ nyon mongs pa'i rgyu las sdug bsngal skye ste/ sdug bsngal gyi rgyu las kyang sdug bsngal skye bar rtogs so/ /rigs kyi bu/ mkhas pa shes rab can gyis de ltar rtogs pa ni las kyi sdug bsngal rtogs pa yin par rig par bya'o/ /de ci'i phyir zhe na/ ji ltar gong ma dang 'dra bar rtog pa de dag ni 'khor ba'i rgyu rkyen bcu </font><hr>Kha398b<br><font size=+1>


gnyis te/ gal te gang gis 'khor ba'i rgyu rkyen bcu gnyis de la de ltar rtog na de ni las gsar mi byed cing / las rnying bcom pa yin par rig par bya'o/ /rigs kyi bu/ mkhas pa shes rab can gyis sems can dmyal ba'i gcig nas sems can dmyal ba brgya sum cu rtsa drug gi bar gyi sems can dmyal ba re re'i sdug bsngal rnam pa sna tshogs ji snyed yod pa brtags na/ kun kyang nyon mongs pa'i las kyis bskyed pa yin par rtogs so/ /de ltar sems can dmyal ba'i sdug bsngal rtogs nas rim gyis yi dwags dang / byol song la sogs pa'i sdug bsngal brtag go/ /de ltar rtogs nas yang mi dang / lha'i sdug bsngal ji snyed yod pa rnams rtog ste/ de ltar sdug bsngal mang po de dag kun kyang nyon mongs pa'i las las skye ba yin par rtogs so/ /rigs kyi bu/ mtho ris kyi lha la sdug bsngal chen pos gzir ba'i dngos po med de/ lus mnyen zhing 'jam yang ltas lnga mngon du byung ba'i tshe sdug bsngal chen po myong ba ni sems can dmyal ba'i sdug bsngal dang 'dra ste/ khyad par med do/ /rigs kyi bu/ mkhas pa shes rab can gyis ni khams gsum gyi sdug bsngal thams cad nyon mongs pa'i las kyi rgyu dang rkyen las skye bar shin tu rtogs so/ /rigs kyi bu/ dper na/ rdza ma so ma btang ba ni shin tu'ang chag sla'o/ /sems can </font><hr>Kha399a<br><font size=+1>


@#/ /gyi lus blangs pa'ang de dang 'dra ste/ lus de ni sdug bsngal mang po'i snod yin no/ /'di lta ste/ dper na/ me tog dang / 'bras bu'i shing shin tu rgyas pa ni bya mang pos ma rung bar byed do/ /dper na/ rtswa skam po mang du spungs kyang me chung ngus 'tshig par 'gyur ba dang 'dra bar sems can gyi lus myong ba'ang sdug bsngal gyis 'jig par 'gyur ro/ /rigs kyi bu/ mkhas pa shes rab can gyis sdug bsngal rnam pa brgyad ni 'phags pa'i spyod pa ltar rtogs na/ gang zag des ni sdug bsngal yongs su chod par rig par bya'o/ /rigs kyi bu/ mkhas pa shes rab can gyis sdug bsngal brgyad shin tu rtogs nas rim gyis sdug bsngal gyi rgyu la rtog go/ /sdug bsngal gyi rgyu zhes bya ba ni sred pa dang / ma rig pa'o/ /sred pa dang / ma rig pa la rnam pa gnyis te/ lus 'tshol ba dang / zang zing 'tshol ba'o/ /lus dang zang zing 'tshol ba gnyis ka la'ang sdug bsngal ba ste/ de bas na sred pa dang / ma rig pa ni sdug bsngal gyi rgyur 'gyur bar rig par bya'o/ /rigs kyi bu/ sred pa dang / ma rig pa las gzhan yang rnam pa gnyis te/ nang dang / phyi rol lo/ /de la nang gis lus su 'gyur bar byed do/ /phyi rol gyis ni skye zhing 'phel bar byed do/ /gzhan yang nang gis lus </font><hr>Kha399b<br><font size=+1>


su 'gyur bar byed de/ phyi rol ni las kyi 'bras bur 'gyur bar byed pas/ nang gi sred pa bcad na las chod par 'gyur gyi/ phyi rol gyi sred pa bcad pas 'bras bu chod par 'gyur ro/ /de la nang gi sred pas ni ma 'ongs pa'i dus kyi sdug bsngal skye bar byed la/ phyi rol gyi sred pas ni da ltar gyi dus kyi sdug bsngal skye bar byed de/ de bas na mkhas pa shes rab can gyis sred pa ni sdug bsngal gyi rgyur 'gyur bar rtogs so/ /de ltar sdug bsngal gyi rgyu rtogs nas rim gyis sdug bsngal gyi 'bras bu rnam par smin pa la rtog go/ /sdug bsngal gyi 'bras bu zhes bya ba ni len pa yin no/ /sred pa'i 'bras bu la len pa zhes bya ste/ len pa'i rgyu dang rkyen gyis phyi nang la sred par 'gyur te/ sred pa de'i sdug bsngal myong bar 'gyur ro/ /rigs kyi bu| mkhas pa shes rab can gyis ni sred pa'i rkyen gyis len pa/ len pa'i rkyen gyis srid pa yin par rtogs so/ /gang gis srid pa dang / len pa'i dngos po gnyis bcad na/ las kyang mi byed de/ sdug bsngal mang po myong bar yang mi 'gyur ro/ /de bas na mkhas pa shes rab can ni srid pa'i sdug bsngal bcad pa'i phyir 'phags pa'i lam brgyad la nan tan byed do/ /rigs kyi bu/ gang zhig de ltar shin tu rtogs na/ de ni ngas tshangs pa'i spyod pa rnam par dag pa zhes bya ste/ de ni sems can gyi gdug pa'i lus la sman dam </font><hr>Kha400a<br><font size=+1>


@#/ /pa'i rgyal po yod pa zhes bya ste/ ji ltar ri kha ba can la dug yod du zin kyang / sman dam \?\ 'ang yod pa bzhin no/ /byang chub sems dpa' 'od srung gis yang gsol ba/ bcom ldan 'das/ ji ltar na yongs su dag pa'i tshangs par spyod pa zhes bgyi/ bcom ldan 'das kyis bka' stsal pa/ rigs kyi bu/ chos thams cad ces bya ba yin no/ /byang chub sems dpa' 'od srung gis gsol pa/ bcom ldan 'das/ chos thams cad ces bgyi ba'i don ma nges pa lags so/ /de ci'i slad du zhe na/ de bzhin gshegs pas bar bar ni dge ba dang / mi dge ba lags zhes gsungs/ bar bar ni dran pa nye bar bzhag pa bzhi la rjes su rtogs pa lags so zhes gsungs/ bar bar ni skye mched bcu gnyis lags so zhes gsungs/ /bar bar ni dge ba'i bshes gnyen lags so zhes gsungs/ bar bar ni rten cing 'brel te 'byung ba bcu gnyis lags so zhes gsungs/ bar bar ni sems can lags so zhes gsungs/ /bar bar ni yang dag par blta ba dang ngan par lta ba lags so zhes gsungs/ /bar bar ni mdo sde bcu gnyis lags so zhes gsungs/ bar bar ni bden pa gnyis lags so zhes gsungs/ nga'ang 'dir yongs su dag pa'i tshangs par spyod pa ni chos thams </font><hr>Kha400b<br><font size=+1>


cad do zhes gsungs na gang dag la sogs pa la chos thams cad ces bgyi/ bcom ldan 'das kyis bka' stsal pa/ legs so/ shin tu legs so/ /rigs kyi bu/ yongs su mya ngan las 'das pa chen po'i mdo sde dam pa'i chos 'di ni chos thams cad kyi rin po che'i gter zhes bya'o/ dper na/ rgya mtsho ni rin po che thams cad kyi 'byung gnas yin pa dang 'dra bar yongs su mya ngan las 'das pa'i mdo sde 'di'ang de dang 'dra ste/ tshig gi don thams cad kyi dgongs te gsungs pa'i snying po'o/ /rigs kyi bu/ dper na/ ri rab ri'i rgyal po ni sman mang po thams cad kyi 'byung gnas yin pa dang 'dra bar mdo sde 'di'ang de dang 'dra ste/ byang chub sems dpa'i tshul khrims kyi 'byung gnas yin no/ /rigs kyi bu/ dper na/ nam mkha' ni dngos po thams cad kyi gnas yin pa ltar mdo sde 'di'ang de dang 'dra ste/ dge ba'i chos thams cad kyi gnas yin no/ /rigs kyi bu/ dper na/ rlung drag po ni sus kyang bcing mi nus pa ltar byang chub sems dpa' mdo sde 'di la nan tan byed pa thams cad kyang de dang 'dra ste/ nyon mongs pa'i mi dge ba'i chos thams cad kyis 'ching mi nus so/ /rigs kyi bu/ dper na/ rdo rje la cis kyang mi tshugs pa ltar mod sde 'di'ang de dang 'dra bar mu \?\stegs can ngan par lta ba mang du yod kyang rnam par gzhig </font><hr>Kha401a<br><font size=+1>


@#/ /mi nus so/ /rigs kyi bu/ dper na/ gang+gA'i klung gi bye ma ni sus kyang bgrang mi nus pa ltar mdo sde 'di'i don yang de dang 'dra ste/ sus kyang bgrang mi nus so/ /rigs kyi bu/ mdo sde 'di ni byang chub sems dpa' rnams kyi chos kyi rgyal mtshan du 'gyur te/ brgya byin lha'i dbang phyug gi rgyal mtshan dang 'dra'o/ /rigs kyi bu/ mdo sde 'di ni yongs su mya ngan las 'das pa chen po'i grong khyer du 'gro ba'i tshong dpon lta bu ste/ ji ltar ded dpon chen pos tshong dpon mang po ded de rgya mtsho chen por 'jug pa dang 'dra'o/ /rigs kyi bu/ mdo sde 'di ni byang chub sems dpa' rnams kyi chos kyi snang ba'i 'od du 'gyur te/ ji ltar 'jig rten na nyi ma dang zla bas mun pa sel bar byed pa dang 'dra'o/ /rigs kyi bu/ mdo sde 'di ni nad kyis gzir ba'i sems can gyi sman bzang por 'gyur te/ ji ltar ri bsung can la sman gyi rgyal po 'byung bas nad kyi sdug bsngal zhi bar byed pa dang 'dra'o/ /rigs kyi bu/ mdo sde 'di ni log sred can thams cad kyi 'khar bar 'gyur te/ dper na mi nyam chung ba thams cad de'i rkyen gyis krags pa dang 'dra'o/ /rigs kyi bu/ mdo sde 'di ni sdig pa ma rungs pa thams cad kyi zam par 'gyur te/ ji ltar 'jig rten na zam pas thams cad sgrol ba dang 'dra'o/ /rigs </font><hr>Kha401b<br><font size=+1>


kyi bu/ mdo sde 'di ni srid pa nyi shu rtsa lngar nyon mongs pas gdungs pa'i bsil grib tu 'gyur te/ 'jig rten gyi gdugs sam/ bla gab kyis shin tu tsha ba'i nyi ma sgrib pa dang 'dra'o rigs kyi bu/ mdo sde 'di ni 'jigs pa med pa'i rgyal po chen po ste/ nyon mongs pa'i bdud ma rungs pa thams cad 'joms par 'gyur ba ni/ ji ltar seng ge'i rgyal pos ri dwags thams cad thul ba dang 'dra'o/ /rigs kyi bu/ mdo sde 'di ni rig pa'i sngags chen mo ste/ nyon mongs pa'i gdon ma rungs pa thams cad 'jig par 'gyur ba ni 'jig rten na sngags mkhan gyis gdon med par byed pa dang 'dra'o/ /rigs kyi bu/ mdo sde 'di ni bla na med pa'i ba mo'am/ ser ba lta bu ste/ 'khor ba'i 'bras bu thams cad bcom pa ni/ ji ltar 'jig rten na ba mo'am/ ser bas 'bras bu thams cad bcom pa dang 'dra'o/ /rigs kyi bu/ mdo sde 'di ni tshul khrims kyi mig nyams pa'i sman bzang po lta bur 'gyur te/ /'jig rten na sman any+dzA na zhes bya ba mig na ba thams cad la phan par byed pa dang 'dra'o/ /rigs kyi bu/ mdo sde 'di ni dge ba'i chos thams cad kyi 'byung gnas su 'gyur te/ ji ltar 'jig rten nas dngos po thams cad kyi gnas su 'gyur ba dang 'dra'o/ /rigs kyi bu/ mdo sde 'di ni tshul khrims nyams pa'i sems can gyi me long gsal bar </font><hr>Kha402a<br><font size=+1>


@#/ /'gyur te/ ji ltar 'jig rten gyi me long gsal bas gzugs thams cad snang ba dang 'dra'o/ /rigs kyi bu/ mdo sde 'di ni khrel ba dang 'dzem pa med pa'i gos su 'gyur te/ ji ltar 'jig rten na gos kyis lus sgrib cing g.yog pa dang 'dra'o/ /rigs kyi bu/ mdo sde 'di ni dge ba'i chos kyis dbul ba rnams kyi nor rin po cher 'gyur te/ ji ltar lha bkra shis mas dbul pa thams cad la phan par 'gyur ba dang 'dra'o/ /rigs kyi bu/ mdo sde 'di ni chos kyis skom pa'i sems can thams cad kyi bdud rtsi'i chur 'gyur te/ ji ltar yon tan brgyad dang ldan pa'i chus skom pa thams cad ngoms par byed pa dang 'dra'o/ /rigs kyi bu/ mdo sde 'di ni nyon mongs pa thams cad kyi chos kyi khrir 'gyur te/ ji ltar 'jig rten na gang zag dag bde ba'i khri la phrad pa dang 'dra'o/ /rigs kyi bu/ mdo sde 'di ni sa dang po'i byang chub sems dpa' nas sa bcu pa'i byang chub sems dpa'i bar gyi rgyan dang / bdug pa dang / me tog dang / byug pa dang / byug spos dang / spos phye ma dang / bdug spos rnam par dag pa'i rigs phun sum tshogs pa'i theg pas pha rol tu phyin pa drug la gnas par byed do/ /rab tu bde ba myong bar byed pa ni/ ji ltar sum cu rtsa gsum </font><hr>Kha402b<br><font size=+1>


gnam gyi shing pa ri tsi tra dang 'dra'o/ /rigs kyi bu/ mdo sde 'di ni ye shes kyi mtshon ngar can lta bu ste/ nyon mongs pa'i shing thams cad gcod par 'gyur ro/ /'di ni mtshon rnon po lta bu ste bag chags thams cad gcod par 'gyur ro/ /'di ni shin tu dpa' zhing rtul phod pa lta bu ste/ phas rgol ba'i bdud thams cad bcom pa'o/ /'di ni ye shes kyi me lta bu ste/ nyon mongs pa thams cad sreg pa'o/ /'di ni rten cing 'brel te 'byung ba'i snying po lta bu ste/ rang sangs rgyas thams cad kyi 'byung gnas so/ /'di ni thos pa'i gter lta bu ste/ nyan thos kyi skye gnas yin no/ /'di ni lha thams cad kyi mig lta bu'o/ /'di ni mi thams cad kyi yang dag pa'i lam yin no/ /'di ni byol song gi skye gnas thams cad kyi brten pa'i gnas yin no/ /'di ni yi dwags thams cad kyi rnam par grol ba'i gnas yin no/ /'di ni sems can dmyal ba'i bla na med pa'i mchog yin no/ /'di ni phyogs bcu'i sems can thams cad kyi bla na med pa'i snod yin no/ /'di ni phyogs bcu'i 'jig rten gyi 'das pa dang / ma byon pa dang / da ltar bzhugs pa'i sangs rgyas thams cad kyi yab dang yum yin no/ /rigs kyi bu/ /de bas na mdo sde 'dis ni chos thams cad bsdus so/ /ngas ni sngar gsungs pa ltar mdo sde 'dis chos thams cad bsdus par gsungs mod kyi/ ngas ni byang </font><hr>Kha403a<br><font size=+1>


@#/ /chub kyi phyogs kyi chos sum cu rtsa bdun la tshangs par spyod pa yin no zhes gsungs so// //'phags pa yongs su mya ngan las 'das pa chen po'i mdo/ bam po lnga bcu pa/ rigs kyi bu/ byang chub kyi phyogs sum cu rtsa bdun ma gtogs par/ gzhan gyis nyan thos kyi 'bras bu yang dag pa nas bla na med pa yang dag par rdzogs pa'i byang chub kyi 'bras bu'i bar du thob par mi 'gyur bas sangs rgyas kyi rang bzhin dang / sangs rgyas kyi rang bzhin gyi 'bras bu'ang mi mthong ngo / /de'i rgyu de'i rkyen gyis tshangs par spyod pa ni byang chub kyi phyogs sum cu rtsa bdun no/ /de ci'i phyir zhe na/ byang chub kyi phyogs sum cu rtsa bdun phyin ci log gi rang bzhin ma yin pas phyin ci log rnam par 'jig par byed do/ /ngan par lta ba'i rang bzhin ma yin pas ngan par lta ba 'jig par byed do/ /'jig pa'i rang bzhin ma yin pas 'jig pa yongs su 'jig par byed do/ /rang bzhin gyis yongs su dag par spyod pa yin pas sems can dag mthar yongs su dag pa'i tshangs par spyad pa spyod par byed do/ /byang chub sems dpa' 'od srung gis gsol pa/ bcom ldan 'das/ zag pa dang bcas pa'i chos ni zag pa med pa'i chos kyi rgyur yang 'gyur na/ de bzhin </font><hr>Kha403b<br><font size=+1>


gshegs pas ci'i slad du zag pa dang bcas pa la/ yongs su dag pa'i tshangs par spyod pa'o zhes ma gsungs/ bcom ldan 'das kyis bka' stsal pa/ rigs kyi bu/ zag pa dang bcas pa thams cad ni phyin ci log pa yin te/ de bas na zag pa dang bcas pa la yongs su dag pa'i tshangs par spyod pa zhes mi bya'o/ /byang chub sems dpa' 'od srung gis gsol pa/ bcom ldan 'das/ 'jig rten mchog gi chos zhes bgyi ba/ zag pa dang / bcas pa lags sam/ zag pa ma mchis pa lags/ bcom ldan 'das kyis bka' stsal pa/ rigs kyi bu/ zag pa dang bcas pa yin no/ /gsol pa/ bcom ldan 'das/ zag pa dang bcas pags mod kyi/ rang bzhin gyis phyin ci log ma lags na/ ci'i slad du yongs su dag pa'i tshangs par spyod pa zhes mi bgyi/ bcom ldan 'das kyis bka' stsal pa/ rigs kyi bu/ 'jig rten mchog gi chos ni zag pa med pa'i rgyur 'gyur bas zag pa med pa dang 'dra'o/ /zag pa med pa la phyogs pas phyin ci log ces mi bya'o/ /rigs kyi bu/ yongs su dag pa'i tshangs par spyod pa'i sems bskyed pa rgyun ma chad pa nas/ mthar 'jig rten mchog gi chos kyi bar du sems rtse gcig tu zad de/ de bas na yongs su dag pa'i tshangs par spyod pa zhes mi bya'o/ /byang chub sems dpa' 'od </font><hr>Kha404a<br><font size=+1>


@#/ /srung gis gsol pa/ bcom ldan 'das/ sems can gyi rnam par shes pa lnga ni zag pa dang bcas pa'ang lags te/ phyin ci log pa ma lags la sems rtse gcig pa'ang ma lags na ci'i slad du yongs su dag pa'i tshangs par spyod pa zhes mi bgyi/ bcom ldan 'das kyis bka' stsal pa/ rigs kyi bu/ sems can gyi rnam par shes pa lnga ni sems rtse gcig pa ma yin yang gang zag pa dang bcas pa yin la/ phyin ci log kyang yin te/ zag pa rnams bskyed pa'i phyir zag pa dang bcas pa zhes bya'o/ /ngo bo nyid kyis yang dag pa ma yin te/ 'du shes la chags pas phyin ci log pa zhes bya'o/ /de la ji ltar na ngo bo nyid kyis yang dag pa ma yin te/ 'du shes la chags pas phyin ci log ces bya zhe na/ pho dang / mo ma yin pa la pho dang / mor 'du shes bskyed pa nas/ khang pa dang / theg pa dang / bum pa dang / gos kyi bar du de bzhin du rgyas par rig par bya ste/ de dag ni phyin ci log ces bya'o/ /rigs kyi bu/ byang chub kyi phyogs sum cu rtsa bdun ni rang bzhin gyis phyin ci log pa ma yin te/ de bas na yongs su dag pa'i tshangs par spyod pa zhes bya'o/ /rigs kyi bu/ byang chub sems dpa' gang byang chub kyi phyogs sum cu rtsa bdun las rtsa ba'ang shes/ rgyu'ang shes </font><hr>Kha404b<br><font size=+1>


bsdu ba'ang shes/ bskyed pa'ang shes/ bdag po'ang shes/ ded dpon yang shes/ rgyal ba'ang shes/ yang dag pa'ang shes/ mthar phyin pa'ang shes na/ byang chub sems dpa' de ni yongs su dag pa'i tshangs par spyod pa zhes bya'o/ /byang chub sems dpa' 'od srung gis gsol pa/ bcom ldan 'das/ de la ji ltar na rtsa ba shes pa nas mthar phyin pa'i bar du shes pa zhes bgyi/ bcom ldan 'das kyis bka' stsal pa/ rigs kyi bu/ legs so/ /legs so/ /byang chub sems dpa' zhu ba la dngos po rnam pa gnyis te/ gang zhe na/ bdag shes par bya ba dang / gzhan shes par byed pa'o/ /khyod kyis rtogs shing shes kyang sems can tshad med pa snyed ma rtogs mi shes pa dag gi phyir dngos po 'di dag zhu ba legs so/ /legs so zhes bstod do/ /rigs kyi bu/ byang chub kyi phyogs sum cu rtsa bdun gyi rtsa ba ni mos pa yin te/ rgyu ni gsal bar reg pa zhes bya/ bsdu ba ni tshor ba zhes bya/ bskyed pa ni legs par yid la byed pa zhes bya/ bdag po ni dran pa zhes bya/ ded dpon ni ting nge 'dzin ces bya/ rgyal ba ni shes rab ces bya/ yang dag pa ni rnam par grol ba zhes bya/ mthar phyin pa ni yongs su mya ngan las 'das pa chen po zhes bya/ rigs kyi bu/ shin tu mos pa ni thog ma sems bskyed pa nas/ bla na med pa yang </font><hr>Kha405a<br><font size=+1>


@#/ /dag par rdzogs pa'i byang chub kyi bar gyi rtsa ba yin te/ de bas na mos pa ni rtsa ba zhes gsungs so/ /rigs kyi bu/ dper na/ 'jig rten na sdug bsngal thams cad kyi rtsa ba ni sred pa yin no zhes bya ba dang / nad thams cad kyi rtsa ba ni kha zas ma zhu ba yin no zhes bya ba dang / zhal che thams cad kyi rtsa ba ni rtsod pa yin no zhes bya ba dang / mi dge ba thams cad kyi rtsa ba ni rdzun yin no zhes bya ba dang 'dra'o/ /byang chub sems dpa' 'od srung gis gsol pa/ bcom ldan 'das/ de bzhin gshegs pas sngar mdo sde 'di'i nang nas dge ba thams cad kyi rtsa ba ni bag byas pa lags so zhes gsungs la/ da ni mos pa lags so zhes gsungs pa'i don ji lta bu lags/ bcom ldan 'das kyis bka' stsal pa/ rigs kyi bu/ gal te skye ba'i rgyu la bya na ni shin tu mos pa yin no/ /gal te gsal ba'i rgyu la bya na ni bag byed pa yin no/ /dper na/ 'jig rten pa dag 'bras bu thams cad kyi rgyu ni sa bon yin no zhes bya ba dang / gzhan yang sa bon ni skye ba'i rgyu yin no zhes bya ba dang / sa ni gsal ba'i rgyu yin no zhes bya ba'i don yang de dang 'dra'o/ /byang chub sems dpa' 'od srung gis gsol pa/ bcom ldan 'das/ de bzhin gshegs pas mdo sde gzhan las byang chub kyi phyogs sum cu </font><hr>Kha405b<br><font size=+1>


rtsa bdun gyi rtsa ba ni sangs rgyas lags so zhes bgyi ba'i don ji lta bu lags/ bcom ldan 'das kyis bka' stsal pa/ de bzhin gshegs pas sems can gang byang chub kyi phyogs sum cu rtsa bdun thog ma shes pa la ni sangs rgyas kyi rtsa ba yin no zhes gsungs so/ /gang rang gis rig pa la ni shin tu mos pa rtsa ba yin no zhes gsungs so/ /gsol pa/ bcom ldan 'das/ de la ji ltar na gsal bar rig pa la rgyu zhes bgyi ba lags/ bcom ldan 'das kyis bka' stsal pa/ rigs kyi bu/ de bzhin gshegs pas bar bar ni gsal ba la shes rab ces kyang gsungs/ bar bar ni dad pa zhes kyang gsungs so/ /rigs kyi bu/ dad pa'i rgyu dang rkyen gyis dge ba'i bshes gnyen la bsnyen par 'gyur te/ de bas na reg pa zhes bya'o/ /dge ba'i bshes la bsten pa'i rgyu dang rkyen gyis dam pa'i chos thos par 'gyur te/ de'ang reg pa zhes bya'o/ /dam pa'i chos thos pa'i rkyen gyis lus dang / ngag dang / yid kyi las yongs su dag par 'gyur te/ de'ang reg pa zhes bya'o/ /lus dang / ngag dang / yid kyi las yongs su dag pa'i rkyen gyis yang dag pa'i 'tsho ba thob par 'gyur te/ de'ang reg pa zhes bya'o/ /yang dag pa'i 'tsho ba'i rkyen gyis yongs su dag pa'i tshul khrims thob par 'gyur ro/ /yongs su dag pa'i tshul khrims kyi rkyen gyis </font><hr>Kha406a<br><font size=+1>


@#/ /bas mtha'i dgon pa la dga' bar 'gyur ro/ /bas mtha'i dgon pa la dga' ba'i rkyen gyis shin tu yid la byed par 'gyur ro/ /shin tu yid la byas pas chos bzhin du gnas par 'gyur ro/ /chos bzhin du gnas pa'i rkyen gyis byang chub kyi phyogs sum cu rtsa bdun thob ste/ kun nas nyon mongs pa tshad med pa snyed choms par 'gyur te/ de ni reg pa zhes bya'o/ /rigs kyi bu/ tshor ba la sdud pa zhes bya'o/ /sems can gyis tshor ba myong ba na dge ba dang sdig pa byed par 'gyur te/ de bas na tshor ba la sdud pa zhes bya'o/ /rigs kyi bu/ tshor ba'i rkyen gyis kun nas nyon mongs pa mang po skye'o/ /byang chub kyi phyogs sum cu rtsa bdun gyis kun nas nyon mongs pa choms par 'gyur te/ de bas na tshor ba sdud pa zhes bya'o/ /shin tu legs par yid la byed pa'i rkyen gyis kun nas nyon mongs pa choms par 'gyur te/ de bas na bskyed pa zhes bya'o/ /de ci'i phyir zhe na/ brtson 'grus su nan tan byas na byang chub kyi phyogs sum cu rtsa bdun thob par 'gyur ro/ /gang gis de ltar kun nas nyon mongs pa gzhom par bsams na dran pa la rag lus te/ de bas na dran pa ni bdag po zhes bya'o/ /dper na/ 'jig rten na tshogs rnam pa bzhi ni dmag dpon gyi yid bzhin du 'gro ba ltar byang </font><hr>Kha406b<br><font size=+1>


chub kyi phyogs sum cu rtsa bdun yang de dang 'dra ste/ bdag po dran pa'i rjes su 'gro'o/ /rigs kyi bu/ ting nge 'dzin du zhugs pas byang chub kyi phyogs sum cu rtsa bdun gyi chos kyi mtshan nyid thams cad rtogs par 'gyur te/ de bas na ting nge 'dzin ni ded dpon zhes bya'o/ /byang chub kyi phyogs sum cu rtsa bdun gyi chos kyi mtshan nyid rtogs pa'ang shes rab mchog tu 'gyur te/ de bas na shes rab ni rgyal ba zhes bya'o/ /de ltar shes rab kyis nyon mongs pa rtogs nas shes rab kyi stobs kyis nyon mongs pa zhi bar 'gyur te/ ji ltar 'jig rten na tshogs rnam bzhis dgra pham pa'ang dpa' bo gcig gam gnyis tsam la rag lus pa ltar byang chub kyi phyogs sum cu rtsa bdun yang de dang 'dra ste/ shes rab kyi mthus nyon mongs pa bcom pas shes rab kyi rgyal ba zhes bya'o/ /rigs kyi bu/ byang chub kyi phyogs sum cu rtsa bdun la nan tan byas pas bsam gtan bzhi dang / mngon par shes pa dang / bde ba thob mod kyi/ yang dag pa zhes mi bya ste/ gang nyon mongs pa bcom nas rnam par grol ba thob pa'i tshe/ don yang dag pa zhes bya'o/ /byang chub kyi phyogs sum cu rtsa bdun la sems bskyed de nan tan byas pas 'jig rten gyi bde ba dang / 'jig rten las 'das pa'i bde ba dang / dge sbyong gi 'bras bu bzhi dang / rnam par grol ba thob mod kyi mthar </font><hr>Kha407a<br><font size=+1>


@#/ /phyin pa zhes mi bya'o/ /gang zhig gis byang chub kyi phyogs sum cu rtsa bdun sbyong ba'i dngos po yongs su bcad na de ni mya ngan las 'das pa zhes bya ste/ de bas na mthar phyin pa la yongs su mya ngan las 'das pa chen po zhes ngas gsungs so/ /rigs kyi bu/ gzhan yang shin tu 'dod pa'i sems ni mos pa zhes bya'o/ / shin tu 'dod pas dge ba'i bshes gnyen la bsnyen par 'gyur te/ de ni reg pa zhes kyang bya/ rgyu zhes kyang bya'o/ /dge ba'i bshes gnyen la bsnyen pas tshor ba zhes kyang bya ste/ de ni sdud pa zhes bya'o/ /dge ba'i bshes gnyen la bsnyen pas shin tu yid la byed par 'gyur te bskyed pa zhes bya'o/ /chos rnam pa 'di bzhi'i rkyen gyis byang chub skye ba ni mos pa dang / dran pa dang / ting nge 'dzin dang / shes rab yin te/ de ni bdag po dang / ded dpon dang / rgyal ba zhes bya'o/ /chos rnam pa 'di gsum gyi rkyen gyis rnam par grol ba gnyis thob par 'gyur ro/ /'dod pa yongs su bcad pas ni sems rnam par grol la/ ma rig pa yongs su bcad pas shes rab rnam par grol te/ de ni yang dag pa zhes bya'o/ /de ltar chos rnam pa 'di brgyad kyis mthar 'bras bu thob par 'gyur bas mya ngan las 'das pa zhes bya ste/ mthar phyin pa </font><hr>Kha407b<br><font size=+1>


zhes kyang bya'o/ /rigs kyi bu/ gzhan yang mos pa ni sems bskyed nas rab tu byung ba'o/ /reg pa ni gsol pa dang bzhi'i las byas pa ste/ de ni rgyu zhes bya'o/ /bzung ba ni tshul khrims rnam pa gnyis nod pa ste/ so sor thar pa dang / rtsa ba yongs su dag pa'i tshul khrims te/ de ni tshor ba dang / yongs su bzung ba zhes bya'o/ /bskyed pa ni bsam gtan bzhi la nan tan byed pa'o/ /bdag po ni rgyun du zhugs pa'i 'bras bu dang / lan gcig phyir ldog pa'i 'bras bu'o/ /ded dpon ni lan gcig phyir mi ldog pa'i 'bras bu'o/ /rgyal ba ni dgra bcom pa'i 'bras bu'o/ /yang dag pa ni rang sangs rgyas kyi 'bras bu'o/ /mthar phyin pa ni bla na med pa yang dag par rdzogs pa'i byang chub kyi 'bras bu'o/ /rigs kyi bu/ gzhan yang mos pa ni rnam par shes pa'o/ /reg pa ni skye mched drug go/ sdud pa ni tshor ba'o/ /skye ba ni ma rig pa'o/ /bdag po ni ming dang gzugs so/ /ded dpon ni 'dod pa'o/ /rgyal ba ni len pa'o/ /yang dag pa ni srid pa'o/ /mthar phyin pa ni skye ba dang / rga ba dang / na ba dang / 'chi ba'o/ /byang chub sems dpa' 'od srung gis gsol pa/ bcom ldan 'das/ rtsa ba dang / rgyu dang / bskyed pa dang gsum la tha dad pa'ang ci mchis/ bcom ldan 'das kyis bka' stsal pa/ rtsa ba zhes bya ba ni </font><hr>Kha408a<br><font size=+1>


@#/ /thog ma sems bskyed pa la bya'o/ /rgyu zhes bya ba ni 'dra ba rgyun mi 'chad pa'o/ /bskyed pa ni 'dra ba 'gags nas 'dra ba bskyed pa'o/ /rigs kyi bu/ gzhan yang rtsa ba zhes bya ba ni byed pa'o/ /rgyu zhes bya ba ni 'bras bu'o/ /bskyed ba zhes bya ba ni dgos pa'o/ /rigs kyi bu/ ma 'ongs pa'i dus na rnam par smin pa'i 'bras bu yod kyang ma myong ba'i phyir rgyu zhes bya'o/ /nam myong bar 'gyur ba'i tshe na bskyed pa zhes bya'o/ /rigs kyi bu/ gzhan yang rtsa ba zhes bya ba ni tshor ba'o/ /thob pa ni rgyu'o/ /dgos pa ni bskyed pa'o/ /rigs kyi bu/ mdo sde 'di las rtsa ba zhes bya ba ni mthong ba'i lam mo/ /rgyu zhes bya ba ni bsgom pa'i lam mo/ /bskyed pa zhes bya ba ni mi slob pa'i lam mo| |rigs kyi bu/ gzhan yang rtsa ba zhes bya ba ni yang dag pa'i rgyu'o/ /rgyu zhes bya ba ni thabs yin te/ thabs mkhas pas 'bras bu thob par gyur to/ /'bras bu thob pas bskyed pa zhes bya'o/ /byang chub sems dpa' 'od srung gis yang gsol pa/ bcom ldan 'das kyis gsungs pa ltar mthar phyin pa la mya ngan las 'das pa zhes bgyi na mya ngan las 'das pa de thob par rung ngam/ bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen po'am/ dge slong </font><hr>Kha408b<br><font size=+1>


ngam/ dge slong ma'am/ dge bsnyen nam/ dge bsnyen ma gang zhig 'du shes bcu la nan tan byas na des mya ngan las 'das pa thob par rig par bya'o/ bcu gang zhe na/ 'di lta ste/ mi rtag par 'du shes pa dang / sdug bsngal bar 'du shes pa dang / bdag med par 'du shes pa dang / kha zas spong bar 'du shes pa dang / 'jig rten thams cad la mi chags par 'du shes pa dang / shi bar 'du shes pa dang / nyes pa'i skyon mang bar 'du shes pa dang / spong bar 'du shes pa dang / 'gog par 'du shes pa dang / sred pa med par 'du shes pa'o/ /rigs kyi bu/ byang chub sems dpa' sems dpa' chen po'am/ dge slong ngam/ dge slong ma'am/ dge bsnyen nam/ dge bsnyen ma gang gis 'du shes rnam pa bcu po 'di la nan tan byas na mthar nges par mya ngan las 'das pa thob par 'gyur ro/ /de bas na gzhan gyi dring la mi 'jog par dge ba dang mi dge ba la sogs pa rtogs par 'gyur te/ de ni yang dag pa'i dge slong yin pa nas dge bsnyen dang / dge bsnyen ma yang dag pa'i bar du yin no/ /byang chub sems dpa' 'od srung gis gsol pa/ bcom ldan 'das/ de la ji ltar na byang chub sems dpa' nas dge bsnyen ma'i bar du mi rtag par 'du shes pa la nan tan bgyid pa lags/ bcom ldan 'das kyis bka' stsal </font><hr>Kha409a<br><font size=+1>


@#/ /pa| rigs kyi bu/ byang chub sems dpa' la rnam pa gnyis te/ thog ma sems bskyed pa dang / byang chub la nan tan byed pa'o/ /mi rtag par 'du shes pa la'ang rnam pa gnyis te/ sbom po dang / phra mo'o/ /thog ma sems bskyed pa'i byang chub sems dpas mi rtag pa la 'du shes pa'i tshe na 'di snyam du sems so/ /'jig rten gyi dngos po la'ang rnam pa gnyis te/ nang dang / phyi rol lo/ /de ltar nang gi dngos po ni mi rtag la 'gyur zhing 'pho ba ste/ bdag gi lus 'di thog ma btsas pa dang / gzhon nu dang / lang tsho ba dang / rgas 'khogs pa dang / shi ba la sogs pa'i dus dang / tshad so sor tha dad de/ de bas na nang gi dngos po ni mi rtag par rtogs so/ /mi rtag par rig go/ gzhan yang 'di snyam du bdag gis sems can dag la brtags na/ kha cig kha dog dang mdog dang mthu stobs su ldan te/ 'gro ba dang 'ong ba la thogs pa med par dbang du gyur/ kha cig ni nad kyis gzir nas shin tu rid de mdog dang kha dog tu mi ldan/ mthu dang stobs med pas dbang du ma gyur to/ /kha cig ni shin tu longs spyod dang ldan te bang mdzod kyang yongs su gang ngo / /kha cig ni dbul phongs pas ci'ang mi bdog go/ kha cig ni yon tan phun sum tshogs pa dang ldan par mthong ngo / kha cig </font><hr>Kha409b<br><font size=+1>


ni sdig pa mi dge ba'i chos dang ldan par mthong bas de bas na nges par nang gi chos ni mi rtag par rig go/ gzhan yang phyi rol gyi chos rnams ni sa bon dang / myu gu dang / sdong bu dang / lo ma dang / me tog dang / 'bras bu'i tshe so sor tha dad de/ de ltar phyi rol gyi chos kyang kha cig ni phun sum tshogs pa dang ldan/ kha cig ni phun sum tshogs pa dang mi ldan te/ de bas na phyi rol gyi chos thams cad kyang mi rtag par rig go snyam sems so/ /de ltar chos thams cad mi rtag par rtogs nas thos pa'i sgo nas chos thams cad la 'di ltar rtog go /bdag gis thos na mtho ris kyi lha rnams kyang shin tu bde ba'i longs spyod phun sum tshogs pa dang ldan te/ mngon par shes pa dang dbang du ldan yang ltas lnga mngon par byung bas de bas na mi rtag par rig go/ gzhan yang bskal pa thog ma'i tshe sems can thams cad kyang so so nas yon tan mchog dam pa dang ldan te/ so so'i lus kyi 'od kyis snang bar byed kyi nyi ma zla ba'i 'od la rag ma lus so zhes thos te/ mi rtag pa'i mthus 'od kyang nyams nas yon tan yang med par gyur to/ /gzhan yang 'khor los bsgyur ba'i rgyal po lta bu gling bzhi la dbang ste/ rin po che sna bdun dang ldan pa'i dbang chen po thob kyang mi rtag pa bcom ma nus so zhes thos so/ /gzhan yang sa chen po 'di la sngon ni sems </font><hr>Kha410a<br><font size=+1>


@#/ /can tshad med pa snyed bde bar gnas te/ shing rta'i phang lo tsam gyis stongs med par sman dam pa sna tshogs dang / nags tshal dang / bza' shing gi ra ba dang / 'bras bu la sogs pa shin tu rgyas pa las da ni sems can bsod nams chung pas sa chen po 'di'i mthu stobs med par gyur te/ sa las skyes pa'i rnams kyang ro med cing ya ma brlar gyur te/ de bas na phyi nang gi chos thams cad ni mi rtag pa yin te/ de ni mi rtag pa sbom po zhes bya'o/ /de ltar sbom po rtogs nas mthar gyis phra mo la rtog go /de la phra mo zhes bya ba gang zhe na/ byang chub sems dpa' sems dpa' chen pos phyi nang gi chos thams cad nas rdul phra rab kyi bar du ma 'ongs pa'i dus na mi rtag par rtog go/ de ci'i phyir zhe na/ mtshan ma yongs su bcom pa dang ldan pa'i phyir ro/ /gal te ma 'ongs pa'i gzugs de mi rtag pa ma yin na/ gzugs la khyad par gyi dus rnam pa 'di bcu yod do zhes smra ba mi rung ngo / /bcu gang zhe na/ 'di lta ste/ nur nur po'i dus dang / mer mer gyi dus dang / mkhregs pa'i dus dang / sha gong gong por gyur pa'i dus dang / yan lag skyes pa'i dus dang / bus ba chung ngu'i dus dang / gzhon nu'i dus dang / lang tsho'i dus dang / dar la bab pa'i dus dang / rgas pa'i dus so// </font><hr>Kha410b<br><font size=+1>


byang chub sems dpa' nur nur po'i tshe na mi rtag pa ma yin par rtog na mer mer nas lang tsho ba'i bar du'ang mi 'gyur la/ mi rtag pa ma yin par rtog na rgas par yang mi 'gyur ro/ /de ltar dus mang po skad cig skad cig gis 'gog pa ma yin na bags kyis skye bar mi rigs te/ dus gcig tu tshad du phyin par skye bar rigs so/ /de ltar dus gcig tu tshad du phyin par skye ba'i gnas med de/ de bas na nges par skad cig skad cig gis 'gog pa'i mi rtag pa phra mo yod par rig go/ gzhan yang gang zag kha cig ni sngon dbang po dang mdog tu ldan te| phyis rgud cing nyams pa'ang mthong bas na gang zag de ni skad cig skad cig gis nges par mi rtag par mngon no/ /gzhan yang chen po bzhi dang / spyod lam bzhi la rtog go/ gzhan yang phyi nang rnam pa gnyis la sdug bsngal gyi rgyu rnam pa gnyis gnyis yod de/ bkres pa dang / skom pa dang / grang ba dang / tsha ba yang rtog go/ gzhan yang de ltar rnam pa bzhi po de skad cig gis mi rtag pa phra mo ma yin na sdug bsngal rnam pa bzhi po'ang gsung ba'i mi rigs so snyam du sems so/ /byang chub sems dpa' gang gis de ltar rtog na de ni byang chub sems dpa' mi rtag pa phra mo la rtog pa zhes bya'o/ /phyi nang gi gzugs la ji lta ba bzhin du sems kyi chos kyang de bzhin du rig par bya'o/ /de ci'i phyir </font><hr>Kha411a<br><font size=+1>


@#/ /zhe na/ skye mched drug la spyod pa'i phyir ro/ /skye mched drug la spyod pa na bar bar ni dga' ba'i sems skye/ bar bar ni zhe sdang gi sems skye/ bar bar ni 'dod pa'i sems skye/ bar bar ni dran pa'i sems skye ste/ de ltar tha dad pa'i sems skye ste/ gcig tu ma chad pas gzugs kyi chos dang gzugs ma yin pa'i chos thams cad mi rtag par rig go/ rigs kyi bu/ byang chub sems dpa' gang zhig skad cig skad cig la chos thams cad skye ba dang / 'gog pa dang / mi rtag par mthong ba ni byang chub sems dpa' mi rtag pa'i 'du shes dang ldan pa zhes bya'o/ /rigs kyi bu/ mkhas pa shes rab can ni de ltar mi rtag pa'i 'du shes la nan tan byas nas rtag pa'i nga rgyal dang / rtag pa'i phyin ci log dang / phyin ci log gi 'du shes yongs su spong ste/ sdug bsngal gyi 'du shes la nan tan byed do/ /ci'i rgyu ci'i rkyen gyis 'di ltar sdug bsngal myong bar 'gyur snyam bsams na sdug bsngal de ni mi rtag pa'i rgyu las byung bar shes so/ /mi rtag pa'i rkyen gyis skye ba dang / rga ba dang / na ba dang / shi ba myong bar gyur te/ skye ba dang / rga ba dang / na ba dang / shi ba'i rkyen gyis mi rtag pa zhes bya'o/ /mi rtag pa'i rkyen gyis phyi nang gi sdug bsngal mang po myong ba ni bkres pa dang / </font><hr>Kha411b<br><font size=+1>


skom pa dang / grang ba dang / tsha pa dang / rdeg pa dang / 'tshog pa dang / spyo ba dang / gshe ba'i sdug bsngal myong ngo / /de ltar sdug bsngal mang po myong ba'ang mi rtag pa'i rkyen gyis myong bar gyur to/ /gzhan yang mkhas pa shes rab can ni lus 'di la mi rtag pa'i snod yin par rtog go /snod sdug bsngal ba yin te/ de ltar snod sdug bsngal ba yin pas bcud kyang de dang 'dra bar sdug bsngal gyi chos yin par rtog go/ gzhan yang / rigs kyi bu/ mkhas pa shes rab can ni skye ba nyid kyang sdug bsngal bar rtog la/ 'gog pa'ang sdug bsngal bar rtog ste/ sdug bsngal gyis skye zhing 'gog pas na mi rtag pa yin te/ bdag dang bdag gi ba ma yin par mi rtag pa'i 'du shes la nan tan byed do/ /gzhan yang mkhas pa shes rab can ni sdug bsngal nyid mi rtag pa yin la/ mi rtag pa nyid kyang sdug bsngal ba yin te/ de ltar sdug bsngal ba nyid mi rtag pa yin pas na mkhas pa shes rab can gyis ci'i phyir bdag yod ces smra/ de ltar bdag ma yin pas na mi rtag pa'ang de bzhin du rig par bya'o/ /de bzhin du phung po lnga'ang sdug bsngal ba'ang yin la mi rtag pa'ang yin na sems can gyis ci'i phyir bdag yod ces smra/ gzhan yang chos thams cad ni tha dad 'dus pa las skyes kyi/ gcig bu zhig 'dus pa las chos thams cad skyes pa'ang ma </font><hr>Kha412a<br><font size=+1>


@#/ /yin la/ chos gcig kyang thams cad 'dus pa'i 'bras bu ma yin par rtogs te/ 'dus pa thams cad bdag gi rang bzhin yang med/ gcig pa'i rang bzhin yang med/ tha dad pa'i rang bzhin yang med/ dngos po'i rang bzhin yang med/ dbang du gyur pa'i rang bzhin yang med do/ /chos thams cad la gal te rang bzhin gyi mtshan nyid de dag yod na mkhas pa shes rab can gyis ci'i phyir bdag yod par smra/ gzhan yang 'di snyam du chos thams cad la chos gcig tsam yang byed pa po med do/ /de ltar chos gcig tsam yang byed pa po med de/ chos thams cad 'dus pa las byed pa po yang med do/ /chos thams cad rang bzhin gyis rang skye ba'am/ rang 'gog par mi 'gyur te/ 'dus pa las 'gog cing 'dus pa las skye ste/ de ltar chos skyes nas sems can gyis phyin ci log pa'i 'du shes bskyed de/ 'dus pa las skye'o zhes smra'o/ /sems can gyis phyin ci log tu 'du shes pas yang dag pa'i bden pa med na ci'i phyir yang dag par bdag yod do zhes smra/ de bas na mkhas pa shes rab can ni bdag med par rtog go /gzhan yang ci'i rgyu dang ci'i rkyen gyis sems can gyis bdag tu 'dzin snyam du rtog ste/ bdag de yod pa zhig yin na bdag de gcig tu zad dam/ mang du yod snyam rtog go/ /gal te bdag </font><hr>Kha412b<br><font size=+1>


de gcig tu zad na ci'i phyir rgyal rigs dang / bram ze dang / rje'u rigs dang / gdol rigs dang / lha dang / mi dang / sems can dmyal ba dang / yi dwags dang / byol song gi skye gnas dang / chen po dang / chung ngu dang / lang tsho ba dang / rgas pa yod par gyur/ de bas na bdag ces bya ba ni gcig ma yin par rig go/ bdag ces bya ba de gal te mang na ci'i phyir sems can thams cad kyi bdag ces bya ba de gcig ste/ thams cad du khyab la mtha' med do zhes smra/ de bas na gcig dang mang po gnyis ka la bdag med do/ /mkhas pa shes rab can gyis de ltar bdag med par rtogs nas rim gyis kha zas yongs su spong bar byed pa'i 'du shes la rtog ste/ 'di snyam du gal te chos thams cad mi rtag pa'ang yin la sdug bsngal ba dang bdag med pa yin na/ ci'i phyir kha zas kyi phyir lus dang ngag dang yid kyi las mi dge ba bskyed par gyur/ sems can gyis kha zas la chags pa'i phyir lus dang ngag dang yid kyi las mi dge ba byas te/ zang zing thob pa rnams gzhan dang thun mong du gyur kyang sdug bsngal gyi rnam par smin pa myong ba na thun mong du len pa med do/ /rigs kyi bu/ mkhas pa shes rab can ni gzhan yang 'di ltar rtog ste/ sems can thams cad ni kha zas kyi phyir lus dang sems sdug bsngal bar gyur to/ /de ltar sdug bsngal mang po'i </font><hr>Kha413a<br><font size=+1>


@#/ /rkyen gyis kha zas thob par gyur na bdag gis ci'i phyir kha zas de la chags pa'i sems bskyed snyam du bsams nas kha zas la chags pa'i sems skye bar mi byed do/ /gzhan yang mkhas pa shes rab can gyis lus kyi rgyu gang yin pa brtags na/ de ni kha zas kyi rkyen gyis lus skye zhing 'phel bar rtogs so/ /da bdag gis khyim nas khyim ma yin par rab tu byung ste/ tshul khrims mnos pa'ang lus 'di yongs su gtong bar byed de/ da kha zas la chags na lus 'di ji ltar gtang bar bya snyam rtog ste/ de ltar brtags nas kha zas len mod kyi 'brog dgon pa'i yi dwags kyis bu'i sha la za ba tsam gyi 'du shes bskyed de/ yongs su skyo ba'i sems bskyed nas de la chags par mi byed do/ /de ltar kha zas la skyon mang po yod par rtogs nas mthar gyis reg pa'i kha zas la 'di ltar rtog go/ dper na/ ba'i ko ba bshus na srin bu tshad med pa snyed kyis yongs su za ba ltar rtog go /gzhan yang mthar gyis bsam pa'i zas la 'di ltar rtog ste/ dper na/ me'i phung po chen po dang 'dra bar rtog go/ rnam par shes pa'i kha zas la ni mtshon shak+ti sum brgyas btsugs pa dang 'dra bar rtog go /rigs kyi bu/ mkhas pa shes rab can ni de ltar kha zas rnam pa bzhi rtogs </font><hr>Kha413b<br><font size=+1>


nas nam du'ang kha zas la chags pa dang / 'dod pa'i sems mi skye'o/ /gal te skyes na'ang mi gtsang ba la yongs su rtog go/ de ci'i phyir zhe na/ kha zas la chags pa yongs su spong ba'i phyir ro/ /kha zas thams cad la mi gtsang bar shin tu rtog ste/ ji ltar mi gtsang ba dang 'dra bar shin tu rtogs nas gal te kha zas bzang po rnyed dam/ ngan pa rnyed na'ang len pa'i tshe/ rma'am shu ba ma rungs pa la sman gyis bskus pa dang 'dra bar sems kyi chags pa dang / 'dod pa'i sems nam du'ang mi skye'o/ /rigs kyi bu/ mkhas pa shes rab can gang zhig gis de lta bur rtogs na de ni kha zas kyi 'du shes yongs su spong ba dang / ldan pa zhes bya'o/ /byang chub sems dpa' 'od srung gis bcom ldan 'das la gsol pa/ bcom ldan 'das/ mkhas pa shes rab can gyis de ltar kha zas la mi gtsang bar rtog pa na 'on te yang dag par rtog gam/ sgyu ma tsam du rtog/ gal te yang dag par rtog na rtog pa'i kha zas de ni mi gtsang ba ma lags so/ /gal te sgyu ma tsam du bas na chos de yang dag par 'du shes pa lags sam/ bcom ldan 'das kyis bka' stsal pa/ rigs kyi bu/ de ltar 'du shes pa de ni yang dag pa'ang ma yin la/ sgyu ma'ang ma yin no/ /kha zas la chags pa yongs su spong bar 'gyur bas na/ yang dag pa zhes bya'o/ / </font><hr>Kha414a<br><font size=+1>


@#/ /srin bu ma yin pa la srin bur mthong bas na sgyu ma zhes bya'o/ /rigs kyi bu/ zag pa dang bcas pa thams cad ni sgyu ma yin mod kyi/ yang dag par 'gyur ro/ /rigs kyi bu/ gal te dge slong zhig bsod snyoms la 'gro bar gzas na thog ma nas 'di snyam du sems so/ /bdag gis deng kha zas bzang po thob cing ngan pa thob par mi 'gyur ba dang / mang du rnyed cing nyung ngur mi 'gyur ba dang / myur du thob cing thogs par mi 'gyur bar smon lam 'debs na dge slong de ni kha zas la yongs su spong ba'i 'du shes thob pa ma yin te/ dge ba'i chos spyod pa'ang nyin mtshan du 'gribs shing / mi dge ba'i chos ni skye zhing 'phel bar 'gyur ro/ /rigs kyi bu/ dge slong gang zhig bsod snyoms la 'gro bar gzas pa na thog ma 'di snyam du gang bdag la bsod snyoms sbyin pa de dag kha zas kyis chog par gyur cig ces smon lam 'debs pa dang / gang bdag la bsod snyoms sbyin pa de bsod nams tshad med pa thob par gyur cig /bdag gis bsod snyoms 'di'ang gdug pa dang bcas pa'i lus 'di gso zhing / dge ba'i chos la nan tan byed par 'gyur ba dang / sbyin bdag gi phan pa dang bde ba'i don du 'gyur bar sems pa de ni dge ba'i spyod pa'ang nyin mtshan du skye </font><hr>Kha414b<br><font size=+1>


zhing 'phel la/ mi dge ba'i chos kyang khad kyis byang bar 'gyur ro/ /rigs kyi bu/ dge slong gang zhig de lta bur nan tan byed na/ gang zag de ni yul gcig gi sbyin pa len pa ma yin par rig par bya'o/ /rigs kyi bu/ mkhas pa shes rab can ni de ltar 'du shes rnam pa bzhi dang ldan pas 'jig rten la ma chags pa'i 'du shes la nan tan byed par 'gyur te| yang 'di snyam du 'jig rten thams cad na skye ba dang / rga ba dang / na ba dang / shi ba'i gnas ma yin pa med de/ bdag gi lus 'di ni gang du'ang ma skyes pa'i gnas med do| |gal te 'jig rten na gnas gcig tsam yang skye ba dang / rga ba dang / na ba dang / shi ba ma yin pa'i gnas med na/ bdag gis ci'i phyir 'jig rten la chags par bya/ 'jig rten pa thams cad ni gong nas gong du 'phar ba'ang med la/ phyir mi ldog pa'ang med de/ de bas na 'jig rten ni nges par mi rtag pa'o/ /de ltar mi rtag pa yin na ci'i phyir mkhas pa shes rab can gyis 'jig rten la chags par byed/ sems can re res kyang 'jig rten thams cad du sdug bsngal ma myong ba'i gnas med de/ mtho ris kyi tshangs pa'i lhar skyes pa nas 'du shes med 'du shes med min skye mched steng gi lha'i bar du skyes kyang tshe 'phos ma thag tu ngan song gsum du ltung ngo / /rgyal chen bzhi'i lha'i rgyal </font><hr>Kha415a<br><font size=+1>


@#/ /por skyes pa nas gzhan 'phrul dbang byed rnams kyi lha'i bar du skyes kyang tshe 'phos ma thag tu byol song gi skye gnas su skyes nas seng ge dang / stag dang / spyang ki dang / bal glang dang / rta dang / ba lang dang / bong bu la sogs par skye'o/ /'khor los sgyur ba'i rgyal po gling bzhi la dbang ba longs spyod dang dbang du ldan pa'ang bsod nams zad na dbul phongs bar 'gyur te/ kha zas kyis mi 'tsho ba la'ang shin tu brtag go/ mkhas pa shes rab can gyis de ltar shin tu rtogs nas 'jig rten la mi chags pa'i 'du shes skye'o// mkhas pa shes rab can gyis gzhan yang 'di ltar rtog ste/ 'jig rten gyi chos kyis khang khyim dang / bgo ba'i gos dang / kha zas dang / mal cha dang / nad kyi rkyen sman dang / me tog dang / spos dang / phreng ba dang / rol mo rnam pa sna tshogs dang / zang zing dang / rin po che la sogs pa ni sdug bsngal dang bral ba yin yang dngos po de dag ni rang bzhin gyis sdug bsngal ba yin na/ ci'i phyir sdug bsngal gyis sdug bsngal yongs su spong bar 'gyur/ rigs kyi bu/ mkhas pa shes rab can gyis de ltar rtogs nas 'jig rten gyi dngos po thams cad la chags pa'am/ bde ba'i 'du shes mi skye'o/ /rigs kyi bu/ 'di lta ste/ dper na/ gang zag gcig nad tshabs chen pos btab na/ rol mo rnam pa sna </font><hr>Kha415b<br><font size=+1>


tshogs dang / me tog dang / spos dang / phreng ba rnam pa mang po yod kyang de la 'dod pa'am chags pa'i sems mi skye'o/ /mkhas pa shes rab can gyis rtogs pa'ang de dang 'dra'o/ /rigs kyi bu/ mkhas pa shes rab can gyis 'jig rten thams cad la skyabs su 'gyur ba ma yin pa dang / rnam par grol ba'i gnas ma yin pa dang / rab tu zhi ba'i gnas ma yin pa dang / yid du 'ong ba'i gnas ma yin pa dang / pha rol tu phyin pa'i gnas ma yin pa dang / rtag pa dang / bde ba dang / bdag dang / yongs su dag pa'i chos ma yin par shin tu brtag go /gal te bdag gis de ltar 'jig rten la chags par gyur na bdag gis ji lta bur chos de dag yongs su spong bar 'gyur/ dper na/ mi zhig mun pa mi 'dod de/ snang ba 'tshol ba las phyir mun pa'i nang du 'gro ba dang 'dra'o/ /mun pa zhes bya ba ni 'jig rten no/ /snang ba zhes bya ba ni 'jig rten las 'das pa'o/ /gal te bdag gis 'jig rten la chags te mun pa bskyed na 'od snang ba dang yongs su bral bar 'gyur ro/ /mun pa ni ma rig pa'o/ /snang ba ni shes rab bo/ /shes rab dang snang ba'i rgyu ni 'jig rten la ma chags pa'i 'du shes yin te/ 'dod pa ni kun nas bcings pa yin mod kyi 'on kyang bdag ni shes rab kyi snang ba 'dod kyi/ 'jig rten gyi chags pa ni mi 'dod do/ /mkhas pa shes rab can gyis shin </font><hr>Kha416a<br><font size=+1>


@#/ /tu brtags te/ de ltar rtogs nas 'jig rten la mi chags pa'i 'du shes dang ldan par bya'o/ /rigs kyi bu/ mkhas pa shes rab can ni 'jig rten la ma chags pa'i 'du shes la nan tan byas nas rim gyis shi ba'i 'du shes la nan tan byed do/ /'tsho ba'i srog 'di la brtags na/ rtag tu dgra sdang ba tshad med pa snyed kyis yongs su bskor te/ skad cig skad cig gis nyams par byed kyi/ skye zhing 'phel bar mi byed do/ /dper na/ chu gzar po ltar mi gnas pa'am/ rtswa'i kha na zil pa ltar ring du mi gnas pa'am/ gsod du khrid pa dag shi ba la nye ba'am/ ba lang ngam/ lug gshed ma'i drung du khrid pa dang 'dra'o/ /byang chub sems dpa' 'od srung gis gsol ba/ bcom ldan 'das/ ji ltar na mkhas pa shes rab can gyis skad cig skad cig gis 'gog par rtogs pa lags/ bcom ldan 'das kyis bka' stsal pa/ rigs kyi bu/ 'di lta ste/ dper na 'phong skyen pa'i mi bzhi zhig lhan cig tu 'dus nas so so nas 'di skad ces bgros so/ /bdag cag bzhis mda' re re zhig phyogs re re re 'phangs te/ cig car 'phangs la cig car sa la ltung bar bya'o/ /de la gang zag cig gis 'di snyam du bdag gis skyes bu bzhis 'phangs pa'i mda' sa la ma ltung bar dus gcig tu bdag gi lag gis bzung </font><hr>Kha416b<br><font size=+1>


ngo zhes smra na/ rigs kyi bu/ gang zag de shin tu myur ba ma yin nam/ byang chub sems dpa' 'od srung gis gsol ba/ bcom ldan 'das/ de de bzhin no/ /bcom ldan 'das kyis bka' stsal pa/ rigs kyi bu/ sa la 'gro ba'i yi dwags ni de las kyang myur ro/ /nam mkha' la 'gro ba'i yi dwags ni sa la 'gro ba'i yi dwags pas kyang myur ro/ /nam mkha' la 'gro ba'i yi dwags pas kyang rgyal chen ris bzhi'i rgyal po myur ro/ /rgyal chen ris bzhi'i rgyal po bas kyang nyi zla'i lha myur ro/ /nyi zla'i lha bas kyang shin tu myur ba'i lha myur ro/ /shin tu myur ba'i lha pas kyang sems can gyi tshe myur ro/ /rigs kyi bu/ dbugs phyi nang du rgyu ba thang cig la sems can gyis 'tsho ba'i tshe skye ba dang 'gog pa bzhi brgya yod de/ gang gis tshe la de ltar rtogs na de ni skad cig skad cig gis 'gog pa rtogs zhes bya'o/ /rigs kyi bu/ mkhas pa shes rab can dag ni 'tsho ba'i srog 'di shi ba'i rgyal bos dbang bar rtog go/ gal te bdag gis shi ba'i rgyal po yongs su spangs na/ mi rtag pa'i tshe dang / srog yongs su spong bar 'gyur ro/ /gzhan yang mkhas pa shes rab can ni tshe dang srog la chu 'gram g.yang sa'i shing chen po dang 'dra bar rtog go/ gzhan yang mi zhig nyes pa chen po byas pa gsod du khrid pa las mgon med pa'am/ ri dwags kyi rgyal po seng ge </font><hr>Kha417a<br><font size=+1>


@#/ /shin tu ltogs pa'am/ sbrul gdug pa rlung chen po rdub pa'am/ rta shin tu skom pa chu la chags pa'am/ yi dwags ma rungs pa shin tu khro ba dang 'dra bar sems can gyi 'chi bdag gi rgyal po'ang de dang 'dra bar rtog go /rigs kyi bu/ mkhas pa shes rab can gang zhig gis de lta bu'i tshul du shin tu rtogs na de ni shi ba'i 'du shes la nan tan byas pa zhes bya'o/ /rigs kyi bu/ mkhas pa shes rab can ni gzhan yang 'di snyam du sems so/ /bdag da rab tu byung nas tshe dang srog zhag bdun las mi thub kyang bdag gis shin tu brtson 'grus bskyed de/ tshul khrims srung ba dang / sems can la phan pa dang / bde ba'i don du chos ston pa ni mkhas pa shes rab can gyis shi ba'i 'du shes la nan tan byed pa zhes bya'o/ /nyin zhag bdun lta smos kyang ci dgos te/ gal te zhag drug gam/ zhag lnga'am/ zhag bzhi'am gsum mam/ gnyis sam/ gcig gam/ dus gcig nas dbugs phyi nang du rgyu ba nas skad cig thang cig gi bar du bdag gis byang chub la brtson 'grus su nan tan byas te/ tshul khrims kyi yongs su srung ba dang / sems can la phan pa dang bde ba'i don du chos ston pa ni mkhas pa shes rab can gyis shi ba'i 'du shes la nan tan byed pa zhes bya'o/ /mkhas pa shes rab </font><hr>Kha417b<br><font size=+1>


can gyis gong du smos pa'i 'du shes rnam pa drug dang ldan pas 'du shes kyi rgyu rnam pa 'di bdun la nan tan byed do/ /bdun gang zhe na/ 'di lta ste/ rtag pa la nan tan byed pa'i 'du shes dang / bde ba la nan tan byed pa'i 'du shes dang / zhe sdang med pa'i 'du shes dang / phrag dog med pa'i 'du shes dang / dge ba'i 'du shes dang / smon lam gyi 'du shes dang / nga rgyal med pa'i 'du shes dang / ting nge 'dzin gyis dbang du gyur pa'i 'du shes so/ /rigs kyi bu/ dge slong gang zhig 'du shes rnam pa 'di bdun dang ldan pa 'di ni dge slong zhes bya/ bram ze zhes kyang bya/ rab tu zhi ba zhes kyang bya/ yongs su dag pa zhes kyang bya/ rnam par grol ba zhes kyang bya/ mkhas pa shes rab can zhes kyang bya/ yang dag par lta ba zhes kyang bya/ pha rol tu phyin pa zhes kyang bya/ sman pa'i rgyal po zhes kyang bya/ ded dpon zhes kyang bya ste/ de ni de bzhin gshegs pas dgongs te gsungs pa la shin tu mkhas pa dang / de bzhin gshegs pa rnams kyis gsungs pa'i gsung rnam pa bdun rtog pa dang / yang dag par shes pa dang / mthong ba dang / gsung rnam pa bdun la the tshom du gyur pa yongs su gcod par 'gyur ro/ /rigs kyi bu/ gang zag su zhig 'du shes rnam pa drug dang ldan na gang zag de ni 'jig rten gsum la yongs su smod cing 'jig rten gsum yongs su </font><hr>Kha418a<br><font size=+1>


@#/ /spong zhing 'jig rten gsum zhi bar byed pa dang / 'jig rten gsum la ma chags pa ste/ de ni mkhas pa shes rab can 'du shes rnam pa bcu dang ldan pa zhes bya'o/ /dge slong gang zhig rnam pa 'di bcu dang ldan na dge sbyong gi mtshan ma dang ldan pa zhes bya'o/ /de nas byang chub sems dpa' 'od srung gis bcom ldan 'das kyi spyan sngar sangs rgyas la tshigs su bcad pa 'di dag gis mngon par bstod do/ /'jig rten bcas la thugs brtse sman pa'i rgyal po ni/ /sku dang shes rab gnyis ka rnam par zhi ba ste/ /bdag med pa yi chos la nges par bdag yod pas/ /de bas bla med rgyal la gus par phyag 'tshal lo/ /thog ma'i sems dang mthar phyin gnyis ka rnam brtags na/ /mthar phyin sems pas thog ma'i sems ni rab dga'o/ /bdag kyang rnam par ma grol ba ni gzhan sgrol te/ /de bas bdag gi thog ma'i sems la phyag 'tshal lo/ /thog ma'i sems ni lha dang mi yi ston par 'gyur/ /nyan thos pa dang rang rgyal rnams las shin tu 'phags/ /sems bskyed de ni 'jig rten gsum las shin tu 'das/ /de bas mchog tu rgyal ba'i bla na med ces bya/ /'jig rten mgon ni bsgrubs pas thob par rab 'gyur te/ /de bzhin gshegs pa ni gsol ba med par mgon du gshegs/ /sangs rgyas 'jig rten </font><hr>Kha418b<br><font size=+1>


gshegs pa ba dang be'u bzhin te/ /de bas thugs rje chen po'i khyu mchog ces bya'o/ /de bzhin gshegs kyi yon tan phyogs bcur kun tu khyab/ /ma rabs shes pa med pas bstod par mi 'gyur te/ /bdag gis thugs rje chen po'i stobs la bstod pa ni/ /lus dang ngag gi lus kyi drin rnams bsab pa'i phyir/ /'jig rten rnams ni bdag la phan pa'i don byed do/ /de bzhin gshegs ni 'phrin las de dag ston mdzad do/ /skye bo mang po'i rnam par smin pa yongs bcad de/ /de bas bdag dang gzhan don byed la bdag phyag 'tshal/ /'jig rten bcas ni gnyen la phan pa'i don cher byed/ /de bzhin gshegs kyis don mdzad pa la byams sdang med/ /de bzhin gshegs la 'jig rten lta bu'i mtshan nyid med/ /de bas thugs ni gnyis su med par kun la snyoms/ /'jig rten bcas ni byed pa gzhan la smra ba gzhan/ /de bzhin gshegs kyi gsung ba mdzad dang tha dad med/ /mdzad pa de dag thams cad 'du byed \?\ gcod de/ /de bas de bzhin gshegs pa zhes ni grags par gyur/ /kun nas nyon mongs pa yi skyon rnams kun rtogs nas/ /sems can don gyi slad du bzhugs pa'ang mngon par bstan/ /'jig rten 'di na rnam par grol ba yun ring yang / /thugs brtse'i slad du 'khor bar bzhugs la dga' bar gyur/ /lha yi lus dang mi yi lus su mngon ston kyang // </font><hr>Kha419a<br><font size=+1>


@#/ /thugs rje chen pos rjes su gshegs pa be'u bzhin no/ /de bzhin gshegs ni sems can kun gyi yum lags pas/ /thugs rje chen po'i thugs de nyid ni be'u lta bu/ /sems can rnams la dgongs phyir sdug bsngal myong ba mdzad/ /thugs rjes dgongs pa'i dus na 'gyod pa'i thugs mi mnga'/ /thugs rje sems dang ldan pas sdug bsngal mi tshor te/ /de bas sdug bsngal yongs su sgrol la bdag phyag 'tshal/ /de bzhin gshegs pas bsod nams tshad med kun mdzad kyang / /lus dang ngag dang yid kyi las ni rnam par dag /sems can slad du don mdzad bdag phyir ma yin te/ /de bas rnam par dag pa'i las la bdag phyag 'tshal/ /sangs rgyas sdug bsngal myong yang sdug bsngal mi tshor te/ /sdug bsngal myong ba mthong na bdag gis myong ba bzhin/ /sems can slad du sems can dmyal bar zhugs gyur kyang / /sdug bsngal ba dang 'gyod pa'i thugs ni mi skye'o/ /so so'i skye bo sdug bsngal mang po myong ba yang / /de bzhin gshegs pa'i sku gcig gis ni thams cad len/ /de dag myong nas thugs ni shin tu brten par gyur/ /de bas bla med byang chub rnams la shin tu brtson/ /de bzhin gshegs ni ro gcig thugs rje chen po yis/ /so so'i skye bo </font><hr>Kha419b<br><font size=+1>


kun la sras gcig 'dra bar dgongs/ /bcom ldan skyabs su 'gyur bar sems can mi shes pas/ /sangs rgyas chos dang dge 'dun rnams la skur ba 'debs/ /'jig rten rnams ni kun nas nyon mongs dang bcas te/ /de bzhin tshad med nyes pa'i skyon rnams dang yang bcas/ /kun nas nyon mongs nyes pa'i skyon rnams ci mchis pa/ /thog ma thugs bskyed pa yi tshe na thams cad bcom/ /de bzhin gshegs pas de bzhin gshegs pa bstod gyur te/ /de bzhin gshegs pa ma gtogs gzhan gyis bstod ma nus/ /bdag gis deng 'dir chos gcig tsam gyis mngon par bstod/ /thugs rje chen po'i thugs kyis 'jig rten gshegs pa'o/ /de bzhin gshegs kyi chos kyi phung po byams pa ste/ /byams pa'i thugs kyis sems can yongs su grol bar 'gyur/ /de ni bla na med pa'i rnam par grol ba ste/ /rnam par grol ba de ni mya ngan las 'das pa'o/ /'phags pa yongs su mya ngan las 'das pa chen po'i mdo las/ 'od srung gis yongs su dris pa zhes bya ba'i le'u ste bcu gnyis pa'o// //bam po lnga bcu gcig pa/ de nas bcom ldan 'das kyis tshe dang ldan pa kun shes kauN+Di n+ya la 'di skad ces bka' stsal to/ /gzugs ni mi rtag pa ste/ gzugs 'gags pa'i rkyen gyis rnam par grol ba'i rtag tu gnas pa'i gzugs </font><hr>Kha420a<br><font size=+1>


@#/ /su 'gyur ro/ /tshor ba dang / 'du shes dang / 'du byed dang / rnam par shes pa'ang mi rtag pa ste/ rnam par shes pa 'gags pa'i rkyen gyis rnam par grol ba'i rtag tu gnas pa'i rnam par shes pa thob par 'gyur ro/ /kauN+Di n+ya/ gzugs ni sdug bsngal ba ste/ gzugs 'gags pa'i rkyen gyis rnam par grol ba'i gzugs bde ba thob par 'gyur ro/ /tshor ba dang / 'du shes dang / 'du byed dang / rnam par shes pa'ang de bzhin du rgyas par rig par bya'o/ /kauN+Di n+ya/ gzugs ni stong pa'o/ /stong pa'i gzugs 'gags pa'i rkyen gyis stong pa ma yin pa'i gzugs kyi rnam par grol ba thob par 'gyur te/ tshor ba dang / 'du shes dang / 'du byed dang / rnam par shes pa'i bar du'ang de bzhin du rgyas par rig par bya'o/ /kauN+Di n+ya/ gzugs ni bdag med pa'o/ /gzugs 'gags pa'i rkyen gyis rnam par grol ba'i gzugs yang dag pa'i bdag thob par 'gyur te/ tshor ba dang / 'du shes dang / 'du byed dang / rnam par shes pa'ang de bzhin du rgyas par rig par bya'o/ /kauN+Di n+ya/ gzugs yongs su ma dag pa'o/ /gzugs 'gags pa'i rkyen gyis rnam par grol ba'i gzugs yongs su dag pa thob par 'gyur te/ tshor ba dang / 'du shes dang / </font><hr>Kha420b<br><font size=+1>


'du byed dang / rnam par shes pa'ang de bzhin du rgyas par rig par bya'o/ /kauN+Di n+ya/ gzugs ni skye ba dang / rga ba dang / na ba dang / 'chi ba'o/ /gzugs 'gags pa'i rkyen gyis rnam par grol ba'i gzugs skye ba dang / rga ba dang / na ba dang / 'chi ba'i ma yin pa thob par 'gyur te/ tshor ba dang / 'du shes dang / 'du byed dang / rnam par shes pa'ang de bzhin du rgyas par rig par bya'o/ /kauN+Di n+ya/ gzugs ni ma rig pa'o/ /gzugs 'gags pa'i rkyen gyis rnam par grol ba'i gzugs ma rig pa ma yin pa thob par 'gyur te/ tshor ba dang / 'du shes dang / 'du byed dang / rnam par shes pa'ang de bzhin du rgyas par rig par bya'o/ /kauN+Di n+ya/ gzugs ni skye ba'i rgyur 'gyur ro/ gzugs 'gags pa'i rkyen gyis rnam par grol ba'i gzugs skye ba ma yin pa thob par 'gyur te/ tshor ba dang / 'du shes dang / 'du byed dang / rnam par shes pa'ang de bzhin du rgyas par rig par bya'o/ /kauN+Di n+ya/ gzugs phyin ci log bzhi'i rgyur 'gyur ro/ /gzugs 'gags pa'i rkyen gyis rnam par grol ba'i gzugs phyin ci log gi rgyu ma yin pa thob par 'gyur te/ tshor ba dang / 'du shes dang / 'du byed dang / rnam par shes pa'i bar du'ang de bzhin du rgyas par rig par bya'o/ /kauN+Di n+ya/ gzugs mi dge ba'i chos tshad med pa'i </font><hr>Kha421a<br><font size=+1>


@#/ /rgyu yin no/ /'di lta ste/ pho dang mo la sogs pa'i lus dang / zas la 'dod pa dang / 'dod chags la chags pa dang / zhe sdang dang / gti mug dang / ser sna dang / phrag dog dang / mi dge ba'i sems dang / 'jungs pa'i sems dang / bca' ba'i zas dang / rnam par shes pa'i zas dang / bsam pa'i zas dang / reg pa'i zas dang / sgo nga las skyes pa dang / mngal las skyes pa dang / drod gsher las skyes pa dang / brdzus te skyes pa dang / 'dod pa lnga dang / sgrib pa lnga la sogs pa'i chos ni gzugs las gyur to/ /gzugs 'gags pa'i rkyen gyis rnam par grol ba'i gzugs nyes pa'i skyon tshad med pa de snyed med pa'i lus thob par gyur te/ tshor ba dang / 'du shes dang / 'du byed dang / rnam par shes pa'i bar du'ang de bzhin du rgyas par rig par bya'o/ /kauN+Di n+ya/ gzugs ni 'ching bas rnam par bcings pa'o/ /bcings pa'i gzugs 'gags pa'i rkyen gyis/ rnam par grol ba'i gzugs bcings pa med pa thob par 'gyur te/ tshor ba dang / 'du shes dang / 'du byed dang / rnam par shes pa'i bar du'ang de bzhin du rgyas par rig par bya'o/ /kauN+Di n+ya/ gzugs ni rgyun mi 'chad pa'i rgyu yin no/ /rgyun gyi gzugs 'gags pa'i rkyen gyis rnam par grol ba'i </font><hr>Kha421b<br><font size=+1>


gzugs rgyun ma yin pa thob par 'gyur te/ tshor ba dang / 'du shes dang / 'du byed dang / rnam par shes pa'i bar du'ang de bzhin du rgyas par rig par bya'o/ /kauN+Di n+ya/ gzugs ni skyabs su 'gro ba'i rgyu ma yin no/ /gzugs 'gags pa'i rkyen gyis rnam par grol ba'i gzugs skyabs su 'gro ba'i thob par 'gyur te/ tshor ba dang / 'du shes dang / 'du byed dang / rnam par shes pa'i bar du'ang de bzhin du rgyas par rig par bya'o/ /kauN+Di n+ya/ gzugs ni rma lta bu'o/ /gzugs 'gags pa'i rkyen gyis rnam par grol ba'i gzugs rma med pa thob par 'gyur te/ tshor ba dang / 'du shes dang / 'du byed dang / rnam par shes pa'i bar du'ang de bzhin du rgyas par rig par bya'o/ /kauN+Di n+ya/ gzugs ni rab tu zhi ba ma yin no/ /gzugs 'gags pa'i rkyen gyis yongs su mya ngan las 'das pa'i gzugs rab tu zhi ba thob par 'gyur te/ tshor ba dang / 'du shes dang / 'du phyed dang / rnam par shes pa'i bar du'ang de bzhin du rgyas par rig par bya'o/ /kauN+Di n+ya/ gang zag su zhig de lta bu'i tshul du zhes na de ni dge sbyong zhes bya/ bram ze zhes kyang bya/ 'di ni dge sbyong dang / dge sbyong gi chos dang / bram ze dang / bram ze'i chos dang ldan pa zhes kyang bya'o/ /kauN+Di n+ya/ sangs rgyas kyi chos ma gtogs par logs shig na dge sbyong med/ </font><hr>Kha422a<br><font size=+1>


@#/ /bram ze med/ dge sbyong dang / bram ze'i chos kyang med do/ /mu stegs can thams cad ni brdzun du smra bar zad kyi yang dag pa'i spyod pa med do/ /rnam pa de gnyis ltar tshul 'chos mod kyi rnam pa de gnyis kyi gnas med do/ /de ci'i phyir zhe na/ dge sbyong dang bram ze'i chos med par ci'i phyir dge sbyong dang bram ze yod do zhes smra/ ngas kyang rtag tu 'khor gyi dkyil 'khor 'dir seng ge'i sgra bsgrags kyi/ khyed kyang rtag tu 'khor gyi dkyil 'khor chen por seng ge'i sgra sgrags shig /de'i tshe mu stegs can tshad med pa snyed de skad ces gsungs pa thos nas zhe sdang gi sems bskyed de/ dge sbyong gau ta mas bdag cag la dge sbyong dang bram ze'ang med/ dge sbyong dang bram ze'i chos kyang med do zhes gsungs na/ bdag cag gi thabs ji ltar bya zhes 'di skad ces smras so/ /dge sbyong gau ta ma/ bdag cag gi 'khor la'ang dge sbyong dang dge sbyong gi chos kyang yod/ bram ze dang bram ze'i chos kyang yod do/ /de'i tshe na 'khor gyi dkyil 'khor de na kun tu rgyu gcig gis 'di skad ces smras so/ /kye grogs po dag /dge sbyong gau ta ma ni tshig ni smyon pa dang 'dra ste/ tha mi dad na yid ches su'ang ci yod/ 'jig rten na mi smyon pa dag kyang bar 'ga' ni glu len/ bar 'ga' ni gar byed/ bar </font><hr>Kha422b<br><font size=+1>


'ga' ni ngu / bar 'ga' ni dgod/ bar 'ga' ni gshe/ bar 'ga' ni bstod/ /gnyen dang dgra'i bye brag kyang mi phyed pa ltar/ /dge sbyong gau ta ma'ang de dang 'dra ste/ bar 'ga' ni nga rgyal po zas gtsang ma'i khab tu skyes zhes smra/ bar 'ga' ni mi skyes zhes smra/ bar 'ga' ni skyes nas gom pa bdun bor zhes smra/ bar 'ga' ni gar yang ma song zhes smra/ bar 'ga' ni 'jig rten gyi dngos po dag chung ngu'i tshe na bslabs so zhes smra/ /bar 'ga' ni thams cad mkhyen pa zhes smra/ bar 'ga' ni rgyal po'i khab na bde ba'i gnas na longs spyod cing bu'ang btsas so zhes smra/ bar 'ga' ni de dag thams cad la smad de mi 'dod do zhes kyang smra/ bar 'ga' ni dka' ba lo drug gi bar du spyod do zhes smra/ bar 'ga' ni mu stegs can gyi dka' ba spyod pa la yongs su smod/ bar 'ga' ni u dum ba ra dang / a la la la sogs pa sngon ma thos pa'i chos thos so zhes smra/ bar 'ga' ni byang chub kyi shing drung du bla na med pa yang dag par rdzogs pa'i byang chub thob bo zhes smra/ bar 'ga' ni nga byang chub kyi shing drung du'ang ma phyin/ ci'ang thob pa med do zhes smra/ bar 'ga' ni nga'i lus 'di nyid mya ngan las 'das pa yin no zhes smra/ bar 'ga' ni nga'i lus 'di 'gags pa na mya ngan las 'das pa yin no zhes smra ste/ dge sbyong gau ta ma </font><hr>Kha423a<br><font size=+1>


@#/ /smra'o cog ni smyon pa dang 'dra na/ de la yid ches shing mi dgar yang ci zhig yod/ bram ze rnams kyis de la 'di skad ces smras so/ /skyes bu chen po/ da bdag cag gis mya ngan mi bya ba'i gtol ga la zhig yod/ dge slong gau ta ma sngon rab tu byung nas/ mi rtag pa dang / sdug bsngal ba dang / stong pa dang / bdag med pa la sogs pa bstan pas bdag cag gi nye gnas rnams kyis thos nas shin tu 'jigs pa skyes te/ ji ltar na sems can dag mi rtag pa dang / sdug bsngal ba dang / bdag med pa dang / yongs su ma dag pa yin no zhes de'i tshig la yid ma ches so/ /da dge sbyong gau ta mas shing sA la'i tshal 'dir 'khor gyi dkyil 'khor mang po la rtag pa dang / bde ba dang / bdag dang / yongs su dag pa'i chos yod do zhes bstan pas/ bdag cag gi nye gnas rnams kyis de skad ces thos nas/ bdag yongs su spangs te/ dge sbyong gau ta ma'i tshig la yid ches par gyur pas/ de'i rgyu de'i rkyen gyis mya ngan chen po skyes par gyur to/ /de'i tshe na gzhan yang bram ze gcig cig de dag la 'di skad ces smras so/ /kye skyes bu dag /legs par nyon cig /legs par nyon cig /dge sbyong gau ta ma thugs rje dang ldan no zhes bya'i tshig rdzun te yang dag pa ma yin no/ /gal te thugs rje dang </font><hr>Kha423b<br><font size=+1>


ldan na ci'i phyir bdag cag gi slob ma bdag cag gi chos kyis snying rje'i 'bras bu thob pa'ang pha rol gyi rjes su 'gro bar yid bsgyur te/ bdag gis bsam pa dang 'gal bar mdzad pas thugs rje dang ldan pa zhes byar mi rung ngo / /de la gang zhig dge sbyong gau ta ma la 'jig rten gyi chos brgyad kyis ma gos so zhes smra na de'ang brdzun du smra ba yin no/ /gal te dge sbyong gau ta ma 'di 'dod pa nyung zhing chog shes pa'o zhes smra na ci'i phyir bdag cag gi rnyed pa la sogs pa 'phrog par 'gyur/ gal te dge sbyong gau ta ma 'di cho rigs che ba yin no zhes smra na'ang brdzun du smra ba yin no/ /de ci'i phyir zhe na/ gna' nas ri dwags kyi rgyal po seng ge ni byi ba chung ngu gsod do zhes ma thos/ ma mthong ngo / /gal te dge sbyong gau ta ma 'di cho rigs che ba yin na ci'i phyir bdag cag la sogs pa la yongs su 'tshe bar byed/ gal te dge sbyong gau ta ma la mthu chen po dang ldan no zhes smra na/ de'ang brdzun du smra ba yin no/ /de ci'i phyir zhe na/ gna' nas nam mkha' lding gi rgyal po ni bya khwa skegs dang 'thab bo zhes ma thos/ ma mthong ngo / /gal te mthu che ba zhig yin na ci'i phyir bdag cag dang rtsod par gyur/ gal te dge sbyong gau ta ma ni pha rol gyi sems shes pa'i thugs dang ldan no zhes smra na de'ang brdzun du smra ba yin no/ /de ci'i phyir zhe na/ gal te ye </font><hr>Kha424a<br><font size=+1>


@#/ /shes de dang ldan na ci'i phyir bdag cag gis bsams pa'i sems mi shes/ kye skyes bu dag/ bdag gis sdon rgan rabs mkhas pa las 'di skad ces thos so/ /da ste lo brgya 'das na sgyu ma sgyu can zhig 'byung ba ni dge sbyong gau ta ma la bya ste/ sgyu ma sgyu can 'di ni ring por mi thogs par shing sA la'i tshal 'dir med par 'gyur gyi/ khyed la sogs pa mya ngan ma byed cig /de'i tshe na gzhan yang gcer bu pa de la 'di skad ces smras so/ /skye skyes bu/ bdag cag mya ngan byed pa ni bdag gi lus kyi phyir ram/ nye gnas dang / rnyed pa dang / grags pa'i phyir ma lags kyi/ 'jig rten pa gti mug gi mun pas khebs par gyur te/ bsod nams kyi zhing dang bsod nams kyi zhing ma yin pa mi shes nas sngon gyi rgan rabs shes pa dang ldan pa'i bram ze ni yongs su spangs nas shin tu na gzhon zhing zhes pa med pa la mchod par gyur pas bdag cag mya ngan byed do/ /dge sbyong gau ta ma ni rig sngags la mkhas te/ rig sngags la mkhas pa'i rkyen gyis lus gcig la lus tshad med pa snyed du sprul zhing / lus tshad med pa snyed las kyang lus gcig tu sprul to/ /lus de nyid kyis skyes pa dang / bud med dang / ba lang dang / lug dang / bal glang dang / rta'i gzugs su </font><hr>Kha424b<br><font size=+1>


sprul te/ de'ang bdag gi mthus de'i rig sngags kyi mthu med par byed nus so/ /dge sbyong gau ta ma'i rig sngags kyi mthu med par gyur na bdag cag la sogs pa rnyed pa dang grags pa thob cing shin tu bde ba myong bar 'gyur ro/ /de'i tshe na gzhan yang bram ze zhig 'di skad ces smras so/ /kye skyes bu dag /dge sbyong gau ta ma ni yon tan phun sum tshogs pa tshad med pa dang ldan te/ de bas na khyed la sogs pa de dang rtsod par ma byed cig /mu stegs can gyi 'khor rnams kyis de la 'di skad smras so/ /glen pa gti mug can khyod ci'i phyir dge sbyong gau ta ma la yon tan tshad med pa dang ldan no zhes smra/ btsas nas zhag bdun lon nas ma'ang shi bar gyur na de la bsod nams dang yon tan du ldan no zhes byar rung ngam/ bram ze des smras pa/ pha rol pos gshe'ang phyir mi gshe la/ pha rol pos brdegs kyang phyir mi rdeg pas de ni yon tan chen po dang ldan pa'i mtshan nyid de/ sku la mtshan sum cu rtsa gnyis dang / dpe byad bzang po brgyad cu dang / rdzu 'phrul tshad med pa dang ldan te/ de bas na bsod nams dang yon tan tshad med pa dang ldan par rig go/ nga rgyal gyi sems med pas sngar gsong por smra'o/ /gsung ba'i tshig 'jam zhing nges pas ngag rtsub po med do/ /lang tsho'i dus la bab kyang khro ba dang gtum pa </font><hr>Kha425a<br><font size=+1>


@#/ /med do/ /rgyal po'i yul na nor rdzas shin tu mang yang chags pa med par yongs su btang nas rab tu byung ste/ ngar snabs dang 'dra bar spangs pas bdag gis ni dge sbyong gau ta ma 'di yon tan phun sum tshogs pa tshad med pa dang ldan par smra'o/ /de nas 'khor rnams kyis 'di skad ces smras so/ /shin tu legs so/ /skyes bu chen po dge sbyong gau ta ma ni yang dag par khyod smra ba ltar yon tan tshad med pa dang / mngon par shes pa'i rdzu 'phrul tshad med pa dang ldan pas bdag cag ni de dang 'gran mi phod do/ /dge sbyong gau ta ma ni rang bzhin gyis mnyen zhing des te/ dka' ba ni ma spyad kyi rgyal po'i khab tu btsas pas slob pa gang la'ang ma zhugs te tshig 'jam por smrar ni rung gi/ sgyu rtsal dang / yi ge dang / gtsug lag la sogs pa mi shes so/ /dam pa'i chos ni mdo tsam zhig bgros te/ dge sbyong gau ta ma bdag cag las rgyal na bdag cag gis de'i g.yog bya'o/ /bdag cag gis de las rgyal na bdag gi g.yog bya dgos so zhes smras nas/ de'i tshe mu stegs can tshad med pa snyed lhan cig 'dus te/ yul dbus 'gyur 'chang du rgyal po ma skyes dgra'i drung du lhags so/ /rgyal pos de dag mthong nas 'di skad ces smras so/ /kye skyes bu dag/ khyed gar 'gro/ khyed </font><hr>Kha425b<br><font size=+1>


rnams ni so so na 'phags pa'i lam la nan tan byed pa yin te/ khyim nas khyim ma yin par rab tu byung nas khyim gyi dngos po dang longs spyod thams cad yongs su spangs te yul mi thams cad kyis bsti stang dang bcas pas mchod de/ bsti stang dang rim gro byed pa la yid dang 'ga' bar ma byas na ci'i phyir thams cad 'dus te 'dir lhags par gyur/ kye skyes bu dag /khyed rnams ni so so'i chos 'dzin cing so so'i tshul khrims kyis rab tu byung ste mthun pa'ang ma yin/ so so'i tshul khrims kyis rab tu byung ste lam la nan tan byed pa yin na/ ci'i rgyu ci'i rkyen gyis deng 'dir bsam pa gcig tu thams cad 'dus pa ni/ dper na/ lo ma lhags pa la rlung drag pos btab na gcig tu 'dus pa ltar thams cad 'dir lhags par gyur/ kho bo ni rtag tu rab tu byung ba'i mgon dang skyabs byed de/ chung ngu na lus dang srog la'ang phangs par mi byed do/ /de'i tshe na mu stegs can thams cad kyis 'di skad ces gsol to/ /rgyal po chen po/ legs par gson cig /rgyal po chen po ni chos kyi zam pa chen po lta bu'o/ /chos chen po'i gdar lta bu'o/ /chos chen bo'i srang lta bu yin te/ yon tan thams cad kyi snod yin no/ /yon tan thams cad kyi yang dag pa'i ngo bo nyid yin no/ /dam pa'i chos kyi lam lta bu'o/ /sa bon thams cad </font><hr>Kha426a<br><font size=+1>


@#/ /kyi zhing gshin pa lta bu'o/ /yul sa thams cad kyi gzhi lta bu yin no/ /yul khams thams cad kyi me long gi snang ba lta bu yin no/ /lha thams cad kyi gzugs lta bu yin no/ /yul mi thams cad kyi pha ma lta bu yin no/ /rgyal po chen po/ /'jig rten gyi khams thams cad kyi yon tan gyi rin po che'i gter ni rgyal po'i lus yin no/ /de ci'i phyir yon tan gyi mdzod ces bya zhe na/ rgyal pos zhal che gcod pa na gnyen dang dgra la phye brag mi 'byed de/ mnyam snyoms pa ni sa'am/ chu'am/ me'am/ rlung dang 'dra ste| de bas na rgyal po ni yon tan gyi gter zhes bya'o/ /rgyal po chen po/ da ltar gyi sems can dag tshe'i tshad thung mod kyi/ rgyal po'i yon tan ni sngon gyi rgyal po tshe ring ba rab tu bde ba'i dus dang 'dra'o/ /gzhan yang rgyal po spyi bo skyes sam/ gya nom snang ngam/ bzod pa can nam/ na ho zha'am/ ya yA de'am/ shi phyi'am/ pa pa i tsa gyu la sogs pa dge ba'i chos phun sum tshogs pa dang ldan pa dang 'dra bar rgyal po chen po yang de dang 'dra'o/ /rgyal po chen po/ rgyal po chen po'i rkyen gyis yul mi thams cad bde skyid par gyur te/ de bas na bdag cag rab tu byung ba thams cad yul 'di na gnas par mos te/ tshul khrims srung zhing yang dag pa'i lam la nan tan bgyid </font><hr>Kha426b<br><font size=+1>


do| |rgyal po chen po/ bdag cag gi gzhung las rab tu byung ba'i gang zag gang nas gang du gnas pa'i yul de ni tshul khrims srung zhing yang dag ba'i lam la nan tan byed de/ rgyal po la yang dge ba spyod pa'i skal ba mchis so/ /rgyal po chen po/ 'jig rten na rkun shod byed pa thams cad rgyal pos ma mchis par bgyis te rab tu byung ba thams cad 'jigs pa ma mchis na/ ma rungs pa chen po dge sbyong gau ta ma 'ba' zhig ma mchis par ma bgyis pas bdag cag ni de la rab tu 'jigs so/ /dge sbyong gau ta ma ni cho rigs snyems te lus kyi mdog dang ldan la/ sngon sbyin pa byin pa'i rkyen gyis rnyed pa mang du rnyed de/ dngos po de dag la snyems pas nga rgyal chen po skyes la/ gzhan yang rig sngags la mkhas pa'i rkyen gyis nga rgyal byed do/ /de'i rgyu de'i rkyen gyis dka' ba spyod mi nus kyi gos dang mal cha la sogs pa shin tu 'jam pa la sogs te/ de bas na 'jig rten na gang zag ma rungs pa thams cad ni rnyed pa dang grags pa 'dod pa'i phyir de'i 'khor du 'du zhing de'i drung du 'dus nas dka' ba ni spyod mi nus so/ /rig sngags kyi mthus 'od srung dang / shA ri'i bu dang / maung+gal ya na la sogs pa btul nas nga'ang bdag cag gi gnas shing sA la'i tshal 'dir bdag cag gi nye gnas 'khor du bsdu ba'i phyir rtag pa dang / bde </font><hr>Kha427a<br><font size=+1>


@#/ /ba dang / bdag dang / yongs su dag pa'i lus yod do zhes smra'o/ /rgyal po chen po/ dge sbyong gau ta mas ni sngon mi rtag pa dang / bde ba med pa dang / bdag med pa dang / yongs su dag pa med pa ston pa'i tshe na bdag cag gis bzod kyi/ da 'di skad du rtag pa dang / bde ba dang / bdag dang / yongs su dag pa yod do zhes smra la ni bdag cag mi bzod do/ /rgyal po chen po/ legs par gsan du gsol/ bdag cag dang / dge sbyong gau ta mar gzhung 'dzugs shing rtsod du ci gnang / rgyal pos bka' stsal pa/ kye skyes bu dag /khyed rnams la su zhig gis bslus na/ khyed kyi sems shin tu myos shing 'khrugs te/ chu'i dba' rlabs sam/ mo 'gal bskor ba'am/ spre'u shing khar phyin pa 'dra bar gyur pa 'di bdag gis kyang khrel la/ /khas pa shes rab can gyis thos na shin tu snying brtse ba dang / glen pa gti mug can gyis thos na 'phya zhing smod par 'gyur ro/ /khyed rnams kyis smra ba ni rab tu byung ba'i tshig ma yin gyi/ gal te khyed rnams la rlung dang mkhris pa dang bad kan gyi nad kyis btab na kho bo la sman bzang po yod de khyed rnams 'tsho bar bya'o/ /gal te yi dwags kyis brla mas na sman pa 'tsho byed sngags la mkhas pas 'tsho bar byed do/ /khyed rnams ni da ltar </font><hr>Kha427b<br><font size=+1>


lag pa'i sen mos ri rab lhun po 'jig pa'am/ rdo rje la sos 'debs par 'dod pa dang 'dra'o/ /skyes bu chen po dag/ dper na/ glen pa gti mug can gyis seng ge'i rgal po bkres pa nyal zhing 'dug pa las bslang ba'am/ sbrul gdug pa'i khar lag pa bcug pa'am/ thal bas khebs pa'i me mdag la lag pas reg par 'dod pa dang 'dra bar khyed rnams kyang de ltar de dang 'dra'o/ /rigs kyi bu/ 'di lta ste/ dper na/ was seng ge'i sgra sgrogs pa'am/ sbrang bu chung du bya nam mkha' lding dang mgyogs bul 'gran pa'am/ ri bong gis rgya mtsho'i gting dpag pa dang 'dra bar khyed rnams kyang da ltar de dang 'dra'o/ /gal te khyed kyis dge slong gau ta ma las rgyal bar rmi lam gyis mthong na'ang rmi lam de ni rdzun te yid ches su mi rung ngo / /kye skyes bu dag/ khyed rnams 'di lta bu'i sems bskyed pa ni/ dper na/ phye ma leb me'i phung por song ba dang 'dra/ kho bos smras pa bzhin du yang ma smra zhig/ khyed kyis kho bo la srang dang 'dra bar mnyam mo zhes bstod pa'i tshig kyang gzhan gyis thos par ma byed cig /de'i tshe na mu stegs can gyis rgyal po la'ang 'di skad ces gsol to/ /rgyal po chen po/ dge sbyong gau ta ma'i rig sngags kyis btab bam ci na/ rgyal po chen po/ 'phags pas smra ba'i tshig la yid mi ches shing the tshom za bar </font><hr>Kha428a<br><font size=+1>


@#/ /gyur/ rgyal po chen po/ skyes bu chen po 'di dag la brnyas bar ma byed cing / rgyal po chen po/ zla ba 'di 'gribs pa dang / skye ba dang / rgya mtsho chen po la lan tshwa'i ri bro ba dang / ri ma la ya na la sogs pa sus byas/ bdag cag bram ze la sogs pas byas pa ma lags sam/ rgyal po chen po/ ma gsan tam/ drang srong a gas+t+yas lo bcu gnyis kyi bar du gang+gA'i klung gi chu rna bar blugs pa ma gsan tam/ gzhan yang drang srong gau ta ma rdzu 'phrul chen po dang ldan pas lo bcu gnyis kyi bar du brgya byin gyi lus su bsgyur te/ brgya byin gyi lus ni lug ma mo mo mtshan stong dang ldan pa'i lus su bsgyur ba ma gsan tam/ rgyal po chen po drang srong gi ltos nyi ma gcig gis rgya mtsho chen po bzhi'i chu cig char 'thungs te sa chen po'ang skams par gyur pa ma gsan tam/ rgyal po chen po/ drang srong ba spus lha'i rgyal po dbang sgyur gyi mig gsum byas pa ma gsan tam/ rgyal po chen po/ drang srong a la las grong khyer a la ba rdul du byas pa ma gsan tam/ rgyal po chen po/ bram ze'i nang na de lta bu'i mthu chen po dang ldan pa'i drang srong rnams mchis te mngon sum du mchis na rgyal po chen po ci'i phyir na bdag cag la shin tu brnyas par byed/ rgyal pos smras </font><hr>Kha428b<br><font size=+1>


pa| kye skyes bu dag/ gal te bdag gi smra ba la yid mi ches te 'gran 'dod na de bzhin gshegs pa yang dag par rdzogs pa'i sangs rgyas da ltar shing sA la'i drung na bzhugs kyi/ khyed la sogs pa der song la yid bzhin du dris shig/ de bzhin gshegs pas rnam par phye ste/ khyed kyi yid bzhin du lan gsung bar 'gyur ro/ /de'i tshe rgyal po ma skyes dgra mu stegs can gyi 'khor rnams dang bcas te/ sangs rgyas gang na par lhags nas spyi bos phyag btsal te/ g.yas phyogs nas lan gsum bskor nas bsti stang dang bcas pas phyogs gcig tu 'khod de/ bcom ldan 'das la 'di skad ces gsol to/ /bcom ldan 'das/ mu stegs can 'di dag ni ci dang ci sems pa 'dri zhing rgol lo zhes mchi na/ de bzhin gshegs pas de dang de'i lan bka' stsal du gsol/ bcom ldan 'das kyis bka' stsal pa/ rgyal po chen po/ de bzhin gshegs pa dus mkhyen gyi/ re zhig sdod cig/ de nas 'khor de'i nang nas bram ze sha de shu na zhes bya bas 'di skad ces gsol to/ /dge sbyong gau ta ma/ mya ngan las 'das pa zhes bgyi ba rtag pa'i chos lags sam/ bram ze chen po de de bzhin te/ de de bzhin no/ /bram zes yang gsol pa/ gau ta ma/ mya ngan las 'das pa la rtag ces bgyi ba de mi rung ngo / /de ci'i slad du zhe na/ 'jig rten gyi chos ni sa bon </font><hr>Kha429a<br><font size=+1>


@#/ /las 'bras bu skye ste/ rgyun mi 'chad do/ /dper na/ 'jim pa las rdza mar 'gyur ba dang / skud pa las gos su 'gyur ba dang 'dra ste/ gau ta mas rtag tu mi rtag pa la nan tan byas na mya ngan las 'das pa thob bo zhes gsungs na/ rgyu rtag pa ma lags na 'bras bu rtag pa ces bgyir ga la rung / gau ta ma/ 'dod chags las rnam par grol na mya ngan las 'da' ba lags so/ /gzugs su 'dod chags pa dang / gzugs med par 'dod chags pa las rnam par grol na mya ngan las 'da' ba lags so| |ma rig pa la sogs pa nyon mongs pa thams cad 'gags na mya ngan las 'da' ba lags so zhes gsungs na/ 'dod chags nas ma rig pa'i nyon mongs ba'i bar du thams cad kyang mi rtag pa lags pas rgyu mi rtag pa lags na mya ngan las 'da' ba thob pa'ang mi rtag pa lags pa'i rigs so/ /gau ta ma/ rtag tu rgyu'i dbang gis lhar skyes la/ rgyu'i dbang gis sems can dmyal bar ltung ste/ rgyu las rnam par grol lo zhes gsungs pas/ de bas na chos thams cad ni rgyu las skyes so/ /gal te rgyu'i dbang gis rnam par grol bar gyur na rtag ces bgyir rung ngam/ gau ta mas gzugs ni rkyen las skyes pas mi rtag go zhes gsungs la/ tshor ba dang / 'du shes dang / 'du byed dang / </font><hr>Kha429b<br><font size=+1>


rnam par shes pa'ang de dang 'dra'o zhes gsungs na/ de ltar rnam par grol ba de gal te gzugs lags na ni mi rtag pa lags te/ tshor ba dang / 'du shes dang / 'du byed dang / rnam par shes pa'ang de bzhi du mi rtag pa lags so/ /gal te phung po lnga'i pha rol na rnam par grol ba zhig mchis na rnam par grol ba de ni nam mkha' lags par 'gyur ro/ /gal te nam mkha' lags na rgyu dang rkyen las skyes zhes bgyir yang mi rung ngo / /de ci'i slad du zhe na/ rtag pa dang gcig ces bgyi ba gnas thams cad du khyab pa'i phyir ro/ /gau ta ma/ gzhan yang rgyu las skyes pa ni sdug bsngal yin no zhes gsungs na/ gal te sdug bsngal lags na ci'i slad du rnam par grol ba ni bde ba'o zhes gsungs/ gau ta mas gzhan yang mi rtag pa ni sdug bsngal ba ste/ sdug bsngal ba ni bdag med pa'o zhes gsungs na/ gal te mi rtag cing sdug bsngal ba dang / bdag med pa lags na ni yongs su ma dag pa lags te/ rgyu las skyes pa'i chos thams cad mi rtag pa dang / sdug bsngal ba dang / bdag med pa dang / yongs su ma dag pa lags na ci'i slad du mya ngan las 'das pa la rtag pa dang / bde ba dang / bdag dang / yongs su dag pa lags so zhes gsungs/ gau ta mas gal te rtag pa dang / mi rtag pa'ang lags/ sdug bsngal ba dang bde ba'ang </font><hr>Kha430a<br><font size=+1>


@#/ /lags/ bdag dang bdag ma mchis pa'ang lags/ yongs su dag pa dang yongs su ma dag pa zhes kyang gsungs par gyur na gnyis su gsung bar mi 'gyur ram/ bdag gis sngon rgan rabs mkhas pa blo can dag las gtam du thos na/ gal te sangs rgyas 'jig rten du gshegs pa na/ rnam pa gnyis su gsung mi srid do zhe na/ da ni gau ta mas rnam pa gnyis su gsungs so/ /gzhan yang sangs rgyas zhes bgyi ba nga yin no zhes gsungs pa'i don ji lta bu lags/ bcom ldan 'das kyis bram ze la bka' stsal pa/ khyod kyis smras pa ltar nga'ang khyod la dri ba dris na/ de dang de'i lan yang smra bar bya'o/ /bram zes legs so gau ta ma/ zhes gsol to/ /bcom ldan 'das kyis bka' stsal pa/ khyod kyi rang bzhin zhes bya ba de rtag pa yin na/ mi rtag pa yin/ bram zes gsol pa/ bdag gi rang bzhin zhes bgyi ba ni rtag pa lags so| |bram ze/ rang bzhin des phi nang gi chos thams cad kyi rgyur 'gyur ram/ gsol pa/ de bzhin no/ /bcom ldan 'das kyis bka' stsal pa/ bram ze/ ji lta bur gyur 'gyur/ gsol pa/ gau ta ma/ rang bzhin las chen po skye'o/ /chen po las nga rgyal skye'o/ /nga rgyal las chos bcu drug po skye'o/ /'di lta ste/ sa dang / chu dang / me dang / </font><hr>Kha430b<br><font size=+1>


rlung dang / nam mkha' dang / shes pa'i dbang po lnga ste/ mig dang / rna ba dang / sna dang / lce dang / reg bya dang / lus kyi dbang po lnga ste/ lag pa dang / rkang pa dang / kha dang / rkub dang / pho dang mo'i dbang po dang / sems mnyam pa'i dbang po'o/ /chos rnam pa bcu drug po 'di ni gzugs dang / sgra dang / dri dang / ro dang / reg bya'i chos lnga po las skyes so/ /chos nyi shu rtsa gcig po 'di'i rtsa ba ni rnam pa gsum ste/ zhen pa dang / rdul dang / nag po'o/ /zhen pa zhes bgyi ba ni/ 'dod pa'o/ /rdul zhes bgyi ba ni zhe sdang ngo / /nag po zhes bgyi ba ni ma rig pa'o/ /gau ta ma/ chos nyi shu lnga po ni thams cad kyang rang bzhin las skyes so/ /bka' stsal pa/ bram ze chen po la sogs pa'i chos 'di dag rtag pa yin nam/ mi rtag pa yin/ gsol pa/ gau ta ma/ bdag gi chos kyi rang bzhin ni rtag pa lags kyi/ chen po la sogs pa'i chos ni thams cad mi rtag pa'o/ /bram ze khyod smra ba lta na khyod kyi chos ni rgyu ni rtag la/ 'bras bu ni mi rtag go/ nga'i chos ni rgyu ni mi rtag mod kyi/ 'bras bu ni rtag na de la skyon ci zhig yod/ bram ze khyod kyi chos la rgyu rnam pa gnyis yod dam/ gsol pa/ mchis so/ /bcom ldan 'das kyis bka' stsal pa/ ji lta bur yod/ bram ze gsol pa/ skye ba'i rgyu dang / gsal ba'i rgyu ste/ gnyis mchis so/ /bcom ldan 'das </font><hr>Kha431a<br><font size=+1>


@#/ /kyis bka' stsal pa/ skye ba'i rgyu ni gang / gsal ba'i rgyu ni gang / bram zes gsol pa/ skye ba'i rgyu zhes bgyi ba ni 'jim pa las rdza ma 'byung ba lta bu'o/ / gsal ba'i rgyu zhes bgyi ba ni me mar gyis snang bar byed pa lta bu'o/ /bcom ldan 'das kyis bka' stsal pa/ rgyu rnam pa gnyis kyi rang bzhin ni gcig go /gal te gcig yin na| skye ba'i rgyu'ang gsal ba'i rgyur 'gyur la/ gsal ba'i rgyu'ang skye ba'i rgyur 'gyur ram/ gsol pa/ ma lags so/ /bcom ldan 'das kyis bka' stsal pa/ gal te skye ba'i rgyu gsal ba'i rgyur mi 'gyur la/ gsal ba'i rgyu'ang skye ba'i rgyur mi 'gyur na lta/ gcig gi rgyur gcig 'gyur zhes byar rung ngam/ bram zes gsol pa/ gcig gi rgyur gcig mi 'gyur mod kyi/ gcig la gcig rgyur 'gyur ba ni mchis so/ /bram ze/ gsal ba'i rgyus gsal bar byed pa de gsal ba dang mthun pa yin nam/ gsol pa/ ma lags so/ /bcom ldan 'das kyis bka' stsal pa/ nga'i chos kyang mi rtag pa las mya ngan las 'da' ba thob mod kyi/ mi rtag pa ni ma yin no/ /bram ze/ gsal ba'i rgyu las thob pas na rtag pa dang / bde ba dang / bdag dang / yongs su dag pa yin no/ /skye ba'i rgyu las thob pas na mi rtag pa dang / bde ba med pa dang / bdag med pa </font><hr>Kha431b<br><font size=+1>


dang / yongs su ma dag pa yin no/ /de bas na de bzhin gshegs pas gsungs pa'ang rnam pa gnyis yod de/ de ltar rnam pa gnyis su gsung yang rnam pa gnyis su med de/ de bas na de bzhin gshegs pa ni rnam pa gnyis su gsung ba med pa zhes bya'o/ /khyod smra ba ltar sngon rgan bas mkhas pa las/ sangs rgyas 'jig rten du gshegs pa ni gnyis su med par gsung ngo zhes thos pa shin tu legs so/ /da ltar phyogs bcu na dus gsum du rnam par bzhugs pa'i sangs rgyas thams cad kyis gsung pa la tha dad pa med de/ de bas na sangs rgyas bcom ldan 'das ni gnyis su med par gsung ba zhes bya'o/ /ji ltar na tha dad pa med pa zhe na/ gang yod par smra ba de la yod par yang gsungs ngo / /gang med par smra ba la med par yang gsung bar don gcig pa zhes bya'o/ /bram ze/ sangs rgyas bcom ldan 'das ni rnam pa gnyis su gsungs pas gcig tu gsungs pa'i tshig gsal bar byed do/ /ji ltar na gnyis su gsungs pas gcig tu gsungs pa gsal bar byed pa zhe na/ dper na/ mig dang gzugs zhes tshig gnyis las rnam par shes pa zhes bya ba'i tshig gcig byung ba nas yid dang chos kyi bar du de bzhin du rgyas par rig par bya'o/ /bram zes gsol pa/ gau ta ma/ smra ba'i tshig gi don legs par gsungs so/ / </font><hr>Kha432a<br><font size=+1>


@#/ /bdag cag ni gnyis su gsungs pa las gcig tu gsung ba gsal bar mdzad pa ma rtogs so/ /de nas bcom ldan 'das kyis de dag la 'phags pa'i bden pa bzhi gsung ba brjod do/ /'di lta ste/ sdug bsngal gyi bden pa ni gnyis kyang yin la/ gcig kyang gcig go /de bzhin du lam gyi bden pa'i bar du gnyis kyang gnyis la/ gcig kyang gcig go /bram zes gsol pa/ bcom ldan 'das/ bdag gis rtogs so/ /bcom ldan 'das kyis bka' stsal pa/ rigs kyi bu khyod kyis ji ltar rtogs/ bram zes gsol pa/ bcom ldan 'das/ sdug bsngal gyi bden pa zhes bgyi ba byis pa ma rabs thams cad la gnyis te/ 'phags pa rnams la gcig go / de bzhin du lam gyi bden pa'i bar du rtogs so/ /bcom ldan 'das kyis bka' stsal pa/ khyod kyis legs par rtogs so/ /bram zes gsol pa/ bcom ldan 'das/ bdag gis chos thos nas yang dag pa'i lta ba thob par gyur pas/ da ni sangs rgyas dang / chos dang / dge 'dun la skyabs su mchi na/ thugs rje chen pos bdag cag rab tu dbyung bar gsol lo/ /de nas bcom ldan 'das kyis tshe dang ldan pa kun shes kauN+Di n+ya la bka' stsal pa/ khyod kyis bshad de zhu na/ skra dang kha spu bregs la </font><hr>Kha432b<br><font size=+1>


khyim nas khyim ma yin par rab tu byung zhig/ de'i tshe tshe dang ldan pa kun shes kauN+Di n+yas/ bcom ldan 'das kyis bka' bzhin du skra dang kha spu 'dreg pa na rnam pa gnyis ltung bar gyur to| |gang zhe na/ skra dang kha spu dang / nyon mongs pa ste/ gnas de nyid du dgra bcom pa'i 'bras bu thob par 'gyur to/ /de'i tshe gzhan yang kun tu rgyu ba si ta zhes bgyi bas 'di skad ces gsol to/ /gau ta mas gsungs pa'i mya ngan 'da' ba de ji rtag gam/ de de bzhin no/ /kun tu rgyu ba si tas gsol pa/ gau ta ma/ ji nyon mongs pa ma mchis pa la mya ngan las 'da' ba zhes bgyi'am/ de bzhin no/ /kun tu rgyu ba si tas gsol pa/ gau ta ma/ 'jig rten na ma mchis pa rnam pa bzhi ste/ bzhi gang zhe na/ ma byung ba la ma mchis zhes bgyi ba ste/ dper na/ 'jim pa las ma bgyis pa'i snga rol na rdza ma ma mchis pa dang / 'gags te ma mchis pa la'ang ma mchis pa zhes bgyi ba ste/ dper na/ rdza ma zhig nas ma mchis pa dang / gcig la gcig ma mchis pas ma mchis pa zhes bgyi ba ste/ dper na/ ba lang la rta ma mchis la/ rta la ba lang ma mchis pa lta bu dang / gtan ma mchis pa la mchis pa zhes bgyi ba ste/ dper na/ rus sbal gyi spu dang / ri bong gi rwa lta bu'o/ /gau ta ma/ ji ste nyon mongs pa ma mchis pas mya ngan las 'das pa </font><hr>Kha433a<br><font size=+1>


@#/ /zhes bgyi na/ mya ngan las 'da' ba ni ma mchis pa'o/ /ji ste ma mchis pa lags na ci'i slad du rtag pa dang / bde ba dang / bdag dang / yongs su dag pa mchis par gsungs/ bcom ldan 'das kyis bka' stsal pa/ rigs kyi bu/ 'di ltar mya ngan las 'da' ba ni snga nas med pa ste/ 'jim pa'i tshe rdza ma med pa lta bu ma yin 'gags te med pa ste/ rdza ma zhig nas med pa lta bu'ang ma yin/ gtan med pa ste/ rus sbal gyi spu dang / ri bong gi rwa lta bu'ang ma yin te/ gcig la gcig med pa dang ni mthun no/ /rigs kyi bu khyod smra ba ltar ba lang la rta med mod kyi/ ba lang yang med ces byar mi rung ngo / /rta la ba lang med mod kyi/ rta'ang med ces byar mi rung ste/ mya ngan las 'da' ba'ang de dang 'dra ste/ nyon mongs pa la mya ngan las 'da' ba med/ mya ngan las 'da' ba la nyon mongs pa med de/ de bas na gcig la gcig med pa zhes bya'o/ /ba si tas yang gsol pa/ gau ta ma/ gal te gcig la gcig ma mchis pa la mya ngan las 'da' ba zhes bgyi na ni gcig la gcig ma mchis pa la ni rtag pa dang / bde ba dang / bdag dang / yongs su dag pa ma mchis na/ gau ta mas ci'i slad du mya ngan las 'da' ba la rtag pa dang / bde ba dang / bdag dang / yongs su dag </font><hr>Kha433b<br><font size=+1>


pa mchis zhes gsung / bcom ldan 'das kyis bka' stsal pa/ khyod smra ba ltar gcig la gcig med pa ni med pa rnam pa gsum ste/ ba lang dang / rta ni snga na med la phyis yod pas na sngon med pa zhes bya'o/ /yod nas kyang med par 'gyur bas na zhig pas med pa zhes bya'o/ /gcig la gcig med pa mi khyod smra ba bzhin te/ rigs kyi bu/ med pa rnam pa gsum po ni mya ngan las 'das par byed do/ /de bas na mya ngan las 'da' ba ni rtag pa dang / bde ba dang / bdag dang / yongs su dag pa'o/ /dper na/ 'jig rten gyi nad ni gsum ste/ mkhris pa dang / rlung dang / bad kan no/ /nad rnam pa gsum la'ang sman rnam pa gsum gyis 'tsho ste/ mkhris pa'i nad la ni mar gyis 'tsho'o/ /rlung la ni 'bru mar phan no/ /bad kan la ni sbrang rtsi phan no/ /de ltar sman rnam pa gsum yang nad rnam pa gsum la phan no/ /rigs kyi bu/ rlung gi nang na 'bru mar med la/ 'bru mar gyi nang na rlung med pa nas sbrang rtsi'i nang na bad kan med la/ bad kan gyi nang na sbrang rtsi med de/ 'on kyang 'tsho bar 'gyur ro/ /sems can thams cad la'ang nad rnam pa gsum ste/ gang zhe na/ 'dod chags dang / zhe sdang dang / gti mug go /de ltar nad rnam pa gsum po la'ang sman rnam pa gsum ste/ 'dod chags kyi nad la ni mi sdug pa yang dag par bsgom par bya/ </font><hr>Kha434a<br><font size=+1>


@#/ /zhe sdang gi nad la ni byams pa yang dag par bsgom par bya/ gti mug gi nad la ni rten cing 'brel te 'byung ba yang dag par bsgom par bya'o/ /rigs kyi bu/ 'dod chags bsal ba'i phyir 'dod chags ma yin pa yang dag par bsgom par bya/ zhe sdang bsal ba'i phyir zhe sdang ma yin pa yang dag par bsgom par bya/ gti mug bsal ba'i phyir gti mug ma yin pa yang dag par bsgom par bya ste/ nad rnam pa gsum gyi nang na sman rnam pa gsum med la/ sman rnam pa gsum gyi nang na yang nad rnam pa gsum med do/ /rigs kyi bu/ nad rnam pa gsum gyi nang na sman rnam pa gsum med pas mi rtag pa dang / bde ba med pa dang / bdag med pa dang / yongs su dag pa med pa yin no/ /sman rnam pa gsum gyi nang na nad rnam pa gsum med pas na rtag pa dang / bde ba dang / bdag dang / yongs su dag pa yin no/ /ba si tas gsol pa/ bcom ldan 'das/ de bzhin gshegs pas bdag la rtag pa dang / mi rtag pa bstan du gsol/ de la rtag pa ni gang / mi rtag pa ni gang| bcom ldan 'das kyis bka' stsal pa/ rigs kyi bu/ gzugs ni mi rtag pa nas/ rnam par shes pa'i bar du mi rtag pa'o/ /rnam par grol ba'i gzugs ni rtag pa </font><hr>Kha434b<br><font size=+1>


nas/ rnam par grol ba'i rnam par shes pa ni rtag pa'o/ /rigs kyi bu/ de la rigs kyi bu'am rigs kyi bu mo gang zhig gzugs nas rnam par shes pa'i bar du mi rtag par yang dag par bsgoms na des ni rtag pa'i chos thob par rig par bya'o/ /ba si tas gsol pa/ bcom ldan 'das/ rtag pa dang / mi rtag pa'i chos ni bdag gis rtogs so/ / bcom ldan 'das kyis bka' stsal pa/ rigs kyi bu khyod kyis rtag pa dang mi rtag pa'i chos ji lta bur rtogs/ ba si tas gsol pa/ bcom ldan 'das/ bdag gis ni bdag gi gzugs mi rtag pa nas rnam par shes pa'i bar du mi rtag ste/ rnam par grol ba na rtag par rtogs so/ /bcom ldan 'das kyis bka' stsal pa/ rigs kyi bu khyod ni lus 'di'i drin legs par glan no/ /tshe dang ldan pa kun shes kauN+Di n+ya la bka' stsal pa/ ba si ta 'di dgra bcom pa thob kyi/ khyod kyis chos gos gsum dang lhung bzed byin cig/ tshe dang ldan pa kauN+Di n+ya bcom ldan 'das kyis bka' stsal pa bzhin du chos gos dang / lhung bzed byin no/ /de nas ba si tas chos gos dang lhung bzed blangs nas kun shes kauN+Di n+ya la 'di skad ces smras so/ /bdag ni lus ngan pa 'dis dge ba'i 'bras bu thob kyi/ btsun pa/ tshegs la mi gzigs par bdag gi slad du </font><hr>Kha435a<br><font size=+1>


@#/ /bcom ldan 'das kyi thad du gshegs te 'di skad ces gsungs shig /bdag lta bu sdig pa can gyis de bzhin gshegs pa'i gdung rus smos shing nga ma khyod smras pa mthol tshangs su gsol/ gdug pa can gyi lus 'di dang ring du gnas par mi 'tshal te/ mya ngan las 'da'o zhes gsungs shig /de nas tshe dang ldan pa kauN+Da n+yi sangs rgyas gang na ba der song nas phyin pa dang / bcom ldan 'das la 'di skad ces gsol to/ /dge slong ba si ta shin tu ngo tsha zhing 'dzem pa'i sems skyes te/ bdag ni shin tu glen pas de bzhin gshegs pa'i gdung smos na nga ma khyod smras pa nongs te/ bdag las 'gyod tshangs gsol lo/ /sbrul gdug pa dang 'dra ba'i lus 'di dang ring du 'grogs par mi 'tshal te mya ngan las 'da'o zhes mchi'o/ /bcom ldan 'das kyis tshe dang ldan pa kauN+Di n+ya la bka' stsal pa/ dge slong ba si ta ni sngon sangs rgyas tshad med pa snyed la dge ba'i rtsa ba bskyed pas da 'dir bstan pa'i lung bzhin du gnas par gyur to/ /de ltar lung bzhin du gnas pas yang dag pa'i 'bras bu thob par gyur te/ de bas na khyod kyis de'i lus la mchod pa gyis shig/ //'phags pa yongs su mya ngan las 'das pa'i mdo/ bam po lnga bcu gnyis pa/ </font><hr>Kha435b<br><font size=+1>


de nas kauN+Di n+yas bcom ldan 'das las de skad ces thos nas phyir de'i lus gang na bar song ste mchod pa byas so/ /de'i tshe ba si tas lus bsregs pa na rdzu 'phrul sna tshogs mngon par bstan te/ mu stegs can gyi rnams de lta bur gyur pa mthong nas skad chen pos 'di skad ces smras so/ /ba si ta ni dge sbyong gau ta ma'i sngags dang sgyu rtsal thob kyi/ ring por mi thogs par dge sbyong gau ta ma bas lhag par nges so/ /de'i tshe 'khor gyi dkyil 'khor de'i nang na kun tu rgyu sa ni zhes bya bas yang 'di skad ces gsol to/ /gau ta ma| bdag ces bgyi ba mchis sam/ de bzhin gshegs pas cang mi gsung ngo / /gau ta ma/ 'o na ma mchis pa lags sam/ de bzhin gshegs pa cang mi gsung ngo| |de bzhin du lan gnyis lan gsum gyi bar du zhus kyang de bzhin gshegs pa cang mi gsung ngo / /sa nis yang gsol pa/ gau ta ma/ gal te sems can thams cad la bdag ces bgyi ba mchis te thams cad la khyab la/ gcig gam byas pa lags na/ gau ta ma/ ci'i slad du cang mi gsung bar bzhugs/ bcom ldan 'das kyis sa ni la bka' stsal pa/ khyod smra ba'i bdag ces bya ba thams cad la khyab pa yin nam/ sa nis gsol pa/ gau ta ma/ bdag 'ba' zhig de skad du smra ba ma lags </font><hr>Kha436a<br><font size=+1>


@#/ /kyi| mkhas pa shes rab can thams cad kyang de skad du smra'o/ /bcom ldan 'das kyis bka' stsal pa/ rigs kyi bu/ ji ste bdag ces bya ba de thams cad du khyab pa zhig yin na ni rgyud lngar skye ba dag kyang dus gcig tu rnam par smin pa myong ba'i rigs so/ /ji ste rgyud lngar skyes pa dus gcig tu rnam par smin pa myong ba zhig yin na/ kun tu rgyu khyod la sogs pa ci'i phyir sdig pa mi dge ba'i las mi byed par sems can dmyal ba las bzlog pa'i phyir dge ba'i chos byed cing lhar skye ba'i lus myong bar 'dod/ sa nis gsol pa/ gau ta ma/ bdag gi chos la bdag ces bgyi ba ni rnam pa gnyis te/ byas pa'i lus kyi bdag dang / rtag pa'i lus kyi bdag go/ de la byas pa'i lus kyi bdag gi phyir sdig pa mi dge ba'i chos spong ste/ sems can dmyal bar mi mchi ba dang / dge ba'i chos la nan tan bgyid pas mtho ris kyi lhar skye ba 'tshal lo/ /bcom ldan 'das kyis bka' stsal pa/ rigs kyi bu khyod smra ba'i bdag ces bya ba de thams cad du khyab la/ bdag ces bya ba de byas pa'i lus la yod na ni de mi rtag pa yin no/ /gal te byas pa'i lus la med na thams cad la khyab ces byar rung ngam/ sa nis gsol pa/ gau ta ma/ bdag gis </font><hr>Kha436b<br><font size=+1>


rnam par bzhag pa'i bdag ces bgyi ba de byas pa'i nang na'ang mchis la rtag ces kyang bgyi ba lags so/ /gau ta ma/ khang pa la me shor na khang pa 'tshig kyang khyim bdag ni phyir byung ste/ khang khyim 'tshig pa'i phyir khyim bdag 'tshig go zhes bgyir mi rung ngo / /bdag gi chos kyang de dang 'dra ste/ byas pa'i lus 'di mi rtag pa lags mod kyi/ mi rtag pa'i dus na bdag ces bgyi ba phyir 'byung ngo / /de bas na bdag gi bdag ces bgyi ba ni khyab pa'ang lags la rtag pa'ang lags so/ /bcom ldan 'das kyis bka' stsal pa/ rigs kyi bu khyod smra ba ltar bdag ces bya ba khyab pa'ang yin la rtag pa'ang yin zhes bya ba de mi rung ngo / /de ci'i phyir zhe na/ khyab pa la rnam pa gnyis te/ rtag pa dang / mi rtag pa'o| |gzhan yang rnam pa gnyis te/ gzugs dang / gzugs med pa'o/ /de bas na ji ste khyod smra ba ltar thams cad la yod pa zhig yin na ni rtag pa'ang yin/ mi rtag pa'ang yin/ gzugs kyang yin/ gzugs med pa'ang yin no/ /khyod smra ba ltar khang pa 'tshig kyang khyim bdag phyir byung bas mi rtag pa'ang yin no zhes bya ba de'ang mi rung ngo / /de ci'i phyir zhe na/ khang pa'ang khyim bdag ma yin la khyim bdag kyang khang pa ma yin te/ 'tshig pa'ang gzhan la byung ba'ang gzhan pas na bdag ces bya ba ni de ma yin no/ /de ci'i </font><hr>Kha437a<br><font size=+1>


@#/ /phyir zhe na/ bdag ni gzugs so/ /gzugs ni bdag go/ bdag ni gzugs med pa'o/ /gzugs med pa ni bdag go/ bdag ni gzugs med pa yin ni ci'i phyir gzugs mi rtag pa'i dus na bdag phyir 'byung ngo zhes smra/ rigs kyi bu/ ci khyod kyi yid la gal te sems can thams cad la bdag ces bya ba de gcig ste mthun par sems na de ni 'jig rten dang 'jig rten las 'da' ba'i chos gnyis ka dang 'gal lo/ /de ci'i phyir zhe na/ 'jig rten gyi chos kyi pha dang / ma dang / bu dang / bu mo zhes bya ba yod do| |ji ste bdag ces bya ba gcig yin na pha'ang bu yin la/ bu'ang pha yin/ ma'ang bu mo yin la/ bu mo'ang ma yin/ dgra'ang gnyen yin la/ gnyen yang dgra yin/ pha rol yang tshu rol yin la/ tshul rol yang pha rol yin te/ de bas na sems can thams cad kyi bdag ces bya ba gcig ste/ mthun no zhes bya ba ni 'jig rten dang 'jig rten las 'das pa'i chos gnyis ka dang 'gal lo/ /sa nis gsol pa/ sems can thams cad la bdag ces bgyi ba gcig ste/ mthun no zhes bdag mi smra'i/ so so'i mi re re la bdag re re yod do zhes smra'o/ /bcom ldan 'das kyis bka' stsal pa/ gal te mi re re la bdag re re yod ces smra na bdag ces bya ba mang por 'gyur te/ </font><hr>Kha437b<br><font size=+1>


de'ang mi rung ngo / /de ci'i phyir zhe na/ khyod sngar smra ba ltar bdag ces bya ba thams cad la khyab bo zhes bya ba de gal te thams cad la khyab pa zhig yin na ni sems can thams cad kyi las kyi 'bras bu'ang mthun pa'i rigs te/ lhas byin mthong ba'i dus na sangs rgyas sbyin yang mthong la/ lhas byin byas pa'i dus na sangs rgyas sbyin yang byas pa dang / lhas byin thos pa'i dus na sangs rgyas sbyin yang thos te/ chos thams cad kyang de lta bur 'gyur bas lhas byin gyis mthong ba'i dus na sangs rgyas sbyin gyis mthong ba ma yin te/ de bas na bdag ces bya ba de thams cad la khyab bo zhes smra ba'i mi rigs so/ /ji ste ma khyab na de ni mi rtag par 'gyur ro/ /sa nis gsol pa/ gau ta ma/ bdag ces bgyi ba ni sems can thams cad la khyab pa lags so/ /chos dang chos ma lags pa ni thams cad la khyab pa ma lags te/ de bas na sangs rgyas sbyin gyis byas pa'ang gzhan la/ lhas byin gyis byas pa'ang gzhan no/ /de bas na/ gau ta ma/ sangs rgyas sbyin gyis mthong ba'i dus na lhas byin gyis kyang mthong ba'i rigs so zhe'am/ sangs rgyas sbyin gyis thos pa'i dus na lhas byin gyis kyang thos pa'i rigs so zhes gsung pa'i mi rigs so/ /bcom ldan 'das kyis bka' stsal pa/ rigs kyi bu/ chos dang chos ma yin pa las kyis byas pa </font><hr>Kha438a<br><font size=+1>


@#/ /yin nam/ sa nis gsol pa/ gau ta ma/ las kyis bgyis ba lags so/ /bcom ldan 'das kyis bka' stsal pa/ rigs kyi bu/ gal te chos dang chos ma yin pa las kyis byas pa yin na lta de nyid mthun pa'i chos yin na de la tha dad ces byar rung ngam/ de ci'i phyir zhe na/ sangs rgyas sbyin gyis byas pa'i las kyi nang na lhas byin gyi bdag ces bya ba yod pa'i rigs la/ lhas byin gyis byas pa'i las kyi nang na'ang sangs rgyas sbyin gyi bdag ces bya ba'ang yod pa'i rigs so/ /de bas na sangs rgyas sbyin gyis byas pa'i dus na lhas byin gyis kyang byas par 'gyur te/ chos dang chos ma yin pa'ang de dang 'dra bar 'gyur ro/ /rigs kyi bu/ de ltar sems can thams cad kyi chos dang chos ma yin pa de lta bu zhig yin na ni las kyi 'bras bu rnam par smin pa'ang tha dad pa'i mi rigs so/ /rigs kyi bu/ sa bon las 'bras bur 'gyur te/ sa bon ni nam du'ang bdag ni bram zer 'gyur ba'i 'bras bu 'ba' zhig bya'i/ rgyal rigs dang / rje'u rigs dang / dmangs rigs kyi 'bras bu mi 'dod do snyam bye brag mi 'byed do/ /de ci'i phyir zhe na/ sa bon las 'bras bur 'gyur ba ni rigs bzhi po'i bar du gcod par mi 'gyur la/ chos dang </font><hr>Kha438b<br><font size=+1>


chos ma yin pa'ang de dang 'dra ste/ bdag ces bya ba de sangs rgyas sbyin gyis byas pa'i 'bras bur 'gyur bar ni bya'i/ lhas byin gyis byas pa'i 'bras bur 'gyur bar mi bya'o zhe'am/ lhas byin gyi 'bras bur 'gyur bar bya'i/ sangs rgyas sbyin gyis 'bras bur 'gyur bar mi bya'i snyam bye brag mi 'byed do/ /de ci'i phyir zhe na/ las mnyam pa'i phyir ro/ / sa nis gsol pa/ gau ta ma/ dper na/ khang pa gcig gi nang du me mar kha brgya stong bus na me mar snying po tha dad mod kyi/ snang ba la khyad par ma mchis so/ /me mar gyi snying po tha dad pa ni chos dang chos ma yin pa'i dpe'o/ /snang bar bgyid pa la khyad par ma mchis pa ni sems can thams cad kyi bdag ces bgyi ba'i dpe'o/ /bcom ldan 'das kyis bka' stsal pa/ rigs kyi bu khyod smra ba ltar me mar gyi snang ba bdag ces bya ba'i dpe yin no zhes bya ba de mi rung ngo / /de ci'i phyir zhe na/ khang pa'ang gzhan la me mar yang gzhan te/ me mar gyi snang ba me mar gyi snying po la'ang yod la/ khang pa la'ang yod par 'gyur ro/ /khyod smra ba ltar bdag ces bya ba de de lta bu zhig yin na ni chos dang chos ma yin pa gnyis ka la'ang bdag ces bya ba yod pa'i rigs la/ bdag ces bya ba'i nang na'ang chos dang chos ma yin pa yod pa'i rigs so/ /ji ste chos dang chos ma </font><hr>Kha439a<br><font size=+1>


@#/ /yin pa la bdag ces bya ba med na ni thams cad la khyab ces bya ba'ang mi rung ngo / /ji ste gnyis ka la yod pa zhig yin na ni me mar gyi snying po dang snang ba gnyis ka dper byar rung ngam/ rigs kyi bu/ ji khyod kyi yid la me mar gyi snying po dang snang ba yang dag par so so bar sems na ci'i phyir me mar gyi snying po bzang po'i dus na snang ba'ang gsal la/ me mar gyi snying po zad pa'i dus na snang ba med par gyur/ de bas na chos dang chos ma yin pa'i dpe me mar gyi snying po las blangs pa dang / bdag ces bya ba'i dpe snang ba la khyad par med pa la blangs pa mi rung ngo / /de ci'i phyir zhe na/ chos dang / chos ma yin pa dang / bdag ces bya ba dngos po gsum gcig tu 'gyur ba'i phyir ro/ /sa nis gsol pa/ gau ta ma khyod kyis me mar las dpe blangs pa de bkra shis pa ma lags so/ /de ci'i slad du zhe na/ me mar las dpe blangs pa bkra shis pa lags na bdag gis sngar gsol ba lags so/ /bkra shis min na ci'i slad du'ang de skad gsung / bcom ldan 'das kyis bka' stsal pa/ rigs kyi bu/ ngas dpar brjod pa ni bkra shis pa'am/ bkra shis pa ma yin no zhes mi gsung gi /khyod kyi yid dang sbyar te me mar gyi snying po'i pha rol na snang ba </font><hr>Kha439b<br><font size=+1>


yod dam/ snying po nyid snang ba yin zhes dper brjod de/ khyod sems ma snyoms pas chos dang chos ma yin pa'i dpe mar me'i snying po las blangs pa dang / bdag ces bya ba'i dpe snang ba las blangs pas/ de'i phyir snying po las snang ba dang / snying po'i pha rol na snang ba yod pa dang / chos la bdag yod pa dang / bdag la chos yod pa dang / chos ma yin pa bdag ces pa dang / bdag kyang chos ma yin zhes smra bas khyod kyi mtha' gcig ni 'dod la/ mtha' gcig ni mi 'dod pa mi rung ste/ de bas na dpe de ni khyod la bkra shis pa ma yin no/ /de bas na ngas khyod la phyir bstan pas/ rigs kyi bu/ dpe de ni dper mi rung ngo / /dper mi rung bas na nga la ni bkra shis pa yin gyi/ khyod la ni bkra rung ngo / /de ci'i phyir zhe na/ 'jig rten gyi 'gro ba dag shis pas na/ khyod la'ang bkra mi shis so snyam sems pa mi rung ngo / /de ci'i phyir zhe na/ 'jig rten gyi 'gro ba dag bdag gi mtshon cha bdag la gnod pa dang / bdag gis byas pa pha rol pos spyod pa yod de/ khyed dpe smra ba'ang de dang 'dra ste/ nga la ni bkra shis pa yin gyi/ khyod la ni bkra shis pa ma yin no/ /sa nis gsol pa/ gau ta mas sngar bdag la khyod ni ma snyoms so zhes gsungs na/ da ni khyod gsung ba'ang ma snyoms so/ /de ci'i slad du zhe na/ gau ta mas </font><hr>Kha440a<br><font size=+1>


@#/ /bkra shis pa ni bdag gir mdzad/ bkra mi shis pa ni kho bo la bdar bas gzhung des na yang dag par ma snyoms so/ /bcom ldan 'das kyis bka' stsal pa/ rigs kyi bu/ nga'i ma snyoms pas khyod kyi ma snyoms pa bcom ste/ khyod ni snyoms kyi nga ni ma snyoms pas bkra shis pa yin no/ /nga'i ma snyoms pas khyod kyi ma snyoms pa bcom nas khyod snyoms par gyur pa de nyid nga'ang snyoms pa'o/ /de ci'i phyir zhe na/ 'phags pa rnams dang mthun par snyoms pa'i phyir ro/ /sa nis gsol pa/ gau ta ma/ bdag ni rtag tu snyoms na ci'i slad du khyod kyis ma snyoms pa bcom mo zhes gsung / sems can thams cad la bdag ces bgyi ba snyoms par mchis na/ ci'i slad du bdag la ma snyoms so zhes gsung / rigs kyi bu khyod kyis kyang sems can dmyal bar ltung ba dang / yi dwags dang / byol song gi skye gnas su ltung ba dang / mi dang lhar 'gyur ro zhes smra| ji ste bdag ces bya ba rgyud lnga khyab pa zhig yin na/ ci'i phyir rgyud lnga myong bar 'gyur ro zhes smra/ khyod kyang pha ma gnyis dang phrad pa las bur 'gyur ro zhes smra/ ci ste bu snga nas yod pa zhig yin na/ ci'i phyir 'dus shing phrad pa las bur 'gyur ro zhes smra/ de bas na mi gcig pu la rgyud lnga char gyi lus yod do/ /ji ste rgyud lngar </font><hr>Kha440b<br><font size=+1>


snga nas lus yod pa zhig yin na/ ci'i phyir lus kyi phyir las byed dgos par 'gyur/ de bas na ma snyoms na yin no/ /rigs kyi bu khyod kyi yid la bdag ces bya ba byed pa po yin no zhes bya ba de'ang mi rung ngo / /de ci'i phyir zhe na/ ji ste bdag ces bya ba byed pa po yin na/ ci'i phyir sdug bsngal bar 'gyur ba bdag gis byed cing so so'i skye bo dag yang dag par sdug bsngal myong bar byed/ de bas na bdag ces bya ba ni byed pa po ma yin par rig par bya'o/ /ji ste sdug bsngal bdag gis byas pa yin la/ rgyu las ma skyes so zhes smra na chos thams cad kyang de dang 'dra ste/ rgyu las ma skyes pa yin na/ ci'i phyir bdag la byed pa po yin no zhes smra/ rigs kyi bu/ sems can rnams kyi sdug bsngal dang bde ba ni yang dag par rgyu dang rkyen las gyur to/ /de ltar sdug bsngal ba dang bde ba ni mya ngan dang dga' ba byed par gyur pas mya ngan gyi dus na dga' ba med la/ dga' ba'i dus na mya ngan med de/ bar 'ga' ni dga'/ bar 'ga' ni mya ngan byed pa yin na/ mkhas pa shes rab can gyis ci'i phyir rtag pa yin zhes smra/ rigs kyi bu khyod smra ba'i bdag ces bya ba rtag pa yin no zhe na/ ci ste rtag pa zhig yin na/ ci'i phyir dus rnam pa bcur mi 'dra zhing tha dad par 'gyur/ rtag pa'i chos ni thog ma nur nur po'i dus </font><hr>Kha441a<br><font size=+1>


@#/ /nas rgas pa'i dus kyi bar du yod pa'i mi rigs so/ /nam mkha' ni rtag pa'i chos yin te/ de la dus gcig kyang med na dus bcu yod pa lta smos kyang ci dgos/ rigs kyi bu/ bdag ces bya ba ni nur nur po'i dus ma yin pa nas rgas pa'i dus kyi bar du ma yin na/ ci'i phyir dus rnam pa bcur mi mthun te| tha dad pa yin no zhes smra/ rigs kyi bu/ ji ste bdag ces bya ba byed pa po yin na ni bdag ces bya ba la dar ba'i dus dang / rgud pa'i dus yod do/ /sems can la'ang dar ba'i dus dang / rgud pa'i dus yod do/ /ji ste bdag ces bya ba de de lta bu zhig yin na ci'i phyir rtag ces bya/ rigs kyi bu/ bdag ces bya ba byed pa po yin na/ ci'i phyir mir 'dra ba la dbang po rnon po dang / dbang po rtul po yod par 'gyur/ rigs kyi bu/ ji ste bdag ces bya ba byed pa po yin na/ bdag ces bya bas lus kyi las dang / ngag gi las kyang byed par 'gyur ro/ /ji ste ngag gi las kyang bdag ces bya bas byas pa yin na/ ci'i phyir ngag gis bdag med do zhes smra zhing / ci'i phyir yod dam med ces the tshom du gyur/ rigs kyi bu khyod kyi yid la mig gi pha rol na mthong ba yod do snyam smra na'ang mi rung ngo / /de ci'i phyir zhe na/ gal te </font><hr>Kha441b<br><font size=+1>


mig gi pha rol na mthong ba gzhan zhig yod na mig 'di'ang dgos pa med par 'gyur te/ lus kyi dbang po'i bar du dang 'dra bar 'gyur te/ ci khyod kyi yid la bdag ces bya bas mthong ba'ang mig gi rkyen gyis mthong ngo zhes bya ba de'ang mi rung ngo / /de ci'i phyir zhe na/ dper na/ mi zhig me tog su ma nas grong khyer chen po 'tshig go/ ji ltar 'tshig ce na/ me'i rkyen gyis 'tshig go zhes smra ba ltar/ khyod kyi bdag ces bya bas mthong ngo zhes smra ba'ang de dang 'dra'o/ /sa nis gsol pa/ gau ta ma/ dper na/ zor ba thogs te rtswa rnga ba dang 'dra ba ste/ bdag kyang dbang po lnga'i rkyen gyis mthong ba dang / thos pa dang / reg pa'i bar du'o/ /rigs kyi bu/ zor ba dang mi so so bas de ci'i phyir zor ba thogs nas byed pa yod do/ /dbang po'i pha rol na bdag ces bya ba gzhan med na/ ci'i phyir bdag ces bya ba dbang po'i rkyen gyis bya ba yod do zhes smra| rigs kyi bu/ ci khyod kyi yid la zor ba thogs nas brnga bar 'gyur te/ bdag ces bya ba'ang de dang 'dra'o zhe na/ bdag ces bya ba la lag pa yod dam/ 'on te lag pa med pa yin/ ji ste lag pa yod na ci'i phyir bdag gis zor ba mi thogs/ ji ste lag pa med na ci'i phyir bdag ces bya ba byed pa po yin no zhes smra/ </font><hr>Kha442a<br><font size=+1>


@#/ /rigs kyi bu/ rtswa rnga ba ni zor ba yin te/ bdag ma yin te/ mi ma yin no/ /ji ste bdag dang mi ma yin na/ zor ba'ang mi dgos par 'gyur ro/ /rigs kyi bu/ mi la las rnam pa gnyis te/ rtswa thogs pa dang / zor ba thogs pa'o/ /zor ba thogs pa ni gcod pa'i las 'ba' zhig byed de/ sems can gyis chos mthong ba'ang de dang 'dra ste/ mig gis gzugs mthong ba'ang 'dus shing tshogs pa las 'byung ngo / /ji ste rgyu dang rkyen 'dus pa las mthong na mkhas pa shes rab can gyis bdag yod ces ci'i phyir smra/ rigs kyi bu/ ci khyod kyi yid la lus kyis byas nas bdag ces bya bas myong bar 'gyur ro snyam sems na de'ang mi rung ngo / /de ci'i phyir zhe na/ 'jig rten na lhas byin gyis las byas pa la sangs rgyas sbyin gyis rnam par smin pa myong bar ma mthong ngo / /ji ste lus kyis byas pa ma yin la/ bdag ces bya ba rkyen gyis dbang gis myong ba ma yin no zhes smra na khyod la sogs pa ci'i phyir rgyu dang rkyen las rnam par grol ba 'tshol/ khyod kyi lus snga nas yod la/ rgyu dang rkyen las byung ba ma yin na rnam par grol nas kyang rgyu dang rkyen mi dgos par lus kyang skye bar 'gyur ro/ /lus ji lta ba bzhin du nyon mongs pa thams cad kyang de dang 'dra'o/ / </font><hr>Kha442b<br><font size=+1>


sa nis gsol pa/ gau ta ma/ bdag ces bgyi ba la rnam pa gnyis te/ shes pa dang bcas pa dang / shes pa med pa'o/ /shes pa med pa'i bdag gis ni lus thob par bgyid do/ / shes pa dang bcas pa'i bdag gis ni lus spong bar bgyid do/ /dper na/ rdza ma so ma btang ba bsregs na kha dog rnying pa ma mchis par 'gyur te/ de slar skye mi srid do/ / mkhas pa shes rab can gyi nyon mongs pa'ang de dang 'dra ste ma mchis par bgyis pa'i 'og tu nam du'ang slar skye mi srid do/ /bcom ldan 'das kyis bka' stsal pa/ rigs kyi bu/ shes pa zhes bya ba ye shes kyis shes sam/ bdag ces bya bas shes/ ji ste ye shes kyis shes pa zhig yin na/ ci'i phyir bdag gis shes so zhes smra/ ji ste bdag gis shes pa zhig yin na/ ci'i phyir thabs mkhas pas ye shes 'tshol dgos par 'gyur/ ci khyod kyi yid la bdag ces bya bas ye shes kyi dbang gis shes so zhes smra na'ang me tog gi dpe mi rung ba dang 'dra'o/ /rigs kyi bu/ dper na/ shing tsher ma can yang rang bzhin gyis 'dzugs pa yin gyi/ shing gi tsher ma thogs te 'dzugs so zhes byar mi rung ngo / /ye shes kyang de dang 'dra ste/ ye shes nyid kyis shes pa yin na/ ci'i phyir bdag gis ye shes thogs te shes par byed do zhes smra/ rigs kyi </font><hr>Kha443a<br><font size=+1>


@#/ /bu khyod nyid kyi chos las bdag ces bya ba rnam par grel lo zhe na/ shes pa med pa'i bdag gis thob bam/ shes pa dang bcas pa'i bdag gis thob/ ji ste shes pa med pas thob na da dung nyon mongs pa dang bcas par rig par bya'o/ /ji ste shes pa dang bcas pas thob na/ da dung yang shes pa'i dbang po lnga dang bcas par rig par bya'o/ /de ci'i phyir zhe na/ dbang po lnga las shes pa gzhan med de/ ji ste dbang po rnams dang bcas na ci'i phyir rnam par grol ba zhes bya/ ji ste bdag ces bya ba de rang bzhin gyis rnam par dag la dbang po lnga dang bral lo zhe na/ yang ci'i phyir lam rgyud lnga'ang khyab bo zhes smra zhing ci'i phyir rnam par grol ba 'dod pa'i phyir dge ba'i chos rnams la nan tan bya'o zhes smra/ rigs kyi bu/ dper na/ mi zhig nam mkha' la tsher ma 'byin pa dang 'dra ste/ bdag ces bya ba rnam par dag pa yin na/ ci'i phyir nyon mongs pa thams cad gcad par bya'o zhes smra/ ci khyod kyi yid la rgyu dang rkyen ma yin pa las rnam par grol lo zhe na'ang byol song thams cad kyang ci'i phyir rnam par ma grol/ sa nis gsol pa/ gau ta ma/ gal te bdag ces bgyi ba ma mchis na dran par bgyid pa su lags/ bcom ldan </font><hr>Kha443b<br><font size=+1>


'das kyis bka' stsal pa/ ji ste bdag ces bya ba yod na ci'i phyir brjod pa yod par 'gyur/ rigs kyi bu/ ji ste dran pa la bdag ces bya na/ ci'i phyir sdig pa dran zhing mi dran pa dran/ dran pa mi dran/ sa nis gsol pa/ gal te bdag ces bgyi ba ma mchis na mthong ba ni su/ thos par bgyid pa ni su lags/ bcom ldan 'das kyis bka' stsal pa/ rigs kyi bu/ nang gi dbang po drug dang / phyi rol gyi yul drug ste/ phyi nang phrad pa las rnam par shes pa drug skye'o/ /rnam par shes pa drug po ni rten cing 'brel pa las ming du btags so/ /rigs kyi bu/ dper na/ me gcig pu'ang shing gi dbang gis ming khyad thob ste shing gi me dang / rtswa'i dbang gis rtswa'i me dang / phub ma'i dbang gis phub ma'i me dang / lci ba'i dbang gis lci ba'i me zhes 'dogs te/ sems can gyi yid kyi rnam par shes pa'ang de dang 'dra ste/ mig dang / gzugs dang / snang ba dang / 'dod pa'i dbang gis mig gi rnam par shes pa zhes bya'o/ /rigs kyi bu/ de ltar mig gi rnam par shes pa de ni mig gi nang na med pa nas 'dod pa'i bar du med de/ rkyen bzhi phrad pa las rnam par shes pa skye ste/ yid kyi rnam par shes pa'i bar du'ang de bzhin du rig par bya'o/ /de ltar rten cing 'brel te 'byung ba 'dus pa las </font><hr>Kha444a<br><font size=+1>


@#/ /skye bas na/ mkhas pa shes rab can ni mthong ba dag la bdag ces mi smra ba nas/ reg bya'i bar du bdag ces mi smra'o/ /rigs kyi bu/ de bas na ngas ni mig gi rnam par shes pa nas/ yid kyi rnam par shes pa'i bar du chos thams cad sgyu ma lta bu'o zhes gsungs so/ /ji ltar sgyu ma dang 'dra zhe na/ sngon med pa las da yod de/ yod nas kyang med par 'gyur ro/ /rigs kyi bu/ 'di lta ste/ dper na/ mar dang / bag phye dang / sbrang rtsi dang / bca' sga dang / pi pi ling dang / na le sham dang / rgu 'brum dang / bal po se'u dang / 'u su'i 'bras bu la sogs pa bsdus na la du zhes bya'o/ /bsdus pa de dag ma gtogs par la du zhes bya ba gud na med do/ /phyi nang gi skye mched drug la/ sems can dang / bdag dang / gang zag dang / skyes bu zhes bya'o/ /phyi nang gi skye mched ma gtogs par logs shig na sems can dang / bdag dang / gang zag dang / skyes bu zhes bya ba med do/ /sa nis gsol pa/ gau ta ma/ bdag ces bgyi ba ma mchis na/ ci'i slad du bdag mthong / bdag thos/ bdag sdug bsngal/ bdag bde/ bdag dga'/ bdag mya ngan byed ces brjod/ bcom ldan 'das kyis bka' stsal pa/ rigs kyi bu/ ji ste </font><hr>Kha444b<br><font size=+1>


bdag gis mthong / bdag gis thos pa la bdag ces bya na/ ci'i phyir 'jig rten na khyod kyis nyes pa bya bas bdag gis ma mthong ngo / /ma thos so zhes brjod/ rigs kyi bu| 'di lta ste/ dper na tshogs bzhi 'dus na dmag ces bya ste/ de ltar tshogs pa bzhi po'ang gcig ces byar mi rung ste/ 'on kyang nga'i dmag dpa'o/ /nga'i dmag pha rol po bas rgyal lo zhes brjod do/ /phyi nang gi skye mched 'dus nas byed pa'ang de dang 'dra ste/ gcig ma yin mod kyi bdag gis byas so/ /bdag gis myong ngo / /bdag gis mthong ngo / /bdag gis thos so/ /bdag sdug bsngal lo/ /bdag bde'o zhes brjod do/ /sa nis gsol pa/ gau ta ma khyod gsung ba ltar phyi nang 'dus so zhes bgyi ba/ bdag gis byas/ bdag gis myong ngo zhes brjod cing smra ba su lags/ bcom ldan 'das kyis bka' stsal pa/ sred pa dang ma rig pa'i rkyen gyis las skyes so/ /las las srid pa skyes so/ /srid pa las tshad med pa'i sems las byung ba skyes so/ /sems kyis rnam par rtog pa bskyed do/ /rnam par rtog pas rlung bskyed do/ /rlung sems la reg nas rkan dang / lce dang / so dang / mchu dang / sems can gyi 'du shes phyin ci log las sgra byung bas bdag </font><hr>Kha445a<br><font size=+1>


@#/ /gis byas/ bdag gis myong / bdag gis mthong / bdag gis thos so zhes smra'o/ /rigs kyi bu/ dper na/ rgyal mtshan gyi rtse mo la dril bu btags na rlung gi dbang gis sgra 'byung ngo / /rlung che na sgra'ang che/ rlung chung na sgra'ang chung ste byed pa ni med do/ /rigs kyi bu/ 'di lta ste/ dper na/ lcags bsregs pa chu'i nang du bcug na sgra rnam pa sna tshogs 'byung ngo / /de la yang dag par na byed pa zhes bya ba med do/ /rigs kyi bu/ bus pa ma rabs kyis ni dngos po 'di lta bu dag rnam par rtog kyang bye brag mi phyed pas/ bdag dang / bdag gi ba dang / bdag gis byas pa dang / bdag gis myong ngo zhes smra'o/ /sa nis gsol pa/ gau ta ma/ bdag dang bdag gi ba mchis na/ ci'i slad du rtag pa dang / bde ba dang / bdag dang / yongs su dag pa ma mchis so zhes gsungs/ bcom ldan 'das kyis bka' stsal pa| rigs kyi bu/ ngas ni phyi nang gi skye mched drug dang / rnam par shes pa drug la rtag pa dang / bde ba dang / bdag dang / yongs su dag pa'o zhes ma gsungs kyi| ngas ni phyi nang gi skye mched drug dang / rnam par shes pa drug 'gags pa la rtag pa zhes bya'o/ /de ltar rtag pas na bdag ces bya'o/ /rtag pa dang bdag yin </font><hr>Kha445b<br><font size=+1>


pa'i phyir bde ba zhes bya'o/ /rtag pa dang bdag dang bde ba'i phyir yongs su dag pa zhes bya'o/ rigs kyi bu/ so so'i skye bo dag ni sdug bsngal mi 'dod do/ /sdug bsngal gyi rgyur gyur pa yongs su bcad nas spong ba'i dbang du gyur pas bdag ces bya'o/ /de bas na ngas ni rtag pa dang / bde ba dang / bdag dang / yongs su dag pa zhes bya'o/ /zhes gsungs so/ /sa nis gsol pa/ bcom ldan 'das thugs rje chen pos bdag la bstan du gsol/ bdag gis ji lta bgyis na rtag pa dang / bde ba dang / bdag dang / yongs su dag pa thob par 'gyur/ bcom ldan 'das kyis bka' stsal pa/ rigs kyi bu/ 'jig rten du bcas pa thams cad ni thog ma med pa nas nga rgyal chen po dang bcas te/ nga rgyal chen po bskyed pa'i phyir nga rgyal gyi rgyur 'gyur ba dang / nga rgyal gyis las su 'gyur ba byed do/ /de bas na nga rgyal gyi 'bras bu mngon par smin te/ nyon mongs pa thams cad yongs su ma spangs pas rtag pa dang / bde ba dang / bdag dang / yongs su dag pa ma thob bo/ /gal te so so'i skye bo dag nyon mongs pa thams cad yongs su spong bar 'dod na/ nga rgyal yongs su spang bar bya'o/ /sa nis gsol pa/ bcom ldan 'das de de bzhin te/ de de bzhin te/ 'phags pa'i bka' bzhin </font><hr>Kha446a<br><font size=+1>


@#/ /te/ bdag la nga rgyal mchis pas nga rgyal gyi dbang gis de bzhin gshegs pa zhes ma smros te/ gau ta ma/ zhes smras nas nga ma khyod kyang smras so/ /da ni bdag gis nga rgyal chen po yongs su spangs te/ de bas na yang dag pa'i sems kyis chos 'tshal na ji ltar rtag pa dang / bde ba dang / bdag dang / yongs su dag pa thob par 'gyur/ bcom ldan 'das kyis bka' stsal pa/ rigs kyi bu/ shin tu brtags par nyon la legs par yid la byos shig dang / khyod la rnam par bkrol te bshad par bya'o/ /rigs kyi bu/ gal te bdag kyang ma yin/ gzhan yang ma yin/ sems can yang ma yin na/ chos de dag yongs su spong bar 'gyur ro/ /sa nis gsol ba/ bcom ldan 'das/ bdag gis ni rtogs te/ yang dag pa'i chos kyi mig kyang thob bo/ /bcom ldan 'das kyis bka' stsal pa/ rigs kyi bu khyod kyis ji lta bur shes shing rtogs na yang dag pa'i chos kyi mig thob bo zhes smra/ gsol pa/ bcom ldan 'das/ gzugs zhes bgyi ba gzhan ma lags/ bdag ma lags/ sems can ma lags pa nas rnam par shes pa'i bar du de ltar rtogs pas yang dag pa'i chos kyi mig thob bo/ /bcom ldan </font><hr>Kha446b<br><font size=+1>


'das/ bdag ni rab tu 'byung zhing lam la nan tan byed par mos na gnang bar mdzad du gsol/ bcom ldan 'das kyis legs par 'ongs so/ /zhes bka' stsal pas/ dge slong du gyur te de nyid du yongs su dag pa'i tshangs par spyod pa dang ldan zhing dgra bcom pa'i 'bras bu thob par gyur to/ /de'i tshe mu stegs can de dag gi nang na kun tu rgyu 'od srung gi rigs can zhig 'di skad ces gsol to/ /gau ta ma/ lus nyid srog lags sam/ lus dang srog gnyis tha dad pa lags/ de bzhin gshegs pa cang mi gsung bar bzhugs so/ /de bzhin du lan gnyis lan gsum gyi bar du gsol kyang cang mi gsung ngo / /kun tu rgyus yang gsol pa/ gau ta ma/ mi zhig tshe 'phos nas lus phyi ma ma blangs pa'i bar du lus kyang tha dad la/ srog kyang tha dad ces mi bgyi'am/ ji ste tha dad pa zhig lags na/ gau ta ma/ ci'i slad du cang mi gsung bar bzhugs/ bcom ldan 'das kyis bka' stsal pa/ rigs kyi bu/ ngas ni lus dang srog gnyis ka rten cing 'brel te 'byung ba las skyes te/ rten cing 'brel te 'byung ba ma yin pa las ma yin te/ lus dang srog ji lta ba bzhin du chos thams cad kyang de dang 'dra bar rig par bya'o/ /kun tu rgyus yang gsol pa/ gau ta ma/ bdag gis ni 'jig rten na chos </font><hr>Kha447a<br><font size=+1>


@#/ /kha cig rten cing 'brel te 'byung ba ma lags par mthong ngo / /bcom ldan 'das kyis bka' stsal pa/ khyod kyis 'jig rten gyi chos gang dag rten cing 'brel te 'byung ba ma yin par mthong / kun tu rgyus gsol pa/ 'di lta ste/ zhugs chen po shor ba na/ me lce rlung gis btab nas/ gnas gzhan dag kyang 'tshig par 'gyur ba de rten cing 'brel te 'byung ba ma lags nga zhes bgyi'o/ /bcom ldan 'das kyis bka' stsal pa/ rigs kyi bu/ ngas ni mi de'ang rten cing 'brel te 'byung ba las skyes te/ rten cing 'brel te 'byung ba ma yin pa las ma yin no/ /kun tu rgyus gsol ba/ gau ta ma/ me lce chad de 'tshig pa ni shing ngam/ mdag me las byung ba ma lags na/ ci'i slad du rten cing 'brel te 'byung ba lags zhes gsungs/ bcom ldan 'das kyis bka' stsal pa/ rigs kyi bu/ shing dang mdag me ni med mod kyi/ 'on kyang rlung gi dbang gis me lce chad de/ /rlung gi rgyu dang rkyen gyis me lce med par ma gyur to/ /kun tu rgyus gsol pa/ gau ta ma/ mi zhig tshe 'phos nas lus phyi ma ma blangs kyi bar du tshe len pa'i rgyu dang rkyen du gyur pa gang lags/ bcom ldan 'das kyis bka' stsal pa/ kun tu </font><hr>Kha447b<br><font size=+1>


rgyu ma rig pa dang sred pa ni de'i rgyu de'i rkyen du 'gyur te/ ma rig pa dang sred pa gnyis kyi rgyu dang rkyen gyi dbang gis 'tsho ba gnas par 'gyur ro/ /rigs kyi bu/ rgyu dang rkyen gyi phyir lus nyid srog yin la srog nyid kyang lus yin no/ /rgyu dang rkyen gyi phyir lus kyang gzhan la srog kyang gzhan te/ mkhas pa shes rab can ni phyogs gcig tu lus kyang tha dad la srog kyang tha dad do zhes mi smra'o/ /kun tu rgyus gsol pa/ bcom ldan 'das bdag la rnam par grol zhing bstan te/ rgyu dang 'bras bu mngon par rtogs par mdzad du gsol/ bcom ldan 'das kyis bka' stsal pa/ kun tu rgyu rgyu'ang phung po lnga yin te/ 'bras bu'ang phung po lnga yin no/ /rigs kyi bu/ gal te sems can dag me ma bus na dud pa med do/ /kun tu rgyus gsol pa/ bcom ldan 'das/ bdag gis ni 'tshal to rtogs so/ /bcom ldan 'das kyis bka' stsal pa/ rigs kyi bu khyod kyis ji lta bur shes shing rtogs/ gsol pa/ bcom ldan 'das/ zhugs zhes bgyi ba ni nyon mongs pa ste/ sems can dmyal ba dang / yi dwags dang / byol song gi skye gnas dang / lha dang mi'i gnas su shin tu 'bar ba'o/ /dud pa zhes bgyi ba ni nyon mongs pa'i 'bras bu smin pa ste/ mi rtag pa dang / mi gtsang ba dang / shin tu </font><hr>Kha448a<br><font size=+1>


@#/ /btsog pas na dud pa zhes bgyi ste/ sems can gang nyon mongs pa ma byas na de la nyon mongs pa'i rnam par smin pa'i 'bras bu ma mchis te/ de bas na de bzhin gshegs pas me ma bus na dud pa med do zhes gsungs so/ /bcom ldan 'das/ bdag ni yang dag par lta ba lags na/ thugs brtse ba'i slad du rab tu 'byung bar ci gnang zhes gsol to/ /de nas bcom ldan 'das kyis tshe dang ldan pa kun shes kauN+Di n+ya la 'di skad ces bka' stsal to/ /kun tu rgyu 'di rab tu byung la bsnyen par rdzogs par gyis shig/ de nas koN+Di N+yas sangs rgyas kyis bka' stsal pa de bzhin du dge slong gi dge 'dun la dad pa gsol nas rab tu phyung ste/ bsnyen par rdzogs nas zhag lnga lon pa dang dgra bcom pa'i 'bras bu thob par gyur to/ /mu stegs can gyi 'khor gyi nang na gzhan yang kun tu rgyu pu na zhes bya bas 'di skad ces gsol to/ /gau ta ma khyod kyis 'jig rten na rtag pa'i chos gzigs pas rtag ces gsung ngam/ de skad ces gsungs pa bden nam rdzun nam/ rtag gam mi rtag gam/ rtag pa dang mi rtag pa lags sam/ rtag pa'ang ma yin/ mi rtag pa'ang ma yin pa lags sam/ mtha' mchis sam mtha' ma mchis pa </font><hr>Kha448b<br><font size=+1>


lags sam/ mtha' mchis kyang mchis la/ mtha' ma mchis kyang ma mchis pa lags sam/ mtha' mchis pa'ang ma lags/ mtha' ma mchis pa'ang ma lags sam/ lus kyang lags srog kyang lags sam/ lus dang srog tha dad pa lags sam/ de bzhin gshegs pa yongs su mya ngan las 'das pa 'gro ba lta bu'am/ 'gro ba lta bu ma lags sam/ 'gro ba lta bu lags kyang lags la/ 'gro ba lta bu ma lags kyang ma lags sam/ 'gro ba lta bu'ang ma lags/ 'gro ba lta bu ma lags pa'ang ma lags sam/ bcom ldan 'das kyis bka' stsal pa/ phu na/ ngas ni 'jig rten na rtag pa'am/ bden pa'am/ rdzun pa'am/ mi rtag pa'am/ rtag pa'am/ rtag pa'ang ma yin/ mi rtag pa'ang ma yin pa'am/ mtha' yod pa'am/ mtha' med pa'am/ mtha' yod pa'ang yin/ mtha' med pa'ang yin pa'am/ mtha' yod pa'ang ma yin/ mtha' med pa'ang ma yin pa'am/ lus yin pa'am/ srog yin pa'am/ lus dang srog tha dad pa'am/ de bzhin gshegs pa mya ngan las 'das pa 'gro ba lta bu'am/ mi 'gro ba lta bu'am/ 'gro ba lta bu'ang yin la mi 'gro ba lta bu'ang yin pa'am/ 'gro ba lta bu'ang ma yin/ 'gro ba lta bu ma yin pa'ang ma yin par ma gsungs so/ /pu nas gsol pa </font><hr>Kha449a<br><font size=+1>


@#/ /gau ta ma/ skyon ci zhig gzigs na de skad ces mi gsung / bcom ldan 'das kyis bka' stsal pa/ de la gang zhig 'jig rten ni rtag ste/ 'di ni bden gyi gzhan ni rdzun no zhes smra na de ni lta ba'o/ /lta bas lta ba'i gnas ni 'du byed du lta bas lta ba/ chags par lta ba/ bcings par lta ba/ sdug bsngal du lta ba/ len par lta ba/ 'jig par lta ba/ gdung bar lta ba/ kun nas dkris par lta ba zhes bya'o/ /pu na/ byis pa so so'i skye bo ni lta bas kun tu dkris pas na/ skye ba dang / rga ba dang / na ba dang / 'chi ba dang ma bral te rgyud drug tu 'khor nas sdug bsngal tshad med pa myong ste/ 'gro ba lta bu ma yin pa dang / mi 'gro ba lta bu ma yin pa'i bar du de bzhin du rig par bya'o/ /pu na/ lta ba de la de lta bu'i skyon yod par mthong bas de bas na ma chags te gzhan la'ang mi ston to/ /pu nas gsol pa/ gau ta ma/ de lta bu'i skyon gzigs te ma chags mi ston na/ gau ta ma/ da lta ci la chags/ ci zhig ston/ bcom ldan 'das kyis bka' stsal pa/ rigs kyi bu/ chags par lta ba ni 'khor ba'i chos zhes bya'o/ /de bzhin gshegs pa ni 'khor ba'i chos dang bral bas ma chags pa zhes bya'o/ /rigs kyi bu/ de bzhin gshegs pa ni mthong ba dang ston pa zhes </font><hr>Kha449b<br><font size=+1>


bya'i/ chags pa zhes mi bya'o/ /pu nas gsol pa/ gau ta ma/ ji lta bur gzigs/ ji lta bur ston/ bcom ldan 'das kyis bka' stsal pa/ rigs kyi bu/ ngas ni sdug bsngal dang / kun 'byung ba dang / 'gog pa dang / lam gsal bar gzigs te/ de bas na 'phags pa'i bden pa bzhi rnam par phye ste ston to/ /ngas de lta bu dag gzigs pas lta ba thams cad dang / sred pa thams cad dang / 'thab pa thams cad dang / nga rgyal thams cad yongs su spangs te/ de bas na bdag ni yongs su dag pa'i tshangs par spyod pa dang ldan zhing bla na med pa'i rab tu zhi bas rtag pa'i sku thob par gyur to/ /rtag pa'i sku 'di ni shar phyogs dang / nub phyogs dang / lho phyogs dang / byang phyogs ma yin no/ /pu nas gsol pa/ ci'i rgyu ci'i rkyen gyis rtag pa'i sku shar phyogs dang / lho phyogs dang / nub phyogs dang / byang phyogs ma lags/ bcom ldan 'das kyis bka' stsal pa/ rigs kyi bu/ ngas khyod la ci dang ci dris pa de dang de'i lan yid bzhin du smros shig /rigs kyi bu/ 'di khyod kyis yid la ji snyam/ khyod kyi mdun du me chen po zhig bus na me 'bar ba'i tshe khyod kyang 'bar bas shes mod/ de bzhin no/ /me shi ba'i tshe khyod kyang shi bar shes mod/ de bzhin no/ /pu na/ gal te mi </font><hr>Kha450a<br><font size=+1>


@#/ /zhig gis khyod la me'i phung po 'di 'bar ba gang nas 'ongs/ shi ba na gar song zhes 'dri na de la khyod ji skad ces bya/ pu nas gsol ba/ gau ta ma/ gal te de skad ces 'dri ba zhig mchis na de la bdag gis 'di skad ces bgyi'o/ /me 'bar ba ni rkyen mang po la ltos so/ /rkyen rnying pa ni zad/ rkyen gsar gyis ma bsnan pas na me zad pa zhes bgyi'o/ /gal te gzhan yang me shi nas gang phyogs su song zhes 'dri na/ de la ji skad ces bya/ gsol ba/ gau ta ma/ de la bdag gis rkyen zad nas me shi'ang phyogs su song ba ma mchis so zhes bgyi'o/ /rigs kyi bu/ de bzhin gshegs pa'ang de dang 'dra ste/ gal te mi rtag pa'i gzugs yod pa nas mi rtag pa'i rnam par shes pa'i bar du yod na sred pa'i rkyen gyis 'bar ro/ /'bar ba zhes bya ba ni srid pa nyi shu rtsa lnga po myong ba'o/ /de bas na 'bar ba'i dus na me 'di ni shar phyogs sam/ nub phyogs sam/ lho phyogs sam/ byang phyogs zhes brjod du rung ngo / /da ltar gyi sred pa 'gags te srid pa nyi shu rtsa lnga po'i rnam par smin pa'i 'bras bu me 'bar na de la ni shar phyogs sam/ lho dang / nub dang / byang phyogs zhes brjod du med do/ /rigs kyi bu/ de bzhin gshegs pa </font><hr>Kha450b<br><font size=+1>


ni mi rtag pa'i gzugs med pa nas/ mi rtag pa'i rnam par shes pa'i bar du med de/ de bas na sku ni rtag pa yin no/ /gal te sku rtag pa yin na/ shar phyogs sam/ lho'am nub bam/ byang phyogs zhes brjod du med do/ /pu nas gsol pa/ bdag gis dpe zhig gsol bar 'tshal na/ de bzhin gshegs pas gsan par ci gnang / bcom ldan 'das kyis bka' stsal pa/ legs so/ /legs so/ /bsams pa bzhin du smros shig /bcom ldan 'das/ dper na/ grong khyer chen po zhig gi phyi rol na shing sA la'i tshal gyi nang na shing gcig cig sngar skyes te lo brgya lon no/ /de'i tshe na tshal gyi bdag po de dus dus su chu chu zhing las bgyid do/ /shing de'i shun pa rul na shun pa dang / lo ma dang / yal ga kun sa la ltung ste/ nang gi snying po 'ba' zhig lus so/ /de bzhin gshegs pa'ang de dang 'dra ste/ ji tsam du rul par gyur pa thams cad zad nas yang dag pa'i chos 'ba' zhig lus so/ /bcom ldan 'das/ bdag rab tu dbyung bar gsol lo/ /bcom ldan 'das kyis legs par 'ongs so/ / zhes bka' stsal nas/ de ma thag tu dge slong du gyur te zag pa zad nas dgra bcom pa'i 'bras bu thob par gyur to/ /gzhan yang kun tu rgyu rnam par dag pa zhes bya </font><hr>Kha451a<br><font size=+1>


@#/ /bas 'di skad ces gsol to/ /gau ta ma/ so so'i skye bo dag chos gang ma rtogs na 'jig rten rtag pa dang / mi rtag pa dang / rtag pa'ang lags la mi rtag pa'ang lags pa dang / rtag pa'ang ma lags la mi rtag pa'ang ma lags pa nas/ 'gro ba lta bu'ang ma lags/ mi 'gro ba'ang ma lags pa'i bar du lta bar gyur/ bcom ldan 'das kyis bka' stsal pa/ rigs kyi bu/ gzugs mi shes pa nas/ rnam par shes pa'i bar du mi shes pas na 'jig rten rtag pa nas/ 'gro ba lta bu'ang ma yin/ mi 'gro ba lta bu'ang ma yin pa'i bar du lta bar gyur to/ /kun tu rgyus gsol pa/ gau ta ma/ sems can gyis chos gang dag rtogs na 'jig rten rtag pa nas/ 'gro ba lta bu'ang ma yin/ mi 'gro ba lta bu'ang ma yin pa'i bar du mi lta bar 'gyur/ bcom ldan 'das kyis bka' stsal pa/ rigs kyi bu/ gzugs shes pa nas/ rnam par shes pa'i bar du shes na/ 'jig rten rtag pa nas/ 'gro ba lta bu'ang ma yin/ mi 'gro ba lta bu'ang ma yin pa'i bar du mi lta bar 'gyur ro/ /kun tu rgyus gsol pa/ bcom ldan 'das/ 'jig rten rtag pa dang mi rtag pa bdag la rgyas par phye ste bshad du gsol/ bcom ldan 'das kyis </font><hr>Kha451b<br><font size=+1>


bka' stsal pa/ rigs kyi bu/ gang zhig gis rnying pa ni spangs nas las gsar ma byas na gang zag des ni rtag pa dang mi rtag pa rtogs par 'gyur ro/ /kun tu rgyus gsol pa/ bcom ldan 'das/ bdag gis ni rtogs so/ /bcom ldan 'das kyis bka' stsal pa/ rigs kyi bu khyod kyis ji lta bur mthong / ji ltar bur rtogs/ gsol pa/ bcom ldan 'das/ rnying pa ni ma rig pa dang sred pa'o/ /gsar pa ni len pa dang srid pa ste/ de la gang zhig gis ma rig pa dang sred pa yongs su spangs te/ len pa dang srid pa mi bgyid na gang zag de ni rtag pa dang mi rtag pa yang dag par rtogs te/ bdag gis ni yang dag pa'i chos la chos kyi mig rnam par dag par gyur nas/ dkon mchog gsum la skyabs su mchi'o/ /de bzhin gshegs pas bdag rab tu dbyung ba gnang bar mdzad du gsol/ bcom ldan 'das kyis tshe dang ldan pa kauN+Di n+ya la bka' stsal pa/ kun tu rgyu 'di rab tu phyung la bsnyen par rdzogs par gyis shig/ de nas kauN+Di n+yas/ bcom ldan 'das kyi bka' bzhin du dge 'dun la gsol ba dang zhu ba'i las byas nas rab tu phyung ngo / /de nas zhag bco lnga lon pa dang / zag pa kun zad de dgra bcom pa'i 'bras bu thob par gyur to/ /gzhan yang kun tu rgyu be'u zhes bya bas 'di skad </font><hr>Kha452a<br><font size=+1>


@#/ /ces gsol to/ /gau ta ma/ bdag zhu ba zhu na ci gnang ngam/ de bzhin gshegs pa cang mi gsung ste/ de bzhin du lan gnyis/ lan gsum gyi bar du'o/ /be'us yang gsol pa/ gau ta ma/ bdag ni khyod dang mdza' bo yin te/ bdag cag gnyis kyi don yang gnyis su med na/ bdag gis dris pa ci'i phyir cang mi gsung bar bzhugs/ de nas bcom ldan 'das thugs la 'di snyam du dgongs so/ /kun tu rgyu 'di rang bzhin gyis mnyen te des la shin tu drang bas/ nga dang bshes te dri ba 'dri ba'ang klan ka 'tshol ba'i phyir ma yin na/ ci dang ci dris pa de dang de'i lan gdab bo snyam du dgongs nas 'di skad ces bka' stsal to| |kye be'u/ legs so/ /legs so/ /ci dang ci 'dod pa dris shig dang / de dang de'i lan gdab par bya'o/ /be'us gsol pa/ gau ta ma/ 'jig rten na dge ba mchis sam/ de bzhin no/ /gau ta ma/ mi dge ba mchis sam/ de bzhin no/ /kun tu rgyu be'us gsol pa/ gau ta ma/ bdag cag la bstan cing bshad de/ dge ba dang mi dge ba'i chos bdag gis rtogs par mdzad du gsol/ bcom ldan 'das kyis bka' stsal pa/ rigs kyi bu/ ngas ni don de dag ston pa la </font><hr>Kha452b<br><font size=+1>


shin tu rgyas par mkhyen mod kyi/ da khyod la phyogs tsam zhig bshad par bya'o/ /rigs kyi bu/ 'dod pa ni mi dge ba ste/ rnam par grol ba la 'dod pa ni dge ba'o/ /zhe sdang dang / gti mug kyang de bzhin du shes par bya'o/ /srog gcod pa ni mi dge ba'o/ /srog gcod pa yongs su spangs pa ni dge ba nas/ ngan par lta ba'i bar du rgyas par rig par bya'o/ /rigs kyi bu/ ngas ni khyod la dge ba dang mi dge ba'i chos rnam pa gsum dang / dge ba dang / mi dge ba'i chos rnam pa bcu'ang bstan cing bshad pa yin no| |gal te nga'i nye gnas su gyur pa gang zhig dge ba dang mi dge ba rnam pa gsum nas/ dge ba dang / mi dge ba'i chos rnam pa bcu'i bar du bye brag phyed de nan tan du byed na gang zag des ni 'dod chags dang / zhe sdang dang / gti mug med par 'gyur ba dang / zag pa thams cad zad pa dang / srid pa thams cad yongs su gcod par 'gyur ro/ /kun tu rgyus gsol pa/ gau ta ma/ bcom ldan 'das kyis bstan pa la/ dge slong 'ga' tsam yang 'dod chags dang / zhe sdang dang / gti mug dang / zag pa thams cad zad pa dang / srid pa thams cad yongs su bcad pa mchis sam/ bcom ldan 'das kyis bka' stsal pa/ rigs kyi bu/ sangs </font><hr>Kha453a<br><font size=+1>


@#/ /rgyas kyi bstan pa la/ 'dod chags dang zhe sdang dang / gti mug dang / zag pa thams cad dang / srid pa thams cad zad pa gcig gam/ gnyis sam/ gsum mam/ lnga'am/ brgyar ma zad kyi/ de lta bu'i dge slong ni grangs med do/ /gau ta ma/ dge slong lta zhog la/ sangs rgyas kyi bstan pa la/ dge slong ma 'ga' tsam 'dod chags dang / zhe sdang dang / gti mug dang / zag pa thams cad dang / srid pa thams cad zad pa mchis sam/ bcom ldan 'das kyis bka' stsal pa/ rigs kyi bu/ sangs rgyas kyi bstan pa la dge slong ma gcig gam/ gnyis sam/ gsum mam/ lnga'am/ brgyar ma zad kyi/ 'dod chags dang / zhe sdang dang / gti mug dang / zag pa thams cad dang / srid pa thams cad zad pa'i dge slong ma ni grangs med do/ /be'us gsol pa/ gau ta ma/ dge slong pha dang / dge slong ma'ang zhog la/ sangs rgyas kyi bstan pa la/ dge bsnyen 'ga' tsam yang tshul khrims bsrung ba la brtson zhing tshangs par spyod pa yongs su dag pa dang / the tshom gyi pha rol tu phyin te/ the tshom gyi dra ba yongs su chod pa mchis sam/ bcom ldan 'das kyis bka' stsal pa/ rigs kyi bu/ sangs rgyas kyi bstan </font><hr>Kha453b<br><font size=+1>


pa la de lta bu'i dge bsnyen gcig gam/ gnyis sam/ gsum mam/ lnga'am/ brgyar ma zad kyi/ tshul khrims bsrung ba la brtson zhing tshangs par spyod pa yongs su dge nas kun nas nyon mongs pa tha ma lnga po bcad de lan gcig phyir mi ldog pa thob nas the tshom gyi pha rol tu phyin te the tshom gyi dra ba yongs su bcad pa'i dge bsnyen ni grangs med do| |be'us gsol \?\/ gau ta ma/ dge slong dang / dge slong ma dang / dge bsnyen pha'ang zhog la/ sangs rgyas kyi bstan pa la dge bsnyen ma 'ga' tsam tshul khrims bsrung ba la brtson zhing tshangs par spyod pa yongs su dag pa dang / the tshom gyi pha rol tu phyin te/ the tshom gyi dra ba chod pa mchis sam/ bcom ldan 'das kyis bka' stsal pa| rigs kyi bu/ sangs rgyas kyi bstan pa la dge bsnyen ma de lta bu gcig gam/ gnyis sam/ gsum mam/ lnga'am/ brgyar ma zad kyi/ tshul khrims bsrung ba la brtson zhing tshangs par spyod pa yongs su dag pa dang / kun nas nyon mongs pa tha ma lnga po chod nas lan gcig phyir mi ldog pa thob nas the tshom gyi pha rol tu phyin te the tshom gyi dra ba chod pa'i dge bsnyen ma ni grangs med do/ /be'us gsol pa/ sangs rgyas kyi bstan pa la tshul khrims bsrung ba la brtson zhing tshangs par </font><hr>Kha454a<br><font size=+1>


@#/ /spyod pa yongs su dag pa dang / the tshom gyi dra ba yongs su bcad pa'i dge slong pha dang / dge slong ma dang / dge bsnyen dang / dge bsnyen ma lta zhog la/ sangs rgyas kyi bstan pa la dge bsnyen 'ga' tsam yang 'dod pa lnga la longs mi spyod cing the tshom gyi dra ba chod pa mchis sam/ bcom ldan 'das kyis bka' stsal pa/ rigs kyi bu/ sangs rgyas kyi bstan pa la dge bsnyen de lta bu ni gcig gam/ gnyis sam/ gsum mam/ lnga'am/ brgyar ma zad kyi/ kun nas nyon mongs pa gsum bcad nas rgyun du zhugs pa thob nas 'dod chags dang zhe sdang dang gti mug bsrabs te/ lan gcig phyir ldog pa thob pa'i dge bsnyen yang grangs med do/ /dge bsnyen ji lta ba bzhin du dge bsnyen ma'ang rgyas par rig par bya'o/ /be'us gsol pa/ bcom ldan 'das/ bdag dpe zhig gsol bar dad do/ /bcom ldan 'das kyis bka' stsal pa/ shin tu legs kyi/ ji dga' bar smros shig /bcom ldan 'das/ dper na/ klu'i rgyal po dga' bo dang bsnyen dga' bo kun tu khyab par char chen po 'bebs pa dang 'dra bar de bzhin gshegs pa'i chos kyi char yang de dang 'dra ste/ dge bsnyen dang / dge bsnyen ma la mnyam par phab bo/ /be'us gsol </font><hr>Kha454b<br><font size=+1>


pa| bcom ldan 'das/ gal te mu stegs can dag rab tu byung bar gsol na de bzhin gshegs pa zla ba du'i bar du brtag 'tshal/ bcom ldan 'das kyis bka' stsal pa/ rigs kyi bu/ zla ba bzhi'i bar du brtag dgos te/ gcig tu nges pa ni ma yin no/ /bcom ldan 'das/ gal te gcig tu ma nges na thugs rje chen pos bdag rab tu dbyung bar gnang bar mdzad du gsol/ de nas bcom ldan 'das kyis tshe dang ldan pa kauN+Di n+ya la bka' stsal pa/ kun tu rgyu be'u 'di rab tu phyung la bsnyen par rdzogs par gyis shig /de nas kauN+Di n+yas sangs rgyas kyi bka' bzhin du dge slong gi dge 'dun la gsol ba dang zhu ba'i las byas nas rab tu phyung ngo / /de nas zhag bco lnga lon pa dang rgyun du zhugs pa'i 'bras bu thob par gyur to| |'bras bu thob nas yang 'di snyam du sems so/ /gang shes rab kyis slob pa'i sgo nas thob par 'gyur ba ni bdag gis de thob pas sangs rgyas mthong bar zad do snyam nas sangs rgyas gang na ba der song ste phyin pa dang / bcom ldan 'das la mgo bos phyag btsal te bsti stang byas nas phyogs gcig tu 'dug ste/ bcom ldan 'das la 'di skad ces gsol to| |shes rab gang bslab pa las thob par 'gyur ba ni bdag gis thob lags na/ bdag gis bslab pa ma mchis pa'i shes rab thob par 'gyur ba bstan du gsol/ bcom </font><hr>Kha455a<br><font size=+1>


@#/ /ldan 'das kyis bka' stsal pa/ rigs kyi bu/ chos gnyis te/ zhi gnas dang lhag mthong la brtson 'grus su nan tan bya'o/ /rigs kyi bu/ dge slong gang zhig rgyun du zhugs pa'i 'bras bu thob par 'dod na chos rnam pa gnyis po la brtson 'grus su nan tan bya'o/ /gang zhig gis lan gcig phyir ldog pa dang / lan gcig phyir mi ldog pa dang / dgra bcom pa'i 'bras bu thob par 'dod na'ang chos rnam pa gnyis po la nan tan bya'o/ /rigs kyi bu/ dge slong gang zhig bsam gtan bzhi dang / tshad med pa bzhi dang / mngon par shes pa drug dang / skyes bu brgyad dang / mchog gi gnas brgyad dang / rtsod pa med pa'i ye shes dang / spyi bo'i ye shes dang / mthar phyin pa'i ye shes dang / so sor yang dag par shes pa bzhi dang / rdo rje lta bu'i ting nge 'dzin dang / zad pa'i ye shes dang / mi skye ba'i ye shes thob par 'dod pa'ang chos gnyis la nan tan bya'o/ /rigs kyi bu/ gang zhig gis sa bcu dang / ma skyes pa'i chos kyi bzod pa dang / mtshan nyid med pa'i chos kyi bzod pa dang / bsam gyis mi khyab pa'i chos kyi bzod pa dang / /'phags pa'i spyod pa dang / tshangs par spyod pa dang / lhas spyod pa dang / byang chub sems dpas spyod pa dang / nam mkha' lta bu'i ting nge 'dzin dang / ye </font><hr>Kha455b<br><font size=+1>


shes kyi phyag rgya'i ting nge 'dzin dang / stong pa nyid dang / mtshan ma med pa dang / smon pa med pa'i ting nge 'dzin dang / sa'i ting nge 'dzin dang / phyir mi ldog pa'i ting nge 'dzin dang / dpa' bar 'gro ba'i ting nge 'dzin dang / rdo rje lta bu'i ting nge 'dzin dang / bla na med pa yang dag par rdzogs pa'i byang chub dang / sangs rgyas kyi spyod pa 'dod pa'ang chos rnam pa gnyis po la nan tan bya'o/ /be'us de skad ces thos nas bcom ldan 'das la phyag btsal te phyir byung nas shing sA la'i tshal du chos gnyis po la nan tan byas pas ring por ma thogs par dgra bcom pa'i 'bras bu thob par gyur to/ /de'i tshe na dge slong grangs med pa zhig sangs rgyas gang na bar 'dong ba las be'us mthong nas btsun pa gar 'dong zhes smras so/ /dge slong rnams kyis smras pa| bdag cag ni sangs rgyas kyi spyan sngar mchi'o/ /be'us yang gsol pa/ btsun pa dag/ sangs rgyas kyi spyan sngar gshegs na be'u'i mchid nas chos rnam pa gnyis la nan tan bgyis na bslab pa ma mchis pa'i shes rab thob ste/ bcom ldan 'das kyi bka' drin dran pa'i slad du mya ngan las 'da'o zhes gsol cig/ de'i tshe dge slong de rnams sangs rgyas gang na ba der phyin nas/ bcom ldan 'das la 'di skad ces gsol to/ /dge slong be'u yi mchid nas bdag ni bslab pa ma mchis pa'i shes rab thob nas bcom ldan 'das kyi </font><hr>Kha456a<br><font size=+1>


@#/ /bka' drin gzo ba'i slad du mya ngan las 'da'o zhes mchi'o/ /bcom ldan 'das kyis bka' stsal pa/ dge slong de'u dgra bcom pa'i 'bras bu thob kyi/ de'i lus la khyed mchod pa gyis shig /de'i tshe dge slong rnams sangs rgyas kyi bka' bzhin du rus bu gang na ba der song nas mchod pa chen po byas so// //'phags pa yongs su mya ngan las 'das pa chen po'i mdo/ bam po lnga bcu gsum pa/ de'i tshe kun tu rgyu tshem bu can gyis yang 'di skad ces gsol to/ /gau ta ma gsung ba ltar skye ba grangs med pa'i bar du dge ba dang mi dge ba bgyis pa'ang phyis ma 'ongs pa'i dus su'ang dge ba dang mi dge ba'i lus thob par 'gyur ro zhes bgyis pa de mi rung ngo| |de ci'i slad du zhe na/ gau ta ma gsung ba ltar nyon mongs pa'i rgyu las lus thob par gyur to zhes bgyi ba/ ji ste nyon mongs pa'i rgyu las lus thob par gyur na lus snga'am nyon mongs pa snga/ ji ste nyon mongs pa snga na ci la gnas/ /gang na gnas/ ci ste lus snga na nyon mongs pa'i rgyu las thob ces bgyir rung ngam/ de bas na nyon mongs pa snga zhes bgyir yang mi rung la/ lus snga zhes bgyir yang mi rung ngo / /dus gcig go zhes bgyir yang mi rung / /snga phyi dus gcig ces bgyir yang chos ma mchis so/ / </font><hr>Kha456b<br><font size=+1>


de bas na bdag ni chos thams cad rang bzhin du zad de/ rgyu dang rkyen las ni ma yin no zhes smra'o/ /gzhan yang gau ta ma sra ba ni sa'i rang bzhin/ gsher ba ni chu'i rang bzhin tsha ba ni me'i rang bzhin/ g.yo ba ni rlung gi rang bzhin/ thogs pa med pa ni nam mkha'i rang bzhin te/ chen po lnga'i rang bzhin ni rgyu dang rkyen gyis yod pa ma lags so/ /ci ste 'jig rten na chos gcig tsam gyi rang bzhin rgyu dang rkyen gyis mchis pa ma lags na/ chos thams cad kyi rang bzhin yang de dang 'dra ste/ rgyu dang rkyen gyis mchis pa ma lags so// ji ste chos gcig tsam yang rgyu dang rkyen gyis mchis pa lags na/ ci'i slad du chen po lnga'i rang bzhin rgyu dang rkyen las ma gyur/ gau ta ma/ sems can gyis dge ba'i lus dang mi dge ba'i lus kyis rnam par grol ba thob pa'ang rang bzhin lags kyi/ rgyu dang rkyen las ni ma lags so/ /de bas na chos thams cad rang bzhin gyis yod kyi rgyu dang rkyen las ni ma yin par bdag smra'o/ /gzhan yang / gau ta ma/ 'jig rten ni dgos pa'i gnas gcig tu chad pa'o/ /dper na/ shing mkhan na re/ shing 'di ni shing rta dang khyogs su 'os so// shing 'di ni sgo dang / khri dang khri'ur rung ngo zhes smra ba dang / dper na/ gser mgar gyis brdungs su byas te dpral ba la btags pa ni phreng ba zhes bya/ mgul du btags pa ni </font><hr>Kha457a<br><font size=+1>


@#/ /do shal zhes bya/ dpung pa la btags pa ni dpung rgyan zhes bya/ sor mo la btags pa ni sor gdub ces bya ste/ dgos pa'i gnas nges pas na rang bzhin nges pa zhes bya'o/ /gau ta ma/ sems can thams cad kyang de dang 'dra ste/ rgyud lnga'i rang bzhin yod pas sems can dmyal ba dang / yi dwags dang / byol song dang / lha dang / mi'o// ji ste de lta bu lags na rgyu dang rkyen las 'gyur zhes bgyir rung ngam/ gau ta ma/ gzhan yang sems can thams cad rang bzhin so so ste/ de bas na thams cad rang bzhin zhes bgyi'o/ /dper na/ rus sbal thang las skyes kyang chur 'gro ba dang / be'u 'brangs ma thag tu nu ba dang / nya mchil ba mid pa dang / sprul gdug pa byung ma thag tu sa za ba dang / de dag la sogs pa sus bstan/ dper na/ tsher ma rang bzhin gyis rno ba dang / bya'i 'dab ma rang bzhin gyis kha dog tha dad pa ltar 'jig rten gyi sems can yang de dang 'dra ste/ dbang po rno ba dang / rtul ba dang / phyug pa dang / dbul ba dang / bzang ba dang / ngan pa dang / rnam par grol ba thob pa dang / srid pa tha ma thob par gyur te/ de bas na chos thams cad rang bzhin so so bar rig par bya'o/ /gzhan yang gau ta ma gsung ba ltar 'dod chags dang / zhe sdang dang / gti mug ni rgyu dang rkyen las skyes te/ gdug pa </font><hr>Kha457b<br><font size=+1>


gsum gyi rgyu dang rkyen ni yul lnga yin no zhes bgyi ba de'ang mi rung ngo / /de ci'i slad du zhe na/ dper na/ sems can gnyid log ba'i tshe yul lnga mngon du mi spyod kyang 'dod chags dang / zhe sdang dang / gti mug skyes te mngal na 'dug pa dang / mngal nas byung ma thag pa'ang yul lnga'i bzang po dang / ngan pa bye brag mi phyed kyang 'dod chags dang / zhe sdang dang / gti mug skye'o/ /drang srong 'phags pa'i rnams dgon par gnas pa'ang yul lnga mngon du mi spyod kyang / 'dod chags dang / zhe sdang dang / gti mug skye'o/ /kha cig ni yul drug gi dbang gis 'dod mi chags pa dang / zhe mi sdang ba dang / gti mi mug pa'ang yod de/ de bas na rgyu dang rkyen las chos thams cad skye'o zhes nges pa med kyi/ rang bzhin du zad do/ /gau ta ma/ gzhan yang 'jig rten na kha cig ni dbang po lnga dang mi ldan yang longs spyod chen po dang ldan zhing dbang du 'gyur ba'ang yod do/ /kha cig ni dbang po dang ldan yang ngan cing dbul la dbang med de gzhan gyi bran byed pa'ang yod na/ ji ste rgyu dang rkyen las gyur na ci'i slad du de ltar gyur/ /de bas na chos thams cad rang bzhin ni so so ste rgyu dang rkyen las ma yin no/ /gau ta ma/ gzhan yang 'jig rten na bus pa shed ma bye ba'ang yul lnga bye brag mi phyed mod kyi/ bar 'ga' ni dgod/ bar 'ga' ni ngu'o/ /dgod pa'i tshe ni dga' </font><hr>Kha458a<br><font size=+1>


@#/ /bar shes kyi/ du ba'i tshe ni mi dga' bar shes so/ /de bas na chos thams cad so so'i rang bzhin yod do/ /gau ta ma/ gzhan yang 'jig rten gyi chos la rnam pa gnyis te/ yod pa dang / med pa'o/ /yod pa ni nam mkha'o/ /med pa ni ri bong gi rwa'o/ /de ltar chos gnyis po'ang yod pa'ang rgyu dang rkyen ma yin/ med pa'ang rgyu dang rkyen ma yin te/ de bas na chos thams cad rang bzhin du zad kyi/ rgyu dang rkyen las ma yin no/ /bcom ldan 'das kyis bka' stsal pa/ rigs kyi bu khyod smra ba ltar chen po lnga'i rang bzhin dang 'dra bar chos thams cad kyang de dang 'dra'o zhes bya ba mi rung ngo / /de ci'i phyir zhe na/ rigs kyi bu khyod kyi chos la chen po lnga rtag pa yin na ci'i phyir chos thams cad rtag pa ma yin no zhes smras/ ji ste 'jig rten gyi dngos po mi rtag pa zhig yin na chen po lnga'i rang bzhin ci'i phyir mi rtag pa ma yin/ ji ste chen po lnga rtag pa zhig yin na 'jig rten gyi dngos po'ang rtag pa yin pa'i rigs te/ de bas na khyod kyis chen po lnga'i rang bzhin yod pas rgyu dang rkyen las ma yin te/ chos thams cad kyang chen po lnga dang 'dra'o zhes bya ba mi rung ngo / /rigs kyi bu khyod smra ba ltar dgos pa'i gnas nges pa na rang bzhin yod do zhes bya ba yang mi rung ngo / /de ci'i phyir zhe na/ rgyu dang rkyen las ming khyer thob pa'i phyir ro/ / </font><hr>Kha458b<br><font size=+1>


ji ste rgyu las ming khyer thob na don yang rgyu las ming khyer thob bo/ /ji ltar rgyu las ming khyer thob pa zhe na/ dper na/ dpral bar btags pa ni phreng ba zhes bya ba dang / mgul du btags pa ni do shal zhes bya ba dang / lag pa la btags pa ni gdu bu ces bya ba dang / shing rta la btags pa ni 'khor lo zhes bya ba dang / shing dang rtswa las 'bar na shing dang rtswa'i me zhes bya ba dang / rigs kyi bu| shing thog ma skyes pa na mda' dang / mdung gi rang bzhin med mod kyi/ /rgyu dang rkyen gyis bzos mda' dang mdung du byed do/ /de bas na chos thams cad la rang bzhin yod ces bya ba'i mi rigs so/ /rigs kyi bu khyod smra ba ltar rus sbal thang las skyes kyang rang bzhin gyis chur 'gro ba dang / be'u 'brangs ma thag tu rang bzhin gyis nu'o zhes bya ba de'ang mi rung ngo / / de ci'i phyir zhe na/ chur 'gro ba rgyu dang rkyen ma yin la/ gnyis ka rgyu dang rkyen ma yin par 'dra na/ ci'i phyir me'i nang du mi 'gro/ /be'u 'brangs ma thag tu rang bzhin gyis nu ba rgyu dang rkyen ma yin/ gnyis ka rgyu dang rkyen ma yin par 'dra bas ci'i phyir rwa la mi nu/ /rigs kyi bu/ ji ste chos thams cad la rang bzhin yod de/ bstan cing bslabs kyang skyed spogs med do zhes smra na yod du mi rung ngo / /de ci'i phyir zhe na/ da ltar bstan cing bslab pa las skyed spogs yod par snang ste/ de bas na rang bzhin zhes bya ba med par rig par bya'o/ /rigs kyi bu/ ji </font><hr>Kha459a<br><font size=+1>


@#/ /ste chos thams cad la rang bzhin zhes bya ba yod na bram ze thams cad lus kyi las dag par bya ba'i phyir lug bsad de lha rjed pa'i mi rigs so| |ji ste rjed pas dag par gyur na rang bzhin yang med par rig par bya'o/ /rigs kyi bu/ 'jig rten gyi smra ba'i chos la rnam pa gsum ste/ bya ba dang / byed pa dang / byas pa'o/ /ji ste chos thams cad la rang bzhin yod na ci'i phyir 'jig rten na rnam pa gsum du btags par gyur/ rnam pa gsum du btags pa las na thams cad la rang bzhin med par mngon no/ /rigs kyi bu/ ji ste chos thams cad la rang bzhin yod na chos thams cad la so sor nges pa'i rang bzhin yod par 'gyur ro/ /ji ste gcig tu chad pa'i nges pa'i rang bzhin yod na bu ram gyi shing las ci'i phyir skom dang / sha kha ra dang / bu ram dang / chang dang / kha ba'i chang du 'gyur/ ji ste rang bzhin gcig na ci'i phyir dngos po de dag byung bar gyur/ ji ste dngos po gcig po las de lta bu dag byung na/ chos thams cad la rang bzhin gcig tu nges te/ so so'i rang bzhin gcig tu mi rung bar rig par bya'o/ /rigs kyi bu/ ji ste chos thams cad rang bzhin gcig tu nges na/ ci'i phyir 'phags pa dag bu ram shing gi skom dang / sha kha ra dang / bu ram </font><hr>Kha459b<br><font size=+1>


gyi tshe btung du rung la/ chang gi tshe btung du mi rung zhing phyir yang kha ba'i chang du gyur pa na btung du rung / de bas na nges pa'i rang bzhin med par rig par bya'o/ /ji ste nges pa'i rang bzhin med na rgyu dang rkyen las ma gyur ces byar ga la rung / rigs kyi bu khyod kyis chos thams cad la rang bzhin yod do zhes bya ba ji lta bur dpe bstan du rung / ji ste dpe brjod du yod na chos thams cad la rang bzhin med par rig par bya/ ji ste rang bzhin yod na ni dpe byar med par rig par bya'o/ /'jig rten na mkhas pa shes rab can dpe ston te/ de bas na chos thams cad rang bzhin med pa dang / rang bzhin gcig tu nges pa med par rig par bya'o/ /rigs kyi bu khyod smra ba ltar lus snga'am nyon mongs pa snga zhes bya ba de'ang mi rung ngo / /de ci'i phyir zhe na/ ji ste ngas lus snga'o zhes brjod na ni khyod kyis nga dang mthun no zhe'am/ lus mi snga'o zhes brgal du'ang rung na/ rigs kyi bu/ sems can thams cad kyi lus dang nyon mongs pa ni gnyis ka snga phyi med de/ dus gcig tu yod do/ /de ltar dus gcig tu yod mod kyi/ 'on kyang nyon mongs pa'i rgyu las lus yod par gyur gyi/ lus kyi rgyu las nyon mongs par gyur pa ma yin no/ /ji ste khyod kyi yid la/ dper na/ mi'i mig gnyis kyang dus gcig tu thob ste/ gcig la gcig mi bltos pa ni g.yas pa g.yon pa </font><hr>Kha460a<br><font size=+1>


@#/ /la mi ltos la/ g.yon pa'ang g.yas pa la mi ltos pa dang 'dra bar nyon mongs pa dang lus kyang de dang 'dra bar sems na de'ang mi rung ngo / /de ci'i phyir zhe na/ rigs kyi bu/ 'jig rten na mig gis bltar snang ba me mar gyi snying po dang / snang ba gnyis dus gcig tu yod mod kyi/ snying po'i rgyus snang bar gyur gyi/ snying po med pa las snang ba ni ma yin no/ /rigs kyi bu/ ci khyod kyi yid la lus mi snga bas rgyu med par sems na de'ang mi rung ngo / /de ci'i phyir zhe na/ ji ste lus snga bas rgyu dang rkyen med pa'i phyir med pa zhes bya ba na lta khyod kyang chos thams cad la rgyu dang rkyen med do zhes smra ba'i rigs so/ /ji ste bltar mi snang ba'i phyir de skad ces mi smra na'ang da ltar rdza ma la sogs pa rgyu dang rkyen las byung bar mngon sum du bltar snang na ci'i phyir de skad ces mi smra/ /ji ltar rdza ma dang 'dra bar lus snga ba'i rgyu dang rkyen kyang de bzhin du rig par bya'o/ /rigs kyi bu/ snang yang rung mi snang yang rung chos thams cad rgyu dang rkyen las byung gi rang bzhin med do/ /rigs kyi bu/ ji ste chos thams cad la rang bzhin yod de/ rgyu dang rkyen med do zhes smra na/ khyod ci'i phyir chen po bzhi yod do zhes smra/ chen po bzhi'i rang bzhin nyid ni rgyu dang rkyen yin no/ /rigs kyi bu/ chen po bzhi'i rgyu dang rkyen ni de lta bu yin </font><hr>Kha460b<br><font size=+1>


mod kyi/ chos thams cad kyang chen po bzhi'i rgyu dang rkyen du mthun no zhes smra ba'i mi rigs so/ /dper na 'jig rten gyi gtam du rab tu byung ba thams cad ni tshul khrims bsrung ba la brtson pa yin pas gdol ba la sogs pa'ang de bzhin du tshul khrims bsrung ba la brtson pa yin no zhes brjod pa dang 'dra bar 'gyur ro/ /rigs kyi bu khyod smra ba ltar chen po bzhi la nges pa'i rang bzhin yod do zhes smra ba ni ngas bltas na rang bzhin de ni 'gyur ba ste nges pa ma yin no/ /rigs kyi bu khyod kyis chos la mar dang / spra tshil dang / sra rtsi la sa zhes bya ste/ khyod kyis sa zhes btags pa de ni ma nges te/ bar bar ni chu lta bur yang btub/ /bar bar ni sa lta bur yang btub ste/ de bas na rang bzhin gyi sra ba'o zhes byar mi rung ngo / /rigs kyi bu khyod kyi chos la tshon mo steng dang / zha nye dang / zangs dang / lcags dang / gser dang / dngul la me'o zhes bya ba de la rang bzhin bzhi yod de| 'bab pa'i tshe ni chu zhes bya/ g.yo ba'i tshe ni rlung zhes bya/ tsha ba'i tshe ni me zhes bya/ sra ba'i tshe ni sa zhes bya ba na ci'i phyir de la nges par me'i rang bzhin no zhes gdags/ rigs kyi bu/ chu'i rang bzhin ni 'bab pa ste/ gal te chu 'khyags kyang de la sa zhes mi bya'o/ /'on kyang chu zhes bya'o/ /de ci'i phyir zhe na/ dba' rlabs g.yo pa'i tshe rlung zhes mi </font><hr>Kha461a<br><font size=+1>


@#/ /bya'o| |de ltar g.yo ba la rlung zhes mi bya na 'khyags kyang chu ma yin zhes byar mi rung ngo / /de ltar dngos po gnyis po'ang rgyu dang rkyen las gyur na ci'i phyir chos thams cad rgyu dang rkyen las ma gyur ces smra/ rigs kyi bu/ ji ste dbang po lnga rang bzhin gyis mthong ba dang / thos pa dang / tshor ba dang / shes pa dang / reg pa'ang rang bzhin yin te/ rgyu dang rkyen las ma gyur to zhes bya ba ni mi rung ngo / /de ci'i phyir zhe na/ rigs kyi bu/ rang bzhin nyid kyis rang bzhin mi 'gyur ba zhig yin na mig gi rang bzhin mthong ba'ang rtag tu mthong ba'i rigs te/ mthong ba dang mi mthong ba'i dus kyang med pa'i rigs so/ /de bas na rgyu dang rkyen gyis mthong gi/ rgyu dang rkyen med pa las ma yin par rig par bya'o/ /rigs kyi bu khyod smra ba ltar 'dod chags skye ba dang / rnam par grol ba ni yul lnga'i rgyu las ma yin no zhes bya ba de yang mi rung ngo / /de ci'i phyir zhe na/ rigs kyi bu/ 'dod chags skye ba dang / rnam par grol ba yul lnga po'i rgyu las ma gyur mod kyi/ mi dge ba rnam par rtog pa'i phyir 'dod chags skye'o/ /dge ba rnam par rtog pa'i phyir rnam par grol bar 'gyur ro/ /rigs kyi bu/ nang gi rgyu dang rkyen gyis 'dod chags skye ba dang / rnam par grol bar 'gyur ro/ /pha rol gyi rgyu dang rkyen </font><hr>Kha461b<br><font size=+1>


gyis skye zhing rgyas par 'gyur ro/ /de bas na khyod chos thams cad la so so'i rang bzhin yod de/ 'dod chags skye ba dang / rnam par grol ba'ang yul lnga'i rgyu las ma yin zhes bya ba de mi rung ngo / /rigs kyi bu khyod smra ba ltar dbang po rnams dang ldan pa rnams ni dbul phongs la dbang po'ang med/ dbang po dang mi ldan zhing nyams pa ni longs spyod che zhing dbang dang ldan te/ de las bltas na rang bzhin yod de/ rgyu dang rkyen las ma yin no zhes bya ba de mi rung ngo / /de ci'i phyir zhe na/ sems can ni las las 'bras bu rnam par smin te/ de ltar 'bras bu rnam par smin pa'ang rnam pa gsum ste/ mngon sum du smin pa dang / skyes nas smin pa dang / phyis smin pa'o/ /dbul phongs pa dang / phyug skyid pa dang / dbang po dang ldan pa dang / mi ldan pa'ang so so'i las yin no/ /rang bzhin yod na dbang po dang ldan pa ni longs spyod che ba'i rigs/ longs spyod che ba ni dbang po dang ldan pa'i rigs so/ /de de ltar ma gyur pas de bas na nges par rang bzhin med de/ rgyu dang rkyen las gyur to/ /rigs kyi bu khyod smra ba ltar 'jig rten na byis pa shed ma bye ba yul lnga po bye brag mi phyed pas bar bar ni ngu / bar bar ni dgod de/ de bas na thams cad la rang bzhin yod de zhes bya ba de'ang mi rung ngo / /de ci'i phyir zhe na/ ji ste rang bzhin </font><hr>Kha462a<br><font size=+1>


@#/ /yod na dgod pa'ang rtag tu dgod/ ngu ba'ang rtag tu ngu ba'i rigs te/ res 'ga' ni dgod/ res 'ga' ni ngu ba'i mi rigs so/ /de ltar res 'ga' ni dgod| res 'ga' ni ngu ba las na thams cad rgyu dang rkyen las 'gyur bar rig par bya ste/ de bas na chos thams cad la rang bzhin yod de rgyu dang rkyen las ma yin no zhes bya ba'i mi rigs so/ /kun tu rgyus gsol pa/ bcom ldan 'das/ gal te chos thams cad rgyu dang rkyen las byung ba yin na/ lus 'di rgyu dang rkyen gang las byung / bcom ldan 'das kyis bka' stsal pa/ rigs kyi bu/ lus 'di'i rgyu dang rkyen ni nyon mongs pa dang las so/ /kun tu rgyus gsol pa/ bcom ldan 'das/ lus 'di nyid nyon mongs pa dang / las las gyur na nyon mongs pa dang las 'di gcad du rung ngam/ bcom ldan 'das kyis bka' stsal pa/ de de bzhin te/ de de bzhin no/ /kun tu rgyus yang gsol pa| bcom ldan 'das/ bdag la rnam par phye ste bstan pas bdag gis thos nas gnas 'di nyid las ma g.yos par yongs su chod par mdzad du gsol/ bcom ldan 'das kyis bka' stsal pa/ rigs kyi bu/ gal te mtha' gnyis shes la dbu ma la thogs pa med na gang zag des ni nyon mongs pa dang / las yongs su chod par 'gyur </font><hr>Kha462b<br><font size=+1>


ro| |kun tu rgyus gsol pa/ bcom ldan 'das/ bdag gis ni shes shing rtogs te/ dam pa'i chos la chos kyi mig rnam par dag go /bcom ldan 'das kyis bka' stsal pa| ji ltar bur shes shing rtog/ gsol pa/ bcom ldan 'das/ mtha' gnyis ni gzugs dang / gzugs kyi rnam par grol ba'o/ /dbu ma zhes bgyi ba ni 'phags pa'i lam brgyad de/ tshor ba dang / 'du shes dang / 'du byed dang / rnam par shes pa'ang de bzhin du rgyas par bya'o/ /bcom ldan 'das kyis bka' stsal pa/ legs so/ /legs so| |rigs kyi bu/ mtha' gnyis shin tu rtogs te/ nyon mongs pa dang / las yongs su chod do/ /gsol pa/ bcom ldan 'das/ bdag rab tu byung zhing bsnyen par rdzogs par gsol lo/ /bcom ldan 'das kyis legs par 'ongs so zhes bka' stsal pas dge slong du gyur te/ de'i tshe khams gsum gyi nyon mongs pa kun chod nas dgra bcom pa'i 'bras bu thob par gyur to/ /de nas gzhan yang bram ze shin tu rgyas par zhes bya bas yang 'di skad ces gsol to/ /gau ta ma/ bdag ci sems pa mkhyen nam/ bcom ldan 'das kyis bka' stsal pa/ rigs kyi bu/ mya ngan las 'das pa ni rtag pa'o/ /'dus byas ni mi rtag pa'o/ /yon po ni ngan par lta ba'o/ /drang po ni 'phags pa'i lam </font><hr>Kha463a<br><font size=+1>


@#/ /mo| |bram zes gsol pa/ gau ta ma/ ci'i rgyu ci'i rkyen gyis de skad ces gsungs/ bka' stsal pa/ rigs kyi bu khyod kyi yid la bsod snyoms byed pa ni rtag pa/ mgron du pos pa ni mi rtag pa/ yon po ni ma rabs/ drang po ni rgyal mtshan no snyam sems te/ de bas na mya ngan las 'das pa ni rtag pa/ 'dus byas ni mi rtag pa/ yon po ni ngan par lta ba/ drang po ni 'phags pa'i lam brgyad de/ khyod kyis sngon sems pa lta bu ni ma yin no/ /bram zes gsol pa/ gau ta ma/ bdag gis bsams pa yang dag par mkhyen no/ /'phags pa'i lam brgyad kyis sems can thams cad rnam par grol bar 'gyur ram/ de'i tshe bcom ldan 'das cang mi gsung ste lan ma btab bo| |bram zes gsol pa/ gau ta ma/ bdag gis bsams pa mkhyen na ci'i slad du bdag gis zhus pa'i lan ma gnang nas cang mi gsung bar bzhugs/ de nas tshe dang ldan pa kun shes kauN+Di n+yas 'di skad ces smras so/ /bram ze chen po/ gal te 'jig rten mtha' yod dam mtha' med ces 'dri na de bzhin gshegs pa chos nyid kyis cang mi gsung ste lan mi 'debs so/ /'phags pa'i lam brgyad ni drang po'o/ /mya ngan las 'da' pa ni rtag pa'o/ /gal te 'phags pa'i lam brgyad la nan tan byas na rnam par grol </font><hr>Kha463b<br><font size=+1>


ba thob par 'gyur ro/ /ji ste nan tan ma byas na thob par mi 'gyur ro/ /bram ze chen po/ dper na/ mkhar chen po zhig ngos bzhi na thar pa'i khung dang lam med de/ sgo gcig pu yod na de'i sgo srung mkhas pa shes rab dang ldan na gang gtang ba'i rigs pa ni gtong ngo / /gang gtang ba'i mi rigs pa ni mi gtong ste/ ji snyed rgyu ba grangs nyid mi shes kyang / rgyu ba thams cad sgo de la rgyu bar nges par shes so/ /rigs kyi bu/ de bzhin gshegs pa'ang de dang 'dra ste/ mkhar ni mya ngan las 'da' ba'i dpe'o/ /sgo ni 'phags pa'i lam brgyad kyi dpe'o/ /sgo srung ni de bzhin gshegs pa'i dpe'o/ /rigs kyi bu/ de bzhin gshegs pas zad pa dang mi zad pa'i lan ma gsungs mod kyi/ ji tsam du zad par 'gyur ba de ni 'phags pa'i lam brgyad nan tan byed pa las 'gyur ro/ /bram zes smras pa/ legs so/ /legs so/ /btsun pa kauN+Di n+ya/ de bzhin gshegs pa dam pa'i chos ston pa la shin tu mkhas so/ /bdag kyang mkhar dang lam shes shing sgo srung lta bur dad do/ /kauN+Di n+yas smras pa/ legs so/ /bram ze/ bla na med pa rgya che ba'i sems bskyed pa legs so| |bcom ldan 'das kyis bka' stsal pa/ kun shes kauN+Di n+ya/ de skad ma zer cig /bram ze 'di ni da gdod de ltar sems bskyed pa ma yin gyi/ kauN+Di n+ya/ sngon 'das pa'i dus </font><hr>Kha464a<br><font size=+1>


@#/ /na bcom ldan 'das tshad med pa snyed 'das pa'i snga rol na sangs rgyas bcom ldan 'das kun tu 'od ces bya ba/ de bzhin gshegs pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi'i ston pa sangs rgyas bcom ldan 'das 'jig rten du gshegs te/ sangs rgyas de la bla na med pa yang dag par rdzogs pa'i byang chub sems bskyed nas bskal pa bzang po 'dir mngon par sangs rgyas te/ chos kyi mtshan nyid khong du chud cing rtogs nas yun ring mod kyi/ sems can gyi phyir mu stegs can du ston te/ mi shes pa ltar byed do/ /de bas na kauN+Di n+ya khyod bla na med pa'i sems bskyed pa legs so/ /legs so zhes ma zer cig /de'i tshe bcom ldan 'das mkhyen bzhin du tshe dang ldan pa kauN+Di n+ya la dge slong dga' bo de ltar gang na 'dug ces bka' stsal to/ /tshe dang ldan pa kauN+Di n+yas gsol pa/ bcom ldan 'das/ dge slong dga' bo ni de ltar shing sA la'i tshal 'di nas dpag tshad bcu gnyis kyi pha rol na bdud drug khri bzhi stong snyed kyis yongs su gtse zhing mchis so/ /bdud de rnams de bzhin gshegs pa'i gzugs su sprul nas/ </font><hr>Kha464b<br><font size=+1>


la la ni chos thams cad rten cing 'brel te 'byung ba yin no zhes smra/ la la ni chos thams cad rten cing 'brel te 'byung ba ma yin no zhes smra/ la la ni rten cing 'brel te 'byung ba'i chos thams cad rtag pa yin no zhes smra/ la la ni rten cing 'brel te 'byung ba'i chos thams cad mi rtag pa yin no zhes smra/ la la ni phung po lnga bden pa yin no zhes smra/ la la ni sgyu ma yin no zhes smra ste/ de bzhin du skyed mched dang / khams dang / rgyas par ro/ /la la ni rten cing 'brel te 'byung ba yod do zhes smra/ la la ni rkyen bzhi 'ba' zhig yod do zhes smra/ la la ni chos thams cad sgyu ma lta bu dang / sprul pa lta bu dang / smig rgyu ba lta bu'o zhes smra/ la la ni thos pa'i rgyu las chos thob bo zhes smra/ la la ni bsams pa'i rgyu las chos thob bo zhes smra/ la la ni bsgoms pa'i rgyu las chos thob bo zhes smra/ la la ni mi sdug pa yang dag par rtogs pa'i chos smra/ la la ni dbugs phyi nang du rgyu ba'i chos smra/ la la ni dran pa nye bar bzhag pa bzhi yang dag par rtog pa smra/ la la ni yang dag pa'i spyod pa'i don gsum dang thabs mkhas pa bdun po smra/ la la ni drod dang / spyi bo dang / bzod pa dang / 'jig rten mchog gi chos dang / slob pa dang / mi slob pa dang / byang chub sems dpa'i sa dang po nas sa bcu pa'i bar du smra'o/ /la la </font><hr>Kha465a<br><font size=+1>


@#/ /ni stong pa nyid dang / mtshan ma med pa dang / smon pa med pa smra/ la la ni mdo'i sde dang / dbyangs kyis bsnyad pa'i sde dang / tshigs su bcad pa'i sde dang| lung du bstan pa'i sde dang / ched du brjod pa'i sde dang / da ltar dang / 'das pa'i sde dang / skyes pa rabs kyi sde dang / gleng gzhi'i sde dang / rtogs pa brjod pa'i sde dang / rmad du byung ba'i sde dang / shin tu rgyas pa'i sde dang / gtan la dbab par bstan pa'i sde'ang smra'o/ /la la ni dran pa nye bar bzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam gyi yan lag brgyad smra'o/ /la la ni nang stong pa nyid dang / phyi stong pa nyid dang / phyi nang stong pa nyid dang / 'dus byas stong pa nyid dang / 'dus ma byas stong pa nyid dang / thog ma dang tha ma med pa stong pa nyid dang / rang bzhin stong pa nyid dang / dor ba med pa stong pa nyid dang / mi dmigs pa stong pa nyid dang / rang gi mtshan nyid stong pa nyid dang / mtshan ma med pa stong pa nyid dang / phung po stong pa nyid dang / khams stong pa dang / skye mched stong pa dang / dge ba stong pa dang / mi dge ba stong pa dang / lung du mi ston pa stong pa dang / byang chub stong pa dang / lam stong </font><hr>Kha465b<br><font size=+1>


pa dang / mya ngan las 'das pa stong pa dang / spyod pa stong pa dang / thob pa stong pa dang / don dam pa stong pa dang / stong pa nyid stong pa nyid dang / chen po stong pa nyid kyang ston to/ /la la ni mngon par shes pa ston to/ /lus las chu dang me 'byung ste/ lus kyi stod nas chu 'bab na/ lus kyi smad nas me 'bar/ lus kyi smad nas chu 'bab na/ lus kyi stod nas me 'bar/ mchan g.yas pa 'og tu phab na mchan g.yon nas chu 'byung / mchan g.yon pa 'og tu phab na mchan g.yas nas chu 'byung / mchan khung gcig nas 'brug bsgrags na mchan khung gcig nas char 'bab pa'ang ston to/ /la la ni sangs rgyas kyi zhing mang po'ang ston to/ /la la ni byang chub sems dpa' thog ma lhums nas bltams nas gom pa bdun bdun gshegs pa dang / pho brang na 'dod pa lnga la longs spyod pa dang / thog ma rab tu byung ba dang / dka' ba mdzad pa dang / byang chub kyi shing drung du gshegs te ting nge 'dzin du zhugs pa dang / bdud kyi sde rnams phab nas chos kyi 'khor lo bskor ba dang / rdzu 'phrul chen po bstan nas yongs su mya ngan las 'da' ba'ang ston to/ /bcom ldan 'das/ dge slong dga' bos de lta bu'i dngos po dag mthong nas/ de yid la 'di snyam du rdzu 'phrul sngon ma mthong ba 'di dag sus byas/ bcom ldan 'das/ shAkya thub pas mdzad pa ma yin nam </font><hr>Kha466a<br><font size=+1>


@#/ /snyam sems te/ langs sam/ smra'am ci bgyi ba'i gtol ma mchis so/ /dge slong dga' bo ni bdud kyi zhags pas zin pa'ang 'di snyam du sangs rgyas bcom ldan 'das rnams kyis gsungs pa ni so sor mi mthun na/ bdag gis da gang gzung snyam sems so/ /bcom ldan 'das/ dge slong dga' bo ni da ltar sdug bsngal chen po myong ste/ de bzhin gshegs pa yid la dran yang dpung gnyen du 'gyur ba ma mchis pas/ 'khor gyi dkyil 'khor 'dir ma mchis pa lags so/ /de'i tshe byang chub sems dpa' sems dpa' chen po 'jam dpal gzhon nur gyur pas bcom ldan 'das la 'di skad ces gsol to/ /bcom ldan 'das/ 'khor gyi dkyil 'khor 'di na byang chub sems dpa' bla na med pa yang dag par rdzogs pa'i byang chub tu sems bskyed nas skye ba gcig lon pa dang / byang chub tu sems bskyed nas skye ba tshad med pa snyed lon te/ sangs rgyas tshad med pa snyed la mchod pas mchod pa sems shin tu brtan pas/ sbyin pa'i pha rol tu phyin pa spyod pa yongs su rdzogs pa nas/ shes rab kyi pha rol tu phyin pa'i bar du yongs su rdzogs te/ yon tan dang ldan pa yun ring po nas/ sangs rgyas tshad med pa snyed la bsnyen bkur bgyis nas tshangs par spyod pa yongs su dag pa </font><hr>Kha466b<br><font size=+1>


dang / byang chub kyi sems las phyir mi ldog pa dang / phyir mi ldog pa'i bzod pa thob pa dang / phyir mi ldog pa'i gzungs thob pa dang / chos kyi bzod pa thob pa dang / dpa' bar 'gro ba'i ting nge 'dzin la sogs te/ ting nge 'dzin tshad med pa thob pa 'di dag gis ni theg pa chen po'i mdo sde la nam du'ang the tshom mi 'byung zhing / dkon mchog gsum mtshan nyid gcig pa dang / rtag pa dang / gnas pa dang / mi 'gyur mi 'pho ba rnam par 'byed cing ston pa la'ang shin tu mkhas te/ bsam gyis mi khyab pa'i chos thos na yang ngo mtshar rmad du mi 'dzin la/ stong pa nyid rnam pa mang po thos kyang sems mi zhum mi skrag pas chos thams cad kyi mtshan nyid kyang mngon du rtogs par bgyid/ mdo sde bcu gnyis kyang 'dzin cing don la'ang shin tu mkhas te/ de ma lags pa sangs rgyas tshad med pa snyed kyi mdo sde gsung rab bcu gnyis kyang 'dzin nus pa mchis na ci'i slad du yongs su mya ngan las 'das pa'i chos kyi rnam grangs 'di 'dzin mi nus snyam dgongs nas kauN+Di N+ya la dge slong dga' bo ga re zhes bka' stsal/ de nas bcom ldan 'das kyis 'jam dpal la 'di skad ces bka' stsal to/ legs par nyon la shin tu yid la zungs shig /rigs kyi bu/ nga mngon par sangs rgyas nas lo sum cu lhag lon te/ rgyal </font><hr>Kha467a<br><font size=+1>


@#/ /po'i khab na bzhugs pa na de'i tshe de'i dus na ngas dge slong rnam la 'di skad ces bka' stsal to/ dge slong dag khyed su zhig gis de bzhin gshegs pas gsungs pa'i mdo sde bcu gnyis 'dzin cing nga'i g.yog kyang byed la/ bdag gi don yang byed nus zhes bka' stsal pa na/ 'khor gyi nang na tshe dang ldan pa kun shes kau NaDi N+yas nga la 'di skad ces gsol to/ /bdag gis ni de bzhin gshegs pas gsungs pa'i gsung rab bcu gnyis 'dzin cing / de bzhin gshegs pas mdzad pa'i g.yog dang / bdag gi don kyang bgyid nus so zhes gsol to/ /de la ngas 'di skad ces bka' stsal to/ /kau N+Di N+ya khyod nyid kyang rgas 'khogs te/ g.yog sbyin dgos na khyod kyis nga'i g.yog ji ltar bya/ de nas shA ri'i bus gsol ba/ bdag gis ni gsung rab thams cad 'dzin cing mdzad pa thams cad kyi g.yog kyang bgyid la/ bdag gi don yang bgyid nus so zhes gsol to/ /de'i tshe shA ri'i bu la'ang khyod nyid kyang rgas 'khogs te g.yog dgos na/ nga'i g.yog ji ltar bya zhes bka' stsal pa nas dgra bcom pa lnga brgya'i bar du gsol nas ngas ma gnang ba ni de bzhin du rgyas par rig par bya'o/ /de'i tshe maung+gal ya na 'khor de'i nang du 'dus </font><hr>Kha467b<br><font size=+1>


par gyur te/ de yid la 'di snyam du bsams so/ /de bzhin gshegs pas dge slong lnga brgya bo gang yang g.yog tu ma gnang na/ bcom ldan 'das/ thugs gang la dad snyam bsams te/ ting nge 'dzin la snyoms par zhugs na de bzhin gshegs pa'i thugs dga' bo la dgyes pa ni ji ltar nyi ma thog ma shar na nub phyogs kyi rtsig ngos la snang ba dang 'dra bar sems kyis rtogs nas ting nge 'dzin las langs te/ kau N+Di N+ya la 'di skad ces smras so/ /btsun pa/ bdag gis brtags na de bzhin gshegs pa ni zham ring du dga' bo dgyes so/ /de nas kau N+Di N+ya dgra bcom pa lnga brgya dang bcas te dga' bo gang na bar song nas dga' po la 'di skad ces smras so/ /dga' bo khyod de bzhin gshegs pa'i zham ring du bskos kyi/ bzod pa long zhig/ dga' bos smras pa/ btsun pa/ bdag gis ni de bzhin gshegs pa'i zham ring bgyid pa'i rngo mi thogs so/ /de ci'i phyir zhe na/ de bzhin gshegs pa ni seng ge'i rgyal po'am/ klu'am/ me lta bur byin che ba lags te/ bdag ni shin tu'ang zhan pas zham ring bgyid pa'i rngo mi thogs so/ /dge slong rnams kyis smras pa/ dga' bo khyod nged kyis bsgo ba bzhin du de bzhin gshegs pa'i zham ring gyis shig /phan pa dang bde ba chen po thob par 'gyur ro zhes lan gnyis lan gsum gyi bar du bsgo'o/ /yang </font><hr>Kha468a<br><font size=+1>


@#/ /dga' bos smras pa/ btsun pa/ bdag ni phan pa dang bde ba chen po'ang mi 'tshal te/ de bzhin gshegs pa'i zham ring yang rdo mi thogs so zhes smras so/ /de nas maung+gal gyis dga' bo la smras pa/ khyod mi shes so/ /dga' bos smras pa/ btsun pa/ bdag la bstan du gsol/ /mong+gal gyis smras pa/ de bzhin gshegs pas sngar dge 'dun gyi nang na zham ring ba btus na dgra bcom pa lnga brgyas zham ring du gsol kyang / de bzhin gshegs pas ma gnang ste/ bdag gis ting nge 'dzin du zhugs te bltas na/ de bzhin gshegs pa'i thugs khyod la dgyes par rtogs na/ khyod ci'i phyir mi btub/ dga' bos de skad ces smras pa thos nas thal mo sbyar te pus mo btsugs nas 'di skad ces smras so/ /btsun pa/ ji ste de lta bu zhig lags na/ de bzhin gshegs pas bdag gis gsol pa rnam gsum zhig gnang na/ bdag gis dge 'dun gyi bka' bzhin du de bzhin gshegs pa'i zham ring bgyi'o zhes smras so/ /maung+gal gyis smras pa/ khyod ci dang ci 'dod/ dga' bos smras pa/ bdag gis 'dod pa gsum ni ji ste de bzhin gshegs pas na bza' rnying pa bdag la stsal na bdag mi 'tshal du gnang ba dang / ji ste de bzhin gshegs pa sbyin bdag gi der gshegs na </font><hr>Kha468b<br><font size=+1>


bdag mi mchi ba dang / bdag dus ma mchis par gang yang mchi bar gnang na/ bdag gis dge 'dun gyi bka' bzhin du de bzhin gshegs pa'i g.yog bgyi'o/ /de nas kau N+Di N+ya dang / dge slong lnga brgya po rnams phyir nga gang na bar lhags nas nga la 'di skad ces gsol to/ /bdag cag gis dge slong dga' bo la bsgo na/ smon pa rnam pa 'di gsum gnang na bdag gis dge 'dun gyi bka' bzhin du bgyi'o zhes mchi'o/ /'jam dpal/ ngas de'i tshe na dga' bo la shin tu legs so/ /legs so zhes bya ba byin no/ /dge slong dga' bo ni shes rab dang ldan pas dpyas su 'gyur ba snga nas shes so/ /de ci'i phyir zhe na/ gang zag dag khyod ni gos dang zas kyi phyir de bzhin gshegs pa'i g.yog byed do zhes smra bar gyur te/ de bas na na bza' rnying pa mi 'dod cing mgron du mi 'gro'o zhes smras pa yin no/ kau N+Di N+yas dge slong dga' bo ni shes rab dang ldan pas ji ste 'gro ba la dus dang tshod bzung na/ 'khor bzhi po la phan pa dang bde ba'i don rgyas par byed mi nus te/ de bas na 'gro ba la dus med par gsol pa yin no/ /kau N+Di N+ya/ ngas ni dge slong dga' bos gsol pa rnam pa gsum po yid bzhin du gnang ngo / /de nas maung+gal phyir dge slong dga' bo'i gran du song ste/ dga' bo la 'di skad ces smras so/ /khyod kyis gsol pa rnam pa gsum po kho bos </font><hr>Kha469a<br><font size=+1>


@#/ /gsol nas de bzhin gshegs pa thugs rje chen pos thams cad gnang ngo / /dga' bos smras pa/ btsun pa/ gal te bcom ldan 'das kyis gnang na/ bdag gis g.yog bgyi'o zhes smras so/ /'jam dpal/ dga' bos nga'i g.yog lo nyi shu lhag cig byas te bsam gyis mi khyab pa rnam pa brgyad dang ldan no/ /brgyad gang zhe na/ 'di lta ste/ lo nyi shu lhag gi bar du nga'i g.yog byas kyang nga'i phyi bzhin mgron du mi 'gro ba yin/ nga'i g.yog byas nas de tsam gyi bar du na bza' rnying pa mi 'dod pa yin/ nga'i g.yog byas nas nga'i drung du 'ong ba na dus ma yin par mi 'ong ba yin/ nga'i g.yog byed de nyon mongs pa dang ldan yang nga'i zham ring du rgyal po'i pho brang dang / rigs chen po btsun pa'i gnas su phyin te/ bu mo bzang mo dang lha dang klu'i bu mo mthong yang 'dod pa'i sems mi skye ba yin/ nga'i g.yog byas nas ngas gsungs pa'i mdo sde bcu gnyis bzung nas lan gcig thos nas phyir 'dri mi srid de/ ji ltar snod gcig gi nang na chu yod pa snod gcig gi nang du byo ba dang 'dra ba yin te/ 'dri ba gcig ma gtogs pa ni rgyal tshab be ro zhes bya bas shAkya rigs bsad nas grong khyer ser skya ba shig pa na/ dga' bo de'i tshe shin tu mi dga' nas skad chen por ngus te nga gang na bar 'ong nas </font><hr>Kha469b<br><font size=+1>


nga la 'di skad ces gsol to/ /de bzhin gshegs pa'ang grong khyer 'dir bltams la/ bdag kyang 'dir btsas te/ shAkya rigs su mthun na ci'i slad du de bzhin gshegs pa ni mdangs yod pa'i 'od can du gyur la/ bdag ni mdangs ma mchis par gyur ces gsol nas/ ngas de la 'di skad ces bka' stsal to/ dga' bo/ nga ni stong pa'i ting nge 'dzin la nan tan mdzad pas khyod dang mi 'dra ba yin no/ /de nas lo gsum 'das nas phyir nga la 'di skad ces zhus so/ /bcom ldan 'das/ bdag sngon grong khyer ser skyar de bzhin gshegs pa la stong pa'i ting nge 'dzin zhus pa bden nam rdzun zhes zhus nas ngas dga' bo la de de bzhin no/ /de de bzhin no/ /zhes bka' stsal ba yin/ nga'i g.yog byas nas pha rol gyi sems shes pa'i ye shes ma thob mod kyi/ de bzhin gshegs pa ting nge 'dzin gang la bzhugs pa shes pa yin/ nga'i g.yog byas nas smon lam gyi ye shes ma thob mod kyi/ sems can gang de bzhin gshegs pa'i spyan sngar phyin na dge sbyong gi 'bras bu mngon sum du thob pa dang / phyis thob par 'gyur ba dang / lha dang mi'i lus gang gis thob pa mngon sum du rtogs pa yin/ nga'i g.yog byas nas de bzhin gshegs pas dgongs te gsungs pa thams cad khong du chud cing rtogs pa yin no/ /rigs kyi bu/ dge slong dga' bo ni de ltar </font><hr>Kha470a<br><font size=+1>


@#/ /bsam gyis mi khyab pa'i chos brgyad dang ldan te/ de bas na dge slong dga' bo ni mang du thos pa'i mdzod yin no zhes grags so/ /rigs kyi bu/ dge slong dga' bo ni chos rnam pa brgyad dang ldan pas de bzhin gshegs pas gsungs pa'i mdo sde bcu gnyis 'dzin par 'gyur te/ brgyad gang zhe na/ 'di lta ste/ dad pa'i dbang po shin tu brtan pa dang / shin tu drang ba dang / lus la nad med pa dang / brtson 'grus dang ldan pa dang / dran pa dang ldan pa dang / nga rgyal med pa dang / ting nge 'dzin dang shes rab tu ldan pa dang / thos pa las shes rab skye ba dang ldan pa yin te/ 'jam dpal/ sangs rgyas rnam par gzigs kyi nye gnas mya ngan med ces bya ba'ang 'di bzhin du chos brgyad dang ldan no/ /de bzhin gshegs pa gtsug tor can gyi nye gnas tsa pa ka la dang / sangs rgyas thams cad skyob kyi nye gnas u pa shan+ta dang / sangs rgyas log par dad sel gyi nye gnas pa te zhes bya ba dang / sangs rgyas gser thub bsod skyabs kyi nye gnas so te zhes bya ba dang / sangs rgyas 'od srung gi nye gnas ya ba mi ta zhes bya ba'ang thams cad chos brgyad dang ldan te/ da ltar nga'i dga' bo'ang chos brgyad dang ldan no/ /de bas na dge slong dga' bo ni mang du thos pa'i mdzod </font><hr>Kha470b<br><font size=+1>


ces grags so/ /rigs kyi bu khyod smra ba ltar 'khor gyi dkyil 'khor 'di na byang chub sems dpa' tshad med/ mtha' yas pa zhig 'dus mod kyi/ byang chub sems dpa' de dag kyang byams pa chen po dang / snying rje chen pos byed dka' ba byed de/ de ltar byams pa dang / snying rje'i dbang gis so so na las yod la/ 'khor rnams gdul ba dang / bdag gi lus brgyan pa'i las byed de/ de bas na nga yongs su mya ngan las 'das na mdo sde sde bcu gnyis rgyas par sgrogs mi nus so/ /ji ste byang chub sems dpas bar bar sgrogs na'ang gzhan dag yid mi ches so/ /'jam dpal/ dge slong dga' bo ni nga'i gcung yin te/ lo nyi shu lhag gi bar du nga'i g.yog byas nas ci thos pa thams cad yongs su 'dzin pa ni ji ltar snod gcig gi chu gcig gi nang du byo ba bzhin no/ /de bas na ngas dga' bo ga re zhes dris te/ yongs su mya ngan las 'da' ba'i mdo sde 'di 'dzin du gzhug pa'i phyir bos so/ /dge slong dga' bos gang ma thos pa'i rnams kyang byang chub sems dpa' rnams la shin tu rgyas par ston te/ dga' bos ci thos pa thams cad khong du chud cing rtogs par 'gyur ro/ /'jam dpal/ dge slong dga' bo ni da ltar 'di nas dpag tshad bcu gnyis kyi pha rol gnas gzhan zhig na bdud drug khri bzhi stong snyed kyis rnam par gtse zhing 'dug </font><hr>Kha471a<br><font size=+1>


@#/ /gi |khyod song la skad chen pos bdud rnams la legs par nyon cig /legs par nyon cig /de bzhin gshegs pas gsungs pa'i gzungs chen po 'di yin no zhes bsgo zhig /lha dang / klu dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa dang |ri'i lha dang / shing gi lha dang / chu'i lha dang / rgya mtsho'i lha dang / khyim gyi lha la sogs te/ lha thams cad kyis gzungs kyi ming 'di thos pa tsam gyis bsti stang mi byed pa'am/ gzungs kyi ming mi 'dzin pa gang yang med do/ /gzungs 'di ni sangs rgyas gang+gA'i klung bcu'i bye ma snyed kyis gsungs te/ bud med kyi lus spong zhing sngon gyi gnas dran par 'gyur ro/ /gal te tshangs par spyod pa dang / sha mi za ba dang / chang mi 'thung ba dang / dku bag mi za ba dang / gnas dben pa la dga' ba dang / rnam pa 'di lnga ltar byas te/ dad pa'i sems kyis gzungs 'di klog gam/ 'don tam/ glegs bam du 'dri na gang zag des ni sdig pa mi dge ba'i las khrag khrig bdun cu rtsa bdun las 'das par 'gyur ro/ /de nas bcom ldan 'das kyis bka' stsal pa/ sngags la/ a ma le/ bi ma le/ ni rma le/ mu ga le/ he ma la dza garbe/ sa man+ta </font><hr>Kha471b<br><font size=+1>


b+ha dre/ sha ba tha sa dan+ne/ pa ra ma ar+tha sA d+ha Ne/ ma na se/ a shud+d+he/ bi la gi /a ma le te/ ba lam+mi/ ba lam+ba swa re/ pu N+ye pu N+ye/ ma mo la dai/ de'i tshe 'jam dpal gzhon nur gyur pas bcom ldan 'das las gzungs de ma nos nas dga' bo gang na bar song ste/ bdud rnams la 'di skad ces smras so/ /bdud kyi 'khor khyod legs par nyon cig ngas bcom ldan 'das las mnos pa'i gzungs brjod par bya'o zhes smras so/ /bdud kyi rgyal pos gzungs 'di thos ma thag tu bla na med pa yang dag par rdzogs pa'i byang chub tu sems bskyed de/ bdud kyi las yongs su spangs nas dga' bo'ang btang ngo / /'jam dpal gzhon nu dga' bo dang bcas te phyir sangs rgyas gang na bar 'ongs nas phyin pa dang / dga' bos sangs rgyas la phyag btsal te/ phyogs gcig tu 'dug go /de nas bcom ldan 'das kyis dga' bo la 'di skad ces bka' stsal to/ /shing sA la'i tshal gyi phyi rol na kun tu rgyu shin tu bzang po zhes bya ba lo brgya nyi shu lon te rgas shing 'khogs pa/ mngon par shes pa lnga thob kyang nga rgyal ma btang ste/ 'du shes med 'du shes med min skye mched steng gi ting nge 'dzin thob nas thams cad mkhyen pa'i ye shes su bzung ste/ mya ngan las 'da' bar 'du shes so/ /khyod song la shin tu bzang po la 'di skad ces bsgo </font><hr>Kha472a<br><font size=+1>


@#/ /zhig |de bzhin gshegs pa 'jig rten du byung ba ni me tog u dum+ba ra dang 'dra ste/ do nub nam gyi gung la yongs su mya ngan las 'da' bar gshegs kyi/ bya ba yod na dus la bab kyi/ phyis 'gyod pa'i sems skyes sa re zhes gyis shig /dga' bo khyod kyis bsgo na gdon mi za bar nyan par 'gyur ro/ /de ci'i phyir zhe na/ khyod sngon skye ba lnga brgya'i bar du shin tu bzang po'i bur skyes te/ dga' zhing 'dod pa'i bag chags da dung ma zad pas/ de bas na khyod kyis bsgo ba'i tshig nyan par 'gyur ro/ / de nas dga' bo sangs rgyas kyi bka' bzhin du shin tu bzang po gang na bar song nas 'di skad ces smras so/ /skyes bu/ 'di ltar rig par gyis shig /de bzhin gshegs pa 'jig rten du 'byung ba ni me tog u dum+ba ra dang 'dra ste/ do nub nam gyi gung la yongs su mya ngan las 'da' bar gshegs kyi/ bya ba ci yod pa da dus la bab kyi/ phyis 'gyod pa med par bya'o/ /shin tu bzang pos smras pa/ legs so/ dga' bo/ bdag de bzhin gshegs pa gang na bar 'gro'o/ /de nas dga' bo shin tu bzang po dang 'grogs te/ sangs rgyas gang na bar 'ongs nas shin tu bzang pos sangs rgyas la snyun gsol nas 'di skad ces gsol to/ /gau ta ma/ bdag gis zhu ba zhu na /bdag gis </font><hr>Kha472b<br><font size=+1>


bsams pa bzhin du bka' stsal du gsol/ bcom ldan 'das kyis bka' stsal pa/ shin tu bzang po/ dus la bab kyi/ ci dang ci 'dod pa dris shig dang / ngas de dang de'i lan smra bar bya'o/ /gsol pa/ gau ta ma/ dge sbyong dang bram ze dag 'di skad smra ba mchis so/ /sems can thams cad sdug bsngal ba dang bde ba myong ba ni thams cad kyang sngon gyi las lags te/ de bas na gal te tshul khrims bsrung ba la brtson zhing lus dang sems sdug bsngal bar gyur na/ sngon gyi las zad par 'gyur ro/ /sngon gyi las zad na sdug bsngal zad par 'gyur ro/ /sdug bsngal zad na mya ngan las 'da'o zhes mchi ba'i don ji lta bu lags/ bcom ldan 'das kyis bka' stsal pa/ rigs kyi bu/ gal te dge sbyong ngam/ bram ze dag de skad ces smra ba yod na/ de la thugs brtse ba'i phyir yang dang yang de'i drung du gshegs nas de la khyod 'di skad ces smra ba bden nam zhes dris te/ des bdag de skad ces smras pa bden no/ /de ci'i phyir zhe na/ gau ta ma/ bdag gis mngon du mthong ste/ sems can kha cig sdig pa mi dge ba'i chos byed la longs spyod dang dbang du ldan pa yod do/ /kha cig ni dge ba'i \?\ las byed kyang dbul phongs te dbang dang mi ldan no/ /kha cig ni las mang du byas kyang nor mi thob la/ kha cig ni ma bsgrubs kyang rang thob bo/ /kha cig ni byams </font><hr>Kha473a<br><font size=+1>


@#/ /pa'i sems dang ldan te srog mi gcod kyang tshe thung la/ kha cig ni srog gcod pa la dga' yang tshe mthar phyin pa yod do/ /kha cig ni tshangs par spyod pa yongs su dag cing tshul khrims bsrung ba la brtson pa rnam par grol ba thob pa dang mi thob pa'ang yod de/ de bas na bdag gis sems can thams cad sdug bsngal ba dang / bde ba myong ba ni sngon gyi las kyi rgyu dang rkyen yin no zhes smra na/ shin tu bzang po/ de la ngas yang 'di skad ces 'dri'o/ /khyod kyis 'das pa'i las yang dag par mthong ngam/ gal te las yod pa zhig yin na mang ngam nyung / da ltar dka' thub spyod pas ji tsam zhig med par 'gyur/ las de zad par 'gyur ba zhig gam/ zad par mi 'gyur las de zad par 'gyur na thams cad zad dam zhes 'dri'o/ /ji ste des nga la mi shes so zhes smra na/ ngas de'i phyir dpe 'di bshad par bya'o/ /'di lta ste/ dper na/ mi zhig la dug mdas phog na/ de'i gnyen bshes dag mda' 'byin pa'i sman pa btsal nas mda' phyung na de'i lus rab tu bde bar 'gyur te/ phyis lo bcu lon kyang sman pa des mda' phyung nas rma kha sman gyis bskus pas sos par gyur te rab tu bde ba yin no snyam gsal bar dran no/ /khyod kyis sngon 'das pa'i las kyang mi shes na/ ji ltar da </font><hr>Kha473b<br><font size=+1>


ltar dka' thub spyod pas 'das pa'i las med par byed nus par shes zhes 'dri'o/ /gal te des yang 'di skad du/ gau ta ma khyod la'ang 'das pa'i las yod na/ nga yang 'ba' zhig gi 'das pa'i las la smad du ci yod/ gau ta mas gsungs pa'i mdo sde las kyang 'di skad ces gsungs te/ phyug cing longs spyod dang ldan la dbang che ba zhig mthong na 'di ni sngon sbyin pa byas pa yin no zhes bgyi ba de sngon gyi las ma yin nam zhes smra na yang / de la ngas 'di skad ces bya'o/ /de ni rjes su dpag pas shes pa yin gyi/ yang dag par shes pa zhes mi bya'o| |nga'i bstan pa la kha cig ni rgyu'i dbang gis 'bras bu shes la/ kha cig ni 'bras bu las rgyu shes pa'ang yod do/ /sangs rgyas kyis bstan pa la ni 'das pa'i las kyang yod la/ da ltar gyi las kyang yod de/ khyod ni de lta ma yin gyi/ 'das pa'i las 'ba' zhig yod la/ da ltar gyi las med do/ /khyod kyi chos ni thabs dang sbyor bas las gcod pa ma yin te/ nga'i bstan pa ni de lta ma yin gyi/ thabs dang sbyor bas gcod do/ /khyod ni las zad na sdug bsngal zad ces zer te/ nga ni de lta ma yin gyi/ nyon mongs pa zad na las dang sdug bsngal zad par 'gyur te/ de bas na khyod kyi 'das pa'i las la nga smod pa yin no/ /yang 'di skad du gau ta ma/ bdag ni mi shes kyi/ slob dpon gyis 'di skad du bshad </font><hr>Kha474a<br><font size=+1>


@#/ /de |bdag ma nyes so zhes zer na/ yang ngas de la khyod kyi ston pa su yin zhes bya'o/ /des nga'i ston pa ni 'od srung rdzogs byed yin no zhes zer na |yang ngas de la khyod kyi ston pa la 'das pa'i las shes sam zhes legs par 'drin ci nyes zhes bya'o/ /ji ste khyod kyi ston pa mi zhes zer na/ khyod de'i tshig ci'i phyir nyan/ ji ste shes zhes smra na yang 'di skad 'dri'o/ /sdug bsngal ba'i rgyu tha mas sdug bsngal rab dang 'bring myong bar 'gyur ram/ sdug bsngal gyi rgyu 'bring gis sdug bsngal tha ma dang rab myong bar 'gyur ram/ sdug bsngal gyi rgyu rab kyis sdug bsngal 'bring dang tha mar 'gyur ram zhes dri ste/ ji ste mi 'gyur ro zhes smra na yang 'di skad du/ ston pa khyod ci'i phyir sdug bsngal dang bde ba myong ba ni 'das pa'i 'ba' zhig yin gyi/ da ltar gyi ma yin no zhes smra /yang 'di skad du da ltar gyi sdug bsngal de 'das pa'i dus kyi las yin nam zhes dris shig /ji ste 'das pa'i dus nas yod na 'das pa'i las ni thams cad zad pa yin no/ /ji ste thams cad zad pa zhig yin na ci'i phyir da ltar gyi lus 'dir myong bar 'gyur/ ji ste 'das pa'i dus la med na da ltar gyi dus 'ba' zhig na yod pa zhig yin na/ ci'i phyir sems can rnams kyi sdug bsngal dang bde ba ni thams </font><hr>Kha474b<br><font size=+1>


cad sngon gyi las yin no zhes smra /khyod kyis gal te da ltar dka' thub spyod pas 'das pa'i las med par 'gyur zhe na/ da ltar gyi dka' thub kyi spyod pa cis med par 'gyur/ med par mi 'gyur ba zhig yin na sdug bsngal ni rtag par 'gyur ro/ /sdug bsngal rtag pa zhig yin na ci'i phyir sdug bsngal las rnam par grol lo zhes smra/ /ji ste spyod pa gzhan zhig gis dka' thub spyod pa med par byed na/ 'das pa ni zad pa yin na ji ltar sdug bsngal yod par rung / skyes bu de ltar dka' thub spyod pa de bde ba'i las byas pas sdug bsngal gyi 'bras bu myong bar 'gyur ba yod dam/ sdug bsngal gyi las byas pas bde ba'i 'bras bu myong bar 'gyur ba yod dam/ sdug bsngal yang med bde ba'ang med pa'i las kyis 'bras bu mi myong ba yod dam/ da ltar gyi rnam par smin pa las skye ba'i rnam par smin par 'gyur ba yod dam/ skye ba'i rnam par smin pa las da ltar gyi rnam par smin par 'gyur ba yod dam/ rnam par smin pa gnyis po las rnam par smin pa med par 'gyur ba yod dam/ nges par rnam par smin pa las rnam par smin pa med par 'gyur ba yod dam/ rnam par smin pa med pa las nges par rnam par smin pa yod dam zhes dris shig /ji ste/ gau ta ma/ med ces zer na /ngas yang de la 'di skad ces bya'o/ /ji ste de ltar mi 'gyur na ci'i phyir dka' </font><hr>Kha475a<br><font size=+1>


@#/ /thub spyod/ de bas na nges par 'das pa'i chos kyang yod la/ da ltar gyi rgyu dang rkyen yang yod de/ de bas na ngas nyon mongs pa'i rkyen gyis las skyes so/ /las kyi rkyen gyis rnam par smin pa myong bar gyur to zhes gsungs so/ /de bas na sems can thams cad la snga ma 'das pa'i las dang / da ltar gyi rgyu dang rkyen yod par rig par bya ste/ sngon 'das pa'i tshe las yod mod kyi/ da ltar gyi dus kyi zas dang skom gyi rgyu dang rkyen dgos so/ /skyes bu khyod ji ste so so'i skye bo dag bde ba myong ba dang sdug bsngal myong ba ni sngon 'das pa'i las kyi rgyu dang rkyen yin no zhes smra na'ang de mi rung ngo / /de ci'i phyir zhe na/ 'di lta ste/ dper na/ skyes bu zhig rgyal po la dgrar 'gyur ba bsad na/ de'i rgyu de'i rkyen gyis nor dang rin po che mang du thob bo/ /de ltar nor dang rin po che thob pas da ltar gyi dus na bde ba myong bar 'gyur te/ de ni da ltar gyi dus su bde bar 'gyur ba'i rgyu byas nas/ da ltar gyi dus su bde ba myong ba yin no/ /'di lta ste/ dper na/ mi zhig rgyal po'i sras gang sdug pa zhig bsad na/ de'i rgyu de'i rkyen gyis lus dang srog yal bar 'gyur te |de ni da ltar gyi dus su sdug bsngal du 'gyur ba'i rgyu byas nas da ltar gyi dus su sdug bsngal rnam par smin pa yin no/ /skyes bu sems can thams cad kyi da ltar gyi dus kyi rgyu ni </font><hr>Kha475b<br><font size=+1>


chen po bzhi dang / dus dang / tshod dang / sa dang / me las gyur te/ sdug bsngal dang / bde ba myong ngo / /de bas na sems can thams cad ni nges par sngon gyi las kyis sdug bsngal dang / bde ba myong ba yin no/ /skyes bu ji ste las bcad pa'i rgyu dang rkyen gyi mthu las rnam par grol bar 'gyur na/ 'phags pa thams cad rnam par grol ba ma yin no/ /de ci'i phyir zhe na/ sems can thams cad kyi sngon gyi las ni thog ma dang tha ma med pa'i phyir ro/ /de bas na ngas ni 'phags pa'i lam bsgom pa ni/ lam gyis thog ma dang tha ma pa'i las rnam par bzlog par 'gyur ro zhes gsungs so/ /skyes bu ji ste dka' thub spyod pas lam thob na byol song thams cad kyis kyang byang chub thob pa'i rigs so/ /de bas na sngar sems gdul bar bya'o/ /lus gdul ba ma yin no/ /de bas na ngas mdo sde las kyang gsungs te/ tshal gcod na shing ma gcod cig /de ci'i phyir zhe na/ tshal las 'jigs pa skye'i/ shing las skye ba ma yin no/ /lus gdul bar 'dod na sngar sems gdul bar bya'o/ /sems ni tshal gyi dpe'o/ /lus ni shing gi dpe'o/ /shin tu bzang pos gsol pa/ bcom ldan 'das/ bdag gis ni sems sngar btul lags so/ /bcom ldan 'das kyis bka' stsal pa/ rigs kyi bu khyod kyis ji ltar bur sems sngar btul/ </font><hr>Kha476a<br><font size=+1>


@#/ /shin tu bzang pos gsol pa/ bcom ldan 'das/ bdag gis ni 'dod pa la mi rtag pa dang / bde ba med pa dang / yongs su ma dag par yid la byas te/ gzugs la rtag pa dang / bde ba dang / bdag dang / yongs su dag par brtags so/ /de ltar rtogs nas 'dod pa'i khams kyi nyon mongs pa chod de/ gzugs kyi skye mched thob bo/ /de bas na bdag gis ni sems sngar btul lo/ /de nas gzugs la brtags na gzugs ni mi rtag ste/ rma'am/ shu ba'am/ gdug pa'am/ gzugs rngu lta bur rtogs so/ /gzugs med pa la ni rtag pa dang / rnam par dag pa dang / rab tu zhi bar mthong ste/ de ltar rtogs nas gzugs kyi khams kyi nyon mongs pa zad pas gzugs med pa'i skye mched thob bo/ /de bas na bdag gis sems ni sngar btul lo/ /de nas yang 'du shes la brtags na mi rtag pa dang / rma dang / shu ba dang / gdug pa dang / zug rngu lta bur rtogs te/ de ltar rtogs nas 'du shes med 'du shes med min skye mched steng gi ting nge 'dzin thob bo/ /de ltar 'du shes med 'du shes med min skye mched steng ni thams cad mkhyen pa'i ye shes yin te/ rab tu zhi ba/ rnam par dag pa/ ltung pa med pa/ rtag pa mi 'gyur ba ste/ de bas na bdag gis sems btul </font><hr>Kha476b<br><font size=+1>


lo|| ||'phags pa yongs su mya ngan las 'das pa chen po'i mdo/ bam po lnga bcu bzhi ba/ bcom ldan 'das kyis bka' stsal pa/ rigs kyi bu khyod kyis ji ltar na sems btul/ khyod kyis thob pa ni 'du shes med 'du shes med min skye mched steng gi ting nge 'dzin te/ de'ang 'du shes zhes bya'o/ /mya ngan las 'da' ba ni 'du shes med pa yin na ci'i phyir mya ngan las 'da' ba thob pa zhes bya/ rigs kyi bu khyod kyis sngar 'du shes sbom po la ni smod na da ci'i phyir 'du shes phra mo la chags te smad pa mi shes/ de ltar 'du shes med 'du shes med min skye mched sted yang 'du shes zhes bya ste/ rma lta bu/ shu ba lta bu/ gdug pa lta bu/ zug rngu lta bu'o/ /rigs kyi bu khyod kyi ston pa ur to lam pa dbang po rno la yid gzhungs pa'ang 'du shes med 'du shes med min skye mched ma chod de/ las ngan pa myong bar 'gyur na gzhan lta smos kyang ci dgos/ shin tu bzang pos gsol pa/ bcom ldan 'das/ ji ltar na srid pa thams cad gcod par 'gyur/ bcom ldan 'das kyis bka' stsal pa/ rigs kyi bu/ gal te yang dag pa'i 'du shes spyod na gang zag des ni srid pa thams cad chod par 'gyur ro/ /shin tu bzang pos gsol pa/ bcom ldan 'das/ yang dag pa'i 'du shes zhes bgyi ba ji lta bu lags/ rigs kyi bu/ 'du shes med pa'i 'du </font><hr>Kha477a<br><font size=+1>


@#/ /shes ni yang dag pa'i 'du shes zhes bya'o/ /gsol pa/ bcom ldan 'das/ ji ltar na 'du shes ma mchis pa'i 'du shes zhes bgyi/ rigs kyi bu| chos thams cad la bdag gi mtshan nyid med/ gzhan gyi mtshan nyid med/ bdag dang gzhan gyi mtshan nyid med/ rgyu med pa'i mtshan nyid med/ byas pa'i mtshan nyid med/ song ba'i mtshan nyid med/ byed pa'i mtshan nyid med/ myong ba'i mtshan nyid med/ chos kyi mtshan nyid med/ chos ma yin pa'i mtshan nyid med/ pho dang mo'i mtshan nyid med/ skyes bu'i mtshan nyid med/ rdul phra mo'i mtshan nyid med/ dus dang tshod kyi mtshan nyid med/ bdag tu byas pa'i mtshan nyid med/ gzhan du byas pa'i mtshan nyid med/ bdag dang gzhan du byas pa'i mtshan nyid med/ yod pa'i mtshan nyid med/ med pa'i mtshan nyid med/ skyes pa'i mtshan nyid med/ bskyed pa'i mtshan nyid med/ rgyu'i mtshan nyid med/ rgyu las rgyur 'gyur ba'i mtshan nyid med/ 'bras bu'i mtshan nyid med/ 'bras bu las 'bras bur 'gyur ba'i mtshan nyid med/ nyid dang mtshan gyi mtshan nyid med/ snang pa dang mun pa'i mtshan nyid med/ mthong ba'i mtshan nyid med/ mthong bar byed pa'i mtshan nyid med/ thos pa'i mtshan nyid med/ thos par byed pa'i mtshan nyid </font><hr>Kha477b<br><font size=+1>


med/ tshor ba dang shes pa'i mtshan nyid med/ tshor ba dang shes par byed pa'i mtshan nyid med/ byang chub kyi mtshan nyid med/ byang chub thob par byed pa'i mtshan nyid med/ las kyi mtshan nyid med/ las kyi bdag po'i mtshan nyid med/ nyon mongs pa'i mtshan nyid med/ nyon mongs pa'i bdag po'i mtshan nyid med pa'o/ /rigs kyi bu mtshan nyid gang du 'gog pa de ni yang dag pa'i mtshan nyid ces bya'o/ /rigs kyi bu/ chos thams cad ni mi bden pa ste/ gang du 'gog pa de ni yang dag pa zhes bya/ yang dag pa'i 'du shes zhes bya/ chos kyi dbyings zhes bya/ mthar phyin pa'i ye shes zhes bya/ don dam pa zhes bya/ don dam pa'i stong ba nyid ces bya'o/ /rigs kyi bu/ mtshan nyid dang / chos kyi dbyings dang / mthar phyin pa'i ye shes dang / don dam pa'i bden pa dang / don dam pa'i stong ba nyid la shes rab tha mas yang dag par spyod na nyan thos kyi byang chub thob par 'gyur ro/ /shes rab 'bring gis yang dag par spyod na rang rgyal pa'i byang chub thob par 'gyur ro/ /shes rab mchog gis yang dag par spyod na bla na med pa'i byang chub thob par 'gyur ro/ /chos 'di bstan pa na byang chub sems dpa' brgya phrag stong gis tshe gcig gis thogs pa'i yang dag pa'i 'du shes thob bo/ /byang chub sems dpa' khri lnga stong snyed kyis tshe gnyis kyis </font><hr>Kha478a<br><font size=+1>


@#/ /chos kyi dbyings thob bo/ /byang chub sems dpa' nyi khri lnga stong gis mthar phyin pa'i ye shes thob par gyur to/ /byang chub sems dpa' sum khri lnga stong gis don dam pa'i bden pa thob bo/ /don dam pa'i bden pa ni don dam pa'i stong ba nyid ces kyang bya/ dpa' bar 'gro ba'i ting nge 'dzin ces kyang bya'o/ /byang chub sems dpa' bzhi khri lnga stong snyed kyis nam mkha' lta bu'i ting nge 'dzin thob bo/ /nam mkha' lta bu'i ting nge 'dzin ni rgya chen po'i ting nge 'dzin ces bya/ ye shes kyi phyag rgya'i ting nge 'dzin ces bya'o/ /byang chub sems dpa' lnga khri lnga stong gis ni phyir mi ldog pa'i bzod pa thob par gyur to/ /phyir mi ldog pa'i bzod pa ni chos kyi bzod pa zhes kyang bya/ chos dbyings lta bu zhes kyang bya'o/ /byang chub sems dpa' drug khri lnga stong snyed kyis ni gzungs thob par 'gyur ro/ /gzungs de ni dran pa chen po'i sems zhes kyang bya/ thogs pa med pa'i ye shes zhes kyang bya'o/ /byang chub sems dpa' bdun khri lnga stong snyed kyis ni seng ge'i sgra zhes bya ba'i ting nge 'dzin thob par gyur to/ /seng ge'i sgra'i ting nge 'dzin ni rdo rje lta bu'i ting nge 'dzin ces kyang bya/ ye shes kyi phyag rgya'i ting nge 'dzin ces kyang bya'o/ /byang chub sems dpa' brgyad khri lnga stong snyed kyis ni mnyam pa'i ting nge 'dzin thob par gyur to/ /mnyam pa'i ting nge </font><hr>Kha478b<br><font size=+1>


'dzin de ni byams pa chen po dang / snying rje chen po zhes kyang bya'o/ /sems can grangs med pa gang+gA'i klung gi bye ma snyed ni bla na med pa yang dag par rdzogs pa'i byang chub tu sems bskyed bar gyur to/ /sems can grangs med pa gang+gA'i klung gi bye ma snyed ni rang sangs rgyas kyi sems bskyed do/ /sems can grangs med pa gang+gA'i klung gi bye ma snyed ni nyan thos su sems bskyed par gyur to/ /mi dang lha'i bu mo stong phrag nyi shu snyed ni mngon du bud med kyi lus las skyes pa'i lus su gyur to/ /shin tu bzang po ni dgra bcom pa'i 'bras bu thob par gyur to| |de'i tshe shin tu bzang pos bcom ldan 'das las yongs su mya ngan las 'das pa chen po'i chos shin tu zab mo thos nas chos la chos kyi mig rnam par dag par gyur te/ yongs su dag pa'i chos mthong nas dam pa'i chos 'dod pas ngan par lta ba yongs su spangs te/ sangs rgyas kyi bstan pa la dad pa shin tu brtan par gyur nas de bzhin gshegs pa las rab tu 'byung bar gsol to/ /bcom ldan 'das kyis bka' stsal pa/ legs so/ /legs so/ /shin tu bzang po/ /legs par 'ongs pa'i dge slong yin te/ 'phags pa rnams kyang dgyes pas sangs rgyas kyi byang chub la legs par zhugs so/ /shin tu bzang po rab tu dga' mgu rangs nas mos pa tshad med par gyur te/ de'i tshe skra dang kha </font><hr>Kha479a<br><font size=+1>


@#/ /spu rang byi nas dge slong du gyur to/ /chos nyid kyi ye shes kyi chu sems kyi dbye la bcus pas 'ching bas ma bcings te zag pa zad nas sems rnam par grol ba'i dgra bcom par gyur to/ /shin tu bzang po dgra bcom pa'i 'bras bu thob nas sangs rgyas la nye bar bsnyen te/ bcom ldan 'das kyi zhal du mig mi 'dzum par blta zhing / bcom ldan 'das kyi zhabs la mgo bos phyag btsal nas bla gos phrag pa gcig tu byas/ bus mo g.yas pa'i lha nga sa la btsugs nas thal mo sbyar te/ mya ngan dang dga' ba dus gcig tu gyur nas sngon gyi nyes pa 'gyod de/ bcom ldan 'das la 'di skad ces gsol to/ /bdag gis gdug pa'i lus 'dis yun ring po nas bdag bslus pas/ yun ring por ma rig pa ngan pa lta bu'i nang du nub pas khams gsum du 'khor zhing mu stegs can gyi chos kyis glags par gyur to/ /kyi hud/ kyi hud/ shin tu gnod pa chen por gyur pa las/ nga ni de bzhin gshegs pa'i bka' drin gyis dam pa'i chos la zhugs par gyur to/ /bcom ldan 'das ye shes kyi rgya mtsho'i thugs rje chen po tshad ma mchis pa ni bskal pa'i bar du'ang bka' drin la lan mi lon no snyam sems so/ /shin tu bzang pos de skad ces gsol nas ma chi ma blags </font><hr>Kha479b<br><font size=+1>


te| yang bcom ldan 'das la 'di skad ces gsol to/ /bcom ldan 'das/ bdag ni rgas 'khogs te sdug bsngal las ni rnam par ma grol gyi/ 'du byed kyi sdug bsngal gyis ni rab tu gtse bar gyur na/ bcom ldan 'das/ thugs brtse ba'i slad du tshul khrims bstan te mgon dang skyabs mdzad cing / re zhig mya ngan las mi 'da' bar bzhugs su gsol lo| |de'i tshe bcom ldan 'das cang mi gsung nas ma gnang ngo / /shin tu bzang pos gsol pa bzhin du ma gnang nas mya ngan gyis yid rab tu gdungs te skad chen pos 'di skad ces smras so/ /kyi hud/ kyi hud/ 'jig rten stongs so/ /'jig rten stongs so/ /nga ni 'jigs pa chen pos bsnyen nas shin tu gdung ba mngon du gyur to/ /kyi hud/ kyi hud/ sems can gyis bsod nams zad pas yang dag pa'i shes rab kyi mig ldongs so zhes smras nas rab tu cho nges rdung zhing skad kyang mi phyin pa tsam du dus nas lus khrag gis rgyas so/ /skad chen po phyung ste dus nas/ de bzhin gshegs pa'i spyan sngar lus sa la brdabs pas der brgyal nas ring zhig lon pa dang / phyi sangs te du bzhin du bcom ldan 'das la yang 'di skad ces gsol to/ /bcom ldan 'das/ bdag ni de bzhin gshegs pa mya ngan las 'da' ba mthong mi bzod de/ sems rab tu gdung nas shin tu gcags so/ /bdag kyang rdzas so ma </font><hr>Kha480a<br><font size=+1>


@#/ /btang ba dang 'dra ba'i lus gdug pa can 'di dang 'grogs mi 'tshal te/ bdag sngar mchi'i/ bcom ldan 'das ni slad kyis mya ngan las 'da' bar gshegs su gsol/ de'i tshe shin tu bzang pos de skad ces gsol nas/ cho nges rdung zhing de nyid du mya ngan las 'da' bar zhugs so/ /de'i tshe brjod du med pa'i yang brjod du med pa'i klung gang+gA'i bye ma snyed kyi byang chub sems dpa' chen po dang / dge slong dang / dge slong ma dang / 'jig rten du bcas pa'i lha dang / mi dang / lha ma yin la sogs pa thams cad kyis skad mthun par 'di skad ces smras so/ /kyi hud/ kyi hud/ yang dag par rdzogs pa'i sangs rgyas kyis nang gcig tu bor bas gnas ma mchis/ rten ma mchis/ skyabs ma mchis/ mgon ma mchis te/ shin tu gcags so zhes smras nas thams cad dus te/ gcig la gcig 'ju zhing brang du khu tshur gyis rdeg pas brgyal nas phyogs kyang bslad de/ stong gsum gyi stong chen po'i 'jig rten gyi khams kyang g.yos so/ /de'i tshe bcom ldan 'das kyis gsung rnam pa brgyad dang ldan pas 'khor mang po rnams la 'di skad ces bka' stsal to/ /khyed bus pa chung ngu ltar ma du bar so so nas du ba thong la/ sems ma 'khrugs par gyis </font><hr>Kha480b<br><font size=+1>


shig /khyed 'du byed kyi sdug bsngal 'khor ba'i rgya mtsho 'dir bsam pa dag pa la nan tan bya zhing rjes su dran pa'i shes rab ma brjed cig /yang dag pa'i ye shes kyis srid pa las 'byung ba la brtson par gyis shig /khams gsum du lus myong ba ni sdug bsngal gyi 'khor lo mtha' med pa ste/ ma rig pa'i rje bo dang / 'dod pa'i bdud kyi rgyal pos lus dang sems bkol ba'i bran du mi 'gyur bar bya'o/ /spyod pa'i khams la dmigs pas 'khor ba'i las byed de/ 'dod chags dang / zhe sdang dang / gti mug gis skad cig skad cig tu rnam par gtses nas bskal pa tshad med pa'i bar du sdug bsngal myong bar gyur na/ mkhas pa shes rab can su zhig de la mi rtog /khyed rnams 'di ltar rig par dang / bde ba dang / bdag dang / yongs su dag pa thob kyang / ngas 'dir bsam gyis mi khyab pa'i thabs bstan pa'i phyir 'jig rten gyi chos dang mthun par mya ngan las 'da' bar bstan te/ de'ang so so'i skye bo dag lus glog lta bur shes par bya zhing gcags pa'i sems bskyed pa'i phyir ro/ /'khor ba'i 'od pa 'bab pa ni shin tu drag cing myur </font><hr>Kha481a<br><font size=+1>


@#/ /la| 'du byed rnams ni 'khor bar 'khor ro/ /chos nyid kyis de bzhin te/ de bzhin gshegs pa mya ngan las 'da' ba ni shin tu za ba la bsam gyis mi khyab pas de ni sangs rgyas dang byang chub sems dpa' rnams kyi spyod yul yin gyi/ nyan thos dang rang sangs rgyas rnams kyis shes pa ma yin no/ /bcom ldan 'das kyis 'khor mang po rnams la'ang 'di skad ces bka' stsal to/ /shin tu bzang po 'di sngon sangs rgyas gang+gA'i klung gi bye ma snyed la bsnyen bkur byas te/ sangs rgyas de dag las dge ba'i rtsa ba shin tu bskyed nas sngon gyi smon lam gyi shugs kyis rtag tu gcer bu pa mu stegs can gyi chos la rab tu byung ste spyad pa spyod cing / thabs mkhas pa'i shes rab kyis ngan par lta ba log par zhugs pa'i sems can rnams yang dag pa'i ye shes la dgod par byed do/ /shin tu bzang po 'di sngon gyi smon lam gyi shugs kyis mya ngan las 'da' kar nga dang phrad nas dam pa'i chos thos par gyur to/ /dam pa'i chos thos nas kyang dgra bcom pa'i 'bras bu thob bo/ /dgra bcom pa'i 'bras bu thob nas kyang mya ngan las 'da' bar zhugs so/ /nga thog ma mngon par sangs rgyas nas tshe dang ldan pa cang shes kauN+Di n+ya rab tu phyung ngo / /tha ma mya ngan las 'da' gar shin tu bzang </font><hr>Kha481b<br><font size=+1>


po btul nas mdzad pa'i mthar phyin te/ mdzad pa med pas nga yun du bzhugs kyang de las mdzad pa gzhan med do/ /de'i tshe bcom ldan 'das de skad ces gsungs nas shugs nar ces mdzad de/ legs so/ /legs so/ /shin tu bzang po sangs rgyas kyi drin legs par glan to/ /khyed kyis de'i rus bu la mchod pa bya zhing mchod rten gyis shig /de'i tshe 'khor mang po rnams shin tu mi dga' ste mchi ma blags nas/ sangs rgyas kyi bka' bzhin du spos kyi shing dang / mar gyis de'i rus bu bsregs so/ /shin tu bzang po'i rus bu bsregs pa nas me'i nang na 'od chen po btang ste/ cho 'phrul rnam pa bco brgyad mngon du bstan to/ /lus kyi stod nas chu 'bab na lus kyi smad nas me 'bar/ mchan khung g.yas nas me 'bar na mchan khung g.yon nas chu 'bab/ chung ngu las chen por gyur nas chen po las chung ngur gyur te/ nam mkha' yang yongs su gang bar byas so/ /de'i tshe 'khor tshad med pa rnams dang / mu stegs can ngan par lta ba'i sems can dag byang chub tu sems bskyed nas yang dag par lta ba la zhugs so/ /shin tu bzang pos cho 'phrul mngon par bstan nas phyir me'i nang du zhugs so/ /der bsregs nas 'khor mang po rnams ring bsrel bsdus te/ mchod rten byas nas mchod pa byed do/ /'phags pa yongs su mya ngan las </font><hr>Kha482a<br><font size=+1>


@#/ /'das pa chen po'i mdo las/ tshe dang ldan pa cang shes kauN+Di n+ya'i le'u ste bcu gsum pa'o// //de'i tshe bcom ldan 'das kyis dga' bo dang 'khor mang po rnams la 'di skad ces bka' stsal to/ /nga mya ngan las 'das nas khyed 'khor rnam pa bzhi dag mya ngan las 'das pa chen po 'di 'dzin pa la brtson par gyis shig /ngas ni bskal pa khrag khrig tshad med pa'i bar du shin tu thob dka' ba'i mya ngan las 'das pa'i chos kyi gzhung 'di bsgrubs nas da ltar bstan pa yin no| |khyed rnams 'di ltar rig par gyis shig /yongs su mya ngan las 'das pa chen po'i chos kyi gzhung 'di ni phyogs bcu na dus gsum du bzhugs pa'i sangs rgyas thams cad kyi rin po che rdo rje'i gter rtag pa dang / bde ba dang / bdag dang / yongs su dag pa dang / yongs su rdzogs pa/ ma god pa ste/ sangs rgyas thams cad kyang mya ngan las 'da' ba 'dis yongs su mya ngan las 'da' ste/ mthar phyin pa/ lhag ma ma lus pa/ sangs rgyas thams cad kyang sku tshe 'dir gtong bas mya ngan las 'da' ba zhes bya'o/ / khyed kyis sangs rgyas kyi drin la yang dag par lan glon zhing byang chub myur du thob par 'dod pa dang / sangs rgyas rnams kyis spyi bo nas dbang bskur zhing gang nas gang du </font><hr>Kha482b<br><font size=+1>


skyes kyang yang dag par rjes su dran pa mi brjed par 'dod pa dang / phyogs bcu'i sangs rgyas mngon sum du gshegs te/ nyin mtshan du skyob par 'dod pa dang / sems can thams cad kyis 'jig rten las 'da' ba'i chos thob par 'dod na/ yongs su mya ngan las 'da' ba'i mdo sde 'di la brtson 'grus su nan tan bya'o/ /bcom ldan 'das kyis yang dga' bo la bka' stsal pa/ nga mngon par sangs ma rgyas pa na'ang mu stegs can ur tu lam pa'i bstan pa la zhugs te/ bsam gtan bzhi dang / ting nge 'dzin brgyad slob pa la zhugs nas de'i bstan pa bzhin du byas so/ /mngon par sangs rgyas nas de'i chos smad de mthar gyis shin tu bzang po'ang btul nas sangs rgyas kyi bstan pa la bzhag go /de bzhin gshegs pa'i ye shes chen po'i mes ngan par lta ba'i rgyal mtshan bsregs pa ni ji ltar shing lo skam po me chen po'i nang du bcug pa dang 'dra'o/ /dga' bo nga'i gnyen du gyur pa shAkya rigs la shin tu thugs brtse'o/ /nga mya ngan las 'das nas khyod kyis brtson 'grus su legs par ston cing chos shig /nga'i nye gnas rnams dam pa'i chos bstan te/ rtsed mo dang bag med par spyod yul rnams la 'jug pa dang / ngan par lta ba'i chos la spyod par mi 'gyur ba dang / khams gsum gyi sdug bsngal las ni rnam par ma grol na myur du rnam </font><hr>Kha483a<br><font size=+1>


@#/ /par grol bar bya ba dang / rnyog ma lda'i 'dod pa la shin tu 'jigs pa bskyed de mgon med pa'i 'du shes bskyed par bya ba dang / mi'i lus lan gcig stor nas phyir thob par dka' ba dang / tshe gcig tu bag bya ba dang / mi rtag pa'i gdon chen po las rnam par thar bar bya ba dang / sems can la snying rje ba bskyed de sems can gyi srog mi gcod pa dang / chung ngu na grog sbur gyi bar du mi 'jigs pa sbyin pa dang / lus kyi las yongs su dag pas 'jig rten gyi khams bzang por skye ba dang / ngag gi las yongs su dag pas nyes pa'i skyon thams cad dang bral bar 'gyur ba dang / sha mi za ba dang / chang mi 'thung ba dang / sems kyi sbrul gdul zhing byang chub kyi lam la dgod pa dang / dge ba dang sdig pa'i rnam par smin pa lus kyi grib ma bzhin du 'brang bar 'du byed kyi las la shin tu brtag pa dang / dus gsum gyi 'bras bu yongs su 'khor pa med par mi 'gyur ba dang / skye ba 'di chud gsan nas phyis 'gyod kyang mi phan par ston cing chongs shig /nga mya ngan las 'da' ba'i dus la bab te khyod la bstan pa 'di dag yin no/ /de'i tshe na dga' bos bcom ldan 'das kyis bka' stsal pa thos nas/ lus dang sems 'dar zhing g.yo ste/ shin tu 'khrugs nas mya ngan gyis </font><hr>Kha483b<br><font size=+1>


gdungs te skad kyang ma phyin la/ brgyal ba tsam du 'khrugs nas de bzhin gshegs pa'i spyan sngar shi ba bzhin du gyur to/ /de nas ma 'gags pas dga' bo la spro ba bskyed de mya ngan ba sangs nas 'di skad ces smras so/ /khyod de ltar mya ngan ma byed cig /de bzhin gshegs pa mya ngan las 'da' ba'i dus la bab ste/ deng bzhugs kyang sang mi bzhugs so| |khyod kyis ngas smras pa bzhin du zhu ba rnam pa bzhi po 'di zhus shig /sangs rgyas mya ngan las 'das nas dge slong sgrub sde khyim sun 'byin pa dang / 'dod ldan sdig to can dang ji ltar lhan cig tu gnas shing bstan pa bzhin du bgyi ba dang / de bzhin gshegs pa 'jig rten na bzhugs na ston pa sangs rgyas kyis mdzad na/ bcom ldan 'das mya ngan las 'das nas ston pa sus bgyi ba dang / de bzhin gshegs pa 'jig rten na bzhugs na/ de bzhin gshegs pa la gnas shing brten na mya ngan las 'das pa'i 'og tu su la gnas shing ba rten pa dang / de bzhin gshegs pa mya ngan las 'das nas chos kyi sde snod bsdu ba na/ mdo sde thams cad kyi mgo nan la ji skad bya ba zhus shig ces smras so/ /de'i tshe dga' bo'i rmi lam na ma 'gags pas smras pa lta bur zhu ba bzhi po zhus shig ces smras pa thos nas bags kyis sangs te/ zhu ba bzhi po bcom ldan </font><hr>Kha484a<br><font size=+1>


@#/ /'das la zhus so/ /bcom ldan 'das kyis dga' bo la bka' stsal pa/ khyod ci'i phyir 'di ltar mi dga' zhing shin tu mya ngan byed/ sangs rgyas kyis gdul ba'i mdzad pa kun mdzad do/ /chos nyid kyis 'di ltar gshegs pa yin no/ /legs so/ /legs so/ /dga' bo khyod kyis zhu ba bzhi po 'di ni nang gi tha mar zhus pa ste/ 'jig rten du bcas pa thams cad la phan pa dang bde bar 'gyur ba yin no/ /de bas na legs par nyon la shin tu yid la zungs shig /de bzhin no| |bcom ldan 'das/ zhes gsol nas bcom ldan 'das la slar nyan to/ /bcom ldan 'das kyis dga' bo la bka' stsal pa/ khyod 'dri ba ltar sangs rgyas mya ngan las 'das nas dge slong drug sde dang / 'dod ldan sdig to can khyim sun 'byin pa dang ji lta bur lhan cig tu gnas shing bstan pa la gnas par 'gyur zhes dris pa ni/ dga' bo/ dge slong 'dod ldan rang bzhin gyis ma rungs pa nga mya ngan las 'das nas rang dul zhing nges par 'gyur te/ sdig to'i sems kyang spong bar 'gyur ro/ /dga' bo| de'i nu bo kun dga' bo 'dod pa dang ldan te ma rungs pa dang / de bzhin gshegs pas thabs mkhas pas bstan cing bcos nas de'i dbang po dang shes rab ci lcogs </font><hr>Kha484b<br><font size=+1>


pas rten cing 'brel te 'byung ba bcu gnyis bstan to/ /'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa nas rga shi dang / zlos pa'i mya ngan dang / smre sngags 'don pa'i bar du thams cad kyang ma rig pa 'dod pa'i thibs po'o/ /'du byed kyi sdug bsngal gyis khams gsum du gang nas rgyud drug tu 'khor te/ sdug bsngal chen po'i rtsa ba ni ma rig pa yin no/ /de ltar shes rab kyi rang bzhin gyis dag pa brtags nas/ srid pa'i skyon ma rig pa yongs su gcod do/ /rtsa ba 'gags pas ma rig pa 'gag go /ma rig pa 'gags pas 'du byed 'gags nas/ rga shi dang / zlos pa'i mya ngan dang / smre sngags 'don pa'i bar du 'gag go/ de ltar yang dag par spyod pa na sems gnas par gyur te| ting nge 'dzin du zhugs so/ /ting nge 'dzin gyi shugs kyis bsam gtan dang po thob bo/ /de nas mthar gyis bsam gtan bzhi'ang thob nas dran pa yang dag pa'i sems kyis de ltar nan tan byas nas 'bras bu bla ma'ang rang thob ste/ khams gsum gyi sdug bsngal yongs su spong bar 'gyur ro/ /dga' bo/ de'i tshe na dge slong kun dga' bos da ltar bsam pa shin tu dag pas ngas bstan pa bzhin du brtson 'grus su nan tan byed pas/ ring po mi thogs par dgra bcom pa'i 'bras bu thob par 'gyur ro/ /dga' bo/ nga mya ngan </font><hr>Kha485a<br><font size=+1>


@#/ /las 'das nas khyod kyis ngas bstan pa bzhin du drug sde dang / 'dod ldan la ston cig dang / dge slong de dag bsam pa dag pas rnam par dag pa'i dam pa'i chos 'di la brten te/ ring po mi thogs par 'bras bu mchog thob par 'gyur ro/ /dga' bo/ de bas na ma rig pa las khams gsum du 'khor ba'i shing chen po skyes te/ 'dod pa'i rlung gis khyer nas/ yun ring por sdug bsngal gyis nyin mtshan du gdungs te/ mun pa nag po'i 'khor ba'i ka ba la 'khor zhing rnam par shes pa drug gi yal ga dang| ngan par rtog pa'i rtsa ba dang / ma rig pa'i dba' rlabs dang / sems dang rnam par shes pa khol po lta bus yul drug la rgyu zhing / sdug bsngal gyi sa bon btab nas phyir bzlog pa med de/ rgyal po dang 'dra bar dbang che bas na ma rig pa ni rje bo lta bu ste/ skad cig skad cig tu gnon par byed par sems can gyis ma tshor bar 'khor ba na rgyun du 'khor bar gyur to/ /dga' bo/ sems can thams cad ni ma rig pa 'di'i dbang gis 'dod pa'i nyon mongs pa la zhugs te/ bdag tu lta bas zil gyis mnan nas nyon mongs pa rje bo lta bu brgyad khri bzhi stong gis lus bkol te lus zhig kyang rang dbang du mi 'gyur ro/ /dga' bo/ ma rig pa'i sdug bsngal 'gags te khams gsum zad na de'i phyir </font><hr>Kha485b<br><font size=+1>


'jig rten las 'da' ba zhes bya'o/ /dga' bo/ gang gis rten cing 'brel te 'byung ba bcu gnyis mthar bdag med cing yongs su dag pa'i spyod yul la zhugs par rtogs na/ des ni khams gsum gyi me chen po yongs su spong bar 'gyur ro/ /dga' bo/ de bzhin gshegs pa ni yang dag par gsung ba ste/ yang dag pa'i gsung gis khyod la gtams pa 'di khyod kyis legs par nan tan gyis shig /dga' bo khyod kyis zhu ba ltar sangs rgyas mya ngan las 'das te 'jig rten na mi bzhugs na ston pa sus d+ya zhes bya ba ni/ dga' bo/ tshul khrims ni khyod kyi ston pa chen po yin gyi/ de la gnas te nan tan byas na/ 'jig rten las 'das pa'i ting nge 'dzin dang / shes rab thob par 'gyur ro/ /dga' bo khyod zhu ba ltar sangs rgyas mya ngan las 'das nas ci la gnas shing brten ces bya ba ni/ dga' bo/ /dran pa nye bar bzhag pa bzhi la gnas te sems brgyan nas gnas par bya'o/ /lus la lus kyi rjes su brtags te nam mkha' dang 'dra bar rtogs na lus la lus kyi rjes su dran pa nye bar bzhag pa zhes bya'o/ /tshor ba la tshor ba'i rjes su dran par byas te/ tshor ba phyi rol na'ang mi gnas/ nang na'ang mi gnas/ gnyis ka'i bar na'ang mi gnas par rtogs na tshor ba la tshor ba'i rjes su dran pa nye bar bzhag pa zhes bya'o/ /sems la sems </font><hr>Kha486a<br><font size=+1>


@#/ /kyi rjes su brtags te/ sems ni ming tsam du zad de/ ming nyid dang yang bral bar rtogs na sems la sems kyi rjes su dran pa nye bar bzhag pa zhes bya'o/ /chos la chos kyi rjes su brtags te dge ba'i chos su'ang mi dmigs/ mi dge ba'i chos su'ang mi dmigs na chos la chos kyi rjes su lta ba'i dran pa nye bar bzhag pa zhes bya'o/ /dga' bo khyod zhu ba ltar de bzhin gshegs pa mya ngan las 'das nas chos kyi mdzod bsdus pa na/ mdo sde thams cad kyi mgo nan la ji skad gdags zhes bya ba ni/ dga' bo/ de bzhin gshegs pa mya ngan las 'das nas chos kyi mdzod bsdus pa'i mdo sde thams cad kyi mgo nan la/ 'di skad bdag gis thos pa dus gcig na| bcom ldan 'das che ge mo zhig na 'khor rnam bzhi dang thabs gcig tu bzhugs te/ mdo sde 'di gsungs so zhes thogs shig /de'i tshe dga' bos yang bcom ldan 'das la 'di skad ces gsol to/ /gal te sangs rgyas 'jig rten na bzhugs kyang rung / mya ngan las 'das kyang rung / sbyin bdag dad pas de bzhin gshegs pa la gser dang / dngul dang / rin po che sna bdun dang / longs spyod kyi yo byad mang po phul nas ji lta bur su la bzhag par bgyi/ bcom ldan 'das kyis dga' bo </font><hr>Kha486b<br><font size=+1>


la bka' stsal pa/ gal te sangs rgyas mngon du bzhugs na/ sangs rgyas la ci phul ba thams cad dge 'dun la gtad par bya'o/ /gal te sangs rgyas mya ngan las 'das nas yon bdag dad pas sangs rgyas la bsngos shing phul ba thams cad sangs rgyas kyi sku gzugs dang / sangs rgyas kyi na bza' dang / rin po che sna bdun gyi ba dan dang / gdugs su bya zhing mar bsung can dang / rin po che'i me tog nyos te sangs rgyas la mchod pa bya'o/ /sangs rgyas la mchod pa bya ba ma gtogs par gzhan du spyad du mi rung ngo / /gal te gzhan du spyad na sangs rgyas kyi dkor brkus pa yin no/ /dga' bos yang gsol pa/ bcom ldan 'das/ sangs rgyas bzhugs pa na/ gal te skyes bu zhig gis gser dang / dngul dang / rin po che sna bdun dang / gzhal med khang dang / bu dang / chung ma dang / bran khol dang / gos dang / zas dang / bde ba'i yo byad thams cad phul nas bsti stang dang bcas pas phyag byas te/ mchod pa byas pa dang / de bzhin gshegs pa mya ngan las 'das nas/ gal te skyes bu zhig gis gser dang / dngul dang / rin po che sna bdun dang / bu dang / chung ma dang / bran khol dang / gos dang / zas dang / bde ba'i yo byad thams cad kyis de bzhin gshegs pa'i sku gzugs la phul te/ dad pa'i sems kyis </font><hr>Kha487a<br><font size=+1>


@#/ /bsti stang dang bcas pas phyag 'tshal te mchod pa byas na/ bcom ldan 'das/ de ltar skyes bu de gnyis kyis dad pa'i sems kyis mchod pa bgyis na bsod nams gang gis mang du thob/ bcom ldan 'das kyis dga' bo la bka' stsal pa/ skyes bu de gnyis kyis de ltar dad pa'i sems kyis mchod na bsod nams thob pa'i khyad par med do/ /de ci'i phyir zhe na/ sangs rgyas mya ngan las 'das kyang chos kyi sku ni rtag pa yin pas dad pa'i sems kyis mchod na bsod nams 'dra ste khyad par med do/ /dga' bos yang gsol pa/ bcom ldan 'das/ sangs rgyas mngon du bzhugs pa la gal te skyes bu zhig dad pa'i sems kyis gong du smos pa dang 'dra bar bsti stang dang bcas pas mchod pa bgyid pa dang / sangs rgyas mya ngan las 'das nas gal te skyes bu zhig dad pa'i sems kyis gong du smos pa dang 'dra bar bsti stang dang bcas pas sangs rgyas kyi sku gdung ril po la mchod pa bgyis na/ bcom ldan 'das/ skyes bu de gnyis gang gis bsod nams mang du thob/ bcom ldan 'das kyis dga' bo la bka' stsal pa/ skyes bu de gnyis kyi bsod nams ni mnyam pas khyad par med de/ bsod nams tshad med/ dpag tu med par rgya che bas sdug bsngal gyi mthar phyin pa'i bar du bsod nams mi zad do/ / </font><hr>Kha487b<br><font size=+1>


dga' bos yang gsol pa/ bcom ldan 'das/ sangs rgyas mngon du bzhugs pa la/ gal te skyes bu zhig dad pa'i sems kyis gong du smos pa'i mchod pa'i yo byad thams cad kyis de bzhin gshegs pa la mchod pa dang / sangs rgyas mya ngan las 'das nas/ gal te skyes bu zhig dad pa'i sems kyis bsti stang dang bcas pas de bzhin gshegs pa'i sku gdung phyed la mchod pa bgyis na/ bcom ldan 'das/ skyes bu de gnyis gang gis bsod nams mang du thob/ bcom ldan 'das kyis dga' bo la bka' stsal pa/ skyes bu de gnyis dad pa'i sems kyis mchod na/ bsod nams la khyad par med de/ bsod nams kyi phung po tshad med dpag tu med do/ /dga' bo/ gal te skyes bu zhig gis dad pa'i sems kyis de bzhin gshegs pa'i sku gdung bzhi cha gcig gam/ brgyad cha gcig gam/ bcu drug gi cha gcig gam/ brgya'i cha gcig gam/ stong gi cha gcig gam/ khri'i cha gcig gam/ klung gang+gA'i bye ma'i cha gcig tsam nas chung ngu na yungs kar tsam gcig la/ dad pa'i sems kyis bsti stang dang bcas/ rim gro dang bcas pas mchod pa dang bstod pa byas pa de'i/ gal te sangs rgyas mngon du bzhugs pa la bsti stang dang bcas pas mchod pa byas na/ skyes bu de gnyis kyi bsod nams ni thams cad khyad par med par mnyam ste/ tshad med dpag tu med do/ /dga' bo </font><hr>Kha488a<br><font size=+1>


@#/ /sangs rgyas mngon du bzhugs sam/ mya ngan las 'das kyang rung / gang zhig dad pa'i sems kyis bsti stang dang bcas pas phyag 'tshal te/ bla mar byas| bkur stir byas/ bstod pa byas na/ skyes bu de gnyis kyi bsod nams thob pa ni gnyis su med/ dbyer med par rig par bya'o/ /bcom ldan 'das kyis dga' bo dang 'khor mang po rnams la bka' stsal pa/ nga mya ngan las 'das nas gnam gyi steng ngam/ mi'i 'jig rten na/ sems can gyis nga'i sku gdung lag tu thob ste/ mya ngan dang dga' ba bcas pas bsti stang du phyag 'tshal te dad pa'i sems kyis mchod pa byas na/ bsod nams tshad med dpag tu med pa thob par 'gyur ro/ /dga' bo/ gang gis de bzhin gshegs pa'i sku gdung mthong na/ des ni sangs rgyas mthong ngo / /sangs rgyas mthong ba des ni chos mthong ngo / /chos mthong ba des ni dge 'dun mthong ngo / /dge 'dun mthong ba des ni mya ngan las 'das pa mthong ngo / /dga' bo de bas na dkon mchog gsum ni rtag pa gnas pa mi 'gyur mi 'pho ba ste/ sems can thams cad kyi mgon dang skyabs kyi gnas su 'gyur bar rig par bya'o/ /dga' bos bcom ldan 'das la gsol pa/ bcom ldan 'das yongs su mya ngan las 'das nas bdag cag gis cho ga gang dang sbyar te de bzhin gshegs </font><hr>Kha488b<br><font size=+1>


pa'i sku zhugs la bzhen na sku gdung 'thob cing dad pas mchod par 'gyur/ bcom ldan 'das kyis dga' bo la bka' stsal pa/ nga mya ngan las 'das nas khyed kyis 'khor los bsgyur ba'i rgyal po'i thabs su bsregs shig /dga' bos yang gsol pa/ 'khor los bsgyur ba'i rgyal po bsreg pa'i cho ga ji lta bu lags/ bcom ldan 'das kyis dga' bo la bka' stsal pa/ 'khor los bsgyur ba'i rgyal po ni shi nas zhag bdun gyi bar du 'jog ste/ gdod lcags kyi sgrom gyi nang du 'dzud do/ /sgrom du bcug nas 'bru mar bsung can gyis sgrom gyi nang du bkang nas/ kha legs par bcad de yang zhag bdun du 'jog go /de nas sgrom nas phyung ste spos chus bkru'o/ /spos chus bkrus nas bdug spos kyis mchod cing gdugs la shing bal gyis lus kun dkri'o/ /shing bal gyis dkris pa'i steng du ras dkar po bzang po yug stong gis mthar chags su dkri'o/ /de ltar dkris nas sgrom gyi nang du 'bru mar bsung can gyis bkang ste/ rgyal po'i rus bu phyir sgrom gyi nang du bcug la sgrom gyi kha legs par bcad do/ /shing bsung can gyi rin po che sna bdun gyi shing rta'i steng du drangs te/ shing rta'i ngos bzhi'ang rgyan phyang sbyangs shing rin po che sna tshogs kyis kyang shing rta sbra'o/ /grangs med pa'i me tog dang / ba dan dang / rin po che sna bdun gyi gdugs </font><hr>Kha489a<br><font size=+1>


@#/ /dang / rgyal mtshan dang / spos bzang po sna tshogs dang / lha'i rol mos bskor zhing mchod pa bya'o/ /de nas shing bsung can gyi nang ri mo dang ldan pa dang / mar bsung can gyis 'khor los bsgyur ba'i rgyal po'i rus bu bsreg go /de ltar bsregs nas ring bsrel bsdus te grong khyer chen po'i bzhi mdor rin po che sna bdun gyi mchod rten sgo bzhi bkod pa byas te/ ring bsrel de'i nang du bzhag la 'jig rten du bcas pa thams cad kyis rjes su yi rang bas bltar bzhug go /dga' bo 'khor los bsgyur ba'i rgyal po de bsod nams cung zad cig gis rgyal po'i thabs thob kyang srid pa las rnam par ma grol/ 'dod pa lnga dang ldan te/ btsun mo dang pho brang gi slas su bcas/ ngan par lta ba dang gdug pa gsum du bcas/ nyon mongs pa dang kun nas nyon mongs pa ba spu'i nyag ma tsam yang ma spangs pa shi nas 'jig rten du bcas pas de lta bu'i cho ga byed cing / mchod rten brtsigs nas thams cad rjes su yi rang zhing blta na/ dga' bo/ de bzhin gshegs pa lta ci smos te/ bskal pa tshad med mtha' yas dpag tu med grangs med pa nas btsun mo dang / pho brang gi slas dang / 'dod pa la yongs su spangs te/ 'jig rten gyi chos la ba mo'am ser ba lta bur rtogs nas rtsol </font><hr>Kha489b<br><font size=+1>


dka' ba btsal te shin tu spyod dka' ba spyad nas/ byang chub sems dpa' thams cad kyis 'jig rten las 'das pa'i spyod dka' ba spyad de/ phyogs bcu na dus gsum du rnam par bzhugs pa'i sangs rgyas thams cad kyis mdzad pa yongs su dag pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes ston pa dang / pha rol tu phyin pa drug ma bsgrubs pa gang yang med la/ gzhan yang de bzhin gshegs pa'i stobs bcu dang / snying rje chen po dang / mi 'jigs pa bzhi dang / rnam par thar pa'i sgo gsum dang / stong pa nyid bco brgyad dang / mngon par shes pa drug dang / spyan lnga dang / byang chub kyi phyogs kyi chos sum cu rtsa bdun dang / ma 'dres pa'i chos bco brgyad dang / mtshan sum cu rtsa gnyis dang / dpe byad bzang po brgyad cu dang / sangs rgyas thams cad kyi sku tshe dang / sangs rgyas kyi zhing thams cad yongs su sbyang ba dang / sems can thams cad yongs su smin par bya ba dang / spyod dka' ba thams cad dang / dge ba sdud pa'i tshul khrims dang / sems can gyi don byed pa'i tshul khrims dang| sdom pa'i tshul khrims dang / yon tan thams cad dang / ye shes thams cad dang / rgyan thams cad dang / smon lam chen po thams cad dang / thabs mkhas pa thams cad </font><hr>Kha490a<br><font size=+1>


@#/ /dang| de la sogs te bsam gyis mi khyab pa'i bsod nams dang ye shes thams cad yongs su rdzogs par lhun gyis grub ste/ mi dge ba thams cad kyang yongs su bcad/ nyon mongs pa thams cad kyang yongs su bcad/ nyon mongs pa'i bag chags thams cad kyang yongs su bcad de/ bden pa bzhi dang / rten cing 'brel te 'byung ba bcu gnyis shin tu rtogs nas byang chub kyi shing drung du bdud rnam pa bzhi btul te/ thams cad mkhyen pa'i ye shes su gyur nas de lta bu'i dam pa'i chos thams cad la nan tan byas pas sangs rgyas thams cad kyis gsung mthun par legs so/ /legs so zhes bka' stsal nas/ mthun par chos nyid kyi ye shes kyi chu/ chos kyi sku'i spyi bor dbang bskur te/ gdod bla na med pa yang dag par rdzogs pa'i byang chub tu mngon par sangs rgyas so zhes bsgrags so/ /de bas na nga ni da ltar lha dang mi rnams kyi ston pa ste/ phyogs bcur rnam par sangs rgyas pa mthar phyin pa bcom ldan 'das zhes bya ste/ lha dang mi'i nang na dpe zla med pa/ sems can thams cad la sgra gcan 'dzin dang 'dra bar gzigs pas de bzhin gshegs pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ </font><hr>Kha490b<br><font size=+1>


bla na med pa/ skyes bu 'dul zhing kha lo sgyur ba/ lha dang mi'i ston pa sangs rgyas bcom ldan 'das zhes bya ste/ 'jig rten la thugs brtse bar mdzad pa kun mdzad nas sems can gyi phyir mya ngan las 'das na/ 'jig rten gyi chos bzhin du 'khor los bsgyur ba'i rgyal po ltar sems can thams cad kyis mchod pa byed par 'gyur bar bya'o/ /dga' bo| nga mya ngan las 'das nas 'khor los bsgyur ba'i rgyal po ltar zhag bdun gyi bar du zhog la/ gdod lcags kyi sgrom du chug cig /lcags kyi sgrom du bcug nas mar bsung can gyis long la kha legs par chod cig /sgrom yang rin po che sna bdun gyis rab tu spras shing brgyan la sgrom 'khor bar rin po che'i rgyal mtshan dang / spos dang / me tog gis mchod pa gyis shig /de lta bur zhag bdun du mchod nas sgrom nas phyung la/ spos chus legs par khrus shig /de ltar spos chus de bzhin gshegs pa'i sku legs par bkrus nas shing bal gyis sku khyab par dkris shig /de'i steng du rin thang med pa'i ras dkar po yug stong gis dkris shig /de ltar dkris nas phyir lcags kyi sgrom du chug la mar bsung can gyis bkang ste kha legs par chod cig /de nas go shiR+sha tsan+dan dang / a ga ru dang / shing bsung can thams cad dang bcas su rin po che sna bdun gyi shing rta'i </font><hr>Kha491a<br><font size=+1>


@#/ /steng du zhog la/ rin po che thams cad kyis brgyan te sreg pa'i gnas su drongs shig /rin po che'i rgyal mtshan grangs med pa dang / rin po che'i gdugs grangs med pa dang / rin po che'i gos grangs med pa dang / grangs med pa'i lha'i rol mo dang / grangs med pa'i me tog dang / spos kyis nam mkha' yang gang ba tsam du mchod pa gyis la ngus shig /lha dang / mi dang / 'khor thams cad kyis spos kyi shing tsan+dan dang / a ga ru dang / mar bsung can gyis bsregs la ngus shig / de ltar bsregs nas lha dang / mi dang / 'khor rnam bzhis ring bsrel bsdus la/ rin po che sna bdun gyi bum par bcug ste/ grong khyer chen po'i lam gyi bzhi mdor rin po che sna bdun gyi mchod rten byas la/ ring bsrel mchod na sems can dag bsod nams chen po thob cing / srid pa gsum gyi sdug bsngal spangs nas mya ngan las 'da' ba'i bde ba thob par 'gyur ro/ /dga' bo/ /'khor rnam pa bzhi pos/ sangs rgyas kyi sku gdung gi rin po che sna bdun gyi mchod rten byas nas gzhan yang mchod rten gsum bya'o// gang zhe na/ 'di lta ste/ rang sangs rgyas kyi mchod rten dang / dgra bcom pa'i mchod rten dang / 'khor los bsgyur ba'i rgyal po'i mchod rten te/ 'jig rten du bcas pas </font><hr>Kha491b<br><font size=+1>


skyabs su 'gro ba'i gnas shes par bya ba'i phyir ro/ /dga' bos gsol pa/ bcom ldan 'das/ de bzhin gshegs pa 'jig rten du gshegs pa na sems can la thugs brtse ba'i slad du stobs bcu dang / thugs rje chen po dang / mi bsnyengs pa bzhi dang / rten cing 'brel te 'byung ba bcu gnyis dang / bden pa bzhi dang / rnam par thar pa'i sgo gsum dang / tshangs pa'i dbyangs rnam pa brgyad kyis khams gsum du bsgrags pa dang / kha dog rnam pa lnga dang ldan pa'i byams pa'i 'od kyis lam rgyud drug snang ba mdzad nas sems can gyi bsam pa bzhin du/ la la ni 'bras bu bzhi dang / theg pa gnyis la spyod par gyur/ la la ni zag pa med pa 'dus ma byas pa'i rang sangs rgyas kyi byang chub thob par gyur/ la la ni mi 'gog pa mi skye ba'i byang chub kyi sa non par gyur/ la la ni tshad med pa'i gzungs rnams thob par gyur/ la la ni spyan lnga dang mngon par shes pa drug thob par gyur/ la la ni ngan song gsum las thar bar gyur/ la la ni mi khom pa brgyad dang bral bar gyur/ la la ni lha dang mi'i 'jig rten gsum gyi sdug bsngal dang bral bar gyur te/ de bzhin gshegs pa'i byams pa'i shugs rnam par dag pa dang / de bzhin gshegs pa'i rnam par grol ba'i chos kyi gzung bsam gyis </font><hr>Kha492a<br><font size=+1>


@#/ /mi khyab pas mya ngan las 'da' ba'i bar du 'jig rten du bcas pa/ lha dang mi dang 'khor rnam pa bzhis rin po che sna bdun gyi mchod rten byas te ring bsrel la mchod na bsod nams chen po thob cing so so'i skye bo dag khams gsum gyi sdug bsngal las thar cing yang dag pa'i rnam par grol ba la 'jug par 'gyur te/ de bas na sangs rgyas mya ngan las 'das nas 'jig rten du bcas pa lha dang / mi dang / 'khor thams cad kyis sangs rgyas kyis mdzad pa'i drin chen po dang / byams pa tshad ma mchis pa rjes su bzung ba'i slad du rin po che sna bdun gyi mchod rten bgyid cing ring bsrel la mchod pa bgyid pa ni 'os na/ bcom ldan 'das/ mchod rten rnam pa gsum po bgyis pas sems can rnams la sman pa ci mchis na mchod rten bgyis shing mchod pa bgyi/ bcom ldan 'das kyis dga' bo la bka' stsal pa| rang sangs rgyas ni rten cing 'brel te 'byung ba'i chos shin tu zab mo rtogs nas srid pa thams cad las rnam par grol te/ nyes pa'i skyon thams cad bral nas lha dang mi'i bsod nams kyi zhing du 'gyur te/ de bas na mchod rten byas te mchod na bsod nams 'thob par 'gyur ro/ /de bzhin gshegs pa'i 'og tu 'gro ba mang po </font><hr>Kha492b<br><font size=+1>


'bras bu mchog thob par byed pa'i phyir ro/ /dga' bo/ dgra bcom pa ni skye ba'i phyogs zad de srid pa phyi ma mi len la tshangs par spyod pa yongs su rdzogs pas 'jig rten gyi bsod nams kyi zhing du 'gyur te/ de bas na mchod rten byas te mchod na bsod nams thob pa ni rang sangs rgyas kyi 'og tu de mang ste/ des kyang 'gro ba rnam par grol bar byed do| |dga' bo/ 'khor los bsgyur ba'i rgyal po'ang khams gsum gyi nyon mongs pa las rnam par ma grol mod kyi/ bsod nams kyi shugs kyis gling bzhi la dbang ste/ dge ba bcu'i las kyis sems can gyi srid byed pas sems can de dag gi bkur sti'i gnas yin te/ de bas na 'khor rnam bzhis mchod rten byas te mchod na bsod nams tshad med pa thob par 'gyur ro/ /dga' bos yang gsol pa/ bcom ldan 'das/ sangs rgyas mya ngan las 'das nas bdag cag 'khor rnam bzhis gang du de bzhin gshegs pa'i sku zhugs la bzhen na/ de bzhin gshegs pa'i ring bsrel thob par 'gyur ba/ bcom ldan 'das kyis bstan du gsol/ bcom ldan 'das kyis dga' bo la bka' stsal pa/ sangs rgyas mya ngan las 'das nas 'khor rnam bzhis gal te rtsa mchog gi grong khyer gyi nang du nga bsregs na/ grong khyer de'i mi dag rgyal po'i las kyi chad pa dang </font><hr>Kha493a<br><font size=+1>


@#/ /rtsod pa tshad med pa 'byung ste/ thams cad kyis bsod nams mnyam par mi thob bo/ /dga' bo/ gal te 'khor rnam bzhi'i grong khyer gyi phyi rol tu nga bsregs na 'jig rten pa dag bsod nams mnyam par thob bo/ /dga' bos gsol pa/ bcom ldan 'das/ sangs rgyas mya ngan las 'das nas zhugs la bzhen pa'i 'og tu 'khor rnam bzhis ring bsrel bsdus te/ rin po che'i bum par stsal nas rin po che sna bdun gyi mchod rten gang du brtsig na thams cad dad pa'i sems skye zhing mchod par 'gyur ba bcom ldan 'das bstan du gsol/ bcom ldan 'das kyis dga' bo la bka' stsal pa/ sangs rgyas mya ngan las 'das te bsregs nas 'khor rnam bzhis ring bsrel bsdus te/ rin po che sna bdun gyi bum par chug la rtswa mchog gi grong khyer gyi nang du lam gyi bzhi mdor rin po che sna bdun gyi mchod rten bang rim bcu gsum dang ldan pa| phang lo dang bcas pa rin po che thams cad kyis brgyan cing spras pa/ 'jig rten thams cad kyis mchog tu bya ba'i ba dan gyis shin tu brgyan pa/ ngos bzhi'i bu shu'ang rin po che sna bdun las byas pa/ thams cad du rgyan gyis rab tu spras pa/ mchod rten de rim pa gcig cing yang ngos bzhir sgo re re btod pa/ skar khung thad kar 'bab pa'i nang </font><hr>Kha493b<br><font size=+1>


du rin po che chen po'i bum pa bcug ste/ 'khor rnam bzhis mchod pa bya'o/ /dga' bo/ rang sangs rgyas kyi mchod rten ni rim pa bcu gcig dang ldan pa/ rin po che rnam pa sna tshogs kyis spras par bya'o/ /dga' bo/ dgra bcom pa'i mchod rten ni rim pa bzhi dang ldan pa ste/ de'ang rin po che sna tshogs kyis spra'o/ /dga' bo/ 'khor los bsgyur ba'i rgyal po'i mchod rten yang rin po che sna bdun las byas te/ rim pa dang bcas pa ni ma yin no/ /de ci'i phyir zhe na/ khams gsum gyi srid pa'i sdug bsngal las ma grol ba'i phyir ro/ / de'i tshe ma 'gags pas bcom ldan 'das la 'di skad ces gsol to/ /sangs rgyas mya ngan las 'das te zhugs la bzhen nas lha dang / mi dang / 'khor rnam bzhis de bzhin gshegs pa'i ring bsrel ji ltar bgos na thams cad kyis mchod par 'gyur/ de'i tshe bcom ldan 'das kyis ma 'gags pa la 'di skad ces bka' stsal to/ /nga mya ngan las 'das nas lha dang mi la sogs pas sangs rgyas kyi ring bsrel bsdus te/ shin tu mnyam pa'i sems kyis khams gsum dang / rgyu drug thams cad la'ang bgos te/ mchod pa byed par 'gyur bar bya'o/ /de'i tshe brgya byin lha'i dbang phyug gis bcom ldan 'das la 'di skad ces gsol to/ /bcom ldan 'das/ bdag ni de bzhin gshegs pa </font><hr>Kha494a<br><font size=+1>


@#/ /las de bzhin gshegs pa'i ring bsrel gyi phyed gsol to/ /bcom ldan 'das kyis brgya byin lha'i dbang phyug la 'di skad ces bka' stsal to| |de bzhin gshegs pa ni sems can thams cad la sras sgra gcan 'dzin dang 'dra bar gzigs te/ de bas na khyod ring bsrel gyi phyed 'dod do zhes ma zer cig /de ci'i phyir zhe na/ sems can thams cad la phan pa'i don snyoms par mdzad pa'i phyir ro/ /bcom ldan 'das kyis brgya byin lha'i dbang phyug la bka' stsal pa/ ngas khyod la 'gram pa g.yas pa'i tshems mche ba gcig sbyin gyi/ khyod kyis lha'i 'jig rten du mchod rten byos la mchod cig dang / khyod kyis bsod nams zad mi shes pa thob par 'gyur ro/ / de'i tshe lha dang mi thams cad cho nges 'debs shing ngus so/ /de nas bcom ldan 'das kyis 'khor bzhi po la bka' stsal pa/ sangs rgyas mya ngan las 'da' ba la lha dang mi la sogs pa khyed mya ngan ma byed cig /de ci'i phyir zhe na/ sangs rgyas yongs su mya ngan las 'das kyang ring bsrel rtag tu mchod du yod la/ gzhan yang bla na med pa'i chos kyi dkon mchog mdo sde dang / 'dul ba dang / chos mngon pa yod do/ /de bas na dkon mchog gsum dang / bden pa bzhi rtag tu 'jig rten na yod de/ sems can dag </font><hr>Kha494b<br><font size=+1>


dad pas mchod pa'i gnas yod pa yin no/ /de ci'i phyir zhe na/ ring bsrel la mchod pa ni sangs rgyas dkon mchog mchod pa yin no/ /sangs rgyas mthong ba des ni chos kyi sku mthong ngo / /chos mthong ba des ni 'phags pa mthong ngo / /'phags pa mthong ba des ni bden pa bzhi mthong ngo / /bden pa bzhi mthong ba des ni mya ngan las 'da' ba mthong ngo / / de bas na dkon mchog gsum ni rtag pa gnas pa mi 'gyur mi 'pho ba ste/ 'jig rten gyi gnas dang rten du 'gyur bar rig par bya'o/ /bcom ldan 'das kyis 'khor mang po rnams la bka' stsal pa/ khyed sdug bsngal gyis gdungs par 'gyur ba'i mya ngan chen po ma byed cig /nga ni mya ngan las 'da' bar gshegs su nye'i/ tshul khrims sam/ gnas sam/ rtag pa'am/ mi rtag pa'am/ dkon mchog gsum mam/ bden pa bzhi'am/ pha rol tu phyin pa drug gam/ rten cing 'brel te 'byung ba bcu gnyis las the tshom du gyur pa yod na/ myur du dris shig /'dri ba 'di ni tha mar 'dri ba ste/ sangs rgyas mya ngan las 'das nas 'gyod pa med par bya'o zhes lan gsum gyi bar du bka' stsal to/ /de'i tshe 'khor rnam bzhi la sogs pa mya ngan gyis yid gdungs te/ skad brnangs nas yi chad pa tsam du yid la gcags te/ mya ngan gyis brgyal lo/ /sangs rgyas kyi byin gyi brlabs kyis mchi ma phyis </font><hr>Kha495a<br><font size=+1>


@#/ /nas cang mi smra ste zhu ba'ang med do/ /de ci'i phyir zhe na/ 'khor bzhi po 'di dag thams cad ni tshul khrims dang / gnas dang / dkon mchog gsum dang / bden pa bzhi mngon sum du rtogs te the tshom med par gyur to/ /de tshe bcom ldan 'das kyis 'khor bzhi po la the tshom med par thugs kyis mkhyen nas legs so| |shin tu legs so/ /'khor bzhi po khyed dkon mchog gsum dang / bden pa bzhi shin tu rtogs te the tshom med pa ni ji ltar chu dang pas dri ma bkrus pa dang 'dra ste/ khyed kyang brtson 'grus kyis shig dang / myur du 'byung ba'i lam thob par 'gyur gyi/ brgyal ba tsam du mya ngan ma byed cig /de'i tshe bcom ldan 'das seng ge'i khri la bzhugs bzhin du gser lta bu la phyag gis na bza' sbyar ma bzhag nas gser btso ma'i kha dog lta bu'i seng ge'i thong ga dpal be'u phyung ste 'khor mang po rnams la bstan nas lha dang / mi dang| 'khor mang po rnams la nga'i sku kha dog gser btso ma lta bu la ltos shig ces bka' stsal to// //'phags pa yongs su mya ngan las 'das pa chen po'i mdo| bam po lnga bcu lnga pa/ de'i tshe 'khor rnam bzhi dang / thams cad kyis de bzhin gshegs pa'i sku gser btso ma'i kha dog lta bu la mig mi 'dzum pas bltas pas rab </font><hr>Kha495b<br><font size=+1>


tu bde ba ni ji ltar dge slong dag bsam gtan gsum pa la reg pa dang 'dra bar gyur to/ /de'i tshe bcom ldan 'das gser btso ma'i kha dog lta bu'i sku 'khor mang po la bstan nas| mya ngan las 'da' ba chen po'i 'od zer tshad med dpag tu med pa khrag khrig brgyad stong snyed bkye nas phyogs bcu'i 'jig rten gyi khams thams cad snang bar byas pas nyi zla'i 'od kyang zil gyis non te/ de ltar 'od bkye nas 'khor mang po rnams la 'di skad ces bka' stsal to/ /de bzhin gshegs pa ni khyed kyi phyir bskal pa bgrang yas pa'i bar du shin tu spyod dka' ba spyad de/ lus kyi yan lag lag pa dang / rkang pa'ang gtubs nas shin tu spyod dka' ba thams cad spyad de/ snying rje chen po'i smon lam gyi dbang gi rnyog pa lnga'i 'jig rten gyi khams 'dir bla na med pa yang dag par rdzogs pa'i byang chub tu mngon par sangs rgyas te/ rdo rje lta bur mi 'jig pa'i gser btso ma'i kha dog gi sku mtshan sum cu rtsa gnyis dang / dpe byad bzang po brgyad cu dang ldan pa tshad med pa'i 'od zer gyis thams cad du snang bar byas pa thob ste/ 'od zer gyis reg gam/ sku mthong ba tsam gyis kyang rnam par ma grol ba med do/ /bcom ldan 'das kyis yang 'khor mang po rnams la 'di skad ces bka' stsal to/ /sangs rgyas 'jig rten du gshegs </font><hr>Kha496a<br><font size=+1>


@#/ /pa shin tu dka' ba ni me tog u dum+ba ra dang 'dra ste/ shin tu mthong bar dka'o/ /khyed kyis nang gi tha mar nga'i sku mthong bar 'gyur ba 'di la don med par mi bya'o/ /sngon gyi smon lam gyi mthus rnyog pa'i 'jig rten gyi khams 'dir gshegs te/ da ni gdul ba'i mdzad ba mdzad nas nga mya ngan 'dar nye'o/ /khyed la sogs pa sems rtse gcig tu nga'i sku gser btso ma'i kha dog lta bu la shin tu ltos shig /khyed kyang yongs su dag pa'i las la nan tan byas na 'bras bu 'di thob par 'gyur ro/ /de'i tshe bcom ldan 'das de bzhin du yang dang yang lan gsum gyi bar du bka' stsal nas/ gser btso ma lta bu'i sku 'khor mang po rnams la mngon du bstan to/ /de nas rin po che sna bdun gyi seng ge'i khri las bzhengs te/ steng gi nam mkha' la shing ta la bdun srid du 'phags nas yang 'di skad ces bka' stsal to/ /nga yongs su mya ngan las 'dar nye'i/ khyed la sogs pa 'khor mang po rnams nga'i sku gser btso ma'i kha dog lta bu la ltos shig /de bzhin du mthar gyis shing ta la gcig srid du 'phags nas da ni mya ngan las 'dar nye'i/ khyed la sogs pa 'khor mang po rnams bsam pa shin tu dgas pas nga'i sku gser btso ma'i kha dog lta bu la ltos shig ces lan bdun gyi bar du </font><hr>Kha496b<br><font size=+1>


bka' stsal to/ /de nas nam mkha' las babs te seng ge'i khri la bzhugs nas yang 'khor mang po rnams la nga yongs su mya ngan las 'dar nye'i/ khyed la sogs pa bsam pa shin tu dag pas nga'i sku gser btso ma'i kha dog lta bu la ltos shig ces bka' stsal te/ de nas yang bcom ldan 'das seng ge'i khri las bzhengs nas steng gi nam mkha' la shing ta la gcig srid du 'phags nas 'khor mang po rnams la 'di skad ces bka' stsal to/ /nga yongs su mya ngan las 'dar nye'i/ khyed la sogs pa bsam pa dag pas nga'i sku gser btso ma'i kha dog lta bu la ltos shig /de bzhin du shing ta la bdun srid du 'phags nas lan bdun gyi bar du nga yongs su mya ngan las 'dar nye'i /khyed la sogs pa 'khor mang po rnams nga'i sku gser btso ma'i kha dog lta bu la ltos shig ces bka' stsal to/ /de nas nam mkha' las phyir babs nas seng ge'i khri la bzhugs te 'khor mang po rnams la 'di skad ces bka' stsal to/ /nga yongs su mya ngan las 'dar nye'i/ khyed la sogs pa bsam pa dag pas nga'i sku gser btso ma'i kha dog lta bu la ltos shig /de nas bcom ldan 'das yang seng ge'i khri las bzhengs nas steng gi nam mkha' la shing ta la gcig gi srid du 'phags nas 'khor mang po rnams la </font><hr>Kha497a<br><font size=+1>


@#/ /bka' stsal pa/ nga yongs su mya ngan las 'dar nye'i/ khyed la sogs pa bsam pa dag pas nga'i sku gser btso ma'i kha dog lta bu la ltos shig ces/ de bzhin du yang dang yang shing ta la bdun srid du 'phags nas lan bdun gyi bar du nga ni yongs su mya ngan las 'dar nye'i/ khyed la sogs pa bsam pa dag pas nga'i sku gser btso ma'i kha dog lta bu la ltos shig ces lan bdun gyi bar du bka' stsal to/ /de nas yang nam mkha' las babs nas seng ge'i khri la bzhugs te| yang 'khor mang po rnams la 'di skad ces bka' stsal to/ /nga yongs su mya ngan las 'dar nye'i/ khyed la sogs pa bsam pa dag pas nga'i sku gser btso ma'i kha dog lta bu la ltos shig /de'i tshe bcom ldan 'das de bzhin gshegs pa'i sku gser btso ma'i kha dog lta bu mngon par bstan te/ 'khor mang po rnams la mngon sum du bstan pa'i phyir/ de ltar lan gsum gyi bar du steng gi nam mkha' la shing ta la bdun srid du 'phags nas/ lan gsum gyi bar du nam mkha' las phyir babs nas seng ge'i khri la bzhugs te/ de bzhin du yang dang yang lan nyi shu rtsa bzhi'i bar du 'khor mang po rnams la 'di skad ces bka' stsal to/ /nga yongs su mya </font><hr>Kha497b<br><font size=+1>


ngan las 'dar nye'i/ nga'i sku rdo rje lta bur brtan pa/ mi 'jig pa gser btso ma'i kha dog lta bu 'jig pa med pa la ltos shig /me tog u dum+ba ra ltar shin tu mthong dka' ba yin gyi/ khyed la sogs pas shes par gyis shig /nga yongs su mya ngan las 'dar nye'i/ khyed las sogs pa sems rtse gcig tu nga'i sku gser btso ma'i kha dog lta bu la shin tu ltos shig /dper na/ mi zhig tsha bas gdungs te shin tu skom pa chu grang mo 'thungs na ngoms par 'gyur ba las gzhan mi sems pa dang 'dra bar khyed la sogs pa'ang de dang 'dra ste/ nga yongs su mya ngan las 'dar nye'i/ khyed la sogs pa bsam pa dag pas shin tu ltos shig /'di ni nang gi tha mar mthong ba ste/ mthong ba 'di las phyin chad mthong ba'i dus med kyi/ khyed la sogs pa 'khor mang po rnams phyin chad 'gyod pa med par lta bas ngoms par gyis shig /de nas bcom ldan 'das kyis 'khor mang po rnams la'ang 'di skad ces bka' stsal to/ /nga mya ngan las 'das nas khyed la sogs pa 'khor mang po rnams srid ba gsum la myur du 'da' ba'i phyir rgyas par nan tan du spyod pa la le lo med par bag yod gyis shig /de'i tshe 'jig rten gyi khams thams cad na/ lha dang / mi dang / 'khor rnam pa bzhi la sogs pa mya ngan las 'da' ba'i </font><hr>Kha498a<br><font size=+1>


@#/ /'od kyis reg nas sangs rgyas la lta ba thams cad kyi ngan song gsum dang / mi khom pa brgyad dang / 'jig rten gyi lha dang / mi'i nyon mongs pa dang / rtsa ba bzhi dang / mtshams med pa lnga'i kha na ma tho ba'i sdig pa thams cad lhag ma ma lus par yongs su byang ste rnam par grol ba thob par gyur to/ /de'i tshe bcom ldan 'das gser btso ma'i kha dog lta bu'i sku phyung ste yang dang yang ltos shig ces/ 'khor mang po'i rnams la bka' stsal nas slar chos gos sbyar ma sku la gsol to/ /'phags pa yongs su mya ngan las 'das pa chen po'i mdo las/ bstan pa gzhag pa'i le'u ste bcu bzhi pa'o// //bcom ldan 'das kyis yang 'khor mang po rnams la 'di skad ces bka' stsal to/ /nga ni da dus la bab ste/ sku kun tu gtse zhing na'o zhes bka' stsal nas bsam gtan dang po la 'jug cing mya ngan las 'da' ba'i 'od kyis 'jig rten gyi khams kun brtags te zhi zhing 'gog pa'i ting nge 'dzin la 'jug go /de'i tshe bcom ldan 'das de skad gsungs ma thag tu bsam gtan dang po la zhugs so/ /bsam gtan dang po las byung nas bsam gtan gnyis pa la zhugs so/ /bsam gtan gnyis pa las byung nas bsam gtan gsum pa la zhugs so/ / </font><hr>Kha498b<br><font size=+1>


bsam gtan gsum pa las byung nas bsam gtan bzhi pa la zhugs so/ /bsam gtan bzhi pa las byung nas nam mkha' yas skye mched steng la zhugs so/ / nam mkha' yas skye mched steng las byung nas rnam shes mtha' yas skye mched steng la zhugs so/ /rnam shes mtha' yas skye mched steng las byung nas cung zad med min skye mched steng la zhugs so/ /cung zad med min skye mched steng las byung nas 'du shes med 'du shes med min skye mched steng la zhugs so/ /'du shes med 'du shes med min skye mched steng las byung nas 'gog pa zad pa'i ting nge 'dzin la zhugs so/ /'gog pa zad pa'i ting nge 'dzin las byung nas phyir yang 'du shes med 'du shes med min skye mched steng la zhugs so/ /'du shes med 'du shes med min skye mched steng las byung nas phyir yang cung zad med min skye mched steng la zhugs so/ /cung zad med min skye mched steng las byung nas rnam shes mtha' yas skye mched steng la zhugs pa'o/ /rnam shes mtha' yas skye mched steng las byung nas nam mkha' mtha' yas skye mched steng la zhugs pa'o/ /nam mkha' mtha' yas skye mched steng las byung nas bsam gtan bzhi pa la zhugs so/ /bsam gtan bzhi pa las byung nas bsam gtan </font><hr>Kha499a<br><font size=+1>


@#/ /gsum pa la zhugs so/ /bsam gtan gsum pa las byung nas bsam gtan gnyis pa la zhugs so/ /bsam gtan gnyis pa las byung nas bsam gtan dang po la zhugs so/ /de'i tshe bcom ldan 'das de ltar yan man du bsam gtan du zhugs nas 'khor mang po rnams la 'di skad ces bka' stsal to/ / ngas shin tu zab pa'i shes rab kyis khams gsum gyi rgyud drug gi sems can thams cad dang / ri dang / rgya mtsho dang / sa chen po la gnas pa'i srog chags thams cad la brtags na khams gsum 'di dag ni rang bzhin dang bral ba/ rab tu zhi ba/ nam mkha'i mtshan nyid dang 'dra bas gdags su med pa/ rnam par shes pa med pa/ srid pa thams cad yongs su bcad pa/ thog ma nas mnyam pa/ mtho dman gyi 'du shes med pa/ mthong ba med pa/ thos pa med pa/ tshor ba med pa/ shes pa med pa/ bcings pa med nga / rnam par grol ba med pa/ sems can med pa/ srog med pa/ ma skyes pa/ ma byung ba/ mi zad pa/ mi 'gog pa/ 'jig rten ma yin/ 'jig rten ma yin pa'ang ma yin pa/ mya ngan las 'da' ba dang 'khor ba dmigs su med pa/ gnyis ka'i mtha' mnyam pa ni chos thams cad mnyam pa'i phyir ro/ /bas </font><hr>Kha499b<br><font size=+1>


mthar gnas pa/ ci'ang mi byed pa/ mthar rnam par bzhag pa/ nges par dmigs su med pa/ mi gnas pa'i chos las chos kyi mtshan nyid kyi bya ba byed pa/ mtshan ma thams cad yongs su bcad nas ci'ang med pa ste| chos kyi mtshan nyid ni de dag yin no/ /gang gis de ltar shes na 'jig rten las 'da' ba zhes bya'o/ /gang gis de ltar mi shes pa de ni 'khor ba'i thog ma'i mtha' zhes bya'o/ /de bas na khyed la sogs pa ma rig pa yongs su bcad de/ 'khor ba'i thog ma'i mtha' dgag go /de'i tshe bcom ldan 'das kyis de skad ces bka' stsal nas/ yang 'phar ba'i bsam gtan la zhugs so/ /bsam gtan dang po las byung nas bsam gtan gsum pa la zhugs so/ /bsam gtan gsum pa las byung nas nam mkha' mtha' yas skye mched steng la zhugs so/ /nam mkha' mtha' yas skye mched steng las byung nas cung zad med min skye mched steng la zhugs so| |cung zad med min skye mched steng las byung nas 'gog pa zad pa'i 'du shes kyi ting nge 'dzin la zhugs so/ /'gog pa zad pa'i ting nge 'dzin las byung nas phyir yang 'du shes med 'du shes med min skye mched steng la zhugs so/ /'du shes med 'du shes med min skye mched steng las byung nas rnam shes mtha' yas skye mched steng la zhugs so/ /rnam shes mtha' </font><hr>Kha500a<br><font size=+1>


@#/ /yas skye mched steng las byung nas bsam gtan bzhi pa la zhugs so/ /bsam gtan bzhi pa las byung nas bsam gtan gsum pa la zhugs so| |bsam gtan gsum pa las byung nas bsam gtan gnyis pa la zhugs so/ /bsam gtan gnyis pa las byung nas bsam gtan dang po la zhugs so/ /de ltar na yan man du 'phar ba'i bsam gtan la zhugs nas yang 'khor mang po rnams la 'di skad ces bka' stsal to/ /ngas shes rab chen pos khams gsum na gnas pa ji tsam srog yod pa dang / srog med pa dang / gang zag dang / chos thams cad la brtags na thams cad mthar phyin pa ste/ rnam par bcings pa med pa/ rnam par grol ba med pa/ bdag po med pa/ gnas med pa/ gzung du med pa/ khams gsum las 'das pa'ang ma yin/ srid pa kun tu 'jug pa'ang ma yin te/ thog ma nas rnam par dag pa/ dri ma med pa/ nyon mongs pa med pa/ nam mkha' dang mnyam pa/ mnyam pa med pa/ mi mnyam pa'ang ma yin pa/ rtog pa dang / rnam par rtog pa zad pa/ rtog pa thams cad zhi pa ste/ de ltar chos kyi mtshan nyid de ni mya ngan las 'das pa chen po zhes bya ste/ chos 'di la yang dag pa ji lta ba bzhin du mthong na rnam par grol ba zhes bya ste/ bus ba ma rabs kyis mi mthong bas na ma rig </font><hr>Kha500b<br><font size=+1>


pa zhes bya'o/ /de skad ces bka' stsal nas phyir yang 'phar ba'i bsam gtan la zhugs te/ bsam gtan dang po las byung nas 'gog pa zad pa'i ting nge 'dzin gyi bar dang / 'gog pa zad pa'i ting nge 'dzin las byung ba nas bsam gtan dang po la 'jug pa'i bar du de bzhin du yan man 'phar ba'i bsam gtan la zhugs nas/ yang 'khor mang po rnams la 'di skad ces bka' stsal to/ /ngas sangs rgyas kyi spyan gyis khams gsum gyi chos thams cad la brtags na/ ma rig pa'i thog ma'i mtha' ni rang bzhin gyis rnam par grol ba ste/ phyogs bcur btsal kyang dmigs su med pa ni rang bzhin med pa'i phyir ro/ /de'i rgyur 'gyur ba yal ga dang lo ma'ang rnam par grol ba ste/ ma rig pa rnam par grol bas rga shi'i bar du'ang rnam par grol lo/ /de bas na nga ni rtag tu rab tu zhi ba'i snang ba la gnas pas mya ngan las 'das pa chen po zhes bya'o/ /de'i tshe dga' bo mya ngan gyis shin tu yid gdungs te| myos 'khrugs nas mi dran pa ni ji ltar chang gis myos pa dang 'dra ste/ 'khor rnam bzhi'ang mi mthong mi shes la/ de bzhin gshegs pa mya ngan las 'das sam/ mya ngan las ma 'das pa mi shes mi rtogs so/ /de'i tshe bcom ldan 'das de ltar lan gsum gyi bar du 'phar ba'i bsam gtan la zhugs te chos kyi dbyings la thug gi bar du brtags nas </font><hr>Kha501a<br><font size=+1>


@#/ /'khor mang po rnams la lan gsum du chos bstan to/ /de bzhin gshegs pas de bzhin du yang dang yang lan nyi shu rtsa bdun gyi bar du bsam gtan du zhugs so/ /dga' bos mi shes pas sangs rgyas lan gcig bsam gtan du 'jug pa na lan gcig dris te/ de bzhin du lan nyi shu rtsa bdun gyi bar du sangs rgyas mya ngan las 'das sam/ mya ngan las ma 'das zhes ma 'gags pa la dris so/ /de bzhin du ma 'gags pas kyang de bzhin gshegs pa bsam gtan du zhugs te/ mya ngan las ma 'das so zhes lan nyi shu rtsa bdun gyi bar du smras so/ /de'i tshe 'khor de dag thams cad 'khrug cing myos pas/ de bzhin gshegs pa mya ngan las 'das sam/ mya ngan las ma 'das mi shes mi rtogs so/ /de'i tshe bcom ldan 'das lan gsum gyi bar du bsam gtan du zhugs nas lan gsum gyi bar du 'khor rnams la chos bstan te/ rin po che sna bdun gyi khri la glo g.yas pa phab nas gzims te/ dbu ni byang phyogs su bstan/ zhabs ni lho phyogs su bstan/ zhal ni nub phyogs su gzigs te/ rgyab ni shar phyogs su bstan nas gzims so/ /rin po che sna bdun gyi khri'ang phreng ba rnam pa sna tshogs kyis yongs su brgyan to/ /snga la'i shing zung </font><hr>Kha501b<br><font size=+1>


bzhi ya brgyad yod de/ nub phyogs kyi zung gcig ni de bzhin gshegs pa'i mdun/ shar phyogs kyi zung gcig ni de bzhin gshegs pa'i rgyab/ byang phyogs kyi zung gcig ni de bzhin gshegs pa'i dbu rol/ lho phyogs kyi zung gcig ni de bzhin gshegs pa'i zhabs rol lo/ /de'i tshe bcom ldan 'das shing sA la'i drung na rin po che'i khri la gzims nas bsam gtan bzhi pa la zhugs te/ cang mi gsung zhing nam gyi dgung la yongs su mya ngan las 'das so/ /sangs rgyas bcom ldan 'das mya ngan las 'das nas sA la'i shing shar dang nub kyi zung gnyis kyang shing gcig tu gyur/ lho dang byang gi zung gnyis kyang shing gcig tu gyur te/ rin po che'i khri la gdugs lta bur gyur nas/ de'i tshe shing de nyid kyang ngang pa'i gshog pa ltar skya bor gyur te/ yal ga dang / lo ma dang / me tog dang / 'bras bu'ang lhags/ shun pa'ang gogs/ shing nyid kyang gas nas mthar gyis bskams te lhag ma ma lus par chag go /de'i tshe phyogs bcu'i 'jig rten gyi khams grangs med pa bye ba khrag khrig klung gang+gA'i bye ma snyed kyi sa chen po shin tu g.yos nas skad chen po rnam pa sna tshogs byung ba las/ kyi hud/ kyi hud/ 'jig rten stongs so zhes mi rtag pa dang / sdug bsngal ba dang / smre sngags </font><hr>Kha502a<br><font size=+1>


@#/ /'don pa'i sgra byung ngo / /de'i tshe phyogs bcu'i 'jig rten gyi khams thams cad kyi ri btang zung dang / ri btang zung chen po dang / ri kho ra khor yug dang / ri kho ra khor yug chen po dang / ri rab lhun po dang / ri bsung can dang / rin po che'i ri dang / rdo rje'i ri dang / ri nag po dang / sa chen po la gnas pa'i ri thams cad dus gcig tu sgra byung nas thams cad rdib ste/ skad chen po 'jig rten gyi khams su grags pa las/ kyi hud/ kyi hud/ nang gcig tu 'jig rten la mgon med par gyur te/ shes rab kyi nyi ma nub nas mya ngan las 'das pa chen po'i ri 'gyel to/ /sems can thams cad kyi byams pa'i yab yang dag par 'das te/ mchod pa bya ba'i lha'ang mi mthong bar gyur to zhes grags so/ /de'i tshe phyogs bcu'i 'jig rten gyi khams thams cad kyi rgya mtsho chen po'ang 'khrug cing khol te rnyog par gyur/ dpa' rlabs drag po las skad rnam pa sna tshogs grags pa ni/ kyi hud/ kyi hud/ yang dag par rdzogs pa'i sangs rgyas 'das nas sems can gyi kha na ma tho ba'i sdig pa dang sdug bsngal ni srid pa'i gangs chen mtshor 'khor zhing 'bab par gyur te/ yang dag pa'i lam stor na/ nam zhig rnam par grol bar 'gyur zhes grags </font><hr>Kha502b<br><font size=+1>


par gyur to/ /de'i tshe gtsang po dang / chu bo dang / 'bab chu dang / lung ba dang / lung phran gyi chu dang / chu mig dang / rdzing bu dang / lteng ka dang / khron pa thams cad kyang 'bo zhing chu bskams par gyur to/ /de'i tshe phyogs bcu'i 'jig rten gyi khams kyi sa chen po dang / nam mkha'i khams kyang mun pa chen por gyur to/ /nyi zla'i 'od kyang mi snang zhing 'jig rten gyi khams thams cad mun par gyur to/ /de ma thag tu rlung nag po g.yos nas skad chen po phyung ste/ rdul dang bye mas 'tshubs par gyur to/ /de'i tshe sa chen po las skyes pa'i shing gel ba dang / nags tshal dang / rtsi shing la sogs pa'i me tog dang / 'bras bu dang / lo ma dang / yal ga thams cad kyang chag nas sa la lhags te lhag ma tsam yang ma lus par gyur to/ /de nas de ma thag tu phyogs bcu'i 'jig rten gyi khams kyi lha thams cad kyang steng gi nam mkha' la shin tu mi dga' bas dus te/ stong gsum gyi stong chen po'i 'jig rten gyi khams kyang rab tu g.yos nas rnam pa sna tshogs kyi lha'i me tog dang / lha'i spos brgya stong grangs med pa char bzhin du phab nas stong gsum gyi stong chen po'i 'jig rten gyi khams ri rab lhun po tsam du spungs te/ de bzhin gshegs pa la mchod pa byas so/ /steng gi nam mkha' la gzhan </font><hr>Kha503a<br><font size=+1>


@#/ /yang grangs med pa'i lha'i rgyal mtshan dang / lha'i ba dan dang / lha'i phreng ba dang / lha'i gdugs dang / lha'i nor bu rin po che char bzhin du phab pa ni nam mkha'i khams yongs su gang ste/ rin po che'i khang bu brtsegs mar gyur nas ngos bzhi rin po che sna bdun gyi phreng bas shin tu brgyan pa/ me tog gi 'od dang ldan pas de bzhin gshegs pa la mchod pa byas so/ /steng gi nam mkha' la gzhan yang lha'i rol mo rnga dang / gar dang / glu rnam pa mang po las/ kyi hud/ kyi hud/ sangs rgyas mya ngan las 'das pas 'jig rten stongs so/ /sems can gyi mig ldongs pas nyon mongs pa'i srin mo dar te sdug bsngal gyi 'du byed rgyun mi 'chad pas na 'khor ba'i 'khor lo rgyun du 'khor ro zhes grags so/ /de'i tshe dga' bo sems 'khrugs te myos brgyal nas de bzhin gshegs pa mya ngan las 'das sam/ mya ngan las ma 'das pa mi rtogs mi shes kyi/ 'jig rten gyi khams sngon las gyur ba 'ba' zhig mthong nas sangs rgyas mya ngan las 'das sam zhes ma 'gags pa la dris so/ /ma 'gags pas smras pa/ sangs rgyas bcom ldan 'das yongs su mya ngan las 'das so/ /de'i tshe dga' mos de skad ces smras pa thos nas sa la brgyal te ro bzhin du gyur </font><hr>Kha503b<br><font size=+1>


nas dbugs kyang mi rgyu ste/ ci'ang mi tshor ro/ /de nas ma 'gags pas dga' bo'i gdong la chu grang mos btab nas bslang ngo / /de nas thabs mkhas pa'i tshig gis spro ba bskyed pa'i phyir dga' bo la 'di skad ces smras so/ /kyi hud/ kyi hud sdug go /mya ngan chen po ma byed cig /de bzhin gshegs pa ni 'dul ba'i mdzad pa kun mdzad nas/ lha dang / mi la sogs pa thams cad kyis bzhugs su gsol kyang ma gnang gi /mya ngan chen pos sems 'khrugs par ma byed cig /kyi hud/ kyi hud/ ji ltar bya/ da ji ltar bya/ nang gcig tu lha dang mi'i ston pa mdzad pa'i mthar phyin nas bzhugs su ma gnang ngo / /da bdag cag re zhig mya ngan bsang ngo zhes spro ba bskyed nas/ dga' bo la 'di skad ces smras so/ /sangs rgyas mya ngan las 'das mod kyi/ 'on kyang ring bsrel dang / bla na med pa'i chos kyi dkon mchog 'jig rten na rtag tu bzhugs te/ sems can kyi gnas dang / rten du 'gyur ba yod de/ de bas na bdag cag gis brtson 'grus su sangs rgyas kyi chos dkon mchog sems can la byin te/ sdug bsngal las rnam par bsgral bas sangs rgyas kyi drin la lan glan par bya'o zhes smras so/ /de'i tshe dga' bo spro ba bskyed pa thos nas bags kyis sangs te/ skad brnangs ba tsam du mchi ma blags nas mya ngan gyis non to/ /de'i tshe rtswa mchog </font><hr>Kha504a<br><font size=+1>


@#/ /gi grong khyer shing sA la'i tshal kho ra khor yug dpag tshad bcu gnyis kyi nang lha dang mis yongs su gang ba ni khab kyi rtse mo tsam la'ang sems can tshad med pa snyed yod de/ bar nas stong pa med kyang gcig la gcig mi bde zhing phan tshun gnon par 'gyur ba med do/ /de'i tshe byang chub sems dpa' khrag khrig grangs med pa dang / 'khor mang po thams cad mi dran te brgyal nas de bzhin gshegs pa mya ngan las 'das sam/ mya ngan las ma 'das pa mi rtogs mi shes kyi/ sngon dang mi 'dra bar ldeg cing g.yo ba 'ba' zhig mthong nas thams cad kyis ma 'gags pa la sangs rgyas mya ngan las 'das sam zhes dris so/ /de nas ma 'gags pas 'khor mang po rnams dang / 'jig rten du bcas pa lha dang mi thams cad la sangs rgyas bcom ldan 'das ni yongs su mya ngan las 'das so zhes smras so/ /de nas 'khor grangs med pa thams cad kyis de skad ces smras pa thos nas thams cad brgyal te sa la 'gyel nas/ sdug bsngal gyis shin tu gdungs pas skad kyang mi phyin te/ la la ni sangs rgyas kyi zham ring du thal gyur shi'o/ /la la ni sems stong par gyur to/ /la la ni lus dang sems shin tu 'bar bar gyur to/ /la la ni gcig gi lag pa la gcig 'jus te skad </font><hr>Kha504b<br><font size=+1>


ba rnangs pa tsam du mchi ma blags nas dus so/ /la la ni brang la khu tshur gyis brdeg cing skad chen pos 'bod do/ /la la ni mgo la thal mos rdebs shing rang gi skra 'bal lo/ / la la ni 'di skad du/ kyi hud/ kyi hud/ sdug bsngal gyis gdungs so zhes smra'o/ /la la ni de bzhin gshegs pa mya ngan las 'das pa ha cang yang snga ches so zhes smra'o/ /la la ni bdag cag gi lha stor to zhes smra'o/ /la la ni 'jig rten stong te sems can gyi mig ldongs so zhes smra'o/ /la la ni nyon mongs pa'i srin mo mngon du byung ngo zhes smra'o/ /la la ni sems can gyi dge ba'i myu gu dang sa bon 'gags so zhes smra'o/ /la la ni bdud kyi sde rnams dga' ste go cha'ang phud do zhes smra'o/ /la la ni bdag gi lus 'di mi rtag go zhes smod do/ /la la ni yang dag par spyod pas rnam par grol bar gyur to/ /la la ni mgon dang skyabs med par gyur to zhes smra'o/ /la la ni lus las khrag mngon du zag cing sa la 'bab par gyur to/ /de'i tshe rnam pa tha dad pa'i sgra skad chen pos 'jig rten gyi khams kun g.yos par gyur te/ de'i tshe mi mjed kyi 'jig rten gyi khams kyi bdag po tshangs pa'i rgyal po chen po'ang / sangs rgyas yongs su mya ngan las 'das par shes nas lha'i 'khor dang bcas te bsam gtan dang po nas babs nas skad chen pos ngus te/ de bzhin </font><hr>Kha505a<br><font size=+1>


@#/ /gshegs pa'i spyan sngar brgyal nas sa la 'gyel to/ /ring zhig lon nas phyir sangs te/ sangs rgyas kyi spyan sngar tshigs su bcad pas 'di skad ces dus so/ /bcom ldan 'das ni sngon gyi smon lam gyis/ bdag cag phyir du mi mjed 'jig rten gshegs/ /tshad med dbang du 'gyur ba'i mthu bcas nas/ / phongs pa chos 'dod 'gro ba rnams kyang btul/ /mkhas pa'i thabs kyis ci rigs chos bstan nas/ /sems can mi bder 'gyur ba gang yang med/ /srid pa gsum gyi sdug bsngal las bton te/ mthar phyin mya ngan 'da' ba'i lam la bkod/ /bcom ldan sems can rnams la byams pa'i yum/ /sems can kun la snying brtse zho blud pa/ /ji ste thams cad nang gcig rab spangs nas/ lha mi phongs pa'i mgon ma mchis par mdzad/ /kyi hud 'gro ba'i dge ba'i myu gu yang / skye ba'i chu ni 'bab pa'i dus ma mchis/ /dge ba'i myu gu khad kyis 'gags nas su/ /sdug pa'i las kyis bsdus nas ngan song 'gro/ /'jig rten stongs so da ni ji ltar bgyi/ /sems can yang dag par shes rab mi ldong so/ /ma rig mun pa 'thom zhing 'gro bas na/ /srid pa gsum du ltung zhing 'khor bar gyur/ /sems can sdig pa mgon med ji ltar bgyi/ / </font><hr>Kha505b<br><font size=+1>


ring bsrel dag la brten nas grol bar shog /de bzhin gshegs la gsol ba'i snying rje'i mthus/ /sdug bsngal las ni grol ba'i skyabs su shog /kyi hud ji ltar 'jig rten ngan pa 'dir/ /bcom ldan bdag cag spangs nas mya ngan 'da'/ /de'i tshe brgya byin lha'i dbang phyug 'khor dang bcas te steng gi nam mkha' las babs nas/ kyi hud/ kyi hud ces skad chen po phyung ste dus nas mchi ma blags te/ de bzhin gshegs pa'i spyan sngar brgyal nas sa la 'gyel to/ /de nas ring zhig lon pa dang gdong phyir sangs te mya ngan gyis yid gdungs nas sangs rgyas kyi spyan sngar tshigs su bcad pa 'dis ngus so/ /bcom ldan bskal par dka' ba mdzad pa ni/ bdag dang 'gro ba rnams kyi slad du ste/ /bla na med pa'i byang chub rab brnyes nas/ /'gro ba kun la bu gcig bzhin du gso/ /chos sbyin sman ni sman gyi nang na mchog /nad gso sman pa'i nang na sman pa gtso/ /thugs rje chen po'i sprin gyis kun bskyabs nas/ /bdud rtsi shes rab char ni kun la phab/ /shes rab nyi ma'i 'od kyis ma rig mun pa sel/ /ma rig sems can 'phags pa'i lam yang mthong / /'phags pa'i byams pa'i 'od kyis rgyud drug snang mdzad nas/ /srid pa rnam gsum 'od kyis seg nas rnam par grol/ /ci yi slad du byams pa chen po'i thugs </font><hr>Kha506a<br><font size=+1>


@#/ /btang nas/ /mya ngan 'das so mi mthong ji ltar bgyi/ /sngon gyi thugs rje chen po'i yi dam ga re na/ /mchil ma bzhin du sems can yongs su spangs/ / bdag la sogs de sems can thams cad ni/ /ji ltar be'u dag mas bor nges par 'chi ba bzhin/ /'khor bzhi gcig gi lag la gcig 'jus nas/ /brang brdung ngu ba'i skad kyis 'jig rten gsum yang g.yos/ /kyi hud kyi hud srid par 'khor ba 'di thams cad/ /thams cad nang gcig tu ni skyabs ma mchis par gyur/ /re sdug bdag cag bsod nams zad pa rnams/ dge ba'i myu gu tshig pa rlan pa'i dus ma mchis/ /chos kyi dkon mchog ring bsrel 'od zer gyis/ /snang bar mdzad cing srid pa gsum las grol bar shog /kyi hud shin tu sdug go bdag cag rnams/ /nam zhig slar yang de bzhin gshegs pa mthong bar 'gyur/ /de'i tshe ma 'gags pa'ang mya ngan gyis gdungs te dus nas lus kyang 'dar bar gyur te/ sangs rgyas kyi spyan sngar pus mo btsugs nas tshigs su bcad pa 'di skad ces bstod do/ /sangs rgyas chos kyi rgyal pos bdag cag rab tu gsos/ /bdag cag chos kyi skom blud chos kyi sku yang bskyed/ /sems can chos kyi sku yang mngon par ma grub cing / shes rab 'tsho ba'i </font><hr>Kha506b<br><font size=+1>


tshogs kyang yong ma bsags/ /rnam pa brgyad dang ldan pa'i dbyangs kyis rab bstan cing / /'khor rnams thos nas byang chub rtogs par mdzad pa'i rigs so/ /rtag tu byams chen kha dog lnga yid 'od bkye zhing / /'khor rnams 'od kyis reg nas rnam par grol bar mdzed/ /ci yi slad du yongs su mya ngan 'das gshegs nas/ /sdug bsngal spyod pa'i sems can ci la 'jug par bgyi/ /kyi hud bcom ldan 'das ni byams pa chen po spangs/ /bdag cag mgon ma mchis pas nges par 'chi/ /bcom ldan 'das kyis thabs su bstan par 'tshal mod kyi| |bdag cag mya ngan mi bgyid pa yi gtol ma mchis/ /'khor bzhi myos shing 'khrugs te brgyal nas sems kyang stor/ /du ba'i skad kyis gnam sa 'jig rten gsum yang mgul/ /bcom ldan nyag gcig bde ba chen po la bzhugs na/ /'gro ba mang po'i sdug bsngal chen po ji ltar bgyi/ /bcom ldan 'das pa'i dus na bdag cag rnams kyi phyir/ / bskal pa mang por dbu dang phyag dang zhabs kyang btang / /bla na med pa'i byang chub mngon par sangs rgyas nas/ /ring por mi bzhugs mya ngan las ni 'da' bar gshegs/ /bdag cag 'khor bzhi ma rig thibs por gnas pas na/ /bdud kyi rgyal po dga' zhing spro bas go cha'ang bor/ /kyi hud bcom ldan 'das ni thugs rje chen po yis/ /ring bsrel byams </font><hr>Kha507a<br><font size=+1>


@#/ /pa'i 'od kyis bdag cag bskyabs par shog /'khor bzhi po la bcom ldan thugs brtse'i phyir/ /chos kyi dkon mchog phan pa zad mi shes par shog |bdag cag rnams ni 'phral du 'chi bar ma gyur te/ 'tsho ba'i lhag ma 'di tsam gyis ni ci zhig nus/ /kyi hud shin tu sdug bsngal bzod par dka'/ /da ni slan chad bcom ldan mthong ba'i dus ma mchis/ /de'i tshe dga' bo bags kyis sangs nas/ thal mo mgo la rdebs shing brang la khu tshur gyis brdebs nas skad brnangs shing sdug bsngal lus kyis mi bzod pa tsam du ngus nas sangs rgyas kyi spyan sngar pus mo btsugs te ngu ba'i tshigs su bcad pa 'di skad ces gsol to/ /bdag sngon bcom ldan 'das dang smon lam mthu gcig pas/ /mthun par gcig tu shAkya'i rigs su skyes par gyur/ /de bzhin gshegs pa mngon par byang chub sangs rgyas nas/ /bdag gis lo ni nyi shu lhag gcig g.yog kyang bgyis/ /dad pa'i sems kyis bsnyen par bgyi ba ma ngoms bzhin/ /nang gcig bor nas yongs su mya ngan 'da' bar gshegs/ / kyi hud kyi hud sdug bsngal chen pos gdungs par gyur/ /yun du sdug bsngal gyis ni sems kyang rab tu gzir/ /bdag gi lus kyang srid pa'i dra ba las ma grol/ /ma </font><hr>Kha507b<br><font size=+1>


rig pa yi sgo nga las kyang phyir ma byung / /bcom ldan 'das kyis ma rig sgo nga ma bcag par/ /ci yi slad du yongs su mya ngan 'da' bar gshegs/ /bdag ni gsar du btsas pa'i bu dang mtshungs pa la/ /ma yis bor na gdon mi 'tshal bar 'chi bar 'gyur/ /ci yi slad du bcom ldan 'das kyis yongs su spangs nas/ /nyag gcig khams gsum las ni 'das nas bde bar bzhugs/ /bcom ldan 'das la bdag gis 'gyod cing mthol ba ni/ /dgung lo nyi shu'i bar du zham ring 'tshal ba na/ /spyod lam bzhi po le lo'i dbang du gyur pas na/ /'phags pa'i thugs dang 'gal zhing mnyes par ma bgyis pa/ /yang dag rdzogs pa'i sangs rgyas thugs rje chen po yis/ /bdag la bdud rtsi stsal cing bde ba mdzad par shog /bdag gis phyi ma'i bskal pa mtha' yi bar du yang / /rtag tu bcom ldan 'das kyi zham ring byed par shog /bcom ldan 'das ni thugs rje chen po'i 'od zer gyis/ /thams cad 'jig rten khams su bdag ni skyob par shog /kyi hud kyi hud tshig gis brjod mi nus/ /'phags pa'i drin smrar skad kyang mi phyin to/ /de'i tshe klung gang+gA grangs med pa bye ma snyed kyi byang chub sems dpa' dang / 'jig rten du bcas pa lha dang mi thams cad gcig gi lag pa la gcig gis 'jus nas shin tu ngu zhing cho nges 'don </font><hr>Kha508a<br><font size=+1>


@#/ /pa las so so nas spro ba bskyed de/ ci nus kyis grangs med pa'i lha'i spos dang / lha'i me tog mnad ra ba dang / mnad ra ba chen po dang / mnyadzu sha ka dang / m+ny+dzu sha ka chen po dang / grangs med pa'i lha dang mi'i 'jig rten gyi rgya mtsho ngos kyi tsan+dan dang / a ka ru dang / rna pa brgya stong snyed kyi spos sbyar ma dang / grangs med pa'i byug /spos dang / spos chu dang / rin po che'i gdugs dang / rin po che'i rgyal mtshan dang / rin po che'i ba dan dang / mu tig dang / do shal nam mkha'i khams yongs su gang ba bcom ldan 'das kyi spyan sngar phab nas mchod pa byas so/ /de'i tshe rtswa mchog gi grong khyer gyi skyes pa dang / bud med dang / khye'u dang / bu mo thams cad kyis kyang shin tu dus nas so so nas grangs med pa'i me tog dang / spos dang / rgyal mtshan dang / gdugs la sogs pa snga ma bas shin tu lhag par sbyar te/ de bzhin gshegs pa'i spyan sngar phab nas mchod pa byas so/ /de'i tshe phyogs bzhi'i mgon po bzhi lha'i 'khor dang bcas te shin tu ngus nas so so nas grangs med pa'i me tog dang spos la sogs pa mchod pa'i yo byad snga ma bas sum 'gyur gyis lhag pa bshams nas ngus bzhin du de bzhin gshegs pa'i spyan sngar lhags te mchod pa byas so/ /gnam </font><hr>Kha508b<br><font size=+1>


rim pa lnga'i lhas kyang de bzhin du snga ma bas shin tu lhag pa bshams/ gzugs kyi khams dang / gzugs med pa'i khams kyi lha rnams kyang mchod pa'i yo byad snga ma bas shin tu lhag pa bshams nas mchod pa byas so/ /de'i tshe rtswa mchog gi grong khyer na gnas pa'i skyes pa dang / bud med mchi ma blags te ngus nas/ mngang ji ltar btang ba mi shes nas dga' bo la 'di skad ces smras so/ /de bzhin gshegs pa yongs su mya ngan las 'das na ji lta bu'i tshul du mdang gtang bar bgyi/ /de nas brgya byin lha'i dbang phyug gis gong du bcom ldan 'das kyis gsungs pa bzhin du/ /'khor los bsgyur ba'i rgyal po'i mdang btang ba bzhin bya'o zhes smras so/ /de'i tshe rtswa mchog gi grong khyer gyi mi thams cad 'dus te grong khyer du zhugs nas lcags kyi sgrom byas te/ rin po che sna bdun gyis brgyan nas/ rin thang med pa'i ras dkar po bzang po yug stong dang grangs med pa'i shing bal shin tu 'jam pa'ang bshams so/ /gzhan yang grangs med pa'i shing tsan+dan dang / a ka ru dang / gzhan yang khri phrag brgya stong snyed kyi spos sbyar ma dang / spos kyi 'dag gu dang / spos chu dang / gdugs dang / ba dan dang / me tog la sogs pa/ sprin ltar nam mkha' la yongs su gang ba mtho khyad ri rab lhun po tsam bshams so/ /de lta bu dag bshams </font><hr>Kha509a<br><font size=+1>


@#/ /nas mchi ma blags te de bzhin gshegs pa'i spyan sngar phab nas/ mya ngan gyis yid gdungs bzhin du mchod pa byas so/ /de'i tshe rtswa mchog gi grong khyer gyi mi thams cad dang / /'khor mang po thams cad kyang mchi ma blags te ngus nas/ gzhan yang tshad med pa snyed kyi spos dang / me tog dang / rgyal mtshan dang / gdugs la sogs te mchod pa'i yo byad sprin lta bur nam mkha' yongs su gang bar bshams nas gcig gi lag pa la gcig 'jus te/ brang la khu tshur gyis rdeg cing cho nge'i sgras stong chen po'ang g.yos te/ de bzhin gshegs pa'i spyan sngar phab nas mchod pa'i yo byad kyis mchod pa byas so/ /de'i tshe 'khor mang po rnams skad brnangs pa tsam gyis ngus nas/ /bkur stir bya ba'i phyir so so nas ras dkar po'i sleb mos de bzhin gshegs pa'i sku bteg ste/ lcags kyi sgrom gyi nang du bcug nas mar bsung can gang bar blugs te| sgrom gyi kha bcad do/ /de'i tshe rtswa mchog gi grong khyer gyi pho mos thams cad kyang bsod nams 'dod pa'i phyir/ /de bzhin gshegs pa'i yon tan 'dod pa'i phyir lha dang / mi dang / 'khor mang pos de bzhin gshegs pa'i pur sgrom 'degs su ma bcug gi/ kun gyis bgros nas zla med pa'i gyad stobs po che bzhis 'de gas par byas so/ /gyad bzhi pos gos </font><hr>Kha509b<br><font size=+1>


dang rgyan bkrol te de bzhin gshegs pa'i pur sgrom 'degs pa'i phyir grong khyer gyi nang du 'ongs te/ mchod pa byas nas mthu ci yod pas bteg kyang ma theg go /de nas grong khyer de'i gyad stobs po che brgyad kyis pur sgrom 'degs par byas te/ so so'i gos dang rgyan bkrol nas mchod pa byas te mthu ci yod pas rtsal kyang ma theg go/ /de nas grong khyer de'i stobs po che bcu drug gis 'degs par byas te gos dang rgyan bkrol nas/ sangs rgyas kyi sgrom 'degs par rtsal kyang theg par ma gyur to/ /de'i tshe ma 'gags pas stobs po che rnams la 'di skad ces smras so/ /ji ste grong khyer 'di'i nang gi skyes pa dang / bud med dang / khye'u dang / bu mo thams cad kyis de bzhin gshegs pa'i pur sgrom grong khyer gyi nang du bkur bar rtsol yang mi theg na/ khyed 'ba' zhig gis mi theg pa lta ci smos te/ khyed rnams kyis 'khor mang po dang lha rnams kyi stobs kyis bstang bar gsol te sgrom ba teg na/ grong khyer du bkur nus par 'gyur ro zhes ma 'gags pas smras ma thag tu/ de'i tshe brgya byin lha'i dbang phyug rin po che sna bdun gyi gdugs dam pa dang / grangs med pa'i me tog dang / spos dang / rgyal mtshan dang / ba dan dang / lha'i rol mo bshams nas/ lha'i 'khor dang bcas </font><hr>Kha510a<br><font size=+1>


@#/ /te shin tu ngus nas nam mkha' las 'phags te/ 'phags pa'i bur sgrom la mchod pa byed do/ /gnam rim pa drug gi lha dang / gzugs kyi khams kyi lha rnams kyang brgya byin lha'i dbang phyug dang 'dra bar pur sgrom la mchod pa byed do/ /de'i tshe bcom ldan 'das kun la thugs rjes khyab par mdzad cing / 'jig rten du bcas pa thams cad kyi mnyam par bsod nams khyad par med par mdzad pa'i phyir shing sA la'i tshal nas/ bur sgrom shing ta la gcig gi srid du steng gi nam mkha' la 'phags nas gshegs par gyur gyi/ rtswa mchog gi grong khyer gyi mi thams cad dang / 'jig rten du bcas pa lha dang / mi dang / 'khor thams cad kyis kyang sangs rgyas kyi sgrom bteg par ma gyur to/ /de'i tshe brgya byin lha'i dbang phyug 'khor rnams dang bcas te/ rin po che sna bdun gyi gdugs chen po rin po che'i ka ba bzhi dang ldan pa rin po che sna bdun gyi do shal gyis ngos bzhi brgyan pa/ steng gi nam mkha' las de bzhin gshegs pa'i sgrom khebs par byas nas/ grangs med pa'i spos dang / me tog dang / rgyal mtshan dang / ba dan dang / do shal dang / lha'i rol mo dang / dar gyi lda ldi sna tshogs kyis nam mkha' la mchod pa byas so/ /gnam </font><hr>Kha510b<br><font size=+1>


rim pa drug gi bar gyi lha dang / gzugs kyi khams kyi lha rnams kyang mchod pa'i yo byad brgya byin pas lhag par bshams nas de bzhin gshegs pa'i bur sgrom la mchod pa byas so/ /de'i tshe rtswa mchog gi grong khyer gyi mi thams cad kyis/ de bzhin gshegs pa'i pur sgrom steng gi nam mkha' la 'phags pa mthong nas brang brdungs te skad chen po phyung nas dus so/ /de'i tshe lha dang mi thams cad kyis de bzhin gshegs pa'i pur sgrom la mchod pa bya ba'i phyir rin po che sna bdun dang / mu tig dang / me tog dang / spos dang / do shal dang / dar gyi lnga ldi rnam pa mang po sprin bzhin du nam mkha'i khams yongs su gang bar byas te shin tu ngus nas/ de bzhin gshegs pa'i rin po che sna bdun gyi pur sgrom la mchod de/ thams cad skad mthun par kyi hud/ kyi hud/ bdag cag la bsod nams ma mchis pas de bzhin gshegs pa'i pur sgrom ma theg ste/ bdag cag la mgon skyabs ma mchis/ dge ba'i rtsa ba'i skal pa ma mchis so zhes smras so/ /de'i tshe bcom ldan 'das kyi gser gyi pur sgrom shing sA la'i tshal gyi nam mkha' las dal gyis gshegs te/ rtswa mchog gi grong khyer gyi nub sgor zhugs so/ /de'i tshe rtswa mchog gi grong khyer na gnas pa'i dge bsnyen ma thams </font><hr>Kha511a<br><font size=+1>


@#/ /cad dang / byang chub sems dpa' dang / nyan thos grangs med pa/ lha dang / mi dang / 'khor mang pos steng gi nam mkha' dang / sa la yongs su gang bar de bzhin gshegs pa'i pur sgrom gyi phyi bzhin dong nas /gcig gi lag pa la gcig gis 'ju zhing skad chen po phyung ste ngus nas brang la khu tshur gyis brdegs te/ so so nas grangs med pa'i me tog dang / spos dang / rin po che'i rgyal mtshan dang / ba dan dang / gdugs kyis sa'i steng dang / nam mkha' yang yongs su gang bar bshams te/ de bzhin gshegs pa'i pur sgrom la mchod par byed do/ /rtswa mchog gi grong khyer ni ngos gcig kyang dpag tshad bzhi bcu rtsa brgyad yod do/ / de'i tshe de bzhin gshegs pa'i rin po che sna bdun gyi pur sgrom steng gi nam mkha' la dal gyis gshegs te/ rtswa mchog gi grong khyer gyi shar sgo nas byung nas/ g.yas phyogs nas 'khor te grong khyer gyi lho sgor zhugs so/ /de nas bags kyis nam mkha' la gshegs te/ byang sgo nas g.yas phyogs su 'khor te nub sgor zhugs so/ /de bzhin du lan gsum gyi bar du bskor nas steng gi nam mkha' la dal gyis gshegs te/ phyir yang nub sgor zhugs nas shar sgor byung ste/ g.yas </font><hr>Kha511b<br><font size=+1>


nas bskor nas byang sgor zhugs so/ /de nas yang nam mkha' la dal gyis gshegs te/ lho sgor byung nas g.yas nas bskor te byang sgor zhugs nas lan bzhi bskor to/ /de bzhin du g.yas phyogs nas grong khyer rtswa mchog lan bdun gyi bar du bskor te/ /de'i tshe rin po che sna bdun gyi pur sgrom grong khyer gyi nang du zhugs pa na 'khor mang po thams cad mchi ma blags te ngus nas so so nas grangs med pa'i spos kyi shing tsan+dan dang / rin po che'i spos kyi shing ri mo dang bsung du ldan pa 'jig rten gyi khams kun bro bar byed pa thogs shing gzhan yang rin po che'i rgyal mtshan dang / ba dan dang / gdugs dang / spos dang / me tog dang / do shal grangs med pa bshams te/ de bzhin gshegs pa'i mdad mdzad pa'i gnas su mchod pa byas so/ /de'i tshe phyogs bzhi'i mgon po chen po dang / lha'i 'khor dang bcas te ngus nas lha rdzas kyi tsan+dan dang / a ka ru phyi nang kun bsung dang ldan pa/ bsung gis mdad pa sngoms shing rta'i 'khor lo tsam lnga brgya dang / de ma yin pa'i rin po che'i spos dang / rin po che'i rgyal mtshan dang / rin po che'i gdugs dam pa dang / me tog gi phreng ba la sogs pa bshams te/ mchod pa bya ba'i phyir mdad mdzad pa'i gnas su lhags so/ /gnam rim pa gnyis kyi lhas ni shing stong bshams so/ /gnam rim </font><hr>Kha512a<br><font size=+1>


@#/ /pa gsum pa'i lhas ni shing nyis stong bshams so/ /rim pa bzhi pa'i lhas ni shing sum stong bshams so/ /rim pa lnga pa'i lhas ni shing bzhi stong bshams so/ /rim pa drug pa'i lhas ni shing lnga stong snyed bshams te/ so so nas ba dan dang / me tog la sogs pa thogs te dus nas mchod pa bya ba'i phyir mdad mdzad pa'i gnas su lhags so/ /de'i tshe gzugs yod pa'i khams dang / gzugs med pa'i khams kyi lha rnams ni spos dang / me tog 'ba' zhig thogs te/ mdad mdzad pa'i gnas su lhags nas mchod pa byed do/ /de nas 'jig rten du bcas pa 'khor mang po rnams kyang / so so nas spos tsan+dan gyi shing dang / a ga ru dang / me tog dang / spos dang / ba dan dang / gdugs la sogs pa thogs te/ ngus nas mchod pa bya ba'i phyir mdad kyi gnas su lhags so/ /de'i tshe ma 'gags pa mig mchi mas gang ste drag tu dus nas/ lha dang mi rnams las shing tsan+dan dang / a ga ru drug stong snyed ri mo dang / bsung du ldan pa/ kun tu shin tu mdad pa bslangs nas mdad kyi gnas su bzhag go /mtsho ma dros pa ngos bzhi chu zheng gab pa dpag tshad nyis brgya yod de/ gtsang po chen po bzhi 'bab bo/ /bcom ldan 'das thog ma mngon par sangs rgyas </font><hr>Kha512b<br><font size=+1>


pa na gtsang po gang+gA'i byang phyogs kyi 'gram na tsan+dan gyi shing drung gcig skyes te/ sboms khyad shing rta'i 'khor lo tsam la gnam 'phang du shing ta la bdun srid de/ bsung shin tu mdad pas de bzhin gshegs pa la mchod pa byed do/ /shing de'i lha yang shing de dang cig car skyes te/ rtag tu spos des sangs rgyas kun la mchod par byed do/ /sangs rgyas mya ngan las 'das pa na tsan+dan gyi shing de'ang lo ma dang shun pa lhags nas bskams te shing gi lha yang der shi'o/ /de nas lha gzhan rnams kyis shing de blangs nas mdad kyi gnas su bskyal te mchod pa byas so/ /sa gzhi de ni dus gsum gyi sangs rgyas thams cad kyi mdad kyi gnas te/ sangs rgyas bcom ldan 'das sngon gyi smon lam gyi mthus gnas de nyid du mdad mdzad do/ /gnas de na sngon gyi sangs rgyas rnams kyi rin po che'i mchod rten yang grangs med pa zhig yod do/ /gnas de ni rdo rje ltar mi 'jig cing shin tu brtan pa'o/ /de'i tshe de bzhin gshegs pa'i pur sgrom nam mkha' la dal gyis gshegs te mdad kyi gnas su phyin pa dang / bags kyis je dma' je dma' nas rin po che sna bdun gyi khri dar gyi lda ldi dang / do shal yongs su brgyan pa la gshegs te/ de nas de'i bar du zhag bdun 'das so/ /de'i tshe rtswa mchog gi grong khyer gyi skyes pa dang / bud med thams cad dang / grangs med </font><hr>Kha513a<br><font size=+1>


@#/ /pa'i byang chub sems dpa' dang / nyan thos dang / sum cu rtsa gsum gnam gyi lha thams cad mya ngan gyis yid gdungs te rab tu dus nas ba dan dang / gdugs dang / rin po che'i rgyal mtshan dang / spos dang / me tog la sogs pa thogs te/ sangs rgyas kyi pur sgrom gyi phyi bzhin zhag bdun gyi bar du 'brang yang sangs rgyas kyi byin gyi rlabs kyis lha dang mi thams cad la skom pa dang bkres pa'i 'du shes med de/ zas mi sems kyi/ de bzhin gshegs pa dran pa'i phyir du ba 'ba' zhig byed do| |de bzhin gshegs pa'i pur de ltar zhag bdun lon nas sgrom gyi nang nas phyir dbyung ba na rtswa mchog gi grong khyer gyi skyes pa dang / bud med dang / 'khor grangs med pa tham cad kyis ngus pa'i sgras 'jig rten gyi khams kyang g.yos nas/ gzhan yang me tog dang / spos dang / lha'i rgyal mtshan dang / gdugs dang / grangs med pa'i lha'i rol mo mang pos sangs rgyas kyi pur la dus te mchod pa byas so/ /de'i tshe 'khor mang po rnams mchi ma blags nas ras dkar po 'jam pos lag pa dkris te bsti stang dang bcas pa'i sems kyis rin po che'i sgrom nas de bzhin gshegs pa'i sku gser btso ma'i kha dog dang ldan pa/ mtshan sum cu rtsa gnyis dang / dpe byad bzang po brgyad cur ldan pa/ rdo rje ltar mi </font><hr>Kha513b<br><font size=+1>


'jig pa'i chos can dal gyis phyung ste/ rin po che sna bdun gyi khri la bzhag go /de'i tshe na 'khor mang po rnams shin tu dus pas phyogs bcu'i 'jig rten gyi khams kun g.yos par gyur to/ /gzhan yang spos dang / me tog dang / gdugs dang / rol mo la sogs pas mchod pa byas nas ngus so/ /des 'khor mang po rnams du zhing mchi ma blags nas so so nas spos chu dang / byug spos grangs med pa snyed kyis de bzhin gshegs pa'i sku mtshan sum cu rtsa gnyis dang / dbe byad bzang po brgyad cu dang ldan pa/ bsod nams dang ye shes kyi tshogs tshad med pa dang ldan pa/ rdo rje lta bur mi 'jig pa/ gser btso ma'i kha dog lta bu/ dbu dang zhabs kyi bar du bkrus so/ /de nas rin po che'i sgrom yang yongs su dag par bkrus so/ /de'i tshe 'khor mang po rnams shin tu dus te mchi ma blags nas lha'i spos dang / rin po che sna bdun gyi me tog gis gtor nas grangs med pa'i rin po che rgyal mtshan dang / gdugs dang / ba dan nam mkha'i khams yongs su gang bas mchod pa byas nas ngus so/ /de nas 'khor mang po rnams ngus bzhin du grangs med pa'i shing bal thogs nas de bzhin gshegs pa'i sku gser btso ma lta bu dkris so/ /de ltar shing bal gyis dkris pa'i steng du rin thang med pa'i ras dkar po yug stong gis de bzhin </font><hr>Kha514a<br><font size=+1>


@#/ /gshegs pa'i sku dkris so/ /de ltar dkris nas 'khor mang po rnams brgyal ba tsa ma du shin tu ngus nas/ gzhan yang rin po che'i me tog dang / spos dang / rin po che'i rgyal mtshan dang / rin po che'i gdugs dang / lha'i rol mo la sogs pas mchod pa byas te ngus so/ /de nas 'khor mang po rnams ngus bzhin du so so nas ras dkar po sleb mos de bzhin gshegs pa'i sku bteg nas rin po che'i sgrom gyi nang du bcug ste/ mar bsung can gyis bkang nas sgrom gyi kha bcad do/ /de nas 'khor mang po rnams shin tu ngu ba'i sgra 'jig rten gyi khams kun tu grags par gyur te/ gzhan yang me tog dang / spos dang / ba dan dang / gdugs dang / rol mo la sogs pas rin po che'i sgrom la mchod nas ngus so/ /de nas 'khor mang po thams cad kyis bsags pa'i spos kyi shing dri bsung shin tu mdad pa ri rab lhun po tsam brtsigs te bcer ba spos kyi khang pa brtsegs pa lta bur gyur nas ngos bzhi rin po che sna bdun gyis brgyan cing gdugs dang / rgyal mtshan dang / ba dan dang / spos dang / me tog dang / do shal dang / dar gyi lda ldi sprin lta bur nam mkha'i khams yongs su gang ba tsam gyis brgyan nas lha'i rol mo'i mchod pa byas so// //'phags pa yongs su mya ngan las 'das </font><hr>Kha514b<br><font size=+1>


pa chen po'i mdo/ bam po lnga bcu drug pa ste tha ma/ de nas lha dang / mi dang / 'khor rnams kyis pur sgrom bteg ste/ spos kyi khang pa brtsegs ma'i steng du bzhag pa na shin tu skad chen po phyung ste brang brdungs nas ngus pa'i sgra chen pos stong chen po'i 'jig rten gyi khams su grags shing g.yos par gyur te/ gzhan yang rin po che'i rgyal mtshan dang / gdugs dang| spos dang / me tog dang / lha'i rol mos mchod nas ngus so/ /de nas bsti stang bya ba'i phyir so so nas ras dkar po'i sleb mos de bzhin gshegs pa'i pur sgrom bteg ste/ shin tu brgyan pa'i spos kyi shing gi steng du bzhag nas cho nges 'don zhing brgyal to/ /de nas phyir sangs nas 'di skad du/ kyi hud/ kyi hud/ 'jig rten na mgon dang skyabs med par gyur to zhes smras nas mchi ma blags te/ me tog dang / spos dang / rin po che'i rgyal mtshan dang / ba dan dang / gdugs dang / lha'i rol mos mchod pa byas so/ /de nas de bzhin gshegs pa'i pur sgrom spos kyi shing gi steng du bzhag ste/ me gtong ba na 'khor mang po thams cad shin tu ngus te/ stong chen po'i 'jig rten gyi khams su grags par gyur te/ ngus nas de bzhin gshegs pa'i pur sgrom de la mchod pa byas so/ /de nas 'khor mang po rnams ngus nas rin po che sna bdun gyi spos kyi sgron me shing rta'i 'khor </font><hr>Kha515a<br><font size=+1>


@#/ /lo tsam 'jig rten gyi khams snang bar byas nas thams cad dus gcig tu skad chen po phyung ste ngus pas stong chen po'i 'jig rten gyi khams thams cad g.yos nas me tog dang spos kyis yongs su mchod pa byas so/ /de'i tshe rin po che'i sgron me spos kyi shing brtsigs pa'i drung du phyin ma thag tu rang shi'o/ /de nas lha thams cad kyis kyang bla na med pa'i rin po che sna bdun gyi me chen po thogs te/ me'i 'od kyis kun tu snang bar byas nas ngus bzhin du spos kyi shing brtsigs pa'i drung du phyin ma thag tu me de'ang rang shi'o/ /de nas rgya mtsho'i lha thams cad kyang rgya mtsho'i nang gi me rin po che sna bdun gyi sgron me'i 'od zer grangs med pa dang ldan pa thogs te/ spos kyi shing brtsigs pa la bsregs na me de'ang rang shi'o/ /de'i tshe 'khor mang po rnams shin tu ngus nas mchod pa thams cad kyis mchod de/ de bzhin gshegs pa mdzad pa ci'i mthar mkhyen na/ spos kyi shing la me mched du ma btub pa ma rtogs so/ /de'i tshe bcom ldan 'das kyis thugs rje chen po kun la khyab pa 'od srung gi 'khor la gzhes te gdod zhugs kyis bzhen to/ /de'i tshen 'od srung chen po 'khor lnga brgya dang bya rgod spungs pa'i ri la 'khod do/ /ri de rtswa mchog grong khyer nas dpag tshad lnga </font><hr>Kha515b<br><font size=+1>


bcu yod de/ de na lus dang sems rab tu zhi ba'i ting nge 'dzin la zhugs pa las dngangs nas lus kyang 'dar zhing g.yos so/ /de nas ting nge 'dzin las byung ste bltas na sa dang ri kun rab tu g.yos pa mthong nas de bzhin gshegs pa mya ngan las 'das par shes te/ 'khor rnams la 'di skad ces smras so/ /nga'i ston pa chen po yongs su mya ngan las 'das nas zhag bdun lon te/ sgrom gyi nang du'ang bcug go /kyi hud/ kyi hud/ myur du de gzhin gshegs pa gang na bar dong ngo / /gal te zhugs la bzhen par gyur na de bzhin gshegs pa'i sku mtshan sum cu rtsa gnyis dang / dpe byad bzang po brgyad cur ldan pa yongs su dag pa mthong bar mi 'gyur ro zhes smras nas 'od srung gis bcom ldan 'das la bsti stang bya ba'i phyir/ rdzu 'phrul gyis nam mkha' la ma song gi /'khor dang bcas te lam du zhugs nas de bzhin gshegs pa gang na bar myur du dus bzhin du song nas zhag bdun gyis rtswa mchog gi grong khyer du phyin to/ /grong khyer gyi shar sgor bram ze zhig lha'i me tog gcig thogs te 'ongs pa dang phrad nas 'od srung gis de la kye ga las 'ongs zhes dris so/ /des smras pa/ bdag sangs rgyas mya ngan las 'das pa zhugs la bzhen pa'i gnas nas 'ongs so/ /zhes smras so/ //'od srung gis me tog 'di dag ga las </font><hr>Kha516a<br><font size=+1>


@#/ /rnyed ces dris na zhugs la bzhen pa'i gnas su lha'i me tog 'di rnyed do zhes smras so/ /'od srung gis me tog 'di kho bo bslang ngo zhes smras na mi rung ngo / /bdag 'di gnyen pa rnams bsten cing khyim du mchod pa byar 'gro'o zhes smras so/ /'od srung gis cung blta'o zhes smras nas lag gis blangs te/ spyi bo la bzhag ma thag der brgyal te sa la 'gyel to/ /ring zhig lon pa dang phyir sangs nas ngus te/ de bzhin gshegs pa'i sku dpe byad bzang po brgyad cu dang ldan pa/ gser btso ma'i kha dog lta bu de phyin chad mi mthong ngo zhes smras nas/ 'khor dang bcas te grong khyer rtswa mchog gi byang sgor zhugs te/ grong khyer gyi nang du phyin nas dge slong gi gnas shig tu zhugs nas dge slong dag cig 'dus shing 'khod pa dag mthong ngo / /dge slong de dag gis 'od srung la khyod lam ring po nas 'ongs na nyon mongs shing mi bde bar ma gyur tam/ bde bar 'dug la bsod snyoms sdod cig ces smras so/ /'od srung gis smras pa/ kho bo'i ston pa chen po mya ngan las 'das na/ bdag brod pa ci zhig yod de| 'dir bde bar 'dug cing bsod snyoms bsdad du rung ngam/ dge slong rnams kyis smras pa/ khyod kyi ston pa su yin/ 'od srung gis smras pa/ ci khyed mi shes sam/ kyi </font><hr>Kha516b<br><font size=+1>


hud| bdag gi ston pa ni sangs rgyas bcom ldan 'das yin te/ da yongs su mya ngan las 'das so/ /dge slong rnams kyis de skad ces thos nas so so nas 'di skad ces smras so/ /legs so/ |legs so/ /de bzhin gshegs pa 'jig rten na bzhugs na tshul khrims dam pas bdag cag mi bzod de/ bdag cag de bzhin du spyod mi nus pa las/ da mya ngan las 'das nas tshul khrims bsdams pa'ang da lhod par gyur gyi/ re zhig ma rings par bsod snyoms sdod cig ces smras so/ /sangs rgyas kyi byin gyi rlabs kyis lha rnams dang / 'od srung gi 'khor rnams rna ba 'gags par byas pas dge slong sdig can rnams kyis smras pa'i tshig thos par ma gyur gyi/ 'od srung 'ba' zhig gis thos so/ /de nas 'od srung 'khor rnams dang bcas te shin tu dus nas sangs rgyas ga na bar myur bar song ngo / /de'i tshe 'od srung 'khor dang bcas te 'di snyam du bsams so/ /bdag cag gis ji lta bur mchod pa'i yo byad rnyed cing sangs rgyas la mchod par 'gyur snyam bsams nas 'od srung gis 'di skad ces smras so/ /bdag kyang grong khyer 'dir skyes te/ mchod pa'i yo byad bslangs na rnyed par 'gyur yang dag snyam nas 'khor rnams dang bcas te grong khyer der mthar gyis bslangs so/ /mthar gyis bslangs nas ras dkar po bzang po yug stong yang rnyed/ de ma yin pa gzhan </font><hr>Kha517a<br><font size=+1>


@#/ /yang shing bal grangs med pa dang / tshad med pa'i me tog rin po che dang / byug spos dang / spos chu dang / spos kyi mar dang / rin po che'i rgyal mtshan dang / rin po che'i gdugs dang / ba dan dang / rol mo dang / do shal rnam pa sna tshogs dang / dar gyi lda ldi la sogs pa rnyed do/ /de nas 'od srung 'khor dang bcas te mchod pa'i yo byad ci rnyed pa thogs nas myur bar grong khyer gyi nub sgor byung nas 'od srung gis zhugs la bzhen pa'i gnas na/ 'khor mang po thams cad shin tu ngu zhing cho nges 'debs pa'i sgra'ang thos| kun gyis brgya byin dbang phyug la de mchod pa ni byas na bzhen pa'i me ga las rnyed ces 'dri ba dang / brgya byin gyis 'khor mang po rnams la re zhig 'od srung la bsdad dgos so zhes bya ba'ang thos te/ brgya byin gyis 'khor mang po rnams la de skad ces smras pa thos ma thag tu 'od srung chen po 'khor dang bcas te ngu bzhin du der lhags so/ / 'khor gyi dkyil 'khor rnams kyis go phye nas 'od srung gis rgyang nas sangs rgyas kyi pur sgrom mthong ba dang / 'khor dang bcas te phyag btsal nas shin tu ngus te cho nges btab nas brgyal lo/ /de nas ring zhig lon nas phyir sangs te bags kyis drung du bsnyen nas/ 'khor mang po rnams la 'di skad ces smras so/ /bdag gis ji lta bur 'phags pa'i pur </font><hr>Kha517b<br><font size=+1>


sgrom dbye bar bgyi 'khor rnams kyis smras pa/ bcom ldan 'das yongs su mya ngan las 'das nas de ring du zhag bdun gsum lon te/ de tsam zhig pa snyam na ji ltar sgrom dbye bar bya| 'od srung gis smras pa/ de bzhin gshegs pa'i sku ni rdo rje lta bur sra ba/ brtan pa/ rtag pa/ bde ba/ yongs su dag pa/ mi 'jig pa ste/ yon tan gyi bsung shin tu mngad pa/ tsan+dan gyi dri lta bu yin no zhes smras nas shin tu ngus te/ de bzhin gshegs pa'i pur sgrom gyi drung du bsnyen to/ /de'i tshe de bzhin gshegs pa'i thugs rje chen po kun la snyoms pas 'od srung gi phyir pur sgrom kyi kha rang bye nas ras dkar po stong gis dkris pa dang shing bal gyi dkris pa'ang rang grol te/ mtshan sum cu rtsa gnyis dang / dpe byad bzang po brgyad cus brgyan pa/ gser btso ma'i kha dog lta bu/ sra zhing brtan pa'i sku 'od srung la mngon par bstan to/ /'od srung 'khor dang bcas pas de lta bu dag mthong nas shin tu ngus de brgyal nas 'gyel te/ /de nas ring zhig lon pa dang phyir sangs nas mig mchi mas gang bzhin du 'khor rnams dang bcas te/ spos kyi shing brtsigs ba la 'dzegs nas/ pur sgrom la shin tu bsnyen te cho nges btab nas me tog dang / spos dang / rgyal mtshan dang / gdugs dang / ba dan dang / do shal dang / rol mo la sogs pas mchod de/ byug spos dang / spos chus de bzhin </font><hr>Kha518a<br><font size=+1>


@#/ /gshegs pa'i sku gser btso ma'i kha dog lta bu bkrus nas spos kyis bdugs shing / me tog gis gtor te ngus nas mchod pa byas so/ /de ltar bkrus nas 'od srung 'khor dang bcas te ci rnyed pa'i shing bal gyis de bzhin gshegs pa'i sku dkris so/ /de'i steng du shing bal rnying gis kyang dkris so/ /de'i steng du bslangs pa'i ras dkar po yug stong gis dkris so/ /de'i steng du ras rnying pa stong gis kyang dkris so/ /de ltar rim pa du mar de bzhin gshegs pa'i sku dkris nas pur sgrom gyi kha'ang bcad de/ rin po che sna bdun gyis shin tu brgyan te/ de'i tshe 'od srung shin tu ngus nas 'khor dang bcas te g.yas phyogs nas lan bdun bskor te/ mig mchi mas gang bzhin du thal mo sbyar te/ pus mo g.yas pa'i lha nga sa la btsugs nas tshigs su bcad pa 'di skad ces smras so/ /kyi hud kyi hud 'phags pa bcom ldan 'das/ /bdag ni sdug bsngal shin tu gdungs par gyur/ /thugs rje chen pos bdag la mi gzhes par/ /ci yi slad du myur bar mya ngan 'das/ /bya rgod spungs pa'i ri la snyoms par zhugs pa na/ /kun tu bltas kyang de bzhin gshegs ma mthong / /bltas na bcom ldan mya ngan 'das mthong nas/ /shin tu 'dar te sems kyang dngangs par gyur/ /'jig rten khams kyang mun </font><hr>Kha518b<br><font size=+1>


par gyur nas su/ /ri dang sa chen dag kyang rab tu g.yos/ /bcom ldan mya ngan 'das par der rtogs te/ /myur du mchis kyang bcom ldan 'das ma mthong / /bcom ldan thugs rjes bdag lam khyab pas/ /bdag gis sangs rgyas mya ngan 'das ma mthong / /bdag la bstan pa gsung gcig ma bzhag pas/ /bdag la mgon ma mchis na ci la gnas/ /bcom ldan bdag ni sdug bsngal shin tu gdungs/ /sems kyang myos nas shin tu slad par gyur/ /bdag gis bcom ldan dbu la phyag 'tshal lam/ /'on te bcom ldan dpal be'u la phyag 'tshal/ / 'on te 'phags pa'i phyag la phyag 'tshal lam/ /'on te bcom ldan rked pa la phyag 'tshal/ /de bzhin gshegs pa'i zhabs la phyag 'tshal lam/ /'on te bcom ldan lte ba la phyag 'tshal/ /kyi hud bcom ldan mya ngan 'das ma mthong / /bdag la phyag 'tshal gnas ni bstan du gsol/ /bcom ldan bzhugs na 'khor rnams kun la bde/ /mya ngan 'das na thams cad sdug bsngal non/ /kyi hud kyi hud sdug bsngal shin tu gdungs/ /thugs rje chen po phyag gnas bstan du gsol/ /de'i tshe 'od srung dus nas tshigs su bcad pa de skad ces smras ma thag tu/ bcom ldan 'das thugs rje chen pos zhabs gnyis 'khor lo rtsibs stong dang ldan pa'i mtshan sgrom gyi phyi rol tu mngon par bstan te/ 'khor lo rtsibs </font><hr>Kha519a<br><font size=+1>


@#/ /stong dang ldan pa las 'od zer stong snyed bkye nas phyogs bcu'i 'jig rten gyi khams kun snang bar byas so/ /de'i tshe 'od srung 'khor rnams dang bcas te/ bcom ldan 'das kyi zhabs mthong nas thams cad kyis phyag btsal te dus nas brgyal lo/ /de nas ring mo zhig lon nas phyir sangs te/ 'khor dang bcas pas shin tu dus te g.yas nas lan bdun bskor nas sangs rgyas la phyag btsal te/ du ba'i sgras 'jig rten gyi khams kyang g.yos nas/ sangs rgyas kyi zhabs la tshigs su bcad pas 'di skad ces smras so/ /bde gshegs mthar phyin thugs rje chen po ni/ /snyoms par byams pa'i 'od ni gnyis su med/ /sems can rnam par smin na gar yang ston/ /zhabs gnyis 'khor lo rtsibs stong ldan pa mthong / /bdag gi dad pa'i sems kyis gus phyag 'tshal/ /'khor lo'i mtshan dang ldan pa'i zhabs gnyis la'o/ /'khor lo'i mtshan las 'od stong rab bkye nas/ /phyogs bcu'i sangs rgyas zhing kun snang bar mdzad/ /bdag gi spyi bos gus par phyag kyang 'tshal/ /'khor lo'i mtshan dang ldan pa'i 'od zer la'o/ /skye bo 'od kyis phog nas rnam par grol/ /ngan song gsum dang bgegs brgyad sdug bsngal spangs/ /bdag gi spyi bos gus par phyag 'tshal ba/ /'khor lo'i 'od kyis ngan song sgrol ba </font><hr>Kha519b<br><font size=+1>


la'o/ /bcom ldan sngon ni bskal pa grangs med par/ /bdag cag slad du shin tu dka' ba mdzad/ /de dbang rdo rje lta bu'i sku rnyed nas/ /zhabs kyi 'og nas 'od zer stong yang bkye/ /skyabs gsol spyi bos gus par phyag 'tshal ba/ /sems can bde bar mdzad pa'i 'khor lo la'o/ /thams cad phyir du bsod nams kun bsags nas/ /byang chub shing drung rnam bzhi bdud kyang btul| |bdud bzhi btul nas mu stegs can yang phab/ /de bas sems can yang dag lta bar gyur/ /bdag gi spyi bos gus par phyag 'tshal ba/ /sems can yang dag lta ba'i 'od zer zhabs/ /sangs rgyas kun gyi byams pa'i pha dang mtshungs/ /zhabs kyi 'od kyang mnyam par sems can sgrol/ /bdag gis skyabs gsol gus par phyag 'tshal ba/ sdug bsngal spong ba'i zhabs kyi 'khor lo la'o/ /bdag gis zhabs kyi 'khor lo'i 'od mthong nas/ /dga' dang mi dga' sems kyang shin tu gdungs/ /bdag gis smre sngags 'don cing phyag 'tshal ba/ /rtsibs stong ldan pa'i 'khor lo'i mtshan la'o/ /skyabs gsol phyag 'tshal zhabs kyi 'khor lo'i 'od/ /mthar phyin theg pas 'jig rten gsum las 'da'/ / gus par phyag 'tshal lha mi skyabs mchi zhabs/ /'khor lo'i 'od kyis srid gsum sdug bsngal snang / /skye bo sdug bsngal sgo las ma grol rnams/ /zhabs kyi 'khor lo'i 'od la skyabs </font><hr>Kha520a<br><font size=+1>


@#/ /kyang gsol/ /bdag cag 'khor ba las ni yongs su ma grol ba/ /zhabs kyi 'khor los yongs su grol bar mdzod/ /kyi hud re sdug so so'i skye bo rnams/ / yun ring zhabs kyi 'khor lo'i 'od mi mthong / /'khor lo bcom ldan thugs rje chen po yis/ /rtsibs stong ldan pa'i 'khor lo'i zhabs kyi 'od/ /kyi hud deng 'dir 'khor lo'i mtshan mthong ba/ /de ni slan chad mthong ba'i dus ma mchis/ /de'i tshe 'od srung 'khor dang bcas te tshigs su bcad pa de skad ces smras nas yang brgyal te sa la 'gyel to/ /de nas ring zhig lon nas phyir sangs te mya ngan bsangs so/ /bcom ldan 'das kyi rtsibs stong ldan pa'i 'khor lo'i mtshan gyi zhabs gnyis kyang phyir sgrom gyi nang du nub nas mi snang bar gyur to| |de'i tshe na grong khyer de'i skyes pa dang / bud med dang / lha dang mi mang po thams cad kyis 'od srung chen po de ltar gyur pa mthong nas/ /yang brang brdungs te dud mo chen po de skad phyung ste ngus nas dud mo'i sgras stong chen po'i 'jig rten gyi khams tshad med par grags te/ so so nas mchod pa'i yo byad kyis yang mchod do/ /de'i tshe na rtswa mchog gi grong khyer na gnas pa'i gyang stobs po che bzhi zhig lus yongs su brgyan te/ rin po che sna bdun gyi me shing rta'i 'khor lo tsam thogs nas/ spos kyi shing bcer ba bsregs na me rang shi'o/ /de la 'od srung gis 'di skad ces </font><hr>Kha520b<br><font size=+1>


smras so/ /'phags pa chen po'i rin po che'i pur sgrom ni khams gsum gyi mes 'tshig par mi nus na gyad khyed kyi mes 'tshig pa lta ci smos/ grong khyer de na gzhan yang gyad stobs po che brgyad kyis rin po che sna bdun gyi me chen po thogs te/ pur sgrom gyi drung du bzhag na me de'ang rang shi'o/ /gzhan yang gyad stobs po che bcu drug gis rin po che sna bdun gyi me chen po thogs te/ spos kyi shing bsregs na me de'ang rang shi'o/ /gzhan yang gyad sum cu rtsa drug snyed kyis rin po che sna bdun gyi me chen po thogs te bsregs na me de'ang rang shi'o/ /de'i tshe 'od srung chen pos gyad rnams dang 'khor mang po rnams la 'di skad ces smras so/ /khyed 'di ltar rig par gyis shig /gal te lha dang mi la sogs pa'i me thams cad kyis/ de bzhin gshegs pa'i pur sgrom 'tshig par mi 'gyur gyi/ mi nus bzhin du las sto bar 'gyur ba ma byed cig /de'i tshe grong khyer de'i skyes pa dang / bud med dang / lha dang / mi la sogs pa 'khor mang po thams cad kyis shin tu dus nas mchod pa'i yo byad thams cad kyis kyang mchod de/ dus gcig tu phyag 'tshal nas lan bdun bskor te/ dus pa'i dud mo'i sgras stong gsum gyi 'jig rten kyi khams su grags par gyur to/ /de'i tshe de bzhin gshegs pas thugs rje chen po'i shugs kyis thugs ka nas me mched de/ sgrom gyi phyi rol du 'bar nas bags kyis spos </font><hr>Kha521a<br><font size=+1>


@#/ /shing brtsigs pa la mched de/ zhag bdun lon nas me shi bar gyur to/ /de'i tshe na grong khyer de'i skyes pa dang / bud med dang / lha dang mi la sogs pa'i 'khor mang po rnams zhag bdun gyi bar du rgyun mi 'chad par du zhing mchod pa'ang rgyun du byed do/ /de'i tshe na phyogs bzhi'i mgon po bzhi'i yid la 'di snyam bsams so/ / bdag cag gis spos kyi chus me bsad de/ sku gdung myur du bslangs la lha'i 'jig rten du mchod pa bya'o snyam bsams nas/ so so nas rin po che sna bdun gyis spras pa'i gser gyi bum pa spos chus yongs su bkang ba thogs te/ gzhan yang ri rab lhun po'i ngos bzhi na bdud rtsi'i 'o ma zag pa'i shing sbom khyad 'dom stong gis 'khor ba/ mtho khyad dpag tshad brgyar phyin pa'ang dus gcig tu mgon po bzhi dang bcas te zhugs la bzhen pa'i gnas su phyin nas/ shing gi 'o ma dang spos chu cig car du me'i steng du blugs na me sngar bas cher mched de ma shi'o/ /de'i tshe na rgya mtsho'i lha klu'i rgyal po rgya mtsho mching rnams dang / gtsang po'i lha dang / chu klung gi lha rnams kyis de ltar me ma shi ba mthong nas/ de dag kyang so so na sa 'di snyam du bsams so/ /bdag cag gis spos chu thogs la me bsad de/ sku gdung myur du bsdus te bdag cag gi gnas su </font><hr>Kha521b<br><font size=+1>


mchod pa bya'o snyam bsams nas so so nas rin po che'i bum pa spos chu tshad med pas bkang ba thogs nas dus gcig tu zhugs la bzhen pa'i gnas su lhags te/ chus blugs kyang me shi bar ma gyur gyi phyir mched do/ /de'i tshe ma 'gags pas rgyal po chen po bzhi dang / rgya mtsho'i lha la sogs pa la 'di skad ces smras so/ /khyed spos chu thogs te me gsod pa 'di sku gdung 'dod pa'i phyir ma yin nam/ de dag gis de bzhin no zhes smras so/ /ma 'gags pas rgyal po chen po bzhi la smras pa/ khyed ni shin tu'ang 'dod pa che'o/ /khyed gnam gyi steng lha'i khams su gnas te/ sku gdung kun khyod 'dod pa ltar lha'i khams su bskur na sa la gnas pa'i mi rnams kyis der mchod pa byed du 'gror rung ngam/ rgya mtsho'i lha rnams la'ang 'di skad ces smras so/ /khyed ni rgya mtsho'i nang dang / gtsang po'i nang na gnas te de bzhin gshegs pa'i sku gdung ril gyis khyed la bskur na sa la gnas pa'i mi rnams kyis ji ltar de dag tu mchod pa bya bar 'gyur zhes smras so/ /de'i tshe phyogs bzhi'i mgon po bzhi nyes pa bshags nas phyir lha'i gnas su dong ngo / /de'i tshe rgya mtsho'i lha dang / gtsang po'i lha rnams kyang nyes pa bshags nas 'phags pa khyod gsung ba bzhin no zhes smras nas phyir gnas su dong ngo / /de'i tshe brgya byin lha'i dbang phyug rin po che sna bdun gyi bum pa dang / </font><hr>Kha522a<br><font size=+1>


@#/ /mchod pa'i yo byad thogs te/ zhugs la bzhen pa'i gnas su lhags ma thag tu me'ang rang shi bar gyur to/ /de nas brgya byin gyis rin po che'i pur sgrom dbye zhing de bzhin gshegs pa'i tshems mche ba bslang bar stsal pa las ma 'gags pas brgya byin la khyod ci byed ces smras so/ /brgya byin gyis smras pa/ bdag de bzhin gshegs pa'i tshems mche ba lha'i 'jig rten du mchod pa bya'o zhes smras so/ /ma 'gags pas smras pa/ de ltar khyod gcig pus slar bslang du mi rung gi /'khor rnams tshogs te gdod bgo bar bya'o zhes smras so/ /brgya byin gyis smras pa/ bcom ldan 'das kyis sngar ring bsrel tshems mche ba gcig gnang bas na bdag mchis ma thag tu me'ang rang shi par gyur to zhes smras nas/ rin po che'i pur sgrom phye ste/ sangs rgyas kyi 'gram pa g.yas pa'i tshems mche ba gong ma gcig lha'i 'jig rten du spyan drangs nas mchod rten byas te mchod do/ /de'i tshe na srin po shin tu myur ba dang ldan pa gnyis shig lus mi snang bar spas nas brgya byin gyi phyi bzhin du sangs rgyas kyi tshems mche ba gnyis brkus na/ 'khor mang po kun gyis ma tshor ro/ /de'i tshe na grong khyer de'i skyes pa dang / bud med dang / 'khor mang po thams cad kyis ring bsral rtod du cha ba las ma 'gags pas 'di skad ces </font><hr>Kha522b<br><font size=+1>


smras so/ /khyed rnams re zhig sdod cig /de bzhin gshegs pas gsungs pa'i lung bzhin du legs par bgos te mchod pa bya'o/ /de'i tshe na grong khyer de'i skyes pa dang / bud med dang / 'khor mang pos ma 'gags pas smras pa ma thos pa rnams so so nas mtshon shak+ti dang / mda' gzhu dang / ral gri dang / zhags pa la sogs te mtshon mang po thogs nas ring bsrel rtod du chas so/ /de nas grong khyer de'i mi rnams kyis de bzhin gshegs pa'i pur sgrom phye na shing bal dang / ras dkar po'ang cang ma 'tshig par 'khor rnams kyis mthong nas lhag par mya ngan gyis yid gdungs te mchi ma blags nas dus so/ /de nas dus bzhin du mchod de phyag btsal nas/ pus mo'i lha nga sa la btsugs te tshigs su bcad pa 'di skad ces smras so/ /de bzhin gshegs pa'i dbang sgyur chen po'i shugs/ /'jig rten thams cad kun la dbang sgyur mdzad/ /thugs rje chen po sngon gyi smon lam gyis/ srid pa'i rgya mtshor sems can yongs su sgrol/ /tshad med ye shes mngon par shes pa'i mthu/ /thogs pa med pa srid pa'i 'khor bar 'jug /sku gcig las ni sku mang rnam par ston/ /sku mang sku gcig de bzhin tshad kyang med/ /'dul bar 'gyur ba byin gyi rlabs kyis mthong / /rgyu med pa la mya ngan 'da' ba ston/ /bdag cag bsod nams zad de rgyu med pas/ /de bzhin </font><hr>Kha523a<br><font size=+1>


@#/ /gshegs pas yongs su btang bar gyur/ /de bzhin gshegs pa'i rin chen pur sgrom ni/ /gyad kun bzlog ste bteg kyang bskyod ma nus/ /thugs rje chen po'i shugs kyis 'phags pa ni/ /steng gi nam mkha' ta la gcig gi srid/ /mkha' las rtswa mchog grong khyer bskor cing gshegs/ /zhag bdun gyis ni grong khyer lan bdun bskor// de ltar bskor nas zhugs bzhen gnas su gshegs/ /ma 'dres pa yi rdzu 'phrul mdzad pa ni/ /lha mir bcas pa thams cad dpog mi nus/ /bcom ldan yongs su mya ngan 'das pa ni| |rdo rje lta bur mi 'jig dbang sgyur mthu/ /thams cad mes ni bzhen par ma gyur to/ /thugs ka nas ni byams pa'i me phyung nas/ /zhag bdun bar du bzhen par gyur pa bstan/ /lha mir bcas pas sod par ma gyur gyi/ /bcom ldan thugs rje chen po'i shugs bstan pas/ /brgya byin lhags ma thag tu me yang shi /shing bal bzang pos sangs rgyas sku dkris pa| |me chen mang bsregs 'tshig par ma gyur to/ /ras dkar rin chen pur sgrom bcug pa yang / /me yi nang na 'tshig par ma gyur pas/ /de bzhin gshegs pa'i dbang sgyur mthus rtogs so/ /chos kyi dbang sgyur chos kyi rgyal po las/ /phyag 'tshal thugs rje 'jig rten mgon po la'o/ /'phags pa'i nang na bsnyengs med phyag kyang 'tshal/ /phyag 'tshal </font><hr>Kha523b<br><font size=+1>


kun tu thugs rje chen po'i stobs/ /phyag 'tshal byin gyis brlabs pa dbang sgyur ba/ /bdag cag slan chad bcom ldan 'das dang bral/ /sdug bsngal nang du nub kyang mgon skyabs med/ /kyi hud kyi hud 'phags pa bcom ldan 'das/ /yun du dral nas mthong ba'i dus ma mchis/ /de'i tshe na 'khor mang po rnams tshigs su bcad pa de dag smras nas/ shin tu ngus te so so nas mchod pa'i yo byad thogs te mchod pa byas so/ /de'i tshe na ma 'gags pas 'jig rten du bcas pa lha dang / mi dang / 'khor mang po dang / grong khyer de'i mi thams cad kyi phyir pur sgrom gyi drung du bsnyen te/ ras dang shing bal gyis dkris pa la bltas na/ 'od srung gis dkris pa'i ras dkar po yug stong dang / grong khyer gyi mi rnams kyis phul ba'i ras dkar po yug stong la tha ma gnyis dang shing bal ni ma 'tshig gi /gzhan thams cad ni mes 'tshig go /de nas ma 'gags pas ras dkar po rnams dang / shing bal gyi rnams dum bur gshegs te/ 'khor mang po rnams la bgos nas rin po che'i mchod rten byas te mchod do/ /ma 'gags pas ras 'tshig pa'i gzhob kyang so sor bgos nas rin po che'i mchod rten byas te mchod do/ /thal ba gzhan ni bgor yang mi khom par so sor bslangs nas mchod rten byas te mchod do/ /grong khyer de'i mi rnams kyis snga nas mgar ba la gser gyi sgrom seng ge'i khris bteg pa rin po che sna </font><hr>Kha524a<br><font size=+1>


@#/ /bdun gyis yongs su brgyan pa brgyad byas so/ /rin po che'i sgrom brgyad po de dag re re'ang khal phyed phyed shong ba ste/ rin po che sna bdun gyi seng ge'i khri'i steng du bzhag go /rin po che sna bdun gyi seng ge'i khri brgyad po de re re zhing yang gyad sum cu rtsa gnyis snyed rin po che sna bdun gyi rgyan gyis yongs su brgyan pa/ lus la dar sna tshogs kyis dkris pa dag gis rin po che sna bdun gyi seng ge'i khri bteg go /seng ge'i khri de re re'i steng yang rin po che'i rgyan gyis yongs su brgyan pa'i bu mo brgyad brgyad kyis rin po che sna bdun gyi sgrom 'dzin to/ /khri de re re'i steng yang rin po che sna bdun gyis yongs su brgyan pa'i bu mo brgyad brgyad kyis rin po che sna bdun gyi gdugs thogs te/ gser sgrom yongs su bkab bo/ /khri de re re'i steng na gzhan yang lus yongs su brgyan pa'i bu mo brgyad brgyad kyis so so nas rin po che sna bdun gyi ral gri thogs te/ rin po che sna bdun gyi sgrom bsrung ngo / /khri de re re'i steng na gzhan yang lus yongs su brgyan pa'i bu mo brgyad brgyad kyis so so nas bya bum thogs te sgrom gyi ngos bzhin 'greng ngo / /khri de re re la'ang mi tshad med pa snyed kyis so so nas lha'i rol mo dang / rgyal mtshan dang / ba dan dang / rin po che'i gdugs dang / spos dang / me tog dang / do shal thogs te 'khor bar bskor </font><hr>Kha524b<br><font size=+1>


nas mchod pa byed do/ /khri de re re la gzhan yang mi tshad med pa snyed so so nas mda' gzhu dang / mtshon shak+ti dang / zhags pa dang / lcags kyu dang / dgra cha'ang tshang bar thogs te yongs su bskor nas rtswa mchog gi grong khyer nas byung ste/ zhugs la bzhen pa'i gnas gang na bar dong ngo / /rin po che sna bdun gyi seng ge'i khri brgyad po song ba'i rjes bzhin du grong khyer de'i mi dag gis so so nas grangs med pa'i spos kyi 'dag gu dang / spos chu thogs te gyad rnams song ba'i rjes bzhin du spos kyi 'dag gus byugs te/ grong khyer nas zhugs la bzhen pa'i bar du spos kyis lam yongs su dag cing shin tu yangs pa byas so/ /lam de'i g.yas g.yon na grangs med pa'i rin po che'i rgyal mtshan dang / ba dan dang / gdugs dang / spos dang / me tog dang / mu tig dang / do shal dang / dar gyi lda ldi dang / rol mo dang / glu gar la sogs pa thams cad kyis lam g.yas g.yon brgyan te/ bcom ldan 'das kyi ring bsrel slar gshegs pa sdod do/ /de nas gyad rnams kyis rin po che sna bdun gyi seng ge'i khri brgyad po bteg ste zhugs la bzhen pa'i gnas su phyin nas thams cad kyis skad kyis brnangs pa tsam du shin tu ngus nas dud mo'i sgra stong chen po'i 'jig rten gyi khams su grags par gyur te/ so so nas dad pa'i sems kyis mchod pa byas so/ /de'i tshe bcom ldan 'das thugs </font><hr>Kha525a<br><font size=+1>


@#/ /rje chen po'i shugs kyis rdo rje lta bu'i sku ring bsrel phra mor gsol te/ tshems mche ba bzhi ni so bzhin du bzhag go /de nas 'khor mang po rnams kyis de ltar sku gdung phra mor gyur pa mthong nas/ lhag par mya ngan gyis yid gdungs te dus nas mchod par byas so/ /de nas ma 'gags pa dang / grong khyer gyi mi rnams kyis mig mchi mas gang bzhin du ring bsrel rnams bsdus nas seng ge'i khri'i steng du rin po che sna bdun gyi sgrom du blugs te/ sgrom brgyad po gang nas sku gdung yang zad par gyur to/ /de'i tshe 'jig rten du bcas pa lha dang mi thams cad kyis/ bcom ldan 'das kyi sku gdung gser gyi sgrom gyi nang du gshegs pa mthong nas/ lhag par mya ngan gyis yid gdungs te dus nas mchod pa byas so/ /de'i tshe grong khyer de na gnas pa'i stobs po che rnams dang / skyes pa dang / bud med rnams bcom ldan 'das kyi ring bsrel gyi sgrom rtswa mchog gi grong khyer du gshegs pa na/ 'khor mang po rnams lhag par shin tu ngus nas mchi ma blags te mchod pa byas so/ /de nas stobs po che rnams 'khor dang bcas pa shin tu dus nas rin po che sna bdun gyi seng ge'i khri brgyad po bteg ste spos kyi bdag gus bskus pa'i lam thog thag tu rtswa mchog gi grong khyer du gshegs so/ /de nas lha dang / mi dang 'khor </font><hr>Kha525b<br><font size=+1>


mang po rnams shin tu ngus te/ dud mo'i sgra 'jig rten gyi khams kun tu grags par gyur te/ so so nas ci thogs pa'i mchod pa'i yo byad kyis de bzhin gshegs pa'i sku gdung mchod nas grong khyer gyi nang du lam gyi gzhi mdor bzhag go /de'i tshe grong khyer rtswa mchog na gnas pa'i mi rnams kyis dmag grangs med pa rnam bzhi bshams nas/ go cha dang mtshon cha sna tshang bar thogs te/ grong khyer rtswa mchog gi ngos bzhi 'khor bar rim pa grangs med par bskor nas sdod pa'ang ring bsrel gzhan gyis phrogs kyis dogs nas bsrung ba tsam gyi phyir dmag bshams kyi/ 'thab pa'i sems ni med do/ /gzhan yang sngags mkhan chen po lnga brgya snyed kyis bgegs mi 'byung bar bya ba'i phyir grong khyer gyi sgo bzhi bsrungs so/ /gzhan yang rin po che'i rgyal mtshan dang / ba dan dang / gdugs dang / brgyan rnam pa sna tshogs dang / bya bum la sogs pa grong khyer gyi grwa bzhir mchod pa'i rgyal mtshan du btsugs so/ /de nas grong khyer de'i skyes pa dang / bud med dang / lha dang / mi la sogs pa 'khor mang po thams cad skad chen por rgyun mi 'chad par dus te/ mchod pa'i yo byad ci 'byor bas dad pa'i sems kyis mchod pa byas so/ /rin po che sna bdun gyi seng ge'i khri brgyad po de re re la'ang sngags mkhan lnga brgyas lha dang / klu dang / gnod sbyin dang / yi dwags dang / srin po la sogs pas phrogs kyis </font><hr>Kha526a<br><font size=+1>


@#/ /dogs nas bsrungs so/ /de ltar zhag gcig lon nas de bzhin gshegs pa sngon bltams pa'i yul ser skya'i rgyal po 'khor shAka gi rigs la sogs pa bcom ldan 'das kyi byin gyi rlabs kyis sangs rgyas yongs su mya ngan las 'das pa ma tshor te/ sangs rgyas mya ngan las 'das nas zhag bdun gsum lon pa dang / gdod tshor nas/ yul ser skya'i rgyal po shAka gi rigs dang bcas te rab tu dus nas myur bar grong khyer rtswa mchog gang na bar lhags te/ dmag grangs med pa rnams kyis bskor ba dang / grong khyer gyi grwa bzhir rin po che'i rgyal mtshan dang / ba dan btsugs pa'ang mthong / grong khyer gyi sgo bzhir sngags mkhan mang po 'dug pa'ang mthong nas/ rgyal po dang shAkya'i rigs rnams kyis sangs rgyas mya ngan las 'das sam zhes smras so/ /sngags mkhan gyis smras pa/ sangs rgyas mya ngan las 'das nas zhag bdun bzhi lon te/ zhugs la bzhen nas/ da ltar ring bsrel bgod do/ /rgyal pos smras pa/ bdag cag ni bcom ldan 'das kyi gnyen lags te/ bcom ldan 'das kyi byin gyi rlabs kyis bdag cag gis de bzhin gshegs pa mya ngan las 'das pa ni ma tshor na/ da bdag cag gis de bzhin gshegs pa'i sku gdung bltar 'gro na/ khyed kyis ma 'gegs par lam dang sgo phye zhig /sngags </font><hr>Kha526b<br><font size=+1>


mkhan dang / dmag rnams kyis de skad ces smras pa thos nas/ rgyal po dang / shAka gi rigs rnams nang du btang ngo / /de dag gis bcom ldan 'das kyi sku gdung mthong nas skad brnangs pa tsam du dud mos btab ste/ g.yas phyogs nas lan bdun bskor nas/ mchi ma phyis te 'di skad ces smras so/ /de bzhin gshegs pa'i ring bsrel cha gcig tsam bdag cag gi mchod pa'i gnas su byin cig ces smras so/ /'khor mang po rnams kyis smras pa/ khyed shAka gi rigs kyang yin la gnyen du'ang bshes na sangs rgyas bcom ldan 'das kyis ni khyed la ma byin te/ ring bsrel 'di dag kyang so so nas bdag po yod pas khyed kyis mi thob kyi/ phyir deng zhig ces smras so/ /de'i tshe na rgyal po dang shAka gi rigs rnams kyis ring bsrel gyi skal ba ma thob pas mya ngan gyis yid gdungs te/ dus nas sa la brgyal lo/ /de nas ring zhig lon pa dang phyir sangs nas mi dga' bzhin 'khor mang po rnams la 'di skad ces smras so/ /sangs rgyas bcom ldan 'das ni bdag cag gi shAka gi rigs yin te/ khyed la thugs brtse ba'i phyir 'dir mya ngan las 'das na/ ci'i phyir bdag cag la ring bsrel gyi shas tsam yang mi sbyin zhes smras nas/ ring bsrel la phyag btsal te lan bdun bskor nas ngus bzhin du khros te phyir dong ngo / /de'i tshe yul dbus 'gyur 'chang gi rgyal po ma skyes dgra pha bsad </font><hr>Kha527a<br><font size=+1>


@#/ /pas shin tu 'gyod de/ lus la 'brum bu ma rungs pa byung ste/ bcom ldan 'das kyi 'od zer zla ba zhes bya ba lus la reg nas 'brum bu'ang bags kyis sos te/ bcom ldan 'das gang na bar lhags te mthol tshangs so/ /bcom ldan 'das kyi thugs rje chen pos bdud rtsi'i chos kyi sman gyis lus bkrus te/ /kha na ma tho ba'i sdig byang nas phyir pho brang du dong nas de bzhin gshegs pa yongs su mya ngan las 'das pa'ang ma tshor ro/ /bcom ldan 'das mya ngan las 'das pa'i nub mo rmi lam 'di dag rmis so/ /zla ba sa la ltung nas sa la nyi ma shar te skar ma sprin la char bzhin du 'bab pa dang / dud pa sa las byung nas skar ma'i gza' bdun po gnam la mngon du snang ba dang / gnam la me'i phung po chen po 'bar te mkha' la mngon du 'bar nas dus gcig tu sa la lhung snyam rmis nas/ de ma thag tu sad de shin tu dngangs nas blon po rnams bsdus te/ 'di lta bu zhig rmis na ci la lta zhes bka' stsal to/ /blon po rnams kyis gsol pa/ 'di ni sangs rgyas yongs su mya ngan las 'das pa'i ltas lags te/ sangs rgyas mya ngan las 'das nas khams gsum na lam rgyud drug gi sems can la nyon mongs pa kun nas ldang bas me chen po gnam las ltung ba lags so/ /sangs rgyas yongs su mya ngan las 'das nas/ zla ba lta bu'i thugs rje'i 'od dang / kun la snyoms par khyab pa'i shes </font><hr>Kha527b<br><font size=+1>


rab nub par 'gyur bas zla ba sa la lhung ba lags so/ /skar ma sa la ltung ba ni sangs rgyas mya ngan las 'das nas/ spyod lam brgyad khri dang / tshul khrims thams cad las skye bo thams cad 'gal bar byed do/ /sangs rgyas kyi bka' bzhin du mi byed kyi/ log pa'i chos spyod pas sems can dmyal bar ltung ngo / /nyi ma sa la ltung ba ni sangs rgyas mya ngan las 'das nas/ ngan song gsum kyi sdug bsngal gyi phung po nyi ma lta bur 'jig rten du shar bas rmi lam 'di dag rmis pa lags so/ /rgyal pos de skad ces thos nas nam dgung tshigs na blon po'i 'khor dang bcas te/ grong khyer rtswa mchog dang nye ba zhig tu lhags nas/ dmag gi tshogs grangs med pa rnam bzhis rtswa mchog gi grong khyer rim pa grangs med par bskor ba dang / sgo bzhi na bgegs bsrung ba'i sngags mkhan la sogs pa'ang mthong nas sngags mkhan la 'di skad ces smras so/ /ci sangs rgyas yongs su mya ngan las 'das sam/ sngags mkhan gyis smras pa/ sangs rgyas yongs su mya ngan las 'das nas deng du zhag bdun bzhi lon te/ 'khor mang po rnams da ltar sku gdung bgod do/ /rgyal pos smras pa/ bdag gis sangs rgyas mya ngan las 'das pa ma rtogs te/ rmi lam du ltas ngan pa mthong nas blon po rnams kyis de bzhin gshegs pa mya ngan las 'das pa'i ltas yin no zhes smras nas bdag cag 'dir lhags na/ bdag cag de bzhin gshegs pa'i </font><hr>Kha528a<br><font size=+1>


@#/ /rdo rje lta bu'i sku gdung la phyag 'tshal du 'gro ba'i lam phye zhig ces smras so/ /sngags mkhan rnams kyis rgyal po grong khyer gyi nang du btang ngo / /lam gyi bzhi mdor seng ge'i khri'i steng na gser gyi sgrom du ring bsrel bzhag nas/ 'khor mang po thams cad kyis du bzhin du mchod pa byed pa mthong nas/ rgyal po 'khor dang bcas te phyag byas nas ngus te/ g.yas phyogs nas lan bdun bskor nas mchod pa byas so/ /de nas rgyal pos 'khor mang po la de bzhin gshegs pa'i ring bsrel shas kyi ci gnang zhes gsol nas/ 'khor rnams kyis smras pa/ rgyal po chen po/ 'phyis so/ /de bzhin gshegs pa'i sku gdung bgo ba'ang su la gnang ba sngar bka' stsal pas/ rgyal po'i skal ba med kyi/ slar dengs shig /rgyal po ma skyes dgras de skad ces smras pa thos nas gsol ba bzhin du ma gyur pas mi dga' bzhin du ring bsrel la phyag btsal te phyir dong ngo / /de'i tshe yul yangs pa can gyi rgyal po'ang sangs rgyas mya ngan las 'das nas zhag bdun gsum lon nas gdod rtogs te/ 'khor dang bcas su rtswa mchog gi grong khyer gyi drung du lhags so/ /rtswa mchog gi grong khyer la dmag gi tshogs grangs med pas rim pa grangs med par bskor ba mthong ngo / /de'i tshe yul a ka leg gi rgyal po sangs rgyas mya ngan las 'das nas zhag bdun gsum lon nas gdod tshor te/ myur bar rtswa </font><hr>Kha528b<br><font size=+1>


mchog gi grong khyer du lhags nas grong khyer rtswa mchog na dmag gi tshogs grangs med pas rim pa grangs med par bskor ba mthong ngo / /de'i tshe yul byi nu ti'i rgyal po mi 'jigs pa zhes bya ba'ang sangs rgyas yongs su mya ngan las 'das nas zhag bdun gsum lon nas gdod tshor ro/ /de'i tshe yul tsa la ka'i rgyal po'ang sangs rgyas mya ngan las 'das nas zhag bdun gsum lon nas gdod tshor ro/ /de'i tshe rgyal po shi kan zhes bya ba'ang sangs rgyas mya ngan las 'das nas zhag bdun gsum lon nas gdod tshor ro/ /de'i tshe ba sha la mu stegs can gyi rgyal po'ang sangs rgyas mya ngan las 'das nas zhag bdun gsum lon nas gdod tshor te/ blon po'i 'khor dang bcas nas grong khyer rtswa mchog tu lhags te/ grong khyer rtswa mchog la dmag gi tshogs grangs med pas bskor te bsrung ba dang / sgo bzhir yang sngags mkhan gyis sgo srung ba mthong nas sngags mkhan la 'di skad ces smras so/ /ci sangs rgyas yongs su mya ngan las 'das sam sngags mkhan gyi smras pa/ sangs rgyas mya ngan las 'das nas zhag bdun bzhi lon te/ da ltar 'khor mang po sku gdung bgo ba'i las byed do/ /bdag cag gis sangs rgyas yongs su mya ngan las 'das pa'ang ma tshor te/ de bzhin gshegs pa'i ring bsrel la phyag 'tshal du 'gro na/ khyed lam phye zhig ces smras so/ /sngags mkhan gyis rgyal po grong khyer gyi </font><hr>Kha529a<br><font size=+1>


@#/ /nang du btang nas/ lam gyi bzhi mdor seng ge'i khri'i steng na rin po che sna bdun gyis brgyan pa'i gser gyi sgrom du ring bsrel bzhugs pa mthong nas thams cad kyis dus sum gcig tu phyag '+tsal te/ dus nas g.yas phyogs su lan bdun bskor te/ mchod pa ci 'byor bas mchod pa byas so/ /rgyal pos smras pa/ bdag cag gis ni sangs rgyas rgyas mya ngan las 'das pa sngar ma tshor na/ de bzhin gshegs pa'i sku gdung la shas kyis mchod pa'i rten du ci gnang zhes gsol to/ /'khor rnams kyis smras pa sku gdung bgo ba la cho ga sngar bka' stsal te/ rgyal po skal pa med kyi/ slar dengs shings/ rgyal po 'khor dang bcas te sku gdung ma thob pas mya ngan gyis yid gdungs te/ sku gdung la phyag btsal nas dus bzhin du phyir dong ngo / /'phags pa yongs su mya ngan las 'das pa chen po'i mdo rdzogs so// //mdo mya ngan las 'das pa chen po rgya nag nas bsgyur ba 'di rgya nag gi mkhan po wang phab zhwun dang / d+har ma'i gzhi 'dzin dge ba'i blo gros dang / lo ts+tsha ba rgya mtsho'i sdes bsgyur cing zhung te gtan la phab pa'o// // </font><hr>

</table>